\id 2CH - NTB 
\h སྔོན་རབས་གཉིས་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\mt1 ༄༅། །སྔོན་རབས་ཀྱི་མདོ་གཉིས་པ།  
\imt1 སྔོན་རབས་ཀྱི་མདོ་གཉིས་པའི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi སྔོན་རབས་ཀྱི་མདོ་དང་པོའི་ངོ་སྤྲོད་ལ་གཟིགས་རོགས།  
\is1 ཡི་གེར་འགོད་མཁན་དང་འགོད་དུས།  
\ipi སྔོན་རབས་ཀྱི་མདོ་དང་པོའི་ངོ་སྤྲོད་ལ་གཟིགས་རོགས།  
\is1 བརྗོད་སྙིང་དང་གསུང་འཕྲིན།  
\ipi སྔོན་རབས་གཉིས་པའི་ནང་དུ་དཱ་བིད་ཀྱི་རྒྱལ་རྒྱུད་སྐོར་མུ་མཐུད་དུ་བཀོད་ཡོད་པར་མ་ཟད། དེའི་ནང་དུ་སྔོན་རབས་དང་པོ་དང་འདྲ་བར་མི་དང་དཀོན་མཆོག་བར་གྱི་འབྲེལ་བ་ནི་ཤིན་ཏུ་གལ་ཆེན་ཡིན་པར་ཡང་བསྟན་ཡོད། ཡི་གེར་འགོད་མཁན་གྱིས་རྒྱལ་པོ་རྣམས་ཀྱི་ལོ་རྒྱུས་ཡི་གེར་འགོད་དུས། དེ་དག་དཀོན་མཆོག་ལ་བློ་དཀར་མིན་རྩ་བར་བཟུང་ནས། རྒྱལ་པོ་ངན་པ་རྣམས་ཀྱིས་བསྐྱངས་པའི་སྲིད་དབང་སྐོར་མདོར་བསྡུས་ཙམ་བཀོད་ཡོད་པ་དང་། རྒྱལ་པོ་བཟང་པོ་རྣམས་ཀྱིས་སྲིད་བསྐྱངས་པའི་སྐོར་ཞིབ་འབྲི་བྱས་ཡོད།  
\is1 འཆར་ཟིན།  
\ipi 1. སོ་ལོ་མོན་གྱིས་བསྐྱངས་པའི་སྲིད་དབང་སྐོར། ༼1:1-9:31༽  
\ipi 2. ཡ་ཧུ་དཱའི་རྒྱལ་པོ་རྣམས་ཀྱི་སྐོར། ༼10:1-36:14༽  
\ipi 3. ཡེ་རུ་སཱ་ལེམ་གྲོང་ཁྱེར་ལ་འཕྲོག་བཅོམ་ཐེབས་པའི་སྐོར། ༼36:15-23༽  
\c 1
\cl ལེའུ་དང་པོ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 སོ་ལོ་མོན་གྱིས་ཤེས་རབ་གནང་བར་གསོལ་བ་བཏབ་པ།  
\p
\v 1 དེ་ཡང་དཱ་བིད་ཀྱི་སྲས་སོ་ལོ་མོན་གྱིས་རང་ཉིད་ཀྱི་རྒྱལ་སྲིད་བརྟན་པོར་མཛད་ཅིང་། ཁོའི་དཀོན་མཆོག་ཡ་ཝཱེ་ནི་ཁོ་དང་མཉམ་དུ་བཞུགས་པ་དང་། སོ་ལོ་མོན་མཆོག་ཏུ་གྱུར་བར་མཛད།  
\v 2 དེ་ནས་སོ་ལོ་མོན་གྱིས་ཡེས་ར་ཨེལ་ཡོངས་ཏེ། སྟོང་དཔོན་དང་བརྒྱ་དཔོན། ཁྲིམས་དཔོན། ཡེས་ར་ཨེལ་གྱི་འགོ་དཔོན་སོ་སོ་དང་ཁྱིམ་རྒྱུད་ཡོངས་ཀྱི་འགོ་དཔོན་རྣམས་ལ་བཀའ་ཕབ་ཅིང་།  
\v 3 སོ་ལོ་མོན་གྱིས་མི་ཚོགས་ཐམས་ཅད་གིབ་ཡོན་གྱི་མཐོ་གླིང་དུ་ཁྲིད་པ་རེད། ཅིའི་ཕྱིར་ཞེ་ན། དཀོན་མཆོག་ཡ་ཝཱེའི་ཞབས་ཕྱི་མོ་ཤེ་ཡིས་དབེན་སྟོང་དུ་བཟོས་པའི་དཀོན་མཆོག་གི་མཇལ་འཕྲད་གུར་མཆོག་ནི་གནས་དེར་ཡོད་པས་སོ། །  
\v 4 འོན་ཀྱང་དཱ་བིད་ཀྱིས་དཀོན་མཆོག་གི་ཞལ་ཆད་ཀྱི་ཤུར་སྒམ་ནི་ཀིར་ཡཱད་ཡེ་ཨ་རིམ་ནས་ཡར་གདན་དྲངས་ཏེ་སྟ་གོན་བྱས་པའི་གནས་སུ་བཞག གང་ལ་ཞེ་ན། ཁོང་གིས་ཡེ་རུ་སཱ་ལེམ་ནས་དེའི་ཕྱིར་དུ་གུར་ཞིག་ཕུབ་ཡོད་པས་སོ། །  
\v 5 གཞན་ཡང་། ཧུ་རཱའི་ཚ་བོ་སྟེ་ཨོའུ་རེལ་གྱི་བུ་པི་ཟིད་ཨེལ་གྱིས་བཟོས་པའི་ལི་ཡི་མཆོད་ཁྲི་དེ་ཡང་གིབ་ཡོན་གྱི་དཀོན་མཆོག་ཡ་ཝཱེའི་གུར་མཆོག་གི་དྲུང་དུ་བཞག་ཡོད་ལ། སོ་ལོ་མོན་དང་མི་ཚོགས་རྣམས་གནས་དེར་གསོལ་བ་འདེབས་སུ་ཕྱིན།  
\v 6 སོ་ལོ་མོན་ནི་ཡར་དཀོན་མཆོག་ཡ་ཝཱེའི་མཇལ་འཕྲད་གུར་མཆོག་དྲུང་གི་ལི་ཡི་མཆོད་ཁྲིའི་རྩར་སོང་ནས། མཆོད་ཁྲིའི་སྟེང་དུ་ཕྱུགས་ཆིག་སྟོང་སྦྱིན་སྲེག་གི་མཆོད་པར་ཕུལ།  
\v 7 མཚན་མོ་དེར་དཀོན་མཆོག་ཉིད་ནི་སོ་ལོ་མོན་ལ་མངོན་པར་གྱུར་ནས་འདི་སྐད་དུ། ཁྱོད་ཀྱིས་ཅི་ཞུས་ཀྱང་བདག་གིས་ཁྱོད་ལ་སྦྱིན་ངེས་ཡིན་ཞེས་གསུངས་པ་ལ།  
\v 8 སོ་ལོ་མོན་གྱིས་དཀོན་མཆོག་ལ། ཁྱེད་ཀྱིས་ངའི་ཕ་དཱ་བིད་ལ་བྱམས་བརྩེ་ཆེན་པོ་གནང་སྟེ། ང་རང་ཁོང་གི་ཚབ་ཏུ་རྒྱལ་པོར་མཛད་བྱུང་།  
\v 9 ཀྱེ་དཀོན་མཆོག་ཡ་ཝཱེ་ལགས། ད་ལྟ་ཁྱེད་ཀྱིས་བདག་གི་ཕ་དཱ་བིད་ལ་ཞལ་བཞེས་གནང་བ་དེ་འགྲུབ་པར་མཛོད་ཅིག ཅི་ལ་ཞེ་ན། ཁྱེད་ཀྱིས་ང་རང་རྒྱལ་པོར་བསྐོས་ཤིང་ས་སྟེང་གི་རྡུལ་ཕྲན་ལྟར་མང་བའི་མི་འདི་རྣམས་ལ་དབང་སྒྱུར་དུ་མཛད་པས་སོ། །  
\v 10 ད་ནི་ཁྱེད་ཀྱིས་བདག་ལ་ཤེས་རབ་དང་ཤེས་ཡོན་གནང་ནས་བདག་གིས་མི་འདི་རྣམས་ལ་སྣེ་ཁྲིད་བྱེད་ཐུབ་པར་མཛོད་ཅིག དེ་ལྟར་མ་བྱས་ཚེ་སུ་ཞིག་གིས་ཁྱེད་ཀྱི་མི་འདི་འདྲ་མང་པོར་བདག་སྐྱོང་བྱེད་ནུས་སམ་ཞེས་ཞུས་པ་དང་།  
\v 11 དཀོན་མཆོག་གིས་སོ་ལོ་མོན་ལ་འདི་སྐད་དུ། ཁྱོད་ལ་བསམ་འདུན་འདི་ལྟ་བུ་ཡོད་པ་སྟེ། འབྱོར་ཕྱུག་དང་རྒྱུ་ནོར། བཀུར་བསྟི་བཅས་ཀྱི་ཕྱིར་མ་ཞུས་ལ། རང་གི་དགྲ་ཡི་སྲོག་གཅོད་པར་ཡང་མ་ཞུས་ཏེ། ཚེ་ཐག་རིང་པོའི་ཕྱིར་ཡང་མ་ཞུས་པར། བདག་གི་འབངས་མི་སྟེ་ངས་ཁྱོད་རང་རྒྱལ་པོར་བསྐོས་ནས་དབང་སྒྱུར་དགོས་པའི་མི་རྣམས་ལ་བདག་སྐྱོང་བྱེད་པའི་ཆེད་དུ་ཤེས་རབ་དང་ཤེས་ཡོན་ཞུས་པས།  
\v 12 ངས་ཁྱོད་ལ་ཤེས་རབ་དང་ཤེས་ཡོན་སྦྱིན་པར་མ་ཟད། འབྱོར་ཕྱུག་དང་རྒྱུ་ནོར། བཀུར་བསྟི་བཅས་ཀྱང་སྦྱིན་པར་བྱ། ཁྱོད་ཀྱི་སྔོན་རོལ་གྱི་རྒྱལ་པོ་གང་ལ་ཡང་དེ་འདྲ་མེད་པ་དང་། ཁྱོད་ཀྱི་རྗེས་ཕྱོགས་སུ་ཡང་དེ་འདྲ་འབྱོར་བར་མི་འགྱུར་ཞེས་གསུངས།  
\v 13 དེ་ནས་སོ་ལོ་མོན་ནི་གིབ་ཡོན་གྱི་མཐོ་གླིང་གི་མཇལ་འཕྲད་གུར་མཆོག་གི་དྲུང་ནས་ཕྱིར་ཡེ་རུ་སཱ་ལེམ་དུ་ལོག་སྟེ། ཡེས་ར་ཨེལ་ལ་དབང་བསྒྱུར་བའོ། །  
\v 14 ཡང་སོ་ལོ་མོན་གྱིས་ཤིང་རྟ་དང་སྐྱ་དམག་རྣམས་བསྡུས་པ་སྟེ། ཁོང་ལ་ཤིང་རྟ་ཆིག་སྟོང་བཞི་བརྒྱ་དང་། སྐྱ་དམག་ཆིག་ཁྲི་ཉིས་སྟོང་ཡོད་པ་ཡིན། ཁོང་གིས་དེ་རྣམས་ཤིང་རྟའི་གྲོང་ཁྱེར་རྣམས་དང་ཡེ་རུ་སཱ་ལེམ་དུ་རྒྱལ་པོའི་དྲུང་དུ་བཞག  
\v 15 རྒྱལ་པོས་ཡེ་རུ་སཱ་ལེམ་དུ་གསེར་དངུལ་ནི་རྡོ་ལྟར་མོད་པ་དང་། ཐང་ཤིང་ནི་རི་ཀླུང་དུ་སྐྱེས་པའི་འོ་སེ་ཤིང་ལྟར་མོད་པར་མཛད།  
\v 16 སོ་ལོ་མོན་གྱི་རྟ་རྣམས་ནི་ཨེ་ཅིབ་དང་ཀི་ཝེ་ཡུལ་ནས་དྲངས་པ་སྟེ། རྒྱལ་པོའི་ཚོང་པ་དག་གིས་ཀི་ཝེ་ཡུལ་ནས་རིན་གོང་ལྟར་ཉོས་འོངས་པ་ཡིན།  
\v 17 དེ་དག་གིས་ཨེ་ཅིབ་ཡུལ་ནས་ཉོས་པའི་ཤིང་རྟ་དག་གི་རིན་ནི་རེ་རེར་དངུལ་སྲང་དྲུག་བརྒྱ་ཡིན་པ་དང་། རྟ་རེ་རེར་དངུལ་སྲང་བརྒྱ་དང་ལྔ་བཅུ་ཡིན། ཧེད་པའི་རྒྱལ་པོ་དང་ཨ་རམ་པའི་རྒྱལ་པོ་རྣམས་ཀྱི་ཤིང་རྟ་དང་རྟ་རྣམས་ཀྱང་དེ་བཞིན་དུ་ཚོང་པ་དེ་རྣམས་བརྒྱུད་ནས་ཉོས་འོངས་པའོ། །   
\c 2
\cl ལེའུ་གཉིས་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 སོ་ལོ་མོན་གྱིས་མཆོད་ཁང་བཞེང་བར་གྲ་སྒྲིག་བྱས་པ།  
\p
\v 1 དེ་ནས་སོ་ལོ་མོན་གྱིས་དཀོན་མཆོག་ཡ་ཝཱེའི་མཚན་གྱི་ཕྱིར་དུ་མཆོད་ཁང་ཞིག་དང་། རང་གི་ཕྱིར་དུ་ཕོ་བྲང་ཞིག་བཞེང་བར་བཀས་བཅད་པ་དང་།  
\v 2 སོ་ལོ་མོན་གྱིས་ཁུར་པོ་འཁུར་མཁན་ཁྲི་བདུན་དང་། རི་ཁུལ་དུ་རྡོ་བཟོ་མཁན་ཁྲི་བརྒྱད་དང་། ལས་དཔོན་མི་སུམ་སྟོང་དྲུག་བརྒྱ་བཅས་བདམས་མངག་བྱས།  
\v 3 ཡང་སོ་ལོ་མོན་གྱིས་མི་མངགས་ཏེ་ཐཱར་གྱི་རྒྱལ་པོ་ཧི་རཱམ་ལ་ན་རེ། ཁྱེད་ཀྱིས་ཇི་ལྟར་ངའི་ཕ་དཱ་བིད་ལ་ཕོ་བྲང་ཞིག་བཞེང་བར་ཐང་ཤིང་བསྐུར་བ་བཞིན་དུ། ང་ལའང་དེ་བཞིན་བསྐུར་བར་མཛོད་ཅིག  
\v 4 གཟིགས་དང་། ངས་རང་གི་དཀོན་མཆོག་ཡ་ཝཱེའི་མཚན་གྱི་ཕྱིར་མཆོད་ཁང་ཞིག་བཞེངས་ནས། དམ་པར་བྱས་ནས་ཁོང་ལ་ཕུལ་ཏེ། ཁོང་གི་དྲུང་དུ་དྲི་བསུང་གི་སྤོས་བདུག་པ་དང་། རྟག་ཏུ་སྤྱན་བསྟར་བག་ལེབ་བཤམ་པ་དང་། ཉིན་རེའི་ནངས་དགོང་དང་ངལ་གསོ་བའི་ཉིན། ཚེས་གཅིག ད་དུང་བདག་ཅག་གི་དཀོན་མཆོག་ཡ་ཝཱེས་གཏན་ལ་ཕབ་པའི་དུས་ཆེན་རྣམས་སུ་སྦྱིན་སྲེག་གི་མཆོད་པ་འབུལ་རྒྱུ་ཡིན། འདི་ནི་ཡེས་ར་ཨེལ་པའི་དུས་གཏན་གྱི་རྒྱུན་སྲོལ་ཡིན།  
\v 5 བདག་ཅག་གི་དཀོན་མཆོག་ནི་ལྷ་ཐམས་ཅད་ལས་མཆོག་ཏུ་གྱུར་པ་ཡིན་པས། ངས་བཞེང་བར་འགྱུར་བའི་མཆོད་ཁང་འདི་ཡང་ཤིན་ཏུ་རྒྱ་ཆེའོ། །  
\v 6 འོན་ཀྱང་ནམ་མཁའ་དང་ནམ་མཁའི་ཡང་སྟེང་གི་ནམ་མཁའ་ལའང་ཁོང་ཉིད་ཤོང་མི་ནུས་པས། སུ་ཞིག་གིས་ཁོང་གི་ཕྱིར་མཆོད་ཁང་བཞེང་ནུས་སམ། བདག་ནི་སུ་ཡིན་ནམ། ཁོང་གི་དྲུང་དུ་སྤོས་བདུག་པ་ལས་ངས་ཁོང་ལ་མཆོད་ཁང་ནི་བཞེང་ག་ལ་ནུས།  
\v 7 དེ་བས་ད་ལྟ་ཁྱེད་ཀྱིས་ངའི་དྲུང་དུ་གསེར་དངུལ་ལི་ལྕགས་བཅས་དང་། ཁ་དོག་རྒྱ་སྨུག་དང་། མཚལ་ཁ། མཐིང་ག་བཅས་ཀྱི་སྐུད་པ་བཀོལ་མཁས་པ་དང་། བརྐོ་བཟོའི་ལས་ལ་བྱང་བའི་མི་ཞིག་ཐོངས་ཤིག དེ་ནི་ངའི་ཕ་དཱ་བིད་ཀྱིས་ཡ་ཧུ་དཱ་དང་ཡེ་རུ་སཱ་ལེམ་དུ་བསྡུས་པའི་ལག་ཤེས་པ་རྣམས་དང་ལྷན་ཅིག་ཏུ་ལས་ཀ་བྱེད་པའི་ཕྱིར་ཡིན་ནོ། །  
\v 8 ཡང་ཁྱེད་ཀྱིས་ལེ་པཱ་ནོན་ནས་བདག་ལ་ཐང་ཤིང་དང་གསོམ་ཤིང་། ཙན་དན་གྱི་གདུང་མ་བསྐུར་བར་མཛོད། གང་ལ་ཞེ་ན། ཁྱེད་ཀྱི་ཞབས་ཕྱི་རྣམས་ནི་ལེ་པཱ་ནོན་གྱི་གདུང་མ་གཅོད་ཤེས་མཁན་ཡིན་པ་བདག་གིས་ཤེས་པས་ཕྱིར་རོ། །ཡང་གཟིགས་དང་། ངའི་ཞབས་ཕྱི་རྣམས་ཀྱིས་ཁྱེད་ཀྱི་ཞབས་ཕྱི་དག་ལ་རོགས་བྱེད་པར་བྱ།  
\v 9 ངས་བཞེང་བར་བྱ་བའི་མཆོད་ཁང་འདི་ནི་ཁྱད་མཚར་ཅན་དང་རྒྱ་ཆེ་བ་ཞིག་ཡིན་པས། ངའི་ཕྱིར་གདུང་མ་མོད་པོ་བཤམ་པར་གྱིས་ཤིག  
\v 10 གཟིགས་དང་། ངས་ཁྱེད་ཀྱི་ཞབས་ཕྱི་སྟེ་གདུང་མ་གཅོད་མཁན་རྣམས་ལ་གྲོ་ཕྱེ་ཁལ་ཉིས་ཁྲི་དང་། ནས་ཁལ་ཉིས་ཁྲི་དང་། རྒུན་ཆང་ཆུ་བེན་ཉིས་ཁྲི་དང་། སྣུམ་ཆུ་བེན་ཉིས་ཁྲི་བཅས་སྦྱིན་པར་བྱ་ཞེས་སྨྲས་པ་ལ།  
\v 11 ཐཱར་གྱི་རྒྱལ་པོ་ཧི་རཱམ་གྱིས་སོ་ལོ་མོན་ལ་ཡིག་ལན་སྤྲིངས་ཏེ་ན་རེ། དཀོན་མཆོག་ཡ་ཝཱེས་ཉིད་ཀྱི་འབངས་མི་ལ་བྱམས་པས་ཁྱེད་ཉིད་དེ་དག་གི་རྒྱལ་པོར་བསྐོས་པའོ་ཞེས་དང་།  
\v 12 ཡང་ཧི་རཱམ་ན་རེ། ཡེས་ར་ཨེལ་གྱི་དཀོན་མཆོག་ཡ་ཝཱེ་སྟེ་གནམ་ས་འགོད་མཁན་ཁོང་ནི་བསྟོད་འོས་སོ། །ཁོང་གིས་རྒྱལ་པོ་དཱ་བིད་ལ་ཤེས་རབ་ལྡན་པའི་སྲས་ཤིག་གནང་བ་སྟེ། མཛངས་ཤིང་མཐོང་རྒྱ་ཡངས་ལ། དེས་དཀོན་མཆོག་ཡ་ཝཱེ་ལ་མཆོད་ཁང་དང་རང་ཉིད་ལ་རྒྱལ་པོའི་ཕོ་བྲང་བཞེང་ནུས་པ་ཡིན།  
\v 13 ད་ལྟ་ངས་བློ་རིག་ལྡན་པའི་མི་ལག་རྩལ་ཅན་ཞིག་དེར་མངགས་པར་བྱ་སྟེ། ཁོའི་མིང་ལ་ཧུ་རཱམ་ཨ་བེ་ཟེར་ཞིང་ལག་ཤེས་པ་ཡིན་ཏེ།  
\v 14 ཁོ་ནི་དཱན་ཚོ་པའི་བུད་མེད་ཅིག་གི་བུ་ཡིན་ལ། ཕ་ནི་ཐཱར་པ་ཞིག་ཡིན། མི་དེ་ནི་གསེར་དངུལ་ལི་ལྕགས་དང་། རྡོ་དང་ཤིང་། ཁ་དོག་རྒྱ་སྨུག་དང་། མཐིང་ག་དང་། མཚལ་ཁ་བཅས་ཀྱི་སྐུད་པ་དང་། སོ་རས་སྲབ་བུ་བཅས་ཀྱིས་ལས་ཀ་བྱེད་པར་བྱང་ཡོད་པ་དང་། རྐོ་བཟོའི་རིགས་སྣ་ཚོགས་ལ་མཁས་པར་མ་ཟད། དཔེ་རིས་འགོད་པའི་ཐབས་ལའང་མཁས་ཏེ། ཁྱེད་ཀྱི་ལག་ཤེས་པ་དང་ངའི་ཇོ་བོ་སྟེ་ཁྱེད་ཀྱི་ཡབ་དཱ་བིད་ཀྱི་ལག་ཤེས་པ་རྣམས་དང་མཉམ་དུ་ལས་ཀ་ཡོད་ཚད་བྱེད་ནུས་པ་ཡིན།  
\v 15 ད་ནི་ངའི་ཇོ་བོ་ཁྱེད་ཀྱིས་གསུངས་པ་བཞིན་དུ་གྲོ་དང་ནས། རྒུན་ཆང་། སྣུམ་བཅས་ཞབས་ཕྱི་རྣམས་ཀྱི་ཆེད་དུ་བསྐུར་བར་མཛོད་ཅིག  
\v 16 ངེད་རྣམས་ཀྱིས་ཁྱེད་ཀྱི་དགོས་མཁོ་ལྟར་ལེ་པཱ་ནོན་ནས་ཤིང་བཅད་དེ་གྲུ་རུ་བསྡམས་ནས། རྒྱ་མཚོའི་སྟེང་ནས་ཁྱེད་ཀྱི་དྲུང་དུ་ཡོ་ཕཱ་རུ་བསྐུར་བར་བྱ་སྟེ། དེ་ནས་ཁྱེད་ཀྱིས་ཡར་ཡེ་རུ་སཱ་ལེམ་དུ་དྲངས་ཆོག་པ་ཡིན་ཞེས་སྨྲས་པ་དང་།  
\v 17 དེ་ནས་སོ་ལོ་མོན་གྱིས་རང་གི་ཡབ་དཱ་བིད་ཀྱིས་རྩིས་བླངས་པའི་མི་གྲངས་ལྟར། ཡང་ཡེས་ར་ཨེལ་ཡུལ་ཁམས་སུ་ཡོད་པའི་བྱེས་པ་རྣམས་བརྩིས་པ་ལ། བསྡོམས་པས་མི་ཆིག་འབུམ་ལྔ་ཁྲི་སུམ་སྟོང་དྲུག་བརྒྱ་ཡོད་པའོ། །  
\v 18 དེར་ཁོང་གིས་དེ་རྣམས་ལས་ཁུར་པོ་འཁུར་མཁན་ཁྲི་བདུན་དང་། རི་ཁུལ་དུ་རྡོ་བཟོ་མཁན་ཁྲི་བརྒྱད་དང་། ལས་དཔོན་མི་སུམ་སྟོང་དྲུག་བརྒྱ་ལས་ཀར་ལྟ་རྟོག་བྱེད་མཁན་དུ་བཞག   
\c 3
\cl ལེའུ་གསུམ་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 མཆོད་ཁང་བཞེང་འགོ་བརྩམས་པ།  
\p
\v 1 དེ་ནས་སོ་ལོ་མོན་གྱིས་ཡེ་རུ་སཱ་ལེམ་དུ། ཁོང་གི་ཡབ་དཱ་བིད་ལ་དཀོན་མཆོག་ཡ་ཝཱེ་སྣང་བར་གྱུར་པའི་མོ་རེའེ་ཡཱ་རི་བོའི་རི་མགོ་སྟེ། དཱ་བིད་ཀྱིས་ཡེ་བུ་སི་པ་ཨོར་ནན་གྱི་གཡུལ་ཁ་རུ་བཤམས་པའི་གནས་སུ་དཀོན་མཆོག་ཡ་ཝཱེའི་མཆོད་ཁང་བཞེང་འགོ་བརྩམས།  
\v 2 སོ་ལོ་མོན་གྱིས་རྒྱལ་སྲིད་བསྐྱངས་པའི་ལོ་བཞི་པའི་ཟླ་བ་གཉིས་པའི་ཚེས་གཉིས་པར་མཆོད་ཁང་བཞེང་འགོ་བརྩམས་ཏེ།  
\v 3 སོ་ལོ་མོན་གྱིས་དཀོན་མཆོག་གི་མཆོད་ཁང་གི་རྨང་བཏིངས་པ་ནི་འདི་ལྟ་སྟེ། གནའ་བོའི་འཇལ་ཚད་བཞིན་དུ་རིང་ཚད་ལ་ཁྲུ་དྲུག་ཅུ་དང་ཞེང་ལ་ཁྲུ་ཉི་ཤུ།  
\v 4 མཆོད་ཁང་མདུན་གྱི་བར་ཁྱམས་ཀྱི་རིང་ཚད་ནི་མཆོད་ཁང་གི་ཞེང་ལྟར་ཁྲུ་ཉི་ཤུ་དང་། མཐོ་ཚད་ལ་ཁྲུ་བརྒྱ་དང་ཉི་ཤུ་བཅས་ཡིན་ལ། ནང་གི་རྩིག་ངོས་གསེར་བཙོ་མས་གཡོགས་ཏེ།  
\v 5 ཚོམས་ཆེན་གྱི་རྩིག་ངོས་ཡོངས་ལ་གསོམ་ཤིང་གི་ཤིང་ལེབ་བཀབ་སྟེ་གསེར་བཙོ་མས་གཡོགས་ནས། དེའི་སྟེང་དུ་ཤིང་ཏ་ལ་དང་ཉག་ཐག་བརྐོས་ཡོད།  
\v 6 ཡང་མཆོད་ཁང་གི་རྩིག་ངོས་ལ་རིན་པོ་ཆེ་སྣ་ཚོགས་ཀྱིས་བརྒྱན་ཏེ་ཤིན་ཏུ་མཛེས་ལ། གསེར་དེ་དག་ནི་པར་ཝ་ཡིམ་གྱི་གསེར་ཡིན།  
\v 7 ཚོམས་ཆེན་དང་མཆོད་ཁང་གི་ཀ་བ་དང་སྒོ་ཐེམ། རྩིག་པ། སྒོ་གླེགས་བཅས་ཡོད་ཚད་གསེར་གྱིས་བཏུམས་པར་མ་ཟད། རྩིག་ངོས་སུ་ཀེ་རུབ་ཀྱང་བརྐོས་ཡོད།  
\v 8 ཡང་ཁོང་གིས་གནས་དམ་མཆོག་བཞེངས་ཏེ། དེའི་རིང་ཚད་ནི་མཆོད་ཁང་གི་ཞེང་ལྟར་ཁྲུ་ཉི་ཤུ་དང་། ཞེང་ལ་ཡང་ཁྲུ་ཉི་ཤུ་ཡིན། ཡང་ནང་གི་རྩིག་ངོས་ནི་གསེར་བཙོ་མ་རྡོ་ཚད་དྲུག་བརྒྱ་ཡིས་གཡོགས།  
\v 9 གསེར་གྱི་འཛེར་མའི་ལྗིད་ཚད་ནི་སྲང་ལྔ་བཅུ་སྟེ། ཐོག་ཁང་རྣམས་ཀྱང་གསེར་གྱིས་གཡོགས།  
\v 10 གནས་དམ་མཆོག་གི་ནང་དུ་ཀེ་རུབ་གཉིས་བརྐོས་ཏེ་གསེར་གྱིས་བཏུམས།  
\v 11 ཀེ་རུབ་གཉིས་པོའི་གཤོག་པའི་རིང་ཚད་ལ་བསྡོམས་པས་ཁྲུ་ཉི་ཤུ་སྟེ། ཀེ་རུབ་གཅིག་གི་གཤོག་པ་ཡ་གཅིག་གི་རིང་ཚད་ལ་ཁྲུ་ལྔ་ཡོད་པ་དང་མཆོད་ཁང་གི་རྩིག་པར་ཐུག་ཅིང་། གཤོག་པ་ཅིག་ཤོས་དེའི་རིང་ཚད་ལའང་ཁྲུ་ལྔ་ཡོད་པ་དང་ཀེ་རུབ་གཞན་དེའི་གཤོག་པར་ཐུག་ཡོད།  
\v 12 ཀེ་རུབ་གཞན་དེའི་གཤོག་པ་ཡ་གཅིག་གི་རིང་ཚད་ལའང་ཁྲུ་ལྔ་ཡོད་པ་དང་མཆོད་ཁང་གི་རྩིག་པར་ཐུག་ཅིང་། གཤོག་པ་ཅིག་ཤོས་དེའི་རིང་ཚད་ལ་ཁྲུ་ལྔ་ཡོད་པ་དང་ཀེ་རུབ་སྔོན་མའི་གཤོག་པར་ཐུག་ཡོད།  
\v 13 ཀེ་རུབ་དེ་གཉིས་ཀྱི་གཤོག་པ་གཉིས་ཀ་བརྐྱངས་ན་རིང་ཚད་ལ་བསྡོམས་པས་ཁྲུ་ཉི་ཤུ་ཡོད་ཅིང་། ཀེ་རུབ་དེ་གཉིས་ཀ་མཆོད་ཁང་གི་ནང་ལ་འཁོར་ནས་བཞེངས་འདུག་པའོ། །  
\v 14 ཡང་སོ་ལོ་མོན་གྱིས་ཁ་དོག་མཐིང་ག་དང་། རྒྱ་སྨུག མཚལ་ཁ་བཅས་ཀྱི་སྐུད་པ་དང་། སོ་རས་སྲབ་བུ་བཅས་ཀྱིས་ཡོལ་བ་ཞིག་བཟོས་ནས་དེའི་སྟེང་ལ་ཀེ་རུབ་ཀྱི་གཟུགས་བརྙན་གཙགས་འདུག   
\p
\v 15 ཡང་མཆོད་ཁང་གི་མདུན་དུ་ཀ་བ་གཉིས་བཞེངས་ཏེ། མཐོ་ཚད་ལ་ཁྲུ་སོ་ལྔ་ཡོད་པ་དང་། ཀ་བ་རེ་རེའི་སྟེང་གི་ཀ་གཞུའི་མཐོ་ཚད་ལ་ཁྲུ་ལྔ་ཡོད་དོ། །  
\v 16 ཡང་མགུལ་རྒྱན་དང་མཚུངས་པའི་ཉག་ཐག་བཟོས་ཏེ་ཀ་བའི་མགོ་ལ་བཏགས་པ་དང་། སེ་འབྲུ་བརྒྱ་བཟོས་ཏེ་ཉག་ཐག་སྟེང་དུ་བཞག  
\v 17 ཁོང་གིས་ཀ་བ་དེ་གཉིས་མཆོད་ཁང་གི་མདུན་དུ་གཅིག་ནི་གཡས་ཕྱོགས་དང་ཅིག་ཤོས་ནི་གཡོན་ཕྱོགས་སུ་བསླངས་ཏེ། གཡས་ཕྱོགས་སུ་ཡོད་པའི་མིང་ལ་ཡཱ་ཀིན་ \f + \ft འདིར་ཡཱ་ཀིན་ཞེས་པ་ནི་ཁོང་གིས་བརྟན་པོར་འཛུགས་པ་ཡིན་ཞེས་པའི་དོན་དང་། པཱོ་ཨ་ཟི་ཞེས་པ་ནི་ཁོང་གི་སྟོབས་ཤུགས་ཞེས་པའི་དོན་ལ་འཇུག \f*དང་གཡོན་ཕྱོགས་སུ་ཡོད་པའི་མིང་ལ་པཱོ་ཨ་ཟི་ཞེས་བཏགས་སོ། །   
\c 4
\cl ལེའུ་བཞི་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 མཆོད་ཁང་ནང་གི་ཡོ་བྱད།  
\p
\v 1 གཞན་ཡང་སོ་ལོ་མོན་གྱིས་རིང་ཚད་དང་ཞེང་ལ་ཁྲུ་ཉི་ཤུ་ཡོད་པ་དང་། མཐོ་ཚད་ལ་ཁྲུ་བཅུ་ཡོད་པའི་ལི་ཡི་མཆོད་ཁྲི་ཞིག་བཟོས་པ་དང་།  
\v 2 ཡང་ལི་ཡི་རྒྱ་མཚོ་བླུགས་མ་ཞིག་བཟོས་པ་སྟེ། དབྱིབས་ནི་ཟླུམ་པོ་ཡིན་ཞིང་ཚངས་ཐིག་ལ་ཁྲུ་བཅུ་ཡོད་པ་དང་། མཐོ་ཚད་ལ་ཁྲུ་ལྔ་ཡོད་ལ། སྒོར་མཐའ་ནི་ཁྲུ་སུམ་ཅུ་ཡིན་པའོ། །  
\v 3 ལི་ཡི་རྒྱ་མཚོ་བླུགས་མའི་འོག་གི་ཕྱོགས་བཞི་རུ་གླང་\f + \ft འདིར་གླང་ཞེས་པར་འགྱུར་ལ་ལར་ཀུ་བ་ཞེས་མཐོང་།\f*གི་གཟུགས་བརྙན་ལྟ་བུའི་རྒྱན་རིས་ཁྲུ་བཅུ་ཅན་ཡོད་དེ། གླང་བླུགས་མ་དེས་རྒྱ་མཚོ་བསྐོར་ནས་ཡོད་པ་དང་། གླང་རྣམས་གྲལ་གཉིས་སུ་བགོས་ཤིང་རྒྱ་མཚོ་དང་མཉམ་དུ་བླུགས་པ་ཡིན།  
\v 4 ལི་ཡི་རྒྱ་མཚོ་དེ་ནི་གླང་བཅུ་གཉིས་ཀྱི་ཐོག་ཏུ་བཀལ་ཏེ། གླང་གསུམ་ནི་བྱང་ཕྱོགས་དང་། གླང་གསུམ་ནི་ནུབ་ཕྱོགས་དང་། གླང་གསུམ་ནི་ལྷོ་ཕྱོགས་དང་། གླང་གསུམ་ནི་ཤར་ཕྱོགས་སུ་འཁོར་ཡོད་དེ། དེ་དག་གི་སྟེང་དུ་རྒྱ་མཚོ་བཀལ་ཞིང་། དེ་དག་གི་ཁོག་སྨད་ནང་དུ་གཏད་ཡོད།  
\v 5 ལི་ཡི་རྒྱ་མཚོ་བླུགས་མ་དེའི་སྲབ་མཐུག་ནི་སོར་བཞི་དང་། མཐའ་ནི་ཕོར་བའི་མཐའ་བཞིན་དང་། དབྱིབས་ནི་མེ་ཏོག་ཀུ་མུད་ལྟར་བཟོས་ཤིང་། དེའི་ནང་དུ་ཆུ་བེན་སུམ་སྟོང་ཆུད་པ་ཡིན་ནོ། །  
\v 6 ཡང་ཁོང་གིས་ཁྲུས་གཞོང་བཅུ་བཟོས་ཏེ། རྫས་རྣམས་བཀྲུ་བར་རྒྱ་མཚོའི་གཡས་ཕྱོགས་སུ་ལྔ་དང་། གཡོན་ཕྱོགས་སུ་ལྔ་བཞག་ཅིང་། སྦྱིན་སྲེག་ཏུ་འབུལ་བའི་མཆོད་རྫས་རྣམས་ཁྲུས་གཞོང་གི་ནང་དུ་བཀྲུ་དགོས་མོད། འོན་ཀྱང་ལི་ཡི་རྒྱ་མཚོ་བླུགས་མ་དེ་ནི་མཆོད་དཔོན་རྣམས་ཀྱིས་འཁྲུད་བྱེད་པའི་ཕྱིར་བཟོས་པ་ཡིན།  
\v 7 ཡང་གཏན་ལ་ཁེལ་བའི་དཔེ་གཟུགས་བཞིན་གསེར་གྱི་སྒྲོན་སྟེགས་བཅུ་བཟོས་ཏེ། མཆོད་ཁང་ནང་དུ་ལྔ་ནི་གཡས་ཕྱོགས་དང་། ལྔ་ནི་གཡོན་ཕྱོགས་སུ་བཞག་པའོ། །  
\v 8 ཡང་སྒྲོག་ཙེ་བཅུ་བཟོས་ཏེ་མཆོད་ཁང་གི་ནང་དུ་ལྔ་ནི་གཡས་ཕྱོགས་དང་། ལྔ་ནི་གཡོན་ཕྱོགས་སུ་བཞག ཡང་གསེར་ཕོར་བརྒྱ་བཟོས།  
\v 9 ཡང་མཆོད་དཔོན་གྱི་ཁྱམས་ར་དང་ཁྱམས་ར་ཆེན་པོ། ཁྱམས་ར་ཆེན་པོའི་སྒོ་བཅས་བཟོས་ནས། སྒོ་རྣམས་ལི་ཡིས་བཏུམས།  
\v 10 ཡང་ལི་ཡི་རྒྱ་མཚོ་བླུགས་མ་དེ་མཆོད་ཁང་གི་གཡས་ཕྱོགས་ཏེ་ཤར་ལྷོའི་ཕྱོགས་སུ་བཞག  
\v 11 ཧུ་རཱམ་གྱིས་ཡང་སླ་ང་དང་མེ་ཁྱེམ། ཕོར་བ་རྣམས་བཟོས་ཏེ། ཁོས་རྒྱལ་པོ་སོ་ལོ་མོན་གྱི་ཕྱིར་དཀོན་མཆོག་གི་མཆོད་ཁང་གི་ལས་ཀ་རྣམས་ཡོངས་སུ་བསྒྲུབས་ཚར་བ་སྟེ།  
\v 12 ཀ་བ་གཉིས་དང་དེའི་སྟེང་གི་ཕོར་བའི་དབྱིབས་ཅན་གྱི་ཀ་གཞུ་གཉིས་དང་། ཀ་སྟེང་གི་ཕོར་བའི་དབྱིབས་ཅན་གྱི་ཀ་གཞུ་གཉིས་ཀ་སྒྲིབ་པའི་དྲ་བ་གཉིས་དང་།  
\v 13 སེ་འབྲུ་བཞི་བརྒྱ་བཟོས་ནས་དྲ་བ་གཉིས་ཀྱི་སྟེང་དུ་བཞག་ཅིང་། དྲ་བ་རེ་རེའི་སྟེང་དུ་སེ་འབྲུ་གྲལ་གཉིས་རེ་ཡོད་ལ། ཀ་སྟེང་གི་ཕོར་བའི་དབྱིབས་ཅན་གྱི་ཀ་གཞུ་གཉིས་ཀ་བསྒྲིབས་པའོ། །  
\v 14 ཡང་སྟེགས་བུ་དང་སྟེགས་བུ་སྟེང་གི་ཁྲུས་གཞོང་དང་།  
\v 15 དེ་མིན་ལི་ཡི་རྒྱ་མཚོ་བླུགས་མ་ཞིག་དང་དེའི་འོག་གི་ལི་ཡི་གླང་བཅུ་གཉིས་དང་།  
\v 16 སླ་ང་དང་མེ་ཁྱེམ། ཤ་འཛིན་བཅས་འབྲེལ་ཡོད་ཀྱི་ཡོ་བྱད་ཐམས་ཅད་བཟོས་པ་རེད། ཧུ་རཱམ་ཨ་བེ་ཡིས་རྒྱལ་པོ་སོ་ལོ་མོན་ལ་དཀོན་མཆོག་ཡ་ཝཱེའི་མཆོད་ཁང་གི་ཆེད་དུ་བཟོས་པའི་ཡོ་བྱད་ཐམས་ཅད་འོད་འཚེར་བའི་ལི་ཡིས་བྱས་སོ། །  
\v 17 རྒྱལ་པོས་དེ་རྣམས་ཡོར་དན་གྱི་བདེ་ཐང་དུ་སོའུ་ཀོད་དང་ཙེ་རེ་དཱའི་བར་ལ་རྫ་ཀོང་ནང་དུ་བླུགས་པ་ཡིན།  
\v 18 སོ་ལོ་མོན་གྱིས་བཟོས་པའི་ཡོ་བྱད་དེ་ཐམས་ཅད་ནི་དཔག་ཏུ་མེད་ཅིང་། ལི་ཡི་ལྗིད་ཚད་ནི་བརྗོད་ཀྱིས་མི་ལང་བ་ཞིག་ཡིན།  
\v 19 སོ་ལོ་མོན་གྱིས་ཡང་དཀོན་མཆོག་གི་མཆོད་ཁང་ནང་གི་ཡོ་བྱད་ཐམས་ཅད་བཟོས་པ་སྟེ། གསེར་གྱི་མཆོད་ཁྲི་དང་། སྤྱན་བསྟར་བག་ལེབ་བཤམ་སའི་སྒྲོག་ཙེ་དང་།  
\v 20 གསེར་བཙོ་མས་བཟོས་པའི་སྒྲོན་སྟེགས་དང་སྒྲོན་མེ་རྣམས་ནི་སྒྲིག་སྲོལ་བཞིན་མཆོད་ཁང་སྦུག་མའི་སྒོ་མདུན་དུ་སྒྲོན་པ་ཡིན།  
\v 21 དེ་མིན་གང་བུ་དང་སྒྲོན་མེ། སྐམ་ཆུང་བཅས་ནི་གསེར་བཙོ་མས་བཟོས།  
\v 22 སྐམ་པ་དང་གཞོང་བ། སྡེར་མ། མེ་ཕོར་བཅས་ཀྱང་གསེར་བཙོ་མས་བཟོས་ཤིང་། མཆོད་ཁང་གི་སྒོ་སྟེ་གནས་དམ་མཆོག་ནང་དུ་འགྲོ་སའི་སྒོ་དང་། ཚོམས་ཆེན་གྱི་སྒོ་རྣམས་ཀྱང་གསེར་གྱིས་བཟོས་པ་ཡིན་ནོ། །   
\c 5
\cl ལེའུ་ལྔ་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་མཆོད་ཁང་ནང་དུ་གདན་དྲངས་པ།  
\p
\v 1 སོ་ལོ་མོན་གྱིས་དཀོན་མཆོག་ཡ་ཝཱེའི་མཆོད་ཁང་གི་ལས་ཀ་ཡོད་ཚད་བསྒྲུབས་ཚར་རྗེས། ཡབ་དཱ་བིད་ཀྱིས་དམ་པར་བྱས་པའི་གསེར་དངུལ་དང་ཡོ་བྱད་ཐམས་ཅད་དྲངས་ནས་དཀོན་མཆོག་གི་མཆོད་ཁང་གི་དཀོར་མཛོད་དུ་བཞག  
\v 2 དེ་ནས་སོ་ལོ་མོན་གྱིས་དཱ་བིད་ཀྱི་གྲོང་ཁྱེར་ཏེ་ཛ་ཡན་ནས་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་ཡར་གདན་འདྲེན་པའི་ཕྱིར་དུ། ཡེས་ར་ཨེལ་གྱི་རྒན་པོ་དང་ཚོ་པ་སོ་སོའི་འགོ་དཔོན། ཁྱིམ་རྒྱུད་སོ་སོའི་འགོ་དཔོན་བཅས་ཡེ་རུ་སཱ་ལེམ་དུ་བསྡུས་པ་དང་།  
\v 3 ཟླ་བདུན་པའི་དུས་ཆེན་ལ་ཡེས་ར་ཨེལ་གྱི་མི་ཐམས་ཅད་རྒྱལ་པོའི་དྲུང་དུ་འདུས་སོ། །  
\v 4 ཡེས་ར་ཨེལ་གྱི་རྒན་པོ་རྣམས་སླེབས་པ་ཙམ་གྱིས། ལེ་ཝི་པ་དག་གིས་ཞལ་ཆད་ཀྱི་ཤུར་སྒམ་ཁུར་ཏེ།  
\v 5 མཆོད་དཔོན་དང་ལེ་ཝི་པ་རྣམས་ཀྱིས་དཀོན་མཆོག་གི་ཞལ་ཆད་ཀྱི་ཤུར་སྒམ་དང་། མཇལ་འཕྲད་གུར་མཆོག་དང་དེའི་ནང་དུ་ཡོད་པའི་ཡོ་བྱད་དམ་པ་ཐམས་ཅད་ཡར་གདན་དྲངས་པ་རེད།  
\v 6 རྒྱལ་པོ་སོ་ལོ་མོན་དང་དེར་འཛོམས་པའི་ཡེས་ར་ཨེལ་གྱི་མི་ཚོགས་ཀྱིས་ཞལ་ཆད་ཀྱི་ཤུར་སྒམ་མདུན་དུ་ལུག་དང་བ་གླང་གི་མཆོད་པ་བགྲང་གིས་མི་ལང་བ་ཕུལ་ཏོ། །  
\v 7 ཡང་མཆོད་དཔོན་རྣམས་ཀྱིས་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་ནི་མཆོད་ཁང་སྦུག་མ་སྟེ་གནས་དམ་མཆོག་གི་ནང་དུ། ཀེ་རུབ་གཉིས་ཀྱི་གཤོག་པའི་འོག་ཏུ་ཞལ་ཆད་ཀྱི་ཤུར་སྒམ་འཇོག་སའི་གནས་སུ་བཞག  
\v 8 ཀེ་རུབ་ཀྱིས་ཞལ་ཆད་ཀྱི་ཤུར་སྒམ་སྟེང་དུ་གཤོག་པ་བརྐྱངས་ནས། ཞལ་ཆད་ཀྱི་ཤུར་སྒམ་དང་དེ་འཁུར་བྱེད་ཀྱི་རྒྱུག་ཤིང་གཡོགས་པའོ། །  
\v 9 རྒྱུག་ཤིང་དེ་གཉིས་ནི་ཤིན་ཏུ་རིང་བས། མཆོད་ཁང་སྦུག་མའི་མདུན་ནས་དེ་དག་གི་སྣེ་མོ་མཐོང་ཐུབ་པ་དང་། མཆོད་ཁང་ཕྱི་རོལ་ནས་མཐོང་མི་ཐུབ་ཅིང་། རྒྱུག་ཤིང་དེ་གཉིས་ནི་ད་ལྟའི་བར་དུ་དེར་ཡོད་པ་ཡིན།  
\v 10 ཞལ་ཆད་ཀྱི་ཤུར་སྒམ་ནང་དུ་རྡོ་ལེབ་གཉིས་ལས་གཞན་ཅི་ཡང་མེད་དེ། རྡོ་ལེབ་དེ་གཉིས་ནི་ཡེས་ར་ཨེལ་པ་རྣམས་ཨེ་ཅིབ་ཡུལ་ནས་ཐོན་རྗེས་དཀོན་མཆོག་ཡ་ཝཱེས་ཁོ་རྣམས་ལ་ཞལ་ཆད་མཛད་པའི་དུས་སུ། མོ་ཤེ་ཡིས་རི་བོ་ཧོ་རེབ་ཏུ་དེའི་ནང་ལ་བཞག་པ་ཡིན་ནོ། །   
\p
\v 11 དེར་ཡོད་པའི་མཆོད་དཔོན་རྣམས་ཀྱིས་ཁོ་ཚོའི་ལས་རེས་གང་ཡིན་ཡང་རང་ཉིད་དམ་པར་བྱས་ཤིང་།  
\v 12 མགུར་ལེན་མཁན་ལེ་ཝི་པ་ཐམས་ཅད་དེ་ཨ་སབ་དང་། ཧེ་མཱན་དང་། ཡེ་དུ་ཐུན་བཅས་དང་། དེ་དག་གི་བུ་དང་ཉེ་འབྲེལ་རྣམས་ཀྱིས་སོ་རས་སྲབ་བུའི་གོས་གྱོན་ནས། མཆོད་ཁྲིའི་ཤར་ཕྱོགས་སུ་ལངས་ཏེ་སྦུག་ཆལ་དང་། རྒྱུད་མངས་དང་། པི་ཝང་བཅས་བརྡུངས་ཤིང་། དེ་དག་དང་མཉམ་དུ་དུང་འབུད་པའི་མཆོད་དཔོན་ད་དུང་བརྒྱ་དང་ཉི་ཤུ་ཡོད།  
\v 13 དུང་འབུད་མཁན་དང་མགུར་ལེན་མཁན་རྣམས་ཀྱིས་མཉམ་དུ་སྐད་གཅིག་གིས་དཀོན་མཆོག་ཡ་ཝཱེ་ལ་བསྟོད་ཅིང་ཁོང་ལ་གཏང་རག་ཕུལ། ཁོ་རྣམས་ཀྱིས་དུང་དང་། སྦུག་ཆལ་དང་། རོལ་ཆས་སྣ་ཚོགས་ཀྱི་སྐད་ཆེན་པོས་དཀོན་མཆོག་ཡ་ཝཱེ་ལ་བསྟོད་བསྔགས་ཕུལ་ཏེ། དཀོན་མཆོག་ཡ་ཝཱེ་ནི་བཟང་པོ་ཡིན། ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས་ཞེས་བརྗོད་དོ། །དེ་ནས་མཆོད་དཔོན་རྣམས་གནས་དམ་པ་ལས་ཕྱི་རུ་ཐོན་དུས་སུ། དཀོན་མཆོག་ཡ་ཝཱེའི་མཆོད་ཁང་གི་ནང་དུ་སྤྲིན་ཕུང་ཞིག་གིས་ཁེངས་པར་གྱུར།  
\v 14 ཡང་སྤྲིན་ཕུང་དེའི་རྐྱེན་གྱིས་མཆོད་དཔོན་རྣམས་ཡར་ལངས་ནས་ཞབས་ཕྱི་བྱེད་མ་ཕོད་དེ། ཅི་ལ་ཞེ་ན། དཀོན་མཆོག་ཡ་ཝཱེའི་གཟི་བརྗིད་ཀྱིས་དཀོན་མཆོག་གི་མཆོད་ཁང་དེར་གང་བས་སོ། །   
\c 6
\cl ལེའུ་དྲུག་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 སོ་ལོ་མོན་གྱིས་མི་ཚོགས་ལ་གཏམ་གླེང་བ།  
\p
\v 1 སྐབས་དེར་སོ་ལོ་མོན་ན་རེ། སྔར་དཀོན་མཆོག་ཡ་ཝཱེས་ཁོང་ནི་སྤྲིན་ནག་སྟུག་པོའི་ནང་དུ་གནས་པར་འགྱུར་ཞེས་གསུངས་ཤིང་།  
\v 2 བདག་གིས་ཁྱེད་ལ་མཆོད་ཁང་བརྗིད་ཆགས་ཤིག་བཞེངས་ཏེ། ཁྱེད་དུས་གཏན་དུ་གནས་པའི་བཞུགས་གནས་ཡིན་ནོ་ཞུས་ནས།  
\v 3 རྒྱལ་པོས་ཞལ་ཕྱིར་འཁོར་ཏེ་ཡེས་ར་ཨེལ་གྱི་མི་ཚོགས་ལ་བྱིན་རླབས་གནང་བ་དང་མི་ཚོགས་ཡོངས་རྫོགས་ལངས་ནས་བསྡད།  
\v 4 སོ་ལོ་མོན་ན་རེ། ཡེས་ར་ཨེལ་གྱི་དཀོན་མཆོག་ཡ་ཝཱེ་ནི་བསྟོད་པར་འོས་སོ། །ཅི་ལ་ཞེ་ན། ཁོང་གིས་ངའི་ཕ་དཱ་བིད་ལ་དངོས་སུ་ཞལ་བཞེས་གནང་བ་གང་ཞིག་ཕྱག་གིས་བསྒྲུབས་པས་སོ། །ཁོང་གིས་འདི་སྐད་དུ།  
\v 5 བདག་གིས་རང་གི་འབངས་མི་ཡེས་ར་ཨེལ་པ་རྣམས་ཨེ་ཅིབ་ཡུལ་ནས་ཕྱི་རུ་ཁྲིད་འོངས་པའི་ཉིན་མོ་དེ་ནས་བཟུང་། བདག་གི་མིང་དེར་གནས་པའི་ཆེད་དུ་མཆོད་ཁང་ཞིག་བཞེང་བར་ཡེས་ར་ཨེལ་གྱི་ཚོ་པ་ཁག་ནས་གྲོང་ཁྱེར་གང་ཡང་མ་འདེམས། ཡང་བདག་གི་འབངས་མི་ཡེས་ར་ཨེལ་ལ་དབང་སྒྱུར་བའི་ཆེད་དུ་སྐྱེ་བོ་གང་ཡང་འགོ་དཔོན་དུ་མ་འདེམས།  
\v 6 ཡིན་ཡང་བདག་གིས་རང་གི་མིང་དེར་གནས་པའི་ཆེད་དུ་ཡེ་རུ་སཱ་ལེམ་དང་། རང་གི་འབངས་མི་ཡེས་ར་ཨེལ་ལ་དབང་སྒྱུར་བའི་ཆེད་དུ་དཱ་བིད་འགོ་དཔོན་དུ་བདམས་པ་ཡིན་ཞེས་གསུངས་པས།  
\v 7 ངའི་ཕ་དཱ་བིད་ཀྱི་སེམས་སུ་ཡེས་ར་ཨེལ་གྱི་དཀོན་མཆོག་ཡ་ཝཱེའི་མཚན་གྱི་ཕྱིར་མཆོད་ཁང་ཞིག་བཞེང་བའི་འདུན་པ་ཡོད་མོད།  
\v 8 འོན་ཀྱང་དཀོན་མཆོག་ཡ་ཝཱེས་ངའི་ཡབ་དཱ་བིད་ལ་འདི་སྐད་དུ་། ཁྱོད་ཀྱི་སེམས་སུ་བདག་གི་མིང་ལ་མཆོད་ཁང་ཞིག་བཞེང་བའི་འདུན་པ་ཡོད་པ་ནི་ལེགས་སོ། །  
\v 9 འོན་ཀྱང་ཁྱོད་ཀྱིས་མཆོད་ཁང་བཞེང་བར་མི་བྱའོ། །ཁྱོད་ཀྱི་བུ་སྟེ་ཁྱོད་ལས་སྐྱེས་པའི་བུ་ཡིས་ངའི་མིང་གི་ཕྱིར་མཆོད་ཁང་བཞེང་བར་འགྱུར་ཞེས་གསུངས་སོ། །  
\v 10 ད་ནི་དཀོན་མཆོག་ཡ་ཝཱེས་གསུངས་པའི་བཀའ་ནང་བཞིན་འགྲུབ་པར་མཛད་དེ། བདག་ནི་རང་གི་ཡབ་དཱ་བིད་ཀྱི་ཚབ་ཏུ་ཡེས་ར་ཨེལ་གྱི་རྒྱལ་ཁྲིར་བསྡད་ནས། ཡེས་ར་ཨེལ་གྱི་དཀོན་མཆོག་ཡ་ཝཱེའི་མཚན་ལ་མཆོད་ཁང་འདི་བརྩིགས་པ་ཡིན།  
\v 11 ཡང་ངས་ཞལ་ཆད་ཀྱི་ཤུར་སྒམ་མཆོད་ཁང་གི་ནང་དུ་བཞག་ཅིང་། དེའི་ནང་དུ་དཀོན་མཆོག་ཡ་ཝཱེས་ཡེས་ར་ཨེལ་པ་རྣམས་ལ་མཛད་པའི་ཞལ་ཆད་བཞུགས་པ་ཡིན་ཞེས་སྨྲས་སོ། །   
\s1 སོ་ལོ་མོན་གྱི་གསོལ་འདེབས།  
\p
\v 12 དེ་ནས་སོ་ལོ་མོན་ནི་ཡེས་ར་ཨེལ་གྱི་མི་ཚོགས་མདུན་དུ་དཀོན་མཆོག་ཡ་ཝཱེའི་མཆོད་ཁྲིའི་དྲུང་དུ་ལངས་ནས་ལག་ཟུང་བརྐྱངས་པའོ། །  
\v 13 སྔར་སོ་ལོ་མོན་གྱིས་ལི་ཡི་སྟེགས་བུ་ཞིག་བཞེངས་པ་སྟེ། རིང་ཚད་ལ་ཁྲུ་ལྔ་དང་ཞེང་ལ་ཁྲུ་ལྔ། མཐོ་ཚད་ལ་ཁྲུ་གསུམ་བཅས་ཡོད་པ་དེ་ཕྱིའི་ར་སྐོར་དཀྱིལ་དུ་བཞག་ནས། ཁོང་དེའི་སྟེང་དུ་ལངས་བསྡད་པ་དང་། དེ་ནས་ཡེས་ར་ཨེལ་མི་ཚོགས་ཀྱི་མདུན་དུ་པུས་མོ་སར་བཙུགས་ནས་ནམ་མཁའི་ཕྱོགས་སུ་ལག་ཟུང་བརྐྱངས་ཏེ་ན་རེ།  
\v 14 ཀྱེ་ཡེས་ར་ཨེལ་གྱི་དཀོན་མཆོག་ཡ་ཝཱེ་ལགས། གནམ་ས་གཉིས་སུ་ཁྱེད་ལྟ་བུའི་དཀོན་མཆོག་སུ་ཡང་མེད། ཁྱེད་ཀྱིས་བསམ་པ་རྩེ་གཅིག་གིས་ཁྱེད་ཀྱི་དྲུང་དུ་འགྲུལ་བའི་ཞབས་ཕྱི་རྣམས་ལ་ཞལ་ཆད་སྲུང་ཞིང་ཐུགས་རྗེས་གཟིགས་པ་ཡིན།  
\v 15 ཁྱེད་ཀྱིས་ཉིད་ཀྱི་ཞབས་ཕྱི་སྟེ་བདག་གི་ཕ་དཱ་བིད་ལ་གནང་བའི་ཞལ་བཞེས་ཐམས་ཅད་བསྲུངས་པ་དང་། ཁྱེད་ཀྱིས་ཞལ་ནས་གསུངས་ཤིང་ཕྱག་གིས་དེ་རིང་གི་ཉིན་མོ་བཞིན་མཛད་པ་ཡིན།  
\v 16 ཀྱེ་ཡེས་ར་ཨེལ་གྱི་དཀོན་མཆོག་ཡ་ཝཱེ་ལགས། ཁྱེད་ཀྱིས་ཉིད་ཀྱི་ཞབས་ཕྱི་སྟེ་བདག་གི་ཕ་དཱ་བིད་ལ་ཞལ་བཞེས་གནང་སྟེ་འདི་སྐད་དུ། ཇི་སྟེ་ཁྱོད་ཀྱི་བུ་རྒྱུད་ཀྱིས་བདག་གི་བཀའ་ཁྲིམས་བསྲུངས་ནས་རང་གི་སྤྱོད་སྟངས་ལ་གཟབ་གཟབ་བྱེད་པ་སྟེ། ཁྱོད་ཀྱིས་ངའི་མདུན་དུ་ཇི་ལྟར་བྱས་པ་བཞིན་བྱེད་ན། ངའི་མདུན་དུ་ཡེས་ར་ཨེལ་གྱི་རྒྱལ་ཁྲིར་སྡོད་མཁན་ནམ་ཡང་རྒྱུན་ཆད་པར་མི་འགྱུར་ཞེས་གསུངས་པ་ཡིན། ད་ནི་ཁྱེད་ཀྱིས་དེ་བཞིན་མཛོད་ཅིག  
\v 17 ཀྱེ་ཡེས་ར་ཨེལ་གྱི་དཀོན་མཆོག་ཡ་ཝཱེ་ལགས། ད་ནི་ཁྱེད་ཀྱིས་ཉིད་ཀྱི་ཞབས་ཕྱི་དཱ་བིད་ལ་གནང་བའི་ཞལ་བཞེས་འགྲུབ་པར་མཛོད་ཅིག  
\v 18 དཀོན་མཆོག་ཉིད་དངོས་གནས་མི་དང་མཉམ་དུ་ས་གཞིར་བཞུགས་པར་འགྱུར་རམ། གཟིགས་དང་། ནམ་མཁའ་དང་ནམ་མཁའི་ཡང་སྟེང་གི་ནམ་མཁའ་རུ་ཡང་ཁྱེད་མི་ཤོང་བས། བདག་གིས་བཞེངས་པའི་མཆོད་ཁང་འདིར་ལྟ་ཅི་སྨོས།  
\v 19 ཀྱེ་ང་ཡི་དཀོན་མཆོག་ཡ་ཝཱེ་ལགས། ཁྱེད་ཀྱིས་ཉིད་ཀྱི་ཞབས་ཕྱིའི་སྨོན་ལམ་དང་ཞུ་བ་ལ་གསན་པར་མཛོད། ཁྱེད་ཀྱི་དྲུང་དུ་ཞུ་བའི་གསོལ་འདེབས་དང་འོ་དོད་ལ་གསན་དུ་གསོལ།  
\v 20 ཡང་ཁྱེད་ཀྱི་སྤྱན་གྱིས་ཉིན་མཚན་མེད་པར་མཆོད་ཁང་འདི་ལ་གཟིགས་རོགས་གནང་། ཁྱེད་ཀྱི་མཚན་གྱི་ཕྱིར་བཞེངས་པའི་བཞུགས་གནས་འདིར་གཟིགས་རོགས། ཁྱེད་ཀྱི་ཞབས་ཕྱིས་གནས་འདིར་བཏབ་པའི་གསོལ་འདེབས་ལ་ཡང་གསན་པར་མཛོད་ཅིག  
\v 21 ཡང་ཁྱེད་ཀྱི་ཞབས་ཕྱི་དང་ཁྱེད་ཀྱི་འབངས་མི་ཡེས་ར་ཨེལ་གྱི་ཞུ་བ་སྟེ། ཁོ་རྣམས་ཀྱིས་གནས་འདི་ཕྱོགས་སུ་བཏབ་པའི་སྨོན་ལམ་ལ་གསན་པར་མཛོད། ཁྱེད་ཀྱིས་ཉིད་ཀྱི་བཞུགས་གནས་ཏེ་ནམ་མཁའ་ནས་གསན་པར་མཛོད། ཡང་གསན་པ་ཙམ་གྱིས་སྡིག་པ་བསལ་བར་མཛོད་ཅིག  
\v 22 གལ་ཏེ་མི་ཞིག་གིས་རང་གི་ཁྱིམ་མཚེས་དང་འགལ་བའི་སྡིག་པ་བྱས་ཤིང་། གཞན་ཞིག་གིས་དེ་ལ་མནའ་འཁུར་དུ་འཇུག་པའི་ཕྱིར་མི་དེས་མཆོད་ཁང་འདིར་འོངས་ནས་ཁྱེད་ཀྱི་མཆོད་ཁྲིའི་མདུན་དུ་མནའ་སྐྱེལ་བའི་དུས་སུ།  
\v 23 ཁྱེད་ཀྱིས་ནམ་མཁའི་ཞིང་ཁམས་ནས་དེར་གསན་ཏེ་ཞབས་ཕྱི་རྣམས་ལ་ཁྲིམས་ཐག་གཅོད་པར་མཛོད། ངན་པར་ཉེས་ཆད་བཅད་ནས་ཁོའི་ཉེས་པ་ཁོ་རང་གི་མགོ་ལ་འབེབ་པར་མཛོད། ཡང་ཉེས་མེད་ལ་དག་འབུད་མཛད་དེ་ཁོའི་དྲང་བདེན་བཞིན་གསོལ་རས་གནང་རོགས།  
\v 24 ཡང་གལ་ཏེ་ཁྱེད་ཀྱི་འབངས་མི་ཡེས་ར་ཨེལ་གྱིས་ཁྱེད་ལ་ཉེས་པ་བསགས་ནས་དགྲའི་མདུན་དུ་ཕམ་ཡང་། ཕྱིས་སུ་ཁྱེད་ཀྱི་ཕྱོགས་སུ་སེམས་བསྒྱུར་ནས་ཁྱེད་ཀྱི་མཚན་ཁས་བླངས་ཏེ། མཆོད་ཁང་འདིར་ཁྱེད་ཀྱི་དྲུང་དུ་སྨོན་ལམ་འདེབས་ཤིང་འོ་དོད་འདོན་ན།  
\v 25 ཁྱེད་ཀྱིས་ནམ་མཁའ་ནས་དེར་གསན་པ་དང་ཉིད་ཀྱི་འབངས་མི་ཡེས་ར་ཨེལ་གྱི་སྡིག་པ་སེལ་ནས། ཁྱེད་ཀྱིས་ཁོ་རྣམས་དང་ཁོ་རྣམས་ཀྱི་ཕ་མེས་ལ་གནང་བའི་ཡུལ་དུ་ཕྱིར་འཁྲིད་པར་མཛོད་ཅིག  
\v 26 ཡང་ཁྱེད་ཀྱི་འབངས་མིས་ཁྱེད་ལ་ཉེས་པ་བསགས་པའི་རྐྱེན་གྱིས། ཁྱེད་ཀྱིས་ཁོ་རྣམས་ལ་ཉེས་ཆད་བཅད་དེ་ནམ་མཁའ་འགགས་ཤིང་ཆར་བ་མི་འབབ་པར་མཛད་པའི་ཚེ། གལ་སྲིད་དེ་དག་གིས་གནས་འདིར་གསོལ་བ་བཏབ་ནས་ཁྱེད་ཀྱི་མཚན་ཁས་བླངས་ཏེ་རང་གི་སྡིག་པ་སྤངས་ན།  
\v 27 ཁྱེད་ཀྱིས་ནམ་མཁའི་ཞིང་ཁམས་ནས་གསན་ཏེ། ཁྱེད་ཀྱི་ཞབས་ཕྱི་དང་ཉིད་ཀྱི་འབངས་མི་ཡེས་ར་ཨེལ་པའི་སྡིག་པར་གུ་ཡངས་མཛད་པ་དང་། ཁོ་རྣམས་ལ་བགྲོད་འོས་པའི་ལམ་དྲང་པོ་དེ་སྟོན་ཞིང་། ཁྱེད་ཀྱི་འབངས་མི་ལ་ས་སྐལ་དུ་གནང་བའི་གནས་སུ་ཆར་བ་འབབ་པར་མཛོད་ཅིག  
\v 28 གལ་ཏེ་ཡུལ་འདིར་མུ་གེའམ་རིམས་ནད་དམ། སྐམ་རླུང་། གཡའ་སྤུ། ཆ་ག་པ། ཨ་ཚག་ཚག་པ་བཅས་ཡོད་པའམ། ཡང་ན་དགྲ་བོས་ཡུལ་ལྗོངས་བསྐོར་ནས་བར་ཆད་དམ་ནད་ཡམས་ཅི་རིགས་འབྱུང་བའི་ཚེ།  
\v 29 ཁྱེད་ཀྱི་འབངས་མི་ཡེས་ར་ཨེལ་ལས་མི་གང་ཞིག་དང་ཡང་ན་ཀུན་གྱིས་རང་གི་ཆག་སྒོ་དང་དཀའ་སྡུག་ཤེས་ནས། མཆོད་ཁང་འདིའི་ཕྱོགས་སུ་ལག་པ་བརྐྱངས་ཏེ་གསོལ་བ་བཏབ་ནས་ཞུ་བ་ཕུལ་ན།  
\v 30 ཁྱེད་ཉིད་བཞུགས་སའི་ནམ་མཁའི་ཞིང་ཁམས་ནས་དེར་གསན་ཏེ་སྡིག་པ་བསལ་བར་མཛོད། ཁྱེད་ཀྱིས་མི་རེ་རེའི་སེམས་མཁྱེན་པས་ན་དེའི་སྤྱོད་ལམ་བཞིན་དུ་བསྒྲུབས་ནས་ལན་གནང་བར་མཛོད། ཅིའི་ཕྱིར་ཞེ་ན། ཁྱེད་ཉིད་གཅིག་པུས་འཇིག་རྟེན་མིའི་རིགས་ཀྱི་སེམས་པ་མཁྱེན་པའི་ཕྱིར་རོ། །  
\v 31 ཁྱེད་ཀྱིས་ངེད་ཅག་གི་ཕ་མེས་ལ་གནང་བའི་ཡུལ་དུ་ཁོ་རྣམས་ཚེ་གང་པོར་ཁྱེད་ལ་གུས་ཤིང་འཇིགས་པ་དང་། ཁྱེད་ཀྱི་ལམ་ནང་འགྲུལ་བར་མཛོད།  
\v 32 ཡང་ཁྱེད་ཀྱི་འབངས་མི་ཡེས་ར་ཨེལ་ལ་མི་གཏོགས་པའི་ཕྱི་རོལ་པ་རྣམས་ཁྱེད་ཀྱི་མཚན་སྙན་དང་། ནུས་མཐུ་ལྡན་པའི་ཕྱག་དང་། ཕྱི་རུ་བརྐྱངས་པའི་དཔུང་པའི་རྐྱེན་གྱིས་རྒྱང་རིང་ནས་ཐོན་ཏེ། མཆོད་ཁང་འདིའི་ཕྱོགས་སུ་སྨོན་ལམ་བཏབ་ན།  
\v 33 ཁྱེད་ཀྱིས་ཉིད་ཀྱི་བཞུགས་གནས་ནམ་མཁའ་ནས་དེར་གསན་ཏེ། ཕྱི་རོལ་པ་དེས་ཁྱེད་ལ་ཅི་ཞུས་པ་ཐམས་ཅད་བསྒྲུབ་པར་མཛད་ཅིང་། ས་གཞིའི་སྟེང་གི་མི་ཐམས་ཅད་ཀྱིས་ཁྱེད་ཀྱི་མཚན་རྟོགས་ཤིང་། ཁྱེད་ཀྱི་འབངས་མི་ཡེས་ར་ཨེལ་བཞིན་དུ་ཁྱེད་ལ་གུས་ཤིང་འཇིགས་པ་དང་། ཡང་ངས་བཞེངས་པའི་མཆོད་ཁང་འདི་ནི་ཁྱེད་ཀྱི་མཚན་ལ་གཏོགས་པའི་བཞུགས་གནས་ཡིན་པ་ཤེས་པར་མཛོད།  
\v 34 ཡང་གལ་ཏེ་ཁྱེད་ཀྱི་འབངས་མི་ནི་ཁྱེད་ཀྱིས་མངགས་པའི་ལམ་དུ་དགྲ་བོར་དམག་འགྱེད་ནས། ཁྱེད་ཀྱིས་བདམས་པའི་གྲོང་ཁྱེར་འདིའི་ཕྱོགས་དང་། ངས་ཁྱེད་ཀྱི་མཚན་གྱི་ཕྱིར་བཞེངས་པའི་མཆོད་ཁང་འདིའི་ཕྱོགས་སུ་ཁྱེད་ལ་གསོལ་བ་བཏབ་ན།  
\v 35 ཁྱེད་ཀྱིས་ནམ་མཁའ་ནས་དེ་དག་གི་གསོལ་འདེབས་དང་འོ་དོད་ལ་གསན་ཏེ་ཁོ་རྣམས་རྒྱལ་བར་མཛོད་ཅིག  
\v 36 འཇིག་རྟེན་དུ་སྡིག་པ་མི་བྱེད་པ་སུ་ཡང་མེད་པས། གལ་ཏེ་ཁྱེད་ཀྱི་འབངས་མིས་ཁྱེད་ལ་སྡིག་པ་བྱས་པ་དང་། ཁྱེད་ཐུགས་ཁྲོས་ནས་དེ་དག་དགྲའི་ལག་ཏུ་གཏད་དེ། དགྲ་བོས་དེ་དག་ཡུལ་ཉེ་རིང་གང་དུ་བཙན་ཁྲིད་བྱས་ཤིང་།  
\v 37 དེ་དག་གིས་བཙན་ཁྲིད་བྱས་ནས་སོང་བའི་ཡུལ་དེར་བློ་ཁ་ཚུར་འཁོར་ནས། བཙན་ཁྲིད་བྱས་པའི་ཡུལ་དུ་འགྱོད་བཤགས་དང་བཅས་ཁྱེད་ལ་འདི་ལྟར། ངེད་ཅག་གིས་སྡིག་པ་བྱས་ཤིང་། ངེད་ཅག་གིས་ཉེས་པ་བཟོས་པ་དང་། ངེད་ཅག་གིས་ལས་ངན་པ་བྱས་པ་ཡིན་ཞེས་ཞུ་བ་ཕུལ་ནས་གསོལ་བ་འདེབས་པ་དང་།  
\v 38 ཡང་དེ་དག་བཙན་ཁྲིད་བྱས་ནས་སོང་བའི་ཡུལ་དུ་བློ་གཅིག་སེམས་གཅིག་གིས་ཁྱེད་ཀྱི་ཕྱོགས་སུ་འཁོར་ཞིང། རང་གི་ཡུལ་ཏེ་ཁྱེད་ཀྱིས་དེ་དག་གི་ཕ་མེས་ལ་གནང་བའི་ཡུལ་དང་། ཁྱེད་ཀྱིས་བདམས་པའི་གྲོང་ཁྱེར་དང་། ངས་ཁྱེད་ཀྱི་མཚན་གྱི་ཕྱིར་བཞེངས་པའི་མཆོད་ཁང་འདིའི་ཕྱོགས་སུ་སྨོན་ལམ་བཏབ་ན།  
\v 39 ཁྱེད་ཀྱིས་ཉིད་ཀྱི་བཞུགས་གནས་ཏེ་ནམ་མཁའ་ནས་དེ་དག་གི་གསོལ་འདེབས་དང་འོ་དོད་ལ་གསན་པ་དང་། དེ་དག་ལ་བདེན་ལུགས་གནང་ནས་ཁྱེད་ལ་ཉེས་པ་བསགས་པའི་མི་མང་གི་སྡིག་ཉེས་བསལ་བར་མཛོད་ཅིག  
\v 40 ཀྱེ་བདག་གི་དཀོན་མཆོག་ལགས། ད་ནི་ཁྱེད་ཀྱིས་སྤྱན་ཟུང་འབྱེད་པ་དང་། ཁྱེད་ཀྱི་སྙན་གྱིས་ཡུལ་འདིར་ཕུལ་བའི་གསོལ་འདེབས་ལ་གསན་པར་ཞུ།  
\v 41 ཀྱེ་དཀོན་མཆོག་ཡ་ཝཱེ་ལགས། ད་ནི་ཁྱེད་ཉིད་ཡར་བཞེང་བར་ཞུ། ཁྱེད་དང་ཉིད་ཀྱི་མཐུ་སྟོབས་ལྡན་པའི་ཞལ་ཆད་ཀྱི་ཤུར་སྒམ་ནི་ཁྱེད་ཉིད་སྐུ་ངལ་གསོ་བའི་བཞུགས་གནས་ལ་ཕེབས་སུ་གསོལ། ཀྱེ་དཀོན་མཆོག་ཡ་ཝཱེ་ལགས། ཁྱེད་ཀྱི་མཆོད་དཔོན་རྣམས་ཀྱིས་ཐར་པའི་གོས་གྱོན་ཞིང་། ཁྱེད་ཀྱི་འབངས་མི་དམ་པ་རྣམས་ཉིད་ཀྱི་བྱིན་རླབས་ཁྲོད་དགའ་ཞིང་སྤྲོ་བར་གྱུར་ཅིག  
\v 42 ཀྱེ་དཀོན་མཆོག་ཡ་ཝཱེ་ལགས། ཁྱེད་ཀྱིས་བྱུགས་པའི་མི་ཡི་ངོ་མ༌བཟློག ཉིད་ཀྱི་ཞབས་ཕྱི་དཱ་བིད་ལ་ཞལ་བཞེས་གནང་བའི་བྱམས་བརྩེ་ནི་ཁྱེད་ཀྱི་ཐུགས་སུ་དྲན་དུ་གསོལ་ཞེས་གསོལ་བ་བཏབ་བོ། །   
\c 7
\cl ལེའུ་བདུན་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 མཆོད་པ་འབུལ་བ།  
\p
\v 1 སོ་ལོ་མོན་གྱིས་གསོལ་བ་བཏབ་ཚར་མ་ཐག ནམ་མཁའ་ནས་མེ་བབས་ཏེ་སྦྱིན་སྲེག་དང་མཆོད་པ་རྣམས་ཡོངས་སུ་བསྲེགས་ཤིང་། དཀོན་མཆོག་ཡ་ཝཱེའི་གཟི་འོད་མཆོད་ཁང་དེར་ཁྱབ་པའོ། །  
\v 2 དཀོན་མཆོག་ཡ་ཝཱེའི་གཟི་འོད་མཆོད་ཁང་དེར་ཁྱབ་པའི་སྟབས་ཀྱིས་མཆོད་དཔོན་རྣམས་དཀོན་མཆོག་ཡ་ཝཱེའི་མཆོད་ཁང་དུ་འགྲོ་མ་ནུས་སོ། །  
\v 3 ཡེས་ར་ཨེལ་མི་ཚོགས་ཀྱིས་མེ་འབབ་པ་དང་དཀོན་མཆོག་ཡ་ཝཱེའི་གཟི་འོད་མཆོད་ཁང་སྟེང་དུ་བཞུགས་པ་མཐོང་བ་ཙམ་གྱིས། རྡོ་གཅལ་སྟེང་པུས་མོ་སར་བཙུགས་ནས་ཕྱག་བཙལ་ཏེ། དཀོན་མཆོག་ཡ་ཝཱེ་ལ་བསྙེན་བཀུར་དང་གཏང་རག་ཕུལ་ཏེ་ན་རེ། དཀོན་མཆོག་ཡ་ཝཱེ་ནི་བཟང་པོ་ཡིན་ལ། ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས་ཞེས་ཞུས་སོ། །  
\v 4 རྒྱལ་པོ་དང་མི་ཐམས་ཅད་ཀྱིས་དཀོན་མཆོག་ཡ་ཝཱེའི་དྲུང་དུ་མཆོད་པ་ཕུལ།  
\v 5 རྒྱལ་པོ་སོ་ལོ་མོན་གྱིས་གླང་ཉིས་ཁྲི་ཉིས་སྟོང་དང་ར་ལུག་ཆིག་འབུམ་ཉིས་ཁྲི་དཀོན་མཆོག་གི་མཆོད་ཁང་དུ་མཆོད་པར་ཕུལ། དེ་བཞིན་རྒྱལ་པོ་དང་མི་ཐམས་ཅད་ཀྱིས་དཀོན་མཆོག་གི་མཆོད་ཁང་བསྔོ་བའི་མཛད་སྒོ་སྤེལ།  
\v 6 ཡང་མཆོད་དཔོན་རྣམས་རང་རང་གི་ལས་གནས་སྟེང་ལངས་བསྡད་པ་དང་། ལེ་ཝི་པ་རྣམས་ཀྱང་སྔར་དཱ་བིད་ཀྱིས་དཀོན་མཆོག་ཡ་ཝཱེ་ལ་བསྟོད་དབྱངས་འབུལ་བར་བཟོས་པའི་རོལ་ཆས་རྣམས་ཏེ། ཁོ་རྣམས་བརྒྱུད་ནས་དཀོན་མཆོག་ཡ་ཝཱེའི་བྱམས་བརྩེ་རྒྱུན་ནས་རྒྱུན་དུ་གནས་ཞེས་དཀོན་མཆོག་ཡ་ཝཱེ་ལ་གཏང་རག་འབུལ་བའི་དུས་སུ་བཀོལ་བ་རྣམས་ཐོགས་ནས་ལངས་བསྡད་པ་དང་། མཆོད་དཔོན་རྣམས་ཀྱིས་མི་ཚོགས་ཀྱི་མདུན་དུ་རྒྱ་གླིང་བུས་པ་དང་། ཡེས་ར་ཨེལ་པ་ཐམས་ཅད་ལངས་ནས་བསྡད།  
\v 7 སོ་ལོ་མོན་གྱིས་དཀོན་མཆོག་ཡ་ཝཱེའི་མཆོད་ཁང་མདུན་གྱི་ར་སྐོར་གྱི་དཀྱིལ་དབུས་དེ་དམ་པར་མཛད་ནས། སྦྱིན་སྲེག་དང་ཞི་བདེའི་མཆོད་པ་རྣམས་ཀྱི་ཚིལ་དེར་ཕུལ། ཅིའི་ཕྱིར་ཞེ་ན། སོ་ལོ་མོན་གྱིས་བཟོས་པའི་ལི་ཡི་མཆོད་ཁྲིའི་སྟེང་དུ་སྦྱིན་སྲེག་དང་འབྲུ་རིགས་ཀྱི་མཆོད་པ། མཆོད་པའི་ཚིལ་རྣམས་མ་ཤོང་བས་སོ། །  
\v 8 སྐབས་དེར། སོ་ལོ་མོན་གྱིས་ཉིན་བདུན་ལ་དུས་ཆེན་བཏང་བ་དང་། ཧ་མཱད་ནས་ཨེ་ཅིབ་གཙང་པོ་བར་གྱི་ཡེས་ར་ཨེལ་པ་ཐམས་ཅད་ཀྱང་ཁོང་དང་མཉམ་དུ་ཚོགས་རྒྱ་ཆེན་པོ་ཞིག་གྲུབ།  
\v 9 ཁོ་རྣམས་ཀྱིས་མཆོད་ཁྲི་བསྔོ་བའི་མཛད་སྒོ་ཉིན་བདུན་ལ་སྤེལ་ཞིང་དུས་ཆེན་ཉིན་བདུན་ལ་བཏང་བ་དང་། ཉིན་བརྒྱད་པར་འདུ་འཛོམས་དམ་ནན་བསྡུས་སོ། །  
\v 10 ཟླ་བདུན་པའི་ཚེས་ཉེར་གསུམ་ཉིན་རྒྱལ་པོས་མི་རྣམས་རང་རང་གི་ཡུལ་ལ་འགྲོ་རུ་བཅུག ཁོ་རྣམས་ཀྱིས་དཀོན་མཆོག་ཡ་ཝཱེས་དཱ་བིད་དང་། སོ་ལོ་མོན་དང་། ཉིད་ཀྱི་འབངས་མི་ཡེས་ར་ཨེལ་བཅས་ལ་གནང་བའི་ཐུགས་རྗེ་མཇལ་བས་སེམས་པ་དགའ་ཞིང་སྤྲོ་བར་གྱུར་ཏོ། །   
\s1 དཀོན་མཆོག་སོ་ལོ་མོན་ལ་མངོན་པར་གྱུར་པ།  
\p
\v 11 དེ་ལྟར་སོ་ལོ་མོན་གྱིས་དཀོན་མཆོག་ཡ་ཝཱེའི་མཆོད་ཁང་དང་རྒྱལ་པོའི་ཕོ་བྲང་བཞེངས་ནས་ཚར་བ་དང་། དཀོན་མཆོག་ཡ་ཝཱེའི་མཆོད་ཁང་གི་ནང་དང་ཡང་ན་སོ་ལོ་མོན་གྱི་ཕོ་བྲང་ནང་དུ་ཁོང་གི་སེམས་སུ་ཅི་ལྟར་བྱེད་འདོད་པ་བཞིན་ཐམས་ཅད་ལེགས་འགྲུབ་བྱུང་བ་རེད།  
\v 12 མཚན་མོའི་དུས་སུ་དཀོན་མཆོག་ཡ་ཝཱེ་ཁོང་ཉིད་སོ་ལོ་མོན་ལ་མངོན་པར་གྱུར་ནས་འདི་སྐད་དུ། བདག་གིས་ཁྱོད་ཀྱི་སྨོན་ལམ་ལ་མཉན་ནས་རང་གི་ཆེད་དུ་གནས་འདི་མཆོད་པ་འབུལ་ཡུལ་དུ་བདམས་པ་ཡིན།  
\v 13 གལ་ཏེ་བདག་གིས་གནམ་བཀག་ནས་ཆར་བ་མི་འབབ་པ་དང་། ཡང་ན་ཆ་ག་པ་ལ་ཡུལ་འདིའི་ལོ་ཏོག་ཁྱུར་མིད་གཏོང་བའི་བཀའ་འགོད་པ། ཡང་ན་བདག་གིས་རང་གི་འབངས་མིའི་ཁྲོད་དུ་རིམས་ནད་གཏོང་བ་བཅས་བྱས་ན།  
\v 14 གལ་ཏེ་བདག་གི་མིང་གིས་འབོད་པའི་འབངས་མི་འདིས་ཁེངས་སྐྱུང་གིས་གསོལ་བ་འདེབས་པ་དང་། བདག་གི་ངོ་གདོང་འཚོལ་ཞིང་སྤྱོད་ངན་ཀུན་ལས་ལོག་འོངས་ན། བདག་གིས་ནམ་མཁའ་ནས་མཉན་ཏེ་ཁོ་རྣམས་ཀྱི་སྡིག་པ་བསལ་ཞིང་ཁོ་རྣམས་ཀྱི་ཡུལ་ཁམས་གསོ་བར་བྱ།  
\v 15 ད་ནི་བདག་གིས་མིག་ཟུང་འབྱེད་ཅིང་རྣ་བས་གནས་འདི་ནས་བཏབ་པའི་སྨོན་ལམ་ལ་མཉན་པར་བྱའོ། །  
\v 16 ད་ནི་ངའི་མིང་མཆོད་ཁང་འདིའི་ནང་གཏན་དུ་གནས་པའི་ཕྱིར་དུ། བདག་གིས་མཆོད་ཁང་འདི་བདམས་ཤིང་དམ་པར་བྱས་པ་ཡིན་ལ། བདག་གི་མིག་དང་སེམས་གཉིས་ཀྱང་དུས་རྟག་ཏུ་འདིར་གནས་པར་འགྱུར་རོ། །  
\v 17 ཡང་ཁྱོད་ལ་མཚོན་ན། ཇི་སྟེ་ཁྱོད་ཀྱིས་རང་གི་ཕ་དཱ་བིད་ཀྱིས་ཇི་ལྟར་བྱས་པ་བཞིན་ངའི་མདུན་དུ་སྤྱད་པ་སྤྱོད་ཅིང་། བདག་གིས་ཁྱོད་ལ་གནང་བའི་བཀའ་ཐམས་ཅད་བསྲུང་བ་དང་། བདག་གི་སྒྲིག་ཁྲིམས་དང་སྲོལ་ཡིག་རྣམས་དམ་པོར་བརྩིས་ན།  
\v 18 བདག་གིས་ཁྱོད་ཀྱི་ཕ་དཱ་བིད་ལ་བཞག་པའི་ཞལ་ཆད་དེ། ཁྱོད་ཀྱི་བུ་རྒྱུད་ལས་རྒྱལ་པོར་བསྡད་དེ་ཡེས་ར་ཨེལ་ལ་དབང་སྒྱུར་མཁན་ནམ་ཡང་རྒྱུན་ཆད་པར་མི་འགྱུར་ཞེས་སྨྲས་པ་བཞིན་དུ། བདག་གིས་ཁྱོད་ཀྱི་རྒྱལ་སྲིད་བརྟན་པོར་མཛད་ངེས།  
\v 19 ཡིན་ནའང་གལ་ཏེ་ཁྱོད་རྣམས་བདག་དང་བྲལ་ནས། བདག་གིས་ཁྱོད་རྣམས་ཀྱི་མདུན་དུ་བཞག་པའི་སྒྲིག་ཁྲིམས་དང་བཀའ་རྒྱ་རྣམས་སྤངས་ཏེ། ཕར་སོང་ནས་ལྷ་གཞན་དག་ལ་ཞབས་ཕྱི་བྱས་ཏེ་ཕྱག་བཙལ་ན།  
\v 20 བདག་གིས་ཡེས་ར་ཨེལ་པ་རྣམས་ལ་གནང་བའི་ཡུལ་ལས་ཁོ་ཚོ་རྩ་ནས་འདོན་པར་མ་ཟད། བདག་གིས་རང་གི་མིང་གི་ཕྱིར་དམ་པར་བྱས་པའི་མཆོད་ཁང་འདི་ཡང་རང་གི་མིག་མདུན་ནས་དོར་ཏེ། མཆོད་ཁང་འདི་ནི་མི་ཀུན་གྱི་ཁྲོད་དུ་གད་མོའི་གནས་དང་འཕྱ་སྨོད་བྱེད་ཡུལ་དུ་བསྒྱུར་ངེས་ཡིན།  
\v 21 མཆོད་ཁང་འདི་ནི་གཟི་བརྗིད་ལྡན་པ་ཞིག་ཡིན་ནའང་། མ་འོངས་པ་ན་འདིར་བརྒྱུད་ནས་འགྲོ་བའི་མི་རྣམས་ཧ་ལས་ཏེ་འདི་ལྟར། དཀོན་མཆོག་ཡ་ཝཱེས་ཡུལ་ཁམས་འདི་དང་མཆོད་ཁང་འདི་ལ་འདི་བཞིན་མཛད་དོན་ཅི་ཡིན་ནམ་ཞེས་སྨྲ་བ་དང་།  
\v 22 མི་རྣམས་ཀྱིས་དེའི་ལན་དུ། ཡུལ་འདིའི་མི་རྣམས་ཀྱིས་རང་གི་ཕ་མེས་ཀྱི་དཀོན་མཆོག་ཡ་ཝཱེ་སྟེ། ཁོ་རྣམས་ཨེ་ཅིབ་ཡུལ་ནས་ཕྱི་རུ་ཁྲིད་འོང་མཁན་དཀོན་མཆོག་སྤངས་ནས། ལྷ་གཞན་དག་ལ་བརྟེན་ཞིང་དེ་དག་ལ་ཕྱག་བཙལ་ཏེ་ཞབས་ཕྱི་བྱས་པས། དཀོན་མཆོག་ཡ་ཝཱེས་དེ་རྣམས་ཀྱི་སྟེང་དུ་ཆག་སྒོ་འདི་ཐམས་ཅད་ཕབ་པ་ཡིན་ཞེས་སྨྲ་བར་འགྱུར་ཞེས་གསུངས་སོ། །   
\c 8
\cl ལེའུ་བརྒྱད་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 སོ་ལོ་མོན་གྱི་མཛད་རྗེས།  
\p
\v 1 སོ་ལོ་མོན་གྱིས་བགྲང་བྱ་ཉི་ཤུའི་རིང་ལ་དཀོན་མཆོག་ཡ་ཝཱེའི་མཆོད་ཁང་དང་རང་གི་ཕོ་བྲང་བཞེངས་ཟིན་པའི་མཐར།  
\v 2 སོ་ལོ་མོན་གྱིས་ཧི་རཱམ་བྱ་བས་ཁོང་ལ་ཕུལ་བའི་གྲོང་ཁྱེར་རྣམས་བསྐྱར་འཛུགས་བྱས་ནས། ཡེས་ར་ཨེལ་པ་རྣམས་དེ་རུ་གནས་སུ་བཅུག  
\v 3 དེ་ནས་སོ་ལོ་མོན་ནི་ཧ་མཱད་ཙོ་བཱ་རུ་སོང་ནས་ས་དེ་བླངས་པ་དང་།  
\v 4 ཡང་དབེན་སྟོང་གི་ཐད་མོར་དང་། ཁོང་གིས་ཧ་མཱད་དུ་བསྐྲུན་པའི་བང་མཛོད་ཀྱི་གྲོང་ཁྱེར་ཐམས་ཅད་བརྩིགས།  
\v 5 ཡང་ཁོང་གིས་པེད་ཧོ་རོན་གོང་མ་དང་པེད་ཧོ་རོན་ཞོལ་མ་གཉིས་ཀ་བརྩིགས་ནས་དེ་རྣམས་ལྕགས་རི་དང་རྒྱ་སྒོ་དང་། སྒོ་གཏན་བཅས་དང་ལྡན་པའི་འགོག་སྲུང་གྲོང་ཁྱེར་དུ་གྱུར་པ་ཡིན།  
\v 6 ཡང་པཱ་ཨ་ལད་དང་སོ་ལོ་མོན་ལ་གཏོགས་པའི་བང་མཛོད་ཀྱི་གྲོང་ཁྱེར་རྣམས་དང་། ཤིང་རྟ་འཇོག་སའི་གྲོང་ཁྱེར་རྣམས་དང་། སྐྱ་དམག་བཅའ་སྡོད་བྱེད་སའི་གྲོང་ཁྱེར་རྣམས་དང་། སོ་ལོ་མོན་གྱིས་ཡེ་རུ་སཱ་ལེམ་དང་། ལེ་པཱ་ནོན་དང་། རང་གི་དབང་འོག་གི་ཡུལ་ཀུན་ནས་གང་དང་གང་བརྩིག་འདོད་པ་ཐམས་ཅད་བརྩིགས་པའོ། །  
\v 7 ཡེས་ར་ཨེལ་པ་མིན་པའི་ཧེད་པ་དང་། ཨེ་མོར་པ་དང་། ཕེ་རེ་ཟི་པ་དང་། ཧེ་བི་པ་དང་། ཡེ་བུ་སི་པ་བཅས་ལས་ལུས་པའི་མི་རྣམས་ལ་མཚོན་ན།  
\v 8 དེ་དག་གི་བུ་རྒྱུད་རྣམས་སྔར་བཞིན་ཡུལ་དེར་ལུས་ཤིང་། ཡེས་ར་ཨེལ་པ་རྣམས་ཀྱིས་དེ་རྣམས་རྩ་མེད་དུ་མ་བཏང་ངོ་། །སོ་ལོ་མོན་གྱིས་དེ་རྣམས་བསྡུས་ནས་དེ་རིང་ཉིན་མོའི་བར་དུ་སྡུག་ལས་ཀྱི་གཡོག་ལ་བཀོལ་བ་ཡིན་ནོ། །  
\v 9 སོ་ལོ་མོན་གྱིས་ཡེས་ར་ཨེལ་པ་རྣམས་འབའ་ཞིག་རང་གི་ལས་ཀའི་ཕྱིར་དུ་གཡོག་ལ་མ་བཀོལ་བར། དེ་རྣམས་ཁོང་གི་དམག་མི་དང་། དམག་དཔོན་དང་། ཤིང་རྟ་དང་སྐྱ་དམག་གི་འགོ་དཔོན་དུ་བསྐོས།  
\v 10 རྒྱལ་པོ་སོ་ལོ་མོན་ལ་ལས་བཟོ་པ་རྣམས་ལ་ལྟ་སྐུལ་བྱེད་མཁན་འགོ་དཔོན་ཉིས་བརྒྱ་ལྔ་བཅུ་ཡོད་པ་ཡིན།  
\v 11 སོ་ལོ་མོན་གྱིས་ཕཱར་ཨོལ་གྱི་སྲས་མོ་\f + \ft ཕཱར་ཨོལ་གྱི་སྲས་མོ་ནི་ཨེ་ཅིབ་པ་ཡིན་པ་ལས་ཡ་ཧུ་དཱའི་མི་རིགས་མ་ཡིན་པས་གནས་དམ་པ་རྣམས་སུ་ཞུགས་མི་ཆོག་པ་རེད།\f*དེ་ནི་དཱ་བིད་ཀྱི་གྲོང་ཁྱེར་ནས་བཏོན་ཏེ། མོའི་ཆེད་དུ་བརྩིགས་པའི་ཕོ་བྲང་གི་ནང་དུ་ཁྲིད། གང་ལ་ཞེ་ན། སོ་ལོ་མོན་ན་རེ། ངའི་ཆུང་མ་ནི་ཡེས་ར་ཨེལ་གྱི་རྒྱལ་པོ་དཱ་བིད་ཀྱི་ཕོ་བྲང་དུ་སྡོད་མི་རུང་སྟེ། དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་སླེབས་པའི་གནས་དེ་ནི་དམ་པ་ཡིན་པས་སོ་ཞེས་སྨྲས་སོ། །  
\v 12 སྐབས་དེར། སོ་ལོ་མོན་གྱིས་བར་ཁྱམས་ཀྱི་མདུན་དུ་བཞེངས་པའི་དཀོན་མཆོག་ཡ་ཝཱེའི་མཆོད་ཁྲིའི་སྟེང་དཀོན་མཆོག་ཡ་ཝཱེ་ལ་སྦྱིན་སྲེག་གི་མཆོད་པ་རྣམས་ཕུལ་ཏེ།  
\v 13 ཡང་མོ་ཤེའི་བསྒོས་པ་བཞིན་དུ་ངལ་གསོ་བའི་ཉིན་དང་། ཚེས་གཅིག་དང་། ལོ་རེའི་དམིགས་བསལ་གྱི་དུས་ཆེན་གསུམ་སྟེ། སྐྱུར་མེད་བག་ལེབ་ཀྱི་དུས་ཆེན་དང་། བདུན་ཕྲག་རྣམས་ཀྱི་དུས་ཆེན་དང་། སྤྱིལ་བུའི་དུས་ཆེན་བཅས་ལ་ཉིན་རེར་འབུལ་འོས་པའི་མཆོད་པ་ཕུལ་ཏོ། །  
\v 14 ཡང་ཁོང་གིས་ཡབ་དཱ་བིད་ཀྱིས་གཏན་ལ་ཁེལ་བ་བཞིན་དུ། མཆོད་དཔོན་རྣམས་ལ་ཞབས་ཏོག་སྒྲུབ་པའི་ལས་རེས་མཛད་པ་དང་། ལེ་ཝི་པ་རྣམས་མངགས་ནས་རང་རང་གི་ལས་འགན་སྒྲུབ་པ་དང་ཡ་ཝཱེ་ལ་བསྟོད་བསྔགས་བརྗོད་ཅིང་། མཆོད་དཔོན་དག་གི་མདུན་དུ་ཉིན་རེར་བྱེད་དགོས་པའི་ལས་ཁག་བཞིན་ཞབས་ཏོག་སྒྲུབ་ཏུ་བཅུག ཡང་སྒོ་སྲུང་རྣམས་མངགས་ནས་རང་རང་གི་ལས་རེས་བཞིན་དུ་རྒྱ་སྒོ་རེ་རེ་སྲུང་བར་བཅུག གང་ལ་ཞེ་ན། དེ་ནི་དཀོན་མཆོག་གི་སྐྱེས་བུ་དཱ་བིད་ཀྱིས་བསྩལ་བའི་བཀའ་ཡིན་པས་སོ། །  
\v 15 རྒྱལ་པོས་མཆོད་དཔོན་དང་ལེ་ཝི་པ་རྣམས་ལ་བསྒོས་པའི་ལས་དོན་གང་དང་གང་ཡིན་ཡང་། དཀོར་མཛོད་དང་འབྲེལ་བའི་ལས་དོན་ཡིན་ནའང་ཁོ་རྣམས་བཀའ་ལས་མ་གཡོལ་ཏོ། །  
\v 16 དེ་ལྟར་དཀོན་མཆོག་ཡ་ཝཱེའི་མཆོད་ཁང་གི་རྨང་གཞི་བཏིངས་པའི་ཉིན་ནས་དེ་འགྲུབ་པའི་བར་དུ། སོ་ལོ་མོན་གྱི་བཟོ་ལས་མཐའ་དག་བདེ་བླག་ངང་བྱས་པས། དཀོན་མཆོག་ཡ་ཝཱེའི་མཆོད་ཁང་ཡོངས་སུ་འགྲུབ་པའོ། །  
\v 17 དེ་ནས་སོ་ལོ་མོན་ནི་ཨེ་དོམ་ཡུལ་དུ་རྒྱ་མཚོའི་ཉེ་འགྲམ་ལ་ཡོད་པའི་ཨེ་ཙི་ཡོན་གེ་བེར་དང་ཨེ་ལོད་དུ་ཕྱིན་ཅིང་།  
\v 18 ཧི་རཱམ་གྱིས་རང་གི་བློན་འཁོར་མངགས་ནས་ཁོང་ལ་གྲུ་གཟིངས་དང་མཚོ་འགྲུལ་ལ་གོམས་པའི་ཞབས་ཕྱི་རྣམས་བརྫངས་ནས། དེ་དག་སོ་ལོ་མོན་གྱི་ཞབས་ཕྱི་དང་མཉམ་དུ་ཨོ་ཕིར་ལ་སོང་སྟེ། དེར་གསེར་གྱི་རྡོ་ཚད་བཞི་བརྒྱ་ལྔ་བཅུ་ཐོབ་པ་རྒྱལ་པོ་སོ་ལོ་མོན་གྱི་དྲུང་དུ་དྲངས་སོ། །   
\c 9
\cl ལེའུ་དགུ་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཤེ་བཱ་ཡི་རྒྱལ་མོ་སོ་ལོ་མོན་ལ་མཇལ་དུ་འོངས་པ།  
\p
\v 1 དེ་ནས་ཤེ་བཱ་ཡི་རྒྱལ་མོས་སོ་ལོ་མོན་གྱི་སྙན་གྲགས་ཐོས་ནས། དཀའ་གནད་ཀྱིས་སོ་ལོ་མོན་ལ་ཚོད་བགམ་བྱེད་དགོས་བསམས་ནས་ཡེ་རུ་སཱ་ལེམ་དུ་འོངས། མོར་རྗེས་འབྲང་མང་པོ་ཡོད་པ་དང་། ཡང་བསུང་རྫས་དང་། གསེར་མང་པོ་དང་། རིན་པོ་ཆེ་རྣམས་རྔ་མོང་ལ་བཀལ་ནས་འོངས་པ་དང་། མོ་རང་སོ་ལོ་མོན་ཡོད་སར་སླེབས་ཏེ་སེམས་སུ་ཅི་ཡོད་པ་ཐམས་ཅད་ཁོང་ལ་སྨྲས།  
\v 2 སོ་ལོ་མོན་གྱིས་མོའི་དྲི་བ་ཐམས་ཅད་ལ་ལན་བཏབ་ཅིང་། ཁོང་གིས་དོན་མི་རྟོགས་པ་དང་ལན་འདེབས་མི་ནུས་པ་གཅིག་ཀྱང་མེད་དོ། །  
\v 3 ཤེ་བཱ་ཡི་རྒྱལ་མོས་སོ་ལོ་མོན་གྱི་ཤེས་རབ་དང་ཁོང་གིས་བཞེངས་པའི་ཕོ་བྲང་དང་།  
\v 4 ཁོང་གི་གསོལ་ལྕོག་སྟེང་གི་ཁ་ཟས་དང་། བློན་པོ་རྣམས་ཀྱི་བཞུགས་གྲལ་དང་། ཞབས་ཕྱི་རྣམས་ཀྱི་ཞབས་ཏོག་དང་དེ་དག་གི་གྱོན་གོས་དང་། ཆང་གཉེར་བློན་ཆེན་དང་དེ་དག་གི་གྱོན་གོས་དང་། སོ་ལོ་མོན་གྱིས་དཀོན་མཆོག་ཡ་ཝཱེའི་མཆོད་ཁང་དུ་ཕུལ་བའི་སྦྱིན་སྲེག་བཅས་མཐོང་བ་དང་ཤིན་ཏུ་ངོ་མཚར་བར་གྱུར།  
\v 5 དེ་ནས་མོས་རྒྱལ་པོ་ལ། ངས་རང་གི་ཡུལ་དུ་ཐོས་པའི་ཁྱེད་ཀྱི་མཛད་པ་དང་ཁྱེད་ཀྱི་ཤེས་རབ་ཐད་ཀྱི་གཏམ་ནི་ཐམས་ཅད་བདེན་འདུག  
\v 6 ང་རང་སྔོན་ཆད་གཏམ་དེ་དག་ལ་ཡིད་མ་ཆེས། འོན་ཀྱང་ང་འདིར་སླེབས་ནས་དངོས་སུ་མཐོང་བས། ད་གཟོད་ཁྱེད་ཀྱི་ཤེས་རབ་རླབས་ཆེ་ཞིང་མི་ཡིས་སྨྲས་པ་ནི་དེའི་ཕྱེད་ཀ་ཙམ་ལ་ཡང་སླེབས་མེད་པ་རྟོགས་བྱུང་། ཁྱེད་རང་མཇལ་བ་ནི་ཁྱེད་ཀྱི་སྙན་གྲགས་ཐོས་པ་ལས་དངོས་གནས་ལྷག་པའོ། །  
\v 7 ཁྱེད་ཀྱི་འཁོར་གཡོག་རྣམས་བདེའོ། །ཁྱེད་ཀྱི་བློན་པོ་རྣམས་བདེའོ། །ཅི་ལ་ཞེ་ན། ཁོ་རྣམས་དུས་རྒྱུན་དུ་ཁྱེད་ཀྱི་དྲུང་དུ་ལངས་བསྡད་ནས་ཁྱེད་ཀྱི་ཤེས་རབ་ལ་མཉན་ཐུབ་པའོ། །  
\v 8 ཁྱེད་ཀྱི་དཀོན་མཆོག་ཡ་ཝཱེ་ནི་བསྟོད་བསྔགས་བརྗོད་འོས་པ་ཡིན་ཏེ། ཁོང་ཁྱེད་ལ་མཉེས་པས་ཁྱེད་རང་ཁོང་གི་རྒྱལ་ཁྲིར་བཀོད་ཅིང་། ཁྱེད་ནི་ཡ་ཝཱེ་སྟེ་ཁྱེད་ཀྱི་དཀོན་མཆོག་གི་ཕྱིར་དུ་རྒྱལ་པོར་བསྐོས། ཁྱེད་ཀྱི་དཀོན་མཆོག་གིས་ཡེས་ར་ཨེལ་པ་རྣམས་ལ་བྱམས་ཤིང་ཁོ་རྣམས་རྒྱུན་ནས་རྒྱུན་དུ་བརྟན་པོར་མཛད་པའི་ཕྱིར་དུ། དྲང་གཞག་དང་དྲང་བདེན་སྐྱོང་བར་ཁྱེད་རང་དེ་དག་གི་རྒྱལ་པོར་བསྐོས་པ་ཡིན་ཞེས་བརྗོད་ནས།  
\v 9 ཤེ་བཱ་ཡི་རྒྱལ་མོས་རྒྱལ་པོ་སོ་ལོ་མོན་ལ་གསེར་རྡོ་ཚད་བརྒྱ་དང་ཉི་ཤུ་དང་། བྲོ་སྨན་མོད་པོ་དང་རིན་པོ་ཆེ་མང་པོ་ཕུལ། ཤེ་བཱ་ཡི་རྒྱལ་མོས་རྒྱལ་པོ་སོ་ལོ་མོན་ལ་ཕུལ་བའི་བྲོ་སྨན་སྤུས་ལེགས་དེ་འདྲ་སྔར་ཡོད་མ་མྱོང་བ་ཞིག་ཡིན་ནོ། །  
\v 10 ཧི་རཱམ་དང་སོ་ལོ་མོན་གྱི་ཞབས་ཕྱི་དག་གིས་ཨོ་ཕིར་ནས་གསེར་དང་། ཙན་དན་གྱི་གདུང་མ་དང་། རིན་པོ་ཆེ་རྣམས་དྲངས་འོངས་པ་དང་།  
\v 11 རྒྱལ་པོས་ཙན་དན་ཤིང་གིས་དཀོན་མཆོག་ཡ་ཝཱེའི་མཆོད་ཁང་དང་རྒྱལ་པོའི་ཕོ་བྲང་གི་ཕྱིར་དུ་ཐེམ་སྐས་ལས་པ་དང་། ཡང་མགུར་ལེན་མཁན་རྣམས་ཀྱི་ཕྱིར་པི་ཝང་དང་རྒྱུད་མངས་བཟོ་རུ་བཅུག་སྟེ། དེ་ལྟ་བུ་རྣམས་སྔར་ཡ་ཧུ་དཱ་ཡུལ་དུ་མཐོང་མྱོང་བ་མེད་དོ། །  
\v 12 རྒྱལ་པོ་སོ་ལོ་མོན་གྱིས་ཤེ་བཱ་ཡི་རྒྱལ་མོས་ཁོང་ལ་ཅི་ཕུལ་བ་བཞིན་དུ་ཕྱིར་ཕྱག་རྟེན་ཕུལ་ཞིང་། ཡང་དེའི་ཁར་རྒྱལ་མོའི་འདོད་པ་བཞིན་ཅི་དང་ཅི་ཞུས་པ་ཐམས་ཅད་མོ་ལ་ཕུལ་ནས། རྒྱལ་མོ་འཁོར་དང་བཅས་པ་ཕྱིར་རང་ཡུལ་དུ་ལོག་གོ །   
\s1 སོ་ལོ་མོན་གྱི་རྒྱུ་ནོར།  
\p
\v 13 ཡང་རྒྱལ་པོ་སོ་ལོ་མོན་ལ་ལོ་རེར་ཐོབ་པའི་གསེར་གྱི་ལྗིད་ཚད་ནི་རྡོ་ཚད་དྲུག་བརྒྱ་དང་དྲུག་ཅུ་རེ་དྲུག་ཡིན་ལ།  
\v 14 གཞན་ཡང་ཚོང་པ་དང་ཚོང་འགྲིམ་པ་དག་གིས་ཕུལ་བ་དང་། ཨ་རབ་ཡུལ་གྱི་རྒྱལ་པོ་རྣམས་དང་རང་རྒྱལ་གྱི་སྤྱི་དཔོན་རྣམས་ཀྱིས་ཀྱང་སོ་ལོ་མོན་ལ་གསེར་དངུལ་ཕུལ་བ་ཡིན།  
\v 15 རྒྱལ་པོ་སོ་ལོ་མོན་གྱིས་གསེར་བརྡུངས་མས་ཕུབ་ཆེན་ཉིས་བརྒྱ་བཟོས་ཤིང་། ཕུབ་ཆེན་རེ་ལ་གསེར་སྲང་དྲུག་བརྒྱ་རེ་སོང་།  
\v 16 ཡང་གསེར་བརྡུངས་མས་ཕུབ་ཆུང་སུམ་བརྒྱ་བཟོས་ཤིང་། ཕུབ་ཆུང་རེ་ལ་གསེར་སྲང་སུམ་བརྒྱ་རེ་སོང་། རྒྱལ་པོས་ཕུབ་དེ་དག་ནི་ལེ་པཱ་ནོན་གླིང་གའི་ཕོ་བྲང་དུ་བཞག  
\v 17 རྒྱལ་པོས་བ་སོས་བཞུགས་ཁྲི་ཆེན་པོ་ཞིག་བཟོས་ནས་དེ་གསེར་བཙོ་མས་གཡོགས།  
\v 18 བཞུགས་ཁྲི་དེ་ལ་ཐེམ་སྐས་དྲུག་ཡོད་ཅིང་། གསེར་གྱི་ཞབས་སྟེགས་ཤིག་ཁྲི་ལ་སྦྱར་ཏེ་ཡོད། ཡང་བཞུགས་སའི་ཕྱོགས་གཉིས་སུ་ལག་སྐྱོར་ཡོད་ལ། ལག་སྐྱོར་རེའི་འགྲམ་དུ་སེང་གེ་རེ་ལངས་ཡོད་དོ། །  
\v 19 ཡང་ཐེམ་སྐས་རིམ་པ་དྲུག་པོའི་གཡས་ཕྱོགས་སུ་སེང་གེ་དྲུག་དང་། གཡོན་ཕྱོགས་སུ་སེང་གེ་དྲུག་བཅས་སེང་གེ་བཅུ་གཉིས་ཡོད་པ་ཡིན། དེ་འདྲ་བ་ཞིག་རྒྱལ་ཁམས་གང་དུ་ཡང་མ་བཟོས་སོ། །  
\v 20 ཡང་རྒྱལ་པོ་སོ་ལོ་མོན་གྱི་སྐྱོགས་ཐམས་ཅད་གསེར་གྱིས་བཟོས་པ་དང་། ལེ་པཱ་ནོན་གླིང་གའི་ཕོ་བྲང་ནང་གི་ཡོ་བྱད་མཐའ་དག་གསེར་བཙོ་མས་བཟོས་པ་ཡིན། སོ་ལོ་མོན་གྱི་སྐུ་རིང་དུ་དངུལ་ལ་རིན་ཐང་ཅི་ཡང་མེད་དོ། །  
\v 21 གང་ལ་ཞེ་ན། རྒྱལ་པོའི་གྲུ་གཟིངས་རྣམས་ཧི་རཱམ་གྱི་ཞབས་ཕྱི་དག་དང་ལྷན་དུ་ཐཱར་ཞིས་ལ་འགྲོ་བ་དང་། ཐཱར་ཞིས་ལ་ཕྱིན་པའི་གྲུ་གཟིངས་རྣམས་ལོ་གསུམ་རེའི་ནང་དུ་གསེར་དང་། དངུལ་དང་། བ་སོ་དང་། སྤྲེའུ་དང་། རྨ་བྱ་བཅས་བཀལ་ནས་ཐེངས་གཅིག་ལ་ཕྱིར་སླེབས་པ་ཡིན།  
\v 22 རྒྱལ་པོ་སོ་ལོ་མོན་གྱི་འབྱོར་བ་དང་ཤེས་རབ་ནི་ས་གཞིའི་རྒྱལ་པོ་ཐམས་ཅད་ལས་བརྒལ་བ་ཡིན།  
\v 23 དཀོན་མཆོག་གིས་སོ་ལོ་མོན་ལ་གནང་བའི་ཤེས་རབ་ཐོས་པའི་ཕྱིར་དུ། ས་གཞིའི་རྒྱལ་པོ་ཐམས་ཅད་ཁོང་གི་ཞལ་མཇལ་དུ་བསྙེགས་པ་ཡིན།  
\v 24 དེ་དག་རེ་རེས་ཁྱེར་འོངས་པའི་ཕྱག་རྟེན་ལ་དངུལ་ཆས་དང་གསེར་ཆས། གྱོན་གོས། མཚོན་ཆ། བསུང་རྫས། རྟ། དྲེལ་བཅས་ཡོད་ཅིང་། ལོ་ནས་ལོ་ལ་གྲངས་མང་པོ་ཡོད་པ་ཡིན།  
\v 25 སོ་ལོ་མོན་ལ་རྟ་ར་བཞི་སྟོང་གི་རྟ་དང་ཤིང་རྟ་ཡོད་པ་དང་། ད་དུང་བཞོན་རྟ་ཆིག་ཁྲི་ཉིས་སྟོང་ཡོད་ལ། ཁོང་གིས་དེ་རྣམས་ཤིང་རྟའི་གྲོང་ཁྱེར་དང་ཡེ་རུ་སཱ་ལེམ་དུ་རྒྱལ་པོ་བཞུགས་སར་བཞག  
\v 26 སོ་ལོ་མོན་གྱིས་ཕི་རཱད་ཆུ་བོ་ནས་ཕེ་ལེ་ཤེད་མི་རིགས་ཀྱི་ཡུལ་དང་། དེ་ནས་ཨེ་ཅིབ་ཡུལ་གྱི་ས་མཚམས་བར་དུ་རྒྱལ་པོ་ཐམས་ཅད་ལ་དབང་སྒྱུར་ཏོ། །  
\v 27 རྒྱལ་པོས་ཡེ་རུ་སཱ་ལེམ་ལ་དངུལ་ནི་རྡོ་བཞིན་དང་། ཐང་ཤིང་ནི་རི་ཀླུང་དུ་སྐྱེས་པའི་འོ་སེ་ཤིང་ལྟར་མོད་པར་མཛད།  
\v 28 མི་རྣམས་ཀྱིས་ཨེ་ཅིབ་དང་ཡུལ་སོ་སོ་ནས་སོ་ལོ་མོན་གྱི་ཕྱིར་རྟ་རྣམས་དྲངས་པའོ། །   
\s1 སོ་ལོ་མོན་ཚེ་ལས་འདས་པ།  
\p
\v 29 སོ་ལོ་མོན་གྱི་མཛད་རྗེས་གཞན་རྣམས་འགོ་ནས་མཇུག་བར་དུ་ལུང་སྟོན་པ་ནཱ་ཐན་གྱི་གསུང་འབུམ་དང་། ཞི་ལོ་པ་ཨ་ཧི་ཡཱ་ཡི་ལུང་བསྟན་དང་། མངོན་ཤེས་པ་ཨིད་དོ་ཡིས་ནེ་བཱད་ཀྱི་བུ་ཡེ་རོབ་ཨམ་གྱི་སྐོར་གླེང་བའི་མངོན་པའི་མདོ་བཅས་སུ་བཀོད་ཡོད་པ་མ་ཡིན་ནམ།  
\v 30 སོ་ལོ་མོན་གྱིས་ཡེ་རུ་སཱ་ལེམ་དུ་ཡེས་ར་ཨེལ་ཡོངས་ལ་ལོ་བཞི་བཅུའི་རིང་རྒྱལ་སྲིད་བསྐྱངས།  
\v 31 སོ་ལོ་མོན་ནི་ཉིད་ཀྱི་ཕ་མེས་དང་མཉམ་དུ་གཟིམས་ནས། ཁོང་གི་ཡབ་དཱ་བིད་ཀྱི་གྲོང་ཁྱེར་དུ་དུར་ལ་སྦས། དེ་ནས་ཁོང་གི་སྲས་རེ་ཧབ་ཨམ་ཁོང་གི་ཚབ་ཏུ་རྒྱལ་པོར་གྱུར་ཏོ། །   
\c 10
\cl ལེའུ་བཅུ་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཡེས་ར་ཨེལ་གྱི་ཚོ་པ་ཁག་གིས་ངོ་ལོག་བྱས་པ།  
\p
\v 1 དེ་ནས་རེ་ཧབ་ཨམ་ནི་སི་ཀེམ་དུ་ཕྱིན། ཅིའི་ཕྱིར་ཞེ་ན། ཡེས་ར་ཨེལ་པ་ཐམས་ཅད་ཁོང་རྒྱལ་པོར་བསྐོ་བའི་ཆེད་དུ་སི་ཀེམ་དུ་ཕྱིན་པ་རེད།  
\v 2 སྐབས་དེར་ནེ་བཱད་ཀྱི་བུ་ཡེ་རོབ་ཨམ་ནི་སྔར་སོ་ལོ་མོན་གྱི་དྲུང་ནས་ཨེ་ཅིབ་ཡུལ་དུ་བྲོས་སོང་སྟེ་གནས་དེར་བསྡད་ཡོད་པ་དང་། ཁོས་འཕྲིན་དེ་ཐོས་པ་དང་ཨེ་ཅིབ་ཡུལ་ནས་ཕྱིར་ལོག  
\v 3 དེ་ནས་ཡེས་ར་ཨེལ་པས་མི་མངགས་ཏེ་ཁོ་རང་བོས་པ་ལ། ཁོ་དང་ཡེས་ར་ཨེལ་པ་ཐམས་ཅད་རེ་ཧབ་ཨམ་གྱི་དྲུང་དུ་འོངས་ནས་ཁོང་ལ་ན་རེ།  
\v 4 ཁྱེད་ཀྱི་ཡབ་ཀྱིས་ངེད་ཅག་ལ་གཉའ་ཤིང་ཤིན་ཏུ་ལྕི་མོ་བཀལ་བྱུང་། ད་ལྟ་ཁྱེད་ཀྱིས་ཉིད་ཀྱི་ཡབ་ཀྱིས་ངེད་ཅག་ལ་བཀལ་བའི་ངལ་ལས་དང་གཉའ་ཤིང་ལྕི་མོ་ཇེ་ཡང་དུ་གཏོང་བར་མཛོད་ཅིག དེ་ནས་ངེད་ཅག་གིས་ཁྱེད་ལ་ཞབས་ཕྱི་བསྒྲུབ་པར་བྱ་ཞེས་ཞུས་པ་དང་།  
\v 5 རེ་ཧབ་ཨམ་གྱིས་དེ་དག་ལ་ན་རེ། ཉིན་གསུམ་འགོར་རྗེས་ངའི་རྩར་ཕྱིར་ལོག་ཤོག་ཅེས་སྨྲས་པས། མི་རྣམས་སོང་ངོ་། །  
\v 6 རྒྱལ་པོ་རེ་ཧབ་ཨམ་གྱིས་རང་གི་ཡབ་སོ་ལོ་མོན་བཞུགས་པའི་དུས་སུ་ཁོང་གི་དྲུང་དུ་ཞབས་ཕྱི་སྒྲུབ་མཁན་རྒན་པ་ཚོ་དང་བགྲོས་ནས་དེ་དག་ལ་ན་རེ། ངས་མི་རྣམས་ལ་ལན་འདེབས་པར་ཁྱེད་རྣམ་པར་དགོངས་འཆར་ཅི་ཡོད་ཅེས་དྲིས་པའི་ལན་དུ།  
\v 7 དེ་དག་གིས་ཁོང་ལ་འདི་ལྟར། གལ་ཏེ་རྒྱལ་པོ་ཁྱེད་ཀྱིས་མི་འདི་རྣམས་དྲིན་གྱིས་བསྐྱངས་ཏེ་ཁོ་རྣམས་དགའ་རུ་བཅུག་ནས་གཏམ་བཟང་པོ་སྨྲས་ན། དེ་ཚོ་རྒྱུན་ནས་རྒྱུན་དུ་ཁྱེད་ཀྱི་ཞབས་ཕྱི་བྱེད་པར་འགྱུར་ཞེས་ཞུས་མོད།  
\v 8 འོན་ཀྱང་རྒྱལ་པོས་རྒན་པ་ཚོའི་བསམ་འཆར་དེ་དང་དུ་མ་བླངས་པར། ཁོང་དང་མཉམ་དུ་ནར་སོན་ཞིང་ཁོང་གི་དྲུང་དུ་ཞབས་ཕྱི་སྒྲུབ་པའི་གཞོན་ནུ་དག་དང་བགྲོས་ནས།  
\v 9 དེ་དག་ལ་ན་རེ། མི་འདི་རྣམས་ཀྱིས་བདག་ལ་འདི་ལྟར། ཁྱེད་ཀྱི་ཡབ་ཀྱིས་ངེད་ཅག་ལ་བཀལ་བའི་གཉའ་ཤིང་ལྕི་མོ་དེ་ཇེ་ཡང་དུ་གཏོང་བར་མཛོད་ཅིག་ཅེས་ཞུས་པས། ངས་མི་འདི་རྣམས་ལ་ལན་འདེབས་པར་ཁྱོད་རྣམས་ལ་བསམ་ཚུལ་ཅི་ཡོད་ཅེས་དྲིས་པར།  
\v 10 ཁོང་དང་མཉམ་དུ་ནར་སོན་པའི་གཞོན་ནུ་དག་གིས་ཁོང་ལ་འདི་ལྟར། མི་འདི་རྣམས་ཀྱིས་རྒྱལ་པོ་ཁྱེད་ལ། ཁྱེད་ཀྱི་ཡབ་ཀྱིས་ངེད་ཅག་ལ་གཉའ་ཤིང་ཤིན་ཏུ་ལྕི་མོ་བཀལ་བྱུང་། ད་ལྟ་ཁྱེད་ཀྱིས་དེ་ཇེ་ཡང་དུ་གཏོང་བར་མཛོད་ཅེས་ཞུས་པར། ཁྱེད་ཀྱིས་ཁོ་རྣམས་ལ་འདི་ལྟར། ངའི་ཡབ་ཀྱི་རྐེད་པ་ལས་ངའི་མཐེབ་ཆུང་སྦོམ་པོ་ཡིན་པས།  
\v 11 ངའི་ཡབ་ཀྱིས་ཁྱོད་ཚོར་གཉའ་ཤིང་ལྕི་མོ་བཀལ་བ་དང་། བདག་གིས་ཁྱོད་ཚོར་དེ་ལས་ལྕི་བའི་གཉའ་ཤིང་འགེལ་ངེས། ངའི་ཡབ་ཀྱིས་ཁྱོད་ཚོར་རྟ་ལྕག་གིས་གཞུས་པ་དང་། ངས་ཁྱོད་ཚོར་སྡིག་པ་ར་ཙ་ཅན་གྱི་རྟ་ལྕག་གིས་གཞུ་བར་བྱ་ཞེས་ལན་ཐོབས་ཤིག་ཅེས་སྨྲས་སོ། །  
\v 12 ཡང་རེ་ཧབ་ཨམ་གྱིས་ཉིན་གསུམ་པར་ངའི་རྩར་ཕྱིར་ལོག་ཤོག་ཅེས་བསྒོས་པ་ལྟར་དུ། ཡེ་རོབ་ཨམ་དང་མི་ཐམས་ཅད་ཉིན་གསུམ་པར་རྒྱལ་པོའི་དྲུང་དུ་འོངས་པ་ལ།  
\v 13 རྒྱལ་པོ་རེ་ཧབ་ཨམ་གྱིས་དེ་དག་ལ་ལན་རྩུབ་པོ་མཛད་དེ། ཁོང་གིས་རྒན་པ་དག་གི་གཏམ་ལ་མ་མཉན་པར།  
\v 14 གཞོན་ནུ་དག་གི་གྲོས་བཞིན་དུ་དེ་དག་ལ་ན་རེ། ངས་ཡབ་ཀྱིས་ཁྱོད་ཚོར་གཉའ་ཤིང་ལྕི་མོ་བཀལ་བ་དང་། བདག་གིས་ཁྱོད་ཚོར་དེ་ལས་ལྕི་བའི་གཉའ་ཤིང་འགེལ་ངེས། ངའི་ཡབ་ཀྱིས་ཁྱོད་ཚོར་རྟ་ལྕག་གིས་གཞུས་པ་དང་། ངས་ཁྱོད་ཚོར་སྡིག་པ་ར་ཙ་ཅན་གྱི་རྟ་ལྕག་གིས་གཞུ་བར་བྱ་ཞེས་སྨྲས་སོ། །  
\v 15 རྒྱལ་པོས་མི་རྣམས་ཀྱི་ཞུ་བར་མ་གསན་པ་སྟེ། ཅིའི་ཕྱིར་ཞེ་ན། དཀོན་མཆོག་ཡ་ཝཱེས་ཞི་ལོ་པ་ཨ་ཧི་ཡཱའི་ངག་བརྒྱུད་ནས་ནེ་བཱད་ཀྱི་བུ་ཡེ་རོབ་ཨམ་ལ་གསུངས་པའི་བཀའ་དེ་འགྲུབ་པའི་ཕྱིར་དུ། དོན་དེ་ནི་དཀོན་མཆོག་ནས་བྱུང་བ་ཡིན་ནོ། །  
\v 16 དེར་ཡེས་ར་ཨེལ་པ་རྣམས་ཀྱིས་རྒྱལ་པོས་ཁོ་རྣམས་ཀྱི་ཞུ་བར་མི་གསན་པ་མཐོང་བས། རྒྱལ་པོ་ལ་ལན་བཟློགས་ཏེ་འདི་ལྟར། ངེད་རྣམས་ལ་དཱ་བིད་ལས་སྐལ་ཅི་ཡོད། ངེད་རྣམས་ལ་ཡེ་སེ་ཡི་བུ་ལས་ནོར་སྐལ་ཅི་ཡང་མེད། ཀྱེ་ཡེས་ར་ཨེལ་པ་རྣམས། རང་རང་གི་ཁྱིམ་དུ་ལོག་ཅིག ཀྱེ་དཱ་བིད་ལགས། ད་ནི་རང་གི་ཁྱིམ་ལ་བདག་སྐྱོང་གྱིས་ཤིག་ཅེས་སྨྲས་ནས་ཡེས་ར་ཨེལ་པ་ཐམས་ཅད་རང་རང་གི་ཁྱིམ་དུ་ལོག  
\v 17 རེ་ཧབ་ཨམ་ནི་སྔར་བཞིན་ཡ་ཧུ་དཱའི་གྲོང་ཁྱེར་དག་ཏུ་སྡོད་པའི་ཡེས་ར་ཨེལ་པ་རྣམས་ཀྱི་རྒྱལ་པོར་བསྡད།  
\v 18 ཡང་རེ་ཧབ་ཨམ་གྱིས་སྡུག་ལས་རྒྱག་པའི་བྲན་གཡོག་རྣམས་ལ་ལྟ་སྐུལ་བྱེད་པའི་ཧ་དོ་རམ་མངགས་ནས་སོང་བ་དང་། ཡེས་ར་ཨེལ་པ་རྣམས་ཀྱིས་དེ་རྡོ་རུབ་བཏང་ནས་བསད། དེར་རྒྱལ་པོ་རེ་ཧབ་ཨམ་ནི་རྟབ་རྟབ་པོར་ཤིང་རྟར་བསྡད་ནས་ཡེ་རུ་སཱ་ལེམ་དུ་བྲོས།  
\v 19 དེ་བཞིན་ཡེས་ར་ཨེལ་པ་རྣམས་ཀྱིས་དེ་རིང་གི་བར་དུ་དཱ་བིད་ཚང་ལ་ངོ་ལོག་བྱས་པའོ། །   
\c 11
\cl ལེའུ་བཅུ་གཅིག་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\p
\v 1 དེ་ནས་རེ་ཧབ་ཨམ་ཕྱིར་ཡེ་རུ་སཱ་ལེམ་དུ་ལོག་ནས་ཡ་ཧུ་དཱ་དང་པེན་ཡཱ་མེན་གྱི་ཁྱིམ་རྒྱུད་བསྡུས་པ་སྟེ། བསྡོམས་པས་མི་ཆིག་འབུམ་བརྒྱད་ཁྲི་ཡོད་པ་ཐམས་ཅད་དམག་མི་དཔའ་རྩལ་ཅན་ཡིན་ལ། ཡེས་ར་ཨེལ་དང་འཐབ་ནས་རྒྱལ་སྲིད་ཕྱིར་བླངས་ཏེ་རང་ལ་འཐོབ་པའི་ཕྱིར་རོ། །  
\v 2 ཡིན་ཡང་དཀོན་མཆོག་གི་སྐྱེས་བུ་ཤེ་མ་ཡཱ་ལ་དཀོན་མཆོག་ཡ་ཝཱེའི་བཀའ་བྱུང་ནས་འདི་སྐད་དུ།  
\v 3 ཁྱོད་སོང་ནས་སོ་ལོ་མོན་གྱི་སྲས་ཏེ་ཡ་ཧུ་དཱའི་རྒྱལ་པོ་རེ་ཧབ་ཨམ་དང་། ཡ་ཧུ་དཱ་དང་པེན་ཡཱ་མེན་དུ་སྡོད་པའི་ཡེས་ར་ཨེལ་པ་ཐམས་ཅད་ལ་འདི་ལྟར་སྨྲོས་ཤིག  
\v 4 ཡ་ཝཱེས་འདི་སྐད་དུ། ཁྱོད་ཚོ་ཡར་སོང་ནས་རང་གི་སྤུན་ཟླ་དང་དམག་རྒྱག་མི་རུང་། དོན་འདི་ནི་བདག་ལས་བྱུང་བ་ཡིན་པས། ཁྱོད་རྣམས་རང་རང་གི་ཁྱིམ་དུ་ལོག་ཅིག་གསུངས་ཞེས་སྨྲོས་ཤིག་ཅེས་གསུངས་པ་དང་། དེ་ཚོས་དཀོན་མཆོག་ཡ་ཝཱེའི་བཀའ་ལ་མཉན་ཏེ་ཡེ་རོབ་ཨམ་ལ་འཐབ་ཏུ་མ་སོང་ངོ་། །   
\s1 རེ་ཧབ་ཨམ་གྱིས་མཁར་རྣམས་བརྩིགས་པ།  
\p
\v 5 རེ་ཧབ་ཨམ་ཁོང་ཉིད་ཡེ་རུ་སཱ་ལེམ་དུ་བཞུགས་ཤིང་ཡ་ཧུ་དཱ་ཡུལ་དུ་འགོག་སྲུང་གྲོང་ཁྱེར་མང་པོ་བརྩིགས་པ་སྟེ།  
\v 6 ཁོང་གིས་པེད་ལེ་ཧེམ་དང་ཨེ་ཏམ་དང་། ཐེ་ཀོ་ཨ་དང་།  
\v 7 པེད་ཚུར་དང་། སོ་ཀོ་དང་། ཨ་དུལ་ལཱམ་དང་།  
\v 8 གཱད་དང་། མཱ་རེ་ཤ་དང་། ཟིབ་དང་།  
\v 9 ཨ་དོ་རཱ་ཡིམ་དང་། ལཱ་ཀི་སི་དང་། ཨ་ཟེ་ཀཱ་དང་།  
\v 10 ཚོར་ཨ་དང་། ཨ་ཡཱ་ལོན་དང་། ཧེབ་རོན་བཅས་བརྩིགས་ཏེ། དེ་ཐམས་ཅད་ནི་ཡ་ཧུ་དཱ་དང་པེན་ཡཱ་མེན་གྱི་འགོག་སྲུང་གྲོང་ཁྱེར་ཡིན་ནོ། །  
\v 11 ཡང་རེ་ཧབ་ཨམ་གྱིས་འགོག་སྲུང་གྲོང་ཁྱེར་དེ་རྣམས་བརྟན་པོར་བྱས་ཤིང་། དེ་དག་གི་ནང་དུ་དམག་དཔོན་བཞག་པ་དང་། རྒྱགས་ཆས་དང་སྣུམ། རྒུན་ཆང་བཅས་གྲ་སྒྲིག་བྱས་པ་རེད།  
\v 12 གྲོང་ཁྱེར་སོ་སོའི་ནང་དུ་ཕུབ་ཆེན་དང་མདུང་གྲ་སྒྲིག་བྱས་ནས་གྲོང་ཁྱེར་རབ་ཏུ་བརྟན་པོར་བྱས། དེ་བཞིན་ཡ་ཧུ་དཱ་དང་པེན་ཡཱ་མེན་གཉིས་ལ་ཁོང་གིས་དབང་སྒྱུར་བའོ། །   
\s1 རེ་ཧབ་ཨམ་གྱི་ཁྱིམ་གཞིས།  
\p
\v 13 ཡེས་ར་ཨེལ་ཡོངས་ཀྱི་མཆོད་དཔོན་དང་ལེ་ཝི་པ་རྣམས་ཡུལ་སོ་སོ་ནས་རེ་ཧབ་ཨམ་གྱི་ཕྱོགས་སུ་འོངས་པ་དང་།  
\v 14 ཡེ་རོབ་ཨམ་དང་དེའི་བུ་རྣམས་ཀྱིས་ལེ་ཝི་པ་རྣམས་ལ་དཀོན་མཆོག་ཡ་ཝཱེའི་དྲུང་དུ་མཆོད་དཔོན་གྱི་ཞབས་ཏོག་བྱེད་དུ་མ་བཅུག་པར་ཕྱིར་བཏོན་པས། དེ་དག་གིས་རང་གི་རྩྭ་ར་དང་ནོར་སྐལ་སྤངས་ཏེ་ཡ་ཧུ་དཱ་དང་ཡེ་རུ་སཱ་ལེམ་དུ་འོངས།  
\v 15 ཡེ་རོབ་ཨམ་གྱིས་མཐོ་གླིང་དང་། ར་ཕོའི་རྟེན་དང་། ཁོས་བཟོས་པའི་བ་ཕྲུག་རྣམས་ཀྱི་ཕྱིར་མཆོད་དཔོན་བཞག་པ་དང་།  
\v 16 ཡེས་ར་ཨེལ་གྱི་ཚོ་པ་ཁག་ལས་སེམས་བསམ་པས་ཡེས་ར་ཨེལ་གྱི་དཀོན་མཆོག་ཡ་ཝཱེ་བཙལ་འདོད་པ་རྣམས་ནི། ལེ་ཝི་པའི་རྗེས་སུ་འབྲངས་ནས་ཡེ་རུ་སཱ་ལེམ་དུ་ཡ་ཝཱེ་སྟེ་རང་གི་ཕ་མེས་ཀྱི་དཀོན་མཆོག་ལ་མཆོད་པ་འབུལ་དུ་འོངས།  
\v 17 དེ་བཞིན་ཁོ་རྣམས་ཀྱིས་ཡ་ཧུ་དཱའི་རྒྱལ་སྲིད་ཤུགས་ཆེ་རུ་བཏང་ཞིང་། སོ་ལོ་མོན་གྱི་སྲས་རེ་ཧབ་ཨམ་ལོ་གསུམ་གྱི་རིང་ལ་ཤིན་ཏུ་དར་བར་བྱས། ཅིའི་ཕྱིར་ཞེ་ན། ལོ་གསུམ་པོ་དེའི་རིང་ལ་ཁོ་རྣམས་དཱ་བིད་དང་སོ་ལོ་མོན་གྱི་ལམ་དུ་འབྲངས་སོ། །   
\p
\v 18 རེ་ཧབ་ཨམ་གྱིས་དཱ་བིད་ཀྱི་སྲས་ཡེ་རི་མོད་ཀྱི་སྲས་མོ་མཱ་ཧ་ལད་བྱ་བ་ཁབ་ཏུ་བཞེས། ཡང་མོ་ནི་ཡེ་སེ་ཡི་སྲས་ཨེ་ལི་ཨབ་ཀྱི་སྲས་མོ་ཨ་བི་ཧ་ཡིལ་གྱི་སྲས་མོ་ཡིན་ནོ། །  
\v 19 མཱ་ཧ་ལད་ལས་རེ་ཧབ་ཨམ་ལ་སྲས་འགའ་ཞིག་འཁྲུངས་པ་ནི། ཡེ་ཨུ་སི་དང་། ཤེ་མར་ཡཱ་དང་། ཟཱ་ཧམ་བཅས་སོ། །  
\v 20 དེའི་རྗེས་སུ་རེ་ཧབ་ཨམ་གྱིས་ཡང་ཨབ་ཤ་ལོམ་གྱི་བུ་མོ་མ་ཨ་ཀཱ་བླངས་པ་དང་། དེ་ལས་ཁོང་ལ་སྲས་ཨ་བི་ཡཱ་དང་། ཨད་ཐ་ཨི་དང་། ཟི་ཟཱ་དང་། ཤེ་ལོ་མིད་བཅས་འཁྲུངས།  
\v 21 རེ་ཧབ་ཨམ་ལ་ཆུང་མ་བཅོ་བརྒྱད་དང་ཆུན་མ་དྲུག་ཅུ་ཡོད་དེ། དེ་རྣམས་ལས་སྲས་ཉེར་བརྒྱད་དང་སྲས་མོ་དྲུག་ཅུ་འཁྲུངས། ཁོང་གིས་ཨབ་ཤ་ལོམ་གྱི་སྲས་མོ་མ་ཨ་ཀཱ་ནི་ཆུང་མ་དང་ཆུན་མ་གཞན་རྣམས་ལས་གཅེས་སུ་བཟུང་པ་ཡིན།  
\v 22 རེ་ཧབ་ཨམ་གྱིས་མ་ཨ་ཀཱའི་སྲས་ཨ་བི་ཡཱ་བྱ་བ་དེ་རྒྱལ་ཁྲིར་འགོད་འདོད་པས། དེ་ཁོའི་སྤུན་རྣམས་ཀྱི་འགོ་དཔོན་བྱེད་ཆེད་རྒྱལ་སྲས་སུ་བཞག་ནས།  
\v 23 རེ་ཧབ་ཨམ་གྱིས་ཤེས་རབ་ལྡན་པའི་སྒོ་ནས་རང་གི་སྲས་རྣམས་ཡ་ཧུ་དཱ་དང་པེན་ཡཱ་མེན་གྱི་འགོག་སྲུང་གྲོང་ཁྱེར་སོ་སོར་བཞག་ནས། དེ་དག་ལ་རྒྱགས་ཆས་མོད་པོ་བཏང་ཞིང་ཆུང་མའང་མང་པོ་བླངས་པའོ། །   
\c 12
\cl ལེའུ་བཅུ་གཉིས་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཨེ་ཅིབ་ཀྱི་རྒྱལ་པོ་ཤི་ཤག་གིས་ཡ་ཧུ་དཱ་ལ་དམག་དྲངས་པ།  
\p
\v 1 རེ་ཧབ་ཨམ་གྱི་རྒྱལ་སྲིད་བརྟན་པོར་གྱུར་ཅིང་དར་བའི་ཚེ་ཁོང་གིས་དཀོན་མཆོག་ཡ་ཝཱེའི་བཀའ་ཁྲིམས་སྤངས་ཏེ། ཡེས་ར་ཨེལ་པ་ཐམས་ཅད་ཀྱང་ཁོང་གི་རྗེས་སུ་འབྲངས།  
\v 2 རྒྱལ་པོ་རེ་ཧབ་ཨམ་གྱི་སྲིད་ལོ་ལྔ་པར། ཨེ་ཅིབ་ཀྱི་རྒྱལ་པོ་ཤི་ཤག་གིས་ཡེ་རུ་སཱ་ལེམ་ལ་དམག་དྲངས། གང་ལ་ཞེ་ན། དེ་དག་གིས་དཀོན་མཆོག་ཡ་ཝཱེ་ལ་ཉེས་པ་བསགས་པས་སོ། །  
\v 3 ཤི་ཤག་གིས་ཤིང་རྟ་ཆིག་སྟོང་ཉིས་བརྒྱ་དང་སྐྱ་དམག་ཁྲི་དྲུག་ཁྲིད་འོངས་པ་དང་། ད་དུང་ཁོ་དང་མཉམ་དུ་ཨེ་ཅིབ་ནས་ཐོན་པའི་ལེབ་ཡཱ་པ་དང་། སུག་ཀི་པ་དང་། གུ་ཤ་པའི་མི་ནི་བགྲང་གིས་མི་ལང་བ་ཡོད་ལ།  
\v 4 ཁོས་ཡ་ཧུ་དཱའི་མངའ་ཁོངས་ཀྱི་འགོག་སྲུང་གྲོང་ཁྱེར་རྣམས་བླངས་ཏེ་ཡེ་རུ་སཱ་ལེམ་དུ་འོངས།  
\v 5 དུས་དེར་ཡ་ཧུ་དཱའི་འགོ་དཔོན་རྣམས་ཤི་ཤག་གི་རྐྱེན་གྱིས་ཡེ་རུ་སཱ་ལེམ་དུ་འདུས་པ་དང་། ལུང་སྟོན་པ་ཤེ་མ་ཡཱ་ཁོང་ཉིད་རེ་ཧབ་ཨམ་དང་འགོ་དཔོན་རྣམས་ལ་འཕྲད་དུ་འོངས་ཏེ་ཁོ་རྣམས་ལ་ན་རེ། དཀོན་མཆོག་ཡ་ཝཱེས་འདི་སྐད་དུ། ཁྱོད་ཚོས་བདག་སྤངས་པས་བདག་གིས་ཀྱང་ཁྱོད་ཚོ་སྤངས་ཏེ་ཤི་ཤག་གི་ལག་ཏུ་སྤྲད་པ་ཡིན་གསུངས་ཞེས་གསུངས་པ་ལ།  
\v 6 ཡེས་ར་ཨེལ་གྱི་འགོ་དཔོན་རྣམས་དང་རྒྱལ་པོས་ཁེངས་སྐྱུང་གིས་ན་རེ། དཀོན་མཆོག་ཡ་ཝཱེ་ནི་དྲང་བདེན་ཡིན་ནོ་ཞེས་ཞུས་སོ། །  
\v 7 ཡང་དཀོན་མཆོག་ཡ་ཝཱེས་དེ་དག་གིས་ཁེངས་སྐྱུང་བྱེད་པ་གཟིགས་ནས་ཤེ་མ་ཡཱ་ལ་དཀོན་མཆོག་ཡ་ཝཱེའི་བཀའ་བྱུང་ནས་འདི་སྐད་དུ། དེ་དག་གིས་ཁེངས་སྐྱུང་བྱས་པས་ངས་དེ་དག་མེད་པར་མི་བྱ་བར་གནས་སྐབས་ཙམ་ལ་སྐྱོབ་པར་བྱ། ངས་ཤི་ཤག་བརྒྱུད་ནས་རང་གི་ཁོང་ཁྲོ་ཡེ་རུ་སཱ་ལེམ་གྱི་སྟེང་དུ་མི་འབེབ་བོ། །  
\v 8 འོན་ཀྱང་དེ་ཚོས་ང་ལ་ཞབས་ཕྱི་སྒྲུབ་པ་དང་སའི་རྒྱལ་པོ་རྣམས་ལ་གཡོག་བྱེད་པའི་དབྱེ་བ་རྟོགས་པའི་ཆེད་དུ། ངས་དེ་དག་ཤི་ཤག་གི་བྲན་གཡོག་ཏུ་བསྒྱུར་བར་བྱ་ཞེས་གསུངས།  
\v 9 ཨེ་ཅིབ་ཀྱི་རྒྱལ་པོ་ཤི་ཤག་གིས་ཡེ་རུ་སཱ་ལེམ་ལ་དམག་བརྒྱབ་ནས། དཀོན་མཆོག་ཡ་ཝཱེའི་མཆོད་ཁང་དང་རྒྱལ་པོའི་ཕོ་བྲང་ནང་གི་རིན་པོ་ཆེ་ཐམས་ཅད་བཅོམས་ནས་ཁྱེར་བ་དང་། སོ་ལོ་མོན་གྱིས་བཟོས་པའི་གསེར་གྱི་ཕུབ་རྣམས་ཀྱང་ཕྲོགས་ནས་ཁྱེར།  
\v 10 དེ་ནས་རྒྱལ་པོ་རེ་ཧབ་ཨམ་གྱིས་གསེར་ཕུབ་ཀྱི་ཚབ་ཏུ་ལི་ཡི་ཕུབ་བཟོས་ནས། རྒྱལ་པོའི་ཕོ་བྲང་གི་སྒོ་སྲུང་འགོ་དཔོན་ལག་ཏུ་གཏད་དེ་བཞག  
\v 11 ཐེངས་རེར་རྒྱལ་པོ་དཀོན་མཆོག་ཡ་ཝཱེའི་མཆོད་ཁང་དུ་འགྲོ་དུས་སུ། སྐུ་སྲུང་པ་རྣམས་འོངས་ནས་ཕུབ་དེ་དག་འཁྱེར་ཞིང་། ཕྱིས་སུ་སླར་སྐུ་སྲུང་པའི་ཁང་པར་འཇོག་པ་ཡིན།  
\v 12 རྒྱལ་པོས་ཁེངས་སྐྱུང་བྱས་པས་དཀོན་མཆོག་ཡ་ཝཱེའི་ཐུགས་ཁྲོ་ཞི་བར་གྱུར་ནས་ཁོང་རྩ་མེད་དུ་མ་མཛད་དེ། ཡ་ཧུ་དཱའི་ནང་དུ་ད་དུང་དོན་བཟང་པོ་ཡོད་པ་ཡིན་ནོ། །   
\p
\v 13 རྒྱལ་པོ་རེ་ཧབ་ཨམ་ནི་ཡེ་རུ་སཱ་ལེམ་དུ་རིམ་བཞིན་དར་ཞིང་མུ་མཐུད་དུ་རྒྱལ་པོར་བཞུགས། ཁོང་རྒྱལ་པོར་བཞུགས་དུས་སུ་དགུང་ལོ་བཞི་བཅུ་ཞེ་གཅིག་ཡིན་པ་དང་། དཀོན་མཆོག་ཡ་ཝཱེས་ཉིད་ཀྱི་མཚན་འཇོག་པའི་དོན་དུ་ཡེས་ར་ཨེལ་གྱི་ཚོ་པ་ཁག་ནས་བདམས་པའི་གྲོང་ཁྱེར་ཡེ་རུ་སཱ་ལེམ་དུ་ལོ་བཅུ་བདུན་རིང་ལ་རྒྱལ་སྲིད་བསྐྱངས། ཁོང་གི་ཡུམ་ནི་ཨམ་མོན་པ་ནཱ་མཱ་བྱ་བ་དེ་ཡིན་ནོ། །  
\v 14 རེ་ཧབ་ཨམ་གྱིས་སེམས་གཏིང་ནས་དཀོན་མཆོག་ཡ་ཝཱེ་མ་བཙལ་བས་བྱ་བ་ངན་པ་སྤྱད་པ་རེད།  
\v 15 རེ་ཧབ་ཨམ་གྱི་མཛད་རྗེས་རྣམས་འགོ་ནས་མཇུག་བར་དུ་ལུང་སྟོན་པ་ཤེ་མ་ཡཱ་དང་། མངོན་ཤེས་པ་ཨིད་དོའི་གསུང་འབུམ་ནང་དུ་བཀོད་ཡོད་པ་མ་ཡིན་ནམ། རེ་ཧབ་ཨམ་དང་ཡེ་རོབ་ཨམ་གཉིས་ནི་ནམ་རྒྱུན་དམག་བརྒྱབ་པ་ཡིན།  
\v 16 རེ་ཧབ་ཨམ་ནི་རང་གི་ཕ་མེས་དང་མཉམ་དུ་གཟིམས་ནས་དཱ་བིད་ཀྱི་གྲོང་ཁྱེར་དུ་དུར་ལ་སྦས། ཁོང་གི་སྲས་ཨ་བི་ཡཱ་ཁོང་གི་ཚབ་ཏུ་རྒྱལ་པོར་གྱུར་ཏོ། །   
\c 13
\cl ལེའུ་བཅུ་གསུམ་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཨ་བི་ཡཱ་རྒྱལ་པོར་བཞུགས་པ།  
\p
\v 1 རྒྱལ་པོ་ཡེ་རོབ་ཨམ་གྱིས་རྒྱལ་སྲིད་བསྐྱངས་པའི་ལོ་བཅོ་བརྒྱད་པར། ཨ་བི་ཡཱ་ནི་ཡ་ཧུ་དཱའི་རྒྱལ་པོར་བཞུགས།  
\v 2 ཁོང་གིས་ཡེ་རུ་སཱ་ལེམ་དུ་ལོ་གསུམ་ལ་རྒྱལ་སྲིད་བསྐྱངས་པ་དང་། ཁོང་གི་ཡུམ་ནི་གིབ་ཨ་པ་ཨུ་རི་ཨེལ་གྱི་སྲས་མོ་མི་ཀ་ཡཱ་བྱ་བ་དེ་ཡིན། ཨ་བི་ཡཱ་དང་ཡེ་རོབ་ཨམ་གཉིས་ཀྱི་བར་ལ་རྒྱུན་དུ་དམག་འཁྲུག་བྱུང་།  
\v 3 ཐེངས་ཤིག་ལ་ཨ་བི་ཡཱས་དམག་མི་དཔའ་རྩལ་ཅན་འབུམ་བཞི་ཁྲིད་ནས་གཡུལ་འགྱེད་རྩིས་བྱས་ཤིང་། ཡེ་རོབ་ཨམ་གྱིས་ཀྱང་དམག་མི་དཔའ་རྩལ་ཅན་འབུམ་བརྒྱད་ཁྲིད་དེ་དམག་བཀྲམས་ནས་ཨ་བི་ཡཱ་ལ་རྒོལ།  
\v 4 དེ་ནས་ཨ་བི་ཡཱ་ཡིས་ཨེ་ཕཱར་ཡིམ་གྱི་ཚེ་མཱ་ར་ཡིམ་རི་མགོར་ལངས་བསྡད་ནས་ན་རེ། ཡེ་རོབ་ཨམ་ཁྱོད་དང་ཡེས་ར་ཨེལ་པ་ཀུན་གྱིས་ང་ལ་ཉོན་དང་།  
\v 5 ཡེས་ར་ཨེལ་གྱི་དཀོན་མཆོག་ཡ་ཝཱེས་ལན་ཚྭའི་\f + \ft འདིར་ལན་ཚྭ་ཞེས་པ་ནི་ཡུན་རིང་པོར་གནས་ཤིང་འཇིག་པ་མེད་པའི་དོན་ལ་འཇུག\f*ཞལ་ཆད་མཛད་དེ། ཡེས་ར་ཨེལ་གྱི་རྒྱལ་སྲིད་དེ་རྒྱུན་ནས་རྒྱུན་དུ་དཱ་བིད་དང་ཁོང་གི་བུ་རྒྱུད་རྣམས་ལ་གནང་བ་ནི་ཁྱོད་ཚོས་མི་ཤེས་སམ།  
\v 6 འོན་ཀྱང་དཱ་བིད་ཀྱི་སྲས་སོ་ལོ་མོན་གྱི་ཞབས་ཕྱི་ནེ་བཱད་ཀྱི་བུ་ཡེ་རོབ་ཨམ་ཡར་ལངས་ཏེ་རང་གི་ཇོ་བོ་ལ་ངོ་ལོག་བྱས་ཤིང་།  
\v 7 ཁྲེལ་མེད་ཇག་རྐུན་འགའ་ཤས་འདུས་ནས་ཁོའི་རྗེས་སུ་འབྲངས་ཏེ། སོ་ལོ་མོན་གྱི་བུ་རེ་ཧབ་ཨམ་ལ་བཙན་གྱིས་འགོག་རྒོལ་བྱས། སྐབས་དེར་རེ་ཧབ་ཨམ་ནི་ན་སོ་ཕྲ་ལ་སྙིང་སྟོབས་ཆུང་བས་དེ་དག་ལ་འགོག་རྒོལ་བྱེད་མ་ནུས།  
\v 8 ད་ལྟ་ཁྱོད་ཚོས་དཱ་བིད་ཀྱི་བུ་རྒྱུད་ཀྱི་ལག་ཏུ་ཡོད་པའི་དཀོན་མཆོག་ཡ་ཝཱེའི་རྒྱལ་སྲིད་དེ་ལ་ངོ་རྒོལ་བྱེད་འདོད་པ་སྟེ། ཁྱོད་ཅག་ལ་མི་གྲངས་མང་ཞིང་། ཡེ་རོབ་ཨམ་གྱིས་ཁྱོད་ཚོར་ལྷ་རྟེན་དུ་བཟོས་པའི་གསེར་གྱི་བ་ཕྲུག་ཀྱང་ཁྱོད་ཅག་དང་མཉམ་དུ་ཡོད་པས་སོ། །  
\v 9 ཁྱོད་ཚོས་དཀོན་མཆོག་ཡ་ཝཱེའི་མཆོད་དཔོན་ཏེ་ཨ་རོན་གྱི་བུ་རྒྱུད་དང་ལེ་ཝི་པ་རྣམས་ཕྱིར་བསྐྲད་པ་མ་ཡིན་ནམ། ཁྱོད་ཚོས་འཇིག་རྟེན་ཕྱི་རོལ་པ་རྣམས་ཀྱི་ལུགས་ལྟར་རང་གི་ཆེད་དུ་མཆོད་དཔོན་བསྐོས་པ་མ་ཡིན་ནམ། སུ་ཞིག་གིས་ཀྱང་བ་གླང་གཅིག་དང་ལུག་ཐུག་བདུན་ཁྱེར་འོངས་ནས་རང་ཉིད་དམ་པར་བྱས་ན་དཀོན་མཆོག་རྫུན་མ་དེ་དག་གི་མཆོད་དཔོན་བྱེད་ཐུབ་པ་མ་ཡིན་ནམ།  
\v 10 ངེད་ཅག་ལ་མཚོན་ན། དཀོན་མཆོག་ཡ་ཝཱེ་ཁོང་ཉིད་ངེད་ཅག་གི་དཀོན་མཆོག་ཡིན་ལ། ངེད་ཅག་གིས་ཁོང་མ་སྤངས་ཏེ། ངེད་ཅག་ལ་དཀོན་མཆོག་ཡ་ཝཱེར་ཞབས་ཕྱི་བྱེད་མཁན་མཆོད་དཔོན་ཡོད་དེ། ཐམས་ཅད་ཨ་རོན་གྱི་བུ་རྒྱུད་ཡིན་པར་མ་ཟད། ལེ་ཝི་པ་རྣམས་ཀྱིས་རང་རང་གི་ལས་འགན་ཁུར་བ་ཡིན།  
\v 11 དེ་དག་གིས་ཉིན་རེའི་ནངས་དགོང་གཉིས་སུ་དཀོན་མཆོག་ཡ་ཝཱེ་ལ་སྦྱིན་སྲེག་གི་མཆོད་པ་འབུལ་བ་དང་དྲི་བསུང་གི་སྤོས་བདུག་ཅིང་། ཡང་སྒྲོག་ཙེ་དམ་པའི་སྟེང་སྤྱན་བསྟར་བག་ལེབ་བཤམ་པ་དང་། ཉིན་རེའི་དགོང་མོར་གསེར་གྱི་སྒྲོན་སྟེགས་སྟེང་གི་སྒྲོན་མེ་རྣམས་སྒྲོན་པ་ཡིན། ངེད་ཅག་གིས་རང་གི་དཀོན་མཆོག་ཡ་ཝཱེའི་བཀའ་རྣམས་བསྲུངས་མོད། འོན་ཀྱང་ཁྱོད་རྣམས་ཀྱིས་ཁོང་སྤངས་པ་ཡིན་ནོ། །  
\v 12 ལྟོས་ཤིག དཀོན་མཆོག་ནི་ངེད་ཅག་དང་མཉམ་དུ་བཞུགས་ཤིང་ཁོང་གིས་ངེད་རྣམས་ལ་སྣེ་ཁྲིད་མཛད་པ་ཡིན། ཁོང་གི་མཆོད་དཔོན་རྣམས་ཀྱིས་དུང་བཟུང་ནས་ཁྱོད་ཅག་གི་ཕྱོགས་སུ་སྐད་ཆེན་པོར་འབུད་པའོ། །ཀྱེ་ཡེས་ར་ཨེལ་པ་རྣམས། ཁྱོད་རྣམས་ཀྱིས་རང་གི་ཕ་མེས་ཀྱི་དཀོན་མཆོག་ཡ་ཝཱེ་ལ་མ་རྒོལ་ཞིག གང་ལ་ཞེ་ན། ཁྱོད་རྣམས་ཁོང་ལས་རྒྱལ་བར་དཔེ་མི་སྲིད་དོ་ཞེས་གསུངས།  
\v 13 ཡིན་ཡང་ཡེ་རོབ་ཨམ་གྱིས་ཡ་ཧུ་དཱ་པའི་རྒྱབ་ཏུ་འཇབ་དམག་བཏང་བ་ན། ཡ་ཧུ་དཱ་པའི་མདུན་དུ་ཡེས་ར་ཨེལ་པ་རྣམས་ཡོད་པ་དང་། ཡ་ཧུ་དཱ་པའི་རྒྱབ་ཏུ་འཇབ་དམག་རྣམས་ཡོད་ལ།  
\v 14 ཡ་ཧུ་དཱ་པས་ཁ་ཕྱིར་འཁོར་ནས་བལྟས་པ་དང་རང་གི་མདུན་རྒྱབ་གཉིས་སུ་དགྲ་ཡོད་པ་མཐོང་ནས། དཀོན་མཆོག་ཡ་ཝཱེ་ལ་འོ་དོད་བོས་ཤིང་མཆོད་དཔོན་རྣམས་ཀྱིས་དུང་བུས།  
\v 15 དེ་ནས་ཡ་ཧུ་དཱ་པ་རྣམས་ཀྱིས་སྐད་ཆེན་པོས་ཀི་བཏབ་ཅིང་། ཡ་ཧུ་དཱ་པ་རྣམས་ཀྱིས་སྐད་ཆེན་པོས་ཀི་བཏབ་པ་ལ། དཀོན་མཆོག་གིས་ཡེ་རོབ་ཨམ་དང་ཡེས་ར་ཨེལ་པ་རྣམས་ཨ་བི་ཡཱ་དང་ཡ་ཧུ་དཱའི་མདུན་ནས་ཕམ་ཅིང་འབྲོ་བར་མཛད་དོ། །  
\v 16 ཡེས་ར་ཨེལ་པ་རྣམས་ཡ་ཧུ་དཱའི་མདུན་ནས་བྲོས་ཤིང་། དཀོན་མཆོག་གིས་དེ་རྣམས་ཡ་ཧུ་དཱ་པའི་ལག་ཏུ་གཏད།  
\v 17 དེ་ནས་ཨ་བི་ཡཱ་དང་ཁོང་གི་མི་རྣམས་ཀྱིས་ཡེས་ར་ཨེལ་པ་མང་པོ་བསད་དེ། ཡེས་ར་ཨེལ་གྱི་ཁྲོད་དུ་དམག་མི་དཔའ་རྩལ་ཅན་ཁྲི་ལྔ་བཅུ་ཤིའོ། །  
\v 18 དེའི་དུས་སུ་ཡ་ཧུ་དཱ་པ་རྣམས་ཀྱིས་རང་གི་ཕ་མེས་ཀྱི་དཀོན་མཆོག་ཡ་ཝཱེ་ལ་བརྟེན་པས་རྒྱལ་བྱུང་སྟེ། ཡེས་ར་ཨེལ་པ་རྣམས་བཏུལ་བ་རེད།  
\v 19 ཨ་བི་ཡཱས་ཡེ་རོབ་ཨམ་བདས་ནས་ཁོའི་གྲོང་ཁྱེར་འགའ་ཤས་བླངས་པ་སྟེ། པེད་ཨེལ་དང་དེའི་གྲོང་ཚོ་རྣམས་དང་། ཡེ་ཤཱ་ན་དང་དེའི་གྲོང་ཚོ་རྣམས་དང་། ཨེབ་རོན་དང་དེའི་གྲོང་ཚོ་རྣམས་སོ། །  
\v 20 ཨ་བི་ཡཱའི་སྐུ་རིང་དུ་ཡེ་རོབ་ཨམ་ལ་ཡང་བསྐྱར་སྟོབས་འབྱོར་མ་རྒྱས་ཤིང་། དཀོན་མཆོག་ཡ་ཝཱེས་དེ་ལ་བརྡུངས་པས་ཤིའོ། །  
\v 21 ཡིན་ཡང་ཨ་བི་ཡཱ་ལ་སྟོབས་འབྱོར་རྒྱས་ནས་ཆུང་མ་བཅུ་བཞི་བླངས་ཏེ། སྲས་ཉེར་གཉིས་དང་སྲས་མོ་བཅུ་དྲུག་འཁྲུངས།  
\v 22 ཨ་བི་ཡཱའི་མཛད་རྗེས་གཞན་རྣམས་དང་ཁོང་གི་གཏམ་སྤྱོད་རྣམས་ནི་ལུང་སྟོན་པ་ཨིད་དོའི་རྣམ་ཐར་ནང་དུ་བཀོད་ཡོད་དོ། །   
\c 14
\cl ལེའུ་བཅུ་བཞི་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཨ་སཱ་ཁོང་ཉིད་ཡ་ཧུ་དཱའི་རྒྱལ་པོར་བཞུགས་པ།  
\p
\v 1 ཨ་བི་ཡཱ་རང་གི་ཕ་མེས་དང་ལྷན་ཅིག་གཟིམས་པ་དང་དཱ་བིད་ཀྱི་གྲོང་ཁྱེར་དུ་དུར་ལ་སྦས། ཁོང་གི་སྲས་ཨ་སཱ་ཁོང་གི་ཚབ་ཏུ་རྒྱལ་པོར་གྱུར། ཁོང་གི་སྐུ་རིང་ལ་ལོ་བཅུའི་རིང་ཡུལ་དེར་དུས་བདེ་བར་གྱུར།  
\v 2 ཨ་སཱ་ཡིས་རང་གི་དཀོན་མཆོག་ཡ་ཝཱེའི་སྤྱན་དྲུང་དུ་གང་ཞིག་ལེགས་ཤིང་བདེན་པ་དེ་སྤྱད་ནས།  
\v 3 ཕྱི་རོལ་པའི་མཆོད་ཁྲི་དང་མཐོ་གླིང་རྣམས་མེད་པར་བཟོས་ཤིང་། རྡོ་སྐུ་རྣམས་བཅག་པ་དང་ཨ་ཤེ་རཱའི་ཀ་བ་ \f + \ft འདིར་ཨ་ཤེ་རཱའི་ཀ་བ་ཞེས་པ་ནི་ཤིང་གི་ཀ་བ་ཞིག་སྟེ་ལྷ་མོ་ཨ་ཤེ་རཱའི་རྟགས་མཚན་ཡིན།\f*རྣམས་བཅད་དེ།  
\v 4 ཡ་ཧུ་དཱ་པ་རྣམས་ལ་རང་གི་ཕ་མེས་ཀྱི་དཀོན་མཆོག་ཡ་ཝཱེ་འཚོལ་བ་དང་། ཁོང་གི་བཀའ་ཁྲིམས་དང་བཀའ་རྒྱ་རྣམས་བསྲུང་དགོས་པའི་བཀའ་བསྩལ།  
\v 5 ཡང་ཡ་ཧུ་དཱའི་གྲོང་ཁྱེར་སོ་སོ་ནས་མཐོ་གླིང་དང་སྤོས་ཁྲི་རྣམས་མེད་པར་བྱས་པ་དང་། དེའི་དུས་སུ་རྒྱལ་ཁམས་ཡོངས་ཁོང་གི་དབང་འོག་ཏུ་དུས་བདེ་བར་གྱུར།  
\v 6 ཁོང་གིས་ཡ་ཧུ་དཱ་རུ་འགོག་སྲུང་གྲོང་ཁྱེར་འགའ་ཡང་བརྩིགས། གང་ལ་ཞེ་ན། རྒྱལ་ཁབ་དེ་དུས་བདེ་ཞིང་ལོ་མང་པོར་དམག་འཁྲུག་མ་བྱུང་བ་དང་། དཀོན་མཆོག་ཡ་ཝཱེས་ཁོང་བདེ་ལ་བཀོད་པས་སོ། །  
\v 7 དེ་ནས་ཁོང་གིས་ཡ་ཧུ་དཱ་པ་རྣམས་ལ་འདི་ལྟར། རང་ཅག་གིས་གྲོང་ཁྱེར་འདི་རྣམས་བརྩིག་དགོས་ལ། དེའི་ཕྱོགས་བཞི་རུ་ལྕགས་རི་བསྐོར་ནས་མཁར་ལྕོག་བཟོ་བ་དང་། མཁར་སྒོ་འཛུགས་པ། སྒོ་གཏན་འཛུགས་པར་བྱ་དགོས། རང་ཅག་གིས་རང་གི་དཀོན་མཆོག་ཡ་ཝཱེ་བཙལ་བས། ཡུལ་འདི་ད་དུང་རང་ཅག་ལ་གཏོགས་པ་དང་། རང་ཅག་གིས་ཁོང་བཙལ་བས་ཁོང་གིས་རང་ཅག་ཕྱོགས་ཀུན་ནས་བདེ་ལ་བཀོད་པའོ་ཞེས་གསུངས་ཤིང་། དེ་དག་གིས་བརྩིགས་ཏེ་དོན་ཀུན་འགྲུབ་པར་གྱུར།  
\v 8 ཨ་སཱའི་དམག་དཔུང་ལ་ཕུབ་ཆེན་དང་མདུང་ཐོགས་མཁན་ཡ་ཧུ་དཱ་པ་བསྡོམས་པས་ཁྲི་སུམ་ཅུ་ཡོད་པ་དང་། ཕུབ་ཆུང་ཐོགས་པ་དང་གཞུ་འཐེན་མཁན་པེན་ཡཱ་མེན་པ་བསྡོམས་པས་ཁྲི་ཉེར་བརྒྱད་ཡོད་ལ། དེ་ཐམས་ཅད་ནི་དམག་མི་དཔའ་རྩལ་ཅན་ཡིན་ནོ། །  
\v 9 དེའི་དུས་སུ་གུ་ཤ་པ་ཟེ་རག་གིས་དམག་མི་ཁྲི་བརྒྱ་དང་ཤིང་རྟ་སུམ་བརྒྱ་ཁྲིད་ནས་ཡ་ཧུ་དཱ་པ་རྣམས་ལ་འཐབ་པའི་ཕྱིར་མཱ་རེ་ཤ་རུ་འོངས་པ་དང་།  
\v 10 ཨ་སཱ་དེའི་ཕྱོགས་སུ་ཆས་ཏེ། མཱ་རེ་ཤའི་ཙེ་ཕཱ་ཏ་བྱ་བའི་ལུང་པ་རུ་ཕན་ཚུན་དམག་བཀྲམས།  
\v 11 ཨ་སཱ་ཡིས་རང་གི་དཀོན་མཆོག་ཡ་ཝཱེ་ལ་གསོལ་བ་བཏབ་ནས་འདི་ལྟར། ཀྱེ་དཀོན་མཆོག་ཡ་ཝཱེ་ལགས། སྟོབས་ཆུང་རྣམས་ལ་རོགས་རམ་གནང་ནས་མཐུ་ལྡན་དག་ལས་རྒྱལ་བར་མཛད་མཁན་ནི་ཁྱེད་ལས་གཞན་མེད། ཀྱེ་ཡ་ཝཱེ་ངེད་ཅག་གི་དཀོན་མཆོག་ལགས། ཁྱེད་ཀྱིས་ངེད་ཅག་ལ་རོགས་རམ་གནང་བར་མཛོད། གང་ལ་ཞེ་ན། ངེད་རྣམས་ཁྱེད་ལ་བརྟེན་ཞིང་ཁྱེད་ཀྱི་མཚན་བརྗོད་བཞིན་དམག་དཔུང་འདི་ལ་འཐབ་ཏུ་འགྲོ་བས། ཀྱེ་ཡ་ཝཱེ་ཁྱེད་ནི་ངེད་ཅག་གི་དཀོན་མཆོག་ཡིན་ལ། འགྲོ་བ་མིའི་རིགས་ཁྱེད་ལས་རྒྱལ་བར་མི་འཇུག་པར་མཛོད་ཅེས་ཞུས་པས།  
\v 12 དཀོན་མཆོག་ཡ་ཝཱེས་ཨ་སཱ་དང་ཡ་ཧུ་དཱ་པའི་མདུན་དུ་གུ་ཤ་པ་རྣམས་ཕམ་པར་མཛད་ནས་དེ་རྣམས་བྲོས་སོ། །  
\v 13 ཨ་སཱ་དང་ཁོང་གི་རྗེས་སུ་འབྲངས་པའི་མི་རྣམས་ཀྱིས་དེ་དག་གེ་རཱར་བར་དུ་བདས། གུ་ཤ་པ་རྣམས་དཀོན་མཆོག་ཡ་ཝཱེ་དང་ཁོང་གི་དམག་དཔུང་གི་དྲུང་དུ་ཕམ་པས། ཁོ་རྣམས་ལས་ཤིན་ཏུ་མང་པོ་བསད་ནས་ཡང་བསྐྱར་སྟོབས་ཤུགས་རྒྱས་མ་ནུས། ཡ་ཧུ་དཱ་པ་རྣམས་ཀྱིས་བཅོམ་ནོར་ཤིན་ཏུ་མང་པོ་ཕྲོགས།  
\v 14 ཡང་དེ་དག་གིས་གེ་རཱར་མཐའ་འཁོར་གྱི་གྲོང་ཚོ་ཡོངས་རྫོགས་བཅོམ་པ་སྟེ། རྒྱུ་མཚན་ནི་གྲོང་ཚོ་སོ་སོའི་མི་རྣམས་དཀོན་མཆོག་ཡ་ཝཱེ་ལ་འཇིགས་པས་སོ། །ཡང་གྲོང་ཚོ་ནང་གི་རྒྱུ་ནོར་དཔག་ཏུ་མེད་པས་ཡ་ཧུ་དཱ་པ་རྣམས་ཀྱིས་གྲོང་ཚོ་སོ་སོ་ཡོངས་སུ་ཕྲོགས།  
\v 15 དེར་མ་ཟད་ཁོ་རྣམས་ཀྱིས་ཕྱུགས་ར་རྣམས་ཀྱང་བཤིགས་ནས་ལུག་དང་རྔ་མོང་མོད་པོ་ཁྲིད་དེ་ཕྱིར་ཡེ་རུ་སཱ་ལེམ་དུ་ལོག་གོ །   
\c 15
\cl ལེའུ་བཅོ་ལྔ་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཨ་སཱའི་བཅོས་བསྒྱུར།  
\p
\v 1 དེ་ནས་ཨོ་དེད་ཀྱི་བུ་ཨ་ཟར་ཡཱ་ལ་དཀོན་མཆོག་གི་ཐུགས་ཉིད་བབས་པ་དང་།  
\v 2 ཁོ་ཨ་སཱ་བསུ་རུ་སོང་ནས་ན་རེ། ཀྱེ་ཨ་སཱ་དང་ཡ་ཧུ་དཱ། པེན་ཡཱ་མེན་པ་ཐམས་ཅད་ཀྱིས་བདག་ལ་ཉོན་དང་། ཁྱོད་ཅག་དཀོན་མཆོག་ཡ་ཝཱེའི་རྗེས་སུ་འབྲངས་ན་ཁོང་ཡང་ཁྱོད་དང་མཉམ་དུ་བཞུགས་ཏེ། གལ་ཏེ་ཁྱོད་ཚོས་ཁོང་བཙལ་ན་རྙེད་པར་འགྱུར་ལ། ཁྱོད་ཚོས་ཁོང་སྤངས་ན། ཁོང་གིས་ཀྱང་ཁྱོད་ཅག་སྤང་བར་འགྱུར།  
\v 3 ཡེས་ར་ཨེལ་པ་རྣམས་བདེན་པའི་དཀོན་མཆོག་དང་བྲལ་ཏེ། བསླབ་བྱ་གནང་མཁན་གྱི་མཆོད་དཔོན་དང་བཀའ་ཁྲིམས་མེད་པར་དུས་ཡུན་རིང་པོ་འགོར་ན་ཡང་།  
\v 4 དེ་ཚོས་དཀའ་སྡུག་དང་ཕྲད་པའི་དུས་སུ་སེམས་བསྒྱུར་ནས་ཡེས་ར་ཨེལ་གྱི་དཀོན་མཆོག་ཡ་ཝཱེའི་ཕྱོགས་སུ་ལོག་འོངས་ནས་ཁོང་བཙལ་བ་ལ་ཁོང་རྙེད་པ་ཡིན།  
\v 5 དེའི་ཚེ་ཕྱི་རུ་འགྲོ་བ་དང་ནང་དུ་འོང་མཁན་གཉིས་པོར་ཞི་བདེ་མེད་དེ། ཅི་ལ་ཞེ་ན། རྒྱལ་ཁམས་སོ་སོའི་ཡུལ་མི་ཐམས་ཅད་ལ་ཟིང་འཁྲུག་ལངས་པས་སོ། །  
\v 6 དཀོན་མཆོག་གིས་བར་ཆད་སྣ་ཚོགས་ཀྱིས་ཁོ་རྣམས་འཁྲུག་པར་མཛད་པས། རྒྱལ་ཁམས་འདིས་རྒྱལ་ཁམས་གཞན་མེད་པར་གཏོང་བ་དང་། གྲོང་ཁྱེར་འདིས་གྲོང་ཁྱེར་གཞན་མེད་པར་གཏོང་བ་ཡིན།  
\v 7 འོན་ཀྱང་ཁྱོད་ཚོས་སྤོབས་པ་བསྐྱེད་ནས་དཔའ་ཞུམ་པར་མི་བྱའོ། །རྒྱུ་མཚན་ཁྱོད་ཅག་གི་སྤྱོད་པ་ལ་རྔན་པ་ཐོབ་པར་འགྱུར་ངེས་ཡིན་ཞེས་གདམས་སོ། །  
\v 8 ཨ་སཱ་ཡིས་གཏམ་དེ་རྣམས་དང་ཨོ་དེད་ཀྱི་བུ་སྟེ་ལུང་སྟོན་པ་ཨ་ཟར་ཡཱ་ཡི་ལུང་བསྟན་ཐོས་ནས། ཁོང་ལ་དཔའ་འཛོམས་ཏེ། ཡ་ཧུ་དཱ་དང་པེན་ཡཱ་མེན་གྱི་ཡུལ་ཐམས་ཅད་དང་། ཨེ་ཕཱར་ཡིམ་རི་ཁུལ་ནས་བླངས་པའི་གྲོང་ཁྱེར་ཐམས་ཅད་ནས་སྐུ་འདྲ་ཞེན་ལོག་རྣམས་མེད་པར་བཟོས་ཤིང་། ཡང་དཀོན་མཆོག་ཡ་ཝཱེའི་མཆོད་ཁང་གི་ཁྱམས་རའི་མདུན་དུ་དཀོན་མཆོག་ཡ་ཝཱེའི་མཆོད་ཁྲི་བསྐྱར་བཞེངས་བྱས་སོ། །  
\v 9 ཡང་ཁོང་གིས་ཡ་ཧུ་དཱ་པ་དང་པེན་ཡཱ་མེན་པ་ཐམས་ཅད་དང་། དེ་རྣམས་ཀྱི་ཁྲོད་དུ་བྱེས་སུ་སྡོད་པའི་ཨེ་ཕཱར་ཡིམ་པ་དང་མཱ་ན་ཤེ་པ་དང་སི་མུ་ཨོན་པ་རྣམས་བསྡུས། ཡེས་ར་ཨེལ་པ་རྣམས་ཀྱིས་ཨ་སཱ་ཡི་དཀོན་མཆོག་ཡ་ཝཱེ་ཁོང་དང་མཉམ་དུ་བཞུགས་པ་མཐོང་སྟེ། མི་ཤིན་ཏུ་མང་པོ་ཨ་སཱའི་ཕྱོགས་སུ་འཛོམས་པ་ཡིན།  
\v 10 ཨ་སཱ་ཡིས་རྒྱལ་སྲིད་བསྐྱངས་པའི་ལོ་བཅོ་ལྔ་པའི་ཟླ་གསུམ་པ་ལ་དེ་རྣམས་ཡེ་རུ་སཱ་ལེམ་དུ་འཛོམས།  
\v 11 ཉིན་དེར་དེ་དག་གིས་ཕྲོགས་འོངས་པའི་བཅོམ་ནོར་ལས་གླང་བདུན་བརྒྱ་དང་། ར་ལུག་བདུན་སྟོང་དཀོན་མཆོག་ཡ་ཝཱེ་ལ་མཆོད་པར་ཕུལ་ནས།  
\v 12 དེ་དག་གིས་བློ་གཅིག་སེམས་གཅིག་གིས་རང་གི་ཕ་མེས་ཀྱི་དཀོན་མཆོག་ཡ་ཝཱེ་འཚོལ་བར་དམ་བཅས་པ་དང་།  
\v 13 ཡེས་ར་ཨེལ་གྱི་དཀོན་མཆོག་ཡ་ཝཱེ་ཁོང་ཉིད་མི་འཚོལ་མཁན་རྣམས་ནི། ཕོ་མོ་རྒན་གཞོན་སུ་ཡིན་ཡང་གསོད་རྒྱུ་བྱས་ནས།  
\v 14 སྐད་ཆེན་པོས་ཀི་སྒྲ་བསྒྲགས་ཤིང་། དུང་དང་རྭ་དུང་འབུད་བཞིན་དཀོན་མཆོག་ཡ་ཝཱེའི་དྲུང་དུ་མནའ་བསྐྱལ་ཏེ།  
\v 15 ལྷག་བསམ་ཟོལ་མེད་ཀྱིས་མནའ་བསྐྱལ་བས་ཡ་ཧུ་དཱ་པ་མཐའ་དག་མནའ་དེའི་ཕྱིར་དགའ་བར་གྱུར་པ་དང་། རྩེ་གཅིག་གིས་དཀོན་མཆོག་ཡ་ཝཱེ་བཙལ་བས་ཁོང་རྙེད་ཅིང་། ཁོང་གིས་དེ་རྣམས་ཕྱོགས་བཞི་ནས་བདེ་ལ་བཀོད་པའོ། །  
\v 16 དེ་ནས་རྒྱལ་པོ་ཨ་སཱས་ཀྱང་རང་གི་རྨོ་མོ་མཱ་ཨ་ཀཱ་ཞེས་པ་རྒྱལ་ཡུམ་གྱི་གོ་ས་ལས་ཕབ། ཅིའི་ཕྱིར་ཞེ་ན། དེས་ཨ་ཤེ་རཱ་ཡི་སྐུ་ཞེན་ལོག་ཅན་ཞིག་བཞེངས་པས་སོ། །ཨ་སཱས་སྐུ་དེ་བཅག་ནས་རྡུལ་དུ་བརླག་སྟེ་ཀིད་རོན་ཆུ་བོའི་འགྲམ་ནས་མེར་བསྲེགས་སོ། །  
\v 17 འོན་ཀྱང་ཡེས་ར་ཨེལ་གྱི་ནང་དུ་མཐོ་གླིང་རྣམས་ད་དུང་མ་བཤིག་པར་ལུས་མོད། ཨ་སཱའི་སེམས་སུ་ཚེ་གང་པོར་ཡ་ཝཱེ་ལ་བློ་དཀར་བ་ཡིན།  
\v 18 ཨ་སཱས་རང་གི་ཕ་ཡིས་དམ་པར་བསྔོས་པ་དང་། རང་གིས་དམ་པར་བསྔོས་པའི་གསེར་དངུལ་དང་། མཆོད་རྫས་ཐམས་ཅད་དཀོན་མཆོག་གི་མཆོད་ཁང་ནང་དུ་བཅུག་པ་ཡིན།  
\v 19 དུས་དེ་ནས་བཟུང་ཨ་སཱས་རྒྱལ་སྲིད་བསྐྱངས་པའི་ལོ་སོ་ལྔའི་བར་དུ་དམག་འཁྲུག་མ་བྱུང་ངོ་། །   
\c 16
\cl ལེའུ་བཅུ་དྲུག་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཡ་ཧུ་དཱ་དང་ཡེས་ར་ཨེལ་གཉིས་དམག་བརྒྱབ་པ།  
\p
\v 1 ཨ་སཱས་རྒྱལ་སྲིད་བསྐྱངས་པའི་ལོ་སོ་དྲུག་པར། ཡེས་ར་ཨེལ་གྱི་རྒྱལ་པོ་པཱ་ཤ་ཡིས་ཡར་ཡ་ཧུ་དཱ་ལ་དམག་དྲངས་ནས། ཡ་ཧུ་དཱའི་རྒྱལ་པོ་ཨ་སཱའི་དྲུང་དུ་མི་གང་ཡང་འགྲོ་འོང་གི་འགྲུལ་སྐྱོད་མི་བྱེད་པའི་ཕྱིར་རཱ་མ་བྱ་བ་བརྩིགས།  
\v 2 དེ་ནས་ཨ་སཱས་དཀོན་མཆོག་ཡ་ཝཱེའི་མཆོད་ཁང་དང་རྒྱལ་པོའི་ཕོ་བྲང་གི་གཏེར་མཛོད་ནས་གསེར་དངུལ་ཕྱུང་སྟེ། དཱ་མེ་སེག་ཏུ་གནས་པའི་ཨ་རམ་གྱི་རྒྱལ་པོ་པེན་ཧ་དཱད་ལ་བསྐུར་ནས་འདི་ལྟར།  
\v 3 ངའི་ཕ་དང་ཁྱེད་ཀྱི་ཕ་གཉིས་ཀྱི་བར་དུ་སྔར་ཆད་དོན་བཞག་ཡོད་པས། འུ་གཉིས་ཀྱིས་ཀྱང་ཆད་དོན་འཇོག་དགོས་ཏེ། ད་ལྟ་ངས་ཁྱེད་ལ་གསེར་དང་དངུལ་བསྐུར་བ་ཡིན། ཡེས་ར་ཨེལ་གྱི་རྒྱལ་པོ་པཱ་ཤ་ངའི་མདུན་ནས་འགྲོ་བའི་ཕྱིར། ཁྱེད་ཀྱིས་དེ་དང་བཞག་པའི་ཆད་དོན་དེ་སྤང་བར་མཛོད་ཅིག་ཅེས་སྨྲས་པ་དང་།  
\v 4 པེན་ཧ་དཱད་ཀྱིས་རྒྱལ་པོ་ཨ་སཱའི་གཏམ་ལ་མཉན་ཏེ། རང་གི་དམག་དཔུང་སོ་སོའི་དམག་དཔོན་རྣམས་ཡེས་ར་ཨེལ་གྱི་གྲོང་ཁྱེར་རྣམས་ལ་རྒོལ་བར་བཏང་ནས། དེ་དག་གིས་ཨི་ཡོན་དང་། དཱན་དང་། ཨ་བེལ་མཱ་ཡིམ་བཅས་དང་། ནཱབ་ཐ་ལི་ཡི་གཏེར་མཛོད་ཡིན་པའི་གྲོང་ཁྱེར་ཐམས་ཅད་དབང་དུ་བསྡུས་པ་རེད།  
\v 5 པཱ་ཤས་གཏམ་དེ་ཐོས་པ་ཙམ་གྱིས། རཱ་མ་བརྩིག་མཚམས་བཞག་པ་དང་། ཨར་ལས་ཐམས་ཅད་མཚམས་བཞག  
\v 6 དེ་ནས་རྒྱལ་པོ་ཨ་སཱས་ཡ་ཧུ་དཱའི་མི་ཐམས་ཅད་ཁྲིད་དེ། པཱ་ཤས་རཱ་མ་བརྩིག་བྱེད་ཀྱི་རྡོ་དང་གདུང་མ་རྣམས་སྤར་ནས། དེས་གེ་བཱ་དང་མཱས་ཟི་ཕཱ་གཉིས་བརྩིགས་སོ། །   
\s1 ཧཱ་ན་ནེའི་ལུང་བསྟན།  
\p
\v 7 དེའི་དུས་སུ་མངོན་ཤེས་པ་ཧ་ནཱ་ནེ་ཞེས་པ་ཡ་ཧུ་དཱའི་རྒྱལ་པོ་ཨ་སཱའི་དྲུང་དུ་འོངས་ཏེ་ན་རེ། ཁྱོད་རང་ཨ་རམ་རྒྱལ་པོར་བརྟེན་ནས་རང་གི་དཀོན་མཆོག་ཡ་ཝཱེ་ལ་མ་བརྟེན་པའི་རྐྱེན་གྱིས། ཨ་རམ་རྒྱལ་པོའི་དམག་དཔུང་དེ་ཁྱོད་ལས་ཐར་བ་ཡིན།  
\v 8 གུ་ཤ་པ་དང་ལེབ་ཡཱ་པའི་དམག་དཔུང་ནི་རབ་ཏུ་སྟོབས་ཆེན་མ་ཡིན་ནམ། ཁོ་ཚོར་ཤིང་རྟ་དང་སྐྱ་དམག་ཤིན་ཏུ་མང་བ་མ་ཡིན་ནམ། ཁྱོད་རང་དཀོན་མཆོག་ཡ་ཝཱེ་ལ་བརྟེན་པས། ཁོང་གིས་དེ་རྣམས་ཁྱོད་ཀྱི་ལག་ཏུ་གཏད་པ་ཡིན།  
\v 9 གང་ལ་ཞེ་ན། དཀོན་མཆོག་ཡ་ཝཱེའི་སྤྱན་གྱིས་ས་གཞི་ཡོངས་ལ་གཟིགས་ཏེ། ཁོང་གི་ཕྱོགས་ལ་བློ་གཅིག་སེམས་གཅིག་ཡིན་པ་རྣམས་ནི་ཁོང་གིས་ནུས་མཐུ་ཆེན་པོས་སྐྱོར་བ་ཡིན། ཁྱོད་ཀྱིས་དེ་བཞིན་བྱས་པ་ནི་གླེན་པ་ཤ་སྟག་ཡིན་ལ། ཕྱིན་ཆད་ཁྱོད་ལ་དམག་འཁྲུག་རྒྱུན་མི་ཆད་ཅེས་སྨྲས་པ་དང་།  
\v 10 ཨ་སཱ་ནི་མངོན་ཤེས་པ་དེ་ལ་ཁྲོས་ཤིང་། དོན་དེའི་རྐྱེན་གྱིས་ཨ་སཱ་རབ་ཏུ་ཁྲོས་པས་ཁོང་བཙོན་དུ་བཅུག་པ་དང་། སྐབས་དེར་ཨ་སཱས་འབངས་མི་ཁ་ཤས་ལ་ཡང་གཉའ་གནོན་བྱས་སོ། །   
\s1 ཨ་སཱ་ཚེ་ལས་འདས་པ།  
\p
\v 11 ཨ་སཱའི་མཛད་རྗེས་རྣམས་འགོ་ནས་མཇུག་བར་དུ་ཐམས་ཅད་ཡ་ཧུ་དཱ་དང་ཡེས་ར་ཨེལ་གྱི་རྒྱལ་པོའི་རྒྱལ་རབས་ཀྱི་མདོ་རུ་ཡི་གེར་བཀོད་ཡོད་དོ། །  
\v 12 ཡང་ཨ་སཱས་རྒྱལ་སྲིད་བསྐྱངས་པའི་ལོ་སོ་དགུ་པར། ཁོང་གི་རྐང་པ་ན་ཞིང་ནད་ཤིན་ཏུ་ཚབས་ཆེན་ཡིན་ནའང་ཁོང་གིས་ན་ཚ་བྱུང་བའི་དུས་སུའང་དཀོན་མཆོག་ཡ་ཝཱེ་མ་བཙལ་བར་སྨན་པ་འབའ་ཞིག་བཙལ།  
\v 13 ཁོང་གིས་ལོ་ཞེ་གཅིག་ལ་རྒྱལ་སྲིད་བསྐྱངས་ནས་ཚེ་ལས་འདས་པ་དང་། ཁོང་ཕ་མེས་རྣམས་དང་ལྷན་ཅིག་གཟིམས་པ་དང་།  
\v 14 དེ་དག་གིས་ཁོང་ནི་དཱ་བིད་ཀྱི་གྲོང་ཁྱེར་དུ་ཁོང་གིས་རང་གི་ཕྱིར་བརྐོས་པའི་དུར་ཁུང་ནང་དུ་སྦས་ཏེ། སྤོས་སྦྱོར་བ་རྣམས་ཀྱིས་སྦྱར་བའི་དྲི་ཞིམ་དང་སྤོས་རིགས་སྣ་འཛོམས་ཀྱིས་བཀང་བའི་ཁྱོགས་ཤིང་སྟེང་དུ་བཞག་ནས། ཡང་ཁོང་གི་ཕྱིར་མེ་ཆེན་པོ་བཏང་བའོ། །   
\c 17
\cl ལེའུ་བཅུ་བདུན་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཡ་ཧུ་དཱའི་རྒྱལ་པོ་ཡེ་ཧོ་ཤ་ཕད།  
\p
\v 1 ཨ་སཱའི་སྲས་ཡེ་ཧོ་ཤ་ཕད་ནི་ཁོའི་ཚབ་ཏུ་རྒྱལ་པོར་བཞུགས་ཏེ། ཡེས་ར་ཨེལ་པ་ལ་རྒོལ་ཉེན་ཟོན་དུ་རང་གི་སྟོབས་བརྟས་པར་བྱས་ནས།  
\v 2 ཁོང་གིས་ཡ་ཧུ་དཱའི་འགོག་སྲུང་གྲོང་ཁྱེར་ཚང་མའི་ནང་དུ་དམག་མི་བཞག་ཅིང་། ཡང་ཡ་ཧུ་དཱ་ཡུལ་དང་ཡབ་ཨ་སཱས་བླངས་པའི་ཨེ་ཕཱར་ཡིམ་གྱི་གྲོང་ཁྱེར་ཀུན་ལ་སྲུང་དམག་བཞག  
\v 3 ཡེ་ཧོ་ཤ་ཕད་རང་གི་ཡབ་མེས་དཱ་བིད་དང་ཐོག་འགྲུལ་བའི་ལམ་ནང་འགྲུལ་ཞིང་། པཱ་ཨལ་རྣམས་མ་བཙལ་བས། དཀོན་མཆོག་ཡ་ཝཱེ་ཁོང་དང་མཉམ་དུ་བཞུགས།  
\v 4 ཁོང་གིས་རང་གི་ཡབ་ཀྱི་དཀོན་མཆོག་འབའ་ཞིག་བཙལ་ཏེ། ཁོང་གི་བཀའ་ཁྲིམས་རྣམས་བསྲུངས་ཤིང་། ཡེས་ར་ཨེལ་པ་རྣམས་ཀྱི་སྤྱོད་པའི་རྗེས་སུ་མ་འབྲངས་པས།  
\v 5 དཀོན་མཆོག་ཡ་ཝཱེས་ཁོང་གིས་སྐྱོང་བའི་རྒྱལ་སྲིད་བརྟན་པོར་མཛད་དེ། ཡ་ཧུ་དཱ་ཡུལ་སོ་སོས་ཁོང་ལ་ཕྱག་རྟེན་ཕུལ་བས། ཡེ་ཧོ་ཤ་ཕད་ནི་ནོར་དང་གཟི་བརྗིད་ལྡན་པར་གྱུར་ཏོ། །  
\v 6 ཡང་ཁོང་གིས་དཔའ་སེམས་བསྐྱེད་ནས་དཀོན་མཆོག་ཡ་ཝཱེའི་གཤེགས་ལམ་གྱི་ནང་དུ་འགྲུལ་བར་མ་ཟད། ཡ་ཧུ་དཱ་ཡུལ་ནས་མཐོ་གླིང་དང་ཨ་ཤེ་རཱ་རྣམས་ཚར་བཅད་དོ། །  
\v 7 ཁོང་གིས་རྒྱལ་སྲིད་བསྐྱངས་པའི་ལོ་གསུམ་པར། རང་གི་བློན་ཆེན་རྣམས་ལས་པེན་ཧ་ཨིལ་དང་། ཨོ་བད་ཡཱ། ཟཱ་ཀར་ཡ། ནེ་ཐན་ཨེལ། མི་ཀ་ཡཱ་བཅས་ཡ་ཧུ་དཱའི་གྲོང་ཁྱེར་རྣམས་ལ་བསླབ་བྱ་གནང་བར་བཏང་ཞིང་།  
\v 8 དེ་དག་དང་མཉམ་དུ་ད་དུང་ལེ་ཝི་པ་ལས་ཤེ་མ་ཡཱ་དང་། ནེ་ཐན་ཡཱ། ཟེ་པད་ཡཱ། ཨ་སཱ་ཧེལ། ཤེ་མི་ར་མོད། ཡེ་ཧོ་ན་ཐཱན། ཨ་དོ་ནི་ཡཱ། ཏོ་བི་ཡཱ། ཏོབ་ཨ་དོ་ནི་ཡཱ་བཅས་ཀྱང་སོང་ཞིང་། མཆོད་དཔོན་ཨེ་ལི་ཤ་མ་དང་ཡེ་ཧོ་རཱམ་གཉིས་ཀྱང་བརྫངས།  
\v 9 དེ་དག་གིས་དཀོན་མཆོག་ཡ་ཝཱེའི་བཀའ་ཁྲིམས་ཀྱི་མདོ་རྣམས་ཁྱེར་ཅིང་ཡ་ཧུ་དཱ་རུ་བསླབ་བྱ་གནང་བ་དང་། ཡ་ཧུ་དཱའི་གྲོང་ཁྱེར་ཀུན་ཏུ་རྒྱུ་ནས་མི་ཀུན་ལ་ཆོས་བསྟན།   
\s1 ཡེ་ཧོ་ཤ་ཕད་ཀྱི་མཛད་རྗེས།  
\p
\v 10 དེར་ཡ་ཧུ་དཱའི་མཐའ་འཁོར་གྱི་རྒྱལ་ཁམས་ཐམས་ཅད་ནི་དཀོན་མཆོག་ཡ་ཝཱེ་ལ་འཇིགས་ཏེ། ཡེ་ཧོ་ཤ་ཕད་ལ་འཐབ་མ་ནུས་པ་རེད།  
\v 11 ཕེ་ལེ་ཤེད་པ་རྣམས་ལས་འགའ་ཞིག་གིས་ཡེ་ཧོ་ཤ་ཕད་ལ་ཕྱག་རྟགས་དང་དངུལ་ཁྲལ་ཕུལ་བ་དང་། ཨ་རབ་པས་ཀྱང་ཁོང་ལ་ལུག་ཐུག་བདུན་སྟོང་བདུན་བརྒྱ་དང་། ར་ཐུག་བདུན་སྟོང་བདུན་བརྒྱ་ཕུལ་བའོ། །  
\v 12 དེ་ནས་ཡེ་ཧོ་ཤ་ཕད་ལྷག་པར་དར་ནས་རབ་ཏུ་ཆེན་པོར་གྱུར་པ་དང་། ཡ་ཧུ་དཱའི་ནང་དུ་མཁར་དང་བང་མཛོད་ཀྱི་གྲོང་ཁྱེར་རྣམས་བརྩིགས་ཏེ།  
\v 13 ཡ་ཧུ་དཱའི་གྲོང་ཁྱེར་རྣམས་སུ་དངོས་ཟོག་འབོར་ཆེན་བསགས་པ་དང་། ཡེ་རུ་སཱ་ལེམ་དུའང་ཁོང་གི་དམག་མི་དཔའ་རྩལ་ཅན་མང་པོ་ཡོད་དོ། །  
\v 14 ཡང་ཁྱིམ་རྒྱུད་བཞིན་དུ་དེ་རྣམས་ཀྱི་གྲངས་ཀ་ནི་འདི་ལྟ་སྟེ། ཡ་ཧུ་དཱ་ཚོ་པའི་སྟོང་དཔོན་རྣམས་ལས། དམག་དཔོན་ཨད་ནཱ་དང་མཉམ་དུ་དམག་མི་དཔའ་རྩལ་ཅན་ཁྲི་སུམ་ཅུ་དང་།  
\v 15 དེ་ནས་སྟོང་དཔོན་ཡེ་ཧོ་ཧ་ནན་ཏེ། དེ་དང་མཉམ་དུ་མི་ཁྲི་ཉེར་བརྒྱད་ཡོད་དོ། །  
\v 16 ཡང་དེ་ནས་ཟིག་རིའི་བུ་ཨ་མས་ཡཱ་ཡོད་དེ། ཁོ་ནི་རང་མོས་ཀྱིས་དཀོན་མཆོག་ཡ་ཝཱེའི་དོན་དུ་ལས་བྱེད་དུ་ཞུགས་པའི་མི་ཞིག་ཡིན་པ་དང་། ཁོ་དང་མཉམ་དུ་དམག་མི་དཔའ་རྩལ་ཅན་ཁྲི་ཉི་ཤུ་ཡོད་པ་ཡིན།  
\v 17 པེན་ཡཱ་མེན་ཚོ་པ་ལས་དམག་མི་དཔའ་རྩལ་ཅན་ཨེལ་ཡ་དཱ་ཡོད་དེ། ཁོ་དང་མཉམ་དུ་མདའ་གཞུ་དང་ཕུབ་སྤྲད་པ་མི་འབུམ་གཉིས་ཡོད་པ་ཡིན།  
\v 18 དེ་ནས་ཡེ་ཧོ་ཟཱ་བད་ཡོད་དེ། ཁོ་དང་མཉམ་དུ་དམག་ལ་འགྲོ་ཆོག་པ་ཁྲི་བཅོ་བརྒྱད་ཡོད་པ་ཡིན།  
\v 19 དེ་ཐམས་ཅད་ནི་རྒྱལ་པོར་ཞབས་ཕྱི་བྱེད་མཁན་ཡིན་ལ། རྒྱལ་པོས་ཡ་ཧུ་དཱ་ཡུལ་ཀུན་གྱི་འགོག་སྲུང་གྲོང་ཁྱེར་རྣམས་སུ་བཞག་པ་རྣམས་འདིའི་ནང་དུ་བརྩིས་མེད་དོ། །   
\c 18
\cl ལེའུ་བཅོ་བརྒྱད་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 མི་ཀ་ཡཱས་ཨ་ཧབ་ལ་དྲན་སྐུལ་བྱས་པ།  
\p
\v 1 ཡེ་ཧོ་ཤ་ཕད་ལ་རྒྱུ་ནོར་དང་གཟི་བརྗིད་ཆེན་པོ་ལྡན་པར་གྱུར་ཅིང་ཨ་ཧབ་དང་གཉེན་འབྲེལ་བྱས་ཏེ།  
\v 2 ལོ་ཁ་ཤས་ཀྱི་རྗེས་སུ་ཁོང་ཉིད་སཱ་མར་ཡ་རུ་ཨ་ཧབ་ཀྱི་དྲུང་དུ་ཕྱིན་པ་དང་། ཨ་ཧབ་ཀྱིས་ཁོང་དང་ཁོང་མཉམ་དུ་ཡོད་པའི་མི་རྣམས་ཀྱི་དོན་དུ་ལུག་དང་གླང་མང་པོ་བཤས་ཏེ། ཡང་ཁོ་དང་མཉམ་དུ་སོང་ནས་གིལ་ཨད་ཀྱི་རཱ་མོད་ལ་དམག་རྒྱག་པའི་ཕྱིར་བསྐུལ་ཏོ། །  
\v 3 ཡེས་ར་ཨེལ་གྱི་རྒྱལ་པོ་ཨ་ཧབ་ཀྱིས་ཡ་ཧུ་དཱའི་རྒྱལ་པོ་ཡེ་ཧོ་ཤ་ཕད་ལ་ན་རེ། ཁྱེད་རང་ང་དང་མཉམ་དུ་གིལ་ཨད་ཀྱི་རཱ་མོད་ལ་དམག་རྒྱག་ཏུ་འགྲོའམ་ཞེས་དྲིས་པར། ཁོང་གིས་དེའི་ལན་དུ། འུ་གཉིས་བར་ལ་ཁྱོད་དང་ང་ཞེས་འགེར་རྒྱུ་མེད་དེ། ངའི་མི་རྣམས་ཁྱེད་ཀྱི་མི་ཡིན་པས། བདག་གིས་ཁྱེད་དང་མཉམ་དུ་དམག་རྒྱག་པར་བྱའོ་ཞེས་སྨྲས།  
\v 4 ཡེ་ཧོ་ཤ་ཕད་ཀྱིས་ཡང་ཡེས་ར་ཨེལ་གྱི་རྒྱལ་པོ་ལ། ཁྱེད་ཀྱིས་སྔོན་ལ་དཀོན་མཆོག་ཡ་ཝཱེ་ལ་བཀའ་འདྲི་ཞུས་ཤིག་ཅེས་བསྐུལ་ཏོ། །  
\v 5 ཡེས་ར་ཨེལ་གྱི་རྒྱལ་པོས་ལུང་སྟོན་པ་བཞི་བརྒྱ་བསྡུས་ནས་དེ་དག་ལ་ན་རེ། རང་ཅག་གིལ་ཨད་ཀྱི་རཱ་མོད་ལ་དམག་རྒྱག་ཏུ་འགྲོ་རུང་ངམ་མི་རུང་ཞེས་དྲིས་པ་དང་། དེ་དག་གིས། ཁྱེད་རང་ཡར་ཕེབས་ཤིག དཀོན་མཆོག་གིས་ཡུལ་དེའི་རྒྱལ་པོ་ཁྱེད་ཀྱི་ཕྱག་ཏུ་སྩོལ་བར་འགྱུར་ཞེས་སྨྲས།  
\v 6 དེར་ཡེ་ཧོ་ཤ་ཕད་ཀྱིས། འདིར་དཀོན་མཆོག་ཡ་ཝཱེའི་ལུང་སྟོན་པ་གཞན་ཡང་ཡོད་པ་མ་ཡིན་ནམ། རང་ཅག་གིས་ཁོང་ལ་བཀའ་འདྲི་ཞུས་ན་ཅིས་མི་ཆོག་ཅེས་སྨྲས་པར།  
\v 7 ཡེས་ར་ཨེལ་གྱི་རྒྱལ་པོས་ཡེ་ཧོ་ཤ་ཕད་ལ་ན་རེ། ད་དུང་མི་ཞིག་ཡོད་དེ། ཁོ་ནི་ཨིམ་ལཱའི་བུ་མི་ཀ་ཡཱ་བྱ་བ་ཡིན་ནོ། །ང་ཚོས་ཁོ་རང་བརྒྱུད་ནས་དཀོན་མཆོག་ཡ་ཝཱེའི་ཐུགས་བརྟག་ཞུ་ནུས་ཀྱང་། དེས་ང་ལ་གནང་བའི་ལུང་བསྟན་ནི་ནམ་ཡིན་ཡང་གཏམ་ངན་ལས་གཏམ་བཟང་མེད་པས། ང་དེ་ལ་སྡང་ངོ་ཞེས་སྨྲས་པར། ཡེ་ཧོ་ཤ་ཕད་ན་རེ། རྒྱལ་པོ་ཁྱེད་ཀྱིས་འདི་འདྲ་མི་གསུང་རོགས་ཞེས་སྨྲས།  
\v 8 དེ་ནས་ཡེས་ར་ཨེལ་གྱི་རྒྱལ་པོས་ཉུག་རུམ་པ་ཞིག་བོས་ནས་ན་རེ། མྱུར་དུ་སོང་ལ་ཨིམ་ལཱའི་བུ་མི་ཀ་ཡཱ་ཁྲིད་ཤོག་ཅེས་བསྒོས།  
\v 9 དེའི་དུས་སུ་ཡེས་ར་ཨེལ་གྱི་རྒྱལ་པོ་དང་ཡ་ཧུ་དཱའི་རྒྱལ་པོ་ཡེ་ཧོ་ཤ་ཕད་གཉིས་པོས་རང་གི་ན་བཟའ་མནབས་ཏེ། སཱ་མར་ཡའི་མཁར་སྒོ་མདུན་གྱི་ཐང་ཆེན་དུ་རང་རང་གི་ཁྲི་ལ་བཞུགས་ཤིང་། ལུང་སྟོན་པ་ཐམས་ཅད་ཀྱིས་དེ་གཉིས་ཀྱི་དྲུང་ནས་ལུང་སྟོན་བཞིན་ཡོད་དེ།  
\v 10 ཀེ་ནཱ་ནའི་བུ་ཚིད་ཀི་ཡཱས་རང་གི་ཕྱིར་ལྕགས་ཀྱི་རྭ་ཅོ་འགའ་བཟོས་ཏེ་ན་རེ། དཀོན་མཆོག་ཡ་ཝཱེས་འདི་སྐད་དུ། ཁྱོད་ཀྱིས་ལྕགས་ཀྱི་རྭ་ཅོ་འདི་དག་གིས་ཨ་རམ་པ་རྣམས་ཚར་གཅོད་པའི་བར་དུ་བསྣུན་པར་བྱ་གསུངས་ཞེས་སྨྲས།  
\v 11 དེ་བཞིན་དུ་ལུང་སྟོན་པ་ཐམས་ཅད་ཀྱིས་ཀྱང་ལུང་བསྟན་ཏེ་ན་རེ། ཁྱེད་རང་ཡར་གིལ་ཨད་ཀྱི་རཱ་མོད་ལ་དམག་རྒྱག་ཏུ་བསྐྱོད་ཅིག་དང་། རྒྱལ་ཁ་ལོན་པར་འགྱུར་ཏེ། དཀོན་མཆོག་ཡ་ཝཱེས་གྲོང་ཁྱེར་དེ་རྒྱལ་པོའི་ཕྱག་ཏུ་གཏོད་པར་འགྱུར་བས་སོ་ཞེས་སྨྲས་སོ། །  
\v 12 ཡང་མི་ཀ་ཡཱ་འབོད་དུ་སོང་བའི་བང་ཆེན་དེས་ཁོང་ལ་ན་རེ། གཟིགས་དང་། ལུང་སྟོན་པ་ཐམས་ཅད་ཁ་མཐུན་ནས་རྒྱལ་པོ་ལ་ལུང་བསྟན་བཟང་པོ་སྨྲ་བ་སྟེ། ཁྱེད་ཀྱིས་ཀྱང་དེ་དག་དང་འདྲ་བར་གཏམ་བཟང་གསུང་བར་མཛོད་ཅེས་ཞུས་པ་ལ།  
\v 13 མི་ཀ་ཡཱས་འདི་ལྟར། བདག་གིས་གཏན་དུ་གནས་པའི་དཀོན་མཆོག་ཡ་ཝཱེ་དཔང་དུ་བཙུགས་ནས་མནའ་སྐྱེལ་ཏེ། ངའི་དཀོན་མཆོག་གིས་ཅི་གསུངས་ན་བདག་གིས་དེ་ལྟར་སྨྲ་བར་འགྱུར་ཞེས་སྨྲས།  
\v 14 མི་ཀ་ཡཱ་རྒྱལ་པོའི་དྲུང་དུ་སླེབས་པའི་ཚེ་ན། རྒྱལ་པོས་དེ་ལ། ཀྱེ་མི་ཀ་ཡཱ། ངེད་ཅག་གིལ་ཨད་ཀྱི་རཱ་མོད་ལ་དམག་རྒྱག་ཏུ་འགྲོ་རུང་ངམ་མི་རུང་ཞེས་དྲིས་པ་དང་། ཁོང་གིས་འདི་ལྟར། ཡར་སོང་དང་རྒྱལ་ཁ་ལོན་ངེས་ཡིན། ཁོ་རྣམས་ཁྱེད་ཅག་གི་ལག་ཏུ་སྤྲོད་པར་འགྱུར་ཞེས་སྨྲས་པ་ལ།  
\v 15 རྒྱལ་པོ་ན་རེ། བདག་གིས་ཁྱོད་ལ་མནའ་དུ་འགེལ་བར་བྱས་ན། ཁྱོད་ཀྱིས་ད་གཟོད་དཀོན་མཆོག་ཡ་ཝཱེའི་མཚན་གྱི་སྒོ་ནས་བདག་ལ་བདེན་པ་ཁོ་ན་སྨྲའམ་ཞེས་དྲིས་པར།  
\v 16 མི་ཀ་ཡཱ་ན་རེ། བདག་གིས་ཡེས་ར་ཨེལ་པ་ཐམས་ཅད་ནི་རྫི་བོ་མེད་པའི་ལུག་ལྟར་རི་ལ་འཐོར་ཡོད་པ་མཐོང་བ་དང་། དཀོན་མཆོག་ཡ་ཝཱེས་འདི་སྐད་དུ། འདི་རྣམས་ལ་བདག་པོ་གང་ཡང་མེད་པས་ཞི་བདེའི་ངང་རང་རང་གི་ཡུལ་ལ་འགྲོ་རུ་ཆུག་ཅེས་གསུངས་ཞེས་སྨྲས་པ་ན།  
\v 17 ཡེས་ར་ཨེལ་གྱི་རྒྱལ་པོས་ཡེ་ཧོ་ཤ་ཕད་ལ། འདིས་ང་ལ་ལུང་བསྟན་ངན་པ་མ་གཏོགས་བཟང་པོ་ཞིག་སྟོན་པར་མི་འགྱུར་ཞེས་ངས་ཁྱེད་ལ་བཤད་པ་མ་ཡིན་ནམ་ཞེས་སྨྲས་པ་ན།  
\v 18 དེར་མི་ཀ་ཡཱ་ན་རེ། དེ་བས་ཁྱོད་ཀྱིས་དཀོན་མཆོག་ཡ་ཝཱེའི་བཀའ་ལ་ཉོན་དང་། དཀོན་མཆོག་ཡ་ཝཱེ་ཁོང་ཉིད་ཀྱི་བཞུགས་ཁྲི་ལ་བཞུགས་པ་དང་། ནམ་མཁའི་དཔུང་ཚོགས་ཐམས་ཅད་ནི་ཁོང་གི་གཡས་གཡོན་དུ་འགྲེང་འདུག་པ་ངས་མཐོང་བྱུང་།  
\v 19 དཀོན་མཆོག་ཡ་ཝཱེས་འདི་སྐད་དུ། ཡེས་ར་ཨེལ་གྱི་རྒྱལ་པོ་ཨ་ཧབ་ནི་ཡར་གིལ་ཨད་ཀྱི་རཱ་མོད་དུ་སོང་ནས་འགྱེལ་བའི་ཕྱིར་སུས་ཁོ་བསླུ་བར་བྱའམ་ཞེས་གསུངས་པའི་ལན་དུ། འདི་ལྟར་བརྗོད་མཁན་དང་དེ་ལྟར་བརྗོད་མཁན་བྱུང་ངོ་། །  
\v 20 དེ་ནས་སེམས་ཉིད་ཅིག་ཐོན་ཞིང་དཀོན་མཆོག་ཡ་ཝཱེའི་དྲུང་དུ་འགྲེངས་ནས་འདི་ལྟར། ངས་ཁོ་བསླུ་བར་བྱ་ཞེས་ཞུས་པར། དཀོན་མཆོག་ཡ་ཝཱེས་ཁོ་ལ་ཅི་ལྟར་བསླུ་བར་བྱའམ་ཞེས་དྲིས་པ་ན།  
\v 21 དེས་འདི་སྐད་དུ། ང་རང་སོང་ནས་ཁོའི་ལུང་སྟོན་པ་ཐམས་ཅད་ཀྱི་ཁ་རུ་རྫུན་སྨྲ་བའི་སེམས་ཉིད་དུ་བྱའོ་ཞེས་ཞུས་པ་དང་། དཀོན་མཆོག་ཡ་ཝཱེས་དེ་ལ་འདི་སྐད་དུ། ཁྱོད་ཀྱིས་ཁོ་བསླུས་ནས་དོན་འགྲུབ་པར་འགྱུར་བས་སོང་ལ་དེ་བཞིན་དུ་བྱོས་ཤིག་ཅེས་བསྒོས་སོ། །  
\v 22 ད་ནི་ལྟོས་ཤིག དཀོན་མཆོག་ཡ་ཝཱེས་ཁྱོད་ཀྱི་ལུང་སྟོན་པ་འདི་དག་གི་ཁ་རུ་རྫུན་སྨྲ་བའི་སེམས་ཉིད་བཅུག་པར་མ་ཟད། ཁོང་གིས་ཁྱོད་ལ་ཆག་སྒོ་འབྱུང་བ་ཁྱབ་བསྒྲགས་མཛད་པའོ་ཞེས་སྨྲས་པ་དང་།  
\v 23 དེ་ནས་ཀེ་ནཱ་ནའི་བུ་ཚིད་ཀི་ཡཱ་ཉེ་བར་འོངས་ནས་མི་ཀ་ཡཱ་ལ་འགྲམ་ལྕག་གཞུས་ཏེ་ན་རེ། དཀོན་མཆོག་ཡ་ཝཱེའི་ཐུགས་ཉིད་དེ་ཅི་ལྟར་ང་དང་བྲལ་ནས་ཁྱོད་ལ་གཏམ་བྱས་པ་ཡིན་ནམ་ཞེས་དྲིས་པ་ལ།  
\v 24 མི་ཀ་ཡཱ་ན་རེ། ཁྱོད་སྦུག་ཁང་དུ་འཛུལ་ནས་ཡིབ་པའི་ཉིན་མོར་དེ་མཐོང་བར་འགྱུར་ཞེས་གསུངས།  
\v 25 དེར་ཡེས་ར་ཨེལ་གྱི་རྒྱལ་པོས་འདི་ལྟར། མི་ཀ་ཡཱ་བཟུང་སྟེ་གྲོང་དཔོན་ཨ་མོན་དང་རྒྱལ་སྲས་ཡོ་ཨ་སི་ཡི་རྩར་ཁྲིད་ནས་དེ་དག་ལ།  
\v 26 རྒྱལ་པོས་འདི་ལྟར། ང་བདེ་བར་ཕྱིར་སླེབས་པའི་བར་དུ་མི་འདི་བཙོན་ལ་བཅུག་སྟེ། བཟའ་བཏུང་ཉུང་ཙམ་ལས་གང་ཡང་མ་སྟེར་བསྒོས་སོང་ཞེས་སྨྲོས་ཤིག་ཅེས་སྨྲས།  
\v 27 མི་ཀ་ཡཱ་ན་རེ། གལ་ཏེ་ཁྱོད་རང་དངོས་གནས་བདེ་བར་ཕྱིར་འོངས་ཐུབ་ན། དཀོན་མཆོག་ཡ་ཝཱེས་ང་བརྒྱུད་དེ་ཅི་ཡང་མ་གསུངས་པ་ཡིན་ཞེས་སྨྲས་པ་དང་། ཡང་མི་ཐམས་ཅད་ཀྱིས་ཉོན་ཅིག་ཅེས་བསྒོས་སོ། །   
\s1 ཨ་ཧབ་གཡུལ་ངོར་གྲོངས་པ།  
\p
\v 28 དེ་ནས་ཡེས་ར་ཨེལ་གྱི་རྒྱལ་པོ་དང་ཡ་ཧུ་དཱའི་རྒྱལ་པོ་ཡེ་ཧོ་ཤ་ཕད་གཉིས་ཡར་གིལ་ཨད་ཀྱི་རཱ་མོད་དུ་སོང་ནས།  
\v 29 ཡེས་ར་ཨེལ་གྱི་རྒྱལ་པོས་ཡེ་ཧོ་ཤ་ཕད་ལ་ན་རེ། ངས་གོས་ཆས་བསྒྱུར་ཏེ་གཡུལ་ལ་ཞུགས་དགོས། ཁྱེད་ཀྱིས་རང་གི་ན་བཟའ་གྱོན་ནས་སྡོད་ཅིག་སྨྲས་ཏེ། ཡེས་ར་ཨེལ་གྱི་རྒྱལ་པོས་གོས་ཆས་བསྒྱུར་ཏེ་ཁོ་རྣམས་གཡུལ་ལ་ཞུགས།  
\v 30 དེར་ཨ་རམ་གྱི་རྒྱལ་པོས་ཤིང་རྟའི་འགོ་དཔོན་དག་ལ་བཀའ་བབས་ཏེ་ན་རེ། ཡེས་ར་ཨེལ་གྱི་རྒྱལ་པོ་འབའ་ཞིག་མ་གཏོགས་དམག་ཆེ་ཆུང་གང་ལའང་མ་འཐབ་ཅིག་ཅེས་བསྒོས་པས།  
\v 31 ཤིང་རྟའི་འགོ་དཔོན་ཚོས་ཡེ་ཧོ་ཤ་ཕད་མཐོང་བ་དང་། འདི་ནི་ཡེས་ར་ཨེལ་གྱི་རྒྱལ་པོ་ཡིན་སྙམ་ནས་ཁ་ཕྱིར་འཁོར་ནས་ཁོང་ལ་རྒོལ་ཞིང་། ཡེ་ཧོ་ཤ་ཕད་ཀྱིས་འོ་དོད་བོས་པ་དང་། དཀོན་མཆོག་ཡ་ཝཱེས་དེ་ལ་སྐྱབས་མཛད་དེ། དཀོན་མཆོག་གིས་དགྲ་རྣམས་ཁོང་གི་མདུན་ནས་བཟློགས།  
\v 32 ཤིང་རྟའི་འགོ་དཔོན་ཚོས་དེ་ནི་ཡེས་ར་ཨེལ་གྱི་རྒྱལ་པོ་མིན་པ་ཤེས་ནས། ཁོང་མ་བདས་པར་ཕྱིར་ལོག་པ་རེད།  
\v 33 དེ་ནས་མི་ཞིག་གིས་མདའ་འཕངས་པ་ལ་མ་བསམ་ས་ནས་ཡེས་ར་ཨེལ་གྱི་རྒྱལ་པོའི་གོ་ཁྲབ་ཀྱི་མཐུད་མཚམས་སུ་ཕོག་པ་དང་། རྒྱལ་པོས་རང་གི་རྟ་པ་ལ་ན་རེ། ང་རྨས་བྱུང་བས་ཁྱོད་ཀྱིས་ཤིང་རྟ་ཁ་ལོ་སྒྱུར་དང་། ང་རང་གཡུལ་ས་ནས་ཁྲིད་ཅིག་ཅེས་བསྒོས།  
\v 34 ཉིན་དེར་དམག་འཐབ་ཛ་དྲག་ཏུ་སོང་སྟེ། ཡེས་ར་ཨེལ་གྱི་རྒྱལ་པོ་དགོང་མོའི་བར་དུ་ཤིང་རྟའི་སྟེང་ལངས་ཅི་ཐུབ་བྱས་ཏེ་ཨ་རམ་པ་ལ་འགོག་རྒོལ་བྱས་པ་དང་། ཉི་མ་ནུབ་དུས་ཙམ་ལ་རྒྱལ་པོ་ཚེ་ལས་འདས་སོ། །   
\c 19
\cl ལེའུ་བཅུ་དགུ་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ལུང་སྟོན་པས་ཡེ་ཧོ་ཤ་ཕད་ལ་གཤེ་གཤེ་བཏང་བ།  
\p
\v 1 དེ་ནས་ཡ་ཧུ་དཱའི་རྒྱལ་པོ་ཡེ་ཧོ་ཤ་ཕད་བདེ་བར་ཡེ་རུ་སཱ་ལེམ་གྱི་རང་གི་ཕོ་བྲང་དུ་ཕྱིར་སླེབས་པ་དང་།  
\v 2 ཧ་ནཱ་ནེའི་བུ་མངོན་ཤེས་པ་ཡེ་ཧུ་ཁོང་བསུ་རུ་འོངས་ནས། རྒྱལ་པོ་ཡེ་ཧོ་ཤ་ཕད་ལ་འདི་ལྟར། ཁྱོད་མི་ངན་གྱི་གྲོགས་བྱེད་ཅིང་དཀོན་མཆོག་ཡ་ཝཱེར་སྡང་མཁན་ལ་དགའ་བ་ཅི་ཡིན་ནམ། དེའི་ཕྱིར་དཀོན་མཆོག་ཡ་ཝཱེའི་ཐུགས་ཁྲོ་ཁྱོད་ཀྱི་ཐོག་ཏུ་བབས་སོ། །  
\v 3 འོན་ཀྱང་ཁྱོད་ཀྱིས་ཡུལ་འདི་ནས་ཨ་ཤེ་རཱ་རྣམས་ཚར་བཅད་དེ། དཀོན་མཆོག་བཙལ་བའི་སེམས་ཐག་བཅད་པའི་དབང་གིས། ཁྱོད་ལས་ད་དུང་བཟང་ཆ་རྙེད་ནུས་ཞེས་གདམས།   
\s1 ཡེ་ཧོ་ཤ་ཕད་ཀྱི་བཅོས་བསྒྱུར།  
\p
\v 4 ཡེ་ཧོ་ཤ་ཕད་ནི་ཡེ་རུ་སཱ་ལེམ་དུ་གནས་དུས། ཡང་ཁོང་པེར་ཤ་བཱ་ནས་ཨེ་ཕཱར་ཡིམ་གྱི་རི་ཁུལ་དུ་མི་རྣམས་ཀྱི་ཁྲོད་དུ་ཕྱིན་ཏེ། འབངས་རྣམས་རང་གི་ཕ་མེས་ཀྱི་དཀོན་མཆོག་ཡ་ཝཱེའི་ཕྱོགས་སུ་ཕྱིར་ཁྲིད་འོངས་པ་དང་།  
\v 5 ཡང་ཁོང་གིས་ཡ་ཧུ་དཱའི་འགོག་སྲུང་གྲོང་ཁྱེར་ཐམས་ཅད་ཀྱི་ནང་དུ་ཁྲིམས་དཔོན་བཞག་ནས།  
\v 6 ཁོང་གིས་ཁྲིམས་དཔོན་རྣམས་ལ་ན་རེ། ཁྱོད་ཚོས་ཅི་ཞིག་བྱས་ཀྱང་དོགས་ཟོན་གྱིས་ཤིག ཅིའི་ཕྱིར་ཞེ་ན། ཁྱོད་ཀྱིས་དཀོན་མཆོག་ཡ་ཝཱེའི་དོན་དུ་ཁྲིམས་གཅོད་པ་ལས་མི་རྣམས་ཀྱི་ཆེད་དུ་ཁྲིམས་གཅོད་པ་མ་ཡིན་ཏེ། ཁྲིམས་གཅོད་དུས་ཀྱང་ཡ་ཝཱེ་ཁྱོད་རྣམས་དང་མཉམ་དུ་བཞུགས་པ་ཡིན།  
\v 7 ད་ནི་ཁྱོད་ཅག་དཀོན་མཆོག་ཡ་ཝཱེ་ལ་གུས་ཤིང་འཇིགས་པར་གྱུར་ཅིག བྱ་བ་ཐམས་ཅད་ཀྱི་ནང་དུ་དོགས་ཟོན་གྱིས་ཤིག ཅི་ལ་ཞེ་ན། རང་ཅག་གི་དཀོན་མཆོག་ཡ་ཝཱེས་དྲང་བདེན་གྱི་ལས་སྒྲུབ་པ་དང་མི་ཡི་ཁ་ངོར་མི་བལྟ། གསུག་ཀྱང་མི་ལེན་ནོ་ཞེས་སྨྲས་སོ། །  
\v 8 ཡེ་ཧོ་ཤ་ཕད་ཀྱིས་ཡང་ཡེ་རུ་སཱ་ལེམ་དུ་ལེ་ཝི་པ་དང་མཆོད་དཔོན། ཡེས་ར་ཨེལ་གྱི་ཁྱིམ་རྒྱུད་སོ་སོའི་འགོ་དཔོན་རྣམས་ལས། དཀོན་མཆོག་ཡ་ཝཱེའི་ཕྱིར་དཔྱད་ཁྲ་གཏོང་བ་དང་། ཡེ་རུ་སཱ་ལེམ་གྱི་འབངས་མིའི་ཆེད་དུ་ཁྲིམས་གཅོད་པར་མི་འགའ་རེ་བསྐོས་པ་ཡིན་ནོ། །  
\v 9 ཡང་ཁོང་གིས་དེ་རྣམས་ལ་བཀའ་བསྩལ་ནས་ན་རེ། ཁྱོད་རྣམས་ཀྱིས་དཀོན་མཆོག་ཡ་ཝཱེ་ལ་གུས་ཤིང་འཇིགས་པའི་སེམས་བཅངས་ནས་བློ་དཀར་བ་དང་སེམས་ཧྲིལ་པོས་དོན་རྣམས་སྒྲུབས་ཤིག  
\v 10 ཁྱོད་ཚོའི་གྲོང་ཁྱེར་སོ་སོར་གནས་པའི་སྤུན་ཟླ་རྣམས་ཀྱིས་ཁྱོད་ཅག་གི་མདུན་དུ་ཁྱེར་ཡོང་བའི་གྱོད་གཞི་ཐམས་ཅད་ནི། ཁྲག་བཞུར་བའི་དོན་རྐྱེན་ནམ། ཡང་ན་བཀའ་ཁྲིམས་དང་བཀའ་རྒྱ། ཁྲིམས་སྲོལ། སྲོལ་ཡིག་བཅས་དང་འབྲེལ་བའི་གྱོད་གཞི་གང་ཡིན་ཡང་། དེ་དག་གིས་དཀོན་མཆོག་ཡ་ཝཱེའི་དྲུང་དུ་ཉེས་པ་མི་བྱེད་པ་དང་། ཁྱོད་རྣམས་དང་ཁྱོད་རྣམས་ཀྱི་སྤུན་གྱི་སྟེང་དུ་ཁོང་གི་ཐུགས་ཁྲོ་མི་འབབ་པའི་ཆེད་དུ། དེ་དག་ལ་ཉེན་བརྡ་ཐོངས་ཤིག དེ་ལྟར་བྱས་ན་ཁྱོད་ཅག་ལ་སྡིག་པ་མེད་དོ། །  
\v 11 དཀོན་མཆོག་ཡ་ཝཱེ་ལ་གཏོགས་པའི་བྱ་བ་ཐམས་ཅད་ཀྱི་ཕྱིར་མཆོད་དཔོན་ཆེན་པོ་ཨ་མར་ཡཱ་ཡིས་ཁྱོད་ཚོའི་ཆེད་དུ་ཐག་གཅོད་བྱེད་པ་དང་། རྒྱལ་པོར་གཏོགས་པའི་བྱ་བ་ཐམས་ཅད་ཀྱི་ཕྱིར་ཡ་ཧུ་དཱའི་ཁྱིམ་རྒྱུད་ཀྱི་འགོ་དཔོན་ཡེས་མ་ཨེལ་གྱི་བུ་ཟེ་པད་ཡཱ་ཡིས་ཁྱོད་ཚོའི་ཆེད་དུ་ཐག་གཅོད་བྱེད་པ་ཡིན། ཡང་ལེ་ཝི་པ་དག་ནི་ཁྱོད་ཅག་གི་མདུན་དུ་ཡོད་པའི་ལས་སྣེ་པའོ། །ཁྱོད་ཚོས་སྙིང་སྟོབས་བསྐྱེད་དེ་དོན་རྣམས་སྒྲུབས་ཤིག དཀོན་མཆོག་ཡ་ཝཱེ་ནི་མི་བཟང་པོ་དང་མཉམ་དུ་བཞུགས་ངེས་ཡིན་ཞེས་གསུངས་སོ། །   
\c 20
\cl ལེའུ་ཉི་ཤུ་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཨེ་དོམ་དང་འཐབ་པ།  
\p
\v 1 དེའི་རྗེས་སུ་མོ་ཨབ་པ་དང་ཨམ་མོན་པ་ནི། མེ་ཨུན་པ་རྣམས་དང་མཉམ་དུ་ཡེ་ཧོ་ཤ་ཕད་ལ་དམག་རྒྱག་ཏུ་འོངས་པ་དང་།  
\v 2 མི་ཞིག་འོངས་ནས་ཡེ་ཧོ་ཤ་ཕད་ལ་ན་རེ། རྒྱ་མཚོའི་ཕ་རོལ་ཏེ་ཨེ་དོམ་པའི་ཕྱོགས་ནས་དམག་ཚོགས་ཆེན་པོ་ཞིག་ཁྱེད་ལ་རྒོལ་དུ་འོང་གིན་འདུག གཟིགས་དང་། ད་ལྟ་དེ་རྣམས་ཧ་ཚོན་ཐལ་མཱར་ཏེ། ཨེན་གེ་དི་ལ་སླེབས་ཟིན་ཞེས་སྨྲས་པ་དང་།  
\v 3 ཡེ་ཧོ་ཤ་ཕད་འཇིགས་ཏེ། དཀོན་མཆོག་ཡ་ཝཱེ་འཚོལ་བར་སེམས་ཐག་བཅད་ནས། སྨྱུང་གནས་སྲུང་རྒྱུའི་དོན་ཡ་ཧུ་དཱ་ཡོངས་ལ་བསྒྲགས།  
\v 4 དེ་ནས་ཡ་ཧུ་དཱ་པ་ཐམས་ཅད་དཀོན་མཆོག་ཡ་ཝཱེ་ལ་སྐྱབས་ཞུ་བའི་ཆེད་དུ་འདུས་ཏེ། ཡ་ཧུ་དཱའི་གྲོང་ཁྱེར་སོ་སོ་ནས་དཀོན་མཆོག་ཡ་ཝཱེ་འཚོལ་དུ་འོངས་པ་རེད།  
\v 5 ཡེ་ཧོ་ཤ་ཕད་ཀྱིས་དཀོན་མཆོག་ཡ་ཝཱེའི་མཆོད་ཁང་གི་ར་སྐོར་གསར་པའི་མདུན་དུ། ཡ་ཧུ་དཱ་དང་ཡེ་རུ་སཱ་ལེམ་གྱི་མི་ཚོགས་དཀྱིལ་དུ་ལངས་ནས་ན་རེ།  
\v 6 ཀྱེ་ངེད་ཅག་གི་ཕ་མེས་ཀྱི་དཀོན་མཆོག་ཡ་ཝཱེ་ལགས། ཁྱེད་ནི་ནམ་མཁའ་རུ་བཞུགས་པའི་དཀོན་མཆོག་མ་ཡིན་ནམ། ཁྱེད་ནི་མི་རིགས་སོ་སོ་དང་རྒྱལ་ཁམས་མཐའ་དག་གི་མངའ་བདག་མ་ཡིན་ནམ། ཁྱེད་ཀྱི་ཕྱག་ཏུ་དབང་དང་མཐུ་མངའ་བས། སུས་ཀྱང་ཁྱེད་ལ་འགྲན་མི་ནུས།  
\v 7 ངེད་ཅག་གི་དཀོན་མཆོག་ལགས། སྔར་ཁྱེད་ཀྱིས་ཉིད་ཀྱི་འབངས་མི་ཡེས་ར་ཨེལ་གྱི་མདུན་ནས་ཡུལ་ཁམས་འདིའི་ཡུལ་མི་ཐམས་ཅད་བསྐྲད་དེ། ཁྱེད་ཀྱི་མཛའ་བོ་ཨབ་ར་ཧམ་གྱི་བུ་རྒྱུད་ལ་ཡུལ་ཁམས་འདི་དུས་གཏན་གྱི་ནོར་སྐལ་དུ་གནང་བ་མ་ཡིན་ནམ།  
\v 8 ཁོ་རྣམས་འདིར་གནས་ཤིང་། ཡང་ཁྱེད་ཀྱི་མཚན་གྱི་ཕྱིར་དམ་པའི་གནས་ཤིག་བཞེངས་ཏེ་ན་རེ།  
\v 9 གལ་ཏེ་ངེད་ཅག་ལ་རལ་གྲིའམ། ཉེས་ཆད་དམ། རིམས་ནད་དམ། མུ་གེ་ལ་སོགས་པའི་རྐྱེན་ངན་གང་རུང་འབྱུང་བ་དང་། དཀའ་སྡུག་གི་དུས་སུ་ངེད་ཅག་མཆོད་ཁང་འདི་དང་ཁྱེད་ཀྱི་དྲུང་དུ་ལངས་བསྡད་ནས་ཁྱེད་ལ་འོ་དོད་བོས་ན། ཁྱེད་ཀྱིས་གསན་ནས་སྐྱོབ་པར་འགྱུར་ཏེ། ཁྱེད་ཀྱི་མཚན་ནི་མཆོད་ཁང་འདིར་བཞུགས་པས་སོ་ཞེས་སྨྲས་སོ། །  
\v 10 ད་ལྟ་འདི་རུ་ཨམ་མོན་པ་དང་མོ་ཨབ་པ་དང་། རི་སེ་ཨིར་པ་བཅས་ཡོད་ལ། སྔར་ཡེས་ར་ཨེལ་པ་རྣམས་ཨེ་ཅིབ་ཡུལ་ནས་ཐོན་དུས་སུ། ཁྱེད་ཀྱིས་ཁོ་རྣམས་དེ་དག་གི་ཡུལ་དུ་འགྲོ་རུ་མ་གནང་། དེའི་དུས་སུ་ཡེས་ར་ཨེལ་པ་རྣམས་ཁོ་ཚོ་དང་བྲལ་ནས་ཁོ་ཚོ་མེད་པར་མ་བྱས།  
\v 11 ད་ནི་ཁྱེད་ཀྱིས་གཟིགས་དང་། ཁོ་ཚོས་ང་ཚོར་འདི་ལྟར་ལན་འཇལ་བ་སྟེ། ཁོ་རྣམས་འོངས་ནས་ངེད་རྣམས་ཁྱེད་ཀྱིས་ས་སྐལ་དུ་གནང་བའི་ཡུལ་ལས་སྐྲོད་པར་འདོད་དོ། །  
\v 12 ཀྱེ་ངེད་ཅག་གི་དཀོན་མཆོག་ལགས། ཁྱེད་ཀྱིས་དེ་དག་ལ་ཁྲིམས་ཆད་མི་གཅོད་དམ། ཅི་ལ་ཞེ་ན། ངེད་ཅག་ལ་འཐབ་ཏུ་འོངས་པའི་དམག་དཔུང་ཆེན་པོ་འདི་དང་འགྲན་པའི་སྟོབས་མེད་དེ། ཅི་བྱེད་དགོས་པའང་མི་ཤེས་པས། ཁྱེད་ཁོ་ནར་རེ་ལྟོས་བྱེད་པ་ཡིན་ཞེས་ཞུས།  
\v 13 དེའི་ཚེ་ཡ་ཧུ་དཱ་པ་ཐམས་ཅད་དེ་ཐ་ན་ཁོ་རྣམས་ཀྱི་ཕྲུ་གུ་དང་ཆུང་མ། བུ་དང་བུ་མོ་བཅས་ཀྱང་དཀོན་མཆོག་ཡ་ཝཱེའི་སྤྱན་སྔར་ལངས་བསྡད་པ་ཡིན།  
\v 14 དེ་ནས་དཀོན་མཆོག་ཡ་ཝཱེའི་ཐུགས་ཉིད་ནི་མི་ཚོགས་ཁྲོད་དུ་ལེ་ཝི་པ་ཨ་སབ་ཀྱི་བུ་རྒྱུད་ཡཱ་ཧ་ཟི་ཨེལ་ལ་བབས་ཤིང་། དེ་ནི་མད་ཐན་ཡཱའི་གསུམ་ཚ་དང་ཡེ་ཨི་ཨེལ་གྱི་ཡང་ཚ་སྟེ། པེ་ནཱ་ཡའི་ཚ་བོ་དང་ཟཱ་ཀར་ཡའི་བུ་ཡིན་ནོ། །  
\v 15 དེར་ཡེ་ཧ་ཟི་ཨེལ་ན་རེ། ཀྱེ་ཡ་ཧུ་དཱ་པ་ཐམས་ཅད་དང་ཡེ་རུ་སཱ་ལེམ་གྱི་འབངས་རྣམས་དང་རྒྱལ་པོ་ཡེ་ཧོ་ཤ་ཕད་ལགས། ཁྱེད་རྣམས་ཀྱིས་གསན་པར་མཛོད། དཀོན་མཆོག་ཡ་ཝཱེས་ཁྱེད་ཚོ་ལ་འདི་སྐད་དུ། དམག་འཁྲུག་གི་རྒྱལ་ཁ་ནི་ཁྱོད་རྣམས་ལ་རག་མི་ལས་ཏེ་དཀོན་མཆོག་ལ་རག་ལས་པས། དམག་དཔུང་ཆེན་པོ་འདིའི་རྐྱེན་གྱིས་མ་འཇིགས་མ་ཚབས་ཤིག  
\v 16 སང་ཉིན་ཁྱོད་ཅག་དེ་དག་དང་འཐབ་ཏུ་མར་བོབས་ཤིག་དང་། ལྟོས་དང་། དེ་དག་ཙི་སིའི་ལ་ངོས་སུ་ཡར་འཛེགས་ནས་འོང་ངེས། ཡེ་རུ་ཨེལ་དབེན་སྟོང་གི་ཤར་ཕྱོགས་སུ་ལུང་པའི་ཁར་ཁྱོད་ཅག་དེ་དག་དང་འཕྲད་པར་འགྱུར།  
\v 17 ཀྱེ་ཡ་ཧུ་དཱ་པ་དང་ཡེ་རུ་སཱ་ལེམ་པ་རྣམས། ཐེངས་འདིར་ཁྱོད་ཅག་དེ་དག་དང་མི་འཐབ་པར་གཡུལ་ས་བསྲུངས་ནས་ལངས་བསྡད་དེ། དཀོན་མཆོག་ཡ་ཝཱེས་ཁྱོད་ཚོ་སྐྱོབ་ལུགས་ལ་ལྟོས་ཤིག ཁྱོད་རྣམས་མ་འཇིགས་མ་ཚབས་ཤིག དཀོན་མཆོག་ཡ་ཝཱེ་ཁྱོད་ཅག་དང་མཉམ་དུ་བཞུགས་པས། སང་ཉིན་དེ་རྣམས་ཀྱི་གདོང་བསུ་བར་སོང་ཞིག་ཅེས་གསུངས་སོ་ཞེས་བསྒོས་པ་དང་།  
\v 18 ཡེ་ཧོ་ཤ་ཕད་ཀྱིས་གདོང་སར་གཏད་ནས་ཕྱག་བཙལ་བ་དང་། ཡ་ཧུ་དཱ་པ་རྣམས་དང་ཡེ་རུ་སཱ་ལེམ་པ་ཐམས་ཅད་ཀྱིས་ཀྱང་དཀོན་མཆོག་ཡ་ཝཱེའི་དྲུང་དུ་ཕྱག་བཙལ་ནས་ཁོང་ལ་བསྙེན་བཀུར་ཞུས་སོ། །  
\v 19 དེ་ནས་ལེ་ཝི་པ་ཀོ་ཧད་པའི་བུ་རྒྱུད་རྣམས་དང་ཀོ་རཱག་པའི་བུ་རྒྱུད་རྣམས་ཡར་ལངས་ནས་སྐད་ཆེན་པོས་ཡེས་ར་ཨེལ་གྱི་དཀོན་མཆོག་ཡ་ཝཱེ་ལ་བསྟོད་བསྔགས་ཕུལ་ཏོ། །  
\v 20 དེའི་ཕྱི་ཉིན་ཞོགས་པར་ཁོ་རྣམས་སྔ་མོར་ལངས་ནས། ཐེ་ཀོ་ཨ་ཡི་དབེན་སྟོང་དུ་ཕྱིན་ཏེ། དེ་དག་ཆས་དུས་སུ་ཡེ་ཧོ་ཤ་ཕད་ཡར་ལངས་ཏེ་ན་རེ། ཀྱེ་ཡ་ཧུ་དཱ་པ་རྣམས་དང་ཡེ་རུ་སཱ་ལེམ་པ་རྣམས། ཁྱོད་ཚོས་བདག་ལ་ཉོན་དང་། ཁྱོད་ཅག་གི་དཀོན་མཆོག་ཡ་ཝཱེ་ལ་དད་པར་གྱིས་ཤིག་དང་། ཁྱོད་རྣམས་བརྟན་པོར་ཚུགས་པར་འགྱུར། ཁོང་གི་ལུང་སྟོན་པ་ལ་ཡིད་ཆེས་བྱོས་ཤིག ཁྱོད་ཅག་གི་དོན་ཀུན་འགྲུབ་པར་འགྱུར་ཞེས་སྨྲས་ནས།  
\v 21 ཡེ་ཧོ་ཤ་ཕད་དང་ཡུལ་མི་རྣམས་གྲོས་བྱས་པ་དང་། དཀོན་མཆོག་ཡ་ཝཱེ་ལ་བསྟོད་དབྱངས་འབུལ་མཁན་རྣམས་བསྐོས་ནས་ཆོས་གོས་དམ་པ་བསྐོན་ཏེ། དམག་ཚོགས་ཀྱི་མདུན་དུ་སོང་ནས་དཀོན་མཆོག་ཡ་ཝཱེ་ལ་བསྟོད་ཅིང་ན་རེ། དཀོན་མཆོག་ཡ་ཝཱེའི་བྱམས་བརྩེ་རྒྱུན་ནས་རྒྱུན་དུ་གནས་པས་ཁྱོད་ཚོས་ཁོང་ལ་བསྟོད་པར་འོས་ཞེས་བསྐུལ།  
\v 22 དེ་དག་གིས་བསྟོད་དབྱངས་འབུལ་འགོ་བརྩམས་པ་ཙམ་གྱིས། དཀོན་མཆོག་ཡ་ཝཱེས་འཇབ་དམག་རྣམས་མངགས་ཏེ་ཡ་ཧུ་དཱ་ལ་འཐབ་ཏུ་འོངས་པའི་ཨམ་མོན་པ་དང་། མོ་ཨབ་པ་དང་། རི་སེ་ཨིར་པ་རྣམས་གསོད་པར་མཛད་པ་ལ་དེ་དག་ཕམ་པར་བརྒྱབ་པའོ། །  
\v 23 ཡང་ཨམ་མོན་པ་དང་མོ་ཨབ་པ་རྣམས་ལངས་ནས་སེ་ཨིར་རི་བོའི་ཡུལ་མི་རྣམས་ལ་རྒོལ་ཞིང་དེ་རྣམས་ཡོངས་སུ་ཚར་བཅད་པ་དང་། སེ་ཨིར་རི་བོའི་ཡུལ་མི་རྣམས་ཚར་བཅད་རྗེས་དེ་དག་གིས་ཕན་ཚུན་གསོད་རེས་བྱས།  
\v 24 དེ་ནས་ཡ་ཧུ་དཱ་པ་རྣམས་དབེན་སྟོང་དུ་སོ་པའི་མཁར་ལ་སླེབས་ཤིང་དམག་དཔུང་ཆེན་པོ་དེ་ལ་བལྟས་པ་ན། ལྟོས་དང་། མི་རོས་ས་སྟེང་ཁེབས་འདུག་པ་མཐོང་སྟེ་གཅིག་ཀྱང་མ་ཐར་རོ། །  
\v 25 ཡེ་ཧོ་ཤ་ཕད་དང་ཁོང་གི་མི་རྣམས་དེ་དག་གི་རྒྱུ་ནོར་འཕྲོག་ཏུ་འོངས་པ་ལ། མི་རོའི་ཁྲོད་དུ་རྒྱུ་ནོར་དང་གྱོན་གོས། རིན་པོ་ཆེ་བཅས་ཧ་ཅང་མང་པོ་ཡོད་པ་མཐོང་ཞིང་། ཁོ་རྣམས་ཀྱིས་དེ་ཡོད་ཚད་བླངས་ནས་རང་གི་བྱས་པ་དང་། བཅོམ་ནོར་ཤིན་ཏུ་མང་བས་འཁྱེར་མི་ཐུབ་པ་ཙམ་བྱུང་ལ་ཡང་ཉིན་གསུམ་གྱི་རིང་ལ་བསྡུས།  
\v 26 དེ་ནས་ཉིན་བཞི་པར་དེ་རྣམས་པེ་ར་ཀ་ལུང་པ་རུ་འཛོམས་ཏེ། དེར་དཀོན་མཆོག་ཡ་ཝཱེ་ལ་བསྟོད་དབྱངས་ཕུལ་བའི་རྐྱེན་གྱིས། ས་ཆ་དེའི་མིང་ལ་དེ་རིང་གི་བར་དུ་པེ་ར་ཀ་ལུང་པ་ཟེར།  
\v 27 དེ་ནས་ཡེ་ཧོ་ཤ་ཕད་ཀྱི་སྣེ་ཁྲིད་འོག་ཏུ་ཡ་ཧུ་དཱ་པ་དང་ཡེ་རུ་སཱ་ལེམ་པ་ཐམས་ཅད་དགའ་མགུའི་ངང་ཡེ་རུ་སཱ་ལེམ་དུ་ལོག་སྟེ། དཀོན་མཆོག་ཡ་ཝཱེས་དེ་དག་དགྲ་ལས་རྒྱལ་བར་མཛད་པའི་རྐྱེན་གྱིས་ཤིན་ཏུ་དགའ་བར་གྱུར།  
\v 28 དེ་དག་གིས་རྒྱུད་མངས་དང་པི་ཝང་དང་། དུང་བཅས་ཁྱེར་ནས་ཡེ་རུ་སཱ་ལེམ་དུ་སླེབས་ཏེ། དཀོན་མཆོག་ཡ་ཝཱེའི་མཆོད་ཁང་དུ་སོང་།  
\v 29 ཡང་དཀོན་མཆོག་ཡ་ཝཱེས་ཡེས་ར་ཨེལ་གྱི་དགྲ་རྣམས་ལ་འཐབ་ནས་ཕམ་པར་མཛད་པའི་གཏམ་དེ་རྒྱལ་ཁམས་ཐམས་ཅད་ཀྱིས་ཐོས་ནས། དེ་རྣམས་དཀོན་མཆོག་ལ་ཤིན་ཏུ་འཇིགས་པར་གྱུར།  
\v 30 དེ་ལྟར་ཡེ་ཧོ་ཤ་ཕད་ཀྱི་དཀོན་མཆོག་གིས་ཁོང་གི་ཕྱོགས་བཞི་བདེ་ལ་བཀོད་པས། ཁོང་གི་རྒྱལ་ཁམས་བདེ་བར་གནས་སོ། །   
\s1 ཡེ་ཧོ་ཤ་ཕད་ཚེ་ལས་འདས་པ།  
\p
\v 31 ཡང་ཡེ་ཧོ་ཤ་ཕད་ཡ་ཧུ་དཱའི་རྒྱལ་པོར་བཞུགས་དུས་དགུང་ལོ་སོ་ལྔ་ཡིན་པ་དང་། ཡེ་རུ་སཱ་ལེམ་དུ་ལོ་ཉེར་ལྔའི་རིང་ལ་རྒྱལ་སྲིད་བསྐྱངས། ཁོང་གི་ཡུམ་ནི་ཤིལ་ཧིའི་སྲས་མོ་ཨ་ཟུ་བཱ་ཞེས་པ་ཡིན།  
\v 32 ཡེ་ཧོ་ཤ་ཕད་ནི་རང་གི་ཡབ་ཨ་སཱའི་ལམ་གྱི་ནང་དུ་འགྲུལ་ཞིང་དེ་ལས་མ་འཁྱར་བར། དཀོན་མཆོག་ཡ་ཝཱེའི་སྤྱན་སྔར་ལེགས་པོ་གང་ཡིན་དེ་སྤྱད་དོ། །  
\v 33 འོན་ཀྱང་མཐོ་གླིང་རྣམས་ད་དུང་མ་བཤིག་པར་བཞག་ཅིང་། མི་རྣམས་ད་དུང་རང་གི་ཕ་མེས་ཀྱི་དཀོན་མཆོག་གི་ཕྱོགས་སུ་སེམས་མ་འཁོར།  
\v 34 ཡེ་ཧོ་ཤ་ཕད་ཀྱི་མཛད་རྗེས་གཞན་རྣམས་འགོ་ནས་མཇུག་བར་དུ་ཐམས་ཅད་ཧ་ནཱ་ནེའི་བུ་ཡེ་ཧུས་ཡི་གེར་བཀོད་པའི་གཏམ་སྤྱོད་ཀྱི་མདོ་དེའི་ནང་དུ་བཀོད་ཡོད་ལ། ཡང་གཏམ་སྤྱོད་ཀྱི་མདོ་དེ་ནི་ཡེས་ར་ཨེལ་གྱི་རྒྱལ་རབས་ཀྱི་མདོ་ནང་དུ་བཀོད་ཡོད།  
\v 35 ཕྱིས་སུ་ཡ་ཧུ་དཱའི་རྒྱལ་པོ་ཡེ་ཧོ་ཤ་ཕད་ཀྱིས་ཡེས་ར་ཨེལ་གྱི་རྒྱལ་པོ་སྡིག་སྤྱོད་ཅན་ཨ་ཧ་ཟི་ཡཱ་དང་མཉམ་འབྲེལ་བྱས།  
\v 36 ཁོ་གཉིས་ཀྱིས་ཐཱར་ཞིས་ལ་འགྲོ་བའི་ཆེད་དུ་ཨེ་ཙི་ཡོན་གེ་བེར་དུ་གྲུ་གཟིངས་བཟོས།  
\v 37 དེའི་དུས་སུ་མཱ་རེ་ཤ་པ་དོ་དཱ་ཝའི་བུ་ཨེ་ལི་ཨེ་བཟིར་གྱིས་ཡེ་ཧོ་ཤ་ཕད་ལ་ལུང་བསྟན་ཏེ་ན་རེ། ཁྱོད་ཨ་ཧ་ཟི་ཡཱ་དང་མཉམ་འབྲེལ་བྱས་པས་ན། དཀོན་མཆོག་ཡ་ཝཱེས་ཁྱོད་ཀྱིས་བཟོས་པའི་གྲུ་གཟིངས་རྣམས་གཏོར་བར་འགྱུར་ཞེས་སྦྲན་པ་དང་། ཕྱིས་སུ་གྲུ་དེ་དག་དངོས་གནས་གཏོར་བ་དང་ཐཱར་ཞིས་སུ་འགྲོ་མ་ནུས་སོ། །   
\c 21
\cl ལེའུ་ཉེར་གཅིག་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\p
\v 1 ཡང་ཡེ་ཧོ་ཤ་ཕད་རང་གི་ཕ་མེས་དང་མཉམ་དུ་གཟིམས་པ་དང་། དཱ་བིད་ཀྱི་གྲོང་ཁྱེར་དུ་ཕ་མེས་ཀྱི་ཁྲོད་དུ་དུར་ལ་སྦས་ནས། ཁོའི་སྲས་ཡེ་ཧོ་རཱམ་ཁོའི་ཚབ་ཏུ་རྒྱལ་པོར་གྱུར།   
\s1 ཡ་ཧུ་དཱའི་རྒྱལ་པོ་ཡེ་ཧོ་རཱམ།  
\p
\v 2 ཡེ་ཧོ་རཱམ་ལ་སྤུན་འགའ་ཡོད་དེ། དེ་རྣམས་ནི་ཡེ་ཧོ་ཤ་ཕད་ཀྱི་སྲས་ཏེ་ཨ་ཟར་ཡཱ་དང་། ཡེ་ཧི་ཨེལ། ཟཱ་ཀར་ཡ། ཨ་ཟར་ཡཱ་ཧུ། མེའ་ཀཱ་ཨེལ། ཤེ་ཕད་ཡཱ་བཅས་པ་སྟེ། འདི་ཐམས་ཅད་ནི་ཡ་ཧུ་དཱའི་རྒྱལ་པོ་ཡེ་ཧོ་ཤ་ཕད་ཀྱི་སྲས་རྣམས་ཡིན།  
\v 3 དེ་དག་གི་ཕ་ཡིས་དེ་རྣམས་ལ་ཡ་ཧུ་དཱ་ཡུལ་གྱི་འགོག་སྲུང་གྲོང་ཁྱེར་དག་དང་བཅས་སུ་གསེར་དངུལ་དང་། རིན་པོ་ཆེ་མང་པོ་ལེགས་སྐྱེས་སུ་སྤྲད་ཅིང་། ཡེ་ཧོ་རཱམ་ནི་སྐྱེས་འགོ་ཡིན་སྟབས་རྒྱལ་སྲིད་དེ་ལ་སྤྲད།  
\v 4 ཡེ་ཧོ་རཱམ་གྱིས་རང་གི་ཕ་ཡི་རྒྱལ་སྲིད་བསྐྱངས་ཏེ་སྟོབས་ཤུགས་ཆེ་རུ་ཕྱིན་པ་དང་། རང་གི་ནུ་བོ་ཐམས་ཅད་རལ་གྲིས་བསད་པར་མ་ཟད། ཡེས་ར་ཨེལ་གྱི་འགོ་དཔོན་འགའ་ཡང་བསད།  
\v 5 ཡེ་ཧོ་རཱམ་རྒྱལ་པོར་སྡོད་དུས་སུ་ལོ་སོ་གཉིས་ཡིན་ལ། ཡེ་རུ་སཱ་ལེམ་དུ་ལོ་བརྒྱད་ཀྱི་རིང་ལ་རྒྱལ་སྲིད་བསྐྱངས།  
\v 6 དེས་ཨ་ཧབ་ཀྱི་བུ་མོ་ཆུང་མར་བླངས་པས། ཨ་ཧབ་ཀྱི་རྒྱུད་དང་འདྲ་བར་ཡེས་ར་ཨེལ་གྱི་རྒྱལ་པོ་རྣམས་ཀྱི་ལམ་དུ་འགྲུལ་ཏེ། དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་སྤྱད་དོ། །  
\v 7 ཡིན་ཡང་དཀོན་མཆོག་ཡ་ཝཱེས་དཱ་བིད་ལ་ཞལ་ཆད་མཛད་པས་དེའི་ཁྱིམ་རྒྱུད་མེད་པར་མཛད་མ་འདོད་པར། ཁོང་གིས་ཞལ་བཞེས་གནང་བ་ལྟར་དཱ་བིད་དང་ཁོང་གི་བུ་རབས་ཚ་རྒྱུད་རྣམས་ལ་དུས་གཏན་དུ་སྒྲོན་མེའི་འོད་ཟེར་གནང་བའོ། །  
\v 8 ཡེ་ཧོ་རཱམ་གྱིས་རྒྱལ་སྲིད་སྐྱོང་བའི་དུས་སུ་ཨེ་དོམ་པ་རྣམས་ཀྱིས་ངོ་ལོག་བྱས་ཤིང་། ཡ་ཧུ་དཱའི་ལག་ནས་ཐར་ཏེ་རང་གིས་རྒྱལ་པོ་ཞིག་བསྐོས་པ་ལ།  
\v 9 ཡེ་ཧོ་རཱམ་གྱིས་རང་གི་དམག་དཔོན་དང་ཤིང་རྟ་ཐམས་ཅད་ཁྲིད་ནས་ཐོན་པ་དང་། མཚན་མོར་ལངས་ཏེ་རང་ཉིད་བསྐོར་ཡོད་པའི་ཨེ་དོམ་པ་དང་། དེ་དག་གི་ཤིང་རྟའི་འགོ་དཔོན་རྣམས་ཕམ་པར་བརྒྱབ།  
\v 10 དུས་དེ་ནས་བཟུང་ཨེ་དོམ་པ་རྣམས་ཀྱིས་ངོ་ལོག་བྱས་ནས་དེ་རིང་གི་བར་དུ་ཡ་ཧུ་དཱའི་ལག་ནས་ཐར་ཞིང་། དུས་དེ་ལ་ལིབ་ནཱ་པ་རྣམས་ཀྱིས་ཀྱང་ངོ་ལོག་བྱས། ཅིའི་ཕྱིར་ཞེ་ན། ཡེ་ཧོ་རཱམ་གྱིས་རང་གི་ཕ་མེས་ཀྱི་དཀོན་མཆོག་ཡ་ཝཱེ་སྤངས་པས་སོ། །  
\v 11 ཡང་ཁོས་ཡ་ཧུ་དཱའི་རི་རྣམས་ཀྱི་སྟེང་དུ་མཐོ་གླིང་བརྩིགས་ཏེ། ཡེ་རུ་སཱ་ལེམ་གྱི་ཡུལ་མི་དག་ལ་ལོག་གཡེམ་བྱེད་དུ་བཅུག་ནས་ཡ་ཧུ་དཱ་པ་རྣམས་བསླུས་པ་རེད།  
\v 12 དེའི་ཚེ་ལུང་སྟོན་པ་ཨེ་ལི་ཡཱས་ཡེ་ཧོ་རཱམ་ལ་འཕྲིན་ཡིག་སྤྲིངས་ཏེ་འདི་ལྟར། ཁྱོད་ཀྱི་མེས་པོ་དཱ་བིད་ཀྱི་དཀོན་མཆོག་ཡ་ཝཱེས་འདི་སྐད་དུ། ཁྱོད་ནི་རང་གི་ཕ་ཡེ་ཧོ་ཤ་ཕད་ཀྱི་ལམ་དང་། ཡ་ཧུ་དཱའི་རྒྱལ་པོ་ཨ་སཱའི་ལམ་གྱི་ནང་དུ་མི་འགྲུལ་བར།  
\v 13 ཡེས་ར་ཨེལ་གྱི་རྒྱལ་པོ་རྣམས་ཀྱི་ལམ་དུ་འགྲུལ་ནས་ཨ་ཧབ་ཀྱི་བུ་རྒྱུད་ཀྱིས་འདོད་ལོག་སྤྱད་པ་ལྟར། ཡ་ཧུ་དཱ་པ་དང་ཡེ་རུ་སཱ་ལེམ་པ་རྣམས་ལ་ཡང་ལོག་གཡེམ་བྱེད་དུ་བཅུག་ཅིང་། ཁྱོད་ལས་བཟང་བའི་རང་གི་ཕ་རྒྱུད་ཀྱི་སྤུན་རྣམས་ཀྱང་བསད་པས།  
\v 14 ལྟོས་དང་། དཀོན་མཆོག་ཡ་ཝཱེས་ཁྱོད་ཀྱི་འབངས་མི་དང་། ཁྱོད་ཀྱི་ཆུང་མ་རྣམས་དང་བུ་ཕྲུག་རྣམས། དེ་མིན་ཁྱོད་ཀྱི་རྒྱུ་ནོར་ཐམས་ཅད་ལ་བར་ཆད་ཆེན་པོས་རྡེག་པར་འགྱུར།  
\v 15 ཡང་ཁྱོད་ལ་རྒྱུ་ནད་ཤིན་ཏུ་ཚབས་ཆེན་ཕོག་ནས། ནད་དེ་ཉིན་རེ་བཞིན་ཇེ་སྡུག་ཏུ་སོང་སྟེ་རྒྱུ་མ་ལུག་པར་འགྱུར་གསུངས་ཞེས་གསུངས་སོ། །  
\v 16 ཕྱིས་སུ་ཕེ་ལེ་ཤེད་པ་དང་གུ་ཤ་པའི་ཉེ་འཁོར་དུ་ཡོད་པའི་ཨ་རབ་པ་རྣམས་ཡེ་ཧོ་རཱམ་ལ་འཐབ་ཏུ་དཀོན་མཆོག་ཡ་ཝཱེས་ཀུན་ནས་བསླངས།  
\v 17 དེ་རྣམས་ཀྱིས་ཡ་ཧུ་དཱ་རུ་དམག་དྲངས་ནས། མངའ་ཁོངས་སུ་བཙན་འཛུལ་བྱས་ཏེ་ཕོ་བྲང་ནང་གི་རྒྱུ་ནོར་ཐམས་ཅད་ཕྲོགས་པ་དང་། དེའི་བུ་རྣམས་དང་ཆུང་མ་ཐམས་ཅད་ཀྱང་བཙན་ཁྲིད་བྱས་ཤིང་། བུ་རྣམས་ཀྱི་ཐ་ཆུང་ཨ་ཧ་ཟི་ཡཱ་མ་གཏོགས་བུ་གཞན་གཅིག་ཀྱང་མ་བསྐྱུར་ཏོ། །  
\v 18 དེའི་རྗེས་སུ་དཀོན་མཆོག་ཡ་ཝཱེས་ཡེ་ཧོ་རཱམ་ལ་བརྡེགས་ནས་དེའི་རྒྱུ་མར་ནད་གསོ་ཐབས་མེད་པ་བྱུང་བར་མཛད།  
\v 19 ཁོ་ཡུན་རིང་པོར་ན་སྟེ། ལོ་གཉིས་འཁོར་བ་ན་རྒྱུ་མ་ལུག་པ་དང་ནད་ཀྱིས་ཤི་བ་རེད། ཁོའི་མི་རྣམས་ཀྱིས་ཕ་མེས་ཀྱི་ཕྱིར་མེ་སྦར་བ་ལྟར་ཁོའི་ཕྱིར་མེ་མ་སྦར་བ་རེད།  
\v 20 ཡེ་ཧོ་རཱམ་རྒྱལ་པོར་སྡོད་དུས་སུ་ལོ་སོ་གཉིས་ཡིན་ཏེ། ཡེ་རུ་སཱ་ལེམ་དུ་ལོ་བརྒྱད་ལ་རྒྱལ་སྲིད་བསྐྱངས། ཚེ་ལས་འདས་པའི་དུས་སུ་ཁོའི་དོན་དུ་མྱ་ངན་བྱེད་མཁན་མེད་པ་དང་། མི་རྣམས་ཀྱིས་ཁོ་རང་དཱ་བིད་ཀྱི་གྲོང་ཁྱེར་དུ་དུར་ལ་སྦས་ནའང་རྒྱལ་པོ་དག་གི་དུར་ཁྲོད་དུ་མ་སྦས་སོ། །   
\c 22
\cl ལེའུ་ཉེར་གཉིས་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཡ་ཧུ་དཱའི་རྒྱལ་པོ་ཨ་ཧ་ཟི་ཡཱ།  
\p
\v 1 དེ་ནས་ཡེ་རུ་སཱ་ལེམ་པ་རྣམས་ཀྱིས་ཡེ་ཧོ་རཱམ་གྱི་བུ་ཐ་ཆུང་ཨ་ཧ་ཟི་ཡཱ་ཁོའི་ཚབ་ཏུ་རྒྱལ་པོར་བཞག་པ་རེད། གང་ལ་ཞེ་ན། དེའི་ཕུ་བོ་ཐམས་ཅད་ནི་ཨ་རབ་པ་དང་ལྷན་ཅིག་ཏུ་དམག་སྒར་ལ་དཔུང་འཇུག་བྱེད་དུ་འོངས་པ་དག་གིས་བསད་པའི་རྐྱེན་གྱིས། ཡ་ཧུ་དཱའི་རྒྱལ་པོ་ཡེ་ཧོ་རཱམ་གྱི་བུ་ཨ་ཧ་ཟི་ཡཱ་རྒྱལ་པོར་བསྡད་པ་རེད།  
\v 2 ཨ་ཧ་ཟི་ཡཱ་ཡིས་རྒྱལ་སྲིད་བཟུང་དུས་ཁོ་ལོ་ཉེར་གཉིས་ལ་སོན་ཡོད་དེ། ཡེ་རུ་སཱ་ལེམ་དུ་ལོ་གཅིག་རིང་རྒྱལ་སྲིད་བསྐྱངས། ཁོའི་ཡུམ་ནི་ཨོམ་རིའི་ཚ་མོ་ \f + \ft ཡེས་ར་ཨེལ་གྱི་སྐད་ཡིག་ཏུ་ཨོམ་རིའི་བུ་མོ་ཞེས་བྲིས་ཡོད། ཨོམ་རིའི་ཚ་མོ་དང་རིགས་རྒྱུད་གཅིག་ཡིན། ཁོ་མོ་ནི་རྒྱལ་པོ་ཨ་ཧབ་ཀྱི་བུ་མོ་དང་ཨོམ་རི་ཡི་ཚ་མོ་ཡིན། \f*ཨ་ཐལ་ཡཱ་བྱ་བའོ། །  
\v 3 ཨ་ཧ་ཟི་ཡཱ་ཡི་ཡུམ་གྱིས་ཁོ་ལ་ངན་པ་སྤྱོད་པར་བསྐུལ་བའི་རྐྱེན་གྱིས། ཁོ་ཡང་ཨ་ཧབ་ཁྱིམ་རྒྱུད་ཀྱི་ལམ་དུ་ཞུགས།  
\v 4 དེ་ལྟར་ཁོས་ཨ་ཧབ་ཀྱི་ཁྱིམ་རྒྱུད་བཞིན་དུ་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད། གང་ལ་ཞེ་ན། ཁོའི་ཕ་ཚེ་ལས་འདས་རྗེས། དེ་དག་གིས་ཁོ་རང་མེད་པར་འགྲོ་བའི་ཕྱིར་ཁོ་ལ་གྲོས་ངན་བཏབ་པ་རེད།  
\v 5 ཁོས་དེ་དག་གི་གྲོས་ངན་དང་བསྟུན་ནས། ཡེས་ར་ཨེལ་གྱི་རྒྱལ་པོ་ཨ་ཧབ་ཀྱི་སྲས་ཡོ་རཱམ་དང་མཉམ་དུ་ཨ་རམ་གྱི་རྒྱལ་པོ་ཧ་ཟཱ་ཨེལ་དང་འཐབ་ཏུ་གིལ་ཨད་ཀྱི་རཱ་མོད་དུ་ཕྱིན། དེར་ཨ་རམ་པས་ཡོ་རཱམ་རྨས་པ་རེད།  
\v 6 དེར་ཡོ་རཱམ་ནི་རཱ་མ་དུ་ཨ་རམ་གྱི་རྒྱལ་པོ་ཧ་ཟཱ་ཨེལ་དང་འཐབ་པའི་དུས་སུ་ཕོགས་པའི་རྨ་ཁར་སྨན་བཅོས་བྱེད་དུ་ཡེ་སི་རེ་ཨེལ་དུ་ལོག་འོངས་པ་ལ། ཡ་ཧུ་དཱའི་རྒྱལ་པོ་ཡེ་ཧོ་རཱམ་གྱི་སྲས་ཨ་ཧ་ཟི་ཡཱ་ནི་ཨ་ཧབ་ཀྱི་སྲས་ཡོ་རཱམ་ལ་རྨས་ཕོག་པས་ན་ཁོ་ལ་བལྟ་རུ་ཡེ་སི་རེ་ཨེལ་ལ་ཕྱིན་པ་རེད།  
\v 7 ཨ་ཧ་ཟི་ཡཱ་ཁོ་རང་ཡོ་རཱམ་ལ་བལྟ་རུ་ཕྱིན་པ་དང་འཆི་བར་གྱུར་ཅིང་དེ་ནི་དཀོན་མཆོག་ལས་བྱུང་། ཅིའི་ཕྱིར་ཞེ་ན། ཁོ་རང་ཡོ་རཱམ་གྱི་རྩར་སླེབས་པ་དང་། ཡོ་རཱམ་དང་མཉམ་དུ་སོང་ནས་ནིམ་ཤིའི་ཚ་བོ་ཡེ་ཧུ་བསུ་བ་རེད། ཡེ་ཧུ་ཞེས་པ་འདི་ནི་ཨ་ཧབ་ཀྱི་ཁྱིམ་རྒྱུད་ཚར་གཅོད་པའི་ཕྱིར་དཀོན་མཆོག་ཡ་ཝཱེས་སྣུམ་གྱིས་བྱུགས་པའོ། ། \f + \ft དཀོན་མཆོག་ཡ་ཝཱེས་ལུང་སྟོན་པ་ཨེ་ལི་ཤཱ་མངགས་ནས་ཡེ་ཧུ་ཞེས་པ་ཡེས་ར་ཨེལ་གྱི་རྒྱལ་པོར་བྱུགས་པ་ཡིན།\f*  
\v 8 ཡེ་ཧུས་ཨ་ཧབ་ཀྱི་ཁྱིམ་རྒྱུད་ལ་ཉེས་ཆད་གཅོད་པའི་དུས་སུ། ཡ་ཧུ་དཱའི་འགོ་དཔོན་རྣམས་དང་ཨ་ཧ་ཟི་ཡཱའི་ཚ་བོ་དག་ལ་ཕྲད་ཅིང་། དེ་ཐམས་ཅད་ཨ་ཧ་ཟི་ཡཱ་ལ་ཞབས་ཏོག་སྒྲུབ་མཁན་ཡིན་ལ། ཡེ་ཧུས་དེ་ཐམས་ཅད་ཀྱི་སྲོག་བཅད།  
\v 9 ཡེ་ཧུ་ཡིས་ཨ་ཧ་ཟི་ཡཱ་བཙལ་བ་དང་། ཨ་ཧ་ཟི་ཡཱ་ནི་སཱ་མར་ཡ་རུ་ཡིབ་ནས་བསྡད་ཀྱང་། མི་རྣམས་ཀྱིས་ཁོ་བཟུང་ནས་ཡེ་ཧུའི་དྲུང་དུ་ཁྲིད་ཅིང་ཁོ་བསད་དེ་དུར་དུ་སྦས་སོ། །ཅིའི་ཕྱིར་ཞེ་ན། དེ་དག་གིས་འདི་ནི་ཡེ་ཧོ་ཤ་ཕད་ཀྱི་བུ་རྒྱུད་ཡིན་ལ། ཡེ་ཧོ་ཤ་ཕད་ནི་སེམས་ཧྲིལ་པོས་དཀོན་མཆོག་ཡ་ཝཱེ་འཚོལ་མཁན་ཡིན་ཞེས་སྨྲས་པས་སོ། །ཨ་ཧ་ཟི་ཡཱ་ཁྱིམ་རྒྱུད་ལས་རྒྱལ་སྲིད་འཛིན་ཐུབ་པ་གང་ཡང་མ་རྙེད་དོ། །   
\s1 ཨ་ཐལ་ཡཱས་རྒྱལ་སྲིད་ཕྲོགས་པ།  
\p
\v 10 དེར་ཨ་ཧ་ཟི་ཡཱའི་མ་ཡུམ་ཨ་ཐལ་ཡཱ་ཡིས་རང་གི་བུ་ཤི་ཟིན་པ་མཐོང་བ་དང་། ལངས་ནས་ཡ་ཧུ་དཱ་ཁྱིམ་རྒྱུད་ཀྱི་རྒྱལ་སྲས་ཐམས་ཅད་བསད།  
\v 11 འོན་ཀྱང་རྒྱལ་པོའི་སྲས་མོ་ཡོ་ཤ་བེ་ཨད་ཀྱིས་ཨ་ཧ་ཟི་ཡཱའི་སྲས་ཡོ་ཨ་སི་བྱ་བ་དེ་གསོད་པར་འགྱུར་བའི་རྒྱལ་སྲས་ཁྲོད་ནས་བརྐུས་ཁྱེར་ཏེ། ཁོ་དང་ཁོའི་མ་མ་གཉིས་པོ་གཟིམས་ཆུང་ཞིག་གི་ནང་དུ་སྦས། ཡེ་ཧོ་རཱམ་རྒྱལ་པོའི་སྲས་མོ་ཡོ་ཤ་བེ་ཨད་ནི་མཆོད་དཔོན་ཡེ་ཧོ་ཡ་དཱའི་ཆུང་མ་ཡིན་ནོ། །ཡང་མོ་ནི་ཨ་ཧ་ཟི་ཡཱ་ཡི་གཅུང་མོ་ཡིན་པས། ཡོ་ཨ་སི་ནི་ཨ་ཐལ་ཡཱ་ཡིས་མི་གསོད་པའི་ཕྱིར་སྦས་ཏེ་བཞག་པའོ། །  
\v 12 ཡོ་ཨ་སི་དེ་རྣམས་དང་མཉམ་དུ་དཀོན་མཆོག་གི་མཆོད་ཁང་ནང་དུ་ལོ་དྲུག་ལ་ཡིབ་ནས་བསྡད། སྐབས་དེར་ཨ་ཐལ་ཡཱས་ཡ་ཧུ་དཱ་རུ་རྒྱལ་སྲིད་བསྐྱངས་པ་ཡིན།   
\c 23
\cl ལེའུ་ཉེར་གསུམ་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཨ་ཐལ་ཡཱ་ལས་རྒྱལ་སྲིད་བླངས་པ།  
\p
\v 1 ལོ་བདུན་པར་ཡེ་ཧོ་ཡ་དཱས་བརྩོན་པ་ཆེར་བསྐྱེད་ནས་བརྒྱ་དཔོན་རྣམས་ཏེ་ཡེ་རོ་ཧམ་གྱི་བུ་ཨ་ཟར་ཡཱ་དང་། ཡེ་ཧོ་ཧ་ནན་གྱི་བུ་ཡེས་མ་ཨེལ་དང་། ཨོ་བེད་ཀྱི་བུ་ཨ་ཟར་ཡཱ་དང་། ཨ་དཱ་ཡའི་བུ་མ་ཨ་སེ་ཡཱ་དང་། ཟིག་རིའི་བུ་ཨེ་ལི་ཤ་ཕད་བཅས་བོས་འོངས་ནས་ཁོ་རྣམས་ལ་ཆད་དོན་བཞག་པ་དང་།  
\v 2 ཁོ་རྣམས་ཡ་ཧུ་དཱ་ཡུལ་ཡོངས་ལ་ཕྱིན་ནས། ཡ་ཧུ་དཱའི་གྲོང་ཁྱེར་སོ་སོ་ནས་ལེ་ཝི་པ་དང་། ཡེས་ར་ཨེལ་གྱི་ཁྱིམ་རྒྱུད་ཀྱི་འགོ་དཔོན་རྣམས་བསྡུས་པ་དང་། དེ་དག་ཡེ་རུ་སཱ་ལེམ་དུ་འདུས་ནས།  
\v 3 མི་ཚོགས་ཀུན་གྱིས་དཀོན་མཆོག་གི་མཆོད་ཁང་ནས་རྒྱལ་པོ་དང་ཆད་དོན་བཞག་ཅིང་། དེར་ཡེ་ཧོ་ཡ་དཱས་འདི་ལྟར། ལྟོས་ཤིག དཀོན་མཆོག་ཡ་ཝཱེས་དཱ་བིད་ཀྱི་བུ་རྒྱུད་རྣམས་ལ་ཞལ་བཞེས་གནང་བ་བཞིན་དུ། རྒྱལ་པོའི་སྲས་ནི་རྒྱལ་པོར་སྡོད་དགོས་པས།  
\v 4 ཁྱོད་རྣམས་ཀྱིས་འདི་བཞིན་བྱེད་དགོས་ཏེ། ཁྱོད་རྣམས་ལས་ངལ་གསོ་བའི་ཉིན་མོར་འདིར་ལས་རེས་སུ་འོངས་པའི་མཆོད་དཔོན་དང་ལེ་ཝི་པའི་སུམ་ཆའི་གཅིག་གིས་སྒོ་སྲུངས་ཤིག  
\v 5 སུམ་ཆའི་གཅིག་ཕོ་བྲང་དུ་སྡོད་ཅིག ཡང་སུམ་ཆའི་གཅིག་དེ་རྨང་སྒོར་སྡོད་ཅིག མི་ཐམས་ཅད་དཀོན་མཆོག་ཡ་ཝཱེའི་མཆོད་ཁང་གི་ར་སྐོར་ནང་དུ་འདུ་བར་གྱིས།  
\v 6 མཆོད་དཔོན་དང་ཞབས་ཏོག་སྒྲུབ་པའི་ལེ་ཝི་པ་རྣམས་མ་གཏོགས་གཞན་སུ་ཡང་དཀོན་མཆོག་ཡ་ཝཱེའི་མཆོད་ཁང་ནང་དུ་འགྲོ་མི་རུང་། དེ་རྣམས་དམ་པ་ཡིན་པས་དེ་རྣམས་འབའ་ཞིག་ནང་དུ་འགྲོ་འོས། མི་ཀུན་གྱིས་དཀོན་མཆོག་ཡ་ཝཱེའི་བཀའ་བསྲུང་དགོས།  
\v 7 ཡང་ལེ་ཝི་པ་རྣམས་ཀྱིས་རང་རང་གི་མཚོན་ཆ་ལག་ཏུ་ཐོགས་ཏེ་ཕྱོགས་བཞི་ནས་རྒྱལ་པོ་བསྲུང་དགོས་ཏེ། གཞན་སུ་ཞིག་རང་དགར་མཆོད་ཁང་ནང་དུ་འོངས་ན་དེ་གསོད་དགོས། རྒྱལ་པོ་ཕྱི་ནང་གང་དུ་འགྲོ་སྐབས་སུ་ཁྱོད་ཅག་རྒྱལ་པོ་དང་མཉམ་དུ་སྡོད་དགོས་ཞེས་བསྒོས་པ་དང་།  
\v 8 ལེ་ཝི་པ་དང་ཡ་ཧུ་དཱ་པ་ཀུན་གྱིས་མཆོད་དཔོན་ཡེ་ཧོ་ཡ་དཱའི་གསུང་ལྟར་བསྒྲུབས་ཏེ། ཁོ་ཚོ་མི་རེ་རེས་ངལ་གསོ་བའི་ཉིན་མོར་ཞབས་ཏོག་སྒྲུབ་པ་དང་ཡང་ན་ངལ་གསོ་བའི་ཉིན་མོར་ལས་མཚམས་འཇོག་པའི་མི་ཁྲིད་ནས་སླེབས་པ་སྟེ། རྒྱུ་མཚན་ནི་ཡེ་ཧོ་ཡ་དཱས་སྡེ་ཚན་གང་ལའང་ལས་མཚམས་འཇོག་ཏུ་མ་བཅུག་པའི་ཕྱིར་རོ། །  
\v 9 དེ་ནས་མཆོད་དཔོན་ཡེ་ཧོ་ཡ་དཱས་དཀོན་མཆོག་གི་མཆོད་ཁང་དུ་ཡོད་པའི་དཱ་བིད་ཀྱི་མདུང་དང་། ཕུབ་ཆེ་ཆུང་རྣམས་ཀྱང་བརྒྱ་དཔོན་རྣམས་ལ་སྤྲད་ཅིང་།  
\v 10 ཡང་མི་རྣམས་ལ་མཚོན་ཆ་འཛིན་དུ་བཅུག་ནས་རྒྱལ་པོའི་མཐའ་འཁོར་དུ། མཆོད་ཁང་གི་གཡས་ཕྱོགས་ནས་གཡོན་ཕྱོགས་ཀྱི་བར་དུ། མཆོད་ཁྲི་དང་མཆོད་ཁང་གི་ཕྱོགས་བཞི་རུ་བཞག་གོ །  
\v 11 དེ་ནས་ཁོ་རྣམས་ཀྱིས་ཡོ་ཨ་སི་ཕྱི་རོལ་ཏུ་ཁྲིད་འོངས་ནས། ཁོང་གི་དབུ་ལ་ཅོད་པན་གསོལ། ཡང་ཁོང་ལ་བཀའ་ཁྲིམས་བཤུས་མ་ཞིག་ཕུལ་ནས་ཁོང་རྒྱལ་པོར་བསྐོས་ཤིང་། ཡེ་ཧོ་ཡ་དཱ་དང་དེའི་བུ་རྣམས་ཀྱིས་ཁོང་ལ་སྣུམ་གྱིས་བྱུགས་ནས། རྒྱལ་པོ་ཁྲི་ལོར་བརྟན་པར་ཤོག་ཅེས་འབོད་སྐད་བསྒྲགས་སོ། །  
\v 12 དེའི་ཚེ་ཨ་ཐལ་ཡཱ་ཡིས་མི་རྣམས་འུར་ནས་རྒྱུགས་པ་དང་རྒྱལ་པོར་བསྟོད་པའི་སྐད་སྒྲ་ཐོས་ནས། དཀོན་མཆོག་ཡ་ཝཱེའི་མཆོད་ཁང་དུ་མི་རྣམས་ཀྱི་དྲུང་ལ་སླེབས་ནས།  
\v 13 མོས་བལྟས་པ་ལ། རྒྱལ་པོ་ནི་མཆོད་ཁང་སྒོ་མདུན་གྱི་ཀ་བའི་རྩར་བཞེངས་འདུག་པ་དང་། འགོ་དཔོན་རྣམས་དང་དུང་འབུད་མཁན་རྣམས་རྒྱལ་པོའི་མཐའ་འཁོར་དུ་ཡོད་པ་དང་། ཡུལ་མི་ཀུན་པོས་དགའ་མགུ་ཡི་རང་གིས་དུང་འབུད་པ་དང་། མགུར་ལེན་མཁན་རྣམས་ཀྱིས་རོལ་ཆས་སྣ་ཚོགས་ཐོགས་ཏེ་མི་རྣམས་ཀྱིས་བསྟོད་དབྱངས་འབུལ་བར་དབུ་མཛད་པ་མཐོང་ནས། མོས་གོས་ཧྲལ་ཏེ། ནང་དགྲ་ལངས། ནང་དགྲ་ལངས་ཞེས་བོས་པ་དང་།  
\v 14 མཆོད་དཔོན་ཡེ་ཧོ་ཡ་དཱ་ཡིས་དམག་ཚོགས་ཀྱི་བཀོད་འདོམས་པ་བརྒྱ་དཔོན་རྣམས་ལ་བཀའ་བཏང་ཞིང་། ཁོ་མོ་དམག་ཚོགས་ཀྱི་བར་ནས་ཕྱི་རོལ་ཏུ་ཁྲིད་ཅིག དེའི་རྗེས་སུ་འབྲང་མཁན་རྣམས་ཀྱང་རལ་གྲིས་སོད་ཅིག་ཅེས་བསྒོས་སོ། །ཅི་ལ་ཞེ་ན། མཆོད་དཔོན་གྱིས་དཀོན་མཆོག་ཡ་ཝཱེའི་མཆོད་ཁང་དུ་ཁོ་མོ་གསོད་མི་རུང་ཞེས་བཀའ་བསྩལ་ཏོ། །  
\v 15 དེ་ནས་མོ་རྒྱལ་པོའི་ཕོ་བྲང་གི་རྟ་སྒོ་རུ་སླེབས་པ་ཙམ་གྱིས་དམག་མི་རྣམས་ཀྱིས་མོ་བཟུང་ནས་དེར་བསད་དོ། །   
\s1 ཡེ་ཧོ་ཡ་དཱའི་བཅོས་བསྒྱུར།  
\p
\v 16 ཡང་ཡེ་ཧོ་ཡ་དཱས་མི་ཐམས་ཅད་དང་རྒྱལ་པོ་ལ་ཁོ་རྣམས་ནམ་ཡང་དཀོན་མཆོག་ཡ་ཝཱེའི་འབངས་མི་བྱེད་པའི་ཆད་དོན་བཞག  
\v 17 དེ་ནས་མི་ཐམས་ཅད་པཱ་ཨལ་གྱི་ལྷ་ཁང་དུ་སོང་ནས་དེ་བཤིགས་པ་དང་། དེའི་མཆོད་ཁྲི་རྣམས་དང་སྐུ་རྣམས་སིལ་བུར་བཅག་སྟེ། པཱ་ཨལ་གྱི་མཆོད་དཔོན་མད་ཐན་ཞེས་པ་མཆོད་ཁྲི་རྣམས་ཀྱི་མདུན་དུ་བསད།  
\v 18 ཡང་ཡེ་ཧོ་ཡ་དཱས་དཀོན་མཆོག་ཡ་ཝཱེའི་མཆོད་ཁང་བསྲུང་བའི་ཁག་ནི་ལེ་ཝི་ཚོ་པའི་མཆོད་དཔོན་རྣམས་ཀྱི་ལག་ཏུ་གཏད་པ་སྟེ། དེ་དག་ནི་མོ་ཤེའི་བཀའ་ཁྲིམས་ལ་བྲིས་པ་ལྟར། དཱ་བིད་ཀྱིས་དཀོན་མཆོག་ཡ་ཝཱེའི་མཆོད་ཁང་དུ་སྦྱིན་སྲེག་གི་མཆོད་པ་འབུལ་བའི་ཕྱིར་བསྐོས་པ་དང་། ཡང་དཱ་བིད་ཀྱིས་བསྒོས་པ་ལྟར་དགའ་ཞིང་མགུར་ལེན་པ་ཡིན་ནོ། །  
\v 19 ཡང་ཁོང་གིས་དཀོན་མཆོག་ཡ་ཝཱེའི་མཆོད་ཁང་གི་སྒོ་རྣམས་བསྲུང་བར་སྒོ་སྲུང་རྣམས་བཞག་པ་སྟེ། མི་གཙང་པ་སུ་ཡིན་ཡང་ནང་དུ་འཛུལ་མི་ཆོག་གོ །  
\v 20 དེ་ནས་ཁོང་གིས་བརྒྱ་དཔོན་དང་། སྐུ་དྲག་དང་། མི་རྣམས་ཀྱི་འགོ་དཔོན་དང་། ཡུལ་མི་མཐའ་དག་ཁྲིད་ནས། དཀོན་མཆོག་ཡ་ཝཱེའི་མཆོད་ཁང་ལས་རྒྱལ་པོ་བཏོན་ཏེ། སྒོ་གོང་མ་བརྒྱུད་ནས་ཕོ་བྲང་དུ་ཕྱིན་པ་དང་རྒྱལ་པོའི་ཁྲི་སར་བཀོད་དོ། །  
\v 21 ཡུལ་ཁམས་ཀྱི་མི་རྣམས་དགའ་མགུར་ལོངས་སྤྱད་ཅིང་། ཨ་ཐལ་ཡཱ་རལ་གྲིས་བཀུམས་རྗེས་གྲོང་ཁྱེར་དེ་ལྷིངས་འཇགས་སུ་གྱུར་ཏོ། །   
\c 24
\cl ལེའུ་ཉེར་བཞི་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཡ་ཧུ་དཱའི་རྒྱལ་པོ་ཡོ་ཨ་སི།  
\p
\v 1 ཡོ་ཨ་སི་རྒྱལ་པོར་བཞུགས་དུས་སུ་དགུང་ལོ་བདུན་ཡིན་པ་དང་། ཡེ་རུ་སཱ་ལེམ་དུ་ལོ་བཞི་བཅུའི་རིང་ལ་རྒྱལ་སྲིད་བསྐྱངས། དེའི་ཡུམ་གྱི་མིང་ལ་ཙིབ་ཡཱ་ཟེར་ཏེ་པེར་ཤ་བཱ་ཞེས་པའི་གྲོང་ཁྱེར་གྱི་མི་ཡིན་ནོ། །  
\v 2 མཆོད་དཔོན་ཡེ་ཧོ་ཡ་དཱའི་ཉིན་མོ་རྣམས་ལ། ཡོ་ཨ་སི་ཡིས་དཀོན་མཆོག་ཡ་ཝཱེའི་སྤྱན་སྔར་ལེགས་པོ་གང་ཡིན་དེ་སྤྱད་པ་ཡིན།  
\v 3 ཡེ་ཧོ་ཡ་དཱས་དེ་ལ་བཙུན་མོ་གཉིས་བླངས་པ་དང་སྲས་དང་སྲས་མོ་རྣམས་འཁྲུངས།  
\v 4 དེའི་རྗེས་སུ་ཡོ་ཨ་སི་ཡིས་དཀོན་མཆོག་ཡ་ཝཱེའི་མཆོད་ཁང་ཞིག་གསོ་བྱེད་འདོད་ནས།  
\v 5 མཆོད་དཔོན་དང་ལེ་ཝི་པ་རྣམས་བསྡུས་ནས་དེ་དག་ལ་ན་རེ། ཁྱོད་རྣམས་ཡ་ཧུ་དཱའི་གྲོང་ཁྱེར་ཀུན་ཏུ་སོང་ལ། ཡེས་ར་ཨེལ་གྱི་དཀོན་མཆོག་གི་མཆོད་ཁང་ལོ་རེ་བཞིན་ཞིག་གསོ་བྱེད་དུ་དེ་རྣམས་ལས་དངུལ་བསྡུས་ཤིག ལས་ཀ་འདི་གང་མྱུར་སྒོས་སྒྲུབས་ཤིག་ཅེས་བསྒོས་ན་ཡང་། ལེ་ཝི་པས་མྱུར་དུ་མ་བསྒྲུབས་པ་དང་།  
\v 6 རྒྱལ་པོས་མཆོད་དཔོན་ཡེ་ཧོ་ཡ་དཱ་བོས་ནས་ན་རེ། དཀོན་མཆོག་ཡ་ཝཱེའི་ཞབས་ཕྱི་མོ་ཤེ་དང་ཡེས་ར་ཨེལ་ཚོགས་སྤྱིས་དཔང་པོའི་གུར་མཆོག་གི་ཕྱིར་གཏན་ལ་ཁེལ་བའི་ཁྲལ་དེ་ནི། ཡ་ཧུ་དཱ་དང་ཡེ་རུ་སཱ་ལེམ་ནས་བསྡུ་བར་ཁྱོད་ཀྱིས་ལེ་ཝི་པ་རྣམས་ལ་ཅིའི་ཕྱིར་མ་བསྒོས་སམ་ཞེས་དྲིས་སོ། །  
\v 7 ཅིའི་ཕྱིར་ཞེ་ན། བུད་མེད་ངན་པ་ཨ་ཐལ་ཡཱའི་བུ་རྣམས་སྔར་དཀོན་མཆོག་གི་མཆོད་ཁང་ནང་དུ་བཙན་གྱིས་འཛུལ་ནས། དེའི་ནང་གི་རྫས་དམ་པ་ཐམས་ཅད་ཀྱིས་པཱ་ཨལ་ལ་གསོལ་མཆོད་ཕུལ་བ་རེད།  
\v 8 དེའི་ཕྱིར་དེ་དག་གིས་རྒྱལ་པོའི་བཀའ་བཞིན་དུ་སྒྲོམ་ཞིག་བཟོས་ནས། དཀོན་མཆོག་ཡ་ཝཱེའི་མཆོད་ཁང་གི་སྒོའི་ཕྱི་རོལ་ཏུ་བཞག་ཅིང་།  
\v 9 ཡང་དཀོན་མཆོག་གི་ཞབས་ཕྱི་མོ་ཤེས་དབེན་སྟོང་དུ་ཡེས་ར་ཨེལ་ལ་བཀལ་བའི་ཁྲལ་དེ་ཁྱེར་འོངས་ནས་དཀོན་མཆོག་ཡ་ཝཱེ་ལ་འབུལ་བའི་ཕྱིར། ཡ་ཧུ་དཱ་དང་ཡེ་རུ་སཱ་ལེམ་དུ་བརྡ་ཁྱབ་བཏང་བ་དང་།  
\v 10 འགོ་དཔོན་རྣམས་དང་མི་ཡོངས་ཀྱིས་དགའ་དགའ་སྤྲོ་སྤྲོའི་ངང་དངུལ་ཁྱེར་འོངས་ནས་སྒྲོམ་དེ་གང་བའི་བར་དུ་ཕུལ་ཏོ། །  
\v 11 ཡང་དངུལ་གྱི་སྒྲོམ་དེ་ལེ་ཝི་པས་ཁྱེར་ནས་རྒྱལ་པོའི་ལས་སྣེ་པའི་རྩར་སླེབས་དུས་སུ། དེའི་ནང་དུ་དངུལ་མང་པོ་ཡོད་པ་མཐོང་སྟེ། རྒྱལ་པོའི་དྲུང་ཡིག་དང་། མཆོད་དཔོན་ཆེན་པོའི་ཞིབ་དཔྱོད་པ་འོངས་ནས་སྒྲོམ་དེ་སྟོང་བར་ཕུད་པ་དང་། ཡང་ཕྱིར་རང་གནས་སུ་བཞག ཉིན་རེ་བཞིན་དེ་ལྟར་བྱས་ནས། དངུལ་ཤིན་ཏུ་མང་པོ་བསྡུས་པ་རེད།  
\v 12 རྒྱལ་པོ་དང་ཡེ་ཧོ་ཡ་དཱ་གཉིས་ཀྱིས་དངུལ་དེ་དག་དཀོན་མཆོག་ཡ་ཝཱེའི་མཆོད་ཁང་དུ་ཞབས་ཏོག་སྒྲུབ་མཁན་རྣམས་ལ་སྤྲད་ནས། དེ་དག་གིས་དཀོན་མཆོག་ཡ་ཝཱེའི་མཆོད་ཁང་ཞིག་གསོ་བྱེད་ཆེད་རྡོ་བཟོ་དང་ཤིང་བཟོ་གླས་པ་དང་། དཀོན་མཆོག་ཡ་ཝཱེའི་མཆོད་ཁང་ཞིག་གསོ་བྱེད་པའི་ལྕགས་བཟོ་དང་ལི་བཟོ་ཡང་གླས་པ་ཡིན།  
\v 13 དེ་ལྟར་ལག་ཤེས་པ་རྣམས་ཀྱིས་ལས་ཀ་བྱས་ཏེ་ཞིག་གསོའི་ཨར་ལས་རིམ་བཞིན་གྲུབ་ཅིང་། དཀོན་མཆོག་གི་མཆོད་ཁང་ནི་སྔོན་ཆད་བཞིན་ཞིག་གསོ་བྱས་པར་མ་ཟད་ཧ་ཅང་བརྟན་པོར་གྱུར་ཏོ། །  
\v 14 ཡང་དེ་དག་གིས་ལས་ཀ་བསྒྲུབས་ཚར་རྗེས། དངུལ་འཕྲོ་མ་རྣམས་རྒྱལ་པོ་དང་ཡེ་ཧོ་ཡ་དཱ་གཉིས་ལ་སྤྲད་པ་དང་། དེ་ལས་དཀོན་མཆོག་ཡ་ཝཱེའི་མཆོད་ཁང་ནང་གི་ཡོ་བྱད་དང་། ཞབས་ཏོག་སྒྲུབ་བྱེད་དང་མཆོད་པ་འབུལ་བྱེད་ཡོ་བྱད་དང་། སྡེར་མ་དང་། གསེར་དངུལ་གྱི་ཡོ་བྱད་སྣ་ཚོགས་བཅས་བཟོས་ནས། ཡེ་ཧོ་ཡ་དཱའི་སྐུ་རིང་དུ་དེ་དག་གིས་རྒྱུན་ཆད་མེད་པར་དཀོན་མཆོག་ཡ་ཝཱེའི་མཆོད་ཁང་ནང་དུ་སྦྱིན་སྲེག་གི་མཆོད་པ་ཕུལ་བ་ཡིན།  
\v 15 ཡེ་ཧོ་ཡ་དཱ་བགྲེས་ནས་ཚེ་ལོ་མཐར་ཕྱིན་ཏེ་ཚེ་ལས་འདས་ཤིང་། ཁོང་ཚེ་ལས་འདས་པའི་དུས་སུ་དགུང་ལོ་བརྒྱ་དང་སུམ་ཅུ་ཡིན་ནོ། །  
\v 16 ཁོང་གིས་དཀོན་མཆོག་དང་ཁོང་གི་མཆོད་ཁང་གཉིས་ཀྱི་ཕྱིར། ཡེས་ར་ཨེལ་གྱི་ནང་དུ་ལས་བཟང་པོ་བྱས་པའི་ཕྱིར་དུ། མི་རྣམས་ཀྱིས་ཁོང་དཱ་བིད་ཀྱི་གྲོང་ཁྱེར་དུ་རྒྱལ་པོ་རྣམས་ཀྱི་ཁྲོད་དུ་དུར་ལ་སྦས་སོ། །  
\v 17 ཡང་ཡེ་ཧོ་ཡ་དཱ་ཚེ་ལས་འདས་པའི་རྗེས་སུ། ཡ་ཧུ་དཱ་ཡི་འགོ་དཔོན་རྣམས་རྒྱལ་པོ་ཡོ་ཨ་སི་ལ་མཇལ་དུ་འོངས་པ་ལ། རྒྱལ་པོས་དེ་དག་གི་གཏམ་ལ་མཉན་ཏེ།  
\v 18 དེ་དག་གིས་རང་གི་ཕ་མེས་ཀྱི་དཀོན་མཆོག་ཡ་ཝཱེའི་མཆོད་ཁང་བསྐྱུར་ནས། ཨ་ཤེ་རཱ་དང་སྐུ་འདྲ་རྣམས་ལ་ཞབས་ཏོག་བསྒྲུབས་པ་དང་། སྡིག་པ་དེའི་རྐྱེན་གྱིས་ཡ་ཧུ་དཱ་དང་ཡེ་རུ་སཱ་ལེམ་ལ་དཀོན་མཆོག་གི་ཐུགས་ཁྲོ་ཕོག་པ་རེད།  
\v 19 ཡིན་ཡང་ཁོ་རྣམས་ཡང་བསྐྱར་དཀོན་མཆོག་ཡ་ཝཱེའི་ཕྱོགས་སུ་འཁོར་བའི་ཆེད་དུ། དཀོན་མཆོག་གིས་དེ་དག་གི་རྩར་ལུང་སྟོན་པ་རྣམས་བཏང་ནས། དེ་རྣམས་ཀྱིས་དེ་དག་ལ་ཉེན་བརྡ་བཏང་ཡང་མཉན་པར་མ་དགའོ། །  
\v 20 དུས་དེར་དཀོན་མཆོག་གི་ཐུགས་ཉིད་ནི་མཆོད་དཔོན་ཡེ་ཧོ་ཡ་དཱའི་བུ་ཟཱ་ཀར་ཡ་ཡི་སྟེང་ལ་བབས་ཤིང་། ཁོ་ནི་མཐོ་སར་ལངས་ཏེ་མི་རྣམས་ལ་ན་རེ། དཀོན་མཆོག་གིས་འདི་སྐད་དུ། ཁྱོད་ཅག་དཀོན་མཆོག་ཡ་ཝཱེའི་བཀའ་ལ་འགལ་ནས་བྱ་བ་ལམ་འགྲོ་ཡོང་བར་མི་བྱེད་དོན་ཅི་ཡིན་ནམ། ཁྱོད་ཚོས་དཀོན་མཆོག་ཡ་ཝཱེ་སྤངས་པས་ཁོང་གིས་ཀྱང་ཁྱོད་ཚོ་སྤངས་པ་ཡིན་གསུངས་ཞེས་གསུངས་པ་ལ།  
\v 21 མི་རྣམས་ཀྱིས་ཟཱ་ཀར་ཡ་གསོད་པར་ཇུས་ངན་བཤམས་ནས། དཀོན་མཆོག་ཡ་ཝཱེའི་མཆོད་ཁང་གི་ར་སྐོར་དུ་རྒྱལ་པོའི་བཀའ་བཞིན་དུ་དེར་རྡོ་ཡིས་བརྒྱབ་སྟེ་བསད་དོ། །  
\v 22 དེ་ལྟར་རྒྱལ་པོ་ཡོ་ཨ་སི་ཡིས་ཟཱ་ཀར་ཡའི་ཕ་ཡེ་ཧོ་ཡ་དཱས་རང་ལ་བཅངས་པའི་བྱམས་བརྩེ་མ་དྲན་པར་དེའི་བུ་བསད་པས། ཟཱ་ཀར་ཡ་འཆི་བའི་དུས་སུ་ན་རེ། དཀོན་མཆོག་ཡ་ཝཱེས་གཟིགས་ཤིང་ལན་འཇལ་བར་མཛོད་ཅིག་ཅེས་ཞུས།   
\s1 ཡོ་ཨ་སི་གྲོངས་པ།  
\p
\v 23 ལོ་སར་གྱི་རྗེས་སུ་ཨ་རམ་གྱི་དམག་ཚོགས་ཡར་འོངས་ཏེ་ཡོ་ཨ་སི་ལ་དམག་དྲངས་ནས། ཡ་ཧུ་དཱ་དང་ཡེ་རུ་སཱ་ལེམ་ལ་བཙན་འཛུལ་བྱས་ཤིང་། མི་རྣམས་ཀྱི་འགོ་དཔོན་རྣམས་བསད་དེ། དེ་དག་གི་བཅོམ་ནོར་ཐམས་ཅད་དཱ་མེ་སེག་གི་རྒྱལ་པོའི་མདུན་དུ་བསྐྱལ་ཏོ། །  
\v 24 ཨ་རམ་པའི་དམག་དཔུང་ལ་དམག་མི་ཉུང་ན་ཡང་། དཀོན་མཆོག་ཡ་ཝཱེས་དེ་དག་གི་ལག་ཏུ་དམག་ཚོགས་རབ་ཏུ་ཆེན་པོ་ཞིག་གཏད་པ་སྟེ། གང་ལ་ཞེ་ན། ཡ་ཧུ་དཱ་པས་རང་གི་ཕ་མེས་ཀྱི་དཀོན་མཆོག་ཡ་ཝཱེ་སྤངས་པས། དེ་དག་གིས་ཡོ་ཨ་སི་ལ་ཉེས་ཆད་བཅད།  
\v 25 ཨ་རམ་པ་རྣམས་ཡོ་ཨ་སི་དང་འབྲལ་དུས་སུ་ཁོང་ལ་རྨས་ལྗིད་མོ་ཕོག་ཡོད་པ་དང་། ཁོང་གི་འཁོར་གཡོག་རྣམས་ཀྱིས་ཁོང་གསོད་པར་ཇུས་ངན་བཤམས་པ་སྟེ། རྒྱུ་མཚན་ཁོང་གིས་མཆོད་དཔོན་ཡེ་ཧོ་ཡ་དཱའི་བུ་བསད་པའི་རྐྱེན་གྱིས་དེ་རྣམས་ཀྱིས་དགྲ་ཤ་ལེན་པའི་ཕྱིར་ཡིན་ལ། དེ་ནི་རང་གི་མལ་སར་བསད་ནས་ཤི། དེ་དག་གིས་ཁོང་དཱ་བིད་ཀྱི་གྲོང་ཁྱེར་དུ་དུར་ལ་སྦས་ནའང་། རྒྱལ་པོ་རྣམས་ཀྱི་དུར་ཁྲོད་ནང་དུ་མ་སྦས་སོ། །  
\v 26 ཁོང་ལྐོག་གསོད་བྱེད་མཁན་དག་ནི། ཨམ་མོན་པའི་བུད་མེད་ཤིམ་ཨད་ཀྱི་བུ་ཟཱ་བད་དང་། མོ་ཨབ་པའི་བུད་མེད་ཤིམ་རིད་ཀྱི་བུ་ཡེ་ཧོ་ཟཱ་བད་བྱ་བ་གཉིས་སོ། །  
\v 27 ཡང་ཡོ་ཨ་སིའི་སྲས་རྣམས་དང་། དེའི་སྐོར་གྱི་ལུང་བསྟན་མང་པོ་དང་། དཀོན་མཆོག་གི་མཆོད་ཁང་ཞིག་གསོ་བྱས་པའི་སྐོར་རྣམས་ནི་རྒྱལ་རབས་ཀྱི་གླེགས་བམ་ནང་དུ་ཡི་གེར་བཀོད་ཡོད། ཡང་དེའི་སྲས་ཨ་མཱ་ཙི་ཡ་ཁོའི་ཚབ་ཏུ་རྒྱལ་པོར་གྱུར་ཏོ། །   
\c 25
\cl ལེའུ་ཉེར་ལྔ་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཡ་ཧུ་དཱའི་རྒྱལ་པོ་ཨ་མཱ་ཙི་ཡ།  
\p
\v 1 ཨ་མཱ་ཙི་ཡས་རྒྱལ་སྲིད་འཛིན་དུས་ལོ་ཉེར་ལྔ་ཡིན་པ་དང་། ཡེ་རུ་སཱ་ལེམ་དུ་ལོ་ཉེར་དགུའི་རིང་ལ་རྒྱལ་སྲིད་བསྐྱངས། ཁོང་གི་ཡུམ་གྱི་མིང་ལ་ཡེ་ཧོ་ཨད་དིན་ཞེས་ཟེར། མོ་ནི་ཡེ་རུ་སཱ་ལེམ་གྱི་མི་ཡིན་ནོ། །  
\v 2 ཁོས་དཀོན་མཆོག་ཡ་ཝཱེའི་སྤྱན་སྔར་ལེགས་པོ་གང་ཡིན་པ་སྤྱད་ཀྱང་། བློ་གཅིག་སེམས་གཅིག་ནི་མ་ཡིན་ནོ། །  
\v 3 དེས་རྒྱལ་སྲིད་བརྟན་པོར་མཛད་པ་ཙམ་གྱིས། རང་གི་ཡབ་རྒྱལ་པོ་གསོད་མཁན་བློན་འཁོར་རྣམས་བསད་ཀྱང་།  
\v 4 དེ་དག་གི་བུ་རྣམས་མ་བསད་དོ། །གང་ལ་ཞེ་ན། དེ་ནི་མོ་ཤེའི་བཀའ་ཁྲིམས་ཀྱི་མདོ་རུ་བཀོད་ཡོད་པའི་དཀོན་མཆོག་ཡ་ཝཱེའི་བཀའ་ནི་འདི་སྐད་དུ། བུ་ཡི་རྐྱེན་གྱིས་ཕ་ནི་གསོད་མི་རུང་ལ། ཕ་ཡི་རྐྱེན་གྱིས་བུ་ཡང་གསོད་མི་རུང་སྟེ། མི་རེ་རེ་རང་རང་གི་སྡིག་ཉེས་རྐྱེན་གྱིས་ཤི་དགོས་ཞེས་གསུངས་པས་སོ། །   
\s1 ཨེ་དོམ་པ་དང་འཐབ་པ།  
\p
\v 5 དེ་ནས་ཨ་མཱ་ཙི་ཡས་ཡ་ཧུ་དཱ་པ་རྣམས་བསྡུས་ཏེ། ཡ་ཧུ་དཱ་དང་པེན་ཡཱ་མེན་པའི་ཁྱིམ་རྒྱུད་བཞིན་དུ་སྟོང་དཔོན་དང་བརྒྱ་དཔོན་རྣམས་བསྐོས་ནས། ལོ་ཉི་ཤུའི་ཡན་རྣམས་ཀྱི་རྩིས་གྲངས་བླངས་པ་དང་། མདུང་དང་ཕུབ་ཐོགས་ཏེ་དམག་ལ་འགྲོ་ཐུབ་པའི་སྐྱེས་པ་ཁྲི་སུམ་ཅུ་ཡོད།  
\v 6 ཡང་དངུལ་གྱི་རྡོ་ཚད་བརྒྱ་སྤྲད་དེ། ཡེས་ར་ཨེལ་གྱི་ནང་ནས་དམག་མི་དཔའ་རྩལ་ཅན་ཁྲི་བཅུ་གླས།  
\v 7 དེར་དཀོན་མཆོག་གི་སྐྱེས་བུ་ཞིག་ཨ་མཱ་ཙི་ཡའི་མདུན་དུ་འོངས་ནས་འདི་ལྟར། ཀྱེ་རྒྱལ་པོ་ལགས། ཡེས་ར་ཨེལ་གྱི་དམག་དཔུང་ཁྱོད་དང་མཉམ་དུ་མ་ཁྲིད་ཅིག ཅིའི་ཕྱིར་ཞེ་ན། དཀོན་མཆོག་ཡ་ཝཱེ་ནི་ཡེས་ར་ཨེལ་པ་ཨེ་ཕཱར་ཡིམ་གྱི་བུ་རྒྱུད་རྣམས་དང་མཉམ་དུ་མི་བཞུགས།  
\v 8 ཇི་སྟེ་ཁྱོད་ཅིས་ཀྱང་འགྲོ་དགོས་ན། སོང་ནས་དཔའ་ངར་བསྐྱེད་དེ་འཐབ་ན་ཡང་དཀོན་མཆོག་གིས་ཁྱོད་ནི་ཕ་རོལ་པོའི་མདུན་དུ་ཕམ་པར་མཛད་ངེས། གང་ལ་ཞེ་ན། དཀོན་མཆོག་ལ་སྐྱབས་མཛད་པའི་དབང་ཡོད་ལ། ཕམ་པར་མཛད་པའི་དབང་ཡང་ཡོད་ཅེས་བསྒོས་པ་དང་།  
\v 9 ཨ་མཱ་ཙི་ཡས་དཀོན་མཆོག་གི་སྐྱེས་བུ་ལ་ལན་དྲིས་ཏེ་ན་རེ། ངས་ཡེས་ར་ཨེལ་གྱི་དམག་དཔུང་དེ་ལ་སྤྲད་པའི་དངུལ་རྡོ་ཚད་བརྒྱ་ཡི་ཕྱིར་ངེད་ཅག་གིས་ཅི་བྱའམ་ཞེས་པ་ལ། ལན་དུ་དཀོན་མཆོག་གི་སྐྱེས་བུ་ན་རེ། དཀོན་མཆོག་ཡ་ཝཱེས་འདི་ལས་མང་པོ་ཁྱོད་ལ་གནང་ངེས་ཡིན་ཞེས་སྨྲས་སོ། །  
\v 10 དེ་ནས་ཨ་མཱ་ཙི་ཡ་ཡིས་ཨེ་ཕཱར་ཡིམ་ནས་འོངས་པའི་དམག་རྣམས་བཏང་ནས་རང་རང་གི་ཡུལ་ལ་ལོག་ཏུ་བཅུག་པས། དེ་རྣམས་ཡ་ཧུ་དཱ་པར་རབ་ཏུ་ཁྲོས་ནས་ཁོང་ཁྲོ་ཆེན་པོ་དང་བཅས་རང་ཡུལ་དུ་ལོག་གོ །  
\v 11 དེ་ནས་ཨ་མཱ་ཙི་ཡས་སྤོབས་པ་བསྐྱེད་དེ་རང་གི་མི་རྣམས་ཁྲིད་དེ་ཚྭའི་ལུང་པ་རུ་ཕྱིན་ནས། སེ་ཨིར་པ་ཁྲི་གཅིག་བསད་པ་དང་།  
\v 12 ཡ་ཧུ་དཱ་པ་རྣམས་ཀྱིས་མི་ཁྲི་གཅིག་གསོན་པོར་བཟུང་སྟེ། བྲག་ཁར་ཁྲིད་ནས་དེ་རུ་གཡང་ལ་འཕངས་པ་ན། དེ་དག་ཐམས་ཅད་གས་པ་རེད།  
\v 13 ཡིན་ཡང་ཨ་མཱ་ཙི་ཡས་རང་དང་མཉམ་དུ་དམག་ལ་འགྲོ་རུ་མ་བཅུག་པར་ཕྱིར་བཟློགས་པའི་དམག་མི་དེ་རྣམས། སཱ་མར་ཡ་ནས་པེད་ཧོ་རོན་གྱི་བར་དུ་ཡ་ཧུ་དཱའི་གྲོང་ཁྱེར་རྣམས་ལ་བཙན་འཛུལ་གྱིས། དེ་དག་གི་མི་སུམ་སྟོང་བསད་ནས་བཅོམ་ནོར་མང་པོ་ཕྲོགས།  
\v 14 དེ་ནས་ཨ་མཱ་ཙི་ཡས་ཨེ་དོམ་པ་རྣམས་བསད་དེ་ཕྱིར་ལོག་པའི་དུས་སུ། སེ་ཨིར་པའི་སྐུ་འདྲ་རྣམས་ཁྱེར་འོངས་ནས། དེ་རྣམས་རང་གི་ལྷ་རུ་བྱས་ཤིང་བསླངས་ཏེ། དེའི་མདུན་དུ་ཕྱག་བཙལ་ནས་སྤོས་བདུགས་པས།  
\v 15 ཨ་མཱ་ཙི་ཡའི་ཐོག་ཏུ་དཀོན་མཆོག་ཡ་ཝཱེ་ཐུགས་རབ་ཏུ་ཁྲོས་ནས། ཁོང་གིས་དེའི་མདུན་དུ་ལུང་སྟོན་པ་ཞིག་བཏང་ནས་དེ་ལ་ན་རེ། རང་གི་མི་རྣམས་ཀྱང་ཁྱོད་ཀྱི་ལག་ནས་སྐྱོབ་མི་ནུས་པའི་ལྷ་རྣམས་ཀྱི་རྗེས་སུ་ཁྱོད་ཅི་ལ་འབྲངས་པ་ཡིན་ནམ་ཞེས་སྨྲས་ཤིང་།  
\v 16 དེ་བཞིན་གཏམ་སྨྲ་བའི་དུས་སུ་རྒྱལ་པོས་ཁོ་ལ་ན་རེ། ང་ཚོས་ཁྱོད་ནི་རྒྱལ་པོའི་གྲོས་མིར་བསྐོས་པ་ཡིན་ནམ། ཁ་རོག་སྡོད་ཅིག གཅར་རྡུང་མྱང་འདོད་པ་ཡིན་ནམ་ཞེས་སྨྲས་པས། ལུང་སྟོན་པ་དེས་གླེང་མཚམས་བཞག་ནས་ཡང་ན་རེ། ཁྱོད་ཀྱིས་དེ་བཞིན་བྱས་ནས་ངའི་གཏམ་ལའང་མ་མཉན་པས། དཀོན་མཆོག་གིས་ཁྱོད་གསོད་པའི་ཐུགས་ཐག་བཅད་པ་ངས་ཤེས་པ་ཡིན་ཞེས་གསུངས།   
\s1 ཡེས་ར་ཨེལ་དང་འཐབ་པ།  
\p
\v 17 དེ་ནས་ཡ་ཧུ་དཱའི་རྒྱལ་པོ་ཨ་མཱ་ཙི་ཡས་བློན་པོ་རྣམས་དང་གྲོས་བྱས་ཏེ། ཡེ་ཧུའི་ཚ་བོའམ། ཡེ་ཧོ་ཨ་ཧ་སི་ཡི་སྲས་ཏེ་ཡེས་ར་ཨེལ་གྱི་རྒྱལ་པོ་ཡེ་ཧོ་ཨ་སིའི་རྩར་བང་ཆེན་བཏང་སྟེ་ན་རེ། ཚུར་ཤོག་དང་། འུ་གཉིས་གཡུལ་ངོར་ཐུག་པར་བྱ་ཞེས་སྨྲས་པ་ལ།  
\v 18 ཡེས་ར་ཨེལ་གྱི་རྒྱལ་པོ་ཡེ་ཧོ་ཨ་སི་ཡིས་ཡ་ཧུ་དཱའི་རྒྱལ་པོ་ཨ་མཱ་ཙི་ཡ་ལ་འཕྲིན་ལན་སྤྲིངས་ཏེ་ན་རེ། ལེ་པཱ་ནོན་གྱི་ཚེར་སྡོང་གིས་ལེ་པཱ་ནོན་གྱི་ཐང་ཤིང་ལ། ཁྱོད་ཀྱི་བུ་མོ་དེ་ངའི་བུ་ལ་མནའ་མར་ཐོངས་ཤིག་ཅེས་འཕྲིན་བསྐུར་ཞིང་། ཕྱིས་སུ་ལེ་པཱ་ནོན་དུ་ཡོད་པའི་རི་དྭགས་ཤིག་ཚེར་སྡོང་གི་སྟེང་དུ་འགྲུལ་ནས་དེ་རྐང་པས་བརྫིས་སོ། །  
\v 19 ཁྱོད་ཀྱིས་ལྟོས་དང་ངས་ཨེ་དོམ་པ་རྣམས་ཕམ་པར་བྱས་སྨྲ་ཞིང་། ཁྱོད་ཀྱི་སེམས་ལ་ང་རྒྱལ་གྱིས་ཁེངས་ཏེ་རང་བསྟོད་བྱེད་པའོ། །ད་ལྟ་ཁྱོད་ནི་རང་ཁྱིམ་དུ་སྡོད་ཅིག ཆག་སྒོ་བསླངས་ནས་ཁྱོད་དང་མཉམ་དུ་ཡ་ཧུ་དཱ་ཡང་བརླག་པར་བྱེད་དོན་ཅི་ཡིན་ནམ་ཞེས་སྨྲས་ན་ཡང་།  
\v 20 ཨ་མཱ་ཙི་ཡས་དེ་ལ་མ་མཉན་པ་རེད། གང་ལ་ཞེ་ན། དེ་ཚོས་ཨེ་དོམ་པའི་ལྷ་རྣམས་བཙལ་བའི་རྐྱེན་གྱིས། དེ་ཚོ་ཕ་རོལ་པོའི་ལག་ཏུ་གཏད་པའི་དོན་འདི་དཀོན་མཆོག་ལས་བྱུང་བ་ཡིན།  
\v 21 དེ་ནས་ཡེས་ར་ཨེལ་གྱི་རྒྱལ་པོ་ཡེ་ཧོ་ཨ་སི་ཡར་འོངས་ནས། ཡ་ཧུ་དཱའི་རྒྱལ་པོ་ཨ་མཱ་ཙི་ཡ་དང་ཡ་ཧུ་དཱའི་པེད་ཤེ་མེ་སི་བྱ་བར་གཡུལ་ངོར་ཕྲད་པ་དང་།  
\v 22 ཡ་ཧུ་དཱ་པ་རྣམས་ཡེས་ར་ཨེལ་པའི་མདུན་དུ་ཕམ་པར་གྱུར་ནས། ཚང་མ་རང་རང་གི་ཁྱིམ་དུ་བྲོས་སོང་བས།  
\v 23 ཡེས་ར་ཨེལ་གྱི་རྒྱལ་པོ་ཡེ་ཧོ་ཨ་སི་ཡིས་པེད་ཤེ་མེ་སི་རུ་ཡེ་ཧོ་ཨ་ཧཱ་ཟིའི་ཚ་བོའམ། ཡོ་ཨ་སིའི་སྲས་ཨ་མཱ་ཙི་ཡ་བྱ་བ་སྟེ་ཡ་ཧུ་དཱའི་རྒྱལ་པོ་བཟུང་ནས་ཡེ་རུ་སཱ་ལེམ་དུ་ཁྲིད་དེ། ཡང་ཨེ་ཕཱར་ཡིམ་གྱི་རྟ་སྒོ་ཞེས་པ་ནས་གྲུ་ཁའི་རྟ་སྒོ་བར་དུ། ཡེ་རུ་སཱ་ལེམ་གྱི་ལྕགས་རི་ཁྲུ་བཞི་བརྒྱ་བཤིགས་པ་དང་།  
\v 24 ཡང་ཨོ་བེད་ཨེ་དོམ་གྱིས་སྲུང་བའི་དཀོན་མཆོག་གི་མཆོད་ཁང་ནང་གི་གསེར་དངུལ་དང་ཡོ་བྱད། དེ་མིན་རྒྱལ་པོའི་ཕོ་བྲང་ནང་གི་གཏེར་རྣམས་ཀྱང་ཁྱེར་ཏེ། མི་མང་པོ་མི་གཏའ་རུ་བཟུང་ནས་སཱ་མར་ཡ་རུ་ལོག་གོ །  
\v 25 ཡེས་ར་ཨེལ་གྱི་རྒྱལ་པོ་ཡེ་ཧོ་ཨ་ཧ་སིའི་སྲས་ཡེ་ཧོ་ཨ་སི་གྲོངས་པའི་རྗེས་སུ། ཡ་ཧུ་དཱའི་རྒྱལ་པོ་ཡོ་ཨ་སིའི་སྲས་ཨ་མཱ་ཙི་ཡ་ཡང་ལོ་བཅོ་ལྔར་བསྡད་པ་དང་།  
\v 26 ཨ་མཱ་ཙི་ཡའི་མཛད་རྗེས་གཞན་རྣམས་འགོ་ནས་མཇུག་བར་དུ་ཐམས་ཅད་ཡ་ཧུ་དཱ་དང་ཡེས་ར་ཨེལ་གྱི་རྒྱལ་རབས་ཀྱི་གླེགས་བམ་ནང་དུ་བཀོད་ཡོད་པ་མ་ཡིན་ནམ།  
\v 27 ཡང་ཨ་མཱ་ཙི་ཡ་དཀོན་མཆོག་ཡ་ཝཱེ་དང་བྲལ་བའི་རྗེས་སུ། ཡེ་རུ་སཱ་ལེམ་དུ་མི་རྣམས་ཀྱིས་ཁོ་རང་གསོད་པར་བརྩམས་པས་ཁོ་ལཱ་ཀི་སི་རུ་བྲོས་ཀྱང་། དེ་དག་གིས་ཁོའི་རྗེས་སུ་ལཱ་ཀི་སི་ལ་མི་ར་མདར་མངགས་ནས་ཁོ་དེ་རུ་བསད་དོ། །  
\v 28 ཡང་མི་ཞིག་གིས་ཁོའི་བེམ་པོ་རྟ་ལ་བཀལ་ནས་ཕྱིར་ཁྱེར་འོངས་ཏེ། དཱ་བིད་ཀྱི་གྲོང་ཁྱེར་ \f + \ft མ་ཕྱི་ལས་ཡ་ཧུ་དཱའི་གྲོང་ཁྱེར་ཞེས་མཐོང་།\f*དུ་དེའི་ཕ་མེས་རྣམས་ཀྱི་ཁྲོད་དུ་དུར་ལ་སྦས་སོ། །   
\c 26
\cl ལེའུ་ཉེར་དྲུག་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཡ་ཧུ་དཱའི་རྒྱལ་པོ་ཨུ་ཟི་ཡཱ།  
\p
\v 1 དེ་ནས་ཡ་ཧུ་དཱའི་མི་ཐམས་ཅད་ཀྱིས་དགུང་ལོ་བཅུ་དྲུག་ཡིན་པའི་ཨུ་ཟི་ཡཱ་ནི་ཁོང་གི་ཕ་ཨ་མཱ་ཙི་ཡའི་ཚབ་ཏུ་རྒྱལ་པོར་བསྐོས་པ་དང་།  
\v 2 རྒྱལ་པོ་ཨ་མཱ་ཙི་ཡ་རང་གི་ཕ་མེས་དང་མཉམ་དུ་གཟིམས་པའི་རྗེས་སུ། ཨུ་ཟི་ཡཱ་ཡིས་ཨེ་ལོད་སླར་ཡང་ཞིག་གསོ་མཛད་ཅིང་ཡ་ཧུ་དཱ་ལ་དབང་བར་བྱས།  
\v 3 ཨུ་ཟི་ཡཱ་རྒྱལ་སར་བསྐོ་དུས་ལོ་བཅུ་དྲུག་ཡིན་པ་དང་། ཡེ་རུ་སཱ་ལེམ་དུ་ལོ་ལྔ་བཅུ་ང་གཉིས་རིང་རྒྱལ་སྲིད་བསྐྱངས། ཁོང་གི་ཡུམ་གྱི་མིང་ལ་ཡེ་ཀོལ་ཡཱ་ཟེར་ཞིང་། མོ་ནི་ཡེ་རུ་སཱ་ལེམ་གྱི་མི་ཡིན་ནོ། །  
\v 4 ཁོང་གིས་རང་གི་ཡབ་ཨ་མཱ་ཙི་ཡའི་བྱ་སྤྱོད་བཞིན་དུ། དཀོན་མཆོག་ཡ་ཝཱེའི་སྤྱན་སྔར་ལེགས་པོ་གང་ཡིན་དེ་སྤྱད་པ་རེད།  
\v 5 ཟཱ་ཀར་ཡ་ཡིས་ཨུ་ཟི་ཡཱ་ལ་དཀོན་མཆོག་ལ་གུས་ཤིང་འཇིགས་དགོས་པའི་བསླབ་བྱ་གནང་བ་དང་། ཁོང་གསོན་པའི་དུས་སུ་ཨུ་ཟི་ཡཱས་དུས་རྟག་ཏུ་དཀོན་མཆོག་བཙལ་ཞིང་། ཁོང་གིས་དཀོན་མཆོག་ཡ་ཝཱེ་འཚོལ་བའི་དུས་སུ། དཀོན་མཆོག་གིས་དེའི་བསམ་དོན་ལྷུན་གྱིས་འགྲུབ་པར་མཛད་དོ། །  
\v 6 ཁོང་ཕྱི་རུ་སོང་སྟེ་ཕེ་ལེ་ཤེད་པ་རྣམས་ལ་འཐབ་ཅིང་། གཱད་དང་ཡབ་ནེ། ཨ་སི་དོད་བཅས་ཀྱི་ལྕགས་རི་དག་བཤིགས་ཏེ། ཨ་སི་དོད་ཀྱི་མངའ་ཁོངས་སུ་ཕེ་ལེ་ཤེད་པའི་ཁྲོད་དུ་གྲོང་ཁྱེར་རྣམས་བཙུགས།  
\v 7 ཡང་དཀོན་མཆོག་གིས་དེ་ལ་གྲོགས་མཛད་ནས་ཕེ་ལེ་ཤེད་པ་དང་། གུར་བ་ཨལ་དུ་གནས་པའི་ཨ་རབ་པ་དང་མེ་ཨུན་པར་ངོ་རྒོལ་བྱས།  
\v 8 ཨམ་མོན་པས་ཨུ་ཟི་ཡཱ་ལ་དཔྱ་ཁྲལ་ཕུལ་བ་དང་། ཁོང་ཧ་ཅང་དར་རྒྱས་སུ་ཕྱིན་པས་ཁོང་གི་མཚན་སྙན་གྲགས་ཨེ་ཅིབ་ཀྱི་བར་དུ་རྒྱས་པ་རེད།  
\v 9 ཡང་ཨུ་ཟི་ཡཱས་ཡེ་རུ་སཱ་ལེམ་གྱི་གྲུ་ཁའི་རྟ་སྒོ་དང་ལུང་པའི་རྟ་སྒོ། ལྕགས་རིའི་གྲུ་ཟུར་བཅས་ལ་མཁར་བརྩིགས་ནས་ཤིན་ཏུ་བརྟན་པོར་མཛད་ཅིང་།  
\v 10 དབེན་སྟོང་དུའང་སོ་ལྟའི་མཁར་བརྩིགས་ཏེ། རྫིང་བུ་མང་ཙམ་བྲུས། གང་ལ་ཞེ་ན། དེར་རི་ཀླུང་དང་ཐང་ལ་ཕྱུགས་མང་པོ་ཡོད་པས་སོ། །ཡང་ཁོང་ནི་སོ་ནམ་ལ་དགའ་བས། རི་ཁུལ་དང་གཤིན་ས་རུ་ཞིང་པ་དང་རྒུན་ཚལ་བདག་གཉེར་བྱེད་མཁན་མང་པོ་བཞག  
\v 11 ཡང་ཨུ་ཟི་ཡཱ་ལ་དམག་མི་རྩལ་ཅན་མང་པོ་ཡོད་པ་དེ་རྣམས་དྲུང་ཡིག་ཡེ་ཨི་ཨེལ་བྱ་བ་དང་འགོ་དཔོན་མ་ཨ་སེ་ཡཱ་གཉིས་ཀྱིས་རྩིས་གྲངས་བླངས་པའི་ཐོ་བཞིན་དུ། རྒྱལ་པོའི་དམག་དཔོན་ནང་གི་ཧ་ནན་ཡཱའི་ལག་འོག་ཏུ་རུ་བསྒྲིགས་ནས་འཐབ་མོར་འགྲོ་བ་ཡིན།  
\v 12 དམག་མི་དཔའ་རྩལ་ཅན་དེ་དག་ཁྲོད་གྱི་ཁྱིམ་རྒྱུད་སོ་སོའི་འགོ་དཔོན་རྣམས་ཀྱི་བསྡོམས་གྲངས་ནི་ཉིས་སྟོང་དྲུག་བརྒྱ་ཡོད་པ་ཡིན།  
\v 13 དེ་དག་གི་ལག་འོག་ཏུ་རྒྱལ་པོར་རོགས་བྱས་ནས་དགྲ་ལ་རྒོལ་བའི་དམག་དཔུང་དཔའ་རྩལ་ཅན་སུམ་འབུམ་བདུན་སྟོང་ལྔ་བརྒྱ་ཡོད་པ་ཡིན།  
\v 14 ཨུ་ཟི་ཡཱས་དམག་ཚོགས་ཀུན་གྱི་ཕྱིར་ཕུབ་དང་། མདུང་དང་། ཁྲབ་རྨོག་དང་། མདའ་གཞུ་དང་། འུར་རྡོ་སོགས་གྲ་སྒྲིག་བྱས།  
\v 15 ཡང་ཁོང་གིས་ཡེ་རུ་སཱ་ལེམ་གྱི་མཁར་དང་ལྕགས་རི་ལས་མདའ་དང་རྡོ་ཆེན་པོ་འཕེན་པའི་ཕྱིར། འཕྲུལ་ཆས་བཟོ་མཁན་ལ་སྒྱོགས་ཀྱི་འཕྲུལ་འཁོར་བཟོ་རུ་བཅུག ཁོང་ལ་རོགས་རམ་ངོ་མཚར་བ་ཐོབ་ནས་ཧ་ཅང་དར་རྒྱས་སུ་ཕྱིན་པས་ཁོང་གི་མཚན་སྙན་རྒྱང་རིང་དུ་གྲགས་སོ། །   
\s1 ཨུ་ཟི་ཡཱ་ང་རྒྱལ་སྐྱེས་པས་ཡ་ཝཱེས་དེ་ལ་བརྡུངས་པ།  
\p
\v 16 འོན་ཀྱང་ཨུ་ཟི་ཡཱ་དར་ཞིང་རྒྱས་པའི་དུས་སུ། ཁོང་གི་སེམས་ལ་ང་རྒྱལ་གྱིས་ཁེངས་པས་ངན་པར་གྱུར་ཏེ། ཐ་ན་ཡ་ཝཱེ་སྟེ་རང་གི་དཀོན་མཆོག་ལའང་བློ་ལོག་ནས། དཀོན་མཆོག་ཡ་ཝཱེའི་མཆོད་ཁང་ནང་དུ་བདུག་སྤོས་ཀྱི་མཆོད་ཁྲིའི་ཁར་སྤོས་བདུག་ཏུ་སོང་།  
\v 17 མཆོད་དཔོན་ཨ་ཟར་ཡཱ་དང་དཀོན་མཆོག་ཡ་ཝཱེའི་མཆོད་དཔོན་བརྒྱད་ཅུ་ཁོང་གི་རྗེས་འབྲངས་ནས་ནང་ལ་ཕྱིན་པ་དང་། དེ་ཐམས་ཅད་དཔའ་བོ་ཡིན་ནོ། །  
\v 18 དེར་དེ་དག་གིས་རྒྱལ་པོ་ཨུ་ཟི་ཡཱ་བཀག་ནས་ན་རེ། ཀྱེ་ཨུ་ཟི་ཡཱ། དཀོན་མཆོག་ཡ་ཝཱེ་ལ་སྤོས་བདུག་པ་ནི་ཁྱེད་ཀྱི་ལས་ཀ་མིན་ཏེ། དེ་ནི་སྤོས་བདུག་པའི་དོན་དུ་དམ་པར་བྱས་པའི་མཆོད་དཔོན་ནམ། ཨ་རོན་གྱི་བུ་རྒྱུད་དག་གི་ལས་ཀ་ཡིན་ནོ། །ཁྱེད་ཀྱིས་ལོག་སྤྱོད་སྤེལ་བས་དམ་པའི་གནས་ལས་ཕྱིར་བུད་དང་། དོན་འདིའི་རྐྱེན་གྱིས་ཁྱེད་ལ་ཡ་ཝཱེ་དཀོན་མཆོག་ལས་བཀུར་སྟི་མི་འཐོབ་བོ་ཞེས་སྨྲས་པ་ལ།  
\v 19 ཨུ་ཟི་ཡཱ་ཁྲོས་ནས་སྤོས་ཕོར་ལག་ཏུ་བཟུང་ནས་སྤོས་བདུག་པར་བརྩམས་པ་དང་། དེ་མཆོད་དཔོན་རྣམས་ལ་ཁྲོས་པ་ཙམ་གྱིས། དཀོན་མཆོག་ཡ་ཝཱེའི་མཆོད་ཁང་དུ་སྤོས་ཁྲིའི་འགྲམ་ལ་མཆོད་དཔོན་དག་གི་མདུན་དུ་དེའི་དཔྲལ་བར་མཛེ་ཐོན།  
\v 20 དེར་མཆོད་དཔོན་ཆེན་པོ་ཨ་ཟར་ཡཱ་དང་མཆོད་དཔོན་གཞན་ཀུན་གྱིས་དེ་ལ་བལྟས་པ་དང་། དེའི་དཔྲལ་བར་མཛེ་ཐོན་པ་མཐོང་ནས། དེ་མྱུར་དུ་མཆོད་ཁང་ལས་བཏོན་པ་རེད། ཁོང་ཡང་མྱུར་དུ་ཕྱི་རུ་ཐོན། ཅིའི་ཕྱིར་ཞེ་ན། དཀོན་མཆོག་ཡ་ཝཱེས་དེ་ལ་བརྡུངས་པས་སོ། །  
\v 21 དེ་ལྟར་རྒྱལ་པོ་ཨུ་ཟི་ཡཱ་འཆི་བའི་བར་དུ་མཛེ་ནད་བྱུང་ནས་ལུས། ཁོང་ནི་མཛེ་ནད་ཅན་ཡིན་པས་ཟུར་དུ་ཁང་པ་ཞིག་གི་ནང་བསྡད་ཅིང་། དཀོན་མཆོག་ཡ་ཝཱེའི་མཆོད་ཁང་དུ་འགྲོ་མི་ཆོག་པ་ཡིན། དེ་ནས་ཁོང་གི་སྲས་ཡོ་ཐམ་གྱིས་རྒྱལ་པོའི་ཁྱིམ་རྒྱུད་ལ་བདག་གཉེར་མཛད་པ་དང་། མི་ཀུན་ལ་ཡང་བདག་སྐྱོང་མཛད།  
\v 22 ཨུ་ཟི་ཡཱའི་མཛད་རྗེས་གཞན་རྣམས་འགོ་ནས་མཇུག་བར་དུ་ཨ་མོ་ཟིའི་བུ་ལུང་སྟོན་པ་ཡེ་ཤ་ཡཱས་ཡི་གེར་བཀོད་ཡོད།  
\v 23 དེ་ནས་ཨུ་ཟི་ཡཱ་ཕ་མེས་དང་མཉམ་དུ་གཟིམས་པ་དང་། མི་རྣམས་ཀྱིས་ཁོང་ནི་མཛེ་ཅན་ཡིན་ནོ་ཞེས་སྨྲས་པས་ན། ཁོང་ཉིད་རྒྱལ་པོར་གཏོགས་པའི་ཐང་གི་དུར་ཁྲོད་དུ་སྦས་པ་དང་། དེའི་སྲས་ཡོ་ཐམ་གྱིས་ཁོང་གི་ཚབ་ཏུ་རྒྱལ་སྲིད་བསྐྱངས་པའོ། །   
\c 27
\cl ལེའུ་ཉེར་བདུན་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཡ་ཧུ་དཱའི་རྒྱལ་པོ་ཡོ་ཐམ།  
\p
\v 1 ཡོ་ཐམ་རྒྱལ་པོར་བཞུགས་དུས་སུ་དགུང་ལོ་ཉེར་ལྔ་ཡིན་པ་དང་། ལོ་བཅུ་དྲུག་གི་རིང་ལ་ཡེ་རུ་སཱ་ལེམ་དུ་རྒྱལ་སྲིད་བསྐྱངས། ཁོང་གི་ཡུམ་གྱི་མིང་ལ་ཡེ་རུ་ཤཱ་ཟེར་ཏེ། ཟཱ་ཏོག་གི་སྲས་མོ་ཡིན་ནོ། །  
\v 2 ཡོ་ཐམ་གྱིས་ཡབ་ཨུ་ཟི་ཡཱས་ཅི་མཛད་པ་བཞིན་དུ། དཀོན་མཆོག་ཡ་ཝཱེའི་སྤྱན་སྔར་ལེགས་པོ་གང་ཡིན་དེ་སྤྱད་ནའང་། དཀོན་མཆོག་ཡ་ཝཱེའི་མཆོད་ཁང་གི་ནང་དུ་མ་འཛུལ། མི་རྣམས་ཀྱིས་ད་དུང་ངན་པའི་ལས་བྱས་པ་རེད།  
\v 3 ཡོ་ཐམ་གྱིས་དཀོན་མཆོག་ཡ་ཝཱེའི་མཆོད་ཁང་གི་རྟ་སྒོ་གོང་མ་བརྩིགས་ཏེ། ཨོ་ཕེལ་གྱི་ལྕགས་རིའི་ཁར་ཡང་མཁར་ལས་མང་པོ་བཏང་།  
\v 4 ཡ་ཧུ་དཱའི་རི་ཁུལ་དུ་གྲོང་ཁྱེར་རྣམས་བཙུགས་ཏེ། ནགས་གསེབ་ཏུའང་མཁར་དང་སོ་ལྟའི་མཁར་རྣམས་བཞེངས།  
\v 5 ཡང་ཡོ་ཐམ་གྱིས་ཨམ་མོན་པའི་རྒྱལ་པོ་ལ་དམག་འཐབ་ནས་རྒྱལ་བས། ཨམ་མོན་པས་ཁོང་ལ་ལོ་དེར་དངུལ་རྡོ་ཚད་བརྒྱ་དང་། གྲོ་ཁལ་ཆིག་ཁྲི་དང་། ནས་ཁལ་ཆིག་ཁྲི་ཕུལ་བ་དང་། ལོ་གཉིས་པ་དང་གསུམ་པ་ལ་ཡང་དེ་ལྟར་ཕུལ།  
\v 6 ཡོ་ཐམ་གྱིས་རང་གི་དཀོན་མཆོག་ཡ་ཝཱེའི་སྤྱན་སྔར་ལེགས་པོ་གང་ཡིན་དེ་སྤྱད་པས་ཤིན་ཏུ་དར།  
\v 7 ཡོ་ཐམ་གྱི་མཛད་རྗེས་གཞན་རྣམས་དང་། དེའི་དམག་འཐབ་ཚུལ་དང་འཕྲིན་ལས་རྣམས་ནི་ཡེས་ར་ཨེལ་དང་ཡ་ཧུ་དཱའི་རྒྱལ་པོ་རྣམས་ཀྱི་གླེགས་བམ་ནང་དུ་བཀོད་ཡོད།  
\v 8 ཁོང་རྒྱལ་པོར་བཞུགས་དུས་སུ་དགུང་ལོ་ཉེར་ལྔ་ཡིན་པ་དང་། ཡེ་རུ་སཱ་ལེམ་དུ་ལོ་བཅུ་དྲུག་ལ་རྒྱལ་སྲིད་བསྐྱངས་ནས།  
\v 9 ཡོ་ཐམ་རང་གི་ཕ་མེས་དང་མཉམ་དུ་གཟིམས་པ་དང་། དཱ་བིད་ཀྱི་གྲོང་ཁྱེར་དུ་དུར་ལ་སྦས་ནས། ཁོང་གི་སྲས་ཨ་ཧ་ཟཱ་ཁོའི་ཚབ་ཏུ་རྒྱལ་པོར་བསྡད་དོ། །   
\c 28
\cl ལེའུ་ཉེར་བརྒྱད་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཡ་ཧུ་དཱའི་རྒྱལ་པོ་ཨ་ཧ་ཟཱ།  
\p
\v 1 ཨ་ཧ་ཟཱ་རྒྱལ་པོར་སྡོད་དུས་སུ་ལོ་ཉི་ཤུ་ཡིན་ལ། ཡེ་རུ་སཱ་ལེམ་དུ་ལོ་བཅུ་དྲུག་གི་རིང་ལ་རྒྱལ་སྲིད་བསྐྱངས། ཁོས་རང་གི་མེས་པོ་དཱ་བིད་དང་འདྲ་བར་དཀོན་མཆོག་ཡ་ཝཱེའི་སྤྱན་སྔར་ལེགས་པོ་གང་ཡིན་མ་སྤྱད་དེ།  
\v 2 ཡེས་ར་ཨེལ་གྱི་རྒྱལ་པོ་རྣམས་ཀྱི་སྤྱོད་ལམ་བཞིན་སྤྱད་དེ། པཱ་ཨལ་རྣམས་ཀྱི་ཕྱིར་བླུགས་སྐུ་བཟོས།  
\v 3 ཡང་པེན་ཧིན་ནོམ་ལུང་པ་རུ་བསང་བཏང་སྟེ། དཀོན་མཆོག་ཡ་ཝཱེས་ཡེས་ར་ཨེལ་པ་རྣམས་ཀྱི་མདུན་ནས་བསྐྲད་པའི་ཕྱི་རོལ་པའི་ཞེན་ལོག་གི་ལུགས་བཞིན་དུ་རང་གི་བུ་བུ་མོ་རྣམས་སྦྱིན་སྲེག་ཏུ་ཕུལ།  
\v 4 ཡང་མཐོ་གླིང་དང་། རིའི་སྟེང་དང་། ལྗོན་ཤིང་རེ་རེའི་འོག་ཏུ་མཆོད་པ་ཕུལ་ཏེ་བསང་བཏང་བ་རེད།  
\v 5 དེའི་རྐྱེན་གྱིས་ཨ་ཧ་ཟཱ་ཡི་དཀོན་མཆོག་ཡ་ཝཱེས་ཁོ་རང་ཨ་རམ་པའི་རྒྱལ་པོའི་ལག་ཏུ་གཏད་པས། དེས་ཁོ་ཕམ་པར་བརྒྱབ་ཅིང་ཁོའི་མི་ཚོགས་ཆེན་པོ་ཞིག་བཙན་ཁྲིད་བྱས་ཏེ་དཱ་མེ་སེག་ཏུ་དྲངས། ཡང་དཀོན་མཆོག་གིས་ཁོ་རང་ཡེས་ར་ཨེལ་གྱི་རྒྱལ་པོའི་ལག་ཏུ་གཏད་ནས། ཡེས་ར་ཨེལ་གྱི་རྒྱལ་པོས་ཡ་ཧུ་དཱ་རུ་གསོད་གཏུབ་ཆེན་པོ་བྱས།  
\v 6 རེ་མལ་ཡཱའི་བུ་ཕེ་ཀཱས་\f + \ft འདིར་ཕེ་ཀཱ་ཞེས་པ་ནི་ཡེས་ར་ཨེལ་གྱི་རྒྱལ་པོ་ཞིག་ཡིན།\f*ཉིན་གཅིག་གི་རིང་ཡ་ཧུ་དཱ་རུ་དམག་མི་དཔའ་རྩལ་ཅན་ཁྲི་བཅུ་གཉིས་བསད་པ་ཡིན། གང་ལ་ཞེ་ན། དེ་དག་གིས་རང་གི་ཕ་མེས་ཀྱི་དཀོན་མཆོག་ཡ་ཝཱེ་སྤངས་པའི་ཕྱིར་རོ། །  
\v 7 ཡང་ཟིག་རི་ཞེས་པའི་ཨེ་ཕཱར་ཡིམ་གྱི་དཔའ་བོ་ཞིག་ཡོད་པ་དེས་རྒྱལ་སྲས་མ་ཨ་སེ་ཡཱ་དང་། རྒྱལ་པོའི་ཕོ་བྲང་གི་ཕྱག་མཛོད་ཨས་རི་ཀམ་དང་། རྒྱལ་པོའི་བློན་ཆེན་ཨེལ་ཁ་ནཱ་བཅས་བསད་དོ། །   
\s1 ལུང་སྟོན་པ་ཨོ་དེད།  
\p
\v 8 ཡེས་ར་ཨེལ་པ་རྣམས་ཀྱིས་རང་གི་སྤུན་ཡ་ཧུ་དཱ་པའི་ནང་ནས་བུད་མེད་དང་བུ་དང་བུ་མོ་བཅས་ཁྲི་ཉི་ཤུ་བཙན་ཁྲིད་བྱས་པར་མ་ཟད། དེ་དག་ལས་ནོར་མང་པོ་བཅོམ་ནས། བཅོམ་ནོར་དེ་རྣམས་སཱ་མར་ཡ་རུ་ཁྱེར་ཏོ། །  
\v 9 དེར་དཀོན་མཆོག་ཡ་ཝཱེའི་ལུང་སྟོན་པ་ཨོ་དེད་བྱ་བ་ཞིག་ཡོད་པ་སཱ་མར་ཡ་རུ་ལོག་འོངས་པའི་དམག་ཚོགས་བསུ་བར་ཕྱིན་ཏེ་ན་རེ། ལྟོས་ཤིག ཁྱོད་ཅག་གི་ཕ་མེས་ཀྱི་དཀོན་མཆོག་ཡ་ཝཱེ་ནི་ཡ་ཧུ་དཱ་ལ་ཐུགས་ཁྲོས་ཏེ། ཁོ་རྣམས་ཁྱོད་ཅག་གི་ལག་ཏུ་གཏད་པ་ཡིན་མོད། འོན་ཀྱང་ཁྱོད་ཚོས་ཁོང་ཁྲོའི་མེ་ལྕེ་དགུང་དུ་འཕྱུར་ནས་དེ་རྣམས་བསད་པ་རེད།  
\v 10 ད་ནི་ཁྱོད་ཚོས་ཡ་ཧུ་དཱ་པ་དང་ཡེ་རུ་སཱ་ལེམ་པ་རྣམས་བཙན་གྱིས་རང་གི་བྲན་པོ་དང་བྲན་མོ་རུ་འགོད་འདོད་པ་རེད། ཁྱོད་ཚོས་ཀྱང་རང་གི་དཀོན་མཆོག་ཡ་ཝཱེའི་དྲུང་དུ་སྡིག་ཉེས་བསགས་པ་མིན་ནམ།  
\v 11 དེ་བས་བདག་ལ་ཉོན་དང་། དཀོན་མཆོག་ཡ་ཝཱེའི་ཐུགས་ཁྲོ་དྲག་པོ་ནི་ཁྱོད་ཅག་གི་སྟེང་བབས་པས། ཁྱོད་ཚོས་བཙན་ཁྲིད་བྱས་འོངས་པའི་རང་གི་སྤུན་རྣམས་ཐོངས་ཤིག་ཅེས་གདམས་པ་དང་།  
\v 12 དེ་ནས་ཨེ་ཕཱར་ཡིམ་པའི་འགོ་དཔོན་རྣམས་ལས་ཡེ་ཧོ་ཧ་ནན་གྱི་བུ་ཨ་ཟར་ཡཱ་དང་། མེ་ཟིལ་ལེ་མོད་ཀྱི་བུ་པེ་རེག་ཡཱ་དང་། ཤལ་ལུམ་གྱི་བུ་ཡེ་ཧི་ཟག་ཡཱ་དང་། ཧད་ལ་ཨིའི་བུ་ཨ་མ་སཱ་བཅས་ཀྱིས་གཡུལ་ས་ནས་འོངས་པའི་དམག་རྣམས་བཀག་ནས་དེ་དག་ལ་ན་རེ།  
\v 13 ཁྱོད་ཚོས་བཙོན་མ་འདི་དག་ནང་དུ་ཁྲིད་མི་རུང་སྟེ། ང་ཚོས་དཀོན་མཆོག་ཡ་ཝཱེའི་དྲུང་དུ་ཉེས་པ་བསགས་ཟིན་ལ། ཁྱོད་ཚོས་ཀྱང་དེའི་སྟེང་དུ་སྡིག་ཉེས་བསག་འདོད་པའོ། །རང་ཅག་གི་ཉེས་སྐྱོན་ཤིན་ཏུ་ཚབས་ཆེ་ལ། ཡེས་ར་ཨེལ་གྱི་སྟེང་དུ་ཐུགས་ཁྲོ་ཆེན་པོ་ཡོད་ཅེས་སྨྲས་པས།  
\v 14 དམག་དཔུང་གིས་འགོ་དཔོན་དང་མི་ཚོགས་ཀྱི་མདུན་དུ་བཙོན་མ་རྣམས་བཅོམ་ནོར་དང་བཅས་བཏང་བ་རེད།  
\v 15 དེར་གོང་ནས་བརྗོད་པའི་སྐྱེ་བོ་རྣམས་ལངས་ནས་བཙོན་མ་རྣམས་ཁྲིད་དེ། དེ་དག་གི་ནང་ནས་གཅེར་བུར་ཡོད་པ་ཐམས་ཅད་ལ་བཅོམ་ནོར་ལས་གོས་དང་ལྷམ་བླངས་ནས་བསྐོན་ཏེ། བཟའ་བཏུང་སྤྲད་ཅིང་སྣུམ་གྱིས་བྱུགས་པ་དང་། དེ་དག་ཁྲོད་ཀྱི་སྟོབས་ཞན་པ་རྣམས་བོང་བུར་བསྐྱོན་ཏེ། ཁ་ཟུར་ཤིང་གི་གྲོང་ཁྱེར་ཡེ་རུ་ཀོ་རུ་དེ་དག་གི་སྤུན་གྱི་དྲུང་དུ་བསྐྱལ་ནས་ཕྱིར་སཱ་མར་ཡ་རུ་ལོག   
\s1 ཨ་ཧ་ཟཱས་ཨ་སུར་གྱི་རྒྱལ་པོར་སྐྱབས་ཞུ་བ།  
\p
\v 16 དེའི་ཚེ་རྒྱལ་པོ་ཨ་ཧ་ཟཱས་ཨ་སུར་གྱི་རྒྱལ་པོ་རྣམས་ལ་སྐྱབས་ཞུ་རུ་བང་ཆེན་བཏང་བ་རེད།  
\v 17 གང་ལ་ཞེ་ན། ཨེ་དོམ་པ་རྣམས་ཡང་བསྐྱར་ཡ་ཧུ་དཱ་ལ་རྒོལ་དུ་འོངས་ཏེ་མི་མང་པོ་བཟུང་ནས་ཁྲིད།  
\v 18 ཕེ་ལེ་ཤེད་པས་ཀྱང་རི་ཀླུང་དང་ཡ་ཧུ་དཱའི་ནེ་གུབ་ཡུལ་གྱི་གྲོང་ཁྱེར་རྣམས་ལ་བཙན་འཛུལ་བྱས་ནས་བཟུང་སྟེ། པེད་ཤེ་མེ་སི་དང་། ཨ་ཡཱ་ལོན་དང་། གེ་དེ་རོད་དང་། སོ་ཀོ་དང་དེའི་གྲོང་ཚོ་རྣམས་དང་། ཐིམ་ནཱ་དང་དེའི་གྲོང་ཚོ་རྣམས་དང་། གིམ་ཟོ་དང་དེའི་གྲོང་ཚོ་རྣམས་བཅས་བླངས་ནས་དེར་གཞིས་ཕབ།  
\v 19 ཅིའི་ཕྱིར་ཞེ་ན། ཡ་ཧུ་དཱའི་རྒྱལ་པོ་ཨ་ཧ་ཟཱས་ཡ་ཧུ་དཱ་རུ་ངན་པ་བག་མེད་དུ་སྤྱད་དེ། དཀོན་མཆོག་ཡ་ཝཱེའི་དྲུང་དུ་སྡིག་པ་ཚབས་ཆེན་བྱས་པས། དཀོན་མཆོག་ཡ་ཝཱེས་ཡ་ཧུ་དཱ་དམའ་སར་ཕབ་པ་ཡིན།  
\v 20 དེར་ཨ་སུར་གྱི་རྒྱལ་པོ་ཏིལ་གད་པིལ་ནེ་བཟིར་ཁོའི་རྩར་འོངས་པ་དང་། ཁོ་ལ་རོགས་བྱེད་པ་ཕར་ཞོག དེ་ལས་ལྡོག་སྟེ་ཁོ་ལ་བརྙས་བཅོས་བྱས།  
\v 21 ཨ་ཧ་ཟཱས་དཀོན་མཆོག་ཡ་ཝཱེའི་མཆོད་ཁང་དང་རྒྱལ་པོའི་ཕོ་བྲང་དང་། འགོ་དཔོན་རྣམས་ཀྱི་ཁྱིམ་བཅས་ནས་རྒྱུ་ནོར་ཁྱེར་ཏེ་ཨ་སུར་རྒྱལ་པོར་ཕུལ་ནའང་ཕན་ཅི་ཡང་མ་ཐོགས་སོ། །   
\s1 ཨ་ཧ་ཟཱའི་སྡིག་པ།  
\p
\v 22 འུ་ཐུག་གི་དུས་དེ་ལ་རྒྱལ་པོ་ཨ་ཧ་ཟཱས་དཀོན་མཆོག་ཡ་ཝཱེའི་དྲུང་དུ་སྡིག་པ་ལྷག་པར་བྱས་ཏེ།  
\v 23 རང་ཉིད་ཕམ་པར་བཅུག་པའི་དཱ་མེ་སེག་གི་ལྷ་རྣམས་ལ་མཆོད་པ་ཕུལ་ནས་ན་རེ། ཨ་རམ་རྒྱལ་པོའི་ལྷ་རྣམས་ཀྱིས་དེ་དག་ལ་སྐྱབས་བྱས་པས། ལྷ་དེ་རྣམས་ཀྱིས་ང་ལ་ཡང་སྐྱབས་བྱེད་པའི་ཆེད་དུ། ངས་མཆོད་པ་འབུལ་བར་བྱའོ་སྨྲས་ཀྱང་། ལྷ་དེ་རྣམས་ཀྱིས་ཁོ་དང་ཡེས་ར་ཨེལ་ཐམས་ཅད་ཕམ་པར་བཅུག  
\v 24 ཡང་ཨ་ཧ་ཟཱས་དཀོན་མཆོག་གི་མཆོད་ཁང་གི་ཡོ་བྱད་རྣམས་བསྡུས་ནས། དཀོན་མཆོག་གི་མཆོད་ཁང་ནང་གི་སྣོད་ཆས་ཐམས་ཅད་དུམ་བུར་བཅག་ཅིང་། དཀོན་མཆོག་ཡ་ཝཱེའི་མཆོད་ཁང་གི་སྒོ་རྣམས་བརྒྱབ་ནས། ཡེ་རུ་སཱ་ལེམ་གྱི་གྲུ་ཟུར་རེ་རེར་མཆོད་ཁྲི་བརྩིགས།  
\v 25 ཡང་ཡ་ཧུ་དཱའི་གྲོང་ཁྱེར་རེ་རེའི་ནང་དུ་མཐོ་གླིང་རྣམས་བརྩིགས་ནས་ལྷ་གཞན་རྣམས་ལ་བསང་བཏང་སྟེ། དཀོན་མཆོག་ཡ་ཝཱེ་སྟེ་རང་གི་ཕ་མེས་ཀྱི་དཀོན་མཆོག་ཐུགས་ཁྲོ་རུ་བཅུག་པ་རེད།  
\v 26 ཨ་ཧ་ཟཱའི་བྱས་རྗེས་གཞན་རྣམས་དང་། སྤྱོད་པ་ཐམས་ཅད་འགོ་ནས་མཇུག་བར་དུ་ཡ་ཧུ་དཱ་དང་ཡེས་ར་ཨེལ་གྱི་རྒྱལ་པོ་རྣམས་ཀྱི་གླེགས་བམ་ནང་དུ་བཀོད་ཡོད།  
\v 27 ཨ་ཧ་ཟཱ་རང་གི་ཕ་མེས་ཀྱི་ཁྲོད་དུ་གཉིད་ནས། ཡེ་རུ་སཱ་ལེམ་རྒྱལ་ས་རུ་དུར་ལ་སྦས་མོད། འོན་ཀྱང་ཡེས་ར་ཨེལ་གྱི་རྒྱལ་པོ་རྣམས་ཀྱི་དུར་ཁྲོད་དུ་མ་བཞག དེའི་སྲས་ཧི་ཟི་ཀི་ཡཱ་ཁོའི་ཚབ་ཏུ་རྒྱལ་པོར་གྱུར་ཏོ། །   
\c 29
\cl ལེའུ་ཉེར་དགུ་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཡ་ཧུ་དཱའི་རྒྱལ་པོ་ཧི་ཟི་ཀི་ཡཱ།  
\p
\v 1 ཧི་ཟི་ཀི་ཡཱས་རྒྱལ་སྲིད་འཛིན་དུས་ཁོང་དགུང་ལོ་ཉེར་ལྔ་ཡིན་པ་དང་། ལོ་ཉེར་དགུའི་རིང་ལ་ཡེ་རུ་སཱ་ལེམ་དུ་རྒྱལ་སྲིད་བསྐྱངས། ཟཱ་ཀར་ཡའི་བུ་མོ་ཨ་བི་བྱ་བ་ནི་ཁོང་གི་ཡུམ་མོ། །  
\v 2 ཧི་ཟི་ཀི་ཡཱས་རང་གི་ཡབ་མེས་དཱ་བིད་ཀྱི་མཛད་པ་ཐམས་ཅད་བཞིན་དུ། དཀོན་མཆོག་ཡ་ཝཱེའི་སྤྱན་སྔར་ལེགས་པོ་གང་ཡིན་དེ་སྤྱད།   
\s1 དཀོན་མཆོག་གི་མཆོད་ཁང་དམ་པར་བྱས་པ།  
\p
\v 3 ཁོང་གིས་རྒྱལ་སྲིད་སྐྱོང་བའི་ལོ་དང་པོའི་ཟླ་དང་པོར། དཀོན་མཆོག་ཡ་ཝཱེའི་མཆོད་ཁང་གི་སྒོ་རྣམས་ཕྱེས་ནས་དེ་རྣམས་ཞིག་གསོ་མཛད།  
\v 4 ཡང་ཁོང་གིས་མཆོད་དཔོན་དང་ལེ་ཝི་པ་རྣམས་བོས་ཏེ་ཤར་ཕྱོགས་ཀྱི་ཐང་ཆེན་ལ་བསྡུས་ནས་དེ་དག་ལ་ན་རེ།  
\v 5 ཀྱེ་ལེ་ཝི་པ་རྣམས་བདག་ལ་ཉོན་དང་། ཁྱོད་ཅག་གིས་རང་ཉིད་དམ་པར་བྱོས་དང་། ཡང་རང་གི་ཕ་མེས་ཀྱི་དཀོན་མཆོག་ཡ་ཝཱེའི་མཆོད་ཁང་ཡང་དམ་པར་བྱོས་ལ། དམ་པའི་གནས་ལས་རྫས་མི་གཙང་བ་དེ་ཕྱུང་ཞིག  
\v 6 རང་ཅག་གི་ཕ་མེས་རྣམས་ཀྱིས་སྡིག་པའི་ལས་བྱས་ཏེ། རང་ཅག་གི་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་སྤྱད་དེ་ཁོང་ཉིད་སྤངས་པ་དང་། དཀོན་མཆོག་ཡ་ཝཱེའི་བཞུགས་གནས་ལ་ཁ་ཡ་མི་བྱེད་པར་ཁོང་ལ་རྒྱབ་བསྟན་པ་ཡིན་ཏེ།  
\v 7 ཡང་དེ་དག་གིས་མཆོད་ཁང་བར་ཁྱམས་ཀྱི་སྒོ་རྣམས་བརྒྱབ་སྟེ། སྒྲོན་མེ་རྣམས་གཟིམས། ཡེས་ར་ཨེལ་གྱི་དཀོན་མཆོག་ལ་གནས་དམ་པའི་ནང་དུ་སྤོས་ཀྱང་མ་བདུག་ལ། སྦྱིན་སྲེག་གི་མཆོད་པ་ཡང་མ་ཕུལ་བས།  
\v 8 ཡ་ཧུ་དཱ་དང་ཡེ་རུ་སཱ་ལེམ་གྱི་སྟེང་དུ་དཀོན་མཆོག་ཡ་ཝཱེའི་ཐུགས་ཁྲོ་བབས་ཏེ། ཁྱོད་ཚོའི་མིག་གིས་མཐོང་བ་བཞིན་དུ། ཁོང་གིས་དེ་རྣམས་འཇིགས་སུ་རུང་བ་དང་ཡ་ང་བ། དགོད་བྲོ་བ་བཅས་ཀྱི་གནས་སུ་བསྐྱུར།  
\v 9 ལྟོས་ཤིག དེའི་རྐྱེན་གྱིས་རང་ཅག་གི་ཕ་མེས་རྣམས་རལ་གྲིས་བརྡབས་ཤིང་། བུ་དང་བུ་མོ་དང་ཆུང་མ་རྣམས་བཙོན་མ་རུ་གྱུར།  
\v 10 ད་ལྟ་ཡེས་ར་ཨེལ་གྱི་དཀོན་མཆོག་ཡ་ཝཱེའི་ཐུགས་ཁྲོ་དྲག་པོ་དེ་རང་ཅག་དང་འབྲལ་བའི་ཆེད་དུ། བདག་གི་སེམས་སུ་ཁོང་དང་ཁ་ཆད་འཇོག་པའི་འདུན་པ་ཡོད་དེ།  
\v 11 བདག་གི་བུ་རྣམས། དཀོན་མཆོག་ཡ་ཝཱེས་ཁྱོད་ཅག་ནི་ཁོང་གི་དྲུང་དུ་ལངས་ནས་ཁོང་ལ་ཞབས་ཕྱི་བསྒྲུབ་པ་དང་། ཁོང་གི་ཞབས་ཕྱི་བྱས་ནས་ཁོང་ལ་སྤོས་བདུག་པའི་ཕྱིར་བདམས་པས། ད་ནི་བག་གཡེང་མ་བྱེད་ཅིག་ཅེས་བསྐུལ་བ་ན།  
\v 12 ལེ་ཝི་པ་རྣམས་ཡར་ལངས་ཏེ། དེའི་ཁྲོད་དུ་ཀོ་ཧད་ཀྱི་བུ་རྒྱུད་ལས། ཨ་མ་སཱ་ཨིའི་བུ་མ་ཧད་དང་། ཨ་ཟར་ཡཱའི་བུ་ཡོ་ཨེལ། ཡང་མཱ་རཱ་རེའེ་ཡི་བུ་རྒྱུད་ལས། ཨབ་དིའི་བུ་ཁི་སི་དང་། ཡེ་ཧལ་ལེ་ཨེལ་གྱི་བུ་ཨ་ཟར་ཡཱ་དང་། གེར་ཤོན་པ་ལས། ཟིམ་མཱའི་བུ་ཡོ་ཨག་དང་། ཡོ་ཨག་གི་བུ་ཨེ་དེན་དང་།  
\v 13 ཨེ་ལི་ཙ་ཕན་གྱི་བུ་རྒྱུད་ལས། ཤིམ་རི་དང་ཡེ་ཨི་ཡེལ། ཨ་སབ་ཀྱི་བུ་རྒྱུད་ལས། ཟཱ་ཀར་ཡ་དང་། མད་ཐན་ཡཱ་དང་།  
\v 14 ཧེ་མཱན་གྱི་བུ་རྒྱུད་ལས། ཡེ་ཧི་ཨེལ་དང་། ཤིམ་ཨི་དང་། ཡེ་དུ་ཐུན་གྱི་བུ་རྒྱུད་ལས། ཤེ་མ་ཡཱ་དང་ཨུ་ཟི་ཨེལ་བཅས་སོ། །  
\v 15 དེ་དག་གིས་རང་གི་སྤུན་རྣམས་བསྡུས་ནས་རང་ཉིད་དམ་པར་བྱས་ཤིང་། དཀོན་མཆོག་ཡ་ཝཱེའི་བཀའ་དང་རྒྱལ་པོའི་གསུང་བཞིན་དུ། དཀོན་མཆོག་ཡ་ཝཱེའི་མཆོད་ཁང་ལ་བྱི་དོར་བྱེད་དུ་ཆས་ཏེ།  
\v 16 མཆོད་དཔོན་དག་དཀོན་མཆོག་ཡ་ཝཱེའི་མཆོད་ཁང་ནང་དུ་བྱི་དོར་བྱེད་དུ་ཞུགས་ནས། དཀོན་མཆོག་ཡ་ཝཱེའི་མཆོད་ཁང་ནང་དུ་ཡོད་པའི་རྫས་མི་གཙང་བ་ཐམས་ཅད་དཀོན་མཆོག་ཡ་ཝཱེའི་མཆོད་ཁང་གི་ར་སྐོར་ནང་དུ་བཏོན་པ་དང་། ལེ་ཝི་པ་རྣམས་ཀྱིས་དེ་བླངས་ནས་ཕྱི་རོལ་ཏུ་ཀིད་རོན་གྲོག་མོ་ལ་བསྐྱལ་བ་ཡིན།  
\v 17 དེ་ལྟར་དེ་དག་གིས་ཟླ་དང་པོའི་ཚེས་གཅིག་གི་ཉིན་ནས་བཟུང་དམ་པར་བྱེད་པའི་འགོ་བརྩམས་ནས། ཟླ་དེའི་ཉིན་བརྒྱད་པར་དཀོན་མཆོག་ཡ་ཝཱེའི་མཆོད་ཁང་གི་ཁྱམས་རར་སླེབས། ཉིན་བརྒྱད་ཀྱི་རིང་ལ་དཀོན་མཆོག་ཡ་ཝཱེའི་མཆོད་ཁང་དམ་པར་བྱས་ནས། ཟླ་དང་པོའི་ཚེས་བཅུ་དྲུག་ཉིན་ལས་ཀ་ཡོངས་སུ་གྲུབ།  
\v 18 དེ་ནས་ཁོ་རྣམས་རྒྱལ་པོ་ཧི་ཟི་ཀི་ཡཱའི་དྲུང་དུ་ཕྱིན་ཏེ་ན་རེ། ངེད་ཅག་གིས་དཀོན་མཆོག་ཡ་ཝཱེའི་མཆོད་ཁང་ཧྲིལ་པོ་དང་། སྦྱིན་སྲེག་གི་མཆོད་ཁྲི་དང་། དེའི་ཡོ་བྱད་ཚང་མ་དང་། སྤྱན་བསྟར་བག་ལེབ་བཤམ་སའི་སྒྲོག་ཙེ་དང་། དེའི་ཡོ་བྱད་ཚང་མ་གཙང་མར་བྱས་པ་ཡིན།  
\v 19 གཞན་ཡང་རྒྱལ་པོ་ཨ་ཧ་ཟཱས་སྲིད་བསྐྱངས་ནས། དཀོན་མཆོག་ལ་ཉེས་པ་བསགས་པའི་དུས་སུ་གཡུགས་ནས་བཞག་པའི་སྣོད་ཆས་ཐམས་ཅད་ཀྱང་བདག་ཅག་གིས་བཤམས་ནས་དམ་པར་བྱས་ཏེ། གཟིགས་ཤིག ད་ལྟ་དེ་རྣམས་དཀོན་མཆོག་ཡ་ཝཱེའི་མཆོད་ཁྲིའི་དྲུང་དུ་ཡོད་ཅེས་ཞུས་པའོ། །   
\s1 ཡང་བསྐྱར་གནས་དམ་པར་ཞབས་ཕྱི་བསྒྲུབས་པ།  
\p
\v 20 རྒྱལ་པོ་ཧི་ཟི་ཀི་ཡཱ་སྔ་མོར་ཡར་ལངས་ཏེ། རྒྱལ་སའི་འགོ་དཔོན་རྣམས་བསྡུས་ནས་ཡར་དཀོན་མཆོག་ཡ་ཝཱེའི་མཆོད་ཁང་དུ་སོང་སྟེ།  
\v 21 རྒྱལ་ཁམས་དང་གནས་དམ་པ་དང་ཡ་ཧུ་དཱ་པ་བཅས་ཀྱི་སྡིག་བཤགས་མཆོད་པའི་ཕྱིར་བ་གླང་བདུན་དང་། ལུག་ཐུག་བདུན། ལུ་གུ་བདུན། ར་ཐུག་བདུན་བཅས་ཁྲིད་འོངས་ནས། རྒྱལ་པོས་ཨ་རོན་བུ་རྒྱུད་ཀྱི་མཆོད་དཔོན་རྣམས་ལ་དེ་དག་དཀོན་མཆོག་ཡ་ཝཱེའི་མཆོད་ཁྲིའི་ཁར་འབུལ་བའི་བཀའ་གནང་བ་རེད།  
\v 22 དེ་དག་གིས་བ་གླང་དེ་རྣམས་བཤས་ནས། མཆོད་དཔོན་གྱིས་ཁྲག་ཚུར་བླངས་ཏེ་མཆོད་ཁྲིའི་ཁར་གཏོར། དེ་བཞིན་དུ་ལུག་ཐུག་རྣམས་བཤས་ཏེ་ཁྲག་ནི་མཆོད་ཁྲིའི་ཁར་གཏོར། ཡང་ལུ་གུ་རྣམས་ཀྱང་བཤས་ཏེ་ཁྲག་མཆོད་ཁྲི་ལ་གཏོར།  
\v 23 ཡང་སྡིག་བཤགས་མཆོད་པར་འབུལ་བའི་ར་ཐུག་རྣམས་རྒྱལ་པོ་དང་མི་ཚོགས་ཀྱི་མདུན་དུ་ཁྲིད་དེ། ཚང་མས་དེ་རྣམས་ཀྱི་ཐོག་ལ་ལག་པ་བཞག  
\v 24 དེ་ནས་མཆོད་དཔོན་རྣམས་ཀྱིས་ར་ཐུག་རྣམས་བཤས་ཏེ། ཡེས་ར་ཨེལ་པ་ཐམས་ཅད་ཀྱི་སྡིག་པ་བསལ་ཆེད་ར་ཐུག་གི་ཁྲག་མཆོད་ཁྲི་ལ་གཏོར། ཅིའི་ཕྱིར་ཞེ་ན། རྒྱལ་པོས་ཡེས་ར་ཨེལ་པ་ཐམས་ཅད་ཀྱི་དོན་དུ་སྦྱིན་སྲེག་དང་སྡིག་བཤགས་མཆོད་པ་འབུལ་དགོས་པའི་བཀའ་བསྒོས་ཡོད་དོ། །  
\v 25 ཡང་དཱ་བིད་དང་རྒྱལ་པོའི་མངོན་ཤེས་པ་གཱ་རྡུ་དང་ལུང་སྟོན་པ་ནཱ་ཐན་བཅས་ཀྱིས་བསྒོས་པ་བཞིན་དུ། རྒྱལ་པོས་ལེ་ཝི་པ་རྣམས་དཀོན་མཆོག་ཡ་ཝཱེའི་མཆོད་ཁང་ནང་དུ་སྦུག་ཆལ་དང་། རྒྱུད་མངས་དང་། པི་ཝང་བཅས་ལག་ཏུ་ཐོགས་ནས་ལངས་སུ་བཅུག་གོ །ཅི་ལ་ཞེ་ན། དཀོན་མཆོག་ཡ་ཝཱེས་ལུང་སྟོན་པ་རྣམས་བརྒྱུད་ནས་དེ་བཞིན་བྱེད་དུ་བཀའ་བསྩལ་བ་ཡིན།  
\v 26 དེ་ནས་ལེ་ཝི་པ་རྣམས་ཀྱིས་དཱ་བིད་ཀྱི་རོལ་ཆས་དང་། མཆོད་དཔོན་རྣམས་ཀྱིས་དུང་བཟུང་ནས་ལངས་བསྡད་པ་དང་།  
\v 27 ཧི་ཟི་ཀི་ཡཱས་མཆོད་ཁྲིའི་ཁར་སྦྱིན་སྲེག་འབུལ་བའི་བཀའ་བསྩལ་ཞིང་སྦྱིན་སྲེག་འབུལ་བར་བརྩམས་པ་དང་། དུང་དང་ཡེས་ར་ཨེལ་གྱི་རྒྱལ་པོ་དཱ་བིད་ཀྱི་རོལ་ཆས་དང་བཅས་སུ་དཀོན་མཆོག་ཡ་ཝཱེ་ལ་བསྟོད་དབྱངས་ཕུལ་ཏོ། །  
\v 28 མི་ཚོགས་ཡོངས་ཀྱིས་ཀྱང་ཕྱག་བཙལ་ཏེ། སྦྱིན་སྲེག་ཕུལ་ཚར་བའི་བར་དུ་མགུར་ལེན་མཁན་དག་གིས་བསྟོད་དབྱངས་བླངས། དུང་འབུད་མཁན་དག་གིས་དུང་བུས།  
\v 29 མཆོད་པ་ཕུལ་ནས་རྫོགས་པ་ན། རྒྱལ་པོ་དང་ཁོང་དང་མཉམ་དུ་ཡོད་པ་ཐམས་ཅད་ཀྱིས་ཕྱག་བཙལ།  
\v 30 དེ་ནས་རྒྱལ་པོ་ཧི་ཟི་ཀི་ཡཱ་དང་འགོ་དཔོན་རྣམས་ཀྱིས་ལེ་ཝི་པ་རྣམས་ལ། དཱ་བིད་དང་མངོན་ཤེས་པ་ཨ་སབ་ཀྱི་མགུར་མ་བླངས་ནས་དཀོན་མཆོག་ཡ་ཝཱེ་ལ་བསྟོད་པ་འབུལ་བར་བསྒོས་པ་དང་། དེ་དག་གིས་དགའ་དགའ་སྤྲོ་སྤྲོའི་ངང་བསྟོད་བསྔགས་བརྗོད་ནས་ཕྱག་བཙལ་ཏོ། །  
\v 31 ཡང་ཧི་ཟི་ཀི་ཡཱས་འདི་ལྟར། ཁྱོད་རྣམས་ཀྱིས་རང་ཉིད་དཀོན་མཆོག་ཡ་ཝཱེའི་ཕྱིར་དུ་དམ་པར་བྱས་པ་ཡིན་པས། ཉེ་བར་ཤོག་དང་། མཆོད་པ་དང་གཏང་རག་གི་མཆོད་པ་རྣམས་དཀོན་མཆོག་ཡ་ཝཱེའི་མཆོད་ཁང་ནང་དུ་ཁྱེར་ཤོག་ཅེས་བསྒོས་པ་ལ། མི་ཚོགས་ཀྱིས་མཆོད་པ་དང་གཏང་རག་གི་མཆོད་པ་ཁྱེར་འོངས་པ་དང་། སེམས་མོས་པ་ཐམས་ཅད་ཀྱིས་སྦྱིན་སྲེག་གི་མཆོད་པ་ཕུལ་ཏོ། །  
\v 32 མི་ཚོགས་ཀྱིས་ཕུལ་བའི་སྦྱིན་སྲེག་གི་མཆོད་པའི་གྲངས་ནི་འདི་ལྟར་ཏེ། བ་གླང་བདུན་ཅུ་དང་ལུག་ཐུག་བརྒྱ་དང་། ལུ་གུ་ཉིས་བརྒྱ་བཅས་ཡིན་ལ། དེ་ཐམས་ཅད་དཀོན་མཆོག་ཡ་ཝཱེ་ལ་སྦྱིན་སྲེག་ཏུ་ཕུལ་བའོ། །  
\v 33 ཡང་བ་གླང་དྲུག་བརྒྱ་དང་ར་ལུག་སུམ་སྟོང་ཡང་དམ་པར་བྱས་སོ། །  
\v 34 ཡིན་ཡང་མཆོད་དཔོན་ཤིན་ཏུ་ཉུང་བས་མཆོད་བྱ་ཐམས་ཅད་ཀྱི་པགས་པ་བཤུ་མ་ནུས་པ་དང་། དེ་དག་གི་སྤུན་ལེ་ཝི་པ་རྣམས་ཀྱིས་ལས་ཀ་འགྲུབ་པའི་བར་དུ་རོགས་བྱས། དེའི་བར་དུ་མཆོད་དཔོན་གཞན་རྣམས་ཀྱིས་རང་ཉིད་དམ་པར་བྱས། གང་ལ་ཞེ་ན། དམ་པར་བྱེད་དུ་མཆོད་དཔོན་ལས་ལེ་ཝི་པའི་སེམས་དྲང་པོ་ཡིན་ནོ། །  
\v 35 དེར་སྦྱིན་སྲེག་གི་མཆོད་པ་དང་། ཞི་བདེའི་མཆོད་པའི་ཚིལ་དང་། སྦྱིན་སྲེག་དང་མཉམ་དུ་ཕུལ་བའི་སྐྱེམས་མཆོད་ཀྱང་རབ་ཏུ་མང་པོ་ཡོད་དེ། དེ་ལྟར་དཀོན་མཆོག་ཡ་ཝཱེའི་མཆོད་ཁང་གི་ཞབས་ཏོག་གི་གྲལ་ཡང་བསྐྱར་ལེགས་པར་བསྒྲིགས།  
\v 36 ཡང་དཀོན་མཆོག་གིས་མི་རྣམས་ཀྱི་དོན་དུ་གྲ་སྒྲིག་མཛད་ནས་བྱ་བ་དེ་མྱུར་དུ་གྲུབ་པས། ཧི་ཟི་ཀི་ཡཱ་དང་མི་ཚོགས་ཐམས་ཅད་དགའ་བར་གྱུར་ཏོ། །   
\c 30
\cl ལེའུ་སུམ་ཅུ་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 པེ་སག་དུས་ཆེན་བསྲུང་བར་སྟ་གོན་བྱས་པ།  
\p
\v 1 དེ་ནས་ཧི་ཟི་ཀི་ཡཱ་ཡིས་ཡེས་ར་ཨེལ་དང་ཡ་ཧུ་དཱའི་ཡུལ་ཀུན་ཏུ་མི་མངགས་ཤིང་། ཨེ་ཕཱར་ཡིམ་དང་མཱ་ན་ཤེ་པ་དག་ལ་འཕྲིན་ཡིག་སྤྲིངས་ཏེ། དེ་རྣམས་ཡེ་རུ་སཱ་ལེམ་གྱི་དཀོན་མཆོག་ཡ་ཝཱེའི་མཆོད་ཁང་དུ་ཡེས་ར་ཨེལ་གྱི་དཀོན་མཆོག་ཡ་ཝཱེའི་ཕྱིར་དུ་པེ་སག་དུས་ཆེན་བསྲུང་དུ་འོང་དགོས་པའི་བཀའ་བསྒོས་པ་རེད།  
\v 2 དེའི་རྒྱུ་མཚན་ནི། རྒྱལ་པོ་དང་འགོ་དཔོན་རྣམས་དང་། ཡེ་རུ་སཱ་ལེམ་གྱི་མི་ཚོགས་ཡོངས་ཀྱིས་ཟླ་གཉིས་པར་པེ་སག་དུས་ཆེན་བསྲུང་བར་གྲོས་བྱས་སོ། །  
\v 3 ཡིན་ཡང་སྐབས་དེར་ཁོ་ཚོས་པེ་སག་དུས་ཆེན་སྲུང་མ་ཐུབ་སྟེ། རྒྱུ་མཚན་རང་ཉིད་དམ་པར་བཟོས་པའི་མཆོད་དཔོན་མི་འདང་བར་མ་ཟད། མི་རྣམས་ཀྱང་ཡེ་རུ་སཱ་ལེམ་དུ་མ་འཛོམས་པས་སོ། །  
\v 4 རྒྱལ་པོ་དང་མི་ཚོགས་ཡོངས་ཀྱིས་འཆར་གཞི་དེ་ཤིན་ཏུ་ལེགས་པར་འདོད་དེ།  
\v 5 ཁོ་ཚོས་ཡེས་ར་ཨེལ་གྱི་དཀོན་མཆོག་ཡ་ཝཱེའི་ཕྱིར་པེ་སག་གི་དུས་ཆེན་བསྲུང་བར་ཡེ་རུ་སཱ་ལེམ་དུ་འོང་བ་ལ། པེར་ཤ་བཱ་ནས་དཱན་གྱི་བར་དུ་ཡེས་ར་ཨེལ་ཡོངས་ལ་འཕྲིན་བསྐུར་ནས་བཀའ་བབས་པ་རེད། གང་ལ་ཞེ་ན། དེ་དག་གིས་གསུང་རབ་ནང་བཀོད་པ་བཞིན་དུ་པེ་སག་དུས་ཆེན་སྲུང་མཁན་ཉུང་བས་སོ། །  
\v 6 ཡང་བང་ཆེན་རྣམས་ཀྱིས་རྒྱལ་པོ་དང་འགོ་དཔོན་རྣམས་ཀྱི་འཕྲིན་ཡིག་ཁྱེར་ནས། རྒྱལ་པོའི་བཀའ་བཞིན་དུ་ཡེས་ར་ཨེལ་དང་ཡ་ཧུ་དཱའི་ཡུལ་ཀུན་ཏུ་ཕྱིན་པ་དང་། འཕྲིན་ཡིག་ནང་དུ་འདི་ལྟར། ཀྱེ་ཡེས་ར་ཨེལ་པ་རྣམས། ཁྱོད་ཅག་ཨབ་ར་ཧམ་དང་། ཨི་སཱག་དང་། ཡེས་ར་ཨེལ་གྱི་དཀོན་མཆོག་ཡ་ཝཱེའི་ཕྱོགས་སུ་ཕྱིར་འཁོར་ཅིག དེ་ནས་ཡ་ཝཱེ་ཁོང་ཉིད་ཨ་སུར་རྒྱལ་པོ་རྣམས་ཀྱི་ལག་ནས་ཐར་བའི་ལྷག་ལུས་རྣམས་ཀྱི་ཕྱོགས་སུ་ཕྱིར་འབྱོན་པར་འགྱུར།  
\v 7 རང་གི་ཕ་མེས་དང་སྤུན་རྣམས་བཞིན་དུ་མ་བྱེད་ཅིག ཁོ་ཚོ་རང་གི་ཕ་མེས་རྣམས་ཀྱི་དཀོན་མཆོག་ཡ་ཝཱེའི་བཀའ་ལ་འགལ་བ་དང་། ཁྱོད་ཚོས་མཐོང་བ་ལྟར། དེའི་རྐྱེན་གྱིས་ཡ་ཝཱེས་དེ་དག་འཇིགས་སུ་རུང་བའི་གནས་སུ་བྱས་སོ། །  
\v 8 དེ་བས་ན་ཁྱོད་ཅག་གིས་རང་གི་ཕ་མེས་ལྟར་གཉའ་རེངས་མི་བྱེད་པར། དཀོན་མཆོག་ཡ་ཝཱེ་ལ་བསྟུན་ནས་ཁོང་གིས་དུས་གཏན་དུ་དམ་པར་མཛད་པའི་གནས་དམ་པ་རུ་ཤོག་ཅིག ཁོང་གི་ཐུགས་ཁྲོ་ཆེན་པོ་ཁྱོད་རྣམས་དང་འབྲལ་བའི་ཕྱིར་དུ། དཀོན་མཆོག་ཡ་ཝཱེ་ལ་ཞབས་ཕྱི་སྒྲུབས་ཤིག  
\v 9 གལ་ཏེ་ཁྱོད་ཅག་དཀོན་མཆོག་ཡ་ཝཱེའི་ཕྱོགས་སུ་འཁོར་ན། ཁྱོད་ཅག་གི་སྤུན་དང་བུ་བུ་མོ་རྣམས་བྲན་ཏུ་བཀོལ་མཁན་རྣམས་ཀྱི་མདུན་དུ་སྙིང་རྗེ་གནང་ཞིང་། ཡུལ་འདིར་ལོག་སྟེ་སླེབ་པར་འགྱུར། ཁྱོད་ཅག་གི་དཀོན་མཆོག་ཡ་ཝཱེ་ནི་ཐུགས་རྗེ་ཅན་དང་སྙིང་རྗེ་ཆེན་པོ་མངའ་བ་ཡིན་པས། གལ་ཏེ་ཁྱོད་ཅག་ཁོང་གི་ཕྱོགས་སུ་ལོག་འོངས་ན། ཁོང་གིས་ཀྱང་ཁྱོད་ཅག་སྣང་མེད་དུ་བསྐྱུར་མི་སྲིད་ཅེས་བྲིས་ཡོད་དོ། །  
\v 10 བང་ཆེན་རྣམས་ཨེ་ཕཱར་ཡིམ་དང་མཱ་ན་ཤེ་ཡུལ་ནས་ཟེ་བུ་ལུན་གྱི་བར་དུ་གྲོང་ཁྱེར་ནས་གྲོང་ཁྱེར་དུ་འཁོར་ནའང་། ཡུལ་དེའི་མི་རྣམས་ཀྱིས་ཁོ་ཚོ་ཁྱད་དུ་བསད་ནས་འཕྱས་སོ། །  
\v 11 ཡིན་ཡང་ཨ་ཤེར་དང་མཱ་ན་ཤེ་དང་ཟེ་བུ་ལུན་བཅས་ནས་ལ་ལས་ཁེངས་སྐྱུང་བྱས་ཏེ་ཡེ་རུ་སཱ་ལེམ་དུ་འོངས་སོ། །  
\v 12 དེ་དག་གིས་སེམས་གཏིང་ནས་རྒྱལ་པོ་དང་འགོ་དཔོན་རྣམས་ཀྱིས་དཀོན་མཆོག་ཡ་ཝཱེའི་བཀའ་བཞིན་བསྒོས་པ་ནང་ལྟར་བྱེད་པའི་ཕྱིར། དཀོན་མཆོག་གིས་ཡ་ཧུ་དཱའི་སྟེང་དུ་ཕྱག་བཞག་པ་ཡིན།   
\s1 པེ་སག་གི་དུས་ཆེན་བསྲུངས་པ།  
\p
\v 13 དེ་ནས་ཟླ་གཉིས་པར་སྐྱུར་མེད་བག་ལེབ་ཀྱི་དུས་ཆེན་བསྲུང་ཕྱིར། ཡེ་རུ་སཱ་ལེམ་དུ་འཛོམས་པའི་མི་ཚོགས་ནི་ཤིན་ཏུ་མང་པོར་གྱུར།  
\v 14 ཡང་དེ་རྣམས་ཡར་ལངས་ཏེ། ཡེ་རུ་སཱ་ལེམ་དུ་ཡོད་པའི་མཆོད་ཁྲི་དང་བསང་ཁྲི་ཐམས་ཅད་བཤིགས་ཏེ་ཀིད་རོན་གྲོག་མོ་ལ་གཡུགས།  
\v 15 ཟླ་གཉིས་པའི་ཚེས་བཅུ་བཞི་ཉིན་དེ་རྣམས་ཀྱིས་པེ་སག་དུས་ཆེན་གྱི་ཆེད་དུ་ལུ་གུ་བཤས་པ་དང་། མཆོད་དཔོན་དང་ལེ་ཝི་པ་རྣམས་ངོ་ཚ་ཞིང་རང་ཉིད་དམ་པར་བྱས་ཏེ། དཀོན་མཆོག་ཡ་ཝཱེའི་མཆོད་ཁང་དུ་སྦྱིན་སྲེག་གི་མཆོད་པ་ཕུལ་བ་རེད།  
\v 16 ཁོ་ཚོས་དཀོན་མཆོག་གི་སྐྱེས་བུ་མོ་ཤེའི་བཀའ་ཁྲིམས་བཞིན་དུ། རྒྱུན་སྲོལ་ལྟར་རང་རང་གི་གནས་སུ་ལངས་ཏེ། མཆོད་དཔོན་རྣམས་ཀྱིས་ལེ་ཝི་པའི་ལག་ནས་ཁྲག་བླངས་ཏེ་མཆོད་ཁྲིའི་ཁར་གཏོར་ཏོ། །  
\v 17 ཅིའི་ཕྱིར་ཞེ་ན། མི་ཚོགས་ཀྱི་ཁྲོད་དུ་དམ་པར་མ་བྱས་པ་མང་པོ་ཡོད་པས། དཀོན་མཆོག་ཡ་ཝཱེའི་ཕྱིར་དམ་པར་མ་བྱས་པ་ཐམས་ཅད་ཀྱི་ཚབ་ཏུ་ལེ་ཝི་པ་རྣམས་ཀྱིས་པེ་སག་དུས་ཆེན་གྱི་ལུ་གུ་བཤས་པ་རེད།  
\v 18 གང་ལ་ཞེ་ན། ཨེ་ཕཱར་ཡིམ་དང་མཱ་ན་ཤེ་དང་། ཡེས་སི་ཀཱར་དང་། ཟེ་བུ་ལུན་བཅས་ནས་འོངས་པའི་མི་མང་པོ་ཞིག་གིས་རང་ཉིད་གཙང་མར་མ་བྱས་པར་པེ་སག་གི་ལུ་གུ་ཟོས་པ་དང་། བྱ་སྤྱོད་དེ་ནི་བྲིས་པའི་བཀའ་དང་མ་མཐུན་པར། ཧི་ཟི་ཀི་ཡཱས་དེ་དག་གི་དོན་དུ་གསོལ་བ་བཏབ་པ་སྟེ། ཀྱེ་དཀོན་མཆོག་ཡ་ཝཱེ་བཟང་པོ་ལགས་ཀྱིས་གུ་ཡངས་གཏོང་རོགས།  
\v 19 བློ་གཅིག་སེམས་གཅིག་གིས་ཕ་མེས་རྣམས་ཀྱི་དཀོན་མཆོག་ཡ་ཝཱེ་འཚོལ་མཁན་ཐམས་ཅད་ནི། གནས་དམ་པའི་གཙང་སྦྲ་བཞིན་དུ་གཙང་མར་གྱུར་མེད་ནའང་དཀོན་མཆོག་ཡ་ཝཱེ་ཁྱེད་ཀྱིས་གུ་ཡངས་གནང་བར་མཛོད་ཅེས་ཞུས་པ་ལ།  
\v 20 དཀོན་མཆོག་ཡ་ཝཱེས་ཧི་ཟི་ཀི་ཡཱ་ལ་གསན་ནས་མི་རྣམས་ལ་གུ་ཡངས་གནང་བའོ། །  
\v 21 ཡང་ཡེ་རུ་སཱ་ལེམ་དུ་འཛོམས་པའི་ཡེས་ར་ཨེལ་པ་རྣམས་རབ་ཏུ་དགའ་ཞིང་ཉིན་བདུན་ལ་སྐྱུར་མེད་བག་ལེབ་ཀྱི་དུས་ཆེན་བཏང་སྟེ། ལེ་ཝི་པ་དང་མཆོད་དཔོན་རྣམས་ཀྱིས་ཉིན་རེར་སྐད་གདངས་ཆེན་པོའི་རོལ་མོ་ཡིས་དཀོན་མཆོག་ཡ་ཝཱེ་ལ་བསྟོད་བསྔགས་ཕུལ།  
\v 22 ཡང་དཀོན་མཆོག་ཡ་ཝཱེ་ལ་ཞབས་ཕྱི་སྒྲུབ་པར་བྱང་བའི་ལེ་ཝི་པ་རྣམས་ལ་ཧི་ཟི་ཀི་ཡཱས་སེམས་ཤུགས་བསྐྱེད་པའི་གཏམ་སྨྲས་ཏེ། མི་རྣམས་ཀྱིས་ཉིན་བདུན་ལ་སྟོན་མོར་རོལ་ཞིང་། ཞི་བདེའི་མཆོད་པ་ཕུལ་བ་དང་། རང་གི་ཕ་མེས་ཀྱི་དཀོན་མཆོག་ཡ་ཝཱེ་ལ་བསྟོད་བསྔགས་བརྗོད་དོ། །   
\s1 ཡང་བསྐྱར་དུས་ཆེན་བསྲུངས་པ།  
\p
\v 23 དེ་ནས་མི་ཚོགས་ཡོངས་ཀྱིས་ཡང་ཉིན་བདུན་ལ་དུས་ཆེན་བསྲུང་བར་གྲོས་བྱས་ནས། ཡང་ཉིན་བདུན་ལ་དགའ་དགའ་སྤྲོ་སྤྲོའི་ངང་དུས་ཆེན་ལ་རོལ་བ་རེད།  
\v 24 ཡ་ཧུ་དཱའི་རྒྱལ་པོ་ཧི་ཟི་ཀི་ཡཱས་མི་ཚོགས་ལ་བ་གླང་ཆིག་སྟོང་དང་ལུག་བདུན་སྟོང་སྤྲད་པ་དང་། འགོ་དཔོན་རྣམས་ཀྱིས་ཀྱང་མི་ཚོགས་ལ་བ་གླང་ཆིག་སྟོང་དང་ལུག་ཆིག་ཁྲི་སྤྲད་པར་མ་ཟད། མཆོད་དཔོན་མང་པོ་ཞིག་གིས་རང་ཉིད་དམ་པར་བྱས་སོ། །  
\v 25 དེ་ནས་ཡ་ཧུ་དཱའི་མི་ཚོགས་ཀུན་དང་། མཆོད་དཔོན་དང་ལེ་ཝི་པ་རྣམས། ཡེས་ར་ཨེལ་ནས་འོངས་པའི་མི་ཚོགས་ཡོངས། ཡེས་ར་ཨེལ་ཡུལ་དུ་གཞིས་ཕབ་པའི་བྱེས་པ་རྣམས། ཡ་ཧུ་དཱ་རུ་གཞིས་ཕབ་པའི་བྱེས་པ་རྣམས་བཅས་ཐམས་ཅད་ཤིན་ཏུ་དགའ་བར་གྱུར་ཏོ། །  
\v 26 དེ་ལྟར་ཡེ་རུ་སཱ་ལེམ་དུ་བདེ་སྐྱིད་ཆེན་པོ་ཞིག་བྱུང་བ་དང་། ཡེས་ར་ཨེལ་གྱི་རྒྱལ་པོ་དཱ་བིད་ཀྱི་སྲས་སོ་ལོ་མོན་གྱི་དུས་ཚུན་ཆད་དུ་ཡེ་རུ་སཱ་ལེམ་ནས་དེ་འདྲ་བ་ཞིག་བྱུང་མ་མྱོང་ངོ་། །  
\v 27 སྐབས་དེར་ལེ་ཝི་ཚོ་པའི་མཆོད་དཔོན་རྣམས་ཡར་ལངས་ནས་མི་ཚོགས་ལ་བྱིན་རླབས་མཛད་ཅིང་། དེ་དག་གི་སྐད་ལ་གསན་པ་དང་དེ་དག་གི་གསོལ་འདེབས་ནི་ནམ་མཁའི་དཀོན་མཆོག་གི་བཞུགས་གནས་དམ་པ་རུ་སླེབས་སོ། །   
\c 31
\cl ལེའུ་སོ་གཅིག་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཧི་ཟི་ཀི་ཡཱའི་བཅོས་བསྒྱུར།  
\p
\v 1 དོན་དེ་ཐམས་ཅད་རྫོགས་པ་དང་། དེར་ཚོགས་པའི་ཡེས་ར་ཨེལ་པ་ཐམས་ཅད་ཡ་ཧུ་དཱའི་གྲོང་ཁྱེར་སོ་སོར་ཕྱིན་ཏེ། ལྷ་རྟེན་རྣམས་བཅག་ནས་ཨ་ཤེ་རཱ་རྣམས་བཅད་པ་དང་། ཡང་ཡ་ཧུ་དཱ་དང་པེན་ཡཱ་མེན་དང་། ཨེ་ཕཱར་ཡིམ་དང་། མཱ་ན་ཤེའི་བཅས་ཡུལ་ཀུན་ཏུ་ཡོད་པའི་མཐོ་གླིང་དང་། མཆོད་ཁྲི་ཐམས་ཅད་ཡོངས་སུ་བཤིགས། དེ་ནས་ཡེས་ར་ཨེལ་གྱི་མི་ཐམས་ཅད་རང་རང་གི་གྲོང་ཁྱེར་དང་རང་གནས་སུ་ལོག་སོང་།  
\v 2 ཡང་ཧི་ཟི་ཀི་ཡཱས་མཆོད་དཔོན་དང་ལེ་ཝི་པ་རྣམས་རང་རང་གི་ལས་རེས་བཞིན་དུ་ཞབས་ཏོག་བསྒྲུབ་པར་བསྐོས་ཏེ། མཆོད་དཔོན་དང་ལེ་ཝི་པ་རྣམས་ཀྱིས་རང་རང་གི་ལས་འགན་བཞིན་སྦྱིན་སྲེག་གི་མཆོད་པ་དང་། ཞི་བདེའི་མཆོད་པ་འབུལ་བ་དང་། ཞབས་ཏོག་བསྒྲུབ་པ་དང་། གཏང་རག་དང་བསྟོད་དབྱངས་འབུལ་བའི་ཕྱིར། དཀོན་མཆོག་ཡ་ཝཱེའི་བཞུགས་གནས་ཀྱི་སྒོ་སོ་སོར་བཞག་སྟེ།  
\v 3 ཡང་དཀོན་མཆོག་ཡ་ཝཱེའི་བཀའ་ཁྲིམས་ནང་བཀོད་པ་བཞིན་དུ། རྒྱལ་པོས་རང་གི་རྒྱུ་ནོར་ལས་ནངས་དགོང་གཉིས་ཀའི་སྦྱིན་སྲེག་གི་མཆོད་པ་དང་། ངལ་གསོ་བའི་ཉིན་མོ། ཚེས་གཅིག དུས་ཆེན་བཅས་ཀྱི་སྦྱིན་སྲེག་གི་ཕྱིར་འབུལ་བྱའི་སྐལ་གཏན་ལ་ཕབ་ཅིང་།  
\v 4 ཡང་རྒྱལ་པོས་ཡེ་རུ་སཱ་ལེམ་དུ་གནས་པའི་མི་ཀུན་ལ། མཆོད་དཔོན་དང་ལེ་ཝི་པ་རྣམས་ཀྱིས་བསམ་པ་རྩེ་གཅིག་གིས་དཀོན་མཆོག་ཡ་ཝཱེའི་བཀའ་ཁྲིམས་ལག་ལེན་དུ་འདེབས་པའི་ཕྱིར། དེ་དག་ལ་འཐོབ་འོས་པའི་སྐལ་དེ་སྟེར་བར་བསྒོས་སོ། །  
\v 5 བཀའ་དེ་བབས་མ་ཐག་ཏུ། ཡེས་ར་ཨེལ་པ་རྣམས་ཀྱིས་འབྲུ་རིགས་ཀྱི་ཐོག་ཕུད་དང་། རྒུན་ཆང་གསར་པ་དང་། སྣུམ་དང་། སྦྲང་རྩི་དང་། ཞིང་གི་ལོ་ཏོག་ཐམས་ཅད་ཀྱི་ཕུད་མང་དུ་དྲངས་ཏེ། ཡང་དངོས་པོ་ཐམས་ཅད་ཀྱི་བཅུ་ཆའི་གཅིག་འབོར་ཆེན་ཕུལ་བའོ། །  
\v 6 ཡ་ཧུ་དཱའི་གྲོང་ཁྱེར་རྣམས་སུ་གནས་པའི་ཡེས་ར་ཨེལ་པ་དང་ཡ་ཧུ་དཱ་པ་རྣམས་ཀྱིས་ཀྱང་བ་གླང་དང་ར་ལུག་གི་བཅུ་ཆའི་གཅིག་དང་། རང་གི་དཀོན་མཆོག་ཡ་ཝཱེ་ལ་བསྔོས་པའི་རྫས་དམ་པ་རྣམས་ཀྱི་བཅུ་ཆའི་གཅིག་ཕུལ་ནས་མང་པོ་སྤུངས།  
\v 7 དེ་དག་ཟླ་གསུམ་པ་ནས་སྤུང་བར་ཚུགས་ནས། ཟླ་བདུན་པར་ད་གཟོད་མཇུག་རྫོགས།  
\v 8 ཧི་ཟི་ཀི་ཡཱ་དང་འགོ་དཔོན་རྣམས་འོངས་ཏེ་ཕུང་པོ་དེ་རྣམས་མཐོང་ནས་དཀོན་མཆོག་ཡ་ཝཱེ་ལ་བསྟོད་བསྔགས་བརྗོད་པ་དང་། ཡང་ཁོང་གི་འབངས་མི་ཡེས་ར་ཨེལ་ལ་བྱིན་གྱིས་བརླབས་སོ། །  
\v 9 དེ་ནས་ཧི་ཟི་ཀི་ཡཱས་མཆོད་དཔོན་དང་ལེ་ཝི་པ་ལ་ཕུང་པོ་དེ་རྣམས་ཀྱི་སྐོར་དྲིས་པ་དང་།  
\v 10 ཟཱ་ཏོག་ཁྱིམ་རྒྱུད་ཀྱི་མཆོད་དཔོན་ཆེན་པོ་ཨ་ཟར་ཡཱས་ལན་དུ། མི་རྣམས་ཀྱིས་དཀོན་མཆོག་ཡ་ཝཱེའི་མཆོད་ཁང་དུ་དངོས་པོ་མང་པོ་ཁྱེར་འོངས་ཏེ། ངེད་རྣམས་ལ་ཚིམ་པར་ཟ་རྒྱུ་བྱུང་བར་མ་ཟད། ལྷག་མ་ཡང་མང་པོ་ལུས་ཡོད་དེ། ཅི་ལ་ཞེ་ན། དཀོན་མཆོག་ཡ་ཝཱེས་ཉིད་ཀྱི་འབངས་མི་ལ་བྱིན་གྱིས་བརླབས་པས། ཕུང་པོ་ཆེན་པོ་འདི་ནི་ལྷག་ནས་ལུས་པ་ཡིན་ཞེས་ཞུས་པ་དང་།  
\v 11 ཧི་ཟི་ཀི་ཡཱས་དཀོན་མཆོག་ཡ་ཝཱེའི་མཆོད་ཁང་དུ་བང་མཛོད་གྲ་སྒྲིག་བྱེད་པར་བསྒོས་པ་ལ། དེ་དག་གིས་དེ་ལྟར་གྲ་སྒྲིག་བྱས།  
\v 12 ཡང་དེ་དག་གིས་ལྷག་བསམ་རྣམ་དག་གིས་འབུལ་བ་དང་དངོས་པོ་སྣ་ཚོགས་ཀྱི་བཅུ་ཆའི་གཅིག་དང་། བསྔོས་པའི་རྫས་དམ་པ་བཅས་ཐམས་ཅད་བང་མཛོད་དུ་བསྐྱལ་ཏེ། དེའི་ཕྱག་མཛོད་དུ་ལེ་ཝི་པ་ཀོ་ནན་ཡཱ་དང་། ལག་གཡོག་ཏུ་དེའི་སྤུན་ཤིམ་ཨི་གཉིས་ཡོད་དོ། །  
\v 13 ཡང་ཡེ་ཧི་ཨེལ་དང་། ཨ་ཟས་ཡཱ། ནཱ་ཧད། ཨ་སཱ་ཧེལ། ཡེ་རི་མོད། ཡོ་ཟཱ་བད། ཨེ་ལི་ཨེལ། ཨིས་མག་ཡཱ། མ་ཧད། པེ་ནཱ་ཡ་བཅས་ནི། རྒྱལ་པོ་ཧི་ཟི་ཀི་ཡཱ་དང་། དཀོན་མཆོག་གི་མཆོད་ཁང་གི་འགོ་དཔོན་ཨ་ཟར་ཡཱའི་བཀའ་བསྩལ་པ་བཞིན་དུ། ཀོ་ནན་ཡཱ་དང་དེའི་སྤུན་ཤིམ་ཨི་ཡི་ལག་འོག་ཏུ་ལྟ་སྐུལ་གྱི་ལས་བྱེད་མཁན་ཡིན།  
\v 14 ཤར་སྒོ་སྲུང་མཁན་ལེ་ཝི་པ་ཡིམ་ནཱ་ཡི་བུ་ཀོ་རེད་བྱ་བ་དེས་དཀོན་མཆོག་ལ་ཡིད་མོས་ངང་ཕུལ་བའི་ཕྱག་རྟེན་ལ་བདག་གཉེར་བྱེད་པ་དང་། དཀོན་མཆོག་ཡ་ཝཱེ་ལ་ཕུལ་བའི་མཆོད་པ་དང་རྫས་དམ་མཆོག་རྣམས་བགོ་བཤའ་རྒྱག་པ་ཡིན་ནོ། །  
\v 15 མཆོད་དཔོན་རྣམས་ཀྱི་གྲོང་ཁྱེར་སོ་སོར་དེའི་ལག་འོག་ཏུ་ཨེ་དེན་དང་། མིན་ཡ་མིན་དང་། ཡེ་ཤུ་ཨ་དང་། ཤེ་མ་ཡཱ་དང་། ཨ་མར་ཡཱ་དང་། ཤེ་ཀན་ཡཱ་བཅས་ཡོད་ལ། རང་རང་གི་སྤུན་ཆེ་ཆུང་ཚང་མ་ལ་ལས་རེས་བཞིན་དུ་ཟ་སྐལ་སྟེར་བ་ཡིན།  
\v 16 གཞན་ཡང་ཁྱིམ་ཐོ་བཞིན་དུ་ལོ་གསུམ་ལོན་པ་དང་དེའི་ཡན་གྱི་སྐྱེས་པ་ནི་སུ་ཡིན་ཡང་། ཉིན་རེར་ལས་རེས་བཞིན་དུ་དཀོན་མཆོག་ཡ་ཝཱེའི་མཆོད་ཁང་ལ་འོངས་ནས་ལས་འགན་སྒྲུབ་པ་ཐམས་ཅད་ལའང་བགོ་བཤའ་བརྒྱབ་པ་ཡིན།  
\v 17 ཡང་ཁྱིམ་རྒྱུད་བཞིན་དུ་ཁྱིམ་ཐོ་ནང་དུ་བཀོད་ཡོད་པའི་མཆོད་དཔོན་རྣམས་ལ་བགོ་བཤའ་བརྒྱབ་པ་དང་། ལས་རེས་དང་ལས་འགན་བཞིན་དུ་ལོ་ཉི་ཤུ་ལོན་པ་དང་དེའི་ཡན་གྱི་ལེ་ཝི་པ་རྣམས་ལའང་བགོས་པའོ། །  
\v 18 ཡང་དེ་དག་གིས་བསམ་པ་རྩེ་གཅིག་གིས་རང་ཉིད་དམ་པར་བྱས་པས། ཁྱིམ་ཐོ་བཞིན་དུ་དེ་དག་ཐམས་ཅད་ཀྱི་ཕྲུ་གུ་དང་། ཆུང་མ་དང་། བུ་དང་བུ་མོ་བཅས་ལ་བགོས་པའོ། །  
\v 19 ཡང་གྲོང་ཁྱེར་སོ་སོའི་མཐའ་འཁོར་དུ་གནས་པའི་ཨ་རོན་གྱི་བུ་རྒྱུད་མཆོད་དཔོན་རྣམས་ལ་གྲོང་ཁྱེར་སོ་སོར་མིང་བཏོན་ནས་བསྐོས་པའི་མི་ཡོད་དེ། མཆོད་དཔོན་ཁྲོད་ཀྱི་སྐྱེས་པ་ཐམས་ཅད་དང་། ཁྱིམ་ཐོ་རུ་བཀོད་ཡོད་པའི་ལེ་ཝི་པ་ཐམས་ཅད་ལ་འཐོབ་འོས་པའི་སྐལ་བགོས་པ་ཡིན་ནོ། །  
\v 20 ཧི་ཟི་ཀི་ཡཱས་ཡ་ཧུ་དཱ་ཐམས་ཅད་དུ་དེ་བཞིན་བྱས་ཏེ། རང་གི་དཀོན་མཆོག་ཡ་ཝཱེའི་དྲུང་དུ་བཟང་པོ་དང་ལེགས་པོ། དྲང་པོ་བཅས་གང་ཡིན་པ་དེ་སྤྱད་ཅིང་།  
\v 21 དཀོན་མཆོག་གི་མཆོད་ཁང་གི་ཞབས་ཏོག་སྒྲུབ་པ་དང་། ཡང་ན་བཀའ་ཁྲིམས་དང་། བཀའ་རྒྱ་སྲུང་བ་སོགས་གང་ཡིན་ཡང་ཁོང་གིས་རང་གི་དཀོན་མཆོག་བཙལ་ཞིང་། ཁོང་གིས་སེམས་ཧྲིལ་པོས་བྱས་པས་དོན་ཐམས་ཅད་ལྷུན་གྱིས་གྲུབ་པའོ། །   
\c 32
\cl ལེའུ་སོ་གཉིས་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཨ་སུར་པས་ཡེ་རུ་སཱ་ལེམ་ལེན་འདོད་པ།  
\p
\v 1 ཡང་ཧི་ཟི་ཀི་ཡཱས་བློ་སེམས་དྲང་པོའི་ལས་དེ་དག་བྱས་པའི་མཐར། ཨ་སུར་གྱི་རྒྱལ་པོ་སེན་ན་ཧེ་རིབ་འོངས་ནས་ཡ་ཧུ་དཱའི་ནང་དུ་འཛུལ་ཏེ། གྲོང་ཁྱེར་བཙན་པོ་རྣམས་ཀྱི་མཐའ་འཁོར་དུ་དམག་སྒར་ཕབ་ནས་དེ་དག་ལེན་འདོད་པ་རེད།  
\v 2 ཧི་ཟི་ཀི་ཡཱས་སེན་ན་ཧེ་རིབ་དངོས་གནས་ཡེ་རུ་སཱ་ལེམ་ལ་འཐབ་ཏུ་འོང་འདོད་པ་མཐོང་ནས།  
\v 3 འགོ་དཔོན་དང་དཔའ་བོ་རྣམས་ལ་གྲོས་བཏབ་ནས། རྒྱལ་སའི་ཕྱི་རོལ་ཏུ་ཡོད་པའི་ཆུ་མིག་རྣམས་འགོག་རྒྱུ་བྱས་པ་ལ། དེ་དག་ཐམས་ཅད་ཀྱིས་ཁོང་ལ་རོགས་བྱས་པ་སྟེ།  
\v 4 མི་མང་པོ་འཛོམས་ཏེ་ཆུ་མིག་དང་ཡུལ་དེར་བཞུར་བའི་ཆུ་ཕྲན་ཡོད་ཚད་བཀག་སྟེ་ན་རེ། ཨ་སུར་གྱི་རྒྱལ་པོར་ཆུ་མོད་པོ་རྙེད་དུ་འཇུག་དོན་ཅི་ཡོད་ཅེས་སྨྲས་སོ། །  
\v 5 ཡང་ཧི་ཟི་ཀི་ཡཱས་བརྩོན་པ་བསྐྱེད་དེ། ལྕགས་རི་ཞིག་རལ་དུ་སོང་བ་ཐམས་ཅད་ཞིག་གསོ་མཛད་ཅིང་། ལྕགས་རིའི་སྟེང་དུ་ལྕོག་མཁར་རྣམས་བཞེངས། མཁར་དེའི་ཕྱི་རོལ་ཏུ་ཡང་མཁར་ཞིག་བརྩིགས་ཏེ། དཱ་བིད་གྲོང་ཁྱེར་གྱི་འཛིངས་རགས་ཀྱང་ཞིག་གསོ་མཛད་ནས། མཚོན་ཆ་དང་ཕུབ་མང་པོ་བཟོས།  
\v 6 ཡང་མི་རྣམས་ལ་དམག་དཔོན་བཞག་སྟེ། མཁར་སྒོའི་ཐང་ཆེན་དུ་དེ་དག་རང་གི་དྲུང་དུ་བསྡུས་ནས། དེ་དག་ལ་སེམས་ཤུགས་བསྐྱེད་ཅིང་ན་རེ།  
\v 7 ཁྱོད་ཚོས་སྙིང་སྟོབས་དང་དཔའ་སེམས་སྐྱེད་ཅིག ཨ་སུར་རྒྱལ་པོ་དང་ཁོས་བཀོད་འདོམས་བྱེད་པའི་དམག་དཔུང་ཆེན་པོའི་རྐྱེན་གྱིས་མ་འཇིགས་མ་ཚབས་ཤིག གང་ལ་ཞེ་ན། རང་ཅག་དང་མཉམ་དུ་ཡོད་པ་ནི་དེ་དག་དང་མཉམ་དུ་ཡོད་པ་ལས་ལྷག་ཏུ་མང་སྟེ།  
\v 8 དེ་དག་དང་མཉམ་དུ་ཡོད་པ་ནི་ཤ་ཁྲག་གདོས་བཅས་ཀྱི་དཔུང་པ་ཡིན་མོད། རང་ཅག་དང་མཉམ་དུ་བཞུགས་པ་ནི་རང་ཅག་གི་དཀོན་མཆོག་ཡ་ཝཱེ་ཡིན་ལ། ཁོང་གིས་རང་ཅག་ལ་རོགས་རམ་མཛད་པ་དང་། རང་ཅག་གི་ཚབ་ཏུ་འཐབ་མོ་མཛད་ངེས་ཡིན་ཞེས་སྨྲས་པས། ཡ་ཧུ་དཱའི་རྒྱལ་པོ་ཧི་ཟི་ཀི་ཡཱའི་གཏམ་དེའི་རྐྱེན་གྱིས་མི་ཚོགས་ལ་སྐུལ་སློང་ཐོབ།  
\v 9 དེའི་རྗེས་སུ་ཨ་སུར་རྒྱལ་པོ་སེན་ན་ཧེ་རིབ་ཀྱིས་རང་གི་དམག་དཔུང་ཐམས་ཅད་ཁྲིད་ནས་ལཱ་ཀི་སི་ལ་དམག་རྒྱག་པའི་ཚེ། རང་གི་འཁོར་ནས་འགའ་ཞིག་ཡེ་རུ་སཱ་ལེམ་དུ་རྒྱལ་པོ་ཧི་ཟི་ཀི་ཡཱ་དང་། དེར་ཡོད་པའི་ཡ་ཧུ་དཱ་པ་ཚང་མའི་མདུན་དུ་བཏང་ནས་དེ་དག་ལ་འདི་ལྟར།  
\v 10 ཨ་སུར་རྒྱལ་པོ་སེན་ན་ཧེ་རིབ་ཀྱིས་འདི་ལྟར་གསུངས་ཏེ། ད་ནི་ཁྱོད་རྣམས་ཡེ་རུ་སཱ་ལེམ་དུ་དམག་གིས་བསྐོར་བས་ཁྱོད་རྣམས་སུ་ལ་བརྟེན་པར་བྱའམ།  
\v 11 ཧི་ཟི་ཀི་ཡཱས་ཁྱོད་ཅག་ལ། རང་ཅག་གི་དཀོན་མཆོག་ཡ་ཝཱེས་འོ་སྐོལ་ཨ་སུར་གྱི་རྒྱལ་པོའི་ལག་ནས་སྐྱོབ་པར་འགྱུར་རོ་སྨྲ་ཞིང་། འདི་ནི་ཁྱོད་ཅག་བཀྲེས་སྐོམ་གྱིས་འཆི་བའི་ཕྱིར་བསླུ་བ་མིན་ནམ།  
\v 12 ཧི་ཟི་ཀི་ཡཱས་དཀོན་མཆོག་ཡ་ཝཱེའི་མཐོ་གླིང་དང་མཆོད་ཁྲི་རྣམས་བཤིགས་ནས། ཡ་ཧུ་དཱ་དང་ཡེ་རུ་སཱ་ལེམ་གྱི་མི་ལ་འདི་ལྟར། ཁྱོད་ཅག་གིས་མཆོད་ཁྲི་གཅིག་གི་མདུན་དུ་བསྙེན་བཀུར་བྱེད་ཅིང་། དེའི་ཁར་བསང་ཐོངས་ཤིག་ཅེས་བསྒོས་པ་མིན་ནམ།  
\v 13 བདག་དང་བདག་གི་མེས་པོ་རྣམས་ཀྱིས་ས་གཞིའི་མི་ཐམས་ཅད་ལ་ཅི་བྱས་པའི་ཆ་ཁྱོད་ཅག་ལ་མེད་དམ། ཡུལ་དེ་དག་གི་མི་སོ་སོའི་ལྷ་རྣམས་ཀྱིས་རང་རང་གི་ཡུལ་བདག་ལས་སྐྱོབ་ནུས་སམ།  
\v 14 ངའི་ཡབ་མེས་ཀྱིས་ཚར་བཅད་པའི་མི་སོ་སོའི་ལྷ་ཐམས་ཅད་ལས། ལྷ་གང་ཞིག་གིས་རང་གི་འབངས་མི་བདག་གི་ལག་ནས་བསྒྲལ་ནུས་པ་ཡིན་ནམ། དེས་ན་ཁྱོད་ཚོའི་དཀོན་མཆོག་གིས་ཁྱོད་ཅག་ངའི་ལག་ནས་བསྒྲལ་ནུས་སམ།  
\v 15 དེའི་ཕྱིར་ད་ནི་ཧི་ཟི་ཀི་ཡཱ་ལ་ཁྱོད་ཅག་ལ་མགོ་བསྐོར་ནས་བསླུ་བར་མ་འཇུག ཁོ་ལ་ཡིད་ཆེས་མ་བྱེད་ཅིག གང་ལ་ཞེ་ན། མི་རིགས་སམ་རྒྱལ་སྲིད་གང་གི་ལྷ་ཡིས་ཀྱང་རང་གི་འབངས་མི་ནི་བདག་གི་ལག་དང་ངའི་ཡབ་མེས་ཀྱི་ལག་ནས་སྐྱོབ་མ་ནུས་པས། ཁྱོད་ཚོའི་དཀོན་མཆོག་གིས་ཁྱོད་ཚོ་ངའི་ལག་ནས་དེ་ལས་ཀྱང་སྐྱོབ་མི་ནུས་པ་མ་ཡིན་ནམ་ཞེས་པའོ་ཞེས་འཕྲིན་བསྐུར་བར་མ་ཟད།  
\v 16 སེན་ན་ཧེ་རིབ་ཀྱི་བློན་འཁོར་གྱིས་དཀོན་མཆོག་ཡ་ཝཱེ་དང་། ཁོང་གི་ཞབས་ཕྱི་ཧི་ཟི་ཀི་ཡཱ་གཉིས་ལ་སྐུར་འདེབས་ཀྱི་གཏམ་མང་པོ་སྨྲས་པ་དང་།  
\v 17 སེན་ན་ཧེ་རིབ་ཀྱིས་ཡང་འཕྲིན་ཡིག་བྲིས་ཏེ་ཡེས་ར་ཨེལ་གྱི་དཀོན་མཆོག་ཡ་ཝཱེ་ལ་དམའ་འབེབས་བྱས་ཤིང་། ཁོང་ལ་འཕྱས་ནས་འདི་ལྟར། མི་རིགས་གཞན་དག་གི་ཡུལ་གྱི་ལྷ་སོ་སོས་རང་གི་འབངས་མི་བདག་གི་ལག་ནས་སྐྱོབ་མ་ནུས་པ་བཞིན་དུ། ཧི་ཟི་ཀི་ཡཱའི་དཀོན་མཆོག་གིས་ཀྱང་རང་གི་འབངས་མི་ངའི་ལག་ནས་སྐྱོབ་མི་ནུས་སོ་ཞེས་སྨྲས་སོ། །  
\v 18 ཡང་ཨ་སུར་རྒྱལ་པོའི་བློན་འཁོར་རྣམས་ཀྱིས་མཁར་སྟེང་གི་ཡེ་རུ་སཱ་ལེམ་པ་རྣམས་ལ་འཇིགས་སྐུལ་བ་དང་དངང་སྐྲག་བསྐྱེད་ནས། མཁར་ལོན་པའི་ཆེད་དུ་ཡ་ཧུ་དཱའི་སྐད་ཀྱིས་ཅ་ཅོ་ཆེན་པོས་གཏམ་སྨྲས་ཤིང་།  
\v 19 ཡེ་རུ་སཱ་ལེམ་གྱི་དཀོན་མཆོག་གི་སྐོར་གླེང་བའི་སྐབས་སུ། འཇིག་རྟེན་གྱི་མི་ཀུན་གྱི་ལྷ་རྣམས་ཏེ་མིས་བཟོས་པའི་ལྷ་སྐུ་རྣམས་དང་འདྲ་བའི་ལྟ་སྟངས་བཟུང་བའོ། །  
\v 20 དེ་ནས་རྒྱལ་པོ་ཧི་ཟི་ཀི་ཡཱ་དང་ཨ་མོ་ཟིའི་བུ་ལུང་སྟོན་པ་ཡེ་ཤ་ཡཱ་གཉིས་ཀྱིས་དེའི་ཕྱིར་ནམ་མཁའི་ཕྱོགས་སུ་འོ་དོད་བོས་ནས་གསོལ་བ་བཏབ་པ་ལ།  
\v 21 དཀོན་མཆོག་ཡ་ཝཱེས་ཕོ་ཉ་ཞིག་དེར་མངགས་ནས། དེས་ཨ་སུར་རྒྱལ་པོའི་དམག་སྒར་གྱི་དཔའ་རྒོད་དང་དམག་དཔོན་ཐམས་ཅད་ཚར་བཅད་ཅིང་། ཨ་སུར་གྱི་རྒྱལ་པོ་ནི་ངོ་གནོངས་ནས་རང་ཡུལ་དུ་ལོག་སྟེ། རང་གི་ལྷ་ཁང་དུ་ཕྱིན་པ་ན། ཁོའི་བུ་རྣམས་ལས་འགའ་ཞིག་གིས་ཁོ་རལ་གྲིས་བསད་དོ། །  
\v 22 དེ་ལྟར་དཀོན་མཆོག་ཡ་ཝཱེས་ཧི་ཟི་ཀི་ཡཱ་དང་། ཡེ་རུ་སཱ་ལེམ་པ་ཐམས་ཅད་ཨ་སུར་གྱི་རྒྱལ་པོ་སེན་ན་ཧེ་རིབ་དང་གཞན་ཀུན་གྱི་ལག་ནས་བསྒྲལ་བར་མཛད་དེ། ཕྱོགས་ཀུན་ནས་ཁོ་ཚོ་བདེ་ལ་བཀོད་པ་རེད།  
\v 23 དེ་ནས་མི་མང་པོ་ཡེ་རུ་སཱ་ལེམ་དུ་འོངས་ནས་དཀོན་མཆོག་ཡ་ཝཱེ་ལ་ཞལ་འདེབས་དང་། ཡ་ཧུ་དཱའི་རྒྱལ་པོ་ཧི་ཟི་ཀི་ཡཱ་ལ་རིན་པོ་ཆེའི་ཕྱག་རྟེན་ཕུལ་བ་དང་། དེ་ནས་བཟུང་མི་ཐམས་ཅད་ཀྱིས་ཧི་ཟི་ཀི་ཡཱ་ལ་བཀུར་བ་བྱས་སོ། །   
\s1 ཧི་ཟི་ཀི་ཡཱའི་ནད་དང་ང་རྒྱལ།  
\p
\v 24 དེའི་དུས་སུ་ཧི་ཟི་ཀི་ཡཱར་འཆི་བར་ཐུག་པའི་ནད་བྱུང་བ་དང་། དཀོན་མཆོག་ཡ་ཝཱེ་ལ་གསོལ་བ་བཏབ་པ་ན། དཀོན་མཆོག་ཡ་ཝཱེས་དེ་ལ་བཀའ་ལན་གནང་ནས་རྟགས་ངོ་མཚར་ཅན་ཞིག་བསྟན་མོད།  
\v 25 ཁོང་གིས་རང་ལ་ཐོབ་པའི་བཀའ་དྲིན་དང་འཚམ་པའི་གཏང་རག་མ་ཕུལ་བར་སེམས་སུ་ང་རྒྱལ་སྐྱེས་པས། ཡ་ཝཱེའི་ཐུགས་ཁྲོ་ནི་ཁོ་དང་ཡ་ཧུ་དཱ། ཡེ་རུ་སཱ་ལེམ་བཅས་ཀྱི་སྟེང་ལ་བབས།  
\v 26 ཡིན་ཡང་ཧི་ཟི་ཀི་ཡཱས་རང་གི་ང་རྒྱལ་གྱི་རྐྱེན་གྱིས་འགྱོད་བཤགས་བྱས་ཤིང་། ཁོང་དང་ཡེ་རུ་སཱ་ལེམ་པ་ཐམས་ཅད་ཀྱིས་འགྱོད་བཤགས་བྱས་པས། ཧི་ཟི་ཀི་ཡཱའི་སྐུ་རིང་དུ་དཀོན་མཆོག་ཡ་ཝཱེའི་ཐུགས་ཁྲོ་དེ་དག་ལ་མ་བབས་སོ། །   
\s1 ཧི་ཟི་ཀི་ཡཱའི་རྒྱུ་ནོར་དང་གཟི་བརྗིད།  
\p
\v 27 ཧི་ཟི་ཀི་ཡཱ་ལ་རྒྱུ་ནོར་དང་གཟི་བརྗིད་ཆེན་པོ་ལྡན་ཏེ། དེས་གསེར་དངུལ་དང་། གཏེར་རྡོ། བསུང་རྫས། ཕུབ། རིན་པོ་ཆེ་རིགས་སྣ་ཚོགས་བཅས་ཀྱི་ཕྱིར་རང་ཉིད་ལ་གཏེར་མཛོད་བརྩིགས་ཤིང་།  
\v 28 ཡང་འབྲུ་དང་། རྒུན་ཆང་དང་། སྣུམ་བཅས་ཀྱི་ཕྱིར་མཛོད་ཁང་དང་། ཕྱུགས་རིགས་སྣ་ཚོགས་ཀྱི་ཕྱིར་ཕྱུགས་ར་དང་ལུག་ར་བཟོས་པ་རེད།  
\v 29 གཞན་ཡང་ཁོང་གིས་རང་གི་ཕྱིར་དུ་གྲོང་ཁྱེར་བརྩིགས་ཏེ། དཀོན་མཆོག་གིས་ཁོང་ལ་རྒྱུ་ནོར་མང་པོ་གནང་བས། བ་གླང་དང་ར་ལུག་གི་ཕྱུགས་ཁྱུ་རབ་ཏུ་མང་པོ་འཕེལ་བའོ། །  
\v 30 ཡང་ཧི་ཟི་ཀི་ཡཱས་གེ་ཧོན་གྱི་ཆུ་མགོ་བཅད་དེ། ཆུ་དེ་དཱ་བིད་གྲོང་ཁྱེར་གྱི་ནུབ་ཕྱོགས་སུ་ཐུར་དུ་ཕབ་པ་རེད། ཧི་ཟི་ཀི་ཡཱས་ཅི་བྱས་པ་ཐམས་ཅད་ལྷུན་གྱིས་གྲུབ།  
\v 31 འོན་ཀྱང་པཱ་པེལ་ལོན་གྱི་རྒྱལ་པོས་འགོ་དཔོན་རྣམས་ཧི་ཟི་ཀི་ཡཱའི་རྩར་བང་ཆེན་དུ་མངགས་ནས་ཡུལ་དེར་འོངས་ཏེ། ཡ་ཧུ་དཱ་རུ་བྱུང་བའི་དོན་ངོ་མཚར་ཅན་རྣམས་ལ་རྩད་བཅད་པ་ན། དཀོན་མཆོག་གིས་ཁོང་ལ་ཚོད་བརྟག་མཛད་པ་དང་ཁོོང་གི་སེམས་སུ་ཅི་ཡོད་པ་ཐམས་ཅད་གཟིགས་པའི་ཕྱིར་ཁོང་དང་ཁ་བྲལ་ཏོ། །   
\s1 ཧི་ཟི་ཀི་ཡཱ་ཚེ་ལས་འདས་པ།  
\p
\v 32 ཧི་ཟི་ཀི་ཡཱའི་མཛད་རྗེས་གཞན་རྣམས་དང་སྤྱོད་བཟང་རྣམས་ནི། ཨ་མོ་ཟིའི་བུ་ལུང་སྟོན་པ་ཡེ་ཤ་ཡཱའི་ཞལ་གཟིགས་ཀྱི་མདོ་དང་། ཡ་ཧུ་དཱ་དང་ཡེས་ར་ཨེལ་གྱི་རྒྱལ་རབས་ནང་དུ་བཀོད་ཡོད།  
\v 33 ཧི་ཟི་ཀི་ཡཱ་རང་གི་ཕ་མེས་དང་མཉམ་དུ་གཟིམས་ནས། དཱ་བིད་ཀྱི་བུ་རྒྱུད་ཀྱི་དུར་ཁུང་རྣམས་ཀྱི་མཐོ་སར་སྦས་སོ། །ཁོང་སྐུ་གཤེགས་པ་དང་ཡ་ཧུ་དཱ་དང་ཡེ་རུ་སཱ་ལེམ་གྱི་མི་ཀུན་གྱིས་ཁོང་ལ་བསྙེན་བཀུར་ཆེན་པོ་བྱས། ཁོང་གི་སྲས་མཱ་ན་ཤེ་ཁོང་གི་ཚབ་ཏུ་རྒྱལ་པོར་བསྡད་དོ། །   
\c 33
\cl ལེའུ་སོ་གསུམ་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཡ་ཧུ་དཱའི་རྒྱལ་པོ་མཱ་ན་ཤེ།  
\p
\v 1 མཱ་ན་ཤེ་རྒྱལ་པོར་འགོད་དུས་སུ་ལོ་བཅུ་གཉིས་ཡིན་པ་དང་། ཡེ་རུ་སཱ་ལེམ་དུ་ལོ་ལྔ་བཅུ་ང་ལྔའི་རིང་ལ་རྒྱལ་སྲིད་བསྐྱངས་སོ། །  
\v 2 ཁོས་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་སྤྱད་དེ། དཀོན་མཆོག་ཡ་ཝཱེས་ཡེས་ར་ཨེལ་པ་རྣམས་ཀྱི་མདུན་ནས་བསྐྲད་པའི་ཕྱི་རོལ་པ་རྣམས་ཀྱི་ཞེན་ལོག་གི་སྤྱོད་ཚུལ་བཞིན་དུ་སྤྱད་ཅིང་།  
\v 3 ཁོས་རང་གི་ཕ་ཧི་ཟི་ཀི་ཡཱས་བཤིགས་པའི་མཐོ་གླིང་རྣམས་ཕྱིར་བརྩིགས་ཏེ། པཱ་ཨལ་རྣམས་ཀྱི་དོན་དུ་མཆོད་ཁྲི་བཞེངས་པ་དང་། ཨ་ཤེ་རཱ་རྣམས་བཙུགས་ཏེ། ནམ་མཁའི་སྐར་ཚོགས་ཐམས་ཅད་ལ་ཕྱག་བཙལ་ནས་ཞབས་ཏོག་བསྒྲུབས།  
\v 4 ཁོས་དཀོན་མཆོག་ཡ་ཝཱེའི་མཆོད་ཁང་ནང་དུ་མཆོད་ཁྲི་རྣམས་བཞེངས་པ་སྟེ། སྔར་དཀོན་མཆོག་ཡ་ཝཱེས་མཆོད་ཁང་དེར་དམིགས་ནས་འདི་སྐད་དུ། བདག་གི་མིང་ནི་རྒྱུན་ནས་རྒྱུན་དུ་ཡེ་རུ་སཱ་ལེམ་དུ་གནས་པར་བྱ་ཞེས་གསུངས་པའོ། །  
\v 5 ཁོས་དཀོན་མཆོག་ཡ་ཝཱེའི་མཆོད་ཁང་གི་ཁྱམས་ར་གཉིས་ཀྱི་ནང་དུ་ནམ་མཁའི་སྐར་ཚོགས་ཀུན་གྱི་ཆེད་དུ་མཆོད་ཁྲི་རྣམས་བཞེངས།  
\v 6 པེན་ཧིན་ནོམ་ལུང་པར་རང་གི་བུ་རྣམས་མེ་མཆོད་དུ་ཕུལ་ཞིང་། ཡང་རྩིས་པ་དང་མོ་པ། སྒྱུ་མ་མཁན། ལྷ་པ། གཤིན་འདྲེ་འགུག་མཁན་སོགས་བསྟེན་ནས་དཀོན་མཆོག་ཡ་ཝཱེའི་སྤྱན་སྔར་ངན་པ་མང་པོ་སྤྱད་དེ་ཁོང་ཐུགས་ཁྲོ་བར་བྱས།  
\v 7 ཁོས་ཡང་རང་གིས་བརྐོས་པའི་སྐུ་འདྲ་དེ་དཀོན་མཆོག་གི་མཆོད་ཁང་དུ་བསླངས་ནས་བཞག སྔར་ཡ་ཝཱེས་མཆོད་ཁང་དེར་དམིགས་ནས་དཱ་བིད་དང་དེའི་སྲས་སོ་ལོ་མོན་གཉིས་ལ་འདི་སྐད་དུ། ངས་མཆོད་ཁང་འདི་དང་ཡེས་ར་ཨེལ་གྱི་ཚོ་པ་ཁག་ནས་བདམས་པའི་ཡེ་རུ་སཱ་ལེམ་དུ་རང་གི་མིང་དུས་རྟག་ཏུ་འཇོག་པར་བྱ་སྟེ།  
\v 8 ཇི་སྟེ་ཡེས་ར་ཨེལ་པ་རྣམས་ཀྱིས་གཟབ་གཟབ་ངང་བདག་གིས་མོ་ཤེ་བརྒྱུད་ནས་བསྒོས་པའི་བཀའ་ཁྲིམས་དང་བཀའ་རྒྱ། སྲོལ་ཡིག་བཅས་ཐམས་ཅད་བཞིན་དུ་བྱེད་ན། ངས་དེ་དག་གི་མེས་པོ་རྣམས་ལ་སྤྲད་པའི་ཡུལ་ཁམས་ནས་ཁོ་རྣམས་ནམ་ཡང་སྐྲོད་པར་མི་བྱ་ཞེས་གསུངས།  
\v 9 ཡིན་ནའང་མཱ་ན་ཤེ་ཡིས་ཡ་ཧུ་དཱ་པ་དང་ཡེ་རུ་སཱ་ལེམ་པ་རྣམས་ལོག་པར་ཁྲིད་ནས་དེ་དག་ངན་པའི་ལས་ལ་བཅུག་ཅིང་། དཀོན་མཆོག་ཡ་ཝཱེས་ཡེས་ར་ཨེལ་པ་རྣམས་ཀྱི་མདུན་ནས་ཚར་བཅད་པའི་ཕྱི་རོལ་པ་རྣམས་ལས་ཀྱང་ཚབས་ཆེའོ། །   
\s1 མཱ་ན་ཤེས་འགྱོད་བཤགས་བྱས་པ།  
\p
\v 10 དཀོན་མཆོག་ཡ་ཝཱེས་མཱ་ན་ཤེ་དང་དེའི་འབངས་ལ་ཞལ་ཏ་མཛད་ཀྱང་དེ་ཚོས་མ་མཉན།  
\v 11 དེའི་ཕྱིར་དཀོན་མཆོག་ཡ་ཝཱེས་དེ་དག་གི་སྟེང་ཏུ་ཨ་སུར་རྒྱལ་པོའི་དམག་དཔོན་རྣམས་བཏང་བ་ལ། དེ་དག་གིས་མཱ་ན་ཤེ་ལྕགས་ཀྱུས་བཟུང་སྟེ། ལི་ཡི་སྒྲོག་བརྒྱབས་ནས་པཱ་པེལ་ལོན་དུ་ཁྲིད།  
\v 12 དེར་ཁོ་སྡུག་བསྔལ་གྱིས་མནར་དུས་སུ། རང་གི་དཀོན་མཆོག་ཡ་ཝཱེ་ལ་ཞུ་བ་ཕུལ་ཞིང་། ཁོའི་ཕ་མེས་རྣམས་ཀྱི་དཀོན་མཆོག་ཡ་ཝཱེའི་དྲུང་དུ་རབ་ཏུ་ཁེངས་ཆུང་བྱས།  
\v 13 ཁོས་སྨོན་ལམ་བཏབ་པ་དང་དཀོན་མཆོག་གིས་ཁོའི་ཞུ་བ་བསྐངས་ནས། དེའི་གསོལ་ཚིག་ལ་གསན་ཏེ། ཁོ་ཡེ་རུ་སཱ་ལེམ་དུ་ཕྱིར་དྲངས་ནས་ཁོའི་རྒྱལ་ཁྲི་སླར་གསོ་མཛད་པས། མཱ་ན་ཤེ་ཡིས་ད་གཟོད་དཀོན་མཆོག་ཡ་ཝཱེ་འབའ་ཞིག་ནི་དཀོན་མཆོག་ཡིན་པ་ཤེས།  
\v 14 དེའི་རྗེས་སུ་མཱ་ན་ཤེ་ཡིས་དཱ་བིད་གྲོང་ཁྱེར་གྱི་ཕྱི་རོལ་ཏུ། ལུང་པའི་གེ་ཧོན་ཆུ་མིག་གི་ནུབ་ཕྱོགས་ནས་ཉའི་རྟ་སྒོའི་བར་དུ་ལྕགས་རི་བརྩིགས་ནས། ཨོ་ཕེལ་ས་ཁུལ་བསྐོར་ཏེ་མཐོན་པོ་བྱས། ཡང་ཡ་ཧུ་དཱའི་འགོག་སྲུང་གྲོང་ཁྱེར་ཐམས་ཅད་ཀྱི་ནང་དུ་དམག་དཔོན་བཞག  
\v 15 དཀོན་མཆོག་ཡ་ཝཱེའི་མཆོད་ཁང་དུ་ཡོད་པའི་ཕྱི་རོལ་པའི་ལྷ་རྟེན་དང་སྐུ་འདྲ་རྣམས་མེད་པར་བཟོས་ཤིང་། དཀོན་མཆོག་ཡ་ཝཱེའི་མཆོད་ཁང་གི་རི་དང་། ཡེ་རུ་སཱ་ལེམ་དུ་བཞེངས་པའི་མཆོད་ཁྲི་ཐམས་ཅད་ཁྱེར་ཏེ་རྒྱལ་སའི་ཕྱི་རོལ་ཏུ་གཡུགས་ནས།  
\v 16 དཀོན་མཆོག་ཡ་ཝཱེའི་མཆོད་ཁྲི་ཞིག་གསོ་བྱས་པ་དང་དེའི་ཁར་ཞི་བདེའི་མཆོད་པ་དང་གཏང་རག་གི་མཆོད་པ་ཕུལ་ནས། ཡ་ཧུ་དཱ་པ་རྣམས་ལ་ཡེས་ར་ཨེལ་གྱི་དཀོན་མཆོག་ཡ་ཝཱེ་ལ་ཞབས་ཕྱི་བྱེད་པར་བསྒོས་ན་ཡང་།  
\v 17 མི་རྣམས་ཀྱིས་ད་དུང་མཐོ་གླིང་རྣམས་སུ་མཆོད་པ་ཕུལ་ཏེ། རང་གི་དཀོན་མཆོག་ཡ་ཝཱེ་འབའ་ཞིག་ལ་མཆོད་པ་ཕུལ་བ་ཡིན།   
\s1 མཱ་ན་ཤེ་ཚེ་ལས་འདས་པ།  
\p
\v 18 མཱ་ན་ཤེའི་བྱས་རྗེས་གཞན་རྣམས་དང་། ཁོས་རང་གི་དཀོན་མཆོག་ལ་སྨོན་ལམ་བཏབ་པ་དང་། མངོན་ཤེས་པ་རྣམས་ཀྱིས་ཡེས་ར་ཨེལ་གྱི་དཀོན་མཆོག་ཡ་ཝཱེའི་མཚན་གྱི་སྒོ་ནས་ཁོ་ལ་གསུངས་པའི་ཞལ་གདམས་རྣམས་ནི། ཡེས་ར་ཨེལ་གྱི་རྒྱལ་རབས་ཀྱི་མདོ་རུ་བཀོད་ཡོད།  
\v 19 ཡང་ཁོའི་གསོལ་འདེབས་དང་། དཀོན་མཆོག་གིས་ཁོའི་ཞུ་བ་ཅི་ལྟར་བསྐངས་ཚུལ་དང་། ཁོས་ཁེངས་ཆུང་མ་བྱས་གོང་ལ་སྡིག་པ་དང་ཉེས་སྐྱོན་ཅི་བྱས་ཡོད་ཚད། ཡུལ་གང་དུ་མཐོ་གླིང་རྣམས་བརྩིགས་ཚུལ། ཨ་ཤེ་རཱ་དང་རྟེན་རྣམས་བཞག་པ་ནི་ལུང་སྟོན་པ་རྣམས་ཀྱི་གཏམ་སྤྱོད་ཀྱི་ལོ་རྒྱུས་ནང་བཀོད་ཡོད།  
\v 20 དེ་ནས་མཱ་ན་ཤེ་རང་གི་ཕ་མེས་དང་མཉམ་དུ་གཉིད་པ་དང་། རང་གི་ཕོ་བྲང་ནང་དུ་དུར་ལ་སྦས། ཁོའི་སྲས་ཨ་མོན་བྱ་བ་དེའི་ཚབ་ཏུ་རྒྱལ་པོར་གྱུར་ཏོ། །   
\s1 ཡ་ཧུ་དཱའི་རྒྱལ་པོ་ཨ་མོན།  
\p
\v 21 དེ་ཡང་ཨ་མོན་གྱིས་རྒྱལ་སྲིད་འཛིན་པའི་དུས་སུ་ཁོ་ལོ་ཉེར་གཉིས་ཡིན་པ་དང་། ཁོས་ཡེ་རུ་སཱ་ལེམ་དུ་ལོ་གཉིས་ཀྱི་རིང་ལ་རྒྱལ་སྲིད་བསྐྱངས།  
\v 22 ཨ་མོན་གྱིས་རང་གི་ཕ་མཱ་ན་ཤེས་བྱས་པ་བཞིན་དུ་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་སྤྱད་དེ། ཁོས་རང་གི་ཕ་མཱ་ན་ཤེས་བརྐོས་པའི་སྐུ་འདྲ་ཐམས་ཅད་ལ་མཆོད་པ་ཕུལ་ནས་ཞབས་ཕྱི་བསྒྲུབས།  
\v 23 ཡང་ཁོས་རང་གི་ཕ་མཱ་ན་ཤེས་ཁེངས་སྐྱུང་བྱས་པ་བཞིན་དུ་དཀོན་མཆོག་ཡ་ཝཱེའི་དྲུང་དུ་ཁེངས་སྐྱུང་མ་བྱས་པར། ཨ་མོན་གྱིས་སྡིག་པ་ཆེན་པོ་བྱས།  
\v 24 ཕྱིས་སུ་ཁོའི་བློན་འཁོར་རྣམས་ཀྱིས་ཁོ་ལ་ངོ་ལོག་བྱས་ནས་ཁོ་རང་གི་ཕོ་བྲང་ནས་བསད།  
\v 25 འོན་ཀྱང་ཡ་ཧུ་དཱ་པ་རྣམས་ཀྱིས་རྒྱལ་པོ་ཨ་མོན་ལ་ངོ་ལོག་པའི་མི་ཐམས་ཅད་བསད་དེ། ཁོའི་སྲས་ཡོ་ཤི་ཡཱ་ཁོའི་ཚབ་ཏུ་རྒྱལ་པོར་བཞག་པའོ། །   
\c 34
\cl ལེའུ་སོ་བཞི་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཡ་ཧུ་དཱའི་རྒྱལ་པོ་ཡོ་ཤི་ཡཱ།  
\p
\v 1 ཡོ་ཤི་ཡཱ་རྒྱལ་པོར་བཞུགས་དུས་དགུང་ལོ་བརྒྱད་ཡིན་ཏེ། ཡེ་རུ་སཱ་ལེམ་དུ་ལོ་སུམ་ཅུ་སོ་གཅིག་གི་རིང་ལ་རྒྱལ་སྲིད་བསྐྱངས།  
\v 2 ཁོང་གིས་དཀོན་མཆོག་ཡ་ཝཱེའི་སྤྱན་སྔར་ལེགས་པོ་གང་ཡིན་དེ་སྤྱད་ཅིང་། རང་གི་ཡབ་མེས་དཱ་བིད་ཀྱི་ལམ་ནང་འགྲུལ་ཏེ། གཡས་གཡོན་གང་དུའང་མ་གཟུར།  
\v 3 ཁོང་གི་སྲིད་ལོ་བརྒྱད་པར་ད་དུང་ལོ་ན་ཕྲ་བའི་དུས་སུ། ཁོང་གིས་རང་གི་ཡབ་མེས་དཱ་བིད་ཀྱི་དཀོན་མཆོག་འཚོལ་བར་བརྩམས་ཤིང་། ལོ་བཅུ་གཉིས་པ་ནས་ཡ་ཧུ་དཱ་དང་ཡེ་རུ་སཱ་ལེམ་གཙང་མར་མཛད་དེ། མཐོ་གླིང་དང་། ཨ་ཤེ་རཱ། སྐུ་འདྲ། བླུགས་སྐུ་ཐམས་ཅད་མེད་པར་བྱེད་འགོ་ཚུགས་པ་དང་།  
\v 4 མི་རྣམས་ཀྱིས་ཁོང་གི་དྲུང་ནས་པཱ་ཨལ་གྱི་མཆོད་ཁྲི་རྣམས་བཤིགས། ཁོང་གིས་དངོས་སུ་མཆོད་ཁྲི་སྟེང་གི་སྤོས་ཁྲི་མཐོན་པོ་རྣམས་བཅག་པ་དང་། ཡང་ཨ་ཤེ་རཱ་དང་། སྐུ་འདྲ་དང་། བླུགས་སྐུ་རྣམས་བཅག་སྟེ་རྡུལ་དུ་བརླགས་ནས། དེ་དག་ལ་མཆོད་པ་ཕུལ་མྱོང་བ་རྣམས་ཀྱི་དུར་ས་ཐོག་ཏུ་གཏོར།  
\v 5 མཆོད་དཔོན་\f + \ft འདིར་མཆོད་དཔོན་ཞེས་པ་ནི་ཆོས་ལོག་པའི་མཆོད་དཔོན་རྣམས་ལ་འཇུག\f*རྣམས་ཀྱི་རུས་པ་ནི་དེ་དག་གི་མཆོད་ཁྲིའི་ཁར་བསྲེགས་ནས། ཡ་ཧུ་དཱ་དང་ཡེ་རུ་སཱ་ལེམ་གཙང་མར་མཛད།  
\v 6 ཡང་ཁོང་གིས་མཱ་ན་ཤེ་དང་། ཨེ་ཕཱར་ཡིམ་དང་། སི་མུ་ཨོན་དང་། ནཱབ་ཐ་ལི་བཅས་ཀྱི་གྲོང་ཁྱེར་སོ་སོ་དང་དེ་དག་མཐའ་འཁོར་གྱི་ཡུལ་རྣམས་སུའང་དེ་བཞིན་བྱས།  
\v 7 ཁོང་གིས་མཆོད་ཁྲི་རྣམས་བཤིགས་པ་དང་། ཨ་ཤེ་རཱ་དང་སྐུ་འདྲ་རྣམས་བཅག་ནས་རྡུལ་དུ་བརླགས་པ་དང་། ཡེས་ར་ཨེལ་ཡུལ་ཀུན་གྱི་སྤོས་ཁྲི་རྣམས་བཤིགས་ཏེ་ཕྱིར་ཡེ་རུ་སཱ་ལེམ་དུ་ལོག   
\s1 བཀའ་ཁྲིམས་ཀྱི་མདོ་རྙེད་པ།  
\p
\v 8 ཡོ་ཤི་ཡཱའི་སྲིད་ལོ་བཅོ་བརྒྱད་པར། ཡ་ཧུ་དཱའི་ཡུལ་དང་མཆོད་ཁང་གཙང་མར་མཛད་ཟིན་པ་དང་། ཨ་ཙལ་ཡཱའི་བུ་ཤཱ་ཕན་དང་། གྲོང་དཔོན་མ་ཨ་སེ་ཡཱ་དང་། ལོ་རྒྱུས་འགོད་མཁན་ཡོ་ཨ་ཧཱ་ཟིའི་བུ་ཡོ་ཨག་བཅས་ནི་རང་གི་དཀོན་མཆོག་ཡ་ཝཱེའི་མཆོད་ཁང་ཞིག་གསོ་བྱེད་པའི་ལས་སྒྲུབ་པར་བཏང་ནས།  
\v 9 དེ་དག་མཆོད་དཔོན་ཆེན་པོ་ཧིལ་ཀི་ཡཱའི་དྲུང་དུ་ཕྱིན་ཏེ། དཀོན་མཆོག་གི་མཆོད་ཁང་ལ་ཕུལ་བའི་དངུལ་ཡོད་ཚད་དེར་གཏད་པ་དང་། དངུལ་དེ་ཐམས་ཅད་ནི་ལེ་ཝི་པ་སྒོ་སྲུང་རྣམས་ཀྱིས་མཱ་ན་ཤེ་དང་། ཨེ་ཕཱར་ཡིམ་དང་། ཡེས་ར་ཨེལ་པ་ལྷག་ལུས་ཡོངས་དང་། ཡ་ཧུ་དཱ་དང་། པེན་ཡཱ་མེན་དང་། ཡེ་རུ་སཱ་ལེམ་གྱི་ཡུལ་མི་བཅས་ལས་བསྡུས་པ་ཡིན།  
\v 10 ཡང་དེ་དག་གིས་དངུལ་ནི་དཀོན་མཆོག་ཡ་ཝཱེའི་མཆོད་ཁང་ལ་ལྟ་རྟོགས་བྱེད་མཁན་གྱི་ལག་ཏུ་གཏད་དེ། ཡང་ཁོ་ཚོས་དཀོན་མཆོག་ཡ་ཝཱེའི་མཆོད་ཁང་ཞིག་གསོ་བྱེད་པའི་ལག་ཤེས་པ་རྣམས་ཀྱི་ལག་ཏུ་གཏད་དོ། །  
\v 11 ཡ་ཧུ་དཱའི་རྒྱལ་པོ་རྣམས་ཀྱིས་བཤིགས་པའི་ཕོ་བྲང་རྣམས་ཞིག་གསོ་བྱེད་པའི་ཕྱིར་། དེ་དག་གིས་ཤིང་བཟོ་དང་རྡོ་བཟོའི་ལག་ཏུ་དངུལ་གཏད་དེ། འཇམ་ཤ་བཏོད་པའི་རྡོ་དང་སྐྱོར་ཤིང་དང་གདུང་མའི་ཕྱིར་ཤིང་ཆ་བཅས་ཉོས།  
\v 12 མི་དེ་དག་གིས་གཞུང་དྲང་སྒོས་ལས་ཀ་བྱས་ཤིང་། དེ་དག་གི་ལས་དཔོན་ནི་ལེ་ཝི་པ་མཱ་རཱ་རེའེ་ཡི་བུ་རྒྱུད་ཡཱ་ཧད་དང་ཨོ་བད་ཡཱ་ཡིན་པ་དང་། དེ་དག་གི་ལྟ་སྐུལ་ནི་ཀོ་ཧད་ཀྱི་བུ་རྒྱུད་ཟཱ་ཀར་ཡ་དང་མཱེ་ཤུལ་ལིམ་བྱ་བ་ཡིན། དེ་མིན་ད་དུང་རོལ་མོར་མཁས་པའི་ལེ་ཝི་པ་ཐམས་ཅད་ཡོད་ལ།  
\v 13 ཡང་དེ་དག་གིས་ཁུར་མཁན་དང་། ཞབས་ཏོག་གི་ལས་གང་རུང་སྒྲུབ་མཁན་ལ་ལྟ་སྐུལ་བྱེད་པ་དང་། ལེ་ཝི་པའི་ནང་དུ་དྲུང་ཡིག་དང་འགོ་དཔོན། སྒོ་སྲུང་བཅས་ཡོད་དོ། །  
\v 14 ཁོ་ཚོས་དཀོན་མཆོག་ཡ་ཝཱེའི་མཆོད་ཁང་ལ་ཕུལ་བའི་དངུལ་ཕྱུང་དུས་སུ། མཆོད་དཔོན་ཧིལ་ཀི་ཡཱས་དཀོན་མཆོག་ཡ་ཝཱེས་མོ་ཤེ་བརྒྱུད་དེ་བཀོད་པའི་བཀའ་ཁྲིམས་ཀྱི་མདོ་རྙེད་ཅིང་།  
\v 15 ཧིལ་ཀི་ཡཱས་དྲུང་ཡིག་པ་ཤཱ་ཕན་ལ་ན་རེ། ངས་དཀོན་མཆོག་ཡ་ཝཱེའི་མཆོད་ཁང་ནས་བཀའ་ཁྲིམས་ཀྱི་མདོ་རྙེད་བྱུང་ཞེས་སྨྲས་ནས། ཧིལ་ཀི་ཡཱས་དེ་ཤཱ་ཕན་གྱི་ལག་ཏུ་གཏད།  
\v 16 ཤཱ་ཕན་གྱིས་མདོ་དེ་རྒྱལ་པོའི་དྲུང་དུ་ཕུལ་ནས་རྒྱལ་པོ་ལ་འདི་ལྟར། ཁྱེད་ཀྱིས་འཁོར་གཡོག་དག་གི་ལག་ཏུ་བཅོལ་བའི་ལས་ཀ་ཡོད་ཚད་དེ་དག་གིས་སྒྲུབ་ཀྱིན་ཡོད།  
\v 17 ཁོ་ཚོས་དཀོན་མཆོག་ཡ་ཝཱེའི་མཆོད་ཁང་ལས་རྙེད་པའི་དངུལ་དག་བསྡུས་ནས། ལས་དཔོན་དང་ལག་ཤེས་པ་རྣམས་ཀྱི་ལག་ཏུ་གཏད་པ་ཡིན་ཞེས་ཞུས་སོ། །  
\v 18 ཡང་དྲུང་ཡིག་ཤཱ་ཕན་གྱིས་རྒྱལ་པོ་ལ་འདི་ལྟར། མཆོད་དཔོན་ཧིལ་ཀི་ཡཱས་ང་ལ་ཤོག་སྒྲིལ་གྱི་མདོ་འདིའང་སྤྲད་བྱུང་ཞེས་ནས་རྒྱལ་པོའི་དྲུང་དུ་མདོ་དེ་བཀླགས།  
\v 19 ཡང་རྒྱལ་པོས་བཀའ་ཁྲིམས་ཀྱི་གསུང་རྣམས་ཐོས་པ་ཙམ་གྱིས་རང་གི་གོས་བཤགས་ཏེ།  
\v 20 རྒྱལ་པོ་ཧིལ་ཀི་ཡཱ་དང་། ཤཱ་ཕན་གྱི་བུ་ཨ་ཧི་ཀམ་དང་། མི་ཀཱ་ཡི་བུ་ཨབ་དོན་དང་། དྲུང་ཡིག་ཤཱ་ཕན་དང་། རྒྱལ་པོའི་ཞབས་ཕྱི་ཨ་སཱ་ཡཱ་བཅས་ལ་བཀའ་བསྩལ་ནས་ན་རེ།  
\v 21 སོང་ལ། བདག་དང་ཡེས་ར་ཨེལ། ཡ་ཧུ་དཱ་རུ་ལུས་པའི་མི་རྣམས་ཀྱི་དོན་དུ། རང་ཅག་གིས་རྙེད་པའི་མདོ་འདིའི་གསུང་གི་སྐོར་ནས་ཐུགས་བརྟག་ཞུས་ཤིག ཅིའི་ཕྱིར་ཞེ་ན། འོ་སྐོལ་གྱི་ཕ་མེས་རྣམས་ཀྱིས་དཀོན་མཆོག་ཡ་ཝཱེའི་བཀའ་རྣམས་མ་བསྲུངས་ལ། མདོ་འདི་ནང་བྲིས་པ་ཐམས་ཅད་བཞིན་དུའང་མ་བྱས་པས། དཀོན་མཆོག་ཡ་ཝཱེ་རང་ཅག་ལ་ཐུགས་རབ་ཏུ་ཁྲོས་པ་ཡིན་ཞེས་གསུངས།  
\v 22 དེ་ནས་ཧིལ་ཀི་ཡཱ་དང་། རྒྱལ་པོས་མངགས་པའི་མི་རྣམས་བུད་མེད་ལུང་སྟོན་པ་ཧུལ་དཱའི་རྩར་ཕྱིན་ཏེ། མོ་ནི་གོས་ཁང་གི་གཉེར་བ་ཤལ་ལུམ་གྱི་ཆུང་མ་ཡིན་ལ། ཡང་ཤལ་ལུམ་ནི་ཧས་རཱའི་ཚ་བོ་དང་། ཐོག་ཧད་ཀྱི་བུའོ། །མོ་ནི་ཡེ་རུ་སཱ་ལེམ་གྱི་ཁུལ་གཉིས་པར་སྡོད་པ་དང་། ཁོ་ཚོས་ཡོང་དོན་མོ་ལ་བཤད་ཅིང་།  
\v 23 ཁོ་མོས་དེ་དག་ལ། ཡེས་ར་ཨེལ་གྱི་དཀོན་མཆོག་ཡ་ཝཱེས་འདི་སྐད་དུ། ཁྱོད་ཅག་ངའི་རྩར་མངག་མཁན་དེ་ལ་འདི་ལྟར་སྦྲོན་ཅིག  
\v 24 དཀོན་མཆོག་ཡ་ཝཱེས་འདི་སྐད་དུ། ལྟོས་དང་། ཡ་ཧུ་དཱའི་རྒྱལ་པོའི་མདུན་དུ་བཀླགས་པའི་མདོ་ནང་དུ་བྲིས་པའི་དམོད་མོ་ཐམས་ཅད་བཞིན་དུ། ངས་གནས་འདི་དང་འདིར་གནས་པའི་ཡུལ་མིའི་སྟེང་དུ་ཆག་སྒོ་གཏོང་བར་བྱའོ། །  
\v 25 ཅིའི་ཕྱིར་ཞེ་ན། ཁོ་ཚོས་ང་རང་དོར་ནས་ལྷ་གཞན་ལ་སྤོས་བསྒྲོན་པ་དང་། རང་གི་བྱས་པའི་ལས་ཀུན་གྱིས་ངའི་ཁོང་ཁྲོ་བསྐྱེད་པས། ངའི་ཁོང་ཁྲོའི་མེ་ལྕེ་གནས་འདིར་འབབ་ངེས་ཤིང་ནམ་ཡང་ཞི་བར་མི་འགྱུར།  
\v 26 དཀོན་མཆོག་ཡ་ཝཱེ་ནས་བརྟག་པ་ཞུ་བར་ཁྱོད་རྣམས་མངགས་མཁན་ཡ་ཧུ་དཱའི་རྒྱལ་པོ་ལ་འདི་ལྟར་སྨྲོས་ཤིག ཁྱོད་ཀྱིས་ཐོས་པའི་བཀའ་ཡི་སྐོར་ལ། ཡེས་ར་ཨེལ་གྱི་དཀོན་མཆོག་ཡ་ཝཱེས་འདི་སྐད་དུ།  
\v 27 བདག་གིས་གནས་འདི་དང་གནས་འདིར་སྡོད་པ་རྣམས་ལ་གནང་བའི་བཀའ་ཐོས་པ་ཙམ་གྱིས། ཁྱོད་ཀྱི་སེམས་སྙི་མོར་གྱུར་པ་དང་། བདག་གི་མདུན་ནས་ཁེངས་སྐྱུང་བྱས་ཏེ་གོས་གཤགས་ནས་ངུས་པ་ན་ངས་ཀྱང་ཁྱོད་ཀྱི་ཞུ་བར་མཉན་པ་ཡིན། འདི་ནི་དཀོན་མཆོག་ཡ་ཝཱེའི་བཀའ་ཁྱབ་སྟེ།  
\v 28 ལྟོས་དང་། བདག་གིས་ཁྱོད་ནི་རང་གི་ཕ་མེས་ཀྱི་ཁྲོད་དུ་བསྡུ་བར་བྱ་སྟེ། ཞི་བདེའི་ངང་རང་གི་དུར་ལ་འཇུག་པར་འགྱུར། ངས་གནས་འདི་དང་གནས་འདིའི་ཡུལ་མི་རྣམས་ཀྱི་སྟེང་དུ་འབེབ་པར་བྱ་བའི་ཆག་སྒོ་ཐམས་ཅད་ཁྱོད་ཀྱི་མིག་གིས་མཐོང་བར་མི་འགྱུར་ཞེས་གསུངས་ཞེས་སྨྲས་པ་དང་། ཁོ་ཚོས་བཀའ་དེ་རྒྱལ་པོ་ལ་བསྐྱལ་ཏོ། །   
\s1 ཡོ་ཤི་ཡཱས་གཙོ་བོའི་བཀའ་བསྲུང་བར་ཞལ་ཆད་མཛད་པ།  
\p
\v 29 དེ་ནས་རྒྱལ་པོས་བང་ཆེན་བཏང་ནས། ཡ་ཧུ་དཱ་དང་ཡེ་རུ་སཱ་ལེམ་གྱི་རྒན་པོ་ཐམས་ཅད་བསྡུས་ཏེ།  
\v 30 རྒྱལ་པོ་དང་ཡ་ཧུ་དཱ་པ་དང་། ཡེ་རུ་སཱ་ལེམ་པ་ཐམས་ཅད་དང་། མཆོད་དཔོན་རྣམས་དང་ལེ་ཝི་པ་དང་མི་རིགས་ཆེ་ཆུང་ཡོད་དོ་ཅོག་དཀོན་མཆོག་ཡ་ཝཱེའི་མཆོད་ཁང་དུ་ཡར་སོང་ནས། རྒྱལ་པོས་དཀོན་མཆོག་ཡ་ཝཱེའི་མཆོད་ཁང་ནས་རྙེད་པའི་ཞལ་ཆད་ཀྱི་མདོ་ཡི་བཀའ་ཐམས་ཅད་དེ་རྣམས་ཀྱི་མདུན་དུ་བསྒྲགས་ནས།  
\v 31 རྒྱལ་པོ་རང་གི་འདུག་སར་བཞེངས་ཏེ། བློ་གཅིག་སེམས་གཅིག་གིས་དཀོན་མཆོག་ཡ་ཝཱེའི་རྗེས་སུ་འབྲང་བ་དང་། ཁོང་གི་བཀའ་རྒྱ་དང་དཔང་ཡིག ཁྲིམས་སྲོལ་བཅས་པ་གཟབ་ནན་གྱིས་བསྲུངས་ནས། མདོ་འདིའི་ནང་དུ་བཀོད་པའི་ཞལ་ཆད་ཀྱི་བཀའ་བཞིན་དུ་སྤྱོད་པའི་ཐད་དཀོན་མཆོག་ཡ་ཝཱེའི་དྲུང་དུ་ཞལ་ཆད་མཛད་དོ། །  
\v 32 ཡང་ཁོང་གིས་ཡེ་རུ་སཱ་ལེམ་དང་པེན་ཡཱ་མེན་དུ་སྡོད་པའི་མི་ཐམས་ཅད་ལ་ཞལ་ཆད་དེ་བསྲུང་དུ་བཅུག་པ་དང་། དེ་ནས་ཡེ་རུ་སཱ་ལེམ་གྱི་ཡུལ་མི་ཐམས་ཅད་ཀྱིས་རང་གི་ཕ་མེས་ཀྱི་དཀོན་མཆོག་གི་ཞལ་ཆད་བཞིན་དུ་སྤྱོད་པ་སྤྱད་དོ། །  
\v 33 དེ་ནས་ཡོ་ཤི་ཡཱས་ཡེས་ར་ཨེལ་པ་ལ་གཏོགས་པའི་ཡུལ་ཀུན་ནས་ཞེན་ལོག་གི་སྐུ་འདྲ་ཐམས་ཅད་མེད་པར་བཟོས་ནས། ཡེས་ར་ཨེལ་ཡུལ་ཁམས་སུ་གནས་པ་ཀུན་ལ་རང་གི་དཀོན་མཆོག་ཡ་ཝཱེ་ལ་ཞབས་ཕྱི་སྒྲུབ་ཏུ་བཅུག་པས། ཡོ་ཤི་ཡཱའི་སྐུ་རིང་ལ་མི་རྣམས་རང་གི་ཕ་མེས་ཀྱི་དཀོན་མཆོག་ཡ་ཝཱེའི་རྗེས་སུ་འབྲངས་པ་ལས་མ་བྱོལ་ཏོ། །   
\c 35
\cl ལེའུ་སོ་ལྔ་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཡོ་ཤི་ཡཱ་ཡིས་པེ་སག་དུས་ཆེན་བསྲུངས་པ།  
\p
\v 1 ཡོ་ཤི་ཡཱ་ཡིས་ཡེ་རུ་སཱ་ལེམ་དུ་དཀོན་མཆོག་ཡ་ཝཱེའི་ཕྱིར་པེ་སག་དུས་ཆེན་བསྲུངས་པ་དང་། ཟླ་དང་པོའི་ཚེས་བཅུ་བཞི་ཉིན་དེ་དག་གིས་པེ་སག་དུས་ཆེན་གྱི་ལུ་གུ་བཤས་ཏེ།  
\v 2 རྒྱལ་པོས་མཆོད་དཔོན་རྣམས་ལ་རང་རང་གི་ལས་འགན་བསྐོས་ནས་དཀོན་མཆོག་ཡ་ཝཱེའི་མཆོད་ཁང་གི་ལས་ཀ་རྣམས་བསྒྲུབ་པར་བསྐུལ།  
\v 3 ཡང་ཁོང་གིས་ཡེས་ར་ཨེལ་པ་ཐམས་ཅད་ལ་བསླབ་བྱ་གནང་མཁན་དང་དཀོན་མཆོག་ཡ་ཝཱེའི་ཕྱིར་དམ་པར་བྱས་པའི་ལེ་ཝི་པ་དག་ལ་འདི་ལྟར། ཁྱོད་ཚོས་དཀོན་མཆོག་གི་དམ་པའི་ཤུར་སྒམ་ནི་ཡེས་ར་ཨེལ་གྱི་རྒྱལ་པོ་དཱ་བིད་ཀྱི་སྲས་སོ་ལོ་མོན་གྱིས་བཞེངས་པའི་མཆོད་ཁང་དུ་འཇོག་པ་ལས་ཡང་བསྐྱར་ཕྲག་ལ་འཁུར་མི་དགོས་ཏེ། ད་ལྟ་ཁྱོད་ཚོས་རང་གི་དཀོན་མཆོག་ཡ་ཝཱེ་དང་ཁོང་གི་འབངས་མི་ཡེས་ར་ཨེལ་ལ་ཞབས་ཕྱི་བསྒྲུབ་དགོས།  
\v 4 ཁྱོད་ཚོས་རང་གི་ཁྱིམ་རྒྱུད་དང་ལས་རེས་བཞིན་དང་། ཡེས་ར་ཨེལ་གྱི་རྒྱལ་པོ་དཱ་བིད་ཀྱི་མདོ་དང་ཁོང་གི་སྲས་སོ་ལོ་མོན་གྱིས་ཡི་གེར་བཀོད་པ་ལྟར་གྲ་སྒྲིག་བྱེད་དགོས།  
\v 5 ཁྱོད་ཚོ་རང་རང་གི་ཉེ་འབྲེལ་ཏེ། མི་སེར་དཀྱུས་མའི་ཁྱིམ་རྒྱུད་ཀྱི་ལས་རེས་ལྟར་དམ་པའི་གནས་སུ་ལངས་སྡོད་དགོས་ལ། ལས་རེས་རེ་རེར་ལེ་ཝིའི་ཁྱིམ་རྒྱུད་ཀྱི་མི་ཁ་ཤས་ཡོད་དགོས།  
\v 6 ཁྱོད་ཚོས་པེ་སག་དུས་ཆེན་གྱི་ལུ་གུ་བཤས་ནས་རང་ཉིད་དམ་པར་བྱེད་དགོས་ལ། རང་གི་ཉེ་འབྲེལ་གྱི་ཆེད་དུ་ཐམས་ཅད་གྲ་སྒྲིག་བྱེད་པ་དང་། དཀོན་མཆོག་ཡ་ཝཱེས་མོ་ཤེ་བརྒྱུད་ནས་གསུངས་པའི་བཀའ་བརྩི་དགོས་ཞེས་སྨྲས།  
\v 7 དེ་ནས་ཡོ་ཤི་ཡཱ་ཡིས་ལུ་གུ་དང་རེའུ་བསྡོམས་པས་ཁྲི་གསུམ་དང་། གླང་ཐུག་སུམ་སྟོང་བཅས་གནས་དེར་ཡོད་པའི་མི་ཐམས་ཅད་ལ་པེ་སག་གི་མཆོད་པ་འབུལ་བའི་ཆེད་དུ་གནང་སྟེ། འདི་ཐམས་ཅད་ནི་རྒྱལ་པོ་རང་ཉིད་ཀྱི་རྒྱུ་ནོར་ཡིན་ནོ། །  
\v 8 ཡོ་ཤི་ཡཱའི་ལག་འོག་གི་འགོ་དཔོན་རྣམས་ཀྱིས་ཀྱང་མཆོད་རྫས་དག་མི་རྣམས་དང་མཆོད་དཔོན། ལེ་ཝི་པ་བཅས་ལ་རང་མོས་ཀྱིས་སྤྲད་ཅིང་། ཡང་དཀོན་མཆོག་གི་མཆོད་ཁང་གི་སྤྱི་གཉེར་ཏེ་ཧིལ་ཀི་ཡཱ་དང་ཟཱ་ཀར་ཡ། ཡེ་ཧི་ཨེལ་བཅས་ཀྱིས་ཀྱང་ལུ་གུ་ཉིས་སྟོང་དྲུག་བརྒྱ་དང་གླང་ཐུག་སུམ་བརྒྱ་པེ་སག་དུས་ཆེན་གྱི་མཆོད་རྫས་སུ་མཆོད་དཔོན་ལག་ཏུ་བཞག  
\v 9 ལེ་ཝི་པའི་འགོ་དཔོན་ཀོ་ནན་ཡཱ་དང་། དེའི་སྤུན་ཤེ་མ་ཡཱ་དང་ནེ་ཐན་ཨེལ་བཅས་དང་། ཧ་ཤབ་ཡཱ་དང་ཡེ་ཨི་ཨེལ། ཡོ་ཟཱ་བད་བཅས་ཀྱིས་ཀྱང་ལུ་གུ་ལྔ་སྟོང་དང་གླང་ཐུག་ལྔ་བརྒྱ་པེ་སག་དུས་ཆེན་གྱི་མཆོད་རྫས་སུ་ལེ་ཝི་པའི་ལག་ཏུ་བཞག  
\v 10 དེ་ལྟར་ཞབས་ཕྱི་སྒྲུབ་པའི་ལས་ཡོངས་གྲ་སྒྲིག་བྱས་ཚར་རྗེས། རྒྱལ་པོའི་བཀའ་བཞིན་ཏུ་མཆོད་དཔོན་རྣམས་རང་རང་གི་ལས་གནས་སུ་འགྲེང་པ་དང་། ལེ་ཝི་པ་རྣམས་ཀྱང་རང་རང་གི་ལས་རེས་བཞིན་ལངས་ནས་བསྡད།  
\v 11 ལེ་ཝི་པ་རྣམས་ཀྱིས་པེ་སག་དུས་ཆེན་ལ་གྲ་སྒྲིག་བྱས་བའི་ལུ་གུ་བཤས་ཏེ། ལེ་ཝི་པས་པགས་པ་བཤུས་པ་དང་། མཆོད་དཔོན་རྣམས་ཀྱིས་དེ་ཚོའི་ལག་ནས་ལུ་གུའི་ཁྲག་བླངས་ཏེ་མཆོད་ཁྲིའི་ཁར་གཏོར་རྗེས།  
\v 12 སྦྱིན་སྲེག་གི་ཤ་རྣམས་ཁྱེར་ནས་ཁྱིམ་རྒྱུད་སོ་སོའི་ནང་ཚན་བཞིན་མི་ཀུན་ལ་བགོས་ཏེ། མོ་ཤེས་བཀོད་པའི་བཀའ་ཁྲིམས་ལྟར་དཀོན་མཆོག་ཡ་ཝཱེ་ལ་མཆོད་པ་ཕུལ་བ་དང་། གླང་ཐུག་རྣམས་ཀྱང་དེ་ལྟར་ཕུལ་ཏོ། །  
\v 13 ཡང་ལུགས་སྲོལ་ལྟར་པེ་སག་དུས་ཆེན་ལ་བཤས་པའི་ལུ་གུ་མེས་བསྲེགས་ཏེ། མཆོད་རྫས་དམ་པ་གཞན་དག་ནི་ཁོ་ཚོས་རྫ་ཁོག་དང་སླ་ང་དང་། བསྲེགས་སླང་སོགས་ཀྱི་ནང་དུ་བཙོས་ནས་མྱུར་བ་མྱུར་དུ་མི་རྣམས་ལ་སྤྲད།  
\v 14 དེ་ནས་ཁོ་ཚོས་ད་གཟོད་རང་ཉིད་དང་མཆོད་དཔོན་རྣམས་ཀྱི་ཆེད་དུ་མཆོད་རྫས་གྲ་སྒྲིག་བྱས་ཏེ། ཅི་ལ་ཞེ་ན། མཆོད་དཔོན་ཨ་རོན་གྱི་བུ་རབས་ཚ་རྒྱུད་རྣམས་ཀྱིས་དགོང་མོའི་བར་དུ་སྦྱིན་སྲེག་དང་ཚིལ་འབུལ་དགོས་པས། ལེ་ཝི་པ་རྣམས་ཀྱིས་རང་ཉིད་དང་མཆོད་དཔོན་ཨ་རོན་གྱི་བུ་རབས་ཚ་རྒྱུད་དག་ལ་མཆོད་རྫས་གྲ་སྒྲིག་བྱས།  
\v 15 བསྟོད་དབྱངས་འབུལ་མཁན་ཨ་སབ་ཀྱི་བུ་རབས་ཚ་རྒྱུད་རྣམས་ཀྱིས་དཱ་བིད་དང་ཨ་སབ། ཧེ་མཱན། རྒྱལ་པོའི་མངོན་ཤེས་པ་ཡེ་དུ་ཐུན་བཅས་ཀྱིས་བསྒོས་པ་བཞིན། རང་རང་གི་ལས་གནས་སུ་བསྡད་ཅིང་། སྒོ་སྲུང་རྣམས་ཀྱིས་སྒོ་རྣམས་སྲུང་བ་ལས་རང་ཉིད་ཀྱི་ལས་འགན་དང་འབྲལ་མི་དགོས་ཏེ། ཅི་ལ་ཞེ་ན། ཁོ་ཚོའི་ཉེ་འབྲེལ་ལེ་ཝི་པ་རྣམས་ཀྱིས་ཁོ་ཚོའི་དོན་དུ་མཆོད་རྫས་གྲ་སྒྲིག་བྱས་པ་རེད།  
\v 16 དེ་བཞིན་ཉིན་དེར་དཀོན་མཆོག་ཡ་ཝཱེ་ལ་ཞབས་ཏོག་སྒྲུབ་པའི་ལས་འགན་ཐམས་ཅད་བཀོད་སྒྲིག་བརྒྱབ་པ་དང་། རྒྱལ་པོ་ཡོ་ཤི་ཡཱ་ཡིས་བསྒོས་པ་བཞིན་པེ་སག་དུས་ཆེན་བསྲུངས་ཤིང་། ད་དུང་དཀོན་མཆོག་ཡ་ཝཱེའི་མཆོད་ཁྲི་སྟེང་དུ་སྦྱིན་སྲེག་ཕུལ།  
\v 17 སྐབས་དེར་གནས་དེ་རུ་ཡོད་པའི་ཡེས་ར་ཨེལ་པ་རྣམས་ཀྱིས་པེ་སག་དུས་ཆེན་བསྲུངས་པ་དང་། ཡང་ཉིན་བདུན་ལ་སྐྱུར་མེད་བག་ལེབ་ཀྱི་དུས་ཆེན་བསྲུངས།  
\v 18 ལུང་སྟོན་པ་སཱ་མུ་ཨེལ་བྱུང་བ་ནས་བཟུང་། ཡེས་ར་ཨེལ་གྱི་ནང་དུ་སུས་ཀྱང་པེ་སག་དུས་ཆེན་དེ་ལྟ་བུ་བསྲུངས་མ་མྱོང་སྟེ། ཡོ་ཤི་ཡཱ་དང་མཆོད་དཔོན་རྣམས། ལེ་ཝི་པ་རྣམས། ཡ་ཧུ་དཱ་པ་ཐམས་ཅད་དང་གནས་དེར་འཛོམས་པའི་ཡེས་ར་ཨེལ་པ་རྣམས་བཅས་དང་། ད་དུང་ཡེ་རུ་སཱ་ལེམ་དུ་སྡོད་པའི་ཡུལ་མི་དག་གིས་པེ་སག་དུས་ཆེན་བསྲུངས་པ་ལྟར་ཡེས་ར་ཨེལ་གྱི་རྒྱལ་པོ་རྣམས་ཀྱིས་ཀྱང་བསྲུངས་མ་མྱོང་ངོ་། །  
\v 19 པེ་སག་དུས་ཆེན་དེ་ནི་ཡོ་ཤི་ཡཱ་རྒྱལ་པོར་བསྡད་པའི་ལོ་བཅོ་བརྒྱད་པ་ལ་བསྲུངས་པ་ཡིན།   
\s1 ཡོ་ཤི་ཡཱ་ཚེ་ལས་འདས་པ།  
\p
\v 20 ཡོ་ཤི་ཡཱ་ཡིས་མཆོད་ཁང་གི་ཆེད་དུ་ལས་ཀ་ཡོད་ཚད་བསྒྲུབས་ཚར་རྗེས། ཨེ་ཅིབ་ཀྱི་རྒྱལ་པོ་ནེ་ཀོ་ཡར་འོངས་ཏེ། ཕི་རཱད་ཆུ་བོ་དང་ཉེ་བའི་ཀར་ཀེ་མི་སི་གྲོང་ཁྱེར་ལ་དམག་དྲངས་པ་དང་། ཡོ་ཤི་ཡཱ་ཕྱི་རུ་ཁོ་དང་འགྲན་དུ་སོང་།  
\v 21 ནེ་ཀོ་ཡིས་ཡོ་ཤི་ཡཱ་ཡི་རྩར་བང་ཆེན་མངགས་ཏེ་ན་རེ། ཡ་ཧུ་དཱའི་རྒྱལ་པོ་ལགས། བདག་ནི་ཁྱོད་དང་འབྲེལ་བ་ཅི་ཡོད་དམ། བདག་ནི་དེ་རིང་ཁྱོད་དང་དམག་རྒྱག་ཏུ་འོངས་པ་མིན་ལ། བདག་དང་འཐབ་པའི་རྒྱལ་ཁམས་ལ་དམག་རྒྱག་ཏུ་འོངས་ཏེ། དེ་ནི་དཀོན་མཆོག་གིས་བདག་ལ་བསྐུལ་བ་ཡིན་པས། ཁྱོད་ཀྱིས་བདག་དང་མཉམ་དུ་བཞུགས་པའི་དཀོན་མཆོག་ལ་ངོ་རྒོལ་མ་བྱེད་ཅིག ཅི་ལ་ཞེ་ན། ཁོང་གིས་ཁྱོད་རང་མེད་པར་མི་མཛད་པའི་ཆེད་དུ་ཡིན་ནོ་ཞེས་སྨྲས་ནའང་།  
\v 22 ཡོ་ཤི་ཡཱ་ཁོ་དང་མི་འབྲལ་བར་མ་ཟད། ཆས་གོས་བསྒྱུར་ནས་ཁོ་དང་དམག་རྒྱག་པར་བརྩམས་ཤིང་དཀོན་མཆོག་གིས་ནེ་ཀོ་བརྒྱུད་ནས་གསུངས་པའི་བཀའ་ལ་མ་མཉན་པར། མེ་གིད་དོ་བདེ་ཐང་དུ་འོངས་ཏེ་ནེ་ཀོ་དང་དམག་བརྒྱབ།  
\v 23 མདའ་བའི་མདའ་ཡོ་ཤི་ཡཱ་ལ་ཕོག་སྟེ། རྒྱལ་པོས་རང་གི་འཁོར་གཡོག་ལ་འདི་ལྟར། བདག་ལ་རྨས་སྐྱོན་ཚབས་ཆེན་བྱུང་བས་ཁྱོད་ཚོས་ང་རང་གཡུལ་ས་ནས་ཁྱེར་ཅིག་ཅེས་བསྒོས་པ་ན།  
\v 24 ཁོང་གི་འཁོར་གཡོག་རྣམས་ཀྱིས་ཁོ་རང་བསྐྱོར་ནས་ཤིང་རྟ་ལས་འབབ་དུ་བཅུག་སྟེ། ཡང་ཤིང་རྟ་གཞན་ཞིག་ལ་བསྡད་དེ་ཡེ་རུ་སཱ་ལེམ་དུ་བསྐྱལ་བ་ན། ཁོང་ཚེ་ལས་འདས་པ་དང་རང་གི་ཕ་མེས་ཀྱི་དུར་ལ་སྦས། ཡ་ཧུ་དཱ་དང་ཡེ་རུ་སཱ་ལེམ་གྱི་མི་ཐམས་ཅད་ཀྱིས་ཡོ་ཤི་ཡཱའི་ཆེད་དུ་མྱ་ངན་བྱས་སོ། །  
\v 25 ཡེ་རེམ་ཡཱ་ཡིས་ཡོ་ཤི་ཡཱའི་དོན་དུ་སྐྱོ་གླུ་བརྩམས་པ་དང་། མགུར་ལེན་མཁན་སྐྱེས་ཕོ་མོ་ཡོད་ཚད་ཀྱིས་སྐྱོ་གླུ་ལངས་ནས་དེ་རིང་གི་བར་དུ་ཡོ་ཤི་ཡཱ་ལ་མྱ་ངན་བྱས། དེ་ནི་ཐ་ན་ཡེས་ར་ཨེལ་གྱི་ནང་དུ་རྒྱུན་སྲོལ་ཞིག་ཏུ་ཆགས། ལྟོས་ཤིག དེ་དག་ནི་སྐྱོ་གླུའི་མདོ་རུ་བཀོད་ཡོད།  
\v 26 ཡང་ཡོ་ཤི་ཡཱའི་མཛད་རྗེས་གཞན་དག་དང་། ཁོང་གིས་དཀོན་མཆོག་ཡ་ཝཱེའི་བཀའ་ཁྲིམས་ལྟར་བསྒྲུབས་པའི་ལས་བཟང་པོ་ཐམས་ཅད་དང་།  
\v 27 ད་དུང་ཁོང་གི་མཛད་རྗེས་རྣམས་འགོ་ནས་མཇུག་བར་དུ་ཡེས་ར་ཨེལ་དང་ཡ་ཧུ་དཱའི་རྒྱལ་རབས་ནང་དུ་བཀོད་ཡོད་དོ། །   
\c 36
\cl ལེའུ་སོ་དྲུག་པ། 
\toc1 ༄༅། །སྔོན་རབས་ཀྱི་མདོ་གཉིས་པ། 
\toc2 སྔོན་རབས་གཉིས་པ། 
\s1 ཡ་ཧུ་དཱའི་རྒྱལ་པོ་ཡེ་ཧོ་ཨ་ཧཱ་ཟི།  
\p
\v 1 དེ་ནས་ཡ་ཧུ་དཱའི་ཡུལ་མི་རྣམས་ཀྱིས་ཡོ་ཤི་ཡཱའི་སྲས་ཡེ་ཧོ་ཨ་ཧཱ་ཟི་ཁོའི་ཡབ་ཀྱི་ཚབ་ཏུ་ཡེ་རུ་སཱ་ལེམ་ནས་རྒྱལ་པོར་བསྐོས།  
\v 2 ཡེ་ཧོ་ཨ་ཧཱ་ཟི་རྒྱལ་པོར་བཞུགས་དུས་སུ་དགུང་ལོ་ཉེར་གསུམ་ཡིན་པ་དང་། ཡེ་རུ་སཱ་ལེམ་དུ་ཟླ་གསུམ་གྱི་རིང་ལ་རྒྱལ་སྲིད་བསྐྱངས།  
\v 3 དེ་ནས་ཨེ་ཅིབ་ཀྱི་རྒྱལ་པོ་ཡེ་རུ་སཱ་ལེམ་དུ་འོངས་ནས་ཁོང་ཁྲི་ལས་ཕབ་སྟེ། ཡུལ་དེར་དངུལ་གྱི་རྡོ་ཚད་བརྒྱ་དང་། གསེར་གྱི་རྡོ་ཚད་གཅིག་གི་དཔྱ་ཁྲལ་བཀལ།  
\v 4 ཡང་ཨེ་ཅིབ་ཀྱི་རྒྱལ་པོ་ནེ་ཀོ་བྱ་བས་ཡེ་ཧོ་ཨ་ཧཱ་ཟིའི་གཅེན་པོ་ཨེལ་ཡ་ཀིམ་ཞེས་པ་ཡ་ཧུ་དཱ་དང་ཡེ་རུ་སཱ་ལེམ་གྱི་རྒྱལ་པོར་བསྐོས་ནས། དེའི་མིང་བརྗེས་ནས་ཡེ་ཧོ་ཡཱ་ཀིམ་ཞེས་བཏགས། ནེ་ཀོས་ཡེ་ཧོ་ཡཱ་ཀིམ་གྱི་གཅེན་པོ་ཡེ་ཧོ་ཨ་ཧཱ་ཟི་བཟུང་ནས་ཨེ་ཅིབ་ཏུ་ཁྲིད་དོ། །   
\s1 ཡ་ཧུ་དཱའི་རྒྱལ་པོ་ཡེ་ཧོ་ཡཱ་ཀིམ།  
\p
\v 5 ཡེ་ཧོ་ཡཱ་ཀིམ་རྒྱལ་པོར་སྡོད་དུས་སུ་ལོ་ཉེར་ལྔ་ཡིན་པ་དང་། ཁོས་ཡེ་རུ་སཱ་ལེམ་དུ་ལོ་བཅུ་གཅིག་གི་རིང་ལ་རྒྱལ་སྲིད་བསྐྱངས། ཁོས་རང་གི་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་སྤྱད་ཅིང་།  
\v 6 པཱ་པེལ་ལོན་གྱི་རྒྱལ་པོ་ནེ་བོ་ཀད་ནེ་ཙར་ཡར་འོངས་ནས་དེ་ལ་དམག་དྲངས་ཤིང་། ཁོ་རང་ལྕགས་སྒྲོག་བརྒྱབས་ནས་པཱ་པེལ་ལོན་དུ་ཁྲིད།  
\v 7 ནེ་བོ་ཀད་ནེ་ཙར་གྱིས་དཀོན་མཆོག་ཡ་ཝཱེའི་མཆོད་ཁང་ནང་གི་སྣོད་ཆས་འགའ་ཞིག་པཱ་པེལ་ལོན་དུ་ཁྱེར་ནས་རང་གི་ལྷ་ཁང་\f + \ft འདིར་རང་གི་ལྷ་ཁང་ཞེས་པར་རང་གི་ཕོ་བྲང་ཞེས་བསྒྱུར་ཡང་རུང་བ་ཡིན།\f*དུ་བཞག  
\v 8 ཡང་ཡེ་ཧོ་ཡཱ་ཀིམ་གྱི་བྱས་རྗེས་གཞན་དག་དང་། ཞེན་ལོག་གི་སྤྱོད་པ་རྣམས་དང་ཁོའི་གསང་བ་རྣམས་ནི་ཐམས་ཅད་ཡེས་ར་ཨེལ་དང་ཡ་ཧུ་དཱའི་རྒྱལ་རབས་ཀྱི་ནང་དུ་བཀོད་ཡོད། ཁོའི་སྲས་ཡེ་ཧོ་ཡཱ་ཀིན་ཁོའི་ཚབ་ཏུ་རྒྱལ་པོར་གྱུར།   
\s1 ཡ་ཧུ་དཱའི་རྒྱལ་པོ་ཡེ་ཧོ་ཡཱ་ཀིན།  
\p
\v 9 ཡེ་ཧོ་ཡཱ་ཀིན་རྒྱལ་པོར་སྡོད་དུས་སུ་ལོ་བརྒྱད་ཡིན་པ་དང་། ཡེ་རུ་སཱ་ལེམ་དུ་ཟླ་གསུམ་དང་ཞག་བཅུའི་རིང་ལ་རྒྱལ་སྲིད་བསྐྱངས། ཁོས་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་སྤྱད།  
\v 10 དཔྱིད་ཀའི་དུས་སུ། རྒྱལ་པོ་ནེ་བོ་ཀད་ནེ་ཙར་གྱིས་མི་མངགས་ནས། དཀོན་མཆོག་ཡ་ཝཱེའི་མཆོད་ཁང་ནང་གི་ཡོ་བྱད་རྩ་ཆེན་རྣམས་དང་བཅས་སུ་ཁོ་རང་པཱ་པེལ་ལོན་དུ་ཁྲིད་དེ། དེའི་ཁུ་བོ་ \f + \ft འདིར་ཁུ་བོ་ཞེས་པར་ཕྱི་མོའི་མ་ཡིག་ལས་སྤུན་མཆེད་ཅེས་མཐོང་སྟེ། ཉེ་འབྲེལ་གྱི་དོན་ལ་འཇུག \f*ཚིད་ཀི་ཡཱ་ནི་ཡ་ཧུ་དཱ་དང་ཡེ་རུ་སཱ་ལེམ་གྱི་རྒྱལ་པོར་བསྐོས།   
\s1 ཡ་ཧུ་དཱའི་རྒྱལ་པོ་ཚིད་ཀི་ཡཱ།  
\p
\v 11 ཚིད་ཀི་ཡཱ་རྒྱལ་པོར་སྡོད་དུས་སུ་ལོ་ཉེར་གཅིག་ཡིན་པ་དང་། ཡེ་རུ་སཱ་ལེམ་དུ་ལོ་བཅུ་གཅིག་གི་རིང་ལ་རྒྱལ་སྲིད་བསྐྱངས།  
\v 12 དེས་ཡ་ཝཱེ་རང་གི་དཀོན་མཆོག་གི་སྤྱན་སྔར་ངན་པ་གང་ཡིན་སྤྱད་དེ། ལུང་སྟོན་པ་ཡེ་རེམ་ཡཱ་ཡིས་དཀོན་མཆོག་ཡ་ཝཱེའི་བཀའ་ལ་བརྟེན་ནས་ཁོ་ལ་ཉེན་བརྡ་བཏང་ཡང་ཁོས་ཁེངས་སྐྱུང་མ་བྱས་ལ།  
\v 13 རྒྱལ་པོ་ནེ་བོ་ཀད་ནེ་ཙར་གྱིས་དེ་སྔར་ཁོ་ལ་དཀོན་མཆོག་དཔང་དུ་བཙུགས་ནས་མནའ་སྐྱེལ་དུ་བཅུག་ཀྱང་། ཁོས་དེ་ལའང་ངོ་ལོག་བྱས། ཁོ་ནི་ཨུ་ཚུགས་ཆེ་ཞིང་གཤིས་གྱོང་ཡིན་ཏེ། ཡེས་ར་ཨེལ་གྱི་དཀོན་མཆོག་ཡ་ཝཱེའི་ཕྱོགས་སུ་མ་འཁོར་ཏོ། །  
\v 14 དེ་མིན་མཆོད་དཔོན་ཆེན་པོ་རྣམས་དང་མི་ཐམས་ཅད་ཀྱང་སྔར་ལས་ལྷག་པར་དཀོན་མཆོག་དང་འགལ་ནས། ཕྱི་རོལ་པའི་ཞེན་ལོག་གི་བྱ་བ་ཐམས་ཅད་ཀྱི་རྗེས་སུ་འབྲངས་ནས་སྡིག་པ་ཚབས་ཆེན་བྱས་ཏེ། ཡེ་རུ་སཱ་ལེམ་དུ་དམ་པར་མཛད་པའི་དཀོན་མཆོག་ཡ་ཝཱེའི་མཆོད་ཁང་དེ་མི་གཙང་བར་བྱས།  
\v 15 ཁོ་ཚོའི་ཕ་མེས་ཀྱི་དཀོན་མཆོག་ཡ་ཝཱེས་ཉིད་ཀྱི་འབངས་མི་དང་བཞུགས་གནས་ལ་ཐུགས་བརྩེ་བར་དགོངས་པས། རྟག་ཏུ་ཉིད་ཀྱི་ལུང་སྟོན་པ་རྣམས་དེ་དག་གི་རྩར་མངགས་ནས་ཉེན་བརྡ་བཏང་མོད།  
\v 16 འོན་ཀྱང་དེ་དག་གིས་དཀོན་མཆོག་གི་ལུང་སྟོན་པ་རྣམས་ལ་འཕྱས་ཏེ་ཁོང་གི་བཀའ་སྣང་མེད་དུ་བཞག་ཅིང་། ཁོང་གི་ལུང་སྟོན་པ་དག་ལ་སྨད་པས། དཀོན་མཆོག་ཡ་ཝཱེའི་ཐུགས་ཁྲོ་ཁོང་གི་འབངས་མིའི་སྟེང་དུ་བབས་ནས་མཐར་སྐྱོབ་ཐབས་བྲལ་བའི་གནས་སུ་ལྷུང་།  
\v 17 དཀོན་མཆོག་ཡ་ཝཱེས་ཀལ་དི་པའི་རྒྱལ་པོ་ཡར་འོངས་ནས་དེ་དག་ལ་རྒོལ་བར་མཛད་པ་དང་། རྒྱལ་པོས་ཀྱང་ཁོ་ཚོའི་གནས་མཆོག་ཏུ་དར་མ་རྣམས་རལ་གྲིས་བསད་དེ། ཕོ་མོ་ན་གཞོན་དང་རྒན་པ་རྣམས་ལ་ཡང་སྙིང་རྗེ་མ་བྱས་པར་། ཁོང་གིས་ཐམས་ཅད་དེའི་ལག་ཏུ་གཏད་པ་ཡིན།  
\v 18 དེས་དཀོན་མཆོག་གི་མཆོད་ཁང་དུ་ཡོད་པའི་ཡོ་བྱད་ཆེ་ཆུང་གང་ཡིན་ཐམས་ཅད་དང་། དཀོན་མཆོག་ཡ་ཝཱེའི་མཆོད་ཁང་གི་ནོར་བུ་རྣམས་དང་། རྒྱལ་པོ་དང་དེའི་སྐུ་དྲག་རྣམས་ཀྱི་རྒྱུ་ནོར་ཐམས་ཅད་པཱ་པེལ་ལོན་དུ་ཁྱེར་ཏེ།  
\v 19 ཀལ་དི་པས་དཀོན་མཆོག་གི་མཆོད་ཁང་མེར་བསྲེགས་པ་དང་། ཡེ་རུ་སཱ་ལེམ་གྱི་མཁར་རྣམས་ཀྱང་བཤིགས་ཤིང་། གྲོང་ཁྱེར་ནང་དུ་ཡོད་པའི་ཕོ་བྲང་ཀུན་མེས་བསྲེགས་ནས། གྲོང་ཁྱེར་ནང་གི་སྣོད་ཆས་རྩ་ཆེན་ཐམས་ཅད་མེད་པར་བཟོས་པ་རེད།  
\v 20 གྲི་ལས་ཐར་བ་རྣམས་བཟུང་སྟེ་ཀལ་དིའི་རྒྱལ་པོས་པཱ་པེལ་ལོན་དུ་བཙན་ཁྲིད་བྱས་ནས། ཏ་ཟིག་གི་རྒྱལ་སྲིད་དར་རྒྱས་སུ་ཕྱིན་པའི་བར་དུ། དེ་དག་ནི་ཁོ་དང་ཁོའི་བུ་རྒྱུད་རྣམས་ཀྱི་བྲན་ཏུ་བཀོལ།  
\v 21 འདི་ནི་དཀོན་མཆོག་ཡ་ཝཱེས་ཡེ་རེམ་ཡཱ་བརྒྱུད་ནས་གསུངས་པ་དེ་བཞིན་དུ། ལོ་བདུན་ཅུ་རྫོགས་རིང་བར་དུ། ཡུལ་ཁམས་ལ་ངལ་གསོ་ཐོབ་པ་སྟེ། ས་རྒོད་དུ་ལུས་པའི་དུས་སུ་ཡུལ་ཁམས་ལ་ངལ་གསོ་ཐོབ་པ་ཡིན་ཞེས་གསུངས་པས་སོ། །   
\s1 ཡ་ཧུ་དཱ་པ་རྣམས་ཕྱིར་རང་ཡུལ་དུ་ལོག་པ།  
\p
\v 22 དེ་ནས་ཏ་ཟིག་གི་རྒྱལ་པོ་ཀོ་རེས་ཀྱི་ལོ་དང་པོར། དཀོན་མཆོག་ཡ་ཝཱེས་ཁོང་ཉིད་ཀྱི་བཀའ་སྟེ་ཡེ་རེམ་ཡཱའི་ངག་བརྒྱུད་ནས་གསུངས་པ་དེ་འགྲུབ་པར་མཛད་པའི་ཕྱིར། ཏ་ཟིག་གི་རྒྱལ་པོ་ཀོ་རེས་ལ་ཡི་གེར་བཀོད་དེ་རང་གི་རྒྱལ་ཁམས་ཡོངས་ལ་ཁྱབ་བསྒྲགས་བྱེད་པར་སྐུལ་མ་གནང་ནས་འདི་ལྟར་བྲིས་པ་སྟེ།  
\v 23 ཏ་ཟིག་གི་རྒྱལ་པོ་ཀོ་རེས་ཀྱིས་འདི་ལྟར། ནམ་མཁའི་དཀོན་མཆོག་ཡ་ཝཱེས་ས་གཞིའི་རྒྱལ་ཁམས་ཐམས་ཅད་བདག་ལ་གནང་བ་དང་། ཁོང་གིས་བདག་ཡ་ཧུ་དཱ་ཡུལ་གྱི་ཡེ་རུ་སཱ་ལེམ་དུ་ཁོང་གི་ཕྱིར་མཆོད་ཁང་ཞིག་བཞེང་བར་བསྐོས་པ་ཡིན། ཁྱོད་ཅག་གི་ཁྲོད་དུ་ཡོད་པའི་ཁོང་གི་མི་ཐམས་ཅད་ཡར་སོང་ཆོག་སྟེ། ཁོའི་དཀོན་མཆོག་ཡ་ཝཱེ་ནི་ཁོ་དང་མཉམ་དུ་བཞུགས་པར་ཤོག་ཅེས་གསུངས་པའོ།། །།