\id 1SA – NTB 
\h སཱ་མུ་ཨེལ་དང་པོ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\mt1 ༄༅། །སཱ་མུ་ཨེལ་གྱི་མདོ་དང་པོ།  
\imt1 སཱ་མུ་ཨེལ་གྱི་མདོ་དང་པོའི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi སཱ་མུ་ཨེལ་དང་པོ་དང་གཉིས་པའི་གཞུང་འདི་གཉིས་ནི་ལུང་སྟོན་པ་སཱ་མུ་ཨེལ་གྱི་མིང་ནས་ཐོགས་པ་ཡིན། དཀོན་མཆོག་གིས་ཉིད་ཀྱི་ཐུགས་དགོངས་དང་མི་མཐུན་ནའང་ལུང་སྟོན་པ་སཱ་མུ་ཨེལ་བརྒྱུད་ནས་ཡེས་ར་ཨེལ་པ་རྣམས་ཀྱི་འདོད་པ་ལྟར་རྒྱལ་རྒྱུད་རིང་ལུགས་དར་བར་མཛད། ཐོག་མའི་དུས་སུ་སཱ་མུ་ཨེལ་དང་པོ་དང་གཉིས་པ་གཉིས་ཀ་གཞུང་གཅིག་ཡིན་མོད། འོན་ཀྱང་གྷི་རིག་གི་སྐད་དུ་བསྒྱུར་བའི་ཞལ་ཆད་རྙིང་པ་སྟེ་སིབ་ཐུ་ཨ་ཀྱན་ཏི་༼Septuagint༽ཞེས་པའི་ལོ་ཙཱ་པ་རྣམས་ཀྱིས་གཞུང་དེ་གཉིས་ཀ་གཞུང་གཉིས་སུ་བཀར་བ་རེད། སཱ་མུ་ཨེལ་དང་པོའི་གཞུང་དུ་སཱ་མུ་ཨེལ་དང་སོ་ལོ་གཉིས་ཀྱི་མི་ཚེའི་ལོ་རྒྱུས་བཀོད་ཡོད་པར་མ་ཟད། དཱ་བིད་ཀྱི་མི་ཚེའི་ལོ་རྒྱུས་མང་ཆེ་བ་ཡང་བཀོད་ཡོད།  
\is1 ཡི་གེར་འགོད་མཁན་དང་འགོད་དུས།  
\ipi སཱ་མུ་ཨེལ་དང་པོ་ཡི་གེར་འགོད་མཁན་སུ་ཡིན་པའི་ངོས་འཛིན་གསལ་པོ་ཞིག་མེད། གང་ལ་ཞེ་ན། གཞུང་གི་ནང་དུ་དེ་བཀོད་མི་འདུག ཡི་གེར་འགོད་མཁན་གྱིས་རྒྱལ་ཁམས་ཁག་བགོས་བྱས་པའི་གཞུག་ཙམ་དང་། ཕལ་ཆེར་སོ་ལོ་མོན་སྐུ་གཤེགས་པའི་རྗེས་ཏེ་སྤྱི་ལོ་སྔོན་གྱི་930ལོའི་ཡས་མས་སུ་ཡི་གེར་བཀོད་པ་ཡིན།  
\is1 བརྗོད་སྙིང་དང་གསུང་འཕྲིན།  
\ipi སཱ་མུ་ཨེལ་དང་པོའི་གཞུང་གི་ནང་དུ་ཡེས་ར་ཨེལ་ཡུལ་ནས་རྒྱལ་རྒྱུད་རིང་ལུགས་དར་བར་མཛད་པའི་གནས་ཚུལ་བཀོད་ཡོད། མང་ཚོགས་ཀྱིས་རྒྱལ་པོ་ཞིག་བསྐོ་དགོས་པའི་བསམ་ཚུལ་བཏོན་སྐབས། སཱ་མུ་ཨེལ་གྱིས་དཀོན་མཆོག་གི་ལམ་སྟོན་བརྒྱུད་ནས་སོ་ལོ་སྣུམ་གྱིས་བྱུགས་ནས་ཡེས་ར་ཨེལ་གྱི་ཆེས་ཐོག་མའི་རྒྱལ་པོར་བསྐོས། ཡིན་ནའང་སོ་ལོས་དཀོན་མཆོག་གི་བཀའ་མ་བརྩིས་པ་དང་དཀོན་མཆོག་གིས་ཁོ་རྒྱལ་པོའི་གོ་ས་ནས་ཕབ། དེ་ནས་སཱ་མུ་ཨེལ་གྱིས་གསང་བའི་སྒོ་ནས་སོ་ལོའི་ཚབ་ཏུ་དཱ་བིད་སྣུམ་གྱིས་བྱུགས་ནས་རྒྱལ་པོར་བསྐོས། དེ་ནས་བཟུང་སོ་ལོ་དང་དཱ་བིད་གཉིས་བར་གྱི་འཐབ་རྩོད་ཀྱི་བྱུང་རིམ་དེ་གཞུང་འདིའི་མཇུག་བར་དུ་བརྗོད་ཡོད། སོ་ལོ་དང་དཱ་བིད་གཉིས་ཀྱི་སྐྱོན་དང་སྡིག་པ་མངོན་པར་གྱུར་པ་དང་ཆབས་ཅིག ཁོང་གཉིས་ཀྱིས་བཟང་སྤྱོད་སྤེལ་བ་དང་དཀོན་མཆོག་གི་བཀའ་གསུང་ཡང་བརྩིས་ཡོད་པར་བསྟན་ཡོད།  
\is1 འཆར་ཟིན།  
\ipi 1. ཡེས་ར་ཨེལ་ལ་རྒྱལ་རྒྱུད་ཚུགས་པའི་ལོ་རྒྱུས་རྒྱབ་ལྗོངས་སྐོར། ༼1:1-7:17༽  
\ipi 2. ཡེས་ར་ཨེལ་ལ་རྒྱལ་རྒྱུད་ཚུགས་པའི་སྐོར། ༼8:1-12:25༽  
\ipi 3. རྒྱལ་པོ་སོ་ལོས་སྲིད་ཡག་པོ་བསྐྱངས་མ་ཐུབ་པའི་སྐོར། ༼13:1-15:35༽  
\ipi 4. རྒྱལ་པོ་དཱ་བིད་དང་སོ་ལོ་གཉིས་ཀྱི་སྐོར། ༼16:1-30:31༽  
\ipi 5. སོ་ལོ་འདས་གྲོངས་སུ་གྱུར་པའི་སྐོར། ༼31:1-13༽  
\c 1
\cl ལེའུ་དང་པོ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 ཨེལ་ཁ་ནཱ་འཁོར་དང་བཅས་པ་ཞི་ལོ་གྲོང་ཁྱེར་དུ་མཆོད་འབུལ་ལ་ཕྱིན་པ།  
\p
\v 1 དེ་ཡང་ཨེ་ཕཱར་ཡིམ་རི་ཁུལ་གྱི་རཱ་མ་ཙུབ་ཅེས་པའི་ཡུལ་དུ་མིང་ལ་ཨེལ་ཁ་ནཱ་ཟེར་བའི་མི་ཞིག་ཡོད་ཅིང་། དེ་ནི་ཡེ་རོ་ཧཱམ་གྱི་བུ་ཡིན། ཡེ་རོ་ཧཱམ་ནི་ཨེ་ལི་ཧུ་ཡི་བུ་ཡིན། ཨེ་ལི་ཧུ་ནི་ཐོ་ཧོའུ་ཡི་བུ་ཡིན། ཐོ་ཧོའུ་ནི་ཙུབ་ཅེ ས་པའི་བུ་ཡིན་ཏེ། ཨེལ་ཁ་ནཱ་ནི་ཨེ་ཕཱར་ཡིམ་ཚོ་པའི་ཡིན་པ་བཅས་སོ། །  
\v 2 ཨེལ་ཁ་ནཱ་ལ་ཆུང་མ་གཉིས་ཡོད་ཅིང་། གཅིག་གི་མིང་ལ་ཧན་ནཱ་ཞེས་དང་། གཞན་པའི་མིང་ལ་ཕེན་ནེ་ནཱ་ཞེས་ཟེར། ཕེན་ནེ་ནཱ་ལ་ཕྲུ་གུ་ཡོད་པ་དང་། ཧན་ནཱ་ལ་ཕྲུ་གུ་མེད་དོ། །  
\v 3 དཔུང་ཚོགས་ཀུན་གྱི་དཀོན་མཆོག་ཡ་ཝཱེ་ལ་ཕྱག་འཚལ་བ་དང་མཆོད་པ་འབུལ་བའི་ཕྱིར་དུ། ཁོ་རང་ལོ་རེ་བཞིན་རང་གི་གྲོང་ཁྱེར་ནས་ཞི་ལོ་ཡུལ་དུ་ཕྱིན་པ་དང་། དེ་རུ་ཨེ་ལིའི་བུ་ཧོ་ཕེ་ནིས་དང་ཕེ་ནེ་ཧཱ་གཉིས་ནི་དཀོན་མཆོག་ཡ་ཝཱེ་ལ་མཆོད་དཔོན་བྱས་ཡོད་དོ། །  
\v 4 མཆོད་པ་འབུལ་བའི་ཉིན་ལ་ཁེལ་བའི་ཚེ། ཨེལ་ཁ་ནཱ་ཡིས་རང་གི་ཆུང་མ་ཕེན་ནེ་ནཱ་དང་དེའི་བུ་བུ་མོ་ཐམས་ཅད་ལ་མཆོད་པ་འབུལ་བྱ་གཏད་དོ། །  
\v 5 འོན་ཀྱང་། ཧན་ནཱ་ལ་མི་གཉིས་ཀྱི་སྐལ་གཏད་པ་དང་། དེ་ནི་ཁོས་ཧན་ནཱ་གཅེས་སུ་བཟུང་བའི་ཕྱིར་ཡིན། ཡིན་ནའང་དཀོན་མཆོག་ཡ་ཝཱེས་ཁོ་མོར་མངལ་མི་ཆགས་པར་མཛད།  
\v 6 དཀོན་མཆོག་ཡ་ཝཱེས་ཁོ་མོར་མངལ་མི་ཆགས་པར་མཛད་པའི་རྐྱེན་གྱིས། ཕེན་ནེ་ནཱ་ཡིས་ཀྱང་མོ་ལ་བརྙས་པའི་ཆེད་དུ་ཁོང་ཁྲོ་བསླངས།  
\v 7 དེ་ནས་ཁོ་མོ་ལོ་རེ་བཞིན་དཀོན་མཆོག་ཡ་ཝཱེའི་བཞུགས་གནས་སུ་འགྲོ་སྐབས་ཕེན་ནེ་ནཱ་ཡིས་ཁོ་མོར་དྲག་ཏུ་བརྙས་པས་ངུས་ཤིང་ཟས་ཀྱང་མ་བསྟེན་པ་རེད།  
\v 8 ཡང་ཨེལ་ཁ་ནཱ་ཡིས་ཁོ་མོར། ཀྱེ་ཧན་ནཱ། ཁྱོད་རང་ངུས་ནས་ཟས་མི་བསྟེན་པ་དང་སེམས་སྐྱོ་བ་ཅི་ཡིན་ནམ། ཁྱོད་ལ་བུ་བཅུ་ལས་ཀྱང་ང་རང་ཡོད་པས་མི་བཟང་ངམ་ཞེས་དྲིས་སོ། །   
\s1 ལྕམ་མོ་ཧན་ནཱ་ཡིས་བྱིས་པ་ཞིག་སྐྱེས་ཕྱིར་རེ་བཅོལ་ཞུས་པ།  
\p
\v 9 ཡང་དེ་དག་གིས་ཞི་ལོ་རུ་བཟའ་བཏུང་སྤྱད་རྗེས་ཧན་ནཱ་ཡར་ལངས་པ་དང་། མཆོད་དཔོན་ཨེ་ལི་ནི་དཀོན་མཆོག་ཡ་ཝཱེའི་གུར་མཆོག་གི་སྒོ་འགྲམ་དུ་འདུག་སྟེགས་ཤིག་གི་སྟེང་བསྡད་ཡོད་པ་ལ།  
\v 10 ཧན་ནཱ་སེམས་ཤིན་ཏུ་སྐྱོ་སྟེ་དྲག་ཏུ་ངུས་ཤིང་། དཀོན་མཆོག་ཡ་ཝཱེ་ལ་སྨོན་ལམ་ཞུས་པ་རེད།  
\v 11 ཧན་ནཱ་ཡིས་འདི་ལྟར་དམ་བཅས་ཏེ། ཀྱེ་དཔུང་ཚོགས་ཀུན་གྱི་དཀོན་མཆོག་ཡ་ཝཱེ་ལགས། བདག་ལ་ཐུགས་བརྩེ་བར་དགོངས་ཤིག ཁྱེད་ཀྱི་གཡོག་མོ་བདག་གི་སྡུག་བསྔལ་འདི་ལ་གཟིགས་དང་། གལ་ཏེ་ཁྱེད་ཀྱིས་གཡོག་མོ་བདག་ལ་ཐུགས་མ་གཡེལ་བར་བུ་ཞིག་གནང་ན། བུ་དེ་ནི་ཇི་སྲིད་འཚོ་བའི་བར་དུ་དཀོན་མཆོག་ཡ་ཝཱེ་ཁྱེད་ལ་འབུལ་བར་བྱ་ཞིང་། དེའི་མགོ་ལ་སྐྲ་གྲིས་ཀྱང་ནམ་ཡང་རེག་པར་མི་བྱ་ཞེས་པའོ། །   
\p
\v 12 ཁོ་མོས་དཀོན་མཆོག་ཡ་ཝཱེའི་དྲུང་དུ་ཡུན་རིང་པོར་སྨོན་ལམ་བཏབ་པའི་ཚེ། ཨེ་ལིས་བུད་མེད་དེའི་ཁ་ལ་བལྟས།  
\v 13 ཧན་ནཱས་སེམས་གཏིང་ནས་སྨོན་ལམ་བཏབ་ཅིང་སྐད་མ་བཏོན་པར་མཆུ་ཏོ་འབའ་ཞིག་འགུལ་བས། ཨེ་ལིས་བུད་མེད་དེ་ནི་ར་བཟི་བར་བསམས།  
\v 14 དེའི་ཕྱིར་ཨེ་ལིས་ཁོ་མོར། ཁྱོད་དུས་ནམ་ཞིག་གི་བར་དུ་ར་བཟི་ནས་འདུག་གམ། ཁྱོད་ཀྱིས་ཆང་འཐུང་བར་མི་བྱའོ་ཞེས་བསྐུལ་བ་ན།  
\v 15 ཧན་ནཱས་དེའི་ལན་དུ། ཀྱེ་ཇོ་བོ་ལགས། དེ་ལྟར་མ་ཡིན། ངས་རྒུན་ཆང་དང་ཆང་གཞན་གང་ཡང་བཏུང་མེད་ཅིང་། ང་ནི་ཡིད་སེམས་སྐྱོ་བའི་བུད་མེད་ཅིག་ཡིན་པས། སྙིང་ནས་དཀོན་མཆོག་ཡ་ཝཱེ་ལ་སྨོན་ལམ་བཏབ་པ་ཡིན།  
\v 16 ཁྱེད་ཀྱི་གཡོག་མོ་ནི་སྤྱོད་པ་ངན་པ་ཞིག་ཡིན་པར་མི་བསམ་རོགས། མི་གཞན་གྱི་བརྙས་བཅོས་ཐེབས་པའི་རྐྱེན་གྱིས་སེམས་འཁྲུག་ཅིང་ཡིད་སྐྱོ་བར་གྱུར་ཏེ་ངག་བསྡམས་ནས་གསོལ་བ་བཏབ་པ་ཡིན་ཞེས་ཞུས།  
\v 17 དེའི་ལན་དུ་ཨེ་ལིས། ཁྱོད་རང་བདེ་བདེ་ལྷོད་ལྷོད་ངང་ཕྱིར་སོང་ཞིག ཡེས་ར་ཨེལ་གྱི་དཀོན་མཆོག་གིས་ཁྱོད་ཀྱིས་གསོལ་བ་བཏབ་པ་བཞིན་དུ་མཛད་པར་སྨོན་ཞེས་སྨྲས།  
\v 18 ཡང་ཁོ་མོས། ཁྱེད་ཀྱིས་གཡོག་མོ་བདག་ལ་ཐུགས་རྗེས་གཟིགས་རོགས་ཞེས་ཞུས་ནས། བུད་མེད་དེ་རང་གི་ལམ་དུ་ཕྱིན་ཏེ། དེར་བཟའ་བཏུང་སྤྱད་ནས་གདོང་གི་སྡུག་ཉམས་མེད་པར་གྱུར་ཏོ། །   
\s1 སཱ་མུ་ཨེལ་སྐྱེས་པ།  
\p
\v 19 ཡང་ཨེལ་ཁ་ནཱ་དང་དེའི་ཁྱིམ་མི་ཐམས་ཅད་ཕྱི་ཉིན་སྔ་མོ་ཡར་ལངས་ཏེ། དཀོན་མཆོག་ཡ་ཝཱེ་ལ་ཕྱག་བཙལ་ནས་ཕྱིར་རཱ་མ་ཡུལ་དུ་རང་གི་ཁྱིམ་ལ་ལོག ཨེལ་ཁ་ནཱ་རང་གི་ཆུང་མ་ཧན་ནཱ་དང་འགྲོགས་ཤིང་དཀོན་མཆོག་ཡ་ཝཱེས་དེ་ཐུགས་སུ་དྲན་ཏོ། །  
\v 20 དུས་ལ་བབས་པ་ན། ཧན་ནཱ་མངལ་དང་ལྡན་པར་གྱུར་ནས་བུ་ཞིག་སྐྱེས་པ་དང་། ཁོ་མོས་ཕྲུ་གུ་འདི་དཀོན་མཆོག་ཡ་ཝཱེ་ནས་ཞུས་པ་ཡིན་ཞེས་སྨྲས་པས་དེའི་མིང་ལ་སཱ་མུ་ཨེལ་ཞེས་བཏགས་སོ། །   
\s1 སཱ་མུ་ཨེལ་དཀོན་མཆོག་ལ་ཕུལ་བ།  
\p
\v 21 དེ་ནས་དཀོན་མཆོག་ཡ་ཝཱེ་ལ་ལོ་རེའི་མཆོད་པ་འབུལ་བ་དང་དམ་ཚིག་བརྩི་བའི་ཕྱིར། ཨེལ་ཁ་ནཱ་ཡིས་ནང་མི་ཁྲིད་ནས་ཡར་འགྲོ་སྐབས།  
\v 22 ཧན་ནཱ་ཡར་མ་སོང་བར་ཁོ་མོས་རང་གི་ཁྱོ་ག་ལ། ཕྲུ་གུ་ལ་ནུ་མ་འགར་བའི་བར་དུ་ང་ཡར་མི་འགྲོ། དེ་ནས་ངས་བུ་འདི་ཁྲིད་ནས་དཀོན་མཆོག་ཡ་ཝཱེའི་དྲུང་དུ་རྒྱུན་དུ་གནས་པའི་ཕྱིར་ཁོང་ལ་འབུལ་བར་བྱ་ཞེས་སྨྲས་པ་དང་།  
\v 23 མོའི་ཁྱོ་ག་ཨེལ་ཁ་ནཱ་ཡིས། ཁྱོད་ཀྱི་འདོད་པ་བཞིན་དུ་ནུ་མ་འགར་བའི་བར་དུ་ཁྱིམ་ལ་བསྡད་དེ། དཀོན་མཆོག་ཡ་ཝཱེ་ཁོང་ཉིད་ཀྱིས་བཀའ་གནང་བ་ཐམས་ཅད་བསྒྲུབ་པར་མཛོད་ཅིག་ཅེས་སྨྲས། དེའི་ཕྱིར་ནུ་མ་འགར་བའི་བར་དུ་ཁོ་མ་སྨད་གཉིས་ཁྱིམ་དུ་བསྡད་དོ། །   
\p
\v 24 ཡང་ནུ་མ་བཀར་བ་དང་། ཕྲུ་གུ་དང་། གླང་ཐུག་གསུམ་དང་། ཕྱེ་ཨེ་ཕཱ་གང་དང་། རྒུན་ཆང་རྐྱལ་བ་གང་བཅས་དཀོན་མཆོག་ཡ་ཝཱེ་ལ་འབུལ་བའི་ཕྱིར་ཞི་ལོ་གྲོང་ཁྱེར་གྱི་བཞུགས་གནས་སུ་ཁྱེར་ཅིང་། སྐབས་དེར་བུ་དེ་ད་དུང་ལོ་ན་གཞོན་ནོ། །  
\v 25 སྐབས་དེར་གླང་ཐུག་གཅིག་བཤས་ནས་ཕྲུ་གུ་ཨེ་ལིའི་མདུན་དུ་ཁྲིད།  
\v 26 དེ་ནས་ཧན་ནཱས། ཀྱེ་ང་ཡི་ཇོ་བོ་ལགས། བདག་གིས་ཁྱེད་ཀྱི་མདུན་དུ་དམ་བཅའ་བར་ཕོད་དེ། ང་རང་ནི་སྔོན་ཆད་འདིར་འོངས་ནས་དཀོན་མཆོག་ཡ་ཝཱེ་ལ་སྨོན་ལམ་བཏབ་པའི་བུད་མེད་དེ་ཡིན།  
\v 27 ངས་བུ་འདིའི་ཆེད་དུ་སྨོན་ལམ་བཏབ་པ་ཡིན་ཞིང་། ཡང་དཀོན་མཆོག་ཡ་ཝཱེས་ངའི་སྨོན་ལམ་བཞིན་དུ་གནང་བྱུང་།  
\v 28 དེའི་ཕྱིར་ངས་ཀྱང་བུ་འདི་ནི་ཇི་སྲིད་འཚོ་བའི་བར་དུ་དཀོན་མཆོག་ཡ་ཝཱེ་ལ་ཕུལ་བ་ཡིན་ཞེས་ཞུས་ཤིང་། དེ་ལྟར་གནས་དེ་རུ་དཀོན་མཆོག་ཡ་ཝཱེ་ལ་བསྟོད་པ་ཕུལ་ཏོ། །   
\c 2
\cl ལེའུ་གཉིས་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 ལྕམ་མོ་ཧན་ནཱའི་སྨོན་ལམ།  
\p
\v 1 དེ་ནས་ཧན་ནཱ་ཡིས་སྨོན་ལམ་བཏབ་ནས་འདི་ལྟར་ཞུས་པ་སྟེ།  
\q1 ཡ་ཝཱེ་ལ་ནི་བདག་གི་སེམས་པ་དགའ། །  
\q1 ད་དུང་ཁོང་གི་ཕྱིར་དུ་རྭ་གླིང་འབུད། །  
\q1 ཁོང་གིས་ང་རང་བསྐྱབས་པས་སྤྲོ་བ་འཕེལ། །  
\q1 དགྲའི་མདུན་བདག་གི་ཁ་སྟབས་མཐོ་བར་མཛད། །   
\q1
\v 2 ཡ་ཝཱེ་ཁོང་ལས་དམ་པ་གང་ཡང་མེད། །  
\q1 ཁོང་ལས་གཞན་དུ་ཁོང་དང་འདྲ་བ་མེད། །  
\q1 བདག་གི་དཀོན་མཆོག་ལྟ་བུའི་བྲག་རི་མེད། །   
\q1
\v 3 དེའི་ཕྱིར་མི་ཡིས་ང་རྒྱལ་གཏམ་མ་བརྗོད། །  
\q1 འུར་དང་སྙེམ་པའི་ཚིག་ངན་མི་བཤད་རོགས། །  
\q1 ཡ་ཝཱེ་ཁོང་ཉིད་ཐམས་ཅད་མཁྱེན་པ་ལགས། །  
\q1 བྱ་བ་ཐམས་ཅད་གཟིགས་པའི་དཀོན་མཆོག་ལགས། །   
\q1
\v 4 མི་ཡི་དཔའ་བོ་རྣམས་ཀྱི་གཞུ་ཐག་ཆད། །  
\q1 ཉམ་ཐག་པ་ལ་སྟོབས་ཀྱི་སྐ་རགས་འཕེན། །   
\q1
\v 5 སྔོན་ལ་ལོངས་སྤྱོད་ཡོད་པའི་ཕྱུག་པོ་རྣམས། །  
\q1 རྗེས་སུ་བག་ལེབ་འཚོལ་བའི་གླ་བར་གྱུར། །  
\q1 སྔོན་ལ་བཀྲེས་སྐོམ་མྱངས་པའི་སྤྲང་པོ་རྣམས། །  
\q1 རྗེས་སུ་བཅུད་ཟས་བསྟེན་པའི་བདག་པོར་གྱུར། །  
\q1 མོ་གཤམ་རྣམས་ལ་ཕྲུ་གུ་བདུན་ཙམ་སྐྱེས། །  
\q1 བུ་མང་རྣམས་ཀྱིས་ཁེར་རྐྱང་མྱང་བར་འགྱུར། །   
\q1
\v 6 ཡ་ཝཱེ་ཉིད་ཀྱིས་ཚེ་སྲོག་གཅོད་པར་མཛད། །  
\q1 ཁོང་གིས་ཚེ་སྲོག་གསོན་པར་ཡང་མཛད་དོ། །  
\q1 ཁོང་གིས་གཤིན་པོའི་གནས་སུ་འཁྲིད་པར་བྱེད། །  
\q1 ད་དུང་གོང་ནས་གོང་དུ་འཕགས་པར་མཛད། །   
\q1
\v 7 ཡ་ཝཱེ་ཉིད་ཀྱིས་མི་ནི་དབུལ་པོར་མཛད། །  
\q1 ཁོང་གིས་མི་ནི་ཕྱུག་པོར་ཡང་མཛད་དོ། །  
\q1 མཐོན་པོ་རྣམས་ནི་གཉའ་ནས་གནོན་པར་བྱེད། །  
\q1 དམའ་མོ་རྣམས་ནི་ཟེ་ནས་འཐེན་པར་བྱེད། །   
\q1
\v 8 དབུལ་འཕོངས་རྣམས་ནི་རྡུལ་གྱི་ཁྲོད་ནས་སློང་། །  
\q1 དམན་པ་རྣམས་ནི་ཐལ་བའི་གསེབ་ནས་སློང་། །  
\q1 དེ་ཚོར་དཔལ་དང་འབྱོར་བ་བསྩལ་བྱས་ཏེ། །  
\q1 རྒྱལ་པོ་རྣམས་ཀྱི་ཁྲི་ལ་འཛེག་པར་བྱེད། །  
\q1 ས་གཞིའི་ཀ་བ་རྣམས་ནི་ཁོང་ལ་དབང་། །  
\q1 དེ་ཡི་དབུས་སུ་ཁོང་གིས་ས་གཞི་སྤར། །   
\q1
\v 9 ཁོང་གིས་དམ་པ་རྣམས་ནི་བསྲུང་བར་མཛད། །  
\q1 ངན་པ་རྣམས་ནི་མུན་པར་རྫོང་བར་བྱེད། །  
\q1 རང་གི་སྟོབས་ཀྱིས་སུ་ཡང་རྒྱལ་མི་འགྱུར། །   
\q1
\v 10 ཡ་ཝཱེ་དགྲ་རུ་འཛིན་པའི་མི་རྣམས་ནི། །  
\q1 ཆག་ཅིང་དུམ་བུ་ཉིད་དུ་གས་པར་འགྱུར། །  
\q1 དེ་ཚོའི་ཐོག་ཏུ་འབྲུག་སྐད་ལྡིར་བར་བྱ། །  
\q1 ས་གཞི་མཐའ་མའི་བར་དུ་འདྲི་གཅོད་བྱ། །  
\q1 ཁོང་གིས་བསྐོས་པའི་རྒྱལ་པོར་སྟོབས་ཤུགས་སྦྱིན། །  
\q1 ཁོང་གིས་བྱུགས་པའི་རྭ་གླིང་གྱེན་དུ་བསྒྲེངས། ། ཞེས་པའོ། །   
\m
\v 11 དེ་ནས་ཨེལ་ཁ་ནཱ་རང་གི་ཕ་ཡུལ་རཱ་མའི་ཁྱིམ་དུ་ཕྱིན་པ་དང་། སཱ་མུ་ཨེལ་གྱིས་མཆོད་དཔོན་ཨེ་ལིའི་མདུན་དུ་དཀོན་མཆོག་ཡ་ཝཱེ་ལ་བསྙེན་བཀུར་ཞུས་སོ། །   
\s1 ཨེ་ལིའི་བུ་གཉིས་ཀྱི་སྤྱོད་ངན།  
\p
\v 12 ཨེ་ལིའི་བུ་གཉིས་ནི་མི་ངན་པ་ཡིན་ཞིང་། ཁོ་གཉིས་ཀྱིས་དཀོན་མཆོག་ཡ་ཝཱེ་ངོ་མི་ཤེས་སོ། །  
\v 13 ཡང་མཆོད་དཔོན་དེ་གཉིས་ཀྱིས་མི་ཚོགས་ལ་འདི་ལྟར་བྱེད་པ་ཡིན་ཏེ། མི་ཞིག་གིས་མཆོད་པ་འབུལ་བ་དང་ཤ་ཚོས་ཀྱིན་ཡོད་པའི་ཚེ། མཆོད་དཔོན་གྱི་ཞབས་ཕྱི་ཡིས་ཚེབ་སོ་གསུམ་ཅན་ཞིག་ཁྱེར་ནས་འོངས་ཏེ།  
\v 14 རྫ་སྣོད་དམ་སླ་ངའམ་ཁྲོ་སྣོད་དམ་ཁོག་མའི་ནང་དུ་བཙུགས་ཏེ། ཚེབ་ཀྱིས་ཐོག་མར་བཏོན་པའི་ཤ་ནི་མཆོད་དཔོན་གྱིས་ལེན་ངེས་ཡིན། ཁོ་ཚོས་ཞི་ལོ་རུ་འོངས་པའི་ཡེས་ར་ཨེལ་གྱི་མི་ཐམས་ཅད་ལ་དེ་ལྟར་བྱེད་ཀྱིན་ཡོད་པ་རེད།  
\v 15 ཡང་ཚི་ལུ་སྲེག་པའི་སྔོན་དུ་མཆོད་དཔོན་གྱི་ཞབས་ཕྱི་འོངས་ནས་འདི་ལྟར། མཆོད་དཔོན་གྱིས་ཤ་ཞིག་བསྲེག་པའི་ཕྱིར་ཤ་ཞིག་བྱིན་ཅིག མཆོད་དཔོན་ལ་ཤ་བཙོས་མ་མི་དགོས་རློན་པ་དགོས་ཞེས་སྨྲ་ཞིང་།  
\v 16 གལ་ཏེ་མཆོད་པ་འབུལ་བཞིན་པའི་མི་དེས། དང་པོར་ཚི་ལུ་སྲེག་པ་དང་། དེ་ནས་ཁྱོད་ཀྱིས་ཅི་འདོད་པ་དེ་འཁྱེར་ཆོག་ཅེས་སྨྲས་ན། དེའི་ལན་དུ་ཞབས་ཕྱི་ཡིས། མིན། ད་ལྟ་རང་བྱིན་ཅིག མི་སྟེར་ན་འཕྲོག་པར་བྱ་ཞེས་ཟེར་རོ། །  
\v 17 དེ་ལྟར་གཞོན་ནུ་དེ་གཉིས་ཀྱིས་དཀོན་མཆོག་ཡ་ཝཱེའི་མཆོད་པ་ཁྱད་དུ་བསད་པས། ཁོ་གཉིས་ཀྱི་སྡིག་པ་དཀོན་མཆོག་ཡ་ཝཱེའི་སྤྱན་སྔར་ཆེན་པོར་གྱུར་ཏོ། །   
\s1 སཱ་མུ་ཨེལ་གྱི་བྱིས་དུས།  
\p
\v 18 སྐབས་དེར་སཱ་མུ་ཨེལ་ནི་ད་དུང་བྱིས་པ་ཞིག་ཡིན་ཏེ། སོ་རས་ཀྱིས་བཟོས་པའི་བེར་ཐུལ་གྱོན་ནས་དཀོན་མཆོག་ཡ་ཝཱེའི་དྲུང་དུ་ཞབས་ཏོག་བསྒྲུབས།  
\v 19 ཡང་ཁོའི་མ་ཡིས་ཕྱུ་པ་ཆུང་ངུ་ཞིག་བཟོས་ཏེ། རང་གི་ཁྱོ་ག་དང་མཉམ་དུ་ལོ་རེ་བཞིན་མཆོད་པ་འབུལ་དུ་འོངས་སྐབས་དེ་ཁྱེར་འོང་བ་རེད།  
\v 20 དེ་ནས་ཨེ་ལི་ཡིས་ཨེལ་ཁ་ནཱ་དང་དེའི་ཆུང་མ་གཉིས་ལ་བྱིན་རླབས་མཛད་ཅིང་འདི་ལྟར། ཕྲུ་གུ་འདི་དཀོན་མཆོག་ཡ་ཝཱེ་ལ་ཕུལ་བའི་ཚབ་ཏུ་ཁོང་གིས་ཁྱོད་ལ་བུད་མེད་འདི་ནས་རྒྱུད་འཛིན་གནང་བར་གྱུར་ཅིག་ཅེས་བརྗོད་ནས། དེ་དག་རང་རང་གི་གནས་སུ་ཕྱིར་ལོག  
\v 21 དཀོན་མཆོག་ཡ་ཝཱེས་ཧན་ནཱ་ལ་ཐུགས་རྗེས་གཟིགས་པས། ཁོ་མོ་ཡང་བསྐྱར་མངལ་དང་ལྡན་པར་གྱུར་ཏེ། རིམ་བཞིན་བུ་གསུམ་དང་བུ་མོ་གཉིས་སྐྱེས་པ་དང་། ཡང་སཱ་མུ་ཨེལ་ནི་དཀོན་མཆོག་ཡ་ཝཱེའི་དྲུང་དུ་འཚར་ལོངས་བྱུང་ངོ་། །   
\s1 ཨེ་ལིས་བུ་གཉིས་ལ་གཤེ་གཤེ་བཏང་བ།  
\p
\v 22 ཨེ་ལི་ཤིན་ཏུ་རྒས་ནས། ཁོའི་བུ་གཉིས་ཀྱིས་ཡེས་ར་ཨེལ་གྱི་མི་ཐམས་ཅད་ལ་ཅི་ཞིག་བྱས་པ་དང་། ཁོ་གཉིས་ཡ་ཝཱེའི་མཇལ་འཕྲད་གུར་མཆོག་གི་སྒོ་འགྲམ་དུ་ལས་བྱེད་མཁན་གྱི་བུད་མེད་དང་འགྲོགས་པའི་སྐད་ཆ་ཐོས་པས།  
\v 23 ཁོས་དེ་གཉིས་ལ་ཅིའི་ཕྱིར་དེ་ལྟར་བྱེད་དམ། ཁྱོད་གཉིས་ཀྱིས་སྤྱད་པའི་བྱ་བ་ངན་པ་དེ་ངས་མི་ཐམས་ཅད་ནས་ཐོས་བྱུང་།  
\v 24 ཀྱེ་བུ། ངས་ཐོས་པའི་དཀོན་མཆོག་ཡ་ཝཱེའི་འབངས་མིའི་ཁྲོད་གྲགས་པའི་གཏམ་དེ་ནི་བཟང་པོ་མ་ཡིན།  
\v 25 གལ་ཏེ་མི་ཞིག་གིས་མི་གཞན་ལ་འགལ་བའི་སྡིག་པ་བྱས་ན། དཀོན་མཆོག་གིས་མི་དེ་ལ་ཁྲིམས་ཐག་གཅོད་པ་ཡིན། འོན་ཀྱང་མི་ཞིག་གིས་དཀོན་མཆོག་ཡ་ཝཱེ་ལ་འགལ་བའི་སྡིག་པ་བྱས་ན། དེའི་དོན་དུ་སུ་ཞིག་གིས་ཞུ་བ་བྱེད་ཐུབ་བམ་ཞེས་སྨྲས་ནའང་། དེ་གཉིས་ཀྱིས་ཕ་ཡི་བཀའ་ལ་མ་མཉན། གང་ལ་ཞེ་ན། དཀོན་མཆོག་ཡ་ཝཱེས་དེ་གཉིས་འཆི་ལམ་དུ་འཇུག་པར་ཐུགས་ཐག་བཅད་དོ། །   
\p
\v 26 ཡང་བུ་ཆུང་སཱ་མུ་ཨེལ་རིམ་བཞིན་ནར་སོན་ཞིང་། དཀོན་མཆོག་ཡ་ཝཱེ་ཁོ་ལ་ཐུགས་མཉེས་པ་དང་། མི་རྣམས་ཀྱང་ཁོ་ལ་དགའ་བར་གྱུར་ཏོ། །   
\s1 ཨེ་ལིའི་མགོར་ཆགས་འཇིག་འོང་བའི་ལུང་བསྟན།  
\p
\v 27 ཡང་དཀོན་མཆོག་གི་སྐྱེས་བུ་ཞིག་ཨེ་ལིའི་མདུན་དུ་འོངས་ནས་ན་རེ། དཀོན་མཆོག་ཡ་ཝཱེས་འདི་སྐད་དུ། ཁྱོད་ཀྱི་ཕ་མེས་ཨེ་ཅིབ་ཡུལ་གྱི་རྒྱལ་པོ་ཕཱར་ཨོལ་གྱི་མདུན་དུ་བྲན་གཡོག་ཡིན་པའི་ཚེ། བདག་ནི་དེ་དག་ལ་དངོས་སུ་མངོན་པ་མ་ཡིན་ནམ།  
\v 28 ཡེས་ར་ཨེལ་གྱི་ཚོ་ཁག་རྣམས་ལས་བདག་གིས་མཆོད་དཔོན་ཞིག་བདམས་པ་དང་། ཁོས་མཆོད་ཁྲིའི་སྟེང་དུ་མཆོད་པ་འབུལ་བ་དང་། བདུག་སྤོས་བདུག་པ་དང་། བེར་ཐུལ་གྱོན་པ་བཅས་ཀྱི་ཆེད་དུ་བསྐོས་པ་མ་ཡིན་ནམ། ད་དུང་ཡེས་ར་ཨེལ་པ་ཐམས་ཅད་ཀྱིས་ཕུལ་བའི་སྦྱིན་སྲེག་ནི་ཁྱོད་ཀྱི་ཕ་མེས་ལ་གནང་བ་མ་ཡིན་ནམ།  
\v 29 བདག་གི་བཞུགས་གནས་སུ་འབུལ་འོས་པའི་མཆོད་པ་ལ་ཅིའི་ཕྱིར་རྡོག་རྒྱག་གཞུ་ཞིང་སྨད་པ་ཡིན་ནམ། བདག་གི་འབངས་མི་ཡེས་ར་ཨེལ་པས་ང་ལ་ཕུལ་བའི་མཆོད་རྫས་ཀྱི་ཁག་བཟང་ཤོས་དེ་ཡིས་ཁྱོད་རྣམས་ཀྱི་ལུས་རྒྱགས་པར་བྱས་ཤིང་། ཁྱོད་ཀྱིས་བདག་ལས་རང་གི་བུ་ལ་ལྷག་པར་བཀུར་བསྟི་བྱས་པ་ཅི་ཡིན་ནམ།  
\v 30 དེའི་ཕྱིར་ཡེས་ར་ཨེལ་གྱི་དཀོན་མཆོག་ཡ་ཝཱེས་འདི་སྐད་དུ། ཕ་མེས་ཀྱི་ཁྱིམ་རྒྱུད་དང་ཁྱོད་ཀྱི་བུ་རྒྱུད་རྟག་ཏུ་བདག་གི་མདུན་དུ་བགྲོད་དགོས་ཞེས་སྔོན་ཆད་བཀའ་བསྩལ་ནའང་། ད་ལྟ་དེ་ལྟར་གཏན་ནས་མི་རུང་སྟེ། རྒྱུ་མཚན་ནི། བདག་ལ་བཀུར་བསྟི་བྱེད་པའི་མི་ལ་ངས་ཀྱང་བརྩི་འཇོག་བྱེད་ཅིང་། བདག་ལ་སྨད་པའི་མི་ལ་ངས་ཀྱང་སྣང་ཆུང་བྱའོ། །  
\v 31 ཀྱེ་ཧོ་ཁྱོད་ཀྱི་སྟོབས་ཤུགས་དང་ཁྱོད་ཀྱི་ཕ་མེས་ཀྱི་སྟོབས་ཤུགས་གཅོག་པའི་ཉིན་མོ་ཞིག་འོང་བར་འགྱུར། ཁྱོད་ཀྱི་ཁྱིམ་དུ་མི་རྒན་པ་གཅིག་ཀྱང་རྙེད་པར་མི་འགྱུར།  
\v 32 ཡ་ཝཱེས་ཡེས་ར་ཨེལ་པ་རྣམས་ལ་ལོངས་སྤྱོད་གནང་བའི་དུས་སུ། ཁྱོད་ཀྱིས་ངའི་བཞུགས་གནས་ཉམས་རྒུད་དུ་འགྲོ་བ་མཐོང་བར་འགྱུར། དེ་ནས་ཁྱོད་ཀྱི་ཁྱིམ་དུ་ནམ་ཡང་མི་རྒན་པ་གཅིག་ཀྱང་རྙེད་པར་མི་འགྱུར།  
\v 33 ཁྱོད་ཀྱིས་མི་གང་ཞིག་ངའི་མཆོད་ཁྲི་ནས་འཕྲལ་བར་མི་བྱེད་པ་དེས། ཁྱོད་ཀྱི་མིག་ཞར་བ་དང་ཁྱོད་ཀྱི་སེམས་སྡུག་པར་བྱའོ། །ཡང་ཁྱོད་ཀྱི་རིགས་རྒྱུད་ཐམས་ཅད་ལང་ཚོའི་དཔལ་གྱི་དུས་སུ་འཆི་བར་འགྱུར།  
\v 34 ཡང་རྟགས་འདི་ལྟར་འབྱུང་སྟེ། ཁྱོད་ཀྱི་བུ་ཧོ་ཕེ་ནིས་དང་ཕེ་ནེ་ཧཱ་གཉིས་ཀྱི་སྟེང་དུ་འོང་བར་འགྱུར་ལ། དེ་གཉིས་ཀ་ཉིན་གཅིག་ལ་འཆི་བར་འགྱུར་ཞིང་།  
\v 35 ཡང་ངས་མཆོད་དཔོན་བརྟན་པོ་ཞིག་བསླང་བར་བྱ་སྟེ། དེས་བདག་གི་དགོངས་པ་བཞིན་དུ་ལས་བྱེད་དོ། །ངས་དེ་ལ་ཁྱིམ་གཞི་བརྟན་པོ་ཞིག་བཙུགས་ནས། མཆོད་དཔོན་དེ་ནི་ནམ་ཡང་ངས་འབྱུག་སྣུམ་གྱིས་བྱུགས་ས་དེའི་མདུན་དུ་མཆོད་པ་འབུལ་དུ་འགྲོ་བར་འགྱུར།  
\v 36 ཡང་ཁྱོད་ཀྱི་ཁྱིམ་རྒྱུད་ནས་ལུས་པའི་མི་རྣམས་ནི་མཆོད་དཔོན་དེའི་དྲུང་དུ་འོངས་ཏེ། དོང་ཙེའམ་བག་ལེབ་ཀྱི་དུམ་བུ་ཞིག་རྙེད་པའི་ཕྱིར་ཕྱག་འཚལ་བཞིན་འདི་ལྟར། ངས་བག་ལེབ་ཁམ་གང་བཟའ་བའི་ཕྱིར། མཆོད་དཔོན་གྱི་ལས་འགན་ཞིག་གནང་བར་མཛོད་ཅེས་ཞུ་བར་འགྱུར་ཞེས་གསུངས་སོ། །   
\c 3
\cl ལེའུ་གསུམ་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 སཱ་མུ་ཨེལ་ལ་ཐེངས་དང་པོར་ལུང་བསྟན་བྱུང་བ།  
\p
\v 1 དེ་ནས་བུ་ཆུང་སཱ་མུ་ཨེལ་གྱིས་ཨེ་ལིའི་མདུན་དུ་ཡ་ཝཱེ་ལ་ཞབས་ཏོག་བསྒྲུབས་ཤིང་། ཉིན་དེ་དག་གི་རིང་ལ་དཀོན་མཆོག་ཡ་ཝཱེའི་བཀའ་ནི་དཀོན་པོ་ཡིན་ཏེ། ལུང་བསྟན་གྱི་ཉམས་སྣང་ཙམ་ཡང་མ་བྱུང་ངོ་། །  
\v 2 དེ་ནས་ཉིན་ཞིག་ལ་ཨེ་ལི་རང་གི་མལ་སའི་ནང་ངལ་གསོ་བའི་སྐབས་སུ། ཁོའི་མིག་དབང་ཉམས་ནས་མཐོང་མ་ཐུབ་པ་བྱུང་།  
\v 3 དཀོན་མཆོག་ཡ་ཝཱེའི་གུར་མཆོག་གི་ཞལ་ཆད་ཀྱི་ཤུར་སྒམ་ཡོད་ས་རུ། ཁོང་གི་སྒྲོན་མེ་མ་གཟིམ་གོང་ལ་སཱ་མུ་ཨེལ་གནས་དེ་རུ་གཉིད་ལོག་པ་རེད།  
\v 4 དཀོན་མཆོག་ཡ་ཝཱེས་སཱ་མུ་ཨེལ་ཞེས་བོས་པས། དེས་ལན་དུ། ང་འདི་རུ་ཡོད་ཅེས་ཞུས་ནས།  
\v 5 ཁོ་རང་ཨེ་ལིའི་མདུན་དུ་བརྒྱུགས་ནས་ང་འདི་རུ་ཡོད། ཁྱེད་ཀྱིས་ང་བོས་པ་ཡིན་ནམ་ཞེས་ཞུས་པའི་ལན་དུ་དེ་ན་རེ། ངས་ཁྱོད་རང་མ་བོས། སླར་ཡང་གཉིད་དུ་སོང་ཞིག་ཅེས་བསྐུལ་བས། ཁོ་སོང་སྟེ་གཉིད་ལོག་པ་རེད།  
\v 6 དཀོན་མཆོག་ཡ་ཝཱེས་སླར་ཡང་སཱ་མུ་ཨེལ་ཞེས་བོས་པ་ལ། ཡང་སཱ་མུ་ཨེལ་ལངས་ནས་ཨེ་ལིའི་མདུན་དུ་སོང་སྟེ། ང་རང་འདི་རུ་ཡོད་དེ་ཁྱེད་ཀྱིས་ང་བོས་པ་ཡིན་ནམ་ཞེས་ཞུས། དེས་ལན་དུ། ངའི་བུ། བདག་གིས་ཁྱོད་མ་བོས། སླར་ཡང་གཉིད་དུ་སོང་ཞིག་ཅེས་བསྒོས་སོ། །  
\v 7 སཱ་མུ་ཨེལ་གྱིས་དེའི་བར་དུ་དཀོན་མཆོག་ཡ་ཝཱེ་ངོ་མ་ཤེས་པར་མ་ཟད། དཀོན་མཆོག་ཡ་ཝཱེའི་བཀའ་ཡང་དེའི་བར་དུ་ཁོ་ལ་མངོན་པར་མ་མཛད་དོ། །  
\v 8 ཡང་ལན་གསུམ་པར་དཀོན་མཆོག་ཡ་ཝཱེས་སཱ་མུ་ཨེལ་ཞེས་བོས་པས། ཁོ་རང་ལངས་ནས་ཨེ་ལིའི་མདུན་དུ་སོང་སྟེ། ང་རང་འདི་རུ་ཡོད། ཁྱེད་ཀྱིས་ང་རང་བོས་པ་ཡིན་ནམ་ཞེས་ཞུས། དེ་ནས་ཨེ་ལིས་བུ་ཆུང་འབོད་མཁན་དེ་ནི་དཀོན་མཆོག་ཡ་ཝཱེ་ཡིན་པ་རྟོགས་པ་རེད།  
\v 9 དེའི་ཕྱིར་ཨེ་ལིས་སཱ་མུ་ཨེལ་ལ། ད་སོང་ལ་ཉལ་ནས་སྡོད་ཅིག ད་དུང་སྐད་ཅིག་བྱུང་ནས་ཁྱོད་འབོད་ན་འདི་ལྟར། ཀྱེ་དཀོན་མཆོག་ཡ་ཝཱེ་ལགས། གསུང་གནང་བར་མཛོད་དང་། ཁྱེད་ཀྱི་ཞབས་ཕྱིས་མཉན་ཡོད་ཅེས་ཞུས་ཤིག་ཅེས་བསྐུལ་བས། སཱ་མུ་ཨེལ་སོང་སྟེ་རང་གི་མལ་སར་ཉལ་ཏོ། །   
\p
\v 10 ཡང་དཀོན་མཆོག་ཡ་ཝཱེ་ཕེབས་འོངས་པ་དང་། སྔོན་ལྟར་སཱ་མུ་ཨེལ། སཱ་མུ་ཨེལ་ཞེས་བོས། དེ་ནས་སཱ་མུ་ཨེལ་གྱིས། གསུང་གནང་བར་མཛོད་དང་ཁྱེད་ཀྱི་ཞབས་ཕྱིས་མཉན་ཡོད་ཅེས་ཞུས།  
\v 11 ཡང་དཀོན་མཆོག་ཡ་ཝཱེས་སཱ་མུ་ཨེལ་ལ་འདི་སྐད་དུ། ཉོན་དང་། ངས་ཡེས་ར་ཨེལ་གྱི་ཁྲོད་དུ་བྱ་བ་ཞིག་བྱེད་པར་འགྱུར། བྱ་བ་དེ་ཐོས་པའི་མི་རེ་རེའི་རྣ་བར་ཟུག་རྔུ་ལང་ངེས།  
\v 12 དེའི་ཉིན་ལ་ངས་ཨེ་ལི་དང་དེའི་རྒྱུད་ཀྱི་སྐོར་ལ་སྨྲས་པའི་གཏམ་ཐམས་ཅད་ཐོག་མ་ནས་མཐའ་མའི་བར་དུ་བསྒྲུབ་པར་བྱ།  
\v 13 གང་ལ་ཞེ་ན། ངས་ཁོ་ལ་སྔར་ཅི་སྨྲས་པ་བཞིན་དུ། ཁོའི་རྒྱུད་ཀྱིས་བྱས་པའི་སྡིག་པ་ཐམས་ཅད་ཀྱི་ཕྱིར་དུས་གཏན་དུ་ཉེས་ཆད་གཅོད་པར་བྱ། དེ་ནི་ཁོས་རང་གི་བུ་གཉིས་ཀྱིས་བྱ་བ་ངན་པ་བྱས་པ་དང་། དམོད་མོ་ཐེབས་འོས་པ་ཤེས་ཀྱང་མ་བཀག་པས་སོ། །  
\v 14 དེའི་ཕྱིར་ངས་འདི་ལྟར་མནའ་བསྐྱལ་བ་སྟེ། ཨེ་ལི་དང་དེའི་རྒྱུད་ཀྱི་སྡིག་པ་ནི་མཆོད་པ་དང་སྦྱིན་སྲེག་གིས་ནམ་ཡང་སེལ་བར་མི་འགྱུར་ཞེས་གསུངས་སོ། །   
\p
\v 15 ཡང་སཱ་མུ་ཨེལ་ནམ་ལངས་པའི་བར་དུ་ཉལ་བ་དང་། དེ་ནས་དཀོན་མཆོག་ཡ་ཝཱེའི་བཞུགས་གནས་ཀྱི་སྒོ་ཕྱེས་ཤིང་། སཱ་མུ་ཨེལ་ནི་ཨེ་ལི་ལ་ལུང་བསྟན་གྱི་ཉམས་སྣང་དེ་སྨྲ་བར་འཇིགས་པ་རེད།  
\v 16 ཨེ་ལི་ཡིས་སཱ་མུ་ཨེལ་ལ། ཀྱེ་སཱ་མུ་ཨེལ། ངའི་བུ་ཞེས་བོས་པའི་ལན་དུ་དེས་ང་རང་འདི་རུ་ཡོད་ཅེས་ཞུས།  
\v 17 ཡང་ཨེ་ལི་ཡིས། དཀོན་མཆོག་ཡ་ཝཱེས་ཁྱོད་ལ་གསུངས་པའི་བཀའ་དེ་ཅི་ཡིན་ཤོད་དང་། དེ་ནི་ང་རང་ལ་མི་སྦ་བར་གྱིས། ཁྱོད་ལ་གསུངས་པའི་བཀའ་དེ་ང་ལ་སྦས་ན། དཀོན་མཆོག་གིས་ཁྱོད་ལ་འདིའམ་འདི་ལས་ལྷག་པ་ཞིག་མཛད་པར་ཤོག་ཅེས་སྨྲས་པས།  
\v 18 སཱ་མུ་ཨེལ་གྱིས་གསུང་ཐམས་ཅད་ཨེ་ལི་ལ་ཞུས་པ་སྟེ་གང་ཡང་མ་སྦས་སོ། །ཡང་ཨེ་ལི་ཡིས། ཁོང་ནི་དཀོན་མཆོག་ཡ་ཝཱེ་ལགས་པས། ཁོང་གིས་ཉིད་ཀྱི་སྤྱན་སྔར་གང་ལེགས་པ་དེ་མཛད་པར་གྱུར་ཅིག་ཅེས་སྨྲས་སོ། །   
\s1 སཱ་མུ་ཨེལ་ལུང་སྟོན་པར་བསྐོས་པ།  
\p
\v 19 ཡང་སཱ་མུ་ཨེལ་ནར་སོན་པ་དང་། དཀོན་མཆོག་ཡ་ཝཱེ་ཁོ་དང་མཉམ་དུ་བཞུགས་ཏེ། དཀོན་མཆོག་ཡ་ཝཱེས་ཁོའི་ཚིག་གཅིག་ཀྱང་དོན་མེད་དུ་མ་མཛད་དོ། །  
\v 20 ཡང་བྱང་ཕྱོགས་སུ་ཡོད་པའི་དཱན་ནས་ལྷོ་ཕྱོགས་སུ་ཡོད་པའི་པེར་ཤ་བཱ་ཡི་བར་དུ། ཡེས་ར་ཨེལ་པ་ཐམས་ཅད་ཀྱིས་སཱ་མུ་ཨེལ་ནི་དཀོན་མཆོག་ཡ་ཝཱེས་བསྐོས་པའི་ལུང་སྟོན་པ་ཡིན་པ་ཤེས།  
\v 21 དཀོན་མཆོག་ཡ་ཝཱེ་སླར་ཡང་ཞི་ལོ་རུ་མངོན་སུམ་དུ་བྱུང་སྟེ། ཉིད་ཀྱི་བཀའ་ཡི་སྒོ་ནས་སཱ་མུ་ཨེལ་ལ་མངོན་པར་མཛད་པ་ཡིན་ནོ། །   
\c 4
\cl ལེའུ་བཞི་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 ཞལ་ཆད་ཀྱི་ཤུར་སྒམ་ཕེ་ལེ་ཤེད་པ་རྣམས་ཀྱིས་ཕྲོགས་པ།  
\p
\v 1 སཱ་མུ་ཨེལ་གྱིས་རང་གི་བཀའ་ཡེས་ར་ཨེལ་གྱི་ཡུལ་ཀུན་ལ་ཁྱབ་པར་མཛད་ཅིང་། ཡེས་ར་ཨེལ་གྱི་མི་ཐམས་ཅད་ཕེ་ལེ་ཤེད་པ་རྣམས་ལ་དམག་འཐབ་ཏུ་ཆས་ནས། ཨེ་བེན་ཨེ་ཟིར་ཞེས་པའི་ས་ཆ་རུ་གུར་ཕུབ་པ་དང་། ཕེ་ལེ་ཤེད་པ་རྣམས་ཀྱིས་ཨ་ཕེག་ཏུ་གུར་ཕུབ་པ་རེད།  
\v 2 ཡང་དེ་དག་གིས་ཡེས་ར་ཨེལ་པ་རྣམས་ལ་དམག་རྒྱག་པའི་ཕྱིར་རུ་བསྒྲིགས་ནས་དམག་བརྒྱབ་པ་དང་། ཡེས་ར་ཨེལ་པ་རྣམས་ཕེ་ལེ་ཤེད་པའི་མདུན་དུ་ཕམ་ཞིང་། དེའི་དམག་དཔུང་ནས་མི་བཞི་སྟོང་ཙམ་གཡུལ་ས་རུ་བསད།  
\v 3 དེ་ནས་འབངས་མི་ཐམས་ཅད་དམག་སྒར་ནང་དུ་སླེབས་ཙ་ན། ཡེས་ར་ཨེལ་པའི་རྒན་པོ་རྣམས་ན་རེ། དེ་རིང་དཀོན་མཆོག་ཡ་ཝཱེས་ངེད་རྣམས་ཕེ་ལེ་ཤེད་པའི་མདུན་དུ་ཅིའི་ཕྱིར་ཕམ་པར་མཛད་དམ། ཞི་ལོ་གྲོང་ཁྱེར་དུ་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་དེ་ལེན་དུ་སོང་ཞིག་དང་། ཁོང་ནི་ངེད་རྣམས་ཀྱི་ཁྲོད་དུ་བཞུགས་པ་ཡིན་ཚེ། ངེད་རྣམས་དགྲ་བོའི་ལག་ནས་ཐར་བར་འགྱུར་ཞེས་སྨྲས།  
\v 4 དེའི་ཕྱིར་ཡེས་ར་ཨེལ་པ་རྣམས་ཀྱིས་ཀེ་རུབ་ཀྱི་གོང་དུ་བཞུགས་པའི་དཔུང་ཚོགས་ཀུན་གྱི་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་ཞི་ལོ་ནས་ལེན་པའི་ཕྱིར་མི་འགའ་ཞིག་མངགས། སྐབས་དེར་ཨེ་ལིའི་བུ་ཧོ་ཕེ་ནིས་དང་ཕེ་ནེ་ཧཱ་གཉིས་ནི་དཀོན་མཆོག་གི་ཞལ་ཆད་ཀྱི་ཤུར་སྒམ་དང་ལྷན་དུ་ཡོད་དོ། །   
\p
\v 5 ཡང་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་དམག་སྒར་དུ་སླེབས་པ་ཙམ་གྱིས། ཡེས་ར་ཨེལ་གྱི་མི་ཐམས་ཅད་ཀྱིས་ས་གཞི་གཡོ་བའི་འབོད་སྒྲ་ཆེན་པོ་བསྒྲགས།  
\v 6 ཡང་ཕེ་ལེ་ཤེད་པ་རྣམས་ཀྱིས་འུར་སྒྲ་དེ་ཐོས་པས། ཨིབ་རི་པའི་དམག་སྒར་ནང་དུ་འུར་སྒྲ་ཆེན་པོ་འབྱུང་དོན་ཅི་ཡིན་ཞེས་དྲིས་པ་ལ། དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་ཨིབ་རི་པའི་དམག་སྒར་དུ་སླེབས་ཡོད་པ་ཤེས་སོ། །  
\v 7 དེ་ནས་ཕེ་ལེ་ཤེད་པ་རྣམས་འཇིགས་ཤིང་སྐྲག་པར་གྱུར། གང་ལ་ཞེ་ན། དེ་དག་གིས་དཀོན་མཆོག་ནི་དམག་སྒར་དུ་ཕེབས་པ་ཤེས་པས་སོ། །ཡང་ཁོ་རྣམས་ཀྱིས། ང་ཚོར་ཆག་སྒོ་བྱུང་བ་རེད། དོན་འདི་ལྟ་བུ་སྔོན་ཆད་ནམ་ཡང་མ་བྱུང་ངོ་། །  
\v 8 ང་ཚོར་ཆག་སྒོ་བྱུང་བ་རེད། སུ་ཞིག་གིས་ལྷ་མཐུ་སྟོབས་ཅན་རྣམས་ཀྱི་ལག་ནས་ང་ཚོ་སྒྲོལ་བར་བྱའམ། སྔོན་ཆད་དབེན་སྟོང་དུ་ཨེ་ཅིབ་པ་རྣམས་གནོད་འཚེ་སྣ་ཚོགས་ཀྱིས་ཕམ་པར་བྱེད་མཁན་ནི་ལྷ་འདི་དག་ཡིན།  
\v 9 ང་ཚོ་སྟོབས་ཅན་དུ་གྱུར་ཅིག མི་དཔའ་བོའི་ཚུལ་དུ་གྱུར་ཅིག ཀྱེ་ཕེ་ལེ་ཤེད་པ་རྣམས། སྔར་ཨིབ་རི་པ་རྣམས་ཁྱོད་ཅག་གི་གཡོག་པོ་བྱས་པ་ལྟར། ཁྱོད་ཅག་དེ་དག་གི་གཡོག་པོ་རུ་མི་འགྱུར་བའི་ཕྱིར་སྤོབས་པ་བསྐྱེད་ནས་དམག་རྒྱོབ་ཅིག་ཅེས་བསྐུལ་ཏོ། །  
\v 10 དེ་ནས་ཕེ་ལེ་ཤེད་པ་རྣམས་ཀྱིས་དམག་བརྒྱབ་ནས་ཡེས་ར་ཨེལ་པ་རྣམས་ཕམ་སྟེ། མི་རེ་རེ་རང་གི་གུར་དུ་བྲོས་པ་དང་མི་ཤིན་ཏུ་མང་པོ་བསད་ཅིང་། ཡེས་ར་ཨེལ་གྱི་རྐང་དམག་རྣམས་ལས་མི་ཁྲི་གསུམ་དེར་ཤི་བ་རེད།  
\v 11 ཡང་དཀོན་མཆོག་གི་ཞལ་ཆད་ཀྱི་ཤུར་སྒམ་ནི་ཕེ་ལེ་ཤེད་པས་ཕྲོགས་ཤིང་། ཨེ་ལིའི་བུ་ཧོ་ཕེ་ནིས་དང་ཕེ་ནེ་ཧཱ་གཉིས་ཀྱང་བསད་དོ། །   
\s1 ཨེ་ལི་ཚེ་ལས་འདས་པ།  
\p
\v 12 དེ་ནས་པེན་ཡཱ་མེན་ཚོ་པའི་མི་ཞིག་དམག་དཔུང་ནས་བྲོས་ཏེ་ཐོན་པ་དང་ཉིན་དེར་ཞི་ལོ་གྲོང་ཁྱེར་དུ་སླེབས། མི་དེའི་གོས་ཧྲུལ་ཞིང་མགོ་ལ་ས་རྡུལ་གྱིས་ཁེངས།  
\v 13 མི་དེ་ཞི་ལོ་གྲོང་ཁྱེར་དུ་སླེབས་ཚེ། ཨེ་ལི་ཡིས་དཀོན་མཆོག་གི་ཞལ་ཆད་ཀྱི་ཤུར་སྒམ་ཆེད་དུ་སེམས་ཁུར་བྱས་ཏེ། འདུག་སྟེགས་ཤིག་གི་སྟེང་ལམ་འགྲམ་དུ་བསྒུགས་ནས་བསྡད་པ་ལ། མི་དེ་གྲོང་ཁྱེར་དུ་འོངས་ནས་དོན་ཅི་བྱུང་བ་སྨྲས་པ་ཙམ་གྱིས། གྲོང་ཁྱེར་གྱི་མི་རྣམས་ཀྱིས་མྱ་ངན་གྱི་སྐད་ངན་བཏོན་ནོ། །  
\v 14 ཨེ་ལིས་མྱ་ངན་གྱི་སྐད་དེ་ཐོས་པས། སྐད་ངན་ཆེན་པོ་འདིའི་དོན་ཅི་ཡིན་ཞེས་དྲིས་པ་དང་། མི་དེ་རྒྱུག་འོངས་ནས་དོན་ཐམས་ཅད་ཨེ་ལི་ལ་སྨྲས།  
\v 15 སྐབས་དེར་ཨེ་ལི་དགུང་ལོ་དགུ་བཅུ་གོ་བརྒྱད་ལ་སོན་ཡོད་པ་དང་། མིག་དབང་ཉམས་ནས་མཐོང་མི་ཐུབ་པ་རེད།  
\v 16 མི་དེས་ཨེ་ལི་ལ། ང་ནི་དམག་དཔུང་ནས་འོངས་པ་དང་། དེ་རིང་གཡུལ་ས་ནས་བྲོས་འོངས་པའི་མི་ཞིག་ཡིན་ཞེས་སྨྲས་པས། ཁོས་དེ་ལ། ངའི་བུ། དེ་རུ་ཅི་བྱུང་ངམ་ཞེས་དྲིས་པ་དང་།  
\v 17 སྐད་ཆ་ཁྱེར་འོངས་པའི་མི་དེས་ལན་དུ་ན་རེ། ཡེས་ར་ཨེལ་པ་རྣམས་ཕེ་ལེ་ཤེད་པའི་མདུན་ནས་བྲོས་ཏེ་མི་ཤིན་ཏུ་མང་པོ་ཞིག་བསད་ནས། ཁྱོད་ཀྱི་བུ་ཧོ་ཕེ་ནིས་དང་ཕེ་ནེ་ཧཱ་གཉིས་ཀྱང་ཤི་སྟེ། དཀོན་མཆོག་གི་ཞལ་ཆད་ཀྱི་ཤུར་སྒམ་ནི་ཕེ་ལེ་ཤེད་པ་རྣམས་ཀྱིས་ཕྲོགས་སོང་ཞེས་ཞུས་སོ། །   
\p
\v 18 མི་དེས་དཀོན་མཆོག་གི་ཞལ་ཆད་ཀྱི་ཤུར་སྒམ་ཕྲོགས་པའི་གཏམ་སྨྲས་པ་ཙམ་གྱིས། ཨེ་ལི་འདུག་སྟེགས་ནས་གན་རྐྱལ་དུ་སྒོ་འགྲམ་དུ་འགྲིལ་བས་སྐེ་ཚིགས་ལོག་ནས་ཤིའོ། །གང་ལ་ཞེ་ན། ཁོ་ལུས་ལྕི་ཞིང་ལོ་ན་རྒས་པས་སོ། །ཁོས་ཡེས་ར་ཨེལ་པ་རྣམས་ལ་ལོ་བཞི་བཅུའི་རིང་དུ་ཁྲིམས་དཔོན་བྱས་སོ། །   
\p
\v 19 ཁོའི་མནའ་མ་སྟེ་ཕེ་ནེ་ཧཱའི་ཆུང་མར་མངལ་ཆགས་ཏེ་ཕྲུ་གུ་སྐྱེ་བའི་དུས་ལ་ཉེ། མོས་དཀོན་མཆོག་གི་ཞལ་ཆད་ཀྱི་ཤུར་སྒམ་ཕྲོགས་པ་དང་། ཁྱོ་ག་དང་གྱོས་པོ་གཉིས་ཤི་བའི་གཏམ་ཐོས་པ་ཙམ་གྱིས། ཟུག་གཟེར་བྱུང་སྟེ་ལུས་པོ་བསྒུར་ནས་ཕྲུ་གུ་སྐྱེས་པ་རེད།  
\v 20 ཡང་ཁོ་མོ་འཆི་ལ་ཉེ་བའི་དུས་སུ། མོ་དང་ཉེ་བར་ཡོད་པའི་བུད་མེད་རྣམས་ཀྱིས། མ་འཇིགས་ཤིག ཁྱོད་ལ་བུ་ཞིག་སྐྱེས་བྱུང་ཞེས་སྨྲས་ཀྱང་། མོས་ལན་གང་ཡང་མ་བཏབ་སྟེ། གཏམ་དེ་ལ་དོ་སྣང་མ་བྱས་སོ། །  
\v 21 ཡང་ཁོ་མོ་ན་རེ། གཟི་བརྗིད་ཐམས་ཅད་ཡེས་ར་ཨེལ་དང་བྲལ་བ་རེད་ཅེས་སྨྲས་ནས། ཕྲུ་གུ་དེའི་མིང་ལ་ཨི་ཁ་རྦོད་ \f + \ft ཨི་ཁ་རྦོད་ཅེས་པ་ནི་གཟི་བརྗིད་མེད་པའི་དོན་ཡིན།\f*ཅེས་བཏགས། གང་ལ་ཞེ་ན། དཀོན་མཆོག་གི་ཞལ་ཆད་ཀྱི་ཤུར་སྒམ་ཕྲོགས་པ་དང་། ཁྱོ་ག་དང་གྱོས་པོ་གཉིས་ཤི་བས་སོ། །  
\v 22 ཡང་ཁོ་མོས། དཀོན་མཆོག་གི་ཞལ་ཆད་ཀྱི་ཤུར་སྒམ་ཕྲོགས་པའི་ཕྱིར། གཟི་བརྗིད་ཡེས་ར་ཨེལ་པ་རྣམས་དང་བྲལ་བ་ཡིན་ཞེས་སྨྲས་སོ། །   
\c 5
\cl ལེའུ་ལྔ་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 ཞལ་ཆད་ཀྱི་ཤུར་སྒམ་ཕྲོགས་པས་དཀོན་མཆོག་གི་ཐུགས་དཀྲུགས་པ།  
\p
\v 1 དེ་ནས་ཕེ་ལེ་ཤེད་པ་རྣམས་ཀྱིས་དཀོན་མཆོག་གི་ཞལ་ཆད་ཀྱི་ཤུར་སྒམ་ཕྲོགས་ནས། ཨེ་བེན་ཨེ་ཟིར་ཡུལ་ནས་ཨ་སི་དོད་གྲོང་ཁྱེར་དུ་ཁྱེར་བ་དང་།  
\v 2 ཕེ་ལེ་ཤེད་པ་རྣམས་ཀྱིས་ཞལ་ཆད་ཀྱི་ཤུར་སྒམ་དེ་དཱ་གོན་གྱི་ལྷ་ཁང་དུ་ཁྱེར་ནས་འབག་སྐུ་དེའི་འགྲམ་དུ་བཞག  
\v 3 ཡང་ཨ་སི་དོད་པ་རྣམས་ཕྱི་ཉིན་སྔ་མོ་ལངས་པའི་ཚེ། ཀྱེ་ཧོ། དཱ་གོན་གྱི་འབག་སྐུ་ནི་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་མདུན་དུ་ས་ལ་ཁ་སྦུབ་ཏུ་འགྲིལ་ནས་ཡོད་པ་དང་། དེ་དག་གིས་དཱ་གོན་ཡར་བསླངས་ནས་ཕྱིར་རང་གནས་སུ་བཞག  
\v 4 དེ་ནས་དེ་དག་ཕྱི་ཉིན་སྔ་མོ་ལངས་པའི་ཚེ། ཀྱེ་ཧོ། དཱ་གོན་གྱི་འབག་སྐུ་ཡང་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་མདུན་དུ་ས་ལ་ཁ་སྦུབ་ཏུ་འགྲིལ་ནས་ཡོད་པ་དང་། ཡང་དཱ་གོན་གྱི་འབག་སྐུའི་མགོ་དང་ལག་པ་གཉིས་སྒོ་ཐེམ་གྱི་ཁར་ཆག་སྟེ། ཤུལ་དུ་བྱང་ཁོག་འབའ་ཞིག་ལུས་པ་རེད།  
\v 5 དེའི་ཕྱིར་དེ་རིང་གི་བར་དུ། ལྷ་ཆེན་དཱ་གོན་གྱི་མཆོད་དཔོན་དང་ཨ་སི་དོད་ལ་ཡོད་པའི་དཱ་གོན་ལྷ་ཁང་དུ་འོང་བའི་མི་སུ་ཡིན་ཡང་ཉིན་དེ་ནས་བཟུང་དཱ་གོན་ལྷ་ཁང་གི་སྒོ་ཐེམ་ལ་འགོམ་པར་མི་བྱེད་དོ། །   
\p
\v 6 དཀོན་མཆོག་ཡ་ཝཱེའི་ཕྱག་གིས་ཨ་སི་དོད་པ་རྣམས་ཀྱི་སྟེང་དུ་བཀའ་ཆད་དྲག་པོ་ཕབ་པ་དང་། ཁོང་གིས་ཨ་སི་དོད་པ་དང་དེའི་ས་མཚམས་ཀྱི་བར་དུ་གཞང་འབྲུམ་གྱི་ནད་ \f + \ft གཞང་འབྲུམ་གྱི་ནད་ཅེས་པའི་མ་ཕྱིའི་གོ་དོན་ནི་སྐྲང་སྦོས་ཙམ་གྱི་དོན་ཡིན་མོད། གསུང་རབ་རྒྱ་འགྱུར་ཁག་ཅིག་ལྟར་ན། བྱི་རིམས་སམ་གཞང་འབྲུམ་དུ་བསྒྱུར་བཞག་པའང་ཡོད་པས་འདིར་ཡང་དེ་གར་བསྟུན་པ་ཡིན། \f*བསྩལ་པས།  
\v 7 ཨ་སི་དོད་པ་རྣམས་ཀྱིས་གནས་ཚུལ་དེ་ཤེས་ནས་འདི་ལྟར། ཡེས་ར་ཨེལ་པའི་དཀོན་མཆོག་གི་ཞལ་ཆད་ཀྱི་ཤུར་སྒམ་ངེད་རྣམས་ཀྱི་ཁྲོད་དུ་མ་འཇོག་ཅིག ཁོང་གི་ཕྱག་ནི་ངེད་ཅག་དང་ངེད་ཅག་གི་ལྷ་ཆེན་དཱ་གོན་གྱི་སྟེང་དུ་དྲག་པོ་ཡིན་ཞེས་སྨྲས་སོ། །  
\v 8 དེའི་ཕྱིར་དེ་དག་གིས་མི་མངགས་ཤིང་། ཕེ་ལེ་ཤེད་པའི་འགོ་དཔོན་རྣམས་དེ་དག་གི་མདུན་དུ་འཛོམས་པ་དང་འདི་ལྟར། ཡེས་ར་ཨེལ་གྱི་དཀོན་མཆོག་གི་ཞལ་ཆད་ཀྱི་ཤུར་སྒམ་ལ་ངེད་རྣམས་ཀྱིས་ཅི་བྱ་ཞེས་དྲིས། དེ་དག་གིས་ལན་དུ། ཡེས་ར་ཨེལ་གྱི་དཀོན་མཆོག་གི་ཞལ་ཆད་ཀྱི་ཤུར་སྒམ་ནི་གཱད་གྲོང་ཁྱེར་དུ་ཁྱེར་ཞིག་ཅེས་སྨྲས་པས། དེ་དག་གིས་ཡེས་ར་ཨེལ་གྱི་དཀོན་མཆོག་གི་ཞལ་ཆད་ཀྱི་ཤུར་སྒམ་དེ་རུ་ཁྱེར།  
\v 9 རྗེས་སུ་དཀོན་མཆོག་ཡ་ཝཱེའི་ཕྱག་ནི་གྲོང་ཁྱེར་དེའི་སྟེང་དུ་ལྕི་བར་གྱུར་ཏེ་འཇིགས་སྐྲག་ཆེན་པོ་བྱུང་བ་དང་། ཁོང་གིས་གྲོང་ཁྱེར་དེའི་མི་ཆེ་ཆུང་ཐམས་ཅད་ལ་གཞང་འབྲུམ་གྱི་ནད་བྱུང་དུ་བཅུག་པ་རེད།  
\v 10 དེའི་ཕྱིར། དཀོན་མཆོག་གི་ཞལ་ཆད་ཀྱི་ཤུར་སྒམ་ཨེག་རོན་གྲོང་ཁྱེར་དུ་བསྐྱལ། དཀོན་མཆོག་གི་ཞལ་ཆད་ཀྱི་ཤུར་སྒམ་ཨེག་རོན་གྲོང་ཁྱེར་དུ་སླེབས་པའི་ཚེ། ཨེག་རོན་པ་རྣམས་ཀྱིས་སྐད་ཆེན་པོ་བཏོན་ནས་འདི་ལྟར། ངེད་རྣམས་དང་ངེད་རྣམས་ཀྱི་ཡུལ་མི་ཐམས་ཅད་གསོད་པའི་ཕྱིར་ཡེས་ར་ཨེལ་གྱི་དཀོན་མཆོག་གི་ཞལ་ཆད་ཀྱི་ཤུར་སྒམ་ངེད་རྣམས་ཀྱི་མདུན་དུ་ཁྱེར་ཡོང་བ་རེད་ཅེས་སྨྲས།  
\v 11 དེའི་ཕྱིར་དེ་དག་གིས་མི་མངགས་ཏེ། ཕེ་ལེ་ཤེད་པའི་འགོ་དཔོན་རྣམས་བསྡུས་ནས་དེ་དག་ལ་འདི་ལྟར་སྨྲས་པ། བདག་ཅག་དང་བདག་ཅག་གི་བུ་རྒྱུད་མི་གསོད་པའི་ཕྱིར་ཡེས་ར་ཨེལ་གྱི་དཀོན་མཆོག་གི་ཞལ་ཆད་ཀྱི་ཤུར་སྒམ་འདི་ནས་ཁྱེར་ཏེ། ཕྱིར་རང་གནས་སུ་འགྲོ་རུ་ཆུག་ཅེས་པའོ། །སྤྱིར་གྲོང་ཁྱེར་ཐམས་ཅད་ཀྱི་ནང་དུ་འཇིགས་སྐྲག་འཆི་བ་ལ་ཐུག་པ་ཞིག་བྱུང་བ་དང་། དཀོན་མཆོག་གི་ཕྱག་གིས་བཀའ་ཆད་དྲག་པོ་ཕབ་པ་རེད།  
\v 12 ཡང་འཆི་བར་མ་གྱུར་པའི་མི་ཐམས་ཅད་ལ་གཞང་འབྲུམ་གྱི་ནད་འགོས་པ་དང་། གྲོང་ཁྱེར་དེའི་ངུ་སྐད་ནི་ནམ་མཁའི་ཞིང་ཁམས་བར་དུ་ཁྱབ་པའོ། །   
\c 6
\cl ལེའུ་དྲུག་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 ཞལ་ཆད་ཀྱི་ཤུར་སྒམ་ཕྱིར་བསྐྱལ་ནས་དགོངས་དག་ཞུས་པ།  
\p
\v 1 དེ་ཡང་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་ནི་ཟླ་བདུན་གྱི་རིང་ལ་ཕེ་ལེ་ཤེད་པའི་ཡུལ་དུ་ཡོད་པ་ཡིན།  
\v 2 ཕེ་ལེ་ཤེད་པ་རྣམས་ཀྱིས་མཆོད་དཔོན་དང་མོ་པ་དག་བོས་ནས་ཁོ་ཚོ་ལ་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་ལ་ངེད་རྣམས་ཀྱིས་ཅི་ཞིག་བྱ། རང་གནས་སུ་ཇི་ལྟར་བསྐྱལ་བ་སྟོན་རོགས་ཞེས་སྨྲས།  
\v 3 ཡང་མཆོད་དཔོན་དང་མོ་པ་དག་གིས། ཁྱོད་རྣམས་ཀྱིས་ཡེས་ར་ཨེལ་གྱི་དཀོན་མཆོག་གི་ཞལ་ཆད་ཀྱི་ཤུར་སྒམ་བསྐྱལ་བའི་ཚེ། དེ་དང་ལྷན་དུ་དགོངས་དག་གི་མཆོད་པ་ཞིག་ཐོངས་ཤིག དེ་ནས་ཁྱོད་རྣམས་སོས་པར་འགྱུར་ཏེ། ཁོང་གི་ཕྱག་ནི་ཅིའི་ཕྱིར་ཁྱོད་ཅག་གི་སྟེང་ནས་མ་འཐེན་པའང་ཤེས་པར་འགྱུར་ཞེས་སྨྲས་སོ། །   
\p
\v 4 ཡང་ཕེ་ལེ་ཤེད་པ་དག་གིས། དགོངས་དག་གི་མཆོད་པ་དེ་ཅི་ཡིན་ནམ་ཞེས་དྲིས་པའི་ལན་དུ་མོ་པ་ཚོ་ན་རེ། ཕེ་ལེ་ཤེད་པའི་འགོ་དཔོན་རྣམས་ཀྱི་གྲངས་ཀ་བཞིན་དུ། གསེར་གྱི་གཞང་འབྲུམ་ལྔ་དང་། གསེར་ནས་བཟོས་པའི་བྱི་བ་ལྔ་ཕུལ་ཞིག གང་ལ་ཞེ་ན། ཁྱོད་རྣམས་དང་ཁྱོད་རྣམས་ཀྱི་འགོ་དཔོན་ལ་ནད་ཡམས་གཅིག་མཚུངས་ཕོག་པའི་ཕྱིར་རོ། །  
\v 5 དེའི་ཕྱིར་གཞང་འབྲུམ་གྱི་དཔེ་གཟུགས་དང་ཁྱོད་ཚོའི་ལོ་ཏོག་ལ་གནོད་བྱེད་པའི་བྱི་བའི་དཔེ་གཟུགས་བཟོས་ཏེ། ཡེས་ར་ཨེལ་གྱི་དཀོན་མཆོག་ལ་བསྟོད་པ་ཕུལ་ཞིག དེའི་སྒོ་ནས་ཁོང་ཉིད་ཀྱི་བཀའ་ཆད་ནི་ཁྱོད་རྣམས་དང་། ཁྱོད་རྣམས་ཀྱི་ལྷ་དང་། ཁྱོད་རྣམས་ཀྱི་ཡུལ་ལ་མི་འཕོག་ཀྱང་སྲིད་དོ། །  
\v 6 ཨེ་ཅིབ་པ་དང་རྒྱལ་པོ་ཕཱར་ཨོལ་གྱིས་སེམས་གྱོང་པོ་བྱས་པ་ལྟར་ཁྱོད་རྣམས་ཀྱིས་ཅིའི་ཕྱིར་སེམས་གྱོང་པོ་བྱེད་དམ། དཀོན་མཆོག་གིས་འཕྲིན་ལས་ཡ་མཚན་ཅན་མཛད་ནས། ཨེ་ཅིབ་པ་དང་རྒྱལ་པོ་ཕཱར་ཨོལ་གྱིས་ཡེས་ར་ཨེལ་གྱི་མི་རྣམས་འགྲོ་རུ་བཅུག་པ་མ་ཡིན་ནམ། ཁོ་རྣམས་སོང་བ་མ་ཡིན་ནམ།  
\v 7 དེའི་ཕྱིར་ཁྱོད་རྣམས་ཀྱིས་ཤིང་རྟ་གསར་པ་ཞིག་བཟོས་ནས། གཉའ་ཤིང་གིས་ད་དུང་མ་མནན་པའི་བ་མོ་འོ་མ་ཅན་གཉིས་ལ་ཤིང་རྟ་བརྒྱབ་ནས། བ་ཕྲུག་རྣམས་ཕྱིར་ཡུལ་དུ་ཁྲིད་ཅིག  
\v 8 དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་བླངས་ཏེ་ཤིང་རྟ་དེའི་སྟེང་འཇོག་དགོས་པ་དང་། དགོངས་དག་གི་མཆོད་པར་འབུལ་འོས་པའི་གསེར་གྱི་རིན་པོ་ཆེ་རྣམས་ནི་ཟ་མ་ཏོག་ཅིག་གི་ནང་དུ་བསྡུས་ཏེ་ཞལ་ཆད་ཀྱི་ཤུར་སྒམ་གམ་དུ་ཞོག་ལ་འགྲོ་བར་བཅུག་ནས།  
\v 9 དེ་ལ་ལྟོས་ཤིག ཤིང་རྟ་དེ་ཡེས་ར་ཨེལ་གྱི་ས་མཚམས་བརྒྱུད་དེ་པེད་ཤེ་མེ་སིའི་ཕྱོགས་སུ་འགྲོ་ན། དཀོན་མཆོག་གིས་ངེད་རྣམས་ལ་གོད་ཆག་ཆེན་པོ་འདི་བྱུང་དུ་བཅུག་པ་ཤེས་དགོས་ཤིང་། གལ་ཏེ་མི་འགྲོ་ན། ཁོང་གི་ཕྱག་གིས་ངེད་རྣམས་ལ་རྡུང་བ་མིན་པར། ངེད་རྣམས་ལ་སྟེས་དབང་གིས་བྱུང་བ་ཞིག་ཡིན་པ་ཅིས་ཀྱང་ངེས་དགོས་ཞེས་སྨྲས་སོ། །   
\p
\v 10 དེ་ནས་མི་རྣམས་ཀྱིས་དེ་ལྟར་བྱས་ཏེ། བ་མོ་གཉིས་ཁྲིད་ནས་ཤིང་རྟ་བརྒྱབ་སྟེ་བ་ཕྲུག་རྣམས་ཁྱིམ་དུ་བཀག་པ་དང་།  
\v 11 ཡང་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་དང་གསེར་ལས་བཟོས་པའི་གཞང་འབྲུམ་དང་བྱི་བའི་དཔེ་གཟུགས་ཡོད་པའི་ཟ་མ་ཏོག་གཉིས་ཤིང་རྟའི་སྟེང་བཞག  
\v 12 བ་མོ་དེ་གཉིས་ནི་དྲང་པོར་པེད་ཤེ་མེ་སིའི་ལམ་དུ་ཞུགས་ཤིང་། ངུར་བཞིན་རྒྱ་ལམ་གྱི་ཁར་འགྲུལ་ཏེ་གཡས་གཡོན་གང་དུ་ཡང་མ་འཆོལ་ལོ། །ཕེ་ལེ་ཤེད་པའི་འགོ་དཔོན་རྣམས་བེད་ཤེ་མེ་སི་ཡུལ་གྱི་ས་མཚམས་བར་རྗེས་སུ་ཕྱིན་ཏོ། །   
\p
\v 13 ཉིན་དེ་ལ་པེད་ཤེ་མེ་སིའི་མི་རྣམས་ཀྱིས་ཀླུང་ཐང་དུ་སྟོན་ཐོག་རྔ་བཞིན་ཡོད་ཅིང་། ཡར་བལྟས་པ་ན་ཞལ་ཆད་ཀྱི་ཤུར་སྒམ་མཐོང་བས་དགའ་བར་གྱུར།  
\v 14 ཤིང་རྟ་དེ་ནི་པེད་ཤེ་མེ་སིའི་ཡོ་ཤུ་ཨ་ཡི་ཞིང་སར་སླེབས་ཏེ། ཕ་བོང་ཆེན་པོ་ཞིག་གི་མདུན་དུ་བསྡད། དེ་ནས་པེད་ཤེ་མེ་སིའི་མི་རྣམས་ཀྱིས་ཤིང་རྟའི་ཤིང་གཤགས་ནས། བ་མོ་དེ་གཉིས་དཀོན་མཆོག་ཡ་ཝཱེ་ལ་སྦྱིན་སྲེག་ཏུ་ཕུལ་བ་རེད།  
\v 15 དོན་དེ་མ་བྱུང་སྔོན་དུ་ལེ་ཝི་པ་རྣམས་ཀྱིས་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་དང་དེར་ཡོད་པའི་གསེར་གྱི་རིན་པོ་ཆེ་རྣམས་ཟ་མ་ཏོག་ལས་ཕབ་ཅིང་། ཕ་བོང་ཆེན་པོ་དེའི་སྟེང་བཞག་ཡོད། ཉིན་དེ་ལ་པེད་ཤེ་མེ་སིའི་མི་རྣམས་ཀྱིས་ཡ་ཝཱེ་ལ་སྦྱིན་སྲེག་གི་མཆོད་པ་དང་དམར་མཆོད་ཀྱང་ཕུལ།  
\v 16 ཕེ་ལེ་ཤེད་པའི་འགོ་དཔོན་ལྔ་ཡིས་གནས་ཚུལ་དེ་མཐོང་ནས་ཉིན་དེར་ཨེག་རོན་དུ་ཕྱིར་ལོག་གོ །  
\v 17 ཡང་ཕེ་ལེ་ཤེད་པས་གསེར་གྱི་གཞང་འབྲུམ་གྱི་དཔེ་གཟུགས་ཏེ་དཀོན་མཆོག་ཡ་ཝཱེ་ལ་དགོངས་དག་གི་མཆོད་པར་ཕུལ་བ་ནི། ཨ་སི་དོད་ཅེས་པའི་གྲོང་ཁྱེར་དང་གཱ་ཟཱ་གྲོང་ཁྱེར། ཨ་ཤཱ་ཀེ་ལོན་གྲོང་ཁྱེར། གཱད་གྲོང་ཁྱེར། ཨེག་རོན་གྲོང་ཁྱེར་བཅས་ཀྱི་ཕྱིར་མཆོད་པ་རེ་རེ་ཕུལ།  
\v 18 ཡང་གསེར་གྱི་བྱི་བ་ནི་ཕེ་ལེ་ཤེད་པའི་འགོ་དཔོན་ལྔ་ཡིས་བཟུང་བའི་ལྕགས་རིས་བསྐོར་བའི་གྲོང་ཁྱེར་དང་གྲོང་རྡལ་རྣམས་ཀྱི་གྲངས་ཀ་བཞིན་དུ་ཕུལ། དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་བཞག་པའི་ཕ་བོང་ཆེན་པོ་དེ་ནི་དེ་རིང་གི་བར་དུ་ཡང་པེད་ཤེ་མེ་སིའི་ཡོ་ཤུ་ཨ་ཡི་ཞིང་ས་རུ་ཡོད་དོ། །   
\p
\v 19 དེ་ནས་པེད་ཤེ་མེ་སིའི་མི་རྣམས་ཀྱིས་རང་འདོད་ལྟར་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་གྱི་ནང་བལྟས་པས། ཁོང་གིས་མི་བདུན་ཅུ་བསད་པ་རེད། སྐབས་དེར་མི་ཁྲི་ལྔ་ས་དེ་རུ་ཡོད་ཅིང་། དཀོན་མཆོག་ཡ་ཝཱེས་མི་རྣམས་ལ་འདི་ལྟར་གསོད་གཅོད་ཆེན་པོས་བརྡུངས་པས་ཁོ་ཚོས་མྱ་ངན་བྱས།  
\v 20 ཡང་པེད་ཤེ་མེ་སིའི་མི་རྣམས་ན་རེ། དཀོན་མཆོག་དམ་པ་ཡ་ཝཱེའི་སྤྱན་སྔར་སུ་ཞིག་གནས་ཐུབ་བམ། ཞལ་ཆད་ཀྱི་ཤུར་སྒམ་ནི་ངེད་ཅག་གི་ཕྱོགས་ནས་སུའི་རྩར་བསྐྱལ་ལམ་ཞེས་ཞུས་པས།  
\v 21 པེད་ཤེ་མེ་སིའི་མི་རྣམས་ཀྱིས། ཀིར་ཡཱད་ཡེ་ཨ་རིམ་གྲོང་ཁྱེར་ལ་བང་ཆེན་འགའ་མངགས་ནས་མི་དེ་ཚོར། ཕེ་ལེ་ཤེད་པས་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་ཕྱིར་ཁྱེར་འོངས་འདུག ཁྱོད་ཅག་འོངས་ནས་ཕྱིར་རང་གི་ཡུལ་དུ་ཁྱེར་ཅིག་ཅེས་བསྐུལ་ཏོ། །   
\c 7
\cl ལེའུ་བདུན་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\p
\v 1 ཡང་ཀིར་ཡཱད་ཡེ་ཨ་རིམ་པ་རྣམས་འོངས་ཏེ། དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་ཡར་གདན་དྲངས་ནས་རི་ལ་གནས་པའི་ཨ་བི་ནཱ་དབ་ཀྱི་ཁྱིམ་དུ་ཁྱེར་ཏེ། དེའི་བུ་ཨེ་ལི་ཨ་ཟར་ནི་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་དེ་བསྲུང་ཆེད་དམ་པར་བྱས་སོ། །   
\s1 ཕེ་ལེ་ཤེད་པ་དང་ཡེས་ར་ཨེལ་པའི་བར་འཐབ་འཁྲུག་བྱུང་བ།  
\p
\v 2 ཉིན་དེ་ནས་བཟུང་ཞལ་ཆད་ཀྱི་ཤུར་སྒམ་ནི་ཀིར་ཡཱད་ཡེ་ཨ་རིམ་དུ་ཡུན་རིང་ཞིག་ལ་ལུས་ཏེ། ཇི་ཙམ་ཞེ་ན། ལོ་ཉི་ཤུའི་རིང་ལ་དེ་རུ་ལུས། ཡང་ཡེས་ར་ཨེལ་གྱི་ཁྱིམ་རྒྱུད་ཐམས་ཅད་ཀྱིས་དཀོན་མཆོག་ཡ་ཝཱེའི་དྲུང་དུ་མྱ་ངན་བྱས།  
\v 3 དེ་ནས་སཱ་མུ་ཨེལ་གྱིས་ཡེས་ར་ཨེལ་གྱི་ཁྱིམ་རྒྱུད་ཐམས་ཅད་ལ་འདི་ལྟར་སྨྲས་པ་སྟེ། གལ་ཏེ་ཁྱོད་རྣམས་སེམས་གཏིང་ནས་དཀོན་མཆོག་ཡ་ཝཱེའི་དྲུང་དུ་ལོག་འདོད་ན། ཕྱི་ཕྱོགས་ཀྱི་ལྷ་རྣམས་ཀྱི་སྐུ་འདྲ་དང་ལྷ་མོ་ཨ་ཤཱ་ཏ་རོད་ཀྱི་འདྲ་གཟུགས་ཁྱོད་རྣམས་ཀྱི་ཁྲོད་ནས་ཕུད་དེ། སེམས་ཡོངས་སུ་དཀོན་མཆོག་ཡ་ཝཱེ་ལ་འབུལ་ཞིང་། ཁོང་ཉིད་འབའ་ཞིག་ལ་ཞབས་ཏོག་བསྒྲུབས་ན། ཁོང་གིས་ཁྱོད་རྣམས་ཕེ་ལེ་ཤེད་པའི་ལག་ནས་སྒྲོལ་ངེས་ཡིན་ཞེས་པའོ། །  
\v 4 དེ་ནས་ཡེས་ར་ཨེལ་པ་རྣམས་ཀྱིས་པཱ་ཨལ་དང་ལྷ་མོ་ཨ་ཤཱ་ཏ་རོད་ཀྱི་འདྲ་གཟུགས་རྣམས་བཏོན་ནས། དཀོན་མཆོག་ཡ་ཝཱེ་འབའ་ཞིག་ལ་བསྙེན་བཀུར་ཞུས་སོ། །   
\p
\v 5 ཡང་སཱ་མུ་ཨེལ་གྱིས། ཡེས་ར་ཨེལ་གྱི་མི་ཐམས་ཅད་མཱས་ཟི་ཕཱ་གྲོང་ཁྱེར་ལ་འཛོམ་དུ་ཆུག་དང་། ངས་ཁྱོད་ཅག་གི་དོན་དུ་དཀོན་མཆོག་ཡ་ཝཱེ་ལ་སྨོན་ལམ་འདེབས་པར་བྱ་ཞེས་སྨྲས།  
\v 6 དེ་དག་མཱས་ཟི་ཕཱ་གྲོང་ཁྱེར་དུ་འདུས་པ་དང་། ཆུ་བཅུས་ནས་དཀོན་མཆོག་ཡ་ཝཱེའི་དྲུང་དུ་བླུགས། ཉིན་དེ་ལ་སྨྱུང་གནས་བསྲུངས་ཤིང་། དཀོན་མཆོག་ཡ་ཝཱེའི་དྲུང་དུ་ཁོ་རྣམས་ན་རེ། ངེད་རྣམས་ཀྱིས་དཀོན་མཆོག་ཡ་ཝཱེ་ལ་འགལ་བའི་སྡིག་པ་བྱས་པ་ཡིན་ཞེས་ཞུས། དེ་ལྟར་སཱ་མུ་ཨེལ་གྱིས་ཡེས་ར་ཨེལ་པ་རྣམས་ལ་མིལ་ཚི་པཱ་ཞེས་པའི་གྲོང་ཁྱེར་ནས་སྲིད་བྱས་པའོ། །   
\p
\v 7 ཡང་ཕེ་ལེ་ཤེད་པ་རྣམས་ཀྱིས་ཡེས་ར་ཨེལ་པ་དག་མཱས་ཟི་ཕཱ་གྲོང་ཁྱེར་དུ་འཛོམས་ཡོད་པ་ཐོས་པས། ཕེ་ལེ་ཤེད་པའི་འགོ་དཔོན་རྣམས་ཀྱིས་ཡེས་ར་ཨེལ་པ་རྣམས་ཀྱི་ཕྱོགས་སུ་དམག་དྲངས། ཡེས་ར་ཨེལ་པ་རྣམས་ཀྱིས་དོན་དེ་ཐོས་པས་ཕེ་ལེ་ཤེད་པ་ལ་འཇིགས་པར་གྱུར།  
\v 8 ཡེས་ར་ཨེལ་པ་རྣམས་ཀྱིས་སཱ་མུ་ཨེལ་ལ། ངེད་ཅག་ཕེ་ལེ་ཤེད་པའི་དབང་འོག་ནས་སྒྲོལ་བའི་ཕྱིར། བདག་ཅག་གི་དཀོན་མཆོག་ཡ་ཝཱེ་ལ་ཞུ་འབོད་མཚམས་མ་གཅོད་ཅིག་ཅེས་ཞུས།  
\v 9 དེ་ནས་སཱ་མུ་ཨེལ་གྱིས་ལུ་གུ་འོ་འཐུང་ཞིག་བླངས་ནས། ཡོངས་སུ་དཀོན་མཆོག་ཡ་ཝཱེ་ལ་སྦྱིན་སྲེག་གི་མཆོད་པར་ཕུལ་ཏེ། ཡེས་ར་ཨེལ་པ་རྣམས་ཀྱི་དོན་དུ་དཀོན་མཆོག་ཡ་ཝཱེ་ལ་སྐྱབས་འབོད་བྱས་པས་ཁོང་གིས་དེ་ལ་གསན་ཏོ། །  
\v 10 ཡང་སཱ་མུ་ཨེལ་གྱིས་སྦྱིན་སྲེག་འབུལ་བའི་སྐབས་སུ། ཕེ་ལེ་ཤེད་པ་རྣམས་ཡེས་ར་ཨེལ་པ་དག་ལ་དམག་རྒྱག་ཏུ་འོངས། ཉིན་དེ་ལ་དཀོན་མཆོག་ཡ་ཝཱེས་ཕེ་ལེ་ཤེད་པའི་སྟེང་དུ་འབྲུག་སྒྲ་ཆེན་པོ་ལྡིར་དུ་བཅུག་པས། དེ་དག་སྐྲག་ནས་ཡེས་ར་ཨེལ་པ་རྣམས་ཀྱི་མདུན་ནས་ཕམ་པར་གྱུར།  
\v 11 ཡེས་ར་ཨེལ་པ་རྣམས་ནི་མཱས་ཟི་ཕཱ་གྲོང་ཁྱེར་ནས་ཐོན་ཏེ། པེད་ཀར་གྲོང་ཚོ་དང་ཉེ་བའི་བར་དུ་ཕེ་ལེ་ཤེད་པའི་རྗེས་སུ་དེད་ནས་ཁོ་ཚོ་བསད་དོ། །   
\p
\v 12 ཡང་སཱ་མུ་ཨེལ་གྱིས་རྡོ་ཞིག་བླངས་ནས། མཱས་ཟི་ཕཱ་གྲོང་ཁྱེར་དང་ཤེན་ཞེས་པའི་བྲག་གཡང་གཉིས་ཀྱི་བར་ལ་བཞག་སྟེ། དུས་འདིའི་བར་དུ་དཀོན་མཆོག་ཡ་ཝཱེས་རང་ཅག་ལ་སྐྱབས་མཛད་པ་ཡིན་ཞེས་སྨྲས་ཏེ། རྡོ་དེའི་མིང་ལ་ཨེ་བེན་ཨེ་ཟིར་ \f + \ft ཨེ་བེན་ཞེས་པ་ནི་རྡོ་དང་ཨེ་ཟིར་ཞེས་པ་རོགས་རམ་གྱི་དོན་ཡིན།\f*ཞེས་བཏགས་སོ། །  
\v 13 དེ་ལྟར་ཕེ་ལེ་ཤེད་པ་རྣམས་ཕམ་ནས། དེ་དག་ཡེས་ར་ཨེལ་པ་རྣམས་ཀྱི་ས་ཆར་སླེབས་རྒྱུ་མ་བྱུང་བ་རེད། སཱ་མུ་ཨེལ་གྱི་མི་ཚེ་གང་པོར་དཀོན་མཆོག་ཡ་ཝཱེའི་ཕྱག་གིས་ཕེ་ལེ་ཤེད་པ་རྣམས་བཀག་པར་མཛད།  
\v 14 ཕེ་ལེ་ཤེད་པས་བཟུང་བའི་ཡེས་ར་ཨེལ་པ་རྣམས་ཀྱི་གྲོང་ཁྱེར་ཨེག་རོན་ནས་གཱད་ཀྱི་བར་དུ་ཕྱིར་ཡེས་ར་ཨེལ་པ་རྣམས་ལ་དབང་བར་གྱུར། ཁོ་ཚོས་རང་གི་ས་ཆ་ཕེ་ལེ་ཤེད་པའི་དབང་འོག་ནས་བླངས་ཤིང་། ཡང་ཡེས་ར་ཨེལ་པ་རྣམས་དང་ཨེ་མོར་པ་ནི་མཐུན་པར་གྱུར་ཏོ། །   
\p
\v 15 སཱ་མུ་ཨེལ་གྱིས་མི་ཚེ་གང་པོར་ཡེས་ར་ཨེལ་པ་ཐམས་ཅད་ལ་སྲིད་ཀྱི་བྱ་བ་བསྒྲུབས།  
\v 16 ཁོང་ལོ་རེ་བཞིན་པེད་ཨེལ་དང་གིལ་གལ་དང་མཱས་ཟི་ཕཱ་བཅས་པའི་གྲོང་ཁྱེར་རྣམས་སུ་སོང་སྟེ། གནས་དེ་ཐམས་ཅད་ནས་ཡེས་ར་ཨེལ་པ་རྣམས་ལ་སྲིད་ཀྱི་བྱ་བ་བསྒྲུབས།  
\v 17 རཱ་མ་གྲོང་ཁྱེར་དུ་སཱ་མུ་ཨེལ་གྱི་ཁྱིམ་ཡོད་པས། ཁོང་དེར་ལོག་སྟེ་ཡེས་ར་ཨེལ་པ་རྣམས་ལ་སྲིད་བྱས་ཤིང་། དཀོན་མཆོག་ཡ་ཝཱེ་ལ་མཆོད་ཁྲི་ཞིག་བརྩིགས་སོ། །   
\c 8
\cl ལེའུ་བརྒྱད་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 ཡེས་ར་ཨེལ་པ་རྣམས་ཀྱིས་རྒྱལ་པོ་ཞིག་འཐོབ་པར་ཞུས་པ།  
\p
\v 1 དེ་ནས་སཱ་མུ་ཨེལ་ལོ་ན་རྒས་པའི་ཚེ། རང་གི་བུ་གཉིས་ཡེས་ར་ཨེལ་གྱི་ཁྲིམས་དཔོན་དུ་བསྐོས་པ་དང་།  
\v 2 བུ་ཆེ་བའི་མིང་ལ་ཡོ་ཨེལ་ཞེས་དང་། བུ་ཆུང་བའི་མིང་ལ་ཨ་བི་ཡཱ་ཞེས་བྱ་ཞིང་། དེ་གཉིས་ཀྱིས་པེར་ཤ་བཱ་གྲོང་ཁྱེར་དུ་ཁྲིམས་དཔོན་བྱས།  
\v 3 ཡང་བུ་དེ་གཉིས་ནི་ཁོའི་ལམ་ལ་མ་འགྲུལ་ཞིང་། ནོར་ལ་བརྣབ་སེམས་ཅན་ཞིག་ཡིན་ཏེ། ལྐོག་ནོར་བླངས་ནས་དྲང་གཞག་ལོག་སྒྲུབ་བྱས།  
\v 4 དེ་ནས་ཡེས་ར་ཨེལ་གྱི་རྒན་པོ་ཐམས་ཅད་འཛོམས་ནས་རཱ་མ་གྲོང་ཁྱེར་དུ་སཱ་མུ་ཨེལ་གྱི་དྲུང་དུ་སླེབས་ཏེ།  
\v 5 དེ་དག་གིས་ཁོ་ལ། ལྟོས་དང་། ཁྱེད་ནི་ལོ་ན་རྒས་ཤིང་ཁྱེད་ཀྱི་བུ་གཉིས་ནི་ཁྱེད་ཀྱི་ལམ་ལ་མི་འགྲོ་བས། ད་ནི་ངེད་ཅག་ལ་རྒྱལ་ཁབ་གཞན་ཐམས་ཅད་བཞིན་དུ་སྲིད་སྐྱོང་བའི་རྒྱལ་པོ་ཞིག་གནང་བར་མཛོད་ཅེས་ཞུས།  
\v 6 དེ་དག་གིས་ངེད་ཅག་ལ་སྲིད་སྐྱོང་བའི་རྒྱལ་པོ་ཞིག་གནང་བར་མཛོད་ཅེས་ཞུས་པས། སཱ་མུ་ཨེལ་གཏམ་དེ་ལ་མི་དགའ་བར་གྱུར་ནས་དཀོན་མཆོག་ཡ་ཝཱེ་ལ་སྨོན་ལམ་བཏབ།  
\v 7 དེ་ནས་དཀོན་མཆོག་ཡ་ཝཱེས་སཱ་མུ་ཨེལ་ལ་འདི་སྐད་དུ། མི་རྣམས་ཀྱིས་ཁྱོད་ལ་ཇི་ལྟར་སྨྲས་པ་བཞིན་དུ་སྒྲུབས་ཤིག རྒྱུ་མཚན་ནི། དེ་དག་གིས་ཁྱོད་རང་གཡུགས་པ་མ་ཡིན་པར། ང་རང་རྒྱལ་པོའི་གོ་ས་དེར་མ་བཞག་པར་དོར་བ་ཡིན།  
\v 8 བདག་གིས་མི་འདི་རྣམས་ཨེ་ཅིབ་ཡུལ་ནས་ཕྱི་རུ་ཁྲིད་པ་ནས་དེ་རིང་གི་བར་དུ་དེ་དག་གིས་ང་རང་སྤངས་ཏེ་ལྷ་གཞན་རྣམས་བསྟེན་པ་ཡིན། བྱ་བ་དེ་ལྟ་བུ་དེ་དག་གིས་ཁྱོད་ལ་ཡང་བྱེད་ངེས།  
\v 9 དེའི་ཕྱིར་མི་རྣམས་ཀྱི་སྐད་ལ་ཉོན་ཅིག འོན་ཀྱང་མ་འོངས་པ་ན་དེ་དག་ལ་སྲིད་བྱེད་པའི་རྒྱལ་པོའི་བྱེད་སྟངས་ཐམས་ཅད་གསལ་པོར་འཆད་དགོས་ལ་ཉེན་བརྡ་ཡང་ཐོངས་ཤིག་ཅེས་གསུངས་སོ། །   
\p
\v 10 ཡང་སཱ་མུ་ཨེལ་གྱིས་དཀོན་མཆོག་ཡ་ཝཱེའི་གསུང་ཐམས་ཅད་ནི་རྒྱལ་པོ་དགོས་ཞུ་མཁན་གྱི་མི་རྣམས་ལ་འདི་ལྟར་སྨྲས་པ་སྟེ།  
\v 11 ཁྱོད་རྣམས་ལ་སྲིད་བྱེད་པར་འགྱུར་བའི་རྒྱལ་པོ་དག་གི་བྱེད་སྟངས་ནི་འདི་ལྟར་ཡིན། ཁོང་གིས་ཁྱོད་ཅག་གི་བུ་རྣམས་བསྡུས་ནས་རང་གི་ཤིང་རྟ་འདེད་མཁན་ནམ་རྟ་པར་བསྐོས་ཏེ། རྒྱལ་པོའི་སྲོག་སྲུང་བའི་ཆེད་དུ་ཁོང་གི་ཤིང་རྟའི་མདུན་དུ་རྒྱུག་པར་འགྱུར།  
\v 12 ཡང་རྒྱལ་པོ་དེ་དག་གིས་མི་སྟོང་རེ་ལ་སྟོང་དཔོན་དང་མི་ལྔ་བཅུ་རེ་ལ་ལྔ་བཅུ་དཔོན་རེ་བསྐོ་བ་དང་། ཁྱོད་ཅག་གི་བུ་རྒྱུད་ཀྱིས་ཁོང་གི་ཞིང་ས་རྨོ་བ་དང་། སྟོན་ཐོག་རྔ་བ་དང་། དམག་ཆས་བཟོ་བ་དང་། ཤིང་རྟའི་ལྷུ་ལག་བཟོ་བར་བྱེད་དོ། །  
\v 13 ཡང་ཁོང་གིས་ཁྱོད་ཅག་གི་བུ་མོ་རྣམས་ནི་སྤོས་ཆུ་བཟོ་མཁན་དང་། གསོལ་ཐབ་མཁན་དང་། བག་ལེབ་སྲེག་མཁན་བཅས་སུ་བྱེད་དོ། །  
\v 14 ད་དུང་ཁྱོད་རྣམས་ཀྱི་ཞིང་དང་རྒུན་འབྲུམ་ར་བ་དང་སྐྱུ་རུ་རའི་ཚལ་ཤིན་ཏུ་བཟང་པོ་རྣམས་ཕྲོགས་ནས། ཁོང་གི་བློན་པོ་རྣམས་ལ་གཏོང་བར་བྱེད།  
\v 15 ཡང་ཁྱོད་རྣམས་ཀྱི་ས་བོན་དང་རྒུན་འབྲུམ་ར་བ་ནས་བཅུ་ཆའི་གཅིག་བླངས་ཏེ། རང་གི་འཁོར་གྱི་ཉུག་རུམ་པ་དང་ཞབས་ཕྱི་པ་རྣམས་ལ་གཏོང་བར་བྱེད།  
\v 16 ཡང་ཁྱོད་ཅག་གི་ཞབས་ཕྱི་དང་གཡོག་མོ། བྱད་གཟུགས་ལེགས་པའི་གཞོན་ནུ། བོང་བུ་བཅས་ཕྲོགས་ཏེ་ཁོང་གི་ལས་ཀ་བྱེད་མཁན་དུ་འཇུག་པར་འགྱུར།  
\v 17 ཡང་ཁོང་གིས་ཁྱོད་ཚོའི་ར་ལུག་གི་ཁྱུ་ལས་བཅུ་ཆའི་གཅིག་བླངས་ཏེ་ཁྱོད་རྣམས་ནི་ཁོང་གི་གཡོག་པོར་འགྱུར།  
\v 18 ཉིན་དེ་ལ་ཁྱོད་རྣམས་ཀྱིས་རང་གིས་བསྐོས་པའི་རྒྱལ་པོའི་ཕྱིར་དུ་ངུ་འབོད་བྱེད་ཅིང་། དཀོན་མཆོག་ཡ་ཝཱེས་ཉིན་དེར་ཁྱོད་རྣམས་ལ་གསན་པར་མི་བྱའོ་ཞེས་སྨྲས་སོ། །   
\p
\v 19 སཱ་མུ་ཨེལ་གྱིས་དེ་ལྟར་སྨྲས་ཀྱང་མི་རྣམས་ཀྱིས་ཁོའི་སྐད་ཆ་ལ་མ་མཉན་པར་ན་རེ། ངེད་ཅག་གི་གོང་དུ་རྒྱལ་པོ་ཞིག་ཡོད་པར་དགའ།  
\v 20 ངེད་ཅག་ནི་མི་རིགས་གཞན་ཐམས་ཅད་དང་འདྲ་བར་འགྱུར་ཞིང་ངེད་ཅག་ལ་རང་གི་རྒྱལ་པོས་སྲིད་སྐྱོང་བ་དང་། ཁོ་རང་ངེད་ཅག་གི་མདུན་དུ་འགྲོ་ཞིང་ང་ཚོའི་དོན་དུ་དམག་རྒྱག་པར་བྱའོ་ཞེས་སྨྲས།  
\v 21 ཡང་སཱ་མུ་ཨེལ་གྱིས་མི་རྣམས་ཀྱི་གཏམ་ཐམས་ཅད་ཐོས་ནས། དཀོན་མཆོག་ཡ་ཝཱེའི་སྙན་ལམ་དུ་ཡང་བསྐྱར་ཞུས་པ་དང་།  
\v 22 དཀོན་མཆོག་ཡ་ཝཱེས་སཱ་མུ་ཨེལ་ལ་འདི་སྐད་དུ། ཁོ་ཚོའི་སྐད་ཆར་མཉན་ནས་དེ་དག་ལ་རྒྱལ་པོ་ཞིག་སྐོས་ཤིག་ཅེས་གསུངས་པས། སཱ་མུ་ཨེལ་གྱིས་ཡེས་ར་ཨེལ་པ་རྣམས་ལ། ཁྱོད་ཅག་མི་རེ་རེ་རང་རང་གི་གྲོང་ཁྱེར་དུ་ཕྱིར་ལོག་ཅིག་ཅེས་སྨྲས་སོ། །   
\c 9
\cl ལེའུ་དགུ་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 སཱ་མུ་ཨེལ་དང་སོ་ལོ་གཉིས་ཕྲད་པ།  
\p
\v 1 དེའི་ཚེ་པེན་ཡཱ་མེན་ཚོ་པར་མིང་ལ་ཁི་སི་ཞེས་འབོད་པའི་ཕྱུག་བདག་ཅིག་ཡོད་པ་དང་། དེ་ནི་ཨ་བེ་ཨེལ་གྱི་བུ་དང་། ཨ་བེ་ཨེལ་ནི་ཙེ་རོར་གྱི་བུ། ཙེ་རོར་ནི་པི་ཀོ་རད་ཀྱི་བུ། པི་ཀོ་རད་ནི་པེན་ཡཱ་མེན་པའི་ཨ་ཕེ་ཨག་གི་བུ་བཅས་ཡིན།  
\v 2 མིང་ལ་སོ་ལོ་ཞེས་འབོད་པ་ནི་ཁི་སིའི་བུ་ཡིན་པ་དང་། དེ་ནི་གཞོན་ནུ་བྱད་གཟུགས་ལེགས་པ་ཞིག་ཡིན་ཏེ། དེ་ལྟ་བུའི་བྱད་གཟུགས་ལེགས་པའི་མི་ཞིག་ཡེས་ར་ཨེལ་པ་རྣམས་ཀྱི་ཁྲོད་དུ་མེད་ཅིང་། ཁོ་རང་མི་ཐམས་ཅད་ཀྱི་གཟུགས་ལས་མགོ་གཅིག་གིས་མཐོ་བ་ཡིན།  
\v 3 ཡང་སོ་ལོ་ཡི་ཕ་ཁི་སིའི་བོང་བུ་རྣམས་བོར་བས། ཁི་སི་ཡིས་རང་གི་བུ་སོ་ལོ་ལ། ཞབས་ཕྱི་རྣམས་ལས་གཅིག་ཁྲིད་དེ་བོང་བུ་རྣམས་བཙལ་དུ་སོང་ཞིག་ཅེས་བསྒོས་པས།  
\v 4 དེ་གཉིས་ཨེ་ཕཱར་ཡིམ་རི་བོའི་ཡུལ་དང་ཤཱ་ལི་ཤཱ་ཡུལ་བརྒྱུད་དེ་སོང་ནའང་མ་རྙེད་པ་རེད། དེ་ནས་སཱ་ཨ་ལེམ་ཡུལ་བརྒྱུད་དེ་སོང་བ་ན་བོང་བུ་དེ་རུའང་མེད་པ་དང་། པེན་ཡཱ་མེན་པའི་ཡུལ་བརྒྱུད་དེ་ཕྱིན་ན་ཡང་མ་རྙེད་དོ། །   
\p
\v 5 དེ་གཉིས་ཙུབ་ཡུལ་གྱི་བར་དུ་སླེབས་ཙ་ན། སོ་ལོས་ཁོ་དང་མཉམ་དུ་ཡོད་པའི་ཞབས་ཕྱི་ལ། ད་ཤོག་དང་ངེད་གཉིས་ཕྱིར་འགྲོ་བར་བྱ། ཕྱིར་མ་སོང་ན་ཕ་ཡིས་བོང་བུའི་ཆེད་དུ་སེམས་ཁུར་བྱེད་པ་ལས་ལྡོག་སྟེ། ངེད་གཉིས་ཀྱི་ཆེད་དུ་སེམས་ཁུར་བྱེད་པར་འགྱུར་ཞེས་སྨྲས་པ་དང་།  
\v 6 ཞབས་ཕྱིས་སོ་ལོ་ལ། གཟིགས་དང་། གྲོང་ཁྱེར་འདི་རུ་དཀོན་མཆོག་གི་སྐྱེས་བུ་ཞིག་བཞུགས། མི་རྣམས་ཀྱིས་དེ་ལ་གུས་བཀུར་བྱེད་ཅིང་། མི་དེས་ཅི་ཞིག་གསུངས་ན་ཡང་བདེན་པར་འགྱུར། ད་ངེད་གཉིས་དེ་རུ་འགྲོ་སྟེ། མི་དེས་ངེད་གཉིས་ལ་འགྲོ་འོས་པའི་ལམ་སྟོན་ཡང་སྲིད་ཅེས་སྨྲས་ཤིང་།  
\v 7 སོ་ལོས་རང་གི་ཞབས་ཕྱི་ལ། ལྟོས་དང་། ངེད་གཉིས་དེ་རུ་སོང་ན་མི་དེ་ལ་ཅི་འབུལ་ལམ། ངེད་གཉིས་ཀྱི་སྣོད་ཀྱི་ནང་དུ་ཡོད་པའི་བག་ལེབ་ནི་རྫོགས་ཚར་ལ། དཀོན་མཆོག་གི་སྐྱེས་བུ་དེ་ལ་འབུལ་བའི་ནོར་གཅིག་ཀྱང་མེད། ད་དུང་ངེད་གཉིས་ལ་ཅི་ཡོད་དམ་ཞེས་དྲིས་པས།  
\v 8 ཞབས་ཕྱིས་སོ་ལོ་ལ་འདི་ལྟར། གཟིགས་དང་། འདིར་བདག་གི་ལག་ཏུ་དངུལ་སྲང་བཞི་ཆའི་གཅིག་ཡོད། དེ་ནི་ངེད་གཉིས་ལ་འགྲོ་འོས་པའི་ལམ་སྟོན་ཕྱིར་དཀོན་མཆོག་གི་སྐྱེས་བུ་དེ་ལ་འབུལ་བར་བྱ་ཞེས་ལན་ཞུས།  
\v 9 སྔོན་ཆད་ཡེས་ར་ཨེལ་པའི་ཁྲོད་དུ་མི་ཞིག་དཀོན་མཆོག་ལ་ཞུ་བ་བྱེད་དུ་འགྲོ་བའི་ཚེ་འདི་ལྟར་སྨྲ་བ་ཡིན་ཏེ། ཤོག་དང་། ངེད་རྣམས་མངོན་ཤེས་པ་དེའི་དྲུང་དུ་འགྲོ་བར་བྱའོ་ཟེར། དེང་གི་ལུང་སྟོན་པ་ཞེས་པར་སྔོན་ཆད་མངོན་ཤེས་པ་ཞེས་འབོད་དོ། །  
\v 10 དེ་ནས་སོ་ལོས་རང་གི་ཞབས་ཕྱི་ལ། ཁྱོད་ཀྱིས་སྨྲས་པ་ལེགས་སོ། །ཤོག་དང་། ངེད་གཉིས་འགྲོ་བར་བྱ་ཞེས་སྨྲས་པ་དང་། དེ་ལྟར་ཁོ་གཉིས་དཀོན་མཆོག་གི་སྐྱེས་བུ་བཞུགས་སའི་གྲོང་ཁྱེར་དུ་སོང་ངོ་། །   
\p
\v 11 གྲོང་ཁྱེར་དེའི་རི་བོ་ལ་ཡར་འགོས་པ་དང་གཞོན་ནུ་མ་ཆུ་ལེན་པའི་ཕྱིར་ཡོང་བ་རྣམས་དང་ཕྲད་པས། དེ་དག་ལ་མངོན་ཤེས་པ་འདི་རུ་བཞུགས་སམ་ཞེས་དྲིས་པ་ན།  
\v 12 དེ་དག་གིས་ལན་དུ། ཁོང་བཞུགས་ཏེ། ལྟོས་ཤིག ཁོང་ནི་ཁྱེད་ཀྱི་མདུན་དུ་བཞུགས་འདུག་སྟེ། མྱུར་དུ་སོང་དང་། དེ་རིང་གནས་མཐོ་ས་རུ་ཡུལ་མི་རྣམས་ཀྱི་ཆེད་དུ་མཆོད་པ་འབུལ་བའི་ཕྱིར་ཁོང་ནི་གྲོང་ཁྱེར་དུ་ཕེབས་སོ། །  
\v 13 ཁྱེད་གཉིས་གྲོང་ཁྱེར་དུ་སླེབས་པ་ཙམ་གྱིས། ཁོང་གནས་མཐོ་སར་ཞལ་ཟས་བཞེས་སུ་མ་ཕེབས་སྔོན་ལ་ཁོང་དང་འཕྲད་པར་འགྱུར། མི་ཚོགས་ཀྱིས་ཁོང་མ་ཕེབས་བར་དུ་ཁ་ཟས་བཟའ་མི་འོང་། རྗེས་སུ་ཁོང་གིས་མཆོད་པ་ལ་བྱིན་རླབས་གནང་ན། མགྲོན་དུ་བོས་པ་རྣམས་ཀྱིས་བཟའ་བར་འགྱུར། དེའི་ཕྱིར། དུས་འདི་ཉིད་དུ་ཁོང་དང་མཇལ་བར་སོང་ཞིག་ཅེས་སྨྲས།  
\v 14 དེ་ནས་ཁོ་གཉིས་ཡར་གྲོང་ཁྱེར་ནང་འཛུལ་དུས། སཱ་མུ་ཨེལ་ཁོ་གཉིས་ཀྱི་མདུན་ནས་འོང་བཞིན་པ་དང་། གནས་མཐོ་སའི་ཕྱོགས་སུ་འགྲོ་བཞིན་ཡོད་དོ། །  
\v 15 སོ་ལོ་མ་སླེབས་པའི་ཉིན་གཅིག་གི་སྔོན་ལ་དཀོན་མཆོག་ཡ་ཝཱེས་སཱ་མུ་ཨེལ་ལ་མཛུབ་སྟོན་གནང་སྟེ་འདི་སྐད་དུ།  
\v 16 སང་ཉིན་དུས་ཚོད་འདི་ལ་ངས་ཁྱོད་ཀྱི་མདུན་དུ་པེན་ཡཱ་མེན་ཡུལ་གྱི་མི་ཞིག་མངག་པར་བྱ། བདག་གི་འབངས་མི་ཡེས་ར་ཨེལ་ནི་ཕེ་ལེ་ཤེད་པའི་ལག་ནས་སྒྲོལ་བའི་ཕྱིར་ཁྱོད་ཀྱིས་མི་དེ་འགོ་དཔོན་དུ་བསྐོ་དགོས། བདག་གིས་རང་གི་འབངས་མིར་གཟིགས་སྐྱོང་བྱས་པ་ཡིན། གང་ལ་ཞེ་ན། དེ་དག་གི་ངུ་སྐད་ང་ཡི་མདུན་དུ་སླེབས་པས་སོ་ཞེས་གསུངས་པའོ། །  
\v 17 ཡང་སཱ་མུ་ཨེལ་གྱིས་སོ་ལོ་མཐོང་བ་ཙམ་གྱིས། དཀོན་མཆོག་ཡ་ཝཱེས་དེ་ལ། དེ་སྔར་ངས་ཁྱོད་ལ་སྨྲས་པའི་མི་འདི་ཡིན། དེས་ངའི་མི་སྡེ་ལ་སྲིད་སྐྱོང་བར་བྱ་ཞེས་གསུངས་པ་རེད།  
\v 18 དེ་ནས་སོ་ལོ་རྒྱལ་སྒོ་ནང་སཱ་མུ་ཨེལ་གྱི་གམ་དུ་འོངས་སྐབས། ཁོ་ན་རེ། མངོན་ཤེས་པའི་ཁང་པ་གང་དུ་ཡོད་པ་ང་ལ་སྟོན་པར་མཛོད་ཅེས་སྨྲས་པ་དང་།  
\v 19 སཱ་མུ་ཨེལ་གྱིས་སོ་ལོ་ལ་ལན་དུ། མངོན་ཤེས་པ་དེ་ནི་ང་རང་ཡིན། ཁྱོད་རང་ངའི་སྔོན་དུ་གནས་མཐོ་སར་སོང་ཞིག་དང་། དེ་རིང་ཁྱོད་ཀྱིས་ང་དང་མཉམ་དུ་ཁ་ཟས་བཟའ་བར་འགྱུར། ཞོགས་པ་སྔ་མོ་ངས་ཁྱོད་རང་ལ་སྐྱེལ་མ་བྱེད་དེ། ཁྱོད་ཀྱི་སེམས་ལ་གང་ཡོད་པ་ཁྱོད་ལ་འཆད་པར་བྱ།  
\v 20 ཡང་ཁྱོད་ཀྱིས་ཉིན་གསུམ་གྱི་སྔོན་དུ་བོང་བུ་བོར་བ་དེའི་ཕྱིར་སེམས་ཁུར་མ་བྱེད་ཅིག བོང་བུ་དེ་རྣམས་རྙེད་ཟིན། ཡང་ཡེས་ར་ཨེལ་པ་ཐམས་ཅད་ནི་སུའི་ཕྱིར་དགའ་ཟེར་ན། ཁྱོད་དང་ཁྱོད་ཀྱི་ཁྱིམ་རྒྱུད་ཀྱི་ཕྱིར་དགའ་བ་མ་ཡིན་ནམ་ཞེས་སྨྲས་སོ། །  
\v 21 སོ་ལོས་དེའི་ལན་དུ། བདག་ནི་ཡེས་ར་ཨེལ་གྱི་ཚོ་པའི་ཁྲོད་དུ་ཐམས་ཅད་ལས་ཆུང་བའི་པེན་ཡཱ་མེན་གྱི་ཚོ་པའི་མི་ཞིག་མ་ཡིན་ནམ། བདག་གི་ཁྱིམ་རྒྱུད་ནི་པེན་ཡཱ་མེན་གྱི་ཚོ་པའི་ཁྲོད་དུ་ཐམས་ཅད་ལས་དམའ་བ་མ་ཡིན་ནམ། ཁྱེད་ཀྱིས་ཅིའི་ཕྱིར་བདག་ལ་གཏམ་དེ་ལྟ་བུ་སྨྲའམ་ཞེས་ཞུས་པས།  
\v 22 སཱ་མུ་ཨེལ་གྱིས་སོ་ལོ་དང་དེའི་ཞབས་ཕྱི་གཉིས་ཁྲིད་ནས་གསོལ་ཁང་དུ་སོང་བ་དང་། མགྲོན་དུ་བོས་པ་རྣམས་ཀྱི་ཁྲོད་དུ་གྲལ་མགོ་རུ་སྡོད་དུ་བཅུག དེ་དག་གི་མི་གྲངས་ནི་སུམ་ཅུ་ཙམ་ཡིན་ནོ། །  
\v 23 དེ་ནས་སཱ་མུ་ཨེལ་གྱིས་གསོལ་དཔོན་ལ། སྔར་ངས་ཁྱོད་རང་ལ་ཟུར་དུ་ཞོག་ཅིག་ཅེས་སྨྲས་པའི་ཤ་སྐལ་འདི་རུ་ཁྱེར་ཤོག་ཅེས་བསྐུལ་བས།  
\v 24 གསོལ་དཔོན་གྱིས་བརླ་རྐང་ལ་སོགས་པའི་ཤ་བླངས་ནས་སོ་ལོའི་མདུན་དུ་བཞག་ཅིང་། ཡང་སཱ་མུ་ཨེལ་ན་རེ། ད་ལྟོས་ཤིག འདི་ནི་ཁྱོད་ལ་བཞག་པ་ཡིན། ད་ལོངས་ལ་ཟོ་ཞིག བདག་གིས་མི་རྣམས་མགྲོན་དུ་བོས་པ་ཡིན་ཞེས་སྨྲས་པའི་དུས་ནས་ད་ལྟའི་བར་དུ་འདི་ནི་ཁྱོད་ཀྱི་ཕྱིར་བཞག་པ་ཡིན་ཞེས་སྨྲས་པས། དེའི་ཉིན་མོར་སོ་ལོས་སཱ་མུ་ཨེལ་དང་མཉམ་དུ་ཁ་ཟས་སྤྱད་དོ། །  
\v 25 དེ་ནས་ཁོ་ཚོ་གནས་མཐོ་ས་ནས་གྲོང་ཁྱེར་དུ་བབས་པ་དང་། ཡང་སཱ་མུ་ཨེལ་གྱིས་སོ་ལོ་དང་མཉམ་དུ་ཁང་ཐོག་ནས་གཏམ་བྱས་སོ། །   
\p
\v 26 སྐྱ་རེངས་ཀྱི་དུས་སུ་སཱ་མུ་ཨེལ་གྱིས་ཁང་ཐོག་ཏུ་ཉལ་བའི་སོ་ལོ་ལ། ད་ལོངས་ཤིག ངས་ཁྱོད་ལ་སྐྱེལ་མ་བྱེད་ཅེས་སྨྲས་པས། སོ་ལོ་ལངས་ནས་སཱ་མུ་ཨེལ་དང་མཉམ་དུ་ཕྱི་རོལ་ཏུ་སོང་།  
\v 27 དེ་གཉིས་གྲོང་ཁྱེར་གྱི་མཐའ་ལ་སླེབས་པའི་ཚེ། སཱ་མུ་ཨེལ་གྱིས་སོ་ལོ་ལ། ཁྱོད་ཀྱིས་ཞབས་ཕྱི་ལ་ངེད་གཉིས་ཀྱི་སྔོན་དུ་སོང་ཞེས་སྐུལ་ཞིག་སྨྲས་པ་དང་། ཡང་སོ་ལོ་ལ་ད་ལྟ་ཁྱོད་རང་ཅུང་ཟད་སྡོད་དང་། ངས་ཁྱོད་ལ་དཀོན་མཆོག་གི་གསུང་ཞིག་འཆད་པར་བྱ་ཞེས་སྨྲས་སོ། །   
\c 10
\cl ལེའུ་བཅུ་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 སཱ་མུ་ཨེལ་གྱིས་སོ་ལོ་རྒྱལ་པོར་བསྐོས་པ།  
\p
\v 1 དེ་ནས་སཱ་མུ་ཨེལ་གྱིས་སྣོད་ཅིག་བླངས་ནས་སོ་ལོའི་མགོ་ལ་སྣུམ་བླུགས་ཏེ་འོ་བྱས་ཤིང་སྨྲས་པ། ད་ནི་དཀོན་མཆོག་ཡ་ཝཱེས་ཁྱོད་རང་ཁོང་གི་འབངས་མིའི་རྗེ་དཔོན་དུ་བྱུགས་པར་མཛད་པ་མ་ཡིན་ནམ།  
\v 2 དེ་རིང་ཁྱོད་ངའི་མདུན་ནས་ཕྱིན་ཏེ་པེན་ཡཱ་མེན་གྱི་ས་མཚམས་ཀྱི་ཙེལ་ཙེག་ཏུ་སླེབས་ཚེ། རཱ་ཧེལ་གྱི་དུར་སའི་གནས་སུ་མི་གཉིས་དང་འཕྲད་ངེས་ལ། དེ་གཉིས་ཀྱིས་ཁྱོད་ལ་འདི་ལྟར་སྨྲས་འོང་། ཁྱོད་ཀྱིས་བཙལ་བའི་བོང་བུ་རྣམས་རྙེད་ཟིན་ལ། ཁྱོད་ཀྱི་ཕ་ཡིས་བོང་བུའི་ཆེད་དུ་སེམས་ཁུར་མི་བྱེད་པར། རང་གི་བུ་ཡི་ཆེད་དུ་ཅི་ལྟར་བྱའམ་ཞེས་སྨྲ་ཞིང་སེམས་འཚེར་བཞིན་འདུག་ཅེས་པའོ། །  
\v 3 ཡང་སཱ་མུ་ཨེལ་གྱིས་འདི་ལྟར། གནས་དེ་ནས་ཁྱོད་རང་ཕར་ཕྱིན་ཏེ་ཐ་པོར་ཡུལ་གྱི་བེ་ཤིང་གི་མདུན་དུ་སླེབས་པ་ཙམ་གྱིས། པེད་ཨེལ་གྲོང་ཁྱེར་གྱི་ཕྱོགས་སུ་དཀོན་མཆོག་ལ་ཞུ་བར་འགྲོ་བའི་མི་གསུམ་དང་འཕྲད་པར་འགྱུར། མི་དེ་གསུམ་ལས་གཅིག་གིས་རེའུ་གསུམ་དང་གཞན་དེས་བག་ལེབ་གསུམ་དང་། གསུམ་པས་རྒུན་ཆང་གི་རྐྱལ་བུ་ཞིག་འཁུར་འོང་བར་བྱ།  
\v 4 དེ་དག་གིས་ཁྱོད་ལ་ཁམས་བཟང་ངམ་ཞེས་ཞུས་ནས་བག་ལེབ་གཉིས་འབུལ་བ་དང་། ཁྱོད་ཀྱིས་དེ་དག་གི་ལག་ནས་ལེན་རུང་ངོ་། །  
\v 5 དེ་ནས་ཁྱོད་ཕེ་ལེ་ཤེད་པའི་སོ་པ་ཡོད་སའི་དཀོན་མཆོག་གི་རི་མདུན་དུ་སླེབས་ནས་དེ་རུ་གྲོང་ཁྱེར་དུ་འགྲོ་བ་ཙམ་གྱིས། ལུང་སྟོན་པའི་ཚོགས་གནས་མཐོ་ས་ནས་འབབ་པ་ཞིག་དང་འཕྲད་པར་འགྱུར། དེ་དག་གིས་རྒྱུད་མངས་དང་སིལ་རྔ་དང་གླིང་བུ་དང་པི་ཝང་བཅས་འཁྲོལ་ཞིང་ལུང་སྟོན་པར་བྱ།  
\v 6 ཡང་དཀོན་མཆོག་ཡ་ཝཱེའི་ཐུགས་ཉིད་དབང་དང་ལྡན་པར་ཁྱོད་ལ་ཁྱབ་ཅིང་། དེ་དག་དང་བཅས་སུ་ལུང་སྟོན་ཞིང་། ཁྱོད་རང་མི་གསར་པ་ཞིག་ཏུ་འགྱུར་འོང་།  
\v 7 ཡང་ངས་ཁྱོད་ལ་བསྟན་པའི་རྟགས་དེ་རྣམས་ཐོན་པའི་ཚེ། དཀོན་མཆོག་ཁྱོད་དང་མཉམ་དུ་བཞུགས་པས་ཁྱོད་ལ་བྱུང་བ་བཞིན་བྱོས་ཤིག  
\v 8 ཁྱོད་རང་ངའི་སྔོན་དུ་གིལ་གལ་གྲོང་ཁྱེར་དུ་སོང་ཞིག་དང་། ངས་དེ་རུ་སྦྱིན་སྲེག་དང་ཞི་བདེའི་མཆོད་པ་འབུལ་བའི་ཕྱིར་ཁྱོད་ཀྱི་མདུན་དུ་འོང་བར་འགྱུར། ང་རང་ཁྱོད་ཀྱི་མདུན་དུ་མ་སླེབས་བར་དུ་ཉིན་བདུན་ལ་སྒུག་དགོས། དེ་ནས་ཁྱོད་ཀྱིས་ཅི་བྱ་འོས་པ་དེ་ངས་སྟོན་པར་བྱ་ཞེས་སྨྲས་སོ། །   
\p
\v 9 དེ་ནས་སོ་ལོ་ཁ་ཕྱིར་འཁོར་ཏེ་སཱ་མུ་ཨེལ་དང་བྲལ་བའི་ཚེ། དཀོན་མཆོག་གིས་ཁོ་ལ་སེམས་གཞན་པ་ཞིག་གནང་བ་དང་། དེའི་ཉིན་མོར་སྔར་བསྟན་པའི་མངོན་རྟགས་ཐམས་ཅད་འགྲུབ་པར་གྱུར།  
\v 10 ཡང་སོ་ལོ་གཙོ་འཁོར་གཉིས་རི་མདུན་དུ་སླེབས་པའི་ཚེ་ལུང་སྟོན་པའི་ཚོགས་ཤིག་དང་ཕྲད་དེ། དཀོན་མཆོག་གི་ཐུགས་ཉིད་དེ་ལ་དབང་དང་ལྡན་པར་ཁྱབ་པས། ཁོས་དེ་དག་གི་ཁྲོད་དུ་ལུང་བསྟན་པ་རེད།  
\v 11 དེ་ནས་སྔར་ཁོ་རང་ངོ་ཤེས་པའི་མི་རྣམས་ཀྱིས་ཁོས་ལུང་སྟོན་པའི་ཁྲོད་དུ་ལུང་བསྟན་པ་མཐོང་བས། ཕན་ཚུན་ལ། ལྟོས་ཤིག ཁི་སིའི་བུ་ལ་བྱུང་བ་འདི་ཅི་ཡིན། སོ་ལོ་ཡང་ལུང་སྟོན་པའི་ཁྲོད་དུ་ཡོད་དམ་ཞེས་དྲིས་པ་དང་།  
\v 12 ཡང་ཡུལ་དེའི་མི་ཞིག་གིས་ལན་དུ། དེ་དག་གི་ཕ་སུ་ཡིན་ནམ་ཞེས་སྨྲས། དེའི་ཕྱིར། སོ་ལོ་ཡང་ལུང་སྟོན་པའི་ཁྲོད་དུ་ཡོད་དམ་ཞེས་པའི་གཏམ་དཔེ་ཞིག་བྱུང་བ་རེད།  
\v 13 དེ་ནས་སོ་ལོས་ལུང་བསྟན་ཟིན་ནས་གནས་མཐོ་སར་སླེབས་སོ། །   
\p
\v 14 ཡང་སོ་ལོའི་ཁུ་བོས་ཁོ་དང་ཁོའི་ཞབས་ཕྱི་གཉིས་ལ། ཁྱོད་གཉིས་གང་དུ་ཕྱིན་པ་ཡིན་ཞེས་དྲིས་པས། ཁོས་ལན་དུ། ངེད་གཉིས་བོང་བུ་རྣམས་འཚོལ་བར་སོང་བ་ཡིན། བོང་བུ་རྣམས་མ་རྙེད་པས་སཱ་མུ་ཨེལ་གྱི་དྲུང་དུ་བཅར་བ་ཡིན་ཞེས་སྨྲས།  
\v 15 སོ་ལོའི་ཁུ་བོས། སཱ་མུ་ཨེལ་གྱིས་ཁྱོད་ལ་ཅི་སྨྲས་པ་དེ་ང་ལ་ཤོད་ཅེས་དྲིས་པས།  
\v 16 སོ་ལོས་རང་གི་ཁུ་བོ་ལ། སཱ་མུ་ཨེལ་གྱིས་ང་ཚོར་བོང་བུ་རྣམས་རྙེད་པའི་གཏམ་གསལ་པོར་སྨྲས་བྱུང་ཞེས་སྨྲས་ཀྱང་། རྒྱལ་ཁམས་ཀྱི་དོན་སཱ་མུ་ཨེལ་གྱིས་ཅི་གསུངས་པ་དེ་ནི་མ་བཤད་དོ། །   
\p
\v 17 དེའི་རྗེས་སུ་སཱ་མུ་ཨེལ་གྱིས་མི་རྣམས་མཱས་ཟི་ཕཱ་གྲོང་ཁྱེར་དུ་དཀོན་མཆོག་ཡ་ཝཱེའི་དྲུང་དུ་བོས་ནས།  
\v 18 ཡེས་ར་ཨེལ་པ་རྣམས་ལ་འདི་ལྟར། ཡེས་ར་ཨེལ་གྱི་དཀོན་མཆོག་ཡ་ཝཱེས་འདི་སྐད་གསུངས་ཏེ། ངས་ཡེས་ར་ཨེལ་པ་རྣམས་ཨེ་ཅིབ་ཡུལ་ནས་ཕྱི་རུ་ཁྲིད་དེ། ཨེ་ཅིབ་པ་དང་ཁྱོད་རྣམས་ལ་གཉའ་གནོན་བྱེད་པའི་རྒྱལ་ཁམས་ཐམས་ཅད་ལས་བསྒྲལ་ཟིན།  
\v 19 དེ་རིང་ཁྱོད་རྣམས་ཀྱིས་རང་ཉིད་ཀྱི་དཀོན་མཆོག་སྟེ། སྡུག་བསྔལ་དང་དཀའ་ཚེགས་ཐམས་ཅད་ནས་སྒྲོལ་བར་མཛད་མཁན་དེ་སྤངས་ནས་ཁོང་ལ་འདི་ལྟར་སྨྲས་པ། ངེད་རྣམས་ལ་རྒྱལ་པོ་ཞིག་བསྐོ་བར་མཛོད་ཅིག་ཅེས་པས། ད་ལྟ་ཁྱོད་རྣམས་ནི་ཚོ་པ་དང་ཁྱིམ་རྒྱུད་བཞིན་དུ་དཀོན་མཆོག་ཡ་ཝཱེའི་དྲུང་དུ་འཛོམ་པར་གྱིས་ཞེས་བཀའ་བསྩལ་ཏོ། །   
\p
\v 20 དེ་ནས་སཱ་མུ་ཨེལ་གྱིས་ཡེས་ར་ཨེལ་གྱི་ཚོ་པ་ཐམས་ཅད་ཉེ་བར་འཛོམས་སུ་བཅུག་ནས། པེན་ཡཱ་མེན་གྱི་ཚོ་པ་བདམས།  
\v 21 པེན་ཡཱ་མེན་གྱི་ཚོ་པ་ནི་དེའི་ཁྱིམ་རྒྱུད་བཞིན་དུ་འོང་བར་བཅུག་ནས། མུལ་ཐི་རུའི་ཁྱིམ་རྒྱུད་བསྐོས། དེ་ནས་ཁི་སིའི་བུ་སོ་ལོ་བསྐོས་ཀྱང་ཁོ་རང་བཙལ་ནས་མ་རྙེད།  
\v 22 ཡང་དེ་དག་གིས་དཀོན་མཆོག་ཡ་ཝཱེ་ལ། མི་དེ་འདི་རུ་ཡོད་དམ་ཞེས་ཞུས་པས། དཀོན་མཆོག་ཡ་ཝཱེས། ལྟོས་དང་། ཁོ་ནི་ཅ་ལག་རྣམས་ཀྱི་ཁྲོད་དུ་ཡིབ་འདུག་ཅེས་གསུངས།  
\v 23 དེའི་ཕྱིར་མི་རྣམས་བརྒྱུགས་ནས་ཁོ་རང་ཁྲིད་འོངས་པ་དང་། ཁོ་མི་རྣམས་ཀྱི་ཁྲོད་དུ་ལངས་སྐབས་མི་ཐམས་ཅད་ལས་མགོ་གཅིག་གིས་མཐོ་བ་ཡིན།  
\v 24 དེ་ནས་སཱ་མུ་ཨེལ་གྱིས་མི་ཐམས་ཅད་ལ། དཀོན་མཆོག་ཡ་ཝཱེས་བསྐོ་བར་མཛད་པ་དེ་ལ་ལྟོས་ཤིག དེ་དང་འདྲ་བ་མི་ཐམས་ཅད་ཀྱི་ཁྲོད་དུ་གཅིག་ཀྱང་མི་འདུག་ཅེས་སྨྲས་པས། མི་ཐམས་ཅད་ཀྱིས་སྐད་ཆེན་པོ་བརྒྱབ་ཅིང་། རྒྱལ་པོ་ཁྲི་ལོར་བརྟན་པར་ཤོག་ཅེས་འབོད་སྒྲ་བསྒྲགས་སོ། །   
\p
\v 25 དེ་ནས་སཱ་མུ་ཨེལ་གྱིས་མི་རྣམས་ལ་རྒྱལ་ཁམས་ཀྱི་ཁྲིམས་ལུགས་བརྗོད་དེ་གླེགས་བམ་ཞིག་གི་ནང་དུ་བཀོད་ནས་དཀོན་མཆོག་ཡ་ཝཱེའི་དྲུང་དུ་བཞག ཡང་སཱ་མུ་ཨེལ་གྱིས་མི་ཐམས་ཅད་རང་རང་སོ་སོའི་ཁྱིམ་དུ་ཕྱིར་འགྲོ་རུ་བཅུག  
\v 26 ཡང་སོ་ལོ་ནི་གིབ་ཨ་གྲོང་ཚོ་རུ་རང་གི་ཁྱིམ་དུ་ཕྱིན་པ་དང་། ཁོ་དང་མཉམ་དུ་དཀོན་མཆོག་གིས་སེམས་འགུལ་ཐེབས་པར་མཛད་པའི་དཔའ་བོའི་ཚོགས་ཤིག་ཀྱང་ཕྱིན་པ་རེད།  
\v 27 འོན་ཀྱང་མི་ངན་ལ་ལས། མི་འདིས་ངེད་རྣམས་ཅི་ལྟར་སྒྲོལ་བར་བྱ་ཞེས་སྨྲས་ཤིང་ཁོ་ལ་སྨད་པ་དང་། འབུལ་བ་གང་ཡང་མ་ཕུལ་ན་ཡང་སོ་ལོ་ཁུ་སིམ་མེར་བཞུགས་སོ། །   
\c 11
\cl ལེའུ་བཅུ་གཅིག་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 སོ་ལོས་ཡཱ་བེ་སི་གིལ་ཨད་གྲོང་ཁྱེར་བསྐྱབས་པ།  
\p
\v 1 དེ་ཡང་ཨམ་མོན་པའི་རྒྱལ་པོ་ནཱ་ཧ་སི་འོངས་ནས་གིལ་ཨད་ཡུལ་གྱི་ཡཱ་བེ་སི་གྲོང་ཚོ་ཡི་མདུན་དུ་དམག་སྒར་བཏབ་པ་དང་། གྲོང་ཁྱེར་དེའི་ཡཱ་བེ་སི་པ་རྣམས་ཀྱིས་ནཱ་ཧ་སི་ལ། ངེད་ཅག་དང་མཉམ་དུ་ཁ་ཆད་ཅིག་མཛོད་དང་། ངེད་ཅག་གིས་ཁྱེད་ལ་ཞབས་ཕྱི་བསྒྲུབ་པར་བྱ་ཞེས་ཞུས་པ་དང་།  
\v 2 ཨམ་མོན་པ་ནཱ་ཧ་སི་ན་རེ། ཁྱོད་ཅག་མི་རེ་རེའི་མིག་གཡས་པ་དེ་བཏོན་ནས་ཡེས་ར་ཨེལ་པ་ཐམས་ཅད་ལ་བརྙས་བཅོས་བྱེད་དུ་བཅུག་ན། ངས་ཁྱོད་ཅག་དང་མཉམ་དུ་འདི་ལྟ་བུའི་ཁ་ཆད་འཇོག་པར་བྱ་ཞེས་སྨྲས་པས།  
\v 3 ཡཱ་བེ་སི་པ་ཡི་རྒན་པོ་རྣམས་ཀྱིས་ངེད་ཅག་གིས་ཡེས་ར་ཨེལ་གྱི་ས་མཚམས་ཐམས་ཅད་ཀྱི་བར་དུ་བང་ཆེན་མངག་པའི་ཕྱིར། ཉིན་བདུན་གྱི་རིང་ལ་གནོད་པ་མི་བྱེད་རོགས། ཉིན་དེའི་བར་དུ་སྲོག་སྐྱོབ་མཁན་གཅིག་ཀྱང་མ་བྱུང་ན། ངེད་ཅག་ཡུལ་ནས་ཐོན་ཏེ་ཁྱེད་ཀྱི་དྲུང་དུ་འོང་བར་བྱ་ཞེས་ཞུས།  
\v 4 དེ་ནས་བང་ཆེན་རྣམས་སོ་ལོའི་གྲོང་ཚོ་རྒི་བེ་ཨ་རུ་སླེབས་ཏེ་འབངས་མི་ཐམས་ཅད་ལ་གཏམ་དེ་སྨྲས་པས། ཐམས་ཅད་ཀྱིས་སྐད་ཆེན་པོ་བརྒྱབ་ནས་བཤུམས།  
\v 5 སོ་ལོས་ཞིང་ཁ་ནས་བ་གླང་དེད་དེ་འོངས་པ་དང་། ཁོས་མི་རྣམས་ཅིའི་ཕྱིར་ངུ་བ་ཡིན་ཞེས་དྲིས་པར་དེ་དག་གིས་ཁོ་ལ་ཡཱ་བེ་སི་པའི་གཏམ་སྨྲས་པ་རེད།  
\v 6 སོ་ལོས་གཏམ་དེ་ཐོས་པའི་ཚེ་དཀོན་མཆོག་གི་ཐུགས་ཉིད་དབང་དང་ལྡན་པ་ཁོ་ལ་བབས་ནས་ཁོང་ཁྲོ་ཤིན་ཏུ་ཆེན་པོ་ལངས།  
\v 7 དེ་ནས་ཁོས་བ་གླང་དོར་གཅིག་བཟུང་སྟེ་བསད་ནས་དུམ་བུར་གཏུབས་ཤིང་། བང་ཆེན་གྱིས་ཡེས་ར་ཨེལ་གྱི་ས་མཚམས་བར་དུ་བཀྲམས་ཤིང་འདི་ལྟར་སྨྲས་པ། མི་སུ་ཞིག་སོ་ལོ་དང་སཱ་མུ་ཨེལ་གཉིས་ཀྱི་རྗེས་སུ་མི་འོང་ན། མི་དེའི་བ་གླང་རྣམས་ལ་ཡང་འདི་ལྟར་བྱེད་པར་འགྱུར་ཞེས་པའོ། །དེ་ནས་མི་ཐམས་ཅད་ལ་དཀོན་མཆོག་ཡ་ཝཱེར་འཇིགས་པའི་སེམས་བྱུང་བས་ཀུན་པོ་མི་གཅིག་ལྟར་འོངས་པ་རེད།  
\v 8 པེ་ཟེག་གྲོང་ཚོ་རུ་མི་གྲངས་བརྩི་བའི་ཚེ་ཡེས་ར་ཨེལ་པ་འབུམ་གསུམ་དང་ཡ་ཧུ་དཱ་པ་ཁྲི་གསུམ་ཡོད་དོ། །  
\v 9 ཡེས་ར་ཨེལ་པ་དང་ཡ་ཧུ་དཱ་པ་གཉིས་ཀྱིས་དེ་རུ་འོངས་པའི་གིལ་ཨད་ཡུལ་གྱི་བང་ཆེན་རྣམས་ལ་ཁྱོད་ཅག་གིས་ཡཱ་བེ་སི་པ་རྣམས་ལ་འདི་ལྟར་ཤོད་ཅིག སང་ཉིན་ཉིན་གུང་སླེབས་ལ་ཉེ་བའི་དུས་སུ་ཁྱོད་རྣམས་སྐྱོབ་པར་འགྱུར་ཞེས་སྨྲས་པ་དང་། བང་ཆེན་རྣམས་ཕྱིན་ཏེ་ཡཱ་བེ་སི་པ་རྣམས་ལ་གཏམ་དེ་སྨྲས་པས་དགའ་བར་གྱུར།  
\v 10 དེའི་ཕྱིར་ཡཱ་བེ་སི་པ་རྣམས་ཀྱིས་ཨམ་མོན་པ་རྣམས་ལ། སང་ཉིན་ངེད་ཅག་ཁྱོད་རྣམས་ཀྱི་གམ་དུ་འོང་སྐབས། ཁྱོད་རྣམས་ཀྱི་སེམས་སུ་ཅི་ལྟར་བྱེད་སྙམ་ན་དེ་ལྟར་བྱོས་ཤིག་ཅེས་སྨྲས།  
\v 11 ཡང་ཕྱི་ཉིན་སོ་ལོས་འབངས་མི་རྣམས་དམག་དཔུང་གསུམ་དུ་བསྒྲིལ་ཏེ། མཚན་ཐུན་ཕྱི་མའི་དུས་སུ་ཨམ་མོན་པའི་དམག་སྒར་གྱི་དཀྱིལ་དུ་འོངས་ནས་ཉིན་གུང་བར་དུ་ཁོ་རྣམས་དང་དམག་བརྒྱབ་ཅིང་། མ་ཤི་བ་ཐམས་ཅད་ཁ་འཐོར་བས་མི་གཉིས་མཉམ་གཅིག་ཏུ་ལུས་པའང་མེད་དོ། །   
\s1 སོ་ལོ་སླར་ཡང་རྒྱལ་པོར་བསྐོས་པ།  
\p
\v 12 དེ་ནས་མི་རྣམས་ཀྱིས་སཱ་མུ་ཨེལ་ལ། སོ་ལོས་ངེད་རྣམས་ཀྱི་སྟེང་དུ་སྲིད་བྱེད་རུང་ངམ་ཞེས་ཟེར་བའི་མི་དེ་སུ་ཡིན། མི་དེ་རྣམས་འདི་རུ་འཁྲིད་ཤོག དེ་རྣམས་གསོད་པར་རིགས་ཞེས་སྨྲས།  
\v 13 ཡང་སོ་ལོས། དེ་རིང་ཉིན་མོར་དཀོན་མཆོག་ཡ་ཝཱེས་ཡེས་ར་ཨེལ་གྱི་སྲོག་བསྐྱབས་པར་མཛད་པས་མི་གཅིག་ཀྱང་གསོད་མི་རུང་ཞེས་བཀའ་བསྩལ།  
\v 14 དེ་ནས་སཱ་མུ་ཨེལ་གྱིས་མི་རྣམས་ལ། ད་ཤོག་དང་། ངེད་རྣམས་གིལ་གལ་གྲོང་ཁྱེར་དུ་སླར་ཡང་རྒྱལ་པོ་ཁས་ལེན་པའི་ཕྱིར་འགྲོ་བར་བྱ་ཞེས་བསྐུལ་བས།  
\v 15 མི་ཐམས་ཅད་གིལ་གལ་གྲོང་ཁྱེར་དུ་ཕྱིན་ནས། སོ་ལོ་ནི་དཀོན་མཆོག་ཡ་ཝཱེའི་སྤྱན་སྔར་གིལ་གལ་གྲོང་ཁྱེར་དུ་རྒྱལ་པོར་བསྐོས། དེ་ནས་དེ་དག་གིས་དཀོན་མཆོག་ཡ་ཝཱེའི་དྲུང་དུ་ཞི་བདེའི་མཆོད་པ་ཕུལ་ཞིང་། སོ་ལོ་དང་ཡེས་ར་ཨེལ་གྱི་མི་ཐམས་ཅད་ཤིན་ཏུ་དགའ་བར་གྱུར་ཏོ། །   
\c 12
\cl ལེའུ་བཅུ་གཉིས་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 སཱ་མུ་ཨེལ་གྱིས་མཇུག་མཐའི་གཏམ་སྨྲས་པ།  
\p
\v 1 དེ་ཡང་སཱ་མུ་ཨེལ་གྱིས་ཡེས་ར་ཨེལ་པ་ཐམས་ཅད་ལ་འདི་ལྟར། ལྟོས་དང་། ཁྱོད་ཅག་གིས་ང་ལ་ཅི་ཞིག་ཞུས་པ་བཞིན། ངས་ཁྱོད་ཅག་གི་གཏམ་ལ་མཉན་ཅིང་ཁྱོད་ཅག་ལ་རྒྱལ་པོ་ཞིག་བསྐོས་པ་ཡིན།  
\v 2 ད་ལྟ་རྒྱལ་པོ་ཁྱོད་ཅག་གི་མདུན་དུ་བཞུགས་ཡོད་ཅིང་། ང་རང་ལོ་ན་རྒས་ཤིང་སྐྲ་ཡང་དཀར་པོར་གྱུར། ངའི་བུ་རྣམས་ཁྱོད་ཅག་གི་ཁྲོད་དུ་གནས་ཏེ། ང་ནི་གཞོན་ནུའི་དུས་ནས་ད་ལྟའི་བར་དུ་ཁྱོད་ཅག་གི་མདུན་དུ་བསྐྱོད་པ་ཡིན།  
\v 3 ང་འདི་རུ་ཡོད་དེ་དཀོན་མཆོག་ཡ་ཝཱེ་དང་ཁོང་གི་སྣུམ་གྱིས་བྱུགས་པ་\f + \ft བྱུགས་པ་ཞེས་པ་ནི་གནའ་བོའི་ཡ་ཧུ་དཱ་པའི་རྒྱལ་པོ་བསྐོ་བའི་ཚེ་མགོ་ལ་སྣུམ་བྱུགས་པ་ཡིན་ཞིང་། དེ་ནི་གང་དེར་དཀོན་མཆོག་གི་དམ་པའི་ཐུགས་ཉིད་གནང་བའི་རྟགས་སམ་མཚན་མར་ངོས་འཛིན་པ་རེད། \f*གཉིས་ཀྱི་དྲུང་དུ་ཁྱོད་ཚོས་ང་ལ་དཔང་པོ་བྱོས་ཤིག ངས་སུ་ཞིག་གི་བ་གླང་ངམ་བོང་བུ་ཕྲོགས་པ་ཡིན་ནམ། ངས་སུ་ཞིག་བསླུས་པའམ་མནན་པ་ཡིན་ནམ། ངས་སུ་ཞིག་གི་ལག་ནས་མིག་ལོང་བ་ལྟར་བྱས་ཏེ་ལྐོག་རྔན་བླངས་མྱོང་ངམ། གལ་སྲིད་དེ་ལྟར་ཕྲོགས་པའམ་བསླུས་པ་སོགས་ཡོད་ན་ཕྱིར་སྤྲོད་དགོས་ཞེས་སྨྲས་པ་ལ།  
\v 4 དེ་དག་ན་རེ། ཁྱེད་ཀྱིས་བདག་ཅག་བསླུས་ཤིང་མནན་པ་མ་ཡིན་ལ། མི་སུ་ཞིག་གི་ལག་ནས་ཁྱེད་ཀྱིས་གང་ཡང་མ་བླངས་ཞེས་ཞུས་པས།  
\v 5 ཡང་དེ་དག་ལ། དེ་རིང་ཉིན་མོར་དཀོན་མཆོག་ཡ་ཝཱེ་དང་ཁོང་གི་སྣུམ་གྱིས་བྱུགས་པ་གཉིས་ཀྱིས་ངའི་ལག་ཏུ་གང་ཡང་མ་རྙེད་པ་ཁྱོད་ཅག་གི་མདུན་དུ་དཔང་པོ་མཛད་པ་ཡིན་ཞེས་སྨྲས་པར། དེ་དག་གིས་ཁོང་ནི་དཔང་པོ་ལགས་ཞེས་སྨྲས།  
\v 6 ཡང་སཱ་མུ་ཨེལ་གྱིས་མི་རྣམས་ལ་འདི་ལྟར། མོ་ཤེ་དང་ཨ་རོན་གཉིས་བསྐོས་ཤིང་། ཁྱོད་ཅག་གི་མེས་པོ་རྣམས་ཨེ་ཅིབ་ཡུལ་ནས་ཕྱི་རུ་ཁྲིད་མཁན་ནི་དཀོན་མཆོག་ཡ་ཝཱེ་ལགས་སོ། །  
\v 7 དེའི་ཕྱིར་འདི་རུ་སྡོད་ཅིག ཁྱོད་རྣམས་དང་ཁྱོད་རྣམས་ཀྱི་མེས་པོའི་དོན་དུ་ཡ་ཝཱེས་མཛད་པའི་འཕྲིན་ལས་བཟང་པོ་ཐམས་ཅད་ངས་ཁྱོད་རྣམས་ལ་དཀོན་མཆོག་ཡ་ཝཱེའི་དྲུང་དུ་སྟོན་པར་བྱ།  
\v 8 ཡ་ཀོབ་ཨེ་ཅིབ་ཡུལ་དུ་སླེབས་པའི་ཚེ། ཁྱོད་ཅག་གི་མེས་པོ་རྣམས་ཀྱིས་དཀོན་མཆོག་ཡ་ཝཱེ་ལ་འོ་དོད་ཕུལ་བས། དཀོན་མཆོག་ཡ་ཝཱེས་མེས་པོ་རྣམས་ཨེ་ཅིབ་ཡུལ་ནས་ཕྱི་རུ་འཁྲིད་པའི་ཕྱིར་མོ་ཤེ་དང་ཨ་རོན་གཉིས་བསྐོས་ནས་དེ་དག་ཡུལ་འདི་རུ་གནས་པར་བྱས།  
\v 9 ཡང་དེ་དག་གིས་དཀོན་མཆོག་ཡ་ཝཱེ་སྟེ་རང་གི་དཀོན་མཆོག་བརྗེད་པས་ཁོང་གིས་དེ་དག་ཧ་ཟོར་གྱི་དམག་དཔོན་སི་སེ་རཱ་དང་། ཕེ་ལེ་ཤེད་པ་དང་མོ་ཨབ་ཀྱི་རྒྱལ་པོར་བཙོངས་ནས། དེ་དག་གིས་དེ་རྣམས་ལ་དམག་བརྒྱབ།  
\v 10 ཡང་དེ་དག་གིས་དཀོན་མཆོག་ཡ་ཝཱེ་ལ་འོ་དོད་འབོད་ཀྱིན་ན་རེ། བདག་ཅག་གིས་དཀོན་མཆོག་ཡ་ཝཱེ་སྤངས་ནས་པཱ་ཨལ་དང་ལྷ་མོ་ཨ་ཤཱ་ཏ་རོད་ཀྱི་ལྷ་སྐུ་རྣམས་ལ་ཕྱག་ཕུལ་བ་ནི་སྡིག་པ་བྱས་པ་ཡིན། ད་ལྟ་ཁྱེད་ཀྱིས་བདག་ཅག་དགྲ་བོའི་ལག་ནས་སྒྲོལ་བར་མཛོད་ཅིག བདག་ཅག་གིས་ཁྱེད་གཅིག་པོ་ལ་བསྙེན་བཀུར་བྱའོ་ཞེས་ཞུས་པས།  
\v 11 དཀོན་མཆོག་ཡ་ཝཱེས་ཡེ་རུབ་པཱ་ཨལ་དང་པི་ཏཱན་དང་ཡེབ་ཐཱ་དང་སཱ་མུ་ཨེལ་བཅས་མངགས་ཤིང་། ཁྱོད་ཅག་ཕྱོགས་བཞིའི་དགྲ་བོ་རྣམས་ཀྱི་ལག་ནས་བསྐྱབས་ཏེ་ཁྱོད་རྣམས་ད་གཟོད་བདེ་བར་གནས་ཐུབ་པ་ཡིན།  
\v 12 ཡང་ཁྱོད་ཅག་གིས་ཨམ་མོན་པའི་རྒྱལ་པོ་ནཱ་ཧ་སི་འོང་བ་མཐོང་བའི་ཚེ་ཁྱོད་ཅག་གི་དཀོན་མཆོག་ཡ་ཝཱེ་ནི་ཁྱོད་ཅག་གི་རྒྱལ་པོ་ཡིན་ན་ཡང་། ཁྱོད་ཅག་གིས་ང་ལ། དེ་ལྟར་མིན། རྒྱལ་པོ་ཞིག་གིས་བདག་ཅག་ལ་སྲིད་བྱེད་རུང་བ་ཡིན་ཞེས་སྨྲ་བར་བྱས།  
\v 13 ཁྱོད་ཅག་གིས་བདམས་པ་དང་དེའི་སྐོར་ང་ལ་ཞུས་པའི་རྒྱལ་པོར་ལྟོས་ཤིག དཀོན་མཆོག་ཡ་ཝཱེས་ཁྱོད་ཅག་ལ་རྒྱལ་པོ་དེ་བསྐོ་བར་གནང་བ་ཡིན།  
\v 14 གལ་ཏེ་ཁྱོད་ཅག་དཀོན་མཆོག་ཡ་ཝཱེ་ལ་འཇིགས་ཏེ་ཁོང་ལ་བསྙེན་བཀུར་ཞུས་ཤིང་། ཁོང་གི་བཀའ་ལ་མཉན་ནས་ཁོང་གི་བཀའ་རྒྱ་དང་ནམ་ཡང་མི་འགལ་བ་དང་། ཁྱོད་ཅག་དང་ཁྱོད་ཅག་ལ་སྲིད་བྱེད་པའི་རྒྱལ་པོ་ཡ་ཝཱེ་རང་གི་དཀོན་མཆོག་གི་རྗེས་སུ་འབྲངས་ན་ལེགས་སོ། །  
\v 15 གལ་ཏེ་ཁྱོད་ཅག་གིས་དཀོན་མཆོག་ཡ་ཝཱེའི་བཀའ་ལ་མི་མཉན་པར་ཁོང་གི་བཀའ་རྒྱ་དང་འགལ་ན། ཁྱོད་ཅག་གི་ཕ་མེས་ཀྱི་སྟེང་དུ་དཀོན་མཆོག་ཡ་ཝཱེའི་ཕྱག་ལྕི་བར་གྱུར་པ་བཞིན་ཁྱོད་ཅག་གི་སྟེང་དུ་ཡང་ལྕི་བར་འགྱུར་བ་ཡིན།  
\v 16 དེའི་ཕྱིར་ད་ལྟ་འདི་རུ་སྡོད་ལ། དཀོན་མཆོག་ཡ་ཝཱེས་ཁྱོད་ཅག་གི་མིག་མདུན་དུ་བྱ་བ་ཆེན་པོ་ཅི་ཞིག་མཛད་འོང་བར་ལྟོས་ཤིག  
\v 17 དེ་རིང་གྲོ་རྔ་བའི་ཉིན་མོ་མ་ཡིན་ནམ། ངས་དཀོན་མཆོག་ཡ་ཝཱེའི་མཚན་བརྗོད་ཅིང་ཁོང་གིས་འབྲུག་སྒྲ་དང་ཆར་བ་གནང་བར་འགྱུར། ཁྱོད་ཅག་གིས་དཀོན་མཆོག་ཡ་ཝཱེའི་སྤྱན་སྔར། བདག་ཅག་ལ་རྒྱལ་པོ་ཞིག་གནང་རོགས་ཞེས་ཞུས་པས། སྡིག་པ་ཅི་ལྟར་ཆེན་པོ་བྱས་པའི་ངོ་བོ་རྟོགས་ཤིང་མཐོང་བར་འགྱུར་ཞེས་སྨྲས་སོ། །  
\v 18 སཱ་མུ་ཨེལ་གྱིས་དཀོན་མཆོག་ཡ་ཝཱེའི་མཚན་བརྗོད་པ་དང་། དཀོན་མཆོག་ཡ་ཝཱེས་ཉིན་དེ་ལ་འབྲུག་སྒྲ་དང་ཆར་བ་གནང་བས། མི་ཐམས་ཅད་དཀོན་མཆོག་ཡ་ཝཱེ་དང་སཱ་མུ་ཨེལ་གཉིས་ལ་ཤིན་ཏུ་འཇིགས་ཤིང་སྐྲག་པར་གྱུར།  
\v 19 ཡང་མི་ཐམས་ཅད་ཀྱིས་སཱ་མུ་ཨེལ་ལ། ངེད་ཅག་གིས་སྔར་སྡིག་པ་མང་པོ་བྱས་ཤིང་། ད་ལྟ་ཡང་རྒྱལ་པོ་ཞིག་བསྐོ་དགོས་པར་ཞུས་པའི་སྡིག་པ་ཤིན་ཏུ་ཆེ་བས། ངེད་ཅག་མི་འཆི་བའི་ཕྱིར་ཁྱེད་ཀྱིས་རང་གི་ཞབས་ཕྱི་པ་རྣམས་ཀྱི་ཆེད་དུ་དཀོན་མཆོག་ཡ་ཝཱེ་ལ་གསོལ་བ་འདེབས་རོགས་ཞེས་ཞུས།  
\v 20 ཡང་སཱ་མུ་ཨེལ་གྱིས་མི་རྣམས་ལ་འདི་ལྟར། མ་འཇིགས་ཤིག ཁྱོད་ཅག་གིས་ཉེས་པ་འདི་ཐམས་ཅད་བྱས་ཀྱང་། དཀོན་མཆོག་ཡ་ཝཱེའི་རྗེས་སུ་འབྲང་བ་ལས་ཁ་ཕྱོགས་མི་ནོར་བར་སེམས་ཧྲིལ་པོས་དཀོན་མཆོག་ཡ་ཝཱེ་ལ་བསྙེན་བཀུར་གྱིས་ཤིག  
\v 21 དོན་མེད་ཀྱི་རྗེས་སུ་མ་འགྲོ་ཞིག དེ་དག་ནི་ཕན་མེད་ཀྱི་དངོས་པོ་ཡིན་པས་སྐྱོབ་པར་མི་ནུས་སོ། །  
\v 22 དཀོན་མཆོག་ཡ་ཝཱེའི་མཚན་ཆེན་པོ་ཡིན་པས་ན་ཁོང་གིས་རང་ཉིད་ཀྱི་འབངས་མི་སྤང་བར་མི་བྱའོ། །གང་ལ་ཞེ་ན། དཀོན་མཆོག་ཡ་ཝཱེ་ནི་ཁྱོད་རྣམས་ཁོང་གི་འབངས་མིར་འདེམས་པར་ཐུགས་མཉེས་པའོ། །  
\v 23 བདག་ལ་མཚོན་ན། ཁྱོད་རྣམས་ཀྱི་དོན་དུ་སྨོན་ལམ་འདེབས་པ་རྒྱུན་ཆད་ནས་དཀོན་མཆོག་ཡ་ཝཱེ་ལ་འགལ་བའི་སྡིག་པ་གཏན་ནས་མི་བྱའོ། །ངས་ཁྱོད་ཅག་ལ་ལམ་བཟང་པོ་དང་དྲང་པོ་དེ་སྟོན་པར་བྱ།  
\v 24 ཁྱོད་ཅག་ནི་དཀོན་མཆོག་ཡ་ཝཱེ་གཅིག་པོ་ལ་འཇིགས་ཏེ། བདེན་པ་བདེན་དྲང་ངང་སེམས་ཧྲིལ་པོས་ཁོང་ལ་བསྙེན་བཀུར་བྱོས་ཤིག ཁོང་གིས་ཁྱོད་ཅག་གི་དོན་དུ་འཕྲིན་ལས་ཆེན་པོ་རྣམས་མཛད་པ་དེ་དྲན་པར་གྱིས།  
\v 25 ཡང་ཁྱོད་ཅག་གིས་ད་དུང་ལས་ངན་པ་བྱེད་ན་ཁྱོད་ཅག་དང་ཁྱོད་ཅག་གི་རྒྱལ་པོ་དེ་ཡང་མེད་པར་འགྱུར་ཞེས་སྨྲས་སོ། །   
\c 13
\cl ལེའུ་བཅུ་གསུམ་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 སཱ་མུ་ཨེལ་གྱིས་སོ་ལོར་བཀའ་བཀྱོན་གནང་བ།  
\p
\v 1 སོ་ལོས་ལོ་གཅིག་ལ་རྒྱལ་སྲིད་བསྐྱངས་པ་དང་ལོ་གཉིས་\f + \ft ལོ་གཉིས་ཞེས་པའི་དོན་ནི། དཀོན་མཆོག་གིས་དཱ་བིད་རྒྱལ་པོར་ལུང་མ་བསྟན་པའི་སྔོན་དུ་སོ་ལོས་ལོ་གཉིས་ལ་སྲིད་བྱས་ཤིང་། དཱ་བིད་ལུང་བསྟན་པའི་རྗེས་སུའང་ལོ་སོ་བརྒྱད་ལ་སྲིད་བྱས། དེའི་རྐྱེན་གྱིས་མཛད་འཕྲིན་གྱི་ལེའུ་བཅུ་གསུམ་པའི་ཚིག་རྐང་ཉེར་གཅིག་པར་ལོ་བཞི་བཅུ་ཞེས་བྲིས་ཡོད་པ་ཡིན། \f*ཀྱི་རིང་དུ་ཡེས་ར་ཨེལ་ལ་སྲིད་བྱས་ཤིང་།  
\v 2 ཁོང་གིས་རང་གི་དོན་དུ་ཡེས་ར་ཨེལ་པ་རྣམས་ལས་མི་སུམ་སྟོང་བདམས་པ་དང་། དེ་རྣམས་ལས་མི་ཉིས་སྟོང་སོ་ལོ་རང་དང་མཉམ་དུ་མིགས་མཱ་སི་གྲོང་རྡལ་དང་པེད་ཨེལ་གྲོང་ཁྱེར་གྱི་རི་ཁུལ་དུ་གནས་ཤིང་། མི་ཆིག་སྟོང་སོ་ལོའི་སྲས་ཡོ་ནཱ་ཐན་དང་མཉམ་དུ་པེན་ཡཱ་མེན་ཡུལ་གྱི་རྒི་བེ་ཨ་གྲོང་ཚོ་རུ་གནས་པ་རེད། དེ་རུ་ལུས་པའི་མི་རྣམས་ནི་རེ་རེ་རང་གི་གུར་དུ་ལོག  
\v 3 དེ་ནས་ཡོ་ནཱ་ཐན་གྱིས་ཕེ་ལེ་ཤེད་པའི་སོ་པ་གེ་བཱ་རུ་གནས་པ་རྣམས་བསད་པས། ཕེ་ལེ་ཤེད་པ་རྣམས་ཀྱིས་དེ་ཐོས་པ་རེད། ཡང་སོ་ལོས་ཡུལ་ཐམས་ཅད་དུ་རྭ་དུང་བུས་ཤིང་དོན་ལ་ཨིབ་རི་པ་རྣམས་ལ་ཐོས་སུ་ཆུག་ཅེས་པའོ། །  
\v 4 སོ་ལོས་ཕེ་ལེ་ཤེད་པའི་སོ་པ་བསད་པས་ཕེ་ལེ་ཤེད་པ་རྣམས་ཡེས་ར་ཨེལ་ལ་སྡང་བར་གྱུར། དེ་ནས་མི་ཐམས་ཅད་སོ་ལོའི་རྗེས་སུ་འབྲང་བའི་ཕྱིར་གིལ་གལ་ལ་འབོད་འགུགས་བྱས།  
\v 5 ཡང་ཕེ་ལེ་ཤེད་པ་རྣམས་ཡེས་ར་ཨེལ་ལ་དམག་བརྒྱག་པར་འཛོམས་པ་སྟེ། ཁོ་རྣམས་ཀྱི་གྲངས་ཀ་ནི། དམག་གི་ཤིང་རྟ་ཁྲི་གསུམ་དང་། རྟ་དམག་སྟོང་དྲུག་དང་། རྐང་དམག་ནི་རྒྱ་མཚོའི་མཐའ་རུ་ཡོད་པའི་བྱེ་མ་དང་འདྲ་བར་གྱུར། དེ་རྣམས་ཡར་འོངས་ནས་པེད་ཨ་ཝེན་གྱི་ཤར་ཕྱོགས་ཏེ་མིགས་མཱ་སི་རུ་གུར་ཕུབ།  
\v 6 ཡེས་ར་ཨེལ་གྱི་མི་རྣམས་ཀྱིས་ཉེན་ཁ་འབྱུང་བ་ཤེས་པས། མི་ཐམས་ཅད་བྲག་ཕུག་དང་། ཚེར་ཕུང་དང་། བྲག་དང་། ས་དོང་དང་། ཆུ་རྫིང་ནང་ལ་ཡིབ་ཏུ་སོང་།  
\v 7 ཡང་ཨིབ་རི་པའི་ཁྲོད་ནས་འགའ་ཞིག་ཡོར་དན་གཙང་པོ་བརྒྱུད་དེ་གཱ་རྡུ་དང་གིལ་ཨད་ས་ཆར་སོང་སྟེ། སོ་ལོ་ནི་གིལ་གལ་དུ་གནས་ཤིང་མི་ཐམས་ཅད་སྐྲག་ནས་འདར་བཞིན་ཁོང་གི་རྗེས་སུ་འབྲངས།  
\v 8 ཡང་སཱ་མུ་ཨེལ་གྱིས་བཀའ་བསྩལ་པ་བཞིན་དུ་སོ་ལོ་ཉིན་བདུན་བར་དུ་དེ་རུ་བསྡད་ནས་སྒུག་པའི་ཚེ། ཁོང་ཉིད་གིལ་གལ་དུ་ད་དུང་མ་ཕེབས་པས་མི་རྣམས་སོ་ལོའི་ཕྱོགས་ནས་སོ་སོར་ཁ་འཐོར་བའི་འགོ་བརྩམས།  
\v 9 དེའི་ཕྱིར་སོ་ལོས། སྦྱིན་སྲེག་དང་ཞི་བདེའི་མཆོད་པ་གཉིས་ངའི་མདུན་དུ་ཁུར་ཤོག་ཅེས་བཀའ་བསྒོས་པས་སྦྱིན་སྲེག་གི་མཆོད་པ་ཕུལ་བ་རེད།  
\v 10 ཡང་སོ་ལོས་སྦྱིན་སྲེག་ཕུལ་ཚར་མ་ཐག་ཏུ། སཱ་མུ་ཨེལ་ཕེབས་པ་ན་སོ་ལོ་ཁོང་ལ་མཇལ་དུ་སོང་ནས་ཕྱག་བྱས་ཤིང་།  
\v 11 དེ་ནས་སཱ་མུ་ཨེལ་གྱིས། ཁྱོད་ཀྱིས་ཅི་བྱས་པ་ཡིན་ཞེས་དྲིས་པས། སོ་ལོས་མི་ཐམས་ཅད་ངའི་ཕྱོགས་ནས་སོ་སོར་ཁ་འཐོར་བའི་འགོ་བརྩམས་པ་དང་། ཁྱེད་ནི་སྔར་བསྟན་པའི་དུས་བཅད་ལྟར་མ་ཕེབས་པར་མ་ཟད། ཕེ་ལེ་ཤེད་པ་རྣམས་མིགས་མཱ་སི་རུ་འཛོམས་ཡོད་པ་རེད།  
\v 12 དེའི་ཕྱིར་ངའི་སེམས་སུ། བདག་ཅག་གིས་དཀོན་མཆོག་ཡ་ཝཱེ་ལ་གསོལ་བ་མ་བཏབ་པའི་སྔོན་དུ་ཕེ་ལེ་ཤེད་པ་རྣམས་གིལ་གལ་དུ་བདག་གི་སྟེང་དུ་སླེབས་པར་འགྱུར་སྙམ་པས། བདག་གིས་སྤོབས་པ་བསྐྱེད་ནས་སྦྱིན་སྲེག་ཕུལ་བ་ཡིན་ཞེས་ཞུས།  
\v 13-14 སཱ་མུ་ཨེལ་གྱིས་སོ་ལོ་ལ་ཁྱོད་ཀྱིས་རང་གི་དཀོན་མཆོག་ཡ་ཝཱེས་གནང་བའི་བཀའ་མ་བསྲུངས་ཤིང་གླེན་པའི་ལུགས་སུ་བྱས་པ་རེད། གལ་ཏེ་ཁོང་གི་བཀའ་ཇི་བཞིན་བསྲུངས་པ་ཡིན་ན། དཀོན་མཆོག་ཡ་ཝཱེས་ཁྱོད་ཀྱི་རྒྱལ་སྲིད་ཡེས་ར་ཨེལ་གྱི་ཁྲོད་དུ་རྒྱུན་ནས་རྒྱུན་དུ་བརྟན་པོར་མཛད་མོད། འོན་ཀྱང་ད་ལྟ་ཁྱོད་ཀྱི་རྒྱལ་སྲིད་ཡུན་རིང་གནས་མི་ཐུབ་སྟེ། དཀོན་མཆོག་ཡ་ཝཱེས་ཁོང་ཉིད་ཀྱི་ཐུགས་སུ་འབྱོན་པའི་མི་ཞིག་བཙལ་བར་མཛད་དེ། དེ་དཀོན་མཆོག་ཡ་ཝཱེས་ཁོང་གི་འབངས་མིའི་འགོ་དཔོན་དུ་བསྐོ་བར་མཛད་དོ། །གང་ལ་ཞེ་ན། དཀོན་མཆོག་ཡ་ཝཱེས་ཁྱོད་ལ་གནང་བའི་བཀའ་མ་བསྲུངས་པའི་རྐྱེན་གྱིས་ཡིན་ཞེས་སྨྲས།  
\v 15 སཱ་མུ་ཨེལ་ཡར་ལངས་ཏེ་གིལ་གལ་ནས་པེན་ཡཱ་མེན་གྱི་རྒི་བེ་ཨ་རུ་ཕྱིན། དེ་ནས་སོ་ལོས་རང་དང་མཉམ་དུ་ཡོད་པའི་མི་རྣམས་བརྩིས་པར་དྲུག་བརྒྱ་ཙམ་ཡོད་པ་ཡིན་ནོ། །   
\s1 ཡེས་ར་ཨེལ་པར་མཚོན་ཆས་དཀོན་པ།  
\p
\v 16 དེ་ནས་སོ་ལོ་དང་དེའི་སྲས་ཡོ་ནཱ་ཐན་དང་། དེ་གཉིས་དང་མཉམ་དུ་ཡོད་པའི་མི་ཐམས་ཅད་པེན་ཡཱ་མེན་གྱི་གེ་བཱ་རུ་གནས་ཏེ། ཕེ་ལེ་ཤེད་པ་རྣམས་ཀྱིས་མིགས་མཱ་སི་རུ་སྒར་བཏབ།  
\v 17 དེ་ནས་འཕྲལ་རྒོལ་རུ་ཁག་ཅིག་ཕེ་ལེ་ཤེད་པའི་དམག་སྒར་ལས་ཐོན་ཏེ་རུ་དཔུང་གསུམ་དུ་བྱས། རུ་དཔུང་དང་པོ་ཨོབ་རཱ་རུ་འགྲོ་བའི་ལམ་ལ་ཞུགས་ནས་ཤུ་ཨལ་ཡུལ་ཕྱོགས་སུ་སོང་།  
\v 18 རུ་དཔུང་གཉིས་པ་པེད་ཧོ་རོན་གྱི་ལམ་དུ་ཞུགས་པ་དང་། རུ་དཔུང་གསུམ་པ་དབེན་སྟོང་གི་ཕྱོགས་སུ་ལུང་པ་ཙེ་བོ་ཡིམ་ཞེས་པའི་ཁ་གཏད་ཀྱི་ས་མཚམས་ཀྱི་ལམ་དུ་ཞུགས།  
\v 19 སྐབས་དེར་ཡེས་ར་ཨེལ་གྱི་ཡུལ་ཐམས་ཅད་དུ་མགར་བ་གཅིག་ཀྱང་མ་རྙེད་དོ། །གང་ལ་ཞེ་ན། ཕེ་ལེ་ཤེད་པས། ཨིབ་རི་པ་རྣམས་གྱིས་རལ་གྲིའམ་མདུང་རྣམས་རང་དོན་དུ་བཟོ་བར་བྱ་བསམ་པའི་ཕྱིར་རོ། །  
\v 20 དེའི་ཕྱིར་ཡེས་ར་ཨེལ་པ་རྣམས་ནི་རང་གི་ཐོང་གཤོལ་ལམ། འཇོར་རམ། སྟ་རེའམ། ཟོར་བ་ལ་ཁ་འཕུད་པའི་ཕྱིར་ཕེ་ལེ་ཤེད་པའི་མདུན་དུ་སོང་།  
\v 21 དེ་དུས་གཤོལ་ལྕགས་དང་རྒྱ་ཟོར་ལ་རྣོ་བཏོན་པའི་རིན་གོང་ནི་དངུལ་ཞོ་གཅིག་གི་གསུམ་ཆའི་གཉིས་དང་། སྟ་རེ་དང་ཟོར་བ་ལ་རྣོ་བཏོན་པའི་རིན་གོང་ནི་དངུལ་ཞོ་གཅིག་གི་གསུམ་ཆའི་གཅིག་ཡིན།  
\v 22 དེའི་ཕྱིར་དམག་བརྒྱབ་པའི་ཉིན་ལ། སོ་ལོ་དང་དེའི་སྲས་ཡོ་ནཱ་ཐན་གཉིས་དང་མཉམ་དུ་ཡོད་པའི་མི་རྣམས་ཀྱི་ལག་ཏུ་རལ་གྲིའམ་མདུང་མེད་པ་དང་། སོ་ལོ་དང་ཁོང་གི་སྲས་ཡོ་ནཱ་ཐན་ཁོ་ནའི་ལག་ཏུ་ཡོད་པ་རེད།  
\v 23 དེ་ནས་ཕེ་ལེ་ཤེད་པའི་དམག་ཚོགས་དམག་སྒར་ནས་ཐོན་ཏེ་མིགས་མཱ་སི་རུ་སླེབས་པའོ། །   
\c 14
\cl ལེའུ་བཅུ་བཞི་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 ཡོ་ནཱ་ཐན་གྱིས་ཕེ་ལེ་ཤེད་པར་དམག་འཁྲུག་བརྒྱབ་པ།  
\p
\v 1 ཉིན་ཞིག་སོ་ལོ་ཡི་སྲས་ཡོ་ནཱ་ཐན་གྱིས་རང་གི་གོ་མཚོན་འཁུར་བའི་གཞོན་ནུ་ལ། ད་ཤོག་དང་། ངེད་གཉིས་ཕ་རོལ་ཏུ་ཕེ་ལེ་ཤེད་པའི་སོ་པའི་རྩར་འགྲོ་བར་བྱ་ཞེས་སྨྲས་ཀྱང་དེ་རང་གི་ཕ་ལ་མ་སྨྲས་པ་རེད།  
\v 2 སོ་ལོ་ནི་གིབ་ཨ་ཡི་ས་མཚམས་སུ་མག་རོན་དུ་ཡོད་པའི་སེ་འབྲུ་ཤིང་གི་འོག་ཏུ་བསྡད་དེ། ཁོང་དང་མཉམ་དུ་མི་དྲུག་བརྒྱ་ཡོད་པ་དང་།  
\v 3 དེ་རྣམས་ལས་བེར་ཐུལ་གྱོན་པའི་མཆོད་དཔོན་ཨ་ཧི་ཡཱ་བྱ་བ་དེ་ཡོད་ཅིང་། ཨ་ཧི་ཡཱ་ནི་ཨ་ཧི་ཏུབ་ཀྱི་བུ་ཡིན། ཨ་ཧི་ཏུབ་དང་ཨི་ཁ་རྦོད་གཉིས་ནི་ཕེ་ནེ་ཧཱ་ཡི་བུ་ཡིན། ཕེ་ནེ་ཧཱ་ནི་སྔར་ཞི་ལོ་ནས་དཀོན་མཆོག་ཡ་ཝཱེའི་མཆོད་དཔོན་ཡིན་པ་ཨེ་ལི་ཡི་བུ་ཡིན། སོ་ལོ་དང་མཉམ་དུ་ཡོད་པའི་མི་དེ་དག་གིས་ཡོ་ནཱ་ཐན་སོང་བ་མ་ཤེས་སོ། །  
\v 4 ཕེ་ལེ་ཤེད་པའི་སོ་པ་རྣམས་ཀྱི་རྩར་འགྲོ་བའི་ཕྱིར་ཡོ་ནཱ་ཐན་འགག་འཕྲང་བརྒལ་ནས་ཕྱིན་ཅིང་། ལོགས་གཉིས་སུ་གཡང་གཟར་ཡོད་པ་དང་། གཅིག་གི་མིང་ལ་འོད་འཕྲོ་བའི་གཡང་གཟར་ཟེར་ལ། གཞན་དེའི་མིང་ལ་གཡང་གཟར་ཚེར་མ་ཅན་ \f + \ft བྲག་འདི་གཉིས་ཀྱི་མིང་འགྱུར་ལ་ལར་སྒྲ་བསྒྱུར་བྱས་ཡོད་མོད། འདིར་དོན་བསྒྱུར་བྱས་པ་ཡིན། \f*ཞེས་ཟེར།  
\v 5 གཡང་གཟར་གཅིག་ནི་བྱང་དུ་མིགས་མཱ་སི་ཡི་ཕྱོགས་སུ་གཏད་ཡོད་པ་དང་། ཅིག་ཤོས་དེ་ལྷོ་རུ་གེ་བཱ་ཡི་ཕྱོགས་སུ་གཏད་ཡོད་པ་ཡིན།  
\v 6 དེ་ནས་ཡོ་ནཱ་ཐན་གྱིས་གོ་མཚོན་འཁུར་བའི་གཞོན་ནུ་ལ། ད་ཤོག་དང་། ངེད་གཉིས་ཕ་རོལ་ཏུ་མཚན་སྐྱི་བཅད་མེད་པའི་སོ་པ་རྣམས་ཀྱི་རྩར་འགྲོ་བར་བྱ། དཀོན་མཆོག་ཡ་ཝཱེས་ངེད་ཀྱི་དོན་དུ་འཕྲིན་ལས་མཛད་སྲིད། དཀོན་མཆོག་ཡ་ཝཱེས་མི་མང་པོའམ་འགའ་ཞིག་བརྒྱུད་ནས་སྐྱབས་མཛད་པ་གང་ཡིན་ཡང་འགོག་ཐུབ་མཁན་གཅིག་ཀྱང་མེད་ཅེས་སྨྲས་པས།  
\v 7 གོ་མཚོན་འཁུར་བའི་གཞོན་ནུ་དེས་ཁྱེད་ཀྱི་ཐུགས་འདོད་བཞིན་དུ་མཛོད་ཅིག གཟིགས་དང་བདག་ནི་ཁྱེད་དང་སེམས་པ་གཅིག་མཐུན་ངང་མཉམ་དུ་འགྲོ་བར་བྱ་ཞེས་ཞུས།  
\v 8 ཡོ་ནཱ་ཐན་གྱིས། ངེད་གཉིས་མི་དེ་རྣམས་ཀྱི་མདུན་དུ་སོང་སྟེ་སུ་ཡིན་པ་སྟོན་པར་བྱ།  
\v 9 གལ་ཏེ་དེ་དག་གིས་ང་ཚོ་ཁྱོད་རྣམས་ཡོད་སར་སླེབས་པའི་བར་དུ་སྡོད་ཅིག་ཟེར་ན། ངེད་གཉིས་དེ་དག་གི་མདུན་དུ་མི་འགྲོ་སྟེ་རང་གནས་སུ་སྡོད་པར་བྱ།  
\v 10 འོན་ཀྱང་དེ་དག་གིས་ང་ཚོའི་མདུན་དུ་ཤོག་ཅིག་ཟེར་ན། དཀོན་མཆོག་ཡ་ཝཱེས་དེ་དག་ངེད་གཉིས་ཀྱི་ལག་ཏུ་སྤྲོད་པར་འགྱུར་བས་ངེད་གཉིས་ཡར་འགྲོ་དགོས། གང་ལ་ཞེ་ན། གཏམ་དེ་ནི་ངེད་གཉིས་ཀྱི་ཕྱིར་རྟགས་ཤིག་ཡིན་པས་སོ་ཞེས་སྨྲས་སོ། །  
\v 11 དེ་ནས་ཁོ་གཉིས་ཀྱིས་ཕེ་ལེ་ཤེད་པའི་སོ་པ་རྣམས་ལ་རང་གི་ལུས་བསྟན་ནས། ཕེ་ལེ་ཤེད་པ་རྣམས་ཀྱིས། ས་ཁུང་དུ་ཡིབ་སྟེ་ཡོད་པའི་ཨིབ་རི་པ་རྣམས་སླེབས་བྱུང་ཞེས་སྨྲས།  
\v 12 དེ་ནས་སོ་པ་རྣམས་ཀྱིས་ཡོ་ནཱ་ཐན་དང་དེའི་གོ་མཚོན་འཁུར་བའི་གཞོན་ནུ་གཉིས་ལ། ང་ཚོའི་མདུན་དུ་ཤོག་ཅིག ང་ཚོས་ཁྱོད་གཉིས་ལ་དོན་ཞིག་སྟོན་པར་བྱ་ཞེས་ཟེར་བས། ཡོ་ནཱ་ཐན་གྱིས་གོ་མཚོན་འཁུར་མཁན་ལ། དཀོན་མཆོག་ཡ་ཝཱེས་མི་དེ་ཐམས་ཅད་ཡེས་ར་ཨེལ་གྱི་ལག་ཏུ་གནང་བའི་ཕྱིར་ཁྱོད་ངའི་རྗེས་སུ་འབྲོངས་ཤིག་ཅེས་བསྐུལ།  
\v 13 དེ་ནས་ཡོ་ནཱ་ཐན་གོག་ནས་རི་དེའི་གྱེན་དུ་འགོས་པ་དང་། གོ་མཚོན་འཁུར་མཁན་ཁོའི་རྗེས་སུ་འབྲངས་པ་རེད། དེ་ནས་ཕེ་ལེ་ཤེད་པ་རྣམས་ཡོ་ནཱ་ཐན་གྱི་མདུན་དུ་འགྱེལ་ཞིང་། གོ་མཚོན་འཁུར་མཁན་ཀྱིས་ཀྱང་ཁོའི་རྗེས་འབྲངས་ཏེ་ཁོ་ཚོ་བསད།  
\v 14 ཡོ་ནཱ་ཐན་དང་ཁོའི་གོ་མཚོན་འཁུར་མཁན་གཉིས་ཀྱིས་ཞིང་ཚིགས་ཕྱེད་ཀ་ཙམ་གྱི་ནང་དུ་བསད་པའི་མི་གྲངས་ནི་ཉི་ཤུ་ཙམ་ཡོད་པ་ཡིན། འདི་ནི་ཁོ་གཉིས་མཉམ་བརྒྱུགས་ཀྱིས་འཐབ་འཁྲུག་བྱས་པ་ཐེངས་དང་པོ་ཡིན་ནོ། །   
\s1 ཡེས་ར་ཨེལ་གྱིས་ཕེ་ལེ་ཤེད་པ་ལས་རྒྱལ་ཁ་བླངས་པ།  
\p
\v 15 དེ་ནས་དམག་སྒར་དང་ཞིང་ཚིགས་ཀྱི་མི་དང་། མང་ཚོགས་དང་། གཞན་སོ་པ་དང་། ཨར་ཇག་རྣམས་འཇིགས་པར་གྱུར་ཏེ་ས་ཡང་འགུལ་བས་དཀོན་མཆོག་གིས་གནང་བའི་འཇིགས་སྐྲག་དེ་ནི་དྲག་པོར་གྱུར།  
\v 16 དེ་ནས་པེན་ཡཱ་མེན་གྱི་རྒི་བེ་ཨ་ནས་སོ་ལོ་ཡི་སོ་པ་རྣམས་ཀྱིས་བལྟས་པར། དམག་ཚོགས་ཁ་ཐོར་ནས་ཕར་ཚུར་བརྒྱུགས་པ་མཐོང་ངོ་། །  
\v 17 སོ་ལོས་རང་གི་དྲུང་དུ་ཡོད་པའི་མི་རྣམས་ལ། ད་ནི་མི་རྩིས་ཤིག་དང་། ངེད་རྣམས་ཀྱི་ཕྱོགས་ནས་སུ་ཞིག་སོང་བ་མཐོང་བར་འགྱུར་ཞེས་བཀའ་བསྒོས་པས། ཁོ་ཚོས་མི་རྩིས་བླངས་པ་ན། ཡོ་ནཱ་ཐན་དང་དེའི་གོ་མཚོན་འཁུར་བའི་གཞོན་ནུ་གཉིས་མེད་པ་ཤེས་པ་རེད།  
\v 18 དེ་ནས་སོ་ལོས་ཨ་ཧི་ཡཱ་ལ། དཀོན་མཆོག་གི་ཞལ་ཆད་ཀྱི་ཤུར་སྒམ་འདི་རུ་ཁུར་ཤོག་ཅེས་བཀའ་བསྩལ། དེའི་དུས་སུ་དཀོན་མཆོག་གི་ཞལ་ཆད་ཀྱི་ཤུར་སྒམ་ཡེས་ར་ཨེལ་པ་རྣམས་ཀྱི་ཁྲོད་དུ་ཡོད་པ་ཡིན།  
\v 19 དེ་ལྟར་མཆོད་དཔོན་ལ་གཏམ་གླེང་བའི་ཚེ། ཕེ་ལེ་ཤེད་པའི་དམག་སྒར་དུ་འུར་སྒྲ་སྔར་ལས་ཇེ་ཆེ་ནས་ཇེ་ཆེར་ཕྱིན་པས། སོ་ལོས་མཆོད་དཔོན་དེ་ལ་ཁྱོད་སྡོད་ཅིག་ཅེས་བཀའ་བསྩལ་ནས།  
\v 20 སོ་ལོ་དང་མཉམ་དུ་ཡོད་པ་ཐམས་ཅད་འཛོམས་ཏེ་དམག་རྒྱག་ཏུ་སོང་། དེ་རུ་ཕེ་ལེ་ཤེད་པ་ཐམས་ཅད་ཡོངས་སུ་མགོ་འཐོམ་སྟེ། ཀྱེ་ཧོ། ཁོ་ཚོས་རལ་གྲིས་ཕན་ཚུན་ལ་བསྣུན་པ་རེད།  
\v 21 ཡང་སྔོན་ཆད་ཕྱོགས་བཞི་ནས་འོངས་ཏེ་ཕེ་ལེ་ཤེད་པ་དག་གི་རྗེས་སུ་འབྲངས་པའི་ཨིབ་རི་པ་རྣམས་ནི་ད་ལྟ་སོ་ལོ་དང་ཡོ་ནཱ་ཐན་གཉིས་ཀྱི་རྗེས་སུ་འབྲང་བའི་ཡེས་ར་ཨེལ་པའི་ཕྱོགས་སུ་གྱུར།  
\v 22 ཡང་ཨེ་ཕཱར་ཡིམ་རི་ཁུལ་དུ་ཡིབ་ནས་སྡོད་པའི་ཡེས་ར་ཨེལ་པ་རྣམས་ཀྱིས་ཕེ་ལེ་ཤེད་པ་ཐམས་ཅད་བྲོས་པ་ཐོས་པས། དེ་དག་གིས་ཀྱང་དམག་བརྒྱབ་ཅིང་ཕེ་ལེ་ཤེད་པའི་ར་མདར་བརྒྱུགས།  
\v 23 དེ་ལྟར་དཀོན་མཆོག་ཡ་ཝཱེས་ཡེས་ར་ཨེལ་སྒྲོལ་བར་མཛད་དེ། གསོད་གཅོད་དེ་ནི་པེད་ཨ་ཝེན་གྱི་བར་དུ་བྱུང་ངོ་། །   
\s1 ཡོ་ནཱ་ཐན་ནི་སོ་ལོའི་བཀའ་དང་འགལ་བ།  
\p
\v 24 ཉིན་མོ་དེར་ཡེས་ར་ཨེལ་པ་རྣམས་ལ་གཉའ་གནོན་བཏང་སྟེ། སོ་ལོས་དགོང་མོ་རང་གི་དགྲ་བོ་རྣམས་ལ་དགྲ་ཤ་ལེན་པའི་བར་དུ་ཁ་ཟས་སྤྱོད་མཁན་ཡོད་ན་མི་དེར་དམོད་མོ་འབྱུང་ཞེས་མནའ་བསྐྱལ་དུ་བཅུག་པས། མི་རྣམས་ཀྱིས་ཅི་ཡང་མ་ཟོས་སོ། །  
\v 25 མི་རྣམས་ནགས་ཚལ་ཞིག་ཏུ་སོང་ཞིང་། དེའི་ས་ཁར་སྦྲང་རྩི་ཡོད་པ་མཐོང་།  
\v 26 ཁོ་ཚོས་སྦྲང་རྩི་བཞུར་བ་མཐོང་ན་ཡང་དམ་བཅའ་དེ་ལ་འཇིགས་པས་མི་སུས་ཀྱང་རང་གི་ལག་པས་ཁ་རུ་རེག་མ་ཕོད་པ་རེད།  
\v 27 ཡོ་ནཱ་ཐན་གྱིས་རང་གི་ཕ་ཡིས་མི་རྣམས་ལ་མནའ་བསྐྱལ་དུ་བཅུག་པ་མ་ཐོས་པས། རང་གི་ལག་ཏུ་ཡོད་པའི་འཁར་བའི་རྩེ་མོ་སྦྲང་མའི་ཚང་ནང་དུ་བསྒྲེས་ཏེ། རང་གི་ལག་པས་ཁ་རུ་རེག་པ་དང་ཁོའི་མིག་གསལ་པོར་གྱུར་ཏོ། །  
\v 28 དེ་ནས་མི་རྣམས་ཀྱི་ཁྲོད་ནས་གཅིག་གིས། མི་ཐམས་ཅད་ངལ་ན་ཡང་ཁྱེད་ཀྱི་ཡབ་ཀྱིས་མི་རྣམས་ལ་མནའ་བསྐྱལ་དུ་བཅུག་ནས་དེ་དག་ལ། དེ་རིང་ཉིན་མོར་ཁ་ཟས་སྤྱོད་པའི་མི་དེར་དམོད་མོ་འབྱུང་སྨྲས་སོ་ཞེས་ཞུས།  
\v 29 དེ་ལྟར་ཞུས་པའི་ལན་དུ་ཡོ་ནཱ་ཐན་གྱིས། ངའི་ཕ་ཡིས་ཀུན་ལ་འཚེ་བར་བྱས། ད་ནི་ངས་སྦྲང་རྩི་ཕྲན་བུ་ཞིག་མྱངས་པས་མིག་ཅི་ལྟར་གསལ་པོར་གྱུར་པར་ལྟོས་ཤིག  
\v 30 གལ་ཏེ་མི་ཐམས་ཅད་ཀྱིས་དགྲ་བོ་ནས་ཅི་ཞིག་ཕྲོགས་པ་ཟོས་པ་ཡིན་ན། ཕེ་ལེ་ཤེད་པ་ཕམ་པར་གྱུར་པ་ནི་འདི་ལས་ལྷག་པར་འགྱུར་བ་མ་ཡིན་ནམ་ཞེས་སྨྲས་སོ། །  
\v 31 ཡེས་ར་ཨེལ་པ་ཐམས་ཅད་ཤིན་ཏུ་ངལ་ཡང་། ཉིན་དེ་ལ་ཕེ་ལེ་ཤེད་པ་རྣམས་མིགས་མཱ་སི་ནས་ཨ་ཡཱ་ལོན་གྱི་བར་དུ་ཕམ་པར་བརྒྱབ་བོ། །  
\v 32 དེ་ནས་མཚན་མོར་ཡེས་ར་ཨེལ་པ་རྣམས་ཀྱིས་དེ་དག་གི་བཅོམ་ནོར་ཏེ། ལུག་དང་། བ་གླང་དང་། བ་ཕྲུག་ཁྱེར་ཅིང་དེ་དག་བསད་ནས་ཁྲག་དང་ལྡན་པའི་ཤ་ཟོས་པ་རེད།  
\v 33 དེ་ནས་མི་འགའ་ཞིག་གིས་སོ་ལོ་ལ། ལྟོས་དང་། མི་རྣམས་ཀྱིས་ཁྲག་དང་ལྡན་པའི་ཤ་ཟ་ཞིང་། དེ་ནི་དཀོན་མཆོག་ཡ་ཝཱེ་ལ་འགལ་བའི་སྡིག་པ་བྱེད་པ་ཡིན་ཞེས་སྨྲས་པས། སོ་ལོས་ཁྱོད་རྣམས་ཀྱིས་གཡོ་ཟོལ་བྱས་པས་རྡོ་རྒན་ཞིག་ངའི་མདུན་དུ་སྒྲིལ་བར་གྱིས་ཞེས་སྨྲས་སོ། །  
\v 34 དེ་ནས་སོ་ལོས། ཁྱོད་ཅག་མི་རྣམས་ཀྱི་ཁྲོད་དུ་སོང་ནས་ཁོ་རྣམས་ལ། མི་རེ་རེས་རང་རང་གི་སྒོ་ཕྱུགས་ཁྲིད་དེ་འདི་རུ་བསད་ནས་ཤ་ཟོ་དང་། ཁྲག་དང་ལྡན་པའི་ཤ་ཟོས་ཏེ་དཀོན་མཆོག་ཡ་ཝཱེ་ལ་འགལ་བའི་སྡིག་པ་བྱེད་མི་རུང་ཞེས་བསྐུལ་བར་གྱིས་ཞེས་སྨྲས། དེའི་ཕྱིར་མི་རྣམས་ཀྱིས་རང་གི་སྒོ་ཕྱུགས་ཁྲིད་དེ་མཚན་གྱི་དུས་སུ་དེ་རུ་བསད།  
\v 35 དེ་ནས་སོ་ལོས་དཀོན་མཆོག་ཡ་ཝཱེ་ལ་མཆོད་ཁྲི་ཞིག་བརྩིགས་པ་དང་། དེ་ནི་སོ་ལོས་དཀོན་མཆོག་ཡ་ཝཱེ་ལ་བརྩིགས་པའི་མཆོད་ཁྲི་དང་པོ་ལགས་སོ། །  
\v 36 དེ་ནས་སོ་ལོས་མཚན་གྱི་དུས་སུ་ཕེ་ལེ་ཤེད་པའི་རྗེས་དེད་ནས་ཐོ་རངས་བར་དུ་བཅོམ་ན་ལེགས། དེ་དག་ལས་མི་གཅིག་ཀྱང་ཐར་དུ་མ་འཇུག་ཅེས་བསྐུལ་བས། མི་ཐམས་ཅད་གྱིས། ཁྱེད་ཀྱི་སྤྱན་དྲུང་དུ་གང་ཞིག་ལེགས་ན་དེ་བཞིན་དུ་མཛོད་ཅིག་ཅེས་ཞུས་པ་དང་། མཆོད་དཔོན་གྱིས། ཀྱེ། ད་ལྟ་ངེད་རྣམས་དཀོན་མཆོག་གི་དྲུང་དུ་འདུ་བར་བྱ་ཞེས་བསྐུལ་བས།  
\v 37 སོ་ལོས་དཀོན་མཆོག་ལ། བདག་ནི་ཕེ་ལེ་ཤེད་པའི་རྗེས་སུ་འདེད་རུང་ངམ། ཁྱེད་ཀྱིས་དེ་དག་ཡེས་ར་ཨེལ་གྱི་ལག་ཏུ་གནང་བར་མཛད་དམ་ཞེས་ཞུས་ཀྱང་། ཉིན་དེ་ལ་གསུང་ལན་གང་ཡང་མ་བྱུང་བ་རེད།  
\v 38 དེའི་ཕྱིར་སོ་ལོས། དེ་རིང་གི་སྡིག་པ་ནི་གང་ནས་བྱུང་བར་བལྟས་ཏེ་རྟོགས་པའི་ཕྱིར་མི་རྣམས་ཀྱི་རྗེ་བོ་རྣམས་འདིར་འདུ་བར་གྱིས།  
\v 39 བདག་གིས་དཀོན་མཆོག་ཡ་ཝཱེ་སྟེ་ཡེས་ར་ཨེལ་གྱི་སྐྱབས་མགོན་གཏན་དུ་བཞུགས་པ་ཁོང་ཉིད་དཔང་དུ་བཙུགས་པ་ཡིན། མི་དེ་ནི་ང་རང་གི་བུ་ཡོ་ནཱ་ཐན་ཡིན་པའི་དབང་དུ་བཏང་ན་ཡང་། ཁོ་ངེས་པར་འཆི་དགོས་ཞེས་སྨྲས་ཀྱང་། མི་རྣམས་ཀྱི་ཁྲོད་ནས་གཅིག་གིས་ཀྱང་ཅི་ཡང་མ་ཞུས་སོ། །  
\v 40 དེ་ནས་ཁོང་གིས་ཡེས་ར་ཨེལ་པ་ཐམས་ཅད་ལ། ཁྱོད་རྣམས་ཕྱོགས་གཅིག་ཏུ་སྡོད་དང་། ང་ནི་རང་གི་བུ་ཡོ་ནཱ་ཐན་དང་ཕྱོགས་གཅིག་ཏུ་སྡོད་པར་བྱ་ཞེས་སྨྲས་པས། མི་རྣམས་ཀྱིས་སོ་ལོ་ལ། ཁྱེད་ཀྱི་སྤྱན་དྲུང་དུ་གང་ཞིག་ལེགས་ན་དེ་བཞིན་དུ་མཛོད་ཅིག་ཅེས་ཞུས་སོ། །  
\v 41 ཡང་སོ་ལོས་ཡེས་ར་ཨེལ་གྱི་དཀོན་མཆོག་ཡ་ཝཱེ་ལ་འདི་ལྟར། ཁྱེད་ཀྱིས་སུ་ཉེས་མེད་ཡིན་པ་སྟོན་པར་མཛོད་ཅིག་ཅེས་ཞུས་པ་དང་། ཡོ་ནཱ་ཐན་དང་སོ་ལོ་གཉིས་ལ་རྒྱན་བབས་ཤིང་ཡེས་ར་ཨེལ་པ་རྣམས་ཐར་ཏོ། །  
\v 42 དེ་ནས་སོ་ལོས། ད་ལྟ་ངའི་བུ་ཡོ་ནཱ་ཐན་དང་ང་རང་གཉིས་ཀྱི་བར་དུ་རྒྱན་ཕོངས་ཤིག་སྨྲས་ནས་ཡོ་ནཱ་ཐན་ལ་བབས་པ་རེད།  
\v 43 དེ་ནས་སོ་ལོས་ཡོ་ནཱ་ཐན་ལ། ཁྱོད་ཀྱིས་ཅི་བྱས་པ་ང་ལ་ཤོད་ཅིག་ཅེས་སྨྲས་པས། ཡོ་ནཱ་ཐན་གྱིས་ཁོང་ལ། ངས་ནི་རང་གི་ལག་ཏུ་ཡོད་པའི་འཁར་བའི་རྩེ་མོ་ལ་འབྱར་བའི་སྦྲང་རྩི་ནས་ཅུང་ཙམ་མྱངས་པས་ང་འཆི་བར་ངེས་ཞེས་ཞུས་པ་དང་།  
\v 44 སོ་ལོས་ཀྱེ་ཡོ་ནཱ་ཐན། ཁྱོད་ནི་འཆི་བར་ངེས། དེ་ལྟར་མ་ཡིན་ཚེ་དཀོན་མཆོག་གིས་བདག་ལ་འདིའམ་འདི་ལས་ལྷག་པ་ཞིག་མཛད་པར་ཤོག་ཅེས་སྨྲས།  
\v 45 དེའི་ཕྱིར་མི་རྣམས་ཀྱིས་སོ་ལོ་ལ། ཡེས་ར་ཨེལ་ལ་མགོན་སྐྱབས་ཆེན་པོ་མཛད་མཁན་ཡོ་ནཱ་ཐན་ནི་འཆི་བར་འགྱུར་རམ། དཀོན་མཆོག་གིས་དེ་ལྟར་འབྱུང་བར་གནང་ག་ལ་སྲིད། ང་ཚོས་གཏན་དུ་བཞུགས་པའི་དཀོན་མཆོག་ཡ་ཝཱེ་དཔང་དུ་བཙུགས་པ་ཡིན་ཏེ། དེའི་མགོའི་སྐྲ་ཉག་གཅིག་ཀྱང་མི་ལེན་རོགས། ཁོང་གིས་དེ་རིང་ཉིན་མོར་དཀོན་མཆོག་དང་མཉམ་དུ་འཕྲིན་ལས་མཛད་པ་ཡིན་ཞེས་ཞུས་པས། མི་རྣམས་ཀྱིས་ཡོ་ནཱ་ཐན་འཆི་བ་ལས་ཐར་དུ་བཅུག  
\v 46 དེ་ནས་སོ་ལོ་ནི་ཕེ་ལེ་ཤེད་པའི་ར་མདར་རྒྱུག་པ་ནས་ལོག་སྟེ་ཕྱིར་ཕྱིན་པ་དང་། ཕེ་ལེ་ཤེད་པ་རྣམས་རང་གི་ཡུལ་དུ་སོང་།  
\v 47 དེ་ལྟར་སོ་ལོར་ཡེས་ར་ཨེལ་གྱི་སྲིད་དབང་ཐོབ་སྟེ། ཕྱོགས་བཞི་རུ་གནས་པའི་དགྲ་བོ་མོ་ཨབ་དང་། ཨམ་མོན་པ་རྣམས་དང་། ཨེ་དོམ་དང་། ཙོ་བཱ་ཡི་རྒྱལ་པོ་རྣམས་དང་། ཕེ་ལེ་ཤེད་པ་བཅས་ལ་དམག་དྲངས་ཤིང་གང་དུ་སོང་ན་དེར་ཆད་པ་བཅད་དོ། །  
\v 48 ཡང་སོ་ལོས་སྤོབས་པ་བསྐྱེད་ནས་ཨ་མཱད་ལེག་པ་རྣམས་ལས་རྒྱལ་བར་གྱུར་ཏེ། ཡེས་ར་ཨེལ་བཅོམ་མཁན་གྱི་ལག་ནས་བསྒྲལ་ལོ། །   
\s1 སོ་ལོ་ཡི་ཁྱིམ་མིའི་སྐོར།  
\p
\v 49 སོ་ལོ་ཡི་སྲས་རྣམས་ནི། ཡོ་ནཱ་ཐན་དང་། ཨིས་པོ་ཤེད་ \f + \ft ཨིས་པོ་ཤེད་ཅེས་པའི་མིང་གཞན་དུ་ཨིས་བི་ཞེས་ཀྱང་བྱ།\f*དང་། མལ་ཀི་ཤུ་ཨ་གསུམ་ཡིན། ཡང་ཁོང་གི་སྲས་མོ་གཉིས་ནི། ཆེ་བའི་མིང་ལ་མེ་རཱབ་དང་། ཆུང་བའི་མིང་ལ་མི་ཀལ་བྱའོ། །  
\v 50 སོ་ལོ་ཡི་ཆུང་མ་སྟེ་མིང་ལ་ཨ་ཧི་ནོ་ཨམ་ཞེས་བྱ་བ་དེ་ནི་ཨ་ཧི་མཱ་སི་ཡི་བུ་མོ་ཡིན་ལ། དམག་ཚོགས་ཀྱི་འགོ་དཔོན་མིང་ལ་ཨབ་ནེར་ཞེས་བྱ་བ་ནི་སོ་ལོ་ཡི་ཁུ་བོ་ནེར་གྱི་བུ་ཡིན།  
\v 51 སོ་ལོ་ཡི་ཕ་ཁི་སི་དང་། ཨབ་ནེར་གྱི་ཕ་ནེར་བྱ་བ་དེ་གཉིས་ཨ་བེ་ཨེལ་ཞེས་པའི་བུ་ཡིན།  
\v 52 སོ་ལོ་ཡི་མི་ཚེ་གང་པོར་ཕེ་ལེ་ཤེད་པ་དང་དམག་འཁྲུག་དྲག་པོ་རྒྱག་དགོས་བྱུང་ཞིང་། སོ་ལོས་མི་སྟོབས་ཆེན་དང་ཡང་ན་སྙིང་རུས་ཅན་ཞིག་མཐོང་ན་མི་དེ་རང་དང་མཉམ་དུ་ཁྲིད་པའོ། །   
\c 15
\cl ལེའུ་བཅོ་ལྔ་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 ཡ་ཝཱེས་སོ་ལོ་རྒྱལ་པོ་ཡིན་པ་ཁས་མ་བླངས་པ།  
\p
\v 1 དེ་ནས་སཱ་མུ་ཨེལ་གྱིས་སོ་ལོ་ལ། དཀོན་མཆོག་ཡ་ཝཱེས་ང་རང་མངགས་ཏེ་ཁྱོད་ཁོང་གི་འབངས་མི་ཡེས་ར་ཨེལ་གྱི་རྒྱལ་པོར་བསྐོ་བར་བཀའ་གནང་བས། ད་ལྟ་ཁྱོད་ཀྱིས་དཀོན་མཆོག་ཡ་ཝཱེའི་བཀའ་ལ་ཉོན་ཅིག  
\v 2 དཔུང་ཚོགས་ཀུན་གྱི་དཀོན་མཆོག་ཡ་ཝཱེས་འདི་སྐད་དུ། ཡེས་ར་ཨེལ་པ་རྣམས་ཨེ་ཅིབ་ཡུལ་ནས་ཐོན་པའི་ཚེ། ཨ་མཱད་ལེག་མི་རིགས་ཀྱིས་དེ་ལ་ཆོམ་པོ་ལྟར་བསྒུགས་ཏེ་ཅི་ལྟར་བྱས་པ་དེ་ངས་དྲན་ནོ། །  
\v 3 དེའི་ཕྱིར་ཁྱོད་སོང་ནས་ཨ་མཱད་ལེག་པ་ལ་འཐབ་འཛིང་བྱོས་ཤིག སྙིང་རྗེ་མི་བསྐྱེད་པར་དེ་དག་ལ་ཅི་ཡོད་པ་ཐམས་ཅད་མེད་པར་བྱེད་ཅིང་སྐྱེས་པ་དང་བུད་མེད་དང་། ཕྲུ་གུ་འོ་འཐུང་དང་། བ་གླང་དང་ལུག་དང་རྔ་མོང་དང་བོང་བུ་ཐམས་ཅད་སོད་ཅིག་ཅེས་གསུངས་སོ་ཞེས་སྨྲས་པས།  
\v 4 སོ་ལོས་མི་རྣམས་ལ་སྐད་བཏང་སྟེ་ཐི་ལཱ་ཨིམ་དུ་བསྡུས་ཤིང་། དེ་དག་གི་གྲངས་ཀ་བརྩིས་པ་ལ་རྐང་དམག་འབུམ་གཉིས་དང་ཡ་ཧུ་དཱ་པ་ཁྲི་ཚོ་གཅིག་ཡོད་དོ། །  
\v 5 དེ་ནས་སོ་ལོ་འཁོར་དང་བཅས་པ་ཡོང་ནས་ཨ་མཱད་ལེག་པ་དག་གི་རྒྱལ་ས་རུ་ཕྱིན་ཅིང་ལུང་པ་ཞིག་ནས་འཇབ་སྒུག་བྱས།  
\v 6 སོ་ལོས་ཀེ་ནེ་པ་རྣམས་ལ་འདི་ལྟར། ཡེས་ར་ཨེལ་པ་རྣམས་ཨེ་ཅིབ་ཡུལ་ནས་ཐོན་པའི་ཚེ་ཁྱོད་རྣམས་ཀྱིས་དེ་དག་ལ་སྙིང་རྗེ་བསྐྱེད་པས། ཁྱོད་རྣམས་ཨ་མཱད་ལེག་པའི་ཁྲོད་ནས་ཤོག་ཅིག གལ་ཏེ་མ་ཐོན་ན་དེ་དག་དང་མཉམ་དུ་མེད་པར་འགྱུར་ཞེས་བསྐུལ་བས་ཀེ་ནེ་པ་རྣམས་ཨ་མཱད་ལེག་པའི་ཁྲོད་ནས་ཐོན་པ་རེད།  
\v 7 དེ་ནས་སོ་ལོས་ཨ་མཱད་ལེག་པ་རྣམས་ལ་ཧ་བེ་ལཱ་ནས་ཨེ་ཅིབ་ཡུལ་གྱི་ཤར་ཕྱོགས་ཤུར་ཞེས་པའི་ཡུལ་དུ་འཐབ་འཛིང་བྱས་ཏེ།  
\v 8 ཨ་མཱད་ལེག་པའི་རྒྱལ་པོ་ཨ་གག་ཅེས་བྱ་བ་དེ་གསོན་བཟུང་བྱས་ཤིང་མི་ཐམས་ཅད་རལ་གྲིས་མེད་པར་བྱས་མོད།  
\v 9 སོ་ལོ་དང་མི་རྣམས་ཀྱིས་ཨ་གག་དང་ལུག་བཟང་པོ་དང་བ་གླང་བཟང་པོ། བ་ཕྲུག་བཟང་པོ། ལུ་གུ་བཟང་པོ་བཅས་ལེགས་པོ་ཐམས་ཅད་མེད་པར་མ་བཏང་ཞིང་། བློར་མི་འབབ་པ་དང་རིན་ཐང་མེད་པ་ཐམས་ཅད་མེད་པར་བྱས།  
\v 10 དེའི་ཕྱིར་དཀོན་མཆོག་ཡ་ཝཱེའི་བཀའ་ནི་སཱ་མུ་ཨེལ་ལ་བྱུང་ཞིང་འདི་སྐད་དུ།  
\v 11 སོ་ལོ་རྒྱལ་པོར་བསྐོས་པའི་ཕྱིར་ང་རང་འགྱོད་པ་སྐྱེས་ཏེ། ཁོ་ང་དང་བྲལ་ནས་བཀའ་བཞིན་དུ་མི་བསྒྲུབ་པའི་ཕྱིར་རོ་ཞེས་གསུངས་པས། སཱ་མུ་ཨེལ་སེམས་འཁྲུགས་ཏེ་མཚན་གང་པོར་དཀོན་མཆོག་ཡ་ཝཱེ་ལ་སྨོན་ལམ་ཞུས་པ་རེད།  
\v 12 ཕྱི་ཉིན་ཞོགས་པར་སཱ་མུ་ཨེལ་ལངས་ནས་སོ་ལོ་དང་འཕྲད་པར་སོང་ཙ་ན། མི་ཞིག་གིས་སཱ་མུ་ཨེལ་ལ། སོ་ལོ་ནི་ཀར་མེལ་དུ་སོང་སྟེ་རང་གི་ཆེད་དུ་རྗེས་དྲན་གྱི་རྡོ་རིང་ཞིག་བཙུགས་ཤིང་ད་ལྟ་ཕར་འགྲུལ་ནས་གིལ་གལ་དུ་སོང་བ་ཡིན་ཞེས་ཞུས།  
\v 13 དེ་ནས་སཱ་མུ་ཨེལ་ནི་སོ་ལོ་ཡི་མདུན་དུ་ཕྱིན་པ་ན། སོ་ལོ་ན་རེ། དཀོན་མཆོག་ཡ་ཝཱེས་ཁྱོད་ལ་བྱིན་རླབས་གནང་ངོ་། །ངས་དཀོན་མཆོག་ཡ་ཝཱེའི་བཀའ་བཞིན་དུ་བསྒྲུབས་པ་ཡིན་ཞུས་པས།  
\v 14 སཱ་མུ་ཨེལ་གྱིས་ལུག་དང་བ་གླང་གིས་སྐད་རྒྱག་པའི་སྒྲ་ངའི་རྣ་བས་ཐོས་པ་དེ་ཅི་ཡིན་ཞེས་དྲིས་པའི་ལན་དུ།  
\v 15 སོ་ལོ་ན་རེ། ཁོ་རྣམས་ཀྱིས་དེ་དག་ཨ་མཱད་ལེག་པ་ནས་བཟུང་བ་རེད། དེའི་དམིགས་ཡུལ་ནི། ལུག་དང་བ་གླང་ཐམས་ཅད་ལས་ལེགས་པོ་རྣམས་ནི་མི་རྣམས་ཀྱིས་ཁྱོད་ཀྱི་དཀོན་མཆོག་ཡ་ཝཱེ་ལ་མཆོད་པར་འབུལ་འདོད་པ་ཡིན་ཞིང་། གཞན་ཐམས་ཅད་ང་ཚོས་མེད་པར་བྱས་པ་ཡིན་ཞེས་སྨྲས་པས།  
\v 16 སཱ་མུ་ཨེལ་གྱིས་སོ་ལོ་ལ། ཁ་རོག་སྡོད་ཅིག མཚན་མོ་འདི་ལ་དཀོན་མཆོག་ཡ་ཝཱེས་ང་ལ་གསུངས་པའི་བཀའ་དེ་འཆད་པར་བྱ་ཞེས་པའི་ལན་དུ་དེ་ཡིས། འཆད་པར་མཛོད་ཅིག་ཅེས་ཞུས་སོ། །  
\v 17 དེ་ནས་སཱ་མུ་ཨེལ་གྱིས། ཁྱོད་ཀྱིས་རང་ཉིད་ཆུང་བར་བརྩིས་ནའང་། ཁྱོད་རང་ཡེས་ར་ཨེལ་གྱི་ཚོ་པ་ཁག་གི་འགོ་འདྲེན་དུ་གྱུར་ཏེ། དཀོན་མཆོག་ཡ་ཝཱེས་ཁྱོད་ཡེས་ར་ཨེལ་གྱི་རྒྱལ་པོར་བསྐོས་པར་མཛད་པ་མ་ཡིན་ནམ།  
\v 18 དཀོན་མཆོག་ཡ་ཝཱེས་ཁྱོད་ལམ་དུ་མངགས་ཤིང་འདི་སྐད་དུ། ཁྱོད་སོང་ལ་ཨ་མཱད་ལེག་པ་སྡིག་ཅན་དེ་རྣམས་ཁྱོན་ནས་མེད་པར་བྱོས་ཤིག དེ་དག་ཚར་མ་བཅད་བར་དུ་འཐབ་འཛིང་བྱོས་ཤིག་ཅེས་བསྐུལ་ན་ཡང་།  
\v 19 ཁྱོད་ཀྱིས་དཀོན་མཆོག་ཡ་ཝཱེའི་བཀའ་ལ་མ་མཉན་པར། ནོར་ལ་ཧབ་ཐོབ་བརྒྱབ་ནས་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་བྱེད་དོན་ཅི་ཞེས་དྲིས་པ་ལ།  
\v 20 སོ་ལོས་སཱ་མུ་ཨེལ་ལ། ཀྱེ་ཧོ། ངས་ནི་དཀོན་མཆོག་ཡ་ཝཱེའི་བཀའ་ལ་མཉན་ཏེ་དཀོན་མཆོག་ཡ་ཝཱེས་མངགས་པའི་ལམ་དུ་འགྲུལ་བ་ཡིན། ཨ་མཱད་ལེག་པའི་རྒྱལ་པོ་ཨ་གག་བཟུང་ནས་ཨ་མཱད་ལེག་པ་ཐམས་ཅད་ཡོངས་སུ་མེད་པར་བྱས་པ་ཡིན།  
\v 21 མི་རྣམས་ཀྱིས་ཁོ་ཚོས་ཕྲོགས་པའི་ལུག་དང་བ་གླང་ལེགས་པོ་ཀུན་གིལ་གལ་དུ་ཁྱོད་ཀྱི་དཀོན་མཆོག་ཡ་ཝཱེ་ལ་མཆོད་པར་འབུལ་ངེས་ཞེས་སྨྲས།  
\v 22 སཱ་མུ་ཨེལ་ན་རེ།  
\q1 སྦྱིན་སྲེག་དང་ནི་མཆོད་པ་གཉིས་ཀ་ལས། །  
\q1 ཡ་ཝཱེ་ཁོང་གི་བཀའ་ལ་མཉན་པར་དགའ། །  
\q1 བཀའ་ལ་ཚུལ་བཞིན་མཉན་པ་དེ་ཉིད་ནི། །  
\q1 ལུག་ཐུག་ཚིལ་ལས་བཟང་པོ་ཡོད་པ་ལགས། །   
\q1
\v 23 ངོ་ལོག་སེམས་ནི་མོ་པའི་སྡིག་པ་དང་། །  
\q1 མི་མཉན་སེམས་ནི་ངན་ཞིང་སྐུ་འདྲར་མཚུངས། །  
\q1 ཁྱོད་ཀྱིས་ཡ་ཝཱེ་ཁོང་གི་བཀའ་དོར་བས། །  
\q1 ཁྱོད་ཀྱང་ཁོང་གིས་རྒྱལ་པོ་བྱེད་ལས་དོར། །  
\m ཞེས་སྨྲས་པའི་ལན་དུ།  
\v 24 སོ་ལོས་སཱ་མུ་ཨེལ་ལ། བདག་ནི་མི་རྣམས་ལ་འཇིགས་ནས་དེ་དག་གི་གཏམ་ལ་མཉན་པ་དང་། དཀོན་མཆོག་ཡ་ཝཱེའི་བཀའ་དང་ཁྱེད་ཀྱི་གཏམ་ལས་འགལ་ཏེ་སྡིག་པ་བྱས་པ་ཡིན།  
\v 25 ད་ལྟ་ཁྱེད་ཀྱིས་བདག་གི་སྡིག་པ་སེལ་བར་མཛོད། བདག་དང་མཉམ་དུ་ཕྱིར་ཤོག་དང་བདག་གིས་དཀོན་མཆོག་ཡ་ཝཱེ་ལ་ཕྱག་འབུལ་བར་བྱ་ཞེས་ཞུས་པས།  
\v 26 སཱ་མུ་ཨེལ་གྱིས་སོ་ལོ་ལ། ང་ཁྱོད་དང་མཉམ་དུ་ཕྱིར་མི་འགྲོ་སྟེ་ཁྱོད་ཀྱིས་དཀོན་མཆོག་ཡ་ཝཱེའི་བཀའ་དོར་བས་དཀོན་མཆོག་ཡ་ཝཱེས་ཀྱང་ཁྱོད་ཡེས་ར་ཨེལ་གྱི་རྒྱལ་པོ་བྱེད་དུ་མི་འཇུག་ཅེས་སྨྲས་ནས།  
\v 27 སཱ་མུ་ཨེལ་ཁ་ཕྱིར་འཁོར་ནས་འགྲོ་བར་བརྩམས་པ་ལ། སོ་ལོས་ཁོང་གི་གོས་ཀྱི་ཐུ་བ་བཟུང་བས་གོས་རལ་བར་གྱུར།  
\v 28 དེ་ནས་སཱ་མུ་ཨེལ་གྱིས་ཁོ་ལ། དཀོན་མཆོག་ཡ་ཝཱེས་དེ་རིང་ཉིན་མོར་ཡེས་ར་ཨེལ་གྱི་རྒྱལ་སྲིད་ཁྱོད་ཀྱི་ལག་ནས་བླངས་ཏེ། རྒྱལ་སྲིད་འདི་ཁྱོད་ལས་བཟང་པོ་ཞིག་ལ་གནང་བར་འགྱུར།  
\v 29 ཡེས་ར་ཨེལ་གྱི་ནུས་མཐུ་ཆེན་པོ་ལགས་ཀྱིས་རྫུན་མི་གསུང་ལ། ཐུགས་འགྱོད་ཀྱང་མི་སྐྱེས། གང་ལ་ཞེ་ན། ཁོང་ནི་འགྱོད་པ་སྐྱེས་པའི་མི་དང་འདྲ་བ་མིན་ཞེས་སྨྲས་ཤིང་།  
\v 30 ཡང་སོ་ལོ་ན་རེ། བདག་གིས་སྡིག་པ་བྱས་པ་ཡིན། དེ་ལྟ་ནའང་། ད་ལྟ་ཁྱེད་ཀྱིས་བདག་གི་མི་རྣམས་ཀྱི་རྒན་པོ་དང་། ཡེས་ར་ཨེལ་པ་རྣམས་ཀྱི་མདུན་དུ་བདག་ལ་བཀུར་སྟི་མཛད་ཅིང་། བདག་དང་མཉམ་དུ་ལོག་པར་མཛོད། བདག་གིས་ཁྱེད་ཀྱི་དཀོན་མཆོག་ཡ་ཝཱེ་ལ་ཕྱག་འབུལ་བར་བྱ་ཞེས་ཞུས་ནས།  
\v 31 སཱ་མུ་ཨེལ་ནི་སོ་ལོའི་རྗེས་སུ་འབྲངས་ཏེ་སོ་ལོས་དཀོན་མཆོག་ཡ་ཝཱེ་ལ་ཕྱག་ཕུལ་ཏོ། །  
\v 32 དེ་ནས་སཱ་མུ་ཨེལ་གྱིས། ཨ་མཱད་ལེག་པའི་རྒྱལ་པོ་ཨ་གག་ངའི་མདུན་དུ་ཁྲིད་ཤོག་ཅེས་བཀའ་བསྩལ་པས། ཨ་གག་གིས་སེམས་སུ་འཆི་བའི་སྡུག་བསྔལ་ངེས་པར་རྫོགས་ཟིན་ནོ་ཞེས་སྨྲས་ཤིང་སྤྲོ་དགའི་ངང་དེར་སོང་ངོ་། །  
\v 33 ཡང་སཱ་མུ་ཨེལ་གྱིས། ཁྱོད་གྱིས་རལ་གྲིས་བུད་མེད་མང་པོ་ཞིག་ལ་ཕྲུ་གུ་མེད་པར་བྱས་པ་ལྟར། ཁྱོད་ཀྱི་མ་ཡང་ཕྲུ་གུ་མེད་པར་གྱུར་ཅིག་ཅེས་སྨྲས་ནས། སཱ་མུ་ཨེལ་གྱིས་ཨ་གག་ནི་གིལ་གལ་དུ་དཀོན་མཆོག་ཡ་ཝཱེའི་དྲུང་དུ་དུམ་བུར་བཅད་པ་རེད།  
\v 34 དེ་ནས་སཱ་མུ་ཨེལ་ནི་རཱ་མ་ཡུལ་དུ་ཕྱིན་ཏེ་སོ་ལོ་ནི་གིབ་ཨ་རུ་རང་གི་ཁྱིམ་དུ་ཡར་སོང་།  
\v 35 ཡང་སཱ་མུ་ཨེལ་ཚེ་ལས་འདས་པའི་བར་དུ་སོ་ལོ་ལ་བལྟ་བར་མ་འོངས་ཏེ། སཱ་མུ་ཨེལ་གྱིས་སོ་ལོའི་དོན་དུ་མྱ་ངན་ཆེན་པོ་བྱས་ཤིང་སོ་ལོ་ཡེས་ར་ཨེལ་གྱི་རྒྱལ་པོར་བསྐོས་པའི་ཕྱིར་དཀོན་མཆོག་ཡ་ཝཱེ་ལ་ཡང་ཐུགས་འགྱོད་བྱུང་ངོ་། །   
\c 16
\cl ལེའུ་བཅུ་དྲུག་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 སཱ་མུ་ཨེལ་གྱིས་དཱ་བིད་རྒྱལ་པོར་བསྐོས་པ།  
\p
\v 1 དེ་ནས་དཀོན་མཆོག་ཡ་ཝཱེས་སཱ་མུ་ཨེལ་ལ། ཁྱོད་ཀྱིས་སོ་ལོའི་ཕྱིར་ཇི་སྲིད་བར་དུ་མྱ་ངན་བྱའམ། ཡེས་ར་ཨེལ་དུ་རྒྱལ་པོ་མི་བྱེད་པའི་ཕྱིར་ངས་ཁོ་སྤངས་པ་ཡིན། ཁྱོད་ཀྱི་སྣུམ་ལྡུད་སྤྱད་ཀྱི་རྭ་ཅོ་དེ་སྣུམ་གྱིས་འགེང་བར་བྱས་ཏེ་སོང་དང་། ངས་པེད་ལེ་ཧེམ་པ་ཡེ་སེ་ཞེས་བྱ་བའི་བུ་རྣམས་ཀྱི་ཁྲོད་ནས་རྒྱལ་པོ་ཞིག་བསྐོས་པ་ཡིན་པས། ཁྱོད་དེ་རུ་མངག་པར་བྱ་ཞེས་གསུངས།  
\v 2 སཱ་མུ་ཨེལ་གྱིས་ང་རང་ཇི་ལྟར་འགྲོའམ། སོ་ལོས་དེ་ཐོས་ན་ང་རང་གསོད་ངེས་ཡིན་ཞེས་ཞུས་པའི་ལན་དུ། དཀོན་མཆོག་ཡ་ཝཱེས་འདི་སྐད་དུ། བ་མོ་ཞིག་ཁྱོད་དང་མཉམ་དུ་འཁྲིད་དགོས་ཤིང་། ང་ནི་ཡ་ཝཱེ་ལ་མཆོད་པ་འབུལ་བའི་ཕྱིར་འོངས་པ་ཡིན་ཞེས་སྨྲོས་ཤིག  
\v 3 ཡང་ཡེ་སེ་མཆོད་པ་འབུལ་ས་རུ་བོས་དང་ཁྱོད་ཀྱིས་ཅི་བྱེད་པར་རུང་བ་དེ་ནི་ངས་སྟོན་པར་བྱ་སྟེ། ཡང་ངས་ཁྱོད་ལ་མིང་སྟོན་པ་དེ་ལ་སྣུམ་གྱིས་བྱུགས་ཤིག་ཅེས་གསུངས་པ་དང་།  
\v 4 སཱ་མུ་ཨེལ་གྱིས་དེ་བཞིན་དུ་བྱས་ཤིང་། པེད་ལེ་ཧེམ་དུ་སླེབས་པ་ན། གྲོང་རྡལ་དེའི་རྒན་པོ་རྣམས་སྐྲག་སྐྲག་འདར་འདར་ངང་སཱ་མུ་ཨེལ་དང་འཕྲད་དུ་འོངས་ཏེ་ཁྱེད་ཞི་བདེའི་ཆེད་དུ་ཡོང་བ་ཡིན་ནམ་ཞེས་ཞུས་པས།  
\v 5 དེས་ང་ནི་ཞི་བདེའི་ཆེད་དུ་དང་དཀོན་མཆོག་ཡ་ཝཱེ་ལ་མཆོད་པ་འབུལ་བར་འོངས་པས། ཁྱོད་རྣམས་ཀྱིས་རང་རང་གི་ལུས་གཙང་མར་བྱོས་ལ་ང་དང་མཉམ་དུ་མཆོད་པ་འབུལ་དུ་ཤོག་ཅིག་ཅེས་བསྐུལ་ནས་ཡེ་སེ་དང་དེའི་བུ་རྣམས་ལ་གཙང་སྦྲ་བྱེད་དུ་བཅུག་ནས་མཆོད་པ་འབུལ་སར་བོས།  
\v 6 ཡང་དེ་རྣམས་སླེབས་པ་ཙམ་གྱིས་སཱ་མུ་ཨེལ་གྱིས་ཨེ་ལི་ཨབ་ལ་བལྟས་ཤིང་དཀོན་མཆོག་ཡ་ཝཱེའི་དྲུང་དུ་འབྱུག་པར་རུང་བ་དེ་ནི་ངེས་པར་ཁོ་རང་ཡིན་སྙམ།  
\v 7 འོན་ཀྱང་དཀོན་མཆོག་ཡ་ཝཱེས་སཱ་མུ་ཨེལ་ལ་མི་འདིའི་བྱད་བཞིན་ནམ་གཟུགས་ཀྱི་རིང་ཐུང་སོགས་ལ་མ་བལྟ། རྒྱུ་མཚན་ངས་ཁོ་རང་སྤངས་པ་ཡིན་ཏེ། དཀོན་མཆོག་ཡ་ཝཱེས་གཟིགས་པ་ནི་མི་ཀུན་གྱིས་ལྟ་བ་དང་མི་འདྲ་སྟེ། མི་རྣམས་ཀྱིས་ཕྱི་ཚུལ་ལ་བལྟ་ཞིང་དཀོན་མཆོག་ཡ་ཝཱེས་ནང་སེམས་ལ་གཟིགས་པ་ཡིན་ཞེས་གསུངས།  
\v 8 དེ་ནས་ཡེ་སེ་ཡིས་ཨ་བི་ནཱ་དབ་བོས་ནས་སཱ་མུ་ཨེལ་གྱི་དྲུང་དུ་འགྲོ་རུ་བཅུག་པ་ལ། དེས་དཀོན་མཆོག་ཡ་ཝཱེས་འདི་ཡང་མ་བསྐོས་ཞེས་སྨྲས་པས།  
\v 9 ཡང་ཡེ་སེ་ཡིས་ཤམ་མཱ་བོས་ནས་སཱ་མུ་ཨེལ་གྱི་དྲུང་དུ་འགྲོ་རུ་བཅུག་པ་ལ། དེས་དཀོན་མཆོག་ཡ་ཝཱེས་འདི་ཡང་མ་བསྐོས་ཞེས་སྨྲས་པས།  
\v 10 ཡེ་སེ་ཡིས་དེ་ལྟར་སྔ་ཕྱིར་རང་གི་བུ་བདུན་སཱ་མུ་ཨེལ་གྱི་མདུན་དུ་འགྲོ་རུ་བཅུག་ཀྱང་། སཱ་མུ་ཨེལ་གྱིས་ཡེ་སེ་ལ་དཀོན་མཆོག་ཡ་ཝཱེས་འདི་དག་ཀྱང་མ་བསྐོས་ཞེས་སྨྲས།  
\v 11 ཡང་སཱ་མུ་ཨེལ་གྱིས་ཡེ་སེ་ལ་ཁྱེད་ཀྱི་བུ་ཚང་མ་འདི་རུ་ཡོད་དམ་ཞེས་དྲིས་པའི་ལན་དུ་དེས། བུ་ཆུང་ཤོས་ད་དུང་ལུས་ཡོད་དེ་ཁོས་ལུག་འཚོ་བཞིན་ཡོད་ཟེར་བས་སཱ་མུ་ཨེལ་གྱིས་ཡེ་སེ་ལ་མི་ཞིག་མངགས་ནས་ཁོ་རང་བོས་དང་། ཁོ་མ་སླེབས་བར་དུ་ངེད་རྣམས་ས་རུ་མི་སྡོད་ཅེས་སྨྲས་པ་བཞིན་དུ།  
\v 12 མི་ཞིག་མངགས་ནས་ཁོ་བོས་པ་དང་བུ་དེ་ནི་ངོ་མདངས་དམར་ཞིང་མིག་མཛེས་པ་དང་བྱད་གཟིགས་ལེགས་པ་ཞིག་ཡིན་ལ། དེའི་ཚེ་དཀོན་མཆོག་ཡ་ཝཱེས་འདི་ནི་བདག་གིས་ཆེད་དུ་བསྐོས་པ་དེ་ཡིན་པས་ད་ལྟ་ལངས་ནས་ཁོ་ལ་སྣུམ་གྱིས་བྱུགས་ཤིག་ཅེས་བཀའ་བསྩལ་པས།  
\v 13 སཱ་མུ་ཨེལ་གྱིས་སྣུམ་ལྡུད་སྤྱད་ཀྱི་རྭ་ཅོ་དེ་བླངས་ནས་ཁོའི་སྤུན་རྣམས་ཀྱི་ཁྲོད་དུ་ཁོ་ལ་སྣུམ་གྱིས་བྱུགས་པ་དང་། ཉིན་དེ་ནས་བཟུང་དཱ་བིད་ལ་དཀོན་མཆོག་ཡ་ཝཱེའི་ཐུགས་ཉིད་དབང་དང་ལྡན་པར་བབས་པ་དང་། སཱ་མུ་ཨེལ་ལངས་ཏེ་ཕྱིར་རཱ་མ་ཡུལ་དུ་སོང་ངོ་། །   
\s1 དཱ་བིད་ནི་སོ་ལོའི་ཞབས་ཕྱི་རུ་བསྐོས་པ།  
\p
\v 14 ཡང་དཀོན་མཆོག་ཡ་ཝཱེའི་ཐུགས་ཉིད་སོ་ལོའི་ཕྱོགས་ནས་ཕར་བཞུད་དེ་ཁོང་གི་གམ་ནས་བྱུང་བའི་སེམས་ཉིད་ངན་པ་ཞིག་གིས་ཁོ་རང་ལ་ཟིང་ཆ་བཟོས་པས།  
\v 15 སོ་ལོའི་བློན་འཁོར་རྣམས་ཀྱིས་ཁོ་ལ་ན་རེ། གཟིགས་དང་། དཀོན་མཆོག་གི་གམ་ནས་ཡོང་བའི་སེམས་ཉིད་ངན་པ་ཞིག་གིས་ཁྱེད་ལ་ཟིང་ཆ་བཟོས་པས།  
\v 16 ཀྱེ་ངེད་ཅག་གི་བདག་པོ་ཁྱེད་ཀྱིས་སྐུ་མདུན་དུ་ཡོད་པའི་བློན་འཁོར་རྣམས་ལ། པི་ཝང་དཀྲོལ་བར་མཁས་པའི་མི་ཞིག་འཚོལ་བའི་བཀའ་གནོངས་དང་། སེམས་ཉིད་ངན་པ་དེས་ཁྱེད་རང་ལ་ཟིང་ཆ་བཟོ་བའི་ཚེ་མི་དེས་སྒྲ་སྙན་དཀྲོལ་བ་ཙམ་གྱིས་ཁྱེད་ལ་ཕན་པར་འགྱུར་ཞེས་ཞུས་པས།  
\v 17 སོ་ལོས་བློན་འཁོར་རྣམས་ལ་སྒྲ་སྙན་དཀྲོལ་མཁས་པའི་མི་ཞིག་ངའི་ཕྱིར་བཙལ་ཏེ། ངའི་མདུན་དུ་འཁྲིད་ཤོག་ཅེས་སྨྲས་པའི་ལན་དུ་གཞོན་ནུ་རྣམས་ལས་གཅིག་གིས།  
\v 18 ཀྱེ་ཧོ་ངས་པེད་ལེ་ཧེམ་པ་ཡེ་སེའི་བུ་ཞིག་མཐོང་བ་ཡིན། དེ་ནི་སྒྲ་སྙན་དཀྲོལ་མཁས་ཤིང་མི་དཔའ་རྩལ་ཅན་དང་གཏམ་ལ་མཁས་པ། བྱད་གཟུགས་ལེགས་པ་བཅས་ཡིན་པར་མ་ཟད། དཀོན་མཆོག་ཡ་ཝཱེ་ཁོ་དང་མཉམ་དུ་བཞུགས་སོ་ཞེས་ཞུས་པ་ལ།  
\v 19 སོ་ལོས་ཡེ་སེའི་མདུན་དུ་བང་ཆེན་མངགས་ནས་ཁོ་ལ། ཁྱོད་ཀྱི་བུ་དཱ་བིད་ལུག་རྫི་ཡིན་པ་དེ་ངའི་རྩར་ཐོངས་ཤིག་ཅེས་སྨྲས་པས།  
\v 20 ཡེ་སེ་ཡིས་བག་ལེབ་དང་རྒུན་ཆང་སྐྱི་ཁུག་གང་བཀལ་བའི་བོང་བུ་དང་། རེའུ་གཅིག་བཅས་རང་གི་བུ་དཱ་བིད་དང་མཉམ་དུ་སོ་ལོའི་དྲུང་དུ་བསྐྱལ་བ་རེད།  
\v 21 དཱ་བིད་ནི་སོ་ལོའི་དྲུང་དུ་སླེབས་པ་དང་དེའི་དྲུང་དུ་ཞབས་ཕྱི་བྱས་ཤིང་། སོ་ལོས་ཁོ་ལ་ཤིན་ཏུ་གཅེས་པས། ཁོ་རང་སོ་ལོའི་གོ་མཚོན་འཁུར་མཁན་དུ་གྱུར།  
\v 22 དེ་ནས་སོ་ལོས་ཡེ་སེ་ལ། དཱ་བིད་ལ་ངའི་མདུན་དུ་བཀའ་དྲིན་ཐོབ་པས་ཁོ་རང་ངའི་མདུན་དུ་གནས་སུ་ཆུག་ཅེས་འཕྲིན་བསྐུར།  
\v 23 དེ་ནས་དཀོན་མཆོག་གིས་མངགས་པའི་སེམས་ཉིད་དེ་སོ་ལོའི་སྟེང་དུ་འབབ་ཐེངས་རེར་དཱ་བིད་ཀྱིས་པི་ཝང་བླངས་ཏེ་དཀྲོལ་བས། སོ་ལོའི་སེམས་བདེ་བར་བྱེད་པ་ལ་ཕན་ཐོགས་ཏེ་སེམས་ཉིད་ངན་པ་ཁོ་དང་བྲལ་ཏོ། །   
\c 17
\cl ལེའུ་བཅུ་བདུན་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 དཱ་བིད་ཀྱིས་གོལ་ཡད་ལ་འཐབ་མོ་བྱས་པ།  
\p
\v 1 དེ་ནས་ཕེ་ལེ་ཤེད་པ་རྣམས་ཀྱིས་དམག་རྒྱག་པའི་ཕྱིར་ཡ་ཧུ་དཱ་ལ་གཏོགས་པའི་སོ་གོ་ཞེས་པའི་གྲོང་ཚོ་རུ་དམག་ཚོགས་ཐམས་ཅད་བསྡུས་ནས། སོ་གོ་གྲོང་ཚོ་དང་ཨེ་ཕེ་སི་དམ་མིམ་ཞེས་པའི་ས་ཆའི་ཨ་ཟེ་ཀཱ་གྲོང་ཚོ་གཉིས་ཀྱི་བར་དུ་དམག་སྒར་བཏབ་པ་རེད།  
\v 2 སོ་ལོ་དང་ཡེས་ར་ཨེལ་པ་རྣམས་ཀྱང་འཛོམས་ནས། ཨེ་ལཱ་ཡི་ལུང་པ་རུ་དམག་སྒར་བཏབ་སྟེ་ཕེ་ལེ་ཤེད་པ་རྣམས་ལ་གཡུལ་བཤམས་སོ། །  
\v 3 ཡང་ཕྱོགས་གཅིག་གི་རི་ལ་ཕེ་ལེ་ཤེད་པ་དང་ཕྱོགས་ཅིག་ཤོས་ཀྱི་རི་ལ་ཡེས་ར་ཨེལ་པ་བསྡད་དེ། དེ་གཉིས་ཀྱི་བར་ལ་ལུང་པ་ཞིག་ཡོད་པ་ཡིན།  
\v 4 དེ་ནས་ཕེ་ལེ་ཤེད་པའི་དམག་སྒར་ནས་གཱད་ཡུལ་གྱི་དམག་འཁྲུག་སློང་མཁན་གོལ་ཡད་ཅེས་བྱ་བ་ཐོན་ཞིང་། མི་དེའི་གཟུགས་ཀྱི་རིང་ཚད་ལ་ཁྲུ་དྲུག་དང་མཐོ་གང་ཡོད་པ་དང་།  
\v 5 མི་དེའི་མགོ་ལ་ལི་ཡི་རྨོག་དང་། ལུས་ལ་ལི་ཡི་ཁྲབ་གྱོན་ཏེ། ཁྲབ་དེའི་ལྕི་ཚད་ལ་སྲང་ལྔ་སྟོང་ཙམ་ཡོད་པ་རེད།  
\v 6 ཁོའི་རྐང་པ་ལ་ལི་ཡི་པུས་ཤུབས་དང་། དཔུང་པ་གཉིས་ཀྱི་བར་ལ་ལི་ཡི་མདུང་ཐུང་ཡོད་པ་ཡིན།  
\v 7 ཡང་དེའི་མདུང་རིང་གི་ཡུ་བ་ནི་ཤིན་ཏུ་སྦོམ་སྟེ། དབྱིབས་ནི་བཟོ་འཁོར་གྱི་སྲོག་མདའ་ལྟ་བུ་ཡོད་པ་དང་། མདུང་ལྕེའི་རྣོ་ལྕགས་ཀྱི་ལྗིད་ཚད་ནི་སྲང་དྲུག་བརྒྱ་ཡིན་ཞིང་། མི་དེའི་མདུན་དུ་ཕུབ་འཁུར་མཁན་ཞིག་ཕྱིན་ཏོ། །  
\v 8 དེ་ནས་མི་དེ་ལངས་བསྡད་ནས་ཡེས་ར་ཨེལ་གྱི་དམག་ཚོགས་འབོད་ཀྱིན་ན་རེ། ཁྱོད་ཅག་ཕྱི་རུ་འོངས་ནས་དམག་བཤམས་པ་ཅི་ཡིན། ང་ནི་ཕེ་ལེ་ཤེད་པ་དང་། ཁྱོད་ཅག་ནི་སོ་ལོའི་ཞབས་ཕྱི་མ་ཡིན་ནམ། ཁྱོད་རྣམས་ལས་མི་ཞིག་འདེམས་ནས་ངའི་མདུན་ལ་མར་འོང་དུ་ཆུག་ཅིག  
\v 9 གལ་ཏེ་ཁོས་ང་དང་འཐབ་ནས་ང་བསད་ན། ང་ཚོ་ཁྱོད་ཅག་གི་གཡོག་པོ་བྱེད་པར་བྱ། གལ་ཏེ་ང་ཁོ་ལས་རྒྱལ་ཏེ་ཁོ་བསད་ན་ཁྱོད་རྣམས་ང་ཚོའི་གཡོག་པོ་བྱེད་པར་འགྱུར་ཞིང་། ཁྱོད་ཚོས་ངེད་ཅག་ལ་ཞབས་ཕྱི་བྱེད་པར་འགྱུར་ཞེས་སྨྲས།  
\v 10 ཡང་ཕེ་ལེ་ཤེད་པ་དེ་ན་རེ། དེ་རིང་ངས་ཡེས་ར་ཨེལ་གྱི་དམག་དཔུང་ལ་སྨད་པ་ཡིན། མི་ཞིག་ཐོངས་དང་ཕྱོགས་གཉིས་ཀྱིས་འཐབ་པར་བྱ་ཞེས་སྨྲས་པས།  
\v 11 སོ་ལོ་དང་ཡེས་ར་ཨེལ་པ་ཐམས་ཅད་ཀྱིས་གཏམ་དེ་ཐོས་པ་ཙམ་གྱིས་སྙིང་སྟོབས་ཉམས་ཏེ་ཤིན་ཏུ་འཇིགས་སོ། །   
\p
\v 12 དཱ་བིད་ནི་ཡ་ཧུ་དཱ་ཡུལ་གྱི་པེད་ལེ་ཧེམ་གྲོང་རྡལ་ནས་ཡིན་པའི་ཨེབ་རཱད་པ་ཡེ་སེ་ཞེས་པ་དེའི་བུ་ཡིན་ལ། ཡེ་སེ་ལ་བུ་བརྒྱད་ཡོད་པ་དང་། སོ་ལོའི་དུས་སུ་ཡེ་སེ་ནི་རྒན་པའི་ཁྲོད་དུ་བརྩིས་སོ། །  
\v 13 ཡེ་སེ་ཡི་བུ་ཆེ་བ་གསུམ་ནི་སོ་ལོའི་རྗེས་སུ་དམག་ཏུ་སོང་ཞིང་། དེ་གསུམ་པོ་ལས་བུ་སྐྱེས་འགོའི་མིང་ལ་ཨེ་ལི་ཨབ་དང་། བུ་གཉིས་པའི་མིང་ལ་ཨ་བི་ནཱ་དབ་དང་། བུ་གསུམ་པའི་མིང་ལ་ཤམ་མཱ་ཞེས་ཟེར།  
\v 14 དཱ་བིད་ནི་བུ་ཐམས་ཅད་ལས་ཆུང་བ་ཡིན་ཞིང་། ཕུ་བོ་ཆེ་བ་གསུམ་སོ་ལོའི་རྗེས་སུ་ཕྱིན་པ་རེད།  
\v 15 དཱ་བིད་སྐབས་རེར་སོ་ལོ་དང་ཁ་བྲལ་ཏེ་པེད་ལེ་ཧེམ་དུ་རང་གི་ཕ་ཡི་ལུག་ཁྱུ་འཚོ་བར་སོང་།  
\v 16 ཡང་ཕེ་ལེ་ཤེད་པ་ཁོ་རང་ནངས་དགོང་གཉིས་ཀར་འོངས་ཏེ་ཉིན་བཞི་བཅུའི་བར་དུ་རང་གི་རྩལ་བསྟན་ཏོ། །   
\p
\v 17 དེ་ནས་ཡེ་སེ་ཡིས་རང་གི་བུ་དཱ་བིད་ལ་ཁྱོད་རང་དམག་སྒར་དུ་སོང་ཞིག གྲོ་ཡོས་ཨེ་ཕཱ་གཅིག་དང་བག་ལེབ་བཅུ་པོ་འདི་ཁྱེར་ནས་དེ་དག་ཁྱོད་ཀྱི་ཕུ་བོ་རྣམས་ལ་སྤྲོད་ཅིག  
\v 18 ཡང་དེ་དག་གི་སྟོང་དཔོན་ལ་འོ་ཐུད་བཅུ་པོ་འདི་ཁྱེར་ཏེ། སྤུན་ཟླ་རྣམས་ཀྱི་གནས་ཚུལ་ལ་བལྟས་ནས་དེ་དག་གི་ཕྱོགས་ནས་རྟགས་ཤིག་འཁྱེར་ཤོག་ཅེས་ཟེར་བའི་སྐབས་སུ།  
\v 19 སོ་ལོ་དང་དཱ་བིད་ཀྱི་ཕུ་བོ་གསུམ་པོ་དང་ཡེས་ར་ཨེལ་པ་ཐམས་ཅད་ཕེ་ལེ་ཤེད་པ་རྣམས་དང་འཐབ་ཕྱིར་ཨེ་ལཱ་ཞེས་པའི་ལུང་པར་བསྡད་ཡོད་པ་རེད།  
\v 20 དཱ་བིད་ནངས་སྔ་མོ་ལངས་ནས་ལུག་ཁྱུ་ནི་སྲུང་མཁན་ཞིག་ལ་བཅོལ་ཏེ། ཡེ་སེའི་བཀའ་བཞིན་དུ་རྒྱགས་ཆས་ཁུར་ནས་སོང་བ་དང་། དམག་སྒར་དུ་སླེབས་པའི་ཚེ་དམག་ཚོགས་ནི་གཡུལ་ས་རུ་འགྲོ་ཞིང་གད་རྒྱངས་བསྒྲགས་སོ། །  
\v 21 ཡེས་ར་ཨེལ་དང་ཕེ་ལེ་ཤེད་པ་གཉིས་ཀྱིས་ཕན་ཚུན་ཁ་གཏད་དུ་དམག་བཤམས་པ་རེད།  
\v 22 དེ་ནས་དཱ་བིད་ཀྱིས་རང་གི་རྒྱགས་ནི་སྲུང་དམག་གི་ལག་ཏུ་བཞག་སྟེ། གཡུལ་ས་རུ་བརྒྱུགས་ཤིང་སྤུན་ཟླ་རྣམས་ལ་ཁམས་འདྲི་བྱས་ནས།  
\v 23 དེ་དག་དང་མཉམ་དུ་གཏམ་བྱས་པ་ལ། དམག་ཚོགས་ཀྱི་ནང་ནས་གཱད་ཡུལ་གྱི་ཕེ་ལེ་ཤེད་པ་གོལ་ཡད་ཅེས་བྱ་བའི་དམག་འཁྲུག་སློང་མཁན་དེ་ཐོན་ནས་སྔར་བཞིན་གཏམ་སྨྲས་པ་དཱ་བིད་ཀྱིས་ཐོས།  
\v 24 ཡང་ཡེས་ར་ཨེལ་པ་རྣམས་ཀྱིས་མི་དེ་མཐོང་བའི་ཚེ་ཤིན་ཏུ་འཇིགས་ཤིང་དེའི་མདུན་ནས་བྲོས་སོ། །  
\v 25 དེ་ནས་ཡེས་ར་ཨེལ་པ་རྣམས་ཀྱིས། ཡར་འོང་བའི་མི་དེ་མཐོང་ངམ། མི་དེ་ནི་ཡེས་ར་ཨེལ་ལ་སྨད་པའི་ཕྱིར་འོང་བར་ངེས། སུ་ཞིག་གིས་མི་དེ་བསད་ན། དེ་ལ་རྒྱལ་པོས་རྒྱུ་ནོར་མང་པོ་དང་ཉིད་ཀྱི་སྲས་མོ་གནང་ཞིང་། དེའི་ཕ་ཡི་ཁྱིམ་ལ་ཁྲལ་མི་འཕོག་པར་བྱ་ཞེས་པ་ཐོས་པས།  
\v 26 དཱ་བིད་ཀྱིས་རང་གི་གམ་དུ་ཡོད་པའི་མི་དེ་དག་ལ། ཕེ་ལེ་ཤེད་པ་བསད་ནས་ཡེས་ར་ཨེལ་གྱི་ངོ་ཚ་འདི་མེད་པར་གཏོང་མཁན་ལ་ཇི་ལྟར་བྱ་འོས། གཏན་དུ་གསོན་པོར་བཞུགས་པའི་དཀོན་མཆོག་ཁོང་གི་དམག་དཔུང་ལ་སྨད་པའི་ཕེ་ལེ་ཤེད་པ་མཚན་སྐྱི་མ་བཅད་པ་འདི་སུ་ཡིན་ཞེས་སྨྲས་པའི་ལན་དུ།  
\v 27 མི་རྣམས་ཀྱིས་སྔར་སྨྲས་པའི་གཏམ་བཞིན་ཁོ་ལ། ཕེ་ལེ་ཤེད་པ་གསོད་པའི་མི་ལ་འདི་དང་འདི་བྱའོ་ཞེས་སྨྲས་སོ། །   
\p
\v 28 དཱ་བིད་ཀྱི་ཕུ་བོ་ཨེ་ལི་ཨབ་ཀྱིས་ཁོས་མི་རྣམས་དང་གཏམ་བྱེད་པ་ཐོས་པས། དཱ་བིད་ལ་ཁོང་ཁྲོ་ལངས་ནས། ཁྱོད་ཅིའི་ཕྱིར་མར་འོངས་པ་ཡིན། དབེན་སྟོང་དུ་ཡོད་པའི་ལུག་ཉུང་ཉུང་དེ་སུ་ལ་བཅོལ་ཡོད་དམ། ངས་ཁྱོད་ནི་ང་རྒྱལ་ཆེ་བ་དང་ཁྱོད་ཀྱིས་ངན་སེམས་ཅི་ལྟ་བུ་བཅངས་ཡོད་པ་ཤེས་ཏེ། དམག་འཁྲུག་མཐོང་བའི་ཆེད་དུ་ཁྱོད་མར་འོངས་པ་རེད་ཅེས་སྨྲས།  
\v 29 དེའི་ལན་དུ་དཱ་བིད་ཀྱིས། ད་ལྟ་ངས་ཅི་བྱས་སམ། སྐད་ཆ་ཚིག་གཅིག་ཀྱང་བརྗོད་མི་རུང་ངམ་ཞེས་སྨྲས་པ་དང་།  
\v 30 དེ་དང་བྲལ་ནས་མི་གཞན་སྐོར་ཞིག་ལ་སྔར་བཞིན་གཏམ་བྱས་པས། དེ་དག་གིས་སྔར་བཞིན་ལན་བཏབ་བོ། །   
\p
\v 31 དཱ་བིད་ཀྱིས་སྨྲས་པའི་གཏམ་ཐོས་ནས་དེ་དག་གིས་སོ་ལོ་ལ་ཞུས་པས། དེས་ཁོ་རང་འབོད་པར་མི་ཞིག་མངགས།  
\v 32 དེ་ནས་དཱ་བིད་ཀྱིས་སོ་ལོ་ལ། མི་སུ་ཡིན་ཡང་སེམས་མ་ཕམ་ཞིག ཁྱེད་ཀྱི་ཞབས་ཕྱི་ང་རང་དེར་སོང་ནས་ཕེ་ལེ་ཤེད་པ་དེ་དང་འཐབ་པར་བྱ་ཞེས་ཞུས་པས།  
\v 33 སོ་ལོས་དཱ་བིད་ལ། ཁྱོད་ཕེ་ལེ་ཤེད་པ་དེ་དང་འཐབ་པའི་ཕྱིར་འགྲོ་མི་ནུས། ཁྱོད་ནི་ལོ་ན་གཞོན་ཞིང་། ཁོ་ནི་ཆུང་ངུ་ནས་དམག་རྩལ་ཅན་ཡིན་ནོ་ཞེས་སྨྲས་ནས།  
\v 34 དཱ་བིད་ཀྱིས་སོ་ལོ་ལ། ཁྱེད་ཀྱི་ཞབས་ཕྱི་བདག་གིས་ཕ་ཡི་ལུག་ཁྱུ་སྲུང་བའི་ཚེ། སེང་གེ་དང་དོམ་སོ་སོར་འོངས་ཏེ་ལུག་ཁྱུ་ལས་ལུ་གུ་ཁྱེར་ཐེངས་རེར།  
\v 35 བདག་ནི་རྗེས་སུ་དེད་ཅིང་དེར་བརྡུངས་ཏེ་གཅན་གཟན་དེའི་ཁ་ནས་ལུ་གུ་བསྐྱབས་པ་ཡིན། ཡང་གཅན་གཟན་དེ་བདག་གི་མདུན་དུ་ཀེར་གྱིས་ལངས་པས། བདག་གིས་དེའི་ཁ་སྤུ་ནས་བཟུང་ཞིང་བརྡུངས་ནས་བསད་པ་ཡིན།  
\v 36 ཁྱེད་ཀྱི་ཞབས་ཕྱི་བདག་གིས་སེང་གེ་དང་དོམ་གཉིས་བསད་པ་ལྟར། མཚན་སྐྱི་མ་བཅད་པའི་ཕེ་ལེ་ཤེད་པ་དེ་ཡང་དེ་དང་འདྲ་བར་འགྱུར། གང་ལ་ཞེ་ན། མི་དེས་གཏན་དུ་གསོན་པོར་བཞུགས་པའི་དཀོན་མཆོག་གི་དམག་དཔུང་ལ་སྨད་པས་སོ་ཞེས་སྨྲས།  
\v 37 ཡང་དཱ་བིད་ཀྱིས། དཀོན་མཆོག་ཡ་ཝཱེས་བདག་ནི་སེང་གེ་དང་དོམ་གཉིས་ཀྱི་ལག་ནས་བསྒྲལ་བ་ལྟར། ཕེ་ལེ་ཤེད་པ་འདིའི་ལག་ནས་ཀྱང་སྒྲོལ་བར་འགྱུར་ཞེས་ཞུས་པས། སོ་ལོས་དཱ་བིད་ལ། ད་སོང་ཞིག དཀོན་མཆོག་ཡ་ཝཱེ་ཁྱོད་དང་མཉམ་དུ་བཞུགས་པར་གྱུར་ཅིག་ཅེས་བསྐུལ་ནས།  
\v 38 སོ་ལོས་དཱ་བིད་ལ་རང་གི་གོས་བསྐོན་ཏེ། ལི་ཡི་རྨོག་མགོ་ལ་བཞག་ནས་ཁྲབ་ཀྱང་བསྐོན་ཏོ། །  
\v 39 དེ་ནས་དཱ་བིད་ཀྱིས་གོས་དེའི་སྟེང་དུ་རལ་གྲི་བཏེགས་ནས་འགྲོ་ཐུབ་མིན་ལ་བལྟས་ཙ་ན། སྔར་ནས་གྱོན་པར་གོམས་མེད་པས། དཱ་བིད་ཀྱིས་སོ་ལོ་ལ། སྔར་ནས་གྱོན་པར་གོམས་མེད་པས་ང་བགྲོད་པར་མི་ནུས་ཞེས་ཞུས་པས་དཱ་བིད་ཀྱིས་དེ་རྣམས་ཕུད་པ་རེད།  
\v 40 དེ་ནས་ཁོས་རང་གི་དབྱུག་པ་ལག་པར་བཟུང་ཞིང་། གྲམ་པ་ནས་རྡོ་འཇམ་པོ་ལྔ་བདམས་ཏེ། རང་ལ་ཡོད་པའི་ལུག་རྫིའི་བྲོ་ཁུག་གི་ནང་དུ་བཞག་པ་དང་ལག་ཏུ་འུར་ཆ་བཟུང་སྟེ་ཕེ་ལེ་ཤེད་པ་དང་ཉེ་བར་ཕྱིན།  
\v 41 ཕེ་ལེ་ཤེད་པ་ཡང་འོངས་ནས་དཱ་བིད་དང་ཉེ་བར་སླེབས་པ་དང་། ཕུབ་འཁུར་བའི་མི་དེ་ཁོའི་མདུན་དུ་སོང་།  
\v 42 ཕེ་ལེ་ཤེད་པས་ཕར་བལྟས་པའི་ཚེ། དཱ་བིད་ནི་བྱད་གཟུགས་ལེགས་ཤིང་ངོ་མདངས་དམར་བའི་གཞོན་ནུ་ཞིག་ཡིན་པ་མཐོང་བས་དེ་ལ་སྨད་པ་བཏང་།  
\v 43 དེ་ནས་ཕེ་ལེ་ཤེད་པས་དཱ་བིད་ལ། བེར་ཀ་ཁུར་ནས་ངའི་མདུན་དུ་འོང་དོན་ཅི་ཡིན། ང་ཁྱི་ཡིན་ནམ་ཞེས་སྨྲས་ཤིང་། ཕེ་ལེ་ཤེད་པས་རང་གི་ལྷའི་མིང་བརྗོད་ནས་དཱ་བིད་ལ་དམོད་མོ་བཏབ་པ་རེད།  
\v 44 དེ་ནས་ཕེ་ལེ་ཤེད་པས་དཱ་བིད་ལ། ངའི་མདུན་དུ་ཤོག་དང་། ངས་ཁྱོད་ཀྱི་ཤ་ནམ་མཁའི་བྱ་དང་ཐང་གི་གཅན་གཟན་རྣམས་ལ་གཏོང་ངོ་ཞེས་པའི་ལན་དུ།  
\v 45 དཱ་བིད་ཀྱིས་ཕེ་ལེ་ཤེད་པ་ལ། ཁྱོད་ནི་རལ་གྲི་དང་མདུང་རིང་ཐུང་ཐོགས་ནས་ངའི་རྩར་འོངས་པ་དང་། ང་ནི་དཔུང་ཚོགས་ཀུན་གྱི་དཀོན་མཆོག་ཡ་ཝཱེ་སྟེ། ཁྱོད་ཀྱིས་སྨད་པའི་ཡེས་ར་ཨེལ་གྱི་དམག་ཚོགས་ཀྱི་འགོ་འདྲེན་ལགས་པ་དཀོན་མཆོག་གི་མཚན་ལ་བརྟེན་ནས་ཁྱོད་ཀྱི་མདུན་དུ་འོངས་པ་ཡིན།  
\v 46 དེ་རིང་ཉིན་མོར་དཀོན་མཆོག་ཡ་ཝཱེས་ཁྱོད་ནི་ངའི་ལག་ཏུ་སྤྲད་པ་སྟེ། ངས་ཁྱོད་བསད་ནས་ཁྱོད་ཀྱི་མགོ་གཅོད་པར་བྱ། ཡང་ཕེ་ལེ་ཤེད་པའི་དམག་ཚོགས་ཀྱི་རོ་ཐམས་ཅད་དེ་རིང་ཉིན་མོར་ནམ་མཁའི་བྱ་དང་ས་གཞིའི་གཅན་གཟན་རྣམས་ལ་གཏོང་བར་བྱ། ཡེས་ར་ཨེལ་གྱི་ནང་དཀོན་མཆོག་ཅིག་ཡོད་པ་ས་གཞི་འདི་ཐམས་ཅད་ལ་མངོན་པར་འགྱུར།  
\v 47 ཡང་དཀོན་མཆོག་ཡ་ཝཱེའི་རྒྱལ་ཁ་ནི་རལ་གྲིའམ་མདུང་ལ་རག་མི་ལས་པ་ནི་འདི་རུ་འཛོམས་པའི་མི་ཚོགས་ཐམས་ཅད་ཀྱིས་ཤེས་པར་འགྱུར། འཐབ་འཁྲུག་གི་རྒྱལ་ཁ་འདི་དཀོན་མཆོག་ཡ་ཝཱེའི་ཡིན་པས། ཁོང་གིས་ཁྱོད་རྣམས་ང་ཚོའི་ལག་ཏུ་སྤྲོད་པར་འགྱུར་ཞེས་སྨྲས་པ་དང་།  
\v 48 ཕེ་ལེ་ཤེད་པ་ལངས་ནས་ཚུར་འོངས་ཏེ་དཱ་བིད་དང་ཉེ་བར་ཐུག་ལ་ཁད་དུ། དཱ་བིད་མྱུར་བར་ཕར་ཕེ་ལེ་ཤེད་པའི་ཕྱོགས་སུ་ཤོར་ཅིང་གཡུལ་སར་བརྒྱུགས་ནས།  
\v 49 རང་གི་བྲོ་ཁུག་ནང་དུ་ལག་པ་བཏང་ཞིང་རྡོ་བ་ཞིག་བླངས་ཏེ་འུར་ཆར་བཞག་སྟེ་བརྒྱབ་ནས་ཕེ་ལེ་ཤེད་པའི་དཔྲལ་བར་ཕོག་ཅིང་། རྡོ་དེ་དཔྲལ་བའི་ནང་དུ་ཟུག་པ་དང་ཕེ་ལེ་ཤེད་པ་ཁ་སྦུབ་ཏུ་འགྱེལ་ཏོ། །  
\v 50 དེ་ལྟར་དཱ་བིད་ཀྱིས་འུར་ཆ་དང་རྡོ་ཡིས་བརྒྱབ་ཅིང་ཁོ་རང་ཕེ་ལེ་ཤེད་པ་དེ་ལས་དཔའ་ཞིང་རྟུལ་ཕོད་ཆེ་བས་ཕེ་ལེ་ཤེད་པར་བརྡུངས་ཏེ་བསད་པ་དང་། དཱ་བིད་ཀྱི་ལག་ཏུ་རལ་གྲི་མེད་པ་རེད།  
\v 51 དཱ་བིད་རྒྱུག་སོང་ནས་ཕེ་ལེ་ཤེད་པ་དེའི་གམ་དུ་ལངས་ཏེ། དེའི་རལ་གྲི་ཤུབས་ནས་ཕྱུང་ཞིང་དེ་བསད་ནས་མགོ་བཅད། ཕེ་ལེ་ཤེད་པ་རྣམས་ཀྱིས་ཁོ་ཚོའི་གྱད་པ་དེ་ཤི་ཟིན་པ་མཐོང་བས་བྲོས་སོ། །  
\v 52 དེ་ནས་ཡེས་ར་ཨེལ་པ་རྣམས་དང་ཡ་ཧུ་དཱ་པ་རྣམས་ལངས་ནས་འབོད་སྐད་བསྒྲགས་ཤིང་། ལུང་པ་ཞིག་ \f + \ft གནའ་བོའི་མ་ཕྱི་ལ་ལར་ལུང་པ་ཞིག་ཅེས་པའི་ཚབ་ཏུ་གཱད་ཐི་ཞེས་བྲིས་ཡོད།\f*དང་ཨེག་རོན་གྲོང་ཁྱེར་གྱི་རྒྱ་སྒོར་སླེབས་པའི་བར་དུ་ཕེ་ལེ་ཤེད་པའི་རྗེས་དེད། ཕེ་ལེ་ཤེད་པ་སྣད་པོ་རྣམས་ནི་ཤ་ཨ་ར་ཡིམ་ནས་གཱད་དང་ཨེག་རོན་བཅས་ཀྱི་བར་དུ་ལྷུང་ངོ་། །  
\v 53 དེ་ནས་ཡེས་ར་ཨེལ་པ་རྣམས་ཕེ་ལེ་ཤེད་པའི་རྗེས་དེད་ནས་ཕྱིར་ལོག་སྟེ། དེ་རྣམས་ཀྱི་དམག་སྒར་ཐམས་ཅད་བཤིག་ཅིང་ནོར་རྫས་ཁྱེར་བ་རེད།  
\v 54 དེ་ནས་དཱ་བིད་ཀྱིས་ཕེ་ལེ་ཤེད་པའི་མགོ་བླངས་ཏེ་ཡེ་རུ་སཱ་ལེམ་དུ་ཁྱེར་ཡང་དེའི་གོ་མཚོན་ནི་རང་གི་གུར་དུ་བཞག་གོ །   
\p
\v 55 སྔར་སོ་ལོས་དཱ་བིད་ཕེ་ལེ་ཤེད་པ་དང་འགྲན་པའི་ཕྱིར་འགྲོ་བ་མཐོང་བའི་ཚེ། དམག་དཔོན་ཨབ་ནེར་ཞེས་པ་དེ་ལ། ཀྱེ་ཨབ་ནེར། གཞོན་ནུ་དེ་ནི་སུའི་བུ་ཡིན་ཞེས་དྲིས་པའི་ལན་དུ་ཨབ་ནེར་གྱིས། ཀྱེ་རྒྱལ་པོ་ལགས། ངས་ཁྱེད་ཀྱི་མདུན་དུ་དམ་བཅའ་བར་བྱ་སྟེ་ངས་གཏན་ནས་མི་ཤེས་ཞུས་པས།  
\v 56 རྒྱལ་པོས་གཞོན་ནུ་དེ་སུའི་བུ་ཡིན་པ་དྲིས་ཤིག་ཅེས་སྨྲས་པས།  
\v 57 དཱ་བིད་ཀྱིས་ཕེ་ལེ་ཤེད་པ་བསད་ནས་ཕྱིར་སླེབས་ཤིང་། ཁོའི་ལག་ཏུ་ཕེ་ལེ་ཤེད་པའི་མགོ་བཟུང་ཡོད་ལ། ཨབ་ནེར་གྱིས་དཱ་བིད་ཁྲིད་ནས་སོ་ལོའི་དྲུང་དུ་ཕྱིན།  
\v 58 དེ་ནས་སོ་ལོས་ཁོ་ལ། ཀྱེ་གཞོན་ནུ། ཁྱོད་སུའི་བུ་ཡིན་ནམ་ཞེས་པའི་ལན་དུ་དཱ་བིད་ཀྱིས། བདག་ནི་པེད་ལེ་ཧེམ་ནས་ཡིན་པའི་ཁྱེད་ཀྱི་ཞབས་ཕྱི་ཡེ་སེའི་བུ་ཡིན་ཞེས་ཞུས་སོ། །   
\c 18
\cl ལེའུ་བཅོ་བརྒྱད་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 སོ་ལོས་དཱ་བིད་ལ་ཕྲག་དོག་བྱས་པ།  
\p
\v 1 དེ་ཡང་དཱ་བིད་ཀྱིས་སོ་ལོ་དང་གཏམ་སྨྲས་ཚར་བ་ན། སོ་ལོའི་སྲས་ཡོ་ནཱ་ཐན་གྱི་སེམས་ནི་དཱ་བིད་ཀྱི་སེམས་དང་འདྲིས་པ་དང་། ཡོ་ནཱ་ཐན་གྱིས་དཱ་བིད་ལ་རང་གི་སྲོག་དང་འདྲ་བར་བྱམས་པོ་བྱས།  
\v 2 ཉིན་དེ་ལ་སོ་ལོས་དཱ་བིད་རང་གི་ཞབས་ཕྱི་པར་བསྐོས་ཏེ་ཕ་གཞིས་སུ་ཕྱིར་ལོག་ཏུ་མ་བཅུག་པ་དང་།  
\v 3 ཡོ་ནཱ་ཐན་གྱིས་དཱ་བིད་ལ་རང་དང་འདྲ་བར་བྱམས་པས་ཁོ་དང་མཉམ་དུ་ཁ་ཆད་བཞག་ཅིང་།  
\v 4 ཡོ་ནཱ་ཐན་གྱིས་རང་གི་ཕྱི་གོས་དང་གོ་མཚོན་དང་རལ་གྲི་དང་གཞུ་དང་སྐ་རགས་བཅས་དཱ་བིད་ལ་སྤྲད།  
\v 5 སོ་ལོས་དཱ་བིད་གང་དུ་མངགས་ཀྱང་ཁོ་དེར་འགྲོ་ཞིང་བྱ་བ་ཐམས་ཅད་འཇོན་པས། སོ་ལོས་དེ་ནི་དམག་དཔུང་གི་འགོ་དཔོན་དུ་བསྐོས་ནས་འབངས་མི་ཐམས་ཅད་དང་སོ་ལོའི་བློན་འཁོར་རྣམས་དེའི་ཕྱིར་ཤིན་ཏུ་དགའ་བར་གྱུར།  
\v 6 ཡང་དཱ་བིད་ཀྱིས་ཕེ་ལེ་ཤེད་པ་དེ་བསད་ནས་འཁོར་དང་བཅས་པ་ཕྱིར་ལོག་པའི་ཚེ། རྒྱལ་པོ་སོ་ལོ་བསུ་བའི་ཕྱིར་ཡེས་ར་ཨེལ་གྱི་གྲོང་ཁྱེར་སོ་སོ་ནས་བུད་མེད་རྣམས་དགའ་དགའ་སྤྲོ་སྤྲོའི་ངང་གླུ་ལེན་གར་རྩེད་དང་སིལ་རྔ་བརྡུངས་པ་བཅས་རོལ་ཆ་གཞན་རྣམས་ཁུར་ནས་འོངས་ཏེ།  
\v 7 བུད་མེད་རྣམས་ཀྱིས་གར་འཆམ་བཞིན་འདི་ལྟར།  
\q1 སོ་ལོ་ཡིས་བསད་པ་སྟོང་ཕྲག་སྟེ། །  
\q1 དཱ་བིད་ཀྱིས་བསད་པ་ཁྲི་ཕྲག་གོ །  
\m ཅེས་གླུ་བླངས་སོ། །  
\v 8 དེ་ནས་སོ་ལོ་ཤིན་ཏུ་ཁྲོས་ཤིང་གླུ་དེ་ལ་མ་དགའ་བར་དཱ་བིད་ཀྱིས་མི་ཁྲི་ཕྲག་བསད་ཀྱང་ངས་སྟོང་ཕྲག་གཅིག་འབའ་ཞིག་བསད། དེ་བས་ལྷག་པ་ཞིག་ཅི་ལུས་ཏེ་རྒྱལ་སྲིད་འབའ་ཞིག་ལུས་ཞེས་སྨྲས།  
\v 9 ཉིན་དེ་ནས་བཟུང་སོ་ལོ་ནི་དཱ་བིད་ལ་ཕྲག་དོག་སྐྱེས་པ་རེད།  
\v 10 ཕྱི་ཉིན་ཞོགས་པར་དཀོན་མཆོག་གི་གམ་ནས་བྱུང་བའི་སེམས་ཉིད་ངན་པ་དེ་སོ་ལོའི་སྟེང་དུ་བབས་པས་ཁོས་ཁྱིམ་དུ་གང་བྱུང་སྨྲས། སྐབས་དེར་དཱ་བིད་ཀྱིས་ཉིན་བཞིན་སྒྲ་སྙན་དཀྲོལ་ཞིང་སོ་ལོའི་ལག་ཏུ་མདུང་ཡོད་པ་དང་།  
\v 11 སོ་ལོས་མདུང་དེ་གཡུགས་ནས་ངས་དཱ་བིད་གྱང་ངོར་སྦྱོར་བར་བྱ་བསམས་པ་ན། དཱ་བིད་ཐེངས་གཉིས་ལ་གཡོལ་བ་རེད།  
\v 12 དཀོན་མཆོག་ཡ་ཝཱེ་ནི་དཱ་བིད་དང་མཉམ་དུ་བཞུགས་ཤིང་སོ་ལོ་དང་ཁ་བྲལ་བས་སོ་ལོ་ཁོ་ལ་འཇིགས་ཏེ།  
\v 13 དཱ་བིད་རང་གི་དྲུང་ནས་བཏང་སྟེ་སྟོང་དཔོན་བྱེད་དུ་བཅུག་ཅིང་དེ་ནས་དཱ་བིད་ཀྱིས་མི་ཚོགས་ཁྲོད་དུ་འགྲོ་འོང་བྱས།  
\v 14 བྱ་བ་ཐམས་ཅད་ལམ་ལྷོང་བྱུང་། གང་ལ་ཞེ་ན། དཀོན་མཆོག་ཡ་ཝཱེ་ཁོ་དང་མཉམ་དུ་བཞུགས་པས་སོ། །  
\v 15 སོ་ལོས་ཁོའི་སྤྱོད་ཚུལ་ལས་ཁོ་ནི་ཤིན་ཏུ་བློ་རིག་ཅན་ཞིག་ཡིན་པ་ཤེས་ཏེ་འཇིགས་པ་རེད།  
\v 16 དཱ་བིད་ཀྱིས་ཡེས་ར་ཨེལ་པ་དང་ཡ་ཧུ་དཱ་པ་ཐམས་ཅད་ཁྲོད་དུ་འགྲོ་འོང་བྱས་པས་དེ་དག་གིས་ཁོ་གཅེས་སུ་བཟུང་ངོ་། །   
\s1 དཱ་བིད་ནི་སོ་ལོའི་སྲས་མོར་གཉེན་བསྒྲིགས་པ།  
\p
\v 17 དེ་ནས་སོ་ལོས་དཱ་བིད་ལ། ངས་བུ་མོ་ཆེ་བ་མེ་རཱབ་བྱ་བ་ནི་ཁྱོད་ཀྱི་ཆུང་མར་གཏོང་བར་བྱ། ཁྱོད་ནི་ང་ཡི་ཕྱིར་དུ་དཔའ་རྩལ་ཅན་ཡིན་ཏེ། དཀོན་མཆོག་ཡ་ཝཱེའི་དོན་དུ་འཐབ་འཛིང་བྱོས་ཤིག་ཅེས་སྨྲས་ཤིང་། སོ་ལོའི་སེམས་སུ་ང་རང་གི་ལག་པ་ཁོ་ལ་མི་འཕོག་པར་ཕེ་ལེ་ཤེད་པའི་ལག་པ་ཁོ་ལ་འཕོག་པར་གྱུར་ཅིག་ཅེས་དྲན་ནོ། །  
\v 18 ཡང་དཱ་བིད་གྱིས་སོ་ལོ་ལ། བདག་གི་གཉེན་དང་བདག་གི་མེས་པོའི་ཁྱིམ་རྒྱུད་ནི་ཡེས་ར་ཨེལ་གྱི་ཁྲོད་དུ་གོ་ཐོབ་ཅན་ཞིག་མིན་པས་བདག་རྒྱལ་པོའི་མག་པར་ཅི་ལྟར་འགྱུར་རམ་ཞེས་ཞུས།  
\v 19 ཡང་སོ་ལོའི་སྲས་མོ་མེ་རཱབ་ཅེས་པ་དཱ་བིད་ལ་ཆུང་མར་གཏོང་བའི་དུས་སུ་སླེབས་པའི་ཚེ། སྲས་མོ་དེ་ནི་མེ་ཧོ་ལད་པ་ཨད་རི་ཨེལ་བྱ་བ་དེ་ལ་ཆུང་མར་བཏང་ངོ་། །  
\v 20 ཡང་སོ་ལོའི་སྲས་མོ་མི་ཀལ་ནི་དཱ་བིད་ལ་ཆགས་སོ་ཞེས་པའི་གཏམ་སོ་ལོ་ལ་སྨྲས་པས་ཁོ་དགའ་སྟེ།  
\v 21 བུ་མོ་དེ་ཁོའི་ཕྱིར་རྙི་ལྟ་བུར་འགྱུར་ཡོང་བསམས་ནས་ཕེ་ལེ་ཤེད་པའི་ལག་པ་ཁོ་ལ་འཕོག་ཕྱིར་བུ་མོ་དེ་ཁོ་ལ་གཏོང་བར་བྱ་བསམས་པས། སོ་ལོས་དཱ་བིད་ལ་དེ་རིང་ཁྱོད་ལན་གཉིས་པར་ངའི་མག་པ་རུ་འགྱུར་ཞེས་སྨྲས་སོ། །  
\v 22 སོ་ལོས་རང་གི་བློན་འཁོར་རྣམས་ལ་བཀའ་གནང་སྟེ་ན་རེ། ཁྱོད་ཅག་གིས་ཟུར་དུ་དཱ་བིད་ལ་གཏམ་འདི་ལྟར་བྱོས་ཤིག རྒྱལ་པོ་ཁྱོད་ལ་དགའ་ཞིང་ཁོང་གི་བློན་འཁོར་ཐམས་ཅད་ཀྱང་ཁྱོད་ལ་ཆགས་པས། ད་ལྟ་རྒྱལ་པོའི་མག་པར་གྱུར་ཅིག་ཅེས་ཟེར་རུང་ཞེས་སྨྲས་པ་དང་།  
\v 23 སོ་ལོའི་བློན་འཁོར་རྣམས་ཀྱིས་དེ་བཞིན་དུ་དཱ་བིད་ཀྱི་རྣ་བར་གཏམ་རྣམས་སྨྲས་པས། དཱ་བིད་ཀྱིས་ཁྱོད་ཅག་གིས་རྒྱལ་པོའི་མག་པར་འགྱུར་བ་ནི་ལས་སླ་མོ་ཡིན་པར་འདོད་དམ། ང་ནི་དབུལ་ཞིང་མཚན་སྙན་གྲགས་མེད་པ་ཞིག་ཡིན་ཞེས་སྨྲས་ཤིང་།  
\v 24 བློན་འཁོར་རྣམས་ཀྱིས་སོ་ལོ་ལ་དཱ་བིད་ཀྱིས་སྨྲས་པ་ལྟར་བཤད་དོ། །  
\v 25 སོ་ལོ་ན་རེ། ཁྱོད་ཅག་གིས་དཱ་བིད་ལ་འདི་ལྟར། རྒྱལ་པོ་ནི་རྒྱུ་ནོར་ལ་མི་དགའ་བར་རང་གི་དགྲ་བོ་ལ་ཡ་ལན་སློག་པའི་ཕྱིར་ཕེ་ལེ་ཤེད་པའི་མཚན་སྐྱི་བརྒྱ་ལ་དགའ་བ་རེད་སྨྲོས་ཤིག་ཅེས་སྨྲས། མ་གཞི་སོ་ལོས་དཱ་བིད་ནི་ཕེ་ལེ་ཤེད་པའི་ལག་ནས་འཆི་བར་འགྱུར་རོ་བསམས་པ་རེད།  
\v 26 གཏམ་དེ་ནི་བློན་འཁོར་རྣམས་ཀྱིས་དཱ་བིད་ལ་སྨྲས་པས་ཁོ་རྒྱལ་པོའི་མག་པར་འགྱུར་བ་ལ་ཤིན་ཏུ་དགའ་བར་གྱུར། གཏན་འཁེལ་གྱི་ཉིན་མོར་མ་སླེབས་པས།  
\v 27 དཱ་བིད་ཁོ་རང་དང་ཁོའི་མི་རྣམས་ལངས་ནས་སོང་བ་དང་ཕེ་ལེ་ཤེད་པ་མི་ཉིས་བརྒྱ་བསད་དེ་ཁོ་ཚོའི་མཚན་སྐྱི་བཅད་ནས། དཱ་བིད་རྒྱལ་པོའི་མག་པར་འགྱུར་ཕྱིར་ཁོས་དེ་རྣམས་ཁ་ཚང་རྒྱལ་པོ་ལ་ཕུལ་ཞིང་། སོ་ལོས་རང་གི་སྲས་མོ་མི་ཀལ་ཞེས་པ་ཁོ་ལ་ཆུང་མར་བཏང་ངོ་། །  
\v 28 ཡང་སོ་ལོས་དཀོན་མཆོག་ཡ་ཝཱེ་ནི་དཱ་བིད་དང་མཉམ་དུ་བཞུགས་ཡོད་པ་དང་རང་གི་སྲས་མོ་མི་ཀལ་ཡང་དཱ་བིད་ལ་ཆགས་པ་མཐོང་སྟེ།  
\v 29 སོ་ལོ་ལྷག་པར་དཱ་བིད་ལ་འཇིགས་ཏེ་རྟག་ཏུ་དཱ་བིད་ལ་གནོད་པ་བྱས་སོ། །  
\v 30 དེ་ནས་ཕེ་ལེ་ཤེད་པའི་རྗེ་བོ་རྣམས་སླེབས་པ་དང་དེ་དག་ནམ་འོངས་ན་ཡང་སོ་ལོའི་བློན་འཁོར་ཐམས་ཅད་དང་བསྡུར་ན་དཱ་བིད་ཀྱིས་བྱ་བ་རྣམས་ལེགས་པོར་བསྒྲུབས་པས། ཁོ་མཚན་སྙན་གྲགས་ཅན་དུ་གྱུར་ཏོ། །   
\c 19
\cl ལེའུ་བཅུ་དགུ་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 སོ་ལོས་དཱ་བིད་གསོད་གྲབས་བྱས་པ།  
\p
\v 1 དེ་ནས་སོ་ལོས་ཪང་གི་སྲས་ཡོ་ནཱ་ཐན་དང་བློན་འཁོར་ཐམས་ཅད་ལ་དཱ་བིད་གསོད་དགོས་པར་སྨྲས། ཡིན་ནའང་ཡོ་ནཱ་ཐན་ནི་དཱ་བིད་ལ་ཤིན་ཏུ་དགའ་བས།  
\v 2 ཡོ་ནཱ་ཐན་གྱིས་དཱ་བིད་ལ་སྨྲས་ཏེ་ན་རེ། ངའི་ཕ་སོ་ལོས་ཁྱོད་གསོད་འདོད་པས། སང་ཉིན་ཞོགས་པར་ཁྱོད་ཀྱིས་དོགས་ཟོན་བྱེད་དགོས་ཤིང་། མིས་མི་ཚོར་བའི་གནས་ཤིག་ཏུ་ཡིབ་པར་གྱིས་དང་།  
\v 3 ང་ནི་ཁྱོད་ཡིབ་སའི་ས་སྟོང་དུ་རང་གི་ཕ་ཡི་གཞོགས་སུ་འདུག་ཅིང་། ཕ་དང་མཉམ་དུ་ཁྱོད་ཀྱི་དོན་དུ་གཏམ་བྱེད་པ་དང་། དེ་ནས་ཅི་མཐོང་བ་དེ་ནི་ངས་ཁྱོད་ལ་འཆད་པར་བྱ་ཞེས་སྨྲས།  
\v 4 དེ་ནས་ཡོ་ནཱ་ཐན་གྱིས་རང་གི་ཕ་སོ་ལོའི་དྲུང་དུ་དཱ་བིད་ཀྱི་དོན་དུ་གཏམ་བཟང་པོ་སྨྲས་པ་ནི། རྒྱལ་པོས་རང་ཉིད་ཀྱི་ཞབས་ཕྱི་དཱ་བིད་ལ་འགལ་བའི་སྡིག་པ་མི་བྱེད་པར་མཛོད། གང་ལ་ཞེ་ན། ཁོས་ཁྱེད་ལ་འགལ་བའི་སྡིག་པ་གང་ཡང་མ་བྱས་ཤིང་། ཁོས་ཅི་བྱས་ཐམས་ཅད་ཁྱེད་ལ་ཕན་པ་ཡིན།  
\v 5 ཁོས་རང་སྲོག་འབེན་ལ་བཞག་ནས་ཕེ་ལེ་ཤེད་པ་དེ་བསད་པར་མ་ཟད། དཀོན་མཆོག་ཡ་ཝཱེས་ཡེས་ར་ཨེལ་པ་ཐམས་ཅད་ཀྱི་དོན་དུ་སྐྱབས་ཆེན་པོ་ཞིག་མཛད་ཅིང་། ཁྱེད་ཀྱིས་དེ་གཟིགས་ནས་དགའ་བར་གྱུར་ཏོ། །ཅིའི་ཕྱིར་མི་ཉེས་མེད་ལ་ཁྲག་བཞུར་དུ་འཇུག་གམ། དཱ་བིད་དོན་མེད་དུ་ཅི་ལ་གསོད་ཅེས་ཞུས་པས།  
\v 6 སོ་ལོས་ཡོ་ནཱ་ཐན་གྱི་གཏམ་དེ་ལ་མཉན་ནས། གཏན་དུ་བཞུགས་པའི་དཀོན་མཆོག་ཡ་ཝཱེ་དཔང་དུ་བཙུགས་ཏེ། དཱ་བིད་མི་གསོད་ཁོ་ཐག་ཡིན་ཞེས་མནའ་བསྐྱལ་བ་རེད།  
\v 7 ཡང་ཡོ་ནཱ་ཐན་གྱིས་དཱ་བིད་བོས་ནས་དོན་དེ་ཁོ་ལ་སྨྲས་ཤིང་སོ་ལོའི་དྲུང་དུ་ཁྲིད་ནས། དཱ་བིད་སྔར་བཞིན་སོ་ལོའི་དྲུང་དུ་གནས་སོ། །   
\p
\v 8 དེའི་རྗེས་སུ་ཡང་འཐབ་འཁྲུག་ཅིག་བྱུང་བས། དཱ་བིད་སོང་སྟེ་ཕེ་ལེ་ཤེད་པ་རྣམས་ལ་འཐབ་འཛིང་བྱས་ཤིང་། གསོད་གཅོད་དྲག་པོས་བཏུལ་ནས་དེ་དག་ཁོའི་དྲུང་ནས་བྲོས་པ་རེད།  
\v 9 ཡང་སོ་ལོས་རང་གི་མདུང་ལག་ཏུ་ཁྱེར་ནས་ཁང་པའི་ནང་བསྡད་ཡོད་པ་ལ། དཀོན་མཆོག་ཡ་ཝཱེའི་གམ་ནས་བྱུང་བའི་སེམས་ཉིད་ངན་པ་སོ་ལོའི་སྟེང་དུ་བབས་ཤིང་དཱ་བིད་ཀྱིས་སྒྲ་སྙན་དཀྲོལ།  
\v 10 ཁོས་དཱ་བིད་མདུང་མགོར་བླངས་ཏེ་གྱང་ངོར་སྦྱོར་བའི་གོ་སྐབས་བཙལ་ཡང་། དཱ་བིད་ནི་སོ་ལོའི་དྲུང་ནས་བྱོལ་བ་དང་མདུང་རྩིག་པའི་ནང་ཟུག་ཅིང་། ཡང་མཚན་མོ་དེར་དཱ་བིད་བྲོས་ནས་ཐར་བ་རེད།  
\v 11 དེ་ནས་སོ་ལོས་དམག་འགའ་དཱ་བིད་ཀྱི་ཁྱིམ་དུ་མངགས་ཏེ་ཁོ་བསྲུངས་པ་དང་། དེ་ནི་ཕྱི་ཉིན་ཞོགས་པར་ཁོ་གསོད་པའི་ཕྱིར་རོ། །དཱ་བིད་ཀྱི་ཆུང་མ་མི་ཀལ་གྱིས་ཁོ་ལ། མཚན་མོ་འདི་ལ་ཁྱོད་ཀྱིས་རང་གི་སྲོག་སྐྱོབ་པར་མི་བྱེད་ན་སང་ཉིན་གསོད་པར་འགྱུར་ཞེས་སྨྲས་པ་དང་།  
\v 12 མི་ཀལ་གྱིས་དཱ་བིད་སྒེའུ་ཁུང་ནས་ཕབ་སྟེ་ཁོ་བྲོས་སོང་བས་སྲོག་ཐར་བའོ། །  
\v 13 མི་ཀལ་གྱིས་ཁྱིམ་གྱི་སྐུ་འདྲ་དེ་བླངས་ནས་མལ་སའི་ནང་དུ་བཞག་པ་དང་། ར་སྤུས་བཟོས་པའི་སྔས་འབོལ་ཞིག་དེའི་མགོ་འོག་ཏུ་བཞག་ནས་གྱོན་གོས་ཀྱིས་བཀབ།  
\v 14 དེ་ནས་སོ་ལོས་དམག་རྣམས་དཱ་བིད་འཛིན་པར་མངགས་པས། ཆུང་མས་ཁོ་རང་ན་བཞིན་འདུག་ཅེས་སྨྲས།  
\v 15 སོ་ལོས་དཱ་བིད་ལ་བལྟ་རུ་ཡང་བསྐྱར་དམག་མངགས་ཤིང་། ངས་དེ་གསོད་པའི་ཕྱིར་ཁོ་མལ་ས་དང་བཅས་ངའི་མདུན་དུ་ཁྱེར་ཤོག་ཅིག་སྨྲས་སོ། །  
\v 16 དེ་ནས་དམག་རྣམས་སླེབས་ཏེ་བལྟས་པས། མལ་སའི་ནང་གི་སྐུ་འདྲ་དེའི་མགོ་འོག་ཏུ་ར་སྤུས་བཟོས་པའི་སྔས་འབོལ་ཡོད་པ་ཡིན།  
\v 17 དེ་ནས་སོ་ལོས་མི་ཀལ་ལ། ངའི་དགྲ་བོ་དེ་ཐར་བའི་ཕྱིར་ཁྱོད་ཀྱིས་ཁོ་ལམ་དུ་བཅུག་པ་སྟེ། ང་ལ་བསླུ་བྲིད་བཏང་བ་ཅི་ཡིན་ནམ་སྨྲས་པས། མི་ཀལ་གྱིས་ཁོས་ང་ལ། ང་འགྲོ་རུ་ཆུག་དང་། དེ་མིན་ཚེ་ངས་ཁྱོད་གསོད་ངེས་ཟེར་ཞེས་ཞུས་སོ། །   
\p
\v 18 ཡང་དཱ་བིད་བྲོས་ཏེ་སྲོག་ཐར་ནས། རཱ་མ་ཡུལ་དུ་སཱ་མུ་ཨེལ་གྱི་དྲུང་དུ་སླེབས་ཏེ་སོ་ལོས་ཁོ་ལ་ཅི་བྱས་པ་ཐམས་ཅད་སྨྲས། དེ་ནས་ཁོ་དང་སཱ་མུ་ཨེལ་གཉིས་ཀ་ནཱ་ཡོད་དུ་སོང་སྟེ་བསྡད་པ་རེད།  
\v 19 དེ་ནས་སོ་ལོ་ལ། ཀྱེ་ཧོ། དཱ་བིད་རཱ་མ་ཡུལ་གྱི་ནཱ་ཡོད་དུ་འདུག་ཅེས་པའི་གཏམ་སྨྲས་པས།  
\v 20 སོ་ལོས་དཱ་བིད་འཛིན་པའི་ཕྱིར་དམག་མངགས་ཤིང་། མི་དེ་རྣམས་ཀྱིས། ལུང་སྟོན་པའི་ཚོགས་ཀྱིས་ལུང་བསྟན་པ་དང་། དེ་དག་གི་ཁྲོད་དུ་སཱ་མུ་ཨེལ་གྱིས་འགོ་བྱེད་ཀྱིན་ཡོད་པ་མཐོང་བའི་ཚེ། སོ་ལོའི་དམག་རྣམས་ལ་དཀོན་མཆོག་གི་ཐུགས་ཉིད་བབས་པ་དང་ལུང་བསྟན་ཏོ། །  
\v 21 བྱུང་ཚུལ་དེ་ནི་སོ་ལོ་ལ་སྨྲས་པས། དམག་གཞན་དག་མངགས་ནས་དེ་དག་གིས་ཀྱང་ལུང་བསྟན་ཞིང་། ལན་གསུམ་པར་སོ་ལོས་དམག་མངགས་པ་དང་དེ་དག་གིས་ཀྱང་ལུང་བསྟན་པ་རེད།  
\v 22 དེ་ནས་སོ་ལོ་རང་ཉིད་ཀྱང་རཱ་མ་ཡུལ་དུ་སོང་སྟེ། སེ་གུ་རུ་ཡོད་པའི་ཆུ་དོང་ཆེན་པོའི་རྩར་སླེབས་ནས། སཱ་མུ་ཨེལ་དང་དཱ་བིད་གཉིས་གང་དུ་འདུག་ཅེས་དྲིས་པས། མི་ཞིག་གིས་ལྟོས་དང་དེ་གཉིས་རཱ་མ་ཡུལ་གྱི་ནཱ་ཡོད་དུ་འདུག་ཅེས་ཞུས།  
\v 23 དེ་ནས་ཁོ་རང་རཱ་མ་ཡུལ་གྱི་ནཱ་ཡོད་དུ་འགྲོ་བའི་ཚེ། དཀོན་མཆོག་གི་ཐུགས་ཉིད་ཁོ་ལ་བབས་ནས་རཱ་མ་ཡུལ་གྱི་ནཱ་ཡོད་དུ་སླེབས་པའི་བར་དུ་ལུང་བསྟན་ཏེ་སོང་བ་དང་།  
\v 24 དེ་ནས་གོས་ཕུད་ནས་སཱ་མུ་ཨེལ་གྱི་དྲུང་དུ་ལུང་བསྟན་ཏེ་ཉིན་ཞག་གཅིག་ལ་གཅེར་བུར་ཉལ་ནས་བསྡད། དེའི་ཕྱིར་མི་ཐམས་ཅད་ཀྱིས་སོ་ལོ་ཡང་ལུང་སྟོན་པའི་ཁྲོད་དུ་འདུག་གམ་ཞེས་སྨྲས་སོ། །   
\c 20
\cl ལེའུ་ཉི་ཤུ་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 དཱ་བིད་དང་ཡོ་ནཱ་ཐན་གཉིས་ཀྱི་སྐོར།  
\p
\v 1 དེ་ནས་ཡང་དཱ་བིད་ནི་རཱ་མ་ཡུལ་གྱི་ནཱ་ཡོད་ནས་བྲོས་ཤིང་ཡོ་ནཱ་ཐན་གྱི་དྲུང་དུ་འོངས་ཏེ། ངས་ཅི་བྱས་པ་ཡིན་ནམ། ངའི་སྐྱོན་ཅི་ཡིན་ནམ། ངས་ཁྱེད་ཀྱི་ཕ་ཡི་དྲུང་དུ་སྡིག་ཉེས་ཅི་བྱས་པ་ཡིན། དེས་ངའི་སྲོག་ལ་སྙེག་གོ་ཞེས་སྨྲས་པས།  
\v 2 དེས་ནི་དེ་ལྟར་མིན་ཏེ། ཁྱེད་འཆི་བར་མི་འགྱུར། ལྟོས་ཤིག བྱ་བ་ཆེ་ཆུང་གང་ཡིན་ཡང་ང་ལ་མ་བཤད་སྔོན་དུ་ངས་ཕ་ཡིས་མི་བྱའོ། །ཁྱེད་གསོད་འདོད་པའི་བྱ་བ་དེ་ངའི་ཕ་ཡིས་ང་ལ་ཅིའི་ཕྱིར་སྦ་བར་བྱའམ། དེ་ལྟར་མི་འོང་ངོ་ཞེས་སྨྲས།  
\v 3 དེ་ནས་དཱ་བིད་ཀྱིས་ཡང་མནའ་བསྐྱལ་ནས་དེ་ལ། ང་ལ་ཁྱེད་ཀྱི་སྙིང་རྗེ་ཐོབ་ཡོད་པ་ཁྱེད་ཀྱི་ཕ་ཡིས་ལེགས་པར་ཤེས་པས། ཡོ་ནཱ་ཐན་གྱི་སེམས་མི་འཁྲུག་པའི་ཕྱིར་དུ་འདི་ནི་ཤེས་སུ་མ་བཅུག་ན་ལེགས་སྙམ་པ་རེད། ངས་གཏན་དུ་བཞུགས་པའི་དཀོན་མཆོག་ཡ་ཝཱེ་དཔང་དུ་འཛུགས་ཤིང་ཁྱེད་རང་ཡང་དཔང་དུ་བཙུགས་པ་ཡིན་ཏེ། ང་དང་འཆི་བ་གཉིས་ཀྱི་བར་དུ་གོམ་གང་མ་གཏོགས་མེད་ཅེས་པའི་ལན་དུ།  
\v 4 ཡོ་ནཱ་ཐན་གྱིས་དཱ་བིད་ལ། ཁྱེད་ཀྱི་སེམས་ནི་གང་ལ་དགའ་ན་ཡང་དེ་ནི་ངས་ཁྱེད་ཀྱི་དོན་དུ་བྱའོ་ཞེས་སྨྲས་པར།  
\v 5 དཱ་བིད་ཀྱིས་ཡོ་ནཱ་ཐན་ལ། ཀྱེ་ཧོ། སང་ཉིན་ཚེས་གཅིག་ཡིན་པས། ངས་རྒྱལ་པོ་དང་མཉམ་དུ་ཁ་ཟས་ལ་རོལ་དགོས། ང་ས་སྟོང་དུ་འགྲོ་རུ་ཆུག མཚན་མོ་གསུམ་པའི་བར་དུ་ཡིབ་ནས་འདུག་པར་བྱ།  
\v 6 ཁྱེད་ཀྱི་ཕ་ཡིས་ང་བཙལ་ན། ཁྱེད་ཀྱིས་དཱ་བིད་རང་གི་གྲོང་རྡལ་པེད་ལེ་ཧེམ་དུ་འགྲོ་བའི་ཕྱིར་ང་ནས་དགོངས་པ་ཞུས་སོང་། ཁོའི་རྒྱུད་ཀྱིས་དེ་རུ་ལོ་རེའི་མཆོད་པ་འབུལ་བར་བྱེད་ཅེས་སྨྲོས་ཤིག  
\v 7 གལ་ཏེ་ཁོང་གིས་ལེགས་སོ་སྨྲས་ན། ཁྱེད་ཀྱི་ཞབས་ཕྱི་བདག་ལ་ཞི་བདེ་འབྱུང་བར་འགྱུར། གལ་ཏེ་ཁོང་ཐུགས་ཁྲོས་ན། བདག་ལ་ལས་ངན་པ་བྱེད་པར་སེམས་ཐག་བཅད་པ་ཁྱེད་ཀྱིས་ཤེས་པར་འགྱུར།  
\v 8 ཁྱེད་ཀྱིས་རང་གི་ཞབས་ཕྱི་བདག་ལ་དཀོན་མཆོག་ཡ་ཝཱེའི་དྲུང་དུ་ཁ་ཆད་བཞག་པ་བཞིན་ད་ལྟ་ཡང་བྱམས་སྐྱོང་མཛོད་ཅིག བདག་གི་ནང་དུ་སྡིག་ཉེས་ཡོད་ན་ཁྱེད་ཀྱིས་བདག་སོད་ཅིག བདག་ནི་ཅིའི་ཕྱིར་ཁྱེད་ཀྱི་ཕ་ཡི་དྲུང་དུ་འཁྲིད་པར་བྱའམ་ཞེས་ཞུས་པ་ན།  
\v 9 ཡོ་ནཱ་ཐན་གྱིས། དེ་འདྲ་དཔེ་མི་སྲིད། ངའི་ཕ་ཡིས་ཁྱེད་ལ་ངན་བྱེད་ཐག་ཆོད་ཡིན་པ་རྟོགས་ན་ངས་ཁྱེད་ལ་ཅིའི་ཕྱིར་མི་བཤད་སྨྲས་པར།  
\v 10 དཱ་བིད་ཀྱིས་ཡོ་ནཱ་ཐན་ལ། གལ་ཏེ་ཁྱེད་ཀྱི་ཕ་ཡིས་ཁྱེད་ལ་ལན་དྲག་པོ་ཞིག་གཏོང་ན་སུས་ང་ལ་སྨྲའམ་ཞེས་ཞུས་པས།  
\v 11 ཡོ་ནཱ་ཐན་གྱིས་དཱ་བིད་ལ་ཤོག་དང་ངེད་གཉིས་ས་སྟོང་དེ་རུ་འགྲོ་བར་བྱ་ཞེས་སྨྲས་ནས་ཁོ་གཉིས་དེ་རུ་སོང་།   
\p
\v 12 ཡོ་ནཱ་ཐན་གྱིས་དཱ་བིད་ལ། ཡེས་ར་ཨེལ་གྱི་དཀོན་མཆོག་ཡ་ཝཱེས་དཔང་པོ་མཛད་པར་ཤོག སང་ཉིན་ནམ་ཡང་ན་གནངས་ཉིན་ཆུ་ཚོད་འདི་ལ་ངས་རང་གི་ཕ་ཡི་བསམ་ཚུལ་ལ་བརྟག་པར་བྱ་སྟེ། ལྟོས་དང་། གལ་ཏེ་དཱ་བིད་ཁྱེད་ཀྱི་དོན་དུ་བཟང་པོ་ཞིག་འབྱུང་ན། ངས་བང་ཆེན་མངགས་ཏེ་ཁྱེད་ལ་ཅིའི་ཕྱིར་མི་བརྗོད།  
\v 13 གལ་ཏེ་ངའི་ཕ་ཡིས་ཁྱེད་ལ་ངན་བྱེད་འདོད་པ་ཡིན་ན། དེ་ངས་ཁྱེད་ལ་ཅིས་ཀྱང་བརྗོད་ཡོང་། ངས་ཁྱེད་རང་བདེ་བར་ཕར་འགྲོ་རུ་བཅུག་ཆོག གལ་ཏེ་དེ་ལྟར་མ་བྱས་ན། དཀོན་མཆོག་ཡ་ཝཱེས་ཡོ་ནཱ་ཐན་བདག་ལ་འདིའམ་འདི་ལས་ལྷག་པ་ཞིག་མཛད་པར་ཤོག དེར་མ་ཟད། སྔར་དཀོན་མཆོག་ཡ་ཝཱེ་ནི་ངའི་ཕ་དང་མཉམ་དུ་བཞུགས་པ་ལྟར་ཁྱེད་དང་མཉམ་དུ་བཞུགས་པར་སྨོན།  
\v 14 ང་ནི་འཆི་བར་མི་འགྱུར་བའི་ཕྱིར། ང་གསོན་པའི་སྐབས་སུ་ཁྱེད་ཀྱིས་ང་ལ་དཀོན་མཆོག་ཡ་ཝཱེའི་ཐུགས་རྗེ་སྟོན་རོགས།  
\v 15 དཀོན་མཆོག་ཡ་ཝཱེས་དཱ་བིད་ཀྱི་དགྲ་བོ་རེ་རེ་ས་གཞི་ནས་མེད་པར་མཛད་པའི་དུས་སུ་ཁྱེད་ཀྱི་སྙིང་རྗེ་ངའི་ཁྱིམ་རྒྱུད་དང་གཏན་ནས་མི་འབྲལ་བར་མཛོད་ཅེས་སྨྲས་ནས།  
\v 16 ཡོ་ནཱ་ཐན་གྱིས་དཱ་བིད་ཀྱི་ཁྱིམ་རྒྱུད་བར་ཁ་ཆད་བཞག་ཅིང་། དཀོན་མཆོག་ཡ་ཝཱེས་དཱ་བིད་ཀྱི་དགྲ་བོ་བརྒྱུད་ནས་ཁ་ཆད་དང་འགལ་བའི་ཉེས་པར་ལན་འཇལ་བར་ཤོག་ཅེས་སྨྲས་པ་དང་།  
\v 17 ཡོ་ནཱ་ཐན་གྱིས་རང་གི་སྲོག་ལ་གཅེས་པ་བཞིན་དཱ་བིད་ལ་གཅེས་པས། དཱ་བིད་ཀྱིས་ཁོ་ལ་ཡང་བསྐྱར་མནའ་བསྐྱལ་དུ་བཅུག་གོ །   
\p
\v 18 དེ་ནས་ཡོ་ནཱ་ཐན་གྱིས་ཁོ་ལ། སང་ཉིན་ཚེས་གཅིག་ཡིན་ཏེ། ཁྱེད་ཀྱི་འདུག་གནས་སྟོང་བ་ཡིན་ན་ཁྱེད་མེད་པ་རྟོགས་པར་འགྱུར།  
\v 19 དེ་ནས་ཉིན་གསུམ་པར་ཁྱེད་མྱུར་དུ་སྔར་དོན་རྐྱེན་འབྱུང་བའི་ཉིན་མོར་གང་དུ་ཡིབ་ས་དེར་སོང་སྟེ། ཨེ་ཟེལ་བྱ་བའི་རྡོ་ཕ་བོང་གི་རྩར་སྒུགས་དང་།  
\v 20 ངས་འབེན་ལ་འཕེན་པ་ལྟར་ཕ་བོང་དེའི་ཕྱོགས་སུ་མདའ་གསུམ་འཕེན་པར་བྱ།  
\v 21 དེ་ནས་ངས་གཞོན་ནུ་ཞིག་མངགས་ནས་དེ་ལ། མདའ་འཚོལ་རོགས་ཟེར་བར་བྱ། གལ་ཏེ་ངས་གཞོན་ནུ་ལ། ལྟོས་དང་། མདའ་ཁྱོད་ཀྱི་རྒྱབ་ཏུ་འདུག ཁྱོད་ཀྱིས་དེ་བླངས་ནས་འཁྱེར་ཤོག་ཅེས་བསྐུལ་ན་ཞི་བདེ་ཡོད་པས་ཁྱེད་འོང་ཆོག གཏན་དུ་བཞུགས་པའི་དཀོན་མཆོག་ཡ་ཝཱེ་དཔང་དུ་བཙུགས་ནས་ངས་ཁྱེད་ལ་གནོད་པ་ཅི་ཡང་མེད་ཅེས་སྨྲ་བ་ཡིན།  
\v 22 གལ་ཏེ་ངས་གཞོན་ནུ་ལ། ལྟོས་དང་། མདའ་ཁྱོད་ཀྱི་མདུན་དུ་འདུག་ཅེས་བསྐུལ་ན། དཀོན་མཆོག་ཡ་ཝཱེས་ཁྱེད་ཡུལ་གཞན་དུ་མངགས་པས་ཁྱེད་སོང་ཞིག  
\v 23 ཡང་ང་དང་ཁྱེད་གཉིས་ཀྱིས་གང་སྨྲས་པའི་དཔང་པོར་དཀོན་མཆོག་ཡ་ཝཱེ་ཇི་སྲིད་བར་དུ་བཞུགས་པ་ཡིན་ཞེས་སྨྲས་སོ། །  
\v 24 དེ་ནས་དཱ་བིད་ས་སྟོང་དེ་རུ་ཡིབ་ནས་བསྡད་པ་དང་། ཡང་ཚེས་གཅིག་གི་ཉིན་མོ་སླེབས་པའི་ཚེ་རྒྱལ་པོ་གསོལ་སྟོན་དུ་ཕེབས།  
\v 25 ཡང་རྒྱལ་པོ་གོམས་སྲོལ་བཞིན་གྱང་རྩར་རང་གི་ཁྲི་སྟེང་ལ་བསྡད་དེ། ཡོ་ནཱ་ཐན་རྒྱལ་པོ་དང་ཁ་གཏད་དུ་ཨབ་ནེར་རྒྱལ་པོའི་གམ་དུ་བསྡད། ཏག་ཏག་དཱ་བིད་ཀྱི་འདུག་གནས་སྟོང་བར་ལུས་པ་རེད།  
\v 26 སོ་ལོས་ཁོ་ལ་ཕལ་ཆེར་དོན་ཞིག་བྱུང་བས་མི་གཙང་བར་གྱུར་ཡོད་ངེས་བསམས་པས་ཉིན་དེར་ཅི་ཡང་མ་སྨྲས་སོ། །  
\v 27 ཚེས་གཉིས་པར། དཱ་བིད་ཀྱི་འདུག་གནས་ཡང་སྟོང་བ་ཡིན་པས། སོ་ལོས་ཉིད་ཀྱི་སྲས་ཡོ་ནཱ་ཐན་ལ། ཡེ་སེའི་བུ་ནི་ཁ་ཟས་སྤྱོད་དུ་མདང་ཡང་མ་འོངས། དེ་རིང་ཡང་མི་འོང་བ་ཅི་ཡིན་ཞེས་དྲིས་པའི་ལན་དུ།  
\v 28 ཡོ་ནཱ་ཐན་གྱིས་སོ་ལོ་ལ། དཱ་བིད་ཀྱིས་པེད་ལེ་ཧེམ་དུ་འགྲོ་བའི་ཕྱིར་ང་ནས་དགོངས་པ་ཞུས་ཤིང་།  
\v 29 ཁོས་ང་ལ། ང་འགྲོ་བར་གནོངས་ཤིག ངའི་ནང་མིས་གྲོང་རྡལ་དེ་རུ་མཆོད་པ་འབུལ་བཞིན་ཡོད་པས་ངའི་ཕུ་བོས་དེ་རུ་ཤོག་ཅེས་སྨྲས་བྱུང་། ང་ལ་ཁྱེད་ཀྱི་སྤྱན་དྲུང་དུ་ཐུགས་རྗེ་ཐོབ་པ་ཡིན་ན། ང་དེ་རུ་སོང་སྟེ་རང་གི་སྤུན་རྣམས་ལ་བལྟ་བར་གནོངས་ཤིག་ཅེས་ཞུས་པས། ཁོ་རྒྱལ་པོའི་གསོལ་ལྕོག་གི་གམ་དུ་མ་འོངས་ཞེས་སྨྲས་པ་ན།  
\v 30 སོ་ལོ་ནི་ཡོ་ནཱ་ཐན་གྱི་སྟེང་དུ་ཁོང་ཁྲོ་ཆེན་པོ་ལངས་ནས། ཁོས་དེ་ལ་ཀྱེ་ངན་རེངས་ངོ་ལོག་གི་བུད་མེད་ཀྱི་བུ་ཁྱོད། ངོ་ཚ་མེད་པ་ཁྱོད་ཀྱི་མ་དང་འདྲ་པོ་རེད། དེའི་རྐྱེན་གྱིས་ཁྱོད་ཀྱིས་ཡེ་སེ་ཡི་བུ་དེ་བདམས་པ་ངས་མི་ཤེས་སམ།  
\v 31 ཡེ་སེའི་བུ་དེ་ནི་ས་གཞི་རུ་ཉིན་གཅིག་ལ་གསོན་ནའང་། ཁྱོད་དང་ཁྱོད་ཀྱི་རྒྱལ་ཁབ་བརྟན་པོར་ལུས་པར་མི་འགྱུར། དེའི་ཕྱིར་བང་ཆེན་ཐོངས་ལ་ཁོ་ངའི་མདུན་དུ་འཁྲིད་ཤོག ཁོ་ནི་ཅི་ནས་ཀྱང་འཆི་འོས་ཞེས་སྨྲས་པའི་ལན་དུ།  
\v 32 ཡོ་ནཱ་ཐན་གྱིས་ཉིད་ཀྱི་ཕ་སོ་ལོ་ལ། ཁོ་ཅིའི་ཕྱིར་གསོད་པར་བྱའམ། ཁོས་ཅི་བྱས་སམ་ཞེས་ཞུས་པ་ལ།  
\v 33 སོ་ལོས་ཁོ་ལ་བསྣུན་པའི་ཆེད་དུ་མདུང་འཕངས་པས། ཡོ་ནཱ་ཐན་གྱིས་རང་གི་ཕ་ཡིས་དཱ་བིད་གསོད་ངེས་པ་ཤེས།  
\v 34 ཡོ་ནཱ་ཐན་ཤིན་ཏུ་ཁྲོས་ཤིང་གསོལ་ལྕོག་ནས་ལངས་ཏེ་ཚེས་གཉིས་པའི་ཉིན་དེར་ཟས་གང་ཡང་མ་སྤྱད་ཅིང་། ཕ་ཡིས་དཱ་བིད་ལ་སྐུར་བ་བཏབ་པའི་ཕྱིར་ཡོ་ནཱ་ཐན་སེམས་སྡུག་གོ །   
\p
\v 35 ཡང་ཕྱི་ཉིན་སྔ་མོ་དཱ་བིད་དང་ཁ་ཆད་བཞག་པའི་དུས་ལ་སླེབས་ཙ་ན། ཡོ་ནཱ་ཐན་དང་གཡོག་པོ་གཞོན་ནུ་ཞིག་མཉམ་དུ་ས་སྟོང་དེར་སོང་སྟེ།  
\v 36 ཡོ་ནཱ་ཐན་གྱིས་གཞོན་ནུ་དེ་ལ་ཁོས་འཕངས་པའི་མདའ་རྣམས་ཚོལ་ཞིག་ཅེས་བཀའ་གནང་བས། གཞོན་ནུ་བརྒྱུགས་པ་ལ་ཡོ་ནཱ་ཐན་གྱིས་མདའ་ཞིག་ཁོའི་མདུན་དུ་བཏང་།  
\v 37 གཞོན་ནུ་དེ་ཡོ་ནཱ་ཐན་གྱིས་འཕངས་པའི་མདའ་ཡི་གནས་སུ་སླེབས་པའི་ཚེ། ཡོ་ནཱ་ཐན་གྱིས་གཞོན་ནུ་དེའི་རྒྱབ་ནས་ན་རེ། མདའ་ནི་ཁྱོད་ཀྱི་མདུན་དུ་མི་འདུག་གམ་ཞེས་བོས།  
\v 38 དེ་ནས་ཡང་ཡོ་ནཱ་ཐན་གྱིས་གཞོན་ནུའི་རྒྱབ་ནས་སྐད་བརྒྱབ་སྟེ། ལངས་ནས་མི་འདུག་པར་མྱུར་དུ་སོང་ཞིག་ཅེས་བསྐུལ་བས། གཞོན་ནུ་དེས་མདའ་དེ་བསྡུས་ནས་ཕྱིར་བདག་པོ་ཡོ་ནཱ་ཐན་གྱི་དྲུང་དུ་འོངས་པ་རེད།  
\v 39 གཞོན་ནུ་དེས་དོན་ཅི་ཡིན་གང་ཡིན་མ་ཤེས་ཀྱང་ཡོ་ནཱ་ཐན་དང་དཱ་བིད་ཁོ་ནས་ཤེས་སོ། །  
\v 40 ཡང་ཡོ་ནཱ་ཐན་གྱིས་རང་གི་ལག་ཆ་གཞོན་ནུ་ལ་བཏང་སྟེ། འདི་ཁྱེར་ལ་གྲོང་ཁྱེར་དུ་སོང་ཞིག་ཅེས་བསྒོས།  
\v 41 གཞོན་ནུ་དེ་སོང་མ་ཐག དཱ་བིད་ལྷོ་ཕྱོགས་ཀྱི་གནས་ནས་ཐོན་ཏེ་གདོང་སར་བཏུད་ནས་ལན་གསུམ་ལ་ཕྱག་ཕུལ་ཏོ། །དེ་ནས་མཛའ་གྲོགས་ཕན་ཚུན་ལ་འོ་བྱས་ཤིང་ཕན་ཚུན་གྱི་དོན་དུ་ངུས་པ་དང་དཱ་བིད་ནི་ལྷག་པར་ངུས་སོ། །  
\v 42 དེ་ནས་ཡོ་ནཱ་ཐན་གྱིས་དཱ་བིད་ལ། ངེད་གཉིས་ཀྱིས་སྔོན་ཆད་དཀོན་མཆོག་ཡ་ཝཱེའི་མཚན་བརྗོད་ཅིང་། ང་དང་ཁྱེད་གཉིས་བར་དང་། ད་དུང་ངའི་བུ་རྒྱུད་དང་ཁྱེད་ཀྱི་བུ་རྒྱུད་གཉིས་ཀྱི་བར་དུའང་དཀོན་མཆོག་ཡ་ཝཱེ་དུས་རྒྱུན་དུ་དཔང་པོར་བཞུགས་པར་ཤོག་ཅེས་མནའ་བསྐྱལ་ཡོད་པས། ད་ཁྱེད་བདེ་བར་སོང་ཞིག་ཅེས་སྨྲས་ནས། ཁོ་ལངས་ཏེ་སོང་བ་དང་ཡོ་ནཱ་ཐན་ཡང་གྲོང་ཁྱེར་དུ་ཕྱིན་ཏོ། །   
\c 21
\cl ལེའུ་ཉེར་གཅིག་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 དཱ་བིད་མཆོད་དཔོན་ཨ་ཧི་མེ་ལེག་དང་ཕྲད་པ།  
\p
\v 1 དེ་ནས་དཱ་བིད་ནོབ་ཅེས་པའི་ས་ཆ་ཡི་མཆོད་དཔོན་ཨ་ཧི་མེ་ལེག་བྱ་བའི་དྲུང་དུ་སླེབས་ནས། ཨ་ཧི་མེ་ལེག་སྐྲག་སྐྲག་འདར་འདར་ངང་དཱ་བིད་དང་འཕྲད་དུ་འོངས་ནས་དེ་ལ། ཁྱེད་གཅིག་པུ་འོངས་ཤིང་མཉམ་དུ་མི་གཅིག་ཀྱང་མེད་པ་ཅི་ཡིན་ནམ་ཞེས་དྲིས་པར།  
\v 2 དཱ་བིད་ཀྱིས་མཆོད་དཔོན་ཨ་ཧི་མེ་ལེག་ལ། རྒྱལ་པོས་ལས་ཤིག་བསྒོས་ཏེ་འདི་ལྟར། ངས་ཁྱོད་གང་དུ་མངགས་པ་དང་ལས་ཅི་ཞིག་བསྒོས་པ་མི་སུ་ལ་ཡང་མངོན་པར་མ་བྱེད་ཅིག་ཅེས་བཀའ་གནང་བས། ངས་ནི་གཡོག་པོ་འགའ་གནས་ཤིག་ཏུ་མངགས་པ་ཡིན།  
\v 3 ད་ལྟ་ཁྱེད་ཀྱི་ལག་ཏུ་ཅི་ཡོད། བག་ལེབ་ལྔའམ་གང་ཡོད་པ་དེ་ང་ལ་གནང་རོགས་ཞེས་པའི་ལན་དུ།  
\v 4 མཆོད་དཔོན་གྱིས་དཱ་བིད་ལ། བག་ལེབ་དཀྱུས་མ་ངའི་ལག་ཏུ་མེད་དེ། འདི་རུ་བག་ལེབ་དམ་པ་ཡོད། གལ་ཏེ་གཡོག་པོ་དག་གིས་རང་རང་གི་ལུས་བུད་མེད་ལས་བསྲུངས་ཡོད་ན་སྤྲད་ཆོག་ཅེས་སྨྲས།  
\v 5 དཱ་བིད་ཀྱིས་མཆོད་དཔོན་ལ། ནམ་རྒྱུན་དམག་ལ་ཆས་པའི་སྐབས་བཞིན། ད་རེས་ཀྱང་ངེད་ཅག་བུད་མེད་དང་མ་འགྲོགས་པ་སྟེ། རྒྱུན་ལྡན་གྱི་དུས་སུ་གཡོག་པོ་ཐམས་ཅད་གཙང་མ་ཡིན་ན། དེ་རིང་ནི་སྔར་བས་ཀྱང་གཙང་མ་མ་ཡིན་ནམ་ཞེས་སྨྲས་པས།  
\v 6 མཆོད་དཔོན་གྱིས་ཁོ་ལ་བག་ལེབ་དམ་པ་གནང་ངོ་། །གང་ལ་ཞེ་ན། སྤྱན་བསྟར་བག་ལེབ་མ་གཏོགས་མེད་པས་བག་ལེབ་གསར་པ་ཡར་འབུལ་བའི་སྐབས་སུ། དཀོན་མཆོག་ཡ་ཝཱེའི་སྤྱན་དྲུང་ནས་ཕྱིར་བླངས་པའི་བག་ལེབ་རྙིང་པ་དེ་དཱ་བིད་ལ་སྤྲད་དོ། །   
\p
\v 7 ཉིན་དེར། སོ་ལོའི་ཞབས་ཕྱི་ཞིག་དེ་རུ་ཡོད་ཅིང་། ཁོ་རང་དཀོན་མཆོག་ཡ་ཝཱེའི་དྲུང་དུ་འདུག་སྟེ། མི་དེའི་མིང་ལ་དོ་ཨེག་ཟེར་ཞིང་ཨེ་དོམ་པ་ཡིན། སོ་ལོའི་ཕྱུགས་རྫི་དག་གི་འགོ་དཔོན་ཡང་ཡིན།   
\p
\v 8 ཡང་དཱ་བིད་ཀྱིས་ཨ་ཧི་མེ་ལེག་ལ། ཁྱེད་ཀྱི་ལག་ཏུ་མདུང་ངམ་རལ་གྲི་མེད་དམ། བདག་རྒྱལ་པོའི་ལས་ལ་བྲེལ་མྱུར་ཆེ་བས། འདིར་རལ་གྲིའམ་མཚོན་ཆ་ཅི་ཡང་ཁྱེར་མེད་ཅེས་ཞུས་པས།  
\v 9 མཆོད་དཔོན་གྱིས། ཨེ་ལཱ་ཞེས་པའི་ལུང་པའི་ནང་དུ་ཁྱོད་ཀྱིས་བསད་པའི་ཕེ་ལེ་ཤེད་པ་གོལ་ཡད་ཀྱི་རལ་གྲི་ཡོད། དེ་རས་ཀྱིས་བཏུམས་ནས་བེར་ཐུལ་གྱི་རྒྱབ་ཏུ་བཞག་ཡོད། ཁྱོད་ལ་དགོས་ན་ལོངས་ཤིག དེ་མ་གཏོགས་གཞན་གང་ཡང་འདི་རུ་མེད་ཟེར་བས། དཱ་བིད་ཀྱིས། འདི་དང་འདྲ་བ་གཞན་གང་ཡང་མེད་པས་དེ་ང་ལ་གནང་རོགས་ཞེས་ཞུས་སོ། །   
\s1 དཱ་བིད་ནི་གཱད་ཅེས་པའི་གྲོང་ཁྱེར་དུ་བྲོས་པ།  
\p
\v 10 ཡང་དཱ་བིད་ཉིན་དེར་སོ་ལོ་ལ་གཡོལ་ནས་གཱད་ཀྱི་རྒྱལ་པོ་ཨ་ཀི་སི་ཡི་དྲུང་དུ་ཕྱིན།  
\v 11 དེ་ནས་ཨ་ཀི་སི་ཡི་བློན་པོ་རྣམས་ཀྱིས་ཁོང་ལ། མི་འདི་ནི་དཱ་བིད་ཟེར་བ་ཡུལ་དེའི་རྒྱལ་པོ་མ་ཡིན་ནམ། སྔར་ནས་མི་རྣམས་ཀྱིས། སོ་ལོ་ཡིས་བསད་པ་སྟོང་ཕྲག་སྟེ། །དཱ་བིད་ཀྱིས་བསད་པ་ཁྲི་ཕྲག་གོ །ཞེས་གར་རྩེས་ནས་གླུ་ལེན་ཡུལ་དེ་མ་ཡིན་ནམ་ཞེས་ཞུས།  
\v 12 དེ་ནས་དཱ་བིད་ཀྱིས་གཏམ་དེ་ཡིད་ལ་བཟུང་སྟེ་གཱད་ཀྱི་རྒྱལ་པོ་ཨ་ཀི་སི་ལ་ཤིན་ཏུ་འཇིགས་པ་དང་།  
\v 13 དེ་དག་གི་མིག་ལམ་དུ་ནམ་རྒྱུན་གྱི་སྤྱོད་ལམ་བསྒྱུར་ནས་སྨྱོ་ཁུལ་བྱས་པ་དང་རྒྱལ་སྒོར་གང་བྱུང་དུ་བྲིས་ཤིང་། མཆིལ་མ་སྨ་རའི་སྟེང་ལ་བཞུར་དུ་བཅུག  
\v 14 དེ་ནས་ཨ་ཀི་སི་ཡིས་རང་གི་བློན་པོ་རྣམས་ལ། མི་དེ་ནི་སྨྱོན་པ་ཡིན་ཏེ་ཅིའི་ཕྱིར་ངའི་མདུན་དུ་ཁྲིད་འོངས་པ་ཡིན་ནམ།  
\v 15 ང་ལ་མི་སྨྱོན་པ་ཉུང་འདུག་གམ། སྨྱོ་རྟགས་སྟོན་ཕྱིར་ཁྱོད་ཅག་གིས་མི་དེ་ངའི་མདུན་དུ་ཁྲིད་འོངས་པ་ཡིན་ནམ། མི་འདི་ངའི་ཁྱིམ་དུ་འཇུག་འོས་སམ་ཞེས་སྨྲས་སོ། །   
\c 22
\cl ལེའུ་ཉེར་གཉིས་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 སོ་ལོས་མཆོད་དཔོན་དམར་གསོད་བྱས་པ།  
\p
\v 1 དཱ་བིད་ས་ཆ་དེ་ནས་ཐོན་ཏེ་བྲག་ཕུག་ཨ་དུལ་ལཱམ་ཞེས་བྱ་བ་དེར་བྲོས་ཤིང་། གཏམ་དེ་ཁོའི་སྤུན་རྣམས་དང་ཕ་ཡི་ཁྱིམ་རྒྱུད་ཐམས་ཅད་ཀྱིས་ཐོས་པ་དང་ཁོ་ཚོ་ཡང་དཱ་བིད་ཀྱི་རྩར་ཕྱིན་པ་རེད།  
\v 2 ཡང་འཚོ་བ་དཀའ་སྡུག་ཅན་དང་བུ་ལོན་ཅན། སེམས་སྡུག་ཅན་ཐམས་ཅད་དེར་འཛོམས་ནས་ཁོ་དེ་དག་གི་འགོ་དཔོན་དུ་གྱུར་ཅིང་ཁོ་དང་མཉམ་དུ་མི་བཞི་བརྒྱ་ཙམ་ཡོད།  
\v 3 ཡང་དཱ་བིད་ཡུལ་དེ་ནས་མོ་ཨབ་ཡུལ་གྱི་མི་ཙི་ཕེ་ཞེས་པའི་གྲོང་ཁྱེར་དུ་སོང་སྟེ། མོ་ཨབ་ཀྱི་རྒྱལ་པོ་ལ་དཀོན་མཆོག་གིས་བདག་ལ་ཅི་མཛད་པ་རྟོགས་པའི་བར་དུ་བདག་གི་ཕ་མ་གཉིས་ཀ་ཁྱེད་ཅག་དང་མཉམ་དུ་གནས་སུ་འཇུག་རོགས་ཞེས་ཞུས།  
\v 4 དེ་ནས་དཱ་བིད་ཀྱིས་ཕ་མ་གཉིས་རྒྱལ་པོའི་དྲུང་དུ་ཁྲིད་ནས། ཁོ་རང་རི་རྫོང་དུ་སྡོད་པའི་རིང་དུ་ཕ་མ་གཉིས་ཀྱང་མོ་ཨབ་ཀྱི་རྒྱལ་པོ་དང་མཉམ་དུ་གནས་ཤིང་།  
\v 5 ཡང་ལུང་སྟོན་པ་གཱ་རྡུ་ཡིས་དཱ་བིད་ལ། རི་གསེབ་ཏུ་གནས་པར་མ་བྱེད་ཅིག ཁྱོད་ཡ་ཧུ་དཱ་ཡུལ་དུ་འགྲོ་དགོས་ཞེས་བསྐུལ་བས། དཱ་བིད་ལངས་ཏེ་ཧེ་རེད་ཅེས་བྱ་བའི་ནགས་ཁྲོད་དུ་ཕྱིན་ཏོ། །   
\p
\v 6 སོ་ལོ་ནི་གིབ་ཨ་ས་ཆའི་རི་རྩེ་ཡི་འོམ་བུ་ཤིང་ཡོད་སར་བསྡད་པ་དང་། ལག་ཏུ་མདུང་ཐོགས་ཤིང་བློན་འཁོར་རྣམས་ཁོའི་མདུན་དུ་འགྲེངས་ནས་བསྡད། ཡང་སོ་ལོས་དཱ་བིད་དང་བཅས་པའི་མི་རྣམས་ཐག་ཉེ་ཞིག་ཏུ་ཡོད་པ་ཐོས་པས།  
\v 7 བློན་འཁོར་རྣམས་ལ། ཀྱེ་པེན་ཡཱ་མེན་པ་ཀུན། ཉོན་དང་། ཡེ་སེའི་བུ་དེས་ཁྱོད་ཅག་མི་རེ་རེ་ལ་ཞིང་དང་རྒུན་ཚལ་གཏོང་བར་བྱའམ། ཁྱོད་ཅག་མི་རེ་རེ་སྟོང་དཔོན་དང་བརྒྱ་དཔོན་དུ་འཇོག་པར་བྱའམ།  
\v 8 ཁྱོད་ཅག་ཐམས་ཅད་ཀྱིས་ང་ལ་ཅིའི་ཕྱིར་གནག་པ་ཡིན། ངའི་བུ་དང་ཡེ་སེའི་བུ་གཉིས་ཀྱིས་ཁ་ཆད་བྱས་པ་སུ་ཞིག་གིས་ཀྱང་ང་ལ་སྨྲས་མ་སོང་ལ། ངའི་བུ་ཡིས་ཞབས་ཕྱི་དང་ངའི་བར་དཀྲུག་ཤིང་འཕེན་སྐབས་སུའང་དེ་རིང་ནང་བཞིན་སུ་ཞིག་གིས་ཀྱང་ང་ལ་མ་སྨྲས་ཤིང་། སུ་ཞིག་གིས་ཀྱང་ང་ལ་གདུང་སེམས་མཉམ་སྐྱེད་མ་བྱས་ཞེས་སྨྲས།  
\v 9 དེ་ནས་ཨེ་དོམ་པ་དོ་ཨེག་བྱ་བ་སོ་ལོ་ཡི་བློན་འཁོར་རྣམས་ཀྱི་ཁྲོད་དུ་འགྲེངས་ནས་ན་རེ། ངས་ནི་ཡེ་སེའི་བུ་དེ་ནོབ་བྱ་བའི་ཡུལ་དུ་ཨ་ཧི་ཏུབ་ཀྱི་བུ་ཨ་ཧི་མེ་ལེག་གི་མདུན་དུ་འགྲོ་བ་མཐོང་བྱུང་།  
\v 10 དེ་ནས་ཨ་ཧི་མེ་ལེག་གིས་ཡེ་སེའི་བུ་ཡི་དོན་དུ་དཀོན་མཆོག་ཡ་ཝཱེ་ལ་གསོལ་བ་བཏབ་ཅིང་ཁོ་ལ་རྒྱགས་དང་ཕེ་ལེ་ཤེད་པ་གོལ་ཡད་ཀྱི་རལ་གྲི་ཡང་བཏང་བྱུང་ཞེས་ཞུས་སོ། །   
\p
\v 11 དེ་ནས་རྒྱལ་པོས་ཨ་ཧི་ཏུབ་ཀྱི་བུ་སྟེ་མཆོད་དཔོན་ཨ་ཧི་མེ་ལེག་དང་། དེའི་ཕ་ཡི་ཁྱིམ་རྒྱུད་ཐམས་ཅད་དང་ནོབ་ཅེས་པའི་ས་ཆར་གནས་པའི་མཆོད་དཔོན་ཐམས་ཅད་ལ་འབོད་མཁན་མངགས་ཤིང་དེ་དག་རྒྱལ་པོའི་དྲུང་དུ་འོངས་ནས།  
\v 12 སོ་ལོས། ཀྱེ་ཨ་ཧི་ཏུབ་ཀྱི་བུ། ཁྱོད་ཀྱིས་ཉོན་ཅིག་ཅེས་བསྐུལ་བར། དེས་ནི། ངའི་བདག་པོ་ལགས། ང་རང་འདི་རུ་ཡོད་ཅེས་ལན་ཞུས།  
\v 13 སོ་ལོས་ཁོ་ལ། ཁྱོད་ཀྱིས་ཅིའི་ཕྱིར་ཡེ་སེའི་བུ་དང་ལྐོག་འབྲེལ་བྱས་ནས་ང་ལ་གནག་པ་ཡིན་ནམ། དེ་རིང་ནང་བཞིན་ཁོས་ང་ལ་འཇབ་སྒུག་བྱེད་པའི་ཆེད་དུ། ཁྱོད་ཀྱིས་ཅིའི་ཕྱིར་ཁོ་ལ་བག་ལེབ་དང་རལ་གྲི་བཏང་ནས་ཁོའི་དོན་དུ་དཀོན་མཆོག་ལ་གསོལ་བ་བཏབ་བམ་ཞེས་དྲིས།  
\v 14 ཨ་ཧི་མེ་ལེག་གིས་རྒྱལ་པོ་ལ། ཁྱེད་ཀྱི་བློན་འཁོར་རྣམས་ཀྱི་ཁྲོད་དུ་གཡོ་སྒྱུ་མེད་པའི་དཱ་བིད་འདྲ་བ་སུ་ཡང་མེད། ཁོ་ནི་རྒྱལ་པོའི་མག་པ་དང་སྐུ་སྲུང་པའི་འགོ་དཔོན་དང་། ཁྱེད་ཀྱི་བློན་པོའི་ཁྲོད་དུ་བཀུར་སྟི་ཐོབ་པ་ཞིག་མ་ཡིན་ནམ།  
\v 15 བདག་གིས་དེ་རིང་ཐེངས་དང་པོར་ཁོའི་དོན་དུ་དཀོན་མཆོག་ལ་གསོལ་བ་བཏབ་པ་ཡིན་ནམ་ཟེར་ན་མ་ཡིན་ནོ། །རྒྱལ་པོས་ཉིད་ཀྱི་མི་སེར་ང་རང་དང་ངའི་ཕ་ཡི་ཁྱིམ་རྒྱུད་ལ་དེ་ལྟ་བུའི་ལས་མ་འགེལ་ཞིག ལས་ཆེ་ཆུང་ཅི་ཡོད་ཀྱང་ཉིད་ཀྱི་ཞབས་ཕྱི་བདག་གིས་གང་ཡང་མི་ཤེས་ཞེས་ཞུས།  
\v 16 ལན་དུ་རྒྱལ་པོ་ན་རེ། ཀྱེ་ཨ་ཧི་མེ་ལེག ཁྱོད་དང་ཁྱོད་ཀྱི་ཕ་ཡི་ཁྱིམ་རྒྱུད་ཐམས་ཅད་འཆི་དགོས་ཞེས་སྨྲས་ཤིང་།  
\v 17 རྒྱལ་པོས་གཡས་གཡོན་དུ་སྡོད་པའི་སྐུ་སྲུང་པ་རྣམས་ལ། ཁྱོད་ཚོས་འཕྲལ་མར་དཀོན་མཆོག་ཡ་ཝཱེའི་མཆོད་དཔོན་རྣམས་སོད་ཅིག དེ་དག་གིས་དཱ་བིད་ལ་རོགས་བྱས་པར་མ་ཟད། ཁོ་ཚོས་དཱ་བིད་བྲོས་པ་ཤེས་ཀྱང་ང་ལ་འཕྲིན་མ་བཏང་ཞེས་སྨྲས་ཀྱང་། རྒྱལ་པོའི་བློན་འཁོར་རྣམས་ནི་དཀོན་མཆོག་ཡ་ཝཱེའི་མཆོད་དཔོན་རྣམས་གསོད་པའི་ཕྱིར་ལག་པ་བརྐྱང་བར་མ་འཐད་དོ། །  
\v 18 དེ་ནས་རྒྱལ་པོས་དོ་ཨེག་ལ། ཁྱོད་ཀྱིས་འཕྲལ་མར་མཆོད་དཔོན་རྣམས་སོད་ཅིག་ཅེས་བཀའ་བསྒོས་པ་ལ། ཨེ་དོམ་པ་དོ་ཨེག་གིས་ཉིན་དེ་ལ་སོ་རས་ཀྱིས་བཟོས་པའི་བེར་ཐུལ་གྱོན་པའི་མི་བརྒྱད་ཅུ་གྱ་ལྔ་བསད་པ་རེད།  
\v 19 ཡང་མཆོད་དཔོན་གྱི་གྲོང་ཁྱེར་ནོབ་བྱ་བ་དེ་ནས་སྐྱེས་པ་དང་བུད་མེད། ཕྲུ་གུ་འོ་འཐུང་། བ་གླང་དང་བོང་བུ། ལུག་སོགས་རལ་གྲིས་བསད་དོ། །   
\p
\v 20 དེ་ནས་ཨ་ཧི་ཏུབ་ཀྱི་བུ་ཨ་ཧི་མེ་ལེག་གི་བུ་རྣམས་ལས་ཨབ་ཡཱ་ཐར་ཞེས་བྱ་བ་དེ་དཱ་བིད་ཀྱི་མདུན་དུ་བྲོས།  
\v 21 ཨབ་ཡཱ་ཐར་གྱིས་སོ་ལོས་དཀོན་མཆོག་ཡ་ཝཱེའི་མཆོད་དཔོན་ཐམས་ཅད་བསད་པའི་དོན་དེ་དཱ་བིད་ལ་སྨྲས་པ་དང་།  
\v 22 དཱ་བིད་ཀྱིས་ཨབ་ཡཱ་ཐར་ལ། ངས་ཉིན་མོ་དེར་ཨེ་དོམ་པ་དོ་ཨེག་དེར་ཡོད་པ་མཐོང་ཞིང་། ཁོས་སོ་ལོ་ལ་ཡོངས་སུ་སྨྲ་བར་འགྱུར་བ་ངས་ཤེས། ཁྱོད་ཀྱི་ཕ་ཡི་ཁྱིམ་རྒྱུད་ཐམས་ཅད་ཤི་བའི་རྒྱུ་ནི་ང་ཡིན།  
\v 23 ཁྱོད་མ་འཇིགས་ཤིག ང་དང་མཉམ་དུ་སྡོད་ཅིག སུ་ཁྱོད་ཀྱི་སྲོག་ལེན་དུ་ཡོང་ན་དེ་ནི་ངའི་སྲོག་ཀྱང་ལེན་དུ་ཡོང་བས། ངས་ཁྱོད་ཀྱི་སྲོག་བསྲུང་ཐུབ་པར་འགྱུར་ཞེས་སྨྲས་སོ། །   
\c 23
\cl ལེའུ་ཉེར་གསུམ་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 དཱ་བིད་ཀྱིས་ཀེ་ཨི་ལཱ་གྲོང་ཁྱེར་བསྐྱབས་པ།  
\p
\v 1 དེ་ནས་མི་རྣམས་ཀྱིས་དཱ་བིད་ལ། ཀྱེ་ཧོ། ཕེ་ལེ་ཤེད་པ་རྣམས་ཀྱིས་ཀེ་ཨི་ལཱ་རུ་འཐབ་མོ་བྱེད་པར་མ་ཟད། གཡུལ་ཁ་ཐམས་ཅད་འཕྲོག་གིན་འདུག་ཅེས་ཟེར་བས།  
\v 2 དཱ་བིད་ཀྱིས་དཀོན་མཆོག་ཡ་ཝཱེ་ལ་གསོལ་བ་བཏབ་ཅིང་། བདག་ནི་ཕེ་ལེ་ཤེད་པ་འདི་དག་ལ་དམག་རྒྱག་ཏུ་འགྲོ་བར་རུང་ངམ་ཞེས་ཞུས་པ་ན། དཀོན་མཆོག་ཡ་ཝཱེས་ཁྱོད་འགྲོ་རུང་བ་ཡིན། ཕེ་ལེ་ཤེད་པ་རྣམས་མེད་པར་བྱོས་དང་། ཀེ་ཨི་ལཱ་སྐྱོབས་ཤིག་ཅེས་བཀའ་བསྩལ་ཡང་།  
\v 3 དཱ་བིད་ཀྱི་མི་རྣམས་ཀྱིས་ཁོ་ལ། ཡ་ཧུ་དཱའི་ཡུལ་འདི་ནས་ཀྱང་བདག་ཅག་འཇིགས་ཤིང་སྐྲག་ན་ཀེ་ཨི་ལཱ་རུ་ཡོད་པའི་ཕེ་ལེ་ཤེད་པའི་དམག་དཔུང་ལ་འཐབ་པར་ལྷག་ཏུ་མི་འཇིགས་སམ་ཞེས་ཞུས་པས།  
\v 4 ཡང་དཱ་བིད་ཀྱིས་དཀོན་མཆོག་ཡ་ཝཱེ་ལ་གསོལ་བ་བཏབ་པ་ན། དཀོན་མཆོག་ཡ་ཝཱེས་དེ་ལ་ཀེ་ཨི་ལཱ་རུ་མར་སོང་ཞིག་དང་། ངས་ཕེ་ལེ་ཤེད་པ་རྣམས་ཁྱོད་ཀྱི་ལག་ཏུ་སྤྲོད་པར་བྱ་ཞེས་བཀའ་ལན་གནང་བས།  
\v 5 དཱ་བིད་དང་དེའི་མི་རྣམས་ཀེ་ཨི་ལཱ་རུ་སོང་སྟེ། ཕེ་ལེ་ཤེད་པ་དང་དམག་བརྒྱབ་ཅིང་དེ་དག་གི་ཕྱུགས་ཕྲོགས་ནས་གསོད་གཅོད་ཆེན་པོ་ཞིག་གིས་ཕམ་པར་བྱས་ཤིང་། དེ་ལྟར་དཱ་བིད་ཀྱིས་ཀེ་ཨི་ལཱ་པ་རྣམས་བསྐྱབས་པ་རེད།  
\v 6 ཡང་ཨ་ཧི་མེ་ལེག་གི་བུ་ཨབ་ཡཱ་ཐར་ནི་བེར་ཐུལ་བཟུང་ནས་ཀེ་ཨི་ལཱ་རུ་བྲོས་ཏེ་དཱ་བིད་ཀྱི་མདུན་དུ་སླེབས་སོ། །   
\s1 སོ་ལོས་དཱ་བིད་ཀྱི་རྗེས་དེད་པ།  
\p
\v 7 སོ་ལོས་དཱ་བིད་ནི་ཀེ་ཨི་ལཱ་རུ་སླེབས་པའི་གཏམ་ཐོས་ནས། ཁོ་ནི་སྒོ་དང་སྒོ་གཏན་ཡོད་པའི་གྲོང་ཁྱེར་དུ་བཀག་པས་དཀོན་མཆོག་གིས་ཁོ་ངའི་ལག་ཏུ་སྤྲད་པ་ཡིན་ཞེས་སྨྲས་ཤིང་།  
\v 8 ཀེ་ཨི་ལཱ་རུ་མར་སོང་ནས་དཱ་བིད་དང་ཁོའི་མི་རྣམས་བསྐོར་བའི་ཆེད་དུ་སོ་ལོས་དམག་ཐམས་ཅད་བསྡུས།  
\v 9 དེ་ནས་དཱ་བིད་ཀྱིས་སོ་ལོས་ཁོ་ལ་གཡོ་ཐབས་ཀྱིས་གནོད་འཚེ་གཏོང་བ་ཤེས་པ་དང་། མཆོད་དཔོན་ཨབ་ཡཱ་ཐར་ལ་བེར་ཐུལ་འདི་རུ་འཁུར་ཤོག་ཅེས་སྨྲས་ཤིང་།  
\v 10 དཱ་བིད་ཀྱིས། ཀྱེ་ཡེས་ར་ཨེལ་གྱི་དཀོན་མཆོག་ཡ་ཝཱེ་ལགས། སོ་ལོས་ཐབས་ཤེས་བཏོན་ནས་ཀེ་ཨི་ལཱ་རུ་འོང་ཞིང་གྲོང་ཁྱེར་འདི་འཇིག་པར་བྱའོ། །དེ་ནི་བདག་གི་རྐྱེན་གྱིས་ཡིན་ཞེས་བསྒྲགས་སྐད། གཏམ་དེ་དག་ཁྱེད་ཀྱི་ཞབས་ཕྱི་བདག་གིས་ཐོས་པ་ཡིན།  
\v 11 ཀེ་ཨི་ལཱ་པ་རྣམས་ཀྱིས་བདག་ཁོའི་ལག་ཏུ་གཏོད་པར་བྱའམ། ཁྱེད་ཀྱི་ཞབས་ཕྱིས་ཐོས་པ་བཞིན་དུ་སོ་ལོ་འདིར་སླེབ་ཡོང་ངམ། ཀྱེ་ཡེས་ར་ཨེལ་གྱི་དཀོན་མཆོག་ཡ་ཝཱེ་ལགས། ཁྱེད་ཀྱི་ཞབས་ཕྱི་བདག་ལ་གསུང་བར་མཛོད་ཅེས་ཞུས་པས། དཀོན་མཆོག་ཡ་ཝཱེས་ཁོ་སླེབ་ཡོང་ཞེས་གསུངས།  
\v 12 ཡང་དཱ་བིད་ཀྱིས། ཀེ་ཨི་ལཱ་པ་རྣམས་ཀྱིས་བདག་དང་བདག་གི་མི་རྣམས་སོ་ལོའི་ལག་ཏུ་གཏོད་པར་བྱའམ་ཞེས་ཞུས་པས་དཀོན་མཆོག་ཡ་ཝཱེས་གཏོད་པར་བྱའོ་ཞེས་གསུངས།  
\v 13 དེ་ནས་དཱ་བིད་དང་ཁོའི་རྗེས་སུ་འབྲངས་པའི་མི་དྲུག་བརྒྱ་ཙམ་ཡོད་པ་ལངས་ནས། ཀེ་ཨི་ལཱ་ནས་བྲོས་ཏེ་འགྲོ་ཐུབ་ས་དེར་སོང་། སོ་ལོས་དཱ་བིད་ནི་ཀེ་ཨི་ལཱ་ནས་སོང་ཟིན་པའི་གཏམ་ཐོས་པས་བྱ་བ་དེའི་མཚམས་བཞག་གོ །   
\s1 དཱ་བིད་རི་ཁྲོད་དུ་བྲོས་པ།  
\p
\v 14 ཡང་དཱ་བིད་དབེན་སྟོང་གི་རི་རྫོང་དེར་བསྡད་ཅིང་བྱེ་ཐང་དང་རི་མང་བའི་ཡུལ་ལུང་ཟིབ་ཅེས་པར་གནས་པ་ལ། སོ་ལོས་ཉིན་རེ་བཞིན་དུ་ཁོ་བཙལ་ཡང་དཀོན་མཆོག་གིས་ཁོ་སོ་ལོའི་ལག་ཏུ་མ་སྤྲད་དོ། །  
\v 15 དཱ་བིད་ནི་ཟིབ་བྱ་བའི་བྱེ་ཐང་གི་ཧོ་རེ་ཧྲི་ཡུལ་དུ་གནས་པའི་ཚེ། སོ་ལོ་དེའི་སྲོག་ལེན་དུ་སླེབས་པ་ཤེས་པར་གྱུར།  
\v 16 དེ་ནས་སོ་ལོའི་སྲས་ཡོ་ནཱ་ཐན་ལངས་ནས་ཧོ་རེ་ཧྲི་ཡུལ་ལ་དཱ་བིད་ཀྱི་མདུན་དུ་སོང་སྟེ། ཁོ་རང་དཀོན་མཆོག་ལ་བརྟེན་ནས་བརྟན་པོ་ཡོང་བར་བྱས་པ་དང་།  
\v 17 ཡང་ཁོས་དེ་ལ། མ་འཇིགས་ཤིག ངའི་ཕ་སོ་ལོའི་ལག་པས་ཁྱེད་ལ་གནག་ཐབས་མེད། ཁྱེད་ནི་ཅིས་ཀྱང་ཡེས་ར་ཨེལ་གྱི་རྒྱལ་པོར་འགྱུར་ཞིང་ང་ནི་ཅིས་ཀྱང་ཁྱེད་ཀྱི་ལག་རོགས་སུ་འགྱུར་ཡོང་། བྱ་བ་དེ་ནི་ངའི་ཕ་ཡིས་ཀྱང་ཤེས་སོ་ཞེས་སྨྲས་པས།  
\v 18 དེ་གཉིས་ཀྱིས་དཀོན་མཆོག་ཡ་ཝཱེའི་དྲུང་དུ་ཁ་ཆད་བཞག་ནས་ཡོ་ནཱ་ཐན་རང་གི་ཁྱིམ་དུ་ཕྱིན་པ་དང་དཱ་བིད་སྔར་བཞིན་ཧོ་རེ་ཧྲི་ཡུལ་དུ་གནས་སོ། །   
\p
\v 19 དེ་ནས་ཟིབ་པ་རྣམས་གིབ་ཨ་རུ་སོ་ལོའི་མདུན་དུ་སོང་ནས་དེ་ལ། དཱ་བིད་ནི་ཧོ་རེ་ཧྲི་ཡུལ་གྱི་གནས་བཙན་པོ་དང་། ཡེ་ཤི་མོན་གྱི་ལྷོ་ཕྱོགས་སུ་ཡོད་པའི་རི་ཧ་ཀི་ལཱར་ཡིབ་ནས་འདུག  
\v 20 དེའི་ཕྱིར། རྒྱལ་པོ་ཁྱེད་ཐུགས་མོས་བཞིན་དུ་མར་ཕེབས་དང་། བདག་ཅག་གིས་ཁོ་རྒྱལ་པོ་ཁྱེད་ཀྱི་ཕྱག་ཏུ་གཏོད་པར་བྱ་ཞེས་ཞུས་པ་ན།  
\v 21 རྒྱལ་པོས་དེ་དག་ལ། ཁྱོད་ཚོས་ང་ལ་འདི་ལྟར་རོགས་བྱས་པའི་རྐྱེན་གྱིས་དཀོན་མཆོག་ཡ་ཝཱེས་ཁྱོད་ཅག་ལ་བྱིན་རླབས་གནང་བར་སྨོན།  
\v 22 ད་ཁྱོད་ཅག་སོང་ལ་ནན་ཏན་གྱིས་རྩད་ཆོད། ཁོའི་སྡོད་གནས་དང་འགྲོ་འདུག་ལ་བལྟ་ཞིང་། ཡང་སུས་ཁོ་དེ་རུ་མཐོང་བ་དེ་རྟོགས་པར་གྱིས། གང་ལ་ཞེ་ན། ཁོ་རང་གཡོ་སྒྱུ་ཅན་ཞིག་ཡིན་པ་ངས་ཐོས་ཏེ།  
\v 23 དེའི་ཕྱིར་ཁོ་རང་སྔར་ཡིབ་ས་ཐམས་ཅད་ལ་གསལ་པོར་ལྟོས་ལ་རྟོགས་པར་གྱིས། དེ་ནས་ཕྱིར་ཤོག་ལ་ངེས་ཐག་ཆོད་པའི་འཕྲིན་བདག་ལ་ཤོད་ཅིག དེ་ནས་ང་རང་ཁྱོད་ཅག་དང་མཉམ་དུ་འགྲོ་བ་དང་། གལ་ཏེ་ཁོ་རང་ད་དུང་ཡུལ་དེ་རུ་ཡོད་ན། ངས་ཁོ་ཡ་ཧུ་དཱ་པ་ཐམས་ཅད་ཀྱི་ནང་ནས་འཚོལ་བར་བྱ་ཞེས་སྨྲས།  
\v 24 དེ་ནས་དེ་དག་ལངས་ནས་ཟིབ་ཡུལ་དུ་སོ་ལོ་མ་སོང་སྔོན་ལ་ཆས་ཤིང་། དཱ་བིད་སོགས་མཱ་ཨོན་བྱ་བའི་བྱེ་ཐང་སྟེ་ཡེ་ཤི་མོན་ལྷོ་ཕྱོགས་ཀྱི་ཨ་ར་པཱ་ཞེས་པའི་ས་ཆར་གནས་པ་རེད།  
\v 25 སོ་ལོ་དང་དེའི་མི་རྣམས་ཁོ་བཙལ་བར་ཕྱིན་པ་ན། དཱ་བིད་ཀྱིས་ཐོས་པས་ཁོ་བྲག་རྡོ་དེ་རུ་མར་སོང་བ་དང་མཱ་ཨོན་གྱི་བྱེ་ཐང་ལ་གནས་ཤིང་། སོ་ལོས་གཏམ་དེ་ཐོས་ནས་མཱ་ཨོན་གྱི་ཐང་དུ་དཱ་བིད་ཀྱི་རྗེས་དེད་དོ། །  
\v 26 དེ་ནས་སོ་ལོ་རིའི་ཚུར་ཕྱོགས་སུ་འགྲོ་བའི་ཚེ། དཱ་བིད་དང་དེའི་མི་རྣམས་རིའི་ཕར་ཕྱོགས་སུ་ཡོད་ཅིང་། དཱ་བིད་འབྲོ་བར་བརྩོན་པ་བྱས་ཀྱང་། སོ་ལོ་དང་དེའི་དམག་དཔུང་གིས་དཱ་བིད་དང་དེའི་མི་རྣམས་ཡོངས་སུ་བསྐོར།  
\v 27 དེ་ནས་སོ་ལོའི་དྲུང་དུ་བང་ཆེན་ཞིག་འོངས་ནས་དེ་ལ། ཁྱེད་མྱུར་ཏུ་ཕེབས་ཤོག ཕེ་ལེ་ཤེད་པ་རྣམས་ཀྱིས་ཚུར་རྒོལ་བྱས་བྱུང་ཞེས་འཕྲིན་ཞུས་པས།  
\v 28 སོ་ལོ་ནི་དཱ་བིད་ཀྱི་རྗེས་མ་དེད་པར་ཕྱིར་ལོག་སྟེ་ཕེ་ལེ་ཤེད་པའི་གདོང་བསུས་ནས་འཐབ། དེའི་ཕྱིར་བྲག་རྡོ་དེའི་མིང་ལ་ཐར་པའི་བྲག་ཅེས་བཏགས།  
\v 29 ཡང་དཱ་བིད་གནས་དེ་ནས་ཐོན་ཏེ་ཨེན་གེ་དི་ཞེས་པའི་བཙན་རྫོང་རྣམས་ལ་གནས་སོ། །   
\c 24
\cl ལེའུ་ཉེར་བཞི་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 དཱ་བིད་ནི་སོ་ལོ་ལས་ཐར་བ།  
\p
\v 1 དེ་ནས་སོ་ལོ་ནི་ཕེ་ལེ་ཤེད་པ་དག་གི་རྗེས་སུ་དེད་ནས་ཕྱིར་ལོག་པའི་ཚེ། མི་རྣམས་གྱིས་ཁོང་ལ། ལྟོས་དང་དཱ་བིད་ནི་ཨེན་གེ་དི་བྱ་བའི་བྱེ་ཐང་དུ་འདུག་ཅེས་ཞུས་པས།  
\v 2 སོ་ལོས་ཡེས་ར་ཨེལ་པ་ཐམས་ཅད་ནས་བདམས་པའི་མི་སྟོང་ཕྲག་གསུམ་ཁྲིད་ཅིང་། དཱ་བིད་དང་དེའི་མི་རྣམས་འཚོལ་བའི་ཕྱིར་གནའ་བའི་བྲག་རྡོ་ཞེས་པར་ཕྱིན་པ་དང་།  
\v 3 ལམ་དུ་ཡོད་པའི་ལུག་རར་སླེབས་ཏེ། བྲག་ཕུག་ཅིག་ཡོད་སར་སོ་ལོ་བཙོག་པ་གཏོང་བའི་ཕྱིར་དེའི་ནང་ཕྱིན་པར་དཱ་བིད་སོགས་བྲག་ཕུག་དེའི་སྦུག་ཏུ་བསྡད་ཡོད་པ་རེད།  
\v 4 དེ་ནས་དཱ་བིད་ཀྱི་མི་རྣམས་ཀྱིས་ཁོ་ལ། ལྟོས་དང་། དཀོན་མཆོག་ཡ་ཝཱེས་ཁྱོད་ཀྱི་དགྲ་བོ་ཁྱོད་ཀྱི་ལག་ཏུ་སྤྲོད་ཅིང་། ཁྱོད་ཀྱིས་དེ་ལ་ཅི་འདོད་བཞིན་བྱས་ཆོག་ཅེས་གསུངས་པ་དང་། ད་ནི་ཉིན་དེ་སླེབས་བྱུང་ཞེས་སྨྲས་པ་ལ། དཱ་བིད་ལངས་ཏེ་གསང་བའི་སྒོ་ནས་སོ་ལོའི་གོས་ཀྱི་ཐུ་བ་བཅད།  
\v 5 ཡང་དེའི་རྗེས་སུ་ལས་དེ་བྱས་པར་དཱ་བིད་ཀྱི་སེམས་ནས་རང་ལ་སྨད་དོ། །  
\v 6 དེ་ནས་དཱ་བིད་ཀྱིས་རང་གི་མི་རྣམས་ལ། ངའི་རྗེ་བོ་ནི་དཀོན་མཆོག་ཡ་ཝཱེས་བྱུགས་པ་དེ་ལགས་པས། ངས་ཁོང་གི་ཕྱོགས་སུ་ལག་པ་བརྐྱངས་ནས་ཁོང་ལ་རྒོལ་བར་གཏན་ནས་མི་བྱའོ་ཞེས་སྨྲས་པ་དང་།  
\v 7 དཱ་བིད་ཀྱིས་རང་གི་མི་རྣམས་བཀག་སྟེ་སོ་ལོ་ལ་རྒོལ་བར་མ་བྱས་ཤིང་། ཡང་སོ་ལོ་ལངས་ནས་བྲག་ཕུག་ནས་སྒོར་བུད་དེ་རང་གི་ལམ་དུ་ཞུགས་སོ། །   
\p
\v 8 དེ་ནས་དཱ་བིད་བྲག་ཕུག་ནས་ཐོན་ཏེ། ཀྱེ་བདག་གི་ཇོ་བོ་བདག་གི་རྒྱལ་པོ་ལགས་ཞེས་སོ་ལོ་བོས་པ་ན། སོ་ལོས་ཕྱི་མིག་བལྟས་ཤིང་དེར་དཱ་བིད་ཀྱིས་མར་བསྒུར་ནས་གདོང་སར་བཏུད་དེ་ཕྱག་བཙལ་བ་རེད།  
\v 9 ཡང་དཱ་བིད་ཀྱིས་སོ་ལོ་ལ། མི་རྣམས་ཀྱིས་ཁྱེད་ལ་ཀྱེ་ཧོ་དཱ་བིད་ཀྱིས་རྒྱལ་པོ་ཁྱེད་ལ་གནག་པར་འདོད་ཅེས་པའི་གཏམ་དེ་ལ་ཅིའི་ཕྱིར་གསན་པ་ཡིན་ནམ།  
\v 10 ལྟོས་དང་དཀོན་མཆོག་ཡ་ཝཱེས་ཁྱེད་ནི་དེ་རིང་བྲག་ཕུག་ནང་དུ་ངའི་ལག་ལ་སྤྲད་པ་ཁྱེད་ཀྱི་སྤྱན་གྱིས་གཟིགས་པ་ཡིན། མི་འགའ་ཞིག་གིས་ང་ལ་ཁྱེད་སོད་ཅིག་ཟེར་ཡང་ངས་ཁྱེད་རང་མ་བསད། ངས་དེ་དག་ལ་ངའི་རྗེ་བོ་ནི་དཀོན་མཆོག་ཡ་ཝཱེས་བྱུགས་པ་དེ་ལགས་པས། ངའི་ལག་པ་བརྐྱངས་ནས་རང་གི་རྗེ་བོར་གནག་མི་ཕོད་ཅེས་སྨྲས་པ་ཡིན།  
\v 11 ངའི་ཡབ་ལགས། ལྟོས་དང་། ངའི་ལག་ཏུ་ཡོད་པའི་གོས་ཀྱི་ཐུ་བ་འདི་ཁྱེད་ཀྱི་གོས་ནས་བཅད་ཀྱང་ཁྱེད་རང་མ་བསད་པས་འདི་ལ་གཟིགས་ཤིང་དེ་རྟོགས་པར་གྱིས། ང་ལ་ངན་དང་ཉེས་པ་ཅི་ཡང་མེད་དེ། ཁྱེད་ཀྱིས་ངའི་སྲོག་ལེན་པར་འདོད་ནའང་ངས་ཁྱེད་ལ་སྡིག་པ་མ་བྱས།  
\v 12 དཀོན་མཆོག་ཡ་ཝཱེས་ཁྱེད་དང་ངེད་གཉིས་ཀྱི་བར་ལ་ཤན་འབྱེད་པར་མཛོད་ཅིག དཀོན་མཆོག་ཡ་ཝཱེས་ཁྱེད་ཀྱི་མདུན་ནས་ང་ལ་དཀར་འདོན་པར་མཛོད་ཅིག ངའི་ལག་པས་གཏན་ནས་ཁྱེད་ལ་གནག་མི་སྲིད།  
\v 13 སྔ་མ་རྣམས་ཀྱི་གཏམ་དཔེར། ངན་པ་ལས་ངན་པ་འབྱུང་ཟེར་ཡང་ངའི་ལག་པས་ཁྱེད་ལ་གནག་མི་སྲིད།  
\v 14 ཡེས་ར་ཨེལ་གྱི་རྒྱལ་པོ་ནི་སུའི་ཕྱིར་དུ་ཐོན་ནམ། ཁྱེད་སུའི་རྗེས་སུ་འདེད་དམ། ཁྱི་ཤི་རོའམ་ཁྱི་ཤིག་ཅིག་གི་རྗེས་སུ་འདེད་དམ།  
\v 15 དཀོན་མཆོག་ཡ་ཝཱེས་རང་རེའི་བར་ཁྲིམས་ཐག་གཅོད་ཅིང་ལེགས་ཉེས་འབྱེད་པ་དང་། ཁོང་གིས་གཟིགས་ཏེ་ང་ལ་དཀར་འདོན་པར་མཛད་ནས། ང་ཁྱེད་ཀྱི་ལག་ནས་སྐྱོབ་པར་མཛོད་ཅིག་ཅེས་སྨྲས་སོ། །   
\p
\v 16 དེ་ནས་དཱ་བིད་ཀྱིས་སོ་ལོ་ལ་གཏམ་བྱས་ཟིན་པ་ན་སོ་ལོས། ཀྱེ་དཱ་བིད། ངའི་བུ། འདི་ནི་ཁྱོད་ཀྱི་སྐད་ཡིན་ནམ་ཞེས་དྲིས་ཤིང་དྲག་ཏུ་ངུས་པ་རེད།  
\v 17 ཡང་ཁོང་གིས་དཱ་བིད་ལ། ཁྱོད་ང་ལས་ལྷག་པར་དྲང་བདེན་ཡིན། ངས་ཁྱོད་ལ་ངན་བྱས་མོད་ཁྱོད་ཀྱིས་ང་ལ་བཟང་བྱས་སོང་།  
\v 18 ཁྱོད་ཀྱིས་ང་ལ་ཇི་ལྟ་བུའི་ལས་བཟང་པོ་བྱས་པ་དེ་ནི་ཁྱོད་ཀྱིས་ང་ལ་ཉིན་མོ་འདིར་སྨྲས་ཤིང་། དཀོན་མཆོག་ཡ་ཝཱེས་ང་རང་ཁྱོད་ཀྱི་ལག་ཏུ་སྤྲོད་པར་མཛད་ཀྱང་ཁྱོད་ཀྱིས་ང་མ་བསད་དོ། །  
\v 19 གལ་ཏེ་མི་ཞིག་གིས་རང་གི་དགྲ་བོ་རྙེད་ན་ཁོས་དེ་ནི་བདེ་བར་གཏོང་ངམ། དེ་རིང་ཁྱོད་ཀྱིས་ང་ལ་དེ་ལྟར་མ་བྱས་པས་དཀོན་མཆོག་ཡ་ཝཱེས་ཁྱོད་ལ་བཟང་ལན་གནང་བར་ཤོག  
\v 20 ཡང་ད་ལྟ་ལྟོས་ཤིག ཁྱོད་ནི་ངེས་པར་རྒྱལ་པོར་འགྱུར་བ་དང་ཡེས་ར་ཨེལ་གྱི་རྒྱལ་སྲིད་ཁྱོད་ཀྱི་ལག་ཏུ་བརྟན་པོར་ཚུགས་པར་འགྱུར།  
\v 21 ད་ལྟ་ཁྱོད་ཀྱིས་དཀོན་མཆོག་ཡ་ཝཱེ་དཔང་དུ་བཙུགས་ནས་ངའི་རྗེས་སུ་ངའི་ཁྱིམ་རྒྱུད་མེད་པར་མི་བྱེད་པ་དང་ངའི་ཕ་ཡི་ཁྱིམ་རྒྱུད་ནས་ངའི་མིང་མེད་པར་མི་བྱེད་པའི་མནའ་སྐྱོལ་ཞིག་ཅེས་སྨྲས་པས།  
\v 22 དཱ་བིད་ཀྱིས་སོ་ལོ་ལ་མནའ་བསྐྱལ་ཏེ་སོ་ལོ་རང་གི་ཁྱིམ་དུ་ལོག་ཅིང་དཱ་བིད་དང་ཁོའི་མི་རྣམས་རི་རྫོང་ལ་ཕྱིན་ཏོ། །   
\c 25
\cl ལེའུ་ཉེར་ལྔ་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 དཱ་བིད་དང་ནཱ་རྦལ། ཨ་བི་གཱ་ཡིལ་བཅས་ཀྱི་སྐོར།  
\p
\v 1 ཡང་སཱ་མུ་ཨེལ་གྲོངས་ནས་ཡེས་ར་ཨེལ་པ་ཐམས་ཅད་འཛོམས་པ་དང་། མྱ་ངན་བྱས་ཤིང་ཁོང་གི་སྐུ་གདུང་རཱ་མ་ཡུལ་དུ་རང་གི་ཁྱིམ་ནས་དུར་དུ་བཅུག  
\p ཡང་དཱ་བིད་ལངས་ཏེ་མར་ཕཱ་རན་བྱ་བའི་བྱེ་ཐང་དུ་སོང་།  
\v 2 མཱ་ཨོན་ཡུལ་དུ་མི་ཞིག་ཡོད་པ་དང་དེའི་རྒྱུ་ནོར་ཀར་མེལ་ཞེས་བྱ་བའི་ཡུལ་དུ་ཡོད་པ་ཡིན། མི་དེ་ནི་རྒྱུ་འབྱོར་བ་ཤིན་ཏུ་ཆེ་ཞིང་ཁོ་ལ་ལུག་སྟོང་ཕྲག་གསུམ་དང་། ར་སྟོང་ཕྲག་གཅིག་ཡོད་ཅིང་ཀར་མེལ་ཡུལ་དུ་མི་དེས་ལུག་གི་བལ་འབྲེག་པའི་སྒང་ལ།  
\v 3 མི་དེའི་མིང་ལ་ནཱ་རྦལ་\f + \ft ནཱ་རྦལ་ཞེས་པ་ནི་བོད་སྐད་དུ་གླེན་པའི་དོན་ཡིན།\f*ཞེས་ཟེར་ཞིང་ཁོ་ནི་ཀཱ་ལེབ་ཀྱི་རྒྱུད་ཡིན་ལ། ཁོའི་ཆུང་མའི་མིང་ལ་ཨ་བི་གཱ་ཡིལ་ཟེར། བུད་མེད་དེ་ནི་བློ་གྲོས་ལྡན་ཞིང་བྱད་གཟུགས་མཛེས་པ་ཞིག་ཡིན། ཁོ་ནི་གཤིས་ཀ་གྱོང་ཞིང་བྱ་སྤྱོད་ངན་པ་ཞིག་གོ །  
\v 4 དཱ་བིད་བྱེ་ཐང་དུ་གནས་པའི་ཚེ་ནཱ་རྦལ་གྱིས་རང་གི་ལུག་བལ་འབྲེག་པའི་གཏམ་ཐོས་ནས།  
\v 5 འཁོར་གཡོག་བཅུ་མངགས་ནས་དེ་རྣམས་ལ། ཁྱོད་ཅག་ཀར་མེལ་དུ་ནཱ་རྦལ་གྱི་མདུན་དུ་སོང་སྟེ་ཁོ་ལ་ངའི་མིང་བརྗོད་དེ་ཕྱག་བྱོས་ཤིག  
\v 6 ད་དུང་འདི་ལྟར། ཁྱེད་རང་ལོ་ནས་ལོར་བདེ་བར་ཤོག ཁྱེད་དང་ཁྱེད་ཀྱི་ཁྱིམ་དང་ཅི་ཡོད་པ་ཐམས་ཅད་ལ་ཞི་བདེ་འབྱུང་བར་ཤོག་ཅིག  
\v 7 ད་ལྟ་ཁྱེད་ཚང་གི་བལ་འབྲེག་པའི་སྐད་ཆ་ངས་ཐོས་ཤིང་ཁྱེད་ཀྱི་ལུག་རྫི་རྣམས་ང་ཚོ་དང་མཉམ་དུ་ཀར་མེལ་དུ་སྡོད་པའི་ཚེ། ང་ཚོས་དེ་དག་ལ་བརྙས་བཅོས་ཅི་ཡང་མ་བྱས་པ་དང་། ཁོ་ཚོའི་དངོས་པོ་ཅི་ཡང་མ་སྟོར་བ་ཡིན།  
\v 8 ཁྱེད་ཀྱིས་རང་གི་ཞབས་ཕྱི་རྣམས་ལ་དྲིས་ཤིག་དང་། དེ་དག་གིས་ཇི་བཞིན་འཆད་པར་བྱའོ། །དེའི་ཕྱིར་ངའི་ཞབས་ཕྱི་རྣམས་ལ་ཁྱེད་ཀྱི་སྤྱན་དྲུང་དུ་ཐུགས་རྗེ་འཐོབ་པར་གནང་སྟེ། ང་ཚོ་ཉིན་བཟང་ཞིག་ལ་སླེབས་པས་ཁྱེད་ཀྱི་ཕྱག་ཏུ་གང་ཡོད་ན། དེ་ནི་ཁྱེད་ཀྱི་ཞབས་ཕྱི་བདག་ཅག་དང་ཁྱེད་ཀྱི་བུ་དཱ་བིད་ལ་གནང་བར་མཛོད་སྨྲོས་ཤིག་ཅེས་སྨྲས་སོ། །   
\p
\v 9 ཡང་དཱ་བིད་ཀྱི་ཞབས་ཕྱི་རྣམས་གནས་དེར་སླེབས་པའི་ཚེ། དེ་དག་གིས་གཏམ་དེ་བཞིན་དུ་དཱ་བིད་ཀྱི་མིང་བརྗོད་ནས་ནཱ་རྦལ་ལ་སྨྲས་པ་དང་ཁ་རོག་བསྡད།  
\v 10 དེ་ནས་ནཱ་རྦལ་གྱིས་དཱ་བིད་ཀྱི་ཞབས་ཕྱི་རྣམས་ལ། དཱ་བིད་སུ་ཡིན་ནམ། ཡེ་སེའི་བུ་སུ་ཡིན་ནམ། ད་ལྟ་རང་གི་འགོ་དཔོན་ནས་ཤོར་བའི་ཞབས་ཕྱིའི་གྲངས་འཕེལ་བཞིན་འདུག  
\v 11 ཡང་ངས་རང་གི་བག་ལེབ་དང་། ཆུ་དང་། བལ་འབྲེག་མཁན་གྱི་ཕྱིར་ལུག་བཤས་པའི་ཤ་བླངས་ཏེ་གང་ནས་ཡིན་པ་མི་ཤེས་པའི་མི་རྣམས་ལ་གཏོང་བར་བྱའམ་ཞེས་སྨྲས་པ་དང་།  
\v 12 དཱ་བིད་ཀྱི་ཞབས་ཕྱི་རྣམས་ཕྱིར་ལོག་ཅིང་རང་གི་ལམ་དུ་ཞུགས་ཏེ་སླེབས་ནས། ཁོང་ལ་གཏམ་དེ་ཐམས་ཅད་སྨྲས་པ་རེད།  
\v 13 དེ་ནས་དཱ་བིད་ཀྱིས་རང་གི་མི་རྣམས་ལ། ད་མི་རེ་རེས་རང་རང་གི་རལ་གྲི་སྟ་གོན་བྱོས་ཤིག་ཅེས་སྨྲས་པས་མི་རེ་རེས་རལ་གྲི་བཏགས་པ་དང་། དཱ་བིད་ཀྱིས་ཀྱང་ཉིད་ཀྱི་རལ་གྲི་བཏགས། དཱ་བིད་ཀྱི་རྗེས་སུ་མི་བཞི་བརྒྱ་འབྲངས་པ་དང་། མི་ཉིས་བརྒྱ་ཡིས་དམག་ཆས་བསྲུངས་ནས་བསྡད་དོ། །   
\p
\v 14 དེ་ནས་ནཱ་རྦལ་གྱི་ཞབས་ཕྱི་རྣམས་ལས་གཅིག་གིས་ནཱ་རྦལ་གྱི་ཆུང་མ་ཨ་བི་གཱ་ཡིལ་ལ། ལྟོས་དང་། དཱ་བིད་ཀྱིས་བྱེ་ཐང་ནས་བང་ཆེན་འགའ་ཞིག་ངེད་ཀྱི་འགོ་དཔོན་གྱི་དྲུང་དུ་འཚམས་འདྲི་བྱེད་པར་མངགས་མོད། ཁོས་དེ་དག་ལ་སྐུར་བ་བཏབ་པ་རེད།  
\v 15 མི་དེ་རྣམས་ངེད་ཅག་ལ་བཟང་པོ་ཡིན་ཏེ། ང་ཚོ་དབེན་སྟོང་དུ་དེ་དག་དང་མཉམ་དུ་གནས་པའི་ཚེ། ང་ཚོ་ལ་བརྙས་བཅོས་གང་ཡང་མ་བྱུང་ཞིང་། ང་ཚོའི་གྲས་ནས་གང་ཡང་མ་སྟོར་བ་ཡིན།  
\v 16 ང་ཚོས་དེ་དག་དང་མཉམ་དུ་ལུག་འཚོ་སྐབས། དེ་དག་ཉིན་མཚན་མེད་པར་ང་ཚོ་སྲུང་བའི་རྩིག་པ་ལྟ་བུ་ཡིན་ནོ། །  
\v 17 ངེད་ཀྱི་འགོ་དཔོན་དང་དེའི་ཁྱིམ་ཐམས་ཅད་ལ་སྡུག་བསྔལ་འབྱུང་བར་འགྱུར་བ་ཐག་གིས་ཆོད། ཁོ་མི་གདུག་རྩུབ་ཅན་ཡིན་ཏེ། མི་སུས་ཀྱང་ཁོ་ལ་གཏམ་བྱེད་པར་མི་ནུས་པས། ད་ལྟ་ཁྱེད་ཀྱིས་ཅི་བྱས་ན་ལེགས་པར་བསམ་མནོ་བཏང་ནས་རྟོགས་པར་གྱིས་ཤིག་ཅེས་ཞུས་པས།  
\v 18 ཨ་བི་གཱ་ཡིལ་གྱིས་མྱུར་དུ་བག་ལེབ་ཉིས་བརྒྱ་དང་། རྒུན་ཆང་རྐྱལ་བ་གཉིས། ལུག་གི་ཤ་ཁོག་ལྔ། ཡོས་བྲེ་ལྔ། \f + \ft མ་ཕྱི་ལས་སེ་ཡ་ལྔ་ཞེས་བྲིས་ཡོད་པ་དང་བོད་ཀྱི་དབང་དུ་བྱས་ན་སེ་ཡ་གཅིག་ནི་བྲེ་གཅིག་ཡིན་པ་རེད།\f* རྒུན་འབྲུམ་སྐམ་པོ་ལེབ་མོ་བརྒྱ། སེ་ཡབ་ལེབ་མོ་ཉིས་བརྒྱ་བཅས་ཁྱེར་ཏེ་བོང་བུར་བཀལ་ཞིང་།  
\v 19 ཞབས་ཕྱི་རྣམས་ལ། ཁྱོད་ཅག་མདུན་བསུ་རུ་སོང་དང་། ང་ཁྱོད་ཅག་གི་རྗེས་སུ་འོང་བར་འགྱུར་ཞེས་སྨྲས་ཀྱང་། རང་གི་ཁྱོ་ག་ནཱ་རྦལ་ལ་ཅི་ཡང་མ་བཤད་པ་རེད།  
\v 20 ཡང་མོ་བོང་བུར་ཞོན་ཏེ་གྲོག་མོའི་ནང་དུ་འབབ་པའི་ཚེ། ཀྱེ་ཧོ། དཱ་བིད་དང་དེའི་མི་རྣམས་ཀྱང་ཁོ་མོའི་མདུན་དུ་མར་འོངས་པས་མོ་དེ་དག་དང་ཕྲད་དོ། །  
\v 21 ཡང་དཱ་བིད་ཀྱིས་སྔར་འདི་ལྟར། ངས་མི་འདིའི་ནོར་ཐམས་ཅད་བྱེ་ཐང་དུ་བསྲུངས་ཏེ་ཁོའི་ནོར་ནས་ཅི་ཡང་སྟོར་དུ་མ་བཅུག་པ་ནི་དངོས་གནས་དོན་མེད་རེད། ཁོས་བཟང་ལན་ངན་འཇལ་བྱས་སོང་།  
\v 22 སང་ཉིན་སྐྱ་རེངས་ཀྱི་བར་དུ་ཁོའི་མངའ་འོག་གི་མི་ཐམས་ཅད་ལས་སྐྱེས་པ་གཅིག་ཙམ་ལུས་བཅུག་ན། དཀོན་མཆོག་གིས་བདག་ \f + \ft གྷི་རིག་གི་མ་ཕྱི་ལས་དཱ་བིད་ཅེས་བྲིས་ཡོད་མོད་ཨིབ་རིའི་མ་ཕྱི་ལས་དཱ་བིད་ཀྱི་དགྲ་བོ་ཞེས་བྲིས་ཡོད། བརྟགས་ན་དཱ་བིད་རང་ཟེར་བ་འདྲ་བས་འདི་ལྟར་བསྒྱུར། \f*ལ་འདིའམ་འདི་ལས་ལྷག་པ་ཞིག་མཛད་པར་གྱུར་ཅིག་ཅེས་སྨྲས་སོ། །   
\p
\v 23 དེ་ནས་ཁོ་མོས་དཱ་བིད་མཐོང་སྟེ་མྱུར་དུ་བོང་བུ་ལས་བབས་ནས། དཱ་བིད་ཀྱི་དྲུང་དུ་རང་གི་གདོང་ས་ལ་བཏུད་དེ།  
\v 24 ཁོའི་ཞབས་དྲུང་དུ་ཕྱག་བཙལ་ནས་འདི་ལྟར། ཀྱེ་བདག་གི་ཇོ་བོ། སྐྱོན་དེ་ནི་བདག་གི་ཐོག་ཏུ་འབབ་པར་གྱུར་ཅིག ཡང་ཁྱེད་ཀྱིས་ཉིད་ཀྱི་གཡོག་མོ་བདག་ལ་ཁྱེད་ཀྱི་སྙན་ལམ་དུ་གཏམ་བྱེད་པར་གནོངས་ཤིག དེ་ལས་ཀྱང་ཁྱེད་ཀྱིས་ཉིད་ཀྱི་གཡོག་མོའི་གཏམ་ལ་གསན་རོགས།  
\v 25 ཀྱེ་བདག་གི་ཇོ་བོ། མི་ངན་པ་ནཱ་རྦལ་ལ་ཁ་ཡ་མི་བྱེད་པར་མཛོད། ཁོ་ནི་ཁོའི་མིང་ལྟར་གླེན་པ་ཞིག་ཡིན། འོན་ཀྱང་ཁྱེད་ཀྱི་གཡོག་མོ་བདག་གིས་ནི་ཁྱེད་ཀྱིས་མངགས་པའི་ཞབས་ཕྱི་རྣམས་མཐོང་བ་མ་ཡིན།  
\v 26 ད་ལྟ་བདག་གི་ཇོ་བོ་ལགས། ཁྱེད་ཀྱིས་དངོས་སུ་དགྲ་ཤ་བླངས་ཏེ་ཁྲག་བཞུར་བའི་ལས་བྱེད་པ་ནི་དཀོན་མཆོག་ཡ་ཝཱེས་འགོག་པར་མཛད་པས། ངས་གཏན་དུ་བཞུགས་པའི་དཀོན་མཆོག་ཡ་ཝཱེ་དཔང་དུ་འཛུགས་པ་དང་ཁྱེད་རང་ཡང་དཔང་དུ་བཙུགས་པ་ཡིན་ཏེ། ཁྱེད་ཀྱི་དགྲ་བོའམ་ཁྱེད་ལ་གནོད་བསྐྱལ་བའི་མི་ཐམས་ཅད་ནཱ་རྦལ་དང་འདྲ་བར་གྱུར་ཅིག  
\v 27 ད་ལྟ་ཁྱེད་ཀྱི་གཡོག་མོས་རང་གི་ཇོ་བོའི་ཕྱིར་ཁྱེར་འོངས་པའི་ཞུ་རྟེན་འདི་ནི་ཉིད་ཀྱི་རྗེས་སུ་འབྲང་བའི་ཞབས་ཕྱི་རྣམས་ལ་གནང་བར་མཛོད་ཅིག  
\v 28 ཁྱེད་ཀྱི་གཡོག་མོས་བྱས་པའི་སྡིག་ཉེས་འདི་སེལ་བར་མཛོད་ཅིག ཀྱེ་བདག་གི་ཇོ་བོ་ལགས། ཁྱེད་ནི་དཀོན་མཆོག་ཡ་ཝཱེའི་དམག་འཐབ་ཏུ་འགྲོ་བས། དཀོན་མཆོག་ཡ་ཝཱེས་ངེས་པར་དུ་ཁྱེད་ཀྱི་རྒྱུད་བརྟན་པོར་འཛུགས་པར་འགྱུར་ལ། ཁྱེད་ལས་ཇི་སྲིད་འཚོ་བའི་བར་དུ་མི་ལེགས་པ་ཅི་ཡང་རྙེད་པར་མི་འགྱུར་རོ། །  
\v 29 ད་ལྟ་ཁྱེད་ཀྱི་རྗེས་འདེད་མཁན་དང་ཁྱེད་ཀྱི་སྲོག་འཚོལ་བའི་མི་ཞིག་བྱུང་ན་ཡང་། བདག་གི་ཇོ་བོའི་ཚེ་སྲོག་ནི་ཁྱེད་ཀྱི་དཀོན་མཆོག་ཡ་ཝཱེས་བསྲུངས་ཡོད་པ་དང་ཚེ་སྲོག་གི་རིན་ཆེན་གཏེར་མཛོད་དུ་སྦས་པ་ནང་བཞིན་ཡིན་ལ། ཁྱེད་ཀྱི་དགྲ་བོ་རྣམས་ཀྱི་མི་ཚེ་འུར་རྡོ་འཕངས་པ་བཞིན་གཡུག་པར་འགྱུར།  
\v 30 ཡང་དཀོན་མཆོག་ཡ་ཝཱེས་བདག་གི་ཇོ་བོ་ལ་གནང་བའི་ཞལ་བཞེས་བཟང་པོ་ཐམས་ཅད་བསྒྲུབས་ནས་ཁྱེད་ཉིད་ཡེས་ར་ཨེལ་གྱི་རྒྱལ་པོར་བསྐོ་བའི་ཚེ།  
\v 31 ཉེས་མེད་ཀྱི་ཁྲག་བཞུར་བ་དང་རང་གིས་དགྲ་ཤ་བླངས་པའི་སྡིག་པ་ནི་རང་གི་ཇོ་བོའི་སེམས་སུ་སྐྱོན་ལྟ་བུར་འབྱུང་མི་འགྱུར། རྗེས་སུ་དཀོན་མཆོག་ཡ་ཝཱེས་ཁྱེད་ལ་བྱིན་རླབས་གནང་བའི་ཚེ། ཁྱེད་ཀྱིས་ཉིད་ཀྱི་གཡོག་མོ་དྲན་པར་མཛོད་ཅེས་ཞུས་སོ། །   
\p
\v 32 དཱ་བིད་ཀྱིས་ཨ་བི་གཱ་ཡིལ་ལ། ཡེས་ར་ཨེལ་གྱི་དཀོན་མཆོག་ཡ་ཝཱེ་ནི་བསྟོད་འོས་པ་ཡིན་ཏེ། རྒྱུ་མཚན་ནི་དེ་རིང་ཁོང་གིས་ཁྱོད་མངགས་ནས་ང་བསུས་པས་སོ། །  
\v 33 ཁྱོད་དང་ཁྱོད་ཀྱི་མཐོང་རྒྱ་ལའང་བསྟོད་པ་འབུལ་འོས་ཏེ། རྒྱུ་མཚན་ནི་ངས་དངོས་སུ་དགྲ་ཤ་ལེན་པ་དང་གཞན་གྱི་ཁྲག་བཞུར་བ་ལ་ཁྱོད་ཀྱིས་བར་བཤོལ་བས་སོ། །  
\v 34 ཁྱོད་བརྒྱུགས་ཏེ་ང་དང་འཕྲད་དུ་མ་ཡོང་ཚེ། སྔ་མོ་སྐྱ་རེངས་ཀྱི་དུས་སུ་ནཱ་རྦལ་མངའ་འོག་གི་སྐྱེས་པ་གཅིག་ཀྱང་མི་ལུས་པ་ཡིན་ཏེ། ངས་ཁྱོད་ལ་གནོད་བྱེད་པ་འགོག་པར་མཛད་པའི་གཏན་དུ་བཞུགས་པའི་ཡེས་ར་ཨེལ་གྱི་དཀོན་མཆོག་ཡ་ཝཱེ་དཔང་དུ་འཛུགས་པར་བྱ་ཞེས་སྨྲས།  
\v 35 དཱ་བིད་ཀྱིས་ཁོ་མོས་ཁྱེར་འོངས་པའི་ནོར་རྫས་ཐམས་ཅད་བླངས་ནས་དེ་ལ། ཁྱོད་རང་སེམས་ཁྲལ་མེད་པར་རང་གི་ཁྱིམ་དུ་སོང་ཞིག ལྟོས་དང་། ངས་ཁྱོད་ཀྱི་ངོ་སོ་ལ་བལྟས་ཏེ་གཏམ་ལ་མཉན་པ་ཡིན་ཞེས་སྨྲས་སོ། །   
\p
\v 36 ཨ་བི་གཱ་ཡིལ་ནི་ནཱ་རྦལ་གྱི་དྲུང་དུ་ལོག་འོང་བའི་ཚེ་རྒྱལ་པོའི་དགའ་སྟོན་དང་འདྲ་བར་ཁོས་རང་གི་ཁྱིམ་ལ་དགའ་སྟོན་བྱས་ཤིང་། ནཱ་རྦལ་ནི་ཤིན་ཏུ་ར་བཟི་བས་སེམས་དགའ་བར་གྱུར། དེའི་ཕྱིར། སྔ་མོ་སྐྱ་རེངས་ཀྱི་བར་དུ་ཨ་བི་གཱ་ཡིལ་གྱིས་ཁོ་ལ་བྱ་བ་ཆེ་ཆུང་གང་ཡང་མ་སྨྲས་པ་རེད།  
\v 37 ཞོགས་པའི་དུས་སུ་ནཱ་རྦལ་བཟི་དྭངས་པ་དང་ཁོའི་ཆུང་མས་སྐད་ཆ་ཐམས་ཅད་སྨྲས་པས། ཁོའི་སྙིང་ཁྲག་འགག་ནས་ལུས་པོ་རྡོ་ལྟར་རེངས་པོར་གྱུར།  
\v 38 དེ་ནས་ཞག་བཅུ་ཙམ་སོང་བ་དང་དཀོན་མཆོག་ཡ་ཝཱེས་ནཱ་རྦལ་ལ་བརྡུངས་པས་ཁོ་ཤིའོ། །   
\p
\v 39 དཱ་བིད་ཀྱིས་ནཱ་རྦལ་ཤི་ཟིན་པའི་གཏམ་ཐོས་ནས་འདི་ལྟར། དཀོན་མཆོག་ཡ་ཝཱེ་ནི་བསྟོད་འོས་པ་ཡིན་ཏེ། ནཱ་རྦལ་གྱི་ལག་ནས་ང་ལ་གནོད་པ་བྱུང་བའི་ཚེ་དཀོན་མཆོག་ཡ་ཝཱེས་ངའི་དོན་དུ་ཁོ་ལ་ཁྲིམས་བཅད་པ་དང་། ཁོང་ཉིད་ཀྱི་ཞབས་ཕྱི་བདག་གིས་སྡིག་པ་བྱེད་པ་འགོག་པར་མཛད། ཁོང་གིས་ནཱ་རྦལ་གྱི་ཉེས་པ་ནཱ་རྦལ་རང་གི་མགོ་ལ་བཞག་ཅེས་སྨྲས་ཤིང་། དཱ་བིད་ཀྱིས་ཨ་བི་གཱ་ཡིལ་རང་གི་ཆུང་མར་ལེན་འདོད་ནས་དེ་དང་གཏམ་བྱེད་དུ་མི་མངགས་པ་རེད།  
\v 40 དཱ་བིད་ཀྱི་ཞབས་ཕྱི་རྣམས་ཀར་མེལ་དུ་ཨ་བི་གཱ་ཡིལ་གྱི་མདུན་དུ་སླེབས་ནས་དེ་དག་གིས། ཁྱེད་དཱ་བིད་ཀྱི་ཆུང་མར་འགྱུར་བའི་ཕྱིར་ཁོང་གིས་བདག་ཅག་ཁྱེད་ཀྱི་མདུན་དུ་མངགས་པ་ཡིན་ཞེས་སྨྲས་པ་དང་།  
\v 41 ཨ་བི་གཱ་ཡིལ་ལངས་ནས་ལུས་སར་བཏུད་དེ་ཕྱག་བཙལ་ཞིང་ན་རེ། ཁྱེད་ཀྱི་གཡོག་མོ་བདག་ནི་ཇོ་བོའི་ཞབས་ཕྱི་རྣམས་ཀྱི་རྐང་པ་བཀྲུ་བའི་གཡོག་མོ་ཞིག་ཡིན་ཞེས་སྨྲས།  
\v 42 ཡང་ཨ་བི་གཱ་ཡིལ་མྱུར་དུ་ལངས་ནས་བོང་བུར་ཞོན་ཏེ་རང་གི་གཡོག་མོ་ལྔ་དང་བཅས་ཏེ་དཱ་བིད་ཀྱི་བང་ཆེན་གྱི་རྗེས་སུ་སོང་ནས་ཁོའི་ཆུང་མར་གྱུར་ཏོ། །   
\p
\v 43 དེ་ནས་དཱ་བིད་ཀྱིས་ཡེ་སི་རེ་ཨེལ་ནས་ཨ་ཧི་ནོ་ཨམ་ཡང་བླངས་ནས་དེ་གཉིས་ནི་ཁོའི་ཆུང་མ་ཡིན།  
\v 44 ཡང་སོ་ལོས་རང་གི་སྲས་མོ་མི་ཀལ་ཏེ། སྔར་དཱ་བིད་ཀྱི་ཆུང་མ་ཡིན་པ་དེ་ནི་ལཱ་ཨི་སི་ཡི་བུ་ཕཱལ་ཏི་ལ་བག་མར་བཏང་ཞིང་། ཕཱལ་ཏི་ནི་གཱལ་ལིམ་གྲོང་རྡལ་གྱི་མི་ཡིན་ནོ། །   
\c 26
\cl ལེའུ་ཉེར་དྲུག་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 དཱ་བིད་ཀྱིས་ཡང་བསྐྱར་སོ་ལོ་སྲོག་ཐར་བཏང་བ།  
\p
\v 1 དེ་ནས་ཟིབ་པ་རྣམས་གིབ་ཨ་རུ་སོ་ལོའི་དྲུང་དུ་འོངས་ནས། དཱ་བིད་ནི་ཡེ་ཤི་མོན་ཁ་གཏད་དུ་ཡོད་པའི་རི་ཧ་ཀི་ལཱ་དེར་ཡིབ་འདུག་ཅེས་སྨྲས་པས།  
\v 2 སོ་ལོ་ལངས་ནས་ཡེས་ར་ཨེལ་པ་རྣམས་ལས་བདམས་པའི་མི་སྟོང་ཕྲག་གསུམ་ཁྲིད་དེ་དཱ་བིད་འཚོལ་བའི་ཕྱིར་ཟིབ་ཀྱི་བྱེ་ཐང་དུ་མར་སོང་བ་རེད།  
\v 3 དེ་ནས་སོ་ལོས་ཡེ་ཤི་མོན་ཁ་གཏད་དུ་ཡོད་པའི་རི་ཧ་ཀི་ལཱའི་གམ་གྱི་ལམ་འགྲམ་ལ་དམག་སྒར་བཏབ། དཱ་བིད་བྱེ་ཐང་དུ་གནས་པ་དང་། ཁོས་སོ་ལོ་བྱེ་ཐང་དུ་རང་གི་རྗེས་དེད་ནས་འོངས་པ་མཐོང་བས།  
\v 4 དཱ་བིད་ཀྱིས་མྱུལ་མ་མངགས་ཤིང་སོ་ལོ་དངོས་གནས་སླེབས་པ་ཤེས།  
\v 5 དེ་ནས་དཱ་བིད་ལངས་ནས་སོ་ལོས་དམག་སྒར་བཏབ་པའི་གནས་སུ་སླེབས་པ་དང་དཱ་བིད་ཀྱིས་སོ་ལོ་ཉལ་སའི་གནས་དང་། སོ་ལོ་ཡི་དམག་དཔོན་ནེར་གྱི་བུ་ཨབ་ནེར་བྱ་བ་དེ་མཐོང་། སོ་ལོ་དམག་སྒར་ལ་ཉལ་ཏེ་དམག་ཚོགས་ཀྱིས་དེའི་མཐའ་འཁོར་ལ་དམག་གུར་ཕུབ་བོ། །   
\p
\v 6 དཱ་བིད་ཀྱིས་ཧེད་པ་ཨ་ཧི་མེ་ལེག་དང་ཟེ་རུ་ཡཱ་ཡི་བུ་ཨ་བི་ཤཱ་ཨི་སྟེ་ཡོ་ཨབ་གྱི་ནུ་བོ་ཡིན་པ་དེ་གཉིས་ལ། སུ་ཞིག་ང་དང་མཉམ་དུ་དམག་སྒར་ལ་སོ་ལོའི་གམ་དུ་འགྲོ་ཞེས་དྲིས་པར། ཨ་བི་ཤཱ་ཨི་ཡིས། ང་ཁྱེད་དང་མཉམ་དུ་འགྲོ་ཞེས་ཞུས་ནས།  
\v 7 དཱ་བིད་དང་ཨ་བི་ཤཱ་ཨི་གཉིས་མཚན་གྱི་དུས་སུ་དམག་ཚོགས་ཀྱི་དཀྱིལ་དུ་སླེབས་ཏེ། སོ་ལོ་དམག་སྒར་ལ་གཉིད་ནས་བསྡད་ཡོད་ཅིང་ཁོའི་མདུང་ནི་ས་རུ་མགོ་ཡི་ཕྱོགས་སུ་བཙུགས་ཏེ། ཨབ་ནེར་དང་དམག་ཚོགས་ནི་རྒྱལ་པོའི་མཐའ་བསྐོར་ནས་ཉལ་ཡོད་པ་རེད།  
\v 8 དེ་ནས་ཨ་བི་ཤཱ་ཨི་ཡིས་དཱ་བིད་ལ། དཀོན་མཆོག་གིས་ཁྱེད་ཀྱི་དགྲ་བོ་ཁྱེད་ཀྱི་ལག་ཏུ་སྤྲད་པས། ད་ལྟ་ང་ལ་ཁོ་གསོད་དུ་ཆུག་ཅིག ངས་ཁོ་མདུང་དང་མཉམ་དུ་ལན་གཅིག་གིས་ས་རུ་འབིགས་པར་བྱ་སྟེ། ལན་གཉིས་པར་རྒྱག་མི་དགོས་ཞེས་སྨྲས་པར།  
\v 9 དཱ་བིད་ཀྱིས་ཨ་བི་ཤཱ་ཨི་ལ། ཁོ་མ་གསོད་ཅིག དཀོན་མཆོག་ཡ་ཝཱེས་བྱུགས་པའི་སྟེང་ལག་པ་བརྐྱངས་ན་ཆད་པ་མེད་པར་སུ་ལུས་སམ་ཞེས་དྲིས་པ་དང་།  
\v 10 ཡང་དཱ་བིད་ཀྱིས། ངས་གཏན་དུ་བཞུགས་པའི་དཀོན་མཆོག་ཡ་ཝཱེ་དཔང་དུ་བཙུགས་པ་ཡིན་ཏེ། དཀོན་མཆོག་ཡ་ཝཱེས་ཁོ་རང་གསོད་ངེས་པའམ་ཡང་ན་ཁོའི་འཆི་བ་སླེབས་འོང་། ཡང་ན་ཁོ་འཐབ་མོར་སོང་སྟེ་འཆི་བར་འགྱུར།  
\v 11 འོན་ཀྱང་དཀོན་མཆོག་ཡ་ཝཱེས་ངའི་ལག་པ་ནི་ཁོང་གིས་བྱུགས་པའི་སྟེང་དུ་རྐྱོང་བ་འགོག་པར་མཛོད་ཅིག ད་ལྟ་ཁྱོད་ཀྱིས་སོ་ལོའི་མགོ་ཡི་ལོགས་སུ་ཡོད་པའི་མདུང་དང་ཆུ་སྣོད་གཉིས་ལོངས་ཤིག་དང་ངེད་གཉིས་འགྲོ་བར་བྱ་སྨྲས་ནས།  
\v 12 དཱ་བིད་ཀྱིས་སོ་ལོའི་མགོ་ཡི་ལོགས་ནས་མདུང་དང་ཆུ་སྣོད་བླངས་ཏེ་སོང་། དཀོན་མཆོག་ཡ་ཝཱེས་དེ་དག་ལ་གཉིད་ལྕི་མོ་ཞིག་ཕབ་པས་མི་སུས་ཀྱང་བྱ་བ་དེ་མ་མཐོང་། མི་སུས་ཀྱང་མ་ཤེས། མི་སུ་ཡང་གཉིད་ལས་མ་སད་པར། ཐམས་ཅད་གཉིད་ནས་བསྡད་དོ། །   
\p
\v 13 དེ་ནས་དཱ་བིད་ཕྱོགས་གཞན་ཞིག་ཏུ་སོང་སྟེ། རྒྱང་རིང་དུ་ཡོད་པའི་རི་ཞིག་གི་རྩེ་མོར་འགོས་ཤིང་དེ་དག་གི་བར་ཐག་ཤིན་ཏུ་རིང་བ་ཡིན།  
\v 14 དེ་ནས་དཱ་བིད་ཀྱིས་དམག་དཔུང་དང་ནེར་གྱི་བུ་ཨབ་ནེར་གཉིས་ཀ་བོས་ནས་འདི་ལྟར། ཀྱེ་ཨབ་ནེར་ཁྱེད་ཀྱིས་ལན་མི་འདེབས་པ་ཅི་ཡིན་ནམ་ཞེས་དྲིས་པ་ན། ཨབ་ནེར་གྱིས་ལན་དུ། རྒྱལ་པོ་འབོད་མཁན་ཁྱོད་སུ་ཡིན་ཞེས་སྨྲས་པར།  
\v 15 དཱ་བིད་ཀྱིས་ཨབ་ནེར་ལ། ཁྱེད་ནི་དཔའ་རྒོད་མ་ཡིན་ནམ། ཡེས་ར་ཨེལ་གྱི་ཁྲོད་དུ་ཁྱེད་དང་འདྲ་བ་སུ་ཡོད། འབངས་རྣམས་ཁྲོད་ནས་མི་ཞིག་ཁྱེད་ཀྱི་ཇོ་བོ་སྟེ་རྒྱལ་པོ་གསོད་དུ་འོངས། རྒྱལ་པོ་སྟེ་ཁྱེད་ཀྱི་ཇོ་བོ་ནི་ཁྱེད་ཀྱིས་ཅིའི་ཕྱིར་མ་བསྲུངས་པ་ཡིན།  
\v 16 ཁྱེད་ཀྱིས་བྱས་པའི་བྱ་བ་དེ་ནི་བཟང་པོ་མིན་ལ། གཏན་དུ་བཞུགས་པའི་དཀོན་མཆོག་ཡ་ཝཱེ་དཔང་དུ་བཙུགས་ནས་འདི་ལྟར་སྨྲའོ། །དཀོན་མཆོག་ཡ་ཝཱེས་བྱུགས་པའི་ཁྱེད་ཅག་གི་ཇོ་བོ་དེ་མ་བསྲུངས་པས། ཁྱེད་ཅག་འཆི་འོས་པ་ཡིན། ཡང་རྒྱལ་པོའི་མདུང་དང་མགོའི་ལོགས་སུ་ཡོད་པའི་ཆུ་སྣོད་གང་དུ་ཡོད་པར་ལྟོས་ཤིག་ཅེས་སྨྲས་སོ། །   
\p
\v 17 སོ་ལོས་དཱ་བིད་ཀྱི་སྐད་ཤེས་ཏེ། ཀྱེ་ངའི་བུ་དཱ་བིད། འདི་ཁྱོད་ཀྱི་སྐད་ཡིན་ནམ་ཞེས་དྲིས་ནས། དཱ་བིད་ཀྱིས་ཀྱེ་རྒྱལ་པོ་བདག་གི་ཇོ་བོ་ལགས། འདི་ངའི་སྐད་ཡིན་ཏེ།  
\v 18 ཇོ་བོ་ཁྱེད་ཀྱིས་རང་གི་ཞབས་ཕྱི་བདག་ཅིའི་ཕྱིར་འདེད་དམ། བདག་གིས་ཅི་བྱས་སམ། བདག་གི་ལག་ནས་བྱ་བ་ངན་པ་ཅི་ཞིག་བྱུང་ངམ།  
\v 19 ཀྱེ་རྒྱལ་པོ་བདག་གི་ཇོ་བོ་ལགས། ཁྱེད་ཀྱི་ཞབས་ཕྱི་བདག་གི་གཏམ་ལ་གསན་རོགས། གལ་ཏེ་དཀོན་མཆོག་ཡ་ཝཱེས་ཁྱེད་ལ་ངར་བསླངས་ནས་བདག་ལ་རྒོལ་དུ་བཅུག་པ་ཡིན་ན། ཁོང་ལ་དགྱེས་པའི་མཆོད་པར་གྱུར་ཅིག གལ་ཏེ་མིའི་བུ་རྣམས་ཀྱིས་རྒོལ་དུ་བཅུག་པ་ཡིན་ན། དཀོན་མཆོག་ཡ་ཝཱེའི་དྲུང་དུ་དེ་དག་ལ་དམོད་མོ་ཐེབས་པར་གྱུར་ཅིག དེ་རིང་ཉིན་མོར་བདག་ནི་དཀོན་མཆོག་ཡ་ཝཱེའི་ནོར་སྐལ་མི་འཐོབ་པའི་ཆེད་དུ། དེ་དག་གིས་བདག་ལ་ད་སོང་ནས་ལྷ་གཞན་ལ་ཕྱག་ཕུལ་ཞིག་ཟེར།  
\v 20 དེའི་ཕྱིར་དཀོན་མཆོག་ཡ་ཝཱེ་དང་རྒྱང་ཐག་རིང་སར་བདག་གི་ཁྲག་སར་བཞུར་དུ་མི་འཇུག་རོགས། སུ་ཞིག་རི་ལ་བྱ་སྲེག་པ་བརྔོན་དུ་འོངས་པ་ལྟར། ཡེས་ར་ཨེལ་གྱི་རྒྱལ་པོ་ནི་ཁྱི་ཤིག་བཙལ་དུ་འོངས་པ་རེད་ཅེས་ཞུས་སོ། །   
\p
\v 21 སོ་ལོས་ངས་སྡིག་པ་བྱས་པ་ཡིན། ཀྱེ་ངའི་བུ་དཱ་བིད་དེ་རིང་ཁྱོད་ཀྱིས་ངའི་ཚེ་སྲོག་རིན་ཐང་ཅན་དུ་བརྩིས་པས། ངས་ཁྱོད་ལ་ཡང་བསྐྱར་གནོད་པར་མི་བྱ། ང་སྨྱོས་ནས་ཤིན་ཏུ་ནོར་བ་ཡིན་ཞེས་སྨྲས།  
\v 22 དཱ་བིད་ཀྱིས་ལན་དུ། ཀྱེ། འཁོར་གཡོག་རྣམས་ལས་གཅིག་འདི་རུ་མངགས་ཏེ་རྒྱལ་པོའི་མདུང་ཕྱིར་ཁྱེར་ཅིག  
\v 23 དཀོན་མཆོག་ཡ་ཝཱེས་དྲང་པོ་དང་ཟོལ་མེད་ཡིན་པ་དེར་ལན་གནང་བ་ཡིན་ཞིང་དེ་རིང་དཀོན་མཆོག་ཡ་ཝཱེས་ཁྱེད་ངའི་ལག་ཏུ་སྤྲོད་པར་མཛད་ཀྱང་། བདག་ནི་དཀོན་མཆོག་ཡ་ཝཱེས་བྱུགས་པའི་སྟེང་དུ་རང་གི་ལག་པ་རྐྱོང་བར་མ་དགའོ། །  
\v 24 ཡང་གཟིགས་དང་། དེ་རིང་ཉིན་མོར་ཁྱེད་ཀྱི་སྲོག་ངའི་མིག་མདུན་དུ་ཇི་ལྟར་རིན་ཐང་ཅན་ཡིན་པ་བཞིན། བདག་གི་སྲོག་ཀྱང་དཀོན་མཆོག་ཡ་ཝཱེའི་སྤྱན་དྲུང་དུ་རིན་ཐང་ཅན་དུ་འགྱུར་བར་མ་ཟད་ཁོང་གིས་བདག་སྡུག་བསྔལ་ཐམས་ཅད་ལས་སྐྱོབ་པར་མཛོད་ཅིག་ཅེས་ཞུས་པས།  
\v 25 སོ་ལོས་དཱ་བིད་ལ། ཀྱེ་ངའི་བུ་དཱ་བིད་ཁྱོད་བདེ་བར་གྱུར་ཅིག ཁྱོད་ཀྱིས་ངོ་མཚར་ཆེ་བའི་ལས་བསྒྲུབ་པར་བྱའོ། །ཅིས་ཀྱང་རྒྱལ་བར་འགྱུར་ཞེས་སྨྲས་ནས་དཱ་བིད་རང་གི་ལམ་ལ་ཞུགས་པ་དང་སོ་ལོ་རང་གི་གནས་སུ་ཕྱིར་ལོག་གོ །   
\c 27
\cl ལེའུ་ཉེར་བདུན་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 དཱ་བིད་ཡང་བསྐྱར་ཕེ་ལེ་ཤེད་པ་རྣམས་ཀྱི་ཁྲོད་དུ་བྲོས་པ།  
\p
\v 1 ཡང་དཱ་བིད་ཀྱི་སེམས་སུ། ཉིན་ཞིག་ང་སོ་ལོའི་ལག་ནས་འཆི་བར་འགྱུར། ང་མྱུར་དུ་ཕེ་ལེ་ཤེད་པའི་ཡུལ་དུ་འབྲོ་བ་ལས་ཐབས་གཞན་གང་ཡང་མི་འདུག དེ་ནས་སོ་ལོ་ནི་ཡེས་ར་ཨེལ་གྱི་ས་མཚམས་ཐམས་ཅད་ལ་འཚོལ་བར་ངལ་བ་དང་ང་རང་ཁོའི་ལག་ནས་ཐར་བར་འགྱུར་བསམས་ཏེ།  
\v 2 དཱ་བིད་དང་མཉམ་དུ་ཡོད་པའི་མི་དྲུག་བརྒྱ་ཐོན་ནས་གཱད་ཀྱི་རྒྱལ་པོ་མཱ་ཨོག་གི་བུ་ཨ་ཀི་སི་བྱ་བའི་དྲུང་དུ་ཕྱིན།  
\v 3 ཡང་དཱ་བིད་དང་ཁོའི་མི་རྣམས་གཱད་ཅེས་པའི་ཡུལ་དུ་ཨ་ཀི་སི་ཡི་དྲུང་དུ་གནས་པ་དང་དེར་མི་རེ་ལ་ཁྱིམ་རེ་ཡོད་ཅིང་། དཱ་བིད་དང་མཉམ་དུ་ཆུང་མ་གཉིས་པོ་སྟེ། ཡེ་སི་རེ་ཨེལ་གྱི་བུད་མེད་ཨ་ཧི་ནོ་ཨམ་དང་ཀར་མེལ་གྱི་བུད་མེད་དེ་སྔར་ནཱ་རྦལ་གྱི་ཆུང་མ་ཡིན་པ་ཨ་བི་གཱ་ཡིལ་ཞེས་པ་གཉིས་དེར་གནས་པ་རེད།  
\v 4 དེ་ནས་སོ་ལོས་དཱ་བིད་ནི་གཱད་ཡུལ་དུ་བྲོས་པའི་སྐད་ཆ་ཐོས་པ་དང་ཁོ་འཚོལ་བ་སྤངས་སོ། །   
\p
\v 5 དེ་ནས་དཱ་བིད་ཀྱིས་ཨ་ཀི་སི་ལ་གལ་ཏེ་ང་ལ་ཁྱེད་ཀྱི་སྤྱན་དྲུང་དུ་ཐུགས་རྗེ་ཐོབ་པ་ཡིན་ན། ང་རང་གྲོང་རྡལ་ཞིག་ཏུ་གནས་པའི་ཕྱིར་ས་ཆ་ཞིག་གནང་རོགས། ཉིད་ཀྱི་ཞབས་ཕྱི་བདག་ནི་ཁྱེད་དང་མཉམ་དུ་རྒྱལ་ས་རུ་གནས་དགོས་དོན་ཅི་ཡོད་ཅེས་ཞུས་པས།  
\v 6 ཉིན་དེ་ལ་ཨ་ཀི་སི་ཡིས་དཱ་བིད་ལ་ཙིག་ལག་ཅེས་པའི་ས་ཆ་བཏང་བས། དེ་རིང་གི་བར་དུ་ཙིག་ལག་ནི་ཡ་ཧུ་དཱའི་རྒྱལ་པོ་ལ་དབང་བ་ཡིན།  
\v 7 དཱ་བིད་ནི་ཕེ་ལེ་ཤེད་པའི་ཡུལ་དུ་ལོ་གཅིག་དང་ཟླ་བཞི་ཡི་རིང་ལ་གནས་པ་ཡིན་ནོ། །   
\p
\v 8 ཡང་དཱ་བིད་དང་དེའི་མི་རྣམས་སོང་སྟེ། གེ་ཤུར་པ་དང་གིར་ཟི་པ་དང་ཨ་མཱད་ལེག་པ་སྟེ། མི་རིགས་གསུམ་ལ་དམག་དྲངས་པ་དང་། མི་རིགས་དེ་གསུམ་ནི་ཤུར་ཞེས་པའི་དབེན་སྟོང་བརྒྱུད་ནས་ཨེ་ཅིབ་ཡུལ་བར་གནའ་བོའི་དུས་ནས་གནས་པ་ཡིན།  
\v 9 དཱ་བིད་ཀྱིས་ཡུལ་དེར་རྒོལ་ནས་སྐྱེས་པ་དང་བུད་མེད་གཉིས་གསོན་པོར་མ་བཞག་པར་ར་ལུག་དང་བ་གླང་། བོང་བུ་དང་རྔ་མོང་། གོས་སོགས་ཕྲོགས་ནས་ཕྱིར་ལོག་སྟེ་ཨ་ཀི་སི་ཡི་མདུན་དུ་ཕྱིན།  
\v 10 དེ་ནས་ཨ་ཀི་སི་ཡིས་དེ་རིང་ཁྱོད་གང་ལ་རྒོལ་དུ་སོང་ངམ་ཞེས་དྲིས་པར། ལན་དུ་དཱ་བིད་ཀྱིས་མཚམས་རེར་ངེད་ཅག་ཡ་ཧུ་དཱ་ཡུལ་གྱི་ནེ་གུབ་ཡུལ་ལ་རྒོལ་དུ་ཕྱིན་པ་ཡིན་ཞེས་དང་། མཚམས་རེར་ངེད་ཅག་ཡིར་ཧིམ་ཨེལ་གྱི་ནེ་གུབ་ཡུལ་ལ་རྒོལ་དུ་ཕྱིན་པ་ཡིན་ཞེས་དང་། ཡང་མཚམས་རེར་ངེད་ཅག་ཀེ་ནེ་པའི་ནེ་གུབ་ཡུལ་ལ་རྒོལ་དུ་ཕྱིན་པ་ཡིན་ཞེས་སྨྲས།  
\v 11 དཱ་བིད་ཀྱིས་ཅིའི་ཕྱིར་སྐྱེས་པ་དང་བུད་མེད་རྣམས་གསོན་པོར་མ་བཞག་གམ་ཞེ་ན། དེ་དག་གིས་གཱད་ཡུལ་དུ་དཱ་བིད་ཀྱིས་དེ་ལྟར་བྱས་སོང་ཞེས་དཔང་པོ་མི་བྱེད་པའི་ཕྱིར། ཕེ་ལེ་ཤེད་པའི་ཡུལ་དུ་གནས་པའི་རིང་ལ་ཁོས་རྒྱུན་དུ་དེ་ལྟར་བྱས་པ་རེད།  
\v 12 ཡང་ཨ་ཀི་སི་ནི་དཱ་བིད་ཀྱི་གཏམ་ལ་ཡིད་ཆེས་ཏེ་སེམས་སུ། ཁོ་ནི་ཡེས་ར་ཨེལ་གྱི་མི་རྣམས་ཀྱི་མདུན་དུ་ངེས་པར་སྐྱུག་བྲོ་བར་གྱུར་པས་རྒྱུན་དུ་ངའི་ཞབས་ཕྱི་རུ་ལུས་པར་འགྱུར་ཞེས་སྨྲས་སོ། །   
\c 28
\cl ལེའུ་ཉེར་བརྒྱད་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 སོ་ལོ་བུད་མེད་གཤིན་པོ་འགུག་མཁན་ཞིག་ལ་བལྟ་རུ་ཕྱིན་པ།  
\p
\v 1 སྐབས་དེར། ཕེ་ལེ་ཤེད་པ་རྣམས་ཀྱིས་ཡེས་ར་ཨེལ་དང་དམག་རྒྱག་པའི་ཕྱིར་དམག་ཚོགས་བསྡུ་བའི་ཚེ། ཨ་ཀི་སི་ཡིས་དཱ་བིད་ལ། ཁྱོད་དང་ཁྱོད་ཀྱི་མི་རྣམས་ང་དང་ལྷན་ཅིག་དམག་ཏུ་འགྲོ་དགོས་པ་ངེས་པར་ཤེས་དགོས་ཞེས་སྨྲས་པས།  
\v 2 དཱ་བིད་ཀྱིས་ཨ་ཀི་སི་ལ། དེ་ནས་ཁྱེད་ཀྱི་ཞབས་ཕྱི་ཡིས་ཅི་བྱེད་ནུས་པ་ཁྱེད་ཀྱིས་མཁྱེན་པར་འགྱུར་ཞེས་ཞུས་ཤིང་། ཨ་ཀི་སི་ཡིས་དཱ་བིད་ལ། དེའི་ཕྱིར་ཁྱོད་རང་རྒྱུན་དུ་ངའི་སྐུ་སྲུང་པར་བསྐོ་བ་ཡིན་ཞེས་སྨྲས་སོ། །   
\p
\v 3 སྔར་སཱ་མུ་ཨེལ་ཚེ་ལས་འདས་པའི་སྐབས་སུ། ཡེས་ར་ཨེལ་པ་ཐམས་ཅད་ཀྱིས་ཁོང་གི་ཕྱིར་མྱ་ངན་བྱས་ནས།　ཁོང་གི་སྐུ་གདུང་ཁོང་ཉིད་ཀྱི་གྲོང་ཁྱེར་རཱ་མ་ཡུལ་དུ་དུར་ལ་བཅུག སོ་ལོས་གཤིན་པོ་འགུག་མཁན་དང་རྫུ་འཕྲུལ་ཅན་དག་ཡུལ་ནས་བཏོན་ཚར་བ་ཡིན།  
\v 4 ད་ལྟ་ཕེ་ལེ་ཤེད་པ་རྣམས་འཛོམས་ནས་ཤུ་ནེམ་དུ་འོངས་ཏེ་སྒར་བཏབ། ཡང་སོ་ལོས་ཡེས་ར་ཨེལ་པ་ཐམས་ཅད་བསྡུས་ནས་གིལ་བོ་ཨ་རུ་སྒར་བཏབ་པ་རེད།  
\v 5 སོ་ལོས་ཕེ་ལེ་ཤེད་པའི་དམག་དཔུང་མཐོང་བས་སྙིང་འདར་ཞིང་འགུལ།  
\v 6 སོ་ལོས་དཀོན་མཆོག་ཡ་ཝཱེ་ལ་གསོལ་བ་བཏབ་ཀྱང་། དཀོན་མཆོག་ཡ་ཝཱེས་ཁོ་ལ་རྨི་ལམ་མམ་ཨུའུ་རིམ་ཞེས་པའི་བརྟག་རིལ་ལམ། ལུང་སྟོན་པ་བཅས་གསུམ་གྱི་སྒོ་ནས་བཀའ་ལན་གང་ཡང་མ་གནང་ངོ་། །  
\v 7 དེའི་ཕྱིར་སོ་ལོས་རང་གི་བློན་འཁོར་རྣམས་ལ། ངའི་དོན་དུ་གཤིན་པོ་འགུག་པའི་བུད་མེད་ཅིག་ཚོལ་ཞིག ང་དེའི་མདུན་དུ་སོང་ནས་འདྲི་བར་བྱའོ་ཞེས་སྨྲས་པར། བློན་འཁོར་རྣམས་ཀྱིས། ལྟོས་དང་གཤིན་པོ་འགུག་པའི་བུད་མེད་ཅིག་ཨེན་དོར་གྲོང་ཁྱེར་དུ་གནས་ཞེས་སྨྲས་སོ། །   
\p
\v 8 སོ་ལོས་ཆས་གོས་བསྒྱུར་ཏེ་གྱོན་པ་གཞན་ཞིག་གྱོན་ནས་ཁོང་དང་མི་གཉིས་མཉམ་དུ་སོང་སྟེ། མཚན་ལ་བུད་མེད་དེའི་མདུན་དུ་སླེབས་ནས། སོ་ལོས། ཀྱེ། གཤིན་པོ་སུ་ཞིག་གི་མིང་ངས་གླེང་ན། དེ་ངའི་ཆེད་དུ་ཡར་དྲོངས་ཤིག་ཅེས་སྨྲས་པ་དང་།  
\v 9 བུད་མེད་དེས་ལན་དུ། ལྟོས་ཤིག སོ་ལོས་གཤིན་པོ་འགུག་མཁན་དང་རྫུ་འཕྲུལ་ཅན་རྣམས་ཡུལ་ནས་ཅི་ལྟར་བཏོན་པ་དེ་ནི་ཁྱོད་ཀྱིས་ཤེས་པ་ཡིན། ང་རང་གསོད་པར་རྒྱ་རྙི་ཅིའི་ཕྱིར་འཛུག་གམ་ཞེས་དྲིས་པས།  
\v 10 སོ་ལོས་དཀོན་མཆོག་ཡ་ཝཱེའི་མཚན་གྱི་སྒོ་ནས་མནའ་བསྐྱལ་ཞིང་། གཏན་དུ་བཞུགས་པའི་དཀོན་མཆོག་ཡ་ཝཱེ་དཔང་དུ་བཙུགས་པ་ཡིན་ཏེ། བྱ་བ་འདིའི་ཕྱིར་ཁྱོད་ལ་ཆད་པ་མི་གཅོད་ཅེས་སྨྲས་པས།  
\v 11 བུད་མེད་དེས། ངས་ཁྱོད་ཀྱི་ཕྱིར་སུ་ཡར་འགུག་པར་བྱའམ་ཞེས་སྨྲས་པར། སོ་ལོས། སཱ་མུ་ཨེལ་ཡར་དྲོངས་ཤིག་ཅེས་སྨྲས་སོ། །  
\v 12 དེ་ནས་བུད་མེད་ཀྱིས་སཱ་མུ་ཨེལ་མཐོང་བས་སྐད་ཆེན་པོས་བོས་ཤིང་། བུད་མེད་ཀྱིས་སོ་ལོ་ལ། ཁྱེད་ཀྱིས་ཅིའི་ཕྱིར་ང་རང་བསླུ་བར་བྱེད་དམ། ཁྱེད་ནི་སོ་ལོ་རེད་ཅེས་སྨྲས།  
\v 13 དེ་ནས་རྒྱལ་པོ་ན་རེ། མ་འཇིགས་ཤིག ཁྱོད་ཀྱིས་ཅི་མཐོང་ཞེས་དྲིས་པ་དང་། བུད་མེད་ཀྱིས་སོ་ལོ་ལ། ངས་ནི་ལྷ་ཞིག་ས་གཞི་ནས་ཡར་འོང་བ་མཐོང་བྱུང་ཞེས་སྨྲས་པ་དང་།  
\v 14 རྒྱལ་པོས་ཁོ་མོར། དེའི་གཟུགས་དབྱིབས་ཇི་ལྟ་བུ་ཞིག་འདུག་ཅེས་དྲིས་པ་དང་། བུད་མེད་ཀྱིས། རྒད་པོ་གོས་རིང་གྱོན་པ་ཞིག་འདུག་ཅེས་སྨྲས་པས། སོ་ལོས་དེ་ནི་སཱ་མུ་ཨེལ་ཡིན་པ་ཤེས་ཏེ། ལུས་པོ་བསྒུར་ནས་གདོང་ས་ལ་བཏུད་དེ་ཕྱག་བཙལ་ཏོ། །   
\p
\v 15 དེ་ནས་སཱ་མུ་ཨེལ་གྱིས་སོ་ལོ་ལ། ཁྱོད་ཀྱིས་ང་ཡར་བཀུག་ནས་མི་བདེ་བར་བྱེད་དོན་ཅི་ཞེས་དྲིས་པར། སོ་ལོས། ང་ལ་དཀའ་ལས་ཁག་པོ་ཡོད། ཕེ་ལེ་ཤེད་པས་ང་ལ་དམག་འདྲེན་ཞིང་། དཀོན་མཆོག་ང་དང་བྲལ། ལུང་སྟོན་པ་དང་རྨི་ལམ་གྱི་སྒོ་ནས་ཁོང་གིས་ང་ལ་བཀའ་ལན་གང་ཡང་མ་གནང་བས། ཁྱེད་ཀྱིས་ང་ལ་ཅི་བྱེད་རུང་བ་སྟོན་པའི་ཕྱིར་ངས་ཁྱེད་བོས་པ་ཡིན་ཞེས་ཞུས་སོ། །  
\v 16 དེ་ནས་སཱ་མུ་ཨེལ་གྱིས། དཀོན་མཆོག་ཡ་ཝཱེ་ཁྱོད་དང་བྲལ་ནས་ཁྱོད་ཀྱི་དགྲ་བོར་གྱུར་ཡོད་ན། ཁྱོད་ཀྱིས་ང་ལ་འདྲི་དགོས་དོན་ཅི་ཡོད།  
\v 17 དཀོན་མཆོག་ཡ་ཝཱེས་ངའི་ཁ་བརྒྱུད་ནས་ཇི་ལྟར་སྨྲས་པ་བཞིན་བསྒྲུབས་པ་སྟེ།　ཁོང་གིས་ཁྱོད་ཀྱི་ལག་ནས་རྒྱལ་སྲིད་བླངས་ཏེ་ཁྱོད་ཀྱི་ཁྱིམ་མཚེས་དཱ་བིད་ལ་གནང་བ་ཡིན།  
\v 18 ཁྱོད་ཀྱིས་དཀོན་མཆོག་ཡ་ཝཱེའི་བཀའ་ལ་མ་མཉན་ཏེ། ཨ་མཱད་ལེག་པའི་མི་རིགས་ལ་ཁོང་ཁྲོ་སྟོན་པའི་བཀའ་ལྟར་མ་བསྒྲུབས་པས། དེ་རིང་ཉིན་མོར་དཀོན་མཆོག་ཡ་ཝཱེས་ཁྱོད་ལ་དོན་འདི་ཐམས་ཅད་མཛད་དོ། །  
\v 19 དེར་མ་ཟད། དཀོན་མཆོག་ཡ་ཝཱེས་ཁྱོད་དང་ཡེས་ར་ཨེལ་པ་རྣམས་ཕེ་ལེ་ཤེད་པའི་ལག་ཏུ་སྤྲོད་པར་འགྱུར་ཞིང་། སང་ཉིན་ཁྱོད་དང་ཁྱོད་ཀྱི་བུ་རྣམས་ང་དང་མཉམ་དུ་གནས་པར་འགྱུར། དཀོན་མཆོག་ཡ་ཝཱེས་ཡེས་ར་ཨེལ་གྱི་དམག་དཔུང་ཕེ་ལེ་ཤེད་པའི་ལག་ཏུ་སྤྲོད་པར་འགྱུར་ཞེས་སྨྲས་སོ། །   
\p
\v 20 སོ་ལོ་གློ་བུར་ཉིད་ལ་ལུས་ཧྲིལ་པོ་སར་འགྱེལ་བ་སྟེ། རྒྱུ་མཚན་ནི་ཁོ་རང་སཱ་མུ་ཨེལ་གྱི་སྐད་ཆར་ཤིན་ཏུ་འཇིགས་པ་དང་། ཉིན་གང་དང་མཚན་གང་ལ་ཅི་ཡང་མ་ཟོས་པས་སྟོབས་ཟད་པར་གྱུར་པ་རེད།  
\v 21 དེ་ནས་བུད་མེད་དེ་སོ་ལོའི་དྲུང་དུ་འོངས་པ་ན། ཁོ་ཤིན་ཏུ་འཇིགས་པ་མཐོང་བས། བུད་མེད་ཀྱིས། ལྟོས་དང་ཁྱེད་ཀྱི་གཡོག་མོས་ཉིད་ཀྱི་བཀའ་ལ་མཉན་ཏེ་རང་གི་སྲོག་ལའང་མ་འཛེམ་པ་ཡིན།  
\v 22 ད་ལྟ་ཁྱེད་ཀྱིས་ཀྱང་ཉིད་ཀྱི་གཡོག་མོའི་གཏམ་ལ་གསན་པར་མཛོད། ངས་ཁྱེད་ཀྱི་སྐུ་མདུན་དུ་བག་ལེབ་དུམ་བུ་ཞིག་འཇོག་པར་གནང་རོགས། རྗེས་སུ་ལམ་དུ་ཞུགས་པའི་ཚེ། ཁྱེད་ལ་སྟོབས་ཤུགས་ཡོད་པའི་ཕྱིར་ད་ལྟ་བཞེས་རོགས་ཞེས་ཞུས་ཀྱང་།  
\v 23 ཁོས་མི་འཐད་པའི་ཚུལ་གྱིས་བཟའ་བར་མི་བྱ་ཞེས་སྨྲས། འཁོར་གཡོག་རྣམས་ཀྱིས་བུད་མེད་དང་མཉམ་དུ་ཁོ་ལ་བསྐུལ་མ་བྱས། དེ་ནས་ཁོས་དེ་དག་གི་གཏམ་ལ་མཉན་ཏེ་ལངས་ནས་ཉལ་ཁྲི་སྟེང་དུ་བསྡད།  
\v 24 བུད་མེད་དེ་ལ་ཁྱིམ་དུ་བ་ཕྲུག་ཤ་ཤེད་ཅན་ཞིག་ཡོད་པ་མྱུར་དུ་བཤས་ནས་བག་ཕྱེ་བླངས་ཏེ་བརྫིས་ནས་སྐྱུར་མེད་བག་ལེབ་བསྲེགས་ཤིང་།  
\v 25 དེ་ནི་སོ་ལོ་དང་ཁོའི་འཁོར་གཡོག་གི་མདུན་དུ་ཁྱེར་འོངས་པ་དང་། དེ་དག་གིས་ཁ་ཟས་སྤྱད་ནས་ལངས་ཏེ་མཚན་མོ་དེ་ལ་སོང་ངོ་། །   
\c 29
\cl ལེའུ་ཉེར་དགུ་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 ཨ་ཀི་སི་ཡིས་དཱ་བིད་ཕྱིར་ཙིག་ལག་ཏུ་མངགས་པ།  
\p
\v 1 དེ་ནས་ཕེ་ལེ་ཤེད་པས་རང་གི་དམག་དཔུང་ཐམས་ཅད་ཨ་ཕེག་ཏུ་བསྡུས་པ་དང་། ཡེས་ར་ཨེལ་པ་རྣམས་ཀྱིས་ཀྱང་ཡེ་སི་རེ་ཨེལ་ལ་ཡོད་པའི་ཆུ་མིག་གི་རྩར་དམག་སྒར་བཏབ།  
\v 2 ཕེ་ལེ་ཤེད་པའི་རྒྱལ་པོ་རྣམས་ནི་བརྒྱ་ཕྲག་དང་སྟོང་ཕྲག་གི་ཚོགས་དང་བཅས་སུ་འགྲོ་བ་དང་། དཱ་བིད་དང་དེའི་མི་རྣམས་ནི་ཨ་ཀི་སི་དང་མཉམ་དུ་རྗེས་སུ་འབྲངས་པ་རེད།  
\v 3 དེ་ནས་ཕེ་ལེ་ཤེད་པའི་དམག་དཔོན་རྣམས་ཀྱིས། ཨིབ་རི་པ་འདི་རྣམས་ཀྱིས་འདི་རུ་ཅི་བྱེད་ཅེས་དྲིས་པ་ན། ཨ་ཀི་སི་ཡིས་ཕེ་ལེ་ཤེད་པའི་དམག་དཔོན་རྣམས་ལ། འདི་ནི་ཡེས་ར་ཨེལ་གྱི་རྒྱལ་པོ་སོ་ལོའི་ཞབས་ཕྱི་དཱ་བིད་མ་ཡིན་ནམ། ཁོ་ཉིན་འདི་དག་དང་ལོ་འདི་དག་གི་རིང་ང་དང་མཉམ་དུ་བསྡད་ན་ཡང་། ཁོ་འདི་རུ་ངའི་མདུན་དུ་སླེབས་པའི་ཉིན་ནས་དེ་རིང་གི་བར་དུ་ངས་ཁོའི་ནང་དུ་སྐྱོན་གང་ཡང་མཐོང་མ་བྱུང་ཞེས་སྨྲས་པ་དང་།  
\v 4 ཕེ་ལེ་ཤེད་པའི་དམག་དཔོན་རྣམས་ཨ་ཀི་སི་ལ་ཁྲོས་ནས་ན་རེ། མི་དེ་ཕྱིར་ལོག་ཏུ་ཆུག་ཅིག ཁོ་ནི་ཁྱོད་ཀྱིས་བསྟན་པའི་གནས་སུ་འགྲོ་དགོས། དམག་རྒྱག་པའི་དུས་སུ་ངེད་ཀྱི་དགྲ་བོར་མི་འགྱུར་བའི་ཕྱིར། ཁོ་ནི་ངེད་རྣམས་དང་མཉམ་དུ་དམག་ལ་འགྲོ་བར་མི་འཇུག་རོགས། ཁོ་ནི་རང་གི་འགོ་དཔོན་དང་མཐུན་པར་དགའ་ན། དམག་མི་འདི་རྣམས་ཀྱི་མགོ་གཅོད་པའི་སྒོ་ནས་མཐུན་པར་མི་འགྱུར་རམ།  
\v 5 གར་འཆམ་པའི་སྐབས་སུ་མི་རྣམས་ཀྱིས་གླུ་བླངས་ཤིང་། སོ་ལོ་ཡིས་བསད་པ་སྟོང་ཕྲག་སྟེ། །དཱ་བིད་ཀྱིས་བསད་པ་ཁྲི་ཕྲག་ཉིད་ཅེས་ཟེར་བའི་དཱ་བིད་དེ་རང་མ་ཡིན་ནམ་ཞེས་སྨྲས་སོ། །   
\p
\v 6 ཨ་ཀི་སི་ཡིས་དཱ་བིད་བོས་ནས་དེ་ལ། ངས་གཏན་དུ་བཞུགས་པའི་དཀོན་མཆོག་ཡ་ཝཱེ་དཔང་དུ་བཙུགས་ནས་ཁྱོད་ནི་དྲང་པོ་ཡིན་པ་དང་། ཁྱོད་དམག་ཚོགས་ཀྱི་ཁྲོད་དུ་འགྲོ་འོང་བྱེད་པ་ནི་ངའི་མིག་མདུན་དུ་བཟང་པོ་ཡིན་ཏེ། ཁྱོད་ངའི་གམ་དུ་འོངས་པ་ནས་དེ་རིང་གི་བར་དུ་ངས་ཁྱོད་ཀྱི་ནང་དུ་སྐྱོན་གང་ཡང་མ་མཐོང་ཡང་། རྒྱལ་པོ་རྣམས་ཁྱོད་ལ་མི་དགའ་བ་རེད།  
\v 7 ཕེ་ལེ་ཤེད་པའི་རྒྱལ་པོ་རྣམས་མི་ཁྲོ་བའི་ཕྱིར། ཁྱོད་ད་ལྟ་ཕྱིར་ལོག་སྟེ་བདེ་བར་སོང་ཞིག་ཅེས་བསྐུལ་བས།  
\v 8 དཱ་བིད་ཀྱིས་ཨ་ཀི་སི་ལ། བདག་གིས་ཅི་བྱས་པ་ཡིན། བདག་ནི་རང་གི་ཇོ་བོ་རྒྱལ་པོའི་དགྲ་རྣམས་ལ་དམག་ཏུ་འགྲོ་བར་མི་གནང་སྟེ། ཉིད་ཀྱི་ཞབས་ཕྱི་བདག་ཁྱེད་ཀྱི་དྲུང་དུ་འོངས་པ་ནས་དེ་རིང་གི་བར་དུ་ཁྱེད་ཀྱིས་བདག་ལས་སྐྱོན་ཅི་མཐོང་བ་ཡིན་ཞེས་དྲིས་པར།  
\v 9 ཨ་ཀི་སི་ཡིས་ལན་བཏབ་ནས་དཱ་བིད་ལ། ངས་ཁྱོད་ངའི་མིག་མདུན་དུ་དཀོན་མཆོག་གི་ཕོ་ཉ་དང་འདྲ་བར་བཟང་པོ་ཞིག་ཡིན་པ་ཤེས་ཀྱང་། ཕེ་ལེ་ཤེད་པའི་རྒྱལ་པོ་རྣམས་ཀྱིས་མི་འདི་ངེད་ཅག་དང་མཉམ་དུ་དམག་ཏུ་འགྲོ་མི་ཆོག་ཅེས་སྨྲས་སོ། །  
\v 10 དེའི་ཕྱིར་སང་ཉིན་སྔ་མོ་ཁྱོད་དང་ཁྱོད་ཀྱི་བདག་པོའི་ཞབས་ཕྱི་ཁྱོད་དང་མཉམ་དུ་འོངས་པ་རྣམས་ལོངས་དང་། ནངས་སྔ་མོ་ལངས་ནས་སྐྱ་འོད་དང་ལྷན་དུ་སོང་ཞིག་ཅེས་བསྐུལ་བས།  
\v 11 དཱ་བིད་དང་དེའི་མི་རྣམས་ཕྱི་ཉིན་སྔ་མོ་ལངས་ཏེ་ཕེ་ལེ་ཤེད་པའི་ཡུལ་དུ་ལོག ཡང་ཕེ་ལེ་ཤེད་པ་རྣམས་ཡེ་སི་རེ་ཨེལ་དུ་ཕྱིན་ཏོ། །   
\c 30
\cl ལེའུ་སུམ་ཅུ་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 དཱ་བིད་ཀྱིས་ཨ་མཱད་ལེག་པ་བསྣུབས་པ།  
\p
\v 1 དེ་ནས་ཉིན་གསུམ་པར་དཱ་བིད་དང་ཁོའི་མི་རྣམས་ཙིག་ལག་གྲོང་ཁྱེར་དུ་སླེབས་ཤིང་། སྔོན་ཆད་ཨ་མཱད་ལེག་པ་རྣམས་ཀྱིས་ཡ་ཧུ་དཱ་ཡུལ་གྱི་ནེ་གུབ་དང་ཙིག་ལག་ཏུ་དམག་དྲངས་ནས། ཙིག་ལག་གཏོར་ནས་མེ་ལ་བསྲེགས་ཤིང་།  
\v 2 གྲོང་ཁྱེར་དེ་རུ་གནས་པའི་བུད་མེད་ཐམས་ཅད་བཟུང་ནས། ཆེ་ཆུང་གཅིག་ཀྱང་མ་བསད་པར་བཟུང་ཞིང་ཁྲིད་ནས་ལམ་དུ་ཞུགས་པ་རེད།  
\v 3 དཱ་བིད་དང་དེའི་མི་རྣམས་གྲོང་ཁྱེར་དེར་སླེབས་པའི་སྐབས་སུ། ཀྱེ་ཧོ། གྲོང་ཁྱེར་མེ་ལ་བསྲེགས་ཏེ། དེ་དག་གི་བུད་མེད་རྣམས་དང་། བུ་རྣམས་དང་། བུ་མོ་རྣམས་བཟུང་ནས་བཙོན་དུ་ཁྱེར་བ་མཐོང་ནས།  
\v 4 དཱ་བིད་དང་མཉམ་དུ་ཡོད་པའི་མི་རྣམས་ཀྱིས་སྐད་ཆེན་པོ་བཏོན་ནས་སྟོབས་ཟད་པའི་བར་དུ་ངུས།  
\v 5 ཡང་དཱ་བིད་ཀྱི་ཆུང་མ་སྟེ། ཡེ་སི་རེ་ཨེལ་གྱི་ཨ་ཧི་ནོ་ཨམ་དང་། སྔར་ཀར་མེལ་པ་ནཱ་རྦལ་གྱི་ཆུང་མ་ཡིན་པའི་ཨ་བི་གཱ་ཡིལ་གཉིས་ཀྱང་བཙོན་དུ་བཟུང་སྟེ་ཁྱེར།  
\v 6 མི་དེ་དག་གིས་དཱ་བིད་རྡོ་རུབ་གཏོང་བའི་གཏམ་བྱེད་པས་དཱ་བིད་ཤིན་ཏུ་འཇིགས་ཤིང་། མི་ཐམས་ཅད་ཀྱིས་རང་རང་གི་བུ་དང་བུ་མོའི་ཕྱིར་སེམས་སྡུག་བྱས་ཀྱང་། དཱ་བིད་ཀྱིས་རང་གི་དཀོན་མཆོག་ཡ་ཝཱེར་བརྟེན་ནས་སྤོབས་པ་བསྐྱེད་དོ། །   
\p
\v 7 དེ་ནས་དཱ་བིད་ཀྱིས་ཨ་ཧི་མེ་ལེག་གི་བུ་སྟེ་མཆོད་དཔོན་ཨབ་ཡཱ་ཐར་ལ། འདིར་ང་ལ་བེར་ཐུལ་ཁྱེར་ཤོག་ཅེས་ཟེར་བས། ཨབ་ཡཱ་ཐར་གྱིས་དཱ་བིད་ལ་བེར་ཐུལ་ཁུར་འོངས་ནས།  
\v 8 དཱ་བིད་ཀྱིས་དཀོན་མཆོག་ཡ་ཝཱེ་ལ་གསོལ་བ་བཏབ་ནས་ཁོང་ལ། བདག་ནི་དམག་དཔུང་འདིའི་ར་མདར་བརྒྱུགས་ན་རྗེས་ཆོད་པར་འགྱུར་རམ་ཞེས་ཞུས་པ་ལ། དཀོན་མཆོག་ཡ་ཝཱེས་བཀའ་ལན་དུ། ཐེད་ཅིག ཁྱོད་ཀྱིས་དེ་དག་གི་རྗེས་ཆོད་དེ་ཐམས་ཅད་སྐྱོབ་པར་འགྱུར་ཞེས་གསུངས་པས།  
\v 9 དཱ་བིད་དང་ཁོ་དང་མཉམ་དུ་ཡོད་པའི་མི་དྲུག་བརྒྱ་ཕྱིན་པ་དང་། བེ་སོར་ཞེས་པའི་གྲོག་མོར་སླེབས་ཤིང་དེར་མི་འགའ་ཞིག་རྒྱབ་ཏུ་ལུས།  
\v 10 མི་ཉིས་བརྒྱ་ཤིན་ཏུ་ངལ་ནས་བེ་སོར་གྲོག་མོ་བརྒལ་མ་ནུས་པས་རྒྱབ་ཏུ་ལུས་ཤིང་། དཱ་བིད་དང་མི་བཞི་བརྒྱ་བཅས་ར་མདར་ཕྱིན་ཏོ། །   
\p
\v 11 དེ་ནས་ཐང་དུ་ཨེ་ཅིབ་པ་ཞིག་དང་ཕྲད་པས་དཱ་བིད་ཀྱི་དྲུང་དུ་ཁྲིད་ཅིང་། མི་དེ་ལ་བག་ལེབ་བཏང་ནས་ཟོས་ཏེ་ཆུ་ཡང་འཐུང་བར་སྤྲད་པ་རེད།  
\v 12 དེ་ནས་ཁོ་ལ་སེ་ཡབ་ལེབ་མོ་ཞིག་དང་། རྒུན་འབྲུམ་སྐམ་པོ་ལེབ་མོ་གཉིས་བཏང་ནས་དེ་ཟོས་པ་ན། ཁོ་ལ་ཡང་བསྐྱར་སྟོབས་ཤུགས་རྒྱས་པ་སྟེ། མི་དེས་ཉིན་ཞག་གསུམ་ལ་ཁ་ཟས་མ་སྤྱད་ཆུ་ཡང་མ་འཐུང་བ་ཡིན།  
\v 13 དེ་ནས་དཱ་བིད་ཀྱིས་ཁོ་ལ། ཁྱོད་སུའི་མི་ཡིན། གང་ནས་འོངས་ཞེས་དྲིས་པར། མི་དེས། ང་ཨེ་ཅིབ་ཡུལ་གྱི་གཞོན་ནུ་ཡིན་པ་དང་། ཨ་མཱད་ལེག་པ་ཞིག་གི་གཡོག་པོ་ཡིན་ཏེ། ཞག་གསུམ་གྱི་སྔོན་དུ་ང་ན་བས་བདག་པོས་ང་སྤངས་སོ། །  
\v 14 ང་ཚོས་ཀེ་རེད་པའི་ནེ་གུབ་དང་ཡ་ཧུ་དཱ་ཡུལ་ལ་གཏོགས་པ་དང་། ཀཱ་ལེབ་ཡུལ་གྱི་ནེ་གུབ་ཏུ་དམག་བརྒྱབ་ནས་ཙིག་ལག་མེ་ལ་བསྲེགས་པ་ཡིན་ཞེས་ཞུས་པར།  
\v 15 དཱ་བིད་ཀྱིས་ཁོ་ལ། ཁྱོད་ཀྱིས་ང་རང་དམག་དཔུང་དེའི་རྩར་འཁྲིད་པར་བྱའམ་ཞེས་དྲིས་ཤིང་། མི་དེས། ཁྱེད་ཀྱིས་དཀོན་མཆོག་དཔང་དུ་བཙུགས་ནས་བདག་མི་གསོད་པ་དང་། ངའི་བདག་པོའི་ལག་ཏུ་མི་གཏོང་བའི་མནའ་བཞེས་ཤིག དེ་ལྟར་བྱས་ན་བདག་གིས་ཁྱེད་དམག་དཔུང་དེའི་མདུན་དུ་འཁྲིད་པར་བྱ་ཞེས་ཞུས་སོ། །   
\p
\v 16 མི་དེས་དཱ་བིད་མར་ཁྲིད་ནས། ཀྱེ་ཧོ། ཨ་མཱད་ལེག་པ་དེ་དག་ཡུལ་ཐམས་ཅད་དུ་ཐོར་ནས་བཟའ་བཏུང་ལོངས་སུ་སྤྱོད་ཅིང་གར་འཆམ་བཞིན་འདུག་གོ །གང་ལ་ཞེ་ན། དེ་དག་གིས་ཕེ་ལེ་ཤེད་དང་ཡ་ཧུ་དཱ་ཡུལ་གཉིས་ནས་བཅོམ་ནོར་ཆེན་པོ་ཁྱེར་བས་སོ། །  
\v 17 དེ་ནས་དཱ་བིད་ཀྱིས་ཐོ་རངས་ནས་བཟུང་ཕྱི་ཉིན་མཚན་མོའི་བར་དུ་དེ་དག་དང་འཐབ་འཛིང་བྱས་ཤིང་། རྔ་མོང་ལ་ཞོན་ཏེ་བྲོས་པའི་གཞོན་ནུ་བཞི་བརྒྱ་མ་གཏོགས་དེ་དག་ལས་གཅིག་ཀྱང་མ་ཐར་རོ། །  
\v 18 ཡང་ཨ་མཱད་ལེག་པ་རྣམས་ཀྱིས་ཁྱེར་བ་ཐམས་ཅད་དཱ་བིད་ཀྱིས་ཕྱིར་བླངས་ཏེ། དཱ་བིད་ཀྱིས་རང་གི་ཆུང་མ་གཉིས་ཀྱང་བསྐྱབས་པ་རེད།  
\v 19 ཁ་རྒན་གཞོན་དང་། བུ་བུ་མོ་དང་། བཅོམ་ནོར་སོགས་དེ་དག་གིས་ཅི་དང་ཅི་ཁྱེར་བ་ཐམས་ཅད་ཀྱི་ནང་ནས་གང་ཡང་མ་སྟོར་བར། དཱ་བིད་ཀྱིས་ནོར་དེ་ཐམས་ཅད་ཕྱིར་བླངས་པ་དང་།  
\v 20 དེ་ནས་དཱ་བིད་ཀྱིས་ར་ལུག་གི་ཁྱུ་དང་བ་ཁྱུ་རྣམས་བླངས་ནས་མི་དེ་དག་གིས་ཁྲིད་དེ་ན་རེ། འདི་ནི་དཱ་བིད་ཀྱི་བཅོམ་ནོར་ཡིན་ཞེས་བརྗོད་དོ། །   
\p
\v 21 ཤིན་ཏུ་ངལ་བས་དཱ་བིད་ཀྱི་རྗེས་སུ་འབྲང་བར་མ་ནུས་པའི་མི་ཉིས་བརྒྱ་སྟེ། བེ་སོར་གྲོག་མོའི་འགྲམ་དུ་ལུས་པ་དེ་དག་གི་མདུན་དུ་སླེབས་ཤིང་། དེ་དག་ནི་དཱ་བིད་དང་ཁོང་དང་མཉམ་དུ་ཡོད་པའི་མི་རྣམས་བསུ་བར་འོངས། དཱ་བིད་དེ་དག་དང་ཉེ་བར་སླེབས་པ་དང་ཁམས་འདྲི་བྱས།  
\v 22 དེ་ནས་དཱ་བིད་དང་མཉམ་དུ་ཕྱིན་པའི་མི་ངན་རྣམས་ཀྱིས། མི་དེ་དག་ནི་ངེད་ཅག་དང་མཉམ་དུ་མ་ཕྱིན་པས། ངེད་རྣམས་ཀྱིས་ཕྱིར་བླངས་པའི་བཅོམ་ནོར་འདི་ལས་དེ་དག་ལ་ཅི་ཡང་གཏོང་བར་མི་བྱ། དེ་དག་གིས་རང་གི་ཆུང་མ་དང་ཕྲུ་གུ་རྣམས་ཁྲིད་ནས་ཕར་སོང་ཆོག་ཅེས་སྨྲས་ཀྱང་།  
\v 23 དཱ་བིད་ཀྱིས། ངའི་སྤུན་ཟླ་རྣམས། དེ་ལྟར་མ་བྱེད་ཅིག དཀོན་མཆོག་ཡ་ཝཱེས་རང་ཅག་ལ་འདི་ཐམས་ཅད་གནང་སྟེ་རང་ཅག་སྲུང་བར་མཛད་ཅིང་། རང་ཅག་གི་སྟེང་དུ་བྱུང་བའི་དམག་དཔུང་འདི་རང་རེའི་ལག་ཏུ་སྤྲད་པས།  
\v 24 ཁྱོད་ཅག་གི་གཏམ་ལ་སུས་མཉན་པར་བྱ། དམག་ཏུ་འགྲོ་མཁན་གྱི་ཐོབ་སྐལ་དང་འདྲ་བར་དམག་ཆས་སྲུང་མཁན་རྣམས་ལའང་སྐལ་ཡོད་པར་འགྱུར། ཐམས་ཅད་ལ་སྐལ་འདྲ་བར་འཐོབ་འོང་ཞེས་སྨྲས།  
\v 25 ཡང་ཉིན་དེ་ནས་བཟུང་དེ་རིང་གི་བར་དུ་ཁོས་དེ་ནི་ཡེས་ར་ཨེལ་གྱི་ཁྲིམས་དང་ལུགས་སྲོལ་དུ་བཙུགས་སོ། །   
\p
\v 26 ཡང་དཱ་བིད་ཙིག་ལག་ཏུ་སླེབས་པ་དང་། བཅོམ་ནོར་གྱི་ཁག་ཅིག་རང་གི་གྲོགས་པོ་ཡིན་པའི་ཡ་ཧུ་དཱ་པའི་རྒན་པོ་རྣམས་ལ་བཏང་ནས་ན་རེ། ལྟོས་དང་། འདི་ནི་དཀོན་མཆོག་ཡ་ཝཱེའི་དགྲ་བོ་ནས་བླངས་པའི་བཅོམ་ནོར་ཏེ། ཁྱེད་ལ་ཕུལ་བའི་ཕྱག་རྟགས་ཡིན་ཞེས་སྨྲས་ཤིང་།  
\v 27 ཕྱག་རྟགས་དེ་ནི་པེད་ཨེལ་དང་། ནེ་གུབ་ཡུལ་གྱི་རཱ་མོད་དང་། ཡད་ཏིར་དང་།  
\v 28 ཨ་རོ་ཨེར་དང་། སིབ་མོད་དང་། ཨེ་སི་ཏེ་མོ་ཨ་དང་།  
\v 29 ར་ཀལ་དང་། ཡིར་ཧིམ་ཨེལ་པའི་གྲོང་ཁྱེར་རྣམས་དང་། ཀེ་ནེ་པའི་གྲོང་ཁྱེར་རྣམས་དང་།  
\v 30 ཧོར་མཱ་དང་། པོར་ཨ་སན་དང་། ཨ་ཐག་དང་།  
\v 31 ཧེབ་རོན་དང་། སྔར་དཱ་བིད་དང་དེའི་མི་རྣམས་སོང་བའི་གནས་ཐམས་ཅད་དུ་ཕུལ་ཏོ། །   
\c 31
\cl ལེའུ་སོ་གཅིག་པ། 
\toc1 ༄༅། །སཱ་མུ་ཨེལ་གྱི་མདོ་དང་པོ། 
\toc2 སཱ་མུ་ཨེལ་དང་པོ། 
\s1 སོ་ལོས་རང་སྲོག་བཅད་པ།  
\p
\v 1 དེ་ནས་ཕེ་ལེ་ཤེད་པ་རྣམས་ཀྱིས་ཡེས་ར་ཨེལ་ལ་དམག་དྲངས་ནས། ཡེས་ར་ཨེལ་པ་རྣམས་ཕེ་ལེ་ཤེད་པའི་མདུན་ནས་བྲོས་ཏེ། མི་མང་པོ་གིལ་བོ་ཨ་རི་བོར་བསད་ནས་ས་རུ་འགྱེལ་བ་རེད།  
\v 2 དེ་ནས་ཕེ་ལེ་ཤེད་པ་རྣམས་ཀྱིས་སོ་ལོ་དང་དེའི་སྲས་རྣམས་ཀྱི་རྗེས་དེད་ཅིང་། སོ་ལོའི་སྲས་ཡོ་ནཱ་ཐན་དང་ཨ་བི་ནཱ་དབ། མལ་ཀི་ཤུ་ཨ་བཅས་བསད་པ་རེད།  
\v 3 ཡང་སོ་ལོ་ལ་རྒོལ་བའི་འཐབ་མོ་ཤིན་ཏུ་དྲགས་ཤིང་། མདའ་པ་རྣམས་ཀྱིས་ཁོང་ལ་རྒོལ་ནས་ཤིན་ཏུ་རྨས་པ་དང་།  
\v 4 སོ་ལོས་རང་གི་གོ་མཚོན་འཁུར་མཁན་ལ། ཁྱོད་ཀྱིས་རལ་གྲི་ཕྱུང་སྟེ་ངའི་ལུས་རྟོལ་ཞིག དེ་ལྟར་མ་བྱས་ཚེ་མཚན་སྐྱི་མ་བཅད་པ་དེ་དག་འོངས་ནས་ང་ལ་རལ་གྲིས་བཙུགས་ཏེ་སྨད་པར་བྱའོ་ཞེས་སྨྲས་ཀྱང་། གོ་མཚོན་འཁུར་མཁན་དེ་ཤིན་ཏུ་འཇིགས་ནས་དེ་ལྟར་མ་བྱས་པས། སོ་ལོས་རལ་གྲི་བླངས་ནས་དེའི་ཁར་ལྕེབས་སོ། །  
\v 5 ཡང་གོ་མཚོན་འཁུར་མཁན་གྱིས་སོ་ལོ་གྲོངས་ཟིན་པ་མཐོང་བ་དང་། ཁོ་ཡང་རལ་གྲིའི་ཁར་ལྕེབས་ནས་ཤིའོ། །  
\v 6 དེ་ལྟར་སོ་ལོ་དང་ཁོང་གི་སྲས་གསུམ་པོ་དང་། གོ་མཚོན་འཁུར་མཁན་དང་སོ་ལོའི་དམག་མི་ཐམས་ཅད་ཉིན་མོ་དེ་རང་ལ་ལྷན་ཅིག་ཏུ་འདས།  
\v 7 ཡང་ལུང་པའི་ཕ་རོལ་དང་ཡོར་དན་གཙང་པོའི་ཕ་རོལ་ཏུ་ཡོད་པའི་ཡེས་ར་ཨེལ་པ་རྣམས་ཀྱིས་ཡེས་ར་ཨེལ་པའི་དམག་རྣམས་བྲོས་པ་དང་། སོ་ལོ་དང་དེའི་སྲས་རྣམས་གྲོངས་པ་མཐོང་བས་རང་རང་གི་གྲོང་ཁྱེར་རྣམས་སྤངས་ནས་བྲོས་ཤིང་། ཕེ་ལེ་ཤེད་པ་རྣམས་འོངས་ནས་དེ་ཚོའི་གྲོང་ཁྱེར་ནང་དུ་བསྡད་དོ། །   
\p
\v 8 དེའི་ཕྱི་ཉིན་ཕེ་ལེ་ཤེད་པ་རྣམས་བེམ་པོ་དག་གི་གོས་བཤུ་བར་འོངས་དུས་སུ། སོ་ལོ་དང་དེའི་སྲས་གསུམ་པོ་གིལ་བོ་ཨ་རི་བོར་གྲོངས་ཟིན་པ་མཐོང་བ་དང་།  
\v 9 ཁོང་གི་མགོ་བཅད་ནས་གོ་མཚོན་བཤུས་ཏེ། ལྷ་ཁང་དང་ཡུལ་མི་རྣམས་ལ་འཕྲིན་གཏོང་བའི་ཕྱིར་མི་འགའ་ཞིག་ཕེ་ལེ་ཤེད་པའི་ཡུལ་སྐོར་དུ་མངགས།  
\v 10 ཡང་ཁོང་གི་གོ་མཚོན་ནི་ལྷ་མོ་ཨ་ཤཱ་ཏ་རོད་ཀྱི་ལྷ་ཁང་དུ་བཞག་ནས་ཁོང་གི་བེམ་པོ་པེད་ཤན་གྱི་གྱང་ངོར་བཀལ།  
\v 11 ཕེ་ལེ་ཤེད་པ་རྣམས་ཀྱིས་སོ་ལོ་ལ་ཅི་ལྟར་བྱས་པའི་གཏམ་དེ་གིལ་ཨད་ཡུལ་གྱི་ཡཱ་བེ་སི་གྲོང་ཚོའི་མི་རྣམས་ཀྱིས་ཐོས་པ་ན།  
\v 12 དཔའ་རྒོད་ཐམས་ཅད་ལངས་ནས་མཚན་གང་འགྲུལ་ཞིང་སོ་ལོ་དང་ཁོང་གི་སྲས་རྣམས་ཀྱི་བེམ་པོ་པེད་ཤན་གྱི་གྱང་ནས་བླངས་ཏེ་ཡཱ་བེ་སི་རུ་ཁྱེར་ནས་མེ་ལ་ཕུལ་ཏོ། །  
\v 13 དེ་ནས་རུས་པ་བླངས་ནས་ཡཱ་བེ་སི་རུ་ཡོད་པའི་འོམ་བུའི་འོག་གི་དུར་ཁུང་དུ་བཙུད་པ་དང་། ཞག་བདུན་གྱི་བར་དུ་སྨྱུང་གནས་ལ་བསྡད་དོ།། །།