\id DEU - NTB 
\h བཀའ་ལུང་། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\mt1 ༄༅། །བཀའ་ལུང་གི་མདོ།  
\imt1 བཀའ་ལུང་གི་མདོ་ཞེས་བྱ་བའི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi བཀའ་ལུང་ཞེས་པ་ནི་གྷི་རིག་སྐད་ཡིག་གི་ཞལ་ཆད་རྙིང་པའི་འགྱུར་གྱི་ཁ་བྱང་ལས་བྱུང་བ་ཡིན། དེ་ནི་བཀའ་ཁྲིམས་བསྐྱར་དུ་བཤུས་པའི་དོན་ལ་འཇུག དེ་ཡང་ཡེས་ར་ཨེལ་པ་རྣམས་དབེན་སྟོང་དུ་ལོ་བཞི་བཅུར་ཉུལ་བའི་རྗེས་སུ་ཀ་ན་ཨན་ཡུལ་དུ་བསྐྱོད་པར་གྲ་སྒྲིག་བྱས་མོད། འོན་ཀྱང་ཁོ་ཚོ་ཡུལ་དེར་མ་སོང་སྔོན་དུ་མོ་ཤེ་ཡིས་དེ་དག་ལ་རང་གི་ལོ་རྒྱུས་ཤེས་སུ་འཇུག་འདོད་དེ། དཀོན་མཆོག་གིས་ཁོ་ཚོའི་ཆེད་དུ་མཛད་པའི་འཕྲིན་ལས་ཐམས་ཅད་དང་། དཀོན་མཆོག་གིས་ཁོང་གི་འབངས་མིར་བདམས་པ་བཞིན་ཁོ་ཚོས་ཀྱང་མུ་མཐུད་དུ་བཀའ་ཁྲིམས་བརྩི་དགོས་པའི་སྐོར་དྲན་སྐུལ་གནང་ཡོད།  
\is1 ཡི་གེར་འགོད་མཁན་དང་འགོད་དུས།  
\ipi གཞུང་རང་ངོས་ནས་ཀྱང་ཚིག་རྐང་ཕལ་ཆེ་བ་མོ་ཤེས་ཡི་གེར་བཀོད་པ་ཡིན་པར་བདེན་དཔང་བྱས་ཡོད། དཔེར་ན། ལེའུ་དང་པོའི་ཚིག་རྐང་ལྔ་པ་དང་། ལེའུ་སོ་གཅིག་པའི་ཚིག་རྐང་དགུ་པ་དང་ཚིག་རྐང་ཉེར་གཉིས་པ། ཚིག་རྐང་ཉེར་བཞི་པ་བཅས་སུ་གསལ། དེ་བཞིན་དུ་ཞལ་ཆད་རྙིང་པའི་གཞུང་འགའ་ཞིག་ཏུའང་དེ་ལ་མོས་མཐུན་གནང་ཡོད་པར་གསུངས་ཡོད་པ་དཔེར་ན། རྒྱལ་རབས་དང་པོའི་ལེའུ་གཉིས་པའི་ཚིག་རྐང་གསུམ་པ་དང་། ལེའུ་བརྒྱད་པའི་ཚིག་རྐང་ལྔ་བཅུ་ང་གསུམ་པ་དང་། རྒྱལ་རབས་གཉིས་པའི་ལེའུ་བཅུ་བཞི་པའི་ཚིག་རྐང་དྲུག་པ། ལེའུ་བཅོ་བརྒྱད་པའི་ཚིག་རྐང་བཅུ་གཉིས་པ་བཅས་སུ་གསལ། དེ་ལས་གཞན་སྐྱབས་མགོན་ཡེ་ཤུས་ཀྱང་དེ་དང་མཚུངས་པར་བདེན་དཔང་མཛད་ཡོད། དཔེར་ན། མད་ཐཱའི་འཕྲིན་བཟང་གི་ལེའུ་བཅུ་དགུ་པའི་ཚིག་རྐང་བདུན་པ་ནས་བརྒྱད་པའི་བར་དང། མཱར་ཀུའི་འཕྲིན་བཟང་གི་ལེའུ་བཅུ་པའི་ཚིག་རྐང་གསུམ་པ་ནས་ལྔ་པའི་བར། ཡོ་ཧ་ནན་གྱི་ལེའུ་ལྔ་པའི་ཚིག་རྐང་ཞེ་ལྔ་ནས་ཞེ་བདུན་བར་བཅས་སུ་གསུངས་ཡོད་པར་མ་ཟད། ཞལ་ཆད་གསར་པ་ཡི་གེར་འགོད་མཁན་གཞན་རྣམས་ཀྱིས་ཀྱང་དེ་བཞིན་དུ་གསུངས་ཡོད་པ་དཔེར་ན། སྐུ་ཚབ་པ་རྣམས་ཀྱི་མཛད་འཕྲིན་གྱི་ལེའུ་གསུམ་པའི་ཚིག་རྐང་ཉེར་གཉིས་ནས་ཉེར་གསུམ་པའི་བར་དང་། ལེའུ་བདུན་པའི་ཚིག་རྐང་སོ་བདུན་ནས་སོ་བརྒྱད་བར། རོ་མཱ་པའི་ལེའུ་བཅུ་པའི་ཚིག་རྐང་བཅུ་དགུ་པ་སོགས་སུ་གསལ། ད་དུང་སྐྱབས་མགོན་ཡེ་ཤུས་ཀྱང་བཀའ་ལུང་གི་མདོ་འདི་དམ་པའི་གསུང་རབ་ཀྱི་ཁུངས་བཙུན་པའི་གཞུང་ལྟར་ལུང་དུ་དྲངས་ཡོད། དཔེར་ན། མད་ཐཱའི་འཕྲིན་བཟང་གི་ལེའུ་བཞི་པའི་ཚིག་རྐང་བཞི་པ་དང་ཚིག་རྐང་བདུན་པ། ཚིག་རྐང་བཅུ་པ་བཅས་སུ་གསལ། གཞུང་འདི་ནི་ལུང་སྟོན་པ་མོ་ཤེ་སྐུ་མ་གཤེགས་གོང་གི་སྤྱི་ལོ་སྔོན་གྱི་1406ལོའི་ཡས་མས་སུ་ཡི་གེར་བཀོད།  
\is1 བརྗོད་སྙིང་དང་གསུང་འཕྲིན།  
\ipi མོ་ཤེ་ཡིས་ཡེས་ར་ཨེལ་པ་རྣམས་ལ་དཀོན་མཆོག་གིས་འཕྲིན་ལས་ཇི་སྙེད་ཅིག་མཛད་ཡོད་པར་དྲན་སྐུལ་བྱས་ཏེ། ཁོ་ཚོ་ས་སྟོང་དུ་བསྐྱོད་པའི་སྐབས་སུ་དཀོན་མཆོག་ཇི་ལྟར་ཁོ་ཚོ་དང་མཉམ་དུ་བཞུགས་པ་དང་ཀ་ན་ཨན་ཡུལ་ཁོ་ཚོར་གནང་བའི་སྐོར་བརྗོད་ཡོད། མོ་ཤེ་ཡིས་དཀོན་མཆོག་གི་བཀའ་ཁྲིམས་བཅུ་དང་། བཀའ་ཁྲིམས་གཞན་དག་ལའང་སྤྱི་བསྡོམས་མཛད། གཙོ་བོ་ཡ་ཝཱེས་ཁོང་གི་འབངས་མི་ལ་བྱམས་བརྩེ་གནང་བའི་འབྲེལ་བ་དང་། ཁོང་གི་འབངས་རྣམས་ཀྱིས་ཀྱང་ཀུན་དབང་དཀོན་མཆོག་སྟེ་གཙོ་བོ་ཡ་ཝེ་ལ་གཅེས་པའི་སྐོར་བརྗོད་གཞི་གཅིག་གི་སྟེང་ནས་གཞུང་ཧྲིལ་པོར་ཁྱབ་ཡོད།  
\is1 འཆར་ཟིན།  
\ipi 1. སྔོན་དུ་གླེང་བའི་དོན་སྤྱི། ༼1:1-5༽  
\ipi 2. ལོ་རྒྱུས་ཀྱི་བྱུང་རིམ། ༼1:6-4:43 ༽  
\ipi 3. ཞལ་ཆད་ལ་འགན་འཁུར་དགོས་པའི་སྐོར། ༼4:44-26:19 ༽  
\ipi ཀ འགན་ཁུར་གཙོ་བོ་རྣམས། ༼4:44-11:32 ༽  
\ipi ཁ། འགན་ཁུར་གཞན་དག་གི་སྐོར། ༼12:1-26:19 ༽  
\ipi 4. ཁས་བླངས་པ་དང་དམོད་མོ་ཕོག་པ། བྱིན་རླབས་བསྩལ་པ་བཅས་ཀྱི་སྐོར། ༼27:1-30:20 ༽  
\ipi 5. ཡོ་ཤུ་ཨ་འགོ་དཔོན་དུ་བསྐོས་པའི་སྐོར། ༼31:1-34:12 ༽  
\c 1
\cl ལེའུ་དང་པོ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 ཧོ་རེབ་ནས་ཆས་པའི་བཀའ་བསྩལ་པ།  
\p
\v 1 འདི་ནི་ཡོར་དན་གཙང་པོའི་ཤར་ཕྱོགས་སུ་ཡོད་པའི་དབེན་སྟོང་དུ། སུ་ཕུ་ཡི་ཁ་གཏད་ཀྱི་ཨ་ར་པཱ་བྱ་བ་སྟེ། ཕཱ་རན་དང་། ཐོ་ཕེལ། ལཱ་པན། ཧ་ཚི་རོད། དི་ཟ་ཧཱབ་བཅས་ཀྱི་བར་ལ་ཡོད་པའི་སྤང་ཐང་དུ། མོ་ཤེ་ཡིས་ཡེས་ར་ཨེལ་པ་ཐམས་ཅད་ལ་གསུངས་པའི་གཏམ་ཡིན་ཏེ།  
\v 2 ཧོ་རེབ་ནས་ཀཱ་དེའེ་ཤཱ་པར་ནེ་ཨ་ལ་རི་བོ་སེ་ཨིར་བརྒྱུད་ནས་སོང་ན་ཉིན་བཅུ་གཅིག་གི་ལམ་ཐག་ཡོད།  
\v 3 དེ་ནི་ཨེ་ཅིབ་ཡུལ་ནས་ཐོན་པའི་ལོ་བཞི་བཅུ་པའི་ཟླ་བཅུ་གཅིག་གི་ཚེས་དང་པོ་ལ། མོ་ཤེ་ཡིས་དཀོན་མཆོག་ཡ་ཝཱེས་ཡེས་ར་ཨེལ་པ་རྣམས་ལ་བསྩལ་པའི་བཀའ་ཐམས་ཅད་དེ་བཞིན་བསྒྲགས་སོ། །  
\v 4 ཧེ་སི་པོན་དུ་ཡོད་པའི་ཨེ་མོར་པའི་རྒྱལ་པོ་སི་ཧོན་དང་། ཨ་ཤཱ་ཐ་རོད་དང་ཨེ་དྲེ་ཨི་རུ་ཡོད་པའི་པཱ་ཤན་གྱི་རྒྱལ་པོ་ཨོག་གཉིས་ཕམ་པར་བརྒྱབ་རྗེས།  
\v 5 མོ་ཤེ་ཡིས་ཡོར་དན་གཙང་པོའི་ཤར་ཕྱོགས་ཀྱི་མོ་ཨབ་ཐང་དུ་བཀའ་ཁྲིམས་འདི་གསལ་པོར་གསུང་འགོ་བརྩམས་ནས་འདི་ལྟར།  
\v 6 རང་ཅག་གི་དཀོན་མཆོག་ཡ་ཝཱེས་རི་བོ་ཧོ་རེབ་ནས་འདི་སྐད་དུ། ཁྱོད་ཚོ་རི་བོ་འདིར་ཡུན་རིང་བསྡད་པས།  
\v 7 ད་ནི་ཁ་ཕྱོགས་སྒྱུར་ལ་ཨེ་མོར་པའི་རི་ཁུལ་དང་དེའི་ཁྱིམ་མཚེས་རྣམས་ཏེ། ཨ་ར་པཱ་དང་། རི་ཁུལ་དང་། རི་ཀླུང་དང་། ནེ་གུབ་ཡུལ་དང་། རྒྱ་མཚོའི་འགྲམ་རྒྱུད་དང་། ཀ་ན་ཨན་པ་རྣམས་ཀྱི་ཡུལ་དང་། ལེ་པཱ་ནོན་བཅས་ནས་ཆུ་བོ་ཆེན་པོ་སྟེ་ཕི་རཱད་ཆུ་བོ་འགྲམ་རྒྱུད་ཀྱི་ཕྱོགས་སུ་སོང་ཞིག  
\v 8 ལྟོས་དང་། བདག་གིས་ཡུལ་དེ་ཁྱོད་རྣམས་ཀྱི་མདུན་དུ་བཞག་ཡོད། དེ་ནི་དཀོན་མཆོག་ཡ་ཝཱེས་ཁྱོད་རྣམས་ཀྱི་ཕ་མེས་ཨབ་ར་ཧམ་དང་ཨི་སཱག ཡ་ཀོབ་བཅས་ལ་ཁོང་རྣམས་དང་ཁོང་རྣམས་ཀྱི་བུ་རབས་ཚ་རྒྱུད་ལ་གནང་བར་མནའ་བཞེས་པ་ཡིན་པས། དེར་སོང་ནས་བདག་པོ་རྒྱོབས་ཤིག་ཅེས་བཀའ་བསྩལ་ཏོ། །   
\s1 འགོ་དཔོན་བདམས་པ།  
\p
\v 9 དེའི་དུས་སུ་བདག་གིས་ཁྱོད་རྣམས་ལ། ང་གཅིག་པུས་ཁྱོད་ཅག་གི་རྡོག་ཁྲེས་འཁུར་མི་ནུས།  
\v 10 ཁྱོད་ཅག་གི་དཀོན་མཆོག་ཡ་ཝཱེས་ཁྱོད་རྣམས་མང་པོར་མཛད་པས། ལྟོས་དང་། དེ་རིང་ཁྱོད་ཅག་ནི་ནམ་མཁའི་སྐར་མ་བཞིན་རྒྱས་འདུག  
\v 11 ཁྱོད་རྣམས་ཀྱི་ཕ་མེས་ཀྱི་དཀོན་མཆོག་ཡ་ཝཱེས་ཁྱོད་རྣམས་ད་ལྟ་ལས་ཀྱང་ལྡབ་སྟོང་འགྱུར་གྱིས་མང་བར་སྤེལ་ཞིང་། ཡང་ཁོང་གིས་ཁྱོད་རྣམས་ལ་ཞལ་བཞེས་གནང་བ་བཞིན། ཁྱོད་ཅག་ལ་བྱིན་རླབས་གནང་བར་ཤོག  
\v 12 ང་གཅིག་པུས་ཁྱོད་རྣམས་ཀྱི་རྡོག་ཁྲེས་དང་འགན་ཁུར། རྩོད་གླེང་བཅས་ནི་ཅི་ལྟར་འཁུར་ནུས་སམ།  
\v 13 ཁྱོད་རྣམས་ཀྱིས་རང་རང་གི་ཚོ་པ་བཞིན་མཁས་མཛངས་ལྡན་པ་དང་བློ་གྲོས་ཅན། ཉམས་མྱོང་ཅན་རེ་འདེམས་དགོས་ཤིང་། ངས་དེ་དག་ཁྱོད་རྣམས་ཀྱི་འགོ་དཔོན་དུ་བསྐོས་ཆོག་ཅེས་བསྒོས་པ་དང་།  
\v 14 ཁྱོད་ཅག་གིས་བདག་ལ་ཁྱེད་ཀྱིས་བསྒྲུབ་དགོས་པར་གསུངས་པ་དེ་ལེགས་པོ་འདུག་ཅེས་ལན་བཏབ་བོ། །  
\v 15 དེ་ནས་ངས་ཁྱོད་ཅག་གི་ཚོ་པ་རྣམས་ཀྱི་འགོ་དཔོན་ཏེ། མཁས་མཛངས་ལྡན་པ་དང་ཉམས་མྱོང་ཅན་རྣམས་བདམས་ནས་ཁྱོད་ཅག་གི་ཚོ་པ་བཞིན་ཁྱོད་རྣམས་ལ་བདག་སྐྱོང་བྱེད་པའི་འགོ་དཔོན་དུ་བསྐོས་པ་དང་། སྟོང་དཔོན་དང་བརྒྱ་དཔོན། ལྔ་བཅུ་དཔོན། བཅུ་དཔོན། ལས་དཔོན་བཅས་ལ་བསྐོས་པ་ཡིན།  
\v 16 དེའི་དུས་སུ་ངས་ཁྱོད་ཅག་གི་ཁྲིམས་དཔོན་ལ་འདི་ལྟར་བསྒོས་པ་སྟེ། ཁྱོད་རྣམས་ཀྱིས་སྤུན་ཟླའི་གཏུག་བཤེར་ལ་ཉན་དུས། སྤུན་ཟླས་ཕན་ཚུན་གཏུག་པའམ། ཡང་ན་མཉམ་དུ་གནས་པའི་བྱེས་པའི་བར་གཏུག་བཤེར་བྱས་པ་གང་ཡིན་ཡང་ཁྲིམས་ཐག་དྲང་པོར་གཅོད་དགོས།  
\v 17 ཁྲིམས་ཐག་གཅོད་དུས་སུ་ལའང་ཕྱོགས་རིས་འཛིན་མི་རུང་ལ། མི་མཆོག་དམན་སུ་ཡིན་ཡང་དེ་ལ་གཅིག་མཚུངས་ཀྱིས་མཉན་དགོས། ཁྲིམས་ཐག་གཅོད་པ་ནི་དཀོན་མཆོག་ལ་དབང་བས་སུ་ལ་ཡང་འཇིགས་མི་དགོས། ཁྱོད་རྣམས་ཐག་གིས་གཅོད་དཀའ་བའི་གྱོད་དོན་དང་ཕྲད་ཚེ་ངའི་མདུན་དུ་ཁྱེར་ཤོག་དང་ངས་དེར་ཁྲིམས་ཐག་གཅོད་པར་བྱ་ཞེས་སྨྲས་སོ། །  
\v 18 དེའི་དུས་སུ་ཁྱོད་ཅག་གིས་བསྒྲུབ་དགོས་པ་ཐམས་ཅད་ངས་ཁྱོད་རྣམས་ལ་བསྒོས་པ་ཡིན་ནོ། །   
\s1 མྱུལ་མ་མངགས་ནས་ཀ་ན་ཨན་ཡུལ་ལ་མྱུལ་ཞིབ་བྱེད་དུ་བཅུག་པ།  
\p
\v 19 ཡང་རང་རེའི་དཀོན་མཆོག་ཡ་ཝཱེས་བཀའ་གནང་བ་བཞིན་རང་ཅག་རི་བོ་ཧོ་རེབ་ནས་ལམ་དུ་ཆས་ཏེ། ཁྱོད་རྣམས་ཀྱིས་མཐོང་བའི་དབེན་སྟོང་ཆེན་པོ་འཇིགས་སུ་རུང་བ་དེ་བརྒལ་ནས། ཨེ་མོར་པའི་རི་རྒྱུད་ཀྱི་ལམ་དེད་ནས་སོང་ན་ཀཱ་དེའེ་ཤཱ་པར་ནེ་ཨ་རུ་སླེབས་པ་ཡིན།  
\v 20 དེ་ནས་བདག་གིས་ཁྱོད་རྣམས་ལ། ཁྱོད་རྣམས་ནི་རང་རེའི་དཀོན་མཆོག་ཡ་ཝཱེས་རང་ཅག་ལ་གནང་བའི་ཨེ་མོར་པའི་རི་རྒྱུད་ལ་སླེབས་བྱུང་།  
\v 21 ལྟོས་དང་། ཁྱོད་རྣམས་ཀྱི་དཀོན་མཆོག་ཡ་ཝཱེས་ཡུལ་འདི་ཁྱོད་ཅག་གི་མདུན་དུ་བཤམས་ཤིང་། ཁྱོད་ཅག་གི་ཕ་མེས་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་བཀའ་གནང་བ་བཞིན་ཡར་སོང་ལ་ཡུལ་དེ་བདག་གིར་ཟུངས་ཤིག མ་འཇིགས་མ་འཚབ་ཅིག་ཅེས་བསྒོས་པ་ཡིན།  
\v 22 དེ་ནས་ཁྱོད་ཅག་ངའི་མདུན་དུ་ཡོང་སྟེ། ང་ཚོས་ཡུལ་དེར་མྱུལ་ཞིབ་བྱ་བར་མི་མངགས་ན། དེས་རང་ཅག་ལམ་གང་དུ་འགྲོ་དགོས་པ་དང་གྲོང་ཁྱེར་གང་དུ་འཛུལ་དགོས་པའི་འཕྲིན་བསྐྱལ་འོང་ཞེས་སྨྲས་པ་དང་།  
\v 23 ང་རང་གཏམ་དེ་ལ་ཡིད་འཐད་ནས་ཁྱོད་རྣམས་ལས་མི་བཅུ་གཉིས་ཏེ་ཚོ་པ་རེ་ནས་མི་རེ་བདམས་པ་ཡིན།  
\v 24 དེ་དག་རི་ཁུལ་ལ་ཡར་སོང་ནས་ཨེ་ཤཱ་ཀོལ་བྱ་བའི་ཡུལ་བར་དུ་མྱུལ་ཞིབ་བྱས།  
\v 25 ཁོ་ཚོས་ཡུལ་དེའི་ཤིང་ཏོག་རྣམས་ཁྱེར་འོངས་ནས་རང་ཅག་ལ་སྤྲད་པ་དང་། དཀོན་མཆོག་ཡ་ཝཱེས་རང་ཅག་ལ་བསྩལ་པའི་ཡུལ་ནི་ཡག་པོ་འདུག་ཅེས་འཕྲིན་བསྐྱལ་ཡོང་ནའང་།  
\v 26 ཁྱོད་རྣམས་ཡར་འགྲོ་བར་མ་དགའ་ཞིང་ཁྱོད་ཅག་གིས་དཀོན་མཆོག་ཡ་ཝཱེའི་བཀའ་ལ་ངོ་ལོག་བྱས་པ་ཡིན།  
\v 27 ཁྱོད་རྣམས་ཀྱིས་གུར་ནང་དུ་འཁང་ར་བྱས་ཏེ་ན་རེ། དཀོན་མཆོག་ཡ་ཝཱེ་ང་ཚོ་ལ་སྡང་བས་ང་ཚོ་ཨེ་མོར་པའི་ལག་ཏུ་གཏད་ནས་ཚར་གཅོད་པའི་ཕྱིར་ཨེ་ཅིབ་ཡུལ་ནས་ཕྱི་རུ་ཁྲིད་འོངས་པ་རེད།  
\v 28 ང་ཚོ་གང་དུ་འགྲོའམ། རང་ཅག་གི་སྤུན་ཟླ་ཚོས་རང་རེའི་སེམས་ཤུགས་ཉམས་པར་བྱས་ཏེ་ན་རེ། ཡུལ་དེའི་མི་རྣམས་ནི་རང་ཅག་ལས་ཆེ་ཞིང་གཟུགས་རིང་ལ། དེ་དག་གི་གྲོང་ཁྱེར་རྣམས་ཀྱང་ཆེ་ཞིང་བརྟན་པོ་ཡིན་པ་དང་ལྕགས་རི་གནམ་ལ་ཟུག་ཡོད། ང་ཚོས་ཡུལ་དེ་རུ་ཨ་ནག་རིགས་ཀྱི་བུ་རྒྱུད་རྣམས་ཀྱང་མཐོང་བྱུང་ཟེར་ཞེས་སྨྲས་སོ། །   
\p
\v 29 དེ་ནས་བདག་གིས་ཁྱོད་རྣམས་ལ། དེ་དག་ལ་མ་འཇིགས་མ་དངང་ཞིག  
\v 30 ཁྱོད་ཅག་གི་དཀོན་མཆོག་ཡ་ཝཱེ་སྟེ་ཁྱོད་རྣམས་ཀྱི་སྔོན་དུ་ཕེབས་པ་ཁོང་གིས། ཨེ་ཅིབ་ཡུལ་ནས་ཁྱོད་ཅག་གི་མཐོང་ངོར་ཁྱོད་ཚོའི་ཆེད་དུ་ཇི་ལྟར་འཐབ་འཛིང་མཛད་པ་བཞིན་དུ་མཛད་ངེས་ཡིན།  
\v 31 དེར་མ་ཟད་དབེན་སྟོང་དུའང་ཁྱོད་ཅག་གི་དཀོན་མཆོག་ཡ་ཝཱེས་ཁྱོད་ཅག་ཇི་ལྟར་ཁྲིད་པ་ཁྱོད་རྣམས་ཀྱིས་མཐོང་ཡོད་དེ། ཕ་ཡིས་རང་གི་བུ་རྒྱབ་ལ་ཁུར་ནས་སྐྱོད་པ་ལྟར། ཁོང་གིས་ཁྱོད་ཅག་ཁྲིད་ནས་གནས་འདིར་སླེབས་པ་ཡིན་ཞེས་སྨྲས་པའོ། །  
\v 32 དེ་བཞིན་ཡིན་ནའང་ཁྱོད་རྣམས་ཀྱིས་ད་དུང་ཁྱོད་ཅག་གི་དཀོན་མཆོག་ཡ་ཝཱེ་ལ་ཡིད་ཆེས་མི་བྱེད།  
\v 33 ཁྱོད་རྣམས་ལམ་དུ་སྐྱོད་པའི་དུས་སུ་ཁོང་ཁྱོད་ཅག་གི་མདུན་དུ་ཕེབས་ཤིང་ཁྱོད་རྣམས་ལ་སྒར་རྒྱག་སའི་གནས་བཙལ་བ་དང་། མཚན་མོ་མེའི་ཀ་བ་དང་ཉིན་དཀར་སྤྲིན་གྱི་ཚུལ་དུ་ཁྱོད་རྣམས་ལ་ལམ་སྟོན་མཛད་དོ། །   
\s1 ཡེས་ར་ཨེལ་གྱི་ངོ་རྒོལ་ལ་ཉེས་ཆད་བཅད་པ།  
\p
\v 34 དཀོན་མཆོག་ཡ་ཝཱེས་ཁྱོད་རྣམས་ཀྱིས་གཏམ་བཤད་པའི་སྐད་གསན་ནས་ཐུགས་ཁྲོས་ཤིང་མནའ་བཞེས་ཏེ་འདི་སྐད་དུ།  
\v 35 མི་རབས་ངན་པ་འདི་ལས་གཅིག་གིས་ཀྱང་བདག་གིས་ཁོ་རྣམས་ཀྱི་ཕ་མེས་ལ་སྦྱིན་པར་མནའ་དང་བཅས་ཁས་བླངས་པའི་ཡུལ་བཟང་པོ་དེ་མཐོང་མི་ནུས།  
\v 36 ཡེ་ཕུན་ནེའི་བུ་ཀཱ་ལེབ་གཅིག་པུས་མཐོང་ནུས། ཁོ་རང་རྩེ་གཅིག་གིས་ཡ་ཝཱེ་བདག་གི་རྗེས་སུ་འབྲངས་པས། ཁོས་རྐང་པ་སྤོས་མྱོང་བའི་ཡུལ་ཐམས་ཅད་བདག་གིས་ཁོ་དང་ཁོའི་བུ་རྒྱུད་ལ་སྦྱིན་པར་བྱའོ་ཞེས་གསུངས་སོ། །  
\v 37 ཁྱོད་ཅག་གི་རྐྱེན་གྱིས་དཀོན་མཆོག་ཡ་ཝཱེ་ངའི་སྟེང་ལའང་ཐུགས་ཁྲོས་ནས་འདི་སྐད་དུ། ཁྱོད་ཀྱང་ཡུལ་དེར་འགྲོ་མི་ནུས།  
\v 38 འོན་ཀྱང་ཁྱོད་ཀྱི་མདུན་དུ་ལངས་ནས་ཁྱོད་ལ་ཞབས་ཕྱི་སྒྲུབ་མཁན་ཏེ་ནུན་གྱི་བུ་ཡོ་ཤུ་ཨ་ནི་ཡུལ་དེར་འགྲོ་དགོས། ཡང་ཁོས་ཡུལ་དེ་ཡེས་ར་ཨེལ་ལ་དབང་བར་བྱེད་པས། ཁྱོད་ཀྱིས་ཁོ་ལ་སྐུལ་འདེད་གཏོང་བར་གྱིས།  
\v 39 ཡང་ཁྱོད་ཅག་གི་བྱིས་པ་རྣམས་ཏེ་བཙན་ཁྲིད་བྱས་འགྲོ་སྙམ་པ་དག་དང་། ཁྱོད་ཅག་གི་བུ་དང་བུ་མོ་རྣམས་ཏེ་དེ་རིང་ད་དུང་བཟང་ངན་གྱི་དབྱེ་བ་མི་འཁོར་བ་རྣམས་ཐམས་ཅད་ཡུལ་དེར་འགྲོ་ངེས། ངས་ཡུལ་དེ་ཁོ་རྣམས་ལ་སྦྱིན་པར་བྱ་ཞིང་ཁོ་ཚོས་ཡུལ་དེ་འཛིན་པར་འགྱུར།  
\v 40 ཁྱོད་རྣམས་ནི་ཁ་ཕྱིར་འཁོར་ནས་རྒྱ་མཚོ་དམར་པོའི་ལམ་བརྒྱུད་དེ་དབེན་སྟོང་དུ་ཆས་དགོས་ཞེས་གསུངས་སོ། །   
\p
\v 41 དེའི་དུས་སུ་ཁྱོད་རྣམས་ཀྱིས་ལན་དུ། ང་ཚོས་དཀོན་མཆོག་ཡ་ཝཱེ་ལ་འགལ་བའི་སྡིག་པ་བྱས་པ་ཡིན། ད་ནི་རང་ཅག་གི་དཀོན་མཆོག་ཡ་ཝཱེའི་བསྒོ་བ་ཐམས་ཅད་བཞིན་ཡར་སོང་ནས་འཐབ་འཛིང་བྱེད་འདོད་ཅེས་སྨྲས་ཏེ། ཁྱོད་རྣམས་ཀྱིས་མཚོན་ཆ་བཏགས་ནས་འཚབ་འཚུབ་ངང་རི་ལ་ཕྱིན་པའོ། །  
\v 42 དཀོན་མཆོག་ཡ་ཝཱེས་བདག་ལ་འདི་སྐད་དུ། ཁྱོད་ཀྱིས་ཁོ་རྣམས་ལ་འདི་ལྟར་སྨྲོས་ཤིག ཁྱོད་རྣམས་ཡར་མ་འགྲོ། འཐབ་འཛིང་ཡང་མ་བྱེད། གང་ལ་ཞེ་ན། ང་རང་ཁྱོད་ཅག་གི་དཀྱིལ་དུ་མེད་པས་ཁྱོད་རྣམས་དགྲ་བོའི་མདུན་ནས་ཕམ་པར་འགྱུར་ཉེན་ཡོད་ཅེས་པའོ་ཞེས་གསུངས་སོ། །  
\v 43 དེ་ནས་ངས་ཁྱོད་ཅག་ལ་གཏམ་དེ་སྨྲས་ནའང་ཁྱོད་རྣམས་ཀྱིས་མ་མཉན་པར། དཀོན་མཆོག་ཡ་ཝཱེའི་བཀའ་དང་འགལ་ནས་རང་དགར་ཡར་རི་ལ་འགོས་པ་དང་།  
\v 44 རི་ལ་གནས་པའི་ཨེ་མོར་པ་རྣམས་ཡོང་ནས་ཁྱོད་རྣམས་ལ་རྒོལ་ཞིང་། ཁྱོད་ཅག་འབུ་སྦྲང་གིས་འདེད་པ་ལྟར་བྱས་པ་དང་། སེ་ཨིར་ནས་ཧོར་མཱའི་བར་དུ་ཁྱོད་རྣམས་ཕམ་པར་བརྒྱབ།  
\v 45 དེ་ནས་ཁྱོད་རྣམས་ཕྱིར་ལོག་ནས་དཀོན་མཆོག་ཡ་ཝཱེའི་སྤྱན་དྲུང་དུ་ངུས་ནའང་། དཀོན་མཆོག་ཡ་ཝཱེས་ཁྱོད་རྣམས་ཀྱི་སྐད་ལ་མ་གསན། སྙན་ཡང་མ་གཏད།  
\v 46 ཁྱོད་རྣམས་དེ་བཞིན་ཀཱ་དེའེ་ཤཱ་ནས་ཉིན་མང་པོར་ལུས་ཤིང་དེར་གནས་པའོ། །   
\c 2
\cl ལེའུ་གཉིས་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 དབེན་སྟོང་དུ་འཕྱན་པ།  
\p
\v 1 དེ་ནས་དཀོན་མཆོག་ཡ་ཝཱེས་ང་ལ་བསྒོས་པ་ནང་བཞིན། རང་ཅག་ཁ་ཕྱིར་འཁོར་ཏེ་རྒྱ་མཚོ་དམར་པོའི་ལམ་དེད་ནས་དབེན་སྟོང་དུ་ཕྱིན་པ་དང་། རི་བོ་སེ་ཨིར་ནས་ཉིན་མང་པོར་འཁོར་བ་ཡིན།  
\v 2 དེ་ནས་དཀོན་མཆོག་ཡ་ཝཱེས་ང་ལ་འདི་སྐད་དུ།  
\v 3 ཁྱོད་ཚོས་རི་བོ་འདིར་བསྐོར་བ་བརྒྱབ་ནས་ཉིན་མང་པོ་འགོར་བས་ད་ནི་བྱང་ཕྱོགས་སུ་ལམ་ཁ་སྒྱུར་ལ།  
\v 4 ཁྱོད་ཀྱིས་མི་རྣམས་ལ་འདི་ལྟར། ཁྱོད་ཅག་གི་སྤུན་ཟླ་ཨེ་སཱབ་ཀྱི་བུ་རབས་ཚ་རྒྱུད་ནི་སེ་ཨིར་ཡུལ་དུ་གནས་ཤིང་། ད་ལྟ་ཁྱོད་ཅག་ཁོ་རྣམས་ཀྱི་ས་མཚམས་བརྒྱུད་ནས་འགྲོ་དགོས། ཁོ་རྣམས་ཁྱོད་ཅག་ལ་འཇིགས་སྲིད་པས་དོགས་ཟོན་ནན་མོ་བྱོས།  
\v 5 ཁོ་རྣམས་ལ་ཁོང་ཁྲོ་མ་སློང་ཞིག བདག་གིས་སེ་ཨིར་རི་རྒྱུད་ནི་ཨེ་སཱབ་ལ་ས་སྐལ་དུ་སྤྲད་ཡོད་པས། དེ་དག་གི་ཡུལ་ལས་ས་རྐང་མཐིལ་ཙམ་ཡང་བདག་གིས་ཁྱོད་རྣམས་ལ་སྤྲོད་པར་མི་བྱའོ། །  
\v 6 ཁྱོད་ཅག་གིས་ཁོ་རྣམས་ལ་དངུལ་སྤྲད་དེ་ཁ་ཟས་ཉོས་ནས་བཟའ་དགོས་ལ། ཆུ་ཡང་ཉོས་ནས་འཐུང་དགོས།  
\v 7 ཅི་ལ་ཞེ་ན། ཁྱོད་ཅག་གི་དཀོན་མཆོག་ཡ་ཝཱེས་ཁྱོད་རྣམས་ལག་གི་ལས་ཀ་ཐམས་ཅད་ལ་བྱིན་རླབས་མཛད་པ་དང་། ཁྱོད་རྣམས་དབེན་སྟོང་ཆེན་པོ་འདི་ནས་ཇི་ལྟར་སྐྱོད་པའང་ཁོང་གིས་མཁྱེན་ལ། ལོ་ངོ་བཞི་བཅུའི་རིང་དུ་ཁྱོད་ཅག་གི་དཀོན་མཆོག་ཡ་ཝཱེ་ཁྱོད་ཅག་དང་ལྷན་དུ་བཞུགས་ཤིང་། ཁྱོད་ཅག་ལ་མ་འདང་ས་ཅི་ཡང་བྱུང་མེད་ཅེས་བསྒོས་ཤིག་ཅེས་གསུངས་སོ། །  
\v 8 དེ་བས་རང་ཅག་སེ་ཨིར་དུ་ཡོད་པའི་རང་ཅག་གི་སྤུན་ཟླ་ཨེ་སཱབ་ཀྱི་བུ་རབས་ཚ་རྒྱུད་རྣམས་བརྒལ་ནས་ཕར་བསྐྱོད་པ་དང་། ཨ་ར་པཱའི་ལམ་དེད་ནས་ཨེ་ལད་དང་ཨེ་ཙི་ཡོན་གེ་བེར་ལ་སླེབས་ཤིང་། དེ་ནས་མོ་ཨབ་ཀྱི་དབེན་སྟོང་ཕྱོགས་སུ་ཆས་སོ། །   
\p
\v 9 དཀོན་མཆོག་ཡ་ཝཱེས་ང་ལ། ཁྱོད་ཀྱིས་མོ་ཨབ་པ་རྣམས་དགྲ་རུ་འཛིན་མི་རུང་ལ། ཁོ་རྣམས་དང་འཐབ་འཛིང་ཡང་བྱེད་མི་རུང་། བདག་གིས་ཨར་གྱི་ཡུལ་ནི་ལོད་ཐུའི་བུ་རྒྱུད་ལ་ས་སྐལ་དུ་སྤྲད་པ་ཡིན་པས། ངས་ཁོ་ཚོའི་ཡུལ་ནས་ཁྱོད་ལ་ཅི་ཡང་མི་སྦྱིན།  
\v 10 སྔོན་ཆད་ཡུལ་དེར་ཨེ་མཱ་པ་རྣམས་བསྡད་ཡོད་པ་དང་། མི་རིགས་དེ་ནི་མི་གྲངས་མང་ཞིང་གཟུགས་རིང་ལ་ཨ་ནག་པ་དང་མཚུངས་སོ། །  
\v 11 དེ་དག་ནི་ཨ་ནག་མི་རིགས་ཀྱི་མི་དང་འདྲ་བར་རེ་པཱ་མི་རིགས་ཡིན་ནའང་། མོ་ཨབ་པ་རྣམས་ཀྱིས་ཁོ་རྣམས་ལ་ཨེ་མཱ་པ་ཞེས་མིང་བཏགས།  
\v 12 སྔར་ཧོར་པ་རྣམས་ཀྱང་སེ་ཨིར་དུ་བསྡད་ཡོད་ནའང་། ཨེ་སཱབ་ཀྱི་བུ་རབས་ཚ་རྒྱུད་རྣམས་ཀྱིས་དེ་དག་གི་ས་སྐལ་ཕྲོགས་ཤིང་དེ་རྣམས་ཚར་བཅད་ནས་དེའི་ཤུལ་དུ་བསྡད། དེ་ནི་ཡེས་ར་ཨེལ་གྱིས་དཀོན་མཆོག་ཡ་ཝཱེས་ཁོ་ཚོར་ས་སྐལ་དུ་གནང་བའི་ཡུལ་དུ་བྱས་པ་ནང་བཞིན་ཡིན་ནོ། །  
\v 13 དཀོན་མཆོག་ཡ་ཝཱེས་ད་ནི་ཡར་ལོངས་ལ་ཟེ་རེད་གྲོག་རོང་གི་ཕར་ཁ་རུ་སོང་ཞིག་ཅེས་བཀའ་བསྩལ་པས། རང་ཅག་ཟེ་རེད་གྲོག་རོང་བརྒལ་བ་ཡིན།  
\v 14 རང་ཅག་ཀཱ་དེའེ་ཤཱ་པར་ནེ་ཨ་དང་བྲལ་ནས་ཟེ་རེད་གྲོག་རོང་བརྒལ་བའི་བར་དུ་ལོ་སུམ་ཅུ་སོ་བརྒྱད་འགོར་བ་དང་། ཡང་དཀོན་མཆོག་ཡ་ཝཱེས་ཁོ་རྣམས་ལ་མནའ་བཞེས་པ་ནང་བཞིན་དུས་རབས་དེའི་དམག་མི་ཐམས་ཅད་སྒར་ཁ་རུ་གཤེགས་པ་ཡིན།  
\v 15 དཀོན་མཆོག་ཡ་ཝཱེའི་ཕྱག་གིས་ཁོ་རྣམས་ལ་རྒོལ་ཞིང་སྒར་ཁ་ནས་རྩ་མེད་མཛད་པ་ཡིན།   
\p
\v 16 དམག་མི་ཐམས་ཅད་མི་རྣམས་ཀྱི་ཁྲོད་ནས་གཤེགས་པའི་རྗེས་སུ།  
\v 17 དཀོན་མཆོག་ཡ་ཝཱེས་ང་ལ་འདི་སྐད་དུ།  
\v 18 དེ་རིང་ཁྱོད་མོ་ཨབ་ཀྱི་མངའ་ཁོངས་ཨར་ཞེས་པ་བརྒལ་ནས་འགྲོ་དགོས།  
\v 19 ཁྱོད་རང་ཨམ་མོན་པའི་ཉེ་བར་སླེབས་དུས་དེ་དག་དགྲ་རུ་འཛིན་མི་རུང་ལ། ཁོ་རྣམས་ལ་ཁོང་ཁྲོ་ཡང་སློང་མི་རུང་། བདག་གིས་ཡུལ་དེ་ནི་ལོད་ཐུའི་བུ་རྒྱུད་ལ་ས་སྐལ་དུ་སྤྲད་ཡོད་པས། ཨམ་མོན་པའི་ཡུལ་ནི་ཁྱོད་ལ་ས་སྐལ་དུ་སྦྱིན་པར་མི་བྱའོ་ཞེས་གསུངས།  
\v 20 ཡུལ་དེ་ཡང་རེ་པཱ་པའི་ཡུལ་དུ་བརྩིས་ཤིང་། སྔར་རེ་པཱ་མི་རིགས་ཡུལ་དེར་གནས་ལ་ཨམ་མོན་པས་ཁོ་རྣམས་ལ་ཟམ་ཟུམ་པ་ཞེས་འབོད་པ་དང་།  
\v 21 མི་རིགས་དེ་ནི་ཨ་ནག་མི་རིགས་དང་འདྲ་བར་མི་གྲངས་མང་ཞིང་གཟུགས་པོ་ཆེ་ནའང་། དཀོན་མཆོག་ཡ་ཝཱེས་ཨམ་མོན་པའི་སྔུན་ནས་མི་རིགས་དེ་མེད་པར་མཛད་པས། ཨམ་མོན་པས་དེ་དག་གི་ཡུལ་བདག་གིར་བཟུང་ནས་དེ་རུ་བསྡད།  
\v 22 དེ་ནི་སྔར་དཀོན་མཆོག་ཡ་ཝཱེས་སེ་ཨིར་དུ་གནས་པའི་ཨེ་སཱབ་ཀྱི་བུ་རབས་ཚ་རྒྱུད་ལ་ཇི་ལྟར་མཛད་པ་ནང་བཞིན་ཡིན་ཏེ། ཁོང་གིས་ཧོར་མི་རིགས་དེ་དག་གི་སྔུན་ནས་མེད་པར་མཛད་པས། དེ་དག་གིས་ཧོར་པའི་ཡུལ་བདག་གིར་བཟུང་ནས་དེ་རིང་ཉིན་མོའི་བར་དུ་དེར་བསྡད།  
\v 23 ཡང་ཨ་ཝི་པ་རྣམས་གཱ་ཟཱའི་ཉེ་འགྲམ་གྱི་གྲོང་ཚོ་རེ་རེར་གཞིས་ཆགས་ཀྱང་། ཀབ་ཐོར་ཡུལ་ནས་ཐོན་པའི་ཀབ་ཐོར་མི་རིགས་ཀྱིས་ཨ་བིད་པ་རྣམས་མེད་པར་བཏང་སྟེ། དེ་དག་གི་ཤུལ་དུ་གཞིས་ཕབ་པའོ། །   
\p
\v 24 དཀོན་མཆོག་ཡ་ཝཱེས་ད་ཡར་ལོངས་ལ་ཨར་ནོན་ལུང་པ་བརྒྱུད་ནས་སོང་ཞིག ངས་ཨེ་མོར་པ་སི་ཧོན་ཏེ་ཧེ་སི་པོན་གྱི་རྒྱལ་པོ་དང་ཁོའི་ས་ནི་ཁྱོད་རྣམས་ཀྱི་ལག་ཏུ་གཏད་པ་ཡིན། ཁོ་དང་འཐབ་འཛིང་བྱས་ནས་ཡུལ་དེ་བདག་གིར་ཟུངས་ཤིག  
\v 25 དེ་རིང་བདག་གིས་གནམ་འོག་ཀུན་ཏུ་གནས་པའི་མི་རིགས་ཐམས་ཅད་ལ་ཁྱོད་ཀྱི་གནས་ཚུལ་ཐོས་ནས་འཇིགས་ཤིང་སྐྲག་ཏུ་འཇུག་པ་དང་། ཁྱོད་ཀྱི་རྐྱེན་གྱིས་དངངས་ནས་འདར་བར་འགྱུར་ཞེས་བཀའ་བསྩལ་ཏོ། །   
\p
\v 26 དེར་ངས་ཀེ་དེ་མོད་དབེན་སྟོང་ནས་ཧེ་སི་པོན་གྱི་རྒྱལ་པོ་སི་ཧོན་གྱི་དྲུང་དུ་བང་ཆེན་བཏང་བ་དང་། ཞི་བདེའི་གཏམ་འདི་ལྟར།  
\v 27 ངེད་རྣམས་ཁྱེད་ཀྱི་ཡུལ་བརྒྱུད་ནས་འགྲོ་རུ་ཆུག་དང་། ང་ཚོ་གཞུང་ལམ་གཅིག་པུ་ནས་འགྲོ་བ་ལས་གཡས་གཡོན་གང་དུའང་གཟུར་བར་མི་བྱ།  
\v 28 ང་ཚོས་ཁྱེད་ཀྱི་ལག་ནས་ཁ་ཟས་དངུལ་གྱིས་ཉོས་ནས་ཟོས་ཆོག་ལ། ཆུ་ཡང་དངུལ་གྱིས་ཉོས་ནས་འཐུང་ཆོག ངེད་རྣམས་རྐང་ཐང་གིས་ཕར་འགྲོ་བར་གནོངས།  
\v 29 ངེད་རྣམས་ཡོར་དན་གཙང་པོ་བརྒལ་ནས་ངེད་ཀྱི་དཀོན་མཆོག་ཡ་ཝཱེས་ངེད་ཅག་ལ་གནང་བའི་ཡུལ་དུ་འབྱོར་རེག་བར་དུ། སེ་ཨིར་དུ་གནས་པའི་ཨེ་སཱབ་ཀྱི་བུ་རྣམས་དང་། ཨར་དུ་གནས་པའི་མོ་ཨབ་པ་རྣམས་ཀྱིས་ངེད་རྣམས་ལ་བྱས་པ་ལྟར་དུ་སྒྲུབས་ཤིག་ཅེས་ཞུས་ནའང་།  
\v 30 ཧེ་སི་པོན་གྱི་རྒྱལ་པོ་སི་ཧོན་གྱིས་རང་ཅག་ཁོའི་ཡུལ་བརྒྱུད་ནས་འགྲོ་རུ་མ་བཅུག ཅི་ལ་ཞེ་ན། ཁྱོད་ཅག་གི་དཀོན་མཆོག་ཡ་ཝཱེས་དེ་རིང་ནང་བཞིན་སི་ཧོན་ཁྱོད་ཚོའི་ལག་ཏུ་སྤྲོད་པའི་ཕྱིར། ཁོའི་སེམས་གྱོང་པོ་དང་མཁྲེགས་པོར་མཛད་པ་ཡིན་ནོ། །  
\v 31 དཀོན་མཆོག་ཡ་ཝཱེས་ང་ལ་འདི་སྐད་དུ། ལྟོས་དང་། སི་ཧོན་དང་ཁོའི་ཡུལ་ནི་བདག་གིས་ཁྱོད་ལ་སྤྲོད་པར་བརྩམས་པས། ཁོའི་ཡུལ་བདག་གིར་འཛིན་པའི་ཕྱིར་དུ་ཁྱོད་ཀྱིས་དེ་ལེན་པར་རྩོམས་ཤིག་ཅེས་བཀའ་བསྩལ་ཏོ། །  
\v 32 དེ་ནས་སི་ཧོན་ནི་རང་གི་མི་ཐམས་ཅད་དང་མཉམ་དུ་ཡོང་ནས་རང་ཅག་ལ་རྒོལ་ཞིང་། ཡ་ཧ་ཙཱ་རུ་རང་ཅག་དང་འཐབ་འཛིང་བྱས།  
\v 33 རང་ཅག་གི་དཀོན་མཆོག་ཡ་ཝཱེས་ཁོ་རང་ཅག་ལ་སྤྲད་པས། རང་ཅག་གིས་ཁོ་དང་ཁོའི་བུ་རྒྱུད་དང་མི་ཐམས་ཅད་བསད་པ་ཡིན།  
\v 34 སྐབས་དེར་རང་ཅག་གིས་ཁོའི་གྲོང་ཁྱེར་ཐམས་ཅད་དབང་དུ་བསྡུས་པ་དང་། གྲོང་ཁྱེར་རེ་རེའི་སྐྱེས་པ་དང་བུད་མེད་དང་བྱིས་པ་རྣམས་མེད་པར་བཏང་ནས་མི་གཅིག་ཀྱང་ཤུལ་དུ་མ་བསྐྱུར།  
\v 35 རང་རང་གི་ཕྱིར་ཕྲོགས་པའི་སྒོ་ཕྱུགས་རྣམས་དང་གྲོང་ཁྱེར་རྣམས་བླངས་ནས་ཐོབ་པའི་བཅོམ་ནོར་འབའ་ཞིག་བསྐྱུར་བ་ཡིན།  
\v 36 ཨར་ནོན་གྲོག་རོང་གི་འགྲམ་དུ་ཡོད་པའི་ཨ་རོ་ཨེར་དང་། གཡང་རོང་དུ་ཆགས་པའི་གྲོང་ཁྱེར་ནས་གིལ་ཨད་ཀྱི་བར་དུ་གྲོང་ཁྱེར་ཆེན་པོ་རང་ཅག་གིས་མི་ལོན་པ་གང་ཡང་མེད་ལ། རང་ཅག་གི་དཀོན་མཆོག་ཡ་ཝཱེས་དེ་ཐམས་ཅད་རང་ཅག་ལ་སྤྲད་པ་ཡིན།  
\v 37 ཨམ་མོན་པའི་ཡུལ་དང་། ཡཱབ་པོག་ཆུ་བོའི་འགྲམ་རྒྱུད་དང་རི་ཁུལ་གྱི་གྲོང་ཁྱེར་རྣམས་དང་། རང་ཅག་གི་དཀོན་མཆོག་ཡ་ཝཱེས་འགྲོ་མི་རུང་བར་གསུངས་པའི་ཡུལ་རྣམས་ལ་བདག་ཅག་མ་བཅར་ཏོ། །   
\c 3
\cl ལེའུ་གསུམ་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 ཨོག་རྒྱལ་པོ་ཕམ་ཚུལ།  
\p
\v 1 ཕྱིས་སུ་ང་ཚོས་ཁ་ཕྱིར་འཁོར་ཏེ་པཱ་ཤན་གྱི་ལམ་དེད་ནས་ཡར་སོང་བ་ན། པཱ་ཤན་གྱི་རྒྱལ་པོ་ཨོག་གིས་རང་གི་མི་ཐམས་ཅད་ཁྲིད་ནས་ཨེ་དྲེ་ཨི་ས་ཆར་བདག་ཅག་དང་འཐབ་པར་སླེབས།  
\v 2 དཀོན་མཆོག་ཡ་ཝཱེས་ང་ལ་འདི་སྐད་དུ། བདག་གིས་ཁོ་དང་ཁོའི་མི་རྣམས་དང་ཡུལ་ཐམས་ཅད་ཁྱོད་ཀྱི་ལག་ཏུ་གཏད་ཡོད་པས་འཇིགས་མི་དགོས། ཅི་ལ་ཞེ་ན། ཁྱོད་ཀྱིས་ཧེ་སི་པོན་དུ་ཡོད་པའི་ཨེ་མོར་པའི་རྒྱལ་པོ་སི་ཧོན་ལ་ཅི་བྱས་པ་ནང་བཞིན་ཁོ་རྣམས་ལའང་དེ་ལྟར་བྱེད་ངེས་ཡིན་ཞེས་གསུངས་སོ། །  
\v 3 དེ་ནས་རང་རེའི་དཀོན་མཆོག་ཡ་ཝཱེས་པཱ་ཤན་གྱི་རྒྱལ་པོ་ཨོག་དང་ཁོའི་མི་ཐམས་ཅད་ང་ཚོའི་ལག་ཏུ་སྤྲད་པས། རང་ཅག་གིས་དེ་རྣམས་ལས་གཅིག་ཀྱང་མ་ལུས་པར་རྩ་མེད་བཏང་བ་ཡིན།  
\v 4 སྐབས་དེར་རང་ཅག་གིས་ཁོའི་གྲོང་ཁྱེར་ཐམས་ཅད་བླངས་ནས་གཅིག་ཀྱང་ལྷག་མེད་དེ། པཱ་ཤན་གྱི་རྒྱལ་པོ་ཨོག་གི་མངའ་ཁུལ་གྲོང་ཁྱེར་དྲུག་ཅུ་སྟེ། ཨར་གོབ་ཀྱི་ཡུལ་འཁོར་ཐམས་ཅད་བླངས།  
\v 5 གྲོང་ཁྱེར་དེ་ཐམས་ཅད་ནི་ལྕགས་རི་མཐོན་པོའི་བཙན་རྫོང་བརྩིགས་ཤིང་། མཁར་སྒོ་དང་སྒོ་གཏན་ཡོད་ལ། ཡང་མཐའ་འཁོར་ལ་མཁར་བརྩིགས་མེད་པའི་གྲོང་ཚོ་མང་པོ་ཡོད།  
\v 6 རང་ཅག་གིས་ཧེ་སི་པོན་གྱི་རྒྱལ་པོ་སི་ཧོན་རྩ་མེད་བཏང་བ་ནང་བཞིན་ཁོ་ཚོ་ཡང་མེད་པར་བཏང་ཞིང་། གྲོང་ཁྱེར་སོ་སོའི་སྐྱེས་པ་དང་བུད་མེད་དང་ཕྲུ་གུ་རྣམས་ཀྱང་རྩ་མེད་བཏང་བ་ཡིན།  
\v 7 འོན་ཀྱང་གྲོང་ཁྱེར་ནང་གི་སྒོ་ཕྱུགས་དང་བཅོམ་ནོར་ཐམས་ཅད་བླངས་ནས་བདག་གིར་བཟུང་བ་ཡིན་ནོ། །   
\p
\v 8 སྐབས་དེར་རང་ཅག་གིས་ཡོར་དན་གཙང་པོའི་ཤར་ཕྱོགས་ཀྱི་ཨེ་མོར་པའི་རྒྱལ་པོ་གཉིས་ཀྱི་ལག་ནས། ཨར་ནོན་གྲོག་རོང་ནས་རི་བོ་ཧེར་མོན་བར་གྱི་ཡུལ་རྣམས་བླངས།  
\v 9 ཚི་ཏུན་པ་རྣམས་ཀྱིས་རི་བོ་ཧེར་མོན་ལ་སིར་ཡོན་ཞེས་འབོད་ཀྱང་། ཨེ་མོར་པ་རྣམས་ཀྱིས་དེར་སེ་ནིར་ཞེས་འབོད་པ་ཡིན།  
\v 10 དེ་ལྟར་ཐང་གི་གྲོང་ཁྱེར་ཐམས་ཅད་དང་གིལ་ཨད་ཀྱི་ཡུལ་ཀུན། པཱ་ཤན་གྱི་ཡུལ་ཐམས་ཅད། སལ་ཀཱ་དང་ཨེ་དྲེ་ཨིའི་བར་དུ་ཨོག་གི་རྒྱལ་ཁམས་ཐམས་ཅད་རང་ཅག་གིས་བླངས་པ་ཡིན།  
\v 11 པཱ་ཤན་གྱི་རྒྱལ་པོ་ཨོག་གཅིག་པུ་རེ་པཱ་མི་རིགས་ཀྱི་ཤུལ་དུ་ལུས། ལྟོས་དང་། ཁོའི་ཉལ་ཁྲི་ལྕགས་ཀྱི་ཉལ་ཁྲི་ཡིན་ཏེ། དེའི་རིང་ཚད་ལ་ཁྲུ་དགུ་དང་ཞེང་ལ་ཁྲུ་བཞི་ཡོད། ཉལ་ཁྲི་དེ་ཨམ་མོན་པ་རྣམས་ཀྱི་ཡུལ་རབ་བཱ་བྱ་བར་ཡོད་དོ། །   
\p
\v 12 སྐབས་དེར་རང་ཅག་གིས་ཡུལ་དེ་བདག་གིར་བཟུང་། བདག་གིས་ཨར་ནོན་གྲོག་རོང་འགྲམ་གྱི་ཨ་རོ་ཨེར་ནས་རི་བོ་གིལ་ཨད་ཀྱི་ཕྱེད་ཀ་དང་། དེའི་གྲོང་ཁྱེར་རྣམས་རུ་བེན་པ་དང་གཱ་རྡུ་པ་རྣམས་ལ་སྤྲད་པ་ཡིན།  
\v 13 གིལ་ཨད་ཀྱི་ཡུལ་གཞན་རྣམས་དང་རྒྱལ་པོ་ཨོག་གི་མངའ་ཁོངས་ཏེ། པཱ་ཤན་ཡུལ་ཐམས་ཅད་ནི་བདག་གིས་མཱ་ན་ཤེའི་ཚོ་པ་ཕྱེད་ཀར་སྤྲད་པ་ཡིན། ཨར་གོབ་ཀྱི་ཡུལ་ཐམས་ཅད་དེ་པཱ་ཤན་གྱི་ཡུལ་ཐམས་ཅད་ལ་རེ་པཱ་པའི་ཡུལ་ཞེས་བཏགས་སོ། །  
\v 14 མཱ་ན་ཤེ་པ་ཡཱ་ཨིར་གྱིས་ཨར་གོབ་ཀྱི་མངའ་ཁུལ་ཐམས་ཅད་དང་། གེ་ཤུར་པའི་ཡུལ་དང་མ་ཨ་ཀཱ་པའི་ས་ཐམས་ཅད་བཟུང་ཞིང་། ད་ལྟའི་བར་དུ་པཱ་ཤན་ཡུལ་ལ་ཧ་ཝོད་ཨིར་ཞེས་རང་གི་རུས་མིང་སྦྱར་ཡོད།  
\v 15 ཡང་བདག་གིས་གིལ་ཨད་ནི་མཱ་ཀིར་ལ་སྤྲད་པ་ཡིན།  
\v 16 གིལ་ཨད་ནས་ཨར་ནོན་གྲོག་རོང་བར་དུ། གྲོག་རོང་གི་དཀྱིལ་ས་མཚམས་བྱས་ནས་ཨམ་མོན་པའི་མཐའ་མཚམས་ཀྱི་ཡཱབ་པོག་གཙང་པོའི་བར་དུ་རུ་བེན་པ་དང་གཱ་རྡུ་པ་རྣམས་ལ་སྤྲད་ཅིང་།  
\v 17 ཡང་ཨ་ར་པཱ་སྟེ། ཤར་ཕྱོགས་ཀྱི་ཨ་ར་པཱ་དང་ཡོར་དན་གཙང་པོ་ས་མཚམས་བྱས་ཏེ་ཀིན་ནེ་རོད་ནས་ཨ་ར་པཱའི་ཚྭ་མཚོ་བར་དང་། ཕིས་གའི་རི་འདབས་ཀྱི་ཤར་རྒྱུད་ནི་ཁོ་རྣམས་ལ་སྤྲད་པའོ། །   
\p
\v 18 དེའི་དུས་སུ་ངས་ཁྱོད་ཅག་ལ། ཁྱོད་ཅག་གི་དཀོན་མཆོག་ཡ་ཝཱེས་ཡུལ་འདི་ཁྱོད་རྣམས་ཀྱིས་བདག་གིར་འཛིན་པའི་ཕྱིར་དུ་ཁྱོད་རྣམས་ལ་གནང་ཡོད་པས། ཁྱོད་ཅག་གི་དམག་མི་རྣམས་ཀྱིས་མཚོན་ཆ་སྤྲས་ནས་སོ་སོའི་སྤུན་ཟླ་སྟེ་ཡེས་ར་ཨེལ་པའི་མདུན་ནས་གཙང་པོའི་ཕ་རོལ་ཏུ་བསྐྱོད་དགོས།  
\v 19 ཁྱོད་ཅག་གི་ཆུང་མ་དང་བུ་ཕྲུག ཕྱུགས་ཟོག་བཅས་འབའ་ཞིག་བདག་གིས་ཁྱོད་རྣམས་ལ་གནང་བའི་གྲོང་ཁྱེར་དུ་བསྡད་ཆོག ངས་ཁྱོད་རྣམས་ལ་ཕྱུགས་ཟོག་ཧ་ཅང་མང་བ་ཤེས།  
\v 20 དཀོན་མཆོག་ཡ་ཝཱེས་ཁྱོད་ཅག་གི་སྤུན་ཟླ་རྣམས་ལའང་ཁྱོད་རྣམས་དང་འདྲ་བར་ངལ་གསོ་གནང་སྟེ། ཁོ་རྣམས་ཀྱིས་ཀྱང་ཁྱོད་ཅག་གི་དཀོན་མཆོག་ཡ་ཝཱེས་ཡོར་དན་གཙང་པོའི་ནུབ་ཕྱོགས་སུ་ཁོ་ཚོར་གནང་བའི་ཡུལ་དེ་བདག་གིར་བཟུང་བའི་རྗེས་སུ། ཁྱོད་རྣམས་ད་གཟོད་བདག་གིས་ཁྱོད་ཅག་མི་རེ་རེར་སྤྲད་པའི་ཡུལ་དུ་ཕྱིར་ལོག་ཆོག་པ་ཡིན་ཞེས་བསྒོས་སོ། །  
\v 21 སྐབས་དེར་ངས་ཡོ་ཤུ་ཨ་ལ་འདི་ལྟར་བསྒོས་ཡོད་དེ། ཁྱོད་ཅག་གི་དཀོན་མཆོག་ཡ་ཝཱེས་རྒྱལ་པོ་དེ་གཉིས་ལ་ཅི་ཞིག་མཛད་པ་ཁྱོད་ཀྱིས་དངོས་སུ་མཐོང་ཡོད། ཁོང་གིས་ཁྱོད་འགྲོ་བར་འགྱུར་བའི་རྒྱལ་ཁམས་ཀུན་ལའང་དེ་བཞིན་མཛད་ངེས།  
\v 22 ཁྱོད་རྣམས་ཁོ་ཚོར་མི་འཇིགས་པར་གྱིས་ཤིག ཅི་ལ་ཞེ་ན། ཁྱོད་ཅག་གི་དཀོན་མཆོག་ཡ་ཝཱེས་ཁྱོད་རྣམས་ལ་འཐབ་གྲོགས་མཛད་དོ་ཞེས་པའོ། །   
\p
\v 23 སྐབས་དེར་ངས་དཀོན་མཆོག་ཡ་ཝཱེ་ལ་འདི་ལྟར།  
\v 24 ཀྱེ་གཙོ་བོ་ཡ་ཝཱེ་ལགས། ཁྱེད་ཀྱིས་ཉིད་ཀྱི་གྲགས་པ་དང་མཐུ་སྟོབས་ལྡན་པའི་ཕྱག་ནི་ཞབས་ཕྱི་བདག་ལ་སྟོན་པར་བརྩམས་ཤིང་། ཁྱེད་ཀྱི་འཕྲིན་ལས་དང་དོན་ངོ་མཚར་ཅན་གྱི་སྟོབས་ལ་འགྲན་ནུས་པའི་ལྷ་ཞིག་གནམ་ས་གང་དུ་མཆིས་སམ།  
\v 25 ཁྱེད་ཀྱིས་ང་རང་ཡོར་དན་གཙང་པོ་བརྒལ་ནས་མཛེས་སྡུག་ལྡན་པའི་ཡུལ་ཏེ། ཡིད་དུ་འོང་བའི་རི་ཁུལ་དང་ལེ་པཱ་ནོན་ལ་བལྟ་རུ་འཇུག་པར་མཛོད་ཅེས་གསོལ་བ་བཏབ་ཀྱང་།  
\v 26 ཁྱོད་ཅག་གི་རྐྱེན་གྱིས་དཀོན་མཆོག་ཡ་ཝཱེ་ང་ལ་ཐུགས་ཁྲོས་ནས་ངའི་ཞུ་བར་མ་གསན་ཞིང་། ཁྱོད་ཅག་གི་དཀོན་མཆོག་ཡ་ཝཱེས་ང་ལ། ཁྱོད་ཀྱིས་ཚོད་ཟུངས། ད་ནི་དོན་དེ་བདག་ལ་ཡང་བསྐྱར་མི་གླེང་བར་གྱིས།  
\v 27 ཁྱོད་རང་རི་བོ་ཕིས་གའི་རྩེ་ལ་སོང་ནས་དངོས་སུ་ཤར་ལྷོ་ནུབ་བྱང་ལ་ལྟོས་ཤིག ཡིན་ནའང་ཁྱོད་ཡོར་དན་གཙང་པོའི་ཕ་རོལ་ཏུ་འགྲོ་མི་རུང་ངོ་། །  
\v 28 ཡོ་ཤུ་ཨ་ཡིས་མི་འདི་རྣམས་ཀྱི་འགོ་ཁྲིད་དེ་གཙང་པོ་བརྒལ་ནས། ཁྱོད་ཀྱིས་མཐོང་བའི་ཡུལ་འདི་ཁོ་རྣམས་ལ་འཐོབ་པར་བྱེད་དགོས་པས། ཁྱོད་ཀྱིས་ཁོ་ལ་བཀའ་བསྒོས་ནས་ཁོ་རང་བརྟན་པོ་བཟོ་བ་དང་ཁོ་ལ་སྐུལ་འདེད་གཏོང་དགོས་ཞེས་བཀའ་བསྩལ་པས།  
\v 29 ངེད་ཅག་པེད་ཕེ་ཨོར་བྱ་བའི་ཕར་ཕྱོགས་ཀྱི་ལུང་པ་རུ་ལུས་པ་ཡིན་ནོ། །   
\c 4
\cl ལེའུ་བཞི་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 ཡེས་ར་ཨེལ་ལ་དཀོན་མཆོན་གི་བཀའ་བརྩི་བར་གདམས་པ།  
\p
\v 1 ཀྱེ་ཡེས་ར་ཨེལ་པ་རྣམས་ཀྱིས་ལྟོས་དང་། དེ་རིང་ཁྱོད་ཅག་གིས་ངས་སྔར་ནས་ཁྱོད་རྣམས་ལ་ཁྲིད་པའི་སྒྲིག་ཁྲིམས་དང་སྲོལ་ཡིག་ལ་མཉན་དགོས། དེ་དག་བསྲུང་བར་གྱིས་དང་ཁྱོད་རྣམས་འཚོ་ཐུབ་ལ། ཁྱོད་ཅག་གི་མེས་པོ་རྣམས་ཀྱི་དཀོན་མཆོག་ཡ་ཝཱེས་ཁྱོད་རྣམས་ལ་གནང་བའི་ཡུལ་དུ་སོང་ནས་དེར་བདག་པོ་རྒྱག་ནུས་པ་ཡིན།  
\v 2 བདག་གིས་ཁྱོད་ཅག་ལ་བསྒོས་པའི་བཀའ་ལ་སྣོན་ཕྲི་གང་ཡང་བྱེད་མི་རུང་། དེ་ནས་ངས་ཁྱོད་ཅག་ལ་བསྒོས་པ་སྟེ་ཁྱོད་རྣམས་ཀྱི་དཀོན་མཆོག་ཡ་ཝཱེས་བསྩལ་པའི་བཀའ་རྣམས་བསྲུང་ནུས་པ་ཡིན།  
\v 3 དཀོན་མཆོག་ཡ་ཝཱེས་པཱ་ཨལ་ཕེ་ཨོར་ཡུལ་གྱི་རྐྱེན་གྱིས་ཅི་མཛད་པ་ཁྱོད་ཅག་གིས་དངོས་སུ་མཐོང་བ་དང་། ལྷ་པཱ་ཨལ་ཕེ་ཨོར་གྱི་རྗེས་སུ་འབྲངས་པའི་མི་ཐམས་ཅད་ཁྱོད་ཅག་གི་དཀོན་མཆོག་ཡ་ཝཱེས་ཁྱོད་ཅག་གི་ཁྲོད་ནས་མེད་པར་མཛད།  
\v 4 ཁྱོད་ཅག་གི་དཀོན་མཆོག་ཡ་ཝཱེ་ལ་འགྱུར་བ་མེད་པར་བརྟེན་པ་ཁྱོད་རྣམས་འབའ་ཞིག་དེ་རིང་ཉིན་མོའི་བར་དུ་གནས་པ་ཡིན་ནོ། །   
\p
\v 5 ལྟོས་དང་། བདག་གིས་ང་ཡི་དཀོན་མཆོག་ཡ་ཝཱེས་ང་ལ་བསྒོས་པའི་བཀའ་བཞིན་དུ། སྒྲིག་ཁྲིམས་དང་སྲོལ་ཡིག་རྣམས་ཁྱོད་ཅག་ལ་ཁྲིད་པ་སྟེ། ཁྱོད་རྣམས་སོང་ནས་རང་ལ་དབང་བར་འགྱུར་བའི་ཡུལ་ནས་དེ་ལྟར་བསྒྲུབ་པའི་ཕྱིར་དུའོ། །  
\v 6 དེ་བས་ཁྱོད་རྣམས་ཀྱིས་གཟབ་གཟབ་ངང་དེ་རྣམས་བསྲུངས་ནས་བསྒྲུབ་དགོས། ཅི་ལ་ཞེ་ན། མི་རྣམས་ཀྱི་མིག་ལ་དེ་ནི་ཁྱོད་ཅག་གི་ཤེས་རབ་དང་བློ་གྲོས་ཡིན་པས་སོ། །ཁོ་ཚོས་སྒྲིག་ཁྲིམས་འདི་ཐམས་ཅད་ཐོས་ན། མི་རིགས་ཆེན་པོ་འདི་ནི་དངོས་གནས་ཤེས་རབ་ཅན་དང་བློ་གྲོས་ཅན་ཞིག་འདུག་ཅེས་སྨྲ་ངེས་ཡིན།  
\v 7 རང་ཅག་གིས་ཞུ་འབོད་བྱེད་ཐེངས་རེར་རང་རེའི་ཉེ་བར་བཞུགས་པའི་རང་ཅག་གི་དཀོན་མཆོག་ཡ་ཝཱེ་བཞིན། མི་རིགས་ཆེན་པོ་གཞན་གང་ལ་ཁོ་ཚོའི་ཉེ་བར་སྡོད་པའི་ལྷ་ཞིག་ཡོད་པ་ཡིན་ནམ།  
\v 8 ཡང་མི་རིགས་ཆེན་པོ་གང་ལ་འདི་ལྟ་བུའི་སྒྲིག་ཁྲིམས་དང་སྲོལ་ཡིག་དྲང་བདེན་ཏེ། དེ་རིང་ངས་ཁྱོད་རྣམས་ལ་བསྒྲགས་པའི་བཀའ་ཁྲིམས་འདི་ཐམས་ཅད་ལྟ་བུ་ཡོད་པ་ཡིན་ནམ།   
\p
\v 9 ཁྱོད་རྣམས་ཀྱིས་དངོས་སུ་མཐོང་བའི་དོན་རྣམས་མི་བརྗེད་པ་དང་། ཡང་དོན་དེ་རྣམས་ཁྱོད་ཅག་གི་མི་ཚེ་གང་པོར་སེམས་ནས་མི་འབོར་བའི་ཆེད་དུ། སྙིང་རུས་བསྐྱེད་ནས་རང་གི་སེམས་དང་བསམ་པ་རྒྱུན་དུ་བསྲུང་དགོས། ཁྱོད་ཅག་གིས་དོན་དེ་རྣམས་རང་གི་བུ་རབས་ཚ་རྒྱུད་རྣམས་ལ་ཤེས་སུ་འཇུག་དགོས།  
\v 10 ཁྱོད་རྣམས་རི་བོ་ཧོ་རེབ་ནས་ཁྱོད་ཅག་གི་དཀོན་མཆོག་ཡ་ཝཱེའི་སྤྱན་སྔར་འགྲེང་བའི་ཉིན་དེར། དཀོན་མཆོག་ཡ་ཝཱེས་ང་ལ་འདི་སྐད་དུ། མི་རྣམས་འདིར་སྡུས་ཤིག དེ་དག་ས་སྟེང་ནས་ནམ་འཚོའི་བར་དུ་བདག་ལ་གུས་ཤིང་འཇིགས་ཤེས་པ་དང་། དེ་དག་གིས་རང་གི་བུ་བུ་མོ་རྣམས་ལའང་ཁྲིད་སྟོན་བྱེད་པའི་ཕྱིར་དུ་ངས་ཁོ་རྣམས་ལ་རང་གི་གཏམ་ལ་མཉན་དུ་འཇུག་གོ་ཞེས་བཀའ་བསྩལ་ཡོད།  
\v 11 རི་མགོར་མེ་འབར་ནས་མེ་ལྕེ་དགུང་ལ་འཕྱུར་ཏེ་མུན་པ་དང་སྤྲིན་ནག སྨག་རུམ་སྟུག་པོ་བཅས་ཀྱིས་བསྒྲིབས་པའི་དུས་སུ། ཁྱོད་ཅག་ཉེ་སར་འོངས་ཏེ་རི་འདབས་སུ་ལངས་ཡོད།  
\v 12 དཀོན་མཆོག་ཡ་ཝཱེས་མེའི་དཀྱིལ་ནས་ཁྱོད་རྣམས་ལ་བཀའ་བསྩལ་པ་ལ། ཁྱོད་ཅག་གིས་གསུང་སྐད་ཐོས་པ་ཙམ་ལས་སྐུ་གཟུགས་ཅི་ཡང་མཇལ་མ་བྱུང་། གསུང་སྐད་འབའ་ཞིག་བྱུང་ནས།  
\v 13 ཁོང་གིས་ཉིད་ཀྱི་ཞལ་ཆད་དེ་ཁྱོད་རྣམས་ལ་བསྲུང་བར་བསྒོས་པའི་བཀའ་ཁྲིམས་བཅུ་པོ་དེ་ཁྱོད་ཅག་ལ་བསྒྲགས་ཤིང་། ཡང་དེ་རྣམས་རྡོ་ལེབ་གཉིས་ཀྱི་སྟེང་དུ་བཀོད་པའོ། །  
\v 14 སྐབས་དེར་དཀོན་མཆོག་ཡ་ཝཱེས་ང་ལ། སྒྲིག་ཁྲིམས་དང་སྲོལ་ཡིག་རྣམས་ཁྱོད་ཅག་ལ་འཁྲིད་དགོས་པ་དང་། ཁྱོད་རྣམས་སོང་ནས་བདག་གིར་འཛིན་རྒྱུ་ཡིན་པའི་ཡུལ་དུ་དེ་བཞིན་བསྒྲུབ་དགོས་པའི་བཀའ་བསྩལ་ཡོད་དོ། །   
\s1 སྐུ་རྟེན་དགག་པ།  
\p
\v 15 དཀོན་མཆོག་ཡ་ཝཱེས་རི་བོ་ཧོ་རེབ་ཀྱི་མེའི་དཀྱིལ་ནས་ཁྱོད་ཅག་ལ་གསུང་གནང་བའི་ཉིན་དེར། ཁྱོད་ཅག་གིས་སྐུ་གཟུགས་གང་ཡང་མཐོང་མེད་པས། ཁྱོད་ཚོས་གཟབ་གཟབ་ངང་རང་ཉིད་བསྲུང་དགོས།  
\v 16 དེ་ལྟར་མ་བྱས་ཚེ། ཁྱོད་རྣམས་ཀྱིས་ལོག་སྤྱོད་སྤེལ་ནས་རང་གི་ཕྱིར་དུ་སྐུ་རྟེན་འདྲ་མིན་བཞེང་བ་སྟེ། ཕོ་མོའི་གཟུགས་བརྙན་དང་།  
\v 17 ཡང་ན་ས་སྟེང་གི་རི་དྭགས་སྣ་ཚོགས་ཀྱི་སྣང་བརྙན་དང་། ཡང་ན་བར་སྣང་གི་འདབ་ཆགས་གཤོག་པ་ཅན་སྣ་ཚོགས་ཀྱི་སྣང་བརྙན།  
\v 18 ཡང་ན་ས་སྟེང་གི་ལྟོ་འགྲོའི་རིགས་སྣ་ཚོགས་ཀྱི་སྣང་བརྙན། ཡང་ན་ས་འོག་གི་ཆུ་ནང་དུ་གནས་པའི་ཉ་ཡི་རིགས་སྣ་ཚོགས་ཀྱི་སྣང་བརྙན་བཅས་གང་རུང་བཟོ་ཉེན་ཡོད།  
\v 19 ཡང་ཁྱོད་རྣམས་ཀྱིས་མགོ་ཡར་བཀྱགས་ནས་གནམ་ལ་བལྟས་ཏེ། ཁྱོད་ཅག་གི་དཀོན་མཆོག་ཡ་ཝཱེས་གནམ་འོག་ཀུན་ཏུ་གནས་པའི་མི་ཐམས་ཅད་ལ་ལོངས་སྤྱོད་དུ་བསྩལ་པའི་ཉི་ཟླ་སྐར་གསུམ་སྟེ་ནམ་མཁའི་ཚོགས་ཡོད་དོ་ཅོག་མཐོང་བའི་ཚེ། ཡིད་དབང་ཕྲོགས་ནས་དེ་དག་ལ་ཕྱག་འཚལ་བ་དང་བསྙེན་བཀུར་བྱེད་ཉེན་ཆེ།  
\v 20 དཀོན་མཆོག་ཡ་ཝཱེས་ཁྱོད་རྣམས་དེ་རིང་ནང་བཞིན་ཁོང་གི་ནོར་བུ་དང་ཁོང་གི་འབངས་མི་རུ་བདམས་ཏེ། ཁྱོད་ཅག་ལྕགས་འཇུ་བྱེད་མེ་ཐབ་ལྟ་བུའི་ཨེ་ཅིབ་ཡུལ་ནས་བཏོན་ཏེ་ཁྲིད་འོངས་པ་ཡིན་ནོ། །   
\p
\v 21 ཡང་ཁྱོད་ཅག་གི་རྐྱེན་གྱིས་དཀོན་མཆོག་ཡ་ཝཱེ་ང་ལ་ཐུགས་ཁྲོས་ཤིང་། ང་ཡོར་དན་གཙང་པོའི་ཕར་ཁ་སྟེ། ཁྱོད་ཅག་གི་དཀོན་མཆོག་ཡ་ཝཱེས་ཁྱོད་ཅག་ལ་ས་སྐལ་དུ་གནང་བའི་ཡུལ་བཟང་པོ་དེར་འགྲོ་མི་ཆོག་པའི་མནའ་བཞེས་པས།  
\v 22 ང་ནི་ཡུལ་འདི་ནས་འཆི་དགོས་ཤིང་ཡོར་དན་གཙང་པོའི་ཕ་རོལ་ཏུ་འགྲོ་མི་ནུས། འོན་ཀྱང་ཁྱོད་ཅག་ཕར་སོང་ནས་ཡུལ་བཟང་པོ་དེ་བདག་གིར་ཟུངས་ཤིག  
\v 23 ཁྱོད་ཅག་གི་དཀོན་མཆོག་ཡ་ཝཱེས་ཁྱོད་རྣམས་ལ་གནང་བའི་ཞལ་ཆད་མི་བརྗེད་པ་དང་། ཁྱོད་ཅག་གི་དཀོན་མཆོག་ཡ་ཝཱེས་དགག་བྱར་བརྩིས་པའི་སྐུ་བརྙན་གྱི་རིགས་གང་ཡང་མི་བཞེང་བའི་ཆེད་དུ་གཟབ་གཟབ་གྱིས་ཤིག  
\v 24 ཅི་ལ་ཞེ་ན། ཁྱོད་ཅག་གི་དཀོན་མཆོག་ཡ་ཝཱེ་ནི་ཡོངས་རྫོགས་རྩ་མེད་གཏོང་བའི་མེ་དང་དཀོན་མཆོག་ཕྲག་དོག་ཅན་ཡིན་ནོ། །   
\p
\v 25 ཁྱོད་རྣམས་ལ་བུ་རབས་ཚ་རྒྱུད་སྐྱེས་ནས་ཡུལ་དེར་ཡུན་རིང་གནས་ཤིང་རྒས་པའི་ཚེ། ཁྱོད་ཅག་གིས་ལོག་སྤྱོད་སྤེལ་ནས་ལྷ་སྐུ་སྣ་ཚོགས་བཟོས་ཏེ། ཁྱོད་ཅག་གི་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་ནས་ཁོང་གི་ཐུགས་དཀྲུགས་ན།  
\v 26 ཁྱོད་རྣམས་ཡོར་དན་གཙང་པོའི་ཕ་རོལ་ཏུ་བརྒལ་ནས་བདག་གིར་འཛིན་པའི་ཡུལ་དུ་མགྱོགས་པོར་འཇིག་ཅིང་། ཡུལ་དེར་ཡུན་རིང་གནས་མི་ཐུབ་པར་རྩ་མེད་དུ་འགྲོ་ངེས་པ་ནི་ངས་དེ་རིང་གནམ་ས་གཉིས་དཔང་དུ་བཙུགས་པ་ཡིན།  
\v 27 དཀོན་མཆོག་ཡ་ཝཱེས་ཁྱོད་རྣམས་མི་མང་པོའི་ཁྲོད་དུ་གཏོར་ཞིང་། དཀོན་མཆོག་ཡ་ཝཱེས་ཁྱོད་རྣམས་གཏོར་བའི་མི་རིགས་མང་པོའི་ཁྲོད་དུ་ཁྱོད་རྣམས་མི་ཉུང་ངུ་ཙམ་ལས་མི་ལྷག  
\v 28 ཡུལ་དེ་རུ་ཁྱོད་རྣམས་ཀྱིས་མིས་བཟོས་པའི་རྡོ་སྐུ་དང་ཤིང་སྐུ་སྟེ་མིག་གིས་མི་མཐོང་ཞིང་རྣ་བས་མི་གོ་བ་དང་། ཟས་སྤྱོད་མི་ནུས་པ། དྲི་མི་ཚོར་བའི་ལྷ་རྣམས་ལ་བསྙེན་བཀུར་བྱེད་ཀྱང་།  
\v 29 ཁྱོད་ཅག་གིས་གནས་དེ་རུ་ཁྱོད་ཅག་གི་དཀོན་མཆོག་ཡ་ཝཱེ་འཚོལ་བར་འགྱུར་ཏེ། བློ་གཅིག་སེམས་གཅིག་གིས་ཁོང་ཉིད་བཙལ་ནས་བསྙེགས་ན། ཁྱོད་རྣམས་ཀྱིས་ཁོང་རྙེད་པར་འགྱུར།  
\v 30 ཁྱོད་རྣམས་དཀའ་སྡུག་གི་གནས་སུ་ལྷུང་སྟེ་དོན་འདི་ཐམས་ཅད་ཁྱོད་ལ་འབྱུང་བའི་དུས་སུ། མཐའ་མའི་ཉིན་མོ་དེ་དག་ལ་ཁྱོད་རྣམས་ཁྱོད་ཅག་གི་དཀོན་མཆོག་ཡ་ཝཱེའི་ཕྱོགས་སུ་འཁོར་ཞིང་ཁོང་གི་གསུང་སྐད་ཐོས་ངེས་པ་ཡིན།  
\v 31 ཅི་ལ་ཞེ་ན། ཁྱོད་ཅག་གི་དཀོན་མཆོག་ཡ་ཝཱེ་ནི་སྙིང་རྗེ་ལྡན་པའི་དཀོན་མཆོག་ལགས་པས། ཁོང་གིས་ཁྱོད་སྤང་བར་མི་བྱ་ཞིང་ཁྱོད་རྩ་མེད་དུའང་མི་གཏོང་། ཁོང་གིས་ཁྱོད་ཀྱི་ཕ་མེས་ལ་མནའ་བཞེས་ནས་ཞལ་ཆད་བཞག་པའང་ཐུགས་ནས་མི་བརྗེད་དོ། །   
\s1 དཀོན་མཆོག་ཡ་ཝཱེ་འབའ་ཞིག་དཀོན་མཆོག་ཡིན།  
\p
\v 32 ཁྱོད་རྣམས་ཀྱིས་དྲིས་དང་། ཁྱོད་ཅག་གི་སྔར་འདས་ཟིན་པའི་ཉིན་མོ་དག་ལ། དཀོན་མཆོག་གིས་ས་གཞི་སྟེང་མི་ཐོག་མར་བཀོད་པའི་ཉིན་ནས་བཟུང་། གནམ་གྱི་མཐའ་འདི་ནས་མཐའ་གཞན་པའི་བར་དུ་དོན་ཆེན་པོ་འདི་འདྲ་མཛད་མཁན་སུ་ཞིག་ཡོད། དོན་འདི་འདྲ་ཐོས་མྱོང་བ་སུ་ཞིག་ཡོད།  
\v 33 ཁྱོད་རྣམས་ཀྱིས་ཐོས་ཤིང་ད་དུང་གསོན་པོར་གནས་ཐུབ་པ་ནང་བཞིན། དཀོན་མཆོག་གིས་མེའི་དཀྱིལ་ནས་གསུང་གནང་བ་ཐོས་མྱོང་བའི་མི་རིགས་གང་ཞིག་ཡོད།  
\v 34 ཁྱོད་ཅག་གི་དཀོན་མཆོག་ཡ་ཝཱེས་ཨེ་ཅིབ་ཡུལ་དུ་ཁྱོད་ཅག་གི་མཐོང་ངོར་གང་དང་གང་མཛད་པ་ནང་བཞིན། ཚོད་བརྟག་དང་གྲུབ་རྟགས། ངོ་མཚར་བའི་དོན། འཐབ་མོ། ནུས་མཐུ་ཆེན་པོའི་ཕྱག་དང་ཕྱི་རུ་བརྐྱངས་པའི་དཔུང་པ། རབ་ཏུ་ཆེ་ཞིང་འཇིགས་སུ་རུང་བའི་དོན་བཅས་ལ་བརྟེན་ནས་རང་གི་ཕྱིར་དུ་མི་རིགས་ཤིག་མི་རིགས་གཞན་ནས་ལེན་ཐུབ་པའི་ལྷ་ཞིག་ཡོད་དམ།  
\v 35 དེ་ནི་དཀོན་མཆོག་ཡ་ཝཱེ་ཁོང་ཉིད་དཀོན་མཆོག་གཅིག་པུ་ལགས་ཤིང་། ཁོང་མ་གཏོགས་དཀོན་མཆོག་གཞན་མེད་པ་ཁྱོད་ཅག་ལ་སྟོན་པ་དང་ཁྱོད་རྣམས་ཀྱིས་རྟོགས་པའི་ཕྱིར་ཡིན་ནོ། །  
\v 36 དཀོན་མཆོག་ཡ་ཝཱེས་ཁྱོད་རྣམས་ལ་བསླབ་བྱ་གནང་བའི་ཕྱིར་ནམ་མཁའ་ནས་ཁྱོད་ཅག་ལ་ཁོང་གི་གསུང་སྐད་ཐོས་སུ་བཅུག་པ་དང་། ཡང་ས་སྟེང་ནས་ཁོང་གི་མེ་དཔུང་ཁྱོད་ཅག་ལ་བསྟན་ཅིང་མེའི་དཀྱིལ་ནས་བྱུང་བའི་ཁོང་གི་བཀའ་ཁྱོད་ཅག་ལ་ཐོས་སུ་བཅུག  
\v 37 ཁོང་གིས་ཁྱོད་རྣམས་ཀྱི་ཕ་མེས་ལ་གཅེས་པས་དེ་དག་གི་བུ་རྒྱུད་ཕྱི་མ་རྣམས་བདམས་ཤིང་། ཁོང་གི་ནུས་མཐུ་ཆེན་པོས་དངོས་སུ་ཁྱོད་རྣམས་ཨེ་ཅིབ་ཡུལ་ནས་ཕྱི་རུ་ཁྲིད་འོངས་པ་དང་།  
\v 38 དེ་ནི་ཁོང་གིས་ཁྱོད་རྣམས་ལས་ཆེ་ཞིང་ཁྱོད་རྣམས་ལས་སྟོབས་ལྡན་པའི་མི་རིགས་རྣམས་ཁྱོད་ཅག་གི་སྔུན་ནས་སྐྲོད་ཅིང་། ཁྱོད་རྣམས་ནང་དུ་ཁྲིད་ནས་ཁོ་ཚོའི་ཡུལ་ནི་དེ་རིང་ནང་བཞིན་ཁྱོད་རྣམས་ལ་ས་སྐལ་དུ་གནང་བའི་ཕྱིར་ཡིན་ནོ། །  
\v 39 དེ་བས་ན་གནམ་ས་གཉིས་སུ་དཀོན་མཆོག་ཡ་ཝཱེ་འབའ་ཞིག་དཀོན་མཆོག་ཡིན་ཏེ། ཁོང་ལས་གཞན་དཀོན་མཆོག་མེད་པ་དེ་རིང་ཁྱོད་ཅག་གིས་ཤེས་ནས་ཡིད་ལ་འཛིན་དགོས།  
\v 40 ངས་དེ་རིང་ཁྱོད་རྣམས་ལ་བསྒོས་པའི་སྒྲིག་ཁྲིམས་དང་བཀའ་རྒྱ་རྣམས་བསྲུང་བར་གྱིས། དེ་བཞིན་བྱས་ན། ཁྱོད་རྣམས་དང་ཁྱོད་ཅག་གི་བུ་རབས་ཚ་རྒྱུད་རྣམས་བདེ་ཞིང་། ཁྱོད་ཅག་གི་དཀོན་མཆོག་ཡ་ཝཱེས་ཁྱོད་རྣམས་ལ་གནང་བའི་ཡུལ་དེར་ཡུན་རིང་འཚོ་ཐུབ་ཅེས་བཀའ་བསྩལ་ཏོ། །   
\s1 སྐྱབས་བཅོལ་གྲོང་ཁྱེར།  
\p
\v 41 དེ་ནས་མོ་ཤེ་ཡིས་ཡོར་དན་གཙང་པོའི་ཤར་ཕྱོགས་ནས་གྲོང་ཁྱེར་གསུམ་བདམས་ཏེ།  
\v 42 ཞེ་འཁོན་ཅི་ཡང་མེད་པར་མ་བསམ་ས་ནས་ཁྱིམ་མཚེས་ཤིག་བསད་ཚེ། མི་དེ་གྲོང་ཁྱེར་གསུམ་པོ་དེ་ལས་གཅིག་གི་ནང་བྲོས་ན་གསོན་པོར་འདུག་ཐུབ་པ་ཡིན།  
\v 43 དབེན་སྟོང་གི་ཐང་དུ་ཡོད་པའི་པེ་ཙེར་ཡུལ་ནི་རུ་བེན་པའི་ཡིན་པ་དང་། གིལ་ཨད་ཀྱི་རཱ་མོད་ནི་གཱ་རྡུ་པའི་ཡིན་ལ། པཱ་ཤན་གྱི་གོ་ལན་ནི་མཱ་ན་ཤེ་པའི་ཡིན་པའོ། །   
\s1 བཀའ་ཁྲིམས་མཚམས་སྦྱོར།  
\p
\v 44 འདི་ནི་མོ་ཤེ་ཡིས་ཡེས་ར་ཨེལ་པ་རྣམས་ཀྱི་མདུན་དུ་བཙུགས་པའི་བཀའ་ཁྲིམས་ཡིན་ཏེ།  
\v 45 ཡེས་ར་ཨེལ་པ་རྣམས་ཨེ་ཅིབ་ཡུལ་ནས་ཕྱི་རོལ་ཏུ་ཐོན་རྗེས། མོ་ཤེ་ཡིས་ཁོ་རྣམས་ལ་བསྒོས་པའི་དཔང་ཡིག་དང་། སྒྲིག་ཁྲིམས་དང་། སྲོལ་ཡིག་བཅས་ཡིན།  
\v 46 ཡུལ་ནི་ཡོར་དན་གཙང་པོའི་ཤར་ཕྱོགས་དང་། པེད་ཕེ་ཨོར་ཕ་རོལ་གྱི་ལུང་པ་སྟེ། ཧེ་སི་པོན་དུ་གནས་པའི་ཨེ་མོར་པའི་རྒྱལ་པོ་སི་ཧོན་གྱི་ཡུལ་ཡིན་ལ། སི་ཧོན་ནི་མོ་ཤེ་དང་ཡེས་ར་ཨེལ་པ་རྣམས་ཨེ་ཅིབ་ཡུལ་ནས་ཐོན་རྗེས་ཁོ་ཚོས་བསད་པ་ཡིན་ནོ། །  
\v 47 ཁོ་རྣམས་ཀྱིས་དེའི་ཡུལ་དང་པཱ་ཤན་གྱི་རྒྱལ་པོ་ཨོག་གི་ཡུལ་ཏེ། ཡོར་དན་གཙང་པོ་ཤར་ཕྱོགས་ཀྱི་ཨེ་མོར་པའི་རྒྱལ་པོ་གཉིས་ཀྱི་ཡུལ་དབང་དུ་བསྡུས།  
\v 48 ཡུལ་དེ་ནི་ཨར་ནོན་གྲོག་རོང་འགྲམ་རྒྱུད་ཀྱི་ཨ་རོ་ཨེར་ནས་ཧེར་མོན་བྱ་བའི་རི་བོ་སིར་ཡོན་གྱི་བར་དང་།  
\v 49 ཡོར་དན་གཙང་པོ་ཤར་ཕྱོགས་ཀྱི་ཨ་ར་པཱའི་ཐང་ཐམས་ཅད་དང་ཨ་ར་པཱའི་རྒྱ་མཚོའི་བར་ཏེ། ཕིས་གའི་རི་འདབས་བཅས་ཡིན་ནོ། །   
\c 5
\cl ལེའུ་ལྔ་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 དཀོན་མཆོག་གི་བཀའ་ཁྲིམས་བཅུ།  
\p
\v 1 དེ་ཡང་མོ་ཤེ་ཡིས་ཡེས་ར་ཨེལ་པ་ཐམས་ཅད་བོས་ནས་དེ་དག་ལ་འདི་ལྟར། ཀྱེ་ཡེས་ར་ཨེལ་པ་རྣམས། དེ་རིང་ངས་ཁྱོད་རྣམས་ལ་སྨྲ་བར་བྱེད་པའི་སྒྲིག་ཁྲིམས་དང་། སྲོལ་ཡིག་རྣམས་ལ་མཉན་ནས་དེ་དག་ལེགས་པར་སྦྱངས་ཏེ་གཟབ་གཟབ་ངང་བསྲུང་བར་གྱིས།  
\v 2 རང་ཅག་གི་དཀོན་མཆོག་ཡ་ཝཱེས་རི་བོ་ཧོ་རེབ་ནས་རང་ཅག་ལ་ཞལ་ཆད་མཛད་ཡོད།  
\v 3 ཞལ་ཆད་དེ་ནི་དཀོན་མཆོག་ཡ་ཝཱེས་རང་ཅག་གི་ཕ་མེས་རྣམས་ལ་མཛད་པ་མ་ཡིན་ཏེ། དེ་རིང་འདི་རུ་གསོན་པོར་གནས་པའི་རང་ཅག་ཀུན་ལ་མཛད་པ་ཡིན།  
\v 4 དཀོན་མཆོག་ཡ་ཝཱེས་རི་སྟེང་གི་མེའི་དཀྱིལ་ནས་ཁྱོད་ཅག་ལ་ཁ་རི་ཁ་ཐུག་ཏུ་བཀའ་བསྩལ་ཡོད་དེ།  
\v 5 སྐབས་དེར་ང་ནི་དཀོན་མཆོག་ཡ་ཝཱེ་དང་ཁྱོད་རྣམས་ཀྱི་བར་དུ་འགྲེང་ནས་ཁོང་གི་བཀའ་གསུང་ཁྱོད་ཅག་ལ་བསྒྲགས་པ་ཡིན་ཏེ། ཁྱོད་རྣམས་མེ་དེར་འཇིགས་པས་རི་མགོར་མ་འོངས་སོ། །དཀོན་མཆོག་ཡ་ཝཱེས་འདི་སྐད་དུ།  
\v 6 བདག་ནི་ཁྱོད་ཅག་གི་དཀོན་མཆོག་ཡ་ཝཱེ་ཡིན་ཞིང་། ཁྱོད་རྣམས་ཨེ་ཅིབ་ཡུལ་གྱི་བྲན་དུ་བཀོལ་བའི་གནས་ནས་ཁྲིད་མཁན་ཡང་ཡིན་ནོ། །  
\v 7 ང་རང་མ་གཏོགས་པའི་དཀོན་མཆོག་གཞན་ཞིག་ཁྱོད་ལ་ཡོད་མི་ཆོག  
\v 8 ཁྱོད་ཀྱིས་རང་ཉིད་ལ་སྐུ་འདྲ་དང་། སྟེང་གི་ནམ་མཁའ་འམ། འོག་གི་སའམ། ས་འོག་གི་ཆུ་ལ་ཡོད་པའི་སེམས་ཅན་གྱི་གཟུགས་བརྙན་གང་ཡང་བཟོ་མི་རུང་།  
\v 9 དེ་དག་ལ་ཕྱག་མ་འཚལ། བསྙེན་བཀུར་ཡང་བྱེད་མི་རུང་། གང་ལ་ཞེ་ན། ཁྱོད་ཀྱི་དཀོན་མཆོག་ཡ་ཝཱེ་ང་རང་ནི་ཕྲག་དོག་ཅན་ཞིག་ཡིན་ཏེ། ཕ་རྣམས་ཀྱི་ནག་ཉེས་ཕྱིར་མི་རབས་གསུམ་མམ་བཞིའི་བར་དུ་ང་རང་ལ་སྡང་མཁན་གྱི་བུ་ཕྲུག་རྣམས་ལ་བཀའ་ཆད་གཅོད་མོད།  
\v 10 འོན་ཀྱང་ང་རང་གཅེས་སུ་འཛིན་པ་དང་བདག་གི་བཀའ་སྲུང་མཁན་རྣམས་ལ་མི་སྟོང་ཕྲག་གི་བར་དུ་ཐུགས་བརྩེ་བར་བྱེད་དོ། །  
\v 11 ཁྱོད་ཀྱི་དཀོན་མཆོག་ཡ་ཝཱེའི་མཚན་གང་བྱུང་དུ་སྤྱོད་མི་རུང་། ཅི་ལ་ཞེ་ན། སུ་ཞིག་གིས་ཁོང་གི་མཚན་གང་བྱུང་དུ་སྤྱད་ན་དཀོན་མཆོག་ཡ་ཝཱེས་མི་དེ་ཉེས་མེད་དུ་རྩི་བར་མི་འགྱུར་རོ། །  
\v 12 ཁྱོད་ཀྱི་དཀོན་མཆོག་ཡ་ཝཱེས་ཁྱོད་རང་ལ་བསྩལ་པའི་བཀའ་བཞིན་དུ། ངལ་གསོ་བའི་ཉིན་མོ་དམ་པར་སྲུངས་ཤིག  
\v 13 ཉིན་དྲུག་གི་རིང་ལ་འབད་ཅིང་རང་གི་ལས་ཀ་ཚང་མ་སྒྲུབ་རུང་བ་ཡིན།  
\v 14 འོན་ཀྱང་ཉིན་བདུན་པ་ནི་ཁྱོད་ཀྱི་དཀོན་མཆོག་ཡ་ཝཱེའི་ངལ་གསོ་བའི་ཉིན་མོ་ཡིན་པས། ཉིན་མོ་དེ་ལ་ཁྱོད་དང་ཁྱོད་ཀྱི་བུ་དང་བུ་མོ། གཡོག་པོ་དང་གཡོག་མོ། བ་གླང་དང་བོང་བུ། སྒོ་ཕྱུགས་ཐམས་ཅད། ཁྱོད་ཀྱི་རྒྱ་སྒོ་ནང་རོལ་ལ་གནས་པའི་བྱེས་པ་བཅས་ཀྱིས་ལས་ཀ་གང་ཡང་བྱེད་མི་རུང་སྟེ། ཁྱོད་ཀྱི་གཡོག་པོ་དང་གཡོག་མོ་རྣམས་ཀྱིས་ཀྱང་ཁྱོད་དང་འདྲ་བར་ངལ་གསོ་བྱེད་ཐུབ་པའི་ཕྱིར་རོ། །  
\v 15 ཁྱོད་རང་ཨེ་ཅིབ་ཡུལ་ནས་བྲན་གཡོག་བྱས་མྱོང་བ་དང་། ཁྱོད་ཀྱི་དཀོན་མཆོག་ཡ་ཝཱེས་མཐུ་སྟོབས་ཆེན་པོའི་ཕྱག་དང་ཕྱི་རུ་བརྐྱངས་པའི་དཔུང་པ་ཡིས་ཁྱོད་རང་ཡུལ་དེ་ནས་ཕྱི་རུ་ཁྲིད་འོངས་པ་དྲན་དགོས། དེ་བས་ཁྱོད་ཀྱི་དཀོན་མཆོག་ཡ་ཝཱེས་ངལ་གསོ་བའི་ཉིན་མོ་སྲུངས་ཤིག་ཅེས་ཁྱོད་ལ་བཀའ་བསྩལ་ཏོ། །  
\v 16 ཁྱོད་ཀྱི་དཀོན་མཆོག་ཡ་ཝཱེས་ཁྱོད་ལ་བཀའ་བསྩལ་པ་བཞིན་དུ། ཚེ་ཐག་རིང་པོར་གནས་ཐུབ་པ་དང་ཁྱོད་ཀྱི་དཀོན་མཆོག་ཡ་ཝཱེས་ཁྱོད་ལ་གནང་བྱའི་ཡུལ་དེ་རུ་བདེ་བར་འཚོ་ཐུབ་པའི་ཕྱིར། ཁྱོད་ཀྱིས་རང་གི་ཕ་མ་གཉིས་ལ་བཀུར་སྟི་བྱེད་དགོས།  
\v 17 ཁྱོད་ཀྱིས་མི་མ་གསོད།  
\v 18 ལོག་གཡེམ་མ་བྱེད།  
\v 19 རྐུ་མ་བྱེད།  
\v 20 རང་གི་ཁྱིམ་མཚེས་ལ་རྫུན་གྱི་དཔང་པོ་མ་བྱེད།  
\v 21 རང་གི་ཁྱིམ་མཚེས་ཀྱི་ཆུང་མ་ལ་འདོད་ཧམ་མ་བཅང་། ཁྱིམ་མཚེས་ཀྱི་ཁང་པ་དང་ས་ཞིང་། གཡོག་པོ་དང་གཡོག་མོ། བ་གླང་དང་བོང་བུ་བཅས་དང་། ཡང་ན་ཁྱིམ་མཚེས་ཀྱི་ཡིན་ཚད་གང་ལའང་ཧམ་པ་བཅང་མི་རུང་ཞེས་གསུངས་པའོ། །   
\p
\v 22 བཀའ་འདི་རྣམས་ནི་དཀོན་མཆོག་ཡ་ཝཱེས་རི་མགོ་ནས་མེ་དང་སྤྲིན་དང་། སྨག་རུམ་སྟུག་པོའི་དབུས་ནས་གསུང་སྐད་ཆེན་པོས་ཁྱོད་མི་ཚོགས་ཐམས་ཅད་ལ་བསྒྲགས་པ་ཡིན། དེ་ལ་ཅི་ཡང་བསྣན་མེད། ཁོང་གིས་བཀའ་དེ་རྣམས་རྡོ་ལེབ་གཉིས་ཀྱི་སྟེང་བཀོད་ནས་ང་ལ་གནང་བྱུང་།  
\v 23 སྐབས་དེར་རི་མགོར་མེ་འབར་བ་དང་ལྷན་དུ་ཁྱོད་རྣམས་ཀྱིས་སྨག་རུམ་ནས་གསུང་སྐད་གྲགས་འོངས་པ་ཐོས་ནས། ཁྱོད་ཅག་ཚོ་པ་ཁག་གི་འགོ་དཔོན་ཐམས་ཅད་དང་རྒན་པོ་རྣམས་ངའི་ཉེ་སར་འོངས་ཏེ་ན་རེ།  
\v 24 ཀྱེ་མ། བདག་ཅག་གི་དཀོན་མཆོག་ཡ་ཝཱེས་ཁོང་གི་གཟི་བརྗིད་དང་ཆེ་བ་ང་ཚོར་བསྟན་པ་དང་། ང་ཚོས་ཁོང་གི་གསུང་སྐད་མེའི་དཀྱིལ་ནས་གྲགས་འོངས་པ་ཐོས། དཀོན་མཆོག་གིས་མི་ལ་གསུང་མོལ་གནང་བ་དང་མི་ད་དུང་གསོན་པོར་གནས་ཐུབ་པ་དེ་རིང་ངེད་ཅག་གིས་མཐོང་བྱུང་།  
\v 25 ད་ནི་མེ་དཔུང་འདིས་ང་ཚོ་རྩ་མེད་གཏོང་ངེས་ཡིན། ང་ཚོ་འཆི་དགོས་དོན་ཅི་ཡོད་དམ། གལ་སྲིད་ང་ཚོས་དཀོན་མཆོག་ཡ་ཝཱེའི་གསུང་སྐད་ཡང་བསྐྱར་ཐོས་ན་ང་ཚོ་འཆི་བར་འགྱུར།  
\v 26 ཅི་ལ་ཞེ་ན། ཤ་ཁྲག་གདོས་བཅས་ཀྱི་མི་སུ་ཞིག་གིས་རང་ཅག་དང་འདྲ་བར་གཏན་དུ་གསོན་པོར་བཞུགས་པའི་དཀོན་མཆོག་གི་གསུང་སྐད་མེའི་དཀྱིལ་ནས་གྲགས་འོངས་པ་ཐོས་ནས་ད་དུང་གསོན་པོར་གནས་ཐུབ་བམ།  
\v 27 དེ་བས་ཁྱེད་རང་ཉེ་བར་བཅར་ནས་རང་ཅག་གི་དཀོན་མཆོག་ཡ་ཝཱེས་ཅི་ཞིག་གསུང་བར་གསན་པར་མཛོད། དེ་ནས་རང་ཅག་གི་དཀོན་མཆོག་ཡ་ཝཱེས་ཁྱེད་ལ་བཀའ་བསྩལ་པ་ཐམས་ཅད་ང་ཚོར་གསུངས་དང་། ངེད་ཅག་གིས་མཉན་ནས་དེ་བཞིན་དུ་བསྒྲུབ་པར་བྱའོ་ཞེས་སྨྲས་སོ། །   
\p
\v 28 དེ་ཡང་ཁྱོད་རྣམས་ཀྱིས་ང་ལ་གླེང་མོལ་བྱེད་པའི་སྐབས་སུ། དཀོན་མཆོག་ཡ་ཝཱེས་ཁྱོད་ཅག་གི་སྐད་སྒྲ་གསན་ནས་ཁོང་གིས་ང་ལ་འདི་སྐད་དུ། མི་འདི་རྣམས་ཀྱིས་ཁྱོད་ལ་སྨྲས་པའི་གཏམ་བདག་གིས་ཐོས་ཡོད། དེ་དག་གིས་སྨྲས་པ་ཐམས་ཅད་ལེགས་པོ་འདུག  
\v 29 ཁོ་ཚོས་རྟག་ཏུ་དེ་ལྟ་བུའི་བསམ་པ་བཅངས་ནས་བདག་ལ་གུས་ཤིང་འཇིགས་པ་དང་། བདག་གི་བཀའ་ཐམས་ཅད་བསྲུང་བར་ཤོག དེ་ནས་ཁོ་ཚོའི་བུ་རྒྱུད་རྣམས་དུས་གཏན་དུ་བདེ་བར་འགྱུར།  
\v 30 ཁྱོད་སོང་ནས་ཁོ་རྣམས་ལ་གུར་ནང་དུ་ཕྱིར་ལོག་ཅིག་ཅེས་སྒོས་ཤིག  
\v 31 འོན་ཀྱང་ཁྱོད་ནི་བདག་གི་མདུན་དུ་སྡོད་ཅིག དེ་ནས་ངས་ཁྱོད་ལ་བཀའ་རྒྱ་དང་སྒྲིག་ཁྲིམས། སྲོལ་ཡིག་བཅས་ཐམས་ཅད་བསླབ་པར་བྱ། ངས་ཁོ་རྣམས་ལ་ས་སྐལ་དུ་སྦྱིན་པའི་ཡུལ་དེ་རུ་ཁོ་ཚོས་དེ་བཞིན་བསྒྲུབ་པའི་ཕྱིར། ཁྱོད་ཀྱིས་ཁོ་ཚོར་དེ་དག་འཁྲིད་དགོས་ཞེས་བཀའ་བསྩལ་བྱུང་།  
\v 32 དེའི་ཕྱིར་ཁྱོད་རྣམས་གཡས་གཡོན་གང་ལ་ཡང་མི་གཟུར་བར་ཁྱོད་ཅག་གི་དཀོན་མཆོག་ཡ་ཝཱེས་ཁྱོད་ཅག་ལ་བསྩལ་པའི་བཀའ་ནང་བཞིན་བརྩི་སྲུང་ནན་མོ་བྱེད་དགོས།  
\v 33 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་བགྲོད་དགོས་པར་བསྩལ་པའི་ལམ་ཀུན་ཏུ་བསྐྱོད་དགོས། དེ་ལྟར་བྱས་ན། ཁྱོད་རྣམས་འཚོ་ཞིང་བདེ་བར་འགྱུར་ལ། ཁྱོད་རྣམས་རང་གིས་བདག་པོ་རྒྱག་པའི་ཡུལ་དུ་ཡུན་ནས་ཡུན་དུ་གནས་ཐུབ་བོ། །   
\c 6
\cl ལེའུ་དྲུག་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 དཀོན་མཆོག་ལ་རྩེ་གཅིག་གིས་དགའ་བར་གདམས་པ།  
\p
\v 1 འདི་ནི་ཁྱོད་ཅག་གི་ཆེད་དུ་ཁྱོད་རྣམས་ཀྱི་དཀོན་མཆོག་ཡ་ཝཱེས་ང་ལ་གསུངས་པའི་བཀའ་རྒྱ་དང་། སྒྲིག་ཁྲིམས་དང་། སྲོལ་ཡིག་བཅས་ཡིན་ལ། ཁྱོད་ཅག་གིས་ཕར་ཕྱོགས་ནས་བདག་པོ་རྒྱག་པའི་ཡུལ་དུ་དེ་དག་བསྲུང་དགོས།  
\v 2 ཅིའི་ཕྱིར་ཞེ་ན། ཁྱོད་རྣམས་དང་ཁྱོད་རྣམས་ཀྱི་བུ་རབས་ཚ་རྒྱུད་དག་གིས་ནམ་འཚོའི་བར་དུ། ངས་ཁྱོད་ཅག་ལ་བསྒོས་པའི་ཁྱོད་རྣམས་ཀྱི་དཀོན་མཆོག་ཡ་ཝཱེའི་སྒྲིག་ཁྲིམས་ཐམས་ཅད་དང་། བཀའ་རྣམས་བསྲུངས་ནས་ཁོང་ལ་གུས་ཤིང་འཇིགས་པ་ཡིན་ན་ཁྱོད་ཅག་ཚེ་ཐག་རིང་ངོ་། །  
\v 3 ཀྱེ་ཡེས་ར་ཨེལ་པ་རྣམས། ཁྱོད་ཅག་གིས་དེ་རྣམས་ཐོས་པ་དང་ཇི་ལྟར་བསྲུང་བར་གཟབ་གཟབ་གྱིས་དང་། ཁྱོད་རྣམས་ཀྱི་ཕ་མེས་ཀྱི་དཀོན་མཆོག་ཡ་ཝཱེས་ཞལ་གྱིས་བཞེས་པ་བཞིན། འོ་མ་དང་སྦྲང་རྩི་བཞུར་བའི་ཡུལ་ནས་སྐྱིད་ལ་རོལ་ཞིང་མི་གྲངས་མང་དུ་འཕེལ་བར་འགྱུར་རོ། །   
\p
\v 4 ཀྱེ་ཡེས་ར་ཨེལ་པ་རྣམས་ཀྱིས་ཉོན་ཅིག བདག་ཅག་གི་དཀོན་མཆོག་ཡ་ཝཱེ་ནི་ཡ་ཝཱེ་གཅིག་པུ་ལགས་ཤིང་།  
\v 5 ཁྱོད་ཀྱིས་རང་གི་དཀོན་མཆོག་ཡ་ཝཱེ་ལ་བློ་གཅིག་སེམས་གཅིག་དང་སྟོབས་ཤུགས་ཡོད་རྒུས་གཅེས་ཤིག  
\v 6 ངས་དེ་རིང་ཁྱོད་ཅག་ལ་བསྒོས་པའི་བཀའ་དེ་རྣམས་སེམས་ལ་ཟུངས་ཤིག  
\v 7 ཁྱོད་རྣམས་རང་ཁྱིམ་ནས་འདུག་དུས་དང་ལམ་དུ་འགྲོ་དུས་དང་། མར་ཉལ་དུས་དང་། ཡར་ལངས་དུས་ནམ་ཡིན་ཡང་བཀའ་དེ་རྣམས་ཁྱོད་ཅག་གིས་རང་གི་བུ་དང་བུ་མོ་རྣམས་ལ་གླེང་ནས་ཆད་མེད་དུ་འཁྲིད་དགོས།  
\v 8 ཁྱོད་རྣམས་ཀྱིས་བཀའ་དེ་རྣམས་རང་གི་ལག་པར་དཀྲིས་ནས་རྟགས་མཚན་དུ་བྱེད་པ་དང་། དེ་རྣམས་དཔྲལ་བར་དཀྲི་དགོས།  
\v 9 ཁྱོད་རྣམས་ཀྱི་ཁང་པའི་སྒོ་འགྲམ་དང་མཁར་སྒོའི་སྟེང་དུའང་འབྲི་དགོས་སོ། །   
\p
\v 10 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ཁྲིད་ནས་འགྲོ་ངེས་པའི་ཡུལ་ཏེ། ཁོང་གིས་ཁྱོད་ཅག་གི་ཕ་མེས་ཨབ་ར་ཧམ་དང་ཨི་སཱག ཡ་ཀོབ་བཅས་ལ་ཁྱོད་རྣམས་ལ་གནང་བར་མནའ་བཞེས་ཡོད་པའི་ཡུལ་དེ་རུ་ཁྱོད་རྣམས་ཀྱིས་བརྩིགས་པ་མ་ཡིན་པའི་གྲོང་ཁྱེར་ཆེན་པོ་དང་ཁྱད་མཚར་ཅན་ཡོད་ལ།  
\v 11 ཁྱོད་རྣམས་ཀྱིས་བསགས་པ་མ་ཡིན་པའི་རྒྱུ་ནོར་སྣ་ཚོགས་ཀྱིས་གང་བའི་ཁང་པ་དང་། ཁྱོད་རྣམས་ཀྱིས་བརྐོས་པ་མ་ཡིན་པའི་ཁྲོན་པ་དང་། ཁྱོད་རྣམས་ཀྱིས་བཙུགས་པ་མ་ཡིན་པའི་རྒུན་ཚལ་དང་སྐྱུ་རུ་རའི་ལྗོན་ཤིང་རྣམས་ཡོད་ཅིང་། ཁྱོད་རྣམས་ཀྱིས་དེ་དག་ཡིད་ཚིམ་པར་སྤྱད་ཆོག  
\v 12 ཁྱོད་ཅག་ཨེ་ཅིབ་ཡུལ་གྱི་བྲན་དུ་བཀོལ་བའི་གནས་ནས་ཕྱི་རུ་ཁྲིད་ཡོང་མཁན་དཀོན་མཆོག་ཡ་ཝཱེ་ཁོང་ཉིད་མི་བརྗེད་པའི་ཆེད་དུ་ཁྱོད་རྣམས་ཀྱིས་གཟབ་གཟབ་གྱིས་ཤིག  
\v 13 ཁྱོད་རྣམས་ཀྱིས་རང་གི་དཀོན་མཆོག་ཡ་ཝཱེ་ལ་གུས་ཤིང་འཇིགས་པ་དང་། ཁོང་ལ་བསྙེན་བཀུར་བྱེད་ཅིང་། ཁོང་གི་མཚན་ལ་བརྟེན་ནས་མནའ་བསྐྱལ་དགོས་སོ། །  
\v 14 ཁྱོད་རྣམས་ཀྱི་མཐའ་འཁོར་དུ་ཡོད་པའི་མི་རིགས་སོ་སོའི་ལྷ་རྣམས་ཀྱི་རྗེས་སུ་འབྲང་མི་རུང་།  
\v 15 གང་ལ་ཞེ་ན། ཁྱོད་རྣམས་ཀྱི་ཁྲོད་དུ་བཞུགས་པའི་ཁྱོད་ཅག་གི་དཀོན་མཆོག་ཡ་ཝཱེ་ནི་དཀོན་མཆོག་ཕྲག་དོག་ཅན་ཞིག་ཡིན་ནོ། །དེ་ལྟར་མ་བྱས་ན་ཁོང་ཁྱོད་རྣམས་ལ་ཁྲོས་ནས་ཁྱོད་ཅག་ས་གཞིའི་སྟེང་ནས་མེད་པར་མཛད་ངེས་སོ། །   
\p
\v 16 ཁྱོད་ཅག་གིས་མཱ་སཱ་བྱ་བའི་ཡུལ་དུ་ཁྱོད་རྣམས་ཀྱི་དཀོན་མཆོག་ཡ་ཝཱེ་ལ་ཚོད་བགམ་བྱས་པ་ལྟར་ཁོང་ལ་ཚོད་བགམ་མ་བྱེད།  
\v 17 ཁྱོད་ཅག་གི་དཀོན་མཆོག་ཡ་ཝཱེས་ཁྱོད་ཅག་ལ་གནང་བའི་བཀའ་རྣམས་དང་དཔང་ཡིག སྒྲིག་ཁྲིམས་བཅས་ནི་བརྟན་པོར་སྲུངས་ཤིག  
\v 18 ཁྱོད་རྣམས་ཀྱིས་དཀོན་མཆོག་ཡ་ཝཱེའི་སྤྱན་སྔར་དྲང་པོ་དང་བཟང་པོ་གང་ཡིན་པ་དེ་བྱེད་དགོས་ལ། དེ་ལྟར་བྱས་ན་ཁྱོད་རྣམས་ཀྱིས་སྐྱིད་ལ་རོལ་ཐུབ་པར་མ་ཟད། དཀོན་མཆོག་ཡ་ཝཱེས་ཁྱོད་རྣམས་ཀྱི་མེས་པོ་རྣམས་ལ་མནའ་དང་བཅས་ཞལ་བཞེས་གནང་བའི་ཡུལ་བཟང་པོ་དེར་སོང་ནས་དེ་བདག་གིར་འཛིན་ཐུབ་པ་དང་།  
\v 19 དཀོན་མཆོག་ཡ་ཝཱེས་གསུངས་པ་ནང་བཞིན་ཁྱོད་རྣམས་ཀྱི་དགྲ་བོ་ཐམས་ཅད་ཁྱོད་ཅག་གི་མདུན་ནས་སྐྲོད་པར་བྱའོ། །   
\p
\v 20 ཕྱིས་སུ་ཁྱོད་རྣམས་ཀྱི་བུ་ཡིས་རང་ཅག་གི་དཀོན་མཆོག་ཡ་ཝཱེས་བསྒོས་པའི་དཔང་ཡིག་དང་སྒྲིག་ཁྲིམས། སྲོལ་ཡིག་འདི་རྣམས་ཅི་ཡིན་ཞེས་དྲིས་ན།  
\v 21 ཁྱོད་རྣམས་ཀྱིས་རང་གི་བུ་ལ། སྔར་རང་ཅག་ཨེ་ཅིབ་ཡུལ་ནས་ཕཱར་ཨོལ་གྱི་བྲན་གཡོག་བྱས་མྱོང་། ཡིན་ནའང་དཀོན་མཆོག་ཡ་ཝཱེའི་མཐུ་སྟོབས་ཆེན་པོའི་ཕྱག་གིས་རང་ཅག་ཨེ་ཅིབ་ཡུལ་ནས་ཕྱི་རུ་ཁྲིད་འོངས་པ་ཡིན།  
\v 22 དཀོན་མཆོག་ཡ་ཝཱེས་རང་ཅག་གི་མིག་ལམ་དུ་ཨེ་ཅིབ་ཡུལ་དང་ཕཱར་ཨོལ་དང་། དེའི་ཁྱིམ་གང་པོར་འཇིགས་སུ་རུང་བའི་གྲུབ་རྟགས་དང་དོན་ངོ་མཚར་ཅན་ཆེན་པོ་བསྟན།  
\v 23 ཁོང་གིས་རང་ཅག་ནི་མེས་པོ་རྣམས་ལ་མནའ་དང་བཅས་ཞལ་བཞེས་གནང་བའི་ཡུལ་དུ་ཁྲིད་ནས་དེ་རང་ཅག་ལ་གནང་བའི་ཕྱིར་དུ། རང་ཅག་ཨེ་ཅིབ་ཡུལ་ནས་ཕྱི་རུ་ཁྲིད་འོངས་པ་ཡིན།  
\v 24 ཡང་དེ་རིང་ཉིན་མོ་ལྟར་རང་ཅག་གིས་རྟག་ཏུ་སྐྱིད་ལ་རོལ་ནས་གསོན་པོར་གནས་ཐུབ་པའི་ཕྱིར་དུ། དཀོན་མཆོག་ཡ་ཝཱེས་རང་ཅག་ལ་སྒྲིག་ཁྲིམས་འདི་ཐམས་ཅད་བསྲུང་དགོས་པ་དང་། རང་ཅག་གི་དཀོན་མཆོག་ཡ་ཝཱེ་ལ་གུས་ཤིང་འཇིགས་དགོས་པར་གསུངས་ཡོད།  
\v 25 གལ་སྲིད་རང་ཅག་གིས་དཀོན་མཆོག་ཡ་ཝཱེས་གསུངས་པ་ཇི་བཞིན་ཁོང་གི་དྲུང་དུ་བཀའ་ཐམས་ཅད་བསྲུངས་པ་ཡིན་ན། དེ་ནི་རང་ཅག་གི་དྲང་བདེན་ཡིན་ནོ་ཞེས་སྨྲ་བར་བྱའོ། །   
\c 7
\cl ལེའུ་བདུན་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 མི་བདམས་པ།  
\p
\v 1 ཁྱོད་ཅག་གི་དཀོན་མཆོག་ཡ་ཝཱེས་ཁྱོད་རྣམས་སོང་ནས་བདག་གིར་འཛིན་པའི་ཡུལ་དེ་ལ་འཁྲིད་པའི་ཚེ། མི་རིགས་མང་པོ་ཞིག་ཁྱོད་རྣམས་ཀྱི་མདུན་ནས་སྐྲོད་པར་འགྱུར། དེ་དག་ནི་ཁྱོད་རྣམས་ལས་གྲངས་ཀ་མང་ཞིང་སྟོབས་ཆེ་བའི་མི་རིགས་བདུན་ཏེ། ཧེད་པ་དང་། གིར་གས་པ་དང་། ཨེ་མོར་པ་དང་། ཀ་ན་ཨན་པ་དང་། ཕེ་རེ་ཟི་པ་དང་། ཧེ་བི་པ་དང་། ཡེ་བུ་སི་པ་བཅས་ཡིན་ནོ། །  
\v 2 ཁྱོད་རྣམས་ཀྱི་དཀོན་མཆོག་ཡ་ཝཱེས་དེ་དག་ཁྱོད་ཅག་གི་ལག་ཏུ་སྤྲད་ནས་ཁྱོད་ཅག་གིས་དེ་དག་ཕམ་པར་རྒྱག་པའི་དུས་སུ། ཁོ་རྣམས་རྩ་མེད་གཏོང་བ་ལས་ཁོ་རྣམས་དང་ཁ་ཆད་འཇོག་མི་རུང་ལ། ཁོ་རྣམས་དྲིན་གྱིས་སྐྱོང་ཡང་མི་རུང་།  
\v 3 ཁོ་ཚོ་དང་གཉེན་གྱི་འབྲེལ་བ་ཡང་འཛིན་མི་རུང་སྟེ། ཁྱོད་རྣམས་ཀྱི་བུ་མོ་ཁོ་ཚོའི་བུ་ལ་མནའ་མར་སྟེར་མི་རུང་ལ། ཁོ་ཚོའི་བུ་མོ་ཁྱོད་རྣམས་ཀྱི་བུ་ལ་མནའ་མར་ལེན་ཡང་མི་རུང་ངོ་། །  
\v 4 ཅི་ལ་ཞེ་ན། ཁོ་ཚོས་ཁྱོད་རྣམས་ཀྱི་བུ་བདག་དང་ཕྲལ་ནས་གཞན་པའི་ལྷ་རྣམས་ལ་བསྙེན་བཀུར་བྱེད་དུ་འཇུག་ངེས་ཡིན། དེ་ནས་དཀོན་མཆོག་ཡ་ཝཱེ་ཐུགས་ཁྲོས་ཏེ་ཁྱོད་ཅག་མགྱོགས་པོར་མེད་པར་མཛད་ངེས།  
\v 5 དེ་བས་ཁྱོད་རྣམས་ཀྱིས་ཁོ་ཚོ་ལ་འདི་ལྟར་བྱེད་དགོས་ཏེ། དེ་དག་གི་མཆོད་ཁྲི་རྣམས་བཤིག་པ་དང་། རྡོ་སྐུ་རྣམས་དུམ་བུར་གཅོག་པ་དང་། ལྷ་མོ་ཨ་ཤེ་རཱའི་སྐུ་བརྙན་རྣམས་གཏུབ་པ་དང་། དེ་དག་གི་བརྐོས་པའི་སྐུ་འདྲ་རྣམས་མེ་ཡིས་བསྲེག་དགོས།  
\v 6 ཅི་ལ་ཞེ་ན། ཁྱོད་རྣམས་ཀྱི་དཀོན་མཆོག་ཡ་ཝཱེས་ས་སྟེང་གི་མི་རིགས་ཐམས་ཅད་ལས། ཁྱོད་རྣམས་ནི་ཉིད་ཀྱི་ནོར་བུ་དང་ཉིད་ཀྱི་འབངས་མི་རུ་བདམས་ཤིང་། ཁྱོད་རྣམས་ནི་ཁྱོད་ཅག་གི་དཀོན་མཆོག་ཡ་ཝཱེ་ལ་མཚོན་ན་འབངས་མི་དམ་པ་ཡིན་ནོ། །   
\p
\v 7 དཀོན་མཆོག་ཡ་ཝཱེ་ཁྱོད་རྣམས་ལ་བྱམས་ཤིང་ཁོང་གིས་ཁྱོད་རྣམས་འདེམས་དོན་ནི་ཁྱོད་ཅག་གི་མི་གྲངས་མི་རིགས་གཞན་ལས་མང་བས་མ་ཡིན་ཏེ། དོན་དམ་དུ་ཁྱོད་རྣམས་ཀྱི་མི་གྲངས་ནི་མི་རིགས་གཞན་ལས་ཉུང་བ་ཡིན་ལ།  
\v 8 དཀོན་མཆོག་ཡ་ཝཱེས་ཁྱོད་རྣམས་གཅེས་སུ་འཛིན་པ་དང་། ཁོང་གིས་ཁྱོད་ཅག་གི་མེས་པོ་རྣམས་ལ་མནའ་བཞེས་པ་དེ་བསྒྲུབ་པའི་ཕྱིར། ཁོང་གི་མཐུ་སྟོབས་ཆེན་པོའི་ཕྱག་གིས་ཁྱོད་རྣམས་བྲན་དུ་བཀོལ་བའི་གནས་དང་ཨེ་ཅིབ་རྒྱལ་པོ་ཕཱར་ཨོལ་གྱི་ལག་ནས་བསྐྱབས་པ་ཡིན།  
\v 9 དེ་བས་ཁྱོད་ཅག་གི་དཀོན་མཆོག་ཡ་ཝཱེ་ནི་དཀོན་མཆོག་ཡིན་པ་དང་། ཡིད་རྟོན་རུང་བའི་དཀོན་མཆོག་ཡིན་པ་ཁྱོད་རྣམས་ཀྱིས་ཤེས་དགོས་ལ། ཁོང་གིས་ཁོང་ལ་མཉེས་པ་དང་ཁོང་གི་བཀའ་རྒྱ་སྲུང་མཁན་རྣམས་ལ། མི་རབས་སྟོང་གི་བར་དུ་ཞལ་ཆད་བསྲུང་ཞིང་བྱམས་བརྩེ་གནང་བ་ཡིན།  
\v 10 འོན་ཀྱང་ཁོང་ལ་སྡང་མཁན་རྣམས་ལ་ཁ་རི་ཁ་ཐུག་ཏུ་ཡ་ལན་འཇལ་ཞིང་མེད་པར་གཏོང་བ་དང་། ཁོང་ལ་སྡང་མཁན་རྣམས་ལ་ཁ་རི་ཁ་ཐུག་ཏུ་འགོར་འགྱང་མེད་པར་ཡ་ལན་འཇལ་བ་ཡིན།  
\v 11 དེ་བས་ཁྱོད་རྣམས་ཀྱིས་ངས་དེ་རིང་ཁྱོད་ཅག་ལ་བསྒོས་པའི་བཀའ་རྒྱ་དང་སྒྲིག་ཁྲིམས། སྲོལ་ཡིག་རྣམས་གཟབ་གཟབ་ངང་བསྲུང་དགོས་སོ། །   
\p
\v 12 ཁྱོད་རྣམས་ཀྱིས་སྲོལ་ཡིག་འདི་རྣམས་ལ་ཉན་ཞིང་བསྲུངས་ནས་དེ་བཞིན་བསྒྲུབས་ན། ཁྱོད་ཅག་གི་དཀོན་མཆོག་ཡ་ཝཱེས་ཁྱོད་རྣམས་ཀྱི་མེས་པོ་རྣམས་ལ་མནའ་བཞེས་པ་བཞིན་ཁྱོད་ཅག་ལ་ཞལ་ཆད་བསྲུངས་ནས་བྱམས་བརྩེ་གནང་ངེས་ཡིན།  
\v 13 ཁོང་ཁྱོད་རྣམས་ལ་བྱམས་ཤིང་ཁྱོད་རྣམས་ལ་བྱིན་རླབས་བསྩལ་ནས་ཁྱོད་ཅག་འཕེལ་བར་བྱེད་པ་དང་། ཡང་ཁོང་གིས་ཁྱོད་ཅག་གི་མེས་པོ་རྣམས་ལ་ཁྱོད་ཅག་ལ་གནང་བར་མནའ་བཞེས་པའི་ཡུལ་དེ་རུ། ཁྱོད་རྣམས་ལས་སྐྱེས་པ་དང་། ཁྱོད་ཅག་གི་ས་ཡི་ལོ་ཏོག་ལ་བྱིན་རླབས་གནང་སྟེ། ཁྱོད་རྣམས་ཀྱི་འབྲུ་རིགས་དང་། རྒུན་ཆང་། སྣུམ་གསར་པ། བ་གླང་གི་འཕེལ་ཏོག ར་ལུག་གི་འཕེལ་ཀ་བཅས་མང་དུ་སྤེལ་ངེས་ཡིན།  
\v 14 ཁྱོད་རྣམས་ལ་མི་རིགས་ཀུན་ལས་ལྷག་པའི་བྱིན་རླབས་འཐོབ་པ་དང་། ཁྱོད་རྣམས་ཀྱི་སྐྱེས་པ་དང་བུད་མེད་ལ་ཕྲུ་གུ་མི་འཁོར་བ་མེད་ཅིང་། ཕྱུགས་ཟོག་ལ་ཕྱུགས་ཕྲུག་མི་སྐྱེས་པའང་མེད།  
\v 15 དཀོན་མཆོག་ཡ་ཝཱེས་ཁྱོད་རྣམས་ཀྱི་ནད་ཐམས་ཅད་བསལ་བར་བྱ་སྟེ། ཁྱོད་རྣམས་ལ་རྒྱུས་ཡོད་པའི་ཨེ་ཅིབ་ཡུལ་གྱི་ནད་ཡམས་དག་ཁྱོད་རྣམས་ལ་འབྱུང་དུ་མི་འཇུག་པར། ནད་དེ་ཐམས་ཅད་ཁྱོད་རྣམས་ལ་སྡང་བ་ཀུན་གྱི་སྟེང་དུ་འགེལ་ངེས།  
\v 16 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་སྤྲད་པའི་མི་རིགས་ཐམས་ཅད་ཁྱོད་རྣམས་ཀྱིས་རྩ་མེད་དུ་གཏོང་དགོས། ཁྱོད་རྣམས་ཀྱི་མིག་ལམ་ནས་དེ་དག་ལ་སྙིང་རྗེ་སྒོམ་མི་རུང་། དེ་ཚོའི་ལྷ་རྣམས་ལ་བསྙེན་བཀུར་ཡང་བྱེད་མི་འོས། གང་ལ་ཞེ་ན། དེ་ནི་ཁྱོད་ཅག་བསླུ་བྱེད་ཀྱི་རྙི་རྒྱ་ཡིན་ནོ། །   
\p
\v 17 ཁྱོད་རྣམས་ཀྱི་སེམས་སུ་མི་རིགས་འདི་དག་ང་ཚོ་ལས་མང་བས་ངེད་ཅག་གིས་ཁོ་རྣམས་ཇི་ལྟར་སྐྲོད་དགོས་སྙམ་ན་ཡང་།  
\v 18 དེ་དག་ལ་འཇིགས་མི་དགོས། ཁྱོད་རྣམས་ཀྱི་དཀོན་མཆོག་ཡ་ཝཱེས་ཕཱར་ཨོལ་དང་ཨེ་ཅིབ་ཀྱི་ཡུལ་ཐམས་ཅད་ལ་ཇི་ལྟར་མཛད་པ་འབའ་ཞིག་དྲན་དགོས་ཏེ།  
\v 19 ཁྱོད་རྣམས་ཀྱིས་དངོས་སུ་མཐོང་བའི་ཚོད་བརྟག་ཆེན་པོ་དང་གྲུབ་རྟགས་དང་། དོན་ངོ་མཚར་ཅན་དང་། མཐུ་སྟོབས་ཆེན་པོའི་ཕྱག་དང་། ཕྱི་རུ་བརྐྱངས་པའི་དཔུང་པ་བཅས་དྲན་དགོས། དེ་ཐམས་ཅད་ནི་ཁྱོད་ཅག་གི་དཀོན་མཆོག་ཡ་ཝཱེས་ཁྱོད་རྣམས་ཕྱི་རུ་ཁྲིད་འོངས་པའི་དུས་སུ་མཛད་པ་ཡིན་ལ། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་འཇིགས་པའི་མི་རིགས་ཐམས་ཅད་ལའང་དེ་བཞིན་མཛད་ངེས།  
\v 20 ཁོ་ཚོ་ལས་ཤུལ་དུ་ལུས་ཏེ་སྦས་པ་རྣམས་ཀྱང་ཁྱོད་རྣམས་ཀྱི་མདུན་ནས་མེད་པར་འགྲོ་བའི་བར་དུ། ཁྱོད་རྣམས་ཀྱི་དཀོན་མཆོག་ཡ་ཝཱེས་དེ་དག་གི་དཀྱིལ་ལ་དུག་སྦྲང་མང་པོ་གཏོང་བར་བྱེད་དོ། །  
\v 21 དེ་དག་ལ་མ་འཇིགས་ཤིག ཅི་ལ་ཞེ་ན། ཁྱོད་རྣམས་ཀྱི་དཀོན་མཆོག་ཡ་ཝཱེ་ནི་ཁྱོད་ཅག་གི་ཁྲོད་དུ་བཞུགས་ཤིང་། ཁོང་ནི་དབང་ཆེ་ཞིང་འཇིགས་རུང་བའི་དཀོན་མཆོག་དེ་ཡིན།  
\v 22 ཁྱོད་རྣམས་ཀྱི་དཀོན་མཆོག་ཡ་ཝཱེས་མི་རིགས་དེ་དག་ཁྱོད་ཅག་གི་སྔུན་ནས་རིམ་བཞིན་སྐྲོད་པར་མཛད། ཐང་གི་གཅན་གཟན་གཏུམ་པོའི་རིགས་མང་དུ་འཕེལ་ནས་ཁྱོད་རྣམས་ལ་གནོད་བསྐྱལ་ཉེན་ཡོད་པས་ཁྱོད་ཅག་གིས་ཁོ་རྣམས་མགྱོགས་པོར་ཚར་གཅོད་མི་རུང་།  
\v 23 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁོ་ཚོ་འཇིག་པའི་བར་དུ་ཁོ་རྣམས་ཁྱོད་ཅག་ལ་སྤྲོད་ཅིང་ཁོ་ཚོ་མགོ་འཁོར་དུ་འཇུག་གོ །  
\v 24 ཡང་ཁོང་གིས་ཁོ་ཚོའི་རྒྱལ་པོ་རྣམས་ཀྱང་ཁྱོད་ཅག་གི་ལག་ཏུ་སྤྲོད་ཅིང་། ཁྱོད་རྣམས་ཀྱིས་དེ་དག་གི་མིང་གནམ་འོག་ནས་མེད་པར་བཟོ་བ་དང་། དེ་དག་ཚར་གཅོད་པའི་བར་དུ་ཁྱོད་ཅག་གི་མདུན་དུ་ཚུགས་ཐུབ་པའི་མི་གཅིག་ཀྱང་ཡོད་མི་སྲིད།  
\v 25 དེ་དག་གི་ལྷ་སྐུ་རྣམས་ཁྱོད་རྣམས་ཀྱིས་མེ་རུ་བསྲེག་དགོས་ཤིང་། ལྷ་སྐུའི་སྟེང་གི་གསེར་དངུལ་ནི་ཁྱོད་རྣམས་ཀྱི་དཀོན་མཆོག་ཡ་ཝཱེ་ཞེ་ལོག་པ་ཡིན་པས། ཁྱོད་ཅག་དེ་ལ་ཧམ་པ་སྐྱེས་ནས་རང་གིས་འཁྱེར་མི་རུང་། ཅི་ལ་ཞེ་ན། དེ་ནི་ཁྱོད་ཅག་བསླུ་བྱེད་ཀྱི་རྙི་རྒྱ་ཡིན།  
\v 26 ཡང་ཁྱོད་རྣམས་རྫས་མི་གཙང་བ་དེ་དང་འདྲ་བར་རྩ་མེད་དུ་གཏོང་བྱ་རུ་མི་འགྱུར་བའི་ཕྱིར། དེ་རང་གི་ཁྱིམ་དུ་འཁྱེར་མི་རུང་། དེ་ནི་རྩ་མེད་དུ་གཏོང་འོས་པའི་རྫས་ཡིན་པས་ཁྱོད་ཅག་དེ་ལ་ཤིན་ཏུ་སྡང་ནས་ཞེ་མེར་དགོས་སོ། །   
\c 8
\cl ལེའུ་བརྒྱད་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 དཀོན་མཆོག་ཡ་ཝཱེ་དྲན་དགོས་པར་གདམས་པ།  
\p
\v 1 ཁྱོད་རྣམས་འཚོ་ཞིང་དར་ངེས་ཡིན་པ་དང་། དཀོན་མཆོག་ཡ་ཝཱེས་ཁྱོད་ཅག་གི་མེས་པོ་རྣམས་ལ་གནང་བར་མནའ་བཞེས་པའི་ཡུལ་དེ་རུ་སོང་ནས་ཡུལ་དེ་བདག་གིར་འཛིན་པར་འགྱུར་བའི་ཕྱིར། ངས་དེ་རིང་ཁྱོད་རྣམས་ལ་བསྒོས་པའི་བཀའ་ཐམས་ཅད་གཟབ་གཟབ་བྱས་ནས་བསྲུང་དགོས་སོ། །  
\v 2 ཡང་ཁྱོད་ཅག་གི་དཀོན་མཆོག་ཡ་ཝཱེས་ཁྱོད་རྣམས་སྙེམ་ཆུང་དུ་མཛད་ནས་ཁྱོད་ཅག་ལ་བརྟག་པ་དང་། ཁྱོད་རྣམས་ཀྱི་སེམས་ཅི་འདྲ་ཡིན་པ་དང་། ཁོང་གི་བཀའ་བརྩི་མི་བརྩི་ཤེས་པའི་ཆེད་དུ། ཁོང་གིས་ལོ་ངོ་བཞི་བཅུའི་རིང་དབེན་སྟོང་ནས་ཇི་ལྟར་ཁྱོད་རྣམས་ལ་ལམ་སྟོན་མཛད་པ་ཐམས་ཅད་དྲན་པར་བྱའོ། །  
\v 3 ཁོང་གིས་ཁྱོད་ཅག་སྙེམ་ཆུང་དུ་མཛད་དེ་བཀྲེས་ལྟོགས་མྱོང་དུ་བཅུག་ནས། ཁྱོད་ཅག་དང་ཁྱོད་ཅག་གི་མེས་པོ་རྣམས་ལ་རྒྱུས་མེད་པའི་མཱན་ནཱ་ཁྱོད་ཅག་ལ་ཁ་ཟས་སུ་གནང་སྟེ། མི་ནི་བག་ལེབ་ཁོ་ནར་བརྟེན་ནས་འཚོ་བ་མ་ཡིན་པར། དཀོན་མཆོག་ཡ་ཝཱེའི་ཞལ་ནས་བྱུང་བའི་བཀའ་ཐམས་ཅད་ལ་བརྟེན་ནས་འཚོ་བ་ཡིན་པ་ཁྱོད་རྣམས་ལ་ཤེས་སུ་འཇུག་པའོ། །  
\v 4 ལོ་ངོ་བཞི་བཅུའི་རིང་ལ་ཁྱོད་ཅག་གི་གྱོན་གོས་རྣམས་མ་རལ་ཞིང་། རྐང་པ་ཡང་མ་སྐྲངས།  
\v 5 དེ་བས་མི་ཡིས་རང་གི་བུ་ལ་གཅུན་པ་བཞིན། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་བཅུན་ནས་འོངས་པ་སེམས་ལ་ངེས་དགོས།  
\v 6 ཁྱོད་རྣམས་ཀྱིས་རང་གི་དཀོན་མཆོག་ཡ་ཝཱེའི་བཀའ་རྣམས་བསྲུང་དགོས་ལ་ཁོང་གི་ལམ་དུ་བསྐྱོད་དགོས་ཤིང་། ཁོང་ལ་གུས་ཤིང་འཇིགས་པར་བྱའོ། །  
\v 7 ཅི་ལ་ཞེ་ན། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ཡུལ་བཟང་པོ་དེར་ཁྲིད་ནས་འགྲོ་ཞིང་། ཡུལ་དེ་རུ་གཙང་པོ་དང་ཆུ་མིག འཁྱིལ་ཆུ་བཅས་ཡོད་ལ། གྲོག་ལུང་དང་རི་བོ་རྣམས་ལས་ཆུ་བཞུར་བའོ། །  
\v 8 ས་ཆ་དེ་རུ་གྲོ་དང་ནས། རྒུན་འབྲུམ་ཤིང་། སེ་ཡབ་དང་སེ་འབྲུ་སྡོང་པོ། སྐྱུ་རུ་རའི་སྣུམ་དང་སྦྲང་རྩི་བཅས་ཡོད་ལ།  
\v 9 ཡུལ་དེར་ཁྱོད་རྣམས་ལ་འདང་ངེས་པའི་ཁ་ཟས་སྣ་ཚོགས་ཡོད་ལ་མི་འདང་བ་ཅི་ཡང་མེད། ཡུལ་དེའི་རྡོ་རྣམས་ལྕགས་ཡིན་པ་དང་། རི་བོ་རྣམས་ལས་ཟངས་བསྔོག་ཐུབ།  
\v 10 ཁྱོད་ཅག་གི་དཀོན་མཆོག་ཡ་ཝཱེས་ཡུལ་བཟང་པོ་དེ་ཁྱོད་རྣམས་ལ་གནང་བས། ཁྱོད་ཅག་གིས་ཟོས་ནས་འགྲང་ཚེ་ཁོང་ལ་བསྟོད་པ་འབུལ་དགོས་སོ། །   
\p
\v 11 ཁྱོད་ཅག་གི་དཀོན་མཆོག་ཡ་ཝཱེ་ནི་ཁྱོད་རྣམས་ཀྱིས་བརྗེད་པར་མི་འགྱུར་བ་དང་། ངས་དེ་རིང་ཁྱོད་རྣམས་ལ་བསྒོས་པའི་བཀའ་རྒྱ་དང་སྲོལ་ཡིག སྒྲིག་ཁྲིམས་རྣམས་བསྲུང་བའི་ཆེད་དུ། ཁྱོད་རྣམས་ཀྱིས་གཟབ་གཟབ་བྱེད་དགོས།  
\v 12 དེ་ལྟར་མིན་ཚེ་ཁྱོད་རྣམས་ཀྱིས་ཟོས་ནས་འགྲང་ཞིང་། ཁང་པ་ཡག་པོ་བརྩིགས་ནས་དེའི་ནང་དུ་བསྡད་པ་དང་།  
\v 13 ཁྱོད་རྣམས་ཀྱི་བ་ཁྱུ་དང་ར་ལུག་གི་ཁྱུ་འཕེལ་ནས་གསེར་དངུལ་མང་དུ་ཕྱིན་ཏེ། ཁྱོད་རྣམས་ལ་ཡོད་པ་ཐམས་ཅད་འཕེལ་ཞིང་རྒྱས་པའི་དུས་སུ།  
\v 14 ཁྱོད་རྣམས་ཀྱི་སེམས་སུ་ང་རྒྱལ་གྱིས་ཁེངས་ནས་ཁྱོད་རྣམས་ཨེ་ཅིབ་ཡུལ་གྱི་བྲན་དུ་བཀོལ་བའི་གནས་ནས་ཕྱི་རུ་ཁྲིད་འོང་མཁན་ཁྱོད་ཅག་གི་དཀོན་མཆོག་ཡ་ཝཱེ་བརྗེད་པར་འགྱུར་ངེས།  
\v 15 ཁོང་གིས་ཁྱོད་ཅག་ལ་ལམ་སྟོན་མཛད་དེ་འཇིགས་སུ་རུང་བའི་དབེན་སྟོང་ཆེན་པོ་དེ་བརྒལ་བ་དང་། དེ་རུ་དུག་སྦྲུལ་དང་སྡིག་པ་ར་ཙ་དང་། ཐན་པ་ཆེ་ཞིང་ཆུ་མེད་པའི་གནས་བཅས་ཡོད་ལ། ཁྱོད་རྣམས་ཀྱི་ཆེད་དུ་སྲ་མཁྲེགས་ཀྱི་བྲག་གསེང་ནས་ཆུ་བཏོན་པ་རེད།  
\v 16 ཡང་ཁྱོད་ཅག་སྙེམ་ཆུང་དུ་མཛད་ནས་ཁྱོད་རྣམས་ལ་བརྟག་པ་དང་། ཁྱོད་རྣམས་ལ་དུས་གཏན་དུ་བདེ་བ་འཐོབ་པའི་ཆེད་དུ། ཁོང་གིས་དབེན་སྟོང་ནས་ཁྱོད་ཅག་གི་མེས་པོ་རྣམས་ལ་རྒྱུས་མེད་པའི་མཱན་ནཱ་ཁྱོད་ཅག་ལ་ཁ་ཟས་སུ་གནང་བའོ། །  
\v 17 དེ་ལྟར་མ་བྱས་ཚེ། ཁྱོད་རྣམས་ཀྱི་སེམས་སུ་ངའི་སྟོབས་དང་ལག་པའི་རྩལ་ལ་བརྟེན་ནས་ང་རང་ཕྱུག་པོ་ཆགས་པ་ཡིན་སྙམ་ཡང་སྲིད།  
\v 18 ཁྱོད་ཅག་གི་དཀོན་མཆོག་ཡ་ཝཱེ་ནི་ཁྱོད་རྣམས་ཀྱིས་དྲན་དགོས་ཏེ། ཅི་ལ་ཞེ་ན། ཁོང་གིས་དེ་རིང་མཛད་པ་ནང་བཞིན་ཁྱོད་ཅག་གི་མེས་པོ་རྣམས་ལ་མནའ་བཞེས་ཏེ་མཛད་པའི་ཞལ་ཆད་བརྟན་པོར་བཟོ་བའི་ཆེད་དུ། ཁྱོད་རྣམས་ཕྱུག་པོ་ཆགས་པའི་ནུས་པ་ནི་ཁོང་གིས་གནང་བ་ཡིན་ནོ། །   
\p
\v 19 གལ་སྲིད་མ་འོངས་པ་ན་ཁྱོད་རྣམས་ཀྱིས་དངོས་གནས་ཁྱོད་ཅག་གི་དཀོན་མཆོག་ཡ་ཝཱེ་བརྗེད་པར་གྱུར་ཏེ་ལྷ་གཞན་གྱི་རྗེས་སུ་འབྲང་བ་དང་། དེ་དག་ལ་བསྙེན་བཀུར་བྱས་ནས་ཕྱག་བཙལ་ན། ཁྱོད་ཅག་ཡོངས་སུ་འཇིག་པར་འགྱུར་བ་ངས་དེ་རིང་ཁྱོད་རྣམས་ལ་བདེན་དཔང་བྱས་པ་ཡིན།  
\v 20 དཀོན་མཆོག་ཡ་ཝཱེས་ཁྱོད་རྣམས་ཀྱི་མདུན་དུ་མི་རིགས་རྣམས་ཅི་ལྟར་མེད་པར་མཛད་ན། ཁྱོད་རྣམས་ཀྱང་དེ་བཞིན་མེད་པར་མཛད་ངེས་ཡིན། ཅི་ལ་ཞེ་ན། ཁྱོད་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེའི་བཀའ་མ་བརྩིས་པའི་ཕྱིར་རོ། །   
\c 9
\cl ལེའུ་དགུ་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 ཡེས་ར་ཨེལ་གྱིས་དཀོན་མཆོག་གི་ཐུགས་དཀྲུགས་པ།  
\p
\v 1 ཀྱེ་ཡེས་ར་ཨེལ་པ་རྣམས། ཁྱོད་ཅག་གིས་ཉོན་ཅིག དེ་རིང་ཁྱོད་རྣམས་ཡོར་དན་གཙང་པོའི་ཕ་རོལ་ཏུ་སོང་ནས། ཁྱོད་ཅག་ལས་ཆེ་ཞིང་སྟོབས་དང་ལྡན་པའི་མི་རིགས་རྣམས་ཕྱི་རུ་བསྐྲད་དེ། སྲ་ཞིང་བརྟན་ལ་ནམ་མཁར་ཟུག་པའི་གྲོང་ཁྱེར་རྣམས་བདག་གིར་འཛིན་པར་འགྱུར།  
\v 2 སྟོབས་ཆེ་ཞིང་གཟུགས་པོ་རིང་བའི་ཨ་ནག་གི་བུ་རྒྱུད་དེ། མི་གཞན་གྱིས་ཨ་ནག་བུ་རྒྱུད་ཀྱི་མདུན་དུ་སུ་ཞིག་འགྲེང་བར་ནུས་སམ་ཟེར་བ་ཁྱོད་རྣམས་ཀྱིས་ཤེས་ཤིང་ཐོས་པ་རྣམས་དབང་དུ་བསྡུ་དགོས།  
\v 3 དེ་བས་དེ་རིང་ཁྱོད་རྣམས་ཀྱིས་ཤེས་དགོས་པ་ཞིག་ལ། ཁྱོད་ཅག་གི་དཀོན་མཆོག་ཡ་ཝཱེ་ནི་ཡོད་ཚད་རྩ་མེད་གཏོང་བའི་མེ་བཞིན་ཁྱོད་རྣམས་ཀྱི་སྔུན་ནས་ཕར་ཕེབས་ཏེ་ཁོ་རྣམས་མེད་པར་མཛད་ཅིང་། ཁོང་གིས་ཁྱོད་རྣམས་ཀྱི་སྔུན་ནས་དེ་དག་འཇོམས་ངེས་ཡིན་ལ། དེ་ནས་དཀོན་མཆོག་ཡ་ཝཱེས་ཁྱོད་རྣམས་ལ་གསུངས་པ་ཇི་བཞིན་ཁྱོད་ཅག་གིས་དེ་དག་དེད་ནས་མྱུར་དུ་མེད་པར་བྱའོ། །   
\p
\v 4 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁོ་རྣམས་ཁྱོད་ཅག་གི་མདུན་ནས་སྤྱུགས་ཚེ། དཀོན་མཆོག་ཡ་ཝཱེས་ཁོ་རྣམས་ཁྱོད་ཅག་གི་མདུན་ནས་སྤྱུགས་པ་ནི་ཁོ་ཚོའི་སེམས་ངན་པའི་དབང་གིས་ཡིན་གྱི། ཁྱོད་རྣམས་ཀྱི་སེམས་སུ་ང་དྲང་པོ་ཡིན་པའི་རྐྱེན་གྱིས། དཀོན་མཆོག་ཡ་ཝཱེས་བདག་ལ་ཡུལ་འདིའི་བདག་དབང་གནང་བར་གནས་འདིར་ཁྲིད་པ་རེད་ཅེས་བསམ་པར་མི་བྱའོ། །  
\v 5 ཁྱོད་ཅག་ཁོ་རྣམས་ཀྱི་ཡུལ་བདག་གིར་འཛིན་པའི་ཕྱིར་དེར་འགྲོ་བ་ནི་ཁྱོད་རྣམས་དྲང་ཞིང་སེམས་ཡག་པས་མ་ཡིན་གྱི། མི་རིགས་དེ་དག་གི་སེམས་ངན་པའི་རྐྱེན་གྱིས། ཁྱོད་ཅག་གི་དཀོན་མཆོག་ཡ་ཝཱེས་ཁྱོད་རྣམས་ཀྱི་མེས་པོ་ཨབ་ར་ཧམ་དང་ཨི་སཱག་དང་། ཡ་ཀོབ་བཅས་ལ་མནའ་དང་བཅས་ཞལ་བཞེས་གནང་ཡོད་པ་བསྒྲུབ་ཆེད། ཁོ་ཚོ་ཁྱོད་རྣམས་ཀྱི་མདུན་ནས་སྤྱུགས་པ་རེད།  
\v 6 དེ་བས་ཁྱོད་རྣམས་དྲང་པོ་ཡིན་པའི་རྒྱུ་མཚན་གྱིས་ཁྱོད་ཅག་གི་དཀོན་མཆོག་ཡ་ཝཱེས་ཡུལ་བཟང་པོ་དེ་ཁྱོད་ཅག་ལ་ས་སྐལ་དུ་གནང་བ་མ་ཡིན་པ་ཤེས་པར་གྱིས། དོན་དམ་དུ་ཁྱོད་ཅག་ནི་མི་རིགས་གཉའ་རེངས་ཤིག་ཡིན་ནོ། །   
\p
\v 7 ཁྱོད་རྣམས་ཀྱིས་དབེན་སྟོང་ནས་ཁྱོད་ཅག་གི་དཀོན་མཆོག་ཡ་ཝཱེའི་ཐུགས་དཀྲུགས་པ་དེ་བརྗེད་པར་མི་བྱ་བར་དྲན་པར་གྱིས། ཁྱོད་རྣམས་ཨེ་ཅིབ་ཡུལ་ནས་ཐོན་ཏེ་གནས་འདིར་མ་སླེབས་བར་དུ། ཁྱོད་ཅག་གིས་དཀོན་མཆོག་ཡ་ཝཱེ་ལ་ངོ་རྒོལ་བྱས་ཡོད།  
\v 8 རི་བོ་ཧོ་རེབ་ནས་ཀྱང་ཁྱོད་རྣམས་ཀྱིས་དཀོན་མཆོག་ཡ་ཝཱེའི་ཐུགས་དཀྲུགས་པ་དང་། དཀོན་མཆོག་ཡ་ཝཱེ་ཐུགས་ཁྲོས་ནས་ཁྱོད་ཅག་མེད་པར་གཏོང་བའི་ཚད་ལ་སླེབས།  
\v 9 སྐབས་དེར་ང་རང་དཀོན་མཆོག་ཡ་ཝཱེས་གནང་བའི་ཞལ་ཆད་ཀྱི་རྡོ་ལེབ་གཉིས་ལེན་དུ་རི་ལ་འགོས་པ་དང་། ང་རི་མགོར་ཉིན་མཚན་བཞི་བཅུའི་རིང་ལ་བསྡད་ཀྱང་བག་ལེབ་མ་ཟོས། ཆུ་ཡང་མ་འཐུངས།  
\v 10 དཀོན་མཆོག་ཡ་ཝཱེས་རྡོ་ལེབ་གཉིས་ང་ལ་གནང་བ་དང་། དེ་ནི་དཀོན་མཆོག་གི་ཕྱག་མཛུབ་ཀྱིས་བྲིས་པ་ཡིན། རྡོ་ལེབ་ཀྱི་སྟེང་དུ་འདུ་འཛོམས་ཉིན་མོར་དཀོན་མཆོག་ཡ་ཝཱེས་རི་རྩེའི་མེའི་དཀྱིལ་ནས་ཁྱོད་རྣམས་ལ་བསྩལ་པའི་བཀའ་ཐམས་ཅད་བཀོད་ཡོད།  
\v 11 ཉིན་མཚན་བཞི་བཅུའི་རྗེས་སུ་དཀོན་མཆོག་ཡ་ཝཱེས་ཞལ་ཆད་ཀྱི་རྡོ་ལེབ་དེ་གཉིས་ང་ལ་གནང་བྱུང་།  
\v 12 དེ་ནས་དཀོན་མཆོག་ཡ་ཝཱེས་ང་ལ་འདི་སྐད་དུ། ཁྱོད་ལོངས་ལ་མགྱོགས་པོར་མར་སོང་ཞིག ཅི་ལ་ཞེ་ན། ཁྱོད་ཀྱིས་ཨེ་ཅིབ་ཡུལ་ནས་ཕྱི་རུ་ཁྲིད་འོངས་པའི་མི་མང་གིས་ལོག་སྤྱོད་སྤེལ་ཏེ། བདག་གིས་ཁོ་ཚོར་བསྒོས་པའི་ལམ་ནས་མགྱོགས་པོར་ལོག་པར་ཕྱིན་ཏེ་རང་གི་ཆེད་དུ་བླུགས་སྐུ་བཟོས་འདུག་ཅེས་གསུངས་སོ། །   
\s1 གསེར་གྱི་བ་ཕྲུག  
\p
\v 13 དཀོན་མཆོག་ཡ་ཝཱེས་ཡང་ང་ལ་འདི་སྐད་དུ། ཁྱོད་ཀྱིས་ལྟོས་དང་ངས་མི་འདི་རྣམས་དངོས་གནས་མི་གཉའ་རེངས་ཤིག་ཡིན་པར་མཐོང་ངོ་། །  
\v 14 ཁྱོད་ཀྱིས་སྐྱུར་དང་། བདག་གིས་དེ་དག་མེད་པར་གཏོང་ཞིང་། དེ་དག་གི་མིང་གནམ་འོག་ནས་མེད་པར་བྱ། ཁྱོད་ནི་ཁོ་ཚོ་ལས་མི་རིགས་སྟོབས་དང་ལྡན་ཞིང་ཆེན་པོ་ཞིག་ཏུ་བྱེད་པར་བྱ་ཞེས་བཀའ་བསྩལ་བྱུང་།  
\v 15 དེ་བས་ང་ཕྱིར་འཁོར་ཏེ་རི་ལས་འབབ་དུས་རི་མགོར་མེ་འབར་བཞིན་ཡོད་ལ། ཞལ་ཆད་ཀྱི་རྡོ་ལེབ་གཉིས་ངའི་ལག་ཏུ་ཡོད།  
\v 16 དེར་ངས་བལྟས་པ་ལ། ཁྱོད་ཅག་གིས་རང་གི་དཀོན་མཆོག་ཡ་ཝཱེ་ལ་འགལ་བའི་སྡིག་པ་བྱས་ནས། རང་གི་ཆེད་དུ་བ་ཕྲུག་ཅིག་གི་སྐུ་བརྙན་བླུགས་ཤིང་། མགྱོགས་པོར་ཁྱོད་ཅག་གི་དཀོན་མཆོག་ཡ་ཝཱེས་དེའི་ནང་འགྲུལ་དགོས་པར་བཀའ་བསྩལ་པའི་ལམ་དང་བྲལ་བ་མཐོང་བྱུང་།  
\v 17 དེ་བས་ངས་རྡོ་ལེབ་དེ་གཉིས་བཟུང་སྟེ་ལག་པ་གཉིས་ལས་ཕར་གཡུགས་ཤིང་། ཁྱོད་ཅག་གི་མིག་ལམ་ནས་བཅག་པ་ཡིན།  
\v 18 དེ་ནས་ཁྱོད་རྣམས་ཀྱིས་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་སྤྱད་ནས་ཁོང་གི་ཐུགས་དཀྲུགས་ཤིང་བསགས་པའི་སྡིག་པ་ཀུན་གྱི་དོན་དུ། ངས་དཀོན་མཆོག་ཡ་ཝཱེའི་དྲུང་དུ་ལུས་སར་བཏུད་ནས་སྔོན་ཆད་ནང་བཞིན་ཉིན་མཚན་བཞི་བཅུའི་རིང་ལ་བག་ལེབ་མ་ཟོས། ཆུ་ཡང་མ་འཐུངས།  
\v 19 ཅི་ལ་ཞེ་ན། དཀོན་མཆོག་ཡ་ཝཱེ་ཐུགས་རབ་ཏུ་ཁྲོས་ཏེ་ཁྱོད་ཅག་མེད་པར་གཏོང་རྩིས་བྱས་པ་དང་ང་རང་ཤིན་ཏུ་འཇིགས་པ་ཡིན། འོན་ཀྱང་ཐེངས་དེར་དཀོན་མཆོག་ཡ་ཝཱེས་ཡང་ངའི་ཞུ་བར་གསན་བྱུང་།  
\v 20 དཀོན་མཆོག་ཡ་ཝཱེ་ཁོང་ཉིད་ཨ་རོན་ལའང་ཐུགས་ཤིན་ཏུ་ཁྲོས་པས་ཁོ་མེད་པར་གཏོང་རྩིས་བྱས་ཤིང་། དུས་དེར་ངས་ཨ་རོན་གྱི་དོན་དུ་ཡང་སྨོན་ལམ་བཏབ་པ་ཡིན།  
\v 21 དེ་ནས་ངས་ཁྱོད་ཅག་གི་སྡིག་པ་སྟེ་ཁྱོད་རྣམས་ཀྱིས་བླུགས་པའི་བ་ཕྲུག་ཁྱེར་ནས། དེ་མེ་ལ་བསྲེགས་ནས་ཚར་བཅད་པ་དང་རྡུལ་དུ་བཏགས་པ་ཡིན། དེའི་རྡུལ་ཐལ་ནི་རི་ལས་འབབ་པའི་ཆུ་ལ་བཏབ་པ་ཡིན་ནོ། །   
\p
\v 22 ཡང་ཐབ་ཨེ་རཱ་དང་མཱ་སཱ་དང་། ཀིབ་རོད་ཧད་ཐཱ་ཨ་ཝ་བྱ་བའི་གནས་སུ་ཁྱོད་རྣམས་ཀྱིས་ཡང་དཀོན་མཆོག་ཡ་ཝཱེའི་ཐུགས་དཀྲུགས།  
\v 23 དཀོན་མཆོག་ཡ་ཝཱེས་ཁྱོད་ཚོ་ཀཱ་དེའེ་ཤཱ་པར་ནེ་ཨ་ནས་མངགས་པའི་དུས་སུ། ཁྱོད་རྣམས་ཡར་སོང་ནས་ངས་ཁྱོད་ཅག་ལ་ས་སྐལ་དུ་སྦྱིན་པའི་ཡུལ་དེ་ལོངས་ཤིག་ཅེས་བཀའ་བསྩལ་ཡང་། ཁྱོད་རྣམས་ནི་ཁྱོད་ཅག་གི་དཀོན་མཆོག་ཡ་ཝཱེའི་བཀའ་དང་འགལ་ནས་ཁོང་ལ་དད་གུས་མ་བྱས། ཁོང་གི་གསུང་སྐད་ལའང་མ་མཉན།  
\v 24 ངས་ཁྱོད་ཚོ་ངོ་ཤེས་པའི་ཉིན་དེ་ནས་བཟུང་ཁྱོད་ཚོས་དཀོན་མཆོག་ཡ་ཝཱེ་ལ་ངོ་ལོག་བྱས་ཡོད་དོ། །   
\p
\v 25 དཀོན་མཆོག་ཡ་ཝཱེས་ཁྱོད་རྣམས་མེད་པར་བྱ་གསུངས་པས། བསྡོམས་པས་ཉིན་མཚན་བཞི་བཅུའི་རིང་ལ་ངས་དཀོན་མཆོག་ཡ་ཝཱེའི་སྤྱན་སྔར་ལུས་སར་བཏུད་པ་ཡིན།  
\v 26 ངས་དཀོན་མཆོག་ཡ་ཝཱེ་ལ་གསོལ་བ་འདི་ལྟར་བཏབ་པ་སྟེ། ཀྱེ་གཙོ་བོ་ཡ་ཝཱེ་ལགས། ཁྱེད་ཀྱིས་བདག་ཏུ་མཛད་པའི་འབངས་མི་དང་ནོར་སྐལ་ཏེ། ཁྱེད་ཀྱིས་ནུས་མཐུ་ཆེན་པོས་བསྐྱབས་ཤིང་། ཁྱེད་ཀྱི་མཐུ་སྟོབས་ལྡན་པའི་ཕྱག་གིས་ཨེ་ཅིབ་ཡུལ་ནས་ཕྱི་རུ་ཁྲིད་འོངས་པ་དེ་མེད་པར་མི་མཛད་རོགས།  
\v 27 ཁྱེད་ཀྱི་ཞབས་ཕྱི་ཨབ་ར་ཧམ་དང་ཨི་སཱག་དང་། ཡ་ཀོབ་རྣམས་ཐུགས་སུ་དྲན་པར་མཛོད་ཅིག མི་འདི་རྣམས་ཀྱི་གཉའ་རེངས་དང་ངན་རུལ། སྡིག་པ་བཅས་ལ་མི་གཟིགས་པར་མཛོད།  
\v 28 དེ་ལྟར་མིན་ཚེ་ཁྱེད་ཀྱིས་ང་ཚོ་ཕྱི་རུ་ཁྲིད་འོངས་སའི་ཡུལ་དེའི་ཡུལ་མི་རྣམས་ཀྱིས་དཀོན་མཆོག་ཡ་ཝཱེས་ཁོ་ཚོ་ཁོང་གིས་ཞལ་གྱིས་བཞེས་པའི་ཡུལ་དུ་འཁྲིད་མ་ནུས་པ་དང་། ཡང་དེ་དག་ལ་སྡང་བའི་རྐྱེན་གྱིས་ཁོང་གིས་དེ་ཚོ་དབེན་སྟོང་ནས་འཆི་རུ་འཇུག་ཕྱིར་ཕྱི་རུ་ཁྲིད་པ་རེད་ཅེས་སྨྲ་བར་འགྱུར།  
\v 29 ཁོ་ཚོ་ནི་ཁྱེད་ཀྱི་འབངས་མི་དང་ནོར་སྐལ་ཏེ། ཁྱེད་ཀྱིས་མཐུ་སྟོབས་ཆེན་པོའི་ཕྱག་དང་ཕྱི་རུ་བརྐྱངས་པའི་དཔུང་པ་ཡིས་ཕྱི་རུ་ཁྲིད་འོངས་པ་ཡིན་ཞེས་ཞུས་པ་ཡིན་ཞེས་གསུངས་སོ། །   
\c 10
\cl ལེའུ་བཅུ་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 རྡོ་ལེབ་གསར་བཅོས།  
\p
\v 1 སྐབས་དེར་དཀོན་མཆོག་ཡ་ཝཱེས་ང་ལ་འདི་སྐད་དུ། ཁྱོད་ཀྱིས་རང་ལ་སྔར་གྱི་རྡོ་ལེབ་དང་འདྲ་བ་གཉིས་བརྐོས་ནས་ངའི་མདུན་དུ་རི་ལ་ཡོང་དགོས། དེ་ནས་ཤིང་གི་ཤུར་སྒམ་ཞིག་ཀྱང་བཟོས་ཤིག  
\v 2 བདག་གིས་ཁྱོད་ཀྱིས་བཅག་པའི་རྡོ་ལེབ་སྔ་མ་དེ་གཉིས་ཀྱི་སྟེང་ཡོད་པའི་ཚིག་རྣམས་རྡོ་ལེབ་འདི་གཉིས་ཀྱི་སྟེང་དུ་བརྐོ་བར་བྱ། ཁྱོད་ཀྱིས་དེ་གཉིས་ཤུར་སྒམ་ནང་དུ་འཇོག་དགོས་ཞེས་བཀའ་བསྩལ་བྱུང་།  
\v 3 དེ་བས་ངས་སེང་ལྡེང་ཤིང་གི་ཤུར་སྒམ་ཞིག་བཟོས་པ་དང་། སྔོན་མ་ནང་བཞིན་རྡོ་ལེབ་གཉིས་བརྐོས་ཤིང་དེ་གཉིས་ལག་ཏུ་བཟུང་ནས་རི་ལ་འགོས་པ་ཡིན།  
\v 4 དཀོན་མཆོག་ཡ་ཝཱེས་སྔར་བཀོད་པ་སྟེ་འདུ་འཛོམས་ཀྱི་ཉིན་མོར་རི་བོའི་མེའི་དཀྱིལ་ནས་ཁྱོད་ཅག་ལ་བསྩལ་པའི་བཀའ་ཁྲིམས་བཅུ་པོ་རྡོ་ལེབ་གཉིས་ཀྱི་སྟེང་དུ་ཡི་གེར་བཀོད་ཅིང་། ཁོང་གིས་རྡོ་ལེབ་དེ་གཉིས་ང་ལ་གནང་བྱུང་།  
\v 5 དེ་ནས་ང་ཕྱིར་འཁོར་ནས་རི་ལས་བབས་པ་དང་། རྡོ་ལེབ་གཉིས་ངས་བཟོས་པའི་ཤུར་སྒམ་ནང་བཞག་པ་ཡིན་ལ། དཀོན་མཆོག་ཡ་ཝཱེས་ང་ལ་བཀའ་བསྩལ་པ་ཇི་བཞིན་རྡོ་ལེབ་ད་དུང་དེ་རུ་ཡོད་དོ། །   
\p
\v 6 དེ་ཡང་ཡེས་ར་ཨེལ་པ་རྣམས་ཡཱ་ཨ་ཀན་པ་རྣམས་ཀྱི་ཁྲོན་པ་ཞེས་པའི་ཡུལ་ནས་མོ་སེ་རཱ་ལ་སོང་ཞིང་། ཨ་རོན་དེ་རུ་གྲོངས་ནས་དུར་ལ་སྦས་པ་དང་། ཁོའི་བུ་ཨེ་ལི་ཨ་ཟར་གྱིས་ཁོའི་ཚབ་ཏུ་མཆོད་དཔོན་གྱི་ལས་འགན་ཁུར་བའོ། །  
\v 7 ཡུལ་དེ་ནས་གུད་གོ་དཱ་དང་། གུད་གོ་དཱ་ནས་འབབ་ཆུ་བཞུར་བའི་ས་སྟེ་ཡོད་པ་ཐཱ་རུ་སོང་།  
\v 8 དེའི་དུས་སུ་དཀོན་མཆོག་ཡ་ཝཱེས་ལེ་ཝིའི་ཚོ་པ་ལོགས་སུ་བཀར་ནས་དེ་རིང་གི་བར་དུ་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་འཁུར་དུ་བཅུག་ཅིང་། དཀོན་མཆོག་ཡ་ཝཱེའི་སྤྱན་སྔར་ལངས་ནས་ཁོང་ལ་བསྙེན་བཀུར་བྱེད་པ་དང་། ཁོང་གི་མཚན་ལ་བརྟེན་ནས་བྱིན་རླབས་སྩོལ་བར་མཛད་དོ། །  
\v 9 དེ་བས་ལེ་ཝི་པ་རྣམས་ལ་རང་གི་སྤུན་ཟླ་རྣམས་དང་འདྲ་བར་བགོ་སྐལ་དང་ནོར་སྐལ་ནི་མེད། ཁྱོད་རྣམས་ཀྱི་དཀོན་མཆོག་ཡ་ཝཱེས་ཞལ་བཞེས་གནང་བ་བཞིན་དཀོན་མཆོག་ཡ་ཝཱེ་ཁོང་ཉིད་དེ་དག་གི་ནོར་སྐལ་ཡིན་པའོ། །   
\p
\v 10 ཡང་ང་རང་སྔར་བཞིན་ཉིན་མཚན་བཞི་བཅུའི་རིང་ལ་རི་མགོར་བསྡད་པ་དང་། དཀོན་མཆོག་ཡ་ཝཱེས་སྐབས་དེར་ཡང་བདག་གི་ཞུ་བར་གསན་ནས་ཁྱོད་རྣམས་ཚར་གཅོད་མཛད་པར་ཐུགས་མ་དགྱེས་སོ། །  
\v 11 དཀོན་མཆོག་ཡ་ཝཱེས་ང་ལ་འདི་སྐད་དུ། ཁྱོད་ཡར་ལོངས་ལ་མི་རྣམས་ཀྱི་སྣེ་ཁྲིད་ནས་ལམ་དུ་ཆས་ཤིག ཅི་ལ་ཞེ་ན། བདག་གིས་ཁོ་ཚོའི་མེས་པོ་རྣམས་ལ་ཡུལ་དེ་ཁོ་ཚོར་སྦྱིན་པར་བྱའོ་ཞེས་མནའ་བསྐྱལ་བའི་ཡུལ་དེ་འཐོབ་པའི་ཕྱིར་ཡིན་ནོ་ཞེས་བཀའ་བསྩལ་ཏོ། །   
\p
\v 12 ཀྱེ་ཡེས་ར་ཨེལ་པ་རྣམས་ཀྱིས་ལྟོས་དང་། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་ཅི་ཞིག་བསྒྲུབ་ཏུ་འཇུག་འདོད་པ་ཡིན་ནམ། དེ་ནི་ཁྱོད་རྣམས་དཀོན་མཆོག་ཡ་ཝཱེ་ལ་གུས་ཤིང་འཇིགས་པ་དང་། ཁོང་གི་ཕེབས་ལམ་ཐམས་ཅད་དུ་འགྲུལ་ཞིང་ཁོང་ལ་དགའ་བ་དང་། བློ་གཅིག་སེམས་གཅིག་གིས་ཁྱོད་རྣམས་ཀྱི་དཀོན་མཆོག་ཡ་ཝཱེ་ལ་བསྙེན་བཀུར་བྱེད་པ་དང་།  
\v 13 ཁྱོད་རྣམས་ལ་ཕན་ཐོགས་པའི་ཆེད་དུ་ངས་དེ་རིང་ཁྱོད་ཅག་ལ་བསྒོས་པའི་དཀོན་མཆོག་ཡ་ཝཱེའི་བཀའ་རྒྱ་དང་སྒྲིག་ཁྲིམས་རྣམས་བརྩི་སྲུང་བྱེད་པ་བཅས་ཡིན་ནོ། །  
\v 14 ལྟོས་དང་། ནམ་མཁའ་དང་ནམ་མཁའི་དབྱིངས་རྣམས་དང་། ས་གཞི་དང་དེའི་ནང་བཅུད་ཐམས་ཅད་ཁྱོད་རྣམས་ཀྱི་དཀོན་མཆོག་ཡ་ཝཱེའི་ཡིན།  
\v 15 འོན་ཀྱང་དཀོན་མཆོག་ཡ་ཝཱེ་ནི་ཁྱོད་རྣམས་ཀྱི་མེས་པོ་འབའ་ཞིག་ལ་ཐུགས་མོས་ཤིང་། ཁོ་རྣམས་ལ་བྱམས་པ་དང་། ཁོང་གིས་དེ་དག་གི་བུ་རྒྱུད་དེ། ཁྱོད་རྣམས་ནི་མི་རིགས་ཐམས་ཅད་ལས་དེ་རིང་ནང་བཞིན་བདམས་པར་མཛད།  
\v 16 དེ་བས་ཁྱོད་ཅག་གིས་རང་གི་སེམས་ལ་མཚན་སྐྱི་ཆོད་ཅིག\f + \ft འདིར་སེམས་ལ་མཚན་སྐྱི་ཆོད་ཅིག་ཅེས་པ་ནི་ཡ་ཧུ་དཱ་མི་རིགས་ཀྱི་བཤད་སྲོལ་ཡིན་ལ། དོན་དུ་སོ་སོ་དཀོན་མཆོག་ལ་གཏོགས་པའི་རྟགས་ཤིག་ཡོད་དགོས་པ་སྟེ། སེམས་ཀྱི་མི་གཙང་བ་རྣམས་འདོར་བར་གདམས་པ་ཡིན། \f* མཇིང་པ་མཁྲེགས་པོ་མ་བྱེད་ཅིག  
\v 17 ཅི་ལ་ཞེ་ན། ཁྱོད་རྣམས་ཀྱི་དཀོན་མཆོག་ཡ་ཝཱེ་ནི་ལྷ་རྣམས་ཀྱི་དཀོན་མཆོག་དང་། གཙོ་བོ་རྣམས་ཀྱི་གཙོ་བོ། ཆེ་ཞིང་མཐུ་སྟོབས་ལྡན་པ་དང་། འཇིགས་སུ་རུང་བ་བཅས་ཀྱི་དཀོན་མཆོག་ཡིན་ལ། ཁོང་ལ་ཕྱོགས་རིས་མེད་པ་དང་ཁོང་གིས་གསུག་ཀྱང་མི་བཞེས།  
\v 18 ཁོང་གིས་དྭ་ཕྲུག་དང་ཡུགས་མོ་རྣམས་ལ་དྲང་བདེན་མཛད་ཅིང་། བྱེས་པ་རྣམས་ལ་གཅེས་ཤིང་ལྟོ་གོས་སྤྲོད་པ་ཡིན།  
\v 19 རྒྱུ་མཚན་ནི་ཁྱོད་ཅག་ཀྱང་ཨེ་ཅིབ་ཡུལ་དུ་བྱེས་པ་ཡིན་པས་བྱེས་པ་རྣམས་ལ་གཅེས་པར་རིགས།  
\v 20 ཁྱོད་རྣམས་ཀྱི་དཀོན་མཆོག་ཡ་ཝཱེ་ལ་གུས་ཤིང་འཇིགས་པ་དང་། ཁོང་ལ་བསྙེན་བཀུར་བྱས་ནས་ཁོང་ལ་དམ་པོར་བརྟེན་པ་དང་། ཁོང་གི་མཚན་ལ་བརྟེན་ནས་མནའ་བསྐྱལ་བ་བཅས་བྱེད་དགོས།  
\v 21 ཁོང་ནི་ཁྱོད་རྣམས་ཀྱིས་བསྟོད་འོས་པ་དང་ཁྱོད་རྣམས་ཀྱི་དཀོན་མཆོག་ཡིན་ཏེ། ཁྱོད་ཅག་གིས་དངོས་སུ་མཐོང་བའི་ཆེ་ཞིང་འཇིགས་སུ་རུང་བའི་དོན་རྣམས་ཁྱོད་རྣམས་ཀྱི་ཆེད་དུ་མཛད་མཁན་ཡིན།  
\v 22 ཁྱོད་ཅག་གི་ཕ་མེས་རྣམས་ཨེ་ཅིབ་ཡུལ་དུ་འགྲོ་དུས་དེ་ཚོའི་མི་གྲངས་ནི་བསྡོམས་པས་བདུན་ཅུ་ཙམ་ཡིན། ད་ལྟ་ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་གི་གྲངས་ཀ་ནམ་མཁའི་སྐར་ཚོགས་ལྟར་མཛད་པ་ཡིན་ཞེས་གསུངས་སོ། །   
\c 11
\cl ལེའུ་བཅུ་གཅིག་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 དཀོན་མཆོག་ཡ་ཝཱེ་ལ་དགའ་ཞིང་ཁོང་ལ་བསྙེན་བཀུར་བྱེད་པ།  
\p
\v 1 དེ་བས་ན་ཁྱོད་རྣམས་རང་གི་དཀོན་མཆོག་ཡ་ཝཱེ་ལ་དགའ་ཞིང་ཁོང་གི་བསྒོ་བ་དང་སྒྲིག་ཁྲིམས། སྲོལ་ཡིག བཀའ་རྒྱ་རྣམས་དུས་རྒྱུན་དུ་བསྲུང་དགོས།  
\v 2 དེ་རིང་ཁྱོད་རྣམས་ཀྱིས་ངེས་དགོས་པ་ནི། ངས་ཁྱོད་ཅག་གི་བུ་དང་བུ་མོ་རྣམས་ལ་གཏམ་སྨྲ་བ་མ་ཡིན་ཏེ། དེ་དག་གིས་ཁྱོད་ཅག་གི་དཀོན་མཆོག་ཡ་ཝཱེའི་འདུལ་ཁྲིམས་དང་། ཁོང་གི་ཆེ་ཞིང་མཐུ་སྟོབས་ལྡན་པའི་ཕྱག་དང་ཕྱི་རུ་བརྐྱངས་པའི་དཔུང་པ་དང་།  
\v 3 ཁོང་གིས་ཨེ་ཅིབ་ཡུལ་ནས་ཨེ་ཅིབ་ཀྱི་རྒྱལ་པོ་ཕཱར་ཨོལ་དང། དེའི་ཡུལ་ཐམས་ཅད་ལ་གྲུབ་རྟགས་དང་འཕྲིན་ལས་ཇི་ལྟར་མཛད་པ་མ་ཤེས་མ་མཐོང་ལ།  
\v 4 ཁོང་གིས་ཨེ་ཅིབ་ཀྱི་དམག་དཔུང་དང་དེའི་རྟ་དང་ཤིང་རྟ་རྣམས་ལ་ཇི་ལྟར་མཛད་པ་སྟེ། དེ་དག་གིས་ཁྱོད་རྣམས་ཀྱི་རྗེས་འདེད་སྐབས་ཁོང་གིས་དེ་དག་རྒྱ་མཚོ་དམར་པོའི་ཆུ་ལ་སྣུབ་ཏུ་བཅུག་ཅིང་། དེ་དག་རྩ་མེད་མཛད་པ་དེ་རིང་བར་དུ་གྲགས་ཡོད།  
\v 5 ཡང་ཁྱོད་རྣམས་དབེན་སྟོང་ནས་གནས་འདིར་མ་སླེབས་བར་དུ། ཁོང་གིས་ཁྱོད་རྣམས་ལ་དོན་ཅི་ཞིག་མཛད་པའང་མཐོང་མྱོང་བ་མེད།  
\v 6 ཁོང་གིས་རུ་བེན་གྱི་བུ་ཨེ་ལི་ཨབ་ཀྱི་བུ་དཱ་ཐན་དང་ཨ་བི་རཱམ་གཉིས་ལ་ཇི་ལྟར་མཛད་པ་སྟེ། ས་གཞིས་ཁ་གདངས་ནས་དེ་གཉིས་དང་དེ་གཉིས་ཀྱི་ཁྱིམ་མི་དང་། གུར་དང་། དེ་གཉིས་དང་མཉམ་དུ་ཡོད་པའི་སྲོག་ལྡན་ཐམས་ཅད་ཡེས་ར་ཨེལ་གྱི་ཁྲོད་ནས་ཁྱུར་མིད་བཏང་བའང་མཐོང་མྱོང་བ་མེད།  
\v 7 དཀོན་མཆོག་ཡ་ཝཱེས་མཛད་པའི་འཕྲིན་ལས་ཆེན་པོ་དེ་ཐམས་ཅད་ཁྱོད་ཅག་གིས་དངོས་སུ་མཐོང་ཡོད་དོ། །   
\p
\v 8 དེ་བས་བདག་གིས་དེ་རིང་ཁྱོད་རྣམས་ལ་བསྒོས་པའི་བཀའ་རྒྱ་ཐམས་ཅད་སྲུངས་ཤིག དེ་ནས་ཁྱོད་རྣམས་སྟོབས་དང་ལྡན་པར་གྱུར་ནས་ལོན་པར་འགྱུར་བའི་ཡུལ་དེར་འགྲོ་ཞིང་ཡུལ་དེ་བདག་ཏུ་འཛིན་པ་དང་།  
\v 9 ཡང་དཀོན་མཆོག་ཡ་ཝཱེས་ཁྱོད་ཅག་གི་མེས་པོ་རྣམས་ལ་ཁོ་རྣམས་དང་ཁོ་རྣམས་ཀྱི་བུ་རྒྱུད་ལ་སྦྱིན་པར་མནའ་དང་བཅས་ཞལ་བཞེས་གནང་བའི་ཡུལ་ཏེ། འོ་མ་དང་སྦྲང་རྩི་བཞུར་བའི་ཡུལ་དུ་ཁྱོད་རྣམས་འཚོ་ཞིང་ཡུན་རིང་གནས་པར་འགྱུར།  
\v 10 ཁྱོད་རྣམས་བདག་གིར་འཛིན་དུ་འགྲོ་བའི་ཡུལ་དེ་ནི་ཁྱོད་ཅག་ཐོན་སའི་ཨེ་ཅིབ་ཡུལ་དང་མི་འདྲ་སྟེ། དེ་རུ་ཁྱོད་རྣམས་ཀྱིས་ས་བོན་གཏོར་རྗེས་ཚལ་ལྡུམ་བཞིན་དུ་རྐང་པས་ཡུར་ཆུ་གཏོང་དགོས་པ་ཡིན་ཡང་།  
\v 11 ཁྱོད་རྣམས་ས་སྐལ་དུ་ལེན་པར་འགྲོ་བའི་ཡུལ་ནི་རི་དང་ལུང་པའི་ཡུལ་ཡིན་པ་སྟེ། གནམ་ནས་འབབ་པའི་ཆར་ཆུ་འཐུང་བ་དང་།  
\v 12 ཁྱོད་རྣམས་ཀྱི་དཀོན་མཆོག་ཡ་ཝཱེས་གཟིགས་སྐྱོང་གནང་བའི་ཡུལ་ཞིག་ཡིན་ལ། ལོ་མགོ་ནས་ལོ་མཇུག་བར་དུ་ཁྱོད་རྣམས་ཀྱི་དཀོན་མཆོག་ཡ་ཝཱེའི་སྤྱན་གྱིས་ནམ་ཡང་དེ་ལ་གཟིགས་སོ། །   
\p
\v 13 གལ་སྲིད་ཁྱོད་ཅག་གིས་ངས་དེ་རིང་ཁྱོད་རྣམས་ལ་བསྒོས་པའི་བཀའ་རྣམས་ལ་རྣ་བ་བླགས་ནས་ཉན་པ་དང་། ཁྱོད་ཅག་གི་དཀོན་མཆོག་ཡ་ཝཱེ་ལ་དགའ་ཞིང་བློ་གཅིག་སེམས་གཅིག་གིས་ཁོང་ལ་བསྙེན་བཀུར་ཕུལ་ན།  
\v 14 ཁོང་གིས་སྟོན་དུས་དང་དཔྱིད་དུས་སུ་ཁྱོད་རྣམས་ཀྱི་ཡུལ་ལ་ཆར་ཆུ་འབབ་ཏུ་འཇུག་ཅིང་། ཁྱོད་རྣམས་ཀྱིས་འབྲུ་རིགས་དང་རྒུན་ཆང་གསར་པ་དང་། སྣུམ་གསར་པ་བཅས་བསྡུ་བར་བྱེད།  
\v 15 ཡང་ཁོང་གིས་སྤང་ཐང་ལ་ཁྱོད་རྣམས་ཀྱི་སྒོ་ཕྱུགས་ཀྱི་ཕྱིར་རྩྭ་སྐྱེ་རུ་འཇུག་པ་དང་། ཁྱོད་རྣམས་ཀྱིས་བཟའ་ཞིང་མགུ་ཁེངས་པར་བྱེད།  
\v 16 ཁྱོད་རྣམས་ཀྱི་སེམས་བསླུ་བར་དོགས་ཟོན་གྱིས་ཤིག ཁྱོད་རྣམས་ལོག་ལམ་དུ་འཁོར་ནས་ལྷ་གཞན་དག་ལ་བསྙེན་བཀུར་བྱས་ཏེ་ཕྱག་བཙལ་ན།  
\v 17 དཀོན་མཆོག་ཡ་ཝཱེའི་ཐུགས་ཁྲོ་ཁྱོད་རྣམས་ཀྱི་སྟེང་ལ་འབར་ནས་ཁོང་གིས་ནམ་མཁའི་སྒོ་དགག་ཅིང་ཆར་ཆུ་མི་གནང་ལ། ཞིང་ལ་ལོ་ཏོག་ཀྱང་མི་སྐྱེ། དཀོན་མཆོག་ཡ་ཝཱེས་ཁྱོད་རྣམས་ལ་གནང་བའི་ཡུལ་བཟང་པོ་ནས་ཁྱོད་ཅག་མྱུར་དུ་འཇིག་པར་འགྱུར་རོ། །   
\p
\v 18 དེ་བས་བདག་གི་གཏམ་རྣམས་ཁྱོད་ཅག་གི་སེམས་དང་ཡིད་ལ་ཆོངས་ཤིག དེ་རྣམས་རྟགས་ཀྱི་དོད་དུ་ལག་པའི་སྟེང་དང་དཔྲལ་བར་དཀྲི་དགོས།  
\v 19 ཡང་ཁྱོད་རྣམས་ཀྱིས་ཁྱིམ་ནས་འདུག་དུས་དང་ལམ་དུ་འགྲོ་དུས་དང་། མར་ཉལ་དུས་དང་ཡར་ལངས་དུས་ནམ་ཡིན་ཡང་དེ་རྣམས་རང་གི་བུ་དང་བུ་མོ་རྣམས་ལ་ཁྲིད་ནས་འཆད་དགོས།  
\v 20 བཀའ་དེ་རྣམས་ཁང་པའི་སྒོ་འགྲམ་དང་མཁར་སྒོའི་སྟེང་དུ་ཡང་འབྲི་དགོས།  
\v 21 དེ་ནས་དཀོན་མཆོག་ཡ་ཝཱེས་ཁྱོད་ཅག་གི་ཕ་མེས་རྣམས་ལ་གནང་བར་མནའ་བཞེས་པའི་ཡུལ་དུ། ཁྱོད་ཅག་དང་ཁྱོད་ཅག་གི་བུ་རྒྱུད་རྣམས་ཀྱི་ཚེ་འཕེལ་བར་འགྱུར་ཏེ། ས་གཞི་སྟེང་གི་ནམ་མཁའ་གནས་པ་ལྟར་ཡིན་ནོ། །  
\v 22 གལ་སྲིད་ངས་ཁྱོད་ཅག་ལ་བསྒོས་པའི་བཀའ་ཐམས་ཅད་ཁྱོད་རྣམས་ཀྱིས་ལེགས་པར་བསྲུངས་ཏེ། ཁྱོད་རྣམས་ཀྱི་དཀོན་མཆོག་ཡ་ཝཱེ་ལ་དགའ་ཞིང་། ཁོང་གི་ཕེབས་ལམ་ཀུན་ཏུ་འགྲུལ་ནས་ཁོང་ལ་དམ་པོར་བརྟེན་ན།  
\v 23 དཀོན་མཆོག་ཡ་ཝཱེས་མི་རིགས་འདི་ཐམས་ཅད་ཁྱོད་རྣམས་ཀྱི་མདུན་ནས་སྤྱུག་ཅིང་། ཁྱོད་རྣམས་ལས་སྟོབས་ཆེ་ཞིང་གྲངས་མང་བའི་མི་རིགས་རྣམས་ཀྱི་ཡུལ་ནི་ཁྱོད་ཅག་གིས་ལེན་པར་འགྱུར།  
\v 24 ཁྱོད་རྣམས་ཀྱི་རྐང་པ་སྤོས་པའི་ས་ཆ་ཡོད་ཚད་ཁྱོད་ཅག་གི་ཡིན་པ་དང་། དབེན་སྟོང་ནས་ལེ་པཱ་ནོན་དང་ཕི་རཱད་གཙང་པོ་ནས་ནུབ་མཚོའི་བར་དུ་ཁྱོད་ཅག་གི་ས་མཚམས་ཡིན།  
\v 25 མི་གཅིག་ཀྱང་ཁྱོད་རྣམས་ཀྱི་མདུན་ནས་ཚུགས་མི་ཐུབ་སྟེ། ཁྱོད་ཅག་གི་དཀོན་མཆོག་ཡ་ཝཱེས་ཁྱོད་ཅག་ལ་གསུངས་པ་ནང་བཞིན། ཁོང་གིས་ཁྱོད་རྣམས་ཀྱི་རྐང་པ་སྤོ་སའི་ཡུལ་གྱི་ཡུལ་མི་ཐམས་ཅད་ཁྱོད་རྣམས་ལ་འཇིགས་ཤིང་དངངས་པར་བྱའོ། །   
\p
\v 26 ལྟོས་དང་། བདག་གིས་དེ་རིང་ཁྱོད་རྣམས་ཀྱི་མདུན་དུ་བྱིན་རླབས་དང་དམོད་མོ་གཉིས་ཀ་བཤམས་ཡོད།  
\v 27 གལ་སྲིད་ཁྱོད་རྣམས་ཀྱིས་ངས་དེ་རིང་ཁྱོད་ཅག་ལ་བསྒོས་པའི་ཁྱོད་ཅག་གི་དཀོན་མཆོག་ཡ་ཝཱེའི་བཀའ་རྒྱ་རྣམས་ལ་མཉན་ན་བྱིན་རླབས་འཐོབ་པ་དང་།  
\v 28 གལ་སྲིད་ཁྱོད་ཅག་གིས་རང་གི་དཀོན་མཆོག་ཡ་ཝཱེའི་བཀའ་རྒྱ་རྣམས་ལ་མི་ཉན་པར། དེ་རིང་ངས་ཁྱོད་ཅག་ལ་འགྲུལ་དགོས་པར་བསྒོས་པའི་ལམ་ནས་ལོག་པར་སྐྱོད་ཅིང་། ཁྱོད་རྣམས་ལ་རྒྱུས་མི་མངའ་བའི་ལྷ་གཞན་དག་གི་རྗེས་སུ་འབྲངས་ན་དམོད་མོ་ཕོག་པར་འགྱུར་རོ། །   
\p
\v 29 དེ་ཡང་ཁྱོད་རྣམས་ཀྱིས་ཡུལ་དེ་བདག་གིར་འཛིན་པའི་ཆེད་དུ། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་རྣམས་ཡུལ་དེར་འཁྲིད་པའི་དུས་སུ། ཁྱོད་རྣམས་ཀྱིས་རི་བོ་གེ་རི་ཟིམ་ལ་བྱིན་རླབས་བསྒྲག་པ་དང་། རི་བོ་ཨེ་བཱལ་ལ་དམོད་པ་བསྒྲག་དགོས།  
\v 30 རི་བོ་དེ་གཉིས་ཀ་ཡོར་དན་གཙང་པོའི་ཕ་རོལ་ཏུ་ཉི་མ་ནུབ་པའི་ཕྱོགས་སུ། གིལ་གལ་ཕར་ཕྱོགས་ཀྱི་ཨ་ར་པཱ་རུ་ཡོད་པའི་ཀ་ན་ཨན་པའི་ཡུལ་དུ། མོར་རེའེ་ཡི་བེ་ཤིང་གི་ཉེ་འགྲམ་དུ་ཡོད་པ་མ་ཡིན་ནམ།  
\v 31 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་གནང་བའི་ཡུལ་གྱི་བདག་དབང་ལེན་ཕྱིར། ད་ལྟ་ཁྱོད་རྣམས་ཡོར་དན་གཙང་པོ་བརྒལ་ནས་ཡུལ་དེ་ལེན་དགོས་པ་དང་དེ་རུ་གཞིས་ཕབ་དགོས།  
\v 32 དེ་རིང་ངས་ཁྱོད་རྣམས་ཀྱི་མདུན་དུ་བཀོད་པའི་སྒྲིག་ཁྲིམས་དང་སྲོལ་ཡིག་ཐམས་ཅད་གཟབ་གཟབ་ངང་བསྒྲུབ་པར་གྱིས་ཤིག་ཨང་།   
\c 12
\cl ལེའུ་བཅུ་གཉིས་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 དཀོན་མཆོག་གིས་བདམས་པའི་བསྙེན་བཀུར་བྱ་ཡུལ།  
\p
\v 1 ཁྱོད་ཅག་གི་ཕ་མེས་རྣམས་ཀྱི་དཀོན་མཆོག་ཡ་ཝཱེས་ཁྱོད་རྣམས་ལ་ས་སྐལ་དུ་གནང་བའི་ཡུལ་དུ། ཁྱོད་རྣམས་ས་སྟེང་ནས་འཚོ་བའི་ཉིན་མོ་རེ་རེར་བསྲུངས་ནས་བསྒྲུབ་དགོས་པའི་སྒྲིག་ཁྲིམས་དང་སྲོལ་ཡིག་རྣམས་འདི་ལྟ་སྟེ།  
\v 2 ཁྱོད་རྣམས་ཀྱིས་བདག་གིར་འཛིན་པའི་ཡུལ་དེའི་ལྷ་རྣམས་ལ་བསྙེན་བཀུར་བྱེད་པའི་གནས་ཐམས་ཅད་དེ། རི་མཐོན་པོ་དང་། རི་སྒང་དང་། ལྗོན་ཤིང་སྔོན་པོ་རེ་རེའི་འོག་བཅས་ཀྱི་གནས་ཐམས་ཅད་རྩ་བ་ནས་མེད་པར་གཏོང་དགོས་ཤིང་།  
\v 3 དེ་དག་གི་མཆོད་ཁྲི་རྣམས་བཤིགས་ནས། ལྷ་རྟེན་རྣམས་གཅོག་པ་དང་། ལྷ་མོ་ཨ་ཤེ་རཱ་མེར་བསྲེག་པ། དེ་ཚོའི་རྡོ་སྐུ་རྣམས་གཅོད་པ་དང་ཡུལ་དེ་ནས་དེ་ཚོའི་མིང་རྣམས་བསུབ་དགོས།  
\v 4 ཁྱོད་ཅག་གི་དཀོན་མཆོག་ཡ་ཝཱེ་ལ་ཁྱོད་ཅག་གིས་དེ་ལྟར་བསྒྲུབ་མི་རུང་།  
\v 5 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་གི་ཚོ་པ་ཁག་ནས་ཁོང་གི་མཚན་འགོད་པར་བདམས་པའི་བཞུགས་གནས་སུ་སོང་སྟེ་ཁོང་ལ་ཞུ་བ་འབུལ་དགོས་ལ།  
\v 6 ཁྱོད་རྣམས་ཀྱི་སྦྱིན་སྲེག་དང་མཆོད་རྫས་དང་། བཅུ་ཆ་གཅིག་དང་འདེགས་མཆོད་དང་། དམ་བཅའི་མཆོད་པ་དང་ཡིད་མོས་མཆོད་པ། བ་ཁྱུ་དང་ར་ལུག་གི་ཁྱུ་ཡི་སྐྱེས་འགོ་བཅས་གནས་དེར་འཁྱེར་དགོས།  
\v 7 གནས་དེར་ཁྱོད་ཅག་དང་རང་གི་ནང་མི་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེའི་མདུན་ནས་བཟའ་བཏུང་སྤྱོད་པ་དང་། ཁྱོད་རྣམས་ཀྱི་ལག་གི་ལས་ཀ་ཐམས་ཅད་ལ་ཁྱོད་ཅག་གི་དཀོན་མཆོག་ཡ་ཝཱེས་བྱིན་རླབས་མཛད་ནས་སྤྲོ་བར་འགྱུར་རོ། །  
\v 8 དེ་རིང་རང་ཅག་མི་རེ་རེས་རང་རང་གི་མིག་མདུན་ནས་གང་ཞིག་ལེགས་པར་སྙམ་པ་དེ་བྱེད་པས། མ་འོངས་པར་ཁྱོད་ཅག་གིས་འདི་བཞིན་བསྒྲུབ་མི་རུང་།  
\v 9 ཅི་ལ་ཞེ་ན། ད་ལྟ་ཁྱོད་ཅག་གི་དཀོན་མཆོག་ཡ་ཝཱེས་ཁྱོད་ཅག་ལ་གནང་བའི་ངལ་གསོ་བའི་ཡུལ་དང་ས་སྐལ་ཡིན་པའི་ཡུལ་དུ་ཁྱོད་རྣམས་ད་དུང་སླེབས་མེད་པ་ཡིན།  
\v 10 འོན་ཀྱང་ཁྱོད་རྣམས་ཡོར་དན་གཙང་པོའི་ཕ་རོལ་ཏུ་འབྱོར་ནས། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་ས་སྐལ་དུ་གནང་བའི་ཡུལ་དེར་གཞིས་ཕབ་ཅིང་། ཁོང་གིས་ཁྱོད་རྣམས་བདེ་བར་བཀོད་ནས་མཐའ་འཁོར་གྱི་དགྲ་རྣམས་ལས་བཀྲོལ་བ་དང་། ཁྱོད་བདེ་བར་འཚོ་རུ་བཅུག་ན།  
\v 11 དུས་དེར་ཁྱོད་ཅག་གི་དཀོན་མཆོག་ཡ་ཝཱེས་ཉིད་ཀྱི་མཚན་འགོད་པའི་གནས་སུ་བདམས་པའི་ཡུལ་དེར། ངས་ཁྱོད་ཅག་ལ་བསྒོས་པའི་སྦྱིན་སྲེག་དང་མཆོད་རྫས་དང་། བཅུ་ཆ་གཅིག་དང་འདེགས་མཆོད་དང་། ཁྱོད་རྣམས་ཀྱིས་དཀོན་མཆོག་ཡ་ཝཱེ་ལ་འབུལ་བར་དམ་བཅས་པའི་མཆོད་པ་ཆེས་བཟང་པོ་ཐམས་ཅད་འཁྱེར་འོང་དགོས།  
\v 12 དེར་ཁྱོད་རྣམས་དང་ཁྱོད་རྣམས་ཀྱི་བུ་དང་བུ་མོ། གཡོག་པོ་དང་གཡོག་མོ། ཁྱོད་རྣམས་ཀྱི་གྲོང་རྡལ་དུ་གནས་པའི་ལེ་ཝི་པ་བཅས་ཐམས་ཅད་ཁྱོད་ཅག་གི་དཀོན་མཆོག་ཡ་ཝཱེའི་དྲུང་དུ་དགའ་བར་འགྱུར་ཏེ། ལེ་ཝི་པ་རྣམས་ལ་ཁྱོད་ཅག་གི་ཁྲོད་དུ་ཐོབ་སྐལ་དང་ནོར་སྐལ་གང་ཡང་མེད་དོ། །  
\v 13 ཁྱོད་ཀྱིས་གཟབ་གཟབ་གྱིས་ཤིག རང་གིས་བློར་འབབ་པའི་གནས་གང་རུང་དུ་སྦྱིན་སྲེག་གི་མཆོད་པ་འབུལ་མི་འོས།  
\v 14 དཀོན་མཆོག་ཡ་ཝཱེས་ཁྱོད་རྣམས་ཀྱི་ཚོ་པ་ཁག་གི་གཅིག་ནས་བདམས་པའི་ཡུལ་དེར། ཁྱོད་རྣམས་ཀྱི་སྦྱིན་སྲེག་གི་མཆོད་པ་འབུལ་བ་དང་ངས་ཁྱོད་རྣམས་ལ་བསྒོས་པའི་བཀའ་ཐམས་ཅད་གནས་དེ་རུ་བསྒྲུབ་དགོས་སོ། །   
\p
\v 15 དེ་ལྟ་ནའང་ཁྱོད་ཅག་གི་དཀོན་མཆོག་ཡ་ཝཱེས་ཁྱོད་རྣམས་ལ་བྱིན་རླབས་བསྩལ་པ་ནང་བཞིན། ཁྱོད་ཅག་གི་གྲོང་རྡལ་སོ་སོར་རང་རང་གི་འདོད་པ་ལྟར་སྲོག་ཆགས་བཤས་ནས་ཤ་བཟའ་རུང་བ་ཡིན། མི་གཙང་མ་དང་གཙང་མ་མིན་པ་ཀུན་གྱིས་དགོ་བ་དང་ཤྭ་བའི་ཤ་ཟ་བ་བཞིན་ཟོས་ཆོག  
\v 16 ཁྲག་གཅིག་པུ་བཟའ་མི་རུང་ལ་དེ་ནི་ཆུ་ལྟར་ས་ལ་ལྡུག་དགོས།  
\v 17 ཁྱོད་རྣམས་ཀྱི་འབྲུ་རིགས་དང་རྒུན་ཆང་གསར་པ་དང་སྣུམ་གསར་པའི་བཅུ་ཆ་གཅིག་དང་། བ་ཁྱུ་དང་ར་ལུག་གི་ཁྱུ་ཡི་སྐྱེས་འགོ་དང་དམ་བཅའི་མཆོད་པ་ཐམས་ཅད། ཡིད་མོས་མཆོད་པ་དང་འདེགས་མཆོད་བཅས་ནི་གང་ཡིན་ཡང་ཁྱོད་ཅག་གི་གྲོང་རྡལ་དུ་བཟའ་མི་རུང་།  
\v 18 དེ་རྣམས་ཁྱོད་ཅག་གི་དཀོན་མཆོག་ཡ་ཝཱེས་བདམས་པའི་ཡུལ་དུ། ཁྱོད་རྣམས་དང་ཁྱོད་རྣམས་ཀྱི་བུ་དང་བུ་མོ། གཡོག་པོ་དང་གཡོག་མོ། ཁྱོད་རྣམས་ཀྱི་གྲོང་རྡལ་དུ་ཡོད་པའི་ལེ་ཝི་པ་བཅས་ཀྱིས་ཁྱོད་རྣམས་ཀྱི་དཀོན་མཆོག་ཡ་ཝཱེའི་དྲུང་དུ་བཟའ་དགོས། ཡང་ཁྱོད་རྣམས་ལག་གི་ལས་ཀ་ཐམས་ཅད་ཀྱི་ཕྱིར་ཁྱོད་ཅག་གི་དཀོན་མཆོག་ཡ་ཝཱེའི་དྲུང་དུ་དགའ་བར་གྱུར་ཅིག  
\v 19 ཁྱོད་རྣམས་ཀྱིས་གཟབ་གཟབ་བྱས་ནས་རང་གི་ཡུལ་དུ་སྡོད་པའི་རིང་ལ་ལེ་ཝི་པ་རྣམས་སྣང་མེད་དུ་བསྐྱུར་བར་གཏན་ནས་མི་བྱའོ། །   
\p
\v 20 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་ཞལ་བཞེས་གནང་བ་བཞིན་དུ། ཁྱོད་རྣམས་ཀྱི་མཐའ་མཚམས་རྣམས་རྒྱ་བསྐྱེད་པའི་ཚེ། ཁྱོད་རྣམས་ཀྱི་སེམས་སུ་ཤ་བཟའ་བར་འདོད་ན་ངས་ཤ་བཟའ་འདོད་ཅེས་སྨྲ་དགོས་ལ། དེ་ནས་རང་གི་འདོད་པ་བཞིན་ཤ་བཟའ་རུང་བ་ཡིན།  
\v 21 ཁྱོད་རྣམས་ཀྱི་དཀོན་མཆོག་ཡ་ཝཱེས་ཉིད་ཀྱི་མཚན་འགོད་པར་བདམས་པའི་གནས་དེ་ཁྱོད་རྣམས་དང་རྒྱང་ཐག་རིང་དྲགས་ན། ངས་ཁྱོད་རྣམས་ལ་བསྒོས་པའི་བཀའ་བཞིན་དུ། དཀོན་མཆོག་ཡ་ཝཱེས་ཁྱོད་རྣམས་ལ་གནང་བའི་བ་གླང་དང་ར་ལུག་འགའ་བཤས་ཏེ་རང་གི་གྲོང་རྡལ་དུ་འདོད་པ་བཞིན་ཟོས་ཆོག  
\v 22 ཁྱོད་རྣམས་ཀྱིས་ཤ་དེ་ཟ་སྐབས་དགོ་བ་དང་ཤྭ་བའི་ཤ་ཟ་བ་བཞིན་དུ་ཟོས་ཆོག་ལ། མི་གཙང་མ་དང་གཙང་མ་མིན་པ་ཀུན་གྱིས་མཉམ་དུ་ཟོས་ཆོག་གོ །  
\v 23 འོན་ཀྱང་ཁྱོད་རྣམས་ཀྱི་སེམས་བརྟན་པོར་ཚུགས་དགོས་ཤིང་ཁྲག་གཅིག་པུ་བཟའ་མི་རུང་སྟེ། ཅི་ལ་ཞེ་ན། ཁྲག་ནི་ཚེ་སྲོག་ཡིན་པས་ཤ་དང་ལྷན་དུ་ཚེ་སྲོག་བཟའ་མི་རུང་ངོ་། །  
\v 24 ཁྱོད་རྣམས་ཀྱིས་ཁྲག་བཟའ་མི་རུང་ལ་དེ་ནི་ཆུ་ལྟར་ས་ལ་ལྡུག་དགོས།  
\v 25 ཁྱོད་རྣམས་ཀྱིས་ཁྲག་བཟའ་མི་རུང་ལ། དཀོན་མཆོག་ཡ་ཝཱེའི་སྤྱན་སྔར་ལེགས་པོ་གང་ཡིན་དེ་སྤྱད་ན། ཁྱོད་རྣམས་དང་ཁྱོད་ཅག་གི་བུ་རབས་ཚ་རྒྱུད་རྣམས་བདེ་བར་འགྱུར་ངེས།  
\v 26 དེ་ལྟ་ནའང་ཁྱོད་རྣམས་ཀྱིས་རང་གི་མཆོད་རྫས་དམ་པ་རྣམས་དང་། དམ་བཅའི་མཆོད་པ་རྣམས་ཁྱེར་ནས་དཀོན་མཆོག་ཡ་ཝཱེས་བདམས་པའི་གནས་སུ་འགྲོ་དགོས་ཤིང་།  
\v 27 ཁྱོད་རྣམས་ཀྱི་སྦྱིན་སྲེག་གི་མཆོད་པའི་ཤ་དང་ཁྲག་རྣམས་ཁྱོད་རྣམས་ཀྱི་དཀོན་མཆོག་ཡ་ཝཱེའི་མཆོད་ཁྲི་སྟེང་འབུལ་དགོས། མཆོད་རྫས་ཀྱི་ཁྲག་རྣམས་ཁྱོད་ཅག་གི་དཀོན་མཆོག་ཡ་ཝཱེའི་མཆོད་ཁྲིའི་སྟེང་དུ་ལྡུག་དགོས། ཡིན་ནའང་ཤ་དེ་ཁྱོད་རྣམས་ཀྱིས་ཟོས་ཆོག  
\v 28 ཁྱོད་རྣམས་ཀྱིས་ངས་ཁྱོད་ཅག་ལ་བསྒོས་པའི་བཀའ་ཐམས་ཅད་གཟབ་གཟབ་ངང་བསྲུང་བར་གྱིས་ཤིག ཁྱོད་རྣམས་ཀྱི་དཀོན་མཆོག་ཡ་ཝཱེའི་སྤྱན་སྔར་ལེགས་ཤིང་དྲང་པོ་གང་ཡིན་དེ་སྤྱད་ན། ཁྱོད་རྣམས་དང་ཁྱོད་རྣམས་ཀྱི་བུ་རབས་ཚ་རྒྱུད་རྣམས་གཏན་དུ་བདེའོ། །   
\p
\v 29 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་རྣམས་སོང་ནས་ཕྱི་རུ་སྐྲོད་པར་འགྱུར་བའི་མི་རིགས་དེ་དག་ཁྱོད་ཅག་གི་མདུན་ནས་མེད་པར་མཛད་རྗེས། ཁྱོད་རྣམས་ལ་དེ་དག་གི་ཡུལ་ཐོབ་ནས་དེ་རུ་གཞིས་ཆགས་ངེས་ཡིན།  
\v 30 དེའི་དུས་སུ་ཁྱོད་རྣམས་ཀྱིས་གཟབ་གཟབ་གྱིས་ཤིག དེ་དག་ཁྱོད་རྣམས་ཀྱི་མདུན་ནས་མེད་པར་མཛད་པའི་རྗེས་སུ། དེ་ཚོའི་རྗེས་སུ་འབྲངས་ནས་རྙི་ལ་ཚུད་པར་མི་བྱ་ཞིང་། ཁོ་ཚོའི་ལྷ་རྣམས་ལ་ཞུས་ནས་འདི་ལྟར། མི་རིགས་འདི་དག་གིས་ཇི་ལྟར་ཁོ་ཚོའི་ལྷ་རྣམས་ལ་བསྙེན་བཀུར་བྱས་པ་ཡིན་ན་ང་ཚོས་ཀྱང་དེ་ལྟར་བསྒྲུབ་པར་འགྱུར་རོ་ཞེས་བརྗོད་མི་རུང་།  
\v 31 ཁྱོད་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེ་ལ་དེ་ལྟར་བྱེད་མི་རུང་། ཅི་ལ་ཞེ་ན། དེ་དག་གིས་དཀོན་མཆོག་ཡ་ཝཱེ་སྡང་ཞིང་ཞེ་མེར་བའི་དོན་རྣམས་རང་གི་ལྷ་རྣམས་ལ་བྱས་པ་དང་། ཐ་ན་རང་གི་བུ་དང་བུ་མོ་རྣམས་ཀྱང་མེ་རུ་བསྲེགས་ནས་ཁོ་ཚོའི་ལྷ་རྣམས་ལ་ཕུལ་བའོ། །   
\p
\v 32 བདག་གིས་ཁྱོད་རྣམས་ལ་བསྒོས་པའི་བཀའ་གསུང་ཐམས་ཅད་སྲུངས་ལ་སྒྲུབས་ཤིག དེ་ལ་ཁ་སྣོན་དང་ཉུང་འཕྲི་གང་ཡང་བྱེད་མི་རུང་ངོ་། །   
\c 13
\cl ལེའུ་བཅུ་གསུམ་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 སྐུ་འདྲ་ལ་མཆོད་པར་འཛེམ་དགོས་པ།  
\p
\v 1 གལ་སྲིད་ཁྱོད་ཚོའི་ནང་དུ་ལུང་སྟོན་པ་དང་རྨི་ལམ་པ་བྱུང་སྟེ། ཁྱོད་རྣམས་ལ་གྲུབ་རྟགས་དང་དོན་ངོ་མཚར་ཅན་སྟོན་པ་དང་།  
\v 2 ཁོས་ཁྱོད་རྣམས་ལ་སྨྲས་པའི་གྲུབ་རྟགས་དང་དོན་ངོ་མཚར་ཅན་དེ་དག་དངོས་སུ་བྱུང་ནས་དེས་ཁྱོད་རྣམས་ལ། རང་ཅག་ཁྱོད་རྣམས་ལ་རྒྱུས་མི་མངའ་བའི་ལྷ་གཞན་དག་གི་རྗེས་སུ་འབྲངས་ནས་དེ་དག་ལ་བསྙེན་བཀུར་བྱེད་པར་བྱ་ཞེས་སྨྲས་ན།  
\v 3 ལུང་སྟོན་པ་དང་རྨི་ལམ་པ་དེའི་གཏམ་ལ་ཉན་མི་རུང་། ཅི་ལ་ཞེ་ན། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་རང་གི་དཀོན་མཆོག་ཡ་ཝཱེ་ལ་བློ་གཅིག་སེམས་གཅིག་གིས་དགའ་འམ་མི་དགའ་ཤེས་པའི་ཕྱིར་ཚོད་བགམ་མཛད་པ་ཡིན།  
\v 4 ཁྱོད་ཅག་ནི་ཁྱོད་ཅག་གི་དཀོན་མཆོག་ཡ་ཝཱེའི་རྗེས་སུ་འབྲང་དགོས་པ་དང་། ཁོང་ལ་གུས་ཤིང་འཇིགས་ནས་ཁོང་གི་བཀའ་རྣམས་བསྲུངས་ཏེ་ཁོང་གི་གསུང་སྐད་ལ་ཉན་དགོས་ལ། ཁོང་ལ་བསྙེན་བཀུར་ཕུལ་ནས་ཁོང་ལ་དམ་པོར་བརྟེན་དགོས་སོ། །  
\v 5 འོན་ཀྱང་ལུང་སྟོན་པའམ་རྨི་ལམ་པ་དེས་ངོ་ལོག་གི་གཏམ་སྨྲས་ཏེ། ཁྱོད་རྣམས་ཨེ་ཅིབ་ཡུལ་ནས་ཕྱི་རུ་ཁྲིད་ཅིང་བྲན་དུ་བཀོལ་བའི་གནས་ནས་བསྐྱབས་འོངས་པའི་ཁྱོད་རྣམས་ཀྱི་དཀོན་མཆོག་ཡ་ཝཱེ་ལ་ངོ་ལོག་བྱེད་པ་དང་། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་འགྲུལ་བར་བསྒོས་པའི་ལམ་དང་འབྲལ་དུ་འཇུག་འདོད་པ་ཡིན་པས་མི་དེ་གསོད་དགོས། ཁྱོད་རྣམས་ཀྱི་ཁྲོད་ནས་ངན་པ་རྣམས་དེ་ལྟར་མེད་པར་གཏོང་དགོས་སོ། །   
\p
\v 6 གལ་སྲིད་ཁྱོད་རྣམས་ཀྱི་མ་གཅིག་གི་སྤུན་ཟླ་དང་། ཁྱོད་ཅག་གི་བུ་དང་བུ་མོ་དང་། ཁྱོད་རྣམས་ཀྱི་གཅེས་པའི་ཆུང་མ་དང་། ཁྱོད་རྣམས་ཀྱི་སྲོག་དང་འདྲ་བའི་གྲོགས་པོ་སོགས་ཀྱིས་གསང་བའི་སྒོ་ནས་ཁྱོད་ཅག་བསླུས་ཏེ། རང་ཅག་ལྷ་གཞན་དག་ལ་བསྙེན་བཀུར་བྱེད་དུ་འགྲོ་ཞེས་སྨྲ་ཞིང་། དེ་ནི་ཁྱོད་རྣམས་དང་ཁྱོད་ཅག་གི་ཕ་མེས་རྣམས་ལ་རྒྱུས་མི་མངའ་བ་ཞིག་ཡིན་པ་དང་།  
\v 7 ཁྱོད་ཅག་གི་མཐའ་འཁོར་གྱི་མི་ཡི་ལྷ་རྣམས་ཏེ། ཁྱོད་རྣམས་དང་ཉེ་བའམ་ཡང་ན་ཁྱོད་རྣམས་དང་ཁ་ཐག་རིང་བའི་ལྷ་རྣམས་དང་། ས་གཞིའི་ཕྱོགས་གཅིག་ནས་ཕྱོགས་གཞན་བར་གྱི་ལྷ་རྣམས་བཅས་གང་ཡིན་ཡང་།  
\v 8 ཁྱོད་རྣམས་ཀྱིས་དེ་ལ་མགོ་མི་འདོགས་ཤིང་ཉན་ཡང་མི་འོས་པ་དང་། ཁྱོད་རྣམས་ཀྱི་མིག་ལམ་ནས་དེ་གཅེས་སུ་འཛིན་མི་རུང་ལ་སྙིང་རྗེ་ཡང་བསྐྱེད་མི་རུང་། འགེབ་སྲུང་ཡང་བྱེད་མི་རུང་སྟེ།  
\v 9 ཁྱོད་ཀྱིས་ཁོ་ངེས་པར་གསོད་དགོས། རང་གིས་སྔོན་ལ་ལག་འགུལ་བ་དང་། དེ་ནས་མི་ཐམས་ཅད་ཀྱིས་ཀྱང་ལག་འགུལ་ནས་ཁོ་གསོད་དགོས།  
\v 10 མི་དེ་རྡོ་རུབ་བཏང་ནས་གསོད་དགོས། ཅི་ལ་ཞེ་ན། དེས་ཁྱོད་རྣམས་ཨེ་ཅིབ་ཡུལ་ནས་ཕྱི་རུ་ཁྲིད་པ་དང་བྲན་དུ་བཀོལ་བའི་གནས་ནས་སྐྱོབ་མཁན་ཁྱོད་ཅག་གི་དཀོན་མཆོག་ཡ་ཝཱེ་ནས་ལོག་ལམ་དུ་འདྲེན་འདོད་པ་ཡིན།  
\v 11 དེ་ནས་ཡེས་ར་ཨེལ་པ་ཀུན་གྱིས་དེ་ཐོས་པ་དང་འཇིགས་ནས་ཁྱོད་རྣམས་ཀྱི་ཁྲོད་དུ་དེ་འདྲའི་ལས་ངན་པ་ནམ་ཡང་བསྒྲུབ་པར་མི་བྱའོ། །   
\p
\v 12 གལ་ཏེ་ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་འཚོ་སྡོད་བྱེད་སར་གནང་བའི་གྲོང་ཁྱེར་ཞིག་ལས།  
\v 13 ཁྱོད་རྣམས་ཀྱི་དབུས་ནས་མི་ཐ་ཤལ་\f + \ft འདིར་མི་ཐ་ཤལ་ཞེས་པར་མ་ཕྱི་ལ་པཱ་ལེ་ཡ་ཨལ་ཞེས་འབྱུང་བ་སྟེ། སྙིང་པོ་མེད་པ་དང་ངན་པའི་དོན་ལ་འཇུག་ཅིང་། དེ་ནི་བདུད་སཱ་ཏན་གྱི་མིང་གཞན་ཡིན། \f*འགའ་ཐོན་ཏེ། གྲོང་ཁྱེར་དེའི་ཡུལ་མི་རྣམས་ལ་ཁྱོད་ཚོར་རྒྱུས་མི་མངའ་བའི་ལྷ་གཞན་དག་ལ་བསྙེན་བཀུར་བྱེད་དུ་འགྲོ་ཞེས་སྨྲས་ཏེ། མི་རྣམས་ལོག་ལམ་དུ་འདྲེན་པའི་གཏམ་ཐོས་ན།  
\v 14 ཁྱོད་རྣམས་ཀྱིས་བརྟག་དཔྱད་ཞིབ་འཇུག་དང་འདྲི་གཅོད་ཞིབ་མོ་བྱེད་དགོས་ལ། གལ་སྲིད་ཁྱོད་ཅག་གི་ཁྲོད་དུ་སྐྱུག་བྲོ་བའི་བྱ་སྤྱོད་དེ་ལྟ་བུ་ཡོད་པ་བདེན་ན།  
\v 15 ཁྱོད་རྣམས་ཀྱིས་གྲོང་ཁྱེར་དེ་རུ་སྡོད་པའི་མི་རྣམས་ལ་རལ་གྲིས་བསྣུན་དགོས་ཤིང་། གྲོང་ཁྱེར་དེ་དང་དེ་རུ་ཡོད་པ་ཐམས་ཅད་དང་། ཕྱུགས་ཁྱུ་རྣམས་ཀྱང་རལ་གྲིའི་ཁ་ནས་རྩ་མེད་གཏོང་དགོས་པར་མ་ཟད།  
\v 16 གྲོང་ཁྱེར་ནས་འཕྲོག་བཅོམ་བྱས་པའི་རྒྱུ་ནོར་ཐམས་ཅད་གྲོང་ཁྱེར་དེའི་ཐང་ཆེན་དུ་སྤུངས་ནས། གྲོང་ཁྱེར་དང་དེ་ནས་འཕྲོག་བཅོམ་བྱས་པའི་རྒྱུ་ནོར་ཐམས་ཅད་མེར་བསྲེགས་ཏེ་ཁྱོད་རྣམས་ཀྱི་དཀོན་མཆོག་ཡ་ཝཱེ་ལ་འབུལ་དགོས། དེ་ནས་གྲོང་ཁྱེར་དེ་ནི་ནམ་ཡང་ཞིག་རོར་ལུས་ནས་སླར་བརྩིག་པར་མི་བྱའོ། །  
\v 17 རྩ་མེད་གཏོང་འོས་པའི་རྫས་གང་ཡང་ཁྱོད་རྣམས་ཀྱི་ལག་ཏུ་བསྐྱུར་མི་རུང་སྟེ། དེ་ནས་ཁྱོད་རྣམས་ཀྱི་དཀོན་མཆོག་ཡ་ཝཱེའི་ཐུགས་ཁྲོ་ཞི་ནས་ཁྱོད་ཅག་ལ་སྙིང་རྗེ་དང་བྱམས་བརྩེ་དགོངས་པ་དང་། ཁྱོད་ཅག་གི་མེས་པོ་ལ་བཞེས་པའི་མནའ་བཞིན་ཁྱོད་རྣམས་འཕེལ་བར་བྱེད།  
\v 18 ཁྱོད་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེའི་གསུང་སྐད་ལ་ཉན་པ་དང་། བདག་གིས་དེ་རིང་ཁྱོད་རྣམས་ལ་བསྒོས་པའི་བཀའ་ཐམས་ཅད་བསྲུངས་ནས། ཁོང་གི་སྤྱན་སྔར་ལེགས་པོ་གང་ཡིན་དེ་སྤྱད་ན་དེ་བཞིན་འབྱུང་ངེས་སོ། །   
\c 14
\cl ལེའུ་བཅུ་བཞི་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 ཁ་ཟས་གཙང་དང་མི་གཙང་བ།  
\p
\v 1 ཁྱོད་རྣམས་ནི་ཁྱོད་ཅག་གི་དཀོན་མཆོག་ཡ་ཝཱེའི་བུ་དང་བུ་མོ་ཡིན་པས། གཤིན་པོའི་དོན་དུ་རང་གི་ལུས་པོ་གཅོད་མི་རུང་ལ། ཁྱོད་ཅག་གི་ཐོད་སྤུ་ཡང་བཞར་མི་རུང་།  
\v 2 གང་ལ་ཞེ་ན། ཁྱོད་ཅག་ནི་ཁྱོད་ཅག་གི་དཀོན་མཆོག་ཡ་ཝཱེ་ལ་གཏོགས་པའི་མི་དམ་པ་རྣམས་ཡིན་ཞིང་། ཁོང་གིས་ས་སྟེང་གི་མི་རིགས་ཐམས་ཅད་ལས་ཁྱོད་རྣམས་བདམས་ཏེ་ཁོང་གི་ནོར་བུ་རུ་མཛད་པའོ། །   
\p
\v 3 ཁྱོད་རྣམས་ཀྱིས་སྐྱུག་བྲོ་བའི་རྫས་གང་ཡང་བཟའ་མི་རུང་།  
\v 4 ཁྱོད་རྣམས་ཀྱིས་བཟའ་རུང་བའི་སྲོག་ཆགས་ནི་འདི་དག་སྟེ། བ་གླང་དང་། ལུག་དང་། ར་དང་།  
\v 5 ཤྭ་བ་དང་། དགོ་བ་དང་། ཁ་ཤྭ་དང་། ར་རྒོད་དང་། སྐྱིན་དང་། གཙོད་དང་། གཉན་བཅས་ཡིན་ལ།  
\v 6 རི་དྭགས་རྨིག་པ་གཉིས་སུ་ཁ་འཕྲལ་བའམ་རྨིག་སོར་ཁ་འཕྲལ་ཅན་དང་སྐྱུག་ལྡད་བྱེད་པ་རྣམས་བཟའ་རུང་བ་ཡིན།  
\v 7 འོན་ཀྱང་སྐྱུག་ལྡད་བྱེད་པའམ་རྨིག་པ་ཁ་འཕྲལ་ཅན་རྣམས་ལས་བཟའ་མི་རུང་བ་ནི། རྔ་མོང་དང་རི་བོང་། འཕྱི་བ་བཅས་ཡིན་ཏེ། ཅི་ལ་ཞེ་ན། དེ་དག་གིས་སྐྱུག་ལྡད་བྱེད་ནའང་རྨིག་པ་ཁ་འཕྲལ་མེད་པས་ཁྱོད་རྣམས་ལ་མཚོན་ན་མི་གཙང་བ་ཡིན།  
\v 8 ཡང་ཕག་ནི་རྨིག་པ་ཁ་འཕྲལ་ཅན་ཡིན་ཡང་སྐྱུག་ལྡད་མི་བྱེད་པས་ཁྱོད་རྣམས་ལ་མཚོན་ན་མི་གཙང་བ་ཡིན་ལ། དེ་དག་གི་ཤ་ནི་བཟའ་མི་རུང་། དེ་དག་གི་རོ་རྣམས་ལ་རེག་ཀྱང་མི་རུང་ངོ་། །   
\p
\v 9 ཡང་ཆུ་ལ་གནས་པ་ཐམས་ཅད་ལས་ཁྱོད་ཅག་གིས་བཟའ་རུང་བ་ནི་འདི་དག་སྟེ། གཤོག་པ་ཅན་དང་ཉ་སག་ཅན་ཐམས་ཅད་བཟའ་རུང་བ་ཡིན།  
\v 10 གཤོག་པ་དང་ཉ་སག་མེད་པ་ཐམས་ཅད་ཁྱོད་ཅག་ལ་མཚོན་ན་མི་གཙང་བ་ཡིན་པས་བཟའ་མི་རུང་ངོ་། །   
\p
\v 11 འདབ་ཆགས་གཙང་མ་ཐམས་ཅད་ཁྱོད་ཅག་གིས་བཟའ་རུང་བ་ཡིན།  
\v 12 ཁྱོད་རྣམས་ཀྱིས་བཟའ་མི་རུང་བའི་འདབ་ཆགས་ནི་འདི་དག་སྟེ། གླག་དང་བྱ་རྒོད་དང་གོ་བོ་དང་།  
\v 13 ནེ་ལེ་དང་། བྱ་ཁྲ་དང་། འོལ་པའི་རིགས་དང་།  
\v 14 ཕོ་རོག་གི་རིགས་དང་།  
\v 15 རྔ་བྱ་དང་སྲིན་བྱ་དང་། ཆུ་སྐྱར་དང་ཁྲའི་རིགས་དང་།  
\v 16 འུག་ཆུང་དང་འུག་རྒན་དང་། འུག་དཀར་དང་།  
\v 17 འུག་སེར་དང་དུར་བྱ་དང་། སོ་བྱ་དང་།  
\v 18 ཁྲུང་ཁྲུང་དང་སྐྱར་མོ་རྐང་རིང་གི་རིགས་དང་པུ་ཤུད་དང་ཕ་ཝང་བཅས་ཡིན།  
\v 19 ཡང་ལྟོ་འགྲོ་འབུ་སྲིན་གཤོག་པ་ཅན་ཐམས་ཅད་ནི་ཁྱོད་ཅག་ལ་མཚོན་ན་མི་གཙང་བ་ཡིན་པས་བཟའ་མི་རུང་།  
\v 20 གཤོག་ལྡན་གཙང་མ་ཐམས་ཅད་ཁྱོད་ཅག་གིས་བཟའ་རུང་བའོ། །   
\p
\v 21 ཤི་ཤ་གང་ཡིན་ཡང་ཁྱོད་རྣམས་ཀྱིས་བཟའ་མི་རུང་སྟེ། ཁྱོད་རྣམས་ཀྱི་གྲོང་རྡལ་དུ་གནས་པའི་བྱེས་པ་ལ་སྟེར་བའམ། ཕྱི་མི་ཞིག་ལ་བཙོང་དགོས། ཅི་ལ་ཞེ་ན། ཁྱོད་རྣམས་ནི་ཁྱོད་ཅག་གི་དཀོན་མཆོག་ཡ་ཝཱེ་ལ་གཏོགས་པའི་མི་དམ་པ་ཡིན། ར་ཕྲུག་ཅིག་དེའི་ཨ་མའི་འོ་མའི་ནང་དུ་བཙོ་མི་རུང་ངོ་། །   
\p
\v 22 ཁྱོད་རྣམས་ཀྱིས་རང་གི་ཞིང་ལས་ལོ་རེར་སྨིན་པའི་ལོ་ཏོག་ཡོངས་ཀྱི་བཅུ་ཆ་གཅིག་འབུལ་དགོས་ལ།  
\v 23 ཁྱོད་ཅག་ནམ་ཡང་ཁྱོད་ཅག་གི་དཀོན་མཆོག་ཡ་ཝཱེ་ལ་གུས་ཤིང་འཇིགས་པ་ཤེས་པའི་ཆེད་དུ། ཁྱོད་རྣམས་ཀྱི་དཀོན་མཆོག་ཡ་ཝཱེའི་མདུན་དྲུང་སྟེ་ཁོང་གིས་ཉིད་ཀྱི་མཚན་འགོད་པར་བདམས་པའི་ཡུལ་དུ། ཁྱོད་རྣམས་ཀྱི་འབྲུ་རིགས་དང་རྒུན་ཆང་གསར་པ་དང་། སྣུམ་གསར་པའི་བཅུ་ཆ་གཅིག་དང་། བ་ཁྱུ་དང་ར་ལུག་གི་ཁྱུ་ཡི་སྐྱེས་འགོ་རྣམས་བཟའ་དགོས།  
\v 24 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་བྱིན་རླབས་གནང་བའི་ཚེ། གལ་ཏེ་ཁྱོད་རྣམས་ཀྱི་དཀོན་མཆོག་ཡ་ཝཱེས་ཉིད་ཀྱི་མཚན་འགོད་པར་བདམས་པའི་ཡུལ་དེ་ནི་ཁྱོད་ཅག་དང་རྒྱང་ཐག་རིང་དྲགས་ནས་མཆོད་རྫས་རྣམས་ཡུལ་དེར་འཁྱེར་མི་ནུས་ན།  
\v 25 བཅུ་ཆ་གཅིག་དེ་ཁྱོད་རྣམས་ཀྱིས་དངུལ་ལ་བརྗེས་ནས། དངུལ་དེ་ལག་ཏུ་བཟུང་ནས་ཁྱོད་རྣམས་ཀྱི་དཀོན་མཆོག་ཡ་ཝཱེས་བདམས་པའི་གནས་དེར་འགྲོ་དགོས།  
\v 26 དངུལ་དེ་ཁྱོད་རྣམས་ཀྱི་འདོད་པ་བཞིན་བཀོལ་ཆོག་སྟེ། བ་གླང་དང་ར་ལུག་དང་། རྒུན་ཆང་དང་གར་ཆང་སོགས་ཁྱོད་གང་ལ་དགའ་ན་དེ་ཐམས་ཅད་ཉོས་ཆོག་ལ། ཁྱོད་ཅག་གི་དཀོན་མཆོག་ཡ་ཝཱེའི་སྤྱན་སྔར་ཁྱོད་རྣམས་དང་རང་གི་ནང་མི་ཀུན་གྱིས་བཟའ་བཏུང་ལ་རོལ་ནས་དགའ་བར་འགྱུར།  
\v 27 ཁྱོད་རྣམས་ཀྱི་གྲོང་རྡལ་དུ་གནས་པའི་ལེ་ཝི་པ་རྣམས་ལ་ཐོབ་སྐལ་དང་ནོར་སྐལ་མེད་པས་ཁྱོད་ཅག་གིས་སྣང་མེད་དུ་བསྐྱུར་མི་རུང་ངོ་། །   
\p
\v 28 ལོ་འཁོར་གསུམ་རེའི་མཇུག་ཏུ། ལོ་དེའི་ཡོང་འབབ་ཀུན་གྱི་བཅུ་ཆ་གཅིག་ཁྱེར་འོངས་ནས་ཁྱོད་རྣམས་ཀྱི་གྲོང་རྡལ་དུ་གསོག་འཇོག་བྱེད་དགོས།  
\v 29 དེ་ནས་ཁྱོད་རྣམས་ཀྱི་ཁྲོད་དུ་ཐོབ་སྐལ་དང་ནོར་སྐལ་མེད་པའི་ལེ་ཝི་པ་རྣམས་དང་། ཁྱོད་རྣམས་ཀྱི་གྲོང་རྡལ་དུ་གནས་པའི་བྱེས་པ་རྣམས་དང་། དྭ་ཕྲུག་དང་ཡུགས་མོ་རྣམས་ཡོང་ནས་ཚིམ་པར་ཟོས་ཆོག་ལ། ཁྱོད་ཅག་གི་དཀོན་མཆོག་ཡ་ཝཱེས་ཁྱོད་རྣམས་ལག་གི་ལས་ཀ་ཐམས་ཅད་ལ་བྱིན་རླབས་གནང་བར་བྱའོ། །   
\c 15
\cl ལེའུ་བཅོ་ལྔ་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 ངལ་གསོ་བའི་ལོ།  
\p
\v 1 ལོ་བདུན་རེ་རྫོགས་པའི་མཚམས་སུ་ཁྱོད་རྣམས་ཀྱིས་བུ་ལོན་ཆག་ཡང་གཏོང་དགོས།  
\v 2 ཆག་ཡང་གཏོང་ཚུལ་ནི་འདི་ལྟར་ཡིན་ཏེ། བུན་བདག་སུ་ཡིན་ཡང་ཁྱིམ་མཚེས་ལ་གང་ཞིག་བསྐྱིས་པ་ཐམས་ཅད་ཆག་ཡང་གཏོང་དགོས། དཀོན་མཆོག་ཡ་ཝཱེའི་ཕྱིར་དུ་ཆག་ཡང་གཏོང་བའི་ལོ་ཡིན་པར་བསྒྲགས་ཡོད་པས། ཁྱིམ་མཚེས་དང་སྤུན་ཟླ་རྣམས་ལ་བུ་ལོན་འདེད་མི་རུང་།  
\v 3 གལ་སྲིད་ཕྱི་ཕྱོགས་པ་ལ་བསྐྱིས་པ་ཡིན་ན་བུ་ལོན་དེད་ཆོག་མོད། འོན་ཀྱང་རང་གི་སྤུན་ཟླར་བསྐྱིས་པ་ཡིན་ན། བུ་ལོན་གང་ཡིན་ཡང་ཆག་ཡང་གཏོང་དགོས།  
\v 4 ཁྱོད་རྣམས་ཀྱི་ནང་དུ་དབུལ་པོ་གཅིག་ཀྱང་ཡོད་མི་སྲིད། གང་ལ་ཞེ་ན། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་ས་སྐལ་དུ་གནང་བའི་ཡུལ་དེ་རུ་ཁོང་གིས་ཁྱོད་ཅག་ལ་བྱིན་རླབས་ཆེན་པོ་གནང་བར་འགྱུར།  
\v 5 གལ་ཏེ་ཁྱོད་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེའི་གསུང་སྐད་ལ་ཞིབ་ཏུ་མཉན་པ་དང་། ངས་དེ་རིང་ཁྱོད་རྣམས་ལ་བསྒོས་པའི་བཀའ་རྒྱ་ཐམས་ཅད་བསྲུངས་ནས་བསྒྲུབས་ན།  
\v 6 དེ་ཡང་ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་ཞལ་བཞེས་གནང་བ་ཇི་བཞིན་ཁྱོད་ཅག་ལ་བྱིན་རླབས་གནང་ངེས་ཡིན། ཁྱོད་རྣམས་ཀྱིས་མི་མང་པོར་བུ་ལོན་བཏང་ནའང་། རང་གིས་གཞན་སུ་ལས་ཀྱང་བསྐྱི་མི་དགོས། ཁྱོད་རྣམས་ཀྱིས་མི་མང་པོ་དབང་དུ་བསྒྱུར་ན་ཡང་། དེ་དག་གིས་ཁྱོད་རྣམས་དབང་དུ་བསྡུ་མི་ནུས་སོ། །   
\p
\v 7 གལ་སྲིད་ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་གནང་བའི་ཡུལ་གྱི་གྲོང་རྡལ་གང་རུང་དུ་ཁྱོད་ཅག་གི་སྤུན་ཟླ་སུ་ཞིག་དབུལ་པོ་ཡིན་ན། སྤུན་ཟླ་དབུལ་པོ་དེ་ལ་ཁྱོད་རྣམས་ཀྱི་སེམས་མཁྲེགས་པོ་བྱེད་མི་རུང་ལ། སེར་སྣ་བྱས་ནས་བསྐྱུར་ཡང་མི་རུང་།  
\v 8 ཁྱོད་རྣམས་ཀྱིས་ལག་པ་བརྐྱངས་ཏེ་ཁོ་ལ་ཅི་དགོས་པ་ལྟར་བསྐྱིས་ནས་དགོས་མཁོ་སྐོང་དགོས་སོ། །  
\v 9 ཁྱོད་རྣམས་ཀྱིས་གཟབ་གཟབ་བྱེད་དགོས་ཏེ། ཆག་ཡང་གཏོང་བའི་ལོ་བདུན་པ་བསླེབ་ལ་ཉེ་ཞེས་ངན་སེམས་བཅངས་ནས། ཁྱོད་རྣམས་ཀྱིས་རང་གི་སྤུན་ཟླ་དབུལ་པོ་ལ་སྡང་མིག་བགྲད་ནས་ཁོ་ལ་ཅི་ཡང་མི་སྟེར་ན། ཁོས་ཁྱོད་རྣམས་ཀྱི་རྐྱེན་གྱིས་དཀོན་མཆོག་ཡ་ཝཱེ་ལ་འོ་དོད་འབོད་པ་དང་། དེ་ནས་ཁྱོད་རྣམས་སྡིག་པའི་ནང་དུ་ལྷུང་བ་ཡིན།  
\v 10 གཏོང་ཕོད་ཆེན་པོས་ཁོ་ལ་སྟེར་དགོས་ཤིང་། སྟེར་བའི་སྐབས་སུ་སྙིང་ནད་བཅང་མི་རུང་། ཅི་ལ་ཞེ་ན། བྱ་བ་དེའི་དོན་དུ་ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལག་གི་ལས་ཀ་ཐམས་ཅད་དང་། ཁྱོད་རྣམས་ཀྱི་དོན་བྱ་ཐམས་ཅད་ལ་བྱིན་རླབས་མཛད་པའི་ཕྱིར་རོ། །  
\v 11 ཡུལ་འདིར་ནམ་ཡང་དབུལ་ཕོངས་གནས་པར་འགྱུར་བས། ཁྱོད་རྣམས་ཀྱིས་རང་ཡུལ་གྱི་སྤུན་ཟླ་སྐྱོ་བོ་དང་དབུལ་པོ་ཡིན་པ་རྣམས་ལ་གཏོང་ཕོད་ཆེན་པོས་རོགས་སྐྱོར་བྱེད་དགོས་ཞེས་ངས་ཁྱོད་རྣམས་ལ་བཀའ་བསྒོ་བར་བྱའོ། །   
\p
\v 12 དེ་ཡང་ཁྱོད་རྣམས་ཀྱི་སྤུན་ཟླ་དེ་ཨིབ་རི་པའི་སྐྱེས་པ་དང་ཡང་ན་ཨིབ་རི་པའི་བུད་མེད་གང་ཡིན་ཡང་། གལ་སྲིད་རང་ལུས་ཁྱོད་རྣམས་ལ་བཙོངས་པ་ཡིན་ན། ལོ་དྲུག་གི་རིང་ཁྱོད་རྣམས་ལ་གཡོག་བྱེད་དགོས། ལོ་བདུན་པར་ཁྱོད་རྣམས་ཀྱིས་དེ་ལ་རང་དབང་སྤྲད་ནས་འགྲོ་རུ་འཇུག་དགོས།  
\v 13 ཁྱོད་རྣམས་ཀྱིས་དེ་ལ་རང་དབང་སྤྲོད་པའི་སྐབས་སུ་ལག་སྟོང་དུ་གཏོང་མི་རུང་།  
\v 14 ཁྱོད་རྣམས་ཀྱི་ར་ལུག་གི་ཁྱུ་དང་གཡུལ་ཁ། རྒུན་འབྲུམ་འཚིར་གཞོང་བཅས་ནས་དེ་ལ་མཐུན་རྐྱེན་རྒྱས་པར་སྦྱོར་དགོས། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་བྱིན་གྱིས་བརླབས་པའི་རྒྱུ་ནོར་ལས་ཁོ་ལ་སྐལ་སྟེར་དགོས།  
\v 15 ཁྱོད་རྣམས་ཨེ་ཅིབ་ཡུལ་ནས་བྲན་གཡོག་ཡིན་པ་དང་ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་རྣམས་བསྐྱབས་འོངས་པ་དྲན་པར་གྱིས། དེ་བས་ངས་དེ་རིང་ཁྱོད་ཅག་ལ་འདི་ལྟར་བསྒོས་པ་ཡིན།  
\v 16 གལ་སྲིད་ཁོས་ང་ཁྱེད་དང་འབྲལ་མི་འདོད་ཅེས་སྨྲ་བ་ཡིན་ན། དེ་ནི་ཁོ་ཁྱོད་རྣམས་དང་ཁྱོད་ཅག་གི་ནང་མི་ལ་བརྩེ་འདང་ཡོད་པ་དང་། ཁོ་ཁྱོད་རྣམས་དང་མཉམ་དུ་བསྡད་ན་ཤིན་ཏུ་ལེགས་སོ། །  
\v 17 ཁྱོད་རྣམས་ཀྱིས་ཁོ་སྒོ་འགྲམ་ནས་བསླངས་ཏེ་སྙུང་བུས་ཁོའི་རྣ་བ་འབིགས་དགོས་ལ། དེ་ནས་ཁོ་ནི་རྟག་ཏུ་ཁྱོད་རྣམས་ཀྱི་གཡོག་པོ་ཡིན་ཏེ། ཁྱོད་རྣམས་ཀྱི་གཡོག་མོ་ལའང་དེ་བཞིན་བྱེད་དགོས།  
\v 18 ཁྱོད་རྣམས་ཀྱིས་ཁོ་ལ་རང་དབང་སྤྲད་ནས་འགྲོ་རུ་འཇུག་དུས་དེ་དཀའ་ལས་ཁག་པོར་མ་བསམ་ཞིག ཅི་ལ་ཞེ་ན། ཁོས་ལོ་དྲུག་གི་རིང་ཁྱོད་རྣམས་ལ་གཡོག་བྱས་པ་དང་གླ་པའི་གླ་ཡོན་ལྡབ་གཉིས་འཐོབ་འོས་པ་ཡིན་པས། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་གི་དོན་ཅི་བསྒྲུབ་ལ་བྱིན་རླབས་གནང་བའོ། །   
\p
\v 19 ཁྱོད་རྣམས་ཀྱི་བ་ཁྱུ་དང་ར་ལུག་གི་ཁྱུ་ཡི་སྐྱེས་འགོ་ཕོ་ཕྱུགས་ཐམས་ཅད་ནི་ཁྱོད་རྣམས་ཀྱི་དཀོན་མཆོག་ཡ་ཝཱེ་ལ་དམ་པར་འབུལ་དགོས་ལ། བ་ཁྱུའི་སྐྱེས་འགོ་ལ་ཞིང་རྨོ་རུ་འཇུག་མི་རུང་ལ། ར་ལུག་གི་ཁྱུ་ཡི་སྐྱེས་འགོའི་བལ་ཡང་འབྲེག་མི་རུང་།  
\v 20 ཁྱོད་རྣམས་དང་ཁྱོད་རྣམས་ཀྱི་ནང་མིས་ལོ་རེ་རེ་བཞིན། ཁྱོད་རྣམས་ཀྱི་དཀོན་མཆོག་ཡ་ཝཱེས་བདམས་པའི་ཡུལ་དུ་ཁོང་གི་དྲུང་ནས་སྐྱེས་འགོ་རྣམས་བཟའ་དགོས།  
\v 21 གལ་སྲིད་སྐྱེས་འགོ་དེ་ལ་ཞ་འཁུམས་དང་མིག་ལོང་བ་སོགས་ཀྱི་སྐྱོན་ཚབས་ཆེན་གང་དང་གང་ཡོད་ནའང་ཁྱོད་རྣམས་ཀྱི་དཀོན་མཆོག་ཡ་ཝཱེ་ལ་འབུལ་མི་རུང་སྟེ།  
\v 22 ཁྱོད་རྣམས་ཀྱི་གྲོང་རྡལ་དུ་བཟའ་རུང་བ་དང་། མི་གཙང་མ་དང་གཙང་མ་མིན་པ་ཀུན་གྱིས་ཁྱད་མེད་དུ། དགོ་བ་དང་ཤྭ་བའི་ཤ་ཟ་བ་ནང་བཞིན་ཟོས་ཆོག་པ་ཡིན།  
\v 23 འོན་ཀྱང་དེའི་ཁྲག་བཟའ་མི་རུང་སྟེ། དེ་ནི་ཆུ་ལྟར་ས་ལ་ལྡུག་དགོས་སོ། །   
\c 16
\cl ལེའུ་བཅུ་དྲུག་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 པེ་སག་གི་དུས་ཆེན།  
\p
\v 1 ཁྱོད་རྣམས་ཀྱིས་ཨ་རྦིབ་ཟླ་བ་བསྲུངས་ནས་ཁྱོད་རྣམས་ཀྱི་དཀོན་མཆོག་ཡ་ཝཱེ་ལ་པེ་སག་གི་དུས་ཆེན་སྲུངས་ཤིག ཅི་ལ་ཞེ་ན། ཨ་རྦིབ་ཟླ་བའི་མཚན་མོ་ཞིག་ལ་ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ཨེ་ཅིབ་ཡུལ་ནས་ཕྱི་རུ་ཁྲིད་པའོ། །  
\v 2 ཁྱོད་རྣམས་ཀྱིས་དཀོན་མཆོག་ཡ་ཝཱེས་རང་གི་མཚན་འགོད་པར་བདམས་པའི་གནས་སུ། ར་ལུག་དང་བ་གླང་ནས་པེ་སག་གི་དུས་ཆེན་དུ་ཁྱོད་རྣམས་ཀྱི་དཀོན་མཆོག་ཡ་ཝཱེ་ལ་དམར་མཆོད་འབུལ་དགོས།  
\v 3 ཁྱོད་རྣམས་ཀྱིས་དམར་མཆོད་དེ་དང་ལྷན་དུ་བག་ལེབ་སྐྱུར་ཅན་བཟའ་མི་རུང་། ཉིན་བདུན་གྱི་རིང་ལ་སྐྱུར་མེད་བག་ལེབ་སྟེ་སྐྱོ་གདུང་གི་བག་ལེབ་བཟའ་དགོས། ཅི་ལ་ཞེ་ན། ཁྱོད་རྣམས་ཨེ་ཅིབ་ཡུལ་ནས་རྟབ་རྟབ་པོར་ཕྱི་ལ་ཐོན་པ་ཡིན་ལ། ཨེ་ཅིབ་ཡུལ་ནས་ཐོན་པའི་ཉིན་མོ་དེ་ཁྱོད་རྣམས་ཀྱི་མི་ཚེའི་ཁྲོད་རྟག་ཏུ་དྲན་དགོས།  
\v 4 ཉིན་བདུན་གྱི་རིང་ལ་ཁྱོད་རྣམས་ཀྱི་མངའ་ཁོངས་ཡོངས་སུ་སྐྱུར་རྩི་གང་ཡང་མཐོང་མི་རུང་། ཉིན་དང་པོའི་དགོང་མོར་ཕུལ་བའི་དམར་མཆོད་ཀྱི་ཤ་ནི་ཞོགས་པའི་བར་དུ་ལུས་མི་རུང་།  
\v 5 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་གནང་བའི་གྲོང་རྡལ་གང་དུའང་པེ་སག་གི་དུས་ཆེན་གྱི་དམར་མཆོད་བཤའ་མི་རུང་ལ།  
\v 6 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁོང་གི་མཚན་འགོད་པར་བདམས་པའི་གནས་འབའ་ཞིག་ཏུ། དགོང་མོ་ཉི་མ་ནུབ་པའི་དུས་ཏེ་ཁྱོད་རྣམས་ཨེ་ཅིབ་ཡུལ་ནས་ཐོན་པའི་དུས་སྐབས་དེར། ཁྱོད་རྣམས་ཀྱིས་པེ་སག་གི་དུས་ཆེན་གྱི་དམར་མཆོད་བཤའ་དགོས།  
\v 7 ཤ་དེ་ཁྱོད་རྣམས་ཀྱི་དཀོན་མཆོག་ཡ་ཝཱེས་བདམས་པའི་གནས་དེར་བཙོས་ནས་བཟའ་དགོས་ལ། ཞོགས་པར་ཁྱོད་རྣམས་ད་གཟོད་རང་གི་གུར་དུ་ཕྱིར་འགྲོ་དགོས།  
\v 8 ཉིན་དྲུག་གི་རིང་ལ་ཁྱོད་རྣམས་ཀྱིས་སྐྱུར་མེད་བག་ལེབ་བཟའ་དགོས་ཤིང་། ཉིན་བདུན་པར་ཁྱོད་རྣམས་ཀྱི་དཀོན་མཆོག་ཡ་ཝཱེའི་ཕྱིར་དུ་འདུ་འཛོམས་དམ་ནན་ཡོད་དགོས་ཏེ། ཉིན་དེར་ལས་ཀ་གང་ཡང་བྱེད་མི་རུང་ངོ་། །   
\s1 བདུན་ཕྲག་རྣམས་ཀྱི་དུས་ཆེན།  
\p
\v 9 ཁྱོད་རྣམས་ཀྱིས་རང་ཉིད་ཀྱི་ཕྱིར་བདུན་ཕྲག་བདུན་རྩིས་ཤིག འབྲུ་ཞིང་ཟོར་བས་བྲེགས་པའི་ཐོག་མ་ནས་བཟུང་སྟེ། བསྡོམས་པས་བདུན་ཕྲག་བདུན་རྩི་དགོས་ལ།  
\v 10 ཁྱོད་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེའི་ཕྱིར་བདུན་ཕྲག་རྣམས་ཀྱི་དུས་ཆེན་གཏོང་དགོས་ཏེ། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་བྱིན་རླབས་གནང་བ་ཇི་བཞིན། རང་ལ་འཛོམས་ཚོད་ཀྱིས་ཁྱོད་རྣམས་ཀྱི་དཀོན་མཆོག་ཡ་ཝཱེ་ལ་ཡིད་མོས་མཆོད་པ་ཕུལ་ནས།  
\v 11 ཁྱོད་རྣམས་ཀྱི་དཀོན་མཆོག་ཡ་ཝཱེས་རང་གི་མཚན་འགོད་པའི་ཕྱིར་བདམས་པའི་གནས་སུ། ཁྱོད་རྣམས་དང་ཁྱོད་རྣམས་ཀྱི་བུ་དང་བུ་མོ། གཡོག་པོ་དང་གཡོག་མོ། ཁྱོད་རྣམས་ཀྱི་གྲོང་རྡལ་དུ་གནས་པའི་ལེ་ཝི་པ། ཁྱོད་ཅག་ཁྲོད་ཀྱི་བྱེས་པ། དྭ་ཕྲུག་དང་ཡུགས་མོ་བཅས་ཐམས་ཅད་ཁྱོད་རྣམས་ཀྱི་དཀོན་མཆོག་ཡ་ཝཱེའི་དྲུང་དུ་དགའ་བར་གྱིས།  
\v 12 ཁྱོད་རྣམས་ཀྱིས་རང་ཉིད་ཨེ་ཅིབ་ཡུལ་ནས་བྲན་གཡོག་བྱས་པ་དྲན་དགོས་པ་དང་། སྒྲིག་ཁྲིམས་དེ་རྣམས་ནན་གྱིས་བསྲུང་དགོས་སོ། །   
\s1 སྤྱིལ་བུའི་དུས་ཆེན།  
\p
\v 13 ཁྱོད་རྣམས་ཀྱིས་གཡུལ་ཁ་དང་རྒུན་འབྲུམ་འཚིར་གཞོང་ནས་ཐོན་རྫས་བསྡུས་རྗེས། ཉིན་བདུན་གྱི་རིང་ལ་སྤྱིལ་བུའི་དུས་ཆེན་གཏོང་དགོས།  
\v 14 དུས་ཆེན་གྱི་སྐབས་སུ་ཁྱོད་རྣམས་དང་ཁྱོད་རྣམས་ཀྱི་བུ་དང་བུ་མོ། གཡོག་པོ་དང་གཡོག་མོ། ཁྱོད་རྣམས་ཀྱི་གྲོང་རྡལ་དུ་གནས་པའི་ལེ་ཝི་པ་དང་བྱེས་པ། དྭ་ཕྲུག་དང་ཡུགས་མོ་བཅས་ཐམས་ཅད་དགའ་བར་གྱིས།  
\v 15 ཉིན་བདུན་གྱི་རིང་ལ་དཀོན་མཆོག་ཡ་ཝཱེས་བདམས་པའི་གནས་སུ། ཁྱོད་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེ་ལ་དུས་ཆེན་བསྲུང་དགོས་ཏེ། ཅི་ལ་ཞེ་ན། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་གི་ལོ་ཏོག་ཐམས་ཅད་དང་། ཁྱོད་རྣམས་ལག་གི་ལས་ཀ་ཀུན་ལ་བྱིན་རླབས་གནང་ནས་ཁྱོད་རྣམས་དགའ་བར་འགྱུར་རོ། །   
\p
\v 16 ཁྱོད་རྣམས་ཀྱི་སྐྱེས་པ་ཐམས་ཅད་སྐྱུར་མེད་བག་ལེབ་ཀྱི་དུས་ཆེན་དང་། བདུན་ཕྲག་རྣམས་ཀྱི་དུས་ཆེན། སྤྱིལ་བུའི་དུས་ཆེན་བཅས་ཀྱི་སྐབས་སུ་ཁྱོད་རྣམས་ཀྱི་དཀོན་མཆོག་ཡ་ཝཱེས་བདམས་པའི་གནས་དེ་རུ་ལོ་རེར་ཐེངས་གསུམ་ལ་ཁོང་གི་དྲུང་དུ་འཛོམ་དགོས་ཤིང་། ཁོ་ཚོ་ལག་སྟོང་ལ་དཀོན་མཆོག་ཡ་ཝཱེའི་དྲུང་དུ་ཡོང་མི་རུང་།  
\v 17 མི་རེ་རེས་རང་རང་གི་འཛོམས་ཚོད་ལྟར། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་གནང་བའི་བྱིན་རླབས་བཞིན་ཕྱག་རྟེན་འབུལ་དགོས་སོ། །   
\s1 ཁྲིམས་ཀྱི་དྲང་གཞག་སྐྱོང་བའི་སྐོར།  
\p
\v 18 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་གནང་བར་འགྱུར་བའི་གྲོང་རྡལ་ཐམས་ཅད་དུ། ཁྱོད་རྣམས་ཀྱིས་ཚོ་པ་རེ་རེ་བཞིན་ཁྲིམས་དཔོན་དང་འགོ་དཔོན་བསྐོས་ཤིག དེ་དག་གིས་མི་རྣམས་ལ་ཁྲིམས་ཀྱི་དྲང་གཞག་སྐྱོང་དགོས།  
\v 19 ཁྱོད་རྣམས་ཀྱིས་དྲང་པོ་འཁྱོག་པོར་བསྒྱུར་མི་འོས་ལ། མི་ལ་ཕྱོགས་རིས་ཀྱང་འཛིན་མི་རུང་། གསུག་ལེན་མི་རུང་། གང་ལ་ཞེ་ན། གསུག་གིས་མི་བློ་གྲོས་ཅན་གྱི་མིག་ལོང་བར་བྱེད་ཅིང་། མི་དྲང་པོ་རྣམས་ཀྱི་གཏམ་ཡང་གོ་ལྡོག་པར་བྱེད་པ་ཡིན།  
\v 20 ཁྱོད་རྣམས་འཚོ་ཐུབ་པ་དང་ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་གནང་བའི་ཡུལ་དེ་ས་སྐལ་དུ་ལོན་ཐུབ་པའི་ཕྱིར་ཁྱོད་རྣམས་ཀྱིས་དྲང་གཞག་འབའ་ཞིག་སྐྱོང་དགོས་སོ། །   
\p
\v 21 ཁྱོད་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེ་ལ་བརྩིགས་པའི་མཆོད་ཁྲིའི་འགྲམ་དུ་། ཤིང་སྡོང་གི་རིགས་གང་རུང་བཙུགས་ནས་དེས་ཨ་ཤེ་རཱ་བཟོ་མི་རུང་།  
\v 22 ཁྱོད་རྣམས་ཀྱི་དཀོན་མཆོག་ཡ་ཝཱེ་སྡང་བའི་ལྷ་རྟེན་ཡང་རང་གི་ཕྱིར་དུ་མ་སྒྲེངས་ཤིག་ཅེས་བསྒོས་སོ། །   
\c 17
\cl ལེའུ་བཅུ་བདུན་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\p
\v 1 བ་གླང་དང་ར་ལུག་ཆག་སྐྱོན་ཅན་གང་ཡང་ཁྱོད་རྣམས་ཀྱི་དཀོན་མཆོག་ཡ་ཝཱེ་ལ་འབུལ་མི་རུང་། ཅི་ལ་ཞེ་ན། དེ་ལ་ཁྱོད་རྣམས་ཀྱི་དཀོན་མཆོག་ཡ་ཝཱེ་སྐྱུག་བྲོ་བ་ཡིན་ནོ། །   
\p
\v 2 ཁྱོད་ཅག་གི་དཀོན་མཆོག་ཡ་ཝཱེས་ཁྱོད་ཅག་ལ་གནང་བའི་གྲོང་རྡལ་གང་རུང་དུ། ཁྱོད་རྣམས་ཀྱི་ནང་དུ་སྐྱེས་པ་དང་བུད་མེད་གང་ཡིན་ཡང་། སུ་ཞིག་གིས་ཁྱོད་རྣམས་ཀྱི་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་ནས་ཁོང་གི་ཞལ་ཆད་དང་འགལ་ཏེ།  
\v 3 སོང་སྟེ་ངས་བཀའ་མ་གནང་བའི་ལྷ་གཞན་དག་ལ་བསྙེན་བཀུར་བྱས་ནས་ཕྱག་བཙལ་བ་དང་། ཡང་ན་ཉི་མ་དང་ཟླ་བ། ནམ་མཁའི་ཚོགས་གང་རུང་བཅས་ལ་ཕྱག་བཙལ་ནས།  
\v 4 གཏམ་དེ་ཁྱོད་རྣམས་ལ་སྨྲས་ཤིང་ཐོས་ཡོད་ན་དེར་རྩད་གཅོད་ཡག་པོ་བྱེད་དགོས་ལ། སྐྱུག་བྲོ་བའི་བྱ་སྤྱོད་དེ་ཡེས་ར་ཨེལ་གྱི་ནང་དུ་བྱུང་བ་བདེན་ཞིང་དོན་དངོས་ཡིན་ན།  
\v 5 བྱ་བ་ངན་པ་དེ་བསྒྲུབས་པའི་སྐྱེས་པའམ་བུད་མེད་དེ་ཁྱོད་རྣམས་ཀྱི་མཁར་སྒོ་རུ་ཁྲིད་ནས་དེར་རྡོ་རུབ་བཏང་ནས་གསོད་དགོས།  
\v 6 མི་གཉིས་སམ་གསུམ་གྱིས་བདེན་དཔང་བྱས་ན་ཤི་འོས་པའི་མི་དེ་གསོད་དགོས་ཀྱི། བདེན་དཔང་བྱེད་མཁན་མི་གཅིག་ལས་མེད་ན་མི་དེ་གསོད་མི་རུང་།  
\v 7 མི་དེ་གསོད་དུས་དཔང་པོ་རྣམས་ཀྱིས་སྔོན་ལ་ལག་འགུལ་དགོས་ལ། དེའི་རྗེས་སུ་མི་ཀུན་གྱིས་ལག་རུབ་དགོས། དེ་ལྟར་ཁྱོད་རྣམས་ཀྱི་ཁྲོད་ནས་ངན་པ་རྩ་མེད་གཏོང་དགོས་སོ། །   
\p
\v 8 གལ་སྲིད་ཁྱོད་རྣམས་ཀྱི་གྲོང་རྡལ་དུ་མི་བསད་པའམ་ཡང་ན་རྩོད་གླེང་དང་ཡང་ན་རྒོལ་རྡུང་སོགས་ཀྱི་དོན་རྐྱེན་བྱུང་སྟེ། ཁྱོད་རྣམས་ཀྱིས་ཐག་གཅོད་ཤིན་ཏུ་དཀའ་བར་གྱུར་ན། ཡར་ལངས་ནས་ཁྱོད་རྣམས་ཀྱི་དཀོན་མཆོག་ཡ་ཝཱེས་བདམས་པའི་གནས་སུ་འགྲོ་དགོས་ལ།  
\v 9 ལེ་ཝི་པའི་མཆོད་དཔོན་དང་། སྐབས་དེའི་ཁྲིམས་དཔོན་གྱི་དྲུང་དུ་སོང་ནས་དེ་དག་ལ་བཀའ་འདྲི་ཞུ་དགོས་ཤིང་། ཁོ་ཚོས་ཁྱོད་རྣམས་ལ་གྱོད་གཞི་དེ་ཅི་ལྟར་ཐག་གིས་གཅོད་དགོས་པ་སྟོན་ངེས།  
\v 10 ཁྱོད་རྣམས་ཀྱིས་དེ་དག་གིས་དཀོན་མཆོག་ཡ་ཝཱེས་བདམས་པའི་ཡུལ་དེར་ཁྱོད་ཅག་ལ་བསྟན་པའི་བཀའ་བཞིན་བྱེད་དགོས་ཤིང་། དེ་དག་གིས་ཁྱོད་ཅག་ལ་ཅི་དང་ཅི་བསྟན་པ་བཞིན་དུ་གཟབ་གཟབ་ངང་བསྒྲུབ་པར་གྱིས་ཤིག  
\v 11 དེ་དག་གིས་ཁྱོད་རྣམས་ལ་བསླབས་པའི་བཀའ་ཁྲིམས་དང་། དེ་དག་གིས་ཁྱོད་རྣམས་ལ་སྨྲས་པའི་ཁྲིམས་གཅོད་བཞིན་དུ་བསྒྲུབ་དགོས། དེ་ཚོས་ཁྱོད་རྣམས་ལ་གནང་བའི་བཀའ་ལས་གཡས་གཡོན་གང་དུའང་གཟུར་མི་རུང་ངོ་། །  
\v 12 གལ་སྲིད་ཁྱོད་རྣམས་ཀྱི་དཀོན་མཆོག་ཡ་ཝཱེའི་མདུན་ནས་ཞབས་ཕྱི་སྒྲུབ་པར་འགྲེང་བའི་མཆོད་དཔོན་དང་། ཁྲིམས་འབྱེད་པའི་ཁ་ལ་མི་ཉན་པར་རང་དགར་སྤྱད་པ་སྤྱོད་མཁན་ཡོད་ན་མི་དེ་འཆི་ལམ་དུ་འཇུག་དགོས། དེ་ནས་ཁྱོད་རྣམས་ཀྱིས་ཡེས་ར་ཨེལ་གྱི་ཁྲོད་ནས་ངན་པ་མེད་པར་བྱེད་ནུས་སོ། །  
\v 13 མི་ཀུན་གྱིས་དེ་ཐོས་པ་དང་འཇིགས་ནས་སླར་ཡང་རང་དགར་སྤྱད་པ་སྤྱོད་མཁན་ཡོད་པར་མི་འགྱུར་རོ། །   
\s1 ཡེས་ར་ཨེལ་གྱི་རྒྱལ་རྒྱུད་སྐོར་གྱི་ཁྲིམས།  
\p
\v 14 ཁྱོད་རྣམས་ཁྱོད་ཅག་གི་དཀོན་མཆོག་ཡ་ཝཱེས་ཁྱོད་རྣམས་ལ་གནང་བའི་ཡུལ་དུ་སླེབས་ནས་དེ་བདག་གིར་བཟུང་ཞིང་དེར་གཞིས་ཆགས་པའི་དུས་སུ། ཁྱོད་རྣམས་ཀྱིས་ང་ཚོའི་མཐའ་འཁོར་དུ་ཡོད་པའི་མི་རིགས་ཐམས་ཅད་དང་འདྲ་བར། ང་ཚོས་རང་ལ་སྲིད་སྐྱོང་བའི་རྒྱལ་པོ་ཞིག་བསྐོ་བར་བྱའོ་ཞེས་སྨྲ་བ་ཡིན་ན།  
\v 15 ཅི་ནས་ཀྱང་ཁྱོད་རྣམས་ཀྱི་དཀོན་མཆོག་ཡ་ཝཱེས་བདམས་པའི་རྒྱལ་པོ་ཞིག་འཇོག་དགོས། རྒྱལ་པོ་དེ་ཁྱོད་རྣམས་ཀྱི་སྤུན་ཟླའི་ཁྲོད་ནས་འཇོག་དགོས། ཁྱོད་རྣམས་ཀྱི་སྤུན་ཟླ་མིན་པའི་ཕྱི་ཕྱོགས་པ་ཞིག་ཁྱོད་ཅག་གི་གོང་ལ་འཇོག་མི་རུང་།  
\v 16 རྒྱལ་པོས་རང་གི་ཆེད་དུ་རྟ་མང་པོ་བསྒྲིག་པའམ། རྟ་བསྒྲིག་པའི་དོན་དུ་མི་རྣམས་ཕྱིར་ཨེ་ཅིབ་ཡུལ་ལ་འགྲོ་རུ་བཅུག་མི་ཆོག ཅི་ལ་ཞེ་ན། དཀོན་མཆོག་ཡ་ཝཱེས་ཁྱོད་ཅག་ལ་ཕྱིན་ཆད་ལམ་དེ་ནས་ཕྱིར་ལོག་མི་རུང་ཞེས་བཀའ་གནང་བའི་ཕྱིར་རོ། །  
\v 17 ཁོའི་སེམས་ཡ་ཝཱེ་དང་མི་འབྲལ་བའི་ཆེད་དུ་རང་ལ་བཙུན་མོ་མང་པོ་བསྟེན་མི་རུང་ལ། རང་ཉིད་ལ་གསེར་དངུལ་ཧ་ཅང་མང་པོ་ཡང་བསོག་མི་རུང་ངོ་། །  
\v 18 ཁོ་རྒྱལ་ཁྲིར་བསྡད་པའི་ཚེ། ལེ་ཝི་ཚོ་པའི་མཆོད་དཔོན་རྣམས་ཀྱི་དྲུང་གི་བཀའ་ཁྲིམས་འདི་རང་གི་ཆེད་དུ་བཤུས་ནས་ཤོག་དྲིལ་བཟོ་དགོས།  
\v 19 ཤོག་དྲིལ་དེ་རང་དང་མཉམ་དུ་འཇོག་དགོས་ལ། མི་ཚེ་གང་པོར་བསྒྲག་དགོས། དེ་ནས་རང་གི་དཀོན་མཆོག་ཡ་ཝཱེ་ལ་གུས་ཤིང་འཇིགས་ནས་བཀའ་ཁྲིམས་ཀྱི་མདོ་ཡི་བཀའ་དང་སྒྲིག་ཁྲིམས་ཐམས་ཅད་བསྲུངས་ནས་བསླབ་དགོས།  
\v 20 དེ་ལྟར་བྱས་ན་ཁོའི་སེམས་སུ་ང་རྒྱལ་སྐྱེས་ནས་རང་གི་སྤུན་ཟླར་མཐོང་ཆུང་མི་བྱེད་ཅིང་། བཀའ་རྒྱ་འདི་ལས་གཡས་གཡོན་གང་དུའང་མི་གཟུར་བར། ཁོ་དང་ཁོའི་བུ་རབས་ཚ་རྒྱུད་རྣམས་ཡེས་ར་ཨེལ་དུ་རང་གི་རྒྱལ་སྲིད་བསྐྱངས་ནས་ཚེ་ཐག་རིང་བར་འགྱུར་རོ། །   
\c 18
\cl ལེའུ་བཅོ་བརྒྱད་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 ལེ་ཝི་པ་ལ་མཐུན་རྐྱེན་སྦྱོར་དགོས་པ།  
\p
\v 1 ལེ་ཝི་ཚོ་པའི་མཆོད་དཔོན་རྣམས་དང་ལེ་ཝི་ཚོ་པ་ཡོངས་ལ་ཡེས་ར་ཨེལ་གྱི་ཁྲོད་དུ་ཐོབ་སྐལ་དང་ནོར་སྐལ་མེད་པས། ཁོ་རྣམས་ཀྱི་ཟས་སྐལ་ནི་དཀོན་མཆོག་ཡ་ཝཱེ་ལ་ཕུལ་བའི་མེ་མཆོད་དང་ཁོ་རྣམས་ལ་འཐོབ་འོས་པའི་སྐལ་བཞིན་དུ་བཟའ་དགོས།  
\v 2 ལེ་ཝི་པ་རྣམས་ལ་སྤུན་ཟླའི་ཁྲོད་དུ་སྐལ་མེད་དེ། དཀོན་མཆོག་ཡ་ཝཱེས་དེ་དག་ལ་ཞལ་བཞེས་གནང་བ་ཇི་བཞིན། ཁོང་ནི་དེ་དག་གི་ནོར་སྐལ་ཡིན་ནོ། །   
\p
\v 3 མཆོད་དཔོན་རྣམས་ལ་མི་མང་ལས་འཐོབ་འོས་པའི་སྐལ་ནི་འདི་ལྟ་སྟེ། མི་ཡིས་བ་གླང་དང་ར་ལུག་གང་ཞིག་སྦྱིན་སྲེག་གི་མཆོད་པར་ཕུལ་ནའང་། དེའི་ལག་ངར་དང་འགྲམ་པ་གཉིས་ཀ་དང་། གྲོད་པུ་བཅས་ནི་མཆོད་དཔོན་ལ་སྐལ་དུ་སྟེར་དགོས།  
\v 4 ཁྱོད་རྣམས་ཀྱིས་ཡང་འབྲུ་རིགས་ཀྱི་ཐོག་ཕུད་དང་རྒུན་ཆང་གསར་པ། སྣུམ་གསར་པ། ལུག་བལ་འབྲེག་ཐེངས་དང་པོ་བཅས་ནི་ཁོ་རྣམས་ལ་སྟེར་དགོས།  
\v 5 གང་ལ་ཞེ་ན། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁོ་དང་ཁོའི་བུ་རྒྱུད་རྣམས་ཀྱིས་དཀོན་མཆོག་ཡ་ཝཱེའི་མཚན་ནས་རྟག་ཏུ་བསྙེན་བཀུར་བྱེད་ཆེད། ཁྱོད་རྣམས་ཀྱི་ཚོ་པ་ཁག་ནས་ཁོ་རྣམས་བདམས་པ་ཡིན་ནོ། །   
\p
\v 6 གལ་སྲིད་ཡེས་ར་ཨེལ་གྱི་གྲོང་རྡལ་གང་རུང་དུ་གནས་པའི་ལེ་ཝི་པ་ཞིག་དེར་ཁ་བྲལ་ནས། བློ་གཅིག་སེམས་གཅིག་གིས་དཀོན་མཆོག་ཡ་ཝཱེས་བདམས་པའི་ཡུལ་དུ་འོངས་པ་ཡིན་ན།  
\v 7 དེ་ནས་མི་དེས་ཡུལ་དེར་དཀོན་མཆོག་ཡ་ཝཱེའི་དྲུང་དུ་འགྲེང་བའི་སྤུན་ཟླ་ལེ་ཝི་པ་རྣམས་དང་མཚུངས་པར། ཁོའི་དཀོན་མཆོག་ཡ་ཝཱེའི་མཚན་ནས་བསྙེན་བཀུར་བྱས་ཆོག་པ་ཡིན།  
\v 8 མི་དེར་རང་གི་ཕ་གཞིས་ནས་ཐོབ་པའི་ནོར་སྐལ་ལས་གཞན། ཁོའི་སྤུན་ཟླ་རྣམས་དང་མཉམ་པའི་ཟས་སྐལ་ཡང་འཐོབ་པ་ཡིན་ནོ། །   
\s1 སྐྱུག་བྲོ་བའི་བྱ་སྤྱོད་འདོར་དགོས་པ།  
\p
\v 9 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་གནང་བའི་ཡུལ་དུ་སླེབས་ཚེ། ཕྱི་ཕྱོགས་པ་དེ་དག་གི་སྐྱུག་བྲོ་བའི་བྱ་སྤྱོད་རྣམས་བསླབས་ནས་དེའི་རྗེས་སུ་འབྲང་མི་རུང་།  
\v 10 ཁྱོད་རྣམས་ཀྱི་ཁྲོད་དུ་མི་སུ་ཡིན་ཡང་རང་གི་བུ་དང་བུ་མོ་མེ་མཆོད་དུ་འབུལ་མི་རུང་ལ། མོ་པ་དང་རྩིས་པ་དང་། ལྟས་མཁན་དང་། སྒྱུ་མ་མཁན་དང་།  
\v 11 མཐུ་གཏོང་མཁན་དང་། ལྷ་པ་དང་། གཤིན་འདྲེ་འགུག་མཁན་དང་། གཤིན་མོ་འདེབས་མཁན་བཅས་ཡོད་མི་རུང་།  
\v 12 གང་ལ་ཞེ་ན། དེ་བཞིན་བྱེད་མཁན་ལ་དཀོན་མཆོག་ཡ་ཝཱེ་ཞེ་ལོག་པ་ཡིན་ལ། སྐྱུག་བྲོ་བའི་བྱ་སྤྱོད་དེ་དག་གི་ཕྱིར། ཁྱོད་རྣམས་ཀྱི་དཀོན་མཆོག་ཡ་ཝཱེས་དེ་དག་ཁྱོད་རྣམས་ཀྱི་མདུན་ནས་གཞན་དུ་སྤྱུགས་པའོ། །  
\v 13 ཁྱོད་རྣམས་ནི་ཁྱོད་ཅག་གི་དཀོན་མཆོག་ཡ་ཝཱེའི་དྲུང་དུ་མི་ཉེས་མེད་ཅིག་ཡིན་དགོས།  
\v 14 ཁྱོད་རྣམས་ཀྱིས་སྐྲོད་པར་འགྱུར་བའི་མི་རིགས་དེ་དག་གིས་རྩིས་པ་དང་མོ་པ་རྣམས་ཀྱི་ཁ་ལ་མཉན་ནའང་། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་དེ་ལྟར་བསྒྲུབ་པའི་དགོངས་པ་གནང་མེད་དོ། །   
\s1 མོ་ཤེ་དང་མཚུངས་པའི་ལུང་སྟོན་པ།  
\p
\v 15 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་བདག་དང་འདྲ་བའི་ལུང་སྟོན་པ་ཞིག་ཁྱོད་ཅག་གི་སྤུན་ཟླའི་ཁྲོད་ནས་བཞུགས་པར་མཛད་དེ། ཁྱོད་རྣམས་ཀྱིས་ཁོང་ལ་མཉན་དགོས།  
\v 16 དེ་ནི་ཁྱོད་རྣམས་ཀྱིས་རི་བོ་ཧོ་རེབ་ཀྱི་འདུ་འཛོམས་ཉིན་མོར་ཁྱོད་ཅག་གི་དཀོན་མཆོག་ཡ་ཝཱེ་ལ། ང་ཚོ་འཆི་དགོས་པ་མིན་ན། ངའི་དཀོན་མཆོག་ཡ་ཝཱེའི་གསུང་སྐད་ང་ཚོར་ཐོས་སུ་མི་འཇུག་པ་དང་། མེ་ཆེན་པོ་དེ་ཡང་ང་ཚོར་མཐོང་དུ་མི་འཇུག་རོགས་ཞེས་ཞུས་པ་ནང་བཞིན་ཡིན་ནོ། །  
\v 17 དཀོན་མཆོག་ཡ་ཝཱེས་ང་ལ་འདི་སྐད་དུ། དེ་དག་གིས་བཤད་པ་རྣམས་བདེན་ནོ། །  
\v 18 ངས་དེ་དག་ལ་ཁྱོད་དང་འདྲ་བའི་ལུང་སྟོན་པ་ཞིག་ཁོ་ཚོའི་སྤུན་ཟླའི་ཁྲོད་ནས་བསྐྱངས་ཏེ། ངས་རང་གི་བཀའ་དེའི་ཁ་རུ་འཇོག་ཅིང་། དེས་ངས་བསྒོ་བ་ཐམས་ཅད་དེ་རྣམས་ལ་བརྗོད་པར་བྱའོ། །  
\v 19 ཁོས་ངའི་མིང་ནས་བརྗོད་པའི་བཀའ་རྣམས་ལ་སུ་ཞིག་གིས་མ་མཉན་ན། ང་རང་གིས་མི་དེའི་སྡིག་པར་རྩད་གཅོད་ངེས་ཡིན།  
\v 20 འོན་ཀྱང་ལུང་སྟོན་པ་ཞིག་གིས་ངས་དེ་ལྟར་སྨྲ་བར་མ་བསྐུལ་ནའང་། ངའི་མིང་ནས་འོལ་ཚོད་ཀྱིས་དེ་ལྟར་སྨྲས་པའམ། ལྷ་གཞན་དག་གི་མིང་ནས་གཏམ་འཆད་པ་ཡིན་ན། ལུང་སྟོན་པ་དེ་འཆི་དགོས་སོ་ཞེས་བཀའ་བསྩལ་ཡོད།  
\v 21 ཁྱོད་རྣམས་ཀྱི་སེམས་ནས་དཀོན་མཆོག་ཡ་ཝཱེས་གསུང་མ་མྱོང་བའི་བཀའ་ནི་ངེད་ཅག་གིས་ཅི་ལྟར་རྟོགས་སམ་སྙམ་ན།  
\v 22 གལ་སྲིད་ལུང་སྟོན་པ་ཞིག་གིས་དཀོན་མཆོག་ཡ་ཝཱེའི་མིང་ནས་གཏམ་བཤད་ཀྱང་། བཀའ་དེ་དེ་བཞིན་དུ་མི་འབྱུང་བའམ་མི་འགྲུབ་ན། བཀའ་དེ་ནི་དཀོན་མཆོག་ཡ་ཝཱེས་གསུངས་པ་མ་ཡིན་པར། ལུང་སྟོན་པས་རང་འདོད་དུ་སྨྲས་པ་ཡིན་པས། དེ་ལ་ཁྱོད་རྣམས་འཇིགས་མི་དགོས་ཞེས་གསུངས་སོ། །   
\c 19
\cl ལེའུ་བཅུ་དགུ་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 སྐྱབས་བཅོལ་གྲོང་ཁྱེར་གྱི་ཁྲིམས།  
\p
\v 1 ཁྱོད་རྣམས་ཀྱི་དཀོན་མཆོག་ཡ་ཝཱེས་མི་རིགས་རྣམས་མེད་པར་མཛད་དེ། དེ་དག་གི་ཡུལ་རྣམས་ཁྱོད་ཅག་ལ་སྤྲད་པ་དང་། ཁྱོད་རྣམས་ཀྱིས་ཡུལ་མི་དེ་རྣམས་བསྐྲད་ནས་ཁྱོད་ཅག་དེ་དག་གི་གྲོང་ཁྱེར་རྣམས་དང་ཁང་པ་རྣམས་སུ་བསྡད་པའི་རྗེས་སུ།  
\v 2 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་ས་སྐལ་དུ་གནང་བའི་ཡུལ་དེར། རང་ཉིད་ཀྱི་ཆེད་དུ་གྲོང་ཁྱེར་གསུམ་ལོགས་སུ་འདོན་དགོས།  
\v 3 ཁྱོད་རྣམས་ཀྱིས་རང་གི་ཆེད་དུ་བགྲོད་ལམ་གྲ་སྒྲིག་བྱེད་དགོས་པ་དང་། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་ས་སྐལ་དུ་གནང་བའི་ཡུལ་དེ་ཁག་གསུམ་དུ་བགོས་ནས། མི་གསོད་ནོར་བྱས་པ་རྣམས་ཡུལ་དེ་དག་ལ་བྲོས་ཆོག་པར་བྱེད་དགོས་སོ། །   
\p
\v 4 མི་གསོད་ནོར་བྱས་པ་རྣམས་གྲོང་ཁྱེར་དེ་དག་ལ་བྲོས་ནས་བསྡད་ཆོག་པ་དང་སྒྲིག་ལམ་ནི་འདི་ལྟར། མ་བསམ་ས་ནས་མི་བསད་པ་དང་ཕན་ཚུན་བར་དུ་ཞེ་འཁོན་ཡང་མེད་པ་སྟེ།  
\v 5 དཔེར་ན་མི་ཞིག་ཁྱིམ་མཚེས་དང་མཉམ་དུ་ནགས་ལ་ཤིང་གཅོད་དུ་སོང་བ་དང་། ལག་གི་སྟ་རེ་གཡུགས་ནས་ཤིང་གཅོད་སྐབས། སྟ་རེ་ཡུ་བ་ལས་ཤོར་ནས་ཁྱིམ་མཚེས་དེར་ཕོག་ནས་ཤི་ན། མི་དེ་གྲོང་ཁྱེར་དེ་རྣམས་ཀྱི་གཅིག་ལ་བྲོས་ཆོག་ལ། དེ་ནས་རང་སྲོག་ཐར་ཐུབ་པ་ཡིན།  
\v 6 དེ་ལྟར་མིན་ཚེ། ཁོ་དང་མི་དེའི་བར་ལ་སྔར་འཁོན་སེམས་མེད་པས་སྲོག་ཁྲིམས་གཅོད་དགོས་པའི་ཉེས་པ་མེད་ཀྱང་། ཁྲག་ལན་འཇལ་མཁན་གྱིས་ཞེ་སྡང་མ་ཞི་བར་དུ་ལག་དམར་གྱི་རྗེས་འདེད་ཅིང་། ལམ་ཐག་རིང་བའི་རྐྱེན་གྱིས་ཁོའི་རྗེས་ཆོད་ནས་སྲོག་གཅོད་སྲིད་པ་ཡིན།  
\v 7 དེ་བས་ན་ངས་ཁྱོད་རྣམས་ལ་གྲོང་ཁྱེར་གསུམ་རང་གི་ཆེད་དུ་ལོགས་སུ་འདོན་དགོས་ཞེས་སྨྲས་པའོ། །   
\p
\v 8 གལ་སྲིད་ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་གི་ཕ་མེས་རྣམས་ལ་བཞེས་པའི་མནའ་བཞིན་དུ། ཁྱོད་ཅག་གི་ས་མཚམས་རྒྱ་བསྐྱེད་ནས་ཕ་མེས་ལ་ཞལ་གྱིས་བཞེས་པའི་ཡུལ་དེ་ཐམས་ཅད་ཁྱོད་རྣམས་ལ་གནང་བ་དང་།  
\v 9 ངས་དེ་རིང་ཁྱོད་རྣམས་ལ་བསྒོས་པའི་བཀའ་ཐམས་ཅད་བསྲུངས་ནས་བསྒྲུབས་ཏེ། ཁྱོད་རྣམས་ཀྱི་དཀོན་མཆོག་ཡ་ཝཱེ་གཅེས་སུ་འཛིན་པ་དང་། རྟག་ཏུ་ཁོང་གི་ཕེབས་ལམ་དུ་སྐྱོད་པ་ཡིན་ན། ཁྱོད་རྣམས་ཀྱིས་གྲོང་ཁྱེར་གསུམ་པོ་དེའི་ཁར་གྲོང་ཁྱེར་གཞན་གསུམ་ཡང་བསྣོན་དགོས།  
\v 10 དེ་ནས་ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་ས་སྐལ་དུ་གནང་བའི་ཡུལ་ནས་ཉེས་མེད་ཀྱི་ཁྲག་མི་བཞུར། དེ་ལྟར་མིན་ཚེ་ཉེས་མེད་ཀྱི་ཁྲག་བཞུར་ན་ནག་ཉེས་ཁྱོད་ཅག་གི་སྟེང་ལ་འབབ་པ་ཡིན་ནོ། །   
\p
\v 11 འོན་ཀྱང་མི་ཞིག་རང་གི་ཁྱིམ་མཚེས་ལ་སྡང་བ་དང་དེ་ལ་བསྒུགས་བསྡད་དེ། གློ་བུར་ཉིད་ལ་ཁོའི་སྟེང་ལ་ཤོར་ནས་ཁོ་བསད་པ་དང་། དེ་ནས་གྲོང་ཁྱེར་དེ་དག་ལས་གཅིག་ལ་བྲོས་ན།  
\v 12 ཁོ་ཐོན་སའི་གྲོང་ཁྱེར་གྱི་རྒན་པོ་རྣམས་ཀྱིས་མི་མངགས་ནས་ཁོ་ས་ཆ་དེ་ནས་ཁྲིད་ཡོང་སྟེ། ཁོ་ཁྲག་ལན་འཇལ་མཁན་གྱི་ལག་ཏུ་སྤྲད་ནས་འཆི་ལམ་དུ་བསྐྱལ་དགོས།  
\v 13 ཁྱོད་རྣམས་བདེ་བར་གནས་པའི་ཆེད་དུ། ཁྱོད་རྣམས་ཀྱི་མིག་ལམ་དུ་ཁོ་ལ་སྙིང་རྗེ་བསྐྱེད་མི་རུང་བར། ཉེས་མེད་ཀྱི་ཁྲག་བཞུར་བའི་སྡིག་པ་ནི་ཡེས་ར་ཨེལ་ནས་རྩ་མེད་གཏོང་དགོས་སོ། །   
\s1 ས་མཚམས།  
\p
\v 14 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་ས་སྐལ་དུ་གནང་བའི་ཡུལ་དུ་རང་གི་ཁྱིམ་མཚེས་ཀྱི་ས་རྟགས་བསྣུར་མི་རུང་སྟེ། དེ་ནི་ཕ་མེས་རྣམས་ཀྱིས་བགོས་པའི་ས་མཚམས་ཡིན་ནོ། །   
\s1 བདེན་དཔང་བྱེད་པའི་སྒྲིག་ཁྲིམས།  
\p
\v 15 མི་ཞིག་གིས་ཉེས་སྐྱོན་གང་ཞིག་བཟོས་པའམ། ཡང་ན་སྡིག་ཉེས་ཅི་ཞིག་བསགས་པ་ཡིན་ན། དེ་ལ་ནག་ཉེས་སམ་སྡིག་པ་བགྲང་བའི་ཚེ། མི་གཉིས་གསུམ་ཞིག་གི་ངག་ལས་བདེན་དཔང་བྱེད་པར་བརྟེན༌ནས་དོན་དག་གཏན་ལ་འབབ་དགོས་པ་ཡིན།  
\v 16 གལ་སྲིད་དཔང་པོ་ཞེ་གནག་ཅིག་ལངས་ནས་མི་ཞིག་གིས་དོན་ངན་བསྒྲུབས་པར་ཞུ་གཏུག་བྱས་ན།  
\v 17 ཕན་ཚུན་རྩོད་གླེང་བྱེད་མཁན་མི་དེ་གཉིས་ཀ་དཀོན་མཆོག་ཡ་ཝཱེའི་སྤྱན་སྔ་དང་། སྐབས་དེའི་མཆོད་དཔོན་དང་ཁྲིམས་དཔོན་གྱི་དྲུང་དུ་ལང་དགོས།  
\v 18 ཁྲིམས་དཔོན་རྣམས་ཀྱིས་འདྲི་རྟོག་ནན་མོ་བྱེད་དགོས་ལ། ལྟོས་དང་། གལ་སྲིད་བདེན་དཔང་བྱེད་མཁན་ནི་དཔང་པོ་རྫུན་མ་ཞིག་ཡིན་པ་དང་། བདེན་དཔང་རྫུན་མས་རང་གི་སྤུན་ཟླ་ལ་ནག་མེད་ཉེས་འགེལ་བྱེད་པ་ཤེས་ན།  
\v 19 མི་དེས་རང་གི་སྤུན་ཟླ་ལ་ཅི་བྱ་བསམ་པ་ནང་བཞིན། ཁྱོད་ཅག་གིས་ཁོ་ལའང་དེ་བཞིན་དུ་བྱེད་དགོས་ལ། ཁྱོད་རྣམས་ཀྱི་ཁྲོད་ནས་ངན་པ་རྣམས་དེ་ལྟར་མེད་པར་གཏོང་དགོས་སོ། །  
\v 20 གཞན་རྣམས་ཀྱིས་ཀྱང་དོན་དེ་ཐོས་པ་དང་འཇིགས་ནས་ཁྱོད་རྣམས་ཀྱི་ཁྲོད་དུ་དོན་ངན་དེ་ལྟ་བུ་བྱེད་མི་ཕོད་དོ། །  
\v 21 ཁྱོད་རྣམས་ཀྱི་མིག་ལམ་དུ་སྙིང་རྗེ་མི་བསྐྱེད་པར་སྲོག་ལ་སྲོག་ལན་དང་། མིག་ལ་མིག་ལན། སོ་ལ་སོ་ལན། ལག་པ་ལ་ལག་པའི་ལན། རྐང་པ་ལ་རྐང་པའི་ལན་འཇལ་དགོས་སོ། །   
\c 20
\cl ལེའུ་ཉི་ཤུ་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 དམག་འཁྲུག་གི་སྒྲིག་ཁྲིམས།  
\p
\v 1 ཁྱོད་རྣམས་ཕྱི་རུ་སོང་ནས་ཁྱོད་ཅག་གི་དགྲ་བོ་རྣམས་ལ་དམག་རྒྱག་པའི་ཚེ། རྟ་དང་ཤིང་རྟ་དང་། དམག་མི་རྣམས་ཁྱོད་ཅག་ལས་མང་བ་མཐོང་ན་དེ་དག་ལ་འཇིགས་མི་དགོས། ཅི་ལ་ཞེ་ན། ཁྱོད་རྣམས་ཨེ་ཅིབ་ཡུལ་ནས་ཡར་ཁྲིད་འོང་མཁན་གྱི་ཁྱོད་ཅག་གི་དཀོན་མཆོག་ཡ་ཝཱེ་ཁྱོད་རྣམས་དང་མཉམ་དུ་བཞུགས་པ་ཡིན།  
\v 2 ཁྱོད་རྣམས་གཡུལ་སར་འགྲོ་རན་པའི་ཚེ། མཆོད་དཔོན་ཚུར་འོངས་ནས་མི་ཚོགས་ལ་གཏམ་སྨྲ་དགོས་ཏེ།  
\v 3 ཁོ་རྣམས་ལ་འདི་ལྟར། ཀྱེ་ཡེས་ར་ཨེལ་པ་རྣམས་ཁྱོད་ཅག་གིས་ཉོན་དང་། དེ་རིང་ཁྱོད་ཅག་གིས་དགྲ་རྣམས་ལ་དམག་རྒྱག་པར་འགྱུར་ཏེ། ཁྱོད་རྣམས་སེམས་ནས་མ་འཁུམས་མ་འཇིགས་མ་འཚབ་ཅིག དེ་དག་གི་མདུན་ནས་འདར་ཡང་མི་དགོས།  
\v 4 ཅི་ལ་ཞེ་ན། ཁྱོད་རྣམས་ཀྱི་དཀོན་མཆོག་ཡ་ཝཱེ་ཁྱོད་ཅག་དང་མཉམ་དུ་ཕེབས་ནས། ཁྱོད་རྣམས་ཀྱི་དོན་དུ་དགྲ་དང་འཐབ་སྟེ་རྒྱལ་ཁ་གནང་ངེས་ཡིན་ཞེས་སྨྲ་ཞིང་།  
\v 5 འགོ་དཔོན་རྣམས་ཀྱིས་མི་ཚོགས་ལ་གཏམ་འདི་ལྟར་སྨྲ་སྟེ། སུ་ཞིག་གིས་ཁང་པ་གསར་པ་བརྩིགས་ནས་ད་དུང་བསྔོས་མེད་པ་ཡིན་ན། མི་དེ་དམག་འཁྲུག་གི་སྐབས་སུ་ཤི་ནས་མི་གཞན་ཞིག་གིས་ཁོའི་ཁང་པ་བསྔོ་བར་མི་བྱ་བའི་ཆེད་དུ་མི་དེ་ཕྱིར་ཁྱིམ་དུ་ལོག་དགོས།  
\v 6 ཡང་སུ་ཞིག་གིས་རྒུན་ཚལ་བཙུགས་ནས་ད་དུང་དེའི་ཤིང་ཏོག་མ་སྤྱད་པ་ཡིན་ན། མི་དེ་དམག་འཁྲུག་གི་སྐབས་སུ་ཤི་ནས་མི་གཞན་ཞིག་གིས་དེའི་ཤིང་ཏོག་སྤྱོད་པར་མི་བྱ་བའི་ཆེད་དུ་མི་དེ་ཕྱིར་ཁྱིམ་དུ་ལོག་དགོས།  
\v 7 ཡང་སུ་ཞིག་གིས་བུད་མེད་ཅིག་ལ་གཉེན་རྟགས་བརྒྱབ་ཀྱང་ད་དུང་གཉེན་སྒྲིག་བྱས་མེད་པ་ཡིན་ན། མི་དེ་དམག་འཁྲུག་གི་སྐབས་སུ་ཤི་ནས་མི་གཞན་ཞིག་གིས་ཁོ་མོ་ཆུང་མར་མི་ལེན་པའི་ཆེད་དུ་མི་དེ་ཕྱིར་ཁྱིམ་དུ་ལོག་དགོས་ཞེས་པའོ། །  
\v 8 ཡང་འགོ་དཔོན་རྣམས་ཀྱིས་མི་ཚོགས་ལ་འདི་ལྟར་སྨྲ་སྟེ། སུ་ཞིག་འཇིགས་ནས་དཔའ་ཞུམ་པ་ཡིན་ན། མི་དེས་རང་ཉིད་དཔའ་ཞུམ་པ་ལྟར་སྤུན་ཟླའི་དཔའ་ཞུམ་པར་མི་བྱ་བའི་ཆེད་དུ་ཕྱིར་ཁྱིམ་དུ་ལོག་དགོས་ཞེས་པའོ། །  
\v 9 འགོ་དཔོན་རྣམས་ཀྱིས་མི་ཚོགས་ལ་གཏམ་སྨྲས་ཚར་རྗེས། མི་ཚོགས་ཀྱི་སྣེ་ཁྲིད་མཁན་དམག་དཔོན་རྣམས་བསྐོ་བར་བྱའོ། །   
\p
\v 10 ཁྱོད་རྣམས་གྲོང་ཁྱེར་ཞིག་གི་ཉེ་སར་སླེབས་ནས་དེ་ལ་དམག་རྒྱག་པར་རྩོམ་པའི་དུས་སུ། ཐོག་མར་དེ་དང་ཞི་མཐུན་ཡོང་ཐབས་བཙལ་དགོས།  
\v 11 གལ་སྲིད་གྲོང་ཁྱེར་དེས་ཁྱོད་རྣམས་ལ་ཞི་བའི་གྲོས་མཐུན་གྱི་སྒོ་མོ་ཕྱེ་བ་ཡིན་ན། གྲོང་ཁྱེར་དེའི་མི་ཐམས་ཅད་ཀྱིས་ཁྱོད་རྣམས་ལ་གཡོག་བྱས་ནས་ཞབས་ཕྱི་བསྒྲུབ་དགོས།  
\v 12 གལ་སྲིད་གྲོང་ཁྱེར་དེས་ཁྱོད་རྣམས་ལ་ཞི་མཐུན་མི་བྱེད་པར་རྒོལ་བར་བྱས་ན། དེའི་མཐའ་ནས་སྐོར་ཅིག  
\v 13 ཁྱོད་རྣམས་ཀྱི་དཀོན་མཆོག་ཡ་ཝཱེས་གྲོང་ཁྱེར་དེ་ཁྱོད་ཅག་གི་ལག་ཏུ་གཏོད་པའི་ཚེ། དེའི་སྐྱེས་པ་ཐམས་ཅད་ལ་ཁྱོད་རྣམས་ཀྱིས་གྲི་ཁས་བསྣུན་དགོས།  
\v 14 བུད་མེད་དང་བྱིས་པ་རྣམས་དང་། ཕྱུགས་ཟོག་བཅས་གྲོང་ཁྱེར་གྱི་བཅོམ་ནོར་ཐམས་ཅད་ནི་ཁྱོད་ཅག་གིས་བླངས་ཆོག ཁྱོད་རྣམས་ཀྱི་དགྲ་ཡི་བཅོམ་ནོར་ཐམས་ཅད་ནི་ཁྱོད་ཅག་གིས་ལོངས་སུ་སྤྱད་ཆོག་སྟེ། ཅི་ལ་ཞེ་ན། དེ་ནི་ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་གནང་བ་ཡིན་ནོ། །  
\v 15 དེ་ལྟར་འདིར་ཡོད་པའི་མི་རིགས་རྣམས་ལ་མི་གཏོགས་པའི་གྲོང་ཁྱེར་རྣམས་ཏེ་ཁྱོད་རྣམས་དང་རྒྱང་ཐག་རིང་བའི་གྲོང་ཁྱེར་རྣམས་ལའང་དེ་བཞིན་བྱེད་དགོས།  
\v 16 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་ས་སྐལ་དུ་གནང་བའི་མི་རིགས་འདི་རྣམས་ཀྱི་གྲོང་ཁྱེར་དུ། ཁྱོད་རྣམས་ཀྱིས་དབུགས་ཐོགས་གང་ཡང་གསོན་པོར་བསྐྱུར་མི་རུང་།  
\v 17 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་བཀའ་བསྒོས་པ་ཇི་བཞིན་ཧེད་པ་དང་། ཨེ་མོར་པ་དང་། ཀ་ན་ཨན་པ་དང་། ཕེ་རེ་ཟི་པ་དང་། ཧེ་བི་པ་དང་། ཡེ་བུ་སི་པ་རྣམས་ཚར་དུ་གཅོད་དགོས།  
\v 18 ཅི་ལ་ཞེ་ན། དེ་དག་གིས་རང་གི་ལྷ་རྣམས་ལ་བྱས་པའི་བྱ་སྤྱོད་སྐྱུག་བྲོ་བ་ཐམས་ཅད་ཁྱོད་རྣམས་ལ་བསླབས་ནས། ཁྱོད་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེ་ལ་འགལ་བའི་སྡིག་པ་མི་བྱ་བའི་ཕྱིར་རོ། །   
\p
\v 19 ཁྱོད་རྣམས་ཀྱིས་གྲོང་ཁྱེར་ཅིག་གི་མཐའ་བསྐོར་ཏེ་ཡུན་རིང་པོ་འགོར་ནས་དེ་ལེན་པའི་ཕྱིར་འཐབ་འཁྲུག་བརྒྱབ་ན། དེ་རུ་ཡོད་པའི་ཤིང་སྡོང་རྣམས་སྟ་རེས་གཅོད་མི་རུང་། ཅི་ལ་ཞེ་ན། ཁྱོད་རྣམས་ཀྱིས་དེ་དག་ལས་ཁ་ཟས་བླངས་ཆོག་པས་དེ་དག་གཅོད་གཏུབ་བྱེད་མི་འོས། ཞིང་ཁའི་ཤིང་སྡོང་ནི་མི་ཡིན་ནམ། ཁྱོད་རྣམས་ཀྱིས་མི་བསྐོར་བ་ནང་བཞིན་དེའི་མཐའ་ནས་བསྐོར་དགོས་སམ།  
\v 20 ཁྱོད་རྣམས་ཀྱིས་ཟས་རིགས་མི་ཐོགས་པ་ཤེས་པའི་ཤིང་སྡོང་འབའ་ཞིག་བརླགས་ནས་བཅད་དེ། ཁྱོད་ཅག་ལ་འཐབ་འཛིང་བྱེད་པའི་གྲོང་ཁྱེར་དེ་མ་ནུབ་བར་དུ་ལྕང་མའི་མཁར་བརྩིག་དགོས་སོ། །   
\c 21
\cl ལེའུ་ཉེར་གཅིག་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 ནག་ཉེས་ལ་འགྱོད་བཤགས་བྱེད་པའི་སྒྲིག་ཁྲིམས།  
\p
\v 1 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་ས་སྐལ་དུ་གནང་བའི་ཡུལ་དུ། གལ་སྲིད་མི་ཞིག་བསད་ནས་བེམ་པོ་ཐང་ལ་ལྷུང་ཡོད་པ་རྙེད་ན་ཡང་། དེ་སུས་བསད་པ་མ་ཤེས་ན།  
\v 2 ཁྱོད་རྣམས་ཀྱི་རྒན་པོ་རྣམས་དང་ཁྲིམས་དཔོན་རྣམས་ཕྱི་ལ་འོངས་ཏེ། བེམ་པོ་དང་ཉེ་འཁོར་གྲོང་ཁྱེར་རྣམས་བར་གྱི་ལམ་ཐག་བཅལ་ནས།  
\v 3 མི་དེའི་བེམ་པོ་དང་ཆེས་ཐག་ཉེ་བའི་གྲོང་ཁྱེར་གང་ཡིན་པར་བལྟ་དགོས་ཤིང་། གྲོང་ཁྱེར་དེའི་རྒན་པོ་རྣམས་ཀྱིས་བ་ཁྱུ་ལས་བ་དྲུས་མ་ལས་ཀ་གང་ཡང་མ་བྱས་པ་དང་། གཉའ་ཤིང་གཏན་ནས་འཁུར་མ་མྱོང་བ་ཞིག་འཁྲིད་འོང་དགོས།  
\v 4 གྲོང་ཁྱེར་དེའི་རྒན་པོ་རྣམས་ཀྱིས་བ་དྲུས་མ་དེ་ནི་ནམ་ཡང་རྨོ་འདེབས་མ་བྱས་ལ་ས་བོན་ཡང་མ་བཏབ་པའི་གྲོག་རོང་ཆུ་རྒྱུན་ཅན་ཞིག་ཏུ་ཁྲིད་ནས། གྲོག་རོང་དེ་རུ་བ་དྲུས་མ་དེའི་སྐེ་ཚིགས་གཅུ་དགོས།  
\v 5 དེ་ནས་ཁྱོད་རྣམས་ཀྱི་དཀོན་མཆོག་ཡ་ཝཱེས་ཁོང་ཉིད་ལ་བསྙེན་བཀུར་བྱེད་པ་དང་། ཁོང་གི་མཚན་གྱི་སྒོ་ནས་བྱིན་རླབས་གནང་བར་བདམས་པའི་མཆོད་དཔོན་རྣམས་ཏེ་ལེ་ཝི་ཚོ་པའི་བུ་རྣམས་སྔོན་ལ་འོང་བ་དང་། རྩོད་པ་དང་རྒོལ་བ་ཐམས་ཅད་དེ་དག་གི་གཏམ་གྱིས་ཐག་གཅོད་བྱེད་དགོས།  
\v 6 གཞན་གྱིས་བསད་པའི་མི་དེ་དང་ཆེས་ཉེ་བའི་གྲོང་ཁྱེར་དེའི་རྒན་པོ་ཐམས་ཅད་ཀྱིས་གྲོག་རོང་ནས་སྐེ་ཚིགས་གཅུས་པའི་བ་དྲུས་མའི་གོང་དུ་ལག་པ་བཀྲུ་དགོས་པ་དང་།  
\v 7 དེ་དག་གིས་འདི་ལྟར། ང་ཚོའི་ལག་པས་མི་འདིའི་ཁྲག་བཞུར་དུ་མ་བཅུག་ལ། ང་ཚོའི་མིག་གིས་ཀྱང་དོན་འདི་མ་མཐོང་།  
\v 8 ཀྱེ་དཀོན་མཆོག་ཡ་ཝཱེ་ལགས། ཁྱེད་ཀྱིས་བླུས་པའི་འབངས་མི་ཡེས་ར་ཨེལ་ལ་གུ་ཡངས་མཛོད་ཅིག ཉེས་མེད་ཀྱི་ཁྲག་བཞུར་བའི་སྡིག་པ་ནི་ཁྱེད་ཀྱི་འབངས་མི་ཡེས་ར་ཨེལ་གྱི་སྟེང་ལ་མི་འགེལ་བར་མཛོད་ཅེས་ཞུས་ན། ཁོ་ཚོའི་ཁྲག་བཞུར་ཏུ་བཅུག་པའི་སྡིག་པ་བསལ་བ་ཡིན་ནོ། །  
\v 9 གལ་སྲིད་ཁྱོད་རྣམས་ཀྱིས་དཀོན་མཆོག་ཡ་ཝཱེའི་སྤྱན་སྔར་དྲང་པོ་གང་ཡིན་དེ་སྤྱད་ན། ཁྱོད་ཅག་གི་ཁྲོད་ནས་ཉེས་མེད་ཀྱི་ཁྲག་བཞུར་བའི་སྡིག་པ་མེད་པར་བྱའོ། །   
\s1 བུད་མེད་བཙོན་མ་རྣམས་ཆུང་མར་ལེན་པའི་སྒྲིག་ཁྲིམས།  
\p
\v 10 ཁྱོད་རྣམས་ཕྱི་རོལ་ཏུ་སོང་ནས་དགྲ་རྣམས་ལ་འཐབ་པའི་ཚེ། ཁྱོད་རྣམས་ཀྱི་དཀོན་མཆོག་ཡ་ཝཱེས་དེ་དག་ཁྱོད་ཅག་གི་ལག་ཏུ་སྤྲད་ནས། ཁྱོད་རྣམས་ཀྱིས་དེ་དག་བཙོན་དུ་ཁྲིད་པ་དང་།  
\v 11 བཙོན་མའི་ཁྲོད་ནས་བུད་མེད་མཛེས་མ་ཞིག་མཐོང་ནས་དེ་ལ་ཡིད་སྨོན་ཤོར་ཏེ་ཆུང་མར་བསུ་འདོད་ན།  
\v 12 དེ་ཁྱོད་ཀྱི་ཁྱིམ་དུ་ཁྲིད་ནས། ཁོ་མོས་རང་གི་སྐྲ་བཞར་ཏེ་སེན་མོ་གཅོད་དགོས་ལ།  
\v 13 བཙོན་དུ་འཁྲིད་ཡོང་སྐབས་གྱོན་པའི་གོས་ཕུད་ནས། ཟླ་བ་གཅིག་ལ་ཁོ་མོའི་ཕ་མའི་ཆེད་དུ་མྱ་ངན་བྱས་ནས་ཁྱོད་ཀྱི་ཁྱིམ་དུ་འདུག་དགོས། དེའི་རྗེས་སུ་ཁྱོད་རང་ཁོ་མོ་དང་ལུས་འབྲེལ་བྱས་ནས་ཁྱོད་ནི་ཁོ་མོའི་ཁྱོ་ག་དང་། ཁོ་མོ་ཁྱོད་ཀྱི་ཆུང་མ་བྱེད་རུང་བ་ཡིན།  
\v 14 གལ་སྲིད་མ་འོངས་པར་ཁྱོད་ནི་ཁོ་མོ་ལ་དགའ་མོས་མེད་ན། ཁོ་མོ་གང་དུ་འགྲོ་འདོད་ན་དེར་འགྲོ་རུ་འཇུག་པ་ལས། ཁྱོད་ཀྱིས་ཁོ་མོར་བརྙས་བཅོས་བྱས་ཟིན་པས། ཁོ་མོ་དངུལ་གྱི་ཕྱིར་དུ་བཙོང་བའམ་གཡོག་མོ་ནང་བཞིན་བྱེད་མི་རུང་ངོ་། །   
\p
\v 15 གལ་ཏེ་མི་ཞིག་ལ་ཆུང་མ་གཉིས་ཡོད་ཅིང་། གཅིག་ནི་ཁོས་གཅེས་པ་དང་ཅིག་ཤོས་ནི་ཁོས་མི་གཅེས་པ་ཡིན་ལ། དེ་གཉིས་ལ་བུ་སྐྱེས་ནས་བུ་སྐྱེས་འགོ་དེ་ཁོས་མི་གཅེས་པའི་ཆུང་མ་ལས་སྐྱེས་པ་ཡིན་ན།  
\v 16 མི་དེས་རང་གི་བུ་ལ་ནོར་སྐལ་བགོ་བའི་ཉིན་མོར། ཁོས་རང་གིས་གཅེས་པའི་ཆུང་མ་དེའི་བུ་ནི་ཁོས་མི་གཅེས་པའི་ཆུང་མ་དེའི་བུ་སྟེ་བུ་སྐྱེས་འགོ་ཡི་ཚབ་ཏུ་འཇོག་མི་རུང་སྟེ།  
\v 17 ཁོས་མི་གཅེས་པའི་ཆུང་མའི་བུ་དེ་སྐྱེས་འགོ་ཡིན་པ་ཁས་བླངས་ནས་རང་གི་རྒྱུ་ནོར་ཐམས་ཅད་ལས་ཉིས་སྐལ་སྟེར་དགོས། ཅི་ལ་ཞེ་ན། དེ་ནི་ཁོ་ལ་ལུས་སྟོབས་རྒྱས་པའི་སྐབས་སུ་ཐོབ་པའི་བུ་སྐྱེས་འགོ་ཡིན་ལ། བུ་སྐྱེས་འགོའི་ནོར་སྐལ་དེ་ཁོའི་ཡིན་ནོ། །   
\s1 བུ་ངོ་ལོག་ཅན་ལ་སྲོག་ཆད་གཅོད་པའི་སྒྲིག་ཁྲིམས།  
\p
\v 18 གལ་ཏེ་མི་ཞིག་ལ་ཨུ་ཚུགས་ཆེ་ཞིང་ངོ་ལོག་བྱེད་པའི་བུ་ཞིག་སྐྱེས་ནས་ཕ་མའི་ངག་ལ་མི་ཉན་པ་དང་། དེ་དག་གིས་བཅུན་ནའང་ངག་ལ་མི་ཉན་པ་ཞིག་ཡིན་ན།  
\v 19 ཁོའི་ཕ་མ་གཉིས་ཀྱིས་རང་གི་བུ་བཟུང་ནས་རང་གི་གྲོང་ཁྱེར་གྱི་རྒན་པོ་ཚོའི་དྲུང་དུ་ཁྲིད་སོང་སྟེ།  
\v 20 གྲོང་ཁྱེར་གྱི་རྒན་པོ་རྣམས་ལ། ངེད་ཀྱི་བུ་འདི་ཨུ་ཚུགས་ཆེ་ཞིང་ངོ་ལོག་བྱེད་མཁན་ཞིག་ཡིན་ལ། ངེད་ཀྱི་ངག་ལ་མི་ཉན་པར་ཟས་ལ་རྔམ་ཞིང་ཆང་ལ་དགའ་བའི་མི་ཞིག་ཡིན་ནོ་ཞེས་སྨྲ་དགོས་ཤིང་།  
\v 21 དེ་ནས་གྲོང་ཁྱེར་དེའི་མི་ཐམས་ཅད་ཀྱིས་ཁོ་ལ་རྡོ་རུབ་བཏང་ནས་གསོད་དགོས། དེ་ལྟར་ཁྱོད་ཅག་གི་ཁྲོད་ནས་མི་ངན་མེད་པར་བཟོ་དགོས་ལ། ཡེས་ར་ཨེལ་པ་ཐམས་ཅད་ཀྱིས་དེ་ཐོས་ནས་འཇིགས་པར་འགྱུར་རོ། །   
\p
\v 22 གལ་ཏེ་མི་ཞིག་གིས་སྲོག་ཁྲིམས་གཅོད་དགོས་པའི་ཉེས་པ་བསགས་ན་དེ་བསད་པའི་རྗེས་སུ། མི་དེ་སྡོང་པོའི་སྟེང་དུ་འགེལ་དགོས།  
\v 23 དེའི་བེམ་པོ་ཞག་གང་པོར་སྡོང་པོའི་སྟེང་དུ་བསྐྱུར་མི་འོས་ཏེ། ཉིན་དེར་ངེས་པར་དུར་ལ་འཇུག་དགོས། ཅི་ལ་ཞེ་ན། སྡོང་མགོར་བཀལ་བའི་མི་སུ་ཡིན་ཡང་དཀོན་མཆོག་གིས་དམོད་མོ་བཏབ་པ་ཡིན་ནོ། །དེ་ལྟར་བྱས་ན་ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་ས་སྐལ་དུ་གནང་བའི་ཡུལ་དེ་ཁྱོད་ཅག་གིས་བཙོག་པར་མི་བྱའོ། །   
\c 22
\cl ལེའུ་ཉེར་གཉིས་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 ཁྲིམས་སྣ་ཚོགས།  
\p
\v 1 ཁྱོད་རྣམས་ཀྱིས་རང་གི་སྤུན་ཟླའི་བ་གླང་ངམ་ར་ལུག་རྣམས་བདག་མེད་དུ་འཁྱམས་པར་མཐོང་ན་དེ་སྣང་མེད་དུ་མི་བསྐྱུར་བར། ངེས་པར་དུ་སྤུན་ཟླའི་རྩར་ཕྱིར་འདེད་དགོས།  
\v 2 གལ་སྲིད་སྤུན་ཟླ་དེ་ཁྱོད་རྣམས་དང་རྒྱང་ཐག་རིང་ཞིང་ཁྱོད་རྣམས་ཀྱིས་དེ་ངོ་མི་ཤེས་ན། ཁྱོད་རྣམས་ཀྱིས་ཕྱུགས་དེ་རང་གི་ཁྱིམ་དུ་དེད་ཡོང་ནས་བདག་བྱེད་དགོས་ལ། སྤུན་ཟླས་དེ་བཙལ་ནས་འོང་དུས་དེ་ཁོ་ལ་ཕྱིར་སྤྲོད་དགོས།  
\v 3 སྤུན་ཟླའི་བོང་བུ་ལ་ཁྱོད་རྣམས་ཀྱིས་དེ་བཞིན་བྱེད་དགོས་ཤིང་། ཁྱོད་རྣམས་ཀྱི་སྤུན་ཟླས་བོར་ནས་ཁྱོད་ཅག་གིས་རྙེད་པའི་གྱོན་གོས་སོགས་ཅ་ལག་གང་དང་གང་ཡིན་ཡང་དེ་ལྟར་བྱེད་དགོས་ཀྱི་སྣང་མེད་དུ་བསྐྱུར་མི་རུང་།  
\v 4 ཁྱོད་རྣམས་ཀྱིས་སྤུན་ཟླའི་བོང་བུ་དང་བ་གླང་རྣམས་ལམ་དུ་འགྱེལ་ཡོད་པ་མཐོང་ན། དེ་སྣང་མེད་དུ་མི་བསྐྱུར་བར་ཁོ་ལ་དེ་དག་ཡར་བསླང་རོགས་བྱེད་དགོས་སོ། །   
\p
\v 5 བུད་མེད་ཀྱིས་སྐྱེས་པའི་གོས་མི་གྱོན་པ་དང་། སྐྱེས་པས་ཀྱང་བུད་མེད་ཀྱི་གོས་གྱོན་མི་རུང་། ཅི་ལ་ཞེ་ན། སུས་དེ་ལྟར་བྱེད་པ་ཡིན་ན་དེ་ནི་ཁྱོད་རྣམས་ཀྱི་དཀོན་མཆོག་ཡ་ཝཱེ་ཞེ་ལོག་པའི་བྱ་སྤྱོད་ཡིན་ནོ། །   
\p
\v 6 ཁྱོད་རྣམས་ཀྱིས་ལམ་ཁར་སྡོང་མགོ་དང་ཡང་ན་ས་རུ་ཡོད་པའི་བྱ་ཚང་རྙེད་ནས། དེའི་ནང་དུ་བྱ་ཕྲུག་དང་བྱ་སྒོང་ཡོད་པ་དང་། བྱ་མས་བྱ་ཕྲུག་རུམ་པའམ་སྒོ་ང་རུམ་ཡོད་ན། ཁྱོད་རྣམས་ཀྱིས་བྱ་མ་དེ་བྱ་ཕྲུག་དང་མཉམ་དུ་འཁྱེར་མི་རུང་།  
\v 7 ཁྱོད་རྣམས་ཀྱིས་བྱ་ཕྲུག་རང་གི་ཆེད་དུ་འཁྱེར་ཆོག འོན་ཀྱང་བྱ་མ་ངེས་པར་གཏོང་དགོས། དེ་ནས་ཁྱོད་རྣམས་བདེ་བར་གནས་ཤིང་ཚེ་ཐག་རིང་བར་འགྱུར་རོ། །   
\p
\v 8 ཁྱོད་རྣམས་ཀྱིས་ཁང་པ་གསར་པ་བཟོ་བའི་ཚེ་ཁང་ཐོག་ལ་སྒྲོམ་སྐྱོར་འཇོག་དགོས་ཏེ། མི་ཞིག་ཁྱོད་རྣམས་ཀྱི་ཁང་ཐོག་ནས་མར་ལྷུང་ནས་ཁྱོད་ཅག་གི་ཁང་པ་ལ་ཁྲག་གི་ཉེས་པ་འཁོར་མི་འོང་བའི་ཕྱིར་རོ། །   
\p
\v 9 ཁྱོད་རྣམས་ཀྱི་རྒུན་ཚལ་ལ་ས་བོན་རིགས་མི་འདྲ་བ་གཉིས་འདེབས་མི་རུང་། གལ་ཏེ་བཏབ་ན་ཁྱོད་རྣམས་ཀྱི་ལོ་ཏོག་གི་ཡོང་འབབ་དང་། རྒུན་ཚལ་གྱི་འབྲས་བུ་ཀུན་ལད་འགྲོ་བ་ཡིན།  
\v 10 ཁྱོད་རྣམས་ཀྱིས་བ་གླང་དང་བོང་བུ་གཉིས་དོར་བྱས་ནས་ཞིང་རྨོ་མི་རུང་ལ།  
\v 11 ཁྱོད་རྣམས་ཀྱིས་བལ་དང་སོ་རས་གཉིས་བསྲེས་ནས་བཟོས་པའི་གོས་ཀྱང་གྱོན་མི་རུང་།  
\v 12 ཁྱོད་རྣམས་ཀྱིས་རང་གི་ཕྱི་གོས་ཀྱི་མཐའ་བཞི་པོར་ཙོར་ལོ་འདོགས་དགོས་སོ། །   
\s1 འདོད་པ་སྤྱོད་པའི་སྒྲིག་ཁྲིམས།  
\p
\v 13 གལ་སྲིད་མི་ཞིག་གིས་ཆུང་མ་བླངས་ནས་ཁོ་མོ་དང་ལུས་འབྲེལ་བྱས་པའི་རྗེས་སུ་ཁོ་མོར་སྡང་བར་གྱུར་ཏེ།  
\v 14 ངོ་ཚ་ཁྲེལ་མེད་ཀྱི་དོན་རྫུན་བཟོ་བྱས་ནས་ཁོ་མོར་འཕྱས་ཏེ་ཁོ་མོའི་མིང་བརྫད་པ་དང་། ངས་བུད་མེད་འདི་ཆུང་མར་བླངས་ནས་ཁོ་མོ་དང་ལུས་འབྲེལ་བྱེད་དུས་སུ་མོ་རང་མོ་གསར་ཡིན་པའི་བདེན་རྟགས་རྙེད་མ་བྱུང་ཞེས་སྨྲས་ན།  
\v 15 གཞོན་ནུ་མ་དེའི་ཕ་མ་གཉིས་ཀྱིས་མོ་རང་མོ་གསར་ཡིན་པའི་བདེན་རྟགས་ཁྱེར་ནས་མཁར་སྒོ་རུ་གྲོང་ཁྱེར་གྱི་རྒན་པོ་རྣམས་ཀྱི་མདུན་དུ་འོངས་ཏེ།  
\v 16 གཞོན་ནུ་མའི་ཕ་ཡིས་རྒན་པོ་རྣམས་ལ། ངས་རང་གི་བུ་མོ་མི་འདི་ལ་བག་མར་བཏང་བ་དང་ཁོ་ནི་ཁོ་མོར་སྡང་བར་གྱུར་ཏེ།  
\v 17 ངོ་ཚ་ཁྲེལ་མེད་ཀྱི་དོན་རྫུན་བཟོ་བྱས་ནས་ཁོ་མོར་འཕྱས་ཤིང་། ངས་ཁྱོད་ཀྱི་བུ་མོ་ལས་མོ་རང་མོ་གསར་ཡིན་པའི་བདེན་རྟགས་རྙེད་མ་བྱུང་ཞེས་སྨྲས་པའོ། །དོན་དམ་དུ་ངའི་བུ་མོ་མོ་གསར་ཡིན་པའི་བདེན་རྟགས་འདི་རུ་ཡོད་ཅེས་སྨྲས་ཏེ། གྲོང་ཁྱེར་གྱི་རྒན་པོ་རྣམས་ཀྱི་མདུན་དུ་གྱོན་གོས་སར་འདིང་དགོས།  
\v 18 དེ་ནས་གྲོང་ཁྱེར་གྱི་རྒན་པོ་རྣམས་ཀྱིས་མི་དེ་བཟུང་འོངས་ནས་ཆད་པ་གཅོད་དགོས་པ་དང་།  
\v 19 དངུལ་སྲང་བརྒྱ་ཡི་ཆད་པ་བཀལ་ནས་གཞོན་ནུ་མའི་ཕ་ལ་སྦྱིན་དགོས། ཅི་ལ་ཞེ་ན། མི་དེས་ཡེས་ར་ཨེལ་གྱི་མོ་གསར་ཞིག་གི་མིང་བརྫད་པས་ཡིན། ཡང་གཞོན་ནུ་མ་དེ་ཁོའི་ཆུང་མ་བྱས་ནས་ཚེ་གང་པོར་འཐོར་མི་ཆོག་གོ །   
\p
\v 20 འོན་ཀྱང་གཏམ་དེ་བདེན་ཞིང་གཞོན་ནུ་མ་དེར་མོ་གསར་ཡིན་པའི་བདེན་རྟགས་མེད་ན།  
\v 21 གཞོན་ནུ་མ་དེ་ཁོ་མོའི་ཕ་གཞིས་ཀྱི་སྒོ་ཁར་འཁྲིད་པ་དང་། གྲོང་ཁྱེར་གྱི་མི་རྣམས་ཀྱིས་ཁོ་མོ་རྡོ་རུབ་བཏང་ནས་གསོད་དགོས། ཅི་ལ་ཞེ་ན། ཁོ་མོས་ཡེས་ར་ཨེལ་གྱི་ཁྲོད་ནས་སྐྱུག་བྲོ་བའི་དོན་བྱས་ཤིང་རང་གི་ཕ་གཞིས་སུ་ལོག་གཡེམ་བྱས་པ་རེད། ཁྱོད་རྣམས་ཀྱི་ཁྲོད་ནས་ངན་པ་རྣམས་དེ་ལྟར་མེད་པར་གཏོང་དགོས་སོ། །   
\p
\v 22 གལ་སྲིད་མི་ཞིག་མི་གཞན་པའི་ཆུང་མ་དང་ལུས་འབྲེལ་བྱས་པ་ཤེས་ན། འཆལ་པོ་འཆལ་མོ་དེ་གཉིས་ཀ་གསོད་དགོས་ལ། ཡེས་ར་ཨེལ་ནས་ངན་པ་རྣམས་དེ་ལྟར་མེད་པར་གཏོང་དགོས་སོ། །   
\p
\v 23 གལ་སྲིད་གཞོན་ནུ་མ་མོ་གསར་ཡིན་པ་ཞིག་གཞན་ལ་གཉེན་རྟགས་བརྒྱབ་ཡོད་ཀྱང་། སྐྱེས་པ་ཞིག་གྲོང་ཁྱེར་ནས་ཁོ་མོར་ཕྲད་དེ་ཁོ་མོ་དང་ལུས་འབྲེལ་བྱས་ན།  
\v 24 ཁྱོད་ཅག་གིས་དེ་གཉིས་ཀ་ཡུལ་དེ་གའི་མཁར་སྒོ་རུ་ཁྲིད་ནས་རྡོ་རུབ་བཏང་སྟེ་གསོད་དགོས། གཞོན་ནུ་མ་དེ་གྲོང་ཁྱེར་དུ་ཡོད་ཀྱང་སྐྱོབ་རོགས་ཞུ་བའི་སྐད་མ་བརྒྱབ་པ་དང་། སྐྱེས་པ་དེས་རང་གི་ཁྱིམ་མཚེས་ཀྱི་ཆུང་མ་བརྫད་པའི་རྐྱེན་གྱིས་ཁོ་གཉིས་འཆི་དགོས་སོ། །ཁྱོད་རྣམས་ཀྱི་ཁྲོད་ནས་ངན་པ་རྣམས་དེ་ལྟར་མེད་པར་གཏོང་དགོས་སོ། །   
\p
\v 25 འོན་ཀྱང་མི་ཞིག་ཞིང་ཁ་ནས་གཞན་དང་གཉེན་རྟགས་བརྒྱབ་ཡོད་པའི་གཞོན་ནུ་མ་ཞིག་དང་ཕྲད་དེ། ཁོ་མོ་བཙན་གྱིས་བཟུང་ནས་ཁོ་མོ་དང་ལུས་འབྲེལ་བྱས་ན། ཁོ་མོ་དང་ལུས་འབྲེལ་བྱས་པའི་མི་དེ་གཅིག་པུ་གསོད་དགོས་པ་ཡིན།  
\v 26 བུ་མོ་དེས་སྲོག་ཁྲིམས་གཅོད་དགོས་པའི་སྡིག་པ་བྱས་མེད་པས་ཁོ་མོར་ཅི་ཡང་བྱེད་མི་རུང་། དོན་རྐྱེན་འདི་ནི་མི་ཞིག་གིས་གློ་བུར་ཉིད་ལ་ལངས་ནས་ཁྱིམ་མཚེས་ལ་རྒོལ་ཞིང་དེའི་སྲོག་བཅད་པ་དང་འདྲའོ། །  
\v 27 ཅི་ལ་ཞེ་ན། མི་དེ་ཞིང་ཁ་ནས་གཞོན་ནུ་མ་དེ་དང་ཕྲད་ཅིང་། གཞན་ལ་གཉེན་རྟགས་བརྒྱབ་ཟིན་པའི་གཞོན་ནུ་མ་དེས་སྐད་བརྒྱབ་ཀྱང་སྐྱོབ་མཁན་མ་བྱུང་བས་ཡིན་ནོ། །   
\p
\v 28 གལ་སྲིད་མི་ཞིག་གཞོན་ནུ་མ་མོ་གསར་ཡིན་པ་དང་ད་དུང་གཞན་ལ་གཉེན་རྟགས་བརྒྱབ་མེད་པ་ཞིག་དང་ཕྲད་དེ། བཙན་གྱིས་ཁོ་མོ་དང་ལུས་འབྲེལ་བྱས་པ་གཞན་གྱིས་རྟོགས་ན།  
\v 29 དེ་ནས་ཁོ་མོ་དང་ལུས་འབྲེལ་བྱེད་མཁན་གྱིས་གཞོན་ནུ་མའི་ཕ་ལ་དངུལ་སྲང་ལྔ་བཅུ་འཇལ་དགོས། ཁོས་གཞོན་ནུ་མ་དེ་བརྫད་པའི་རྐྱེན་གྱིས་ཁོ་མོ་རང་གི་ཆུང་མར་ལེན་དགོས་ལ་ཚེ་གང་པོར་འཐོར་མི་ཆོག་གོ །   
\p
\v 30 མི་ཞིག་གིས་རང་གི་ཕ་ཡི་ཆུང་མ་བསྟེན་མི་རུང་ལ། ཕ་ཡི་སྨད་གོས་ཀྱང་བཤུ་མི་རུང་ངོ་། །   
\c 23
\cl ལེའུ་ཉེར་གསུམ་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 འདུ་ཚོགས་ལ་ཞུགས་མི་ཆོག་པ་རྣམས།  
\p
\v 1 སྒོང་རྡོག་ལ་རྨས་སྐྱོན་བྱུང་བ་དང་ཕོ་མཚན་བཅད་པ་རྣམས་ནི་དཀོན་མཆོག་ཡ་ཝཱེའི་འདུ་ཚོགས་ལ་ཞུགས་མི་རུང་།   
\p
\v 2 ནལ་ཕྲུག་རྣམས་དཀོན་མཆོག་ཡ་ཝཱེའི་འདུ་ཚོགས་ལ་ཡོང་མི་རུང་ལ། དེའི་མི་རབས་བཅུའི་རིང་གི་བུ་རྒྱུད་རྣམས་ཀྱང་དཀོན་མཆོག་ཡ་ཝཱེའི་འདུ་ཚོགས་ལ་ཞུགས་མི་རུང་།   
\p
\v 3 ཨམ་མོན་པའམ་མོ་ཨབ་པ་རྣམས་དཀོན་མཆོག་ཡ་ཝཱེའི་འདུ་ཚོགས་ལ་ཞུགས་མི་རུང་ལ། དེ་དག་གི་མི་རབས་བཅུའི་རིང་གི་བུ་རྒྱུད་རྣམས་ཀྱང་དཀོན་མཆོག་ཡ་ཝཱེའི་འདུ་ཚོགས་ལ་ནམ་ཡང་ཞུགས་མི་རུང་།  
\v 4 གང་ལ་ཞེ་ན། ཁྱོད་ཅག་ཨེ་ཅིབ་ཡུལ་ནས་ཕྱི་རོལ་ཏུ་ཐོན་སྐབས། དེ་དག་གིས་བག་ལེབ་དང་ཆུ་ཁུར་ནས་ལམ་ཁར་ཁྱོད་རྣམས་མ་བསུས་པར། ཆུ་བོ་གཉིས་བར་གྱི་མེ་སོ་པོ་ཐེམ་ཡཱ་ཡི་ཕེ་ཐོར་ཞེས་པར་པེ་ཨོར་གྱི་བུ་པེལ་ཨམ་ཁྱོད་རྣམས་ལ་རྒོལ་ནས་དམོད་པར་གླས་པའི་ཕྱིར་རོ། །  
\v 5 འོན་ཀྱང་ཁྱོད་རྣམས་ཀྱི་དཀོན་མཆོག་ཡ་ཝཱེས་པེལ་ཨམ་གྱི་གཏམ་ལ་གསན་མི་འདོད་དེ། ཁྱོད་རྣམས་ཀྱི་དཀོན་མཆོག་ཡ་ཝཱེ་ཁྱོད་ཅག་ལ་བརྩེ་བ་ཆེ་བས། ཁོང་གིས་དམོད་མོ་དེ་ཁྱོད་ཅག་ལ་བྱིན་རླབས་སུ་བསྒྱུར།  
\v 6 ཁྱོད་རྣམས་ཀྱིས་མི་ཚེ་གང་པོར་དེ་དག་ལ་ཞི་བདེ་དང་བདེ་སྐྱིད་འཚོལ་མི་དགོས་སོ། །   
\p
\v 7 ཨེ་དོམ་པ་ནི་ཁྱོད་རྣམས་ཀྱི་སྤུན་ཟླ་ཡིན་པས་དེ་ལ་ཞེན་ལོག་མི་རུང་ལ། ཨེ་ཅིབ་པའི་ཡུལ་དུ་ཁྱོད་རྣམས་བྱེས་པ་ཡིན་པས་ཁོ་རྣམས་ལའང་ཞེན་ལོག་མི་རུང་།  
\v 8 དེ་དག་ལས་སྐྱེས་པའི་བུ་རབས་ཚ་རྒྱུད་མི་རབས་གསུམ་པ་དེ་དཀོན་མཆོག་ཡ་ཝཱེའི་འདུ་ཚོགས་སུ་ཞུགས་རུང་བའོ། །   
\p
\v 9 ཁྱོད་རྣམས་ཀྱིས་དམག་དྲངས་ནས་དགྲ་རྣམས་ལ་རྒོལ་བར་འགྲོ་བའི་དུས་སུ། རང་ཉིད་དོན་ངན་པ་ཐམས་ཅད་ནས་ཅིས་ཀྱང་བསྲུང་དགོས།  
\v 10 གལ་སྲིད་ཁྱོད་ཅག་གི་ཁྲོད་དུ་མི་ཞིག་གིས་མཚན་མོར་རྨི་ལམ་དུ་ཐིག་ལེ་ཤོར་ནས་མི་གཙང་བར་གྱུར་ན། མི་དེ་སྒར་ཁའི་ཕྱི་ལ་འགྲོ་དགོས་ཤིང་། སྒར་ནང་དུ་ཡོང་མི་རུང་།  
\v 11 འོན་ཀྱང་ས་སྲོས་ཀྱི་དུས་སུ་མི་དེས་རང་ཉིད་ལ་ཁྲུས་རྒྱག་དགོས་པ་དང་། ཉི་མ་ནུབ་རྗེས་ཁོ་སྒར་ཁ་རུ་ཡོང་ཆོག་གོ །   
\p
\v 12 ཁྱོད་རྣམས་ལ་སྒར་ཁའི་ཕྱི་རོལ་ཏུ་གསང་སྤྱོད་ཡོད་དགོས་ཤིང་དེར་སོང་ནས་ཆབ་གསང་ལ་བསྡད་ཆོག  
\v 13 ལག་ཆའི་ཁྲོད་དུ་ཁྱོད་རྣམས་ལ་ཁྱེམ་བུ་ཞིག་ཡོད་དགོས་ལ། ཁྱོད་རྣམས་ཀྱིས་ཕྱི་རོལ་ཏུ་བཙོག་པ་བཏང་རྗེས་དེས་ས་བརྐོས་ནས་བཤང་གཅི་འགེབ་དགོས།  
\v 14 ཅི་ལ་ཞེ་ན། ཁྱོད་རྣམས་ཀྱི་དཀོན་མཆོག་ཡ་ཝཱེ་རྟག་ཏུ་ཁྱོད་ཅག་གི་སྒར་ཁའི་དཀྱིལ་ནས་ཕེབས་ཤིང་། ཁྱོད་རྣམས་བསྒྲལ་ནས་ཁྱོད་ཅག་གི་དགྲ་རྣམས་ཁྱོད་ཅག་ལ་སྤྲོད་པར་མཛད་དགོས། ཁོང་གིས་རྫས་མི་གཙང་བ་གང་ཞིག་ཁྱོད་རྣམས་ཀྱི་ཁྲོད་ནས་གཟིགས་པ་ཡིན་ན། ཁྱོད་རྣམས་དང་འབྲལ་བར་འགྱུར་བས་ཁྱོད་ཅག་གི་སྒར་ཁ་ནི་གཙང་མ་ཡིན་དགོས་སོ། །   
\s1 སྒྲིག་ཁྲིམས་གཞན་རྣམས།  
\p
\v 15 གལ་སྲིད་བྲན་པོ་ཞིག་རང་གི་བདག་པོར་བྲལ་ནས་ཁྱོད་རྣམས་ཀྱི་དྲུང་དུ་བྲོས་འོངས་ན། ཁྱོད་རྣམས་ཀྱིས་ཁོ་རང་བདག་པོ་ལ་ཕྱིར་སྤྲོད་པར་མི་བྱ།  
\v 16 མི་དེ་ཁྱོད་རྣམས་དང་མཉམ་དུ་ཁྱོད་ཅག་གི་ཁྲོད་ནས་འདུག་དགོས་ཤིང་། ཁྱོད་རྣམས་ཀྱི་གྲོང་རྡལ་རྣམས་ནས་ཁོ་རང་གང་ལ་དགའ་ན་དེ་འདེམས་སུ་བཅུག་ནས་འཇོག་དགོས། ཁྱོད་རྣམས་ཀྱིས་དེ་ལ་བརྙས་བཅོས་བྱེད་མི་རུང་ངོ་། །   
\p
\v 17 ཡེས་ར་ཨེལ་གྱི་བུད་མེད་རྣམས་ལས་མཆོད་གཤོམ་གྱི་ཆོས་རྫུ་སྨད་འཚོང་མ་ཡོད་མི་རུང་ལ། ཡེས་ར་ཨེལ་གྱི་སྐྱེས་པ་རྣམས་ལས་མཆོད་གཤོམ་གྱི་ཆོས་རྫུ་གཞང་འཚོང་ཡང་ཡོད་མི་རུང་།  
\v 18 སྨད་འཚོང་མའི་གླ་དངུལ་དང་སྐྱེས་པ་གཞང་འཚོང་གི་གླ་དངུལ་རྣམས་ནི། ཁྱོད་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེའི་བཞུགས་གནས་སུ་ཁྱེར་ནས་དམ་བཅའི་མཆོད་པ་ཅི་རིགས་སུ་ཕུལ་མི་ཆོག ཅི་ལ་ཞེ་ན། དེ་གཉིས་པོར་ཁྱོད་རྣམས་ཀྱི་དཀོན་མཆོག་ཡ་ཝཱེ་ཞེ་ལོག་པ་ཡིན་ནོ། །   
\p
\v 19 ཁྱོད་རྣམས་ཀྱིས་རང་གི་སྤུན་ཟླར་དངུལ་དང་ཟ་མ། ཡང་ན་སྐྱེད་ཀ་རེག་པའི་རིགས་གང་ཞིག་བསྐྱིས་ནའང་སྐྱེད་ཀ་གང་ཡང་ལེན་མི་རུང་།  
\v 20 ཁྱོད་རྣམས་ཀྱིས་ཕྱི་ཕྱོགས་པ་རྣམས་ལས་སྐྱེད་ཀ་བླངས་ཆོག་ཀྱང་། རང་གི་སྤུན་ཟླ་ལས་སྐྱེད་ཀ་ལེན་མི་རུང་། དེ་ནས་ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་ས་སྐལ་དུ་གནང་ནས་བདག་གིར་འཛིན་པའི་ཡུལ་དུ་ཁྱོད་ཀྱི་ལས་ཀ་ཐམས་ཅད་ལ་བྱིན་རླབས་སྩོལ་བར་འགྱུར་རོ། །   
\p
\v 21 ཁྱོད་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེ་ལ་དམ་བཅས་པ་ཡིན་ན། དེ་བསྒྲུབ་པར་འགོར་འགྱངས་བྱེད་མི་རུང་། གང་ལ་ཞེ་ན། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་དེ་འདེད་པ་དང་། དེའི་དུས་སུ་ཁྱོད་རྣམས་ལ་སྡིག་པ་ཡོད་པ་ཡིན།  
\v 22 འོན་ཀྱང་ཁྱོད་རྣམས་ཀྱིས་དམ་བཅའ་མ་བཞག་ན་ཁྱོད་ཅག་ལ་སྡིག་པ་མེད།  
\v 23 རང་གི་ཁ་ནས་གང་ཤོར་བ་དེ་བསྒྲུབ་དགོས། ཁྱོད་རྣམས་ཀྱིས་དངོས་སུ་ཁྱོད་ཅག་གི་དཀོན་མཆོག་ཡ་ཝཱེ་ལ་རང་མོས་ངང་དམ་བཅས་པ་བཞིན། རང་གིས་ཁས་བླངས་པ་དེ་སྒྲུབས་ཤིག   
\p
\v 24 ཁྱོད་རྣམས་ཁྱིམ་མཚེས་ཀྱི་རྒུན་ཚལ་ནང་དུ་སོང་ན་ཁྱོད་ཅག་གིས་འདོད་པ་ཚིམ་པའི་བར་དུ་རྒུན་འབྲུམ་ཟོས་ཆོག་མོད། འོན་ཀྱང་སྣོད་ལ་བསྡུ་མི་རུང་།   
\p
\v 25 ཁྱོད་རྣམས་ཁྱིམ་མཚེས་ཀྱི་ཞིང་ནང་དུ་སོང་ན། ལག་པས་སྙེ་མ་བཏོགས་ཆོག་ཀྱང་ཁྱིམ་མཚེས་ཀྱི་ཞིང་ནང་དུ་ཟོར་བ་གཡུག་མི་རུང་ངོ་། །   
\c 24
\cl ལེའུ་ཉེར་བཞི་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 བཟའ་འཐོར་གྱི་སྒྲིག་ཁྲིམས།  
\p
\v 1 མི་ཞིག་གིས་ཆུང་མ་བླངས་ཏེ་གཉེན་བསྒྲིགས་པའི་རྗེས་སུ། ཁོ་མོའི་སྐྱོན་ཞིག་མཐོང་ནས་ཁོ་མོར་མི་དགའ་བར་གྱུར་ན། བཟའ་འཐོར་ཡི་གེ་བྲིས་ནས་ཁོ་མོའི་ལག་ཏུ་བཞག་སྟེ་རང་གི་ཁྱིམ་ནས་འགྲོ་རུ་བཅུག་ཆོག་པ་དང་།  
\v 2 ཁོ་མོ་རང་གི་ཁྱོ་གའི་ཁྱིམ་དང་བྲལ་རྗེས་མི་གཞན་ཞིག་གི་ཆུང་མ་བྱས་ཆོག་ལ།  
\v 3 གལ་སྲིད་ཁྱོ་ག་ཕྱི་མ་ཡང་ཁོ་མོར་སྡང་ནས་ཁོ་མོར་འཐོར་ཡིག་བྲིས་པ་དང་། ཁོ་མོའི་ལག་ཏུ་བཞག་ནས་རང་གི་ཁྱིམ་ནས་འགྲོ་རུ་འཇུག་པའམ། ཡང་ན་ཁོ་མོ་ཆུང་མར་བླངས་པའི་ཁྱོ་ག་ཕྱི་མ་དེ་ཚེ་ལས་འདས་པ་ཡིན་ན།  
\v 4 ཁོ་མོ་འགྲོ་རུ་བཅུག་པའི་ཁྱོ་ག་སྔ་མ་དེས་ཁོ་མོ་བཙོག་པར་བཟོས་རྗེས་ཁོ་མོ་ཡང་བསྐྱར་ཆུང་མར་ལེན་མི་རུང་། ཅི་ལ་ཞེ་ན། དཀོན་མཆོག་ཡ་ཝཱེའི་སྤྱན་སྔར་དེ་ནི་སྐྱུག་བྲོ་བ་ཡིན་ལ། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་ས་སྐལ་དུ་གནང་བའི་ཡུལ་ནི་སྡིག་པས་བརྫད་མི་རུང་ངོ་། །   
\s1 སྒྲིག་ཁྲིམས་གཞན་རྣམས།  
\p
\v 5 མི་ཞིག་གིས་ཆུང་མ་བླངས་མ་ཐག་ཡིན་ན། དམག་ལ་ཞུགས་པའམ་ཡང་ན་དེར་བྱ་བ་གཞན་གང་ཡང་འགེལ་མི་རུང་བར། རང་ཁྱིམ་ནས་ཆུང་མ་དང་མཉམ་དུ་ལོ་གཅིག་རིང་ལ་སྐྱིད་བརྒྱབ་ནས་འདུག་དགོས་སོ། །   
\p
\v 6 རང་འཐག་གི་རྡོ་གཉིས་ཀ་དང་ཐ་ན་སྟེང་རྡོ་ཡིན་ཡང་གཏའ་མར་ལེན་མི་རུང་། ཅི་ལ་ཞེ་ན། དེ་ནི་མི་ཡི་ཚེ་སྲོག་གཏའ་མར་བླངས་པའོ། །   
\p
\v 7 སུ་ཞིག་གིས་རང་གི་སྤུན་ཟླ་སྟེ། ཡེས་ར་ཨེལ་པ་རྣམས་ལས་གཅིག་བསླུ་ཁྲིད་བྱས་ནས་བྲན་གཡོག་ལྟར་བཀོལ་བའམ། ཡང་ན་ཁོ་བཙོངས་པ་ཡིན་ན། མི་བསླུ་ཁྲིད་བྱེད་མཁན་དེ་གསོད་དགོས། ཁྱོད་རྣམས་ཀྱི་ཁྲོད་ནས་ངན་པ་རྣམས་དེ་ལྟར་མེད་པར་གཏོང་དགོས་སོ། །   
\p
\v 8 མཛེ་ནད་ལ་འཛེམས་ནས་དོགས་དགོས། ངས་ལེ་ཝི་པའི་མཆོད་དཔོན་རྣམས་ལ་བསྒོས་པ་ཇི་བཞིན། དེ་དག་གིས་ཁྱོད་ཅག་ལ་ཅི་ལྟར་བསྟན་པ་དེ་ཞིབ་ཏུ་བསྲུངས་ནས་བསྒྲུབ་དགོས།  
\v 9 ཁྱོད་རྣམས་ཨེ་ཅིབ་ཡུལ་ནས་ཕྱི་རུ་ཐོན་ཏེ་ལམ་ཁར་ཡོད་དུས་སུ། ཁྱོད་རྣམས་ཀྱི་དཀོན་མཆོག་ཡ་ཝཱེས་མིར་ཡམ་ལ་ཅི་ཞིག་མཛད་པ་དེ་དྲན་པར་གྱིས། \f + \ft གྲངས་ཀའི་ལེའུ་བཅུ་གཉིས་པའི་ཚིག་རྐང་བཅུ་པར་གཟིགས་རོགས།\f*   
\p
\v 10 ཁྱོད་རྣམས་ཀྱིས་རང་གི་ཁྱིམ་མཚེས་ལ་བུ་ལོན་གཡར་ན། བུ་ལོན་གང་ཞིག་གཡར་ནའང་མི་དེ་ནས་གཏའ་མ་ལེན་ཕྱིར་ཁོའི་ཁྱིམ་དུ་འགྲོ་མི་རུང་།  
\v 11 ཁྱོད་རྣམས་ཕྱི་ནས་འདུག་དགོས་ལ། བུ་ལོན་གཡོར་མཁན་གྱིས་གཏའ་མ་ཕྱི་ལ་ཁྱེར་འོངས་ནས་ཁྱོད་ལ་སྟེར་དགོས།  
\v 12 གལ་སྲིད་མི་དེ་དབུལ་པོ་ཡིན་ན། ཁྱོད་རྣམས་ཀྱིས་དེའི་གཏའ་མ་ཞག་གིས་བསྐྱུར་མི་རུང་།  
\v 13 ཉི་མ་ནུབ་པའི་དུས་སུ་དེའི་གཏའ་མ་ཅིས་ཀྱང་ཁོ་ལ་ཕྱིར་སྤྲོད་དགོས། ཁོས་རང་གི་གོས་བཀབ་ནས་ཉལ་ཆོག་པ་དང་ཁྱོད་ཅག་ལ་བྱིན་རླབས་གནང་ངེས། དེ་ནི་ཁྱོད་རྣམས་ཀྱི་དཀོན་མཆོག་ཡ་ཝཱེའི་དྲུང་དུ་དྲང་བདེན་དུ་འགྱུར་རོ། །   
\p
\v 14 དབུལ་ཞིང་ཕོངས་པའི་གླ་པ་ནི་ཁྱོད་རྣམས་ཀྱི་སྤུན་ཟླའམ། ཡང་ན་ཁྱོད་ཅག་གི་གྲོང་རྡལ་རྣམས་སུ་སྡོད་པའི་བྱེས་པ་སུ་ཡིན་ཡང་། དེ་ལ་བརྙས་བཅོས་བྱེད་མི་རུང་།  
\v 15 ཉིན་རེའི་གླ་ཆ་ཉིན་རེ་བཞིན་ཉི་མ་མ་ནུབ་གོང་ལ་སྟེར་དགོས། དེ་ལྟར་མིན་ཚེ་མི་དེ་དབུལ་པོ་ཡིན་པས་ཁོའི་སེམས་གླ་ཆར་འཁྲེང་ནས་ཁྱོད་ཅག་ལ་མ་དགའ་བར་དཀོན་མཆོག་ཡ་ཝཱེ་ལ་འོ་དོད་ཞུས་ན། དེ་ནི་ཁྱོད་རྣམས་ཀྱི་སྡིག་པར་འགྱུར་ངེས་སོ། །   
\p
\v 16 མི་སོ་སོ་རང་རང་གི་སྡིག་པའི་རྐྱེན་གྱིས་གསོད་པར་འོས་པ་ལས། བུ་ཡི་རྐྱེན་གྱིས་ཕ་གསོད་པའམ། ཕ་ཡི་རྐྱེན་གྱིས་བུ་གསོད་མི་རུང་།  
\v 17 བྱེས་པ་དང་དྭ་ཕྲུག་ལ་དྲང་བདེན་ལོག་སྤྱོད་བྱེད་མི་འོས། ཡུགས་མོའི་གྱོན་གོས་གཏའ་མར་ཡང་ལེན་མི་རུང་།  
\v 18 ཁྱོད་ཅག་ཨེ་ཅིབ་ཡུལ་ནས་བྲན་གཡོག་ཡིན་དུས། ཁྱོད་རྣམས་ཀྱི་དཀོན་མཆོག་ཡ་ཝཱེས་དེ་ལས་བསྐྱབས་འོངས་པ་དེ་དྲན་པའི་ཆེད་དུ། ངས་ཁྱོད་རྣམས་ལ་འདི་ལྟར་བསྒྲུབ་དགོས་པར་གདམས་པའོ། །   
\p
\v 19 ཁྱོད་རྣམས་ཀྱིས་ཞིང་ནས་འབྲུ་རིགས་བསྡུ་བའི་དུས་སུ། ཞིང་ནས་ཚར་ཕོན་ཞིག་ལུས་ན་ཁྱོད་རྣམས་ཕྱིར་དེ་ལེན་དུ་འགྲོ་མི་རུང་། དེ་ནི་བྱེས་པ་དང་དྭ་ཕྲུག ཡུགས་མོ་བཅས་ཀྱི་སྐལ་ཡིན་ལ། དེ་ནི་ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལག་གི་ལས་ཀ་ཐམས་ཅད་ལ་བྱིན་རླབས་མཛད་པའི་ཕྱིར་ཡིན་ནོ། །  
\v 20 ཡང་སྐྱུ་རུ་ཤིང་ལས་འབྲས་བུ་ཐོགས་སྐབས། ཡལ་གའི་སྟེང་དུ་ལུས་པ་རྣམས་ཡང་བསྐྱར་ཐོགས་པར་མི་བྱ་ཞིང་དེ་ནི་བྱེས་པ་དང་དྭ་ཕྲུག ཡུགས་མོ་བཅས་ལ་བསྐྱུར་དགོས།  
\v 21 ཁྱོད་རྣམས་ཀྱི་རྒུན་ཚལ་ནས་རྒུན་འབྲུམ་བསྡུས་རྗེས་ལུས་པ་རྣམས་ཡང་བསྐྱར་བསྡུ་མི་རུང་། དེ་ནི་བྱེས་པ་དང་དྭ་ཕྲུག ཡུགས་མོ་བཅས་ལ་བསྐྱུར་དགོས།  
\v 22 ཁྱོད་རྣམས་ཨེ་ཅིབ་ཡུལ་ནས་བྲན་གཡོག་ཡིན་པ་དེ་དྲན་པའི་ཆེད་དུ། ངས་ཁྱོད་རྣམས་ལ་འདི་ལྟར་བསྒྲུབ་དགོས་པར་གདམས་པའོ། །   
\c 25
\cl ལེའུ་ཉེར་ལྔ་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\p
\v 1 གལ་ཏེ་མི་རྣམས་ཀྱི་བར་ལ་རྩོད་པ་བྱུང་ན་དེ་དག་ཁྲིམས་རར་འགྲོ་དགོས་ཤིང་། ཁྲིམས་དཔོན་གྱིས་གྱོད་དོན་ཐག་གིས་གཅོད་དུས་དྲང་པོར་བདེན་ལུགས་གནང་བ་དང་ངན་པར་ཉེས་ཆད་གཅོད་དགོས།  
\v 2 གལ་སྲིད་ནག་ཉེས་ཅན་ལ་གཅར་རྡུང་འབབ་ན། ཁྲིམས་དཔོན་གྱིས་དེ་ཉལ་དུ་བཅུག་ནས་རང་གི་མིག་ལམ་ནས་ཉེས་པའི་ཚད་བཞིན་དུ། གྲངས་ཀ་ལྟར་ལྕག་ཚན་གཞུ་དགོས།  
\v 3 ལྕག་ཚན་བཞི་བཅུ་གཞུ་རུང་བ་ལས་དེ་ལས་མང་བ་གཞུ་མི་རུང་། གལ་སྲིད་ཁྱོད་རྣམས་ཀྱིས་ཁོ་ལ་ལྕག་ཚན་དེ་ལས་མང་བ་གཞུས་ན། ཁྱོད་ཅག་གི་མིག་ལམ་ནས་སྤུན་ཟླ་དེ་ཁྱད་དུ་བསད་པ་ཡིན་ནོ། །   
\p
\v 4 གཡུལ་ཁ་གཅོག་པའི་དུས༌སུ་བ་གླང་གི་མཆུ་ཏོ་མ༌སྡོམ\f + \ft འདིར་མཆུ་ཏོ་མ་སྡོམ་ཞེས་པར་གཡུལ་གཅོག་དུས་བ་གླང་གི་ཁ་འགོག་མི་རུང་བའི་དོན་ཡིན་པར་གོ་དགོས།\f*།   
\p
\v 5 སྤུན་ཟླ་རྣམས་མཉམ་དུ་སྡོད་སྐབས་གཅིག་ལ་བུ་མེད་པར་ཤི་ན། འདས་པོའི་ཆུང་མ་མི་གཞན་པར་གཉེན་སྒྲིག་བྱེད་མི་རུང་། ཁྱོ་གའི་སྤུན་མཆེད་ཀྱིས་ཁོ་མོ་ལ་སྤུན་ཟླའི་འགན་ཁུར་ཏེ། ཁོ་མོ་ཆུང་མར་བླངས་ནས་ཁོ་མོ་དང་ལུས་འབྲེལ་བྱེད་དགོས་པ་དང་།  
\v 6 སྤུན་འདས་པོ་དེའི་མིང་ཡེས་ར་ཨེལ་ནས་ནུབ་པར་མི་འགྱུར་བའི་ཕྱིར། ཁོ་མོ་ལས་སྐྱེས་པའི་བུ་སྐྱེས་འགོ་དེ་ཁོའི་སྤུན་འདས་པོའི་མིང་ལ་དབང་དགོས།  
\v 7 གལ་སྲིད་མི་དེས་རང་གི་སྤུན་གྱི་ཆུང་མ་ལེན་མི་འདོད་ན། ཁོའི་སྤུན་གྱི་ཆུང་མ་མཁར་སྒོ་རུ་རྒན་པོ་རྣམས་ཀྱི་དྲུང་དུ་སོང་སྟེ། ངའི་ཁྱོ་གའི་སྤུན་གྱིས་ཡེས་ར་ཨེལ་ནས་རང་གི་ཕུ་བོའི་མིང་འཇོག་མི་འདོད་ལ། ངའི་ཁྱོ་གའི་སྤུན་གྱིས་ང་ལ་འགན་འཁུར་མི་འདོད་དོ་ཞེས་སྨྲ་དགོས།  
\v 8 དེ་ནས་གྲོང་ཁྱེར་དེའི་རྒན་པོ་རྣམས་ཀྱིས་མི་དེ་བོས་ནས་ཁོ་ལ་གསལ་པོོར་སྨྲ་དགོས་ཤིང་། གལ་སྲིད་དེས་ཨུ་ཚུགས་ཀྱིས་ངས་ཁོ་མོ་ལེན་མི་འདོད་ཟེར་ན།  
\v 9 ཁོའི་ཕུ་བོའི་ཆུང་མ་ནི་རྒན་པོ་རྣམས་ཀྱི་མིག་མདུན་ནས་ཁོའི་གམ་དུ་སོང་སྟེ། ཁོའི་རྐང་པ་ལས་ལྷམ་བཤུས་ནས་གདོང་ལ་མཆིལ་མ་བཏབ་སྟེ་ཁོ་ལ། རང་གི་ཕུ་བོའི་རིགས་རྒྱུད་སྐྱོང་བར་མི་དགའ་བའི་མི་ལ་འདི་ལྟར་བྱེད་དགོས་ཞེས་སྡིགས་དགོས།  
\v 10 དུས་དེ་ནས་བཟུང་ཡེས་ར་ཨེལ་ནས་མི་དེའི་མིང་ལ་ལྷམ་བཤུས་པའི་ཁྱིམ་རྒྱུད་ཅེས་འབོད་པར་འགྱུར་རོ། །   
\s1 སྒྲིག་ཁྲིམས་གཞན་རྣམས།  
\p
\v 11 གལ་ཏེ་མི་གཉིས་རྒྱག་རེས་བྱེད་པའི་ཚེ། གཅིག་གི་ཆུང་མས་རང་གི་ཁྱོ་ག་གཞན་པ་དེའི་ལག་ནས་སྐྱོབ་ཆེད་ཚུར་ཡོང་ནས་མི་དེའི་འདོམས་ལ་ལག་པས་འཇུས་ན།  
\v 12 ཁྱོད་རྣམས་ཀྱིས་སྙིང་རྗེ་མི་བསྐྱེད་པར་ཁོ་མོའི་ལག་པ་གཅོད་དགོས་སོ། །   
\p
\v 13 ཁྱོད་རྣམས་ཀྱིས་སྒྱེ་མོ་ནང་དུ་རྒྱ་རྡོ་ཆེ་ཆུང་གཉིས་མཉམ་དུ་འཇོག་མི་རུང་།  
\v 14 ཁྱོད་རྣམས་ཀྱི་ཁྱིམ་དུ་ཚད་འཇལ་ཆས་ཆེ་ཆུང་གཉིས་ཡོད་མི་རུང་།  
\v 15 ཁྱོད་རྣམས་ལ་རྒྱ་རྡོ་མཉམ་ཞིང་དྲང་བ་དང་། འཇལ་ཆས་ཚད་ལྡན་དྲང་པོ་ཞིག་ཡོད་དགོས། དེ་འདྲ་ཡོད་ན། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་གནང་བའི་ཡུལ་དུ་ཁྱོད་རྣམས་ཡུན་རིང་པོར་འཚོ་ཐུབ།  
\v 16 སུ་ཞིག་གིས་གཡོ་སྒྱུའི་སྦྱོར་བ་འདི་དག་སྤེལ་ན། དེ་ནི་ཁྱོད་རྣམས་ཀྱི་དཀོན་མཆོག་ཡ་ཝཱེ་ཞེ་ལོག་པ་ཡིན་ནོ། །   
\p
\v 17 ཁྱོད་ཅག་ཨེ་ཅིབ་ཡུལ་ནས་ཕྱི་རུ་ཐོན་པའི་ལམ་དུ། ཨ་མཱད་ལེག་པས་ཁྱོད་རྣམས་ལ་ཅི་བྱས་པ་དེ་དྲན་དགོས།  
\v 18 དེ་ཚོས་དཀོན་མཆོག་ལ་གུས་ཤིང་འཇིགས་པར་མི་བྱ་ཞིང་། ལམ་བར་དུ་ཁྱོད་རྣམས་ལ་ཇི་ལྟར་ཕྲད་པ་དང་། ཁྱོད་རྣམས་ཐང་ཆད་ནས་དཀའ་ངལ་གྱི་གནས་སུ་ལྷུང་ཡོད་དུས། ཁྱོད་རྣམས་ཀྱི་རྗེས་སུ་ལུས་པ་གཉོད་ཆུང་རྣམས་ལ་རྒོལ་བའོ། །  
\v 19 དེ་བས་ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་མཐའ་འཁོར་གྱི་དགྲ་ཐམས་ཅད་ལས་བསྐྱབས་ཤིང་། ཁོང་གིས་ཁྱོད་རྣམས་ལ་ས་སྐལ་དུ་གནང་བའི་ཡུལ་དུ་བདེ་བར་གནས་པའི་ཚེ། ཁྱོད་ཀྱིས་ཨ་མཱད་ལེག་མི་རིགས་ཀྱི་མིང་ནི་གནམ་འོག་ནས་ནུབ་པར་བྱེད་དགོས་པ་མ་བརྗེད་ཅིག   
\c 26
\cl ལེའུ་ཉེར་དྲུག་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 འབྲུ་རིགས་ཀྱི་ཐོག་ཕུད་མཆོད་པ།  
\p
\v 1 ཕྱིས་སུ་ཁྱོད་རྣམས་ཁྱོད་ཅག་གི་དཀོན་མཆོག་ཡ་ཝཱེས་ཁྱོད་རྣམས་ལ་ས་སྐལ་དུ་གནང་བའི་ཡུལ་དུ་སླེབས་ཏེ། དེ་བདག་གིར་བཟུང་ནས་དེར་གཞིས་ཆགས་པའི་ཚེ།  
\v 2 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་གནང་བའི་ཡུལ་ནས། ས་ལས་སྐྱེས་པའི་ཐོག་ཕུད་འགའ་ཤས་བླངས་ནས་གཟེབ་ཀྱི་ནང་དུ་བཞག་སྟེ། ཁྱོད་རྣམས་ཀྱི་དཀོན་མཆོག་ཡ་ཝཱེས་རང་ཉིད་ཀྱི་མཚན་འགོད་པར་བདམས་པའི་ཡུལ་དེར་འགྲོ་དགོས་ལ།  
\v 3 སྐབས་དེའི་མཆོད་དཔོན་གྱི་དྲུང་དུ་སོང་ནས་ཁོ་ལ་འདི་ལྟར། ངས་དེ་རིང་ཁྱེད་ཀྱི་དཀོན་མཆོག་ཡ་ཝཱེ་ལ་ར་སྤྲོད་བྱ་སྟེ། ང་རང་དཀོན་མཆོག་ཡ་ཝཱེས་རང་ཅག་གི་ཕ་མེས་རྣམས་ལ་གནང་བར་མནའ་དང་བཅས་ཞལ་བཞེས་གནང་བའི་ཡུལ་དེར་སླེབས་པ་ཡིན་ཞེས་སྨྲ་དགོས།  
\v 4 དེ་ནས་མཆོད་དཔོན་གྱིས་ཁྱོད་རྣམས་ཀྱི་ལག་ནས་གཟེབ་བླངས་ཏེ། ཁྱོད་ཅག་གི་དཀོན་མཆོག་ཡ་ཝཱེའི་མཆོད་ཁྲིའི་མདུན་དུ་འཇོག་དགོས་སོ། །   
\p
\v 5 དེ་ནས་ཁྱོད་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེའི་དྲུང་ནས་འདི་ལྟར། ང་ཚོའི་ཕ་མེས་ནི་ཨ་རམ་པ་འཁྱམས་པོ་ཞིག་ཡིན། ཁོ་རང་མར་ཨེ་ཅིབ་ཡུལ་དུ་སོང་ནས་དེར་བསྡད་པ་དང་། མི་གྲངས་ཉུང་ཉུང་ཞིག་ལས་མེད་ནའང་ཡུལ་དེ་རུ་མི་རིགས་ཆེན་པོ་སྟོབས་དང་ལྡན་པ། མི་གྲངས་ཀྱང་མང་པོ་ཞིག་ཏུ་གྱུར་པ་རེད།  
\v 6 ཨེ་ཅིབ་པ་རྣམས་ཀྱིས་ངེད་ཅག་ལ་ངན་བྱས་ཤིང་གནོད་འཚེ་བཏང་ནས་སྡུག་ལས་བཀལ་བ་དང་།  
\v 7 ངེད་ཅག་གིས་ཕ་མེས་ཀྱི་དཀོན་མཆོག་ཡ་ཝཱེའི་ཕྱོགས་སུ་འོ་དོད་བཏོན་པའི་ཚེ། དཀོན་མཆོག་ཡ་ཝཱེས་ངེད་ཅག་གི་ཞུ་འབོད་གསན་ཞིང་། ངེད་ཅག་གི་གོད་ཆག་དང་དཀའ་ལས། གཉའ་གནོན་བཅས་གཟིགས་ནས།  
\v 8 དཀོན་མཆོག་ཡ་ཝཱེས་མཐུ་ལྡན་གྱི་ཕྱག་དང་ཕྱི་རུ་བརྐྱངས་པའི་དཔུང་པ། འཇིགས་སུ་རུང་བའི་དོན་ཆེན་པོ་དང་། གྲུབ་རྟགས་དང་དོན་ངོ་མཚར་ཅན་བཅས་ཀྱི་སྒོ་ནས་ངེད་ཅག་ཨེ་ཅིབ་ཡུལ་ནས་ཕྱི་རུ་ཁྲིད་འོངས་པ་དང་།  
\v 9 ངེད་ཅག་གནས་འདིར་ཁྲིད་འོངས་ནས་འོ་མ་དང་སྦྲང་རྩི་བཞུར་བའི་ཡུལ་འདི་ངེད་ཅག་ལ་གནང་།  
\v 10 ཀྱེ་དཀོན་མཆོག་ཡ་ཝཱེ་ལགས། ད་ནི་ཁྱེད་ཀྱིས་གཟིགས་དང་། ང་ཚོས་ཁྱེད་ཀྱིས་ངེད་ཅག་ལ་གནང་བའི་ཡུལ་འདིའི་ས་ལས་སྐྱེས་པའི་ཐོག་ཕུད་རྣམས་ཁྱེད་ལ་ཁྱེར་འོངས་པ་ཡིན་ཞེས་ཞུས་ནས། གཟེབ་ནི་དཀོན་མཆོག་ཡ་ཝཱེའི་དྲུང་དུ་བཞག་སྟེ་ཁྱོད་རྣམས་ཀྱི་དཀོན་མཆོག་ཡ་ཝཱེའི་དྲུང་དུ་ཕྱག་འཚལ་དགོས།  
\v 11 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་རྣམས་དང་ཁྱོད་ཅག་གི་ཁྱིམ་ལ་གནང་བའི་ཕན་ཆ་ཐམས་ཅད་ཀྱི་ཕྱིར་དུ། ལེ་ཝི་པ་དང་ཁྱོད་རྣམས་ཀྱི་ཁྲོད་དུ་ཡོད་པའི་བྱེས་པ་རྣམས་དང་མཉམ་དུ་སྤྲོ་སྐྱིད་ལ་རོལ་དགོས་སོ། །   
\p
\v 12 ཁྱོད་རྣམས་ཀྱིས་བཅུ་ཆ་གཅིག་འབུལ་བའི་ལོ་གསུམ་པར། འབྲས་བུ་ཀུན་གྱི་བཅུ་ཆའི་གཅིག་ཡོངས་སུ་བླངས་ནས་ལེ་ཝི་པ་དང་བྱེས་པ་དང་། དྭ་ཕྲུག་དང་ཡུགས་མོ་རྣམས་ལ་བགོས་ནས། དེ་དག་གིས་ཁྱོད་རྣམས་ཀྱི་གྲོང་རྡལ་དུ་བཟའ་བཏུང་ཚིམ་པར་སྤྱད་རྗེས།  
\v 13 ཁྱོད་རྣམས་ཀྱིས་རང་གི་དཀོན་མཆོག་ཡ་ཝཱེའི་དྲུང་ནས་འདི་ལྟར། ང་ཚོས་མཆོད་རྫས་དམ་པ་དེ་རང་ཁྱིམ་ནས་སྤར་ཅིང་། ཁྱེད་ཀྱིས་ངེད་ཅག་ལ་བསྒོས་པའི་བཀའ་རྒྱ་ཐམས་ཅད་ལྟར། དེ་དག་ལེ་ཝི་པ་དང་བྱེས་པ་དང་། དྭ་ཕྲུག་དང་ཡུགས་མོ་རྣམས་ལ་བགོས་པ་ཡིན། ཁྱེད་ཀྱི་བཀའ་དང་འགལ་མེད་ལ་དེ་དག་བརྗེད་ཀྱང་མེད།  
\v 14 ང་ཚོས་མྱ་ངན་བྱེད་དུས་སུ་མཆོད་རྫས་དམ་པ་འདི་ཟོས་མེད་ལ། ངེད་རྣམས་གཙང་མ་མིན་དུས་སུ་ང་ཚོས་དེ་སྤར་བ་མིན། དེ་ལས་གང་ཡང་འདས་པོའི་དོན་དུ་སྤྲད་མེད། ང་ཚོས་རང་གི་དཀོན་མཆོག་ཡ་ཝཱེའི་གསུང་སྐད་ལ་མཉན་ནས་ཁྱེད་ཀྱིས་ངེད་རྣམས་ལ་བསྒོས་པ་ཇི་བཞིན་བསྒྲུབས་པ་ཡིན།  
\v 15 ཁྱེད་ཀྱི་བཞུགས་གནས་དམ་པ་ནམ་མཁའི་མཐོངས་ནས་གཟིགས་ཏེ། ཁྱེད་ཀྱི་འབངས་མི་ཡེས་ར་ཨེལ་དང་། ཁྱེད་ཀྱིས་ངེད་ཅག་གི་ཕ་མེས་ལ་མནའ་དང་བཅས་ཞལ་བཞེས་གནང་བའི་འོ་མ་དང་སྦྲང་རྩི་བཞུར་བའི་ཡུལ་ལྗོངས་ལ་བྱིན་རླབས་མཛད་དུ་གསོལ་ཞེས་ཞུ་དགོས་སོ། །   
\p
\v 16 དེ་རིང་གི་ཉིན་མོ་འདིར་ཁྱོད་ཅག་གི་དཀོན་མཆོག་ཡ་ཝཱེས་ཁྱོད་རྣམས་ལ་སྒྲིག་ཁྲིམས་དང་སྲོལ་ཡིག་དེ་དག་བསྲུང་དགོས་པའི་བཀའ་གནང་ཡོད་པས། ཁྱོད་རྣམས་ཀྱིས་བློ་གཅིག་སེམས་གཅིག་གིས་དེ་དག་བསྲུངས་ནས་བསྒྲུབ་དགོས་པ་ཡིན།  
\v 17 དེ་རིང་ཁྱོད་རྣམས་ཀྱིས་དཀོན་མཆོག་ཡ་ཝཱེ་ནི་ཁྱོད་ཅག་གི་དཀོན་མཆོག་ཡིན་པ་ཁས་བླངས་པ་དང་། ཁྱོད་རྣམས་ཁོང་གི་ལམ་དུ་བསྐྱོད་ཅིང་། ཁོང་གི་སྒྲིག་ཁྲིམས་དང་བཀའ་རྒྱ། སྲོལ་ཡིག་བཅས་བསྲུངས་ཏེ། ཁོང་གི་གསུང་སྐད་ལ་མཉན་པར་བྱའོ། །  
\v 18 དེ་རིང་དཀོན་མཆོག་ཡ་ཝཱེས་ཁོང་གི་ཞལ་བཞེས་ལྟར་ཁྱོད་ཅག་ནི་ཁོང་གི་འབངས་མི་ཡིན་པར་བསྒྲགས་ཤིང་། ཁྱོད་རྣམས་ཀྱིས་དཀོན་མཆོག་ཡ་ཝཱེའི་བཀའ་རྒྱ་ཐམས་ཅད་བསྲུང་དགོས་ལ།  
\v 19 ཁོང་གིས་ཁྱོད་རྣམས་ལ་ཉིད་ཀྱིས་བཀོད་པའི་མི་རིགས་ཐམས་ཅད་ལས་ལྷག་པའི་བསྟོད་བསྔགས་དང་སྙན་གྲགས། བཀུར་བསྟི་བཅས་འཐོབ་པར་བྱ་ཞིང་། ཁོང་གིས་གསུངས་པ་ནང་བཞིན། ཁྱོད་རྣམས་ཁྱོད་ཅག་གི་དཀོན་མཆོག་ཡ་ཝཱེའི་དོན་དུ་དམ་པའི་འབངས་མི་ཡིན་དགོས་སོ། །   
\c 27
\cl ལེའུ་ཉེར་བདུན་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 ཨེ༌བཱལ་རི་བོའི་མཆོད་ཁྲི།  
\p
\v 1 དེ་ཡང་མོ་ཤེ་དང་ཡེས་ར་ཨེལ་གྱི་རྒན་པོ་རྣམས་ཀྱིས་མི་ཚོགས་ལ་འདི་ལྟར། ངས་དེ་རིང་ཁྱོད་ཅག་ལ་གདམས་པའི་བཀའ་རྒྱ་ཐམས་ཅད་སྲུངས་ཤིག  
\v 2 ཁྱོད་རྣམས་ཕྱིས་སུ་ཡོར་དན་གཙང་པོ་བརྒལ་ནས། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་གནང་བའི་ཡུལ་དུ་སླེབས་པའི་ཉིན་མོར། ཁྱོད་ཅག་གིས་རྡོ་ཆེན་པོ་རྣམས་བརྩིགས་ནས་དེར་དཀར་རྩི་བྱུག་དགོས།  
\v 3 ཡང་ཁྱོད་རྣམས་གཙང་པོའི་ཕ་རོལ་ཏུ་བརྒལ་རྗེས་བཀའ་ཁྲིམས་འདིའི་གསུང་ཐམས་ཅད་རྡོ་དེ་དག་གི་སྟེང་ཕྲིས་དང་། དེ་ནས་ཁྱོད་རྣམས་ཀྱི་ཕ་མེས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་ཞལ་གྱིས་བཞེས་པ་བཞིན། ཁྱོད་ཅག་གི་དཀོན་མཆོག་ཡ་ཝཱེས་ཁྱོད་ཅག་ལ་གནང་བའི་ཡུལ་ཏེ་འོ་མ་དང་སྦྲང་རྩི་བཞུར་བའི་ཡུལ་དུ་ཁྱོད་རྣམས་འགྲོ་ཐུབ་པ་ཡིན།  
\v 4 དེའི་ཕྱིར་ཕྱིས་སུ་ཁྱོད་རྣམས་ཡོར་དན་གཙང་པོ་བརྒལ་རྗེས། ངས་དེ་རིང་ཁྱོད་ཅག་ལ་ཅི་བསྒོས་པ་ནང་བཞིན་རྡོ་འདི་རྣམས་རི་བོ་ཨེ་བཱལ་དུ་བརྩིགས་ནས་དཀར་རྩི་བྱུག་དགོས།  
\v 5 དེ་རུ་ཁྱོད་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེ་ལ་རྡོ་ཡི་མཆོད་ཁྲི་ཞིག་བཟོ་དགོས། དེ་ལ་ལྕགས་ཀྱི་ཡོ་བྱད་གང་ཡང་སྤྱོད་མི་རུང་།  
\v 6 ཁྱོད་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེའི་མཆོད་ཁྲི་ནི་བཅད་གཏུབ་བྱས་མེད་པའི་རྡོ་ཡིས་བཟོ་དགོས་ལ། དེའི་ཁར་ཁྱོད་རྣམས་ཀྱི་དཀོན་མཆོག་ཡ་ཝཱེ་ལ་སྦྱིན་སྲེག་གི་མཆོད་པ་རྣམས་འབུལ་དགོས།  
\v 7 ཞི་བདེའི་མཆོད་པ་རྣམས་ཀྱང་ཕུལ་ནས་གནས་དེར་བཟའ་དགོས་ཤིང་། ཁྱོད་རྣམས་ཀྱི་དཀོན་མཆོག་ཡ་ཝཱེའི་དྲུང་ནས་སྤྲོ་སྐྱིད་ལ་རོལ་དགོས།  
\v 8 ཁྱོད་རྣམས་ཀྱིས་བཀའ་ཁྲིམས་འདིའི་གསུང་ཐམས་ཅད་རྡོ་རྣམས་ཀྱི་སྟེང་དུ་གསལ་པོོར་འབྲི་དགོས་ཞེས་བསྒོས་སོ། །   
\s1 རི་བོ་ཨེ་བཱལ་ནས་དམོད་མོ་བཏབ་པ།  
\p
\v 9 དེ་ནས་མོ་ཤེ་དང་ལེ་ཝི་ཚོ་པའི་མཆོད་དཔོན་རྣམས་ཀྱིས་ཡེས་ར་ཨེལ་པ་ཐམས་ཅད་ལ། ཀྱེ་ཡེས་ར་ཨེལ་པ་རྣམས། ཁུ་སིམ་མར་སྡོད་ལ་ཉོན་ཅིག དེ་རིང་གི་ཉིན་འདིར་ཁྱོད་རྣམས་ནི་ཁྱོད་ཅག་གི་དཀོན་མཆོག་ཡ་ཝཱེའི་འབངས་མི་རུ་གྱུར་པ་ཡིན་པས།  
\v 10 ཁྱོད་རྣམས་ཀྱི་དཀོན་མཆོག་ཡ་ཝཱེའི་གསུང་ལ་ཉན་དགོས་ཤིང་། ངས་དེ་རིང་ཁྱོད་ཅག་ལ་བསྒོས་པའི་ཁོང་གི་བཀའ་རྒྱ་དང་སྒྲིག་ཁྲིམས་རྣམས་སྲུངས་ཤིག་ཅེས་སྨྲས་སོ།།   
\p
\v 11 ཉིན་དེར་མོ་ཤེ་ཡིས་མི་རྣམས་ལ་འདི་ལྟར།  
\v 12 ཁྱོད་རྣམས་ཡོར་དན་གཙང་པོའི་ཕ་རོལ་ཏུ་བརྒལ་བའི་རྗེས་སུ། སི་མུ་ཨོན་དང་། ལེ་ཝི་དང་། ཡ་ཧུ་དཱ་དང་། ཡེས་སི་ཀཱར་དང་། ཡོ་སེབ་དང་། པེན་ཡཱ་མེན་བཅས་ཚོ་པའི་མི་རྣམས་གེ་རི་ཟིམ་རི་བོར་ལངས་བསྡད་ནས་མི་མང་ལ་བྱིན་རླབས་གནང་དགོས།  
\v 13 ཡང་རུ་བེན་དང་། གཱ་རྡུ་དང་། ཨ་ཤེར་དང་། ཟེ་བུ་ལུན་དང་། དཱན་དང་། ནཱབ་ཐ་ལི་བཅས་ཚོ་པའི་མི་རྣམས་ཨེ་བཱལ་རི་བོར་ལངས་བསྡད་ནས་དམོད་ཚིག་བསྒྲག་དགོས།  
\v 14 ལེ་ཝི་པ་རྣམས་ཀྱིས་ཡེས་ར་ཨེལ་གྱི་མི་ཐམས་ཅད་ལ་སྐད་ཆེན་པོས་འདི་ལྟར་བསྒྲག་དགོས་ཏེ།   
\p
\v 15 མི་ལག་ཤེས་པ་ཞིག་གིས་རང་གི་ལག་པར་བརྟེན་ནས་དཀོན་མཆོག་ཡ་ཝཱེ་ཞེ་ལོག་པའི་སྐུ་བརྙན་དང་བླུགས་སྐུ་བཟོས་ཏེ་གསང་བའི་སྒོ་ནས་དེ་དག་ཡར་བསླངས་ན། མི་དེ་ལ་དམོད་པ་ཕོག་གྱུར་ཅིག་ཅེས་པའི་ལན་དུ། མི་ཐམས་ཅད་ཀྱིས་ཨ་མེན་ཞེས་ཞུ་དགོས།   
\p
\v 16 རང་གི་ཕ་མ་ལ་གུས་ཞབས་མེད་པའི་མི་ལ་དམོད་པ་ཕོག་གྱུར་ཅིག་ཅེས་པའི་ལན་དུ། མི་ཐམས་ཅད་ཀྱིས་ཨ་མེན་ཞེས་ཞུ་དགོས།   
\p
\v 17 རང་གི་ཁྱིམ་མཚེས་ཀྱི་ས་རྟགས་བསྣུར་བའི་མི་ལ་དམོད་པ་ཕོག་གྱུར་ཅིག་ཅེས་པའི་ལན་དུ། མི་ཐམས་ཅད་ཀྱིས་ཨ་མེན་ཞེས་ཞུ་དགོས།   
\p
\v 18 མི་ལོང་བ་ཞིག་ལོག་ལམ་དུ་འཁྲིད་མཁན་དེ་ལ་དམོད་པ་ཕོག་གྱུར་ཅིག་ཅེས་པའི་ལན་དུ། མི་ཐམས་ཅད་ཀྱིས་ཨ་མེན་ཞེས་ཞུ་དགོས་སོ།།   
\p
\v 19 བྱེས་པ་དང་དྭ་ཕྲུག ཡུགས་མོ་བཅས་ལ་དྲང་བདེན་ལོག་སྤྱོད་བྱེད་པའི་མི་ལ་དམོད་པ་ཕོག་གྱུར་ཅིག་ཅེས་པའི་ལན་དུ། མི་ཐམས་ཅད་ཀྱིས་ཨ་མེན་ཞེས་ཞུ་དགོས།   
\p
\v 20 སུ་ཞིག་ཕ་ཡི་ཆུང་མ་དང་ལུས་འབྲེལ་བྱས་ན། དེས་རང་གི་ཕ་ཡི་སྨད་གོས་བཤུས་པ་ཡིན་པས་དེ་ལ་དམོད་པ་ཕོག་གྱུར་ཅིག་ཅེས་པའི་ལན་དུ། མི་ཐམས་ཅད་ཀྱིས་ཨ་མེན་ཞེས་ཞུ་དགོས།   
\p
\v 21 དུད་འགྲོ་གང་རུང་དང་འཁྲིག་པ་སྤྱོད་པའི་མི་ལ་དམོད་པ་ཕོག་གྱུར་ཅིག་ཅེས་པའི་ལན་དུ། མི་ཐམས་ཅད་ཀྱིས་ཨ་མེན་ཞེས་ཞུ་དགོས།   
\p
\v 22 ཕ་གཅིག་མ་གཉིས་དང་ཡང་ན་མ་གཅིག་ཕ་གཉིས་ཀྱི་ལྕམ་སྲིང་དང་ལུས་འབྲེལ་བྱེད་པའི་མི་ལ་དམོད་པ་ཕོག་གྱུར་ཅིག་ཅེས་པའི་ལན་དུ། མི་ཐམས་ཅད་ཀྱིས་ཨ་མེན་ཞེས་ཞུ་དགོས།   
\p
\v 23 རང་གི་སྒྱུག་མོ་དང་ལུས་འབྲེལ་བྱེད་པའི་མི་ལ་དམོད་པ་ཕོག་གྱུར་ཅིག་ཅེས་པའི་ལན་དུ། མི་ཐམས་ཅད་ཀྱིས་ཨ་མེན་ཞེས་ཞུ་དགོས།   
\p
\v 24 རང་གི་ཁྱིམ་མཚེས་གསང་སྟབས་ཀྱིས་གསོད་པའི་མི་ལ་དམོད་པ་ཕོག་གྱུར་ཅིག་ཅེས་པའི་ལན་དུ། མི་ཐམས་ཅད་ཀྱིས་ཨ་མེན་ཞེས་ཞུ་དགོས།   
\p
\v 25 གསུག་བླངས་ནས་མི་ཉེས་མེད་ཀྱི་སྲོག་གཅོད་མཁན་ལ་དམོད་པ་ཕོག་གྱུར་ཅིག་ཅེས་པའི་ལན་དུ། མི་ཐམས་ཅད་ཀྱིས་ཨ་མེན་ཞེས་ཞུ་དགོས།   
\p
\v 26 སུ་ཞིག་གིས་བཀའ་ཁྲིམས་ཀྱི་གསུང་འདི་དག་ནང་བཞིན་བསྒྲུབས་ནས་བརྟན་པོར་མི་བསྲུང་བ་དེ་ལ་དམོད་པ་ཕོག་གྱུར་ཅིག་ཅེས་པའི་ལན་དུ། མི་ཐམས་ཅད་ཀྱིས་ཨ་མེན་ཞེས་ཞུ་དགོས་སོ།།   
\c 28
\cl ལེའུ་ཉེར་བརྒྱད་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 བཀའ་བརྩི་མཁན་ལ་བྱིན་རླབས་ཐོབ་པ།  
\p
\v 1 གལ་སྲིད་ཁྱོད་རྣམས་ཀྱིས་དངོས་གནས་ཁྱོད་ཅག་གི་དཀོན་མཆོག་ཡ་ཝཱེའི་གསུང་ལ་མཉན་ཏེ། ངས་དེ་རིང་ཁྱོད་རྣམས་ལ་བསྒོས་པའི་ཁོང་གི་བཀའ་རྒྱ་ཐམས་ཅད་བསྲུངས་ནས་བསྒྲུབས་ན། ཁྱོད་རྣམས་ཀྱི་དཀོན་མཆོག་ཡ་ཝཱེས་ས་སྟེང་གི་མི་རིགས་ཐམས་ཅད་ལས་ཁྱོད་མཐོ་སར་འཇོག་གོ །  
\v 2 ཁྱོད་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེའི་གསུང་ལ་མཉན་ན། བྱིན་རླབས་འདི་ཐམས་ཅད་ཁྱོད་རྣམས་ལ་འཐོབ་ཅིང་། ཁྱོད་རྣམས་བསྙེག་པར་བྱ།  
\v 3 ཁྱོད་རྣམས་ལ་གྲོང་ཁྱེར་ནས་བྱིན་རླབས་འཐོབ་ལ། ས་ཞིང་ནས་ཀྱང་བྱིན་རླབས་འཐོབ།  
\v 4 ཁྱོད་རྣམས་ཀྱི་རུས་རྒྱུད་དང་། ཞིང་གི་ལོ་ཏོག་དང་། ཕྱུགས་ཀྱི་རྒྱུད་པ་དང་། བ་གླང་གི་འཕེལ་ཐོག་དང་། ར་ལུག་གི་འཕེལ་ཀ་རྣམས་ལ་བྱིན་རླབས་འཐོབ།  
\v 5 ཁྱོད་རྣམས་ཀྱི་གཟེབ་དང་རྫི་གཞོང་ལ་བྱིན་རླབས་འཐོབ།  
\v 6 ཁྱོད་རྣམས་ནང་ལ་ཡོང་དུས་དང་ཕྱི་ལ་འགྲོ་དུས་ཀྱང་བྱིན་རླབས་འཐོབ་བོ། །   
\p
\v 7 ཡར་ལངས་ནས་ཁྱོད་རྣམས་ལ་རྒོལ་བའི་དགྲ་རྣམས་ནི་དཀོན་མཆོག་ཡ་ཝཱེས་ཁྱོད་ཅག་གི་མདུན་དུ་ཕམ་པར་མཛད་ཅིང་། དེ་དག་ལམ་གཅིག་ནས་ཁྱོད་རྣམས་ལ་རྒོལ་བར་འོངས་ནའང་། ཁྱོད་རྣམས་ཀྱི་མདུན་དུ་ཁོ་ཚོ་ལམ་བདུན་ནས་འབྲོ་བར་འགྱུར།  
\v 8 ཁྱོད་རྣམས་ཀྱི་འབྲུ་མཛོད་རྣམས་དང་ཁྱོད་ཅག་གི་ལག་པས་བསྒྲུབས་པ་ཐམས་ཅད་ལ་དཀོན་མཆོག་ཡ་ཝཱེས་བྱིན་རླབས་འབེབ་ཅིང་། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་གནང་བའི་ཡུལ་དུ་ཁོང་གིས་ཁྱོད་ཅག་ལ་བྱིན་རླབས་གནང་ངེས་ཡིན།  
\v 9 གལ་སྲིད་ཁྱོད་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེའི་བཀའ་རྣམས་བསྲུངས་ཏེ། ཁོང་གི་ཕེབས་ལམ་དུ་བསྐྱོད་པ་ཡིན་ན། ཁོང་གིས་ཁྱོད་ཅག་ལ་ཇི་ལྟར་མནའ་བཞེས་པ་བཞིན། ཁྱོད་རྣམས་ཁོང་གི་འབངས་མི་དམ་པ་རུ་མཛད་ངེས།  
\v 10 ཡང་ས་སྟེང་གི་མི་ཐམས་ཅད་ཀྱིས་ཁྱོད་ཅག་ནི་དཀོན་མཆོག་ཡ་ཝཱེའི་མཚན་ལ་གཏོགས་པའི་མི་ཡིན་པ་མཐོང་སྟེ། ཁོ་ཚོ་ཁྱོད་རྣམས་ལ་འཇིགས་པར་འགྱུར།  
\v 11 དཀོན་མཆོག་ཡ་ཝཱེས་ཁྱོད་རྣམས་ཀྱི་ཕ་མེས་རྣམས་ལ་མནའ་དང་བཅས་ཞལ་བཞེས་གནང་བའི་ཡུལ་དུ། ཁོང་གིས་ཁྱོད་རྣམས་ཀྱི་རུས་རྒྱུད་དང་ཕྱུགས་ཀྱི་འཕེལ་ཐོག་དང་། ཞིང་གི་ལོ་ཏོག་བཅས་ཐམས་ཅད་རྒྱས་པར་བྱའོ། །  
\v 12 དཀོན་མཆོག་ཡ་ཝཱེས་ཁོང་གི་ནམ་མཁའི་གཏེར་མཛོད་ཀྱི་སྒོ་མོ་ཁྱོད་རྣམས་ལ་ཕྱེས་ཏེ། དུས་ལྟར་ཁྱོད་རྣམས་ཀྱི་ཡུལ་དུ་ཆར་ཆུ་འབེབ་པ་དང་། ཁྱོད་རྣམས་ཀྱི་ལག་ནས་སྒྲུབ་པ་ཐམས་ཅད་ལ་བྱིན་རླབས་མཛད་ཅིང་། ཁྱོད་རྣམས་ཀྱིས་མི་རིགས་མང་པོར་བུ་ལོན་བཏང་ནའང་། ཁྱོད་ཅག་གིས་དེ་དག་ནས་བུ་ལོན་གཡར་མི་དགོས།  
\v 13 ཁྱོད་རྣམས་ཀྱི་དཀོན་མཆོག་ཡ་ཝཱེའི་བཀའ་རྒྱ་སྟེ་ངས་དེ་རིང་ཁྱོད་ཅག་ལ་བསྒོས་པ་རྣམས་ལ་མཉན་པ་དང་། དེ་བསྲུངས་ནས་བསྒྲུབས་པ་ཡིན་ན། དཀོན་མཆོག་ཡ་ཝཱེས་ཁྱོད་ཅག་དབུ་རུ་མཛད་པ་ལས་མཇུག་མ་རུ་མི་མཛད་ཅིང་། ཁྱོད་རྣམས་གོང་དུ་འཇོག་པ་ལས་ཞོལ་དུ་མི་བསྐྱུར་རོ། །  
\v 14 ལྷ་གཞན་དག་གི་རྗེས་སུ་འབྲངས་ནས་དེ་དག་ལ་བསྙེན་བཀུར་མི་བྱ་བའི་ཆེད་དུ། ངས་དེ་རིང་ཁྱོད་ཅག་ལ་བསྒོས་པའི་གཏམ་གང་ལས་ཀྱང་གཡས་སམ་གཡོན་དུ་གཟུར་བར་མི་བྱའོ། །   
\s1 བཀའ་མི་བརྩི་མཁན་ལ་དམོད་མོ་ཕོག་པ།  
\p
\v 15 གལ་སྲིད་ཁྱོད་རྣམས་ཀྱི་དཀོན་མཆོག་ཡ་ཝཱེའི་གསུང་ལ་མི་ཉན་ཞིང་། ངས་དེ་རིང་ཁྱོད་རྣམས་ལ་གདམས་པའི་བཀའ་རྒྱ་དང་སྒྲིག་ཁྲིམས་རྣམས་མི་བསྲུང་མི་བསྒྲུབ་ན། དམོད་པ་འདི་ཐམས་ཅད་ཁྱོད་རྣམས་ལ་ཕོག་ཅིང་དེས་ཁྱོད་ཅག་ཟིན་པར་འགྱུར།  
\v 16 ཁྱོད་རྣམས་ལ་གྲོང་ཁྱེར་ནས་དམོད་པ་ཕོག་ཅིང་། ས་ཞིང་ནས་ཀྱང་དམོད་པ་ཕོག  
\v 17 ཁྱོད་རྣམས་ཀྱི་གཟེབ་དང་རྫི་གཞོང་ལ་དམོད་པ་ཕོག  
\v 18 ཁྱོད་རྣམས་ཀྱི་རུས་རྒྱུད་དང་། ཞིང་གི་ལོ་ཏོག་དང་། བ་གླང་གི་འཕེལ་ཐོག་དང་། ར་ལུག་གི་འཕེལ་ཀ་རྣམས་ལ་དམོད་པ་ཕོག  
\v 19 ཁྱོད་རྣམས་ནང་ལ་ཡོང་དུས་དམོད་པ་ཕོག་ཅིང་། ཕྱི་ལ་འགྲོ་དུས་ཀྱང་དམོད་པ་ཕོག་གོ །   
\p
\v 20 ཁྱོད་རྣམས་ཀྱིས་ལས་ངན་པ་བྱས་ནས་ང་རང་སྤངས་པ་ཡིན་པས། ཁྱོད་རྣམས་མགྱོགས་པོར་ནུབ་ཅིང་མེད་པར་འགྲོ་བའི་བར་དུ། ཁྱོད་རྣམས་ཀྱིས་ལག་ནས་ཅི་བསྒྲུབས་ཀྱང་། དཀོན་མཆོག་ཡ་ཝཱེས་ཁྱོད་ཅག་ལ་དམོད་པ་དང་རྙོག་ཟིང་། བཀའ་བཀྱོན་བཅས་འབེབ་པར་འགྱུར།  
\v 21 དཀོན་མཆོག་ཡ་ཝཱེས་ཁྱོད་རྣམས་བདག་གིར་ལེན་པར་འགྲོ་བའི་ཡུལ་དུ་མེད་པར་མཛད་པའི་བར་དུ། ཁྱོད་རྣམས་ལ་ནད་ཡམས་ཆེན་པོ་འབྱུང་བར་བྱ་སྟེ།  
\v 22 དཀོན་མཆོག་ཡ་ཝཱེས་ཁྱོད་རྣམས་ལ་གློ་ནད་དང་། ཚ་ནད་དང་། འདར་ནད་དང་། གཉན་ཚད་དང་། འཐབ་འཁྲུག་དང་། ཐན་པ་དང་། གཡའ་སྤུ་བཅས་འབྱུང་དུ་བཅུག་སྟེ། ཁྱོད་ཅག་རྩ་མེད་འགྲོ་བའི་བར་དུ་ནད་རིགས་དེ་དག་གིས་ཁྱོད་རྣམས་འདེད་ངེས་ཡིན།  
\v 23 ཁྱོད་རྣམས་ཀྱི་མགོ་ཐོག་གི་ནམ་མཁའ་ནི་ལི་དང་། ཁྱོད་རྣམས་ཀྱི་རྐང་འོག་གི་ས་གཞི་ནི་ལྕགས་ལྟར་འགྱུར།  
\v 24 དཀོན་མཆོག་ཡ་ཝཱེས་ཁྱོད་རྣམས་ཀྱི་ཡུལ་གྱི་ཆར་བ་ཐལ་རྡུལ་ལ་བསྒྱུར་ནས། ཁྱོད་རྣམས་མེད་པར་མ་བཏང་བར་དུ་ནམ་མཁའ་ནས་ཁྱོད་རྣམས་ཀྱི་སྟེང་དུ་ས་རྡུལ་འབབ་བོ། །   
\p
\v 25 དཀོན་མཆོག་ཡ་ཝཱེས་ཁྱོད་ཅག་དགྲ་རྣམས་ཀྱི་མདུན་དུ་ཕམ་པར་མཛད་ཅིང་། ཁྱོད་རྣམས་ལམ་གཅིག་ནས་དེ་དག་ལ་རྒོལ་བར་སོང་ནའང་། དེ་དག་གི་མདུན་དུ་ཁྱོད་རྣམས་ལམ་བདུན་ནས་འབྲོ་བ་དང་། ས་གཞིའི་རྒྱལ་ཁམས་ཐམས་ཅད་ཁྱོད་རྣམས་ལ་འཇིགས་པར་འགྱུར།  
\v 26 ཁྱོད་རྣམས་ཀྱི་བེམ་པོ་ནི་བར་སྣང་གི་འདབ་ཆགས་དང་ས་གཞིའི་གཅན་གཟན་རྣམས་ཀྱི་ཁ་ཟས་བྱེད་ཅིང་། དེ་དག་དཀྲོགས་ནས་བདའ་མཁན་གཅིག་ཀྱང་མེད་དོ། །   
\p
\v 27 དཀོན་མཆོག་ཡ་ཝཱེས་ཁྱོད་རྣམས་ལ་ཨེ་ཅིབ་ཡུལ་གྱི་གཉན་ནད་དང་གཞང་འབྲུམ་དང་། པགས་ནད་དང་ཟ་འཕྲུག་སོགས་གསོ་ཐབས་མེད་པའི་ན་ཚ་ཕོག་པར་མཛད།  
\v 28 དཀོན་མཆོག་ཡ་ཝཱེས་ཁྱོད་རྣམས་ལ་སྨྱོ་ནད་དང་། ལོང་པ་དང་སྙིང་ཁམས་འཁྲུག་པ་བཅས་ཀྱི་ན་ཚ་ཕོག་པར་མཛད།  
\v 29 མི་ལོང་པ་ཞིག་གིས་མུན་ནག་ནང་དུ་ལག་ཉུལ་བྱེད་པ་ཇི་བཞིན། ཁྱོད་རྣམས་ཀྱིས་ཉིན་གུང་གི་སྐབས་སུ་ལག་ཉུལ་བྱེད་ཅིང་། རང་གི་ལམ་ལ་བཀྲ་མི་ཤིས། རྟག་པར་བརྙས་བཅོས་དང་འཕྲོག་བཅོམ་ཐེབས་ངེས་ལ། ཁྱོད་ཅག་སྐྱོབ་མཁན་སུ་ཡང་མེད་དོ། །  
\v 30 ཁྱོད་རྣམས་ཀྱིས་བུད་མེད་ཅིག་དང་གཉེན་རྟགས་བརྒྱབ་ནའང་མི་གཞན་གྱིས་དེ་ལ་བཙན་གཡེམ་བྱེད། ཁྱོད་རྣམས་ཀྱིས་ཁང་པ་བརྩིགས་ཀྱང་ཁྱོད་ཅག་དེའི་ནང་དུ་འདུག་མི་ཐུབ། ཁྱོད་རྣམས་ཀྱིས་རྒུན་ཚལ་བཙུགས་ཀྱང་དེའི་འབྲས་བུ་ལོངས་སུ་སྤྱོད་མི་ཐུབ།  
\v 31 ཁྱོད་རྣམས་ཀྱི་བ་གླང་ཁྱོད་ཅག་གི་མིག་ལམ་ནས་བཤས་ཀྱང་དེའི་ཤ་བཟའ་མི་ཐུབ། ཁྱོད་རྣམས་ཀྱི་བོང་བུ་ཁྱོད་ཅག་གི་མདུན་ནས་ཕྲོགས་ཏེ་ཁྲིད་ན་ཡང་དེ་ཁྱོད་རྣམས་ལ་ཕྱིར་མི་འཐོབ། ཁྱོད་རྣམས་ཀྱི་ར་ལུག་གི་ཁྱུ་ཁྱོད་ཅག་གི་དགྲ་རྣམས་ལ་སྤྲོད་ཅིང་དེ་སྐྱོབ་མཁན་སུ་ཡང་མེད།  
\v 32 ཁྱོད་རྣམས་ཀྱི་བུ་དང་བུ་མོ་རྣམས་མི་རིགས་གཞན་ལ་སྤྲོད་པ་དང་། ཁྱོད་རྣམས་ཀྱིས་ཉིན་རེར་རེ་ལྟོས་བྱས་ནས་མིག་དབང་ཉམས་པའི་ཚད་ལ་སླེབས་ནའང་། ཁྱོད་རྣམས་ཀྱིས་ཁོ་ཚོ་སྐྱོབ་མི་ནུས།  
\v 33 ཁྱོད་རྣམས་ཀྱི་ཞིང་གི་ལོ་ཏོག་དང་། ཁྱོད་རྣམས་ཀྱིས་དཀའ་ལས་བརྒྱབ་ནས་ཐོབ་པའི་ཐོན་འབྲས་ཐམས་ཅད་ཁྱོད་ཅག་གིས་མི་ཤེས་པའི་མི་རིགས་ཤིག་གིས་བཟའ་བར་འགྱུར་ཞིང་། ཁྱོད་རྣམས་ལ་དུས་རྒྱུན་བརྙས་བཅོས་དང་བཙན་གནོན་འབའ་ཞིག་འབྱུང་བའོ། །  
\v 34 ཁྱོད་རྣམས་ཀྱི་མིག་གིས་གང་ཞིག་མཐོང་བ་ཡིས་ཁྱོད་རྣམས་སྨྱོ་བར་བྱེད།  
\v 35 དཀོན་མཆོག་ཡ་ཝཱེས་ཁྱོད་རྣམས་ཀྱི་པུས་མོ་དང་རྐང་པར་གཉན་ནད་དེ། ན་ཟུག་གསོ་ཐབས་མེད་པ་བསྐྱེད་ནས་རྐང་མཐིལ་ནས་སྤྱི་བོའི་བར་ལ་འབྱུང་དུ་འཇུག་གོ །   
\p
\v 36 དཀོན་མཆོག་ཡ་ཝཱེས་ཁྱོད་རྣམས་དང་ཁྱོད་ཅག་གིས་རང་གི་ཆེད་དུ་བསྐོས་པའི་རྒྱལ་པོ་ནི་ཁྱོད་རྣམས་དང་ཁྱོད་ཅག་གི་ཕ་མེས་རྣམས་ཀྱིས་ངོ་མི་ཤེས་པའི་མི་རིགས་ཀྱི་རྩར་འཁྲིད་པ་དང་། དེར་ཁྱོད་རྣམས་ཀྱིས་ཤིང་དང་རྡོ་ནས་བཟོས་པའི་ལྷ་གཞན་དག་ལ་བསྙེན་བཀུར་བྱེད་པར་འགྱུར།  
\v 37 དཀོན་མཆོག་ཡ་ཝཱེས་ཁྱོད་རྣམས་གནས་གང་དུ་ཁྲིད་ཀྱང་དེའི་མི་ཐམས་ཅད་ཀྱི་ཁྲོད་དུ། ཁྱོད་རྣམས་ནི་སྐྲག་དགོས་ས་དང་། ཁ་དཔེ་དང་ཟུར་ཟ་བྱེད་ཡུལ་དུ་འགྱུར་རོ། །   
\p
\v 38 ཁྱོད་རྣམས་ཀྱིས་ཞིང་ལ་ས་བོན་མང་པོ་བཏབ་ཀྱང་། འབུ་ཆ་ག་པས་དེ་ཁྱུར་མིད་གཏོང་བས་ཁྱོད་རྣམས་ཀྱིས་ཉུང་ཙམ་ལས་བསྡུ་མི་ནུས།  
\v 39 རྒུན་ཚལ་བཙུགས་ནས་ཉར་ནའང་། འབུ་རྣམས་ཀྱིས་དེ་ཟོས་ཚར་བས་ཁྱོད་རྣམས་ཀྱིས་རྒུན་འབྲུམ་བསྡུ་མི་ནུས་ལ་རྒུན་ཆང་ཡང་འཐུང་མི་ཐུབ།  
\v 40 ཁྱོད་རྣམས་ཀྱི་ཡུལ་ཁམས་ཡོངས་སུ་སྐྱུ་རུ་རའི་སྡོང་པོ་ཡོད་ཀྱང་། ཁྱོད་རྣམས་ཀྱི་སྐྱུ་རུ་ར་རྣམས་ས་ལ་ལྷུང་བས་ལུས་ལ་བསྐུ་བའི་སྣུམ་མེད་དོ། །  
\v 41 ཁྱོད་རྣམས་ལ་བུ་དང་བུ་མོ་ཡོད་ཀྱང་དེ་དག་གཞན་གྱིས་བཙན་གྱིས་འཁྲིད་པས་ཁྱོད་ཅག་ལ་མི་དབང་།  
\v 42 ཁྱོད་རྣམས་ཀྱི་ཤིང་སྡོང་དང་ཁྱོད་རྣམས་ཀྱི་ཞིང་གི་ལོ་ཏོག་ཐམས་ཅད་གནོད་འབུ་ཡིས་བཟའ་བར་འགྱུར།  
\v 43 ཁྱོད་རྣམས་ཀྱི་དབུས་སུ་ཡོད་པའི་བྱེས་པ་རྣམས་མཐོན་པོར་གྱུར་ནས་ཁྱོད་ཅག་གི་གོང་ནས་གོང་དུ་འབུད་པ་དང་། ཁྱོད་རྣམས་རྒུད་པར་གྱུར་ནས་ཇེ་དམའ་ནས་ཇེ་དམའ་རུ་འགྲོ།  
\v 44 དེ་ཚོས་ཁྱོད་རྣམས་ལ་དངུལ་བསྐྱིས་ནའང་ཁྱོད་རྣམས་ཀྱིས་དེ་དག་ལ་གཡར་མི་ནུས། དེ་དག་ནི་མགོ་དང་ཁྱོད་རྣམས་ནི་མཇུག་མ་ཡིན་ནོ། །   
\p
\v 45 དེ་ཡང་ཁྱོད་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེའི་གསུང་ལ་མ་མཉན་ཞིང་། ཁོང་གིས་ཁྱོད་རྣམས་ལ་བསྒོས་པའི་བཀའ་རྒྱ་དང་སྒྲིག་ཁྲིམས་རྣམས་མ་བསྲུངས་པས། ཁྱོད་རྣམས་མེད་པར་མ་གྱུར་བར་དུ། དམོད་པ་འདི་ཐམས་ཅད་ཁྱོད་ཅག་གི་སྟེང་དུ་འཁོར་ཞིང་། ཁྱོད་རྣམས་དེད་ནས་འཛིན་ངེས་ཡིན།  
\v 46 དམོད་པ་དེ་དག་ནི་ཁྱོད་རྣམས་དང་ཁྱོད་རྣམས་ཀྱི་བུ་རྒྱུད་ལ་དུས་རྟག་ཏུ་རྟགས་མཚན་དང་དོན་ངོ་མཚར་ཅན་དུ་གནས་པར་འགྱུར་རོ། །  
\v 47 ཁྱོད་རྣམས་ལ་རྒྱུ་ལོངས་སྤྱོད་ཐམས་ཅད་འབྱོར་བའི་དུས་སུ་དགའ་ཞིང་སྤྲོ་བའི་ངང་ཁྱོད་ཅག་གི་དཀོན་མཆོག་ཡ་ཝཱེ་ལ་བསྙེན་བཀུར་མ་བྱས་པའི་རྐྱེན་གྱིས།  
\v 48 ཁྱོད་རྣམས་ཀྱིས་ལྟོགས་སྐོམ་དང་གོས་མེད་གཅེར་བུ། དབུལ་ཕོངས་བཅས་ཀྱི་གནས་སུ། དཀོན་མཆོག་ཡ་ཝཱེས་ཁྱོད་རྣམས་ལ་རྒོལ་བར་མངགས་པའི་ཁྱོད་ཅག་གི་དགྲ་རྣམས་ལ་གཡོག་བྱེད་པ་དང་། དེས་ཁྱོད་རྣམས་མེད་པར་མ་བྱས་བར་དུ། ཁྱོད་རྣམས་ཀྱི་གཉའ་ལ་ལྕགས་ཀྱི་གཉའ་ཤིང་འགེལ་ལོ། །   
\p
\v 49 དཀོན་མཆོག་ཡ་ཝཱེས་རྒྱང་ཐག་རིང་བའི་ས་མཐའ་ནས་གླག་ལྟར་འཕུར་ཡོང་ནས་ཁྱོད་རྣམས་ལ་རྒོལ་བའི་མི་རིགས་ཤིག་འཁྲིད་འོང་ངེས་ལ། ཁྱོད་རྣམས་ཀྱིས་མི་རིགས་དེའི་སྐད་མི་གོ་ཞིང་།  
\v 50 མི་རིགས་དེའི་གདོང་འཇིགས་སུ་རུང་ཞིང་རྒན་པ་རྣམས་ལ་བཀུར་བ་དང་ན་གཞོན་རྣམས་ལ་སྙིང་རྗེ་མི་བྱེད།  
\v 51 དེ་དག་གིས་ཁྱོད་རྣམས་མེད་པར་མ་གྱུར་བར་དུ་ཁྱོད་ཅག་གི་ཕྱུགས་ཀྱི་འཕེལ་ཐོག་དང་ཞིང་གི་ལོ་ཏོག་བཟའ་བ་དང་། ཁྱོད་རྣམས་ཚར་མ་བཅད་བར་དུ། ཁྱོད་རྣམས་ལ་འབྲུ་རིགས་དང་རྒུན་ཆང་གསར་པ་དང་། སྣུམ་གསར་པ་དང་། བ་གླང་གི་འཕེལ་ཐོག་དང་། ར་ལུག་གི་འཕེལ་ཀ་བཅས་ལུས་པར་མི་བྱའོ། །   
\p
\v 52 ཁྱོད་རྣམས་ཀྱི་ཡུལ་ཁམས་ཡོངས་སུ་ཁྱོད་ཅག་བརྟེན་སའི་ལྕགས་རི་མཐོ་ཞིང་སྲ་བ་རྣམས་མ་འགྱེལ་བར་དུ། ཁྱོད་རྣམས་ཀྱི་གྲོང་ཁྱེར་ཐམས་ཅད་བསྐོར་ནས་ཡོང་། ཁོ་ཚོས་ཁྱོད་ཅག་གི་དཀོན་མཆོག་ཡ་ཝཱེས་ཁྱོད་རྣམས་ལ་གནང་བའི་ཡུལ་ཁམས་ཡོངས་ཀྱི་གྲོང་ཁྱེར་མཐའ་དག་བསྐོར་བར་བྱེད།  
\v 53 དགྲ་ཡིས་ཁྱོད་རྣམས་མཐའ་ནས་བསྐོར་ཞིང་ཁྱོད་ཅག་སྡུག་ལ་སྦྱོར་བའི་དུས་སུ། ཁྱོད་རྣམས་ཀྱིས་རང་གི་ཤ་རུས་ལས་སྐྱེས་པ་སྟེ་ཁྱོད་ཅག་གི་དཀོན་མཆོག་ཡ་ཝཱེས་ཁྱོད་རྣམས་ལ་གནང་བའི་བུ་དང་བུ་མོ་རྣམས་ཀྱི་ཤ་བཟའ་བའི་ཚད་ལ་བསླེབ་ངེས་ཡིན།  
\v 54 ཁྱོད་ཅག་ཁྲོད་ཀྱི་སྐྱེས་པ་གཤིས་འཇམ་ཉམས་ཞན་རྣམས་ཀྱིས་ཀྱང་རང་གི་སྤུན་ཟླ་དང་གཅེས་པའི་ཆུང་མ། ཤུལ་ལུས་ཀྱི་བུ་ཕྲུག་རྣམས་དགྲ་རུ་འཛིན་པ་དང་།  
\v 55 ཁྱོད་ཅག་གི་དགྲ་རྣམས་ཀྱིས་ཁྱོད་ཅག་གྲོང་ཁྱེར་རྣམས་སུ་བསྐོར་ནས་ཁྱོད་རྣམས་སྡུག་ལ་སྦྱོར་བའི་དུས་སུ། ཁོ་ལ་ཅི་ཡང་ལུས་མེད་པས། ཁོས་རང་གི་བུ་ཕྲུག་གི་ཤ་བཟའ་བར་འགྱུར་ཞིང་སུ་ཞིག་ལའང་རང་གི་བུ་ཕྲུག་གི་ཤ་མི་སྟེར།  
\v 56 ཁྱོད་ཅག་ཁྲོད་ཀྱི་བུད་མེད་གཤིས་འཇམ་ཉམས་ཞན་རྣམས་ནི། སྔར་ནས་གཤིས་རྒྱུད་འཇམ་ཞིང་ཉམས་ཞན་ཡིན་པས་རྐང་པ་ས་ལ་སྤོ་མི་འདོད་ཀྱང་། ད་ནི་རང་གི་གཅེས་པའི་ཁྱོ་ག་དང་བུ་དང་བུ་མོ་རྣམས་དགྲ་རུ་འཛིན་པར་འགྱུར།  
\v 57 ཁྱོད་རྣམས་ཀྱི་དགྲ་རྣམས་ཀྱིས་ཁྱོད་ཅག་གྲོང་ཁྱེར་རྣམས་སུ་བསྐོར་ནས་ཁྱོད་རྣམས་སྡུག་ལ་སྦྱོར་བའི་དུས་སུ། ཁོ་མོར་ཅི་ཡང་མེད་པར་གྱུར་པས། ཁོ་མོས་གསང་བའི་སྒོ་ནས་རང་གི་བརླ་བར་ནས་ལྷུང་བའི་བུ་རོགས་དང་རང་གིས་བཙས་པའི་བུ་ཕྲུག་བཟའ་བར་ངེས་སོ། །   
\p
\v 58 གལ་སྲིད་ཁྱོད་རྣམས་ཀྱིས་གླེགས་བམ་འདིར་བཀོད་པའི་བཀའ་ཁྲིམས་ཐམས་ཅད་ནན་སྲུང་མི་བྱེད་པ་དང་། བརྗིད་ཉམས་ཅན་དང་འཇིགས་རྔམ་ཅན་གྱི་མཚན་ཏེ་ཁྱོད་ཅག་གི་དཀོན་མཆོག་ཡ་ཝཱེ་ལ་མི་འཇིགས་མི་གུས་ན།  
\v 59 དཀོན་མཆོག་ཡ་ཝཱེས་ཁྱོད་རྣམས་དང་ཁྱོད་ཅག་གི་བུ་རྒྱུད་རྣམས་ལ་ཆག་སྒོ་ཧང་སངས་པ་འབྱུང་བར་བྱ་སྟེ། ཆག་སྒོ་ཆེན་པོས་དུས་གཏན་དུ་མནར་བ་དང་། གཉན་ནད་ངན་པས་དུས་ནམ་ཡང་གཏོང་བར་མི་འགྱུར་རོ། །  
\v 60 ཁྱོད་རྣམས་འཇིགས་པའི་ཨེ་ཅིབ་ཡུལ་གྱི་ནད་ཡམས་སྣ་ཚོགས་ཁྱོད་ཅག་ལ་འབྱུང་བར་མཛད་ཅིང་དེ་དག་ཁྱོད་ཅག་ལ་དམ་པོར་འབྱར་བའོ། །  
\v 61 ཡང་ཁོང་གིས་ཁྱོད་རྣམས་མ་འཇིག་བར་དུ། བཀའ་ཁྲིམས་ཀྱི་གླེགས་བམ་འདིའི་ནང་བཀོད་མེད་པའི་ནད་ཡམས་དང་ཆག་སྒོ་སྣ་ཚོགས་ཁྱོད་རྣམས་ཀྱི་སྟེང་ལ་འདྲེན་པར་ངེས།  
\v 62 ཁྱོད་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེའི་བཀའ་མ་བརྩིས་པས། སྔར་ཁྱོད་ཅག་གི་མི་གྲངས་ནི་ནམ་མཁའི་སྐར་ཚོགས་དང་འདྲ་ཡང་། ད་ལྟ་ཤུལ་དུ་ལུས་པའི་མི་གྲངས་ནི་ཧ་ཅང་ཉུང་ཉུང་ཡིན།  
\v 63 སྔར་དཀོན་མཆོག་ཡ་ཝཱེ་ནི་ཁྱོད་རྣམས་ལ་བཀའ་དྲིན་མཛད་དེ་ཁྱོད་ཅག་རྒྱས་པར་མཛད་པ་ལ་ཇི་ལྟར་ཐུགས་དགྱེས་པ་ནང་བཞིན། ཕྱིས་སུ་ཁོང་ནི་ཁྱོད་རྣམས་ནུབ་ནས་མེད་པར་མཛད་པ་ལའང་དེ་བཞིན་ཐུགས་དགྱེས་པར་ངེས་ཤིང་། ཁྱོད་ཚོ་བདག་གིར་འཛིན་དུ་འགྲོ་བའི་ཡུལ་དུ་རྩ་བ་ནས་འབལ་བར་འགྱུར་རོ། །   
\p
\v 64 དེ་ཡང་དཀོན་མཆོག་ཡ་ཝཱེས་ཁྱོད་རྣམས་ས་གཞི་ཆེན་པོའི་མཐའ་གཅིག་ནས་མཐའ་གཞན་བར་དུ། མི་རིགས་ཐམས་ཅད་ཀྱི་ཁྲོད་དུ་གཏོར་བ་དང་། དེ་རུ་ཁྱོད་རྣམས་དང་ཁྱོད་ཅག་གི་ཕ་མེས་རྣམས་ལ་རྒྱུས་མི་མངའ་བའི་ཤིང་དང་རྡོ་ཡིས་བཟོས་པའི་ལྷ་གཞན་དག་ལ་བསྙེན་བཀུར་བྱེད་པར་འགྱུར།  
\v 65 མི་རིགས་དེ་དག་གི་ཁྲོད་དུ་ཁྱོད་རྣམས་ཀྱི་སེམས་ལྷོད་ལ་འབབ་མི་ཐུབ་ཅིང་། ཁྱོད་རྣམས་ཀྱི་རྐང་པ་སར་བཞག་ནས་ངལ་གསོ་སའི་གནས་ཀྱང་མི་རྙེད་ལ། དེ་རུ་དཀོན་མཆོག་ཡ་ཝཱེས་ཁྱོད་རྣམས་ལ་འཇིགས་སྣང་གི་སེམས་དང་ཉམས་ཤིང་རྒུད་པའི་མིག་མདངས། རེ་ཐག་ཆད་པའི་བློ་བཅས་གནང་བར་བྱེད།  
\v 66 ཁྱོད་རྣམས་ཀྱི་མ་འོངས་པའི་ཚེ་སྲོག་ལ་ངེས་གཏན་མེད་ཅིང་། ཉིན་མཚན་མེད་པར་དངངས་ཏེ་འཚོ་གནས་ངེས་མེད་ཡིན་པ་དང་།  
\v 67 ཁྱོད་རྣམས་སེམས་ཀྱི་དངངས་སྐྲག་དང་ཁྱོད་ཅག་མིག་གིས་མཐོང་བའི་སྣང་ཚུལ་གྱི་དབང་གིས། ཞོགས་པའི་དུས་སུ་ཁྱོད་རྣམས་ཀྱིས་ད་ནི་དགོང་མོ་ཡིན་ན་ལེགས་པ་དང་། དགོང་མོའི་དུས་སུ་ཁྱོད་རྣམས་ཀྱིས་ད་ནི་ཞོགས་པ་ཡིན་ན་ལེགས་སོ་ཞེས་བརྗོད་ངེས།  
\v 68 ཡང་དཀོན་མཆོག་ཡ་ཝཱེས་ཁྱོད་རྣམས་གྲུ་གཟིངས་ལ་བཞག་ནས་ཕྱིར་ཨེ་ཅིབ་ཡུལ་དུ་བསྐྱལ་ངེས་ཏེ། ངས་དེ་སྔར་ཁྱོད་རྣམས་ལ་ལམ་དེ་ནི་ཁྱོད་ཅག་གིས་སླར་ཡང་མཐོང་བར་མི་འགྱུར་ཞེས་སྨྲས་པ་ཡིན། ཡུལ་དེ་རུ་ཁྱོད་ཅག་གིས་རང་ཉིད་དགྲ་རྣམས་ལ་བྲན་པོ་དང་བྲན་མོ་རུ་བཙོང་བར་འགྱུར་ཡང་། སུས་ཀྱང་ཁྱོད་རྣམས་ཉོ་བར་མི་བྱེད་དོ་ཞེས་སྨྲས་སོ། །   
\c 29
\cl ལེའུ་ཉེར་དགུ་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 མོ་ཨབ་ནས་ཞལ་ཆད་བསྐྱར་འཛུགས་བྱས་པ།  
\p
\v 1 འདི་དག་ནི་མོ་ཨབ་ཡུལ་ནས་དཀོན་མཆོག་ཡ་ཝཱེས་མོ་ཤེ་ལ་གནང་བའི་ཡེས་ར་ཨེལ་པ་རྣམས་ལ་མཛད་པའི་ཞལ་ཆད་ཀྱི་བཀའ་སྟེ། རི་བོ་ཧོ་རེབ་ནས་ཁོ་རྣམས་ལ་མཛད་པའི་ཞལ་ཆད་ཀྱི་ཕན་ཆོད་ནས་གནང་བ་ཡིན།   
\p
\v 2 མོ་ཤེ་ཡིས་ཡེས་ར་ཨེལ་པ་ཐམས་ཅད་བོས་ནས་དེ་དག་ལ། དཀོན་མཆོག་ཡ་ཝཱེས་ཁྱོད་རྣམས་ཀྱི་མདུན་དུ། ཨེ་ཅིབ་ཡུལ་ནས་ཕཱར་ཨོལ་དང་དེའི་འཁོར་གཡོག་ཐམས་ཅད་དང་། དེའི་ཡུལ་ཀུན་ལ་ཅི་བྱས་པ་དེ་ཁྱོད་ཅག་གིས་དངོས་སུ་མཐོང་ཡོད་དེ།  
\v 3 ཁྱོད་རྣམས་ཀྱིས་དངོས་སུ་མཐོང་བའི་ཚོད་བགམ་ཆེན་པོ་དང་། གྲུབ་རྟགས་དང་དོན་ངོ་མཚར་ཅན་དེ་དག་ཡིན་ནོ། །  
\v 4 འོན་ཀྱང་དེ་རིང་ཉིན་མོའི་བར་དུ། དཀོན་མཆོག་ཡ་ཝཱེས་ཁྱོད་ཅག་ལ་རྟོགས་པའི་སེམས་དང་། མཐོང་བའི་མིག་དང་། ཐོས་པའི་རྣ་བཅས་ནི་གནང་མེད།  
\v 5 ངས་ཁྱོད་ཅག་ལོ་བཞི་བཅུའི་རིང་ལ་དབེན་སྟོང་ནས་ཁྲིད་པའི་དུས་སུ། ཁྱོད་ཅག་གི་ལུས་ཀྱི་གོས་རྣམས་མ་རལ་ཞིང་། ཁྱོད་ཅག་གི་རྐང་པའི་ལྷམ་ཡང་མ་རྙིང་།  
\v 6 ཁྱོད་རྣམས་ཀྱིས་བག་ལེབ་མ་ཟོས་ལ་རྒུན་ཆང་དང་གར་ཆང་ཡང་མ་འཐུངས། དེ་ནི་ཁྱོད་ཅག་གིས་ང་རང་ཁྱོད་རྣམས་ཀྱི་དཀོན་མཆོག་ཡ་ཝཱེ་ཡིན་པ་ཤེས་པའི་ཆེད་དུ་ཡིན།  
\v 7 ཡང་ཁྱོད་ཅག་གནས་འདིར་སླེབས་པའི་ཚེ། ཧེ་སི་པོན་གྱི་རྒྱལ་པོ་སི་ཧོན་དང་པཱ་ཤན་གྱི་རྒྱལ་པོ་ཨོག་བྱ་བ་གཉིས་རང་ཅག་ལ་གཡུལ་བཤམས་པར་ཚུར་ཐོན་ནའང་། རང་ཅག་གིས་དེ་དག་ཕམ་པར་བརྒྱབ་ཅིང་།  
\v 8 དེ་དག་གི་ས་ཆ་བླངས་ཏེ་རུ་བེན་པ་དང་། གཱ་རྡུ་པ་དང་། མཱ་ན་ཤེའི་ཚོ་པ་ཕྱེད་ཀ་བཅས་ལ་ས་སྐལ་དུ་བགོས།  
\v 9 དེ་བས་ཁྱོད་ཅག་གིས་སྒྲུབ་པའི་ལས་ཐམས་ཅད་ལེགས་འགྲུབ་འོང་བའི་ཆེད་དུ། ཞལ་ཆད་འདིའི་བཀའ་གསུང་བསྲུངས་ནས་དེ་ཇི་བཞིན་བསྒྲུབ་དགོས་སོ། །   
\p
\v 10 དེ་རིང་ཁྱོད་ཅག་ཀུན་པོ་ཁྱོད་རྣམས་ཀྱི་དཀོན་མཆོག་ཡ་ཝཱེའི་དྲུང་དུ་ལངས་སྡོད་པ་སྟེ། ཁྱོད་ཅག་གི་འགོ་དཔོན་དང་ཚོ་དཔོན་དང་། རྒན་པོ་དང་། དཔོན་རིགས་དང་། ཡེས་ར་ཨེལ་གྱི་སྐྱེས་པ་བཅས་ཐམས་ཅད་དང་།  
\v 11 ཁྱོད་ཅག་གི་བུ་ཕྲུག་དང་ཆུང་མ་དང་། སྒར་ཁའི་བྱེས་པ་སྟེ་ཤིང་གཏུབ་མཁན་ནས་ཆུ་ལེན་མཁན་གྱི་བར་དུ། ཁྱོད་རྣམས་ཀྱི་དཀོན་མཆོག་ཡ་ཝཱེའི་དྲུང་དུ་ལངས་བསྡད་ཡོད་ལ།  
\v 12 ཁྱོད་རྣམས་ཀྱི་དཀོན་མཆོག་ཡ་ཝཱེས་དེ་རིང་ཁྱོད་རྣམས་ལ་མཛད་པའི་ཞལ་ཆད་དང་། ཁོང་གིས་ཁྱོད་རྣམས་ལ་མཛད་པའི་དམ་བཅའ་ལ་འཇུག་པ་ཡིན།  
\v 13 དེ་ནས་ཁོང་གིས་སྔར་ཁྱོད་རྣམས་ལ་ཇི་ལྟར་གསུངས་པ་དང་། ཁྱོད་ཅག་གི་ཕ་མེས་ཨབ་ར་ཧམ་དང་། ཨི་སཱག་དང་། ཡ་ཀོབ་བཅས་ལ་ཇི་ལྟར་མནའ་བཞེས་པ་ནང་བཞིན། ཁོང་གིས་དེ་རིང་ཁྱོད་ཅག་ནི་ཁོང་གི་འབངས་མི་རུ་གཏན་ལ་འབེབ་པ་དང་། ཁོང་ཁྱོད་རྣམས་ཀྱི་དཀོན་མཆོག་ཡིན་པ་བསྟན་ཆོག་གོ །  
\v 14 ངས་ཁྱོད་རྣམས་འབའ་ཞིག་ལ་ཞལ་ཆད་འདི་བཞག་ནས་མནའ་འདི་བསྐྱལ་བ་མིན་ཏེ།  
\v 15 དེ་རིང་བདག་ཅག་དང་མཉམ་དུ་རང་རེའི་དཀོན་མཆོག་ཡ་ཝཱེའི་སྤྱན་སྔར་ལངས་སྡོད་པའི་མི་རྣམས་དང་། དེ་རིང་འདི་རུ་རང་ཅག་དང་ལྷན་དུ་མེད་པའི་མི་ཀུན་གྱི་ཆེད་དུ་ཡིན་ནོ། །   
\p
\v 16 རང་ཅག་ཨེ་ཅིབ་ཡུལ་ནས་ཇི་ལྟར་བསྡད་པ་དང་། ང་ཚོ་མི་རིགས་རྣམས་བརྒྱུད་ནས་ཇི་ལྟར་ཐོན་པ་ཁྱོད་རྣམས་ལ་གསལ་ལོ། །  
\v 17 དེ་དག་གི་སྐྱུག་བྲོ་བའི་རྫས་དང་། ཁོ་ཚོའི་ཁྲོད་དུ་ཡོད་པའི་ཤིང་དང་རྡོ་དང་གསེར་དངུལ་སོགས་ཀྱི་སྐུ་འདྲ་རྣམས་ཁྱོད་ཅག་གིས་མཐོང་ཡོད།  
\v 18 དེ་བས་ཁྱོད་ཅག་གི་ཁྲོད་དུ་སྐྱེས་པ་དང་ཡང་ན་བུད་མེད། ཁྱིམ་རྒྱུད་དང་ཡང་ན་ཚོ་པ་གང་ཡིན་ཡང་། དེ་རིང་ང་ཚོའི་དཀོན་མཆོག་ཡ་ཝཱེ་སྤངས་ཏེ། མི་རིགས་དེ་དག་གི་ལྷ་རྣམས་ལ་བསྙེན་བཀུར་བྱེད་མཁན་དང་། ཁྱོད་ཅག་གི་ཁྲོད་དུ་དུག་གི་རྩ་བ་རྒྱས་ནས་དུག་རྩྭ་དང་མཁན་པའི་ཁ་ཏིག་བསྐྱེད་པ་ཡོད་མེད་ལ་བརྟག་དགོས།  
\v 19 མི་ཞིག་གིས་དམ་བཅའ་འདི་དག་ཐོས་ཚེ། རང་སེམས་ནས་ཁ་ཕོ་བསྒྲགས་ཏེ། ང་ནི་རང་སེམས་གྱོང་པོའི་རྗེས་སུ་འབྲངས་ནའང་ང་ལ་ཞི་བདེ་ཡོད་བསམ་པ་དེས་མི་བཟང་ངན་གཉིས་ཀ་བརླག་པར་བྱའོ \f + \ft འདིར་མི་བཟང་ངན་གཉིས་ཀ་བརླག་པར་བྱའོ་ཞེས་པར་མ་ཕྱི་ལས་ས་ཞིང་རླན་གཤེར་ཅན་དང་ཐན་སྐྱོན་ཅན་གཉིས་ཀ་ཡལ་བར་བྱའོ་ཞེས་མཐོང་།\f*། །  
\v 20 དེ་ལ་དཀོན་མཆོག་ཡ་ཝཱེས་དགོངས་ཡངས་མི་གནང་བར་མ་ཟད། དཀོན་མཆོག་ཡ་ཝཱེའི་ཐུགས་ཁྲོ་དང་འཁུར་ཞེན་ནི་མི་དེའི་སྟེང་དུ་འབབ་ཅིང་། གླེགས་བམ་འདིར་བཀོད་པའི་དམོད་པ་ཐམས་ཅད་ཁོ་ལ་འབྱུང་། དཀོན་མཆོག་ཡ་ཝཱེས་མི་དེའི་མིང་ནི་གནམ་འོག་ནས་གསུབ་པར་འགྱུར།  
\v 21 བཀའ་ཁྲིམས་ཀྱི་གླེགས་བམ་འདིར་བཀོད་པའི་ཞལ་ཆད་ཀྱི་དམ་བཅའ་ཡོད་ཚད་ལྟར། དཀོན་མཆོག་ཡ་ཝཱེས་མི་དེ་ཡེས་ར་ཨེལ་གྱི་ཚོ་པ་ཁག་ནས་ལོགས་སུ་བཀར་ཏེ་གོད་ཆག་ཐེབས་པར་མཛད་ངེས་སོ། །   
\p
\v 22 དེ་ཡང་མི་རབས་ཕྱི་མ་སྟེ་ཁྱོད་ཅག་གི་རྗེས་སུ་འབྱུང་བའི་བུ་རབས་ཚ་རྒྱུད་རྣམས་དང་། རྒྱང་རིང་ནས་སླེབས་པའི་ཕྱི་མི་ཚོས་ཡུལ་དེའི་ཆག་སྒོ་དང་དཀོན་མཆོག་ཡ་ཝཱེས་ཡུལ་དེར་ཕབ་པའི་ནད་ཡམས་རྣམས་མཐོང་ཞིང་།  
\v 23 ཡང་དཀོན་མཆོག་ཡ་ཝཱེ་ཐུགས་ཤིན་ཏུ་ཁྲོས་ཏེ་གཏུམ་པར་གྱུར་ནས་སཱ་དོམ་དང་གཱ་མོ་ར་དང་། ཨད་མཱ་དང་ཚཱ་བོ་ཡིམ་བཅས་རྩ་མེད་མཛད་པ་ནང་བཞིན། གང་སར་མུ་ཟི་དང་ཚྭ་སྙིགས་དང་། མེ་ཕུང་བཅས་ཡོད་པ་དང་། སོན་འདེབས་མི་ནུས་པ་དང་། ལོ་ཏོག་མི་སྐྱེ་བ་དང་། རྩྭ་རྐང་གཅིག་ཀྱང་མི་སྐྱེ་བ་བཅས་མཐོང་ན།  
\v 24 དེ་རྣམས་མཐོང་མཁན་དང་མི་རིགས་ཐམས་ཅད་ཀྱིས་དཀོན་མཆོག་ཡ་ཝཱེས་ཡུལ་འདི་ལ་ཅིའི་ཕྱིར་དེ་ལྟར་མཛད་པ་ཡིན་ནམ། ཐུགས་ཁྲོ་ཆེན་པོའི་མེ་དེ་ཅིའི་ཕྱིར་འབར་བ་ཡིན་ནམ་ཞེས་འདྲི་བ་དང་།  
\v 25 དེ་ནས་མི་རྣམས་ན་རེ། དེ་དག་གིས་རང་གི་ཕ་མེས་ཀྱི་དཀོན་མཆོག་ཡ་ཝཱེའི་ཞལ་ཆད་དེ། ཁོ་རྣམས་ཨེ་ཅིབ་ཡུལ་ནས་ཕྱི་ལ་ཁྲིད་འོངས་སྐབས་བཞག་པའི་ཞལ་ཆད་སྤངས་ནས།  
\v 26 ལྷ་གཞན་དག་ལ་བསྙེན་བཀུར་བྱེད་དུ་སོང་ཞིང་། ཁོ་ཚོས་ངོ་མི་ཤེས་ལ་སོ་སོར་གནང་བ་མ་ཡིན་པའི་ལྷ་རྣམས་ལ་ཕྱག་བཙལ་བའི་རྐྱེན་གྱིས།  
\v 27 དཀོན་མཆོག་ཡ་ཝཱེའི་ཐུགས་ཁྲོ་ཡུལ་དེའི་སྟེང་དུ་འབར་ནས། གླེགས་བམ་འདིར་བཀོད་པའི་དམོད་པ་ཐམས་ཅད་ཕབ་པ་རེད།  
\v 28 དེ་རིང་ནང་བཞིན། དཀོན་མཆོག་ཡ་ཝཱེས་ཐུགས་ཁྲོ་དྲག་པོ་དང་ཁྲོ་གཏུམ་དང་། ཞེ་སྡང་ཆེན་པོ་དང་བཅས་ཁོ་ཚོ་རང་ཡུལ་ནས་རྩ་མེད་བཟོས་ཏེ་ཡུལ་གཞན་དུ་སྤྱུགས་པའོ་ཞེས་བརྗོད་པར་བྱའོ། །   
\p
\v 29 སྦས་པའི་དོན་རྣམས་ནི་རང་རེའི་དཀོན་མཆོག་ཡ་ཝཱེ་ལ་གཏོགས་པ་དང་། མངོན་པར་གསལ་བ་འབའ་ཞིག་དུས་གཏན་དུ་རང་ཅག་དང་རང་ཅག་གི་བུ་རྒྱུད་རྣམས་ཀྱི་ཡིན་ཏེ། རང་ཅག་གིས་བཀའ་ཁྲིམས་འདིའི་བཀའ་ཐམས་ཅད་ཇི་བཞིན་དུ་བསྒྲུབ་དགོས་པའོ། །   
\c 30
\cl ལེའུ་སུམ་ཅུ་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 འགྱོད་སེམས་ལ་དགོངས་ཡངས་གནང་བ།  
\p
\v 1 ངས་ཁྱོད་རྣམས་ཀྱི་མདུན་དུ་བཤམས་པའི་བྱིན་རླབས་དང་དམོད་པ་ཐམས་ཅད་ཁྱོད་རྣམས་ལ་འབྱུང་བའི་དུས་སུ། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་མི་རིགས་གང་གི་ཁྲོད་དུ་སྤྱུགས་ཀྱང་ཁྱོད་རྣམས་ཀྱིས་དེ་སེམས་ལ་འཁོར་འོང་ངེས།  
\v 2 ཁྱོད་རྣམས་དང་ཁྱོད་རྣམས་ཀྱི་བུ་རྒྱུད་རྣམས་བློ་གཅིག་སེམས་གཅིག་གིས་ཁྱོད་ཅག་གི་དཀོན་མཆོག་ཡ་ཝཱེའི་ཕྱོགས་སུ་འཁོར་ཏེ། ངས་དེ་རིང་ཁྱོད་རྣམས་ལ་གདམས་པ་ཐམས་ཅད་བཞིན་ཁོང་གི་བཀའ་གསུང་ལ་ཉན་པར་འགྱུར།  
\v 3 དེའི་ཚེ་ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་རྣམས་བཙན་འཛིན་ལས་ཕྱིར་ཁྲིད་དེ་ཁྱོད་རྣམས་ལ་སྙིང་རྗེ་དགོངས་ནས། ཁོང་གིས་ཁྱོད་རྣམས་གཏོར་སའི་མི་རིགས་ཐམས་ཅད་ཀྱི་ཁྲོད་ནས་ཡང་བསྐྱར་ཕྱིར་བསྡུ་ངེས།  
\v 4 ཁྱོད་ས་མཐར་སྤྱུགས་པ་རྣམས་གནམ་མཐའ་གང་དུ་འཐོར་ཡོད་ནའང་། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་དེ་ནས་ཀྱང་བསྡུས་ཏེ་ཕྱིར་འཁྲིད་འོང་།  
\v 5 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ནི་རང་གི་ཕ་མེས་ལ་དབང་བའི་ཡུལ་དུ་ཕྱིར་འཁྲིད་ཅིང་ཁྱོད་རྣམས་ཀྱིས་དེ་བདག་གིར་འཛིན་པ་དང་། ཁོང་གིས་ཁྱོད་རྣམས་དྲིན་གྱིས་བསྐྱངས་ཏེ། ཁྱོད་རྣམས་ཀྱི་ཕ་མེས་ལས་ཀྱང་ཁྱོད་རྣམས་འཕེལ་ཞིང་རྒྱས་པར་མཛད།  
\v 6 ཁྱོད་རྣམས་ཀྱི་དཀོན་མཆོག་ཡ་ཝཱེ་ལ་བློ་གཅིག་སེམས་གཅིག་གིས་གཅེས་ཤིང་ཁྱོད་རྣམས་འཚོ་བའི་ཆེད་དུ། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་དང་ཁྱོད་ཅག་གི་བུ་རྒྱུད་ཀྱི་སེམས་ནང་གི་མི་གཙང་བ་རྣམས་བསལ་ངེས་ཡིན། \f + \ft འདིར་སེམས་ནང་གི་མི་གཙང་བ་རྣམས་བསལ་ངེས་ཡིན་ཞེས་པར་མ་ཕྱི་ལས་སེམས་ལ་མཚན་སྐྱི་གཅོད་ངེས་ཡིན་ཞེས་མཐོང་ཞིང་། སེམས་ཀྱི་མི་གཙང་བ་རྣམས་བསལ་བའི་དོན་ལ་འཇུག་པས་དོན་སྒྱུར་བྱས་པ་ཡིན། \f*  
\v 7 ཁྱོད་རྣམས་ཀྱི་དཀོན་མཆོག་ཡ་ཝཱེས་དམོད་པ་དེ་ཐམས་ཅད་ནི་ཁྱོད་རྣམས་ཀྱི་དགྲ་རྣམས་དང་ཁྱོད་ཅག་ལ་སྡང་ནས་བཙན་སྐུལ་བྱེད་མཁན་རྣམས་ཀྱི་སྟེང་ལ་འགེལ་ཞིང་།  
\v 8 ཁྱོད་རྣམས་ཕྱིར་འཁོར་ནས་དཀོན་མཆོག་ཡ་ཝཱེའི་གསུང་ལ་མཉན་པ་དང་། ངས་དེ་རིང་ཁྱོད་ཅག་ལ་བསྒོས་པའི་ཁོང་གི་བཀའ་ཐམས་ཅད་བསྲུང་བར་འགྱུར།  
\v 9 དེ་ནས་ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་གི་ལག་ནས་སྒྲུབ་པའི་ལས་ཀུན་དང་། ཁྱོད་རྣམས་ལས་སྐྱེས་པ་དང་། ཕྱུགས་ཀྱི་འཕེལ་ཐོག་དང་། ཞིང་གི་ཐོན་འབྲས་རྣམས་ཤིན་ཏུ་སྨིན་ཞིང་འཕེལ་བར་མཛད། གང་ལ་ཞེ་ན། དཀོན་མཆོག་ཡ་ཝཱེ་ཁྱོད་རྣམས་ཀྱི་ཕ་མེས་ལ་ཐུགས་དགྱེས་པ་དང་འདྲ་བར། ཁོང་ཕྱིར་འཁོར་ནས་ཁྱོད་རྣམས་ལ་མཉེས་ཤིང་ཁྱོད་རྣམས་ལ་བྱིན་རླབས་འཐོབ་པར་བྱའོ། །  
\v 10 གལ་སྲིད་ཁྱོད་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེའི་གསུང་ལ་མཉན་ཏེ། བཀའ་ཁྲིམས་འདིའི་གླེགས་བམ་ནང་བཀོད་པའི་བཀའ་རྒྱ་དང་སྒྲིག་ཁྲིམས་རྣམས་བསྲུང་བ་དང་། བློ་གཅིག་སེམས་གཅིག་གིས་ཁྱོད་རྣམས་ཀྱི་དཀོན་མཆོག་ཡ་ཝཱེའི་ཕྱོགས་སུ་འཁོར་བ་ཡིན་ན་དེ་བཞིན་དུ་འབྱུང་ངོ་། །   
\s1 འཆི་གསོན་གཉིས་ཀྱི་གདམ་ཀ  
\p
\v 11 ངས་དེ་རིང་ཁྱོད་རྣམས་ལ་བསྒོས་པའི་བཀའ་རྒྱ་དེ་ནི་ཁྱོད་རྣམས་ལ་ཁག་པོ་ཞིག་མིན་ལ་ཁྱོད་ཅག་དང་རྒྱང་ཐག་རིང་པོའང་མིན།  
\v 12 དེ་ནི་ནམ་མཁར་མེད་པས། ཁྱོད་རྣམས་ཀྱིས་ང་ཚོས་བཀའ་དེ་ཐོས་ནས་དེ་བཞིན་བསྒྲུབ་པའི་ཆེད་དུ་སུ་ཞིག་ནམ་མཁར་སོང་ནས་ངེད་ཅག་ལ་འཁྱེར་ཡོང་ངམ་ཞེས་འདྲི་མི་དགོས།  
\v 13 དེ་རྒྱ་མཚོའི་ཕ་རོལ་ཏུ་ཡང་མེད་པས། ཁྱོད་རྣམས་ཀྱིས་ང་ཚོས་བཀའ་དེ་ཐོས་ནས་དེ་བཞིན་བསྒྲུབ་པའི་ཆེད་དུ་སུ་ཞིག་རྒྱ་མཚོའི་ཕ་རོལ་ཏུ་སོང་ནས་ངེད་ཅག་ལ་འཁྱེར་ཡོང་ངམ་ཞེས་འདྲི་མི་དགོས།  
\v 14 བཀའ་དེ་ནི་ཁྱོད་རྣམས་དང་ཤིན་ཏུ་ཉེ་སྟེ། ཁྱོད་རྣམས་ཀྱི་སྨྲ་སྒོ་དང་ཡ་ཆུང་སེམས་ཀྱི་ནང་དུ་བཞུགས་པས་ཁྱོད་རྣམས་ཀྱིས་དེ་བསྲུངས་ནས་བསྒྲུབ་དགོས་སོ། །   
\p
\v 15 ལྟོས་དང་། ངས་དེ་རིང་ཁྱོད་རྣམས་ཀྱི་མདུན་དུ་ཚེ་སྲོག་དང་ཕན་བདེ། འཆི་བ་དང་རྐྱེན་ངན་བཤམས་ཡོད་དེ།  
\v 16 ཁྱོད་རྣམས་འཚོ་ཞིང་འཕེལ་བའི་ཆེད་དུ། ཁྱོད་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེའི་བཀའ་རྒྱ་སྟེ་ངས་དེ་རིང་ཁྱོད་ཅག་ལ་བསྒོས་པ་རྣམས་ལ་མཉན་ནས། ཁྱོད་རྣམས་ཀྱི་དཀོན་མཆོག་ཡ་ཝཱེ་ལ་དགའ་ཞིང་ཁོང་གི་ཕེབས་ལམ་དུ་བསྐྱོད་པ་དང་། ཁོང་གི་བཀའ་རྒྱ་དང་སྒྲིག་ཁྲིམས། སྲོལ་ཡིག་བཅས་བསྲུངས་ན། དཀོན་མཆོག་ཡ་ཝཱེས་ཁྱོད་རྣམས་ཕར་སོང་སྟེ་བདག་གིར་འཛིན་པའི་ཡུལ་དུ་ཁྱོད་ཅག་ལ་བྱིན་རླབས་གནང་ངེས་ཡིན།  
\v 17 འོན་ཀྱང་ཁྱོད་རྣམས་ཀྱི་སེམས་ལོག་ལམ་ལ་འཕྱན་ནས་བཀའ་མི་བརྩི་བ་དང་། ལྷ་གཞན་དག་ལ་ཕྱག་བཙལ་ནས་བསྙེན་བཀུར་ཕུལ་ན།  
\v 18 ངས་དེ་རིང་ཁྱོད་རྣམས་ལ་གཟབ་ནན་གྱིས་སྨྲ་བར་བྱ་སྟེ་ཁྱོད་ཅག་ནུབ་པར་འགྱུར་ཞིང་། ཁྱོད་རྣམས་ཡོར་དན་གཙང་པོ་བརྒལ་ནས་ཕར་སོང་སྟེ་བདག་གིར་འཛིན་པའི་ཡུལ་དེ་རུ་ཁྱོད་རྣམས་ཡུན་རིང་འཚོ་མི་ཐུབ།  
\v 19 ངས་དེ་རིང་གནམ་ས་གཉིས་དཔང་དུ་བཙུགས་ཏེ་ཁྱོད་རྣམས་ཀྱི་མདུན་དུ་ཚེ་སྲོག་དང་འཆི་བ། བྱིན་རླབས་དང་དམོད་མོ་བཤམས་ཡོད། དེ་བས་ཁྱོད་རྣམས་དང་ཁྱོད་ཅག་གི་བུ་རྒྱུད་ཀྱི་སྲོག་འཚོ་བའི་ཆེད་དུ་ཚེ་སྲོག་འདེམས་དགོས།  
\v 20 ཁྱོད་རྣམས་ཀྱིས་ཁྱོད་ཅག་གི་དཀོན་མཆོག་ཡ་ཝཱེ་ལ་གཅེས་ཤིང་ཁོང་གི་གསུང་སྐད་ལ་མཉན་ནས་ཁོང་ལ་དམ་པོར་བརྟེན་དགོས། ཅི་ལ་ཞེ་ན། ཁོང་ནི་ཁྱོད་ཅག་གི་ཚེ་སྲོག་ཡིན་ལ་ཁོང་གིས་ཁྱོད་ཅག་ཚེ་ཐག་རིང་བར་མཛད་པའོ། །དེ་ལྟར་བྱས་ན་དཀོན་མཆོག་ཡ་ཝཱེས་ཁྱོད་རྣམས་ཀྱི་ཕ་མེས་ཨབ་ར་ཧམ་དང་ཨི་སཱག ཡ་ཀོབ་བཅས་ལ་གནང་བར་མནའ་བཞེས་པའི་ཡུལ་དུ་ཁྱོད་ཅག་གནས་ཐུབ་པ་ཡིན་ཞེས་བཀའ་བསྩལ་ཏོ། །   
\c 31
\cl ལེའུ་སོ་གཅིག་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 ཡོ་ཤུ་ཨ་བྱ་བ་མོ་ཤེའི་རྒྱུན་འཛིན་དུ་བསྐོས་པ།  
\p
\v 1 དེར་མོ་ཤེ་སོང་ནས་ཡེས་ར་ཨེལ་པ་ཐམས་ཅད་ལ་བཀའ་འདི་རྣམས་གསུངས་པ་སྟེ།  
\v 2 ཁོང་ན་རེ། ད་ནི་ང་རང་ལོ་བརྒྱ་དང་ཉི་ཤུ་ཡིན་པས་སྔར་བཞིན་ཕྱི་ནང་དུ་འགྲོ་འོང་བྱེད་མི་ནུས། དཀོན་མཆོག་ཡ་ཝཱེས་ཀྱང་ང་ལ་ཁྱོད་ཡོར་དན་གཙང་པོའི་ཕ་རོལ་ཏུ་འགྲོ་མི་རུང་ཞེས་བཀའ་གནང་ཡོད།  
\v 3 ཁྱོད་རྣམས་ཀྱི་དཀོན་མཆོག་ཡ་ཝཱེས་དངོས་སུ་ཁྱོད་ཅག་ཁྲིད་ནས་ཕར་ཕེབས་ཤིང་། ཁྱོད་ཅག་གི་མདུན་ནས་མི་རིགས་དེ་དག་མེད་པར་མཛད་ནས་ཡུལ་དེ་ཁྱོད་ཅག་ལ་དབང་བར་འགྱུར། དཀོན་མཆོག་ཡ་ཝཱེས་གསུངས་པ་ནང་བཞིན་ཡོ་ཤུ་ཨས་དངོས་སུ་ཁྱོད་ཅག་ཁྲིད་ནས་ཕར་འགྲོ་བ་དང་།  
\v 4 དཀོན་མཆོག་ཡ་ཝཱེས་ཨེ་མོར་པ་རྣམས་ཀྱི་རྒྱལ་པོ་སི་ཧོན་དང་ཨོག་གཉིས་ཀ་དང་ཁོ་རྣམས་ཀྱི་རྒྱལ་ཁམས་ཇི་ལྟར་མེད་པར་མཛད་པ་བཞིན། དེ་དག་ལའང་དེ་བཞིན་མཛད་ཡོང་།  
\v 5 དཀོན་མཆོག་ཡ་ཝཱེས་དེ་དག་ཁྱོད་རྣམས་ལ་སྤྲོད་ཅིང་། ཁྱོད་ཅག་གིས་དེ་དག་ལ་ངས་ཁྱོད་ཅག་ལ་བསྒོས་པའི་བཀའ་ཐམས་ཅད་བཞིན་དུ་བྱེད་དགོས།  
\v 6 ཁྱོད་ཅག་གིས་སྙིང་སྟོབས་དང་དཔའ་སེམས་སྐྱེད་ཅིག དེ་དག་ལ་འཇིགས་ནས་འདར་མི་དགོས། ཁྱོད་རྣམས་ཀྱི་དཀོན་མཆོག་ཡ་ཝཱེ་ནི་ཁྱོད་ཅག་དང་མཉམ་དུ་ཕེབས་པ་ཡིན་པས། ཁོང་གིས་ཁྱོད་རྣམས་སྤང་བར་མི་བྱ་ཞིང་འདོར་ཡང་མི་སྲིད་ཅེས་གསུངས་སོ། །   
\p
\v 7 དེ་ཡང་མོ་ཤེ་ཡིས་ཡོ་ཤུ་ཨ་བོས་ནས་ཡེས་ར་ཨེལ་པ་ཐམས་ཅད་ཀྱི་མཐོང་ངོར་ཁོ་ལ་འདི་ལྟར། ཁྱོད་ལ་སྙིང་སྟོབས་དང་དཔའ་སེམས་ལྡན་པར་གྱུར་ཅིག ཅི་ལ་ཞེ་ན། ཁྱོད་ནི་མི་འདི་རྣམས་དང་མཉམ་དུ་དཀོན་མཆོག་ཡ་ཝཱེས་ཁོ་རྣམས་ཀྱི་ཕ་མེས་ལ་གནང་བར་མནའ་བཞེས་པའི་ཡུལ་དུ་འགྲོ་བ་དང་། ཁྱོད་ཀྱིས་ཡུལ་དེ་འདི་དག་གི་ས་སྐལ་དུ་སྦྱིན་དགོས།  
\v 8 དཀོན་མཆོག་ཡ་ཝཱེ་དངོས་སུ་ཁྱོད་ཀྱི་སྔོན་དུ་ཕེབས་ནས་ཁོང་ཁྱོད་དང་མཉམ་དུ་བཞུགས་པ་དང་། ཁོང་གིས་ཁྱོད་སྤངས་ནས་འདོར་མི་སྲིད་པས། ཁྱོད་འཇིགས་ནས་དངངས་མི་དགོས་ཞེས་གསུངས་སོ། །   
\s1 བཀའ་ཁྲིམས་ཀློག་པ།  
\p
\v 9 དེ་ནས་མོ་ཤེ་ཡིས་བཀའ་ཁྲིམས་འདི་ཡི་གེར་བཀོད་ནས། དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་འཁུར་བའི་ལེ་ཝི་ཚོ་པའི་མཆོད་དཔོན་རྣམས་ཀྱི་བུ་རྒྱུད་དང་ཡེས་ར་ཨེལ་གྱི་རྒན་པོ་ཀུན་ལ་སྤྲད་དོ། །  
\v 10 མོ་ཤེ་ཡིས་ཁོ་རྣམས་ལ་འདི་ལྟར། ལོ་བདུན་རེའི་མཐར་མཇུག་གི་ལོ་སྟེ། ཆག་ཡང་གཏོང་བའི་དུས་བཅད་ལོ་དང་སྤྱིལ་བུའི་དུས་ཆེན་སྐབས་སུ།  
\v 11 ཡེས་ར་ཨེལ་པ་ཐམས་ཅད་ཁྱོད་རྣམས་ཀྱི་དཀོན་མཆོག་ཡ་ཝཱེའི་དྲུང་དུ་ཁོང་གིས་བདམས་པའི་གནས་སུ་ཡོང་སྐབས། ཁྱོད་རྣམས་ཀྱིས་བཀའ་ཁྲིམས་འདི་ཡེས་ར་ཨེལ་པ་ཀུན་གྱི་རྣ་ལམ་དུ་འཇོག་དགོས།  
\v 12 ཁྱོད་ཅག་གིས་སྐྱེས་པ་དང་བུད་མེད་དང་། བྱིས་པ་དང་། ཁྱོད་རྣམས་ཀྱི་གྲོང་རྡལ་དུ་ཡོད་པའི་བྱེས་པ་བཅས་མི་ཐམས་ཅད་སྡུས་ཤིག དེ་ནས་ཁོ་རྣམས་ཀྱིས་ཐོས་ཤིང་བསླབ་པ་དང་། ཁྱོད་ཅག་གི་དཀོན་མཆོག་ཡ་ཝཱེ་ལ་གུས་ཤིང་འཇིགས་ནས་བཀའ་ཁྲིམས་འདིའི་གསུང་ཐམས་ཅད་གཟབ་གཟབ་ངང་བསྲུངས་ཏེ་བསྒྲུབ་དགོས་ལ།  
\v 13 དེ་དག་གི་བུ་ཕྲུག་སྟེ་ད་དུང་བཀའ་ཁྲིམས་འདི་ཅི་ཡང་མི་ཤེས་པ་རྣམས་ཀྱིས་ཐོས་པ་དང་། ཁྱོད་རྣམས་ཡོར་དན་གཙང་པོ་བརྒལ་ནས་བདག་གིར་འཛིན་དུ་འགྲོ་བའི་ཡུལ་དེར་འཚོ་བའི་སྐབས་སུ། ཚེ་གང་པོར་ཁྱོད་རྣམས་ཀྱི་དཀོན་མཆོག་ཡ་ཝཱེ་ལ་གུས་ཤིང་འཇིགས་དགོས་ཚུལ་སློབ་དགོས་ཞེས་གསུངས་སོ། །   
\s1 ཡོ་ཤུ་ཨ་བྱ་བ་ཡེས་ར་ཨེལ་གྱི་དམག་དཔོན་དུ་བསྐོས་པ།  
\p
\v 14 དེ་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ། ལྟོས་དང་། ཁྱོད་འཆི་བའི་དུས་ལ་སླེབས་པས་ཡོ་ཤུ་ཨ་བོས་ཤོག ངས་ཁོ་ལ་ལས་འགན་བསྐོ་བའི་ཕྱིར་ཁྱོད་གཉིས་མཇལ་འཕྲད་གུར་མཆོག་ཏུ་ལངས་འདུག་དགོས་ཞེས་བཀའ་གནང་བས། མོ་ཤེ་དང་ཡོ་ཤུ་ཨ་གཉིས་མཇལ་འཕྲད་གུར་མཆོག་ཏུ་སླེབས།  
\v 15 དཀོན་མཆོག་ཡ་ཝཱེ་མཇལ་འཕྲད་གུར་མཆོག་ནང་དུ་སྤྲིན་གྱི་ཀ་བའི་ཁྲོད་ནས་མངོན་པར་གྱུར་ཅིང་། སྤྲིན་གྱི་ཀ་བ་དེ་མཇལ་འཕྲད་གུར་མཆོག་གི་སྒོ་ཡི་གོང་རོལ་དུ་བཞུགས་པའོ། །   
\p
\v 16 ཡང་དཀོན་མཆོག་ཡ་ཝཱེས་མོ་ཤེ་ལ། ལྟོས་དང་། ཁྱོད་ཕ་མེས་རྣམས་དང་མཉམ་དུ་མིག་བཙུམ་པར་འགྱུར་ཞིང་། མི་འདི་རྣམས་ཡར་ལངས་ནས་ཁོ་རྣམས་འགྲོ་སའི་གནས་དེ་རུ། ཡུལ་དེའི་མི་རྣམས་ཀྱི་ཁྲོད་དུ་བྱེས་པ་དེ་དག་གི་ལྷ་རྣམས་ཀྱི་རྗེས་སུ་འབྲངས་ནས་ལོག་གཡེམ་བྱེད་ཅིང་། བདག་སྤངས་ནས་བདག་གིས་ཁོ་རྣམས་ལ་བཞག་པའི་ཁ་ཆད་དང་འགལ་བར་འགྱུར།  
\v 17 ཉིན་མོ་དེར་ང་ཁོ་རྣམས་ལ་ཁོང་ཁྲོ་རབ་ཏུ་འབར་ནས་དེ་དག་སྤངས་ནས་ཁོ་ཚོར་ངའི་གདོང་མི་སྟོན་ལ། ཁོ་རྣམས་གཞན་གྱིས་ཁྱུར་མིད་གཏོང་བར་མ་ཟད། ཆག་སྒོ་དང་དཀའ་སྡུག་མང་པོ་ཁོ་ཚོའི་སྟེང་ལ་འབབ། ཉིན་མོ་དེར་ཁོ་ཚོ་ན་རེ། རང་ཅག་གི་དཀོན་མཆོག་རང་རེའི་ཁྲོད་དུ་མི་བཞུགས་པས། ཆག་སྒོ་འདི་རྣམས་རང་ཅག་གི་སྟེང་དུ་བྱུང་བ་མ་ཡིན་ནམ་ཞེས་སྨྲ་བར་འགྱུར།  
\v 18 ཉིན་མོ་དེར་དེ་དག་ལྷ་གཞན་གྱི་ཕྱོགས་སུ་འཁོར་ནས་དོན་ངན་པ་ཐམས་ཅད་བསྒྲུབས་པས། ཁོ་ཚོར་ངའི་གདོང་མི་སྟོན་ཐག་གིས་ཆོད་དོ། །   
\p
\v 19 དེ་བས་ད་ནི་མགུར་འདི་བྲིས་ནས་ཡེས་ར་ཨེལ་པ་རྣམས་ལ་བསླབས་ཏེ་ཁོ་ཚོའི་ཁ་ལ་ཞོག་ཅིག མགུར་འདི་ངས་ཡེས་ར་ཨེལ་པ་རྣམས་ལ་རྒོལ་བའི་བདེན་དཔང་དུ་འགྱུར་ངེས།  
\v 20 ཅི་ལ་ཞེ་ན། ངས་ཁོ་རྣམས་ཀྱི་ཕ་མེས་ལ་མནའ་དང་བཅས་ཁས་བླངས་པ་ནང་བཞིན། ཁོ་རྣམས་འོ་མ་དང་སྦྲང་རྩི་བཞུར་བའི་ཡུལ་དུ་ཁྲིད་ཅིང་། ཁོ་རྣམས་དེར་འགྲངས་ནས་ཚོན་པོར་ཆགས་རྗེས། ལྷ་གཞན་དག་གི་རྗེས་སུ་འབྲངས་ནས་དེ་དག་ལ་བསྙེན་བཀུར་བྱེད་པ་དང་། ང་སྤངས་ཏེ་ངའི་ཁ་ཆད་དང་འགལ་བར་འགྱུར།  
\v 21 དེ་ནས་ཁོ་རྣམས་ལ་ཆག་སྒོ་དང་དཀའ་སྡུག་མང་པོ་འབྱུང་བའི་དུས་སུ། མགུར་འདིས་ཁོ་ཚོའི་མདུན་དུ་བདེན་དཔང་བྱེད་ངེས་ཏེ། ཅི་ལ་ཞེ་ན། མགུར་འདི་ནི་ཁོ་ཚོའི་བུ་རྒྱུད་རྣམས་ཀྱི་ཁ་ནས་བརྗེད་པར་མི་འགྱུར་རོ། །དོན་དམ་དུ་ངས་ད་དུང་ཁོ་རྣམས་ཁྲིད་དེ་ཁོ་ཚོར་མནའ་དང་བཅས་ཁས་བླངས་པའི་ཡུལ་དུ་མ་སླེབས་སྔོན་དུ། དེ་རིང་ཁོ་ཚོའི་བློ་ཁ་གཏད་ཕྱོགས་དེ་ངས་ཤེས་པའི་ཕྱིར་རོ་ཞེས་གསུངས།  
\v 22 དེ་ནས་མོ་ཤེ་ཡིས་ཉིན་དེར་མགུར་འདི་བྲིས་ཏེ་ཡེས་ར་ཨེལ་པ་རྣམས་ལ་བསླབས་པའོ། །   
\p
\v 23 ཡང་ཡ་ཝཱེས་ནུན་གྱི་བུ་ཡོ་ཤུ་ཨ་ལ་བཀའ་གནང་སྟེ་འདི་སྐད་དུ། ཁྱོད་ལ་སྙིང་སྟོབས་དང་དཔའ་སེམས་ལྡན་པར་གྱུར་ཅིག ཅི་ལ་ཞེ་ན། ཁྱོད་ཀྱིས་ཡེས་ར་ཨེལ་པ་རྣམས་ཁྲིད་ནས་ངས་ཁོ་རྣམས་ལ་མནའ་དང་བཅས་ཁས་བླངས་པའི་ཡུལ་དེར་འགྲོ་དགོས་ཤིང་། ང་རང་ཁྱོད་དང་མཉམ་དུ་ཡོད་ཅེས་གསུངས་སོ། །   
\p
\v 24 དེ་ཡང་མོ་ཤེ་ཡིས་བཀའ་ཁྲིམས་འདིའི་གསུང་རྣམས་གླེགས་བམ་ནང་བཀོད་ཚར་བ་ན།  
\v 25 མོ་ཤེ་ཡིས་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་འཁུར་བའི་ལེ་ཝི་པ་རྣམས་ལ་གདམས་དོན།  
\v 26 ཁྱོད་ཅག་གིས་བཀའ་ཁྲིམས་ཀྱི་གླེགས་བམ་འདི་ཁྱེར་ནས་ཁྱོད་རྣམས་ཀྱི་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་འཁྲིས་སུ་ཞོག་ཅིག དེ་ནི་ཁྱོད་ཅག་ལ་རྒོལ་བའི་བདེན་དཔང་ཡིན།  
\v 27 ཅི་ལ་ཞེ་ན། ངས་ཁྱོད་རྣམས་ནི་གྱེན་ལོག་དང་གཉའ་རེངས་ཡིན་པ་ཤེས་སོ། །ལྟོས་དང་། ང་དེ་རིང་ཁྱོད་ཅག་དང་མཉམ་དུ་གསོན་པོར་ཡོད་དུས་ཁྱོད་ཅག་གིས་དཀོན་མཆོག་ཡ་ཝཱེ་ལ་ངོ་ལོག་བྱེད་པས། ང་ཤི་བའི་རྗེས་སུ་ལྟ་ཅི་སྨོས།  
\v 28 ཁྱོད་རྣམས་ཀྱིས་ཚོ་པ་ཁག་གི་རྒན་པོ་རྣམས་དང་འགོ་དཔོན་ཐམས་ཅད་ངའི་མདུན་དུ་སྡུས་ཤོག་དང་། ངས་དེ་དག་གི་རྣ་བར་གཏམ་འདི་དག་བཞག་ནས་གནམ་ས་གཉིས་དཔང་པོ་བྱེད་དུ་འབོད་དགོས།  
\v 29 ཅི་ལ་ཞེ་ན། ང་ཤི་བའི་རྗེས་སུ་ཁྱོད་རྣམས་ཡོངས་སུ་ཉམས་ཏེ། ངས་ཁྱོད་རྣམས་ལ་གདམས་པའི་ལམ་ནས་གཟུར་བ་དང་། དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་སྤྱད་ནས་ཁྱོད་ཅག་གི་ལག་ནས་སྒྲུབ་པའི་ལས་ཀྱིས་ཁོང་གི་ཐུགས་ཁྲོ་སློང་ངེས་པས། མཐའ་མའི་ཉིན་མོ་དེ་དག་ཏུ་ཁྱོད་རྣམས་ལ་ཆག་སྒོ་འབྱུང་བའོ་ཞེས་གསུངས་སོ། །   
\p
\v 30 དེ་ནས་མོ་ཤེ་ཡིས་ཡེས་ར་ཨེལ་གྱི་མི་ཚོགས་ཐམས་ཅད་ཀྱི་རྣ་བར་མགུར་འདིའི་བཀའ་རྣམས་ཆད་ལྷག་མེད་པར་གསུངས་སོ། །   
\c 32
\cl ལེའུ་སོ་གཉིས་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 མོ་ཤེའི་མགུར།  
\p
\v 1 ཀྱེ་མ་ནམ་མཁས་རྣ་བ་གཏོད་པར་གྱིས། ། ང་ཡི་སྨྲ་སྒོར་བརྗོད་བྱའི་གཏམ་ཞིག་ཡོད། ། བདག་གི་གཏམ་དེ་ས་ཡིས་ཐོས་གྱུར་ཅིག །  
\v 2 བདག་གི་བསླབ་བྱ་ཆར་པ་བཞིན་དུ་འབབ། ། ང་ཡི་སྨྲ་བརྗོད་ཟིལ་བ་བཞིན་དུ་ལྷུང་། ། སྦྲང་ཆར་རྩྭ་སྔོན་སྟེང་དུ་ལྷུང་འདྲ་དང་། ། དྲག་ཆར་སྔོ་ཚོད་སྟེང་དུ་བབས་འདྲ་ཡིན། །  
\v 3 བདག་གིས་ཡ་ཝཱེའི་མཚན་སྙན་སྒྲོག་བྱ་ཞིང་། ། རང་རེའི་དཀོན་མཆོག་མཚན་གྱི་ཆེ་བ་བརྗོད། །   
\p
\v 4 བྲག་རི་ཡིན་པ་ཁོང་གི་ཕྱག་ལས་རྣམས། ། རྣམ་པར་དག་ཅིང་ཕེབས་ལམ་ཐམས་ཅད་དྲང་། ། ཡིད་རྟོན་རུང་བའི་དཀོན་མཆོག་དྲང་པོ་སྟེ། ། ཉེས་ལྟུང་དྲི་མ་མེད་པ་ཁོང་ཡིན་ནོ། །  
\v 5 མི་རབས་འདི་ཡིས་ཁོང་ལ་གཏོར་བརླག་བཟོས། ། ཉེས་སྐྱོན་ཡོད་པས་ཁོང་གི་བུ་ཕྲུག་མིན། ། མི་རབས་འདི་ནི་སྤྱོད་རྩིང་བློ་འཁྱོག་གོ །  
\v 6 ཀྱེ་མ་བློ་གྲོས་མེད་པ་བླུན་པོའི་ཚོགས། ། ཡ་ཝཱེའི་བཀའ་དྲིན་དེ་བཞིན་འཇལ་ཡོང་ངམ། ། ཁོང་ནི་ཁྱོད་ཚོ་གསར་བཟོ་གནང་མཁན་གྱི། ། ཡབ་ཆེན་གཅིག་པུ་མིན་ནམ་གོ་མེད་ཚོ། ། ཁོང་གིས་ཁྱོད་རང་བཀོད་ནས་བརྟན་པོར་བཟོས། །  
\v 7 འདས་པའི་ཉིན་མོ་དག་ནི་དྲན་པར་གྱིས། ། སྔོན་རབས་མང་པོ་རྣམས་ལ་བསམ་བློ་ཐོངས། ། རང་གི་ཕ་ལ་དྲིས་དང་ཁོ་ཡིས་སྟོན། ། རྒན་པ་རྣམས་ལ་དྲིས་དང་བརྗོད་པར་ངེས། །  
\v 8 བླ་མེད་ཉིད་ཀྱིས་མི་རིགས་དེ་རྣམས་ལ། ། རང་རང་ས་སྐལ་གནང་བའི་དུས་སྐབས་དང་། ། མིའི་རིགས་སོ་སོར་བཀར་བའི་དུས་དེ་ལ། ། ཁོང་གིས་ཡེས་ར་ཨེལ་གྱི་མི་གྲངས་བཞིན། ། མི་རིགས་རྣམས་ཀྱི་ས་མཚམས་གཏན་ལ་ཕབ། །  
\v 9 ཡ་ཝཱེའི་སྐལ་ནི་ཁོང་གི་འབངས་མི་དང་། ། ཁོང་གི་ནོར་སྐལ་ཡ་ཀོབ་ཡིན་པ་འོ། །   
\p
\v 10 ཡ་ཝཱེ་དབེན་སྟོང་ཡུལ་དུ་མི་དེར་ཕྲད། ། ས་རྒོད་ངར་སྐད་སྒྲོག་པའི་ཡུལ་དུ་རྙེད། ། ཁོང་གིས་དེ་ལ་བྱམས་སྐྱོང་མཛད་ནས་ནི། ། རང་གི་སྤྱན་འབྲས་བཞིན་དུ་སྲུང་བར་མཛད། །  
\v 11 བྱ་གླག་གིས་ནི་རང་གི་ཚང་དཀྲོགས་ནས། ། ཁྲ་ཕྲུག་གོང་དུ་འཕུར་ལྡིང་བྱེད་པ་བཞིན། ། གཤོག་པ་ཕྱི་ལ་བརྐྱངས་ནས་གཤོག་སྒྲོའི་ཁུད། ། ཁྲ་ཕྲུག་ཁུར་ནས་འགྲོ་བའི་ངང་ཚུལ་བཞིན། །  
\v 12 ཡ་ཝཱེ་གཅིག་པུས་ཁོ་ལ་ལམ་ཁྲིད་མཛད། ། གཞན་པའི་ལྷ་ནི་གང་ཡང་ཡོད་མ་ཡིན། །  
\v 13 ཁོང་གིས་དེ་ནི་ས་གཞིའི་མཐོ་སར་བསྐྱོན། ། ཞིང་ཁའི་ཐོན་འབྲས་རྣམས་ནི་སྤྱོད་པར་མཛད། ། བྲག་ལས་སྦྲང་རྩི་འཇིབ་པར་མཛད་པ་དང་། ། སྲ་འཐས་བྲག་གི་གསེང་ནས་སྣུམ་གནང་ངོ་། །  
\v 14 གླང་གི་ཞོ་དང་ར་ལུག་འོ་མ་དང་། ། ལུ་གུའི་ཚིལ་དང་པཱ་ཤན་ཡུལ་གྱི་ནི། ། ལུག་ཐུག་ར་ཐུག་གྲོ་ཡི་སྙིང་བཅུད་བཅས། ། སྤྱོད་པར་མཛད་ཅིང་རྒུན་འབྲུམ་དམར་པོ་ལས། ། བཟོས་པའི་རྒུན་ཆང་ཁྱོད་ཀྱིས་བཏུངས་པ་འོ། །   
\p
\v 15 ཡེ་ཤུ་རུན་\f + \ft ཡེ་ཤུ་རུན་ཞེས་པ་ནི་ཡེས་ར་ཨེལ་གྱི་གཅེས་མིང་ཡིན་ལ། གཞུང་དྲང་ཞེས་པའི་དོན་ལ་འཇུག \f*ནི་ཚོ་ཞིང་རྡོག་ཐོ་བརྒྱབ། ། ཁྱོད་རང་ཚོ་ཞིང་ཤུགས་ཆེན་རྒྱགས་པ་ཆགས། ། ཁོས་ནི་རང་ཉིད་འགོད་མཁན་དཀོན་མཆོག་སྤངས། ། རང་གི་མགོན་སྐྱབས་བྲག་ལ་འཕྱ་སྨོད་བྱས། །  
\v 16 དེ་ཚོས་ལྷ་གཞན་བརྟེན་པས་ཁོང་ལ་འགྲན་སེམས་བསྐྱེད། ། སྐྱུག་བྲོའི་བྱ་སྤྱོད་ཀྱིས་ནི་ཁོང་གི་ཐུགས་ཁྲོ་བསླངས། །  
\v 17 དེ་ཚོས་དཀོན་མཆོག་མིན་པའི་གདོན་འདྲེ་སྟེ། ། རང་ལ་རྒྱུས་མེད་ལྷ་ཚོགས་གཞན་པ་དང་། ། ཉེ་རབས་བྱུང་བའི་ལྷ་གསར་མང་པོར་བསྟེན། ། ཁྱོད་ཀྱི་ཕ་མེས་རྣམས་ནི་མི་འཇིགས་པ། ། དེ་འདྲའི་ལྷ་ཡི་རིགས་ལ་མཆོད་པ་ཕུལ། །  
\v 18 ཁྱོད་ཀྱིས་བསྐྱེད་ཡུམ་བྲག་ནི་སྣང་མེད་བསྐྱུར། ། ཁྱོད་རང་བསྐྲུན་པའི་དཀོན་མཆོག་བརྗེད་པར་གྱུར། །   
\p
\v 19 རང་གི་བུ་དང་བུ་མོས་ཐུགས་ཁྲོ་བསླངས། ། ཡ་ཝཱེས་དེ་དག་གཟིགས་ནས་ཁོ་རྣམས་སྤངས། །  
\v 20 དེ་ནས་ཁོང་གིས་འདི་སྐད་གསུངས་པ་སྟེ། ། བདག་གིས་དེ་རྣམས་ལ་ནི་གདོང་མི་སྟོན། ། དེ་ཚོའི་མཇུག་འབྲས་ཅི་ལྟར་འབྱུང་བར་བལྟ། ། དེ་རྣམས་ཚུལ་འཆོས་ཅན་གྱི་མི་རབས་ཤིག ། བློ་གཏད་མེད་པའི་བུ་རྣམས་ཡིན་ཕྱིར་རོ། །  
\v 21 དེ་ཚོས་དཀོན་མཆོག་མིན་པའི་ལྷ་ཡིས་ནི། ། བདག་གི་ཕྲག་དོག་བསྐྱེད་ཅིང་དེ་དག་གིས། ། སྟོང་པའི་སྐུ་འདྲ་རྣམས་ཀྱིས་ཁོང་ཁྲོ་བསླངས། ། དེ་བས་བདག་གིས་འབངས་མི་མ་ཡིན་པའི། ། རིགས་ལ་བརྟེན་ནས་ཁོ་ཚོར་ཕྲག་དོག་བསླང་། ། བླུན་རྨོངས་མི་རིགས་རྣམས་ཀྱིས་ཁོང་ཁྲོ་བསླང་། །  
\v 22 བདག་གི་ཁོང་ཁྲོའི་མེ་ལྕེ་རབ་ཏུ་འབར། ། གཤིན་པོའི་ཡུལ་གྱི་གཏིང་མཐིལ་འཚིག་པར་མཛད། ། ས་གཞི་དང་ནི་དེ་ཡི་སྐྱེ་དངོས་རྣམས། ། ཡོངས་རྫོགས་རྩ་མེད་གཏོང་བའི་དུས་ལ་སླེབས། ། རི་བོའི་རྩ་བ་དག་ཀྱང་མེ་ལ་འབར། །   
\p
\v 23 བདག་གིས་དེ་ཚོའི་སྟེང་ལ་གོད་ཆག་སྤུང་། ། མདའ་མོ་ཐམས་ཅད་ཁོ་ཚོར་ཕོག་པར་བྱ། །  
\v 24 མུ་གེའི་རྐྱེན་གྱིས་ཁོ་རྣམས་རྒུད་པར་འགྱུར། ། ཚ་ནད་རིམས་ནད་དྲག་པོས་མེད་པར་བཟོ། ། གཅན་གཟན་དག་གི་མཆེ་བས་རྨུག་བྱེད་ཅིང་། ། ལྟོ་འགྲོ་སྦྲུལ་གྱི་དུག་ནི་ཁོ་ཚོར་ཕོག །  
\v 25 ཕྱི་ལ་རལ་གྲི་ནང་དུ་འཇིགས་སྣང་ཡོད། ། དེ་ཡིས་མི་རྣམས་འཇིག་པར་བྱེད་པ་དང་། ། ན་གཞོན་ཕོ་མོ་ཕྲུ་གུ་བགྲེས་སོང་བཅས། ། ཐམས་ཅད་རྩ་ནས་མེད་པར་འགྲོ་བ་འོ། །  
\v 26 བདག་གིས་དེ་དག་ཕྱོགས་བཞིར་གཏོར་ནས་ནི། ། མི་ཡི་གྲལ་ནས་གསུབ་དགོས་སྨྲས་ན་ཡང་། །  
\v 27 དགྲ་བོས་དཀྲོག་གཏམ་སྤེལ་བར་ང་མི་དགའ། ། ཁོ་ཚོས་གོ་བ་ལོག་ནས་འདི་ལྟར་དུ། ། ཡ་ཝཱེས་དོན་དེ་ཐམས་ཅད་བསྒྲུབས་པ་མིན། ། ང་ཚོའི་ལག་པ་རྣམ་པར་རྒྱལ་ཞེས་བརྗོད། །   
\p
\v 28 མི་རིགས་དེ་ལ་གོ་རྟོགས་དབེན་གྱུར་པས། ། ཁོ་ཚོའི་ཁྲོད་དུ་བློ་གྲོས་ཡོད་མ་ཡིན། །  
\v 29 གལ་སྲིད་ཁོ་ཚོར་ཤེས་རབ་ལྡན་གྱུར་ན། ། དོན་འདི་རྟོགས་ཤིང་མ་འོངས་འབྱུང་འགྱུར་གྱི། ། རང་གི་མཇུག་འབྲས་ཐག་གིས་ཆོད་པ་ཡིན། །  
\v 30 ཁོ་ཚོའི་བྲག་གིས་ཁོ་རྣམས་བཙོངས་པ་དང་། ། ཡ་ཝཱེས་ཁོ་རྣམས་སྤངས་པ་མ་ཡིན་ན། ། ཅི་ལྟར་གཅིག་གིས་གྲངས་ཀ་སྟོང་ཞིག་འདེད། ། ཅི་ལྟར་གཉིས་ཀྱིས་ཁྲི་གཅིག་འབྲོ་རུ་འཇུག །  
\v 31 ཁོ་ཚོའི་བྲག་ནི་རང་རེའི་བྲག་ལྟར་མིན། ། ངེད་ཀྱི་དགྲ་བོས་དེ་ནི་ཁས་ལེན་ནོ། །  
\v 32 དེ་ཚོའི་རྒུན་ཤིང་སཱ་དོམ་རྒུན་ཤིང་ཡིན། ། གཱ་མོ་ར་ཡི་ས་ཞིང་ནས་བྱུང་ངོ་། ། ཁོ་ཚོའི་རྒུན་འབྲུམ་དུག་གི་རྒུན་འབྲུམ་ཡིན། ། རྒུན་འབྲུམ་ཆུན་པོ་རྣམས་ཀྱི་རོ་ཁ་འོ། །  
\v 33 ཁོ་ཚོའི་རྒུན་ཆང་སྦྲུལ་གྱི་དུག་ཡིན་ཞིང་། ། དེ་ནི་དུག་སྦྲུལ་རྣམས་ཀྱི་དུག་ངན་ཡིན། །   
\p
\v 34 དེ་ནི་ང་ཡི་མཛོད་དུ་ཉར་མེད་དམ། ། གཏེར་མཛོད་ནང་དུ་ཐེལ་ཙེ་གླན་མེད་དམ། །  
\v 35 དེ་དག་རྐང་པ་འདྲེད་པའི་དུས་དེ་ལ། ། བདག་གིས་དགྲ་ཤ་ལེན་ཞིང་ལན་སྤྲོད་དགོས། ། ཁོ་ཚོར་ཆག་སྒོ་འབྱུང་བའི་ཉིན་མོ་སླེབས། ། འབྱུང་འགྱུར་དོན་རྣམས་མྱུར་དུ་ཁོ་ཚོར་འབབ། །  
\v 36 ཡ་ཝཱེས་རང་གི་མི་ལ་དཀར་འདོན་གནང་། ། ཁོང་གི་ཞབས་ཕྱིར་སྙིང་རྗེས་གཟིགས་པར་འགྱུར། ། ཡ་ཝཱེས་དེ་དག་སྟོབས་ཤུགས་ཡལ་བ་དང་། ། བྲན་གཡོག་དང་ནི་རང་དབང་ཅན་རྣམས་ལས། ། ཤུལ་དུ་ལུས་པ་གཅིག་ཀྱང་མེད་པ་གཟིགས། །  
\v 37 དེ་ནས་ཁོང་གིས་འདི་སྐད་གསུང་བ་སྟེ། ། ཁོ་ཚོའི་ལྷ་རྣམས་ད་ལྟ་གང་དུ་ཡོད། ། ཁོ་ཚོའི་སྐྱབས་གནས་བྲག་རི་གང་དུ་ཡོད། །  
\v 38 མཆོད་པའི་ཚིལ་རྣམས་བཟའ་ཞིང་སྐྱེམས་མཆོད་ཀྱི། ། རྒུན་ཆང་འཐུང་མཁན་ལྷ་རྣམས་གང་དུ་མཆིས། ། ཁོ་རྣམས་ལངས་ནས་ཁྱོད་ལ་རོགས་བྱེད་ཅིང་། ། ཁྱོད་རྣམས་བསྲུང་བར་བཅུག་དང་འོས་སོ་ལོ། །   
\p
\v 39 ད་ནི་ལྟོས་དང་ང་རང་ཁོང་ཉིད་ཡིན། ། ང་རང་མ་གཏོགས་དཀོན་མཆོག་གཞན་ཞིག་མེད། ། ངས་ནི་གསོད་ཅིང་ངས་ནི་གསོན་དུ་འཇུག ། ངས་ནི་རྨ་ཁ་བཟོ་ཞིང་དྲག་གསོ་བྱེད། ། སུས་ཀྱང་ང་ཡི་ལག་ནས་འཁྱེར་མི་ནུས། །  
\v 40 བདག་གིས་ལག་པ་ནམ་མཁའི་ཕྱོགས་དུ་བསྒྲེངས། ། ང་རང་ནམ་ཡང་གསོན་པར་མནའ་བསྐྱལ་ལོ། །  
\v 41 བདག་གིས་འོད་འཁྱུག་རལ་གྲི་བརྡར་ནས་ནི། ། ལག་ཏུ་ཉེས་ཆད་གཅོད་པའི་དབང་ཐོགས་དུས། ། དགྲ་བོ་རྣམས་ལ་ཤ་འཁོན་རྩོད་པ་དང་། ། བདག་ལ་སྡང་བ་རྣམས་ལ་ལན་འཇལ་ལོ། །  
\v 42 བསད་པའི་མི་དང་བཙོན་པ་རྣམས་ཀྱི་ཁྲག ། བདག་གི་མདའ་མོས་འཐུང་ཞིང་བཟི་བར་འགྱུར། ། ང་ཡི་རལ་གྲིས་ཤ་ནི་བཟའ་འགྱུར་ཏེ། ། དགྲ་བོའི་དཔོན་པོ་རྣམས་ཀྱི་ཤ་བཟའ་འོ། །   
\p
\v 43 ཀྱེ་ཀྱེ་མི་རིགས་ཀུན་གྱིས་ཉོན་ཅིག་དང་། ། ཁོང་གི་འབངས་དང་མཉམ་དུ་དགའ་བར་གྱིས། ། ཁོང་གིས་རང་གི་ཞབས་ཕྱིའི་ཁྲག་ལན་རྩོད། ། རང་གི་དགྲ་ལས་དགྲ་ཤ་ལེན་པ་དང་། ། ཁོང་གིས་ཉིད་ཀྱི་ཡུལ་ཁམས་གཙང་མར་མཛད། ། ཉིད་ཀྱི་འབངས་མི་བླུ་བར་འགྱུར་བས་སོ། །ཞེས་གསུངས་པའོ། །   
\p
\v 44 དེ་ནས་མོ་ཤེ་དང་ནུན་གྱི་བུ་ཡོ་ཤུ་ཨ་གཉིས་ཀ་ཡོང་ནས་མགུར་དེའི་གསུང་ཐམས་ཅད་མི་རྣམས་ཀྱི་རྣ་བར་བསྒྲགས།  
\v 45 མོ་ཤེ་ཡིས་གསུང་དེ་ཐམས་ཅད་ཡེས་ར་ཨེལ་པ་ཀུན་ལ་བསྒྲགས་ཚར་རྗེས།  
\v 46 དེ་དག་ལ་འདི་ལྟར། ངས་དེ་རིང་ཁྱོད་རྣམས་ལ་བསླབས་པའི་བཀའ་ཐམས་ཅད་ཡིད་ལ་ཟུངས་ཤིག དེ་ནས་ཁྱོད་རྣམས་ཀྱིས་རང་གི་བུ་རྒྱུད་ལ་བཀའ་ཁྲིམས་འདིའི་བཀའ་ཐམས་ཅད་གཟབ་གཟབ་ངང་བསྒྲུབ་པར་གདམས་ཆོག་པ་ཡིན།  
\v 47 གང་ལ་ཞེ་ན། བཀའ་འདི་དག་སྟོང་པ་མ་ཡིན་ཏེ། དེ་ནི་ཁྱོད་རྣམས་ཀྱི་ཚེ་སྲོག་ཡིན། བཀའ་འདི་བརྒྱུད་ནས་ཁྱོད་རྣམས་ཡོར་དན་གཙང་པོའི་ཕ་རོལ་ཏུ་ཕྱིན་ཏེ་བདག་གིར་འཛིན་པའི་ཡུལ་དེར་ཡུན་རིང་པོར་འཚོ་ཐུབ་པ་ཡིན་ཞེས་གསུངས་སོ། །   
\s1 མོ་ཤེ་འཆི་བའི་སྔོན་བརྡ།  
\p
\v 48 ཉིན་མོ་དེ་ལ་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 49 ཡེ་རུ་ཀོ་ཡི་དྲང་ཐད་དུ་ཡོད་པའི་མོ་ཨབ་ཡུལ་དུ། ཨ་བཱ་རིམ་རི་རྒྱུད་ཀྱི་རི་བོ་ནེ་བོའི་སྟེང་ལ་འགོས་ཏེ། ངས་ཡེས་ར་ཨེལ་པ་རྣམས་ལ་ས་སྐལ་དུ་སྦྱིན་པའི་ཀ་ན་ཨན་ཡུལ་ལ་ལྟོས་ཤིག  
\v 50 ཁྱོད་ཀྱི་སྤུན་ཟླ་ཨ་རོན་རི་བོ་ཧོར་དུ་འདས་ནས་རང་གི་མེས་པོ་རྣམས་དང་མཉམ་དུ་འཛོམས་པ་ཇི་བཞིན། ཁྱོད་ཀྱང་རང་ཉིད་འགོས་པའི་རི་བོ་དེར་འདས་ནས་མེས་པོ་རྣམས་དང་མཉམ་དུ་འཛོམ་ངེས་ཡིན།  
\v 51 ཅི་ལ་ཞེ་ན། ཁྱོད་ཅག་གིས་ཟིན་ཞེས་པའི་དབེན་སྟོང་གི་མེ་རི་བཱ་ཀཱ་དེ་སི་བྱ་བའི་ཆུ་འགྲམ་དུ། ཡེས་ར་ཨེལ་པའི་དཀྱིལ་ནས་ང་དང་འགལ་ཞིང་། ཡེས་ར་ཨེལ་པའི་ཁྲོད་དུ་ང་དམ་པར་མ་བརྩིས་པ་ཡིན་ནོ། །  
\v 52 དེར་བརྟེན་བདག་གིས་ཡེས་ར་ཨེལ་པ་རྣམས་ལ་སྦྱིན་པའི་ཡུལ་དེ་ཁྱོད་ཀྱིས་རྒྱང་ནས་མཐོང་ན་ཡང་། ཁྱོད་དེར་འགྲོ་མི་ནུས་སོ་ཞེས་བཀའ་བསྩལ་ཏོ། །   
\c 33
\cl ལེའུ་སོ་གསུམ་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 མོ་ཤེའི་མཐར་མཇུག་གི་བྱིན་རླབས།  
\p
\v 1 འདི་ནི་དཀོན་མཆོག་གི་སྐྱེས་བུ་མོ་ཤེ་ཚེ་ལས་མ་འདས་པའི་སྔོན་དུ། ཡེས་ར་ཨེལ་པ་རྣམས་ལ་གནང་བའི་བྱིན་རླབས་ཡིན་ཏེ།  
\v 2 ཁོང་གིས་འདི་ལྟར། ཡ་ཝཱེ་རི་བོ་སི་ནཱ་ནས་ཕེབས་ཤིང་། ། སེ་ཨིར་ཡུལ་ནས་ཁོ་ཚོར་འོད་ཟེར་སྤྲོས། ། རི་བོ་ཕཱ་རན་ཕྱོགས་ནས་འོད་དུ་བཀྲམས། ། སྐྱེས་བུ་དམ་པ་ཁྲི་ཕྲག་མཉམ་དུ་ཕེབས། ། མེ་དཔུང་བཀའ་ཁྲིམས་ཕྱག་གཡས་སུ་ཐོགས་སོ། །  
\v 3 ཁྱེད་ནི་དངོས་གནས་རང་གི་མི་ལ་བྱམས། ། སྐྱེས་བུ་དམ་པ་ཁྱེད་ཀྱི་ཕྱག་ཏུ་གནས། ། ཁྱེད་ཀྱི་ཞབས་དྲུང་ཁོ་རྣམས་གུས་ཕྱག་འབུལ། ། ཀུན་གྱིས་ཁྱེད་ཀྱི་བཀའ་རྣམས་ཉམས་ལེན་བྱ། །  
\v 4 མོ་ཤེས་ང་ཚོར་བཀའ་ཁྲིམས་བསླབས་པ་དང་། ། དེ་ནི་ཡ་ཀོབ་ཚོགས་ཀྱི་ནོར་སྐལ་ཡིན། །  
\v 5 དམངས་ཀྱི་འགོ་གཙོ་ཡེས་ར་ཨེལ་པ་ཡི། ། ཚོ་པ་ཁག་དང་མཉམ་དུ་འཛོམས་དུས་སུ། ། ཡ་ཝཱེ་ཡེ་ཤུ་རུན་དུ་རྒྱལ་པོར་བཞུགས། །  
\v 6 རུ་བེན་འཚོ་ཞིང་འཆི་བར་མི་འགྱུར་ཞིང་། ། ཁོ་ཡི་མི་གྲངས་ཉུང་དུ་མི་འཕྲི་སྨོན། །ཞེས་གསུངས་སོ། །   
\p
\v 7 ཡང་ཡ་ཧུ་དཱའི་སྐོར་ལ་ཁོང་གིས་འདི་ལྟར། ཡ་ཝཱེ་ཡ་ཧུ་དཱ་ཡི་སྐད་ལ་གསོན། ། ཁོ་ནི་རང་གི་མི་རིགས་རྩར་འཁྲིད་རོགས། ། ཁོས་ནི་རང་གི་དོན་དུ་ལག་པས་འཐབ། ། ཁོ་ལ་རོགས་རམ་མཛད་ནས་དགྲ་འགོག་རོགས། །ཞེས་གསུངས་སོ། །   
\p
\v 8 ཡང་ལེ་ཝིའི་སྐོར་ལ་ཁོང་གིས་འདི་ལྟར། ཁྱེད་ཀྱི་ཐུའུ་མིམ་དང་ནི་ཨུའུ་རིམ་གཉིས། ། དད་གུས་ཆེ་བའི་ལེ་ཝིར་དབང་བར་མཛོད། ། མཱ་སཱ་ཡུལ་ནས་ཁྱེད་ཀྱིས་ཚོད་བགམ་ཅིང་། ། མེ་རི་བཱ་ཡི་ཆུ་ཁར་རྩོད་གླེང་མཛད། །  
\v 9 ལེ་ཝི་པ་ཡིས་ཁྱེད་ཀྱི་བཀའ་བརྩིས་ཤིང་། ། ཁྱེད་ཀྱི་ཞལ་ཆད་བསྲུངས་པའི་དབང་གིས་ནི། ། རང་གི་ཕ་མའི་སྐོར་ལ་འདི་ལྟར་སྨྲས། ། ངེད་ཀྱིས་ཁོང་ཚོར་ལྟ་སྐྱོང་བྱས་པ་མིན། ། རང་གི་སྤུན་ཟླ་རྣམས་ཀྱང་ཁས་མ་བླངས། ། རང་གི་བུ་ཕྲུག་རྣམས་ཀྱང་ངོ་མི་ཤེས། ། \f + \ft ཨེ་ཅིབ་ནས་ཐོན་པའི་ལེའུ་སོ་གཉིས་པའི་ཚིག་རྐང་ཉེར་བདུན་ནས་ཉེར་དགུ་བར་ལ་གཟིགས་རོགས།\f*  
\v 10 ཁོ་ཚོས་ཡ་ཀོབ་ལ་ནི་སྲོལ་ཡིག་དང་། ། ཡེས་ར་ཨེལ་ལ་ཁྱེད་ཀྱི་བཀའ་ཁྲིམས་སྟོན། ། ཁོ་ཚོས་ཁྱེད་ཀྱི་དྲུང་དུ་བདུག་སྤོས་འཇོག ། སྦྱིན་སྲེག་ཁ་ཚང་ཁྱེད་ཀྱི་མཆོད་ཁྲིར་འབུལ། །  
\v 11 ཀྱེ་ཀྱེ་ཡ་ཝཱེ་ཁྱེད་ཀྱིས་དེའི་ནུས་པར། ། བྱིན་གྱིས་བརླབས་ཤིང་ལག་ནས་སྒྲུབ་པ་ཡི། ། ལས་ཀ་རྣམས་ལ་ཁྱེད་ཐུགས་དགྱེས་པར་མཛོད། ། ལངས་ནས་ཁོ་ཚོར་ངོ་རྒོལ་བྱེད་པ་དང་། ། སྡང་མཁན་རྣམས་ཀྱི་སྐེད་པ་བཅག་ནས་ནི། ། དེ་རྣམས་ཡང་བསྐྱར་ལངས་ཐབས་མེད་པར་མཛོད། །ཅེས་གསུངས་སོ། །   
\p
\v 12 ཡང་པེན་ཡཱ་མེན་གྱི་སྐོར་ལ་ཁོང་གིས་འདི་ལྟར། ཡ་ཝཱེས་གཅེས་པ་ཁོང་གི་འཁྲིས་སུ་བདེ་བར་གནས། ། ཁོང་གིས་ཉི་མ་གང་པོར་དེ་ལ་སྐྱབས་མཛད་ཅིང་། ། དེ་ནི་ཁོང་གི་ཕྲག་པ་གཉིས་ཀྱི་དབར་ནས་སྡོད། །ཅེས་གསུངས་སོ། །   
\p
\v 13 ཡང་ཡོ་སེབ་ཀྱི་སྐོར་ལ་ཁོང་གིས་འདི་ལྟར། ས་ལ་ཡ་ཝཱེའི་བྱིན་རླབས་འཐོབ་གྱུར་ཅིག ། གནམ་ནས་འབབ་པའི་ལེགས་སྐྱེས་རིན་ཆེན་དང་། ། ས་ཡི་གཏིང་ནས་ཐོན་པའི་ཆུ་མིག་དང་། །  
\v 14 ཉི་མས་བསྐྱེད་པའི་འབྲས་བུ་མཆོག་གྱུར་དང་། ། ཟླ་བས་བསྐྱེད་པའི་ཐོན་འབྲས་ཕུལ་བྱུང་ཅན། །  
\v 15 གནའ་ཡི་རི་བོའི་རྩི་ཤིང་མཆོག་རྣམས་དང་། ། རྟག་བརྟན་རི་ཡི་ལོ་ཏོག་རྣམས་ཀྱི་ཕུད། །  
\v 16 ས་གཞིའི་སྐྱེ་དངོས་མཆོག་དང་ཡོད་དོ་ཅོག ། ཚེར་མའི་གསེང་དུ་བཞུགས་པའི་ཡ་ཝཱེ་ཡི། ། ཐུགས་རྗེ་བཅས་ནི་ཁོ་ལ་འཐོབ་གྱུར་ཅིག ། འདི་དག་ཡོ་སེབ་སྟེང་ལ་འབབ་པར་ཤོག ། སྤུན་ཟླའི་ཁྲོད་དུ་རྒྱལ་སྲས་ཡིན་པ་དེའི། ། སྤྱི་བོར་བྱིན་རླབས་འདི་རྣམས་འཐོབ་གྱུར་ཅིག །  
\v 17 ཁོ་ཡི་བརྗིད་ཉམས་གླང་ཐུག་སྐྱེས་འགོ་བཞིན། ། དེ་ཡི་རྭ་ཅོ་གླང་རྒོད་རྭ་དང་མཚུངས། ། ས་མཐའི་བར་དུ་མི་རྣམས་ལ་བསྣུན་ཅིང་། ། དེ་དག་ཨེ་ཕཱར་ཡིམ་གྱི་འབུམ་ཕྲག་དང་། ། དེ་དག་མཱ་ན་ཤེ་ཡི་སྟོང་ཕྲག་ཡིན། །ཞེས་གསུངས་སོ། །   
\p
\v 18 ཡང་ཟེ་བུ་ལུན་གྱི་སྐོར་ལ་ཁོང་གིས་འདི་ལྟར། ཟེ་བུ་ལུན་ཁྱོད་ཕྱི་རུ་དགའ་གྱུར་ཅིག ། ཡེས་སི་ཀཱར་ཡང་གུར་ནང་སྤྲོ་བར་གྱིས། །  
\v 19 ཁོ་ཚོས་མི་རྣམས་རི་བོར་འབོད་པ་དང་། ། གནས་དེར་དྲང་བདེན་མཆོད་པ་འབུལ་བར་བྱ། ། གང་ལ་ཞེ་ན་ཁོ་ཚོར་རྒྱ་མཚོ་ནས། ། ལོངས་སྤྱོད་འཛད་མཐའ་མེད་པ་འཐོབ་འགྱུར་ཞིང་། ། བྱེ་མའི་སྦས་གཏེར་རྣམས་ཀྱང་རྙེད་ངེས་ཡིན། །ཞེས་གསུངས་སོ། །   
\p
\v 20 ཡང་གཱ་རྡུ་ཡི་སྐོར་ལ་ཁོང་གིས་འདི་ལྟར། གཱ་རྡུ་རྒྱ་ཆེར་གཏོང་མཁན་བདེ་བར་ཤོག ། ཁོ་ནི་གཡུ་རལ་ཅན་བཞིན་འཇབ་ནས་འདུག ། དཔུང་པ་དང་ནི་མགོ་ལྤགས་འགོག་པར་བྱེད། །  
\v 21 ཁོས་ནི་རང་ལ་ས་ཆ་གང་བཟང་བདམས། ། དམག་དཔོན་སྐལ་ནི་དེ་རུ་ཡོད་ཕྱིར་རོ། ། ཁོ་རང་འགོ་དཔོན་དང་བཅས་སླེབས་འོངས་ནས། ། ཡ་ཝཱེའི་དྲང་བདེན་དང་ནི་སྲོལ་ཡིག་སྟེ། ། ཡེས་ར་ཨེལ་དང་འབྲེལ་བ་ལག་ལེན་འདེབས། །ཞེས་གསུངས་སོ། །   
\p
\v 22 ཡང་དཱན་གྱི་སྐོར་ལ་ཁོང་གིས་འདི་ལྟར། དཱན་ནི་སེང་དར་བཞིན་དུ་པཱ་ཤན་ཡུལ་ནས་མཆོང་། །ཞེས་གསུངས་སོ། །   
\p
\v 23 ཡང་ནཱབ་ཐ་ལི་ཡི་སྐོར་ལ་འདི་ལྟར། ཀྱེ་ཀྱེ་ནཱབ་ཐ་ལི་ཁྱོད་ཐུགས་རྗེས་ཁྱབ། ། ཡ་ཝཱེའི་བྱིན་རླབས་ཡོངས་སུ་ཐོབ་པ་དང་། ། ནུབ་ལྷོའི་མཚམས་གཉིས་བདག་གིར་འཛིན་པ་ཡིན། །ཞེས་གསུངས་སོ། །   
\p
\v 24 ཡང་ཨ་ཤེར་གྱི་སྐོར་ལ་ཁོང་གིས་འདི་ལྟར། ཨ་ཤེར་ཁོ་ལ་ཐོབ་པའི་བྱིན་རླབས་ནི། ། སྤུན་ཟླ་ཐམས་ཅད་ལས་ཀྱང་ལྷག་པར་ཤོག ། རང་གི་སྤུན་ཟླའི་བཀའ་དྲིན་འཐོབ་པ་དང་། ། རང་གི་རྐང་པ་སྣུམ་ལ་སྦང་གྱུར་ཅིག །  
\v 25 ཁྱོད་ཀྱི་སྒོ་གཏན་ལི་དང་ལྕགས་ཡིན་ལ། ། ཁྱོད་ཀྱི་ཉི་མ་ཅི་ལྟར་ཡིན་ལགས་ན། ། ཁྱོད་ཀྱི་སྟོབས་ཀྱང་དེ་དང་མཉམ་པ་འོ། །   
\p
\v 26 ཀྱེ་ཀྱེ་ཡེ་ཤུ་རུན་གྱི་དཀོན་མཆོག་དང་། ། འདྲ་མཚུངས་ཡིན་པ་སུ་ཡང་ཡོད་མ་ཡིན། ། ཁྱོད་ལ་རོགས་རམ་མཛད་པའི་ཆེད་དུ་ནི། ། ཨ་སྔོན་དགུང་གི་དབྱིངས་ལ་བཅིབས་པ་དང་། ། བརྗིད་ཉམས་དང་བཅས་བར་སྣང་ཁམས་སུ་ལྡིང་། །  
\v 27 གཏན་གནས་དཀོན་མཆོག་ཁྱོད་ཀྱི་སྐྱབས་ཡུལ་ཡིན། ། ཁོང་གི་རྟག་བརྟན་དཔུང་པས་ཁྱོད་རང་བསྐྱོར། ། ཁོང་གིས་ཁྱོད་ཀྱི་མདུན་ནས་དགྲ་རྣམས་སྐྲོད། ། མེད་པར་གྱུར་ཅིག་ཅེས་སུ་ཁོང་གིས་གསུངས། །  
\v 28 དེ་བས་ཡེས་ར་ཨེལ་ནི་བདེ་བར་འཚོ། ། འབྲུ་དང་རྒུན་ཆང་གསར་པ་ཐོན་པའི་ཡུལ། ། གནམ་ལས་ཟིལ་ཆར་འབབ་པའི་ས་ཆ་རུ། ། ཡ་ཀོབ་རྒྱུད་ཀྱི་རྩ་བ་འབའ་ཞིག་གནས། །  
\v 29 ཀྱེ་ཀྱེ་ཡེས་ར་ཨེལ་ཁྱོད་བདེ་བ་ཡིན། ། ཡ་ཝཱེས་སྐྱོབ་པར་མཛད་པའི་མི་དེ་རྣམས། ། ཁྱོད་དང་འདྲ་བ་སུ་ཞིག་ཡོད་ལགས་སམ། ། ཁོང་ནི་ཁྱོད་ལ་གྲོགས་བྱེད་ཕུབ་དེ་ཡིན། ། ཁྱོད་ཀྱི་བརྗིད་ཉམས་ལྡན་པའི་རལ་གྲི་ཡིན། ། ཁྱོད་ཀྱི་དགྲ་ཡིས་ཁྱོད་ལ་མགོ་བོ་སྒུར། ། ཁྱོད་ཀྱིས་དེ་ཡི་སྒལ་བར་རྡོག་བརྫིས་གཏོང་། །ཞེས་གསུངས་པའོ། །   
\c 34
\cl ལེའུ་སོ་བཞི་པ། 
\toc1 ༄༅། །བཀའ་ལུང་གི་མདོ། 
\toc2 བཀའ་ལུང་། 
\s1 མོ་ཤེ་ཚེ་ལས་འདས་པ།  
\p
\v 1 དེ་ཡང་མོ་ཤེ་ཁོང་ཉིད་མོ་ཨབ་ཐང་ནས་རི་བོ་ནེ་བོ་སྟེ། ཡེ་རུ་ཀོའི་དྲང་ཐད་དུ་ཡོད་པའི་རི་བོ་ཕིས་གའི་རྩེ་མོར་འགོས་པ་དང་། དཀོན་མཆོག་ཡ་ཝཱེས་ཡུལ་ཐམས་ཅད་ཁོང་ལ་བསྟན་པ་སྟེ། གིལ་ཨད་ནས་དཱན་གྱི་བར་དང་།  
\v 2 ནཱབ་ཐ་ལིའི་ཡུལ་ཐམས་ཅད་དང་། ཨེ་ཕཱར་ཡིམ་དང་མཱ་ན་ཤེའི་ཡུལ་དང་། ཡ་ཧུ་དཱའི་ཡུལ་ཐམས་ཅད་ནས་ནུབ་ཀྱི་རྒྱ་མཚོའི་བར་དང་།  
\v 3 ནེ་གུབ་ཡུལ་དང་ཐང་སྟེ། ཏ་ལའི་ཤིང་གི་གྲོང་ཁྱེར་ཡེ་རུ་ཀོའི་གཤོངས་ས་ནས་ཚོ་ཨར་ཡུལ་གྱི་བར་དུ་བསྟན་ཞིང་།  
\v 4 དཀོན་མཆོག་ཡ་ཝཱེས་ཁོང་ལ་འདི་སྐད་དུ། ཡུལ་དེ་ནི་བདག་གིས་ཨབ་ར་ཧམ་དང་ཨི་སཱག ཡ་ཀོབ་བཅས་ལ་ངས་ཁྱོད་ཀྱི་བུ་རྒྱུད་ལ་སྦྱིན་པར་བྱའོ་ཞེས་མནའ་དང་བཅས་ཁས་བླངས་པའི་ཡུལ་དེ་ཡིན། ད་ནི་ངས་ཁྱོད་ལ་དངོས་སུ་མཐོང་དུ་བཅུག་ནའང་ཁྱོད་དེར་འགྲོ་བར་མི་བྱའོ་ཞེས་གསུངས་སོ། །  
\v 5 དེ་ལྟར་དཀོན་མཆོག་ཡ་ཝཱེའི་ཞབས་ཕྱི་མོ་ཤེ་ནི་དཀོན་མཆོག་ཡ་ཝཱེའི་བཀའ་བཞིན་དུ་མོ་ཨབ་ཡུལ་ནས་ཚེ་ལས་འདས།  
\v 6 དཀོན་མཆོག་ཡ་ཝཱེས་ཁོང་ཉིད་མོ་ཨབ་ཡུལ་གྱི་པེད་ཕེ་ཨོར་དྲང་ཐད་ཀྱི་ལུང་པ་རུ་དུར་ལ་བཅུག་ཀྱང་། དེ་རིང་ཉིན་མོའི་བར་དུ་ཁོང་གི་དུར་ས་ཤེས་མཁན་སུ་ཡང་མེད།  
\v 7 ཡང་མོ་ཤེ་ཚེ་ལས་འདས་པའི་དུས་སུ་དགུང་ལོ་བརྒྱ་དང་ཉི་ཤུར་སོན་ནའང་། མིག་དབང་མ་ཉམས་པ་དང་ལུས་སྟོབས་ཀྱང་རྒུད་མེད།  
\v 8 ཡེས་ར་ཨེལ་པ་རྣམས་ཉིན་སུམ་ཅུའི་རིང་ལ་མོ་ཨབ་ཐང་ནས་མོ་ཤེའི་དོན་དུ་བཤུམས་པ་དང་། དེ་ནས་མོ་ཤེའི་ཆེད་དུ་བཤུམས་ཤིང་མྱ་ངན་ཞུ་བའི་ཉིན་རྣམས་རྫོགས་པ་ཡིན་ནོ། །   
\p
\v 9 དེ་ཡང་མོ་ཤེ་ཡིས་ནུན་གྱི་བུ་ཡོ་ཤུ་ཨའི་སྟེང་ལ་ཕྱག་བཞག་པས། ཁོང་ནི་ཤེས་རབ་ཀྱི་ཐུགས་ཉིད་ཀྱིས་ཁྱབ་པར་གྱུར་ཅིང་། ཡེས་ར་ཨེལ་པ་རྣམས་ཀྱིས་ཁོང་ལ་མཉན་ནས། དཀོན་མཆོག་ཡ་ཝཱེས་མོ་ཤེ་ལ་གནང་བའི་བཀའ་ནང་བཞིན་བསྒྲུབས་སོ། །  
\v 10 དེའི་རྗེས་སུ་ཡེས་ར་ཨེལ་གྱི་ནང་དུ་མོ་ཤེ་འདྲ་བའི་ལུང་སྟོན་པ་ཞིག་བྱུང་མ་མྱོང་ལ། དཀོན་མཆོག་ཡ་ཝཱེ་ཁ་རི་ཁ་ཐུག་ཏུ་ཁོང་དང་ཕྲད་ཅིང་ཁོང་མཁྱེན་པ་དང་།  
\v 11 དཀོན་མཆོག་ཡ་ཝཱེས་ཁོང་ཨེ་ཅིབ་ཡུལ་དུ་མངགས་ཤིང་། ཕཱར་ཨོལ་དང་དེའི་འཁོར་གཡོག་ཐམས་ཅད་དང་། དེའི་ཡུལ་གྲུ་ཀུན་ཏུ་གྲུབ་རྟགས་དང་ངོ་མཚར་བའི་དོན་སྣ་ཚོགས་བསྟན་པ་དང་།  
\v 12 ཡང་མོ་ཤེ་ཡིས་ཡེས་ར་ཨེལ་པ་ཐམས་ཅད་ཀྱི་མཐོང་ལམ་དུ་ནུས་མཐུ་ཆེན་པོ་དང་འཇིགས་སུ་རུང་བའི་དོན་ཆེན་མཐའ་དག་མཛད་པའོ།། །།