\id COL - NTB བོད་འགྱུར་གསར་མ། 
\h ཀོ་ལོ་སཱ་པ། 
\toc1 ༄༅། །ཀོ་ལོ་སཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 ཀོ་ལོ་སཱ་པ། 
\mt1 ༄༅། །ཀོ་ལོ་སཱ་པ་རྣམས་ལ་སྤྲིངས་པའི་འཕྲིན་ཡིག  
\imt1 ཀོ་ལོ་སཱ་པ་རྣམས་ལ་སྤྲིངས་པའི་འཕྲིན་ཡིག་གི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi ཕོལ་ལོལ་གྱིས་ཨེ་ཕེ་སི་གྲོང་ཁྱེར་ནས་ལོ་གསུམ་ལ་ཆོས་ཀྱི་ལས་དོན་སྒྲུབ་པའི་སྐབས་སུ། ཨེ་པབ་རཱ་ཡིས་སྐྱབས་མགོན་ཡེ་ཤུ་ལ་དད་པ་བྱས་པ་དང་ཀོ་ལོ་སཱ་གྲོང་ཁྱེར་ལ་འཕྲིན་བཟང་བསྒྲགས་པས་ཆོས་ཚོགས་གསར་པ་ཞིག་ཚུགས་པ་རེད། དེ་ནས་ཆོས་ལོག་སྤེལ་མཁན་ཚོས་ཆོས་ཚོགས་དེ་དམིགས་ཡུལ་དུ་བཟུང་ནས་ལོག་ལྟ་སྤེལ་བ་དང་། ལོག་ལྟ་དེ་ལ་ཀོ་ལོ་སཱ་པའི་ལོག་ལྟ་ཞེས་ཟེར། དེར་ཨེ་པབ་རཱ་ནི་རོ་མཱ་གྲོང་ཁྱེར་དུ་ཡོད་པའི་ཕོལ་ལོལ་ལ་བལྟ་བར་ཕྱིན་པ་དང་། ཕོལ་ལོལ་གྱིས་འཕྲིན་ཡིག་འདི་ཡི་གེར་བཀོད་པ་ཡིན།  
\is1 ཡི་གེར་འགོད་མཁན་དང་འགོད་དུས།  
\ipi མཁས་པ་འགའ་རེས་ཕོལ་ལོལ་གྱིས་ཀོ་ལོ་སཱ་པའི་འཕྲིན་ཡིག་འདི་ཨེ་ཕེ་སིའམ་ཡང་ན་ཀེ་སར་ཡཱ་ནས་ཡི་གེར་བཀོད་པའི་སྐོར་ནས་རྩོད་པ་བྱས་ནའང་། རོ་མཱ་གྲོང་ཁྱེར་ནས་ཡི་གེར་བཀོད་པ་ཡིན་པའི་བདེན་དཔང་མང་པོ་རྙེད་པ་རེད། འཕྲིན་ཡིག་འདི་ཡི་གེར་འགོད་པའི་ལོ་ཚིགས་ནི་ཕོལ་ལོལ་ཁོང་ཉིད་རོ་མཱ་གྲོང་ཁྱེར་ནས་བཙོན་འཇུག་ཐེངས་དང་པོ་བྱས་པའི་སྐབས་ཏེ་སྤྱི་ལོ་60ལོའི་ཡས་མས་ཡིན་པར་དགོངས།  
\is1 བརྗོད་སྙིང་དང་གསུང་འཕྲིན།  
\ipi ཕོལ་ལོལ་གྱི་དམིགས་ཡུལ་ནི་ཀོ་ལོ་སཱ་པའི་ལོག་ལྟ་ལ་དགག་པ་རྒྱག་པ་དེ་ཡིན། དེའི་ཕྱིར་ཁོང་གིས་སྐྱབས་མགོན་ཡེ་ཤུའི་དབུ་འཕང་ཡར་ལ་བསྟད་ཅིང་། ཁོང་ནི་ཕུན་སུམ་ཚོགས་པ་ཡིན་པར་ཁྱབ་བསྒྲགས་བྱས་པ་རེད། འཕྲིན་ཡིག་གི་བརྗོད་སྙིང་ནི་སྐྱབས་མགོན་ཡེ་ཤུ་ཕུན་སུམ་ཚོགས་པ་ཡིན་ཞིང་། མིའི་མཚན་ཉིད་རིག་པ་སོགས་གང་འདོད་དུ་སྨྲས་པ་རྣམས་ནི་ཕུན་སུམ་ཚོགས་པ་ཞིག་མིན་པར་བརྗོད་པ་དང་། སྐྱབས་མགོན་ཡེ་ཤུའི་ནང་དུ་ཁྱོད་རྣམས་ཀྱང་ཕུན་སུམ་ཚོགས་པར་མཛད་ཡོད། ༼ལེའུ་གཉིས་པའི་ཚིག་རྐང་བཅུ་བར་གཟིགས་རོགས།༽  
\is1 འཆར་ཟིན།  
\ipi 1. ཁམས་འདྲི་གནང་བ་དང་བཀའ་དྲིན་ཞུ་བ། གསོལ་བ་འདེབས་པ་བཅས་ཀྱི་སྐོར། ༼1:1-14༽  
\ipi 2. བླ་ན་མེད་པའི་སྐྱབས་མགོན་ཡེ་ཤུའི་སྐོར། ༼1:15-23༽  
\ipi 3. ཕོལ་ལོལ་གྱིས་ཆོས་ཚོགས་ཀྱི་ཆེད་དུ་དཀའ་སྡུག་མྱངས་པའི་སྐོར། ༼1:24-2:7༽  
\ipi 4. དད་ལྡན་རྣམས་ཀྱི་མི་ཚེ་གསར་པའི་སྐོར། ༼2:8-23༽  
\ipi 5. དད་ལྡན་རྣམས་ཇི་ལྟར་འཚོ་དགོས་པའི་ཚད་གཞི། ༼3:1-4:6༽  
\ipi 6. མཇུག་མཐའི་འཚམས་ཞུ་དང་མཇུག་སྡོམ་གྱི་སྐོར། ༼4:7-18༽  
\c 1
\cl ལེའུ་དང༌པོ། 
\toc1 ༄༅། །ཀོ་ལོ་སཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 ཀོ་ལོ་སཱ་པ། 
\s1 འཕྲིན་ཡིག་བསྐུར༌ཡུལ།  
\p
\v 1 དེ་ཡང་ཕོལ་ལོལ་བདག་ནི་དཀོན་མཆོག་གི་ཐུགས་དགོངས་བཞིན་མཱ་ཤི་ཀ་ཡེ་ཤུའི་སྐུ་ཚབ་པ་ཞིག་ཡིན་ནོ།། བདག་དང་བདག་ཅག་གི་སྤུན་ཟླ་ཐི་མོ་ཐེ་གཉིས༌ཀྱིས།  
\v 2 ཀོ་ལོ་སཱ་རུ་གནས་པ་དང་སྐྱབས་མགོན་མཱ་ཤི་ཀའི་ནང་གི་བློ་སེམས་དཀར་བའི་སྤུན་ཟླ་དམ་པ་རྣམས་ལ་འཕྲིན་ཡིག་སྤྲིངས་པ༌འདི་ལྟ་སྟེ། བདག་ཅག་གི་ཡབ་དཀོན་མཆོག་ནས་ཁྱོད་རྣམས་ལ་ཐུགས་རྗེ་དང་ཞི་བདེ་འཐོབ་པར༌སྨོན།   
\s1 དཀོན་མཆོག་ལ་བཀའ་དྲིན་ཞུ༌བ།  
\p
\v 3 ངེད་ཅག་གིས་ཁྱོད་རྣམས་ཀྱི་ཆེད་དུ་གསོལ་བ་འདེབས་པའི་དུས་སུ། རྟག་ཏུ་བདག་ཅག་གི་གཙོ་བོ་ཡེ་ཤུ་མཱ་ཤི་ཀའི་ཡབ་དཀོན་མཆོག་ལ་བཀའ་དྲིན་ཞུས༌པའོ།།  
\v 4 རྒྱུ་མཚན་ནི་ཁྱོད་རྣམས་མཱ་ཤི་ཀ་ཡེ་ཤུར་དད་པ་ཡོད་པ༌དང༌། དད་ལྡན་དམ་པ་ཐམས་ཅད་ལ་བརྩེ་སེམས་ཡོད་པའང་ངེད་ཅག་གིས་ཐོས་པའི་ཕྱིར༌རོ།།  
\v 5 འདི་ནི་ནམ་མཁའི་ཞིང་ཁམས་སུ་ཁྱོད་ཅག་གི་ཆེད་དུ་བཞག་ཡོད་པའི་རེ་འདུན་དེའི་ཕྱིར་ཡིན༌ལ། རེ་འདུན་དེ་ནི་སྔར་ཁྱོད་རྣམས་ཀྱིས་འཕྲིན་བཟང་སྟེ་བདེན་པའི་བཀའ་ལས་ཐོས་པ་དེ་ཡིན།  
\v 6 འཕྲིན་བཟང་དེ་ནི་ཁྱོད་ཅག་གི་གནས་སུ་ཁྱབ་ཅིང་ཁྱོད་རྣམས་ཀྱིས་ཀྱང་ཐོས༌ཏེ། དངོས་གནས་དཀོན་མཆོག་གི་ཐུགས་རྗེ་དེ་ཉིད་རྟོགས་པའི་ཉིན་མོ་ནས༌བཟུང༌། ཁྱོད་རྣམས་ཀྱི་ཁྲོད་དུ་འཕྲིན་བཟང་གི་འབྲས་བུ་མང་དུ་སྨིན་པ༌ལྟར། འཕྲིན་བཟང་དེ་ཉིད་འཇིག་རྟེན་ཀུན་ལ་བསྒྲགས་ཤིང་དེའི་འབྲས་བུའང་སྨིན་བཞིན་འདུག  
\v 7 ཁྱོད་རྣམས་ཀྱིས་འཕྲིན་བཟང་དེ་ནི་ངེད་ཅག་གི་སྙིང་ནས་བརྩེ་བའི་ཞབས་ཏོག་པ་ཨེ་པབ་རཱའི་ངག་ལས་བསླབས༌ཤིང༌། ཁོ་རང་ནི་ངེད་ཅག་གི་ཕྱིར་དུ་སྐྱབས་མགོན་མཱ་ཤི་ཀར་བློ་སེམས་དཀར་བའི་ཞབས་ཕྱི་པ་ཞིག་ཡིན༌ལ།  
\v 8 ཁོས་དམ་པའི་ཐུགས་ཉིད་ལས་བྱུང་བའི་ཁྱོད་ཅག་གི་བྱམས་པ་དེ་ངེད་ཅག་ལ་སྨྲས༌སོ།།   
\p
\v 9 དེའི༌ཕྱིར། ངེད་རྣམས་ཀྱིས་གོང་གི་དོན་དེ་ཐོས་པའི་ཉིན་མོ་ནས༌བཟུང༌། རྟག་ཏུ་ཁྱོད་རྣམས་ཀྱི་དོན་དུ་འདི་ལྟར་གསོལ་བ་བཏབ་པ༌སྟེ། ཁྱོད་རྣམས་ཀྱིས་ཐུགས་ཉིད་ཀྱི་ཤེས་རབ་དང་ཤེས་རྟོགས་ཐམས་ཅད་ལ་བརྟེན༌ནས། དཀོན་མཆོག་གི་ཐུགས་དགོངས་གསལ་པོར་རྟོགས་པར༌སྨོན།  
\v 10 དེ་ནི་ཁྱོད་རྣམས་ཀྱི་སྤྱོད་ལམ་ནི་གཙོ་བོ་དང་མཐུན་འོས་ཤིང༌། དོན་ཀུན་ནས་ཁོང་གི་ཐུགས་དགྱེས་པར་བྱེད་པ༌དང༌། ལས་བཟང་པོ་ཐམས་ཅད་ནས་འབྲས་བུ་བསྐྱེད་ཅིང་རིམ་བཞིན་དཀོན་མཆོག་གི་ངོ་བོ་ལྷག་ཏུ་རྟོགས་པའི་ཕྱིར༌རོ།།  
\v 11 ཡང་དཀོན་མཆོག་གི་གཟི་བརྗིད་ལྡན་པའི་ནུས་མཐུར་བརྟེན༌ནས། ཁྱོད་རྣམས་དགའ་ཞིང་སྤྲོ་བའི་ངང་དོན་ཀུན་ལ་བཟོད་བསྲན་ཡོད་པའི༌ཕྱིར། ཁྱོད་ཅག་གི་སེམས་སུ་ནུས་མཐུ་སྣ་ཚོགས་སྔར་ལས་རྒྱས་པར༌སྨོན།  
\v 12 ཡང་ཡབ་ཀྱིས་བདག་ཅག་ལ་འོད་ཟེར་གྱི་ཁྲོད་ནས་དད་ལྡན་དམ་པ་རྣམས་དང་ལྷན་དུ་བགོ་སྐལ་འཐོབ་ཐུབ་པར་མཛད༌པས། དཀོན་མཆོག་ལ་བཀའ་དྲིན་ཞུ་བ་ཡིན་ནོ།།   
\p
\v 13 དཀོན་མཆོག་གིས་བདག་ཅག་མུན་པའི་དབང་ལས་ཐར་བར་མཛད༌དེ། ཁོང་གི་གཅེས་པའི་སྲས་ཀྱི་རྒྱལ་སྲིད་དུ་བསྐྱལ་བར་མཛད༌ཅིང༌།  
\v 14 ཁོང་ཉིད་ཀྱི་གཅེས་པའི་སྲས་དེའི་ནང་དུ་བདག་ཅག་བླུས་ཤིང་སྡིག་པ་བསལ་བའོ།།   
\s1 བླ་ན་མེད་པའི་ཡེ་ཤུ་མཱ་ཤི་ཀའི༌སྐོར།  
\p
\v 15 གཅེས་པའི་སྲས་ནི་མིག་གིས་མཐོང་མི་ནུས་པའི་དཀོན་མཆོག་གི་སྣང་བརྙན་ཡིན༌ལ། འཇིག་རྟེན་དུ་བཀོད་པའི་དངོས་པོ་ཐམས་ཅད་ཀྱི་སྔོན་ལ་འཁྲུངས་ཡོད་པའོ།། \f + \ft འཇིག་རྟེན་དུ་བཀོད་པའི་དངོས་པོ་ཐམས་ཅད་ཀྱི་སྔོན་ལ་འཁྲུངས་ཡོད་པའོ་ཞེས་པ་ནི་གཅེས་པའི་སྲས་ཏེ་སྐྱབས་མགོན་ཡེ་ཤུ་ནི་འཇིག་རྟེན་གྱི་དངོས་པོ་ཐམས་ཅད་ལས་བླ་ན་འཕགས་ཞེས་པའི་དོན་ཡིན།\f*  
\v 16 རྒྱུ་མཚན་ནི་འཇིག་རྟེན་གྱི་དངོས་པོ་ཐམས་ཅད་ཁོང་ལ་བརྟེན་ནས་བཀོད་པ་ཡིན༌ཏེ། གནམ་ས་གང་ཁྱབ༌དང༌། མིག་གིས་མཐོང་ཐུབ༌མིན། རྒྱལ་ཁྲི་ཐོབ་མཁན། དབང་སྒྱུར༌མཁན། སྲིད་འཛིན༌མཁན། དབང་འཛིན་མཁན་བཅས་ཐམས་ཅད་ཁོང་ཉིད་བརྒྱུད་ནས་བཟོས་ཤིང་ཁོང་གི་ཆེད་དུ་བཀོད་པ་ལགས་སོ།།  
\v 17 ཁོང་ཉིད་ནི་དངོས་པོ་ཐམས་ཅད་མ་བཀོད་པའི་སྔོན་ལ་བཞུགས༌ཤིང༌། དངོས་པོ་ཐམས་ཅད་ཀྱང་ཁོང་ལ་བརྟེན་ནས་གནས༌པ་ཡིན།  
\v 18 ཡང་ཁོང་ནི་རང་ཉིད་ཀྱི་སྐུ་ལུས་ཡིན་པའི་ཆོས་ཚོགས་ཀྱི་དབུ་དང་། ཡང་ཁོང་ནི་ཐོག་མ་ཉིད་དང་། གཤིན་པོའི་ཁྲོད་ནས་སྔོན་དུ་འཁྲུངས་པ་ཡིན་ནོ༎ དེ་ནི་ཁོང་ཉིད་རྣམ་པ་ཀུན་ཏུ་མཆོག་གྱུར་ལགས་པའི་ཕྱིར་རོ།།  
\v 19 ཅིའི་ཕྱིར་ཞེ་ན། ཡབ་ཐུགས་དགྱེས་པ་ནི་འདི་ལྟ༌སྟེ། ཁོང་གིས་ཕུན་སུམ་ཚོགས་པ་ཐམས་ཅད་སྐྱབས་མགོན་ཡེ་ཤུའི་ཐུགས་རྒྱུད་དུ་གནས་པར་མཛད་པ༌དང༌།  
\v 20 སྐྱབས་མགོན་ཡེ་ཤུའི་སྐུ་ཁྲག་ཤིང་རྒྱ་གྲམ་གྱི་སྟེང་དུ་བཞུར་བ་ལ་བརྟེན་ནས་ཞི་བདེ་བསྐྲུན༌ཏེ། སྐྱབས་མགོན་ཡེ་ཤུ་བརྒྱུད་ནས་གནམ་ས་གང་ཁྱབ་ཏུ་ཡོད་པ་མཐའ་དག་ཁོང་དང་འདུམ་པར་མཛད་པའི་ཕྱིར༌རོ།།   
\p
\v 21 དེ་སྔར་ཁྱོད་ཅག་ནི་དཀོན་མཆོག་དང་གཏན་དུ་བྲལ་ཞིང༌། ལས་ངན་པ་བྱས་ཏེ་སེམས་གཏིང་ནས་ཁོང་ཉིད་དགྲ་རུ་བཟུང༌མོད།  
\v 22 འོན་ཀྱང༌། ད་ལྟ་སྐྱབས་མགོན་ཡེ་ཤུའི་ཤ་ཁྲག་གི་སྐུ་ལུས་དང་ཁོང་ཉིད་སྐུ་གྲོངས་པ་བརྒྱུད་ནས། དཀོན་མཆོག་གིས་ཁྱོད་རྣམས་ཁོང་དང་བསྡུམས༌པའོ།། དེ་ནི་ཁྱོད་རྣམས་དམ་པ༌དང༌། སྐྱོན་གྱི་དྲི་མས་མ་གོས༌པ། སྐྱོན་བརྗོད་རྒྱུ་ཅི་ཡང་མེད་པར་ཁོང་གི་དྲུང་དུ་འདྲེན་པར་འགྱུར་བའི་ཕྱིར༌ཡིན།  
\v 23 གལ་ཏེ། ཁྱོད་རྣམས་ཀྱིས་དད་པ་ལ་སྙིང་རུས་བསྐྱེད་པ་དང་རྩ་བ་སྲ་ཞིང་བརྟན་པ༌དང༌། ཐེ་ཚོམ་མེད་པར་བརྟན་ཅིང་བརླིང་བ༌སྟེ། སྔར་ཐོས་མྱོང་བའི་འཕྲིན་བཟང་ལ་བཅངས་པའི་རེ་བ་དང་ཁ་འབྲལ་བར་མ་གྱུར༌ན། ཁྱོད་རྣམས་ཁོང་གི་དྲུང་དུ་འདྲེན་པར་འགྱུར་རོ།། འཕྲིན་བཟང་འདི་ནི་གནམ་འོག་གི་མི་ཐམས་ཅད་ལའང་བསྒྲགས་པར་མ༌ཟད། ཕོལ་ལོལ་ང་རང་ཡང་འཕྲིན་བཟང་འདིའི་ཞབས་ཕྱི་པར་བསྐོས་པ་ཡིན༌ནོ།།   
\s1 ཕོལ་ལོལ་གྱིས་ཆོས་ཚོགས་ཀྱི་དོན་དུ་དཀའ་སྡུག་མྱོང༌བ།  
\p
\v 24 ད་ལྟ་བདག་གིས་ཁྱོད་རྣམས་ཀྱི་ཆེད་དུ་དཀའ་སྡུག་མྱངས་ནའང་དགའ་སྣང་སྐྱེ་ཞིང༌། སྐྱབས་མགོན་མཱ་ཤི་ཀའི་སྐུ་ལུས་ཡིན་པའི་ཆོས་ཚོགས་ཀྱི་ཆེད༌དུ། ཁོང་གི་དཀའ་སྡུག་མི་འདང་བ་དེ་བདག་གི་ཤ་ཁྲག་གི་ཕུང་བོའི་སྟེང་ནས་རྫོགས་པར་བྱེད་དོ།།  
\v 25 དཀོན་མཆོག་གི་བཀའ་ཡོངས་སུ་བསྒྲག་པའི༌ཕྱིར། དཀོན་མཆོག་གིས་ཁྱོད་རྣམས་ཀྱི་ཆེད་དུ་བདག་ལ་གནང་བའི་ལས་འགན་བཞིན་ང་རང་ནི་ཆོས་ཚོགས་ཀྱི་ཞབས་ཕྱི་པར་བསྐོས༌པ་ཡིན།  
\v 26 བཀའ་དེ་ནི་བསྐལ་པ་ནས་བསྐལ་པ་དང༌། མི་རབས་ནས་མི་རབས་བར་དུ་སྦས་པའི་གསང་བ་ཡིན༌ཡང༌། ད་ལྟ་ཁོང་གི་དད་ལྡན་དམ་པ་རྣམས་ལ་མངོན་པར་མཛད།  
\v 27 དཀོན་མཆོག་གིས་གསང་བ་དེ་ནི་ཕྱི་ཕྱོགས་པ་རྣམས་ཀྱི་ཁྲོད་དུ་ཅི་འདྲའི་ཕུན་སུམ་ཚོགས་པའི་གཟི་བརྗིད་ཅིག་ཡིན་པ་དད་ལྡན་དམ་པ་རྣམས་ལ་ཤེས་སུ་འཇུག་པར་དགོངས་པ༌དང༌། གསང་བ་དེ་ནི་སྐྱབས་མགོན་མཱ་ཤི་ཀ་ཁོང་ཉིད་ཁྱོད་རྣམས་ཀྱི་ནང་དུ་བཞུགས༌ཤིང༌། གཟི་བརྗིད་དང་ལྡན་པར་འགྱུར་བའི་རེ་བའང་ཡིན་ནོ།།  
\v 28 སྐྱབས་མགོན་མཱ་ཤི་ཀའི་ནང་དུ་མི་རེ་རེ་ཕུལ་དུ་བྱུང་བ་ཡིན་པ་དཀོན་མཆོག་གི་དྲུང་དུ་འདྲེན་པའི༌ཕྱིར། ངེད་རྣམས་ཀྱིས་ཤེས་རབ་སྣ་ཚོགས་སྤྱད་ནས་མི་རེ་རེ་ལ་སྐུལ་སློང་དང་སློབ་སྟོན་གནང་སྟེ་སྐྱབས་མགོན་མཱ་ཤི་ཀ་སྒྲོག༌པ་དང་།  
\v 29 དོན་འདིའི་ཆེད་དུ་བདག་གིས་ཀྱང་ངལ་དུབ་མྱོང་ཞིང་རང་གི་སེམས་སུ་བཞུགས་པའི་སྐྱབས་མགོན་ཡེ་ཤུའི་ནུས་མཐུ་ཆེན་པོར་བརྟེན་ཏེ། སྟོབས་ཤུགས་ཡོད་རྒུ་བཏོན་ནས་བརྩོན་པའོ།།   
\c 2
\cl ལེའུ་གཉིས༌པ། 
\toc1 ༄༅། །ཀོ་ལོ་སཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 ཀོ་ལོ་སཱ་པ། 
\s1 ཕོལ་ལོལ་གྱིས་ཆོས་ཚོགས་ཀྱི་དོན་དུ་ཐུགས་ཁུར་གནང༌བ།  
\p
\v 1 བདག་གིས་ཁྱོད་རྣམས་ལ་ཤེས་སུ་འཇུག་འདོད་པ་ནི། ཁྱོད་ཅག་དང་ལའོ་དི་ཀེ་ཡཱ་རུ་གནས་པའི་མི་རྣམས༌དང༌། བདག་དང་དངོས་སུ་ངོ་ཕྲད་མ་མྱོང་བ་རྣམས་ཀྱི་དོན༌དུ། བདག་གིས་ཅི་ལྟར་སྟོབས་ཤུགས་འདོན་པ༌དེ་ཡིན།  
\v 2 ཅིའི་ཕྱིར་ཞེ་ན། མི་དེ་རྣམས་ལ་སེམས་གསོ་ཐོབ༌ཅིང༌། བྱམས་པའི་དབང་གིས་ཕན་ཚུན་འབྲེལ་འདྲིས་བྱས༌ཏེ། ཤེས་རྟོགས་ཕུན་སུམ་ཚོགས་པའི་ཁྲོད་ནས་དད་སེམས་བརྟན་པོས་དཀོན་མཆོག་གི་གསང་བ་ནི་སྐྱབས་མགོན་མཱ་ཤི་ཀ་ཡིན་པ་ཤེས་ཐུབ་པར་འགྱུར་བའི་ཕྱིར༌རོ།།  
\v 3 ཤེས་རབ་དང་ཤེས་བྱའི་གཏེར་ཁ་ཐམས་ཅད་ནི་སྐྱབས་མགོན་མཱ་ཤི་ཀའི་ནང་དུ་སྦས་ཡོད།  
\v 4 བདག་གིས་འདི་ལྟར་སྨྲ་བ་ནི་མི་གཞན་གྱིས་ཁ་ཡག་ཚིག་གིས་ཁྱོད་རྣམས་འཁྲུལ་དུ་མི་འཇུག་པའི་ཕྱིར༌ཡིན།  
\v 5 བདག་གི་ལུས་པོ་ནི་ཁྱོད་ཅག་དང་ཁ་བྲལ༌ནའང༌། སེམས་ནི་ཁྱོད་ཅག་དང་མཉམ་དུ་གནས། ཁྱོད་རྣམས་ནི་བག་ཡོད་ཚུལ་དང་ལྡན༌ཞིང༌། སྐྱབས་མགོན་མཱ་ཤི་ཀ་ལ་དད་པའི་སེམས་ཀྱང་བརྟན་པོ་ཡིན་པ་ཤེས་པས་བདག་ནི་དགའ་ཞིང་སྤྲོ་བར་གྱུར༌ཏོ།།   
\s1 དད་ལྡན་རྣམས་ཀྱི་མི་ཚེ་གསར་པའི༌སྐོར།  
\p
\v 6 དེའི༌ཕྱིར། ཁྱོད་རྣམས་ཀྱིས་གཙོ་བོ་མཱ་ཤི་ཀ་ཡེ་ཤུ་དང་དུ་བླངས༌པས། ཁོང་ལ་བསྟུན་ནས་སྤྱད་པ་སྤྱོད་དགོས༌ཤིང༌།  
\v 7 ཁྱོད་ཅག་ལ་ཐོབ་པའི་བསླབ་བྱ་ལྟར། ཁྱོད་ཅག་ནི་ཁོང་གི་ནང་དུ་རྩ་བ་ཟབ་ཅིང་ཇེ་བརྟན་དུ་ཡོང་བ་དང༌། དད་སེམས་བརྟན་ཅིང་བརླིང༌བ། དྲིན་ཚོར་བའི་སེམས་ཀྱང་ལྷག་པར་འཕེལ་དགོས་སོ།།  
\v 8 སུ་ཞིག་གིས་མཚན་ཉིད་རིག་པ་དང་རྫུན་གཏམ་སྟོང་བར་བརྟེན་ནས་སྐྱབས་མགོན་མཱ་ཤི་ཀ་དང་མི་མཐུན༌པར། མིའི་རིགས་ཀྱི་སྲོལ་རྒྱུན་དང་འཇིག་རྟེན་གྱི་ཤེས་ཡོན་ཕྲན་བུ་དག་ལ་བརྟེན༌ན། ཁྱོད་རྣམས་བསླུ་ཉེན་ཆེ་བས་གཟབ་པར༌གྱིས།  
\v 9 ཅིའི་ཕྱིར་ཞེ་ན། དཀོན་མཆོག་གི་རང་བཞིན་ཕུན་སུམ་ཚོགས་པ་ཐམས་ཅད་ནི་གཟུགས་དང་ལྡན་པར་སྐྱབས་མགོན་མཱ་ཤི་ཀའི་ནང་དུ་བཞུགས་ཡོད་པ་དང་།  
\v 10 སྐྱབས་མགོན་མཱ་ཤི་ཀའི་ནང་དུ་ཁྱོད་རྣམས་ཀྱང་ཕུན་སུམ་ཚོགས་པར་མཛད་ཡོད་ཅིང༌། ཁོང་ནི་འཇིག་རྟེན་གྱི་སྲིད་འཛིན་མཁན་དང་དབང་འཛིན་མཁན་ཐམས་ཅད་ཀྱི་དབུ་ལགས་སོ།།  
\v 11 ཡང་ཁྱོད་ཅག་ནི་སྐྱབས་མགོན་མཱ་ཤི་ཀའི་ནང་དུ་མཚན་སྐྱི་གཅོད་པར་ཞུགས༌ཤིང༌། དེ་ནི་མི་ཡིས་ལག་པས་བྱས་པ་མ་ཡིན་པར། སྐྱབས་མགོན་མཱ་ཤི་ཀས་མཚན་སྐྱི་བཅད་པ་ཡིན་ཏེ། ཁྱོད་རྣམས་ལ་ཤ་གཟུགས་ཀྱི་འདོད་ཆགས་འདོར་དུ་བཅུག་པའོ།།  
\v 12 དེ་སྔར་ཁྱོད་རྣམས་ཁྲུས་གསོལ་ལ་ཞུགས་ནས་ཁོང་དང་མཉམ་དུ་དུར་ལ་སྦས་ཤིང་ཁོང་ཉིད་གྲོངས་པ་ནས་སླར་གསོན་པར་མཛད་མཁན་དཀོན་མཆོག་གི་མཐུ་སྟོབས་ལ་ཡིད་ཆེས༌བྱས་པས། ཁྱོད་རྣམས་ཀྱང་སྐྱབས་མགོན་མཱ་ཤི་ཀ་དང་ལྷན་དུ་སླར་གསོན་པ་ཡིན་ནོ།།   
\p
\v 13 དེ་སྔར་ཁྱོད་རྣམས་ནི་སྡིག་པ་དང་མཚན་སྐྱི་མ་བཅད་པའི་ཤ་གཟུགས་ཀྱི་ཕུང་བོའི་ཁྲོད་དུ་ཤི་བའི་དུས་སུ། དཀོན་མཆོག་གིས་ཁྱོད་ཅག་གི་སྡིག་པ་ཐམས་ཅད་བསལ་ནས། ཁྱོད་ཅག་ནི་སྐྱབས་མགོན་མཱ་ཤི་ཀ་དང་ལྷན་དུ་སླར་གསོན༌པར་མཛད་པ་ཡིན་ནོ།།  
\v 14 ཡང་ཁྲིམས་ཡིག་ནང་དུ་བྲིས་པའི་བདག་ཅག་ལ་སྐྱོན་བརྗོད་པ་དང་བདག་ཅག་ལ་གནོད་པའི་དཔང་ཡིག་རྣམས་བླངས༌ཏེ། ཤིང་རྒྱ་གྲམ་གྱི་སྟེང་དུ་བརྡབས་ནས་མེད་པར་མཛད།  
\v 15 ཁོང་གིས་འཇིག་རྟེན་གྱི་སྲིད་འཛིན་མཁན་དང་དབང་འཛིན་མཁན་རྣམས་ལ་དབང་བསྒྱུར་བའི་དུས༌སུ། ཤིང་རྒྱ་གྲམ་གྱི་ནུས་མཐུ་ལ་བརྟེན༌ནས་དེ་དག་ལས་རྣམ་པར་རྒྱལ་བའི་དོན་ནི་མི་ཀུན་ལ་མངོན་པར་མཛད༌དོ།།   
\p
\v 16 དེའི༌ཕྱིར། བཟའ་བཏུང༌དང༌། དུས༌ཆེན། ཚེས་གཅིག ངལ་གསོ་བའི་ཉིན་མོ་བཅས་གང་ཐད༌ནས། མི་གཞན་སུས་ཀྱང་ཁྱོད་ཅག་ལ་ཁ་ཚོན་གཅོད་མི་རུང་ངོ༌།།  
\v 17 དེ་དག་ནི་མ་འོངས་འབྱུང་འགྱུར་གྱི་དོན་རྣམས་ཀྱི་གྲིབ་གཟུགས་ཡིན༌ཡང༌། དོན་དམ་དུ་གཟུགས་པོ་ནི་སྐྱབས་མགོན་མཱ་ཤི་ཀ་ཡིན།  
\v 18 མི་སུ་ཞིག་ལའང་བསམ་བཞིན་ཁེངས་སྐྱུང་གི་ཟོལ་ལ་བརྟེན་པ་དང་ཕོ་ཉར་བསྙེན་བཀུར་བྱེད་པ་བརྒྱུད༌ནས། ཁྱོད་ཅག་གི་བྱ་དགའ་འཕྲོག་ཏུ་འཇུག་མི་རུང༌། མི་དེ་རྣམས་ཀྱིས་མཐོང་སྣང་ཙམ་ལ་བརྟེན་ནས། རང་མོས་གང་འདོད་ཀྱིས་དོན་མེད་ཀྱི་ང་རྒྱལ་ཆེ་རུ་འཛིན༌པ་ལས།  
\v 19 དབུ་དེ་ཉིད་ལ་མི་བརྟེན༌པ་རེད། དོན་དམ་དུ་སྐུ་ལུས་ཡོངས་ཀྱིས་ཁོང་ལ་བརྟེན༌ནས། རྒྱུས་པ་དང་རུས་ཚིགས་དག་གིས་འབྲེལ་མཐུད་སྒྲིག་སྦྱོར་བྱེད༌ཅིང༌། དཀོན་མཆོག་ལ་བརྟེན་ནས་རིམ་བཞིན་ཇེ་ཆེར་འགྱུར་བའོ།།   
\p
\v 20 ཁྱོད་ཅག་ནི་སྐྱབས་མགོན་མཱ་ཤི་ཀ་དང་ལྷན་དུ་གྲོངས་ཟིན་ཅིང༌། འཇིག་རྟེན་གྱི་ཤེས་ཡོན་ཕྲན་བུ་དག་ལའང་ཁ་བྲལ་བས་ན། ད་དུང་འཇིག་རྟེན་དུ་འཚོ་བ་དང་མཚུངས༌པར།  
\v 21 འཁྱེར་མི་རུང་བ༌དང༌། བཟའ་མི་རུང༌བ། རེག་མི་རུང་བ་སོགས་ཀྱི་སྲུང་བྱ་དང་བསྟུན་པའི་རྒྱུ་མཚན་ཅི།  
\v 22 སྲུང་བྱ་དེ་དག་ནི་མི་ཡིས་བཀའ་བསྒོས་པ་དང་སློབ་སྟོན་བྱས་པ་ལྟར་ཡིན༌ལ། དངོས་པོ་དེ་དག་ཀྱང་བཀོལ་སྤྱོད་བྱེད་བཞིན་པའི་སྐབས་སུ་ཐམས་ཅད་འཇིག་པར་འགྱུར་རོ།།  
\v 23 སྲུང་བྱ་དེ་དག་གིས་མི་རྣམས་ལ་ཤེས་རབ་ལྡན་པའི་མིང་ཙམ༌དང༌། རང་འདོད་ཀྱིས་བསྙེན་བཀུར་བྱེད༌པ། ཁེངས་སྐྱུང་གི་ཟོལ་མངོན་པ། ལུས་ལ་དཀའ་ཐུབ་སྤྱོད་པ་བཅས་བྱེད་དུ་འཇུག༌པ་ཡིན། དོན་དམ་དུ་ཤ་གཟུགས་ཀྱི་འདོད་ཆགས་སྣ་ཚོགས་འགོག་པའི་ཐད་ལ་སྲུང་བྱ་དེ་དག་གིས་ཕན་ཅི་ཡང་མི་ཐོགས༌སོ།།   
\c 3
\cl ལེའུ་གསུམ༌པ། 
\toc1 ༄༅། །ཀོ་ལོ་སཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 ཀོ་ལོ་སཱ་པ། 
\s1 དད་ལྡན་རྣམས་ཇི་ལྟར་འཚོ་བའི་ཚད་གཞི།  
\p
\v 1 དེའི་ཕྱིར་ཁྱོད་རྣམས་དངོས་གནས་སྐྱབས་མགོན་མཱ་ཤི་ཀ་དང་ལྷན་དུ་སླར་གསོན་པ་ཡིན༌ན། ནམ་མཁའི་ཞིང་ཁམས་ཀྱི་དོན་རྣམས་ལ་མུ་མཐུད་དུ་བརྩོན་པར༌གྱིས། སྐྱབས་མགོན་མཱ་ཤི་ཀ་ནི་གནས་དེ་རུ་དཀོན་མཆོག་གི་གཡས་ཕྱོགས་སུ་བཞུགས༌སོ།།  
\v 2 ཁྱོད་ཅག་གིས་འཇིག་རྟེན་གྱི་དོན་རྣམས་ལ་བསམ་བློ་མི་གཏོང༌བར། ནམ་མཁའི་ཞིང་ཁམས་ཀྱི་དོན་རྣམས་ལ་བསམ་བློ་གཏོང་དགོས།  
\v 3 རྒྱུ་མཚན་ནི་ཁྱོད་རྣམས་ཤི་ཟིན་པ་དང་རང་གི་ཚེ་སྲོག་སྐྱབས་མགོན་མཱ་ཤི་ཀ་དང་ལྷན་དུ་དཀོན་མཆོག་གི་ནང་དུ་སྦས་ཡོད་པས༌སོ།།  
\v 4 སྐྱབས་མགོན་མཱ་ཤི་ཀ་ནི་བདག་ཅག་གི་ཚེ་སྲོག་ཡིན༌ལ། ཁོང་ཉིད་ཕྱིར་མངོན་པའི་དུས༌སུ། ཁྱོད་རྣམས་ཀྱང་ཁོང་དང་ལྷན་ཅིག་གཟི་བརྗིད་ནང་དུ་མངོན་པར་འགྱུར༌རོ།།   
\p
\v 5 དེའི༌ཕྱིར། ཁྱོད་རྣམས་ཀྱི་འཇིག་རྟེན་ཏུ་གཏོགས་པའི་ཡན་ལག་སྟེ། ལོག་གཡེམ༌དང༌། མི་ཚངས༌སྤྱོད། འདོད༌ཆགས། འདོད་ངན། བརྣབ་སེམས་སོགས་རྩ་བ་ནས་དོར༌ཅིག བརྣབ་སེམས་ནི་སྐུ་འདྲར་བརྟེན་པ་དང་མཚུངས་པའོ།།  
\v 6 དོན་དེ་དག་གི་དབང༌གིས། དཀོན་མཆོག་གི་བཀའ་ལ་མི་ཉན་པ་རྣམས་ལ་ཁོང་ཉིད་ཀྱི་ཐུགས་ཁྲོ་འཕོག་པར་འགྱུར༌ངེས་ཡིན།  
\v 7 དེ་སྔར་ཁྱོད་རྣམས་ཀྱང་དོན་དེ་དག་གི་ནང་དུ་འཚོ་བའི་སྐབས་སུ་དེ་ལྟར་བྱས་མྱོང༌མོད།  
\v 8 འོན་ཀྱང་ད་ལྟ་ཁྱོད་རྣམས་ཀྱིས་དོན་དེ་ཐམས་ཅད༌དང༌། གཞན་ཡང༌། ཞེ་སྡང༌དང༌། ཁོང༌ཁྲོ། གདུག༌རྩུབ། འཕྱ༌སྨོད། ངག་ནས་ཚིག་ངན་སྨྲ་བ་བཅས་རིང་དུ་དོར༌ཅིག  
\v 9 ཕན་ཚུན་ལ་རྫུན་སྨྲ་བར་མི༌བྱའོ།། རྒྱུ་མཚན་ནི་ཁྱོད་རྣམས་ཀྱིས་སྔར་གྱི་གཤིས་ཀ་རྙིང་པ་དང་དེའི་སྤྱོད་ངན་དོར་ཟིན་པས།  
\v 10 གཤིས་ཀ་གསར་པ་ནི་གྱོན་དགོས་ཤིང་། དེ་ནི་རང་ཉིད་སྐྲུན་མཁན་གྱི་སྣང་བརྙན་ལྟར། ཤེས་བྱའི་ཐད་ནས་རིམ་བཞིན་བསྐྱར་གསོ་མཛད་པ་ཡིན།  
\v 11 དོན་དེའི་ཐད་ནས་གྷི་རིག་པ་དང་ཡ་ཧུ་དཱ༌པ། མཚན་སྐྱི་བཅད་པའམ་མ་བཅད༌པ། མཐའ་འཁོབ་པ། སི་ཁེའུ་ཐེ་ཟི་པ། གཡོག་པོ། རང་དབང་ཅན་བཅས་ལ་ཁྱད་པར་ཅི་ཡང་མེད༌ཅིང༌། སྐྱབས་མགོན་མཱ་ཤི་ཀ་ནི་ཐམས་ཅད་ཀྱི་སྙིང་པོ་ཡིན་པ་དང་ཐམས་ཅད་ཀྱི་ནང་དུ་བཞུགས་སོ།།   
\p
\v 12 དེའི༌ཕྱིར། ཁྱོད་རྣམས་ནི་དཀོན་མཆོག་གིས་བདམས་པའི་མི༌སྟེ། དམ་པ་དང་གཅེས་པར་འཛིན་པ་རྣམས་ཡིན་པས། སྙིང་རྗེ༌དང༌། བྱམས༌བརྩེ། ཁེངས༌སྐྱུང༌། ཞི༌དུལ། བཟོད་པ་བཅས་ཀྱི་སེམས་པ་གྱོན་དགོས༌ཤིང༌།  
\v 13 ཁྱོད་རྣམས་ལས་སུ་དང་སུ་ཞིག་གི་བར་དུ་འགལ་བ་ཡོད༌ན། གང་ལྟར་ཡང་ཕན་ཚུན་ལ་བཟོད་པ་དང་གུ་ཡངས་བྱེད་དགོས༌ཏེ། གཙོ་བོས་ཇི་ལྟར་ཁྱོད་རྣམས་ལ་དགོངས་དག་གནང་བ༌བཞིན། ཁྱོད་རྣམས་ཀྱིས་ཀྱང་དེ་ལྟར་མི་གཞན་ལ་གུ་ཡངས་གཏོང་དགོས།  
\v 14 དོན་དེ་ཐམས་ཅད་ལས༌གཞན། ཁྱོད་རྣམས་ཀྱིས་བྱམས་པ་གྱོན་དགོས༌ཏེ། བྱམས་པ་ནི་ཕན་ཚུན་མཐུན་པོ་ཡོང་བར་ཕུལ་དུ་བྱུང་བའི་སྦྲེལ་ཐག་ཡིན་ནོ།།  
\v 15 ཡང་ཁྱོད་རྣམས་ཀྱིས་སྐྱབས་མགོན་མཱ་ཤི་ཀའི་ཞི་བདེ་ནི་ཁྱོད་ཅག་གི་སེམས་ནང་དུ་དབང་སྒྱུར་མཁན་དུ་བྱ་དགོས། ཁྱོད་རྣམས་ཀྱང་དོན་དེའི་ཆེད་དུ་སྐུ་ལུས་གཅིག་གི་ནང་དུ་ཞལ་འབོད་གནང༌བ་ཡིན་ལ། ཁྱོད་ཅག་ལ་དྲིན་གཟོ་བའི་སེམས་དགོས་སོ།།  
\v 16 ཡང་ཁྱོད་རྣམས་ཀྱིས་སྐྱབས་མགོན་མཱ་ཤི་ཀའི་བཀའ་ནི་ཁྱོད་ཅག་གི་སེམས་ནང་དུ་གཏམས་པར་བཅུག༌སྟེ། ཤེས་རབ་སྣ་ཚོགས་ལ་བརྟེན་ནས་གསུང་མགུར༌དང༌། བསྟོད༌དབྱངས། མགུར་གླུ་བཅས་ཀྱི་ཚིག་དོན་བཀོལ་ནས་ཕན་ཚུན་ལ་སློབ་སྟོན་དང་སྐུལ་མ་གནང་བ་དང༌། བཀའ་དྲིན་དྲན་བཞིན་སེམས་གཏིང་ནས་དཀོན་མཆོག་ལ་བསྟོད་བསྔགས་བརྗོད་འོས་པ་ཡིན།  
\v 17 གཞན༌ཡང༌། གཏམ་སྨྲ་བའམ་དོན་གང་ཞིག་སྒྲུབ་ཀྱང་གཙོ་བོ་ཡེ་ཤུའི་མཚན་ལ་བརྟེན་ནས་བསྒྲུབ་དགོས་པ༌དང༌། ཁོང་ཉིད་བརྒྱུད་ནས་ཡབ་དཀོན་མཆོག་ལ་བཀའ་དྲིན་ཞུ་དགོས༌སོ།།   
\s1 དད་ལྡན་པའི་ཁྱིམ་ཚང་གི་འགྲིག༌ལམ་སྐོར།  
\p
\v 18 ཁྱོད་ཅག་ཆུང་མ་རྣམས་ཀྱིས་རང་རང་གི་ཁྱོ་ག་དང་བསྟུན་པར༌གྱིས། འདི་ནི་གཙོ་བོ་ལ་གཏོགས་པའི་མི་རྣམས་ལ་མཚོན་ན་འོས་ཤིང་འཚམ་པ་ཡིན།  
\v 19 ཁྱོད་ཅག་ཁྱོ་ག་རྣམས་ཀྱིས་རང་རང་གི་ཆུང་མར་བྱམས་ཤིང་གཅེས་དགོས་པ༌ལས། ཁོ་མོ་རྣམས་སྡུག་ལ་སྦྱར་མི་རུང༌ངོ་།།  
\v 20 ཁྱོད་ཅག་བུ་ཕྲུག་རྣམས་ཀྱིས་སྒོ་ཀུན་ནས་ཕ་མའི་ངག་ལ་མཉན་དགོས༌ཏེ། འདི་ལྟར་བྱས་ན་གཙོ་བོ་ཐུགས་མཉེས་པའི་ཕྱིར༌ཡིན།  
\v 21 ཁྱོད་ཅག་ཕ་ཡིན་པ་རྣམས་ཀྱིས་རང་གི་བུ་ཕྲུག་ལ་ཁོང་ཁྲོ་སློང་བར་མི་བྱ༌སྟེ། དེ་ལྟར་བྱས་ན་བུ་ཕྲུག་དག་གི་སེམས་ཕམ་པར་འགྱུར༌རོ།།   
\p
\v 22 ཁྱོད་ཅག་གཡོག་པོ་རྣམས་ཀྱིས་སྒོ་ཀུན་ནས་རང་གི་ལུས་ཕུང་གི་བདག་པོ་དེའི་ངག་ལ་མཉན་དགོས་པ༌དང༌། བདག་པོ་ལ་ངོ་སོ་བྱེད་པ་ལྟར་མིག་མདུན་ཁོ་ནར་ཁ་ལེན་ཚིག་བརྩི་མི་བྱེད༌པར། གཙོ་བོ་ལ་གུས་ཤིང་འཇིགས་པ་བཞིན༌དུ་ལྷག་བསམ་རྣམ་དག་གིས་བརྩི་བཀུར་བྱ་དགོས།  
\v 23 ཁྱོད་རྣམས་ཀྱིས་དོན་གང་ཞིག་སྒྲུབ་ཀྱང་ལྷག་བསམ་རྣམ་དག་གིས་བསྒྲུབ་དགོས༌ཤིང༌། དེ་ནི་མི་གཞན་གྱི་ཆེད་དུ་མ་ཡིན་པར་གཙོ་བོའི་ཆེད་དུ་སྒྲུབ་པ་བཞིན་ཡིན་དགོས།  
\v 24 ཅིའི་ཕྱིར་ཞེ་ན། གཙོ་བོ་ནས་བགོ་སྐལ་གྱི་བྱ་དགའ་ཁྱོད་ཅག་ལ་འཐོབ་ངེས་པ་ཁྱོད་རྣམས་ཀྱིས་ཀྱང་ཤེས་པའི་ཕྱིར༌ཡིན། ཁྱོད་རྣམས་ཀྱིས་བསྙེན་བཀུར་བྱེད་པ་ནི་གཙོ་བོ་མཱ་ཤི་ཀ་ལགས་སོ།།  
\v 25 ངན་པ་བྱེད་མཁན་ལ་ངན་པ་བྱས་པའི་འབྲས་བུ་འཐོབ་པར་འགྱུར༌ཞིང༌། དཀོན་མཆོག་ལ་ཕྱོགས་རིས་ཅི་ཡང་མེད་དོ།།   
\c 4
\cl ལེའུ་བཞི༌པ། 
\toc1 ༄༅། །ཀོ་ལོ་སཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 ཀོ་ལོ་སཱ་པ། 
\s1 དད་ལྡན་རྣམས་ལ་གདམས༌པ།  
\p
\v 1 ཁྱོད་ཅག་བདག་པོ་རྣམས་ཀྱིས་རང་རང་གི་གཡོག་པོ་རྣམས་དྲང་གཞག་དང་འདྲ་མཉམ་གྱི་ངང་ནས་སྐྱོང་དགོས། ཅིའི་ཕྱིར་ཞེ་ན། ཁྱོད་ཅག་གིས་རང་རང་ལའང་ནམ་མཁའི་ཞིང་ཁམས་སུ་བདག་པོ་ཞིག་ཡོད་པ་ཤེས་པའི་ཕྱིར༌རོ།།   
\p
\v 2 ཁྱོད་རྣམས་ཀྱིས་གཟབ་གཟབ་ངང་བཀའ་དྲིན་དྲན་བཞིན་དཀོན་མཆོག་ལ་གསོལ་བ་འདེབས་པར་བརྩོན་པར་གྱིས།  
\v 3 ངེད་རྣམས་ཀྱི་ཆེད་དུའང་གསོལ་བ་འདེབས་དགོས༌ཤིང༌། སྐྱབས་མགོན་མཱ་ཤི་ཀའི་གསང་བ་དེ་ཉིད་འཆད་པའི༌ཕྱིར། དཀོན་མཆོག་གིས་ངེད་ཅག་ལ་བཀའ་སྒྲོག་པའི་སྒོ་ཕྱེ་བར་གསོལ་བ་འདེབས་པར་གྱིས། དོན་དེའི་ཕྱིར་ང་རང་བཙོན་དུ་སྦྱར༌བའོ།།  
\v 4 ཡང་བདག་གིས་བརྗོད་དགོས་པ་བཞིན་གསང་བ་འདི་གསལ་པོར་འཆད་ཐུབ་པའི་ཞུ་བ་ཕུལ༌ཞིག  
\v 5 ཡང་ཁྱོད་རྣམས་ཀྱིས་ཆུ་ཚོད་དམ་འཛིན་དང་བློ་གྲོས་ལྡན་པའི་སྒོ་ནས་ཕྱི་ཕྱོགས་པ་རྣམས་ལ་འབྲེལ་འདྲིས་བྱེད་དགོས།  
\v 6 ཁྱོད་ཅག་གི་ངག་གི་སྦྱོར་བ་ནི་སྙན་ཞིང་ལན་ཚྭ་བཏབ་པ་ལྟ་བུ་ཡིན་དགོས། དེ་ནས་མི་རེ་རེར་ཇི་ལྟར་ལན་འདེབས་དགོས་པ་ཤེས་པར་འགྱུར༌རོ།།   
\s1 མཇུག་མཐའི་འཚམས༌ཞུ།  
\p
\v 7 སྙིང་ནས་བརྩེ་བའི་སྤུན་ཟླ་ཐི་ཀེ་ཀུ་ཡིས་བདག་གི་གནས་ཚུལ་ཐམས་ཅད་ཁྱོད་རྣམས་ལ་སྨྲ་བར་འགྱུར་རོ།། ཁོ་རང་ནི་བློ་སེམས་དཀར་བའི་ཞབས་ཕྱི་པ་ཞིག༌དང༌། བདག་དང་མཉམ་དུ་གཙོ་བོའི་ཞབས་ཏོག་པ་ཞིག་ཀྱང་ཡིན།  
\v 8 ཁྱོད་རྣམས་ལ་ངེད་ཅག་གི་གནས་ཚུལ་ཤེས་སུ་འཇུག་པ་དང༌། ཁོས་ཁྱོད་ཅག་ལ་སེམས་གསོ་བྱེད་པའི༌ཕྱིར། བདག་གིས་ཁོ་རང་ཁྱོད་རྣམས་ཀྱི་གམ་དུ་ཆེད་མངགས་བྱས་པ་ཡིན།  
\v 9 ཡང་སྙིང་ནས་བརྩེ་ཞིང་བློ་སེམས་དཀར་བའི་སྤུན་ཟླ་ཨོ་ནེ་སི་མུ་ཡང་ཐི་ཀེ་ཀུ་དང་མཉམ་དུ་མངགས༌ཤིང༌། ཁོ་རང་ཡང་ཁྱོད་ཅག་གི་ཡུལ་དེ་གའི་མི་ཡིན༌ཞིང༌། ཁོ་གཉིས་ཀྱིས་ཡུལ་འདི་གའི་གནས་ཚུལ་ཐམས་ཅད་ཁྱོད་རྣམས་ལ་སྨྲ་བར་འགྱུར༌རོ།།   
\p
\v 10 བདག་དང་མཉམ་དུ་ཡོད་པའི་བཙོན་གྲོགས་ཨ་རི་སྟར་ཀུ་དང༌། པཱར་ན་པཱའི་ཚ་བོ་མཱར་ཀུ་གཉིས་ཀྱིས་ཀྱང་ཁྱོད་རྣམས་ལ་འཚམས་འདྲི༌ཞུའོ།། མཱར་ཀུ་ཞེས་བྱ་བ་གླེང༌ན། འདིའི་སྐོར་གྱི་བཀའ་ནི་སྔར་ནས་ཁྱོད་ཅག་ལ་ཐོབ༌ཅིང༌། མཱར་ཀུ་ཁོ་རང་ཁྱོད་ཅག་གི་ཡུལ་དེར་སླེབས༌ན། ཁྱོད་ཅག་གིས་ཁོ་རང་ལ་བསུ་བ་བྱེད་དགོས།  
\v 11 མིང་གཞན་ལ་ཡུས་ཐོ་ཟེར་བའི་ཡེ་ཤུ་ཡིས་ཀྱང་ཁྱོད་ཅག་ལ་འཚམས་འདྲི༌ཞུའོ།། མཚན་སྐྱི་བཅད་པའི་དད་ལྡན་རྣམས་ཀྱི་ཁྲོད་ན་མི་འདི་གསུམ་པོ་ནི་དཀོན་མཆོག་གི་རྒྱལ་སྲིད་ཀྱི་དོན་དུ། བདག་དང་མཉམ་དུ་ཆོས་སྤེལ་མཁན་ཁོ་ན་ཡིན་ལ། བདག་ལ་སེམས་གསོ་བྱེད་མཁན་ཡང་ཡིན།  
\v 12 ཁྱོད་ཅག་གི་ཡུལ་མི་སྟེ་མཱ་ཤི་ཀ་ཡེ་ཤུའི་ཞབས་ཕྱི་པ་ཨེ་པབ་རཱ་བྱ་བས་ཀྱང་ཁྱོད་རྣམས་ལ་འཚམས་འདྲི༌ཞུའོ།། ཁོས་རྟག་ཏུ་ཁྱོད་རྣམས་ཀྱི་ཕྱིར་ནན་ཏན་གྱིས་འདི་ལྟར་གསོལ་བ་བཏབ་པ་སྟེ། དཀོན་མཆོག་གི་ཐུགས་དགོངས་ཡོངས་སུ་ཁྱོད་རྣམས་ཆ་ཚང་བ་དང༌། བློ་གདེང་དང་བཅས་ཚུགས་ཐུབ་པ་དེའོ།།  
\v 13 ཨེ་པབ་རཱ་ཡིས་ཁྱོད་ཅག༌དང༌། ཡང་ལའོ་དི་ཀེ་ཡཱ་དང་ཧི་རཱ་པོ་ལི་རུ་གནས་པའི་སྤུན་ཟླ་རྣམས་ཀྱི་དོན་དུ་འབད་པ་ཆེན་པོ་བྱེད་ཅིང་། བདག་གིས་ཀྱང་དོན་འདིར་བདེན་དཔང་བྱེད་ནུས༌པ་ཡིན།  
\v 14 སྙིང་ནས་བརྩེ་བའི་སྨན་པ་ལོ་ཀུ་དང་ཏི་མཱ་གཉིས་ཀྱིས་ཀྱང་ཁྱོད་ཅག་ལ་འཚམས་འདྲི༌ཞུའོ།།  
\v 15 ལའོ་དི་ཀེ་ཡཱ་རུ་ཡོད་པའི་སྤུན་ཟླ་རྣམས༌དང༌། ནིམ་ཕཱ་དང་ཁོ་མོའི་ཁྱིམ་དུ་འདུས་པའི་ཆོས་ཚོགས་བཅས་ལའང་འཚམས་འདྲི་ཞུ་བར༌བྱའོ།།  
\v 16 ཁྱོད་ཅག་གི་ཁྲོད་ནས་འཕྲིན་ཡིག་འདི་བཀླགས་ཚར༌རྗེས། ལའོ་དི་ཀེ་ཡཱ་རུ་ཡོད་པའི་ཆོས་ཚོགས་ལ་སྤྲད་ནས་ཁོ་རྣམས་ལའང་ཀློག་ཏུ་འཇུག་དགོས༌ཤིང༌། ཁྱོད་རྣམས་ཀྱིས་ཀྱང་ལའོ་དི་ཀེ་ཡཱ་ནས་བསྐུར་ཡོང་བའི་འཕྲིན་ཡིག་བཀླག་དགོས།  
\v 17 ཁྱོད་རྣམས་ཀྱིས་ཨར་ཀི་པུ་ལ། གཙོ་བོས་ཁྱོད་ལ་གནང་བའི་ལས་འགན་དེ་ནན་ཏན་གྱིས་བསྒྲུབ་དགོས་ཞེས་སྨྲ་བར༌མཛོད།   
\p
\v 18 ཕོལ་ལོལ་བདག་གིས་ཁྱོད་རྣམས་ལ་འཚམས་འདྲི་ཞུ་བ་འདི་ནི་དངོས་སུ་བྲིས་པ་ཡིན། ཁྱོད་རྣམས་ཀྱིས་ང་རང་བཙོན་དུ་ཡོད་པ་དྲན་པར༌གྱིས། མཇུག་མཐར་ཐུགས་རྗེ་ནི་རྟག་ཏུ་ཁྱོད་ཅག་དང་མཉམ་དུ་གནས་པར༌སྨོན།། །།