\id 2TH - NTB བོད་འགྱུར་གསར་མ། 
\h ཐེ་སཱ་ལོ་ནེ་ཀེ་པ་གཉིས་པ། 
\toc1 ༄༅། །ཐེ་སཱ་ལོ་ནེ་ཀེ་པ་རྣམས་ལ་སྤྲིངས་པའི་འཕྲིན་ཡིག་གཉིས་པ། 
\toc2 ཐེ་སཱ་ལོ་ནེ་ཀེ་པ་གཉིས་པ། 
\mt1 ༄༅། །ཐེ་སཱ་ལོ་ནེ་ཀེ་པ་རྣམས་ལ་སྤྲིངས་པའི་འཕྲིན་ཡིག་གཉིས་པ།  
\imt1 ཐེ་སཱ་ལོ་ནེ་ཀེ་པ་རྣམས་ལ་སྤྲིངས་པའི་འཕྲིན་ཡིག་གཉིས་པའི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi ཐེ་སཱ་ལོ་ནེ་ཀེ་པ་དང་པོའི་ངོ་སྤྲོད་ལ་གཟིགས་རོགས།  
\is1 ཡི་གེར་འགོད་མཁན་དང་འགོད་དུས།  
\ipi ཐེ་སཱ་ལོ་ནེ་ཀེ་པའི་འཕྲིན་ཡིག་གཉིས་པ་ནི་འཕྲིན་ཡིག་དང་པོ་དང་འདྲ་བས། འདི་ནི་འཕྲིན་ཡིག་དང་པོའི་རྗེས་སུ་བྲིས་པ་ཡིན་པར་འདོད་ལ། སྤྱི་ལོ་51ལོའམ་ཡང་ན་སྤྱི་ལོ་52ལོའི་ཡས་མས་སུ་ཡི་གེར་བཀོད་པ་ཡིན།  
\is1 བརྗོད་སྙིང་དང་གསུང་འཕྲིན།  
\ipi ཐེ་སཱ་ལོ་ནེ་ཀེ་པའི་འཕྲིན་ཡིག་དང་པོ་དང་མཚུངས་པར་འཕྲིན་ཡིག་འདི་ལས་ཀྱང་དུས་ཀྱི་མཐའ་མའི་སྐོར་གྱི་བརྗོད་གཞི་འབུར་དུ་བཏོད་ཡོད། ཐེ་སཱ་ལོ་ནེ་ཀེ་པ་གཉིས་པ་ལ་ཁྱོན་བསྡོམས་ཚིག་རྐང་ཞེ་བདུན་ཡོད་པ་དང་། དེ་ལས་ཚིག་རྐང་བཅོ་བརྒྱད་ཀྱི་ནང་དུ་དུས་ཀྱི་མཐའ་མའི་སྐོར་གསུངས་ཡོད་པ་རེད། མི་ལ་ལས་ཕོལ་ལོལ་གྱི་སྐད་ཆ་ལ་གོ་བ་ལོག་པར་བླངས་ནས་སྐྱབས་མགོན་ཡེ་ཤུ་མྱུར་དུ་འབྱོན་པར་ཐེ་ཚོམ་མེད་སྙམ་སྟེ། ལས་ཀ་མཚམས་བཞག་ནས་སྐྱབས་མགོན་ཡེ་ཤུ་ཕྱིར་ཕེབས་པར་བསྒུགས་པ་རེད། དེ་བས་ཕོལ་ལོལ་གྱིས་གོ་བ་ལོག་པར་ལེན་མཁན་རྣམས་ལ་ཁ་ཏ་སློབ་གསོའི་འཕྲིན་ཡིག་འདི་བྲིས་པ་རེད།  
\is1 འཆར་ཟིན།  
\ipi 1. ཁམས་འདྲི་གནང་བ་དང་བཀའ་དྲིན་ཞུ་བ། གསོལ་བ་འདེབས་པ་བཅས་ཀྱི་སྐོར། ༼1:1-12༽  
\ipi 2. སྐྱབས་མགོན་ཡེ་ཤུ་ཕྱིར་ཕེབས་པ་དང་ཡེ་ཤུའི་ཆོས་ལུགས་པའི་སྤྱོད་ལམ་སྐོར་གྱི་གདམས་ངག ༼2:1-17༽  
\ipi 3. གཞན་གྱི་ཚབ་ཏུ་གསོལ་བ་འདེབས་པ་དང་ལེ་ལོ་ཅན་ལ་སྐུལ་མ་གནང་བ། ༼3:1-15༽  
\ipi 4. མཇུག་མཐའི་སྨོན་ལམ། ༼3:16-18༽  
\c 1
\cl ལེའུ་དང༌པོ། 
\toc1 ༄༅། །ཐེ་སཱ་ལོ་ནེ་ཀེ་པ་རྣམས་ལ་སྤྲིངས་པའི་འཕྲིན་ཡིག་གཉིས་པ། 
\toc2 ཐེ་སཱ་ལོ་ནེ་ཀེ་པ་གཉིས་པ། 
\s1 འཕྲིན་ཡིག་བསྐུར༌ཡུལ།  
\p
\v 1 དེ་ཡང་ཕོལ་ལོལ་བདག་དང་སིལ་ཝ་ནཱ། ཐི་མོ་ཐེ་བཅས་ནས་བདག་ཅག་གི་ཡབ་དཀོན་མཆོག་དང་གཙོ་བོ་ཡེ་ཤུ་མཱ་ཤི་ཀའི་ནང་དུ་ཡོད་པའི་ཐེ་སཱ་ལོ་ནེ་ཀེ་པ་རྣམས་ཀྱི་ཆོས་ཚོགས་ལ་འཕྲིན་ཡིག་སྤྲིངས་པ་འདི་ལྟ༌སྟེ།  
\v 2 ཡབ་དཀོན་མཆོག་དང་གཙོ་བོ་ཡེ་ཤུ་མཱ་ཤི་ཀ་ནས་ཁྱོད་རྣམས་ལ་ཐུགས་རྗེ་དང་ཞི་བདེ་འཐོབ་པར༌སྨོན།   
\s1 དཀོན་མཆོག་ལ་བཀའ་དྲིན་ཞུ་འོས༌པ།  
\p
\v 3 སྤུན་ཟླ༌རྣམས། ཁྱོད་རྣམས་ཀྱི་དད་སེམས་ལྷག་ཏུ་ཆེ་རུ་ཕྱིན་པ་དང་ཁྱོད་ཅག་ཐམས་ཅད་ཀྱིས་ཕན་ཚུན་ལ་བྱམས་ཤིང་གཅེས་པའི་སེམས་དེའང་ཇེ་ཆེར་འགྲོ་བཞིན་ཡོད༌པས། ངེད་ཅག་གིས་རྟག་ཏུ་ཁྱོད་རྣམས་ཀྱི་ཆེད་དུ་དཀོན་མཆོག་ལ་བཀའ་དྲིན་ཞུ་འོས་སོ།།  
\v 4 དེའི༌ཕྱིར། ངེད་ཅག་གིས་དཀོན་མཆོག་གི་ཆོས་ཚོགས་སོ་སོ་ནས་ཁྱོད་རྣམས་ལ་བསྔགས་བརྗོད་བྱས་པ་ཡིན༌ཏེ། ཁྱོད་ཅག་གིས་གཉའ་གནོན་དང་དཀའ་སྡུག་མང་པོ་མྱོང་བའི་ཁྲོད་དུའང་སྔར་བཞིན་བཟོད་བསྲན་དང་དད་སེམས་བཅངས་པའི་ཕྱིར༌རོ།།   
\p
\v 5 དོན་དེ་ནི་དཀོན་མཆོག་གིས་མ་འོངས་པར་དྲང་བདེན་གྱི་ཁྲིམས་ཐག་གཅོད་པར་འགྱུར་བའི་རྟགས་ཡིན༌ཏེ། ཁྱོད་རྣམས་དཀོན་མཆོག་གི་རྒྱལ་སྲིད་དུ་ཞུགས་འོས་པར་བརྩི་བའི་ཕྱིར༌རོ།། ཁྱོད་རྣམས་ཀྱིས་རྒྱལ་སྲིད་དེའི་དོན་དུ་སྡུག་བསྔལ་ཡང་མྱོང༌བ་ཡིན།  
\v 6-7 དཀོན་མཆོག་ནི་དྲང་གཞག་ཡིན་པས་ན། ནམ་མཁའི་ཞིང་ཁམས་ནས་གཙོ་བོ་ཡེ་ཤུ་དང་ཁོང་གི་ཕོ་ཉ་མཐུ་སྟོབས་ཅན་འཁོར་དང་བཅས་པ་མེ་ལྕེའི་ཁྲོད་དུ་མངོན་པར་འགྱུར་བའི༌ཚེ། ཁྱོད་རྣམས་སྡུག་ལ་སྦྱོར་མཁན་དེ་དག་ལ་དཀོན་མཆོག་གིས་ཀྱང་དེ་བཞིན་དུ་ལན་གནང་བར་འགྱུར་བ༌དང༌། ཁོང་གིས་དཀའ་སྡུག་མྱོང་མཁན་ཁྱོད་ཅག་དང་ངེད་རྣམས་ལྷན་དུ་དེ་ལས་ཐར་བར་མཛད་ངེས་ཤིང༌།  
\v 8 དཀོན་མཆོག་ངོ་མི་ཤེས་པ་དང་བདག་ཅག་གི་གཙོ་བོ་ཡེ་ཤུའི་འཕྲིན་བཟང་ལ་མི་ཉན་པ་རྣམས་ལ་ལན་དུ་ཉེས་ཆད་གཅོད་པར་འགྱུར་བ༌དང༌།  
\v 9 དེ་དག་ལ་གཏན་དུ་འཇིག་པའི་ཉེས་ཆད་ཕོག་སྟེ། གཙོ་བོའི་ཞལ་རས་དང་ཁོང་གི་དབང་ཤེད་ཀྱི་གཟི་འོད་དང་ཁ་འབྲལ་བར་འགྱུར།  
\v 10 ཁོང་ཉིད་ཕེབས་ཡོང་བའི་ཉིན་ལ། དོན་དེ་རྣམས་འབྱུང་ངེས༌ཏེ། ཁོང་གི་དད་ལྡན་དམ་པ་རྣམས་ཀྱི་སྟེང་ནས་རང་ཉིད་ལ་གཟི་བརྗིད་འཐོབ་པ༌དང༌། ཡང་དད་ལྡན་ཐམས་ཅད་ཀྱི་ཁྲོད་ནས་ཁོང་ལ་ངོ་མཚར་བར་འགྱུར། དེ་སྔར་ངེད་ཅག་གིས་བདེན་དཔང་བྱས་པ་ལ་ཁྱོད་རྣམས་ཀྱང་ཡིད་ཆེས༌སོ།།  
\v 11 དེའི༌ཕྱིར། ངེད་རྣམས་ཀྱིས་རྟག་ཏུ་ཁྱོད་རྣམས་ཀྱི་དོན་དུ་འདི་ལྟར་གསོལ་བ་འདེབས་བཞིན་ཡོད༌དེ། བདག་ཅག་གི་དཀོན་མཆོག་གིས་ཁྱོད་རྣམས་ལ་ཞལ་འབོད་གནང་བ་ནི་འོས་པར་གཟིགས་པ༌དང༌། ཡང་ནུས་མཐུའི་སྒོ་ནས་ཁྱོད་རྣམས་ཀྱི་འདུན་པ་བཟང་པོ་ཐམས་ཅད༌དང༌། དད་སེམས་ལ་བརྟེན་ནས་བྱས་པའི་ལས་ཐམས་ཅད་འགྲུབ་པར་མཛད་ཕྱིར་ཞུས༌པ་ཡིན།  
\v 12 དེ་ནི་བདག་ཅག་གི་དཀོན་མཆོག་དང་གཙོ་བོ་ཡེ་ཤུ་མཱ་ཤི་ཀའི་ཐུགས་རྗེ་བཞིན༌དུ། ཁྱོད་ཅག་གི་སྟེང་ནས་བདག་ཅག་གི་གཙོ་བོ་ཡེ་ཤུའི་མཚན་ལ་གཟི་བརྗིད་ལྡན་པར་འགྱུར་བ༌དང༌། ཁྱོད་རྣམས་ལའང་ཁོང་ནས་གཟི་བརྗིད་འཐོབ་པར་འགྱུར་བའི་ཕྱིར༌རོ།།   
\c 2
\cl ལེའུ་གཉིས༌པ། 
\toc1 ༄༅། །ཐེ་སཱ་ལོ་ནེ་ཀེ་པ་རྣམས་ལ་སྤྲིངས་པའི་འཕྲིན་ཡིག་གཉིས་པ། 
\toc2 ཐེ་སཱ་ལོ་ནེ་ཀེ་པ་གཉིས་པ། 
\s1 ཁྲིམས་འགལ་ལུགས་འགལ་གྱི་མི་ཡི་སྐོར།  
\p
\v 1 སྤུན་ཟླ༌རྣམས། བདག་ཅག་གི་གཙོ་བོ་ཡེ་ཤུ་མཱ་ཤི་ཀ་ཕེབས་ཡོང་བ་དང་བདག་ཅག་ཁོང་གི་དྲུང་དུ་འཛོམ་ངེས་པའི་སྐོར་ནི་ངེད་ཅག་གིས་ཁྱོད་རྣམས་ལ་འདི་ལྟར་བསྐུལ་བར་བྱ༌སྟེ།  
\v 2 ལུང་བསྟན་གནང་བ་དང༌། གཏམ་སྨྲ༌བ། ངེད་ཅག་གི་མིང་དུ་བརྫུས་ནས་བྲིས་པའི་འཕྲིན་ཡིག་བཅས་གང་དང་གང་གིས་གཙོ་བོའི་ཉིན་མོ་ད་ལྟ་སླེབས་ཟིན་ཞེས་ཟེར༌ན། ཁྱོད་རྣམས་བྱུང་རྒྱལ་དུ་སེམས་མི་འགུལ་ལ་འཇིགས་པར་ཡང་མི༌བྱའོ།།  
\v 3 མི་སུས་ཀྱང་ཐབས་གང་ཞིག་སྤྱད་ནའང་ཁྱོད་རྣམས་དེའི་གཡོ་འོག་ཏུ་མ་ཚུད༌ཅིག རྒྱུ་མཚན་ནི་ཉིན་མོ་དེ་མ་སླེབས་པའི་སྔོན༌དུ། དཀོན་མཆོག་ལ་ངོ་རྒོལ་བྱེད་པའི་དོན་དེ་འབྱུང་ངེས༌ཤིང༌། འཇིག་པའི་བུ་སྟེ་ཁྲིམས་མེད་ལུགས་མེད་བྱེད་མཁན་དེ་ཡང་ཕྱིར་མངོན་པར་འགྱུར་བ༌དང༌།  
\v 4 དེས་ལྷ་རུ་འབོད་པ་དང་དད་པའི་ཡུལ་ཐམས་ཅད་ལ་བཀག་འགོག་བྱེད་ཅིང་རང་ཉིད་དེ་རྣམས་ལས་མཆོག་གྱུར་ཏུ་བརྩི་བ་དང་། ཐ་ན་དཀོན་མཆོག་གི་མཆོད་ཁང་ནང་དུ་བསྡད་ནས་རང་ཉིད་དཀོན་མཆོག་ཡིན་ཞེས་ཀྱང་ཟེར་བར་འགྱུར་རོ།།  
\v 5 ང་རང་ཁྱོད་རྣམས་དང་མཉམ་དུ་ཡོད་དུས། ཁྱོད་རྣམས་ལ་དོན་འདི་རྣམས་སྨྲས་མྱོང་བ་ཁྱོད་ཅག་གིས་སེམས་སུ་མི་དྲན༌ནམ།  
\v 6 མི་དེ་ནི་དུས་འོས་འཚམ་ཞིག་ལ་ཕྱིར་མངོན་པར་འགྱུར་བའི༌ཕྱིར། ད་ལྟ་མི་དེ་འགོག་པའི་རྒྱུ་རྐྱེན་ཅི་ཡིན་པ་ཁྱོད་རྣམས་ཀྱིས་ཀྱང་ཤེས༌པ་ཡིན།  
\v 7 མ་གཞི་ཁྲིམས་མེད་ལུགས་མེད་ཀྱི་ལྐོག་ངན་བྱེད་འགོ་བརྩམས༌མོད། འོན་ཀྱང་ད་ལྟ་འགོག་མཁན་ཡོད་ཅིང་འགོག་མཁན་དེ་ཉིད་ཕྱིར་འདྲེན་པའི་བར་དུ་མུ་མཐུད་དུ་འགོག༌པའོ།།  
\v 8 དེ་ནས་ཁྲིམས་མེད་ལུགས་མེད་བྱེད་མཁན་ཕྱིར་མངོན་པར་འགྱུར་བ༌དང༌། གཙོ་བོས་རང་ཉིད་ཀྱི་ཞལ་ལས་ཐོན་པའི་དབུགས་ཀྱིས་ཁོ་རང་གཞོམ་པར་འགྱུར་བ༌དང༌། ཁོང་ཉིད་མངོན་སུམ་དུ་ཕེབས་ཡོང་བའི་བརྗིད་ཉམས་ཀྱིས་མི་དེ་འཇོམས་པར་མཛད་ངེས་སོ།།  
\v 9 ཁྲིམས་མེད་ལུགས་མེད་བྱེད་མཁན་དེ་ནི་བདུད་སཱ་ཏན་གྱིས་བསྐུལ་བ་བཞིན་ཡོང༌སྟེ། མཐུ་རྩལ་དང༌། གྲུབ༌རྟགས། རྫུ་འཕྲུལ་སྣ་ཚོགས་སྟོན་པ༌དང༌།  
\v 10 འཇིག་པར་འགྱུར་བའི་མི་རྣམས་ལ་མགོ་སྐོར་ངན་པ་སྣ་ཚོགས་གཏོང་བར་འགྱུར། རྒྱུ་མཚན་ནི་དེ་དག་གིས་བདེན་པ་ཉིད་ལ་དགའ་བའི་སེམས་དང་དུ་མ་བླངས་པས་དེ་རྣམས་ལ་ཐར་པ་ཐོབ་མེད་པའི་ཕྱིར༌རོ།།  
\v 11 དེ་བས་ན་དེ་རྣམས་རྫུན་ལ་ཡིད་ཆེས་པར་འགྱུར་བའི་ཕྱིར། དཀོན་མཆོག་གིས་དེ་རྣམས་ལ་འཁྲུལ་ཤེས་གནང་བར་ངེས།  
\v 12 དེ་ནི་བདེན་པ་ཉིད་ལ་དད་པ་མི་བྱེད་པར་སྤྱོད་ལམ་ངན་པར་དགའ་བ་ཐམས་ཅད་ལ་ཉེས་ཆད་གཅོད་པར་འགྱུར་བའི་ཕྱིར་ཡིན༌ནོ།།   
\s1 དད་པ་བརྟན་པོར་གནས་དགོས་པར་བསྐུལ༌བ།  
\p
\v 13 གཙོ་བོས་གཅེས་པར་འཛིན་པའི་སྤུན་ཟླ༌རྣམས། ངེད་ཅག་གིས་ནམ་རྒྱུན་ཁྱོད་རྣམས་ཀྱི་ཆེད་དུ་དཀོན་མཆོག་ལ་བཀའ་དྲིན་ཞུ་འོས་སོ།། རྒྱུ་མཚན་ནི་དམ་པའི་ཐུགས་ཉིད་ཀྱིས་ཁྱོད་རྣམས་དམ་པར་མཛད་པ་དང༌། ཁྱོད་རྣམས་བདེན་པ་ཉིད་ལ་དད་པའི་སྒོ་ནས་ཐར་པ་འཐོབ་པའི་ཕྱིར། དཀོན་མཆོག་གིས་ཐོག་མ་ཉིད་ནས་ཁྱོད་རྣམས་བདམས༌པ་ཡིན།  
\v 14 ཡང་དོན་འདིའི་ཆེད་དུ་ངེད་ཅག་གིས་བསྒྲགས་པའི་འཕྲིན་བཟང་བརྒྱུད་ནས་དཀོན་མཆོག་གིས་ཁྱོད་རྣམས་ལ་ཞལ་འབོད་གནང་བ་ཡིན༌ཏེ། བདག་ཅག་གི་གཙོ་བོ་ཡེ་ཤུ་མཱ་ཤི་ཀའི་གཟི་བརྗིད་ཀྱང་ཁྱོད་རྣམས་ལ་ཐོབ་པར་འགྱུར་བའི་ཕྱིར༌རོ།།  
\v 15 དེ་བས་ན་སྤུན་ཟླ༌རྣམས། ཁྱོད་རྣམས་ཀྱིས་དད་པ་བརྟན་པོར་གྱིས༌དང༌། ངེད་ཅག་གིས་ངག་ནས་བསྒྲགས་པ་དང་འཕྲིན་ཡིག་ཏུ་བྲིས་པ་གང་ཡིན་ཡང་ཁྱོད་རྣམས་ལ་བསླབ་པའི་སྲོལ་རྒྱུན་ཐམས་ཅད་བརྟན་པོར་བསྲུང་བར༌བྱའོ།།   
\p
\v 16 བདག་ཅག་གི་གཙོ་བོ་ཡེ་ཤུ་མཱ་ཤི་ཀ་དང༌། བདག་ཅག་ལ་གཅེས་ཤིང་ཐུགས་རྗེའི་སྒོ་ནས་མཐའ་མེད་པའི་སེམས་གསོ་དང་རེ་བ་བཟང་པོ་གནང་མཁན་དཀོན་མཆོག༌གིས།  
\v 17 ཁྱོད་རྣམས་ལ་སེམས་གསོ་མཛད་པ༌དང༌། ལས་བཟང་པོ་དང་སྨྲ་བརྗོད་ལེགས་པོ་ཐམས་ཅད་ཀྱི་ཐད་ནས་ཁྱོད་རྣམས་བརྟན་པོར་མཛད་པར༌སྨོན།   
\c 3
\cl ལེའུ་གསུམ༌པ། 
\toc1 ༄༅། །ཐེ་སཱ་ལོ་ནེ་ཀེ་པ་རྣམས་ལ་སྤྲིངས་པའི་འཕྲིན་ཡིག་གཉིས་པ། 
\toc2 ཐེ་སཱ་ལོ་ནེ་ཀེ་པ་གཉིས་པ། 
\s1 གཞན་གྱི་ཚབ་ཏུ་གསོལ་བ་འདེབས༌པ།  
\p
\v 1 སྤུན་ཟླ༌རྣམས། མཐར་ཁྱོད་ཅག་གིས་ངེད་རྣམས་ཀྱི་དོན་དུ་གསོལ་བ་འདེབས་པར་ཞུའོ། །དེ་ཡང་ཁྱོད་ཅག་གི་ཁྲོད་ནས་ཇི་ལྟར་བྱུང་བ་བཞིན། གཙོ་བོའི་བཀའ་དེ་མྱུར་དུ་ཁྱབ་པ༌དང་གཟི་བརྗིད་ཀྱང་འཐོབ་ཅིང་།  
\v 2 ངེད་རྣམས་ལུགས་དང་མི་མཐུན་པའི་མི་ངན་དག་ལས་ཐར་བའི་ཕྱིར་གསོལ་བ་འདེབས་པར་གྱིས། མི་ཐམས་ཅད་ལ་དད་སེམས་ཡོད་པ་མིན་ནོ།།  
\v 3 གཙོ་བོ་ནི་ཡིད་རྟོན་རུང་བ་ཡིན༌པས། ཁོང་གིས་ཁྱོད་རྣམས་ཀྱི་དད་སེམས་བརྟན་པོར་མཛད་ཅིང་བདུད་ངན་དེ་ལས་བསྲུངས་ནས་སྐྱོབ་ངེས༌ཡིན།  
\v 4 ངེད་ཅག་གིས་གཙོ་བོ་ལ་བརྟེན་ནས་ཁྱོད་རྣམས་ཀྱིས་དུས་ད་ལྟ་མ་འོངས་གང་དུའང༌། ངེད་ཅག་གིས་ཁ་བསྒོ་བཏང་བ་བཞིན་ངེས་པར་བསྒྲུབ་པ་ལ་ཡིད་ཆེས་སོ།།  
\v 5 གཙོ་བོས་ཁྱོད་རྣམས་ཀྱི་སེམས་ནི་དཀོན་མཆོག་གི་བྱམས་པ་དང་སྐྱབས་མགོན་མཱ་ཤི་ཀའི་བཟོད་སྒོམ་ནང་དུ་འདྲེན་པར༌སྨོན།   
\s1 ལེ་ལོ་ཅན་ལ་སྐུལ་མ་གནང༌བ།  
\p
\v 6 སྤུན་ཟླ༌རྣམས། ངེད་ཅག་གིས་རང་རེའི་གཙོ་བོ་ཡེ་ཤུ་མཱ་ཤི་ཀའི་མཚན་གྱི་སྒོ་ནས་ཁྱོད་རྣམས་ལ་ཁ་བསྒོ་གཏོང་བར་བྱ༌སྟེ། སྤུན་ཟླ་སུ་ཞིག་ལེ་ལོ་ཡིན་པ་དང་ངེད་རྣམས་ལས་ཐོབ་པའི་སྲོལ་རྒྱུན་མི་བསྲུངས༌ན། མི་དེ་རྣམས་དང་རྒྱང་བཀྱེད་པར༌བྱའོ།།  
\v 7 ཅིའི་ཕྱིར་ཞེ་ན། ཁྱོད་ཅག་གིས་ཅི་ལྟར་ངེད་རྣམས་མིག་དཔེ་རུ་འཛིན་དགོས་པ་ཤེས༌ཏེ། སྔོན་ཆད་ངེད་རྣམས་ཁྱོད་ཅག་གི་ཁྲོད་དུ་ཡོད་པའི་དུས་སུ་ལེ་ལོ་ཅན་མིན་པ་དང༌།  
\v 8 རིན་མ་སྤྲད་པར་མི་གཞན་གྱི་ཟས་ཀྱང་མ་ཟོས༌ལ། ཁྱོད་རྣམས་སུ་ལའང་འོ་བརྒྱལ་མི་བཟོ་བའི༌ཕྱིར། འབད་བརྩོན་བྱས་ཤིང་དཀའ་སྡུག་མྱངས་ནས་ཉིན་མཚན་ཀུན་ཏུ་ལས་ཀ་བསྒྲུབས་པ་ཡིན།  
\v 9 འདི་ནི་ངེད་ཅག་ལ་དབང་ཤེད་མེད་པའི་རྐྱེན་མ་ཡིན༌གྱི། ངེད་ཅག་གིས་ཁྱོད་རྣམས་ལ་མིག་དཔེ་བསྟན་ཅིང་ཁྱོད་རྣམས་ཀྱིས་ཀྱང་ངེད་ཅག་ལ་ལད་མོ་བྱེད་པའི་ཕྱིར་ཡིན།  
\v 10 སྔོན་ཆད་ངེད་རྣམས་ཁྱོད་ཅག་གི་གམ་དུ་ཡོད་པའི་དུས༌སུ། སུ་ཞིག་གིས་ལས་ཀ་བྱེད་མི་འདོད༌ན། མི་དེ་ལ་ཁ་ཟས་སྟེར་མི་རུང་ཞེས་ཁྱོད་རྣམས་ལ་ཁ་བསྒོ་བཏང་མྱོང༌ངོ་།།  
\v 11 རྒྱུ་མཚན་ནི་ཁྱོད་རྣམས་ཀྱི་ཁྲོད་དུ་ལས་ཀ་ཅི་ཡང་མི་བྱེད༌པར། དོན་མེད་ཀྱི་ལས་ཁོ་ནར་བྲེལ་བའི་ལེ་ལོ་ཅན་ཡོད་པ་ངེད་རྣམས་ཀྱིས་ཐོས་པས༌སོ།།  
\v 12 ད་ལྟ་ངེད་ཅག་གིས་མི་དེ་ལྟ་བུ་རྣམས་ལ་གཙོ་བོ་ཡེ་ཤུ་མཱ་ཤི་ཀར་བརྟེན་ནས་ཁ་བསྒོ་དང་སྐུལ་མ་གཏོང་བར༌བྱའོ།། བློ་བདེ་བག་ཕེབས་ཀྱི་ངང་ནས་ལས་ཀ་བྱས་ཏེ་རང་ཁ་རང་གསོ་བྱེད་པར༌གྱིས།  
\v 13 སྤུན་ཟླ༌རྣམས། ཁྱོད་ཅག་ལས་བཟང་པོ་སྒྲུབ་པར་ཡིད་ཕམ་པར་མི་བྱའོ།།  
\v 14 མི་སུས་ཀྱང་ངེད་ཅག་གི་འཕྲིན་ཡིག་འདིའི་ནང་གི་བསླབ་བྱ་ལ་མི་ཉན༌ན། མི་དེ་ངོ་གནོང་བར་འགྱུར་བའི༌ཕྱིར། དོན་དེ་ཡིད་ལ་བཟུང་སྟེ་མི་དེ་དང་འབྲེལ་འདྲིས་མི་བྱེད་པར་གྱིས།  
\v 15 འོན༌ཀྱང༌། མི་དེ་ལ་དགྲ་བོ་ལྟ་བུའི་རྣམ་འགྱུར་མི་འཛིན་པར་སྤུན་ཟླ་བཞིན་དུ་སྐུལ་མ་གནང་བར༌མཛོད།   
\s1 མཇུག་མཐའི་སྨོན༌ལམ།  
\p
\v 16 ཞི་བདེ་གནང་མཁན་གཙོ་བོ་ཁོང་ཉིད་ཀྱིས་དུས་དང་རྣམ་པ་ཀུན་ཏུ་ཁྱོད་རྣམས་ལ་ཞི་བདེ་གནང་བར༌ཤོག གཙོ་བོ་ཁོང་ཉིད་ནམ་ཡང་ཁྱོད་རྣམས་དང་ལྷན་དུ་གནས་པར༌སྨོན།   
\p
\v 17 ཕོལ་ལོལ་བདག་གིས་ཁྱོད་རྣམས་ལ་འཚམས་འདྲི་ཞུ་བ་འདི་དངོས་སུ་བྲིས་པ་ཡིན། བདག་གི་འཕྲིན་ཡིག་ཐམས་ཅད་ལ་རྟགས་འདི་ \f + \ft རྟགས་འདི་ཞེས་པ་ནི་སྐུ་ཚབ་པ་ཕོལ་ལོལ་གྱིས་ནམ་རྒྱུན་ཁོང་གིས་ངག་ནས་གསུངས་ཤིང་ཡིག་མཁན་ལ་ཡི་གེ་འབྲི་རུ་འཇུག་པ༌དང༌། ཁོང་གིས་དངོས་སུ་ཕྱག་བྲིས་མཛད་པའི་རྟགས་སུ་མཐར་འཕྲིན་ཡིག་གི་མཇུག་ཏུ་ཁོང་གིས་དངོས་སུ་ཚིག་དུམ་བུ་འགའ་ཕྱག་བྲིས་མཛད༌པ་དེ་ལ་གོ༌དགོས། \f*ཡོད༌ཅིང༌། བདག་གི་འབྲི་སྟངས་འདི་ལྟར་ཡིན།  
\v 18 བདག་ཅག་གི་གཙོ་བོ་ཡེ་ཤུ་མཱ་ཤི་ཀའི་ཐུགས་རྗེ་ནམ་ཡང་ཁྱོད་ཅག་ཐམས་ཅད་དང་མཉམ་དུ་གནས་པར༌སྨོན།། །།