\id ACT - NTB བོད་འགྱུར་གསར་མ། 
\h མཛད་འཕྲིན། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\mt1 ༄༅། །སྐུ་ཚབ་པ་རྣམས་ཀྱི་མཛད་འཕྲིན།  
\imt1 སྐུ་ཚབ་པ་རྣམས་ཀྱི་མཛད་འཕྲིན་གྱི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi སྐུ་ཚབ་པ་རྣམས་ཀྱི་མཛད་འཕྲིན་ཞེས་པའི་གཞུང་འདིའི་ནང་དུ་ཡེ་ཤུའི་ཆོས་ལུགས་དར་སྤེལ་དུ་བཏང་བའི་ལོ་རྒྱུས་གསུངས་ཡོད་པ་དང་། འདིའི་ནང་དུ་སྐྱབས་མགོན་ཡེ་ཤུ་སྐུ་གྲོངས་པ་ནས་སླར་གསོན་རྗེས་ཀྱི་ལོ་ངོ་སུམ་ཅུའི་རིང་གི་ལོ་རྒྱུས་གསུངས་ཡོད། མཛད་འཕྲིན་ནི་འཕྲིན་བཟང་རྣམས་དང་འཕྲིན་ཡིག་དག་གི་སྦྲེལ་ཐག་ལྟ་བུ་ཡིན་ལ། མཛད་འཕྲིན་གྱི་གཞུང་འདི་ལ་དམ་པའི་ཐུགས་ཉིད་ཀྱི་མཛད་འཕྲིན་ཞེས་བརྗོད་ཀྱང་ཆོག་སྟེ། ཅི་ལ་ཞེ་ན། མཛད་འཕྲིན་ལས་དམ་པའི་ཐུགས་ཉིད་ཕེབས་པ་དང་དམ་པའི་ཐུགས་ཉིད་ཀྱི་མཛད་འཕྲིན་སྐོར་ཁྲིད་སྟོན་བྱས་ཡོད་པ་ཡིན།  
\is1 ཡི་གེར་འགོད་མཁན་དང་འགོད་དུས།  
\ipi མཛད་འཕྲིན་དུ་ཡི་གེར་འགོད་མཁན་གྱིས་རང་ཉིད་སུ་ཡིན་ཁ་གསལ་མེད་ནའང་། དམ་པའི་གསུང་རབ་ཀྱི་ཕྱི་མོའི་མ་ཡིག་ཏུ་ཡོད་པའི་བདེན་དཔང་དང་མཛད་འཕྲིན་གྱི་ནང་དུ་ཡོད་པའི་བདེན་དཔང་གཉིས་ལ་བལྟས་ན། གཞུང་འདི་ཉིད་ཡི་གེར་འགོད་མཁན་ལོ་ཀུ་ཡིན་པ་གསལ་ཐག་ཆོད། མཛད་འཕྲིན་གྱི་གཞུང་འདི་བྱུང་བའི་ལོ་ཚིགས་ནི་ཧ་ལམ་སྤྱི་ལོ་63ལོ་ཡིན་པར་འདོད།  
\is1 བརྗོད་སྙིང་དང་གསུང་འཕྲིན།  
\ipi གཞུང་འདིའི་ལེའུ་དང་པོའི་ཚིག་རྐང་བརྒྱད་པ་ནི་ལོ་ཀུས་བརྗོད་བྱའི་སྙིང་པོ་མདོར་བསྡུས་སུ་བྱས་པ་ལེགས་ཤོས་ཡིན་ལ། ཁོང་གིས་བསམ་ཚུལ་མི་གཅིག་པ་མང་པོ་ནན་གྱིས་གསུངས་པ་དང་དེ་རྣམས་ཕྱོགས་གཅིག་ཏུ་སྤུངས་ནས་ཆོས་ཚོགས་ཀྱི་ཐོག་མའི་བྱུང་ཚུལ་དང་དར་སྤེལ་གྱི་སྐོར་བརྗོད་པ་ཡིན། གཞུང་འདི་ནི་དོན་དག་བཞི་ཡིས་གྲུབ་པ་སྟེ།  
\ipi ༼1༽ མི་སྣ་གལ་ཆེན་པེ་ཏྲོ་དང་ཕོལ་ལོལ་གཉིས་ཀྱི་སྐོར།  
\ipi ༼2༽ བརྗོད་གཞི་གལ་ཆེན་དང་དོན་དག་འགངས་ཆེན་རྣམས་ཀྱི་སྐོར་ཏེ། དམ་པའི་ཐུགས་ཉིད་ཀྱི་ལས་འགན་དང་། གཙོ་བོ་ཡེ་ཤུའི་སྐོར་ཐོས་མྱོང་མེད་པའི་ཡུལ་རྣམས་ལ་ཆོས་སྤེལ་བ། སེམས་བསྒྱུར་ནས་དད་པ་བྱས་པ། ཆོས་ཚོགས་འཕེལ་རྒྱས་སུ་ཕྱིན་པ། ཡེ་ཤུའི་ཆོས་ལུགས་ཀྱི་དད་ལྡན་མང་ཚོགས་བཅས་དང་།  
\ipi ༼3༽ དད་ལྡན་རྣམས་ལ་གནད་དོན་བྱུང་བ་སྟེ། ཡ་ཧུ་དཱ་པའི་དད་ལྡན་རྣམས་དང་ཕྱི་ཕྱོགས་པའི་དད་ལྡན་བར་གྱི་འགལ་བ། ཡ་ཧུ་དཱ་པ་ཁ་ཤས་ཀྱིས་ཆོས་ཚོགས་ལ་མནར་གཅོད་བཏང་བ། དད་ལྡན་རྣམས་ཡ་ཧུ་དཱ་པ་དང་རོ་མཱ་པའི་མདུན་དུ་བཀག་སྐྱིལ་བཙོན་འཇུག་བྱས་པ། དད་ལྡན་རྣམས་དང་ཕྱི་ཕྱོགས་པའི་བར་ལ་འགལ་ཟླ་བྱུང་བ། ཆོས་སྒྲུབ་པའི་སྐབས་སུ་དད་ལྡན་རྣམས་དཀའ་ངལ་དང་ཕྲད་པ།  
\ipi ༼4༽ ཡེ་ཤུའི་ཆོས་ལུགས་ཡེ་རུ་སཱ་ལེམ་ནས་རོ་མཱའི་བར་དུ་རྒྱ་བསྐྱེད་ཅིང་དར་སྤེལ་བཏང་བ་བཅས་སོ། །  
\is1 འཆར་ཟིན།  
\ipi 1. པེ་ཏྲོ་དང་པཱ་ལེ་སི་ཐན་ཡུལ་དུ་ཐོག་མར་བྱུང་བའི་ཆོས་ཚོགས། ༼1:1-12:25༽  
\ipi ཀ ཡ་ཧུ་དཱ་དང་ག་ལིལ། སཱ་མར་ཡ་བཅས་ཡུལ་ཀུན་ཏུ་ཆོས་ཚོགས་དར་སྤེལ་བཏང་བ། ༼1:1-9:31; 9:31ལ་གཟིགས་རོགས།༽  
\ipi ཁ། ཕོའོ་ནེ་ཀེ་ཡུལ་དང་ཀིབ་རིས་གླིང་ཕྲན། ཨན་ཏི་ཡོག་ཡཱ་གྲོང་ཁྱེར་བཅས་སུ་ཆོས་ཚོགས་དར་སྤེལ་བཏང་བ། ༼9:32-12:25; 11:19ལ་གཟིགས་རོགས།༽  
\ipi 2. ཕོལ་ལོལ་དང་ཨན་ཏི་ཡོག་ཡཱ་ནས་རོ་མཱ་གྲོང་ཁྱེར་བར་དུ་དར་སྤེལ་བཏང་བའི་ཆོས་ཚོགས། ༼13:1-28:31༽  
\ipi ཀ ཕུར་གེ་ཡཱ་དང་ག་ལད་ཡཱ་ཡུལ་བརྒྱུད་ནས་ཆོས་ཚོགས་དར་སྤེལ་བཏང་བ། ༼13:-1-15:35; 16:6ལ་གཟིགས་རོགས།༽  
\ipi ཁ། མ་ཀེ་དོན་ཡཱ་ཡུལ་དུ་ཆོས་ཚོགས་དར་སྤེལ་བཏང་བ། ༼15:36-21:16; 16:9ལ་གཟིགས་རོགས།༽  
\ipi ག རོ་མཱ་གྲོང་ཁྱེར་དུ་ཆོས་ཚོགས་དར་སྤེལ་བཏང་བ། ༼21:17-28:31; 28:14ལ་གཟིགས་རོགས།༽  
\c 1
\cl ལེའུ་དང༌པོ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 གླེང་གཞི།  
\p
\v 1 ཀྱེ། ཐེ་འོ་ཕེ་ལུ༌ལགས། ངས་ \f + \ft ངས་ཞེས་པ་འདི་ནི་ལོ་ཀུ་སྟེ་སྐྱབས་མགོན་ཡེ་ཤུའི་རྗེས་འབྲང་པ་ཞིག་ཡིན༌ལ། ལོ་ཀུའི་འཕྲིན་བཟང(ལོ་ཀུའི་འཕྲིན་བཟང་ཞེས་བྱ་བ་ལའང་གཟིགས༌རོགས།)ཡིག་ཐོག་ཏུ་འགོད་མཁན་ཡང༌ཡིན།\f*བཀོད་པའི་མདོ་སྔ་མ༌ལས། སྐྱབས་མགོན་ཡེ་ཤུས་ཐོག་མར་དོན་ཅི་མཛད་པ་དང་ཆོས་ཅི་གསུངས་པ་ཐམས་ཅད་ནས༌བཟུང༌།  
\v 2 ཁོང་གིས་དམ་པའི་ཐུགས་ཉིད་ཀྱི་ངང་ནས་བདམས་པའི་སྐུ་ཚབ་པ༌རྣམས་ལ་བཀའ་གནང་བ༌དང༌། ཁོང་ཉིད་ནམ་མཁའི་ཞིང་ཁམས་སུ་དྲངས་པའི་ཉིན་མོའི་བར་གྱི་ལོ་རྒྱུས་ཡི་གེར་བཀོད་ཡོད༌ཅིང༌།  
\v 3 ཁོང་གིས་སྡུག་བསྔལ་མྱངས་རྗེས་རྟགས་མང་པོར་བརྟེན་ནས་རང་ཉིད་གསོན་པོར་སྐུ་ཚབ་པ་རྣམས་ལ་བསྟན༌ཏེ། ཉིན་བཞི་བཅུའི་རིང་ལ་མངོན་པར་མཛད་ཅིང་དཀོན་མཆོག་གི་རྒྱལ་སྲིད་སྐོར་གྱི་དོན་ཡང་གསུངས་སོ།།  
\v 4 དེ་ཡང་ཁོང་ཉིད་སྐུ་ཚབ་པ་རྣམས་དང་མཉམ་དུ་བཞུགས་པའི་དུས་ཤིག༌ལ། ཁོང་གིས་བཀའ་གནང་སྟེ་འདི་སྐད༌དུ། ཁྱོད་རྣམས་ཡེ་རུ་སཱ་ལེམ་དང་ཁ་མི་འབྲལ་བར་ཡབ་ཀྱིས་ཞལ་བཞེས་གནང་ཡོད་པ་སྟེ། ངས་སྔ་མོ་ནས་ཁྱོད་ཅག་ལ་སྨྲས་མྱོང་བའི་དོན་དེར་སྒུགས་ཤིག  
\v 5 ཡོ་ཧ་ནན་གྱིས་ཆུ་ཡིས་ཁྲུས་གསོལ་བྱས༌མོད། འོན་ཀྱང་ཉིན་མང་པོ་མ་འགོར་བར་ཁྱོད་རྣམས་ལ་དམ་པའི་ཐུགས་ཉིད་ཀྱིས་ཁྲུས་གསོལ་མཛད་པར་འགྱུར་ཞེས་གསུངས༌སོ།།   
\s1 སྐྱབས་མགོན་ཡེ་ཤུ་ནམ་མཁའི་ཞིང་ཁམས་སུ་དྲངས༌པ།  
\p
\v 6 དེ་ནས་སྐྱབས་མགོན་ཡེ་ཤུ་དང་སྐུ་ཚབ་པ་རྣམས་ལྷན་དུ་འཛོམས་པའི་དུས་ལ་སྐུ་ཚབ་པ་རྣམས་ན༌རེ། གཙོ་བོ༌ལགས། ཁྱེད་ཀྱིས་ཡེས་ར་ཨེལ་གྱི་རྒྱལ་སྲིད་བསྐྱར་དར་མཛད་པའི་དུས་ནི་ད་ལྟ་ཡིན་ནམ་ཞེས་ཞུས་པ༌ལ།  
\v 7 ཁོང་གིས་འདི་སྐད༌དུ། ཡབ་ཀྱིས་རང་ཉིད་ཀྱི་དབང་ལ་བརྟེན་ནས་གཏན་དུ་ཁེལ་བའི་དུས་དང་ཟླ་ཚེས་ནི་ཁྱོད་རྣམས་ཀྱིས་ཤེས་མི་རུང༌ངོ་།།  
\v 8 འོན་ཀྱང་ཁྱོད་རྣམས་ཀྱི་སྟེང་ལ་དམ་པའི་ཐུགས་ཉིད་ཁྱབ་པ་ན་དབང་ཐོབ༌སྟེ། ཡེ་རུ་སཱ་ལེམ༌དང༌། ཡ་ཧུ་དཱ་དང༌སཱ་མར་ཡ་ཡུལ་ཐམས་ཅད༌དང༌། ས་མཐའི་བར་དུའང་བདག་ལ་དཔང་པོ་བྱེད་པར་འགྱུར་ཞེས་གསུངས་སོ།།  
\v 9 དེ་ནས་སྐྱབས་མགོན་ཡེ་ཤུས་དེ་སྐད་གསུངས་པ་དང་སྐུ་ཚབ་པ་རྣམས་ཀྱིས་ཁོང་ཉིད་ལ་ལྟ་བའི་དུས༌སུ། ཁོང་ཉིད་ནམ་མཁའི་ཞིང་ཁམས་སུ་དྲངས་པ༌དང༌། སྤྲིན་ཕུང་ཞིག་གིས་ཁོང་ཉིད་བསྒྲིབས་ཏེ་མི་མཐོང་བར་གྱུར་ཏོ།།  
\v 10 སྐྱབས་མགོན་ཡེ་ཤུ་ནམ་མཁའི་ཞིང་ཁམས་སུ་འཕག་བཞིན་པ༌དང༌། སྐུ་ཚབ་པ་རྣམས་ཀྱིས་མིག་ཅེ་རེར་ནམ་མཁར་ལྟ༌སྐབས། གློ་བུར་ཉིད་དུ་གོས་དཀར་པོ་གྱོན་པའི་མི་གཉིས་ \f + \ft སྐབས་འདིའི་གོས་དཀར་པོ་གྱོན་པའི་མི་གཉིས་ཞེས་པ་ནི་དཀོན་མཆོག་གིས་མངགས་པའི་ཕོ་ཉ་ཡིན།\f*ཁོ་རྣམས་ཀྱི་གམ་དུ་བྱུང་སྟེ་འདི་སྐད༌དུ།  
\v 11 ཀྱེ། ག་ལིལ་པ༌རྣམས། ཅིའི་ཕྱིར་ཡར་ལངས་ནས་ནམ་མཁར་ལྟ་བ་ཡིན༌ནམ། ཁྱོད་ཅག་གི་མདུན་ནས་ནམ་མཁའི་ཞིང་ཁམས་སུ་དྲངས་པའི་ཡེ་ཤུ་ཁོང་ཉིད༌ནི། ཁྱོད་རྣམས་ཀྱིས་ཁོང་ཉིད་ཇི་ལྟར་ནམ་མཁའི་ཞིང་ཁམས་སུ་དྲངས་པ་མཐོང་བ་བཞིན་སླར་ཡང་དེ་ལྟར་འབྱོན་པར་འགྱུར་ཞེས་གསུངས༌སོ།།   
\s1 མད་ཐི་ཡཱ་བྱ་བ་དད་ལོག་པ་ཡུ་དཱའི་ཚབ་ཏུ་བདམས༌པ།  
\p
\v 12 དེ་ནས་སྐུ་ཚབ་པ་རྣམས་ཡེ་རུ་སཱ་ལེམ་དང་ཐག་ཉེ་སར་ཡོད་པ་སྟེ། ངལ་གསོ་བའི་ཉིན་མོ་གཅིག་གི་ལམ་ཐག་ཙམ་གྱི་སྐྱུ་རུ་རའི་རི་བོ་ཞེས་པ་ནས་ཕྱིར་ཡེ་རུ་སཱ་ལེམ་དུ་ལོག༌པ་རེད།  
\v 13 དེ་རྣམས་ཡེ་རུ་སཱ་ལེམ་དུ་སླེབས་པ་དང་རང་ཉིད་སྡོད་སའི་ཐོག་ཁང་གི་ནང་དུ་ཕྱིན༌ཅིང༌། གནས་དེར་བསྡད་ཡོད་པ་རྣམས༌ནི། པེ་ཏྲོ༌དང༌། ཡོ་ཧ༌ནན། ཡ༌ཀོབ། ཨན་དྲི༌ཡཱ། ཕི་ལིབ། ཐོ༌མཱ། པཱར་ཐོ་ལོ༌མཱ། མད༌ཐཱ། ཨལ་ཕཱའི་བུ་ཡ་ཀོབ༌དང༌། བརྩོན་འགྲུས་ཅན་སི༌མོན། ཡ་ཀོབ་ཀྱི་བུ་ཡུ་དཱ་བཅས་ཡིན།  
\v 14 དེ་རྣམས་བུད་མེད་འགའ་དང་སྐྱབས་མགོན་ཡེ་ཤུའི་ཡུམ་སྟེ་མིར་ཡམ་དང༌། ཡང་སྐྱབས་མགོན་ཡེ་ཤུའི་གཅུང་པོ་རྣམས་དང་མཉམ་དུ་འགྲོགས༌ཤིང༌། ཀུན་གྱིས་ཉིན་རེ་བཞིན་བློ་སེམས་གཅིག་མཐུན་སྒོས་གསོལ་བ་འདེབས་བཞིན་བསྡད་དོ།།   
\p
\v 15 དེའི་དུས༌སུ། སྤུན་ཟླ་བརྒྱ་དང་ཉི་ཤུ་ཙམ་ཚོགས་ཡོད༌ཅིང༌། པེ་ཏྲོ་དེ་རྣམས་ཀྱི་ཁྲོད་ནས་ཡར་ལངས་ཏེ་འདི་སྐད་དུ།  
\v 16 སྤུན་ཟླ༌རྣམས། སྔར་གསུང་རབ་ཀྱི་མདོ་ལས་དམ་པའི་ཐུགས་ཉིད་ཀྱིས་དཱ་བིད་ཀྱི་ངག་ལ་བརྟེན༌ནས། ཡུ་དཱའི་སྐོར་ལ་ལུང་བསྟན་པ་ནི་ངེས་པར་འགྲུབ་དགོས༌ཏེ། ཁོ་རང་སྐྱབས་མགོན་ཡེ་ཤུ་འཛིན་མཁན་རྣམས་ཀྱི་ལམ་ཁྲིད་པར་གྱུར།  
\v 17 སྤྱིར་ཁོ་རང་ནི་བདག་ཅག་གི་གྲས་སུ་གཏོགས་ཤིང་ལས་འགན་འདིར་ཞུགས་པའི་སྐལ་བའང་ཐོབ་པ་ཡིན་ཞེས་གསུངས་སོ།།  
\v 18 འོན༌ཀྱང༌། ཡུ་དཱས་ལས་ངན་པ་བྱས་པའི་རིན་དོད་ཀྱིས་ས་ཞིང་ཞིག་ཉོས་པ༌དང༌། ཕྱིས་སུ་གནས་དེར་ཁ་སར་བརྒྱབ་སྟེ་ཁོག་པ་བཀད་ཅིང་རྒྱུ་མའང་ཕྱིར་རླུགས་པ་རེད།  
\v 19 ཡེ་རུ་སཱ་ལེམ་དུ་གནས་པའི་མི་ཐམས་ཅད་ཀྱིས་དོན་དེ་ཤེས༌པས། དེ་རྣམས་ཀྱི་སྐད་རིགས་ལྟར་ས་ཞིང་དེའི་མིང་ལའང་ཧ་ཀེལ་ད་མཱ་ཞེས་བཏགས༌ཤིང༌། དོན་ནི་ཁྲག་གི་ས་ཞིང་ཞེས༌པ་ཡིན་ནོ།།  
\v 20 ཡང་པེ་ཏྲོས་འདི་སྐད་དུ། དེ་ནི་གསུང་མགུར་གྱི་མདོ་ལས་ཇི་སྐད༌དུ།  
\q1 དེ་ཡི་སྡོད་གནས་སྟོངས་ཤིང་སྟོང་བར༌ཤོག །  
\q1 གནས་དེར་སུ་ཡང་གནས་པར་མ་གྱུར༌ཅིག །  
\m ཅེས༌དང༌། ཡང་ཇི་སྐད༌དུ།  
\q1 མི་དེའི་གོ་ས་གཞན་ལ་འཐོབ་པར༌ཤོག །  
\m ཅེས་བཀོད་པའི་ཕྱིར༌རོ།།  
\v 21-22 དེ་བས་གཙོ་བོ་ཡེ་ཤུ་དུས་ཀུན་ཏུ་བདག་ཅག་གི་ཁྲོད་ནས་འགྲོ་འོང་མཛད་པའི་སྐབས་ཏེ། ཡོ་ཧ་ནན་གྱིས་ཁྲུས་གསོལ་བྱས་པ་ནས༌བཟུང༌། གཙོ་བོ་ཡེ་ཤུ་བདག་ཅག་དང་ཁ་བྲལ་ནས་ནམ་མཁའི་ཞིང་ཁམས་སུ་དྲངས་པའི་བར་གྱི་དུས་དེར། རྟག་ཏུ་བདག་ཅག་དང་འགྲོགས་པ་རྣམས་ལས་གཅིག་འདེམས་དགོས་ཤིང་། དེ་ནི་བདག་ཅག་དང་མཉམ་དུ་སྐྱབས་མགོན་ཡེ་ཤུ་སླར་གསོན་པ་ལ་བདེན་དཔང་བྱེད་མཁན་དུ་འགྱུར་ཞེས་གསུངས་སོ།།  
\v 23 དེ་ནས་མི་ཚོགས་ཀྱིས་མིང་ལ་པཱར་ས་པཱའམ་ཡུས་ཐོ་ཞེས་འབོད་པའི་ཡོ་སེབ་དང་མད་ཐི་ཡཱ་གཉིས་བདམས་ཏེ་དཀོན་མཆོག་ལ།  
\v 24-25 ཀྱེ། གཙོ་བོ༌ལགས། ཁྱེད་ཀྱིས་མི་ཐམས་ཅད་ཀྱི་སེམས་མཁྱེན༌པས། རང་འགན་བསྐྱུར་ཏེ་རང་གནས་སུ་ཕྱིན་པའི་དད་ལོག་པ་ཡུ་དཱའི་ཚབ༌ཏུ། ཁྱེད་ཀྱིས་མི་འདི་གཉིས་ལས་སུ་ཞིག་ཁྱེད་ཀྱི་སྐུ་ཚབ་པའི་ལས་འགན་སྒྲུབ་མཁན་དུ་བདམས་པ་ངེད་ཅག་ལ་སྟོན་པར་མཛོད་ཅེས་གསོལ་བ་བཏབ་བོ།།  
\v 26 དེ་ནས་ཁོ་རྣམས་ཀྱིས་རྒྱན་བླངས་ནས་མད་ཐི་ཡཱ་ལ་བབས་པས་ཁོ་རང་ཡང་སྐུ་ཚབ་པ་བཅུ་གཅིག་པོའི་གྲས་སུ་བཞག༌གོ།   
\c 2
\cl ལེའུ་གཉིས༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 དམ་པའི་ཐུགས་ཉིད་འབྱོན་པའི༌སྐོར།  
\p
\v 1 དེ་ནས་ལྔ་བཅུའི་དུས་ཆེན་\f + \ft ལྔ་བཅུའི་དུས་ཆེན་ཞེས་པ་ནི་གནའ་བོའི་ཡ་ཧུ་དཱའི་མི་རིགས་ཀྱི་དུས་ཆེན་ཞིག་སྟེ། པེ་སག་གི་དུས་ཆེན་ནས་ཉིན་ལྔ་བཅུ་འགོར་བའི་རྗེས་ཀྱི་དུས་ཆེན་ཞིག་ཡིན་ལ། ཐོག་ཕུད་དུས་ཆེན་དང་བདུན་ཕྲག་དུས་ཆེན་ཡང་ཟེར། པེ་སག་གི་དུས་ཆེན་གྱི་མཆན་ལའང་གཟིགས་རོགས། \f*ལ་སླེབས་པ༌ན། དད་ལྡན་ཐམས་ཅད་གནས་གཅིག་ཏུ་འཛོམས་པ༌དང༌།  
\v 2 གློ་བུར་ཉིད་དུ་ནམ་མཁའ་ནས་རླུང་ཆེན་གཡུགས་པ་ལྟ་བུའི་སྒྲ་ཞིག་བྱུང༌སྟེ། ཁོ་རྣམས་སྡོད་པའི་ཁང་པའི་ནང་དུ་ཁྱབ་པ་རེད།  
\v 3 དེ་ནས་མེ་ལྟ་བུའི་ལྕེ་རྣམས་མངོན་ཞིང་སོ་སོར་མི་རེ་རེའི་སྟེང་དུ་བབས་ཏེ་གནས་པ་ལ།  
\v 4 མི་དེ་ཐམས་ཅད་ལ་དམ་པའི་ཐུགས་ཉིད་ཀྱིས་ཁྱབ་པར་གྱུར༌ཏེ། དམ་པའི་ཐུགས་ཉིད་ཀྱིས་གནང་བའི་ནུས་པ་བཞིན་སྐད་རིགས་གཞན་དག་སྨྲས༌སོ།།   
\p
\v 5 དེའི་དུས༌སུ། དཀོན་མཆོག་ལ་དད་མོས་ཡོད་པའི་ཡ་ཧུ་དཱ་པ་མང་པོ་ཞིག་གནམ་འོག་གི་རྒྱལ་ཁབ་སོ་སོ་ནས་ཡོང་སྟེ་ཡེ་རུ་སཱ་ལེམ་དུ་གནས་སོ།།  
\v 6 ཡང་དེ་དག་གིས་སྒྲ་གྲགས་པ་དེ་ཐོས་ནས་མི་མང་པོ་ལྷན་དུ་འདུས་ཤིང་། མི་རེ་རེས་དད་ལྡན་རྣམས་ཀྱིས་ཁོ་རྣམས་རང་རང་གི་སྐད་རིགས་སྨྲས་པ་ཐོས་པས་ཐེ་ཚོམ་སྐྱེས་པ་རེད།  
\v 7 མི་ཚོགས་ཧ་ལས་ཤིང་ངོ་མཚར་བར་གྱུར་ཏེ་ན༌རེ། གཏམ་བཤད་མཁན་འདི་རྣམས་ག་ལིལ་པ་མ་ཡིན༌ནམ།  
\v 8 ཁོ་རྣམས་ཀྱིས་རང་རེའི་ཕ་སྐད་སྨྲས་པ་ངེད་ཅག་གིས་ཐོས་པ་དེ་ཅི་ཡིན༌ནམ།  
\v 9 ངེད་རྣམས་ནི་པཱར་ཐ་པ་དང༌། མཱ་ཏི༌པ། ཨེ་ལཱམ༌པ་བཅས་དང་། ཡང་མོ་སོ་པའོ་ཐ་མེ་ཡཱ་དང་། ཡ་ཧུ་དཱ། ཀ་པ་ཏོ་ཡཱ། ཕོན་ཐུ། ཨེ་ཞི་ཡཱ།  
\v 10 ཕུ་ཀེ་ཡཱ། ཕཱམ་ཕིལ་ཡ། ཨེ་ཅིབ་བཅས་སུ་སྡོད་པ་ཡིན༌ཞིང༌། ཀི་རེ་ནེ་དང་ཉེ་བའི་ལེབ་ཡཱ་ས་ཁུལ་གྱི་མི༌དང༌། རོ་མཱ་ནས་ཡོང་བའི་སྐུ་མགྲོན་ཁྲོད་ཀྱི་ཡ་ཧུ་དཱ་པ་དང་ཡ་ཧུ་དཱ་པའི་ཆོས་ལུགས་ལ་ཞུགས་པའི་མི་རྣམས་དང་།  
\v 11 ཀཱ་རེ་ཏ་པ་དང་ཨ་རབ་པ་བཅས་ཡིན༌ཏེ། མི་དེ་རྣམས་ཀྱིས་རང་རེའི་ཕ་སྐད་སྨྲས་ནས་དཀོན་མཆོག་གི་མཛད་པ་རླབས་ཆེན་སྒྲོག་པ་ངེད་ཅག་གིས་ཐོས་ཞེས་སྨྲས༌ཤིང༌།  
\v 12 ཡང་མི་ཐམས་ཅད་དོན་དེར་ཧ་ལས་ཤིང་ཐེ་ཚོམ་སྐྱེ་བཞིན་ཕན་ཚུན་ན༌རེ། འདིའི་དོན་ཅི་ཡིན་ནམ་ཞེས་གླེང༌ནའང་།  
\v 13 མི་གཞན་འགའ་ན༌རེ། མི་དེ་རྣམས་རྒུན་ཆང་གསར་པས་བཟི་བ་རེད་ཅེས་འཕྱ་དམོད་བྱས༌སོ།།   
\s1 སྐུ་ཚབ་པ་པེ་ཏྲོས་མི་ཚོགས་ལ་ཆོས་གསུངས༌པ།  
\p
\v 14 དེ་ནས་པེ་ཏྲོ་དང་སྐུ་ཚབ་པ་གཞན་བཅུ་གཅིག་པོ་ཡར་ལངས་ཤིང་པེ་ཏྲོས་སྐད་ཆེན་པོས་མི་ཚོགས་ལ་འདི་སྐད༌དུ། ཡ་ཧུ་དཱའི་ཡུལ་མི་དང་ཡེ་རུ་སཱ་ལེམ་དུ་གནས་པའི་མི་རྣམས༌ཀུན། ཁྱོད་ཅག་གིས་དོན་འདི་རྟོགས་འོས་ཤིང་ངས་སྨྲས་པ་ལའང་རྣ་བ་བླགས་ནས་ཉོན༌ཅིག  
\v 15 ད་ལྟ་སྔ་དྲོའི་ཆུ་ཚོད་དགུ་ཙམ་ཡིན་པས་ཁྱོད་རྣམས་ཀྱིས་མི་འདི་དག་ཆང་གིས་བཟི་བ་རེད་བསམས་ནའང་དེ་བཞིན་མ་ཡིན༌ཏེ།  
\v 16 འདི་ནི་ལུང་སྟོན་པ་ཡོ་ཨེལ་བརྒྱུད་ནས་ཇི་སྐད༌དུ།   
\q1
\v 17 དེ་ཡང་དཀོན་མཆོག་ཉིད་ཀྱིས་འདི་སྐད༌དུ།།  
\q1 མཐའ་མའི་ཉིན་མོ་དག་ལ་སླེབས་དུས་སུ།།  
\q1 བདག་གིས་རང་གི་ཐུགས་ཉིད་ཀུན་ལ༌སྩོལ།།  
\q1 ཁྱོད་ཀྱི་བུ་དང་བུ་མོས་ལུང་བསྟན༌འཆད།།  
\q1 ཁྱོད་ཀྱི་གཞོན་ནུས་ངོ་མཚར་ཞལ་གཟིགས༌མཐོང༌།།  
\q1 ཁྱོད་ཀྱི་བགྲེས་པོར་རྨི་ལམ་འབྱུང་བ་ཡིན།།   
\q1
\v 18 དུས་དེར་བདག་གིས་རང་གི་ཐུགས་ཉིད༌མཆོག །  
\q1 ང་ཡི་ཞབས་ཕྱི་དད་ལྡན་ཕོ་མོ༌ལ།།  
\q1 སྩོལ་ཞིང་དེ་ཚོས་ལུང་བསྟན་འཆད་པར༌ངེས།།   
\q1
\v 19 བདག་གིས་ནམ་མཁའི་དབྱིངས་སུ་ངོ་མཚར༌དང༌།།  
\q1 ས་གཞིར་ཁྱད་རྟགས་ཅི་ཡང་སྟོན་པར༌འགྱུར།།  
\q1 ཁྲག་དང་མེ་དང་དུད་སྨུག་འབྱུང་བར༌ངེས།།   
\q1
\v 20 ཁྲི་གདུགས་ཉི་མ་སྐད་ཅིག་ནག་པོར༌བསྒྱུར།།  
\q1 བསིལ་ཟེར་ཟླ་བ་སྐད་ཅིག་ཁྲག་ཏུ༌བསྒྱུར།།  
\q1 གཙོ་བོའི་ཉིན་མོ་ངོ་མཚར་འགངས་ཆེན༌དེ།།  
\q1 མ་སླེབས་གོང་དུ་དོན་ཆེན་དེ་རྣམས༌འབྱུང༌།།   
\q1
\v 21 དུས་དེར་གཙོ་བོའི་མཚན་ནས་འབོད་པ༌ཚོར།།  
\q1 ཁོང་གིས་སྐྱོབ་ཅིང་ཐར་པ་གནང་ངེས༌ཡིན།།  
\m ཞེས་གསུངས་པ་ལྟར་ལགས་སོ།།   
\p
\v 22 ཡང་ཡེས་ར་ཨེལ་པ་རྣམས་ཀྱིས་ངའི་གཏམ་ལ་ཉོན༌ཅིག ནཱ་ཙ་རེལ་པ་ཡེ་ཤུ་ནི་དཀོན་མཆོག་གིས་ཁོང་བརྒྱུད་ནས་ཁྱོད་རྣམས་ཀྱི་ཁྲོད་དུ་ནུས་མཐུ༌དང༌། ངོ་མཚར་བའི་དོན༌དང༌། གྲུབ་རྟགས་བཅས་མཛད་དེ་བདེན་དཔང་མཛད་པའི་མི་དེ་ཡིན་ལ། ཁྱོད་ཅག་གིས་ཀྱང་ཤེས༌པ་ཡིན།  
\v 23 ཁོང་ནི་དཀོན་མཆོག་གི་དགོངས་པ་དང་མངོན་མཁྱེན་བཞིན་ཁྱོད་རྣམས་ལ་གཏད༌ཅིང༌། ཁྱོད་རྣམས་ཀྱིས་ཀྱང་ཁོང་ཉིད་ཁྲིམས་མེད་ལུགས་མེད་རྣམས་ཀྱི་ལག་ཏུ་སྤྲད་དེ་ཤིང་རྒྱ་གྲམ་གྱི་སྟེང་དུ་བརྡབས་ནས་བཀྲོངས༌མོད།  
\v 24 འོན་ཀྱང་དཀོན་མཆོག་གིས་ཁོང་ཉིད་འཆི་བའི་སྡུག་བསྔལ་ལས་བསྐྱབས་ཏེ་སླར་གསོན་པར་མཛད་དོ།། རྒྱུ་མཚན་ནི་འཆི་བས་ཁོང་ཉིད་གཟུང་མི་ནུས་པའི་ཕྱིར༌རོ།།  
\v 25 དེ་ཡང་དཱ་བིད་ཀྱིས་སྐྱབས་མགོན་ཡེ་ཤུའི་སྐོར་ལ་ཇི་སྐད༌དུ།  
\q1 བདག་གི་མིག་སྔར་གཙོ་བོ་ཁོང་ཉིད་རྒྱུན་དུ༌མཐོང༌།།\f + \ft ཚིག་རྐང་འདིར་འབྱུང་བའི་བདག་ཅེས་པ་ནི་སྐྱབས་མགོན་ཡེ་ཤུ་ལ་གོ་དགོས༌ཤིང༌། གཙོ་བོ་ཞེས་པ་ནི་ཡབ་དཀོན་མཆོག་ལ་གོ༌དགོས། སྐབས་དེར་སྐུ་ཚབ་པ་པེ་ཏྲོས་རྒྱལ་པོ་དཱ་བིད་ཀྱི་ལུང་བསྟན་དྲངས་ནས་སྐྱབས་མགོན་ཡེ་ཤུའི་སྐོར་བརྗོད་པ༌རེད། \f*  
\q1 བདག་གི་གཡས་སུ་བཞུགས་པས་ང་རང་གཡོ་བ༌མེད།།   
\q1
\v 26 དེའི་ཕྱིར་རང་སེམས་དགའ་ཞིང་ངག་ནས་སྤྲོ་བ༌བརྗོད།།  
\q1 བདག་གི་ལུས་པོ་འདི་ཡང་རེ་འདུན་ནང་དུ༌གནས།།   
\q1
\v 27 ང་ཡི་རྣམ་ཤེས་གཤིན་པོའི་གནས་སུ་མི་བསྐྱུར༌ཞིང༌།།  
\q1 ཁྱེད་ཀྱི་སྐྱེས་བུ་དམ་པའི་ལུས་པོའང་རུལ་མི༌འཇུག །   
\q1
\v 28 ཁྱེད་ཀྱིས་སྲོག་གི་འགྲོ་ལམ་བདག་ལ་བསྟན་མཛད༌པས།།  
\q1 ཁྱེད་ཀྱི་དྲུང་དུ་ང་རང་དགའ་བས་མྱོས་པར༌འགྱུར།།  
\m ཞེས་གསུངས་མྱོང༌ངོ༌།།   
\p
\v 29 ཡང་སྤུན་ཟླ༌རྣམས། ངས་མེས་པོ་དཱ་བིད་ཀྱི་སྐོར་ཁྱོད་རྣམས་ལ་གསལ་པོར༌སྨྲ་བར་བྱ་སྟེ། ཁོང་སྐུ་གྲོངས་ནས་དུར་དུ་སྦས༌ཤིང༌། ཁོང་གི་དུར་ས་ད་ལྟའི་བར་དུ་བདག་ཅག་གི་གནས་འདིར་ཡོད།  
\v 30 དེའི་ཕྱིར་དཱ་བིད་ནི་ལུང་སྟོན་པ་ཞིག་ཡིན་ཞིང་དཀོན་མཆོག་གིས་དེ་སྔར་ཁོ་ལ་དམ་བཅས་པ༌དང༌། དཱ་བིད་ཀྱི་རིགས་རྒྱུད་ལས་བུ་གཅིག་ཁོའི་རྒྱལ་ཁྲིའི་སྟེང་དུ་བསྐོ་ངེས་པ་ཤེས༌པས།  
\v 31 ཁོས་མངོན་པར་རྟོགས་ཤིང་སྐྱབས་མགོན་མཱ་ཤི་ཀ་སླར་གསོན་པའི་སྐོར་གསུངས༌ཏེ། མཱ་ཤི་ཀ་ཁོང་ཉིད་གཤིན་པོའི་གནས་སུ་མ་བསྐྱུར་ལ་ལུས་པོའང་རུལ་དུ་མ་བཅུག་ཅེས༌པའོ།།  
\v 32 སྐྱབས་མགོན་ཡེ་ཤུ་ཁོང་ཉིད་ནི་དཀོན་མཆོག་གིས་སླར་གསོན་པར་མཛད་ཅིང་ངེད་ཅག་ཐམས་ཅད་ཀྱིས་ཀྱང་དོན་དེ་ལ་བདེན་དཔང་བྱེད༌པ་ཡིན།  
\v 33 དེའི༌ཕྱིར། དཀོན་མཆོག་གིས་སྐྱབས་མགོན་ཡེ་ཤུ་རང་གི་གཡས་ཕྱོགས་སུ་དྲངས་ཤིང་། ཁོང་ལ་རང་གི་ཡབ་ནས་ཞལ་བཞེས་གནང་ཡོད་པ་བཞིན་དམ་པའི་ཐུགས་ཉིད་ཐོབ་སྟེ། ཁྱོད་རྣམས་ཀྱིས་མཐོང་ཐོས་སུ་གྱུར་པ་བཞིན་ངེད་རྣམས་ལ་གནང་བ་ཡིན་ནོ།།  
\v 34 ཡང་དཱ་བིད་ནམ་མཁའི་ཞིང་ཁམས་སུ་འཕགས་མ་མྱོང་ཡང་འདི་སྐད༌དུ།  
\q1 དཀོན་མཆོག་གིས་ནི་ང་ཡི་གཙོ་བོ༌ལ།།   
\q1
\v 35 བདག་གིས་ཁྱོད་ཀྱི་བསྟན་དགྲ་ཐམས་ཅད༌ཀུན།།  
\q1 ཁྱོད་ཀྱི་ཞབས་ཀྱི་སྟེགས་སུ་བསྒྱུར་བའི༌བར།།  
\q1 བདག་གི་གཡས་སུ་བཞུགས་ཤིང་སྒུག་པར༌བྱའོ།།  
\m ཞེས་གསུངས་མྱོང༌ངོ༌།།  
\v 36 དེ་བས་ཡེས་ར་ཨེལ་ཁྱིམ་རྒྱུད་ཀྱི་མི་ཐམས་ཅད་ཀྱིས་དངོས་གནས་ཤེས་དགོས་པ་ནི་ཁྱོད་ཅག་གིས་ཤིང་རྒྱ་གྲམ་གྱི་སྟེང་དུ་བརྡབས་པའི་སྐྱབས་མགོན་ཡེ་ཤུ༌ནི། དཀོན་མཆོག་གིས་གཙོ་བོ་དང་སྐྱབས་མགོན་མཱ་ཤི་ཀ་རུ་བསྐོས་པ་ལགས་ཞེས་གསུངས༌སོ།།   
\p
\v 37 དེ་ནས་མི་ཚོགས་ཀྱིས་གཏམ་དེ་ཐོས་པ་དང་སེམས་ལ་ན་ཟུག་སྐྱེས༌ཏེ། པེ་ཏྲོ་དང་སྐུ་ཚབ་པ་གཞན་རྣམས་ལ་འདི་ལྟར་དྲིས༌པ་སྟེ། སྤུན་ཟླ༌རྣམས། དེས་ན་ངེད་ཅག་གིས་ཅི་ཞིག་བྱ་འོས་སམ་ཞེས་པ༌ལ།  
\v 38 པེ་ཏྲོས་འདི་ལྟར༌གསུངས་པ་སྟེ། སྡིག་བསལ་འཐོབ་པའི༌ཕྱིར། ཁྱོད་ཅག་རེ་རེས་འགྱོད་བཤགས་བྱོས་ཤིག ཡེ་ཤུ་མཱ་ཤི་ཀའི་མཚན་ལ་བརྟེན་ནས་ཁྲུས་གསོལ་ལ་ཞུགས༌དང༌། དཀོན་མཆོག་གི་གནང་སྦྱིན་ཏེ་དམ་པའི་ཐུགས་ཉིད་འཐོབ་ངེས༌ཡིན།  
\v 39 ཅིའི་ཕྱིར་ཞེ༌ན། ཞལ་བཞེས་དེ་ནི་ཁྱོད་ཅག་དང་ཁྱོད་ཅག་གི་བུ་རབས་ཚ༌རྒྱུད། རྒྱང་རིང་དུ་གནས་པའི་མི་ཐམས་ཅད༌དེ། གཙོ་བོ་སྟེ་རང་རེའི་དཀོན་མཆོག་གིས་རང་ཉིད་ཀྱི་དྲུང་དུ་འབོད་པར་འགྱུར་བའི་མི་ཀུན་ལའང་གནང་བ་ཡིན་ཞེས་པའོ།།  
\v 40 ཡང་པེ་ཏྲོས་གཏམ་གཞན་མང་པོ་སྨྲས་ནས་བདེན་དཔང་བྱས༌ཏེ། ཁྱོད་ཅག་གིས་རང་ཉིད་བསྐྱབས་ནས་མི་རབས་ངན་པ་འདི་ལས་ཐར་བར་གྱུར་ཅིག་ཅེས་བསྐུལ།  
\v 41 དེ་ནས་པེ་ཏྲོའི་གཏམ་དང་དུ་བླངས་པ་རྣམས་ལ་ཁྲུས་གསོལ་ཐོབ༌ཅིང༌། ཉིན༌དེར་མི་གྲངས་སུམ་སྟོང་ཙམ་དད་ལྡན་གྱི་གྲས་སུ་ཞུགས༌སོ།།   
\s1 དད་ལྡན་རྣམས་ཀྱིས་ཕན་ཚུན་ལ་འབྲེལ་འདྲིས་བྱེད་པའི༌སྐོར།  
\p
\v 42 ཡང་དེ་རྣམས་ཀྱིས་སྙིང་རུས་བསྐྱེད་ནས་རྟག་ཏུ་སྐུ་ཚབ་པ་རྣམས་ཀྱི་ཆོས་བསླབ་པ་དང༌། ཕན་ཚུན་ལ་འབྲེལ་འདྲིས་བྱས་པ༌དང༌། བག་ལེབ་ལོངས་སུ་སྤྱད༌ཅིང་། གསོལ་བ་བཏབ་ནས་བསྡད་དོ།།  
\v 43 སྐུ་ཚབ་པ་རྣམས་བརྒྱུད་ནས་ངོ་མཚར་བའི་དོན་དང་གྲུབ་རྟགས་མང་པོ་བསྟན༌པས། མི་ཐམས་ཅད་གུས་ཞུམ་ལྡན་པར་གྱུར་ཏོ།།  
\v 44 ཡང་དད་ལྡན་ཐམས་ཅད་ལྷན་དུ་གནས་ཤིང་དངོས་པོ་ཡོད་ཚད་སྤྱི་གཞུང་ལ་དབང་བར་བྱས༌ཏེ།  
\v 45 ནོར་རྫས་དང་ས་ཞིང་བཙོངས་ནས་སུ་ཞིག་ལ་དགོས་མཁོ་ཡོད་ན་དེ་བཞིན་སོ་སོར་བགོས་སོ།།  
\v 46 ད་དུང་ཁོ་རྣམས་ཀྱིས་ཉིན་རེ་བཞིན་བློ་སེམས་གཅིག་མཐུན་ངང་མཆོད་ཁང་དུ་འཛོམས་པ༌དང༌། ཁྱིམ་གང་དུའང་བག་ལེབ་ལོངས་སུ་སྤྱད༌ཅིང་། དགའ་སྤྲོ་དང་གཞུང་དྲང་གི་སེམས་བཅངས་ནས་མཉམ་དུ་ཟས་སྤྱད༌པ་དང་།  
\v 47 དཀོན་མཆོག་ལ་བསྟོད་ཅིང་བསྔགས་པ་དང་མི་ཐམས་ཅད་ཀྱང་ཁོ་རྣམས་ལ་དགའ་བར༌གྱུར། གཙོ་བོས་ཀྱང་ཉིན་རེ་བཞིན་ཁོང་གིས་བསྐྱབས་པ་རྣམས་དད་ལྡན་གྱི་གྲས་སུ་ཞུགས་པར་མཛད༌དོ།།   
\c 3
\cl ལེའུ་གསུམ༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 སྐུ་ཚབ་པ་པེ་ཏྲོས་སྤྲང་པོ་ཡིན་པའི་ཞ་བོ་ཞིག་གསོས༌པ།  
\p
\v 1 དེ་ནས་ཉིན་ཞིག་གི་ཕྱི་དྲོའི་ཆུ་ཚོད་གསུམ་གྱི་སྟེང་སྨོན་ལམ་འདེབས༌སྐབས། པེ་ཏྲོ་དང་ཡོ་ཧ་ནན་གཉིས་ཡར་མཆོད་ཁང་དུ་སོང་བ༌དང༌།  
\v 2 སྐྱེས་མ་ཐག་ནས་གྱོལ་པོ་ཡིན་པའི་མི་ཞིག་ཡོད་པ་དེ་མི་གཞན་རྣམས་ཀྱིས་ཉིན་རེ་བཞིན་ཁུར་ཡོང་སྟེ། མཆོད་ཁང་དུ་འགྲོ་མཁན་རྣམས་ལ་སློང་མོ་བྱེད་བདེ་བའི༌ཕྱིར། མཆོད་ཁང་གི་ལྟ་ན་སྡུག་པ་ཞེས་པའི་སྒོ་འགྲམ་དུ་འཇོག་པ་ཡིན།  
\v 3 ཁོས་པེ་ཏྲོ་དང་ཡོ་ཧ་ནན་གཉིས་མཆོད་ཁང་དུ་འགྲོ་གྲབས་ཡོད་པ་མཐོང་སྟེ་སློང་མོ་བྱས་པ༌ལ།  
\v 4 པེ་ཏྲོ་དང་ཡོ་ཧ་ནན་གཉིས་ཀྱིས་ཁོ་ལ་ཞིབ་ཏུ་བལྟས༌ཤིང༌། པེ་ཏྲོས་འདི་སྐད་དུ། ཁྱོད་ཀྱིས་ངེད་གཉིས་ལ་ལྟོས་ཤིག་ཅེས་གསུངས་པ༌དང༌།  
\v 5 མི་དེས་རང་ལ་ཅི་འཐོབ་པར་རེ་བ་བྱས་ནས་མིག་ཅེ་རེར་ཁོ་གཉིས་ལ་བལྟས་སོ།།  
\v 6 ཡང་པེ་ཏྲོས་འདི་སྐད་དུ། བདག་ལ་གསེར་དངུལ་སོགས་ཅི་ཡང༌མེད། གང་ཞིག་ཡོད་པ་དེ་ཁྱོད་ལ་སྟེར་བར༌བྱ་སྟེ། ནཱ་ཙ་རེལ་པ་ཡེ་ཤུ་མཱ་ཤི་ཀའི་མཚན་ལ་བརྟེན་ནས་ཁྱོད་ཡར་ལོངས་ལ་སྐྱོད་ཅིག་ཅེས་གསུངས་པ༌དང༌།  
\v 7 མི་དེའི་ལག་གཡས་པར་འཇུས་ནས་ཡར་བསྐྱོར་ཏེ་ལངས་སུ་བཅུག་མ༌ཐག ཁོའི་རྐང་པ་དང་རྐང་པའི་ཚིགས་རྡོག་ལ་ཤེད་རྒྱས་པར་གྱུར༌པས།  
\v 8 ཁོ་རང་ཡར་ལྡིང་སྟེ་ལངས་ནས་འགྲོ་ཐུབ་པར་གྱུར་པ༌དང༌། ཡང་པེ་ཏྲོ་དང་ཡོ་ཧ་ནན་གཉིས་དང་འགྲོགས་ནས་མཆོངས་ལྡིང་བྱེད་བཞིན་འགྲོ་བ་དང་དཀོན་མཆོག་ལ་བསྟོད་བསྔགས་བརྗོད་བཞིན་མཆོད་ཁང་དུ་སོང༌ངོ་།།  
\v 9 དེ་ནས་མི་ཀུན་གྱིས་ཀྱང་ཁོ་རང་འགྲོ་བཞིན་དཀོན་མཆོག་ལ་བསྟོད་བསྔགས་བརྗོད་པ་མཐོང་བ༌དང༌།  
\v 10 ཁོ་ནི་སྔོན་ཆད་མཆོད་ཁང་གི་ལྟ་ན་སྡུག་པ་ཞེས་པའི་སྒོ་འགྲམ་དུ་བཙོག་སྟེ་སློང་མོ་བྱེད་བཞིན་པའི་མི་དེ་ཡིན་པ་ཤེས༌ནས། ཁོ་རང་ལ་ཅི་ཞིག་བྱུང་བར་ཤིན་ཏུ་ཧ་ལས་ཤིང་ངོ་མཚར་བར་གྱུར༌ཏོ།།   
\s1 སྐུ་ཚབ་པ་པེ་ཏྲོས་མཆོད་ཁང་དུ་ཆོས་གསུངས༌པ།  
\p
\v 11 དེ་ནས་མི་དེས་སོ་ལོ་མོན་གྱི་ཁྱམས་ར་ནས་པེ་ཏྲོ་དང་ཡོ་ཧ་ནན་གཉིས་ལ་འཇུས་ཏེ་འགྲོ་བཞིན་པའི་སྐབས༌སུ། མི་ཐམས་ཅད་ཁོ་རྣམས་ཀྱི་གམ་དུ་བརྒྱུགས་ཡོང་བ་དང་ཤིན་ཏུ་ཧ་ལས་པ་རེད།  
\v 12 པེ་ཏྲོས་དོན་དེ་མཐོང་ནས་མི་རྣམས་ལ་འདི་སྐད་དུ། ཡེས་ར་ཨེལ་པ༌རྣམས། ཅིའི་ཕྱིར་དོན་འདི་ངོ་མཚར་ཅན་དུ་བརྩིས༌སམ། ཅིའི་ཕྱིར་ངེད་ཅག་ལ་ཞིབ་ཏུ༌ལྟའམ། ངེད་གཉིས་ཀྱིས་རང་གི་ནུས་མཐུའམ་དད་སེམས་ལ་བརྟེན་ནས་ཁོ་རང་འགྲོ་རུ་བཅུག་པ་རེད་སྙམ༌མམ།  
\v 13 ཨབ་ར་ཧམ༌དང༌། ཨི༌སཱག ཡ་ཀོབ་བཅས་ཀྱི་དཀོན་མཆོག་ནི་བདག་ཅག་གི་ཕ་མེས་ཡང་མེས་ཀྱི་དཀོན་མཆོག་ཡིན༌ཞིང༌། ཁོང་གིས་རང་གི་ཞབས་ཕྱི་པ་ཡེ་ཤུ་གཟི་བརྗིད་དང་ལྡན་པར་མཛད། འོན་ཀྱང་ཁྱོད་ཅག་གིས་ཁོང་ཉིད་པི་ལ་ཏུ་ཡི་ལག་ཏུ་སྤྲད་ཅིང་པི་ལ་ཏུས་ཁོང་ཉིད་བཙོན་ལས་དགྲོལ་བར་ཐག་བཅད་ཀྱང་ཁྱོད་ཅག་གིས་དེའི་མདུན་ནས་ཁོང་ཉིད་རིང་དུ་དོར༌བ་ཡིན།  
\v 14 ཁྱོད་ཅག་གིས་སྐྱེས་བུ་རྣམ་དག་\f + \ft སྐྱེས་བུ་རྣམ་དག་ཅེས་པ་ནི་ཡེ་ཤུ་མཱ་ཤི་ཀའི་མཚན་གཞན་ཡིན།\f*དེ་ཉིད་དོར་ཅིང་། ཉེས་ཅན་ལག་དམར་བཙོན་ལས་གཏོང་བར་ཞུས་པ༌དང༌།  
\v 15 ཚེ་སྲོག་སྐྲུན་མཁན་དེ་ཉིད་གསོད་དུ་བཅུག་གོ། འོན་ཀྱང་དཀོན་མཆོག་གིས་ཁོང་ཉིད་གྲོངས་པ་ནས་སླར་གསོན་པར་མཛད་ཅིང་ངེད་རྣམས་ཀྱིས་ཀྱང་དོན་དེར་བདེན་དཔང་བྱེད་པ༌ཡིན།  
\v 16 ཁོང་གི་མཚན་ལ་དད་པ་བྱས་པས་ཁོང་གི་མཚན་གྱིས་ཁྱོད་ཅག་གིས་མཐོང་ཞིང་ངོ་ཤེས་པའི་མི་འདི་ལུས་སྟོབས་རྒྱས་པར་མཛད་པ༌དང༌། ཁོང་ཉིད་བརྒྱུད་ནས་བྱུང་བའི་དད་པས་ཁྱོད་ཅག་གི་མིག་མདུན་ནས་མི་འདི་ཡོངས་སུ་སོས་པར་མཛད༌དོ།།   
\p
\v 17 སྤུན་ཟླ༌རྣམས། ཁྱོད་རྣམས་ཀྱིས་དོན་དེ་ཅི་ཡིན་མ་ཤེས་པར་བྱས་པ༌དང༌། ཁྱོད་ཅག་གི་འགོ་དཔོན་གྱིས་ཀྱང་དེ་ལྟར་བྱས་པ་བདག་གིས་ཤེས་སོ།།  
\v 18 འོན་ཀྱང་དཀོན་མཆོག་གིས་སྔར་ནས་ལུང་སྟོན་པ་ཐམས་ཅད་ཀྱི་ངག་བརྒྱུད་ནས་ཁོང་གི་མཱ་ཤི་ཀས་སྡུག་བསྔལ་མྱང་དགོས་ཞེས་ལུང་བསྟན་གནང་བ་བཞིན་ཁོང་གིས་དེ་ལྟར་བསྒྲུབས༌པ་ཡིན།  
\v 19 དེ་བས་ཁྱོད་ཅག་གི་སྡིག་པ་བསལ༌ཕྱིར། འགྱོད་བཤགས་བྱས་ནས་ཕྱིར་འཁོར༌ཅིག  
\v 20 དེ་ནི་ངལ་གསོ་བའི་དུས་དེ་གཙོ་བོའི་སྤྱན་སྔ་ནས་སླེབ་པར་འགྱུར༌ཞིང༌། ཁོང་གིས་ཁྱོད་ཅག་གི་དོན་དུ་བསྐོས་པའི་སྐྱབས་མགོན་མཱ་ཤི་ཀ་སྟེ་ཡེ་ཤུའང་མངག་སྲིད་པའི་ཕྱིར༌རོ།།  
\v 21 སྐྱབས་མགོན་ཡེ་ཤུ་ནི་འཇིག་རྟེན་གྱི་དངོས་པོ་མཐའ་དག་བསྐྱར་དར་མཛད་པའི་དུས་དེ་སླེབས་པའི་བར་དུ་ནམ་མཁའི་ཞིང་ཁམས་སུ་བཞུགས་དགོས་པ༌དང༌། དེ་ནི་དཀོན་མཆོག་གིས་གནའ་བོའི་དུས་ནས་ལུང་སྟོན་པ་དམ་པ་རྣམས་ཀྱི་ངག་བརྒྱུད་ནས་གསུངས་པ་བཞིན་ཡིན་ནོ།།  
\v 22 མོ་ཤེ་ཡིས་ཇི་སྐད༌དུ། གཙོ་བོ་དཀོན་མཆོག་གིས་ཁྱོད་ཅག་གི་དོན་དུ་བདག་དང་འདྲ་བའི་ལུང་སྟོན་པ་ཞིག་ཁྱོད་ཅག་གི་སྤུན་ཟླ་རྣམས་ཀྱི་ཁྲོད་དུ་བཞུགས་པར་མཛད༌ཅིང༌། ཁོང་གིས་ཅི་གསུངས་པ་ཐམས་ཅད་ལ་ཁྱོད་ཅག་གིས་ཉོན༌ཅིག  
\v 23 ལུང་སྟོན་པ་དེའི་གསུང་ལ་མི་ཉན་པ་ཐམས་ཅད་མི་སྡེའི་ཁྲོད་ནས་བཏོན་ཏེ་རྩ་མེད་དུ་གཏོང་བར་ངེས་ཞེས་གསུངས་སོ།།  
\v 24 སཱ་མུ༌ཨེལ་དང་ཁོང་གི་རྗེས་སུ་བྱོན་པའི་ལུང་སྟོན་པ་ཐམས་ཅད་ཀྱིས་ཀྱང་ལུང་བསྟན་གནང་བ་ལས་ཉིན་མོ་དེ་རྣམས་ཀྱི་སྐོར་གླེང་མྱོང༌།  
\v 25 ཁྱོད་ཅག་ནི་ལུང་སྟོན་པ་རྣམས་ཀྱི་བུ་རབས་ཚ་རྒྱུད་ཡིན༌ལ། དཀོན་མཆོག་གིས་ཁྱོད་ཅག་གི་ཕ་མེས་ཡང་མེས་ལ་བཞག་པའི་ཞལ་ཆད་ཐོབ་མཁན་ཡང་ཡིན༌ཏེ། ཁོང་གིས་ཨབ་ར་ཧམ་ལ་འདི་སྐད༌དུ། ཁྱོད་ཀྱི་བུ་རྒྱུད་བརྒྱུད་ནས་ས་སྟེང་གི་མི་རིགས་ཐམས་ཅད་ལ་བྱིན་རླབས་འཐོབ་པར་འགྱུར་ཞེས་གསུངས་པ༌བཞིན།  
\v 26 དཀོན་མཆོག་གིས་རང་ཉིད་ཀྱི་ཞབས་ཕྱི་པ་འབྱོན་པར་མཛད་ཅིང་། ཁྱོད་ཅག་ཐམས་ཅད་རང་རང་གི་སྤྱོད་ངན་ལས་སེམས་བསྒྱུར་བར་མཛད་པའི་སྒོ་ནས་ཐོག་མར་ཁྱོད་རྣམས་ལ་བྱིན་གྱིས་རླབས་པར་མངགས་པ་ཡིན་ཞེས་གསུངས༌སོ།།   
\c 4
\cl ལེའུ་བཞི༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 སྐུ་ཚབ་པ་པེ་ཏྲོ་དང་ཡོ་ཧ་ནན་གཉིས་ལ་འདྲི་དཔྱོད་བྱས༌པ།  
\p
\v 1 དེ་ཡང་སྐུ་ཚབ་པ་པེ་ཏྲོ་དང་ཡོ་ཧ་ནན་གཉིས་ཀྱིས་མི་རྣམས་ལ་དེ་ལྟར་བརྗོད་པའི་དུས༌སུ། མཆོད་དཔོན་རྣམས་དང་མཆོད་ཁང་གི་སྲུང་དམག་འགོ་དཔོན༌དང༌། སཱ་ཅུ་སེ་པ་དག་ཀྱང་ཁོང་གཉིས་ཀྱི་དྲུང་དུ་སླེབས༌པ་རེད།  
\v 2 ཁོང་གཉིས་ཀྱིས་མི་རྣམས་ལ་ཆོས་གསུངས༌ཤིང༌། སྐྱབས་མགོན་ཡེ་ཤུར་བརྟེན་ནས་གཤིན་པོ་རྣམས་སླར་གསོན་པར་འགྱུར་བའི་དོན་དེ་བསྒྲགས༌པས། དཔོན་རིགས་རྣམས་སུན་སྣང་ཆེན་པོ་སྐྱེས༌ཏེ།  
\v 3 ཁོང་གཉིས་བཟུང་ཞིང་མཚན་མོའི་དུས་ལ་སླེབས་པས་ཕྱི་ཉིན་བར་དུ་བཙོན་ལ་བཅུག་གོ།  
\v 4 འོན་ཀྱང་ཆོས་ལ་ཉན་མཁན་རྣམས་ལས་མི་མང་པོ་དད་པར་གྱུར༌ཏེ། དད་ལྡན་པ་སྐྱེས་པའི་གྲངས་ནི་ལྔ་སྟོང་ཙམ་ལ་སླེབས༌སོ།།   
\p
\v 5 དེའི་ཕྱི༌ཉིན། འགོ་དཔོན་དང་རྒན༌པོ། མཁན་པོ་བཅས་རྣམས་ཡེ་རུ་སཱ་ལེམ་དུ་འདུས༌ཤིང༌།  
\v 6 མཆོད་དཔོན་ཆེན་པོ་ཨ་ནཱ་སི༌དང༌། ཀ་ཡ༌ཕཱ། ཡོ་ཧ༌ནན། ཨ་ལིག་སན་དིར་བཅས༌དང༌། མཆོད་དཔོན་ཆེན་པོའི་ཉེ་འབྲེལ་གཞན་རྣམས་ཀྱང་གནས་དེར་ཡོད༌པ་རེད།  
\v 7 དེ་དག་གིས་སྐུ་ཚབ་པ་ཁོང་གཉིས་དཀྱིལ་དབུས་སུ་བསླངས༌ཏེ། ཁྱོད་གཉིས་ཀྱིས་དབང་གང༌ངམ། ཡང་ན་སུའི་མིང་ལ་བརྟེན་ནས་དོན་འདི་བྱས་པ་ཡིན་ནམ་ཞེས་དྲིས་སོ།།  
\v 8 དེ་ནས་པེ་ཏྲོ་ལ་དམ་པའི་ཐུགས་ཉིད་ཀྱིས་ཁྱབ་པར་གྱུར་ཏེ་འདི་སྐད་དུ། འབངས་མི་སེར་གྱི་འགོ་དཔོན་དང་རྒན་པོ༌རྣམས།  
\v 9 དེ་རིང་ངེད་གཉིས་ཀྱིས་དབང་བོ་སྐྱོན་ཅན་གྱི་ལུས་སྟེང་དུ་བསྒྲུབས་པའི་དོན་བཟང་གི་རྐྱེན་གྱིས། མི་འདི་ཅི་ལྟར་སོས་པར་རྩད་གཅོད་བྱེད་ན།  
\v 10 ཁྱོད་ཅག་གི་མིག་མདུན་དུ་ལངས་ནས་སྡོད་པའི་མི་འདི༌ནི། ཁྱོད་ཅག་གིས་ཤིང་རྒྱ་གྲམ་གྱི་སྟེང་དུ་བརྡབས་པ༌དང༌། དཀོན་མཆོག་གིས་གྲོངས་པ་ནས་སླར་གསོན་པར་མཛད་པའི་ནཱ་ཙ་རེལ་པ་ཡེ་ཤུ་མཱ་ཤི་ཀའི་མཚན་ལ་བརྟེན་ནས་ལུས་ཁམས་བདེ་བར་གྱུར་པ་ཁྱོད་ཅག་དང་བཅས་པའི་ཡེས་ར་ཨེལ་གྱི་མི་ཐམས་ཅད་ཀྱིས་ཤེས་དགོས་སོ།།  
\v 11 སྐྱབས་མགོན་ཡེ་ཤུ་ནི། ཁྱོད་ཅག་བཟོ་བ་རྣམས་ཀྱིས་སྤངས་པའི་རྡོ་ནི་ཁང་པའི་ཟུར་གྱི་རྨང་རྡོར་གྱུར་ཅེས་པ་དེ་ཡིན།  
\v 12 ཁོང་ཉིད་ལས་གཞན་ཐར་པ་མེད་དེ། རྒྱུ་མཚན་ནི་གནམ་འོག་ཀུན་ཏུ་ཁོང་ལས་གཞན་བདག་ཅག་ཐར་བར་མཛད་ནུས་པའི་མིང་ཞིག་མིའི་རིགས་ལ་གནང་མེད་པའི་ཕྱིར་ཡིན་ཞེས་གསུངས༌སོ།།   
\p
\v 13 དེ་ནས་དཔོན་རིགས་རྣམས་ཀྱིས་པེ་ཏྲོ་དང་ཡོ་ཧ་ནན་གཉིས་ཀྱི་སྤོབས་པ་མཐོང་བ༌དང༌། ཡང་ཁོང་གཉིས་ནི་རིག་པ་མ་བསླབས་པ་དང་མི་སེར་ཡིན་པ་ཤེས་ནས་ངོ་མཚར་བར་གྱུར་ཅིང༌། དེ་གཉིས་སྐྱབས་མགོན་ཡེ་ཤུ་དང་ལྷན་དུ་འགྲོགས་མྱོང་བའང་གསལ་པོར་རྟོགས་སོ།།  
\v 14 ཡང་ནད་གསོས་པའི་མི་དེའང་ཁོང་གཉིས་ཀྱི་གམ་དུ་ལངས་སྡོད་པ་མཐོང༌སྟེ། དེ་དག་གིས་སྐྱོན་ཅི་ཡང་བརྗོད་མ་ནུས་སོ།།  
\v 15 དེ་ནས་ཁོང་གཉིས་དཔོན་རིགས་ཚོགས་པའི་ཚོགས་ར་ལས་ཕྱིར་ཕུད་ཅིང་ན༌རེ།  
\v 16 བདག་ཅག་གིས་མི་འདི་གཉིས་ལ་ཅི༌བྱའམ། ཁོ་གཉིས་ཀྱིས་དངོས་གནས་ངོ་མཚར་བའི་མཛད་པ་མངོན་གསལ་དུ་བསྟན༌ཅིང་། ཡེ་རུ་སཱ་ལེམ་དུ་གནས་པའི་མི་ཐམས་ཅད་ཀྱིས་ཀྱང་དོན་དེ་ཤེས་པས་བདག་ཅག་གིས་དེ་ལྟར་མ་བྱུང་ཟེར་མི་ནུས།  
\v 17 འོན་ཀྱང་དོན་འདི་དམངས་ཁྲོད་དུ་སྔར་ལས་ལྷག་པར་ཁྱབ་ཉེན་ཡོད་པས། ཁོ་གཉིས་ལ་ཕྱིན་ཆད་མི་དེའི་མིང་ལ་བརྟེན་ནས་མི་གཞན་ལ་གླེང་མོལ་མི་བྱེད་པའི་ཕྱིར་ནན་གྱིས་བསྐུལ་བར་བྱའོ་ཞེས་ཕན་ཚུན་གྲོས་བསྡུར་བྱས་སོ།།  
\v 18 དེ་ནས་ཁོང་གཉིས་བོས༌ཏེ། ཡེ་ཤུའི་མིང་ལ་བརྟེན་ནས་མི་གཞན་ལ་ནམ་ཡང་གླེང་མོལ་བྱེད་པའམ་ཆོས་གསུང་མི་ཆོག་པའི་བཀའ་བབས༌པ་རེད།  
\v 19 འོན༌ཀྱང༌། པེ་ཏྲོ་དང་ཡོ་ཧ་ནན་གཉིས་ཀྱིས་འདི་སྐད་དུ། དཀོན་མཆོག་གི་བཀའ་ལ་མི་ཉན་པར་ཁྱོད་ཅག་གི་གཏམ་ལ་ཉན་པ་ནི་དཀོན་མཆོག་གི་སྤྱན་སྔར་འོས་འཚམ་ཡིན་མིན་ཁྱོད་ཅག་གིས་སོམས༌ཤིག  
\v 20 ངེད་གཉིས་ཀྱིས་གང་ཞིག་མཐོང་ཞིང་ཐོས་པ་ཐམས་ཅད་མི་བཤད་ཐབས་མེད་ཡིན་ཞེས་གསུངས་སོ།།  
\v 21 དེ་ནས་དཔོན་རིགས་རྣམས་ཀྱིས་ཁོང་གཉིས་ལ་ཡང་བསྐྱར་འཇིགས་བསྐུལ་རྗེས་ཕྱིར་བཏང༌། རྒྱུ་མཚན་ནི་མི་རྣམས་ཀྱིས་དོན་ངོ་མཚར་ཅན་དེ་མཐོང་ནས་དཀོན་མཆོག་ལ་བསྟོད་བསྔགས་ཕུལ་བས་དཔོན་རིགས་རྣམས་ཀྱང་མི་རྣམས་ལ་འཇིགས་པ་དང་ཁོང་གཉིས་ལ་ཉེས་ཆད་གཅོད་པའི་རྒྱུ་ཡང་མ་རྙེད་པའི་ཕྱིར༌ཡིན།  
\v 22 ངོ་མཚར་བའི་ལས་ཀྱིས་གསོས་པའི་མི་དེ་ནི་ལོ་བཞི་བཅུ་ལྷག་ལ་སོན་པ་ཞིག་ཡིན༌ནོ།།   
\s1 དད་ལྡན་རྣམས་ཀྱི་གསོལ༌འདེབས།  
\p
\v 23 དེ་ནས་པེ་ཏྲོ་དང་ཡོ་ཧ་ནན་གཉིས་ཕྱིར་བཏང་བ་དང་ཆོས་གྲོགས་རྣམས་ཀྱི་གམ་དུ་ཕྱིན༌ཏེ། མཆོད་དཔོན་ཆེན་པོ་དག་དང་རྒན་པོ་རྣམས་ཀྱིས་ཅི་སྨྲས་པ་ཐམས་ཅད་ཁོ་རྣམས་ལ་སྨྲས་སོ།།  
\v 24 ཁོ་རྣམས་ཀྱིས་ཀྱང་གཏམ་དེ་ཐོས་ནས་བློ་སེམས་གཅིག་མཐུན་སྒོས་སྐད་གསང་མཐོན་པོས་དཀོན་མཆོག་ལ་འདི་སྐད༌དུ། ཀྱེ། གཙོ་བོ༌ལགས། ཁྱེད་ནི་ནམ་མཁའ་དང་ས་གཞི་རྒྱ་མཚོ་བཅས་པ་དང་དེ་དག་ཏུ་ཡོད་པ་ཐམས་ཅད་འགོད་མཁན་ལགས།  
\v 25 ཁྱེད་ཀྱིས་དམ་པའི་ཐུགས་ཉིད་ཀྱི་སྒོ་ནས་ཉིད་ཀྱི་ཞབས་ཕྱི་པ༌སྟེ། ངེད་ཅག་གི་མེས་པོ་དཱ་བིད་ཀྱི་ངག་བརྒྱུད་ནས་ཇི་སྐད༌དུ།  
\q1 ཅིའི་ཕྱིར་ཕྱི་ཕྱོགས་པ་རྣམས་འཁོན་ཅིང༌འཛིང༌།།  
\q1 ཅིའི་ཕྱིར་མི་རྣམས་དོན་མེད་ཐབས་ལ༌འཇུག །   
\q1
\v 26 དེ་ཡང་གཙོ་བོ་དཀོན་མཆོག་ཁོང་ཉིད༌དང༌།།  
\q1 ཁོང་གིས་བསྐོས་པའི་སྐྱབས་མགོན་མཱ་ཤི༌ཀར།།  
\q1 རྒོལ་ཕྱིར་འཇིག་རྟེན་སྐྱོང་བའི་རྒྱལ་པོ༌དང༌།།  
\q1 མངའ་བདག་དཔོན་རིགས་རྣམས་ཀྱང་ལྷན་དུ༌འདུས།།  
\m ཞེས་གསུངས་མྱོང༌ངོ༌།།  
\v 27 དེ་བཞིན་ཧེ་རོ་དཱ་དང་ཕོན་ཏིའུ་པི་ལ༌ཏུ། ཕྱི་ཕྱོགས་པ་དང་ཡེས་ར་ཨེལ་གྱི་མི་དང་བཅས་པ་དངོས་གནས་གྲོང་ཁྱེར་འདིར་འདུས་ཏེ་ཁྱེད་ཀྱིས་བྱུགས་པའི་ཞབས་ཕྱི་དམ་པ་ཡེ་ཤུ་ལ་རྒོལ༌བཞིན་ནོ།།  
\v 28 དེ་ནི་ཁྱེད་ཀྱི་དབང་དང་ཐུགས་དགོངས་ཀྱིས་དོན་ཆེན་གང་དེ་སྔར་ནས་འབྱུང་བར་ཐག་གིས་བཅད་པ་བཞིན་དེ་རྣམས་ཀྱིས་ཀྱང་འགྲུབ་པར་བྱས་པ་ཡིན།  
\v 29 ད་ལྟ་དེ་རྣམས་ཀྱིས་ངེད་ཅག་ལ་འཇིགས་བསྐུལ་བས་གཙོ་བོ་ཁྱེད་ཀྱིས་གཟིགས་པར༌ཞུ། ཁྱེད་ཀྱིས་རང་གི་ཞབས་ཕྱི་པ་ངེད་རྣམས་ལ་ཁྱེད་ཀྱི་བཀའ་སྒྲོག་པའི་སྤོབས་པ་གནང་བ༌དང༌།  
\v 30 ཕྱག་བརྐྱངས་ནས་ནད་རིགས་སྣ་ཚོགས་འཇོམས༌ཤིང༌། གྲུབ་རྟགས་དང་ངོ་མཚར་ཅན་གྱི་དོན་རྣམས་རང་གི་ཞབས་ཕྱི་དམ་པ་ཡེ་ཤུའི་མཚན་ལ་བརྟེན་ནས་འགྲུབ་པར་ཤོག་ཅེས་གསོལ་བ་བཏབ་བོ།།  
\v 31 ཁོ་རྣམས་ཀྱིས་དེ་ལྟར་གསོལ་བ་བཏབ་རྗེས་འཚོགས་སའི་གནས་དེ་གཡོ་བར་གྱུར་པ་དང༌། མི་དེ་ཐམས་ཅད་ལའང་དམ་པའི་ཐུགས་ཉིད་ཀྱིས་ཁྱབ་པར་གྱུར་པས་སྤོབས་པ་བསྐྱེད་ནས་དཀོན་མཆོག་གི་བཀའ་བསྒྲགས༌སོ།།   
\s1 དད་ལྡན་པ་སྤྱི་ལ་དབང་བའི་ནོར༌རྫས།  
\p
\v 32 དེ་ཡང་དད་ལྡན་དེ་ཐམས་ཅད་བློ་སེམས་གཅིག་མཐུན་ཡིན་པ༌དང༌། སུས་ཀྱང་རང་གི་རྒྱུ་རྫས་རང་ཉིད་ཀྱི་ཡིན་མི་ཟེར་བར་དེ་ཐམས་ཅད་སྤྱི་གཞུང་གིས་སྤྱོད༌པ་རེད།  
\v 33 སྐུ་ཚབ་པ་རྣམས་ཀྱིས་ནུས་མཐུ་ཆེན་པོའི་ངང་ནས་གཙོ་བོ་ཡེ་ཤུ་སླར་གསོན་པའི་དོན་དེ་ལ་བདེན་དཔང་བྱས་པ༌དང༌། མི་ཐམས་ཅད་ལའང་ཐུགས་རྗེ་ཆེན་པོ་ཐོབ།  
\v 34 ཡང་ཁོ་རྣམས་ཀྱི་ཁྲོད་དུ་དབུལ་པོ་གཅིག་ཀྱང་མེད༌དེ། རྒྱུ་མཚན་ནི་རང་ལ་དབང་བའི་ས་ཞིང་དང་ཁང་པ་ཐམས་ཅད་བཙོངས༌ཏེ་རིན་དོད་ཚང་མ་ཁྱེར་ཡོང་ནས།  
\v 35 སྐུ་ཚབ་པ་རྣམས་ཀྱི་ཞབས་དྲུང་དུ་བཞག་པ༌དང༌། ཁོང་རྣམས་ཀྱིས་ཀྱང་སུ་ཞིག་ལ་དགོས་མཁོ་ཡོད་ན་དེ་བཞིན་སོ་སོར་བགོས་སོ།།  
\v 36 གནས་དེར་མིང་ལ་ཡོ་སེབ་བྱ་བ་ཀིབ་རིས་ནས་སྐྱེས་པའི་ལེ་ཝི་པ་ཞིག་ཡོད་པ་ལ་སྐུ་ཚབ་པ་རྣམས་ཀྱིས་པཱར་ན་པཱ་ཞེས་འབོད་ཅིང་། དོན་ནི་སེམས་གསོ་མཁན་ཞེས༌པ་ཡིན།  
\v 37 ཁོ་ལ་ས་ཞིང་ཡོད་པའང་བཙོངས་ཏེ་རིན་ཚང་མ་སྐུ་ཚབ་པ་རྣམས་ཀྱི་ཞབས་དྲུང་དུ་བཞག་གོ།   
\c 5
\cl ལེའུ་ལྔ༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 དད་ལྡན་པ་ཨ་ནན་ཡཱ་དང་ཁོའི་ཆུང་མ་སབ་ཕི་རཱའི༌སྐོར།  
\p
\v 1 དེ་ཡང་ཨ་ནན་ཡཱ་ཟེར་བའི་མི་ཞིག་ཡོད་པ་དེས་རང་གི་ཆུང་མ་སབ་ཕི་རཱ་དང་མཉམ་དུ་ས་ཞིང་བཙོངས༌ཤིང༌།  
\v 2 ས་རིན་ཁག་ཅིག་རང་ལ་བཞག་ཅིང་ཆུང་མས་ཀྱང་དོན་དེ་ཤེས༌ལ། ས་རིན་ཁག་གཞན་པ་ཁྱེར་ཡོང་ནས་སྐུ་ཚབ་པ་རྣམས་ཀྱི་ཞབས་དྲུང་དུ་བཞག་གོ།  
\v 3 དེ་ནས་པེ་ཏྲོས་འདི་སྐད༌དུ། ཨ་ནན༌ཡཱ། ཁྱོད་ཀྱི་སེམས་ནི་བདུད་སཱ་ཏན་གྱིས་ཁྱབ༌སྟེ། དམ་པའི་ཐུགས་ཉིད་ལ་རྫུན་སྨྲས་ཤིང་ས་རིན་ཁ་ཤས་རང་ལ་བཞག་པ་དེ་ཅི༌ཡིན།  
\v 4 ས་ཞིང་མ་བཙོངས་པའི་སྔོན་དུ་ཁྱོད་རང་གི་ཡིན༌ཞིང༌། བཙོངས་རྗེས་ས་རིན་ཡང་ཁྱོད་ལ་དབང་བ་མ་ཡིན༌ནམ། ཁྱོད་ཀྱིས་སེམས་ལ་འདི་ལྟར་དྲན་པ་ཅི་ཡིན༌ནམ། ཁྱོད་ཀྱིས་མི་ལ་རྫུན་སྨྲས་པ་མ་ཡིན་པར་དཀོན་མཆོག་ལ་རྫུན་སྨྲས་པ་ཡིན་ཞེས་གསུངས་པ༌དང༌།  
\v 5 ཨ་ནན་ཡཱས་གསུང་དེ་ཐོས་མ་ཐག་སར་འགྱེལ་ཏེ་དབུགས་ཆད་ཅིང་གཏམ་འདི་ཐོས་པའི་མི་ཐམས་ཅད་ཤིན་ཏུ་འཇིགས་སོ།།  
\v 6 དེ་ནས་ན་གཞོན་འགའ་ཞིག་ཡོང་ནས་ཁོའི་བེམ་པོ་རས་ཀྱིས་བཏུམས་ཏེ་ཕྱི་རོལ་ཏུ་ཁུར་ནས་དུར་ལ་བཅུག༌གོ།   
\p
\v 7 དེ་ནས་ཆུ་ཚོད་གསུམ་ཙམ་འགོར་བ༌ན། ཨ་ནན་ཡཱའི་ཆུང་མ་སླེབས་ཤིང་ཁོ་མོས་དོན་དེ་མི་ཤེས༌པ་དང་།  
\v 8 པེ་ཏྲོས་འདི་སྐད༌དུ། ཁྱོད་ཀྱིས་ཤོད༌དང༌། ས་ཞིང་བཙོངས་པའི་ས་རིན་འདི་ཙམ་ཡིན་ནམ་ཞེས་དྲིས་པ༌ལ། ཁོ་མོ་ན༌རེ། དེ་ཙམ་ཡིན་ཞེས་སྨྲས་སོ།།  
\v 9 ཡང་པེ་ཏྲོས་འདི་སྐད༌དུ། ཁྱོད་གཉིས་ཀྱིས་ཅིའི་ཕྱིར་བློ་གཅིག་སེམས་གཅིག་གིས་གཙོ་བོའི་ཐུགས་ཉིད་ལ་ཚོད་བགམས་པ་ཡིན༌ནམ། ཁྱོད་ཀྱི་སྐྱེས་པ་དུར་དུ་འཇུག་མཁན་རྣམས་ཕྱིར་སྒོ་ཁར་སླེབས་ཟིན༌ལ། དེ་དག་གིས་ཁྱོད་རང་ཡང་ཕྱི་རུ་འཁྱེར་ངེས་ཡིན་ཞེས་གསུངས་མ༌ཐག  
\v 10 བུད་མེད་དེའང་པེ་ཏྲོའི་ཞབས་དྲུང་དུ་སར་འགྱེལ་ཏེ་དབུགས་ཆད་ཅིང༌། ན་གཞོན་དེ་རྣམས་ནང་དུ་སླེབས་ཏེ་ཁོ་མོ་ཤི་ཟིན་པ་མཐོང༌ནས། ཕྱི་རོལ་ཏུ་ཁུར་ཞིང་སྐྱེས་པའི་དུར་སའི་ཉེ་འགྲམ་དུ་དུར་ལ་བཅུག་གོ།  
\v 11 དེ་ནས་ཆོས་ཚོགས་ཀྱི་མི་རྣམས་དང་དོན་དེ་ཐོས་པའི་མི་ཐམས་ཅད་ཤིན་ཏུ་འཇིགས༌སོ།།   
\s1 སྐུ་ཚབ་པ་རྣམས་ཀྱིས་ནད་གསོས་པ།  
\p
\v 12 དེ་ཡང་སྐུ་ཚབ་པ་རྣམས་ཀྱི་ལག་པ་བརྒྱུད་ནས་མི་རྣམས་ཀྱི་ཁྲོད་དུ་གྲུབ་རྟགས་དང་དོན་ངོ་མཚར་ཅན་མང་པོ་བསྟན༌ཅིང་། དད་ལྡན་ཐམས་ཅད་བློ་སེམས་གཅིག་མཐུན་སྒོས་སོ་ལོ་མོན་གྱི་ཁྱམས་ར་ནས་བསྡད་དོ།།  
\v 13 མི་གཞན་རྣམས་ལས་སུ་ཞིག་ཀྱང་དད་ལྡན་རྣམས་དང་འགྲོགས་མ་ཕོད༌ནའང༌། མི་རྣམས་ཀྱིས་དེ་རྣམས་ལ་བརྩི་བཀུར་བྱས་པ་རེད།  
\v 14 ཡང་གཙོ་བོ་ལ་དད་པའི་མི་གྲངས་དེ་བས་འཕེལ་ཞིང་སྐྱེས་པ་དང་བུད་མེད་ཤིན་ཏུ་མང་པོ་ཡོད་པ༌དང༌།  
\v 15 ཐ་ན་མི་རྣམས་ཀྱིས་ནད་པ་རྣམས་ཁྲོམ་སྲང་དུ་ཁུར་ཡོང་ནས་ཉལ་ཁྲི་དང་ཉལ་སྟན་གྱི་སྟེང་དུ་བཞག༌སྟེ། པེ་ཏྲོ་ཕེབས་སྐབས་ཁོང་གི་གྲིབ་མ་ཙམ་ཡང་དེ་རྣམས་ལས་ནད་པ་ཁ་ཤས་ལ་ཕོག་པར་རེ་ལྟོས་བྱས།  
\v 16 ཡང་མི་མང་པོས་ནད་པ་དང་གདོན་འདྲེས་བཟུང་བའི་མི་རྣམས་ཡེ་རུ་སཱ་ལེམ་མཐའ་འཁོར་གྱི་གྲོང་རྡལ་དག་ནས་ཁྲིད་ཡོང༌ཞིང༌། དེ་ཐམས་ཅད་སོས་པར་གྱུར༌ཏོ།།   
\s1 སྐུ་ཚབ་པ་རྣམས་བཙོན་དུ་སྦྱར༌བ།  
\p
\v 17 དེ་ནས་མཆོད་དཔོན་ཆེན་པོ་ཡར་ལངས་ཤིང་། ཁོ་དང་མཉམ་དུ་ཡོད་པའི་མི་ནི་སཱ་ཅུ་སེ་པའི་གྲུབ་མཐའ་ལ་གཏོགས་པ་རྣམས་ཡིན༌ཞིང༌། དེ་རྣམས་དོན་དེར་མ་དགའ་བར་ཕྲག་དོག་གིས་ཁེངས༌ཏེ།  
\v 18 སྐུ་ཚབ་པ་རྣམས་བཟུང་ནས་སྤྱི་བའི་བཙོན་ཁང་དུ་བཅུག་གོ།  
\v 19 འོན༌ཀྱང༌། མཚན༌མོར་གཙོ་བོའི་ཕོ་ཉ་ཞིག་ཡོང་ནས་བཙོན་ཁང་གི་སྒོ་ཕྱེས་ཤིང་ཁོང་རྣམས་ཕྱི་རོལ་ཏུ་ཁྲིད་དེ་འདི་སྐད༌དུ།  
\v 20 ཁྱོད་རྣམས་མཆོད་ཁང་དུ་སོང་ནས་ཚེ་སྲོག་གི་བཀའ་འདི་མི་རྣམས་ལ་ཤོད་ཅིག་ཅེས་གསུངས་སོ།།  
\v 21 སྐུ་ཚབ་པ་རྣམས་ཀྱིས་ཀྱང་གསུང་དེ་ཐོས་ནས་སྐྱ་རེངས་ཤར་བའི་དུས་སུ་མཆོད་ཁང་དུ་སོང་སྟེ་མི་རྣམས་ལ་ཆོས་གསུངས་སོ།། དེ་ནས་མཆོད་དཔོན་ཆེན་པོ་དང་མཉམ་དུ་འགྲོགས་པའི་མི་རྣམས་ཡོང༌སྟེ། དཔོན་རིགས་ཚོགས་པའི་ཚོགས་མི་དང་ཡེས་ར་ཨེལ་མི་རིགས་ཀྱི་རྒན་པོ་ཐམས་ཅད་བསྡུས་ནས་མི་ཁ་ཤས་བཙོན་ཁང་ལ་སྐུ་ཚབ་པ་རྣམས་ཕྱིར་འཁྲིད་དུ་མངགས།  
\v 22 འོན༌ཀྱང༌། དམག་མི་རྣམས་བཙོན་ཁང་དུ་སླེབས་ཀྱང་སྐུ་ཚབ་པ་རྣམས་མ་མཐོང་བས་ཕྱིར་ལོག་སྟེ་ན༌རེ།  
\v 23 ངེད་ཅག་གིས་བཙོན་ཁང་གི་སྒོ་དམ་པོར་བརྒྱབ༌ཅིང༌། སྒོ་སྲུང་མཁན་ཡང་སྒོ་འགྲམ་དུ་ལངས་ནས་བསྡད་པ་མཐོང༌ནའང༌། སྒོ་ཕྱེས་དུས་བཙོན་ཁང་ནང་དུ་མི་གཅིག་ཀྱང་མཐོང་མ་བྱུང་ཞེས་ཞུས་སོ།།  
\v 24 དེ་ནས་མཆོད་ཁང་གི་སྲུང་དམག་དཔོན་པོ་དང་མཆོད་དཔོན་ཆེན་པོ་རྣམས་ཀྱིས་གཏམ་དེ་ཐོས་ནས་དོན་འདི་མ་འོངས་པར་ཅི་ལྟ་བུ་ཞིག་ཏུ་འགྱུར་རམ་སྙམ་སྟེ་ཅི་བྱ་གཏོལ་མེད་དུ་གྱུར་པ༌ན།  
\v 25 ཡང་མི་ཞིག་ཡོང་སྟེ་ན༌རེ། ཁྱོད་ཅག་གིས་བཙོན་དུ་བཅུག་པའི་མི་དེ་དག་གིས་ད་ལྟ་མཆོད་ཁང་དུ་མི་རྣམས་ལ་ཆོས་གསུང་བཞིན་འདུག་ཅེས་ཞུས་སོ།།  
\v 26 དེ་ནས་མཆོད་ཁང་གི་སྲུང་དམག་དཔོན་པོ་དང་དམག་མི་རྣམས་ཕྱིར་སོང་བ༌དང༌། མི་རྣམས་ཀྱིས་ཁོ་རྣམས་ལ་རྡོས་རྒྱག་པར་འཇིགས་ནས་བཙན་ཤེད་མ་བཀོལ་བར་སྐུ་ཚབ་པ་རྣམས་ཁྲིད་ཡོང༌སྟེ།  
\v 27 དཔོན་རིགས་ཚོགས་པའི་ཚོགས་མི་རྣམས་ཀྱི་མདུན་དུ་ཡར་བསླངས་པ་དང་མཆོད་དཔོན་ཆེན་པོ་ན༌རེ།  
\v 28 ངེད་ཅག་གིས་ཁྱོད་རྣམས་ལ་མི་དེའི་མིང་ལ་བརྟེན་ནས་མི་གཞན་དག་ལ་ཆོས་མ་བརྗོད་ཅེས་ནན་བཤད་བྱས་ནས་བཀའ་བསྒོས་པ་མ་ཡིན༌ནམ། འོན་ཀྱང་ཁྱོད་རྣམས་ཀྱིས་ཡེ་རུ་སཱ་ལེམ་ཡོངས་ལ་ཁྱོད་ཅག་རང་གི་ཆོས་ཁྱབ་ཏུ་བཅུག༌སྟེ། མི་དེའི་ཁྲག་ལན་ངེད་ཅག་ལ་དགལ་བར་འདོད་ཅེས་སྨྲས་པ༌ལ།  
\v 29 པེ་ཏྲོ་དང་སྐུ་ཚབ་པ་གཞན་རྣམས་ཀྱིས། ངེད་རྣམས་ཀྱིས་དཀོན་མཆོག་གི་བཀའ་ལ་མཉན་པ་ལས་མིའི་ངག་ལ་མཉན་མི་འོས་སོ།།  
\v 30 ཁྱོད་ཅག་གིས་སྡོང་པོའི་སྟེང་དུ་བརྐྱངས་ཏེ་བཀྲོངས་པའི་ཡེ་ཤུ་ཁོང་ཉིད་ནི་བདག་ཅག་གི་མེས་པོའི་དཀོན་མཆོག་གིས་སླར་གསོན་པར་མཛད།  
\v 31 དཀོན་མཆོག་གིས་སྐྱབས་མགོན་ཡེ་ཤུ་རང་གི་གཡས་ཕྱོགས་སུ་འཕགས་པར་མཛད་ནས་དབུ་ཁྲིད་དང་སྐྱབས་མགོན་དུ་བསྐོས༌ཏེ། ཡེས་ར་ཨེལ་གྱི་མི་རྣམས་ལ་འགྱོད་བཤགས་བྱེད་པ་དང་སྡིག་པ་བསལ་བའི་ཐུགས་རྗེ་གནང་བའི་ཕྱིར༌རོ།།  
\v 32 ངེད་རྣམས་ཀྱིས་ཀྱང་དོན་འདི་དག་ལ་བདེན་དཔང་བྱེད༌ཅིང༌། དཀོན་མཆོག་གིས་རང་ཉིད་ཀྱི་བཀའ་ལ་ཉན་པ་ཐམས་ཅད་ལ་གནང་བའི་དམ་པའི་ཐུགས་ཉིད་ཀྱིས་ཀྱང་བདེན་དཔང་མཛད་ཅེས་གསུངས༌སོ།།   
\p
\v 33 དེ་ནས་དཔོན་རིགས་ཚོགས་པའི་ཚོགས་མི་རྣམས་ཀྱིས་གཏམ་དེ་ཐོས་ནས་ཤིན་ཏུ་ཁྲོས་ཏེ་སྐུ་ཚབ་པ་རྣམས་གསོད་པར་སྙམ༌མོད།  
\v 34 འོན་ཀྱང་གནས་དེར་མི་ཐམས་ཅད་ཀྱིས་གུས་བཀུར་བྱེད་པའི་བཀའ་ཁྲིམས་ཀྱི་དགེ་རྒན་ཏེ། མིང་ལ་གཱ་མ་ཨེལ་ཟེར་བའི་ཕ་རུ་ཤི་པ་ཞིག་ཡོད་པ་དེ་ཚོགས་མིའི་ཁྲོད་དུ་ཡར་ལངས༌ནས། སྐུ་ཚབ་པ་རྣམས་རེ་ཞིག་ཕྱི་རོལ་ཏུ་འཁྲིད་དགོས་པའི་བཀའ་གནང་བ༌དང༌།  
\v 35 དཔོན་རིགས་དེ་རྣམས་ལ་འདི་སྐད༌དུ། ཀྱེ། ཡེས་ར་ཨེལ་པ༌རྣམས། ཁྱོད་ཅག་གིས་མི་འདི་དག་ལ་ཅི་ལྟར་ཐག་གཅོད་བྱེད་པར་གཟབ་གཟབ་བྱོས༌ཤིག  
\v 36 རྒྱུ་མཚན་ནི་སྔོན་ཆད་ཐེའུ་དཱ་བྱ་བ་ཞིག་ཡོད་པ་དེས་ངོ་རྒོལ་བྱས་ཤིང་རང་རློམ་ཆེ་བས་མི་བཞི་བརྒྱ་ཙམ་འཁོར་དུ་བསྡུས༌མྱོང༌། མཇུག་མཐར་གཞན་གྱིས་ཁོ་རང་བསད་པ་དང་ཁོའི་ཕྱོགས་ཀྱི་མི་ཐམས་ཅད་ཀྱང་ཁ་ཐོར་དུ་སོང་ནས་དོན་དེ་མེད་པར་གྱུར་ཏོ།།  
\v 37 དེའི་རྗེས༌སུ། མི་གྲངས་ལེན་པའི་སྐབས༌སུ། ག་ལིལ་ཡུལ་གྱི་ཡུ་དཱས་ངོ་རྒོལ་བྱས༌ཏེ། མི་མང་ཙམ་སླུ་བྲིད་བྱས་ནས་ཁོའི་ཕྱོགས་སུ་བསྐོར༌ཀྱང་། མཇུག་མཐར་ཁོ་རང་ཡང་མེད་པར་བྱས་པ་དང་ཁོའི་ཕྱོགས་ཀྱི་མི་ཐམས་ཅད་ཀྱང་ཁ་ཐོར་དུ་སོང༌།  
\v 38 དེའི༌ཕྱིར། ངས་ཁྱོད་རྣམས་ལ་སྨྲ་བར༌བྱ་སྟེ། མི་འདི་དག་ལ་ཅི་ཡང་མི་བྱེད་པར་སྐྱུར༌ཅིག གལ༌ཏེ། ཁོ་རྣམས་ཀྱིས་ཅི་བསམས་པ་དང་ཅི་བྱེད་པ་འདི་ནི་མི་ནས་བྱུང་བ་ཡིན་ན་ཉམས་པར་འགྱུར་ངེས།  
\v 39 གལ༌ཏེ། དཀོན་མཆོག་ནས་བྱུང་བ་ཡིན༌ན། ཁྱོད་ཅག་གིས་དེ་རྣམས་མེད་པར་བྱེད་མི་ནུས༌ཤིང༌། ཐ་ན་ཁྱོད་ཅག་དཀོན་མཆོག་ལ་ངོ་རྒོལ་བྱེད་མཁན་དུ་འགྱུར་ཉེན་ཡོད་ཅེས་སྨྲས་སོ།།  
\v 40 དེ་ནས་ཚོགས་མི་རྣམས་ཀྱིས་གཱ་མ་ཨེལ་གྱི་ཁ་ལ་མཉན་ནས་སྐུ་ཚབ་པ་རྣམས་བོས་ཏེ། གཅར་རྡུང་བྱས་རྗེས་ཡེ་ཤུའི་མིང་ལ་བརྟེན་ནས་གཏམ་སྨྲ་མི་ཆོག་པའི་བཀའ་བསྒོས་ཏེ་ཕྱིར་བཏང༌ངོ་༎  
\v 41 དེ་ནས་སྐུ་ཚབ་པ་རྣམས་ཚོགས་མི་དང་ཁ་བྲལ་ཞིང་རང་ཉིད་ནི་སྐྱབས་མགོན་ཡེ་ཤུའི་མཚན་གྱི་ཕྱིར་སྡུག་བསྔལ་མྱོང་འོས་པར་བརྩིས་པས་སེམས་ཤིན་ཏུ༌དགའ་བ་རེད།  
\v 42 སྐུ་ཚབ་པ་རྣམས་ཀྱིས་ཉིན་རེ་བཞིན་མཆོད་ཁང་དང་ཁྱིམ་ཚང་གང་དུའང་མི་རྣམས་ལ་རྒྱུན་ཆད་མེད་པར་ཡེ་ཤུ་ནི་སྐྱབས་མགོན་མཱ་ཤི་ཀ་ཡིན་པའི་ཆོས་གསུངས་ཤིང་དོན་དེ་བསྒྲགས༌སོ།།   
\c 6
\cl ལེའུ་དྲུག༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 ལས་འཛིན་པ་བདུན་བདམས་པའི༌སྐོར།  
\p
\v 1 དེའི་དུས༌སུ། རྗེས་འབྲང་པ་མང་དུ་འཕེལ་བ༌ན། གྷི་རིག་པའི་སྐད་རིགས་སྨྲ་མཁན་གྱི་ཨིབ་རི་པས་ནི་ཨིབ་རིའི་མི་རིགས་རང་གི་སྐད་སྨྲ་མཁན་ལ་སྨྲེ་ངག་བཏོན་ནོ།། རྒྱུ་མཚན་ནི་ཉིན་རེ་བཞིན་བགོ་སྐལ་གནང་སྐབས་ཨིབ་རི་པའི་ཡུགས་མོ་རྣམས་སྣང་མེད་དུ་བསྐྱུར་བའི་ཕྱིར༌ཡིན།  
\v 2 དེ་ནས་སྐུ་ཚབ་པ་བཅུ་གཉིས་པོས་ཆོས་ཚོགས་ཀྱི་རྗེས་འབྲང་པ་ཐམས་ཅད་བོས་ཏེ་འདི་སྐད༌དུ། ངེད་ཅག་གིས་དཀོན་མཆོག་གི་བཀའ་བསྐྱུར་ནས་ཟས་སྐལ་གཉེར་པ་ནི་མི་འོས་སོ།།  
\v 3 དེའི༌ཕྱིར། སྤུན་ཟླ༌རྣམས། ཁྱོད་ཅག་གི་ཁྲོད་ནས་མཚན་སྙན་གྲགས་ལྡན་པ་དང་དམ་པའི་ཐུགས་ཉིད་དང་ཤེས་རབ་ཀྱིས་ཁྱབ་པའི་སྐྱེས་པ་བདུན་འདེམས༌དང༌། ངེད་ཅག་གིས་མི་དེ་རྣམས་དོན་འདི་བདག་གཉེར་བྱེད་མཁན་དུ༌བསྐོ་བར་བྱའོ།།  
\v 4 འོན༌ཀྱང༌། ངེད་ཅག་གིས་དཀོན་མཆོག་ལ་གསོལ་བ་འདེབས་པ་དང་དཀོན་མཆོག་གི་བཀའ་སྒྲོག་པའི་ཞབས་ཏོག་ལ་བརྩོན་པར་བྱའོ་ཞེས་གསུངས༌སོ།།  
\v 5 དེ་ནས་མི་ཚོགས་ཐམས་ཅད་གསུང་དེར་ཡི་རང་བར་གྱུར༌ཏེ། དད་པ་ཆེ་ཞིང་དམ་པའི་ཐུགས་ཉིད་ཀྱིས་ཁྱབ་པའི་སི་ཏེ་ཕཱན་དང༌། གཞན༌ཡང༌། ཕི་ལིབ༌དང༌། ཕོ་རོ་ཁོ༌རུ། ནེ་ཀཱ༌ནོར། ཐི༌མོན། ཕར་མེན༌ནཱ། དེ་སྔར་ཡ་ཧུ་དཱ་པའི་ཆོས་ལུགས་ལ་ཞུགས་པའི་ཨན་ཏི་ཡོག་ཡཱ་ཡུལ་གྱི་ནེ་ཀོ་ལཱ་བཅས་བདམས༌ཤིང༌།  
\v 6 དེ་རྣམས་སྐུ་ཚབ་པ་རྣམས་ཀྱི་དྲུང་དུ་ཁྲིད༌ཅིང༌། ཁོང་རྣམས་ཀྱིས་གསོལ་བ་འདེབས་བཞིན་དེ་དག་གི་ལུས་ལ་ཕྱག་བཞག་ \f + \ft གསོལ་བ་འདེབས་བཞིན་དེ་དག་གི་ལུས་ལ་ཕྱག་བཞག་ཅེས་པ་ནི་ལས་འགན་བསྐོ་བའི་རྣམ་པ༌ཡིན།\f*པ་དང་།  
\v 7 དེ་ནས་དཀོན་མཆོག་གི་བཀའ་རིམ་བཞིན་དར་བ་དང་ཡེ་རུ་སཱ་ལེམ་དུ་རྗེས་འབྲང་པའི་མི་གྲངས་ཤིན་ཏུ་མང་པོར་འཕེལ༌ཞིང༌། མཆོད་དཔོན་མང་པོ་ཞིག་གིས་ཀྱང་དད་པ་འདི་ལ་བསྟུན་ནོ།།   
\s1 སི་ཏེ་ཕཱན་བཟུང་བ།  
\p
\v 8 དེ་ཡང་སི་ཏེ་ཕཱན་ལ་ཐུགས་རྗེ་དང་མཐུ་སྟོབས་ཀྱིས་ཁྱབ༌པས། མི་རྣམས་ཀྱི་ཁྲོད་དུ་ངོ་མཚར་ཆེ་བའི་དོན་དང་གྲུབ་རྟགས་བསྟན་ཏོ།།  
\v 9 འོན༌ཀྱང༌། རང་དབང་ཅན་ཟེར་བའི་ཆོས་ཁང་ལ་གཏོགས་པའི་ཀི་རེ་ནེ་དང་ཨ་ལིག་སན་དྲི་ཡཱའི་མི་འགའ་ཤས༌དང་། གཞན༌ཡང༌། ཀི་ལིག་ཡཱ་དང་ཨེ་ཞི་ཡཱའི་ཡུལ་མི་ཁ་ཤས་ཀྱིས་སི་ཏེ་ཕཱན་ལ་རྩོད་པ་བྱས༌ནའང༌།  
\v 10 སི་ཏེ་ཕཱན་གྱིས་ཤེས་རབ་དང་དམ་པའི་ཐུགས་ཉིད་ཀྱི་སྒོ་ནས་གཏམ་སྨྲས་པ་ལ་དེ་དག་གིས་རྒོལ་མ་ནུས་པས།  
\v 11 མི་གཞན་ལ་ལྐོག་ནས་ངན་བསྐུལ་ཏེ་མི་འདིས་མོ་ཤེ་དང་དཀོན་མཆོག་ལ་སྐུར་བ་འདེབས་པའི་གཏམ་སྨྲས་པ་ངེད་ཀྱིས་ཐོས་པ་ཡིན་ཞེས་སྨྲ་རུ་བཅུག་གོ།  
\v 12 ཡང་དེ་དག་གིས་མི་རྣམས༌དང༌། རྒན༌པོ། མཁན་པོ་བཅས་ལ་ངན་སྐུལ་བྱས་ཤིང་གློ་བུར་ཡོང་ནས་ཁོ་རང་བཟུང་སྟེ་དཔོན་རིགས་ཚོགས་པའི་ཚོགས་མིའི་མདུན་དུ་བཙན་ཁྲིད་བྱས་པ༌དང༌།  
\v 13 དཔང་པོ་རྫུན་མ་བཙལ་ཏེ་ན༌རེ། མི་འདིས་རྟག་ཏུ་གནས་མཆོག་འདི་དང་བཀའ་ཁྲིམས་ལ་དམའ་འབེབས་བྱེད༌ཅིང༌།  
\v 14 སྔོན་ཆད་ནཱ་ཙ་རེལ་པ་ཡེ་ཤུ་དེས་གནས་འདི་བཤིག་སྟེ་མོ་ཤེ་ཡིས་ངེད་རྣམས་ལ་སྤྲད་པའི་གོམས་སྲོལ་རྣམས་ཀྱང་བསྒྱུར་བར་བྱའོ་ཞེས་ཟེར་བ་ངེད་ཀྱིས་ཐོས་པ་ཡིན་ཞེས་སྨྲས་པ༌དང༌།  
\v 15 ཚོགས་རའི་ནང་དུ་སྡོད་པའི་མི་ཐམས་ཅད་ཀྱིས་མིག་ཅེ་རེར་སི་ཏེ་ཕཱན་ལ་བལྟས་པ༌ན། ཁོའི་གདོང་ནི་ཕོ་ཉའི་ཞལ་རས་དང་མཚུངས་པ་མཐོང༌ངོ༌།།   
\c 7
\cl ལེའུ་བདུན༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 སི་ཏེ་ཕཱན་གྱིས་རྩོད་ལན་སློག༌པ།  
\p
\v 1 དེ་ནས་མཆོད་དཔོན་ཆེན་པོས་སི་ཏེ་ཕཱན་ལ་དོན་འདི་དག་བདེན་ནམ་ཞེས་དྲིས་པ༌ལ།  
\v 2 ཁོ་ན༌རེ། ཕ་ཁུ་དང་སྤུན་ཟླ་རྣམས་ཀྱིས་ཉོན༌ཅིག སྔོན་ཆད་བདག་ཅག་གི་མེས་པོ་ཨབ་ར་ཧམ་ནི་ཧཱ་རན་དུ་ཁྱིམ་གཞི་མ་སྤར་བའི་སྔོན༌ལ། མོ་སོ་པའོ་ཐ་མེ་ཡཱ་ཡུལ་དུ་སྡོད་པའི་དུས༌དེར། གཟི་བརྗིད་དང་ལྡན་པའི་དཀོན་མཆོག་མངོན་སུམ་དུ་སྣང་སྟེ་ཨབ་ར་ཧམ་ལ་འདི་སྐད༌དུ།  
\v 3 ཁྱོད་ནི་རང་གི་ཕ་ཡུལ་དང་ཉེ་འབྲེལ་རྣམས་དང་ཁ་བྲལ་ནས་བདག་གིས་ཁྱོད་ལ་སྟོན་པར་འགྱུར་བའི་ཡུལ་དེར་སོང༌ཞིག་ཅེས་གསུངས་མྱོང༌བ་དང་།  
\v 4 དེ་ནས་ཨབ་ར་ཧམ་ནི་ཀལ་དི་པ་རྣམས་ཀྱི་ཡུལ་\f + \ft ཀལ་དི་པ་རྣམས་ཀྱི་ཡུལ་ཞེས་པ་ནི་གོང་ནས་བྱུང་བའི་མོ་སོ་པའོ་ཐ་མེ་ཡཱ་ཞེས་པའི་ཡུལ་དེའི་མིང་གཞན༌ཡིན།\f*དེ་དང་བྲལ་ནས་ཧཱ་རན་དུ་གནས་བཅས་སོ།། ཁོའི་ཕ་སྐུ་གྲོངས་རྗེས་དཀོན་མཆོག་གིས་ཁོ་རང་གནས་དེ་ནས་ད་ལྟ་ཁྱོད་རྣམས་སྡོད་པའི་ཡུལ་འདིར་གནས་སྤར༌ཞིང༌།  
\v 5 ཡུལ་འདིར་དཀོན་མཆོག་གིས་ཁོ་རང་ལ་བགོ་སྐལ་ཅི་ཡང་མ་གནང༌ཞིང༌། རྐང་པ་འཇོག་སའི་ས་ཙམ་ཡང་མ་གནང་ངོ༌།། འོན༌ཀྱང༌། ཁོང་གིས་ཡུལ་འདི་ནི་ཁོ་དང་ཁོའི་བུ་རབས་ཚ་རྒྱུད་ལ་ས་སྐལ་དུ་གནང་ངེས་པ་ཞལ་གྱིས་བཞེས་པ༌དང༌། སྐབས་དེར་ཁོ་རང་ལ་བུའང་མེད༌པ་རེད།  
\v 6 དེ་ཡང་དཀོན་མཆོག་གིས་ཁོའི་བུ་རབས་ཚ་རྒྱུད་ཡུལ་གཞན་དུ་བྱེས་སུ་སྡོད་ཅིང་། ཡུལ་དེའི་མི་རྣམས་ཀྱིས་ཁོ་རྣམས་བྲན་གཡོག་ཏུ་བྱས་ནས་ལོ་བཞི་བརྒྱའི་རིང་ལ་མནར་གཅོད་གཏོང་བར་འགྱུར་ཞེས་གསུངས་མྱོང་བ༌དང༌།  
\v 7 ཡང་དཀོན་མཆོག་གིས་འདི་སྐད༌དུ། ཁོ་རྣམས་བྲན་གཡོག་ཏུ་བྱེད་པའི་རྒྱལ་ཁབ་དེ་ལ་ངས་ཉེས་ཆད་གཅོད༌ཅིང༌། རྗེས་སུ་ཁོ་རྣམས་ཕྱིར་བུད་དེ་གནས་འདི་ནས་བདག་ལ་བསྙེན་བཀུར་བྱེད་པར་འགྱུར་ཞེས་གསུངས་མྱོང༌བ་ཡིན།  
\v 8 ཡང་ཁོང་གིས་ཨབ་ར་ཧམ་ལ་མཚན་སྐྱི་གཅོད་པའི་ཞལ་ཆད་ཀྱང་གནང་མྱོང༌བས། ཨབ་ར་ཧམ་ལ་བུ་ཨི་སཱག་བྱུང་སྟེ་ཉིན་བརྒྱད་པ་ལ་བུ་དེའི་མཚན་སྐྱི་བཅད་པ༌དང༌། ཨི་སཱག་ལ་བུ་ཡ་ཀོབ་སྐྱེས༌ཤིང༌། ཡ་ཀོབ་ལས་མེས་པོ་བཅུ་གཉིས་བྱུང༌ངོ༌།།   
\p
\v 9 དེ་ནས་མེས་པོ་གཞན་རྣམས་ཡོ་སེབ་ལ་ཕྲག་དོག་སྐྱེས་ནས་ཁོ་རང་ཨེ་ཅིབ་རྒྱལ་ཁབ་ཏུ་བཙོངས༌ནའང༌། དཀོན་མཆོག་ནི་ཁོ་དང་མཉམ་དུ་བཞུགས༌ཏེ།  
\v 10 ཁོ་རང་དཀའ་སྡུག་ཐམས་ཅད་ལས་བསྐྱབས་པ༌དང༌། ཁོ་ལ་ཨེ་ཅིབ་རྒྱལ་པོ་ཕཱར་ཨོལ་གྱི་དྲུང་དུ་ཐུགས་རྗེ་དང་ཤེས་རབ་གནང༌བས། རྒྱལ་པོས་ཁོ་རང་ཨེ་ཅིབ་རྒྱལ་ཁབ་ཀྱི་སྤྱི་དཔོན་དང་ཕོ་བྲང་ཡོངས་ཀྱི་གཉེར་པར་བསྐོས་སོ།།  
\v 11 དེའི་རྗེས༌སུ། ཨེ་ཅིབ་དང་ཀ་ན་ཨན་ཡུལ་ཀུན་ཏུ་མུ་གེ་བྱུང་སྟེ་མི་རྣམས་ཀྱིས་དཀའ་སྡུག་ཆེན་པོ་མྱངས༌ཤིང་། བདག་ཅག་གི་ཕ་མེས་ཡང་མེས་རྣམས་ལ་ཟས་ཀྱང་ཆད་པ་ཡིན།  
\v 12 དེ་ནས་ཡ་ཀོབ་ཀྱིས་ཨེ་ཅིབ་ཏུ་འབྲུ་རིགས་ཡོད་པ་ཐོས༌ཏེ། ཕ་མེས་ཡང་མེས་རྣམས་ཐེངས་དང་པོར་ཡུལ་དེར་བཏང༌ངོ་།།  
\v 13 དེ་ནས་ཐེངས་གཉིས་པར་ཡོང་དུས་ཡོ་སེབ་ཀྱིས་རང་གི་སྤུན་རྣམས་ལ་ཁོ་སུ་ཡིན་པ་སྨྲས་ཤིང་ཕཱར་ཨོལ་གྱིས་ཀྱང་ཁོའི་གཉེན་ཉེ་རྣམས་ཤེས༌པ་རེད།  
\v 14 དེ་ནས་ཡོ་སེབ་ཀྱིས་རང་གི་སྤུན་རྣམས་མངགས་ནས་རང་གི་ཕ་ཡ་ཀོབ་དང་ཁྱིམ་མི་བདུན་ཅུ་དོན་ལྔ་བཅས་གདན་དྲངས༌པ་དང་།  
\v 15 དེ་ནས་ཡ་ཀོབ་ཨེ་ཅིབ་ཡུལ་དུ་ཕྱིན་པ་དང་རྗེས་སུ་ཁོང་དང་བདག་ཅག་གི་མེས་པོ་རྣམས་ཀྱང་དེ་རུ་ཚེ་ལས་འདས༌ཤིང༌།  
\v 16 ཁོང་རྣམས་ཀྱིས་སི་ཀེམ་ཡུལ་དུ་བེམ་པོ་ཁུར༌ཏེ། སྔོན་ཆད་ཨབ་ར་ཧམ་གྱིས་སི་ཀེམ་ཡུལ་གྱི་ཧ་མོར་གྱི་བུ་རབས་ཚ་རྒྱུད་རྣམས་ལས་ཉོས་པའི་དུར་དེར་བཅུག༌གོ།   
\p
\v 17 དེ་ཡང་དཀོན་མཆོག་གིས་ཨབ་ར་ཧམ་ལ་ཞལ་གྱིས་བཞེས་པའི་དུས་སླེབས་ལ་ཉེ་བའི་སྐབས༌དེར། ཡེས་ར་ཨེལ་མི་རིགས་ནི་ཨེ་ཅིབ་ཡུལ་ནས་མང་དུ་འཕེལ་ལོ།།  
\v 18 དེ་ནས་ཡོ་སེབ་ལ་རྒྱུས་མི་མངའ་བའི་ཨེ་ཅིབ་ཀྱི་རྒྱལ་པོ་གསར་པ་ཞིག་བྱུང༌སྟེ།  
\v 19 དེས་བདག་ཅག་གི་རུས་རྒྱུད་ལ་གཡོ་སྒྱུ་བྱེད༌ཅིང༌། རང་རེའི་ཕ་མེས་ལའང་གནོད་འཚེ་བཏང་བ༌དང༌། ཁོ་རྣམས་ཀྱི་ཕྲུ་གུ་རྣམས་གསོད་པའི་ཆེད་དུ་ཕྱི་རོལ་ཏུ་འདོར་དགོས་པའི་བཀའ་གནང༌ངོ་།།  
\v 20 དེའི་དུས༌སུ། མོ་ཤེ་འཁྲུངས་པ་དང་ཁོང་ནི་དཀོན་མཆོག་གི་སྤྱན༌སྔར་ཤིན་ཏུ་མཛེས་སོ༎ ཕ་གཞིས་སུ་ཟླ་བ་གསུམ་ལ་བསྐྱངས༌ཏེ།  
\v 21 ཕྱི་རོལ་ཏུ་འདོར་སྐབས་ཕཱར་ཨོལ་གྱི་སྲས་མོས་ཚུར་བླངས་ཏེ་རང་གི་བུ་སྐལ་དུ་བསྙོར་བའོ།།  
\v 22 དེ་ནས་མོ་ཤེ་ཡིས་ཨེ་ཅིབ་པ་རྣམས་ཀྱི་ཤེས་བྱ་ཐམས་ཅད་བསླབས་ནས་གཏམ་སྤྱོད་གཉིས་ཀྱི་ཆ་ལ་འཇོན་ཐང་ལྡན་པར་གྱུར༌ཏོ།།   
\p
\v 23 དེ་ནས་མོ་ཤེ་ལོ་བཞི་བཅུར་སོན་པ༌ན། ཁོང་གི་སེམས་སུ་རང་གི་སྤུན་ཟླ་སྟེ་ཡེས་ར་ཨེལ་གྱི་བུ་རྒྱུད་ལ་བལྟ་རུ་འགྲོ་བར་བསམས་པ་རེད།  
\v 24 ཁོང་གནས་དེར་སླེབས་ཚེ་ཨེ་ཅིབ་ཀྱི་མི་ཞིག་གིས་དོན་མེད་དུ་ཡེས་ར་ཨེལ་གྱི་མི་ཞིག་ལ་གནོད་འཚེ་བྱེད་པ་མཐོང་བ་དང་མི་དེ་བསྐྱབས༌ཤིང༌། གནོད་འཚེ་བྱས་པའི་ལན་དུ་ཨེ་ཅིབ་ཀྱི་མི་དེ་བསད་དོ།།  
\v 25 ཁོང་གི་སེམས་སུ་རང་ཉིད་ཀྱི་ལག་པ་བརྒྱུད་ནས་དཀོན་མཆོག་གིས་ཁོ་རྣམས་སྐྱོབ་བཞིན་པའི་དོན་དེ་སྤུན་ཟླ་རྣམས་ཀྱིས་ཤེས་ངེས་ཡིན་སྙམ་ནའང་དེ་རྣམས་ཀྱིས་མ་ཤེས་སོ།།  
\v 26 དེའི་ཕྱི༌ཉིན། ཁོང་ཉིད་ཡེས་ར་ཨེལ་པ་གཉིས་ཀྱིས་འཛིང་རེས་བྱེད་བཞིན་ཡོད་པའི་གམ་དུ་སླེབས་ཤིང་འགྲིག་མཐུན་ཡོང་བར་ཁ་བསྒོ་འདི་ལྟར་བཏང༌བ་སྟེ། ཁྱོད་གཉིས་ནི་སྤུན་ཟླ་ཡིན་པས་ཅིའི་ཕྱིར་ཕན་ཚུན་ལ་བརྙས་བཅོས་བྱེད་པ་ཡིན་ཞེས་སྨྲས་པ༌ན།  
\v 27 སྤུན་ཟླ་ལ་བརྙས་བཅོས་བྱེད་མཁན་དེས་མོ་ཤེ་ལ་ཕུད་རྒྱག་བྱས་ཏེ་ན༌རེ། སུ་ཞིག་གིས་ཁྱོད་རང་ངེད་ཅག་གི་འགོ་པ་དང་ཁྲིམས་དཔོན་དུ་བསྐོས་པ་ཡིན༌ནམ།  
\v 28 ཁྱོད་ཀྱིས་ཁ་སང་ཨེ་ཅིབ་ཀྱི་མི་དེ་བསད་པ་བཞིན་དུ་ང་རང་ཡང་གསོད་འདོད་པ་ཡིན་ནམ་ཞེས་སྨྲས་པ༌དང༌།  
\v 29 མོ་ཤེས་གཏམ་དེ་ཐོས་མ་ཐག་མིད༌ཡཱན་ཡུལ་དུ་བྲོས་ཏེ་བྱེས་སུ་བསྡད་པ༌དང༌། ཡུལ་དེ་རུ་ཁོང་ལ་བུ་གཉིས་སྐྱེས༌སོ།།   
\p
\v 30 དེ་ནས་ལོ་བཞི་བཅུ་འགོར་བ༌དང༌། སི་ནཱ་རི་བོའི་དབེན་སྟོང་དུ་ཚེར་སྡོང་འབར་བའི་མེ་ལྕེ་ཁྲོད་ནས་ཕོ་ཉ་ཞིག་ཁོང་ལ་གསལ་པོར་མངོན༌ཞིང་།  
\v 31 མོ་ཤེ་ཡིས་དོན་དེ་མཐོང་བ་དང་ངོ་མཚར་སྐྱེས་ནས་ཉེ་སར་བལྟ་རུ་བཅར་བ༌ལ། གཙོ་བོའི་གསུང་སྐད་བྱུང༌སྟེ།  
\v 32 བདག་ནི་ཁྱོད་ཀྱི་མེས་པོ་རྣམས་ཀྱི་དཀོན་མཆོག༌སྟེ། ཨབ་ར་ཧམ༌དང༌། ཨི༌སཱག ཡ་ཀོབ་བཅས་ཀྱི་དཀོན་མཆོག་ཡིན་ཞེས་གསུངས་པ༌དང༌། མོ་ཤེ་ཤིན་ཏུ་སྐྲག་ཅིང་འདར་ནས་བལྟ་ཡང་མ་ནུས་སོ།།  
\v 33 དེ་ནས་གཙོ་བོས་ཁོང་ལ་འདི་སྐད༌དུ། ཁྱོད་རང་ལངས་ནས་འདུག་ས་འདི་ནི་གནས་དམ་པ་ཡིན་པས། ཁྱོད་ཀྱིས་བསིལ་ལྷམ་དེ་ཕུད་ཅིག  
\v 34 ངའི་མི་རྣམས་ཀྱིས་ཨེ་ཅིབ་ཡུལ་དུ་མྱངས་པའི་དཀའ་སྡུག་དེ་ངས་དངོས་སུ་མཐོང༌ཞིང༌། དེ་དག་གིས་སྐྱོ་གདུང་གི་ངུ་སྐད་འབྱིན་པའང་ཐོས། ད་ལྟ་ང་རང་མར་ཁོ་རྣམས་སྐྱོབ་ཏུ་ཡོང༌བས། ཤོག༌དང༌། ངས་ཁྱོད་རང་ཨེ་ཅིབ་ཡུལ་དུ་མངག་པར་བྱའོ་ཞེས་གསུངས་མྱོང༌ངོ༌།།  
\v 35 དེ་ཡང་མི་རྣམས་ཀྱིས་མོ་ཤེ་རིང་དུ་སྤངས་ཏེ་ན༌རེ། སུ་ཞིག་གིས་ཁྱོད་རང་ངེད་ཅག་གི་འགོ་པ་དང་ཁྲིམས་དཔོན་དུ་བསྐོས་པ་ཡིན་ནམ་ཞེས་སྨྲས༌ནའང༌། དཀོན་མཆོག་གིས་ཚེར་སྡོང་གི་ཁྲོད་དུ་ཁོང་གི་ཕོ་ཉ་གསལ་པོར་མངོན་པའི་སྒོ་ནས་མོ་ཤེ་ནི་འགོ་པ་དང་མགོན་སྐྱབས་སུ་མངགས་སོ།།  
\v 36 ཡང་མོ་ཤེས་མི་རྣམས་ཕྱི་རོལ་ཏུ་ཁྲིད༌དེ། ཨེ་ཅིབ༌དང༌། རྒྱ་མཚོ་དམར༌པོ། དབེན་སྟོང་ཡུལ་བཅས་ནས་ལོ་ངོ་བཞི་བཅུའི་རིང་ལ་ངོ་མཚར་བའི་དོན་དང་གྲུབ་རྟགས་སྣ་ཚོགས་བསྟན་ཏོ།།  
\v 37 ཡང་མོ་ཤེ་ནི་སྔོན་ཆད་ཡེས་ར་ཨེལ་གྱི་མི་རྣམས་ལ་འདི་ལྟར། དཀོན་མཆོག་གིས་ཁྱོད་ཅག་གི་དོན་དུ་བདག་དང་འདྲ་བའི་ལུང་སྟོན་པ་ཞིག་ཁྱོད་ཀྱི་སྤུན་ཟླ་རྣམས་ཀྱི་ཁྲོད་དུ་བཞུགས་པར་མཛད་ཅེས་གསུངས་མཁན་དེ་ཉིད་ཡིན།  
\v 38 ཡང་མོ་ཤེ་ནི་དབེན་སྟོང་ཡུལ་དུ་མི་ཚོགས་ནང་དུ་གནས༌ཤིང༌། ཡང་སི་ནཱ་རི་བོའི་རི་མགོར་ཕོ་ཉ་དང་མཉམ་དུ་བསྡད་ནས་ཕོ་ཉས་ཁོང་ལ་གསུང་མོལ་གནང༌ཞིང་། ཁོང་ཉིད་བདག་ཅག་གི་མེས་པོ་དང་ལྷན་དུ་བཞུགས་པ༌དང༌། ཡང་ཁོང་གིས་གསོན་ཤུགས་ལྡན་པའི་བཀའ་དང་དུ་བླངས་ནས་བདག་ཅག་ལའང་བསྒྲགས་སོ།།  
\v 39 འོན༌ཀྱང༌། བདག་ཅག་གི་མེས་པོ་རྣམས་ཀྱིས་ཁོང་གི་གསུང་དེ་ལ་མི་ཉན་པར་ཁོང་ཉིད་སྤངས་ཤིང་ཡིད་སེམས་ཨེ་ཅིབ་ཀྱི་ཕྱོགས་སུ་འཁོར༌ཏེ།  
\v 40 ཨ་རོན་ལ་ན་རེ། ངེད་རྣམས་ཨེ་ཅིབ་ཡུལ་ནས་ཕྱི་རོལ་ཏུ་ཁྲིད་ཡོང་བའི་མོ་ཤེ་དེ་ལ་ཅི་བྱུང་བ་མི་ཤེས༌པས། ཁྱོད་ཀྱིས་ངེད་ཅག་ལ་ལམ་འཁྲིད་པའི་ཆེད་དུ་ལྷ་སྐུ་འགའ་བཞེང་བར་མཛོད་ཅེས་ཞུས་མྱོང་།  
\v 41 དེའི་དུས༌སུ། ཁོ་རྣམས་ཀྱིས་བ་ཕྲུག་ཅིག་གི་བླུགས་བརྙན་བྱས༌ཤིང༌། དེ་ལ་མཆོད་པ་ཕུལ་ཏེ་རང་གི་ལག་པས་བཟོས་པ་ལ་དགའ་སྣང་ཆེན་པོ་སྐྱེས།  
\v 42 དེའི༌ཕྱིར། དཀོན་མཆོག་གིས་དེ་དག་ལ་རྒྱབ་ཕྱོགས་ནས་རང་འདོད་དུ་ནམ་མཁའི་ཉི་ཟླ་སྐར་གསུམ་ལ་དད་མོས་བྱེད་དུ་བཅུག དེ་ནི་ལུང་སྟོན་པའི་མདོ་ལས་ཇི་སྐད༌དུ།  
\q1 ཀྱེ་ཀྱེ་ཡེས་ར་ཨེལ་གྱི་ཁྱིམ་རྒྱུད༌ཁྱོད།།  
\q1 དབེན་སྟོང་ཡུལ་ནས་བགྲང་བྱ་བཞི་བཅུའི༌རིང༌།།  
\q1 དམར་མཆོད་དང་ནི་མཆོད་པ་སྣ་ཚོགས༌པ།།  
\q1 བདག་ལ་ཕུལ་བ་གཏན་ནས་མ་ཡིན༌ནོ།།   
\q1
\v 43 མའོ་ལག་ཅེས་པའི་ལྷ་སྐུའི་གུར་ཁང༌དང༌།།  
\q1 གཟའ་སྐར་རེམ་ཕཱའི་ལྷ་སྐུ་གྱེན་དུ༌བཏེགས།།  
\q1 ཁྱོད་རྣམས་ལྷ་སྐུ་བཟོས་པར་ཕྱག་འཚལ༌ཕྱིར།།  
\q1 བདག་གིས་ཁྱོད་དང་ཁྱོད་ཀྱི་མི་རྣམས༌ཀུན།།  
\q1 པཱ་པེལ་ལོན་གྱི་མཐའ་ལ་སྤྱུག་པར༌བྱ།།  
\m ཞེས་བཀོད་པ་བཞིན༌ནོ།།   
\p
\v 44 དབེན་སྟོང་ཡུལ་དུ་བདག་ཅག་གི་མེས་པོ་ལ་དཔང་པོའི་གུར་མཆོག་ཡོད༌ཅིང༌། དེ་ནི་དཀོན་མཆོག་གིས་མོ་ཤེ་ལ་བཀའ་གནང་བ་དང་དཔེ་བསྟན་པ་བཞིན་མེས་པོ་རྣམས་ཀྱིས་བཟོས༌པའང་ཡིན།  
\v 45 མེས་པོ་དེ་དག་གི་བུ་རབས་ཚ་རྒྱུད་ལའང་གུར་མཆོག་དེ་ཐོབ་པ་དང་དཀོན་མཆོག་གིས་ཁོ་རྣམས་ཀྱི་མདུན་ནས་ཕྱི་ཕྱོགས་ཀྱི་མི་རིགས་སོ་སོ་ས་མཐར་སྤྱུགས༌ཤིང༌། མེས་པོ་རྣམས་ཀྱིས་ཀྱང་མི་རིགས་དེ་དག་ལ་བཙན་འཛུལ་བྱེད་པའི་སྐབས༌སུ། ཁོ་རྣམས་ཀྱིས་ཡོ་ཤུ་ཨ་དང་མཉམ་དུ་གུར་མཆོག་དེ་ཡུལ་འདིར་ཁུར་ཅིང་། དེ་ནི་དཱ་བིད་ཀྱི་བར་དུ་གནས་པར་གྱུར་ཏོ།།  
\v 46 དེ་ནས་དཱ་བིད་ལ་དཀོན་མཆོག་གི་ཐུགས་རྗེ་ཐོབ༌ཅིང༌། ཁོས་མེས་པོ་ཡ་ཀོབ་ཀྱིས་དད་པ་བྱེད་པའི་དཀོན་མཆོག་ལ་བཞུགས་གནས་ཤིག་བཞེང་རྒྱུའི་རེ་འདུན་ཞུས༌མོད།  
\v 47 འོན་ཀྱང་དཀོན་མཆོག་ལ་བཞུགས་གནས་བཞེང་མཁན་ནི་སོ་ལོ་མོན་ཡིན།  
\v 48 དོན་དམ་དུ་བླ་ན་མེད་པའི་དཀོན་མཆོག་ནི་མིའི་ལག་པས་བརྩིགས་པའི་ཁང་པར་མི་བཞུགས༌ཏེ། དེ་ནི་ལུང་སྟོན་པས་ཇི་སྐད༌དུ།   
\q1
\v 49 ནམ་མཁའི་བང་རིམ་ང་ཡི་བཞུགས་ཁྲི༌དང༌།།  
\q1 དོག་མོ་ས་གཞི་ང་ཡི་ཞབས་སྟེགས༌ཏེ།།  
\q1 ཁྱོད་ཀྱིས་བདག་ལ་བཞུགས་གནས་ཅི་འདྲ༌བཞེང་།།  
\q1 བདག་གི་བསྟི་གནས་དེ་ནི་གང་དུ༌འདུག །   
\q1
\v 50 འཇིག་རྟེན་ཐམས་ཅད་བདག་གིས་བཟོས་མིན༌ནམ།།  
\q1 གཙོ་བོ་ལགས་ཀྱིས་དེ་སྐད༌གསུངས་པ་ཡིན།།  
\m ཞེས་གསུངས་པ་བཞིན༌ནོ།།   
\p
\v 51 ཁྱོད་རྣམས་ནི་ཇི་འདྲའི་ཨུ་ཚུགས་ཆེ་བ༌དང༌། སེམས་དང་རྣ་བ་བཏུལ་མེད་པ་རྣམས་ཀྱིས་རྟག་ཏུ་དམ་པའི་ཐུགས་ཉིད་ལ་རྒོལ་བར་བྱེད༌དེ། ཁྱོད་ཅག་གི་མེས་པོས་ཅི་ལྟར་བྱས་ན་ཁྱོད་རྣམས་ཀྱིས་ཀྱང་དེ་ལྟར་བྱེད༌པ་ཡིན།  
\v 52 ལུང་སྟོན་པ་སུ་ཞིག་ལ་ཁྱོད་ཅག་གི་མེས་པོ་རྣམས་ཀྱིས་གནོད་འཚེ་མ་བྱས་སམ། སྔ་མོ་ནས་སྐྱེས་བུ་རྣམ་དག་དེ་ཉིད་ཕེབས་པར་འགྱུར་ཚུལ་སྒྲོག་མཁན་ཡང་ཁྱོད་ཅག་གི་མེས་པོས་བསད་པ་མ་ཡིན༌ནམ། ད་ལྟའང་ཁྱོད་ཅག་གིས་སྐྱེས་བུ་རྣམ་དག་དེ་ཉིད་ལ་ངོ་ལོག་བྱས་ཤིང་བཀྲོངས༌པ་དང་།  
\v 53 གཞན་ཡང་ཁྱོད་ཅག་ལ་ཕོ་ཉ་ལས་བཀའ་ཁྲིམས་ཐོབ་ནའང་དེ་མ་བསྲུངས་པ་རེད་ཅེས་གསུངས༌སོ།།   
\s1 སི་ཏེ་ཕཱན་རྡོ་རུབ་བཏང་བ།  
\p
\v 54 དེ་ནས་མི་རྣམས་ཀྱིས་གཏམ་དེ་དག་ཐོས་པ་དང་ཤིན་ཏུ་ཁྲོས་ཏེ་སི་ཏེ་ཕཱན་གྱི་ཐོག་ཨམ་གཙིགས་བསྡམས༌པ་རེད།  
\v 55 འོན༌ཀྱང༌། སི་ཏེ་ཕཱན་ལ་དམ་པའི་ཐུགས་ཉིད་ཀྱིས་ཁྱབ༌ཅིང༌། ཁོང་གིས་ནམ་མཁའི་ཞིང་ཁམས་ལ་ཅེ་རེར་བལྟས་པ༌ན། དཀོན་མཆོག་གི་གཟི་བརྗིད་མཐོང་ཞིང་སྐྱབས་མགོན་ཡེ་ཤུའང་དཀོན་མཆོག་གི་གཡས་ཕྱོགས་སུ་བཞེངས་འདུག་པ་མཐོང༌བས། ཁོ་ན༌རེ།  
\v 56 ལྟོས་དང་། ནམ་མཁའི་ཞིང་ཁམས་ཀྱི་སྒོ་ཕྱེས་ཡོད༌ཅིང༌། མིའི་བུ་དཀོན་མཆོག་གི་གཡས་ཕྱོགས་སུ་བཞེངས་འདུག་པའང་བདག་གིས་མཐོང་ཞེས་གསུངས་པ༌ལ།  
\v 57 མི་དེ་རྣམས་ཀྱིས་གཏམ་དེར་ཉན་འདོད་མེད་པར་སྐད་ཆེན་པོས་འུར་བརྒྱབ༌ཅིང༌། ལག་པས་རྣ་བ་བཀབ་པ་དང་མཉམ་དུ་སི་ཏེ་ཕཱན་གྱི་མདུན་དུ་བརྒྱུགས༌ཏེ།  
\v 58 ཁོང་ཉིད་གྲོང་ཁྱེར་ཕྱི་རོལ་ཏུ་བསྐྲད་ནས་རྡོ་རུབ་བཏང་བ༌དང༌། དཔང་པོ་བྱེད་མཁན་རྣམས་ཀྱིས་ཀྱང་རང་གི་ཕྱི་གོས་ཕུད་དེ་སོ་ལོ་ཞེས་པའི་ན་གཞོན་ཞིག་གི་མདུན་དུ་བཞག་གོ།  
\v 59 དེ་རྣམས་ཀྱིས་སི་ཏེ་ཕཱན་རྡོ་རུབ་གཏོང་བཞིན་པའི་དུས༌སུ། སི་ཏེ་ཕཱན་གྱིས། ཀྱེ། གཙོ་བོ་ཡེ་ཤུ༌ལགས། བདག་གི་རྣམ་ཤེས་ཁུར་དུ་བཞེས་པར་མཛོད་ཅེས་གསོལ་བ་བཏབ་པ༌དང༌།  
\v 60 ཡང་པུས་མོ་སར་བཙུགས་ཏེ་སྐད་ཆེན༌པོས། ཀྱེ། གཙོ་བོ་ལགས། ཉེས་པ་འདི་ཁོ་རྣམས་ལ་མི་འགེལ་བར་མཛོད་ཅེས་གསུངས་པ་དང་གཟིམས༌སོ།།   
\c 8
\cl ལེའུ་བརྒྱད༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 ཡེ་རུ་སཱ་ལེམ་གྱི་ཆོས་ཚོགས་གཏོར༌བ།  
\p
\v 1 སི་ཏེ་ཕཱན་བསད་པའི་དོན་དེར་སོ་ལོའང་ཡིད་འཐད༌དོ།། ཉིན༌དེར། ཡེ་རུ་སཱ་ལེམ་གྱི་ཆོས་ཚོགས་ལ་གནོད་འཚེ་ཆེན་པོ་ཐེབས༌ཏེ། སྐུ་ཚབ་པ་རྣམས་ལས་གཞན་རྗེས་འབྲང་པ་ཐམས་ཅད་ཡ་ཧུ་དཱ་དང་སཱ་མར་ཡ་ཡུལ་སོ་སོར་ཁ་ཐོར་དུ་སོང༌བ་རེད།  
\v 2 དད་གུས་ཡོད་པའི་མི་རྣམས་ཀྱིས་སི་ཏེ་ཕཱན་གྱི་བེམ་པོ་དུར་ལ་སྦས་ཤིང་མྱ་ངན་དྲག་ཏུ་ཞུས་སོ།།  
\v 3 འོན༌ཀྱང༌། སོ་ལོ་ཡིས་ཆོས་ཚོགས་ལ་གནོད་པ་ཆེན་པོ་བཟོས༌ཤིང༌། ཁྱིམ་ཚང་རེ་རེར་སོང་ནས་སྐྱེས་ཕོ་མོ་རྣམས་བཙན་ཁྲིད་བྱས་ཏེ་བཙོན་དུ་བཅུག༌གོ།   
\s1 ཕི་ལིབ་ཀྱིས་སཱ་མར་ཡ་ཡུལ་དུ་ཆོས་གསུངས༌པ།  
\p
\v 4 དེ་ནས་ཁ་ཐོར་དུ་སོང་བའི་མི་དེ་རྣམས་ཡུལ་སོ་སོར་སོང་ནས་དཀོན་མཆོག་གི་བཀའ་བསྒྲགས་སོ།།  
\v 5 ཕི་ལིབ་ཀྱང་མར་སཱ་མར་ཡ་གྲོང་ཁྱེར་དུ་སོང་ནས་སྐྱབས་མགོན་མཱ་ཤི་ཀའི་ཆོས་བསྒྲགས༌ཤིང༌།  
\v 6 མི་ཚོགས་ཀྱིས་ཆོས་ཐོས་པ་དང་ཕི་ལིབ་ཀྱིས་བསྟན་པའི་གྲུབ་རྟགས་རྣམས་ཀྱང་མཐོང་སྟེ་བློ་སེམས་གཅིག་མཐུན་གྱིས་ཁོང་གི་གསུང་ལ་མཉན་ཏོ།།  
\v 7 མི་མང་པོ་གདོན་འདྲེས་བཟུང་ཡོད་ཅིང་གདོན་འདྲེ་དེ་དག་གིས་སྐད་ཆེན་པོ་བརྒྱབ༌སྟེ། ཁོ་རྣམས་ཀྱི་ལུས་ནས་ཕྱིར་བུད་པ༌དང༌། གཞན༌ཡང༌། ཞ་བོ་དང་གྱོལ་པོ་མང་པོ་ཡོད་པ་རྣམས་ཀྱང་ནད་ལས་ཐར་བས།  
\v 8 གྲོང་ཁྱེར་དེའི་ནང་དུ་དགའ་སྤྲོ་ཆེན་པོ་བྱུང༌ངོ༌།།   
\s1 རྫུ་འཕྲུལ་པ་སི་མོན་གྱི༌སྐོར།  
\p
\v 9 དེ་ཡང་མིང་ལ་སི་མོན་ཟེར་བའི་མི་ཞིག་ཡོད་པ༌དེས། སྔར་ནས་གྲོང་ཁྱེར་དེ་རུ་རྫུ་འཕྲུལ་བསྟན་ཅིང་རང་རློམ་ཆེ་བས་སཱ་མར་ཡ་པ་རྣམས་ཧ་ལས་སུ་བཅུག་གོ།  
\v 10 རྒན་གཞོན་ཡོངས་ཀྱིས་ཀྱང་ཁོའི་གཏམ་ལ་ཉན༌ཞིང༌། མི་འདི་ནི་དཀོན་མཆོག་གི་ནུས་མཐུ་ཆེན་པོ་ཟེར་བ་དེ་ཡིན་ཞེས་སྨྲས་སོ།།  
\v 11 ཁོས་ཡུན་རིང་པོར་མི་དེ་རྣམས་ལ་རྫུ་འཕྲུལ་བསྟན་ནས་ཁོ་རྣམས་ཧ་ལས་སུ་བཅུག་པས་མི་རྣམས་ཀྱིས་ཁོའི་གཏམ་ལའང་མཉན་པ་རེད།  
\v 12 འོན་ཀྱང་ཕི་ལིབ་ཀྱིས་དཀོན་མཆོག་གི་རྒྱལ་སྲིད་སྐོར་གྱི་འཕྲིན་བཟང་དང་ཡེ་ཤུ་མཱ་ཤི་ཀའི་མཚན་བསྒྲགས་པ་ལ་མི་དེ་རྣམས་ཀྱིས་དད་པ་བྱས་ཏེ་སྐྱེས་ཕོ་མོ་རྣམས་ཁྲུས་གསོལ་ལ་ཞུགས་པ༌དང༌།  
\v 13 སི་མོན་རང་ཉིད་ཀྱང་དད་པར་གྱུར་ནས་ཁྲུས་གསོལ་ལ་ཞུགས་ཤིང་རྟག་ཏུ་ཕི་ལིབ་ལ་འགྲོགས་པ༌དང༌། ཕི་ལིབ་ཀྱིས་བསྟན་པའི་གྲུབ་རྟགས་དང་ངོ་མཚར་ཆེ་བའི་དོན་རྣམས་མཐོང་ནས་ཧ་ལས་པར་གྱུར༌ཏོ།།   
\p
\v 14 དེ་ཡང་ཡེ་རུ་སཱ་ལེམ་དུ་སྡོད་པའི་སྐུ་ཚབ་པ་རྣམས་ཀྱིས་སཱ་མར་ཡ་པ་རྣམས་ཀྱིས་དཀོན་མཆོག་གི་བཀའ་དང་དུ་བླངས་པ་ཐོས༌ཏེ། པེ་ཏྲོ་དང་ཡོ་ཧ་ནན་གཉིས་དེ་དག་གི་གམ་དུ་མངགས་སོ།།  
\v 15 དེ་ནས་ཁོང་གཉིས་གནས་དེར་སླེབས་པ་དང་མི་དེ་རྣམས་ལ་དམ་པའི་ཐུགས་ཉིད་འཐོབ་པའི་ཕྱིར་གསོལ་བ་བཏབ།  
\v 16 རྒྱུ་མཚན་ནི་ཁོ་རྣམས་གཙོ་བོ་ཡེ་ཤུའི་མཚན་ལ་བརྟེན་ནས་ཁྲུས་གསོལ་ལ་ཞུགས༌ཀྱང༌། སྐབས༌དེར། དམ་པའི་ཐུགས་ཉིད་ད་དུང་མི་སུ་ཞིག་གི་སྟེང་དུའང་མ་བབས༌སོ།།  
\v 17 དེ་ནས་སྐུ་ཚབ་པ་གཉིས་ཀྱིས་མི་དེ་རྣམས་ཀྱི་ལུས་ལ་ཕྱག་བཞག་པ་དང་དེ་རྣམས་ལ་དམ་པའི་ཐུགས་ཉིད་ཐོབ་པ་རེད།  
\v 18 དེ་ནས་སྐུ་ཚབ་པ་གཉིས་ཀྱིས་མི་རྣམས་ཀྱི་ལུས་ལ་ཕྱག་བཞག་ནས། དམ་པའི་ཐུགས་ཉིད་ཐོབ་པ་སི་མོན་གྱིས་ཀྱང་མཐོང་བས། ཁོང་གཉིས་ལ་དངུལ་འབུལ་གྲབས་བྱས་ཏེ་ན༌རེ།  
\v 19 ངས་ཀྱང་མི་སུ་ཞིག་གི་ལུས་ལ་ལག་པ་བཞག༌ན། དེ་ལ་དམ་པའི་ཐུགས་ཉིད་འཐོབ་ཕྱིར་དབང་འདི་བདག་ལ་གནང་བར་མཛོད་ཅེས་ཞུས་པ༌ལ།  
\v 20 པེ་ཏྲོས་འདི་སྐད༌དུ། ཁྱོད་ཀྱིས་དཀོན་མཆོག་གི་གནང་སྦྱིན་ནི་དངུལ་ལ་བརྟེན་ནས་ཉོ་ཐུབ་པར་བསམས༌པས། ཁྱོད་ཀྱི་དངུལ་དང་ཁྱོད་རང་གཉིས་མཉམ་དུ་མེད་པར་གྱུར༌ཅིག  
\v 21 དཀོན་མཆོག་གི་དྲུང་དུ་ཁྱོད་ནི་སེམས་རྒྱུད་མི་དྲང་བས་ཁྱོད་ལ་ལས་འགན་འདིའི་སྟེང་དུ་སྐལ་བ་དང་འབྲེལ་བ་ཅི་ཡང་མེད།  
\v 22 ཁྱོད་ཀྱིས་རང་གི་ནག་ཉེས་འདི་ལས་འགྱོད་བཤགས་བྱོས་དང་། གཙོ་བོ་ལ་གསོལ་བ་ཐོབས་ཤིག དེ་ནས་ཁྱོད་ཀྱི་སེམས་ཁོང་གི་བསམ་ཚུལ་ལ་གུ་ཡངས་འཐོབ་ཀྱང་སྲིད་དོ།།  
\v 23 ཁྱོད་ནི་ཕྲག་དོག་གིས་ཁེངས་ཤིང་སྡིག་པས་བཅིངས་ཡོད་པའང་ངས་མཐོང་བ་ཡིན་ཞེས་གསུངས་སོ།།  
\v 24 དེ་ནས་སི་མོན་ན༌རེ། ཁྱོད་ཅག་གིས་བཤད་པ་རྣམས་ངའི་སྟེང་དུ་ཅི་ཡང་མི་འབྱུང་བའི༌ཕྱིར། ངའི་དོན་དུ་གཙོ་བོ་ལ་གསོལ་བ་འདེབས་པར་མཛོད་ཅེས་ཞུས་སོ།།  
\v 25 དེ་ནས་སྐུ་ཚབ་པ་པེ་ཏྲོ་དང་ཡོ་ཧ་ནན་གཉིས་ཀྱིས་གཙོ་བོའི་བཀའ་ལ་བདེན་དཔང་དང་བརྒྱུད་སྒྲོག་བྱས༌ཤིང༌། ཕྱིར་ཡེ་རུ་སཱ་ལེམ་དུ་ལོག་པ་དང་ལམ་བར་དུ་སཱ་མར་ཡ་ཡུལ་གྱི་གྲོང་སྡེ་མང་པོ་ལ་འཕྲིན་བཟང་བསྒྲགས༌སོ།།   
\s1 ཕི་ལིབ་དང་ཨེ་ཐི་ཨོ་པི་ཡཱའི་རྒྱལ་ཁབ་ཀྱི་ཉུག་རུམ༌པ།  
\p
\v 26 དེ་ཡང་གཙོ་བོའི་ཕོ་ཉ་ཞིག་གིས་ཕི་ལིབ་ལ་འདི་སྐད༌དུ། ཡར་ལོངས༌དང༌། ལྷོ་ཕྱོགས་སུ་ཡོད་པའི་ཡེ་རུ་སཱ་ལེམ་ནས་ག་ཟཱ་རུ་འགྲོ་བའི་དབེན་སྟོང་གི་ལམ་དེར་སོང་ཞིག་ཅེས་བཀའ་བསྩལ་ཏོ།།  
\v 27 དེ་ནས་ཕི་ལིབ་ལམ་ལ་ཆས་པ༌ན། ལམ་བར༌དུ། ཨེ་ཐི་ཨོ་པི་ཡཱ་རྒྱལ་ཁབ་ཀྱི་དབང་ཐང་ཅན་གྱི་ཉུག་རུམ་པ༌སྟེ། རྒྱལ་ཁབ་དེའི་ཀན་དཱ་ཀེ་བྱ་བའི་རྒྱལ་མོའི་དངུལ་མཛོད་ཁང་གི་སྤྱི་གཉེར་པ་དེ་ཉིད་ཡེ་རུ་སཱ་ལེམ་ལ་མཇལ་དུ་སོང༌ཞིང༌།  
\v 28 ད་ལྟ་ཤིང་རྟར་བསྡད་ནས་ཕྱིར་ལོག་པའི་ལམ་དུ་ལུང་སྟོན་པ་ཡེ་ཤ་ཡཱའི་མདོ་ཀློག་གིན་ཡོད་པ་རེད།  
\v 29 དེ་ནས་དམ་པའི་ཐུགས་ཉིད་ཀྱིས་ཕི་ལིབ་ལ་འདི་སྐད༌དུ། ཁྱོད་རང་ཤིང་རྟ་དེའི་གམ་དུ་སོང་ཞིག་ཅེས་གསུངས་པ༌དང༌།  
\v 30 ཕི་ལིབ་ཀྱང་དེ་བཞིན་དུ་ཉུག་རུམ་པའི་གམ་དུ་བརྒྱུགས༌ཤིང༌། དེས་ལུང་སྟོན་པ་ཡེ་ཤ་ཡཱའི་མདོ་ཀློག་གིན་ཡོད་པ་ཐོས་ཏེ་ན༌རེ། ཁྱོད་ཀྱིས་ཀློག་བཞིན་པའི་དོན་དེ་རྟོགས་སམ་ཞེས་དྲིས་པ༌ན།  
\v 31 ཁོ་ན༌རེ། བདག་ལ་ཁྲིད་སྟོན་བྱེད་མཁན་མེད༌པས། ངས་ཅི་ལྟར་རྟོགས་ནུས་ཞེས་སྨྲས༌ཤིང༌། ཕི་ལིབ་ཤིང་རྟའི་ནང་དུ་ཁོ་དང་མཉམ་དུ་བཞུགས༌པར་གདན་དྲངས་པ་དང་།  
\v 32 ཁོས་ཀློག་བཞིན་པའི་མདོ་ནི་འདི་ལྟ༌སྟེ།  
\q1 ཁོང་ནི་ཤན་པའི་མདུན་དུ་ལུག་ལྟར༌ཁྲིད།།  
\q1 བལ་འབྲེག་པ་ཡི་གམ་གྱི་ལུ་གུ༌བཞིན།།  
\q1 སྐད་སྒྲ་མེད་པར་ཁོང་གིས་ཅང་མི༌སྨྲ།།   
\q1
\v 33 གཞན་གྱིས་ཁོང་ལ་འཕྱ་ཞིང་དམོད་པ༌དང༌།།  
\q1 བདེན་པའི་ཁྲིམས་ཐག་གཏན་ནས་མེད་པར༌བཟོས།།  
\q1 ཁོང་གི་ཚེ་སྲོག་ས་ལས་བཅད་པའི༌ཕྱིར།།  
\q1 ཁོང་གི་གདུང་རྒྱུད་སུ་ཡིས་འཆད་ནུས༌སམ།།  
\m ཞེས་གསུངས་ཡོད་པ༌དེའོ།།  
\v 34 དེ་ནས་ཉུག་རུམ་པ་ན༌རེ། ལུང་སྟོན་པས་ལུང་བསྟན་འདི་ནི་རང་གཞན་སུ་ལ་གསུངས་པ་བདག་ལ་གསུང་བར་མཛོད་ཅེས་སྨྲས་པ༌དང༌།  
\v 35 ཕི་ལིབ་ཀྱིས་མདོ་དེ་ནས་འགོ་བཟུང་སྟེ་སྐྱབས་མགོན་ཡེ་ཤུའི་དོན་རྣམས་ཉུག་རུམ་པར་གསུངས་སོ།།  
\v 36 དེ་ནས་ཁོ་གཉིས་མདུན་དུ་སྐྱོད་བཞིན་ཆུ་ཡོད་པའི་ས་ཆ་ཞིག་ཏུ་སླེབས་པ༌ན། ཉུག་རུམ་པ་ན༌རེ། ལྟོས༌དང༌། འདི་རུ་ཆུ་ཡོད༌དེ། ང་རང་ཁྲུས་གསོལ་ལ་ཞུགས་ན་མི་འོས་པ་ཅི་ཡོད་ཅེས་སྨྲས་པ༌ལ།  
\v 37 ཕི་ལིབ་ན༌རེ། ཁྱོད་ཀྱིས་བློ་སེམས་རྩེ་གཅིག་གིས་དད་པ་བྱས་ན་ཆོག་པ་ཡིན་ཞེས་བཤད་ཅིང༌། ཁོས་ཀྱང་ཡེ་ཤུ་མཱ་ཤི་ཀ་ནི་དཀོན་མཆོག་གི་སྲས་ཡིན་པར་ངས་དད་པ་བྱེད་ཅེས་སྨྲས་པ༌དང༌།  
\v 38 ཤིང་རྟ་བགྲོད་མཚམས་འཇོག་པར་བཀའ་བསྒོས༌ཏེ། ཁོ་གཉིས་ཆུ་རུ་ཞུགས་ཤིང་ཕི་ལིབ་ཀྱིས་ཁོ་ལ་ཁྲུས་གསོལ་མཛད་དོ།།  
\v 39 དེ་ནས་ཁོ་གཉིས་ཆུ་ལས་ཕྱིར་འབུད་པའི་དུས༌སུ། གཙོ་བོའི་ཐུགས་ཉིད་ཀྱིས་གློ་བུར་ཉིད་ལ་ཕི་ལིབ་གནས་གཞན་དུ་དྲངས༌ཤིང༌། ཉུག་རུམ་པས་ཕི་ལིབ་མ་མཐོང་ཡང་དགའ་སྤྲོའི་ངང་ལམ་ལ་ཆས་སོ།།  
\v 40 ཕྱིས༌སུ། ཨ་ཟོད་ཅེས་པའི་གྲོང་ཁྱེར་ལ་ཕི་ལིབ་མངོན་སུམ་དུ་སླེབས་པ་དང་། ཁོ་རང་གྲོང་ཁྱེར་ཀུན་ཏུ་རྒྱུ་ཞིང་ཀེ་སར་ཡཱ་རུ་སླེབས་པའི་བར་དུ་འཕྲིན་བཟང་བསྒྲགས༌སོ།།   
\c 9
\cl ལེའུ་དགུ༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 སོ་ལོ་སྐྱབས་མགོན་ཡེ་ཤུར་དད༌པ།  
\p
\v 1 དེའི་དུས༌སུ། སོ་ལོ་ཡིས་མུ་མཐུད་དུ་གཙོ་བོའི་རྗེས་འབྲང་པ་རྣམས་ལ་འཇིགས་སྐུལ་བྱས་ནས་དམར་གསོད་ཀྱི་གཏམ་སྨྲ་བཞིན་ཡོད་པ༌དང༌། མཆོད་དཔོན་ཆེན་པོའི་དྲུང་དུ་སོང༌སྟེ།  
\v 2 མཱ་ཤི་ཀའི་ཆོས་ཀྱི་ལམ་དེ་ལ་ཞུགས་མཁན་ཡོད༌ན། ཕོ་མོ་གང་ཡིན་ཡང་བཙན་བཟུང་བྱས་ནས་ཡེ་རུ་སཱ་ལེམ་དུ་འཁྲིད་ཆོག་པའི༌ཕྱིར། དཱ་མེ་སེག་ཏུ་ཡོད་པའི་ཆོས་ཁང་སོ་སོ་ལ་འཕྲིན་ཡིག་གནང་བར་ཞུས།  
\v 3 དེ་ནས་སོ་ལོ་ལམ་ལ་ཆས་ཏེ་དཱ་མེ་སེག་གི་ཉེ་སར་སླེབས་པ༌ན། གློ་བུར༌ཉིད་དུ་ནམ་མཁའི་ཞིང་ཁམས་ནས་ཁོའི་ཕྱོགས་བཞིར་འོད་འཁྱུགས་ཤིང་འཚེར་བ༌དང༌།  
\v 4 ཁོ་རང་སར་འགྱེལ་ཞིང་སྐད་སྒྲ་ཞིག་གིས་འདི་སྐད་དུ། ཀྱེ། སོ༌ལོ། སོ་ལོ། ཁྱོད་ཀྱིས་བདག་ལ་གནོད་འཚེ་བྱེད་དོན་ཅི་ཡིན་ནམ་ཞེས་གསུངས་པ་ཐོས༌ནས།  
\v 5 ཁོ་ན༌རེ། ཀྱེ་གཙོ་བོ༌ལགས། ཁྱེད་རང་སུ་ཡིན་ནམ་ཞེས་ཞུས་པ༌ལ། ཁོང་གིས་འདི་སྐད༌དུ། བདག་ནི་ཁྱོད་ཀྱིས་གནོད་འཚེ་བྱེད་བཞིན་པའི་ཡེ་ཤུ་ཡིན།  
\v 6 ཁྱོད་ཡར་ལངས་ནས་གྲོང་ཁྱེར་དེར་སོང༌དང༌། ཁྱོད་ཀྱིས་ཅི་བྱ་དགོས་པ་དེ་མི་གཞན་གྱིས་ཁྱོད་ལ་སྨྲ་བར་ངེས་ཞེས་གསུངས་སོ།།  
\v 7 ལམ་གྲོགས་རྣམས་ཀྱིས་ཀྱང་སྐད་དེ་ཐོས་པ་ལས་མི་སུ་ཡང་མ་མཐོང་བས་ཡར་ལངས་ནས་བསྡད་ཅིང་ཅི་ཡང་སྨྲ་མ་ནུས་སོ།།  
\v 8 དེ་ནས་སོ་ལོ་ས་ནས་ཡར་ལངས་ཏེ་མིག་ཕྱེས་ཚེ་ཅི་ཡང་མ་མཐོང༌ཞིང་། ལམ་གྲོགས་རྣམས་ཀྱིས་ཁོའི་ལག་པར་འཇུས་ནས་དཱ་མེ་སེག་ཏུ་ཁྲིད་པ༌དང༌།  
\v 9 ཁོས་ཉིན་གསུམ་གྱི་རིང་ལ་མིག་གིས་ཅི་ཡང་མ་མཐོང་ཞིང་བཟའ་བཏུང་ཅི་ཡང་མ་སྤྱད༌དོ།།   
\p
\v 10 དེ་ཡང་དཱ་མེ་སེག་ཏུ་མིང་ལ་ཨ་ནན་ཡཱ་ཟེར་བའི་རྗེས་འབྲང་པ་ཞིག་ཡོད༌ཅིང༌། ཁོ་ལ་ཞལ་གཟིགས་གནང་ནས་གཙོ་བོས་ཁོ་རང་ལ་ཨ་ནན་ཡཱ་ཞེས་བོས་པ༌དང༌། ཁོས་གཙོ་བོ༌ལགས། ང་རང་འདི་རུ་ཡོད་ཅེས་ཞུས་སོ།།  
\v 11 ཡང་གཙོ་བོས་འདི་སྐད༌དུ། ཡར་ལངས་ནས་སྲང་ལམ་དྲང་པོ་དེར་སོང༌སྟེ། ཡུ་དཱའི་ཁྱིམ་ནས་ཐཱར་ཟི་ཡི་མི་སྟེ། མིང་ལ་སོ་ལོ་ཟེར་བ་དེ་ཚོལ༌དང༌། ད་ལྟ་ཁོས་གསོལ་བ་འདེབས་ཀྱིན་ཡོད་པ༌དང༌།  
\v 12 རང་གི་མིག་གིས་སླར་ཡང་མཐོང་ཐུབ་པའི༌ཕྱིར། སོ་ལོ་ལ་གནང་བའི་ཞལ་གཟིགས་ནས་ཨ་ནན་ཡཱ་ཞེས་པའི་མི་ཞིག་ཁོའི་སྡོད་སར་ཡོང་སྟེ་ལག་པ་ཁོའི་ལུས་སྟེང་ལ་བཞག་པ་མཐོང་ཡོད་ཅེས་གསུངས་ནའང་།  
\v 13 ཨ་ནན་ཡཱ་ན༌རེ། གཙོ་བོ༌ལགས། ངས་མི་གཞན་མང་པོའི་ངག་ལས་མི་འདིའི་སྐོར་གོ་བྱུང་སྟེ་ཡེ་རུ་སཱ་ལེམ་དུ་ཁྱེད་ཀྱི་དད་ལྡན་དམ་པ་རྣམས་ལ་གནོད་འཚེ་ཅི་ཙམ་བཏང་བ༌དང༌།  
\v 14 ཡང་ཁོས་མཆོད་དཔོན་ཆེན་པོ་རྣམས་ཀྱི་དྲུང་ནས་ཁྱེད་ཀྱི་མཚན་ནས་འབོད་མཁན་གྱི་མི་རྣམས་བཟུང་ཆོག་པའི་དབང་ཆ་བླངས་ཏེ་འདི་རུ་ཡོད་པའང་ཐོས་ཞེས་ཞུས་ཀྱང༌།  
\v 15 གཙོ་བོས་འདི་སྐད༌དུ། ཁྱོད་རང་སོང༌དང༌། ཁོ་ནི་ངས་བདམས་པའི་སྣོད་ལྡན་ཞིག༌སྟེ། ཁོས་ཕྱི་ཕྱོགས་པ་རྣམས༌དང༌། རྒྱལ་པོ༌རྣམས། གཞན་ཡང་ཡེས་ར་ཨེལ་གྱི་བུ་རྒྱུད་བཅས་ཀྱི་མདུན་དུ་བདག་གི་མིང་བསྒྲག་པར་འགྱུར༌ཞིང༌།  
\v 16 ངས་ཀྱང་ཁོ་རང་ལ་ངའི་མིང་གི་ཆེད་དུ་ངེས་པར་སྡུག་བསྔལ་ཇི་ཙམ་མྱང་དགོས་པ་སྟོན་པར་བྱའོ་ཞེས་གསུངས་སོ།།  
\v 17 དེ་ནས་ཨ་ནན་ཡཱ་ཁྱིམ་དེར་སོང་ནས་སོ་ལོའི་ལུས་ལ་ལག་པ་བཞག༌སྟེ། སྤུན་ཟླ་སོ་ལོ༌ལགས། ལམ་བར་དུ་ཁྱོད་ལ་གསལ་པོར་མངོན་པའི་གཙོ་བོ་ཡེ་ཤུ་ཁོང་ཉིད་ཀྱིས་ཁྱོད་ཀྱི་མིག་གིས་སླར་ཡང་མཐོང་ཐུབ་པ༌དང༌། ཁྱོད་ལ་དམ་པའི་ཐུགས་ཉིད་ཀྱིས་ཁྱབ་པའི་ཕྱིར་ང་རང་མངགས་པ་ཡིན་ཞེས་སྨྲས༌ཤིང༌།  
\v 18 དེ་མ་ཐག་སོ་ལོའི་མིག་ལས་ཤུན་སྐོགས་ལྟ་བུ་རེ་ལྷུང་བ་དང་མིག་གིས་སླར་ཡང་མཐོང་ཐུབ་པར་གྱུར་ཏོ།། དེ་ནས་སོ་ལོ་ཡར་ལངས་ནས་ཁྲུས་གསོལ་ལ་ཞུགས་པ༌དང༌།  
\v 19 ཁ་ཟས་ལ་རོལ་རྗེས་ལུས་སྟོབས་རྒྱས༌པ་རེད།  
\s1 སོ་ལོ་ཡིས་དཱ་མེ་སེག་ཏུ་ཆོས་བསྒྲགས་པ།  
\p སོ་ལོ་དང་དཱ་མེ་སེག་ཏུ་ཡོད་པའི་རྗེས་འབྲང་པ་རྣམས་མཉམ་དུ་ཉིན་ཁ་ཤས་ལ་བསྡད༌པ་དང་།  
\v 20 དེ་མ་ཐག་ཁོང་ཉིད་ཆོས་ཁང་སོ་སོར་སོང་ནས་སྐྱབས་མགོན་ཡེ་ཤུ་ནི་དཀོན་མཆོག་གི་སྲས་ཡིན་པ་བསྒྲགས༌ཤིང༌།  
\v 21 གཏམ་དེ་ཐོས་པའི་མི་ཐམས་ཅད་ངོ་མཚར་སྐྱེས་ཏེ་ན༌རེ། མི་འདི་ནི་ཡེ་རུ་སཱ་ལེམ་ནས་སྐྱབས་མགོན་ཡེ་ཤུའི་མཚན་ལ་ཞུ་མཁན་རྣམས་ལ་གནོད་འཚེ་ཆེན་པོ་བཏང་བ༌དང༌། དད་ལྡན་རྣམས་བཟུང་སྟེ་མཆོད་དཔོན་ཆེན་པོ་རྣམས་ཀྱི་གམ་དུ་འཁྲིད་པའི་ཕྱིར་འདིར་ཡོང་བ་དེ་མ་ཡིན་ནམ་ཞེས་སྨྲས་སོ།།  
\v 22 འོན་ཀྱང་སོ་ལོ་ལ་ནུས་མཐུ་ཇེ་ཆེ་ནས་ཇེ་ཆེར་གྱུར་པ༌དང༌། ཡེ་ཤུ་ནི་སྐྱབས་མགོན་མཱ་ཤི་ཀ་ཡིན་པར་བདེན་དཔང་བྱས་ཏེ་དཱ་མེ་སེག་ཏུ་ཡོད་པའི་ཡ་ཧུ་དཱ་པ་རྣམས་དགག་པས་བཏུལ་བའོ།།   
\p
\v 23 དེ་ནས་ཉིན་མང་པོ་འགོར་བ་དང་ཡ་ཧུ་དཱ་པ་རྣམས་ཀྱིས་སོ་ལོ་གསོད་པར་གྲོས་བྱས༌ནའང༌།  
\v 24 སོ་ལོས་ཁོ་རྣམས་ཀྱི་ཇུས་ངན་ཤེས༌པ་དང་། དེ་དག་གིས་སོ་ལོ་གསོད་པའི་ཕྱིར་ཉིན་མཚན་མེད་པར་གྲོང་ཁྱེར་གྱི་མཁར་སྒོ་ཐམས་ཅད་བསྲུངས་མོད།  
\v 25 འོན་ཀྱང་སོ་ལོའི་རྗེས་འབྲང་པ་རྣམས་ཀྱིས་མཚན་མོའི་དུས་སུ་ཁོང་ཉིད་སླེ་བོའི་ནང་དུ་བཞག་སྟེ་མཁར་གྱང་ནས་མར་དཔྱངས་སོ།།   
\p
\v 26 དེ་ནས་སོ་ལོ་ཁོང་ཉིད་ཡེ་རུ་སཱ་ལེམ་དུ་སླེབས་ནས་རྗེས་འབྲང་པ་རྣམས་དང་འགྲོགས་འདོད༌ཀྱང༌། དེ་རྣམས་ཁོང་ལ་འཇིགས་ཤིང་རྗེས་འབྲང་པ་ཡིན་པར་ཡིད་མ་ཆེས་པ་རེད།  
\v 27 འོན༌ཀྱང༌། པཱར་ན་པཱ་ཡིས་ཁོང་ཉིད་སྐུ་ཚབ་པ་རྣམས་ཀྱི་མདུན་དུ་ཁྲིད༌ཅིང༌། དེ་སྔར་སོ་ལོས་ལམ་བར་ནས་གཙོ་བོ་ཁོང་ཉིད་ཇི་ལྟར་མཐོང་ཞིང་ཁོང་གིས་ཁོ་རང་ལ་གསུང་གླེང་ཅི་གནང་བ༌དང༌། ཡང་སོ་ལོས་དཱ་མེ་སེག་ནས་སྙིང་སྟོབས་ཆེན་པོས་སྐྱབས་མགོན་ཡེ་ཤུའི་མཚན་ལ་བརྟེན་ནས་ཆོས་བསྒྲགས་པ་སོགས་སྨྲས་སོ།།  
\v 28 དེ་ནས་སོ་ལོ་དང་སྐུ་ཚབ་པ་རྣམས་མཉམ་དུ་འགྲོགས༌ཏེ། ཡེ་རུ་སཱ་ལེམ་དུ་རྒྱུ་ཞིང་གཙོ་བོའི་མཚན་ལ་བརྟེན་ནས་སྤོབས་པ་ཆེན་པོས་ཆོས་བསྒྲགས་པ༌དང༌།  
\v 29 གྷི་རིག་སྐད་སྨྲ་མཁན་ཡ་ཧུ་དཱ་པ་རྣམས་ལའང་རྩོད་གླེང་བྱས་ཤིང་དེ་རྣམས་ཀྱིས་སོ་ལོ་གསོད་པའི་ཐབས་བཙལ།  
\v 30 སྤུན་ཟླ་རྣམས་ཀྱིས་དོན་དེ་ཤེས་ནས་ཁོང་ཉིད་མར་ཀེ་སར་ཡཱ་རུ་བསྐྱལ་ཏེ་ཐཱར་ཟི་ལ་འགྲོ་རུ་བཅུག་གོ།  
\v 31 དེའི་དུས༌སུ། ཡ་ཧུ་དཱ༌དང༌། ག༌ལིལ། སཱ་མར་ཡ་བཅས་ཡུལ་སོ་སོའི་ཆོས་ཚོགས་རྣམས་ལ་ཞི་བདེ་ཡོད་ཅིང་ཡར་བསྐྱེད་ཐོབ་པ༌དང༌། གཙོ་བོ་ལ་གུས་ཤིང་འཇིགས་པ་དང་དམ་པའི་ཐུགས་ཉིད་ཀྱིས་སེམས་གསོ་མཛད་པའི་ངང་ནས་མི་གྲངས་ཀྱང་ཇེ་མང་དུ་འཕེལ་ཏོ།།   
\s1 པེ་ཏྲོའི་འཕྲིན་ལས་ཀྱི་སྐོར།  
\p
\v 32 དེ་ཡང་པེ་ཏྲོ་ཡུལ་ཕྱོགས་ཀུན་ཏུ་རྒྱུ་བའི་དུས་སུ་ལད་རྡ་རུ་གནས་པའི་དད་ལྡན་དམ་པ་རྣམས་ཀྱི་དྲུང་དུ་ཕྱིན་པ༌དང༌།  
\v 33 དེ་རུ་མིང་ལ་ཨེ་ནེ་ཡཱ་བྱ་བ་ནད་བྱུང་ནས་ལོ་བརྒྱད་ལ་ཉལ་སར་ལྷུང་བའི་ཞ་བོ་ཞིག་ཡོད་པ་དང་ཕྲད་ཅིང༌།  
\v 34 པེ་ཏྲོ་ན༌རེ། ཨེ་ནེ༌ཡཱ། ཡེ་ཤུ་མཱ་ཤི་ཀས་ཁྱོད་ཀྱི་ནད་གསོས་པས་ཡར་ལངས་ནས་རང་གི་མལ་སྟན་བདག་གཉེར་གྱིས་ཞེས་གསུངས་མ་ཐག་ཁོ་རང་ཡར་ལངས་པ་དང་།  
\v 35 ལད་རྡ་དང་ཤཱ་རོན་དུ་གནས་པའི་མི་ཐམས་ཅད་ཀྱིས་ཨེ་ནེ༌ཡཱ་མཐོང་སྟེ་གཙོ་བོའི་ཕྱོགས་སུ་འཁོར༌ཏོ།།   
\p
\v 36 དེ་ནས་ཡོ་ཕཱ་རུ་མིང་ལ་ཐཱ་པི་ཐ་ཟེར་བའི་བུད་མེད་རྗེས་འབྲང་པ་ཞིག་ཡོད༌ཅིང༌། མིང་དེ་གྷི་རིག་སྐད་དུ་བསྒྱུར་ན་དོར་ཀི་ཞེས་ཀྱང༌ཟེར། ཁོ་མོས་རྟག་ཏུ་ལས་བཟང་པོ་བསྒྲུབས་པ་དང་སྦྱིན་པ་མང་པོ་བཏང་ངོ༌།།  
\v 37 དུས༌དེར། ཁོ་མོར་ན་ཚ་བྱུང་ནས་ཚེ་ལས་འདས་པ་དང་མི་རྣམས་ཀྱིས་ཁོ་མོའི་བེམ་པོ་བཀྲུས་ཏེ་ཐོག་ཁང་ཞིག་གི་ནང་དུ་བཞག་གོ།  
\v 38 ཡོ་ཕཱ་ནི་ལད་རྡ་དང་བར་ཐག་ཉེ་བས་རྗེས་འབྲང་པ་རྣམས་ཀྱིས་པེ་ཏྲོ་ཁོང་ཉིད་ལད་རྡ་རུ་ཡོད་པ་ཐོས་ནས་མི་གཉིས་ཁོང་གི་དྲུང་དུ་མངགས༌ཏེ། དུས་མི་འགྱངས་པར་ངེད་ཅག་གི་གམ་དུ་ཕེབས་རོགས་ཞེས་ནན་གྱིས་ཞུས་སོ།།  
\v 39 དེ་ནས་པེ་ཏྲོ་ཡར་ལངས་ནས་དེ་དག་དང་མཉམ་དུ་ལམ་ལ་ཆས། ཡོ་ཕཱ་རུ་སླེབས་ཤིང་མི་རྣམས་ཀྱིས་ཁོང་ཉིད་ཐོག་ཁང་ནང་དུ་ཁྲིད་པ༌དང༌། ཡུགས་མོ་རྣམས་ཁོང་གི་གམ་དུ་ཡར་ལངས་ནས་ངུས༌ཤིང༌། བུད་མེད་དོར་ཀི་དེ་སྔར་ཁོ་མོ་རྣམས་དང་མཉམ་དུ་ཡོད་དུས་བཟོས་པའི་ནང་གོས་དང་ཕྱི་གོས་རྣམས་ཁོང་ལ་བསྟན་པ་རེད།  
\v 40 འོན་ཀྱང་པེ་ཏྲོས་ཁོ་མོ་རྣམས་ཕྱིར་འགྲོ་རུ་བཅུག༌རྗེས། པུས་མོ་སར་བཙུགས་ཏེ་དཀོན་མཆོག་ལ་གསོལ་བ་བཏབ༌ཅིང༌། ཞལ་ཕྱིར་འཁོར་ནས་བེམ་པོ་ལ་འདི་སྐད༌དུ། ཐཱ་པི༌ཐ། ཡར་ལོངས་ཤིག་ཅེས་གསུངས་པ༌ན། ཁོ་མོས་མིག་ཕྱེས་ཏེ་པེ་ཏྲོ་མཐོང་བ་དང་ཡར་ཙོག་པུར་བསྡད་དོ།།  
\v 41 དེ་ནས་པེ་ཏྲོས་ཁོ་མོའི་ལག་པར་འཇུས་ནས་ཡར་བསླངས་ཤིང་དད་ལྡན་དམ་པ་དང་ཡུགས་མོ་རྣམས་ནང་ལ་བོས༌ཏེ། ཁོ་མོ་གསོན་པོར་དེ་རྣམས་ལ་སྤྲད།  
\v 42 དོན་དེ་ཡོ་ཕཱ་ཡོངས་སུ་ཁྱབ་པ་དང་མི་མང་པོས་གཙོ་བོ་ལ་དད་པ་བྱས་སོ།།  
\v 43 དོན་དེ་བྱུང་བའི་རྗེས༌སུ། པེ་ཏྲོ་ཁོང་ཉིད་ཡོ་ཕཱ་ཡི་སི་མོན་ཟེར་བའི་ཀོ་བཟོ་བ་ཞིག་གི་ཁྱིམ་དུ་ཉིན་མང་པོར་བཞུགས༌སོ།།   
\c 10
\cl ལེའུ་བཅུ༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 བརྒྱ་དཔོན་ཀོར་ནེ་ལིའུ་ཡིས་སྐུ་ཚབ་པ་པེ་ཏྲོ་གདན་དྲངས༌པ།  
\p
\v 1 དེ་ཡང་ཀེ་སར་ཡཱ་ཞེས་པར་ཨི་ཏ་ལི་དཔུང་ཁག་གི་བརྒྱ་དཔོན་མིང་ལ་ཀོར་ནེ་ལིའུ་ཞེས་པ་ཞིག་ཡོད༌དེ།  
\v 2 ཁོ་ནི་དད་མོས་ཡོད་པ་ཞིག་ཡིན༌ལ། ཁོ་དང་བཟའ་མི་ཐམས་ཅད་ཀྱང་དཀོན་མཆོག་ལ་དད་གུས་ཆེ༌བས། མི་རྣམས་ལ་སྦྱིན་པ་མང་པོ་བཏང་བ་དང་དུས་རྟག་ཏུ་དཀོན་མཆོག་ལ་གསོལ་བ་བཏབ་བོ།།  
\v 3 དེ་ཡང་ཉིན་ཞིག་གི་ཕྱི་དྲོའི་ཆུ་ཚོད་གསུམ་ཡས་མས་སུ་ཁོ་ལ་ཞལ་གཟིགས་གནང་ནས། དཀོན་མཆོག་གི་ཕོ་ཉ་ཞིག་རང་གི་གམ་དུ་ཕེབས་པ་གསལ་པོར་མཐོང་བ་དང་ཕོ་ཉས་ཀོར་ནེ་ལིའུ་ཞེས་བོས།  
\v 4 དེ་ནས་ཁོས་མིག་ཅེ་རེར་ཕོ་ཉ་ལ་བལྟས་ཤིང་དངངས་སྐྲག༌ངང༌། ཇོ་བོ༌ལགས། དོན་ཅི་ཡོད་ཅེས་ཞུས་པ༌ལ། ཕོ་ཉ་ན༌རེ། ཁྱོད་ཀྱི་གསོལ་འདེབས་དང་སྦྱིན་པ་ནི་དཀོན་མཆོག་གི་དྲུང་དུ་དྲན་རྟེན་བཞིན་དུ་སླེབས༌འདུག  
\v 5 ད་ལྟ་ཁྱོད་ཀྱིས་ཡོ་ཕཱ་རུ་མི་མངགས་ཏེ་པེ་ཏྲོ་ཞེས་ཀྱང་འབོད་པའི་སི་མོན་གདན་དྲོངས༌ཤིག  
\v 6 ཁོ་རང་ནི་རྒྱ་མཚོའི་འགྲམ་དུ་གནས་པའི་ཀོ་བཟོ་བ་སི་མོན་གྱི་ཁྱིམ་དུ་བཞུགས་པ་ཡིན་ཞེས་གསུངས་པ༌དང༌།  
\v 7 ཁོ་ལ་གཏམ་གླེང་བའི་ཕོ་ཉ་ཕྱིར་ཕེབས༌རྗེས། ཁོས་རང་ཁྱིམ་གྱི་ཞབས་ཕྱི་པ་གཉིས་དང་རྟག་ཏུ་རང་གི་མདུན་དུ་སྡོད་པའི་དམག་མི་རྣམས་ལས་དད་མོས་ཡོད་པ་ཞིག་བོས༌ཏེ།  
\v 8 དོན་དེ་ཐམས་ཅད་ཁོ་རྣམས་ལ་བཤད་པ་དང་ཡོ་ཕཱ་རུ་མངགས༌སོ།།   
\s1 སྐུ་ཚབ་པ་པེ་ཏྲོས་མཐོང་བའི་ཞལ་གཟིགས།  
\p
\v 9 དེའི་ཕྱི༌ཉིན། ཁོ་རྣམས་ལམ་དུ་ཆས་ཤིང་ཡོ་ཕཱ་གྲོང་ཁྱེར་དང་ཉེ་བར་སླེབས་པ༌དང༌། ཉིན་གུང་ཙམ་གྱི་དུས༌སུ། པེ་ཏྲོ་ཁང་ཐོག་ཏུ་གསོལ་བ་འདེབས་སུ་སོང་བ༌དང༌།  
\v 10 ཁོང་གི་ལྟོ་བ་བཀྲེས་པ་དང་ཁ་ཟས་སྤྱོད་འདོད༌ཅིང༌། ཁྱིམ་ཚང་དེས་ཀྱང་ཁ་ཟས་གྲ་སྒྲིག་བྱེད་བཞིན་པའི་དུས༌སུ། པེ་ཏྲོའི་དྲན་པ་འཆལ་ནས།  
\v 11 ནམ་མཁའི་སྒོ་ཕྱེས་པ་དང་སྣེ་བཞི་བསྡམས་པའི་རས་གྲུ་བཞི་ཆེན་པོ་དང་འདྲ་བའི་དངོས་པོ་ཞིག་ས་སྟེང་ལ་མར་དཔྱངས་པ་མཐོང༌།  
\v 12 དེའི་ནང་དུ་ས་སྟེང་གི་སུག་བཞི་ཅན་གྱི་སྲོག་ཆགས༌དང༌། ལྟོ་འགྲོའི༌རིགས། གཞན་ཡང་ནམ་མཁའི་བྱ་རྣམས་ཡོད༌ཅིང༌།  
\v 13 ཡང་སྐད་སྒྲ་ཞིག་གྲགས༌ཏེ། པེ༌ཏྲོ། ཡར་ལོངས༌དང༌། དེ་དག་བཤས་ནས་ཟོ་ཞིག་ཅེས་གསུངས་སོ།།  
\v 14 འོན༌ཀྱང༌། པེ་ཏྲོ་ན༌རེ། གཙོ་བོ༌ལགས། དེ་ལྟར་བྱེད་ག་ལ༌རུང༌། ངས་ཁ་ཟས་སུ་མི་རུང་བ་དང་མི་གཙང་བ་ཞིག་གཏན་ནས་ཟོས་མ་མྱོང་ཞེས་སྨྲས་པ༌ལ།  
\v 15 ཡང་སྐད་སྒྲ་ཞིག་གྲགས་ཏེ་འདི་སྐད༌དུ། དཀོན་མཆོག་གིས་གཙང་མར་མཛད་པ་རྣམས་ཁྱོད་ཀྱིས་མི་གཙང་བར་བརྩི་མི་འོས་ཞེས་གསུངས་སོ།།  
\v 16 དེ་ལྟར་བསྟུད་མར་ཐེངས་གསུམ་ལ་སྐད་སྒྲ་བྱུང་མ་ཐག་རས་ལེབ་ཆེན་པོ་དེ་ཕྱིར་ནམ་མཁར་དྲངས༌སོ།།   
\p
\v 17 དེ་ནས་པེ་ཏྲོས་རང་ལ་ཞལ་གཟིགས་གནང་བ་ལས་མཐོང་བའི་དོན་དེ་རྣམས་ཅི་ཡིན་མ་ཤེས་པར་ཐེ་ཚོམ་སྐྱེ་བའི་སྐབས༌སུ། ཀོར་ནེ་ལིའུ་ཡིས་མངགས་པའི་མི་དེ་རྣམས་ཀོ་བཟོ་བ་སི་མོན་གྱི་ཁྱིམ་ཚང་གང་ཡིན་དྲིས་ནས་སྒོ་ཁར་སླེབས་ཏེ།  
\v 18 སྐད་མཐོན་པོས་པེ་ཏྲོ་ཟེར་བའི་སི་མོན་འདིར་བཞུགས་སམ་ཞེས་དྲིས་སོ།།  
\v 19 པེ་ཏྲོས་ད་དུང་ཞལ་གཟིགས་དེའི་སྐོར་ལ་བསམ་བློ་གཏོང་བཞིན་པའི་དུས་སུ་དམ་པའི་ཐུགས་ཉིད་ཀྱིས་འདི་སྐད༌དུ། ལྟོས༌དང༌། མི་གསུམ་གྱིས་ཁྱོད་རང་འཚོལ་བཞིན་ཡོད༌པས།  
\v 20 ཡར་ལངས་ནས་མར་བབས་ཏེ་ཐེ་ཚོམ་མི་བྱེད་པར་དེ་དག་དང་མཉམ་དུ་སོང༌ཞིག རྒྱུ་མཚན་ནི་ཁོ་རྣམས་ངས་མངགས་པ་ཡིན་ཞེས་གསུངས་སོ།།  
\v 21 དེ་ནས་པེ་ཏྲོ་མར་བབས་ནས་མི་དེ་རྣམས་དང་ཕྲད་དེ་འདི་སྐད་དུ། ང་རང་ནི་ཁྱོད་ཅག་གིས་འཚོལ་བཞིན་པའི་མི་དེ་ཡིན། ཁྱོད་ཅག་འདིར་ཡོང་དོན་ཅི་ཡིན་ནམ་ཞེས་གསུངས་པ༌ལ།  
\v 22 དེ་རྣམས་ན༌རེ། བརྒྱ་དཔོན་ཀོར་ནེ་ལིའུ་ནི་མི་གཞུང་རྒྱུད་དྲང་ཞིང་དཀོན་མཆོག་ལ་དད་གུས་ཆེ་བ་དང་ཡ་ཧུ་དཱའི་མི་རིགས་ཐམས་ཅད་ཀྱིས་གཟེངས་བསྟོད་བྱེད་ས་ཞིག་ཡིན། དེ་སྔར་ཕོ་ཉ་དམ་པ་ཞིག་གིས་ཀོར་ནེ་ལིའུ་ལ། ཁྱེད་རང་ཁོའི་ཁྱིམ་དུ་གདན་དྲངས་ཏེ་ཁྱེད་ཀྱིས་གང་གསུང་ལ་ཉན་དགོས་པའི་བཀའ་བསྩལ་ཞེས་ཞུས་སོ།།  
\v 23 དེ་ནས་པེ་ཏྲོས་དེ་རྣམས་ཁྱིམ་དུ་བོས་ཏེ་ཞག་གཅིག་ལ་སྡོད་དུ་བཅུག་པ༌དང༌། དེའི་ཕྱི༌ཉིན་ཁོ་རྣམས་དང་མཉམ་དུ་ལམ་ལ་ཆས༌ཤིང༌། ཡོ་ཕཱ་ཡི་སྤུན་ཟླ་ཁ་ཤས་ཀྱང་ཁོ་རྣམས་དང་ལྷན་དུ་སོང༌ངོ༌།།   
\s1 སྐུ་ཚབ་པ་པེ་ཏྲོ་བརྒྱ་དཔོན་ཀོར་ནེ་ལིའུ་ཡི་ཁྱིམ་དུ་ཕེབས༌པ།  
\p
\v 24 ཡང་དེའི་ཕྱི་ཉིན་ཁོང་རྣམས་ཀེ་སར་ཡཱ་རུ་སླེབས་པ༌དང༌། ཀོར་ནེ་ལིའུ་ཡིས་རང་གི་གཉེན་ཉེ་དང་གྲོགས་དམ་པ་རྣམས་བསྡུས་ཏེ་བསྒུགས་ཡོད་པ་རེད།  
\v 25 དེ་ནས་པེ་ཏྲོ་སླེབས་མ་ཐག་ཀོར་ནེ་ལིའུ་ཡིས་ཁོང་ལ་དགའ་བསུ་བྱས་པ་དང་ཁོང་གི་ཞབས་དྲུང་དུ་ཕྱག་བཙལ་ཏོ།།  
\v 26 འོན་ཀྱང་པེ་ཏྲོས་ཁོ་རང་ཡར་བསླངས་ཏེ་ཁྱོད་ཡར་ལོངས༌དང༌། ང་རང་ཡང་མི་ཡིན་ནོ་ཞེས་གསུངས་པ༌དང༌།  
\v 27 ཁོང་གཉིས་ཀྱིས་གཏམ་གླེང་བཞིན་ཁྱིམ་དུ་སོང་བ༌ན། པེ་ཏྲོས་མི་མང་པོའང་གནས་དེར་འཛོམས་ཡོད་པ་མཐོང༌སྟེ།  
\v 28 དེ་རྣམས་ལ་འདི་ལྟར། ཆོས་ཁྲིམས་ལྟར་ན་ཡ་ཧུ་དཱ་པ་རྣམས་མི་རིགས་གཞན་དང་འགྲོགས་པའམ་དེ་དག་གི་ཁྱིམ་དུ་འགྲོ་མི་རུང་བ་ནི་ཁྱོད་རྣམས་ཀྱིས་ཤེས༌པ་ཡིན། འོན་ཀྱང་དཀོན་མཆོག་གིས་ང་ལ་མི་སུ་ཡིན་ཡང་འགྲོགས་མི་རུང་བའམ་མི་གཙང་བར་བརྩི་མི་འོས་པར་བསྟན་ཏོ།།  
\v 29 དེའི་ཕྱིར་ང་རང་ཡང་ཐེ་ཚོམ་མེད་པར་གདན་ཞུ་ལྟར་ཡོང་བ་ཡིན༌ཏེ། ཁྱོད་ཅག་གིས་ང་རང་འབོད་དོན་ཅི་ཡིན་ནམ་ཞེས་གསུངས་པ༌ན།  
\v 30 ཀོར་ནེ་ལིའུ་ན༌རེ། ཉིན་བཞིའི་སྔོན་གྱི་དུས༌འདིར། ངས་ཕྱི་དྲོའི་ཆུ་ཚོད་གསུམ་གྱི་སྟེང་རང་ཁྱིམ་ནས་གསོལ་བ་འདེབས་པའི༌ཚེ། གློ་བུར་ཉིད་དུ་འོད་མདངས་འཕྲོ་བའི་གོས་གྱོན་པའི་མི་ \f + \ft འོད་མདངས་འཕྲོ་བའི་གོས་གྱོན་པའི་མི་ཞེས་པ་ནི་དཀོན་མཆོག་གིས་མངགས་པའི་ཕོ་ཉ་ཞིག༌ཡིན།\f*ཞིག་ངའི་མདུན་དུ་སླེབས་ཏེ་འདི་སྐད༌དུ།  
\v 31 ཀོར་ནེ་ལིའུ། དཀོན་མཆོག་གིས་ཁྱོད་ཀྱི་གསོལ་འདེབས་ལ་གསན་པ༌དང༌། ཁྱོད་ཀྱིས་སྦྱིན་པ་བཏང་བའང་ཁོང་གི་ཐུགས་སུ་བཟུང་འདུག  
\v 32 དེའི་ཕྱིར། ཁྱོད་ཀྱིས་ཡོ་ཕཱ་རུ་མི་མངགས་ཏེ་པེ་ཏྲོ་ཞེས་ཀྱང་འབོད་པའི་སི་མོན་གདན་དྲོངས༌ཤིག ཁོ་རང་ནི་རྒྱ་མཚོའི་འགྲམ་གྱི་ཀོ་བཟོ་བ་སི་མོན་གྱི་ཁྱིམ་དུ་བཞུགས་ཞེས་གསུངས་པས།  
\v 33 ངས་མྱུར་བར་ཁྱེད་ཀྱི་དྲུང་དུ་མི་མངགས་པ་ཡིན། ཁྱེད་རང་འདིར་ཕེབས་པ་ལེགས་སོ།། གཙོ་བོས་ཁྱེད་ལ་གནང་བའི་བཀའ་ཐམས་ཅད་ལ་མཉན་པའི༌ཕྱིར། ད་ལྟ་ངེད་ཅག་ཚང་མ་དཀོན་མཆོག་གི་སྤྱན་སྔར་འཛོམས་པ་ཡིན་ཞེས་ཞུས༌སོ།།   
\p
\v 34 དེ་ནས་པེ་ཏྲོས་འདི་སྐད༌དུ། དཀོན་མཆོག་གིས་ཕྱོགས་རིས་མི་མཛད་པ་ངས་དངོས་གནས་རྟོགས༌ཤིང་།  
\v 35 མ་གཞི་མི་རིགས་སོ་སོའི་ཁྲོད་དུ་ཁོང་ལ་དད་གུས་བྱེད་པ་དང་བདེན་དོན་སྒྲུབ་མཁན་རྣམས་ལ་ཁོང་ཐུགས་མཉེས༌པ་ཡིན་ནོ།།  
\v 36 དཀོན་མཆོག་གིས་ཐམས་ཅད་ཀྱི་གཙོ་བོ་སྟེ་ཡེ་ཤུ་མཱ་ཤི་ཀ་བརྒྱུད་ནས་ཞི་བདེའི་འཕྲིན་བཟང་བསྒྲགས་ཤིང་བཀའ་དེ་ཡེས་ར་ཨེལ་གྱི་བུ་རྒྱུད་ལ་གནང༌།  
\v 37 ཡང་ཡོ་ཧ་ནན་གྱིས་ཁྲུས་གསོལ་གྱི་ཆོས་བསྒྲགས་པའི་རྗེས༌སུ། ག་ལིལ་ཡུལ་ནས་ཡ་ཧུ་དཱའི་ཡུལ་ཀུན་ཏུ་ཁྱབ་པའི་དོན་ཆེན་དང་།  
\v 38 ནཱ་ཙ་རེལ་གྱི་ཡེ་ཤུ་ལ་དཀོན་མཆོག་གིས་དམ་པའི་ཐུགས་ཉིད་དང་ནུས་མཐུས་ཅི་ལྟར་བྱུགས་པར་མཛད་པ་དེ་ནི་ཁྱོད་རྣམས་ཀྱིས་ཤེས་ཏེ། དཀོན་མཆོག་ནི་སྐྱབས་མགོན་ཡེ་ཤུ་དང་ལྷན་དུ་བཞུགས༌པས། ཁོང་ཉིད་ཡུལ་ཕྱོགས་ཀུན་ཏུ་ཕེབས་ནས་དོན་བཟང་མཛད༌ཅིང༌། བདུད་ཀྱི་དབང་འོག་ཏུ་མནན་པའི་མི་ཐམས་ཅད་ཀྱང་གསོས་པའོ།།  
\v 39 ངེད་རྣམས་ནི་ཡེ་ཤུ་ཁོང་གིས་ཡ་ཧུ་དཱ་པའི་ཡུལ་དང་ཡེ་རུ་སཱ་ལེམ་དུ་མཛད་པའི་དོན་འདི་ཐམས་ཅད་ལ་བདེན་དཔང་བྱེད་མཁན་ཡིན། མི་རྣམས་ཀྱིས་ཁོང་ཉིད་སྡོང་པོའི་སྟེང་དུ་བརྡབས་ནས་བཀྲོངས༌ཤིང༌།  
\v 40 ཉིན་གསུམ་པར་དཀོན་མཆོག་གིས་ཁོང་ཉིད་སླར་གསོན་པར་མཛད་དེ་ཁོང་གི་སྐུ་གཟུགས་མངོན་སུམ་དུ་བསྟན་པའོ།།  
\v 41 དེ་ནི་མི་ཐམས་ཅད་ལ་མངོན་སུམ་དུ་བསྟན་པ་མ་ཡིན༌པར། དཀོན་མཆོག་གིས་སྔ་མོ་ནས་དཔང་པོ་རུ་བདམས་པའི་མི༌སྟེ། ཁོང་ཉིད་གྲོངས་པ་ནས་སླར་གསོན་རྗེས་ཁོང་དང་ལྷན་དུ་བཟའ་བཏུང་སྤྱད་པ་ངེད་རྣམས་ལ་མངོན་སུམ་དུ་བསྟན༌པ་ཡིན།  
\v 42 ཁོང་གིས་གནང་བའི་བཀའ་ལྟར་ངེད་ཅག་གིས་མི་རྣམས་ལ་འཕྲིན་བཟང་བསྒྲག་པ་དང་། ཁོང་ནི་དཀོན་མཆོག་གིས་ཤི་གསོན་གཉིས་ལ་ལེགས་ཉེས་ཀྱི་ཁྲིམས་ཐག་གཅོད་པའི་གཙོ་བོར་བསྐོས་པ་ལ་བདེན་དཔང་བྱེད་དགོས༌པ་ཡིན།  
\v 43 ལུང་སྟོན་པ་ཀུན་གྱིས་སྐྱབས་མགོན་ཡེ་ཤུར་དད་པ་བྱེད་མཁན་ཐམས་ཅད་ལ་ཁོང་གི་མཚན་ལ་བརྟེན་ནས་སྡིག་པ་བསལ་ངེས་པར་བདེན་དཔང་མཛད་པ་ཡིན་ཞེས་གསུངས་ཤིང་།  
\v 44 པེ་ཏྲོས་དེ་ལྟར་གསུང་བཞིན་པའི་དུས༌སུ། དམ་པའི་ཐུགས་ཉིད་ནི་བཀའ་དེར་ཉན་པའི་མི་ཐམས་ཅད་ཀྱི་སྟེང་དུ་བབས༌སོ།།  
\v 45 པེ་ཏྲོ་དང་མཉམ་དུ་ཡོང་བའི་མཚན་སྐྱི་བཅད་པའི་དད་ལྡན་རྣམས་\f + \ft མཚན་སྐྱི་བཅད་པའི་དད་ལྡན་རྣམས་ཞེས་པ་ནི་ཡ་ཧུ་དཱ་པའི་དད་ལྡན་ལ་གོ་དགོས།\f*ཀྱིས་ཕྱི་ཕྱོགས་པ་རྣམས་ལའང་དམ་པའི་ཐུགས་ཉིད་ཀྱི་གནང་སྦྱིན་ཐོབ་པ་མཐོང་ནས་ངོ་མཚར་སྐྱེས།  
\v 46 རྒྱུ་མཚན་ནི་མི་དེ་རྣམས་ཀྱིས་སྐད་གཞན་སྨྲ་བ་དང་དཀོན་མཆོག་ལ་བསྟོད་ཅིང་བསྔགས་པའང་ཐོས་པས༌སོ། །དེ་ནས་པེ་ཏྲོས་འདི་སྐད་དུ།  
\v 47 མི་འདི་རྣམས་ནི་ངེད་ཅག་དང་མཚུངས་པར་དམ་པའི་ཐུགས་ཉིད་ཐོབ་པ་ཡིན༌པས། ཁོ་རྣམས་ལ་ཆུས་ཁྲུས་གསོལ་བྱེད་པ་སུ་ཞིག་གིས་འགོག་ནུས་སམ་ཞེས་གསུངས་པ༌དང༌།  
\v 48 ཡེ་ཤུ་མཱ་ཤི་ཀའི་མཚན་ལ་བརྟེན་ནས་ཁོ་རྣམས་ལ་ཁྲུས་གསོལ་བྱེད་པའི་བཀའ་གནང༌ཞིང་། དེ་ནས་ཁོ་རྣམས་ཀྱིས་པེ་ཏྲོ་གནས་དེར་ཉིན་འགར་བཞུགས་པར་ཞུས༌སོ།།   
\c 11
\cl ལེའུ་བཅུ་གཅིག༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 སྐུ་ཚབ་པ་པེ་ཏྲོས་རང་གི་མཛད་དོན་གསུངས༌པ།  
\p
\v 1 དེ་ཡང་སྐུ་ཚབ་པ་དང་ཡ་ཧུ་དཱའི་ཡུལ་དུ་ཡོད་པའི་སྤུན་ཟླ་རྣམས་ཀྱིས་ཕྱི་ཕྱོགས་པ་རྣམས་ཀྱིས་ཀྱང་དཀོན་མཆོག་གི་བཀའ་དང་དུ་བླངས་པ་ཐོས༌ཤིང༌།  
\v 2 སྐུ་ཚབ་པ་པེ་ཏྲོ་ཡར་ཡེ་རུ་སཱ་ལེམ་དུ་སླེབས་པ་དང་མཚན་སྐྱི་བཅད་པའི་དད་ལྡན་འགའ་ཞིག་ན༌རེ།  
\v 3 ཁྱོད་རང་ཕྱི་ཕྱོགས་པའི་ཁྱིམ་དུ་སོང་བ་དང་དེ་དག་དང་མཉམ་དུ་ཁ་ཟས་ལ་རོལ་བ་རེད་ཅེས་རྩོད་པ་བྱས་སོ།།  
\v 4 དེ་ནས་པེ་ཏྲོས་དོན་དེ་རིམ་བཞིན་ཁོ་རྣམས་ལ་འགྲེལ་བཤད་བྱས་པ་འདི་ལྟ༌སྟེ།  
\v 5 ངས་ཡོ་ཕཱ་གྲོང་ཁྱེར་ནས་གསོལ་བ་བཏབ་པའི་དུས༌སུ། དྲན་པ་འཆལ་ཞིང་ངོ་མཚར་བའི་ཞལ་གཟིགས་བྱུང་བ་འདི༌ལྟར། སྣེ་བཞི་བསྡམས་པའི་རས་གྲུ་བཞི་ཆེན་པོ་དང་འདྲ་བའི་དངོས་པོ་ཞིག་ནམ་མཁའ་ནས་མར་དཔྱངས་པ་དང་ངའི་མདུན་དུ་བབས་པ་མཐོང༌བྱུང་།  
\v 6 ངས་ཞིབ་ཏུ་བལྟས་པ་ན་དེའི་ནང་དུ་ས་སྟེང་གི་སུག་བཞི་ཅན་གྱི་སྲོག་ཆགས་དང་། གཅན་གཟན། ལྟོ་འགྲོའི༌རིགས། གཞན་ཡང་ནམ་མཁའི་བྱ་རྣམས་ཡོད༌ཅིང༌།  
\v 7 ཡང་སྐད་སྒྲ་ཞིག་གྲགས༌ཏེ། པེ༌ཏྲོ། ཡར་ལོངས་ལ་དེ་དག་བཤས་ནས་ཟོ་ཞིག་ཅེས་བདག་ལ་གསུངས་པ་ཐོས༌བྱུང་ངོ་།།  
\v 8 དེ་ནས་ངས་གཙོ་བོ༌ལགས། དེ་ལྟར་བྱེད་ག་ལ༌རུང༌། ཟས་སུ་མི་རུང་བའམ་མི་གཙང་བ་ཞིག་ངའི་ཁ་ནང་དུ་གཏན་ནས་སོང་མ་མྱོང་ཞེས་ཞུས་པ༌ལ།  
\v 9 ཡང་ནམ་མཁའ་ནས་སྐད་སྒྲ་ཞིག་བྱུང༌སྟེ། དཀོན་མཆོག་གིས་གཙང་མར་མཛད་པ་རྣམས་ཁྱོད་ཀྱིས་མི་གཙང་བར་བརྩི་མི་འོས་ཞེས་གསུངས་སོ།།  
\v 10 དེ་ལྟར་བསྟུད་མར་ཐེངས་གསུམ་ལ་སྐད་སྒྲ་བྱུང་རྗེས་ཐམས་ཅད་ཕྱིར་ནམ་མཁར་དྲངས་སོ།།  
\v 11 དུས་དེ་ཉིད་ལ། ཀེ་སར་ཡཱ་ནས་བདག་གི་གམ་དུ་མངགས་པའི་མི་གསུམ་པོའང་ངེད་ཅག་སྡོད་སའི་ཁང་པའི་སྒོ་མདུན་དུ་སླེབས་ཤིང༌།  
\v 12 དམ་པའི་ཐུགས་ཉིད་ཀྱིས་ང་རང་ལ་ཐེ་ཚོམ་མི་བྱེད་པར་དེ་རྣམས་དང་མཉམ་དུ་འགྲོ་དགོས་པའི་བཀའ་བསྩལ་པ༌དང༌། སྤུན་ཟླ་དྲུག་པོ་འདི་དག་ཀྱང་བདག་དང་མཉམ་དུ་ཀོར་ནེ་ལིའུ་ཡི་ཁྱིམ་དུ་སོང༌ངོ་༎  
\v 13 དེ་ནས་ཁོས་ཕོ་ཉ་ཞིག་རང་གི་ཁང་པའི་ནང་དུ་ཇི་ལྟར་ལངས་བསྡད་ཡོད་པ་མཐོང་བ༌དང༌། ཕོ་ཉས་ཁོ་རང་ལ་འདི་སྐད༌དུ། ཁྱོད་ཀྱིས་ཡོ་ཕཱ་རུ་མི་མངགས་ཏེ་པེ་ཏྲོ་ཞེས་ཀྱང་འབོད་པའི་སི་མོན་གདན་དྲོངས༌ཤིག  
\v 14 ཁོང་གིས་ཁྱོད་དང་ཁྱོད་ཀྱི་ཁྱིམ་མི་ཐམས་ཅད་ཐར་བར་བྱེད་པའི་གཏམ་ཁྱོད་ལ་སྨྲ་བར་འགྱུར་ཞེས་གསུངས་པའི་གཏམ་དེ་ངེད་རྣམས་ལ་སྨྲས།  
\v 15 ངས་དེ་རྣམས་ལ་གཏམ་སྨྲ་བར་བརྩམས་པའི༌ཚེ། དམ་པའི་ཐུགས་ཉིད་ཐོག་མར་ངེད་ཅག་གི་སྟེང་དུ་ཅི་ལྟར་བབས་པ་བཞིན་ཁོ་རྣམས་ཀྱི་སྟེང་དུའང་བབས་སོ།།  
\v 16 དེ་སྔར་གཙོ་བོས་འདི་སྐད༌དུ། ཡོ་ཧ་ནན་གྱིས་ཆུས་ཁྲུས་གསོལ་བྱས༌མོད། འོན་ཀྱང་ཁྱོད་རྣམས་ལ་དམ་པའི་ཐུགས་ཉིད་ཀྱི་ཁྲུས་གསོལ་འཐོབ་པར་འགྱུར་ཞེས་གསུངས་པ་བདག་གིས་དྲན་ནོ།།  
\v 17 བདག་ཅག་གིས་གཙོ་བོ་ཡེ་ཤུ་མཱ་ཤི་ཀ་ལ་དད་པ་བྱེད་པའི༌ཚེ། དཀོན་མཆོག་གིས་བདག་ཅག་ལ་ཇི་ལྟར་གནང་སྦྱིན་གནང་བ་བཞིན་དེ་རྣམས་ལའང་གནང་བ་ཡིན༌པས། ངས་དཀོན་མཆོག་ཅི་ལྟར་འགོག་ནུས་སམ་ཞེས་གསུངས་སོ།།  
\v 18 མི་རྣམས་ཀྱིས་གསུང་དེ་ཐོས་ནས་གཏམ་ཅི་ཡང་མི་སྨྲ༌བར། དཀོན་མཆོག་གིས་ད་ལྟ་ཕྱི་ཕྱོགས་པ་རྣམས་ལའང་མཐའ་མེད་པའི་ཚེ་སྲོག་འཐོབ་པའི༌ཕྱིར། འགྱོད་བཤགས་ཀྱི་སེམས་གནང་བ་རེད་ཅེས་དཀོན་མཆོག་ལ་བསྟོད་བསྔགས་བརྗོད༌དོ།།   
\s1 ཨན་ཏི་ཡོག་ཡཱ་གྲོང་ཁྱེར་གྱི་ཆོས༌ཚོགས།  
\p
\v 19 དེ་ཡང་སི་ཏེ་ཕཱན་གྱི་དོན་རྐྱེན་གྱི་དབང་གིས་གནོད་འཚེ་མྱངས་ཤིང་ཕྱོགས་བཞིར་ཐོར་བའི་དད་ལྡན་རྣམས་ཕོའོ་ནེ་ཀེ་དང་ཀིབ་རིས། གཞན་ཡང་ཨན་ཏི་ཡོག་ཡཱ་རུ་ཕྱིན༌ནས། གཞན་སུ་ལའང་དཀོན་མཆོག་གི་བཀའ་མ་བསྒྲགས་པར་ཡ་ཧུ་དཱ་པ་ཁོ་ནར་བསྒྲགས་སོ།  
\v 20 འོན༌ཀྱང༌། དེ་དག་གི་ཁྲོད་དུ་ཡོད་པའི་ཀིབ་རིས་དང་ཀི་རེ་ནེ་ཡི་མི་ཁ་ཤས་ཨན་ཏི་ཡོག་ཡཱ་རུ་སླེབས༌ཏེ། གྷི་རིག་པ་རྣམས་ལའང་གཙོ་བོ་ཡེ་ཤུའི་སྐོར་བསྒྲགས་པ༌དང༌།  
\v 21 གཙོ་བོའི་ཕྱག་ནི་མི་དེ་རྣམས་དང་ལྷན་དུ་བཞུགས༌ཤིང༌། མི་ཤིན་ཏུ་མང་པོའང་དད་ཅིང་གཙོ་བོའི་ཕྱོགས་སུ་འཁོར་བར་གྱུར་ཏོ།།  
\v 22 དོན་དེ་ཡེ་རུ་སཱ་ལེམ་དུ་ཡོད་པའི་ཆོས་ཚོགས་ཀྱི་རྣ་བས་ཐོས་ཏེ་པཱར་ན་པཱ་བྱ་བ་ཨན་ཏི་ཡོག་ཡཱ་རུ་མངགས༌པ་དང་།  
\v 23 ཁོ་རང་ཡུལ་དེར་སླེབས་ནས་དཀོན་མཆོག་གིས་མི་རྣམས་ལ་གནང་བའི་ཐུགས་རྗེ་མཐོང་སྟེ་སེམས་དགའ་བར་གྱུར་ནས། མི་རྣམས་ལ་བློ་སེམས་འགྱུར་མེད་ཀྱིས་གཙོ་བོ་ལ་བརྟེན་པར་སྐུལ་མ་གནང་ངོ༌།།  
\v 24 པཱར་ན་པཱ་ནི་རང་གཤིས་བཟང་ཞིང་དམ་པའི་ཐུགས་ཉིད་ཀྱིས་ཁྱབ་ཡོད་པ་དང་དད་སེམས་ཆེ་བ་ཞིག་ཡིན་པས་མི་མང་པོས་ཀྱང་གཙོ་བོ་ལ་དད་པ་བྱས༌པ་རེད།  
\v 25 དེ་ནས་ཁོ་རང་ཐཱར་ཟི་ཞེས་པར་སོ་ལོ་འཚོལ་དུ་སོང༌ཞིང༌།  
\v 26 ཁོང་བཙལ་ནས་རྙེད་པ་དང་ཨན་ཏི་ཡོག་ཡཱ་རུ་ཁྲིད་ཡོང་ཞིང་། དེ་ནས་ཁོང་གཉིས་ལོ་གཅིག་གི་རིང་ལ་ཆོས་ཚོགས་དང་མཉམ་དུ་འཚོགས་ཏེ་མི་མང་པོར་ཆོས་གསུངས་སོ།། རྗེས་འབྲང་པ་རྣམས་ལ་མཱ་ཤི་ཀ་པ་ཞེས་པའི་མིང་ནི་ཐོག་མར་ཨན་ཏི་ཡོག་ཡཱ་ནས་ཐོགས༌པའོ།།   
\p
\v 27 ཉིན་དེ་དག་གི་རིང༌ལ། ལུང་སྟོན་པ༌ཁ་ཤས་ཡེ་རུ་སཱ་ལེམ་ནས་མར་ཨན་ཏི་ཡོག་ཡཱ་རུ་བྱོན་པ༌དང༌།  
\v 28 དེ་རྣམས་ཀྱི་ཁྲོད་དུ་ཨ་གཱ་པུ་བྱ་བ་ཞིག་ཡོད་པ་དེས་དམ་པའི་ཐུགས་ཉིད་ཀྱི་ནུས་མཐུར་བརྟེན་ནས་ས་གཞི་ཐམས་ཅད་ལ་མུ་གེ་ཆེན་པོ་འབྱུང་ངེས་པའི་ལུང་བསྟན་གནང༌། དོན་དེ་ཀཱ་ལོ་དི་རྒྱལ་པོའི་དུས་སུ་དངོས་གནས་བྱུང་མྱོང༌བ་ཡིན་ནོ།།  
\v 29 དེ་ནས་རྗེས་འབྲང་པ་རྣམས་ཀྱིས་རང་རང་གི་ཅི་ནུས་བཞིན་ཞལ་འདེབས་ཕུལ་ནས་ཡ་ཧུ་དཱའི་ཡུལ་དུ་གནས་པའི་སྤུན་ཟླ་རྣམས་ལ་རོགས་སྐྱོར་བྱེད་རྒྱུ་ཐག་གིས་བཅད༌ཅིང༌།  
\v 30 ཁོ་རྣམས་ཀྱིས་རྒྱུ་ནོམ་པ་ཅི་ཙམ་བསྡུས་པ་ཐམས་ཅད་པཱར་ན་པཱ་དང་སོ་ལོ་གཉིས་ལ་བཅོལ༌ཏེ། ཆོས་ཚོགས་ཀྱི་རྒན་པོ་རྣམས་ལ་སྤྲོད་དུ་བཅུག༌གོ།   
\c 12
\cl ལེའུ་བཅུ་གཉིས༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 སྐུ་ཚབ་པ་པེ་ཏྲོ་བཙོན་ནས་ཐར་བ།  
\p
\v 1 དུས་དེར། ས་གནས་རྒྱལ་པོ་ཧེ་རོ་དཱས་ཆོས་ཚོགས་ཀྱི་མི་ཁ་ཤས་ལ་གདུག་རྩུབ་བཀོལ་བ༌དང༌།  
\v 2 ཡོ་ཧ་ནན་གྱི་གཅེན་པོ་ཡ་ཀོབ་ཟེར་བ་ལ་རལ་གྲིས་བརྒྱབ་ནས་བསད་དོ།།  
\v 3 ཧེ་རོ་དཱས་ཡ་ཧུ་དཱ་པ་རྣམས་དོན་དེར་དགའ་བ་མཐོང་ནས་པེ་ཏྲོའང་བཟུང༌ཞིང་། དུས་དེ་ནི་སྐྱུར་མེད་བག་ལེབ་ཀྱི་ཉིན་མོ་དག་ཡིན།  
\v 4 དེ་ཡང་པེ་སག་གི་དུས་ཆེན་མཇུག་རྫོགས༌རྗེས། མི་རྣམས་ཀྱི་མིག་མདུན་ནས་ཁོང་ཉིད་ཁྲིམས་ལ་སྦྱོར་བའི་ཆེད༌དུ། ཧེ་རོ་དཱས་པེ་ཏྲོ་བཟུང་སྟེ་བཙོན་དུ་བཅུག༌ཅིང༌། དམག་མི་བཞི་རེ་ཅན་གྱི་དམག་ཁག་བཞི་ལ་སྲུང་དུ་བཅུག  
\v 5 དེ་བས་པེ་ཏྲོ་བཙོན་དུ་བཅུག་ནའང་ཆོས་ཚོགས་ཀྱིས་ཁོང་གི་དོན་དུ་དཀོན་མཆོག་ལ་གསོལ་བ་ཤུགས་དྲག་གིས་བཏབ༌བོ།།   
\p
\v 6 དེ་ཡང་ཧེ་རོ་དཱས་པེ་ཏྲོ་ཁྲིམས་ལ་མ་སྦྱར་སྔོན་གྱི་ཉིན་དེའི་མཚན༌མོར། པེ་ཏྲོ་ནི་ལྕགས་ཐག་གཉིས་ཀྱིས་བཀྱིགས་པ་དང་དམག་མི་གཉིས་ཀྱི་བར་དུ་གཉིད་ལ་ཡུར༌ཅིང་། སྲུང་དམག་རྣམས་ཀྱིས་ཀྱང་སྒོའི་ཕྱི་རོལ་ཏུ་བསྲུངས་ཡོད༌པ་རེད།  
\v 7 གློ་བུར༌ཉིད་དུ་གཙོ་བོའི་ཕོ་ཉ་ཞིག་མངོན་སུམ་དུ་བྱུང་བ་དང་ཁང་པའི་ནང་དུ་འོད་འཚེར་བར་གྱུར་ཏོ།། དེ་ནས་ཕོ་ཉས་པེ་ཏྲོའི་གཞོགས་ནས་བསྒུལ་ཏེ་ཁོང་གཉིད་ལས་བསླངས་རྗེས་འདི་སྐད༌དུ། མྱུར་དུ་ཡར་ལོངས་ཤིག་ཅེས་གསུངས་པ་དང་ལྕགས་ཐག་རང་ཤུགས་ཀྱིས་ཁོང་གི་ལག་པ་ནས་གྲོལ་ཏོ།།  
\v 8 ཡང་ཕོ་ཉས་ཁོང་ལ་སྐེ་རགས་ཆོངས་ཤིག བསིལ་ལྷམ་གྱོན་ཞིག་ཅེས་གསུངས་པ་བཞིན་ཁོང་གིས་ཀྱང་དེ་ལྟར་བྱས། ཡང་ཕོ་ཉས་ཁྱོད་ཀྱིས་ཕྱི་གོས་གྱོན་ནས་ངའི་རྗེས་སུ་ཤོག་ཅིག་ཅེས་གསུངས་སོ།།  
\v 9 དེ་ནས་པེ་ཏྲོ་ཕྱི་རུ་བུད་དེ་ཁོང་གི་རྗེས་སུ་འབྲངས༌ནའང༌། ཕོ་ཉས་མཛད་པའི་དོན་དེ་བདེན་པ་ཡིན་པ་མ་ཤེས་པར་ཞལ་གཟིགས་མཐོང་བ་རེད་སྙམ།  
\v 10 དེ་ནས་ཁོང་གཉིས་སྲུང་དམག་རིམ་པ་དང་པོ་དང་གཉིས་པ་བརྒལ་ནས་གྲོང་ཁྱེར་དུ་འགྲོ་བའི་ལྕགས་སྒོར་སླེབས་པ་དང་སྒོ་ཆེན་དེ་ཡང་རང་ཤུགས་ཀྱིས་ཕྱེས༌ཤིང༌། ཁོང་གཉིས་ཕྱི་རོལ་ཏུ་བུད་དེ་སྲང་ལམ་ཞིག་ཏུ་འགྲོ་བ་ན་ཕོ་ཉ་དེ་ཁོང་དང་བྲལ་ནས་སོང་ངོ་།།  
\v 11 དེ་ནས་པེ་ཏྲོ་གོ་རྟོགས་སད་དེ་ན་རེ། ད་ལྟ་ངས་གཙོ་བོས་རང་གི་ཕོ་ཉ་མངགས་ཏེ་ཧེ་རོ་དཱའི་དབང་ཤེད་དང་ཡ་ཧུ་དཱ་པ་རྣམས་ཀྱི་རེ་དོན་ཐམས་ཅད་ལས་ང་རང་བསྐྱབས་པ་དངོས་གནས་ཤེས་ཞེས་གསུངས་སོ།།  
\v 12 དེ་ནས་ཁོང་གིས་དོན་དེ་ཤེས་ནས་མཱར་ཀུ་ཞེས་ཀྱང་འབོད་པའི་ཡོ་ཧ་ནན་གྱི་ཡུམ༌སྟེ། མིར་ཡམ་ཟེར་བ་དེའི་ཁྱིམ་དུ་སོང་བ་དང་གནས་དེར་མི་མང་པོ་འཛོམས་ཤིང་གསོལ་བ་འདེབས་ཀྱིན་འདུག  
\v 13 པེ་ཏྲོས་ཁྱིམ་དེའི་རྒྱལ་སྒོ་བརྡུངས་པ་ན་རའོ་དཱ་ཟེར་བའི་གཡོག་མོ་ཞིག་ཡོང་ནས་སུ་ཡིན་པར་བརྟགས་སོ།།  
\v 14 ཁོ་མོས་པེ་ཏྲོའི་སྐད་ཡིན་པ་ཤེས་ཏེ་ཤིན་ཏུ་དགའ་བར་གྱུར་ནས་སྒོ་འབྱེད་ཁོམ་ཡང་མ་བྱུང་བར་ཁྱིམ་ནང་དུ་བརྒྱུགས༌ནས། པེ་ཏྲོ་སྒོ་ཁར་སླེབས་འདུག་ཅེས་སྨྲས་པ༌ལ།  
\v 15 དེ་རྣམས་ཀྱིས་ཁྱོད་རང་སྨྱོས་པ་རེད་ཅེས་སྨྲས༌ནའང༌། གཡོག་མོས་དངོས་གནས་ཁོང་རེད་ཅེས་ནན་གྱིས་བརྗོད་པ༌དང༌། དེ་དག་གིས་ཁོང་གི་ཕོ་ཉ་ཡིན་པར་ངེས་ཞེས་སྨྲས་སོ།།  
\v 16 པེ་ཏྲོས་མུ་མཐུད་དུ་སྒོ་བརྡུངས་པ་ན་ཁོ་རྣམས་ཀྱིས་སྒོ་ཕྱེས་ཤིང་པེ་ཏྲོ་མཐོང་བ་དང་ངོ་མཚར་བར་གྱུར་ཏོ།།  
\v 17 དེ་ནས་པེ་ཏྲོས་ཁོ་རྣམས་ལ་ཅི་ཡང་མི་སྨྲ་བའི་ལག་བརྡ་བྱས༌ཏེ། གཙོ་བོས་ཁོང་ཉིད་ཇི་ལྟར་བཙོན་ཁང་ལས་ཕྱི་རུ་ཁྲིད་ཚུལ་སྨྲས༌ཤིང༌། ཡང་ཁྱོད་རྣམས་ཀྱིས་དོན་འདི་ཡ་ཀོབ་ \f + \ft ཡ་ཀོབ་བྱ་བ་ནི་སྐྱབས་མགོན་ཡེ་ཤུའི་གཅུང་པོ༌སྟེ། ཡེ་རུ་སཱ་ལེམ་གྱི་ཡེ་ཤུའི་ཆོས་ཚོགས་ཀྱི་ཆོས་དཔོན་ཞིག༌ཡིན། \f*དང་སྤུན་ཟླ་རྣམས་ལ་ཤོད་ཅིག་ཅེས་གསུངས་པ་དང་སྒོའི་ཕྱི་རུ་བུད་དེ་ཡུལ་གཞན་དུ་སོང༌ངོ༌།།   
\p
\v 18 དེ་ནས་ནམ་ལངས་པ་དང་སྲུང་དམག་རྣམས་ཀྱིས་པེ་ཏྲོ་གང་དུ་ཕྱིན་པ་མ་ཤེས་པས་ཟང་ཟིང་ལང་ལོང་དུ་གྱུར་ཏོ།།  
\v 19 ཧེ་རོ་དཱས་ཀྱང་ཁོང་བཙལ་ཀྱང་མ་རྙེད་པས་སྲུང་དམག་ལ་འདྲི་རྩད་བྱས་ཤིང་དེ་རྣམས་གསོད་དགོས་པའི་བཀའ་ཕབ། དེའི་རྗེས༌སུ། ཧེ་རོ་དཱ་ཁོ་རང་ཡང་ཡ་ཧུ་དཱའི་ཡུལ་དང་བྲལ་ནས་མར་ཀེ་སར་ཡཱ་རུ་སོང་སྟེ་གནས་བཅས༌སོ།།   
\s1 ཧེ་རོ་དཱ་ཤི་བའི༌སྐོར།  
\p
\v 20 ཐཱར་དང་ཚི་ཏུན་པ་རྣམས་ལ་ཧེ་རོ་དཱ་ཤིན་ཏུ་ཁྲོས་པར་གྱུར༌ཅིང་། གྲོང་ཁྱེར་དེ་དག་གི་འབྲུ་རིགས་ནི་ས་གནས་རྒྱལ་པོ་ཧེ་རོ་དཱའི་ཡུལ་ནས་ཐོབ་པ་ཡིན༌པས། མི་དེ་རྣམས་འདུས་ནས་རྒྱལ་པོའི་ནང་བློན་པཱ་ལོས་ཐོ་ལ་བློ་བཅོལ་ཞིང་རྒྱལ་པོའི་དྲུང་དུ་སོང་ནས་བློ་གཅིག་སེམས་གཅིག་གིས་འདུམ་འགྲིག་བྱེད་པའི་ཞུ་བ་ཞུས་སོ།།  
\v 21 དེ་ཡང་ཧེ་རོ་དཱས་ཐག་གིས་བཅད་པའི་ཉིན་མོར་རྒྱལ་པོའི་གོས་ཆེན་མནབས་ནས་ཁྲི་ལ་བཞུགས་ཏེ་མི་རྣམས་ལ་གཏམ་སྨྲས་པ༌དང༌།  
\v 22 མི་རྣམས་ཀྱིས་སྐད་གསང་མཐོན་པོས་འདི་ནི་ལྷའི་གསུང་སྐད་ཡིན་པ་ལས་མིའི་སྐད་མིན་ཞེས་བརྗོད་དོ།།  
\v 23 ཧེ་རོ་དཱས་དཀོན་མཆོག་ལ་བསྟོད་པ་མ་ཕུལ༌བས། དེ་མ་ཐག་གཙོ་བོའི་ཕོ་ཉ་ཞིག་གིས་ཁོ་ལ་ཉེས་ཆད་བཅད་པ༌དང༌། ཁོ་རང་འབུ་སྲིན་གྱིས་ཟོས་ནས་ཤི་བར་གྱུར་ཏོ།།  
\v 24 འོན་ཀྱང་དཀོན་མཆོག་གི་བཀའ་རིམ་བཞིན་དར་ཞིང་རྒྱས༌པ་རེད།  
\v 25 པཱར་ན་པཱ་དང་སོ་ལོ་གཉིས་ཀྱིས་མངག་བཅོལ་ལྟར་རོགས་སྐྱོར་གྱི་ལས་འགན་བསྒྲུབས་རྗེས། ཡེ་རུ་སཱ་ལེམ་ནས་མཱར་ཀུ་ཞེས་ཀྱང་འབོད་པའི་ཡོ་ཧ་ནན་ཁྲིད་ནས་ཕྱིར་ལོག༌གོ།   
\c 13
\cl ལེའུ་བཅུ་གསུམ༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 ཕོལ་ལོལ་ཐེངས་དང་པོར་ཆོས་སྤེལ་དུ་ཕྱིན་པ།  
\p
\v 1 དེ་ཡང་ཨན་ཏི་ཡོག་ཡཱ་ཡི་ཆོས་ཚོགས་ཀྱི་ནང་དུ་ལུང་སྟོན་པ་དང་སློབ་དཔོན་འགའ་ཡོད༌དེ། པཱར་ན་པཱ༌དང༌། ནེ་གེར་ཞེས་ཀྱང་འབོད་པའི་སི་མུ༌ཨོན། ཀི་རེ་ནེ་ཞེས་པའི་ལོ་ཀེ༌ཨོ། ས་གནས་དཔོན་པོ་ཧེ་རོ་དཱ་དང་མཉམ་དུ་བསྙོར་བའི་མཱ་ན་ཧེན་དང་སོ་ལོ་བཅས༌ཡིན་ནོ།།  
\v 2 ཁོང་རྣམས་ཀྱིས་གཙོ་བོ་ལ་བསྙེན་བཀུར་བྱེད༌ཅིང༌སྨྱུང་གནས་སྲུང་བའི་དུས་སུ། དམ་པའི་ཐུགས་ཉིད་ཀྱིས་འདི་སྐད༌དུ། བདག་གི་ཆེད་དུ་ཁྱོད་རྣམས་ཀྱིས་པཱར་ན་པཱ་དང་སོ་ལོ་གཉིས་བདག་གིས་བསྐུལ་བའི་ཆོས་དོན་བསྒྲུབ་པར་སྐོས་ཤིག་ཅེས་གསུངས་སོ།།  
\v 3 དེ་ནས་ཁོང་རྣམས་ཀྱིས་ཀྱང་སྨྱུང་གནས་བསྲུངས་ཏེ་གསོལ་བ་བཏབ་པ་དང་ཁོང་གཉིས་ཀྱི་ལུས་ལ་ཕྱག་བཞག་རྗེས་ཡུལ་གཞན་དུ་བཏང༌ངོ༌།།   
\p
\v 4 དེ་ནས་ཁོང་གཉིས་དམ་པའི་ཐུགས་ཉིད་ཀྱིས་མངགས་ཏེ་མར་སི་ལོ་ཡཱ་རུ་སོང༌ཞིང༌། དེ་ནས་གྲུ་གཟིངས་ལ་བསྡད་དེ་ཀིབ་རིས་ལ་ཕྱིན་པ་རེད།  
\v 5 ཁོང་གཉིས་སཱ་ལ་མུ་རུ་སླེབས༌ཏེ། ཡ་ཧུ་དཱ་པའི་ཆོས་ཁང་སོ་སོ་ནས་དཀོན་མཆོག་གི་བཀའ་བསྒྲགས༌ཤིང༌། ཡོ་ཧ་ནན་ཡང་ཁོང་གཉིས་ཀྱི་ལས་གྲོགས་སུ་གྱུར་ཏོ།།  
\v 6 ཁོང་རྣམས་གླིང་ཕྲན་ཡོངས་སུ་བརྒྱུད་པའི༌མཐར། པཱ་ཕོ་རུ་སླེབས་པ་དང་དེ་རུ་སྒྱུ་མ་མཁན་ཡིན་པའི་ཡ་ཧུ་དཱ་པའི་ལུང་སྟོན་པ་རྫུས་མ་ཞིག་དང་ཕྲད་ཅིང་དེའི་མིང་ལ་པཱར་ཡེ་ཤུ་ཟེར།  
\v 7 མི་དེ་ནི་དུས་རྒྱུན་སྤྱི་དཔོན་སུར་ཀེ་ཕོལ་ལོལ་དང་མཉམ་དུ་གནས༌ཤིང༌། སྤྱི་དཔོན་དེ་ནི་བློ་གྲོས་དང་ལྡན་པ་ཞིག་ཡིན༌ཏེ། ཁོས་དཀོན་མཆོག་གི་བཀའ་ལ་མཉན་པའི༌ཕྱིར། པཱར་ན་པཱ་དང་སོ་ལོ་གཉིས་གདན་དྲངས༌པ་རེད།  
\v 8 འོན༌ཀྱང༌། གྷི་རིག་སྐད་ཀྱི་ཨི་ལི་མཱ་བྱ་བའི་སྒྱུ་མ་མཁན་ \f + \ft གྷི་རིག་སྐད་ཀྱི་ཨི་ལི་མཱ་ཞེས་པ་ནི་གོང་གི་པཱར་ཡེ་ཤུ་ཞེས་ཟེར་བ་ལ་ངོས་འཛིན༌དགོས།\f*དེས་སྤྱི་དཔོན་ཁོང་ཉིད་དད་པ་ལས་བཟློག་པར་བསམས་ནས་ཁོང་གཉིས་ལ་འགོག་རྒོལ་བྱས་སོ།།  
\v 9 དེ་ནས་ཕོལ་ལོལ་ཞེས་ཀྱང་འབོད་པའི་སོ་ལོ་ལ་དམ་པའི་ཐུགས་ཉིད་ཀྱིས་ཁྱབ༌ཅིང༌། ཁོང་གིས་མི་དེ་ལ་ཞིབ་ཏུ་བལྟས་ཏེ་འདི་སྐད༌དུ།  
\v 10 གཡོ་སྒྱུ་དང་ཁྲམ་སེམས་ཀྱིས་ཁེངས་པའི་བདུད་ཀྱི༌བུ། དྲང་བདེན་ཐམས་ཅད་ཀྱི་དགྲ་བོ་ཁྱོད་ཀྱིས་དཀོན་མཆོག་གི་ལམ་ཡང་དག་པ་དེ་འཁྱོག་བཤད་བྱས་ནས་ད་དུང་མཚམས་མི་འཇོག༌གམ།  
\v 11 ད་ལྟ་གཙོ་བོའི་ཕྱག་གིས་ཁྱོད་ཀྱི་མིག་ལོང་བར་བྱས་ནས་རེ་ཞིག་ཉི་མའི་འོད་མི་མཐོང་བར་འགྱུར་ཞེས་སྨྲས་མ་ཐག ཁོའི་མིག་ལ་མུན་ནག་འཐིབས་ཏེ་ཅི་ཡང་མ་མཐོང་བས་ཕྱོགས་བཞིར་ལམ་ཁྲིད་པ་འཚོལ་བཞིན་གདའོ།།  
\v 12 དེ་ནས་སྤྱི་དཔོན་གྱིས་དོན་དེ་མཐོང་ནས་གཙོ་བོའི་བཀའ་ཆོས་ལ་ཤིན་ཏུ་ངོ་མཚར་ཞིང་དད་པར་གྱུར༌ཏོ།།   
\s1 ཕུ་སིད་ཡཱ་ཡུལ་གྱི་ཨན་ཏི་ཡོག་ཡཱ་གྲོང་ཁྱེར་དུ་ཆོས་སྤེལ༌བ།  
\p
\v 13 དེ་ནས་ཕོལ་ལོལ་དང་ཁོང་གི་ཆོས་གྲོགས་རྣམས་པཱ་ཕོ་ནས་གྲུ་གཟིངས་ལ་བསྡད་དེ་ཕཱམ་ཕིལ་ཡ་ཡུལ་གྱི་ཕིར་གེ་རུ་སླེབས༌རྗེས། ཡོ་ཧ་ནན་ཁོང་རྣམས་དང་ཁ་བྲལ་ནས་ཡེ་རུ་སཱ་ལེམ་དུ་ལོག་གོ།  
\v 14 དེ་ནས་ཁོང་རྣམས་ཕིར་གེ་དང་ཁ་བྲལ་ནས་ཕུ་སིད་ཡཱ་ཡུལ་གྱི་ཨན་ཏི་ཡོག་ཡཱ་རུ་ཕྱིན༌ཏེ། ངལ་གསོ་བའི་ཉིན་མོར་ཆོས་ཁང་དུ་སོང་ནས་བཞུགས་པ་རེད།  
\v 15 དེ་ནས་བཀའ་ཁྲིམས་དང་ལུང་སྟོན་པའི་མདོ་ལས་ཚན་པ་ཞིག་བཀླགས་ཚར་བ༌ན། ཆོས་ཁང་གི་དབུ་འཛིན་པས་མི་མངགས་ཏེ་ན༌རེ། སྤུན་ཟླ༌རྣམས། གལ་ཏེ་ཁྱེད་ཅག་ལ་མི་རྣམས་ཀྱི་སེམས་སྐུལ་བའི་གཏམ་ཡོད་ན་གསུང་རོགས་ཞུ་ཞེས་ངག་འཕྲིན་བསྐུར༌ཏོ།།   
\p
\v 16 དེ་ནས་ཕོལ་ལོལ་ཡར་ལངས་ནས་ལག་བརྡ་བྱས་ཏེ་འདི་སྐད༌དུ། ཡེས་ར་ཨེལ་པ་རྣམས་དང་དཀོན་མཆོག་ལ་དད་གུས་ཡོད་པའི་མི་ཐམས་ཅད་ཀྱིས་ཉོན༌ཅིག  
\v 17 རང་རེ་ཡེས་ར་ཨེལ་མི་རིགས་ཀྱི་དཀོན་མཆོག་གིས་བདག་ཅག་གི་ཕ་མེས་རྣམས་བདམས༌ཤིང༌། མི་དེ་རྣམས་ཨེ་ཅིབ་ཡུལ་དུ་སྡོད་པའི༌ཚེ་ཁོ་རྣམས་ཆེན་པོར་མཛད་པ༌དང༌། ནུས་མཐུ་ལྡན་པའི་སྒོ་ནས་ཡུལ་དེ་ནས་ཕྱིར་ཁྲིད༌ཅིང༌།  
\v 18 ཡང་དབེན་སྟོང་ཡུལ་ནས་ལོ་ངོ་བཞི་བཅུ་ལྷག་གི་རིང༌ལ་མེས་པོ་རྣམས་ལ་བཟོད་སྒོམ་མཛད༌པ་དང་།  
\v 19 ཡང་ཁོང་གིས་ཀ་ན་ཨན་ཡུལ་གྱི་མི་རིགས་བདུན་པོ་རྡུལ་དུ་བརླག༌ཅིང༌། ཡུལ་དེ་ཡེས་ར་ཨེལ་པ་རྣམས་ལ་བགོ་སྐལ་དུ་གནང༌བ་ཡིན།  
\v 20 དོན་དེ་ཐམས་ཅད་ནི་ལོ་ངོ་བཞི་བརྒྱ་ལྔ་བཅུ་ཙམ་གྱི་རིང་ལ་བྱུང་བ་ཡིན། དེའི་རྗེས༌སུ། ཁོང་གིས་ལུང་སྟོན་པ་སཱ་མུ༌ཨེལ་གྱི་བར་དུ་མེས་པོ་དག་ལ་ཁྲིམས་དཔོན་བསྐོས༌པ་དང་།  
\v 21 ཕྱིས་སུ། ཁོ་རྣམས་ཀྱིས་རྒྱལ་པོ་ཞིག་གནང་བར་ཞུ་བ་ཞུས་པ༌ལ། དཀོན་མཆོག་གིས་པེན་ཡཱ་མེན་གྱི་ཚོ་པར་གཏོགས་པའི་ཁི་སི་ཞེས་པའི་བུ༌སྟེ། སོ་ལོ་ཟེར་བ་དེ་ལོ་བཞི་བཅུའི་རིང་ཁོ་རྣམས་ཀྱི་རྒྱལ་པོར་གནང༌ངོ་།།  
\v 22 ཡང་ཁོང་གིས་སོ་ལོ་ཕྱིར་བཏོན་པར་མཛད་ནས་དཱ་བིད་ཁོ་རྣམས་ཀྱི་རྒྱལ་པོར་བསྐོས༌ཤིང༌། དེ་ལ་དཔང་པོ་མཛད་ནས་འདི་སྐད༌དུ། ངས་ཡེ་སེའི་བུ་དཱ་བིད་རྙེད་དེ་ཁོ་ནི་ངའི་ཐུགས་སུ་འབྱོན་པའི་མི་ཞིག་ཡིན་ཞིང༌། ཁོས་བདག་གི་དགོངས་དོན་ཐམས་ཅད་ཇི་བཞིན་དུ་བསྒྲུབ་པར་འགྱུར་ཞེས་གསུངས་སོ།།  
\v 23 དཱ་བིད་ཀྱི་རིགས་རྒྱུད་ལས་དཀོན་མཆོག་གིས་རང་ཉིད་ཀྱི་ཞལ་བཞེས༌ལྟར། ཡེས་ར་ཨེལ་པ་རྣམས་ལ་སྐྱབས་མགོན་དུ་ཡེ་ཤུ་མངགས་པ་ཡིན་ནོ།།  
\v 24 ཁོང་མ་བྱོན་པའི་སྔོན༌ལ། ཡོ་ཧ་ནན་གྱིས་ཡེས་ར་ཨེལ་པ་ཐམས་ཅད་ལ་འགྱོད་བཤགས་ཀྱི་རྟགས་སུ་ཁྲུས་གསོལ་གྱི་ཆོས་བསྒྲགས༌ཤིང༌།  
\v 25 ཡོ་ཧ་ནན་གྱིས་དོན་འདི་བསྒྲུབས་ཚར་ལ་ཉེ་བའི་དུས་སུ་འདི་ལྟར་གསུངས་པ་སྟེ། ཁྱོད་ཅག་གིས་ང་རང་སུ་རེད་འདོད༌དམ། ང་ནི་སྐྱབས་མགོན་མཱ་ཤི་ཀ་མིན། ངས་རང་གི་རྗེས་སུ་ཕེབས་ངེས་པ་ཁོང་གི་ལྷམ་མདུད་ཀྱང་དགྲོལ་བར་མི་འོས་ཞེས་པའོ།།   
\p
\v 26 ཡང་ཕོལ་ལོལ་ན༌རེ། སྤུན་ཟླ་རྣམ་པ། ཨབ་ར་ཧམ་གྱི་བུ་རྒྱུད༌དང་། ཁྱོད་ཅག་ལས་དཀོན་མཆོག་ལ་དད་གུས་ཡོད་པའི་མི༌རྣམ་པ། དཀོན་མཆོག་གིས་འཇིག་རྟེན་སྐྱོབ་པར་བྱེད་པའི་བཀའ་འདི་བདག་ཅག་ལ་གནང་བ་ཡིན་ནོ།།  
\v 27 ཡེ་རུ་སཱ་ལེམ་དུ་སྡོད་པའི་མི་རྣམས་དང་དེ་དག་གི་དཔོན་རིགས་རྣམས་ཀྱིས་གཙོ་བོ་ཡེ་ཤུ་སུ་ཡིན་མ་ཤེས༌ལ། ངལ་གསོ་བའི་ཉིན་རེ་རེར་བཀླགས་པའི་ལུང་སྟོན་པ་རྣམས་ཀྱི་གསུང་ཡང་མ་གོ༌བར། ཁོང་ལ་སྲོག་ཆད་བཅད་ནས་ལུང་བསྟན་ལྟར་འགྲུབ་པར་བྱས་པ་རེད།  
\v 28 དེ་དག་གིས་ཁོང་ལ་སྲོག་ཆད་གཅོད་དགོས་པའི་ཉེས་སྐྱོན་ཅི་ཡང་མ་རྙེད༌ནའང༌། པི་ལ་ཏུ་ལ་ཁོང་ཉིད་དགྲོང་དགོས་པའི་རེ་བ་ཞུས་སོ།།  
\v 29 དེ་ཡང་ཁོ་རྣམས་ཀྱིས་གསུང་རབ་ལས་སྐྱབས་མགོན་ཡེ་ཤུའི་སྐོར་བཀོད་ཡོད་པའི་དོན་ཐམས་ཅད་བསྒྲུབས༌རྗེས། མི་གཞན་རྣམས་ཀྱིས་ཁོང་གི་སྐུ་པུར་སྡོང་པོ་ལས་མར་བླངས་ཏེ་དུར་ཁུང་ཞིག་ཏུ་དུར་ལ་བཅུག་གོ།  
\v 30 འོན༌ཀྱང༌། དཀོན་མཆོག་གིས་ཁོང་ཉིད་གྲོངས་པ་ནས་སླར་གསོན་པར་མཛད་པ༌དང༌།  
\v 31 དེ་སྔར་ག་ལིལ་ཡུལ་ནས་ཁོང་དང་མཉམ་དུ་ཡེ་རུ་སཱ་ལེམ་ལ་ཡོང་མཁན་རྣམས་ཀྱིས་ཀྱང་ཉིན་མང་པོར་ཁོང་ཉིད་མཐོང་མྱོང་བ༌དང༌། མི་དེ་དག་ནི་ད་ལྟ་མི་རྣམས་ཀྱི་མདུན་དུ་ཁོང་ལ་བདེན་དཔང་བྱེད་མཁན་ཡང་ཡིན་ནོ།།  
\v 32 ངེད་རྣམས་ཀྱིས་ཀྱང་ཁྱོད་ཅག་ལ་འཕྲིན་བཟང་འཆད་པར༌བྱ་སྟེ། དེ་སྔར་དཀོན་མཆོག་གིས་བདག་ཅག་གི་ཕ་མེས་ཡང་མེས་ལ་ཞལ་བཞེས་གནང་བ་དེ༌ནི།  
\v 33 དཀོན་མཆོག་གིས་ཀྱང་བདག་ཅག་བུ་རབས་ཚ་རྒྱུད་རྣམས་ཀྱི་དུས་འདིར་སྐྱབས་མགོན་ཡེ་ཤུ་སླར་གསོན་པར་མཛད་པའི་སྒོ་ནས་བསྒྲུབས༌པ་ལགས། དེ་ལ་གསུང་མགུར་གཉིས་པ༌ལས།  
\q1 ཁྱོད་ནི་བདག་གི་སྲས་ཡིན༌ཞིང༌།།  
\q1 དེ་རིང་བདག་ལ་འཁྲུངས་པ་ཡིན།།  
\m ཞེས་གསུངས་པ་བཞིན༌ནོ།།  
\v 34 ཡང་དཀོན་མཆོག་གིས་ཁོང་ཉིད་གྲོངས་པ་ནས་སླར་གསོན་པར་མཛད་ཅིང་དུས་ནམ་ཡང་མི་འཇིག་པའི་སྐོར་ལ་ཇི་སྐད༌དུ།  
\q1 ཡང་དག་བདེན་པའི་བྱིན་གྱིས་བརླབས་པ༌ནི།།  
\q1 དཱ་བིད་ཁོང་ལ་ཇི་ལྟར་གནང་བ༌བཞིན།།  
\q1 བདག་གིས་ཁྱོད་ཚོར་དེ་ལྟར་སྦྱིན་པར༌བྱ།།  
\m ཞེས་གསུངས༌པའོ།།  
\v 35 དེའི༌ཕྱིར། གསུང་མགུར་གཞན་ལས་ཀྱང་ཇི་སྐད༌དུ།  
\q1 ཁྱོད་ཀྱིས་རང་གི་སྐྱེས་བུ་དམ་པ༌ནི།།  
\q1 ནམ་ཡང་རུལ་དུ་འཇུག༌པ་མ་ཡིན་ནོ།།  
\m ཞེས་གསུངས༌སོ།།  
\v 36 དཱ་བིད་འཚོ་གཞེས་ཀྱི་དུས༌སུ། དཀོན་མཆོག་གི་དགོངས་པ་བཞིན་དུ་ཞབས་ཕྱི་བསྒྲུབས༌རྗེས། ཁོང་ཚེ་ལས་འདས་པ་དང་རང་གི་ཕ་མེས་ཡང་མེས་དང་མཉམ་དུ་དུར་ལ་བཅུག་པ་དང་བེམ་པོའང་འཇིག་པར་གྱུར་ཏོ།།  
\v 37 འོན༌ཀྱང༌། དཀོན་མཆོག་གིས་སླར་གསོན་པར་མཛད་པ་དེ་ཉིད་འཇིག་པར་མ་གྱུར་ཏོ།།  
\v 38 དེའི༌ཕྱིར། སྤུན་ཟླ༌རྣམས། དོན་འདི་ཤེས་པར༌གྱིས། སྡིག་པ་སེལ་བའི་བཀའ་ནི་སྐྱབས་མགོན་ཡེ་ཤུ་བརྒྱུད་ནས་ཁྱོད་རྣམས་ལ་སྒྲོག་པར་བྱེད།  
\v 39 མོ་ཤེའི་བཀའ་ཁྲིམས་ལ་བརྟེན་ནས་ཁྱོད་ཅག་རྣམ་དག་ཏུ་བརྩི་མི་ནུས༌ཤིང༌། སྐྱབས་མགོན་ཡེ་ཤུ་བརྒྱུད༌ནས་དད་པ་བྱེད་མཁན་ཐམས་ཅད་རྣམ་དག་ཏུ་རྩི་བར་མཛད་དོ།།  
\v 40 དེ་བས་ལུང་སྟོན་པའི་ལུང་བསྟན་ལས་གསུངས་པ་རྣམས་ཁྱོད་ཅག་ལ་མི་འཕོག་པའི་ཕྱིར་གཟབ་པར༌གྱིས།  
\v 41 དེ་ལ་ཇི་སྐད༌དུ།  
\q1 བདག་གིས་ཁྱོད་ཚོའི་དུས་འདི༌རུ།།  
\q1 དོན་ཞིག་བསྒྲུབ་ཀྱང་ཁྱོད་རྣམས༌ལ།།  
\q1 གཞན་གྱིས་དོན་དེ་བརྗོད་ན༌ཡང༌།།  
\q1 ཁྱོད་ཅག་ཡིད་ཆེས་མེད་པའི༌ཕྱིར།།  
\q1 འཕྱ་མཁན་ཁྱོད་རྣམས་ལྟོས་ཤིག༌ཀྱེ།།  
\q1 ངོ་མཚར་བ་དང་འཇིག་པར༌ཤོག །  
\m ཅེས་པའོ་ཞེས་གསུངས༌སོ།།   
\p
\v 42 དེ་ནས་ཁོང་རྣམས་ཆོས་ཁང་ལས་ཕྱིར་བུད་པ༌དང༌། མི་དེ་རྣམས་ཀྱིས་ངལ་གསོ་བའི་ཉིན་རྗེས་མར་ཡང་དོན་འདིའི་སྐོར་ཁོང་རྣམས་ལ་གསུང་བའི་རེ་བ་ཞུས༌ཤིང་།  
\v 43 ཆོས་ཁང་གི་ཚོགས་གྲོལ༌རྗེས། ཡ་ཧུ་དཱ་པ་དང་ཡ་ཧུ་དཱ་པའི་ཆོས་ལུགས་ལ་ཞུགས་པའི་མི་མང་པོ་ཞིག་ཕོལ་ལོལ་དང་པཱར་ན་པཱ་གཉིས་ཀྱི་རྗེས་སུ་འབྲངས་པ༌དང༌། ཁོང་གཉིས་ཀྱིས་ཀྱང་མི་དེ་རྣམས་ལ་དུས་རྟག་ཏུ་དཀོན་མཆོག་གི་ཐུགས་རྗེའི་ནང་གནས་པར་སྐུལ་མ་མཛད༌དོ།།   
\p
\v 44 དེ་ནས་གཟའ་འཁོར་རྗེས་མའི་ངལ་གསོ་བའི་ཉིན་མོར་གྲོང་ཁྱེར་གྱི་མི་མང་ཤོས་ནི་དཀོན་མཆོག་གི་བཀའ་ལ་མཉན་ཕྱིར་ལྷན་དུ་འདུས༌པ་རེད།  
\v 45 འོན༌ཀྱང༌། ཡ་ཧུ་དཱ་པ་རྣམས་ཀྱིས་མི་དེ་འདྲ་མང་བ་མཐོང་ནས་ཕྲག་དོག་སྐྱེས༌ཏེ། ཕོལ་ལོལ་གྱིས་གསུངས་པ་ལ་དགག་ཅིང་དམའ་འབེབས་བྱས་སོ།།  
\v 46 དེ་ནས་ཕོལ་ལོལ་དང་པཱར་ན་པཱ་གཉིས་ཀྱིས་སྤོབས་པ་ཆེན་པོས་འདི་སྐད༌དུ། དཀོན་མཆོག་གི་བཀའ་ནི་ཐོག་མར་ཁྱོད་རྣམས་ལ་བསྒྲག་འོས་པ་ཡིན༌མོད། འོན་ཀྱང་ཁྱོད་རྣམས་ཀྱིས་བཀའ་དེ་སྤངས༌ཤིང༌། རང་ཉིད་ལ་མཐའ་མེད་པའི་ཚེ་སྲོག་འཐོབ་མི་འོས་པའི་ཁ་ཚོན་བཅད༌པས། ལྟོས་དང་། ངེད་ཅག་ཕྱི་ཕྱོགས་པ་རྣམས་ལ་བཀའ་བསྒྲག་པར༌འགྲོའོ།།  
\v 47 རྒྱུ་མཚན་ནི་གཙོ་བོས་ངེད་ཅག་ལ་འདི་སྐད༌དུ།  
\q1 ས་མཐའི་བར་དུ་ཐར་པའི་ཆོས་བསྒྲག༌ཕྱིར།།  
\q1 བདག་གིས་ཁྱོད་ནི་ཕྱི་ཕྱོགས་མི་རྣམས༌ལ།།  
\q1 འཕྲོ་བར་བྱེད་པའི་འོད་དུ་བསྐོས་པ༌ཡིན།།  
\m ཞེས་བཀའ་གནང༌ངོ༌།།  
\v 48 དེ་ནས་ཕྱི་ཕྱོགས་པ་རྣམས་ཀྱིས་གསུང་དེ་ཐོས་ནས་ཤིན་ཏུ་དགའ་བར་གྱུར་ཏེ་གཙོ་བོའི་བཀའ་ལ་བསྟོད་ཅིང་བསྔགས་པ༌དང༌། དཀོན་མཆོག་ཉིད་ཀྱིས་སྔར་ནས་མཐའ་མེད་པའི་ཚེ་སྲོག་འཐོབ་པར་ཅི་ཙམ་ཐག་གིས་བཅད་པ་བཞིན་མི་རྣམས་ཁོང་ལ་དད་པར་གྱུར༌པས།  
\v 49 གཙོ་བོའི་བཀའ་ཡུལ་དེ་ཐམས་ཅད་ལ་ཁྱབ་པར་གྱུར་ཏོ།།  
\v 50 འོན་ཀྱང་ཡ་ཧུ་དཱ་པ་རྣམས་ཀྱིས་གྲོང་ཁྱེར་ནང་གི་དད་མོས་ཡོད་པ་དང་བཀུར་འོས་པའི་བུད་མེད་དང་དཔོན་རིགས་རྣམས་ལ་ངན་སྐུལ་བྱས༌ཏེ། ཕོལ་ལོལ་དང་པཱར་ན་པཱ་གཉིས་ལ་བཙན་ཤུགས་བཀོལ་ནས་ཡུལ་དེ་ལས་ཕྱིར་བཏོན་ནོ།།  
\v 51 དེ་བས་ཁོང་གཉིས་ཀྱིས་མི་དེ་དག་གི་ཕྱོགས་སུ་རྐང་པའི་སྟེང་གི་ས་རྡུལ་སྤྲུགས་ཏེ་ཨི་ཀོན་ཡུ་རུ་ཕྱིན༌པ་དང་།  
\v 52 རྗེས་འབྲང་པ་རྣམས་ཀྱི་སེམས་ལ་དགའ་སྤྲོས་ཁེངས་ཤིང་དམ་པའི་ཐུགས་ཉིད་ཀྱིས་ཁྱབ་པར་གྱུར༌ཏོ།།   
\c 14
\cl ལེའུ་བཅུ་བཞི༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 ཕོལ་ལོལ་དང་པཱར་ན་པཱ་གཉིས་ཨི་ཀོན་ཡུ་གྲོང་ཁྱེར་དུ་བཞུགས༌པ།  
\p
\v 1 དེ་ནས་ཕོལ་ལོལ་དང་པཱར་ན་པཱ་གཉིས་མཉམ་དུ་ཨི་ཀོན་ཡུ་ལ་ཡོད་པའི་ཡ་ཧུ་དཱ་པའི་ཆོས་ཁང་ལ་སོང་ནས། དེར་བཀའ་ལེགས་པར་གསུངས་པས་ཡ་ཧུ་དཱ་པ་དང་གྷི་རིག་པ་ཤིན་ཏུ་མང་པོ་དད་པར་གྱུར་ཏོ།།  
\v 2 འོན༌ཀྱང༌། དད་པ་མེད་པའི་ཡ་ཧུ་དཱ་པ་རྣམས་ཀྱིས་ཕྱི་ཕྱོགས་པ་རྣམས་ལ་ངན་སྐུལ་བྱས་ཏེ། སྤུན་ཟླ་རྣམས་དང་དེ་རྣམས་ཀྱི་བར་ལ་ཕྲ་མ་བཅུག  
\v 3 ཁོང་གཉིས་ཡུལ་དེར་ཡུན་རིང་དུ་བཞུགས༌ཤིང༌། གཙོ་བོ་ལ་བརྟེན་ནས་སྤོབས་པ་ཆེན་པོས་བཀའ་གསུངས་པ༌དང༌། གཙོ་བོས་ཀྱང་ཁོང་གཉིས་བརྒྱུད་ནས་གྲུབ་རྟགས་དང་ངོ་མཚར་བའི་དོན་བསྟན་ཏེ་རང་ཉིད་ཀྱི་ཐུགས་རྗེའི་བཀའ་ལ་བདེན་དཔང་མཛད་དོ།།  
\v 4 དེ་ནས་གྲོང་ཁྱེར་གྱི་མི་དེ་རྣམས་ཕྱོགས་གཉིས་སུ་གྱེས༌ཏེ། ལ་ལ་ནི་ཡ་ཧུ་དཱ་པའི་ཕྱོགས༌དང༌། ལ་ལ་ནི་སྐུ་ཚབ་པའི་ཕྱོགས་སུ་འཁོར།  
\v 5 དུས༌དེར། ཕྱི་ཕྱོགས་པ་དང་ཡ་ཧུ་དཱ་པ་རྣམས༌དང༌། གཞན༌ཡང༌། དེ་དག་གི་འགོ་དཔོན་རྣམས་དང་བཅས་པས་ཕོལ་ལོལ་དང་པཱར་ན་པཱ་གཉིས་ལ་བརྙས་བཅོས་བྱེད་པ་དང་རྡོ་རུབ་གཏོང་བར་རྩོམ་པ༌ལ།  
\v 6 ཁོང་གཉིས་ཀྱིས་དོན་དེ་ཤེས་ནས་ལི་ཀ་ཨོན་ཡཱ་ཡུལ་གྱི་ལིས་ཏྲ་དང་དིར་སྦེ་གྲོང་ཁྱེར་གཉིས་དང་དེའི་མཐའ་འཁོར་གྱི་ཡུལ་དུ་བྲོས༌ཤིང༌།  
\v 7 གནས་དེ་ནས་ཀྱང་མུ་མཐུད་དུ་འཕྲིན་བཟང་བསྒྲགས༌སོ།།   
\s1 ལིས་ཏྲ་དང་དིར་སྦེ་གྲོང་ཁྱེར་དུ་ཆོས་སྤེལ་བའི༌ཚུལ།  
\p
\v 8 དེ་ཡང་ལིས་ཏྲ་གྲོང་ཁྱེར་དུ་རྐང་པར་ཤེད་ཤུགས་མེད་ཅིང་སྐྱེས་མ་ཐག་ནས་རྐང་པ་ཞ་བ་དང་གོམ་པའི་འདེགས་འཇོག་བསྒྱུར་མ་མྱོང་བའི་མི་ཞིག་ཡོད༌དེ།  
\v 9 ཁོས་ཕོལ་ལོལ་གྱིས་ཆོས་འཆད་པ་ལ་མཉན༌ཞིང༌། ཕོལ་ལོལ་གྱིས་ཀྱང་ཞ་བོ་དེ་ལ་ཞིབ་ལྟ་བྱས་པ༌ན། ཞ་བོ་དེ་ལ་རང་གི་ནད་གསོ་ཐུབ་པའི་དད་པ་ཡོད་པ་མཐོང༌སྟེ།  
\v 10 གསུང་སྐད་ཆེན་པོས་འདི་ལྟར། ཁྱོད་ཀྱིས་རང་གི་རྐང་པ་སར་བཙུགས་ནས་དྲང་མོར་ལོངས་ཤིག་ཅེས་གསུངས་པ༌ལ། ཞ་བོ་དེ་ཡར་ལྡིང་ཞིང་འགྲོ་བར་བྱས་སོ།།  
\v 11 དེ་ནས་ཕོལ་ལོལ་གྱིས་མཛད་པའི་དོན་དེ་མི་ཚོགས་ཀྱིས་མཐོང་ནས་སྐད་ཆེན་པོས་ལི་ཀ་ཨོན་ཡཱ་ཞེས་པའི་ཡུལ་སྐད༌དུ། ལྷ་རྣམས་མི་རུ་སྤྲུལ་ནས་བདག་ཅག་གི་ཁྲོད་དུ་བབས་ཞེས་བཤད་པ༌དང༌།  
\v 12 པཱར་ན་པཱའི་མིང་ལ་བཟོའུ་ཟི་\f + \ft བཟོའུ་ཟི་ཞེས་པ་ནི་གཞི་བདག་གམ་སྲུང་མ་ལྟ་བུར༌གོ\f*ཞེས་བཏགས་པ༌དང༌། ཕོལ་ལོལ་ནི་གསུང་མཁན་གཙོ་བོ་ཡིན་པས་མིང་ལ་ཧུར་མེ་ \f + \ft ཧུར་མེ་ཞེས་པའང་བཟོའུ་ཟི་དང་འདྲ་བར་ལྷ་ཞིག༌ཡིན།\f*ཞེས་བཏགས༌སོ།།  
\v 13 གྲོང་ཁྱེར་གྱི་ཕྱི་རོལ་ཏུ་ཡོད་པའི་བཟོའུ་ཟི་ལྷ་ཁང་གི་མཆོད་དཔོན་གྱིས་མི་རྣམས་དང་མཉམ་དུ་སྐུ་ཚབ་པ་ལ་མཆོད་པ་འབུལ་བའི༌ཕྱིར། བ་གླང་འགའ་ཁྲིད་ཅིང་མེ་ཏོག་གི་ཕྲེང་བ་བཟུང་ནས་སྒོ་འགྲམ་དུ་སླེབས་སོ།།  
\v 14 འོན༌ཀྱང༌། སྐུ་ཚབ་པ་པཱར་ན་པཱ་དང་ཕོལ་ལོལ་གཉིས་ཀྱིས་དོན་དེ་ཤེས་ནས་རང་གི་ཕྱི་གོས་གཤགས་ཏེ་མི་ཚོགས་ཀྱི་ཁྲོད་དུ་བརྒྱུགས་ཤིང་སྐད་གསང་མཐོན་པོས་འདི་སྐད༌དུ།  
\v 15 མི་ཚོགས༌ཀྱེ། ཁྱོད་ཅག་གིས་འདི་ལྟར་བྱེད༌དོན་ཅི་ཡིན་ནམ། ངེད་གཉིས་ཀྱང་ཁྱོད་རྣམས་དང་འདྲ་བར་མིའི་རང་བཞིན་དང་ལྡན༌ཞིང༌། ཁྱོད་རྣམས་ལ་འཕྲིན་བཟང་སྒྲོག་དོན་ནི་ཁྱོད་རྣམས་ཀྱིས་ཁུངས་ལུང་མེད་པའི་དོན་འདི་རྣམས་སྤངས༌ཏེ། གཏན་དུ་གསོན་པོར་བཞུགས་པའི་དཀོན་མཆོག་གི་ཕྱོགས་སུ་འཁོར་དགོས་པ་དེ་ཡིན། དཀོན་མཆོག་ནི་ནམ་མཁའ་དང་ས༌གཞི། རྒྱ་མཚོ་བཅས་དང་དེ་དག་ལ་ཡོད་པའི་དངོས་པོ་ཐམས་ཅད་སྐྲུན་མཁན་ཡིན༌ལ།  
\v 16 ཁོང་གིས་འདས་ཟིན་པའི་དུས་དེར་མི་རིགས་ཀུན་ལ་རང་རང་གི་འདོད་མོས་བཞིན་བྱེད་ན་བྱེད་དུ་བཅུག་གོ།  
\v 17 འོན་ཀྱང་ཁོང་གིས་ཁྱོད་རྣམས་ལ་དུས་རྟག་ཏུ་ཐུགས་རྗེ་གནང་ཞིང་གནམ་ལས་ཆར་བ་དང་ས་ལས་ལོ་ལེགས་གནང༌སྟེ། ཁྱོད་རྣམས་ལ་བཟའ་བཏུང་རང་གྲུབ་དང་ཡིད་སེམས་དགའ་སྤྲོས་ཁེངས་པར་མཛད་པའི་སྒོ་ནས་ཁོང་རང་ཉིད་ལ་བདེན་དཔང་མཛད་ཅེས་གསུངས་སོ།།  
\v 18 ཁོང་གཉིས་ཀྱིས་དེ་ལྟར་གསུངས་ནས་མཆོད་པ་འབུལ་བའི་ལས་དེ་དཀའ་ཚེགས་དང་བཅས་བཀག་པ་རེད།  
\v 19 དེ་ནས་ཨན་ཏི་ཡོག་ཡཱ་དང་ཨི་ཀོན་ཡུ་ནས་ཡོང་བའི་ཡ་ཧུ་དཱ་པ་ཁ་ཤས་ཀྱིས་མི་རྣམས་ལ་ངན་སྐུལ་བྱས༌ཤིང༌། དེ་རྣམས་ཀྱིས་ཕོལ་ལོལ་རྡོ་རུབ་བཏང་སྟེ་ཤི་བར་གྱུར་སྙམ་ནས་གྲོང་ཁྱེར་ཕྱི་རོལ་ཏུ་དྲུད་ནས་བཞག་གོ།  
\v 20 འོན༌ཀྱང༌། རྗེས་འབྲང་པ་རྣམས་ཀྱིས་ཁོང་གི་མཐའ་བསྐོར་ནས་སྡོད་པ་ལ། ཕོལ་ལོལ་ཡར་ལངས་ཏེ་ལིས་ཏྲ་གྲོང་ཁྱེར་དུ་ཕེབས༌ཤིང་། དེའི་ཕྱི༌ཉིན། པཱར་ན་པཱ་དང་མཉམ་དུ་དིར་སྦེ་རུ་ཕྱིན༌ཏོ།།   
\s1 ཕུ་སིད་ཡཱ་ཡུལ་གྱི་ཨན་ཏི་ཡོག་ཡཱ་གྲོང་ཁྱེར་དུ་ཕྱིར་ཕེབས༌པ།  
\p
\v 21 ཕོལ་ལོལ་དང་པཱར་ན་པཱ་གཉིས་ཀྱིས་གྲོང་ཁྱེར་དེའི་མི་རྣམས་ལ་འཕྲིན་བཟང་བསྒྲགས་ཏེ་མི་མང་པོ་སྐྱབས་མགོན་ཡེ་ཤུའི་རྗེས་སུ་འབྲང་དུ་བཅུག་གོ། དེ་ནས་ཁོ་གཉིས་ལིས་ཏྲ་དང་ཨི་ཀོན༌ཡུ། ཨན་ཏི་ཡོག་ཡཱ་བཅས་སུ་ཕྱིར་ལོག༌སྟེ།  
\v 22 རྗེས་འབྲང་པ་རྣམས་ཀྱི་སེམས་བརྟན་པོར་བྱས་ཤིང་དད་པ་ལ་གཏན་དུ་གནས་པར་བསྐུལ་ཏེ། བདག་ཅག་ནི་དཀོན་མཆོག་གི་རྒྱལ་སྲིད་དུ་ཞུགས༌ན། ངེས་པར་དཀའ་སྡུག་མང་པོ་མྱང་དགོས་ཞེས་གསུངས་སོ།།  
\v 23 དེ་ནས་ཁོང་གཉིས་ཀྱིས་ཆོས་ཚོགས་སོ་སོར་རྒན་པོ་འགའ་རེ་བསྐོས་ཤིང་སྨྱུང་གནས་བསྲུངས་པ་དང་གསོལ་བ་བཏབ༌ནས། དེ་རྣམས་རང་གི་དད་པ་བྱེད་ཡུལ་ཏེ་གཙོ་བོ་ལ་བཅོལ༌བ་རེད།  
\v 24 དེ་ནས་ཁོང་གཉིས་ཕུ་སིད་ཡཱ་ཡུལ་བརྒྱུད་ནས་ཕཱམ་ཕིལ་ཡ་ཡུལ་དུ་འབྱོར་པ༌དང༌།  
\v 25 ཕིར་གེ་རུ་དཀོན་མཆོག་གི་བཀའ་བསྒྲགས༌རྗེས། མར་ཨ་ཏལ་ཡཱ་རུ་ཕེབས༌ཤིང༌།  
\v 26 དེར་གྲུ་གཟིངས་ལ་བསྡད་ཅིང་ཨན་ཏི་ཡོག་ཡཱ་གྲོང་ཁྱེར་དུ་ཕྱིར་ལོག ཨན་ཏི་ཡོག་ཡཱ་ནི་དེ་སྔར་ཁོང་གཉིས་ཀྱིས་བསྒྲུབས་ཟིན་པའི་དོན་དེ་དག་གི༌ཕྱིར་དུ་མི་རྣམས་ཀྱིས་ཁོང་གཉིས་དཀོན་མཆོག་གི་ཐུགས་རྗེ་ལ་བཅོལ་བའི་ཡུལ་ཡིན།  
\v 27 ཁོང་གཉིས་དེར་སླེབས༌རྗེས་ཆོས་ཚོགས་ཀྱི་མི་རྣམས་བསྡུས༌ཏེ། དཀོན་མཆོག་གིས་ཁོང་གཉིས་དང་ལྷན་དུ་མཛད་པའི་དོན་ཐམས་ཅད༌དང༌། གཞན༌ཡང༌། ཕྱི་ཕྱོགས་པ་རྣམས་ལ་དད་པའི་སྒོ་ཇི་ལྟར་ཕྱེ་བར་མཛད་པའི་ཚུལ་རྣམས་སྨྲས་ཤིང་།  
\v 28 ཁོང་གཉིས་གྲོང་ཁྱེར་དེ་རུ་རྗེས་འབྲང་པ་རྣམས་དང་མཉམ་དུ་ཡུན་རིང་པོར་བཞུགས༌སོ།།   
\c 15
\cl ལེའུ་བཅོ་ལྔ༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 ཡེ་རུ་སཱ་ལེམ་གྱི་གྲོས༌ཚོགས།  
\p
\v 1 དེ་ཡང་ཡ་ཧུ་དཱའི་ཡུལ་ནས་ཡོང་བའི་མི་ཁ་ཤས་ཀྱིས་སྤུན་ཟླ་རྣམས་ལ་ཁྱོད་རྣམས་ཀྱིས་མོ་ཤེའི་བཀའ་ཁྲིམས་བཞིན་དུ་མཚན་སྐྱི་མ་བཅད་ན་ཐར་པ་འཐོབ་མི་སྲིད་ཅེས་བསླབ་བྱ་བཏང་ངོ༌།།  
\v 2 ཕོལ་ལོལ་དང་པཱར་ན་པཱ་གཉིས་ཀ་དེ་རྣམས་དང་ཤིན་ཏུ་མ་མཐུན་པར་རྩོད་པ་བྱས་པ༌ལ། རྗེས་འབྲང་པ་རྣམས་ཀྱིས་ཕོལ་ལོལ་དང་པཱར་ན་པཱ་གཉིས་དང་རང་གི་ཆོས་ཚོགས་ཀྱི་མི་འགའ་ཞིག་རྩོད་གླེང་དེའི་དོན་སྐུ་ཚབ་པ་དང་རྒན་པོ་རྣམས་ལ་འདྲི་བའི༌ཕྱིར། ཡེ་རུ་སཱ་ལེམ་དུ་འགྲོ་རུ་འཇུག་རྒྱུ་ཐག་གིས༌བཅད་དོ།།  
\v 3 དེ་ནས་ཆོས་ཚོགས་ཀྱིས་མི་དེ་རྣམས་ལམ་དུ་བརྫངས་པ༌དང༌། དེ་རྣམས་ཕོའོ་ནེ་ཀེ་དང་སཱ་མར་ཡ་ཡུལ་གཉིས་བརྒྱུད་ནས་གང་སར་ཕྱིན་ཅིང་ཕྱི་ཕྱོགས་པ་རྣམས་སྐྱབས་མགོན་ཡེ་ཤུ་ལ་དད་པར་གྱུར་པའི་གནས་ཚུལ་བཤད་དེ་སྤུན་ཟླ་རྣམས་ཤིན་ཏུ་སྤྲོ་བར་བྱས།  
\v 4 དེ་ནས་ཁོང་རྣམས་ཡེ་རུ་སཱ་ལེམ་དུ་སླེབས་པ་དང་ཆོས་ཚོགས༌དང༌། སྐུ་ཚབ༌པ། རྒན་པོ་རྣམས་ཀྱིས་སྣེ་ལེན་བྱས༌ཤིང༌། ཁོང་རྣམས་ཀྱིས་ཀྱང་དཀོན་མཆོག་གིས་ཁོང་རྣམས་དང་ལྷན་དུ་མཛད་པའི་དོན་ཐམས་ཅད་བཤད་མོད།  
\v 5 འོན་ཀྱང་ཕ་རུ་ཤི་པའི་གྲུབ་མཐའ་ལ་གཏོགས་པའི་དད་ལྡན་འགའ་ཞིག་ཡར་ལངས་ཏེ་ན༌རེ། ངེས་པར་ཕྱི་ཕྱོགས་པ་རྣམས་ལ་མཚན་སྐྱི་གཅོད་དགོས་པ་དང་མོ་ཤེའི་བཀའ་ཁྲིམས་ལྟར་བསྲུང་དགོས་ཚུལ་བསྐུལ་འོས་ཞེས་སྨྲས༌སོ།།   
\p
\v 6 དེ་ནས་སྐུ་ཚབ་པ་དང་རྒན་པོ་རྣམས་དོན་དེར་གྲོས་བྱེད་པའི་ཕྱིར་ལྷན་དུ་འདུས༌པ་རེད།  
\v 7 དེ་རྣམས་ཀྱིས་རྩོད་གླེང་བྱས་ནས་དུས་རིང་པོ་འགོར་བ༌ན། པེ་ཏྲོ་ཡར་ལངས་ཏེ་འདི་སྐད༌དུ། སྤུན་ཟླ༌རྣམ་པ། ཁྱོད་ཅག་གིས་ཤེས་གསལ༌ལྟར། དཀོན་མཆོག་གིས་ཕྱི་ཕྱོགས་པ་རྣམས་ལ་ངའི་ངག་ནས་འཕྲིན་བཟང་ཐོས་ཤིང་སྐྱབས་མགོན་ཡེ་ཤུ་ལ་དད་པ་བྱ༌ཆེད། ཁོང་གིས་སྔ་མོ་ནས་ཁྱོད་རྣམས་ཀྱི་ཁྲོད་ནས་ང་རང་བདམས༌པ་ཡིན་ནོ།།  
\v 8 ཡང་མི་སེམས་མཁྱེན་པའི་དཀོན་མཆོག་གིས་བདག་ཅག་ལ་དམ་པའི་ཐུགས་ཉིད་གནང་བ་བཞིན༌དུ། ཕྱི་ཕྱོགས་པ་རྣམས་ལའང་དམ་པའི་ཐུགས་ཉིད་གནང༌སྟེ། ཁོ་རྣམས་ལ་བདེན་དཔང་མཛད་དོ།།  
\v 9 ཡང་ཁོང་གིས་བདག་ཅག་དང་ཁོ་རྣམས་ཀྱི་བར་དུ་ཁྱད་པར་ཅི་ཡང་མ་ཕྱེས་པར། དད་པའི་སྒོ་ནས་ཕྱི་ཕྱོགས་པ་རྣམས་ཀྱི་སེམས་ཀྱང་འདག་པར་མཛད་དོ།།  
\v 10 ད་ལྟ་ཅིའི་ཕྱིར་བདག་ཅག་གི་ཕ་མེས་ཡང་མེས་དང་བདག་ཅག་གིས་ཀྱང་འཁུར་དཀའ་བའི་གཉའ་ཤིང་དེ་རྗེས་འབྲང་པ་རྣམས་ཀྱི་གཉའ་ལ་བཀལ་ནས་དཀོན་མཆོག་ལ་ཚོད་བགམ་མམ།  
\v 11 བདག་ཅག་ཀྱང་ཕྱི་ཕྱོགས་པ་དང་འདྲ་བར་གཙོ་བོ་ཡེ་ཤུའི་ཐུགས་རྗེའི་སྒོ་ནས་ཐར་པ་ཐོབ་པ་ལ་ཡིད་ཆེས་པ་ཡིན་ཞེས་གསུངས་སོ།།  
\v 12 དེ་ནས་མི་རྣམས་ཀྱིས་ཅི་ཡང་མི་སྨྲ་བར། པཱར་ན་པཱ་དང་ཕོལ་ལོལ་གཉིས་ཀྱིས་གསུངས་པའི་གཏམ༌སྟེ། དེ་སྔར་དཀོན་མཆོག་གིས་ཁོང་གཉིས་བརྒྱུད་ནས་ཕྱི་ཕྱོགས་པའི་ཁྲོད་དུ་མཛད་པའི་གྲུབ་རྟགས་དང་ངོ་མཚར་བའི་དོན་ཐམས་ཅད་ལ་མཉན༌ཏོ།།   
\p
\v 13 དེ་ནས་ཁོང་གཉིས་ཀྱིས་དེ་ལྟར་གསུངས་རྗེས་ཡ་ཀོབ་ཀྱིས་འདི་སྐད༌དུ། སྤུན་ཟླ་རྣམས་ཀྱིས་བདག་ལ་ཉོན༌ཅིག  
\v 14 དཀོན་མཆོག་གིས་ཐོག་མར་ཇི་ལྟར་ཕྱི་ཕྱོགས་པ་རྣམས་ལ་ཐུགས་རྗེས་གཟིགས༌ཤིང༌། དེ་རྣམས་ལས་མི་རྣམས་རང་ཉིད་ཀྱི་མཚན་གྱི་འོག་ཏུ་ཇི་ལྟར་དྲངས་པའི་སྐོར་སི་མོན་གྱིས་གསུངས༌ཤིང་།  
\v 15 དེ་ནི་ལུང་སྟོན་པ་རྣམས་ཀྱི་ལུང་བསྟན་དང་མཐུན༌ཏེ།  
\v 16 གསུང་རབ་ཀྱི་མདོ་ལས་ཇི་སྐད༌དུ།  
\q1 དེ་ཡང་རྗེས་སུ་ང་རང་ཕྱིར་ལོག༌སྟེ།།  
\q1 དཱ་བིད་གུར་མཆོག་བརྡིབས་པ་བསྐྱར་བཟོ༌བྱེད།།  
\q1 གཏོར་ཅིང་བརླག་པའི་གུར་མཆོག་རྗེས་ཤུལ༌དེ།།  
\q1 ང་ཡིས་སླར་ཡང་བཟོ་ཞིང་བསྐྲུན་པར༌བྱེད།།   
\q1
\v 17 དེ་ནི་མིའི་རིགས་གཞན་རྣམས་ཐམས་ཅད༌དེ།།  
\q1 ངའི་མིང་ཐོགས་པའི་ཕྱི་ཕྱོགས་མི་ཀུན༌གྱིས།།  
\q1 གཙོ་བོ་ཁོང་ཉིད་འཚོལ་བའི་ཕྱིར༌ཡིན་ནོ།།   
\q1
\v 18 མངོན་མཛད་འདི་དག་གདོད་ནས་གཙོ་བོས་\f + \ft འདིར་གཙོ་བོ་ཞེས་པ་གཙོ་བོ་དཀོན་མཆོག་སྟེ་ཡབ་དཀོན་མཆོག་ལ༌གོ་བ་ཡིན།\f*གསུངས།།  
\m ཞེས་བཀོད་པའོ།།  
\v 19 དེའི༌ཕྱིར། བདག་གི་བསམ་ཚུལ་ནི། བདག་ཅག་གིས་དཀོན་མཆོག་གི་ཕྱོགས་སུ་འཁོར་བཞིན་ཡོད་པའི་ཕྱི་ཕྱོགས་པ་རྣམས་ལ་འོ་བརྒྱལ་མི་བཟོ༌བར།  
\v 20 ཁོ་རྣམས་ལ་ལྷ་སྐུ་དང་འབྲེལ་བའི་མི་གཙང་བ་དང༌། མི་ཚངས་སྤྱོད་པ། མིད་པ་བསྒགས་ནས་བསད་པའི་ཕྱུགས་ཟོག་གི་ཤ་དང་ཁྲག་བཅས་སྤང་དགོས་པའི་འཕྲིན་ཡིག་འབྲི་འོས༌ཏེ།  
\v 21 རྒྱུ་མཚན་ནི་མོ་ཤེའི་མདོ་རྣམས་ནི་སྔ་མོ་ནས་མི་རྣམས་ཀྱིས་གྲོང་ཁྱེར་སོ་སོ་ནས་བསྒྲགས༌ཏེ། ངལ་གསོ་བའི་ཉིན་མོ་རེ་རེར་ཆོས་ཁང་ནས་ཀློག་འདོན་བྱེད་པའི་ཕྱིར་ཡིན་ཞེས་གསུངས༌སོ།།   
\s1 གྲོས་ཚོགས་ཀྱིས་ཕྱི་ཕྱོགས་ཀྱི་དད་ལྡན་རྣམས་ལ་སྤྲིངས་པའི་འཕྲིན་ཡིག  
\p
\v 22 དུས་དེར་སྐུ་ཚབ་པ་དང་རྒན༌པོ། ཆོས་ཚོགས་ཡོངས་བཅས་ཀྱིས་རང་གི་ཚོགས་པ་ལས་དད་ལྡན་བདམས༌ཏེ། ཕོལ་ལོལ་དང་པཱར་ན་པཱ་གཉིས་དང་མཉམ༌དུ། སིར་ཡཱ་ཡུལ་གྱི་ཨན་ཏི་ཡོག་ཡཱ་རུ་མངག་རྒྱུ་ཐག་གིས་བཅད་དོ།། ཁོ་རྣམས་ཀྱིས་བདམས་པའི་མི་ནི་སྤུན་ཟླ་རྣམས་ཀྱི་ཁྲོད་ནས་དཔོན་རིགས་སུ་གྱུར་པའི་པཱར་ས་པཱ་ཞེས་ཀྱང་འབོད་པའི་ཡུ་དཱ་དང་སི་ལཱའོ།།  
\v 23 ཁོ་གཉིས་ལ་སྤྲད་པའི་འཕྲིན་ཡིག་གི་ནང་དུ་འདི་ལྟར་བྲིས་ཡོད༌དེ།  
\m ༄༅། །ཨན་ཏི་ཡོག་ཡཱ༌དང༌། སིར་ཡཱ༌ཡུལ། ཀི་ལིག་ཡཱ་ཡུལ་བཅས་སུ་གནས་པའི་ཕྱི་ཕྱོགས་ཀྱི་སྤུན་ཟླ་རྣམས༌ཀྱེ།  
\p ཐོག་མར་ཁྱོད་རྣམས་ལ་འཚམས་འདྲི་ཞུ་ཞེས་ཁྱོད་ཅག་གི་སྤུན་ཟླ་སྟེ་སྐུ་ཚབ་པ་དང་རྒན་པོ་བཅས་ནས་བསྐུར༌དོན།   
\p
\v 24 དེ་ཡང་ངེད་རྣམས་ཀྱིས་གོ་ཐོས་ལྟར༌ན། ངེད་ཅག་གི་ཆོས་ཚོགས་འདི་ནས་སོང་བའི་མི་ཁ་ཤས་ཀྱིས་ཁྱོད་རྣམས་ལ་ངེས་པར་མཚན་སྐྱི་གཅོད་དགོས་པ༌དང༌། མོ་ཤེའི་བཀའ་ཁྲིམས་བསྲུང་དགོས་ཞེས་པའི་གཏམ་བརྗོད་དེ་ཁྱོད་རྣམས་ཀྱི་སེམས་ཤིན་ཏུ་དཀྲུགས་འདུག་ཟེར། འོན༌ཀྱང༌། ངེད་ཅག་གིས་དེ་ལྟར་མ་མངགས་སོ།།  
\v 25 དེ་བས་ངེད་ཅག་གིས་བློ་སེམས་གཅིག་མཐུན་སྒོས་དད་ལྡན་པ་འགའ་ཤས་བདམས་ཤིང༌། བདག་ཅག་གིས་སྙིང་ནས་བརྩེ་བའི་པཱར་ན་པཱ་དང་ཕོལ་ལོལ་གཉིས་དང་མཉམ་དུ་ཁྱོད་རྣམས་ཀྱི་དྲུང་དུ་མངག་རྒྱུ་ཐག་གིས་བཅད་དོ།།  
\v 26 ཁོ་གཉིས་ཀྱིས་བདག་ཅག་གི་གཙོ་བོ་ཡེ་ཤུ་མཱ་ཤི་ཀའི་ཆེད་དུ་རང་སྲོག་ལའང་མ་འཛེམས་པ་ཡིན།  
\v 27 དེའི༌ཕྱིར། ངེད་ཅག་གིས་ཡུ་དཱ་དང་སི་ལཱ་གཉིས་མངགས༌ཤིང༌། ཁོ་གཉིས་ཀྱིས་དངོས་སུ་དོན་འདི་དག་ཁྱོད་རྣམས་ལ་སྨྲ་བར་འགྱུར།  
\v 28 རྒྱུ་མཚན་ནི་ངེད་ཅག་གི་སེམས་ནི་དམ་པའི་ཐུགས་ཉིད་དང་མཐུན་པར་དོན་གལ་ཆེན་འདི་རྣམས་ལས༌གཞན། ཁུར་བོ་ལྷག་མ་ཞིག་ཁྱོད་ཅག་གི་ཕྲག་ལ་མི་དགལ་བར་ཐག་གིས་བཅད༌ཅིང༌།  
\v 29 དེ་ནི་ལྷ་སྐུའི་མདུན་དུ་ཕུལ་བའི་མཆོད་རྫས་དང༌། ཁྲག དེ་མིན་མིད་པ་བསྒགས་ནས་བསད་པའི་ཕྱུགས་ཟོག་གི༌ཤ་དང༌མི་ཚངས་སྤྱོད་པ་བཅས་སྤང་དགོས། གལ༌ཏེ། ཁྱོད་རྣམས་ཀྱིས་ལས་དེ་དག་སྤངས་ནས་དོན་དེ་དང་མི་འགལ་བར་བྱེད་པ་ཡིན་ན་ལེགས། མཇུག་མཐར་ཁྱོད་རྣམས་བདེ་བར༌སྨོན། ཞེས༌པའོ།།   
\p
\v 30 དེ་ནས་མངག་བཅོལ་ལྟར་ཁོང་རྣམས་སིར་ཡཱ་ཡུལ་གྱི་ཨན་ཏི་ཡོག་ཡཱ་རུ་ཕྱིན་ཏེ་དད་ལྡན་རྣམས་བསྡུས་ཤིང་འཕྲིན་ཡིག་སྤྲད་པ༌དང༌།  
\v 31 དེ་རྣམས་ཀྱིས་ཀྱང་འཕྲིན་ཡིག་བཀླགས་པ་དང་སེམས་གསོའི་གཏམ་གྱིས་ཡིད་དགའ་བར་གྱུར་ཏོ།།  
\v 32 ཡུ་དཱ་དང་སི་ལཱ་གཉིས་ནི་ལུང་སྟོན་པ་ཡང་ཡིན༌པས། གཏམ་མང་པོ་སྨྲས་ཏེ་སྤུན་ཟླ་རྣམས་ལ་སྐུལ་མ་མཛད་ཅིང་དད་པ་བརྟན་པོར་བྱས་སོ།།  
\v 33 དེ་ནས་གནས་དེར་ཉིན་ཞག་དུ་མར་བཞུགས༌རྗེས། སྤུན་ཟླ་རྣམས་ཀྱིས་ཁོང་གཉིས་ཕྱིར་མངགས་མཁན་རྣམས་ཀྱི་དྲུང་དུ་བདེ་བར་ལོག་ཏུ་བཅུག  
\v 34 འོན་ཀྱང་སི་ལཱ་ཡིས་ད་དུང་གནས་འདིར་སྡོད་པའི་སེམས་ཐག་བཅད༌དོ།།  
\v 35 ཕོལ་ལོལ་དང་པཱར་ན་པཱ་གཉིས་སྔར་བཞིན་ཨན་ཏི་ཡོག་ཡཱ་རུ་བཞུགས༌ཤིང༌། ཆོས་གྲོགས་གཞན་མང་པོ་དང་ལྷན་དུ་མི་རྣམས་ལ་གཙོ་བོའི་བཀའ་གསུངས་པ་དང་ཆོས་བསྒྲགས༌སོ།།   
\s1 ཕོལ་ལོལ་ཐེངས་གཉིས་པར་ཆོས་སྤེལ་དུ་ཕྱིན་པ།  
\p
\v 36 དེ་ནས་ཉིན་འགའ་འགོར༌རྗེས། ཕོལ་ལོལ་གྱིས་པཱར་ན་པཱ་ལ་འདི་སྐད༌དུ། འུ་གཉིས་གཙོ་བོའི་བཀའ་བསྒྲགས་མྱོང་སའི་གྲོང་ཁྱེར་སོ་སོའི་སྤུན་ཟླ་རྣམས་ཀྱི་གནས་ཚུལ་ཅི་འདྲ་ཡིན་པར་ཡང་བསྐྱར་བལྟ་རུ་འགྲོའོ་ཞེས་སྨྲས་པ༌ལ།  
\v 37 པཱར་ན་པཱ་ཡིས་མཱར་ཀུ་ཞེས་ཀྱང་འབོད་པའི་ཡོ་ཧ་ནན་འཁྲིད་འདོད༌པ་རེད།  
\v 38 འོན༌ཀྱང༌། ཕོལ་ལོལ་གྱི་སེམས་ལ་མཱར་ཀུ་ནི་སྔོན་ཆད་ཕཱམ་ཕིལ་ཡ་ཡུལ་ནས་ཁོང་གཉིས་དང་མཉམ༌དུ་ཆོས་དོན་བསྒྲུབ་ཏུ་མ་སོང་བར་ཁ་བྲལ་བའི་རྐྱེན་གྱིས་ད་ལྟ་ཁོ་རང་ཁྲིད་ན་མི་འོས་སྙམ་མོ།།  
\v 39 དེ་ནས་ཁོང་གཉིས་དོན་དེར་སེམས་མ་མཐུན་པར་རྩོད་གླེང་དྲག་པོ་བྱུང་བ་དང་ཐ་ན་སོ་སོར་གྱེས་པ་རེད། དེ་ནས་པཱར་ན་པཱ་ཡིས་མཱར་ཀུ་ཁྲིད་དེ་གྲུ་གཟིངས་ལ་བསྡད་ནས་ཀིབ་རིས་ལ་ཕྱིན་པ༌དང༌།  
\v 40 ཕོལ་ལོལ་གྱིས་ཀྱང་སི་ལཱ་བདམས་ཤིང་སྤུན་ཟླ་རྣམས་ཀྱིས་ཁོང་ཉིད་གཙོ་བོའི་ཐུགས་རྗེ་ལ་བཅོལ༌རྗེས། ཁོང་གཉིས་ལམ་ལ་ཆས༌ཏེ།  
\v 41 སིར་ཡཱ་ཡུལ་དང་ཀི་ལིག་ཡཱ་ཡུལ་བརྒྱུད་ནས་ཆོས་ཚོགས་རྣམས་ཀྱི་དད་པ་བརྟན་པོར་བྱས༌སོ།།   
\c 16
\cl ལེའུ་བཅུ་དྲུག༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 ཐི་མོ་ཐེ་བྱ་བ་ཕོལ་ལོལ་དང་སི་ལཱ་གཉིས་ལ་འགྲོགས༌པ།  
\p
\v 1 ཕྱིས་སུ་ཕོལ་ལོལ་ནི་དིར་སྦེ་དང་དེ་ནས་ལིས་ཏྲ་རུ་ཕེབས་པ༌ལ། གནས་དེར་ཐི་མོ་ཐེ་ཟེར་བའི་རྗེས་འབྲང་པ་ཞིག་ཡོད་ཅིང་། ཁོ་ནི་སྐྱབས་མགོན་ཡེ་ཤུར་དད་པ་ཡོད་པའི་ཡ་ཧུ་དཱ་པའི་བུད་མེད་ཅིག་གི་བུ་ཡིན་ཡང་ཁོའི་ཕ་ནི་གྷི་རིག་པ་ཡིན།  
\v 2 ལིས་ཏྲ་དང་ཨི་ཀོན་ཡུ་རུ་ཡོད་པའི་སྤུན་ཟླ་རྣམས་ཀྱིས་ཐི་མོ་ཐེ་ལ་བསྟོད་པ་བྱས་པ་རེད།  
\v 3 ཕོལ་ལོལ་གྱིས་ཐི་མོ་ཐེ་ཡང་འཁྲིད་འདོད་ཀྱང་ཡུལ་དེའི་ཡ་ཧུ་དཱ་པ་རྣམས་ཀྱིས་ཁོའི་ཕ་ནི་གྷི་རིག་པ་ཡིན་པ་ཤེས་པས། ཕོལ་ལོལ་གྱིས་ཁོའི་མཚན་སྐྱི་བཅད་དོ།།  
\v 4 དེ་ནས་ཁོང་རྣམས་གྲོང་ཁྱེར་སོ་སོ་བརྒྱུད་ནས་ཡེ་རུ་སཱ་ལེམ་གྱི་སྐུ་ཚབ་པ་དང་རྒན་པོ་རྣམས་ཀྱིས་གཏན་ལ་ཕབ་པའི་ཁྲིམས་སྲོལ་དད་ལྡན་རྣམས་ལ་སྤྲད་ནས་བསྲུང་དུ་བཅུག༌པས།  
\v 5 ཆོས་ཚོགས་རྣམས་ཀྱི་དད་སེམས་དེ་བས་ཇེ་བརྟན་དུ་གྱུར་ཅིང་མི་གྲངས་ཀྱང་ཉིན་རེ་བཞིན་ཇེ་མང་དུ་འཕེལ་ཏོ།།   
\s1 ཕོལ་ལོལ་གྱིས་མ་ཀེ་དོན་ཡཱ་ཡུལ་ནས་མཐོང་བའི་ཞལ་གཟིགས།  
\p
\v 6 དེ་ཡང་དམ་པའི་ཐུགས་ཉིད་ཀྱིས་ཁོང་རྣམས་ལ་ཨེ་ཞི་ཡཱ་ཡུལ་ནས་དཀོན་མཆོག་གི་བཀའ་བསྒྲག་མི་རུང་བར་མཛད༌པས། ཁོང་རྣམས་ཕུ་ཀེ་ཡཱ་དང་ག་ལད་ཡཱ་ཡུལ་གཉིས་ཀྱི་ས་ཕྱོགས་བརྒྱུད༌ནས།  
\v 7 མོ་སི་ཡཱ་ཡུལ་གྱི་ས་མཚམས་སུ་སླེབས་ཏེ་པི་ཐིན་ཡཱ་ཡུལ་དུ་འགྲོ་འདོད༌ནའང༌། སྐྱབས་མགོན་ཡེ་ཤུའི་ཐུགས་ཉིད་ \f + \ft སྐྱབས་མགོན་ཡེ་ཤུའི་ཐུགས་ཉིད་ཅེས་པ་ནི་དམ་པའི་ཐུགས་ཉིད་དང་དོན༌གཅིག (དམ་པའི་ཐུགས་ཉིད་ཅེས་པའི་མཆན་ལ་གཟིགས༌རོགས།)\f*ཀྱིས་འགྲོ་རུ་མ་བཅུག་གོ།  
\v 8 དེ་ནས་ཁོང་རྣམས་མོ་སི་ཡཱ་ཡུལ་བརྒྱུད་ནས་ཏྲོ་ཡཱ་ཞེས་པར་ཕྱིན་པ་རེད།  
\v 9 གནས་དེར་ཞག་སྡོད་བྱེད་པའི༌ཚེ། ཕོལ་ལོལ་ལ་ཞལ་གཟིགས་གནང་བ༌སྟེ། མ་ཀེ་དོན་ཡཱ་ཡུལ་གྱི་མི་ཞིག་ལངས་ནས་བསྡད་དེ་འདི་ལྟར། ཁྱེད་རང་མ་ཀེ་དོན་ཡཱ་ཡུལ་དུ་ཕེབས་ནས་ངེད་ཅག་ལ་རོགས་རམ་བྱེད་པར་མཛོད་ཅེས་ཞུ་བ་ཞུས།  
\v 10 ཁོང་གིས་ཞལ་གཟིགས་དེ་མཐོང་བ༌དང༌། ངེད་ཅག་ \f + \ft ངེད་ཅག་ཅེས་པའི་དོན་ནི། སྐབས་འདིར་མདོ་འདི་ཡི་གེར་འགོད་མཁན་ལོ་ཀུ་དང་མདོ་འདིའི་ནང་གི་མི་སྣ་དག་ལྷན་གཅིག་ཏུ་ཐུག་པས་ན། འདིའི་ཡན་ཆད་དུ་ཁོ་རྣམས་ཞེས་དང་འདི་ནས་བཟུང་སྟེ་ངེད་ཅག་ཅེས་འབྱུང་བ་ཡིན། \f*མྱུར་དུ་མ་ཀེ་དོན་ཡཱ་ཡུལ་དུ་འགྲོ་བར༌བརྩམས། རྒྱུ་མཚན་ནི་དཀོན་མཆོག་གིས་ངེད་རྣམས་ཡུལ་དེའི་མི་རྣམས་ལ་འཕྲིན་བཟང་བསྒྲག་པར་བཀའ་གནང་བ་ངེད་ཅག་གིས་ཐག་གིས་ཆོད་པས༌སོ།།   
\s1 ལིད་ཡཱ་ཞེས་པའི་བུད་མེད་ཅིག་དད་པར་གྱུར༌པ།  
\p
\v 11 དེ་ནས་ངེད་ཅག་ཏྲོ་ཡཱ་ནས་གྲུ་གཟིངས་ལ་བསྡད་དེ་ཐད་ཀར་སཱ་མོ་ཏྲེ་ཀེ་རུ་སླེབས་པ༌དང༌། དེའི་ཕྱི༌ཉིན། ནེ་ཨ་པོ་ལི་རུ་སླེབས་པ་ཡིན།  
\v 12 དེ་ནས་ཕི་ལིབ་པི་རུ་སོང་བ་དང་དེ་ནི་མ་ཀེ་དོན་ཡཱ་ཡུལ་གྱི་གྲོང་ཁྱེར་ཆེན་པོ་ཞིག༌སྟེ། རོ་མཱ་གོང་མའི་རྒྱལ་ཁོངས་ཀྱི་གྲོང་ཁྱེར་ཡིན། ངེད་ཅག་གྲོང་ཁྱེར་དེ་རུ་ཉིན་འགར་བསྡད༌པ་ཡིན།  
\v 13 དེ་ཡང་ངལ་གསོ་བའི་ཉིན་ལ་ངེད་རྣམས་གྲོང་ཁྱེར་གྱི་མཁར་སྒོའི་ཕྱི་རོལ་ཏུ་ཕྱིན༌ཅིང༌། ཆུ་འགྲམ་དུ་གསོལ་བ་འདེབས་ས་ཞིག་ཡོད་པར་བསམས༌ཏེ། གནས་དེར་སོང་ནས་བསྡད་པ༌དང༌། དེར་འཛོམས་པའི་བུད་མེད་རྣམས་ལ་བཀའ་གསུངས་སོ།།  
\v 14 ཡང་གནས་དེར་རས་རྒྱ་སྨུག་ཚོང་མཁན་མིང་ལ་ལིད་ཡཱ་ཞེས་པའི་བུད་མེད་ཅིག་ཡོད༌ལ། ཁོ་མོ་ནི་ཐི་ཨ་ཏེ་རཱ་གྲོང་ཁྱེར་གྱི་མི་ཡིན་པ་དང་དཀོན་མཆོག་ལ་བསྙེན་བཀུར་བྱེད་མཁན་ཞིག་ཀྱང༌ཡིན། ཁོ་མོས་ངེད་ཅག་གི་གཏམ་ཐོས་ཤིང་དཀོན་མཆོག་གིས་ཁོ་མོའི་བློ་སྒོ་ཕྱེས་པ་དང་ཁོ་མོས་ཀྱང་སེམས་གཏད་ནས་ཕོལ་ལོལ་གྱི་གསུང་ལ་མཉན་ཏོ།།  
\v 15 དེ་ནས་ཁོ་མོ་དང་ཁོ་མོའི་ཁྱིམ་མི་རྣམས་ཁྲུས་གསོལ་ལ་ཞུགས་རྗེས་ཁོ་མོ་ན༌རེ། གལ་ཏེ་ཁྱེད་རྣམས་ཀྱིས་ང་རང་གཙོ་བོ་ལ་དད་པ་ཡོད་པ་བདེན་པར་དགོངས༌ན། ངའི་ཁྱིམ་དུ་ཕེབས་ཏེ་བཞུགས་པར་མཛོད་ཅེས་ཞུས་ཤིང་ངེད་ཅག་ནན་གྱིས་བཀག་པའོ།།   
\s1 ཕོལ་ལོལ་དང་སི་ལཱ་གཉིས་བཙོན་དུ་བཅུག་པ།  
\p
\v 16 དེའི་རྗེས༌སུ། ངེད་ཅག་གསོལ་བ་འདེབས་པའི་གནས་དེར་འགྲོ༌སྐབས། མངོན་ཤེས་ཀྱི་གདོན་འདྲེས་བཟུང་བའི་གཡོག་མོ་ཞིག་ངེད་ཅག་གི་མདུན་སར་སླེབས་ཤིང་། ཁོ་མོས་མོ་འདེབས་པ་ལ་བརྟེན་ནས་རང་གི་བདག་པོ་རྣམས་ལ་རྒྱུ་ནོར་མང་པོ་ཐོབ་པར་བྱས་མྱོང་།  
\v 17 ཁོ་མོ་ཕོལ་ལོལ་དང་ངེད་ཅག་གི་རྗེས་སུ་འབྲངས་ནས་སྐད་ཆེན༌པོས། མི་འདི་རྣམས་ནི་བླ་ན་མེད་པའི་དཀོན་མཆོག་གི་ཞབས་ཕྱི་པ་ཡིན༌ཏེ། ཁོང་རྣམས་ཀྱིས་ཁྱོད་ཅག་ལ་ཐར་པའི་ལམ་གསུང་བཞིན་ཡོད་ཅེས་ཡང་ཡང་སྨྲས་པ༌དང༌།  
\v 18 ཁོ་མོས་དེ་ལྟར་ཉིན་མང་པོར་འུར་བརྒྱབ་པས་ཕོལ་ལོལ་སུན་སྣང་ཆེན་པོ་སྐྱེས༌ཏེ། ཁ་ཕྱིར་འཁོར་ནས་གདོན་འདྲེ་དེ་ལ་འདི་ལྟར། ངས་ཡེ་ཤུ་མཱ་ཤི་ཀའི་མཚན་ལ་བརྟེན་ནས་ཁྱོད་རང་ཁོ་མོ་ལས་ཕྱིར་བུད་ཅིག་ཅེས་བཀའ་བསྒྲགས་པ་ཡིན་ཞེས་གསུངས་མ་ཐག་གདོན་འདྲེ་དེ་ཁོ་མོ་ལས་ཕྱིར་ཐོན་ནོ།།  
\v 19 དེ་ནས་གཡོག་མོ་དེའི་བདག་པོ་རྣམས་ཀྱིས་རྒྱུ་ནོར་འཐོབ་པའི་རེ་བ་མེད་པར་གྱུར་པ་མཐོང༌ནས། ཕོལ་ལོལ་དང་སི་ལཱ་གཉིས་བཟུང་སྟེ། གྲོང་ཁྱེར་གྱི་ཁྲོམ་རའི་ནང་དུ་ཡོད་པའི་འགོ་དཔོན་དག་གི་མདུན་དུ་བཙན་ཁྲིད་བྱས་པ་དང་།  
\v 20 ཡང་ཁྲིམས་དཔོན་རྣམས་གྱི་མདུན་དུ་ཁྲིད་ནས་ན་རེ། མི་འདི་གཉིས་ནི་ཡ་ཧུ་དཱ་པ་ཡིན་ཞིང་རང་རེའི་གྲོང་ཁྱེར་ནང་དུ་ཟིང་ཆ་བསླངས༌ཏེ།  
\v 21 བདག་ཅག་རོ་མཱ་པ་རྣམས་ཀྱིས་ཁྲིམས༌ལྟར་ན་དང་དུ་ལེན་མི་རུང་བའམ་བསྲུང་མི་རུང་བའི་གོམས་སྲོལ་རྣམས་བསྒྲགས་པ་ཡིན་ཞེས་སྨྲས་པ༌ལ།  
\v 22 མི་ཚོགས་ཀྱིས་ཀྱང་ལྷན་དུ་ཁོང་གཉིས་ལ་རྒོལ་ཅིང་དགག་པ༌དང༌། ཁྲིམས་དཔོན་དེ་དག་གིས་ཁོང་གཉིས་ཀྱི་ཕྱི་གོས་བཤུས་ཏེ་དབྱུག་པས་རྡེག་པའི་བཀའ་བསྒོས་སོ།།  
\v 23 དེ་ནས་ཁོང་གཉིས་ལ་དབྱུག་པས་མང་དུ་བརྡེགས་པ་དང་བཙོན་དུ་བཅུག་ཅིང་བཙོན་སྲུང་དམག་ལ་དམ་པོར་བསྲུང་དགོས་པར་གདམས།  
\v 24 བཙོན་སྲུང་དམག་གིས་ཀྱང་བཀའ་ལྟར་ཁོང་གཉིས་བཙོན་ཁང་གི་ཕུགས་སུ་བཅུག་པ་དང་ཨན་གཏད་བརྒྱབ་ནས་བཞག༌གོ།   
\p
\v 25 དེ་ནས་ནམ་ཕྱེད་ཙམ་ལ་ཕོལ་ལོལ་དང་སི་ལཱ་གཉིས་ཀྱིས་དཀོན་མཆོག་ལ་གསོལ་བ་བཏབ་པ་དང་བསྟོད་དབྱངས་ཕུལ་བ༌ན། བཙོན་པ་གཞན་རྣམས་ཀྱིས་ཀྱང་རྣ་བ་བླགས་ཏེ་ཉན།  
\v 26 གློ་བུར༌ཉིད་དུ་ས་འགུལ་དྲག་པོ་ཞིག་བྱུང་སྟེ་བཙོན་ཁང་གི་རྨང་གཞི་ཡང་ཤིན་ཏུ་གཡོས༌ཤིང༌། བཙོན་ཁང་གི་སྒོ་ཚང་མའང་དེ་མ་ཐག་ཕྱེས་ནས་བཙོན་པ་ཡོངས་ཀྱི་ལྕགས་ཐག་ཀྱང་ལྷོད་པར་གྱུར་ཏོ།།  
\v 27 དེ་ནས་བཙོན་སྲུང་དམག་གཉིད་ལས་སད་དེ་བཙོན་ཁང་གི་སྒོ་ཐམས་ཅད་ཕྱེས་ཡོད་པ་མཐོང༌ནས། བཙོན་པ་ཐམས་ཅད་བྲོས་སོ་སྙམ་སྟེ་རལ་གྲི་ཕྱུང་ནས་རང་སྲོག་གཅོད་པར་རྩོམ་པ༌ལ།  
\v 28 ཕོལ་ལོལ་གྱིས་སྐད་ཆེན་པོས་འདི་སྐད༌དུ། རང་ལ་གནོད་པ་མ༌བྱེད་ཅིག ངེད་ཅག་ཐམས་ཅད་འདི་རུ་ཡོད་ཅེས་བོས༌པ་རེད།  
\v 29 དེ་ནས་བཙོན་སྲུང་དམག་གིས་མི་གཞན་ལ་སྒྲོན་མེ་འཁྱེར་ཡོང་བར་བསྐུལ༌ཏེ། མྱུར་དུ་བཙོན་ཁང་ནང་དུ་སོང་ནས་སྐྲག་བཞིན་འདར་བཞིན་ཕོལ་ལོལ་དང་སི་ལཱ་གཉིས་ཀྱི་དྲུང་དུ་པུས་མོ་སར་བཙུགས༌ཤིང༌།  
\v 30 ཡང་ཁོང་གཉིས་བཙོན་ཁང་གི་ཕྱི་རོལ་ཏུ་ཁྲིད་དེ་ན༌རེ། ཇོ་བོ༌ལགས། བདག་ལ་ཐར་པ་འཐོབ་ཆེད་ངས་ཅི་ཞིག་བྱ་འོས་སམ་ཞེས་ཞུས་པ༌ལ།  
\v 31 ཁོང་གཉིས་ཀྱིས་འདི་སྐད༌དུ། གཙོ་བོ་ཡེ་ཤུ་ལ་དད་པ་བྱོས༌དང༌། ཁྱོད་དང་ཁྱིམ་མི་ཐམས་ཅད་ལ་ཐར་པ་འཐོབ་ངེས་ཡིན་ཞེས་གསུངས་པ༌དང༌།  
\v 32 ཁོང་གཉིས་ཀྱིས་གཙོ་བོའི་བཀའ་དེ་བཙོན་སྲུང་དམག་དང་ཁོའི་ཁྱིམ་མི་ཐམས་ཅད་ལ་གསུངས་སོ།།  
\v 33 ཉིན་དེའི་མཚན་མོར། བཙོན་སྲུང་དམག་དེས་ཕོལ་ལོལ་དང་སི་ལཱ་གཉིས་ཕྱིར་ཁྲིད་དེ་ལུས་སྟེང་གི་རྨ་ཁ་བཀྲུས༌ཤིང་། བཙོན་སྲུང་དམག་དང་ཁོའི་ཁྱིམ་མི་ཐམས་ཅད་ལའང་དེ་མ་ཐག་ཁྲུས་གསོལ་ཐོབ་པ་རེད།  
\v 34 དེ་ནས་བཙོན་སྲུང་དམག་གིས་ཁོང་གཉིས་རང་ཁྱིམ་དུ་ཁྲིད་དེ་ཞལ་ཟས་དྲངས་པ༌དང༌། ཁོ་དང་ཁོའི་ཁྱིམ་མི་ཐམས་ཅད་དཀོན་མཆོག་ལ་དད་པར་གྱུར་པས་ཀུན་པོ་ཤིན་ཏུ་དགའ་བར་གྱུར༌ཏོ།།   
\p
\v 35 དེ་ཡང་ཕྱི་ཉིན་ནམ་ལངས་པ་དང་ཁྲིམས་དཔོན་དག་གིས་རང་རང་གི་ཁྲིམས་གཡོག་མངགས༌ཏེ། མི་དེ་གཉིས་བཙོན་ལས་ཐོངས་ཤིག་ཅེས་བཀའ་གནང་བ༌དང༌།  
\v 36 བཙོན་སྲུང་དམག་གིས་ཀྱང་གཏམ་དེ་ཕོལ་ལོལ་ལ་འདི་ལྟར་སྨྲས༌པ། ཁྲིམས་དཔོན་དག་གིས་མི་མངགས་ཡོང་སྟེ་ཁྱེད་གཉིས་བཙོན་ལས་གཏོང་བའི་བཀའ་གནང༌བྱུང་། ད་ལྟ་ཉིད་དུ་བཙོན་ཁང་ནས་ཕྱིར་བུད་དེ་བདེ་བར་ཕེབས་རོགས་ཞེས་ཞུས་སོ།།  
\v 37 འོན་ཀྱང་ཕོལ་ལོལ་གྱིས་འདི་ལྟར༌གསུངས་པ་སྟེ། ངེད་གཉིས་ནི་རོ་མཱ་པ་ཡིན༌ཡང༌། ཁྲིམས་དཔོན་དེ་དག་གིས་ངེད་གཉིས་ལ་ཉེས་སྐྱོན་མེད་པར་མི་གཞན་རྣམས་ཀྱི་མིག་མདུན་ནས་གཅར་རྡུང་བཏང་སྟེ་བཙོན་དུ༌བཅུག ད་ལྟ་གསང་བའི་ངང་ནས་ངེད་གཉིས་ཕྱི་རུ་འདོན༌ནམ། དེ་ལྟར་གཏན་ནས་བྱ་མི་ཆོག༌སྟེ། ཁོ་རྣམས་རང་ཉིད་ཡོང་ནས་ངེད་གཉིས་བཙོན་ཁང་ལས་ཕྱིར་འཁྲིད་དགོས་ཞེས་པ༌དང༌།  
\v 38 ཁྲིམས་གཡོག་དེ་དག་གིས་ཀྱང་གསུང་དེ་ཁྲིམས་དཔོན་རྣམས་ལ་ཞུས༌ཤིང༌། དེ་རྣམས་ཀྱིས་ཀྱང་ཁོང་གཉིས་ནི་རོ་མཱ་པ་ཡིན་པ་ཐོས་ནས་འཇིགས་པར་གྱུར༌ཏེ།  
\v 39 ཁོང་གཉིས་ཀྱི་དྲུང་དུ་ཡོང་ནས་བསྐུལ་མ་བཏང་ཞིང་བཙོན་ཁང་ལས་ཕྱི་རོལ་ཏུ་ཁྲིད་པ་དང་གྲོང་ཁྱེར་དེ་དང་ཁ་འབྲལ་དགོས་ཞེས་ཞུས་སོ།།  
\v 40 དེ་ནས་ཁོང་གཉིས་བཙོན་ཁང་ལས་ཕྱི་རུ་བུད་པ་དང་ལིད་ཡཱའི་ཁྱིམ་དུ་ཕེབས་ཤིང་སྤུན་ཟླ་རྣམས་དང་ལྷན་དུ༌འདུས། དེ་དག་ལ་སེམས་གསོ་བྱས་རྗེས་ཁ་བྲལ༌ཏོ།།   
\c 17
\cl ལེའུ་བཅུ་བདུན༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 ཐེ་སཱ་ལོ་ནེ་ཀེ་གྲོང་ཁྱེར་དུ་ཕེབས༌པ།  
\p
\v 1 དེ་ནས་ཕོལ་ལོལ་དང་སི་ལཱ་གཉིས་ཨམ་ཕི་པོ་ལི་དང་ཨ་པོལ་ལོན་ཡཱ་བརྒྱུད་ནས་ཐེ་སཱ་ལོ་ནེ་ཀེ་རུ་ཕྱིན་པ༌དང༌། དེ་རུ་ཡ་ཧུ་དཱ་པའི་ཆོས་ཁང་ཞིག་ཡོད༌ལ།  
\v 2 ཕོལ་ལོལ་ནི་རང་གི་རྒྱུན་གྱི་གོམས་སྲོལ་ལྟར་ཆོས་ཁང་དེར་ཕེབས༌ཤིང༌། ངལ་གསོ་བའི་ཉིན་མོ་གསུམ་ལ་བསྟུད་མར་གསུང་རབ་ལ་བརྟེན་ནས་མི་དེ་རྣམས་ལ་རྩོད་གླེང་བྱས་པ༌དང༌།  
\v 3 སྐྱབས་མགོན་མཱ་ཤི་ཀས་ངེས་པར་སྡུག་བསྔལ་མྱངས༌ཤིང༌། སྐུ་གྲོངས་པ་ནས་སླར་གསོན་པའི་སྐོར་འགྲེལ་བཤད་བྱས་པ་དང་རྒྱུ་མཚན་བསྟན་ཏེ་ཡང་འདི་སྐད༌དུ། ངས་ཁྱོད་རྣམས་ལ་སྨྲས་པའི་ཡེ་ཤུ་ཞེས་པ་འདི་ནི་སྐྱབས་མགོན་མཱ་ཤི་ཀ་ཡིན་ཞེས་གསུངས་སོ།།  
\v 4 མི་དེ་རྣམས་ལས་འགའ་ཞིག་ལ་སེམས་འགུལ་ཐེབས་ནས་ཕོལ་ལོལ་དང་སི་ལཱ་གཉིས་ཀྱི་རྗེས་སུ་འབྲངས་པ་དང་། གཞན་ཡང་དཀོན་མཆོག་ལ་དད་གུས་ཆེ་བའི་གྷི་རིག་པ་མང་པོ༌དང༌། བཀུར་འོས་པའི་བུད་མེད་ཀྱང་མི་ཉུང་བ་ཞིག་ཡོད་དོ།།   
\p
\v 5 འོན༌ཀྱང༌། ཡ་ཧུ་དཱ་པ་རྣམས་ཕྲག་དོག་སྐྱེས་ནས་ཁྲོམ་སྲང་གི་མི་ངན་འགའ་བསྡུས་ཤིང་དཔུང་ཁག་བསྒྲིགས༌ཏེ། གྲོང་ཁྱེར་དེ་ལ་ཟིང་ཆ་བཟོས་པ་དང་ཡཱ་སོན་གྱི་ཁྱིམ་དུ་བཙན་གྱིས་འཛུལ༌ཏེ། ཕོལ་ལོལ་དང་སི་ལཱ་གཉིས་བཙན་བཟུང་བྱས་ནས་མི་རྣམས་ཀྱི་མདུན་དུ་འཁྲིད་འདོད༌ཀྱང༌།  
\v 6 ཁོང་གཉིས་བཙལ་ནས་མ་རྙེད་པས་ཡཱ་སོན་དང་སྤུན་ཟླ་ཁ་ཤས་བཟུང༌སྟེ། གྲོང་ཁྱེར་དེའི་དཔོན་རིགས་དག་གི་མདུན་དུ་བཙན་ཁྲིད་བྱས་ཏེ་སྐད་ཆེན་པོས་འདི་ལྟར་སྨྲས༌པ། གནམ་འོག་ཀུན་དཀྲུགས་པར་བྱེད་པའི་མི་དེ་རྣམས་རང་རེའི་ཡུལ་འདི་ལའང་སླེབས༌ཤིང༌།  
\v 7 ཡཱ་སོན་ཟེར་བ་འདིས་མི་དེ་རྣམས་ལ་སྣེ་ལེན་བྱས་ཏེ་སྡོད་དུ་བཅུག༌པ་རེད། མི་འདི་ཐམས་ཅད་སེ་བཟིར་གྱི་བཀའ་དང་འགལ༌ནས། ཡེ་ཤུ་བྱ་བའི་རྒྱལ་པོ་གཞན་ཞིག་ཡོད་ཟེར་ཞེས༌པའོ།།  
\v 8 དེ་ནས་མི་ཚོགས་དང་གྲོང་ཁྱེར་དེའི་དཔོན་རིགས་རྣམས་ཀྱིས་གཏམ་དེ་ཐོས་པ་དང་སེམས་འཁྲུགས་པར་གྱུར༌པས།  
\v 9 ཡཱ་སོན་དང་མི་གཞན་རྣམས་ལས་གཏའ་མ་བླངས་ཏེ་ཁོ་རྣམས་ཕྱིར་བཏང༌ངོ༌།།   
\s1 པུ་རེ་ཡཱ་གྲོང་ཁྱེར་དུ་ཕེབས༌པ།  
\p
\v 10 དེ་ནས་སྤུན་ཟླ་རྣམས་ཀྱིས་མཚན་མོའི་དུས་ལ་སླེབས་མ་ཐག་ཕོལ་ལོལ་དང་སི་ལཱ་གཉིས་པུ་རེ་ཡཱ་རུ་འགྲོ་བར་བཅུག་གོ། ཁོང་གཉིས་གནས་དེར་སླེབས་པ་དང་ཡ་ཧུ་དཱ་པའི་ཆོས་ཁང་དུ་ཕྱིན༌ཅིང་།  
\v 11 གནས་འདིའི་མི་རྣམས་ནི་ཐེ་སཱ་ལོ་ནེ་ཀེའི་མི་རྣམས་དང་བསྡུར༌ན་སེམས་རྒྱ་ཆེ་བ་དང་། དཀོན་མཆོག་གི་བཀའ་ལ་མཉན་པར་ཤིན་ཏུ་དགའ༌ཞིང༌། ཉིན་རེ་བཞིན་ཕོལ་ལོལ་གྱིས་གསུངས་པ་དེ་ནི་གསུང་རབ་དང་མཐུན་མིན་ལ་བརྟག་ཅིང་དཔྱོད་པ་རེད།  
\v 12 དེ་བས་ཁོ་རྣམས་ལས་མི་མང་པོ་ཞིག༌དང༌། གྷི་རིག་གི་མི་རིགས་ལས་བཀུར་འོས་པའི་བུད་མེད་དང་སྐྱེས་པ་འགའ་ཤས་ཀྱང་དད་པར་གྱུར་ཏོ།།  
\v 13 འོན༌ཀྱང༌། ཐེ་སཱ་ལོ་ནེ་ཀེ་ཞེས་པའི་ཡ་ཧུ་དཱ་པ་རྣམས་ཀྱིས་ཕོལ་ལོལ་གྱིས་པུ་རེ་ཡཱ་རུའང་དཀོན་མཆོག་གི་བཀའ་སྒྲོག་བཞིན་པ་ཤེས༌ཏེ། ཡང་གནས་དེར་སོང་ནས་མི་ཚོགས་ལ་ངན་སྐུལ་བྱས་ཤིང་ཟིང་ཆ་བཟོས་སོ།།  
\v 14 དེ་ནས་སྤུན་ཟླ་རྣམས་ཀྱིས་ཕོལ་ལོལ་རྒྱ་མཚོའི་འགྲམ་དུ་བསྐྱལ་བ༌དང༌། སི་ལཱ་དང་ཐི་མོ་ཐེ་གཉིས་སྔར་བཞིན་པུ་རེ་ཡཱ་རུ་བསྡད།  
\v 15 དེ་ཡང་སྐྱེལ་མ་བྱེད་མཁན་རྣམས་ཀྱིས་ཕོལ་ལོལ་བྱ་བ་ཡ་ཏེན་དུ་བསྐྱལ་བ་དང་། ཕོལ་ལོལ་གྱིས་སི་ལཱ་དང་ཐི་མོ་ཐེ་གཉིས་ཀྱང་མྱུར་དུ་ཁོང་གི་དྲུང་དུ་ཡོང་དགོས་པའི་བཀའ་གནང་ཞིང་སྐྱེལ་མ་རྣམས་ཕྱིར་ལོག༌གོ།   
\s1 ཡ་ཏེན་གྲོང་ཁྱེར་དུ་བཞུགས༌པ།  
\p
\v 16 དེ་ཡང་ཕོལ་ལོལ་གྱིས་ཡ་ཏེན་དུ་སི་ལཱ་དང་ཐི་མོ་ཐེ་གཉིས་ལ་སྒུག་པའི་དུས༌སུ། གྲོང་ཁྱེར་ཡོངས་སུ་ལྷ་སྐུ་སྣ་ཚོགས་ཀྱིས་གང་ཡོད་པ་མཐོང་སྟེ་སེམས་འཁྲུག་པར་གྱུར༌པས།  
\v 17 ཡ་ཧུ་དཱ་པའི་ཆོས་ཁང་ནས་ཡ་ཧུ་དཱ་པ་དང་དཀོན་མཆོག་ལ་དད་གུས་ཡོད་པའི་ཕྱི་ཕྱོགས་པ༌དང༌། གཞན་ཡང་ཉིན་རེ་བཞིན་ཁྲོམ་སྲང་ནས་ཕྲད་པའི་མི་རྣམས་ལ་རྩོད་གླེང་བྱས་སོ།།  
\v 18 ཡང་གནས་དེར་ཨེ་པི་ཀུར་དང་སི་ཏོ་ཀེ་ཞེས་གྲགས་པའི་མཚན་ཉིད་རིག་པའི་གྲུབ་མཐའི་ལྟ་བ་འཛིན་མཁན་འགའ་ཞིག་གིས་ཕོལ་ལོལ་ལ་རྩོད་གླེང་འདི་ལྟར་བྱས་པ༌སྟེ། ལ་ལ་ན༌རེ། མི་བཤད་དགུ་བཤད་བྱེད་མཁན་འདིས་ཅི་སྨྲའམ་ཞེས་ཟེར་བ༌དང༌། ཡང་ལ་ལ་ན༌རེ། ཁོས་ཕལ་ཆེར་ཕྱི་ཕྱོགས་ཀྱི་ལྷའི་སྐོར་སྨྲ་བ་རེད་ཅེས་སྨྲས་སོ།། དེ་ནི་ཕོལ་ལོལ་གྱིས་སྐྱབས་མགོན་ཡེ་ཤུ་དང་ཁོང་གྲོངས་པ་ནས་སླར་གསོན་པའི་སྐོར་གྱི་ཆོས་བསྒྲགས་པའི་རྐྱེན་ཡིན་ནོ།།  
\v 19 དེ་ནས་མི་དེ་རྣམས་ཀྱིས་ཕོལ་ལོལ་ཁོང་ཉིད་ཨེ་རུ་ཕ་ཀའོ་ཚོགས་པ་དེར་ཁྲིད་དེ་ན༌རེ། ཁྱོད་ཀྱིས་སྨྲ་བཞིན་པའི་ལྟ་བ་གསར་པ་འདི་དག་ངེད་ཅག་གིས་ཤེས་རུང༌ངམ།  
\v 20 རྒྱུ་མཚན་ནི་ཁྱོད་ཀྱི་ངོ་མཚར་བའི་དོན་འགའ་ངེད་རྣམས་ཀྱི་རྣ་བས་ཀྱང་ཐོས་བྱུང༌བས། ད་ལྟ་དོན་དེ་ཅི་ཡིན་པ་ཤེས་འདོད་ཅེས་སྨྲས་སོ།།  
\v 21 སྤྱིར་ཡ་ཏེན་གྱི་མི་དང་ཡུལ་དེར་གནས་སྐོར་དུ་ཡོང་བའི་མི་རྣམས་ཀྱིས་དོན་གཞན་ཅི་ཡང་མི་སྒྲུབ་པར་གཏམ་གསར་པ་ཁོ་ནར་ཉན་ཞིང༌སྨྲའོ།།   
\p
\v 22 དེ་ནས་ཕོལ་ལོལ་ཁོང་ཉིད་ཨེ་རུ་ཕ་ཀའོ་ཚོགས་པའི་དབུས་སུ་ཡར་བཞེངས་ཏེ་འདི་སྐད༌དུ། ཡ་ཏེན་གྱི་མི༌རྣམས། ངས་ཁྱོད་རྣམས་ཕྱོགས་ཀུན་ནས་ཆོས་ལ་ཤིན་ཏུ་དགའ་བ་མཐོང༌།  
\v 23 ང་རང་ཕྱོགས་བཞིར་འགྲིམས་པའི་དུས༌སུ། ཁྱོད་རྣམས་ཀྱིས་བསྙེན་བཀུར་བྱེད་པའི་རྟེན་དེ་དག་ལ་བལྟས༌ཚེ། མཆོད་ཁྲི་ཞིག་གི་སྟེང་དུ་རྒྱུས་མི་མངའ་བའི་དཀོན་མཆོག་གི་ཕྱིར་ \f + \ft རྒྱུས་མི་མངའ་བའི་དཀོན་མཆོག་གི་ཕྱིར་ཞེས་པ་འདི་ནི་གནའ་བོའི་གྷི་རིག་པའི་སྲོལ་རྒྱུན་གྱི་ལྟ་ཚུལ་ཞིག༌སྟེ། དེ་རྣམས་ལ་ལྷ་འདྲེ་གདོན་བགེགས་ཀྱི་བཤད་རྒྱུན་ཡོད་ཅིང་ལྷ་འདྲེ་སོགས་ལ་ཆེས་ཆེར་འཇིགས་པས་རང་ལ་གནོད་པ་མི་འབྱུང་བའི་ཆེད༌དུ། རྒྱུས་མི་མངའ་བའི་དཀོན་མཆོག་གི་ཕྱིར་ཞེས་རྡོ་ལ་ཡི་གེ་བརྐོས༌ཏེ། མཆོད་སྦྱིན་དང་དད་གུས་ལ་བརྟེན་ནས་རང་ཉིད་སྐྱབས་སུ་འཛིན་པར་རེ་བའི་བྱེད་ཐབས་ཤིག༌ཡིན། མཁས་པ་རྣམས་ཀྱིས་དོན་དམ་དུ་གྷི་རིག་པ་རྣམས་ཀྱིས་དཀོན་མཆོག་ཉིད་ཀྱི་དགོངས་པ་དང་མཐུ་སྟོབས་སོགས་མི་ཤེས་པར༌བཤད། \f*ཞེས་ཡི་གེ་བརྐོས་འདུག་པ་མཐོང༌བྱུང༌། ཁྱོད་ཅག་གིས་མ་ཤེས་པར་བསྙེན་བཀུར་བྱེད་ཅིང་བདག་གིས་དོན་དེ་ཁྱོད་རྣམས་ལ་སྨྲ་བར༌བྱ་སྟེ།  
\v 24 དེ་ཡང་འཇིག་རྟེན་ཁམས་དང་གནས་དེར་ཡོད་པའི་དངོས་པོ་ཐམས་ཅད་སྐྲུན་མཁན་དཀོན་མཆོག་ནི་གནམ་ས་གཉིས་ཀྱི་བདག་པོ་ཡིན༌པས། ཁོང་ནི་མིའི་ལག་པས་བཟོས་པའི་མཆོད་ཁང་དུ་བཞུགས་པ་མིན་ནོ།།  
\v 25 ཡང་ཁོང་གིས་མི་རྣམས་ལ་ཚེ་སྲོག༌དང༌། དབུགས། དངོས་པོ་ཐམས་ཅད་བཅས་གནང༌བས། ཁོང་ལ་དགོས་མཁོ་ཅི་ཡང་མེད་ཅིང་མིའི་ལག་པས་ཁོང་ལ་ཞབས་ཕྱི་ཅི་ཡང་བསྒྲུབ་མི་དགོས་སོ།།  
\v 26 ཁོང་གིས་མི་གཅིག་ནས་མིའི་རིགས་ཐམས་ཅད་བསྐྲུན་ཏེ་ས་གཞིའི་སྟེང་དུ་ཡོངས་སུ་གནས་པར་མཛད༌ཅིང༌། དེ་རྣམས་ཀྱི་ཚེ་ཚད་དང་སྡོད་མཚམས་ཀྱང་སྔར་ནས་ཐག་གིས་བཅད༌པ་ཡིན།  
\v 27 དཀོན་མཆོག་གིས་དེ་ལྟར་མཛད་དོན་ནི་མི་རྣམས་ཀྱིས་ཁོང་ཉིད་འཚོལ་ཞིང་ཡང་ཡང་བཙལ་ན་རྙེད་སྲིད་པའི་ཕྱིར་ཡིན༌ལ། དོན་དམ་དུ་ཁོང་ནི་བདག་ཅག་མི་རེ་རེ་དང་རྒྱང་ཐག་མི་རིང་བའི་གནས་སུ་བཞུགས་ཡོད།  
\v 28 དེ་ཡང་ཇི་སྐད༌དུ།  
\q1 ངེད་རྣམས་འཚོ་ཞིང་འགུལ་སྐྱོད་བྱེད་པ༌དང༌།།  
\q1 གནས་པ་འདི་ནི་ཁོང་ལ་བརྟེན་པ༌ཡིན།།  
\m ཞེས༌པའོ།། དེ་ཡང་ཁྱོད་ཅག་ལས་སྙན་ངག་པ་ལ་ལ་ན༌རེ།  
\q1 བདག་ཅག་ཀྱང་ནི་ཁོང་གི་བུ་ཕྲུག་ཡིན།།  
\m ཞེས་སྨྲས་པ་དང་མཚུངས་སོ།།  
\v 29 དེའི༌ཕྱིར། བདག་ཅག་ནི་དཀོན་མཆོག་གི་བུ་ཕྲུག་ཡིན་པས་དཀོན་མཆོག་གི་ངོ་བོ་ནི་མིས་རང་གི་ལག་རྩལ་དང་བློ་རིག་ལ་བརྟེན་ནས་གསེར༌དང༌དངུལ། རྡོ་སོགས་ལ་བརྐོས་པའི་སྐུ་དང་འདྲ་བར་བསམ་མི་རུང་ངོ༌།།  
\v 30 དེ་ཡང་འཇིག་རྟེན་པ་རྣམས་རྨོངས་པའི་དུས་སུ་དཀོན་མཆོག་གིས་དེ་དག་ལ་རྩད་ཞིབ་མ་མཛད༌ཀྱང༌། ད་ལྟ་ཡུལ་ཕྱོགས་སོ་སོའི་མི་ཐམས་ཅད་ལ་འགྱོད་བཤགས་བྱེད་དགོས་པའི་བཀའ་གནང༌བ་རེད།  
\v 31 རྒྱུ་མཚན་ནི་ཁོང་གིས་སྔ་མོ་ནས་ཐག་གིས་བཅད་པ་བཞིན། ཉིན་ཞིག་ལ་རང་གིས་བསྐོས་པའི་སྐྱེས་བུ་དམ་པ་དེ་བརྒྱུད༌ནས། འཇིག་རྟེན་གྱི་མི་ཀུན་ལ་དྲང་བདེན་གྱི་ངང་ནས་ལེགས་ཉེས་ཀྱི་ཁྲིམས་ཐག་གཅོད་པར་འགྱུར་བ༌དང༌། སྐྱེས་བུ་དམ་པ་དེ་གྲོངས་པ་ནས་སླར་གསོན་པར་མཛད་པའི་སྒོ་ནས་མི་ཐམས་ཅད་ལ་བདེན་དཔང་མཛད་མྱོང་ཞེས་གསུངས༌སོ།།   
\p
\v 32 མི་དེ་རྣམས་ཀྱིས་གྲོངས་པ་ནས་སླར་གསོན་པའི་གཏམ་དེ་ཐོས་ནས་མི་འགའ་ཞིག་གིས་འཕྱ་ཞིང་སྨོད་པ༌དང༌། ཡང་མི་འགའ་ཞིག་གིས་ཁྱོད་ཀྱི་གཏམ་དེ་ལ་ངེད་ཅག་གིས་ཡང་བསྐྱར་མཉན་པར་བྱའོ་ཞེས་སྨྲས་སོ།།  
\v 33 དེ་ནས་ཕོལ་ལོལ་མི་ཚོགས་ཀྱི་ཁྲོད་ནས་ཕྱི་རོལ་ཏུ་ཕེབས་སོ།།  
\v 34 འོན༌ཀྱང༌། མི་ཁ་ཤས་ཁོང་དང་འགྲོགས་ཤིང་གཙོ་བོ་ལ་དད་པར་གྱུར་ཏོ།། དེ་དག་གི་ཁྲོད་དུ་ཨེ་རུ་ཕ་ཀའོ་ཚོགས་པ་ལ་གཏོགས༌ཤིང༌མིང་ལ་ཏཱ་ཨོ་ནེ་སི་ཞེས་འབོད་པ་དེ༌དང༌། ཡང་མིང་ལ་ཏཱ་མ་རོས་ཞེས་འབོད་པའི་བུད་མེད་ཅིག༌དང༌། གཞན་ཡང་མི་འགའ་ཤས་ཡོད༌དོ།།   
\c 18
\cl ལེའུ་བཅོ་བརྒྱད༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 ཀོ་རིན་ཐུ་གྲོང་ཁྱེར་དུ་ཕེབས༌པ།  
\p
\v 1 དོན་དེའི་རྗེས༌སུ། ཕོལ་ལོལ་བྱ་བ་ཡ་ཏེན་དང་ཁ་བྲལ་ནས་ཀོ་རིན་ཐུ་རུ་ཕྱིན་པ༌ལ།  
\v 2 མིང་ལ་ཨ་ཀུ་ལཱ་ཞེས་པའི་ཡ་ཧུ་དཱ་པ་ཞིག་དང་ཕྲད་ཅིང་ཁོ་ནི་ཕོན་ཐུ་ཡུལ་ནས་སྐྱེས༌ཤིང་། དེ་ཡང་ཀཱ་ལོ་དི་ཞེས་པ་དེས་ཡ་ཧུ་དཱ་པ་ཐམས་ཅད་རོ་མཱ་རུ་སྡོད་མི་ཆོག་པའི་བཀའ་ཕབ་པས། ཨ་ཀུ་ལཱ་ཞེས་པས་རང་གི་ཆུང་མ་ཕུར་སི་ལཱ་ཁྲིད་དེ་ཨི་ཏ་ལི་ཡུལ་ནས་ཀོ་རིན་ཐུ་རུ་ཡོང་ངོ༌།། དེ་ནས་ཕོལ་ལོལ་བཟའ་ཟླ་དེ་གཉིས་ཀྱི་གམ་དུ་ཕྱིན་པ་རེད།  
\v 3 ཁྱོ་ཤུག་དེ་གཉིས་གུར་བཟོ་མཁན་ཡིན་ཞིང་ཕོལ་ལོལ་ཡང་དེ་གཉིས་དང་ལས་རིགས་མཚུངས་པས་ན་མཉམ་དུ་བསྡད་ནས་ལས་ཀ་བསྒྲུབས་སོ།།  
\v 4 དེ་ནས་ཕོལ་ལོལ་གྱིས་ངལ་གསོ་བའི་ཉིན་རེ་རེར་ཆོས་ཁང་ནས་ཡ་ཧུ་དཱ་པ་དང་གྷི་རིག་པ་རྣམས་ལ་རྩོད་གླེང་བྱས་ཏེ་སྐུལ་མ་མཛད༌དོ།།   
\p
\v 5 དེ་ནས་སི་ལཱ་དང་ཐི་མོ་ཐེ་གཉིས་མ་ཀེ་དོན་ཡཱ་ཡུལ་ནས་སླེབས་པ༌ལ། ཕོལ་ལོལ་ནི་དཀོན་མཆོག་གི་བཀའ་སྒྲོག་པ་ཁོ་ནར་བྲེལ༌ཞིང༌། ཡ་ཧུ་དཱ་པ་རྣམས་ལ་ཡེ་ཤུ་ནི་སྐྱབས་མགོན་མཱ་ཤི་ཀ་ཡིན་པར་བདེན་དཔང་མཛད་ཀྱིན་འདུག  
\v 6 འོན༌ཀྱང༌། མི་དེ་རྣམས་ཀྱིས་ཁོང་ལ་ངོ་རྒོལ་དང་འཕྱ་དམོད་བྱས་པ༌ན། ཕོལ་ལོལ་གྱིས་རང་གི་གྱོན་གོས་སྤྲུགས་ཀྱིན་འདི་སྐད༌དུ། ཁྱོད་ཅག་གི་ཁྲག་རང་རང་གི་མགོ་ལ་འཕོག་པར་གྱུར༌ཅིག བདག་ལ་ཉེས་པ་ཅི་ཡང༌མེད། \f + \ft ཚིག་འབྲུ་འདིར་མ་ཕྱི་ལས་ཁྱོད་ཅག་གི་ཁྲག་རང་རང་གི་མགོ་ལ་ཡོད་པར་གྱུར༌ཅིག བདག་ནི་གཙང་ངོ་ཞེས༌འབྱུང༌། དོན་ནི་ཆོས་ལ་ཉན་མཁན་དེ་དག་གིས་ཡེ་ཤུར་དད་པ་མ་བྱས༌པས། ཁྱོད་ཅག་གི་ཁྲག་རང་རང་གི་མགོ་ལ་ཡོད་པར་གྱུར་ཅིག་ཅེས་ཁྱོད་ཅག་ལ་དཀོན་མཆོག་གི་ཆད་པ་འཕོག་ངེས་པ་དེ་ཁྱོད་ཅག་གིས་འགན་འཁུར་དགོས་པར་བསྟན༌ཅིང༌། བདག་ནི་གཙང་ངོ་ཞེས་པ་ནི་བདག་ལ་ཉེས་པ་མེད་ཅེས་པའི་དོན༌ཡིན། \f* དུས་ད་ནས༌བཟུང༌། ང་རང་ཕྱི་ཕྱོགས་པ་རྣམས་ཡོད་སར་འགྲོ་ཞེས་གསུངས་སོ།།  
\v 7 དེ་ནས་ཕོལ་ལོལ་གནས་དེ་དང་ཁ་བྲལ་ནས་མིང་ལ་ཐེ་ཏུ་ཡུས་ཐོ་ཞེས་འབོད་པའི་མི་ཞིག་གི་ཁྱིམ་དུ་སོང་བ༌དང༌། མི་དེ་ནི་དཀོན་མཆོག་ལ་བསྙེན་བཀུར་བྱེད་མཁན་ཞིག་ཡིན༌ཞིང༌། ཁོའི་ཁྱིམ་ཚང་ཡང་ཆོས་ཁང་དེའི་འགྲམ་དུ་ཡོད།  
\v 8 ཡང་ཆོས་ཁང་དེའི་དབུ་འཛིན་པ་ཀཱ་རིས་པི་ཞེས་པ་ཞིག་ཡོད་པ་དེ་དང་ཁོའི་ཁྱིམ་མི་ཐམས་ཅད་གཙོ་བོ་ལ་དད་པར་གྱུར་པ༌དང༌། གཞན༌ཡང༌། ཀོ་རིན་ཐུ་པ་མང་པོས་ཀྱང་ཆོས་ལ་མཉན་ནས་དད་པར་གྱུར་ཅིང་ཁྲུས་གསོལ་ལ་ཞུགས་སོ།།  
\v 9 ཡང་མཚན་མོ་ཞིག༌ལ། ཞལ་གཟིགས་གནང་བ་ལས་གཙོ་བོས་ཕོལ་ལོལ་ལ་འདི་སྐད༌དུ། མ་འཇིགས༌ཤིག ཁ་རོག་ཏུ་མི་འདུག་པར་བདག་གི་བཀའ་མཚམས་མེད་པར་སྒྲོགས༌ཤིག  
\v 10 གྲོང་ཁྱེར་འདི་རུ་བདག་ལ་མི་མང་པོ་ཡོད་ཅིང་ང་རང་ཡང་ཁྱོད་དང་མཉམ་དུ་གནས༌པས། སུ་ཞིག་གིས་ཀྱང་ཁྱོད་ལ་རྒོལ་བ་དང་གནོད་འཚེ་བྱ་མི་ནུས་ཞེས་གསུངས་སོ།།  
\v 11 ཕོལ་ལོལ་ཡང་ལོ་གཅིག་དང་ཟླ་བ་དྲུག་གི་རིང༌ལ་གནས་དེར་བསྡད་ནས་མི་རྣམས་ལ་དཀོན་མཆོག་གི་བཀའ་བསླབས༌སོ།།   
\p
\v 12 དེ་ཡང་གལ་ལེ་ཨོན་བྱ་བ་ཨ་ཀ་ཡཱ་ཡུལ་གྱི་སྤྱི་དཔོན་ཡིན་པའི་དུས༌སུ། ཡ་ཧུ་དཱ་པ་རྣམས་ཀྱིས་ངན་སེམས་གཅིག་མཐུན་གྱིས་ཕོལ་ལོལ་ལ་ངོ་རྒོལ་བྱས་ནས་ཁྲིམས་དཔོན་གྱི་ཁྲིའི་མདུན་དུ་ཁྲིད་དེ་ན༌རེ།  
\v 13 འདིས་མི་རྣམས་ལ་བཀའ་ཁྲིམས་དང་མི་མཐུན་པའི་སྒོ་ནས་དཀོན་མཆོག་ལ་བསྙེན་བཀུར་བྱེད་པར་བསྐུལ་བ་རེད་ཅེས་སྨྲས་པ༌ན།  
\v 14 ཕོལ་ལོལ་གྱིས་གཏམ་བརྗོད་པར་རྩོམ་པ༌ལ། གལ་ལེ་ཨོན་གྱིས་ཡ་ཧུ་དཱ་པ་དེ་རྣམས་ལ་འདི་ལྟར། ཀྱེ། ཡ་ཧུ་དཱ་པ་ཁྱོད༌རྣམས། གལ་ཏེ་གཏུགས་བཤེར་བྱས་པའི་དོན་འདི་ངན་པའམ་ཡང་ན་ཉེས་སྐྱོན་ཆེ་ཆུང་གང་ཞིག་ཡིན་ན་ཁྱོད་ཅག་གི་ཞུ་བར་ངས་མཉན་སྲིད་མོད།  
\v 15 འོན་ཀྱང་ཁྱོད་ཅག་གི་རྩོད་གཞི་ནི་ཚིག་རྩོད༌དང༌། མིང༌ངམ། ཡང་ན་ཁྱོད་ཅག་གི་ཆོས་ཁྲིམས་བཅས་ཀྱི་སྐོར་ཡིན༌ན། དོན་དེ་ཁྱོད་ཅག་རང་གིས་སྒྲུབས༌ཤིག བདག་གིས་དོན་འདི་ལྟ་བུ་ལ་ཁྲིམས་གཅོད་བྱེད་མི་འདོད་ཅེས་སྨྲས༌ཏེ།  
\v 16 མི་དེ་རྣམས་ཁྲིམས་དཔོན་གྱི་ཁྲིའི་རྩ་ནས་ཕྱི་རོལ་ཏུ་བསྐྲད་དོ།།  
\v 17 དེ་ནས་མི་དེ་རྣམས་ཀྱིས་ཆོས་ཁང་གི་དབུ་འཛིན་པ་སའོ་ཐེ་ནེ་ཞེས་པ་བཙན་བཟུང་བྱས་ཏེ་ཁྲིམས་དཔོན་གྱི་ཁྲིའི་མདུན་དུ་གཅར་རྡུང་བྱས། འོན་ཀྱང་གལ་ལེ་ཨོན་གྱིས་དོན་དེ་རྣམས་ལ་དོ་སྣང་མ་བྱས༌སོ།།   
\s1 ཕོལ་ལོལ་ཕྱིར་སིར་ཡཱ་ཡུལ་གྱི་ཨན་ཏི་ཡོག་ཡཱ་གྲོང་ཁྱེར་དུ་ཕེབས༌པ།  
\p
\v 18 ཡང་ཕོལ་ལོལ་ཁོང་ཉིད་ཀོ་རིན་ཐུ་རུ་ཉིན་མང་པོར་བཞུགས་རྗེས་སྤུན་ཟླ་རྣམས་དང་ཁ་གྱེས༌ཏེ། གྲུ་གཟིངས་ལ་བསྡད་ནས་སིར་ཡཱ་ཡུལ་གྱི་ལམ་ལ་ཆས་ཤིང་། ཕུར་སི་ལཱ་དང་ཨ་ཀུ་ལཱ་གཉིས་ཀྱང་ཁོང་དང་མཉམ་དུ་ཕྱིན་ཏོ།། ཁོང་གིས་དེ་སྔར་དམ་བཅས་པ་བཞིན་ཀེན་གྲེ་ཞེས་པའི་གྲུ༌ཁ་ནས་དབུ་སྐྲ་བྲེགས་པ་རེད།  
\v 19 དེ་ནས་ཨེ་ཕེ་སི་རུ་སླེབས་པ་དང་ཕོལ་ལོལ་གྱིས་ཁོ་གཉིས་གནས་དེར་བསྐྱུར༌ཏེ། རང་ཁོ་ན་ཡ་ཧུ་དཱ་པའི་ཆོས་ཁང་དུ་ཕྱིན་ནས་ཡ་ཧུ་དཱ་པ་རྣམས་ལ་རྩོད་གླེང་བྱས་སོ།།  
\v 20 མི་རྣམས་ཀྱིས་ཁོང་ཉིད་ཉིན་འགར་བཞུགས་པར་ཞུས་ཀྱང་ཁོང་འཐད༌པ་མ་བྱུང་།  
\v 21 འོན་ཀྱང་ཁོང་ཉིད་དེ་རྣམས་དང་ཁ་འབྲལ་སྐབས་འདི་སྐད༌དུ། གལ་ཏེ་དཀོན་མཆོག་གི་ཐུགས་དགོངས་ཡིན་ན་ང་རང་སླར་ཡང་གནས་འདིར་ཡོང་ངེས་པ་ཡིན་ཞེས་གསུངས་རྗེས་གྲུ་གཟིངས་ལ་བསྡད་དེ་ཨེ་ཕེ་སི་དང་བྲལ་ཏོ།།  
\v 22 དེ་ནས་ཀེ་སར་ཡཱ་རུ་སླེབས་པ་དང་ཁོང་ཉིད་གྲུ་ལས་བབས་ཏེ་ཡར་ཆོས་ཚོགས་ལ་འཚམས་འདྲི་ཞུ་བར་ཕྱིན་པ༌དང༌། དེ་རྗེས་མར་ཨན་ཏི་ཡོག་ཡཱ་རུ་བྱོན༌ཏོ།།   
\s1 ཕོལ་ལོལ་ཐེངས་གསུམ་པར་ཆོས་སྤེལ་དུ་ཕྱིན་པ།  
\p
\v 23 གནས་དེར་ཉིན་འགར་བསྡད༌རྗེས། དེ་དང་ཁ་བྲལ་ནས་རིམ་བཞིན་ག་ལད་ཡཱ་དང་ཕུ་ཀེ་ཡཱ་ཡུལ་བརྒྱུད་ནས་རྗེས་འབྲང་པ་རྣམས་ཀྱི་དད་སེམས་བརྟན་པོར་བྱས༌སོ།།   
\p
\v 24 དེ་ཡང་མིང་ལ་ཨ་པོལ་ལོ་ཟེར་བའི་ཡ་ཧུ་དཱ་པ་ཞིག་ཡོད་པ་དེ་ཨེ་ཕེ་སི་རུ་སླེབས། ཁོང་ནི་ཨ་ལིག་སན་དྲི་ཡཱ་ནས་སྐྱེས་ཤིང་ཁ་ལྕེ་ཅན་ཞིག་སྟེ་གསུང་རབ་ལའང་མཁས༌པ་རེད།  
\v 25 ཁོང་གིས་སྐྱབས་མགོན་ཡེ་ཤུའི་ཆོས་ཀྱི་སྐོར་བསླབས༌པས། སེམས་ལ་སྟོབས་ཤུགས་རྒྱས་ཤིང་སྐྱབས་མགོན་ཡེ་ཤུའི་མཛད་དོན་སྐོར་མི་གཞན་ལ་ཞིབ་ཏུ་སྨྲས་ཤིང་བསྟན་མོད། འོན༌ཀྱང༌། ཁོང་གིས་ཡོ་ཧ་ནན་གྱི་ཁྲུས་གསོལ་ཁོ་ན་ཤེས༌པ་རེད།  
\v 26 དེ་ནས་ཁོང་གིས་ཡ་ཧུ་དཱ་པའི་ཆོས་ཁང་ནས་སྤོབས་པ་ཆེན་པོས་སྐྱབས་མགོན་ཡེ་ཤུའི་ཆོས་གསུངས་པ༌ན། ཕུར་སི་ལཱ་དང་ཨ་ཀུ་ལཱ་གཉིས་ཀྱིས་གསུང་དེ་ཐོས་ནས་ཁོང་ཉིད་རང་ཁྱིམ་དུ་གདན་དྲངས༌ཏེ། དཀོན་མཆོག་གི་ཆོས་དེ་ཉིད་སྔར་ལས་ཀྱང་ཁོང་ལ་ཞིབ་ཏུ་སྨྲས་སོ།།  
\v 27 དེ་ནས་ཁོང་ཉིད་ཨ་ཀ་ཡཱ་ཡུལ་དུ་འགྲོ་འདོད་པ༌ན། སྤུན་ཟླ་རྣམས་ཀྱིས་ཀྱང་སྐུལ་མ་མཛད་པ་དང་ཡུལ་དེའི་རྗེས་འབྲང་པ་རྣམས་ལ་ཁོང་ལ་སྣེ་ལེན་བྱེད་དགོས་པའི་འཕྲིན་ཡིག་བྲིས་སོ།། དེ་ནས་ཁོང་ཉིད་ཡུལ་དེར་སླེབས་ཏེ་ཐུགས་རྗེ་བརྒྱུད་ནས་དད་པར་གྱུར་པ་རྣམས་ལ་རོགས་རམ་མང་དུ་མཛད།  
\v 28 རྒྱུ་མཚན་ནི་ཁོང་གིས་མི་ཚོགས་ཀྱི་མདུན་དུ་མཐུ་སྟོབས་ལྡན་པའི་ངང་ནས་ཡ་ཧུ་དཱ་པ་རྣམས་དགག་པས་བཏུལ་ཏེ། གསུང་རབ་ལས་ལུང་དྲངས་ནས་ཡེ་ཤུ་ཁོང་ཉིད་ནི་སྐྱབས་མགོན་མཱ་ཤི་ཀ་ཡིན་པ་གསལ་པོར་བསྟན་ཏོ།།   
\c 19
\cl ལེའུ་བཅུ་དགུ༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 ཨེ་ཕེ་སི་གྲོང་ཁྱེར་དུ་ཕོལ་ལོལ་བཞུགས༌པ།  
\p
\v 1 དེ་ཡང་ཨ་པོལ་ལོ་ཞེས་བྱ་བ་ཀོ་རིན་ཐུ་རུ་བཞུགས་པའི་དུས༌དེར། ཕོལ་ལོལ་ཁོང་ཉིད་ག་ལད་ཡཱ་དང་ཕུ་ཀེ་ཡཱ་ཡུལ་བརྒྱུད་ནས་ཨེ་ཕེ་སི་རུ་སླེབས་པ༌དང༌། གནས་དེ་རུ་རྗེས་འབྲང་པ་འགར་ཕྲད་ཅིང༌།  
\v 2 ཁོང་གིས་དེ་རྣམས་ལ་འདི་སྐད༌དུ། ཁྱོད་ཅག་གིས་དད་པ་བྱེད་པའི་དུས་སུ་དམ་པའི་ཐུགས་ཉིད་ཐོབ་མྱོང་ངམ་ཞེས་དྲིས་པ༌ལ། དེ་རྣམས་ན༌རེ། ཐོབ་མ་མྱོང་ལ། དམ་པའི་ཐུགས་ཉིད་ཅེས་པ་ཞིག་ཡོད་པ་ཐོས་ཀྱང་མ་མྱོང་ཞེས་ཞུས་སོ།།  
\v 3 དེ་ནས་ཕོལ་ལོལ་གྱིས་འདི་སྐད༌དུ། དེས་ན་ཁྱོད་རྣམས་ལ་ཁྲུས་གསོལ་གང་ཐོབ་པ་ཡིན་ནམ་ཞེས་གསུངས་པ༌ན། དེ་རྣམས་ཀྱིས་ཡོ་ཧ་ནན་གྱི་ཁྲུས་གསོལ་ཐོབ་པ་ཡིན་ཞེས་ཞུས་སོ།།  
\v 4 ཡང་ཕོལ་ལོལ་གྱིས་འདི་སྐད༌དུ། ཡོ་ཧ་ནན་གྱིས་འགྱོད་བཤགས་ཀྱི་རྟགས་སུ་ཁྲུས་གསོལ་བྱས་པ༌དང༌། མི་རྣམས་ལ་རང་གི་རྗེས་སུ་འབྱོན་ངེས་པ་སྟེ་སྐྱབས་མགོན་ཡེ་ཤུ་ལ་དད་པ་བྱེད་དགོས་པར་བསྐུལ་བ་ཡིན་ཞེས་གསུངས་སོ།།  
\v 5 དེ་རྣམས་ཀྱིས་གསུང་དེ་ཐོས་པ་དང་གཙོ་བོ་ཡེ་ཤུའི་མཚན་ལ་བརྟེན་ནས་ཁྲུས་གསོལ་ལ་ཞུགས་ཤིང༌།  
\v 6 ཕོལ་ལོལ་གྱིས་དེ་རྣམས་ཀྱི་ལུས་ལ་ཕྱག་བཞག་པ་དང་དེ་རྣམས་ལ་དམ་པའི་ཐུགས་ཉིད་ཐོབ་ཅིང༌། ངག་ནས་སྐད་གཞན་སྨྲ་ཞིང་ལུང་ཡང་བསྟན་ཏོ།།  
\v 7 བསྡོམས་པས་མི་བཅུ་གཉིས་ཙམ་ཡོད༌དོ།།   
\p
\v 8 དེ་ནས་ཕོལ་ལོལ་ཆོས་ཁང་དུ་ཕྱིན་ཏེ། ཟླ་བ་གསུམ་གྱི་རིང༌ལ་རྒྱུན་ཆད་མེད་པར་སྙིང་སྟོབས་ཆེན་པོས་ཆོས་གསུངས་པ༌དང༌། དཀོན་མཆོག་གི་རྒྱལ་སྲིད་སྐོར་ལ་རྩོད་གླེང་བྱས་ཏེ་མི་རྣམས་ལ་སྐུལ་མ་གནང༌མོད།  
\v 9 འོན༌ཀྱང༌། ཕྱིས་སུ་མི་ལ་ལའི་སེམས་རྒྱུད་གྱོང་པོར་གྱུར་པ་དང་དད་པའང་མ་བྱས༌པས། མི་ཚོགས་ཀྱི་མདུན་དུ་མཱ་ཤི་ཀའི་ཆོས་ཀྱི་ལམ་དེ་ལ་འཕྱ་སྨོད་བྱས་སོ།། དེ་ནས་ཕོལ་ལོལ་གྱིས་རྗེས་འབྲང་པ་རྣམས་ཁྲིད་ཅིང་དེ་དག་དང་ཁ་བྲལ༌ནས། ཉིན་རེ་བཞིན་ཐཱ་རན་ནུ་ཞེས་པའི་སློབ་གླིང་དུ་རྩོད་གླེང་བྱས།  
\v 10 ཁོང་གིས་ལོ་གཉིས་ཀྱི་རིང་ལ་དེ་ལྟར་མཛད་པས་ཨེ་ཞི་ཡཱ་ཡུལ་དུ་གནས་པའི་ཡ་ཧུ་དཱ་པ་དང་གྷི་རིག་པ་ཐམས་ཅད་ཀྱིས་ཀྱང་གཙོ་བོའི་བཀའ་ཐོས༌སོ།།   
\p
\v 11 དེ་ཡང་དཀོན་མཆོག་གིས་ཕོལ་ལོལ་གྱི་ཕྱག་བརྒྱུད་ནས་ཤིན་ཏུ་ངོ་མཚར་ཆེ་བའི་དོན་རྣམས་མཛད་པ༌དང༌།  
\v 12 ཐ་ན་མི་ལ་ལས་ཕོལ་ལོལ་གྱི་ལུས་ནས་ལག་ཕྱིས་དང་པང་ཁེབས་བླངས༌ཏེ། ནད་པའི་ལུས་སྟེང་དུ་བཀབ་མ་ཐག་ནད་བསལ་ཞིང་གདོན་འདྲེའང་ཕྱིར་ཐོན་པ་རེད།  
\v 13 དུས༌དེར། ཡུལ་ཕྱོགས་ཀུན་ཏུ་འགྲིམས་ཤིང་སྔགས་བརྒྱབ་སྟེ་གདོན་འདྲེ་ཕྱིར་སྐྲོད་པའི་ཡ་ཧུ་དཱ་པ་འགའ་ཞིག་གིས་གདོན་འདྲེས་བཟུང་བའི་མི་རྣམས་ལ་རང་དགར་གཙོ་བོ་ཡེ་ཤུའི་མཚན་བརྗོད་ཅིང་འདི་ལྟར་སྨྲས༌པ། ངས་ཕོལ་ལོལ་གྱིས་བསྒྲགས་པའི་སྐྱབས་མགོན་ཡེ་ཤུའི་མཚན་ལ་བརྟེན་ནས་གདོན་འདྲེ་ཁྱོད་རྣམས་ཕྱིར་བུད་ཅིག་ཅེས་སྨྲས་པ་ཡིན་ཞེས༌པའོ།།  
\v 14 དེ་ལྟར་བྱེད་མཁན་ནི་ཡ་ཧུ་དཱ་པའི་མཆོད་དཔོན་ཆེན་པོ་སི་རྐེ་བཱ་ཞེས་པའི་བུ་བདུན་ཡིན༌ལ།  
\v 15 གདོན་འདྲེས་ཁོ་རྣམས་ལ་ངས་སྐྱབས་མགོན་ཡེ་ཤུ་དང་ཕོལ་ལོལ་གཉིས་ཀ་སུ་ཡིན་པ་ཤེས། འོན༌ཀྱང༌ཁྱོད་ཅག་སུ་ཡིན་ནམ་ཞེས་སྨྲས་པ༌དང༌།  
\v 16 གདོན་འདྲེས་བཟུང་བའི་མི་དེ་ཁོ་རྣམས་ཀྱི་ལུས་སྟེང་དུ་མཆོངས་པ་དང་དེ་དག་ལས་རྣམ་པར་རྒྱལ་ཞིང་ཁོ་རྣམས་ལ་དབང་བསྒྱུར༌བས། དེ་རྣམས་ལ་རྨས་ཕོགས་ཤིང་ལུས་གཅེར་བུར་ཁང་པ་ལས་ཕྱིར་བྲོས་སོ།།  
\v 17 ཨེ་ཕེ་སི་རུ་སྡོད་པའི་ཡ་ཧུ་དཱ་པ་དང་གྷི་རིག་པ་ཐམས་ཅད་ཀྱིས་དོན་དེ་ཤེས་ནས་འཇིགས་པར་གྱུར་པ༌དང༌། གཙོ་བོ་ཡེ་ཤུའི་མཚན་སྙན་གྲགས་ཀྱང་ཤིན་ཏུ་རྒྱས་པར་གྱུར་ཏོ།།  
\v 18 དེ་ནས་དད་པ་བྱེད་མཁན་གསར་པ་མང་པོ་ཞིག་ཡོང་ནས་རང་གིས་བྱས་པའི་ཉེས་སྐྱོན་ཁས་བླངས་ཤིང་མཐོལ་བཤགས་བྱས་པ་རེད།  
\v 19 ཡང་སྒྱུ་མ་མཁན་མང་པོས་ཀྱང་མི་རྣམས་ཀྱི་མདུན་དུ་རང་གི་དཔེ་ཆ་སྤུངས་ནས་མེར་བསྲེགས་ཤིང་། དེ་དག་གིས་མེར་བསྲེགས་པའི་དཔེ་རིན་བརྩིས་པ་ལ་བསྡོམས་པས་དངུལ་སྒོར་ཁྲི་ལྔ་ཡོད་པ་ཤེས་སོ།།  
\v 20 དེ་ལྟར་གཙོ་བོའི་བཀའ་ཤིན་ཏུ་དར་ཞིང་རྒྱས་པ་དང་མི་མཐུན་ཕྱོགས་ལས་རྣམ་པར་རྒྱལ༌ཏོ།།   
\s1 ཨེ་ཕེ་སི་གྲོང་ཁྱེར་དུ་ཟིང་ཆ་བྱུང༌བ།  
\p
\v 21 དོན་དེ་རྣམས་མཇུག་རྫོགས༌རྗེས། ཕོལ་ལོལ་གྱིས་རང་ཉིད་མ་ཀེ་དོན་ཡཱ་དང་ཨ་ཀ་ཡཱ་ཡུལ་བརྒྱུད་ནས་ཡེ་རུ་སཱ་ལེམ་དུ་འགྲོ་བར་སེམས་ཐག་བཅད་དེ། ང་རང་དེ་རུ་སླེབས་རྗེས་ངེས་པར་རོ་མཱ་ལ་བལྟ་རུ་འགྲོའོ་ཞེས་གསུངས་སོ།།  
\v 22 དེ་ནས་ཁོང་ལ་རོགས་བྱེད་མཁན་རྣམས་ལས་ཐི་མོ་ཐེ་དང་ཨེ་རས་ཏི་གཉིས་མ་ཀེ་དོན་ཡཱ་ཡུལ་དུ་མངགས༌ཤིང༌། རང་ཉིད་རེ་ཞིག་ཨེ་ཞི་ཡཱ་ཡུལ་དུ་བཞུགས༌སོ།།   
\p
\v 23 དུས༌དེར། མཱ་ཤི་ཀའི་ཆོས་ཀྱི་ལམ་དེའི་རྐྱེན་གྱིས་ཟིང་ཆ་ཆེན་པོ་བྱུང༌བ་རེད།  
\v 24 མིང་ལ་ཏི་མེ་ཏྲེ་ཟེར་བའི་དངུལ་མགར་ཞིག་ཡོད་པ་དེ་ནི་རྒྱུན་དུ་ལྷ་མོ་ཨར་ཏེ་མེ་ཞེས་པའི་མཆོད་ཁང་གི་འདྲ་གཟུགས་དངུལ་གྱིས་བཟོ་མཁན་ཞིག་ཡིན༌པས། དངུལ་མགར་རྣམས་ལ་ཁེ་བཟང་ཆེན་པོ་ཐོབ༌པར་བྱས།  
\v 25 ཁོས་ལས་གྲོགས་དེ་དག་དང་དངུལ་མགར་གཞན་རྣམས་བསྡུས་ཏེ་ན༌རེ། གྲོགས་པོ༌རྣམ་པ། བདག་ཅག་ལས་ཀ་འདི་ཁོ་ནར་བརྟེན་ནས་འབྱོར་བ་རྒྱས་པ་ཁྱོད་རྣམས་ཀྱིས་ཤེས༌པ་ཡིན།  
\v 26 ཕོལ་ལོལ་གྱིས་ཨེ་ཕེ་སི་ལས༌གཞན། ད་དུང་ཨེ་ཞི་ཡཱ་ཡུལ་གྱི་སྐྱེ་བོ་ཕལ་མོ་ཆེ་ནས་མིའི་ལག་པས་བཟོས་པ་དེ་དག་ལྷ་ནི་མ་ཡིན་ཞེས་སྨྲས་ཤིང་མི་མང་པོར་བསླུ་བྲིད་བྱས་པ་ཁྱོད་ཅག་གིས་ཀྱང་མཐོང་ཐོས་སུ་མྱོང༌ངོ་།།  
\v 27 དེ་ལྟར་བྱས་ན་བདག་ཅག་གི་ལས་ཀ་འདིར་མི་གཞན་རྣམས་ཀྱིས་མཐོང་ཆུང་བྱེད་སྲིད་པར་མ༌ཟད། ལྷ་མོ་ཆེན་མོ་ཨར་ཏེ་མེའི་མཆོད་ཁང་ཡང་སྣང་མེད་དུ་འཇོག་སྲིད༌ཅིང༌། ཨེ་ཞི་ཡཱ་ཡུལ་དང་བཅས་པའི་འཇིག་རྟེན་གྱི་མི་ཐམས་ཅད་ཀྱིས་བསྙེན་བཀུར་བྱེད་པའི་ལྷ་མོ་ཆེན་མོའི་གཟི་བརྗིད་ཀྱང་ཉམས་པར་འགྱུར་ཞེས་སྨྲས་པ༌དང༌།  
\v 28 མི་རྣམས་ཀྱིས་གཏམ་དེ་ཐོས་པ་དང་ཤིན་ཏུ་ཁྲོས་ཏེ་སྐད་ཆེན༌པོས། ཀྱེ། ཨེ་ཕེ་སི་ཞེས་པའི་ལྷ་མོ་ཨར་ཏེ་མེ་མཆོག་ཏུ་གྱུར་པ་ཡིན་ཞེས་འུར་བརྒྱབ་བོ།།  
\v 29 དེ་ལྟར་གྲོང་ཁྱེར་ཡོངས་ལ་ཟིང་ཆ་ལངས་པ༌དང༌། མི་དེ་རྣམས་ཀྱིས་ཕོལ་ལོལ་གྱི་ལམ་གྲོགས་ཏེ་མ་ཀེ་དོན་ཡཱ་ཡུལ་གྱི་ཀེ་ཡུ་དང་ཨ་རི་སྟར་ཀུ་གཉིས་བཟུང་ནས་ཟློས་གར་ཚོགས་རའི་ནང་མཉམ་དུ་བཙན་གྱིས་ཁྲིད།  
\v 30 ཕོལ་ལོལ་ཡང་མི་དེ་རྣམས་ཀྱི་ཁྲོད་དུ་འགྲོ་བསམས་ཀྱང་རྗེས་འབྲང་པ་རྣམས་ཀྱིས་ཁོང་ཉིད་འགྲོ་རུ་མ་བཅུག་གོ།  
\v 31 ཕོལ་ལོལ་གྱི་གྲོགས་པོ་ཨེ་ཞི་ཡཱ་ཡུལ་གྱི་ས་གནས་དཔོན་པོ་ཁ་ཤས་ཀྱིས་ཀྱང་མི་མངགས་ཏེ་ཁོང་ཉིད་ཟློས་གར་ཚོགས་རར་མི་འགྲོ་བར་ནན་གྱིས་བསྐུལ་བ་རེད།  
\v 32 དེ་ནས་ཚོགས་ར་དེར་འདུས་པའི་མི་དེ་རྣམས་ཟང་ཟིང་ལང་ལོང་དུ་གྱུར༌པས། མི་མང་ཤོས་ཀྱིས་ཅིའི་ཕྱིར་འདུས་པ་མ་ཤེས་པར་ཅི་བཤད་འདི་བཤད་མེད་པར་སྐད་ཅོར་བརྒྱབ་བོ།།  
\v 33 ཡ་ཧུ་དཱ་པ་རྣམས་ཀྱིས་ཨ་ལིག་སན་དིར་ཞེས་པ་མདུན་དུ་གཏད༌ཅིང༌། མི་ཚོགས་ལས་འགའ་ཞིག་གིས་ཀྱང་ཁོ་རང་ལ་ངན་སྐུལ་བྱས་པས། ཨ་ལིག་སན་དིར་གྱིས་མི་ཚོགས་ལ་དག་འབུད་བྱེད་པར་ལག་བརྡ་བྱས༌ནའང༌།  
\v 34 མི་དེ་རྣམས་ཀྱིས་ཁོ་རང་ཡ་ཧུ་དཱ་པ་ཡིན་པ་ཤེས་ནས་ཚང་མས་མགྲིན་གཅིག༌ཏུ། ཀྱེ། ཨེ་ཕེ་སི་ཡི་ལྷ་མོ་ཨར་ཏེ་མེ་མཆོག་ཏུ་གྱུར་པ་ཡིན་ཞེས་ཆུ་ཚོད་གཉིས་ཙམ་རིང་ལ་འུར་བརྒྱབ་བོ།།  
\v 35 དེ་ནས་གྲོང་ཁྱེར་དེའི་དྲུང་ཡིག་པས་མི་དེ་རྣམས་ཁ་རོག་ལ་སྡོད་དུ་བཅུག་སྟེ་འདི་ལྟར། ཀྱེ། ཨེ་ཕེ་སི་པ༌རྣམས། ཨེ་ཕེ་སི་ནི་ལྷ་མོ་ཆེན་མོ་ཨར་ཏེ་མེའི་མཆོད་ཁང་དང་ནམ་མཁའ་ནས་ལྷུང་བའི་ཨར་ཏེ་མེའི་ལྷ་སྐུ་སྲུང་མཁན་ཡིན་པ་སུས་མི་ཤེས༌སམ།  
\v 36 དོན་དེ་སུས་ཀྱང་བཟློག་ཐབས་མེད་པས་ཁྱོད་རྣམས་ལྷོད་འཇགས་སུ་སྡོད་པ་ལས་ཧོལ་རྒྱུག་བྱ་མི་རུང༌།  
\v 37 ཁྱོད་ཅག་གིས་འདིར་བཙན་ཁྲིད་བྱས་པའི་མི་འདི་རྣམས་ཀྱིས་མཆོད་ཁང་ནས་དངོས་རྫས་མ་བརྐུས་ལ་བདག་ཅག་གི་ལྷ་མོར་སྐུར་བའང་མ་བཏབ།  
\v 38 གལ༌ཏེ། ཏི་མེ་ཏྲེ་དང་ཁོའི་ལས་གྲོགས་རྣམས་ལ་གཏུག་བཤེར་བྱེད་པའི་དོན་ཡོད༌ན། ཁྲིམས་ར་དང་ཁྲིམས་དཔོན་རྣམས་ཀྱང་ཡོད་པས་ཕན་ཚུན་གཏུག་རེས་བྱས་ཆོག  
\v 39 གལ༌ཏེ། ཁྱོད་རྣམས་ལ་དོན་གཞན་ཡོད༌ན། རྒྱུན་སྲོལ་ལྟར་ཁྲིམས་རར་འདུས་ནས་ཐག་གཅོད་བྱ༌དགོས།  
\v 40 དེ་རིང་གི་ཟིང་ཆ་འདི་ལ་རྒྱུ་རྐྱེན་ཅི་ཡང་མེད་པས་ངེད་ཅག་ལའང་གོང་རིམ་གྱིས་འདྲི་གཅོད་བྱེད་ཉེན༌ཆེ། མི་ཚོགས་འདུས་པའི་ཟིང་ཆ་འདིར་ངེད་ཅག་ལའང་རྒྱུ་མཚན་བཤད་རྒྱུ་མེད་ཅེས་སྨྲས་པ༌དང༌།  
\v 41 མི་དེ་རྣམས་སོ་སོར་གྱེས་སུ་བཅུག༌གོ།   
\c 20
\cl ལེའུ་ཉི་ཤུ༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 ཕོལ་ལོལ་གྱིས་མ་ཀེ་དོན་ཡཱ་དང་གྷི་རིག་ཡུལ་བརྒྱུད་ནས་ཆོས་སྤེལ༌བ།  
\p
\v 1 དེ་ཡང་ཟིང་ཆ་ཞི་འཇགས་སུ་གྱུར་རྗེས་ཕོལ་ལོལ་གྱིས་རྗེས་འབྲང་པ་རྣམས་བོས་ཏེ་སྐུལ་མ་གནང༌རྗེས། དེ་རྣམས་དང་ཁ་གྱེས་ནས་མ་ཀེ་དོན་ཡཱ་ཡུལ་དུ་ལམ་ལ་ཆས་སོ།།  
\v 2 ཁོང་ཉིད་ཡུལ་དེ་དག་བརྒྱུད་ནས་མི་དེ་རྣམས་ལ་བཀའ་མང་པོས་སྐུལ་མ་གནང་རྗེས་གྷི་རི་སི་\f + \ft གྷི་རི་སི་ཞེས་པ་ནི་ཨ་ཀ་ཡཱ་ཡུལ་གྱི་མིང་གཞན་ཞིག་ཡིན་ལ། དམ་པའི་གསུང་རབ་ལ་མཁས་པ་མང་ཤོས་ཀྱིས་སྐབས་དེར་སྐུ་ཚབ་པ་ཕོལ་ལོལ་ནི་ཀོ་རིན་ཐུ་གྲོང་ཁྱེར་དུ་བཞུགས་པ་དང་རོ་མཱ་པ་རྣམས་ལ་སྤྲིངས་པའི་འཕྲིན་ཡིག་དེ་ཡང་ཡི་གེར་བཀོད་པ་ཡིན་ཞེས་བཤད། \f*ཡུལ་དུ་ཕེབས༌པ་རེད།  
\v 3 གནས་དེར་ཟླ་བ་གསུམ་རིང་བཞུགས་རྗེས། གྲུ་གཟིངས་ལ་བརྟེན་ནས་སིར་ཡཱ་ཡུལ་དུ་བཞུད་པར་རྩོམ་པ༌ལ། ཡ་ཧུ་དཱ་པ་རྣམས་ཀྱིས་ཁོང་ལ་གནོད་འཚེ་བྱེད་པའི་ཇུས་ངན་བཀོད༌པས། ཁོང་ཉིད་མ་ཀེ་དོན་ཡཱ་ཡུལ་བརྒྱུད་ནས་ཕྱིར་ཕེབས་པར་ཐག་གིས་བཅད་དོ།།  
\v 4 ཁོང་དང་ལྷན་དུ་འགྲོ་མཁན་རྣམས་ནི་པུ་རེ་ཡཱ་པ་ཕོར་རོའི་བུ་སའོ་པ་ཏེར༌དང༌། ཐེ་སཱ་ལོ་ནེ་ཀེ་པ་ཨ་རི་སྟར་ཀུ་དང་སེ་ཀིན་ཏི༌དང༌། གཞན༌ཡང༌། དིར་སྦེ་ཡུལ་གྱི་ཀེ་ཡུ་དང་། ཐི་མོ༌ཐེ། ཨེ་ཞི་ཡཱ་པ་ཐི་ཀེ་ཀུ་དང་ཏྲོ་ཕེ་མུ་བཅས་ཡོད༌ལ།  
\v 5 མི་དེ་རྣམས་སྔོན་དུ་སོང་སྟེ་ཏྲོ་ཡཱ་ནས་ངེད་རྣམས་ལ་བསྒུགས་སོ། །  
\v 6 དེ་ནས་སྐྱུར་མེད་བག་ལེབ་ཀྱི་དུས་ཆེན་མཇུག་རྫོགས༌རྗེས། ངེད་རྣམས་ཕི་ལིབ་པི་ནས་གྲུ་གཟིངས་ལ་བསྡད་དེ་ཉིན་ལྔ་ལ་སོང་བ་དང་ཏྲོ་ཡཱ་རུ་སླེབས་ཤིང༌། ཁོ་རྣམས་ལ་ཕྲད་པ་དང་དེ་རུ་ཉིན་བདུན་ལ་བསྡད༌དོ།།   
\s1 ཕོལ་ལོལ་གྱིས་ཏྲོ་ཡཱ་གྲོང་ཁྱེར་དུ་ཨིའུ་ཏི་ཀུ་སླར་གསོན་པར་མཛད༌པ།  
\p
\v 7 གཟའ་འཁོར་གཅིག་གི་ཉིན་དང་པོར་བག་ལེབ་ལོངས་སུ་སྤྱོད་པའི༌ཕྱིར། ངེད་རྣམས་ལྷན་དུ་འཛོམས་པའི་དུས༌སུ། ཕོལ་ལོལ་གྱིས་ཕྱི་ཉིན་ཡུལ་གཞན་དུ་འགྲོ་དགོས་པས༌དེ་རྣམས་ལ་ནམ་ཕྱེད་ཀྱི་བར་དུ་ཆོས་གསུངས་སོ།།  
\v 8 ངེད་ཅག་ལྷན་དུ་འཛོམས་སའི་ཐོག་ཁང་དེའི་ནང་དུ་སྒྲོན་མེ་མང་པོ་བསྒྲོན་ཡོད༌ཅིང༌།  
\v 9 སྐབས༌དེར། མིང་ལ་ཨིའུ་ཏི་ཀུ་ཟེར་བའི་གཞོན་ནུ་ཞིག་ཡོད་པ་དེ་སྒེའུ་ཁུང་གི་སྟེགས་བུའི་སྟེང་དུ་བསྡད་ཡོད་ཅིང་གཉིད་དུ་ཡུར་བ༌དང༌། ཕོལ་ལོལ་གྱིས་ཆོས་གསུངས་ཏེ་ཡུན་རིང་འགོར་བ༌ན། གཞོན་ནུ་དེར་གཉིད་སྟུག་པོ་ཁུག་པ་དང་སུམ་ཐོག་ནས་སར་ལྷུང༌ངོ་༎ དེ་ནས་ཡར་བསྐྱོར་བ་ན་ཁོ་རང་ཤི་ཟིན༌པ་རེད།  
\v 10 ཕོལ་ལོལ་ཡང་མར་སོང་སྟེ་རང་ལུས་ཀྱིས་བེམ་པོ་བཀབ་ཅིང་དེ་ལ་འཐམས་ནས་འདི་སྐད༌དུ། ཁྱོད་རྣམས་དངངས་སྐྲག་མ༌སྐྱེས། གཞོན་ནུ་འདིར་ད་དུང་སྲོག་ཡོད་ཅེས་གསུངས༌ཤིང༌།  
\v 11 སླར་ཡང་ཐོག་ཁང་དུ་ཕེབས་ཏེ་མི་གཞན་དང་ལྷན་དུ་བག་ལེབ་ལོངས་སུ་སྤྱད་པ༌དང༌། ནམ་ལངས་པའི་བར་དུ་གསུང་གླེང་མང་པོ་མཛད་རྗེས་ད་གཟོད་ཡུལ་གཞན་དུ་ཕེབས་སོ།།  
\v 12 དེ་ནས་མི་དེ་རྣམས་ཀྱིས་གཞོན་ནུ་དེ་གསོན་པོར་ཁྲིད་སོང་བས་སེམས་གསོ་ཆེན་པོ་ཐོབ༌བོ།།   
\s1 ཕོལ་ལོལ་གྱིས་ཆོས་ཚོགས་ཀྱི་རྒན་པོ་རྣམས་ལ་སྐུལ་མ་གནང༌བ།  
\p
\v 13 དེ་ནས་ངེད་རྣམས་ཐོག་མར་གྲུ་གཟིངས་ལ་བསྡད་དེ་ཨ་ཟི་རུ་སོང༌ཞིང༌། ཡུལ་དེ་ནས་ཕོལ་ལོལ་གྲུ་ལ་བཞུགས་པར་བསུ་བ་བྱེད་པར་བརྩམས་སོ།། རྒྱུ་མཚན་ནི་ཁོང་གིས་སྔར་ནས་དེ་ལྟར་བཀོད་སྒྲིག་བྱས་ཤིང་ཁོང་རང་ཉིད་རྐང་ཐང་ལ་འགྲོ་རྩིས་ཡོད་པ་རེད།  
\v 14 དེ་ནས་ཨ་ཟི་རུ་ཁོང་ཉིད་ངེད་ཅག་དང་ཕྲད༌ནས། གྲུ་གཟིངས་ནང་དུ་གདན་དྲངས་ཏེ་མུ་ཏི་ལེ་ནེ་རུ་སོང༌།  
\v 15 ཡང་དེར་སླེབས་པའི་ཕྱི༌ཉིན། ངེད་རྣམས་གྲུར་བསྡད་ནས་ཀེའུ་ཡོ་ཡི་ཕར་ཕྱོགས་སུ་སླེབས་པ༌དང༌། ཡང་དེའི་ཕྱི་ཉིན་སཱ་མོ་རུ་སླེབས་ཤིང༌། དེའི་ཕྱི་ཉིན་མུ་ལེ་ཐུ་རུ་སླེབས་སོ།།  
\v 16 རྒྱུ་མཚན་ནི་ཕོལ་ལོལ་གྱིས་ཨེ་ཞི་ཡཱ་ཡུལ་དུ་དུས་འགྱངས་པར་བསམས་ནས་ཨེ་ཕེ་སི་རུ་མི་འགྲོ་བར་ཐག་གིས་བཅད༌དེ། མྱུར་བ་མྱུར་དུ་ལྔ་བཅུའི་དུས་ཆེན་གྱི་སྐབས་སུ་ཡེ་རུ་སཱ་ལེམ་དུ་སླེབ་ཐུབ་ན་ཅི་མ་རུང་དགོངས་སོ།།   
\p
\v 17 དེ་ནས་ཕོལ་ལོལ་གྱིས་མུ་ལེ་ཐུ་ནས་ཨེ་ཕེ་སི་རུ་མི་མངགས་ཏེ་ཆོས་ཚོགས་ཀྱི་རྒན་པོ་རྣམས་བོས༌ཤིང༌།  
\v 18 མི་དེ་རྣམས་སླེབས་རྗེས་ཁོང་གིས་འདི་སྐད༌དུ། ང་རང་ཨེ་ཞི་ཡཱ་ཡུལ་དུ་སླེབས་པའི་ཉིན་ནས༌བཟུང༌། ཁྱོད་རྣམས་ཀྱི་ཁྲོད་དུ་བདག་གི་སྤྱོད་ལམ་ནམ་རྒྱུན་ཅི་འདྲ་ཡིན་པ་ཁྱོད་ཅག་གིས་ཤེས༌ཏེ།  
\v 19 ངས་ཕྱོགས་ཀུན་ནས་ཁེངས་སྐྱུང་གིས་གཙོ་བོ་ལ་ཞབས་ཕྱི་བསྒྲུབས་པ་དང་མིག་ལས་མཆི་མ་བཞུར་ཞིང༌། ཡ་ཧུ་དཱ་པའི་ཇུས་ངན་དེ་དག་བདག་ལ་ཕོག་ནས་ཚོད་བགམ་ཡང་མྱངས༌པ་ཡིན་ནོ།།  
\v 20 ངས་ཁྱོད་རྣམས་ལ་ཕན་ཐོགས་པའི་དོན་གང་ཞིག་འཛེམ་བག་མེད་པར་སྨྲས༌ཤིང༌། མི་ཚོགས་ཀྱི་མདུན་དང་ཡང་ན་མི་རེ་རེའི་ཁྱིམ་ཚང་དུའང་ཆོས་གསུངས་མྱོང༌བ་ཁྱོད་རྣམས་ཀྱིས་ཀྱང་ཤེས་སོ།།  
\v 21 ཡང་དཀོན་མཆོག་གི་ཕྱོགས་སུ་འགྱོད་བཤགས་བྱེད་པ༌དང༌། བདག་ཅག་གི་གཙོ་བོ་ཡེ་ཤུ་མཱ་ཤི་ཀ་ལ་དད་པ་བྱེད་དགོས་པ་དེ་ཡ་ཧུ་དཱ་པ་དང་གྷི་རིག་པ་རྣམས་ལ་བདེན་དཔང་བྱས་མྱོང༌།  
\v 22 ད་ལྟ་ལྟོས༌དང༌། དམ་པའི་ཐུགས་ཉིད་ཀྱིས་བསྐུལ་བ་བཞིན་ང་རང་ཡེ་རུ་སཱ་ལེམ་དུ་འགྲོ་བཞིན་ཡོད༌ཅིང༌། གནས་དེར་དོན་ཅི་ཞིག་དང་འཕྲད་ངེས་པ་མི་ཤེས༌ཀྱང༌།  
\v 23 དམ་པའི་ཐུགས་ཉིད་ཀྱིས་དེ་སྔར་གྲོང་ཁྱེར་སོ་སོ་ནས་བདག་ལ་བདེན་དཔང་མཛད་པ་ལྟར། ང་རང་བཙོན་དུ་འཇུག་པ་དང་དཀའ་སྡུག་སྣ་ཚོགས་དང་འཕྲད་ངེས་པའང་བདག་གིས་ཤེས་སོ།།  
\v 24 འོན༌ཀྱང༌། ང་རང་སྲོག་ལ་ཞེན་མི་ཆགས་ཞིང་དེ་རིན་ཐང་དང་ལྡན་པ་ཞིག་ཏུའང་མི་བརྩི༌བར། རང་གི་ལམ་ཐག་མཇུག་རྫོགས་དགོས༌ཏེ། དེ་ནི་གཙོ་བོ་ཡེ་ཤུས་བདག་ལ་གནང་བའི་དཀོན་མཆོག་གི་ཐུགས་རྗེའི་འཕྲིན་བཟང་ལ་བདེན་དཔང་བྱེད་པའི་ཆོས་ཀྱི་ལས་འགན་ཡིན༌ནོ།།   
\p
\v 25 ཡང་ལྟོས༌དང༌། ང་རང་རྒྱུན་དུ་ཁྱོད་ཅག་གི་ཁྲོད་ནས་འགྲོ་འོང་བྱས་ཏེ་དཀོན་མཆོག་གི་རྒྱལ་སྲིད་སྐོར་བསྒྲགས་མྱོང་ལ། ད་ལྟ་ངས་ཤེས་པ་ནི་ཕྱིས་སུ་ཁྱོད་ཅག་ཐམས་ཅད་ཀྱིས་ང་རང་མཐོང་བར་མི་འགྱུར༌བས།  
\v 26 ངས་དེ་རིང་ཁྱོད་ཅག་ལ་བདེན་དཔང་བྱེད༌དེ། བདག་ལ་མི་ཐམས་ཅད་ཀྱི་ཁྲག་བཞུར་བའི་ཐད་ཉེས་པ་ཅི་ཡང་མེད་དོ།།  
\v 27 རྒྱུ་མཚན་ནི་ངས་དཀོན་མཆོག་གི་དགོངས་པ་ཐམས་ཅད་འཛེམ་བག་མེད་པར་ཁྱོད་རྣམས་ལ་སྨྲས༌པ་ཡིན།  
\v 28 དམ་པའི་ཐུགས་ཉིད་ཀྱིས་ཁྱོད་རྣམས་ནི་དད་ལྡན་ཀུན་ལ་དོ་དམ་བྱེད་པར་བསྐོས༌པས། ཁྱོད་ཅག་གིས་རང་ཉིད་དང་དད་ལྡན་རྣམས་ཀྱི་ཕྱིར་གཟབ་གཟབ་གྱིས། དཀོན་མཆོག་གིས་རང་ཉིད་ཀྱི་སྐུ་ཁྲག་གིས་བླུས་པའི་ཆོས་ཚོགས་དེ་ཁྱོད་ཅག་གིས་བདག་སྐྱོང་བྱེད་དགོས་སོ།།  
\v 29 ཡང་ང་རང་སོང་བའི་རྗེས༌སུ། གདུག་རྩུབ་ཆེ་བའི་སྤྱང་ཀི་ལྟ་བུ་རྣམས་ཁྱོད་ཅག་གི་ཁྲོད་དུ་འཛུལ་ཏེ་ཆོས་ཚོགས་ལ་མི་ཕངས་པའང་བདག་གིས་ཤེས་པ༌དང༌།  
\v 30 ཐ་ན་ཁྱོད་ཅག་གི་ཁྲོད་དུའང་མི་འགའ་ཞིག་འབྱུང་ངེས༌ཤིང༌། རྗེས་འབྲང་པ་རྣམས་ཀྱང་དེ་དག་གི་རྗེས་སུ་འབྲང་དུ་འཇུག་པའི༌ཕྱིར། ཁུངས་ལུང་མེད་པའི་གཏམ་སྨྲ་བར་འགྱུར་རོ།།  
\v 31 དེ་བས་ཁྱོད་ཅག་གིས་གཟབ་པར༌གྱིས། ངས་ལོ་གསུམ་གྱི་རིང་ལ་ཉིན་མཚན་ཀུན་ཏུ་མཆི་མ་དང་བཅས་ཁྱོད་ཅག་མི་རེ་རེར་བསླབ་བྱ་གནང་བ་དེ་དག་མི་བརྗེད་པར་ཡིད་ལ༌ཟུངས།  
\v 32 ད་ལྟ་ངས་ཁྱོད་རྣམས་དཀོན་མཆོག་དང་ཁོང་གི་ཐུགས་རྗེའི་བཀའ་ལ་བཅོལ་བར༌བྱའོ།། བཀའ་འདིས་ཁྱོད་རྣམས་ཀྱི་དད་པ་བརྟན་པོར་བྱེད་ནུས་པ༌དང༌། དམ་པར་གྱུར་པའི་མི་ \f + \ft འདིའི་དོན་ནི། མི་ཀུན་གྱི་སྡིག་པ་བསལ་བའི་ཆེད་དུ་གཙོ་བོ་ཡེ་ཤུ་ཤིང་རྒྱ་གྲམ་གྱི་སྟེང་དུ་བཀྲོངས་པ་དེར་ཡིད་ཆེས་དང་དད་པ་བྱེད་པའི་མི་ནི་སྐྱབས་མགོན་ཡེ་ཤུ་ལ་གཏོགས༌པས། མི་དེ་ལ་ཡབ་དཀོན་མཆོག་གིས་དམ་པར་གྱུར་པའི་མི་ཞེས་བསྒྲགས་པ་དེ་ལ༌གོ \f*རྣམས་དང་མཉམ་དུ་ཁྱོད་རྣམས་ལའང་བགོ་སྐལ་འཐོབ་པར་མཛད་ནུས༌པ་ཡིན་ནོ།།  
\v 33 ངས་མི་སུ་ཞིག་གི་གསེར་རམ༌དངུལ། ཡང་ན་གྱོན་གོས་བཅས་ལ་ཧམ་སེམས་བཅངས་མ་མྱོང༌ལ།  
\v 34 རང་གི་ལག་པ་འདི་གཉིས་ལ་བརྟེན་ནས་ང་རང་དང་མཉམ་དུ་ཡོད་པའི་མི་གཞན་རྣམས་ཀྱི་དགོས་མཁོ་བསྐངས་པ་ནི་ཁྱོད་རྣམས་ཀྱིས་ཀྱང་ཤེས༌པ་ཡིན།  
\v 35 ངས་ཕྱོགས་ཀུན་ནས་འདི་ལྟར་ལས་ལ་བརྩོན་ནས་མི་གཉོམ་ཆུང་ཀུན་ལ་རོགས་རམ་བྱེད་དགོས་ཚུལ་ཁྱོད་རྣམས་ལ་མིག་དཔེ་བསྟན༌ཅིང༌། གཞན་ཡང་གཙོ་བོ་ཡེ་ཤུའི་གསུང༌སྟེ། ཚུར་ལེན་པ་ལས་ཕར་སྦྱིན་པ་བྱིན་རླབས་ཆེ་ཞེས་གསུངས་པ་དེ་ཉིད་ཡིད་ལ་འཛིན་པར་འོས་ཞེས་གསུངས༌སོ།།   
\p
\v 36 ཕོལ་ལོལ་གྱིས་དེ་སྐད་གསུངས༌རྗེས། པུས་མོ་ས་ལ་བཙུགས་ནས་མི་ཐམས་ཅད་དང་མཉམ་དུ་གསོལ་བ་བཏབ་བོ།།  
\v 37 དེ་ནས་མི་ཀུན་ངུ་ཞིང་ཕོལ་ལོལ་ལ་འཐམས་ནས་འགྲམ་པར་འོ་བྱས་སོ།།  
\v 38 མི་དེ་རྣམས་ཆེས་ཡིད་སྐྱོ་བ་ནི་ཁོང་གིས་འདི་སྐད༌དུ། ཕྱིས་སུ་ཁྱོད་ཅག་ཐམས་ཅད་ཀྱིས་ང་རང་མཐོང་བར་མི་འགྱུར་ཞེས་གསུངས་པ་དེ་ཡིན་ནོ།། དེ་ནས་མི་དེ་རྣམས་ཀྱིས་ཁོང་ཉིད་གྲུ་གཟིངས་ནང་དུ་བསྐྱལ༌ཏོ།།   
\c 21
\cl ལེའུ་ཉེར་གཅིག༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 ཕོལ་ལོལ་ཁོང་ཉིད་ཡེ་རུ་སཱ་ལེམ་དུ་ཆས༌པ།  
\p
\v 1 དེ་ནས་ངེད་ཅག་མི་རྣམས་དང་ཁ་བྲལ༌ཏེ། གྲུ་གཟིངས་ལ་བསྡད་ནས་ཐད་ཀར་ཀོ་ཟི་རུ་ཕྱིན་པ་ཡིན། དེའི་ཕྱི༌ཉིན་རའོ་ཏི་རུ་སླེབས་ཤིང་དེ་ནས་ཕཱ་ཏ་ར་རུ་སླེབས་པ༌དང༌།  
\v 2 དེར་ཕོའོ་ནེ་ཀེ་ཡུལ་དུ་འགྲོ་བའི་གྲུ་གཟིངས་ཤིག་དང་ཕྲད་ནས་དེ་ལ་བསྡད་དེ་སོང་ངོ༌།།  
\v 3 ཀིབ་རིས་ཀྱི་མཐོང་སར་ཕྱིན༌ཅིང༌། དེའི་ལྷོ་ཕྱོགས་བརྒྱུད་ནས་སིར་ཡཱ་ཡུལ་དུ་སོང་སྟེ་ཐཱར་ཞེས་པར་སླེབས་པ༌དང༌། གྲུ་གཟིངས་ནང་གི་ཚོང་རྫས་རྣམས་དེ་རུ་མར་དབོག་དགོས་པས་ངེད་རྣམས་ཀྱང་གྲུ་ལས་བབས་སོ།།  
\v 4 དེ་ནས་ངེད་ཅག་གིས་རྗེས་འབྲང་པ་རྣམས་བཙལ་ནས་རྙེད་ཅིང་གནས་དེར་ཉིན་བདུན་ལ་བསྡད་པ༌དང༌། རྗེས་འབྲང་པ་རྣམས་ཀྱིས་དམ་པའི་ཐུགས་ཉིད་ཀྱི་སྒོ་ནས་ཕོལ་ལོལ་ལ་ཡེ་རུ་སཱ་ལེམ་དུ་མི་ཕེབས་པར་ཞུ་བ་ནན་གྱིས་ཞུས་སོ།།  
\v 5 ཉིན་དེ་དག་གི་རྗེས་སུ་ངེད་ཅག་ལམ་དུ་ཆས་པ༌ལ། རྗེས་འབྲང་པ་ཐམས་ཅད་དང་ཁོ་རྣམས་ཀྱི་ཆུང་མ་བུ་ཕྲུག་བཅས་ཀྱིས་ངེད་རྣམས་གྲོང་ཁྱེར་ཕྱི་རོལ་བར་སྐྱེལ་མ་བྱས༌ཤིང༌། ངེད་ཅག་གིས་རྒྱ་མཚོའི་འགྲམ་ནས་པུས་མོ་སར་བཙུགས༌ཏེ་གསོལ་བ་བཏབ་པ་དང་ཕན་ཚུན་ལ་གྱེས་ཕྱག་ཕུལ་བ་ཡིན།  
\v 6 དེ་ནས་ངེད་རྣམས་སླར་ཡང་གྲུ་གཟིངས་དེར་བསྡད་ནས་སོང་བ་དང་ཁོ་རྣམས་ཕྱིར་རང་ཁྱིམ་དུ་ལོག༌གོ།   
\p
\v 7 ངེད་རྣམས་ཐཱར་ཞེས་པ་ནས་མཚོ་ལམ་བརྒྱུད༌དེ། ཕེ་ཏོ་ལེ་མཱ་རུ་སླེབས་པ་དང་མཚོ་ཐོག་གི་འགྲོ་ལམ་མཇུག་རྫོགས་པ་རེད། དེ་ནས་གནས་དེའི་སྤུན་ཟླ་རྣམས་ལ་འཚམས་འདྲི་བྱས༌ཤིང༌། ཁོ་རྣམས་དང་མཉམ་དུ་ཉིན་གཅིག་ལ་བསྡད།  
\v 8 དེའི་ཕྱི༌ཉིན། ངེད་ཅག་གནས་དེ་དང་ཁ་བྲལ་ནས་ཀེ་སར་ཡཱ་རུ་སླེབས་ཤིང༌། འཕྲིན་བཟང་སྒྲོག་མཁན་ཕི་ལིབ་ཀྱི་ཁྱིམ་དུ་སོང་ནས་ཁོ་དང་མཉམ་དུ་བསྡད། ཕི་ལིབ་ཅེས་བྱ་བ་ནི་ལས་འཛིན་པ་བདུན་ཡོད་པ་ལས་གཅིག་ཡིན།  
\v 9 ཁོ་ལ་ན་ཆུང་བུ་མོ་བཞི་ཡོད་པ་རེ་རེ་བཞིན་ལུང་སྟོན་མཁན་ཡིན༌པ་རེད།  
\v 10 ངེད་རྣམས་དེ་ནས་ཉིན་འགར་བསྡད་པ་ལ་ཨ་གཱ་པུ་ཞེས་པའི་ལུང་སྟོན་པ་ཞིག་ཡ་ཧུ་དཱའི་ཡུལ་ནས་ཡོང་བ༌དང༌།  
\v 11 ཁོ་རང་ངེད་ཅག་གི་གནས་འདིར་སླེབས་རྗེས། ཕོལ་ལོལ་གྱི་སྐེ་རགས་བླངས་ནས་རང་གི་རྐང་ལག་བསྡམས་ཏེ་ན༌རེ། དམ་པའི་ཐུགས་ཉིད་ཀྱིས་འདི་སྐད་དུ་གསུངས་པ་སྟེ། ཡ་ཧུ་དཱ་པ་རྣམས་ཀྱིས་ཡེ་རུ་སཱ་ལེམ་དུ་སྐེ་རགས་འདིའི་བདག་པོའང་འདི་ལྟར་བསྡམས༌ཏེ་ཕྱི་ཕྱོགས་པ་རྣམས་ཀྱི་ལག་ཏུ་སྤྲོད་པར་འགྱུར་ཞེས་པའོ་ཞེས་སྨྲས་སོ།།  
\v 12 ངེད་ཅག་དང་གནས་དེའི་མི་རྣམས་ཀྱིས་ལུང་བསྟན་འདི་ཐོས༌རྗེས། ཕོལ་ལོལ་ཁོང་ཉིད་ཡེ་རུ་སཱ་ལེམ་དུ་མི་འགྲོ་བར་ཞུ་བ་ནན་གྱིས་ཞུས༌ནའང༌།  
\v 13 ཕོལ་ལོལ་གྱིས་འདི་སྐད༌དུ། ཁྱོད་རྣམས་འདི་ལྟར་ངུས་ཏེ་ངའི་སེམས་སྐྱོ་རུ་འཇུག༌པ་ཅི་ཡིན་ནམ། ང་རང་ནི་གཙོ་བོ་ཡེ་ཤུའི་མཚན་གྱི་དོན་དུ་མི་གཞན་གྱིས་བཙན་བཟུང་བྱེད་པ༌དང༌། ཐ་ན་ཡེ་རུ་སཱ་ལེམ་ནས་རང་སྲོག་འཆོར་དགོས་ཀྱང་འགྱོད་པ་སྤུ་ཙམ་ཡང་མེད་ཅེས་གསུངས་སོ།།  
\v 14 ཁོང་གིས་མི་གཞན་གྱི་ངག་ལ་མི་ཉན་པས་ངེད་རྣམས་ཀྱང་འུ་ཐུག༌ནས། གཙོ་བོའི་དགོངས་པ་བཞིན་དུ་འགྲུབ་པར་སྨོན་ཞེས་སྨྲས་པ་དང་ཞུ་བ་བྱེད་མཚམས་བཞག༌གོ།   
\p
\v 15 ཡང་ཉིན་དེ་དག་གི་རྗེས༌སུ། ངེད་རྣམས་ཀྱིས་གྲ་སྒྲིག་བྱས་ཏེ་ཡེ་རུ་སཱ་ལེམ་དུ་ཆས་པའི་ཚེ།  
\v 16 ཀེ་སར་ཡཱ་ཡི་རྗེས་འབྲང་པ་འགའ་ཡང་ངེད་ཅག་དང་མཉམ་དུ་སོང༌ཞིང༌། ངེད་ཅག་ཀིབ་རིས་གླིང་ཕྲན་གྱི་མཱ་སིན་ཞེས་པའི་ཁྱིམ་དུ་སྡོད་པའི་ཕྱིར་ཁྲིད་པ་ཡིན། མཱ་སིན་ནི་སྔ་རོལ་ནས་རྗེས་འབྲང་པ་ཞིག་ཡིན༌ནོ།།   
\s1 ཕོལ་ལོལ་ཁོང་ཉིད་ཡེ་རུ་སཱ་ལེམ་དུ་སླེབས༌པ།  
\p
\v 17 དེ་ནས་ངེད་རྣམས་ཡེ་རུ་སཱ་ལེམ་དུ་སླེབས་པ་དང་སྤུན་ཟླ་རྣམས་ཀྱིས་དགའ་སྤྲོའི་ངང་ནས་བསུ་བ་བྱས་སོ།།  
\v 18 དེའི་ཕྱི༌ཉིན། ཕོལ་ལོལ་དང་ངེད་རྣམས་ལྷན་དུ་ཡ་ཀོབ་ཀྱི་དྲུང་དུ་ཕྱིན་པ་དང་ཆོས་ཚོགས་ཀྱི་རྒན་པོ་ཐམས་ཅད་ཀྱང་དེར་བཞུགས༌པ་རེད།  
\v 19 ཕོལ་ལོལ་གྱིས་དེ་རྣམས་ལ་འཚམས་འདྲི་བྱས་ཤིང་དཀོན་མཆོག་གིས་ཕོལ་ལོལ་གྱི་ལས་འགན་བརྒྱུད་ནས་ཕྱི་ཕྱོགས་པའི་ཁྲོད་དུ་དོན་ཇི་ལྟར་མཛད་པ་རྣམས་རེ་རེ་བཞིན་སྨྲས་སོ།།  
\v 20 རྒན་པོ་རྣམས་ཀྱིས་གཏམ་དེ་ཐོས་ནས་དཀོན་མཆོག་ལ་བསྟོད་བསྔགས་བརྗོད་ཅིང་ཕོལ་ལོལ་ལ་འདི་སྐད༌དུ། སྤུན་ཟླ༌ལགས། ཁྱེད་ཀྱིས་གཟིགས༌དང༌། ཡ་ཧུ་དཱ་པའི་ཁྲོད་དུ་གཙོ་བོ་ཡེ་ཤུ་ལ་དད་པ་བྱེད་མཁན་ཁྲི་ཕྲག་མང་ཙམ་ཡོད་པ༌དང༌། དེ་ཐམས་ཅད་ཀྱིས་བརྩོན་སེམས་སྒོས་བཀའ་ཁྲིམས་སྲུང་བཞིན་ཡོད།  
\v 21 ཡ་ཧུ་དཱ་པའི་དད་ལྡན་དེ་རྣམས་ཀྱིས་ཁྱེད་ཀྱི་སྐོར་ཐོས༌འདུག་སྟེ། ཁྱེད་ཀྱིས་ཕྱི་ཕྱོགས་སུ་ཡོད་པའི་ཡ་ཧུ་དཱ་པ་ཐམས་ཅད་ལ་མོ་ཤེ་འདོར་རུང༌ཞིང་། བྱིས་པ་རྣམས་ཀྱི་མཚན་སྐྱི་མ་གཅོད་ཅེས་པ་དང༌། གོམས་སྲོལ་ཡང་བསྲུང་མི་དགོས་ཞེས་སྨྲས་པ་དེ་ཡིན།  
\v 22 ཡ་ཧུ་དཱ་པ་དེ་དག་གིས་ད་ལྟ་ཁྱེད་རང་འདིར་ཕེབས་པའང་ཤེས་ངེས་པས་ཅི༌བྱའམ།  
\v 23 དེ་བས་ཁྱེད་ཀྱིས་ངེད་ཅག་གིས་སྨྲས་པ་བཞིན་དུ་བསྒྲུབ་པར༌མཛོད། འདིར་དམ་བཅའ་པ་བཞི་ཡོད༌དེ།  
\v 24 ཁྱེད་ཀྱིས་དམ་བཅའ་པ་དེ་རྣམས་ཁྲིད་ནས་མཉམ་དུ་ཆོས་ཀྱི་གཙང་སྦྲ་བྱོས༌དང༌། ཁོ་རྣམས་ཀྱི་སྐྲ་གཞར་བའི༌ཕྱིར། ཁོ་རྣམས་ཀྱི་ཚབ་ཏུ་འགྲོ་སོང་ཐམས་ཅད་ཕུལ༌ཅིག དེ་ལྟར་བྱས་ན་མི་ཐམས་ཅད་ཀྱིས་དེ་སྔར་ཁྱེད་ཀྱི་སྐོར་ཐོས་པའི་གཏམ་དེ་མི་བདེན་པ༌དང༌། ཁྱེད་རང་བག་ཡོད་ཚུལ་ལྡན་ཡིན་པ་དང་ཁྱེད་ཀྱིས་ཀྱང་མོ་ཤེའི་བཀའ་ཁྲིམས་བཞིན་སྒྲུབ་པ་ཤེས་ཐུབ་བོ།།  
\v 25 ཡང་ངེད་ཅག་གིས་གཙོ་བོ་ཡེ་ཤུར་དད་པ་ཡོད་པའི་ཕྱི་ཕྱོགས་པ་རྣམས་ཀྱི་སྐོར་སྨྲ་བར༌བྱ་སྟེ། ལྷ་སྐུའི་མདུན་དུ་ཕུལ་བའི་མཆོད་རྫས་དང༌ཁྲག མིད་པ་བསྒགས་ནས་བསད་པའི་ཕྱུགས་ཟོག་གི་ཤ༌དང༌མི་ཚངས་སྤྱོད་པ་བཅས་སྤང་དགོས་པར་ཐག་གིས་བཅད་པ་ལྟར་འཕྲིན་ཡིག་བྲིས་ཟིན་ཞེས་སྨྲས།  
\v 26 དེ་ནས་ཕོལ་ལོལ་གྱིས་མི་དེ་བཞི་པོ་ཁྲིད་ཅིང་དེའི་ཕྱི་ཉིན་ཁོ་རྣམས་དང་མཉམ་དུ་ཆོས་ཀྱི་གཙང་སྦྲའི་ལས་བསྒྲུབས༌རྗེས། མཆོད་ཁང་དུ་སོང༌སྟེ་ཁོ་རྣམས་རེ་རེའི་ཆེད་དུ་མཆོད་པ་འབུལ་བ་དང་གཙང་སྦྲ་འགྲུབ་པའི་དུས་སླེབས་ལ་ཉེ་བའི་དོན་དེ་མཆོད་དཔོན་ལ་སྨྲས༌སོ།།   
\s1 ཕོལ་ལོལ་བཟུང་བ།  
\p
\v 27 དེ་ཡང་ཉིན་བདུན་པོ་མཇུག་རྫོགས་ལ་ཉེ་བའི་དུས༌སུ། ཨེ་ཞི་ཡཱ་ཡུལ་ནས་ཡོང་བའི་ཡ་ཧུ་དཱ་པ་རྣམས་ཀྱིས་ཕོལ་ལོལ་མཆོད་ཁང་དུ་ཡོད་པ་མཐོང༌སྟེ། མི་ཚོགས་ཐམས་ཅད་ལ་ངན་སྐུལ་བྱས་ཤིང་ཁོང་ཉིད་འཛིན༌པའི་ཚེ།  
\v 28 སྐད་ཆེན་པོ་བརྒྱབ་སྟེ་ན༌རེ། ཡེས་ར་ཨེལ་པ་རྣམས་ཀྱིས་ངེད་ཅག་ལ་རོགས་རམ་བྱོས༌ཤིག མི་འདི་ནི་ཡུལ་ཕྱོགས་ཀུན་གྱི་མི་ཐམས་ཅད་ལ་ཆོས་བསྒྲགས་ནས་བདག་ཅག་གི་མི་སེར་དང་བཀའ༌ཁྲིམས། གནས་འདི་བཅས་ལ་དམའ་འབེབས་བྱེད་མཁན་ཞིག་གོ། ཡང་ཁོས་གྷི་རིག་པ་རྣམས་མཆོད་ཁང་ནང་དུ་ཁྲིད་ནས་གནས་མཆོག་འདི་མི་གཙང་བར་བྱས་ཞེས་སྨྲས་སོ།།  
\v 29 ཡ་ཧུ་དཱ་པ་རྣམས་ཀྱིས་དེ་སྔར་ཨེ་ཕེ་སི་པ་ཏྲོ་ཕེ་མུ་ཞེས་པ༌དང༌ཕོལ་ལོལ་གཉིས་མཉམ་དུ་གྲོང་ཁྱེར་འདིར་ཡོད་པ་མཐོང༌བས། ཕོལ་ལོལ་གྱིས་ཁོ་རང་མཆོད་ཁང་དུ་ཁྲིད་པ་ཡིན་པར་བསམས་ཏེ་འདི་ལྟར་སྨྲས༌པ་རེད།  
\v 30 དེ་ནས་གྲོང་ཁྱེར་ཡོངས་ལ་ཟིང་ཆ་བྱུང་ཞིང་མི་རྣམས་བརྒྱུགས་ནས་ཕོལ་ལོལ་བཟུང་སྟེ། མཆོད་ཁང་ལས་ཕྱིར་དྲུད་མ་ཐག་ཏུ་མཆོད་ཁང་གི་སྒོ་ཐམས་ཅད་བརྒྱབ།  
\v 31 མི་ཚོགས་དེས་ཕོལ་ལོལ་གསོད་རྩིས་བྱས་པ༌ལ། མི་གཞན་གྱིས་སྟོང་དཔོན་ལ་ཡེ་རུ་སཱ་ལེམ་ཡོངས་སུ་ཟིང་ཆ་བྱུང་བའི་གཏམ་ཞུས་པ༌དང༌།  
\v 32 སྟོང་དཔོན་གྱིས་མྱུར་དུ་བརྒྱ་དཔོན་འགའ་དང་དམག་མི་ཁྲིད་ནས་བརྒྱུགས་ཏེ་མི་ཚོགས་ཀྱི་གམ་དུ་སླེབས། དེ་རྣམས་ཀྱིས་སྟོང་དཔོན་དང་དམག་མི་མཐོང་བ་དང་ཕོལ་ལོལ་ལ་གཅར་རྡུང་བྱེད་མཚམས་བཞག་གོ།  
\v 33 དེ་ནས་སྟོང་དཔོན་གྱིས་ཕོལ་ལོལ་བཟུང་བ་དང་ལྕགས་སྒྲོག་གཉིས་ཀྱིས་བསྒྲོག་པའི་བཀའ་བསྒྲགས༌ཤིང༌། ཁོང་སུ་ཡིན་པ་དང་ལས་ཅི་ཞིག་བྱས་པའི་གཏམ་དྲིས་སོ།།  
\v 34 མི་ཚོགས་ཀྱི་ཁྲོད་ནས་ཅི་བཤད་འདི་བཤད་མེད་པར་སྐད་ཅོར་བརྒྱབ་པ༌ལ། སྟོང་དཔོན་གྱིས་འུར་སྒྲའི་ཁྲོད་ནས་གནས་ཚུལ་དངོས་དེ་ཤེས་མ་ཐུབ༌པས། ཕོལ་ལོལ་དམག་སྒར་དུ་འཁྲིད་པའི་བཀའ་བབས་སོ།།  
\v 35 དེ་ནས་ཕོལ་ལོལ་ཁྲིད་དེ་རྡོ་སྐས་ཡོད་སར་སླེབས་པ༌དང༌། མི་ཚོགས་ཀྱིས་ཀྱང་རྗེས་དེད་ནས་འཚང་ཁ་ཤིག་ཤིག་བརྒྱབ་པས། དམག་མི་རྣམས་ཀྱིས་ཁོང་ཉིད་ཡར་བཏེགས་ནས་མི་འགྲོ་ཐབས་མེད་བྱུང༌།  
\v 36 མི་ཚོགས་རྗེས་སུ་འབྲངས་པ་དང་ཁོ་རང་སོད་ཅིག་ཅེས་འུར་བརྒྱབ་པའོ།།   
\p
\v 37 ཕོལ་ལོལ་དམག་སྒར་གྱི་ནང་དུ་འཁྲིད་བཞིན་པའི་དུས༌སུ། ཁོང་གིས་སྟོང་དཔོན་ལ་འདི་སྐད༌དུ། ངས་ཁྱེད་ལ་གཏམ་ཞིག་ཞུས་ན་ཆོག་གམ་ཞེས་གསུངས་པ༌ན། དམག་དཔོན་ན༌རེ། ཁྱོད་ཀྱིས་གྷི་རིག་སྐད་སྨྲ་ཤེས༌སམ།  
\v 38 དེས་ན་ཁྱོད་ནི་སྔོན་ཆད་མི་རྣམས་ལ་ཟིང་ཆ་ལངས་སུ་བཅུག་པ་དང་། ལག་དམར་བཞི་སྟོང་དབེན་གནས་སུ་ཁྲིད་པའི་ཨེ་ཅིབ་པ་དེ་མ་ཡིན་ནམ་ཞེས་དྲིས༌སོ།།  
\v 39 ཡང་ཕོལ་ལོལ་གྱིས་འདི་སྐད༌དུ། ང་རང་ཀི་ལིག་ཡཱ་ཡུལ་གྱི་ཐཱར་ཟི་ནས་སྐྱེས་པའི་ཡ་ཧུ་དཱ་པ་ཞིག་ཡིན༌ལ། གྲོང་ཁྱེར་ཕལ་བ་ཞིག་གི་མི་མ་ཡིན༌ནོ།། ང་མི་འདི་རྣམས་ལ་གཏམ་ཞིག་བརྗོད་དུ་འཇུག་པར་མཛོད་ཅེས་ཞུས་པ༌ལ།  
\v 40 སྟོང་དཔོན་གྱིས་ཀྱང་ཆོག་མཆན་གནང༌བས། ཕོལ་ལོལ་རྡོ་སྐས་ཀྱི་སྟེང་དུ་ཡར་ལངས་ནས་མི་རྣམས་ལ་ཕྱག་བརྡ་བྱས་པ་དང་མི་ཐམས་ཅད་དལ་ཅག་གེར་བསྡད༌དོ།།   
\c 22
\cl ལེའུ་ཉེར་གཉིས༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 ཕོལ་ལོལ་གྱིས་མི་ཚོགས་ལ་གཏམ་སྨྲས༌པ།  
\p
\v 1 དེ་ནས་ཕོལ་ལོལ་གྱིས་ཨིབ་རིའི་མི་རིགས་ཀྱི་སྐད་ཀྱིས་མི་ཚོགས་ལ་འདི་ལྟར་གསུངས་པ་སྟེ། ཕ་ཁུ་སྤུན་ཟླ༌རྣམ་པ། ངས་ད་ལྟ་ཁྱོད་རྣམས་ལ་དག་འབུད་བྱེད་པར་ཉོན་ཅིག་ཅེས་གསུངས་པ༌དང༌།  
\v 2 མི་རྣམས་ཀྱིས་ཁོང་གིས་ཨིབ་རིའི་མི་རིགས་ཀྱི་སྐད་སྨྲས་པ་ཐོས་ནས་སྔར་ལས་ཀྱང་གྲགས་འགུལ་མེད་པར་གྱུར་ཏོ།། ཡང་ཕོལ་ལོལ་གྱིས་འདི་སྐད༌དུ།  
\v 3 ང་རང་ཡང་ཡ་ཧུ་དཱའི་མི་རིགས་ཡིན་ཞིང་ཀི་ལིག་ཡཱ་ཡུལ་གྱི་ཐཱར་ཟི་རུ་སྐྱེས༌ལ། གྲོང་ཁྱེར་འདི་ནས་ནར་སོན་པ༌དང༌། གཱ་མ་ཨེལ་གྱི་ཞབས་དྲུང་ནས་བདག་ཅག་གི་ཕ་མེས་ཀྱི་བཀའ་ཁྲིམས་དམ་པོ་བཞིན་སྦྱངས༌པ་བྱས་ཤིང༌། ཁྱོད་རྣམས་ཀྱིས་དེ་རིང་ཅི་ལྟར་བྱེད་པ་བཞིན་ངས་ཀྱང་དཀོན་མཆོག་ལ་བརྩོན་སེམས་ཆེན་པོ་བཅངས་མྱོང༌བ་ཡིན།  
\v 4 ངས་ཀྱང་མཱ་ཤི་ཀའི་ཆོས་ཀྱི་ལམ་དེ་ལ་ཞུགས་པའི་མི་རྣམས་ལ་གནོད་འཚེ་བྱས་ཤིང་འཆི་ལམ་དུ་བརྫངས་པ༌དང༌། སྐྱེས་ཕོ་མོ་སུ་ཡིན་ཡང་བཙན་བཟུང་བྱས་ནས་བཙོན་དུའང་བཅུག་མྱོང༌།  
\v 5 བདག་གི་དོན་འདིར་མཆོད་དཔོན་ཆེན་པོ་དང་རྒན་པོ་ཐམས་ཅད་ཀྱིས་ཀྱང་བདེན་དཔང་བྱས་ཆོག༌ལ། ངས་ཁོང་རྣམས་ཀྱིས་དཱ་མེ་སེག་གི་སྤུན་ཟླ་རྣམས་ལ་བྲིས་པའི་འཕྲིན་ཡིག་ཁྱེར༌ཏེ། དེར་ཡོད་པའི་རྗེས་འབྲང་པ་རྣམས་བཙན་བཟུང་བྱས་ནས་ཉེས་ཆད་གཅོད་པ་དང་དེ་དག་ཡེ་རུ་སཱ་ལེམ་དུ་ཚུར་འཁྲིད་པའི་ཕྱིར་དཱ་མེ་སེག་ལ་ཆས་པ་དང༌།  
\v 6 ང་རང་དཱ་མེ་སེག་ཏུ་སླེབས་ལ་ཉེ་བའི་ལམ་དུ་ཉིན་གུང་ཙམ་ལ། གློ་བུར་ཉིད་ལ་ནམ་མཁའི་ཞིང་ཁམས་ནས་འོད་ཆེན་པོ་ཞིག་བདག་གི་ཕྱོགས་བཞིར་འཁྱུགས་ཤིང་འཚེར་བ་དང་།  
\v 7 ང་རང་སར་འགྱེལ་ཞིང་སྐད་སྒྲ་ཞིག་གྲགས་པ༌སྟེ། ཀྱེ། སོ༌ལོ། སོ་ལོ། ཁྱོད་ཀྱིས་བདག་ལ་གནོད་འཚེ་བྱེད་དོན་ཅི་ཡིན་ནམ་ཞེས་གསུངས་པ་ཐོས་ཤིང༌།  
\v 8 ངས་གཙོ་བོ་ལགས་ཁྱེད་རང་སུ་ཡིན་ནམ་ཞེས་ཞུས་པ༌ལ། ཁོང་གིས་འདི་སྐད༌དུ། བདག་ནི་ཁྱོད་ཀྱིས་གནོད་འཚེ་བྱེད་བཞིན་པའི་ནཱ་ཙ་རེལ་པ་ཡེ་ཤུ་ཡིན་ཞེས་གསུངས་སོ།།  
\v 9 ངའི་ལམ་གྲོགས་རྣམས་ཀྱིས་ཀྱང་འོད་དེ་མཐོང༌ནའང༌། བདག་ལ་བཀའ་གསུང་མཁན་གྱི་སྐད་དེའི་དོན་མ་ཤེས་སོ།།  
\v 10 དེ་ནས་ངས་གཙོ་བོ༌ལགས། ངས་ཅི་བྱ་འོས་སམ་ཞེས་ཞུས་པ༌ལ། ཡང་ཁོང་གིས་འདི་སྐད༌དུ། ཁྱོད་ཡར་ལངས་ནས་དཱ་མེ་སེག་ལ་སོང༌དང༌། དེ་རུ་ཁྱོད་ཀྱིས་ཅི་བྱ་དགོས་པ་ཐམས་ཅད་ཁྱོད་ལ་སྟོན་ངེས་ཡིན་ཞེས་གསུངས་སོ།།  
\v 11 འོད་ཆེན་པོ་དེའི་གཟི་མདངས་ཀྱི་རྐྱེན་གྱིས་ངའི་མིག་གིས་ཅི་ཡང་མཐོང་མ་ཐུབ༌པས། ལམ་གྲོགས་དག་གིས་ངའི་ལག་པར་འཇུས་ཏེ་ང་རང་དཱ་མེ་སེག་ལ་ཁྲིད་དོ།།  
\v 12 གནས་དེར་མིང་ལ་ཨ་ནན་ཡཱ་བྱ་བ་བཀའ་ཁྲིམས་ལྟར་དཀོན་མཆོག་ལ་དད་མོས་ཡོད་པ༌དང༌། ཁོ་རང་ནི་གནས་དེའི་ཡ་ཧུ་དཱ་པ་ཐམས་ཅད་ཀྱིས་བསྟོད་བསྔགས་བྱེད་པའི་མི་ཞིག་ཀྱང༌ཡིན།  
\v 13 དེ་ནས་ཁོ་རང་བདག་གི་གམ་དུ་ཡོང་སྟེ་ན༌རེ། སྤུན་ཟླ་སོ་ལོ༌ལགས། ཁྱོད་ཀྱི་མིག་གིས་མཐོང་ནུས་པར་གྱུར་ཅིག་ཅེས་གསུངས་པའི་དུས་དེ་ཉིད་ལ་ངས་ཀྱང་ཁོ་རང་མཐོང་བར་གྱུར་ཏོ།།  
\v 14 ཡང་ཨ་ནན་ཡཱ་ན༌རེ། བདག་ཅག་གི་མེས་པོའི་དཀོན་མཆོག་གིས་རང་ཉིད་ཀྱི་དགོངས་པ་རྟོགས་པ་དང་སྐྱེས་བུ་རྣམ་དག་དེ་ཉིད་ལ་མཇལ་བ་དང་ཁོང་གི་ཞལ་ནས་གསུངས་པའི་བཀའ་ཐོས་པའི་ཕྱིར་ཁྱོད་རང་བདམས་པར་མཛད།  
\v 15 རྒྱུ་མཚན་ནི་ཁྱོད་ཀྱིས་གང་ཞིག་མཐོང་ཐོས་སུ་གྱུར་པ་རྣམས་མི་ཐམས་ཅད་ལ་སྨྲས་ཏེ་ཁོང་ཉིད་ལ་བདེན་དཔང་བྱེད་ངེས་པའི་ཕྱིར༌རོ།།  
\v 16 ད་ལྟ་ཁྱོད་ཀྱིས་དུས་འགྱངས་བྱེད་དོན༌ཅི། ཡར་ལོངས༌དང༌། ཁྲུས་གསོལ་ལ་ཞུགས༌དང༌། སྐྱབས་མགོན་ཡེ་ཤུའི་མཚན་ལ་ཞུས་ནས་རང་གི་སྡིག་པ་འདག་པར་གྱིས་ཞེས་སྨྲས༌སོ།།   
\p
\v 17 དེའི་རྗེས་སུ་ང་རང་ཡེ་རུ་སཱ་ལེམ་དུ་ཕྱིར་ལོག༌སྟེ། མཆོད་ཁང་ནས་གསོལ་བ་འདེབས་པའི་ཚེ༌ན། དྲན་པ་འཆལ་བར་གྱུར་ཅིང༌།  
\v 18 གཙོ་བོས་བདག་ལ་འདི་སྐད༌དུ། ཁྱོད་ཀྱིས་ང་རང་ལ་བདེན་དཔང་བྱེད་པའི་དོན་འདི་མི་དེ་རྣམས་ཀྱིས་དང་དུ་མི་ལེན༌པས། ཁྱོད་རང་མྱུར་དུ་ཡེ་རུ་སཱ་ལེམ་དང་འབྲལ་བར་གྱིས་ཞེས་གསུངས་པ་མཐོང་ལམ་དུ་མངོན་ནོ།།  
\v 19 དེ་ནས་ངས་འདི་ལྟར་ཞུས༌པ་སྟེ། ཀྱེ་གཙོ་བོ་ལགས། ངས་དེ་སྔར་ཁྱེད་ལ་དད་པའི་མི་རྣམས་ཆོས་ཁང་རེ་རེ་ནས་བཙོན་དུ་བཅུག་ཅིང་གཅར་རྡུང་བྱས་མྱོང་བ༌དང༌།  
\v 20 ཁྱེད་ལ་བདེན་དཔང་བྱེད་མཁན་སི་ཏེ་ཕཱན་གྱི་ཁྲག་བཞུར་བའི་དུས༌སུ། ང་རང་ཡང་གནས་དེར་ལངས་བསྡད་ཡོད་པ་དང་དགའ་སྤྲོ་སྐྱེས། ངས་ཁོ་རང་གསོད་མཁན་དག་གི་གྱོན་གོས་བདག་གཉེར་བྱས་པའང་མི་དེ་རྣམས་ཀྱིས་ཤེས་པ་ཡིན་ཞེས་ཞུས་པ༌ན།  
\v 21 ཡང་ཁོང་གིས་བདག་ལ་འདི་སྐད༌དུ་གསུངས་པ་སྟེ། ཁྱོད་རང་སོང༌དང༌། ངས་ཁྱོད་རང་རྒྱང་ཐག་རིང་བའི་ཕྱི་ཕྱོགས་པ་རྣམས་ཀྱི་གམ་དུ་མངག་པར་བྱའོ་ཞེས་པའོ་ཞེས་གསུངས་སོ།།   
\s1 ཕོལ་ལོལ་ནི་རོ་མཱ་གོང་མའི་རྒྱལ་ཁབ་ཀྱི་མི་དངོས་ཡིན་པའི༌སྐོར།  
\p
\v 22 དེ་ནས་ཕོལ་ལོལ་གྱིས་དེ་སྐད་གསུངས་ནས་མཚམས་འདིར་སླེབས་ཤིང་མི་ཚོགས་ཀྱིས་གཏམ་དེར་མཉན་པ་དང་སྐད་ཆེན་པོ་བརྒྱབ་སྟེ་ན༌རེ། མི་འདི་ལྟ་བུ་ནི་འཇིག་རྟེན་འདིར་གསོན་མི་འོས་པས་སོད་ཅིག་ཅེས་སྨྲས༌ཤིང༌།  
\v 23 འུར་རྒྱག་བཞིན་རང་གི་ཕྱི་གོས་གཡུགས་པ་དང་ས་རྡུལ་བར་སྣང་ལ་གཏོར་ཏོ།།  
\v 24 དེ་ནས་སྟོང་དཔོན་གྱིས་ཁོང་ཉིད་དམག་སྒར་གྱི་ནང་ལ་འཁྲིད་དུ་བཅུག་པ༌དང༌། མི་ཚོགས་ཀྱིས་ཁོང་ཉིད་ལ་དེ་ལྟར་འུར་རྒྱག་པའི་དོན་ཅི་ཡིན་པ་ཤེས་པའི༌ཕྱིར། རྟ་ལྕག་གིས་གཞུས་ཏེ་ནན་འདྲི་བྱེད་པའི་བཀའ་བསྒོས་སོ།།  
\v 25 དེ་ནས་ཕོལ་ལོལ་ཁོང་ཉིད་རྒྱུན་བུས་བཀྱིགས་མ་ཐག་རང་ཉིད་ཀྱི་གམ་དུ་ལངས་སྡོད་པའི་བརྒྱ་དཔོན་ལ་འདི་སྐད༌དུ། ཁྱོད་ཅག་གིས་བཅའ་ཁྲིམས་ལྟར་རོ་མཱ་པ་ཞིག་ལ་ཉེས་ཆད་མ་བཅད་ནའང་གཅར་རྡུང་བྱས་ཆོག་གམ་ཞེས་གསུངས་པ༌ལ།  
\v 26 བརྒྱ་དཔོན་གྱིས་གཏམ་དེ་ཐོས་པ་དང་སྟོང་དཔོན་གྱི་དྲུང་དུ་སོང་སྟེ་ན༌རེ། མི་འདི་ནི་རོ་མཱ་པ་ཞིག་ཡིན་པས་ཁྱེད་ཀྱིས་ཅི་བྱེད་འདོད་དམ་ཞེས་སྨྲས་སོ།།  
\v 27 དེ་ནས་སྟོང་དཔོན་ཕོལ་ལོལ་གྱི་དྲུང་དུ་སོང་སྟེ་ན་རེ། ཁྱོད་ནི་རོ་མཱ་པ་ཞིག་ཡིན་མིན་བདག་ལ་ཤོད་ཅིག་ཅེས་དྲིས་པ༌དང༌། ཁོང་གིས་ཡིན་ཞེས་གསུངས་སོ།།  
\v 28 ཡང་སྟོང་དཔོན་ན༌རེ། བདག་ནི་དངུལ་གྱི་རྫོངས་པ་མང་པོ་བཏང་ནས་རོ་མཱ་རྒྱལ་ཁབ་ཀྱི་རྒྱལ་ཁོངས་སུ་ཞུགས་པ་ཞིག་ཡིན་ཞེས་སྨྲས་པ༌ན། ཕོལ་ལོལ་གྱིས་ང་རང་ནི་སྐྱེས་དུས་ནས་རོ་མཱ་པ་ཞིག་ཡིན་ཞེས་གསུངས་སོ།།  
\v 29 དེ་མ་ཐག་ཕོལ་ལོལ་ལ་འདྲི་གཅོད་བྱེད་པའི་དམག་མི་རྣམས་ཁོང་དང་རྒྱང་བཀྱེད༌པ་རེད། སྟོང་དཔོན་གྱིས་ཀྱང་ཕོལ་ལོལ་ནི་རོ་མཱ་པ་ཞིག་ཡིན་པ་ཤེས་པ་དང་ཐག་པས་བཀྱིགས་པའི་རྐྱེན་གྱིས་འཇིགས་པར་གྱུར༌ཏོ།།   
\p
\v 30 དེའི་ཕྱི༌ཉིན། སྟོང་དཔོན་གྱིས་ཡ་ཧུ་དཱ་པ་རྣམས་ཀྱིས་ཕོལ་ལོལ་གཏུག་བཤེར་བྱེད་པའི་རྒྱུ་རྐྱེན་གང་ཡིན་པ་ངེས་པར་ཤེས་ཕྱིར། ཁོང་ཉིད་བཙོན་ལས་ཕྱིར་ཁྲིད༌ཅིང༌། མཆོད་དཔོན་ཆེན་པོ་རྣམས་དང་དཔོན་རིགས་ཚོགས་པའི་ཚོགས་མི་ཐམས་ཅད་ལྷན་དུ་འདུ་དགོས་པའི་བཀའ་བསྒོས་པ༌དང༌། ཕོལ་ལོལ་ཡང་དེ་རྣམས་ཀྱི་མདུན་དུ་ཁྲིད་དེ་ཡར་བསླངས་པའོ།།   
\c 23
\cl ལེའུ་ཉེར་གསུམ༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 ཕོལ་ལོལ་ལ་འདྲི་གཅོད་བྱེད༌པ།  
\p
\v 1 དེ་ནས་ཕོལ་ལོལ་གྱིས་དཔོན་རིགས་ཚོགས་པའི་ཚོགས་མི་རྣམས་ལ་མིག་གིས་ཕུར་ཚུགས་སུ་གཟིགས་ཏེ་འདི་སྐད༌དུ། སྤུན་ཟླ༌རྣམ་པ། ངས་དཀོན་མཆོག་གི་སྤྱན་སྔ་ནས་བྱ་བ་ཀུན་ལ་ད་ལྟའི་བར་དུ་བསམ་པ་རྣམ་དག་བཅངས་པ་ཡིན་ཞེས་གསུངས་པ༌ལ།  
\v 2 མཆོད་དཔོན་ཆེན་པོ་ཨ་ནན་ཡཱ་ཡིས་ཕོལ་ལོལ་གྱི་ཉེ་འགྲམ་དུ་ལངས་ནས་སྡོད་པའི་མི་རྣམས༌ལ། ཕོལ་ལོལ་གྱི་ཞལ་ལ་རྡེག་དགོས་པའི་བཀའ་བསྒོས༌ཤིང༌།  
\v 3 ཕོལ་ལོལ་གྱིས་ཁོ་རང་ལ་འདི་སྐད༌དུ། ཚོན་རྩི་དཀར་པོས་བརྒྱན་པའི་རྩིག་ངོས་དང་འདྲ་བ་ཁྱོད་ལའང་དཀོན་མཆོག་གིས་རྡེག་པར་འགྱུར༌ཏེ། ཁྱོད་རང་བཀའ་ཁྲིམས་ལྟར་བདག་ལ་འདྲི་གཅོད་བྱེད་པར་བསྡད་ཡོད་དམ། ཡང་ན་བཀའ་ཁྲིམས་དང་འགལ་ནས་བདག་ལ་རྡུང་བའི་བཀའ་བསྒོ་བ་ཡིན་ཞེས་གསུངས།  
\v 4 ཉེ་འགྲམ་དུ་ལངས་སྡོད་པའི་མི་རྣམས་ན༌རེ། ཁྱོད་ཀྱིས་དཀོན་མཆོག་གི་མཆོད་དཔོན་ཆེན་པོ་ལ་དམའ་འབེབས་བྱེད་དམ་ཞེས་སྨྲས་པ༌དང༌།  
\v 5 ཡང་ཕོལ་ལོལ་གྱིས་འདི་སྐད༌དུ། སྤུན་ཟླ༌རྣམ་པ། ངས་ཁོ་རང་མཆོད་དཔོན་ཆེན་པོ་ཡིན་པ་མ་ཤེས༌ལ། གསུང་རབ་ཀྱི་མདོ་ལས་ཇི་སྐད༌དུ། ཁྱོད་ཀྱིས་རང་གི་ཡུལ་མིའི་འགོ་དཔོན་ལ་འཕྱ་དམོད་བྱ་མི་འོས་ཞེས་བཀོད་ཡོད་ཅེས་སྨྲས༌སོ།།   
\p
\v 6 དེ་ནས་ཕོལ་ལོལ་གྱིས་མི་དེ་རྣམས་ལས་འགའ་ཤས་ནི་སཱ་ཅུ་སེ་པ་དང་འགའ་ཤས་ནི་ཕ་རུ་ཤི་པ་ཡིན་པ་ཤེས༌ཏེ། དཔོན་རིགས་ཚོགས་པའི་ཚོགས་མིའི་ཁྲོད་དུ་སྐད་ཆེན་པོས་འདི་སྐད༌དུ། སྤུན་ཟླ༌རྣམ་པ། ང་རང་ནི་ཕ་རུ་ཤི་པ་ཡིན་པ་དང་ཕ་རུ་ཤི་པའི་བུ་རྒྱུད་ཀྱང་ཡིན༌ཏེ། ངས་ད་ལྟ་འདྲི་གཅོད་མྱོང་བ་ནི་གཤིན་པོ་རྣམས་སླར་གསོན་པར་འགྱུར་བའི་དོན་དེ་ལ་རེ་སྨོན་བྱེད་པའི་ཕྱིར་ཡིན་ཞེས་གསུངས་པ༌དང༌།  
\v 7 ཕ་རུ་ཤི་པ་དང་སཱ་ཅུ་སེ་པ་གཉིས་ཀྱི་བར་ལ་རྩོད་པ་བྱུང་སྟེ་ཚོགས་པ་འདི་ཕྱོགས་ཁག་གཉིས་སུ་གྱུར་ཏོ།།  
\v 8 རྒྱུ་མཚན་ནི་སཱ་ཅུ་སེ་པ་རྣམས་ཀྱིས་གཤིན་པོ་རྣམས་སླར་གསོན་པར་འགྱུར་བའི་དོན་དེ་མེད༌ཅིང༌། ཕོ་ཉ་དང་སེམས་ཉིད་ཀྱང་མེད་ཅེས་སྨྲ་བ༌དང༌། ཕ་རུ་ཤི་པ་རྣམས་ཀྱིས་དོན་དེ་ཐམས་ཅད་ཡོད་པར་སྨྲ་བའི་ཕྱིར༌ཡིན།  
\v 9 དེ་ནས་རྩོད་པའི་འུར་སྒྲ་ཇེ་ཆེར་སོང་ཞིང་ཕ་རུ་ཤི་པའི་ཕྱོགས་ཀྱི་མཁན་པོ་འགའ་ཡར་ལངས་ཏེ་ན༌རེ། ངེད་ཅག་གིས་མི་འདི་ལས་ཉེས་སྐྱོན་ཅི་ཡང་མ་རྙེད། གལ་ཏེ་སེམས་ཉིད་དམ་ཕོ་ཉ་ཞིག་གིས་ཁོ་རང་ལ་གཏམ་སྨྲས་ན་ག་འདྲ་ཡིན་ཞེས་སྨྲས་སོ།།  
\v 10 སྐབས༌དེར། རྩོད་པ་ཆེན་པོ་བྱུང་བས་སྟོང་དཔོན་གྱིས་ཕོལ་ལོལ་རས་བཞིན་དུམ་བུར་གཤག་པར་དོགས་ནས། དམག་མི་རྣམས་ལ་ཁོང་ཉིད་མི་ཚོགས་ལས་བཙན་གྱིས་ཕྲོགས་ཏེ་དམག་སྒར་དུ་འཁྲིད་དགོས་པའི་བཀའ་གནང༌ངོ༌།།   
\p
\v 11 མཚན་མོ༌དེར། གཙོ་བོ་ཁོང་ཉིད་ཕོལ་ལོལ་གྱི་གམ་དུ་ཕེབས་ཏེ་འདི་སྐད༌དུ། སེམས་བདེ་བར༌གྱིས། ཁྱོད་ཀྱིས་ཡེ་རུ་སཱ་ལེམ་ནས་བདག་ལ་ཇི་ལྟར་བདེན་དཔང་བྱས་པ་བཞིན་རོ་མཱ་རུའང་དེ་བཞིན་དུ་བདེན་དཔང་བྱེད་དགོས་ཞེས་གསུངས༌སོ།།   
\s1 ཕོལ་ལོལ་གསོད་པའི་ཇུས༌ངན།  
\p
\v 12 དེ་ཡང་ནམ་ལངས་པ་དང་ཡ་ཧུ་དཱ་པ་རྣམས་ཀྱིས་མཉམ་དུ་གྲོས་བྱས༌ཏེ། ཕོལ་ལོལ་མ་བསད་ན་བཟའ་བཏུང་ཅི་ཡང་མི་སྤྱོད་ཅེས་དམ་བཅས༌པ་རེད།  
\v 13 དེ་ལྟར་བློ་སེམས་གཅིག་མཐུན་སྒོས་དམ་བཅའ་འཇོག་མཁན་མི་བཞི་བཅུ་ལྷག་ཡོད་དོ།།  
\v 14 དེ་ནས་མི་དེ་རྣམས་མཆོད་དཔོན་ཆེན་པོ་དག་དང་རྒན་པོ་རྣམས་ཀྱི་གམ་དུ་སོང་སྟེ་ན༌རེ། ངེད་ཅག་གིས་ཕོལ་ལོལ་མ་བསད་ན་ཟས་ཅི་ཡང་མི་སྤྱོད་ཅེས་དམ་བཅའ་ཆེན་པོ་བཞག་ཅིང་།  
\v 15 ད་ལྟ་ཁྱོད་ཅག་དང་དཔོན་རིགས་ཚོགས་པའི་ཚོགས་མི་རྣམས་ཀྱིས་སྟོང་དཔོན༌ལ། ཕོལ་ལོལ་ལ་ཞིབ་ཏུ་རྟོག་དཔྱོད་བྱ་ཁུལ་བྱེད་པའི་ཆེད་དུ་འདིར་འཁྲིད་ཡོང་དགོས་པའི་སྐད་གཏོང་བར༌གྱིས། ངེད་ཅག་གིས་གྲ་སྒྲིག་བྱས་ཟིན་པས་ཁོ་རང་གནས་འདིར་མ་སླེབས་པའི་སྔོན་ལ་གསོད་པར་བྱའོ་ཞེས་སྨྲས་སོ།།  
\v 16 འོན་ཀྱང་། ཕོལ་ལོལ་གྱི་ཚ་བོས་དེ་དག་གིས་ལྐོག་འཇབ་བྱེད་རྩིས་ཡོད་པ་ཐོས་ཏེ་དམག་སྒར་དུ་སོང་ནས་དོན་དེ་ཕོལ་ལོལ་ལ་སྨྲས་པ་རེད།  
\v 17 དེ་ནས་ཕོལ་ལོལ་གྱིས་བརྒྱ་དཔོན་ཞིག་བོས་ཏེ་འདི་སྐད༌དུ། ཁྱོད་ཀྱིས་ན་གཞོན་འདི་སྟོང་དཔོན་གྱི་དྲུང་དུ་ཁྲིད༌ཅིག ཁོ་ལ་ཞུ་རྒྱུའི་དོན་ཞིག་ཡོད་ཅེས་གསུངས་པ༌དང༌།  
\v 18 དེས་ཀྱང་ན་གཞོན་དེ་སྟོང་དཔོན་གྱི་དྲུང་དུ་ཁྲིད་དེ་ན༌རེ། བཙོན་པ་ཕོལ་ལོལ་གྱིས་ང་རང་ཁོའི་གམ་དུ་བོས་ཏེ་ན་གཞོན་འདི་ཁྱེད་ཀྱི་དྲུང་དུ་ཁྲིད༌ཅིག ཁོ་ལ་ཞུ་རྒྱུའི་དོན་ཞིག་ཡོད་པར་ཞུས་བྱུང་ཞེས་སྨྲས་པ༌དང༌།  
\v 19 སྟོང་དཔོན་གྱིས་ན་གཞོན་དེའི་ལག་པར་འཇུས་ནས་ཟུར་དུ་ཁྲིད་དེ་ན༌རེ། བདག་ལ་ཞུ་རྒྱུའི་དོན་ཅི་ཞིག་ཡོད་ཅེས་ལྐོག་ཏུ་དྲིས་པ༌ལ།  
\v 20 ན་གཞོན་ན༌རེ། ཡ་ཧུ་དཱ་པ་རྣམས་ཀྱིས་སང་ཉིན་ཁྱེད་ལ་ཕོལ་ལོལ་དཔོན་རིགས་ཚོགས་པའི་ཚོགས་མི་རྣམས་ཀྱི་གམ་དུ་འཁྲིད༌པའི་རེ་བ་ཞུས་ནས། ཁོང་གི་དོན་ལ་ཞིབ་ཏུ་རྟོག་དཔྱོད་བྱ་ཁུལ་བྱེད་པར་གྲོས་བྱས༌ཟིན།  
\v 21 མི་བཞི་བཅུ་ལྷག་གིས་ཕོལ་ལོལ་མ་བསད་ན་བཟའ་བཏུང་ཅི་ཡང་མི་སྤྱོད་ཅེས་དམ་བཅས་ནས་ལྐོག་འཇབ་བྱེད་རྩིས་ཡོད༌ཅིང༌། ད་ལྟ་གྲ་སྒྲིག་ཀྱང་བྱས་ཚར་ནས་ཁྱེད་ཀྱིས་ཆོག་མཆན་འགོད་པ་ཁོ་ནར་བསྒུགས་ཡོད༌པས། ཁྱེད་ཀྱིས་དེ་དག་གི་འདོད་ལ་མི་བསྟུན་པར་འཚལ་ཞེས་ཞུས་སོ།།  
\v 22 དེ་ནས་སྟོང་དཔོན་གྱིས་ན་གཞོན་དེ༌ལ། ཁྱོད་ཀྱིས་དོན་འདི་བདག་ལ་སྨྲས་པ་ནི་མི་གཞན་སུ་ལའང་སྨྲ་བར་མི་བྱའོ་ཞེས་གདམས་ཏེ་འགྲོ་རུ་བཅུག༌གོ།   
\s1 ཕོལ་ལོལ་ཁོང་ཉིད་ཀེ་སར་ཡཱ་གྲོང་ཁྱེར་དུ་ཁྲིད༌པ།  
\p
\v 23 དེ་ནས་སྟོང་དཔོན་གྱིས་བརྒྱ་དཔོན་གཉིས་བོས་ཏེ་ན༌རེ། རྐང་དམག་ཉིས་བརྒྱ༌དང༌། རྟ་དམག་བདུན༌ཅུ། མདུང་རིང་ཐོགས་པའི་རྐང་དམག་ཉིས་བརྒྱ་བཅས་སྟ་གོན་བྱོས༌དང༌། མཚན་མོའི་ཆུ་ཚོད་དགུའི་སྟེང་དུ་ཀེ་སར་ཡཱ་རུ་སྐྱོད༌ཅིག  
\v 24 གཞན༌ཡང༌། ཕོལ་ལོལ་ལ་ཞོན་པ་འགའ་གྲ་སྒྲིག་བྱས་ནས་སྤྱི་དཔོན་ཕེ་ལིག་གི་དྲུང་དུ་བདེ་བར་སྐྱོལ་ཅིག་ཅེས་བཀའ་བསྒོས་པ༌དང༌།  
\v 25-26 འཕྲིན་ཡིག་ཅིག་བྲིས་ཤིང་ནང་དོན་མདོར་བསྡུས་འདི་ལྟ༌སྟེ།  
\m ༄༅། །གུས་པར་འོས་པའི་སྤྱི་དཔོན་ཕེ་ལིག་གི་སྤྱན་དྲུང༌དུ།  
\p ཐོག་མར་ཁྱེད་ལ་འཚམས་འདྲི་ཞུ་ཞེས་ཀཱ་ལོ་དི་ལི་སི་ཨ་ནས་སྤྲིངས༌དོན།   
\p
\v 27 དེ་ཡང་མི་འདི་ནི་ཡ་ཧུ་དཱ་པ་དག་གིས་བཙན་གྱིས་བཟུང་ཞིང་གསོད་པར་རྩོམ་པའི་དུས༌སུ། བདག་གིས་ཁོ་རང་ནི་རོ་མཱ་པ་ཞིག་ཡིན་པ་ཤེས་ནས་དམག་མི་དང་བཅས་པ་གནས་དེར་སོང་སྟེ་ཁོ་རང་བསྐྱབས༌པ་དང་།  
\v 28 ཡ་ཧུ་དཱ་པ་དག་གིས་ཁོ་རང་གཏུག་བཤེར་བྱེད་པའི་རྒྱུ་མཚན་ཅི་ཡིན་པ་བདག་གིས་ཤེས་འདོད༌དེ། ཡ་ཧུ་དཱ་པའི་དཔོན་རིགས་ཚོགས་པའི་ཚོགས་མིའི་མདུན་དུ་ཁྲིད་པ༌ན།  
\v 29 ཁོ་རང་གཏུགས་དོན་ནི་ཡ་ཧུ་དཱ་པའི་ཆོས་ཀྱི་བཀའ་ཁྲིམས་ཐད་ལ་རྩོད་པ་བྱུང་བ་ཙམ༌ལས། བཙོན་དུ་འཇུག་པའམ་སྲོག་ཆད་གཅོད་དགོས་པའི་ཉེས་སྐྱོན་ཅི་ཡང་མེད་པ་ཤེས་སོ།།  
\v 30 ཕྱིས་སུ་ཁོ་རང་ལྐོག་གསོད་བྱེད་པའི་ཇུས་ངན་དེ་མི་ཞིག་གིས་བདག་ལ་སྨྲས་པ་དང་ངས་ཀྱང་འཕྲལ་དུ་ཁོ་རང་ཁྱེད་ཀྱི་དྲུང་དུ་བསྐྱལ༌ཞིང༌། ཁོ་རང་གཏུག་མཁན་རྣམས་ལའང་ཁྱེད་ཀྱི་དྲུང་ནས་ཁོ་རང་གཏུགས་ཤིག་ཅེས་ཁ་བསྒོ་བྱས་པ་ཡིན། མཇུག་མཐར་ཁྱེད་ཀྱི་སྐུ་ཁམས་བདེ་བར༌སྨོན། ཞེས༌པའོ།།   
\p
\v 31 དེ་ནས་དམག་མི་རྣམས་ཀྱིས་བཀའ་བཞིན་དུ་མཚན་མོའི་དུས༌སུ་ཕོལ་ལོལ་ཁྲིད་ནས་ཨན་ཏི་པཱ་ཏྲི་རུ་སླེབས།  
\v 32 དེའི་ཕྱི༌ཉིན། རྟ་དམག་རྣམས་ཀྱིས་ཕོལ་ལོལ་བསྐྱལ་བ་དང་གཞན་རྣམས་ཕྱིར་དམག་སྒར་དུ་ལོག་གོ།  
\v 33 རྟ་དམག་རྣམས་ཀྱིས་ཕོལ་ལོལ་བསྐྱལ་ནས་ཀེ་སར་ཡཱ་རུ་སླེབས་པ་དང་འཕྲིན་ཡིག་དེ་སྤྱི་དཔོན་ལ་ཕུལ་ཞིང་ཕོལ་ལོལ་ཡང་ཁོའི་མདུན་དུ་བསླངས་སོ།།  
\v 34 སྤྱི་དཔོན་གྱིས་འཕྲིན་ཡིག་བཀླགས༌རྗེས། ཕོལ་ལོལ་ཡུལ་གང་ནས་ཡིན་པ་དྲིས་པ་དང་ཀི་ལིག་ཡཱ་ཡུལ་གྱི་ཡིན་པ་ཤེས༌ཏེ།  
\v 35 ཁྱོད་རང་གཏུག་མཁན་གྱི་མི་རྣམས་ཀྱང་སླེབས་པའི་ཚེ། ངས་ཁྱོད་ཀྱི་དོན་ལ་ཞིབ་ཏུ་མཉན་པར་བྱའོ་ཞེས་སྨྲས་པ༌དང༌། ཧེ་རོ་དཱའི་ཕོ་བྲང་དུ་ཕོལ་ལོལ་བཙོན་ལ་འཇུག་དགོས་པའི་བཀའ་གནང༌ངོ༌།།   
\c 24
\cl ལེའུ་ཉེར་བཞི༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 སྤྱི་དཔོན་ཕེ་ལིག་གི་མདུན་ནས་ཕོལ་ལོལ་ལ་འདྲི་གཅོད་བྱེད༌པ།  
\p
\v 1 དེ་ནས་ཉིན་ལྔ་འགོར༌རྗེས། མཆོད་དཔོན་ཆེན་པོ་ཨ་ནན་ཡཱ་དང་རྒན་པོ་འགའ་ཤས་ཁྲིམས་རྩོད་པ་ཐུར་ཐོ་ལོ་དང་མཉམ་དུ་སླེབས་ཏེ། སྤྱི་དཔོན་གྱི་དྲུང་དུ་ཕོལ་ལོལ་གཏུག་བཤེར་བྱས་སོ།།  
\v 2 དེ་ནས་ཕོལ་ལོལ་བོས་ཡོང་བ་དང་ཐུར་ཐོ་ལོ་ན༌རེ། དཔོན་ཆེན་ཕེ་ལིག༌ལགས། ཁྱེད་ཀྱི་བཀའ་དྲིན་ལས་ངེད་རྣམས་ཀྱིས་ཡུན་རིང་ལ་ཞི་བདེའི་དཔལ་ལ་རོལ་བ༌དང༌། ཡུལ་འདིའི་ཞན་ཆ་ཡང་ཁྱེད་ཀྱི་མངོན་ཤེས་ཀྱིས་རྟོགས་ཏེ་ཡོ་བསྲང་བྱས༌པས།  
\v 3 ངེད་ཅག་གིས་ཀྱང་དུས་དང་རྣམ་པ་ཀུན་ཏུ་དོན་འདི་ཁས་ལེན་པ་དང་སེམས་གཏིང་ནས་ཁྱེད་ལ་བཀའ་དྲིན་ཞུའོ།།  
\v 4 འོན༌ཀྱང༌། ཁྱེད་ལ་ལྷག་ཏུ་སུན་སྣང་མི་བསྐྱེད་པའི༌ཕྱིར། ཁྱེད་ཀྱིས་ཐུགས་བག་ཕེབས་ངང་ངེད་ཅག་གི་ཚིག་འགའ་ལ་གསན་རོགས༌ཞུ།  
\v 5 མི་འདི་ནི་འགོས་ནད་ལྟ་བུ་ཞིག་ཡིན༌ཏེ། མི་འདིས་ས་གཞི་ཡོངས་སུ་སྡོད་པའི་ཡ་ཧུ་དཱ་པ་ཐམས་ཅད་ལ་ངན་སྐུལ་བྱས་ཤིང་ཟིང་ཆ་བཟོས་པ༌དང༌། ཁོ་ནི་ནཱ་ཙ་རེལ་གྱི་གྲུབ་མཐའི་འགོ་པའང༌ཡིན་ནོ།།  
\v 6 ཐ་ན་ཁོས་མཆོད་ཁང་ཡང་མི་གཙང་བར་བྱེད་འདོད་པས། སྔར་ངེད་ཅག་གིས་ཁོ་རང་བཟུང༌སྟེ། རང་གི་བཀའ་ཁྲིམས་བཞིན་ཐག་གིས་གཅོད་པར་བསམས༌མོད།  
\v 7 འོན་ཀྱང་སྟོང་དཔོན་ལི་སི་ཨ་སླེབས་ཏེ། བཙན་ཤེད་ཀྱིས་ཕོལ་ལོལ་ངེད་ཅག་གི་ལག་ནས་ཕྲོགས་ཤིང༌། ཁོ་རང་གཏུགས་པའི་མི་རྣམས་ལ་ཁྱེད་ཀྱི་དྲུང་དུ་སོང་ཞེས་བཀའ་བསྒོས་པ་དང་།  
\v 8 ཁྱེད་ཀྱིས་ཁོ་ལ་ཞིབ་ཏུ་འདྲི་གཅོད་མཛད༌ན། ངེད་ཅག་གིས་ཁོ་རང་གཏུགས་པའི་རྒྱུ་མཚན་ཐམས་ཅད་རྟོགས་ནུས་པ་ཡིན་ཞེས་གཏུགས།  
\v 9 ཡ་ཧུ་དཱ་པ་རྣམས་ཀྱིས་ཀྱང་དེ་དང་བསྟུན་ནས་དངོས་གནས་དེ་ལྟར་ཡིན་ཞེས་ཁོང་ཉིད་གཏུགས་སོ།།   
\p
\v 10 དེ་ནས་སྤྱི་དཔོན་ཕེ་ལིག་གིས་ཕོལ་ལོལ་ལ་གཏམ་སྨྲ་རུང་བའི་བརྡ་བསྟན་པ༌ན། ཁོང་ན་རེ། ངས་ཁྱེད་རང་ནི་ལོ་མང་པོར་མི་རིགས་འདིའི་ཁྲིམས་དཔོན་ཡིན་པ་ཤེས༌པས། དགའ་སྤྲོའི་ངང་ནས་རང་ཉིད་ལ་དག་འབུད་བྱེད་པའོ།།  
\v 11 ཁྱེད་ཀྱིས་རྩད་གཅོད་བྱས་ན་རྟོགས་ནུས༌ཏེ། ང་རང་ཡེ་རུ་སཱ་ལེམ་ལ་མཇལ་དུ་སོང་བ་དང་ད་ལྟའི་བར་དུ་ཉིན་བཅུ་གཉིས་ལས་མ་འགོར༌ལ།  
\v 12 ངས་མཆོད་ཁང་དང་ཆོས༌ཁང༌། ཡང་ན་གྲོང་ཁྱེར་བཅས་ནས་མི་གཞན་དང་རྩོད་གླེང་མ་བྱས་ཤིང་ཟིང་ཆ་བཟོས་མ་མྱོང་ལ་ཁོ་རྣམས་ཀྱིས་ཀྱང་མ་མཐོང༌བ་ཡིན་ནོ།།  
\v 13 ད་ལྟ་ང་རང་ཁྱེད་ལ་གཏུགས་པའི་དོན་དེར་ཁོ་རྣམས་ཀྱིས་ཀྱང་བདེན་དཔང་བྱེད་མི་ནུས་སོ།།  
\v 14 འོན་ཀྱང་ངས་ཁྱེད་ལ་དོན་ཞིག་ཁས་ལེན་པར་བྱེད༌དེ། ཁོ་རྣམས་ཀྱིས་མཱ་ཤི་ཀའི་ཆོས་ཀྱི་ལམ་དེ་ལོག་ལྟ་ཡིན་ཟེར༌ཡང༌། ངས་ཆོས་དེ་བཞིན་དུ་ངེད་ཅག་གི་ཕ་མེས་ཀྱི་དཀོན་མཆོག་ལ་བསྙེན་བཀུར་བྱེད༌ཅིང༌། བཀའ་ཁྲིམས་དང་ལུང་སྟོན་པའི་མདོ་ལས་བཀོད་ཡོད་པ་ཐམས་ཅད་ལའང་མཐུན་པར་དད་པ་བྱེད་དོ།།  
\v 15 གཞན༌ཡང༌། ཡ་ཧུ་དཱ་པ་འདི་རྣམས་དང་འདྲ་བར་ངས་དཀོན་མཆོག་ལ་རེ་སྨོན་བྱེད༌དེ། མི་རྣམ་དག་དང་མི་ངན་པ་གང་ཡིན་ཡང་གཤིན་པོ་རྣམས་སླར་གསོན་པར་འགྱུར་ངེས༌ཡིན་ནོ།།  
\v 16 དེའི༌ཕྱིར། ངས་དུས་རྟག་ཏུ་དཀོན་མཆོག་དང་མི་གཞན་དག་གི་མདུན་དུ་བསམ་པ་རྣམ་དག་འཆང་བར་བརྩོན༌ཞིང་།  
\v 17 ལོ་འགའི་རྗེས༌སུ། ངས་རང་གི་མི་རིགས་ལ་རོགས་སྐྱོར་བྱེད་པའི་ཞལ་འདེབས་འབུལ་བ་དང༌། དཀོན་མཆོག་ལ་མཆོད་པ་འབུལ་ཆེད་ཡེ་རུ་སཱ་ལེམ་དུ་སོང་བ༌དང༌།  
\v 18 མཆོད་པ་འབུལ་བཞིན་པའི་སྒང༌ལ། ངས་མཆོད་ཁང་ནས་ཆོས་ཀྱི་གཙང་སྦྲའི་ཆོ་ག་བསྒྲུབས་ཟིན་པ་དེ་ཨེ་ཞི་ཡཱ་ཡུལ་ནས་ཡོང་བའི་ཡ་ཧུ་དཱ་པ་འགའ་ཞིག་གིས་མཐོང༌ཡང༌། གནས་དེར་མི་མང་པོ་མ་འདུས་ཤིང་འུར་ཡང་མ་བརྒྱབ་བོ།།  
\v 19 གལ་ཏེ་ཁོ་རྣམས་ལ་ང་རང་གཏུག་རྒྱུའི་དོན་ཞིག་ཡོད༌ན། ཁྱེད་ཀྱི་དྲུང་དུ་ཡོང་ནས་གཏུག་འོས༌ཤིང༌།  
\v 20 ཡང་ན་ང་རང་དཔོན་རིགས་ཚོགས་པའི་ཚོགས་མི་རྣམས་ཀྱི་མདུན་དུ་སྡོད་པའི་སྐབས༌སུ། མི་འདི་རྣམས་ཀྱིས་བདག་ལ་ཉེས་སྐྱོན་གང་ཞིག་ཡོད་པ་རྙེད་ན་ཁོ་ཚོ་རང་གིས་གསལ་བཤད་བྱས་ཆོག  
\v 21 གལ་ཏེ་ཉེས་སྐྱོན་ཡོད་པའི་དབང་དུ་བཏང༌ནའང༌། སྔར་ནས་ང་རང་ཁོ་རྣམས་ཀྱི་ཁྲོད་དུ་ཡར་ལངས་ཏེ་སྐད་ཆེན༌པོས། དེ་རིང་གི་དུས་འདིར་ཁྱོད་རྣམས་ཀྱི་མདུན་ནས་ངས་འདྲི་གཅོད་མྱོང་བ་ནི། གཤིན་པོ་རྣམས་སླར་གསོན་པར་འགྱུར་བའི་དོན་དེའི་གནས་ལུགས་ཀྱི་ཕྱིར་རོ་ཞེས་སྨྲས་པའི་གཏམ་དེ་ཁོ་ན་ཡིན་ཞེས་གསུངས༌སོ།།   
\p
\v 22 དེ་ནས་ཕེ་ལིག་ནི་མཱ་ཤི་ཀའི་ཆོས་ཀྱི་ལམ་དེ་ལ་ཆ་རྒྱུས་གསལ་པོ་ཡོད་ནའང་ཁོ་ན༌རེ། སྟོང་དཔོན་ལི་སི་ཨ་འདིར་ཕེབས༌ཚེ། ངས་ཁྱོད་རྣམས་ཀྱི་དོན་འདིར་ཁྲིམས་ཐག་གཅོད་ངེས་ཡིན་ཞེས་སྨྲས་རྗེས་གྲོལ་བ༌དང༌།  
\v 23 བརྒྱ་དཔོན་ལ་ཕོལ་ལོལ་སྲུང་སྐྱོབ་བྱེད་པ་དང་རང་དབང་ཅུང་ཙམ་ཡོད་པར་བྱེད་པ་དང༌། ཁོང་གི་གྲོགས་རྣམས་ཀྱང་ཁོང་ལ་ཞབས་ཏོག་བསྒྲུབ་ཏུ་ཡོང་ཆོག་པའི་བཀའ་བསྒོས༌པ་རེད།  
\v 24 དེ་ནས་ཉིན་འགའ་འགོར༌རྗེས། ཕེ་ལིག་དང་ཁོའི་ཡ་ཧུ་དཱ་པའི་ཆུང་མ་དྲུ་སིལ་ལཱ་གཉིས་མཉམ་དུ་ཕེབས་ཤིང་ཕོལ་ལོལ་བོས༌ཏེ། ཁོང་གིས་མཱ་ཤི་ཀ་ཡེ་ཤུ་ལ་དད་པ་བྱེད་པའི་སྐོར་གྱི་ཆོས་གསུངས་པ་ལ་མཉན།  
\v 25 ཕོལ་ལོལ་གྱིས་དྲང་བདེན་གྱི་ལས་དང་རང་ཚོད་ཟིན་དགོས༌ཚུལ། མ་འོངས་པར་ཁྲིམས་ཐག་གཅོད་པའི་སྐོར་བཅས་ཀྱི་ཆོས་གསུངས་པ༌ན། ཕེ་ལིག་དོན་དེ་དག་ལ་འཇིགས་ཏེ་ན༌རེ། ཁྱེད་རང་གནས་སྐབས་སུ་ཕྱིར་ལོག༌དང༌། བདག་ལ་ཁོམ་ལོང་བྱུང་ན་ཁྱེད་ཉིད་ཡང་བསྐྱར་འབོད་པར་བྱའོ་ཞེས་སྨྲས་སོ།།  
\v 26 ཡང་དུས་དེ་ལ་ཕེ་ལིག་གིས་ཕོལ་ལོལ་ལས་ལྐོག་རྔན་ལེན་པར་རེ་བ་བཅངས་པས་ཐེངས་མང་པོར་ཁོང་ཉིད་བོས་ནས་གླེང་མོལ་བྱས་སོ།།  
\v 27 དེ་ནས་ལོ་གཉིས་འགོར༌རྗེས། ཕོར་ཀེའུ་ཨོ་ཕེ་ཏི་ཞེས་པ་ཕེ་ལིག་གི་ཚབ་ལ་སྤྱི་དཔོན་དུ་བསྐོས། འོན་ཀྱང་ཕེ་ལིག་གིས་ཡ་ཧུ་དཱ་པ་རྣམས་ཀྱི་ངོ་སོ་ལེན་པའི་ཕྱིར་ཕོལ་ལོལ་མ་བཏང་བར་བཙོན་དུ་བཞག༌གོ།   
\c 25
\cl ལེའུ་ཉེར་ལྔ༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 སྤྱི་དཔོན་ཕེ་ཏིའི་མདུན་དུ་ཕོལ་ལོལ་ལ་འདྲི་གཅོད་བྱས༌པ།  
\p
\v 1 དེ་ཡང་སྤྱི་དཔོན་ཕེ་ཏི་ཡུལ་ལྗོངས་དེར་སླེབས་ནས་ཉིན་གསུམ་གྱི་རྗེས༌སུ། ཀེ་སར་ཡཱ་ནས་ཡར་ཡེ་རུ་སཱ་ལེམ་དུ་སོང་བ༌དང༌།  
\v 2 མཆོད་དཔོན་ཆེན་པོ་དག་དང་ཡ་ཧུ་དཱ་པའི་དཔོན་རིགས་རྣམས་ཀྱིས་ཁོ་ལ་ཕོལ་ལོལ་གཏུགས༌ཤིང༌།  
\v 3 ཕོལ་ལོལ་ཁོང་ཉིད་ཡེ་རུ་སཱ་ལེམ་དུ་འཁྲིད་ཡོང་བར་རེ་བ་ཡང་ཡང་ཞུས། ཅིའི་ཕྱིར་ཞེ་ན། ཡ་ཧུ་དཱ་པའི་དཔོན་རིགས་དེ་དག་གིས་ལམ་བར་དུ་ཁོང་ཉིད་གསོད་པར་ལྐོག་འཇབ་བྱས་ཡོད་པའི་ཕྱིར༌ཡིན།  
\v 4 འོན༌ཀྱང༌། ཕེ་ཏི་ན༌རེ། ཕོལ་ལོལ་བྱ་བ་ཀེ་སར་ཡཱ་ནས་བཙོན་ལ་བཅུག་ཡོད་ཅིང་ང་རང་ཅང་མ་འགོར་བར་དེ་རུ་འགྲོ་བ་ཡིན།  
\v 5 དེ་བས་ཁྱོད་རྣམས་ལས་མི་དབང་ཐང་ཅན་རྣམས་བདག་དང་མཉམ་དུ༌འགྲོའོ།། གལ་ཏེ་མི་དེ་ལ་ཉེས་སྐྱོན་ཡོད་ན་གཏུག་ཆོག་ཅེས་སྨྲས༌སོ།།   
\p
\v 6 དེ་ནས་ཕེ་ཏི་བྱ་བ་ཡེ་རུ་སཱ་ལེམ་དུ་ཉིན་བརྒྱད་ནས་བཅུ་ཙམ་ལ་བསྡད་པ་དང་མར་ཀེ་སར་ཡཱ་རུ་སོང༌ཞིང༌། དེའི་ཕྱི་ཉིན་ཁྲིམས་དཔོན་གྱི་ཁྲིའི་སྟེང་དུ་བཞུགས་ཤིང་ཕོལ་ལོལ་འཁྲིད་ཡོང་དགོས་པའི་བཀའ་གནང༌ངོ་།།  
\v 7 ཕོལ་ལོལ་ཁྲིམས་ཁང་དུ་ཡོང་བ་དང་ཡེ་རུ་སཱ་ལེམ་ནས་མར་ཡོང་བའི་ཡ་ཧུ་དཱ་པ་རྣམས་ཀྱང་སླེབས་ཏེ། ཕོལ་ལོལ་གྱི་མཐའ་བསྐོར་ཞིང་དོན་རྐྱེན་ཚབས་ཆེན་མང་པོ་གླེང་ནས་ཁོང་ཉིད་གཏུགས་ནའང་བདེན་དཔང་བྱེད་མ་ནུས་སོ།།  
\v 8 ཕོལ་ལོལ་གྱིས་དག་འབུད་བྱས་ནས་འདི་ལྟར་སྨྲས༌པ་སྟེ། ང་རང་ནི་ཡ་ཧུ་དཱ་པའི་བཀའ་ཁྲིམས༌དང༌མཆོད༌ཁང༌། ཡང་ན་སེ་བཟིར་བཅས་གང་ལའང་འགལ་མ་མྱོང་ཞེས་པའོ།།  
\v 9 འོན༌ཀྱང༌། ཕེ་ཏིས་ཡ་ཧུ་དཱ་པ་རྣམས་ཀྱི་ངོ་སོ་ལེན་པའི་ཕྱིར་ན༌རེ། ཁྱོད་རང་ཡར་ཡེ་རུ་སཱ་ལེམ་དུ་སོང༌ནས། བདག་གིས་ཁྱོད་ཀྱི་དོན་འདིར་ཁྲིམས་ཐག་བཅད་ན་ཁྱོད་རང་འཐད་པ་ཡིན་ནམ་ཞེས་དྲིས་པ༌དང༌།  
\v 10 ཕོལ་ལོལ་གྱིས་འདི་སྐད༌དུ། ང་རང་ནི་སེ་བཟིར་གྱི་ཁྲིའི་མདུན་དུ་བསྡད་ཡོད༌ཅིང༌། འདི་ནི་བདག་ལ་འདྲི་གཅོད་བྱེད་འོས་པའི་གནས་ཀྱང༌ཡིན། ངས་ཡ་ཧུ་དཱ་པ་རྣམས་ལ་གནོད་པའི་བྱ་བ་ཅི་ཡང་བྱས་མ་མྱོང་བ་ཁྱེད་ཀྱིས་ཀྱང་གསལ་པོར་ཤེས༌པ་ཡིན་ནོ།།  
\v 11 གལ་ཏེ་ང་རང་ཉེས་ཅན་ཡིན་པ་དང་ངས་སྲོག་ཆད་གཅོད་འོས་པའི་ཉེས་པ་གང་ཞིག་བྱས་ཡོད༌ན། ང་རང་འཆི་དགོས་ཀྱང་རང་སྲོག་ལ་འཛེམ་པར་མི༌བྱའོ།། གལ་ཏེ་ཁོ་རྣམས་ཀྱིས་ང་རང་གཏུགས་པའི་དོན་དེ་རྣམས་བདེན་པ་མ་ཡིན་ན་སུས་ཀྱང་ང་རང་ཁོ་རྣམས་ལ་སྤྲོད་མི་རུང༌སྟེ། ངས་ཀྱང་སེ་བཟིར་ལ་གཏུག་བཤེར་ཞུ་རྒྱུ་ཡིན་ཞེས་གསུངས༌ཤིང༌།  
\v 12 ཕེ་ཏིས་རང་གི་གྲོས་ཚོགས་ཀྱི་མི་རྣམས་དང་གྲོས་བྱས་ཏེ་ན༌རེ། ཁྱོད་ཀྱིས་སེ་བཟིར་ལ་གཏུག་བཤེར་ཞུ་འདོད་ན་ཁོང་གི་དྲུང་དུ་འགྲོ་དགོས་ཞེས་སྨྲས༌སོ།།   
\s1 སྤྱི་དཔོན་ཕེ་ཏི་དང་ས་གནས་རྒྱལ་པོ་ཨག་རི་པཱ་གཉིས་བར་གྱི་གླེང༌མོལ།  
\p
\v 13 དེ་ནས་ཉིན་ཁ་ཤས་འགོར༌རྗེས། ས་གནས་རྒྱལ་པོ་ཨག་རི་པཱ་དང་པུར་ནེ་ཀེ་གཉིས་ཀེ་སར་ཡཱ་རུ་ཕེབས་ཏེ་ཕེ་ཏི་ལ་འཚམས་འདྲི་བྱས༌ཤིང༌།  
\v 14 ཁོ་གཉིས་ཉིན་མང་པོར་བཞུགས་པ་དང་ཕེ་ཏི་ཡིས་ཕོལ་ལོལ་གྱི་གནས་ཚུལ་ས་གནས་རྒྱལ་པོ་ལ་འདི་ལྟར་ཞུས་པ༌སྟེ། འདིར་ཕེ་ལིག་གིས་བཙོན་དུ་བཅུག་པའི་མི་ཞིག་ཡོད་པ༌དང༌།  
\v 15 ང་རང་ཡེ་རུ་སཱ་ལེམ་དུ་སྡོད་པའི་དུས༌སུ། མཆོད་དཔོན་ཆེན་པོ་དག་དང་ཡ་ཧུ་དཱ་པའི་རྒན་པོ་རྣམས་ཀྱིས་མི་དེ་གཏུགས་ཤིང་ཁོ་རང་ལ་ཉེས་ཆད་གཅོད་པའི་རེ་བ་ཞུས།  
\v 16 ངས་དེ་རྣམས་ལ་འདི་ལྟར་སྨྲས་པ༌སྟེ། མི་སུ་ཞིག་ཡིན་ཡང་གྱོད་ཡ་དང་གཏུག་མཁན་གཉིས་ཀྱིས་གདོང་ཐུག་ནས་ར་སྤྲོད་མ་བྱས་པ༌དང༌། རང་ཉིད་གཏུགས་པའི་དོན་དེར་དག་འབུད་བྱེད་པའི་གོ་སྐབས་མ་བྱུང་སྔོན༌དུ། མི་དེར་ཉེས་ཆད་གཅོད་པ་ནི་རོ་མཱ་པའི་སྲོལ་མིན་ཞེས་བཤད་པ༌ཡིན།  
\v 17 དེ་ནས་གཏུག་མཁན་རྣམས་འདིར་སླེབས་པ་དང་ངས་དུས་འགྱངས་མ་བྱས༌པར། དེའི་ཕྱི་ཉིན་ང་རང་ཁྲིམས་དཔོན་གྱི་ཁྲིའི་སྟེང་དུ་བསྡད་ནས་མི་དེ་འཁྲིད་ཡོང་དགོས་པའི་བཀའ་བསྒོས་པ༌དང༌།  
\v 18 གཏུག་མཁན་རྣམས་ཡར་ལངས་ཏེ་ཁོ་རང་གཏུགས༌ཤིང༌། དེ་རྣམས་ཀྱིས་གཏུགས་པའི་དོན་དེ་དག་ནི་ངས་ཚོད་དཔག་བྱས་པའི་ཉེས་པ་དེའི་རིགས་ནི་མིན་ནོ།།  
\v 19 འོན༌ཀྱང༌། ཁོ་རྣམས་ཀྱི་བར་དུ་རང་གི་ཆོས་ལུགས་ཐད་ནས་རྩོད་པ༌འགའ་ཤས་བྱུང་བ་སྟེ། ཡེ་ཤུ་ཟེར་བའི་མི་ཞིག་ཡོད་པ་ཤི་ཟིན་ནའང་ཕོལ་ལོལ་གྱིས་དེ་གསོན་པོ་ཡིན་ཞེས་ཟེར།  
\v 20 ངས་དོན་འདིའི་རིགས་ལ་ཇི་ལྟར་རྩད་གཅོད་བྱེད་པ་མ་ཤེས་པས་ཁོ་ལ་འདི་ལྟར་དྲིས༌པ་སྟེ། ཁྱོད་རང་ཡེ་རུ་སཱ་ལེམ་དུ་སོང་ནས་བདག་གིས་ཁྱོད་ཀྱི་དོན་འདི་ཐག་བཅད་ན་ཁྱོད་རང་འཐད་དམ་ཞེས༌པའོ།།  
\v 21 འོན༌ཀྱང༌། ཕོལ་ལོལ་གྱིས་རང་ཉིད་འདི་རུ་བཙོན་དུ་བཅུག་ནས་བསྲུང་བ་དང་གོང་མ་རྒྱལ་པོས་ཁྲིམས་ཐག་གཅོད་པར་རེ་བ་ཞུས༌པས། ངས་ཀྱང་ཁོ་རང་སེ་བཟིར་གྱི་དྲུང་དུ་བསྐྱལ་བའི་བར་དུ་འདི་ནས་བཙོན་དུ་བཅུག་ནས་བསྲུང་དགོས་པའི་བཀའ་གནང་བ་ཡིན་ཞེས་སྨྲས་སོ།།  
\v 22 དེ་ནས་ཨག་རི་པཱས་སྤྱི་དཔོན་ཕེ་ཏི༌ལ། ང་རང་ཡང་མི་འདིའི་གཏམ་ལ་མཉན་པར་དགའ་ཞེས་སྨྲས་པ༌དང༌། ཕེ་ཏི་ན༌རེ། དེས་ན་སང་ཉིན་ཁྱེད་ཀྱིས་ཀྱང་གསན་པར་འགྱུར་ཞེས་སྨྲས༌སོ།།   
\s1 ཕོལ་ལོལ་རྒྱལ་པོ་ཨག་རི་པཱའི་དྲུང་དུ་ཁྲིད༌པ།  
\p
\v 23 དེའི་ཕྱི༌ཉིན། ཨག་རི་པཱ་དང་པུར་ནེ་ཀེ་གཉིས་བརྗིད་ཉམས་ཆེན་པོའི་ངང་ནས་ཕེབས༌ཤིང༌། སྟོང་དཔོན་དང་གྲོང་ཁྱེར་གྱི་སྐུ་དྲག་རྣམས་དང་མཉམ་དུ་ཚོགས་ཁང་དུ་ཕྱིན་པ༌དང༌། ཕེ་ཏིས་བཀའ་བསྒྲགས་པ་དང་ཕོལ་ལོལ་ཁྲིད་ཡོང༌བ་རེད།  
\v 24 དེ་ནས་ཕེ་ཏི་ན༌རེ། འདིར་བཞུགས་པའི་རྒྱལ་པོ་ཨག་རི་པཱ་དང་སྐུ་ཞབས་རྣམ༌པ། ཁྱེད་ཅག་གིས་གཟིགས༌དང༌། མི་འདི་ནི་བདག་ལ་ཡ་ཧུ་དཱ་པ་ཐམས་ཅད་ཀྱིས་ཡེ་རུ་སཱ་ལེམ་དང་གནས་འདི་ནས་ཁོ་རང་གསོན་པོར་བསྐྱུར་མི་རུང་ཞེས་ནན་ཞུ་བྱས་ཤིང་འུར་བརྒྱབ་པ་དེ་ཡིན།  
\v 25 འོན༌ཀྱང༌། ངས་མི་འདིར་སྲོག་ཆད་གཅོད་འོས་པའི་ཉེས་པ་ཅི་ཡང་མ་རྙེད་པ༌དང༌། ཁོས་གོང་མ་རྒྱལ་པོ་ལ་གཏུག་བཤེར་ཞུ་རྒྱུ་ཡིན་ཞེས་སྨྲས༌པས། ངས་ཀྱང་ཁོ་རང་གོང་མ་རྒྱལ་པོའི་དྲུང་དུ་གཏོང་རྒྱུ་ཐག་གིས་བཅད་དོ།།  
\v 26 བདག་ལ་མི་འདིའི་སྐོར་གྱི་གནས་ཚུལ་གསལ་པོ་ཞིག་ཡི་གེར་བཀོད་ནས་བདག་གི་རྗེ་བོར་འབུལ་རྒྱུ་མེད༌པས། ཁོ་རང་ཁྱེད་རྣམས་དང་ལྷག་པར་རྒྱལ་པོ་ཨག་རི་པཱ་ཁྱེད་ཀྱི་དྲུང་དུ་ཁྲིད་ཡོང༌ཞིང༌། དེ་ནི་མི་འདི་ལ་འདྲི་གཅོད་བྱས་རྗེས་ཡར་ཞུ་བྱེད་བདེ་བའི་ཆེད་དུ༌ཡིན།  
\v 27 ངས་བལྟས་ན་བཙོན་པ་ཞིག་ལ་ཉེས་པ་ཅི་ཡོད་པ་མ་བསྟན་པར་གོང་མ་རྒྱལ་པོའི་དྲུང་དུ་འཁྲིད་པ་ནི་གནས་ལུགས་དང་མི་མཐུན་ཞེས་སྨྲས༌སོ།།   
\c 26
\cl ལེའུ་ཉེར་དྲུག༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 ཕོལ་ལོལ་གྱིས་རྒྱལ་པོ་ཨག་རི་པཱའི་དྲུང་དུ་རང་ལ་དག་འབུད་བྱས༌པ།  
\p
\v 1 དེ་ནས་ཨག་རི་པཱ་བྱ་བས་ཕོལ་ལོལ་ལ། ཁྱོད་ཀྱིས་རང་གི་རྒྱུ་མཚན་བཤད་ཆོག་ཅེས་སྨྲས་པ༌དང༌། ཕོལ་ལོལ་གྱིས་ལག་བརྡ་བྱེད་བཞིན་དག་འབུད་བྱེད་པའི་གཏམ་འདི་ལྟར་སྨྲས༌པ།  
\v 2 ཀྱེ། རྒྱལ་པོ་ཨག་རི་པཱ༌ལགས། ངས་དེ་རིང་གི་དུས་འདིར་ཡ་ཧུ་དཱ་པ་རྣམས་ཀྱིས་ང་རང་གཏུགས་པའི་དོན་དེ་ཐམས་ཅད་ཁྱེད་ཀྱི་དྲུང་དུ་དག་འབུད་བྱེད་ཐུབ་པ་ནི་དངོས་གནས་སྟབས་ལེགས༌པ་རེད།  
\v 3 དེ་ལས་ཀྱང་ཤིན་ཏུ་ལེགས་པ་ནི་ཁྱེད་ཀྱིས་ཡ་ཧུ་དཱ་པའི་ལུགས་སྲོལ་དང་ཁོ་རྣམས་ཀྱི་རྩོད་གླེང་གི་ནང་དོན་ཡང་རྟོགས་པས་ཁྱེད་ཀྱིས་ཐུགས་མི་སུན་པར་བདག་ལ་གསན་རོགས༌ཞུ།  
\v 4 ང་རང་ནི་ཆུང་དུས་ནས༌བཟུང༌། རང་ཡུལ་གྱི་མི་རྣམས་ཀྱི་ཁྲོད་དང་ཡེ་རུ་སཱ་ལེམ་དུ་སྤྱོད་ལམ་ག་འདྲ་ཡིན་པ་ཡ་ཧུ་དཱ་པ་ཐམས་ཅད་ཀྱིས་ཤེས༌པ་ཡིན།  
\v 5 གལ་ཏེ་ཁོ་རྣམས་ཀྱིས་བདེན་དཔང་བྱེད་འདོད༌ན། ང་ནི་སྔོན་ཆད་ངེད་ཅག་གི་ཆོས་ལུགས་ལྟར་ཆོས་ཁྲིམས་ཆེས་དམ་པོའི་ཕ་རུ་ཤི་པའི་གྲུབ་མཐའ་རུ་ཞུགས་མྱོང་བ་རྟོགས་སོ།།  
\v 6 ད་ལྟ་ངས་གནས་འདི་ནས་འདྲི་གཅོད་མྱོང་བ་ནི་དཀོན་མཆོག་གིས་བདག་ཅག་གི་ཕ་མེས་ལ་ཞལ་གྱིས་བཞེས་པར་རེ་སྨོན་བཅངས་པའི་ཕྱིར་ཡིན༌ཏེ།  
\v 7 ངེད་ཅག་ཚོ་པ་བཅུ་གཉིས་ཐམས་ཅད་ཀྱིས་ཉིན་མཚན་ཀུན་ཏུ་འབད་པ་ལྷུར་ལེན་སྒོས་དཀོན་མཆོག་ལ་བསྙེན་བཀུར་བྱས་ནས་ཞལ་བཞེས་དེ་འཐོབ་པར་རེ་སྨོན་བྱེད། རྒྱལ་པོ༌ལགས། ཡ་ཧུ་དཱ་པས་ང་རང་གཏུགས་པ་ནི་རེ་སྨོན་འདིའི་རྐྱེན་ཡིན།  
\v 8 དཀོན་མཆོག་གིས་གཤིན་པོ་རྣམས་སླར་གསོན་པར་མཛད་པའི་དོན་དེར་ཁྱོད་རྣམས་ཀྱིས་ཅིའི་ཕྱིར་ཡིད་རྟོན་མི་བྱེད་དམ།   
\p
\v 9 སྔོན་ཆད་ངས་ཀྱང་ཕྱོགས་གང་མང་ནས་ནཱ་ཙ་རེལ་གྱི་ཡེ་ཤུའི་མཚན་ལ་ངོ་རྒོལ་བྱ་འོས་པར་སྙམ༌ཞིང༌།  
\v 10 ཡེ་རུ་སཱ་ལེམ་དུའང་དེ་ལྟར་བྱས་མྱོང༌སྟེ། མཆོད་དཔོན་ཆེན་པོ་རྣམས་ལས་དབང་ཆ་ཐོབ་པ་དང་དད་ལྡན་དམ་པ་མང་པོ་བཙོན་དུ་བཅུག་ཅིང་དེ་རྣམས་དམར་གསོད་བྱེད་པ་ལའང་ཡིད་འཐད་བྱུང་བ༌ཡིན།  
\v 11 ངས་ཆོས་ཁང་སོ་སོ་ནས་ཐེངས་མང་པོར་ལུས་ཆད་བཅད་པ་དང་བཙན་ཤེད་ཀྱིས་དེ་རྣམས་ལ་གཙོ་བོ་ཡེ་ཤུར་སྐུར་འདེབས་ཀྱི་གཏམ་སྨྲ་བར་བསྐུལ་བ༌དང༌། ཡང་དད་ལྡན་དམ་པ་དེ་རྣམས་ལ་ཞེ་སྡང་གིས་སྤྱོས་ཤིང་ཕྱི་ཕྱོགས་ཀྱི་གྲོང་ཁྱེར་དག་ལ་དེད་ནས་སོང་མྱོང༌ངོ་།།  
\v 12 སྐབས༌དེར། ངས་མཆོད་དཔོན་ཆེན་པོ་རྣམས་ཀྱི་དབང་ཆ་དང་བཀའ་དང་དུ་བླངས་ཏེ་དཱ་མེ་སེག་ཏུ་སོང་བ༌ཡིན།  
\v 13 རྒྱལ་པོ་ལགས། ལམ་དུ་ཆས་པའི་ཉིན་གུང་གི་དུས༌སུ། ངས་ནམ་མཁའི་ཞིང་ཁམས་ནས་ཉི་མ་ལས་ཀྱང་ཤིན་ཏུ་གསལ་བའི་འོད་ཅིག་འཕྲོས་པ་མཐོང༌ཞིང༌། འོད་དེ་ང་དང་ངའི་ལམ་གྲོགས་རྣམས་ཀྱི་ཕྱོགས་བཞིར་ཤར་ཏོ།།  
\v 14 དེ་མ་ཐག་ངེད་རྣམས་ས་རུ་འགྱེལ་བ་དང་ཨིབ་རིའི་མི་རིགས་ཀྱི་སྐད་ཀྱིས་བདག་ལ་འདི་སྐད༌དུ། ཀྱེ། སོ༌ལོ། སོ་ལོ། ཁྱོད་ཀྱིས་བདག་ལ་གནོད་འཚེ་བྱེད་དོན་ཅི་ཡིན༌ནམ། དབྱུག་ལྕག་ལ་རྡོག་ཐོས་བརྒྱབ་ན་ཁྱོད་ཀྱིས་དཀའ་ཞེས་པའི་སྐད་སྒྲ་ཞིག་གྲགས་པ་ཐོས༌བྱུང་ངོ༌།།  
\v 15 དེ་ནས་ངས་གཙོ་བོ༌ལགས། ཁྱེད་རང་སུ་ཡིན་ནམ་ཞེས་ཞུས་པ༌ན། གཙོ་བོས་འདི་སྐད༌དུ། བདག་ནི་ཁྱོད་ཀྱིས་གནོད་འཚེ་བྱེད་བཞིན་པའི་ཡེ་ཤུ་ཡིན།  
\v 16 ཁྱོད་ཡར་ལངས་ནས་སྡོད༌ཅིག ང་རང་ཆེད་དུ་ཁྱོད་ལ་མངོན་པར་བྱེད༌དེ། ཁྱོད་ཀྱིས་བདག་ལ་ཞབས་ཕྱི་བྱེད་པ༌དང༌། ཁྱོད་ཀྱིས་མཐོང་བའི་དོན་འདི་དག༌དང༌། ངས་རྗེས་སུ་ཁྱོད་ལ་སྟོན་པར་འགྱུར་བའི་དོན་ཐམས་ཅད་ལ་བདེན་དཔང་བྱེད་པར་བསྐོ་བའི་ཕྱིར༌ཡིན།  
\v 17 ཡང་ངས་ཁྱོད་རང་ཡ་ཧུ་དཱ་པ་དང་ཕྱི་ཕྱོགས་པ་རྣམས་ཀྱི་ལག་ནས་སྐྱོབ་ཅིང༌། ད་ལྟ་མི་དེ་རྣམས་ཀྱི་གམ་དུ་མངག་པར་བྱ༌སྟེ།  
\v 18 ཁྱོད་ཀྱིས་མི་དེ་རྣམས་ཀྱི་མིག་འབྱེད་པའི་ཕྱིར༌རོ།། དེ་ནས་དེ་རྣམས་མུན་པ་ལས་འོད་སྣང་གི་ཕྱོགས་སུ་འཁོར་བ༌དང༌། བདུད་སཱ་ཏན་གྱི་དབང་འོག་ནས་དཀོན་མཆོག་གི་ཕྱོགས་སུ་བསྒྱུར་བ༌དང༌། སྡིག་པ་བསལ་བ༌དང༌། བདག་ལ་དད་པའི་སྒོ་ནས་དམ་པར་གྱུར་པའི་མི་རྣམས་དང་ལྷན་དུ་བགོ་སྐལ་འཐོབ་པར་འགྱུར་ཞེས་གསུངས་མྱོང་ངོ་།།   
\p
\v 19 རྒྱལ་པོ་ཨག་རི་པཱ༌ལགས། དེའི་ཕྱིར་ང་རང་ནམ་མཁའི་ཞིང་ཁམས་ལས་གནང་བའི་ཞལ་གཟིགས་དེ་དང་འགལ་མ་མྱོང༌།  
\v 20 ངས་ཐོག་མར་དཱ་མེ་སེག་དང༌། ཕྱིས་སུ་ཡེ་རུ་སཱ་ལེམ༌དང༌། ཡ་ཧུ་དཱའི་ཡུལ་ཐམས་ཅད༌དང༌། གཞན་ཡང་ཕྱི་ཕྱོགས་པ་རྣམས་ལ་ཆོས་བསྒྲགས༌ཏེ། དེ་རྣམས་ཀྱིས་འགྱོད་བཤགས་བྱེད་དགོས་པ་དང་རང་སེམས་དཀོན་མཆོག་གི་ཕྱོགས་སུ་འཁོར་བ༌དང༌། འགྱོད་བཤགས་ཀྱི་སེམས་དང་མཐུན་པའི་ལས་བྱེད་པར་བསྐུལ་ཏོ།།  
\v 21 དེའི༌ཕྱིར། ཡ་ཧུ་དཱ་པ་རྣམས་ཀྱིས་ང་རང་མཆོད་ཁང་གི་ནང་དུ་སྡོད་དུས་བཟུང་ནས་གསོད་པར་བརྩམས་མོད།  
\v 22 འོན༌ཀྱང༌། དཀོན་མཆོག་གིས་ང་རང་སྐྱབས་སུ་བཟུང་བས་དེ་རིང་གི་བར་དུ་བདག་ནི་གསོན་པོར་བསྡད་ཡོད་པ་དང་མི་མཐོ་དམན་རྒན་གཞོན་ཀུན་ལ་བདེན་དཔང་བྱེད་པ༌ཡིན། ངས་ལུང་སྟོན་པ་རྣམས་དང་མོ་ཤེ་ཡིས་གསུངས་པ་ལྟར་རྗེས་སུ་འབྱུང་ངེས་པའི་དོན་དེ་ཁོ་ན་སྨྲས་པ་ཡིན༌ལ།  
\v 23 དེ་ནི་སྐྱབས་མགོན་མཱ་ཤི་ཀས་སྡུག་བསྔལ་མྱང་དགོས་པ་དང་ཁོང་ནི་གྲོངས་པ་ནས་སླར་གསོན་པའི་ཐོག་མའང་ཡིན༌ཏེ། འོད་ཟེར་དང་ལྡན་པའི་བཀའ་དེ་ཡ་ཧུ་དཱ་པ་དང་ཕྱི་ཕྱོགས་པ་རྣམས་ལ་སྒྲོག་པར་འགྱུར་བ་དེ་ཡིན་ཞེས་གསུངས༌སོ།།   
\p
\v 24 དེ་ནས་ཕོལ་ལོལ་གྱིས་དེ་ལྟར་དག་འབུད་བྱས་པ༌ལ། ཕེ་ཏིས་སྐད་ཆེན༌པོས། ཕོལ་ལོལ་ཁྱོད་རང་སྨྱོས་པ་མིན༌ནམ། ཁྱོད་ལ་ཡོན་ཏན་མང་དྲགས་པས་ཁྱོད་རང་སྨྱོས་པ་རེད་ཅེས་སྨྲས་པ༌དང༌།  
\v 25 ཡང་ཕོལ་ལོལ་གྱིས་འདི་སྐད༌དུ། གུས་པར་འོས་པའི་སྤྱི་དཔོན་ཕེ་ཏི༌ལགས། ང་རང་སྨྱོས་པ་མིན༌ཏེ། ངས་བདེན་གཏམ་གསལ་པོར་སྨྲས་པ་ཡིན།  
\v 26 རྒྱལ་པོ་ཁོང་གིས་ཀྱང་དོན་འདི་དག་རྟོགས་པས་ངས་སྙིང་སྟོབས་བསྐྱེད་ནས་འཛེམ་བག་མེད་པར་ཁོང་ལ་ཞུས་པ༌ཡིན། དོན་འདི་ཐམས་ཅད་ལྐོག་ཏུ་བསྒྲུབས་པ་མ་ཡིན་པས་རྒྱལ་པོ་ཁོང་ལ་སྦ་གསང་བྱས་པ་གཅིག་ཀྱང་མེད་པར་ང་རང་ཡིད་ཆེས༌ཟབ་མོ་ཡོད།  
\v 27 རྒྱལ་པོ་ཨག་རི་པཱ༌ལགས། ཁྱེད་རང་ལུང་སྟོན་པ་རྣམས་ལ་ཡིད་ཆེས༌སམ། ཁྱེད་རང་ཡིད་ཆེས་པ་བདག་གིས་ཤེས་ཞེས་གསུངས༌སོ།།  
\v 28 ཡང་ཨག་རི་པཱ་ན༌རེ། ཁྱོད་ཀྱིས་དུས་ཐུང་ངུ་ལ་བསྐུལ་བ་ཙམ་གྱིས་ང་རང་མཱ་ཤི་ཀ་པ་ཞིག་ཏུ་འགྱུར་འདོད་དམ་ཞེས་སྨྲས་པ༌ལ།  
\v 29 ཡང་ཕོལ་ལོལ་གྱིས་འདི་སྐད༌དུ། དུས་རིང་ཐུང་ཅི་ཙམ་ལ་བསྐུལ་ནའང་བདག་གིས་དཀོན་མཆོག་ལ་གསོལ་བ་འདེབས་པ་ནི་ཁྱེད་ཁོ་ནའི་ཆེད་དུ་མ་ཡིན༌པར། དེ་རིང་བདག་གི་གཏམ་ལ་ཉན་པ་ཐམས་ཅད་ཀྱི་ཆེད་དུ་ཡིན༌ཏེ། ཁྱོད་རྣམས་ལ་བདག་ལྟར་དུ་ལྕགས་སྒྲོག་མི་རྒྱག་པ་ལས་གཞན། བདག་དང་འདྲ་བར་གྱུར་ཅིག་ཅེས་གསུངས༌སོ།།   
\p
\v 30 དེ་ནས་ས་གནས་རྒྱལ་པོ་དང་སྤྱི་དཔོན། གཞན་ཡང་པུར་ནེ་ཀེ་དང་མཉམ་དུ་སྡོད་པའི་མི་ཐམས་ཅད་ཡར་ལངས༌ཏེ།  
\v 31 ཟུར་དུ་བུད་ནས་ཕན་ཚུན་ན༌རེ། མི་འདིས་བཙོན་དུ་སྦྱོར་བ་དང་གསོད་དགོས་པའི་ཉེས་པ་གང་ཡང་བྱས་མེད་ཅེས་སྨྲས་སོ།།  
\v 32 དེ་ནས་ཨག་རི་པཱ་བྱ་བས་ཕེ་ཏི་ལ་འདི་ལྟར༌སྨྲས་པ། གལ་ཏེ་མི་འདིས་སེ་བཟིར་ལ་གཏུག་བཤེར་མ་ཞུས་ན་བཙོན་གྲོལ་བཏང་ཆོག་ཅེས་པའོ།།   
\c 27
\cl ལེའུ་ཉེར་བདུན༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 ཕོལ་ལོལ་ཁོང་ཉིད་རོ་མཱ་གྲོང་ཁྱེར་དུ་ཁྲིད༌པ།  
\p
\v 1 དེ་ནས་ཕེ་ཏི་ཡིས་ངེད་རྣམས་གྲུ་གཟིངས་ལ་བསྡད་ནས་ཨི་ཏ་ལི་ཡུལ་དུ་འགྲོ་རུ་འཇུག་པར་ཐག་གིས་བཅད་པ༌ན། ཕོལ་ལོལ་དང་བཙོན་པ་གཞན་རྣམས་སེ་བཟིར་རྒྱལ་པོའི་དམག་དཔུང་གི་བརྒྱ་དཔོན་ཡུ་ལི་ཞེས་པ་ལ་སྤྲད་དོ།།  
\v 2 དེ་ཡང་ཨ་དྲ་མིད་ཅེས་པའི་གྲུ་ཁ་ནས་ཡོང་བའི་གྲུ་གཟིངས་ཤིག་ཨེ་ཞི་ཡཱ་ཡུལ་གྱི་མཚོ་འགྲམ་གྱི་གནས་རྣམས་བརྒྱུད་ནས་བསྐྱོད་པ༌ལ། ངེད་རྣམས་ཀྱང་གྲུ་དེར་བསྡད་ནས་འགྲོ་བར་བརྩམས་ཤིང་མ་ཀེ་དོན་ཡཱ་ཡུལ་གྱི་ཐེ་སཱ་ལོ་ནེ་ཀེ་གྲོང་ཁྱེར་གྱི་ཨ་རི་སྟར་ཀུའང་ངེད་ཅག་དང་མཉམ་དུ་ཕྱིན་ཏོ།།  
\v 3 དེའི་ཕྱི༌ཉིན། ཚི་ཏུན་དུ་སླེབས་པ་དང་ཡུ་ལི་བྱ་བས་ཕོལ་ལོལ་གུ་ཡངས་བཏང༌སྟེ། ཁོང་ཉིད་རང་གི་གྲོགས་པོའི་གམ་དུ་བདག་སྐྱོང་འཐོབ་པའི་ཕྱིར་འགྲོ་ཆོག་པར་བྱས་པ་ཡིན།  
\v 4 ཡང་དེ་ནས་གྲུ་གཟིངས་ལ་བསྡད་དེ་འགྲོ་བར་བརྩམས་པ༌ལ། ལྡོག་རླུང་དང་ཕྲད་པས་ཀིབ་རིས་ཀྱི་མཚོ་སྐྱིབས་བརྒྱུད་ནས་སོང༌ངོ་།།  
\v 5 དེ་ནས་ཀི་ལིག་ཡཱ་དང་ཕཱམ་ཕིལ་ཡ་ཡུལ་གཉིས་ཀྱི་མདུན་ཕྱོགས་ཀྱི་རྒྱ་མཚོ་བརྒལ་ནས་ལིག་ཡཱ་ཡུལ་གྱི་མུ་ར་བྱ་བར་སླེབས༌ཤིང༌།  
\v 6 གནས་དེ་ནས་བརྒྱ་དཔོན་གྱིས་ཨི་ཏ་ལི་ཡུལ་དུ་འགྲོ་བའི་ཨ་ལིག་སན་དྲི་ཡཱ་ཡི་གྲུ་གཟིངས་ཤིག་རྙེད་ཅིང་ངེད་རྣམས་ཀྱང་གྲུ་དེར་སྡོད་དུ་བཅུག་གོ།  
\v 7 དེ་ནས་ཉིན་མང་པོར་གྲུ་གཟིངས་དལ་གྱིས་བསྐྱོད་ཅིང་དཀའ་ཚེགས་ཀྱི་ངང་ནས་ཀེ་ནེ་ཏི་ཡི་མདུན་ཕྱོགས་སུ་སླེབས་པ༌དང༌། ཡང་མཚོ་རླུང་གི་བཀག་རྒྱ་ཐེབས་ཏེ་མདུན་དུ་འགྲོ་མ་ནུས༌པས། ཀཱ་རེ་ཏ་གླིང་ཕྲན་གྱི་མཚོ་སྐྱིབས་བརྒྱུད་ནས་སོང་བ༌དང་། སཱལ་མོ་ནེ་ཕར་ཕྱོགས་སུ་སྐྱོད་ཅིང་།  
\v 8 ངེད་རྣམས་ཀྱང་དཀའ་ཚེགས་ངང་མཚོ་འགྲམ་བརྒྱུད་ནས་སོང་བ༌དང༌། གྲོང་ཁྱེར་ལཱ་ས་ཡ་དང་ཉེ་བའི་བདེ་ཅན་ཞེས་པའི་གྲུ་ཁར་སླེབས་སོ།།   
\p
\v 9 དེ་ལྟར་དུས་ཡུན་རིང་པོ་འགོར་བ་དང་སྨྱུང་གནས་དུས་ཆེན་གྱི་ཉིན་ཡང་སྔར་ནས་བརྒལ་བ༌དང༌། གྲུ་གཟིངས་བསྐྱོད་པ་ལའང་ཉེན་ཁ་ཡོད་པས་ཕོལ་ལོལ་གྱིས་མི་རྣམས་ལ་འདི་ལྟར་བསྐུལ་བ་སྟེ།  
\v 10 རྣམ་པ་ཚོ། ཐེངས་འདིར་གྲུ་གཟིངས་བསྐྱོད་པ་ལ་ཉེན་ཁ་ཆེ༌སྟེ། ཚོང་རྫས་དང་གྲུ་གཟིངས་ལ་གྱོང་གུད་དང་གཏོར་བཤིག་ཐེབས་ངེས༌ཤིང༌། ཐ་ན་བདག་ཅག་གི་ཚེ་སྲོག་ལའང་བར་ཆད་འབྱུང་ངེས་པར་བསམ་ཞེས་སྨྲས༌མོད།  
\v 11 འོན་ཀྱང་བརྒྱ་དཔོན་ནི་གྲུ་གཟིངས་གཏོང་མཁན་དང་གྲུ་བདག་ལ་ཡིད་ཆེས་པ་ལས་ཕོལ་ལོལ་གྱི་གསུང་ལ་ཡིད་མ་ཆེས།  
\v 12 གྲུ་ཁ་འདི་ནས་དགུན་བསྐྱལ་ན་མི་ལེགས་པས་གྲུ་གཟིངས་ནང་གི་མི་མང་ཤོས་ན༌རེ། ཅི་ལྕོགས་ཀྱིས་གནས་འདི་དང་ཁ་བྲལ་ནས་ཕེ་ནིག་ཅེས་པའི་གྲུ་ཁར་སོང་ན་ལེགས་ཞེས་གཏམ༌སྨྲས། ཕེ་ནིག་ཅེས་པ་ནི་ཀཱ་རེ་ཏ་ཡི་གྲུ་ཁ་ཞིག་སྟེ་སྣེ་མོ་གཅིག་ནི་ལྷོ་ནུབ་ཀྱི་མཚམས་དང་གཅིག་ནི་ནུབ་བྱང་གི་ཕྱོགས་སུ་འཁོར་ཡོད༌དོ།།   
\s1 རླུང་ཆེན་ལ་ཕྲད་པའི༌ཚུལ།  
\p
\v 13 དུས༌དེར། ལྷོ་རླུང་དལ་གྱིས་ལྡང་བ་དང་ཁོ་རྣམས་ཀྱིས་བསམ་དོན་གྲུབ་བོ་སྙམ༌སྟེ། གཏིང་རྡོ་བླངས་ནས་ཀཱ་རེ་ཏ་ཡི་ཉེ་སར་འགྲོ་བཞིན་ཡོད་དོ།།  
\v 14 དེ་ནས་ཅང་མ་འགོར་བར་གླིང་ཕྲན་གྱི་ངོས་ནས་ཨེའུ་ར་ཀི་ལོ་ཞེས་པའི་ཤར་བྱང་གི་དྲག་རླུང་གཡུགས་སོ།།  
\v 15 ཡང་གྲུ་གཟིངས་རླུང་ཆེན་དྲག་པོའི་དབང་དུ་སོང་བ༌དང༌། རླུང་གི་ཕྱོགས་སུ་གྲུ་ལ་ཁ་ལོ་བསྒྱུར་མ་ནུས་པས་རླུང་གིས་གང་སར་དེད་དོ།།  
\v 16 དེ་ནས་ཀོ་ཏཱ་ཞེས་པའི་གླིང་ཕྲན་ཆུང་ངུ་ཞིག་གི་མཚོ་སྐྱིབས་སུ་ཁུར་ཞིང་། གྲུ་གཟིངས་ཀྱི་རྗེས་སུ་དྲུད་པའི་གྲུ་ཆུང་ཡང་དཀའ་ཚེགས་ངང་འཛིན་ཐུབ་པ་བྱུང་།  
\v 17 གྲུ་ཆུང་བླངས་པའི་རྗེས་སུ་གྲུ་ཆེན་གྱི་ཞབས་ཐག་པས་བསྡམས་པ༌དང༌། ཡང་སིར་ཏི་ཞེས་པའི་མཚོ་ཞབས་ཀྱི་བྱེ་འདམ་དུ་གྲུ་གཟིངས་ཟུག་པར་དོགས་ནས་གཡོར་མོ་མར་ཕབ་སྟེ་གྲུ་གཟིངས་གང་སར་བསྐྱོད་དུ་བཅུག་གོ།  
\v 18 དེའི་ཕྱི༌ཉིན། རླུང་ཆེན་དྲག་པོས་གྲུ་གཟིངས་ཡོམ་ཡོམ་དུ་གཡུགས༌པས། མི་རྣམས་ཀྱིས་ཚོང་རྫས་མཚོ་ནང་དུ་འཕང་བར་བརྩམས་པ༌དང༌།  
\v 19 ཉིན་གསུམ་པར་ཡང་ཁོ་རྣམས་ཀྱིས་གྲུ་གཟིངས་སྟེང་གི་ཡོ་བྱད་རྣམས་ཀྱང་དངོས་སུ་མཚོ་ནང་དུ་འཕངས་སོ།།  
\v 20 དེ་ལྟར་ཉི་མ་དང་སྐར་མ་མ་མཐོང་བར་ཉིན་མང་པོ་འགོར་བ་དང་རླུང་འཚུབ་དྲག་པོས་ཀྱང་ངེད་རྣམས་སྡུག་ལ་སྦྱར་བས་སྲོག་ཐར་བའི་རེ་བ་ཡོངས་སུ་ཟད་དོ།།   
\p
\v 21 དེ་ནས་མི་རྣམས་ཀྱིས་ཉིན་མང་པོར་བཟའ་བཏུང་ཡང་སྤྱད་མེད༌པས། ཕོལ་ལོལ་དེ་དག་གི་དཀྱིལ་ནས་ཡར་ལངས་ཏེ་འདི་སྐད༌དུ། རྣམ་པ་ཚོ། ཁྱོད་རྣམས་ཀྱིས་སྔར་ནས་བདག་གི་གཏམ་ལ་མཉན༌ཏེ། ཀཱ་རེ་ཏ་རུ་བསྡད་པ་ཡིན་ན་འདི་ལྟ་བུའི་གྱོང་གུད་དང་གཏོར་བཤིག་བྱུང་མེད་དོ།།  
\v 22 ངས་ད་ལྟའང་ཁྱོད་རྣམས་ཀྱི་སེམས་བདེ་བར་བསྐུལ༌ཏེ། གྲུ་གཟིངས་ཁོ་ན་མ་གཏོགས་ཁྱོད་རྣམས་ཀྱི་ཚེ་སྲོག་གཅིག་ཀྱང་འཆོར་བར་མི་འགྱུར།  
\v 23 ཅིའི་ཕྱིར་ཞེ་ན། བདག་ནི་དཀོན་མཆོག་ལ་གཏོགས་པ་དང་ངས་ཁོང་ལ་བསྙེན་བཀུར་བྱེད༌ཅིང༌། ཁོང་གི་ཕོ་ཉ་ཞིག་མདང་དགོང་བདག་གི་གམ་དུ་ཕེབས་ཏེ་འདི་སྐད༌དུ།  
\v 24 ཕོལ་ལོལ་ཁྱོད་རང་འཇིགས་མི་དགོས༌ཏེ། ཁྱོད་རང་ཅིས་ཀྱང་སེ་བཟིར་གྱི་མདུན་དུ་ལངས་དགོས་པ་ཡིན། ལྟོས༌དང༌། ཁྱོད་དང་མཉམ་དུ་གྲུ་གཟིངས་ནང་དུ་ཡོད་པའི་མི་ཐམས་ཅད་ཀྱང་དཀོན་མཆོག་གིས་སྐྱོབ་པར་མཛད་ཅེས་གསུངས་པའི་ཕྱིར༌རོ།།  
\v 25 དེའི༌ཕྱིར། ཁྱོད་རྣམས་ཀྱི་སེམས་བདེ་བར༌གྱིས། དཀོན་མཆོག་གིས་བདག་ལ་ཇི་ལྟར་གསུངས་པ་དེ་ལྟར་འགྲུབ་པར་མཛད་པ་ལ་ང་རང་ཡིད་ཆེས༌པ་ཡིན།  
\v 26 འོན༌ཀྱང༌། བདག་ཅག་གི་གྲུ་འདི་ངེས་པར་གླིང་ཕྲན་ཞིག་ལ་ཐོགས་པར་འགྱུར་ཞེས་གསུངས༌སོ།།   
\s1 གྲུ་གཟིངས་ཆག་གྲུམ་བྱུང་བ།  
\p
\v 27 རླུང་ཆེན་གཡུགས་ནས་ཉིན་བཅུ་བཞི་པའི་མཚན་མོ་དེར་གྲུ་གཟིངས་ཀྱང་ཨ་དྲི་ཡཱ་རྒྱ་མཚོའི་སྟེང་ནས་ཡོམ་ཡོམ་དུ་འགུལ་ཏོ།། ནམ་ཕྱེད་ཙམ་ལ་གྲུ་པ་དག་གིས་སྐམ་ས་དང་ཉེ་བར་སླེབས་པ་རེད་སྙམ༌སྟེ།  
\v 28 རྒྱ་མཚོའི་ཟབ་ཚད་འཇལ་བ་ན་འདོམ་ཉི་ཤུ་ཡོད་པ༌དང༌། ཡང་གྲུ་གཟིངས་ཅུང་ཙམ་མདུན་དུ་བསྐྱོད་པ་དང་ཟབ་ཚད་འཇལ་བ་ན་འདོམ་བཅོ་ལྔ་ཡོད་པ་ཤེས༌ཏེ།  
\v 29 གྲུ་གཟིངས་རྡོ་ཕ་བོང་ལ་ཐོགས་པར་འཇིགས་ཏེ་གྲུའི་མཇུག་ནས་གཏིང་རྡོ་བཞི་མཚོ་ནང་དུ་འཕངས་རྗེས་ནམ་ལངས་པར་རེ་སྒུག་བྱས་སོ།།  
\v 30 དེ་ནས་གྲུ་པ་རྣམས་གྲུ་གཟིངས་ལས་འབྲོ་བར་བསམས༌ཏེ། གྲུ་ཆུང་ཞིག་མཚོ་ནང་དུ་དཔྱངས་པ་དང་གྲུའི་མགོ་ནས་ཀྱང་གཏིང་རྡོ་འགའ་འཕེན་ཁུལ་བྱས་པ༌ལ།  
\v 31 ཕོལ་ལོལ་གྱིས་བརྒྱ་དཔོན་དང་དམག་མི་རྣམས་ལ་འདི་སྐད༌དུ། གལ་ཏེ་མི་འདི་རྣམས་གྲུ་གཟིངས་ཀྱི་སྟེང་ནས་མ་བསྡད༌ན། ཁྱོད་ཅག་སུ་ཡིན་ཡང་ཉེན་ཁ་ལས་ཐར་མི་ཐུབ་ཅེས་གསུངས༌པས།  
\v 32 དམག་མི་རྣམས་ཀྱིས་གྲུ་ཆུང་གི་ཐག་པ་བཅད་དེ་ཆུར་བཏང༌ངོ༌།།   
\p
\v 33 དེ་ནས་སྐྱ་རེངས་ཤར་བའི་དུས༌སུ། ཕོལ་ལོལ་གྱིས་མི་ཀུན་ལ་བཟའ་བཏུང་སྤྱོད་འོས་ཚུལ་འདི་ལྟར་བསྐུལ་བ་སྟེ། ཁྱོད་རྣམས་བཀྲེས་ཤིང་ལྟོགས་ནའང་སེམས་ཁྲལ་བྱས་ནས་བཟའ་བཏུང་མ་སྤྱད་པར་ཉིན་བཅུ་བཞི་སོང༌།  
\v 34 དེའི༌ཕྱིར། ངས་ཁྱོད་རྣམས་ལ་བཟའ་བཏུང་སྤྱོད་པར་བསྐུལ༌ཏེ། འདི་ནི་ཁྱོད་ཅག་གི་སྲོག་སྐྱོབ་པའི་ཕྱིར་ཡིན། རྒྱུ་མཚན་ནི་ཁྱོད་ཅག་གི་སྐྲའི་ཉག་མ་གཅིག་ལའང་གནོད་པ་མི་འབྱུང་ཞེས་གསུངས་སོ།།  
\v 35 ཕོལ་ལོལ་གྱིས་དེ་སྐད་གསུངས་པ་དང་བག་ལེབ་ཅིག་བླངས་ཏེ། མི་རྣམས་ཀྱི་མདུན་ནས་དཀོན་མཆོག་ལ་བཀའ་དྲིན་ཞུས་ཤིང་དུམ་བུར་བྱས་ནས་ཟོས་པ༌དང༌།  
\v 36 མི་ཐམས་ཅད་ཀྱང་སེམས་བདེ་བར་གྱུར་ཏེ་བག་ལེབ་ཟོས།  
\v 37 ངེད་ཅག་གི་གྲུ་གཟིངས་ནང་དུ་བསྡོམས་པས་མི་ཉིས་བརྒྱ་དང་བདུན་ཅུ་དོན་དྲུག་ཡོད༌ཅིང༌།  
\v 38 ཁོ་རྣམས་ཀྱི་ལྟོ་བ་འགྲངས་རྗེས་གྲུ་གཟིངས་ཇེ་ཡང་དུ་གཏོང༌ཆེད། གྲུ་གཟིངས་ནང་གི་གྲོ་ནི་རྒྱ་མཚོའི་ནང་དུ་འཕངས་སོ།།  
\v 39 དེ་ནས་ནམ་ལངས་པ་ན་ཁོ་རྣམས་ཀྱིས་གནས་དེ་གང་ཡིན་མ་ཤེས་ཀྱང་བྱེ་མ་ཡོད་པའི་མཚོ་ཁུག་ཅིག་མཐོང་བ༌དང༌། གྲུ་གཟིངས་དེ་རུ་བསྐྱོད་ཐུབ་མིན་ལ་བལྟ་བར་གྲོས་བྱས་ཏེ་ཐག་བཅད་དོ།།  
\v 40 དེ་ནས་གཏིང་རྡོ་དག་བཀྲོལ་ནས་མཚོ་ནང་དུ་བསྐྱུར་བ་དང་མཉམ༌དུ། གྲུ་སྐྱའི་ཐག་པ་ལྷོད་ཅིང་གཡོར་མོ་བསྒྲེངས་ཏེ་རླུང་དང་བསྟུན་ནས་མཚོ་འགྲམ་གྱི་ཕྱོགས་སུ་བསྐྱོད་དོ།།  
\v 41 འོན༌ཀྱང༌། གློ་བུར་ཉིད་ལ་ཆུ་འཁོར་གཉིས་ཀྱི་བར་དུ་གྲུ་གཟིངས་བྱེ་འདམ་ནང་དུ་ཟུག་སྟེ། གྲུ་མགོ་འགུལ་རྒྱུ་མེད་པར་གྱུར་ཅིང་གྲུ་མཇུག་མཚོ་རླབས་དྲག་པོས་གཏོར་བའོ།།  
\v 42 དེ་ནས་བཙོན་པ་རྣམས་ཆུ་ལ་རྐྱལ་ནས་འབྲོ་བར་དོགས་ཏེ་དམག་མི་རྣམས་ཀྱིས་དེ་དག་གསོད་དགོས་པར་སྙམ་མོད།  
\v 43 འོན༌ཀྱང༌། བརྒྱ་དཔོན་གྱིས་ཕོལ་ལོལ་སྐྱོབ་བསམས་ནས་དམག་མི་དག་གི་ལྟ་ཚུལ་བཀག་སྟེ། ཆུ་ལ་རྐྱལ་ཤེས་པ་རྣམས་སྔོན་ལ་ཆུའི་ནང་དུ་མཆོངས་ནས་སྐམ་སར་འགྲོ་བ༌དང༌།  
\v 44 གཞན་རྣམས་ཤིང་ལེབ་དང་གྲུའི་སྟེང་གི་བཀོལ་ཐུབ་པའི་དངོས་པོ་རྩག་རྩིག་ལ་བརྟེན་ནས་སྐམ་སར་འགྲོ་དགོས་པའི་བཀའ་གནང༌བས། ངེད་ཐམས་ཅད་དེ་ལྟར་ཉེན་ཁ་ལས་ཐར་ཏེ་སྐམ་སར་སོང༌ངོ༌།།   
\c 28
\cl ལེའུ་ཉེར་བརྒྱད༌པ། 
\toc1 ༄༅། །སྐུ་ཚབ་པ་རྣམས་ཀྱི་མཛད་འཕྲིན། 
\toc2 མཛད་འཕྲིན། 
\s1 ཕོལ་ལོལ་དང་བཅས་པ་མཱལ་ཏ་གླིང་ཕྲན་དུ་འབྱོར༌བ།  
\p
\v 1 ངེད་རྣམས་ཉེན་ཁ་ལས་ཐར་བ་དང་ད་གཟོད་གླིང་ཕྲན་དེའི་མིང་ལ་མཱལ་ཏ་ཞེས་ཟེར་བ་ཤེས་སོ།།  
\v 2 གླིང་ཕྲན་དེའི་ཡུལ་མི་རྣམས་ཀྱིས་ངེད་ཅག་ལ་དགའ་བསུ་ཆེན་པོ༌བྱས་ཤིང་། དུས༌དེར། ཆར་བ་བབས་པ་དང་གནམ་གཤིས་ཀྱང་འཁྱགས་པས་མི་དེ་རྣམས་ཀྱིས་མེ་སྦར་ནས་ངེད་ཅག་ལ་སྣེ་ལེན་བྱས་སོ།།  
\v 3 སྐབས༌དེར། ཕོལ་ལོལ་གྱིས་མེ་ཤིང་ཕོན་པོ་ཞིག་བླངས་ནས་མེའི་སྟེང་དུ་བཞག་པ་དང་། དུག་སྦྲུལ་ཞིག་ཚ་བས་མ་བཟོད་པར་ཕྱིར་ཐོན་ཏེ་ཁོང་གི་ཕྱག་ལ་སོ་བཏབ་ནས་འབྱར་བ་རེད།  
\v 4 ཡུལ་མི་རྣམས་ཀྱིས་དུག་སྦྲུལ་དེ་ཁོང་གི་ཕྱག་ནས་མར་དཔྱངས་ཡོད་པ་མཐོང་སྟེ་ཕན་ཚུན་ན༌རེ། མི་འདི་ནི་ལག་དམར་ཞིག་ཡིན་པར་གདོན་མི་ཟ༌སྟེ། ཁོ་རང་རྒྱ་མཚོ་ལས་ཐར་ནའང་བདེན་ལུགས་ཀྱིས་ཁོ་རང་གསོན་དུ་མི་འཇུག་ཅེས་སྨྲས་སོ།།  
\v 5 འོན༌ཀྱང༌། ཕོལ་ལོལ་གྱིས་དུག་སྦྲུལ་དེ་མེའི་ནང་དུ་གཡུགས་ཤིང་རང་ལ་གནོད་པ་ཅི་ཡང་མ་བྱུང༌བ་རེད།  
\v 6 ཡུལ་མི་རྣམས་ཀྱིས་ཁོང་གི་ལུས་པོ་སྐྲངས༌པའམ། ཡང་ན་གློ་བུར་ས་ལ་འགྱེལ་ནས་འཆི་ངེས་པར་སྙམ༌ཞིང༌། ཡུན་རིང་ལ་བལྟས་ཀྱང་ཁོང་ལ་གནོད་པ་ཅི་ཡང་མེད་པ་མཐོང༌རྗེས། བློ་འགྱུར་ནས་ཁོང་ནི་ལྷ་ཞིག་རེད་ཅེས་སྨྲས་སོ།།  
\v 7 གནས་དེ་དང་ཐག་མི་རིང་བའི་སར། གླིང་ཕྲན་འདིའི་འགོ་དཔོན་ཕུབ་ལེ་ཨོ་བྱ་བའི་ས་ཞིང་ཞིག་ཡོད༌ཅིང༌། ཁོས་ངེད་ཅག་བསུས་ཏེ་ཉིན་གསུམ་ལ་སྣེ་ལེན་གཟབ་རྒྱས་བྱས།  
\v 8 དུས༌དེར། ཕུབ་ལེ་ཨོ་ཡི་ཕ་ལ་ཚ་ནད་དང་བཤལ་ནད་བྱུང་སྟེ་ཉལ་ཡོད༌པས། ཕོལ་ལོལ་ཁྱིམ་ནང་དུ་ཕེབས་ནས་དཀོན་མཆོག་ལ་གསོལ་བ་བཏབ༌ཅིང༌། ཁོའི་ལུས་ལ་ཕྱག་ཟུང་བཞག་སྟེ་ནད་གསོས་སོ།།  
\v 9 དེ་ནས་གླིང་ཕྲན་སྟེང་གི་ནད་པ་གཞན་རྣམས་ཀྱང་ཡོང་བ་དང་ནད་ལས་ཐར་བ་རེད།  
\v 10 མི་དེ་རྣམས་ཀྱིས་གང་ཅིའི་ཐད་ནས་ངེད་ཅག་ལ་གུས་པ་བྱས་ཤིང༌། གྲུ་གཟིངས་སྐྱོད་རན་པའི་དུས་སུའང་ངེད་ཅག་ལ་མཁོ་བ་ཐམས་ཅད་གྲུའི་ནང་དུ་བསྐྱལ་ཡོང༌ངོ༌།།   
\s1 རོ་མཱ་གྲོང་ཁྱེར་དུ་སླེབས༌པ།  
\p
\v 11 དེ་ནས་ཟླ་བ་གསུམ་འགོར༌རྗེས། ངེད་རྣམས་ཨ་ལིག་སན་དྲི་ཡཱ་ཡི་གྲུ་གཟིངས་ལ་བསྡད་དེ་སོང་བ་ཡིན། གྲུ་དེའི་གྲུ་མགོར་ལྷའི་བུ་མཚེ་མ་ \f + \ft འདིར་བརྗོད་པའི་ལྷའི་བུ་མཚེ་མ་ཞེས་པ་ནི་མ་ཕྱི་ལས་ཏོའོ་སི་ཀེའོ་ཞེས་མཐོང་། དེ་ནི་གནའ་བོའི་གྷི་རིག་པའི་ལྷ་སྒྲུང་ནང་གི་ལྷ་ཆེན་པོ་བཟོའུ་ཟི་ཞེས་བྱ་བའི་བུ་མཚེ་མ་སྟེ་ཁཱ་སི་དིར་དང་ཕོལ་ལག་གཉིས་ཡིན། \f*ཞེས་པའི་རྟགས་བཀོད༌ཡོད། དགུན་ཁར་གྲུ་གཟིངས་དེ་གླིང་ཕྲན་འདི་རུ་བསྡད་ཅིང་།  
\v 12 དེ་ནས་སི་ར་ཀུར་སླེབས་ནས་ཉིན་གསུམ་ལ་བསྡད་དོ།།  
\v 13 ཡང་དེ་ནས་མཚོ་ལམ་བརྒྱུད་དེ་རཱ་ག་ཨུམ་དུ་སླེབས་ནས་ཉིན་གཅིག་ལ་བསྡད་པ་དང་ལྷོ་རླུང་གཡུགས༌པས། དེའི་ཕྱི༌ཉིན་ཕུ་ཏོ་ལེ་རུ་ཕྱིན་པ་རེད།  
\v 14 གནས་དེར་སྤུན་ཟླ་རྣམས་དང་ཕྲད་ཅིང་ཁོ་རྣམས་ཀྱི་གདན་ཞུ༌ལྟར། ངེད་རྣམས་ཉིན་བདུན་ལ་ཁོ་རྣམས་དང་མཉམ་དུ་བསྡད་རྗེས་རོ་མཱ་ཡི་ལམ་ལ་ཆས་སོ།།  
\v 15 དེ་ནས་རོ་མཱ་ཡི་སྤུན་ཟླ་རྣམས་ཀྱིས་ངེད་ཅག་གི་གནས་ཚུལ་ཐོས༌ཏེ། ཨ་ཕེ་ཨོ་ཁྲོམ་ར་དང་མགྲོན་ཁང་གསུམ་ཞེས་པའི་གནས་སུ་ཡོང་ནས་ངེད་ཅག་ལ་བསུ་བ་བྱས། དེ་ནས་ཕོལ་ལོལ་གྱིས་མི་དེ་རྣམས་མཐོང་སྟེ་དཀོན་མཆོག་ལ་བཀའ་དྲིན་ཞུས་པ་དང་བློ་སེམས་བདེ་ཞིང་སྤོབས་པ་དང་ལྡན་པར་གྱུར་ཏོ།།  
\v 16 དེ་ནས་རོ་མཱ་གྲོང་ཁྱེར་དུ་སླེབས་པ་དང་ཕོལ་ལོལ་ལ་ཆོག་མཆན་ཐོབ་སྟེ། སྲུང་དམག་གཅིག་དང་མཉམ་དུ་མི་སྒེར་གྱི་ཁང་པ་ཞིག་ལ་སྡོད་དུ་བཅུག༌གོ།   
\s1 ཕོལ་ལོལ་གྱིས་རོ་མཱ་གྲོང་ཁྱེར་དུ་ཆོས་གསུངས༌པ།  
\p
\v 17 དེ་ནས་ཉིན་གསུམ་འགོར༌རྗེས། ཕོལ་ལོལ་གྱིས་ཡ་ཧུ་དཱ་པའི་དཔོན་རིགས་རྣམས་བོས་ཤིང་དེ་རྣམས་ལྷན་དུ་འདུས་ཚེ་འདི་སྐད༌དུ། སྤུན་ཟླ༌རྣམ་པ། ངས་རང་རེའི་ཡུལ་གྱི་མི་རྣམས་དང་བདག་ཅག་གི་ཕ་མེས་ཀྱི་ལུགས་སྲོལ་དང་འགལ་བའི་ལས་ཅི་ཡང་མ་བྱས༌ཀྱང༌། ང་རང་ཡེ་རུ་སཱ་ལེམ་ནས་བཙོན་དུ་བཅུག་ཅིང་རོ་མཱ་པའི་ལག་ཏུ་སྤྲད་པ༌དང༌།  
\v 18 ང་རང་ལ་སྲོག་ཆད་གཅོད་དགོས་པའི་ཉེས་པ་ཅི་ཡང་མེད༌པས། དེ་དག་གིས་འདྲི་གཅོད་བྱས་རྗེས་ང་རང་བཙོན་ལས་དགྲོལ་བར་བསམས༌ནའང༌།  
\v 19 ཡ་ཧུ་དཱ་པ་རྣམས་ཀྱིས་དོན་དེར་དགྲ་བྱས༌པས། ངས་ཀྱང་སེ་བཟིར་ལ་གཏུག་བཤེར་མི་ཞུ་ཀ་མེད༌བྱུང༌། འོན༌ཀྱང༌། རང་གི་མི་རིགས་གཏུག་བཤེར་བྱེད་པའི་དོན་ཅི་ཡང༌མེད་དོ།།  
\v 20 དེའི༌ཕྱིར། ངས་ཁྱོད་རྣམས་བོས་ཏེ་ཁ་རི་ཁ་ཐུག་ཏུ་གཏམ་སྨྲ་བར་འདོད། སྤྱིར་ང་རང་ནི་ཡེས་ར་ཨེལ་གྱི་མི་རྣམས་ཀྱི་རེ་བ་དེའི་ཆེད་དུ་ལྕགས་སྒྲོག་གིས་བཀྱིགས་པ་ཡིན་ཞེས་གསུངས་པ༌ན།  
\v 21 དེ་རྣམས་ན༌རེ། ངེད་ཅག་ལ་ཡ་ཧུ་དཱའི་ཡུལ་ནས་ཁྱོད་ཀྱི་སྐོར་གླེང་བའི་འཕྲིན་ཡིག་མ་འབྱོར༌ལ། གནས་འདིར་ཡོང་བའི་སྤུན་ཟླ་གཞན་གྱིས་ཀྱང་ཁྱོད་ཀྱི་སྐོར་ལ་གཏམ་ངན་སྨྲས་པ་མེད།  
\v 22 འོན་ཀྱང་ངེད་རྣམས་ཀྱིས་ད་ལྟ་ཁྱོད་ཀྱི་བསམ་འཆར་ག་འདྲ་ཡིན་པར་མཉན་འདོད༌དེ། རྒྱུ་མཚན་ནི་ཆོས་ལུགས་གྲུབ་མཐའ་དེ་ལ་ཡུལ་ཀུན་གྱི་མི་རྣམས་ཀྱིས་དམའ་འབེབས་བྱེད་བཞིན་ཡོད་པ་ངེད་ཅག་གིས་ཤེས་པ་ཡིན་ཞེས་སྨྲས༌སོ།།   
\p
\v 23 དེ་ནས་དཔོན་རིགས་རྣམས་ཀྱིས་ཕོལ་ལོལ་དང་ཉི་ཆད་བགོས༌ཤིང༌། ཉིན་དེར་མི་མང་པོའང་ཁོང་གི་ཤག་ཏུ་ཡོང་བ༌དང༌། ཕོལ་ལོལ་གྱིས་ཞོགས་པའི་དུས་ནས་མཚན་མོའི་བར་དུ་དོན་རྣམས་འགྲེལ་ཞིང་དཀོན་མཆོག་གི་རྒྱལ་སྲིད་ལ་བདེན་དཔང་བྱས་པ༌དང༌། མོ་ཤེའི་བཀའ་ཁྲིམས་དང་ལུང་སྟོན་པ་རྣམས་ཀྱི་མདོ་ལས་སྐྱབས་མགོན་ཡེ་ཤུའི་སྐོར་གྱི་ཆོས་གསུངས་ཏེ་ཁོ་རྣམས་ལ་སྐུལ་མ་མཛད་དོ།།  
\v 24 ཁོང་གི་གསུང་དེར་ལ་ལ་ཡིད་ཆེས་ཤིང་ལ་ལ་ཡིད་མ་ཆེས་སོ།།  
\v 25 དེ་རྣམས་ཕན་ཚུན་ལྟ་བ་མ་མཐུན་པར་སོ་སོར་གྱེས༌ཤིང༌། སོ་སོར་མ་གྱེས་པའི་སྔོན་ལ་ཕོལ་ལོལ་གྱིས་འདི་སྐད༌དུ། དམ་པའི་ཐུགས་ཉིད་ཀྱིས་ལུང་སྟོན་པ་ཡེ་ཤ་ཡཱ་བརྒྱུད་ནས་ཁྱོད་ཅག་གི་ཕ་མེས་ལ་ལེགས་པར་གསུངས༌ཤིང༌།  
\v 26 འདི་སྐད༌དུ།  
\q1 ཁྱོད་ཀྱིས་མི་རྣམས་དེ་ལ་འདི་ལྟར༌ཤོད།།  
\q1 ཁྱོད་ཚོས་རྣ་བས་ཐོས་ཀྱང་དོན་མི༌རྟོགས།།  
\q1 འདྲེན་བྱེད་མིག་གིས་མཐོང་ཡང་ཤེས་མི༌འགྱུར།།   
\q1
\v 27 དེ་རྣམས་སེམས་ནི་གྱོང་པོར་གྱུར་པ༌དང༌།།  
\q1 རྣ་བས་མི་མཉན་མིག་ཟུང་བཙུམས་པས༌སོ།།  
\q1 དེ་ལྟར་མིན་ཚེ་མིག་གིས་མཐོང་བ་དང་༎  
\q1 རྣ་བས་ཐོས༌ཤིང་བློ་ཡིས་རྟོགས་པ་དང་༎  
\q1 ཕྱིར་དུ་འཁོར་ནས་ངས་ཀྱང་དེ་རྣམས་ནི༎  
\q1 གསོ་ཞིང་དྲག་པར་བྱེད་པ་ཡིན་ལགས་སོ༎  
\m ཞེས༌པའོ།།  
\v 28 དེའི༌ཕྱིར། དཀོན་མཆོག་གི་ཐར་པའི་ཆོས་འདི་ནི་ད་ལྟ་ཕྱི་ཕྱོགས་པ་རྣམས་ལ་གསུངས༌ཤིང༌། དེ་རྣམས་ཀྱིས་ཀྱང་མཉན་ཞིང་དང་དུ་ལེན་ངེས་པ་ཁྱོད་ཅག་གིས་ཤེས་དགོས་ཞེས་གསུངས་སོ།།  
\v 29 ཁོང་གིས་དེ་སྐད་གསུངས་པ་དང་ཡ་ཧུ་དཱ་པ་རྣམས་ཀྱིས་དོན་དེར་རྩོད་གླེང་ཆེན་པོ་བྱེད་བཞིན་སོང༌ངོ༌།།   
\p
\v 30 དེ་ནས་ཕོལ་ལོལ་མཆོག་རང་གིས་གླས་པའི་ཁང་པ་ནས་ལོ་གཉིས་ཏག་ཏག་ལ་བཞུགས༌ཤིང༌། རང་གི་ཁང་པའི་ནང་དུ་ཡོང་བའི་མི་ཐམས་ཅད་ལ་སྣེ་ལེན་བྱས་པ༌དང༌།  
\v 31 སྙིང་རུས་བསྐྱེད་ནས་དཀོན་མཆོག་གི་རྒྱལ་སྲིད་ཀྱི་ཆོས་བསྒྲགས་པ༌དང༌། གཙོ་བོ་ཡེ་ཤུ་མཱ་ཤི་ཀའི་སྐོར་གསུངས་པ་ལ་བར་ཆད་ཅི་ཡང་མ་བྱུང༌ངོ༌།། །།