\id 2KI - NTB 
\h རྒྱལ་རབས་གཉིས་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\mt1 ༄༅། །རྒྱལ་རབས་ཀྱི་མདོ་གཉིས་པ།  
\imt1 རྒྱལ་རབས་ཀྱི་མདོ་གཉིས་པའི་ངོ་སྤྲོད་མདོས་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi རྒྱལ་རབས་ཀྱི་མདོ་དང་པོའི་ངོ་སྤྲོད་ལ་གཟིགས་རོགས།  
\is1 ཡི་གེར་འགོད་མཁན་དང་འགོད་དུས།  
\ipi རྒྱལ་རབས་ཀྱི་མདོ་དང་པོའི་ངོ་སྤྲོད་ལ་གཟིགས་རོགས།  
\is1 བརྗོད་སྙིང་དང་གསུང་འཕྲིན།  
\ipi རྒྱལ་རབས་ཀྱི་མདོ་གཉིས་པའི་ནང་དུ་ལུང་སྟོན་པ་ཆེན་པོ་ཨེ་ལི་ཡཱ་དང་ཨེ་ལི་ཤཱ་གཉིས་ཀྱི་ལོ་རྒྱུས་མུ་མཐུད་དུ་གླེང་ཡོད་པར་མ་ཟད། ལྷོ་བྱང་གཉིས་ཀྱི་རྒྱལ་ཁམས་དབང་དུ་བསྡུས་པའི་ལོ་རྒྱུས་ཀྱང་བཀོད་ཡོད། དཀོན་མཆོག་གི་ལུང་སྟོན་པ་རྣམས་ཀྱིས་རྒྱལ་ཁམས་དེ་གཉིས་ཀྱི་མི་རྣམས་ལ་གལ་སྲིད་ཁྱོད་ཅག་གིས་རང་གི་སྡིག་པར་འགྱོད་བཤགས་མ་བྱས་ན་དཀོན་མཆོག་གིས་ཁྱོད་ཚོར་ཉེས་ཆད་གཅོད་ངེས་ཡིན་ཞེས་ཉེན་བརྡ་ཡང་ཡང་བཏང་ཡོད།  
\is1 འཆར་ཟིན།  
\ipi 1. ཨེ་ལི་ཡཱ་དང་ཨེ་ལི་ཤཱ་གཉིས་ཀྱི་སྐོར། ༼1:1-8:15༽  
\ipi 2. ཡེས་ར་ཨེལ་དང་ཡ་ཧུ་དཱའི་རྒྱལ་པོ་ཁ་ཤས་ཀྱི་སྐོར་དང་ཡེས་ར་ཨེལ་པ་རྣམས་ཨ་སུར་ཡུལ་དུ་བཙན་ཁྲིད་བྱས་པའི་ལོ་རྒྱུས། ༼8:16-17:41༽  
\ipi 3. ཡ་ཧུ་དཱའི་རྒྱལ་པོ་ཧི་ཟི་ཀི་ཡཱའི་སྐོར་དང་ཡ་ཧུ་དཱ་པ་རྣམས་པཱ་པེལ་ལོན་ཡུལ་དུ་བཙན་ཁྲིད་བྱས་པའི་བར་གྱི་ཡ་ཧུ་དཱའི་ལོ་རྒྱུས། ༼18:1-25:30༽  
\c 1
\cl ལེའུ་དང་པོ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 དཀོན་མཆོག་གིས་ཨ་ཧ་ཟི་ཡཱ་ལ་ཉེས་ཆད་བཅད་པ།  
\p
\v 1 དེ་ཡང་ཨ་ཧབ་ཚེ་ལས་འདས་རྗེས། མོ་ཨབ་པ་རྣམས་ཀྱིས་ཡེས་ར་ཨེལ་ལ་ངོ་ལོག་བྱས་པ་དང་།  
\v 2 དེ་ནས་ཨ་ཧ་ཟི་ཡཱ་ཞེས་བྱ་བ་སཱ་མར་ཡ་རུ་ཡོད་པའི་ཁོའི་ཐོག་ཁང་གི་སྒེའུ་ཁུང་ལས་མར་འགྱེལ་ནས་ན་བར་གྱུར་པས། ཨེག་རོན་གྱི་ལྷ་པཱ་ཨལ་ཟེ་བུབ་ \f + \ft པཱ་ཨལ་ཟེ་བུབ་ནི་རུལ་སུངས་ལ་རྒོལ་བའི་ཟུར་ཟའི་མིང་སྟེ། སྦྲང་ཚོགས་ཀྱི་འཇིག་རྟེན་དབང་དུ་སྒྱུར་བའི་གཏེ་བོ་ཞེས་པའི་བརྙས་བཅོས་ཀྱི་བརྡ་མཚོན་ཞིག་ཡིན། \f*ལ། ང་ནི་ནད་འདི་ལས་དྲག་པར་འགྱུར་རམ་མི་འགྱུར་བཀའ་འདྲི་ཞུ་རུ་སོང་ཞིག་ཅེས་སྨྲས་ནས་བང་ཆེན་རྣམས་མངགས་སོ། །   
\p
\v 3 དེར་དཀོན་མཆོག་ཡ་ཝཱེའི་ཕོ་ཉས་ཐི་ཞི་ཡུལ་ནས་འོངས་པའི་ཨེ་ལི་ཡཱ་ཞེས་བྱ་བ་ལ་འདི་སྐད་དུ། ཡར་ལོངས་ལ་སཱ་མར་ཡའི་རྒྱལ་པོའི་བང་ཆེན་དང་འཕྲད་དུ་སོང་། དེ་དག་ལ་འདི་ལྟར་ཤོད་ཅིག ཁྱོད་རྣམས་ཨེག་རོན་གྱི་ལྷ་པཱ་ཨལ་ཟེ་བུབ་རྩར་བཀའ་འདྲི་ཞུ་རུ་འགྲོ་བ་དེ་ཅི་ཡིན། ཡེས་ར་ཨེལ་ལ་དཀོན་མཆོག་མེད་པའི་རྐྱེན་ཡིན་ནམ།  
\v 4 དེའི་ཕྱིར་དཀོན་མཆོག་ཡ་ཝཱེས་འདི་སྐད་དུ། ཁྱོད་ཡར་འགོས་ཡོད་པའི་མལ་ཁྲི་ལས་མར་འབབ་པར་མི་འགྱུར་ཏེ། ཁྱོད་རང་འཆི་བར་ངེས་པས་སོ་གསུངས་ཞེས་སྨྲོས་ཤིག་ཅེས་གསུངས་པ་ན། ཨེ་ལི་ཡཱ་ལམ་དུ་ཆས་སོ། །   
\p
\v 5 ཡང་བང་ཆེན་རྣམས་ཨ་ཧ་ཟི་ཡཱའི་གམ་དུ་ཕྱིར་ལོག་འོངས་པས། རྒྱལ་པོས་དེ་དག་ལ་ཁྱོད་ཚོ་ཕྱིར་འོངས་པ་ཅི་ཡིན་ནམ་ཞེས་དྲིས་པ་ན།  
\v 6 དེ་དག་གིས་རྒྱལ་པོ་ལ། མི་ཞིག་ངེད་ཅག་དང་འཕྲད་དུ་འོངས་ནས་ང་ཚོར་ན་རེ། ཁྱོད་ཚོ་མངག་མཁན་རྒྱལ་པོའི་དྲུང་དུ་ཕྱིར་སོང་ནས་ཁོ་ལ། དཀོན་མཆོག་ཡ་ཝཱེས་འདི་སྐད་དུ། ཁྱོད་ཀྱིས་ཨེག་རོན་གྱི་ལྷ་པཱ་ཨལ་ཟེ་བུབ་ལ་བཀའ་འདྲི་ཞུ་རུ་མངགས་པ་དེ་ཅི་ཡིན་ནམ། ཡེས་ར་ཨེལ་ལ་དཀོན་མཆོག་མེད་པས་ཡིན་ནམ། དེའི་ཕྱིར་ཁྱོད་ཡར་འགོས་ཡོད་པའི་མལ་ཁྲི་ལས་མར་འབབ་པར་མི་འགྱུར་ཏེ། ཁྱོད་རང་འཆི་བར་ངེས་པས་སོ་ཞེས་གསུངས་སྨྲོས་ཤིག་ཅེས་གསུངས་བྱུང་ཞེས་ཞུས་སོ། །  
\v 7 རྒྱལ་པོས་དེ་དག་ལ། ཁྱོད་ཚོ་ལ་ཕྲད་ནས་གཏམ་བྱས་པའི་མི་ཅི་འདྲ་ཡིན་ནམ་ཞེས་དྲིས་པ་ན།  
\v 8 དེ་དག་ན་རེ། ཁོའི་ལུས་ལ་ལྭ་བ་སྤུ་རིང་ཅན་གྱོན་པ་དང་ཀོ་བའི་སྐ་རགས་བཅིངས་འདུག་ཅེས་ཞུས་པ་ལ། ཁོས་དེ་ནི་ཐི་ཞི་པ་ཨེ་ལི་ཡཱ་ཡིན་ཞེས་སྨྲས་སོ། །   
\p
\v 9 དེ་ནས་རྒྱལ་པོས་ལྔ་བཅུ་དཔོན་པོ་ཞིག་དང་ཁོའི་ལག་འོག་མི་ལྔ་བཅུ་དང་བཅས་པ་ཨེ་ལི་ཡཱ་ཡི་གམ་དུ་མངགས། དེ་དག་ཁོང་ཡོད་སར་ཕྱིན་པ་ན། ལྟོས་དང་། ཨེ་ལི་ཡཱ་རི་རྩེར་བཞུགས་འདུག་པ་དང་། དེས་ཁོང་ལ། ཀྱེ་དཀོན་མཆོག་གི་སྐྱེས་བུ། རྒྱལ་པོས་ཁྱོད་མར་འབབ་པའི་བཀའ་བསྒོས་སོ་ཞེས་ཞུས་པ་ལ།  
\v 10 ཨེ་ལི་ཡཱས་ལྔ་བཅུ་དཔོན་པོ་ལ། ང་རང་དཀོན་མཆོག་གི་སྐྱེས་བུ་ཡིན་ན་ནམ་མཁའ་ནས་མེ་བབས་ཏེ་ཁྱོད་དང་ཁྱོད་ཀྱི་ལག་འོག་ལྔ་བཅུ་པོ་དེ་མེ་ཡིས་འཇོམས་པར་གྱུར་ཅིག་ཅེས་གསུངས་པ་དང་། ནམ་མཁའ་ནས་མེ་བབས་ཏེ་ལྔ་བཅུ་དཔོན་པོ་དང་ཁོའི་ལག་འོག་ལྔ་བཅུ་མེ་ཡིས་བཅོམ་པའོ། །  
\v 11 ཡང་རྒྱལ་པོས་ལྔ་བཅུ་དཔོན་པོ་གཞན་ཞིག་དང་ཁོའི་ལག་འོག་མི་ལྔ་བཅུ་དང་བཅས་པ་ཨེ་ལི་ཡཱ་ཡི་གམ་དུ་མངགས་ཤིང་། དེས་ཁོང་ལ། ཀྱེ་དཀོན་མཆོག་གི་སྐྱེས་བུ། རྒྱལ་པོས་ཁྱོད་མྱུར་དུ་མར་འབབ་པའི་བཀའ་བསྒོས་སོ་ཞེས་ཞུས་པ་ལ།  
\v 12 ཨེ་ལི་ཡཱས་དེ་རྣམས་ལ་ལན་དུ། ང་རང་དཀོན་མཆོག་གི་སྐྱེས་བུ་ཡིན་ན་ནམ་མཁའ་ནས་མེ་བབས་ཏེ་ཁྱོད་དང་ཁྱོད་ཀྱི་ལག་འོག་ལྔ་བཅུ་པོ་དེ་མེ་ཡིས་འཇོམས་པར་གྱུར་ཅིག་ཅེས་གསུངས་པ་དང་། དཀོན་མཆོག་ནས་བྱུང་བའི་མེ་ནམ་མཁའ་ལས་བབས་ཏེ་ལྔ་བཅུ་དཔོན་པོ་དང་ཁོའི་ལག་འོག་ལྔ་བཅུ་མེ་ཡིས་བཅོམ་པའོ། །  
\v 13 ཡང་རྒྱལ་པོས་ལྔ་བཅུ་དཔོན་པོ་གསུམ་པ་དང་ཁོའི་ལག་འོག་ལྔ་བཅུ་དང་བཅས་པ་མངགས་ཤིང་། ལྔ་བཅུ་དཔོན་པོ་གསུམ་པ་དེ་ཡར་སོང་ནས་ཨེ་ལི་ཡཱ་ཡི་མདུན་དུ་པུས་མོ་སར་བཙུགས་ཏེ་ཁོང་ལ་ཞུ་བ་ཕུལ་ནས་ན་རེ། ཀྱེ་དཀོན་མཆོག་གི་སྐྱེས་བུ་ལགས། བདག་གི་སྲོག་དང་ཁྱེད་ཀྱི་ཞབས་ཕྱི་ལྔ་བཅུ་པོ་འདི་རྣམས་ཀྱི་སྲོག་ནི་ཉིད་ཀྱི་སྤྱན་སྔར་གཙིགས་ཆེན་དུ་བརྩི་བར་མཛོད་ཅིག  
\v 14 གཟིགས་དང་། སྔར་ནམ་མཁའ་ནས་མེ་བབས་ཏེ། དེ་སྔར་འོངས་པའི་ལྔ་བཅུ་དཔོན་པོ་གཉིས་པོ་དང་དེ་དག་སོ་སོའི་ལག་འོག་ལྔ་བཅུ་དང་བཅས་པ་མེ་ཡིས་བཅོམ་པ་ཡིན། ད་ནི་བདག་གི་སྲོག་འདི་ཁྱེད་ཀྱི་སྤྱན་སྔར་གཙིགས་ཆེན་དུ་བརྩི་བར་མཛོད་ཅེས་གསོལ་ཏོ། །   
\p
\v 15 དེ་ཡང་དཀོན་མཆོག་ཡ་ཝཱེའི་ཕོ་ཉས་ཨེ་ལི་ཡཱ་ལ། ཁོ་དང་མཉམ་དུ་མར་སོང་དང་དེ་ལ་མ་འཇིགས་ཤིག་ཅེས་བསྒོས་པས། ཁོང་ཡར་ལངས་ནས་དེ་དང་མཉམ་དུ་རྒྱལ་པོའི་དྲུང་དུ་ཕྱིན།  
\v 16 ཨེ་ལི་ཡཱས་རྒྱལ་པོ་ལ། དཀོན་མཆོག་ཡ་ཝཱེས་འདི་སྐད་དུ། ཁྱོད་ཀྱིས་ཨེག་རོན་གྱི་ལྷ་པཱ་ཨལ་ཟེ་བུབ་རྩར་བང་ཆེན་མངགས་ནས་བཀའ་འདྲི་ཞུ་བའི་རྒྱུ་མཚན་ཅི་ཡིན། ཡེས་ར་ཨེལ་ལ་བཀའ་འདྲི་ཞུ་སའི་དཀོན་མཆོག་མེད་པས་ཡིན་ནམ། དེའི་ཕྱིར་ཁྱོད་ཡར་འགོས་ཡོད་པའི་མལ་ཁྲི་ལས་མར་འབབ་པར་མི་འགྱུར་བར་འཆི་ངེས་ཡིན་གསུངས་ཞེས་སྨྲས་སོ། །   
\p
\v 17 དེ་ནས་རྒྱལ་པོ་ནི་ཨེ་ལི་ཡཱས་སྦྲན་པའི་དཀོན་མཆོག་ཡ་ཝཱེའི་བཀའ་བཞིན་དུ་ཤི་སྟེ། ཁོ་ལ་སྲས་མེད་པས། ཡ་ཧུ་དཱའི་རྒྱལ་པོ་ཡེ་ཧོ་ཤ་ཕད་ཀྱི་སྲས་ཡེ་ཧོ་རཱམ་གྱིས་སྲིད་བསྐྱངས་པའི་ལོ་གཉིས་པར། ཨ་ཧ་ཟི་ཡཱ་ཡི་ནུ་བོ་ཡོ་རཱམ་ \f + \ft ཡེས་ར་ཨེལ་གྱི་སྐད་དུ་ཡེ་ཧོ་རཱམ་ཞེས་བྲིས་ཡོད། འོན་ཀྱང་ཡོ་རཱམ་རྒྱལ་པོ་ཞེས་པ་དང་ཡེ་ཧོ་རཱམ་རྒྱལ་པོ་ཞེས་པ་གཉིས་ནི་མི་གཅིག་ཡིན། ལེའུ་དང་པོའི་ཚིག་རྐང་བཅུ་བདུན་པ་དང་ལེའུ་བརྒྱད་པའི་ཚིག་རྐང་བཅུ་དྲུག་པ་ནས་ཚིག་རྐང་ཉེར་ལྔ་པ་དང་ཚིག་རྐང་ཉེར་དགུ་པ། ལེའུ་བཅུ་གཉིས་པའི་ཚིག་རྐང་བཅོ་བརྒྱད་པ་བཅས་སུ་ཡེས་ར་ཨེལ་གྱི་སྐད་དུ་ཡེ་ཧོ་རཱམ་ཞེས་བྲིས་ཡོད། ལེའུ་བརྒྱད་པའི་ཚིག་རྐང་ཉེར་གཅིག་པ་དང་ཚིག་རྐང་ཉེར་གསུམ་པ་དང་ཚིག་རྐང་ཉེར་བཞི་པ་བཅས་སུ་ཡེ་ཧོ་རཱམ་གྱི་ཚབ་ཏུ་ཡོ་རཱམ་ཞེས་བྲིས་ཡོད། གསལ་བཤད་གཞན་ཞིག་ནི། ཡེས་ར་ཨེལ་གྱི་ས་ཆ་སཱ་མར་ཡ་ཞེས་པའི་རྒྱལ་པོ་ཡེ་ཧོ་རཱམ་དང་ཡ་ཧུ་དཱའི་རྒྱལ་པོ་ཡེ་ཧོ་རཱམ་གཉིས་ནི་མིང་གཅིག་ཀྱང་མི་གཉིས་ཡིན། དེ་གཉིས་མི་འཁྲུལ་བ་གལ་ཆེ། \f*དེའི་རྒྱུན་མཐུད་ནས་རྒྱལ་པོར་བཞུགས་སོ། །  
\v 18 ཨ་ཧ་ཟི་ཡཱའི་ལས་དོན་གཞན་རྣམས་ནི། ཡེས་ར་ཨེལ་པའི་རྒྱལ་པོ་རྣམས་ཀྱི་ལོ་རབས་ནང་དུ་བཀོད་ཡོད་པ་མ་ཡིན་ནམ།   
\c 2
\cl ལེའུ་གཉིས་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 ཨེ་ལི་ཡཱ་ནམ་མཁའི་ཞིང་ཁམས་སུ་དྲངས་པ།  
\p
\v 1 དཀོན་མཆོག་ཡ་ཝཱེས་ཨེ་ལི་ཡཱ་ནི་རླུང་འཚུབ་བརྒྱུད་ནས་ནམ་མཁའི་ཞིང་ཁམས་སུ་འདྲེན་པའི་ཚེ་ན། ཨེ་ལི་ཡཱ་དང་ཨེ་ལི་ཤཱ་གཉིས་མཉམ་དུ་གིལ་གལ་ནས་ཆས་པའི་ལམ་དུ་ཡོད་པ་དང་།  
\v 2 ཨེ་ལི་ཡཱས་ཨེ་ལི་ཤཱ་ལ། དཀོན་མཆོག་ཡ་ཝཱེས་བདག་པེད་ཨེལ་དུ་མངགས་པས། ཁྱོད་རང་འདི་ནས་བཞུགས་རོགས་ཞེས་བསྒོས་ཀྱང་། ཨེ་ལི་ཤཱས་ཁོང་ལ། བདག་གིས་གཏན་དུ་གསོན་པོར་བཞུགས་པའི་དཀོན་མཆོག་ཡ་ཝཱེ་དང་ཁྱེད་ཀྱི་ཚེ་སྲོག་གཉིས་ཀ་དཔང་དུ་བཙུགས་ནས་མནའ་བསྐྱལ་བ་སྟེ། ང་ནི་ཅིས་ཀྱང་ཁྱེད་དང་འབྲལ་བར་མི་བྱའོ་ཞེས་ཞུས་པས། ཁོང་གཉིས་མར་པེད་ཨེལ་དུ་ཕྱིན་ཏོ། །  
\v 3 ཡང་པེད་ཨེལ་དུ་ཡོད་པའི་ལུང་སྟོན་པ་ཚོའི་སློབ་བུ་རྣམས་ཐོན་ཏེ། ཨེ་ལི་ཤཱའི་དྲུང་དུ་འོངས་ནས་ཁོང་ལ། དཀོན་མཆོག་ཡ་ཝཱེས་དེ་རིང་ཁྱེད་ཀྱི་སློབ་དཔོན་ནི་ཁྱེད་ཀྱི་གམ་ནས་འཁྱེར་བར་མཛད་པ་ཤེས་ཡོད་དམ་ཞེས་དྲིས་པར། ཁོང་ན་རེ། ངས་དེ་ཤེས་ཡོད། ཁྱོད་རྣམས་ཁ་རོག་སྡོད་ཅིག་ཅེས་གསུངས་སོ། །   
\p
\v 4 དེ་ཡང་ཨེ་ལི་ཡཱས་ཁོང་ལ། ཀྱེ་ཨེ་ལི་ཤཱ། དཀོན་མཆོག་ཡ་ཝཱེས་བདག་ཡེ་རུ་ཀོ་རུ་མངགས་པས། ཁྱོད་རང་འདི་ནས་བཞུགས་རོགས་ཞེས་བསྒོས་ཀྱང་། ཨེ་ལི་ཤཱས་ཁོང་ལ། བདག་གིས་གཏན་དུ་གསོན་པོར་བཞུགས་པའི་དཀོན་མཆོག་ཡ་ཝཱེ་དང་ཁྱེད་ཀྱི་ཚེ་སྲོག་གཉིས་ཀ་དཔང་དུ་བཙུགས་ནས་མནའ་བསྐྱལ་བ་སྟེ། ང་ནི་ཅིས་ཀྱང་ཁྱེད་དང་འབྲལ་བར་མི་བྱའོ་ཞེས་ཞུས་པས་ཁོང་གཉིས་ཡེ་རུ་ཀོ་རུ་ཕྱིན།  
\v 5 ཡེ་རུ་ཀོ་ལ་ཡོད་པའི་ལུང་སྟོན་པ་ཚོའི་སློབ་བུ་རྣམས་ཨེ་ལི་ཤཱའི་དྲུང་དུ་འོངས་ནས་ཁོང་ལ། དཀོན་མཆོག་ཡ་ཝཱེས་དེ་རིང་ཁྱེད་ཀྱི་སློབ་དཔོན་ནི་ཁྱེད་ཀྱི་གམ་ནས་འཁྱེར་བར་མཛད་པ་ཤེས་ཡོད་དམ་ཞེས་དྲིས་པར། ཁོང་ན་རེ། ངས་དེ་ཤེས་ཡོད། ཁྱོད་རྣམས་ཁ་རོག་སྡོད་ཅིག་ཅེས་སྨྲས་སོ། །   
\p
\v 6 དེ་ནས་ཡང་ཨེ་ལི་ཡཱས་ཁོང་ལ། དཀོན་མཆོག་ཡ་ཝཱེས་བདག་ཡོར་དན་གཙང་པོར་མངགས་པས། ཁྱོད་རང་འདི་ནས་བཞུགས་རོགས་ཞེས་བསྒོས་ཀྱང་། ཨེ་ལི་ཤཱས་ཁོང་ལ། བདག་གིས་གཏན་དུ་གསོན་པོར་བཞུགས་པའི་དཀོན་མཆོག་ཡ་ཝཱེ་དང་ཁྱེད་ཀྱི་ཚེ་སྲོག་གཉིས་ཀ་དཔང་དུ་བཙུགས་ནས་མནའ་བསྐྱལ་བ་སྟེ། ང་ནི་ཅིས་ཀྱང་ཁྱེད་དང་འབྲལ་བར་མི་བྱའོ་ཞེས་ཞུས་པས་ཁོང་གཉིས་མཉམ་དུ་ཆས་པ་ལ།  
\v 7 ལུང་སྟོན་པ་ཚོའི་སློབ་བུ་རྣམས་ལས་མི་ལྔ་བཅུ་འོངས་ཏེ་ཁོང་གཉིས་དང་རྒྱང་རིང་ནས་ཁ་གཏད་དུ་ལངས་བསྡད་ཅིང་། ཁོང་གཉིས་ནི་ཡོར་དན་གཙང་པོའི་འགྲམ་དུ་ལངས་ནས་བསྡད།  
\v 8 ཨེ་ལི་ཡཱས་རང་གི་ཕྱི་གོས་བླངས་ནས་བལྟབས་ཏེ་ཆུ་ལ་བརྒྱབ་པ་ན། ཆུ་དེ་ཡར་མར་ཁག་གཉིས་སུ་གྱེས་སོང་བས་ཁོང་གཉིས་སྐམ་སའི་སྟེང་ནས་ཕ་རོལ་ཏུ་ཕྱིན་ཏོ། །   
\p
\v 9 དེར་ཁོང་གཉིས་ཕ་རོལ་ཏུ་ཕྱིན་རྗེས། ཨེ་ལི་ཡཱས་ཨེ་ལི་ཤཱ་ལ། ང་རང་ཁྱོད་དང་ཕྲལ་ནས་ཡར་མ་དྲངས་གོང་དུ་བདག་ལས་ཅི་འདོད་པ་དེ་ཞུ་བར་གྱིས་ཤིག་ཅེས་བསྒོས་པར། ཨེ་ལི་ཤཱ་ན་རེ། ཁྱེད་ཀྱིས་ཉིད་ཀྱི་ཐུགས་ཉིད་ནི་ལྡབ་འགྱུར་གྱིས་ང་ལ་གནང་བར་མཛོད་ཅེས་གསོལ་བ་དང་།  
\v 10 ཨེ་ལི་ཡཱས་འདི་སྐད་དུ། ཁྱོད་ཀྱིས་བསྒྲུབ་དཀའ་བའི་དོན་ཞིག་ཞུས་བྱུང་། གལ་ཏེ་ཁྱོད་ཀྱིས་ང་རང་ཁྱོད་དང་འཕྲལ་བ་དེ་མཐོང་བར་གྱུར་ན་དེ་བཞིན་དུ་འཐོབ་པར་འགྱུར་གྱི། གལ་ཏེ་མཐོང་བར་མ་གྱུར་ན། དེ་བཞིན་དུ་འཐོབ་པར་མི་འགྱུར་ཞེས་གསུངས་སོ། །  
\v 11 དེ་ནས་ཁོང་གཉིས་གླེང་མོལ་བྱས་ནས་འགྲོ་བཞིན་པའི་སྐབས་སུ། ཀྱེ་ཧོ། མེའི་ཤིང་རྟ་འཁོར་ལོ་དང་མེའི་རྟ་རྣམས་ཀྱིས་ཁོ་གཉིས་སོ་སོར་ཕྲལ་ཏེ། ཨེ་ལི་ཡཱ་ནི་རླུང་འཚུབ་ཁྲོད་དུ་ནམ་མཁའི་ཞིང་ཁམས་སུ་དྲངས་པ་ལ།  
\v 12 ཨེ་ལི་ཤཱས་དེ་མཐོང་ནས་སྐད་ཆེན་པོས། ངའི་ཡབ་ལགས། ངའི་ཡབ་ལགས། ཡེས་ར་ཨེལ་གྱི་དམག་འཐབ་ཤིང་རྟ་དང་སྐྱ་དམག་རྣམས་ཞེས་བོས་ན་ཡང་། ཁོས་ནི་ཨེ་ལི་ཡཱ་སླར་མཐོང་བར་མ་གྱུར་པ་དང་། རང་གི་གོས་དུམ་བུ་གཉིས་སུ་གཤགས་སོ། །  
\v 13 དེ་ནས་ཁོས་ཨེ་ལི་ཡཱ་ལས་ལྷུང་བའི་ཕྱི་གོས་དེ་བླངས་ནས་ཕྱིར་ལོག་ཅིང་ཡོར་དན་གཙང་པོའི་འགྲམ་དུ་ལངས་བསྡད་པ་དང་།  
\v 14 ཨེ་ལི་ཡཱ་ལས་ལྷུང་བའི་ཕྱི་གོས་དེ་ཁྱེར་ནས་ཆུ་ལ་བརྡེགས་ཤིང་། ཨེ་ལི་ཡཱའི་དཀོན་མཆོག་ཡ་ཝཱེ་གང་དུ་བཞུགས་སམ་ཞེས་སྨྲས་པ་དང་ཆུ་ལ་བརྡེགས་པའི་ཚེ། ཆུ་དེ་ཁག་གཉིས་སུ་གྱེས་ནས་ཨེ་ལི་ཤཱ་ཕ་རོལ་ཏུ་ཕྱིན་ཏོ། །   
\s1 ཨེ་ལི་ཤཱ་བྱ་བ་ཨེ་ལི་ཡཱའི་རྒྱུན་འཛིན་དུ་གྱུར་པ།  
\p
\v 15 དེ་ཡང་ཡེ་རུ་ཀོ་རུ་ཡོད་པའི་ལུང་སྟོན་པའི་སློབ་བུ་རྣམས་ཀྱིས་དེ་ལྟར་འབྱུང་བ་ཕར་ཕྱོགས་ནས་མཐོང་བས། དེ་དག་གིས་ཨེ་ལི་ཡཱའི་ཐུགས་ཉིད་ནི་ཨེ་ལི་ཤཱའི་སྟེང་དུ་བབས་པ་ཡིན་ནོ་ཞེས་སྨྲས་ནས་བསུ་རུ་ཕྱིན་ཏེ་ཁོང་གི་དྲུང་དུ་ལུས་སར་བཏུད་ནས་ཕྱག་འཚལ་བཞིན་ན་རེ།  
\v 16 དཀོན་མཆོག་ཡ་ཝཱེའི་ཐུགས་ཉིད་ཀྱིས་ཁྱེད་ཀྱི་སློབ་དཔོན་ཡར་ཁྱེར་ནས་རི་ཞིག་གམ་ལུང་པ་ཞིག་ཏུ་བསྐྱུར་ཡང་སྲིད། གཟིགས་དང་། འདིར་ཁྱེད་ཀྱི་ཞབས་ཕྱིའི་ནང་དུ་མི་སྟོབས་ཅན་ལྔ་བཅུ་ཡོད་པས། དེ་དག་ཁོང་འཚོལ་དུ་འགྲོ་བར་གནོངས་ཤིག་ཅེས་ཞུས་པར། ཁོང་གིས་མི་སུ་ཡང་མ་མངགས་ཤིག་ཅེས་བསྒོས་ཀྱང་།  
\v 17 དེ་དག་གིས་ནན་གྱིས་ཞུས་པ་ལ། ཁོང་ངོ་ཟློག་པར་ནོངས་ནས་ཐོངས་ཤིག་ཅེས་བསྒོས་ཤིང་། དེ་དག་གིས་མི་ལྔ་བཅུ་མངགས་པ་དང་། དེ་རྣམས་ཀྱིས་ཉིན་གསུམ་གྱི་རིང་དུ་བཙལ་ཡང་མ་རྙེད་དོ། །  
\v 18 དེ་དག་ཕྱིར་ཨེ་ལི་ཤཱའི་གམ་དུ་ལོག་ཅིང་སྐབས་དེར་ཁོང་ཉིད་ད་དུང་ཡེ་རུ་ཀོར་བསྡད་ཡོད་པ་དང་། ཁོང་གིས་དེ་དག་ལ། ངས་ཁྱོད་ཅག་ལ་མ་འགྲོ་ཞེས་སྨྲས་པ་མ་ཡིན་ནམ་ཞེས་གསུངས་སོ། །   
\p
\v 19 ཡང་གྲོང་ཁྱེར་དེའི་མི་རྣམས་ཀྱིས་ཨེ་ལི་ཤཱ་ལ། བདག་ཅག་གི་ཇོ་བོ་ལགས། གཟིགས་དང་། བདག་ཅག་གི་ཇོ་བོ་ཁྱེད་ཉིད་ཀྱིས་གཟིགས་པ་ལྟར་གྲོང་ཁྱེར་འདི་ཆགས་སའི་ཡུལ་ནི་ལེགས་ནའང་ཆུ་ངན་པའི་སྟབས་ཀྱིས་ས་ཞིང་དུ་འབྲས་བུ་མི་འབྱུང་ངོ་ཞེས་ཞུས་པ་ན།  
\v 20 ཁོང་གིས་འདི་སྐད་དུ། ང་ལ་བུམ་པ་གསར་པ་ཞིག་ཏུ་ཚྭ་བླུགས་ནས་ཁྱེར་ཤོག་ཅེས་བསྒོས་པ་དང་། དེ་དག་གིས་ཁོང་ལ་དེ་བཞིན་ཕུལ་ཏོ། །  
\v 21 དེ་ནས་ཁོང་ཕྱི་རོལ་ཏུ་ཆུ་མིག་གི་རྩར་ཕེབས་ནས་དེའི་ནང་དུ་ཚྭ་འདེབས་བཞིན་འདི་སྐད་དུ། དཀོན་མཆོག་ཡ་ཝཱེས་འདི་ལྟར་གསུངས་ཏེ། ངས་ཆུ་འདི་གསོས་པ་ཡིན། འདི་ནས་ཕྱིན་ཆད་མི་འཆི་བའམ་སྟོན་ཐོག་མི་འབྱུང་བར་མི་འགྱུར་ཞེས་གསུངས་པ་དང་།  
\v 22 ཨེ་ལི་ཤཱའི་བཀའ་བཞིན་དུ་ཆུ་དེ་སོས་ནས་དེ་རིང་གི་བར་དུ་གནས་སོ། །   
\p
\v 23 དེ་ནས་ཨེ་ལི་ཤཱ་ཁོང་ཉིད་པེད་ཨེལ་དུ་ཡར་བྱོན་ཏེ། ཡར་འགྲོ་བའི་ལམ་དུ་གྲོང་ཁྱེར་གྱི་གཞོན་ནུ་འགའ་ཐོན་ནས་ཁོང་ལ་འདི་ལྟར་འཕྱ་སྨོད་བྱས། མགོ་སྤྱི་ཐེར་ཅན་ཁྱོད་ཡར་སོང་ཞིག མགོ་སྤྱི་ཐེར་ཅན་ཁྱོད་ཡར་སོང་ཞིག་ཅེས་སྐད་བརྒྱབ་པས།  
\v 24 ཁོང་གིས་ཕྱི་མིག་གིས་དེ་དག་ལ་གཟིགས་ཤིང་དཀོན་མཆོག་ཡ་ཝཱེའི་མཚན་ལ་བརྟེན་ནས་དམོད་པ་བོར་བས། ནགས་ཚལ་ལས་དོམ་མོ་གཉིས་འོངས་ནས་དེ་དག་ཁྲོད་ཀྱི་གཞོན་ནུ་ཞེ་གཉིས་ཧྲལ་བར་བྱས།  
\v 25 ཡུལ་དེ་ནས་ཁོང་ཀར་མེལ་རི་བོར་ཕྱིན་པ་དང་། ཡང་དེ་ནས་ཕྱིར་སཱ་མར་ཡ་རུ་ལོག་གོ །   
\c 3
\cl ལེའུ་གསུམ་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 མོ་ཨབ་པས་ཡེས་ར་ཨེལ་ལ་ངོ་ལོག་བྱས་པ།  
\p
\v 1 དེ་ཡང་ཡ་ཧུ་དཱའི་རྒྱལ་པོ་ཡེ་ཧོ་ཤ་ཕད་ཀྱིས་སྲིད་བསྐྱངས་པའི་ལོ་བཅོ་བརྒྱད་པར། ཨ་ཧབ་ཀྱི་སྲས་ཡོ་རཱམ་བྱ་བ་སཱ་མར་ཡ་རུ་ཡེས་ར་ཨེལ་གྱི་རྒྱལ་པོར་གྱུར་ནས་ལོ་བཅུ་གཉིས་ཀྱི་རིང་དུ་རྒྱལ་སྲིད་བསྐྱངས་སོ། །  
\v 2 ཁོས་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་སྤྱད་ཀྱང་། རང་གི་ཕ་མས་ཅི་བྱས་པའི་ཚད་དེ་འདྲར་མ་སླེབས་པ་སྟེ། རང་གི་ཕ་ཡིས་བཟོས་པའི་པཱ་ཨལ་གྱི་ལྷ་རྟེན་དེ་ཁོས་དོར་བར་བྱས་སོ། །  
\v 3 འོན་ཀྱང་ཡེས་ར་ཨེལ་ལ་སྡིག་པ་བྱེད་དུ་བཅུག་པའི་ནེ་བཱད་ཀྱི་བུ་ཡེ་རོབ་ཨམ་གྱི་སྡིག་པ་ལ་འབྱར་ཏེ།\f + \ft ཡེ་རོབ་ཨམ་ནི་ཡེས་ར་ཨེལ་གྱི་རྒྱལ་པོ་ཐོག་མ་དེ་ཡིན། ཁོས་གསེར་གྱི་བ་ཕྲུག་གཉིས་ཀྱི་སྐུ་བརྙན་བཞེངས་པ་ལ་བརྟེན་ནས། མི་རྣམས་ལ་སྐུ་བརྙན་དེ་ཚོར་ཕྱག་འཚལ་དུ་བཅུག \f* དེ་དང་བྲལ་བར་མ་གྱུར་ཏོ། །   
\p
\v 4 ཡང་མོ་ཨབ་ཀྱི་རྒྱལ་པོ་མེ་ཤཱ་ནི་ལུག་འཚོ་བའི་ཕྱུགས་བདག་ཅིག་ཡིན་ཏེ། ཁོས་ཡེས་ར་ཨེལ་གྱི་རྒྱལ་པོ་ལ་ལུ་གུ་འབུམ་གཅིག་དང་། ལུག་ཐུག་འབུམ་གཅིག་བལ་དང་བཅས་པ་འབུལ་བཞིན་ཡོད་པ་ལ།  
\v 5 ཨ་ཧབ་ཚེ་ལས་འདས་རྗེས། མོ་ཨབ་པའི་རྒྱལ་པོས་ཡེས་ར་ཨེལ་གྱི་རྒྱལ་པོར་ངོ་ལོག་བྱས་སོ། །  
\v 6 ཉིན་དེ་ཉིད་དུ་རྒྱལ་པོ་ཡོ་རཱམ་ནི་སཱ་མར་ཡ་ནས་ཐོན་ཏེ། ཡེས་ར་ཨེལ་པ་ཐམས་ཅད་བསྡུས་ཤིང་དམག་བསྐྱོད་བྱས་པ་དང་།  
\v 7 ཁོ་འགྲོ་ཞོར་དུ་ཡ་ཧུ་དཱའི་རྒྱལ་པོ་ཡེ་ཧོ་ཤ་ཕད་ལ་ངག་འཕྲིན་བསྐུར་བ་འདི་ལྟ་སྟེ། མོ་ཨབ་པའི་རྒྱལ་པོས་ང་ལ་ངོ་ལོག་བྱས་པས། ཁྱོད་བདག་དང་མཉམ་དུ་མོ་ཨབ་ལ་འཐབ་པར་འགྲོའམ་ཞེས་པར། ཡེ་ཧོ་ཤ་ཕད་ན་རེ། ང་ནི་ཡར་འགྲོ་བར་བྱའོ། །ཁྱོད་དང་ང་གཉིས་གཅིག་ཡིན་ཏེ། ངའི་འབངས་ཀྱང་ཁྱེད་ཀྱི་འབངས་དང་འདྲ་ཞིང་། ངའི་རྟ་རྣམས་ཀྱང་ཁྱེད་ཀྱི་རྟ་དང་འདྲ་ཞེས་སྨྲས་སོ། །  
\v 8 ཡང་ཡེ་ཧོ་ཤ་ཕད་ཀྱིས། ངེད་ཅག་ལམ་གང་ནས་ཡར་འགྲོའམ་ཞེས་དྲིས་པར། ཡོ་རཱམ་གྱིས། ཨེ་དོམ་ཡུལ་གྱི་ས་སྟོང་བརྒྱུད་ནས་འགྲོ་བར་བྱ་ཞེས་སྨྲས་སོ། །   
\p
\v 9 དེ་ནས་ཡེས་ར་ཨེལ་གྱི་རྒྱལ་པོ་དང་། ཡ་ཧུ་དཱའི་རྒྱལ་པོ། ཨེ་དོམ་གྱི་རྒྱལ་པོ་གསུམ་མཉམ་དུ་ཐོན་ཏེ། ཉིན་བདུན་གྱི་རིང་ལ་སྐོར་བསྐྱོད་བྱས་པས་དམག་དཔུང་དང་དེའི་རྗེས་སུ་འབྲངས་པའི་སྒོ་ཕྱུགས་རྣམས་ལ་ཆུ་མེད་པར་གྱུར་ཏོ། །  
\v 10 དེ་ནས་ཡེས་ར་ཨེལ་གྱི་རྒྱལ་པོས། ཀྱེ་མ། དོན་དངོས་སུ་དཀོན་མཆོག་ཡ་ཝཱེས་ངེད་རྒྱལ་པོ་གསུམ་པོ་མོ་ཨབ་པའི་ལག་ཏུ་གཏད་པར་ཞལ་གསུང་གནང་བ་ལགས་སོ་ཞེས་སྨྲས་པར།  
\v 11 ཡེ་ཧོ་ཤ་ཕད་ཀྱིས། འདིར་དཀོན་མཆོག་ཡ་ཝཱེ་ལ་བཀའ་འདྲི་ཞུ་བར་དཀོན་མཆོག་ཡ་ཝཱེའི་ལུང་སྟོན་པ་ཡོད་པ་མིན་ནམ་ཞེས་པ་ན། ཡེས་ར་ཨེལ་གྱི་རྒྱལ་པོའི་འཁོར་གྱི་ནང་ནས་གཅིག་གིས། ཤ་ཕད་ཀྱི་བུ་ཨེ་ལི་ཤཱ་སྟེ། ཨེ་ལི་ཡཱའི་ལག་པར་ཆུ་ལྡུག་མཁན་དེ་འདི་རུ་འདུག་ཅེས་ཞུས་པ་དང་།  
\v 12 ཡེ་ཧོ་ཤ་ཕད་ཀྱིས། དཀོན་མཆོག་ཡ་ཝཱེའི་བཀའ་ནི་ཁོང་དང་ལྷན་དུ་བཞུགས་ཞེས་སྨྲས་པ་ན། ཡེས་ར་ཨེལ་གྱི་རྒྱལ་པོ་དང་ཡེ་ཧོ་ཤ་ཕད། ཨེ་དོམ་གྱི་རྒྱལ་པོ་བཅས་པ་མར་ཁོང་གི་དྲུང་དུ་ཕྱིན་ཏོ། །   
\p
\v 13 ཨེ་ལི་ཤཱས་ཡེས་ར་ཨེལ་གྱི་རྒྱལ་པོ་ལ། ང་དང་ཁྱོད་གཉིས་ལ་འབྲེལ་བ་ཅི་ཡོད། ཁྱོད་ཀྱི་ཕ་དང་མ་ཡི་ལུང་སྟོན་པ་རྣམས་ཀྱི་གམ་དུ་སོང་ཞིག་གསུངས་པ་ན། ཡེས་ར་ཨེལ་གྱི་རྒྱལ་པོས། དེ་ལྟར་མི་གསུང་བར་འཚལ། རྒྱུ་མཚན་ནི་དཀོན་མཆོག་ཡ་ཝཱེས་བདག་ཅག་རྒྱལ་པོ་གསུམ་མོ་ཨབ་པའི་ལག་ཏུ་གཏད་པར་ཞལ་གསུང་གནང་ཡོད་ཅེས་ཞུས་ཤིང་།  
\v 14 ཨེ་ལི་ཤཱ་ཡིས། ངས་རང་གིས་ཞབས་ཕྱི་སྒྲུབ་པའི་དཔུང་ཚོགས་ཀུན་གྱི་དཀོན་མཆོག་ཡ་ཝཱེ་སྟེ་གཏན་དུ་གསོན་པོར་བཞུགས་པ་ཁོང་ཉིད་དཔང་དུ་བཙུགས་ནས་མནའ་བསྐྱལ་བ་སྟེ། གལ་སྲིད་ངས་ཡ་ཧུ་དཱའི་རྒྱལ་པོ་ཡེ་ཧོ་ཤ་ཕད་ཀྱི་ཞལ་ངོར་བལྟས་པ་མིན་ན། ངས་ཁྱོད་ལ་ཁ་ཡ་བྱེད་པ་ལྟ་ཞོག མིག་གིས་ཀྱང་མི་བལྟ།  
\v 15 ད་ནི་རོལ་མོ་དཀྲོལ་མཁན་ཞིག་ངའི་གམ་དུ་ཁྲིད་ཤོག་ཅེས་བསྒོས་པ་དང་། རོལ་མོ་དཀྲོལ་མཁན་དེས་རོལ་མོ་དཀྲོལ་སྐབས་དཀོན་མཆོག་ཡ་ཝཱེའི་ཕྱག་ཁོང་གི་སྟེང་ལ་བབས་པ་དང་།  
\v 16 ཁོང་ན་རེ། དཀོན་མཆོག་ཡ་ཝཱེས་འདི་སྐད་དུ། ཁྱོད་ཚོས་ལུང་པ་འདིའི་གང་སར་རྫིང་བུ་བསྐྱིལ་ཏེ་འོབས་དོང་གཤག་དགོས།  
\v 17 གང་ལ་ཞེ་ན། དཀོན་མཆོག་ཡ་ཝཱེས་འདི་སྐད་གསུངས་ཏེ། ཁྱོད་ཀྱིས་རླུང་གཡུག་པ་མི་མཐོང་ལ། ཆར་འབབ་པའང་མི་མཐོང་མོད། འོན་ཀྱང་ཁྱོད་ཅག་དང་ཁྱོད་ཅག་གི་ཁལ་མ་དང་སྒོ་ཕྱུགས་རྣམས་ལ་འཐུང་ཆུ་ཡོད་པའི་ཕྱིར་ལུང་པ་དེ་ཆུས་ཁེངས་ངེས་ཡིན་ནོ། །  
\v 18 འདི་ནི་དཀོན་མཆོག་ཡ་ཝཱེའི་སྤྱན་སྔར་དོན་ཆུང་ཆུང་ཞིག་སྟེ། ཁོང་གིས་མོ་ཨབ་པ་རྣམས་ཀྱང་ཁྱོད་ཅག་གི་ལག་ཏུ་གཏོད་པར་འགྱུར།  
\v 19 ཁྱོད་ཚོས་གྲོང་ཁྱེར་བརྟན་པོའི་མཁར་སྒོ་དང་། གྲོང་ཁྱེར་ཡག་པོ་ཐམས་ཅད་གཏོར་བར་བྱ་ཞིང་། ལྗོན་ཤིང་ལྟ་ན་སྡུག་པ་ཐམས་ཅད་གཅོད་པ་དང་། ཆུ་མིག་ཐམས་ཅད་བཀག་ནས་ས་ཞིང་ཡག་པོ་ཐམས་ཅད་རྡོ་སྤུང་རྒྱག་པར་བྱའོ་ཞེས་སྦྲན།  
\v 20 དེའི་ཕྱི་ཉིན་ཞོགས་པར་སྦྱིན་སྲེག་གི་མཆོད་པ་འབུལ་དུས་སུ། ལྟོས་དང་། ཨེ་དོམ་གྱི་ཕྱོགས་ནས་ཆུ་འོངས་ཏེ་ཡུལ་དེ་ནི་ཆུས་ཁེངས་པར་གྱུར་ཏོ། །   
\p
\v 21 དེ་ནས་མོ་ཨབ་པ་ཀུན་གྱིས་རྒྱལ་པོ་དེ་དག་ཁོ་ཚོ་དང་དམག་འཁྲུག་རྒྱག་ཏུ་ཡར་འོངས་པ་ཐོས་པས། ཁྲབ་རྨོག་གྱོན་ཐུབ་པ་རྒན་གཞོན་གང་ཡིན་ཡང་ཐམས་ཅད་བོས་ནས་ས་མཚམས་སུ་ལངས་པ་དང་།  
\v 22 དེའི་ཕྱི་ཉིན་ཞོགས་པར་ཁོ་ཚོ་ཡར་ལངས་དུས། ཉི་མའི་འོད་མདངས་ཆུ་ལ་ཕོག་པ་ན། མོ་ཨབ་པ་རྣམས་ཀྱིས་ཕ་རོལ་ནས་ཆུ་ནི་ཁྲག་ལྟར་དམར་པོ་ཡིན་པ་མཐོང་བས།  
\v 23 ཁོ་ཚོས་འདི་ནི་ཁྲག་ཡིན་ཏེ། རྒྱལ་པོ་དེ་རྣམས་ཀྱིས་ནང་འཁྲུག་བརྒྱབ་ནས་ཕན་ཚུན་གསོད་རེས་བྱས་པ་རེད། ཀྱེ་མོ་ཨབ་པ་རྣམས། ད་ནི་འཕྲོག་བཅོམ་བྱེད་དུ་འགྲོ་ཞེས་སྨྲས་པས།  
\v 24 དེ་རྣམས་ཡེས་ར་ཨེལ་གྱི་དམག་སྒར་དུ་ཕྱིན་པའི་ཚེ། ཡེས་ར་ཨེལ་པ་རྣམས་ཡར་ལངས་ཏེ་མོ་ཨབ་པ་རྣམས་བསད་པས། མོ་ཨབ་པ་རྣམས་ཁོ་ཚོའི་མདུན་ནས་བྲོས། ཡེས་ར་ཨེལ་པ་རྣམས་ཀྱིས་ཁོ་ཚོར་རྒོལ་ཏེ་བསད་དོ། །  
\v 25 དེ་དག་གིས་གྲོང་ཁྱེར་རྣམས་བརླགས་ཤིང་། མི་རེས་ས་ཞིང་ཡག་པོ་ཐམས་ཅད་ལ་རྡོ་འཕངས་པ་དང་ས་ཞིང་རྡོ་ཡིས་བཀང་བར་བྱས། ཡང་ཆུ་མིག་ཐམས་ཅད་བཀག་སྟེ་ལྗོན་ཤིང་ལྟ་ན་སྡུག་པ་ཐམས་ཅད་བཅད། ཀིར་ཧ་རེ་ཤེད་འབའ་ཞིག་གི་རྡོ་ལྷག་ཀྱང་དམག་མི་འུར་རྡོ་ཐོགས་པ་རྣམས་ཀྱིས་དེ་ཡང་མཐའ་ནས་བསྐོར་ཏེ་རྒོལ་བ་རེད།  
\v 26 དེ་ནས་མོ་ཨབ་ཀྱི་རྒྱལ་པོས་དམག་འཐབ་ཛ་དྲག་ཡིན་པ་མཐོང་བས། ཨེ་དོམ་གྱི་རྒྱལ་པོའི་ཕྱོགས་སུ་འཕྲལ་རྒོལ་བྱེད་པར་རལ་གྲི་ཐོགས་པའི་མི་བདུན་བརྒྱ་ཁོ་དང་མཉམ་དུ་ཁྲིད་ཀྱང་ཁོ་ཚོས་ཐུབ་པ་མ་བྱུང་།  
\v 27 དེ་ནས་ཁོས་རང་གི་རྗེས་སུ་རྒྱལ་པོར་བསྐོ་རྒྱུ་ཡིན་པའི་སྲས་ཐོག་མ་དེ་ལྕགས་རིའི་སྟེང་དུ་སྦྱིན་སྲེག་གི་མཆོད་པར་ཕུལ་བས། ཡེས་ར་ཨེལ་ལ་ཁོང་ཁྲོ་དྲག་པོ་བྱུང་སྟེ་ཁོ་དང་བྲལ་ནས་ཕྱིར་རང་ཡུལ་དུ་ལོག་གོ །   
\c 4
\cl ལེའུ་བཞི་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 ཨེ་ལི་ཤཱ་དང་ཡུགས་མོ་ཞིག་གི་སྣུམ་སྣོད།  
\p
\v 1 དེ་ཡང་ལུང་སྟོན་པའི་སློབ་བུ་གཅིག་གི་ཆུང་མས་ཨེ་ལི་ཤཱའི་དྲུང་དུ་འོ་དོད་དང་བཅས་ཏེ། ཁྱེད་ཀྱི་ཞབས་ཕྱི་སྟེ་བདག་གི་ཁྱོ་བོ་ནི་ཚེ་ལས་འདས་ཤིང་། ཁོ་ནི་དཀོན་མཆོག་ཡ་ཝཱེ་ལ་གུས་ཤིང་འཇིགས་པ་ཁྱེད་ཀྱིས་ཤེས་ལ། ད་ལྟ་བུན་བདག་ནི་ངའི་བུ་གཉིས་ཁོ་ལ་གཡོག་པོ་བྱེད་ཆེད་འཛིན་དུ་འོང་ངོ་ཞེས་ཞུས་པ་དང་།  
\v 2 ཨེ་ལི་ཤཱས་ཁོ་མོར་ངས་ཁྱོད་ཀྱི་དོན་དུ་ཅི་བྱའམ། ཁྱོད་ཀྱི་ཁྱིམ་དུ་ཅི་ཡོད་པ་བདག་ལ་ཤོད་ཅིག་ཅེས་བསྒོས་པས། ཁོ་མོ་ན་རེ། ཞལ་ཏ་མ་ངའི་ཁྱིམ་དུ་སྣུམ་རྫ་བུམ་གང་མ་གཏོགས་གཞན་ཅི་ཡང་མེད་ཅེས་ཞུས་པ་དང་།  
\v 3 ཨེ་ལི་ཤཱས། ཁྱོད་རང་ཕྱི་རུ་སོང་སྟེ། ཉེ་འཁོར་གྱི་ཁྱིམ་མཚེས་ཐམས་ཅད་ལས་རང་ཉིད་ལ་སྣོད་སྟོང་པ་གཡོར་དང་། གང་ནུས་ཀྱིས་མང་པོ་གཡོར་ཅིག  
\v 4 ཕྱིར་ཁྱིམ་དུ་ལོག་ཚེ་ཁྱོད་དང་ཁྱོད་ཀྱི་བུ་གཉིས་ཀྱིས་སྒོ་གཏན་ནས་སྣོད་ཐམས་ཅད་ཀྱི་ནང་དུ་སྣུམ་བླུགས་ཤིག ཁ་བཀང་རྗེས་འགྲམ་ཞིག་ཏུ་ཞོག་ཅིག་ཅེས་གསུངས།  
\v 5 དེ་ནས་ཁོ་མོ་ཁོང་དང་བྲལ་ནས་རང་དང་བུ་གཉིས་ཡོད་སའི་ཁང་སྒོ་གཏན་པ་དང་། ཁོ་མོའི་བུ་གཉིས་ཀྱིས་རྒྱུན་ཆད་མེད་པར་སྣོད་ཁྱེར་འོངས་པ་དང་ཁོ་མོས་དེ་དག་གི་ནང་དུ་སྣུམ་བླུགས་སོ། །  
\v 6 སྣོད་རྣམས་ཁ་བཀང་བའི་ཚེ་ཁོ་མོས་བུ་ལ་ད་དུང་སྣོད་ཁྱེར་ཤོག་ཅེས་སྨྲས་པར། བུ་ཡིས་ཁོ་མོར་ད་ནི་སྣོད་མེད་དོ་ཞེས་སྨྲས་པ་དང་སྣུམ་ཡང་ཆད་པར་གྱུར་ཏོ། །  
\v 7 དེ་ནས་ཁོ་མོ་སོང་སྟེ་དཀོན་མཆོག་གི་སྐྱེས་བུ་ལ་ཞུས་པ་ན། ཁོང་གིས་ད་སོང་ལ་སྣུམ་བཙོངས་ཏེ་ཁྱོད་ཀྱི་བུ་ལོན་འཇལ་ཡག་བྱོས། ལྷག་མ་དེ་ཁྱོད་དང་ཁྱོད་ཀྱི་བུ་གཉིས་ཀྱི་འཚོ་རྒྱགས་བྱོས་ཤིག་ཅེས་གསུངས་སོ། །   
\s1 ཨེ་ལི་ཤཱ་དང་ཤུ་ནེམ་གྱི་བུད་མེད།  
\p
\v 8 ཉིན་ཞིག་ལ་ཨེ་ལི་ཤཱ་ཁོང་ཉིད་ཤུ་ནེམ་བརྒྱུད་ནས་འགྲོ་དུས། དེར་གནས་པའི་བུད་མེད་ཕྱུག་བདག་ཅིག་གིས་ཁོང་ཉིད་གསོལ་བ་བཞེས་པར་ནན་གྱིས་ཞུས་ཤིང་། ཕྱིས་སུ་ཁོང་ལམ་དེ་བརྒྱུད་ནས་འགྲོ་ཐེངས་རེར་ནང་དུ་ཕེབས་ནས་གསོལ་བ་བཞེས་པ་རེད།  
\v 9 བུད་མེད་དེས་རང་གི་ཁྱོ་བོ་ལ། ལྟོས་དང་། རྒྱུན་དུ་ངེད་ཅག་གི་ལམ་འདི་བརྒྱུད་ནས་ཕེབས་པ་འདི་ནི་དཀོན་མཆོག་གི་སྐྱེས་བུ་ཞིག་ཡིན་པ་ངས་ཤེས་སོ། །  
\v 10 རང་ཅག་གིས་ཁང་སྟེང་ནས་རྩིག་པ་དང་ལྡན་པའི་ཁང་ཆུང་ཞིག་ཕུབ་ན་ལེགས་ཏེ། དེའི་ནང་དུ་ཁོང་ལ་མལ་ཁྲི་དང་། མདུན་ཅོག་དང་། རྐུབ་བཀྱག་དང་། སྒྲོན་མེ་བཅས་འཇོག་པར་བྱའོ། །དེ་ནས་ཁོང་ཉིད་རང་ཅག་གི་གམ་དུ་ཕེབས་པའི་དུས་སུ་དེར་སྐུ་ངལ་གསོས་ཆོག་པ་ཡིན་ཞེས་སྨྲས་སོ། །   
\p
\v 11 དེ་ཡང་ཉིན་ཞིག་ལ་ཨེ་ལི་ཤཱ་དེར་ཕེབས་ཤིང་། ཡར་ཁང་མིག་དེའི་ནང་དུ་འཛུལ་ནས་བསྙེས་པ་དང་།  
\v 12 རང་གི་ཞབས་ཕྱི་གེ་ཧ་ཟི་ལ། ཤུ་ནེམ་གྱི་བུད་མེད་འདི་རུ་བོས་ཤིག་གསུངས་པར། དེས་ཁོ་མོ་བོས་འོངས་པ་དང་ཁོང་གི་དྲུང་དུ་ལངས་ནས་བསྡད།  
\v 13 ཡང་ཁོང་གིས་རང་གི་ཞབས་ཕྱི་ལ། ཁྱོད་ཀྱིས་ཁོ་མོ་ལ། ལྟོས་དང་། ཁྱོད་ཀྱིས་ངེད་ཅག་ལ་ཕན་ཆེན་པོ་བཏགས་པས། བདག་གིས་ཁྱོད་ལ་ཅི་ཞིག་བྱེད་དགོས་སམ། ཁྱོད་ལ་བདག་གིས་ཁྱོད་ཀྱི་ཚབ་ཏུ་རྒྱལ་པོའམ་དམག་དཔོན་ལ་ཞུ་དགོས་པའི་དོན་ཡོད་དམ་ཞེས་དྲིས་ཤིག་བསྒོས་པ་དང་། ཁོ་མོ་ན་རེ། བདག་ནི་རང་གི་མི་རྣམས་ཀྱི་ཁྲོད་དུ་སྡོད་པ་ཡིན་ཞེས་ཞུས་སོ། །  
\v 14 དེ་ནས་ཡང་ཁོང་གིས་དེས་ན་བདག་གིས་ཁོ་མོའི་དོན་དུ་ཅི་བྱའམ་ཞེས་གསུངས་པ་ན། གེ་ཧ་ཟིས་ལན་དུ། ཁོ་མོར་བུ་མེད་པ་ནི་དོན་དངོས་ཡིན་པ་དང་ཁྱོ་ག་ཡང་རྒས་ནས་འདུག་ཅེས་ཞུས་པར།  
\v 15 ཨེ་ལི་ཤཱས་ཁོ་མོ་བོས་ཤིག་བསྒོས་པས་དེས་ཁོ་མོ་བོས་ཤིང་། ཁོ་མོ་སྒོ་འགྲམ་དུ་ལངས་ནས་བསྡད་པ་ལ།  
\v 16 ཨེ་ལི་ཤཱས་དེ་ལ། སང་ལོའི་ད་ཚོད་ཁྱོད་ཀྱི་པང་དུ་བུ་ཞིག་འཁྱུད་པར་འགྱུར་རོ་ཞེས་གསུངས་པ་ན། ཁོ་མོས། ཀྱེ་དཀོན་མཆོག་གི་སྐྱེས་བུ། ཁྱེད་ཀྱིས་ཉིད་ཀྱི་ཞལ་ཏ་མ་བསླུ་བར་མ་མཛད་ཅིག་ཅེས་ཞུས་སོ། །  
\v 17 དེ་ནས་ཨེ་ལི་ཤཱས་ཁོ་མོར་ཅི་གསུངས་པ་བཞིན་དུ། བུད་མེད་དེ་མངལ་དང་ལྡན་པར་གྱུར་ཏེ་ཕྱི་ལོའི་དུས་དེར་བུ་ཞིག་བཙས་སོ། །   
\s1 ཨེ་ལི་ཤཱ་ཡིས་ཤུ་ནེམ་གྱི་བུད་མེད་ཀྱི་བུའི་ཚེ་སྲོག་བསྐྱབས་པ།  
\p
\v 18 དེ་ཡང་ཕྲུ་གུ་དེ་ནར་སོན་པ་དང་། ཉིན་ཞིག་ལ་རང་གི་ཕ་དང་ཞིང་རྔ་མཁན་རྣམས་ཀྱི་གམ་དུ་སོང་སྟེ།  
\v 19 ཁོས་རང་གི་ཕ་ལ། ངའི་མགོ་བོ། ངའི་མགོ་བོ་ཞེས་སྨྲས་པ་ན། ཁོའི་ཕ་ཡིས་ཞབས་ཕྱི་ཞིག་ལ་ཕྲུ་གུ་འདི་རང་གི་མ་ཡི་གམ་དུ་ཁྱེར་ཞིག་བསྒོས་པས།  
\v 20 ཞབས་ཕྱི་པས་ཕྲུ་གུ་ཁྱེར་ཏེ་མ་ཡི་གམ་དུ་བསྐྱལ་ཞིང་ཉིན་གུང་བར་དུ་མ་ཡི་པང་དུ་བསྡད་པ་དང་། དེ་ནས་ཕྲུ་གུ་ཚེ་ལས་འདས།  
\v 21 ཁོ་མོ་ཡར་སོང་ནས་བུ་དེ་དཀོན་མཆོག་གི་སྐྱེས་བུའི་མལ་ཁྲི་སྟེང་དུ་བཞག་པ་དང་སྒོ་གཏན་ནས་ཕྱིར་ཐོན་ཏེ།  
\v 22 རང་གི་ཁྱོ་ག་བོས་ཏེ་ན་རེ། ཁྱེད་ཀྱིས་ཞབས་ཕྱི་ཞིག་དང་བོང་བུ་ཞིག་ང་ལ་གཏོང་རོགས། ང་རང་དཀོན་མཆོག་གི་སྐྱེས་བུའི་དྲུང་དུ་མགྱོགས་པོར་སོང་ནས་ཕྱིར་ལོག་འོང་ཞེས་སྨྲས་པ་ལ།  
\v 23 ཁོ་ན་རེ། དེ་རིང་ཚེས་གཅིག་གམ་ངལ་གསོ་བའི་ཉིན་མོ་མིན་པས། \f + \ft ཉིན་དེ་གཉིས་ནི་ལུང་སྟོན་པའི་མདུན་དུ་ལུང་བསྟན་ཞུ་བར་འགྲོ་བའི་རྒྱུན་ལྡན་གྱི་ཉིན་མོ་ཡིན།\f* ཁྱོད་ཅིའི་ཕྱིར་དེ་རིང་ཁོང་གི་དྲུང་དུ་འགྲོ་འདོད་ཅེས་པ་ན། ཁོ་མོས། ཐམས་ཅད་བདེ་བར་འགྱུར་ཞེས་སྨྲས་སོ། །  
\v 24 དེ་ནས་ཁོ་མོས་བོང་བུ་ལ་སྒ་བསྟད་དེ་ཞབས་ཕྱི་དེར། བོང་བུ་དེད་ནས་སོང་ཞིག ངས་ཁྱོད་ལ་བསྒོ་བའི་བར་དུ་ངའི་དོན་དུ་དལ་ལྷོད་མ་གཏོང་ཞིག་ཅེས་བསྒོས་སོ། །  
\v 25 དེ་ནས་མོ་ལམ་དུ་ཆས་ཏེ། ཀར་མེལ་རི་བོར་དཀོན་མཆོག་གི་སྐྱེས་བུའི་དྲུང་དུ་ཕྱིན་པ་ལ། དཀོན་མཆོག་གི་སྐྱེས་བུ་ཡིས་རྒྱང་རིང་ནས་ཁོ་མོ་མཐོང་སྟེ་ཞབས་ཕྱི་གེ་ཧ་ཟི་ལ། ལྟོས་དང་། ཕར་ཀ་ན་ཤུ་ནེམ་གྱི་བུད་མེད་དེ་འདུག  
\v 26 ད་ལྟ་ཉིད་དུ་བསུ་རུ་རྒྱུགས་ནས་ཁོ་མོ་ལ། ཁྱོད་རང་བདེའམ། ཁྱོད་ཀྱི་ཁྱོ་ག་ཡང་བདེའམ། བུ་ཡང་བདེའམ་ཞེས་དྲིས་ཤོག་གསུངས་པར། ཁོ་མོས་ཐམས་ཅད་བདེ་བར་འདུག་ཅེས་སྨྲས་སོ། །  
\v 27 དེ་ནས་ཁོ་མོ་དཀོན་མཆོག་གི་སྐྱེས་བུའི་དྲུང་དུ་རི་ལ་ཕྱིན་པ་དང་། ཁོང་གི་ཞབས་ལ་འཇུས། གེ་ཧ་ཟི་ཚུར་ཡོང་ནས་ཁོ་མོ་ཕར་ཕུད་རྒྱག་བྱེད་རྩིས་བྱས་མོད། འོན་ཀྱང་དཀོན་མཆོག་གི་སྐྱེས་བུས་དེ་ལ། བསྐྱུར་ཞོག ཁོ་མོའི་སེམས་ལ་སྡུག་བསྔལ་ཤིན་ཏུ་ཆེ། དཀོན་མཆོག་ཡ་ཝཱེས་དེ་གསང་ནས་ང་ལ་གསུང་མེད་ཅེས་གསུངས་པ་ན།  
\v 28 ཁོ་མོ་ན་རེ། ངས་རང་གི་བདག་པོ་ལ་བུ་ཡི་ཕྱིར་དུ་ཞུ་བ་ཞུས་མྱོང་ངམ། ཡང་ང་རང་བསླུ་བར་མ་མཛད་ཅེས་ངས་ཞུས་པ་མ་ཡིན་ནམ་ཞེས་ཞུས་ཤིང་།  
\v 29 དཀོན་མཆོག་གི་སྐྱེས་བུ་ཡིས་གེ་ཧ་ཟི་ལ། སྐ་རགས་སྡོམས་ལ་ \f + \ft སྐབས་དེར་མི་རྣམས་ཀྱིས་ལྭ་བ་རིང་པོ་གྱོན་པ་ཡིན། བྱ་བ་སྒྲུབ་སྐབས་སམ་མྱུར་དུ་སྐྱོད་པའི་དུས་སུ། ལྭ་བ་སྐ་རགས་ཀྱིས་ལུས་སུ་དམ་པོར་དཀྲི་ངེས་ཡིན། \f*ངའི་འཁར་རྒྱུག་ལག་ཏུ་ཐོགས་ནས་སོང་ཞིག མི་སུ་ཞིག་དང་ཕྲད་ནའང་དེར་གུས་ཕྱག་མ་བྱེད། གཞན་གྱིས་ཁྱོད་ལ་གུས་ཚིག་བརྗོད་ནའང་དེ་ལ་ལན་མ་འདེབས། ཕྲུ་གུའི་གདོང་ལ་ངའི་འཁར་རྒྱུག་འདི་ཞོག་ཅིག་ཅེས་བསྒོས་སོ། །  
\v 30 ཕྲུ་གུའི་མ་ཡིས། ངས་གཏན་དུ་གསོན་པོར་བཞུགས་པའི་དཀོན་མཆོག་ཡ་ཝཱེ་དང་ཁྱེད་ཀྱི་ཚེ་སྲོག་གཉིས་ཀ་དཔང་དུ་བཙུགས་ནས་མནའ་བསྐྱལ་ཏེ། ང་རང་ཅི་ནས་ཀྱང་ཁྱེད་དང་འབྲལ་བར་མི་བྱ་ཞེས་ཞུས་པས། དཀོན་མཆོག་གི་སྐྱེས་བུ་ཡར་བཞེངས་ནས་ཁོ་མོའི་རྗེས་སུ་བསྙེགས།  
\v 31 གེ་ཧ་ཟི་ནི་སྔོན་དུ་སོང་ནས་ཕྲུ་གུའི་གདོང་ལ་འཁར་རྒྱུག་བཞག་ནའང་། གྲགས་འགུལ་དང་ཚོར་སྣང་ཅི་ཡང་མ་བྱུང་བས། ཁོ་རང་ཕྱིར་ཡོང་སྟེ་ཨེ་ལི་ཤཱའི་གདོང་བསུས་ནས་ཁོང་ལ། ཕྲུ་གུ་ད་དུང་གཉིད་ནས་མ་སད་ཅེས་ཞུས་སོ། །   
\p
\v 32 དེ་ནས་ཨེ་ལི་ཤཱ་ཁོང་ཉིད་ཤུ་ནེམ་གྱི་བུད་མེད་དེའི་ཁྱིམ་དུ་ཕེབས་པའི་ཚེ། ཀྱེ་མ། ཕྲུ་གུ་ནི་ཤི་ཟིན་ཏེ་ཁོའི་མལ་ཁྲི་སྟེང་བཞག་ཡོད་པ་རེད།  
\v 33 ཁོང་ཉིད་ནང་དུ་སོང་ནས་སྒོ་བརྒྱབ་པ་དང་། ཁོང་དང་ཕྲུ་གུ་གཉིས་འབའ་ཞིག་ནང་དུ་ཡོད་པ་སྟེ། དཀོན་མཆོག་ཡ་ཝཱེ་ལ་གསོལ་བ་བཏབ་ཅིང་།  
\v 34 ཡང་ཁོང་མལ་ཁྲི་སྟེང་དུ་ཕྱིན་ཏེ་ཕྲུ་གུ་ལ་འཁྲིལ་ནས་དེའི་ཁ་ལ་རང་གི་ཁ་དང་། དེའི་མིག་ལ་རང་གི་མིག་དང་། དེའི་ལག་པར་རང་གི་ལག་པ་གླན་ཏེ། ཕྲུ་གུའི་སྟེང་དུ་བཀབ་པ་ན་ཕྲུ་གུའི་ལུས་ལ་དྲོད་རྒྱས་སོ། །  
\v 35 དེ་ནས་ཁོང་ཕྱིར་ལོག་ནས་ཁྱིམ་དུ་ཕར་འགྲོ་ཚུར་འགྲོ་ཐེངས་གཅིག་བྱས་པ་དང་། སླར་ཡང་མལ་ཁྲིའི་སྟེང་ཡར་འགོས་ནས་ཕྲུ་གུའི་སྟེང་དུ་བཀབ་པ་དང་། ཕྲུ་གུ་དེས་ལན་བདུན་ལ་ཧབ་སྦྲིད་བརྒྱབ་ནས་མིག་ཕྱེས་སོ། །  
\v 36 དཀོན་མཆོག་གི་སྐྱེས་བུས་གེ་ཧ་ཟི་བོས་ནས་དེ་ལ། ཤུ་ནེམ་གྱི་བུད་མེད་འདིར་བོས་ཤིག་བསྒོས་པས། དེས་ཁོ་མོ་བོས་པ་དང་ཁོ་མོ་ཁོང་གི་དྲུང་དུ་འོངས་པ་ན། ཁོང་ན་རེ། ཁྱོད་ཀྱི་བུ་ཡར་ལོངས་ཤིག་ཅེས་གསུངས་ཤིང་།  
\v 37 ཁོ་མོ་འོངས་ནས་ཁོང་གི་ཞབས་དྲུང་དུ་ལུས་སར་བཏུད་ནས་ཕྱག་བཙལ་རྗེས། རང་གི་བུ་པང་དུ་བླངས་ནས་ཕྱི་རོལ་ཏུ་སོང་ངོ་། །   
\s1 གྲུབ་རྟགས་གཉིས་བསྟན་པ།  
\p
\v 38 དེ་ནས་ཨེ་ལི་ཤཱ་སླར་ཡང་གིལ་གལ་དུ་སླེབས་པའི་ཚེ། ཡུལ་དེར་མུ་གེ་བྱུང་ཞིང་། ལུང་སྟོན་པའི་སློབ་བུ་རྣམས་ཁོང་གི་མདུན་དུ་བསྡད་ཡོད། ཁོང་གིས་ཉིད་ཀྱི་ཞབས་ཕྱི་ལ་སླ་ང་ཆེན་པོ་མེ་ལ་བསྐྱོན་ནས་ལུང་སྟོན་པའི་སློབ་བུ་རྣམས་ལ་ཁ་ཟས་གཡོས་ཤིག་ཅེས་གསུངས།  
\v 39 མི་ཞིག་སྔོ་ཚོད་བཏོག་པའི་ཕྱིར་ས་ཞིང་དུ་སོང་བ་དང་། ཁོས་རི་སྐྱེས་འཁྲི་ཤིང་ཞིག་རྙེད་ནས་དེའི་སྟེང་གི་ཀ་བེད་བཏོགས་ཏེ་གོས་ཀྱི་ཐུ་བའི་ཁུད་དུ་བལྟབས་ནས་ཁུར་འོངས་པ་དང་། དེ་དག་གིས་ཅི་ཡིན་མ་ཤེས་ཀྱང་དེ་གཏུབས་ནས་ཟས་གདུ་བྱེད་ཀྱི་སླ་ངའི་ནང་དུ་བཏབ་ཅིང་།  
\v 40 ཕྱིས་སུ་མི་རྣམས་ལ་བླུགས་ཏེ་འཐུང་དུ་བཅུག དེ་དག་གིས་དེ་འཐུང་བཞིན་པའི་སྐབས་སུ། ཚང་མས་ཀྱེ་དཀོན་མཆོག་གི་སྐྱེས་བུ་ལགས། སླ་ངའི་ནང་དུ་འཆི་བར་བྱེད་པའི་དུག་རྫས་འདུག་ཅེས་སྐད་ངན་ཤོར་བས་ཁོ་ཚོས་འཐུང་མ་ཐུབ་བོ། །  
\v 41 ཁོང་གིས་ཕྱེ་ཁྱེར་ཤོག་ཅེས་གསུངས་ནས་དེ་སླ་ངའི་ནང་བཏབ་པ་དང་། མི་རྣམས་ལ་བླུད་ཅིག་ཅེས་གསུངས་ཤིང་སླ་ངའི་ནང་དུ་དུག་མེད་པ་ཡིན་ནོ། །   
\p
\v 42 དེ་ཡང་པཱ་ཨལ་ཤཱ་ལི་ཤཱ་ཡུལ་ནས་འོངས་པའི་མི་ཞིག་གིས་དཀོན་མཆོག་གི་སྐྱེས་བུ་ལ་ཐོག་མར་སྨིན་པའི་ནས་ཀྱི་བག་ལེབ་ཉི་ཤུ་དང་། ཁུག་མའི་ནང་དུ་སྙེ་མ་གསར་པ་བཅུག་ནས་ཁྱེར་འོངས་པ་ལ། ཨེ་ལི་ཤཱས་མི་དེ་རྣམས་ལ་སྤྲད་ནས་ཟ་རུ་ཆུག་ཅེས་གསུངས་ཤིང་།  
\v 43 ཁོང་གི་ཞབས་ཕྱི་ཡིས། ངས་ཁ་ཟས་འདི་ཙམ་མི་བརྒྱའི་མདུན་དུ་ཅི་ལྟར་འཇོག་གམ་ཞུས་པའི་ལན་དུ་དཀོན་མཆོག་གི་སྐྱེས་བུ་ཡིས། མི་རྣམས་ལ་ཟ་རུ་ཆུག རྒྱུ་མཚན་ནི་དཀོན་མཆོག་ཡ་ཝཱེས་འདི་སྐད་དུ། དེ་དག་གིས་ཟོས་ནས་ལྷག་མ་ཡང་ཡོད་པར་འགྱུར་གསུངས་སོ་ཞེས་སྨྲས་པ་ལ།  
\v 44 ཞབས་ཕྱིས་མི་རྣམས་ཀྱི་མདུན་དུ་བཞག་པ་དང་དེ་རྣམས་ཀྱིས་ཟོས་པས་དཀོན་མཆོག་ཡ་ཝཱེའི་བཀའ་བཞིན་དུ་ལྷག་མ་ཡང་ཡོད་པར་གྱུར་ཏོ། །   
\c 5
\cl ལེའུ་ལྔ་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 ནཱ་ཨ་མན་གྱི་མཛེ་ནད་བཅོས་པ།  
\p
\v 1 དེ་ཡང་ཨ་རམ་རྒྱལ་པོའི་དམག་དཔོན་ནཱ་ཨ་མན་ནི། དཀོན་མཆོག་ཡ་ཝཱེས་ཁོ་བརྒྱུད་ནས་ཨ་རམ་ལ་རྒྱལ་ཁ་གནང་བས། རང་གི་བདག་པོའི་མདུན་དུ་མི་རླབས་ཆེན་ཞིག་ཡིན་ལ་རྩིས་མཐོང་ཆེན་པོ་ཐོབ་བོ། །མི་དེ་དཔའ་བོ་སྟོབས་ཆེན་ཞིག་ཡིན་ཡང་ཁོ་ལ་མཛེ་ནད་བྱུང་ཡོད།  
\v 2 དེ་སྔར་ཨ་རམ་པ་རྣམས་སོང་ནས་དཔུང་འཇུག་འཕྲོག་བཅོམ་བྱས་ཏེ། ཡེས་ར་ཨེལ་གྱི་ཡུལ་ནས་བུ་མོ་ཆུང་ཆུང་ཞིག་བཟུང་འོངས་པ་དང་། ཁོ་མོས་ནཱ་ཨ་མན་གྱི་ཆུང་མར་ཞབས་ཕྱི་བསྒྲུབས་པ་རེད།  
\v 3 ཁོ་མོས་རང་གི་བདག་མོ་ལ། ང་ཡི་བདག་པོ་འདི་སཱ་མར་ཡ་རུ་བཞུགས་པའི་ལུང་སྟོན་པ་དེའི་དྲུང་དུ་ཕེབས་ན། ཁོང་གིས་ཁོའི་མཛེ་ནད་གསོ་ངེས་ཡིན་ཞེས་སྨྲས།  
\v 4 དེ་ནས་ནཱ་ཨ་མན་སོང་ནས་རང་གི་བདག་པོ་ལ། ཡེས་ར་ཨེལ་གྱི་བུ་མོ་དེས་འདི་འདྲ་འདི་འདྲ་ཟེར་གྱི་འདུག་ཅེས་ཞུས་པ་དང་།  
\v 5 ཨ་རམ་གྱི་རྒྱལ་པོས་དེ་ལ། ཁྱོད་རང་སོང་ཞིག ངས་ཡེས་ར་ཨེལ་གྱི་རྒྱལ་པོ་ལ་འཕྲིན་ཡིག་ཅིག་སྤྲིང་བར་བྱ་ཞེས་སྨྲས་ཤིང་། ཁོས་དངུལ་རྡོ་ཚད་བཅུ་དང་། གསེར་སྲང་སྟོང་དྲུག་དང་གོས་ཁ་ཚང་བཅུ་བཅས་ལག་ཏུ་ཁྱེར་ནས་ཆས་སོ། །  
\v 6 ཁོས་འཕྲིན་ཡིག་དེ་ཡེས་ར་ཨེལ་གྱི་རྒྱལ་པོའི་དྲུང་དུ་བསྐྱལ་བ་དང་། དེའི་ནང་དུ། ད་ལྟ་འཕྲིན་ཡིག་འདི་ཁྱེད་ལ་འཕྲོད་པའི་ཚེ། གཟིགས་དང་། ངའི་ཞབས་ཕྱི་ནཱ་ཨ་མན་གྱི་མཛེ་ནད་གསོ་བའི་ཕྱིར་ཁྱེད་ཀྱི་དྲུང་དུ་མངགས་པ་ཡིན་ཞེས་བྲིས་ཡོད་དོ། །  
\v 7 ཡེས་ར་ཨེལ་གྱི་རྒྱལ་པོས་འཕྲིན་ཡིག་དེ་བཀླགས་རྗེས། རང་གི་གོས་གཤགས་ཏེ་འདི་ལྟར། མི་འདིས་མི་ཞིག་གི་མཛེ་ནད་གསོ་བའི་ཕྱིར་ངའི་གམ་དུ་མངགས་པས། ང་ནི་སྲོག་ལེན་པ་དང་སྲོག་སྦྱིན་པའི་དཀོན་མཆོག་ཡིན་ནམ། ཁྱོད་ཚོས་བསམ་བློ་ཐོངས་དང་། ཁོས་ང་ལ་རྒོལ་བའི་གླགས་འཚོལ་བ་ཡིན་ཞེས་སྨྲས་སོ། །   
\p
\v 8 དེ་ནས་དཀོན་མཆོག་གི་སྐྱེས་བུ་ཨེ་ལི་ཤཱས་ཡེས་ར་ཨེལ་གྱི་རྒྱལ་པོས་རང་གི་གོས་གཤགས་པ་ཐོས་ནས་མི་མངགས་ཏེ་རྒྱལ་པོ་ལ། ཁྱེད་ཀྱིས་ཉིད་ཀྱི་ན་བཟའ་གཤགས་པ་ཅི་ཡིན། མི་དེ་ངའི་རྩར་འོང་དུ་ཆུག་དང་། དེ་ནས་ཡེས་ར་ཨེལ་གྱི་ཁྲོད་དུ་ལུང་སྟོན་པ་ཞིག་ཡོད་པ་ཁོས་རྟོགས་པར་འགྱུར་ཞེས་འཕྲིན་བསྐུར་བ་དང་།  
\v 9 ནཱ་ཨ་མན་ཁོའི་རྟ་རྣམས་དང་། ཁོའི་ཤིང་རྟ་རྣམས་བཅས་འོངས་ནས་ཨེ་ལི་ཤཱའི་ཁང་པའི་སྒོ་ཁར་བསྡད་ཅིང་།  
\v 10 ཨེ་ལི་ཤཱས་བང་ཆེན་མངགས་ནས་ཁོ་ལ། ཁྱོད་རང་སོང་ནས་ཡོར་དན་གཙང་པོའི་ནང་དུ་ཐེངས་བདུན་ལ་ཁྲུས་ཤིག དེ་ནས་ཁྱོད་ཀྱི་ལུས་སྔར་མུས་ལྟར་འགྱུར་ཞིང་གཙང་མར་འགྱུར་ངེས་ཞེས་གསུངས་ནའང་།  
\v 11 ནཱ་ཨ་མན་ཁྲོས་ནས་སོང་སྟེ། ལྟོས་དང་། བདག་གིས་ཁོང་ཕྱི་རུ་ཐོན་ནས་ལངས་བསྡད་དེ་ཁོང་གི་དཀོན་མཆོག་ཡ་ཝཱེའི་མཚན་ལ་ཞུས་ཏེ། རྨ་ནད་ཡོད་སར་ཕྱག་གཡུག་ནས་མཛེ་ནད་གསོ་བར་བསམ་པ་ཡིན།  
\v 12 ཡེས་ར་ཨེལ་གྱི་ཆུ་ཐམས་ཅད་ལས་ཀྱང་དཱ་མེ་སེག་གི་ཨི་ཨ་བ་ནཱ་དང་ཕར་ཕར་གཙང་པོ་གཉིས་ནི་ལྷག་ཏུ་མི་ལེགས་སམ། ང་རང་དེ་དག་གི་ནང་དུ་བཀྲུས་ན་གཙང་མར་མི་འགྱུར་རམ་ཞེས་སྨྲས་ནས། ཕྱིར་འཁོར་ནས་ཁོང་ཁྲོ་དང་བཅས་ཆས་སོ། །  
\v 13 འོན་ཀྱང་ཁོའི་ཞབས་ཕྱི་རྣམས་འོངས་ནས་ཁོ་ལ། ཀྱེ་ངའི་ཡབ་ཆེན་ལགས། ཅི་སྟེ་ལུང་སྟོན་པས་ཁྱེད་ལ་དོན་ཆེན་ཞིག་བྱེད་པར་བསྒོས་ན་དེ་བཞིན་དུ་མི་མཛད་དམ། ད་ནི་ཁོང་གིས་ཁྱེད་ལ་ཁྲུས་བྱོས་དང་གཙང་མར་འགྱུར་ངེས་གསུངས་ན་ལྟ་ཅི་སྨོས་ཞེས་ཞུས་པ་དང་།  
\v 14 ཁོ་མར་སོང་ནས་དཀོན་མཆོག་གི་སྐྱེས་བུ་ཡིས་བསྒོས་པ་བཞིན། ཡོར་དན་གཙང་པོའི་ནང་དུ་ལན་བདུན་སྦངས་པས། ཁོའི་ལུས་ནི་བྱིས་པའི་ལུས་ལྟར་གཙང་མར་གྱུར་ཏོ། །   
\s1 གེ་ཧ་ཟིའི་བརྣབ་སེམས་དང་ཉེས་ཆད།  
\p
\v 15 དེ་ནས་ཁོ་དང་ཞབས་ཕྱི་འཁོར་དང་བཅས་པ་དཀོན་མཆོག་གི་སྐྱེས་བུའི་མདུན་དུ་ཕྱིར་ལོག་ཅིང་ཁོང་གི་དྲུང་དུ་ལངས་བསྡད་དེ། གཟིགས་དང་། ས་གཞི་ཐམས་ཅད་དུ་ཡེས་ར་ཨེལ་གྱི་དཀོན་མཆོག་མ་གཏོགས་མི་བཞུགས་པ་དེ་ནི་ད་ལྟ་ངས་ཤེས་བྱུང་བས། ད་ལྟ་ཁྱེད་ཀྱིས་ཞབས་ཕྱི་བདག་གི་ཕྱག་རྟེན་འདི་བཞེས་སུ་གསོལ་ཞེས་ཞུས་ཀྱང་།  
\v 16 ཨེ་ལི་ཤཱས་ལན་དུ། བདག་གིས་རང་གིས་ཞབས་ཕྱི་སྒྲུབ་བཞིན་པ་དང་གཏན་དུ་གསོན་པོར་བཞུགས་པའི་དཀོན་མཆོག་ཡ་ཝཱེ་དཔང་དུ་བཙུགས་ནས་མནའ་སྐྱེལ་ཏེ། ངས་ཕྱག་རྟེན་ཅི་ཡང་ལེན་པར་མི་བྱ་གསུངས་པ་དང་། ནཱ་ཨ་མན་གྱིས་ལེན་དགོས་པར་ནན་གྱིས་ཞུས་ཀྱང་ཁོང་གིས་མ་བླངས་སོ། །  
\v 17 དེ་ནས་ནཱ་ཨ་མན་གྱིས། ཁྱེད་ཀྱིས་ཞབས་ཕྱི་བདག་ལ་དྲེལ་གཉིས་ཀྱིས་ཐེག་པའི་ས་རྡུལ་གནང་བར་མཛོད། ཁྱེད་ཀྱི་ཞབས་ཕྱི་བདག་གིས་ད་ཕྱིན་ཆད་དཀོན་མཆོག་ཡ་ཝཱེ་འབའ་ཞིག་མ་གཏོགས་ལྷ་གཞན་ལ་སྦྱིན་སྲེག་དང་མཆོད་པ་འབུལ་བར་མི་བྱ།  
\v 18 འོན་ཀྱང་། དོན་འདི་ལ་ཁྱེད་ཀྱི་ཞབས་ཕྱིར་དཀོན་མཆོག་ཡ་ཝཱེས་དགོངས་དག་གནང་བར་མཛོད། ངའི་བདག་པོ་ནི་རིམ་མཱོན་ལྷ་ཁང་དུ་སོང་སྟེ་ཕྱག་འཚལ་བའི་ཕྱིར། ངའི་ལག་པས་བསྐྱོར་ནས་ཁོས་ཕྱག་འཚལ་བ་ཡིན་པས། བདག་གིས་ཀྱང་རིམ་མཱོན་གྱི་ལྷ་ཁང་དུ་ཕྱག་འཚལ་བ་ཡིན། སྐབས་དེ་ལ་དཀོན་མཆོག་ཡ་ཝཱེས་ཁྱེད་ཀྱི་ཞབས་ཕྱིའི་དོན་འདིར་དགོངས་དག་གནང་བར་མཛོད་ཅེས་ཞུས་པས།  
\v 19 ཨེ་ལི་ཤཱས་དེ་ལ། ཞི་བདེའི་ངང་སོང་ཞིག་ཅེས་སྨྲས་པ་ན། ནཱ་ཨ་མན་ཁོང་དང་བྲལ་ཏེ་ལམ་ཐག་ཅུང་ཙམ་ཏུ་ཕྱིན་ཏོ། །   
\p
\v 20 དེའི་ཚེ་དཀོན་མཆོག་གི་སྐྱེས་བུ་ཨེ་ལི་ཤཱའི་ཞབས་ཕྱི་གེ་ཧ་ཟིས། ཀྱེ་ཧོ། ཨ་རམ་པ་ནཱ་ཨ་མན་གྱིས་ཅི་ཞིག་ཁྱེར་འོངས་པ་དེ་ངའི་བདག་པོས་མ་བླངས་ནའང་། བདག་གིས་གཏན་དུ་གསོན་པོར་བཞུགས་པའི་དཀོན་མཆོག་ཡ་ཝཱེ་དཔང་དུ་བཙུགས་ནས་མནའ་སྐྱེལ་ཏེ། ང་ནི་ཁོའི་རྗེས་སུ་རྒྱུགས་ནས་གང་ཞིག་ལེན་པར་བྱ་དགོས་སམ་ཞེས་སྨྲས།  
\v 21 དེ་ནས་གེ་ཧ་ཟི་མྱུར་དུ་ནཱ་ཨ་མན་གྱི་རྗེས་སུ་འབྲངས་པ་དང་། ནཱ་ཨ་མན་གྱིས་མི་ཞིག་རྒྱབ་ཕྱོགས་ནས་རྒྱུགས་འོང་བ་མཐོང་སྟེ། དེ་བསུ་བའི་ཕྱིར་ཤིང་རྟ་ལས་བབས་ཤིང་ཐམས་ཅད་བདེའམ་ཞེས་དྲིས་པ་ལ།  
\v 22 ཁོས་ལན་དུ། བདེའོ། །ངའི་བདག་པོས་ང་རང་བརྫངས་ཏེ་ཁྱེད་ལ། ལྟོས་དང་། ད་ལྟ་ལུང་སྟོན་པའི་སློབ་བུ་རྣམས་ལས་གཞོན་ནུ་གཉིས་ཨེ་ཕཱར་ཡིམ་གྱི་རི་ནས་ངའི་རྩར་སླེབས་པས། དེ་དག་གི་ཕྱིར་དངུལ་རྡོ་ཚད་གཅིག་དང་གོས་ཁ་ཚང་གཉིས་སྦྱིན་པར་མཛོད་ཅིག་ཅེས་གསུངས་སོ་ཞུས་པས།  
\v 23 ནཱ་ཨ་མན་གྱིས། རྡོ་ཚད་གཉིས་ཁྱེར་ཞིག་ཅེས་ཁོ་ལ་ནན་བསྐུལ་བྱས་པ་དང་། དངུལ་རྡོ་ཚད་གཉིས་ཁུག་མ་གཉིས་ཀྱི་ནང་དུ་བཅུག་ཅིང་། གོས་ཁ་ཚང་གཉིས་ཀྱང་ཞབས་ཕྱི་གཉིས་ཀྱི་ལག་ཏུ་སྤྲད་པ་དང་། དེ་དག་གིས་ཁྱེར་ནས་གེ་ཧ་ཟིའི་མདུན་དུ་སོང་།  
\v 24 རི་ཁར་སླེབས་པའི་ཚེ། ཁོས་དེ་དག་གི་ལག་ནས་དངོས་པོ་བླངས་ཏེ་ཁྱིམ་ནང་དུ་བཞག་རྗེས། དེ་གཉིས་འགྲོ་རུ་བཅུག་པས་ཕྱིན་ཏོ། །  
\v 25 དེ་ནས་ཁོ་སོང་སྟེ་རང་གི་བདག་པོའི་དྲུང་དུ་ལངས་བསྡད་པ་ལ། ཨེ་ལི་ཤཱས་ཁོ་ལ། གེ་ཧ་ཟི། ཁྱོད་རང་གང་ནས་ཡོང་ངམ་ཞེས་དྲིས་པའི་ལན་དུ། ཁོས་ཁྱེད་ཀྱི་ཞབས་ཕྱི་ནི་གང་དུའང་མ་སོང་ཞུས་པས།  
\v 26 ཨེ་ལི་ཤཱས་དེ་ལ། མི་དེ་རང་གི་ཤིང་རྟ་ལས་བབས་ཏེ་ཚུར་འཁོར་ནས་ཁྱོད་རང་བསུ་བའི་དུས་སུ། ངའི་སེམས་ཉིད་ནི་ཁྱོད་དང་མཉམ་དུ་མ་སོང་ངམ། ད་ལྟའི་དུས་འདི་ནི་དངུལ་དང་གོས། སྐྱུ་རུ་རའི་ཚལ་དང་རྒུན་ཚལ། ལུག་དང་གླང་། ཞབས་ཕྱི་དང་ཞལ་ཏ་མ་རྣམས་ལེན་པའི་དུས་ཤིག་ཡིན་ནམ།  
\v 27 དེའི་ཕྱིར། ནཱ་ཨ་མན་གྱི་མཛེ་ནད་དེ་ཁྱོད་དང་ཁྱོད་ཀྱི་བུ་རྒྱུད་རྣམས་ལ་འབྱར་ནས་ཇི་སྲིད་བར་དུ་ལུས་པར་འགྱུར་རོ་ཞེས་གསུངས་པས། གེ་ཧ་ཟི་ཁོ་རང་ཨེ་ལི་ཤཱ་དང་བྲལ་ནས་འགྲོ་བའི་དུས་སུ་མཛེ་ནད་བྱུང་ཞིང་ཁ་བ་ལྟར་དཀར་པོར་གྱུར་ཏོ། །   
\c 6
\cl ལེའུ་དྲུག་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 སྟ་རེའི་མགོ་ཆུ་ཁར་གཡེང་བ།  
\p
\v 1 དེ་ཡང་ལུང་སྟོན་པ་རྣམས་ཀྱི་སློབ་བུ་དག་གིས་ཨེ་ལི་ཤཱ་ལ། གཟིགས་དང་། ཁྱེད་དང་བཅས་པའི་འོ་སྐོལ་གྱི་གཞིས་ཀ་དེ་རང་ཅག་ལ་མཚོན་ན་ཁོད་ཆུང་བས།  
\v 2 ཡོར་དན་གཙང་པོར་སོང་སྟེ། མི་རེ་རེས་གདུང་མ་རེ་ཕབ་ནས་གནས་དེར་གཞིས་ཀ་བྱེད་པའི་དགོངས་པ་གནང་རོགས་ཞེས་ཞུས་པ་ན། ཨེ་ལི་ཤཱས་ཁོ་ཚོར་སོང་ཞེས་ལན་བཏབ་བོ། །  
\v 3 དེ་ནས་སློབ་བུ་ཞིག་ན་རེ། ཁྱེད་ཀྱང་ཞབས་ཕྱི་རྣམས་དང་ལྷན་དུ་ཕེབས་པར་མཛོད་ཅེས་ཞུས་པར། ཨེ་ལི་ཤཱས་ང་འགྲོ་བར་བྱ་ཞེས་སྨྲས་པ་དང་།  
\v 4 ཁོང་དེ་དག་དང་ལྷན་དུ་ཕྱིན་ཏེ་ཡོར་དན་གཙང་པོར་སླེབས་ནས་སྡོང་པོ་བཅད།  
\v 5 སློབ་བུ་ཞིག་གིས་གདུང་མ་གཅོད་སྐབས་སྟ་རེའི་མགོ་ཆུའི་ནང་དུ་ལྷུང་ཞིང་། དེས་སྐད་ཆེན་པོས་ཀྱེ་ཧུད་ང་ཡི་བདག་པོ། སྟ་རེ་དེ་ནི་གཡར་མ་ཡིན་ཞེས་འུར་བརྒྱབ་པས།  
\v 6 དཀོན་མཆོག་གི་སྐྱེས་བུ་ཡིས་གང་དུ་ལྷུང་ངམ་ཞེས་དྲིས་པ་ན། སློབ་བུ་དེས་སྟ་རེའི་མགོ་ལྷུང་སའི་གནས་དེ་བསྟན་ཅིང་། ཨེ་ལི་ཤཱས་ཤིང་ཕྲན་ཞིག་བཅད་ནས་དེའི་ནང་དུ་བསྐྱུར་མ་ཐག་སྟ་རེའི་མགོ་ཆུ་ཁར་གཡེང་པ་རེད།  
\v 7 ཨེ་ལི་ཤཱས་ཁྱོད་རང་གིས་ཡར་ལོངས་ཤིག་ཅེས་གསུངས་པས། མི་དེས་ལག་པ་བརྐྱངས་ནས་སྟ་རེའི་མགོ་ཡར་བླངས་སོ། །   
\s1 མེ་རྟ་དང་ཤིང་རྟ།  
\p
\v 8 ཡང་ཨ་རམ་གྱི་རྒྱལ་པོས་ཡེས་ར་ཨེལ་ལ་དམག་དྲངས་ཤིང་། རང་གི་འཁོར་གཡོག་རྣམས་དང་གྲོས་བཏབ་སྟེ་ན་རེ། ངས་གནས་ཆེ་གེ་མོར་དམག་སྒར་རྒྱག་པར་བྱ་ཞེས་སྨྲས་སོ། །  
\v 9 དེའི་ཕྱིར་དཀོན་མཆོག་གི་སྐྱེས་བུ་ཡིས་མི་མངགས་ནས་ཡེས་ར་ཨེལ་གྱི་རྒྱལ་པོ་ལ། དོགས་ཟོན་གྱིས་ཤིག ཨ་རམ་པའི་དམག་ཡུལ་དེ་རུ་མར་འབབ་བཞིན་ཡོད་པས། དེ་བརྒྱུད་ནས་མ་འགྲོ་ཞེས་ངག་འཕྲིན་བསྐུར་ཏོ། །  
\v 10 ཡང་ཡེས་ར་ཨེལ་གྱི་རྒྱལ་པོས་དཀོན་མཆོག་གི་སྐྱེས་བུས་ཁོང་ལ་ཉེན་བརྡ་བཏང་ནས་སྨྲས་པའི་གནས་དེར་མི་མངགས་པ་དང་། ཐེངས་གཅིག་གཉིས་ཙམ་མིན་པར་གནས་དེ་ཉེན་སྲུང་བརྒྱབ་བོ། །   
\p
\v 11 དོན་དེའི་དབང་གིས། ཨ་རམ་གྱི་རྒྱལ་པོའི་སེམས་ཤིན་ཏུ་འཁྲུགས་ནས་རང་གི་འཁོར་གཡོག་རྣམས་བོས་ཤིང་དེ་དག་ལ་འདི་ལྟར། ངེད་ཅག་གི་ཁྲོད་ནས་ཡེས་ར་ཨེལ་གྱི་རྒྱལ་པོའི་ཕྱོགས་ཡ་དེ་སུ་ཡིན་པ་ང་ལ་མི་སྨྲའམ་ཞེས་སྨྲས་པའི་ལན་དུ།  
\v 12 ཁོའི་འཁོར་གཡོག་ཅིག་གིས། ཀྱེ་ངའི་ཇོ་བོ་ངའི་རྒྱལ་པོ་ལགས། དེ་བཞིན་མ་ཡིན། ཁྱེད་ཀྱིས་ཉིད་ཀྱི་གཟིམ་ཁང་ནང་དུ་གླེང་བ་དེ། ཡེས་ར་ཨེལ་དུ་ཡོད་པའི་ལུང་སྟོན་པ་ཨེ་ལི་ཤཱས་ཡེས་ར་ཨེལ་གྱི་རྒྱལ་པོ་ལ་འཆད་དོ་ཞུས་པས།  
\v 13 ཁོ་ན་རེ། ཁྱོད་ཅག་སོང་ལ་ཁོ་གང་དུ་འདུག་པར་ལྟོས་དང་། ངས་མི་མངགས་ནས་ཁོ་འཛིན་པར་བྱ་ཞེས་བསྒོས་པ་ན། དེ་དག་གིས། ཀྱེ། ཁོ་ནི་དོའུ་ཐཱན་དུ་འདུག་ཅེས་ཞུས་པ་དང་།  
\v 14 ཁོས་རྟ་དང་ཤིང་རྟ་དང་། དམག་འབོར་ཆེན་ཞིག་དང་བཅས་བརྫངས་པ་དང་། དེ་ཚོ་མཚན་མོར་སླེབས་ནས་གྲོང་ཁྱེར་གྱི་མཐའ་བསྐོར་ཏོ། །   
\p
\v 15 དེ་ནས་དཀོན་མཆོག་གི་སྐྱེས་བུའི་ཞབས་ཕྱི་དེ་སྔ་མོ་ལངས་ནས་ཕྱི་རོལ་ཏུ་ཐོན་པ་ན། ལྟོས་དང་། དམག་དཔུང་དང་རྟ། ཤིང་རྟ་རྣམས་ཀྱིས་གྲོང་ཁྱེར་བསྐོར་ཡོད་པ་མཐོང་བས། ཁོང་གི་ཞབས་ཕྱིས་ཁོང་ལ། ཀྱེ་ཧུད་ང་ཡི་བདག་པོ་ལགས། ངེད་ཅག་གིས་ཅི་བྱས་ན་ལེགས་སམ་ཞུས་པའི་ལན་དུ།  
\v 16 དཀོན་མཆོག་གི་སྐྱེས་བུ་ཡིས། མ་འཇིགས་ཤིག དེ་དག་དང་མཉམ་དུ་ཡོད་པ་རྣམས་ལས་ངེད་ཅག་དང་མཉམ་དུ་ཡོད་པ་མང་ངོ་ཞེས་གསུངས།  
\v 17 དེ་ནས་ཨེ་ལི་ཤཱས་སྨོན་ལམ་བཏབ་སྟེ། ཀྱེ་དཀོན་མཆོག་ཡ་ཝཱེ་ལགས། ཁོའི་མིག་གིས་མཐོང་ཐུབ་པའི་ཕྱིར་དུ་མིག་འབྱེད་པར་མཛོད་ཅིག་ཅེས་ཞུས་པས། དཀོན་མཆོག་ཡ་ཝཱེས་ཞབས་ཕྱི་དེའི་མིག་ཕྱེས་པ་དང་ཁོས་བལྟས་པའི་ཚེ། ཀྱེ། ཨེ་ལི་ཤཱའི་མཐའ་འཁོར་གྱི་རི་བོ་དེ་ནི་མེ་རྟ་དང་ཤིང་རྟས་བཀང་ཡོད་པ་མཐོང་ངོ་། །  
\v 18 ཡང་ཨ་རམ་པ་རྣམས་ཨེ་ལི་ཤཱའི་ཕྱོགས་སུ་མར་འབབ་པའི་ཚེ་ན། ཨེ་ལི་ཤཱས་དཀོན་མཆོག་ཡ་ཝཱེ་ལ་སྨོན་ལམ་བཏབ་སྟེ། མི་འདི་རྣམས་ཀྱི་མིག་ལ་བསྣུན་ཏེ་ལོང་བར་མཛོད་ཅིག་ཅེས་ཞུས་པས། ཨེ་ལི་ཤཱས་ཞུས་པ་བཞིན་དུ་དཀོན་མཆོག་ཡ་ཝཱེས་དེ་རྣམས་ལོང་བར་མཛད།  
\v 19 དེར་ཨེ་ལི་ཤཱས་ཁོ་ཚོ་ལ། འདི་ནི་ལམ་དེ་མིན། གྲོང་ཁྱེར་དེ་ཡང་མིན་པས་ངའི་རྗེས་སུ་ཤོག་དང་། ཁྱོད་ཚོས་འཚོལ་བའི་མི་དེའི་མདུན་དུ་ངས་ཁྱོད་རྣམས་འཁྲིད་པར་བྱའོ་གསུངས་ཏེ་ཁོ་རྣམས་སཱ་མར་ཡ་ \f + \ft སཱ་མར་ཡ་ནི་ཡེས་ར་ཨེལ་གྱི་བྱང་ཕྱོགས་ཀྱི་རྒྱལ་སའི་གྲོང་ཁྱེར་ཞིག་ཡིན།\f*རུ་ཁྲིད་དོ། །   
\p
\v 20 དེ་ཡང་ཁོ་ཚོ་སཱ་མར་ཡ་རུ་སླེབས་པའི་ཚེ། ཨེ་ལི་ཤཱ་ཡིས། ཀྱེ་དཀོན་མཆོག་ཡ་ཝཱེ་ལགས། འདི་དག་གིས་མཐོང་ཐུབ་པའི་ཕྱིར་མིག་འབྱེད་པར་མཛོད་ཅིག་ཅེས་ཞུས་པ་དང་། དཀོན་མཆོག་ཡ་ཝཱེས་དེ་རྣམས་ཀྱི་མིག་ཕྱེས་པ་ན་དེ་དག་གིས་མཐོང་བར་གྱུར་ཅིང་། ལྟོས་དང་། དེ་རྣམས་སཱ་མར་ཡ་གྲོང་ཁྱེར་དུ་སླེབས་ཡོད་པ་མཐོང་ངོ་། །  
\v 21 ཡང་ཡེས་ར་ཨེལ་གྱི་རྒྱལ་པོས་དེ་རྣམས་མཐོང་བ་དང་ཨེ་ལི་ཤཱ་ལ། ཀྱེ་ངའི་ཡབ་ལགས། ངས་འདི་རྣམས་གསོད་ཆོག་གམ་ཞེས་དྲིས་པར།  
\v 22 ཨེ་ལི་ཤཱས་ལན་དུ། ཁྱོད་ཀྱིས་འདི་དག་གསོད་མི་རུང་། ཁྱོད་ཀྱིས་རང་གི་རལ་གྲི་དང་མདའ་གཞུ་ལ་བརྟེན་ནས་བཟུང་པ་རྣམས་གསོད་རུང་ངམ། འདི་རྣམས་ཀྱིས་བཟའ་བཏུང་སྤྱོད་པའི་ཕྱིར་ཁོ་ཚོའི་མདུན་དུ་བག་ལེབ་དང་ཆུ་ཞོག་དང་། དེ་ནས་ཁོ་རྣམས་རང་གི་བདག་པོའི་དྲུང་དུ་འགྲོ་རུ་ཆུག་ཅེས་བསྐུལ་བས།  
\v 23 རྒྱལ་པོས་དེ་དག་གི་ཕྱིར་གསོལ་སྟོན་ཆེན་པོ་ཞིག་གཡོས་པ་དང་དེ་ཚོས་བཟའ་བཏུང་སྤྱད་པ་ན། ཁོ་ཚོ་འགྲོ་རུ་བཅུག་པ་དང་དེ་རྣམས་རང་གི་བདག་པོའི་དྲུང་དུ་སོང་ཞིང་། དེ་ནས་བཟུང་ཨ་རམ་པ་རྣམས་ཀྱིས་ཡེས་ར་ཨེལ་གྱི་ཡུལ་ཁམས་སུ་དཔུང་འཇུག་ཀྱང་མ་བྱས་སོ། །   
\s1 པེན་ཧ་དཱད་ཀྱིས་སཱ་མར་ཡ་དམག་གིས་བསྐོར་བ།  
\p
\v 24 དེའི་རྗེས་སུ་ཨ་རམ་གྱི་རྒྱལ་པོ་པེན་ཧ་དཱད་ཀྱིས་རང་གི་དམག་མི་མཐའ་དག་བསྡུས་ཤིང་ཡར་སྐྱོད་པ་དང་སཱ་མར་ཡ་དམག་གིས་བསྐོར།  
\v 25 དེ་ནས་སཱ་མར་ཡ་རུ་མུ་གེ་ཆེན་པོ་ཞིག་བྱུང་བ་དང་། དགྲའི་དམག་གིས་མུ་མཐུད་དུ་དེ་མཐའ་ནས་བསྐོར་བའི་རྐྱེན་གྱིས་བོང་བུའི་མགོ་ཞིག་དངུལ་སྲང་བརྒྱད་ཅུ་དང་། ཕུག་རོན་གྱི་སྟུག་པ་བྲེ་ \f + \ft འདིར་བྲེ་ཞེས་པར་མ་ཕྱི་ལས་ཡ་ཧུ་དཱའི་སྐད་དོད་དེ་ཁཱ་ཝུ་ཞེས་མཐོང་། དེ་ནི་ཡ་ཧུ་དཱའི་སྐད་ཀྱི་ལྗིད་ཚད་འཇལ་བྱེད་ཅིག་གི་མིང་ཡིན་ཞིང་། ཁཱ་ཝུ་གཅིག་ནི་སྤྱི་རྒྱ་གང་གི་སྟོང་ཆ་བརྒྱ་ཙམ་ཡིན་པར་གསུངས། \f*བཞི་ཆ་གཅིག་ནི་དངུལ་སྲང་ལྔའི་རིན་ལ་སླེབས་པ་རེད།  
\v 26 ཡང་ཡེས་ར་ཨེལ་གྱི་རྒྱལ་པོ་ལྕགས་རིའི་སྟེང་ནས་བརྒལ་བཞིན་པའི་ཚེ་ན། བུད་མེད་ཅིག་གིས་ཁོང་ལ། ཀྱེ་ངའི་བདག་པོ་ངའི་རྒྱལ་པོ་ལགས། ང་རང་སྐྱོབ་པར་མཛོད་ཅེས་ཞུས་པ་ལ།  
\v 27 རྒྱལ་པོས་ཁོ་མོ་ལ། གལ་ཏེ་དཀོན་མཆོག་ཡ་ཝཱེས་ཁྱོད་རང་སྐྱོབ་པར་མི་མཛད་ན། ངས་ཁྱོད་རང་གང་ནས་སྐྱོབ་པར་བྱའམ། གཡུལ་ཁའམ་ཡང་ན་རྒུན་འབྲུམ་འཚིར་གཞོང་གང་ནས་སྐྱོབ་པར་བྱའམ་ཞེས་གསུངས།  
\v 28 ཡང་རྒྱལ་པོས་ཁོ་མོར་དོན་དམ་དུ་ཁྱོད་ལ་ཅི་བྱུང་ཞེས་དྲིས་པར། ཁོ་མོ་ན་རེ། བུད་མེད་འདིས་ང་ལ། ཁྱོད་ཀྱི་བུ་ཁྲིད་ཤོག་དང་དེ་རིང་རང་ཅག་གིས་ཁོ་ཟ་བར་བྱའོ། །སང་ཉིན་རང་ཅག་གིས་ངའི་བུ་ཟོས་ཆོག་ཟེར་བས།  
\v 29 ངེད་ཅག་གིས་ངའི་བུ་དེ་བཙོས་ནས་ཟོས་པ་ཡིན། དེའི་ཕྱི་ཉིན་ངས་ཁོ་མོར། ད་ཁྱོད་ཀྱི་བུ་ཁྲིད་ཤོག་དང་རང་ཅག་གིས་ཁོ་ཟ་བར་བྱའོ་ཞེས་སྨྲས་ནའང་། ཁོ་མོས་རང་གི་བུ་སྦས་ནས་བཞག་ཅེས་ཞུས་སོ། །  
\v 30 རྒྱལ་པོས་བུད་མེད་ཀྱི་གཏམ་དེ་ཐོས་པ་དང་། རང་གི་གོས་གཤགས་ཤིང་། སྐབས་དེར་ཁོ་རང་ལྕགས་རིའི་སྟེང་དུ་ཡོད་ཅིང་མི་རྣམས་ཀྱིས་ཁོ་རང་མཐོང་སྟེ། ཀྱེ་ཧོ། ཁོས་གྱོན་པའི་ནང་གོས་ནི་རྩིད་རས་ཡིན་པ་མཐོང་ངོ་། །  
\v 31 རྒྱལ་པོ་ན་རེ། གལ་སྲིད་དེ་རིང་ཤ་ཕད་ཀྱི་བུ་ཨེ་ལི་ཤཱའི་མགོ་ནི་ཁོའི་ཕྲག་གོང་ཁར་ལུས་པ་ཡིན་ན། དཀོན་མཆོག་གིས་བདག་ལ་འདིའམ་འདི་ལས་ལྷག་པ་ཞིག་མཛད་པར་ཤོག་ཅེས་སྨྲས་སོ། །   
\p
\v 32 དེ་ཡང་ཨེ་ལི་ཤཱ་རང་གི་ཁྱིམ་དུ་བཞུགས་ཏེ། རྒན་པོ་རྣམས་ཀྱང་ཁོང་དང་མཉམ་དུ་བསྡད་ཡོད་པ་དང་། རྒྱལ་པོས་རང་གི་འཁོར་མི་ཞིག་མངགས་ཀྱང་། བང་ཆེན་དེ་ཨེ་ལི་ཤཱའི་དྲུང་དུ་མ་སླེབས་གོང་དུ། ཁོང་གིས་རྒན་པོ་རྣམས་ལ། མི་གསོད་མཁན་གྱིས་ངའི་མགོ་གཅོད་པར་མི་ཞིག་མངགས་པ་ཁྱོད་ཚོས་མཐོང་ངམ། ད་ལྟོས་དང་། བང་ཆེན་དེ་སླེབས་མ་ཐག་ཏུ་སྒོ་གཏན་པར་གྱིས། ཁོ་སྒོའི་ཕྱི་རོལ་ཏུ་ཁོགས་ཤིག དེའི་རྒྱབ་ཏུ་ཁོའི་བདག་པོའི་གོམ་སྒྲ་ཡོད་པ་མིན་ནམ་ཞེས་གསུངས་པ་དང་།  
\v 33 ཁོང་གིས་རྒན་པོ་རྣམས་ལ་གཏམ་གླེང་སྐབས། ཀྱེ་མ། བང་ཆེན་ཁོང་གི་གམ་དུ་སླེབས་ཤིང་། ལྟོས་དང་། ཆག་སྒོ་འདི་དཀོན་མཆོག་ཡ་ཝཱེ་ནས་བྱུང་། ངས་ཅིའི་ཕྱིར་ད་དུང་དཀོན་མཆོག་ཡ་ཝཱེ་ལ་སྒུག་གམ་ཞེས་སྨྲས་སོ། །   
\c 7
\cl ལེའུ་བདུན་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 ཨེ་ལི་ཤཱས་ཁ་ཟས་ཡོད་པར་དམ་བཅས་པ།  
\p
\v 1 དེ་ནས་ཨེ་ལི་ཤཱས། ཁྱོད་ཅག་གིས་དཀོན་མཆོག་ཡ་ཝཱེའི་གསུང་ལ་ཉོན་ཅིག དཀོན་མཆོག་ཡ་ཝཱེས་འདི་སྐད་དུ། སང་ཉིན་དུས་ཚོད་འདི་ཙམ་དུ་སཱ་མར་ཡའི་མཁར་སྒོར་དངུལ་སྲང་གཅིག་ལ་གྲོ་ཞིབ་བྲེ་ \f + \ft འདིར་མ་ཕྱི་ལས་སེ་ཡ་ཞེས་བྲིས་ཡོད་པ་དང་བོད་ཀྱི་དབང་དུ་བྱས་ན་སེ་ཡ་གཅིག་ནི་བྲེ་གཅིག་ཡིན་པ་རེད།\f*གཅིག་དང་། དངུལ་སྲང་གཅིག་ལ་ནས་བྲེ་གཉིས་རེ་བཙོང་བར་འགྱུར་གསུངས་སོ་ཞེས་གསུངས་པ་དང་།  
\v 2 རྒྱལ་པོ་བསྐྱོར་བའི་དམག་དཔོན་གྱིས་དཀོན་མཆོག་གི་སྐྱེས་བུ་ལ། ལྟོས་དང་། དཀོན་མཆོག་ཡ་ཝཱེས་ནམ་མཁའི་དཀར་ཁུང་ཕྱེས་པར་མཛད་ཀྱང་དེ་འདྲ་འབྱུང་སྲིད་དམ་ཞེས་སྨྲས་པ་ལ། ཨེ་ལི་ཤཱས། ལྟོས་དང་། ཁྱོད་ཀྱི་མིག་གིས་དེ་མཐོང་ཡང་། དེ་ལས་བཟའ་བར་མི་འགྱུར་ཞེས་གསུངས་སོ། །   
\s1 ཨ་རམ་པའི་དམག་དཔུང་ཕྱིར་བྲོས་པ།  
\p
\v 3 དེ་ཡང་མཁར་སྒོའི་ཕྱི་རོལ་ཏུ་མཛེ་བོ་བཞི་ཡོད་ཅིང་ཕན་ཚུན་ན་རེ། རང་ཅག་གིས་ཅིའི་ཕྱིར་འདི་རུ་འཆི་བར་སྒུག་སྡོད་པ་ཡིན་ནམ།  
\v 4 གལ་ཏེ་རང་ཅག་གྲོང་ཁྱེར་ནང་དུ་འགྲོ་བར་བྱ་ཟེར་ན། གྲོང་ཁྱེར་ནང་དུ་མུ་གེ་བྱུང་ཡོད་པས་རང་ཅག་དེར་འཆི་བར་འགྱུར། གལ་ཏེ་འདིར་བསྡད་ན་ཡང་འཆི་བར་འགྱུར་བས། ད་ནི་རང་ཅག་ཨ་རམ་པའི་དམག་སྒར་དུ་འགྲོ་བར་བྱ། གལ་སྲིད་དེ་དག་གིས་རང་ཅག་སྲོག་ཐར་བཏང་ན་ང་ཚོ་གསོན་པར་འགྱུར། གལ་ཏེ་སྲོག་དང་འཕྲལ་ན་རང་ཅག་འཆི་བར་འགྱུར་ཞེས་སྨྲས་སོ། །  
\v 5 ས་སྲོས་ཀྱི་དུས་སུ་ཁོ་ཚོ་ལངས་ནས་ཨ་རམ་པའི་དམག་སྒར་དུ་ཆས་པ་དང་། དེ་དག་ཨ་རམ་པའི་དམག་སྒར་གྱི་མཐའ་མཚམས་སུ་སླེབས་པ་ན། ལྟོས་དང་། དེར་མི་གཅིག་ཀྱང་མི་འདུག  
\v 6 ཅི་ལ་ཞེ་ན། གཙོ་བོས་ \f + \ft འདི་ནི་དཀོན་མཆོག་ཡ་ཝཱེའི་དོན་ཡིན།\f*ཨ་རམ་པ་ལ་ཤིང་རྟའི་སྒྲ་དང་། རྟའི་རྨིག་སྒྲ་དང་། དམག་དཔུང་ཆེན་པོའི་སྒྲ་ཐོས་སུ་བཅུག་པ་ལ། དེ་རྣམས་ཀྱིས་ཕན་ཚུན་ན་རེ། ལྟོས་དང་། ཡེས་ར་ཨེལ་གྱི་རྒྱལ་པོས་ཧེད་པའི་རྒྱལ་པོ་རྣམས་དང་། ཨེ་ཅིབ་ཀྱི་རྒྱལ་པོ་རྣམས་གླས་ནས་རང་ཅག་ལ་རྒོལ་དུ་འོངས་པ་རེད་ཅེས་སྨྲས་ཏེ།  
\v 7 མི་དེ་དག་ས་སྲོས་ཀྱི་དུས་སུ་ཡར་ལངས་ནས་བྲོས་ཤིང་། ཁོ་ཚོས་རང་གི་གུར་དང་། རྟ་དང་བོང་བུ་རྣམས་དམག་སྒར་དུ་བཞག་ནས་སྲོག་ཐར་དུ་བྲོས་པ་རེད།  
\v 8 དེ་ནས་མཛེ་བོ་དེ་དག་དམག་སྒར་གྱི་མཐའ་མཚམས་སུ་ཕྱིན་པ་དང་། གུར་ཞིག་ཏུ་འཛུལ་ནས་ཟོས་ཤིང་འཐུངས་ཏེ། དེའི་ནང་ནས་གསེར་དངུལ་དང་གོས་སོགས་ཁྱེར་སོང་སྟེ་གཞོགས་ཤིག་ཏུ་སྦས་པ་དང་། ཡང་ཕྱིར་ལོག་ཅིང་གུར་གཞན་ཞིག་ཏུ་འཛུལ་ནས་དངོས་པོ་ཁྱེར་ཏེ་སྦས་སོ། །   
\p
\v 9 དེ་ནས་ཁོ་ཚོས་ཕན་ཚུན་ལ། རང་ཅག་གིས་བྱས་པ་འདི་མི་འགྲིག་ལ། དེ་རིང་ནི་འཕྲིན་བཟང་སྒྲོག་པའི་ཉིན་མོ་ཡིན་ནའང་རང་ཅག་གིས་ཅི་ཡང་མ་སྨྲས། ཞོགས་པ་སླེབས་པའི་བར་དུ་སྒུག་བསྡད་ན་རང་ཅག་ལ་ཉེས་ཆད་འཕོག་ངེས་པས། ད་ནི་ཤོག་དང་། རྒྱལ་པོའི་ཕོ་བྲང་དུ་འཕྲིན་བསྐྱལ་བར་བྱ་ཞེས་སྨྲས་ཤིང་།  
\v 10 དེ་དག་སོང་ནས་གྲོང་ཁྱེར་གྱི་སྒོ་སྲུང་བོས་ཏེ་ཁོ་རྣམས་ལ། ངེད་ཅག་ཨ་རམ་པའི་དམག་སྒར་དུ་ཕྱིན་པ་ཡིན། ལྟོས་དང་། དེར་མི་ཡང་མི་འདུག་ལ་མི་སྐད་ཀྱང་ཐོས་རྒྱུ་མི་འདུག འོན་ཀྱང་རྟ་དང་བོང་བུ་རྣམས་བཏགས་ནས་འདུག གུར་རྣམས་ཀྱང་རང་གནས་སུ་འདུག་ཅེས་སྨྲས་པ་ན།  
\v 11 མཁར་སྒོ་སྲུང་མཁན་རྣམས་ཀྱིས་སྐད་ཅོར་བརྒྱབ་ནས་རྒྱལ་པོའི་ཕོ་བྲང་དུ་འཕྲིན་བསྐྱལ་ཏོ། །  
\v 12 དེ་ནས་རྒྱལ་པོ་མཚན་མོར་ཡར་ལངས་ནས་རང་གི་དྲུང་འཁོར་རྣམས་ལ། ཨ་རམ་པས་རང་ཅག་ལ་ཅི་བྱས་པ་དེ་ངས་འཆད་པར་བྱ་སྟེ། རང་ཅག་ལ་མུ་གེ་བྱུང་ཡོད་པ་ཁོ་ཚོར་གསལ་བས། ཁོ་ཚོ་གྲོང་ཁྱེར་ནས་འཐོན་ཚེ། ངེད་ཅག་གིས་དེ་དག་གསོན་པོར་བཟུང་སྟེ་གྲོང་ཁྱེར་ནང་དུ་འགྲོའོ་སྨྲས་ནས། རང་གི་དམག་སྒར་ལས་ཕྱིན་ཏེ་རི་ཐང་དུ་འཇབ་སྒུག་བྱེད་པར་སོང་བ་ཡིན་ཞེས་སྨྲས་པས།  
\v 13 ཁོང་གི་དྲུང་འཁོར་རྣམས་ལས་གཅིག་གིས་དེའི་ལན་དུ། གྲོང་ཁྱེར་དུ་ལུས་ཡོད་པའི་རྟ་རྣམས་ལས་རྟ་ལྔ་ཕར་ཐོངས་ཤིག འདི་ལྔ་པོ་ནི་ཤུལ་དུ་ལུས་ནས་འཆི་ལ་ཡོད་པའི་ཡེས་ར་ཨེལ་གྱི་མི་རྣམས་དང་འདྲ་སྟེ། ཐམས་ཅད་ཚེ་ལས་འདས་པའི་ཡེས་ར་ཨེལ་པ་རྣམས་དང་འདྲའོ། །རང་ཅག་གིས་མི་མངགས་ནས་བལྟ་བར་བྱ་ཞེས་ཞུས་པས།  
\v 14 དེ་དག་གིས་ཤིང་རྟ་གཉིས་དང་རྟ་བཅས་ཁྲིད་འོངས་ཤིང་། རྒྱལ་པོས་དེ་དག་ཨ་རམ་པའི་དམག་དཔུང་གི་ར་མདར་བཏང་སྟེ། སོང་ལ་ལྟོས་ཤིག་ཅེས་བསྒོས་སོ། །  
\v 15 དེ་ནས་ཁོ་ཚོ་དེ་དག་གི་རྗེས་སུ་ཡོར་དན་གཙང་པོའི་བར་དུ་སོང་སྟེ། ལྟོས་དང་། ལམ་ཧྲིལ་པོར་ཨ་རམ་པས་རྟབ་རྟབ་པོར་འཕངས་པའི་གོས་དང་ཡོ་བྱད་ཀྱིས་གང་ཡོད་པ་རེད། དེ་ནས་བང་ཆེན་རྣམས་ཕྱིར་ལོག་ནས་རྒྱལ་པོར་འཕྲིན་ཞུས་སོ། །   
\p
\v 16 དེར་མི་རྣམས་ཕྱི་རོལ་ཏུ་ཐོན་ནས་ཨ་རམ་པའི་དམག་སྒར་འཕྲོག་བཅོམ་བྱས་ཏེ། དཀོན་མཆོག་ཡ་ཝཱེས་གསུངས་པ་བཞིན་དུ། དངུལ་སྲང་རེ་ལ་གྲོ་ཞིབ་བྲེ་རེ་དང་། ནས་བྲེ་གཉིས་དངུལ་སྲང་རེ་བྱས་ནས་བཙོངས་པའོ། །  
\v 17 ཡང་རྒྱལ་པོས་ཁོ་རང་བསྐྱོར་ཡོད་པའི་དམག་དཔོན་དེ་མཁར་སྒོ་རུ་ཞིབ་བཤེར་བྱེད་པར་བསྐོས་པ་དང་། དཀོན་མཆོག་གི་སྐྱེས་བུ་ཡིས་རྒྱལ་པོ་ཁོང་དང་ཐུག་ཕྲད་དུ་འོངས་དུས་སུ་ཁོ་ལ་གསུངས་པ་བཞིན་དུ། མི་རྣམས་ཀྱིས་དེ་ནི་སྒོ་འགྲམ་དུ་རྡོག་རྫིས་བཏང་བས་ཚེ་ལས་འདས།  
\v 18 དེ་ནི་དཀོན་མཆོག་གི་སྐྱེས་བུ་ཡིས་རྒྱལ་པོ་ལ། སང་ཉིན་དུས་ཚོད་འདིར་སཱ་མར་ཡ་ཡི་མཁར་སྒོར་དངུལ་སྲང་རེ་ལ་ནས་བྲེ་གཉིས་རེ་དང་། གྲོ་ཞིབ་བྲེ་གཅིག་དངུལ་སྲང་རེ་ལ་བཙོང་བར་འགྱུར་ཞེས་གསུངས་པ་བཞིན་དུ་གྲུབ་པ་ལ།  
\v 19 དམག་དཔོན་གྱིས་དཀོན་མཆོག་གི་སྐྱེས་བུ་ལ་ལན་བཟློག་ཅིང་། དཀོན་མཆོག་ཡ་ཝཱེས་ནམ་མཁའི་དཀར་ཁུང་ཕྱེས་པར་མཛད་ན་ཡང་དེ་འདྲ་འབྱུང་སྲིད་དམ་ཞེས་སྨྲས་པས། དཀོན་མཆོག་གི་སྐྱེས་བུ་ཡིས་ཁོ་ལ། ལྟོས་དང་། ཁྱོད་ཀྱི་མིག་གིས་དེ་མཐོང་ཡང་དེ་ལས་བཟའ་བར་མི་འགྱུར་རོ་ཞེས་གསུངས་པས་ཡིན་ལ།  
\v 20 དོན་དེ་དངོས་གནས་ཁོ་ལ་བྱུང་བར་གྱུར་ཏེ། མི་རྣམས་ཀྱིས་ཁོ་སྒོ་འགྲམ་དུ་རྡོག་བརྫིས་བཏང་ནས་ཚེ་ལས་འདས་སོ། །   
\c 8
\cl ལེའུ་བརྒྱད་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 ཤུ་ནེམ་གྱི་བུད་མེད་དེའི་ས་ཞིང་ཕྱིར་ཐོབ་པ།  
\p
\v 1 དེ་ཡང་ཨེ་ལི་ཤཱས་སྔར་གསོན་དུ་བཅུག་པའི་བུ་དེའི་ཨ་མ་ལ། དཀོན་མཆོག་ཡ་ཝཱེས་ཡུལ་འདིར་ལོ་བདུན་གྱི་རིང་ལ་མུ་གེ་འབྱུང་བའི་གསུང་བརྡ་བརྒྱབ་ཡོད་པས། ཁྱོད་དང་ཁྱོད་ཀྱི་བཟའ་མི་རྣམས་ཡར་ལོངས་ལ། ཡུལ་འདིར་ཁ་བྲལ་ནས་བྱེས་སུ་སྡོད་ནུས་པའི་ས་ཆ་ཞིག་ཏུ་སྡོད་ཅིག་ཅེས་བསྒོས་པ་དང་།  
\v 2 བུད་མེད་དེ་ཡར་ལངས་ནས་དཀོན་མཆོག་གི་སྐྱེས་བུ་ཡིས་བསྒོས་པ་བཞིན་དུ་བྱས་ཤིང་། རང་གི་བཟའ་མི་རྣམས་ཁྲིད་ནས་སོང་བ་དང་། ཕེ་ལེ་ཤེད་པའི་ཡུལ་དུ་ལོ་བདུན་གྱི་རིང་ལ་བསྡད་དོ། །  
\v 3 དེ་ཡང་ལོ་བདུན་འགོར་རྗེས་བུད་མེད་དེ་ཕེ་ལེ་ཤེད་པའི་ཡུལ་ནས་ཕྱིར་ལོག་པ་དང་། རང་གི་ཁང་པ་དང་ས་ཞིང་གི་དོན་དུ་འོ་དོད་ཞུ་བར་རྒྱལ་པོའི་དྲུང་དུ་སོང་བ་ན།  
\v 4 རྒྱལ་པོས་དཀོན་མཆོག་གི་སྐྱེས་བུའི་ཞབས་ཕྱི་གེ་ཧ་ཟི་དང་གླེང་མོལ་མཛད་ཀྱིན་ཁོ་ལ། ཁྱོད་ཀྱིས་ཨེ་ལི་ཤཱས་མཛད་པའི་དོན་ཆེན་ཐམས་ཅད་ང་ལ་ཤོད་ཅིག་ཅེས་སྨྲས་པར།  
\v 5 ཁོས་རྒྱལ་པོ་ལ་ཨེ་ལི་ཤཱས་ཇི་ལྟར་གཤིན་པོ་ཞིག་གསོན་དུ་བཅུག་ཚུལ་དེ་འཆད་པའི་ཚེ། ལྟོས་དང་། སྔར་སྲོག་བསྐྱབས་པའི་བུ་དེའི་མ་ཡིས་རྒྱལ་པོ་ལ་རང་གི་ས་ཞིང་དང་ཁང་པའི་དོན་དུ་འོ་དོད་ཞུས་པས། གེ་ཧ་ཟི་ན་རེ། ཀྱེ་བདག་གི་ཇོ་བོ་བདག་གི་རྒྱལ་པོ་ལགས། བུད་མེད་དེ་ནི་འདི་ཡིན་ཏེ། ཨེ་ལི་ཤཱས་གསོན་དུ་བཅུག་པའི་བུ་ཡང་འདི་རང་ཡིན་ཞེས་ཞུས་པ་དང་།  
\v 6 རྒྱལ་པོས་ཀྱང་བུད་མེད་ལ་དྲིས་པ་ན་ཁོ་མོས་ཁོང་ལ་སྨྲས་སོ། །དེ་བས་རྒྱལ་པོས་འགོ་དཔོན་ \f + \ft ཡེས་ར་ཨེལ་གྱི་སྐད་དུ་ཉུག་རུམ་པ་ཡིན། \f*ཞིག་མངགས་ནས་དེ་ལ་ཁོ་མོའི་ཡིན་ཚད་དང་། ཁོ་མོས་རང་ཡུལ་བསྐྱུར་བའི་ཉིན་ནས་བཟུང་ད་ལྟའི་བར་གྱི་ས་ཞིང་དང་ཐོན་རྫས་བཅས་ཡོད་ཚད་ཁོ་མོར་ཕྱིར་སྤྲོད་ཅིག་ཅེས་བསྒོས་སོ། །   
\s1 ཧ་ཟཱ་ཨེལ་གྱིས་པེན་ཧ་དཱད་བཀྲོངས་པ།  
\p
\v 7 ཡང་ཨེ་ལི་ཤཱ་ཁོང་ཉིད་དཱ་མེ་སེག་ལ་ཕྱིན་པ་དང་། ཨ་རམ་གྱི་རྒྱལ་པོ་པེན་ཧ་དཱད་ནད་ཀྱིས་ཟིན་ཡོད་དེ། མི་ཞིག་གིས་ཁོང་ལ། དཀོན་མཆོག་གི་སྐྱེས་བུ་འདིར་ཡོང་ཡོད་ཅེས་ཞུས་པར།  
\v 8 རྒྱལ་པོས་ཧ་ཟཱ་ཨེལ་ལ། ཁྱོད་ཀྱིས་རང་གི་ལག་ཏུ་ཞུ་རྟེན་ཞིག་ཁྱེར་ནས་དཀོན་མཆོག་གི་སྐྱེས་བུ་བསུ་རུ་སོང་སྟེ། ང་ནད་འདི་ལས་གསོན་ཐུབ་མིན་དྲིས་ཤིག ཁོང་ལས་དཀོན་མཆོག་ཡ་ཝཱེའི་ཐུགས་བརྟག་ཞུས་ཤིག་ཅེས་བཀའ་གནང་བ་དང་།  
\v 9 ཧ་ཟཱ་ཨེལ་བྱ་བ་ཨེ་ལི་ཤཱ་བསུ་རུ་ཕྱིན་ཏེ། ཁོས་དཱ་མེ་སེག་གི་བཟང་ནོར་ཐམས་ཅད་ལས་ཞུ་རྟེན་རྔ་མོང་བཞི་བཅུར་བཀལ་ཏེ་མཉམ་དུ་ཁྱེར་ཅིང་། ཁོང་གི་དྲུང་དུ་ལངས་ཏེ་ན་རེ། ཨ་རམ་གྱི་རྒྱལ་པོ་ཁྱེད་ཀྱི་བུ་པེན་ཧ་དཱད་ཀྱིས་བདག་ཁྱེད་ཀྱི་དྲུང་དུ་མངགས་ཏེ། ང་ནད་འདི་ལས་གསོན་པར་འགྱུར་རམ་ཞེས་འདྲིའོ་ཞུས་པ་ན།  
\v 10 ཨེ་ལི་ཤཱས་ལན་དུ། ཁྱོད་སོང་སྟེ་ཁོ་ལ། ཁྱོད་ནི་ཏག་ཏག་གསོན་པར་འགྱུར་ཞེས་སྦྲོན་ཅིག འོན་ཀྱང་ཁོ་ནི་འཆི་བར་ངེས་པ་དེ་དཀོན་མཆོག་ཡ་ཝཱེས་ང་ལ་མངོན་པར་མཛད་དོ་ཞེས་གསུངས་སོ། །  
\v 11 ཨེ་ལི་ཤཱས་ཁོ་རང་བག་འཁུམས་ནས་སྡོད་མི་བདེ་བའི་བར་དུ་མིག་ཧུར་རེར་ཁོ་ལ་བལྟས་ཤིང་། དེ་ནས་དཀོན་མཆོག་གི་སྐྱེས་བུ་ཁོང་བཤུམས་པར་གྱུར།  
\v 12 དེར་ཧ་ཟཱ་ཨེལ་གྱིས། བདག་གི་ཇོ་བོ་ལགས་ཅི་ལ་བཤུམས་པ་ཡིན་ཞུས་པས། ཁོང་གིས་དེ་ལ། ཅི་ལ་ངུ་ཟེར་ན། ཁྱོད་ཀྱིས་ཡེས་ར་ཨེལ་པ་རྣམས་ལ་སྤྱོད་པར་འགྱུར་བའི་དོན་ངན་རྣམས་ངས་ཤེས་ཟིན་པས་ཡིན། ཁྱོད་ཀྱིས་ཁོ་ཚོའི་གྲོང་ཁྱེར་བརྟན་པོ་རྣམས་མེར་བསྲེགས་ཏེ། དེའི་ན་གཞོན་རྣམས་རལ་གྲིས་གསོད་ཅིང་། དེ་དག་གི་ཕྲུ་གུ་རྣམས་སར་བསྒྱེལ་ནས་གསོད་པ་དང་། སྦྲུམ་མ་རྣམས་ཀྱི་གྲོད་པ་གཤག་པར་འགྱུར་རོ་ཞེས་གསུངས་པ་དང་།  
\v 13 ཧ་ཟཱ་ཨེལ་གྱིས། ཁྱེད་ཀྱི་ཞབས་ཕྱི་ཁྱི་ལྟ་བུ་བདག་གིས་དོན་ཆེན་པོ་དེ་ཅི་ལྟར་བྱེད་དམ་ཞུས་པས། ཨེ་ལི་ཤཱས་ལན་དུ། ཁྱོད་རང་ཨ་རམ་གྱི་རྒྱལ་པོར་འགྱུར་བ་ནི་དཀོན་མཆོག་ཡ་ཝཱེས་ང་ལ་བསྟན་བྱུང་གསུངས་སོ། །  
\v 14 དེ་ནས་ཁོ་ཨེ་ལི་ཤཱ་དང་བྲལ་ནས་ཕྱིར་རང་གི་བདག་པོའི་རྩར་ཕྱིན་པ་དང་། པེན་ཧ་དཱད་ཀྱིས་ཁོ་ལ། ཨེ་ལི་ཤཱས་ཁྱོད་ལ་ཅི་ཟེར་ཞེས་པར་ཁོ་ན་རེ། ཁོང་གིས་ཁྱེད་ངེས་པར་གསོན་པར་འགྱུར་ཞེས་ང་ལ་བཤད་བྱུང་ཞེས་སྨྲས།  
\v 15 དེའི་ཕྱི་ཉིན་ཧ་ཟཱ་ཨེལ་གྱིས་མལ་གོས་མཐུག་པོ་ཞིག་བླངས་ནས་ཆུར་སྦངས་ཏེ་པེན་ཧ་དཱད་ཀྱི་གདོང་ལ་བཀབ་པས། ཁོ་ནི་ཚེ་ལས་འདས་པ་དང་ཧ་ཟཱ་ཨེལ་ཁོའི་ཚབ་ཏུ་རྒྱལ་པོར་གྱུར་ཏོ། །   
\s1 ཡ་ཧུ་དཱའི་རྒྱལ་པོ་ཡེ་ཧོ་རཱམ།  
\p
\v 16 དེ་ཡང་ཡེས་ར་ཨེལ་གྱི་རྒྱལ་པོ་ཨ་ཧབ་ཀྱི་སྲས་ཡོ་རཱམ་གྱིས་སྲིད་བསྐྱངས་པའི་ལོ་ལྔ་པར། ཡ་ཧུ་དཱའི་རྒྱལ་པོ་ཡེ་ཧོ་ཤ་ཕད་ད་དུང་བཞུགས་པ་དང་། ཡེ་ཧོ་ཤ་ཕད་ཀྱི་སྲས་ཡེ་ཧོ་རཱམ་རྒྱལ་པོར་བསྡད།  
\v 17 ཁོ་རྒྱལ་པོར་སྡོད་དུས་སུ་ལོ་སུམ་ཅུ་སོ་གཉིས་ཡིན་པ་དང་། ཡེ་རུ་སཱ་ལེམ་དུ་ལོ་བརྒྱད་ཀྱི་རིང་ལ་རྒྱལ་སྲིད་བསྐྱངས།  
\v 18 ཁོས་ཀྱང་ཨ་ཧབ་ཀྱི་བུ་རྒྱུད་ཀྱིས་སྤྱད་པ་ལྟར་དུ། ཡེས་ར་ཨེལ་གྱི་རྒྱལ་པོ་རྣམས་ཀྱི་ལམ་ལ་འགྲུལ། གང་ལ་ཞེ་ན། ཁོས་ཨ་ཧབ་ཀྱི་བུ་མོ་ཆུང་མར་བླངས་པར་མ་ཟད། དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་དོ། །  
\v 19 ཡིན་ཡང་དཀོན་མཆོག་ཡ་ཝཱེས་ཉིད་ཀྱི་ཞབས་ཕྱི་དཱ་བིད་ཀྱི་རྐྱེན་གྱིས་ཡ་ཧུ་དཱ་མེད་པར་མཛད་པ་ལ་ཐུགས་མ་མཉེས་སོ། །ཁོང་གིས་དཱ་བིད་ལ་ཞལ་བཞེས་གནང་ཡོད་པ་བཞིན་མཛད་དེ། ཁོང་དང་ཁོང་གི་བུ་རྒྱུད་རྣམས་ལ་དུས་གཏན་དུ་སྒྲོན་མེ་ལྟར་འོད་ཡོད་པར་གནང་བའོ། །  
\v 20 ཡེ་ཧོ་རཱམ་རྒྱལ་པོ་ཡིན་པའི་དུས་སུ་ཨེ་དོམ་པ་རྣམས་ཀྱིས་ཡ་ཧུ་དཱའི་མངའ་འོག་ནས་ངོ་ལོག་བྱས་ཤིང་ཁོ་ཚོས་རང་ལ་རྒྱལ་པོ་ཞིག་བསྐོས་སོ། །  
\v 21 དེའི་ཕྱིར་ཡེ་ཧོ་རཱམ་ནི་ཤིང་རྟ་ཐམས་ཅད་དང་བཅས་ཙ་ཨིར་དུ་ཕྱིན་ཏེ། ཁོ་མཚན་མོར་ལངས་ནས་ཁོ་རང་དང་ཤིང་རྟའི་དམག་དཔོན་རྣམས་བསྐོར་ནས་ཡོད་པའི་ཨེ་དོམ་པ་རྣམས་འཇོམས་པར་བྱས་ནའང་། ཁོའི་དམག་མི་རྣམས་རང་རང་གི་གུར་དུ་བྲོས།  
\v 22 དེ་ལྟར་ཨེ་དོམ་པས་ངོ་ལོག་བྱས་ཏེ། ཡ་ཧུ་དཱའི་མངའ་འོག་ནས་དེ་རིང་བར་དུ་ངོ་ལོག་བྱས་པ་དང་། དུས་དེར་ལིབ་ནཱ་པས་ཀྱང་ངོ་ལོག་བྱས་སོ། །  
\v 23 ཡེ་ཧོ་རཱམ་གྱི་དོན་གཞན་དག་དང་། ཁོས་ཅི་བྱས་པ་ཐམས་ཅད་ཡ་ཧུ་དཱའི་རྒྱལ་པོ་རྣམས་ཀྱི་ལོ་རབས་ནང་དུ་བཀོད་ཡོད་པ་མིན་ནམ།  
\v 24 དེ་ནས་ཡེ་ཧོ་རཱམ་རང་གི་ཕ་མེས་རྣམས་དང་ལྷན་ཅིག་གཟིམས་པ་དང་དཱ་བིད་ཀྱི་གྲོང་ཁྱེར་\f + \ft དེ་ནི་ཡེ་རུ་སཱ་ལེམ་གྲོང་ཁྱེར་གྱི་མིང་གཞན་ཏེ་དཱ་བིད་ཀྱི་རྒྱལ་ས་ཡིན། ལེའུ་བརྒྱད་པའི་ཚིག་རྐང་ཉེར་བཞི་པ་དང་། ལེའུ་དགུ་པའི་ཚིག་རྐང་ཉེར་བརྒྱད་པ། ལེའུ་བཅུ་གཉིས་པའི་ཚིག་རྐང་ཉེར་གཅིག་པ། ལེའུ་བཅུ་བཞི་པའི་ཚིག་རྐང་ཉི་ཤུ་པ། ལེའུ་བཅོ་ལྔ་པའི་ཚིག་རྐང་བདུན་པ། ལེའུ་བཅོ་བརྒྱད་པའི་ཚིག་རྐང་བཅུ་དྲུག་པ་དང་ཚིག་རྐང་ཉི་ཤུ་པ་བཅས་སུ་གསལ་བས་གཟིགས་རོགས། \f*ནས་དུར་དུ་སྦས། ཁོའི་སྲས་ཨ་ཧ་ཟི་ཡཱ་ཡིས་དེའི་རྒྱུན་མཐུད་ནས་རྒྱལ་སྲིད་བསྐྱངས་སོ། །   
\s1 ཡ་ཧུ་དཱའི་རྒྱལ་པོ་ཨ་ཧ་ཟི་ཡཱ།  
\p
\v 25 དེ་ཡང་ཡེས་ར་ཨེལ་གྱི་རྒྱལ་པོ་ཨ་ཧབ་ཀྱི་སྲས་ཡོ་རཱམ་གྱིས་རྒྱལ་སྲིད་བསྐྱངས་པའི་ལོ་བཅུ་གཉིས་པར། ཡ་ཧུ་དཱའི་རྒྱལ་པོ་ཡེ་ཧོ་རཱམ་གྱི་སྲས་ཨ་ཧ་ཟི་ཡཱ་ནི་ཡ་ཧུ་དཱའི་རྒྱལ་པོར་གྱུར་ཏོ། །  
\v 26 ཨ་ཧ་ཟི་ཡཱ་ཡིས་རྒྱལ་སྲིད་བཟུང་དུས། ཁོ་ལོ་ཉེར་གཉིས་ལ་སོན་ཡོད་དེ། ཡེ་རུ་སཱ་ལེམ་དུ་ལོ་གཅིག་རིང་རྒྱལ་སྲིད་བསྐྱངས། ཁོའི་ཡུམ་ནི་ཡེས་ར་ཨེལ་གྱི་རྒྱལ་པོ་ཨོམ་རིའི་ཚ་མོ་ \f + \ft ཡེས་ར་ཨེལ་གྱི་སྐད་ཡིག་ཏུ་ཨོམ་རིའི་བུ་མོ་ཞེས་བྲིས་ཡོད། ཨོམ་རིའི་ཚ་མོ་དང་རིགས་རྒྱུད་གཅིག་ཡིན། ཁོ་མོ་ནི་རྒྱལ་པོ་ཨ་ཧབ་ཀྱི་བུ་མོ་དང་ཨོམ་རི་ཡི་ཚ་མོ་ཡིན། \f*ཨ་ཐལ་ཡཱ་བྱ་བའོ། །  
\v 27 ཁོ་ནི་ཨ་ཧབ་ཚང་གི་མག་པ་ཡིན་པའི་རྐྱེན་གྱིས། ཁོ་ཡང་ཨ་ཧབ་ཁྱིམ་རྒྱུད་ཀྱི་ལམ་དུ་ཞུགས་ཤིང་། ཨ་ཧབ་ཀྱི་ཁྱིམ་རྒྱུད་བཞིན་དུ་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་དོ། །   
\p
\v 28 དེ་ནས་ཨ་ཧ་ཟི་ཡཱ་ནི་ཨ་ཧབ་ཀྱི་སྲས་ཡོ་རཱམ་དང་མཉམ་དུ་ཨ་རམ་གྱི་རྒྱལ་པོ་ཧ་ཟཱ་ཨེལ་ལ་དམག་འགྱེད་དུ་གིལ་ཨད་ཀྱི་རཱ་མོད་དུ་སོང་ཞིང་། ཨ་རམ་པས་ཡོ་རཱམ་བསྣད་པ་རེད།  
\v 29 ཡང་རྒྱལ་པོ་ཡོ་རཱམ་ནི་ཨ་རམ་གྱི་རྒྱལ་པོ་ཧ་ཟཱ་ཨེལ་དང་གཡུལ་འགྱེད་པའི་དུས་སུ། ཨ་རམ་པས་རཱ་མ་རུ་ཁོ་བསྣད་པའི་རྨ་དེ་གསོ་བར་ཡེ་སི་རེ་ཨེལ་དུ་ཕྱིར་ལོག་པ་དང་། ཡ་ཧུ་དཱའི་རྒྱལ་པོ་ཡེ་ཧོ་རཱམ་གྱི་སྲས་ཨ་ཧ་ཟི་ཡཱ་ནི་ཨ་ཧབ་ཀྱི་སྲས་ཡོ་རཱམ་རྨས་ཡོད་པས། དེ་ལ་བལྟ་རུ་མར་ཡེ་སི་རེ་ཨེལ་དུ་སོང་ངོ་། །   
\c 9
\cl ལེའུ་དགུ་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 ཡེ་ཧུ་བྱ་བ་ཡེས་ར་ཨེལ་གྱི་རྒྱལ་པོར་བསྐོས་པ།  
\p
\v 1 དེ་ཡང་ལུང་སྟོན་པ་ཨེ་ལི་ཤཱས་ལུང་སྟོན་པའི་སློབ་བུ་རྣམས་ལས་གཅིག་བོས་ནས་དེ་ལ། རང་གི་སྐ་རགས་སྡོམས་ལ་སྣུམ་གྱི་བུམ་པ་འདི་ལག་ཏུ་ཐོགས་ནས་གིལ་ཨད་ཀྱི་རཱ་མོད་དུ་སོང་ཞིག  
\v 2 ཁྱོད་རང་དེར་སླེབས་པའི་ཚེ། ནིམ་ཤིའི་ཚ་བོའམ་ཡེ་ཧོ་ཤ་ཕད་ཀྱི་བུ་ཡེ་ཧུ་བྱ་བ་ཚོལ་ཞིག སོང་ལ་ཁོའི་སྤུན་རྣམས་ཀྱི་ཁྲོད་ནས་བསླངས་ཏེ་གཟིམ་ཁང་སྦུག་མའི་ནང་དུ་ཁོ་ཁྲིད་པར་གྱིས་ཤིག  
\v 3 དེ་ནས་སྣུམ་གྱི་བུམ་པ་འདི་བླངས་ནས་ཁོའི་མགོ་ལ་བླུགས་ཏེ་ཁོ་ལ། དཀོན་མཆོག་ཡ་ཝཱེས་འདི་སྐད་དུ། ངས་ཁྱོད་ལ་སྣུམ་གྱིས་བྱུགས་ཏེ་ཡེས་ར་ཨེལ་གྱི་རྒྱལ་པོར་བསྐོས་པ་ཡིན་གསུངས་སོ་ཞེས་སྨྲས་པའི་རྗེས་སུ་སྒོ་ཕྱེས་ནས་ཕྲོས་དང་དུས་འགྱངས་མི་རུང་ཞེས་གདམས་སོ། །   
\p
\v 4 དེ་ནས་ལུང་སྟོན་པ་གཞོན་ནུ་ཞབས་ཕྱི་དེ་གིལ་ཨད་ཀྱི་རཱ་མོད་དུ་སོང་བ་དང་།  
\v 5 དེར་སླེབས་པའི་ཚེ་ན། ལྟོས་དང་། དམག་དཔོན་རྣམས་དེ་རུ་བསྡད་ཡོད་པ་དང་། ཁོ་ན་རེ། ཀྱེ་དམག་དཔོན། ཁྱེད་ཀྱི་ཆེད་དུ་ང་ལ་འཕྲིན་ཞིག་ཡོད་སྨྲས་པས། ཡེ་ཧུ་ཡིས། ངེད་རྣམས་ལས་འཕྲིན་སུ་ལ་ཡོད་དྲིས་པའི་ལན་དུ་ཁོས། ཀྱེ་དམག་དཔོན། ཁྱེད་ལ་འཕྲིན་ཞིག་ཡོད་ཅེས་ཞུས་པ་དང་།  
\v 6 ཡེ་ཧུ་ལངས་ནས་ཁྱིམ་དུ་སོང་བ་དང་ལུང་སྟོན་པའི་སློབ་བུ་ཡིས་ཁོའི་མགོ་ལ་སྣུམ་བླུགས་ནས་ཁོ་ལ། ཡེས་ར་ཨེལ་གྱི་དཀོན་མཆོག་ཡ་ཝཱེས་འདི་སྐད་དུ། བདག་གིས་ཁྱོད་སྣུམ་གྱིས་བྱུགས་ནས་དཀོན་མཆོག་ཡ་ཝཱེའི་འབངས་མི་ཡེས་ར་ཨེལ་གྱི་རྒྱལ་པོར་བསྐོས་པ་ཡིན།  
\v 7 ངས་རང་གི་ཞབས་ཕྱི་ལུང་སྟོན་པ་རྣམས་ཀྱི་ཁྲག་དང་། དཀོན་མཆོག་ཡ་ཝཱེའི་ཞབས་ཕྱི་ཐམས་ཅད་ཀྱི་ཁྲག་ལན་དེ་ཡེ་ཟི་བེལ་གྱི་ལག་ནས་ལེན་པའི་ཕྱིར། ཁྱོད་ཀྱིས་རང་གི་བདག་པོ་ཨ་ཧབ་ཀྱི་ཁྱིམ་ལ་བརྡེགས་ནས་མེད་པར་བཟོ་དགོས།  
\v 8 ཨ་ཧབ་ཀྱི་ཁྱིམ་རྒྱུད་ཐམས་ཅད་རྩ་མེད་དུ་འགྲོ་བ་སྟེ། ཡེས་ར་ཨེལ་དུ་རང་དབང་ཅན་ནམ་ཡང་ན་རང་དབང་མེད་པ་གང་ཡིན་ཡང་ངས་ཨ་ཧབ་ཀྱི་ཁྱིམ་རྒྱུད་ལས་ཐམས་ཅད་ཚར་གཅོད་བྱ་སྟེ།  
\v 9 ངས་ཨ་ཧབ་ཀྱི་ཁྱིམ་རྒྱུད་དེ་ནེ་བཱད་ཀྱི་བུ་ཡེ་རོབ་ཨམ་དང་། ཨ་ཧི་ཡཱ་ཡི་བུ་པཱ་ཤ་ཡི་ཁྱིམ་རྒྱུད་ལྟ་བུར་བྱེད་པར་འགྱུར་ལ།  
\v 10 ཡེ་ཟི་བེལ་ནི་ཡེ་སི་རེ་ཨེལ་གྱི་ཞིང་བར་དུ་ཁྱིས་བཟའ་བར་འགྱུར་ཞིང་། དུར་དུ་འཇུག་མཁན་སུ་ཡང་མེད་ཅེས་སྦྲན་ཏེ་སྒོ་ཕྱེས་ནས་བྲོས་སོ། །   
\p
\v 11 དེ་ཡང་ཡེ་ཧུ་ཕྱི་རོལ་ཏུ་ཐོན་ཏེ་རང་གི་བདག་པོའི་འཁོར་རྣམས་ཀྱི་མདུན་དུ་འོངས་པ་དང་། དེ་དག་གིས་ཁོ་ལ་ཐམས་ཅད་བདེ་ལེགས་སམ། སྨྱོན་པ་དེ་ཁྱེད་ཀྱི་རྩར་འོངས་པ་ཅི་ཡིན་ཞེས་དྲིས་པར། ཁོས་དེ་དག་ལ། ཁྱེད་ཅག་མི་དེར་ཆ་རྒྱུས་ཡོད་པ་དང་ཁོས་ཅི་བཤད་པའང་ཤེས་སོ་ཞེས་སྨྲས།  
\v 12 ཁོ་ཚོས་དེ་ནི་རྫུན་ཡིན་ཏེ། ཁྱོད་ཀྱིས་ངེད་རྣམས་ལ་ཤོད་ཅིག་ཅེས་པ་ན། ཁོས་དེ་དག་ལ། མི་དེས་འདི་ལྟར་སྨྲས་ཏེ་ན་རེ། དཀོན་མཆོག་ཡ་ཝཱེས་འདི་སྐད་དུ། ངས་ཁྱོད་སྣུམ་གྱིས་བྱུགས་ཏེ་ཡེས་ར་ཨེལ་གྱི་རྒྱལ་པོར་བསྐོས་སོ་གསུངས་ཞེས་སྨྲས་སོང་ཞེས་པ་ཙམ་གྱིས།  
\v 13 དེ་དག་གིས་མགྱོགས་པོར་རང་གི་གོས་ཕུད་ནས་ཁོའི་རྐང་འོག་གི་ཐེམ་སྐས་སུ་བཏིངས་ཏེ། ད་ནི་ཡེ་ཧུ་རྒྱལ་པོ་ལགས་ཞེས་བསྒྲགས་ནས་རྭ་དུང་བུས་སོ། །   
\s1 ཡེ་ཧུས་ཡོ་རཱམ་དང་ཨ་ཧ་ཟི་ཡཱ་གཉིས་མེད་པར་བཟོས་པ།  
\p
\v 14 དེ་ལྟར་ནིམ་ཤིའི་ཚ་བོའམ་ཡེ་ཧོ་ཤ་ཕད་ཀྱི་བུ་ཡེ་ཧུ་ཡིས་ཡོ་རཱམ་ལ་ལྐོག་ཇུས་བཤམས་པ་རེད། སྔོན་ཆད་ཨ་རམ་གྱི་རྒྱལ་པོ་ཧ་ཟཱ་ཨེལ་གྱི་རྐྱེན་གྱིས་ཡོ་རཱམ་དང་ཡེས་ར་ཨེལ་པ་ཐམས་ཅད་ཀྱིས་གིལ་ཨད་ཀྱི་རཱ་མོད་བསྲུངས་ཡོད་ལ།  
\v 15 རྒྱལ་པོ་ཡོ་རཱམ་གྱིས་ཨ་རམ་གྱི་རྒྱལ་པོ་ཧ་ཟཱ་ཨེལ་ལ་གཡུལ་འགྱེད་པའི་དུས་སུ། ཨ་རམ་པས་ཁོ་རྨས་པར་བྱས་པའི་རྨ་དྲག་གསོ་བྱེད་དུ་ཁོ་ཡེ་སི་རེ་ཨེལ་དུ་ཕྱིན་པ་ཡིན། དེ་ནས་ཡེ་ཧུ་ཡིས། གལ་ཏེ་ཁྱེད་ཅག་ཡིད་འཐད་ན་སུ་ཡིན་ཡང་གྲོང་ཁྱེར་འདི་ནས་ཐོན་ཏེ་ཡེ་སི་རེ་ཨེལ་ལ་འཕྲིན་བསྐྱལ་དུ་འབྲོ་བར་མ་འཇུག་ཅེས་སྨྲས་ཤིང་།  
\v 16 ཡེ་ཧུ་ཤིང་རྟར་བསྡད་དེ་ཡེ་སི་རེ་ཨེལ་གྱི་ཕྱོགས་སུ་ཕྱིན་པ་སྟེ། གང་ལ་ཞེ་ན། དེར་ཡོ་རཱམ་རྨས་ཕོག་ནས་ཉལ་སར་ལྷུང་ཡོད། ཡ་ཧུ་དཱའི་རྒྱལ་པོ་ཨ་ཧ་ཟི་ཡཱ་ཡང་ཡོ་རཱམ་ལ་མར་བལྟ་རུ་སོང་ངོ་། །  
\v 17 ཡང་ཡེ་སི་རེ་ཨེལ་གྱི་མཁར་སྟེང་དུ་སོ་པ་ཞིག་ཀྲོང་ངེར་ཡོད་པ་དེས་ཡེ་ཧུའི་དམག་དཔུང་འོང་བ་མཐོང་བས། ངས་དམག་དཔུང་ཞིག་མཐོང་ངོ་ཞེས་སྦྲན་པའི་ལན་དུ་ཡོ་རཱམ་གྱིས། སྐྱ་དམག་ཅིག་བོས་ལ་ཁོ་རྣམས་བསུ་རུ་མངགས་ནས་བདེ་བར་ཡོད་དམ་དྲིས་ཤིག་བསྒོས་པས།  
\v 18 མི་དེ་རྟ་ཞོན་ནས་བསུ་རུ་སོང་སྟེ་ཡེ་ཧུ་ལ། རྒྱལ་པོས་བདེ་བར་ཡོད་དམ་ཞེས་འདྲིའོ་ཞེས་ཞུས་པ་ན། ཡེ་ཧུས་ལན་དུ། བདེ་མིན་ཁྱོད་དང་འབྲེལ་བ་ཅི་ཡོད་དམ། ངའི་རྒྱབ་ཏུ་སོང་ཞིག་ཅེས་སྨྲས་པ་ན། ཡང་སོ་པ་དེ་ན་རེ། བང་ཆེན་ནི་དེའི་དྲུང་དུ་ཕྱིན་ཀྱང་ཚུར་ལོག་མ་སོང་ཞེས་ཞུས་པ་དང་།  
\v 19 རྒྱལ་པོས་སྐྱ་དམག་གཞན་ཞིག་མངགས་ནས་དེ་དག་གི་རྩར་ཕྱིན་ཏེ་ན་རེ། རྒྱལ་པོས་བདེ་བར་ཡོད་དམ་ཞེས་འདྲིའོ་ཞེས་པ་དང་། ཡེ་ཧུ་ཡིས། བདེ་མིན་ཁྱོད་དང་འབྲེལ་བ་ཅི་ཡོད་དམ། ངའི་རྒྱབ་ཏུ་སོང་ཞིག་ཅེས་སྨྲས་པ་ན།  
\v 20 ཡང་སོ་པ་དེས་མི་དེ་ཁོ་ཚོའི་རྩར་ཕྱིན་ཀྱང་ཚུར་ལོག་མ་སོང་། ཡང་ཤིང་རྟ་འདེད་ལུགས་ལ་ལྟོས་ན་ནིམ་ཤིའི་བུ་ཡེ་ཧུ་ཡིན་པ་འདྲ། ཅི་ལ་ཞེ་ན། ཁོས་སྨྱོན་པ་ལྟར་ཤིང་རྟ་འདེད་པ་ཡིན་ཞེས་ཞུས་སོ། །   
\p
\v 21 དེ་ནས་ཡོ་རཱམ་གྱིས་ཤིང་རྟ་གྲ་སྒྲིག་བྱོས་ཤིག་ཅེས་བསྒོས་པར། དེ་ཚོས་ཤིང་རྟ་གྲ་སྒྲིག་བྱས་ཤིང་། ཡེས་ར་ཨེལ་གྱི་རྒྱལ་པོ་ཡོ་རཱམ་དང་། ཡ་ཧུ་དཱའི་རྒྱལ་པོ་ཨ་ཧ་ཟི་ཡཱ་གཉིས་རང་རང་གི་ཤིང་རྟར་བསྡད་དེ་ཡེ་ཧུ་བསུ་རུ་སོང་བ་དང་། ཡེ་སི་རེ་ཨེལ་པ་ནཱ་རྦོད་བྱ་བའི་ས་སྐལ་བར་དུ་ཡེ་ཧུ་དང་ཕྲད་པ་རེད།  
\v 22 ཡང་ཡོ་རཱམ་གྱིས་ཡེ་ཧུ་མཐོང་བ་ན་ཁོ་ལ། ཀྱེ་ཡེ་ཧུ། བདེ་བར་ཡོད་དམ་དྲིས་པའི་ལན་དུ་ཡེ་ཧུ་ན་རེ། ཁྱོད་ཀྱི་མ་ཡེ་ཟི་བེལ་གྱི་ལོག་གཡེམ་དང་ངན་སྔགས་ནི་འདི་འདྲ་མང་བས། བདེ་བ་ཞིག་ཡོད་སྲིད་དམ་སྨྲས་པ་དང་།  
\v 23 ཡོ་རཱམ་གྱིས་ཤིང་རྟ་ཁ་ཕྱིར་བསྐོར་ནས་བྲོས་ཤིང་ཨ་ཧ་ཟི་ཡཱ་ལ། ཀྱེ་ཨ་ཧ་ཟི་ཡཱ། འདི་རུ་གཡོ་སྒྱུ་འདུག་ཅེས་སྨྲས་པ་ལ།  
\v 24 ཡེ་ཧུས་གཞུ་འཐེན་ནས་ཡོ་རཱམ་གྱི་སོག་པ་གཉིས་ཀྱི་མཚམས་སུ་མདའ་འཕངས་པས། མདའ་དེས་ཁོའི་སྙིང་བརྟོལ་ཞིང་ཁོ་ཤིང་རྟའི་སྟེང་དུ་འགྱེལ་ཏོ། །  
\v 25 དེ་ནས་ཡེ་ཧུས་རང་གི་དམག་དཔོན་པིད་ཀར་ལ། ཁོ་ཡར་ཁྱེར་ལ་ཡེ་སི་རེ་ཨེལ་པ་ནཱ་རྦོད་ཀྱི་ས་སྐལ་དེའི་ཞིང་ཁར་གཡུགས་ཤིག ང་དང་ཁྱོད་གཉིས་ཀྱིས་ཁོའི་ཕ་ཨ་ཧབ་ཀྱི་རྗེས་འབྲངས་ནས་མཉམ་དུ་རྟ་ཞོན་ཏེ་འགྲོ་དུས་སུ། དཀོན་མཆོག་ཡ་ཝཱེས་ཨ་ཧབ་ཀྱི་སྐོར་ལ་སྔར་འདི་ལྟར་བཀའ་ལུང་གནང་བ་ངའི་ཡིད་ལ་དྲན་པའི་ཕྱིར་ཡིན་ཏེ།  
\v 26 དཀོན་མཆོག་ཡ་ཝཱེས་འདི་སྐད་དུ། ཁ་སང་ངས་ནཱ་རྦོད་ཀྱི་ཁྲག་དང་ཁོའི་བུ་རྣམས་ཀྱི་ཁྲག་མཐོང་བར་གྱུར་ཏེ། བདག་གིས་ཁྱོད་ལ་ས་སྐལ་འདིའི་སྟེང་ལན་སྤྲོད་པར་བྱ་ཞེས་བཀའ་བསྒྲགས་ཡོད་པའོ། །ད་ནི་ཁྱོད་ཀྱིས་དཀོན་མཆོག་ཡ་ཝཱེའི་བཀའ་བཞིན་དུ་ཁོ་ཁྱེར་ཏེ་ཞིང་ཁར་གཡུགས་ཤིག་ཅེས་བསྒོས་སོ། །   
\p
\v 27 དེ་ཡང་ཡ་ཧུ་དཱའི་རྒྱལ་པོ་ཨ་ཧ་ཟི་ཡཱས་དེ་མཐོང་བའི་ཚེ། པེད་ཧ་ཀན་དུ་འཐེན་པའི་ལམ་ནས་བྲོས་སོང་བ་དང་། ཡེ་ཧུས་ཁོ་བདས་ཏེ་མི་རྣམས་ལ་ཁོ་ཡང་སོད་ཅིག་བསྒོས་པར། དེ་དག་གིས་ཡིབ་ལེ་ཨམ་དང་ཉེ་བའི་གུར་བྱ་བའི་ལ་ངོས་སུ་ཤིང་རྟའི་ནང་དུ་ཁོ་ལ་བསྣུན་ཅིང་། ཁོ་མེ་གིད་དོ་རུ་བྲོས་ནས་དེར་ཚེ་ལས་འདས།  
\v 28 དེ་ནས་ཁོའི་བློན་འཁོར་རྣམས་ཀྱིས་ཁོ་ཤིང་རྟའི་ནང་ཡེ་རུ་སཱ་ལེམ་དུ་ཁྱེར་ཏེ། དཱ་བིད་ཀྱི་གྲོང་ཁྱེར་དུ་རང་གི་ཕ་མེས་རྣམས་དང་ལྷན་དུ་ཁོའི་དུར་ཁྲོད་དུ་དུར་འཇུག་བྱས་པའོ། །   
\p
\v 29 དེ་ཡང་ཨ་ཧབ་ཀྱི་སྲས་ཡོ་རཱམ་གྱིས་རྒྱལ་སྲིད་བཟུང་བའི་ལོ་བཅུ་གཅིག་པར། ཨ་ཧ་ཟི་ཡཱ་ཡིས་ཡ་ཧུ་དཱའི་རྒྱལ་སྲིད་བཟུང་ངོ་། །   
\s1 ཡེ་ཧུས་ཡེ་ཟི་བེལ་བཀྲོངས་པ།  
\p
\v 30 དེ་ནས་ཡེ་ཧུ་ནི་ཡེ་སི་རེ་ཨེལ་དུ་ཕྱིན་པའི་ཚེ་ན། ཡེ་ཟི་བེལ་གྱིས་དེ་ཐོས་ནས་མིག་ལ་མིག་རྩི་བསྐུས་ཤིང་སྐྲ་ཤད་ནས་སྒེའུ་ཁུང་ལས་བལྟས་པ་དང་།  
\v 31 ཡེ་ཧུ་རྒྱལ་སྒོའི་ནང་དུ་འཛུལ་བ་ཙམ་གྱིས་ཁོ་མོ་ན་རེ། ཀྱེ་ཟིམ་རེ། རང་གི་བདག་པོ་གསོད་མཁན་ཁྱོད་བདེའམ་སྨྲས་པར།  
\v 32 ཡེ་ཧུས་སྒེའུ་ཁུང་གི་ཕྱོགས་སུ་མགོ་བཏེགས་ཏེ་ན་རེ། ངའི་ཕྱོགས་སུ་ཡིན། སུ་ཡིན་ཞེས་དྲིས་མ་ཐག ཉུག་རུམ་པ་གཉིས་གསུམ་གྱིས་ཁོ་ལ་བལྟས་པ་ན།  
\v 33 ཁོས་དེ་དག་ལ། ཁོ་མོ་མར་གཡུགས་ཤིག་བསྒོས་པར། དེ་དག་གིས་ཁོ་མོ་མར་གཡུགས་ཤིང་རྩིག་ངོས་དང་རྟ་རྣམས་ཀྱི་ཐོག་ཏུ་ཁོ་མོའི་ཁྲག་ཐོར་བ་དང་། ཁོ་རང་གིས་མོ་རྨིག་བརྫིས་སུ་བཏང་བཅུག་གོ །  
\v 34 དེ་ནས་ཡེ་ཧུ་ནང་དུ་འཛུལ་ཏེ་བཟའ་བཏུང་སྤྱད་པ་དང་། དེ་དག་ལ། སོང་ལ་དམོད་པ་ཕོག་པའི་བུད་མེད་དེར་བདག་བྱས་ནས་དུར་དུ་སྦ་བར་གྱིས་ཤིག ཅི་ལ་ཞེ་ན། དེ་ཡང་རྒྱལ་པོའི་སྲས་མོ་ཞིག་ཡིན་ནོ་ཞེས་སྨྲས་པས།  
\v 35 དེ་དག་ཁོ་མོ་དུར་འཇུག་བྱེད་དུ་སོང་ཡང་། ཁོ་མོའི་ཐོད་སྐོགས་དང་། རྐང་པ་དང་། ལག་མཐིལ་བཅས་མ་གཏོགས་གཞན་ཅི་ཡང་མ་རྙེད་དོ། །  
\v 36 དེའི་ཕྱིར་དེ་ཚོ་ཕྱིར་ལོག་ནས་ཁོ་ལ་སྨྲས་པ་དང་། ཁོ་ན་རེ། འདི་ནི་དཀོན་མཆོག་ཡ་ཝཱེས་ཉིད་ཀྱི་ཞབས་ཕྱི་ཐི་ཞི་པ་ཨེ་ལི་ཡཱའི་ངག་ནས་གསུངས་པའི་བཀའ་བཞིན་ཡིན་ཏེ། ཡེ་སི་རེ་ཨེལ་གྱི་ས་སྟེང་དུ་ཡེ་ཟི་བེལ་གྱི་ཤ་ཁྱིས་བཟའ་བར་འགྱུར་བ་དང་།  
\v 37 ཡེ་ཟི་བེལ་གྱི་བེམ་པོ་ནི་ཡེ་སི་རེ་ཨེལ་གྱི་ས་སྐལ་དེའི་ཞིང་ནང་གི་ལུད་ལྟ་བུར་འགྱུར་ཞིང་། མི་སུས་ཀྱང་འདི་ནི་ཡེ་ཟི་བེལ་རེད་ཅེས་པའི་ཚིག་ཙམ་ཡང་སྨྲ་བར་མི་འགྱུར་བའི་ཕྱིར་རོ་ཞེས་སྨྲས་སོ། །   
\c 10
\cl ལེའུ་བཅུ་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 ཡེ་ཧུས་ཨ་ཧབ་ཀྱི་བཟའ་མི་བཀྲོངས་པ།  
\p
\v 1 དེ་ཡང་སཱ་མར་ཡ་རུ་ཨ་ཧབ་ཀྱི་བུ་བདུན་ཅུ་ཡོད་པས། ཡེ་ཧུས་འཕྲིན་ཡིག་བྲིས་ཏེ་སཱ་མར་ཡ་རུ་སྤྲིངས་པ་དང་། ཡེ་སི་རེ་ཨེལ་གྱི་འགོ་དཔོན་རྣམས་དང་། རྒན་པོ་རྣམས་དང་། ཨ་ཧབ་ཀྱི་སྲས་ལ་ལྟ་སྐྱོང་བྱེད་མཁན་རྣམས་ལ་འདི་ལྟར།  
\v 2 རང་གི་བདག་པོའི་བུ་རྣམས་ཁྱོད་ཅག་གི་རྩར་ཡོད་པ་དང་། ཁྱོད་རྣམས་ལ་ཤིང་རྟ་དང་རྟ་རྣམས་དང་། ལྕགས་རིས་བསྐོར་བའི་གྲོང་ཁྱེར་དང་། མཚོན་ཆ་བཅས་ཀྱང་ཡོད་པས། ཁྱོད་ཚོར་འཕྲིན་ཡིག་འདི་འབྱོར་འཕྲལ།  
\v 3 ཁྱོད་ཅག་གི་བདག་པོའི་བུ་རྣམས་ལས་ལེགས་ཤིང་འོས་པ་ཞིག་བཙལ་ནས་དེའི་ཕ་ཡི་རྒྱལ་ཁྲིར་འཁོད་ཅིག ཡང་ཁྱོད་ཅག་གི་བདག་པོའི་ཁྱིམ་རྒྱུད་ཀྱི་དོན་དུ་འཐབ་མོ་འགྱེད་པར་བྱོས་ཤིག་ཅེས་སྤྲིངས་མོད།  
\v 4 འོན་ཀྱང་དེ་རྣམས་རབ་ཏུ་སྐྲག་སྟེ། ལྟོས་དང་། རྒྱལ་པོ་གཉིས་ཀྱང་ཁོའི་མདུན་དུ་ཚུགས་མ་ཐུབ་ན། ངེད་ཅག་ཁོའི་མདུན་དུ་ཇི་ལྟར་འགྲེང་ནུས་སམ་ཞེས་སྨྲས་ནས།  
\v 5 ཕོ་བྲང་གི་གཙོ་དཔོན་དང་གྲོང་ཁྱེར་གྱི་སྤྱི་དཔོན། རྒན་པོ་རྣམས། ཨ་ཧབ་ཀྱི་སྲས་ལ་ལྟ་སྐྱོང་བྱེད་མཁན་རྣམས་ཀྱིས་ཡེ་ཧུ་ལ་འཕྲིན་ཡིག་བསྐུར་ཏེ། བདག་ཅག་ཁྱེད་ཀྱི་ཞབས་ཕྱི་ཡིན། ཁྱེད་ཀྱིས་ཅི་དང་ཅི་བསྒོ་བ་ཐམས་ཅད་བསྒྲུབ་པར་བྱ། བདག་ཅག་གིས་གཞན་སུ་ཡང་རྒྱལ་པོར་བསྐོ་བར་མི་བྱ། ཁྱེད་ཀྱི་སྤྱན་ལམ་དུ་ཅི་ལེགས་པ་དེ་མཛོད་ཅིག་ཞུས་པ་ལ།  
\v 6 ཡེ་ཧུས་དེ་དག་ལ་འཕྲིན་ཡིག་གཉིས་པ་བྲིས་ནས་འདི་ལྟར། གལ་ཏེ་ཁྱོད་ཅག་ངའི་ཕྱོགས་སུ་འཁོར་ནས་ངའི་སྐད་ལ་མཉན་ན། ཁྱོད་ཅག་གི་བདག་པོའི་བུ་རྣམས་ཀྱི་མགོ་བོ་བཅད་དེ། སང་ཉིན་ད་ཚོད་ངའི་རྩར་ཡེ་སི་རེ་ཨེལ་དུ་ཁྱེར་ཤོག་ཅེས་བསྒོས། དེའི་དུས་སུ་རྒྱལ་པོའི་བུ་བདུན་ཅུ་ནི་གྲོང་ཁྱེར་གྱི་བློན་ཆེན་རྣམས་དང་མཉམ་དུ་ཡོད་ལ། དེ་དག་གིས་ཁོ་རྣམས་ལ་ལྟ་སྐྱོང་བྱེད་པའོ། །  
\v 7 འཕྲིན་ཡིག་ལག་ཏུ་འབྱོར་མ་ཐག་དེ་དག་གིས་རྒྱལ་པོའི་བུ་རྣམས་བཟུང་ཞིང་མི་བདུན་ཅུ་བོ་དེ་བསད་ནས་མགོ་བོ་རྣམས་སླེ་པོའི་ནང་དུ་བཅུག་སྟེ། ཡེ་སི་རེ་ཨེལ་དུ་ཡེ་ཧུའི་གམ་དུ་བསྐྱལ།  
\v 8 དེ་ནས་བང་ཆེན་ཞིག་འོངས་ཏེ་ཡེ་ཧུ་ལ། རྒྱལ་པོའི་བུ་རྣམས་ཀྱི་མགོ་བོ་འདིར་ཁྱེར་ནས་སླེབས་སོ་ཞེས་འཕྲིན་བསྐྱལ་བ་ལ། ཁོ་ན་རེ། དེ་རྣམས་ཕུང་པོ་གཉིས་སུ་བྱས་ཏེ། གྲོང་ཁྱེར་གྱི་རྒྱ་སྒོའི་འགྲམ་ནས་ཞོགས་པའི་བར་དུ་ཞོག་ཅིག་ཅེས་བསྒོས།  
\v 9 དེ་ནས་ཕྱི་ཉིན་ཞོགས་པའི་དུས་སུ་ཡེ་ཧུ་ཕྱི་རོལ་ཏུ་ཐོན་ནས་ལངས་ཏེ་མི་ཐམས་ཅད་ལ། ཁྱོད་ཅག་དྲང་པོ་འདུག ལྟོས་དང་། ངས་རང་གི་བདག་པོ་ལ་ངོ་ལོག་བྱས་ནས་བསད་པ་ཡིན། འོན་ཀྱང་མི་འདི་ཐམས་ཅད་ནི་སུས་བསད་པ་ཡིན་ནམ།  
\v 10 དཀོན་མཆོག་ཡ་ཝཱེའི་བཀའ་སྟེ། ཁོང་གིས་ཨ་ཧབ་ཀྱི་ཁྱིམ་རྒྱུད་ལ་གསུངས་པའི་བཀའ་ཐམས་ཅད་སྟོང་པར་མ་ལུས། དཀོན་མཆོག་ཡ་ཝཱེས་ཁོང་ཉིད་ཀྱི་ཞབས་ཕྱི་ཨེ་ལི་ཡཱ་བརྒྱུད་ནས་གསུངས་པ་དེ་བསྒྲུབས་པར་མཛད་ཅེས་སྨྲས་སོ། །  
\v 11 དེ་ལྟར་ཡེ་ཧུས་ཨ་ཧབ་ཀྱི་རྒྱུད་འཛིན་ཡེ་སི་རེ་ཨེལ་དུ་ལུས་པ་ཐམས་ཅད་དང་། ཁོའི་བློན་ཆེན་རྣམས་དང་། གྲོགས་པོ་རྣམས་དང་། མཆོད་དཔོན་རྣམས་ལས་གཅིག་ཀྱང་མ་ལུས་པར་སྲོག་དང་ཕྲལ་ཏོ། །   
\p
\v 12 དེ་ནས་ཡེ་ཧུ་ལངས་ཏེ་སཱ་མར་ཡ་རུ་ཕྱིན་པ་དང་། བེད་ཨེ་ཀེད་བྱ་བ་ལུག་རྫི་ཡོད་སའི་ལམ་དུ།  
\v 13 ཡེ་ཧུ་ནི་ཡ་ཧུ་དཱའི་རྒྱལ་པོ་ཨ་ཧ་ཟི་ཡཱའི་སྤུན་རྣམས་དང་ཕྲད་ཅིང་། ཁྱོད་ཅག་སུ་ཡིན་དྲིས་པ་ན། དེ་དག་གིས་ལན་དུ། བདག་ཅག་ཨ་ཧ་ཟི་ཡཱའི་སྤུན་མཆེད་ཡིན་ཏེ་རྒྱལ་སྲས་རྣམས་དང་རྒྱལ་ཡུམ་གྱི་བུ་རྣམས་ལ་བདེ་འཚམས་ཞུ་རུ་འགྲོའོ་ཞུས་ཤིང་།  
\v 14 ཁོས་འདི་དག་གསོན་པོར་ཟུངས་ཤིག་ཅེས་བསྒོས་པར། ཁོའི་ལག་འོག་གི་མི་རྣམས་ཀྱིས་དེ་དག་གསོན་པོར་བཟུང་ནས་མི་བཞི་བཅུ་ཞེ་གཉིས་ལས་གཅིག་ཀྱང་མ་བཏང་བར། པེད་ཨེ་ཀེད་ཀྱི་ས་དོང་གི་འགྲམ་དུ་བསད་དོ། །   
\p
\v 15 ཡང་ཡེ་ཧུ་དེ་ནས་ཆས་པ་ན། ཁོ་བསུ་རུ་འོངས་པའི་རེ་ཁབ་ཀྱི་བུ་ཡེ་ཧོ་ན་དབ་དང་ཕྲད་ཅིང་། ཁོས་དེ་ལ་ཁམས་འདྲི་ཞུས་རྗེས། ངའི་སེམས་ཁྱེད་ལ་དྲང་བ་ལྟར་ཁྱེད་ཀྱི་སེམས་ཀྱང་ང་ལ་དྲང་པོ་ཡིན་ནམ་ཞེས་པའི་ལན་དུ། ཡེ་ཧོ་ན་དབ་ཀྱིས་དྲང་པོ་ཡིན་སྨྲས་པ་ན། ཡེ་ཧུ་ན་རེ། དེ་འདྲ་ཡིན་ན་ཁྱོད་ཀྱི་ལག་པ་སྲོངས་ཤིག་ཅེས་པར། དེས་ལག་པ་བསྲིངས་པ་དང་ཡེ་ཧུས་ཁོ་ནི་རང་གི་ཤིང་རྟ་རུ་འཐེན།  
\v 16 ཡེ་ཧུ་ན་རེ། ཁྱོད་རང་ང་དང་མཉམ་དུ་འགྲོ་ལ་ངས་དཀོན་མཆོག་ཡ་ཝཱེ་ལ་བཅངས་པའི་ལྷག་སེམས་ལ་ལྟོས་ཤིག་སྨྲས་ཏེ། དེ་ནི་ཁོའི་ཤིང་རྟར་ཁྱེར་ནས་ལྷན་དུ་ཆས་སོ། །  
\v 17 དེ་ནས་ཁོ་སཱ་མར་ཡ་རུ་ཕྱིན་པ་དང་། དཀོན་མཆོག་ཡ་ཝཱེས་ཨེ་ལི་ཡཱ་ལ་གསུངས་པ་བཞིན་དུ། ཁོས་སཱ་མར་ཡ་རུ་ཤུལ་དུ་ལུས་པའི་ཨ་ཧབ་ཀྱི་མི་ཐམས་ཅད་བསད་དེ་མེད་པར་བྱས་སོ། །   
\s1 ཡེ་ཧུས་པཱ་ཨལ་བསྟེན་མཁན་རྣམས་བཀྲོངས་པ།  
\p
\v 18 དེ་ནས་ཡེ་ཧུས་མི་ཐམས་ཅད་བསྡུས་ནས་དེ་དག་ལ། ཨ་ཧབ་ཀྱིས་པཱ་ཨལ་ལ་ཉུང་ཙམ་དད་མོས་བྱས་ཀྱང་། ཡེ་ཧུས་དེ་ལས་ལྷག་པར་དད་མོས་བྱའོ། །  
\v 19 ད་ལྟ་པཱ་ཨལ་གྱི་ལུང་སྟོན་པ་ཐམས་ཅད་དང་། ཁོ་ལ་ཞབས་ཕྱི་སྒྲུབ་མཁན་ཐམས་ཅད་དང་། ཁོའི་མཆོད་དཔོན་ཐམས་ཅད་གཅིག་ཀྱང་མ་ལུས་པར་ངའི་མདུན་དུ་བོས་ཤིག ངས་པཱ་ཨལ་ལ་མཆོད་པ་ཆེན་པོ་ཞིག་འབུལ་རྒྱུ་ཡིན་པས། སུ་ཞིག་མ་འོངས་ན་གསོན་པོར་ལུས་པར་མི་འགྱུར་རོ་ཞེས་བསྒོས། ཡེ་ཧུས་དེ་ལྟར་གཡོ་སྒྱུའི་སྦྱོར་བ་སྤེལ་བ་ནི་པཱ་ཨལ་ལ་ཞབས་ཕྱི་སྒྲུབ་མཁན་ཐམས་ཅད་མེད་པར་གཏོང་བའི་ཕྱིར་དུ་ཡིན།  
\v 20 ཡང་ཡེ་ཧུ་ན་རེ། པཱ་ཨལ་ལ་གུས་པ་བྱེད་དུ་མི་ཀུན་སྡུས་ཤིག་ཅེས་བསྒོས་པས། མི་རྣམས་ཀྱིས་དེ་གསལ་བསྒྲགས་བྱས།  
\v 21 ཡེ་ཧུས་ཡེས་ར་ཨེལ་གྱི་ཡུལ་ཀུན་ཏུ་བང་ཆེན་མངགས་པས། པཱ་ཨལ་ལ་ཞབས་ཕྱི་སྒྲུབ་མཁན་ཐམས་ཅད་འོངས་པ་སྟེ། མི་ཡོང་བ་གཅིག་ཀྱང་མེད་ལ། དེ་རྣམས་པཱ་ཨལ་གྱི་མཆོད་ཁང་དུ་འཛུལ་ཏེ། པཱ་ཨལ་གྱི་མཆོད་ཁང་ནི་ཚུར་རོལ་ནས་ཕ་རོལ་བར་དུ་བཀང་བར་གྱུར་ཏོ། །  
\v 22 ཡེ་ཧུས་མཆོད་གོས་གཉེར་དཔོན་ལ། པཱ་ཨལ་ལ་ཞབས་ཕྱི་སྒྲུབ་མཁན་ཐམས་ཅད་ཀྱི་དོན་དུ་མཆོད་གོས་ཁྱེར་ཤོག་ཅེས་བསྒོས་པ་དང་། ཁོས་མཆོད་གོས་ཁྱེར་འོངས་ནས་དེ་དག་ལ་བསྐོན་པ་རེད།  
\v 23 དེ་ནས་ཡེ་ཧུ་དང་རེ་ཁབ་ཀྱི་བུ་ཡེ་ཧོ་ན་དབ་གཉིས་པཱ་ཨལ་གྱི་མཆོད་ཁང་དུ་འཛུལ་ཏེ། པཱ་ཨལ་གྱི་ཞབས་ཕྱི་རྣམས་ལ། ཞིབ་ཏུ་ལྟོས་དང་། འདིར་ཁྱོད་ཅག་གི་ཁྲོད་དུ་དཀོན་མཆོག་ཡ་ཝཱེའི་ཞབས་ཕྱི་གཅིག་ཀྱང་ཡོད་མི་རུང་སྟེ། པཱ་ཨལ་ལ་ཞབས་ཕྱི་སྒྲུབ་མཁན་འབའ་ཞིག་ཡོད་རུང་བ་ཡིན་ཞེས་བསྒོས།  
\v 24 དེ་ནས་མི་རྣམས་དམར་མཆོད་དང་སྦྱིན་སྲེག་འབུལ་བར་ནང་དུ་སོང་བ་དང་། ཡེ་ཧུས་ཕྱི་རོལ་ཏུ་མི་བརྒྱད་ཅུ་བཞག་ནས་དེ་དག་ལ། ཁྱོད་ཅག་གི་ལག་ཏུ་གཏད་པའི་མི་རྣམས་ལས་གཅིག་འབྲོ་རུ་བཅུག་ན། དེའི་ཚབ་ཏུ་སྲོག་ལན་འཇལ་དགོས་ཞེས་སྨྲས་སོ། །  
\v 25 དེ་ནས་ཡེ་ཧུས་སྦྱིན་སྲེག་གི་མཆོད་པ་ཕུལ་ཚར་བ་ཙམ་གྱིས། སྲུང་དམག་དང་དམག་དཔོན་རྣམས་ལ། ནང་དུ་འཛུལ་ནས་དེ་དག་སོད་ཅིག གཅིག་ཀྱང་ཕྱི་རོལ་ཏུ་འཐོན་པར་མི་བྱའོ་ཞེས་སྨྲས་པས། སྲུང་དམག་དང་དམག་དཔོན་རྣམས་ཀྱིས་མི་དེ་དག་རལ་གྲིས་བསྣུན་ཏེ། དེ་དག་གི་རོ་རྣམས་ཕྱི་རོལ་ཏུ་འཕངས་པ་དང་པཱ་ཨལ་མཆོད་ཁང་གི་སྦུག་ཏུ་ཕྱིན་ནས།  
\v 26 པཱ་ཨལ་མཆོད་ཁང་ལས་རྡོ་སྐུ་རྣམས་བཏོན་ནས་མེ་ལ་བསྲེགས།  
\v 27 པཱ་ཨལ་གྱི་ལྷ་རྟེན་བཅག་སྟེ། པཱ་ཨལ་མཆོད་ཁང་བཤིག་ཅིང་དེ་རིང་གི་བར་དུ་གསང་སྤྱོད་བྱས་སོ། །   
\s1 ཡེ་ཧུས་ཡེས་ར་ཨེལ་ལ་དབང་བསྒྱུར་པ།  
\p
\v 28 དེ་ལྟར་ཡེ་ཧུས་པཱ་ཨལ་ནི་ཡེས་ར་ཨེལ་གྱི་ཁྲོད་ནས་མེད་པར་བྱས་ཀྱང་།  
\v 29 ཡེས་ར་ཨེལ་ལ་སྡིག་པ་བྱེད་དུ་བཅུག་པའི་ནེ་བཱད་ཀྱི་བུ་ཡེ་རོབ་ཨམ་གྱི་སྡིག་པ་མ་སྤངས་ཏེ། པེད་ཨེལ་དང་དཱན་དུ་ཡོད་པའི་གསེར་གྱི་བ་ཕྲུག་གཉིས་ལས་ཕྱིར་མ་འཁོར་རོ། །   
\p
\v 30 དེར་དཀོན་མཆོག་ཡ་ཝཱེས་ཡེ་ཧུ་ལ། ཁྱོད་ཀྱིས་བདག་གི་སྤྱན་སྔར་ལེགས་པོ་གང་ཡིན་དེ་བསྒྲུབས་ཤིང་། ངའི་སེམས་ལ་ཅི་ཡོད་པ་ལྟར་ཨ་ཧབ་ལ་བྱས་པས། མི་རབས་བཞིའི་རིང་དུ་ཁྱོད་ཀྱི་བུ་རྣམས་ཡེས་ར་ཨེལ་གྱི་རྒྱལ་ཁྲིར་འགོད་པར་འགྱུར་ཞེས་གསུངས་ཀྱང་།  
\v 31 ཡེ་ཧུས་སེམས་ཧྲིལ་པོས་ཡེས་ར་ཨེལ་གྱི་དཀོན་མཆོག་ཡ་ཝཱེའི་བཀའ་ཁྲིམས་མ་བསྲུངས་ཏེ། ཡེས་ར་ཨེལ་ལ་སྡིག་པ་བྱེད་དུ་བཅུག་པའི་ཡེ་རོབ་ཨམ་གྱི་སྡིག་པ་རྣམས་མ་སྤངས་སོ། །   
\p
\v 32 དེའི་ཚེ་དཀོན་མཆོག་ཡ་ཝཱེས་ཡེས་ར་ཨེལ་ཉམས་དམས་སུ་མཛད་ཅིང་། ཧ་ཟཱ་ཨེལ་གྱིས་ཡེས་ར་ཨེལ་གྱི་ས་མཚམས་ཐམས་ཅད་ནས་དེ་དག་ལ་རྒོལ་བ་སྟེ།  
\v 33 ཡོར་དན་གཙང་པོའི་ཤར་ཕྱོགས་ནས་གིལ་ཨད་ཀྱི་ཡུལ་ཀུན་དང་། གཱ་རྡུ་པ་དང་རུ་བེན་པ། མཱ་ན་ཤེ་པ་རྣམས་ཀྱི་ཡུལ་དང་། ཨར་ནོན་གྲམ་པ་དང་ཉེ་བའི་ཨ་རོ་ཨེར་ནས་གིལ་ཨད་དང་པཱ་ཤན་བར་དུའོ། །   
\p
\v 34 དེ་ཡང་ཡེ་ཧུ་ཡི་དོན་གཞན་རྣམས་དང་ཁོས་ཅི་དང་ཅི་བྱས་པ་ཐམས་ཅད་དང་། ཁོའི་དཔའ་བོའི་མཛད་རྗེས་སོགས་ནི་ཡེས་ར་ཨེལ་གྱི་རྒྱལ་པོ་རྣམས་ཀྱི་ལོ་རབས་ནང་དུ་བཀོད་ཡོད་པ་མ་ཡིན་ནམ།  
\v 35 དེ་ནས་ཡེ་ཧུ་རང་གི་ཕ་མེས་རྣམས་ཀྱི་ཁྲོད་དུ་གཟིམས་པ་དང་། དེ་དག་གིས་ཁོ་སཱ་མར་ཡ་རུ་དུར་ལ་སྦས་ཤིང་ཁོའི་སྲས་ཡེ་ཧོ་ཨ་ཧཱ་ཟི་དེའི་རྒྱུན་མཐུད་ནས་རྒྱལ་པོ་བྱས།  
\v 36 ཡེ་ཧུས་སཱ་མར་ཡ་རུ་ལོ་ཉེར་བརྒྱད་ཀྱི་རིང་ཡེས་ར་ཨེལ་ལ་རྒྱལ་སྲིད་བསྐྱངས་པའོ། །   
\c 11
\cl ལེའུ་བཅུ་གཅིག་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 ཨ་ཐལ་ཡཱ་བྱ་བ་ཡ་ཧུ་དཱའི་རྒྱལ་མོར་གྱུར་པ།  
\p
\v 1 དེ་ནས་ཨ་ཧ་ཟི་ཡཱ་ཡི་མ་ཨ་ཐལ་ཡཱས་རང་གི་བུ་ཤི་ཟིན་པ་མཐོང་མ་ཐག་ཏུ། ལངས་ནས་རྒྱལ་རྒྱུད་ཐམས་ཅད་བསད་ཀྱང་།  
\v 2 རྒྱལ་པོ་ཡེ་ཧོ་རཱམ་གྱི་སྲས་མོ་ཨ་ཧ་ཟི་ཡཱའི་སྲིང་མོ་ཡེ་ཧོ་ཤེ་བ་ཡིས། ཨ་ཧ་ཟི་ཡཱའི་བུ་ཡོ་ཨ་སི་ནི་གསོད་པར་འགྱུར་བའི་རྒྱལ་སྲས་རྣམས་ལས་བརྐུས་ཏེ། ཁོ་དང་ཁོའི་མ་མ་གཉིས་གཟིམ་ཁང་ནང་དུ་བཞག་པ་དང་། དེ་དག་གིས་ཁོ་ཨ་ཐལ་ཡཱ་ལས་སྦས་པའི་རྐྱེན་གྱིས་མ་ཤི་བ་རེད།  
\v 3 དེ་ལྟར་ཨ་ཐལ་ཡཱ་ཡིས་ཡུལ་ཁམས་དེ་རུ་རྒྱལ་སྲིད་བསྐྱངས་པ་དང་། ཡོ་ཨ་སི་དང་ཁོའི་མ་མ་གཉིས་ལོ་དྲུག་གི་རིང་དཀོན་མཆོག་ཡ་ཝཱེའི་མཆོད་ཁང་ནང་དུ་སྦས་ནས་བསྡད་དོ། །   
\s1 ཡོ་ཨ་སི་བྱ་བ་ཡ་ཧུ་དཱའི་རྒྱལ་པོར་བསྐོས་པ།  
\p
\v 4 དེ་ཡང་ལོ་བདུན་པར་ཡེ་ཧོ་ཡ་དཱ་ཡིས་ཀཱ་རེ་པ་རྣམས་དང་། སྲུང་དམག་རྣམས་ཀྱི་བརྒྱ་དཔོན་རྣམས་འབོད་པར་མི་མངགས་པ་དང། དེ་རྣམས་ཁོའི་དྲུང་དུ་དཀོན་མཆོག་ཡ་ཝཱེའི་མཆོད་ཁང་དུ་ཁྲིད་ཅིང་། དེ་དག་བར་དམ་བཅའ་བཞག་ནས་དེ་དག་གིས་དཀོན་མཆོག་ཡ་ཝཱེའི་མཆོད་ཁང་ནང་དུ་མནའ་བསྐྱལ་བ་ན། ཁོས་དེ་དག་ལ་རྒྱལ་སྲས་དེ་བསྟན་ཏོ། །  
\v 5 ཡང་ཁོས་དེ་རྣམས་ལ་བཀའ་བསྒོས་ཏེ། ཁྱོད་ཅག་གིས་བྱེད་དགོས་པ་ནི་འདི་ལྟ་སྟེ། ཁྱོད་ཅག་ལས་ངལ་གསོ་བའི་ཉིན་མོར་ལས་རེས་ཡིན་པ་རྣམས་ལས་སུམ་ཆའི་གཅིག་གིས་རྒྱལ་པོའི་ཕོ་བྲང་བསྲུང་དགོས།  
\v 6 ཡང་སུམ་ཆའི་གཅིག་ནི་སུར་བྱ་བའི་རྒྱ་སྒོར་སྡོད་དགོས་ལ། སུམ་ཆའི་གཅིག་གིས་སྲུང་དམག་རྣམས་ཀྱི་ལྟག་སྒོ་རུ་བསྡད་ནས་ཕོ་བྲང་སྲུང་རེས་བྱེད་དགོས།  
\v 7 ངལ་གསོ་བའི་ཉིན་མོར་ལས་རེས་ལ་མ་བབས་པའི་ཁག་གཉིས་ཀྱིས་རྒྱལ་པོའི་ཕྱིར་དུ་དཀོན་མཆོག་ཡ་ཝཱེའི་མཆོད་ཁང་བསྲུང་བར་གྱིས་ཤིག  
\v 8 ཁྱོད་ཅག་གིས་རང་རང་གི་མཚོན་ཆ་ལག་ཏུ་བཟུང་སྟེ་རྒྱལ་པོ་བསྐོར་ནས་སྡོད་དགོས། གཞན་སུ་ཞིག་རང་དགར་དམག་གྲལ་དུ་འཛུལ་འོངས་ན་དེ་གསོད་དགོས་ལ། རྒྱལ་པོ་ཕྱི་ནང་གང་དུ་འགྲོ་དུས་ཀྱང་ཁྱོད་རྣམས་རྒྱལ་པོ་དང་མཉམ་དུ་སྡོད་དགོས་ཞེས་བསྒོས་པའོ། །   
\p
\v 9 དེ་ནས་བརྒྱ་དཔོན་རྣམས་ཀྱིས་མཆོད་དཔོན་ཡེ་ཧོ་ཡ་དཱ་ཡི་བཀའ་བཀོད་བཞིན་དུ་བྱས། དེ་དག་གིས་རང་རང་གི་མི་སྟེ། ངལ་གསོ་བའི་ཉིན་མོའི་ལས་རེས་ཡིན་མིན་ཐམས་ཅད་ཁྲིད་ནས་མཆོད་དཔོན་ཡེ་ཧོ་ཡ་དཱ་ཡི་དྲུང་དུ་འོངས་པ་དང་།  
\v 10 ཡེ་ཧོ་ཡ་དཱ་ཡིས་དཀོན་མཆོག་ཡ་ཝཱེའི་མཆོད་ཁང་དུ་ཡོད་པའི་རྒྱལ་པོ་དཱ་བིད་ཀྱི་མདུང་དང་ཕུབ་རྣམས་བརྒྱ་དཔོན་རྣམས་ལ་སྤྲད་ཅིང་།  
\v 11 སྲུང་དམག་རྣམས་ཀྱིས་རང་རང་གི་མཚོན་ཆ་ལག་ཏུ་བཟུང་སྟེ། མཆོད་ཁང་གི་གཡས་ཕྱོགས་ནས་གཡོན་ཕྱོགས་བར་དུ། མཆོད་ཁྲི་དང་མཆོད་ཁང་གི་ཉེ་འཁྲིས་སུ་རྒྱལ་པོ་བསྐོར་ནས་བསྡད་དོ། །  
\v 12 དེ་ནས་ཡེ་ཧོ་ཡ་དཱ་ཡིས་རྒྱལ་སྲས་ཕྱི་རོལ་ཏུ་ཁྲིད་འོངས་ཏེ་ཁོའི་དབུ་ལ་ཅོད་པན་སྤྲས་ནས་དཔང་ཡིག་ཕུལ་བ་དང་། དེ་དག་གིས་རྒྱལ་པོར་མངའ་གསོལ་ཞིང་སྣུམ་གྱིས་བྱུགས་པ་ན། མི་རྣམས་ཀྱིས་ཐལ་མོ་བརྡབས་ཏེ་རྒྱལ་པོ་ཁྲི་ལོར་བརྟན་པར་ཤོག་ཅེས་བསྒྲགས་སོ། །   
\p
\v 13 དེ་ནས་ཨ་ཐལ་ཡཱ་ཡིས་སྲུང་དམག་རྣམས་དང་མི་ཚོགས་ཀྱི་ཀི་སྒྲ་ཐོས་པས། དཀོན་མཆོག་ཡ་ཝཱེའི་མཆོད་ཁང་དུ་མི་རྣམས་ཀྱི་རྩར་སོང་སྟེ།  
\v 14 ཁོ་མོས་བལྟས་པའི་ཚེ། རྒྱལ་པོ་ནི་ཁྲིམས་བཞིན་དུ་ཀ་བའི་མདུན་དུ་ལངས་སྡོད་པ་དང་། བརྒྱ་དཔོན་རྣམས་དང་། དུང་འབུད་མཁན་རྣམས་རྒྱལ་པོའི་དྲུང་དུ་འགྲེང་ཞིང་། ཡུལ་ཁམས་ཀྱི་མི་ཐམས་ཅད་ཀྱིས་དགའ་ཞིང་དུང་འབུད་པ་མཐོང་བས། ཨ་ཐལ་ཡཱ་ཡིས་རང་གི་གོས་གཤགས་ཏེ་སྐད་ཆེན་པོས། འདིར་གཡོ་སྒྱུ་འདུག འདིར་གཡོ་སྒྱུ་འདུག་ཅེས་བསྒྲགས་པ་ན།  
\v 15 མཆོད་དཔོན་ཡེ་ཧོ་ཡ་དཱ་ཡིས་དམག་ཚོགས་ཀྱི་བཀོད་འདོམས་པ་བརྒྱ་དཔོན་རྣམས་ལ་བཀའ་བཏང་ཞིང་། ཁོ་མོ་དམག་ཚོགས་ཀྱི་བར་ནས་ཕྱི་རོལ་ཏུ་ཁྲིད་ཅིག དེའི་རྗེས་སུ་འབྲང་མཁན་རྣམས་ཀྱང་རལ་གྲིས་སོད་ཅིག་ཅེས་བསྒོས་སོ། །ཅི་ལ་ཞེ་ན། མཆོད་དཔོན་གྱིས་དཀོན་མཆོག་ཡ་ཝཱེའི་མཆོད་ཁང་དུ་ཁོ་མོ་གསོད་མི་རུང་ཞེས་བཀའ་བསྩལ་ཏོ། །  
\v 16 དེ་བས་ཁོ་ཚོས་ཁོ་མོ་བཟུང་ནས་ཁྱེར་ཅིང་། རྒྱལ་པོའི་ཕོ་བྲང་གི་རྟ་འདེད་སའི་འགྲོ་ལམ་བརྒྱུད་ནས་འགྲོ་དུས་དེར་ཁོ་མོ་སྲོག་དང་ཕྲལ་ཏོ། །   
\p
\v 17 དེ་ནས་ཡེ་ཧོ་ཡ་དཱ་ཡིས་མི་རྣམས་ནི་དཀོན་མཆོག་ཡ་ཝཱེའི་འབངས་མིར་འགྱུར་ཕྱིར། དཀོན་མཆོག་ཡ་ཝཱེ་དང་རྒྱལ་པོ་དང་མི་སྡེ་གསུམ་གྱི་བར་ཁ་ཆད་བཞག་པ་དང་། མི་རྣམས་དང་རྒྱལ་པོའི་བར་དུ་ཡང་ཁ་ཆད་བཞག  
\v 18 དེ་ནས་ཡུལ་ཁམས་ཀྱི་མི་ཐམས་ཅད་པཱ་ཨལ་གྱི་ལྷ་ཁང་དུ་སོང་ནས་དེ་བརླགས་ཤིང་། དེའི་མཆོད་ཁྲི་དང་སྐུ་འདྲ་རྣམས་ཡོངས་སུ་བཅག པཱ་ཨལ་གྱི་མཆོད་དཔོན་མད་ཐན་ནི་མཆོད་ཁྲི་རྣམས་ཀྱི་མདུན་དུ་བསད། ཡང་མཆོད་དཔོན་ཡེ་ཧོ་ཡ་དཱ་ཡིས་དཀོན་མཆོག་ཡ་ཝཱེའི་མཆོད་ཁང་སྲུང་མཁན་འགོ་དཔོན་ཡང་བསྐོས་པ་དང་།  
\v 19 བརྒྱ་དཔོན་རྣམས་དང་ཀཱ་རེ་པ་རྣམས། སྲུང་དམག་རྣམས་དང་ཡུལ་ཁམས་ཀྱི་མི་ཐམས་ཅད་ཁྲིད་ཅིང་། དེ་དག་གིས་རྒྱལ་པོ་ནི་དཀོན་མཆོག་ཡ་ཝཱེའི་མཆོད་ཁང་ནས་མར་ཁྲིད་པ་དང་། སྲུང་དམག་གི་སྒོ་བརྒྱུད་ནས་རྒྱལ་པོའི་ཕོ་བྲང་དུ་གདན་དྲངས་ཤིང་། དེ་ལྟར་ཡོ་ཨ་སི་ནི་རྒྱལ་པོ་རྣམས་ཀྱི་ཁྲི་ལ་བསྡད།  
\v 20 ཡུལ་ཁམས་ཀྱི་མི་རྣམས་དགའ་མགུར་ལོངས་སྤྱད་ཅིང་། ཨ་ཐལ་ཡཱ་རྒྱལ་པོའི་ཕོ་བྲང་ནས་རལ་གྲིས་བཀུམས་རྗེས་གྲོང་ཁྱེར་དེ་ལྷིངས་འཇགས་སུ་གྱུར་ཏོ། །   
\s1 ཡོ་ཨ་སི་བྱ་བ་ཡ་ཧུ་དཱའི་རྒྱལ་པོར་གྱུར་པ།  
\p
\v 21 ཡོ་ཨ་སི་\f + \ft ཡེས་ར་ཨེལ་གྱི་སྐད་ཡིག་ཏུ་ཡོ་ཨ་སི་ཞེས་བྲིས་ཡོད། ལེའུ་བཅུ་གཅིག་པ་ནས་ལེའུ་བཅུ་བཞི་པའི་བར་དུ་རྒྱལ་པོ་གཉིས་བྱུང་ཡོད་དེ། ཡ་ཧུ་དཱའི་རྒྱལ་པོ་དང་ཡེས་ར་ཨེལ་གྱི་རྒྱལ་པོ་དེ་གཉིས་ཀྱི་མིང་ལ་སོ་སོར་ཡོ་ཨ་སི་དང་ཡེ་ཧོ་ཨ་སི་ཞེས་འབོད། \f*ཡིས་རྒྱལ་སྲིད་སྐྱོང་དུས་ཁོ་ལོ་བདུན་ཡིན་ནོ། །   
\c 12
\cl ལེའུ་བཅུ་གཉིས་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\p
\v 1 དེ་ཡང་ཡེ་ཧུས་རྒྱལ་སྲིད་བསྐྱངས་པའི་ལོ་བདུན་པར། ཡོ་ཨ་སི་རྒྱལ་པོར་གྱུར་ཏེ་ལོ་བཞི་བཅུའི་རིང་ཡེ་རུ་སཱ་ལེམ་དུ་རྒྱལ་སྲིད་བསྐྱངས། ཁོའི་ཡུམ་གྱི་མིང་ལ་ཙིབ་ཡཱ་ཟེར་ཏེ་པེར་ཤ་བཱ་ཞེས་པའི་གྲོང་ཁྱེར་གྱི་མི་ཡིན་ནོ། །  
\v 2 མཆོད་དཔོན་ཡེ་ཧོ་ཡ་དཱ་ཡིས་མཛུབ་ཁྲིད་གནང་བའི་ཉིན་དག་ལ། ཡོ་ཨ་སི་ཡིས་དཀོན་མཆོག་ཡ་ཝཱེའི་སྤྱན་སྔར་ལེགས་པོ་གང་ཡིན་དེ་སྤྱད་དོ། །  
\v 3 འོན་ཀྱང་མཐོ་གླིང་རྣམས་བརླག་པར་མ་གྱུར་པས། མི་རྣམས་ཀྱིས་སྔར་བཞིན་མཐོ་གླིང་གི་སྟེང་དུ་མཆོད་པ་ཕུལ་ནས་བསང་བཏང་བ་ཡིན་ནོ། །   
\s1 ཡོ་ཨ་སི་ཡིས་མཆོད་ཁང་བསྐྱར་གསོ་བྱས་པ།  
\p
\v 4 དེ་ནས་ཡོ་ཨ་སི་ཡིས་མཆོད་དཔོན་རྣམས་ལ། དཀོན་མཆོག་ཡ་ཝཱེའི་མཆོད་ཁང་དུ་དམ་པར་ཕུལ་བའི་དངུལ་ཐམས་ཅད་དེ། མི་རེ་རེས་ཁྲལ་དུ་འཇལ་བའི་དངུལ་དང་། མི་རེ་ལ་དཔྱ་ཁྲལ་དུ་ཕོག་པའི་དངུལ་དང་། སེམས་ལ་སྐུལ་སློང་ཐེབས་ཏེ་རང་མོས་ཀྱིས་དཀོན་མཆོག་ཡ་ཝཱེའི་མཆོད་ཁང་ལ་ཕུལ་བའི་དངུལ་ཚང་མ།  
\v 5 ཁྱོད་མཆོད་དཔོན་རྣམས་ཀྱིས་རང་ལ་ཞལ་འདེབས་འབུལ་མཁན་དག་ལས་བླངས་ཏེ། མཆོད་ཁང་གང་དུ་ཞིག་རལ་དུ་སོང་ཡོད་ན་དེར་ཞིག་གསོ་བྱེད་པར་སྤྱོད་ཅིག་ཅེས་བསྒོས་སོ། །   
\p
\v 6 འོན་ཀྱང་རྒྱལ་པོ་ཡོ་ཨ་སི་ཡིས་སྲིད་བསྐྱངས་ནས་ལོ་ཉེར་གསུམ་པ་ལ་སླེབས་པའི་དུས་སུ། མཆོད་དཔོན་རྣམས་ཀྱིས་མཆོད་ཁང་ཞིག་རལ་དུ་སོང་ཡོད་ས་རྣམས་ད་དུང་ཞིག་གསོ་མ་བྱས་པ་རེད།  
\v 7 དེ་བས་རྒྱལ་པོ་ཡོ་ཨ་སི་ཡིས་མཆོད་དཔོན་ཡེ་ཧོ་ཡ་དཱ་དང་། མཆོད་དཔོན་གཞན་རྣམས་བོས་ནས་དེ་དག་ལ། ཁྱོད་ཚོས་ཅིའི་ཕྱིར་མཆོད་ཁང་ཞིག་རལ་དུ་སོང་ཡོད་ས་རྣམས་ཞིག་གསོ་མ་བྱས་སམ། ད་ནི་རང་གིས་ཞལ་འདེབས་འབུལ་མཁན་ནས་དངུལ་མི་ལེན་པར། བླངས་ཟིན་པ་རྣམས་མཆོད་ཁང་ཞིག་རལ་དུ་སོང་ཡོད་ས་རྣམས་ཞིག་གསོ་བྱེད་པར་ཐོངས་ཤིག་ཅེས་བསྒོས་པ་ལ།  
\v 8 མཆོད་དཔོན་རྣམས་ཀྱིས་མི་རྣམས་ལས་དངུལ་མི་ལེན་པ་དང་། མཆོད་ཁང་ཡང་ཞིག་གསོ་མི་བྱེད་པ་ཁས་བླངས་སོ། །   
\p
\v 9 དེ་ནས་མཆོད་དཔོན་ཡེ་ཧོ་ཡ་དཱ་ཡིས་སྒྲོམ་བུ་ཞིག་ཁྱེར་འོངས་ཤིང་། དེའི་སྟེང་དུ་བུ་ག་བཏོད་ནས་དཀོན་མཆོག་ཡ་ཝཱེའི་མཆོད་ཁང་དུ་འོང་སའི་གཡས་ཕྱོགས་ཀྱི་མཆོད་ཁྲིའི་འགྲམ་དུ་བཞག མཆོད་དཔོན་སྒོ་སྲུང་ཚོས་དཀོན་མཆོག་ཡ་ཝཱེའི་མཆོད་ཁང་དུ་ཕུལ་བའི་དངུལ་ཚང་མ་དེའི་ནང་དུ་བཅུག  
\v 10 ཡང་དེ་དག་གིས་སྒྲོམ་བུ་ནང་གི་དངུལ་ཇེ་མང་ཡིན་པ་མཐོང་བའི་ཚེ་ན། རྒྱལ་པོའི་དྲུང་ཡིག་དང་མཆོད་དཔོན་ཆེན་པོ་བཅས་ཡར་འོངས་ཤིང་། དཀོན་མཆོག་ཡ་ཝཱེའི་མཆོད་ཁང་ནས་རྙེད་པའི་དངུལ་རྣམས་བརྩིས་ནས་སྒྱེ་མོ་ནང་དུ་བཅུག་པ་དང་།  
\v 11 དངུལ་དེ་རྣམས་སྲང་ལ་བཏེགས་ནས་དཀོན་མཆོག་ཡ་ཝཱེའི་མཆོད་ཁང་བསྐྱར་བཞེངས་བྱེད་མཁན་ཚོའི་ལས་དཔོན་གྱི་ལག་ཏུ་སྤྲད་པ་དང་། དེ་དག་གིས་དཀོན་མཆོག་ཡ་ཝཱེའི་མཆོད་ཁང་གི་ཤིང་བཟོ་དང་རྩིག་བཟོ་དང་།  
\v 12 འཇིམ་བཟོ་དང་རྡོ་བཟོ་བཅས་རྣམས་ལ་གླ་ཆ་སྤྲད་ཅིང་། དཀོན་མཆོག་ཡ་ཝཱེའི་མཆོད་ཁང་ཞིག་རལ་དུ་སོང་ཡོད་ས་རྣམས་ཞིག་གསོ་བྱེད་པའི་ཕྱིར་དུ་གདུང་མ་དང་འཇམ་ཤ་བཏོད་པའི་རྡོ་ཉོ་བྱེད་དང་། མཆོད་ཁང་ཞིག་གསོ་བྱེད་པའི་འགྲོ་སོང་དུ་བཏང་བ་རེད།  
\v 13 འོན་ཀྱང་དཀོན་མཆོག་ཡ་ཝཱེའི་མཆོད་ཁང་དུ་ཕུལ་བའི་དངུལ་དེ་ལས་ནི། དཀོན་མཆོག་ཡ་ཝཱེའི་མཆོད་ཁང་གི་ཆེད་དུ་དངུལ་སྐྱོགས་དང་ཅེམ་ཙེ། ཕོར་བ་དང་དུང་། གསེར་རམ་དངུལ་གྱི་སྣོད་ཆས་གང་ཡང་མ་བཟོས་པ་ཡིན།  
\v 14 དངུལ་དེ་ལས་བཟོ་རྣམས་ལ་སྤྲད་ནས་དེ་དག་གིས་དངུལ་དེ་དཀོན་མཆོག་ཡ་ཝཱེའི་མཆོད་ཁང་ཞིག་རལ་དུ་སོང་ཡོད་ས་རྣམས་ཞིག་གསོ་བྱེད་པར་བཀོལ་བ་དང་།  
\v 15 ལས་མི་དེ་དག་གིས་གཞུང་དྲང་སྒོས་དོན་བསྒྲུབས་པའི་རྐྱེན་གྱིས་དེ་དག་ལ་སྤྲོད་རྒྱུར་དངུལ་གཏད་ཡོད་པ་རྣམས་རྩིས་མ་བརྒྱབ་པ་རེད།  
\v 16 འོན་ཀྱང་ཉེས་སེལ་མཆོད་པ་དང་སྡིག་བཤགས་མཆོད་པའི་དངུལ་ནི་དཀོན་མཆོག་ཡ་ཝཱེའི་མཆོད་ཁང་དུ་མ་བླངས་ཏེ། དེ་ནི་མཆོད་དཔོན་རྣམས་ལ་གཏོགས་སོ། །   
\p
\v 17 དེའི་ཚེ། ཨ་རམ་གྱི་རྒྱལ་པོ་ཧ་ཟཱ་ཨེལ་ཡར་འོངས་ཤིང་གཱད་ཅེས་པར་དམག་འཁྲུག་བརྒྱབ་ནས་བདག་ཏུ་བཟུང་། ཡང་ཧ་ཟཱ་ཨེལ་གྱིས་ཡར་འོངས་ནས་ཡེ་རུ་སཱ་ལེམ་ལ་དམག་འཁྲུག་རྒྱག་པའི་སེམས་ཐག་བཅད་པ་དང་།  
\v 18 ཡ་ཧུ་དཱའི་རྒྱལ་པོ་ཡོ་ཨ་སི་ཡིས་རང་གི་མེས་པོ་སྟེ། ཡ་ཧུ་དཱའི་རྒྱལ་པོ་ཡེ་ཧོ་ཤ་ཕད་དང་ཡེ་ཧོ་རཱམ། ཨ་ཧ་ཟི་ཡཱ་གསུམ་གྱིས་བསྔོས་པའི་རྫས་དམ་པ་རྣམས་དང་རང་གིས་བསྔོས་པའི་རྫས་དམ་པ། དཀོན་མཆོག་ཡ་ཝཱེའི་མཆོད་ཁང་གི་དཀོར་མཛོད་དང་། རྒྱལ་པོའི་ཕོ་བྲང་དུ་ཡོད་པའི་གསེར་ཐམས་ཅད་བླངས་ནས་ཨ་རམ་གྱི་རྒྱལ་པོ་ཧ་ཟཱ་ཨེལ་ལ་ཕུལ་བ་ན། ཧ་ཟཱ་ཨེལ་ནི་ཡེ་རུ་སཱ་ལེམ་དང་བྲལ་ནས་སོང་ངོ་། །   
\s1 ཡོ་ཨ་སི་ཚེ་ལས་འདས་པ།  
\p
\v 19 དེ་ཡང་ཡོ་ཨ་སི་ཡི་དོན་གཞན་རྣམས་དང་། ཁོས་ཅི་བྱས་པ་ཐམས་ཅད་ཡ་ཧུ་དཱའི་རྒྱལ་པོ་རྣམས་ཀྱི་ལོ་རབས་ནང་དུ་བཀོད་ཡོད་པ་མ་ཡིན་ནམ།  
\v 20 ཡོ་ཨ་སི་ཡི་འཁོར་གཡོག་རྣམས་ལངས་ནས་ལྐོག་ཇུས་བྱས་ཏེ། ཁོ་རང་མར་སིལ་ལཱ་རུ་སླེབས་པའི་ལམ་དུ་མིལ་ལོའི་ཁང་པ་རུ་བསྣུན་ནས་བསད།  
\v 21 ཁོའི་འཁོར་གཡོག་ནང་གི་ཤིམ་ཨད་ཀྱི་བུ་ཡོ་ཟཱ་བད་དང་། ཤོ་མེར་གྱི་བུ་ཡེ་ཧོ་ཟཱ་བད་གཉིས་ཀྱིས་ཡོ་ཨ་སི་ལ་བསྣུན་པས་ཤི་བ་དང་། ཁོ་དཱ་བིད་ཀྱི་གྲོང་ཁྱེར་དུ་ཁོའི་མེས་པོ་རྣམས་དང་ལྷན་དུ་དུར་ལ་སྦས་ཤིང་། ཁོའི་སྲས་ཨ་མཱ་ཙི་ཡ་ཡིས་དེའི་རྒྱུན་མཐུད་ནས་རྒྱལ་སྲིད་བཟུང་ངོ་། །   
\c 13
\cl ལེའུ་བཅུ་གསུམ་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 ཡེས་ར་ཨེལ་གྱི་རྒྱལ་པོ་ཡེ་ཧོ་ཨ་ཧཱ་ཟི།  
\p
\v 1 དེ་ཡང་ཡ་ཧུ་དཱའི་རྒྱལ་པོ་ཨ་ཧ་ཟི་ཡཱའི་སྲས་ཡོ་ཨ་སི་ཡིས་རྒྱལ་སྲིད་བཟུང་ནས་ལོ་ཉེར་གསུམ་པར། ཡེ་ཧུའི་སྲས་ཡེ་ཧོ་ཨ་ཧཱ་ཟི་བྱ་བ་དེས་སཱ་མར་ཡ་རུ་ཡེས་ར་ཨེལ་གྱི་རྒྱལ་སྲིད་ལོ་བཅུ་བདུན་ལ་བསྐྱངས།  
\v 2 ཁོས་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་སྤྱད་དེ། ཡེས་ར་ཨེལ་ལ་སྡིག་པ་བྱེད་དུ་བཅུག་པའི་ནེ་བཱད་ཀྱི་བུ་ཡེ་རོབ་ཨམ་གྱི་སྡིག་པའི་རྗེས་སུ་འབྲངས་ཤིང་། དེ་རྣམས་ལས་བྱོལ་བར་མ་གྱུར་ཏོ། །  
\v 3 དེ་བས་དཀོན་མཆོག་ཡ་ཝཱེའི་ཐུགས་ཁྲོ་ཡེས་ར་ཨེལ་པའི་ཐོག་ཏུ་བབས་ཏེ། ཁོང་གིས་དེ་རྣམས་རྒྱུན་དུ་ཨ་རམ་གྱི་རྒྱལ་པོ་ཧ་ཟཱ་ཨེལ་དང་དེའི་བུ་པེན་ཧ་དཱད་ཀྱི་ལག་ཏུ་གཏད།  
\v 4 དེ་ནས་ཡེ་ཧོ་ཨ་ཧཱ་ཟི་ཡིས་དཀོན་མཆོག་ཡ་ཝཱེ་ལ་གདོང་ཕྱོགས་ཏེ་ཞུ་འབོད་བྱས་པར་ཁོང་གིས་གསན་པར་མཛད། ཅིའི་ཕྱིར་ཞེ་ན། ཁོང་གིས་ཡེས་ར་ཨེལ་ལ་ཐེབས་པའི་མནར་གཅོད་དེ། ཨ་རམ་གྱི་རྒྱལ་པོས་དེ་རྣམས་ཇི་ལྟར་སྡུག་ལ་སྦྱར་བའི་མནར་གཅོད་དེ་གཟིགས་སོ། །  
\v 5 དེ་བས་དཀོན་མཆོག་ཡ་ཝཱེས་ཡེས་ར་ཨེལ་ལ་སྐྱབས་མགོན་ཞིག་གནང་ནས་ཨ་རམ་པའི་ལག་ནས་བསྐྱབས་པ་དང་། ཡེས་ར་ཨེལ་པ་རྣམས་སྔར་བཞིན་རང་རང་གི་གུར་དུ་གནས་སོ། །  
\v 6 འོན་ཀྱང་དེ་རྣམས་ཡེས་ར་ཨེལ་ལ་སྡིག་པ་བྱེད་དུ་བཅུག་པའི་ཡེ་རོབ་ཨམ་པའི་ཁྱིམ་གྱི་སྡིག་པ་རྣམས་ལས་མ་བྱོལ་བར་དེའི་ནང་དུ་འགྲུལ་ཞིང་། སཱ་མར་ཡ་རུ་ཨ་ཤེ་རཱ་ནི་ད་དུང་བསླངས་ཡོད་པ་རེད།  
\v 7 ཡང་ཨ་རམ་གྱི་རྒྱལ་པོས་དེ་རྣམས་མེད་པར་བཟོས་ཏེ་གཡུལ་ཁའི་རྡུལ་ལྟར་བརྫིས་པའི་རྐྱེན་གྱིས། དམག་སྡེ་ལས་ཡེ་ཧོ་ཨ་ཧཱ་ཟི་ལ་སྐྱ་དམག་ལྔ་བཅུ་དང་། ཤིང་རྟ་བཅུ་དང་། རྐང་དམག་སྟོང་ཕྲག་བཅུ་མ་གཏོགས་ལུས་སུ་མ་བཅུག་གོ །  
\v 8 ཡེ་ཧོ་ཨ་ཧཱ་ཟིའི་དོན་གཞན་རྣམས་དང་ཁོས་ཅི་དང་ཅི་བྱས་པ་ཐམས་ཅད། ཁོའི་དཔའ་བོའི་མཛད་རྗེས་བཅས་ནི་ཡེས་ར་ཨེལ་གྱི་རྒྱལ་པོ་རྣམས་ཀྱི་ལོ་རབས་ནང་དུ་བཀོད་ཡོད་པ་མ་ཡིན་ནམ།  
\v 9 ཡེ་ཧོ་ཨ་ཧཱ་ཟི་རང་གི་ཕ་མེས་ཀྱི་ཁྲོད་དུ་གཟིམས་ནས་སཱ་མར་ཡ་རུ་དུར་ལ་སྦས་པ་དང་། ཁོའི་སྲས་ཡེ་ཧོ་ཨ་སི་ནི་དེའི་རྒྱུན་མཐུད་ནས་རྒྱལ་པོར་གྱུར་ཏོ། །   
\s1 ཡེས་ར་ཨེལ་གྱི་རྒྱལ་པོ་ཡེ་ཧོ་ཨ་སི།  
\p
\v 10 ཡ་ཧུ་དཱའི་རྒྱལ་པོ་ཡོ་ཨ་སི་ཡིས་རྒྱལ་སྲིད་བསྐྱངས་པའི་ལོ་སོ་བདུན་པར། ཡེ་ཧོ་ཨ་ཧཱ་ཟི་ཡི་སྲས་ཡེ་ཧོ་ཨ་སི་བྱ་བ་སཱ་མར་ཡ་རུ་ཡེས་ར་ཨེལ་གྱི་རྒྱལ་པོ་བྱས་ཏེ། ལོ་བཅུ་དྲུག་གི་རིང་ལ་རྒྱལ་སྲིད་བསྐྱངས།  
\v 11 ཁོས་ཀྱང་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་སྤྱད་པ་དང་། ཡེས་ར་ཨེལ་ལ་སྡིག་པ་བྱེད་དུ་བཅུག་པའི་ནེ་བཱད་གྱི་བུ་ཡེ་རོབ་ཨམ་གྱི་སྡིག་པ་རྣམས་ལས་ཕྱིར་མ་བཟློགས་པར། ཁོ་སྡིག་པ་དེའི་ནང་དུ་འགྲུལ་ཏོ། །  
\v 12 ཡང་ཡོ་ཨ་སི་ཡི་དོན་གཞན་རྣམས་དང་ཁོས་ཅི་དང་ཅི་བྱས་པ་ཐམས་ཅད། ཡ་ཧུ་དཱའི་རྒྱལ་པོ་ཨ་མཱ་ཙི་ཡ་དང་དམག་འཁྲུག་བརྒྱབ་པའི་དཔའ་བོའི་མཛད་རྗེས་བཅས་ནི་ཡེས་ར་ཨེལ་གྱི་རྒྱལ་པོ་རྣམས་ཀྱི་ལོ་རབས་ནང་དུ་བཀོད་ཡོད་པ་མ་ཡིན་ནམ།  
\v 13 ཡེ་ཧོ་ཨ་སི་རང་གི་མེས་པོའི་ཁྲོད་དུ་གཟིམས་པ་དང་། ཡེ་རོབ་ཨམ་ནི་ཁོའི་རྒྱལ་ཁྲིར་བཀོད་ཅིང་། ཡེ་ཧོ་ཨ་སི་ནི་སཱ་མར་ཡ་རུ་ཡེས་ར་ཨེལ་གྱི་རྒྱལ་པོ་རྣམས་ཀྱི་ཁྲོད་དུ་དུར་ལ་སྦས་སོ། །   
\s1 ཨེ་ལི་ཤཱ་སྐུ་གཤེགས་པ།  
\p
\v 14 དེའི་དུས་སུ་ཨེ་ལི་ཤཱ་ལ་ཁོང་འཆི་བར་འཇུག་པའི་སྙུང་གཞི་བྱུང་བས། ཡེས་ར་ཨེལ་གྱི་རྒྱལ་པོ་ཡེ་ཧོ་ཨ་སི་ཁོང་གི་དྲུང་དུ་མར་འོངས་ནས་ཁོང་གི་ཞལ་ངོར་བཤུམས་ཤིང་། ངའི་ཡབ་ལགས། ངའི་ཡབ་ལགས། ཡེས་ར་ཨེལ་གྱི་དམག་འཐབ་ཤིང་རྟ་དང་སྐྱ་དམག་རྣམས་ཞེས་ཞུས་པ་ལ།  
\v 15 ཨེ་ལི་ཤཱས་དེ་ལ། མདའ་གཞུ་ཁྱེར་ཤོག་ཅེས་བསྒོས་ཤིང་། ཁོས་མདའ་གཞུ་ལག་ཏུ་བླངས་པ་དང་།  
\v 16 ཁོང་གིས་ཡེས་ར་ཨེལ་གྱི་རྒྱལ་པོ་ལ། ཁྱོད་ཀྱི་ལག་པས་གཞུ་སྐྱིལ་ཞིག་ཅེས་པ་ན་། རྒྱལ་པོས་གཞུ་བསྐྱིལ་བ་དང་ཨེ་ལི་ཤཱས་རང་གི་ལག་པ་ཡང་རྒྱལ་པོའི་ལག་པའི་སྟེང་བཞག་སྟེ།  
\v 17 ཤར་ཕྱོགས་ཀྱི་དཀར་ཁུང་ཕྱེས་ཤིག་གསུངས་པ་དང་ཁོས་དེ་ཕྱེས་པ་ན། ཨེ་ལི་ཤཱས་མདའ་ཕོངས་ཤིག་ཅེས་བསྒོས་པ་དང་ཁོས་མདའ་འཕངས། དེར་ཨེ་ལི་ཤཱ་ཡིས། འདི་ནི་དཀོན་མཆོག་ཡ་ཝཱེའི་རྒྱལ་ཁའི་མདའ་མོ་ཡིན་ཏེ། ཨ་རམ་པ་ལས་རྒྱལ་བའི་མདའ་མོ་ཡིན་པས་ན། ཨ་རམ་པ་ཚར་མ་བཅད་བར་དུ། ཁྱེད་ཀྱིས་ཨ་ཕེག་ཏུ་དེ་རྣམས་གསོད་པར་བྱའོ་ཞེས་གསུངས་སོ། །  
\v 18 ཡང་ཁོང་གིས། མདའ་ཁྱེར་ཤོག་གསུངས་ནས་ཁོས་མདའ་རྣམས་ཁྱེར་ཡོང་ཞིང་། ཁོང་གིས་ཡེས་ར་ཨེལ་གྱི་རྒྱལ་པོ་ལ། མདའ་ཡིས་ས་ལ་རྒྱོབས་ཤིག་བསྒོས་པར། ཁོས་ས་ལ་ཐེངས་གསུམ་བརྒྱབ་ནས་ཡར་ལངས་པ་དང་།  
\v 19 དཀོན་མཆོག་གི་སྐྱེས་བུ་ཁྲོས་ནས་ཁོ་ལ། ཁྱོད་ཀྱིས་ཐེངས་ལྔ་ནས་དྲུག་ལ་བརྒྱབ་ན། ཨ་རམ་པ་རྣམས་ཕམ་པར་བརྒྱབ་ནས་རྩ་མེད་གཏོང་ཐུབ་མོད། འོན་ཀྱང་ད་ནི་ཁྱོད་རང་ཨ་རམ་པ་ལས་ཐེངས་གསུམ་མ་གཏོགས་རྒྱལ་བར་མི་འགྱུར་ཞེས་གསུངས་སོ། །   
\p
\v 20 དེ་ནས་ཨེ་ལི་ཤཱ་སྐུ་གཤེགས་པ་དང་དུར་དུ་བཅུག་གོ །མོ་ཨབ་པའི་ཤོག་ཁག་ལོ་རེའི་དཔྱིད་ཀ་ཡུལ་དེར་བཙན་རྒོལ་བྱེད་དུ་འོངས་པ་དང་།  
\v 21 མི་འགའ་ཡིས་གཤིན་པོ་དུར་དུ་སྦས་པའི་དུས་སུ། ལྟོས་དང་། ཇག་དཔུང་ཞིག་མཐོང་བས། བེམ་པོ་དེ་ཨེ་ལི་ཤཱའི་དུར་སར་གཡུགས་པ་དང་། བེམ་པོ་དེ་ཨེ་ལི་ཤཱའི་གདུང་རུས་ལ་ཐུག་པ་ན། དེ་ནི་གསོན་པོར་གྱུར་ཏེ་ཡར་ལངས་སོ། །   
\p
\v 22 དེ་ཡང་ཨ་རམ་པའི་རྒྱལ་པོ་ཧ་ཟཱ་ཨེལ་གྱིས་ཡེ་ཧོ་ཨ་ཧཱ་ཟི་ཡིས་རྒྱལ་སྲིད་སྐྱོང་བའི་སྐུ་ཚེ་ཧྲིལ་པོར་ཡེས་ར་ཨེལ་ལ་མནར་གཅོད་བྱས་མོད།  
\v 23 འོན་ཀྱང་དཀོན་མཆོག་ཡ་ཝཱེས་དེ་དག་ལ་ཐུགས་རྗེ་གནང་ཞིང་སྙིང་རྗེ་དགོངས་པ་དང་། གཟིགས་སྐྱོང་མཛད་པ་སྟེ། ཁོང་གིས་ཨབ་ར་ཧམ་དང་ཨི་སཱག ཡ་ཀོབ་བཅས་ལ་ཞལ་ཆད་གནང་ཡོད་པས། དེ་རྣམས་མེད་པར་མཛད་པ་དང་ཁོང་ཉིད་ཀྱི་ཞལ་དྲུང་ནས་འདོར་བར་ད་ལྟའི་བར་དུ་ཐུགས་མ་དགྱེས་སོ། །  
\v 24 དེ་ནས་ཨ་རམ་གྱི་རྒྱལ་པོ་ཧ་ཟཱ་ཨེལ་ཚེ་ལས་འདས་པ་དང་། ཁོའི་སྲས་པེན་ཧ་དཱད་ཀྱིས་དེའི་རྒྱུན་མཐུད་ནས་རྒྱལ་སྲིད་བསྐྱངས།  
\v 25 དེར་ཡེ་ཧོ་ཨ་ཧཱ་ཟི་ཡི་སྲས་ཡེ་ཧོ་ཨ་སི་ཡིས། ཧ་ཟཱ་ཨེལ་གྱི་བུ་པེན་ཧ་དཱད་ཀྱི་ལག་ནས་ཁོའི་ཡབ་ཡེ་ཧོ་ཨ་ཧཱ་ཟི་ལ་དམག་འཁྲུག་བརྒྱབ་སྟེ་ཕྲོགས་པའི་གྲོང་ཁྱེར་རྣམས་ཕྱིར་བླངས། ཡེ་ཧོ་ཨ་སི་ཡིས་པེན་ཧ་དཱད་ལན་གསུམ་དུ་ཕམ་པར་བརྒྱབ་ནས་ཡེས་ར་ཨེལ་གྱི་གྲོང་ཁྱེར་རྣམས་ཕྱིར་བླངས་སོ། །   
\c 14
\cl ལེའུ་བཅུ་བཞི་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 ཡ་ཧུ་དཱའི་རྒྱལ་པོ་ཨ་མཱ་ཙི་ཡ།  
\p
\v 1 དེ་ཡང་ཡེས་ར་ཨེལ་གྱི་རྒྱལ་པོ་ཡེ་ཧོ་ཨ་ཧཱ་ཟི་ཡི་སྲས་ཡེ་ཧོ་ཨ་སི་ཡི་སྲིད་ལོ་གཉིས་པར། ཡ་ཧུ་དཱའི་རྒྱལ་པོ་ཡོ་ཨ་སི་ཡི་སྲས་ཨ་མཱ་ཙི་ཡས་རྒྱལ་སྲིད་བཟུང་།  
\v 2 ཁོས་རྒྱལ་སྲིད་འཛིན་དུས་ལོ་ཉེར་ལྔ་ཡིན་པ་དང་། ཡེ་རུ་སཱ་ལེམ་དུ་ལོ་ཉེར་དགུའི་རིང་ལ་རྒྱལ་སྲིད་བསྐྱངས། ཁོང་གི་ཡུམ་གྱི་མིང་ལ་ཡེ་ཧོ་ཨད་དིན་ཞེས་ཟེར། མོ་ནི་ཡེ་རུ་སཱ་ལེམ་གྱི་མི་ཡིན་ནོ། །  
\v 3 ཁོས་དཀོན་མཆོག་ཡ་ཝཱེའི་སྤྱན་སྔར་ལེགས་པོ་གང་ཡིན་སྤྱད་པ་དང་། རང་གི་མེས་པོ་དཱ་བིད་ལྟར་དུ་མ་བྱས་ཀྱང་སྒོ་ཀུན་ནས་རང་གི་ཡབ་ཡོ་ཨ་སི་ཡིས་བསྒྲུབས་པ་ལྟར་བྱས་མོད།  
\v 4 འོན་ཀྱང་མཐོ་གླིང་རྣམས་མེད་པར་མ་བཟོས་པར། མི་རྣམས་ཀྱིས་སྔར་བཞིན་མཐོ་གླིང་རྣམས་སུ་མཆོད་པ་ཕུལ་ནས་བསང་བཏང་བ་ཡིན།  
\v 5 དེ་ཡང་ཁོའི་ཕྱག་ཏུ་རྒྱལ་སྲིད་བརྟན་པོར་ཆགས་མ་ཐག་ཏུ། ཁོའི་ཡབ་རྒྱལ་པོར་སྣུན་མཁན་གྱི་འཁོར་གཡོག་རྣམས་བསད་པ་དང་།  
\v 6 མོ་ཤེའི་བཀའ་ཁྲིམས་ཀྱི་མདོ་ཡི་ནང་དུ་བཀོད་པའི་དཀོན་མཆོག་ཡ་ཝཱེའི་གསུང་ནི་འདི་ལྟ་སྟེ། བུ་རྣམས་ཀྱི་རྐྱེན་གྱིས་ཕ་དང་། ཕ་ཡི་རྐྱེན་གྱིས་བུ་རྣམས་གསོད་པར་མི་བྱ་བར། མི་རེ་རེ་རང་རང་གི་སྡིག་པའི་ཕྱིར་དུ་གསོད་པར་རིགས་སོ་ཞེས་གདམས་པ་བཞིན་དུ་ཁོས་མི་གསོད་མཁན་དག་གི་བུ་རྣམས་མ་བསད་དོ། །   
\p
\v 7 ཁོས་ཚྭའི་ལུང་པ་རུ་ཨེ་དོམ་པ་སྟོང་ཕྲག་བཅུ་བསད་ནས་སེ་ལཱ་དམག་འཁྲུག་གིས་བླངས་པ་དང་། དེ་ཡི་མིང་ལ་ཡོག་ཐི་ཨེལ་ཞེས་བཏགས་ནས་དེ་རིང་གི་བར་དུ་ལུས་སོ། །   
\p
\v 8 དེ་ནས་ཨ་མཱ་ཙི་ཡ་ཡིས་ཡེ་ཧུའི་ཚ་བོའམ། ཡེ་ཧོ་ཨ་ཧཱ་ཟི་ཡི་སྲས་ཡེ་ཧོ་ཨ་སི་བྱ་བ་ཡེས་ར་ཨེལ་གྱི་རྒྱལ་པོའི་དྲུང་དུ་བང་ཆེན་མངགས་ནས་དེ་ལ། ཤོག་དང་། ངེད་གཉིས་གཡུལ་སར་འཕྲད་པར་བྱ་ཞེས་སྦྲན་པ་དང་།  
\v 9 ཡེས་ར་ཨེལ་གྱི་རྒྱལ་པོ་ཡེ་ཧོ་ཨ་སི་ཡིས་ཡ་ཧུ་དཱའི་རྒྱལ་པོ་ཨ་མཱ་ཙི་ཡ་ལ་འཕྲིན་ལན་སྤྲིངས་ཏེ་ན་རེ། ལེ་པཱ་ནོན་གྱི་ཚེར་སྡོང་གིས་ལེ་པཱ་ནོན་གྱི་ཐང་ཤིང་ལ། ཁྱོད་ཀྱི་བུ་མོ་དེ་ངའི་བུ་ལ་མནའ་མར་ཐོངས་ཤིག་ཅེས་འཕྲིན་བསྐུར་ཞིང་། ཕྱིས་སུ་ལེ་པཱ་ནོན་དུ་ཡོད་པའི་རི་དྭགས་ཤིག་ཚེར་སྡོང་གི་སྟེང་དུ་འགྲུལ་ནས་དེ་རྐང་པས་བརྫིས་སོ། །  
\v 10 ཁྱོད་ཀྱིས་ཨེ་དོམ་པ་འཇོམས་པས་ཁྱོད་ཀྱི་སེམས་སུ་ཁེངས་དྲེགས་སྐྱེས་པ་བདེན། རང་བསྟོད་བྱོས་ལ་རང་ཁྱིམ་དུ་བདེ་བར་སྡོད་ཅིག ཅིའི་ཕྱིར་ཆག་སྒོ་བསླངས་ནས་རང་ཉིད་རྩ་མེད་གཏོང་ཞིང་། ཡ་ཧུ་དཱ་ཡང་ཁྱོད་དང་ལྷན་ཅིག་རྩ་མེད་གཏོང་ངམ་ཞེས་སྨྲས་སོ། །   
\p
\v 11 འོན་ཀྱང་ཨ་མཱ་ཙི་ཡས་དེ་ལ་མ་མཉན་པས། ཡེས་ར་ཨེལ་གྱི་རྒྱལ་པོ་ཡེ་ཧོ་ཨ་སི་ཡར་འོངས་པ་དང་། ཡ་ཧུ་དཱར་གཏོགས་པའི་པེད་ཤེ་མེ་སི་བྱ་བའི་ཡུལ་དུ་ཡ་ཧུ་དཱའི་རྒྱལ་པོ་ཨ་མཱ་ཙི་ཡ་དང་ཕྲད།  
\v 12 ཡ་ཧུ་དཱ་ནི་ཡེས་ར་ཨེལ་གྱིས་ཕམ་པར་བརྒྱབ་པས་ཕྱིར་རང་རང་གི་གུར་དུ་བྲོས་སོ། །  
\v 13 ཡེས་ར་ཨེལ་གྱི་རྒྱལ་པོ་ཡེ་ཧོ་ཨ་སི་ཡིས་ཨ་ཧ་ཟི་ཡཱའི་ཚ་བོའམ། ཡོ་ཨ་སི་ཡི་སྲས་ཏེ་ཡ་ཧུ་དཱའི་རྒྱལ་པོ་ཨ་མཱ་ཙི་ཡ་བྱ་བ་པེད་ཤེ་མེ་སི་རུ་འཛིན་བཟུང་བྱས་པ་དང་། ཡེས་ར་ཨེལ་གྱི་རྒྱལ་པོ་ཡེ་རུ་སཱ་ལེམ་དུ་སླེབས་ནས་ཨེ་ཕཱར་ཡིམ་གྱི་རྒྱ་སྒོ་ནས་གྲུ་གའི་རྒྱ་སྒོའི་བར་དུ། རིང་ཚད་ལ་ཁྲུ་བཞི་བརྒྱ་ཡོད་པའི་ཡེ་རུ་སཱ་ལེམ་གྱི་ལྕགས་རི་དེ་བཤིགས་སོ། །  
\v 14 ཡང་ཁོས་དཀོན་མཆོག་ཡ་ཝཱེའི་མཆོད་ཁང་དང་། རྒྱལ་པོའི་གཏེར་མཛོད་ཀྱི་ནང་དུ་རྙེད་པའི་གསེར་དངུལ་ཐམས་ཅད་དང་། ཡོ་བྱད་ཡོད་དོ་ཅོག་ཁྱེར་ཞིང་། མི་གཏའ་མར་ཁྲིད་ནས་སཱ་མར་ཡ་རུ་ཕྱིར་ལོག་གོ །   
\p
\v 15 ཡེ་ཧོ་ཨ་སི་ཡིས་དོན་གཞན་ཅི་དང་ཅི་བྱས་པ་དང་། དེའི་དཔའ་བོའི་མཛད་རྗེས་རྣམས་དང་། ཡ་ཧུ་དཱའི་རྒྱལ་པོ་ཨ་མཱ་ཙི་ཡ་དང་ཇི་ལྟར་དམག་འཁྲུག་བརྒྱབ་པ་བཅས་ཐམས་ཅད་ནི་ཡེས་ར་ཨེལ་གྱི་རྒྱལ་པོ་རྣམས་ཀྱི་ལོ་རབས་ནང་དུ་བཀོད་ཡོད་པ་མ་ཡིན་ནམ།  
\v 16 ཡེ་ཧོ་ཨ་སི་རང་གི་ཕ་མེས་ཀྱི་ཁྲོད་དུ་གཟིམས་པ་དང་། སཱ་མར་ཡ་རུ་ཡེས་ར་ཨེལ་གྱི་རྒྱལ་པོ་རྣམས་ཀྱི་ཁྲོད་དུ་དུར་ལ་སྦས། ཁོའི་སྲས་ཡེ་རོབ་ཨམ་གྱིས་དེའི་རྒྱུན་མཐུད་ནས་རྒྱལ་སྲིད་བཟུང་ངོ་། །   
\p
\v 17 དེ་ཡང་ཡེས་ར་ཨེལ་གྱི་རྒྱལ་པོ་ཡེ་ཧོ་ཨ་ཧཱ་ཟི་ཡི་སྲས་ཡེ་ཧོ་ཨ་སི་ཚེ་ལས་འདས་རྗེས། ཡ་ཧུ་དཱའི་རྒྱལ་པོ་ཡོ་ཨ་སི་ཡི་སྲས་ཨ་མཱ་ཙི་ཡ་ཡང་ལོ་བཅོ་ལྔ་ལ་གསོན་པ་རེད།  
\v 18 ཨ་མཱ་ཙི་ཡ་ཡི་དོན་གཞན་རྣམས་ནི། ཡ་ཧུ་དཱའི་རྒྱལ་པོ་རྣམས་ཀྱི་ལོ་རབས་ནང་དུ་བཀོད་ཡོད་པ་མ་ཡིན་ནམ།  
\v 19 མི་རྣམས་ཀྱིས་ཡེ་རུ་སཱ་ལེམ་དུ་ཁོ་ལ་ངོ་ལོག་བྱས་པས། ཁོ་ནི་ལཱ་ཀི་སི་རུ་བྲོས་ཤིང་། དེ་དག་གིས་ཁོའི་རྗེས་སུ་ལཱ་ཀི་སི་རུ་མི་མངགས་ནས་ཁོ་དེར་བསད་པ་དང་།  
\v 20 ཁོའི་བེམ་པོ་རྟའི་རྒྱབ་ཏུ་བཀལ་ནས་ཁྱེར་འོངས་ཏེ། ཡེ་རུ་སཱ་ལེམ་གྱི་དཱ་བིད་ཀྱི་གྲོང་ཁྱེར་དུ་ཁོའི་ཕ་མེས་རྣམས་ཀྱི་ཁྲོད་དུ་དུར་ལ་སྦས།  
\v 21 དེ་ནས་ཡ་ཧུ་དཱའི་འབངས་ཡོངས་ཀྱིས་ལོ་བཅུ་དྲུག་ལོན་པའི་ཨ་ཟར་ཡཱ་བྱ་བ་དེ་ཁྲིད་ནས་ཁོའི་ཡབ་ཨ་མཱ་ཙི་ཡ་ཡི་རྒྱུན་མཐུད་ནས་རྒྱལ་པོར་བསྐོས།  
\v 22 ཁོས་ཨེ་ལད་བྱ་བའི་གྲོང་ཁྱེར་བཙུགས་པ་དང་། རྒྱལ་པོ་ཨ་མཱ་ཙི་ཡ་རང་གི་ཕ་མེས་རྣམས་ཀྱི་ཁྲོད་དུ་གཟིམས་རྗེས་སུ། གྲོང་ཁྱེར་དེ་ཡ་ཧུ་དཱ་ལ་ཕྱིར་བསྐོར་ཏོ། །   
\s1 ཡེས་ར་ཨེལ་གྱི་རྒྱལ་པོ་ཡེ་རོབ་ཨམ་གཉིས་པ།  
\p
\v 23 དེ་ཡང་ཡ་ཧུ་དཱའི་རྒྱལ་པོ་ཡོ་ཨ་སི་ཡི་སྲས་ཨ་མཱ་ཙི་ཡས་རྒྱལ་སྲིད་བསྐྱངས་པའི་ལོ་བཅོ་ལྔ་པར། ཡེས་ར་ཨེལ་གྱི་རྒྱལ་པོ་ཡེ་ཧོ་ཨ་སི་ཡི་སྲས་ཡེ་རོབ་ཨམ་གྱིས་སཱ་མར་ཡ་རུ་རྒྱལ་སྲིད་བཟུང་ཞིང་ལོ་ཞེ་གཅིག་གི་རིང་དུ་རྒྱལ་སྲིད་བསྐྱངས།  
\v 24 ཁོས་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་ཅིང་། ཡེས་ར་ཨེལ་ལ་སྡིག་པ་བྱེད་དུ་བཅུག་པའི་ནེ་བཱད་ཀྱི་བུ་ཡེ་རོབ་ཨམ་གྱི་སྡིག་པ་ཐམས་ཅད་ལས་མ་བྲལ་ཏོ། །  
\v 25 ཁོས་ལེ་པོ་ཧ་མཱད་ནས་བཟུང་སྟེ། ཨ་ར་པཱ་ཞེས་པའི་རྒྱ་མཚོའི་བར་དུ་ཡེས་ར་ཨེལ་ཡུལ་གྱི་ས་མཚམས་རྣམས་ཕྱིར་བླངས། དེ་ནི་ཡེས་ར་ཨེལ་གྱི་དཀོན་མཆོག་ཡ་ཝཱེས་ཁོང་གི་ཞབས་ཕྱི་སྟེ་གཱད་ཧེ་ཕེར་གྱི་ཨ་མི་ཐཱ་ཨི་ཡི་བུ་ལུང་སྟོན་པ་ཡོ་ནཱའི་ངག་ནས་གསུངས་པ་བཞིན་ནོ། །  
\v 26 དེ་ཅི་ལ་ཞེ་ན། དཀོན་མཆོག་ཡ་ཝཱེས་ཡེས་ར་ཨེལ་གྱི་སྡུག་བསྔལ་ཆེན་པོ་གཟིགས་པ་དང་། དེ་རྣམས་ཀྱི་ཁྲོད་ནས་བཀག་བསྐྱིལ་ཐེབས་པ་དང་རང་དབང་ཅན་ཐམས་ཅད་མེད་པར་གྱུར་ཅིང་། ཡེས་ར་ཨེལ་ལ་རོགས་བྱེད་མཁན་གཅིག་ཀྱང་མ་བྱུང་ངོ་། །  
\v 27 དཀོན་མཆོག་ཡ་ཝཱེས་གནམ་འོག་ནས་ཡེས་ར་ཨེལ་གྱི་མིང་རྟགས་མེད་པར་བྱེད་པའི་ཐུགས་ཐག་མ་བཅད་པས། ཁོང་གིས་དེ་རྣམས་ཡེ་ཧོ་ཨ་སི་ཡི་སྲས་ཡེ་རོབ་ཨམ་གྱི་ལག་བརྒྱུད་ནས་ཐར་བར་མཛད་དོ། །   
\p
\v 28 ཡེ་རོབ་ཨམ་གྱི་དོན་གཞན་རྣམས་དང་ཁོས་ཅི་བྱས་པ་ཐམས་ཅད་དང་། ཇི་ལྟར་འཐབ་འཁྲུག་བརྒྱབ་པའི་དཔའ་བོའི་མཛད་རྗེས་དང་། དཱ་མེ་སེག་དང་སྔར་ཡ་ཧུ་དཱར་གཏོགས་པའི་ཧ་མཱད་གཉིས་ཡེས་ར་ཨེལ་གྱི་དོན་དུ་ཕྱིར་བླངས་པ་བཅས་ནི། ཡེས་ར་ཨེལ་གྱི་རྒྱལ་པོ་རྣམས་ཀྱི་ལོ་རབས་ནང་དུ་བཀོད་ཡོད་པ་མ་ཡིན་ནམ།  
\v 29 ཡེ་རོབ་ཨམ་རང་གི་ཕ་མེས་ཏེ་ཡེས་ར་ཨེལ་གྱི་རྒྱལ་པོ་རྣམས་ཀྱི་ཁྲོད་དུ་གཟིམས་པར་གྱུར། ཡང་ཁོའི་སྲས་ཟཱ་ཀར་ཡ་དེའི་རྒྱུན་མཐུད་ནས་རྒྱལ་པོར་གྱུར་ཏོ། །   
\c 15
\cl ལེའུ་བཅོ་ལྔ་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 ཡ་ཧུ་དཱའི་རྒྱལ་པོ་ཨ་ཟར་ཡཱ།  
\p
\v 1 དེ་ཡང་ཡེས་ར་ཨེལ་གྱི་རྒྱལ་པོ་ཡེ་རོབ་ཨམ་གྱིས་རྒྱལ་སྲིད་བསྐྱངས་པའི་ལོ་ཉེར་བདུན་པར། ཡ་ཧུ་དཱའི་རྒྱལ་པོ་ཨ་མཱ་ཙི་ཡ་ཡི་སྲས་ཨ་ཟར་ཡཱས་རྒྱལ་སྲིད་བཟུང་།  
\v 2 ཁོང་རྒྱལ་སར་བསྐོ་དུས་ལོ་བཅུ་དྲུག་ཡིན་པ་དང་། ཁོང་གིས་ཡེ་རུ་སཱ་ལེམ་དུ་ལོ་ལྔ་བཅུ་ང་གཉིས་རིང་རྒྱལ་སྲིད་བསྐྱངས། ཁོང་གི་ཡུམ་གྱི་མིང་ལ་ཡེ་ཀོལ་ཡཱ་ཟེར་ཞིང་། མོ་ནི་ཡེ་རུ་སཱ་ལེམ་གྱི་མི་ཡིན་ནོ། །  
\v 3 ཁོང་གིས་རང་གི་ཡབ་ཨ་མཱ་ཙི་ཡའི་བྱ་སྤྱོད་བཞིན་དུ་དཀོན་མཆོག་ཡ་ཝཱེའི་སྤྱན་སྔར་ལེགས་པོ་གང་ཡིན་དེ་སྤྱད་ཀྱང་།  
\v 4 མཐོ་གླིང་རྣམས་མ་བཤིག་པས། མི་རྣམས་ཀྱིས་སྔར་བཞིན་མཐོ་གླིང་གི་སྟེང་དུ་མཆོད་པ་ཕུལ་ནས་བསང་བཏང་བ་རེད།  
\v 5 དེ་ནས་དཀོན་མཆོག་ཡ་ཝཱེས་རྒྱལ་པོ་ལ་བརྡེགས་པས་ཁོང་ནི་འཆི་བའི་བར་དུ་མཛེ་ནད་བྱུང་ནས་ལུས་ཏེ། ཟུར་དུ་ཁང་པ་ཞིག་གི་ནང་བསྡད་པ་དང་། རྒྱལ་པོའི་སྲས་ཡོ་ཐམ་ནི་ཕོ་བྲང་གི་བདག་པོ་ཡིན་པས་ཡུལ་དེའི་འབངས་རྣམས་ལ་བདག་སྐྱོང་བྱས་སོ། །   
\p
\v 6 ཡང་ཨ་ཟར་ཡཱའི་དོན་གཞན་རྣམས་དང་། ཁོང་གིས་ཅི་བྱས་པ་ཐམས་ཅད་ནི་ཡ་ཧུ་དཱའི་རྒྱལ་པོ་རྣམས་ཀྱི་ལོ་རབས་ནང་དུ་བཀོད་ཡོད་པ་མ་ཡིན་ནམ།  
\v 7 ཨ་ཟར་ཡཱ་རང་གི་ཕ་མེས་དང་ལྷན་ཅིག་ཏུ་གཟིམས་པ་དང་། དཱ་བིད་ཀྱི་གྲོང་ཁྱེར་དུ་ཁོའི་ཕ་མེས་རྣམས་ཀྱི་ཁྲོད་དུ་དུར་ལ་སྦས། ཁོའི་སྲས་ཡོ་ཐམ་ནི་དེའི་རྒྱུན་མཐུད་ནས་རྒྱལ་པོར་གྱུར་ཏོ། །   
\s1 ཡེས་ར་ཨེལ་གྱི་རྒྱལ་པོ་ཟཱ་ཀར་ཡ།  
\p
\v 8 ཡ་ཧུ་དཱའི་རྒྱལ་པོ་ཨ་ཟར་ཡཱས་སྲིད་བསྐྱངས་པའི་ལོ་སོ་བརྒྱད་པར། ཡེ་རོབ་ཨམ་གྱི་སྲས་ཟཱ་ཀར་ཡས་སཱ་མར་ཡ་རུ་ཡེས་ར་ཨེལ་ལ་ཟླ་བ་དྲུག་གི་རིང་དུ་རྒྱལ་སྲིད་བསྐྱངས།  
\v 9 ཁོས་རང་གི་ཕ་མེས་བཞིན་དུ་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་སྤྱད་དེ། ཡེས་ར་ཨེལ་ལ་སྡིག་པ་བྱེད་དུ་བཅུག་པའི་ནེ་བཱད་ཀྱི་བུ་ཡེ་རོབ་ཨམ་གྱི་སྡིག་པ་རྣམས་ལས་མ་བྱོལ་ཏོ། །  
\v 10 དེ་ནས་ཡཱ་བེ་སིའི་བུ་ཤལ་ལུམ་གྱིས་ཁོ་ལ་གཡོ་ཐབས་ཀྱིས་ངོ་ལོག་བྱས་ཏེ། འབངས་ཀྱི་མདུན་དུ་ཁོར་བསྣུན་ཅིང་བསད་དེ་ཁོའི་རྒྱུན་མཐུད་ནས་རྒྱལ་སྲིད་བཟུང་།  
\v 11 དེ་ཡང་ཟཱ་ཀར་ཡའི་དོན་གཞན་རྣམས་ནི་ཡེས་ར་ཨེལ་གྱི་རྒྱལ་པོ་རྣམས་ཀྱི་ལོ་རབས་ནང་དུ་བཀོད་ཡོད་དེ།  
\v 12 སྔར་དཀོན་མཆོག་ཡ་ཝཱེས་ཡེ་ཧུ་ལ་གསུངས་པའི་བཀའ་བཞིན་དུ། མི་རབས་བཞིའི་རིང་དུ་ཁྱོད་ཀྱི་བུ་རྒྱུད་རྣམས་ཡེས་ར་ཨེལ་གྱི་རྒྱལ་ཁྲིར་འགོད་པར་འགྱུར་ཞེས་གསུངས་པ་ལྟར་འགྲུབ་པར་གྱུར་ཏོ། །   
\s1 ཡེས་ར་ཨེལ་གྱི་རྒྱལ་པོ་ཤལ་ལུམ།  
\p
\v 13 དེ་ཡང་ཡ་ཧུ་དཱའི་རྒྱལ་པོ་ཨུ་ཟི་ཡཱས་རྒྱལ་སྲིད་བཟུང་ནས་ལོ་སོ་དགུ་པ་ལ། ཡཱ་བེ་སིའི་བུ་ཤལ་ལུམ་གྱིས་རྒྱལ་སྲིད་བཟུང་། ཁོས་ནི་སཱ་མར་ཡ་རུ་ཟླ་བ་གཅིག་གི་རིང་དུ་རྒྱལ་སྲིད་བསྐྱངས།  
\v 14 དེ་ནས་གཱ་དི་ཡི་བུ་མེ་ན་ཧེམ་བྱ་བ་ཐིར་ཙ་ནས་ཡར་ཐོན་ཏེ་སཱ་མར་ཡ་རུ་ཕྱིན་པ་དང་། དེར་ཡཱ་བེ་སིའི་བུ་ཤལ་ལུམ་ལ་བསྣུན་ཅིང་བསད་དེ་ཁོའི་ཚབ་ཏུ་རྒྱལ་སྲིད་བཟུང་ངོ་། །  
\v 15 ཤལ་ལུམ་གྱི་དོན་གཞན་རྣམས་དང་། ཁོས་བཤམས་པའི་ལྐོག་ཇུས་ནི་ཡེས་ར་ཨེལ་གྱི་རྒྱལ་པོ་རྣམས་ཀྱི་ལོ་རབས་ནང་དུ་བཀོད་ཡོད་དོ། །   
\p
\v 16 དེའི་ཚེ་ན། དེ་དག་གིས་མེ་ན་ཧེམ་ལ་མཁར་སྒོ་མ་ཕྱེས་པས་ཁོས་ཏིབ་སཱ་དང་ཡུལ་དེར་ཡོད་པ་ཐམས་ཅད་དང་། ཐིར་ཙའི་ས་མཚམས་ཀྱི་བར་དུ་གཏོར་བཅོམ་བྱས་ཤིང་། དེའི་མི་རྣམས་ལ་བསྣུན་ཅིང་ཡུལ་དེའི་བུད་མེད་སྦྲུམ་མ་ཐམས་ཅད་ཀྱི་གྲོད་པ་གཤགས་སོ། །   
\s1 ཡེས་ར་ཨེལ་གྱི་རྒྱལ་པོ་མེ་ན་ཧེམ།  
\p
\v 17 དེ་ཡང་ཡ་ཧུ་དཱའི་རྒྱལ་པོ་ཨ་ཟར་ཡཱས་རྒྱལ་སྲིད་བསྐྱངས་པའི་ལོ་སོ་དགུ་པར། གཱ་དི་ཡི་བུ་མེ་ན་ཧེམ་ནི་ཡེས་ར་ཨེལ་གྱི་རྒྱལ་པོར་གྱུར་ནས་སཱ་མར་ཡ་རུ་ལོ་བཅུའི་རིང་དུ་རྒྱལ་སྲིད་བསྐྱངས།  
\v 18 ཁོས་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་ཅིང་། ཚེ་གང་པོར་ཡེས་ར་ཨེལ་ལ་སྡིག་པ་བྱེད་དུ་བཅུག་པའི་ནེ་བཱད་ཀྱི་བུ་ཡེ་རོབ་ཨམ་གྱི་སྡིག་པ་ལས་མ་བྲལ་ཏོ། །  
\v 19 ཨ་སུར་གྱི་རྒྱལ་པོ་ཕོལ་བྱ་བ་ཡུལ་དེར་རྒོལ་བར་འོངས་པ་དང་། མེ་ན་ཧེམ་གྱིས་རང་གི་རྒྱལ་སྲིད་བརྟན་པོ་ཡོང་བར་རོགས་རམ་འཐོབ་ཕྱིར་ཕྱག་རྟེན་ལ་དངུལ་གྱི་རྡོ་ཚད་སྟོང་ཕྲག་གཅིག་ཕུལ་བ་དང་།  
\v 20 མེ་ན་ཧེམ་གྱིས་དེ་ཨ་སུར་གྱི་རྒྱལ་པོ་ལ་འབུལ་བའི་ཕྱིར། ཡེས་ར་ཨེལ་དུ་ཡོད་པའི་ཕྱུག་པོ་ཐམས་ཅད་ལས་དངུལ་སྲང་ལྔ་བཅུ་རེ་བཙན་གྱིས་བསྡུས་པས། ཨ་སུར་གྱི་རྒྱལ་པོ་ནི་ཡུལ་དེར་མ་བསྡད་པར་ཕྱིར་ལོག  
\v 21 ཡང་མེ་ན་ཧེམ་གྱི་དོན་གཞན་རྣམས་དང་། ཁོས་ཅི་བྱས་པ་ཐམས་ཅད་ཡེས་ར་ཨེལ་གྱི་རྒྱལ་པོའི་ལོ་རབས་ནང་དུ་བཀོད་ཡོད་པ་མ་ཡིན་ནམ།  
\v 22 དེ་ནས་མེ་ན་ཧེམ་རང་གི་ཕ་མེས་དང་ལྷན་ཅིག་ཏུ་གཟིམས་པ་དང་། ཁོའི་སྲས་ཕེ་ཀཱ་ཡ་ཡིས་དེའི་རྒྱུན་མཐུད་ནས་རྒྱལ་སྲིད་བཟུང་ངོ་། །   
\s1 ཡེས་ར་ཨེལ་གྱི་རྒྱལ་པོ་ཕེ་ཀཱ་ཡ།  
\p
\v 23 ཡང་ཡ་ཧུ་དཱའི་རྒྱལ་པོ་ཨ་ཟར་ཡཱས་རྒྱལ་སྲིད་བསྐྱངས་པའི་ལོ་ལྔ་བཅུ་པར། མེ་ན་ཧེམ་གྱི་སྲས་ཕེ་ཀཱ་ཡ་ནི་ཡེས་ར་ཨེལ་གྱི་རྒྱལ་པོར་གྱུར་ནས་ཁོས་སཱ་མར་ཡ་རུ་ལོ་གཉིས་ཀྱི་རིང་དུ་རྒྱལ་སྲིད་བསྐྱངས།  
\v 24 ཁོས་ཀྱང་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་སྤྱད་དེ། ཡེས་ར་ཨེལ་ལ་སྡིག་པ་བྱེད་དུ་བཅུག་པའི་ནེ་བཱད་ཀྱི་བུ་ཡེ་རོབ་ཨམ་གྱི་སྡིག་པ་རྣམས་ལས་མ་བྲལ་ཏོ། །  
\v 25 ཡང་ཁོའི་དམག་དཔོན་རེ་མལ་ཡཱ་ཡི་བུ་ཕེ་ཀཱ་ཡིས་ཁོ་ལ་གཡོ་ཐབས་ཀྱིས་ངོ་ལོག་བྱས་ཏེ། ཨར་གོབ་དང་ཨར་ཡེ། དེ་མིན་གིལ་ཨད་པ་མི་ལྔ་བཅུ་དང་བཅས་པ་སོང་ནས་སཱ་མར་ཡ་རུ་རྒྱལ་པོའི་ཕོ་བྲང་གི་མཁར་རྫོང་དུ་ཁོ་བསད་པ་དང་། ཕེ་ཀཱ་ཡིས་ཁོའི་ཚབ་ཏུ་རྒྱལ་སྲིད་བཟུང་།  
\v 26 ཡང་ཕེ་ཀཱ་ཡ་ཡི་དོན་གཞན་རྣམས་དང་ཁོས་ཅི་བྱས་པ་ཐམས་ཅད། ཡེས་ར་ཨེལ་གྱི་རྒྱལ་པོའི་ལོ་རབས་ནང་དུ་བཀོད་ཡོད་དོ། །   
\s1 ཡེས་ར་ཨེལ་གྱི་རྒྱལ་པོ་ཕེ་ཀཱ།  
\p
\v 27 ཡ་ཧུ་དཱའི་རྒྱལ་པོ་ཨ་ཟར་ཡཱས་རྒྱལ་སྲིད་བསྐྱངས་པའི་ལོ་ལྔ་བཅུ་ང་གཉིས་པར། རེ་མལ་ཡཱའི་བུ་ཕེ་ཀཱ་ནི་སཱ་མར་ཡ་རུ་ཡེས་ར་ཨེལ་གྱི་རྒྱལ་པོར་གྱུར་ནས་ཁོས་ལོ་ཉི་ཤུའི་རིང་དུ་རྒྱལ་སྲིད་བསྐྱངས།  
\v 28 ཁོས་ཀྱང་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་སྤྱད་དེ། ཡེས་ར་ཨེལ་ལ་སྡིག་པ་བྱེད་དུ་བཅུག་པའི་ནེ་བཱད་ཀྱི་བུ་ཡེ་རོབ་ཨམ་གྱི་སྡིག་པ་ལས་བྲལ་བར་མ་གྱུར་ཏོ། །   
\p
\v 29 དེ་ཡང་ཡེས་ར་ཨེལ་གྱི་རྒྱལ་པོ་ཕེ་ཀཱའི་དུས་སུ། ཨ་སུར་གྱི་རྒྱལ་པོ་ཐིག་ལད་ཕིལ་ཨེ་སེར་བྱ་བ་དེ་འོངས་ནས་ཨི་ཡོན་དང་། ཨ་བེལ་པེད་མ་ཨ་ཀཱ་དང་། ཡཱ་ནོ་ཨ་དང་། ཀེ་དེ་སི་དང་། ཧ་ཟོར་དང་། གིལ་ཨད་དང་། ག་ལིལ་དང་། ནཱབ་ཐ་ལིའི་ཡུལ་ཐམས་ཅད་བཟུང་སྟེ། མི་རྣམས་ཨ་སུར་ཡུལ་དུ་བཙན་ཁྲིད་བྱས།  
\v 30 དེ་ནས་ཨེ་ལཱའི་བུ་ཧོ་ཤེ་ཨས་རེ་མལ་ཡཱའི་བུ་ཕེ་ཀཱ་ལ་ལྐོག་ཇུས་བཤམས་ཤིང་། ཁོ་ལ་བསྣུན་ཏེ་བསད་པ་དང་། ཁོས་དེའི་ཚབ་ཏུ་རྒྱལ་སྲིད་བཟུང་། དེ་ནི་ཨུ་ཟི་ཡཱའི་སྲས་ཡོ་ཐམ་གྱིས་རྒྱལ་སྲིད་བསྐྱངས་པའི་ལོ་ཉི་ཤུ་པར་བྱུང་བ་ཡིན་ནོ། །  
\v 31 ཡང་ཕེ་ཀཱ་ཡི་དོན་གཞན་རྣམས་དང་། ཁོས་ཅི་བྱས་པ་ཐམས་ཅད་ནི་ཡེས་ར་ཨེལ་གྱི་རྒྱལ་པོའི་ལོ་རབས་ཀྱི་མདོ་ཡི་ནང་དུ་བཀོད་ཡོད་དོ། །   
\s1 ཡ་ཧུ་དཱའི་རྒྱལ་པོ་ཡོ་ཐམ།  
\p
\v 32 དེ་ཡང་ཡེས་ར་ཨེལ་གྱི་རྒྱལ་པོ་རེ་མལ་ཡཱའི་སྲས་ཕེ་ཀཱ་ཡིས་རྒྱལ་སྲིད་བསྐྱངས་པའི་ལོ་གཉིས་པར། ཨུ་ཟི་ཡཱའི་སྲས་ཡོ་ཐམ་བྱ་བ་ཡ་ཧུ་དཱའི་རྒྱལ་པོར་གྱུར་ཏོ། །  
\v 33 རྒྱལ་སྲིད་བཟུང་དུས་ཁོ་ནི་ལོ་ཉེར་ལྔ་ཡིན་པ་དང་། ལོ་བཅུ་དྲུག་གི་རིང་ལ་ཡེ་རུ་སཱ་ལེམ་དུ་རྒྱལ་སྲིད་བསྐྱངས་པ་དང་། ཟཱ་ཏོག་གི་སྲས་མོ་ཡེ་རུ་ཤཱ་བྱ་བ་ནི་ཁོའི་ཡུམ་ཡིན་ནོ། །  
\v 34 ཁོས་དཀོན་མཆོག་ཡ་ཝཱེའི་སྤྱན་སྔར་ལེགས་པོ་གང་ཡིན་རྣམས་སྤྱད་དེ། རང་གི་ཡབ་ཨུ་ཟི་ཡཱས་བསྒྲུབས་པ་བཞིན་དུ་བྱས་ཀྱང་།  
\v 35 མཐོ་གླིང་རྣམས་མ་བཤིགས་པས། མི་རྣམས་ཀྱིས་སྔར་བཞིན་མཐོ་གླིང་གི་སྟེང་དུ་མཆོད་པ་ཕུལ་ནས་བསང་བཏང་བ་དང་། ཁོས་དཀོན་མཆོག་ཡ་ཝཱེའི་མཆོད་ཁང་ལ་སྟེང་སྒོ་ཞིག་བརྩིགས་སོ། །  
\v 36 ཡོ་ཐམ་གྱི་དོན་གཞན་རྣམས་དང་། ཁོས་ཅི་བྱས་པ་ཐམས་ཅད་ཡ་ཧུ་དཱའི་རྒྱལ་པོའི་ལོ་རབས་ནང་དུ་བཀོད་ཡོད་པ་མ་ཡིན་ནམ།  
\v 37 དེའི་དུས་སུ་དཀོན་མཆོག་ཡ་ཝཱེས་ཨ་རམ་གྱི་རྒྱལ་པོ་རེ་ཙིན་དང་། རེ་མལ་ཡཱའི་བུ་ཕེ་ཀཱ་གཉིས་ཡ་ཧུ་དཱ་ལ་གཡུལ་འགྱེད་པར་མངགས་འགོ་བརྩམས་ཤིང་།  
\v 38 ཡོ་ཐམ་རང་གི་ཕ་མེས་ཀྱི་ཁྲོད་དུ་གཟིམས་པ་དང་། ཁོའི་མེས་པོ་དཱ་བིད་ཀྱི་གྲོང་ཁྱེར་དུ་རང་གི་ཕ་མེས་རྣམས་དང་མཉམ་དུ་དུར་ལ་སྦས། ཁོའི་སྲས་ཨ་ཧ་ཟཱ་ནི་དེའི་རྒྱུན་མཐུད་ནས་རྒྱལ་པོར་གྱུར་ཏོ། །   
\c 16
\cl ལེའུ་བཅུ་དྲུག་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 ཡ་ཧུ་དཱའི་རྒྱལ་པོ་ཨ་ཧཱ་ཟ།  
\p
\v 1 དེ་ཡང་རེ་མལ་ཡཱའི་སྲས་ཕེ་ཀཱ་ཡིས་རྒྱལ་སྲིད་བསྐྱངས་པའི་ལོ་བཅུ་བདུན་པར། ཡ་ཧུ་དཱའི་རྒྱལ་པོ་ཡོ་ཐམ་གྱི་སྲས་ཨ་ཧ་ཟཱ་རྒྱལ་པོར་གྱུར།  
\v 2 ཁོས་རྒྱལ་སྲིད་བཟུང་དུས་ལོ་ཉི་ཤུ་ཡིན་ཏེ་ཡེ་རུ་སཱ་ལེམ་དུ་ལོ་བཅུ་དྲུག་གི་རིང་ལ་རྒྱལ་སྲིད་བསྐྱངས་ནའང་། ཁོས་ཡབ་མེས་དཱ་བིད་ལྟར་རང་གི་དཀོན་མཆོག་ཡ་ཝཱེའི་སྤྱན་སྔར་ལེགས་པོ་གང་ཡིན་དེ་མ་སྤྱད་པར།  
\v 3 ཁོ་ནི་ཡེས་ར་ཨེལ་གྱི་རྒྱལ་པོ་རྣམས་ཀྱི་ལམ་ནང་འགྲུལ་ཞིང་། དཀོན་མཆོག་ཡ་ཝཱེས་ཡེས་ར་ཨེལ་པ་རྣམས་ཀྱི་མདུན་ནས་ཕྱི་རུ་ཕྱུང་བ་དང་མི་རྣམས་ཀྱིས་བརྙས་བཅོས་བྱས་པ་བཞིན་དུ། ཁོས་ཐ་ན་རང་གི་བུ་ཡང་མེ་དཀྱིལ་དུ་སྦྱིན་སྲེག་བྱས་པར་མ་ཟད།  
\v 4 མཐོ་གླིང་དང་རིའི་སྟེང་དང་། ལྗོན་ཤིང་རེ་རེའི་འོག་ཏུ་མཆོད་པ་ཕུལ་ཏེ་བསང་བཏང་བ་རེད།   
\p
\v 5 སྐབས་དེར་ཨ་རམ་གྱི་རྒྱལ་པོ་རེ་ཙིན་དང་། ཡེས་ར་ཨེལ་གྱི་རྒྱལ་པོ་རེ་མལ་ཡཱ་ཡི་བུ་ཕེ་ཀཱ་གཉིས་ཡེ་རུ་སཱ་ལེམ་དུ་དམག་འཁྲུག་རྒྱག་ཏུ་ཡར་འོངས་པ་དང་། ཨ་ཧ་ཟཱ་དམག་གིས་བསྐོར་ནའང་དེ་དབང་དུ་བསྡུ་མ་ནུས་སོ། །  
\v 6 དེའི་ཚེ་ན། ཨ་རམ་གྱི་རྒྱལ་པོ་རེ་ཙིན་གྱིས་ཨེ་ལིད་ཕྱིར་བླངས་ནས་ཨ་རམ་དུ་བསྲེས་པ་དང་། ཨེ་ལད་ནས་ཡ་ཧུ་དཱ་པ་རྣམས་བཏོན་ཏེ། ཨེ་དོམ་པ་རྣམས་ཨེ་ལད་དུ་འོངས་ནས་ད་ལྟའི་བར་དུ་དེར་གནས་སོ། །   
\p
\v 7 དེ་ནས་ཨ་ཧ་ཟཱ་ཡིས་ཨ་སུར་གྱི་རྒྱལ་པོ་ཐིག་ལད་ཕིལ་ཨེ་སེར་ལ་བང་ཆེན་མངགས་ཏེ་ཁོ་ལ། བདག་ནི་ཁྱེད་ཀྱི་ཞབས་ཕྱི་དང་བུ་ཡིན་ཞིང་། ཁྱེད་རང་ཡར་བྱོན་ཏེ་བདག་ལ་བཙན་རྒོལ་བྱེད་བཞིན་པའི་ཨ་རམ་གྱི་རྒྱལ་པོ་དང་། ཡེས་ར་ཨེལ་གྱི་རྒྱལ་པོའི་ལག་ནས་བདག་སྐྱོབ་པར་མཛོད་ཅིག་ཅེས་ཞུས་ཤིང་།  
\v 8 ཡང་ཨ་ཧ་ཟཱ་ཡིས་དཀོན་མཆོག་ཡ་ཝཱེའི་མཆོད་ཁང་དང་རྒྱལ་པོའི་གཏེར་མཛོད་དུ་ཡོད་པའི་གསེར་དངུལ་བཅས་བླངས་ཏེ་ཨ་སུར་གྱི་རྒྱལ་པོ་ལ་ཞུ་རྟེན་དུ་ཕུལ།  
\v 9 ཨ་སུར་གྱི་རྒྱལ་པོས་ཁོ་ལ་ཁས་བླངས་ཤིང་། ཨ་སུར་གྱི་རྒྱལ་པོ་དཱ་མེ་སེག་ལ་ཡར་སོང་ནས་ཡུལ་དེ་བཟུང་བ་དང་མི་རྣམས་ཀིར་བྱ་བའི་ཡུལ་དུ་བཙན་ཁྲིད་བྱས་ཤིང་རེ་ཙིན་ཡང་བསད་དོ། །   
\p
\v 10 དེ་ནས་རྒྱལ་པོ་ཨ་ཧ་ཟཱ་ནི་དཱ་མེ་སེག་ལ་ཨ་སུར་གྱི་རྒྱལ་པོ་ཐིག་ལད་ཕིལ་ཨེ་སེར་དང་འཕྲད་དུ་སོང་སྟེ། དཱ་མེ་སེག་ཏུ་ཡོད་པའི་མཆོད་ཁྲི་དེ་མཐོང་བས། རྒྱལ་པོ་ཨ་ཧ་ཟཱ་ཡིས་མཆོད་ཁྲི་དེའི་དཔེ་རིས་དང་། སྒྲིག་གཞི། རྩིག་སྟངས་བཅས་གསལ་པོ་མཆོད་དཔོན་ཨུ་རི་ཡཱ་ལ་བརྫངས།  
\v 11 དེ་ནས་མཆོད་དཔོན་ཨུ་རི་ཡཱས། རྒྱལ་པོ་ཨ་ཧ་ཟཱ་ཡིས་དཱ་མེ་སེག་ནས་བརྫངས་པ་ཀུན་གྱི་མ་དཔེ་ཇི་བཞིན་མཆོད་ཁྲི་ཞིག་བརྩིགས་ཤིང་། རྒྱལ་པོ་ཨ་ཧ་ཟཱ་ནི་དཱ་མེ་སེག་ནས་ཕྱིར་ལོག་པའི་བར་དུ་འགྲུབ་པར་བཅུག་གོ །  
\v 12 དེ་ནས་རྒྱལ་པོ་དཱ་མེ་སེག་ནས་ཕྱིར་སླེབས་ཏེ་མཆོད་ཁྲི་མཐོང་ཞིང་། རྒྱལ་པོ་མཆོད་ཁྲི་དེའི་འགྲམ་དུ་སོང་ནས་དེའི་ཐོག་ཏུ་ཡར་འགོས་པ་དང་།  
\v 13 རང་གི་དོན་དུ་སྦྱིན་སྲེག་དང་འབྲུ་རིགས་ཀྱི་མཆོད་པ་ཕུལ་ཞིང་རང་གི་སྐྱེམས་མཆོད་བཏང་། ཞི་བདེའི་མཆོད་པ་རྣམས་ཀྱི་ཁྲག་ནི་མཆོད་ཁྲིའི་ཁར་གཏོར།  
\v 14 ཁོས་དཀོན་མཆོག་ཡ་ཝཱེའི་དྲུང་དུ་ཡོད་པའི་ལི་ཡི་མཆོད་ཁྲི་དེ་མཆོད་ཁང་གི་མདུན་ལོགས་སམ། མཆོད་ཁྲི་ཆེན་པོ་དང་དཀོན་མཆོག་ཡ་ཝཱེའི་མཆོད་ཁང་གི་བར་ནས་གནས་སྤར་ཏེ། མཆོད་ཁྲི་གསར་པ་དེའི་བྱང་ཕྱོགས་སུ་གཏད་དོ། །  
\v 15 དེ་ནས་རྒྱལ་པོ་ཨ་ཧ་ཟཱ་ཡིས་མཆོད་དཔོན་ཨུ་རི་ཡཱ་ལ་བཀའ་བསྩལ་ཏེ་ན་རེ། མཆོད་ཁྲི་ཆེན་པོ་འདིའི་སྟེང་དུ་ཞོགས་པའི་སྦྱིན་སྲེག་གི་མཆོད་པ་དང་ས་སྲོས་ཀྱི་འབྲུ་རིགས་ཀྱི་མཆོད་པ། རྒྱལ་པོའི་སྦྱིན་སྲེག་གི་མཆོད་པ་དང་ཁོའི་འབྲུ་རིགས་ཀྱི་མཆོད་པ། ཡུལ་མི་ཐམས་ཅད་ཀྱི་སྦྱིན་སྲེག་གི་མཆོད་པ་དང་དེ་རྣམས་ཀྱི་འབྲུ་རིགས་ཀྱི་མཆོད་པ་རྣམས་བསྲེག་དགོས་པ་དང་། ཡང་སྐྱེམས་མཆོད་རྣམས་དང་སྦྱིན་སྲེག་གི་མཆོད་པའི་ཁྲག་དང་། གཞན་དམར་མཆོད་ཀྱི་ཁྲག་ཐམས་ཅད་ནི་དེའི་ཁར་གཏོར་ཅིག འོན་ཀྱང་ལི་ཡི་མཆོད་ཁྲི་ལ་ངས་དཀོན་མཆོག་ནས་འཚོལ་ཞིབ་བྱའོ་ཞེས་སྨྲས་པས།  
\v 16 མཆོད་དཔོན་ཨུ་རི་ཡཱས་རྒྱལ་པོ་ཨ་ཧ་ཟཱ་ཡིས་བསྩལ་པའི་བཀའ་བཞིན་དུ་བསྒྲུབས་སོ། །   
\p
\v 17 དེ་ཡང་རྒྱལ་པོ་ཨ་ཧ་ཟཱ་ཡིས་འཁོར་ལྡན་སྟེགས་བུ་རྣམས་ཀྱི་ཟུར་རྒྱན་བཅད་དེ། དེའི་ཐོག་ཏུ་ཡོད་པའི་འཁྲུད་གཞོང་རྣམས་ཕྱིར་བཏོན་པ་དང་། རྒྱ་མཚོ་བྱ་བ་ནི་དེའི་འོག་ཏུ་ཡོད་པའི་ལི་ཡི་གླང་རྣམས་ཀྱི་ཁ་ནས་ཕབ་སྟེ་རྡོ་ལེབ་ཀྱི་ཁར་བཞག་གོ །  
\v 18 ཡང་ཨ་སུར་གྱི་རྒྱལ་པོའི་རྐྱེན་གྱིས་ངལ་གསོ་བའི་ཉིན་མོའི་ཕྱིར་མཆོད་ཁང་ནང་དུ་བརྩིགས་པའི་གནམ་ཁེབས་ཀྱི་བཀོད་པ་དང་། རྒྱལ་པོ་ཕྱི་ནས་ཐོན་སའི་བགྲོད་ལམ་གཉིས་ནི་དཀོན་མཆོག་ཡ་ཝཱེའི་མཆོད་ཁང་ནས་གནས་སྤར་ཏོ། །   
\p
\v 19 དེ་ཡང་ཨ་ཧ་ཟཱ་ཡི་དོན་གཞན་རྣམས་དང་། ཁོས་ཅི་བྱས་པ་ཐམས་ཅད་ནི་ཡ་ཧུ་དཱའི་རྒྱལ་པོའི་ལོ་རབས་ནང་དུ་བཀོད་ཡོད་པ་མ་ཡིན་ནམ།  
\v 20 ཨ་ཧ་ཟཱ་ནི་རང་གི་ཕ་མེས་དང་ལྷན་ཅིག་ཏུ་གཟིམས་པ་དང་། དཱ་བིད་ཀྱི་གྲོང་ཁྱེར་དུ་ཕ་མེས་རྣམས་དང་ལྷན་དུ་དུར་ལ་སྦས། ཁོའི་སྲས་ཧི་ཟི་ཀི་ཡཱ་ནི་དེའི་རྒྱུན་མཐུད་ནས་རྒྱལ་པོར་གྱུར་ཏོ། །   
\c 17
\cl ལེའུ་བཅུ་བདུན་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 ཡེས་ར་ཨེལ་གྱི་རྒྱལ་པོ་ཧོ་ཤེ་ཨ།  
\p
\v 1 དེ་ཡང་ཡ་ཧུ་དཱའི་རྒྱལ་པོ་ཨ་ཧ་ཟཱ་ཡིས་རྒྱལ་སྲིད་བསྐྱངས་པའི་ལོ་བཅུ་གཉིས་པར། ཨེ་ལཱ་ཡི་སྲས་ཧོ་ཤེ་ཨ་བྱ་བ་དེས་སཱ་མར་ཡ་རུ་ལོ་དགུའི་རིང་དུ་ཡེས་ར་ཨེལ་གྱི་རྒྱལ་སྲིད་བསྐྱངས།  
\v 2 ཁོས་ཀྱང་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་ཀྱང་། ཁོའི་སྔོན་དུ་བྱུང་བའི་ཡེས་ར་ཨེལ་གྱི་རྒྱལ་པོ་རྣམས་ལྟར་མ་བྱས་སོ། །  
\v 3 ཨ་སུར་གྱི་རྒྱལ་པོ་ཤལ་མན་ཨེ་སེར་ནི་ཁོ་ལ་རྒོལ་དུ་ཡར་འོངས་པ་དང་། ཧོ་ཤེ་ཨ་ནི་དེའི་མངའ་འོག་ཏུ་གྱུར་ནས་ཁོ་ལ་དཔྱ་ཁྲལ་བཅལ་ཏོ། །  
\v 4 ཕྱིས་སུ་ཨ་སུར་གྱི་རྒྱལ་པོས་ཧོ་ཤེ་ཨ་ཡི་གཡོ་ཐབས་རྙེད། ཅིའི་ཕྱིར་ཞེ་ན། དེས་ཨེ་ཅིབ་ཀྱི་རྒྱལ་པོ་སོ་ཞེས་པར་བང་ཆེན་མངགས་ཏེ། ཨ་སུར་གྱི་རྒྱལ་པོར་ལོ་རེ་བཞིན་དུ་དཔྱ་ཁྲལ་མ་ཕུལ་བས་ཨ་སུར་གྱི་རྒྱལ་པོས་ཁོ་བཟུང་ནས་བཙོན་དུ་བཅུག་གོ །   
\s1 ཡེས་ར་ཨེལ་བཟུང་བ།  
\p
\v 5 དེ་ནས་ཨ་སུར་གྱི་རྒྱལ་པོ་ཡར་འོངས་ཏེ་ཡུལ་ཁམས་ཐམས་ཅད་ལ་བཙན་འཛུལ་བྱས་པ་དང་། ཡར་སཱ་མར་ཡ་རུ་སོང་ནས་ལོ་གསུམ་གྱི་རིང་ལ་ཡུལ་དེ་དམག་གིས་བསྐོར་ཏོ། །  
\v 6 ཧོ་ཤེ་ཨ་ཡིས་རྒྱལ་སྲིད་བསྐྱངས་པའི་ལོ་དགུ་པར། ཨ་སུར་གྱི་རྒྱལ་པོས་སཱ་མར་ཡ་བླངས་ཤིང་ཡེས་ར་ཨེལ་པ་རྣམས་ཨ་སུར་ཡུལ་དུ་བཙན་ཁྲིད་བྱས་ཏེ། ཧ་ལཱ་དང་གོ་ཟན་ཡུལ་གྱི་ཆུ་བོ་ཧ་བོར་དང་། མཱ་ཏི་པ་རྣམས་ཀྱི་གྲོང་ཁྱེར་རྣམས་སུ་སྡོད་དུ་བཅུག་གོ །   
\s1 ཡེས་ར་ཨེལ་པས་སྐུ་འདྲར་མཆོད་པས་ཡུལ་ནས་ཕུད་པ།  
\p
\v 7 དེ་ཅིའི་ཕྱིར་ཞེ་ན། ཡེས་ར་ཨེལ་པ་རྣམས་ཀྱིས་ཨེ་ཅིབ་ཀྱི་ཡུལ་དང་། ཨེ་ཅིབ་རྒྱལ་པོ་ཕཱར་ཨོལ་གྱི་ལག་འོག་ནས་ཐར་དུ་བཅུག་པའི་རང་གི་དཀོན་མཆོག་ཡ་ཝཱེ་ལ་འགལ་བའི་སྡིག་པ་བྱས་ཏེ། ལྷ་གཞན་རྣམས་ལ་ཞེད་པར་གྱུར་པས་སོ། །  
\v 8 དེ་དག་ནི་དཀོན་མཆོག་ཡ་ཝཱེས་ཡེས་ར་ཨེལ་པ་རྣམས་ཀྱི་མདུན་ནས་མཐར་བསྐྲད་པའི་མི་རྣམས་ཀྱི་གོམས་སྲོལ་དང་། ཡེས་ར་ཨེལ་གྱི་རྒྱལ་པོ་རྣམས་ཀྱི་ལུགས་སྲོལ་བཞིན་དུ་འགྲུལ་པ་རེད།  
\v 9 དེ་ལྟར་ཡེས་ར་ཨེལ་གྱི་བུ་རྒྱུད་ཀྱིས་གསང་བའི་ངང་ནས་ཁོ་རྣམས་ཀྱི་དཀོན་མཆོག་ཡ་ཝཱེའི་དྲུང་དུ་མི་འོས་པའི་ལས་བྱས་ཏེ། བྱ་རའི་ལྕོག་མཁར་ནས་གྲོང་ཁྱེར་བརྟན་པོའི་བར་དུ་རང་གི་ཕྱིར་ཁོ་ཚོའི་གྲོང་རྡལ་ཐམས་ཅད་དུ་མཐོ་གླིང་བརྩིགས་པ་དང་།  
\v 10 ཡང་རི་མཐོན་པོ་རྣམས་ཀྱི་རྩེ་མོ་དང་། ལྗོན་ཤིང་སྔོན་པོ་ཀུན་གྱི་འོག་ཏུ་ལྷ་རྟེན་དང་ཨ་ཤེ་རཱ་བཙུགས་སོ། །  
\v 11 དཀོན་མཆོག་ཡ་ཝཱེས་དེ་རྣམས་ཀྱི་མདུན་ནས་མཐར་བསྐྲད་པའི་མི་རྣམས་ཀྱི་ལུགས་སྲོལ་ལྟར། དེ་རྣམས་ཀྱིས་ཀྱང་མཐོ་གླིང་ཐམས་ཅད་ཀྱི་སྟེང་དུ་བསང་བཏང་བ་དང་། དཀོན་མཆོག་ཡ་ཝཱེའི་ཐུགས་དཀྲུགས་པའི་དོན་ངན་པ་བྱས་སོ། །  
\v 12 དཀོན་མཆོག་ཡ་ཝཱེས་སྔར་དེ་དག་ལ་ཁྱོད་ཅག་གིས་དེ་འདྲ་མ་བྱེད་ཅིག་ཅེས་གསུངས་ཀྱང་། དེ་དག་གིས་སྐུ་འདྲ་བསྟེན་ཅིང་དེར་ཞབས་ཏོག་བསྒྲུབས་སོ། །   
\p
\v 13 དེ་ཡང་དཀོན་མཆོག་ཡ་ཝཱེས་ལུང་སྟོན་པ་དང་མངོན་ཤེས་པ་ཐམས་ཅད་བརྒྱུད་ནས་ཡེས་ར་ཨེལ་པ་རྣམས་དང་ཡ་ཧུ་དཱ་པ་རྣམས་ལ་ཉེན་བརྡ་བཏང་ཞིང་འདི་སྐད་དུ། ཁྱོད་ཅག་གི་ལམ་ངན་པ་རྣམས་སྤོངས་ཤིག ངས་ཁྱོད་རྣམས་ཀྱི་མེས་པོ་ལ་གནང་བའི་བཀའ་རྒྱ་དང་བཀའ་ཁྲིམས་དང་། བདག་གི་སྒྲིག་ཁྲིམས་ཐམས་ཅད་བཞིན་དུ། རང་གི་ཞབས་ཕྱི་ལུང་སྟོན་པ་རྣམས་བརྒྱུད་ནས་ཁྱོད་ཅག་ལ་བསྒྲགས་པའི་དོན་རྣམས་བསྲུང་བར་བྱོས་ཤིག་ཅེས་གསུངས་མོད།  
\v 14 འོན་ཀྱང་ཁོ་ཚོས་མ་མཉན་པར། ཁོ་ཚོའི་ཕ་མེས་དང་འདྲ་བར་རང་གི་དཀོན་མཆོག་ཡ་ཝཱེ་ལ་ཡིད་མ་མོས་པར་གཉའ་རེངས་བྱས་སོ། །  
\v 15 ཡང་ཁོང་གིས་དེ་དག་གི་མེས་པོ་རྣམས་ལ་མཛད་པའི་ཞལ་ཆད་དང་བཀའ་ཁྲིམས། དེ་དག་ལ་མཛད་པའི་ཉེན་བརྡ་བཅས་སྤངས་ནས། དོན་མེད་ཀྱི་སྐུ་འདྲའི་རྗེས་སུ་འབྲངས་པས་སྙིང་པོ་མེད་པར་གྱུར། དཀོན་མཆོག་ཡ་ཝཱེས་དེ་དག་ལ། ཕྱི་རོལ་པ་རྣམས་ཀྱི་རྗེས་སུ་མི་འབྲང་བར་གྱིས་ཞེས་བསྒོས་ཀྱང་། དེ་དག་ནི་རང་གི་མཐའ་འཁོར་དུ་ཡོད་པའི་ཕྱི་རོལ་པ་རྣམས་ཀྱི་རྗེས་སུ་འབྲངས།  
\v 16 ཁོ་ཚོས་དེ་ལྟར་རང་གི་དཀོན་མཆོག་ཡ་ཝཱེའི་བཀའ་རྒྱ་ཐམས་ཅད་སྤངས་ཏེ། རང་གི་ཕྱིར་དུ་ཟངས་ཀྱི་བླུགས་སྐུ་བ་ཕྲུག་གཉིས་བཟོས་པ་དང་། ཨ་ཤེ་རཱ་ཡང་བརྩིགས་ནས་ནམ་མཁའི་སྐར་ཚོགས་ཐམས་ཅད་ལ་ཕྱག་བཙལ་ཞིང་པཱ་ཨལ་བསྟེན་ཏོ། །  
\v 17 ཡང་དེ་དག་གིས་རང་གི་བུ་དང་བུ་མོ་མེའི་དཀྱིལ་དུ་སྦྱིན་སྲེག་བཏང་ནས་མོ་བཏབ་སྟེ་རྫུ་འཕྲུལ་བསྟན་ཅིང་། དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་སྤྱད་ནས་རང་ཉིད་བཙོངས་པ་དང་ཁོང་ཐུགས་ཁྲོ་བར་བྱས།  
\v 18 དེའི་རྐྱེན་གྱིས་དཀོན་མཆོག་ཡ་ཝཱེ་ཁོང་ཉིད་ཡེས་ར་ཨེལ་ལ་ཐུགས་རབ་ཏུ་ཁྲོས་ཏེ། དེ་དག་ཁོང་གི་སྤྱན་སྔ་ནས་ཕར་བསྐྲད་པས། ཡ་ཧུ་དཱའི་ཚོ་པ་མ་གཏོགས་གཞན་གང་ཡང་མ་ལུས་སོ། །   
\p
\v 19 དེ་ཡང་ཡ་ཧུ་དཱ་པས་ཀྱང་རང་གི་དཀོན་མཆོག་ཡ་ཝཱེའི་བཀའ་རྒྱ་རྣམས་མ་བསྲུངས་པར། ཡེས་ར་ཨེལ་གྱིས་བྱས་པའི་ལུགས་སྲོལ་བཞིན་དུ་འགྲུལ།  
\v 20 དེ་ནས་དཀོན་མཆོག་ཡ་ཝཱེས་ཡེས་ར་ཨེལ་གྱི་བུ་རྒྱུད་ཐམས་ཅད་སྤངས་ནས་མནར་གཅོད་མྱང་དུ་བཅུག་སྟེ། ཉིད་ཀྱི་སྤྱན་སྔ་ནས་མ་དོར་བར་དུ་ཇག་ཚོགས་ཀྱི་ལག་ཏུ་གཏད་དོ། །   
\p
\v 21 དེ་ཡང་ཁོང་གིས་དཱ་བིད་ཀྱི་གདུང་རྒྱུད་ནས་ཡེས་ར་ཨེལ་ཕྲལ་བར་མཛད་པའི་རྗེས་སུ། དེ་དག་གིས་ནེ་བཱད་ཀྱི་བུ་ཡེ་རོབ་ཨམ་རྒྱལ་པོར་བསྐོས་པ་དང་། ཡེ་རོབ་ཨམ་གྱིས་ཡེས་ར་ཨེལ་པ་རྣམས་དཀོན་མཆོག་ཡ་ཝཱེའི་རྗེས་སུ་འབྲང་དུ་མ་བཅུག་པར་སྡིག་པ་ཆེན་པོ་བྱེད་དུ་བཅུག  
\v 22 ཡེས་ར་ཨེལ་པ་རྣམས་ནི་ཡེ་རོབ་ཨམ་གྱིས་བྱས་པའི་སྡིག་པ་ཐམས་ཅད་ཀྱི་ལམ་དུ་འགྲུལ་ཞིང་། དེ་དག་ལས་མ་བྱོལ་བ་དང་།  
\v 23 མཇུག་མཐར་དཀོན་མཆོག་ཡ་ཝཱེས་ཉིད་ཀྱི་ཞབས་ཕྱི་ལུང་སྟོན་པ་ཐམས་ཅད་བརྒྱུད་ནས་གསུངས་པ་བཞིན་དུ། ཡེས་ར་ཨེལ་པ་རྣམས་ཉིད་ཀྱི་སྤྱན་སྔ་ནས་ཕྱི་རུ་བསྐྲད། ཡེས་ར་ཨེལ་པ་རྣམས་རང་ཡུལ་ནས་ཨ་སུར་ཡུལ་དུ་ད་ལྟའི་བར་བཙན་བྱོལ་དུ་བསྐྱལ་ཏོ། །   
\s1 སཱ་མར་ཡ་ནས་བསྐྱར་དུ་གཞིས་ཆགས་པ།  
\p
\v 24 དེ་ནས་ཨ་སུར་གྱི་རྒྱལ་པོས་པཱ་པེལ་ལོན་དང་། ཀུ་ཐཱ་དང་། ཨ་ཝཱ་དང་། ཧ་མཱད་དང་། སེ་ཕར་ཝ་ཨིམ་གྱི་མི་རྣམས་ཁྲིད་དེ། ཡེས་ར་ཨེལ་གྱི་མི་སྡེའི་ཚབ་ཏུ་སཱ་མར་ཡའི་གྲོང་ཁྱེར་རྣམས་སུ་བཞག་པས། དེ་དག་ལ་སཱ་མར་ཡ་བགོ་སྐལ་དུ་ཐོབ་ཅིང་དེ་གའི་གྲོང་ཁྱེར་དག་ཏུ་གཞིས་ཕབ།  
\v 25 ཁོ་ཚོ་ཐོག་མར་གནས་དེར་སྡོད་སྐབས་དཀོན་མཆོག་ཡ་ཝཱེ་ལ་གུས་ཤིང་འཇིགས་པ་མེད་པས། དཀོན་མཆོག་ཡ་ཝཱེས་དེ་རྣམས་ཀྱི་ཁྲོད་དུ་སེང་གེ་བཏང་ནས་ཁོ་ཚོ་ལས་མི་ཁ་ཤས་ཀྱི་སྲོག་བཅད་དོ། །  
\v 26 དེ་ནས་ཁོ་ཚོས་ཨ་སུར་གྱི་རྒྱལ་པོ་ལ། ཁྱེད་ཀྱིས་སཱ་མར་ཡའི་གྲོང་ཁྱེར་དུ་བཙན་ཁྲིད་བྱས་ནས་བཞག་པའི་མི་སྡེ་རྣམས་ཀྱིས་ཡུལ་དེའི་དཀོན་མཆོག་གི་ཁྲིམས་སྲོལ་མ་ཤེས་སྟབས། ཁོང་གིས་དེ་དག་གི་ཁྲོད་དུ་སེང་གེ་བཏང་། ལྟོས་དང་། མི་དེ་ཚོས་དཀོན་མཆོག་གི་ཁྲིམས་སྲོལ་མ་ཤེས་པའི་རྐྱེན་གྱིས་སེང་གེས་དེ་དག་གི་སྲོག་བཅད་དོ་ཞེས་སྨྲས་པས།  
\v 27 ཨ་སུར་གྱི་རྒྱལ་པོས་བཀའ་གནང་སྟེ་ན་རེ། ཁྱོད་རྣམས་ཀྱིས་ཡུལ་དེ་ནས་བཙན་ཁྲིད་བྱས་འོངས་པའི་མཆོད་དཔོན་རྣམས་ལས་གཅིག་ཕྱིར་ཁྲིད་ཅིག ཁོང་གནས་དེར་བསྡད་ནས་དེ་རྣམས་ལ་ཡུལ་དེའི་དཀོན་མཆོག་གི་ཁྲིམས་སྲོལ་སློབ་དགོས་ཞེས་བསྒོས།  
\v 28 དེ་ནས་སཱ་མར་ཡ་ནས་བཙན་ཁྲིད་བྱས་འོངས་པའི་མཆོད་དཔོན་རྣམས་ལས་གཅིག་ཕྱིར་ལོག་ནས་པེད་ཨེལ་དུ་གཞིས་ཕབ་སྟེ། ཁོང་གིས་དེ་དག་ལ་དཀོན་མཆོག་ཡ་ཝཱེ་ལ་ཅི་ལྟར་གུས་ཤིང་འཇིགས་པར་བྱེད་དགོས་ཚུལ་བསླབས་སོ། །   
\p
\v 29 འོན་ཀྱང་རིགས་རྒྱུད་རེ་རེས་རང་ཉིད་ལ་ལྷ་སྐུ་རྣམས་བཞེངས་ཏེ་སཱ་མར་ཡ་པས་བརྩིགས་པའི་མཐོ་གླིང་གི་ལྷ་ཁང་དག་ཏུ་བཞག་ཅིང་། རིགས་རྒྱུད་རེ་རེས་རང་ཉིད་གནས་པའི་གྲོང་ཁྱེར་གྱི་ནང་དུ་དེ་ལྟར་བྱས།  
\v 30 པཱ་པེལ༌པ་རྣམས་ཀྱིས་སོའུ་ཀོད་བེ་ནོད་བྱ་བའི་སྐུ་འདྲ་དང་། ཀུད་པ་རྣམས་ཀྱིས་ནེར་གལ་བྱ་བའི་སྐུ་འདྲ་དང་། ཧ་མཱད་པ་རྣམས་ཀྱིས་ཨ་ཤི་མཱ་བྱ་བའི་སྐུ་འདྲ་དང་།  
\v 31 ཨ་ཝཱ་པ་རྣམས་ཀྱིས་ནིབ་ཧ་ཟི་དང་ཐཱར་ཐག་བྱ་བའི་སྐུ་འདྲ་བཅས་བཟོས་ཤིང་། སེ་ཕར་ཝི་པས་སེ་ཕར་ཝ་ཨིམ་གྱི་ལྷ་ཨད་རམ་མེ་ལེག་དང་ཨ་ནམ་མེ་ལེག་བྱ་བ་གཉིས་ཀྱི་ཆེད་དུ་རང་གི་བུ་རྣམས་མེའི་ནང་དུ་བསྲེགས་སོ། །  
\v 32 དེ་རྣམས་ཀྱང་དཀོན་མཆོག་ཡ་ཝཱེ་ལ་སྐྲག་པས། རང་གི་ནང་ནས་མཐོ་གླིང་རྣམས་སུ་མཆོད་དཔོན་བསྐོས་པ་དང་། མཐོ་གླིང་དག་གི་ལྷ་ཁང་ནང་དུ་མི་རྣམས་ཀྱི་ཆེད་དུ་ཕྱག་ལས་གནང་།  
\v 33 ཁོ་ཚོ་དཀོན་མཆོག་ཡ་ཝཱེ་ལ་སྐྲག་ནའང་། དེ་དག་གིས་རང་རང་རིགས་རྒྱུད་གང་ནས་བཙན་ཁྲིད་བྱས་འོངས་པའི་ལུགས་སྲོལ་གང་དེའི་ལྷ་རྣམས་ལ་ཞབས་ཕྱི་བསྒྲུབས་པའོ། །   
\p
\v 34 ཁོ་ཚོས་ད་ལྟའི་བར་དུ་སྔོན་གྱི་ལུགས་སྲོལ་བཞིན་བྱས་ཤིང་། དཀོན་མཆོག་ཡ་ཝཱེ་ལ་གུས་ཤིང་འཇིགས་པར་ཡང་མ་བྱས་ལ། དཀོན་མཆོག་ཡ་ཝཱེས་ཡེས་ར་ཨེལ་ཞེས་བཏགས་པའི་ཡ་ཀོབ་ཀྱི་བུ་རྒྱུད་རྣམས་ལ་གནང་བའི་བཀའ་ཁྲིམས་དང་། སྒྲིག་ཁྲིམས་དང་། སྲོལ་ཡིག་དང་། བཀའ་རྒྱ་རྣམས་ཀྱང་མ་བསྲུངས་སོ། །  
\v 35 དཀོན་མཆོག་ཡ་ཝཱེས་དེ་རྣམས་ལ་ཞལ་ཆད་མཛད་ཅིང་བཀའ་གནང་སྟེ་འདི་སྐད་དུ། ཁྱོད་ཅག་ལྷ་གཞན་རྣམས་ལ་སྐྲག་མི་དགོས། དེ་དག་ལ་ཕྱག་མ་འཚལ། ཞབས་ཕྱི་མ་བསྒྲུབ། མཆོད་པ་ཡང་འབུལ་བར་མི་བྱའོ། །  
\v 36 འོན་ཀྱང་། མཐུ་སྟོབས་ཆེན་པོའི་ཕྱག་བརྐྱངས་ཏེ་ཁྱོད་ཅག་ཨེ་ཅིབ་ཡུལ་ནས་ཁྲིད་མཁན་དཀོན་མཆོག་ཡ་ཝཱེ་ལ་ནི། ཁྱོད་རྣམས་གུས་ཤིང་འཇིགས་པ་དང་། ཁོང་ལ་ཕྱག་བཙལ་ནས་མཆོད་པ་འབུལ་འོས་ལ།  
\v 37 ཁོང་གིས་ཁྱོད་ཅག་གི་དོན་དུ་ཡི་གེར་བཀོད་པའི་སྒྲིག་ཁྲིམས་དང་། སྲོལ་ཡིག་དང་། བཀའ་ཁྲིམས་དང་། བཀའ་རྒྱ་དེ་རྣམས་དུས་ནམ་ཡང་སྒྲུབས་ལ་སྲུངས་ཤིག ལྷ་གཞན་ལ་མ་འཇིགས་ཤིག  
\v 38 བདག་གིས་ཁྱོད་ཅག་ལ་མཛད་པའི་ཞལ་ཆད་དེ་བརྗེད་པར་མི་བྱའོ། །ལྷ་གཞན་རྣམས་ལའང་འཇིགས་པར་མ་བྱེད་ཅིག  
\v 39 འོན་ཀྱང་རང་གི་དཀོན་མཆོག་ཡ་ཝཱེ་ལ་གུས་ཤིང་འཇིགས་པར་གྱིས་ཤིག ཁོང་གིས་ཁྱོད་ཅག་དགྲ་ཐམས་ཅད་ཀྱི་ལག་ནས་སྐྱོབ་པར་འགྱུར་རོ་ཞེས་གསུངས་མོད།  
\v 40 འོན་ཀྱང་དེ་དག་གིས་མ་མཉན་པར་སྔར་བཞིན་རང་རང་གི་ཐོག་མའི་ལུགས་སྲོལ་ལྟར་བྱས་པའོ། །   
\p
\v 41 དེར་མི་རིགས་འདི་དག་ནི་དཀོན་མཆོག་ཡ་ཝཱེ་ལ་གུས་ཤིང་འཇིགས་ནའང་། ཁོ་ཚོས་རང་གི་སྐུ་འདྲ་ལའང་ཞབས་ཕྱི་བསྒྲུབས། དེ་དག་གི་བུ་རབས་ཚ་རྒྱུད་རྣམས་ཀྱིས་ཀྱང་དེ་རིང་གི་བར་དུ་ཁོ་ཚོའི་ཕ་མེས་རྣམས་དང་མཚུངས་པར་བྱས་སོ། །   
\c 18
\cl ལེའུ་བཅོ་བརྒྱད་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 ཡ་ཧུ་དཱའི་རྒྱལ་པོ་ཧི་ཟི་ཀི་ཡཱ།  
\p
\v 1 དེ་ཡང་ཡེས་ར་ཨེལ་གྱི་རྒྱལ་པོ་ཨེ་ལཱའི་སྲས་ཧོ་ཤེ་ཨ་ཡིས་རྒྱལ་སྲིད་བསྐྱངས་པའི་ལོ་གསུམ་པར། ཡ་ཧུ་དཱའི་རྒྱལ་པོ་ཨ་ཧ་ཟཱ་ཡི་བུ་ཧི་ཟི་ཀི་ཡཱས་རྒྱལ་སྲིད་བཟུང་།  
\v 2 ཁོས་རྒྱལ་སྲིད་བཟུང་དུས་ཁོ་ལོ་ཉེར་ལྔ་ཡིན་པ་དང་། ལོ་ཉེར་དགུའི་རིང་ལ་ཡེ་རུ་སཱ་ལེམ་དུ་རྒྱལ་སྲིད་བསྐྱངས། ཟཱ་ཀར་ཡའི་བུ་མོ་ཨ་བི་བྱ་བ་ནི་ཁོའི་ཡུམ་མོ། །  
\v 3 ཁོས་རང་གི་ཡབ་མེས་དཱ་བིད་ཀྱིས་གང་མཛད་པ་བཞིན་དུ་དཀོན་མཆོག་ཡ་ཝཱེའི་སྤྱན་སྔར་ལེགས་པོ་གང་ཡིན་སྤྱད་དེ།  
\v 4 མཐོ་གླིང་རྣམས་བརླགས། རྡོ་སྐུ་རྣམས་བཅག་ཅིང་ཨ་ཤེ་རཱ་རྣམས་བཅད། མོ་ཤེ་ཡིས་བཟོས་པའི་ལི་ཡི་སྦྲུལ་དེ་ཡང་དུམ་བུར་བཅག་གོ །ཅི་ལ་ཞེ་ན། ཡེས་ར་ཨེལ་པ་རྣམས་ཀྱིས་དུས་དེའི་བར་དུ་དེ་ལ་བསང་བཏང་ཞིང་། དེའི་མིང་ལ་ནེ་ཧུ་ཤཱ་ཏན་ཞེས་བཏགས་སོ། །  
\v 5 ཁོ་ནི་ཡེས་ར་ཨེལ་གྱི་དཀོན་མཆོག་ཡ་ཝཱེ་ལ་བརྟེན་ཞིང་། ཁོའི་སྔ་རྗེས་སུ་ཡ་ཧུ་དཱའི་རྒྱལ་པོ་ཐམས་ཅད་ཀྱི་ནང་ནས་ཁོ་ལྟ་བུ་གཅིག་ཀྱང་མ་བྱུང་ངོ་། །  
\v 6 ཁོས་དཀོན་མཆོག་ཡ་ཝཱེ་དམ་དུ་འཆིང་བ་དང་། ཁོང་གི་ཕྱི་བཞིན་འབྲངས་པ་ལས་མ་བྱོལ་ཏེ། དཀོན་མཆོག་ཡ་ཝཱེས་མོ་ཤེ་ལ་གནང་བའི་བཀའ་རྒྱ་ཐམས་ཅད་བསྲུངས་སོ། །  
\v 7 དཀོན་མཆོག་ཡ་ཝཱེ་ཁོ་དང་མཉམ་དུ་བཞུགས་པས། ཁོ་ནི་གར་སོང་ཐམས་ཅད་དུ་དོན་འགྲུབ་པ་དང་། ཨ་སུར་གྱི་རྒྱལ་པོ་ལ་ངོ་ལོག་བྱས་ནས་དེའི་གཡོག་པོ་མ་བྱས་སོ། །  
\v 8 ཡང་ཁོས་གཱ་ཟཱ་དང་། དེའི་ས་མཚམས་དག་གི་བར་དུའམ། བྱ་རའི་ལྕོག་མཁར་ནས་གྲོང་ཁྱེར་བརྟན་པོའི་བར་དུ་ཕེ་ལེ་ཤེད་པ་རྣམས་ཕམ་པར་བརྒྱབ་བོ། །   
\p
\v 9 དེ་ཡང་རྒྱལ་པོ་ཧི་ཟི་ཀི་ཡཱའི་སྲིད་ལོ་བཞི་པའམ། ཡེས་ར་ཨེལ་གྱི་རྒྱལ་པོ་ཨེ་ལཱ་ཡི་སྲས་ཧོ་ཤེ་ཨ་ཡིས་རྒྱལ་སྲིད་བསྐྱངས་པའི་ལོ་བདུན་པར། ཨ་སུར་གྱི་རྒྱལ་པོ་ཤལ་མན་ཨེ་སེར་ཡར་སཱ་མར་ཡ་རུ་འོངས་ནས་གྲོང་ཁྱེར་དེའི་མཐའ་བསྐོར་བ་དང་།  
\v 10 ལོ་གསུམ་གྱི་རྗེས་སུ་དེ་དག་གིས་སཱ་མར་ཡ་བླངས་པ་སྟེ། ཧི་ཟི་ཀི་ཡཱས་རྒྱལ་སྲིད་བསྐྱངས་ནས་ལོ་དྲུག་པའམ། ཡེས་ར་ཨེལ་གྱི་རྒྱལ་པོ་ཧོ་ཤེ་ཨ་ཡི་སྲིད་ལོ་དགུ་པར་སཱ་མར་ཡ་བླངས།  
\v 11 ཨ་སུར་གྱི་རྒྱལ་པོས་ཡེས་ར་ཨེལ་པ་རྣམས་ཨ་སུར་ཡུལ་དུ་བཙན་ཁྲིད་བྱས་པ་དང་། དེ་རྣམས་ཧ་ལཱ་དང་། གོ་ཟན་ཡུལ་གྱི་ཧ་བོར་གཙང་པོ་དང་། མཱ་ཏི་པའི་གྲོང་ཁྱེར་སོ་སོར་བཞག་གོ །  
\v 12 དེའི་རྒྱུ་རྐྱེན་ནི། དེ་ཚོས་རང་གི་དཀོན་མཆོག་ཡ་ཝཱེའི་གསུང་ལ་མ་མཉན་པར་ཁོང་གི་ཞལ་ཆད་དང་འགལ་ཞིང་། དཀོན་མཆོག་ཡ་ཝཱེའི་ཞབས་ཕྱི་མོ་ཤེ་ཡིས་བསྒོས་པ་ཐམས་ཅད་ལ་མ་མཉན་པ་དང་དེ་བཞིན་མ་བསྒྲུབས་པས་ཡིན་ནོ། །   
\s1 སེན་ན་ཧེ་རིབ་ཀྱིས་ཡ་ཧུ་དཱ་ལ་འཇིགས་སྐུལ་བ།  
\p
\v 13 ཡང་རྒྱལ་པོ་ཧི་ཟི་ཀི་ཡཱས་རྒྱལ་སྲིད་བཟུང་ནས་ལོ་བཅུ་བཞི་པར། ཨ་སུར་གྱི་རྒྱལ་པོ་སེན་ན་ཧེ་རིབ་ཀྱིས་ཡ་ཧུ་དཱའི་གྲོང་ཁྱེར་ལྕགས་རིས་བསྐོར་ཡོད་པ་ཐམས་ཅད་ལ་དཔུང་འཇུག་བྱས་ནས་བླངས་པ་དང་།  
\v 14 ཡ་ཧུ་དཱའི་རྒྱལ་པོ་ཧི་ཟི་ཀི་ཡཱས་ལཱ་ཀི་སི་བྱ་བར་ཨ་སུར་གྱི་རྒྱལ་པོར་བང་ཆེན་མངགས་ཏེ་ཁོ་ལ། བདག་གིས་སྡིག་པ་བྱས་ཡོད། བདག་དང་འབྲལ་བར་མཛོད། དེ་ལྟར་བྱས་ན་ཁྱེད་ཀྱིས་བདག་ལ་ཅི་དང་ཅི་བཀལ་ཡང་འཁུར་ངེས་ཡིན་ཞེས་ཞུས་པས། ཨ་སུར་གྱི་རྒྱལ་པོས་ཡ་ཧུ་དཱའི་རྒྱལ་པོ་ཧི་ཟི་ཀི་ཡཱ་ལ་དངུལ་རྡོ་ཚད་སུམ་བརྒྱ་དང་གསེར་རྡོ་ཚད་སུམ་ཅུ་བཀལ་ཏོ། །  
\v 15 དེ་ནས་ཧི་ཟི་ཀི་ཡཱས་དཀོན་མཆོག་ཡ་ཝཱེའི་མཆོད་ཁང་དང་། རྒྱལ་པོའི་ནོར་མཛོད་རྣམས་ལས་རྙེད་པའི་དངུལ་ཐམས་ཅད་ཁོ་ལ་སྤྲད།  
\v 16 དེའི་དུས་སུ་ཧི་ཟི་ཀི་ཡཱས་ནི། སྔར་ཡ་ཧུ་དཱའི་རྒྱལ་པོ་ཧི་ཟི་ཀི་ཡཱས་དཀོན་མཆོག་ཡ་ཝཱེའི་མཆོད་ཁང་གི་སྒོ་དང་སྒོ་ཆེན་རྣམས་བཏུམས་ཡོད་པའི་གསེར་རྣམས་བཀོག་ནས་ཨ་སུར་གྱི་རྒྱལ་པོར་ཕུལ་ཏོ། །   
\p
\v 17 དེ་ནས་ཨ་སུར་གྱི་རྒྱལ་པོས་ལཱ་ཀི་སི་ནས་ཏར་ཏན་དང་། རབ་སཱ་རེ་ཟི་དང་། རབ་ཤཱ་ཀེ་གསུམ་ནི་དམག་དཔུང་འབོར་ཆེན་དང་བཅས་ཡེ་རུ་སཱ་ལེམ་དུ་རྒྱལ་པོ་ཧི་ཟི་ཀི་ཡཱའི་དྲུང་དུ་བརྫངས་ཏེ། དེ་དག་ཡར་ཕྱིན་ཅིང་ཡེ་རུ་སཱ་ལེམ་དུ་སླེབས་པའི་ཚེ། གོས་འཁྲུད་མཁན་གྱི་ཞིང་ཁའི་ལམ་དུ་ཡོད་པའི་རྫིང་བུ་གོང་མའི་ཆུ་ཡུར་འགྲམ་དུ་ལངས་ནས་བསྡད།  
\v 18 རྒྱལ་པོ་བོས་པ་ན། ཧིལ་ཀི་ཡཱའི་བུ་སྟེ་རྒྱལ་པོའི་ཕོ་བྲང་གི་ནང་བློན་ཨེལ་ཡ་ཀིམ་དང་། དྲུང་ཡིག་ཤེབ་ནཱ་དང་། ཨ་སབ་ཀྱི་བུ་སྟེ་ལོ་རྒྱུས་འགོད་མཁན་ཡོ་ཨག་བཅས་དེ་དག་གི་མདུན་དུ་འོངས་སོ། །   
\p
\v 19 དེར་རབ་ཤཱ་ཀེས་དེ་དག་ལ། ཁྱོད་ཅག་གིས་ཧི་ཟི་ཀི་ཡཱ་ལ་སྦྲོན་ཅིག རྒྱལ་པོ་ཆེན་པོ་ཨ་སུར་གྱི་རྒྱལ་པོས་འདི་སྐད་གསུངས། ཁྱོད་ཀྱིས་བློ་བཅོལ་བའི་འགོག་སྲུང་དེ་ཅི་ཡིན།  
\v 20 ཁྱོད་ཀྱིས་གཡུལ་འགྱེད་པའི་བློ་བཀོད་དང་སྟོབས་ཤུགས་ཡོད་ཅེས་པ་ནི་སྟོང་བཤད་ཙམ་ཡིན་ལ། ད་ལྟ་ཁྱོད་ཀྱིས་སུ་ལ་བརྟེན་ནས་བདག་ལ་ངོ་ལོག་བྱེད་དམ།  
\v 21 ལྟོས་དང་། ཁྱོད་ཀྱིས་འདམ་རྩྭའི་དབྱུག་པ་ཆག་པོ་སྟེ་ཨེ་ཅིབ་ལ་བློ་བཅོལ་བ་རེད། སུ་ཞིག་དེ་ལ་བརྟེན་ན་དེ་ནི་ཁོའི་ལག་པར་ཟུག་ནས་འབུག་པར་བྱེད། ཨེ་ཅིབ་ཀྱི་རྒྱལ་པོ་ཕཱར་ཨོལ་གྱིས་རང་ལ་བློ་གཏད་བཅོལ་མཁན་ཐམས་ཅད་ལ་དེ་བཞིན་བྱེད་དོ། །  
\v 22 ཡང་གལ་ཏེ་ཁྱོད་ཀྱིས་ང་ལ། ངེད་ཅག་ནི་རང་གི་དཀོན་མཆོག་ཡ་ཝཱེ་ལ་བརྟེན་པ་ཡིན་ཟེར་ན། ཧི་ཟི་ཀི་ཡཱས་དཀོན་མཆོག་ཡ་ཝཱེའི་མཐོ་གླིང་དང་མཆོད་ཁྲི་རྣམས་བཤིགས་ནས། ཡ་ཧུ་དཱ་པ་དང་ཡེ་རུ་སཱ་ལེམ་གྱི་མི་རྣམས་ལ། ཁྱོད་ཅག་གིས་ཡེ་རུ་སཱ་ལེམ་གྱི་མཆོད་ཁྲི་འདིའི་མདུན་དུ་བསྙེན་བཀུར་ཞུ་དགོས་ཞེས་བསྒོས་པ་མ་ཡིན་ནམ།  
\v 23 ད་ལྟ་ཁྱོད་ཀྱིས་ངའི་བདག་པོ་ཨ་སུར་གྱི་རྒྱལ་པོ་དང་གྲོས་མཐུན་འཇོག་པར་ཞུ། གལ་ཏེ་ཁྱོད་ཀྱིས་ཞོན་པ་ཉིས་སྟོང་མངག་ནུས་ན། ངས་ཁྱོད་ལ་དམག་རྟ་སྟོང་ཕྲག་གཉིས་སྟེར་བར་བྱའོ། །  
\v 24 ཁྱོད་ཀྱིས་ཤིང་རྟ་དང་སྐྱ་དམག་རྣམས་ཀྱི་ཕྱིར་ཨེ་ཅིབ་ཀྱི་རྒྱལ་པོར་བློ་བཅོལ་ཡང་། ངའི་བདག་པོའི་འཁོར་འབངས་ཆུང་ཤོས་གཅིག་གི་ངོ་གདོང་དེ་ཡང་ཇི་ལྟར་བཟློག་ནུས་སམ།  
\v 25 ད་ལྟ་ང་ནི་དཀོན་མཆོག་ཡ་ཝཱེའི་བཀའ་འཁྲོལ་མེད་པར་ས་ཆ་འདི་འཇིག་པར་བྱེད་དུ་ཡར་འོངས་པ་ཡིན་ནམ། དཀོན་མཆོག་ཡ་ཝཱེས་བདག་ལ་ཡུལ་དེར་ཡར་སོང་ལ་དེ་མེད་པར་བྱོས་ཤིག་གསུངས་ཞེས་པའོ་ཞེས་སྨྲས་སོ། །   
\p
\v 26 དེ་ནས་ཧིལ་ཀི་ཡཱ་ཡི་བུ་ཨེལ་ཡ་ཀིམ་དང་། ཤེབ་ནཱ་དང་། ཡོ་ཨག་བཅས་ཀྱིས་རབ་ཤཱ་ཀེ་ལ་ན་རེ། ང་ཚོས་ཨ་རམ་པའི་སྐད་ཤེས་པས་ཁྱོད་ཀྱི་ཞབས་ཕྱི་ཚོར་ཨ་རམ་པའི་སྐད་སྨྲ་བར་མཛོད་ཅིག ལྕགས་རིའི་སྟེང་གི་མི་རྣམས་ཀྱིས་ཡ་ཧུ་དཱའི་སྐད་གོ་བས་དེ་མི་གསུང་རོགས་ཞེས་ཞུས་མོད།  
\v 27 འོན་ཀྱང་རབ་ཤཱ་ཀེ་ན་རེ། ང་ཡི་བདག་པོས་ཁྱོད་ཀྱི་བདག་པོ་དང་ཁྱོད་ཁོ་ནར་གཏམ་འདི་དག་སྨྲ་བའི་ཕྱིར་ང་འདིར་མངགས་པ་ཡིན་ནམ། ཁོང་གིས་ལྕགས་རིའི་སྟེང་སྡོད་པའི་མི་རྣམས་ཏེ། ཁྱོད་དང་མཉམ་དུ་རང་གི་སྐྱག་པ་ཟ་ཞིང་རང་གི་གཅིན་པ་འཐུང་བ་རྣམས་ལའང་སྨྲ་བའི་ཕྱིར་བདག་མངགས་པ་མ་ཡིན་ནམ་ཞེས་སྨྲས་སོ། །   
\p
\v 28 དེར་རབ་ཤཱ་ཀེ་ཡར་ལངས་ནས་སྐད་ཆེན་པོས་ཡ་ཧུ་དཱའི་སྐད་དུ། རྒྱལ་པོ་ཆེན་པོ་ཨ་སུར་གྱི་རྒྱལ་པོའི་བཀའ་ལ་ཉོན་ཅིག  
\v 29 རྒྱལ་པོས་འདི་སྐད་གསུངས་ཏེ། ཧི་ཟི་ཀི་ཡཱས་ཁྱོད་ཅག་ངའི་ལག་ནས་ཐར་བར་བྱ་མི་ནུས་པས། ཁྱོད་ཅག་ཁོའི་གཡོ་འོག་ཏུ་མ་ཚུད་ཅིག  
\v 30 ཡང་ཧི་ཟི་ཀི་ཡཱས་ཁྱོད་ཅག་དཀོན་མཆོག་ཡ་ཝཱེར་བརྟེན་དགོས་པའི་ཐད། དཀོན་མཆོག་ཡ་ཝཱེས་ང་ཚོ་སྐྱོབ་ངེས་ཤིང་། གྲོང་ཁྱེར་འདིའང་ཨ་སུར་གྱི་རྒྱལ་པོའི་ལག་ཏུ་གཏོད་པར་མི་བྱའོ་ཞེས་པའི་ཚིག་ལ་མ་མཉན་ཅིག  
\v 31 ཧི་ཟི་ཀི་ཡཱའི་གཏམ་ལ་མཉན་མི་རུང་། རྒྱུ་མཚན་ནི་ཨ་སུར་གྱི་རྒྱལ་པོས་འདི་སྐད་གསུངས་ཏེ། ཁྱོད་ཅག་བདག་དང་མཐུན་པོ་ཡོང་ཆེད་ཕྱི་རུ་ཤོག་དང་། ཁྱོད་ཚོ་མི་རེ་རེས་རང་རང་གི་རྒུན་ཤིང་དང་། སེ་ཡབ་ཤིང་གི་འབྲས་བུ་བཟའ་ཞིང་། རང་རང་གི་ཁྲོན་པའི་ཆུ་འཐུང་བར་འགྱུར།  
\v 32 ཁྱོད་རྣམས་གསོན་པོར་ལུས་ཤིང་མི་འཆི་བའི་ཕྱིར་དུ། རྗེས་སུ་ང་འོངས་ནས་ཁྱོད་རྣམས་ནི་ཁྱོད་ཅག་གི་ཡུལ་ཁམས་ལྟ་བུའི་ཡུལ་ཁམས་ཤིག་ཏུ་འཁྲིད་པར་བྱ་སྟེ། ཡུལ་དེར་འབྲུ་དང་རྒུན་ཆང་། བག་ལེབ་དང་རྒུན་ཚལ། སྐྱུ་རུ་ཤིང་དང་སྦྲང་རྩི་བཅས་ཡོད་པ་ཡིན། ཧི་ཟི་ཀི་ཡཱས། ངེད་ཅག་དཀོན་མཆོག་ཡ་ཝཱེས་སྐྱོབ་ངེས་ཡིན་ཞེས་སྨྲ་ཞིང་ཁྱོད་ཅག་ལོག་ལམ་དུ་འཁྲིད་པས་དེར་མ་མཉན་ཅིག  
\v 33 རྒྱལ་ཁམས་སོ་སོའི་ལྷ་རྣམས་ལས་སུ་ཞིག་གིས་དངོས་གནས་རང་གི་ཡུལ་ཨ་སུར་གྱི་རྒྱལ་པོའི་ལག་ནས་བསྐྱབས་པ་ཡིན་ནམ།  
\v 34 ཧ་མཱད་དང་ཨར་ཕད་ཀྱི་ལྷ་རྣམས་གང་དུ་ཡོད་དམ། སེ་ཕར་ཝ་ཨིམ་དང་ཧེ་ནཱ། ཨི་ཝཱ་བཅས་ཀྱི་ལྷ་རྣམས་གང་དུ་ཡོད་དམ། དེ་དག་གིས་ངའི་ལག་ནས་སཱ་མར་ཡ་བསྐྱབས་ཡོད་དམ།  
\v 35 ཡུལ་དེ་དག་གི་ལྷ་རྣམས་ལས་སུ་ཞིག་གིས་རང་གི་ས་ཆ་ངའི་ལག་ནས་བླངས་པ་ཡིན་ནམ། དཀོན་མཆོག་ཡ་ཝཱེས་ངའི་ལག་ནས་ཡེ་རུ་སཱ་ལེམ་སྐྱོབ་ནུས་སམ་ཞེས་སྨྲས་སོ། །   
\p
\v 36 འོན་ཀྱང་། རྒྱལ་པོས་དེ་དག་ལ་ལན་མ་འདེབས་ཤིག་ཅེས་བཀའ་བསྒོས་ཡོད་པས། མི་དེ་དག་ཁ་རོག་གེར་བསྡད་ཅིང་། ཁོ་ལ་ཚིག་ལན་གཅིག་ཀྱང་མ་སྨྲས་སོ། །  
\v 37 དེ་ནས་ཧིལ་ཀི་ཡཱའི་བུ་སྟེ་རྒྱལ་པོའི་ཕོ་བྲང་གི་ནང་བློན་ཨེལ་ཡ་ཀིམ་དང་། དྲུང་ཡིག་ཤེབ་ནཱ་དང་། ཨ་སབ་ཀྱི་བུ་སྟེ་ལོ་རྒྱུས་འགོད་མཁན་ཡོ་ཨག་བཅས་ཀྱིས་རང་རང་གི་གྱོན་གོས་གཤགས་ཏེ། ཧི་ཟི་ཀི་ཡཱའི་དྲུང་དུ་འོངས་ནས་རབ་ཤཱ་ཀེའི་གཏམ་རྣམས་ཁོང་ལ་ཞུས་སོ། །   
\c 19
\cl ལེའུ་བཅུ་དགུ་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 ཡེ་ཤ་ཡཱ་ཡིས་རྒྱལ་པོ་ཧི་ཟི་ཀི་ཡཱ་ལ་སྐུལ་ལྕགས་བཏང་བ།  
\p
\v 1 དེ་ཡང་རྒྱལ་པོ་ཧི་ཟི་ཀི་ཡཱས་དེ་ཐོས་པ་ཙམ་གྱིས་རང་གི་ན་བཟའ་གཤགས་ནས་ལུས་པོར་རྩིད་རས་གཡོགས་ཏེ། དཀོན་མཆོག་ཡ་ཝཱེའི་མཆོད་ཁང་དུ་ཕྱིན།  
\v 2 ཡང་ཕོ་བྲང་གི་ནང་བློན་ཨེལ་ཡ་ཀིམ་དང་། དྲུང་ཡིག་ཤེབ་ནཱ་དང་མཆོད་དཔོན་རྣམས་ལས་རྒན་པོ་བཅས་རྩིད་རས་ཀྱིས་གཡོགས་ཏེ། ཨ་མོ་ཟིའི་བུ་ལུང་སྟོན་པ་ཡེ་ཤ་ཡཱའི་དྲུང་དུ་མངགས།  
\v 3 དེ་དག་གིས་ཁོང་ལ། ཧི་ཟི་ཀི་ཡཱ་ན་རེ། དེ་རིང་ནི་སྡུག་བསྔལ་ཆེ་ཞིང་ཉེས་ཆད་ཕོག་པ་དང་། བརྙས་བཅོས་ཐེབས་པའི་ཉིན་མོ་ཡིན། དེ་ནི་བུ་བཙའ་རན་ལ་སླེབས་ནའང་བཙའ་བའི་སྟོབས་ཟད་པ་དང་འདྲའོ། །  
\v 4 ཁྱེད་ཀྱི་དཀོན་མཆོག་ཡ་ཝཱེས་རབ་ཤཱ་ཀེའི་གཏམ་ཐམས་ཅད་གསན་ཡོད་ཀྱང་སྲིད་དེ། མི་དེ་ནི་ཁོའི་བདག་པོ་ཨ་སུར་གྱི་རྒྱལ་པོས་གཏན་དུ་གསོན་པོར་བཞུགས་པའི་དཀོན་མཆོག་ལ་སྨོད་ཅིང་སྐུར་བ་འདེབས་པའི་དོན་དུ་འདིར་མངགས་པ་ཡིན། ཁྱེད་ཀྱི་དཀོན་མཆོག་ཡ་ཝཱེས་གསན་པའི་ཚིག་རྣམས་ཀྱི་རྐྱེན་གྱིས་ཉེས་ཆད་གཏོང་བར་བྱ། དེ་བས་ན། ཁྱེད་ཀྱིས་ཤུལ་དུ་ལུས་ཡོད་པ་རྣམས་ཀྱི་དོན་དུ་གསོལ་བ་འདེབས་རོགས་ཟེར་ཞེས་སྦྲན་ཏོ། །  
\v 5 དེ་ནས་རྒྱལ་པོ་ཧི་ཟི་ཀི་ཡཱའི་འཁོར་གཡོག་རྣམས་ཡེ་ཤ་ཡཱའི་དྲུང་དུ་སླེབས་པའི་ཚེ།  
\v 6 ཡེ་ཤ་ཡཱས་དེ་དག་ལ། ཁྱོད་ཅག་གི་བདག་པོ་ལ་འདི་ལྟར་སྦྲོན་ཅིག དཀོན་མཆོག་ཡ་ཝཱེས་འདི་སྐད་དུ། ཨ་སུར་རྒྱལ་པོའི་འཁོར་གཡོག་རྣམས་ཀྱིས་བདག་ལ་སྐུར་བ་བཏབ་པའི་གཏམ་ཁྱོད་ཀྱིས་ཐོས་ཀྱང་། དེ་ལ་མ་འཇིགས་ཤིག  
\v 7 ལྟོས་དང་། བདག་གིས་ཁོའི་ནང་དུ་སེམས་ཉིད་ཅིག་འཇོག་པ་དང་། \f + \ft ངས་ནི་ཁོའི་སེམས་སྐྲག་ནས་འདར་བར་བྱེད་ཅེས་པའི་ནང་དོན་ལའང་འཇུག\f* ཁོས་འཆལ་གཏམ་ཞིག་ཐོས་ནས་རང་ཡུལ་དུ་ལོག་པར་འགྱུར་བ་དང་། ངས་ཁོ་ནི་རང་གི་ཡུལ་དུ་རལ་གྲིའི་ཁ་ནས་འཆི་བར་བྱེད་ངེས་གསུངས་ཞེས་ཞུས་སོ། །   
\s1 སེན་ན་ཧེ་རིབ་ཀྱིས་དཀོན་མཆོག་ཡ་ཝཱེ་ལ་རྒོལ་བ།  
\p
\v 8 ཡང་རབ་ཤཱ་ཀེས་ཨ་སུར་གྱི་རྒྱལ་པོ་ལཱ་ཀི་སི་ནས་ཆས་ཟིན་པར་ཐོས་པས། ཁོ་ཕྱིར་ལོག་པ་ན། ཨ་སུར་གྱི་རྒྱལ་པོས་ལིབ་ནཱ་དང་དམག་འཐབ་བྱེད་བཞིན་པ་དང་ཕྲད་དོ། །  
\v 9 ཨ་སུར་གྱི་རྒྱལ་པོས། ལྟོས་དང་། ཁོ་རང་ཁྱེད་ལ་དམག་འཐབ་ཏུ་འོངས་སོ་ཞེས་པའི་གུ་ཤ་ཡི་རྒྱལ་པོ་ཐིར་ཧ་ཀཱའི་སྐོར་ཐོས་པས། ཁོས་ཧི་ཟི་ཀི་ཡཱའི་རྩར་བང་ཆེན་མངགས་ནས་དེ་དག་ལ།  
\v 10 ཡ་ཧུ་དཱའི་རྒྱལ་པོ་ཧི་ཟི་ཀི་ཡཱ་ལ་འདི་ལྟར། ཁྱོད་ཀྱིས་བློ་བཅོལ་བའི་དཀོན་མཆོག་གིས་ཡེ་རུ་སཱ་ལེམ་ནི་ཨ་སུར་གྱི་རྒྱལ་པོའི་ལག་ཏུ་ཚུད་པར་མི་འགྱུར་ཞེས་ཁྱོད་རང་བསླུ་བར་མ་གྱུར་ཅིག  
\v 11 ལྟོས་དང་། ཨ་སུར་གྱི་རྒྱལ་པོ་རྣམས་ཀྱིས་ཡུལ་ཡོད་དོ་ཅོག་ལ་ཅི་བྱས་པ་དང་། ཐམས་ཅད་རྩ་ནས་བརླགས་པ་དེ་ཁྱོད་ཀྱིས་ཐོས་པས། ཁྱོད་རང་ཅི་ལྟར་ཐར་ནུས་སམ།  
\v 12 ངའི་ཡབ་མེས་ཀྱིས་ཚར་བཅད་པའི་གོ་ཟན་དང་། ཧཱ་རན་དང་། རེ་ཙེབ་དང་། ཐེ་ལཱ་སར་དུ་ཡོད་པའི་ཨེ་དེན་གྱི་བུ་རྒྱུད་དང་བཅས་པའི་མི་རིགས་སོ་སོའི་ལྷ་རྣམས་ཀྱིས་དེ་དག་བསྐྱབས་སམ།  
\v 13 ཧ་མཱད་ཀྱི་རྒྱལ་པོ་དང་ཨར་ཕད་ཀྱི་རྒྱལ་པོ། སེ་ཕར་ཝ་ཨིམ་གྲོང་ཁྱེར་དང་ཧེ་ནཱ། ཨི་ཝཱ་བཅས་ཀྱི་རྒྱལ་པོ་རྣམས་གང་དུ་ཡོད་དམ་ཞེས་སྨྲོས་ཤིག་ཅེས་སྨྲས་སོ། །  
\v 14 དེ་ཡང་ཧི་ཟི་ཀི་ཡཱས་བང་ཆེན་རྣམས་ཀྱི་ལག་ནས་འབྱོར་བའི་འཕྲིན་ཡིག་དེ་བཀླགས་རྗེས། ཡར་དཀོན་མཆོག་ཡ་ཝཱེའི་མཆོད་ཁང་དུ་སོང་ནས་དཀོན་མཆོག་ཡ་ཝཱེའི་སྤྱན་སྔར་འཕྲིན་ཡིག་ཁ་ཕྱེས་ནས་བཞག་གོ །   
\s1 ཧི་ཟི་ཀི་ཡཱས་སྨོན་ལམ་བཏབ་པ།  
\p
\v 15 དེ་ཡང་ཧི་ཟི་ཀི་ཡཱས་དཀོན་མཆོག་ཡ་ཝཱེའི་དྲུང་དུ་གསོལ་བ་བཏབ་ཅིང་འདི་སྐད་དུ། ཀྱེ་དཀོན་མཆོག་ཡ་ཝཱེ་ལགས། ཡེས་ར་ཨེལ་གྱི་དཀོན་མཆོག ཀེ་རུབ་རྣམས་ཀྱི་གོང་དུ་བཞུགས་པ་ལགས། ཁྱེད་གཅིག་པུ་ས་གཞིའི་རྒྱལ་ཁམས་ཐམས་ཅད་ཀྱི་དཀོན་མཆོག་ལགས་ཤིང་། ཁྱེད་ཀྱིས་གནམ་ས་གཉིས་བཀོད་པ་ཡིན།  
\v 16 ཀྱེ་དཀོན་མཆོག་ཡ་ཝཱེ་ལགས། ཁྱེད་ཀྱིས་སྙན་དབང་གཏད་ནས་གསན་དུ་གསོལ། ཀྱེ་དཀོན་མཆོག་ཡ་ཝཱེ་ལགས། ཁྱེད་ཀྱིས་སྤྱན་ཟུང་ཕྱེས་ནས་གཟིགས་པར་མཛོད། སེན་ན་ཧེ་རིབ་ཀྱིས་གཏན་དུ་གསོན་པོར་བཞུགས་པའི་དཀོན་མཆོག་ལ་སྐུར་བ་བཏབ་པའི་དོན་དུ་འཕྲིན་བསྐུར་བའི་གཏམ་རྣམས་ལ་གསན་དུ་གསོལ།  
\v 17 ཀྱེ་དཀོན་མཆོག་ཡ་ཝཱེ་ལགས། ཨ་སུར་གྱི་རྒྱལ་པོ་རྣམས་ཀྱིས་མི་རིགས་དེ་རྣམས་དང་། དེ་དག་གི་ས་ཆ་ཀུན་རྡུལ་དུ་བརླགས་པ་ནི་བདེན་ཏེ།  
\v 18 དེ་དག་གི་ལྷ་རྣམས་མེ་ལ་གཡུགས། ཅི་ལ་ཞེ་ན། དེ་དག་ནི་དཀོན་མཆོག་མ་ཡིན་པར་མིའི་ལག་བཟོས་ཀྱི་ཤིང་སྐུ་དང་རྡོ་སྐུ་ཡིན་པས། ཁོ་ཚོས་དེ་དག་མེད་པར་བཏང་བ་རེད།  
\v 19 ཀྱེ་བདག་ཅག་གི་དཀོན་མཆོག་ཡ་ཝཱེ་ལགས། ས་གཞིའི་རྒྱལ་ཁམས་ཐམས་ཅད་ཀྱིས་ཡ་ཝཱེ་ཁྱེད་གཅིག་པུ་ནི་དཀོན་མཆོག་ཡིན་པ་རྟོགས་པའི་ཆེད་དུ། ད་ལྟ་བདག་ཅག་ཁོའི་ལག་ནས་སྐྱོབ་པར་མཛོད་ཅེས་གསོལ་ཏོ། །   
\s1 ལུང་སྟོན་པ་ཡེ་ཤ་ཡཱ་ཡིས་སེན་ན་ཧེ་རིབ་མེད་པར་འགྲོ་བའི་ལུང་བསྟན་པ།  
\p
\v 20 དེ་ནས་ཨ་མོ་ཟིའི་བུ་ཡེ་ཤ་ཡཱས་ཧི་ཟི་ཀི་ཡཱ་ལ་འཕྲིན་བསྐུར་ཏེ་ན་རེ། ཡེས་ར་ཨེལ་གྱི་དཀོན་མཆོག་ཡ་ཝཱེས་འདི་སྐད་གསུངས། ཁྱོད་ཀྱིས་ང་ལ་ཨ་སུར་གྱི་རྒྱལ་པོ་སེན་ན་ཧེ་རིབ་སྐོར་གྱི་གསོལ་བ་བཏབ་པ་དེ་ངས་གསན་བྱུང་ཞེས་པའོ། །  
\v 21 དཀོན་མཆོག་ཡ་ཝཱེས་དེ་ལ་རྒོལ་ལན་གསུངས་པ་འདི་ལྟར།  
\q1 ཛ་ཡན་\f + \ft ཛ་ཡན་ནི་ཡེ་རུ་སཱ་ལེམ་གྱི་མིང་གཞན་ཡིན།\f*བུ་མོ་ན་ཆུང་མས་ཁྱོད་ལ་བརྙས་ཤིང་ཁྲེལ་རྒོད་བྱས།  
\q1 ཡེ་རུ་སཱ་ལེམ་གྱི་བུ་མོས་ཁྱོད་ཀྱི་རྒྱབ་ནས་མགོ་བོ་གཡུག་གོ །   
\q1
\v 22 ཁྱོད་ཀྱིས་སུ་ལ་དམའ་འབེབས་བྱས་ཤིང་སྐུར་བ་བཏབ་པ་ཡིན་ནམ།  
\q1 ཁྱོད་ཀྱིས་ཀི་སྒྲ་བསྒྲགས་ནས་སུ་ལ་རྒོལ་བ་ཡིན་ནམ།  
\q1 མིག་ཟུང་མཐོན་པོར་བཏེགས་ནས་སུ་ལ་ང་རྒྱལ་བསྐྱེད་དམ། ཡེས་ར་ཨེལ་གྱི་དམ་པ་ཉིད་ལ་རྒོལ་བ་ཡིན་ནོ། །   
\q1
\v 23 ཁྱོད་ཀྱིས་རང་གི་བང་ཆེན་བརྒྱུད་ནས་གཙོ་བོར་འཕྱ་སྨོད་བྱེད་བཞིན་ན་རེ།  
\q1 ང་ནི་རང་གི་ཤིང་རྟའི་དཔུང་ཚོགས་དང་མཉམ་དུ།  
\q1 རི་བོ་མཐོན་པོ་དག་གི་རྩེ་ལ་འགོས་ཤིང་།  
\q1 རྒྱང་ཐག་རིང་བའི་ལེ་པཱ་ནོན་གྱི་བར་དུ་སླེབས་པ་དང་།  
\q1 དེ་རུ་ཡོད་པའི་ཐང་ཤིང་རིང་པོ་དང་། གསོམ་ཤིང་ལེགས་པོ་རྣམས་བཅད་པ་ཡིན།  
\q1 ནགས་ཚལ་སྟུག་པོ་བརྒྱུད་ནས་རྒྱང་ཐག་རིང་བའི་ཞག་མལ་གཏོང་ས་དེར་ཞུགས་པའོ། །   
\q1
\v 24 ངས་དོང་ཆུ་བྲུས་ཏེ་ཡུལ་གཞན་པའི་བཏུང་ཆུ་འཐུང་ཞིང་།  
\q1 རང་གི་རྐང་མཐིལ་གྱིས་ཨེ་ཅིབ་ཀྱི་ཆུ་ཀླུང་ཐམས་ཅད་སྐེམ་དུ་བཅུག་ཅེས་སྨྲས་སོ། །   
\q1
\v 25 དཀོན་མཆོག་ཡ་ཝཱེས་འདི་སྐད་དུ། བདག་གིས་གནའ་ནས་བཀོད་སྒྲིག་བྱས་ཤིང་། སྔོན་ནས་འཆར་བཀོད་བཟོས་ཡོད་པ་ཁྱོད་ཀྱིས་མ་ཐོས་སམ།  
\q1 ད་ནི་བདག་གིས་ཁྱོད་ཀྱི་ལྕགས་རིས་བསྐོར་བའི་གྲོང་ཁྱེར་རྣམས་བཤིགས་ནས་ས་རོར་བསྒྱུར་བ་དེ་བདག་གིས་བསྒྲུབས་པ་ཡིན།  
\v 26 ཡུལ་དེར་གནས་པའི་མི་རྣམས་སྟོབས་ཤུགས་ཟད་དེ།  
\q1 དཔའ་ཞུམ་པ་དང་ཁ་སྐྱེངས་པར་གྱུར་ཏོ། །  
\q1 དེ་དག་ནི་རི་ཐང་གི་རྩྭ་སྔོན་དང་སྔོ་ཚོད་སྙི་མོ་དང་།  
\q1 ཁང་ཐོག་གི་རྩྭ་བཞིན་དུ་ད་དུང་མ་སྐྱེས་སྔོན་ལ་རྙིད་པ་ལྟ་བུ་ཡིན་ནོ། །   
\q1
\v 27 ཁྱོད་རང་མར་སྡོད་པ་དང་། ཁྱོད་རང་ཕྱི་ནང་དུ་འགྲོ་འོང་བྱེད་པ།  
\q1 ཁྱོད་རང་ང་ལ་རབ་ཏུ་ཁྲོས་པ་བཅས་ཐམས་ཅད་བདག་གིས་རྟོགས་ཡོད་དོ། །   
\q1
\v 28 དེར་བརྟེན། ཁྱོད་རང་ང་ལ་རབ་ཏུ་ཁྲོས་ཤིང་།  
\q1 ཁྱོད་ཀྱི་ཁེངས་དྲེགས་ཀྱི་གཏམ་དེ་ངའི་རྣ་ལམ་དུ་ཆུད་བྱུང་བས།  
\q1 ངས་རང་གི་ལྕགས་ཀྱུ་ཁྱོད་ཀྱི་སྣ་རུ་བསྐོན་པ་དང་།  
\q1 རང་གི་སྲབ་ཁྱོད་ཀྱི་མཆུ་ཏོར་བསྐོན་ནས། ཁྱོད་འོངས་པའི་ལམ་དེ་ནས་ཕྱིར་ལྡོག་པར་བྱའོ། །   
\p
\v 29 དེ་ཡང་རྟགས་འདི་ནི་ཁྱོད་ཀྱི་ཕྱིར་དུ་ཡིན་ཏེ། ལོ་འདིར་ཁྱོད་ཀྱིས་རང་བཞིན་དུ་སྐྱེས་པ་དེ་བཟའ་བར་འགྱུར། ལོ་གཉིས་པར་ཅི་སྨིན་པ་དེ་བཟའ་བར་འགྱུར། ཡང་ལོ་གསུམ་པར་ཁྱོད་ཅག་གིས་ཞིང་རྨོ་ཞིང་བརྔ་བ་སྟེ། རྒུན་ཚལ་བཙུགས་པ་དེའི་འབྲས་བུ་བཟའ་བར་འགྱུར་རོ། །  
\v 30 ཡ་ཧུ་དཱའི་ཁྱིམ་རྒྱུད་ལས་སྐྱབས་རྙེད་པའི་ལྷག་མ་དེ་ནི། སླར་ཡང་མར་རྩ་བ་ཟུག་ཅིང་སྟེང་དུ་འབྲས་བུ་འབྱུང་བར་འགྱུར་ངེས།  
\v 31 ཅིའི་ཕྱིར་ཞེ་ན། ལྷག་མ་རྣམས་ཡེ་རུ་སཱ་ལེམ་ནས་ཕྱི་རུ་ཐོན་ཞིང་། སྲོག་ཐར་བ་རྣམས་རི་བོ་ཛ་ཡན་ནས་ཕྱི་ལ་སླེབ་པར་འགྱུར། དཀོན་མཆོག་ཡ་ཝཱེའི་ཐུགས་འཁྲེན་གྱིས་དེ་ལྟར་མཛད་པར་བྱའོ་ཞེས་གསུངས་སོ། །   
\p
\v 32 དེའི་ཕྱིར་དཀོན་མཆོག་ཡ་ཝཱེས་ཨ་སུར་རྒྱལ་པོའི་སྐོར་ལ་འདི་སྐད་དུ། ཁོ་རང་གྲོང་ཁྱེར་འདིར་འོང་བར་མི་འགྱུར་ཞིང་། དེ་གར་མདའ་ཡང་འཕེན་པར་མི་འགྱུར། ཕུབ་ཐོགས་ནས་དེའི་ཕྱོགས་སུ་འོང་བར་མི་འགྱུར་ལ། དེའི་མཐའ་ལ་འཐབ་ར་ཡང་བརྩིག་པར་མི་འགྱུར།  
\v 33 ཁོ་སྔར་འོངས་པའི་ལམ་དེ་ནས་ཕྱིར་ལོག་འགྲོ་བ་དང་། གྲོང་ཁྱེར་དེའི་ནང་དུ་འོང་བར་མི་འགྱུར་བ་ནི་དཀོན་མཆོག་ཡ་ཝཱེས་གསུངས་སོ། །  
\v 34 ང་དང་ངའི་ཞབས་ཕྱི་དཱ་བིད་ཀྱི་དོན་དུ། ངས་གྲོང་ཁྱེར་འདི་སྐྱོབ་པའི་ཕྱིར་སྲུང་བར་བྱ་ཞེས་པའོ་ཞེས་སྨྲས་སོ། །   
\p
\v 35 དེ་ཡང་མཚན་མོ་དེར་དཀོན་མཆོག་ཡ་ཝཱེའི་ཕོ་ཉ་ཐོན་ཏེ། ཨ་སུར་པའི་དམག་སྒར་ལས་མི་ཆིག་འབུམ་བརྒྱད་ཁྲི་ལྔ་སྟོང་བསད་པ་དང་། མི་རྣམས་ཐོ་རངས་མལ་ལས་ལངས་དུས། ཀྱེ་ཧོ། བམ་རོས་གང་སར་ཁྱབ་པའོ། །  
\v 36 དེ་ནས་ཨ་སུར་གྱི་རྒྱལ་པོ་སེན་ན་ཧེ་རིབ་ནི་ཕྱིར་ཐོན་ཏེ་འགྲུལ་བཞུད་བྱས་ཤིང་ཡུལ་དུ་ཆིབས་ཁ་བསྒྱུར་པ་དང་ནིན་ཝེ་ནས་བསྡད་དོ། །  
\v 37 ཡང་ཉིན་ཞིག་ཁོས་རང་གི་ལྷ་ནིས་རོག་གི་ལྷ་ཁང་དུ་ཕྱག་འཚལ་བའི་ཚེ། དེའི་བུ་ཨད་རམ་མེ་ལེག་དང་སཱར་ཨེ་ཚེར་གཉིས་ཀྱིས་ཁོ་རལ་གྲིས་བསད་ནས་ཨ་ར་རད་ཡུལ་དུ་བྲོས་པ་དང་། དེ་ནས་ཁོའི་བུ་ཨེ་སར་ཧད་ཏོན་དེའི་རྒྱུན་མཐུད་ནས་རྒྱལ་པོར་གྱུར་ཏོ། །   
\c 20
\cl ལེའུ་ཉི་ཤུ་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 ཧི་ཟི་ཀི་ཡཱ་སྙུང་བར་གྱུར་པ།  
\p
\v 1 དུས་དེར་ཧི་ཟི་ཀི་ཡཱ་ལ་ནད་ལྗིད་མོ་ཞིག་ཕོག་སྟེ་འཆི་ལ་ཉེ་བ་དང་། ཨ་མོ་ཟིའི་བུ་ལུང་སྟོན་པ་ཡེ་ཤ་ཡཱ་ཁོའི་དྲུང་དུ་འོངས་ཏེ་ན་རེ། དཀོན་མཆོག་ཡ་ཝཱེས་འདི་སྐད་དུ། ཁྱོད་གསོན་མི་ཐུབ་པར་འཆི་བར་འགྱུར་བས། ཁྱོད་ཀྱིས་རང་གི་ཁྱིམ་ལ་བཀོད་སྒྲིག་ལེགས་པོ་གྱིས་ཤིག་གསུངས་ཞེས་སྨྲས་པ་ན།  
\v 2 ཧི་ཟི་ཀི་ཡཱས་རང་གི་ངོ་གདོང་རྩིག་པའི་ཕྱོགས་སུ་འཁོར་ཏེ། དཀོན་མཆོག་ཡ་ཝཱེ་ལ་སྨོན་ལམ་བཏབ་ནས་ན་རེ།  
\v 3 ཀྱེ་དཀོན་མཆོག་ཡ་ཝཱེ་ལགས། ང་རང་ཁྱེད་ཀྱི་སྤྱན་སྔར་བློ་དཀར་བ་དང་བསམ་པ་ལྷད་མེད་ཀྱིས་འགྲུལ་ཞིང་། ཁྱེད་ཀྱི་སྤྱན་སྔར་ལེགས་པོ་གང་ཡིན་དེ་བསྒྲུབས་པ་ཁྱེད་ཀྱིས་ཐུགས་སུ་དྲན་པར་མཛོད་ཅེས་ཞུས་ཏེ་དྲག་ཏུ་ངུས་སོ། །  
\v 4 ཡེ་ཤ་ཡཱ་ཚོམས་དཀྱིལ་ནས་ཁ་མ་བྲལ་གོང་དུ། ཁོ་ལ་དཀོན་མཆོག་ཡ་ཝཱེའི་བཀའ་བྱུང་ནས་འདི་སྐད་དུ།  
\v 5 ཁྱོད་ཕྱིར་སོང་ནས་བདག་གི་འབངས་མིའི་འགོ་དཔོན་ཧི་ཟི་ཀི་ཡཱ་ལ། ཁྱོད་ཀྱི་ཡབ་མེས་དཱ་བིད་ཀྱི་དཀོན་མཆོག་ཡ་ཝཱེས་འདི་སྐད་དུ། བདག་གིས་ཁྱོད་ཀྱི་གསོལ་འདེབས་ཐོས་པ་ཡིན། ཁྱོད་ཀྱི་མཆི་མའང་མཐོང་བ་ཡིན། ལྟོས་དང་། བདག་གིས་ཁྱོད་ཀྱི་ནད་གསོ་བར་བྱེད་ཅིང་། ཉིན་གསུམ་པར་ཁྱོད་རང་དཀོན་མཆོག་ཡ་ཝཱེའི་མཆོད་ཁང་དུ་འགྲོ་བར་འགྱུར།  
\v 6 བདག་གིས་ཁྱོད་ཀྱི་ཚེ་ཚད་ལ་ལོ་བཅོ་ལྔ་སྣོན་པར་བྱའོ། །ཡང་བདག་གིས་ཁྱོད་དང་གྲོང་ཁྱེར་འདི་ཨ་སུར་གྱི་རྒྱལ་པོའི་ལག་ནས་སྐྱོབ་ཅིང་། བདག་དང་བདག་གི་ཞབས་ཕྱི་དཱ་བིད་ཀྱི་དོན་དུ་གྲོང་ཁྱེར་འདི་བསྲུང་བར་བྱ་གསུངས་ཞེས་སྨྲོས་ཤིག་གསུངས་སོ། །  
\v 7 དེ་ཡང་ཡེ་ཤ་ཡཱ་ཡིས་སེ་ཡབ་ལེབ་མོ་ཞིག་ཁྱེར་ཤོག་ཅེས་བསྒོས་པར། དེ་དག་གིས་བླངས་ནས་ཤ་འབུར་གྱི་ཁར་བསླན་པས་ཁོ་གསོན་པར་གྱུར་ཏོ། །   
\p
\v 8 དེར་ཧི་ཟི་ཀི་ཡཱས་ཡེ་ཤ་ཡཱ་ལ་འདི་ལྟར། དཀོན་མཆོག་ཡ་ཝཱེས་ངའི་ནད་གསོ་བར་འགྱུར་བ་དང་། ཉིན་གསུམ་པར་ང་རང་ཡར་དཀོན་མཆོག་ཡ་ཝཱེའི་མཆོད་ཁང་དུ་འགྲོ་བར་རྟགས་མཚན་ཅི་ཡོད་དམ་ཞེས་ཞུས་པ་ལ།  
\v 9 ཡེ་ཤ་ཡཱ་ཡིས་འདི་སྐད་དུ། དཀོན་མཆོག་ཡ་ཝཱེས་ཅི་གསུངས་པ་དེ་མཛད་པར་ཁོང་གིས་རྟགས་འདི་གནང་བ་སྟེ། གྲིབ་མ་གོམ་པ་བཅུ་མདུན་དུ་འགྲོ་བའམ། ཡང་ན་གོམ་པ་བཅུ་རྒྱབ་ཏུ་ལོག་པ་ལས་གང་འདོད་དམ་ཞེས་གསུངས་ཤིང་།  
\v 10 ཧི་ཟི་ཀི་ཡཱས་ལན་དུ། གྲིབ་མ་གོམ་པ་བཅུ་མདུན་དུ་འགྲོ་བ་ནི་སླ་བས་དེ་མི་འདོད། གྲིབ་མ་གོམ་པ་བཅུ་རྒྱབ་ཏུ་ལོག་དགོས་ཞེས་སྨྲས་པས།  
\v 11 ལུང་སྟོན་པ་ཡེ་ཤ་ཡཱས་དཀོན་མཆོག་ཡ་ཝཱེ་ལ་གསོལ་བ་བཏབ་པ་དང་། ཁོང་གིས་ཨ་ཧ་ཟཱ་ཡི་དུས་ཚོད་འཇལ་ཆས་སྟེང་གི་གྲིབ་མ་དེ་ནི་གོམ་པ་བཅུ་རྒྱབ་ཏུ་ཟློག་པར་མཛད་དོ། །   
\s1 ཧི་ཟི་ཀི་ཡཱ་དང་པཱ་པེལ་ལོན་གྱི་སྐུ་ཚབ་པ།  
\p
\v 12 དེའི་དུས་སུ། པཱ་པེལ་ལོན་གྱི་རྒྱལ་པོ་པལ་ཨ་དན་གྱི་བུ་སྟེ། མེ་རོ་དག་པལ་ཨ་དན་གྱིས་ཧི་ཟི་ཀི་ཡཱ་ལ་སྙུང་གཞི་བྱུང་བ་ཐོས་ནས། ཁོས་འཕྲིན་ཡིག་དང་ཕྱག་རྟེན་བསྐུར་ཏོ། །  
\v 13 ཧི་ཟི་ཀི་ཡཱས་བང་ཆེན་གྱི་གཏམ་ལ་མཉན་པ་དང་། རང་གི་གཏེར་མཛོད་ཀྱི་གསེར་དངུལ་དང་། སྤོས་དང་སྤོས་ཆུ་རིན་ཐང་ཅན། མཚོན་ཆའི་མཛོད་དང་། གཏེར་མཛོད་ནང་དུ་ཅི་ཡོད་པ་ཐམས་ཅད་དེ་དག་ལ་བསྟན་ཏོ། །ཧི་ཟི་ཀི་ཡཱས་ཁོའི་ཕོ་བྲང་དང་ཁོའི་རྒྱལ་ཁམས་ཡོངས་སུ་ནོར་རྫས་གང་ཡོད་ཐམས་ཅད་ལས་དེ་དག་ལ་མ་བསྟན་པ་གང་ཡང་མེད་དོ། །  
\v 14 དེ་ནས་ལུང་སྟོན་པ་ཡེ་ཤ་ཡཱ་རྒྱལ་པོ་ཧི་ཟི་ཀི་ཡཱའི་དྲུང་དུ་འོངས་ནས་ཁོ་ལ། མི་འདི་དག་གིས་ཅི་ཟེར། ཁྱེད་ཀྱི་དྲུང་དུ་ཡུལ་གང་ནས་འོངས་ཞེས་དྲིས་པར། ཧི་ཟི་ཀི་ཡཱས། དེ་དག་ནི་རྒྱང་ཐག་རིང་བའི་པཱ་པེལ་ལོན་ཡུལ་ནས་འོངས་པ་རེད་ཅེས་སྨྲས་པ་དང་།  
\v 15 ཡེ་ཤ་ཡཱ་ཡིས་དེ་དག་གིས་ཁྱོད་ཀྱི་ཕོ་བྲང་ནས་ཅི་མཐོང་བ་ཡིན་ནམ་ཞེས་དྲིས་པའི་ལན་དུ། ཧི་ཟི་ཀི་ཡཱས་དེ་དག་གིས་ངའི་ཕོ་བྲང་དུ་ཅི་ཡོད་པ་ཐམས་ཅད་མཐོང་བ་ཡིན་ཏེ། དེ་དག་ལ་མ་བསྟན་པའི་ནོར་རྫས་གང་ཡང་ངའི་གཏེར་མཛོད་ནང་ལུས་མེད་ཅེས་སྨྲས་སོ། །   
\p
\v 16 དེར་ཡེ་ཤ་ཡཱས་ཧི་ཟི་ཀི་ཡཱ་ལ། དཀོན་མཆོག་ཡ་ཝཱེའི་བཀའ་ལ་ཉོན་ཅིག  
\v 17 ལྟོས་དང་། ཁྱོད་ཀྱི་ཕོ་བྲང་དུ་ཡོད་པ་ཐམས་ཅད་དང་། ཁྱོད་ཀྱི་ཕ་མེས་རྣམས་ཀྱིས་དེ་རིང་གི་བར་དུ་བསགས་པ་ཐམས་ཅད་ཅི་ཡང་མ་ལུས་པར་པཱ་པེལ་ལོན་དུ་འཁྱེར་བའི་དུས་ཤིག་སླེབས་འོང་ཞེས་དཀོན་མཆོག་ཡ་ཝཱེས་གསུངས།  
\v 18 ཡང་ཁྱོད་ལས་མཆེད་ཅིང་ཁྱོད་ལས་སྐྱེས་པའི་བུ་རྒྱུད་རྣམས་ལས་ཁ་ཅིག་བཙོན་དུ་ཁྲིད་ནས་པཱ་པེལ་ལོན་རྒྱལ་པོའི་ཕོ་བྲང་དུ་ཉུག་རུམ་པར་འགྱུར་རོ་ཞེས་སྨྲས་པ་ན།  
\v 19 ཧི་ཟི་ཀི་ཡཱས་ཡེ་ཤ་ཡཱ་ལ། ཁྱོད་ཀྱིས་གསུངས་པའི་དཀོན་མཆོག་ཡ་ཝཱེའི་གསུང་ནི་ལེགས་སོ་ཞེས་སྨྲས་པ་དང་། ཁོའི་སེམས་སུ་ངའི་ཉིན་མོ་རྣམས་ཞི་བདེ་དང་བརྟན་འཇགས་ཡོད་པ་མིན་ནམ་སྙམ་མོ། །   
\p
\v 20 ཡང་ཧི་ཟི་ཀི་ཡཱའི་དོན་གཞན་རྣམས་དང་ཁོའི་དཔའ་བོའི་མཛད་རྗེས་དང་། ཁོས་ཇི་ལྟར་ཆུ་རྫིང་དང་སྦུག་ལམ་བཟོས་ནས་གྲོང་ཁྱེར་དུ་ཆུ་དྲངས་པ་རྣམས་ནི་ཡ་ཧུ་དཱའི་རྒྱལ་པོ་རྣམས་ཀྱི་ལོ་རབས་ནང་དུ་བཀོད་ཡོད་པ་མ་ཡིན་ནམ།  
\v 21 ཧི་ཟི་ཀི་ཡཱ་རང་གི་ཡབ་མེས་དང་ལྷན་ཅིག་ཏུ་གཟིམས་པ་དང་། ཁོའི་སྲས་མཱ་ན་ཤེ་དེའི་རྒྱུན་མཐུད་ནས་རྒྱལ་པོར་གྱུར་ཏོ། །   
\c 21
\cl ལེའུ་ཉེར་གཅིག་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 ཡ་ཧུ་དཱའི་རྒྱལ་པོ་མཱ་ན་ཤེ།  
\p
\v 1 དེ་ཡང་མཱ་ན་ཤེ་ཡིས་རྒྱལ་སྲིད་བཟུང་དུས་ཁོ་ལོ་བཅུ་གཉིས་ལ་སོན་ཡོད་དེ། ཁོས་ལོ་ལྔ་བཅུ་ང་ལྔའི་རིང་ལ་ཡེ་རུ་སཱ་ལེམ་དུ་རྒྱལ་སྲིད་བསྐྱངས་པ་དང་། ཁོའི་ཡུམ་གྱི་མིང་ལ་ཧབ་ཚི་བཱ་ཞེས་ཟེར་རོ། །  
\v 2 ཁོས་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་ཅིང་། དཀོན་མཆོག་ཡ་ཝཱེས་ཡེས་ར་ཨེལ་གྱི་མདུན་ནས་སྐྲོད་པར་མཛད་པའི་མི་རིགས་རྣམས་ཀྱིས་སྤྱད་པའི་སྐྱུག་བྲོ་བའི་དོན་རྣམས་སྤྱད་ཅིང་།  
\v 3 རང་གི་ཡབ་ཧི་ཟི་ཀི་ཡཱས་བཤིགས་པའི་མཐོ་གླིང་རྣམས་ཡང་བསྐྱར་བརྩིགས་ཏེ། ཡེས་ར་ཨེལ་གྱི་རྒྱལ་པོ་ཨ་ཧབ་ཀྱིས་བགྱིས་པ་ལྟར་དུ་པཱ་ཨལ་གྱི་ཕྱིར་མཆོད་ཁྲི་བཞེངས་པ་དང་། ཨ་ཤེ་རཱ་ཡང་བཟོས་ཤིང་ནམ་མཁའི་སྐར་ཚོགས་ཐམས་ཅད་ལ་ཕྱག་བཙལ་ནས་ཞབས་ཕྱི་བསྒྲུབས།  
\v 4 ཁོས་དཀོན་མཆོག་ཡ་ཝཱེའི་མཆོད་ཁང་ནང་དུ་མཆོད་ཁྲི་རྣམས་བཞེངས་པ་སྟེ། དཀོན་མཆོག་ཡ་ཝཱེས་སྔར་མཆོད་ཁང་དེ་བསྟན་ནས་འདི་སྐད་དུ། བདག་གིས་ཡེ་རུ་སཱ་ལེམ་དུ་རང་གི་མཚན་གནས་པར་བྱ་ཞེས་གསུངས་པའོ། །  
\v 5 ཡང་ཁོས་དཀོན་མཆོག་ཡ་ཝཱེའི་མཆོད་ཁང་གི་ཁྱམས་ར་གཉིས་ཀྱི་ནང་དུ་ནམ་མཁའི་སྐར་ཚོགས་ཀུན་གྱི་ཆེད་དུ་མཆོད་ཁྲི་རྣམས་བཞེངས།  
\v 6 ཁོས་རང་གི་བུ་མེ་མཆོད་དུ་ཕུལ་བ་དང་། རྩིས་པ་དང་མོ་པ་ལས་རྟགས་མཚན་ཞུས་ཤིང་། ལྷ་པ་དང་གཤིན་འདྲེ་འགུག་མཁན་རྣམས་བསྟེན་ནས་དཀོན་མཆོག་ཡ་ཝཱེའི་སྤྱན་སྔར་ངན་པའི་དོན་རྣམས་སྤྱད་དེ་ཁོང་ཐུགས་ཁྲོ་བར་བྱས།  
\v 7 ཡང་ཁོ་རང་གིས་བཟོས་པའི་ཨ་ཤེ་རཱ་ཡི་ལྷ་སྐུ་དེ་མཆོད་ཁང་དུ་བཞག དཀོན་མཆོག་ཡ་ཝཱེས་སྔར་དཱ་བིད་དང་ཁོའི་བུ་སོ་ལོ་མོན་གཉིས་ལ། བདག་གིས་མཆོད་ཁང་འདི་དང་ཡེས་ར་ཨེལ་གྱི་སྡེ་ཐམས་ཅད་ལས་བདམས་པའི་ཡེ་རུ་སཱ་ལེམ་དུ་རང་གི་མཚན་ནི་དུས་རྟག་ཏུ་འཇོག་པར་བྱའོ། །  
\v 8 ཡེས་ར་ཨེལ་པ་རྣམས་ཀྱིས་བདག་གིས་བསྩལ་པའི་བཀའ་ཐམས་ཅད་དེ། བདག་གི་ཞབས་ཕྱི་མོ་ཤེ་ཡིས་ཁོ་ཚོར་བསྟན་པའི་བཀའ་ཁྲིམས་ཐམས་ཅད་བསྲུངས་ན། བདག་གིས་ཁོ་རྣམས་ཀྱི་རྐང་པ་ནི་ངས་ཁོ་ཚོའི་ཕ་མེས་ལ་གནང་བའི་ཡུལ་ཁམས་ནས་འཁྱར་དུ་མི་འཇུག་ཅེས་གསུངས་མོད།  
\v 9 འོན་ཀྱང་དེ་དག་གིས་མ་མཉན་པ་དང་། མཱ་ན་ཤེ་ཡིས་དེ་དག་ལོག་ལམ་དུ་ཁྲིད་ནས་དོན་ངན་སྤྱད་པས། དཀོན་མཆོག་ཡ་ཝཱེས་ཡེས་ར་ཨེལ་གྱི་མདུན་ནས་མེད་པར་མཛད་པའི་མི་རྣམས་ལས་ཀྱང་ཐུའོ། །   
\s1 མཱ་ན་ཤེ་ཡི་སྐུ་བརྙན་ལ་དགག་པ།  
\p
\v 10 དེ་བས་ན། དཀོན་མཆོག་ཡ་ཝཱེས་ཁོང་ཉིད་ཀྱི་ཞབས་ཕྱི་ལུང་སྟོན་པའི་ངག་ནས་འདི་སྐད་དུ།  
\v 11 ཡ་ཧུ་དཱའི་རྒྱལ་པོ་མཱ་ན་ཤེ་ཡིས་སྐྱུག་བྲོ་བའི་དོན་འདི་རྣམས་བྱས་པ་ནི། ཁོའི་སྔོན་དུ་ཡོད་པའི་ཨེ་མོར་པ་རྣམས་ཀྱིས་སྤྱད་པའི་ངན་པ་ལས་ཀྱང་ཐུ་ལ། ཁོས་ལྷ་སྐུ་བསྟེན་པ་དང་མཉམ་དུ་ཡ་ཧུ་དཱ་ལ་ཡང་སྡིག་པ་བྱེད་དུ་བཅུག་པ་ཡིན།  
\v 12 དེའི་ཕྱིར་ཡེས་ར་ཨེལ་གྱི་དཀོན་མཆོག་ཡ་ཝཱེས་འདི་སྐད་དུ། ལྟོས་དང་། བདག་གིས་ཡེ་རུ་སཱ་ལེམ་དང་ཡ་ཧུ་དཱ་རུ་ཆག་སྒོ་འབྱུང་བར་བྱེད་ཅིང་། སུ་ཞིག་གི་རྣ་བས་ཐོས་ན་རྣ་བ་གཉིས་ལ་ཟུག་རྔུ་བསྐྱེད་དོ། །  
\v 13 བདག་གིས་ཡེ་རུ་སཱ་ལེམ་གྱི་ཐོག་ཏུ་སཱ་མར་ཡའི་ཐིག་སྐུད་དང་ཨ་ཧབ་ཀྱི་ཁང་པའི་དཔྱང་རྡོ་བཀོལ་ནས་མེད་པར་བྱ་སྟེ། མི་ཞིག་གིས་སྡེར་མ་ཞིག་ཕྱིས་ནས་མར་སྐོར་བ་ལྟར། བདག་གིས་ཡེ་རུ་སཱ་ལེམ་ཡང་དབྱི་བར་བྱའོ། །  
\v 14 བདག་གིས་རང་ཉིད་ཀྱི་ནོར་སྐལ་ལས་ལྷག་ལུས་རྣམས་སྤངས་ནས་ཁོ་ཚོའི་དགྲ་བོའི་ལག་ཏུ་གཏོད་པ་དང་། ཁོ་རྣམས་རང་གི་དགྲ་བོའི་བཅོམ་ནོར་དང་དམག་ཐོབ་དངོས་རྫས་སུ་འགྱུར་ངེས།  
\v 15 ཅིའི་ཕྱིར་ཞེ་ན། དེ་དག་གི་མེས་པོ་རྣམས་ཨེ་ཅིབ་ཡུལ་ནས་ཐོན་པའི་ཉིན་མོ་ནས་དེ་རིང་གི་བར་དུ། དེ་དག་གིས་བདག་གི་མིག་མདུན་ནས་ངན་པ་གང་ཡིན་དེ་སྤྱད་ཅིང་། བདག་ཁྲོ་བར་བྱས་པ་ཡིན་གསུངས་ཞེས་གསུངས་སོ། །   
\p
\v 16 དེ་ཡང་མཱ་ན་ཤེ་ཡིས་ཡ་ཧུ་དཱ་ལ་སྡིག་པ་བྱེད་དུ་བཅུག་ཅིང་། དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་སྤྱད་པའི་སྟེང་དུ། ཡེ་རུ་སཱ་ལེམ་གྱི་མགོ་ནས་མཇུག་བར་དུ་ཉེས་མེད་མང་པོའི་ཁྲག་བཞུར་དུ་བཅུག་གོ །   
\p
\v 17 མཱ་ན་ཤེའི་དོན་གཞན་རྣམས་དང་ཁོས་ཅི་བྱས་པ་ཐམས་ཅད་དང་། ཁོས་བྱས་པའི་སྡིག་པ་ཐམས་ཅད་ནི་ཡ་ཧུ་དཱའི་རྒྱལ་པོ་རྣམས་ཀྱི་ལོ་རབས་ནང་དུ་བཀོད་ཡོད་པ་མ་ཡིན་ནམ།  
\v 18 དེ་ནས་མཱ་ན་ཤེ་རང་གི་ཕ་མེས་ཀྱི་ཁྲོད་དུ་གཟིམས་པ་དང་། ཁོའི་ཕོ་བྲང་གི་སྐྱེད་མོས་ཚལ་ཨུ་ཟཱ་ཞེས་པར་དུར་ལ་སྦས་ཤིང་། ཁོའི་བུ་ཨ་མོན་བྱ་བ་དེའི་རྒྱུན་མཐུད་ནས་རྒྱལ་པོར་གྱུར་ཏོ། །   
\s1 ཡ་ཧུ་དཱའི་རྒྱལ་པོ་ཨ་མོན།  
\p
\v 19 དེ་ཡང་ཨ་མོན་གྱིས་རྒྱལ་སྲིད་བཟུང་བའི་དུས་སུ་ཁོ་ལོ་ཉེར་གཉིས་ཡིན་ཏེ། ཁོས་ཡེ་རུ་སཱ་ལེམ་དུ་ལོ་གཉིས་ཀྱི་རིང་ལ་རྒྱལ་སྲིད་བསྐྱངས། དེའི་ཡུམ་མེ་ཤུལ་ལེ་མིད་བྱ་བ་ནི་ཡོག་པཱ་རྡལ་གྱི་ཧ་རུ་ཟིའི་བུ་མོ་ཡིན་ནོ། །  
\v 20 ཁོས་ཀྱང་རང་གི་ཕ་མཱ་ན་ཤེ་ཡིས་བྱས་པ་བཞིན་དུ་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་སྤྱད་ཅིང་།  
\v 21 རང་གི་ཕ་འགྲུལ་བའི་ལམ་ཐམས་ཅད་ཀྱི་ནང་དུ་འགྲུལ་ཞིང་། ཁོའི་ཕ་ཡིས་བསྟེན་པའི་ལྷ་སྐུ་རྣམས་ལ་ཞབས་ཕྱི་བསྒྲུབས་ནས་ཕྱག་བཙལ་བ་དང་།  
\v 22 ཁོས་རང་གི་ཡབ་མེས་ཀྱི་དཀོན་མཆོག་ཡ་ཝཱེ་སྤངས་ནས་དཀོན་མཆོག་ཡ་ཝཱེའི་ལམ་དུ་མ་འགྲུལ་ཏོ། །  
\v 23 དེ་ནས་ཨ་མོན་གྱི་འཁོར་གཡོག་རྣམས་ཀྱིས་ཁོ་ལ་ལྐོག་ཇུས་བཤམས་ནས་རྒྱལ་པོ་ཁོ་རང་གི་ཕོ་བྲང་དུ་བསད།  
\v 24 འོན་ཀྱང་། ཡུལ་དེའི་མངའ་འབངས་ཀྱིས་རྒྱལ་པོ་ཨ་མོན་ལ་ལྐོག་ཇུས་ཤོམ་མཁན་ཐམས་ཅད་བསད་པ་དང་། ཁོང་གི་བུ་ཡོ་ཤི་ཡཱ་དེའི་རྒྱུན་མཐུད་ནས་རྒྱལ་པོར་བསྐོས་སོ། །  
\v 25 ཨ་མོན་གྱིས་བྱས་པའི་དོན་གཞན་རྣམས་ནི་ཡ་ཧུ་དཱའི་རྒྱལ་པོ་རྣམས་ཀྱི་ལོ་རབས་ནང་དུ་བཀོད་ཡོད་པ་མ་ཡིན་ནམ།  
\v 26 ཁོ་རང་ནི་ཨུ་ཟཱ་ཞེས་པའི་སྐྱེད་ཚལ་ནང་རང་གི་དུར་ཁུང་དུ་སྦས་པ་དང་། ཁོའི་བུ་ཡོ་ཤི་ཡཱ་དེའི་རྒྱུན་མཐུད་ནས་རྒྱལ་པོར་གྱུར་ཏོ། །   
\c 22
\cl ལེའུ་ཉེར་གཉིས་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 ཡ་ཧུ་དཱའི་རྒྱལ་པོ་ཡོ་ཤི་ཡཱ།  
\p
\v 1 དེ་ཡང་ཡོ་ཤི་ཡཱ་རྒྱལ་པོར་གྱུར་དུས་སུ་ལོ་བརྒྱད་ཙམ་ཡིན་ཏེ། ཁོས་ཡེ་རུ་སཱ་ལེམ་དུ་ལོ་སོ་གཅིག་གི་རིང་ལ་རྒྱལ་སྲིད་བསྐྱངས། དེའི་ཡུམ་གྱི་མིང་ལ་ཡེ་དི་དཱ་ཟེར་ཞིང་། དེ་ནི་པོ་ཚཱ་ཀད་ཡི་ཨ་ད་ཡཱའི་བུ་མོ་ཡིན།  
\v 2 ཁོས་དཀོན་མཆོག་ཡ་ཝཱེའི་སྤྱན་སྔར་ལེགས་པོ་གང་ཡིན་དེ་སྤྱད་པ་དང་། རང་གི་ཡབ་མེས་དཱ་བིད་ཀྱི་ལམ་ཐམས་ཅད་ནང་འགྲུལ་ཞིང་། གཡས་གཡོན་གང་དུའང་མ་གཟུར་ཏོ། །   
\s1 ཡོ་ཤི་ཡཱས་མཆོད་ཁང་བསྐྱར་གསོ་བྱས་པ།  
\p
\v 3 དེ་ནས་རྒྱལ་པོ་ཡོ་ཤི་ཡཱས་སྲིད་བསྐྱངས་པའི་ལོ་བཅོ་བརྒྱད་པར། རྒྱལ་པོས་མཱེ་ཤུལ་ལིམ་གྱི་ཚ་བོའམ། ཨ་ཙལ་ཡཱ་ཧོའི་བུ་ཤཱ་ཕན་བྱ་བའི་དྲུང་ཡིག་དེ་དཀོན་མཆོག་ཡ་ཝཱེའི་མཆོད་ཁང་དུ་བརྫངས་ནས་དེ་ལ།  
\v 4 མཆོད་དཔོན་ཆེན་པོ་ཧིལ་ཀི་ཡཱ་ཡི་དྲུང་དུ་ཡར་སོང་ནས་དེ་ལ། དཀོན་མཆོག་ཡ་ཝཱེའི་མཆོད་ཁང་དུ་ཕུལ་བའི་དངུལ་ཏེ་སྒོ་སྲུང་གིས་མི་རྣམས་ལས་བསྡུས་པ་བསྡོམས་རྩིས་རྒྱག་ཏུ་བཅུག་ལ།  
\v 5 དཀོན་མཆོག་ཡ་ཝཱེའི་མཆོད་ཁང་གི་ལས་དཔོན་གྱི་ལག་ཏུ་ཐོངས་ཤིག ཡང་དེ་དག་གིས་དཀོན་མཆོག་ཡ་ཝཱེའི་མཆོད་ཁང་གི་གས་ཆག་ཞིག་གསོ་བྱེད་པའི་ལས་བཟོ་རྣམས་ལ་སྟེར་བར་རིགས།  
\v 6 མཆོད་ཁང་གི་གས་ཆག་ཞིག་གསོ་བྱེད་དུ་ལག་ཤེས་པ་རྣམས་དང་། རྩིག་བཟོ་དང་། རྡོ་བཟོ་རྣམས་ཀྱི་ཕྱིར་དང་། གདུང་མ་དང་འཇམ་ཤ་བཏོད་པའི་རྡོ་རྣམས་ཉོ་བའི་ཕྱིར་རོ། །  
\v 7 དེ་དག་གི་ལག་ཏུ་གཏད་པའི་དངུལ་གྱི་རྩིས་གྲངས་ལེན་པར་མ་བྱེད་ཅིག གང་ལ་ཞེ་ན། དེ་དག་གིས་བློ་དྲང་པོས་ལས་ཀ་བྱེད་པ་ཡིན་ནོ་ཞེས་གསུངས་སོ། །   
\s1 ཧིལ་ཀི་ཡཱས་བཀའ་ཁྲིམས་ཀྱི་མདོ་རྙེད་པ།  
\p
\v 8 དེ་ནས་མཆོད་དཔོན་ཆེན་པོ་ཧིལ་ཀི་ཡཱས་དྲུང་ཡིག་ཤཱ་ཕན་ལ། བདག་གིས་དཀོན་མཆོག་ཡ་ཝཱེའི་མཆོད་ཁང་ལས་བཀའ་ཁྲིམས་ཀྱི་དཔེ་ཆ་འདི་རྙེད་བྱུང་ཞེས་སྨྲས་ཤིང་། ཧིལ་ཀི་ཡཱས་དཔེ་ཆ་དེ་ཤཱ་ཕན་ལ་སྤྲད་པ་དང་། ཤཱ་ཕན་གྱིས་དེ་བཀླགས་སོ། །  
\v 9 དེ་ནས་དྲུང་ཡིག་ཤཱ་ཕན་རྒྱལ་པོའི་དྲུང་དུ་ཡོང་ནས་ཁོ་ལ་གཏམ་རྣམས་ཕྱིར་སྨྲས་ཏེ། མཆོད་ཁང་དུ་ཡོད་པའི་དངུལ་རྣམས་ཁྱེད་ཀྱི་ཞབས་ཕྱི་ཚོས་བསྡུས་ནས་དཀོན་མཆོག་ཡ་ཝཱེའི་མཆོད་ཁང་གི་ལས་དཔོན་གྱི་ལག་ཏུ་གཏད་དོ་ཞེས་ཞུས་པ་དང་།  
\v 10 དྲུང་ཡིག་ཤཱ་ཕན་གྱིས་ཡང་རྒྱལ་པོ་ལ། མཆོད་དཔོན་ཧིལ་ཀི་ཡཱས་ང་ལ་ཤོག་དྲིལ་ཞིག་གནང་བྱུང་ཞུས་ནས། ཁོས་དེ་ནི་རྒྱལ་པོའི་དྲུང་དུ་བཀླགས་སོ། །   
\p
\v 11 དེ་ཡང་རྒྱལ་པོས་བཀའ་ཁྲིམས་ཀྱི་དཔེ་ཆ་ལས་གསུངས་པ་རྣམས་ཐོས་པ་ཙམ་གྱིས། རང་གི་གོས་གཤགས་པ་དང་།  
\v 12 རྒྱལ་པོས་མཆོད་དཔོན་ཧིལ་ཀི་ཡཱ་དང་ཤཱ་ཕན་གྱི་བུ་ཨ་ཧི་ཀམ། མི་ཀཱ་ཡའི་བུ་ཨག་པོར་དང་དྲུང་ཡིག་ཤཱ་ཕན། རྒྱལ་པོའི་ཞབས་ཕྱི་ཨ་སཱ་ཡ་བཅས་ལ་འདི་ལྟར།  
\v 13 ང་དང་མི་ཐམས་ཅད་དང་ཡ་ཧུ་དཱ་ཡོངས་ཀྱི་ཕྱིར་དུ། ཁྱོད་ཅག་སོང་ལ་རྙེད་པའི་དཔེ་ཆ་འདིའི་གསུང་རྣམས་ཀྱི་སྐོར་དཀོན་མཆོག་ཡ་ཝཱེ་ལས་ཐུགས་བརྟག་ཞུས་ཤིག ཅི་ལ་ཟེར་ན། བདག་ཅག་གི་ཕ་མེས་ཀྱིས་རྣ་བ་མ་བླགས་ཏེ། དཔེ་ཆ་འདིར་གསུངས་པ་བཞིན་དུ་མ་བྱས་པའི་རྐྱེན་གྱིས། དཀོན་མཆོག་ཡ་ཝཱེ་ཁོང་ཉིད་བདག་ཅག་གི་སྟེང་དུ་ཐུགས་རབ་ཏུ་ཁྲོས་པ་རེད་ཅེས་བསྒོས་སོ། །   
\p
\v 14 དེ་ནས་མཆོད་དཔོན་ཧིལ་ཀི་ཡཱ་དང་། ཨ་ཧི་ཀམ་དང་། ཨག་པོར་དང་ཤཱ་ཕན་དང་ཨ་སཱ་ཡ་བཅས་ནི། གོས་དཔོན་ཡིན་པའི་ཧར་ཧཱ་ཟིའི་བུ་ཐིག་ཝ་ཡི་བུ་ཤལ་ལུམ་གྱི་ཆུང་མ་ལུང་སྟོན་པ་ཧུལ་དཱ་ཞེས་པའི་དྲུང་དུ་སོང་ནས་དེ་ལ་གཏམ་བྱས། དེའི་དུས་སུ་ཁོ་མོ་ནི་ཡེ་རུ་སཱ་ལེམ་གྱི་གྲོང་ཁྱེར་ཁག་གཉིས་པའི་ནང་བསྡད་ཡོད་པ་ཡིན།  
\v 15 དེ་ནས་ཁོ་མོས་དེ་དག་ལ། ཡེས་ར་ཨེལ་གྱི་དཀོན་མཆོག་ཡ་ཝཱེས་འདི་སྐད་དུ། ཁྱོད་ཅག་ངའི་རྩར་མངགས་མཁན་དེ་ལ་འདི་ལྟར་སྦྲོན་ཅིག  
\v 16 དཀོན་མཆོག་ཡ་ཝཱེས་འདི་སྐད་དུ། ལྟོས་དང་། ཡ་ཧུ་དཱའི་རྒྱལ་པོས་དཔེ་ཆ་དེའི་ནང་བཀླགས་པའི་གསུང་ཐམས་ཅད་བཞིན་དུ། བདག་གིས་གནས་འདི་དང་གནས་འདི་རུ་སྡོད་པ་དག་གི་སྟེང་དུ་ཆག་སྒོ་གཏོང་བར་བྱ་སྟེ།  
\v 17 ཅིའི་ཕྱིར་ཞེ་ན། དེ་དག་གིས་བདག་སྤངས་ཏེ་ལྷ་གཞན་དག་ལ་བསང་བཏང་བ་དང་། དེ་དག་གི་ལག་པས་བྱས་ཚད་ཀུན་གྱིས་བདག་ཁྲོ་བར་བྱས་པས། བདག་གི་ཁོང་ཁྲོ་གནས་འདི་རུ་འབར་ཞིང་ཞི་བར་མི་འགྱུར།  
\v 18 དཀོན་མཆོག་ཡ་ཝཱེ་ནས་ཐུགས་བརྟག་ཞུ་བར་ཁྱོད་ཅག་མངགས་མཁན་ཡ་ཧུ་དཱའི་རྒྱལ་པོ་ལ་འདི་ལྟར་ཤོད་ཅིག ཁྱོད་ཀྱིས་ཐོས་པའི་བཀའ་ཡི་སྐོར་ལ། ཡེས་ར་ཨེལ་གྱི་དཀོན་མཆོག་ཡ་ཝཱེས་འདི་སྐད་དུ།  
\v 19 བདག་གིས་གནས་འདི་དང་། གནས་འདིར་སྡོད་པ་རྣམས་སྟོངས་ཤིང་དམོད་པ་འཕོག་མཁན་དུ་འགྱུར་བར་ངེས་སྨྲས་པ་དེ་ཁྱོད་ཀྱིས་ཐོས་ཚེ། ཁྱོད་ཀྱི་སེམས་སྙི་མོར་གྱུར་པ་དང་། དཀོན་མཆོག་ཡ་ཝཱེའི་སྤྱན་སྔར་སྙེམས་ཆུང་བྱས་ཤིང་བདག་གི་མདུན་དུ་རང་གི་གོས་གཤགས་ནས་ངུས་པ་ནི་ངས་ཐོས་པ་ཡིན་ཞེས་དཀོན་མཆོག་ཡ་ཝཱེས་བཀའ་ཁྱབ་གནང་ངོ་། །  
\v 20 དེའི་ཕྱིར། ལྟོས་དང་། བདག་གིས་ཁྱོད་ནི་རང་གི་ཕ་མེས་ཀྱི་ཁྲོད་དུ་བསྡུ་བར་བྱ་སྟེ། ཞི་བདེའི་ངང་རང་གི་དུར་ལ་འཇུག་པར་འགྱུར་གྱི། བདག་གིས་གནས་འདིར་འབེབ་པར་བྱ་བའི་ཆག་སྒོ་ཐམས་ཅད་ཁྱོད་ཀྱི་མིག་གིས་མཐོང་བར་མི་འགྱུར་ཞེས་གསུངས་ཞེས་པའི་བཀའ་དེ་ཁོ་ཚོས་རྒྱལ་པོར་བསྐྱལ་ཏོ། །   
\c 23
\cl ལེའུ་ཉེར་གསུམ་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 ཡོ་ཤི་ཡཱས་བཏང་བའི་བཅོས་སྒྱུར།  
\p
\v 1 དེ་ནས་རྒྱལ་པོས་བང་ཆེན་མངགས་ཏེ་ཡ་ཧུ་དཱ་དང་། ཡེ་རུ་སཱ་ལེམ་གྱི་རྒན་པོ་ཚང་མ་ཁོང་གི་དྲུང་དུ་བསྡུས་སོ། །  
\v 2 རྒྱལ་པོ་དཀོན་མཆོག་ཡ་ཝཱེའི་མཆོད་ཁང་དུ་ཡར་ཕྱིན་པ་དང་། ཁོང་དང་མཉམ་དུ་ཡ་ཧུ་དཱའི་མི་ཐམས་ཅད་དང་། ཡེ་རུ་སཱ་ལེམ་གྱི་གཞིས་སྡོད་པ་ཀུན། མཆོད་དཔོན་དང་ལུང་སྟོན་པ་རྣམས། མི་སྡེའི་མཆོག་དམན་ཐམས་ཅད་དེར་སོང་སྟེ། དཀོན་མཆོག་ཡ་ཝཱེའི་མཆོད་ཁང་དུ་རྙེད་པའི་ཞལ་ཆད་ཀྱི་མདོའི་ནང་གསུངས་པ་ཐམས་ཅད་རྒྱལ་པོས་དེ་དག་གི་རྣ་ལམ་དུ་བཀླགས་སོ། །  
\v 3 ཡང་རྒྱལ་པོ་ཀ་བའི་མདུན་དུ་ལངས་ནས། བློ་གཅིག་སེམས་གཅིག་གིས་དཀོན་མཆོག་ཡ་ཝཱེའི་རྗེས་སུ་འབྲང་བ་དང་། ཁོང་གི་བཀའ་རྣམས་དང་དཔང་ཡིག སྒྲིག་ཁྲིམས་རྣམས་བསྲུངས་ནས་མདོ་དེའི་ནང་དུ་བཀོད་པའི་ཞལ་ཆད་ཀྱི་གསུང་བཞིན་བསྒྲུབ་པའི་ཕྱིར་དུ། དཀོན་མཆོག་ཡ་ཝཱེའི་སྤྱན་སྔར་དམ་བཅའ་བཞག་པ་ལ། མི་ཚང་མ་ཞལ་ཆད་ལ་བརྟེན་པར་གྱུར་ཏོ། །   
\p
\v 4 དེ་ནས་རྒྱལ་པོས་མཆོད་དཔོན་ཆེན་པོ་ཧིལ་ཀི་ཡཱ་དང་། མཆོད་དཔོན་རིམ་པ་གཉིས་པ་རྣམས་དང་སྒོ་སྲུང་རྣམས་ལ། པཱ་ཨལ་དང་ཨ་ཤེ་རཱ། ནམ་མཁའི་སྐར་ཚོགས་བཅས་ཀྱི་དོན་དུ་བཟོས་པའི་ཡོ་བྱད་ཐམས་ཅད་དཀོན་མཆོག་ཡ་ཝཱེའི་མཆོད་ཁང་ནས་ཕྱི་རོལ་ཏུ་འདོན་པ་དང་། ཡེ་རུ་སཱ་ལེམ་ཕྱི་རོལ་གྱི་ཀིད་རོན་ལུང་པའི་ས་ཞིང་དུ་བསྲེག་པར་བསྒོས་ཤིང་། དེའི་ཐལ་བ་ནི་པེད་ཨེལ་དུ་བསྐྱལ་ཏོ། །  
\v 5 ཡ་ཧུ་དཱའི་རྒྱལ་པོ་རྣམས་ཀྱིས་ཡ་ཧུ་དཱའི་གྲོང་ཁྱེར་དང་ཡེ་རུ་སཱ་ལེམ་སོ་སོར་བརྩིགས་པའི་མཐོ་གླིང་རྣམས་དང་། ཡེ་རུ་སཱ་ལེམ་མཐའ་འཁོར་དུ་བསང་བཏང་ནས་སྐུ་འདྲ་བསྟེན་མཁན་གྱི་མཆོད་དཔོན་ལ་བསྐོས་པ་རྣམས་དང་། ཡང་པཱ་ཨལ་དང་། ཉི་མ་དང་། ཟླ་བ་དང་། རྒྱུ་སྐར་དང་། ནམ་མཁའི་སྐར་ཚོགས་ཐམས་ཅད་ལ་བསང་གཏོང་མཁན་རྣམས་ཀྱང་ཡོ་ཤི་ཡཱས་མེད་པར་བཟོས་སོ། །  
\v 6 ཡང་ཁོང་གིས་དཀོན་མཆོག་ཡ་ཝཱེའི་མཆོད་ཁང་ནས་ཨ་ཤེ་རཱ་དེ་ཡེ་རུ་སཱ་ལེམ་ཕྱི་རོལ་གྱི་ཀིད་རོན་གྲོག་ཆུའི་འགྲམ་དུ་ཕྱུང་སྟེ། ཀིད་རོན་དུ་བསྲེགས་ཤིང་བརྫིས་ནས་ཕྱེ་མར་བཏགས་པ་དང་། ཕྱེ་མ་དེ་མི་རྣམས་ཀྱི་དུར་ཁྲོད་དུ་གཏོར་བ་རེད།  
\v 7 ཁོང་གིས་དཀོན་མཆོག་ཡ་ཝཱེའི་མཆོད་ཁང་དུ་ཡོད་པའི་མཆོད་གཤོམ་གྱི་ཆོས་རྫུ་གཞང་འཚོང་རྣམས་ཀྱི་ཁང་པ་བཤིགས་པ་དང་། དེ་ནི་བུད་མེད་རྣམས་ཀྱིས་ཨ་ཤེ་རཱའི་དོན་དུ་རས་གོས་འཐག་ས་ཡིན་ནོ། །  
\v 8 ཡང་ཁོང་གིས་ཡ་ཧུ་དཱའི་གྲོང་ཁྱེར་རྣམས་ལས་མཆོད་དཔོན་ཐམས་ཅད་བསྡུས་ནས། གེ་བཱ་ནས་པེར་ཤ་བཱ་ཡི་བར་དུ་མཆོད་དཔོན་རྣམས་ཀྱིས་བསང་གཏོང་སའི་མཐོ་གླིང་རྣམས་མི་གཙང་བར་བྱས་པ་དང་། གྲོང་ཁྱེར་གྱི་རྒྱ་སྒོའི་གཡོན་ཕྱོགས་སུ་གྲོང་དཔོན་ཡོ་ཤུ་ཨ་ཡི་སྒོ་འགག་ཏུ་ཡོད་པའི་མཐོ་གླིང་རྣམས་ཀྱང་མར་བཤིགས་སོ། །  
\v 9 དོན་དམ་དུ། མཐོ་གླིང་གི་མཆོད་དཔོན་རྣམས་ནི་ཡེ་རུ་སཱ་ལེམ་དུ་དཀོན་མཆོག་ཡ་ཝཱེའི་མཆོད་ཁྲིའི་དྲུང་དུ་མི་འོངས་ཀྱང་། དེ་དག་གིས་སྤུན་རྣམས་དང་ལྷན་དུ་སྐྱུར་མེད་བག་ལེབ་ཟོས་པ་ཡིན།  
\v 10 མི་སུས་ཀྱང་རང་གི་བུ་དང་བུ་མོ་རྣམས་མོ་ལེག་གི་ཕྱིར་མེ་ནང་དུ་སྦྱིན་སྲེག་མི་གཏོང་བའི་དོན་དུ། ཁོང་གིས་པེན་ཧིན་ནོམ་ལུང་པའི་ཐོ་ཕེད་ཀྱང་མི་གཙང་བར་བྱས་སོ། །  
\v 11 ཡང་ཁོང་གིས་དཀོན་མཆོག་ཡ་ཝཱེའི་མཆོད་ཁང་ནང་དུ་འཛུལ་སའི་སྒོ་མདུན་དུ། ཉུག་རུམ་པ་ནཱ་ཐན་མེ་ལེག་གི་ར་སྐོར་ནང་གི་གཟིམ་ཆུང་གི་ཉེ་སར་ཡོད་པའི་རྟ་ཡི་སྐུ་འདྲ་རྣམས་ཏེ། ཡ་ཧུ་དཱའི་རྒྱལ་པོ་རྣམས་ཀྱིས་ཉི་མ་ལ་ཕུལ་བ་རྣམས་མེད་པར་བྱས་ཤིང་། ཉི་མར་ཕུལ་བའི་ཤིང་རྟ་རྣམས་ཀྱང་མེ་རུ་བསྲེགས་སོ། །  
\v 12 ཡང་ཁོང་གིས་ཡ་ཧུ་དཱའི་རྒྱལ་པོ་རྣམས་ཀྱིས་ཨ་ཧ་ཟཱ་ཡི་གཟིམ་ཁང་གི་མཁར་སྟེང་དུ་བཟོས་པའི་མཆོད་ཁྲི་དང་། མཱ་ན་ཤེ་ཡིས་དཀོན་མཆོག་ཡ་ཝཱེའི་མཆོད་ཁང་གི་ར་སྐོར་གཉིས་ཀྱི་ནང་བཞེངས་པའི་མཆོད་ཁྲི་རྣམས་རྡུལ་དུ་བརླགས་ཏེ། དེ་དག་གི་ཐལ་བ་ཀིད་རོན་གྲོག་ཆུའི་ནང་དུ་བཏབ།  
\v 13 ཡང་ཡེ་རུ་སཱ་ལེམ་གྱི་ཤར་ཕྱོགས་དང་། ཞིག་རལ་དུ་གྱུར་པའི་རི་བོའི་ལྷོ་ཕྱོགས་སུ་ཡོད་པའི་མཐོ་གླིང་རྣམས་ཏེ། ཡེས་ར་ཨེལ་གྱི་རྒྱལ་པོ་སོ་ལོ་མོན་གྱིས་ཚི་ཏུན་པའི་སྐྱུག་བྲོ་བའི་ཨ་ཤཱ་ཏ་རོད་དང་། མོ་ཨབ་པའི་སྐྱུག་བྲོ་བའི་ཀེ་མོ་སི་དང་། ཨམ་མོན་པའི་སྐྱུག་བྲོ་བའི་མིལ་ཀོམ་བཅས་ཀྱི་ཕྱིར་བཞེངས་པའི་མཐོ་གླིང་རྣམས་རྒྱལ་པོས་མི་གཙང་བར་བྱས་པ་དང་།  
\v 14 ཡང་ཁོང་གིས་རྡོ་སྐུ་རྣམས་དུམ་བུར་བཅགས་པ་དང་ཨ་ཤེ་རཱ་རྣམས་སོ་སོར་བཅད་ཅིང་། ཡུལ་དེར་མི་ཤི་རོའི་རུས་པས་བཀང་བར་བྱས་སོ། །   
\p
\v 15 དེར་མ་ཟད། ཐ་ན་པེད་ཨེལ་གྱི་མཆོད་ཁྲི་དང་ཡེས་ར་ཨེལ་ལ་སྡིག་པ་བྱེད་དུ་བཅུག་པའི་ནེ་བཱད་ཀྱི་བུ་ཡེ་རོབ་ཨམ་གྱིས་བརྩིགས་པའི་མཐོ་གླིང་མར་བཤིགས་ནས་མེ་རུ་བསྲེགས་པ་དང་། འཐག་ནས་རྡུལ་དུ་བརླགས་ཤིང་། ཨ་ཤེ་རཱ་ཡང་མེ་རུ་བསྲེགས་སོ། །   
\p
\v 16 དེར་ཡོ་ཤི་ཡཱ་ཕྱིར་འཁོར་བ་ན། རི་ལ་ཡོད་པའི་དུར་ཁུང་རྣམས་མཐོང་བ་དང་། དུར་ཁུང་དེ་དག་ལས་རུས་པ་འདོན་དུ་བཅུག་སྟེ། སྔར་དཀོན་མཆོག་གི་སྐྱེས་བུས་ཁྱབ་བསྒྲགས་བྱས་པའི་དཀོན་མཆོག་ཡ་ཝཱེའི་གསུང་བཞིན་དུ། རུས་པ་རྣམས་མཆོད་ཁྲིའི་སྟེང་དུ་བསྲེགས་ནས་མཆོད་ཁྲི་མི་གཙང་བར་བྱས།  
\v 17 དེ་ནས་ཡོ་ཤི་ཡཱ་ཡིས། ངས་མཐོང་བའི་རྡོ་རིང་དེ་ཅི་ཡིན་ཞེས་དྲིས་པ་ན། ལན་དུ་གྲོང་ཁྱེར་གྱི་མི་ཚོས། འདི་ནི་སྔར་ཡ་ཧུ་དཱ་ནས་ཐོན་ཏེ། ཁྱེད་ཀྱིས་པེད་ཨེལ་གྱི་མཆོད་ཁྲི་ལ་མཛད་པའི་དོན་འདི་དག་གསལ་བསྒྲགས་བྱས་པའི་དཀོན་མཆོག་གི་སྐྱེས་བུའི་དུར་ས་དེ་རེད་ཞུས་པས།  
\v 18 ཁོང་གིས། དེ་བསྐྱུར་དང་། སུ་ལའང་ཁོའི་རུས་པར་རེག་ཏུ་མ་འཇུག་ཅེས་བསྒོས་པར། མི་རྣམས་ཀྱིས་དེའི་གདུང་རུས་དང་སཱ་མར་ཡ་ནས་ཐོན་པའི་ལུང་སྟོན་པ་དེའི་གདུང་རུས་ལ་མ་རེག་གོ །   
\p
\v 19 དེ་ཡང་ཡེས་ར་ཨེལ་གྱི་རྒྱལ་པོ་རྣམས་ཀྱིས་སཱ་མར་ཡའི་གྲོང་ཁྱེར་རྣམས་སུ་བརྩིགས་ནས་དཀོན་མཆོག་ཡ་ཝཱེའི་ཐུགས་ཁྲོ་བསླངས་པའི་མཐོ་གླིང་གི་ལྷ་ཁང་ཐམས་ཅད་ཡོ་ཤི་ཡཱས་བརླགས་ནས། པེད་ཨེལ་དུ་བྱས་པ་བཞིན་དུ་དེ་དག་ལའང་དེ་ལྟར་བྱས།  
\v 20 དེར་ཡོད་པའི་མཐོ་གླིང་རྣམས་ཀྱི་མཆོད་དཔོན་ཀུན་མཆོད་ཁྲིའི་ཁར་སྦྱིན་སྲེག་བཏང་ཞིང་། དེའི་སྟེང་དུ་མི་ཡི་རུས་པ་བསྲེགས་པ་དང་། དེ་ནས་ཁོ་ཡེ་རུ་སཱ་ལེམ་དུ་ཕྱིར་ལོག་གོ །   
\s1 ཡོ་ཤི་ཡཱས་པེ་སག་གི་དུས་ཆེན་བསྐྱར་དུ་བཙུགས་པ།  
\p
\v 21 དེ་ནས་རྒྱལ་པོས་འབངས་རྣམས་ལ་བཀའ་བསྩལ་ཏེ་འདི་སྐད་དུ། ཞལ་ཆད་ཀྱི་མདོ་འདིའི་ནང་དུ་བཀོད་པ་བཞིན་དུ། ཁྱོད་ཅག་གི་དཀོན་མཆོག་ཡ་ཝཱེའི་དོན་དུ་པེ་སག་གི་དུས་ཆེན་སྲུངས་ཤིག་ཅེས་བསྒོས།  
\v 22 ཡེས་ར་ཨེལ་གྱི་ཁྲིམས་ཐག་གཅོད་པའི་ཁྲིམས་དཔོན་རྣམས་ཀྱི་དུས་ནས་བཟུང་སྟེ། ཡེས་ར་ཨེལ་གྱི་རྒྱལ་པོ་དང་ཡ་ཧུ་དཱའི་རྒྱལ་པོ་རྣམས་ཀྱི་དུས་སྐབས་བར་དུ། འདི་འདྲའི་པེ་སག་གི་དུས་ཆེན་ཞིག་ནམ་ཡང་སྲུང་བ་མེད་དོ། །  
\v 23 འོན་ཀྱང་། རྒྱལ་པོ་ཡོ་ཤི་ཡཱ་ཡིས་སྲིད་བཟུང་བའི་ལོ་བཅོ་བརྒྱད་པར་ཡེ་རུ་སཱ་ལེམ་དུ་དཀོན་མཆོག་ཡ་ཝཱེའི་དོན་དུ་པེ་སག་གི་དུས་ཆེན་འདི་བསྲུངས་པ་རེད།  
\v 24 དེར་མ་ཟད། ཡ་ཧུ་དཱ་དང་ཡེ་རུ་སཱ་ལེམ་གྱི་ཡུལ་དུ་ཡོད་པའི་གདོན་འདྲེ་འགུག་མཁན་དང་མོ་འདེབས་མཁན། ལྷ་སྐུ། འདྲ་སྐུ། དེ་མིན་སྐྱུག་བྲོ་བ་ཐམས་ཅད་ནི་ཡོ་ཤི་ཡཱས་མེད་པར་བཟོས། ཅིའི་ཕྱིར་ཞེ་ན། མཆོད་དཔོན་ཧིལ་ཀི་ཡཱས་དཀོན་མཆོག་ཡ་ཝཱེའི་མཆོད་ཁང་དུ་རྙེད་པའི་མདོ་ནང་བཀོད་པའི་བཀའ་ཁྲིམས་ཀྱི་གསུང་རྣམས་བསྒྲུབ་པའི་ཕྱིར་དུའོ། །  
\v 25 ཡང་ཁོང་དང་འདྲ་བར་མོ་ཤེའི་བཀའ་ཁྲིམས་ཐམས་ཅད་དང་བསྟུན་ཏེ། རང་གི་སེམས་ཧྲིལ་པོ་དང་ཡིད་ཧྲིལ་པོ། སྟོབས་ཧྲིལ་པོ་བཅས་ཀྱིས་དཀོན་མཆོག་ཡ་ཝཱེའི་ཕྱོགས་སུ་འཁོར་མཁན་གྱི་རྒྱལ་པོ་ཞིག་སྔར་མ་བྱུང་ལ། ཕྱིས་སུ་ཡང་ཁོང་ལྟ་བུ་ཞིག་མ་ཐོན་ནོ། །   
\p
\v 26 འོན་ཀྱང་མཱ་ན་ཤེ་ཡིས་ངན་པ་སྣ་ཚོགས་སྤྱད་དེ་དཀོན་མཆོག་ཡ་ཝཱེའི་ཐུགས་ཁྲོ་བསླངས་པའི་རྐྱེན་གྱིས། དཀོན་མཆོག་ཡ་ཝཱེས་ཡ་ཧུ་དཱའི་སྟེང་དུ་འབར་བའི་ཐུགས་ཁྲོ་ཆེན་པོ་ཕྱིར་མ་སློག་པ་དང་།  
\v 27 དཀོན་མཆོག་ཡ་ཝཱེས་འདི་སྐད་དུ། བདག་གིས་ཡེས་ར་ཨེལ་དོར་བ་ལྟར། ཡ་ཧུ་དཱ་ཡང་ངའི་མདུན་ནས་འདོར་ཞིང་། བདག་གིས་བདམས་པའི་ཡེ་རུ་སཱ་ལེམ་གྲོང་ཁྱེར་འདི་དང་། ངའི་མཚན་དེ་རུ་འཇོག་པར་བྱ་གསུངས་པའི་མཆོད་ཁང་འདིའང་འདོར་བར་བྱའོ་ཞེས་གསུངས་སོ། །   
\s1 ཡོ་ཤི་ཡཱ་གཡུལ་ནས་ཤི་བ།  
\p
\v 28 དེ་ཡང་ཡོ་ཤི་ཡཱ་ཡི་དོན་གཞན་དག་དང་། ཁོས་ཅི་བྱས་པ་ཐམས་ཅད་ཡ་ཧུ་དཱའི་རྒྱལ་པོ་རྣམས་ཀྱི་ལོ་རབས་ནང་དུ་བཀོད་ཡོད་པ་མ་ཡིན་ནམ།  
\v 29 ཡོ་ཤི་ཡཱ་ཡི་སྐུ་རིང་དུ་ཨེ་ཅིབ་ཀྱི་རྒྱལ་པོ་ཕཱར་ཨོལ་ནེ་ཀོ་བྱ་བ་དེ་ཕི་རཱད་ཆུ་བོའི་ཕྱོགས་སུ་ཨ་སུར་གྱི་རྒྱལ་པོ་དང་འཕྲད་དུ་སོང་བ་དང་། རྒྱལ་པོ་ཡོ་ཤི་ཡཱ་ནི་ཁོ་དང་འཐབ་ཏུ་ཕྱིན་པ་ན། ཕཱར་ཨོལ་གྱིས་ཁོ་མཐོང་བ་ཙམ་གྱིས་མེ་གིད་དོ་རུ་བསད་དོ། །  
\v 30 དེ་ནས་ཁོའི་འཁོར་རྣམས་ཀྱིས་སྤུར་ཤིང་རྟའི་ནང་དུ་བཞག་སྟེ་མེ་གིད་དོ་ནས་ཡེ་རུ་སཱ་ལེམ་དུ་དྲངས་ཤིང་། དེ་ཁོ་རང་གི་སྤུར་ཁང་དུ་དུར་ལ་སྦས་སོ། །དེ་ནས་འབངས་རྣམས་ཀྱིས་ཡོ་ཤི་ཡཱའི་བུ་ཡེ་ཧོ་ཨ་ཧཱ་ཟི་ཕྱུང་ནས་སྣུམ་གྱིས་བྱུགས་ཏེ་ཁོའི་ཡབ་ཀྱི་རྒྱུན་མཐུད་ནས་རྒྱལ་པོར་བསྐོས་སོ། །   
\s1 ཡ་ཧུ་དཱའི་རྒྱལ་པོ་ཡེ་ཧོ་ཨ་ཧཱ་ཟི་བཙོན་དུ་བཅུག་པ།  
\p
\v 31 དེ་ཡང་ཡེ་ཧོ་ཨ་ཧཱ་ཟི་རྒྱལ་ཁྲིར་བཞུགས་པའི་དུས་སུ་ལོ་ཉེར་གསུམ་ཡིན་པ་དང་ཡེ་རུ་སཱ་ལེམ་དུ་ཟླ་བ་གསུམ་གྱི་རིང་ལ་རྒྱལ་སྲིད་བསྐྱངས། ཁོའི་ཡུམ་ནི་ལིབ་ནཱ་ནས་ཡིན་པའི་ཡེ་རེམ་ཡཱའི་བུ་མོ་ཧ་མུ་ཏལ་བྱ་བ་ཡིན་ནོ། །  
\v 32 ཁོས་རང་གི་ཡབ་མེས་རྣམས་ཀྱིས་སྤྱད་པ་བཞིན་དུ་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་དོ། །  
\v 33 ཕཱར་ཨོལ་ནེ་ཀོ་ཡིས་ཧ་མཱད་ཡུལ་དུ་ཡོད་པའི་རིབ་ལཱ་རུ་ཁོ་བཙོན་དུ་བཅུག་པ་དང་། ཁོས་ཡེ་རུ་སཱ་ལེམ་དུ་རྒྱལ་སྲིད་སྐྱོང་མི་ཐུབ་པར་བྱས། ཡང་ཡ་ཧུ་དཱ་ལ་དངུལ་རྡོ་ཚད་བརྒྱ་དང་གསེར་རྡོ་ཚད་གཅིག་གི་ཆད་པ་བཅད་དོ། །  
\v 34 ཡང་ཕཱར་ཨོལ་ནེ་ཀོ་ཡིས་ཡོ་ཤི་ཡཱའི་བུ་ཨེལ་ཡ་ཀིམ་ནི་ཁོའི་ཡབ་ཡོ་ཤི་ཡཱའི་རྒྱུན་མཐུད་ནས་རྒྱལ་པོར་བཀོད་ཅིང་། ཁོའི་མིང་བརྗེས་ནས་ཡེ་ཧོ་ཡཱ་ཀིམ་ཞེས་བཏགས། ཡེ་ཧོ་ཨ་ཧཱ་ཟི་བཟུང་ནས་ཨེ་ཅིབ་ཏུ་ཁྲིད་ཅིང་ཁོ་རང་དེར་ཚེ་ལས་འདས།  
\v 35 ཡེ་ཧོ་ཡཱ་ཀིམ་གྱིས་ཕཱར་ཨོལ་ལ་གསེར་དངུལ་བསྐྱལ་ཏེ། ཕཱར་ཨོལ་གྱི་བཀའ་བཞིན་དུ་དངུལ་སྤྲོད་པར་རྒྱལ་ཁམས་ཡོངས་ནས་དཔྱ་ཁྲལ་བསྡུས་ཤིང་། ཕཱར་ཨོལ་ནེ་ཀོ་ལ་སྤྲོད་པའི་ཆེད་དུ་འབངས་མི་རེ་རེར་འཕོག་པ་བཞིན་དུ་གསེར་དང་དངུལ་བླངས་སོ། །   
\s1 ཡ་ཧུ་དཱའི་རྒྱལ་པོ་ཡེ་ཧོ་ཡཱ་ཀིམ།  
\p
\v 36 དེ་ཡང་ཡེ་ཧོ་ཡཱ་ཀིམ་རྒྱལ་ཁྲིར་བཞུགས་པའི་དུས་སུ་ལོ་ཉེར་ལྔ་ཡིན་ཏེ། ལོ་བཅུ་གཅིག་གི་རིང་ལ་ཡེ་རུ་སཱ་ལེམ་དུ་རྒྱལ་སྲིད་བསྐྱངས། རུ་མཱ་པ་ཕེ་ད་ཡཱའི་བུ་མོ་ཟེ་བི་དཱ་བྱ་བ་ནི་ཁོའི་ཡུམ་མོ། །  
\v 37 ཁོས་ཀྱང་རང་གི་ཡབ་མེས་རྣམས་ཀྱིས་སྤྱད་པ་བཞིན་དུ་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་དོ། །   
\c 24
\cl ལེའུ་ཉེར་བཞི་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\p
\v 1 དེ་ཡང་ཡེ་ཧོ་ཡཱ་ཀིམ་གྱི་དུས་སུ་པཱ་པེལ་ལོན་གྱི་རྒྱལ་པོ་ནེ་བོ་ཀད་ནེ་ཙར་ཡར་འོངས་ཏེ། ཡེ་ཧོ་ཡཱ་ཀིམ་ལོ་གསུམ་གྱི་རིང་ལ་ཁོའི་མངའ་འོག་ཏུ་བཅུག དེ་ནས་ཁོས་དེ་ལ་ངོ་ལོག་བྱས།  
\v 2 དཀོན་མཆོག་ཡ་ཝཱེས་ཁོང་གི་ཞབས་ཕྱི་ལུང་སྟོན་པ་རྣམས་བརྒྱུད་ནས་གསུངས་པ་བཞིན་དུ། ཁོང་གིས་ཡ་ཧུ་དཱ་པ་རྣམས་ཚར་གཅོད་བྱེད་ཆེད། ཀལ་དི་པའི་དམག་དཔུང་དང་ཨ་རམ་པའི་དམག་དཔུང་དང་། མོ་ཨབ་པའི་དམག་དཔུང་དང་། ཨམ་མོན་པའི་དམག་དཔུང་རྣམས་ཡ་ཧུ་དཱ་རུ་མངགས་སོ། །  
\v 3 དོན་དམ་དུ་མཱ་ན་ཤེ་ཡིས་བྱས་པའི་སྡིག་ཉེས་ཐམས་ཅད་ཀྱི་རྐྱེན་གྱིས། དཀོན་མཆོག་ཡ་ཝཱེའི་བཀའ་བཞིན་དུ། ཁོང་གི་སྤྱན་སྔ་ནས་དེ་རྣམས་འདོར་བའི་ཕྱིར་ཡ་ཧུ་དཱའི་སྟེང་དུ་དེ་ལྟར་བྱུང་བར་མ་ཟད།  
\v 4 ཡང་མཱ་ན་ཤེས་ཉེས་མེད་ཀྱི་ཁྲག་བཞུར་དུ་བཅུག་སྟེ། ཡེ་རུ་སཱ་ལེམ་ཉེས་མེད་ཀྱི་ཁྲག་གིས་བསྐངས་ཕྱིར་དཀོན་མཆོག་ཡ་ཝཱེ་དེ་བཤགས་པར་ཐུགས་མ་དགྱེས་སོ། །   
\p
\v 5 དེ་ཡང་ཡེ་ཧོ་ཡཱ་ཀིམ་གྱི་དོན་གཞན་དང་། ཁོས་ཅི་བྱས་པ་ཐམས་ཅད་ནི་ཡ་ཧུ་དཱ་པའི་རྒྱལ་པོ་རྣམས་ཀྱི་ལོ་རབས་ནང་དུ་བཀོད་ཡོད་པ་མ་ཡིན་ནམ།  
\v 6 ཡེ་ཧོ་ཡཱ་ཀིམ་རང་གི་ཕ་མེས་དང་ལྷན་ཅིག་ཏུ་གཟིམས་པ་དང་། ཁོའི་བུ་ཡེ་ཧོ་ཡཱ་ཀིན་ནི་དེའི་རྒྱུན་མཐུད་ནས་རྒྱལ་པོར་གྱུར་ཏོ། །  
\v 7 དེ་ནས་པཱ་པེལ་ལོན་གྱི་རྒྱལ་པོས་ཨེ་ཅིབ་ཆུ་བོ་ནས་ཕི་རཱད་ཆུ་བོའི་བར་དུ། ཨེ་ཅིབ་རྒྱལ་པོ་ལ་གཏོགས་པ་ཐམས་ཅད་བླངས་པས། ཨེ་ཅིབ་ཀྱི་རྒྱལ་པོ་རང་གི་ཡུལ་ནས་ཡང་བསྐྱར་ཕྱི་རོལ་ཏུ་མ་ཡོང་ངོ་། །   
\s1 ཡ་ཧུ་དཱའི་རྒྱལ་པོ་ཡེ་ཧོ་ཡཱ་ཀིན།  
\p
\v 8 དེ་ཡང་ཡེ་ཧོ་ཡཱ་ཀིན་གྱིས་རྒྱལ་སྲིད་བཟུང་དུས་ཁོ་ལོ་བཅོ་བརྒྱད་ཡིན་པ་དང་། ཡེ་རུ་སཱ་ལེམ་དུ་ཟླ་བ་གསུམ་གྱི་རིང་ལ་རྒྱལ་སྲིད་བསྐྱངས། ཡེ་རུ་སཱ་ལེམ་གྱི་ཨེལ་ནཱ་ཐན་གྱི་བུ་མོ་ནེ་ཧོ་ཤུ་ཐཱ་བྱ་བ་ནི་ཁོའི་ཡུམ་མོ། །  
\v 9 ཁོས་ཀྱང་རང་གི་ཡབ་མེས་ཀྱིས་གང་སྤྱད་པ་བཞིན་དུ་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་དོ། །   
\s1 ཡེ་རུ་སཱ་ལེམ་བདག་ཏུ་བཟུང་བ།  
\p
\v 10 དེའི་ཚེ་པཱ་པེལ་ལོན་གྱི་རྒྱལ་པོ་ནེ་བོ་ཀད་ནེ་ཙར་གྱི་འཁོར་གཡོག་རྣམས་ཡེ་རུ་སཱ་ལེམ་དུ་ཡར་སོང་སྟེ་གྲོང་ཁྱེར་དམག་གིས་བསྐོར་བ་དང་།  
\v 11 ནེ་བོ་ཀད་ནེ་ཙར་གྱི་འཁོར་གཡོག་རྣམས་ཀྱིས་གྲོང་ཁྱེར་སྐོར་བའི་དུས་སུ། པཱ་པེལ་ལོན་གྱི་རྒྱལ་པོ་ནེ་བོ་ཀད་ནེ་ཙར་དངོས་སུ་གྲོང་ཁྱེར་དེར་འོངས།  
\v 12 ཡ་ཧུ་དཱའི་རྒྱལ་པོ་ཡེ་ཧོ་ཡཱ་ཀིན་དང་ཁོའི་ཡུམ། འཁོར་གཡོག་རྣམས། སྐུ་དྲག་རྣམས། ཉུག་རུམ་པ་བཅས་ཐོན་ནས་པཱ་པེལ་ལོན་གྱི་རྒྱལ་པོར་མགོ་བཏགས་པས། པཱ་པེལ་ལོན་གྱི་རྒྱལ་པོས་སྲིད་བྱས་པའི་ལོ་བརྒྱད་པར་ཁོ་འཛིན་བཟུང་བྱས་ཤིང་།  
\v 13 དཀོན་མཆོག་ཡ་ཝཱེས་གསུངས་པ་བཞིན་དུ། ཁོས་དཀོན་མཆོག་ཡ་ཝཱེའི་མཆོད་ཁང་དང་། རྒྱལ་པོའི་ཕོ་བྲང་གི་གཏེར་ཐམས་ཅད་བཏོན་ཏེ། ཡེས་ར་ཨེལ་གྱི་རྒྱལ་པོ་སོ་ལོ་མོན་གྱིས་དཀོན་མཆོག་ཡ་ཝཱེའི་མཆོད་ཁང་གི་དོན་དུ་བཟོས་པའི་གསེར་གྱི་ཡོ་བྱད་ཐམས་ཅད་དུམ་བུར་བཅག་པ་དང་།  
\v 14 ཡང་ཁོས་ཡེ་རུ་སཱ་ལེམ་པ་ཚང་མ་དང་། སྐུ་དྲག་ཐམས་ཅད་དང་། དམག་གི་དཔའ་བོ་མཐའ་དག་དང་བཅས་བསྡོམས་པས་མི་སྟོང་ཕྲག་བཅུ་དང་། དེར་མ་ཟད་ལས་བཟོ་དང་མགར་བ་ཐམས་ཅད་བཙན་ཁྲིད་བྱས་ཤིང་། ཡུལ་གྱི་དབུལ་ཕོངས་རྣམས་མ་གཏོགས་དེར་སུ་ཡང་ལུས་སུ་མ་བཅུག་གོ །  
\v 15 ཡང་ཁོས་ཡེ་ཧོ་ཡཱ་ཀིན་དང་། རྒྱལ་པོའི་ཡུམ་དང་རྒྱལ་པོའི་ལྕམ་རྣམས། ཉུག་རུམ་པ་རྣམས་དང་ཡུལ་གྱི་སྐུ་དྲག་རྣམས་ཡེ་རུ་སཱ་ལེམ་ནས་པཱ་པེལ་ལོན་དུ་བཙན་ཁྲིད་བྱས།  
\v 16 དེར་མ་ཟད་དམག་མི་སྟོང་ཕྲག་བདུན་དང་། ལས་བཟོ་དང་མགར་པ་སྟོང་ཕྲག་གཅིག་བཅས་ཡོད་པ་ཐམས་ཅད་དམག་འགྱེད་ཀྱི་དཔའ་རྒོད་ཡིན་ལ། པཱ་པེལ་ལོན་གྱི་རྒྱལ་པོས་དེ་རྣམས་བཟུང་ནས་པཱ་པེལ་ལོན་དུ་ཁྲིད་དོ། །  
\v 17 དེ་ནས་པཱ་པེལ་ལོན་གྱི་རྒྱལ་པོས་ཡེ་ཧོ་ཡཱ་ཀིན་གྱི་ཁུ་བོ་མད་ཐན་ཡཱ་ནི་ཁོའི་ཚབ་ཏུ་རྒྱལ་པོར་བསྐོས་ཤིང་མིང་བརྗེས་ནས་ཚིད་ཀི་ཡཱ་ཞེས་བཏགས་སོ། །   
\s1 ཡ་ཧུ་དཱའི་རྒྱལ་པོ་ཚིད་ཀི་ཡཱ།  
\p
\v 18 དེ་ཡང་ཚིད་ཀི་ཡཱ་རྒྱལ་པོར་བཞུགས་དུས་ལོ་ཉེར་གཅིག་ལ་སོན་ཡོད་དེ། ཡེ་རུ་སཱ་ལེམ་དུ་ལོ་བཅུ་གཅིག་གི་རིང་ལ་རྒྱལ་སྲིད་བསྐྱངས། ལིབ་ནཱ་པ་ཡེ་རེམ་ཡཱའི་བུ་མོ་ཧ་མུ་ཏལ་བྱ་བ་ནི་ཁོའི་ཡུམ་མོ། །  
\v 19 ཁོས་ཀྱང་ཡེ་ཧོ་ཡཱ་ཀིམ་གྱིས་གང་སྤྱད་པ་ལྟར་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད།  
\v 20 ཅིའི་ཕྱིར་ཞེ་ན། དཀོན་མཆོག་ཡ་ཝཱེ་ཁོང་ཉིད་ཡེ་རུ་སཱ་ལེམ་དང་ཡ་ཧུ་དཱ་ལ་ཐུགས་ཁྲོས་ཤིང་། ཁོང་གིས་དེ་དག་ཁོང་གི་དྲུང་ནས་ཕར་བསྐྲད་པ་དང་། ཕྱིས་སུ་ཚིད་ཀི་ཡཱ་ཡིས་པཱ་པེལ་ལོན་གྱི་རྒྱལ་པོ་ལ་ངོ་ལོག་བྱས་སོ། །   
\c 25
\cl ལེའུ་ཉེར་ལྔ་པ། 
\toc1 ༄༅། །རྒྱལ་རབས་ཀྱི་མདོ་གཉིས་པ། 
\toc2 རྒྱལ་རབས་གཉིས་པ། 
\s1 ཡ་ཧུ་དཱ་འཛིན་བཟུང་བྱས་ཤིང་གཞན་དུ་སྤྱུགས་པ།  
\p
\v 1 ཡང་ཟཱ་ཏི་ཁི་ཡཱས་རྒྱལ་སྲིད་བཟུང་ནས་ལོ་དགུ་པའི་ཟླ་བ་བཅུ་པའི་ཚེས་བཅུ་ཉིན། པཱ་པེལ་ལོན་གྱི་རྒྱལ་པོ་ནེ་བོ་ཀད་ནེ་ཙར་ནི་རང་གི་དམག་དཔུང་དང་བཅས་ཡེ་རུ་སཱ་ལེམ་ལ་འོངས་པ་དང་། མཁར་ཕྱི་རུ་དམག་སྒར་བརྒྱབ་ཅིང་ས་རགས་བརྩིགས་ནས་མཐའ་བསྐོར་ཏོ། །  
\v 2 རྒྱལ་པོ་ཚིད་ཀི་ཡཱའི་སྲིད་ལོ་བཅུ་གཅིག་པའི་བར་དུ་གྲོང་ཁྱེར་དམག་གིས་བསྐོར།  
\v 3 ཟླ་བཞི་པའི་ཚེས་དགུ་ཉིན་གྲོང་ཁྱེར་ནང་དུ་མུ་གེ་བྱུང་བ་ཤིན་ཏུ་ཚབས་ཆེ་ཞིང་། ཐ་ན་ཡུལ་མི་རྣམས་ལ་ཁ་ཟས་ཀྱང་མེད་པར་གྱུར།  
\v 4 དེ་ནས་གྲོང་ཁྱེར་གཏོར་བཅོམ་བཏང་སྟེ། དམག་མི་ཐམས་ཅད་རྒྱལ་པོའི་ལྡུམ་རའི་མདུན་དུ་ཡོད་པའི་ལྕགས་རི་གཉིས་བར་གྱི་རྒྱ་སྒོའི་ལམ་ནས་བྲོས། འོན་ཀྱང་། ཀལ་དི་པ་རྣམས་ཀྱིས་གྲོང་ཁྱེར་བསྐོར་ཡོད་པས། ཁོ་ཚོ་ཨ་ར་པཱའི་ལམ་ནས་སོང་ངོ་། །  
\v 5 དེར་ཀལ་དི་པའི་དམག་དཔུང་གིས་རྒྱལ་པོ་བདས་ནས་ཡེ་རུ་ཀོའི་ཐང་ནས་བཟུང་བ་དང་། ཁོའི་དམག་མི་ཐམས་ཅད་ཁོ་ལས་ཕྱོགས་སུ་གྱེས་པ་རེད།  
\v 6 ཀལ་དི་པའི་དམག་དཔུང་གིས་རྒྱལ་པོ་བཟུང་ནས་པཱ་པེལ་ལོན་རྒྱལ་པོའི་དྲུང་དུ་རིབ་ལཱ་རུ་ཡར་འགྲོ་རུ་བཅུག་ནས་དེ་རྣམས་ཀྱིས་ཁོ་ལ་ཁྲིམས་ཐག་བཅད།  
\v 7 ཡང་ཚིད་ཀི་ཡཱའི་བུ་རྣམས་ཡབ་ཀྱི་མིག་མདུན་དུ་བསད་ཅིང་། ཚིད་ཀི་ཡཱའི་མིག་གཉིས་ལོང་བར་བྱས་ཏེ་ལི་ཡི་ཐག་པས་བཅིངས་ནས་པཱ་པེལ་ལོན་དུ་ཁྱེར་ཏོ། །   
\p
\v 8 དེ་ཡང་པཱ་པེལ་ལོན་གྱི་རྒྱལ་པོ་ནེ་བོ་ཀད་ནེ་ཙར་གྱིས་རྒྱལ་སྲིད་བཟུང་བའི་ལོ་བཅུ་དགུ་པའི་ཟླ་ལྔ་པའི་ཚེས་བདུན་ཉིན། པཱ་པེལ་ལོན་གྱི་རྒྱལ་པོའི་བློན་ཆེན་ཏེ་སྐུ་སྲུང་དཔོན་པོ་ནེ་བོ་ཟར་ཨ་དན་བྱ་བ་ཡེ་རུ་སཱ་ལེམ་དུ་འོངས་པ་དང་།  
\v 9 ཁོས་དཀོན་མཆོག་ཡ་ཝཱེའི་མཆོད་ཁང་དང་། རྒྱལ་པོའི་ཕོ་བྲང་དང་། ཡེ་རུ་སཱ་ལེམ་གྱི་ཁང་པ་ཐམས་ཅད་དང་ཁང་བརྩེགས་ཐམས་ཅད་མེར་བསྲེགས་ཤིང་།  
\v 10 སྐུ་སྲུང་དཔོན་པོ་དང་མཉམ་དུ་ཡོད་པའི་ཀལ་དི་པའི་དམག་དཔུང་ཀུན་གྱིས་ཡེ་རུ་སཱ་ལེམ་གྱི་མཐའ་བཞི་བསྐོར་བའི་ལྕགས་རི་རྣམས་བརླགས་སོ། །  
\v 11 གྲོང་ཁྱེར་གྱི་ནང་དུ་ལུས་པའི་མི་རྣམས་དང་པཱ་པེལ་ལོན་རྒྱལ་པོར་མགོ་བཏགས་པ་རྣམས། དེ་མིན་ཡུལ་མི་ལྷག་ལུས་དང་བཅས་པ་སྐུ་སྲུང་དཔོན་པོ་ནེ་བོ་ཟར་ཨ་དན་གྱིས་བཙན་ཁྲིད་བྱས།  
\v 12 ཡིན་ནའང་སྐུ་སྲུང་དམག་དཔོན་གྱིས་ཡུལ་དེའི་དབུལ་པོ་དབུལ་རྐྱང་རྣམས་བསྐྱུར་ནས། དེ་རྣམས་ལ་རྒུན་འབྲུམ་ར་བ་ལེགས་བཅོས་བྱེད་པ་དང་ཞིང་རྨོ་རུ་བཅུག   
\p
\v 13 དེ་ཡང་དཀོན་མཆོག་ཡ་ཝཱེའི་མཆོད་ཁང་དུ་ཡོད་པའི་ལི་ཡི་ཀ་བ་རྣམས་དང་། དཀོན་མཆོག་ཡ་ཝཱེའི་མཆོད་ཁང་ནང་ཡོད་པའི་སྟེགས་བུ་རྣམས། ལི་ཡི་རྒྱ་མཚོ་ཞེས་པའི་འཁྲུད་གཞོང་བཅས་ནི་ཀལ་དི་པས་དུམ་བུར་བཅག་ནས་ལི་རྣམས་པཱ་པེལ་ལོན་དུ་ཁྱེར།  
\v 14 དེར་ཡོད་པའི་སྣོད་དང་། མེ་ཁྱེམ། ཅེམ་ཙེ། སྡེར་མ་བཅས་དེར་བསྙེན་བཀུར་འབུལ་བྱའི་ལི་ཡི་མཆོད་ཆས་ཐམས་ཅད་ཁྱེར་ཞིང་།  
\v 15 མེ་ཕོར་དང་གཞོང་པ་ནི་གསེར་དངུལ་གང་ཡིན་ཐམས་ཅད་སྐུ་སྲུང་དཔོན་པོས་ཁྱེར་ཏོ། །  
\v 16 སོ་ལོ་མོན་གྱིས་དཀོན་མཆོག་ཡ་ཝཱེའི་མཆོད་ཁང་གི་དོན་དུ་བཟོས་པའི་ཀ་བ་གཉིས་དང་། རྒྱ་མཚོ་ཞེས་པའི་འཁྲུད་གཞོང་གཅིག་དང་ཁྲི་རྣམས། ལི་ཡི་ཡོ་བྱད་ཐམས་ཅད་རིན་ཐང་གཞལ་དུ་མེད་པའོ། །  
\v 17 ཀ་བ་གཅིག་གི་མཐོ་ཚད་ལ་ཁྲུ་བཅོ་བརྒྱད་དང་། དེའི་སྟེང་དུ་ཡོད་པའི་ཀ་གཞུ་ཡང་ལི་ཡིན་ཏེ། ཀ་གཞུ་དེའི་མཐོ་ཚད་ལ་ཁྲུ་གསུམ་ཡོད་པ་ཡིན། ཀ་གཞུ་དེའི་དཀྱིལ་འཁོར་དུ་ཡོད་པའི་དྲ་བ་དྲ་ཕྱེད་དང་སེ་འབྲུ་ཀུན་ཡང་ལི་ཡིས་བཟོས་ཡོད། ཀ་བ་གཉིས་པ་ལ་ཡང་དེ་འདྲའི་དྲ་བ་དྲ་ཕྱེད་ཡོད་པ་ཡིན་ནོ། །   
\p
\v 18 སྐུ་སྲུང་དམག་དཔོན་གྱིས་མཆོད་དཔོན་ཆེན་པོ་སེ་ར་ཡཱ་དང་། མཆོད་དཔོན་གཉིས་པ་ཟེ་ཕན་ཡཱ་དང་། སྒོ་སྲུང་མི་གསུམ་བཅས་བཙན་ཁྲིད་བྱས།  
\v 19 ཡང་གྲོང་ཁྱེར་ནས་དམག་མིའི་བཀོད་འདོམས་པ་ཞིག་དང་། གྲོང་ཁྱེར་དུ་རྒྱལ་པོའི་སློབ་སྟོན་པ་མི་ལྔ་དང་། ཡུལ་མིའི་དམག་དཔོན་གྱི་དྲུང་ཡིག་པ་རྣམས་དང་། དེ་མིན་གྲོང་ཁྱེར་ནང་རྙེད་པའི་མི་རྣམས་ལས་སྐྱེས་པ་དྲུག་ཅུ་བཅས་བཙན་ཁྲིད་བྱས།  
\v 20 སྐུ་སྲུང་དམག་དཔོན་ནེ་བོ་ཟར་ཨ་དན་གྱིས་དེ་དག་བཟུང་ནས་རིབ་ལཱ་རུ་པཱ་པེལ་ལོན་གྱི་རྒྱལ་པོའི་དྲུང་དུ་ཁྲིད།  
\v 21 ཧ་མཱད་ཡུལ་གྱི་རིབ་ལཱ་བྱ་བར་པཱ་པེལ་ལོན་རྒྱལ་པོས་དེ་དག་ལ་བསྣུན་ནས་བསད་པ་དང་། དེ་ལྟར་ཡ་ཧུ་དཱ་པ་རྣམས་རང་གི་ཡུལ་ནས་བཙན་གྱིས་གཞན་དུ་བཏང་ངོ་། །   
\s1 གེ་དལ་ཡཱ་ནི་ཡ་ཧུ་དཱའི་སྤྱི་དཔོན་དུ་བསྐོས་པ།  
\p
\v 22 ཡ་ཧུ་དཱའི་ཡུལ་དུ་ལུས་པའི་མི་རྣམས་ཏེ་པཱ་པེལ་ལོན་རྒྱལ་པོ་ནེ་བོ་ཀད་ནེ་ཙར་གྱིས་བསྐྱུར་བ་རྣམས་ལ། པཱ་པེལ་ལོན་རྒྱལ་པོས་ཤཱ་ཕན་གྱི་ཚ་བོའམ་ཨ་ཧི་ཀམ་གྱི་བུ་གེ་དལ་ཡཱ་བྱ་བ་སྤྱི་དཔོན་དུ་བསྐོས་སོ། །  
\v 23 དེ་ནས་དམག་དཔོན་ཐམས་ཅད་དང་དེ་དག་གི་དམག་མི་དག་གིས་པཱ་པེལ་ལོན་རྒྱལ་པོས་གེ་དལ་ཡཱ་སྤྱི་དཔོན་དུ་བསྐོ་མངགས་བྱས་པ་ཐོས་རྗེས་སུ། ནེ་ཐན་ཡཱའི་བུ་ཡེས་མ་ཨེལ་དང་། ཀཱ་རེ་ཨའི་བུ་ཡོ་ཧ་ནན་དང་། ནེ་ཏོ་ཕཱ་པ་ཐན་ཧུ་མེད་ཀྱི་བུ་སེ་ར་ཡཱ་དང་། མ་ཨ་ཀཱ་པའི་བུ་ཡ་ཨ་ཟན་ཡཱ་བཅས་རང་གི་དམག་མི་རྣམས་དང་མཉམ་དུ་མཱས་ཟི་ཕཱ་རུ་གེ་དལ་ཡཱའི་དྲུང་དུ་འོངས་པ་དང་།  
\v 24 གེ་དལ་ཡཱས་དེ་དག་དང་དེ་དག་གི་དམག་མི་རྣམས་ལ་མནའ་བསྐྱལ་ནས་འདི་ལྟར། ཀལ་དི་པའི་ཞབས་ཕྱི་བྱེད་པར་མ་སྐྲག་ཅིག ཡུལ་འདིར་བསྡད་ནས་པཱ་པེལ་ལོན་རྒྱལ་པོར་ཞབས་ཕྱི་བསྒྲུབས་ན་ཁྱོད་ཅག་ལེགས་པར་འགྱུར་འོང་ཞེས་སྨྲས་སོ། །   
\p
\v 25 འོན་ཀྱང་། ཟླ་བདུན་པར་རྒྱལ་རྒྱུད་ཡིན་པ་ཨེ་ལི་ཤཱ་མའི་ཚ་བོའམ་ནེ་ཐན་ཡཱའི་བུ་ཡེས་མ་ཨེལ་གྱིས་མི་བཅུ་ཁྲིད་འོངས་ཏེ། གེ་དལ་ཡཱ་དང་། མཱས་ཟི་ཕཱ་རུ་ཁོའི་དྲུང་དུ་ཡོད་པའི་ཡ་ཧུ་དཱ་པ་དང་ཀལ་དི་པ་རྣམས་ལ་བསྣུན་ནས་བསད།  
\v 26 དེ་ནས་མི་ཆེ་ཆུང་ཀུན་དང་དམག་དཔོན་རྣམས་ཀལ་དི་པ་ལ་འཇིགས་པར་གྱུར་པས། དེ་དག་ལངས་ནས་ཨེ་ཅིབ་ཡུལ་དུ་བྲོས་སོ། །   
\s1 ཡེ་ཧོ་ཡཱ་ཀིན་བཙོན་གྲོལ་བཏང་བ།  
\p
\v 27 དེ་ཡང་ཡ་ཧུ་དཱའི་རྒྱལ་པོ་ཡེ་ཧོ་ཡཱ་ཀིན་བཙན་ཁྲིད་བྱས་ནས་ལོ་སོ་བདུན་པའི་ཟླ་བ་བཅུ་གཉིས་པའི་ཚེས་ཉེར་བདུན་ཉིན་ལ། པཱ་པེལ་ལོན་རྒྱལ་པོ་ཨེ་ཝིལ་མེ་རོ་དག་གིས་རྒྱལ་སྲིད་བཟུང་བའི་ལོ་དང་པོར། ཁོས་ཡ་ཧུ་དཱའི་རྒྱལ་པོ་ཡེ་ཧོ་ཡཱ་ཀིན་བཙོན་ལས་ཕྱུང་སྟེ་གོ་ས་ཆེན་པོ་གནང་བ་དང་།  
\v 28 ཡང་ཁོ་ལ་བརྩེ་བའི་གཏམ་སྨྲས་ཤིང་། ཁོའི་གོ་ས་ནི་ཁོང་དང་མཉམ་དུ་པཱ་པེལ་ལོན་དུ་ཡོད་པའི་རྒྱལ་པོ་རྣམས་ལས་མཐོ་བར་བྱས་པ་དང་།  
\v 29 ཡང་ཡེ་ཧོ་ཡཱ་ཀིན་གྱི་བཙོན་གྱི་གོས་རྣམས་བརྗེས་ཏེ། ཁོ་རང་ལ་ཚེ་གང་པོར་ཉིན་རེ་བཞིན་རྒྱལ་པོའི་དྲུང་དུ་ཁ་ཟས་སྤྱོད་དུ་བཅུག  
\v 30 ཡང་ཁོའི་ཚེ་གང་པོར་ཉིན་རེའི་དགོས་མཁོ་ལྟར་རྒྱལ་པོས་ཆད་མེད་དུ་ཁོ་ལ་གནང་བའོ།། །།