\id 2TI - NTB བོད་འགྱུར་གསར་མ། 
\h ཐི་མོ་ཐེ་གཉིས་པ། 
\toc1 ༄༅། །ཐི་མོ་ཐེ་ལ་སྤྲིངས་པའི་འཕྲིན་ཡིག་གཉིས་པ། 
\toc2 ཐི་མོ་ཐེ་གཉིས་པ། 
\mt1 ༄༅། །ཐི་མོ་ཐེ་ལ་སྤྲིངས་པའི་འཕྲིན་ཡིག་གཉིས་པ།  
\imt1 ཐི་མོ་ཐེ་ལ་སྤྲིངས་པའི་འཕྲིན་ཡིག་གཉིས་པའི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi སྤྱི་ལོ་62ནས་63ལོའི་བར་དུ་རོ་མཱ་གྲོང་ཁྱེར་ནས་ཕོལ་ལོལ་བཙོན་གྲོལ་བཏང་རྗེས་ཁོང་ཉིད་ཐེངས་བཞི་པར་ཆོས་སྤེལ་དུ་ཕྱིན། སྐབས་དེར་ཐི་མོ་ཐེ་དང་པོ་དང་ཐེ་ཏུའི་འཕྲིན་ཡིག་གཉིས་ཡི་གེར་བཀོད་པ་དང་། དེ་ནས་སྤྱི་ལོ་66ནས་67ལོའི་ཡས་མས་སུ་རོ་མཱ་གོང་མའི་རྒྱལ་པོ་ནེ་རོལ་༼Nero༽ཞེས་བྱ་བས་ཕོལ་ལོལ་སླར་ཡང་རོ་མཱ་གྲོང་ཁྱེར་དུ་བཙོན་ལ་བཅུག ཁོང་ནི་མུན་གནག་ཅིང་གྲང་ངར་ཆེ་བའི་ས་འོག་གི་བཙོན་ཁང་ཞིག་ཏུ་བཅུག་པ་དང་། ཉམ་ཐག་ཅིང་ནག་ཉེས་བསགས་མཁན་དང་འདྲ་བར་ལྕགས་སྒྲོག་བརྒྱབ་པ་རེད། ཕོལ་ལོལ་གྱིས་རང་གི་ལས་དོན་བསྒྲུབས་ཚར་བ་དང་རང་ཉིད་ཀྱི་མི་ཚེའང་རྫོགས་ལ་ཉེ་བ་རྟོགས་ཡོད།  
\is1 ཡི་གེར་འགོད་མཁན་དང་འགོད་དུས།  
\ipi འཕྲིན་ཡིག་འདིའི་ཚིག་རྐང་དང་པོ་ལས་གཞུང་འདི་ཡི་གེར་འགོད་མཁན་ནི་ཕོལ་ལོལ་ཡིན་པ་ཁ་གསལ་ཞིང་། འཕྲིན་ཡིག་གི་དུམ་མཚམས་མང་པོའི་ནང་དུ་དོན་དེ་ལ་བདེན་དཔང་མཛད་ཡོད། འཕྲིན་ཡིག་འདི་ནི་སྤྱི་ལོ་66ལོའི་ཡས་མས་སུ་ཡི་གེར་བཀོད་པ་ཡིན།  
\is1 བརྗོད་སྙིང་དང་གསུང་འཕྲིན།  
\ipi ཕོལ་ལོལ་གྱིས་དུས་སྐབས་འདིར་ཐི་མོ་ཐེ་ལ་འཕྲིན་ཡིག་འབྲི་བར་དམིགས་ཡུལ་གསུམ་ཡོད་དེ།  
\ipi ༼1༽ ཕོལ་ལོལ་ནི་རང་གི་གྲོགས་པོ་ཚོས་དོར་ནས་གྲོགས་མེད་ཁེར་རྐྱང་དུ་ལུས་པ་དང་། ཕོལ་ལོལ་གྱིས་ཐི་མོ་ཐེ་རང་དང་མཉམ་དུ་སྡོད་པར་རེ་བ་ཆེན་པོ་བཅངས་པ།  
\ipi ༼2༽ རོ་མཱའི་གོང་མ་རྒྱལ་པོ་ནེ་རོལ་གྱི་མངའ་འོག་ཏུ་ཆོས་ཚོགས་ལ་བཙན་གནོན་ཐེབས་པར་བརྟེན། ཁོང་གིས་ཆོས་ཚོགས་ཀྱི་བདེ་དོན་ལ་ཐུགས་ཁུར་གནང་བ་དང་། ཐི་མོ་ཐེ་ལ་སྡུག་བསྔལ་མྱང་དགོས་ཀྱང་ཡེ་ཤུའི་ཆོས་ལུགས་ཀྱི་འཕྲིན་བཟང་ལ་སྲུང་སྐྱོབ་བྱེད་དགོས་པར་བསྐུལ་སློང་བྱས།  
\ipi ༼3༽ སྐབས་དེར་ཕོལ་ལོལ་གྱིས་ཐི་མོ་ཐེ་བརྒྱུད་ནས་འཕྲིན་ཡིག་འདི་ཨེ་ཕེ་སི་གྲོང་ཁྱེར་གྱི་ཆོས་ཚོགས་ལ་འབྲི་འདོད་པ་ཡིན།  
\is1 འཆར་ཟིན།  
\ipi 1. ཕོལ་ལོལ་གྱིས་ཐི་མོ་ཐེ་ལ་ཐུགས་ཁུར་གནང་བའི་སྐོར། ༼1:1-14༽  
\ipi 2. ཕོལ་ལོལ་གྱི་གནས་བབ་སྐོར། ༼1:15-18༽  
\ipi 3. ཐི་མོ་ཐེ་ལ་སློབ་སྟོན་མཛད་པའི་སྐོར། ༼2:1-26༽  
\ipi 4. མཐའ་མའི་ཉིན་མོ་དག་གི་སྤྱོད་ལམ་སྐོར། ༼3:1-17༽  
\ipi 5. ཕོལ་ལོལ་གྱི་གདམས་པ་དང་རེ་ཞུ། ཁམས་འདྲི་བཅས། ༼4:1-22༽  
\c 1
\cl ལེའུ་དང༌པོ། 
\toc1 ༄༅། །ཐི་མོ་ཐེ་ལ་སྤྲིངས་པའི་འཕྲིན་ཡིག་གཉིས་པ། 
\toc2 ཐི་མོ་ཐེ་གཉིས་པ། 
\s1 འཕྲིན་ཡིག་བསྐུར༌ཡུལ།  
\p
\v 1 དེ་ཡང་ཕོལ་ལོལ་བདག་ནི་དཀོན་མཆོག་གི་ཐུགས་དགོངས་དང་མཱ་ཤི་ཀ་ཡེ་ཤུའི་ནང་དུ་ཡོད་པའི་ཚེ་སྲོག་གི་ཞལ་བཞེས་གནང་བ་བཞིན་མཱ་ཤི་ཀ་ཡེ་ཤུའི་སྐུ་ཚབ་པ་ཞིག་ཡིན་ནོ།།  
\v 2 འཕྲིན་ཡིག་འདི་ནི་བདག་གི་སྙིང་ནས་བརྩེ་བའི་བུ་ཐི་མོ་ཐེ་ལ་སྤྲིངས་པ་ཡིན༌ཏེ། ཡབ་དཀོན་མཆོག་དང་བདག་ཅག་གི་གཙོ་བོ་མཱ་ཤི་ཀ་ཡེ་ཤུ་ནས་ཁྱོད་ལ་བྱམས་དང་སྙིང༌རྗེ། ཞི་བདེ་བཅས་འཐོབ་པར༌སྨོན།   
\s1 བསམ་པ་དྲང་ཕྱོགས་སུ་བསྐུལ༌བ།  
\p
\v 3 བདག་གིས་དཀོན་མཆོག་ལ་བཀའ་དྲིན༌ཞུའོ།། ངས་རང་གི་མེས་པོས་མཛད་པ་བཞིན་བསམ་པ་རྣམ་དག་གིས་དཀོན་མཆོག་ལ་བསྙེན་བཀུར་བྱེད་ཅིང༌། གསོལ་བ་འདེབས་པའི་ཚེ་ཁྱོད་རང་ཉིན་མཚན་མེད་པར་དྲན༌པ་དང༌།  
\v 4 དེ་སྔར་ཁྱོད་ཀྱི་མིག་ལས་མཆི་མ་བཞུར་མྱོང་བ་ཡིད་ལ་དྲན་ཞིང༌། བདག་གི་སེམས་ནི་དགའ་སྤྲོས་ཁེངས་པའི༌ཕྱིར། ཁྱོད་དང་ངོ་འཕྲད་འདོད་ཤིན་ཏུ་ཆེའོ།།  
\v 5 ཁྱོད་ཀྱི་བཅོས་མ་མིན་པའི་དད་པ༌ནི། ཐོག་མར་ཁྱོད་ཀྱི་རྨོ་མོ་ལོ་ཨེ་སི་དང་ཡུམ་ཨིའུ་ནེ་ཀེའི་སེམས་སུ་ཡོད་པ་དེ་ངས་ཡིད་ལ་ཤར༌ཞིང༌། ཁྱོད་ཀྱི་སེམས་སུའང་ཡོད་པར་བདག་ལ་ཡིད་ཆེས་བརྟན་པོ་ཡོད།  
\v 6 དེའི༌ཕྱིར། བདག་གིས་ཁྱོད་ལ་དྲན་སྐུལ༌བྱ་སྟེ། ངས་སྔོན་ཆད་རང་གི་ལག་པ་ཁྱོད་ཀྱི་ལུས་ལ་བཞག་པ་བརྒྱུད་ནས། ཁྱོད་ལ་ཐོབ་པའི་དཀོན་མཆོག་གི་གནང་སྦྱིན་དེ་ཁྱོད་ཀྱིས་སླར་ཡང་མེ་ལྟར་གསོ་བར༌གྱིས།  
\v 7 ཅིའི་ཕྱིར་ཞེ་ན། དཀོན་མཆོག་གིས་བདག་ཅག་ལ་སྡར་མའི་སེམས་གནང་བ་མ་ཡིན༌པར། ཞུམ་མེད་དང་བྱམས༌པ། རང་གཅུན་ཐུབ་པ་བཅས་ཀྱི་སེམས་གནང་བའི་ཕྱིར༌རོ།།   
\p
\v 8 དེ་བས་ན། ཁྱོད་ཀྱིས་བདག་ཅག་གི་གཙོ་བོ་ལ་བདེན་དཔང་བྱེད་པ༌དང༌། ཡང་ན་ཁོང་གི་ཆེད་དུ་ང་རང་བཙོན་དུ་བཅུག་ཡོད་པ་ནི་ངོ་ཚ་ཞིག་ཏུ་མི་བརྩི༌བར། དཀོན་མཆོག་གི་ནུས་མཐུ་ལ་བརྟེན་ནས་འཕྲིན་བཟང་གི་ཆེད༌དུ། བདག་དང་ལྷན་ཅིག་སྡུག་བསྔལ་མྱོང་བར༌གྱིས།  
\v 9 དཀོན་མཆོག་གིས་བདག་ཅག་བསྐྱབས་ཤིང་དམ་པའི་ཞལ་འབོད་ཀྱིས་བོས་པ་ཡིན་ལ། དེ་ནི་བདག་ཅག་གིས་ཅི་བྱས་པ་བཞིན་ཐོབ་པ་མ་ཡིན༌པར། ཁོང་གི་ཐུགས་དགོངས་དང་ཐུགས་རྗེ་བཞིན་དུ་མཛད༌པ་ཡིན་ནོ།། ཐུགས་རྗེ་ནི་དུས་ཀྱི་ཐོག་མའི་སྔ་རོལ་ནས་མཱ་ཤི་ཀ་ཡེ་ཤུ་བརྒྱུད་ནས་བདག་ཅག་ལ་གནང་བ་ཡིན༌མོད།  
\v 10 འོན་ཀྱང་ད་ལྟ་བདག་ཅག་གི་སྐྱབས་མགོན་མཱ་ཤི་ཀ་ཡེ་ཤུ་དངོས་སུ་བྱོན་པ་བརྒྱུད་ནས་ཐུགས་རྗེ་དེ་ཕྱིར་མངོན་པ་ཡིན༌ལ། ཁོང་གིས་འཆི་བ་བཅོམ་ཞིང་འཕྲིན་བཟང་བརྒྱུད་ནས་འཇིག་པ་མེད་པའི་ཚེ་སྲོག་མངོན་གསལ་དུ་བསྟན་ཏོ།།  
\v 11 འཕྲིན་བཟང་འདིའི་ཆེད་དུ་ང་རང་ཆོས་སྒྲོག་མཁན༌དང༌། སྐུ་ཚབ༌པ། དགེ་རྒན་བཅས་སུ་བསྐོས་པ༌དང༌།  
\v 12 དོན་འདིའི་རྐྱེན་གྱིས་བདག་གིས་ཀྱང་སྡུག་བསྔལ་དེ་དག་མྱོང༌མོད། འོན་ཀྱང༌། ང་རང་དོན་འདིར་ངོ་མི་གནོང༌ངོ་།། ཅིའི་ཕྱིར་ཞེ་ན། བདག་གིས་སུ་ལ་དད་པ་བྱེད་པ་ཤེས་ཤིང་ཉིན་མོ་དེ་སླེབས་པའི་བར༌དུ། ཁོང་ལ་སྐྱབས་སུ་བཅོལ་བ་གང་ཞིག་ཁོང་གིས་བསྲུང་ནུས་པར་བདག་ལ་ཡིད་ཆེས་བརྟན་པོ་ཡོད་པའི་ཕྱིར༌རོ།།   
\p
\v 13 ཡང་ཁྱོད་ཀྱིས་རྟག་ཏུ་མཱ་ཤི་ཀ་ཡེ་ཤུའི་ནང་དུ་ཡོད་པའི་དད་སེམས་དང་བྱམས་པ་ལ་བརྟེན་ནས། བདག་གི་ངག་ལས་ཐོས་པའི་ཡང་དག་པའི་བསྟན་པ་བསྲུང་བར་བྱའོ༎  
\v 14 དེ་སྔར་ཁྱོད་ལ་བཅོལ་བའི་དོན་བཟང་པོ༌དེ། ཁྱོད་ཀྱིས་བདག་ཅག་གི་སེམས་ཁོང་དུ་བཞུགས་པའི་དམ་པའི་ཐུགས་ཉིད་ལ་བརྟེན་ནས་བརྟན་པོར་བསྲུང་བར༌གྱིས།  
\v 15 ཨེ་ཞི་ཡཱ་ཡུལ་དུ་ཡོད་པའི་མི་ཐམས་ཅད་ཀྱིས་ང་རང་སྤངས་པ་ནི་ཁྱོད་ཀྱིས་ཤེས་པ༌དང༌། དེ་དག་གི་ཁྲོད་དུ་ཕི་གེལ་ལུ་དང་ཧེར་མོ་གེ་ནཱ་གཉིས་ཀྱང་ཡོད་དོ།།  
\v 16 ཨོ་ནེ་སི་ཕུ་རུའི་ཁྱིམ་མི་རྣམས་ལ་གཙོ་བོས་ཐུགས་རྗེ་གནང་བར༌སྨོན། ཅིའི་ཕྱིར་ཞེ་ན། ཁྱིམ་བདག་དེས་ཐེངས་མང་པོར་བདག་ལ་སེམས་གསོ་གནང་ཞིང༌། ང་རང་ལྕགས་སྒྲོག་གིས་བཅིངས་པའི་དོན་དེ་ངོ་ཚ་ཞིག་ཏུ་མ་བརྩིས༌པར།  
\v 17 དེ་ལས་ལྡོག་སྟེ་ཁོ་རང་རོ་མཱ་རུ་ཡོད་པའི་དུས༌སུ། འབད་པའི་ངང་ནས་ང་རང་བཙལ་ནས་རྙེད་པའི་ཕྱིར༌རོ།།  
\v 18 མ་འོངས་པའི་ཉིན་མོ༌དེར། གཙོ་བོས་རང་ཉིད་ཀྱི་ཐུགས་རྗེ་ཁོ་རང་ལ་གནང་བར༌སྨོན། ཁོས་ཨེ་ཕེ་སི་ནས་བདག་ལ་ཇི་ལྟར་ཞབས་ཕྱི་མང་དུ་བྱས་པ་ཁྱོད་ཀྱིས་ཤེས་པ་ཡིན་ནོ༎   
\c 2
\cl ལེའུ་གཉིས༌པ། 
\toc1 ༄༅། །ཐི་མོ་ཐེ་ལ་སྤྲིངས་པའི་འཕྲིན་ཡིག་གཉིས་པ། 
\toc2 ཐི་མོ་ཐེ་གཉིས་པ། 
\s1 སྤོབས་པ་སྩོལ་བའི་སྐུལ༌མ།  
\p
\v 1 དེ་ལྟར་ཡིན་པས། བདག་གི༌བུ། ཁྱོད་ནི་མཱ་ཤི་ཀ་ཡེ་ཤུའི་ནང་དུ་ཡོད་པའི་ཐུགས་རྗེ་ལ་བརྟེན་ནས་སྤོབས་པ་དང་ལྡན་པར་གྱུར༌ཅིག  
\v 2 ཁྱོད་ཀྱིས་དཔང་པོ་བྱེད་མཁན་མང་པོའི་མདུན༌དུ། བདག་གི་ངག་ལས་ཐོས་པའི་བསླབ་བྱ༌དག་ནི། མི་གཞན་ལ་སློབ་སྟོན་བྱེད་ནུས་པ་དང་ཡིད་རྟོན་རུང་བའི་མི་རྣམས་ལའང་བཅོལ་བར༌གྱིས།  
\v 3 ཁྱོད་ཀྱིས་མཱ་ཤི་ཀ་ཡེ་ཤུའི་དམག་མི་ཕུལ་བྱུང་ཅན་དང་མཚུངས་པར་བདག་དང་མཉམ་དུ་སྡུག་བསྔལ་མྱང༌དགོས་སོ།།  
\v 4 དམག་མི་སུས་ཀྱང་དམག་དཔོན་ཐུགས་དགྱེས་པར་བྱ༌ཆེད། རང་ཉིད་འཇིག་རྟེན་གྱི་བྱ་བའི་ནང་དུ་ལྷུང་བར་མི་བྱེད།  
\v 5 ཡང་སུ་ཞིག་གིས་ལུས་རྩལ་འགྲན་བསྡུར་བྱེད༌སྐབས། སྒྲིག་ལམ་བཞིན་དུ་འགྲན་བསྡུར་མ་བྱས་ན་དེ་ལ་རྒྱལ་ཁའི་ཅོད་པན་མི་འཐོབ་བོ།།  
\v 6 ཡང་ལུས་ཤུགས་ངལ་རྩོལ་བྱེད་པའི་ཞིང་པ་ལ་ཐོག་མར་འབྲུ་རིགས་ཀྱི་སྐལ་བ་འཐོབ་འོས།  
\v 7 གཙོ་བོས་ཁྱོད་ལ་དོན་ཀུན་རྟོགས་པའི་བློ་རིག་གནང་ངེས༌པས། བདག་གིས་སྨྲས་པ་རྣམས་ལ་ཁྱོད་ཀྱིས་ཀྱང་བསམ་མནོ་གཏོང་བར༌གྱིས།   
\p
\v 8 ཁྱོད་ཀྱིས་ཡེ་ཤུ་མཱ་ཤི་ཀ་ཡིད་ལ་གཟུང་བར་བྱའོ།། བདག་གིས་སྒྲོག་པའི་འཕྲིན་བཟང་བཞིན། ཁོང་ནི་དཱ་བིད་ཀྱི་གདུང་རྒྱུད་ཡིན་ཞིང་སྐུ་གྲོངས་པ་ནས་སླར་གསོན་པ༌དེ་ཡིན།  
\v 9 འཕྲིན་བཟང་འདིའི་ཆེད་དུ་བདག་གིས་སྡུག་བསྔལ་མྱོང་བ་དང༌། ཐ་ན་ང་རང་ཉེས་ཅན་བཞིན་དུ་ལྕགས་སྒྲོག་གིས་ཀྱང་བཀྱིགས་མོད། འོན་ཀྱང་དཀོན་མཆོག་གི་བཀའ་ནི་འཁྱིག་མི་ཐུབ་བོ།།  
\v 10 དེའི༌ཕྱིར། བདམས་པའི་མི་རྣམས་ཀྱི་ཆེད༌དུ། བདག་གིས་དོན་ཀུན་ལ་བཟོད་བསྲན་བྱེད་བཞིན་ཡོད༌དེ། མི་དེ་རྣམས་ལའང་མཱ་ཤི་ཀ༌ཡེ་ཤུའི་ནང་དུ་ཡོད་པའི་ཐར་པ་དང་མཐའ་མེད་པའི་གཟི་བརྗིད་འཐོབ་པའི་ཕྱིར༌རོ།།  
\v 11 དེ་ལ་ཡིད་རྟོན་རུང་བའི་གཏམ་ཞིག་ཡོད་པ་འདི་ལྟ༌སྟེ།  
\q1 བདག་ཅག་ཁོང་དང་ལྷན་ཅིག་གྲོངས་པས༌ན།།  
\q1 ཁོང་དང་ལྷན་དུ་གསོན་པ་གདོན་མི༌ཟ།།   
\q1
\v 12 བདག་ཅག་གིས་ཀྱང་བཟོད་བསྲན་བྱེད་ནུས༌ན།།  
\q1 ཁོང་དང་ལྷན་ཅིག་རྒྱལ་སྲིད་བསྐྱང་བར༌འགྱུར།།  
\q1 བདག་ཅག་ཁོང་ལ་ངོ་ལོག་བྱས་གྱུར༌ན།།  
\q1 ཁོང་གིས་བདག་ཅག་ཁས་ལེན་མི་མཛད་དོ།།   
\q1
\v 13 བདག་ཅག་ཁ་བཤད་ཚིག་ལ་མི་གནས༌ཀྱང་།།  
\q1 ཁོང་ནི་རང་ཚིག་སྔ་ཕྱི་འགལ་མིན་པས༎  
\q1 སྔར་བཞིན་རང་གི་གསུང་ལ་གནས་པར༌འགྱུར།།  
\m ཞེས༌པའོ།།   
\s1 དཀོན་མཆོག་ཐུགས་མཉེས་པའི་བཟོ་བ།  
\p
\v 14 ཁྱོད་ཀྱིས་མི་གཞན་རྣམས་ལ་གོང་གི་དོན་དེ་དག་དྲན་སྐུལ་བྱོས། དཀོན་མཆོག་གི་སྤྱན་སྔར་ཁོ་རྣམས་ལ་ཚིག་རྩོད་མི་བྱེད་པའི་བཀའ་བསྒོ་བར་གྱིས། ཚིག་རྩོད་ཙམ་ལ་ཕན་པ་ཅི་ཡང་མེད་པ་དང་ཉན་མཁན་རྣམས་ཀྱི་སེམས་བརླག་པར་བྱེད་པའི་རྒྱུ་ཁོ༌ན་ཡིན་ནོ།།  
\v 15 ཁྱོད་ཀྱིས་དཀོན་མཆོག་གི་དྲུང་དུ་ཚོད་བགམ་ཐེག་པའི་མི་ཞིག་སྟེ། ངོ་གནོང་མི་དགོས་པའི་བཟོ་བ་ཞིག་བྱེད་པ་དང་། བདེན་པའི་བཀའ་ཡང་དག་པར་སྟོན་པ་ལ་བརྩོན་པར་བྱའོ།།  
\v 16 འཇིག་རྟེན་གྱི་སྙིང་པོ་མེད་པའི་འཆལ་གཏམ་གྱིས་སྔར་ལས་ཀྱང་དད་གུས་མེད་པའི་གནས་སུ་འདྲེན་པར་བྱེད༌པས། ཁྱོད་ནི་དེ་དག་དང་རིང་དུ་འབྲལ་བར༌གྱིས།  
\v 17 མི་དེ་དག་གི་གཏམ་ནི་འདྲུལ་ནད་དང་མཚུངས་པར་ཚབས་ཆེན་དུ་འགྲོ༌ཞིང༌། མི་དེ་དག་གི་ཁྲོད་དུ་ཧི་མེ་ནཱ་ཡུ་དང་ཕི་ལེ་ཏི་གཉིས་ཀྱང་ཡོད༌ལ།  
\v 18 ཁོ་གཉིས་བདེན་པ་ཉིད་དང་བྲལ་ཞིང་སླར་གསོན་པར་འགྱུར་བའི་དོན་ནི་འདས་ཟིན་པ་ཡིན་ཞེས་སྨྲས་ནས་མི་ཁ་ཤས་ཀྱི་དད་པར་གནོད་བསྐྱལ་ཏོ།།  
\v 19 འོན་ཀྱང༌། དཀོན་མཆོག་གི་རྨང་གཞི་བརྟན་པོ་དེ་ནི་བཙུགས་ཟིན༌ཅིང༌། དེའི་སྟེང་དུ་རྟགས་མཚན་ཡང་འདི་ལྟར་བཀོད་ཡོད༌དེ། གཙོ་བོས་སུ་ཞིག་རང་ཉིད་ཀྱི་མི་ཡིན་པ་མཁྱེན་ནོ་ཞེས༌དང༌། ཡང་གཙོ་བོའི་མཚན་བརྗོད་མཁན་ཐམས་ཅད་ནི་ལས་ངན་པ་དང་ཁ་འབྲལ་དགོས་ཞེས༌པའོ།།   
\p
\v 20 ཕྱུག་པོའི་ཁང་ཆེན་དུ་གསེར་སྣོད་དང་དངུལ་སྣོད་ལས༌གཞན། ཤིང་སྣོད་དང་རྫ་སྣོད་ཀྱང་ཡོད༌དེ། ལ་ལ་ནི་མཆོག་ཏུ་བཀོལ་ཞིང་ལ་ལ་ནི་དམན་པར་བཀོལ༌བ་ཡིན་ནོ།།  
\v 21 དེ་བཞིན་དུ། སུ་ཞིག་གིས་རང་ཉིད་གཙང་མར་བཟུང་སྟེ་དམན་པའི་དོན་རྣམས་སྤངས༌ན། སྣོད་མཆོག་ཏུ་འགྱུར་ངེས་ཤིང༌། དམ་པར་མཛད༌པ་དང་། བདག་པོ་ལ་ཕན༌པ། ལས་བཟང་པོའི་རིགས་ཐམས་ཅད་བསྒྲུབ་པར་སྟ་གོན་བྱས་ཟིན་པའོ།།   
\p
\v 22 ཡང་ཁྱོད་ཀྱིས་ན་གཞོན་གྱི་འདོད་ཆགས་སྤངས༌ཏེ། བསམ་པ་རྣམ་དག་གིས་གཙོ་བོ་ལ་གསོལ་བ་འདེབས་མཁན་རྣམས་དང་ལྷན་ཅིག་དྲང་བདེན་དང༌། དད༌པ། བྱམས༌པ། ཞི་བདེ་བཅས་ལ་བརྩོན་པར༌གྱིས།  
\v 23 བླུན་ཞིང་རྨོངས་པའི་ཁ་རྩོད་ཀྱིས་རྩོད་གཞི་སློང་བ་ཁྱོད་ཀྱིས་ཤེས་པས་དོན་དེའི་རིགས་རྩ་བ་ནས་སྤང་དགོས་སོ།།  
\v 24 གཙོ་བོའི་ཞབས་ཕྱི་པ་རྣམས་ཀྱིས་ཁ་རྩོད་ཚིག་རྩོད་མི་བྱེད༌པར། མི་ཐམས་ཅད་ལ་ཞི་བའི་རྣམ་འགྱུར་འཛིན་པ༌དང༌། སློབ་སྟོན་བྱེད་ནུས༌པ། བཟོད་བསྲན་ཡོད་པར་བྱ་དགོས་ཤིང༌།  
\v 25 ཞི་འཇམ་གྱི་ངང་ནས་ངོ་རྒོལ་བྱེད་མཁན་ལ་ཁ་ཏ་བྱེད་དགོས། དཀོན་མཆོག་གིས་ཁོ་རྣམས་ལ་འགྱོད་བཤགས་ཀྱི་སེམས་གནང་སྲིད༌ཅིང༌། དེ་དག་གིས་ཀྱང་བདེན་པ་ཉིད་རྟོགས་པར་འགྱུར་བ༌དང༌།  
\v 26 བདུད་ཀྱིས་རང་དགར་བཟུང་ཡོད་ནའང་ཁོ་རྣམས་གོ་རྟོགས་སད་ནས་བདུད་ཀྱི་རྙི་རྒྱ་ལས་ཐར་བར་འགྱུར༌རོ།།   
\c 3
\cl ལེའུ་གསུམ༌པ། 
\toc1 ༄༅། །ཐི་མོ་ཐེ་ལ་སྤྲིངས་པའི་འཕྲིན་ཡིག་གཉིས་པ། 
\toc2 ཐི་མོ་ཐེ་གཉིས་པ། 
\s1 མཐའ་མའི་ཉིན་དག་གི་སྤྱོད་ལམ༌སྐོར།  
\p
\v 1 དེ་ཡང་མཐའ་མའི་ཉིན་མོ་དག་ལ་དཀའ་སྡུག་ཆེ་བའི་དུས་ཤིག་སླེབ་ངེས་པ་ཤེས་པར༌གྱིས།  
\v 2 ཅིའི་ཕྱིར་ཞེ་ན། དེའི་དུས་སུ། མི་རྣམས་ཀྱིས་རང་དོན་ཁོ་ན་བསམ་ཞིང་རྒྱུ་ནོར་ལ་རྔམ་པ༌དང༌། རང་རློམ་ཆེ༌བ། ང་རྒྱལ་ཆེ༌བ། ཚིག་རྩུབ་སྨྲ༌བ། ཕ་མའི་ངག་ལ་མི་ཉན༌པ། བཀའ་དྲིན་མི་དྲན༌པ། དམ་པ་མ་ཡིན༌པ།  
\v 3 བརྩེ་སེམས་མེད༌པ། འགལ་བའི་མདུད་པ་མི་དགྲོལ༌བ། སྙོན་འཛུགས་པར་དགའ༌བ། རང་ཚོད་མི་ཟིན༌པ། གདུག་རྩུབ་ཆེ༌བ། དོན་བཟང་པོར་མི་དགའ༌བ།  
\v 4 ངོ་ལོག༌པ། མི་ལས་དགུ་ལས། རང་ཆེ་རང་མཐོ། འདོད་ཡོན་ལ་ཆགས་པ་ལས་དཀོན་མཆོག་ལ་མི་དགའ་བ་བཅས་འབྱུང་བ་ཡིན་ནོ།།  
\v 5 དེ་དག་ལ་དད་གུས་ཀྱི་ཕྱི་ཚུལ་ཙམ་ཡོད༌ནའང༌དད་གུས་ཀྱི་སྙིང་པོ་སྤངས་ཡོད་པས་ཁྱོད་ཀྱིས་དེའི་རིགས་དང་རྒྱང་བཀྱེད་པར༌བྱའོ།།  
\v 6 མི་དེ་དག་གི་ཁྲོད་དུ་འགའ་ཞིག་བུད་མེད་བླུན་མ་རྣམས་ཀྱི་ཁྱིམ་དུ་འཛུལ་ནས་ཁོ་མོ་དག་ལ་དབང་བསྒྱུར༌ཞིང་། བུད་མེད་དེ་དག་ནི་སྡིག་པའི་ཁུར་གྱིས་མནན་ཞིང་འདོད་ཆགས་སྣ་ཚོགས་ཀྱིས་བསླུས༌ཏེ།  
\v 7 བདེན་པ་ཉིད་རྟག་ཏུ་བསླབས་དང་སློབ་བཞིན་ཡོད་ནའང་དོན་ནི་གཏན་ནས་རྟོགས་མི་ནུས་སོ།།  
\v 8 སྔོན་ཆད་ཡཱན་ནེ་དང་ཡཱམ་བྲེ་གཉིས་ཀྱིས་མོ་ཤེ་ལ་ཇི་ལྟར་རྒོལ་བ་བཞིན། མི་འདི་དག་གིས་ཀྱང་བདེན་པ་ཉིད་ལ་རྒོལ་བ༌དང༌། དེ་དག་གི་བསམ་པ་ངན་པར་གྱུར་པས་དེ་རྣམས་ནི་དད་པའི་ཆ་ནས་འདོར་རུང༌བ་ཡིན་ནོ།།  
\v 9 འོན་ཀྱང༌། མི་དེ་དག་གི་བླུན་རྟགས་ནི་མི་དེ་གཉིས་དང་འདྲ་བར་ཐམས་ཅད་ཀྱི་མདུན་དུ་གསལ་རྗེན་དུ་མངོན་ངེས༌པས། སྤྱོད་ལམ་དེ་ལྟ་བུ་འཕེལ་བར་མི་འགྱུར༌རོ།།   
\s1 ཕོལ་ལོལ་གྱིས་ཐི་མོ་ཐེ་ལ་གདམས༌པ།  
\p
\v 10 འོན་ཀྱང་། ཁྱོད་ཀྱིས་བདག་གི་སློབ་སྟོན༌དང༌། སྤྱོད༌ལམ། ཕུགས་འདུན། དད༌པ། བཟོད༌སྒོམ། བྱམས༌པ། བཟོད་བསྲན་བཅས་ལ་བསྟུན་པར་མ༌ཟད།  
\v 11 སྔོན་ཆད་ངས་ཨན་ཏི་ཡོག་ཡཱ་དང༌། ཨི་ཀོན་ཡུ། ལིས་ཏྲ་བཅས་ནས་མྱངས་པའི་གཉའ་གནོན་དང་སྡུག་བསྔལ་ལའང་བསྟུན༌ཏེ། བདག་གིས་བཟོད་བསྲན་བྱས་པའི་གཉའ་གནོན་ནི་ཅི་འདྲའི་ཚབས་ཆེ་ཨང་། འོན་ཀྱང་གཙོ་བོས་ང་རང་དེ་ཐམས་ཅད་ལས་བསྐྱབས༌པའོ།།  
\v 12 སྤྱིར་མཱ་ཤི་ཀ་ཡེ་ཤུའི་ནང་དུ་དད་གུས་ངང་འཚོ་འདོད་པ་ཐམས་ཅད་ལ་གཉའ་གནོན་ཐེབས་ངེས༌ཡིན།  
\v 13 མི་ངན་པ་དང་བསླུ་བྲིད་བྱེད་མཁན་རྣམས་ནི་སྔར་ལས་ཀྱང་ཇེ་ངན་དུ་འགྱུར་བ༌དང༌། མི་ལ་མགོ་སྐོར་གཏོང་བ་དང་རང་ཉིད་ཀྱང་མི་གཞན་གྱི་གཡོ་འོག་ཏུ་ཚུད་པར་འགྱུར་རོ།།  
\v 14 འོན་ཀྱང༌། ཁྱོད་ཀྱིས་ཅི་ཞིག་བསླབས་པ་དང་གང་ཞིག་ལ་མཐའ་གཅིག་ཏུ་བློ་གཏོད་པ་དེ་ནི་མུ་མཐུད་དུ་སེམས་སུ་འཛིན་དགོས༌ལ། ཁྱོད་ཀྱིས་དོན་དེ་རྣམས་སུ་ཞིག་ནས་བསླབས་པ་ཤེས་པར་མ༌ཟད།  
\v 15 ཁྱོད་ཀྱིས་ཆུང་དུས་ནས་དམ་པའི་གསུང་རབ་ཀྱང་རྟོགས༌ཤིང་། དམ་པའི་གསུང་རབ་ཀྱིས་ཁྱོད་ལ་མཱ་ཤི་ཀ་ཡེ་ཤུར་དད་པའི་སྒོ་ནས་ཐར་པའི་ལམ་དུ་ཁྲིད་པའི་ཤེས་རབ་བསྩལ་ནུས་སོ།།  
\v 16 དམ་པའི་གསུང་རབ་ཡོངས་རྫོགས་ནི་དཀོན་མཆོག་གིས་ཞལ་ཕུ་གནང་བ་ལས་བྱུང་ཞིང་། སློབ་སྟོན་གནང་བ༌དང༌། སྐྱོན་སྟོན༌པ། ཡོ་བསྲང་བྱེད་པ། དྲང་བདེན་གྱི་ཕྱོགས་སུ་ཁྲིད་སྟོན་བྱེད་པའི་ཐད་ལ་ཕན་ཐོགས་མཆིས་སོ།།  
\v 17 དེ་ནི་དཀོན་མཆོག་ལ་གཏོགས་པའི་མི་རྣམས་ཆ་ཡོངས་སུ་ཚང་བ༌དང༌། ལས་བཟང་པོའི་རིགས་ཐམས་ཅད་བསྒྲུབ་པར་སྟ་གོན་མཛད་པའི་ཕྱིར༌རོ།།   
\c 4
\cl ལེའུ་བཞི༌པ། 
\toc1 ༄༅། །ཐི་མོ་ཐེ་ལ་སྤྲིངས་པའི་འཕྲིན་ཡིག་གཉིས་པ། 
\toc2 ཐི་མོ་ཐེ་གཉིས་པ། 
\s1 འཕྲིན་བཟང་སྒྲོག་པར་བསྐུལ༌བ།  
\p
\v 1 དེ་ཡང་བདག་གིས་དཀོན་མཆོག་དང་མ་འོངས་པར་ཤི་གསོན་གཉིས་ལ་ལེགས་ཉེས་མཛད་མཁན་མཱ་ཤི་ཀ་ཡེ་ཤུའི་སྤྱན་དྲུང༌དུ། ཁོང་ཉིད་མངོན་སུམ་དུ་ཕེབས་ཡོང་བ་དང་ཁོང་གི་རྒྱལ་སྲིད་ལ་བརྟེན་ནས་ཁྱོད་ལ་གདམས་པར་བྱ༌སྟེ།  
\v 2 དུས་དང་དུས་མིན་ཐམས་ཅད་དུ་བསམ་པ་རྩེ་གཅིག་གིས་དཀོན་མཆོག་གི་བཀའ་སྒྲོག་པར་གྱིས། གཞན༌ཡང༌། བཟོད་བསྲན་ཆེན་པོ་དང་སློབ་སྟོན་སྣ་ཚོགས་ཀྱི་ངང་ནས་མི་རྣམས་ལ་བཀའ་བཀྱོན་གནང་བ་དང་། ཁ་ཏ་བྱེད་པ། སྐུལ་སློང་གནང་བ་བཅས་བྱེད་པར་གྱིས།  
\v 3 ཅིའི་ཕྱིར་ཞེ་ན། ཕྱིས་སུ་མི་རྣམས་ཀྱིས་ཡང་དག་པའི་བསྟན་པ་ལ་སུན་སྣང་སྐྱེས་ཤིང་། རྣ་བར་ཟ་འཕྲུག་ལངས་པ་ལྟར་རང་རང་གི་འདོད་པ་བཞིན་དགེ་རྒན་གཞན་དག་བསྡུས༌ཏེ།  
\v 4 རང་གི་རྣ་བ་བཀབ་ནས་བདེན་པ་ཉིད་ལ་མི་མཉན་པར་ཁུངས་ལུང་མེད་པའི་གཏམ་རྒྱུད་ཀྱི་ཕྱོགས་སུ་འཁོར་བར་འགྱུར་བ་ཡིན་ནོ།།  
\v 5 འོན་ཀྱང༌། ཁྱོད་ཀྱིས་དོན་ཀུན་ལ་གཟབ་པ་དང་། དཀའ་ངལ་ལ་བཟོད་པ། འཕྲིན་བཟང་སྒྲོག་མཁན་གྱི་བྱ་བ་སྒྲུབ་པ། རང་གི་ལས་འགན་སྒྲུབ་པ་བཅས་བྱོས༌ཤིག།   
\p
\v 6 བདག་ནི་ཚེ་ལས་འདའ་བའི་དུས་ལ་སླེབས་ཤིང༌། རྒུན་ཆང་གཏོར་ནས་མཆོད་པ་འབུལ་བ་དང་མཚུངས༌པར། ད་ལྟ་ང་རང་ཡང་དེ་ལྟར་ཕུལ་ཟིན་ཏོ།།  
\v 7 བདག་གིས་འཐབ་འཛིང་བཟང་པོ་ནི་བརྒྱབ༌ཟིན། རྒྱུག་དགོས་པའི་ལམ་ཡང་བརྒྱུགས༌ཟིན། དད་པའང་རྟག་ཏུ་བསྲུངས༌པའོ།།  
\v 8 དུས་ད་ནས༌བཟུང༌། བདག་གི་ཆེད་དུ་དྲང་བདེན་གྱི་གཙུག་རྒྱན་བསྐྱུར་ཡོད༌དེ། ཉིན་མོ་དེ་ལ་དྲང་བདེན་ངང་ནས་ཁྲིམས་ཐག་གཅོད་མཁན་གཙོ་བོས་གཙུག་རྒྱན་དེ་ཉིད་བདག་ལ་གནང་བར་མ་ཟད། ཁོང་ཉིད་དངོས་སུ་མངོན་པར་རེ་སྨོན་ཆེན་པོ་བཅངས་པའི་མི་ཐམས་ཅད་ལའང་གནང་བར་འགྱུར༌རོ།།   
\s1 ཕོལ་ལོལ་གྱིས་རང་དོན་གླེང༌བ།  
\p
\v 9 ཁྱོད་རང་མྱུར་བ་མྱུར་བར་བདག་གི་གམ་དུ་ཡོང་བར༌གྱིས།  
\v 10 ཅིའི་ཕྱིར་ཞེ་ན། ཏི་མཱ་འཇིག་རྟེན་འདི་ལ་ཆགས་སྲེད་སྐྱེས་པའི་དབང༌གིས། ང་རང་བསྐྱུར་ནས་ཐེ་སཱ་ལོ་ནེ་ཀེ་རུ་སོང༌ཚར། ཀཱ་རེས་ཀེན་ནི་ག་ལད་ཡཱ་ཡུལ་དང༌། ཐེ་ཏུ་ནི་དཱལ་མད་ཡཱ་ཡུལ་ལ་ཕྱིན་ཏོ།།  
\v 11 ལོ་ཀུ་གཅིག་པུ་བདག་དང་མཉམ་དུ་ཡོད༌ལ། མཱར་ཀུ་ནི་ཞབས་ཕྱི་སྒྲུབ་པའི་ཕྱོགས་ནས་ང་རང་ལ་ཕན་ཐོགས་ཡོད༌པས། ཁྱོད་རང་འདིར་ཡོང་བའི་དུས་སུ་ཁོ་རང་ཡང་འཁྲིད་ཡོང་བར་གྱིས།  
\v 12 བདག་གིས་ཐི་ཀེ་ཀུ་ནི་ཨེ་ཕེ་སི་རུ་མངགས༌པ་ཡིན།  
\v 13 ཁྱོད་རང་འདིར་ཡོང་བའི་དུས༌སུ། བདག་གིས་ཏྲོ་ཡཱ་ནས་ཀར་པུ་ལ་བཅོལ་བའི་ཕྱི་གོས་དེ་འཁྱེར་ཡོང་བར༌ཤོག གཞན༌ཡང༌། དཔེ་ཆ་དང་ལྷག་པར་པགས་ཤོག་དེ་དག་ཀྱང་འཁྱེར་ཡོང་བར་གྱིས།  
\v 14 མགར་པ་ཨ་ལིག་སན་དིར་གྱིས་ང་རང་ལ་གནོད་འཚེ་གང་མང་བྱས་མྱོང༌བས། ཁོས་ཅི་བྱས་པ་བཞིན་དུ་གཙོ་བོས་ཁོ་རང་ལའང་ལན་གནང་བར༌ངེས།  
\v 15 ཁོས་གང་ནུས་ཅི་ཐུབ་ངང་བདག་ཅག་གིས་ཆོས་བཤད་པ་ལ་ངོ་རྒོལ་ཆེན་པོ་བྱས་པས། ཁྱོད་ཀྱིས་ཀྱང་ཁོ་རང་ལ་དོགས་ཟོན་བྱེད་པར༌གྱིས།   
\p
\v 16 བདག་གིས་ཐེངས་དང་པོར་རང་ཉིད་ལ་དག་འབུད་བྱེད་པའི་དུས༌སུ། བདག་ལ་རོགས་རམ་བྱེད་མཁན་གཅིག་ཀྱང་མེད་པར་ཐམས་ཅད་ཀྱིས་ང་རང་སྤངས༌པ་ཡིན། དོན་དེ་ནི་མི་དེ་རྣམས་ལ་ཁག་མི་དཀྲི་བར༌སྨོན།  
\v 17 འོན་ཀྱང༌། གཙོ་བོས་ང་རང་བརྒྱུད་ནས་འཕྲིན་བཟང་སྒྲོག་པའི་དོན་ཡོངས་སུ་བསྒྲུབས་པ་དང་ཕྱི་ཕྱོགས་པ་ཐམས་ཅད་ཀྱིས་ཀྱང་ཐོས་པའི༌ཕྱིར། ཁོང་ཉིད་བདག་གི་འགྲམ་དུ་ཡར་བཞེངས་ཏེ་ང་རང་ལ་སྟོབས་ཤུགས་བསྩལ་པ་དང༌། ང་རང་ཡང་གཅན་གཟན་སེང་གེའི་ཁ་ནས་སྲོག་བསྐྱབས༌པའོ།།  
\v 18 གཙོ་བོས་དོན་ངན་པ་ཐམས་ཅད་ལས་ང་རང་ཐར་བར་མཛད་ངེས༌ཤིང༌། ནམ་མཁའི་རྒྱལ་སྲིད་དུའང་ང་རང་བདེ་བར་འདྲེན་ངེས༌ཡིན། ཁོང་ལ་ཇི་སྲིད་བར་དུ་བསྟོད་བསྔགས་བརྗོད་པར༌སྨོན། ཨ༌མེན།   
\s1 མཇུག་མཐའི་འཚམས༌འདྲི།  
\p
\v 19 ཁྱོད་ཀྱིས་ཕུར་སི་ལཱ་དང་ཨ་ཀུ་ལཱ་གཉིས༌དང༌། ཨོ་ནེ་སི་ཕུ་རུའི་ཁྱིམ་མི་རྣམས་ལའང་འཚམས་འདྲི་ཞུ་བར༌གྱིས།  
\v 20 ཨེ་རས་ཏི་ནི་ཀོ་རིན་ཐུ་རུ་བསྡད་པ༌དང༌། ཏྲོ་ཕེ་མུ་ལ་ན་ཚ་བྱུང་བས། ངས་ཁོ་རང་མུ་ལེ་ཐུ་རུ་བསྐྱུར་བ༌ཡིན།  
\v 21 ཁྱོད་རང་དགུན་དུས་མ་སླེབས་སྔོན་དུ་མྱུར་བ་མྱུར་བར་བདག་གི་གམ་དུ་ཡོང་བར༌གྱིས། འདིར་ཨིའུ་པུ་ལུ༌དང༌། པུ༌དེན། ལི༌ནུ། ཀ་ལུ་དི་ཡཱ་བཅས་དང༌། གཞན༌ཡང༌། སྤུན་ཟླ་ཐམས་ཅད་ཀྱིས་ཀྱང་ཁྱོད་ལ་འཚམས་འདྲི༌ཞུའོ།།   
\p
\v 22 གཙོ་བོ་ནི་ཁྱོད་ཀྱི་སེམས་སུ་བཞུགས་པ་དང་། ཐུགས་རྗེ་ནི་རྟག་ཏུ་ཁྱོད་རྣམས་དང་མཉམ་དུ་གནས་པར༌སྨོན།། །།