\id DAN - NTB 
\h དཱ་ནེ་ཨེལ། 
\toc1 ༄༅། །ལུང་སྟོན་པ་དཱ་ནེ་ཨེལ་གྱི་མདོ། 
\toc2 དཱ་ནེ་ཨེལ། 
\mt1 ༄༅། །ལུང་སྟོན་པ་དཱ་ནེ་ཨེལ་གྱི་མདོ།  
\imt1 ལུང་སྟོན་པ་དཱ་ནེ་ཨེལ་གྱི་མདོ་ཞེས་བྱ་བའི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi དཱ་ནེ་ཨེལ་གྱི་གཞུང་གི་ནང་དུ་ཡེས་ར་ཨེལ་པ་རྣམས་བཙན་ཁྲིད་བྱས་པའི་དུས་སྐབས་ཀྱི་གནས་ཚུལ་བཀོད་ཡོད་པ་དང་། ལོ་རྒྱུས་ཡོངས་ལ་དབང་མཛད་པའི་དཀོན་མཆོག་ལ་མི་རྣམས་ཀྱིས་ཡིད་ཆེས་བྱེད་དགོས་པའི་སྐུལ་མ་གནང་ཡོད།  
\is1 ཡི་གེར་འགོད་མཁན་དང་འགོད་དུས།  
\ipi ལེའུ་དགུ་པའི་ཚིག་རྐང་གཉིས་པ་དང་ལེའུ་བཅུ་པའི་ཚིག་རྐང་གཉིས་པ་སོགས་དོན་ཚན་འགའ་ཞིག་གི་ནང་དུ་གཞུང་འདི་ཡི་གེར་འགོད་མཁན་དཱ་ནེ་ཨེལ་ཡིན་པར་བརྗོད་ཡོད། སྐྱབས་མགོན་ཡེ་ཤུས་ཀྱང་དཱ་ནེ་ཨེལ་ཡི་གེར་འགོད་མཁན་ཡིན་པ་དེ་མད་ཐཱའི་འཕྲིན་བཟང་གི་ལེའུ་ཉེར་བཞི་པའི་ཚིག་རྐང་བཅོ་ལྔའི་ནང་དུ་གསུངས་ཡོད། གཞུང་གི་ནང་དུ་བདེན་དཔང་གསལ་པོར་བྱས་པ་བཞིན། དཱ་ནེ་ཨེལ་གྱིས་གཞུང་འདི་ཡི་གེར་བཀོད་པའི་ལོ་ཚིགས་ནི་སྤྱི་ལོ་སྔོན་གྱི་530ལོའི་ཡས་མས་ཡིན། དེ་ནི་སྤྱི་ལོ་སྔོན་གྱི་539ལོར་ཏ་ཟིག་རྒྱལ་པོ་ཀོ་རེས་ཀྱིས་པཱ་པེལ་ལོན་དབང་དུ་བསྒྱུར་བའི་རྗེས་སུ་བྱུང་བ་ཡིན།  
\is1 བརྗོད་སྙིང་དང་གསུང་འཕྲིན།  
\ipi གཞུང་འདིའི་ནང་གི་ཆོས་ཀྱི་ལྟ་གྲུབ་གཙོ་བོ་ནི་དཀོན་མཆོག་གི་བླ་ན་མེད་པའི་དབང་ཡིན་ཏེ། བླ་ན་མེད་པའི་དཀོན་མཆོག་ནི་མི་ཡུལ་གྱི་རྒྱལ་སྲིད་ཀུན་ལ་དབང་སྒྱུར་མཁན་ཡིན་ཞེས་གསུངས་ཡོད། དེ་ནི་ལེའུ་ལྔ་པའི་ཚིག་རྐང་ཉེར་གཅིག་པར་གསལ། དཱ་ནེ་ཨེལ་གྱི་ལུང་བསྟན་ལས་མཐོང་བའི་ཞལ་གཟིགས་རྣམས་དཀོན་མཆོག་གི་རྒྱལ་ཁ་ཡིན་པར་རྒྱུན་དུ་བསྟན་ཡོད་པ་རེད། དཀོན་མཆོག་གི་བླ་མ་མེད་པའི་དབང་ནི་མངོན་པའི་གཞུང་གི་ལེའུ་བཅུ་གཅིག་པའི་ཚིག་རྐང་བཅོ་ལྔའི་ནང་དུ་གསུངས་ཡོད། ༼དཱ་ནེ་ཨེལ་གྱི་ལེའུ་གཉིས་པའི་ཚིག་རྐང་ཞེ་བཞི་པ་དང་ལེའུ་བདུན་པའི་ཚིག་རྐང་ཉེར་བདུན་པ་དང་བསྡུར་དགོས།༽  
\is1 འཆར་ཟིན།  
\ipi 1. དཱ་ནེ་ཨེལ་སོགས་ཀྱི་གནས་སྟངས་སྐོར། ༼1:1-21༽  
\ipi 2. རྒྱལ་ཁམས་རྣམས་ཀྱི་སྐོར་ལུང་དུ་བསྟན་པ། ༼2:1-7:28༽  
\ipi ཀ རྒྱལ་པོ་ནེ་བོ་ཀད་ནེ་ཙར་གྱི་རྨི་ལམ་སྐོར། ༼2:1-4:37༽  
\ipi ཁ། རྒྱལ་པོ་པེལ་ཤཱ་ཙར་དང་པཱ་པེལ་ལོན་གཉིས་ཉམས་རྒུད་དུ་འགྱུར་བའི་སྐོར། ༼5:1-31༽  
\ipi ག ལུང་སྟོན་པ་དཱ་ནེ་ཨེལ་བསྐྱབས་པ་དང་ཁོང་གི་རྨི་ལམ་སྐོར། ༼6:1-7:28༽  
\ipi 3. ཡེས་ར་ཨེལ་གྱི་སྐོར་ལ་གནང་བའི་ལུང་བསྟན། ༼8:1-12:13༽  
\ipi ཀ དཱ་ནེ་ཨེལ་གྱིས་མཐོང་བའི་ཞལ་གཟིགས་ལས་ར་ཕོ་ཞིག་དང་ལུག་ཐུག་ཅིག་མངོན་པ། ༼8:1-27༽  
\ipi ཁ། དཱ་ནེ་ཨེལ་གྱི་གསོལ་འདེབས་དང་བདུན་ཕྲག་བདུན་ཅུའི་སྐོར། ༼9:1-27༽  
\ipi ག ཡེས་ར་ཨེལ་གྱི་སྐོར་ལ་གནང་བའི་མ་འོངས་ལུང་བསྟན་དང་དུས་ཀྱི་མཐའ་མའི་སྐོར། ༼10:1-12:13༽  
\c 1
\cl ལེའུ་དང་པོ། 
\toc1 ༄༅། །ལུང་སྟོན་པ་དཱ་ནེ་ཨེལ་གྱི་མདོ། 
\toc2 དཱ་ནེ་ཨེལ། 
\s1 དཱ་ནེ་ཨེལ་ལ་སོགས་པཱ་པེལ་ལོན་རྒྱལ་པོའི་མཛངས་བློན་དུ་གྱུར་པའི་སྐོར།  
\p
\v 1 ཡ་ཧུ་དཱའི་རྒྱལ་པོ་ཡེ་ཧོ་ཡཱ་ཀིམ་གྱིས་སྲིད་སྐྱོང་བའི་ལོ་གསུམ་པར། པཱ་པེལ་ལོན་རྒྱལ་ཁབ་ཀྱི་གོང་མ་རྒྱལ་པོ་ནེ་བོ་ཀད་ནེ་ཙར་ནི་ཡེ་རུ་སཱ་ལེམ་དུ་འོངས་ནས་གྲོང་ཁྱེར་བསྐོར་བ་དང་།  
\v 2 གཙོ་བོ་དཀོན་མཆོག་གིས་ཡ་ཧུ་དཱའི་རྒྱལ་པོ་ཡེ་ཧོ་ཡཱ་ཀིམ་དང་ཁོང་གི་མཆོད་ཁང་ལས་སྣོད་ཆས་འགའ་ནེ་བོ་ཀད་ནེ་ཙར་གྱི་ལག་ཏུ་གཏད། ཁོས་སྣོད་ཆས་དེ་རྣམས་ཤིན་ཨར་ཡུལ་ \f + \ft ཤིན་ཨར་ཡུལ་ཞེས་པ་ནི་པཱ་པེལ་ལོན་ཡིན་ཏེ། ཤིན་ཨར་གྱི་ཐང་ནི་པཱ་པེལ་གྲོང་ཁྱེར་ཐོག་མར་བརྩིགས་སའི་ཡུལ་ཡིན་ལ། ཕྱིས་སུ་པཱ་པེལ་ལོན་ཞེས་འབོད་པ་ཡིན། \f*དུ་ཡོད་པའི་ལྷ་ཁང་དུ་གདན་དྲངས་ཤིང་རང་གི་ལྷ་ཡི་ནོར་མཛོད་ནང་དུ་བཞག་གོ །   
\p
\v 3-4 དེ་ནས་རྒྱལ་པོ་ནེ་བོ་ཀད་ནེ་ཙར་གྱིས་རང་གི་ནང་བློན་ཨ་ཤུ་ཕི་ནཱ་སི་ལ་བཀའ་གནང་སྟེ། ཡེས་ར་ཨེལ་པ་རྣམས་ཀྱི་རྒྱལ་རྒྱུད་དང་སྐུ་དྲག་རྣམས་ལས་ལུས་སྟེང་དུ་སྐྱོན་ཏིལ་ཙམ་ཡང་མེད་པ་དང་བྱད་གཟུགས་མཛེས་པ། བློ་རིག་དང་ཤེས་ཡོན་སྣ་ཚོགས་ལྡན་པ། རིག་པའི་གནས་གང་ཞིག་སྦྱོང་བར་བློ་རྣོ་བ། ཤེས་རིག་གི་སྦྱངས་སྟོབས་མངའ་བ་བཅས་ཀྱི་གཞོན་ནུ་འཇོན་ཐང་ཅན་སྐོར་ཞིག་སྟེ་རྒྱལ་པོའི་སྐུ་སྲུང་དུ་འོས་པ་རྣམས་བདམས་ནས་ཁོ་རྣམས་ལ་ཀལ་དི་པའི་སྐད་ཡིག་དང་རྩོམ་རིག་ཁྲིད་ཅིག་ཅེས་སྨྲས་སོ། །  
\v 5 ཡང་རྒྱལ་པོས་ཁོ་རྣམས་ལ་ཉིན་རེ་བཞིན་གོང་མས་སྤྱོད་པའི་བཟའ་བཅའ་དང་བཏུང་བྱའི་རྒུན་ཆང་གནང་བར་གཏན་ཁེལ་བྱས་པ་དང་། ལོ་གསུམ་ལ་སྦྱོང་བརྡར་སྤྲད་པའི་རྗེས་སུ་ཁོ་རྣམས་ཀྱིས་རྒྱལ་པོར་ཞབས་ཕྱི་བསྒྲུབ་དགོས་པའོ། །  
\v 6 གཞོན་ནུ་དེ་དག་ལས་དཱ་ནེ་ཨེལ་དང་། ཧ་ནན་ཡཱ། མེ་ཤཱ་ཨེལ། ཨ་ཟར་ཡཱ་བཅས་ནི་ཡ་ཧུ་དཱའི་བུ་རྒྱུད་ཡིན།  
\v 7 དེ་ཡང་བློན་ཆེན་གྱིས་ཁོ་ཚོའི་མིང་བརྗེས་པ་འདི་ལྟ་སྟེ། དཱ་ནེ་ཨེལ་ལ་པེལ་ཏེ་ཤཱ་ཙར་དང་ཧ་ནན་ཡཱ་ལ་ཤད་རག མེ་ཤཱ་ཨེལ་ལ་མེ་ཤག ཨ་ཟར་ཡཱ་ལ་ཨ་བེད་ནེ་གོ་ཞེས་བཏགས་སོ། །   
\p
\v 8 འོན་ཀྱང་དཱ་ནེ་ཨེལ་གྱིས་རང་ཉིད་གོང་མས་སྤྱོད་པའི་བཟའ་བཅའ་ཞིམ་པོ་དང་རྒུན་ཆང་མངར་མོ་ལ་འབག་པར་མི་བྱ་སྙམ་ནས། རང་ཉིད་འབག་པར་མི་བྱ་བའི་ཆེད་དུ་ཉུག་རུམ་པར་ཞུ་བ་ཕུལ།  
\v 9 དེ་བས་དཀོན་མཆོག་གིས་བློན་ཆེན་དེའི་མདུན་དུ་དཱ་ནེ་ཨེལ་ལ་གཟིགས་སྐྱོང་དང་སྙིང་རྗེ་ཐོབ་ཏུ་བཅུག་ནའང་།  
\v 10 བློན་ཆེན་དེས་དཱ་ནེ་ཨེལ་ལ། ང་ནི་རང་གི་ཇོ་བོ་དང་རྒྱལ་པོ་ཁོང་ལ་འཇིགས་ཏེ། ཁོང་གིས་ཁྱོད་རྣམས་ལ་བཟའ་བཏུང་བཀོད་སྒྲིག་བྱས་ཚར། གལ་ཏེ་ཁོང་གིས་ཁྱོད་རྣམས་ནི་ལོ་མཉམ་གཞན་དག་ལས་ངོ་མདངས་སྐྱ་བོ་ཡིན་པ་མཐོང་ན་མི་ལེགས་ཏེ། ཁྱོད་རྣམས་ཀྱིས་རྒྱལ་པོའི་དྲུང་དུ་ངའི་མགོ་ཤོར་དུ་བཅུག་པ་མ་ཡིན་ནམ་ཞེས་སྨྲས།  
\v 11 བློན་ཆེན་གྱིས་དཱ་ནེ་ཨེལ་དང་ཧ་ནན་ཡཱ། མེ་ཤཱ་ཨེལ། ཨ་ཟར་ཡཱ་བཅས་ལ་ལྟ་རྟོག་བྱེད་དུ་བསྐོས་པའི་འགོ་དཔོན་དེར་དཱ་ནེ་ཨེལ་ན་རེ།  
\v 12 ཁྱེད་ཀྱིས་ཞབས་ཕྱི་ངེད་ཅག་ལ་ཉིན་ཞག་བཅུའི་རིང་ལ་ཟས་སུ་སྔོ་ཚོད་དང་བཏུང་བར་ཆུ་གཙང་མ་གནང་ནས་ཚོད་ལྟ་བྱེད་པར་མཛོད།  
\v 13 དེ་ནས་ཁྱེད་ཀྱིས་ང་ཚོའི་བཞིན་རས་དང་རྒྱལ་པོའི་ཕོ་བྲང་ནས་ཟས་ལ་རོལ་མཁན་གཞོན་ནུ་ཚོའི་བཞིན་རས་གཉིས་ཀ་བསྡུར་ནས། ཇི་ལྟར་མཐོང་བ་བཞིན་ཐག་གཅོད་བྱེད་པར་མཛོད་ཅེས་ཞུས་པ་ན།  
\v 14 བསམ་འཆར་དེ་ལ་འགོ་དཔོན་འཐད་པ་བྱུང་ཞིང་ཉིན་ཞག་བཅུའི་རིང་ལ་ཚོད་ལྟ་བྱས་སོ། །   
\p
\v 15 ཉིན་བཅུ་ཡི་རྗེས་སུ་དེ་དག་གི་བཞིན་རས་ནི་རྒྱལ་པོའི་ཟས་སྤྱད་པའི་གཞོན་ནུ་མཐའ་དག་ལས་ཀྱང་མཛེས་ཤིང་དར་ཡོད་པ་མཐོང་སྟེ།  
\v 16 ཁོ་རྣམས་ལ་ལྟ་རྟོག་བྱེད་པའི་འགོ་དཔོན་དེས་ཁོ་རྣམས་ལ་བཀོད་སྒྲིག་བྱས་པའི་བཟའ་བཅའ་ཞིམ་པོ་དང་རྒུན་ཆང་མངར་མོ་ཕྱིར་བླངས་ནས་སྔོ་ཚོད་བཟའ་བར་བཅུག་གོ །  
\v 17 དེ་ཡང་དཀོན་མཆོག་གིས་གཞོན་ནུ་བཞི་པོར་སྐད་ཡིག་དང་ཤེས་རབ་སྣ་ཚོགས་ལ་མཁོ་བའི་ཤེས་ཡོན་དང་རིག་པ་བསྩལ་ཞིང་། དཱ་ནེ་ཨེལ་གྱིས་ཞལ་གཟིགས་དང་རྨི་ལམ་སྣ་ཚོགས་ལ་བརྟག་ཤེས་པའོ། །   
\p
\v 18 དེར་རྒྱལ་པོས་གཞོན་ནུ་ཐམས་ཅད་ཕོ་བྲང་ནང་དུ་འཁྲིད་པར་བཀའ་ཕབ་པའི་དུས་སུ་སླེབས་པ་ན། བློན་ཆེན་གྱིས་དེ་དག་རྒྱལ་པོ་ནེ་བོ་ཀད་ནེ་ཙར་གྱི་མདུན་དུ་ཁྲིད་དོ། །  
\v 19 རྒྱལ་པོས་དེ་རྣམས་དང་གླེང་མོལ་བྱས་པ་ལ། དེ་རྣམས་ཀྱི་ཁྲོད་དུ་དཱ་ནེ་ཨེལ་དང་ཧ་ནན་ཡཱ། མེ་ཤཱ་ཨེལ། ཨ་ཟར་ཡཱ་བཅས་བཞི་པོ་དང་འདྲ་བ་ཞིག་མ་མཐོང་བས་ཁོ་རྣམས་རྒྱལ་པོའི་བློན་པོ་སྟེ་ཞབས་ཕྱི་རུ་བསྐོས་པ་རེད།  
\v 20 རྒྱལ་པོས་ཁོ་རྣམས་ལ་ཤེས་རབ་དང་བློ་གྲོས་ཀུན་གྱི་ཆ་ནས་དྲི་བ་བཏོན་པ་དང་། ཁོ་ཚོ་ནི་ཡུལ་དེའི་མོ་པ་དང་སྒྱུ་མ་མཁན་ཐམས་ཅད་ལས་ཀྱང་ལྡབ་བཅུ་ཡིས་མཁས་པ་རྟོགས་སོ། །  
\v 21 དཱ་ནེ་ཨེལ་ནི་རྒྱལ་པོ་ཀོ་རེས་ཀྱི་སྲིད་ལོ་དང་པོའི་བར་དུ་གནས་པར་གྱུར་ཏོ། །   
\c 2
\cl ལེའུ་གཉིས་པ། 
\toc1 ༄༅། །ལུང་སྟོན་པ་དཱ་ནེ་ཨེལ་གྱི་མདོ། 
\toc2 དཱ་ནེ་ཨེལ། 
\s1 རྒྱལ་པོ་ནེ་བོ་ཀད་ནེ་ཙར་གྱི་རྨི་ལམ།  
\p
\v 1 ནེ་བོ་ཀད་ནེ་ཙར་གྱིས་སྲིད་སྐྱོང་བའི་ལོ་གཉིས་པར་ཁོས་རྨི་ལམ་རྨིས་པ་དང་། སེམས་འཁྲུགས་ནས་གཉིད་ཀྱང་མ་ཁུགས་པས་ན།  
\v 2 རྒྱལ་པོས་རྨི་ལམ་དེ་དག་ལ་བརྟག་ཏུ་འཇུག་པའི་ཆེད་དུ་མི་མངགས་ནས་མོ་པ་དང་སྒྱུ་མ་མཁན། རྫུ་འཕྲུལ་ཅན། ཀལ་དི་པའི་མི་ཐམས་ཅད་འབོད་དུ་བཅུག་པ་དང་། ཁོ་རྣམས་དུས་ལྟར་རྒྱལ་པོའི་མདུན་དུ་འཛོམས་ཏེ་ཁོའི་བཀའ་བཀོད་ལ་བསྒུགས་ནས་བསྡད།  
\v 3 རྒྱལ་པོས་དེ་རྣམས་ལ་འདི་ལྟར། ངས་རྨི་ལམ་ཞིག་རྨིས་བྱུང་། དེས་ང་རང་སེམས་འཁྲུག་ཏུ་བཅུག་པས་དེའི་དོན་ཅི་ཡིན་པ་ཤོད་ཅིག་ཅེས་སྨྲས་པ་ན།  
\v 4 ཀལ་དི་པ་དག་གིས་ཨ་རམ་སྐད་ཀྱིས་རྒྱལ་པོ་ལ། ཀྱེ། རྒྱལ་པོ་ཆེན་པོ་ལགས། ཁྱེད་རང་སྐུ་ཚེ་ཡུན་རིང་བརྟན་པར་ཤོག ཁྱེད་ཀྱི་རྨི་ལམ་དེ་ངེད་ཞབས་ཕྱི་རྣམས་ལ་གསུང་བར་མཛོད་དང་། ངེད་ཅག་གིས་དེར་བརྟག་པར་བྱའོ་ཞེས་ཞུས་སོ། །  
\v 5 དེ་ནས་རྒྱལ་པོས་ཀལ་དི་པ་རྣམས་ལ་འདི་ལྟར། ངའི་བཀའ་ལ་འགྱུར་བ་གཏན་ནས་མེད། གལ་ཏེ་ཁྱོད་ཅག་གིས་ངས་རྨིས་པའི་རྨི་ལམ་དང་དེའི་དོན་ཅི་ཡིན་པ་གསལ་པོར་བཤད་མ་ཐུབ་ཚེ། ཁྱོད་རྣམས་དུམ་བུ་དུམ་བུར་གཏུབ་ཅིང་ཁང་པ་རྣམས་ཞིག་རོར་ལུས་པར་འགྱུར།  
\v 6 འོན་ཀྱང་ཁྱོད་ཅག་གིས་ངས་རྨིས་པའི་རྨི་ལམ་དང་དེའི་དོན་ཅི་ཡིན་པ་བདག་ལ་གསལ་པོར་བཤད་ཐུབ་ཚེ། ཁྱོད་ཅག་ལ་ལེགས་སྐྱེས་དང་བྱ་དགའ་གནང་ཞིང་བཀུར་སྟི་ཆེན་པོ་འཐོབ་ངེས་ཡིན་པས། ཁྱོད་ཅག་གིས་ངའི་རྨི་ལམ་དང་དེའི་དོན་ཅི་ཡིན་པ་བདག་ལ་གསལ་པོར་ཤོད་ཅིག་ཅེས་སྨྲས་སོ། །  
\v 7 ཁོ་ཚོས་ཡང་བསྐྱར་ལན་དུ། རྒྱལ་པོས་ཉིད་ཀྱི་རྨི་ལམ་དེ་ངེད་ཞབས་ཕྱི་རྣམས་ལ་གསུང་བར་མཛོད་དང་། ངེད་ཅག་གིས་དེར་བརྟག་པར་བྱའོ་ཞེས་ཞུས་སོ། །   
\p
\v 8 དེ་ནས་རྒྱལ་པོས་འདི་ལྟར། ཁྱོད་ཅག་གིས་བདག་གི་བཀའ་ལ་འགྱུར་བ་མེད་པ་ཤེས་པས། དུས་འགྱངས་བྱེད་འདོད་པ་བདག་གིས་ཤེས་གསལ་ཡིན།  
\v 9 གལ་ཏེ་ཁྱོད་ཅག་གིས་ང་ལ་རྨི་ལམ་དེ་གསལ་པོར་མ་བཤད་ན་ཆད་པ་གཅོད་ངེས་ཡིན། ཁྱོད་ཅག་གིས་ལྐོག་འབྲེལ་གྱིས་ང་ལ་ཁུངས་མེད་འཆལ་གཏམ་སྨྲས་ཏེ་གནས་ཚུལ་ལ་འགྱུར་ལྡོག་འབྱུང་བར་སྒུག་པ་རེད། ངས་ཁྱོད་ཅག་གིས་རྨི་ལམ་གྱི་དོན་ཅི་ཡིན་པ་དངོས་གནས་ང་ལ་གསལ་པོར་བཤད་ཐུབ་པ་ཤེས་པའི་ཆེད་དུ་རྨི་ལམ་དེ་ད་ལྟ་རང་ང་ལ་ཤོད་ཅིག་ཅེས་སྨྲས་སོ། །   
\p
\v 10 ཀལ་དི་པ་དག་གིས་རྒྱལ་པོར་ལན་དུ། ས་སྟེང་དུ་རྒྱལ་པོའི་གསང་བ་འདི་བརྟོལ་ཐུབ་པའི་སྐྱེ་བོ་སུ་ཡང་ཡོད་མ་ཡིན། རྒྱལ་པོ་རླབས་བོ་ཆེ་དང་དབང་ཐང་ཅན་གང་གིས་ཀྱང་སྒྱུ་མ་མཁན་དང་སྔགས་པ། ཀལ་དི་པ་བཅས་སུ་ལའང་དོན་དེ་འདྲ་དྲིས་མ་མྱོང་ངོ་། །  
\v 11 རྒྱལ་པོའི་བཀའ་འདི་ཧ་ཅང་དཀའ་བས། མི་དང་མཉམ་དུ་མི་བཞུགས་པའི་ལྷ་ཚོགས་མ་གཏོགས་སྐྱེ་བོ་སུ་ཞིག་གིས་ཀྱང་རྨི་ལམ་དེ་ཁྱེད་ཀྱི་སྐུ་དྲུང་ནས་འཆད་པར་མི་ནུས་ཞེས་ཞུས་པས།  
\v 12 རྒྱལ་པོ་ཤིན་ཏུ་ཁྲོས་ཏེ་པཱ་པེལ་ལོན་གྱི་མཁས་མཛངས་ཐམས་ཅད་གསོད་དགོས་པའི་བཀའ་བསྩལ་པ་དང་།  
\v 13 མཁས་མཛངས་རྣམས་སྲོག་ཐོག་གཏོང་བའི་བཀའ་རྒྱ་ཀུན་ལ་སྤེལ་ཞིང་དཱ་ནེ་ཨེལ་དང་ཁོའི་གྲོགས་པོ་རྣམས་ཀྱང་བཙལ་ནས་སྲོག་ཐོག་གཏོང་བར་བསྒྲགས་སོ། །   
\s1 དཀོན་མཆོག་གིས་དཱ་ནེ་ཨེལ་ལ་རྨི་ལམ་གྱི་དོན་བསྟན་པ།  
\p
\v 14 དེ་ཡང་དཱ་ནེ་ཨེལ་གྱིས་པཱ་པེལ་ལོན་གྱི་མཁས་མཛངས་རྣམས་གསོད་དུ་འོངས་པའི་སྐུ་སྲུང་དམག་དཔོན་ཨར་ཡོག་ཅེས་བྱ་བར་སྤྱང་གྲུང་ལྡན་པའི་སྒོ་ནས་ཚིག་འཇམ་པོ་སྨྲས་པ་སྟེ།  
\v 15 སྐུ་སྲུང་དམག་དཔོན་ཨར་ཡོག་ལ་འདི་ལྟར། རྒྱལ་པོའི་བཀའ་ནི་འདི་འདྲ་བྲེལ་མྱུར་ཆེ་བ་ཅི་ཡིན་ནམ་ཞེས་དྲིས་པ་ན། ཨར་ཡོག་གིས་དོན་དེའི་སྐོར་དཱ་ནེ་ཨེལ་ལ་རྒྱས་པར་བཤད།  
\v 16 དེ་ནས་དཱ་ནེ་ཨེལ་རྒྱལ་པོའི་སྐུ་མདུན་དུ་བཅར་ཏེ། ཁོས་རྨི་ལམ་དེའི་དོན་ཅི་ཡིན་པ་རྒྱལ་པོར་སྨྲ་ནུས་པའི་ཆེད་དུ་དུས་འགྱངས་བྱེད་པའི་ཞུ་བ་ཕུལ་ཏོ། །  
\v 17 དཱ་ནེ་ཨེལ་རང་ཁྱིམ་དུ་ལོག་སྟེ་རང་གི་གྲོགས་པོ་ཧ་ནན་ཡཱ་དང་། མེ་ཤཱ་ཨེལ། ཨ་ཟར་ཡཱ་བཅས་ལ་དོན་དེ་རྒྱས་པར་བཤད་པ་དང་།  
\v 18 ཡང་རང་ཉིད་དང་ཁོའི་གྲོགས་པོ་རྣམས་པཱ་པེལ་ལོན་གྱི་མཁས་མཛངས་བྱིངས་དང་མཉམ་དུ་མེད་པར་མི་འགྱུར་བའི་ཆེད་དུ། ནམ་མཁའི་དཀོན་མཆོག་གིས་སྙིང་རྗེ་དགོངས་ནས་རྟོགས་དཀའ་བའི་གསང་བ་དེ་གསལ་པོར་སྟོན་པར་སྨོན་ལམ་འདེབས་དགོས་པ་ཁོ་རྣམས་ལ་བཤད།  
\v 19 དེ་ནས་མཚན་མོའི་ཞལ་གཟིགས་ཁྲོད་དུ་གསང་བ་དེ་དཱ་ནེ་ཨེལ་ལ་མངོན་པར་མཛད་པས་དཱ་ནེ་ཨེལ་གྱིས་ནམ་མཁའི་དཀོན་མཆོག་ལ་འདི་ལྟར་བསྟོད་པ་ཕུལ་བ་སྟེ།   
\q1
\v 20 དཀོན་མཆོག་མཚན་ལ་གཏན་དུ་བསྟོད་བསྔགས་བརྗོད། །  
\q1 ཤེས་རབ་ནུས་མཐུ་ཡོད་དོ་ཁོང་གི་ཡིན། །   
\q1
\v 21 དུས་དང་ནམ་ཟླའི་འགྱུར་བག་ཁོང་གིས་མཛད། །  
\q1 ཁོང་གིས་རྒྱལ་པོ་བསྐོ་འཇོག་བྱེད་པ་དང་། །  
\q1 དེ་རྣམས་རྒྱལ་པོའི་ཁྲི་ལས་འབེབ་པར་མཛད། །  
\q1 མཁས་མཛངས་ལྡན་པའི་མི་བུར་ཤེས་རབ་སྦྱིན། །  
\q1 ཡོན་ཏན་ལྡན་པ་རྣམས་ལ་དཔྱོད་ཤེས་སྩོལ། །   
\q1
\v 22 རྟོགས་དཀའ་གསང་བའི་དོན་རྣམས་མངོན་པར་མཛད། །  
\q1 མུན་ནག་ཁྲོད་ཀྱི་ཡོད་ཚད་ཁོང་གིས་མཁྱེན། །  
\q1 འོད་ནི་ཁོང་དང་ངོ་བོ་དབྱེར་མེད་ལགས། །   
\q1
\v 23 ང་ཡི་མེས་པོ་རྣམས་ཀྱི་དཀོན་མཆོག་ལགས། །  
\q1 ཁྱེད་ལ་ཐུགས་རྗེ་ཞུ་ཞིང་བསྟོད་བསྔགས་བརྗོད། །  
\q1 ཁྱེད་ཀྱིས་ཤེས་རབ་ནུས་མཐུ་བདག་ལ་གནང་། །  
\q1 ངེད་ཀྱིས་ཁྱེད་ལ་གང་ཞིག་ཞུས་པ་དེ། །  
\q1 ད་ལྟ་ཁྱེད་ཀྱིས་བདག་ལ་གསལ་པོར་མངོན། །  
\q1 རྒྱལ་པོའི་རྨི་ལམ་ང་ཚོར་གསལ་པོར་བསྟན། །  
\m ཞེས་པའོ། །   
\s1 དཱ་ནེ་ཨེལ་གྱིས་རྒྱལ་པོའི་རྨི་ལམ་དང་དེའི་དོན་འགྲེལ་བ།  
\p
\v 24 དེ་ཡང་དཱ་ནེ་ཨེལ་རྒྱལ་པོས་པཱ་པེལ་ལོན་གྱི་མཁས་མཛངས་རྣམས་གསོད་པར་བསྐོས་པའི་ཨར་ཡོག་གི་གམ་དུ་སོང་སྟེ་འདི་ལྟར། པཱ་པེལ་ལོན་གྱི་མཁས་མཛངས་རྣམས་མ་གསོད་ཅིག ང་རང་རྒྱལ་པོའི་དྲུང་དུ་འཁྲིད་པར་གྱིས་དང་ངས་རྒྱལ་པོར་རྨི་ལམ་དེའི་དོན་ཅི་ཡིན་ཞུ་དགོས་ཞེས་སྨྲས་པ་ན།  
\v 25 ཨར་ཡོག་གིས་དེ་མ་ཐག་ཏུ་དཱ་ནེ་ཨེལ་རྒྱལ་པོའི་སྐུ་དྲུང་དུ་ཁྲིད་དེ་ན་རེ། ངས་ཡ་ཧུ་དཱ་པའི་བཙོན་མ་རྣམས་ལས་ཁྱེད་ཀྱི་རྨི་ལམ་ལ་འགྲེལ་བཤད་རྒྱག་མཁན་ཞིག་རྙེད་བྱུང་ཞེས་སྨྲས་སོ། །  
\v 26 དེར་རྒྱལ་པོས་པེལ་ཏེ་ཤཱ་ཙར་ཞེས་ཀྱང་འབོད་པའི་དཱ་ནེ་ཨེལ་ལ་འདི་ལྟར། ཁྱོད་ཀྱིས་རྨི་ལམ་དེ་ང་ལ་སྟོན་ནུས་པ་དང་དེར་འགྲེལ་བཤད་ཀྱང་རྒྱག་ཐུབ་བམ་ཞེས་དྲིས་པ་ན།  
\v 27 དཱ་ནེ་ཨེལ་གྱིས་རྒྱལ་པོ་ལ་ལན་དུ། ཁྱེད་ཀྱིས་དྲིས་པའི་གསང་བ་ཆེན་པོ་དེ་ནི་མཁས་མཛངས་དང་། སྒྱུ་མ་མཁན། མོ་པ། རྩིས་པ་སོགས་སུ་ཞིག་གིས་ཀྱང་འགྲེལ་མི་ནུས།  
\v 28 འོན་ཀྱང་གསང་བ་ཐམས་ཅད་ཐོགས་མེད་དུ་མངོན་པར་མཛད་ནུས་པའི་དཀོན་མཆོག་ཅིག་ནམ་མཁའ་རུ་བཞུགས་ཡོད་པས། ཁོང་གིས་རྒྱལ་པོ་ནེ་བོ་ཀད་ནེ་ཙར་ཁྱེད་རང་ལ་མཐའ་མའི་ཉིན་མོ་དག་ལ་ཅི་ཞིག་འབྱུང་ངེས་པ་བསྟན་ཅིང་། ཁྱེད་ཀྱི་རྨི་ལམ་དང་མལ་ཁྲིའི་སྟེང་ཉིད་ཀྱི་བློ་ངོར་འཆར་བའི་ཞལ་གཟིགས་ནི་འདི་ལྟ་སྟེ།  
\v 29 ཀྱེ་རྒྱལ་པོ་ཆེན་པོ་ལགས། ཁྱེད་མལ་ཁྲིའི་སྟེང་དུ་ཡོད་དུས་འབྱུང་འགྱུར་གྱི་དོན་རྣམས་ཡིད་ལ་འཁོར་ཞིང་། གསང་བ་མངོན་པར་མཛད་མཁན་ཁོང་གིས་མ་འོངས་པར་ཅི་ཞིག་འབྱུང་ངེས་པ་ཁྱེད་ལ་དངོས་སུ་བསྟན་པ་ཡིན།  
\v 30 ད་ལྟ་གསང་བ་འདི་ང་རང་ལ་མངོན་པར་གྱུར་པ་ནི་བདག་ལ་གཞན་ལས་ལྷག་པའི་ཤེས་རབ་རྣོན་པོ་ཞིག་མངའ་བས་མ་ཡིན་པར། རྒྱལ་པོ་ཁྱེད་ཀྱིས་རྨི་ལམ་གྱི་དོན་དང་ཉིད་ཀྱི་དགོངས་ཚུལ་གཉིས་ཀ་གསལ་པོར་མཁྱེན་པའི་ཆེད་དུ་ཡིན་ནོ། །   
\p
\v 31 ཀྱེ། རྒྱལ་པོ་ལགས། ཁྱེད་ཀྱིས་སྐུ་བརྙན་ཆེན་པོ་ཞིག་མཐོང་སྟེ། རྔམ་བརྗིད་ཆེ་ཞིང་འོད་མདངས་འཚེར་བ་དང་། ཁྱེད་ཀྱི་དྲུང་དུ་ཀྲོང་ངེར་ལངས་ནས་རྣམ་པ་འཇིགས་སུ་རུང་བ་ཞིག་ཡིན།  
\v 32 དེའི་མགོ་བོ་ནི་གསེར་བཙོ་མས་ཤན་ཞིང་བྲང་དང་དཔུང་པ་སོགས་དངུལ་གྱིས་བཞེངས་པར་མ་ཟད། ཁོག་པ་དང་རྐེད་པ་ནི་ལི་ཡིས་བཟོས་ཡོད།  
\v 33 ད་དུང་བརླ་ནི་ལྕགས་དང་། རྐང་པ་ནི་ཕྱེད་ཀ་ལྕགས་དང་ཕྱེད་ཀ་འཇིམ་བག་ཡིན།  
\v 34 ཁྱེད་ཀྱིས་ལྟ་བའི་སྐབས་སུ། མི་ཡིས་གཤགས་པ་མ་ཡིན་པའི་རྡོ་ཕ་བོང་ཞིག་གིས་སྐུ་བརྙན་དེའི་ལྕགས་དང་འཇིམ་གྱིས་བཟོས་པའི་རྐང་པར་བརྡེགས་ནས་དེ་རྡུལ་དུ་བརླག་པའོ། །  
\v 35 དེ་ནས་ལྕགས་དང་འཇིམ་བག ལི། དངུལ། གསེར་བཅས་ནི་དུས་གཅིག་ཏུ་དུམ་བུར་འཐོར་ཏེ་དབྱར་རླུང་གིས་རྒྱང་ཐག་རིང་པོར་འཁུར་བའི་གཡུལ་ཁའི་སྦུར་མ་ལྟར་རྗེས་ཤུལ་ཙམ་ཡང་རྙེད་མ་སོང་། འོན་ཀྱང་སྐུ་བརྙན་དེར་བརྡེགས་པའི་རྡོ་ཕ་བོང་དེ་ནི་རི་བོ་ཆེན་པོ་ཞིག་ཏུ་གྱུར་ནས་ས་སྟེང་ཡོངས་སུ་ཁྱབ་པའོ། །  
\v 36 དེ་ནི་ཁྱེད་ཀྱི་རྨི་ལམ་ཡིན། ད་ལྟ་བདག་གིས་རྒྱལ་པོའི་དྲུང་དུ་དེའི་དོན་འཆད་པར་བྱའོ། །   
\p
\v 37 ཀྱེ་རྒྱལ་པོ་ལགས། ཁྱེད་ནི་རྒྱལ་པོ་རྣམས་ཀྱི་རྒྱལ་པོ་ལགས། ནམ་མཁའི་དཀོན་མཆོག་གིས་ཁྱེད་ལ་རྒྱལ་སྲིད་དང་དབང་ཆ། ནུས་མཐུ། གཟི་བརྗིད་བཅས་གནང་ཡོད།  
\v 38 དེ་མིན་ཁོང་གིས་ཡུལ་སོ་སོར་ཐར་ཐོར་དུ་གནས་པའི་མི་རྣམས་དང་ས་སྟེང་གི་དུད་འགྲོ། ནམ་མཁའི་བྱ་ལ་སོགས་པ་ཁྱེད་ཀྱི་དབང་འོག་ཏུ་གནང་ནས། ཁྱེད་ཉིད་དེ་ཐམས་ཅད་ལ་བདག་གཉེར་བྱེད་མཁན་དུ་བསྐོས། གསེར་གྱི་མགོ་བོ་ཅན་དེ་ཁྱེད་ཡིན་ནོ། །  
\v 39 དེ་ཡང་ཁྱེད་ཀྱི་རྗེས་སུ་ཁྱེད་ལས་སྟོབས་ཆུང་བའི་རྒྱལ་སྲིད་གཞན་ཞིག་འབྱུང་བ་དང་། དེར་མཐུད་ནས་ལི་ཡི་རྒྱལ་སྲིད་གསུམ་པ་ཞིག་གིས་ས་སྟེང་ཡོངས་སུ་སྲིད་བསྐྱང་བར་བྱའོ། །  
\v 40 ད་དུང་ལྕགས་ལྟར་སྲ་བའི་རྒྱལ་སྲིད་བཞི་པ་ཞིག་ཀྱང་འབྱུང་ཞིང་། ལྕགས་ཀྱིས་ཚང་མ་གཏོར་ཞིང་རྡུལ་དུ་བརླག་ནུས་པ་བཞིན་རྒྱལ་སྲིད་དེས་ཀྱང་གཞན་ཡོད་ཚད་གཅོག་ཅིང་རྡུལ་དུ་བརླག་ངེས་ཡིན།  
\v 41 ཁྱེད་ཀྱིས་དེའི་རྐང་པ་དང་རྐང་མཛུབ་ཀྱི་ཕྱེད་ཀ་ནི་མེར་བསྲེགས་པའི་འཇིམ་བག་དང་ཕྱེད་ཀ་ནི་ལྕགས་ཡིན་པ་མཐོང་བ་བཞིན་དུ། རྒྱལ་སྲིད་དེ་ཡང་ཁ་འཐོར་དུ་འགྲོ་རྒྱུ་ཡིན་པ་དང་། ཡང་ཁྱེད་ཀྱིས་ལྕགས་ལ་འཇིམ་བག་འདྲེས་ཡོད་པ་མཐོང་བ་བཞིན་དུ། རྒྱལ་སྲིད་དེ་ཡང་ལྕགས་ལྟར་སྲ་མཁྲེགས་ལྡན་པ་ཡིན་ནོ། །  
\v 42 རྐང་མཛུབ་རྣམས་ནི་ཕྱེད་ཀ་ལྕགས་དང་ཕྱེད་ཀ་འཇིམ་བག་ཡིན་པ་བཞིན་དུ། རྒྱལ་སྲིད་དེ་ཡང་ཕྱེད་ཀ་སྟོབས་དང་ལྡན་ལ་ཕྱེད་ཀ་ཉམས་ཞན་ཡིན།  
\v 43 ཡང་ཁྱེད་ཀྱིས་ལྕགས་དང་འཇིམ་བག་འདྲེས་ཡོད་པ་མཐོང་བ་བཞིན་དུ། རྒྱལ་སྲིད་དེའི་མི་རྣམས་ཀྱང་རིགས་རྒྱུད་གཞན་རྣམས་དང་འདྲེས་ནའང་། ལྕགས་དང་འཇིམ་བག་གཉིས་ཀ་འདྲེ་མི་སྲིད་པ་ལྟར་དེ་རྣམས་ཕན་ཚུན་འབྲེལ་བར་མི་འགྱུར་རོ། །  
\v 44 རྒྱལ་པོ་དེ་རྣམས་ཀྱི་ཉིན་མོ་ལ། ནམ་མཁའི་དཀོན་མཆོག་གིས་ནམ་ཡང་འཇིག་མི་སྲིད་པའི་རྒྱལ་སྲིད་ཅིག་དར་བར་མཛད་ཅིང་། སྲིད་དབང་ནམ་ཡང་མི་སྡེ་གཞན་གྱི་ལག་ཏུ་མི་འཆོར་བར་མ་ཟད། རྒྱལ་སྲིད་དེས་རྒྱལ་སྲིད་གཞན་ཐམས་ཅད་གཏོར་ནས་རྡུལ་དུ་བརླག་པར་བྱ་ཞིང་། དེ་ནི་དུས་གཏན་དུ་གནས་པར་འགྱུར་རོ། །  
\v 45 ཁྱེད་ཀྱིས་མི་སུས་ཀྱང་མ་གཤགས་པར་རི་བོ་ལས་ཐོན་པའི་རྡོ་ཕ་བོང་དེས་ལྕགས་དང་ལི། འཇིམ་བག དངུལ། གསེར་བཅས་རྡུལ་དུ་བརླག་པ་མཐོང་བ་བཞིན་དུ། བླ་མེད་དཀོན་མཆོག་གིས་རྒྱལ་པོ་ཁྱེད་ལ་མ་འོངས་པ་ན་ཅི་ཞིག་འབྱུང་ངེས་པ་བསྟན་པ་རེད། རྨི་ལམ་ནི་བདེན་པ་ཡིན་ཞིང་དེའི་དོན་ཡང་ཡིད་རྟོན་རུང་བ་ཡིན་ཞེས་སྨྲས་སོ། །   
\p
\v 46 དེ་ནས་རྒྱལ་པོ་ནེ་བོ་ཀད་ནེ་ཙར་གྱིས་ལུས་པོ་སར་བཏུད་ནས་དཱ་ནེ་ཨེལ་ལ་གུས་ཕྱག་བཙལ་ཞིང་མཆོད་པ་དང་བདུག་སྤོས་འབུལ་བའི་བཀའ་བསྩལ་ཏོ། །  
\v 47 རྒྱལ་པོས་དཱ་ནེ་ཨེལ་ལ་འདི་ལྟར། ཁྱེད་ཀྱིས་གསང་བ་འདི་མངོན་པར་མཛད་པས་ན། ཁྱེད་ཀྱི་དཀོན་མཆོག་ནི་ལྷ་ཐམས་ཅད་ཀྱི་དཀོན་མཆོག་དང་རྒྱལ་པོ་ཀུན་གྱི་གཙོ་བོ། གསང་བ་མ་ལུས་མངོན་པར་མཛད་མཁན་བཅས་ལགས་སོ་ཞེས་སྨྲས་སོ། །  
\v 48 དེ་ནས་རྒྱལ་པོས་དཱ་ནེ་ཨེལ་གྱི་གོ་གནས་སྤར་བ་དང་། ཁོ་ལ་རིན་ཐང་ཆེ་བའི་ལེགས་སྐྱེས་མང་པོ་གནང་བར་མ་ཟད། པཱ་པེལ་ལོན་ཞིང་ཆེན་ཡོངས་ལ་བདག་གཉེར་བྱེད་དུ་བཅུག་པ་དང་། ཡང་ཁོ་རང་ནི་པཱ་པེལ་ལོན་གྱི་མཁས་མཛངས་ཀུན་ལ་བདག་གཉེར་བྱེད་པའི་སྲིད་འཛིན་དུ་བསྐོས་པའོ། །  
\v 49 དཱ་ནེ་ཨེལ་གྱིས་རྒྱལ་པོར་རེ་བ་ཞུས་པ་ལ། རྒྱལ་པོས་ཤད་རག་དང་མེ་ཤག ཨ་བེད་ནེ་གོ་བཅས་གསུམ་ནི་པཱ་པེལ་ལོན་ཞིང་ཆེན་གྱི་སྲིད་དོན་སྒྲུབ་མཁན་དུ་བསྐོས་པ་དང་། དཱ་ནེ་ཨེལ་རང་ཉིད་རྒྱལ་པོའི་ཕོ་བྲང་ནང་དུ་ཞབས་ཕྱི་རུ་བསྡད་དོ། །   
\c 3
\cl ལེའུ་གསུམ་པ། 
\toc1 ༄༅། །ལུང་སྟོན་པ་དཱ་ནེ་ཨེལ་གྱི་མདོ། 
\toc2 དཱ་ནེ་ཨེལ། 
\s1 རྒྱལ་པོས་བསྒྲེངས་པའི་གསེར་སྐུ།  
\p
\v 1 རྒྱལ་པོ་ནེ་བོ་ཀད་ནེ་ཙར་གྱིས་མཐོ་ཚད་ལ་ཁྲུ་དྲུག་ཅུ་དང་ཞེང་ལ་ཁྲུ་དྲུག་ཅན་གྱི་གསེར་སྐུ་ཞིག་བཞེངས་ནས་པཱ་པེལ་ལོན་ཡུལ་གྱི་དོའུ་རཱ་ཐང་དུ་ཀེ་རེར་བསྒྲེངས་སོ། །  
\v 2 དེ་ནས་རྒྱལ་པོས་སྤྱི་དཔོན་དང་བཀའ་བློན། བློན་པོ། གྲོས་པ། དཀོར་གཉེར། ཁྲིམས་དཔོན། གཟུ་དཔང་བཅས་དང་མངའ་སྡེ་དེའི་སྐུ་དྲག་ཐམས་ཅད་ཁོས་བཞེངས་པའི་གསེར་སྐུའི་རབ་གནས་ཀྱི་ཆོ་གར་གདན་དྲངས་པས།  
\v 3 སྤྱི་དཔོན་དང་བཀའ་བློན། བློན་པོ། གྲོས་པ། དཀོར་གཉེར། ཁྲིམས་དཔོན། གཟུ་དཔང་བཅས་དང་མངའ་སྡེ་དེའི་སྐུ་དྲག་ཐམས་ཅད་མཉམ་དུ་འཛོམས་ནས། རྒྱལ་པོས་ཡར་བཞེངས་པའི་གསེར་སྐུ་ལ་རབ་གནས་བྱེད་པའི་ཆོ་གར་ཞུགས་ཤིང་། ཐམས་ཅད་གསེར་སྐུའི་མདུན་དུ་ལངས་ནས་བསྡད་དོ། །   
\p
\v 4 དུས་དེ་ཙ་ན་བཀའ་སྒྲོག་མཁན་གྱིས་སྐད་གསང་མཐོན་པོས། ཀྱེ། རྒྱལ་ཁམས་ཁག་དང་མི་རིགས་སོ་སོ། སྐད་རིགས་སོ་སོའི་མི་ཐམས་ཅད་ཀྱིས་ཉོན་དང་། རྒྱལ་པོས་ཁྱོད་ཅག་ལ་བསྒོས་པའི་བཀའ་ནི་འདི་ལྟ་སྟེ།  
\v 5 ཁྱོད་ཅག་གིས་རྭ་དུང་དང་གླིང་བུ། པི་ཝང་། ཏམ་བུ་ར། གཞུ་སྦྲེང་། སྦུད་གླིང་ལ་སོགས་རོལ་མོ་སྣ་ཚོགས་ཀྱི་སྒྲ་ཐོས་ཡོང་དུས། རྒྱལ་པོ་ནེ་བོ་ཀད་ནེ་ཙར་གྱིས་བསྒྲེངས་པའི་གསེར་སྐུ་ལ་ལུས་སར་བཏུད་ནས་ཕྱག་འཚལ་དགོས།  
\v 6 སུ་ཞིག་གིས་ལུས་སར་བཏུད་ནས་ཕྱག་མ་བཙལ་ན། དེ་མ་ཐག་ཏུ་མེ་ལྕེ་རབ་ཏུ་འབར་བའི་ཐབ་ལ་གཡུག་པར་བྱའོ་ཞེས་བསྒྲགས་སོ། །  
\v 7 དེ་བས་རྒྱལ་ཁམས་ཁག་དང་མི་རིགས་སོ་སོ། སྐད་རིགས་སོ་སོའི་མི་ཐམས་ཅད་ཀྱིས་རྭ་དུང་དང་གླིང་བུ། པི་ཝང་། ཏམ་བུ་ར། གཞུ་སྦྲེང་ལ་སོགས་རོལ་མོ་སྣ་ཚོགས་ཀྱི་སྒྲ་ཐོས་མ་ཐག་ཏུ། རྒྱལ་པོ་ནེ་བོ་ཀད་ནེ་ཙར་གྱིས་བསྒྲེངས་པའི་གསེར་སྐུ་ལ་ཕྱག་བཙལ་ཏོ། །   
\s1 ཡ་ཧུ་དཱ་པ་ཁ་ཅིག་ལ་སྙད་བཏགས་པ།  
\p
\v 8 ཡང་དེའི་དུས་སུ་ཀལ་དི་པ་ཁ་ཅིག་རྒྱལ་པོའི་མདུན་དུ་ཕྱིན་ཏེ་ཡ་ཧུ་དཱ་པ་རྣམས་ལ་གནོད་སེམས་ཆེན་པོས་སྙད་བཏགས་པ་སྟེ།  
\v 9 ཁོ་ཚོས་རྒྱལ་པོ་ནེ་བོ་ཀད་ནེ་ཙར་ལ་འདི་ལྟར། རྒྱལ་པོའི་སྐུ་ཚེ་ཡུན་རིང་བརྟན་པར་ཤོག  
\v 10 ཀྱེ་རྒྱལ་པོ་ལགས། དེ་སྔར་ཁྱེད་ཀྱིས་རྭ་དུང་དང་གླིང་བུ། པི་ཝང་། ཏམ་བུ་ར། གཞུ་སྦྲེང་། སྦུད་གླིང་ལ་སོགས་རོལ་མོ་སྣ་ཚོགས་ཀྱི་སྒྲ་ཐོས་ཚད་ཀྱིས་གསེར་སྐུའི་མདུན་དུ་ལུས་སར་བཏུད་ནས་ཕྱག་འཚལ་དགོས་པ་དང་།  
\v 11 སུ་ཞིག་གིས་ལུས་སར་བཏུད་ནས་ཕྱག་མ་བཙལ་ན། དེ་མ་ཐག་ཏུ་མེ་ལྕེ་རབ་ཏུ་འབར་བའི་ཐབ་ལ་གཡུག་པར་འགྱུར་བའི་བཀའ་གནང་བ་མ་ཡིན་ནམ།  
\v 12 འོན་ཀྱང་རྒྱལ་པོ་ལགས། ཁྱེད་ཀྱིས་པཱ་པེལ་ལོན་ཡུལ་གྱི་སྲིད་འཛིན་དུ་བསྐོས་པའི་ཡ་ཧུ་དཱ་པ་ཁ་ཅིག་སྟེ། ཤད་རག་དང་མེ་ཤག ཨ་བེད་ནེ་གོ་བཅས་གསུམ་པོས་ཁྱེད་ཀྱི་བཀའ་མི་བརྩི་བ་དང་། ཁྱེད་ཀྱི་ལྷ་ལ་ཞབས་ཏོག་མི་བསྒྲུབ་ཅིང་། ཉིད་ཀྱིས་བཞེངས་པའི་གསེར་སྐུ་ལ་གུས་ཕྱག་ཀྱང་མི་འཚལ་ལོ་ཞེས་ཞུས་པས།  
\v 13 ནེ་བོ་ཀད་ནེ་ཙར་ཁོང་ཁྲོ་རབ་ཏུ་འབར་ནས། ཤད་རག་དང་མེ་ཤག ཨ་བེད་ནེ་གོ་བཅས་གསུམ་པོ་འཁྲིད་འོང་བའི་བཀའ་ཕབ་པ་ན། ཁོ་རྣམས་རྒྱལ་པོའི་མདུན་དུ་ཁྲིད་ཡོང་ངོ་། །  
\v 14 ནེ་བོ་ཀད་ནེ་ཙར་གྱིས་ཁོ་རྣམས་ལ། ཀྱེ་ཤད་རག་དང་མེ་ཤག ཨ་བེད་ནེ་གོ ཁྱོད་ཅག་གིས་ངའི་ལྷ་ལ་ཞབས་ཏོག་མི་བསྒྲུབ་ཅིང་ངས་བཞེངས་པའི་གསེར་སྐུ་ལ་ཕྱག་ཀྱང་མི་འཚལ་ཞེས་པ་བདེན་ནམ།  
\v 15 ཅི་སྟེ་ད་ནི་ཁྱོད་ཅག་གིས་རྭ་དུང་དང་གླིང་བུ། པི་ཝང་། ཏམ་བུ་ར། གཞུ་སྦྲེང་། སྦུད་གླིང་ལ་སོགས་རོལ་མོ་སྣ་ཚོགས་ཀྱི་སྒྲ་ཐོས་པ་ཙམ་གྱིས། བདག་གིས་བཞེངས་པའི་གསེར་སྐུའི་མདུན་དུ་ལུས་སར་བཏུད་ནས་ཕྱག་འཚལ་བ་ཡིན་ན་ལེགས་ཤིང་། གལ་ཏེ་ཁྱོད་ཅག་གིས་དེར་ཕྱག་མ་བཙལ་ན་ད་ལྟ་ཉིད་དུ་མེ་ལྕེ་རབ་ཏུ་འབར་བའི་ཐབ་ལ་གཡུག་པར་འགྱུར། དེའི་དུས་ལྷ་སུ་ཞིག་གིས་ཁྱོད་ཅག་བདག་གི་དབང་ལས་བསྐྱབ་ནུས་སམ་ཞེས་སྨྲས་སོ། །  
\v 16 ཤད་རག་དང་མེ་ཤག ཨ་བེད་ནེ་གོ་བཅས་ཀྱིས་རྒྱལ་པོ་ནེ་བོ་ཀད་ནེ་ཙར་ལ་ལན་དུ། ཀྱེ་རྒྱལ་པོ་ནེ་བོ་ཀད་ནེ་ཙར་ལགས། ངེད་ཅག་གིས་འདིའི་སྐོར་ལ་ལན་འདེབས་དགོས་དོན་མི་འདུག  
\v 17 ངེད་ཅག་མེ་ཐབ་ནང་དུ་གཡུགས་པའི་དབང་དུ་བཏང་ནའང་། ངེད་ཅག་གིས་ཞབས་ཏོག་སྒྲུབ་པའི་དཀོན་མཆོག་གིས་མེ་ལྕེ་རབ་ཏུ་འབར་བའི་མེ་ཐབ་དང་ཁྱེད་ཀྱི་དབང་ལས་བསྐྱབ་ངེས་ཡིན།  
\v 18 ཀྱེ་རྒྱལ་པོ་ལགས། དེ་འདྲ་མིན་ནའང་ཁྱེད་ཀྱི་སྙན་དུ་སྒྲོན་དགོས་པ་ཞིག་ལ། ངེད་ཅག་གིས་ཁྱེད་ཀྱི་ལྷ་རྣམས་ལ་ཞབས་ཏོག་བསྒྲུབ་མི་སྲིད་ལ་ཉིད་ཀྱིས་བསྒྲེངས་པའི་གསེར་སྐུ་ལ་ཕྱག་ཀྱང་མི་འཚལ་བ་མཁྱེན་པར་གྱུར་ཅིག་ཅེས་ཞུས་སོ། །   
\p
\v 19 སྐབས་དེར་རྒྱལ་པོ་ནེ་བོ་ཀད་ནེ་ཙར་ནི་ཤད་རག་དང་མེ་ཤག ཨ་བེད་ནེ་གོ་བཅས་ཀྱི་སྟེང་དུ་ཁོང་ཁྲོ་མེ་ལྟར་འབར་ནས་ཐ་ན་ངོ་མདངས་ཀྱང་འགྱུར་ཏེ། མེ་ཐབ་དེ་རྒྱུན་ལྡན་ལས་ལྡབ་བདུན་གྱིས་ཚ་བར་བཟོ་རུ་བཅུག་པ་དང་།  
\v 20 དམག་དཔུང་ལས་དམག་མི་སྟོབས་པོ་ཆེ་འགའ་ལ། ཤད་རག་དང་མེ་ཤག ཨ་བེད་ནེ་གོ་བཅས་དམ་པོར་བཀྱིགས་ནས་མེ་ལྕེ་རབ་ཏུ་འབར་བའི་མེ་ཐབ་ནང་དུ་གཡུག་པའི་བཀའ་གནང་ངོ་། །  
\v 21 དེ་ནས་སྐྱེས་བུ་དེ་གསུམ་པོས་ཕྱི་གོས་དང་རྐང་སྣམ། མགོ་རས། དེ་མིན་གྱོན་པ་གཞན་དག་ལུས་ལ་གྱོན་ནས་ཐག་པས་དམ་པོར་བཀྱིགས་ཏེ་མེ་ལྕེ་རབ་ཏུ་འབར་བའི་མེ་ཐབ་ནང་དུ་གཡུགས་སོ། །  
\v 22 དེ་ཡང་རྒྱལ་པོའི་བཀའ་དེ་ཛ་དྲག་ཆེ་བ་དང་། མེ་ཐབ་ནང་གི་མེ་འབར་བ་ཡང་ཤུགས་དྲག་པའི་རྐྱེན་གྱིས་ཤད་རག་དང་མེ་ཤག ཨ་བེད་ནེ་གོ་བཅས་མེ་ཐབ་ནང་དུ་རྫོང་མཁན་ཐམས་ཅད་མེས་ཚིག་པ་དང་།  
\v 23 ཤད་རག་དང་མེ་ཤག ཨ་བེད་ནེ་གོ་བཅས་སྐྱེས་བུ་གསུམ་པོ་ནི་ཐག་པས་བཀྱིགས་ནས་མེ་ལྕེ་རབ་ཏུ་འབར་བའི་མེ་ཐབ་ནང་དུ་ལྷུང་ངོ་། །   
\p
\v 24 དེའི་ཚེ་རྒྱལ་པོ་ནེ་བོ་ཀད་ནེ་ཙར་ཤིན་ཏུ་ཧ་ལས་ཤིང་རྟབ་རྟབ་པོར་ཡར་ལངས་ཏེ་གྲོས་པ་དག་ལ་འདི་ལྟར། ང་ཚོས་སྐྱེས་བུ་གསུམ་བཀྱིགས་ནས་མེ་ཐབ་ཏུ་གཡུགས་པ་མ་ཡིན་ནམ་ཞེས་སྨྲས་པ་ན། དེ་ཚོས་ལན་དུ། ཀྱེ་རྒྱལ་པོ་ལགས། དེ་བཞིན་ཡིན་ནོ་ཞེས་ཞུས་སོ། །  
\v 25 དེར་རྒྱལ་པོ་ན་རེ། འོན་ཀྱང་ངས་སྐྱེས་བུ་བཞི་མེའི་ནང་དུ་རྒྱུ་བ་མཐོང་བྱུང་། དེ་རྣམས་བཀྱིགས་མེད་ལ་རྨས་སྐྱོན་ཡང་བྱུང་མེད་པར་མ་ཟད། སྐྱེས་བུ་བཞི་པ་དེའི་བྱད་བཞིན་ནི་ལྷ་སྲས་ཤིག་དང་འདྲ་བོ་འདུག་ཅེས་སྨྲས་སོ། །  
\v 26 དེ་ནས་ནེ་བོ་ཀད་ནེ་ཙར་ནི་མེ་ལྕེ་རབ་དུ་འབར་བའི་མེ་ཐབ་ཁར་བཅར་ཏེ། ཀྱེ་བླ་ན་མེད་པའི་དཀོན་མཆོག་གི་ཞབས་ཕྱི་ཤད་རག་དང་མེ་ཤག ཨ་བེད་ནེ་གོ་ཁྱེད་རྣམས་ཕྱི་རུ་ཐོན་ཤོག འདི་རུ་ཕེབས་དང་ཞེས་སྐད་བརྒྱབ་པ་ན། ཤད་རག་དང་མེ་ཤག ཨ་བེད་ནེ་གོ་བཅས་པ་མེའི་ཁྲོད་ནས་ཕྱི་རུ་ཐོན་ནོ། །  
\v 27 དེ་ནས་སྤྱི་དཔོན་དང་བཀའ་བློན། བློན་པོ། རྒྱལ་པོའི་གྲོས་པ་བཅས་མཉམ་དུ་འདུས་ཏེ་སྐྱེས་བུ་དེ་གསུམ་པོར་རུབ་ནས་བལྟས་པ་ལ། མེ་ཡིས་ཁོ་ཚོའི་ལུས་སྟེང་དུ་སྐྱོན་ཅི་ཡང་བཟོ་མ་ཐུབ་པར་མ་ཟད། མགོའི་སྐྲ་ཉག་གཅིག་ཀྱང་ཚིག་མེད་པ་དང་གྱོན་གོས་དག་ཀྱང་བསྲེགས་མེད་ལ། ཐ་ན་ཁོ་ཚོའི་ལུས་སྟེང་ལ་དུ་བའི་དྲི་མ་ཙམ་ཡང་མི་བྲོ་བ་རེད།   
\p
\v 28 དེ་ནས་ནེ་བོ་ཀད་ནེ་ཙར་ན་རེ། ཤད་རག་དང་མེ་ཤག ཨ་བེད་ནེ་གོ་བཅས་ཀྱི་དཀོན་མཆོག་ནི་བསྟོད་ཅིང་བསྔགས་པར་འོས་ཏེ། ཁོང་གིས་ཕོ་ཉ་མངགས་ནས་ཁོང་ལ་བརྟེན་པའི་ཞབས་ཕྱི་རྣམས་བསྐྱབས་པ་རེད། ཁོ་ཚོས་རྒྱལ་པོའི་བཀའ་དང་འགལ་ནས་རང་སྲོག་འབེན་ལ་འཇོག་དགོས་བྱུང་ནའང་། རང་ཉིད་ཀྱི་དཀོན་མཆོག་མ་གཏོགས་ལྷ་གཞན་གང་ལ་ཡང་ཞབས་ཏོག་མི་བསྒྲུབ་ལ་ཕྱག་ཀྱང་མི་འཚལ་ལོ། །  
\v 29 དེ་བས་ན་བདག་གིས་བསྒོས་པའི་བཀའ་རྒྱ་ནི། རྒྱལ་ཁམས་ཁག་དང་མི་རིགས་སོ་སོ། སྐད་རིགས་སོ་སོའི་མི་ཐམས་ཅད་ཀྱིས་ཤད་རག་དང་མེ་ཤག ཨ་བེད་ནེ་གོ་བཅས་ཀྱི་དཀོན་མཆོག་ལ་སྐུར་བ་བཏབ་མི་ཆོག་ལ། གལ་ཏེ་སུ་ཞིག་གིས་སྐུར་བ་བཏབ་ན་དེ་ནི་དུམ་བུ་དུམ་བུར་གཏུབ་ཅིང་ཁང་པ་རྣམས་ཞིག་རོར་ལུས་པར་འགྱུར། གང་ལ་ཞེ་ན། འདི་ལྟར་བསྐྱབ་ནུས་པའི་དཀོན་མཆོག་གཞན་ཞིག་གཏན་ནས་ཡོད་མ་ཡིན་ཞེས་སྨྲས་སོ། །  
\v 30 དེ་ནས་ནེ་བོ་ཀད་ནེ་ཙར་གྱིས་ཤད་རག་དང་མེ་ཤག ཨ་བེད་ནེ་གོ་བཅས་ལ་པཱ་པེལ་ལོན་མངའ་སྡེ་ནས་གོ་གནས་མཐོན་པོ་སྤྲད་དོ། །   
\c 4
\cl ལེའུ་བཞི་པ། 
\toc1 ༄༅། །ལུང་སྟོན་པ་དཱ་ནེ་ཨེལ་གྱི་མདོ། 
\toc2 དཱ་ནེ་ཨེལ། 
\s1 ནེ་བོ་ཀད་ནེ་ཙར་གྱིས་ལྗོན་ཤིང་ཞིག་རྨི་ལམ་དུ་རྨིས་པ།  
\p
\v 1 རྒྱལ་པོ་ནེ་བོ་ཀད་ནེ་ཙར་གྱིས་ས་སྟེང་གི་རྒྱལ་ཁམས་ཁག་དང་མི་རིགས་སོ་སོ། སྐད་རིགས་སྣ་ཚོགས་སྨྲ་མཁན་གྱི་མི་རྣམས་ལ་འདི་ལྟར་ཁྱབ་བསྒྲགས་བྱས་པ་སྟེ། ཁྱོད་རྣམས་ཞི་བདེའི་ངང་དར་ཞིང་རྒྱས་པར་ཤོག  
\v 2 ངས་ཁྱོད་ཅག་ལ་བླ་མེད་དཀོན་མཆོག་ཁོང་གིས་ང་ཡི་དོན་དུ་གྲུབ་རྟགས་དང་འཕྲིན་ལས་ངོ་མཚར་ཅན་ཅི་ཞིག་མཛད་པ་བརྗོད་འདོད་པ་ཡིན།   
\q1
\v 3 ཁོང་གི་གྲུབ་རྟགས་ཅི་འདྲའི་རླབས་ཆེ་ཨང་། །  
\q1 ངོ་མཚར་འཕྲིན་ལས་ཅི་འདྲའི་མཐུ་སྟོབས་ལྡན། །  
\q1 ཁོང་གི་རྒྱལ་སྲིད་ནམ་ཡང་བརྟན་ཞིང་བརླིང་། །  
\q1 ཁོང་གིས་མི་རབས་ཀུན་ལ་རྒྱལ་སྲིད་སྐྱོང་། །   
\p
\v 4 ནེ་བོ་ཀད་ནེ་ཙར་བདག་ནི་རང་ཁྱིམ་ནས་སྐྱིད་པོར་བསྡད་དེ་ཕོ་བྲང་ནང་དུ་ཅི་དགར་ལོངས་སྤྱོད་ཆེན་པོར་རོལ་སྐབས།  
\v 5 བདག་གིས་རྨི་ལམ་ཞིག་རྨིས་ཤིང་དེས་བདག་ལ་འཇིགས་སྐྲག་བསླངས་པ་དང་། བདག་མལ་ཁྲིར་ཡོད་དུས་ཀྱི་འཆར་སྣང་དང་ཡིད་ལ་འཁོར་བའི་ཞལ་གཟིགས་ཀྱིས་ང་ལ་ཞེད་སྣང་ཆེན་པོ་བསྐུལ་བས།  
\v 6 བདག་གིས་པཱ་པེལ་ལོན་གྱི་མཁས་མཛངས་ལྡན་པ་ཐམས་ཅད་མདུན་དུ་བོས་ཏེ་རྨི་ལམ་དེའི་དོན་གསལ་པོར་སྨྲ་དགོས་པའི་བཀའ་ཕབ་པ་ཡིན།  
\v 7 དེ་བས་མོ་པ་དང་སྒྱུ་མ་མཁན། ཀལ་དི་པ། རྩིས་པ་བཅས་འཛོམས་པ་དང་། ངས་དེ་རྣམས་ལ་བདག་གི་རྨི་ལམ་བརྗོད་ནའང་། ཁོ་རྣམས་ཀྱིས་བདག་གི་རྨི་ལམ་དེར་འགྲེལ་བཤད་རྒྱག་མ་ནུས།  
\v 8 མཐར་བདག་གིས་བརྟེན་པའི་ལྷ་ཡི་མིང་བཞིན་དུ་པེལ་ཏེ་ཤཱ་ཙར་ཞེས་ཀྱང་འབོད་པ་དང་། ལྷ་དམ་པ་རྣམས་ཀྱི་ཐུགས་ཉིད་མངའ་བའི་དཱ་ནེ་ཨེལ་བདག་གི་མདུན་དུ་འོངས་ཤིང་ངས་ཁོ་ལ་རང་གི་རྨི་ལམ་སྨྲས་པ་སྟེ།  
\v 9 ཀྱེ་པེལ་ཏེ་ཤཱ་ཙར། ཁྱེད་ནི་མོ་པ་རྣམས་ཀྱི་འགོ་དཔོན་ཡིན་ཏེ། ཁྱེད་ཀྱི་ནང་དུ་ལྷ་དམ་པ་རྣམས་ཀྱི་ཐུགས་ཉིད་བཞུགས་པས་ན་གསང་བའི་དོན་གང་གིས་ཀྱང་མགོ་མི་རྨོངས་པ་བདག་གིས་ཤེས། དེའི་ཕྱིར་བདག་གིས་རྨི་ལམ་དུ་མཐོང་བའི་ཞལ་གཟིགས་དང་རྨི་ལམ་གྱི་དོན་ང་ལ་སྨྲ་བར་མཛོད།  
\v 10 བདག་མལ་ཁྲིར་ཡོད་དུས་ཡིད་ལ་ཤར་བའི་ཞལ་གཟིགས་ནི་འདི་ལྟ་སྟེ། བདག་གིས་ས་གཞི་ཆེན་པོའི་དཀྱིལ་ལ་ཤིན་ཏུ་མཐོ་བའི་ལྗོན་ཤིང་ཞིག་ཡོད་པ་མཐོང་བྱུང་ལ།  
\v 11 ལྗོན་ཤིང་དེ་ཆེར་སྐྱེས་ནས་གསོན་ཤུགས་ལྡན་པ་དང་། རྩེ་མོ་ནམ་མཁར་ཟུག་ཅིང་ས་མཐའི་མི་ཐམས་ཅད་ཀྱིས་དེ་གསལ་པོར་མཐོང་ཐུབ་པ་ཞིག་འདུག  
\v 12 དེའི་ལོ་འདབ་རྣམས་མཛེས་ཤིང་ལྟ་ན་སྡུག་པ་དང་ཤིང་ཏོག་གིས་གང་ཞིང་། སྲོག་ལྡན་ཐམས་ཅད་ཀྱིས་དེ་ལས་ཁ་ཟས་ལོངས་སུ་སྤྱོད་ཀྱིན་འདུག ཐང་གི་རི་དྭགས་རྣམས་དེའི་བསིལ་གྲིབ་འོག་ཏུ་གནས་ཤིང་། ནམ་མཁའི་བྱ་རྣམས་ཀྱིས་དེའི་ཡལ་གའི་སྟེང་དུ་ཚང་བཟོས་ནས། སྲོག་ལྡན་ཀུན་གྱིས་ལྗོན་ཤིང་དེ་ལ་བརྟེན་ནས་འཚོ་བ་རོལ་ཏོ། །  
\v 13 མལ་ཁྲིར་ཡོད་དུས་བདག་གི་ཡིད་ལ་ཤར་བའི་ཞལ་གཟིགས་རྣམས་ལས། སོ་ལྟ་བྱེད་མཁན་ཕོ་ཉ་དམ་པ་ཞིག་ནམ་མཁའི་ཞིང་ཁམས་ནས་ཐད་ཀར་མི་ཡུལ་དུ་ཕེབས་བྱུང་།  
\v 14 ཕོ་ཉ་དེས་སྐད་གསང་མཐོན་པོས་འདི་སྐད་དུ། ཁྱོད་ཅག་གིས་ལྗོན་ཤིང་དེ་གཅོད་པར་གྱིས། ཡལ་ག་རྣམས་གཞོགས་ལ་ལོ་མ་རྣམས་སྤྲུགས་ཤིག ཤིང་ཏོག་རྣམས་ཀྱང་གཏོར་བར་གྱིས། ལྗོན་ཤིང་དེའི་འོག་ཏུ་གནས་པའི་རི་དྭགས་རྣམས་གང་སར་གཏོར་ཅིག ཡལ་གའི་སྟེང་དུ་གནས་པའི་བྱ་ཐམས་ཅད་ཕྱོགས་བཞིར་འཕུར་དུ་ཆུག  
\v 15 འོན་ཀྱང་ལྗོན་ཤིང་གི་ཤིང་རྡུམ་དང་རྩད་པ་ནི་ལི་དང་ལྕགས་ཀྱི་ཐག་པས་བསྡམས་ནས་ཐང་གི་རྩྭ་སྔོན་ནང་དུ་བསྐྱུར་ལ་ནམ་མཁའི་ཟིལ་པར་ཁོ་རང་སྦང་དུ་ཆུག ཁོ་རང་རྩྭ་ཟན་རྣམས་དང་ལྷན་ཅིག་རྩྭ་གསེང་དུ་གཞིས་ཆགས་པར་གྱིས་ཤིག  
\v 16 ཁོའི་སེམས་ལ་འགྱུར་བ་ཐེབས་སུ་བཅུག་ནས། མི་ལོ་བདུན་ \f + \ft འདིར་མི་ལོ་བདུན་ཞེས་པར་མ་ཕྱི་ལས་ཐེངས་བདུན་ཞེས་མཐོང་།\f*འདའ་བའི་བར་དུ་ཁོ་ལ་མི་ཡི་སེམས་ནི་མི་ལྡན་ཞིང་དུད་འགྲོའི་སེམས་དང་ལྡན་པར་གྱིས།  
\v 17 འདི་ནི་སོ་ལྟ་བྱེད་མཁན་ཕོ་ཉ་དམ་པ་རྣམས་ཀྱིས་བསྒྲགས་པའི་བཀའ་རྒྱ་ཡིན་ལ། བླ་ན་མེད་པ་ཁོང་གིས་མི་ཡུལ་གྱི་རྒྱལ་སྲིད་ཀུན་ལ་དབང་སྒྱུར་ཞིང་། སུ་ཞིག་ལ་རྒྱལ་སྲིད་གནང་འདོད་ན་དེ་ལ་གནང་བ་དང་། ཐ་ན་ཆེས་ཉམས་ཞན་ཡིན་པ་དེར་སྲིད་དབང་ཡང་གནང་བ་ཡིན་ཞེས་གསུངས་སོ། །  
\v 18 འདི་ནི་རྒྱལ་པོ་ནེ་བོ་ཀད་ནེ་ཙར་བདག་གིས་རྨིས་པའི་རྨི་ལམ་ཡིན་པས། ད་ནི་པེལ་ཏེ་ཤཱ་ཙར་ཁྱེད་ཀྱིས་དེའི་དོན་བདག་ལ་སྨྲ་བར་མཛོད། གང་ལ་ཞེ་ན། བདག་གི་རྒྱལ་སྲིད་ནང་གི་མཁས་མཛངས་རྣམས་ཀྱིས་དེའི་དོན་བདག་ལ་གསལ་པོར་བཤད་མི་ཐུབ་བོ། །ཁྱེད་ཀྱི་ནང་དུ་ལྷ་དམ་པ་རྣམས་ཀྱི་ཐུགས་ཉིད་བཞུགས་པས་དེ་ལ་འགྲེལ་བཤད་རྒྱག་པའི་ནུས་པ་ཡོད་ཅེས་པའོ། །   
\s1 དཱ་ནེ་ཨེལ་གྱིས་ནེ་བོ་ཀད་ནེ་ཙར་གྱི་རྨི་ལམ་ལ་བརྟག་པ།  
\p
\v 19 དེ་ནས་མིང་ལ་པེལ་ཏེ་ཤཱ་ཙར་ཞེས་ཀྱང་འབོད་པའི་དཱ་ནེ་ཨེལ་ནི་ཡུད་ཙམ་ལ་ཧ་ལས་པར་གྱུར་ཅིང་། རང་གི་དྲན་ཚུལ་གྱིས་རང་ལ་འཇིགས་སྣང་བསྐུལ་བ་ཙམ་ལ། རྒྱལ་པོས་དེ་ལ། ཀྱེ་པེལ་ཏེ་ཤཱ་ཙར། རྨི་ལམ་དང་དེའི་དོན་གྱིས་འཇིགས་པར་མ་གྱུར་ཅིག་ཅེས་སྨྲས་པ་ན། པེལ་ཏེ་ཤཱ་ཙར་གྱིས་ལན་དུ། ངའི་ཇོ་བོ་ལགས། རྨི་ལམ་ནི་ཁྱེད་ཉིད་འཁོན་དུ་འཛིན་མཁན་རྣམས་དང་དེའི་དོན་ནི་ཁྱེད་ཀྱི་བསྟན་དགྲ་རྣམས་ཀྱི་སྐོར་ཡིན་ན་ཅི་མ་རུང་།  
\v 20 ཁྱེད་ཀྱིས་མཐོང་བའི་ལྗོན་ཤིང་དེ་ཆེར་སྐྱེས་ནས་གསོན་ཤུགས་ལྡན་པ་དང་། རྩེ་མོ་ནམ་མཁར་ཟུག་ཅིང་ས་མཐའི་མི་ཐམས་ཅད་ཀྱིས་དེ་གསལ་པོར་མཐོང་ཐུབ་པ་ཡིན།  
\v 21 དེའི་ལོ་འདབ་རྣམས་མཛེས་ཤིང་ལྟ་ན་སྡུག་པ་དང་ཤིང་ཏོག་གིས་གང་ཞིང་། སྲོག་ལྡན་ཐམས་ཅད་ཀྱིས་དེ་ལས་ཁ་ཟས་ལོངས་སུ་སྤྱོད་དོ། །ས་སྟེང་གི་དུད་འགྲོ་རྣམས་དེའི་བསིལ་གྲིབ་འོག་ཏུ་གནས་ཤིང་། ནམ་མཁའི་བྱ་རྣམས་ཀྱིས་དེའི་ཡལ་གའི་སྟེང་དུ་ཚང་བཟོས་པའོ། །  
\v 22 ཀྱེ་ཧུད་རྒྱལ་པོ། ལྗོན་ཤིང་དེ་ནི་ཁྱེད་རང་ཡིན་ཏེ། ཁྱེད་ནི་རླབས་ཆེ་ཞིང་སྟོབས་ཅན་དུ་གྱུར་ནས་ཁྱེད་ཀྱི་ཟིལ་ཤུགས་ནམ་མཁར་ཟུག་པ་དང་། ཁྱེད་ཀྱི་དབང་ཐང་ས་མཐའི་བར་དུ་སླེབས་པའོ། །  
\v 23 རྒྱལ་པོ་ཁྱེད་ཀྱིས་ནམ་མཁའི་ཞིང་ཁམས་ནས་སོ་ལྟ་བྱེད་མཁན་ཕོ་ཉ་དམ་པ་ཞིག་མར་ཕེབས་ཏེ་འདི་སྐད་དུ། ཁྱོད་ཅག་གིས་ལྗོན་ཤིང་དེ་བཅད་ནས་བརླག་པར་གྱིས། འོན་ཀྱང་ལྗོན་ཤིང་གི་ཤིང་རྡུམ་དང་རྩད་པ་ནི་ལི་དང་ལྕགས་ཀྱི་ཐག་པས་བསྡམས་ནས་ཐང་གི་རྩྭ་སྔོན་ནང་དུ་བསྐྱུར་ལ་ནམ་མཁའི་ཟིལ་པར་ཁོ་རང་སྦང་བར་ཆུག མི་ལོ་བདུན་འདའ་བའི་བར་དུ་ཁོ་རང་རྩྭ་ཟན་རྣམས་དང་འདྲ་བར་བསྐྱུར་ཞོག་ཅེས་སྨྲ་བ་མཐོང་ངོ་། །  
\v 24 ཀྱེ་རྒྱལ་པོ་ལགས། རྨི་ལམ་གྱི་དོན་ནི་འདི་ལྟ་སྟེ། འདི་ནི་བླ་ན་མེད་པའི་དཀོན་མཆོག་གིས་ངའི་ཇོ་བོ་དང་ངའི་རྒྱལ་པོ་ཁྱེད་ལ་གནང་བའི་བཀའ་རྒྱ་ཡིན།  
\v 25 ཁྱེད་ནི་ཕར་བསྐྲད་ནས་མི་ཚོགས་དང་འབྲལ་དགོས་ལ། ས་སྟེང་གི་རྩྭ་ཟན་གྱི་རིགས་དང་ལྷན་དུ་གནས་དགོས་པ་དང་། ཁྱེད་ཀྱིས་བ་གླང་ལྟར་རྩྭ་བཟའ་ཞིང་། གནམ་གྱི་ཟིལ་པས་ཁྱེད་རང་སྦང་བར་འགྱུར་བའོ། །ཡང་བླ་ན་མེད་པ་ཁོང་གིས་མི་ཡུལ་གྱི་རྒྱལ་སྲིད་ཀུན་ལ་དབང་སྒྱུར་བ་དང་། སུ་ཞིག་ལ་རྒྱལ་སྲིད་གནང་འདོད་ན་དེ་ལ་གནང་བ་ཁྱེད་ཀྱིས་རྟོགས་པའི་བར་དུ་མི་ལོ་བདུན་འདའ་བར་འགྱུར།  
\v 26 ལྗོན་ཤིང་གི་ཤིང་རྡུམ་དང་རྩད་པ་སྐྱུར་ཅིག་ཅེས་བཀའ་བསྩལ་པ་བཞིན་དུ། ཁྱེད་ཀྱིས་ནམ་མཁའི་ཞིང་ཁམས་ཀྱི་བླ་ན་མེད་པ་ཁོང་གིས་དབང་སྒྱུར་བ་རྟོགས་པའི་དུས་སུ། ཁྱེད་རང་གི་རྒྱལ་སྲིད་ཀྱང་ཕྱིར་ཁྱེད་ལ་དབང་བར་འགྱུར་རོ། །  
\v 27 དེའི་ཕྱིར། ཀྱེ་རྒྱལ་པོ་ལགས། བདག་གི་ཁ་ཏ་འདི་དང་དུ་ལེན་པར་མཛོད། དྲང་བདེན་སྤྱད་དེ་སྡིག་པ་སྤང་བ་དང་། གཉའ་གནོན་འོག་ཏུ་ཡོད་པ་རྣམས་ལ་སྙིང་རྗེ་བསྐྱེད་ནས་ཉེས་སྐྱོན་བསལ་བར་གྱིས་དང་། ཁྱེད་ཀྱི་མཛད་དོན་རྣམས་ལྷུན་གྱིས་འགྲུབ་ངེས་ཡིན་ཞེས་སྨྲས་སོ། །   
\s1 རྨི་ལམ་དོན་ཐོག་ཏུ་འཁེལ་བ།  
\p
\v 28 དོན་དེ་ཐམས་ཅད་རྒྱལ་པོ་ནེ་བོ་ཀད་ནེ་ཙར་གྱི་སྟེང་དུ་བྱུང་བའོ། །  
\v 29 དེ་ནས་ཟླ་བ་བཅུ་གཉིས་འགོར་བའི་རྗེས་ལ་རྒྱལ་པོ་པཱ་པེལ་ལོན་གྱི་ཕོ་བྲང་གི་ཀླད་དུ་འཆམ་འཆམ་འགྲོ་བའི་སྐབས་སུ།  
\v 30 ཁོ་ན་རེ། གནས་མཆོག་པཱ་པེལ་ལོན་འདི་ནི་བདག་གི་དབང་སྟོབས་ཆེན་པོས་བཀོད་པ་སྟེ། ང་རང་གི་རྔམ་བརྗིད་མངོན་པའི་ཕྱིར་བརྩིགས་པའི་རྒྱལ་ས་མ་ཡིན་ནམ་ཞེས་སྨྲས་པའི་མོད་ལ།  
\v 31 རྒྱལ་པོས་ཁ་ནས་ཚིག་མཚམས་མ་རྫོགས་པར་ནམ་མཁའ་ནས་སྒྲ་ཞིག་བྱུང་སྟེ། ཀྱེ་རྒྱལ་པོ་ནེ་བོ་ཀད་ནེ་ཙར། ཁྱོད་ལ་ཆེད་དུ་བསྒོ་བ་ནི། ཁྱོད་ཀྱི་སྲིད་དབང་ཁྱོད་ལས་བླངས་པ་ཡིན་ནོ། །  
\v 32 ཁྱོད་ནི་ཕར་བསྐྲད་ནས་མི་ཚོགས་དང་འབྲལ་དགོས་ལ། ས་སྟེང་གི་རྩྭ་ཟན་གྱི་རིགས་དང་ལྷན་དུ་གནས་དགོས་པ་དང་། ཁྱོད་ཀྱིས་བ་གླང་ལྟར་རྩྭ་བཟའ་བར་འགྱུར། ཡང་བླ་ན་མེད་པ་ཁོང་གིས་མི་ཡུལ་གྱི་རྒྱལ་སྲིད་ཀུན་ལ་དབང་སྒྱུར་བ་དང་། སུ་ཞིག་ལ་རྒྱལ་སྲིད་གནང་འདོད་ན་དེ་ལ་གནང་བ་ཁྱེད་ཀྱིས་རྟོགས་པའི་བར་དུ་མི་ལོ་བདུན་འདའ་བར་འགྱུར་ཞེས་གསུངས་སོ། །  
\v 33 དུས་དེ་ཉིད་དུ་བཀའ་དེ་རྒྱལ་པོ་ནེ་བོ་ཀད་ནེ་ཙར་གྱི་སྟེང་དུ་འགྲུབ་པ་སྟེ། ཁོ་རང་ཕར་བསྐྲད་ནས་མི་ཚོགས་དང་བྲལ་ཞིང་། བ་གླང་ལྟར་རྩྭ་ཟོས་པ་དང་། གནམ་གྱི་ཟིལ་པས་ལུས་པོ་སྦངས། སྐྲ་རིང་པོར་སྐྱེས་ནས་གླག་གི་སྒྲོ་ལྟར་གྱུར་ཅིང་། སེན་མོ་རྣམས་འདབ་ཆགས་བྱ་ཡི་སྡེར་མོ་བཞིན་གྱུར་ཏོ། །   
\p
\v 34 དེ་ནས་ལོ་བདུན་ལོངས་པ་ན། ནེ་བོ་ཀད་ནེ་ཙར་བདག་གིས་ནམ་མཁའི་ཞིང་ཁམས་སུ་ཡར་བལྟས་པ་དང་། བདག་གི་བློ་རིག་སྔར་བཞིན་གསལ་པོར་གྱུར་ནས་བླ་ན་མེད་པ་ཁོང་ཉིད་ལ་བསྟོད་བསྔགས་བརྗོད་ཅིང་། གཏན་དུ་བཞུགས་པ་ཉིད་ལ་གུས་འདུད་དང་གཟི་བརྗིད་ཕུལ་བ་ནི་འདི་ལྟ་སྟེ།  
\q1 ཁོང་གིས་རྒྱུན་ནས་རྒྱུན་དུ་རྒྱལ་སྲིད་སྐྱོང་། །  
\q1 ཁོང་གི་རྒྱལ་སྲིད་མི་རབས་ཀུན་ཏུ་གནས། །   
\q1
\v 35 འཇིག་རྟེན་ཁམས་ཀྱི་མི་སྡེ་ཡོད་དོ་ཅོག །  
\q1 ཁོང་གི་སྤྱན་སྔར་ཅི་ཡང་མ་ཡིན་ནོ། །  
\q1 ནམ་མཁའི་དཔུང་ཚོགས་ཡོངས་ཀྱི་དཀྱིལ་དབུས་སུ། །  
\q1 ཁོང་ནི་ཅི་ལ་དགྱེས་པ་དེ་བཞིན་བྱེད། །  
\q1 ས་གཞིའི་མི་རྣམས་ཁྲོད་དུའང་དེ་བཞིན་ཡིན། །  
\q1 སུས་ཀྱང་ཁོང་ལ་བཀག་འགོག་བྱེད་མི་ནུས། །  
\q1 ཅི་དང་གང་ཞེས་འདྲི་བའི་སྤོབས་པའང་མེད། །   
\m
\v 36 བདག་གི་བློ་རིག་སྔར་བཞིན་གསལ་པོར་གྱུར་པའི་དུས་དེ་ཉིད་ལ། ང་ཡི་རྒྱལ་སྲིད་ཀྱི་གཟི་བརྗིད་ཀྱི་ཆེད་དུ་བདག་གི་རྔམ་བརྗིད་དང་ཟིལ་ཤུགས་ཀྱང་སོར་ཆུད་བྱུང་ཞིང་། ངའི་གྲོས་པ་རྣམས་དང་སྐུ་དྲག་རྣམས་ཀྱིས་བདག་བཙལ་ནས་ཡང་བསྐྱར་རྒྱལ་ཁྲིར་བཀོད་པ་དང་། བདག་གི་དབང་ཐང་སྔར་ལས་དར་བར་གྱུར་ཏོ། །  
\v 37 ད་ནི་ནེ་བོ་ཀད་ནེ་ཙར་བདག་གིས་ནམ་མཁའི་ཞིང་ཁམས་སུ་བཞུགས་པའི་རྒྱལ་པོ་ཁོང་ལ་བསྟོད་བསྔགས་དང་གུས་འདུད། གཟི་བརྗིད་བཅས་དུས་གཅིག་ཏུ་འབུལ་ལོ། །གང་ལ་ཞེ་ན། ཁོང་གི་མཛད་པ་ཐམས་ཅད་ཡང་དག་པ་ཡིན་ཞིང་། གཤེགས་ལམ་ཐམས་ཅད་དྲང་བདེན་ཡིན་ནོ། །ང་རྒྱལ་དང་བཅས་སྤྱད་པ་སྤྱོད་པ་རྣམས་ཁོང་གིས་དམའ་བར་མཛད་ནུས་སོ་ཞེས་པའོ། །   
\c 5
\cl ལེའུ་ལྔ་པ། 
\toc1 ༄༅། །ལུང་སྟོན་པ་དཱ་ནེ་ཨེལ་གྱི་མདོ། 
\toc2 དཱ་ནེ་ཨེལ། 
\s1 མཁར་ངོས་ཀྱི་སུག་བྲིས།  
\p
\v 1 རྒྱལ་པོ་པེལ་ཤཱ་ཙར་གྱིས་རང་ཉིད་ཀྱི་བློན་ཆེན་ཆིག་སྟོང་ལ་གསོལ་སྟོན་གཟབ་རྒྱས་བཤམས་པ་དང་ཁོས་དེ་ཚོའི་མདུན་ནས་རྒུན་ཆང་འཐུངས་པའོ། །  
\v 2 ཁོས་རྒུན་ཆང་ཅི་དགར་འཐུངས་ནས། ཕ་ནེ་བོ་ཀད་ནེ་ཙར་གྱིས་ཡེ་རུ་སཱ་ལེམ་གྱི་མཆོད་ཁང་ནས་བཙན་འཕྲོག་བྱས་པའི་གསེར་དང་དངུལ་གྱི་སྣོད་ཆས་རྣམས་འཁྱེར་འོང་བའི་བཀའ་བསྩལ་པ་སྟེ། གང་ལ་ཞེ་ན། རྒྱལ་པོ་རང་ཉིད་དང་བློན་ཆེན་རྣམས་དང་། བཙུན་མོ་རྣམས་དང་ཆུན་མ་བཅས་ཀྱིས་སྣོད་ཆས་དེ་དག་གིས་རྒུན་ཆང་བཏུང་བའི་ཕྱིར་རོ། །  
\v 3 དེ་ནས་ཁོ་རྣམས་ཀྱིས་ཡེ་རུ་སཱ་ལེམ་དུ་ཡོད་པའི་མཆོད་ཁང་སྟེ། དཀོན་མཆོག་གི་བཞུགས་གནས་ལས་བཙན་འཕྲོག་བྱས་པའི་གསེར་དང་དངུལ་གྱི་སྣོད་ཆས་རྣམས་ཁྱེར་འོངས་ནས་རྒྱལ་པོ་ཪང་ཉིད་དང་བློན་ཆེན་རྣམས། བཙུན་མོ་རྣམས། ཆུན་མ་བཅས་ཀྱིས་སྣོད་ཆས་དེ་དག་ལས་རྒུན་ཆང་འཐུངས།  
\v 4 ཁོ་ཚོས་རྒུན་ཆང་འཐུང་བཞིན་གསེར་དང་དངུལ། ལྕགས། ལི། ཤིང་། རྡོ་སོགས་ལས་བཟོས་པའི་ལྷ་རྣམས་ལ་བསྟོད་བསྔགས་བརྗོད་དོ། །   
\p
\v 5 སྐབས་དེ་ཉིད་དུ་མི་ཡི་ལག་མཛུབ་དག་མངོན་པར་བྱུང་ནས་སྒྲོན་སྟེགས་མདུན་གྱི་ཕོ་བྲང་གི་མཁར་ངོས་སུ་ཡི་གེ་འགའ་འཁྱུག་བྲིས་བྱས་ཤིང་། རྒྱལ་པོས་ཡི་གེ་འབྲི་བའི་མཛུབ་མོ་མངོན་སུམ་དུ་མཐོང་བ་ལ།  
\v 6 རྒྱལ་པོའི་ངོ་མདངས་སྐྱ་བོར་གྱུར་ནས་ཞེད་སྣང་ཆེན་པོ་སྐྱེས་པ་དང་། རྐེད་ཚིགས་བུད་ཅིང་། པུས་མོ་འདར་ལྕུག་ལྕུག་བྱས་པ་རེད།  
\v 7 དེ་ནས་རྒྱལ་པོས་སྐད་ཆེན་པོ་བརྒྱབ་ནས་སྒྱུ་མ་མཁན་དང་ཀལ་དི་པ། དེ་མིན་རྩིས་པ་བཅས་འཁྲིད་འོང་བའི་བཀའ་བསྒོས་ཤིང་། པཱ་པེལ་ལོན་གྱི་མཁས་མཛངས་ལྡན་པ་རྣམས་ལ་བསྒྲགས་དོན། སུ་ཞིག་གིས་ཡི་གེ་འདི་རྣམས་ཀློག་ཤེས་པར་མ་ཟད་དེའི་དོན་འགྲེལ་ནུས་པ་ཡིན་ན། དེའི་ལུས་ལ་གོས་རྒྱ་སྨུག་བསྐོན་པ་དང་སྐེ་ལ་གསེར་གྱི་མགུལ་རྒྱན་བཏེགས་ནས་རྒྱལ་སྲིད་ཀྱི་གོ་གནས་ཨང་གསུམ་པ་འཐོབ་ངེས་ཡིན་ཞེས་སྨྲས་པ་ལ།  
\v 8 མཁས་མཛངས་ལྡན་པ་ཐམས་ཅད་དེ་རུ་སླེབས་ན་ཡང་། ཁོ་རྣམས་ལས་མཁར་ངོས་ཀྱི་ཡི་གེ་ཀློག་ཐུབ་མཁན་ཞིག་མ་ཐོན་ལ། དེའི་དོན་རྒྱལ་པོར་འགྲེལ་བཤད་རྒྱག་ནུས་མཁན་ཞིག་ཀྱང་མ་བྱུང་ངོ་། །  
\v 9 དེ་བས་རྒྱལ་པོ་པེལ་ཤཱ་ཙར་དངངས་སྐྲག་ཆེན་པོ་སྐྱེས་ནས་ངོ་མདངས་དེ་ལས་སྐྱ་བོར་གྱུར་པ་དང་། ཁོའི་བློན་ཆེན་རྣམས་ཀྱང་ཅི་བྱ་གཏོལ་མེད་དུ་གྱུར་ཏོ། །   
\p
\v 10 དེ་ཡང་རྒྱལ་ཡུམ་གྱིས་རྒྱལ་པོ་དང་བློན་ཆེན་རྣམས་ཀྱིས་གླེང་མོལ་བྱེད་པའི་གཏམ་ཐོས་ནས་གསོལ་སྟོན་ཁང་དུ་འོངས་ཏེ་རྒྱལ་པོར་ན་རེ། ཀྱེ་རྒྱལ་པོ་ལགས། ཁྱེད་ཉིད་སྐུ་ཚེ་ཡུན་རིང་བརྟན་པར་ཤོག ཁྱེད་རང་སེམས་མ་སྔངས་ཤིག ཞལ་མདངས་ཀྱང་མི་ལོག་པར་གྱིས།  
\v 11 ཁྱེད་ཀྱི་རྒྱལ་སྲིད་ནང་དུ་ལྷ་དམ་པ་རྣམས་ཀྱི་ཐུགས་ཉིད་བཞུགས་པའི་སྐྱེས་བུ་ཞིག་འདུག ཁྱེད་ཀྱི་ཕ་ཡི་སྐུ་རིང་ལ་མི་འདི་ནི་ལྷ་རྣམས་དང་འདྲ་བར་རྣམ་དཔྱོད་དང་རིག་སྟོབས། ཤེས་རབ་བཅས་ལྡན་པའོ། །ཁྱེད་ཀྱི་ཕ་སྟེ་རྒྱལ་པོ་ནེ་བོ་ཀད་ནེ་ཙར་གྱིས་སྐྱེས་བུ་དེ་ནི་མོ་པ་དང་སྒྱུ་མ་མཁན། ཀལ་དི་པ། རྩིས་པ་བཅས་ཀྱི་འགོ་དཔོན་དུ་བསྐོས་པ་ཡིན།  
\v 12 རྒྱལ་པོས་པེལ་ཏེ་ཤཱ་ཙར་ཞེས་མིང་བཏགས་པའི་སྐྱེས་བུ་དཱ་ནེ་ཨེལ་འདི་ནི་ཁྱད་དུ་འཕགས་ཤིང་ཤེས་རྒྱ་ཆེ་ལ། གོ་རྟོགས་ལྡན་པར་མ་ཟད། རྨི་ལམ་ལ་བརྟག་ཤེས་པ་དང་གབ་ཚིག་འགྲེལ་ནུས་པ། དཀའ་གནད་བསལ་ཐུབ་པ་ཞིག་ཡིན་པས། དཱ་ནེ་ཨེལ་བོས་ཤོག་དང་ཁོས་མཁར་ངོས་ཀྱི་ཡི་གེའི་ནང་དོན་ལ་འགྲེལ་བཤད་རྒྱག་ཐུབ་ངེས་རེད་ཅེས་བསྐུལ་ཏོ། །   
\p
\v 13 དེ་ནས་དཱ་ནེ་ཨེལ་རྒྱལ་པོའི་དྲུང་དུ་བོས་པ་དང་། རྒྱལ་པོས་ཁོ་ལ་འདི་ལྟར། ངའི་ཕ་སྟེ་རྒྱལ་པོ་དམ་པས་ཡ་ཧུ་དཱ་ནས་བཟུང་པའི་བཙོན་མ་རྣམས་ཀྱི་ཁྲོད་དུ་དཱ་ནེ་ཨེལ་ཞེས་པ་ཞིག་ཡོད་པ་ཁྱེད་རང་ཡིན་ནམ།  
\v 14 ཁྱེད་ཀྱི་ནང་དུ་ལྷའི་ཐུགས་ཉིད་བཞུགས་ཤིང་། ཁྱེད་ལ་རྣམ་དཔྱོད་དང་རིག་སྟོབས། ཤེས་རབ་ཁྱད་པར་ཅན་བཅས་ལྡན་པ་ཡིན་ཞེས་གྲགས་པ་བདག་གིས་ཐོས།  
\v 15 མཁས་མཛངས་ལྡན་པ་དང་སྒྱུ་མ་མཁན་ཐམས་ཅད་བདག་གི་མདུན་དུ་བོས་ནས་མཁར་ངོས་སུ་བྲིས་ཡོད་པའི་ཡི་གེ་བཀླགས་ཏེ་ང་ལ་འགྲེལ་བཤད་རྒྱག་ཏུ་བཅུག་ནའང་། དེ་དག་གིས་ཡི་གེ་དེའི་ནང་དོན་ལ་འགྲེལ་བཤད་རྒྱག་མ་ནུས།  
\v 16 གོ་ཐོས་ལྟར་ན་ཁྱེད་ཀྱིས་འགྲེལ་བཤད་རྒྱག་ནུས་པ་དང་དཀའ་གནད་བསལ་ཐུབ་པ་ཡིན་ཟེར། ད་ལྟ་ཁྱེད་ཀྱིས་མཁར་ངོས་སུ་བྲིས་ཡོད་པའི་ཡི་གེ་བཀླགས་ནས་དེའི་ནང་དོན་ཅི་ཡིན་པ་བདག་ལ་འགྲེལ་བཤད་རྒྱག་ནུས་པ་ཡིན་ན། ཁྱེད་ཀྱི་ལུས་ལ་གོས་རྒྱ་སྨུག་བསྐོན་པ་དང་སྐེ་ལ་གསེར་གྱི་མགུལ་རྒྱན་བཏེགས་ནས་རྒྱལ་སྲིད་ཀྱི་གོ་གནས་ཨང་གསུམ་པ་འཐོབ་ངེས་ཡིན་ཞེས་སྨྲས་སོ། །   
\s1 དཱ་ནེ་ཨེལ་གྱིས་མཁར་ངོས་ཀྱི་སུག་བྲིས་ལ་འགྲེལ་བཤད་བརྒྱབ་པ།  
\p
\v 17 དེ་ནས་དཱ་ནེ་ཨེལ་གྱིས་རྒྱལ་པོར་ལན་དུ། རྔན་པ་རྣམས་ཁྱེད་རང་གི་བྱོས་དང་། བྱ་དགའ་རྣམས་མི་གཞན་པར་སྦྱིན་ཞིག འོན་ཀྱང་མཁར་ངོས་སུ་བྲིས་ཡོད་པའི་ཡི་གེ་དེ་ངས་རྒྱལ་པོ་ཁྱེད་ལ་བཀླགས་ནས་དེའི་ནང་དོན་ལའང་འགྲེལ་བཤད་རྒྱག་པར་བྱའོ། །  
\v 18 ཀྱེ་རྒྱལ་པོ་ལགས། བླ་ན་མེད་པའི་དཀོན་མཆོག་ཁོང་གིས་ཁྱེད་ཀྱི་ཕ་ནེ་བོ་ཀད་ནེ་ཙར་ལ་རྒྱལ་སྲིད་དང་དབང་ཤུགས། གཟི་དཔལ། རྔམ་བརྗིད་བཅས་གནང་བ་དང་།  
\v 19 དཀོན་མཆོག་གིས་གནང་བའི་དབང་ཤུགས་ཀྱི་རྐྱེན་གྱིས་རྒྱལ་ཁམས་ཁག་དང་མི་རིགས་སོ་སོ། སྐད་རིགས་སྣ་ཚོགས་བཅས་ཁོའི་མདུན་དུ་དངངས་ཤིང་ཞེད་པར་གྱུར། ཁོས་སུ་ཞིག་གསོད་འདོད་ན་དེ་བསད་པ་དང་། སུ་ཞིག་ཚེ་ཐར་གཏོང་འདོད་ན་དེ་ཚེ་ཐར་བཏང་བ་རེད། ཡང་སུ་ཡི་གོ་གནས་སྤར་འདོད་ན་དེའི་གོ་གནས་སྤར་བ་དང་། སུ་ཞིག་དམའ་སར་འབེབ་འདོད་ན་དེ་དམའ་སར་ཕབ་བོ། །  
\v 20 ཡིན་ནའང་ཁོའི་སེམས་སུ་ང་རྒྱལ་སྐྱེས་ནས་ཨུ་ཚུགས་ཆེ་ཞིང་། ཐ་ན་ཁེངས་དྲེགས་ངང་སྤྱད་པ་སྤྱོད་པའི་དུས་སུ། ཁོ་རང་རྒྱལ་སྲིད་ཀྱི་གསེར་ཁྲི་ལས་ཕབ་ནས་ཁོའི་གཟི་དཔལ་ཡང་ཕྲོགས་པའོ། །  
\v 21 བླ་ན་མེད་པའི་དཀོན་མཆོག་གིས་མི་ཡུལ་གྱི་རྒྱལ་སྲིད་ཀུན་ལ་དབང་སྒྱུར་བ་དང་། ཡང་ཁོང་ཉིད་སུ་ཞིག་ལ་ཐུགས་མཉེས་པ་ཡིན་ན་དེ་རྒྱལ་པོར་བསྐོ་ངེས་པ་རྟོགས་པའི་བར་དུ། ཁོ་རང་མི་ཚོགས་ནས་ཕར་བསྐྲད་ཅིང་། ཁོ་ལ་དུད་འགྲོའི་སེམས་དང་ལྡན་པར་བྱས་ནས་རི་དྭགས་རྐྱང་དང་ལྷན་དུ་གནས་དགོས་པ་དང་། བ་གླང་ལྟར་རྩྭ་ཟོས་ཏེ་ལུས་པོ་གནམ་གྱི་ཟིལ་པས་སྦངས་པ་ཡིན་ནོ། །  
\v 22 འོན་ཀྱང་ཁོའི་བུ་པེལ་ཤཱ་ཙར་ཁྱེད་ཀྱིས་འདི་ཐམས་ཅད་ཤེས་ནའང་ད་དུང་ཁེངས་སྐྱུང་མི་བྱེད་པར།  
\v 23 དེ་ལས་ལྡོག་སྟེ་ང་རྒྱལ་བསྐྱེད་ནས་ནམ་མཁའི་ཞིང་ཁམས་སུ་བཞུགས་པའི་དཀོན་མཆོག་ལ་འགོག་རྒོལ་བྱས་ཤིང་། རང་གི་ཞབས་ཕྱི་རྣམས་ལ་ཁོང་གི་མཆོད་ཁང་ནས་སྣོད་ཆས་རྣམས་འཁྱེར་འོང་དུ་བཅུག་སྟེ། ཁྱེད་རང་ཉིད་དང་བློན་ཆེན་རྣམས། བཙུན་མོ་རྣམས། ཆུན་མ་བཅས་ཀྱིས་དེ་དག་ལས་རྒུན་ཆང་འཐུངས་པས། མཐོང་བ་མེད་ཅིང་ཐོས་པའང་མེད་ལ། འདུ་ཤེས་ཀྱིས་སྟོངས་པའི་གསེར་དང་དངུལ། ལི། ལྕགས། ཤིང་། རྡོ་སོགས་ཀྱིས་བྱས་པའི་ལྷ་ལ་བསྟོད་བསྔགས་བརྗོད་པ་ལས། ཁྱེད་ཀྱི་ཚེ་སྲོག་དང་འགུལ་སྐྱོད་རེ་རེར་དབང་བྱེད་པའི་དཀོན་མཆོག་ཁོང་ལ་བསྟོད་བསྔགས་མ་བརྗོད་དོ། །  
\v 24 དེའི་ཕྱིར། ཁོང་གིས་ཕྱག་མཛུབ་དེ་དག་མངགས་ནས་མཁར་ངོས་སུ་ཡི་གེ་བྲིས་པའོ། །   
\p
\v 25 བྲིས་པའི་ཡི་གེ་རྣམས་ནི་འདི་ལྟ་སྟེ། མེ་ནེ། མེ་ནེ། ཐེ་ཀེལ། ཕར་སིན་ཞེས་པའོ། །  
\v 26 ཐ་སྙད་དེ་དག་གི་འགྲེལ་བ་ནི་འདི་ལྟ་སྟེ། མེ་ནེ་ཞེས་པ་ནི་དཀོན་མཆོག་གིས་ཁྱེད་ཀྱི་རྒྱལ་སྲིད་ཀྱི་ལོ་ཟླ་རྣམས་རྩིས་བླངས་ཤིང་ད་ནི་མཇུག་རྫོགས་པའི་དོན་ལ་འཇུག  
\v 27 ཐེ་ཀེལ་ཞེས་པ་ནི་ཁྱེད་རང་སྲང་ལ་འཇལ་བ་དང་ལྗིད་ཚད་མ་ལོངས་པའི་དོན་ལ་འཇུག  
\v 28 ཕར་སིན་ཞེས་པ་ནི་ཁྱེད་ཀྱི་རྒྱལ་སྲིད་བགོ་བཤའ་བརྒྱབ་སྟེ་མཱ་ཏི་པ་དང་ཏ་ཟིག་པ་རྣམས་ལ་གནང་བའི་དོན་ལ་འཇུག་ཅེས་སྨྲས་སོ། །  
\v 29 དེ་ནས་པེལ་ཤཱ་ཙར་གྱིས་བཀའ་བབས་པ་ལྟར། དཱ་ནེ་ཨེལ་ལ་གོས་རྒྱ་སྨུག་བསྐོན་ཞིང་སྐེ་ལ་གསེར་གྱི་མགུལ་རྒྱན་བཏེགས་ནས་རྒྱལ་སྲིད་ཀྱི་བློན་པོ་ཨང་གསུམ་པར་བསྐོས་པ་རེད།  
\v 30 ཏག་ཏག་མཚན་མོ་དེ་ལ། པཱ་པེལ་ལོན་གྱི་རྒྱལ་པོ་པེལ་ཤཱ་ཙར་བཀྲོངས་པ་དང་།  
\v 31 མཱ་ཏི་པ་དར་ཡཱ་ཡིས་དགུང་ལོ་དྲུག་ཅུ་རེ་གཉིས་སྟེང་རྒྱལ་སྲིད་དེ་ལ་དབང་བསྒྱུར་ཏོ། །   
\c 6
\cl ལེའུ་དྲུག་པ། 
\toc1 ༄༅། །ལུང་སྟོན་པ་དཱ་ནེ་ཨེལ་གྱི་མདོ། 
\toc2 དཱ་ནེ་ཨེལ། 
\s1 དཱ་ནེ་ཨེལ་སེང་གེ་རྣམས་ཀྱི་དོང་དུ་བསྐྱུར་བ།  
\p
\v 1 རྒྱལ་པོ་དར་ཡཱས་རང་གི་བསམ་འདུན་བཞིན་རྒྱལ་སྲིད་ཀྱི་ཡུལ་ཀུན་སྐྱོང་བར་སྤྱི་དཔོན་ཆིག་བརྒྱ་ཉི་ཤུ་བསྐོས་པ་དང་།  
\v 2 ཡང་སྤྱི་དཔོན་དེ་རྣམས་ལ་ལྟ་རྟོག་བྱེད་མཁན་གསུམ་བསྐོས་པ་ལས་གཅིག་ནི་དཱ་ནེ་ཨེལ་ཡིན་ལ། རྒྱལ་པོར་གྱོང་གུད་མི་ཐེབས་པའི་ཆེད་དུ་ལྟ་རྟོགས་པ་གསུམ་པོས་སྤྱི་དཔོན་རྣམས་ཀྱི་ལས་ཀར་བདག་གཉེར་བྱེད་དགོས་པ་རེད།  
\v 3 དཱ་ནེ་ཨེལ་ནི་ཁྱད་དུ་འཕགས་པ་ཞིག་ཡིན་པས་ལྟ་རྟོགས་པ་དང་སྤྱི་དཔོན་གཞན་ཀུན་ལས་ལྷག་པ་དང་། རྒྱལ་པོས་རྒྱལ་སྲིད་ཀྱི་དབང་ཐམས་ཅད་དཱ་ནེ་ཨེལ་ལ་གནང་བར་སྙམ་མོ། །  
\v 4 དེའི་རྐྱེན་གྱིས་ལྟ་རྟོགས་པ་དང་སྤྱི་དཔོན་རྣམས་ཀྱིས་དཱ་ནེ་ཨེལ་གྱིས་སྲིད་སྐྱོང་བའི་ཐད་ནས་སྐྱོན་འགེལ་བའི་སྙད་ཅིག་བཙལ་ནའང་། དེ་དག་གིས་དཱ་ནེ་ཨེལ་ལས་སྐྱོན་དང་ནོར་འཛོལ་གང་ཡང་རྙེད་མ་ཐུབ། རྒྱུ་མཚན་ཁོས་ནི་ལྷག་བསམ་རྣམ་དག་གིས་དོན་རྣམས་བསྒྲུབས་པ་ཡིན་པས་སྐྱོན་དང་ནོར་འཛོལ་གང་ཡང་མེད་པས་སོ། །  
\v 5 དེ་ནས་མི་དེ་དག་གིས་ང་ཚོས་དཱ་ནེ་ཨེལ་གྱི་དཀོན་མཆོག་གི་བཀའ་ཁྲིམས་དང་འབྲེལ་བའི་སྐྱོན་ཞིག་བཙལ་ན་མ་གཏོགས། ཁོ་ལ་སྐྱོན་འཛུགས་ས་གཞན་ཞིག་རྙེད་མི་སྲིད་ཅེས་སྡོམ་ཚིག་བཀོད་དོ། །   
\p
\v 6 དེའི་ཕྱིར་ལྟ་རྟོགས་པ་དང་སྤྱི་དཔོན་རྣམས་མཉམ་དུ་རྒྱལ་པོའི་དྲུང་དུ་འདུས་ནས་འདི་ལྟར། ཀྱེ་རྒྱལ་པོ་དར་ཡཱ་ལགས། ཁྱེད་ཉིད་སྐུ་ཚེ་ཡུན་རིང་བརྟན་པར་ཤོག  
\v 7 ངེད་རྒྱལ་སྲིད་ཀྱི་ལྟ་རྟོགས་པ་དང་བཀའ་བློན། སྤྱི་དཔོན། གྲོས་པ། བློན་པོ་བཅས་ཐམས་ཅད་ཀྱིས་མཉམ་དུ་འདི་ལྟར། ཀྱེ་རྒྱལ་པོ་ལགས། ཉིན་ཞག་སུམ་ཅུའི་རིང་ལ་མི་སུ་ཞིག་གིས་རྒྱལ་པོ་ཁྱེད་ཉིད་ལས་གཞན་པའི་ལྷའམ་ཡང་ན་མི་གང་ཡིན་ལ་སྨོན་ལམ་བཏབ་ན་དེ་ནི་སེང་གེ་རྣམས་ཀྱི་དོང་དུ་བསྐྱུར་བའི་ཁྲིམས་ཞིག་བཙུགས་ནས་བཀའ་བཙན་པོ་ཞིག་གཏན་ལ་འབེབས་དགོས་པའི་གྲོས་བཏབ་ཡོད་པས།  
\v 8 ཀྱེ་རྒྱལ་པོ་ལགས། ད་ལྟ་མཱ་ཏི་པ་དང་ཏ་ཟིག་པ་རྣམས་ཀྱི་འགྱུར་བ་མེད་པའི་སྲོལ་ལུགས་དེ་གཞིར་བྱས་ཐོག བཟློག་ཏུ་མེད་པའི་བཀའ་རྒྱ་གཏན་ལ་ཕབ་ནས་ཐམ་ག་འདེབས་པར་མཛོད་ཅེས་ཞུས་པ་ན།  
\v 9 རྒྱལ་པོ་དར་ཡཱས་བཀའ་རྒྱ་བྲིས་ནས་ཐམ་ག་བཏབ་པའོ། །   
\p
\v 10 དེ་ཡང་དཱ་ནེ་ཨེལ་གྱིས་རྒྱལ་པོས་བཀའ་རྒྱ་གཏན་ལ་ཕབ་པ་ཤེས་རྗེས། ཕྱིར་རང་ཁྱིམ་དུ་ལོག་ནས་སྒེའུ་ཁུང་ཡེ་རུ་སཱ་ལེམ་གྱི་ཕྱོགས་སུ་གཏད་པའི་སྟེང་ཁང་དུ་དེ་སྔར་བགྱིས་པ་ཇི་བཞིན་ཉིན་རེར་ཐེངས་གསུམ་ལ་པུས་མོ་སར་བཙུགས་ནས་རང་གི་དཀོན་མཆོག་ལ་སྨོན་ལམ་བཏབ་ཅིང་ཁོང་ལ་བཀའ་དྲིན་ཡང་ཞུས་སོ། །  
\v 11 དེ་ནས་སྐུ་དྲག་དེ་རྣམས་མཉམ་དུ་འོངས་ནས་དཱ་ནེ་ཨེལ་གྱིས་རང་གི་དཀོན་མཆོག་གི་སྤྱན་སྔར་སྨོན་ལམ་བཏབ་ནས་ཞུ་བ་འབུལ་བཞིན་པ་མཐོང་སྟེ།  
\v 12 ཁོ་རྣམས་རྒྱལ་པོའི་དྲུང་དུ་སོང་ནས་རྒྱལ་པོའི་བཀའ་རྒྱ་གླེང་སྟེ་ན་རེ། ཀྱེ་རྒྱལ་པོ་ལགས། ཁྱེད་ཀྱིས་ཉིན་ཞག་སུམ་ཅུའི་རིང་ལ་མི་སུ་ཞིག་གིས་རྒྱལ་པོ་ཁྱེད་ཉིད་ལས་གཞན་པའི་ལྷའམ་ཡང་ན་མི་གང་ཡིན་ལ་སྨོན་ལམ་བཏབ་ན་དེ་ནི་སེང་གེ་རྣམས་ཀྱི་དོང་དུ་བསྐྱུར་བའི་བཀའ་རྒྱ་གཏན་ལ་ཕབ་ནས་ཐམ་ག་བཏབ་པ་མ་ཡིན་ནམ་ཞེས་ཞུས་པ་ན། རྒྱལ་པོས་དེ་དག་ལ་ལན་དུ། དེ་ནི་བདེན་ནོ། །མཱ་ཏི་པ་དང་ཏ་ཟིག་པའི་ཁྲིམས་ལྟར་ན་བཀའ་རྒྱ་དེ་ལྟ་བུ་ལ་ཟློག་ཐབས་མེད་ཅེས་སྨྲས་སོ། །  
\v 13 དེ་ནས་ཁོ་རྣམས་ཀྱིས་རྒྱལ་པོ་ལ་འདི་ལྟར། ཀྱེ་རྒྱལ་པོ་ལགས། ཡ་ཧུ་དཱ་པའི་བཙོན་མ་རྣམས་ལས་དཱ་ནེ་ཨེལ་གྱིས་ཁྱེད་དང་ཁྱེད་ཀྱིས་སྤེལ་བའི་བཀའ་རྒྱ་ལ་བརྩི་བཀུར་བྱེད་ཀྱིན་མེད། ཁོས་ཉིན་རེར་ཐེངས་གསུམ་ལ་སྨོན་ལམ་འདེབས་བཞིན་ཡོད་ཅེས་ཞུས་སོ། །  
\v 14 རྒྱལ་པོས་གཏམ་དེ་ཐོས་པ་དང་རབ་ཏུ་སྐྱོ་བར་གྱུར་ནས་དཱ་ནེ་ཨེལ་སྐྱོབ་དགོས་སྙམ་ཞིང་། ཉི་མ་ནུབ་པའི་བར་དུ་དཱ་ནེ་ཨེལ་ཇི་ལྟར་སྐྱོབ་དགོས་པའི་སྐོར་ལ་ཐབས་བཙལ་ཏོ། །  
\v 15 དེ་ནས་མི་དེ་རྣམས་རྒྱལ་པོའི་དྲུང་དུ་འོངས་ཏེ་ན་རེ། ཀྱེ་རྒྱལ་པོ་ལགས། མཱ་ཏི་པ་དང་ཏ་ཟིག་པ་རྣམས་ཀྱི་ཁྲིམས་ལྟར་ན། རྒྱལ་པོས་གཏན་ལ་ཕབ་པའི་བཀའ་དང་ཁྲིམས་ནི་གང་ལའང་འགྱུར་བ་བཏང་མི་ཆོག་པ་དྲན་པར་མཛོད་ཅེས་ཞུས་པ་ལ།  
\v 16 རྒྱལ་པོས་བཀའ་བསྩལ་ཞིང་དཱ་ནེ་ཨེལ་རྒྱལ་པོའི་དྲུང་དུ་ཁྲིད་འོངས་པ་དང་། རྒྱལ་པོས་ཁོ་ལ་འདི་ལྟར། ཁྱོད་ཀྱིས་ནམ་རྒྱུན་ཞབས་ཏོག་སྒྲུབ་པའི་དཀོན་མཆོག་གིས་ཁྱོད་སྐྱོབ་ངེས་ཡིན་ཞེས་སེམས་གསོ་བྱས་རྗེས། དཱ་ནེ་ཨེལ་སེང་གེ་རྣམས་ཀྱི་དོང་དུ་བསྐྱུར་ཏོ། །  
\v 17 དེ་ནས་རྡོ་ཕ་བོང་ཞིག་གིས་དོང་དེའི་ཁ་བརྒྱབ་ནས་དཱ་ནེ་ཨེལ་ལ་ཉེས་ཆད་བཅད་པ་དེར་འགྱུར་བ་མི་གཏོང་བའི་ཆེད་དུ་དོང་ཁར་རྒྱལ་པོ་རང་ཉིད་དང་སྐུ་དྲག་རྣམས་ཀྱི་ཐམ་ག་བརྒྱབ་བོ། །  
\v 18 དེ་ནས་རྒྱལ་པོ་ཕྱིར་རང་གི་ཕོ་བྲང་དུ་སླེབས་ནའང་། དགུང་མོ་དེར་ཁོས་ཁ་ཟས་ཅི་ཡང་མ་སྤྱད་པ་དང་སྤྲོ་སྐྱིད་ལྡན་པའི་རོལ་ཆས་མེད་ལ། ཞག་གང་པོར་གཉིད་ཀྱང་མ་ཁུགས་པ་རེད།   
\s1 དཀོན་མཆོག་གིས་དཱ་ནེ་ཨེལ་སེང་གེའི་དོང་ལས་བསྐྱབས་པ།  
\p
\v 19 ཕྱི་ཉིན་ཞོགས་པར་སྐྱ་རེངས་ཤར་མ་ཐག་ཏུ་རྒྱལ་པོ་མལ་ལས་ལངས་ཏེ་མྱུར་བ་མྱུར་དུ་སེང་གེ་རྣམས་ཀྱི་དོང་ཡོད་སར་སོང་ཞིང་།  
\v 20 ཁོང་དོང་དེའི་ཉེ་སར་བཏུད་ནས་སྐྱོ་གདུང་དང་བཅས་དཱ་ནེ་ཨེལ་བོས་ཏེ་ན་རེ། ཀྱེ་གཏན་དུ་གསོན་པོར་བཞུགས་པའི་དཀོན་མཆོག་གི་ཞབས་ཕྱི་དཱ་ནེ་ཨེལ་ལགས། ཁྱོད་ཀྱིས་རྒྱུན་དུ་ཞབས་ཏོག་སྒྲུབ་པའི་དཀོན་མཆོག་གིས་ཁྱོད་རང་སེང་གེ་རྣམས་ལས་སྐྱོབ་ཐུབ་པ་ཡིན་ནམ་ཞེས་སྨྲས་པ་ན།  
\v 21 དཱ་ནེ་ཨེལ་གྱིས་རྒྱལ་པོ་ལ་ལན་དུ། ཀྱེ་རྒྱལ་པོ་ལགས། ཁྱེད་ཉིད་སྐུ་ཚེ་ཡུན་རིང་བརྟན་པར་ཤོག  
\v 22 ང་ཡི་དཀོན་མཆོག་གིས་ཁོང་གི་ཕོ་ཉ་མངགས་ནས་སེང་གེ་རྣམས་ཀྱི་ཁ་བཀག་པས་བདག་ལ་གནོད་པ་ནི་མ་ཐེབས། གང་ལ་ཞེ་ན། ཁོང་གི་སྤྱན་སྔར་བདག་ལ་ཉེས་པ་མེད་པས་རེད། ཀྱེ་རྒྱལ་པོ་ལགས། ཁྱེད་ཀྱི་དྲུང་དུའང་བདག་གིས་ཉེས་པ་གང་ཡང་བྱས་མེད་ཅེས་སྨྲས་སོ། །   
\p
\v 23 དེ་ནས་རྒྱལ་པོ་ཤིན་ཏུ་དགའ་སྟེ་དཱ་ནེ་ཨེལ་དོང་ལས་ཡར་འཐེན་པའི་བཀའ་བསྒོས་པ་དང་། དཱ་ནེ་ཨེལ་དོང་ལས་ཡར་འཐེན་པ་ན་ཁོའི་སྟེང་དུ་གནོད་འཚེ་ཅི་ཡང་ཐེབས་མེད་དེ། རྒྱུ་མཚན་ཁོ་ནི་རང་གི་དཀོན་མཆོག་ལ་ཡིད་ཆེས་བརྟན་པོ་ཡོད་པའི་ཕྱིར་རོ། །  
\v 24 ཡང་རྒྱལ་པོས་བཀའ་བསྒོས་པ་ལ། དཱ་ནེ་ཨེལ་ལ་སྙད་བཏགས་ནས་སྐྱོན་འཛུགས་མཁན་རྣམས་ནི་དེ་དག་གི་ཆུང་མ་དང་ཕྲུ་གུ་བཅས་པ་ཁྲིད་འོངས་ནས་སེང་གེའི་དོང་ནང་དུ་གཡུགས་ཤིང་། ཁོ་རྣམས་ད་དུང་དོང་ཞབས་ལ་མ་ལྷུང་གོང་སེང་གེ་རྣམས་ཀྱིས་བཟུང་སྟེ་རུས་པ་ཐམས་ཅད་བལྡད་དོ། །   
\p
\v 25 རྗེས་སུ་རྒྱལ་པོ་དར་ཡཱ་ཡིས་ས་སྟེང་ཀུན་ཏུ་གནས་པའི་རྒྱལ་ཁམས་ཁག་དང་མི་རིགས་སོ་སོ། སྐད་རིགས་སྣ་ཚོགས་སྨྲ་མཁན་ཐམས་ཅད་ལ་ཡི་གེ་བྲིས་པ་འདི་ལྟ་སྟེ། ཁྱོད་རྣམས་ཤིན་ཏུ་བདེ་བར་གྱུར་ཅིག  
\v 26 བདག་གིས་བསྒོས་པའི་བཀའ་ནི། བདག་གི་རྒྱལ་ཁམས་སུ་འདུས་པའི་འབངས་མི་ཐམས་ཅད་དཱ་ནེ་ཨེལ་གྱི་དཀོན་མཆོག་ལ་གུས་ཤིང་འཇིགས་པར་འོས་པ་ཡིན།  
\q1 ཁོང་ནི་གཏན་དུ་གསོན་པོར་བཞུགས་པ་དང་། །  
\q1 རྟག་ཏུ་འཚོ་ཞིང་བཞེས་པའི་དཀོན་མཆོག་ཡིན། །  
\q1 རྒྱལ་སྲིད་མི་འཇིག་གཏན་དུ་གནས་པ་ཡིན། །  
\q1 ཁོང་གི་སྲིད་དབང་ནམ་ཡང་འཛད་མཐའ་མེད། །   
\q1
\v 27 སྒྲོལ་ཞིང་སྐྱོབ་པའི་མཐུ་སྟོབས་ཁོང་ལ་ལྡན། །  
\q1 ས་སྟེང་དང་ནི་ནམ་མཁའི་ཞིང་ཁམས་སུ། །  
\q1 ཁོང་གིས་གྲུབ་རྟགས་ངོ་མཚར་འཕྲིན་ལས་མཛད། །  
\q1 སེང་གེ་རྣམས་ཀྱི་སྡེར་མོའི་འཇིགས་པ་ལས། །  
\q1 ཁོང་གིས་དཱ་ནེ་ཨེལ་ནི་བསྐྱབས་པ་ཡིན། །  
\m ཞེས་པ་དེའོ། །   
\p
\v 28 དེ་བས་དཱ་ནེ་ཨེལ་ནི་དར་ཡཱས་སྲིད་སྐྱོང་བའི་དུས་དང་ཏ་ཟིག་པ་ཀོ་རེས་ཀྱིས་སྲིད་སྐྱོང་བའི་སྐབས་སུ་དར་བར་གྱུར་ཏོ། །   
\c 7
\cl ལེའུ་བདུན་པ། 
\toc1 ༄༅། །ལུང་སྟོན་པ་དཱ་ནེ་ཨེལ་གྱི་མདོ། 
\toc2 དཱ་ནེ་ཨེལ། 
\s1 དཱ་ནེ་ཨེལ་གྱིས་མཐོང་བའི་ཞལ་གཟིགས་ཁྲོད་རྒྱ་མཚོ་ལས་གཅན་གཟན་བཞི་ཐོན་པ།  
\p
\v 1 པེལ་ཤཱ་ཙར་ནི་པཱ་པེལ་ལོན་གྱི་རྒྱལ་པོར་བསྡད་པའི་སྲིད་ལོ་དང་པོ་དེར། དཱ་ནེ་ཨེལ་གྱིས་རང་གི་མལ་ཁྲིའི་སྟེང་རྨི་ལམ་ཞིག་རྨིས་ཤིང་སེམས་སུ་ཞལ་གཟིགས་རྣམས་མཐོང་བ་དང་། རྨི་ལམ་ཁྲོད་ཀྱི་ཞལ་གཟིགས་རྣམས་མདོར་བསྡུས་ངང་ཡི་གེར་བཀོད་ཅིང་།  
\v 2 དཱ་ནེ་ཨེལ་ན་རེ། མཚན་མོའི་ཞལ་གཟིགས་ཁྲོད་དུ་བདག་གིས་མཐོང་བ་ནི་འདི་ལྟ་སྟེ། ནམ་མཁའི་ཕྱོགས་བཞི་ནས་རླུང་ཆེན་པོ་ལྡང་འོངས་ཏེ་རྒྱ་མཚོ་ཆེན་པོ་གཡོ་བར་བྱས་ལ།  
\v 3 དེ་ནས་རྒྱ་མཚོ་ལས་རིགས་མི་འདྲ་བའི་གཅན་གཟན་ཆེན་པོ་བཞི་ཡར་བུད་པའོ། །   
\p
\v 4 གཅན་གཟན་དང་པོ་དེ་ནི་གླག་ལྟར་གཤོག་པ་ཐོགས་ཡོད་པའི་སེང་གེ་ཞིག་དང་མཚུངས་ལ། གཤོག་སྒྲོ་རྣམས་བཀོག་སྟེ་ས་ནས་ཡར་བཀྱགས་པ་ལ། མི་ལྟར་རྐང་པ་གཉིས་སར་བཙུགས་ནས་གྱེན་དུ་འགྲེངས་པ་དང་། མི་ཡི་སེམས་དེ་ལ་སྦྱིན་པའི་བར་དུ་བདག་གིས་བལྟས་སོ། །   
\p
\v 5 ཡང་ངས་གཅན་གཟན་གཞན་ཞིག་མཐོང་བ་དང་དེ་ནི་གཅན་གཟན་གཉིས་པ་ཡིན་ལ། དོམ་དང་འདྲ་བའི་གཅན་གཟན་དེས་གཟུགས་པོའི་གཞོགས་གཅིག་ཡར་བཀྱགས་ནས་སོ་ཡི་བར་དུ་རྩིབ་རུས་གསུམ་བཟུང་ཡོད་པ་དེར་འདི་ལྟར། ཡར་ལོངས་ལ་ཤ་མང་པོ་བཟའ་བར་གྱིས་ཞེས་སྨྲས་སོ། །   
\p
\v 6 དེ་ནས་བདག་གིས་མུ་མཐུད་དུ་བལྟས་པ་ན། གཟིག་དང་འདྲ་བའི་གཅན་གཟན་གཞན་ཞིག་མཐོང་བྱུང་ལ་དེའི་རྒྱབ་ཏུ་འདབ་ཆགས་བྱ་ཡི་གཤོག་པ་བཞི་བརྒྱངས་འདུག གཅན་གཟན་དེར་མགོ་བཞི་ཡོད་ལ་སྲིད་སྐྱོང་བའི་དབང་ཡང་དེར་སྤྲད་ཡོད།  
\v 7 རྗེས་སུ་བདག་གིས་མཚན་མོའི་ཞལ་གཟིགས་ཁྲོད་མུ་མཐུད་དུ་བལྟས་པ་ན། གཅན་གཟན་བཞི་པ་མཐོང་བྱུང་ལ་དེ་ནི་འཇིགས་སུ་རུང་ཞིང་སྐྱི་གཡའ་བའི་སྟོབས་པོ་ཆེ་ཞིག་ཡིན་པ་དང་། དེར་ལྕགས་ཀྱི་མཆེ་བ་དང་ལྡན་ཞིང་ཡོད་ཚད་ཁྱུར་མིད་བཏང་ནས་རྡུལ་དུ་བརླགས་པར་མ་ཟད། ཤུལ་དུ་ལུས་པ་རྣམས་རྡོག་བརྫིས་བཏང་། དེ་ནི་གཅན་གཟན་སྔོན་མ་དག་དང་གཏན་ནས་མི་འདྲ་སྟེ་རྭ་ཅོ་བཅུ་ཡར་ལ་གཟེངས་འདུག  
\v 8 བདག་གིས་རྭ་ཅོ་དེ་དག་ལ་ཞིབ་ཏུ་ལྟ་བའི་སྐབས་སུ། དེ་དག་གི་དབུས་སུ་གཞན་པའི་རྭ་ཅོ་ཆུང་ངུ་ཞིག་སྐྱེས་ཤིང་། རྭ་ཅོ་ཆུང་ངུ་དེ་ཡོད་སར་དེ་སྔའི་རྭ་ཅོ་གསུམ་པོ་རྩ་བ་ནས་བཏོན་ནོ། །རྭ་ཅོ་ཆུང་ངུ་དེ་ལ་མི་ཡི་མིག་དང་འདྲ་བ་ཡོད་ལ་ཁ་ཡང་འདུག་པས་དེ་ལས་འུད་ཤོབ་མང་པོ་ཐོན་ནོ། །   
\p
\v 9 ངས་ཡུན་རིང་བལྟས་པ་ན། ཁྲི་མང་པོ་བརྒྱབ་ཅིང་གདོད་མ་ནས་བཞུགས་པ་ཁོང་ཉིད་ཁྲི་ལ་བཞུགས་པ་དང་། ཁོང་གི་ན་བཟའ་ནི་ཁ་བ་ལྟར་དཀར་ཞིང་དབུ་སྐྲའང་བལ་ལྟར་དྭངས་གཙང་ཡིན། ཁོང་གི་བཞུགས་ཁྲི་ནི་མེ་ལྕེ་ཡིན་ལ་དེའི་འཁོར་ལོ་རྣམས་ནི་མེ་དཔུང་དྲག་པོ་ཡིན།  
\v 10 ཁོང་གི་སྤྱན་སྔ་ནས་མེ་ཡི་གཙང་པོ་ཞིག་བཞུར་ཅིང་མེ་དཔུང་དྲག་པོ་འཕྱུར་བ་དང་། སྟོང་ཕྲག་མང་པོས་ཁོང་ལ་ཞབས་ཏོག་སྒྲུབ་ཀྱིན་ཡོད་པ་དང་ཁྲི་ཕྲག་མང་པོ་ཁོང་གི་དྲུང་དུ་འགྲེང་འདུག ཁྲིམས་གཅོད་འགོ་བརྩམས་པ་དང་གླེགས་བམ་རྣམས་ཁ་ཕྱེས་སོ། །   
\p
\v 11 དེ་ནས་བདག་གིས་མུ་མཐུད་དུ་བལྟས་པ་ན། རྭ་ཅོ་ཆུང་ངུ་དེས་ང་རྒྱལ་གྱི་གཏམ་སྨྲ་བས་གཅན་གཟན་དེ་སྲོག་དང་ཕྲལ་ཞིང་། དེའི་ལུས་པོ་མེད་པར་བཏང་ནས་མེ་དཔུང་དྲག་པོའི་ཁྲོད་དུ་གཡུགས།  
\v 12 དེ་འཕྲོས་གཅན་གཟན་གསུམ་པོ་ནི་དེ་དག་གི་རྒྱལ་སྲིད་ཕྲོགས་ནའང་། དེ་རྣམས་ཀྱི་ཚེ་སྲོག་ནི་གཏན་ལ་ཕབ་པའི་དུས་ཚོད་དང་ཉི་མའི་བར་དུ་ལྷག་པར་བྱས།  
\v 13 བདག་གིས་མཚན་མོའི་ཞལ་གཟིགས་ཁྲོད་མུ་མཐུད་དུ་བལྟས་པ་ན། ནམ་མཁའི་སྤྲིན་གྱི་བང་རིམ་ནས་མིའི་བུ་དང་མཚུངས་པ་ཞིག་བྱོན་ནས། གདོད་མ་ནས་བཞུགས་པ་ཁོང་གི་དྲུང་དུ་གཤེགས་ཤིང་ཁོང་གི་དྲུང་དུ་དྲངས་སོ། །   
\p
\v 14 ཁོང་ལ་དབང་ཐང་དང་གུས་འདུད། རྒྱལ་སྲིད་བཅས་ཐོབ་ཅིང་། རྒྱལ་ཁམས་ཁག་དང་མི་རིགས་སོ་སོ། སྐད་རིགས་སྣ་ཚོགས་སྨྲ་མཁན་ཐམས་ཅད་ཀྱིས་ཁོང་ལ་ཞབས་ཕྱི་བསྒྲུབས། ཁོང་གི་དབང་ཐང་ནི་དུས་གཏན་དུ་གནས་ཤིང་མེད་པར་མི་འགྱུར་ལ། ཁོང་གི་རྒྱལ་སྲིད་ནི་དུས་ནམ་ཡང་འཇིག་མི་སྲིད་དོ། །   
\s1 ཕོ་ཉ་ཞིག་གིས་དཱ་ནེ་ཨེལ་གྱི་ཞལ་གཟིགས་དེར་འགྲེལ་བཤད་བརྒྱབ་པ།  
\p
\v 15 དཱ་ནེ་ཨེལ་ང་རང་ནི་སེམས་འཁྲུགས་ཤིང་། བློ་ངོར་ཤར་བའི་ཞལ་གཟིགས་དེ་དག་གིས་ང་ལ་ཞེད་སྣང་ཆེན་པོ་བསྐྱེད།  
\v 16 དེ་ནས་ང་རང་འགྲེངས་ནས་བསྡད་ཡོད་པ་དེ་དག་གྲས་ཀྱི་གཅིག་གི་གམ་དུ་བཅར་ནས་དེ་ཡོད་ཚད་ཀྱི་ངེས་དོན་ཅི་ཡིན་དྲིས་པ་ན། ཁོང་གིས་བདག་ལ་ཞལ་གཟིགས་དེ་དག་གི་དོན་སྨྲས་པ་དང་འགྲེལ་བཤད་བརྒྱབ་པ་འདི་ལྟ་སྟེ།  
\v 17 གཅན་གཟན་ཆེན་པོ་འདི་བཞི་པོ་ནི་ས་སྟེང་དུ་འབྱུང་བར་འགྱུར་བའི་རྒྱལ་པོ་བཞི་ཡིན་མོད།  
\v 18 འོན་ཀྱང་བླ་ན་མེད་པ་ཁོང་གི་སྐྱེས་བུ་དམ་པ་རྣམས་ལ་རྒྱལ་སྲིད་ཐོབ་ནས་དུས་གཏན་དུ་རྒྱལ་སྲིད་དེ་དབང་བར་འགྱུར་རོ་ཞེས་པའོ། །   
\p
\v 19 དེ་ནས་བདག་གིས་གཅན་གཟན་བཞི་པ་དེའི་ངེས་དོན་ཤེས་འདོད་པ་དང་། དེ་ནི་གཞན་པའི་གཅན་གཟན་གསུམ་པོ་དང་མི་འདྲ་ཞིང་། ཤིན་ཏུ་འཇིགས་སུ་རུང་བ་དང་ལྕགས་ཀྱི་མཆེ་བ་དང་ལི་ཡི་སྡེར་མོ་ཅན་ཞིག་ཡིན་ལ། ཡོད་ཚད་ཁྱུར་མིད་བཏང་ནས་རྡུལ་དུ་བརླགས་པར་མ་ཟད། ཤུལ་དུ་ལུས་པ་རྣམས་རྡོག་བརྫིས་བཏང་བའོ། །  
\v 20 དེ་མིན་མགོ་ལ་ཐོགས་པའི་རྭ་ཅོ་བཅུ་པོ་དང་དེ་དག་གི་དཀྱིལ་ནས་སྐྱེས་པའི་རྭ་ཅོ་ཆུང་ངུ་དེ་དང་། ཡང་རྭ་ཅོ་ཆུང་ངུ་དེའི་མདུན་ནས་འགྱེལ་བའི་རྭ་ཅོ་གསུམ་པོ་དེའི་ངེས་དོན་ཡང་ཤེས་འདོད་པ་ཡིན། རྭ་ཅོ་ཆུང་ངུ་དེར་མིག་ཡོད་ལ་འུད་ཤོབ་བྱེད་པའི་ཁ་ཡང་ཡོད་པ་དང་། དེའི་གཟུགས་དབྱིབས་ནི་གཞན་རྣམས་ལས་ཀྱང་དཔའ་རྔམ་ཆེ་བ་ཞིག་ཡིན།  
\v 21 ངས་ལྟ་བཞིན་པའི་སྒང་ལ་རྭ་ཅོ་ཆུང་ངུ་དེས་སྐྱེས་བུ་དམ་པ་རྣམས་ལ་གཡུལ་འགྱེད་པའི་འགོ་བརྩམས་ཤིང་དེ་དག་ཕམ་པར་བརྒྱབ།  
\v 22 འོན་ཀྱང་གདོད་མ་ནས་བཞུགས་པ་ཁོང་ཉིད་བྱོན་ཏེ། བླ་ན་མེད་པ་ཁོང་གི་སྐྱེས་བུ་དམ་པ་རྣམས་ཀྱི་ཕྱོགས་བྱས་ནས་ཁྲིམས་ཐག་བཅད་པ་ལ། སྐྱེས་བུ་དམ་པ་རྣམས་ལ་རྒྱལ་སྲིད་དབང་བའི་དུས་སུ་སླེབས་པའོ། །   
\p
\v 23 ཁོང་གིས་བདག་ལ་འདི་སྐད་དུ། གཅན་གཟན་བཞི་པ་དེ་ནི་ས་སྟེང་འདི་རུ་འབྱུང་ངེས་པའི་རྒྱལ་སྲིད་བཞི་པ་ཡིན་ལ་དེ་ནི་རྒྱལ་སྲིད་གཞན་ཀུན་དང་མི་འདྲ་སྟེ། ས་སྟེང་ཧྲིལ་པོ་རྡོག་བརྫིས་བཏང་ནས་ཁྱུར་མིད་གཏོང་ཞིང་རྡུལ་དུ་བརླག་ངེས་ཡིན།  
\v 24 རྭ་ཅོ་བཅུ་པོ་ནི་རྒྱལ་སྲིད་དེ་ལས་རྒྱལ་པོ་བཅུ་འབྱུང་བར་འགྱུར་བ་དེ་ཡིན་ལ། དེ་དག་གི་རྗེས་སུ་རྒྱལ་པོ་གཞན་ཞིག་སླེབ་པར་འགྱུར་ཞིང་། རྒྱལ་པོ་སྔ་མ་དག་དང་མི་འདྲ་སྟེ། ཁོས་རྒྱལ་པོ་གསུམ་ཀ་དབང་དུ་བསྡུ་ངེས་སོ། །   
\p
\v 25 ཁོས་བླ་ན་མེད་པ་ཁོང་ལ་འགོག་རྒོལ་བྱེད་པའི་གཏམ་སྨྲ་ཞིང་། བླ་ན་མེད་པ་ཁོང་གི་སྐྱེས་བུ་དམ་པ་རྣམས་ལ་མནར་གཅོད་གཏོང་བ་དང་། དུས་ཆེན་དང་བཀའ་ཁྲིམས་རྣམས་ཀྱང་བསྒྱུར་འདོད་པ་ཡིན། སྐྱེས་བུ་དམ་པ་རྣམས་ལོ་གསུམ་དང་ཕྱེད་ཀའི་ \f + \ft འདིར་ལོ་གསུམ་དང་ཕྱེད་ཀ་ཞེས་པར་མ་ཕྱི་ལས་ལོ་གཅིག་དང་། ལོ་གཉིས། ལོ་ཕྱེད་ཀ་ཞེས་མཐོང་། \f*རིང་ལ་ཁོའི་དབང་འོག་ཏུ་གཏོད་པར་འགྱུར།  
\v 26 འོན་ཀྱང་ཁྲིམས་གཅོད་འགོ་རྩོམ་ཞིང་ཁོའི་དབང་ཆ་བླངས་ནས་ཁོ་རང་གཏན་དུ་རྩ་མེད་དུ་གཏོང་ངེས་ཡིན།  
\v 27 དེ་ནས་རྒྱལ་སྲིད་དང་དབང་ཐང་། གནམ་འོག་གི་རྒྱལ་ཁམས་ཀུན་གྱི་དབང་ཐམས་ཅད་བླ་ན་མེད་པ་ཁོང་གི་སྐྱེས་བུ་དམ་པ་རྣམས་ལ་གནང་བར་འགྱུར་ཞིང་། ཁོང་གི་རྒྱལ་སྲིད་ནི་དུས་གཏན་གྱི་རྒྱལ་སྲིད་ཡིན་པ་དང་། དབང་སྒྱུར་པ་ཡོངས་ཀྱིས་ཁོང་ལ་ཞབས་ཏོག་བསྒྲུབས་ནས་ཁོང་གི་བཀའ་ལ་མཉན་ནོ་ཞེས་སྨྲས།  
\v 28 དོན་དེ་ནི་འདི་རུ་མཇུག་རྫོགས་པ་ཡིན། དཱ་ནེ་ཨེལ་བདག་ནི་སེམས་ཀུན་ནས་འཁྲུགས་ཤིང་ངོ་མདངས་ཀྱང་འགྱུར་ནའང་། དོན་དེ་ཐམས་ཅད་བདག་གིས་ཡིད་ལ་བཟུང་བའོ། །   
\c 8
\cl ལེའུ་བརྒྱད་པ། 
\toc1 ༄༅། །ལུང་སྟོན་པ་དཱ་ནེ་ཨེལ་གྱི་མདོ། 
\toc2 དཱ་ནེ་ཨེལ། 
\s1 དཱ་ནེ་ཨེལ་གྱིས་རང་གི་ཞལ་གཟིགས་ལས་ར་ཕོ་ཞིག་དང་ལུག་ཐུག་ཅིག་མཐོང་བ།  
\p
\v 1 ཡང་རྒྱལ་པོ་པེལ་ཤཱ་ཙར་རྒྱལ་པོར་བསྡད་པའི་སྲིད་ལོ་གསུམ་པ་དེར། དེ་སྔ་མངོན་ཟིན་པའི་ཞལ་གཟིགས་དེའི་རྗེས་སུ་དཱ་ནེ་ཨེལ་བདག་གིས་ཡང་ཞལ་གཟིགས་གཞན་ཞིག་མཐོང་།  
\v 2 བདག་གིས་ཞལ་གཟིགས་དེར་བལྟས་པ་ན། ང་རང་ཉིད་ཨེ་ལཱམ་མངའ་སྡེའི་སོའུ་སཱན་མཁར་རྫོང་དུ་ཡོད་པ་མཐོང་བ་དང་། ངས་མུ་མཐུད་དུ་ཞལ་གཟིགས་དེར་བལྟས་པ་ན། རང་ཉིད་ཨུ་ལ་ཨི་ཡུར་བའི་འགྲམ་དུ་ཡོད་དོ། །  
\v 3 ངས་མགོ་ཡར་བཀྱགས་ནས་བལྟས་པ་ན། ལུག་ཐུག་ཅིག་ཡུར་བའི་འགྲམ་དུ་ལངས་བསྡད་ཡོད་པ་མཐོང་ཞིང་། དེར་རྭ་ཅོ་གཉིས་ཡོད་ལ་རྭ་ཅོ་གཉིས་ཀ་ཤིན་ཏུ་རིང་ནའང་གཅིག་ནི་ལྷག་ཏུ་རིང་བ་དང་། ཡང་རྭ་ཅོ་རིང་ཤོས་དེ་ནི་རྗེས་སུ་སྐྱེས་པ་ཡིན།  
\v 4 ཡང་ལུག་ཐུག་དེས་ནུབ་ཕྱོགས་དང་བྱང་ཕྱོགས། ལྷོ་ཕྱོགས་སོགས་སུ་བརྡུངས་པ་ལ། གཅན་གཟན་གང་ཡིན་ཡང་དེའི་མདུན་དུ་ཚུགས་མི་ཐུབ་པ་དང་སུ་ཞིག་གིས་ཀྱང་དེའི་དབང་ལས་སྐྱོབ་མི་ཐུབ། དེས་རང་འདོད་ལྟར་སྤྱོད་ཅིང་ཁེངས་དྲེགས་ཤིན་ཏུ་ཆེ།  
\v 5 བདག་གིས་དེར་བསམ་བློ་གཏོང་བཞིན་པའི་སྒང་ལ། ལྟོས་དང་། ར་ཕོ་ཞིག་ནུབ་ཕྱོགས་ནས་ཐོན་ཞིང་རྐང་པ་སར་མི་ཐོགས་པར་ས་ངོས་ཡོངས་སུ་ཤར་རྒྱུགས་བྱེད་ཀྱིན་འདུག ར་ཕོ་དེའི་མིག་ཟུང་གི་བར་དུ་རྭ་ཅོ་ཞིག་མངོན་གསལ་གྱིས་གཟེངས་འདུག  
\v 6 ར་ཕོ་དེ་ནི་ཁོང་ཁྲོ་མེ་ལྟར་འབར་བཞིན་བདག་གིས་དེ་སྔར་མཐོང་བའི་ཡུར་བའི་འགྲམ་དུ་ལངས་བསྡད་ཡོད་པ་དང་རྭ་ཅོ་ཟུང་དང་ལྡན་པའི་ལུག་ཐུག་དེའི་ཕྱོགས་སུ་ཤུགས་ཀྱིས་རྒྱུག་སོང་ངོ་། །  
\v 7 ར་ཕོ་དེ་ལུག་ཐུག་གི་ཉེ་སར་ཕྱིན་པ་བདག་གིས་མཐོང་ཞིང་། ལུག་ཐུག་དེའི་སྟེང་ཁོང་ཁྲོ་མེ་ལྟར་འབར་ནས་བརྡུངས་ཤིང་རྭ་ཅོ་གཉིས་ཀའང་བཅག་པའོ། །ལུག་ཐུག་གིས་ཚུགས་མ་ཐུབ་པས་ར་ཕོ་དེས་ལུག་ཐུག་ས་ལ་བརྡབས་ཤིང་རྡོག་བརྫིས་བཏང་ནའང་། སུ་ཞིག་གིས་ཀྱང་ལུག་ཐུག་དེ་ར་ཕོའི་སྟོབས་ལས་སྐྱོབ་མ་ཐུབ།  
\v 8 ར་ཕོ་དེ་ཁེངས་དྲེགས་ཤིན་ཏུ་ཆེ་ནའང་། སྟོབས་ཤུགས་ཆེས་ཆེ་བའི་དུས་སུ་དེའི་རྭ་ཅོ་སྦོམ་པོ་དེ་གློ་བུར་ཉིད་ལ་ཆག་པ་དང་། དེའི་ཤུལ་དུ་མངོན་གསལ་ཆེ་བའི་རྭ་ཅོ་བཞི་སྐྱེས་ཤིང་ནམ་མཁའི་ཕྱོགས་བཞི་རུ་བརྐྱངས་པའོ། །   
\p
\v 9 རྭ་ཅོ་དེ་དག་ཁྲོད་ཀྱི་གཅིག་ལས་ཡང་རྭ་ཅོ་ཆུང་ངུ་ཞིག་སྐྱེས་ཤིང་། རྭ་ཅོ་ཆུང་ངུ་དེ་ཤིན་ཏུ་ཆེན་པོར་རྒྱས་ནས་ལྷོ་ཕྱོགས་དང་ཤར་ཕྱོགས། མཛེས་སྡུག་ལྡན་པའི་ཡུལ་ལྗོངས་བཅས་ཀྱི་ཕྱོགས་སུ་བརྐྱངས།  
\v 10 དེ་ནི་ཤིན་ཏུ་ཆེན་པོར་གྱུར་ནས་ནམ་མཁའི་དཔུང་ཚོགས་བར་དུ་སླེབས་ཤིང་། ནམ་མཁའི་དཔུང་ཚོགས་དང་སྐར་ཚོགས་ཁྱུ་ཞིག་ས་རུ་གཡུགས་ནས་རྡོག་བརྫིས་བཏང་།  
\v 11 དེས་ཁེངས་དྲེགས་ཆེན་པོ་དང་བཅས་ནམ་མཁའི་དཔུང་ཚོགས་ཀྱི་གཙོ་བོར་འགྲན་བཙུགས་ཤིང་། ནམ་མཁའི་དཔུང་ཚོགས་ཀྱི་གཙོ་བོར་ཕུལ་བའི་དུས་རྒྱུན་གྱི་མཆོད་པ་མེད་པར་བཟོས་པ་དང་གནས་དམ་པའང་བཤིགས་པའོ། །  
\v 12 སྡིག་ཉེས་ཀྱི་དབང་གིས་སྐྱེས་བུ་དམ་པས་དུས་རྒྱུན་གྱི་མཆོད་པའང་ཁོ་ལ་གཏད་པ་དང་། དེས་བདེན་པ་ཉིད་ས་ལ་བརྡབས་ཤིང་ཅི་བྱེད་འདོད་ན་དོན་ཀུན་ལྷུན་གྱིས་འགྲུབ་པའོ། །   
\p
\v 13 དེ་ནས་ངས་དམ་པ་ཞིག་གིས་གཏམ་སྨྲ་བཞིན་པ་ཐོས་པ་དང་། དམ་པ་གཞན་ཞིག་གིས་དེ་ལ་འདི་སྐད་དུ། ཉིན་རྒྱུན་གྱི་མཆོད་པ་མེད་པར་བྱས་པ་དང་གཏོར་བརླག་བཟོ་བའི་སྡིག་ཉེས་ཀྱི་སྐོར་དང་། གནས་དམ་པ་དང་མི་སྡེ་དམ་པར་རྡོག་བརྫིས་གཏོང་བའི་ཞལ་གཟིགས་ནི་ག་དུས་བར་དུ་གནས་འོང་ངམ་ཞེས་དྲིས་པ་ན།  
\v 14 ཁོང་གིས་འདི་སྐད་དུ། ནངས་དགོང་ཉིས་སྟོང་སུམ་བརྒྱའི་རྗེས་སུ་གནས་དེ་སླར་ཡང་དམ་པར་འགྱུར་ངེས་ཡིན་ཞེས་གསུངས་སོ། །   
\s1 ཕོ་ཉ་ཞིག་གིས་དཱ་ནེ་ཨེལ་གྱི་ཞལ་གཟིགས་ལ་འགྲེལ་བཤད་བརྒྱབ་པ།  
\p
\v 15 དཱ་ནེ་ཨེལ་བདག་གིས་ཞལ་གཟིགས་དེ་མཐོང་ནས་དེར་བརྟག་ཅིང་དཔྱོད་པའི་དུས་སུ། ལྟོས་དང་། མི་ཡི་བྱད་གཟུགས་ལྡན་པ་ཞིག་བདག་གི་མདུན་དུ་ཀེ་རེར་ལངས་འདུག་ལ།  
\v 16 ཡང་ཨུ་ལ་ཨི་ཡུར་བའི་འགྲམ་གྱི་མཚམས་ནས་མི་སྐད་ཅིག་གྲགས་འོངས་པ་ཐོས་ཤིང་དེ་ན་རེ། ཀྱེ་གབ་རི་ཨེལ། མི་འདི་ལ་ཞལ་གཟིགས་དེའི་དོན་མངོན་པར་མཛོད་ཅིག་ཅེས་སྨྲས་པས།  
\v 17 ཁོང་ནི་བདག་འགྲེང་སའི་གནས་སུ་སླེབས་ཤིང་བདག་འཇིགས་སྣང་ཆེན་པོ་སྐྱེས་པ་དང་གདོང་སར་བཏུད་ནས་བསྡད་པ་ལ། ཁོང་གིས་འདི་སྐད་དུ། ཀྱེ་མིའི་བུ། ཞལ་གཟིགས་དེ་ནི་དུས་ཀྱི་མཐའ་མའི་སྐོར་ཡིན་པ་རྟོགས་པར་གྱིས་ཤིག་ཅེས་གསུངས།  
\v 18 ཁོང་གིས་གཏམ་སྨྲ་བའི་དུས་སུ་བདག་ནི་གཉིད་ལྕི་པོ་ཁུགས་ཏེ་གདོང་སར་གཏད་ནས་བསྡད་པ་དང་། ཁོང་གིས་བདག་ལ་ཕྱག་གིས་རེག་ནས་ཡར་བསླངས་སོ། །   
\p
\v 19 ཡང་ཁོང་གིས་འདི་སྐད་དུ། ལྟོས་དང་། བདག་གིས་ཁྱོད་ལ་དུས་ཀྱི་མཐའ་མའི་ཐུགས་ཁྲོའི་སྐོར་སྨྲ་ངེས་སོ། །གང་ལ་ཞེ་ན། ཞལ་གཟིགས་དེ་ནི་གཏན་ལ་ཕབ་པའི་དུས་ཀྱི་མཐའ་མ་དེའི་སྐོར་ཡིན་པས་སོ། །  
\v 20 ཁྱོད་ཀྱིས་མཐོང་བའི་ལུག་ཐུག་རྭ་ཅོ་གཉིས་ཅན་དེ་ནི་མཱ་ཏི་དང་ཏ་ཟིག་གཉིས་ཀྱི་རྒྱལ་པོ་ཡིན།  
\v 21 ཡང་ར་ཕོ་ར་རྩིད་མང་པོ་ཅན་དེ་ནི་གྷི་རི་སི་ཡུལ་གྱི་རྒྱལ་པོ་ཡིན་པ་དང་། དེའི་མིག་ཟུང་གི་བར་དུ་ཡོད་པའི་རྭ་ཅོ་ཆེན་པོ་དེ་ནི་དེའི་རྒྱལ་པོ་དང་པོ་ཡིན།  
\v 22 ཡང་རྭ་ཅོ་ཞིག་ཆག་པར་གྱུར་ཅིང་དེའི་ཤུལ་དུ་རྭ་ཅོ་གཞན་པ་བཞི་སྐྱེས་པ་དེ་ནི་རྒྱལ་ཁབ་དེ་ལས་རྒྱལ་ཁམས་བཞི་འབྱུང་བར་འགྱུར་བ་དེ་ཡིན་མོད། འོན་ཀྱང་དེ་རྣམས་ནི་ཁོའི་དབང་སྟོབས་ལས་བརྒལ་མི་སྲིད།  
\v 23 ཡང་རྒྱལ་ཁམས་དེ་རྣམས་ཀྱི་དུས་མཇུག་གྱེན་ལོག་པ་རྣམས་ཀྱི་ངན་སྤྱོད་ཚད་ལས་བརྒལ་བའི་དུས་སུ། གདོང་རིས་འཇིགས་སུ་རུང་བའི་རྒྱལ་པོ་ཞིག་འབྱུང་ཞིང་དེ་ནི་གཡོ་སྒྱུ་ཚ་པོ་ཞིག་ཡིན།  
\v 24 ཁོ་རང་དབང་སྟོབས་ཧ་ཅང་ཆེ་ནའང་དེ་ནི་རང་གི་མཐུ་སྟོབས་ལས་བྱུང་བ་མ་ཡིན། ཁོས་གཏོར་བརླག་སྐྱི་གཡའ་བ་གཏོང་ངེས་ལ། ཅི་བྱེད་འདོད་ན་དོན་ཀུན་ལྷུན་གྱིས་འགྲུབ་པར་མ་ཟད། སྟོབས་ཤུགས་ཆེ་བའི་མི་དང་མི་སྡེ་དམ་པ་རྣམས་ཀྱང་ཕམ་པར་རྒྱག་ངེས་ཡིན།  
\v 25 ཁོས་གཡོ་སྒྱུའི་སྦྱོར་བ་སྤེལ་ནས་གཞན་ལ་བསླུ་བྲིད་གཏོང་ཞིང་། སེམས་ལ་ཁེངས་དྲེགས་ཆེན་པོ་བཅངས་ནས་མི་ལ་མཉམ་འཇོག་མེད་དུས་མི་མང་པོ་རྩ་མེད་དུ་གཏོང་བ་དང་། རྒྱལ་པོ་ཀུན་གྱི་རྒྱལ་པོ་ལའང་རྒོལ་བར་འགྱུར་ཏེ། མི་མ་ཡིན་པ་ཞིག་གིས་ཁོ་གསོད་པའི་བར་དུ་དེ་ལྟར་བྱེད་དོ། །  
\v 26 ནངས་དགོང་གི་ཞལ་གཟིགས་དེ་བདེན་པ་ཡིན་ནའང་། ཁྱོད་ཀྱིས་ཞལ་གཟིགས་དེ་གང་སར་མི་སྒྲོག་པར་སྦོས་ཤིག གང་ལ་ཞེ་ན། དེ་ནི་མ་འོངས་པའི་ལོ་ཟླ་མང་པོ་ཞིག་གི་སྐོར་ཡིན་པས་སོ་ཞེས་གསུངས་སོ། །   
\p
\v 27 དཱ་ནེ་ཨེལ་བདག་ནི་ཤིན་ཏུ་ངལ་བ་དང་། ཉིན་འགའ་ལ་ན་བའི་རྗེས་སུ་ཡར་ལངས་ནས་རྒྱལ་པོའི་ལས་དོན་བསྒྲུབས་ནའང་། ཞལ་གཟིགས་དེ་ལ་བདག་ཧ་ལས་ཤིང་དེའི་དོན་རྟོགས་མ་ཐུབ་བོ། །   
\c 9
\cl ལེའུ་དགུ་པ། 
\toc1 ༄༅། །ལུང་སྟོན་པ་དཱ་ནེ་ཨེལ་གྱི་མདོ། 
\toc2 དཱ་ནེ་ཨེལ། 
\s1 དཱ་ནེ་ཨེལ་གྱིས་སྨོན་ལམ་བཏབ་པ།  
\p
\v 1 དེ་ཡང་མཱ་ཏི་པ་ཨ་ཧཱ་ཝེ་རོ་ཡི་སྲས་དར་ཡཱ་ཞེས་བྱ་བ་རྒྱལ་པོར་བསྐོས་ནས་ཀལ་དི་པའི་རྒྱལ་ཁམས་ལ་སྲིད་བསྐྱངས་པའི་ལོ་དང་པོ་སྟེ།  
\v 2 ཁོ་རྒྱལ་པོར་བསྡད་པའི་སྲིད་ལོ་དང་པོར། གསུང་རབ་ལས་དཀོན་མཆོག་ཡ་ཝཱེས་ལུང་སྟོན་པ་ཡེ་རེམ་ཡཱ་ལ་གནང་བའི་བཀའ་ལྟར། ཡེ་རུ་སཱ་ལེམ་གྲོང་ཁྱེར་ལོ་བདུན་ཅུའི་རིང་ལ་ཞིག་རོར་ལུས་སྲིད་པ་དཱ་ནེ་ཨེལ་བདག་གིས་རྟོགས་བྱུང་ངོ་། །  
\v 3 དེ་བས་བདག་གིས་བློ་རྩེ་གཅིག་སྒྲིམ་གྱིས་སྨྱུང་གནས་བསྲུངས་པ་དང་། ལུས་ལ་རྩིད་རས་གྱོན་ཏེ་མགོ་ལ་ཐལ་བ་གཏོར་ནས་གཙོ་བོ་དཀོན་མཆོག་ལ་སྨོན་ལམ་བཏབ་ཅིང་ཞུ་བ་ཞུས་པའོ། །  
\v 4 བདག་གིས་རང་གི་དཀོན་མཆོག་ཡ་ཝཱེ་ལ་སྨོན་ལམ་བཏབ་ཅིང་མཐོལ་བཤགས་ཕུལ་ནས་འདི་ལྟར། ཀྱེ་གཙོ་བོ་ལགས། ཁྱེད་ནི་མཆོག་ཏུ་གྱུར་པ་དང་གུས་འོས་པའི་དཀོན་མཆོག་སྟེ། ཁྱེད་ལ་དགའ་ཞིང་ཁྱེད་ཀྱི་བཀའ་སྲུང་མཁན་རྣམས་ལ་ཞལ་ཆད་བཞིན་དུ་བྱམས་པ་གནང་མཁན་ཡིན་ནོ། །  
\v 5 ངེད་ཅག་གིས་སྡིག་པ་བསགས་ནས་མ་རུང་བ་སྤྱད་པ་དང་། ལས་ངན་པ་དང་བཅས་ཁྱེད་ལ་ངོ་ལོག་བྱས་ནས་ཁྱེད་ཀྱི་བཀའ་རྒྱ་དང་ཁྲིམས་སྲོལ་ལ་འགལ་ཞིང་།  
\v 6 ཁྱེད་ཀྱི་ཞབས་ཕྱི་ལུང་སྟོན་པ་རྣམས་ཀྱིས་ཁྱེད་ཀྱི་མཚན་གྱི་སྒོ་ནས་ངེད་ཅག་གི་རྒྱལ་པོ་དང་སྐུ་དྲག ཕ་མེས། ཡུལ་མི་ཐམས་ཅད་ལ་གནང་བའི་བཀའ་ལ་མ་མཉན་ཏོ། །   
\p
\v 7 ཀྱེ་གཙོ་བོ་ལགས། ཁྱེད་ནི་དྲང་བདེན་ཡིན་ནོ། །འོན་ཀྱང་དེ་རིང་ཡ་ཧུ་དཱ་པ་རྣམས་དང་ཡེ་རུ་སཱ་ལེམ་གྱི་ཡུལ་མི་རྣམས་དང་། ཁྱེད་ཀྱིས་རྒྱལ་ཁབ་སོ་སོར་གཏོར་བའི་ཡེས་ར་ཨེལ་ཡུལ་དང་ཐག་ཉེ་རིང་ཀུན་གྱི་ཡེས་ར་ཨེལ་པ་ཐམས་ཅད་དེ། ངེད་ཅག་ཤིན་ཏུ་ངོ་གནོངས་པ་ཡིན། རྒྱུ་མཚན་ནི་ངེད་ཅག་ཚང་མ་ཁྱེད་ལ་བློ་མ་དཀར་བས་སོ། །  
\v 8 ཀྱེ་དཀོན་མཆོག་ཡ་ཝཱེ་ལགས། ངེད་ཅག་གིས་ཁྱེད་ལ་འགལ་བའི་སྡིག་པ་བྱས་པའི་རྐྱེན་གྱིས། ངེད་ཅག་དང་ངེད་ཅག་གི་རྒྱལ་པོ། སྐུ་དྲག ཕ་མེས་བཅས་ལ་ངོ་ཚ་ཆེན་པོ་ཡོད།  
\v 9 ངེད་ཅག་གིས་རང་གི་གཙོ་བོ་དཀོན་མཆོག་ལ་གྱེན་ལོག་བྱས་ནའང་། ཁོང་ནི་སྔར་བཞིན་སྙིང་རྗེ་ཅན་ཡིན་ལ་བཟོད་སྒོམ་གནང་བར་མཉེས་པའོ། །  
\v 10 ངེད་ཅག་གིས་རང་གི་དཀོན་མཆོག་ཡ་ཝཱེའི་བཀའ་ལ་མ་མཉན་པ་དང་། ཁོང་གིས་ཉིད་ཀྱི་ཞབས་ཕྱི་ལུང་སྟོན་པ་རྣམས་བརྒྱུད་ནས་གནང་བའི་བཀའ་ཁྲིམས་མ་བརྩིས་སོ། །   
\p
\v 11 ཡེས་ར་ཨེལ་པ་ཐམས་ཅད་ཁྱེད་ཀྱི་བཀའ་ཁྲིམས་དང་འགལ་ནས་ཁྱེད་དང་བྲལ་ཞིང་། ཁྱེད་ཀྱི་བཀའ་ལ་མ་མཉན་པས་ན། ཁྱེད་ཀྱི་ཞབས་ཕྱི་མོ་ཤེའི་བཀའ་ཁྲིམས་ནང་དུ་བཀོད་པའི་དམོད་པ་དང་མནའ་ཚིག་རྣམས་ངེད་ཅག་གི་སྟེང་དུ་བབས་པ་རེད། གང་ལ་ཞེ་ན། ངེད་ཅག་གིས་དངོས་གནས་ཁྱེད་དང་འགལ་བའི་སྡིག་པ་བྱས་པས་སོ། །  
\v 12 ཁྱེད་ཀྱིས་ཉིད་ཀྱི་ལུང་བསྟན་འགྲུབ་པར་མཛད་པ་དང་། ངེད་ཅག་དང་ངེད་ཅག་གི་འགོ་དཔོན་རྣམས་ལ་གནང་བའི་བཀའ་ལྟར་བསྒྲུབས་ཤིང་ངེད་ཅག་ལ་གོད་ཆགས་ཆེན་པོ་བྱུང་དུ་བཅུག ཡེ་རུ་སཱ་ལེམ་ལ་བྱུང་བའི་གོད་ཆགས་འདི་ལྟ་བུ་ནི་གནམ་འོག་ཀུན་ཏུ་དུས་ནམ་ཡང་བྱུང་མ་མྱོང་ངོ་། །  
\v 13 གོད་ཆགས་དེ་ཐམས་ཅད་ནི་ཏག་ཏག་མོ་ཤེའི་བཀའ་ཁྲིམས་ནང་དུ་བཀོད་པ་བཞིན་ངེད་ཅག་གི་སྟེང་དུ་བྱུང་ནའང་། ངེད་ཅག་གིས་ད་དུང་རང་ཉིད་སྡིག་པ་དང་བྲལ་ནས་ཁྱེད་ཀྱི་བདེན་པའི་བཀའ་རྟོགས་པའི་ཆེད་དུ་རང་གི་དཀོན་མཆོག་ཡ་ཝཱེ་ལ་སྐྱབས་འཇུག་མ་ཞུས།  
\v 14 དེ་བས་དཀོན་མཆོག་ཡ་ཝཱེས་ཐེ་ཚོམ་སྤུ་ཙམ་ཡང་མེད་པར་ངེད་ཅག་གི་སྟེང་དུ་གོད་ཆགས་འབྱུང་བར་མཛད་དོ། །གང་ལ་ཞེ་ན། ངེད་ཅག་གི་དཀོན་མཆོག་ཡ་ཝཱེ་ནི་དོན་ཀུན་ལ་ཐུགས་དྲང་པོ་ལགས་པ་དང་། ངེད་ཅག་གིས་ཁོང་གི་བཀའ་གསུང་ལ་རྣ་བ་མ་གཏད་དོ། །  
\v 15 ཀྱེ། ངེད་ཅག་གི་གཙོ་བོ་དཀོན་མཆོག་ལགས། ཁྱེད་ཀྱིས་མཐུ་སྟོབས་ཆེན་པོའི་ཕྱག་གིས་ཉིད་ཀྱི་མི་སྡེ་ཨེ་ཅིབ་ཡུལ་ནས་ཕྱི་རུ་ཁྲིད་འོངས་ནས། དེ་རིང་ཉིན་མོའི་བར་དུ་རང་ཉིད་མཚན་སྙན་གྲགས་རྒྱས་པར་མཛད་མོད། ངེད་ཅག་གིས་སྡིག་པ་བསགས་ནས་སྤྱོད་ངན་སྤྱད་པ་རེད།  
\v 16 ཀྱེ་གཙོ་བོ་ལགས། ཁྱེད་ཀྱི་དྲང་བདེན་ཐམས་ཅད་ལ་གཞིགས་ནས་ཁྲོ་གཏུམ་དང་ཞེ་སྡང་ཡོད་ཚད་ཉིད་ཀྱི་གྲོང་ཁྱེར་ཡེ་རུ་སཱ་ལེམ་སྟེ་ཉིད་ཀྱི་རི་བོ་དམ་པ་ལས་ཞི་བར་གྱུར་ཅིག ངེད་རྣམས་ཀྱི་སྡིག་པ་དང་ངེད་ཅག་གི་ཕ་མེས་རྣམས་ཀྱིས་མ་རུང་བ་སྤྱད་པའི་དབང་གིས། ཡེ་རུ་སཱ་ལེམ་དང་ཁྱེད་ཀྱི་མི་སྡེ་ངེད་རྣམས་ནི་ཉེ་འཁོར་ལ་གནས་པའི་མི་རྣམས་ཀྱི་འཕྱ་སྨོད་བྱེད་ཡུལ་དུ་གྱུར་ཏོ། །  
\v 17 ཀྱེ། ངེད་ཅག་གི་དཀོན་མཆོག་ལགས། ད་ལྟ་ཉིད་ཀྱི་ཞབས་ཕྱིའི་གསོལ་འདེབས་དང་ཞུ་བ་ལ་གསན་པར་མཛོད། ཀྱེ་གཙོ་བོ་ལགས། ཞིག་རོར་ལུས་པའི་གནས་དམ་པ་འདིར་ཉིད་ཀྱི་དོན་དུ་ཞལ་མདངས་སྤྲོ་བར་མཛོད་ཅིག  
\v 18 ཀྱེ་ང་ཡི་དཀོན་མཆོག་ལགས། ཁྱེད་ཀྱི་སྙན་གྱིས་གསན་པར་མཛོད། ཉིད་ཀྱི་སྤྱན་ཟུང་གིས་ངེད་ཅག་གི་ཞིག་རོ་དང་ཁྱེད་ཀྱི་མཚན་གྱིས་འབོད་པའི་གྲོང་ཁྱེར་དེ་ལ་གཟིགས་སུ་གསོལ། ངེད་རྣམས་ཀྱིས་ཁྱེད་ལ་ཞུ་གསོལ་འབུལ་བའི་རྒྱུ་མཚན་ནི་ངེད་ཅག་ལ་དྲང་བདེན་ཡོད་པས་མ་ཡིན་པར་ཁྱེད་ལ་སྙིང་རྗེ་ཆེན་པོ་མངའ་བས་ཡིན་ནོ། །  
\v 19 ཀྱེ་གཙོ་བོ་ལགས། ཁྱེད་ཀྱིས་གསན་རོགས་གནང་། ཀྱེ་གཙོ་བོ་ལགས། ཁྱེད་ཀྱིས་དགོངས་ཡངས་གནང་བར་ཞུ། ཀྱེ་གཙོ་བོ་ལགས། ཁྱེད་ཀྱིས་ཐུགས་མཉམ་བཞེས་ཏེ་བསྒྲུབ་པར་མཛད་རོགས། ཀྱེ་ང་ཡི་དཀོན་མཆོག་ལགས། ཁྱེད་ཉིད་ཀྱི་ཕྱིར་དུ་འགོར་འགྱང་མི་བྱེད་པར་ཞུ། རྒྱུ་མཚན་ནི་གྲོང་ཁྱེར་འདི་དང་མི་སྡེ་འདི་ནི་ཁྱེད་ཀྱི་མཚན་ནས་འབོད་པའི་ཕྱིར་རོ་ཞེས་ཞུས་པའོ། །   
\s1 གབ་རི་ཨེལ་གྱིས་དཱ་ནེ་ཨེལ་ལ་བདུན་ཕྲག་བདུན་ཅུའི་སྐོར་གྱི་ལུང་བསྟན་གནང་བ།  
\p
\v 20 ངས་གཏམ་སྨྲས་ནས་གསོལ་བ་འདེབས་བཞིན་པ་དང་། རང་གི་སྡིག་པ་དང་ངའི་སྤུན་ཟླ་ཡེས་ར་ཨེལ་པ་རྣམས་ཀྱི་སྡིག་པར་མཐོལ་བཤགས་བྱས་ཏེ། ང་ཡི་དཀོན་མཆོག་གི་རི་བོ་དམ་པའི་ཆེད་དུ་རང་གི་དཀོན་མཆོག་ཡ་ཝཱེ་ལ་ཞུ་བ་འབུལ་བའི་དུས་དང་།  
\v 21 བདག་གིས་གསོལ་བ་འདེབས་བཞིན་པའི་སྒང་ལ། དེ་སྔར་ཞལ་གཟིགས་ཁྲོད་དུ་མཐོང་བའི་སྐྱེས་བུ་གབ་རི་ཨེལ་དེ་ཉིད་དགོང་ཁའི་མཆོད་པ་འབུལ་བའི་དུས་ཙམ་ལ་མྱུར་དུ་འཕུར་འོངས་ནས་བདག་གི་གམ་དུ་སླེབས་པ་དང་།  
\v 22 བདག་ལ་སློབ་སྟོན་གནང་སྟེ་འདི་སྐད་དུ། ཀྱེ་དཱ་ནེ་ཨེལ། བདག་ནི་ད་ལྟ་ཁྱོད་ལ་རྣམ་དཔྱོད་ཀྱི་རྩལ་དང་ཤེས་རབ་གནང་བར་འོངས་པ་ཡིན།  
\v 23 ཁྱོད་ཀྱིས་ཞུ་བའི་འགོ་བརྩམས་མ་ཐག་ཏུ་དཀོན་མཆོག་གིས་བཀའ་གནང་ངོ་། །ད་ལྟ་བདག་གིས་ཁྱོད་ལ་སྨྲ་བར་བྱ་སྟེ། ཁྱོད་ལ་ཤིན་ཏུ་གཅེས་པས་ན་ཁྱོད་ཀྱིས་གསུང་དེར་མཉམ་བཞག་ནས་ཞལ་གཟིགས་དེ་རྟོགས་པར་གྱུར་ཅིག   
\p
\v 24 ཁྱོད་ཀྱི་མི་སྡེ་དང་ཁྱོད་ཀྱི་གྲོང་ཁྱེར་དམ་པའི་ཆེད་དུ་བདུན་ཕྲག་བདུན་ཅུ་\f + \ft འདིར་བདུན་ཕྲག་བདུན་ཅུ་ཞེས་པ་ནི་ལོ་འཁོར་བཞི་བརྒྱ་དགུ་བཅུ་ལ་གོ་སྲིད་པ་ཡིན།\f*གཏན་ལ་ཕབ་ཡོད་དེ། ཉེས་སྐྱོན་མཚམས་འཇོག་པ་དང་། སྡིག་པ་སྤྱོད་པ་མཇུག་བསྡུ་བ། ངན་པ་མཐོལ་བཤགས་བྱེད་པ། དུས་གཏན་གྱི་དྲང་བདེན་ནང་དུ་འདྲེན་པ། ཞལ་གཟིགས་དང་ལུང་བསྟན་གཉིས་ཀ་འགོག་པ། གནས་དམ་མཆོག་དེར་སྣུམ་གྱིས་འབྱུག་པ་བཅས་བྱའོ། །  
\v 25 ཡང་འདི་རྟོགས་ནས་ཧ་གོ་བར་གྱིས། ཡེ་རུ་སཱ་ལེམ་སླར་གསོ་དང་ཡང་བསྐྱར་བཞེང་བའི་བཀའ་བབས་པ་ནས་དེར་མཱ་ཤི་ཀ་སྟེ་རྒྱལ་པོ་དེ་ཉིད་ཕེབས་པའི་བར་དུ་བདུན་ཕྲག་བདུན་དང་། ཡང་བདུན་ཕྲག་དྲུག་ཅུ་རེ་གཉིས་ཡོད་པ་དང་། ཡེ་རུ་སཱ་ལེམ་ནི་ཐ་ན་ཐང་ཆེན་དང་འོབས་དོང་དང་བཅས་པ་ཡང་བསྐྱར་བཞེང་ངེས་ཡིན་ལ། དེ་ནི་དཀའ་སྡུག་ཆེ་བའི་དུས་སྐབས་ཤིག་གོ །  
\v 26 བདུན་ཕྲག་དྲུག་ཅུ་རེ་གཉིས་རྫོགས་རྗེས། མཱ་ཤི་ཀ་ཁོང་ཉིད་བཀྲོངས་ནས་ཅི་ཡང་མེད་པར་འགྱུར་ཞིང་། འོང་བར་འགྱུར་བའི་རྒྱལ་པོ་དེའི་འབངས་མི་རྣམས་ཀྱིས་གྲོང་ཁྱེར་འདི་དང་གནས་དམ་པ་དེ་འཇིག་པར་བྱེད་དོ། །དེའི་མཇུག་འབྲས་ནི་ཆུ་ལོག་གིས་ཁྱེར་བ་དང་འདྲ་ཞིང་། མཐའ་མའི་བར་དུ་དམག་འཁྲུག་འབྱུང་ངེས་ཡིན། ཞིག་རོར་ལུས་པའི་དོན་ལ་ཟློག་ཐབས་མེད་དོ། །  
\v 27 བདུན་ཕྲག་གཅིག་གི་རིང་ལ། ཁོས་མི་མང་པོར་མནའ་འབྲེལ་འཛུགས་ངེས་པ་དང་། བདུན་ཕྲག་གཅིག་གི་ཕྱེད་ཀར་མཆོད་པ་དང་མཆོད་རྫས་མེད་པར་གཏོང་ངོ་། །ཁོས་ད་དུང་མཆོད་ཁང་གི་ནང་དུ་ \f + \ft མ་ཕྱི་ལས་གཤོག་པའི་སྟེང་དུ་ཞེས་བྲིས་འདུག\f*སྟོང་པར་བྱེད་པའི་སྐྱུག་བྲོ་བ་དེ་བཞེང་བར་འགྱུར་བ་དང་། སྟོང་པར་བྱེད་མཁན་དེའི་སྟེང་དུ་གཏན་ལ་ཁེལ་བའི་མཇུག་འབྲས་འབབ་པའི་བར་དུ་དེ་བཞིན་ནོ་ཞེས་གསུངས་སོ། །   
\c 10
\cl ལེའུ་བཅུ་པ། 
\toc1 ༄༅། །ལུང་སྟོན་པ་དཱ་ནེ་ཨེལ་གྱི་མདོ། 
\toc2 དཱ་ནེ་ཨེལ། 
\s1 དཱ་ནེ་ཨེལ་ལ་ཕོ་ཉ་ཞིག་འབྱོར་བ།  
\p
\v 1 ཏ་ཟིག་རྒྱལ་པོ་ཀོ་རེས་ཀྱི་སྲིད་ལོ་གསུམ་པར། པེལ་ཏེ་ཤཱ་ཙར་ཞེས་ཀྱང་འབོད་པའི་དཱ་ནེ་ཨེལ་ལ་དོན་ཞིག་མངོན་པར་མཛད་པ་དང་། དེ་ནི་དོན་དངོས་ཡིན་ཞིང་དམག་འཁྲུག་ཆེན་པོ་ཞིག་གི་སྐོར་ཡིན་ལ། དཱ་ནེ་ཨེལ་གྱིས་དོན་དེ་ཤེས་པ་དང་ཞལ་གཟིགས་དེར་རྒྱུས་ཡོད་པ་ཡིན།  
\v 2 སྐབས་དེར་དཱ་ནེ་ཨེལ་བདག་ནི་བདུན་ཕྲག་གསུམ་གྱི་རིང་ལ་སེམས་སྡུག་གིས་ཁེངས་ཤིང་།  
\v 3 ངས་ཟས་ཞིམ་པོ་གང་ཡང་མ་ཟོས་ལ། རྒུན་ཆང་དང་ཤ་ཚིལ་གང་ལའང་ཁ་མ་རེག བདུན་ཕྲག་ཧྲིལ་པོ་གསུམ་གྱི་རིང་དུ་རང་གི་ལུས་ལ་སྣུམ་ཡང་མ་བྱུགས་སོ། །  
\v 4 ཟླ་བ་དང་པོའི་ཚེས་ཉེར་བཞིའི་ཉིན། ང་རང་ཧི་དཱི་ཀེལ་གཙང་པོ་ཆེན་པོའི་འགྲམ་ངོགས་སུ་བསྡད་ཅིང་།  
\v 5 སྐབས་དེར་བདག་གིས་མགོ་ཡར་བཀྱགས་ནས་བལྟས་པ་ན། ཀྱེ་མ། སོ་རས་ཀྱི་ན་བཟའ་མནབས་པ་དང་སྐུ་རྐེད་ལ་ཨུ་ཕཱ་ཟིའི་གསེར་བཙོ་མའི་སྐ་རགས་བཅིངས་པའི་སྐྱེས་བུ་ཞིག་ཡོད་དེ།  
\v 6 ཁོང་གི་སྐུ་ལུས་ནི་བཻཌཱུརྱ་ལྗང་སེར་དང་མཚུངས་ཤིང་། ཞལ་རས་ནི་གློག་དམར་འཁྱུག་པ་དང་འདྲ་ལ། སྤྱན་ཟུང་ནི་མེ་ཡི་དཔལ་འབར་དང་མཚུངས། ཁོང་གི་ཕྱག་ངར་དང་ཞབས་རྐང་ནི་འོད་ཆེམ་ཆེམ་འཕྲོ་བའི་ལི་དང་མཚུངས། གསུང་སྨྲ་བའི་སྐད་ནི་མི་ཚོགས་ཀྱིས་སྐད་སྒྲ་སྒྲོག་པ་དང་མཚུངས་སོ། །  
\v 7 དཱ་ནེ་ཨེལ་བདག་གཅིག་པུས་ཞལ་གཟིགས་དེ་མཐོང་བ་ལས། བདག་དང་ལྷན་དུ་སྡོད་པའི་མི་གཞན་རྣམས་ཀྱིས་མཐོང་མ་སོང་མོད། འོན་ཀྱང་ཁོ་རྣམས་དངངས་སྐྲག་ཆེན་པོས་ཟིན་ཅིང་བྲོས་ནས་ཡིབས་པའོ། །  
\v 8 དེའི་ཕྱིར་བདག་གཅིག་པུ་གནས་དེར་ལུས་ཤིང་། བདག་གིས་ཞལ་གཟིགས་ངོ་མཚར་ཅན་དེ་མཐོང་བ་ན། ལུས་སྟོབས་ཟད་ཅིང་ངོ་མདངས་ཉམས་ནས་སྟོབས་ཤུགས་ཅི་ཡང་མེད་པར་གྱུར་ཏོ། །  
\v 9 དེ་ནས་ངས་ཁོང་གི་གསུང་སྐད་ཐོས་བྱུང་ལ། ཁོང་གི་གསུང་སྐད་ཐོས་པ་ཙམ་གྱིས་བདག་ལ་གཉིད་ལྕི་མོ་ཁུགས་ཏེ་གདོང་སར་བཏུད་ནས་བསྡད་དོ། །  
\v 10 ལྟོས་དང་། ཕྱག་གིས་བདག་ལ་རེག་ཅིང་། བདག་པུས་མོ་དང་ལག་མཐིལ་ལ་བརྟེན་ནས་ཡར་ལང་དུ་བཅུག  
\v 11 ཁོང་གིས་བདག་ལ་འདི་སྐད་དུ། ཀྱེ། ཤིན་ཏུ་གཅེས་པའི་སྐྱེས་བུ་དཱ་ནེ་ཨེལ། ངས་ཁྱོད་ལ་བརྗོད་པའི་ཚིག་རྣམས་རྟོགས་པར་གྱིས་དང་། བདག་ནི་ད་ལྟ་ཁྱོད་ཀྱི་གམ་དུ་མངགས་པ་ཡིན་པས་ཁྱོད་ཡར་ལོངས་ཤིག་ཅེས་གསུངས་སོ། །ཁོང་གིས་བདག་ལ་དེ་ལྟར་གསུང་བའི་དུས་སུ། བདག་ནི་སྐྲག་སྐྲག་འདར་འདར་ངང་ཡར་ལངས་པ་ཡིན།  
\v 12 ཡང་ཁོང་གིས་འདི་སྐད་དུ། དཱ་ནེ་ཨེལ་ཁྱོད་མ་སྐྲག་ཅིག གང་ལ་ཞེ་ན། ཁྱོད་ཀྱིས་དོན་འདི་རྣམས་རྟོགས་པར་སེམས་ཐག་བཅད་པ་དང་ཡང་རང་གི་དཀོན་མཆོག་གི་སྤྱན་སྔར་ཁེངས་སྐྱུང་བྱས་པའི་ཉིན་དང་པོ་ནས་བཟུང་། ཁྱོད་ཀྱིས་སྨོན་ལམ་བཏབ་པ་རྣམས་དཀོན་མཆོག་གིས་གསན་ཡོད་པས་ན། བདག་ནི་ཁྱོད་ཀྱི་སྨོན་ལམ་ལ་ལན་འདེབས་པའི་ཆེད་དུ་འདིར་འོངས་པ་ཡིན།  
\v 13 འོན་ཀྱང་ཏ་ཟིག་རྒྱལ་ཁམས་ཀྱི་སྐུ་སྲུང་ཕོ་ཉས་ཉིན་ཞག་ཉེར་གཅིག་གི་རིང་ལ་ང་རང་བཀག་བྱུང་། དེ་ནས་ཕོ་ཉའི་མཆོག་མེའ་ཀཱ་ཨེལ་བདག་གི་དཔུང་རོགས་སུ་འོངས་པ་དང་། ང་རང་ཏ་ཟིག་གི་རྒྱལ་པོ་རྣམས་དང་མཉམ་དུ་དེར་བསྡད་པ་ཡིན།  
\v 14 ད་ལྟ་བདག་འོངས་པ་ནི་ཁྱོད་ཀྱིས་རང་གི་མི་སྡེ་ལ་མཐའ་མའི་ཉིན་མོ་དག་ལ་ཅི་ཞིག་འབྱུང་བར་འགྱུར་བ་དེ་རྟོགས་པའི་ཆེད་དུ་ཡིན། རྒྱུ་མཚན་ནི་ཞལ་གཟིགས་དེ་ནི་འབྱུང་འགྱུར་གྱི་ཉིན་མོ་དག་ལ་འབྲེལ་བ་ཡོད་པས་སོ་ཞེས་གསུངས་སོ། །   
\p
\v 15 ཁོང་གིས་བདག་ལ་གཏམ་འདི་དག་གླེང་བའི་སྐབས་སུ་ང་རང་གདོང་སར་བཏུད་ནས་བསྡད་ཅིང་ལྐུག་པར་གྱུར་ཏོ། །  
\v 16 ཡང་ལྟོས་དང་། མིའི་བུ་དང་འདྲ་བ་ཞིག་གིས་བདག་གི་མཆུ་སྒྲོས་ལ་རེག་པ་དང་། བདག་གིས་ཁ་གདངས་ནས་ངའི་མདུན་དུ་ལངས་འདུག་པ་དེ་ལ་གཏམ་སྨྲས་ཏེ། ཀྱེ་ང་ཡི་ཇོ་བོ་ལགས། ཞལ་གཟིགས་དེའི་རྐྱེན་གྱིས་བདག་ལ་སྡུག་བསྔལ་ཆེ་ཞིང་སྟོབས་ཤུགས་ཅི་ཡང་མེད་པར་གྱུར།  
\v 17 བདག་གི་ཇོ་བོའི་ཞབས་ཕྱི་བདག་གིས་ཇོ་བོ་ཁྱེད་ལ་གླེང་མོལ་བྱེད་ག་ལ་རུང་། ད་ལྟ་བདག་གི་ལུས་ཡོངས་ལ་སྟོབས་ཤུགས་ཅི་ཡང་མེད་ལ་དབུགས་ཀྱང་ཆད་ལ་ཁད་ཡོད་ཅེས་ཞུས་པ་ན།  
\v 18 ཡང་མི་ཡི་བྱད་གཟུགས་དང་མཚུངས་པ་དེས་བདག་ལ་རེག་ནས་སྟོབས་ཤུགས་ཡོད་པར་མཛད་དོ། །  
\v 19 ཁོང་གིས་འདི་སྐད་དུ། ཀྱེ། ཤིན་ཏུ་གཅེས་པའི་སྐྱེས་བུ་ཁྱོད་མ་འཇིགས་ཤིག ཁྱོད་རང་བདེ་བར་སྨོན། ད་ནི་ཁྱོད་རང་བློ་རྩ་བརྟན་པོ་གྱིས་ཤིག ཁྱོད་རང་བློ་རྩ་བརྟན་པོ་གྱིས་ཤིག་ཅེས་གསུངས་སོ། །ཁོང་གིས་བདག་ལ་དེ་སྐད་གསུང་བའི་མོད་ལ། བདག་ནི་སྟོབས་དང་ལྡན་པར་གྱུར་ཏེ་འདི་ལྟར། བདག་གི་ཇོ་བོ་ལགས། ཁྱེད་ལས་བདག་ལ་སྟོབས་ཤུགས་འཛོམས་པ་ཡིན་པས། ཁྱེད་ཀྱིས་གསུང་གནང་བར་མཛོད་ཅེས་ཞུས་པའོ། །  
\v 20 དེ་ནས་ཁོང་གིས་འདི་སྐད་དུ། ང་ཅིའི་ཕྱིར་ཁྱོད་ཀྱི་གམ་དུ་འོངས་པ་ཁྱོད་ཀྱིས་ཤེས་སམ། ད་ལྟ་བདག་ནི་ཏ་ཟིག་གི་སྐུ་སྲུང་ཕོ་ཉར་འཐབ་མོ་བྱེད་དུ་འགྲོ་བ་ཡིན། ང་རང་སོང་རྗེས་གྷི་རི་སི་ཡི་སྐུ་སྲུང་ཕོ་ཉ་ཡོང་ངེས་ཡིན།  
\v 21 ཐོག་མར་བདེན་པའི་གསུང་རབ་ཏུ་ཅི་ཞིག་བཀོད་ཡོད་པ་དེ་བདག་གིས་ཁྱོད་ལ་སྟོན་པར་བྱ། ཁྱོད་ཀྱི་སྐུ་སྲུང་ཕོ་ཉ་མེའ་ཀཱ་ཨེལ་ལས་གཞན་བདག་ལ་རོགས་བྱས་ནས་བདག་དང་མཉམ་དུ་དེ་དག་ལ་འགོག་རྒོལ་བྱེད་མཁན་གཅིག་ཀྱང་མེད་དོ་ཞེས་གསུངས་སོ། །   
\c 11
\cl ལེའུ་བཅུ་གཅིག་པ། 
\toc1 ༄༅། །ལུང་སྟོན་པ་དཱ་ནེ་ཨེལ་གྱི་མདོ། 
\toc2 དཱ་ནེ་ཨེལ། 
\s1 ལྷོ་བྱང་གཉིས་ཀྱི་རྒྱལ་པོ་རྣམས།  
\p
\v 1 ཡང་འདི་སྐད་དུ། མཱ་ཏི་པ་དར་ཡཱ་ཡིས་སྲིད་སྐྱོང་བའི་ལོ་དང་པོ་དེར། བདག་ཡར་ལངས་ནས་མེའ་ཀཱ་ཨེལ་ལ་སྲུང་སྐྱོབ་བྱས་ཏེ་ཁོང་ལ་སྟོབས་ཤུགས་འཛོམས་པར་བྱས།   
\p
\v 2 ད་ལྟ་བདག་གིས་ཁྱོད་ལ་བདེན་པ་ཉིད་དེ་འཆད་པར་བྱ་སྟེ། ལྟོས་དང་། ཏ་ཟིག་ཡུལ་ནས་ད་དུང་རྒྱལ་པོ་གསུམ་འབྱུང་བར་འགྱུར་ཞིང་། རྒྱལ་པོ་བཞི་པ་དེ་ནི་གཞན་ཀུན་ལས་ཀྱང་ཕྱུག་པོར་འགྱུར་ངེས་ཡིན། ཁོ་རང་ཕྱུག་པོ་ཡིན་པའི་རྐྱེན་གྱིས་སྟོབས་ཤུགས་ཅན་དུ་གྱུར་རྗེས། རྒྱལ་ཁབ་སོ་སོར་ངན་སྐུལ་བྱས་ཏེ་གྷི་རི་སི་རྒྱལ་ཁམས་ལ་རྒོལ་བར་བྱེད་དོ། །  
\v 3 དེ་ནས་རྒྱལ་པོ་དཔའ་རྒོད་ཅིག་ཐོན་ཏེ་དབང་ཆེན་པོས་སྲིད་འཛིན་ཞིང་གང་འདོད་ལྟར་བསྒྲུབ་ངེས་ཡིན།  
\v 4 ཁོ་རང་དར་རྒྱས་སུ་འགྲོ་བའི་དུས་སུ། ཁོའི་རྒྱལ་ཁམས་འཇིག་ནས་ཕྱོགས་བཞི་རུ་འཐོར་བར་འགྱུར་ལ། དེ་ནི་ཁོའི་རིགས་རྒྱུད་ལ་མི་གཏོགས་ཤིང་རྒྱལ་ཁམས་ཀྱི་སྟོབས་ཤུགས་ཀྱང་ཁོས་དབང་སྒྱུར་བའི་སྐབས་ལ་མི་དོའོ། །ཁོའི་རྒྱལ་ཁམས་རྩ་བ་ནས་ཕྱུང་སྟེ་རིགས་རྒྱུད་གཞན་དག་ལ་གཏོགས་པར་འགྱུར་རོ། །   
\p
\v 5 དེ་ཡང་ལྷོ་ཕྱོགས་ཀྱི་རྒྱལ་པོ་དེ་སྟོབས་དང་ལྡན་པར་འགྱུར་མོད། འོན་ཀྱང་ཁོའི་དམག་དཔོན་ནང་གི་གཅིག་ནི་ཁོ་ལས་ཀྱང་སྟོབས་དང་ལྡན་པར་འགྱུར་ཞིང་། དེས་སྲིད་དབང་འཛིན་པ་དང་དབང་ཤུགས་ཤིན་ཏུ་ཆེན་པོར་འགྱུར་རོ། །  
\v 6 ལོ་མང་པོ་འདས་རྗེས། ལྷོ་ཕྱོགས་ཀྱི་རྒྱལ་པོའི་སྲས་མོ་ནི་བྱང་ཕྱོགས་ཀྱི་རྒྱལ་པོའི་དྲུང་དུ་སོང་སྟེ་འབྲེལ་ལམ་ཡག་པོ་བཙུགས་ནས་ཕན་ཚུན་མནའ་འབྲེལ་དུ་འགྱུར་མོད། འོན་ཀྱང་ཁོ་མོའི་དབང་སྟོབས་རྒྱུན་འཁྱོངས་བྱེད་མི་ཐུབ་པ་དང་། རྒྱལ་པོ་དང་ཁོའི་སྟོབས་ཤུགས་ཀྱང་རྒྱུན་འཁྱོངས་བྱེད་མི་ཐུབ་བོ། །བུད་མེད་འདི་དང་ཁོ་མོ་ཁྲིད་འོང་མཁན་དང་། ཁོ་མོའི་ཕ་དང་། ཁོ་མོར་རོགས་བྱེད་མཁན་བཅས་ཐམས་ཅད་གསོད་པར་འགྱུར་རོ། །  
\v 7 ཁོ་མོའི་ཁྱིམ་རྒྱུད་ལས་བུ་ཞིག་ཐོན་ཏེ་རྒྱལ་སྲིད་འཛིན་པར་འགྱུར་ཞིང་། ཁོས་དམག་དཔུང་ཁྲིད་ནས་བྱང་ཕྱོགས་ཀྱི་རྒྱལ་པོའི་བཙན་རྫོང་དུ་ལྷགས་ཏེ། དེ་རྣམས་ལ་རྒོལ་ནས་རྒྱལ་ཁ་ལེན་པར་འགྱུར།  
\v 8 ཡང་ཁོས་དེ་རྣམས་ཀྱི་ལྷ་སྐུ་དང་བླུགས་སྐུ། གསེར་དང་དངུལ་གྱི་དངོས་པོ་རྣམས་ཀྱང་ཕྲོགས་ནས་ཨེ་ཅིབ་ཡུལ་དུ་འཁྱེར་འགྲོ་ཞིང་། དེའི་རྗེས་ཀྱི་ལོ་འགའ་ཤས་རིང་བྱང་ཕྱོགས་ཀྱི་རྒྱལ་པོར་ངོ་རྒོལ་མི་བྱེད་པར་བསྐྱུར་ངེས་ཡིན།  
\v 9 དེའི་རྗེས་སུ་བྱང་ཕྱོགས་ཀྱི་རྒྱལ་པོས་ངེས་པར་ལྷོ་ཕྱོགས་ཀྱི་རྒྱལ་པོའི་མངའ་ཁོངས་ལ་རྒོལ་བར་བྱེད་མོད། འོན་ཀྱང་རང་གི་ཡུལ་དུ་ཕྱིར་ལོག་པར་འགྱུར།  
\v 10 བྱང་ཕྱོགས་ཀྱི་རྒྱལ་སྲས་རྣམས་ཀྱིས་དམག་འཁྲུག་སློང་ཞིང་དམག་དཔུང་ཆེན་པོ་བསྡུས་ཏེ། དེ་ནི་ཆུ་ལོག་རྒྱུག་པ་བཞིན་མདུན་དུ་བསྐྱོད་ཅིང་། ཡང་བསྐྱར་དམག་དྲངས་ཏེ་ལྷོ་ཕྱོགས་ཀྱི་རྒྱལ་པོའི་བཙན་རྫོང་ལེན་པའི་བར་དུ་འཐབ་པར་བྱའོ། །   
\p
\v 11 དེ་ནས་ལྷོ་ཕྱོགས་ཀྱི་རྒྱལ་པོ་རབ་ཏུ་ཁྲོས་ནས་ཐོན་ཏེ་བྱང་ཕྱོགས་ཀྱི་རྒྱལ་པོར་གཡུལ་འགྱེད་པ་དང་། བྱང་ཕྱོགས་ཀྱི་རྒྱལ་པོས་དམག་དཔུང་ཆེན་པོ་བཤམས་ནའང་དེ་ནི་ལྷོ་ཕྱོགས་ཀྱི་རྒྱལ་པོའི་ལག་ཏུ་ཕམ་པར་འགྱུར།  
\v 12 དམག་དཔུང་དེ་རྡུལ་དུ་བརླགས་པའི་རྗེས་སུ། ལྷོ་ཕྱོགས་ཀྱི་རྒྱལ་པོའི་སེམས་ཁེངས་པར་གྱུར་ནས་མི་འབོར་ཁྲི་ཁྲི་འབུམ་འབུམ་གསོད་པར་འགྱུར་ནའང་ཁོའི་རྒྱལ་ཁ་ཡུན་རིང་མི་གནས།  
\v 13 བྱང་ཕྱོགས་ཀྱི་རྒྱལ་པོས་ཡང་བསྐྱར་དམག་དཔུང་སྔར་ལས་འབོར་ཆེན་བསྡུ་བར་བྱེད་ཅིང་། དུས་སུ་བབ་པ་ན་ཁོས་གོ་མཚོན་ལྡན་པའི་དམག་དཔུང་ཆེན་པོ་ཁྲིད་ནས་འོང་ངེས་ཡིན།  
\v 14 དུས་དེར། མི་མང་པོ་ཡར་ལངས་ནས་ལྷོ་ཕྱོགས་ཀྱི་རྒྱལ་པོར་དམག་འདྲེན་པར་མ་ཟད། ཁྱོད་ཀྱི་མི་སྡེ་ཁྲོད་ཀྱི་མི་གདུག་རྩུབ་ཅན་རྣམས་ཀྱང་དཔའ་ངར་དང་བཅས་ཡར་ལངས་ནས་ཞལ་གཟིགས་དེ་འགྲུབ་པར་བྱེད་ནའང་དེ་རྣམས་ཕམ་པར་འགྱུར་རོ། །  
\v 15 དེ་ནས་བྱང་ཕྱོགས་ཀྱི་རྒྱལ་པོ་འོངས་ནས་ས་རགས་བརྩིགས་ཏེ་མཁར་བརྟན་པོ་ལེན་པར་བྱེད་ཅིང་། ལྷོ་ཕྱོགས་ཀྱི་དམག་དཔུང་གིས་དེ་འགོག་མི་ཐུབ་ལ། ཐ་ན་སྟོབས་དང་ལྡན་པའི་དམག་དཔུང་གིས་ཀྱང་དེ་འགོག་མི་ཐུབ་བོ། །  
\v 16 ལྷོ་ཕྱོགས་ཀྱི་རྒྱལ་པོར་འཐབ་དུ་འོངས་པ་དེས་ཅི་འདོད་ལྟར་བྱེད་ཅིང་། དེའི་མདུན་དུ་མི་གཅིག་ཀྱང་ཚུགས་མི་ཐུབ། ཁོ་ནི་མཛེས་སྡུག་ལྡན་པའི་ཡུལ་ལྗོངས་སུ་སྡོད་ཅིང་ཡུལ་དེར་གཏོར་བརླག་བྱེད་པའི་དབང་ཡང་ཡོད་དོ། །  
\v 17 ཁོས་རྒྱལ་ཁམས་ཧྲིལ་པོའི་སྟོབས་ཤུགས་བསྡུས་ནས་འོང་བའི་བློ་ཐག་བཅད་པ་དང་། ལྷོ་ཕྱོགས་ཀྱི་རྒྱལ་པོར་མཐུན་འབྲེལ་བྱས་ཏེ་རང་གི་སྲས་མོ་ལྷོ་ཕྱོགས་ཀྱི་རྒྱལ་པོར་བཙུན་མོ་རུ་གནང་ཞིང་། དེའི་རྒྱལ་སྲིད་རྩ་མེད་དུ་གཏོང་བའི་སེམས་ངན་བཅངས་ནའང་། ཐབས་ཇུས་དེ་འགྲུབ་ཐབས་མེད་ལ་ཁོ་རང་ཉིད་ལའང་ཕན་ཐོགས་ཅི་ཡང་མེད།  
\v 18 དེའི་རྗེས་སུ་བྱང་ཕྱོགས་ཀྱི་རྒྱལ་པོ་ནི་མཚོ་འགྲམ་གྱི་སྐམ་ས་རྣམས་ཀྱི་ཕྱོགས་སུ་འཁོར་ནས་གླིང་ཕྲན་མང་པོ་དབང་དུ་བསྒྱུར་བར་འགྱུར། འོན་ཀྱང་དམག་སྤྱི་ཆེན་པོ་ཞིག་གིས་ཁོའི་ཁེངས་དྲེགས་མེད་པར་བཟོ་བར་མ་ཟད། ཁོའི་ཁེངས་དྲེགས་ནི་ཁོ་རང་གི་སྟེང་ལ་འཕོག་པར་བྱེད།  
\v 19 དེ་ནས་ཁོ་ནི་རང་ཡུལ་གྱི་བཙན་རྫོང་དུ་ཕྱིར་ལོག་ཅིང་། མཐར་འདྲེད་བརྡབ་ཤོར་ནས་སར་འགྱེལ་ཏེ་མེད་པར་འགྱུར་རོ། །  
\v 20 དུས་དེར་མི་གཞན་ཞིག་འོངས་ནས་ཁོའི་རྒྱལ་སྲིད་ཀྱི་རྒྱུན་འཛིན་པར་བྱེད་ཅིང་། མི་དེས་རྒྱལ་ཁམས་ཀྱི་དཔལ་ཡོན་དར་བའི་ཆེད་དུ། བློན་པོ་གདུག་རྩུབ་ཅན་ཞིག་མངགས་ནས་དཔྱ་ཁྲལ་བཙན་གྱིས་བསྡུ་བར་བྱེད། རྒྱལ་པོ་འདི་ནི་དུས་ཡུན་རིང་པོ་མི་འགྱང་བར་ཤི་བར་འགྱུར་མོད། དེ་ནི་ཁོང་ཁྲོ་དང་དམག་འཐབ་ཀྱི་རྐྱེན་གྱིས་ཤི་བ་མ་ཡིན་ནོ། །   
\s1 རྒྱལ་པོ་ཐ་ཤལ་པ་ཞིག་གི་སྐོར།  
\p
\v 21 ཕྱིས་སུ་ཁོའི་ཚབ་བྱེད་དུ་མི་ཐ་ཤལ་པ་ཞིག་སླེབ་པར་འགྱུར་ཞིང་། སུས་ཀྱང་དེ་ལ་རྒྱལ་ཁམས་ཀྱི་གཟི་བརྗིད་མ་སྤྲད་ནའང་། དེ་ནི་མི་རྣམས་ལ་མཉམ་འཇོག་མེད་པའི་དུས་སུ་སླེབས་ཏེ་གཡོ་སྒྱུར་བརྟེན་ནས་རྒྱལ་ཁམས་འཕྲོག་པར་འགྱུར་རོ། །  
\v 22 དམག་དཔུང་བགྲང་གིས་མི་ལང་བ་ཞིག་ཆུ་ལོག་རྒྱུག་པ་ལྟར་ཁོའི་མདུན་དུ་བཅོམ་ནས་གཏོར་བར་འགྱུར་ལ། ཐ་ན་མནའ་འབྲེལ་ཡིན་པའི་རྒྱལ་སྲས་ཀྱང་དེ་བཞིན་ཡིན་ནོ། །  
\v 23 ཁོས་མི་གཞན་དང་མནའ་འབྲེལ་བྱས་རྗེས་གཡོ་སྒྱུའི་སྦྱོར་བ་སྤེལ་ངེས་ཤིང་། ཁོའི་རྗེས་སུ་འབྲང་མཁན་མང་པོ་མེད་ནའང་། ཁོ་ནི་ཉིན་རེ་ལས་ཉིན་རེར་སྟོབས་ཤུགས་རྒྱས་པར་འགྱུར་རོ། །  
\v 24 ཁོ་ནི་མི་གཞན་གྱིས་མཉམ་འཇོག་མེད་པའི་དུས་སུ་རྒྱལ་ཁོངས་ཀྱི་འབྱོར་ཕྱུག་ཆེར་ལྡན་པའི་ཡུལ་དུ་སླེབས་ཏེ། རང་གི་ཕ་མེས་ཡང་མེས་རྣམས་ཀྱིས་བསྒྲུབས་མ་མྱོང་བའི་ལས་བསྒྲུབ་པར་བྱེད་དེ། འཕྲོག་བཅོམ་བྱས་པའི་དངོས་རྫས་དང་རྒྱུ་ནོར་རྣམས་རང་གི་མངའ་ཞབས་རྣམས་ལ་བགོ་བཤའ་རྒྱག་པ་དང་། ཡང་ཇུས་ངན་བཀོད་ནས་བཙན་རྫོང་གཏོར་བར་བྱེད་མོད། འོན་ཀྱང་དོན་འདི་ཐམས་ཅད་ནི་གནས་སྐབས་ཙམ་ཡིན་ནོ། །  
\v 25 ཁོས་དཔའ་ངར་བསྐྱེད་དེ་དམག་དཔུང་ཆེན་པོ་དྲངས་ནས་ལྷོ་ཕྱོགས་ཀྱི་རྒྱལ་པོར་རྒོལ་བར་འགྱུར་ལ། ལྷོ་ཕྱོགས་ཀྱི་རྒྱལ་པོས་ཀྱང་སྟོབས་ཤུགས་ཆེན་པོའི་དམག་དཔུང་གིས་གཡུལ་འགྱེད་པ་ཡིན་མོད་འོན་ཀྱང་དེ་འགོག་མི་ནུས། དེ་ནི་མི་གཞན་གྱིས་ལྷོ་ཕྱོགས་ཀྱི་རྒྱལ་པོར་ལྐོག་གཡོ་ཇུས་ངན་བཀོད་པས་སོ། །  
\v 26 རྒྱལ་པོའི་ཟས་སྐལ་ཐོབ་པ་རྣམས་ཀྱིས་རྒྱལ་པོ་བརླག་པར་འགྱུར་ཞིང་། རྒྱལ་པོའི་དམག་དཔུང་འཇོམས་པར་འགྱུར་བ་དང་། རྨས་སྐྱོན་ཚབས་ཆེན་ཐེབས་ནས་ས་ལ་འགྱེལ་བར་འགྱུར་རོ། །  
\v 27 རྒྱལ་པོ་དེ་གཉིས་ཀྱིས་སེམས་ལ་ངན་བཅངས་ཏེ། གསོལ་ལྕོག་གཅིག་གི་སྟེང་དུའང་ཕན་ཚུན་ལ་རྫུན་སྨྲ་བར་འགྱུར་ཡང་ཁོ་གཉིས་ཀྱི་ཇུས་ངན་འགྲུབ་པར་མི་འགྱུར་རོ། །རྒྱུ་མཚན་ནི་གཏན་ལ་ཁེལ་བའི་དུས་སུ་ད་གཟོད་མཇུག་འབྲས་འབྱུང་བར་འགྱུར་རོ། །  
\v 28 དེ་ནས་བྱང་ཕྱོགས་ཀྱི་རྒྱལ་པོས་རྒྱུ་ནོར་འབོར་ཆེན་ཁྱེར་ནས་རང་ཡུལ་དུ་ལོག་པར་འགྱུར། ཁོའི་སེམས་ནས་དམ་པའི་ཞལ་ཆད་ལ་རྒོལ་བས་ན་གང་འདོད་ལྟར་བྱེད་བཞིན་རང་ཡུལ་དུ་ལོག་པར་འགྱུར་རོ། །  
\v 29 གཏན་ལ་ཁེལ་བའི་དུས་སུ་སླེབས་པའི་ཚེ་ཁོ་རང་ཕྱིར་ལོག་ནས་ཡང་བསྐྱར་ལྷོ་ཕྱོགས་ལ་རྒོལ་ངེས་ཡིན། འོན་ཀྱང་ཕྱི་མ་འདི་ནི་སྔ་མ་དང་གཏན་ནས་མི་འདྲའོ། །  
\v 30 རྒྱུ་མཚན་ནི་ཀི་ཐིམ་གྱི་དམག་གྲུ་འོངས་ནས་ཁོ་ལ་རྒོལ་བར་བྱེད་ཅིང་ཁོ་དཔའ་ཞུམ་སྟེ་ཕྱིར་ལོག་གོ །ཁོ་ནི་དམ་པའི་ཞལ་ཆད་ལ་སྡང་སེམས་ཆེ་ཞིང་གང་འདོད་ལྟར་འཆལ་སྤྱོད་སྤེལ་བ་དང་། ཁོ་ཕྱིར་ལོག་ནས་དམ་པའི་ཞལ་ཆད་ལ་རྒྱབ་འགལ་བྱེད་མཁན་རྣམས་ལ་དགའ་མོས་ངང་མཉན་ནོ། །  
\v 31 ཁོའི་དམག་དཔུང་ཡར་ལངས་ནས་མཆོད་ཁང་སྟེ་བཙན་རྫོང་རྫོད་པ་དང་། དུས་རྒྱུན་གྱི་མཆོད་པའང་མེད་པར་བཟོས་ནས། སྟོང་པར་བྱེད་པའི་སྐྱུག་བྲོ་བ་དེ་བཞེང་བར་འགྱུར་རོ། །  
\v 32 ཁོས་ཁ་ཡག་ཚིག་གིས་ཞལ་ཆད་དང་འགལ་བའི་མི་ངན་རྣམས་ལ་ངོ་བསྟོད་བྱས་ནས་བརླག་ངེས་ཡིན་མོད། འོན་ཀྱང་དཀོན་མཆོག་ངོ་ཤེས་པའི་མི་རྣམས་ཀྱིས་བློ་རྩ་བརྟན་པོས་ལས་བྱེད་པར་འགྱུར་རོ། །  
\v 33 དམངས་ཁྲོད་ཀྱི་བློ་གྲོས་ཅན་དག་གིས་མི་མང་པོར་མཛུབ་སྟོན་བྱེད་ནའང་། དུས་ངེས་ཅན་ཞིག་ལ་དེ་དག་རལ་གྲིའི་འོག་ཏུ་འགྱེལ་བ་དང་། ཡང་ན་མེས་བསྲེག་པ། ཡང་ན་བཟུང་ནས་འཁྱེར་བ། ཡང་ན་འཕྲོག་བཅོམ་ཐེབས་པར་འགྱུར།  
\v 34 ཡང་དེ་དག་ས་ལ་འགྱེལ་བའི་དུས་སུ། རོགས་སྐྱོར་ཉུང་ཙམ་འཐོབ་ངེས་ཤིང་། མི་མང་པོ་ཞིག་གིས་ཁ་ཡག་ཚིག་གིས་དེ་དག་དང་མཉམ་འབྲེལ་བྱེད་དོ། །  
\v 35 བློ་གྲོས་ཅན་དག་ལས་འགའ་ཞིག་ས་རུ་འགྱེལ་བར་འགྱུར་ལ། དེ་ནི་དུས་ཀྱི་མཐའ་མའི་བར་དུ་མི་རྣམས་ལ་སྦྱང་བ་འཐོབ་པ་དང་གཙང་མར་བཟོ་བ། སྐྱོན་གྱི་དྲི་མས་མ་གོས་པ་འོང་བ་བཅས་ཀྱི་ཕྱིར་དུ་ཡིན་ཏེ། རྒྱུ་མཚན་ནི་གཏན་ལ་ཁེལ་བའི་དུས་སུ་ད་གཟོད་མཇུག་འབྲས་འབྱུང་བར་འགྱུར་རོ། །   
\p
\v 36 དེ་ནས་རྒྱལ་པོ་དེས་གང་འདོད་ལྟར་བྱེད་ཅིང་ཁེངས་སེམས་བཅངས་ཏེ་རང་ཉིད་ལྷ་ཐམས་ཅད་ལས་ཁྱད་དུ་འཕགས་པར་བྱེད་ཅིང་། ཡང་འཆལ་གཏམ་སྨྲས་ཏེ་ལྷ་རྣམས་ཀྱི་དཀོན་མཆོག་ལ་རྒོལ་བར་འགྱུར། གཙོ་བོའི་ཐུགས་ཁྲོ་ཡོངས་སུ་རྫོགས་པའི་བར་དུ་ཁོས་ཅི་བྱས་དོན་ཀུན་འགྲུབ་པར་འགྱུར་ཏེ། རྒྱུ་མཚན་ནི་གཏན་ལ་ཁེལ་བའི་དོན་ནི་དེ་བཞིན་འབྱུང་ངེས་པའི་ཕྱིར་རོ། །  
\v 37 ཁོས་རང་གི་ཕ་མེས་ཡང་མེས་རྣམས་ཀྱི་ལྷ་ཚོགས་དང་། བུད་མེད་རྣམས་ཀྱིས་འདོད་པའི་ལྷ་ལའང་མི་བཀུར་ཞིང་། ལྷ་གཞན་གང་ལའང་བཀུར་བར་མི་བྱ་སྟེ། རང་ཉིད་ཀུན་ལས་འཕགས་པར་སྙམ་པས་སོ། །  
\v 38 དེ་ལས་ལྡོག་སྟེ་བཙན་རྫོང་སྲུང་བའི་ལྷ་ལ་བཀུར་ཞིང་། ཡབ་མེས་རྣམས་ལ་རྒྱུས་མེད་པའི་ལྷ་ཞིག་ལ་གསེར་དང་དངུལ། རྡོ་རིགས་ཀྱི་རིན་པོ་ཆེ་དང་རིན་ཐང་ཆེ་བའི་རྫས་གཞན་དག་གིས་མཆོད་པར་འགྱུར།  
\v 39 ཕྱི་ཕྱོགས་པའི་ལྷ་ཡི་སྐྱབས་ལ་བརྟེན་ནས་བཙན་རྫོང་བརྟན་པོ་རྣམས་གཏོར་བར་འགྱུར་ཞིང་། ཁོ་རང་ཁས་ལེན་མཁན་རྣམས་ལ་གཟི་བརྗིད་མང་དུ་གནང་བ་དང་། དེ་དག་མི་མང་པོར་དབང་བྱེད་དུ་བསྐོ་ཞིང་ཡུལ་རྣམས་བགོས་ནས་རྔན་པ་སྤྲོད་པར་འགྱུར་རོ། །   
\p
\v 40 དུས་ཀྱི་མཐའ་མར་ལྷོ་ཕྱོགས་ཀྱི་རྒྱལ་པོས་རྒྱལ་པོ་དེ་ལ་གཡུལ་འགྱེད་པ་དང་། བྱང་ཕྱོགས་ཀྱི་རྒྱལ་པོས་ཤིང་རྟ་དང་རྟ་དམག དམག་གྲུ་མང་པོ་བཅས་བཀོལ་ནས་རླུང་ནག་འཚུབ་མ་བཞིན་འོངས་ཏེ་རྒྱལ་པོ་དེ་ལ་རྒོལ་ཞིང་། ཆུ་ལོག་རྒྱུག་པ་བཞིན་ཡུལ་ལྗོངས་མང་པོར་བཙན་འཛུལ་བྱེད་པར་འགྱུར་རོ། །  
\v 41 ཁོས་མཛེས་སྡུག་ལྡན་པའི་ཡུལ་ལྗོངས་དེ་ལའང་བཙན་འཛུལ་བྱེད་པ་དང་། རྒྱལ་ཁབ་མང་པོ་བརླག་པར་འགྱུར་རོ། །འོན་ཀྱང་ཨེ་དོམ་པ་དང་མོ་ཨབ་པ། ཨམ་མོན་པའི་འགོ་དཔོན་བཅས་ནི་ཁོའི་ལག་ནས་ཐར་བར་འགྱུར་རོ། །  
\v 42 ཁོས་ལག་པ་བརྐྱངས་ནས་རྒྱལ་ཁབ་མང་པོར་རྒོལ་བར་བྱེད་ཅིང་ཨེ་ཅིབ་ཡུལ་ཡང་དེ་ལས་ཐར་མི་ཐུབ།  
\v 43 ཁོས་ཨེ་ཅིབ་ཡུལ་གྱི་གསེར་དངུལ་དང་རིན་པོ་ཆེའི་གཏེར་རྣམས་བདག་གིར་འཛིན་པ་དང་། ལེབ་ཡཱ་པ་དང་གུ་ཤ་པ་རྣམས་ཀྱང་ཁོའི་རྗེས་སུ་འབྲང་བར་འགྱུར།  
\v 44 འོན་ཀྱང་ཤར་ཕྱོགས་དང་བྱང་ཕྱོགས་ནས་བརྡ་ཞིག་སླེབས་འོང་སྟེ་ཁོའི་སེམས་འཁྲུག་པར་བྱེད་ཅིང་། ཁོ་རང་ཤིན་ཏུ་ཁྲོས་ནས་མི་མང་པོ་དམར་གསོད་བྱེད་པར་འགྱུར།  
\v 45 ཁོས་རྒྱ་མཚོ་དང་བརྗིད་རྔམ་ཆེ་བའི་རི་བོ་དམ་པ་གཉིས་ཀྱི་བར་མཚམས་སུ་དམག་སྒར་ཕོ་བྲང་ལྟ་བུ་ཕུབ་ནའང་། ཁོ་ལ་རོགས་བྱེད་མཁན་སུ་ཡང་མེད་པར་གཅིག་པུ་འཆི་བར་འགྱུར་རོ་ཞེས་གསུངས་སོ། །   
\c 12
\cl ལེའུ་བཅུ་གཉིས་པ། 
\toc1 ༄༅། །ལུང་སྟོན་པ་དཱ་ནེ་ཨེལ་གྱི་མདོ། 
\toc2 དཱ་ནེ་ཨེལ། 
\s1 དུས་ཀྱི་མཐའ་མའི་སྐོར།  
\p
\v 1 ཡང་ཁོང་གིས་དཱ་ནེ་ཨེལ་ལ་འདི་སྐད་དུ། དུས་དེར། ཁྱོད་ཀྱིས་མི་སྡེ་ལ་སྐྱབས་མཛད་པའི་དབང་སྒྱུར་ཆེན་པོ་མེའ་ཀཱ་ཨེལ་སླེབས་འོང་ཞིང་། མི་སྡེའི་ཐོག་མ་ནས་དུས་དེ་བར་དུ་སྔར་བྱུང་མ་མྱོང་བའི་སྡུག་བསྔལ་ཆེན་པོའི་དུས་ཤིག་སླེབ་པར་འགྱུར་ལ། དུས་དེར་ཁྱོད་ཀྱི་མི་སྡེ་ལས་གླེགས་བམ་དུ་མིང་བཀོད་ཡོད་པ་ཐམས་ཅད་ཐར་བར་འགྱུར་རོ། །  
\v 2 ཡང་ཐལ་རྡུལ་ནང་དུ་གཉིད་འདུག་པ་མང་པོ་སད་པར་འགྱུར་ཞིང་། འགའ་ཞིག་ལ་ཚེ་མཐའ་མེད་པ་འཐོབ་པར་འགྱུར་ལ། འགའ་ཞིག་ངོ་ཚས་གདུང་ཞིང་དུས་གཏན་དུ་གཞན་གྱིས་མཐོང་ཆུང་བྱེད་པར་འགྱུར་རོ། །  
\v 3 མི་བློ་གྲོས་ཅན་རྣམས་ཀྱིས་ནམ་མཁའི་འོད་ཀྱི་ཕུང་པོ་ལྟར་འོད་འཕྲོ་བ་དང་། མི་མང་པོ་དྲང་བདེན་གྱི་ཕྱོགས་སུ་འདྲེན་མཁན་རྣམས་ཀྱིས་དུས་གཏན་དུ་སྐར་ཚོགས་བཞིན་འོད་འཚེར་བར་འགྱུར།  
\v 4 འོན་ཀྱང་། དཱ་ནེ་ཨེལ་ཁྱོད་ཀྱིས་དུས་ཀྱི་མཐའ་མའི་བར་དུ་གསུང་འདི་དག་སྦས་ནས་པོད་དེར་ཐེལ་ཙེ་རྒྱོབས་ཤིག མི་མང་པོ་ཕར་རྒྱུག་ཚུར་རྒྱུག་བྱས་ནས་རིག་སྟོབས་འཕེལ་བར་འགྱུར་ཞེས་གསུངས་སོ། །   
\p
\v 5 དེ་ནས་དཱ་ནེ་ཨེལ་བདག་གིས་བལྟས་པ་ན། ལྟོས་དང་། མི་གཞན་གཉིས་ཡར་འགྲེང་འདུག་སྟེ། གཅིག་ནི་གཙང་པོའི་ཚུ་རོལ་དང་ཅིག་ཤོས་ནི་གཙང་པོའི་ཕ་རོལ་གྱི་འགྲམ་དུ་མཆིས།  
\v 6 དེ་ལས་མི་གཅིག་གིས་གཙང་པོའི་ཆུ་ཡི་སྟེང་དུ་འགྲེང་ཞིང་སོ་རས་ཀྱི་གོས་གྱོན་མཁན་དེ་ལ། དོན་ངོ་མཚར་ཅན་འདི་རྣམས་ཀྱི་མཇུག་འབྲས་དུས་ནམ་ཞིག་ལ་སླེབས་ཡོང་ངམ་ཞེས་དྲིས་སོ། །  
\v 7 བདག་གིས་གཙང་པོའི་ཆུ་ཡི་སྟེང་དུ་འགྲེང་ཞིང་སོ་རས་ཀྱི་གོས་གྱོན་པ་དེས་ལག་ཟུང་གནམ་ལ་བཏེགས་ཏེ། གཏན་དུ་གསོན་པོར་བཞུགས་པ་དེ་ཉིད་དཔང་དུ་བཙུགས་ནས་འདི་སྐད་དུ། ད་དུང་ལོ་གཅིག་དང་། ལོ་གཉིས། ཡང་ལོ་ཕྱེད་ཀ་འགོར་ཡོང་། དེ་དག་གིས་སྐྱེས་བུ་དམ་པ་རྣམས་ཀྱི་སྟོབས་ཤུགས་རྡུལ་དུ་བརླགས་ཟིན་པའི་ཚེ། དོན་འདི་ཐམས་ཅད་འགྲུབ་པར་འགྱུར་ཞེས་མནའ་སྐྱེལ་བ་ཐོས་སོ། །   
\p
\v 8 བདག་གིས་ཐོས་ནའང་དོན་མ་གོ་བས་འདི་ལྟར། ཀྱེ་བདག་གི་ཇོ་བོ་ལགས། དོན་དེ་དག་གི་མཐའ་མ་ཅི་འདྲ་ཡིན་ནམ་ཞེས་ཞུས་སོ། །  
\v 9 ཁོང་གིས་ལན་དུ། ཀྱེ་དཱ་ནེ་ཨེལ། ཁྱོད་རང་འགྲོ་བར་གྱིས། གང་ལ་ཞེ་ན། བཀའ་གསུང་འདི་དག་དུས་ཀྱི་མཐའ་མའི་བར་དུ་ཐེལ་ཙེ་བརྒྱབ་ནས་སྦས་ཟིིན་པའི་ཕྱིར་རོ། །  
\v 10 མི་མང་པོས་རང་ཉིད་གཙང་མར་བཟོ་ཞིང་སྐྱོན་གྱི་དྲི་མས་མ་གོས་པ་བྱས་ནས་སྦྱང་བ་འཐོབ་པར་བྱེད་དོ། །འོན་ཀྱང་མི་ངན་དག་གིས་སྔར་བཞིན་ལས་ངན་པ་བྱེད་ཅིང་མི་ངན་ཀུན་གྱིས་དོན་འདི་ཤེས་པར་མི་འགྱུར་ལ། བློ་གྲོས་ཅན་རྣམས་ཀྱིས་ད་གཟོད་རྟོགས་པར་འགྱུར་རོ། །  
\v 11 དེ་ཡང་དུས་རྒྱུན་གྱི་མཆོད་པ་མེད་པར་བྱས་ནས་སྟོང་པར་བྱེད་པའི་སྐྱུག་བྲོ་བ་དེ་བཞེངས་པ་ནས་བརྩམས་ཏེ། ཉིན་ཞག་ཆིག་སྟོང་ཉིས་བརྒྱ་དགུ་བཅུ་ཐམ་པ་ཡོད་ངེས་ཡིན།  
\v 12 ཉིན་ཞག་ཆིག་སྟོང་སུམ་བརྒྱ་སུམ་ཅུ་སོ་ལྔ་སླེབས་པའི་བར་དུ་སྒུག་མཁན་དེ་ནི་བདེའོ། །  
\v 13 ཁྱོད་ལ་མཚོན་ན། ཁྱོད་སོང་ནས་མཇུག་འབྲས་ལ་སྒུག་དང་ཁྱོད་ནི་བདེ་བར་འཆི་ངེས་ཡིན། དུས་ཀྱི་མཐའ་མར་སླེབས་ཚེ་ཁྱོད་ནི་སླར་གསོན་ནས་ཁྱོད་ཀྱི་ནོར་སྐལ་ལ་རོལ་བར་འགྱུར་རོ་ཞེས་གསུངས་སོ།། །།