\id 1KI – NTB 
\h རྒྱལ་རབས་དང་པོ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\mt1 ༄༅། །རྒྱལ་རབས་ཀྱི་མདོ་དང་པོ།  
\imt1 རྒྱལ་རབས་ཀྱི་མདོ་དང་པོའི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi རྒྱལ་རབས་ཀྱི་མདོ་དང་པོ་དང་གཉིས་པ་ནི་སཱ་མུ་ཨེལ་གྱི་མདོ་དང་པོ་དང་གཉིས་པ། སྔོན་རབས་ཀྱི་མདོ་དང་པོ་དང་གཉིས་པ་བཞིན་དུ་གཞུང་གཅིག་ཡིན། གཞུང་དེ་གཉིས་ལ་ཨིབ་རི་པའི་སྐད་ཡིག་ལས་རྒྱལ་རབས་ཞེས་ཀྱང་འབོད། ལུང་སྟོན་པ་སཱ་མུ་ཨེལ་གྱིས་ལས་འགན་ཁུར་པ་ནས་བཟུང་པཱ་པེལ་ལོན་གོང་མའི་རྒྱལ་ཁབ་ཀྱིས་ཡེས་ར་ཨེལ་གཏོར་བཅོམ་བྱས་པའི་བར་གྱི་རྒྱལ་རྒྱུད་ཀྱི་ལོ་རྒྱུས་ཐམས་ཅད་སཱ་མུ་ཨེལ་དང་རྒྱལ་རབས་ཀྱི་མདོ་རྣམས་སུ་བཀོད་ཡོད། རྒྱལ་རབས་དང་པོའི་ནང་དུ་རྒྱལ་པོ་སོ་ལོ་མོན་གྱིས་བསྐྱངས་པའི་རྒྱལ་སྲིད་ནས་བཟུང་རྒྱལ་ཁམས་ཁག་གཉིས་སུ་གྱེས་པའི་སྐོར་དང་། ཨ་ཧབ་ཚེ་ལས་འདས་པའི་བར་གྱི་ཡེས་ར་ཨེལ་པའི་ལོ་རྒྱུས་བཀོད་ཡོད།  
\is1 ཡི་གེར་འགོད་མཁན་དང་འགོད་དུས།  
\ipi རྒྱལ་རབས་ཀྱི་མདོ་དང་པོ་དང་གཉིས་པ་གཉིས་ཀ་ཡི་གེར་འགོད་མཁན་སུ་ཡིན་པའི་སྐོར་ལ་བདེན་དཔང་གསལ་པོ་ཞིག་མེད། འོན་ཀྱང་ཡི་གེར་འགོད་མཁན་སུ་ཡིན་ཡང་། དེ་ནི་ཡེས་ར་ཨེལ་གྱི་ལུང་སྟོན་པ་རྣམས་དང་འདྲ་བར་བཀའ་ལུང་གི་མདོ་ལ་ཆ་རྒྱུས་གཏིང་ཟབ་ཡོད་པ་མངོན་གསལ་དོད་པོ་རེད། གཞུང་འདི་ནི་ཕལ་ཆེར་སྤྱི་ལོ་སྔོན་གྱི་562ལོར་ཡེ་ཧོ་ཡཱ་ཀིན་བཙོན་གྲོལ་བཏང་བའི་རྗེས་དང་། སྤྱི་ལོ་སྔོན་གྱི་538ལོ་སྟེ། པཱ་པེལ་ལོན་གྱིས་ཡེས་ར་ཨེལ་པ་རྣམས་བཙོན་གྲོལ་བཏང་བའི་སྔོན་དུ་ཡི་གེར་བཀོད་པ་ཡིན།  
\is1 བརྗོད་སྙིང་དང་གསུང་འཕྲིན།  
\ipi རྒྱལ་རབས་ཀྱི་མདོ་དང་པོ་དང་གཉིས་པ་ཡི་གེར་བཀོད་པའི་དམིགས་ཡུལ་དང་། ཡང་ན་བརྗོད་དོན་ཅི་ཡིན་སྐོར་ལ་འགྲེལ་བཤད་ཁ་གསལ་པོ་ཞིག་བརྒྱབ་མེད། སྤྱིའི་ཆ་ནས་རྒྱལ་རབས་ཀྱི་མདོ་དང་པོ་དང་གཉིས་པའི་ནང་དུ། ཡི་གེར་འགོད་མཁན་གྱིས་དཀོན་མཆོག་གི་ཞལ་ཆད་རྣམས་ཡིད་ལ་དྲན་ནས་ཡེས་ར་ཨེལ་དང་ཡ་ཧུ་དཱ་པའི་རྒྱལ་རབས་རིམ་བྱུང་གི་ལོ་རྒྱུས་བརྗོད་ཡོད། ཡི་གེར་འགོད་མཁན་གྱིས་གཙོ་བོ་ཡེས་ར་ཨེལ་པ་རྣམས་དཀོན་མཆོག་གི་ཞལ་ཆད་ལ་ཡིད་ཆེས་བརྟན་པོ་ཡོད་མེད་སྐོར་ལ་སེམས་ཁུར་བྱས་ཡོད། དེ་བས་ཁོང་གིས་དཀོན་མཆོག་གི་ཞལ་ཆད་ལ་བརྟེན་ནས་རྒྱལ་སྲིད་བསྐྱངས་པའི་རྒྱལ་པོ་དང་རྒྱལ་མོ་རྣམས་ཀྱིས་ཞལ་ཆད་ལ་གུས་བཀུར་བྱེད་དང་མི་བྱེད་ཀྱི་གནས་ཚུལ་བཀོད་ཡོད་དེ། མ་གཞི་དཀོན་མཆོག་གི་བཀའ་བརྩིས་པའི་ཚེ་ཞི་བདེ་དང་ལོངས་སྤྱོད་ཕུན་སུམ་ཚོགས་པ་ལྡན་པ་དང་། བཀའ་མི་བརྩི་བར་སྐུ་འདྲ་སྐྱབས་སུ་བསྟེན་པའི་ཚེ་དམག་འཁྲུག་དང་ཆག་སྒོ་འབྱུང་བ་བཀོད་ཡོད།  
\is1 འཆར་ཟིན།  
\ipi 1. སོ་ལོ་མོན་གྱི་སྲིད་དབང་སྐོར། ༼1:1-12:24༽  
\ipi 2. ཡེས་ར་ཨེལ་གྱི་རྒྱལ་ཁམས་དང་ཡ་ཧུ་དཱའི་རྒྱལ་ཁམས་གཉིས་ཀྱི་རྒྱལ་པོ་འགའ་ཞིག་གི་ལོ་རྒྱུས། ༼12:25-16:34༽  
\ipi 3. ཨེ་ལི་ཡཱ་དང་རྒྱལ་པོ་ཨ་ཧབ་གཉིས་ཀྱི་སྐོར། ༼17:1-22:40༽  
\ipi 4. ཡ་ཧུ་དཱའི་རྒྱལ་པོ་ཡེ་ཧོ་ཤ་ཕད་ཀྱི་སྐོར། ༼22:41-50༽  
\ipi 5. ཡེས་ར་ཨེལ་གྱི་རྒྱལ་པོ་ཨ་ཧ་ཟི་ཡཱའི་སྐོར། ༼22:51-53༽  
\c 1
\cl ལེའུ་དང་པོ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 རྒྱལ་པོ་དཱ་བིད་དགུང་ལོ་མཐོ་བའི་དུས།  
\p
\v 1 དེ་ཡང་རྒྱལ་པོ་དཱ་བིད་རྒས་ནས་དགུང་ལོ་མཐོ་བའི་དུས་སུ་གོས་མང་པོས་གཡོགས་ཀྱང་དྲོད་མི་ལྡན་པར་གྱུར་པས།  
\v 2 ཁོང་གི་བློན་འཁོར་རྣམས་ན་རེ། རང་ཅག་གི་ཇོ་བོ་དང་རྒྱལ་པོ་ལགས་ལ་དྲོད་བསྐྱེད་ཕྱིར་ཁོང་གི་དྲུང་དུ་སྡོད་པ་དང་ཁོང་ལ་ལྟ་སྐྱོང་བྱེད་པ། ཁོང་གི་པང་དུ་ཉལ་བར་ན་ཆུང་བུ་མོ་ཞིག་བཙལ་ན་ལེགས་ཞེས་ཞུས་པ་དང་།  
\v 3 དེ་དག་གིས་ཡེས་ར་ཨེལ་གྱི་ཡུལ་འཁོར་ཐམས་ཅད་དུ་གཞོན་ནུ་མ་མཛེས་མ་ཞིག་བཙལ་བཙལ་བའི་མཐར། ཤུ་ནེམ་གྱི་ཨ་བི་ཤག་ཅེས་བྱ་བ་རྙེད་ནས་རྒྱལ་པོའི་དྲུང་དུ་ཁྲིད་དོ། །  
\v 4 གཞོན་ནུ་མ་དེ་ནི་བཞིན་རས་ཧ་ཅང་མཛེས་པ་ཞིག་ཡོད་པ་ཡིན། ཁོ་མོས་རྒྱལ་པོར་ལྟ་སྐྱོང་བྱས་ནས་ཞབས་ཕྱི་བསྒྲུབས་ནའང་རྒྱལ་པོས་དེ་དང་ལུས་འབྲེལ་མ་བྱས་སོ། །   
\s1 རྒྱལ་ཁྲིར་བཙན་གྱིས་འཛེགས་པའི་ཨ་དོ་ནེ་ཡཱ།  
\p
\v 5 དེ་ནས་ཧག་གིད་ཀྱི་བུ་ཨ་དོ་ནེ་ཡཱ་ཡིས་རང་མཐོང་ཆེན་པོ་བཅངས་ནས། ང་རང་རྒྱལ་པོར་འགྱུར་འོང་ཞེས་སྨྲས་ཏེ་རང་ལ་ཤིང་རྟ་དང་སྐྱ་དམག ཡང་ཁོའི་སྔོན་དུ་རྒྱུག་པའི་མི་ལྔ་བཅུ་བཅས་གྲ་སྒྲིག་བྱས་སོ། །  
\v 6 ཁོའི་ཡབ་ཀྱིས་ནམ་ཡིན་ཡང་ཁོ་ལ་ཁྱོད་ཀྱིས་ཅིའི་ཕྱིར་འདི་འདྲ་བྱས་པ་ཡིན་ནམ་ཞེས་སྐྱོན་འཛུགས་པའི་ཚིག་ཙམ་ཡང་མ་དྲིས་ལ། ཁོ་ཡང་བྱད་གཟུགས་ཧ་ཅང་མཛེས་ལ་ཨབ་ཤཱ་ལོམ་གྱི་རྗེས་སུ་སྐྱེས་པ་ཡིན་ནོ། །  
\v 7 ཁོས་ཟེ་རུ་ཡཱ་ཡི་བུ་ཡོ་ཨབ་དང་མཆོད་དཔོན་ཨབ་ཡཱ་ཐར་གཉིས་ལ་གཏམ་བྱས་ཤིང་དེ་གཉིས་ཁོའི་ཕྱོགས་སུ་ཡོང་སྟེ་ཁོ་ལ་རོགས་བྱས་སོ། །  
\v 8 འོན་ཀྱང་མཆོད་དཔོན་ཟཱ་ཏོག་དང་། ཡེ་ཧོ་ཡ་དཱའི་བུ་པེ་ནཱ་ཡ། ལུང་སྟོན་པ་ནཱ་ཐན། ཤིམ་ཨི། རེ་ཨི། དཱ་བིད་ཀྱི་དཔའ་བོ་རྣམས་དང་བཅས་པ་ཨ་དོ་ནེ་ཡཱའི་ཕྱོགས་སུ་མ་སོང་ངོ་། །  
\v 9 དེ་ནས་ཨ་དོ་ནེ་ཡཱ་ཡིས་ཨེན་རོ་གེལ་ཞེས་པའི་ཆུ་མིག་གི་འགྲམ་དུ་ཡོད་པའི་ཙོལ་ཧེ་ལེད་ཅེས་པའི་ཕ་བོང་གི་རྩར། ལུག་དང་། གླང་ཐུག་དང་། ཕྱུགས་ཤ་ཤེད་ཅན་དག་བཤས་ནས་རང་གི་སྤུན་མཆེད་དེ་རྒྱལ་སྲས་རྣམས་དང་། རྒྱལ་པོའི་བློན་འཁོར་ཡིན་པའི་ཡ་ཧུ་དཱ་པ་ཐམས་ཅད་དེར་མགྲོན་ལ་བོས་ཀྱང་།  
\v 10 ལུང་སྟོན་པ་ནཱ་ཐན་དང་། པེ་ནཱ་ཡ་དང་། དཔའ་བོ་རྣམས་དང་། སྐུ་མཆེད་སོ་ལོ་མོན་བཅས་ནི་མ་བོས་སོ། །   
\s1 ནཱ་ཐན་ནི་པད་ཤེ་བཱ་ཡི་ཆེད་དུ་རྒྱལ་པོའི་དྲུང་དུ་སོང་བ།  
\p
\v 11 དེ་ནས་ནཱ་ཐན་གྱིས་སོ་ལོ་མོན་གྱི་མ་ཡུམ་པད་ཤེ་བཱ་ལ་ན་རེ། ཧག་གིད་ཀྱི་བུ་ཨ་དོ་ནེ་ཡཱ་རྒྱལ་པོར་བསྡད་པ་དེ་ཁྱེད་ཀྱིས་མ་ཐོས་སམ། རང་ཅག་གི་ཇོ་བོ་དཱ་བིད་ཀྱིས་དོན་དེ་ད་དུང་ཤེས་མེད་དོ། །  
\v 12 ད་ནི་ཚུར་ཤོག་དང་། ཁྱེད་དང་ཁྱེད་ཀྱི་སྲས་སོ་ལོ་མོན་གཉིས་ཀྱི་སྲོག་ཐར་བའི་ཆེད་དུ་ངས་སློབ་སྟོན་བྱའོ། །  
\v 13 ཁྱེད་རྒྱལ་པོ་དཱ་བིད་ཀྱི་དྲུང་དུ་ཕྱིན་ཏེ་ཁོང་ལ་འདི་ལྟར་སྨྲོས་ཤིག ཀྱེ་ངའི་ཇོ་བོ་དང་ངའི་རྒྱལ་པོ་ལགས། ཁྱེད་ཀྱིས་སྔོན་ཆད་གཡོག་མོ་ང་ལ་མནའ་བཞེས་ཏེ། ཁྱེད་ཀྱི་བུ་སོ་ལོ་མོན་ངའི་རྗེས་སུ་རྒྱལ་པོར་སྡོད་ཅིང་ཁོ་ནི་ངའི་ཁྲི་ལ་སྡོད་པར་འགྱུར་ཞེས་གསུངས་པ་མ་ཡིན་ནམ། ད་ལྟ་ཨ་དོ་ནེ་ཡཱ་རྒྱལ་པོར་བསྡད་པ་འདི་ཅི་ཡིན་ཞེས་ཞུས་ཤིག  
\v 14 ཁྱེད་ཀྱིས་དེ་བཞིན་རྒྱལ་པོ་དང་གཏམ་གླེང་བཞིན་པའི་དུས་སུ་ང་ཡང་ནང་དུ་འོངས་ནས་ཁྱེད་ཀྱི་གཏམ་ལ་དཔང་པོ་བྱའོ་ཞེས་བསྐུལ་ཏོ། །   
\p
\v 15 དེ་ནས་པད་ཤེ་བཱ་རྒྱལ་པོའི་གཟིམ་ཆུང་གི་ནང་དུ་སོང་བ་དང་། རྒྱལ་པོ་སྐུ་ན་ཤིན་ཏུ་རྒས་ཤིང་། ཤུ་ནེམ་གྱི་ཨ་བི་ཤག་གིས་རྒྱལ་པོ་ལ་ཞབས་ཕྱི་ཞུ་བཞིན་ཡོད་པ་ཡིན།  
\v 16 དེར་པད་ཤེ་བཱས་མགོ་བོ་སྨད་དུ་བསྒུར་ནས་རྒྱལ་པོར་གུས་འདུད་ཞུས་པ་དང་། རྒྱལ་པོས་ཁྱོད་ཀྱིས་ཅི་ཞིག་འདོད་དམ་ཞེས་དྲིས་པ་ན།  
\v 17 ཁོ་མོས་རྒྱལ་པོར། ཀྱེ་ངའི་ཇོ་བོ་ལགས། ཁྱེད་ཀྱིས་ཉིད་ཀྱི་དཀོན་མཆོག་ཡ་ཝཱེ་དཔང་དུ་བཙུགས་ནས་ཉིད་ཀྱི་གཡོག་མོ་ང་ལ། ཁྱོད་ཀྱི་བུ་སོ་ལོ་མོན་ངའི་རྗེས་སུ་རྒྱལ་པོར་སྡོད་ཅིང་ཁོ་ནི་ངའི་ཁྲི་ལ་སྡོད་པར་འགྱུར་ཞེས་གསུངས་མོད།  
\v 18 གཟིགས་དང་། ད་ནི་ཨ་དོ་ནེ་ཡཱ་རྒྱལ་པོར་བསྡད་ཡོད་ནའང་ངའི་ཇོ་བོ་དང་ངའི་རྒྱལ་པོ་ཁྱེད་ཀྱིས་ད་དུང་དོན་དེ་མི་ཤེས་སོ། །  
\v 19 ཁོས་གླང་ཐུག་དང་། ཕྱུགས་ཤ་ཤེད་ཅན། ལུག་བཅས་མང་པོ་བཤས་ནས་རྒྱལ་སྲས་ཐམས་ཅད་དང་མཆོད་དཔོན་ཨབ་ཡཱ་ཐར་དང་དམག་དཔོན་ཡོ་ཨབ་བཅས་མགྲོན་དུ་བོས་ཀྱང་ཁྱེད་ཀྱི་ཞབས་ཕྱི་སོ་ལོ་མོན་མ་བོས་སོ། །  
\v 20 ཀྱེ་ངའི་ཇོ་བོ་དང་ངའི་རྒྱལ་པོ་ལགས། ད་ནི་ཁྱེད་ཀྱི་རྗེས་སུ་ཉིད་ཀྱི་རྒྱལ་ཁྲི་ལ་སུ་ཞིག་འགོད་པར་འགྱུར་བ་ཁྱེད་ཀྱིས་གསུང་བ་ལ། ཡེས་ར་ཨེལ་པ་ཐམས་ཅད་ཀྱི་མིག་གིས་ཁྱེད་ལ་བལྟས་ཡོད།  
\v 21 དེ་ལྟར་མ་བྱས་ཚེ། ངའི་ཇོ་བོ་དང་ངའི་རྒྱལ་པོ་ཁྱེད་ཉིད་རང་གི་ཡབ་མེས་རྣམས་དང་ལྷན་ཅིག་ཏུ་གཟིམས་པའི་ཚེ། བདག་དང་བདག་གི་བུ་སོ་ལོ་མོན་གཉིས་ནི་ཉེས་ཅན་དུ་བརྩི་བར་འགྱུར་རོ་ཞེས་སྨྲས་སོ། །  
\v 22 ཏག་ཏག་ཁོ་མོས་རྒྱལ་པོར་གཏམ་གླེང་བཞིན་པའི་སྐབས་སུ། ལུང་སྟོན་པ་ནཱ་ཐན་ནང་དུ་འོངས་པ་དང་།  
\v 23 འཁོར་གཡོག་རྣམས་ཀྱིས་རྒྱལ་པོར་ལུང་སྟོན་པ་ནཱ་ཐན་སླེབས་བྱུང་ཞེས་ཞུས་པ་དང་། ཁོ་ནི་རྒྱལ་པོའི་དྲུང་དུ་ཕྱིན་ནས་ཕྱག་བཙལ་ཏོ། །  
\v 24 ནཱ་ཐན་གྱིས། ཀྱེ་ངའི་ཇོ་བོ་དང་ངའི་རྒྱལ་པོ་ལགས། ཁྱེད་ཀྱིས་ཨ་དོ་ནེ་ཡཱ་ངའི་རྗེས་སུ་རྒྱལ་པོར་སྡོད་ཅིང་ཁོ་ངའི་ཁྲི་ལ་འགོད་པར་འགྱུར་རོ་ཞེས་གསུངས་སམ།  
\v 25 ཁོས་དེ་རིང་ཉིན་མོ་མར་སོང་སྟེ་གླང་ཐུག་དང་། ཕྱུགས་ཤ་ཤེད་ཅན། ལུག་བཅས་མང་པོ་བཤས་ནས་རྒྱལ་སྲས་ཀུན་དང་། དམག་དཔོན་རྣམས། མཆོད་དཔོན་ཨབ་ཡཱ་ཐར་བཅས་མགྲོན་དུ་བོས་ནས། ལྟོས་དང་། དེ་དག་གིས་ཁོའི་མདུན་དུ་བཟའ་བཏུང་རོལ་ཞིང་། རྒྱལ་པོ་ཨ་དོ་ནེ་ཡཱ་ཁྲི་ལོར་བརྟན་པར་ཤོག་ཅེས་བརྗོད་དོ། །  
\v 26 འོན་ཀྱང་ཁྱེད་ཀྱི་ཞབས་ཕྱི་ང་རང་དང་། མཆོད་དཔོན་ཟཱ་ཏོག་དང་། ཡེ་ཧོ་ཡ་དཱའི་བུ་པེ་ནཱ་ཡ་དང་། ཁྱེད་ཀྱི་ཞབས་ཕྱི་སོ་ལོ་མོན་བཅས་ནི་མ་བོས་སོ། །  
\v 27 དོན་འདི་ནི་ངའི་ཇོ་བོ་དང་ངའི་རྒྱལ་པོའི་བཀའ་བསྩལ་པ་བཞིན་དུ་བྱུང་བ་ལགས་སམ། ངའི་ཇོ་བོ་དང་ངའི་རྒྱལ་པོའི་རྗེས་སུ་ཉིད་ཀྱི་ཁྲི་ལ་སུ་འགོད་པའི་འཕྲིན་ནི་ཉིད་ཀྱི་ཞབས་ཕྱི་རྣམས་ལ་མ་གསུངས་པ་ཡིན་ནམ་ཞེས་གསོལ་ཏོ། །   
\s1 རྒྱལ་པོ་དཱ་བིད་ཀྱིས་སོ་ལོ་མོན་རྒྱལ་ཁྲིར་བཀོད་པ།  
\p
\v 28 དེ་ནས་རྒྱལ་པོ་དཱ་བིད་ཀྱིས་པད་ཤེ་བཱ་ངའི་དྲུང་དུ་བོས་ཤིག་ཅེས་ལན་གསུངས་པ་དང་། ཁོ་མོ་རྒྱལ་པོའི་དྲུང་དུ་འོངས་ནས་ཁོང་གི་སྤྱན་སྔར་ལངས་བསྡད་པ་ལ།  
\v 29 རྒྱལ་པོས་མནའ་བཞེས་ནས་འདི་ལྟར། བདག་གིས་རང་ཉིད་དཀའ་སྡུག་ཐམས་ཅད་ལས་བསྐྱབས་པའི་གཏན་དུ་བཞུགས་པའི་དཀོན་མཆོག་ཡ་ཝཱེ་དཔང་དུ་བཙུགས་ནས་མནའ་བསྐྱལ་བ་ཡིན་ཏེ།  
\v 30 ངས་དེ་སྔར་ཡེས་ར་ཨེལ་གྱི་དཀོན་མཆོག་ཡ་ཝཱེ་དཔང་དུ་བཙུགས་ནས་ཇི་ལྟར་མནའ་ཁུར་ཅིང་། ཁྱོད་ཀྱི་བུ་སོ་ལོ་མོན་ངའི་རྗེས་སུ་རྒྱལ་པོར་སྡོད་ཅིང་ཁོ་ངའི་ཚབ་ཏུ་ཁྲི་ལ་སྡོད་པར་འགྱུར་རོ་ཞེས་སྨྲས་པ་བཞིན་དུ། ངས་དེ་རིང་གི་ཉིན་མོར་ཡང་དེ་བཞིན་བསྒྲུབ་པར་བྱའོ་ཞེས་གསུངས་པའོ། །  
\v 31 དེ་ནས་པད་ཤེ་བཱ་ཡིས་གདོང་སར་གཏད་ནས་རྒྱལ་པོར་གུས་འདུད་ཞུས་ཏེ་ངའི་ཇོ་བོ་དང་ངའི་རྒྱལ་པོ་དཱ་བིད་ཁྲི་ལོར་བརྟན་པར་ཤོག་ཅེས་ཞུས་སོ། །   
\p
\v 32 རྒྱལ་པོ་དཱ་བིད་ཀྱིས་མཆོད་དཔོན་ཟཱ་ཏོག་དང་། ལུང་སྟོན་པ་ནཱ་ཐན། ཡེ་ཧོ་ཡ་དཱ་ཡི་བུ་པེ་ནཱ་ཡ་བཅས་བོས་ཤིག་ཅེས་གསུངས་པས་དེ་དག་རྒྱལ་པོའི་དྲུང་དུ་སླེབས་སོ། །  
\v 33 རྒྱལ་པོས་དེ་དག་ལ། ཁྱོད་ཅག་གིས་རང་གི་བདག་པོ་ངའི་ཞབས་ཕྱི་གཞན་རྣམས་ཁྲིད་དེ་སོ་ལོ་མོན་ངའི་དྲེལ་ལ་བསྐྱོན་ནས་མར་གེ་ཧོན་ཞེས་པའི་ཆུ་མིག་ཏུ་ཁྲིད་ཅིག  
\v 34 གནས་དེར་མཆོད་དཔོན་ཟཱ་ཏོག་དང་ལུང་སྟོན་པ་ནཱ་ཐན་གཉིས་ཀྱིས་ཁོ་ཡེས་ར་ཨེལ་གྱི་རྒྱལ་པོར་འགྱུར་ཆེད་ཁོའི་མགོ་ལ་སྣུམ་གྱིས་འབྱུག་དགོས་ཤིང་། ཁྱོད་ཅག་གིས་རྭ་དུང་ཡང་བུས་ལ། རྒྱལ་པོ་སོ་ལོ་མོན་ཁྲི་ལོར་བརྟན་པར་ཤོག་ཅེས་འབོད་སྒྲ་སྒྲོག་པར་གྱིས།  
\v 35 ཡང་དེ་ནས་ཁྱོད་ཅག་ཁོའི་རྗེས་སུ་འབྲངས་ནས་ཡར་འོང་དགོས་ཤིང་། ཁོ་ངའི་ཁྲི་ལ་བཀོད་ནས་ངའི་རྗེས་སུ་རྒྱལ་པོར་སྡོད་དུ་འཇུག་དགོས་ཏེ། ངས་ཁོ་ནི་ཡེས་ར་ཨེལ་དང་ཡ་ཧུ་དཱའི་རྒྱལ་པོར་བསྐོས་པ་ཡིན་ཞེས་གསུངས་སོ། །  
\v 36 དེའི་ལན་དུ་ཡེ་ཧོ་ཡ་དཱ་ཡི་བུ་པེ་ནཱ་ཡས་རྒྱལ་པོ་ལ། དེ་ལྟར་འབྱུང་བར་གྱུར་ཅིག ངའི་ཇོ་བོ་དང་ངའི་རྒྱལ་པོའི་དཀོན་མཆོག་ཡ་ཝཱེས་དེ་བཞིན་དུ་གསུང་བར་སྨོན།  
\v 37 དཀོན་མཆོག་ཡ་ཝཱེ་ནི་ཇི་ལྟར་ངའི་ཇོ་བོ་དང་ངའི་རྒྱལ་པོ་དང་མཉམ་དུ་བཞུགས་པ་ལྟར། ཁོང་སོ་ལོ་མོན་དང་མཉམ་དུའང་བཞུགས་ཤིང་། ཁོང་གི་རྒྱལ་ཁྲི་ནི་ངའི་ཇོ་བོ་དང་ངའི་རྒྱལ་པོ་དཱ་བིད་ཀྱི་རྒྱལ་ཁྲི་ལས་ཀྱང་ཆེན་པོར་གྱུར་ཅིག་ཅེས་ཞུས་སོ། །  
\v 38 དེ་ནས་མཆོད་དཔོན་ཟཱ་ཏོག་དང་། ལུང་སྟོན་པ་ནཱ་ཐན་དང་། ཡེ་ཧོ་ཡ་དཱའི་བུ་པེ་ནཱ་ཡ་དང་། ཀེ་རེད་པ་དང་། ཕེ་ལེད་པ་བཅས་མར་སོང་ནས། རྒྱལ་པོ་དཱ་བིད་ཀྱི་ཆིབས་དྲེལ་ལ་སོ་ལོ་མོན་བསྐྱོན་ནས་གེ་ཧོན་དུ་གདན་དྲངས་སོ། །  
\v 39 དེ་ནས་མཆོད་དཔོན་ཟཱ་ཏོག་གིས་གུར་མཆོག་ནས་སྣུམ་ལྡུག་བྱེད་ཀྱི་རྭ་ཅོ་བླངས་ནས་སོ་ལོ་མོན་ལ་སྣུམ་གྱིས་བྱུགས་པ་དང་། དེ་དག་གིས་རྭ་དུང་བུས་ནས་མི་ཐམས་ཅད་ཀྱིས། རྒྱལ་པོ་སོ་ལོ་མོན་ཁྲི་ལོར་བརྟན་པར་ཤོག་ཅེས་འབོད་སྒྲ་བསྒྲགས་སོ། །  
\v 40 ཡང་མི་ཐམས་ཅད་ཁོའི་རྗེས་སུ་འབྲངས་ནས་ཡར་སོང་བ་དང་། མི་རྣམས་ཀྱིས་གླིང་བུ་འབུད་བཞིན་དགའ་དགའ་སྤྲོ་སྤྲོ་བྱས་ཤིང་། དེ་དག་གི་ཀི་སྒྲ་ནི་ས་གཞི་འདར་བ་ཙམ་དུ་བྱུང་ངོ་། །   
\p
\v 41 ཨ་དོ་ནེ་ཡཱ་དང་ཁོ་དང་ལྷན་ཅིག་ཏུ་ཡོད་པའི་མགྲོན་པོ་རྣམས་ཀྱིས་ཁ་ཟས་སྤྱད་ནས་ཚར་མ་ཐག་ཏུ་ཀི་སྒྲ་དེ་ཐོས་སོ། །ཡང་ཡོ་ཨབ་ཀྱིས་རྭ་དུང་གི་སྒྲ་ཐོས་པ་ཙམ་གྱིས། གྲོང་ཁྱེར་དུ་བྱུང་བའི་འུར་སྒྲ་དེ་ཅི་ཡིན་ནམ་ཞེས་སྨྲས་པ་དང་།  
\v 42 ཁོས་དེ་བཞིན་གླེང་བའི་སྐབས་སུ་མཆོད་དཔོན་ཨབ་ཡཱ་ཐར་གྱི་བུ་ཡོ་ནཱ་ཐན་དེར་སླེབས་པ་དང་། ཨ་དོ་ནེ་ཡཱས་དེ་ལ། ནང་དུ་ཤོག་དང་ཁྱོད་ནི་མི་བློ་དཀར་གཞུང་དྲང་ཞིག་ཡིན་པས་གཏམ་བཟང་ཞིག་ཁྱེར་འོང་ཡོད་སྙམ་ཞེས་སྨྲས་པའི་ལན་དུ།  
\v 43 ཡོ་ནཱ་ཐན་གྱིས་ཨ་དོ་ནེ་ཡཱ་ལ། གཏམ་བཟང་མི་གདའ། ངེད་ཀྱི་ཇོ་བོ་དང་རྒྱལ་པོ་དཱ་བིད་ཀྱིས་སོ་ལོ་མོན་རྒྱལ་པོར་བསྐོས་འདུག  
\v 44 རྒྱལ་པོས་དེ་དང་མཉམ་དུ་མཆོད་དཔོན་ཟཱ་ཏོག་དང་། ལུང་སྟོན་པ་ནཱ་ཐན་དང་། ཡེ་ཧོ་ཡ་དཱའི་བུ་པེ་ནཱ་ཡ་དང་། ཀེ་རེད་པ་དང་། ཕེ་ལེད་པ་བཅས་ཀྱི་མི་ཐམས་ཅད་མངགས་ནས། དེ་དག་གིས་སོ་ལོ་མོན་རྒྱལ་པོའི་ཆིབས་དྲེལ་ལ་བསྐྱོན་ཏོ། །  
\v 45 ཡང་མཆོད་དཔོན་ཟཱ་ཏོག་དང་ལུང་སྟོན་པ་ནཱ་ཐན་གཉིས་ཀྱིས་གེ་ཧོན་ནས་ཁོ་སྣུམ་གྱིས་བྱུགས་ཏེ་རྒྱལ་པོར་བསྐོས་པས། མི་རྣམས་ཡུལ་དེ་ནས་དགའ་མགུ་ཡི་རང་ངང་ལམ་ལ་ཆས་པ་དང་གྲོང་ཁྱེར་ནས་འུར་སྒྲ་བྱུང་སྟེ། ཁྱེད་ཀྱིས་ཐོས་པའི་ཀི་སྒྲ་ཡང་དེ་རང་ཡིན་ནོ། །  
\v 46 སོ་ལོ་མོན་ནི་རྒྱལ་ཁམས་འདིའི་རྒྱལ་ཁྲིར་བཞུགས་པར་མ་ཟད།  
\v 47 རྒྱལ་པོའི་བློན་འཁོར་རྣམས་ཀྱང་འོངས་ནས། ངེད་ཅག་གི་ཇོ་བོ་སྟེ་རྒྱལ་པོ་དཱ་བིད་ལ་རྟེན་འབྲེལ་ཞུས་ཏེ་ན་རེ། ཁྱེད་ཀྱི་དཀོན་མཆོག་གིས་ཁྱེད་ཀྱི་མཚན་ལས་ཀྱང་སོ་ལོ་མོན་གྱི་མཚན་སྙན་གྲགས་རྒྱས་པར་མཛད་ཅིང་། ཁྱེད་ཀྱི་རྒྱལ་ཁྲི་ལས་ཀྱང་ཁོའི་རྒྱལ་ཁྲི་ཆེན་པོར་མཛད་པར་ཤོག་ཅེས་ཞུས་ཤིང་། རྒྱལ་པོས་རང་གི་མལ་ཁྲིའི་སྟེང་དུ་མགོ་བོ་སྨད་དུ་བསྒུར་ནས་གུས་ཕྱག་ཕུལ་བ་དང་།  
\v 48 ཡང་རྒྱལ་པོ་ན་རེ། ཡེས་ར་ཨེལ་གྱི་དཀོན་མཆོག་ཡ་ཝཱེ་ནི་བསྟོད་འོས་པ་སྟེ། ཅི་ལ་ཞེ་ན། དེ་རིང་སྐྱེ་བོ་ཞིག་ང་ཡི་རྒྱལ་ཁྲིར་བཀོད་པ་དང་བདག་གིས་དེ་དངོས་སུ་མཐོང་ངོ་ཞེས་གསུངས་ཞེས་སྨྲས་པའོ། །   
\p
\v 49 དེ་ནས་ཨ་དོ་ནེ་ཡཱ་དང་མཉམ་དུ་ཡོད་པའི་མགྲོན་པོ་ཐམས་ཅད་འཇིགས་ཏེ་ལངས་ནས་རང་རང་སར་བྲོས་སོ། །  
\v 50 ཨ་དོ་ནེ་ཡཱ་ནི་སོ་ལོ་མོན་ལ་འཇིགས་པས་ཡར་ལངས་ཏེ་སོང་ནས་མཆོད་ཁྲིའི་རུ་ཐུར་རྣམས་ལ་འཐམས་སོ། །  
\v 51 ཡང་མི་རྣམས་ཀྱིས་སོ་ལོ་མོན་ལ། གཟིགས་དང་ཨ་དོ་ནེ་ཡཱ་ནི་རྒྱལ་པོ་སོ་ལོ་མོན་ལ་འཇིགས་པས་མཆོད་ཁྲིའི་རུ་ཐུར་རྣམས་ལ་འཐམས་ཤིང་། ཁོས་རྒྱལ་པོ་སོ་ལོ་མོན་གྱིས་ང་དེ་རིང་རལ་གྲིས་མི་གསོད་པའི་མནའ་བཞེས་པར་མཁྱེན་ཞེས་ཞུ་བཞིན་འདུག་ཅེས་ཞུས།  
\v 52 དེར་སོ་ལོ་མོན་ན་རེ། གལ་ཏེ་ཁོ་རང་མི་བློ་དཀར་གཞུང་དྲང་ཞིག་ཡིན་ན། ཁོའི་སྐྲ་ཉག་མ་གཅིག་ཀྱང་ས་རུ་ལྷུང་བར་མི་འགྱུར། འོན་ཀྱང་ཁོ་ལས་སྤྱོད་ངན་གང་ཞིག་རྙེད་ན་ཁོ་ནི་འཆི་བར་འགྱུར་རོ་ཞེས་སྨྲས།  
\v 53 དེ་ནས་རྒྱལ་པོ་སོ་ལོ་མོན་གྱིས་མི་མངགས་ཤིང་། དེ་དག་གིས་ཁོ་མཆོད་ཁྲི་ལས་ཕབ་སྟེ་ཁྲིད་ནས་རྒྱལ་པོའི་དྲུང་དུ་སླེབས་པ་ན། ཁོས་རྒྱལ་པོ་སོ་ལོ་མོན་ལ་མགོ་བསྒུར་ནས་གུས་ཕྱག་ཕུལ་བ་དང་། རྒྱལ་པོ་སོ་ལོ་མོན་གྱིས་དེ་ལ་རང་གི་ཁྱིམ་དུ་སོང་ཞིག་ཅེས་བཀའ་བསྩལ་ཏོ། །   
\c 2
\cl ལེའུ་གཉིས་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 དཱ་བིད་ཀྱིས་སོ་ལོ་མོན་ལ་བཀའ་གནང་བ།  
\p
\v 1 དེ་ཡང་དཱ་བིད་སྐུ་གཤེགས་ལ་ཉེ་བའི་སྐབས་སུ་རང་གི་སྲས་སོ་ལོ་མོན་ལ་བཀའ་གནང་བ་སྟེ།  
\v 2 བདག་ནི་འཇིག་རྟེན་པ་ཐམས་ཅད་ཀྱི་ལམ་དུ་འགྲོ་བས་ཁྱོད་སྟོབས་དང་ལྡན་པར་བྱས་ཏེ། རང་ཉིད་ཕོ་རབ་ཅིག་ཡིན་པ་སྟོན་ཅིག  
\v 3 རང་གི་དཀོན་མཆོག་ཡ་ཝཱེའི་བཀའ་བསྩལ་པ་བཞིན་དུ་བྱོས་དང་། ཁོང་གིས་བསྟན་པའི་ལམ་དུ་འགྲོ་བ་དང་ཁོང་གི་སྒྲིག་ཁྲིམས་དང་། བཀའ་རྒྱ། སྒྲིག་སྲོལ། དཔང་ཡིག་བཅས་མོ་ཤེའི་བཀའ་ཁྲིམས་ \f + \ft མོ་ཤེའི་བཀའ་ཁྲིམས་ཞེས་པ་ནི། དམ་པའི་གསུང་རབ་ཀྱི་ཞལ་ཆད་རྙིང་པའི་བཀོད་པ་དང་ཨེ་ཅིབ་ནས་ཐོན་པ། ལེ་ཝིའི་ཚུལ་ཁྲིམས། གྲངས་ཀ བཀའ་ལུང་བཅས་ཀྱི་མདོ་ལྔ་ལ་ཟེར། \f*ནང་དུ་བཀོད་པ་བཞིན་དུ་སྲུངས་ཤིག་དང་། དེ་ལྟར་བྱས་ན་ཁྱོད་ཀྱིས་ཅི་ཞིག་བསྒྲུབས་ནས་གང་དུ་ཕྱོགས་ནའང་དོན་ཐམས་ཅད་འགྲུབ་པ་དང་།  
\v 4 དཀོན་མཆོག་ཡ་ཝཱེས་དཱ་བིད་བདག་ལ། གལ་ཏེ་ཁྱོད་ཀྱི་བུ་རྒྱུད་ཀྱིས་རང་གི་བགྲོད་ལམ་ལ་གཟབ་གཟབ་བྱས་ནས། བློ་གཅིག་སེམས་གཅིག་དང་གཞུང་རྒྱུད་དྲང་པོས་ངའི་ལམ་དུ་འགྲུལ་ན། ཁྱོད་ཀྱི་བུ་རྒྱུད་ནི་ཡེས་ར་ཨེལ་གྱི་རྒྱལ་ཁྲི་ལས་ནམ་ཡང་འབྲལ་བར་མི་འགྱུར་ཞེས་ཁོང་གིས་ཞལ་བཞེས་གནང་བ་དེ་འགྲུབ་པར་མཛད་ངེས་ཡིན།   
\p
\v 5 དེར་མ་ཟད་ཟེ་རུ་ཡཱ་ཡི་བུ་ཡོ་ཨབ་ཀྱིས་ང་ལ་ཅི་བྱས་པ་ཁྱོད་ཀྱིས་ཤེས་དགོས་ཏེ། ཁོས་ཡེས་ར་ཨེལ་གྱི་དམག་དཔོན་ཏེ་ནེར་གྱི་བུ་ཨབ་ནེར་དང་། ཡེ་ཐེར་གྱི་བུ་ཨ་མ་སཱ་གཉིས་ལ་ཅི་བྱས་པ་ཁྱོད་ཀྱིས་ཤེས་དགོས། ཁོས་དེ་གཉིས་ཀ་བསད་པ་ \f + \ft གནས་ཚུལ་ཞིབ་མོ་སཱ་མུ་ཨེལ་གཉིས་པའི་ལེའུ་གསུམ་པའི་ཚིག་རྐང་ཉེར་བདུན་པ་དང་སཱ་མུ་ཨེལ་གཉིས་པའི་ལེའུ་ཉི་ཤུ་ཡི་ཚིག་རྐང་བཅུ་བར་གསལ།\f*དང་། ཞི་འཇགས་ཀྱི་དུས་སུ་དམག་འཁྲུག་གི་སྐབས་དང་མཚུངས་པར་དེ་དག་གི་ཁྲག་བཏོན་ཏེ་ཁོའི་རྐེད་པར་བཅིངས་པའི་སྐ་རགས་དང་། རྐང་པར་གྱོན་པའི་ལྷམ་རྣམས་ལ་འཐབ་མོའི་ཁྲག་འགོས་སུ་བཅུག་པ་ཡིན།  
\v 6 དེ་བས་ཁྱོད་ཀྱིས་རང་གི་ཤེས་རབ་ཀྱི་ནུས་ཚོད་བཞིན་དུ་བྱེད་དགོས་ཤིང་ཁོ་རང་མ་རྒས་སྔོན་ལ་གཤིན་ཡུལ་དུ་རྫོངས་ཤིག   
\p
\v 7 འོན་ཀྱང་གིལ་ཨད་ཡུལ་གྱི་པཱར་ཟིལ་ལ་ཨིའི་བུ་རྣམས་དྲིན་གྱིས་བསྐྱངས་ནས་ཁྱོད་ཀྱི་གསོལ་ལྕོག་སྟེང་ཁ་ཟས་ལ་རོལ་དུ་འཇུག་དགོས། གང་ལ་ཞེ་ན། སྔར་ཁྱོད་ཀྱི་ཕུ་བོ་ཨབ་ཤཱ་ལོམ་གྱི་རྐྱེན་གྱིས་ང་རང་ཡུལ་གྱར་དུ་ཕྱིན་སྐབས། དེ་དག་གིས་ཁ་ཟས་ཁྱེར་ནས་ང་བསུ་རུ་འོངས་ \f + \ft དོན་འདི་སཱ་མུ་ཨེལ་གཉིས་པའི་ལེའུ་བཅུ་བདུན་གྱི་ཚིག་རྐང་ཉེར་བདུན་ནས་ཉེར་དགུའི་བར་གསལ།\f*པའི་ཕྱིར་རོ། །   
\p
\v 8 ཡང་ལྟོས་ཤིག པཱ་ཧུ་རིམ་གྱི་པེན་ཡཱ་མེན་པའི་གེ་རཱ་ཡི་བུ་ཤིམ་ཨི་ཞེས་བྱ་བ་ཁྱོད་དང་མཉམ་དུ་ཡོད་ལ། ང་རང་མཱ་ཧ་ནཱ་ཡིམ་དུ་འགྲོ་བའི་དུས་སུ་ཁོས་ང་ལ་འཇིགས་སུ་རུང་བའི་དམོད་མོ་བཏབ \f + \ft དོན་འདི་སཱ་མུ་ཨེལ་གཉིས་པའི་ལེའུ་བཅུ་དྲུག་པའི་ཚིག་རྐང་ལྔ་ནས་བཅུ་གསུམ་བར་གསལ།\f*། འོན་ཀྱང་། ཁོ་ཡོར་དན་གཙང་པོའི་འགྲམ་དུ་ང་བསུ་བར་འོངས་པས། ངས་དཀོན་མཆོག་ཡ་ཝཱེ་དཔང་དུ་བཙུགས་ནས་རལ་གྲིས་ཁྱོད་གསོད་པར་མི་བྱའོ་ཞེས་ \f + \ft སཱ་མུ་ཨེལ་གཉིས་པའི་ལེའུ་བཅུ་དགུ་ཡི་ཚིག་རྐང་བཅུ་དྲུག་ནས་ཉེར་གསུམ་བར་གཟིགས་རོགས།\f*མནའ་བསྐྱལ་བ་ཡིན་མོད།  
\v 9 ད་ནི་ཁྱོད་རང་མི་བློ་གྲོས་ཅན་ཡིན་པས། ཁོ་ལ་ཉེས་པ་མེད་པར་མ་སེམས་ཤིག ཁོ་ལ་ཅི་ལྟར་བྱེད་དགོས་པ་ཁྱོད་ཀྱིས་ཤེས་ཏེ། ཁོ་མགོ་དཀར་པོར་ཁྲག་བཞུར་བཞིན་གཤིན་ཡུལ་དུ་སྐྱོལ་ཅིག་ཅེས་བསྐུལ་ཏོ། །   
\p
\v 10 དེ་ནས་དཱ་བིད་རང་གི་ཕ་མེས་རྣམས་དང་ལྷན་ཅིག་ཏུ་གཟིམས་པ་དང་། དཱ་བིད་ཀྱི་གྲོང་ཁྱེར་དུ་དུར་ལ་སྦས།  
\v 11 དཱ་བིད་ལོ་ངོ་བཞི་བཅུའི་རིང་ལ་ཡེས་ར་ཨེལ་གྱི་རྒྱལ་པོར་བཞུགས་པ་སྟེ། ཧེབ་རོན་ཡུལ་དུ་ལོ་བདུན་དང་། ཡེ་རུ་སཱ་ལེམ་དུ་ལོ་སུམ་ཅུ་སོ་གསུམ་ལ་སྲིད་བསྐྱངས་སོ། །  
\v 12 དེ་ནས་སོ་ལོ་མོན་རང་གི་ཡབ་དཱ་བིད་ཀྱི་རྒྱལ་ཁྲིར་བཞུགས་ཤིང་། དེའི་རྒྱལ་སྲིད་རབ་ཏུ་བརྟན་པར་གྱུར་ཏོ། །   
\s1 རྒྱལ་སྲིད་སོ་ལོ་མོན་ལ་དབང་བར་གྱུར་པ།  
\p
\v 13 ཡང་ཧག་གིད་ཀྱི་བུ་ཨ་དོ་ནེ་ཡཱ་ནི། སོ་ལོ་མོན་གྱི་མ་ཡུམ་པད་ཤེ་བཱའི་དྲུང་དུ་འོངས་པ་དང་། མོས་དེ་ལ། ཁྱོད་རང་བདེ་བར་འོང་ངམ་ཞེས་དྲིས་པའི་ལན་དུ་ཁོས། ཡིན་ལགས། བདེ་བར་འོང་ངོ་ཞེས་སྨྲས་སོ། །  
\v 14 ཡང་ཁོས། ང་ཁྱེད་ལ་ཞུ་རྒྱུ་ཞིག་ཡོད་ཅེས་སྨྲས་པ་ན། མོས་ཁྱོད་ཀྱིས་སྨྲོས་ཤིག་ཅེས་ཟེར་རོ། །  
\v 15 དེར་ཁོ་ན་རེ། རྒྱལ་སྲིད་ནི་ངའི་ཡིན་པ་དང་། ཡེས་ར་ཨེལ་པ་ཐམས་ཅད་ཀྱིས་ང་རང་རྒྱལ་པོར་སྡོད་པའི་རེ་བ་བཅངས་པ་ཁྱེད་ཀྱིས་མཁྱེན་ནོ། །འོན་ཀྱང་རྒྱལ་སྲིད་ནི་དེ་ལས་ལྡོག་སྟེ་དཀོན་མཆོག་ཡ་ཝཱེའི་ཐུགས་དགོངས་བཞིན་དུ་ངའི་ནུ་བོར་དབང་ངོ་། །  
\v 16 ད་ལྟ་ང་ཁྱེད་ལ་ཞུ་བ་ཞིག་འབུལ་རྒྱུ་ཡོད་པས་ཁྱེད་ཀྱིས་མིན་མི་གསུང་རོགས་ཞེས་ཞུས་པ་ན། ཁོ་མོས་སྨྲོས་ཤིག་ཅེས་པའི་ལན་དུ།  
\v 17 ཁོ་ན་རེ། རྒྱལ་པོ་སོ་ལོ་མོན་གྱིས་ཁྱེད་ལ་མིན་མི་གསུང་བས། ཁྱེད་ཀྱིས་ཁོང་ལ་ཤུ་ནེམ་གྱི་ཨ་བི་ཤག་ང་ལ་བག་མར་གནང་བའི་ཞུ་བ་འབུལ་བར་ཐུགས་རྗེས་གཟིགས་ཞེས་ཞུས་པ་ན།  
\v 18 པད་ཤེ་བཱས་ཁོ་ལ། ལེགས་སོ། །ངས་ཁྱོད་ཀྱི་དོན་དུ་རྒྱལ་པོར་ཞུ་བར་བྱའོ་ཞེས་སྨྲས།  
\v 19 དེ་ནས་པད་ཤེ་བཱ་ནི་ཨ་དོ་ནེ་ཡཱའི་ཆེད་དུ་ཞུ་བ་འབུལ་བར་རྒྱལ་པོ་སོ་ལོ་མོན་གྱི་དྲུང་དུ་ཕྱིན་པ་དང་། རྒྱལ་པོས་ཁོ་མོ་བསུ་བར་བཞེངས་ཏེ་དབུ་བསྒུར་བསྒུར་བྱས་ནས་སླར་ཡང་རྒྱལ་ཁྲིར་བཞུགས་ཤིང་། ཡང་རང་གི་ཡུམ་གྱི་ཕྱིར་བཞུགས་ཁྲི་ཞིག་འཇོག་ཏུ་བཅུག་ནས། ཁོ་མོ་ཁོང་གི་གཡས་སུ་བསྡད་པ་དང་།  
\v 20 ཁོ་མོ་ན་རེ། ང་ཁྱེད་ལ་ཞུ་བ་ཆུང་ངུ་ཞིག་འབུལ་རྒྱུ་ཡོད་དེ། ཁྱེད་ཀྱིས་ང་ལ་མིན་མ་གསུང་རོགས་ཞེས་ཞུས་པར། རྒྱལ་པོས་ཁོ་མོར་ངའི་ཡུམ་གྱིས་གསུང་བར་མཛོད། ངས་ཁྱེད་ལ་མིན་མི་ཟེར་ཞུས་པས།  
\v 21 ཁོ་མོ་ན་རེ། ཁྱེད་ཀྱི་ཕུ་བོ་ཨ་དོ་ནེ་ཡཱ་ལ་ཤུ་ནེམ་གྱི་ཨ་བི་ཤག་བག་མར་གནོངས་ཤིག་ཅེས་ཞུས་པས།  
\v 22 རྒྱལ་པོ་སོ་ལོ་མོན་གྱིས་རང་གི་ཡུམ་ལ་ལན་དུ། ཁྱེད་ཀྱིས་ཨ་དོ་ནེ་ཡཱའི་དོན་དུ་ཤུ་ནེམ་གྱི་ཨ་བི་ཤག་ཞུ་བ་དེ་ཅི་ཡིན་ནམ། ཁོ་ངའི་ཕུ་བོ་ཡིན་ལ། མཆོད་དཔོན་ཨབ་ཡཱ་ཐར་དང་ཟེ་རུ་ཡཱ་ཡི་བུ་ཡོ་ཨབ་གཉིས་ཀྱང་ཁོའི་ཕྱོགས་སུ་ཡོད་པས་ཁྱེད་ཀྱིས་ཁོའི་དོན་དུ་རྒྱལ་སྲིད་ཀྱང་ཞུས་ཆོག་གོ་ཞེས་སྨྲས་པ་དང་།  
\v 23 རྒྱལ་པོ་སོ་ལོ་མོན་གྱིས་དཀོན་མཆོག་ཡ་ཝཱེ་དཔང་དུ་བཙུགས་ནས་འདི་ལྟར། གལ་ཏེ་ཨ་དོ་ནེ་ཡཱས་གཏམ་དེ་སྨྲས་པའི་རྐྱེན་གྱིས་རང་སྲོག་འཆོར་བ་མིན་ཚེ། དཀོན་མཆོག་གིས་བདག་ལ་འདིའམ་འདི་ལས་ལྷག་པ་ཞིག་མཛད་པར་ཤོག  
\v 24 ད་ནི་ངས་རང་གི་རྒྱལ་སྲིད་བརྟན་པོར་འཛུག་མཁན་དང་། ང་རང་ཡབ་དཱ་བིད་ཀྱི་ཁྲི་ལ་བསྐོ་མཁན་དང་། ཞལ་བཞེས་བཞིན་དུ་ང་ལ་རྒྱལ་རབས་གནང་མཁན་གྱི་གཏན་དུ་བཞུགས་པའི་དཀོན་མཆོག་ཡ་ཝཱེ་དཔང་དུ་བཙུགས་ནས་མནའ་སྐྱེལ་ཏེ། དེ་རིང་གི་ཉིན་མོར་ཨ་དོ་ནེ་ཡཱ་སྲོག་དང་འབྲལ་བར་འགྱུར་རོ་ཞེས་མནའ་བསྐྱལ་ཞིང་།  
\v 25 རྒྱལ་པོ་སོ་ལོ་མོན་གྱིས་ཡེ་ཧོ་ཡ་དཱའི་བུ་པེ་ནཱ་ཡ་མངགས་པ་དང་དེས་ཨ་དོ་ནེ་ཡཱ་བཀྲོངས་སོ། །   
\p
\v 26 དེ་ནས་རྒྱལ་པོས་མཆོད་དཔོན་ཨབ་ཡཱ་ཐར་ལ། ཁྱོད་རང་ཨ་ན་ཐོད་དུ་ཡོད་པའི་རང་གི་གཞིས་གར་སོང་ཞིག ཁྱོད་ནི་གསོད་འོས་པ་ཡིན་མོད། འོན་ཀྱང་ཁྱོད་ཀྱིས་ངའི་ཡབ་དཱ་བིད་ཀྱི་དྲུང་དུ་གཙོ་བོ་ཡ་ཝཱེའི་ཞལ་ཆད་ཀྱི་ཤུར་སྒམ་ཁུར་མྱོང་སྟེ། ཡང་ངའི་ཡབ་དང་ལྷན་ཅིག་ཏུ་སྡུག་བསྔལ་ཐམས་ཅད་མྱངས་པས་དེ་རིང་ངས་ཁྱོད་མི་གསོད་ཅེས་སྨྲས་ཤིང་།  
\v 27 སོ་ལོ་མོན་ཀྱིས་ཨབ་ཡཱ་ཐར་དཀོན་མཆོག་ཡ་ཝཱེའི་མཆོད་དཔོན་མི་བྱེད་པའི་ཕྱིར་བསྐྲད་དོ། །གང་ལ་ཞེ་ན། དཀོན་མཆོག་ཡ་ཝཱེས་ཞི་ལོ་རུ་ཨེ་ལིའི་ཁྱིམ་རྒྱུད་ཀྱི་ཕྱིར་གསུངས་པའི་བཀའ་དེ་འགྲུབ་པའི་ཕྱིར་རོ། ། \f + \ft སཱ་མུ་ཨེལ་དང་པོའི་ལེའུ་གཉིས་པའི་ཚིག་རྐང་ཉེར་བདུན་པ་ནས་སོ་དྲུག་པའི་བར་དུ་གསལ།\f*   
\p
\v 28 སྐད་ཆ་དེ་ཡོ་ཨབ་ཀྱིས་ཐོས་ནས། ཁོ་རང་དཀོན་མཆོག་ཡ་ཝཱེའི་གུར་མཆོག་ཏུ་བྲོས་ཏེ། མཆོད་ཁྲིའི་རུ་ཐུར་རྣམས་ལ་འཐམས་ནས་བསྡད་དོ། །ཡོ་ཨབ་ནི་ཨབ་ཤཱ་ལོམ་ \f + \ft ཨབ་ཤཱ་ལོམ་ནི་དཱ་བིད་ཀྱི་སྲས་ཡིན་ཞིང་། སྔར་དཱ་བིད་རྒྱལ་པོ་ཡིན་དུས་ཨབ་ཤཱ་ལོམ་གྱིས་ཁོང་ལ་ངོ་ལོག་བྱས། ཨབ་ཤཱ་ལོམ་གྱི་སྐོར་མང་དུ་ཤེས་འདོད་ན་སཱ་མུ་ཨེལ་གཉིས་པའི་ལེའུ་བཅུ་དྲུག་ནས་བཅོ་བརྒྱད་བར་དུ་གསལ། \f*གྱི་ཕྱོགས་མ་བྱས་ཀྱང་། ཨ་དོ་ནེ་ཡཱ་ཡི་ཕྱོགས་བྱས་པ་ཡིན།  
\v 29 དེ་ནས་རྒྱལ་པོ་སོ་ལོ་མོན་ལ། ཡོ་ཨབ་ནི་དཀོན་མཆོག་ཡ་ཝཱེའི་གུར་མཆོག་ཏུ་བྲོས་ནས་མཆོད་ཁྲིའི་མདུན་ལོགས་སུ་འདུག་ཅེས་ཞུས་པས། སོ་ལོ་མོན་གྱིས་ཡེ་ཧོ་ཡ་དཱ་ཡི་བུ་པེ་ནཱ་ཡ་ལ། ཁྱོད་སོང་ནས་ཁོ་སོད་ཅིག་ཅེས་བཀའ་བསྩལ་ཏོ། །  
\v 30 དེ་བས་པེ་ནཱ་ཡ་ནི་དཀོན་མཆོག་ཡ་ཝཱེའི་གུར་མཆོག་ཏུ་སོང་ནས་ཡོ་ཨབ་ལ། རྒྱལ་པོས་ཕྱི་རུ་ཐོན་ཤོག་གསུངས་ཞེས་སྨྲས་པར། ཁོས་མིན། ང་རང་འདིར་འཆི་དགོས་ཞེས་སྨྲས་པས། པེ་ནཱ་ཡས་ཕྱིར་ལོག་ནས་རྒྱལ་པོ་ལ། ཡོ་ཨབ་ཀྱིས་ང་ལ་འདི་ལྟར་ལན་བཏབ་བོ་ཞེས་ཞུས་པ་ན།  
\v 31 རྒྱལ་པོས་དེ་ལ། ཁོས་སྨྲས་པ་བཞིན་དུ་གྱིས་ཤིག ཁོ་བསད་དེ་དུར་དུ་སྦས་ཤིག དེ་ལྟར་བྱས་ན། ཡོ་ཨབ་ཀྱིས་ཉེས་མེད་བསད་པའི་སྡིག་པ་དེ་ང་དང་ངའི་ཡབ་ཀྱི་རྒྱུད་ནས་མེད་པར་འགྱུར་རོ། །  
\v 32 ཡོ་ཨབ་ཀྱིས་ཉེས་མེད་བསད་པའི་སྡིག་པ་ནི་དཀོན་མཆོག་ཡ་ཝཱེས་ཁོ་རང་གི་སྟེང་བླུག་པར་འགྱུར། ཅི་ལ་ཟེར་ན། ཡོ་ཨབ་ཀྱིས་རང་ལས་དྲང་ཞིང་བཟང་བའི་མི་གཉིས་བསད་པ་སྟེ། ཡེས་ར་ཨེལ་གྱི་དམག་དཔོན་ནེར་གྱི་བུ་ཨབ་ནེར་དང་། ཡ་ཧུ་དཱའི་དམག་དཔོན་ཡེ་ཐེར་གྱི་བུ་ཨ་མ་སཱ་གཉིས་རལ་གྲིས་བསད་པ་དང་། ངའི་ཡབ་དཱ་བིད་ཀྱིས་དེ་མ་ཤེས་སོ། །  
\v 33 དེ་བས་དེ་གཉིས་ཀྱི་ཁྲག་བཞུར་བའི་སྡིག་པ་ནི་ཕྱིར་ཡོ་ཨབ་དང་ཁོའི་བུ་རྒྱུད་རྣམས་ཀྱི་མགོ་ལ་རྟག་ཏུ་འབབ་པར་གྱུར་ཅིག འོན་ཀྱང་དཱ་བིད་དང་ཁོང་གི་བུ་རྒྱུད་དང་ཁྱིམ་གཞིས། ཁོང་གི་རྒྱལ་ཁྲི་བཅས་ལ་དུས་རྒྱུན་དུ་དཀོན་མཆོག་ཡ་ཝཱེ་ནས་ཞི་བདེ་འཐོབ་པར་འགྱུར་ཞེས་སྨྲས་སོ། །  
\v 34 དེ་ནས་ཡེ་ཧོ་ཡ་དཱ་ཡི་བུ་པེ་ནཱ་ཡ་ཡར་སོང་སྟེ་ཁོ་ལ་རྒོལ་ནས་བསད་པ་དང་། ཡོ་ཨབ་རང་གི་ཁྱིམ་ཡོད་སའི་དབེན་སྟོང་དུ་དུར་ལ་སྦས་སོ། །  
\v 35 རྒྱལ་པོས་ཡོ་ཨབ་ཀྱི་ཤུལ་དུ་ཡེ་ཧོ་ཡ་དཱ་ཡི་བུ་པེ་ནཱ་ཡ་དམག་དཔོན་དུ་བསྐོས་པ་དང་། ཨབ་ཡཱ་ཐར་གྱི་ཤུལ་དུ་མཆོད་དཔོན་ཟཱ་ཏོག་བསྐོས་སོ། །   
\p
\v 36 ཡང་རྒྱལ་པོས་མི་མངགས་ཏེ་ཤིམ་ཨི་བོས་ནས་དེ་ལ། ཁྱོད་ཀྱིས་ཡེ་རུ་སཱ་ལེམ་དུ་རང་ཉིད་ལ་ཁང་པ་ཞིག་བརྩིགས་ནས་དེར་སྡོད་ཅིག དེ་ནས་གང་དུའང་མ་འགྲོ་ཞིག  
\v 37 ཁྱོད་ཀྱིས་ཤེས་དགོས་པ་ནི། ཁྱོད་རང་ནམ་ཞིག་ལ་ཕྱི་རུ་ཐོན་ནས་ཀིད་རོན་གྲམ་པ་བརྒལ་ན། ཉིན་མོ་དེར་ཁྱོད་རང་འཆི་ངེས་ཡིན། དེ་ནས་ཁྱོད་ཀྱི་ཁྲག་ནི་ཁྱོད་རང་གི་མགོ་རུ་འབབ་པར་འགྱུར་རོ་ཞེས་གསུངས་པའི་ལན་དུ།  
\v 38 ཤིམ་ཨི་ཡིས་རྒྱལ་པོ་ལ། གསུང་འདི་ལེགས་སོ། །ངའི་ཇོ་བོ་དང་ངའི་རྒྱལ་པོས་ཇི་ལྟར་གསུངས་པ་ཡིན་ན། ཁྱེད་ཀྱི་ཞབས་ཕྱི་བདག་གིས་དེ་ལྟར་བྱེད་ངེས་ཡིན་ཞེས་སྨྲས་པ་དང་། ཤིམ་ཨི་ཡུན་རིང་ཞིག་ལ་ཡེ་རུ་སཱ་ལེམ་དུ་བསྡད་དོ། །  
\v 39 འོན་ཀྱང་ལོ་གསུམ་གྱི་རྗེས་སུ་ཤིམ་ཨི་ཡི་བྲན་གཡོག་རྣམས་ལས་མི་གཉིས་གཱད་ཀྱི་རྒྱལ་པོ་མ་ཨ་ཀཱ་ཡི་བུ་ཨ་ཀི་སིའི་རྩར་བྲོས་ཤིང་། མི་རྣམས་ཀྱིས་ཤིམ་ཨི་ལ། ལྟོས་ཤིག་ཁྱོད་ཀྱི་བྲན་གཡོག་རྣམས་གཱད་ཡུལ་དུ་འདུག་ཅེས་སྨྲས་པ་དང་།  
\v 40 ཤིམ་ཨི་ཡར་ལངས་ནས། རང་གི་བོང༌བུ་ལ་སྒ་བསྟད་དེ་གཱད་གྱི་རྒྱལ་པོ་ཨ་ཀི་སིའི་རྩར་རང་གི་བྲན་གཡོག་གཉིས་འཚོལ་དུ་སོང་། ཤིམ་ཨི་དེ་ལྟར་ཕྱིན་ཏེ། གཱད་ཡུལ་ནས་རང་གི་བྲན་གཡོག་གཉིས་ཁྲིད་འོངས་པའོ། །  
\v 41 ཤིམ་ཨི་ཁོ་རང་ཡེ་རུ་སཱ་ལེམ་ནས་གཱད་ཡུལ་དུ་སོང་ནས་ཕྱིར་ལོག་པའི་སྐད་ཆ་སོ་ལོ་མོན་ལ་འབྱོར་བ་དང་།  
\v 42 རྒྱལ་པོས་མི་མངགས་ཏེ་ཤིམ་ཨི་རང་གི་གམ་དུ་བོས་ནས་དེ་ལ། ངས་ཁྱོད་ལ་དཀོན་མཆོག་ཡ་ཝཱེ་དཔང་དུ་བཙུགས་ཏེ་མནའ་བསྐྱལ་དུ་བཅུག་པར་མ་ཟད། ཁྱོད་ཀྱིས་ཤེས་དགོས་པ་ནི་ཁྱོད་རང་ནམ་ཞིག་ལ་ཕྱི་རུ་ཐོན་ནས་ཡུལ་གཞན་གང་དུ་སོང་ན། ཉིན་མོ་དེར་ཁྱོད་རང་འཆི་ངེས་ཡིན་ཞེས་ནན་གྱིས་མ་བསྐུལ་ལམ། ཡང་ཁྱོད་ཀྱིས་ང་ལ་ལན་དུ་དེ་ལེགས་སོ་ངས་དེ་བཞིན་བྱའོ་ཞེས་སྨྲས་ཀྱང་།  
\v 43 ད་ལྟ་ཁྱོད་ཀྱིས་དཀོན་མཆོག་ཡ་ཝཱེ་ལ་བསྐྱལ་བའི་མནའ་དང་། ངས་ཁྱོད་ལ་ཕབ་པའི་བཀའ་དེ་ཅིའི་ཕྱིར་མ་བསྲུངས་པ་ཡིན་ཞེས་སྨྲས་སོ། །  
\v 44 ཡང་རྒྱལ་པོས་ཤིམ་ཨི་ལ། ཁྱོད་ཀྱིས་ངའི་ཡབ་དཱ་བིད་ལ་བྱས་པའི་དོན་ངན་ཐམས་ཅད་ཁྱོད་རང་གི་སེམས་ལ་ངེས་པས། དཀོན་མཆོག་ཡ་ཝཱེས་ཁྱོད་ཀྱི་ཉེས་པ་དེ་ནི་ཕྱིར་ཁྱོད་རང་གི་མགོ་ལ་འབེབ་པར་འགྱུར།  
\v 45 འོན་ཀྱང་རྒྱལ་པོ་སོ་ལོ་མོན་ལ་བྱིན་རླབས་འཐོབ་ཅིང་། དཱ་བིད་ཀྱི་རྒྱལ་ཁྲི་ནི་དུས་རྒྱུན་དུ་དཀོན་མཆོག་ཡ་ཝཱེའི་དྲུང་དུ་གནས་པར་འགྱུར་རོ་ཞེས་སྨྲས་སོ། །   
\p
\v 46 རྒྱལ་པོས་ཡེ་ཧོ་ཡ་དཱའི་བུ་པེ་ནཱ་ཡ་ལ་བཀའ་གནང་བས། དེ་ཕྱི་རོལ་ཏུ་ཐོན་ནས་ཤིམ་ཨི་ལ་རྒོལ་ཏེ་བསད་ཅིང་། དེ་བཞིན་སོ་ལོ་མོན་གྱིས་རྒྱལ་སྲིད་བརྟན་པོར་མཛད་པའོ། །   
\c 3
\cl ལེའུ་གསུམ་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 སོ་ལོ་མོན་གྱིས་ཤེས་རབ་ཞུས་པ།  
\p
\v 1 དེ་ནས་སོ་ལོ་མོན་གྱིས་ཨེ་ཅིབ་ཡུལ་གྱི་རྒྱལ་པོ་ཕཱར་ཨོལ་དང་གཉེན་འབྲེལ་བཙུགས་ཏེ་ཕཱར་ཨོལ་གྱི་སྲས་མོ་ཆུང་མར་བཞེས་ནས། རང་གི་ཕོ་བྲང་དང་། དཀོན་མཆོག་ཡ་ཝཱེའི་མཆོད་ཁང་། ཡེ་རུ་སཱ་ལེམ་གྱི་ཕྱོགས་བཞིའི་མཁར་གྱང་རྣམས་བརྩིགས་ཚར་བའི་བར་དུ་ཁོ་མོ་དཱ་བིད་ཀྱི་གྲོང་ཁྱེར་དུ་ཁྲིད་དོ། །  
\v 2 དུས་དེའི་བར་དུ་དཀོན་མཆོག་ཡ་ཝཱེའི་མཚན་གྱི་ཕྱིར་མཆོད་ཁང་ཞིག་ད་དུང་བཞེངས་མེད་པས། མི་རྣམས་ཀྱིས་མཐོ་གླིང་རྣམས་སུ་མཆོད་པ་ཕུལ་བ་ཡིན།  
\v 3 སོ་ལོ་མོན་ནི་དཀོན་མཆོག་ཡ་ཝཱེ་ལ་དགའ་ཞིང་། རང་གི་ཡབ་དཱ་བིད་ཀྱི་སྒྲིག་ཁྲིམས་བཞིན་དུ་བསྒྲུབས་མོད། འོན་ཀྱང་ཁོང་གིས་སྔར་བཞིན་མཐོ་གླིང་རྣམས་སུ་སྦྱིན་སྲེག་གི་མཆོད་པའི་ཕྱུགས་རྣམས་བཤས་ནས་མེ་རུ་བསྲེགས་པའོ། །   
\p
\v 4 ཡང་གིབ་ཡོན་ཡུལ་དུ་ཆེས་ཆེ་བའི་མཐོ་གླིང་ཡོད་པས། རྒྱལ་པོ་དེར་མཆོད་པ་འབུལ་བར་གཤེགས་ཏེ། སོ་ལོ་མོན་གྱིས་མཆོད་ཁྲི་དེའི་ཁར་སྦྱིན་སྲེག་གི་མཆོད་པ་ཆིག་སྟོང་ཕུལ་ཏོ། །  
\v 5 མཚན་མོ་དེར་གིབ་ཡོན་ཡུལ་དུ་དཀོན་མཆོག་ཡ་ཝཱེ་ནི་སོ་ལོ་མོན་གྱི་རྨི་ལམ་དུ་མངོན་པར་གྱུར་ཏེ། དཀོན་མཆོག་གིས་ཁོང་ལ། ཁྱོད་ཀྱིས་ཅི་ཞུས་ཀྱང་བདག་གིས་ཁྱོད་ལ་སྦྱིན་ངེས་ཡིན་ཞེས་གསུངས་པའི་ལན་དུ།  
\v 6 སོ་ལོ་མོན་གྱིས། ཁྱེད་རང་གི་ཞབས་ཕྱི་སྟེ། ངའི་ཡབ་དཱ་བིད་ཀྱིས་ཁྱེད་ཀྱི་སྤྱན་སྔར་བློ་དཀར་བ་དང་། དྲང་གཞག་དང་གཞུང་དྲང་གི་སེམས་དང་བཅས་སྤྱོད་པ་སྤྱད་པས། ཁྱེད་ཀྱིས་ཁོང་ལ་བྱམས་བརྩེ་ཆེན་པོས་གཟིགས་སྐྱོང་གནང་བ་ཡིན། ཡང་ཉིན་མོ་འདི་བཞིན་དུ། ཁྱེད་ཀྱིས་ཁོང་ལ་བྱམས་བརྩེ་ཆེན་པོ་གནང་ཞིང་ཁོང་གི་རྒྱལ་ཁྲིར་འགོད་པའི་བུ་ཞིག་གནང་བ་ཡིན་ནོ། །  
\v 7 ཀྱེ་བདག་གི་དཀོན་མཆོག་ཡ་ཝཱེ་ལགས། ད་ནི་ཁྱེད་ཀྱིས་རང་གི་ཞབས་ཕྱི་སྟེ། བདག་ནི་ཡབ་དཱ་བིད་ཀྱི་ཚབ་ཏུ་རྒྱལ་པོར་བསྐོས། འོན་ཀྱང་བདག་ནི་ལོ་ན་ཕྲ་བས་ཕྱི་ནང་གི་འགྲོ་ལུགས་ཀྱང་མི་ཤེས།  
\v 8 ཡང་ཁྱེད་ཀྱི་ཞབས་ཕྱི་བདག་ནི་ཁྱེད་ཀྱིས་བདམས་པའི་འབངས་མིའི་ཁྲོད་དུ་ཡོད་དེ། འབངས་དེ་ནི་ཤིན་ཏུ་མང་བའི་རྐྱེན་གྱིས་བགྲང་གིས་མི་ལང་བ་ཞིག་ཡིན།  
\v 9 དེའི་ཕྱིར་ཁྱེད་ཀྱིས་ཉིད་ཀྱི་ཞབས་ཕྱི་ལ་འབངས་མིའི་སྲིད་སྐྱོང་བ་དང་། ལེགས་ཉེས་ཀྱི་དབྱེ་བ་རྟོགས་པའི་ཕྱིར་དུ། ཤེས་རབ་དང་ལྡན་པའི་སེམས་ཤིག་གནང་རོགས་ཞུ། ཅིའི་ཕྱིར་ཞེ་ན། སུ་ཞིག་གིས་ཁྱེད་ཀྱི་འབངས་མི་འདི་འདྲ་མང་པོར་སྲིད་བྱེད་ནུས་སམ་ཞེས་ཞུས་པ་དང་།  
\v 10 སོ་ལོ་མོན་གྱིས་དེ་བཞིན་ཞུས་པ་ལ་གཙོ་བོ་ཐུགས་དགྱེས་སོ། །  
\v 11 ཡང་དཀོན་མཆོག་གིས་ཁོ་ལ། ཁྱོད་ཀྱིས་དེ་བཞིན་ཞུས་ཤིང་རང་གི་ཆེད་དུ་ཚེ་ཐག་རིང་པོའམ། རྒྱུ་ནོར་རམ། དགྲ་བོ་རྣམས་ཀྱི་སྲོག་གཅོད་པ་བཅས་ཀྱི་ཕྱིར་ཞུས་པ་མིན་པར། ལེགས་ཉེས་འབྱེད་པའི་ཤེས་རབ་ཀྱི་ཕྱིར་དུ་ཞུས་པས་ན།  
\v 12 ངས་ཁྱོད་ཀྱིས་ཞུས་པ་བཞིན་དུ་བསྒྲུབ་པར་བྱ་ཞིང་། ངས་ཁྱོད་ལ་ཤེས་རབ་དང་ཡེ་ཤེས་ཀྱི་སེམས་ཤིག་སྦྱིན་པར་བྱ་སྟེ། ཁྱོད་དང་འདྲ་བ་ཞིག་སྔོན་ཆད་བྱུང་མ་མྱོང་ལ། ཕྱིན་ཆད་ཀྱང་འབྱུང་བར་མི་འགྱུར་རོ། །  
\v 13 དེར་མ་ཟད། ཁྱོད་ཀྱིས་མ་ཞུས་པ་དག་ཀྱང་སྦྱིན་པར་བྱ་སྟེ། རྒྱུ་ནོར་དང་བཀུར་སྟི་གཉིས་སྦྱིན་ཞིང་། ཁྱོད་ཀྱི་ཚེ་གང་པོར་རྒྱལ་པོ་གཞན་རྣམས་ཀྱི་ཁྲོད་དུ་ཁྱོད་འདྲ་བ་ཞིག་འབྱུང་བར་མི་འགྱུར་རོ། །  
\v 14 གལ་ཏེ་ཁྱོད་ཀྱིས་རང་གི་ཕ་དཱ་བིད་ཀྱིས་ཅི་བྱས་པ་བཞིན་དུ། ངས་བསྟན་པའི་ལམ་ལ་འགྲོ་ཞིང་། ངའི་སྒྲིག་ཁྲིམས་དང་བཀའ་རྒྱ་རྣམས་བསྲུངས་ཚེ། བདག་གིས་ཁྱོད་ཀྱི་ཚེ་ཐག་རིང་བར་བྱའོ་ཞེས་གསུངས་སོ། །  
\v 15 དེ་ནས་སོ་ལོ་མོན་གཉིད་ལས་སད་པ་དང་། ཀྱེ་ཧོ། མ་གཞི་དེ་ནི་རྨི་ལམ་ཡིན་ནོ། །དེ་ནས་ཁོ་ཡེ་རུ་སཱ་ལེམ་དུ་ལོག་སྟེ་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་མདུན་དུ་ཡར་ལངས་ཏེ། སྦྱིན་སྲེག་གི་མཆོད་པ་དང་ཞི་བདེའི་མཆོད་པ་ཕུལ་ནས་རང་གི་བློན་འཁོར་རྣམས་ལ་གསོལ་སྟོན་བཤམས་སོ། །   
\s1 ཤེས་རབ་ལ་བརྟེན་ནས་གྱོད་དོན་འདུམ་པ།  
\p
\v 16 ཉིན་ཞིག་ལ་སྨད་འཚོང་མ་གཉིས་རྒྱལ་པོའི་དྲུང་དུ་འོངས་ནས་ལངས་བསྡད་དེ།  
\v 17 བུད་མེད་གཅིག་གིས། ཀྱེ་ང་ཡི་བདག་པོ་ལགས། ང་རང་བུད་མེད་འདི་དང་མཉམ་དུ་ཁྱིམ་གཅིག་ལ་གནས་པ་ཡིན། ངེད་གཉིས་མཉམ་དུ་ཁང་པའི་ནང་དུ་ཡོད་དུས་ང་ལ་བུ་ཞིག་སྐྱེས་ཤིང་།  
\v 18 དེ་ནས་ཉིན་གསུམ་པར་བུད་མེད་འདི་ལའང་བུ་ཞིག་སྐྱེས་ཏེ། ངེད་གཉིས་མཉམ་དུ་བསྡད་ཡོད་ཅིང་ཁྱིམ་དེར་ངེད་གཉིས་ལས་གཞན་སུ་ཡང་མེད།  
\v 19 མཚན་མོར་བུད་མེད་འདི་གཉིད་ལ་ཡུར་བའི་དུས་སུ་རང་གི་བུ་འོག་ཏུ་མནན་པས་བུ་དེ་ཤིའོ། །  
\v 20 མཚན་ཕྱེད་དུ་ཁྱེད་ཀྱི་ཞལ་ཏ་མ་བདག་གཉིད་ལ་ཡུར་བའི་སྐབས་དང་བསྟུན་ནས། ཁོ་མོ་ཡར་ལངས་ཏེ་བདག་གི་བུ་རང་གི་པང་ལ་བཞག་ཅིང་། ཁོ་མོའི་བུ་ཤི་རོ་ནི་བདག་གི་པང་དུ་བཞག་གོ །  
\v 21 ཕྱི་ཉིན་ཞོགས་པར་ང་རང་བུ་ལ་ནུ་མ་སྣུན་དུ་ཡར་ལངས་པའི་ཚེ་ན། ཀྱེ་ཧོ། ཁོ་ནི་ཤིའོ། །ཉིན་དེའི་ཞོགས་པར་བདག་གིས་ཞིབ་ཏུ་བལྟས་པའི་ཚེ། དེ་ནི་བདག་ལས་སྐྱེས་པའི་བུ་མིན་པ་མཐོང་ངོ་ཞེས་ཞུས་སོ། །  
\v 22 དེ་ནས་བུད་མེད་ཅིག་ཤོས་ན་རེ། དེ་འདྲ་གཏན་ནས་མ་ཡིན། གསོན་པོ་འདི་ངའི་བུ་ཡིན་པ་དང་། ཤི་རོ་དེ་ནི་ཁྱོད་ཀྱི་བུ་ཡིན་ཞེས་སྨྲས་ཤིང་། ཡང་བུད་མེད་དེ་ན་རེ། དེ་ལྟར་མིན། ཤི་རོ་དེ་ནི་ཁྱོད་ཀྱི་བུ་ཡིན་ལ། གསོན་པོ་འདི་ངའི་བུ་ཡིན་ནོ་ཞེས་དེ་གཉིས་ཀྱིས་རྒྱལ་པོའི་དྲུང་དུ་རྩོད་གླེང་བྱས་སོ། །  
\v 23 དེ་ནས་རྒྱལ་པོས་འདི་ལྟར། བུད་མེད་གཅིག་གིས་ནི། གསོན་པོ་འདི་ངའི་བུ་ཡིན་པ་དང་། ཤི་རོ་དེ་ནི་ཁྱོད་ཀྱི་བུ་ཡིན་ཟེར་ཞིང་། བུད་མེད་གཞན་དེས། དེ་ལྟར་མིན། ཤི་རོ་དེ་ནི་ཁྱོད་ཀྱི་བུ་ཡིན་ལ། གསོན་པོ་འདི་ངའི་བུ་ཡིན་ཟེར་རོ་ཞེས་གསུངས།  
\v 24 དེ་ནས་རྒྱལ་པོས། བདག་ལ་རལ་གྲི་ཞིག་ཁྱེར་ཤོག་ཅེས་གསུངས་པ་དང་རྒྱལ་པོའི་དྲུང་དུ་རལ་གྲི་ཞིག་ཁྱེར་འོངས་པ་དང་།  
\v 25 རྒྱལ་པོས་ཕྲུ་གུ་གསོན་པོ་འདི་དུམ་བུ་གཉིས་སུ་ཆོད་ལ་ཕྱེད་ཀ་བུད་མེད་འདི་དང་ཕྱེད་ཀ་བུད་མེད་དེ་ལ་བྱིན་ཅིག་ཅེས་བསྒོས་པར།  
\v 26 ཕྲུ་གུ་གསོན་པོ་དེའི་མ་ནི་ཕྲུ་གུར་གདུང་སེམས་སྐྱེས་ནས་རྒྱལ་པོ་ལ། ཀྱེ་ང་ཡི་བདག་པོ་ལགས། ཕྲུ་གུ་གསོན་པོ་འདི་ཁོ་མོར་སྟེར་རོགས། ཁོ་ནི་ཅི་ནས་ཀྱང་གསོད་མི་རུང་ཞེས་ཞུས་ན་ཡང་། བུད་མེད་གཞན་དེས་ཕྲུ་གུ་འདི་ཁྱོད་ལ་ཡང་མི་འཐོབ། ང་ལ་ཡང་མི་འཐོབ་པས་ཆོད་ཅིག་ཅེས་སྨྲས་སོ། །  
\v 27 དེ་ནས་རྒྱལ་པོས། ཕྲུ་གུ་གསོན་པོ་དེ་བུད་མེད་འདི་ལ་བྱིན་ཅིག་དང་། བུད་མེད་འདི་ནི་དངོས་གནས་ཕྲུ་གུའི་མ་ཡིན་ཏེ། ཕྲུ་གུ་གཏན་ནས་གསོད་མི་རུང་ཞེས་གསུངས་སོ། །  
\v 28 ཡང་ཡེས་ར་ཨེལ་པ་ཐམས་ཅད་ཀྱིས་རྒྱལ་པོས་འདུམས་པའི་གྱོད་དོན་དེ་ཐོས་པས་རྒྱལ་པོར་གུས་ཤིང་འཇིགས་སོ། །ཅིའི་ཕྱིར་ཞེ་ན། ལེགས་ཉེས་འབྱེད་པའི་ཕྱིར་དུ་དཀོན་མཆོག་གི་ཡེ་ཤེས་ཁོང་གི་ནང་དུ་གནས་པ་དེ་དག་གིས་མཐོང་བའི་ཕྱིར་རོ། །   
\c 4
\cl ལེའུ་བཞི་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 སོ་ལོ་མོན་གྱི་མངའ་འོག་གི་དཔོན་རིགས་རྣམས།  
\p
\v 1 དེ་ལྟར་སོ་ལོ་མོན་ནི་ཡེས་ར་ཨེལ་ཡོངས་ཀྱི་རྒྱལ་པོར་གྱུར་ཅིང་།  
\v 2 ཁོང་གི་མངའ་འོག་ཏུ་ཡོད་པའི་བློན་པོ་རྣམས་འདི་ལྟ་སྟེ། ཟཱ་ཏོག་གི་བུ་ཨ་ཟར་ཡཱ་ནི་མཆོད་དཔོན་དང་།  
\v 3 སེ་སཱ་ཡི་བུ་ཨེ་ལི་ཧོ་རེབ་དང་ཨ་ཧི་ཡཱ་གཉིས་ནི་དྲུང་ཡིག་དང་ཨ་ཧི་ལུད་ཀྱི་བུ་ཡེ་ཧོ་ཤ་ཕད་ནི་ལོ་རྒྱུས་འགོད་མཁན་དང་།  
\v 4 ཡེ་ཧོ་ཡ་དཱ་ཡི་བུ་པེ་ནཱ་ཡ་ནི་དམག་དཔོན་དང་ཟཱ་ཏོག་དང་ཨབ་ཡཱ་ཐར་གཉིས་ནི་མཆོད་དཔོན་དང་།  
\v 5 ནཱ་ཐན་གྱི་བུ་ཨ་ཟར་ཡཱ་དེ་དཔོན་རིགས་རྣམས་ཀྱི་སྤྱི་དཔོན་དང་། རྒྱལ་པོའི་གྲོགས་པོ་ནཱ་ཐན་གྱི་བུ་ཟ་པུད་ནི་འགོ་དཔོན་ཡིན་ནོ། །  
\v 6 ཡང་ཕོ་བྲང་གི་ནང་བློན་དུ་ཨ་ཧི་ཤར་དང་ངལ་ལས་པ་རྣམས་ཀྱི་འགོ་དཔོན་ལ་ཨབ་དཱ་ཡི་བུ་ཨ་དོ་ནི་རཱམ་བཞག་གོ །   
\p
\v 7 ཡང་སོ་ལོ་མོན་གྱིས་ཡེས་ར་ཨེལ་ཡོངས་ནས་རྒྱལ་པོ་རང་དང་ཁོང་གི་ཕོ་བྲང་ལ་བཟའ་བཏུང་མཁོ་འདོན་བྱེད་མཁན་སྤྱི་དཔོན་བཅུ་གཉིས་བསྐོས་པ་དང་། མི་རེ་རེས་ལོ་འཁོར་རེའི་ཟླ་བ་གཅིག་ལ་མཁོ་འདོན་བྱེད་པ་ཡིན།  
\v 8 དེ་དག་གི་མིང་རྣམས་ནི་འདི་ལྟ་སྟེ། པེན་ཧུར་ནི་ཨེ་ཕཱར་ཡིམ་རི་བོའི་ཡུལ་དུ་ཡོད་པ་དང་།  
\v 9 པེན་ཏི་ཀིར་གྱི་བུ་ནི། མ་ཀ་ཙི་དང་ཤཱ་ཨལ་པིམ་དང་པེད་ཤེ་མེ་སི་དང་པེད་ཧ་ནན་གྱི་ཨེ་ལོན་ཡུལ་བཅས་སུ་ཡོད་པ་ཡིན།  
\v 10 པེན་ཧེ་སེད་ཀྱི་བུ་ནི་ཨ་རུབ་རྦོད་ཡུལ་དུ་ཡོད་ལ། སོ་ཀོ་དང་ཧེ་ཕེར་གྱི་ཡུལ་རྣམས་ཀྱང་ཁོའི་མངའ་ཁོངས་སུ་གཏོགས་སོ། །  
\v 11 པེན་ཨ་བི་ནཱ་དབ་ནི་ནཱ་ཕད་དཱོར་གྱི་ཡུལ་ཐམས་ཅད་དུ་ཡོད་པ་དང་ཁོས་སོ་ལོ་མོན་གྱི་སྲས་མོ་ཏ་ཕད་ཆུང་མར་བླངས་པའོ། །  
\v 12 ཨ་ཧི་ལུད་ཀྱི་བུ་པ་ཨ་ནཱ་ནི་ཐ་ཨ་ནག་དང་། མེ་གིད་དོ་དང་། ཟར་ཐན་གྱི་ཐག་ཉེ་རུ་ཡོད་པའི་པེད་ཤེ་ཨན་ཡུལ་ཐམས་ཅད་དེ། ཡེ་སི་རེ་ཨེལ་གྱི་ལྷོ་ཕྱོགས་སུ་ཡོད་པའི་པེད་ཤེ་ཨན་ནས་ཨ་བེལ་མེ་ཧོ་ལཱ་དང་ཡོག་མེ་ཨམ་གྱི་ཕར་ཕྱོགས་བར་དུ་ཡོད་པའི་ཡུལ་ཐམས་ཅད་ཡིན་པའོ། །  
\v 13 པེན་གེ་བེར་ནི་གིལ་ཨད་ཡུལ་ན་ཡོད་པའི་རཱ་མོད་དུ་ཡོད་པ་དང་། མཱ་ན་ཤེའི་བུ་རྒྱུད་ཡཱ་ཨིར་གྱི་གིལ་ཨད་ཀྱི་གྲོང་རྡལ་རྣམས་དང་། པཱ་ཤན་གྱི་ཨར་གོབ་ཡུལ་གྱི་མཁར་གྱང་དང་ལི་ཡི་སྒོ་གཏན་ཅན་གྱི་གྲོང་ཁྱེར་ཆེན་པོ་དྲུག་ཅུ་དང་བཅས་པ་རྣམས་ནི་ཁོ་ལ་གཏོགས་པའོ། །  
\v 14 ཨེད་ཏོ་ཡི་བུ་ཨ་ཧི་ན་དབ་ནི་མཱ་ཧ་ནཱ་ཡིམ་ཡུལ་དུ་ཡོད་པ་དང་།  
\v 15 ཨ་ཧི་མ་ཨ་ཙི་ཞེས་བྱ་བ་ནཱབ་ཐ་ལི་རུ་ཡོད་པ་ཡིན་ལ། ཁོས་སོ་ལོ་མོན་གྱི་སྲས་མོ་པཱ་མད་བྱ་བ་ཆུང་མར་བླངས་སོ། །  
\v 16 ཧུ་ཤཱ་ཨི་ཡི་བུ་པ་ཨ་ནཱ་ཞེས་བྱ་བ་ཨ་ཤེར་དང་པེ་ཨ་ལོད་ཡུལ་དུ་ཡོད་པ་ཡིན།  
\v 17 ཕཱ་རིའུ་ཡི་བུ་ཡེ་ཧོ་ཤ་ཕད་ནི་ཡེས་སི་ཀཱར་ཡུལ་དུ་ཡོད་པ་དང་།  
\v 18 ཨེ་ལཱ་ཡི་བུ་ཤིམ་ཨི་ནི་པེན་ཡཱ་མེན་ཡུལ་དུ་ཡོད་པ་ཡིན།  
\v 19 ཨུ་རིའི་བུ་གེ་བེར་ནི་གིལ་ཨད་ཡུལ་དུ་ཡོད་པ་ཡིན་ལ། ཨེ་མོར་པའི་རྒྱལ་པོ་སི་ཧོན་དང་པཱ་ཤན་ཡུལ་གྱི་རྒྱལ་པོ་ཨོག་ \f + \ft རྒྱལ་པོ་སི་ཧོན་དང་ཨོག་གཉིས་ཀྱི་ལོ་རྒྱུས་ཤེས་འདོད་ན་གྲངས་ཀའི་མདོ་ཡི་ལེའུ་ཉེར་གཅིག་པའི་ཚིག་རྐང་ཉེར་གཅིག་ནས་སོ་ལྔའི་བར་དང་། བཀའ་ལུང་གི་མདོ་ཡི་ལེའུ་གཉིས་པའི་ཚིག་རྐང་ཉེར་དྲུག་ནས་ལེའུ་གསུམ་པའི་ཚིག་རྐང་བཅུ་གཅིག་གི་བར་དང་། ཡོ་ཤུ་ཨའི་མདོ་ཡི་ལེའུ་དགུ་པའི་ཚིག་རྐང་བཅུ་པ་དང་། ལེའུ་བཅུ་གཉིས་པའི་ཚིག་རྐང་གཅིག་ནས་དྲུག་གི་བར་དུ་གསལ། \f*གི་ཡུལ་རྣམས་དེའི་ཁོངས་སུ་འདུས་ལ། དེ་རུ་ཁོ་ལས་འགོ་དཔོན་གཞན་མེད་དོ། །   
\s1 སོ་ལོ་མོན་གྱི་ཉིན་རེའི་ཁ་ཟས།  
\p
\v 20 ཡ་ཧུ་དཱ་པ་དང་ཡེས་ར་ཨེལ་པ་ནི་མི་ཤིན་ཏུ་མང་པོ་ཡོད་ཅིང་། རྒྱ་མཚོ་འགྲམ་གྱི་བྱེ་མ་བཞིན་མང་བ་དང་། བཟའ་བཏུང་སྤྱད་དེ་སྐྱིད་ལ་རོལ་ཏོ། །  
\v 21 སོ་ལོ་མོན་གྱིས་ཕི་རཱད་ཆུ་བོ་ནས་ཕེ་ལེ་ཤེད་པའི་ཡུལ་དང་ཨེ་ཅིབ་ཡུལ་གྱི་ས་མཚམས་བར་དུ་དབང་བསྒྱུར་ཅིང་། སོ་ལོ་མོན་གྱི་སྐུ་ཚེ་གང་པོར་རྒྱལ་ཁམས་དེ་དག་གིས་ཁོང་ལ་ཁྲལ་བཅལ་ནས་ཁོང་ལ་ཞབས་ཏོག་བསྒྲུབས་སོ། །  
\v 22 ཡང་སོ་ལོ་མོན་གྱི་ཉིན་རེའི་ཁ་ཟས་ནི། གྲོ་ཞིབ་ཁལ་སུམ་ཅུ་དང་བག་ཕྱེ་ཁལ་དྲུག་ཅུ་དང་།  
\v 23 གླང་ཤ་ཤེད་ཅན་བཅུ་དང་། རྩྭ་ཐང་གི་གླང་ཉི་ཤུ་དང་། ར་ལུག་བརྒྱ་དང་། དེ་མིན་རི་དྭགས་ཤྭ་བ་དང་། དགོ་བ། ཁ་ཤྭ། ཁྱིམ་བྱ་བཅས་སོ། །  
\v 24 ཁོང་གིས་ཕི་རཱད་ཆུ་བོའི་ནུབ་ཕྱོགས་ཀྱི་ཏིབ་སཱ་ནས་གཱ་ཟཱ་ཡོངས་དང་། ཕི་རཱད་ཆུ་བོའི་ནུབ་ཕྱོགས་ཀྱི་རྒྱལ་པོ་རྣམས་ལ་དབང་བསྒྱུར་བས་ཁོང་གི་ཕྱོགས་བཞི་བདེ་བར་གནས་པ་ཡིན།  
\v 25 སོ་ལོ་མོན་གྱི་སྐུ་རིང་ལ་དཱན་ནས་པེར་ཤ་བཱ་ཡི་བར་དུ། ཡ་ཧུ་དཱ་པ་དང་ཡེས་ར་ཨེལ་པ་རྣམས་ནི་མི་རེ་རེ་རང་རང་གི་རྒུན་འབྲུམ་སྡོང་པོ་དང་སེ་ཡབ་ཤིང་གི་འོག་ཏུ་བདེ་བར་འཚོ་བའོ། །  
\v 26 ཡང་སོ་ལོ་མོན་ལ་ཤིང་རྟ་འདྲུད་པའི་རྟ་བཞི་ཁྲི་དང་། སྐྱ་དམག་ཆིག་ཁྲི་ཉིས་སྟོང་བཅས་ཡོད་པ་ཡིན།  
\v 27 སྤྱི་དཔོན་དེ་དག་གིས་རྒྱལ་པོ་སོ་ལོ་མོན་དང་། ཁོང་གི་གསོལ་ལྕོག་སྟེང་དུ་ཟས་ལ་རོལ་བ་རྣམས་ཀྱི་ཆེད་དུ། སོ་སོར་ཟླ་རེ་བཞིན་ཁ་ཟས་ཅི་ཡང་མ་ཆད་པར་དྲངས་སོ། །  
\v 28 ཡང་དེ་དག་གིས་རང་རང་གི་ལས་ཁག་བཞིན་དུ། ཤིང་རྟ་འདྲུད་པའི་རྟ་དང་ཆིབས་ཆེན་རྣམས་ལ་ནས་དང་སོག་མ་ནི་གཏན་ལ་ཁེལ་བའི་གནས་སུ་དྲངས་སོ། །   
\s1 སོ་ལོ་མོན་གྱི་ཤེས་རབ།  
\p
\v 29 ཡང་དཀོན་མཆོག་གིས་སོ་ལོ་མོན་ལ་ཤེས་རབ་དང་ཁྱད་དུ་འཕགས་པའི་བློ་རིག་དང་། ཐུགས་རྒྱ་ཡངས་པ་བཅས་གནང་བ་ནི་རྒྱ་མཚོའི་བྱེ་མ་ལྟར་ཚད་ལས་བརྒལ་ཞིང་བགྲང་གིས་མི་ལང་བ་ཡིན།  
\v 30 སོ་ལོ་མོན་གྱི་ཤེས་རབ་ནི་ཤར་ཕྱོགས་པ་ཀུན་གྱི་ཤེས་རབ་ལས་ཕ་མཐར་བརྒལ་ཞིང་ཨེ་ཅིབ་པ་ཚང་མའི་ཤེས་རབ་ལས་ཀྱང་བརྒལ་བ་ཡིན།  
\v 31 ཁོང་ནི་མི་ཐམས་ཅད་དང་ཨེས་རག་པ་ཨེ་ཐན་དང་། མ་ཧོལ་གྱི་བུ་རྣམས་ཏེ་ཧེ་མན་དང་། ཁལ་ཀོལ་དང་ཏར་དཱ་བཅས་ལས་ཀྱང་མཁས་པ་ཡིན་པས། ཕྱོགས་བཞིའི་མི་ཐམས་ཅད་ཁྲོད་དུ་ཁོང་གི་མཚན་སྙན་རྒྱས་སོ། །  
\v 32 ཁོང་གིས་གསུངས་པའི་ལེགས་བཤད་སྟོང་ཕྲག་གསུམ་དང་ཁོང་གི་མགུར་མའི་གྲངས་ནི་ཆིག་སྟོང་ལྔའོ། །  
\v 33 ཁོང་གིས་ལེ་པཱ་ནོན་ཡུལ་གྱི་ཐང་ཤིང་ནས་བཟུང་སྟེ། རྩིག་ངོས་སུ་སྐྱེས་པའི་ཨི་སོབ་རྩྭ་ཤིང་གི་བར་དུ་གསུང་གླེང་མཛད་པ་དང་། ཡང་དུད་འགྲོ་དང་། འདབ་ཆགས་དང་། ལྟོ༌འགྲོ་དང་འབུ་སྲིན་དང་། ཉ་རྣམས་ཀྱི་སྐོར་ཡང་གསུང་གླེང་མཛད་དོ། །  
\v 34 གནམ་འོག་གི་རྒྱལ་པོ་ཐམས་ཅད་ཀྱིས་རྒྱལ་པོ་སོ་ལོ་མོན་གྱི་ཤེས་རབ་ཐོས་ནས། ཕྱོགས་སོ་སོ་ནས་རྒྱལ་པོ་སོ་ལོ་མོན་གྱི་ཤེས་རབ་ལྡན་པའི་སྐད་ཆ་ལ་མཉན་པར་མི་མངགས་པའོ། །   
\c 5
\cl ལེའུ་ལྔ་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 སོ་ལོ་མོན་གྱིས་མཆོད་ཁང་བཞེང་བའི་རྒྱུ་ཆ་གྲ་སྒྲིག་བྱས་པ།  
\p
\v 1 དེ་ནས་ཐཱར་གྱི་རྒྱལ་པོ་ཧི་རཱམ་གྱིས་ཡེས་ར་ཨེལ་པ་རྣམས་ཀྱིས་སོ་ལོ་མོན་ནི་རང་གི་ཡབ་ཀྱི་ཚབ་ཏུ་རྒྱལ་པོར་བསྐོས་པ་ཐོས་ནས། རང་གི་བློན་འཁོར་རྣམས་སོ་ལོ་མོན་གྱི་དྲུང་དུ་མངགས་སོ། །ཅིའི་ཕྱིར་ཞེ་ན། རྒྱལ་པོ་ཧི་རཱམ་ནི་སྔར་ནས་རྒྱལ་པོ་དཱ་བིད་ལ་དགའ་བས་སོ། །  
\v 2 སོ་ལོ་མོན་གྱིས་ཀྱང་ཧི་རཱམ་གྱི་རྩར་མི་མངགས་ནས་འདི་ལྟར།  
\v 3 ངའི་ཡབ་དཱ་བིད་ཀྱིས་ཉིད་ཀྱི་དཀོན་མཆོག་ཡ་ཝཱེའི་མཚན་ལ་མཆོད་ཁང་ཞིག་བཞེང་མ་ནུས་ཏེ། གང་ལ་ཞེ་ན། དཀོན་མཆོག་ཡ་ཝཱེས་དགྲ་རྣམས་ཁོང་གི་ཞབས་འོག་ཏུ་འཇུག་པའི་བར་དུ་ཁོང་ལ་ཕྱོགས་བཞི་ནས་དམག་འཁྲུག་བྱུང་བ་ཁྱེད་ཀྱིས་ཀྱང་ཤེས་པས་སོ། །  
\v 4 འོན་ཀྱང་ད་ལྟ་བདག་གི་དཀོན་མཆོག་ཡ་ཝཱེས་བདག་གི་ཕྱོགས་བཞི་བདེ་ལ་བཀོད་པས། ང་ལ་དགྲ་དང་བར་ཆད་མེད།  
\v 5 དེ་བས་དཀོན་མཆོག་ཡ་ཝཱེས་སྔར་ངའི་ཡབ་དཱ་བིད་ལ་འདི་སྐད་དུ། བདག་གིས་ཁྱོད་ཀྱི་ཚབ་ཏུ་ཁྱོད་ཀྱི་རྒྱལ་ཁྲིར་བསྐོ་བར་འགྱུར་བའི་བུ་དེས་ངའི་མིང་གི་ཕྱིར་མཆོད་ཁང་ཞིག་བཞེང་བར་བྱའོ་ཞེས་གསུངས་པ་བཞིན་དུ། གཟིགས་དང་། ངས་རང་གི་དཀོན་མཆོག་ཡ་ཝཱེའི་མཚན་གྱི་ཕྱིར་མཆོད་ཁང་ཞིག་བཞེང་འདོད་པས།  
\v 6 ཁྱེད་ཀྱིས་དེའི་དོན་དུ་ལེ་པཱ་ནོན་ནས་ཐང་ཤིང་གཅོད་པའི་བཀའ་གནོངས་ཤིག ཡང་ངའི་འཁོར་གཡོག་རྣམས་ཀྱིས་ཁྱེད་ཀྱི་འཁོར་གཡོག་རྣམས་དང་མཉམ་དུ་ལས་ཀ་བསྒྲུབ་བོ། །ཁྱེད་ཀྱི་འཁོར་གཡོག་རྣམས་ཀྱི་གླ་ཆ་ནི་ཁྱེད་ཀྱིས་གཏན་ལ་ཁེལ་བ་བཞིན་དུ་ངས་སྟེར་བར་བྱ། ཅིའི་ཕྱིར་ཞེ་ན། ངེད་རྣམས་ཀྱི་ཁྲོད་དུ་ཚི་ཏུན་པ་རྣམས་དང་འདྲ་བར་ཤིང་གཅོད་ཤེས་མཁན་གཅིག་ཀྱང་མེད་པ་ཁྱེད་ཀྱིས་མཁྱེན་ནོ་ཞེས་འཕྲིན་བསྐུར་ཏོ། །   
\p
\v 7 ཧི་རཱམ་གྱིས་སོ་ལོ་མོན་གྱི་འཕྲིན་ཐོས་པ་ཙམ་གྱིས་སྤྲོ་བར་གྱུར་ཏེ་འདི་ལྟར། མི་ཚོགས་འདི་འདྲ་ཆེན་པོའི་རྗེ་བོར་འགྱུར་བའི་ཆེད་དུ། དཱ་བིད་ལ་འདི་འདྲའི་སྲས་ཤེས་རབ་ཅན་ཞིག་གནང་བས་ན། དེ་རིང་ཉིན་མོ་དཀོན་མཆོག་ཡ་ཝཱེ་ལ་བསྟོད་ཅིང་བསྔགས་པར་གྱིས་ཞེས་སྨྲས་སོ། །  
\v 8 དེ་ནས་ཧི་རཱམ་གྱིས་སོ་ལོ་མོན་ལ་འཕྲིན་ལན་བསྐུར་བ་འདི་ལྟར། ཁྱེད་ཀྱིས་མི་མངགས་ནས་བདག་ལ་བསྐུར་བའི་འཕྲིན་རྣམས་ངས་ཐོས་པ་ཡིན། ཉིད་ཀྱི་ཐུགས་འདོད་ནང་བཞིན་ཐང་ཤིང་དང་གསོམ་ཤིང་གིས་རོགས་བྱེད་དོ། །  
\v 9 ངའི་འཁོར་གཡོག་རྣམས་ཀྱིས་ཤིང་རྣམས་ལེ་པཱ་ནོན་ནས་རྒྱ་མཚོའི་འགྲམ་དུ་འབེབ་པར་བྱ། དེ་ནས་བདག་གིས་རྫིངས་བཟོས་ཏེ་ཆུ་ཐོག་བརྒྱུད་ནས་ཁྱེད་ཀྱིས་གཏན་ལ་ཁེལ་བའི་ཡུལ་དུ་བསྐྱལ་བར་བྱའོ། །དེར་བདག་གིས་རྫིངས་རྣམས་གཏོར་བར་བྱ་ཞིང་ཁྱེད་ཀྱིས་ཤིང་རྣམས་ཕར་འཁྱེར་ཆོག ཡང་ཁྱེད་ཀྱིས་ངའི་འདོད་མོས་བཞིན་དུ་བསྒྲུབས་ནས་བདག་གི་ཕོ་བྲང་གི་མི་རྣམས་ལ་འཚོ་ཆས་གནང་བར་མཁྱེན་ཞེས་སྨྲས་སོ། །  
\v 10 དེ་ནས་ཧི་རཱམ་གྱིས་སོ་ལོ་མོན་གྱིས་ཅི་འདོད་པ་བཞིན་དུ་ཁོ་ལ་ཐང་ཤིང་དང་གསོམ་ཤིང་བཏང་བ་དང་།  
\v 11 སོ་ལོ་མོན་གྱིས་ཀྱང་ཧི་རཱམ་གྱི་ཕོ་བྲང་གི་མི་རྣམས་ཀྱི་འཚོ་ཆས་ལ་གྲོ་ཁལ་ཉིས་ཁྲི་དང་། སྐྱུ་རུ་རའི་ཤིང་ལས་སྣུམ་བརྡུངས་མ་ཁལ་ཉི་ཤུ་བཅས་བཏང་ངོ་། །སོ་ལོ་མོན་གྱིས་ལོ་རེ་བཞིན་ཧི་རཱམ་ལ་དེ་ལྟར་བྱས་སོ། །  
\v 12 ཡང་དཀོན་མཆོག་ཡ་ཝཱེས་སོ་ལོ་མོན་ལ་ཞལ་གྱིས་བཞེས་པ་བཞིན་དུ་ཤེས་རབ་གནང་སྟེ། ཧི་རཱམ་དང་སོ་ལོ་མོན་གཉིས་ཀྱི་བར་ལ་ཞི་བདེ་ཡོད་པས། དེ་གཉིས་ཀྱིས་ཕན་ཚུན་བར་ཆིངས་ཡིག་བཞག་གོ །   
\p
\v 13 དེ་ནས་སོ་ལོ་མོན་གྱིས་ཡེས་ར་ཨེལ་པ་ཐམས་ཅད་ལས་ངལ་ལས་བྱེད་མཁན་བསྡུས་ཤིང་། ངལ་ལས་བྱེད་མཁན་བསྡོམས་པས་མི་སུམ་ཁྲི་ཡོད་པ་དང་།  
\v 14 ཁོང་གིས་དེ་དག་ལས་རེས་བཞིན་དུ་ཟླ་བ་རེར་མི་ཆིག་ཁྲི་རེ་ལེ་པཱ་ནོན་དུ་བཏང་བས། དེ་དག་ལེ་པཱ་ནོན་དུ་ཟླ་གཅིག་དང་། ཁྱིམ་དུ་ཟླ་གཉིས་ལ་བསྡད་པ་དང་། ཨ་དོ་ནི་རཱམ་ནི་ངལ་ལས་པ་དེ་རྣམས་ཀྱི་སྤྱི་དཔོན་ཡིན་ནོ། །  
\v 15 སོ་ལོ་མོན་ལ་རྡོག་ཁྲེས་ཁུར་མཁན་མི་བདུན་ཁྲི་དང་། རྡོ་བརྐོ་མཁན་མི་བརྒྱད་ཁྲི་ཡོད་པ་ཡིན་ལ།  
\v 16 དེ་མིན་སོ་ལོ་མོན་ལ་ད་དུང་ལས་ཀར་བལྟ་བའི་འགོ་དཔོན་སུམ་སྟོང་སུམ་བརྒྱ་ཡོད་པ་དེ་དག་གིས་ལས་ཀ་བྱེད་མཁན་རྣམས་ལ་ལྟ་རྟོག་བྱེད་པ་ཡིན།  
\v 17 རྒྱལ་པོས་བཀའ་གནང་བ་དང་དེ་དག་གིས་རྡོ་ཆེན་པོ་རྩ་ཆེན་རྣམས་བཅད་ཅིང་གཏུབ་ནས། འཇམ་ཤ་བཏོད་པའི་རྡོ་ནི་མཆོད་ཁང་གི་རྨང་གཞི་བྱས་སོ། །  
\v 18 སོ་ལོ་མོན་གྱི་ལག་ཤེས་དང་། ཧི་རཱམ་གྱི་ལག་ཤེས། གེ་བལ་ཡུལ་གྱི་མི་རྣམས་བཅས་ཀྱིས་རྡོ་རྣམས་ལ་འཇམ་ཤ་བཏོད་པ་དང་། མཆོད་ཁང་བཞེང་བར་གདུང་མ་དང་རྡོ་རྣམས་གྲ་སྒྲིག་བྱས་སོ། །   
\c 6
\cl ལེའུ་དྲུག་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 མཆོད་ཁང་བཞེངས་པ།  
\p
\v 1 དེ་ཡང་ཡེས་ར་ཨེལ་པ་རྣམས་ཨེ་ཅིབ་ཡུལ་ནས་ཐོན་ཏེ་ལོ་བཞི་བརྒྱ་དང་བརྒྱད་ཅུ་ལོན་པ་དང་། སོ་ལོ་མོན་གྱིས་ཡེས་ར་ཨེལ་དུ་སྲིད་བསྐྱངས་པའི་ལོ་བཞི་པའི་ཟླ་གཉིས་པའི་དུས་སུ། \f + \ft མ་ཕྱི་ལས་ཟིབ་ཅེས་པའི་ཟླ་བ་སྟེ་ཟླ་གཉིས་པ་ཞེས་བྲིས་ཡོད། ཡེས་ར་ཨེལ་པའི་རྩིས་ནི་རྒྱ་རྩིས་དང་བོད་རྩིས་ལ་མི་མཚུངས་ཏེ། ཡེས་ར་ཨེལ་གྱི་ལོ་སར་ནི་རྒྱ་རྩིས་ཀྱི་ཟླ་གསུམ་པའི་ནང་ཡིན་ལ། ཟླ་གཉིས་པ་ནི་རྒྱ་རྩིས་ཀྱི་ཟླ་བཞི་པ་ནས་ལྔ་པའི་བར་ཡིན་པ་རེད། ཚིག་རྐང་སོ་བདུན་ནང་གི་ཟིབ་ཅེས་པ་ཡང་ཚིག་རྐང་དང་པོ་ལྟར་གོ་དགོས། \f* དཀོན་མཆོག་ཡ་ཝཱེའི་མཆོད་ཁང་བཞེང་བའི་འགོ་ཚུགས་པ་ཡིན་ནོ། །  
\v 2 སོ་ལོ་མོན་གྱིས་དཀོན་མཆོག་ཡ་ཝཱེ་ལ་བཞེངས་པའི་མཆོད་ཁང་དེའི་རིང་ཚད་ལ་ཁྲུ་དྲུག་ཅུ་དང་། ཞེང་ལ་ཁྲུ་ཉི་ཤུ་དང་། མཐོ་ཚད་ལ་ཁྲུ་སུམ་ཅུ་ཡོད་དེ།  
\v 3 མཆོད་ཁང་མདུན་གྱི་བར་ཁྱམས་ཀྱི་ཞེང་གི་ཆེ་ཆུང་ནི་མཆོད་ཁང་གི་ཞེང་གི་ཆེ་ཆུང་བཞིན་ཁྲུ་ཉི་ཤུ་དང་། དེའི་རིང་ཚད་ནི་མཆོད་ཁང་གི་མདུན་ཕྱོགས་སུ་ཁྲུ་བཅུ་ཡོད་པ་ཞིག་ཡིན་ནོ། །  
\v 4 ཡང་མཆོད་ཁང་གི་སྒེའུ་ཁུང་རྣམས་ནི་ཕྱི་དོག་ལ་ནང་ཁོད་ཡངས་པ་ཞིག་མཛད་དེ།  
\v 5 ཚོམས་ཁང་དང་ཕུག་ཁང་གཉིས་ཀྱི་མཐའ་བཞི་སྟེ་མཆོད་ཁང་གི་རྩིག་པར་གཏད་དེ་ཁང་ཆུང་རྣམས་བྱས་སོ། །  
\v 6 ཁང་ཆུང་འོག་མའི་ཞེང་ལ་ཁྲུ་ལྔ་དང་། བར་མའི་ཞེང་ལ་ཁྲུ་དྲུག གོང་མའི་ཞེང་ལ་ཁྲུ་བདུན་བཅས་ཡོད་པ་ཡིན། ཡང་མཆོད་ཁང་གི་རྩིག་པའི་ཕྱི་ལ་ཕྱོགས་བཞིར་ལས་ཁྲི་བཙུགས་པས། ཀླད་རྒྱུག་དག་གི་སྣེ་མོས་མཆོད་ཁང་མི་བརྟོལ་བར་བྱས།  
\v 7 མཆོད་ཁང་དེ་བཞེང་བའི་ཚེ་ན། རྡོ་གཡམ་འདོན་སར་འཇམ་ཤ་བཏོད་པའི་རྡོ་རྣམས་ཀྱིས་བརྩིགས་པ་ཡིན་པས། ཐོ་བའམ། སྟ་རེའམ། ལྕགས་ཀྱི་ལག་ཆ་གཅིག་གི་སྒྲའང་ཐོས་པར་མ་གྱུར་ཏོ། །  
\v 8 ཁང་ཆུང་ཞོལ་མའི་སྒོ་ནི་མཆོད་ཁང་གི་གཡས་ཕྱོགས་སུ་བཞག་སྟེ། མི་རྣམས་དུང་འཁྱིལ་དབྱིབས་ཀྱི་སྐས་ཐེམ་ལས་བར་ཁང་དང་། ཡང་བར་ཁང་ནས་ཁང་ཆུང་གསུམ་པ་རུ་འཛེག་ཐུབ་པར་བྱས་སོ། །  
\v 9 དེ་བཞིན་ཁོང་གིས་མཆོད་ཁང་བཞེངས་ནས་གྲུབ་པ་དང་། མཆོད་ཁང་གི་གནམ་གཅལ་ནི་ཐང་ཤིང་གི་གདུང་མ་དང་ཤིང་ལེབ་ཀྱིས་གཡོགས་སོ། །  
\v 10 ཡང་མཆོད་ཁང་ལ་བརྟེན་ནས་བཞེངས་པའི་ཁང་ཆུང་རེ་རེའི་མཐོ་ཚད་ནི་ཁྲུ་ལྔ་རུ་བྱས་ཤིང་། ཐམས་ཅད་ཐང་ཤིང་གི་གདུང་མས་མཆོད་ཁང་དང་སྦྲེལ་བའོ། །   
\p
\v 11 དེ་ནས་དཀོན་མཆོག་ཡ་ཝཱེའི་བཀའ་སོ་ལོ་མོན་ལ་བྱུང་བ་ནི་འདི་ལྟ་སྟེ།  
\v 12 ཁྱོད་ཀྱིས་བཞེང་བའི་མཆོད་ཁང་འདི་ནི། གལ་ཏེ་ཁྱོད་ཀྱིས་ངའི་སྒྲིག་ཁྲིམས་བཞིན་དུ་བྱེད་ཅིང་། ངའི་ཁྲིམས་སྲོལ་བཞིན་དུ་སྤྱོད་པ་དང་། ངའི་བཀའ་རྒྱ་ཐམས་ཅད་བསྲུངས་ནས་དེ་བཞིན་བྱེད་ན། ངས་ཁྱོད་ཀྱི་ཕ་དཱ་བིད་ལ་ཁས་བླངས་པའི་ཚིག་དེ་ \f + \ft སཱ་མུ་ཨེལ་གཉིས་པའི་ལེའུ་བདུན་པར་གཟིགས་རོགས། \f*ཁྱོད་ལའང་བསྒྲུབ་པར་བྱ།  
\v 13 ང་རང་ཡེས་ར་ཨེལ་པ་རྣམས་ཀྱི་ཁྲོད་དུ་སྡོད་ཅིང་། རང་གི་འབངས་མི་ཡེས་ར་ཨེལ་པ་རྣམས་བསྐྱུར་བར་མི་བྱའོ་ཞེས་གསུངས་སོ། །  
\v 14 དེ་ལྟར་སོ་ལོ་མོན་གྱིས་མཆོད་ཁང་བཞེངས་ནས་འགྲུབ་པར་བྱས་སོ། །   
\p
\v 15 ཡང་ཁོང་གིས་མཆོད་ཁང་གི་རྩིག་པའི་ནང་ལོགས་ཀྱི་ངོས་ཧྲིལ་པོ་ཐང་ཤིང་གི་ཤིང་ལེབ་ཀྱིས་གཡོགས་ཤིང་། མཆོད་ཁང་གི་ཐང་ལ་གསོམ་པའི་ཤིང་ལེབ་བཏིངས་པའོ། །  
\v 16 ཡང་ཕུག་ལ་ཁྲུ་ཉི་ཤུ་ཅན་གྱི་མཆོད་ཁང་སྦུག་མ་བཞེངས་པ་དང་། ཐང་ཤིང་གི་ཤིང་ལེབ་ཀྱིས་པང་གཅལ་ནས་ཐོག་ཕུབ་བར་དུ་བརྩིགས་ནས་གནས་དམ་མཆོག་ཏུ་གྲུབ་བོ། །  
\v 17 མཆོད་ཁང་སྦུག་མའི་མདུན་དུ་ཡོད་པའི་ཚོམས་ཁང་དེའི་རིང་ཚད་ལ་ཁྲུ་བཞི་བཅུ་ཡོད་པར་བྱས་ཏེ།  
\v 18 མཆོད་ཁང་ནང་གི་རྩིག་ངོས་ཡོངས་སུ་ཐང་ཤིང་གིས་གཡོགས་ཤིང་། དེའི་སྟེང་ལ་ཀུ་བ་དང་བཀྲ་བའི་མེ་ཏོག་བརྐོས་ཏེ། ཐམས་ཅད་ཐང་ཤིང་གིས་བཟོས་པས། རྡོ་གཅིག་ཀྱང་མི་སྣང་ངོ་། །  
\v 19 དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་འཇོག་པའི་ཕྱིར། མཆོད་ཁང་གི་སྦུག་ཏུ་མཆོད་ཁང་སྦུག་མ་བཞེངས་པ་དང་།  
\v 20 དེའི་རིང་ཚད་ལ་ཁྲུ་ཉི་ཤུ་དང་། ཞེང་ལ་ཁྲུ་ཉི་ཤུ་དང་། མཐོ་ཚད་ལ་ཁྲུ་ཉི་ཤུ་བཅས་ཡོད་པ་ཡིན། དེའི་ནང་ནི་གསེར་བཙོ་མས་བཏུམས་ཏེ། ཐང་ཤིང་གིས་བཟོས་པའི་མཆོད་ཁྲིའང་གསེར་བཙོ་མས་བཏུམས་པའོ། །  
\v 21 སོ་ལོ་མོན་གྱིས་མཆོད་ཁང་གི་ནང་ལོགས་ནི་གསེར་བཙོ་མས་བཏུམས་ཤིང་། མཆོད་ཁང་སྦུག་མའི་ཕྱི་རུ་གསེར་གྱི་ཉག་ཐག་བཟོས་ནས། མཆོད་ཁང་སྦུག་མ་དེ་ཡང་གསེར་གྱིས་བཏུམས་པ་ཡིན་ནོ། །  
\v 22 མཆོད་ཁང་ཧྲིལ་པོ་གསེར་གྱིས་གཡོགས་ཏེ། མཆོད་ཁང་སྦུག་མའི་ནང་དུ་ཡོད་པའི་མཆོད་ཁྲི་ཧྲིལ་པོ་ཡང་གསེར་གྱིས་བཏུམས་སོ། །   
\p
\v 23 མཆོད་ཁང་སྦུག་མའི་ནང་དུ་ཁོང་གིས་མཐོ་ཚད་ལ་ཁྲུ་བཅུ་ཡོད་པའི་ཀེ་རུབ་\f + \ft ཀེ་རུབ་ཅེས་པ་ནི་གནས་དམ་མཆོག་སྲུང་བའི་ཕོ་ཉ་ཡི་ཚབ་ཅིག་ལ་གོ་བ་ཡིན།\f*གཉིས་སྐྱུ་རུ་རའི་ཤིང་ལས་བཟོས་ཏེ།  
\v 24 ཀེ་རུབ་གཅིག་གི་གཤོག་པ་གཅིག་གི་རིང་ཚད་ལ་ཁྲུ་ལྔ་དང་། དེའི་གཤོག་པ་ཅིག་ཤོས་ཀྱི་རིང་ཚད་ལའང་ཁྲུ་ལྔ་སྟེ། གཤོག་པ་གཅིག་གི་སྣེ་མོ་ནས་གཤོག་པ་ཅིག་ཤོས་ཀྱི་སྣེ་མོའི་བར་དུ་ཁྲུ་བཅུ་ཡིན།  
\v 25 ཀེ་རུབ་གཞན་དེའི་གཤོག་པ་གཉིས་ཀྱི་རིང་ཚད་ལའང་ཁྲུ་བཅུ་ཡོད་དེ། ཀེ་རུབ་གཉིས་ཀྱི་ཆེ་ཆུང་དང་གཟུགས་དབྱིབས་ནི་གཅིག་མཚུངས་ཡིན།  
\v 26 ཀེ་རུབ་གཅིག་གི་མཐོ་ཚད་ལ་ཁྲུ་བཅུ་དང་། གཞན་དེའི་མཐོ་ཚད་ལ་ཡང་ཁྲུ་བཅུ་ཡོད་པ་ཡིན།  
\v 27 ཀེ་རུབ་དེ་གཉིས་ནི་མཆོད་ཁང་སྦུག་མའི་ནང་དུ་བཞག་སྟེ། དེ་དག་གི་གཤོག་པ་བརྐྱངས་ཏེ་ཡོད་པས། གཅིག་གི་གཤོག་པས་རྩིག་པའི་ལོགས་གཅིག་དང་། ཀེ་རུབ་གཞན་དེའི་གཤོག་པས་རྩིག་པའི་ལོགས་གཅིག་ལ་རེག་ཅིང་། དེ་གཉིས་ཀྱི་གཤོག་པ་གཞན་གཉིས་ནི་མཆོད་ཁང་གི་དཀྱིལ་དབུས་སུ་ཕན་ཚུན་འབྲེལ་ནས་ཡོད།  
\v 28 ཀེ་རུབ་གཉིས་ཀྱང་གསེར་གྱིས་བཏུམས་པའོ། །   
\p
\v 29 ཡང་མཆོད་ཁང་སྦུག་མ་དང་ཚོམས་ཁང་གཉིས་ཀྱི་རྩིག་པ་ཐམས་ཅད་ལ་ཀེ་རུབ་དང་། ཏ་ལའི་ཤིང་དང་། བཀྲ་བའི་མེ་ཏོག་རྣམས་བརྐོས་སོ། །  
\v 30 མཆོད་ཁང་སྦུག་མ་དང་ཚོམས་ཁང་གཉིས་ཀྱི་པང་གཅལ་ཡང་གསེར་གྱིས་བཏུམས་པ་དང་།  
\v 31 མཆོད་ཁང་གི་སྒོ་གླེགས་དང་ཡ་ཐེམ་དང་སྒོ་འགྲམ་ལྔ་བཅས་སྐྱུ་རུ་རའི་ཤིང་ལས་བཟོས་པ་ཡིན།  
\v 32 སྒོ་གླེགས་གཉིས་ཀ་སྐྱུ་རུ་རའི་ཤིང་ལས་བཟོས་ཤིང་། དེ་གཉིས་ཀྱི་ཁར་ཀེ་རུབ་དང་། ཏ་ལའི་ཤིང་དང་། བཀྲ་བའི་མེ་ཏོག་རྣམས་ཀྱང་བརྐོས་པ་དང་། ཡང་ཀེ་རུབ་དང་ཏ་ལའི་ཤིང་རྣམས་གསེར་གྱིས་གཡོགས་སོ། །  
\v 33 ཡང་ཁོང་གིས་དེ་བཞིན་དུ་ཚོམས་ཁང་གི་སྒོ་ལ་སྐྱུ་རུ་རའི་ཤིང་ལས་སྒོ་འགྲམ་བཞི་བཟོས་སོ། །  
\v 34 གསོམ་ཤིང་གིས་བཟོས་པའི་སྒོ་གཉིས་ནི། སྒོ་གླེགས་གཅིག་ལ་ཤིང་ལེབ་ལྟེབ་མ་གཉིས་ཡོད་ཅིང་། སྒོ་གླེགས་ཅིག་ཤོས་ལའང་ཤིང་ལེབ་ལྟེབ་མ་གཉིས་ཡོད།  
\v 35 ཡང་དེ་དག་གི་ཁར་ཀེ་རུབ་དང་། ཏ་ལའི་ཤིང་དང་། བཀྲ་བའི་མེ་ཏོག་རྣམས་བརྐོས་པ་དང་། བརྐོས་རིས་རྣམས་གསེར་གྱིས་དམ་པོར་གཡོགས་སོ། །  
\v 36 མཆོད་ཁང་གི་ར་སྐོར་ནང་མ་དེ་རྡོ་བརྐོས་མ་སུམ་བརྩེགས་དང་། ཐང་ཤིང་ཁེར་བརྩེགས་ཀྱིས་བྱས་སོ། །  
\v 37 སོ་ལོ་མོན་གྱི་སྲིད་ལོ་བཞི་པའི་ཟླ་གཉིས་པའི་དུས་སུ་དཀོན་མཆོག་ཡ་ཝཱེའི་མཆོད་ཁང་གི་རྨང་གཞི་བཏིངས་པ་དང་།  
\v 38 ལོ་བཅུ་གཅིག་པའི་ཟླ་བརྒྱད་པའི་\f + \ft ཚིག་རྐང་འདིའི་ནང་གི་ཟླ་བརྒྱད་པ་ཞེས་པ་དེ་ཡེས་ར་ཨེལ་པའི་ལུགས་ཀྱི་ཟླ་བརྒྱད་པར་གོ་བ་ལས་རྒྱ་རྩིས་དང་བོད་རྩིས་ཀྱི་ཟླ་བརྒྱད་པར་གོ་བ་མིན། ཟླ་བརྒྱད་པ་ནི་རྒྱ་རྩིས་ཀྱི་ཟླ་བཅུ་ནས་བཅུ་གཅིག་པ་ཡིན། \f*དུས་སུ། མཆོད་ཁང་གི་གྲུབ་ཆ་ཀུན་ནི་ཏག་ཏག་དཔེ་བྱད་ཐམས་ཅད་བཞིན་དུ་གྲུབ་པ་སྟེ། སོ་ལོ་མོན་གྱིས་བསྡོམས་པས་བགྲང་བྱ་བདུན་གྱི་རིང་ལ་མཆོད་ཁང་བཞེངས་པའོ། །   
\c 7
\cl ལེའུ་བདུན་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 སོ་ལོ་མོན་གྱིས་ཕོ་བྲང་བཞེངས་པ།  
\p
\v 1 སོ་ལོ་མོན་གྱིས་ལོ་བཅུ་གསུམ་གྱི་རིང་ལ་ཉིད་ཀྱི་ཕོ་བྲང་ཧྲིལ་པོ་བཞེངས་ནས་གྲུབ་ཅིང་།  
\v 2 ལེ་པཱ་ནོན་གྱི་ནགས་ཚལ་ཟེར་བའི་གླིང་ཀ་ཡང་བཞེངས་པ་སྟེ། དེའི་རིང་ཚད་ལ་ཁྲུ་བརྒྱ་དང་། ཞེང་ལ་ཁྲུ་ལྔ་བཅུ་དང་། མཐོ་ཚད་ལ་ཁྲུ་སུམ་ཅུ་ཡོད་དེ། ཐང་ཤིང་གི་ཀ་བ་གྲལ་བཞི་ཡོད་ལ་དེ་དག་གི་སྟེང་དུ་ཐང་ཤིང་གི་གདུང་མ་བཀབ་པ་དང་།  
\v 3 གྲལ་རེར་ཀ་བ་བཅོ་ལྔ་རེ་ཡོད་ལ་བསྡོམས་པས་ཀ་བ་བཞི་བཅུ་ཞེ་ལྔ་ཡོད་པ་ཡིན། ཀ་བའི་སྟེང་དུ་ཁང་ཆུང་ཡོད་ཅིང་དེ་རྣམས་ཐང་ཤིང་གི་གདུང་མས་བཀབ་པ་ཡིན།  
\v 4 སྒེའུ་ཁུང་གི་སྒྲོམ་ནི་གྲལ་གསུམ་སྟེ། སྒེའུ་ཁུང་དང་སྒེའུ་ཁུང་ཁ་གཏད་དུ་ཡོད་ཅིང་། བསྡོམས་པས་རིམ་པ་གསུམ་ཡོད།  
\v 5 སྒོ་དང་སྒེའུ་ཁུང་ཐམས་ཅད་ལ་སྒྲོམ་གྲུ་བཞི་མ་ཡོད་ཅིང་། སྒེའུ་ཁུང་རིམ་པ་གསུམ་ཡོད་པ་དང་སྒེའུ་ཁུང་དང་སྒེའུ་ཁུང་ཁ་གཏད་དུ་ཡོད།  
\v 6 ཡང་ཀ་བ་དང་ལྡན་པའི་ཁྱམས་ར་རིང་ཚད་ལ་ཁྲུ་ལྔ་བཅུ་དང་། ཞེང་ལ་ཁྲུ་སུམ་ཅུ་ཡོད་པ་བཟོས་ཤིང་། དེའི་མདུན་དུ་བར་ཁྱམས་ཤིག་ཀྱང་ཡོད་ལ། དེའི་མདུན་ངོས་སུ་ཀ་བ་དང་མདའ་གཡབ་ཡོད།  
\v 7 ལེགས་ཉེས་འབྱེད་པའི་ཕྱིར་རྒྱལ་ཁྲི་ཅན་གྱི་ཁྲིམས་ཐག་གཅོད་སའི་ཚོམས་ཁང་ཞིག་བཟོས་ནས། ཁོང་གིས་དེར་ཉེས་ཁྲིམས་གཅོད་པ་དང་། པང་གཅལ་ནས་ཐོག་ཕུབ་བར་དུ་ཐང་ཤིང་གིས་བཀབ་བོ། །  
\v 8 སོ་ལོ་མོན་བཞུགས་སའི་གཟིམ་ཆུང་ནི་ཚོམས་ཁང་རྒྱབ་ཀྱི་ར་སྐོར་གཞན་ཞིག་ཏུ་ཡོད་ལ། དེ་ཡང་དེ་བཞིན་དུ་བཟོས། ཡང་ཁོང་གིས་ཆུང་མར་བཞེས་པའི་རྒྱལ་པོ་ཕཱར་ཨོལ་གྱི་སྲས་མོའི་ཕྱིར་དུ་ཚོམས་ཁང་དེ་དང་འདྲ་བའི་གླིང་ཀ་ཞིག་ཀྱང་བཞེངས་སོ། །  
\v 9 དེ་ཐམས་ཅད་རྨང་གཞི་ནས་མདའ་གཡབ་དང་། ཕྱི་ར་ནས་མཁར་ར་ཆེན་པོའི་བར་དུ། ཚད་དང་རན་པར་བརྐོས་ཤིང་ཕྱི་ནང་གཉིས་སུ་སོག་ལེས་གཤགས་པའི་རྡོ་རིན་ཐང་ཅན་གྱིས་བཞེངས་སོ། །  
\v 10 རྩིག་རྨང་ནི་རྡོ་གཏོས་ཆེན་རིན་ཐང་ཅན་ཏེ། རིང་ཚད་ལ་ཁྲུ་བཅུ་ཅན་དང་ཁྲུ་བརྒྱད་ཅན་གྱིས་བྱས་སོ། །  
\v 11 དེའི་སྟེང་དུ་ཚད་དང་རན་པར་བརྐོས་པའི་རྡོ་རིན་ཐང་ཅན་དང་ཐང་ཤིང་ཡོད་དེ།  
\v 12 མཁར་ར་ཆེན་པོའི་མཐའ་འཁོར་དུ་གཤགས་བཟོ་བྱས་པའི་རྡོ་རིམ་པ་གསུམ་དང་། ཐང་ཤིང་གི་གདུང་མ་རིམ་པ་གཅིག་ཡོད་ལ། དཀོན་མཆོག་ཡ་ཝཱེའི་མཆོད་ཁང་གི་ཁྱམས་ར་ནང་མ་དང་། མཆོད་ཁང་གི་སྒོ་གཡབ་བཞིན་དུ་བཞེངས་སོ། །   
\s1 མཆོད་ཁང་གི་རྒྱན་བཟོ།  
\p
\v 13 དེ་ནས་རྒྱལ་པོ་སོ་ལོ་མོན་གྱིས་ཐཱར་ཞེས་པའི་ཡུལ་ནས་ཧུ་རཱམ་འབོད་དུ་བཏང་ངོ་། །  
\v 14 དེ་ནི་ནཱབ་ཐ་ལི་ཞེས་པའི་ཚོ་པའི་ཡུགས་མོ་ཞིག་གི་བུ་ཡིན་ཏེ། ཁོའི་ཕ་ནི་ཐཱར་ཞེས་པའི་ཡུལ་གྱི་མི་སྟེ་ལི་བཟོ་མཁན་ཞིག་ཡིན། ལི་ཡིས་དངོས་པོ་སྣ་ཚོགས་བཟོ་ནུས་པའི་ཤེས་རབ་དང་བློ་གྲོས། ལག་རྩལ་བཅས་ཀྱིས་ཁྱབ་པ་ཞིག་ཡིན། ཁོ་རྒྱལ་པོ་སོ་ལོ་མོན་གྱི་དྲུང་དུ་འོངས་ནས་དེའི་ལས་ཀ་ཐམས་ཅད་བྱས་པའོ། །   
\p
\v 15 ཁོས་ལི་ཡིས་ཁྲུ་བཅོ་བརྒྱད་ཅན་གྱི་ཀ་བ་གཉིས་བླུགས་ནས། རེ་རེའི་སྒོར་མཐའ་ཁྲུ་བཅུ་གཉིས་བྱས་སོ། །  
\v 16 ཡང་ཁོས་ཀ་བའི་མགོ་ལ་འཇོག་པའི་ཕྱིར། ལི་བླུགས་མའི་ཀ་གཞུ་གཉིས་བཟོས་ཏེ། ཀ་གཞུ་གཅིག་གི་མཐོ་ཚད་ལ་ཁྲུ་ལྔ་དང་། ཀ་གཞུ་ཅིག་ཤོས་དེའི་མཐོ་ཚད་ལ་ཡང་ཁྲུ་ལྔ་ཡོད་པའོ། །  
\v 17 ཡང་ཀ་བའི་མགོ་རུ་ཡོད་པའི་ཀ་གཞུ་གཉིས་ཀྱི་ཕྱིར། ཁྲ་མིག་ཅན་གྱི་དྲ་བ་དང་། ཉག་ཐག་ལྷས་མ་བཟོས་ཤིང་། ཀ་གཞུ་གཅིག་ལ་བདུན་དང་། ཀ་གཞུ་ཅིག་ཤོས་དེར་ཡང་བདུན་ཡོད་དོ། །  
\v 18 ཁོས་ཡང་སེ་འབྲུ་ཕྲེང་ཤར་གཉིས་བཟོས་ནས་ཀ་བའི་མགོ་དང་ཀ་གཞུའི་དྲ་བར་བསྐོར་ཅིང་། ཀ་གཞུ་གཉིས་ཀ་དེ་བཞིན་ཡིན་ནོ། །  
\v 19 ཁྱམས་རའི་ཀ་བ་རྣམས་ཀྱི་རྩེ་མོ་ནི་ཁྲུ་བཞི་ཅན་གྱི་མེ་ཏོག་ཀུ་མུད་ཀྱི་དབྱིབས་ལྟར་བཏོན་ཏེ།  
\v 20 ཀ་གཞུ་ནི་ཀ་བ་གཉིས་ཀྱི་ཀླད་དུ་བརྒྱངས་པ་དང་དེ་གཉིས་ཀྱི་འབུར་རིས་སྟེང་དང་དྲ་བའི་འཁྲིས་སུ། སོ་སོར་སེ་འབྲུ་ཕྲེང་ཤར་གཉིས་རེ་ཡོད་ལ་བསྡོམས་པས་སེ་འབྲུ་ཉིས་བརྒྱ་ཡིས་བསྐོར་བར་བྱས་སོ། །  
\v 21 དེ་ནས་ཁོས་ཀ་བ་དེ་གཉིས་ཚོམས་ཁང་གི་སྒོ་ཁྱམས་མདུན་དུ་བཙུགས་ཏེ། ཀ་བ་གཅིག་མཆོད་ཁང་གི་གཡས་ཕྱོགས་སུ་བསླངས་ནས་མིང་དུ་ཡཱ་ཀིན་ཞེས་བཏགས་ཤིང་། ཀ་བ་ཅིག་ཤོས་དེ་གཡོན་ཕྱོགས་སུ་བསླངས་ནས་མིང་དུ་པཱོ་ཨ་ཟི་ \f + \ft ཚིག་རྐང་འདིའི་ནང་གི་ཡཱ་ཀིན་དང་པཱོ་ཨ་ཟི་ཞེས་པའི་མིང་ནི་ཨིབ་རིའི་སྐད་ལས་སྒྲ་བསྒྱུར་བྱས་པ་ཡིན་ཞིང་། ཡཱ་ཀིན་གྱི་དོན་ནི་བརྟན་པོ་དང་། པཱོ་ཨ་ཟི་ཡི་དོན་ནི་སྟོབས་ལྡན་ལ་འཇུག་གོ ། \f*ཞེས་བཏགས་སོ། །  
\v 22 ཀ་བ་གཉིས་ཀྱི་སྟེང་ལ་མེ་ཏོག་ཀུ་མུད་ཀྱི་དབྱིབས་བཏོན་ཏེ། ཀ་བའི་ལས་ཀ་འགྲུབ་པར་བྱས་སོ། །   
\p
\v 23 ཡང་ཁོས་ལི་ཡི་རྒྱ་མཚོ་ཆེན་པོ་ཞིག་བཟོས་པ་དེའི་དབྱིབས་ཟླུམ་པོ་ཡིན། ཁའི་ཚངས་ཐིག་ལ་ཁྲུ་བཅུ་དང་། མཐོ་ཚད་ལ་ཁྲུ་ལྔ་དང་། སྒོར་མཐའི་རིང་ཚད་ལ་ཁྲུ་སུམ་ཅུ་དང་།  
\v 24 དེའི་སྐེད་ཀྱི་མཐའ་སྐོར་དུ་ཁྲུ་གཅིག་རེར་ཀུ་བའི་རི་མོ་བཅུ་རེ་བྱས་ཏེ་ལི་ཡི་རྒྱ་མཚོ་དེ་བསྐོར་ཏོ། །ལི་ཡི་རྒྱ་མཚོ་བླུགས་བཟོ་བྱེད་སྐབས་སུ་ཀུ་བ་རྣམས་ཕྲེང་ཤར་གཉིས་སུ་བཟོས་པ་ཡིན།  
\v 25 ལི་ཡི་རྒྱ་མཚོ་དེ་གླང་བཅུ་གཉིས་ཀྱི་སྟེང་དུ་བཀལ་ཞིང་། གླང་གསུམ་ནི་བྱང་ཕྱོགས་དང་། གླང་གསུམ་ནི་ནུབ་ཕྱོགས་དང་། གླང་གསུམ་ནི་ལྷོ་ཕྱོགས་དང་། གླང་གསུམ་ནི་ཤར་ཕྱོགས་སུ་འཁོར་བར་བྱས། གླང་དེ་དག་གི་ཁོག་སྨད་ནི་ནང་ལ་ཕྱོགས་ཡོད་དོ། །  
\v 26 ལི་ཡི་རྒྱ་མཚོའི་སྲབ་མཐུག་ནི་སོར་བཞི་དང་། དེའི་མཐའ་ནི་ཕོར་བའི་མཐའ་འམ་མེ་ཏོག་ཀུ་མུད་དང་མཚུངས་ཏེ། དེའི་ནང་དུ་ཆུ་བེན་ཉིས་སྟོང་ \f + \ft མ་ཕྱི་ལས་པཱད་ཉིས་སྟོང་ཞེས་བྲིས་ཡོད་ལ། པཱད་ཅེས་པ་ནི་གནའ་བོའི་ཡ་ཧུ་དཱ་པའི་སྲོལ་རྒྱུན་གྱི་གཤེར་རྫས་འཇལ་བྱེད་ཅིག་ཡིན་ཏེ་ཆུ་བེན་དང་མཚུངས་ལ། པཱད་གཅིག་ནི་སྤྱི་བྲེ་ཉི་ཤུ་ཙམ་ཡིན་པར་གསུངས། \f*ཤོང་ངོ་། །   
\p
\v 27 ཡང་རིང་ཚད་ལ་ཁྲུ་བཞི་དང་། ཞེང་ལ་ཁྲུ་བཞི་དང་། མཐོ་ཚད་ལ་ཁྲུ་གསུམ་ཡོད་པའི་བསྒུལ་བསྐྱོད་སྟེགས་བུ་བཅུ་ལི་ཡིས་བཟོས་ཏེ།  
\v 28 ཡང་སྟེགས་བུའི་བཟོ་སྟངས་ནི་འདི་ལྟ་སྟེ། སྟེགས་བུ་རྣམས་ལ་ངོས་བཞི་ཡོད་ཅིང་ཟུར་རེ་རེ་སྒྲོམ་བུ་དང་སྦྲེལ་ཏོ། །  
\v 29 སྒྲོམ་བུ་རྣམས་ཀྱི་བར་ལ་ཡོད་པའི་ངོས་རེ་རེར་སེང་གེ་དང་། གླང་དང་། ཀེ་རུབ་བཅས་ཀྱི་གཟུགས་བརྐོས་སོ། །སྒྲོམ་བུ་རྣམས་ཀྱི་སྟེང་དུ་སྟེགས་བུ་ཡོད་ལ། སེང་གེ་དང་གླང་གི་སྟེང་འོག་གཉིས་སུ་མེ་ཏོག་གི་གཟུགས་རིས་ཕབ་ཡོད་པ་ཡིན།  
\v 30 ཡང་སྟེགས་བུ་རེ་ལ་ལི་ཡི་འཁོར་ལོ་དང་འཁོར་རྟེན་བཞི་རེ་ཡོད་པ་དང་། སྟེགས་བུ་འོག་གི་སུག་པ་བཞི་པོར་འདེགས་རྐང་བླུགས་མ་ཡོད་པ་དང་། ངོས་རེ་རེར་མེ་ཏོག་གི་གཟུགས་རིས་ཕབ་ཡོད་དོ། །  
\v 31 སྟེགས་བུའི་ཁ་ནི་ནང་ནས་མགོ་བར་དུ་ཁྲུ་གང་ཡོད་ཅིང་། དེའི་དབྱིབས་ཟླུམ་པོ་ཡིན་ལ། སྒྲོམ་བུ་སྟེང་གི་སྟེགས་བུ་དེའི་དབྱིབས་ལྟར་ཚངས་ཐིག་ལ་ཁྲུ་གཅིག་དང་ཕྱེད་ཀ་ཡོད། དེའི་ངོས་སུ་བརྐོས་རིས་ཡོད་པ་དང་། སྟེགས་བུའི་ངོས་རྣམས་གྲུ་བཞི་ཡིན་པ་ལས་ཟླུམ་པོ་མིན་ནོ། །  
\v 32 ཡང་སྟེགས་བུའི་འཁོར་ལོ་བཞི་པོ་ནི་ངོས་བཞི་པོའི་འོག་ཏུ་ཡོད་པ་དང་། འཁོར་ལོའི་འཁོར་རྟེན་རྣམས་སྟེགས་བུ་དང་མུ་འབྲེལ་དུ་བཟོས་ཏེ། འཁོར་ལོ་རེའི་མཐོ་ཚད་ལ་ཁྲུ་གཅིག་དང་ཕྱེད་ཀ་ཡོད།  
\v 33 འཁོར་ལོ་རྣམས་ཀྱི་བཟོ་ལུགས་ནི་ཤིང་རྟའི་འཁོར་ལོའི་བཟོ་ལུགས་དང་འདྲ་སྟེ། དེའི་འཁོར་རྟེན་དང་། འཁོར་རྩིབས་དང་། འཁོར་ལོ་དང་། ལྟེ་བ་རྣམས་ལི་ཡིས་བླུགས་པའོ། །  
\v 34 སྟེགས་བུ་རེ་རེའི་ཟུར་བཞི་པོར་འདེགས་རྐང་རེ་ཡོད་པ་དང་། དེ་རྣམས་ནི་སྟེགས་བུ་དང་ལྷན་དུ་བླུགས་པ་ཡིན།  
\v 35 ཡང་སྟེགས་བུའི་ཁར་མཐོ་ཚད་ལ་ཁྲུ་ཕྱེད་ཅན་གྱི་ཟླུམ་གོར་ཞིག་ཡོད་པ་དང་། འདེགས་རྐང་དང་ངོས་རྣམས་ཀྱང་སྟེགས་བུ་དང་ལྷན་དུ་བླུགས་པ་ཡིན།  
\v 36 འདེགས་རྐང་དང་ངོས་རྣམས་སུ་ཀེ་རུབ་དང་། སེང་གེ་དང་། ཏ་ལའི་ལྗོན་ཤིང་སོགས་ཀྱི་གཟུགས་རིས་བརྐོས་ཤིང་། ཡང་སྟོང་ཆ་རྣམས་སུ་མེ་ཏོག་ཕྲེང་བའི་གཟུགས་ཀྱིས་བསྐོར་ཡོད་དོ། །  
\v 37 སྟེགས་བུ་བཅུ་པོའི་བཟོ་ལུགས་དེ་ལྟར་ཡིན་ཞིང་། དེ་ཐམས་ཅད་ཀྱི་བླུག་སྟངས་དང་ཚད་དང་དབྱིབས་སོགས་གྲུབ་ཚུལ་གཅིག་པ་ཡིན།   
\p
\v 38 ཡང་ཁོས་ལི་ཡིས་ཁྲུས་གཞོང་བཅུ་བཟོས་ཏེ། ཁྲུས་གཞོང་རེའི་ནང་དུ་ཆུ་བེན་བཞི་བཅུ་ཤོང་ངོ་། །ཁྲུས་གཞོང་རེའི་ཚངས་ཐིག་ཏུ་ཁྲུ་བཞི་དང་། སྟེགས་བུ་བཅུ་ཡི་ཁར་ཁྲུས་གཞོང་རེ་རེ་བཞག་གོ །   
\p
\v 39 ཁོས་སྟེགས་བུ་ལྔ་ནི་མཆོད་ཁང་གི་ལྷོ་ཕྱོགས་དང་། སྟེགས་བུ་ལྔ་བྱང་ཕྱོགས་སུ་བཞག་སྟེ། ཡང་ལི་ཡི་རྒྱ་མཚོ་ཆེན་པོ་དེ་མཆོད་ཁང་གི་ལྷོ་ཕྱོགས་ཏེ་ཤར་ལྷོའི་གྲུ་ཟུར་དང་ཉེ་སར་བཞག་གོ །   
\p
\v 40 ཡང་ཧུ་རཱམ་གྱིས་གཞོང་བ་དང་། མེ་ཁྱེམ་དང་། ཕོར་བ་རྣམས་བཟོས་ཤིང་། དེ་བཞིན་རྒྱལ་པོ་སོ་ལོ་མོན་ལ་དཀོན་མཆོག་ཡ་ཝཱེའི་མཆོད་ཁང་གི་ཕྱིར་ལས་ཀ་ཐམས་ཅད་འགྲུབ་པར་བྱས་སོ། །  
\v 41 དེ་རྣམས་གང་ཡིན་ཞེ་ན། ཀ་བ་གཉིས་དང་དེའི་སྟེང་གི་ཕོར་བའི་དབྱིབས་ཅན་གྱི་ཀ་གཞུ་གཉིས་དང་། ཀ་བ་སྟེང་གི་ཕོར་བའི་དབྱིབས་ཅན་གྱི་ཀ་གཞུ་གཉིས་ཀ་སྒྲིབ་པའི་དྲ་བ་གཉིས་དང་།  
\v 42 དྲ་བ་གཉིས་ཀྱི་ཕྱིར་དུ་སེ་འབྲུ་བཞི་བརྒྱ་སྟེ། དྲ་བ་རེ་རེའི་སྟེང་དུ་སེ་འབྲུ་ཕྲེང་ཤར་གཉིས་རེ་ཡོད་ལ། ཀ་བའི་སྟེང་གི་ཕོར་བའི་དབྱིབས་ཅན་གྱི་ཀ་གཞུ་གཉིས་ཀ་བསྒྲིབས་པའོ། །  
\v 43 སྟེགས་བུ་བཅུ་དང་སྟེགས་བུ་སྟེང་གི་ལི་ཡི་ཁྲུས་གཞོང་བཅུ།  
\v 44 ལི་ཡི་རྒྱ་མཚོ་གཅིག་དང་དེའི་འོག་གི་གླང་བཅུ་གཉིས།  
\v 45 སླ་ང་དང་། མེ་ཁྱེམ་དང་། གཞོང་བ་བཅས་སོ། །ཧུ་རཱམ་གྱིས་རྒྱལ་པོ་སོ་ལོ་མོན་ལ་དཀོན་མཆོག་ཡ་ཝཱེའི་མཆོད་ཁང་གི་ཆེད་དུ་བཟོས་པའི་ཡོ་བྱད་ཐམས་ཅད་འོད་འཚེར་བའི་ལི་ཡིས་བྱས་སོ། །  
\v 46 རྒྱལ་པོས་དེ་རྣམས་ཡོར་དན་གྱི་བདེ་ཐང་དུ། སོའུ་ཀོད་དང་ཟར་ཐན་གཉིས་ཀྱི་བར་ལ་རྫ་ཀོང་ནང་དུ་བླུགས་པ་ཡིན།  
\v 47 ཡོ་བྱད་རྣམས་མང་དྲགས་པའི་རྐྱེན་གྱིས། རྒྱལ་པོ་སོ་ལོ་མོན་གྱིས་ལི་ཡི་ལྗིད་ཚད་ལ་མ་བརྟགས་སོ། །  
\v 48 ཡང་སོ་ལོ་མོན་གྱིས་དཀོན་མཆོག་ཡ་ཝཱེའི་མཆོད་ཁང་ནང་གི་ཡོ་བྱད་ཐམས་ཅད་བཟོས་པ་སྟེ། གསེར་གྱི་མཆོད་ཁྲི་དང་། སྤྱན་བསྟར་བག་ལེབ་བཤམ་སའི་གསེར་གྱི་སྒྲོག་ཙེ་དང་།  
\v 49 མཆོད་ཁང་སྦུག་མའི་མདུན་དུ་ཡོད་པའི་གསེར་བཙོ་མའི་སྒྲོན་སྟེགས་ནི། གཡས་ཕྱོགས་སུ་ཕྲེང་ཤར་ལྔ་དང་། གཡོན་ཕྱོགས་སུ་ཕྲེང་ཤར་ལྔ། གསེར་གྱི་མེ་ཏོག་གི་དབྱིབས་ཚུགས་རྣམས་དང་སྒྲོན་མེ་རྣམས། སྐམ་ཆུང་རྣམས།  
\v 50 གསེར་བཙོ་མའི་དཀར་ཡོལ་རྣམས་དང་། སྡོང་རས་གཅོད་བྱེད་སྐམ་ཆུང་དང་། མེ་ཕོར་དང་། ཁེམ་བུ་དང་། མེ་གཞོང་བཅས་བཟོས་སོ། །མཆོད་ཁང་སྦུག་མའམ་གནས་དམ་མཆོག་གི་སྒོ་རུ་དང་། ཚོམས་ཁང་གི་སྒོ་ལྕིབས་རྣམས་ཀྱང་གསེར་ལས་བཟོས་སོ། །   
\p
\v 51 དེ་བཞིན་རྒྱལ་པོ་སོ་ལོ་མོན་གྱིས་དཀོན་མཆོག་ཡ་ཝཱེའི་མཆོད་ཁང་གི་ལས་ཀ་ཐམས་ཅད་བསྒྲུབས་ཚར་བ་དང་། རང་གི་ཡབ་དཱ་བིད་ཀྱིས་དམ་པར་བསྔོས་པའི་གསེར་དངུལ་དང་། སྣོད་ཆས་ཐམས་ཅད་བསྐྱལ་འོངས་ནས་དཀོན་མཆོག་ཡ་ཝཱེའི་མཆོད་ཁང་གི་དཀོར་མཛོད་ནང་དུ་བཅུག་གོ །   
\c 8
\cl ལེའུ་བརྒྱད་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 ཞལ་ཆད་ཀྱི་ཤུར་སྒམ་མཆོད་ཁང་ནང་དུ་གདན་དྲངས་པ།  
\p
\v 1 སྐབས་དེར། སོ་ལོ་མོན་གྱིས་དཱ་བིད་ཀྱི་གྲོང་ཁྱེར་ཏེ་ཛ་ཡན་ནས་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་ཡར་གདན་འདྲེན་པའི་ཕྱིར་དུ། ཡེས་ར་ཨེལ་གྱི་རྒན་པོ་རྣམས་དང་ཚོ་པ་སོ་སོའི་འགོ་དཔོན་རྣམས་དང་། ཁྱིམ་རྒྱུད་སོ་སོའི་འགོ་དཔོན་བཅས་ཐམས་ཅད་ཡེ་རུ་སཱ་ལེམ་དུ་རང་གི་དྲུང་དུ་བསྡུས་ཤིང་།  
\v 2 ཨེ་ཐན་ཟླ་བ་སྟེ་ཟླ་བདུན་པའི་དུས་ཆེན་ལ་\f + \ft ཚིག་རྐང་འདིའི་ནང་གི་ཟླ་བདུན་པ་ཞེས་པ་དེ་ཡེས་ར་ཨེལ་པའི་ལུགས་ཀྱི་ཟླ་བདུན་པར་གོ་བ་ལས་རྒྱ་རྩིས་དང་བོད་རྩིས་ཀྱི་ཟླ་བདུན་པར་གོ་བ་མིན། ཟླ་བདུན་པ་ནི་རྒྱ་རྩིས་ཀྱི་ཟླ་དགུ་བ་ནས་བཅུ་པའི་བར་ཡིན། \f*ཡེས་ར་ཨེལ་པ་ཐམས་ཅད་རྒྱལ་པོ་སོ་ལོ་མོན་གྱི་དྲུང་དུ་འཛོམས།  
\v 3 ཡེས་ར་ཨེལ་གྱི་རྒན་པོ་རྣམས་སླེབས་པ་ཙམ་གྱིས་མཆོད་དཔོན་རྣམས་ཀྱིས་ཞལ་ཆད་ཀྱི་ཤུར་སྒམ་ཁུར་ཏེ།  
\v 4 མཆོད་དཔོན་དང་ལེ་ཝི་པ་རྣམས་ཀྱིས་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་དང་མཇལ་འཕྲད་གུར་མཆོག་དང་དེའི་ནང་དུ་ཡོད་པའི་ཡོ་བྱད་དམ་པ་ཐམས་ཅད་ཡར་གདན་དྲངས།  
\v 5 རྒྱལ་པོ་སོ་ལོ་མོན་དང་དེར་འཛོམས་པའི་ཡེས་ར་ཨེལ་གྱི་མི་ཚོགས་ཀྱིས་ཞལ་ཆད་ཀྱི་ཤུར་སྒམ་མདུན་དུ་གླང་དང་ལུག་བགྲང་གིས་མི་ལང་བ་མཆོད་པར་ཕུལ་ཏོ། །  
\v 6 དེ་ནས་མཆོད་དཔོན་རྣམས་ཀྱིས་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་དེ་མཆོད་ཁང་སྦུག་མ་སྟེ་གནས་དམ་མཆོག་གི་ནང་དུ། ཀེ་རུབ་གཉིས་ཀྱི་གཤོག་པའི་འོག་ཏུ་ཞལ་ཆད་ཀྱི་ཤུར་སྒམ་འཇོག་སའི་གནས་སུ་བཞག  
\v 7 ཀེ་རུབ་ཀྱིས་ཞལ་ཆད་ཀྱི་ཤུར་སྒམ་སྟེང་དུ་གཤོག་པ་བརྐྱངས་ནས། ཞལ་ཆད་ཀྱི་ཤུར་སྒམ་དང་དེ་ཁུར་བྱེད་ཀྱི་རྒྱུག་ཤིང་གཡོགས་སོ། །  
\v 8 རྒྱུག་ཤིང་དེ་གཉིས་ནི་ཤིན་ཏུ་རིང་བས། མཆོད་ཁང་སྦུག་མའི་མདུན་གྱི་གནས་དམ་པ་ནས་དེ་དག་གི་སྣེ་མོ་མཐོང་ཐུབ་པ་དང་། མཆོད་ཁང་ཕྱི་རོལ་ནས་མཐོང་མི་ཐུབ་ཅིང་། རྒྱུག་ཤིང་དེ་གཉིས་ནི་ད་ལྟའི་བར་དུ་དེར་ཡོད་པ་ཡིན།  
\v 9 ཞལ་ཆད་ཀྱི་ཤུར་སྒམ་ནང་དུ་རྡོ་ལེབ་གཉིས་ལས་གཞན་ཅི་ཡང་མེད་དེ། རྡོ་ལེབ་དེ་གཉིས་ནི་ཡེས་ར་ཨེལ་པ་རྣམས་ཨེ་ཅིབ་ཡུལ་ནས་ཐོན་རྗེས་དཀོན་མཆོག་ཡ་ཝཱེས་ཁོ་རྣམས་ལ་ཞལ་ཆད་མཛད་པའི་དུས་སུ། མོ་ཤེ་ཡིས་རི་བོ་ཧོ་རེབ་ཏུ་དེའི་ནང་ལ་བཞག་པ་ཡིན་ནོ། །  
\v 10 མཆོད་དཔོན་རྣམས་གནས་དམ་པ་ནས་ཕྱི་རུ་ཐོན་པའི་ཚེ་དཀོན་མཆོག་ཡ་ཝཱེའི་མཆོད་ཁང་སྤྲིན་ཕུང་ཞིག་གིས་ཁྱབ་པར་གྱུར།  
\v 11 ཡང་སྤྲིན་ཕུང་དེའི་རྐྱེན་གྱིས་མཆོད་དཔོན་རྣམས་ཡར་ལངས་ནས་ཞབས་ཕྱི་བྱེད་མ་ཕོད་དེ། ཅི་ལ་ཞེ་ན། དཀོན་མཆོག་ཡ་ཝཱེའི་གཟི་བརྗིད་ཀྱིས་མཆོད་ཁང་དེར་ཁྱབ་པས་སོ། །   
\p
\v 12 སྐབས་དེར་སོ་ལོ་མོན་ན་རེ། སྔར་དཀོན་མཆོག་ཡ་ཝཱེས་ཁོང་ནི་སྤྲིན་ནག་སྟུག་པོའི་ནང་དུ་གནས་པར་འགྱུར་ཞེས་གསུངས་ཤིང་།  
\v 13 ད་ནི་བདག་གིས་ཁྱེད་ལ་མཆོད་ཁང་བརྗིད་ཆགས་ཤིག་བཞེངས་ཏེ། ཁྱེད་དུས་གཏན་དུ་གནས་པའི་བཞུགས་གནས་ཡིན་ནོ་ཞེས་ཞུས་པའོ། །  
\v 14 དེ་ནས་རྒྱལ་པོ་ཞལ་ཚུར་འཁོར་ནས་ཡེས་ར་ཨེལ་གྱི་མི་ཚོགས་ལ་བྱིན་རླབས་གནང་བ་དང་དེ་རྣམས་ལངས་ནས་བསྡད།  
\v 15 སོ་ལོ་མོན་ན་རེ། ཡེས་ར་ཨེལ་གྱི་དཀོན་མཆོག་ཡ་ཝཱེ་ལ་བསྟོད་པར་འོས་སོ། །ཁོང་གིས་ངའི་ཡབ་དཱ་བིད་ལ་དངོས་སུ་ཞལ་བཞེས་གནང་བ་གང་ཞིག་ད་ནི་ཁོང་གི་ཕྱག་གིས་བསྒྲུབས་པར་མཛད་པའོ། །ཁོང་གིས་འདི་སྐད་དུ།  
\v 16 བདག་གིས་རང་གི་འབངས་མི་ཡེས་ར་ཨེལ་པ་རྣམས་ཨེ་ཅིབ་ཡུལ་ནས་ཕྱི་རུ་ཁྲིད་འོངས་པའི་ཉིན་མོ་ནས་བཟུང་། བདག་གི་མིང་དེར་གནས་པའི་ཆེད་དུ་མཆོད་ཁང་ཞིག་བཞེང་བར་ཡེས་ར་ཨེལ་པའི་ཚོ་པ་ཁག་གི་གྲོང་ཁྱེར་རྣམས་ལས་གང་ཡང་མ་འདེམས་མོད། འོན་ཀྱང་བདག་གི་འབངས་མི་ཡེས་ར་ཨེལ་ལ་དབང་སྒྱུར་བའི་ཆེད་དུ་དཱ་བིད་བདམས་པ་ཡིན་ཞེས་གསུངས་སོ། །  
\v 17 བདག་གི་ཡབ་དཱ་བིད་ཀྱི་སེམས་སུ་ཡེས་ར་ཨེལ་གྱི་དཀོན་མཆོག་ཡ་ཝཱེའི་མཚན་གྱི་ཕྱིར་མཆོད་ཁང་ཞིག་བཞེང་བའི་འདུན་པ་ཡོད་མོད།  
\v 18 འོན་ཀྱང་དཀོན་མཆོག་ཡ་ཝཱེས་ངའི་ཡབ་དཱ་བིད་ལ་འདི་སྐད་དུ། ཁྱོད་ཀྱི་སེམས་སུ་བདག་གི་མིང་ལ་མཆོད་ཁང་ཞིག་བཞེང་བའི་འདུན་པ་ཡོད་པ་ནི་ལེགས་སོ། །  
\v 19 འོན་ཀྱང་ཁྱོད་རང་གིས་མཆོད་ཁང་དེ་བཞེང་བར་མི་འགྱུར་ཏེ། ཁྱོད་ལས་སྐྱེས་པའི་བུ་ཡིས་བདག་གི་མིང་ལ་མཆོད་ཁང་དེ་བཞེང་བར་འགྱུར་ཞེས་བཀའ་བསྩལ་ཏོ། །  
\v 20 ད་ནི་དཀོན་མཆོག་ཡ་ཝཱེས་གསུངས་པའི་བཀའ་ནང་བཞིན་འགྲུབ་པར་མཛད་དེ། བདག་ནི་རང་གི་ཡབ་དཱ་བིད་ཀྱི་ཚབ་ཏུ་ཡེས་ར་ཨེལ་གྱི་རྒྱལ་ཁྲིར་བསྡད་ནས། ཡེས་ར་ཨེལ་གྱི་དཀོན་མཆོག་ཡ་ཝཱེའི་མཚན་ལ་མཆོད་ཁང་འདི་བཞེངས་པ་ཡིན།  
\v 21 ཡང་དཀོན་མཆོག་ཡ་ཝཱེས་རང་ཅག་གི་ཕ་མེས་རྣམས་ཨེ་ཅིབ་ཡུལ་ནས་ཕྱི་རུ་ཁྲིད་སྐབས་སུ་ཁོང་གིས་གནང་བའི་ཞལ་ཆད་ཡོད་པའི་ཤུར་སྒམ་དེའི་ཕྱིར་དུ། བདག་གིས་གནས་ཤིག་གྲ་སྒྲིག་བྱས་པ་ཡིན་ཞེས་སྨྲས་སོ། །   
\s1 སོ་ལོ་མོན་གྱིས་མཆོད་ཁང་བསྔོ་བའི་གསོལ་འདེབས།  
\p
\v 22 དེ་ནས་སོ་ལོ་མོན་ནི་ཡེས་ར་ཨེལ་མི་ཚོགས་ཀྱི་མདུན་དུ་དཀོན་མཆོག་ཡ་ཝཱེའི་མཆོད་ཁྲིའི་དྲུང་དུ་ལངས་ནས་ལག་ཟུང་ནམ་མཁར་བཏེགས་ཏེ།  
\v 23 འདི་ལྟར། ཀྱེ་ཡེས་ར་ཨེལ་གྱི་དཀོན་མཆོག་ཡ་ཝཱེ་ལགས། གནམ་ས་གཉིས་སུ་ཁྱེད་ལྟ་བུའི་དཀོན་མཆོག་སུ་ཡང་མེད། ཁྱེད་ཀྱི་སྤྱན་སྔར་བསམ་པ་རྩེ་གཅིག་གིས་ཁྱེད་ཀྱི་དྲུང་དུ་འགྲུལ་བའི་ཞབས་ཕྱི་རྣམས་ལ་ཁྱེད་ཀྱིས་ཞལ་ཆད་སྲུང་ཞིང་ཐུགས་རྗེས་གཟིགས་པ་ཡིན།  
\v 24 ཁྱེད་ཀྱིས་ཉིད་ཀྱི་ཞབས་ཕྱི་སྟེ་བདག་གི་ཡབ་དཱ་བིད་ལ་གནང་བའི་ཞལ་བཞེས་བསྲུངས་ཏེ། ཁྱེད་ཀྱིས་ཅི་གསུངས་བཞིན་དེ་རིང་གི་ཉིན་མོར་ཉིད་ཀྱི་ཕྱག་གིས་བསྒྲུབས་པར་མཛད་དོ། །  
\v 25 ཀྱེ་ཡེས་ར་ཨེལ་གྱི་དཀོན་མཆོག་ཡ་ཝཱེ་ལགས། ཁྱེད་ཀྱིས་ཉིད་ཀྱི་ཞབས་ཕྱི་སྟེ་བདག་གི་ཡབ་དཱ་བིད་ལ་ཞལ་བཞེས་གནང་སྟེ་འདི་སྐད་དུ། གལ་ཏེ་ཁྱོད་ཀྱི་བུ་རྒྱུད་ཀྱིས་རང་ཉིད་ཀྱི་ལམ་མ་ནོར་བར་ཁྱོད་ཀྱིས་བདག་གི་མདུན་དུ་ཅི་ལྟར་བྱས་པ་བཞིན་བྱེད་ན། ཁྱོད་ཀྱི་བུ་རྒྱུད་ལས་ཡེས་ར་ཨེལ་གྱི་རྒྱལ་ཁྲིར་སྡོད་མཁན་ནམ་ཡང་མཚམས་མི་ཆད་ཅེས་གསུངས་པ་དེ་ཐུགས་སུ་འཛིན་པར་གསོལ།  
\v 26 ཀྱེ་ཡེས་ར་ཨེལ་གྱི་དཀོན་མཆོག་ལགས། ད་ལྟ་ཁྱེད་ཀྱིས་ཉིད་ཀྱི་ཞབས་ཕྱི་སྟེ་བདག་གི་ཡབ་དཱ་བིད་ལ་གནང་བའི་ཞལ་བཞེས་བསྒྲུབ་པར་མཛོད་ཅིག   
\p
\v 27 འོན་ཀྱང་དཀོན་མཆོག་ནི་དངོས་སུ་ས་སྟེང་དུ་བཞུགས་པ་ཡིན་ནམ། གཟིགས་དང་། ནམ་མཁའ་དང་ནམ་མཁའི་ཡང་སྟེང་གི་ནམ་མཁར་ཡང་ཁྱེད་མི་ཤོང་བས། བདག་གིས་བཞེངས་པའི་མཆོད་ཁང་འདི་ནི་ལྟ་ཅི་སྨོས།  
\v 28 ཀྱེ་ང་ཡི་དཀོན་མཆོག་ཡ་ཝཱེ་ལགས། ཁྱེད་ཀྱིས་ཉིད་ཀྱི་ཞབས་ཕྱིའི་སྨོན་ལམ་དང་ཞུ་བ་ལ་གསན་པར་མཛོད། དེ་རིང་ཉིན་མོར་ཁྱེད་ཀྱི་དྲུང་དུ་ཞུ་བའི་གསོལ་འདེབས་དང་འོ་དོད་ལ་གསན་དུ་གསོལ།  
\v 29 ཁྱེད་ཀྱི་སྤྱན་གྱིས་ཉིན་མཚན་དབྱེར་མེད་དུ་མཆོད་ཁང་འདི་ལ་གཟིགས་པར་མཛོད། ཁྱེད་ཀྱིས་བདག་གི་མིང་ནི་དེ་རུ་གནས་པར་འགྱུར་ཞེས་གསུངས་པའི་གནས་འདི་ལ་གཟིགས་པར་མཛོད། ཁྱེད་ཀྱི་ཞབས་ཕྱིས་གནས་འདིའི་ཕྱོགས་སུ་བཏབ་པའི་གསོལ་འདེབས་ལ་ཡང་གསན་པར་མཛོད།  
\v 30 དེ་ཡང་ཁྱེད་ཀྱི་ཞབས་ཕྱི་བདག་དང་ཉིད་ཀྱི་འབངས་མི་ཡེས་ར་ཨེལ་གྱིས་གནས་འདིའི་ཕྱོགས་སུ་གསོལ་བ་འདེབས་པའི་དུས་སུ། ཁྱེད་ཀྱིས་དེ་དག་གི་ཞུ་བར་གསན་དུ་གསོལ། ཁྱེད་ཀྱི་བཞུགས་གནས་ཏེ་ནམ་མཁའི་ཞིང་ཁམས་ནས་གསན་ཞིང་། གསན་པ་ཙམ་གྱིས་སྡིག་པ་བསལ་བར་མཛོད།   
\p
\v 31 གལ་ཏེ་མི་ཞིག་གིས་རང་གི་ཁྱིམ་མཚེས་དང་འགལ་བའི་སྡིག་པ་བྱས་ཤིང་། གཞན་ཞིག་གིས་དེ་ལ་མནའ་འཁུར་དུ་འཇུག་པའི་ཕྱིར་མི་དེས་མཆོད་ཁང་འདིར་འོངས་ནས་ཁྱེད་ཀྱི་མཆོད་ཁྲིའི་མདུན་དུ་མནའ་སྐྱེལ་བའི་དུས་སུ།  
\v 32 ཁྱེད་ཀྱིས་ནམ་མཁའི་ཞིང་ཁམས་ནས་དེར་གསན་ཏེ་ཞབས་ཕྱི་རྣམས་ལ་ཁྲིམས་ཐག་གཅོད་པར་མཛོད། ངན་པར་ཉེས་ཆད་བཅད་ནས་ཁོའི་ཉེས་པ་ཁོ་རང་གི་མགོ་ལ་འབེབ་པར་མཛོད། ཡང་ཉེས་མེད་ལ་དག་འབུད་མཛད་དེ་ཁོའི་དྲང་བདེན་བཞིན་གསོལ་རས་གནང་རོགས།   
\p
\v 33 ཁྱེད་ཀྱི་འབངས་མི་ཡེས་ར་ཨེལ་གྱིས་ཁྱེད་ལ་འགལ་བའི་སྡིག་པ་བྱས་པའི་རྐྱེན་གྱིས་ཕ་རོལ་དགྲ་ཡི་མདུན་དུ་ཕམ་པར་གྱུར་པའི་ཚེ། དེ་དག་ཕྱིར་འཁོར་ནས་ཁྱེད་ཀྱི་ཕྱོགས་སུ་ལོག་ཅིང་ཁྱེད་ཀྱི་མཚན་ཁས་བླངས་ཏེ། མཆོད་ཁང་འདི་རུ་ཁྱེད་ལ་གསོལ་བ་བཏབ་ནས་ཞུ་བ་འབུལ་བའི་དུས་སུ།  
\v 34 ཁྱེད་ཀྱིས་ནམ་མཁའི་ཞིང་ཁམས་ནས་དེར་གསན་ཏེ་འབངས་མི་ཡེས་ར་ཨེལ་གྱི་སྡིག་པར་གུ་ཡངས་མཛད་ཅིང་། དེ་དག་གི་ཕ་མེས་རྣམས་ལ་གནང་བའི་ཡུལ་འདིར་ཕྱིར་འཁྲིད་པར་མཛོད།   
\p
\v 35 དེ་དག་གིས་ཁྱེད་ལ་འགལ་བའི་སྡིག་པ་བྱས་པའི་རྐྱེན་གྱིས་གནམ་གྱི་སྒོ་འགགས་ནས་ཆར་བ་འབབ་མཚམས་ཆད་པ་དང་། ཁོ་ཚོས་གནས་འདིའི་ཕྱོགས་སུ་སྨོན་ལམ་བཏབ་ནས་ཁྱེད་ཀྱི་མཚན་ཁས་བླངས་ཏེ། ཡང་ཁྱེད་ཀྱིས་ཁོ་རྣམས་སྡུག་ལ་སྦྱར་བས་རང་གི་སྡིག་པའི་ལམ་ནས་སེམས་བསྒྱུར་ན།  
\v 36 ཁྱེད་ཀྱིས་ནམ་མཁའི་ཞིང་ཁམས་ནས་གསན་ཏེ། ཁྱེད་ཀྱི་ཞབས་ཕྱི་དང་ཉིད་ཀྱི་འབངས་མི་ཡེས་ར་ཨེལ་པའི་སྡིག་པར་གུ་ཡངས་མཛད་པ་དང་། ཁོ་རྣམས་ལ་བགྲོད་འོས་པའི་ལམ་དྲང་པོ་དེ་སྟོན་ཞིང་། ཁྱེད་ཀྱི་འབངས་མི་ལ་ས་སྐལ་དུ་གནང་བའི་གནས་སུ་ཆར་བ་འབབ་པར་མཛོད་ཅིག   
\p
\v 37 གལ་ཏེ་ཡུལ་འདིར་མུ་གེའམ་རིམས་ནད་དམ། སྐམ་རླུང་། གཡའ་སྤུ། ཆ་ག་པ། ཨ་ཚག་ཚག་པ་བཅས་ཡོད་པའམ། ཡང་ན་དགྲ་བོས་ཡུལ་ལྗོངས་བསྐོར་བ་དང་། བར་ཆད་དམ་ནད་ཡམས་ཅི་རིགས་འབྱུང་བའི་ཚེ།  
\v 38 མི་ཚོགས་སམ་མི་གང་རུང་སྟེ། ཁྱེད་ཀྱི་འབངས་མི་ཡེས་ར་ཨེལ་གྱིས་རང་གི་སེམས་ཀྱི་གདུང་བ་རྟོགས་ཏེ། མཆོད་ཁང་འདིའི་ཕྱོགས་སུ་ལག་པ་བཏེགས་ནས་སྨོན་ལམ་དང་འོ་དོད་འདོན་ན།  
\v 39 ཁྱེད་ཉིད་བཞུགས་སའི་ནམ་མཁའི་ཞིང་ཁམས་ནས་དེར་གསན་ཏེ་སྡིག་པ་བསལ་བར་མཛོད། ཁྱེད་ཀྱིས་མི་རེ་རེའི་སེམས་མཁྱེན་པས་དེའི་སྤྱོད་ལམ་བཞིན་དུ་བསྒྲུབས་ནས་ལན་གནོངས་ཤིག ཅིའི་ཕྱིར་ཞེ་ན། ཁྱེད་ཉིད་གཅིག་པུས་འཇིག་རྟེན་མིའི་རིགས་ཀྱི་སེམས་པ་མཁྱེན་པའི་ཕྱིར་རོ། །  
\v 40 དེ་ལྟ་ན་ཁྱེད་ཀྱིས་ངེད་ཅག་གི་ཕ་མེས་རྣམས་ལ་གནང་བའི་ཡུལ་འདིར་ཁོ་རྣམས་ནམ་འཚོའི་བར་དུ་ཁྱེད་ལ་གུས་ཤིང་འཇིགས་པར་འགྱུར།   
\p
\v 41 ཡང་ཁྱེད་ཀྱི་འབངས་མི་ཡེས་ར་ཨེལ་ལས་གཞན་པའི་མི་རིགས་ཤིག་ཀྱང་ཡུལ་ཐག་རིང་པོ་ནས་ཁྱེད་ཀྱི་མཚན་གྱི་དབང་གིས་འོངས་ཏེ།  
\v 42 ཅི་ལ་ཞེ་ན། དེ་དག་གིས་ཁྱེད་ཀྱི་རབ་ཏུ་འཕགས་པའི་མཚན་དང་། ཁྱེད་ཀྱི་ནུས་མཐུ་ལྡན་པའི་ཕྱག་དང་། ཁྱེད་ཀྱི་ཕྱི་རུ་བརྐྱངས་པའི་དཔུང་བའི་སྐོར་ཐོས་ནས་ཁོ་རྣམས་འོངས་ཏེ་མཆོད་ཁང་འདིའི་ཕྱོགས་སུ་སྨོན་ལམ་འདེབས་པའི་ཚེ།  
\v 43 ཁྱེད་ཉིད་བཞུགས་སའི་ནམ་མཁའི་ཞིང་ཁམས་ནས་དེར་གསན་ཏེ། མི་རིགས་གཞན་དེའི་ཞུ་བ་ཐམས་ཅད་བཞིན་དུ་མཛོད་ཅིག དེ་ལྟ་ན་ས་གཞི་འདིའི་མི་རིགས་ཀུན་གྱིས་ཉིད་ཀྱི་འབངས་མི་ཡེས་ར་ཨེལ་བཞིན་དུ་ཁྱེད་ཀྱི་མཚན་རྟོགས་ཤིང་ཁྱེད་ལ་གུས་ཤིང་འཇིགས་པ་དང་། བདག་གིས་བཞེངས་པའི་མཆོད་ཁང་འདི་ནི་ཁྱེད་ཀྱི་མཚན་དང་ལྡན་པ་ཤེས་པར་འགྱུར་རོ། །   
\p
\v 44 ཡང་ཁྱེད་ཀྱིས་རང་གི་འབངས་མི་ཡུལ་ཕྱོགས་གང་དུ་མངགས་ཀྱང་ཁོ་རྣམས་ཕྱི་རུ་སོང་སྟེ་སོ་སོའི་དགྲ་བོར་གཡུལ་འགྱེད་ཅིང་། ཁོ་རྣམས་ཀྱིས་ཁྱེད་ཀྱིས་བདམས་པའི་གྲོང་ཁྱེར་དང་བདག་གིས་ཁྱེད་ཀྱི་མཚན་གྱི་དོན་དུ་བཞེངས་པའི་མཆོད་ཁང་འདིའི་ཕྱོགས་སུ་འཁོར་ནས་དཀོན་མཆོག་ཡ་ཝཱེ་ཁྱེད་ལ་སྨོན་ལམ་འདེབས་ན།  
\v 45 ཁྱེད་ཀྱིས་ནམ་མཁའ་ནས་དེ་དག་གི་གསོལ་འདེབས་དང་འོ་དོད་ལ་གསན་ཏེ་ཁོ་རྣམས་རྒྱལ་བར་མཛོད་ཅིག   
\p
\v 46 གལ་ཏེ་ཁྱེད་ཀྱི་འབངས་མིས་ཁྱེད་ལ་འགལ་བའི་སྡིག་པ་བྱེད་ཅིང་། སྡིག་པ་མི་བྱེད་པའི་མི་ནི་གང་དུའང་མེད་པས། ཁྱེད་ཉིད་ཁོ་རྣམས་ལ་ཐུགས་ཁྲོས་ཏེ་ཁོ་རྣམས་དགྲ་ཡི་ལག་ཏུ་སྤྲད་པ་དང་། དགྲ་བོས་ཁོ་རྣམས་ཐག་ཉེ་རིང་གང་དུ་བཙོན་ལ་ཁྲིད་ནས།  
\v 47 ཁོ་ཚོས་བཙོན་དུ་ཡོད་པའི་ཡུལ་ནས་བློ་ཁ་ཚུར་འཁོར་ཏེ། བཙོན་ལ་ཡོད་པའི་ཡུལ་དུ་ཁྱེད་ལ་འདི་ལྟར། ངེད་ཅག་གིས་སྡིག་པ་བྱས་ཤིང་། ངེད་ཅག་གིས་ཉེས་པ་བཟོས་པ་དང་། ངེད་ཅག་གིས་ལས་ངན་པ་བྱས་སོ་ཞེས་ཞུ་བ་ཕུལ་ན།  
\v 48 ཁོ་ཚོ་བཙོན་དུ་ཁྲིད་པའི་དགྲ་བོའི་ཡུལ་ནས་བློ་གཅིག་སེམས་གཅིག་གིས་ཁྱེད་ཀྱི་ཕྱོགས་སུ་འཁོར་ཏེ། ཁྱེད་ཀྱིས་ཁོ་ཚོའི་ཕ་མེས་རྣམས་ལ་གནང་བའི་ཡུལ་དང་། ཁྱེད་ཀྱིས་བདམས་པའི་གྲོང་ཁྱེར་དང་། བདག་གིས་ཁྱེད་ཀྱི་མཚན་གྱི་ཕྱིར་བཞེངས་པའི་མཆོད་ཁང་གི་ཕྱོགས་སུ་སྨོན་ལམ་འདེབས་ཚེ།  
\v 49 ཁྱེད་ཉིད་བཞུགས་སའི་ནམ་མཁའི་ཞིང་ཁམས་ནས་དེ་དག་གི་གསོལ་འདེབས་དང་ཞུ་བར་གསན་ཏེ། ཁོ་ཚོའི་དོན་དུ་ཁྲིམས་ཐག་གཅོད་པར་མཛོད་ཅིག  
\v 50 ཁྱེད་ལ་འགལ་བའི་སྡིག་པ་བྱས་པའི་ཉིད་ཀྱི་འབངས་མི་དང་། ཁྱེད་དང་འགལ་བའི་ལས་ངན་པ་ཐམས་ཅད་ལ་དགོངས་དག་གནང་ནས། ཁོ་ཚོ་བཙོན་དུ་འཁྲིད་མཁན་གྱི་མདུན་དུ་ཁོ་ཚོར་ཐུགས་རྗེས་གཟིགས་པར་མཛོད།  
\v 51 ཅིའི་ཕྱིར་ཞེ་ན། ཁོ་རྣམས་ནི་ཁྱེད་ཀྱིས་ཨེ་ཅིབ་ཡུལ་ནས་མེ་ལྕགས་ཞུན་ཐབ་ཀྱི་དཀྱིལ་ནས་བཏོན་ཏེ་ཕྱི་རུ་ཁྲིད་འོངས་པ་དང་། ཁྱེད་ཀྱིས་བདག་ཏུ་མཛད་པའི་འབངས་མི་ལགས་སོ། །  
\v 52 ཁྱེད་ཀྱི་སྤྱན་ཟུང་གིས་ཉིད་ཀྱི་ཞབས་ཕྱིའི་ཞུ་བ་དང་། ཉིད་ཀྱི་འབངས་མི་ཡེས་ར་ཨེལ་གྱི་ཞུ་བར་གཟིགས་པར་མཛོད། དེ་དག་གིས་འོ་དོད་ཞུ་བ་ཐམས་ཅད་ལ་ཁྱེད་ཀྱིས་གསན་པར་མཛོད།  
\v 53 ཅིའི་ཕྱིར་ཞེ་ན། ཀྱེ་གཙོ་བོ་ཡ་ཝཱེ་ལགས། ཁྱེད་ཀྱིས་བདག་ཅག་གི་ཕ་མེས་རྣམས་ཨེ་ཅིབ་ཡུལ་ནས་ཕྱི་རུ་ཁྲིད་འོང་བའི་དུས་སུ། ཉིད་ཀྱི་ཞབས་ཕྱི་མོ་ཤེ་བརྒྱུད་ནས་ཞལ་བཞེས་གནང་བ་བཞིན་དུ། ཁོ་རྣམས་ས་སྟེང་གི་མི་ཀུན་གྱི་ཁྲོད་ནས་ཉིད་ཀྱི་བདག་ཏུ་མཛད་པའི་འབངས་མི་བྱས་པའི་ཕྱིར་རོ་ཞེས་ཞུས་སོ། །   
\p
\v 54 དེ་ནས་སོ་ལོ་མོན་གྱིས་མཆོད་ཁྲིའི་མདུན་དུ་པུས་མོ་སར་བཙུགས་ནས་ལག་པ་གནམ་ལ་བརྐྱངས་ཏེ། དཀོན་མཆོག་ཡ་ཝཱེའི་དྲུང་དུ་སྨོན་ལམ་དང་ཞུ་བ་འདི་ཐམས་ཅད་ཕུལ་ནས་རྫོགས་པ་ན།  
\v 55 ཁོ་རང་ཡར་ལངས་ནས་དེར་འཛོམས་པའི་ཡེས་ར་ཨེལ་གྱི་མི་ཚོགས་ལ་བྱིན་གྱིས་བརླབས་ཤིང་སྐད་ཆེན་པོས་འདི་ལྟར།  
\v 56 དཀོན་མཆོག་ཡ་ཝཱེ་ལ་བསྟོད་ཅིང་བསྔགས་པར་གྱིས། ཁོང་གིས་ཉིད་ཀྱི་ཞབས་ཕྱི་མོ་ཤེ་བརྒྱུད་ནས་མཛད་པའི་ཞལ་བཞེས་བཟང་པོ་ལས་གསུང་གཅིག་ཀྱང་མ་ཆད་པར། ཉིད་ཀྱི་འབངས་མི་ཡེས་ར་ཨེལ་ལ་ངལ་གསོ་གནང་བ་ཡིན།  
\v 57 བདག་ཅག་གི་དཀོན་མཆོག་ཡ་ཝཱེ་ནི་རང་ཅག་གི་ཕ་མེས་རྣམས་དང་མཉམ་དུ་བཞུགས་པ་ལྟར་བདག་ཅག་དང་མཉམ་དུ་བཞུགས་པར་ཤོག ཁོང་གིས་བདག་ཅག་མི་འདོར་མི་བསྐྱུར་བར་ཤོག  
\v 58 ཡང་བདག་ཅག་ཁོང་གི་སྤྱོད་ལམ་དུ་འགྲུལ་བ་དང་ཕ་མེས་རྣམས་ལ་གནང་བའི་བཀའ་རྒྱ་དང་། སྒྲིག་ཁྲིམས་དང་། ཁྲིམས་སྲོལ་རྣམས་བསྲུང་བའི་ཕྱིར་དུ། ཁོང་གིས་བདག་ཅག་གི་སེམས་ནི་ཉིད་ཀྱི་ཕྱོགས་སུ་བསྒྱུར་བར་གྱུར་ཅིག  
\v 59 བདག་གིས་དཀོན་མཆོག་ཡ་ཝཱེའི་སྤྱན་སྔར་ཕུལ་བའི་ཞུ་ཚིག་འདི་རྣམས་ཉིན་མཚན་ཀུན་ཏུ་རང་ཅག་གི་དཀོན་མཆོག་ཡ་ཝཱེ་དང་མི་འབྲལ་བར་གྱུར་ཅིག ཁོང་གིས་ཉིད་ཀྱི་ཞབས་ཕྱི་བདག་དང་ཉིད་ཀྱི་འབངས་མི་ཡེས་ར་ཨེལ་པའི་དོན་དུ་ཉིན་རེ་བཞིན་ཁྲིམས་ཐག་གཅོད་པར་མཛོད་ཅིག  
\v 60 ཅིའི་ཕྱིར་ཞེ་ན། ས་སྟེང་གི་མི་ཐམས་ཅད་ཀྱིས་དཀོན་མཆོག་ཡ་ཝཱེ་ནི་དཀོན་མཆོག་ལགས་ཤིང་། ཁོང་མ་གཏོགས་དཀོན་མཆོག་གཞན་སུ་ཡང་མེད་པ་རྟོགས་པའི་ཕྱིར་དུའོ། །  
\v 61 དེའི་ཕྱིར་ཁྱོད་ཅག་ཁོང་གི་སྒྲིག་ཁྲིམས་བཞིན་དུ་འགྲུལ་བ་དང་། དེ་རིང་ནང་བཞིན་ཁོང་གི་བཀའ་རྒྱ་རྣམས་བསྲུང་བའི་དོན་དུ། ཁྱོད་ཅག་གི་སེམས་ནི་རང་ཅག་གི་དཀོན་མཆོག་ཡ་ཝཱེ་ལ་ཡོངས་སུ་འབུལ་བར་གྱིས་ཤིག་ཅེས་བསྐུལ་བའོ། །   
\s1 མཆོད་ཁང་དམ་པར་བསྔོ་བ།  
\p
\v 62 རྒྱལ་པོ་དང་ཁོང་དང་ལྷན་དུ་གནས་པའི་ཡེས་ར་ཨེལ་པ་ཐམས་ཅད་ཀྱིས་དཀོན་མཆོག་ཡ་ཝཱེའི་དྲུང་དུ་མཆོད་པ་ཕུལ་ཞིང་།  
\v 63 སོ་ལོ་མོན་གྱིས་གླང་ཉིས་ཁྲི་ཉིས་སྟོང་དང་། ར་ལུག་ཆིག་འབུམ་ཉིས་ཁྲི་དཀོན་མཆོག་ཡ་ཝཱེ་ལ་ཞི་བདེའི་མཆོད་པར་ཕུལ་བ་དང་། རྒྱལ་པོ་དང་ཡེས་ར་ཨེལ་གྱི་མི་ཚོགས་ཀྱིས་དཀོན་མཆོག་ཡ་ཝཱེའི་མཆོད་ཁང་བསྔོ་བའི་མཛད་སྒོ་སྤེལ་ཏོ། །  
\v 64 ཉིན་དེར་དཀོན་མཆོག་ཡ་ཝཱེའི་དྲུང་དུ་ཡོད་པའི་ལི་ཡི་མཆོད་ཁྲི་དེ་ཆུང་དྲགས་པས། སྦྱིན་སྲེག་དང་འབྲུ་རིགས་ཀྱི་མཆོད་པ་དང་། ཞི་བདེའི་མཆོད་པའི་ཚིལ་རྣམས་མ་ཤོང་བ་རེད། དེ་ནས་རྒྱལ་པོས་དཀོན་མཆོག་ཡ་ཝཱེའི་མཆོད་ཁང་གི་མདུན་དུ་ཡོད་པའི་ར་སྐོར་གྱི་དཀྱིལ་དབུས་དེ་དམ་པར་བྱས་པ་དང་། གནས་དེར་སྦྱིན་སྲེག་དང་འབྲུ་རིགས་ཀྱི་མཆོད་པ། ཞི་བདེའི་མཆོད་པ་རྣམས་ཀྱི་ཚིལ་བཅས་ཕུལ་ཏོ། །  
\v 65 དེའི་དུས་སུ་སོ་ལོ་མོན་དང་ལེ་བོ་ཧ་མཱད་ནས་ཨེ་ཅིབ་ཡུལ་གྱི་གཙང་པོའི་བར་གྱི་ཡེས་ར་ཨེལ་པ་ཐམས་ཅད་ཀྱིས། རང་ཅག་གི་དཀོན་མཆོག་ཡ་ཝཱེའི་སྤྱན་སྔར་བདུན་ཕྲག་གཉིས་ཏེ་ཉི་མ་བཅུ་བཞིའི་རིང་ལ་དགའ་སྟོན་གཟབ་རྒྱས་བྱས།  
\v 66 ཉིན་བརྒྱད་པར་\f + \ft ཚིག་རྐང་འདིའི་ནང་གི་ཉིན་བརྒྱད་པ་ནི་གཟའ་འཁོར་གཉིས་ཀྱི་རིང་ལ་བྱས་པའི་དགའ་སྟོན་གྱི་ཉིན་མོ་ཐ་མའམ་ཉིན་གྲངས་བརྒྱད་པ་སྟེ། དགའ་སྟོན་རྗེས་ཀྱི་ཉིན་མོ་དེ་ལ་གོ་བ་ཡིན། \f*རྒྱལ་པོས་མི་ཚོགས་འགྲོ་རུ་བཅུག་པ་ལ། ཁོ་ཚོས་རྒྱལ་པོར་སྨོན་འདུན་ཞུས་ནས་དགའ་དགའ་སྤྲོ་སྤྲོའི་ངང་རང་རང་གི་ཡུལ་དུ་ལོག་གོ །ཁོ་རྣམས་ཀྱིས་དཀོན་མཆོག་ཡ་ཝཱེས་ཉིད་ཀྱི་ཞབས་ཕྱི་དཱ་བིད་དང་། ཁོང་གི་འབངས་མི་ཡེས་ར་ཨེལ་ལ་མཛད་པའི་བཀའ་དྲིན་རྣམས་མཇལ་ཞིང་སེམས་ལ་དགའ་སྤྲོ་སྐྱེས་སོ། །   
\c 9
\cl ལེའུ་དགུ་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 དཀོན་མཆོག་ཡ་ཝཱེ་ཡང་བསྐྱར་སོ་ལོ་མོན་ལ་མངོན་པ།  
\p
\v 1 དེ་ཡང་སོ་ལོ་མོན་གྱིས་དཀོན་མཆོག་ཡ་ཝཱེའི་མཆོད་ཁང་དང་རྒྱལ་པོའི་ཕོ་བྲང་། དེ་མིན་བསྒྲུབ་འདོད་པ་ཐམས་ཅད་བསྒྲུབས་ཚར་རྗེས།  
\v 2 དཀོན་མཆོག་ཡ་ཝཱེ་སྔོན་ཆད་གིབ་ཡོན་ཡུལ་དུ་སོ་ལོ་མོན་ལ་མངོན་པ་ལྟར། ཐེངས་གཉིས་པར་ཁོང་ལ་མངོན་པ་སྟེ།  
\v 3 དཀོན་མཆོག་ཡ་ཝཱེས་ཁོང་ལ་འདི་སྐད་དུ། ཁྱོད་ཀྱིས་བདག་གི་མདུན་དུ་སྨོན་ལམ་བཏབ་པ་དང་ཞུ་བ་ཕུལ་བ་རྣམས་བདག་གིས་ཐོས་བྱུང་། བདག་གི་མིང་མཆོད་ཁང་འདིའི་ནང་རྟག་ཏུ་གནས་པའི་ཕྱིར། ཁྱོད་ཀྱིས་བཞེངས་པའི་མཆོད་ཁང་འདི་བདག་གིས་དམ་པར་བྱས་ཤིང་བདག་གི་མིག་དང་སེམས་གཉིས་རྟག་ཏུ་འདི་རུ་གནས་པར་འགྱུར།  
\v 4 ཡང་ཁྱོད་ལ་མཚོན་ན། ཁྱོད་ཀྱི་ཕ་དཱ་བིད་ཀྱིས་གཞུང་རྒྱུད་དྲང་པོ་དང་དྲང་བདེན་གྱི་ངང་ནས་སྤྱད་པ་ལྟར། ཁྱོད་ཀྱིས་ཀྱང་ངའི་མདུན་དུ་དེ་ལྟར་བྱས་ནས། བདག་གིས་ཁྱོད་ལ་བསྒོས་པ་ཐམས་ཅད་དང་མཐུན་པར་སྤྱོད་ཅིང་། བདག་གི་སྒྲིག་ཁྲིམས་དང་ཁྲིམས་སྲོལ་རྣམས་བསྲུངས་ན།  
\v 5 བདག་གིས་ཁྱོད་ཀྱི་ཕ་དཱ་བིད་ལ་འདི་ལྟར། ཁྱོད་ཀྱི་བུ་རྒྱུད་ལས་ཡེས་ར་ཨེལ་གྱི་རྒྱལ་ཁྲིར་སྡོད་པའི་རྒྱལ་རྒྱུད་ནམ་ཡང་རྒྱུན་ཆད་པར་མི་འགྱུར་རོ་ཞེས་ཁས་བླངས་པ་བཞིན་དུ། བདག་གིས་ཁྱོད་ཀྱིས་ཡེས་ར་ཨེལ་ལ་དབང་སྒྱུར་བའི་རྒྱལ་ཁྲི་རྟག་ཏུ་བརྟན་པོ་འོང་བར་བྱའོ། །  
\v 6 གལ་ཏེ་ཁྱོད་རང་ངམ་ཁྱོད་ཀྱི་བུ་རྒྱུད་རྣམས་ང་དང་ཁ་བྲལ་ནས་བདག་གི་རྗེས་སུ་མི་འབྲང་བ་དང་། བདག་གིས་ཁྱོད་རྣམས་ལ་བསྩལ་བའི་བཀའ་རྒྱ་དང་སྒྲིག་ཁྲིམས་རྣམས་མི་བསྲུང་བར། ལྷ་གཞན་རྣམས་ལ་ཞབས་ཏོག་བསྒྲུབས་ནས་དེ་དག་ལ་བསྙེན་བཀུར་བྱས་ན།  
\v 7 བདག་གིས་ཡེས་ར་ཨེལ་པ་རྣམས་ལ་གནང་བའི་ཡུལ་འདི་ནས་ཁོ་ཚོ་མེད་པར་བཟོ་བ་དང་། ཐ་ན་བདག་གི་མིང་གི་ཕྱིར་དམ་པར་བྱས་པའི་མཆོད་ཁང་འདི་ཡང་བདག་གི་མིག་ལམ་ནས་འདོར་བར་བྱ་ཞིང་། ཡེས་ར་ཨེལ་པ་རྣམས་ནི་མི་ཐམས་ཅད་ཀྱི་ནང་དུ་གད་མོའི་གནས་དང་འཕྱ་དམོད་བྱ་ཡུལ་དུ་འགྱུར་རོ། །  
\v 8 ཡང་མཆོད་ཁང་འདི་ཞིག་རལ་དུ་འགྱུར་ཞིང་། དེའི་མདུན་ནས་འགྲོ་མཁན་ཐམས་ཅད་ཧ་ལས་ནས་འཕྱ་དགོད་བྱེད་ཀྱིན་དཀོན་མཆོག་ཡ་ཝཱེས་ཡུལ་འདི་དང་མཆོད་ཁང་འདི་ལ་འདི་ལྟར་མཛད་དོན་ཅི་ཡིན་ནམ་ཞེས་སྨྲ་ཞིང་།  
\v 9 མི་རྣམས་ཀྱིས་དེའི་ལན་དུ། ཁོ་ཚོས་རང་གི་ཕ་མེས་རྣམས་ཨེ་ཅིབ་ཡུལ་ནས་ཕྱི་རུ་ཁྲིད་འོང་མཁན་དཀོན་མཆོག་ཡ་ཝཱེ་སྤངས་ཤིང་། ལྷ་རྣམས་ལ་བརྟེན་ནས་དེ་དག་ལ་ཕྱག་བཙལ་བ་དང་ཞབས་ཏོག་བསྒྲུབས་པའི་རྐྱེན་གྱིས། དཀོན་མཆོག་ཡ་ཝཱེས་བར་ཆད་འདི་ཐམས་ཅད་ཁོ་ཚོའི་ཐོག་ཏུ་ཕབ་པ་རེད་ཅེས་སྨྲ་བར་འགྱུར་རོ་ཞེས་གསུངས་སོ། །   
\s1 སོ་ལོ་མོན་གྱི་འཕྲིན་ལས་གཞན་དག  
\p
\v 10 སོ་ལོ་མོན་གྱིས་བགྲང་བྱ་ཉི་ཤུའི་རིང་ལ་དཀོན་མཆོག་ཡ་ཝཱེའི་མཆོད་ཁང་དང་རྒྱལ་པོའི་ཕོ་བྲང་གཉིས་ཀ་བཞེངས་པ་དང་།  
\v 11 ཐཱར་གྱི་རྒྱལ་པོ་ཧི་རཱམ་གྱིས་སོ་ལོ་མོན་གྱི་འདོད་པ་བཞིན་དུ་ཐང་ཤིང་དང་། གསོམ་པ། གསེར་བཅས་ཀྱིས་ཁོང་ལ་རོགས་བྱས་པས། ཁོང་གིས་ག་ལིལ་ཡུལ་གྱི་གྲོང་ཁྱེར་ཉི་ཤུ་ཧི་རཱམ་ལ་སྤྲད་དོ། །  
\v 12 དེ་ནས་ཧི་རཱམ་ནི་ཐཱར་ནས་ཐོན་ཏེ་སོ་ལོ་མོན་གྱིས་སྤྲད་པའི་གྲོང་ཁྱེར་རྣམས་ལ་བལྟས་པའི་ཚེ། དེ་རྣམས་ཁོའི་མིག་ལ་མ་རན་པ་རེད།  
\v 13 དེ་བས་ཁོས་འདི་ལྟར། ངའི་མཆེད་གྲོགས་ལགས། འདི་དག་ནི་ཁྱེད་ཀྱིས་ང་ལ་སྤྲད་པའི་གྲོང་ཁྱེར་རྣམས་ཡིན་ནམ་ཞེས་དྲིས་ཤིང་། དེ་དག་གི་མིང་ལ་ཀ་བུལ་ \f + \ft ཀ་བུལ་ཞེས་པ་ནི་གནའ་བོའི་ཡ་ཧུ་དཱ་མི་རིགས་ཀྱི་སྐད་ཡིན་ལ། རིན་ཐང་ཅི་ཡང་མེད་པ་ཞེས་པའི་དོན་ལ་འཇུག \f*ཞེས་མིང་བཏགས་པ་དེ་རིང་བར་དུ་ལུས་པ་ཡིན།  
\v 14 ཧི་རཱམ་གྱིས་སོ་ལོ་མོན་ལ་གསེར་རྡོ་ཚད་ཆིག་བརྒྱ་ཉི་ཤུ་བརྫངས་སོ། །   
\p
\v 15 རྒྱལ་པོ་སོ་ལོ་མོན་གྱིས་དཀོན་མཆོག་ཡ་ཝཱེའི་མཆོད་ཁང་དང་། རྒྱལ་པོ་རང་གི་ཕོ་བྲང་དང་། འཛིངས་རགས་དང་། ཡེ་རུ་སཱ་ལེམ་གྱི་མཁར་གྱང་དང་། ཧ་ཟོར་དང་། མེ་གིད་དོ་དང་། གེ་ཟེར་བཅས་བརྩིག་པར་ངལ་རྩོལ་པ་བསྡུས་པ་འདི་ལྟ་སྟེ།  
\v 16 སྔར་ཨེ་ཅིབ་ཀྱི་རྒྱལ་པོ་ཕཱར་ཨོལ་གྱིས་དམག་བཏང་ནས་གེ་ཟེར་བླངས་ཏེ་མེ་ལ་བསྲེགས་པ་དང་། གྲོང་ཁྱེར་དེར་གནས་པའི་ཀ་ན་ཨན་པ་རྣམས་བསད་དེ། སོ་ལོ་མོན་གྱི་བཙུན་མོ་སྟེ་རང་གི་སྲས་མོ་ལ་གྲོང་ཁྱེར་དེ་གསོལ་རས་སུ་བཏང་བས།  
\v 17 སོ་ལོ་མོན་གྱིས་གེ་ཟེར་དང་། པེད་ཧོ་རོན་འོག་མ་དང་།  
\v 18 པཱ་ཨ་ལད་དང་། ཡ་ཧུ་དཱའི་དབེན་སྟོང་གི་ཐད་མོར་བྱ་བ་དང་།  
\v 19 སོ་ལོ་མོན་ལ་མངའ་བའི་བང་མཛོད་ཀྱི་གྲོང་ཁྱེར་དང་། ཤིང་རྟའི་གྲོང་ཁྱེར་དང་། སྐྱ་དམག་གི་གྲོང་ཁྱེར་བཅས་ཐམས་ཅད་དང་། ཡེ་རུ་སཱ་ལེམ་དང་ལེ་པཱ་ནོན་དང་། རང་གི་སྲིད་འོག་གི་ཡུལ་ཀུན་ཏུ་སོ་ལོ་མོན་གྱིས་བརྩིག་འདོད་པ་ཐམས་ཅད་བསྐྱར་གསོ་བགྱིས་པའོ། །  
\v 20 ཡང་ཡེས་ར་ཨེལ་པ་མ་ཡིན་པའི་ཨེ་མོར་པ་དང་། ཧེད་པ་དང་། ཕེ་རེ་ཟི་པ་དང་། ཧེ་བི་པ་དང་། ཡེ་བུ་སི་པ་བཅས་ཀྱི་ལྷག་ལུས་ཐམས་ཅད་དེ།  
\v 21 ཡེས་ར་ཨེལ་པ་རྣམས་ཀྱིས་ཁྱོན་ནས་འཇོམ་མ་ནུས་པའི་དེ་དག་གི་བུ་རྒྱུད་རྣམས་ནི། སོ་ལོ་མོན་གྱིས་ངལ་ལས་བྱེད་པའི་བྲན་གཡོག་ཏུ་བསྡུས་པ་དང་། དེ་རིང་གི་བར་དུ་དེ་ལྟར་ཡིན།  
\v 22 འོན་ཀྱང་སོ་ལོ་མོན་གྱིས་ཡེས་ར་ཨེལ་པ་རྣམས་ནི་བྲན་གཡོག་བྱེད་དུ་མ་བཅུག་པར་དེ་རྣམས་ནི་དམག་མི་དང་། བློན་འཁོར། དམག་དཔོན། དེད་དཔོན། ཁོང་གི་ཤིང་རྟ་དང་སྐྱ་དམག་རྣམས་ཀྱི་འགོ་དཔོན་བཅས་བྱེད་དུ་བཅུག་གོ །  
\v 23 སོ་ལོ་མོན་གྱི་ལས་ཀ་བྱེད་མཁན་དག་གི་གོང་དུ་འགོ་དཔོན་ལྔ་བརྒྱ་ལྔ་བཅུ་ཡོད་ལ། དེ་དག་གིས་ལས་ཀ་བྱེད་པའི་མི་རྣམས་ལ་བལྟས་སོ། །  
\v 24 ཕཱར་ཨོལ་གྱི་སྲས་མོ་ནི་དཱ་བིད་ཀྱི་གྲོང་ཁྱེར་ནས་སོ་ལོ་མོན་གྱིས་མོའི་དོན་དུ་བཞེངས་པའི་གླིང་ཀ་རུ་སྤར་རྗེས། སོ་ལོ་མོན་གྱིས་འཛིངས་རགས་བསྐྱར་གསོ་མཛད་དོ། །  
\v 25 སོ་ལོ་མོན་གྱིས་དཀོན་མཆོག་ཡ་ཝཱེའི་དོན་དུ་བཞེངས་པའི་མཆོད་ཁྲིའི་ཁར་ལོ་རེར་ཐེངས་གསུམ་ལ་སྦྱིན་སྲེག་དང་ཞི་བདེའི་མཆོད་པ་ཕུལ་ཞིང་། ཡང་དཀོན་མཆོག་ཡ་ཝཱེའི་སྤྱན་སྔར་བདུག་སྤོས་ཀྱང་བདུགས་ཤིང་མཆོད་ཁང་དེ་འགྲུབ་པར་བྱས་སོ། །  
\v 26 དེ་ནས་རྒྱལ་པོ་སོ་ལོ་མོན་གྱིས་ཨེ་དོམ་ཡུལ་གྱི་རྒྱ་མཚོ་དམར་པོའི་འགྲམ་ནས་ཨེ་ལོད་དང་ཐག་ཉེ་བའི་ཨེ་ཙི་ཡོན་གེ་བེར་ཞེས་པར་གྲུ་གཟིངས་རྣམས་བཟོས་པའོ། །   
\p
\v 27 ཧི་རཱམ་གྱིས་རང་གི་ཞབས་ཕྱི་སྟེ་རྒྱ་མཚོར་རྒྱུས་ཡོད་པའི་གྲུ་པ་རྣམས་སོ་ལོ་མོན་གྱི་ཞབས་ཕྱི་དང་མཉམ་དུ་བཏང་བ་དང་།  
\v 28 དེ་དག་ཨོ་ཕིར་བྱ་བར་ཕྱིན་ཏེ། ཡུལ་དེ་ནས་གསེར་རྡོ་ཚད་བཞི་བརྒྱ་ཉི་ཤུ་བླངས་ནས་རྒྱལ་པོ་སོ་ལོ་མོན་གྱི་དྲུང་དུ་བསྐྱལ་ཏོ། །   
\c 10
\cl ལེའུ་བཅུ་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 ཤེ་བཱ་ཡུལ་གྱི་རྒྱལ་མོས་སོ་ལོ་མོན་ལ་ཚོད་བགམ་བྱས་པ།  
\p
\v 1 དེ་ནས་ཤེ་བཱ་ཡུལ་གྱི་རྒྱལ་མོས་དཀོན་མཆོག་ཡ་ཝཱེའི་མཚན་ལ་བརྟེན་ནས་བྱུང་བའི་སོ་ལོ་མོན་གྱི་སྙན་གྲགས་ཐོས་ཏེ། དཀའ་གནད་དང་བཅས་ཁོང་ལ་ཚོད་བགམ་བྱེད་དུ་འོངས་པ་སྟེ།  
\v 2 འཁོར་གཡོག་ཤིན་ཏུ་མང་པོ་ཁྲིད་ནས། བསུང་རྫས་དང་གསེར་དང་རྡོ་རིགས་ཀྱི་རིན་པོ་ཆེ་བཅས་ཤིན་ཏུ་མང་པོ་རྔ་མོང་ལ་བཀལ་ཏེ་ཡེ་རུ་སཱ་ལེམ་དུ་འོངས་ནས་སོ་ལོ་མོན་གྱི་དྲུང་དུ་ཕྱིན་ཅིང་། སེམས་ནང་གི་དཀའ་གནད་ཐམས་ཅད་ཀྱིས་ཁོང་ལ་ཚོད་བགམ་བྱས་པ་ན།  
\v 3 སོ་ལོ་མོན་གྱིས་མོའི་དྲི་བ་ཀུན་ལ་ལན་བཏབ་པ་དང་། དྲི་བ་གང་ལའང་རྒྱལ་པོས་ལན་མ་ཐེབས་པ་ཅི་ཡང་མེད་པས།  
\v 4 ཤེ་བཱའི་རྒྱལ་མོས་སོ་ལོ་མོན་གྱི་ཤེས་རབ་ཐམས་ཅད་དང་། ཁོང་གིས་བཞེངས་པའི་ཕོ་བྲང་དང་།  
\v 5 གསོལ་ལྕོག་སྟེང་གི་ཁ་ཟས། བློན་པོ་རྣམས་ཀྱི་བཞུགས་གྲལ། ཞབས་ཕྱི་རྣམས་ཀྱི་འགྲེང་ལུགས། དེ་དག་གི་གྱོན་གོས་དང་ཁོང་གི་ཆང་གཉེར་བློན་ཆེན་རྣམས། དཀོན་མཆོག་ཡ་ཝཱེའི་མཆོད་ཁང་དུ་ཕུལ་བའི་སྦྱིན་སྲེག་བཅས་མཐོང་བ་དང་ཤིན་ཏུ་ངོ་མཚར་བར་གྱུར།  
\v 6 དེ་ནས་མོས་རྒྱལ་པོ་ལ། ངས་རང་གི་ཡུལ་དུ་ཐོས་པའི་ཁྱེད་ཀྱི་མཛད་པ་དང་ཁྱེད་ཀྱི་ཤེས་རབ་ཐད་ཀྱི་གཏམ་ནི་ཐམས་ཅད་བདེན་འདུག  
\v 7 ང་རང་འདིར་འོངས་ཏེ་མིག་གིས་དངོས་སུ་མཐོང་བའི་བར་དུ་གཏམ་དེ་དག་བདེན་པར་མ་བཟུང་བ་ཡིན། ཀྱེ་ཧོ། ངས་ཐོས་པ་ནི་དེའི་ཕྱེད་ཀ་ཙམ་ལའང་སླེབས་མེད། ཁྱེད་ཀྱི་ཤེས་རབ་དང་ལོངས་སྤྱོད་ནི་ངས་ཐོས་པ་ལས་རབ་ཏུ་འཕགས་སོ། །  
\v 8 ཁྱེད་ཀྱི་མི་རྣམས་བདེའོ། །རྒྱུན་དུ་ཁྱེད་ཀྱི་དྲུང་དུ་འགྲེངས་ནས་ཁྱེད་ཀྱི་ཤེས་རབ་ཐོས་ཐུབ་པའི་འཁོར་གཡོག་འདི་རྣམས་བདེའོ། །  
\v 9 ཁྱེད་ཀྱི་དཀོན་མཆོག་ཡ་ཝཱེ་ལ་བསྟོད་ཅིང་བསྔགས་པར་གྱིས། ཁོང་ཉིད་ཁྱེད་ལ་མཉེས་ཤིང་ཁྱེད་རང་ཡེས་ར་ཨེལ་གྱི་རྒྱལ་ཁྲིར་བཀོད་པ་ཡིན། དཀོན་མཆོག་ཡ་ཝཱེ་ནི་ཡེས་ར་ཨེལ་ལ་རྟག་ཏུ་བྱམས་པས། ཁྱེད་ཀྱིས་ཁྲིམས་དྲང་པོར་གཅོད་པའི་དོན་དུ་ཁོང་གིས་ཁྱེད་ནི་རྒྱལ་པོར་བསྐོས་པ་ལགས་ཞེས་སྨྲས་སོ། །  
\v 10 དེ་ནས་ཤེ་བཱ་ཡི་རྒྱལ་མོས་རྒྱལ་པོ་ལ་གསེར་རྡོ་ཚད་ཆིག་བརྒྱ་ཉི་ཤུ་དང་། བསུང་རྫས་དང་རྡོ་རིགས་ཀྱི་རིན་པོ་ཆེ་མང་པོ་ཕུལ་ཏོ། །ཤེ་བཱའི་རྒྱལ་མོས་རྒྱལ་པོ་སོ་ལོ་མོན་ལ་ཕུལ་བའི་བསུང་རྫས་དེ་འདྲའི་འབོར་ཆེན་ནི་ཕྱིས་སུ་གཞན་སུས་ཀྱང་མ་ཕུལ་ཏོ། །   
\p
\v 11 དེ་མིན་ཧི་རཱམ་གྱི་གྲུ་རྣམས་ཀྱིས་ཨོ་ཕིར་ཡུལ་གྱི་གསེར་དང་ཙན་དན་གྱི་ཤིང་མང་པོ་དང་། རྡོ་རིགས་ཀྱི་རིན་པོ་ཆེ་བཅས་བཀལ་ནས་སླེབས་པས།  
\v 12 རྒྱལ་པོས་དཀོན་མཆོག་ཡ་ཝཱེའི་མཆོད་ཁང་དང་རང་གི་ཕོ་བྲང་གི་ཕྱིར་ཙན་དན་གྱི་རྒྱུག་ཁྲ་རྣམས་བཟོ་རུ་བཅུག་པ་དང་། ཡང་མགུར་ལེན་མཁན་རྣམས་ཀྱི་ཆེད་དུ་པི་ཝང་དང་རྒྱུད་མངས་ཀྱང་བཟོས་སོ། །ཕྱིས་སུ་དེ་འདྲའི་ཙན་དན་གྱི་ཤིང་ནི་ནམ་ཡང་མ་སླེབས་ཏེ། དེ་རིང་གི་བར་དུ་དེ་འདྲ་མཐོང་མྱོང་བའང་མེད་དོ། །   
\p
\v 13 རྒྱལ་པོ་སོ་ལོ་མོན་གྱིས་ཤེ་བཱའི་རྒྱལ་མོར་ཁོ་མོའི་འདོད་པ་བཞིན་ཞུས་ཚད་ཀུན་སྤྲད་པར་མ་ཟད། གཏོང་ཕོད་ཆེན་པོས་རྫོང་བ་མང་པོ་བརྫངས་པ་དང་། དེ་ནས་རྒྱལ་མོ་དང་མོའི་བློན་འཁོར་རྣམས་ཕྱིར་རང་ཡུལ་དུ་ལོག་གོ །   
\s1 སོ་ལོ་མོན་གྱི་བརྗིད་ཉམས།  
\p
\v 14 སོ་ལོ་མོན་ལ་ལོ་རེར་ཐོབ་པའི་གསེར་ནི་རྡོ་ཚད་དྲུག་བརྒྱ་དྲུག་ཅུ་རེ་དྲུག་གོ །  
\v 15 དེར་མ་ཟད། ཚོང་པ་རྣམས་དང་ཚོང་འགྲིམ་པའི་དཔྱ་ཁྲལ་དང་། ཨ་རབ་ཀྱི་རྒྱལ་པོ་རྣམས་དང་ཡུལ་དེ་གའི་གྲོང་དཔོན་བཅས་ནས་ཀྱང་ཐོབ་འབབ་ཡོད་པའོ། །  
\v 16 རྒྱལ་པོ་སོ་ལོ་མོན་གྱིས་གསེར་ལྗང་རྡུང་གིས་ཕུབ་ཆེན་ཉིས་བརྒྱ་བཟོས་པ་དང་། ཕུབ་རེ་རེར་གསེར་རྒྱ་མ་བཅུ་བཞི་རེ་སོང་ངོ་། །  
\v 17 ཡང་ཁོང་གིས་གསེར་ལྗང་རྡུང་གིས་ཕུབ་ཆུང་སུམ་བརྒྱ་བཟོས་པ་དང་། ཕུབ་ཆུང་རེ་རེར་གསེར་མཱེ་ན་ \f + \ft མཱེ་ན་ཞེས་པ་ནི་དངོས་རྫས་ཀྱི་ལྗིད་ཚད་འཇལ་བའི་ཡོ་བྱད་ཅིག་གི་མིང་སྟེ། མཱེ་ན་གཅིག་ནི་རྒྱ་མ་གཅིག་དང་སྲང་གཉིས་ཙམ་ཡིན། \f*གསུམ་རེ་སོང་། རྒྱལ་པོས་དེ་རྣམས་ལེ་པཱ་ནོན་གླིང་ཀའི་ཕོ་བྲང་དུ་བཞག་གོ །  
\v 18 ཡང་རྒྱལ་པོས་བ་སོའི་ཁྲི་ཆེན་པོ་ཞིག་བཟོས་པ་དང་དེ་ནི་གསེར་བཙོ་མས་གཡོགས་སོ། །  
\v 19 རྒྱལ་ཁྲི་དེ་ལ་ཐེམ་སྐས་རིམ་པ་དྲུག་དང་རྒྱབ་རྟེན་གྱི་དབུ་གོར་དང་། བཞུགས་སའི་གཡས་གཡོན་གཉིས་ལ་ལག་སྐྱོར་དང་། ལག་སྐྱོར་རེ་རེའི་རྩར་སེང་གེ་རེ་འགྲེངས་ཡོད་པ་ཡིན།  
\v 20 ཡང་ཐེམ་སྐས་རིམ་པ་དྲུག་པོའི་གཡས་ཕྱོགས་སུ་སེང་གེ་དྲུག་དང་། གཡོན་ཕྱོགས་སུ་སེང་གེ་དྲུག་བཅས་སེང་གེ་བཅུ་གཉིས་ཡོད་པ་ཡིན། དེ་འདྲ་བ་ཞིག་རྒྱལ་ཁམས་གང་དུ་ཡང་མ་བཟོས་སོ། །  
\v 21 རྒྱལ་པོ་སོ་ལོ་མོན་གྱི་སྐྱོགས་ཐམས་ཅད་གསེར་ཡིན་པ་དང་། ལེ་པཱ་ནོན་གླིང་ཀའི་ཕོ་བྲང་ནང་གི་སྣོད་ཆས་ཐམས་ཅད་ཀྱང་གསེར་བཙོ་མས་བཟོས་ཡོད། སོ་ལོ་མོན་གྱི་དུས་སུ་དངུལ་ལ་རིན་ཐང་ཅི་ཡང་མེད་པས། དངུལ་ལས་བཟོས་པ་གཅིག་ཀྱང་མེད་དོ། །  
\v 22 ཅིའི་ཕྱིར་ཞེ་ན། རྒྱལ་པོའི་གྲུ་གཟིངས་རྣམས་ཧི་རཱམ་གྱི་གྲུ་དང་མཉམ་དུ་ཐཱར་ཞིས་ལ་བསྐྱོད་པ་དང་། ལོ་གསུམ་རེའི་ནང་དུ་ཐེངས་གཅིག་ལ་ཐཱར་ཞིས་ཀྱི་གྲུ་དག་གིས་གསེར་དང་། དངུལ་དང་། བ་སོ་དང་། སྤྲེའུ་དང་། རྨ་བྱ་སོགས་བསྐྱལ་འོངས་སོ། །   
\p
\v 23 རྒྱལ་པོ་སོ་ལོ་མོན་གྱི་འབྱོར་བ་དང་ཤེས་རབ་ནི་ས་གཞིའི་རྒྱལ་པོ་ཐམས་ཅད་ལས་བརྒལ་བ་ཡིན།  
\v 24 དཀོན་མཆོག་གིས་སོ་ལོ་མོན་གྱི་སེམས་སུ་གནང་བའི་ཤེས་རབ་ཐོས་པའི་ཕྱིར་དུ། ས་གཞི་ཡོངས་ཀྱི་མི་རྣམས་ཁོང་འཚོལ་དུ་བསྙེགས་སོ། །  
\v 25 དེ་དག་རེ་རེས་ཁྱེར་འོངས་པའི་ཕྱག་རྟེན་ལ་དངུལ་ཆས་དང་གསེར་ཆས། གྱོན་གོས། མཚོན་ཆ། བསུང་རྫས། རྟ། དྲེལ་བཅས་ཡོད་ཅིང་། ལོ་ནས་ལོ་ལ་གྲངས་མང་པོ་ཡོད་པ་ཡིན།   
\p
\v 26 ཡང་སོ་ལོ་མོན་གྱིས་ཤིང་རྟ་དང་སྐྱ་དམག་བསྡུས་ཏེ། ཁོང་ལ་ཤིང་རྟ་ཆིག་སྟོང་བཞི་བརྒྱ་དང་། སྐྱ་དམག་ཆིག་ཁྲི་ཉིས་སྟོང་ཡོད་ལ། རྒྱལ་པོས་དེ་དག་ཤིང་རྟའི་གྲོང་ཁྱེར་རྣམས་དང་ཡེ་རུ་སཱ་ལེམ་གྲོང་ཁྱེར་དུ་བཞག་པ་སྟེ། ཁོང་དང་མཉམ་དུ་ཡོད་པའོ། །  
\v 27 ཡེ་རུ་སཱ་ལེམ་དུ་རྒྱལ་པོས་དངུལ་ནི་རྡོ་ལྟར་མོད་པ་དང་ཐང་ཤིང་ནི་རི་ཀླུང་དུ་སྐྱེས་པའི་འོ་སེ་ཤིང་ལྟར་མོད་པར་མཛད།  
\v 28 སོ་ལོ་མོན་གྱི་རྟ་རྣམས་ནི་ཨེ་ཅིབ་དང་ཀི་ཝེ་ཡུལ་ནས་དྲངས་པ་སྟེ། རྒྱལ་པོའི་ཚོང་པ་དག་གིས་ཀི་ཝེ་ཡུལ་ནས་རིན་གོང་ལྟར་ཉོས་འོངས་པ་ཡིན།  
\v 29 ཤིང་རྟ་རེ་ལ་དངུལ་སྒོར་དྲུག་བརྒྱ་དང་། རྟ་རེ་ལ་དངུལ་སྒོར་བརྒྱ་དང་ལྔ་བཅུའི་གོང་ཐག་གིས་བཅད་དེ་ཨེ་ཅིབ་ཡུལ་ནས་ཐོན་པ་ཡིན་པས། ཧེད་པའི་རྒྱལ་པོ་རྣམས་དང་ཨ་རམ་པའི་རྒྱལ་པོ་རྣམས་ཀྱིས་ཀྱང་ཚོང་པ་རྣམས་བརྒྱུད་ནས་རྟ་རྣམས་ཉོས་པའོ། །   
\c 11
\cl ལེའུ་བཅུ་གཅིག་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 སོ་ལོ་མོན་གྱིས་ཕྱི་ཕྱོགས་ཀྱི་བུད་མེད་བསྟེན་པ།  
\p
\v 1 རྒྱལ་པོ་སོ་ལོ་མོན་ནི་ཕཱར་ཨོལ་གྱི་སྲས་མོ་ལ་ཆགས་པར་མ་ཟད། ཕྱི་ཕྱོགས་ཀྱི་བུད་མེད་དེ། མོ་ཨབ་ཀྱི་བུད་མེད་རྣམས་དང་། ཨམ་མོན་གྱི་བུད་མེད་རྣམས། ཨེ་དོམ་གྱི་བུད་མེད་རྣམས། ཚི་ཏུན་གྱི་བུད་མེད་རྣམས། ཧེད་ཀྱི་བུད་མེད་རྣམས་བཅས་ལ་ཡང་ཆགས་པར་གྱུར།  
\v 2 མི་རིགས་དེ་རྣམས་ཀྱི་སྐོར་ལ། དཀོན་མཆོག་ཡ་ཝཱེས་སྔར་ཡེས་ར་ཨེལ་པ་རྣམས་ལ། ཁྱོད་ཅག་དེ་དག་དང་འབྲེལ་ནས་གཉེན་སྒྲིག་མ་བྱེད་ཅིག དེ་བཞིན་བྱས་ན་ཁྱོད་ཅག་གི་སེམས་དེ་དག་གི་ལྷའི་ཕྱོགས་སུ་བསླུ་བར་བྱེད་དོ་ཞེས་བཀའ་བསྩལ་ནའང་། སོ་ལོ་མོན་གྱི་སེམས་དེ་དག་ལ་ཤིན་ཏུ་ཆགས་སོ། །  
\v 3 ཁོང་ལ་བཙུན་མོ་བདུན་བརྒྱ་ཡོད་པ་ཐམས་ཅད་སྲས་མོ་ཡིན་པ་དང་། ཆུན་མ་སུམ་བརྒྱ་ཡོད་པ་དང་། ཆུང་མ་དེ་རྣམས་ཀྱིས་ཁོའི་སེམས་དཀོན་མཆོག་དང་འབྲལ་དུ་བཅུག་གོ །  
\v 4 སོ་ལོ་མོན་སྐུ་ན་བགྲེས་པའི་དུས་སུ། བཙུན་མོ་རྣམས་ཀྱིས་ཁོའི་སེམས་ནི་ཕྱི་པའི་ལྷ་རྣམས་ཀྱི་ཕྱོགས་སུ་བསྒྱུར་བ་དང་། ཁོའི་སེམས་ནི་རང་གི་མེས་པོ་དཱ་བིད་ཀྱི་སེམས་དང་འདྲ་བར་དཀོན་མཆོག་ཡ་ཝཱེ་ལ་ཡོངས་སུ་ཕུལ་མེད་དོ། །  
\v 5 སོ་ལོ་མོན་ཁོང་ཉིད་ཚི་ཏུན་པའི་ལྷ་མོ་ཨ་ཤཱ་ཏ་རོད་དང་ཨམ་མོན་པའི་ལྷ་མིལ་ཀོམ་ཞེན་ལོག་དེའི་རྗེས་སུ་འབྲངས་ཏེ།  
\v 6 སོ་ལོ་མོན་གྱིས་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་ཅིང་། རང་གི་ཡབ་དཱ་བིད་དང་འདྲ་བར་དཀོན་མཆོག་ཡ་ཝཱེའི་རྗེས་སུ་རྩེ་གཅིག་གིས་མ་འབྲངས་སོ། །  
\v 7 དེ་ནས་སོ་ལོ་མོན་གྱིས་མོ་ཨབ་པའི་ཞེན་པ་ལོག་པའི་ལྷ་ཀེ་མོ་སི་དང་། ཨམ་མོན་པའི་ཞེན་པ་ལོག་པའི་ལྷ་མོ་ལེག་གི་ཆེད་དུ་ཡེ་རུ་སཱ་ལེམ་ཤར་ཕྱོགས་ཀྱི་རི་བོར་མཐོ་གླིང་བརྩིགས་སོ། །  
\v 8 ཁོང་གིས་ཕྱི་ཕྱོགས་ཀྱི་བུད་མེད་དེ་རང་གི་བཙུན་མོ་ཐམས་ཅད་ཀྱི་ཕྱིར་དེ་ལྟར་བྱས་པ་དང་། དེ་དག་གིས་རང་གི་ལྷ་རྣམས་ཀྱི་དྲུང་དུ་སྤོས་བདུགས་ནས་མཆོད་པའང་ཕུལ་ཏོ། །   
\p
\v 9 དཀོན་མཆོག་ཡ་ཝཱེ་ཐེངས་གཉིས་ལ་ཁོང་ལ་མངོན་ནའང་། ཁོང་གི་སེམས་ཡེས་ར་ཨེལ་གྱི་དཀོན་མཆོག་ཡ་ཝཱེ་ལས་ལོག་ལམ་དུ་འཁོར་བའི་རྐྱེན་གྱིས་དཀོན་མཆོག་ཡ་ཝཱེ་ནི་སོ་ལོ་མོན་ལ་ཐུགས་ཁྲོས་པར་གྱུར་ཏོ། །  
\v 10 དཀོན་མཆོག་ཡ་ཝཱེས་དེའི་ཆེད་དུ་སྔར་ཁོང་ལ་ལྷ་གཞན་རྣམས་ཀྱི་རྗེས་སུ་འབྲང་མི་ཆོག་པའི་བཀའ་བསྩལ་ཡོད་ཀྱང་། ཁོང་གིས་བཀའ་དེ་མ་བསྲུངས་པ་ཡིན་ནོ། །  
\v 11 དེའི་ཕྱིར་དཀོན་མཆོག་ཡ་ཝཱེས་སོ་ལོ་མོན་ལ་འདི་སྐད་དུ། ཁྱོད་ཀྱིས་དེ་ལྟར་སྤྱད་ཅིང་། བདག་གིས་ཁྱོད་ལ་བསྒོས་པའི་བཀའ་རྒྱ་དང་སྒྲིག་ཁྲིམས་རྣམས་མ་བསྲུངས་པའི་རྐྱེན་གྱིས་ཁྱོད་ཀྱི་རྒྱལ་སྲིད་བླངས་ནས་ཁྱོད་ཀྱི་ཞབས་ཕྱི་ཞིག་ལ་སྦྱིན་པར་བྱའོ། །  
\v 12 འོན་ཀྱང་ཁྱོད་ཀྱི་ཕ་དཱ་བིད་ཀྱི་དོན་དུ་བདག་གིས་ཁྱོད་ཀྱི་ཚེ་འདིར་དེ་བཞིན་མི་བྱ་སྟེ། ཁྱོད་ཀྱི་བུའི་ལག་ནས་རྒྱལ་སྲིད་ལེན་པར་བྱའོ། །  
\v 13 གཞན་ཡང་རྒྱལ་སྲིད་ཐམས་ཅད་ལེན་པར་མི་བྱ། བདག་གི་ཞབས་ཕྱི་དཱ་བིད་ཀྱི་རྐྱེན་དང་། བདག་གིས་བདམས་པའི་ཡེ་རུ་སཱ་ལེམ་གྱི་རྐྱེན་གྱིས་ཚོ་པ་གཅིག་ཁྱོད་ཀྱི་བུ་ལ་སྦྱིན་པར་བྱའོ་ཞེས་གསུངས་སོ། །   
\s1 སོ་ལོ་མོན་གྱི་དགྲ་ཟླ་གཉིས།  
\p
\v 14 དེ་ནས་དཀོན་མཆོག་ཡ་ཝཱེས་ཨེ་དོམ་པ་ཧ་དཱད་བྱ་བ་དེ་སོ་ལོ་མོན་གྱི་དགྲ་རུ་བསླངས་སོ། །དེ་ནི་ཨེ་དོམ་གྱི་རྒྱལ་རྒྱུད་ཡིན།  
\v 15 སྔར་དཱ་བིད་ཀྱིས་ཨེ་དོམ་ཕམ་པར་བརྒྱབ་པའི་སྐབས་སུ། དམག་དཔོན་ཡོ་ཨབ་དམག་སར་གྲོངས་པ་རྣམས་དུར་ལ་སྦ་བར་དེ་རུ་ཕྱིན་པའི་ཚེ། ཁོས་ཨེ་དོམ་ཡུལ་གྱི་སྐྱེས་པ་ཐམས་ཅད་བསད།  
\v 16 ཨེ་དོམ་གྱི་སྐྱེས་པ་ཐམས་ཅད་ཚར་གཅོད་པའི་བར་དུ། ཡོ་ཨབ་དང་ཡེས་ར་ཨེལ་པ་ཐམས་ཅད་དེར་ཟླ་དྲུག་ལ་བསྡད་དོ། །  
\v 17 ཧ་དཱད་ནི་རང་གི་ཕ་ཡི་ཞབས་ཕྱི་ཡིན་པའི་ཨེ་དོམ་པ་ཁ་ཤས་དང་མཉམ་དུ་ཨེ་ཅིབ་ཡུལ་དུ་བྲོས་ཤིང་། དེའི་དུས་སུ་ཧ་དཱད་ནི་བྱིས་པ་ཞིག་ཡིན།  
\v 18 དེ་དག་མིད༌ཡཱན་ཡུལ་ནས་ཆས་ཏེ་ཕཱ་རན་དུ་ཕྱིན་པ་དང་། ཡང་ཕཱ་རན་ནས་མི་འགའ་ཞིག་ཁྲིད་ནས་ཨེ་ཅིབ་ཡུལ་གྱི་རྒྱལ་པོ་ཕཱར་ཨོལ་གྱི་དྲུང་དུ་ཕྱིན་པ་ན། ཕཱར་ཨོལ་གྱིས་ཁོ་ལ་ཁང་པ་དང་ཁ་ཟས་དང་། གཞིས་ཀ་བཅས་སྟེར་བར་བསྒོས་སོ། །  
\v 19 ཕཱར་ཨོལ་ནི་ཧ་དཱད་ལ་ཤིན་ཏུ་མོས་ཤིང་ཁོས་རང་གི་བཙུན་མོའི་ནུ་མོ་སྟེ། རྒྱལ་མོ་ཐག་ཕེ་ནེ་ཡི་ནུ་མོ་ཁོ་ལ་ཆུང་མར་བྱིན་ཏོ། །  
\v 20 དེ་ནས་ཐག་ཕེ་ནེ་ཡི་ནུ་མོས་ཁོ་ལ་བུ་ཞིག་བཙས་ནས། མིང་དུ་རྒེ་ནུ་བཱད་ཅེས་བཏགས་ཏེ། ཐག་ཕེ་ནེ་ཡིས་དེ་ནི་ཕཱར་ཨོལ་གྱི་ཕོ་བྲང་དུ་བསྐྱངས་པ་དང་། རྒེ་ནུ་བཱད་ནི་ཕཱར་ཨོལ་གྱི་ཕོ་བྲང་དུ་ཕཱར་ཨོལ་གྱི་སྲས་རྣམས་དང་ལྷན་དུ་བསྡད།  
\v 21 ཕྱིས་སུ་ཧ་དཱད་ཀྱིས་ཨེ་ཅིབ་ཡུལ་དུ་ཡོད་པའི་ཚེ། དཱ་བིད་ནི་རང་གི་ཕ་མེས་རྣམས་དང་ལྷན་ཅིག་ཏུ་གཟིམས་པ་དང་། དམག་དཔོན་ཡོ་ཨབ་ཤི་ཟིན་པར་ཐོས་ནས་ཁོས་ཕཱར་ཨོལ་ལ། བདག་རང་གི་ཡུལ་དུ་འགྲོ་བར་དགོངས་པ་གནང་རོགས་ཞེས་ཞུས་པ་ལ།  
\v 22 ཕཱར་ཨོལ་གྱིས་ཁོ་ལ། ཁྱོད་ནི་རང་གི་ཡུལ་དུ་འགྲོ་བར་འདོད་དམ། ངའི་རྩར་ཁྱོད་ལ་མི་འདང་བ་ཅི་ཡོད་ཅེས་དྲིས་པའི་ལན་དུ་ཁོ་ན་རེ། མི་འདང་བ་ཅི་ཡང་མེད། འོན་ཀྱང་བདག་སོང་ཆོག་པའི་དགོངས་པ་ཅི་ནས་ཀྱང་གནང་བར་མཛོད་ཅེས་ཞུས་སོ། །   
\p
\v 23 ཡང་དཀོན་མཆོག་གིས་ཨེལ་ཡ་དཱ་ཡི་བུ་རེ་ཟོན་བྱ་བ་དེ་ཡང་སོ་ལོ་མོན་གྱི་དགྲ་རུ་བསླངས་པ་དང་། ཁོ་ནི་རང་ཉིད་ཀྱི་བདག་པོ་སྟེ། ཙོ་བཱ་ཡུལ་གྱི་རྒྱལ་པོ་ཧ་དད་ཨི་སེར་གྱི་དྲུང་ནས་བྲོས་སོང་བ་དེ་ཡིན།  
\v 24 དཱ་བིད་ཀྱིས་ཙོ་བཱ་པ་རྣམས་ལ་རྒོལ་བའི་དུས་སུ། རེ་ཟོན་གྱིས་རང་ཉིད་ལ་མི་འགའ་ཞིག་བསྡུས་ཏེ། ཁོ་ནི་ཇག་ཚོགས་ཀྱི་འགོ་དཔོན་དུ་གྱུར་ཅིང་། ཁོ་དཱ་མེ་སེག་ཏུ་སོང་ནས་དེ་རུ་གཞིས་ཕབ་པ་དང་དཱ་མེ་སེག་གི་རྒྱལ་པོ་བྱས་སོ། །  
\v 25 སོ་ལོ་མོན་གྱི་སྐུ་རིང་ལ་རེ་ཟོན་ནི་ཡེས་ར་ཨེལ་པ་རྣམས་ཀྱི་དགྲ་རུ་ལངས་པ་དང་། ཁོ་ཡེས་ར་ཨེལ་པ་རྣམས་ལ་སྡང་བར་མ་ཟད་ཨ་རམ་པའི་རྒྱལ་པོར་བསྡད། གཞན་ཡང་ཧ་དཱད་ཀྱིས་ཀྱང་རྒྱུན་ཆད་མེད་པར་གནོད་བསྐྱལ་བའོ། །   
\s1 ཡེ་རོབ་ཨམ་གྱིས་ཀྱང་སོ་ལོ་མོན་ལ་ངོ་རྒོལ་བྱས་པ།  
\p
\v 26 སོ་ལོ་མོན་གྱི་ཞབས་ཕྱིའམ་ནེ་བཱད་ཀྱི་བུ་ཡེ་རོབ་ཨམ་གྱིས་ལག་པ་བཀྱགས་ནས་རྒྱལ་པོར་ངོ་རྒོལ་བྱས་པ་དང་། ཁོ་ནི་ཙེ་རེ་དཱ་ཡུལ་གྱི་ཨེ་ཕཱར་ཡིམ་པ་ཞིག་ཡིན་ཞིང་། ཁོའི་མ་ནི་ཡུགས་མོ་ཞིག་ཡིན་ཏེ་མིང་ལ་ཙེ་རུའུ་ཨ་ཞེས་བྱའོ། །  
\v 27 ཁོས་ལག་པ་བཀྱགས་ནས་རྒྱལ་པོར་ངོ་རྒོལ་བྱེད་སྟངས་འདི་ལྟ་སྟེ། སོ་ལོ་མོན་གྱིས་འཛིངས་རགས་བསྐྱར་འཛུགས་བྱེད་དུས་རང་གི་ཡབ་དཱ་བིད་ཀྱི་གྲོང་ཁྱེར་གྱི་ལྕགས་རི་ཞིག་གསོ་བྱས་པ་དང་། །  
\v 28 ཡེ་རོབ་ཨམ་ནི་འཇོན་ཐང་ཅན་ཞིག་ཡིན་ལ། གཞོན་ནུ་དེས་བྱ་བ་སྒྲུབ་སྟངས་སོ་ལོ་མོན་གྱིས་མཐོང་ནས། ཁོ་རང་ཡོ་སེབ་ཚང་གི་ལས་ཁག་ཀུན་གྱི་འགོ་དཔོན་དུ་བཅུག་གོ །  
\v 29 དེའི་དུས་སུ་ཡེ་རོབ་ཨམ་ནི་ཡེ་རུ་སཱ་ལེམ་ནས་ཕྱི་རོལ་ཏུ་འགྲོ་བའི་ཚེ་ན། ལམ་དུ་ཞི་ལོ་པ་ཨ་ཧི་ཡཱ་བྱ་བའི་ལུང་སྟོན་པ་དེ་དང་ཕྲད། ཨ་ཧི་ཡཱས་གོས་གསར་པ་ཞིག་གྱོན་ཡོད་པ་དང་། ཁོ་གཉིས་གཅིག་པུ་གྲོང་གསེབ་དེར་ཡོད་ལ།  
\v 30 ཨ་ཧི་ཡཱས་རང་ལུས་ཀྱི་གོས་གསར་པ་དེ་བཟུང་ནས་བཤགས་པ་དང་དུམ་བུ་བཅུ་གཉིས་སུ་བགོས་ཏེ།  
\v 31 ཡེ་རོབ་ཨམ་ལ། དུམ་བུ་བཅུ་ཁྱོད་ཀྱིས་ལོངས་ཤིག ཡེས་ར་ཨེལ་གྱི་དཀོན་མཆོག་ཡ་ཝཱེས་འདི་སྐད་དུ། ལྟོས་ཤིག བདག་གིས་སོ་ལོ་མོན་གྱི་རྒྱལ་སྲིད་ཕྲོགས་ནས་ཚོ་པ་བཅུ་ཁྱོད་ལ་སྦྱིན་པར་བྱའོ། །  
\v 32 འོན་ཀྱང་བདག་གི་ཞབས་ཕྱི་དཱ་བིད་དང་། ཡེས་ར་ཨེལ་གྱི་ཚོ་པ་ཀུན་ལས་བདམས་པའི་ཡེ་རུ་སཱ་ལེམ་གྱི་ཆེད་དུ། ཚོ་པ་གཅིག་ནི་སོ་ལོ་མོན་ལ་གཏོགས་པར་བྱའོ། །  
\v 33 དེ་དག་གིས་བདག་བསྐྱུར་ཏེ། ཚི་ཏུན་པའི་ལྷ་མོ་ཨ་ཤཱ་ཏ་རོད་དང་མོ་ཨབ་པའི་ལྷ་ཀེ་མོ་སི་དང་། ཨམ་མོན་པའི་ལྷ་མིལ་ཀོམ་བཅས་ལ་ཕྱག་བཙལ་ཏེ། ཁོས་རང་གི་ཡབ་དཱ་བིད་དང་འདྲ་བར་བདག་གི་མཐོང་ངོར་ལས་དྲང་པོ་མ་བྱས་ཤིང་། བདག་གི་སྤྱོད་ལམ་དུ་མ་འགྲུལ་ལ། བདག་གི་སྒྲིག་ཁྲིམས་དང་ཁྲིམས་སྲོལ་རྣམས་མ་བསྲུངས་པས་སོ། །  
\v 34 འོན་ཀྱང་བདག་གིས་རྒྱལ་སྲིད་ཐམས་ཅད་ཁོའི་ལག་ནས་ལེན་པར་མི་བྱ་སྟེ། བདག་གིས་བདམས་པའི་ཞབས་ཕྱི་དཱ་བིད་ཀྱིས་བདག་གི་བཀའ་རྒྱ་དང་སྒྲིག་ཁྲིམས་རྣམས་བསྲུངས་པའི་རྐྱེན་གྱིས། བདག་གིས་ཁོ་མི་ཚེ་ཧྲིལ་པོར་སྲིད་དབང་འཛིན་དུ་འཇུག་གོ །  
\v 35 བདག་གིས་ཁོའི་བུ་ཡི་ལག་ནས་རྒྱལ་སྲིད་བླངས་ཏེ། ཚོ་པ་བཅུ་ཁྱོད་ལ་སྦྱིན་པར་བྱའོ། །  
\v 36 བདག་གི་མིང་འཇོག་པར་བདམས་པའི་གྲོང་ཁྱེར་ཏེ་ཡེ་རུ་སཱ་ལེམ་དུ། ངའི་ཞབས་ཕྱི་དཱ་བིད་ཀྱི་སྒྲོན་མེ་དུས་གཏན་དུ་བདག་གི་མདུན་དུ་སྣང་བའི་ཕྱིར། བདག་གིས་ཚོ་པ་གཅིག་ཁོའི་བུ་ལ་སྦྱིན་པར་བྱའོ། །  
\v 37 ཡང་བདག་གིས་ཁྱོད་རང་གདམ་པར་བྱ་ཞིང་ཁྱོད་ཀྱིས་སེམས་ཀྱི་འདོད་པ་བཞིན་དུ་སྲིད་བྱེད་པ་དང་། ཡེས་ར་ཨེལ་གྱི་རྒྱལ་པོར་འགྱུར་རོ། །  
\v 38 གལ་ཏེ་ཁྱོད་ཀྱིས་ངས་བསྒོ་བ་ཀུན་ལ་མཉན་ནས། ངའི་ཞབས་ཕྱི་དཱ་བིད་ཀྱིས་བྱས་པ་བཞིན་དུ་ངའི་སྤྱོད་ལམ་དུ་འགྲུལ་ཞིང་། བདག་གི་མཐོང་ངོར་ལས་དྲང་པོ་བྱེད་པ་དང་། བདག་གི་སྒྲིག་ཁྲིམས་དང་བཀའ་རྒྱ་རྣམས་བསྲུངས་ན་བདག་ཁྱོད་དང་མཉམ་དུ་གནས་ཤིང་། དཱ་བིད་ཀྱི་ཕྱིར་རྒྱལ་རབས་མཛད་པ་ལྟར་བདག་གིས་ཁྱོད་ལའང་རྒྱལ་རབས་བརྟན་པོ་ཞིག་མཛད་པར་མ་ཟད། ཡེས་ར་ཨེལ་ཡང་ཁྱོད་ལ་སྤྲོད་པར་བྱའོ། །  
\v 39 དེ་བས་ན་བདག་གིས་སོ་ལོ་མོན་གྱི་རྐྱེན་གྱིས་དཱ་བིད་ཀྱི་བུ་རྒྱུད་སྡུག་ལ་སྦྱོར་བར་འགྱུར་མོད། འོན་ཀྱང་རྒྱུན་ནས་རྒྱུན་དུ་དེ་བཞིན་མི་བྱ་གསུངས་ཞེས་སྨྲས་སོ། །  
\v 40 དེ་ནས་སོ་ལོ་མོན་གྱིས་ཡེ་རོབ་ཨམ་གསོད་ཐབས་བྱས་ཀྱང་ཡེ་རོབ་ཨམ་ཡར་ལངས་ནས། ཨེ་ཅིབ་རྒྱལ་པོ་ཤི་ཤག་གི་དྲུང་དུ་བྲོས་ཤིང་། སོ་ལོ་མོན་ཚེ་ལས་འདས་པའི་བར་དུ་ཨེ་ཅིབ་ཡུལ་ནས་བསྡད་དོ། །   
\s1 སོ་ལོ་མོན་ཚེ་ལས་འདས་པ།  
\p
\v 41 ཡང་སོ་ལོ་མོན་གྱི་དོན་གཞན་རྣམས་དང་། ཁོང་གིས་མཛད་པའི་བྱ་བ་ཐམས་ཅད་དང་ཁོའི་ཤེས་རབ་སོགས་ནི། སོ་ལོ་མོན་གྱི་མཛད་རྗེས་ཀྱི་མདོ་ཡི་ནང་དུ་བཀོད་ཡོད་པ་མ་ཡིན་ནམ།  
\v 42 སོ་ལོ་མོན་གྱིས་ཡེ་རུ་སཱ་ལེམ་དུ་ཡེས་ར་ཨེལ་ཡོངས་ལ་སྲིད་བསྐྱངས་པའི་ལོ་གྲངས་ནི་བཞི་བཅུའོ། །  
\v 43 དེ་ནས་སོ་ལོ་མོན་རང་གི་ཕ་མེས་རྣམས་དང་ལྷན་དུ་གཟིམས་པ་དང་། ཡབ་དཱ་བིད་ཀྱི་གྲོང་ཁྱེར་དུ་དུར་ལ་སྦས་སོ། །ཡང་ཁོང་གི་སྲས་རེ་ཧབ་ཨམ་གྱིས་ཁོང་གི་ཚབ་ཏུ་སྲིད་བྱས་པའོ། །   
\c 12
\cl ལེའུ་བཅུ་གཉིས་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 ཡེས་ར་ཨེལ་པ་རྣམས་ཀྱིས་རེ་ཧབ་ཨམ་ལ་ངོ་རྒོལ་བྱས་པ།  
\p
\v 1 དེ་ནས་རེ་ཧབ་ཨམ་ནི་སི་ཀེམ་དུ་ཕྱིན་ཏོ། །ཅིའི་ཕྱིར་ཞེ་ན། ཡེས་ར་ཨེལ་པ་ཐམས་ཅད་ཀྱིས་ཁོང་རྒྱལ་པོར་བསྐོ་བའི་ཆེད་དུ་སི་ཀེམ་དུ་ཕྱིན་པ་རེད།  
\v 2-3 སྐབས་དེར་ནེ་བཱད་ཀྱི་བུ་ཡེ་རོབ་ཨམ་ནི་སྔར་སོ་ལོ་མོན་གྱི་དྲུང་ནས་ཨེ་ཅིབ་ཡུལ་དུ་བྲོས་སོང་སྟེ་གནས་དེར་བསྡད་ཡོད་པ་དང་ཁོས་འཕྲིན་དེ་ཐོས། དེར་ཡེས་ར་ཨེལ་པས་མི་མངགས་ཏེ་ཁོ་བོས་པ་ལ། ཁོ་དང་ཡེས་ར་ཨེལ་པ་ཐམས་ཅད་རེ་ཧབ་ཨམ་གྱི་དྲུང་དུ་འོངས་ནས་ཁོང་ལ་ན་རེ།  
\v 4 ཁྱེད་ཀྱི་ཡབ་ཀྱིས་ངེད་ཅག་ལ་གཉའ་ཤིང་ཤིན་ཏུ་ལྕི་མོ་བཀལ་བྱུང་། ད་ལྟ་ཁྱེད་ཀྱིས་ཉིད་ཀྱི་ཡབ་ཀྱིས་ངེད་ཅག་ལ་བཀལ་བའི་ངལ་ལས་དང་གཉའ་ཤིང་ལྕི་མོ་ཇེ་ཡང་དུ་གཏོང་བར་མཛོད་ཅིག དེ་ནས་ངེད་ཅག་གིས་ཁྱེད་ལ་ཞབས་ཕྱི་བསྒྲུབ་པར་བྱ་ཞེས་ཞུས་པ་དང་།  
\v 5 རེ་ཧབ་ཨམ་གྱིས་དེ་དག་ལ་ན་རེ། ཁྱོད་རྣམས་སྐབས་སུ་ཕྱིར་སོང་ལ། ཉིན་གསུམ་འགོར་རྗེས་ཕྱིར་ངའི་རྩར་ལོག་ཤོག་ཅེས་སྨྲས་པས་དེ་རྣམས་སོང་ངོ་། །  
\v 6 རྒྱལ་པོ་རེ་ཧབ་ཨམ་གྱིས་རང་གི་ཡབ་སོ་ལོ་མོན་བཞུགས་པའི་དུས་སུ་ཁོང་གི་དྲུང་དུ་ཞབས་ཕྱི་སྒྲུབ་མཁན་རྒན་པ་རྣམས་ལ་བློ་དྲིས་ནས་ན་རེ། ངས་མི་རྣམས་ལ་ལན་འདེབས་པར་ཁྱེད་རྣམ་པར་དགོངས་འཆར་ཅི་ཡོད་ཅེས་དྲིས་པར།  
\v 7 དེ་དག་གིས་ལན་དུ། གལ་སྲིད་དེ་རིང་ཉིན་མོར་རྒྱལ་པོ་ཁྱེད་རང་མི་འདི་རྣམས་ཀྱི་ཞབས་ཕྱི་བྱས་ནས་ཁོ་རྣམས་ལ་ཞབས་ཕྱི་སྒྲུབ་པ་དང་། གཏམ་བཟང་པོ་སྨྲས་ན། ཁོ་ཚོ་རྒྱུན་ནས་རྒྱུན་དུ་ཁྱེད་ཀྱི་ཞབས་ཕྱི་བྱེད་པར་འགྱུར་ཞེས་ཞུས་མོད།   
\p
\v 8 འོན་ཀྱང་རྒྱལ་པོས་རྒན་པ་ཚོའི་བཏོན་པའི་བསམ་འཆར་དང་དུ་མ་བླངས་པར། ཁོ་དང་མཉམ་དུ་ནར་སོན་ཞིང་ཁོའི་མདུན་དུ་ཞབས་ཕྱི་སྒྲུབ་པའི་གཞོན་ནུ་དག་ལ་གྲོས་འདྲི་བྱས་ཏེ།  
\v 9 དེ་དག་ལ་ན་རེ། མི་རྣམས་ཀྱིས་བདག་ལ་འདི་ལྟར། ཁྱེད་ཀྱི་ཡབ་ཀྱིས་བདག་ཅག་ལ་བཀལ་བའི་གཉའ་ཤིང་ལྕི་མོ་དེ་ཇེ་ཡང་དུ་གཏོང་བར་མཛོད་ཅིག་ཅེས་ཞུས་པས། ངས་མི་འདི་རྣམས་ལ་ལན་འདེབས་པར་ཁྱོད་རྣམས་ལ་བསམ་ཚུལ་ཅི་ཡོད་ཅེས་དྲིས་པར།  
\v 10 ཁོ་དང་མཉམ་དུ་ནར་སོན་པའི་གཞོན་ནུ་དག་གིས་ཁོ་ལ་འདི་ལྟར། མི་རྣམས་ཀྱིས་རྒྱལ་པོ་ལ། ཁྱེད་ཀྱི་ཡབ་ཀྱིས་ངེད་ཅག་ལ་གཉའ་ཤིང་ལྕི་མོ་བཀལ་བྱུང་། ད་ལྟ་ཁྱེད་ཀྱིས་དེ་ཇེ་ཡང་དུ་གཏོང་བར་མཛོད་ཅེས་ཞུས་པར། རྒྱལ་པོས་ཁོ་རྣམས་ལ་འདི་ལྟར། ངའི་ཡབ་ཀྱི་རྐེད་པ་ལས་ངའི་མཐེབ་ཆུང་སྦོམ་པས་ན།  
\v 11 ངའི་ཡབ་ཀྱིས་ཁྱོད་ཚོར་གཉའ་ཤིང་ལྕི་མོ་གཅིག་བཀལ་བ་དང་། བདག་གིས་ཁྱོད་ཚོར་དེ་ལས་ལྕི་བའི་གཉའ་ཤིང་འགེལ་ངེས། ངའི་ཡབ་ཀྱིས་ཁྱོད་ཚོར་རྟ་ལྕག་གིས་གཞུས་པ་དང་། ངས་ཁྱོད་ཚོར་སྡིག་པ་ར་ཙ་ཅན་གྱི་ལྕག་གིས་གཞུ་བར་བྱ་ཞེས་པའི་བཀའ་ལན་གནང་བར་མཛོད་ཅེས་སྨྲས་སོ། །  
\v 12 ཡང་རྒྱལ་པོས་ཉིན་གསུམ་པར་ངའི་རྩར་ལོག་ཤོག་ཅེས་བསྒོས་པ་ལྟར་དུ། ཡེ་རོབ་ཨམ་དང་མི་ཐམས་ཅད་ཉིན་གསུམ་པར་རེ་ཧབ་ཨམ་གྱི་དྲུང་དུ་འོངས་པ་ལ།  
\v 13 རྒྱལ་པོས་དེ་དག་ལ་ལན་རྩུབ་པོ་མཛད་དེ། ཁོང་གིས་རྒན་པ་དག་གི་གཏམ་ལ་མ་མཉན་པར།  
\v 14 གཞོན་ནུ་དག་གི་གྲོས་བཞིན་དུ་དེ་དག་ལ་ན་རེ། ངའི་ཡབ་ཀྱིས་ཁྱོད་ཚོར་གཉའ་ཤིང་ལྕི་མོ་བཀལ་བ་དང་། བདག་གིས་ཁྱོད་ཚོར་དེ་ལས་ལྕི་བའི་གཉའ་ཤིང་འགེལ་ངེས། ངའི་ཡབ་ཀྱིས་ཁྱོད་ཚོར་རྟ་ལྕག་གིས་གཞུས་པ་དང་། ངས་ཁྱོད་ཚོར་སྡིག་པ་ར་ཙ་ཅན་གྱི་ལྕག་གིས་གཞུ་བར་བྱ་ཞེས་སྨྲས་སོ། །  
\v 15 རྒྱལ་པོས་མི་རྣམས་ཀྱི་ཞུ་བར་མ་མཉན་པ་སྟེ། ཅིའི་ཕྱིར་ཞེ་ན། དཀོན་མཆོག་ཡ་ཝཱེས་ཞི་ལོ་པ་ཨ་ཧི་ཡཱའི་ངག་བརྒྱུད་ནས་ནེ་བཱད་ཀྱི་བུ་ཡེ་རོབ་ཨམ་ལ་གསུངས་པའི་བཀའ་དེ་འགྲུབ་པའི་ཕྱིར་དུ། འགྱུར་བ་དེ་ནི་དཀོན་མཆོག་ཡ་ཝཱེ་ནས་བྱུང་བ་ཡིན་ནོ། །   
\p
\v 16 དེར་ཡེས་ར་ཨེལ་པ་རྣམས་ཀྱིས་རྒྱལ་པོས་ཁོ་རྣམས་ཀྱི་ཞུ་བར་མི་མཉན་པ་མཐོང་བས། རྒྱལ་པོར་ལན་བཟློགས་ཏེ་འདི་ལྟར། ངེད་རྣམས་ལ་དཱ་བིད་ལས་སྐལ་ཅི་ཡོད། ངེད་རྣམས་ལ་ཡེ་སེ་ཡི་བུ་ལས་ནོར་སྐལ་ཅི་ཡང་མེད། ཀྱེ་ཡེས་ར་ཨེལ་པ་རྣམས། རང་རང་གི་ཁྱིམ་དུ་ལོག་ཅིག ཀྱེ་དཱ་བིད་ལགས། ད་ནི་རང་གི་ཁྱིམ་ལ་བདག་སྐྱོང་གྱིས་ཤིག་ཅེས་སྨྲས་ནས་ཡེས་ར་ཨེལ་པ་ཐམས་ཅད་རང་རང་གི་ཁྱིམ་དུ་ལོག  
\v 17 རེ་ཧབ་ཨམ་ནི་སྔར་བཞིན་ཡ་ཧུ་དཱའི་གྲོང་ཁྱེར་དག་ཏུ་སྡོད་པའི་ཡེས་ར་ཨེལ་པ་རྣམས་ཀྱི་རྒྱལ་པོར་བྱས།  
\v 18 ཡང་རེ་ཧབ་ཨམ་གྱིས་སྡུག་ལས་རྒྱག་མཁན་རྣམས་ལ་ལྟ་སྐུལ་བྱེད་པའི་ཨ་དོ་རམ་མངགས་ནས་སོང་བ་དང་། ཡེས་ར་ཨེལ་པ་རྣམས་ཀྱིས་དེ་རྡོ་རུབ་བཏང་ནས་བསད། དེར་རྒྱལ་པོ་རེ་ཧབ་ཨམ་ནི་རྟབ་རྟབ་པོར་ཤིང་རྟར་བསྡད་ནས་ཡེ་རུ་སཱ་ལེམ་དུ་བྲོས།  
\v 19 དེ་བཞིན་ཡེས་ར་ཨེལ་པ་རྣམས་ཀྱིས་དེ་རིང་གི་བར་དུ་དཱ་བིད་ཚང་ལ་ངོ་ལོག་བྱས་པའོ། །   
\p
\v 20 དེ་ནས་ཡེས་ར་ཨེལ་པ་ཡོངས་ཀྱིས་ཡེ་རོབ་ཨམ་ཕྱིར་ལོག་པ་ཐོས་ནས། མི་ཚོགས་ཀྱི་མདུན་དུ་འོང་བའི་ཕྱིར་འབོད་མཁན་བཏང་ཞིང་། ཡེས་ར་ཨེལ་པ་ཐམས་ཅད་ཀྱི་རྒྱལ་པོར་བསྐོས་པས། ཡ་ཧུ་དཱའི་ཚོ་པ་ལས་གཞན་དཱ་བིད་ཚང་གི་རྗེས་སུ་འབྲང་མཁན་མེད་དོ། །   
\p
\v 21 རེ་ཧབ་ཨམ་ནི་ཡེ་རུ་སཱ་ལེམ་དུ་སླེབས་པ་དང་། ཡེས་ར་ཨེལ་ཁྱིམ་རྒྱུད་དང་འཐབ་ནས་རྒྱལ་སྲིད་ཕྱིར་བླངས་ཏེ་སོ་ལོ་མོན་གྱི་སྲས་རེ་ཧབ་ཨམ་ལ་འཐོབ་པའི་ཕྱིར། ཡ་ཧུ་དཱའི་ཁྱིམ་རྒྱུད་དང་པེན་ཡཱ་མེན་གྱི་ཚོ་པ་ལས་དམག་མི་དཔའ་རྩལ་ཅན་བསྡོམས་པས་མི་ཆིག་འབུམ་བརྒྱད་ཁྲི་བསྡུས་པའོ། །  
\v 22 འོན་ཀྱང་དཀོན་མཆོག་གི་སྐྱེས་བུ་ཤེ་མ་ཡཱ་བྱ་བ་ལ་དཀོན་མཆོག་གི་བཀའ་བྱུང་ནས་འདི་སྐད་དུ།  
\v 23 ཁྱོད་སོང་ནས་རྒྱལ་པོ་སོ་ལོ་མོན་གྱི་སྲས་ཏེ་ཡ་ཧུ་དཱའི་རྒྱལ་པོ་རེ་ཧབ་ཨམ་དང་། ཡ་ཧུ་དཱ་དང་པེན་ཡཱ་མེན་གྱི་ཁྱིམ་རྒྱུད་ཡོངས་དང་། དེའི་འཕྲོའི་མི་ཐམས་ཅད་ལ་འདི་ལྟར་སྦྲོན་ཅིག  
\v 24 དཀོན་མཆོག་ཡ་ཝཱེས་འདི་སྐད་དུ། ཁྱོད་ཚོ་ཡར་སོང་ནས་རང་གི་སྤུན་ཡེས་ར་ཨེལ་པ་རྣམས་ལ་དམག་རྒྱག་མི་རུང་། དོན་འདི་ནི་བདག་ལས་བྱུང་བ་ཡིན་པས། ཁྱོད་རྣམས་རང་རང་གི་ཁྱིམ་དུ་ལོག་ཅིག་གསུངས་ཞེས་སྨྲོས་ཤིག་ཅེས་གསུངས་པ་དང་། དེ་ཚོས་དཀོན་མཆོག་ཡ་ཝཱེའི་བཀའ་ལ་མཉན་ཏེ་ཕྱིར་རང་ཡུལ་དུ་ལོག་པའོ། །   
\s1 ཡེས་ར་ཨེལ་གྱིས་གསེར་གྱི་བ་ཕྲུག་གཉིས་ལྷ་རྟེན་བྱས་པ།  
\p
\v 25 དེ་ནས་ཡེ་རོབ་ཨམ་གྱིས་ཨེ་ཕཱར་ཡིམ་རི་བོར་སི་ཀེམ་གྲོང་ཁྱེར་བརྩིགས་ནས་དེར་གཞིས་ཕབ་པ་དང་། ཡང་ཡུལ་དེ་ནས་ཕྱི་རུ་ཐོན་ཏེ་ཕཱ་ནེ་ཨེལ་གྲོང་ཁྱེར་བརྩིགས་སོ། །  
\v 26 དེ་ནས་ཡེ་རོབ་ཨམ་གྱི་སེམས་སུ། ད་ལྟ་རྒྱལ་སྲིད་ནི་སྔར་བཞིན་དཱ་བིད་ཀྱི་ཁྱིམ་ལ་དབང་བར་འགྱུར་སྲིད།  
\v 27 གལ་ཏེ་མི་འདི་རྣམས་ཡར་ཡེ་རུ་སཱ་ལེམ་དུ་ཡོད་པའི་དཀོན་མཆོག་ཡ་ཝཱེའི་མཆོད་ཁང་ལ་སོང་ནས་མཆོད་པ་ཕུལ་ན། ཁོ་རྣམས་ཀྱི་སེམས་ནི་ཕྱིར་རང་གི་བདག་པོ་སྟེ་ཡ་ཧུ་དཱའི་རྒྱལ་པོ་རེ་ཧབ་ཨམ་གྱི་ཕྱོགས་སུ་འཁོར་ཞིང་བདག་གསོད་པར་འགྱུར་སྙམ་པས།  
\v 28 རྒྱལ་པོས་སེམས་ཐག་བཅད་ནས་གསེར་གྱི་བ་ཕྲུག་གཉིས་བཟོས་ཏེ་མི་རྣམས་ལ། ཀྱེ་ཡེས་ར་ཨེལ་པ་རྣམས། ཁྱོད་ཅག་ཡེ་རུ་སཱ་ལེམ་དུ་ཡར་འགྲོ་བར་དཀའ་སྡུག་ཡོད། ལྟོས་དང་། ཁྱོད་ཅག་ཨེ་ཅིབ་ཡུལ་ནས་ཕྱི་རུ་ཁྲིད་འོངས་པའི་ལྷ་ནི་འདི་རུ་ཡོད་ཅེས་སྨྲས་ནས།  
\v 29 ཁོས་བ་ཕྲུག་གཅིག་པེད་ཨེལ་དུ་བཞག་པ་དང་བ་ཕྲུག་ཅིག་ཤོས་དེ་དཱན་ཞེས་པར་བཞག་གོ །  
\v 30 ཡེས་ར་ཨེལ་པ་རྣམས་དཱན་ཡུལ་གྱི་གསེར་གྱི་བ་ཕྲུག་ལ་བསྙེན་བཀུར་བྱེད་དུ་ཕྱིན་པས་དེ་ནི་ཁོ་རྣམས་ཀྱི་སྡིག་པའི་རྒྱུ་རུ་གྱུར་ཏོ། །  
\v 31 ཡང་ཁོས་མཐོ་གླིང་རྣམས་སུ་མཆོད་ཁང་བཞེངས་པ་དང་། ལེ་ཝི་པ་མ་ཡིན་པའི་སྐྱེ་བོ་ཕལ་བ་རྣམས་མཆོད་དཔོན་དུ་བསྐོས་སོ། །   
\p
\v 32 ཡང་ཡེ་རོབ་ཨམ་གྱིས་ཡ་ཧུ་དཱ་ཡི་དུས་ཆེན་དང་འདྲ་བའི་དུས་ཆེན་ཞིག་ཟླ་བརྒྱད་པའི་ཚེས་བཅོ་ལྔ་ལ་བཙུགས་ཤིང་། ཁོ་རང་གིས་མཆོད་ཁྲིའི་སྟེང་སྦྱིན་སྲེག་ཕུལ་ཏོ། །དེ་བཞིན་དུ་པེད་ཨེལ་དུའང་རང་གིས་བཟོས་པའི་བ་ཕྲུག་གཉིས་ཀྱི་མདུན་དུ་དམར་མཆོད་ཕུལ་ཞིང་། ཁོས་པེད་ཨེལ་དུ་བརྩིགས་པའི་མཐོ་གླིང་རྣམས་ཀྱི་ཕྱིར་མཆོད་དཔོན་རྣམས་ཀྱང་བསྐོས་སོ། །  
\v 33 ཟླ་བ་བརྒྱད་པའི་ཚེས་བཅོ་ལྔའི་ཉིན་ཏེ། རང་གི་སེམས་ནས་རང་དགར་ཡེས་ར་ཨེལ་གྱི་དུས་ཆེན་དུ་བཙུགས་པའི་ཉིན་མོ་དེ་ལ། པེད་ཨེལ་དུ་ཁོ་རང་གིས་བཞེངས་པའི་མཆོད་ཁྲིའི་ཁར་མཆོད་པ་ཕུལ་ནས་བསང་བཏང་ངོ་། །   
\c 13
\cl ལེའུ་བཅུ་གསུམ་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 ལུང་སྟོན་པ་ཞིག་གིས་རྒྱལ་པོ་ཡེ་རོབ་ཨམ་ལ་བཀའ་བཀྱོན་གནང་བ།  
\p
\v 1 ཡེ་རོབ་ཨམ་གྱིས་མཆོད་ཁྲིའི་མདུན་དུ་ལངས་ནས་བསང་གཏོང་བའི་སྐབས་སུ། དཀོན་མཆོག་ཡ་ཝཱེའི་བཀའ་བཞིན་དུ་དཀོན་མཆོག་གི་སྐྱེས་བུ་ཞིག་ཡ་ཧུ་དཱ་ནས་པེད་ཨེལ་དུ་སླེབས་པ་དང་།  
\v 2 དཀོན་མཆོག་གི་སྐྱེས་བུ་དེས་དཀོན་མཆོག་ཡ་ཝཱེའི་བཀའ་ལ་བརྟེན་ནས་མཆོད་ཁྲི་ལ་སྐད་ཆེན་པོས་འདི་ལྟར། ཀྱེ་མཆོད་ཁྲི། ཀྱེ་མཆོད་ཁྲི། དཀོན་མཆོག་ཡ་ཝཱེས་འདི་སྐད་དུ། ཀྱེ་ཧོ། དཱ་བིད་ཀྱི་ཁྱིམ་རྒྱུད་ལས་ཡོ་ཤི་ཡཱ་ \f + \ft ཡོ་ཤི་ཡཱ་ཞེས་བྱ་བ་ནི་དཱ་བིད་ཀྱི་རྒྱལ་རྒྱུད་ལས་ཡ་ཧུ་དཱ་ཡུལ་གྱི་རྒྱལ་པོ་ཡིན་ཏེ། ཁོ་ནི་སྤྱི་ལོའི་སྔོན་གྱི་640ལོར་སྐྱེས་པ་རེད། རྒྱལ་པོ་ཡོ་ཤི་ཡཱའི་ལོ་རྒྱུས་ནི་རྒྱལ་རབས་གཉིས་པའི་ལེའུ་ཉེར་གཉིས་དང་ཉེར་གསུམ། སྔོན་རབས་གཉིས་པའི་ལེའུ་སོ་བཞི་དང་སོ་ལྔ་བཅས་སུ་བཀོད་ཡོད་པས་དེར་གཟིགས་རོགས། \f*བྱ་བའི་བུ་ཞིག་འཁྲུང་བར་འགྱུར་བ་དང་། ཁོང་གིས་ཁྱོད་ཀྱི་སྟེང་དུ་མཐོ་གླིང་གི་སྤོས་གདུག་མཁན་མཆོད་དཔོན་རྣམས་ནི་མཆོད་པར་འབུལ་ཞིང་ཁྱོད་ཀྱི་སྟེང་དུ་མིའི་རུས་པ་བསྲེག་པར་བྱའོ་ཞེས་གསུངས་སོ་ཞེས་བསྒྲགས་སོ། །  
\v 3 ཡང་ཉིན་དེ་ལ་དཀོན་མཆོག་གི་སྐྱེས་བུ་དེས་རྟགས་ཤིག་བསྟན་ནས་འདི་ལྟར། འདི་ནི་དཀོན་མཆོག་ཡ་ཝཱེས་གསུངས་པའི་རྟགས་ཡིན། ཀྱེ་ཧོ། མཆོད་ཁྲི་གས་ནས། དེའི་སྟེང་དུ་ཡོད་པའི་ཐལ་བ་འབོ་བར་འགྱུར་རོ་ \f + \ft རྒྱལ་པོ་ཡོ་ཤི་ཡཱ་ཡིས་ཡེ་རོབ་ཨམ་གྱིས་བརྩིགས་པའི་མཆོད་ཁྲི་འགས་གཏོར་བྱས་པའི་ལོ་རྒྱུས་ནི་རྒྱལ་རབས་གཉིས་པའི་ལེའུ་ཉེར་གསུམ་པའི་ཚིག་རྐང་བཅོ་ལྔ་དང་བཅུ་དྲུག་པ་བཅས་སུ་བཀོད་ཡོད།\f*ཞེས་སྨྲས་པ་ལ།  
\v 4 དཀོན་མཆོག་གི་སྐྱེས་བུ་དེས་པེད་ཨེལ་གྱི་མཆོད་ཁྲི་ལ་བསྒྲགས་པའི་འབོད་ཚིག་དེ་རྒྱལ་པོ་ཡེ་རོབ་ཨམ་གྱིས་ཐོས་པས། ཁོས་མཆོད་ཁྲིའི་སྟེང་ནས་ལག་པ་བརྐྱངས་ཏེ། མི་དེ་ཟུངས་ཤིག་བསྒོས་པ་དང་། ཕྱི་རུ་བརྐྱངས་པའི་ལག་པ་དེ་བསྐམས་པར་གྱུར་ཏེ་རང་གི་ཕྱོགས་སུ་འགུག་མ་ནུས་སོ། །  
\v 5 དཀོན་མཆོག་གི་སྐྱེས་བུ་དེས་དཀོན་མཆོག་ཡ་ཝཱེའི་བཀའ་ལ་བརྟེན་ནས་མངོན་པར་ཕྱུང་བའི་རྟགས་ནང་བཞིན། མཆོད་ཁྲི་གས་ནས་ཐལ་བ་འཕོས་སོ། །  
\v 6 དེ་ནས་རྒྱལ་པོས་དཀོན་མཆོག་གི་སྐྱེས་བུ་དེ་ལ། ཁྱེད་ཀྱིས་ཕྲན་གྱི་དོན་དུ་རང་གི་དཀོན་མཆོག་ཡ་ཝཱེ་ལ་ཞུ་བ་བྱས་ཏེ། ཕྲན་གྱི་ལག་པ་སླར་གསོ་བའི་ཕྱིར་ངའི་དོན་དུ་སྨོན་ལམ་འདེབས་རོགས་ཞེས་ཞུས་པ་དང་། དཀོན་མཆོག་གི་སྐྱེས་བུ་དེས་དཀོན་མཆོག་ཡ་ཝཱེ་ལ་གསོལ་བ་བཏབ་ནས་རྒྱལ་པོའི་ལག་པ་སླར་སོས་ནས་སྔར་བཞིན་གྱུར་ཏོ། །  
\v 7 དེ་ནས་རྒྱལ་པོས་དཀོན་མཆོག་གི་སྐྱེས་བུ་དེ་ལ། ང་དང་མཉམ་དུ་རྒྱལ་པོའི་ཕོ་བྲང་ལ་ཤོག་དང་། ཁ་ཟས་ཉུང་ཙམ་སྤྱད་ནས་ལུས་ལ་སྟོབས་ཤུགས་རྒྱས་པར་མཛོད། ངས་ཁྱེད་ལ་རྔན་པ་ཞིག་ཀྱང་སྦྱིན་ཡོང་ཞེས་སྨྲས་ཀྱང་།  
\v 8 དཀོན་མཆོག་གི་སྐྱེས་བུ་དེས་རྒྱལ་པོ་ལ། གལ་ཏེ་ཁྱོད་ཀྱིས་ང་ལ་རང་གི་ཕོ་བྲང་གི་ཕྱེད་ཀ་སྦྱིན་ཡང་ང་རང་ཁྱོད་དང་མཉམ་དུ་མི་འགྲོ། ཡུལ་འདིར་ངས་ཟས་མི་བཟའ་ལ་ཆུ་ཡང་མི་འཐུང་།  
\v 9 གང་ལ་ཞེ་ན། དཀོན་མཆོག་ཡ་ཝཱེས་ང་ལ་འདི་སྐད་དུ། ཁྱོད་ཀྱིས་ཟས་ཀྱང་མ་བཟའ། ཆུ་ཡང་མ་འཐུང་ཞིག ལམ་གང་ནས་ཕྱིན་པ་དེར་ཕྱིར་མ་ལོག་ཅིག་ཅེས་ནན་གྱིས་བསྐུལ་ཏོ་ཞེས་སྨྲས་སོ། །  
\v 10 དེ་ནས་དཀོན་མཆོག་གི་སྐྱེས་བུ་ནི་པེད་ཨེལ་དུ་འོངས་པའི་ལམ་ནས་ཕྱིར་མ་ལོག་པར་ལམ་གཞན་དུ་ཞུགས་སོ། །   
\p
\v 11 དེའི་དུས་སུ་ལུང་སྟོན་པ་རྒན་པ་ཞིག་པེད་ཨེལ་དུ་བཞུགས་ཡོད་ལ། ཁོང་གི་བུ་རྣམས་འོངས་ནས། དཀོན་མཆོག་གི་སྐྱེས་བུ་ཡིས་ཉིན་དེར་པེད་ཨེལ་ནས་མཛད་པའི་དོན་རྣམས་ཁོང་ལ་ཞུས་ཤིང་། རྒྱལ་པོ་ལ་སྨྲས་པའི་ཚིག་རྣམས་ཀྱང་ཕ་ལ་སྨྲས་སོ། །  
\v 12 དེ་ནས་དེ་དག་གི་ཕ་ཡིས་ཁོ་རྣམས་ལ། དཀོན་མཆོག་གི་སྐྱེས་བུ་དེ་ལམ་གང་དུ་ཞུགས་སམ་ཞེས་དྲིས་པས། ཁོང་གི་བུ་རྣམས་ཀྱིས་ཡ་ཧུ་དཱ་ནས་འོངས་པའི་དཀོན་མཆོག་གི་སྐྱེས་བུ་དེ་ལམ་གང་ནས་ལོག་སོང་བ་དེ་བསྟན་པ་རེད།  
\v 13 དེར་ཁོང་གིས་རང་གི་བུ་རྣམས་ལ། ངའི་དོན་དུ་བོང་བུར་སྒ་སྟོད་ཅིག་ཅེས་སྨྲས་པ་དང་། དེ་དག་གིས་ཁོང་གི་དོན་དུ་བོང་བུར་སྒ་བསྟད་པ་དང་ཁོ་དེ་ལ་བཞོན་ཏེ།  
\v 14 དཀོན་མཆོག་གི་སྐྱེས་བུའི་རྗེས་སུ་སོང་བ་དང་། ཁོང་བེ་ཤིང་གི་འོག་ཏུ་བསྡད་ཡོད་པར་ཕྲད་ཅིང་ཁོང་ལ་ན་རེ། ཁྱེད་རང་ཡ་ཧུ་དཱ་ནས་བྱོན་པའི་དཀོན་མཆོག་གི་སྐྱེས་བུ་དེ་ཡིན་ནམ་ཞེས་དྲིས་པ་ན། ཁོང་གིས་བདག་ནི་དེ་ཡིན་ཞེས་ལན་བཏབ་བོ། །  
\v 15 དེ་ནས་ལུང་སྟོན་པ་རྒན་པ་དེས་ཁོང་ལ། ཁྱེད་རང་བདག་དང་མཉམ་དུ་ཁྱིམ་ལ་ཕེབས་ནས་ཁ་ཟས་བཞེས་རོགས་ཞེས་ཞུས་ཀྱང་།  
\v 16 ཁོང་ན་རེ། བདག་ཁྱོད་དང་མཉམ་དུ་ཕྱིར་ལོག་པར་མི་འོས། ནང་དུ་ཡང་འགྲོ་མི་འོས། ཡུལ་འདིར་བདག་གིས་ཁྱོད་དང་ལྷན་དུ་ཟས་མི་བཟའ་ལ་ཆུ་ཡང་མི་འཐུང་།  
\v 17 གང་ལ་ཞེ་ན། དཀོན་མཆོག་ཡ་ཝཱེས་བདག་ལ་འདི་སྐད་དུ། ཁྱོད་ཀྱིས་དེ་རུ་ཟས་ཀྱང་མ་བཟའ་ཆུ་ཡང་མ་འཐུང་ཞིག ལམ་གང་ནས་ཕྱིན་པ་དེར་ཕྱིར་མ་ལོག་ཅིག་ཅེས་བཀའ་གནང་ངོ་ཞེས་སྨྲས་པར།  
\v 18 ལུང་སྟོན་པ་རྒན་པ་དེས་ཁོང་ལ། ང་ཡང་ཁྱེད་དང་འདྲ་བའི་ལུང་སྟོན་པ་ཞིག་ཡིན། ཕོ་ཉ་ཞིག་གིས་དཀོན་མཆོག་ཡ་ཝཱེའི་བཀའ་ལ་བརྟེན་ནས་ང་ལ་འདི་ལྟར། མི་དེས་ཟས་བཟའ་བ་དང་ཆུ་འཐུང་བར་ཁོང་ཁྱོད་དང་མཉམ་དུ་ཁྲིད་ནས་རང་གི་ཁྱིམ་ལ་ལོག་ཅིག་ཅེས་གསུངས་སོ་ཞེས་རྫུན་སྨྲས་སོ། །  
\v 19 དེ་བས་དཀོན་མཆོག་གི་སྐྱེས་བུ་ནི་ཁོང་དང་མཉམ་དུ་ཕྱིར་ལོག་ནས། ཁོང་གི་ཁྱིམ་དུ་ཁ་ཟས་སྤྱད་དེ་ཆུ་ཡང་འཐུང་བའོ། །  
\v 20 ཁོང་གཉིས་ཀ་གསོལ་ལྕོག་མདུན་དུ་བསྡད་ནས་བཟའ་བཏུང་ལ་རོལ་བཞིན་པའི་སྐབས་སུ། དཀོན་མཆོག་གི་སྐྱེས་བུ་ཕྱིར་ཁྲིད་འོངས་པའི་ལུང་སྟོན་པ་ལ་དཀོན་མཆོག་ཡ་ཝཱེའི་བཀའ་བྱུང་བ་དང་།  
\v 21 ཁོང་གིས་ཡ་ཧུ་དཱ་ནས་འོངས་པའི་དཀོན་མཆོག་གི་སྐྱེས་བུ་དེ་ལ་སྐད་ཆེན་པོས། དཀོན་མཆོག་ཡ་ཝཱེས་འདི་སྐད་དུ། ཁྱོད་ནི་དཀོན་མཆོག་ཡ་ཝཱེའི་བཀའ་ལ་འགལ་ཞིང་། ཁྱོད་ཀྱི་དཀོན་མཆོག་ཡ་ཝཱེས་གསུངས་པའི་བཀའ་རྒྱ་ཡང་མ་བསྲུངས་པར།  
\v 22 དེ་ལས་ལྡོག་སྟེ་དཀོན་མཆོག་ཡ་ཝཱེས་ཁྱོད་ལ་ཟས་མ་བཟའ་ཆུ་ཡང་མ་འཐུང་ཞེས་བསྒོས་པའི་གནས་འདི་རུ་ཟས་ཀྱང་སྤྱད་ལ་ཆུ་ཡང་འཐུང་བས། ཁྱོད་ཀྱི་བེམ་པོ་ནི་ཁྱོད་ཀྱི་ཕ་མེས་རྣམས་ཀྱི་དུར་ས་རུ་སླེབས་པར་མི་འགྱུར་ཞེས་གསུངས་ཞེས་སྨྲས་སོ། །   
\p
\v 23 ཁོང་གིས་ཟས་སྤྱད་དེ་ཆུ་ཡང་འཐུང་ཟིན་པ་དང་། ལུང་སྟོན་པ་རྒན་པ་དེས་རང་གིས་ཕྱིར་ཁྲིད་འོངས་པའི་ལུང་སྟོན་པ་དེའི་དོན་དུ་བོང་བུར་སྒ་བསྟད་ཅིང་།  
\v 24 དེ་ནས་ཁོང་ལམ་དུ་ཞུགས་པ་དང་། ལམ་བར་དུ་སེང་གེ་ཞིག་དང་ཕྲད་ནས། དེས་ཁོང་ལ་སོ་བཏབ་ནས་བསད་པས་ཁོང་གི་བེམ་པོ་ལམ་ཁར་འཕངས་ཏེ། བོང་བུ་བེམ་པོའི་རྩར་ཀྲོང་ངེར་བསྡད། སེང་གེ་ཡང་བེམ་པོའི་རྩར་ཙོག་གེར་བསྡད་དོ། །  
\v 25 ཀྱེ་ཧོ། དེའི་མཐའ་འཁོར་ནས་མི་རྣམས་ཆས་ཤིང་། བེམ་པོ་ལམ་ཁར་འཕངས་ཏེ། དེའི་རྩར་སེང་གེ་ཞིག་ཙོག་གེར་བསྡད་ཡོད་པ་མཐོང་ནས་མི་དེ་རྣམས་ལུང་སྟོན་པ་རྒན་པ་དེའི་གྲོང་ཁྱེར་དུ་ཕྱིན་ནས་གཏམ་སྨྲས་པས།  
\v 26 དཀོན་མཆོག་གི་སྐྱེས་བུ་ལམ་ནས་ཕྱིར་ཁྲིད་འོངས་པའི་ལུང་སྟོན་པ་དེས་གཏམ་དེ་ཐོས་ནས་ན་རེ། དེ་ནི་དཀོན་མཆོག་ཡ་ཝཱེའི་བཀའ་ལ་འགལ་བའི་དཀོན་མཆོག་གི་སྐྱེས་བུ་དེ་ཡིན། དཀོན་མཆོག་ཡ་ཝཱེས་ཁོང་ལ་གསུངས་པའི་བཀའ་བཞིན་དུ། ཁོང་སེང་གེ་ལ་གཏད་པ་དང་། སེང་གེས་ཁོང་རལ་ཏེ་བསད་པ་ལགས་ཞེས་སྨྲས་སོ། །  
\v 27 ཡང་ལུང་སྟོན་པ་རྒན་པ་དེས་རང་གི་བུ་རྣམས་ལ། ངའི་དོན་དུ་བོང་བུར་སྒ་སྟོད་ཅིག་ཅེས་སྨྲས་ནས་དེ་དག་གིས་སྒ་བསྟད་དོ། །  
\v 28 དེ་ནས་ཁོང་ལམ་དུ་ཆས་པ་དང་། དཀོན་མཆོག་གི་སྐྱེས་བུ་དེའི་བེམ་པོ་ལམ་ཁར་འཕངས་ནས་ཡོད་པ་རྙེད་ཅིང་། བོང་བུ་དང་སེང་གེ་གཉིས་བེམ་པོའི་རྩར་ཀྲོང་ངེར་ལངས་བསྡད་ཡོད་པ་དང་། སེང་གེས་བེམ་པོ་མ་ཟོས་ལ་བོང་བུར་གནོད་ཀྱང་མ་བསྐྱལ་བ་མཐོང་ངོ་། །  
\v 29 དཀོན་མཆོག་གི་སྐྱེས་བུ་ལ་མྱ་ངན་བྱས་ཏེ་དུར་ལ་འཇུག་པའི་ཆེད་དུ་ལུང་སྟོན་པ་རྒན་པ་དེས་ཁོང་གི་བེམ་པོ་བླངས་ཏེ་བོང་བུ་ལ་བཀལ་ནས་གྲོང་ཁྱེར་དུ་ཁྱེར་བའོ། །  
\v 30 ལུང་སྟོན་པ་རྒན་པ་དེས་ཁོང་གི་བེམ་པོ་རང་གི་དུར་ཁུང་དུ་བཞག་པ་དང་། མི་རྣམས་ཀྱིས་ངེད་ཅག་གི་སྤུན། ཀྱེ་ཧུད་ཅེས་སྨྲས་ཤིང་། ཁོང་གི་ཆེད་དུ་མྱ་ངན་བྱས་སོ། །  
\v 31 ཁོང་དུར་ལ་སྦས་རྗེས་ལུང་སྟོན་པ་རྒན་པས་རང་གི་བུ་རྣམས་ལ། ང་ཚེ་ལས་འདས་པའི་ཚེ་ཁྱོད་ཅག་གིས་ང་རང་དཀོན་མཆོག་གི་སྐྱེས་བུ་དེའི་དུར་ཁུང་ལ་སྦོས་ཤིག ངའི་རུས་པ་རྣམས་ཀྱང་ཁོང་གི་རུས་པའི་རྩར་ཞོག་ཅིག  
\v 32 ཅིའི་ཕྱིར་ཞེ་ན། པེད་ཨེལ་ཡུལ་གྱི་མཆོད་ཁྲི་དང་། སཱ་མར་ཡ་ཡུལ་གྱི་གྲོང་ཁྱེར་ཐམས་ཅད་དུ་ཡོད་པའི་མཐོ་གླིང་སྟེང་གི་མཆོད་ཁང་རྣམས་ལ་ཁོང་གིས་དཀོན་མཆོག་ཡ་ཝཱེའི་བཀའ་ལྟར་གཏམ་བསྒྲགས་པ་བཞིན་ངེས་པར་འབྱུང་བར་འགྱུར་བའི་ཕྱིར་རོ་ཞེས་སྨྲས་སོ། །   
\p
\v 33 དོན་དེའི་རྗེས་སུ་ཡེ་རོབ་ཨམ་གྱིས་རང་གི་སྤྱོད་པ་ངན་པའི་ལམ་མ་སྤངས་ཏེ། སླར་ཡང་སྐྱེ་བོ་ཕལ་བ་རྣམས་མཐོ་གླིང་གི་མཆོད་དཔོན་དུ་བསྐོས་ཤིང་། འདོད་མོས་ཅན་རྣམས་ཁོས་དམ་པར་བྱས་ནས་མཐོ་གླིང་གི་མཆོད་དཔོན་དུ་བསྐོས་སོ། །  
\v 34 དོན་དེ་ནི་ཡེ་རོབ་ཨམ་ཁྱིམ་རྒྱུད་ཀྱི་སྡིག་པའི་རྒྱུ་རུ་གྱུར་ནས། དེ་དག་ནི་ས་སྟེང་ནས་མེད་པ་དང་སྟོང་པར་གྱུར་ཏོ། །   
\c 14
\cl ལེའུ་བཅུ་བཞི་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 ལུང་སྟོན་པ་ཨ་ཧི་ཡཱ་ཡིས་ཡེ་རོབ་ཨམ་ལ་ལུང་བསྟན་པ།  
\p
\v 1 སྐབས་དེར་ཡེ་རོབ་ཨམ་གྱི་བུ་ཨ་བི་ཡཱ་ཞེས་པ་ན་བར་གྱུར་པ་དང་།  
\v 2 ཡེ་རོབ་ཨམ་གྱིས་རང་གི་ཆུང་མ་ལ་ཡར་ལོངས་ཤིག ཁྱོད་ཡེ་རོབ་ཨམ་གྱི་ཆུང་མ་ཡིན་པ་གཞན་ལ་ཤེས་སུ་མི་འཇུག་པའི་ཕྱིར་དུ། རང་གི་གྱོན་ཆས་བསྒྱུར་ཏེ་ཞི་ལོ་གྲོང་ཁྱེར་དུ་སོང་དང་། དེ་རུ་ང་ལ་ཁྱོད་ནི་མི་འདི་རྣམས་ཀྱི་རྒྱལ་པོར་འགྱུར་རོ་ཞེས་གསུངས་པའི་ལུང་སྟོན་པ་ཨ་ཧི་ཡཱ་ཡོད་དེ།  
\v 3 ཁྱོད་ཀྱིས་བག་ལེབ་བཅུ་དང་། སྣུམ་འཁུར་འགའ་རེ་དང་། སྦྲང་རྩི་བུམ་པ་གང་བཅས་ཁྱེར་ཏེ་ཁོའི་མདུན་དུ་སོང་དང་། ཁོས་ཕྲུ་གུ་ལ་ཅི་འབྱུང་བར་འགྱུར་བ་དེ་ཁྱོད་ལ་འཆད་པར་འགྱུར་རོ་ཞེས་སྨྲས་པ་ལ།  
\v 4 ཡེ་རོབ་ཨམ་གྱི་ཆུང་མས་དེ་བཞིན་བྱས་ཏེ་ཞི་ལོ་རུ་སོང་བ་དང་། ཨ་ཧི་ཡཱའི་ཁྱིམ་དུ་སླེབས་པ་རེད། ཨ་ཧི་ཡཱ་ནི་ལོ་ན་རྒས་པའི་རྐྱེན་གྱིས་མིག་གིས་མཐོང་བར་མ་ནུས།  
\v 5 དཀོན་མཆོག་ཡ་ཝཱེས་ཨ་ཧི་ཡཱ་ལ་འདི་སྐད་དུ། ཡེ་རོབ་ཨམ་གྱི་ཆུང་མ་རང་གི་བུ་ལ་བྱུང་བའི་ནད་དེའི་ཆེད་དུ་དོན་ཞིག་འདྲི་བར་ཁྱོད་ཀྱི་རྩར་འོང་གིན་འདུག ཁྱོད་ཀྱིས་མོ་ལ་འདི་བཞིན་དེ་བཞིན་སྨྲོས་ཤིག ཅི་ལ་ཞེ་ན། ཁོ་མོ་ནང་དུ་སླེབས་ཚེ་བུད་མེད་གཞན་ཞིག་ཏུ་བརྫུས་པར་བྱའོ་ཞེས་གསུངས་སོ། །  
\v 6 དེ་ནས་ཨ་ཧི་ཡཱས་མོ་སྒོ་འགྲམ་དུ་སླེབས་པའི་གོམ་སྒྲ་ཐོས་པ་ན། ཁོ་ན་རེ། ཡེ་རོབ་ཨམ་གྱི་ཆུང་མ་ནང་དུ་ཤོག་ཅིག ཁྱོད་རང་གཞན་ཞིག་ལ་བརྫུས་དོན་ཅི་ཡིན་ནམ། ང་ཁྱོད་ལ་གཏམ་ངན་ཞིག་སྒྲོག་ཏུ་མངགས་པ་ཡིན།  
\v 7 ད་ནི་སོང་ལ་ཡེ་རོབ་ཨམ་ལ་འདི་ལྟར་སྨྲོས་ཤིག ཡེས་ར་ཨེལ་གྱི་དཀོན་མཆོག་ཡ་ཝཱེས་འདི་སྐད་གསུངས་ཏེ། བདག་གིས་ཁྱོད་རང་མི་རྣམས་ཀྱི་ཁྲོད་ནས་ཡར་འཐེན་ཏེ། བདག་གི་འབངས་མི་ཡེས་ར་ཨེལ་གྱི་རྒྱལ་པོར་བསྐོས་པ་ཡིན།  
\v 8 དཱ་བིད་ཀྱི་རྒྱུད་ལས་རྒྱལ་སྲིད་བླངས་ནས་ཁྱོད་ལ་སྤྲད་ནའང་། ཁྱོད་ནི་བདག་གི་ཞབས་ཕྱི་དཱ་བིད་དང་འདྲ་བར་གྱུར་མ་སོང་། ཁོས་བདག་གི་བཀའ་རྒྱ་རྣམས་བསྲུངས་པ་དང་། རྩེ་གཅིག་གིས་ངའི་རྗེས་སུ་འབྲངས་ཤིང་། བདག་གི་མིག་ལམ་དུ་ལེགས་པོ་གང་ཡིན་དེ་སྤྱད་དོ། །  
\v 9 འོན་ཀྱང་ཁྱོད་ཀྱིས་རང་གི་སྔོན་མ་ཐམས་ཅད་ལས་ཀྱང་ལྷག་པར་ལོག་སྤྱོད་བྱས་ཤིང་། ཡང་གཞན་པའི་ལྷ་དང་བླུགས་སྐུ་རྣམས་བཟོས་ཏེ་བདག་ལ་ཁོང་ཁྲོ་བསླངས་པ་དང་བདག་ནི་རྒྱབ་ཏུ་གཡུགས་སོ། །  
\v 10 དེ་བས་ན། ལྟོས་དང་། བདག་གིས་ཡེ་རོབ་ཨམ་གྱི་ཁྱིམ་རྒྱུད་ལ་ཆག་སྒོ་འབེབ་བོ། །ཡེ་རོབ་ཨམ་གྱི་ཁྱིམ་རྒྱུད་ལས་སྐྱེས་པ་ \f + \ft འདིར་སྐྱེས་པ་ཞེས་པ་ནི་མ་ཕྱི་ལས་མཁར་ངོས་སུ་གཅིན་པ་གཏོང་མཁན་ཞེས་མཐོང་ལ། དོན་གྱིས་སྐྱེས་པ་ཡིན་པས་དོན་སྒྱུར་བྱས་པ་ཡིན། \f*ཐམས་ཅད་དེ། ཡེས་ར་ཨེལ་དུ་རང་དབང་ཅན་ནམ་ཡང་ན་རང་དབང་མེད་པ་གང་ཡིན་ཡང་ཚང་མ་ཚར་གཅོད་བྱ་ཞིང་ཐམས་ཅད་རྩ་མེད་འགྲོ་བའི་བར་དུ། ཡེ་རོབ་ཨམ་གྱི་ཁྱིམ་རྒྱུད་ལྷག་མ་རྣམས་ཀྱང་ལྕི་བ་ལྟར་ཕྱག་པར་བྱའོ། །  
\v 11 ཡེ་རོབ་ཨམ་ལ་གཏོགས་པའི་མི་རྣམས་ལས་གྲོང་ཁྱེར་དུ་ཤི་བ་རྣམས་ནི་ཁྱིས་འཆའ་བ་དང་། ས་སྟོང་དུ་ཤི་བ་རྣམས་ནི་ནམ་མཁའི་བྱ་ཡིས་བཟའ་བར་འགྱུར་རོ། །ཅིའི་ཕྱིར་ཞེ་ན། དཀོན་མཆོག་ཡ་ཝཱེས་དེ་ལྟར་གསུངས་པའི་ཕྱིར་རོ། །  
\v 12 དེ་བས་ཁྱོད་རང་ཡར་ལོངས་ལ་རང་གི་ཁྱིམ་དུ་སོང་ཞིག ཁྱོད་ཀྱི་རྐང་པ་གྲོང་ཁྱེར་གྱི་ནང་དུ་སྤོས་པ་ཙམ་དུ་བུ་ནི་འཆི་བར་འགྱུར་རོ། །  
\v 13 ཡང་ཡེས་ར་ཨེལ་ཐམས་ཅད་ཀྱིས་ཁོའི་ཆེད་དུ་མྱ་ངན་བྱེད་ཅིང་ཁོ་དུར་ལ་སྦ་བར་བྱེད་པ་དང་། ཡེས་ར་ཨེལ་གྱི་དཀོན་མཆོག་ཡ་ཝཱེའི་དྲུང་དུ། ཡེ་རོབ་ཨམ་གྱི་ཁྱིམ་ལས་ཁོ་འབའ་ཞིག་གི་ནང་དུ་བཟང་པོ་རྙེད་པས། ཡེ་རོབ་ཨམ་ལ་གཏོགས་པའི་མི་རྣམས་ལས་ཁོ་རང་གཅིག་པུ་དུར་ལ་སྦ་བར་འགྱུར་རོ། །  
\v 14 དཀོན་མཆོག་ཡ་ཝཱེས་ཉིད་ཀྱི་ཕྱིར་དུ་ཡེས་ར་ཨེལ་ལ་རྒྱལ་པོ་ཞིག་བསྐོ་བར་བྱ་སྟེ། ཁོས་ཉིན་མོ་དེར་ཡེ་རོབ་ཨམ་གྱི་རིགས་རྒྱུད་མེད་པར་གཏོང་བར་བྱ་ \f + \ft ལུང་བསྟན་དེ་གྲུབ་པའི་སྐོར་ནི་ལེའུ་བཅོ་ལྔ་པའི་ཚིག་རྐང་ཉེར་བདུན་པ་ནས་ཉེར་དགུ་པའི་བར་དུ་བཀོད་ཡོད་པས་དེར་གཟིགས་རོགས།\f*ཞིང་། དུས་དེ་ནི་དེ་རིང་ངམ་ད་ལྟ་ཉིད་དུའོ། །  
\v 15 དཀོན་མཆོག་ཡ་ཝཱེས་ཡེས་ར་ཨེལ་པ་རྣམས་ལ་བརྡེགས་ནས་ཁོ་རྣམས་ནི་འདམ་རྩྭ་ཆུའི་ནང་དུ་གཡོ་བ་བཞིན་གཡོ་བར་འགྱུར། དཀོན་མཆོག་ཡ་ཝཱེས་ཡེས་ར་ཨེལ་གྱི་ཕ་མེས་ལ་གནང་བའི་ཡུལ་ཁམས་ཡིད་དུ་འོང་བ་འདི་ནས་ཡེས་ར་ཨེལ་པ་རྣམས་རྩ་ནས་བཏོན་ཏེ། ཕི་རཱད་ཆུ་བོའི་ཕ་རོལ་ཏུ་གཏོར་བར་བྱའོ། །ཅིའི་ཕྱིར་ཞེ་ན། དེ་དག་གིས་ལྷ་མོ་ཨ་ཤེ་རཱ་ཡི་སྐུ་བཟོས་ནས་དཀོན་མཆོག་ཡ་ཝཱེའི་ཐུགས་དཀྲུགས་པའི་ཕྱིར་རོ། །  
\v 16 ཡེ་རོབ་ཨམ་རང་གིས་བྱས་པའི་སྡིག་པ་དང་། ཁོས་ཡེས་ར་ཨེལ་ལ་བྱེད་དུ་བཅུག་པའི་སྡིག་པ་ཡི་རྐྱེན་གྱིས་དཀོན་མཆོག་ཡ་ཝཱེས་ཡེས་ར་ཨེལ་སྤང་བར་བྱའོ་ཞེས་སྦྲན་ཏོ། །  
\v 17 དེ་ནས་ཡེ་རོབ་ཨམ་གྱི་ཆུང་མ་ཡར་ལངས་ནས་ཕྱིར་ཐིར་ཙ་རུ་ཕྱིན་ཏེ་ཁྱིམ་གྱི་སྒོ་ཐེམ་ལ་སླེབས་མ་ཐག་ཏུ་བུ་དེ་ཤིའོ། །  
\v 18 དེར་དཀོན་མཆོག་ཡ་ཝཱེས་ཉིད་ཀྱི་ཞབས་ཕྱི་སྟེ་ལུང་སྟོན་པ་ཨ་ཧི་ཡཱ་བརྒྱུད་ནས་གསུངས་པའི་བཀའ་བཞིན་དུ། ཡེས་ར་ཨེལ་པ་རྣམས་ཀྱི་མི་ཚོགས་ཀྱིས་ཁོ་དུར་ལ་སྦས་ཤིང་ཁོའི་དོན་དུ་མྱ་ངན་བྱས་སོ། །  
\v 19 ཡང་ཡེ་རོབ་ཨམ་གྱི་བྱས་རྗེས་གཞན་རྣམས་དང་། ཁོས་ཇི་ལྟར་དམག་བརྒྱབ་ནས་སྲིད་བསྐྱངས་པ་བཅས་ནི། ཡེས་ར་ཨེལ་གྱི་རྒྱལ་རབས་ཀྱི་མདོ་ལ་བཀོད་ཡོད་པ་དང་།  
\v 20 ཡེ་རོབ་ཨམ་གྱིས་ལོ་ཉེར་གཉིས་ཀྱི་རིང་ལ་སྲིད་བསྐྱངས་པ་དང་། དེ་ནས་ཁོ་ནི་རང་གི་ཕ་མེས་རྣམས་དང་ལྷན་ཅིག་ཏུ་གཟིམས་ཤིང་། ཁོའི་བུ་ནཱ་དབ་ཀྱིས་དེའི་ཚབ་ཏུ་སྲིད་བསྐྱངས་པའོ། །   
\s1 ཡ་ཧུ་དཱའི་རྒྱལ་པོ་རེ་ཧབ་ཨམ།  
\p
\v 21 ཡང་སོ་ལོ་མོན་གྱི་སྲས་རེ་ཧབ་ཨམ་གྱིས་ཡ་ཧུ་དཱ་ཡུལ་ལ་སྲིད་བྱས་པ་དང་། ཁོ་རང་རྒྱལ་པོར་སྡོད་དུས་ལོ་ཞེ་གཅིག་ཡིན། རེ་ཧབ་ཨམ་གྱིས་ལོ་བཅུ་བདུན་གྱི་རིང་ལ་ཡེ་རུ་སཱ་ལེམ་གྲོང་ཁྱེར་དུ་སྲིད་བསྐྱངས་ཤིང་། ཡེ་རུ་སཱ་ལེམ་གྲོང་ཁྱེར་ནི་དཀོན་མཆོག་ཡ་ཝཱེས་རང་ཉིད་ཀྱི་མཚན་འཇོག་པའི་ཕྱིར་དུ་ཡེས་ར་ཨེལ་གྱི་ཚོ་པ་ཀུན་ལས་བདམས་པ་ཡིན། རེ་ཧབ་ཨམ་གྱི་མ་ནི་ཨམ་མོན་པ་ཡིན་ཞིང་མིང་ལ་ནཱ་མཱ་ཞེས་བྱའོ། །  
\v 22 ཡ་ཧུ་དཱ་པས་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་སྤྱད་ཅིང་། དེ་དག་གིས་སྡིག་ཉེས་བསགས་ཏེ་རང་གི་ཕ་མེས་ལས་ཀྱང་ལྷག་པར་ཁོང་གི་ཕྲག་དོག་དང་ཐུགས་ཁྲོ་བསྐྱེད་དོ། །  
\v 23 དེ་དག་གིས་རང་གི་ཕྱིར་དུ་མཐོ་གླིང་རེ་རེའི་སྟེང་དང་། ལྗོན་ཤིང་རེ་རེའི་འོག་ཏུ་མཆོད་ཁྲི་རྣམས་བརྩིགས་ཤིང་། རྡོ་སྐུ་དང་ལྷ་མོ་ཨ་ཤེ་རཱའི་སྐུ་རྣམས་བཞེངས་པ་དང་།  
\v 24 རྒྱལ་ཁམས་ནང་རོལ་དུ་མཆོད་གཤོམ་གྱི་ཆོས་རྫུ་གཞང་འཚོང་ཡང་ཡོད་དེ། སྔར་དཀོན་མཆོག་ཡ་ཝཱེས་ཡེས་ར་ཨེལ་པ་རྣམས་ཀྱི་མདུན་ནས་བཏོན་པའི་མི་རིགས་གཞན་པས་ཅི་བྱས་པ་བཞིན་དུ་ཡ་ཧུ་དཱ་པ་རྣམས་ཀྱིས་སྐྱུག་བྲོ་བའི་ལས་བྱས་སོ། །  
\v 25 རྒྱལ་པོ་རེ་ཧབ་ཨམ་གྱི་སྲིད་ལོ་ལྔ་པར། ཨེ་ཅིབ་ཀྱི་རྒྱལ་པོ་ཤི་ཤག་གིས་ཡེ་རུ་སཱ་ལེམ་དུ་དམག་དྲངས་པ་དང་།  
\v 26 ཁོས་དཀོན་མཆོག་ཡ་ཝཱེའི་མཆོད་ཁང་གི་དཀོར་མཛོད་དང་། རྒྱལ་པོའི་ཕོ་བྲང་གི་གཏེར་མཛོད་རྣམས་བཅོམ་སྟེ་གང་ཡོད་པ་ཐམས་ཅད་ཁྱེར་བ་དང་། སོ་ལོ་མོན་གྱིས་བཟོས་པའི་གསེར་གྱི་ཕུབ་རྣམས་ཀྱང་ཕྲོགས་ནས་ཁྱེར་བས།  
\v 27 རེ་ཧབ་ཨམ་གྱིས་གསེར་ཕུབ་ཀྱི་ཚབ་ཏུ་ལི་ཡི་ཕུབ་བཟོས་ནས། རྒྱལ་པོའི་ཕོ་བྲང་གི་སྐུ་སྲུང་དཔོན་པོ་རྣམས་ཀྱི་ལག་ཏུ་བཅོལ།  
\v 28 ཐེངས་རེར་རྒྱལ་པོ་དཀོན་མཆོག་ཡ་ཝཱེའི་མཆོད་ཁང་དུ་འགྲོ་དུས་སུ། སྐུ་སྲུང་པ་རྣམས་འོངས་ནས་ཕུབ་དེ་དག་ཁྱེར་ཅིང་། ཕྱིས་སུ་སླར་སྐུ་སྲུང་པའི་ཁང་པར་འཇོག་པ་ཡིན།  
\v 29 རེ་ཧབ་ཨམ་གྱི་བྱས་རྗེས་གཞན་རྣམས་དང་། ཁོས་ཅི་བྱས་པ་ཐམས་ཅད་ཡ་ཧུ་དཱའི་རྒྱལ་རབས་ཀྱི་མདོ་ལ་བཀོད་ཡོད་པ་མ་ཡིན་ནམ།  
\v 30 རེ་ཧབ་ཨམ་དང་ཡེ་རོབ་ཨམ་གཉིས་ཀྱི་བར་ལ་ནམ་རྒྱུན་དམག་འཁྲུག་བྱུང་བ་དང་།  
\v 31 རེ་ཧབ་ཨམ་ནི་རང་གི་ཕ་མེས་རྣམས་དང་ལྷན་ཅིག་ཏུ་གཟིམས་ནས་དཱ་བིད་གྲོང་ཁྱེར་དུ་རང་གི་ཕ་མེས་རྣམས་ཀྱི་ཁྲོད་དུ་དུར་ལ་སྦས་པ་དང་། ཁོའི་མ་ནི་ཨམ་མོན་པ་ཡིན་ལ་མིང་དུ་ནཱ་མཱ་ཞེས་ཟེར། ཁོའི་བུ་ཨ་བི་ཡཱས་ \f + \ft འདིར་ཨ་བི་ཡཱ་ཞེས་པར་འགྱུར་ཁ་ཤས་སུ་ཨ་བི་ཡཱམ་ཞེས་ཀྱང་མཐོང་། དེ་ནི་ཨ་བི་ཡཱ་ཞེས་པའི་མིང་གཞན་ཡིན། \f*ཁོའི་ཚབ་ཏུ་རྒྱལ་སྲིད་བཟུང་ངོ་། །   
\c 15
\cl ལེའུ་བཅོ་ལྔ་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 ཨ་བི་ཡཱ་ནི་ཡ་ཧུ་དཱའི་རྒྱལ་པོར་བསྡད་པ།  
\p
\v 1 ནེ་བཱད་ཀྱི་བུ་ཡེ་རོབ་ཨམ་གྱི་སྲིད་ལོ་བཅོ་བརྒྱད་པར། ཨ་བི་ཡཱ་ནི་ཡ་ཧུ་དཱའི་རྒྱལ་པོར་བསྡད།  
\v 2 ཁོས་ཡེ་རུ་སཱ་ལེམ་དུ་ལོ་གསུམ་གྱི་རིང་ལ་རྒྱལ་སྲིད་བསྐྱངས་པ་དང་། ཁོའི་མ་ཡི་མིང་ལ་མ་ཨ་ཀཱ་ཟེར་ཞིང་མོ་ནི་ཨ་བི་ཤ་ལོམ་གྱི་བུ་མོ་ཡིན།  
\v 3 ཨ་བི་ཡཱས་སྔར་རང་གི་ཕ་ཡིས་བྱས་པའི་སྡིག་ཉེས་མཐའ་དག་བྱས་ཏེ། ཁོའི་སེམས་ནི་རང་གི་མེས་པོ་དཱ་བིད་ཀྱི་སེམས་དང་འདྲ་བར་དཀོན་མཆོག་ཡ་ཝཱེ་ལ་ཡོངས་སུ་ཕུལ་མེད་དོ། །  
\v 4 འོན་ཀྱང་དཱ་བིད་ཀྱི་རྐྱེན་གྱིས། ཨ་བི་ཡཱའི་དཀོན་མཆོག་ཡ་ཝཱེས་ཡེ་རུ་སཱ་ལེམ་དུ་ཁོ་ལ་སྒྲོན་མེ་གནང་སྟེ། ཁོའི་བུ་ཁོའི་ཚབ་ཏུ་རྒྱལ་པོར་བསྐོས་པ་དང་ཡེ་རུ་སཱ་ལེམ་གྲོང་ཁྱེར་བརྟན་པོར་མཛད་པ་རེད།  
\v 5 ཅིའི་ཕྱིར་ཞེ་ན། དཱ་བིད་ཀྱིས་དཀོན་མཆོག་ཡ་ཝཱེའི་སྤྱན་ལམ་དུ་ལེགས་པོ་གང་ཡིན་དེ་སྤྱད་ནས། ཧེད་པ་ཨུ་རི་ཡཱའི་དོན་དེ་སྐོར་ནས་མ་གཏོགས་ཁོང་ནི་ཚེ་གང་པོར་དཀོན་མཆོག་ཡ་ཝཱེའི་བཀའ་གང་ལའང་མ་འགལ་ལོ། །  
\v 6 ཨ་བི་ཡཱའི་མི་ཚེ་གང་པོར་རེ་ཧབ་ཨམ་དང་ཡེ་རོབ་ཨམ་གཉིས་ཀྱི་བར་ལ་རྒྱུན་དུ་དམག་འཁྲུག་བྱུང་།  
\v 7 ཨ་བི་ཡཱའི་བྱས་རྗེས་གཞན་རྣམས་དང་ཁོས་ཅི་བྱས་པ་ཐམས་ཅད་ནི་ཡ་ཧུ་དཱའི་རྒྱལ་རབས་ཀྱི་མདོ་ཡི་ནང་དུ་བཀོད་ཡོད་པ་མ་ཡིན་ནམ། ཨ་བི་ཡཱ་དང་ཡེ་རོབ་ཨམ་གཉིས་ཀྱི་བར་ལའང་རྒྱུན་དུ་དམག་འཁྲུག་བྱུང་བ་ཡིན།  
\v 8 དེ་ནས་ཨ་བི་ཡཱ་ནི་རང་གི་ཕ་མེས་རྣམས་དང་ལྷན་ཅིག་ཏུ་གཟིམས་པ་དང་། ཁོ་དཱ་བིད་ཀྱི་གྲོང་ཁྱེར་དུ་དུར་ལ་སྦས་ཤིང་། ཁོའི་བུ་ཨ་སཱ་ཡིས་ཁོའི་ཚབ་ཏུ་རྒྱལ་སྲིད་བཟུང་བའོ། །   
\s1 ཨ་སཱ་ནི་ཡ་ཧུ་དཱའི་རྒྱལ་པོར་བསྡད་པ།  
\p
\v 9 ཡེས་ར་ཨེལ་གྱི་རྒྱལ་པོ་ཡེ་རོབ་ཨམ་གྱི་སྲིད་ལོ་ཉི་ཤུ་པར་ཨ་སཱ་ནི་ཡ་ཧུ་དཱའི་རྒྱལ་པོར་བསྡད།  
\v 10 ཁོང་གིས་ཡེ་རུ་སཱ་ལེམ་དུ་ལོ་ཞེ་གཅིག་གི་རིང་ལ་རྒྱལ་སྲིད་བསྐྱངས། ཨ་བི་ཤ་ལོམ་གྱི་བུ་མོ་མཱ་ཨ་ཀཱ་བྱ་བ་ནི་ཁོའི་རྨོ་མོ་ཡིན་ནོ། །  
\v 11 ཨ་སཱ་ཡིས་རང་གི་ཡབ་མེས་དཱ་བིད་དང་འདྲ་བར་དཀོན་མཆོག་ཡ་ཝཱེའི་སྤྱན་ལམ་དུ་ལེགས་པོ་གང་ཡིན་དེ་སྤྱད་ནས།  
\v 12 ཁོང་གིས་མཆོད་གཤོམ་གྱི་ཆོས་རྫུ་གཞང་འཚོང་རྣམས་ཡུལ་དེ་ནས་བཏོན་ཞིང་། ཕ་མེས་རྣམས་ཀྱིས་བཟོས་པའི་སྐུ་འདྲ་ཐམས་ཅད་ཀྱང་མེད་པར་བྱས།  
\v 13 དེར་མ་ཟད་རང་གི་རྨོ་མོ་མཱ་ཨ་ཀཱ་ཞེས་པ་རྒྱལ་ཡུམ་གྱི་གོ་ས་ལས་ཕབ། ཅིའི་ཕྱིར་ཞེ་ན། དེས་ཨ་ཤེ་རཱ་ཡི་སྐུ་འཇིགས་སུ་རུང་བ་ཞིག་བཞེངས་པས་སོ། །ཨ་སཱས་སྐུ་འཇིགས་སུ་རུང་བ་དེ་བཅག་ནས་ཀིད་རོན་ཆུ་བོའི་འགྲམ་དུ་མེར་བསྲེགས་སོ། །  
\v 14 འོན་ཀྱང་མཐོ་གླིང་རྣམས་ད་དུང་མ་བཤིག་པར་ལུས་མོད། ཨ་སཱས་ཚེ་གང་པོ་དཀོན་མཆོག་ཡ་ཝཱེ་ལ་ཡོངས་སུ་ཕུལ་ཏོ། །  
\v 15 ཨ་སཱས་རང་གི་ཕ་ཡིས་དམ་པར་བསྔོས་པ་དང་། རང་གིས་དམ་པར་བསྔོས་པའི་གསེར་དངུལ་དང་། སྣོད་ཆས་ཐམས་ཅད་དཀོན་མཆོག་ཡ་ཝཱེའི་མཆོད་ཁང་ནང་དུ་བཅུག་པ་ཡིན།   
\p
\v 16 ཡང་ཨ་སཱ་དང་ཡེས་ར་ཨེལ་གྱི་རྒྱལ་པོ་པཱ་ཤ་གཉིས་ཀྱི་བར་ལ་མི་ཚེ་གང་པོར་དམག་འཁྲུག་བྱུང་ངོ་། །  
\v 17 ཡེས་ར་ཨེལ་གྱི་རྒྱལ་པོ་པཱ་ཤ་ཡིས་ཡར་ཡ་ཧུ་དཱ་ལ་དམག་དྲངས་ནས། མི་སུ་ཡིན་ཡང་ཡ་ཧུ་དཱའི་རྒྱལ་པོ་ཨ་སཱའི་དྲུང་དུ་འགྲོ་འོང་བྱེད་པ་གཅོད་པའི་ཕྱིར་དུ། ཁོས་རཱ་མ་བྱ་བ་བརྩིགས་སོ། །  
\v 18 དེ་ནས་ཨ་སཱ་ཡིས་དཀོན་མཆོག་ཡ་ཝཱེའི་མཆོད་ཁང་དང་རྒྱལ་པོའི་ཕོ་བྲང་གི་གཏེར་མཛོད་ནས་ལུས་པའི་གསེར་དངུལ་ཕྱུང་སྟེ། རང་གི་ཞབས་ཕྱི་རྣམས་ཀྱི་ལག་ཏུ་སྤྲད་པ་དང་། དེ་རྣམས་དཱ་མེ་སེག་ཏུ་གནས་པའི་ཨ་རམ་གྱི་རྒྱལ་པོ་པེན་ཧ་དཱད་ཀྱི་དྲུང་དུ་བརྫངས། ཡང་དེ་ནི་ཏབ་རིམ་མོན་གྱི་བུ་དང་། ཧེས་ཡོན་གྱི་ཚ་བོ་ཡིན་ནོ། །ཨ་སཱས་འདི་ལྟར།  
\v 19 གཟིགས་དང་། ཁྱེད་ཀྱི་ཕ་དང་ངའི་ཕ་གཉིས་ཀྱི་བར་དུ་སྔར་ཆད་དོན་བཞག་ཡོད་པས། འུ་གཉིས་ཀྱིས་ཀྱང་ཆད་དོན་འཇོག་དགོས་ཏེ། ད་ལྟ་ངས་ཁྱེད་ལ་གསེར་དང་དངུལ་ཕྱག་རྟེན་དུ་བསྐུར་བ་ཡིན། ཡེས་ར་ཨེལ་གྱི་རྒྱལ་པོ་པཱ་ཤ་ངའི་མདུན་ནས་འགྲོ་བའི་ཕྱིར། ཁྱེད་ཀྱིས་དེར་བཞག་པའི་ཆད་དོན་དེ་སྤང་བར་མཛོད་ཅིག་ཅེས་སྨྲས་པས།  
\v 20 པེན་ཧ་དཱད་ཀྱིས་རྒྱལ་པོ་ཨ་སཱའི་གཏམ་ལ་མཉན་ནས། དམག་དཔོན་རྣམས་ཡེས་ར་ཨེལ་གྱི་གྲོང་ཁྱེར་རྣམས་སུ་བཏང་ནས། དེ་དག་གིས་ཨི་ཡོན་དང་། དཱན་དང་། ཨ་བེལ་པེད་མ་ཨ་ཀཱ་དང་། ཀིན་ནེ་རོད་ཡུལ་ཀུན་དང་། ནཱབ་ཐ་ལི་བཅས་ཡུལ་ཐམས་ཅད་ཕམ་པར་བྱས་སོ། །  
\v 21 པཱ་ཤ་ཡིས་གཏམ་དེ་ཐོས་པ་དང་། རཱ་མ་བརྩིག་མཚམས་བཞག་ཅིང་སྔར་བཞིན་ཐིར་ཙ་བྱ་བར་བསྡད་དོ། །  
\v 22 དེ་ནས་རྒྱལ་པོ་ཨ་སཱ་ཡིས་ཡ་ཧུ་དཱ་པ་གཅིག་ཀྱང་མ་ལུས་པར་ཀུན་ལ་སྤྱི་བསྒྲགས་བྱས་པ་དང་། དེ་དག་གིས་པཱ་ཤས་རཱ་མ་རྩིག་བྱེད་ཀྱི་རྡོ་དང་གདུང་མ་རྣམས་སྤར་ནས། རྒྱལ་པོ་ཨ་སཱས་རྒྱུ་ཆ་དེ་དག་གིས་པེན་ཡཱ་མེན་ཡུལ་གྱི་གེ་བཱ་དང་མཱས་ཟི་ཕཱ་གཉིས་བརྩིགས་སོ། །  
\v 23 ཨ་སཱ་ཡི་བྱས་རྗེས་གཞན་རྣམས་དང་། ཁོང་གི་དཔའ་རྩལ་དང་ཅི་བྱས་པ་ཐམས་ཅད་དང་། ཁོང་གིས་བརྩིགས་པའི་གྲོང་ཁྱེར་བཅས་ནི་ཡ་ཧུ་དཱའི་རྒྱལ་རབས་ཀྱི་མདོ་ཡི་ནང་དུ་བཀོད་ཡོད་པ་མ་ཡིན་ནམ། འོན་ཀྱང་ཁོང་ལོ་ན་རྒས་པའི་དུས་སུ་རྐང་པ་ན་བར་གྱུར་ཏོ། །  
\v 24 དེ་ནས་ཨ་སཱ་རང་གི་ཕ་མེས་རྣམས་དང་ལྷན་ཅིག་ཏུ་གཟིམས་པ་དང་། ཁོང་གི་ཡབ་མེས་དཱ་བིད་ཀྱི་གྲོང་ཁྱེར་དུ་རང་གི་ཕ་མེས་རྣམས་ཀྱི་ཁྲོད་དུར་ལ་སྦས། ཁོང་གི་བུ་ཡེ་ཧོ་ཤ་ཕད་ཀྱིས་ཁོང་གི་ཚབ་ཏུ་རྒྱལ་སྲིད་བཟུང་ངོ་། །   
\s1 ནཱ་དབ་ནི་ཡེས་ར་ཨེལ་གྱི་རྒྱལ་པོར་བསྡད་པ།  
\p
\v 25 ཡ་ཧུ་དཱའི་རྒྱལ་པོ་ཨ་སཱ་ཡིས་རྒྱལ་སྲིད་བསྐྱངས་པའི་ལོ་གཉིས་པར། ཡེ་རོབ་ཨམ་གྱི་བུ་ནཱ་དབ་ནི་ཡེས་ར་ཨེལ་གྱི་རྒྱལ་པོར་བསྡད་པ་དང་། ཡེས་ར་ཨེལ་ལ་ལོ་གཉིས་ཀྱི་རིང་ལ་སྲིད་བྱས།  
\v 26 ཁོས་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་ནས། རང་གི་ཕ་ཡི་ལམ་དུ་འགྲུལ་ཞིང་། ཁོའི་ཕ་ཡིས་ཡེས་ར་ཨེལ་པ་རྣམས་སྡིག་པར་ལྷུང་དུ་བཅུག་པའི་སྡིག་པ་དེ་བྱས་སོ། །  
\v 27 ཡེས་སི་ཀཱར་གྱི་ཁྱིམ་རྒྱུད་ཀྱི་ཨ་ཧི་ཡཱའི་བུ་པཱ་ཤ་ཡིས་ནཱ་དབ་ལ་ལྐོག་གཤོམ་བྱས་ཏེ། ནཱ་དབ་དང་ཡེས་ར་ཨེལ་པ་རྣམས་ཀྱིས་ཕེ་ལེ་ཤེད་ཡུལ་གྱི་གིབ་བེ་ཏོན་བསྐོར་ནས་དེར་དཔུང་འཇུག་བྱེད་པའི་དུས་སུ། པཱ་ཤ་ཡིས་ནཱ་དབ་ཁོ་རང་གིབ་བེ་ཏོན་དུ་བསད་པ་རེད།  
\v 28 དེ་ལྟར་ཡ་ཧུ་དཱའི་རྒྱལ་པོ་ཨ་སཱ་ཡི་སྲིད་ལོ་གསུམ་པར། པཱ་ཤ་ཡིས་ནཱ་དབ་བསད་ནས་ཁོའི་ཚབ་ཏུ་རྒྱལ་སྲིད་བཟུང་ངོ་། །  
\v 29 པཱ་ཤ་རྒྱལ་པོར་བསྡད་མ་ཐག་ཏུ། ཡེ་རོབ་ཨམ་གྱི་ཁྱིམ་གང་པོ་བསད་ནས། དཀོན་མཆོག་ཡ་ཝཱེས་ཉིད་ཀྱི་ཞབས་ཕྱི་སྟེ་ཞི་ལོ་པ་ཨ་ཧི་ཡཱ་བརྒྱུད་ནས་གསུངས་པ་བཞིན་དུ། དབུགས་ཡོད་པ་ཐམས་ཅད་ལས་གཅིག་ཀྱང་མ་ལུས་པར་མེད་པར་བཏང་ངོ་། །  
\v 30 ཅིའི་ཕྱིར་ཞེ་ན། ཡེ་རོབ་ཨམ་རང་གིས་བྱས་པའི་སྡིག་ཉེས་དང་། ཡེས་ར་ཨེལ་པ་རྣམས་སྡིག་པར་ལྷུང་དུ་བཅུག་པའི་སྡིག་པ་དེ་དང་། ཡང་ཁོས་ཡེས་ར་ཨེལ་གྱི་དཀོན་མཆོག་ཡ་ཝཱེ་ཐུགས་ཁྲོ་རུ་བཅུག་པའི་རྐྱེན་གྱིས་བྱུང་བའོ། །  
\v 31 ཡང་ནཱ་དབ་ཀྱི་བྱས་རྗེས་གཞན་རྣམས་དང་། ཁོས་ཅི་བྱས་པ་ཐམས་ཅད་ནི་ཡེས་ར་ཨེལ་གྱི་རྒྱལ་རབས་ཀྱི་མདོ་ཡི་ནང་དུ་བཀོད་ཡོད་པ་མ་ཡིན་ནམ།  
\v 32 ཨ་སཱ་དང་ཡེས་ར་ཨེལ་གྱི་རྒྱལ་པོ་པཱ་ཤ་གཉིས་ཀྱི་བར་ལ་ཚེ་གང་པོར་དམག་འཁྲུག་བྱུང་བ་ཡིན་ནོ། །   
\s1 པཱ་ཤ་ནི་ཡེས་ར་ཨེལ་གྱི་རྒྱལ་པོར་བསྡད་པ།  
\p
\v 33 ཡ་ཧུ་དཱའི་རྒྱལ་པོ་ཨ་སཱ་ཡི་སྲིད་ལོ་གསུམ་པར། ཨ་ཧི་ཡཱ་ཡི་བུ་པཱ་ཤ་ནི་ཐིར་ཙ་རུ་ཡེས་ར་ཨེལ་ཡོངས་ཀྱི་རྒྱལ་པོར་བསྡད་ཅིང་། ལོ་ཉེར་བཞིའི་རིང་དུ་རྒྱལ་སྲིད་བཟུང་བ་དང་།  
\v 34 ཁོས་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་ནས། ཡེ་རོབ་ཨམ་གྱི་ལམ་དུ་འགྲུལ་ཞིང་། ཡེ་རོབ་ཨམ་གྱིས་ཡེས་ར་ཨེལ་པ་རྣམས་སྡིག་པར་ལྷུང་དུ་བཅུག་པའི་སྡིག་པ་དེ་བྱས་སོ། །   
\c 16
\cl ལེའུ་བཅུ་དྲུག་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 དཀོན་མཆོག་ཡ་ཝཱེས་རྒྱལ་པོ་པཱ་ཤ་ཡི་སྐོར་ནས་ཡེ་ཧུ་ལ་བཀའ་གནང་བ།  
\p
\v 1 དེ་ནས་དཀོན་མཆོག་ཡ་ཝཱེའི་བཀའ་ནི་ཧ་ནཱ་ནེ་ཡི་བུ་ཡེ་ཧུ་ཞེས་པ་ལ་བྱུང་སྟེ་པཱ་ཤ་ལ་བཀའ་བཀྱོན་མཛད་ནས་འདི་སྐད་དུ།  
\v 2 ངས་ཁྱོད་ཐལ་རྡུལ་ནས་ཡར་བཀྱགས་ཏེ། འབངས་མི་ཡེས་ར་ཨེལ་གྱི་འགོ་དཔོན་བྱེད་དུ་བསྐོས་ནའང་། ཁྱོད་ནི་ཡེ་རོབ་ཨམ་གྱི་སྤྱོད་ལམ་དུ་སོང་ཞིང་བདག་གི་འབངས་མི་ཡེས་ར་ཨེལ་ལ་སྡིག་པ་བྱེད་དུ་བཅུག་ནས། དེ་རྣམས་ཀྱི་སྡིག་ཉེས་ཀྱིས་བདག་ལ་ཁོང་ཁྲོ་བསླངས།  
\v 3 ལྟོས་དང་། ངས་པཱ་ཤ་དང་ཁོའི་ཁྱིམ་ཚར་གཅོད་བྱེད་ཅིང་། ཁྱོད་ཀྱི་ཁྱིམ་ནི་ནེ་བཱད་ཀྱི་བུ་ཡེ་རོབ་ཨམ་གྱི་ཁྱིམ་དང་འདྲ་བར་བྱེད་པ་དང་།  
\v 4 པཱ་ཤ་ཡི་ཁྱིམ་ལས་སུ་ཞིག་གྲོང་ཁྱེར་དུ་ཤི་ན་དེ་ནི་ཁྱི་ཡིས་འཆའ་བ་དང་། སུ་ཞིག་ཐང་དུ་ཤི་ན་དེ་ནི་ནམ་མཁའི་བྱ་ཡིས་བཟའ་བར་འགྱུར་ཞེས་གསུངས་སོ། །  
\v 5 ཡང་པཱ་ཤ་ཡི་བྱས་རྗེས་གཞན་རྣམས་དང་། ཁོས་ཅི་བྱས་པ་དང་། ཁོའི་དཔའ་རྩལ་ཐམས་ཅད་ནི་ཡེས་ར་ཨེལ་གྱི་རྒྱལ་རབས་ཀྱི་མདོ་ཡི་ནང་དུ་བཀོད་ཡོད་པ་མ་ཡིན་ནམ།  
\v 6 དེ་ནས་པཱ་ཤ་རང་གི་ཕ་མེས་རྣམས་དང་མཉམ་དུ་གཟིམས་པ་དང་། ཐིར་ཙ་རུ་དུར་ལ་སྦས། ཡང་ཁོའི་བུ་ཨེ་ལཱ་ཡིས་ཁོའི་ཚབ་ཏུ་རྒྱལ་སྲིད་བཟུང་ངོ་། །  
\v 7 གཞན་ཡང་། ཧ་ནཱ་ནེའི་བུ་སྟེ་ལུང་སྟོན་པ་ཡེ་ཧུ་བརྒྱུད་ནས་དཀོན་མཆོག་ཡ་ཝཱེས་པཱ་ཤ་དང་ཁོའི་ཁྱིམ་གྱི་སྐོར་ལ་བཀའ་གནང་ངོ་། །ཅིའི་ཕྱིར་ཞེ་ན། ཁོས་ཡེ་རོབ་ཨམ་གྱི་ཁྱིམ་དང་འདྲ་བར་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་ནས། རང་གི་ལག་པས་བྱས་པའི་ལས་རྣམས་ཀྱིས་དཀོན་མཆོག་ཡ་ཝཱེའི་ཐུགས་དཀྲུགས་པ་དང་། ཡང་ཁོས་ཡེ་རོབ་ཨམ་གྱི་རིགས་རྒྱུད་བསད་པའི་ཕྱིར་རོ། །   
\s1 ཨེ་ལཱ་ནི་ཡེས་ར་ཨེལ་གྱི་རྒྱལ་པོར་བསྡད་པ།  
\p
\v 8 ཡ་ཧུ་དཱའི་རྒྱལ་པོ་ཨ་སཱ་ཡི་སྲིད་ལོ་ཉེར་དྲུག་པར། པཱ་ཤ་ཡི་བུ་ཨེ་ལཱ་ནི་ཐིར་ཙ་རུ་ལོ་གཉིས་ཀྱི་རིང་ལ་ཡེས་ར་ཨེལ་གྱི་རྒྱལ་པོར་བསྡད།  
\v 9 འོན་ཀྱང་ཁོས་ཐིར་ཙའི་ནང་བློན་ཨར་ཙ་ཞེས་པའི་ཁྱིམ་དུ་ཆང་འཐུང་ནས་ར་བཟི་བ་དང་། ཁོའི་ཤིང་རྟ་ཕྱེད་ཀའི་དམག་དཔོན་ཟིམ་རེ་བྱ་བས་ཁོ་ལ་ལྐོག་གཤོམ་བྱས་ཏེ།  
\v 10 ཡ་ཧུ་དཱའི་རྒྱལ་པོ་ཨ་སཱའི་སྲིད་ལོ་ཉེར་བདུན་པར། ཟིམ་རེ་ནང་དུ་སོང་སྟེ་ཨེ་ལཱ་ལ་བརྡུངས་ནས་བསད་དེ་ཁོའི་ཚབ་ཏུ་རྒྱལ་སྲིད་བཟུང་ངོ་། །  
\v 11 ཟིམ་རེས་རྒྱལ་སྲིད་བཟུང་ནས་རྒྱལ་ཁྲིར་བསྡད་པ་ཙམ་གྱིས་པཱ་ཤ་ཡི་ནང་མི་ཐམས་ཅད་བསད་པ་དང་། ཐ་ན་ཁོའི་གཉེན་ཉེ་དང་གྲོགས་རྣམས་ལས་སྐྱེས་པ་གཅིག་ཀྱང་མ་ལུས་པར་བསད་དོ། །  
\v 12 དཀོན་མཆོག་ཡ་ཝཱེས་ལུང་སྟོན་པ་ཡེ་ཧུ་བརྒྱུད་ནས་པཱ་ཤ་ལ་བཀའ་བཀྱོན་མཛད་པའི་གསུང་བཞིན་དུ་ཟིམ་རེ་ཡིས་པཱ་ཤ་ཡི་རྒྱུད་ཐམས་ཅད་མེད་པར་བྱས་སོ། །  
\v 13 ཅི་ལ་དེ་ལྟར་བྱུང་ཞེ་ན། པཱ་ཤ་རང་ཉིད་དང་ཁོའི་བུ་ཨེ་ལཱ་ཡིས་བྱས་པའི་སྡིག་ཉེས་ཏེ། ཁོ་ཚོ་རང་གིས་བྱས་པའི་སྡིག་ཉེས་དང་། དེ་དག་གིས་ཡེས་ར་ཨེལ་པ་རྣམས་སྡིག་པར་ལྷུང་དུ་བཅུག་པའི་སྡིག་པ་དེ་དག་དང་། སྙིང་པོ་མེད་པའི་སྐུ་འདྲ་རྣམས་ཀྱིས་ཡེས་ར་ཨེལ་གྱི་དཀོན་མཆོག་ཡ་ཝཱེའི་ཐུགས་དཀྲུགས་པའི་ཕྱིར་རོ། །  
\v 14 ཨེ་ལཱ་ཡི་བྱས་རྗེས་གཞན་རྣམས་དང་ཁོས་ཅི་བྱས་པ་ཐམས་ཅད་ནི་ཡེས་ར་ཨེལ་གྱི་རྒྱལ་རབས་ཀྱི་མདོ་ཡི་ནང་དུ་བཀོད་ཡོད་པ་མ་ཡིན་ནམ།   
\s1 ཟིམ་རེ་ནི་ཡེས་ར་ཨེལ་གྱི་རྒྱལ་པོར་བསྡད་པ།  
\p
\v 15 ཡ་ཧུ་དཱའི་རྒྱལ་པོ་ཨ་སཱའི་སྲིད་ལོ་ཉེར་བདུན་པར། ཟིམ་རེ་ནི་ཐིར་ཙ་རུ་ཉིན་ཞག་བདུན་གྱི་རིང་ལ་རྒྱལ་པོར་བསྡད། དེའི་སྐབས་སུ་མི་ཚོགས་ཀྱིས་སྒར་ཕབ་ནས་ཕེ་ལེ་ཤེད་པའི་གྲོང་ཁྱེར་གིབ་བེ་ཏོན་བསྐོར་ནས་དེར་དཔུང་འཇུག་བྱས་སོ། །  
\v 16 དེ་ནས་སྒར་ཕབ་པའི་མི་ཚོགས་ཀྱིས། ཟིམ་རེ་ཡིས་ལྐོག་གཤོམ་བྱས་ཏེ་རྒྱལ་པོ་བསད་དོ་ཞེས་པ་ཐོས་པ་ཙམ་གྱིས། ཡེས་ར་ཨེལ་པ་ཐམས་ཅད་ཀྱིས་ཉིན་དེ་རང་ལ་ཁོ་ཚོའི་དམག་སྒར་གྱི་དམག་དཔོན་ཨོམ་རི་བྱ་བ་དེ་ཡེས་ར་ཨེལ་གྱི་རྒྱལ་པོར་བསྐོས་སོ། །  
\v 17 ཡང་ཨོམ་རི་ནི་ཡེས་ར་ཨེལ་པ་ཐམས་ཅད་དང་མཉམ་དུ་གིབ་བེ་ཏོན་ནས་ཡར་སོང་སྟེ། ཐིར་ཙ་མཐའ་ནས་བསྐོར་བ་དང་།  
\v 18 ཟིམ་རེ་ཡིས་གྲོང་ཁྱེར་དེ་བླངས་པ་མཐོང་ནས་རྒྱལ་པོའི་ཕོ་བྲང་གི་བཙན་རྫོང་དུ་སོང་སྟེ། རྒྱལ་པོའི་ཕོ་བྲང་མེ་ཡིས་བསྲེགས་ནས་རང་ཉིད་མེའི་ནང་དུ་ཤིའོ། །  
\v 19 ཅི་ལ་དེ་ལྟར་བྱུང་ཞེ་ན། ཁོས་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་ཅིང་། ཡེ་རོབ་ཨམ་གྱི་ལམ་དུ་འགྲུལ་ནས། དེས་ཡེས་ར་ཨེལ་པ་རྣམས་སྡིག་པར་ལྷུང་དུ་བཅུག་པའི་སྡིག་པ་དེའི་རྐྱེན་གྱིས་སོ། །  
\v 20 ཟིམ་རེ་ཡི་བྱས་རྗེས་གཞན་རྣམས་དང་། ཁོས་ལྐོག་གཤོམ་བྱས་པའི་དོན་ནི་ཡེས་ར་ཨེལ་གྱི་རྒྱལ་རབས་ཀྱི་མདོ་ཡི་ནང་དུ་བཀོད་ཡོད་པ་མ་ཡིན་ནམ།   
\s1 ཨོམ་རི་ནི་ཡེས་ར་ཨེལ་པ་རྣམས་ཀྱི་རྒྱལ་པོར་བསྡད་པ།  
\p
\v 21 དེ་ནས་ཡེས་ར་ཨེལ་པ་རྣམས་མི་མཐུན་པར་གྱུར་ཏེ་མི་ཚོགས་གཉིས་སུ་གྱེས་པ་དང་། ཕྱེད་ཀ་ནི་གེ་ནཱད་ཀྱི་བུ་ཐེབ་ནེ་རྒྱལ་པོར་བསྐོ་བའི་ཕྱིར་དེའི་རྗེས་སུ་འབྲངས་པ་དང་། ཡང་ཕྱེད་ཀ་ནི་ཨོམ་རིའི་རྗེས་སུ་འབྲངས་སོ། །  
\v 22 འོན་ཀྱང་ཨོམ་རིའི་རྗེས་སུ་འབྲངས་པ་རྣམས་ནི་གེ་ནཱད་ཀྱི་བུ་ཐེབ་ནེའི་རྗེས་སུ་འབྲངས་པའི་མི་ཚོགས་ལས་རྒྱལ་བར་གྱུར་ཏེ། ཐེབ་ནེ་སྲོག་དང་བྲལ་བས་ན། ཨོམ་རིས་རྒྱལ་སྲིད་བཟུང་ངོ་། །  
\v 23 ཡ་ཧུ་དཱའི་རྒྱལ་པོ་ཨ་སཱ་ཡི་སྲིད་ལོ་སོ་གཅིག་པར། ཨོམ་རི་ཡེས་ར་ཨེལ་གྱི་རྒྱལ་པོར་བསྡད་པ་དང་། ཐིར་ཙ་རུ་ལོ་དྲུག་ལ་རྒྱལ་པོ་བྱས་ཤིང་བསྡོམས་པས་ལོ་བཅུ་གཉིས་རིང་དུ་ཡེས་ར་ཨེལ་ལ་སྲིད་བྱས་སོ། །  
\v 24 ཁོས་སཱ་མར་ཡའི་རི་དེ་དངུལ་གྱི་རྡོ་ཚད་གཉིས་ཀྱིས་ས་མཱར་ཞེས་པ་ནས་ཉོས་ཤིང་རི་དེའི་ཁར་གྲོང་ཁྱེར་བརྩིགས་ཏེ། གྲོང་ཁྱེར་དེའི་མིང་ལ་རི་ཡི་བདག་པོ་ས་མཱར་བཞིན་དུ་སཱ་མར་ཡ་ཞེས་བཏགས་སོ། །  
\v 25 ཨོམ་རི་ཡིས་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་ཅིང་། ཁོའི་སྔོན་དུ་བྱུང་བའི་རྒྱལ་པོ་ཀུན་ལས་ཀྱང་ཐུའོ། །  
\v 26 ཁོས་ནེ་བཱད་ཀྱི་བུ་ཡེ་རོབ་ཨམ་གྱིས་སྤྱད་པའི་སྡིག་ཉེས་ནང་དུ་འགྲུལ་ཏེ། དེས་ཡེས་ར་ཨེལ་པ་རྣམས་སྡིག་པར་ལྷུང་དུ་བཅུག་པའི་སྡིག་པ་དེ་བྱས་པ་དང་། དེ་དག་གི་སྙིང་པོ་མེད་པའི་སྐུ་འདྲ་རྣམས་ཀྱིས་ཡེས་ར་ཨེལ་གྱི་དཀོན་མཆོག་ཡ་ཝཱེའི་ཐུགས་དཀྲུགས་པའི་ཕྱིར་རོ། །  
\v 27 ཨོམ་རིའི་བྱས་རྗེས་གཞན་རྣམས་དང་། ཁོས་ཅི་བྱས་པ་དང་ཁོས་ངོམས་པའི་དཔའ་རྩལ་ཐམས་ཅད་ནི་ཡེས་ར་ཨེལ་གྱི་རྒྱལ་རབས་ཀྱི་མདོ་ཡི་ནང་དུ་བཀོད་ཡོད་པ་མ་ཡིན་ནམ།  
\v 28 དེ་ནས་ཨོམ་རི་ནི་རང་གི་ཕ་མེས་རྣམས་དང་ལྷན་ཅིག་ཏུ་གཟིམས་པ་དང་། སཱ་མར་ཡ་རུ་དུར་ལ་སྦས་ནས་དེའི་བུ་ཨ་ཧབ་ཀྱིས་ཁོའི་ཚབ་ཏུ་རྒྱལ་སྲིད་བཟུང་ངོ་། །   
\s1 ཨ་ཧབ་ནི་ཡེས་ར་ཨེལ་གྱི་རྒྱལ་པོར་བསྡད་པ།  
\p
\v 29 ཡ་ཧུ་དཱའི་རྒྱལ་པོ་ཨ་སཱ་ཡི་སྲིད་ལོ་སོ་བརྒྱད་པར། ཨོམ་རི་ཡི་བུ་ཨ་ཧབ་ནི་ཡེས་ར་ཨེལ་གྱི་རྒྱལ་པོར་བསྡད་པ་དང་། སཱ་མར་ཡ་རུ་ཡེས་ར་ཨེལ་ལ་ལོ་ཉེར་གཉིས་ཀྱི་རིང་དུ་སྲིད་བྱས་སོ། །  
\v 30 ཨོམ་རིའི་བུ་ཨ་ཧབ་ཀྱིས་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་ནས། ཁོའི་སྔོན་དུ་བྱུང་བའི་རྒྱལ་པོ་ཐམས་ཅད་ལས་ཀྱང་ངན་པ་བྱས་སོ། །  
\v 31 ཁོ་རང་ནེ་བཱད་ཀྱི་བུ་ཡེ་རོབ་ཨམ་གྱི་སྡིག་ཉེས་ནང་དུ་འགྲུལ་ཞིང་དེ་ཅི་ལའང་མི་བརྩི་བར་མ་ཟད། ཚི་ཏུན་པའི་རྒྱལ་པོ་ཨེད་པཱ་ཨལ་གྱི་བུ་མོ་ཡེ་ཟི་བེལ་ཆུང་མར་བླངས་ཤིང་པཱ་ཨལ་ཞེས་པའི་ལྷ་ལ་རིམ་གྲོ་བྱས་ནས་དེར་ཕྱག་བཙལ་ཏོ། །  
\v 32 ཁོས་སཱ་མར་ཡ་རུ་པཱ་ཨལ་གྱི་མཆོད་ཁང་བརྩིགས་ནས་དེའི་ནང་དུ་པཱ་ཨལ་ལ་མཆོད་ཁྲི་ཞིག་ཀྱང་བརྩིགས་པ་དང་།  
\v 33 ཨ་ཧབ་ཀྱིས་ལྷ་མོ་ཨ་ཤེ་རཱ་ཡི་སྐུ་ཞིག་ཀྱང་བཟོས། ཨ་ཧབ་ཀྱིས་ངན་པ་སྤྱད་ནས་ཡེས་ར་ཨེལ་གྱི་དཀོན་མཆོག་ཡ་ཝཱེའི་ཐུགས་དཀྲུགས་ཤིང་། ཁོའི་སྔོན་དུ་བྱུང་བའི་ཡེས་ར་ཨེལ་གྱི་རྒྱལ་པོ་ཐམས་ཅད་ལས་ཀྱང་ཐུའོ། །  
\v 34 ཨ་ཧབ་ཀྱི་དུས་སུ་པེད་ཨེལ་པ་ཧི་ཨེལ་གྱིས་ཡེ་རུ་ཀོ་གྲོང་ཁྱེར་ཡང་བསྐྱར་བརྩིགས་ཏེ། ཁོས་གྲོང་ཁྱེར་གྱི་རྩིག་རྨང་འདིང་དུས་བུ་ཆེ་བ་ཨ་བི་རཱམ་ཤི་བ་དང་། ཡང་མཁར་སྒོ་འཛུགས་དུས་བུ་ཆུང་བ་སི་གེབ་ཤི་བར་གྱུར་ཏོ། །དེ་ནི་དཀོན་མཆོག་ཡ་ཝཱེས་ནུན་གྱི་བུ་ཡོ་ཤུ་ཨ་བརྒྱུད་ནས་གསུངས་པ་བཞིན་དུ་གྲུབ་བོ། ། \f + \ft ཡོ་ཤུ་ཨ་ཡི་ལེའུ་དྲུག་པའི་ཚིག་རྐང་ཉེར་དྲུག་ལ་གཟིགས་རོགས།\f*   
\c 17
\cl ལེའུ་བཅུ་བདུན་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 ཨེ་ལི་ཡཱས་ཐན་པ་འབྱུང་བའི་ལུང་བསྟན་གནང་བ།  
\p
\v 1 དེ་ཡང་ཐི་ཞི་པ་ཨེ་ལི་ཡཱ་སྟེ། གིལ་ཨད་ཡུལ་གྱི་ཐི་ཞི་ནས་འོངས་པའི་ཨེ་ལི་ཡཱ་བྱ་བས་ཨ་ཧབ་ལ། ངས་རང་གིས་ཞབས་ཏོག་སྒྲུབ་པའི་ཡེས་ར་ཨེལ་གྱི་གཏན་དུ་བཞུགས་པའི་དཀོན་མཆོག་ཡ་ཝཱེ་དཔང་དུ་བཙུགས་ནས་མནའ་བསྐྱལ་བ་ཡིན་ཏེ། ངས་གསོལ་བ་བཏབ་པ་མིན་ན་ལོ་འདི་དག་གི་ནང་དུ་ཟིལ་བའམ་ཆར་བ་གང་ཡང་འབབ་པར་མི་འགྱུར་རོ་ཞེས་གསུངས་པ་དང་།  
\v 2 དེ་ལ་དཀོན་མཆོག་ཡ་ཝཱེའི་བཀའ་བབས་ནས་འདི་སྐད་དུ།  
\v 3 ཁྱོད་རང་འདི་ནས་ཤར་ཕྱོགས་སུ་སོང་ལ། ཡོར་དན་གཙང་པོའི་ཤར་ཕྱོགས་སུ་ཡོད་པའི་ཀེ་རིད་ཆུ་བོའི་འགྲམ་ལ་ཡིབ་ནས་སྡོད་ཅིག  
\v 4 ཁྱོད་ཀྱིས་ཆུ་བོ་དེ་ལས་ཆུ་འཐུང་བར་འགྱུར་ཞིང་བདག་གིས་ཕོ་རོག་རྣམས་ལ་ཁྱོད་ལ་ཁ་ཟས་སྟེར་བའི་བཀའ་བསྒོས་ཡོད་ཅེས་གསུངས་པས།  
\v 5 ཨེ་ལི་ཡཱ་ནི་དཀོན་མཆོག་ཡ་ཝཱེའི་བཀའ་བཞིན་དུ་ཆས་ཏེ། ཡོར་དན་གཙང་པོའི་ཤར་ཕྱོགས་སུ་ཡོད་པའི་ཀེ་རིད་ཆུ་བོའི་འགྲམ་དུ་སོང་ནས་བསྡད་དོ། །  
\v 6 ཕོ་རོག་རྣམས་ཀྱིས་ཞོགས་པ་ཁོང་ལ་བག་ལེབ་དང་ཤ་དྲངས་ཤིང་དགོང་མོ་ཡང་བག་ལེབ་དང་ཤ་དྲངས་པ་དང་། ཁོང་གིས་ཀྱང་ཆུ་བོ་དེའི་ཆུ་འཐུང་བའོ། །   
\s1 སཱ་རེ་ཕད་གྲོང་རྡལ་གྱི་ཡུགས་མོ་ཞིག  
\p
\v 7 ཡང་ཡུལ་དེར་ཆར་མ་བབས་པས། དུས་ཡུན་ངེས་ཅན་ཞིག་གི་རྗེས་སུ་ཆུ་བོ་དེ་བསྐམས་པ་དང་།  
\v 8 ཨེ་ལི་ཡཱ་ལ་ཡང་དཀོན་མཆོག་ཡ་ཝཱེའི་བཀའ་བབས་ནས་འདི་སྐད་དུ།  
\v 9 ཁྱོད་ཡར་ལོངས་ལ། ཚི་ཏུན་ཡུལ་གྱི་སཱ་རེ་ཕད་དུ་སོང་ནས་དེར་སྡོད་ཅིག དེ་རུ་ཁྱོད་ལ་འཚོ་བ་སྦྱོར་བའི་ཕྱིར་བདག་གིས་ཡུགས་མོ་ཞིག་ལ་བཀའ་བསྒོས་ཡོད་ཅེས་གསུངས་པ་དང་།  
\v 10 ཁོང་ཡར་ལངས་ཏེ་སཱ་རེ་ཕད་དུ་ཕྱིན་ཅིང་མཁར་སྒོ་རུ་སླེབས་པའི་ཚེ། ཡུགས་མོ་ཞིག་གིས་དེ་རུ་བུད་ཤིང་བཏུ་བཞིན་ཡོད་པ་དང་། ཁོང་གིས་མོ་བོས་ནས། ཁྱོད་ཀྱིས་སྣོད་ཅིག་གི་ནང་དུ་ང་ལ་ཆུ་ཅུང་ཟད་ཁུར་འོང་རོགས་ཞེས་སྨྲས་པ་དང་།  
\v 11 ཁོ་མོ་ཕར་དེ་ལེན་དུ་སོང་བ་ན། ཁོང་གིས་ཡང་མོ་བོས་ནས། ང་ལ་བག་ལེབ་དུམ་བུ་ཞིག་ཀྱང་ཁྱེར་འོང་རོགས་ཞེས་སྨྲས་པ་ན།  
\v 12 མོས་ཁོང་ལ། ངས་ཁྱེད་ཀྱི་གཏན་དུ་བཞུགས་པའི་དཀོན་མཆོག་ཡ་ཝཱེ་དཔང་དུ་བཙུགས་ནས་མནའ་བསྐྱལ་བ་ཡིན། ང་ལ་བག་ལེབ་ནི་མེད། རྫ་མའི་ནང་དུ་ཕྱེ་སྤར་བ་གང་དང་། སྣོད་ཀྱི་ནང་དུ་སྣུམ་ཅུང་ཟད་ཙམ་ལས་མེད་དོ། །གཟིགས་དང་། ངས་བུད་ཤིང་རེ་གཉིས་ཙམ་བཏུས་ཏེ་ཁྱིམ་དུ་སོང་ནས་ང་དང་ངའི་བུ་ལ་ཁ་ཟས་གཡོས་ནས། དེ་ཟོས་རྗེས་འཆི་བར་སྒུག་པ་ཡིན་ཞེས་ཞུས།  
\v 13 དེར་ཨེ་ལི་ཡཱས་བུད་མེད་དེ་ལ། མ་འཇིགས་ཤིག སོང་ལ་ཁྱོད་ཀྱིས་སྨྲས་པ་བཞིན་དུ་བྱོས་ཤིག འོན་ཀྱང་ཐོག་མར་བག་ལེབ་ཆུང་ངུ་ཞིག་བསྲེགས་ནས་ང་ལ་ཁྱེར་ཤོག དེ་ནས་ཁྱོད་དང་ཁྱོད་ཀྱི་བུ་ལ་བག་ལེབ་སྲེགས་ཤིག  
\v 14 ཅིའི་ཕྱིར་ཞེ་ན། ཡེས་ར་ཨེལ་གྱི་དཀོན་མཆོག་ཡ་ཝཱེས་འདི་སྐད་དུ། དཀོན་མཆོག་ཡ་ཝཱེས་ས་གཞི་རུ་ཆར་བ་གནང་བའི་ཉིན་དེའི་བར་དུ། རྫ་མའི་ཕྱེ་མི་ཚར་ལ། སྣོད་ཀྱི་སྣུམ་ཡང་རྫོགས་པར་མི་འགྱུར་ཞེས་གསུངས་སོ་ཞེས་སྨྲས་པ་དང་།  
\v 15 ཁོ་མོ་སོང་ནས་ཨེ་ལི་ཡཱས་བསྒོས་པ་ལྟར་བྱས་ཏེ། མོ་རང་དང་། ཨེ་ལི་ཡཱ་དང་། མོའི་ནང་མི་རྣམས་ཀྱིས་ཉིན་མང་པོར་ཁ་ཟས་སྤྱད་པའོ། །  
\v 16 དཀོན་མཆོག་ཡ་ཝཱེའི་བཀའ་སྟེ་ཨེ་ལི་ཡཱའི་ངག་བརྒྱུད་ནས་གསུངས་པ་བཞིན་དུ། རྫ་མའི་ཕྱེ་ནི་མ་ཚར་ལ། སྣོད་ཀྱི་སྣུམ་ཡང་མ་རྫོགས་སོ། །   
\p
\v 17 དེའི་རྗེས་སུ་ཁྱིམ་བདག་མ་དེའི་བུ་ལ་ནད་ཅིག་ཕོག་པ་དང་། ནད་ཇེ་སྡུག་ཏུ་སོང་ནས་ཐ་ན་དབུགས་ཀྱང་ཆད།  
\v 18 དེ་ནས་བུད་མེད་ཀྱིས་ཨེ་ལི་ཡཱ་ལ། ཀྱེ་དཀོན་མཆོག་གི་སྐྱེས་བུ་ལགས། བདག་ཁྱེད་དང་འབྲེལ་བ་ཅི་ཡོད་དམ། ཁྱེད་ནི་དཀོན་མཆོག་ལ་ངའི་སྡིག་པ་དྲན་དུ་འཇུག་པ་དང་། ངའི་བུ་གསོད་དུ་འོངས་པ་ཡིན་ནམ་ཞེས་ཞུས་པ་ལ།  
\v 19 ཨེ་ལི་ཡཱས་ཁོ་མོ་ལ། ཁྱོད་ཀྱི་བུ་ང་ལ་སྤྲོད་ཅིག་ཅེས་སྨྲས་ནས། བུ་དེ་མོའི་པང་ནས་བླངས་ཏེ་ཁོ་རང་སྡོད་སའི་ཐོག་ཁང་གི་གཟིམ་ཁང་དུ་ཁྱེར་ནས་ཪང་གི་མལ་ཁྲི་སྟེང་དུ་བཞག་པ་དང་།  
\v 20 ཁོང་གིས་དཀོན་མཆོག་ཡ་ཝཱེ་ལ་འོ་དོད་བོས་ནས། ཀྱེ་བདག་གི་དཀོན་མཆོག་ཡ་ཝཱེ་ལགས། བདག་ལ་གནས་ཚང་གཡར་བའི་ཡུགས་མོ་འདི་ལ་ཡང་ཁྱེད་ཀྱིས་བར་ཆད་གནང་སྟེ། ཁོ་མོའི་བུ་ཤི་རུ་འཇུག་པ་ཡིན་ནམ་ཞེས་གསོལ་ཞིང་།  
\v 21 དེ་ནས་ཁོང་གིས་རང་གི་ལུས་པོ་ཕྲུ་གུ་དེའི་སྟེང་དུ་ཐེངས་གསུམ་ལ་བཀབ་སྟེ། དཀོན་མཆོག་ཡ་ཝཱེ་ལ་འོ་དོད་བོས་ནས། ཀྱེ་བདག་གི་དཀོན་མཆོག་ཡ་ཝཱེ་ལགས། ཁྱེད་ཀྱིས་ཕྲུ་གུ་འདིའི་སྲོག་ཡང་བསྐྱར་ཁོ་ལ་གནང་བར་མཛོད་ཅེས་གསོལ་ཏོ། །  
\v 22 དཀོན་མཆོག་ཡ་ཝཱེས་ཨེ་ལི་ཡཱ་ཡི་གསོལ་འདེབས་ལ་གསན་པ་དང་། ཕྲུ་གུ་དེ་ལ་ཡང་བསྐྱར་སྲོག་ཐོབ་ནས་གསོན་པར་གྱུར།  
\v 23 དེ་ནས་ཨེ་ལི་ཡཱས་ཕྲུ་གུ་དེ་ཐོག་ཁང་གི་གཟིམ་ཁང་ནས་བླངས་ཏེ། ཁྱིམ་དུ་ཁྱེར་ནས་དེའི་མ་ཡི་ལག་ཏུ་སྤྲད་པ་དང་། ཁོང་ན་རེ། ལྟོས་དང་། ཁྱོད་ཀྱི་བུ་གསོན་ནོ་ཞེས་སྨྲས་སོ། །  
\v 24 དེ་ནས་བུད་མེད་ཀྱིས་ཨེ་ལི་ཡཱ་ལ། ཁྱེད་རང་དཀོན་མཆོག་གི་སྐྱེས་བུ་ཡིན་པ་དང་། དཀོན་མཆོག་ཡ་ཝཱེས་ཁྱེད་ཀྱི་ངག་བརྒྱུད་ནས་གསུངས་པའི་བཀའ་ནི་བདེན་པ་ཡིན་པ་ངས་རྟོགས་སོ་ཞེས་ཞུས་སོ། །   
\c 18
\cl ལེའུ་བཅོ་བརྒྱད་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 ཨེ་ལི་ཡཱ་དང་ཞབས་ཕྱི་ཨོ་བད་ཡཱ།  
\p
\v 1 དེ་ནས་ཡུན་རིང་འགོར་བ་དང་ལོ་གསུམ་པར་སླེབས་པའི་ཚེ། ཨེ་ལི་ཡཱ་ལ་དཀོན་མཆོག་ཡ་ཝཱེའི་བཀའ་བྱུང་སྟེ་འདི་སྐད་དུ། ཁྱོད་རང་ཨ་ཧབ་ཀྱི་མདུན་དུ་སོང་ཞིག་དང་། ངས་ས་གཞི་ལ་ཆར་འབབ་པར་བྱའོ་ཞེས་གསུངས་པས།  
\v 2 ཨེ་ལི་ཡཱ་ནི་ཨ་ཧབ་ཀྱི་མདུན་དུ་སོང་བ་དང་། སྐབས་དེར་སཱ་མར་ཡ་རུ་མུ་གེ་ཆེན་པོ་བྱུང་བ་རེད།  
\v 3 ཨ་ཧབ་ཀྱིས་རང་གི་ནང་བློན་ཨོ་བད་ཡཱ་བྱ་བ་བོས་ཤིང་། ཨོ་བད་ཡཱ་ནི་དཀོན་མཆོག་ཡ་ཝཱེ་ལ་ཤིན་ཏུ་གུས་ཤིང་འཇིགས་པ་ཞིག་ཡིན་ཏེ།  
\v 4 ཡེ་ཟི་བེལ་གྱིས་དཀོན་མཆོག་ཡ་ཝཱེའི་ལུང་སྟོན་པ་རྣམས་གསོད་པའི་ཚེ། ཨོ་བད་ཡཱས་ལུང་སྟོན་པ་བརྒྱ་ཁྲིད་དེ་ལྔ་བཅུ་ལྔ་བཅུ་བྱས་ནས་བྲག་ཁུང་ནང་དུ་སྦས་ཤིང་། དེ་རྣམས་བག་ལེབ་དང་ཆུ་ཡིས་གསོས་སོ། །  
\v 5 ཨ་ཧབ་ཀྱིས་ཨོ་བད་ཡཱ་ལ། ཁྱོད་རང་ཡུལ་འདིའི་ཆུ་མིག་དང་ཆུ་བོ་ཡོད་ཚད་དུ་སོང་ལ་ལྟོས་ཤིག རྟ་དྲེལ་རྣམས་ཀྱི་སྲོག་བསྐྱབས་ནས་ཕྱུགས་རྣམས་མེད་པར་མི་འགྱུར་བའི་ཕྱིར་དུ། རང་ཅག་གིས་རྩྭ་སྔོན་རྙེད་ཀྱང་སྲིད་ཅེས་སྨྲས་པས།  
\v 6 ཁོ་རྣམས་ཡུལ་ཐམས་ཅད་ལ་ཉུལ་བར་ས་ཕྱོགས་གཉིས་སུ་བགོས་ནས། ཕྱོགས་གཅིག་ཏུ་ཨ་ཧབ་གཅིག་པུ་སོང་བ་དང་། ཕྱོགས་ཅིག་ཤོས་སུ་ཨོ་བད་ཡཱ་གཅིག་པུ་སོང་།  
\v 7 དེ་ནས་ཨོ་བད་ཡཱ་ལམ་དུ་སྐྱོད་པའི་ཚེ་ན། ཨེ་ལི་ཡཱ་ཁོ་དང་ཕྲད་ཅིང་། ཨོ་བད་ཡཱས་ཁོང་ངོ་ཟིན་ནས་གདོང་ས་རུ་གཏད་དེ་ན་རེ། ཁྱེད་རང་དངོས་གནས་ང་ཡི་ཇོ་བོ་ཨེ་ལི་ཡཱ་ཡིན་ནམ་ཞེས་ཞུས་པར།  
\v 8 ཨེ་ལི་ཡཱ་ཡིས་ལན་དུ་ང་རང་ཡིན། ཁྱོད་སོང་ལ་རང་གི་བདག་པོ་དེར། ཀྱེ་ཧོ་ཨེ་ལི་ཡཱ་འདི་རུ་འདུག་ཅེས་ཤོད་ཅིག་ཅེས་བསྒོས་པ་དང་།  
\v 9 ཨོ་བད་ཡཱ་ན་རེ། ངས་ཉེས་པ་ཅི་ཞིག་བྱས་སམ། ཁྱེད་ཀྱིས་ཞབས་ཕྱི་བདག་སྲོག་དང་ཕྲལ་དུ་ཨ་ཧབ་ཀྱི་ལག་ཏུ་སྤྲོད་པར་བྱའམ།  
\v 10 ངས་ཁྱེད་ཀྱི་གཏན་དུ་བཞུགས་པའི་དཀོན་མཆོག་ཡ་ཝཱེ་དཔང་དུ་བཙུགས་ནས་མནའ་བསྐྱལ་བ་ཡིན། མི་རིགས་དང་རྒྱལ་ཁམས་མཐའ་དག་ལས་ངའི་བདག་པོས་ཁྱེད་རང་འཚོལ་དུ་མ་བཏང་ས་གཅིག་ཀྱང་ལུས་མེད། ཡང་མི་རྣམས་ཀྱིས་ཁྱེད་རང་དེ་རུ་མེད་ཅེས་སྨྲས་པ་ཙམ་གྱིས་ཁོས་མི་སྡེ་དང་རྒྱལ་ཁམས་དེ་ལ་ཁྱེད་རང་དངོས་གནས་མ་རྙེད་པའི་མནའ་སྐྱེལ་དུ་བཅུག་པ་ཡིན།  
\v 11 ད་ནི་ཁྱེད་ཀྱིས་ང་ལ། ཁྱོད་སོང་ལ་རང་གི་བདག་པོར་ཨེ་ལི་ཡཱ་འདི་རུ་ཡོད་ཅེས་ཤོད་ཅིག་ཅེས་གསུངས་བྱུང་།  
\v 12 དེ་ནས་བདག་ཁྱེད་དང་ཁ་བྲལ་མ་ཐག་དཀོན་མཆོག་ཡ་ཝཱེའི་ཐུགས་ཉིད་ཀྱིས་ཁྱེད་ནི་བདག་ལ་རྒྱུས་མེད་པའི་གནས་སུ་འཁྱེར་བར་འགྱུར། ཡང་བདག་སོང་ནས་ཨ་ཧབ་ལ་སྨྲས་ཚེ། ཁོས་ཁྱེད་ཉིད་མ་རྙེད་ན་བདག་གསོད་ངེས་ཡིན། འོན་ཀྱང་ཁྱེད་ཀྱི་ཞབས་ཕྱི་བདག་ནི་ཆུང་དུས་ནས་དཀོན་མཆོག་ཡ་ཝཱེ་ལ་གུས་ཤིང་འཇིགས་པ་ཞིག་ཡིན་ཏེ།  
\v 13 ཡེ་ཟི་བེལ་གྱིས་དཀོན་མཆོག་ཡ་ཝཱེའི་ལུང་སྟོན་པ་རྣམས་འགུམ་པའི་དུས་སུ། ངས་ཇི་ལྟར་དཀོན་མཆོག་ཡ་ཝཱེའི་ལུང་སྟོན་པ་མི་བརྒྱ་ནི་ལྔ་བཅུ་ལྔ་བཅུ་བྱས་ཏེ་བྲག་ཁུང་ནང་དུ་སྦས་ནས། དེ་དག་བག་ལེབ་དང་ཆུ་ཡིས་གསོས་པའི་གཏམ་དེ་ངའི་བདག་པོ་ཁྱེད་ལ་སུས་ཀྱང་མ་སྨྲས་སམ།  
\v 14 ད་ལྟ་ཁྱེད་ཀྱིས། ཁྱོད་སོང་ལ་རང་གི་བདག་པོར་ཨེ་ལི་ཡཱ་འདི་རུ་ཡོད་ཅེས་ཤོད་ཅིག་ཅེས་གསུངས། ཁོས་ང་གསོད་པར་འགྱུར་ངེས་ཞེས་ཞུས་པ་ན།  
\v 15 ཨེ་ལི་ཡཱ་ན་རེ། ངས་རང་གིས་ཞབས་ཏོག་སྒྲུབ་པ་དང་གཏན་དུ་བཞུགས་པའི་དཀོན་མཆོག་སྟེ། དཔུང་ཚོགས་ཀུན་གྱི་དཀོན་མཆོག་ཡ་ཝཱེ་དཔང་དུ་བཙུགས་ནས་མནའ་བསྐྱལ་བ་ཡིན། དེ་རིང་ཉིན་མོར་ང་ཨ་ཧབ་ཀྱི་མདུན་དུ་སླེབས་ངེས་ཡིན་ཞེས་གསུངས་སོ། །   
\s1 ཨེ་ལི་ཡཱ་འགྲན་བསྡུར་ལས་རྒྱལ་བ།  
\p
\v 16 དེ་ནས་ཨོ་བད་ཡཱ་ནི་ཨ་ཧབ་ཀྱི་མདུན་དུ་ཕྱིན་ཅིང་དོན་དེ་ཁོ་ལ་སྨྲས་པ་དང་། ཨ་ཧབ་ནི་ཨེ་ལི་ཡཱ་དང་འཕྲད་དུ་འོངས་པ་སྟེ།  
\v 17 ཁོས་ཨེ་ལི་ཡཱ་མཐོང་མ་ཐག་ཏུ་ན་རེ། ཡེས་ར་ཨེལ་ལ་གནོད་པ་བྱེད་མཁན་དེ་ཁྱོད་རང་མ་ཡིན་ནམ་ཞེས་སྨྲས་པ་དང་།  
\v 18 ཨེ་ལི་ཡཱས་ལན་དུ། ཡེས་ར་ཨེལ་ལ་གནོད་པ་བྱེད་མཁན་ནི་ང་མིན་ཏེ། ཁྱོད་དང་ཁྱོད་ཀྱི་ཕ་མེས་ཀྱི་ཁྱིམ་རྒྱུད་ཡིན་ནོ། །ཁྱོད་ཅག་གིས་དཀོན་མཆོག་ཡ་ཝཱེའི་བཀའ་རྒྱ་རྣམས་སྤངས་ཏེ་པཱ་ཨལ་རྣམས་ཀྱི་རྗེས་སུ་འབྲངས་པས་སོ། །  
\v 19 ད་ལྟ་ཁྱོད་ཀྱིས་བང་ཆེན་བཏང་ནས་ཡེས་ར་ཨེལ་པ་ཐམས་ཅད་དང་། པཱ་ཨལ་གྱི་ལུང་སྟོན་པ་བཞི་བརྒྱ་ལྔ་བཅུ་དང་། ཡེ་ཟི་བེལ་གྱི་གསོལ་ལྕོག་ལས་ཁ་ཟས་སྤྱོད་པའི་ལྷ་མོ་ཨ་ཤེ་རཱ་ཡི་ལུང་སྟོན་པ་བཞི་བརྒྱ་བཅས་ནི་ངའི་མདུན་དུ་ཀར་མེལ་རི་བོ་རུ་བསྡུས་ཤོག་ཅེས་སྨྲས་པ་ལ།  
\v 20 ཨ་ཧབ་ཀྱིས་བང་ཆེན་བཏང་ནས་ཡེས་ར་ཨེལ་པ་ཐམས་ཅད་དང་ལུང་སྟོན་པ་རྣམས་ཀར་མེལ་རི་བོར་བསྡུས་སོ། །  
\v 21 དེར་ཨེ་ལི་ཡཱ་མི་ཐམས་ཅད་ཀྱི་མདུན་དུ་བྱོན་ཏེ་དེ་དག་ལ། ཁྱོད་རྣམས་བློ་གཉིས་འགལ་བྱས་ནས་དུས་ནམ་ཞིག་གི་བར་དུ་སྡོད་པར་བྱའམ། གལ་ཏེ་དཀོན་མཆོག་ཡ་ཝཱེ་ནི་དཀོན་མཆོག་ལགས་ན། ཁྱོད་རྣམས་ཁོང་གི་རྗེས་སུ་འབྲོངས་ཤིག གལ་ཏེ་པཱ་ཨལ་དཀོན་མཆོག་ཡིན་ན། ཁྱོད་རྣམས་དེའི་རྗེས་སུ་འབྲོངས་ཤིག་ཅེས་བསྐུལ་ནའང་། མི་ཚོགས་ཀྱིས་ལན་དུ་ཚིག་གཅིག་ཀྱང་མ་སྨྲས་སོ། །  
\v 22 དེ་ནས་ཨེ་ལི་ཡཱས་མི་ཚོགས་ལ། དཀོན་མཆོག་ཡ་ཝཱེའི་ལུང་སྟོན་པ་རྣམས་ལས་ང་རང་གཅིག་པུ་ལས་ལུས་མེད་ཀྱང་། པཱ་ཨལ་གྱི་ལུང་སྟོན་པ་ནི་བཞི་བརྒྱ་དང་ལྔ་བཅུ་ཡོད།  
\v 23 ད་ལྟ་ངེད་ཅག་ལ་གླང་ཐུག་གཉིས་བྱིན་ཅིག་དང་། པཱ་ཨལ་གྱི་ལུང་སྟོན་པ་རྣམས་ལ་གླང་ཐུག་གཅིག་འདེམས་སུ་ཆུག་ལ་དེ་དུམ་བུར་བྱས་ཏེ་བུད་ཤིང་གི་སྟེང་ལ་ཞོག་ཅིག འོན་ཀྱང་མེ་མི་གཏོང་བར་གྱིས། བདག་གིས་ཀྱང་གླང་ཐུག་ཅིག་བཤས་ཏེ། བུད་ཤིང་གི་སྟེང་དུ་བཞག་ནས་མེ་གཏོང་བར་མི་བྱ།  
\v 24 ཁྱོད་རྣམས་ཀྱིས་ཁྱོད་ཅག་གི་ལྷ་རྣམས་ཀྱི་མིང་ལ་འོ་དོད་བོས་ཤིག བདག་གིས་དཀོན་མཆོག་ཡ་ཝཱེའི་མཚན་ལ་འོ་དོད་འབོད་པར་བྱ། དཀོན་མཆོག་སུ་ཡིས་མེ་ཡི་སྒོ་ནས་ལན་བཏབ་ན་དེ་ནི་དཀོན་མཆོག་ཏུ་འཛིན་པར་བྱའོ་ཞེས་སྨྲས་པ་ལ། མི་ཚོགས་ཀྱིས་ལེགས་སོ་ཞེས་ལན་བཏབ།  
\v 25 ཨེ་ལི་ཡཱ་ཡིས་པཱ་ཨལ་གྱི་ལུང་སྟོན་པ་རྣམས་ལ། ཁྱོད་ཅག་མི་མང་པོ་ཡོད་པས་ཁྱོད་ཅག་གིས་རང་གི་ཕྱིར་གླང་ཐུག་ཅིག་འདེམས་པར་གྱིས་ཤིག དེ་གྲ་སྒྲིག་བྱས་རྗེས་རང་གི་ལྷ་ཡི་མིང་ལ་འོ་དོད་བོས་ཤིག འོན་ཀྱང་དེ་ལ་མེ་མི་གཏོང་བར་གྱིས་ཞེས་སྨྲས་པར།  
\v 26 དེ་དག་གིས་རང་ལ་སྤྲད་པའི་གླང་ཐུག་དེ་ཁྲིད་འོངས་ནས་གྲ་སྒྲིག་བྱས་ཤིང་། ཞོགས་པ་ནས་ཉིན་གུང་གི་བར་དུ་པཱ་ཨལ་གྱི་མིང་ལ་འོ་དོད་བོས་ནས། ཀྱེ་པཱ་ཨལ། ངེད་ཅག་ལ་གསན་པར་མཛོད་ཅིག་ཅེས་ཞུས་ཀྱང་། སྐད་སྒྲ་ཅི་ཡང་མ་བྱུང་ལ་ལན་ཡང་མ་བྱུང་བས། དེ་དག་གིས་རང་གིས་བཟོས་པའི་མཆོད་ཁྲིའི་མཐའ་སྐོར་ནས་གར་འཆམས་པ་རེད།  
\v 27 དེ་ནས་ཉིན་གུང་གི་དུས་སུ་ཨེ་ལི་ཡཱས་དེ་དག་ལ་འཕྱ་བཞིན་དུ། སྐད་ཆེན་པོས་འོ་དོད་བོས་ཤིག ཁོ་ནི་ལྷ་ཞིག་ཡིན་པས། ཐུགས་གཞིགས་ཟབ་མོ་གཏོང་གིན་ཡོད་དམ། བྲེལ་བ་ཆེའམ། བྱེས་སུ་ཡོད་དམ། གཉིད་ལ་ཡུར་བ་དང་གཉིད་ལས་དཀྲོག་དགོས་པ་ཡིན་ནམ་ཞེས་སྨྲས་པས།  
\v 28 དེ་དག་གིས་སྐད་ཆེན་པོས་འོ་དོད་བོས་ཤིང་། རང་གི་ལུགས་ལྟར་རང་རང་གི་ལུས་སྟེང་ནས་ཁྲག་བཞུར་བའི་བར་དུ། རང་གིས་རང་ལ་གྲི་དང་མདུང་གིས་གཙགས།  
\v 29 ཉིན་གུང་ཡོལ་ནས་དགོང་མོའི་མཆོད་པ་འབུལ་བའི་བར་དུ་ཁོ་ཚོས་སྨྱོ་སྐད་བརྒྱབ་ནས་བསྡད་ཀྱང་། སྐད་སྒྲ་ཅི་ཡང་མ་བྱུང་ལ་ལན་ཡང་མ་བྱུང་། སྣང་འཇོག་བྱེད་མཁན་ཞིག་ཀྱང་མ་བྱུང་ངོ་། །  
\v 30 དེ་ནས་ཨེ་ལི་ཡཱས་མི་ཚོགས་ལ། ཁྱོད་རྣམས་ངའི་མདུན་དུ་ཤོག་ཅིག་ཅེས་སྨྲས་པ་ལ། མི་ཚོགས་རྣམས་ཁོའི་མདུན་དུ་འོངས་པ་དང་། ཁོང་གིས་དཀོན་མཆོག་ཡ་ཝཱེའི་མཆོད་ཁྲི་ཞིག་རལ་དུ་གྱུར་པ་དེ་སླར་གསོ་བྱས།  
\v 31 དཀོན་མཆོག་ཡ་ཝཱེས་དེ་སྔར་ཡ་ཀོབ་ལ། ཁྱོད་ཀྱི་མིང་ལ་ཡེས་ར་ཨེལ་ཞེས་འབོད་པར་འགྱུར་རོ་ཞེས་བཀའ་གནང་བ་བཞིན་དུ། ཨེ་ལི་ཡཱས་ཡ་ཀོབ་ཀྱི་བུ་རབས་ཚ་རྒྱུད་ཀྱི་ཚོ་པ་རྣམས་ཀྱི་གྲངས་ཀ་བཞིན་དུ་རྡོ་བཅུ་གཉིས་བླངས་པ་དང་།  
\v 32 དཀོན་མཆོག་ཡ་ཝཱེའི་མཚན་ལ་བརྟེན་ནས་རྡོ་དེ་རྣམས་ཀྱིས་མཆོད་ཁྲི་ཞིག་བརྩིགས་ཏེ། མཆོད་ཁྲིའི་མཐའ་འཁོར་དུ་འབྲུ་བྲེ་གཉིས་ཤོང་བའི་འོབས་དོང་བྲུས་ཤིང་།  
\v 33 བུད་ཤིང་རྣམས་བསྒྲིགས་པ་དང་། ཡང་གླང་ཐུག་དེ་དུམ་བུར་གཏུབ་ནས་བུད་ཤིང་གི་སྟེང་དུ་བཞག་ནས་དེ་དག་ལ། རྫ་བུམ་བཞི་ཆུས་བཀང་བར་བྱས་ནས། སྦྱིན་སྲེག་གི་མཆོད་པ་དང་བུད་ཤིང་རྣམས་ཀྱི་སྟེང་དུ་བླུགས་ཤིག་ཅེས་བསྒོས་སོ། །  
\v 34 ཡང་ཁོང་ན་རེ། ལན་གཉིས་པར་དེ་ལྟར་གྱིས་ཤིག་ཅེས་བསྒོས་པར། དེ་དག་གིས་ལན་གཉིས་པར་དེ་ལྟར་བྱས། ཡང་ཁོང་ན་རེ། ལན་གསུམ་པར་དེ་ལྟར་གྱིས་ཤིག་ཅེས་བསྒོས་པར། དེ་དག་གིས་ལན་གསུམ་པར་དེ་ལྟར་བྱས་པ་དང་།  
\v 35 མཆོད་ཁྲིའི་མཐའ་འཁོར་དུ་ཆུ་བཞུར་ཅིང་འོབས་དོང་དེ་ཡང་ཆུས་ཁེངས་པར་གྱུར་ཏོ། །  
\v 36 དགོང་མོའི་མཆོད་པ་འབུལ་བའི་དུས་སུ། ལུང་སྟོན་པ་ཨེ་ལི་ཡཱ་མདུན་དུ་འོངས་ནས། ཀྱེ་དཀོན་མཆོག་ཡ་ཝཱེ་ལགས། ཨབ་ར་ཧམ་དང་། ཨི་སཱག་དང་། ཡེས་ར་ཨེལ་ཀྱི་དཀོན་མཆོག་ལགས། དེ་རིང་ཉིན་མོར། ཁྱེད་ཉིད་ཡེས་ར་ཨེལ་གྱི་དཀོན་མཆོག་ཡིན་ལ། བདག་ནི་ཁྱེད་ཀྱི་ཞབས་ཕྱི་ཡིན་པ་དང་། ཁྱེད་ཀྱི་བཀའ་བཞིན་དུ་འདི་བཞིན་བྱེད་པ་དེ་མངོན་པར་མཛོད་ཅིག  
\v 37 ཀྱེ་དཀོན་མཆོག་ཡ་ཝཱེ་ལགས། ཁྱེད་ཀྱིས་བདག་ལ་ལན་གནང་རོགས། བདག་ལ་ལན་གནང་ནས་མི་རིགས་འདི་ལ་ཁྱེད་ནི་དཀོན་མཆོག་ཡ་ཝཱེ་ཡིན་པ་དང་། ཁྱེད་ཀྱིས་མི་འདི་རྣམས་ཀྱི་སེམས་ཕྱིར་འཁོར་དུ་བཅུག་པ་ཁོ་རྣམས་ལ་ཤེས་པར་མཛད་དུ་གསོལ་ཞེས་ཞུས་པ་ལ།  
\v 38 དཀོན་མཆོག་ཡ་ཝཱེས་མེ་ཕབ་ནས་སྦྱིན་སྲེག་གི་མཆོད་པ་དང་། བུད་ཤིང་དང་། རྡོ་དང་། ས་བཅས་ཐམས་ཅད་འགེམས་ཏེ། འོབས་དོང་གི་ནང་དུ་ཡོད་པའི་ཆུ་ཡང་ཐག་པར་བྱས་སོ། །  
\v 39 མི་ཚོགས་ཀྱིས་དེ་མཐོང་བ་ཙམ་གྱིས་གདོང་ས་རུ་གཏད་དེ། དཀོན་མཆོག་ཡ་ཝཱེ་ནི་དཀོན་མཆོག་གོ །དཀོན་མཆོག་ཡ་ཝཱེ་ནི་དཀོན་མཆོག་གོ་ཞེས་ཞུས་སོ། །  
\v 40 དེ་ནས་ཨེ་ལི་ཡཱས་ཁོ་རྣམས་ལ། པཱ་ཨལ་གྱི་ལུང་སྟོན་པ་རྣམས་བཟུང་ལ། དེ་རྣམས་ལས་གཅིག་ཀྱང་འཆོར་དུ་མ་འཇུག་ཅེས་སྨྲས་པར། མི་ཚོགས་ཀྱིས་དེ་རྣམས་བཟུང་བ་དང་། ཨེ་ལི་ཡཱས་དེ་རྣམས་ཁི་ཤོན་ཆུ་བོའི་འགྲམ་དུ་ཁྲིད་ནས་དེ་རུ་བསད་དོ། །   
\p
\v 41 ཡང་ཨེ་ལི་ཡཱས་ཨ་ཧབ་ལ། ངས་ཆར་བ་ཆེན་པོའི་སྐད་སྒྲ་ཐོས་པས། ཁྱོད་ཡར་སོང་ལ་བཟའ་བཏུང་སྤྱོད་ཅིག་ཅེས་སྨྲས་པར།  
\v 42 ཨ་ཧབ་ཡར་སོང་ནས་བཟའ་བཏུང་སྤྱད་པ་དང་། ཨེ་ལི་ཡཱ་ནི་ཀར་མེལ་རི་བོའི་རྩེ་རུ་འཛེགས་ནས་པུས་མོ་སར་བཙུགས་ཏེ་པུས་མོ་གཉིས་ཀྱི་བར་ལ་མགོ་བཞག་ནས།  
\v 43 རང་གི་ཞབས་ཕྱི་ན་རེ། ཁྱོད་ཡར་སོང་ལ་རྒྱ་མཚོའི་ཕྱོགས་སུ་ལྟོས་ཤིག་ཅེས་བསྒོས་པ་དང་། ཁོ་ཡར་སོང་ནས་བལྟས་ཏེ། ཅི་ཡང་མི་འདུག་ཅེས་ཞུས། ཡང་ཨེ་ལི་ཡཱ་ཡིས་ཁྱོད་ཕྱིར་སོང་ལ་ལྟོས་ཤིག་ཅེས་སྨྲས་ཤིང་ཐེངས་བདུན་ལ་དེ་བཞིན་བསྒོས།  
\v 44 དེ་ནས་ཐེངས་བདུན་པ་ལ་ཞབས་ཕྱི་ན་རེ། ཀྱེ་ཧོ། ངས་མི་ཡི་ལག་མཐིལ་ལྟ་བུའི་སྤྲིན་ཕུང་ཞིག་རྒྱ་མཚོ་ནས་ཡར་འཕྱུར་བ་མཐོང་བྱུང་ཞེས་ཞུས་པ་དང་། ཨེ་ལི་ཡཱ་ན་རེ། ཁྱོད་ཡར་སོང་ནས་ཨ་ཧབ་ལ། ཤིང་རྟ་གྲ་སྒྲིག་བྱོས་ལ་མར་སོང་ཞིག དེ་ལྟར་མ་བྱས་ཚེ་དྲག་ཆར་གྱིས་ཁྱོད་འགོག་པར་འགྱུར་ཞེས་སྨྲོས་ཤིག་ཅེས་བསྒོས་པའོ། །  
\v 45 དེ་ནས་ཡུན་ཙམ་གྱིས་སྤྲིན་དང་རླུང་གིས་ནམ་མཁའ་ནག་པོར་གྱུར་ནས་དྲག་ཆར་བབས་པ་དང་། ཨ་ཧབ་ཤིང་རྟར་བསྡད་དེ་ཡེ་སི་རེ་ཨེལ་དུ་སོང་ཞིང་།  
\v 46 དཀོན་མཆོག་ཡ་ཝཱེའི་ནུས་མཐུ་ཨེ་ལི་ཡཱའི་སྟེང་དུ་བབས་པ་དང་། ཁོང་གིས་སྐ་རགས་བཅིངས་ནས་ཨ་ཧབ་ཀྱི་སྔོན་དུ་རྒྱུགས་ཏེ་ཡེ་སི་རེ་ཨེལ་གྱི་བར་དུ་སླེབས་སོ། །   
\c 19
\cl ལེའུ་བཅུ་དགུ་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 ཨེ་ལི་ཡཱ་སྲོག་ཐར་བའི་ཆེད་དུ་བྲོས་པ།  
\p
\v 1 དེ་ནས་ཨ་ཧབ་ཀྱིས་ཡེ་ཟི་བེལ་ལ། ཨེ་ལི་ཡཱས་ཅི་བྱས་པ་ཐམས་ཅད་དང་ཇི་ལྟར་ལུང་སྟོན་པ་ཐམས་ཅད་རལ་གྲིས་བསད་པའི་གཏམ་སྨྲས་པ་དང་།  
\v 2 ཡེ་ཟི་བེལ་གྱིས་ཨེ་ལི་ཡཱ་ལ་བང་ཆེན་བཏང་ནས། གལ་ཏེ་སང་ཉིན་གྱི་དུས་འདི་ལ། དེ་དག་གི་སྲོག་བཅད་པ་ལྟར་ཁྱོད་ཀྱི་སྲོག་ཀྱང་མ་བཅད་ན། ལྷ་རྣམས་ཀྱིས་ང་ལ་འདིའམ་འདི་ལས་ལྷག་པ་ཞིག་མཛད་པར་ཤོག་ཅེས་སྨྲས།  
\v 3 དེར་ཨེ་ལི་ཡཱ་འཇིགས་སྣང་སྐྱེས་ཤིང་ཡར་ལངས་ཏེ་སྲོག་ཐར་བའི་ཆེད་དུ་ཡ་ཧུ་དཱའི་ཁོངས་གཏོགས་པེར་ཤ་བཱ་རུ་ཕྱིན་པ་དང་། རང་གི་ཞབས་ཕྱི་དེར་བཞག་ཅིང་།  
\v 4 ཁོང་ནི་དབེན་སྟོང་དུ་ཉིན་གཅིག་གི་ལམ་ལ་སོང་ཞིང་། ཤུག་སྡོང་ \f + \ft འདིར་ཤུག་སྡོང་ཞེས་པ་ནི་མ་ཕྱི་ལས་རོ་ཊམ་(ro-tem)ཞེས་མཐོང་། དེ་ནི་ཤུག་སྡོང་གི་རིགས་ཡིན་ཞིང་བོད་ཡུལ་ལ་རོ་ཊམ་དང་གཅིག་མཚུངས་མེད་པས་དེ་ལྟར་བསྒྱུར་བ་ཡིན། \f*ཞིག་གི་འོག་ཏུ་བསྡད་ནས་རང་འཆི་བའི་ཕྱིར་གསོལ་བ་བཏབ་སྟེ། ཀྱེ་དཀོན་མཆོག་ཡ་ཝཱེ་ལགས། ད་ནི་འགྲིག་སོང་། བདག་ནི་བདག་གི་མེས་པོ་རྣམས་ལས་བཟང་པོ་མིན་པས། བདག་གི་སྲོག་བཞེས་སུ་གསོལ་ཞེས་ཞུས་པ་དང་།  
\v 5 ཤུག་སྡོང་དེའི་འོག་ཏུ་ཉལ་ནས་གཉིད་དུ་ཡུར་བ་ན། ཀྱེ་ཧོ། ཕོ་ཉ་ཞིག་གིས་ཁོང་ལ་རེག་ནས། ཡར་ལོངས་ལ་ཁ་ཟས་སྤྱོད་པར་གྱིས་ཞེས་བསྒོས་སོ། །  
\v 6 དེ་ནས་ཁོང་གིས་བལྟས་པའི་ཚེ། ཀྱེ་ཧོ། རང་གི་མགོའི་འགྲམ་དུ་སོལ་བས་བསྲེགས་པའི་བག་ལེབ་ཅིག་དང་ཆུ་བུམ་པ་གང་ཡོད་པ་མཐོང་ནས། ཁོང་ཡར་ལངས་ཏེ་བཟའ་བཏུང་སྤྱད་རྗེས་ཡང་བསྐྱར་ཉལ་བ་དང་།  
\v 7 དཀོན་མཆོག་ཡ་ཝཱེའི་ཕོ་ཉ་ཐེངས་གཉིས་པར་བྱོན་ནས་ཁོང་ལ་རེག་པ་དང་། ཁྱོད་རང་འགྲོ་སའི་ལམ་ཐག་ཤིན་ཏུ་རིང་བས། ཡར་ལོངས་ལ་ཁ་ཟས་སྤྱོད་ཅིག་ཅེས་བསྒོས་པར།  
\v 8 ཁོང་ཡར་ལངས་ནས་བཟའ་བཏུང་སྤྱད་ཅིང་ཁ་ཟས་དེའི་སྟོབས་ཀྱིས་ཉིན་ཞག་བཞི་བཅུའི་རིང་ལ་སོང་ནས་དཀོན་མཆོག་གི་རི་བོ་སྟེ་ཧོ་རེབ་རི་བོར་ཕྱིན་ཏོ། །  
\v 9 དེར་སླེབས་ནས་ཁོང་བྲག་ཁུང་ཞིག་གི་ནང་དུ་སོང་ནས་དེར་ཞག་སྡོད་བྱས་པ་དང་། དཀོན་མཆོག་ཡ་ཝཱེའི་བཀའ་བྱུང་སྟེ་ཁོང་ལ། ཨེ་ལི་ཡཱ། ཁྱོད་ཀྱིས་འདི་རུ་ཅི་བྱེད་ཀྱིན་ཡོད་ཅེས་དྲིས་པ་ན།  
\v 10 ཁོང་ན་རེ། བདག་གིས་དཔུང་ཚོགས་ཀུན་གྱི་དཀོན་མཆོག་ཡ་ཝཱེའི་ཕྱིར་དུ་ཧུར་བརྩོན་བྱེད་ཀྱིན་ཡོད། ཅིའི་ཕྱིར་ཞེ་ན། ཡེས་ར་ཨེལ་པ་རྣམས་ཀྱིས་ཁྱེད་ཀྱི་ཞལ་ཆད་སྤངས་ཏེ་ཁྱེད་ཀྱི་མཆོད་ཁྲི་རྣམས་བཤིགས་པ་དང་། ཁྱེད་ཀྱི་ལུང་སྟོན་པ་རྣམས་རལ་གྲིས་བསད་དོ། །ད་ལྟ་བདག་གཅིག་པུ་ལུས་ཀྱང་། དེ་རྣམས་ཀྱིས་བདག་གི་སྲོག་གཅོད་པར་སྙེག་གིན་འདུག་ཅེས་ཞུས་པ་ལ།  
\v 11 དཀོན་མཆོག་ཡ་ཝཱེས་འདི་སྐད་དུ། ཁྱོད་ཕྱི་རུ་ཡོང་ནས་བདག་གི་མདུན་དུ་རི་མགོར་ལོངས་ལ་སྡོད་ཅིག་ཅེས་བསྒོས་པ་དང་། སྐབས་དེར་དཀོན་མཆོག་ཡ་ཝཱེ་ཁོང་གི་མདུན་ནས་ཕར་ཕེབས་པ་ན། དཀོན་མཆོག་ཡ་ཝཱེའི་མདུན་དུ་རླུང་ཆེན་དྲག་པོ་ཞིག་གིས་རི་ཉིལ་ཞིང་རྡོ་གས་ནའང་། དཀོན་མཆོག་ཡ་ཝཱེ་རླུང་གི་ནང་དུ་མ་མཆིས་ལ། རླུང་ཆེན་གྱི་རྗེས་སུ་ས་འགུལ་བྱུང་ཡང་། དཀོན་མཆོག་ཡ་ཝཱེ་ས་འགུལ་གྱི་ནང་དུའང་མ་མཆིས།  
\v 12 ས་འགུལ་གྱི་རྗེས་སུ་མེ་བྱུང་ཡང་། དཀོན་མཆོག་ཡ་ཝཱེ་མེའི་ནང་དུའང་མ་མཆིས་ཤིང་། མེའི་རྗེས་སུ་དམའ་ཞིང་འཇམ་པའི་སྐད་སྒྲ་ཞིག་བྱུང་ཞིང་།  
\v 13 ཨེ་ལི་ཡཱས་དེ་ཐོས་པ་ཙམ་གྱིས། ཕྱི་གོས་ཀྱིས་རང་གི་གདོང་བཀབ་སྟེ་ཕྱི་རུ་ཐོན་ནས་བྲག་ཁུང་ཁ་རུ་ཀེ་རེར་བསྡད་པ་དང་། གློ་བུར་སྐད་ཅིག་བྱུང་སྟེ་ན་རེ། ཨེ་ལི་ཡཱ། ཁྱོད་ཀྱིས་འདི་རུ་ཅི་བྱེད་ཀྱིན་ཡོད་ཅེས་པའི་ལན་དུ།  
\v 14 ཨེ་ལི་ཡཱ་ན་རེ། བདག་གིས་དཔུང་ཚོགས་ཀུན་གྱི་དཀོན་མཆོག་ཡ་ཝཱེའི་ཕྱིར་དུ་ཧུར་བརྩོན་བྱེད་ཀྱིན་ཡོད། ཅིའི་ཕྱིར་ཞེ་ན། ཡེས་ར་ཨེལ་པ་རྣམས་ཀྱིས་ཁྱེད་ཀྱི་ཞལ་ཆད་སྤངས་ཏེ་ཁྱེད་ཀྱི་མཆོད་ཁྲི་རྣམས་བཤིགས་པ་དང་། ཁྱེད་ཀྱི་ལུང་སྟོན་པ་རྣམས་རལ་གྲིས་བསད་དོ། །ད་ལྟ་བདག་གཅིག་པུ་ལུས་ཀྱང་། དེ་རྣམས་ཀྱིས་བདག་གི་སྲོག་གཅོད་པར་སྙེག་གིན་འདུག་ཅེས་ཞུས་པ་ལ།  
\v 15 དཀོན་མཆོག་ཡ་ཝཱེས་ཁོང་ལ། ཁྱོད་སོང་དང་། ཁྱོད་རང་ཡོང་སའི་ལམ་དེ་ནས་ཕྱིར་དཱ་མེ་སེག་གི་དབེན་སྟོང་དུ་སོང་ཞིག ཡང་དེར་སླེབས་རྗེས་ཧ་ཟཱ་ཨེལ་ནི་ཨ་རམ་གྱི་རྒྱལ་པོ་དང་།  
\v 16 ནིམ་ཤེའི་བུ་ཡེ་ཧུ་ནི་ཡེས་ར་ཨེལ་གྱི་རྒྱལ་པོར་བསྐོ་བར་སྣུམ་གྱིས་བྱུགས་ཤིག ཡང་ཨ་བེལ་མེ་ཧོ་ལཱ་ཡི་ཤ་ཕད་ཀྱི་བུ་ཨེ་ལི་ཤཱ་ནི་ཁྱོད་ཀྱི་ཚབ་ཏུ་ལུང་སྟོན་པར་བསྐོ་བར་སྣུམ་གྱིས་བྱུགས་ཤིག  
\v 17 དེ་ནས་ཧ་ཟཱ་ཨེལ་གྱི་རལ་གྲི་ལས་ཐར་བ་རྣམས་ནི་ཡེ་ཧུས་གསོད་ཅིང་། ཡེ་ཧུའི་རལ་གྲི་ལས་ཐར་བ་རྣམས་ནི་ཨེ་ལི་ཤཱས་གསོད་པར་འགྱུར་རོ། །  
\v 18 ཡིན་ནའང་བདག་གིས་པཱ་ཨལ་གྱི་མདུན་དུ་པུས་མོ་མ་བཙུགས་པ་དང་། ཁོ་ལ་ཁ་ཡང་མ་བསྐྱལ་བའི་མི་བདུན་སྟོང་ཡེས་ར་ཨེལ་པའི་ཁྲོད་ནས་བསྐྱུར་བ་ཡིན་ཞེས་བཀའ་བསྩལ་བ་དང་།  
\v 19 ཨེ་ལི་ཡཱ་དེ་དང་བྲལ་ནས་སོང་པ་ན། ཁོང་ཤ་ཕད་ཀྱི་བུ་ཨེ་ལི་ཤཱ་ཡིས་ཞིང་རྨོ་བཞིན་པ་དང་ཕྲད། དེའི་མདུན་དུ་བ་གླང་དོར་བཅུ་གཉིས་ཡོད་ལ། དེས་བ་གླང་དོར་བཅུ་གཉིས་པ་འདེད་ཀྱིན་ཡོད་པ་དང་། ཨེ་ལི་ཡཱ་ཁོའི་རྩར་བྱོན་ནས་ཁོང་གི་ཕྱི་གོས་དེའི་སྟེང་དུ་བསྐོན་པ་རེད།  
\v 20 དེར་ཨེ་ལི་ཤཱ་ཡིས་བ་གླང་རྣམས་བསྐྱུར་ཏེ་ཨེ་ལི་ཡཱའི་རྗེས་སུ་རྒྱུགས་ནས་ཁོང་ལ། བདག་སོང་ནས་རང་གི་ཕ་མ་དང་འོ་བྱས་ཏེ་གྱེས་ཕྱག་འབུལ་བར་བདག་ལ་དགོངས་པ་གནང་རོགས་ཞུ། དེ་ནས་ང་ཁྱེད་ཀྱི་རྗེས་སུ་འབྲང་བར་བྱའོ་ཞེས་ཞུས་པས། ཁོང་གིས་དེ་ལ། ངས་ཁྱོད་ལ་ཅི་བྱས་སམ། ཕྱིར་སོང་ཞིག་ཅེས་གསུངས་པ་དང་།  
\v 21 ཨེ་ལི་ཤཱ་ཁོང་གི་དྲུང་ནས་ཕྱིར་ལོག་ཅིང་། བ་གླང་དོར་གཅིག་ཁྲིད་འོངས་ནས་བཤས་ཏེ། ཞིང་རྨོ་ཆས་ཀྱིས་དེ་དག་གི་ཤ་བཙོས་ནས་མི་རྣམས་ལ་སྤྲད་པ་དང་དེ་རྣམས་ཀྱིས་ཟོས་རྗེས། ཁོང་ཡར་ལངས་ནས་ཨེ་ལི་ཡཱའི་རྗེས་སུ་འབྲངས་ཏེ་ཞབས་ཕྱི་བྱས་སོ། །   
\c 20
\cl ལེའུ་ཉི་ཤུ་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 རྒྱལ་པོ་པེན་ཧ་དཱད་ཀྱིས་སཱ་མར་ཡ་ལ་དམག་དྲངས་པ།  
\p
\v 1 དེ་ནས་ཨ་རམ་གྱི་རྒྱལ་པོ་པེན་ཧ་དཱད་ཀྱིས་རང་གི་དམག་དཔུང་ཡོད་ཚད་བསྡུས་པ་དང་། རྒྱལ་པོ་སུམ་ཅུ་སོ་གཉིས་ཁོ་དང་མཉམ་དུ་ཡོད་ཅིང་། རྟ་དང་ཤིང་རྟ་བཅས་ཡར་སོང་སྟེ་སཱ་མར་ཡ་བསྐོར་ནས་དེར་དམག་བརྒྱབ་བོ། །  
\v 2 པེན་ཧ་དཱད་ཀྱིས་གྲོང་ཁྱེར་དེའི་ཡེས་ར་ཨེལ་གྱི་རྒྱལ་པོ་ཨ་ཧབ་ཀྱི་དྲུང་དུ་བང་ཆེན་མངགས་ཏེ་འདི་ལྟར། པེན་ཧ་དཱད་ཀྱིས་ཁྱོད་ལ་ན་རེ།  
\v 3 ཁྱོད་ཀྱི་དངུལ་དང་གསེར་ཡོད་ཚད་ངའི་ཡིན་ལ། ཁྱོད་ཀྱི་བཙུན་མོ་རྣམས་དང་དར་ལ་བབས་པའི་བུ་དང་བུ་མོ་རྣམས་ཀྱང་ངའི་ཡིན་གསུངས་ཞེས་སྨྲས་པ་ལ།  
\v 4 ཡེས་ར་ཨེལ་གྱི་རྒྱལ་པོས་དེའི་ལན་དུ། ཀྱེ་ངའི་ཇོ་བོ་དང་ངའི་རྒྱལ་པོ་ལགས། ཁྱེད་ཀྱི་བཀའ་བཞིན་དུ་ང་དང་ང་ལ་གཏོགས་པ་ཐམས་ཅད་ཁྱེད་ཀྱི་ཡིན་ཞེས་སྨྲས་པ་དང་།  
\v 5 བང་ཆེན་དེ་དག་སླར་འོངས་ནས་ཁོ་ལ། པེན་ཧ་དཱད་ཀྱིས་འདི་ལྟར། བདག་གིས་དེ་སྔར་མི་མངགས་ནས་ཁྱོད་ལ། ཁྱོད་ཀྱིས་རང་གི་དངུལ་དང་གསེར་དང་། བཙུན་མོ་དང་བུ་བུ་མོ་རྣམས་ངའི་ལག་ཏུ་སྤྲོད་ཅིག་ཅེས་འཕྲིན་བསྐུར་བ་ཡིན།  
\v 6 སང་ཉིན་དུས་འདི་ཙམ་ལ་ངས་རང་གི་འཁོར་གཡོག་རྣམས་ཁྱོད་ཀྱི་རྩར་གཏོང་བར་བྱ། དེ་དག་གིས་ཁྱོད་ཀྱི་རྒྱལ་པོའི་ཕོ་བྲང་དང་། ཁྱོད་ཀྱི་འཁོར་གཡོག་རྣམས་ཀྱི་ཁྱིམ་ནང་སྔོག་བཤེར་བྱ་ཞིང་། ཁོ་ཚོས་རིན་ཐང་ཆེ་བར་བསམ་པ་ཐམས་ཅད་བླངས་ནས་འཁྱེར་བར་འགྱུར་རོ་གསུངས་ཞེས་སྨྲས།  
\v 7 དེར་ཡེས་ར་ཨེལ་གྱི་རྒྱལ་པོས་ཡུལ་དེའི་རྒན་པོ་ཐམས་ཅད་བོས་ནས་དེ་དག་ལ། ཁྱེད་རྣམ་པས་སོམས་ཤིག མི་འདིས་དཀྲུག་ཤིང་འཕེན་པར་ལྟོས་དང་། ཁོས་དེ་སྔར་ངའི་རྩར་མི་མངགས་ནས་ངའི་བཙུན་མོ་རྣམས་དང་བུ་དང་བུ་མོ་རྣམས་དང་། ངའི་དངུལ་དང་གསེར་རྣམས་དགོས་པར་སྨྲས་ནའང་། ངས་ཁོ་ལ་མི་སྟེར་མ་སྨྲས་ཞེས་སྨྲས་པ་ན།  
\v 8 རྒན་པོ་རྣམས་དང་མི་ཐམས་ཅད་ཀྱིས་ཁོང་ལ། ཁོའི་གཏམ་ལ་མ་གསན་ལ་ཁོའི་འདོད་ལའང་མ་བསྟུན་ཞེས་ཞུས་པའི་རྐྱེན་གྱིས།  
\v 9 ཨ་ཧབ་ཀྱིས་པེན་ཧ་དཱད་ཀྱི་བང་ཆེན་རྣམས་ལ། ཁྱོད་ཅག་གིས་ངའི་ཇོ་བོ་དང་ངའི་རྒྱལ་པོ་ལ་འདི་ལྟར་ཞུས་ཤིག ཁྱེད་ཀྱིས་ཐེངས་དང་པོར་བང་ཆེན་མངགས་ནས་ཉིད་ཀྱི་ཞབས་ཕྱི་བདག་ལ་ཅི་དགོས་གསུངས་པ་ཐམས་ཅད་བདག་གིས་དེ་བཞིན་བྱས་ཆོག འོན་ཀྱང་ཐེངས་འདིའི་རེ་བ་ནི་ངས་བསྐང་མི་ནུས་སོ་ཞེས་སྨྲས་པ་དང་། བང་ཆེན་རྣམས་སོང་ནས་འཕྲིན་དེ་པེན་ཧ་དཱད་ལ་སྤྲད་པར།  
\v 10 པེན་ཧ་དཱད་ཀྱིས་ཡང་བང་ཆེན་བཏང་ནས་ཨ་ཧབ་ལ། གལ་ཏེ་སཱ་མར་ཡ་ཡི་ས་རྡུལ་ནི་ངའི་རྗེས་སུ་འབྲངས་པའི་མི་རེ་རེར་སྤར་བ་གང་རེ་འདང་བ་ཡིན་ན། ལྷ་རྣམས་ཀྱིས་ང་ལ་འདིའམ་འདི་ལས་ལྷག་པ་ཞིག་མཛད་པར་ཤོག་ཅེས་སྨྲས་པ་དང་།  
\v 11 ཡེས་ར་ཨེལ་གྱི་རྒྱལ་པོས། གོ་ཁྲབ་གྱོན་པའི་མི་ཡིས་གོ་ཁྲབ་ཕུད་མཁན་ལྟར་རློམ་སེམས་མ་སྐྱེད་ཅིག་ཅེས་དེ་ལ་ལན་བཏབ་ཅིང་།  
\v 12 སྐབས་དེར་པེན་ཧ་དཱད་ཀྱིས་རྒྱལ་པོ་གཞན་རྣམས་དང་ལྷན་དུ་གུར་ནང་དུ་ཆང་འཐུང་བཞིན་ཡོད་ལ། འཕྲིན་འདི་ཐོས་ནས་འཁོར་གཡོག་རྣམས་ལ། རུ་སྒྲིགས་ལ་ཕར་རྒོལ་ཞིག་ཅེས་བསྒོས་པ་དང་དེ་དག་གིས་རུ་བསྒྲིགས་ནས་གྲོང་ཁྱེར་དེ་ལ་རྒོལ་བའོ། །   
\s1 ཨ་ཧབ་ཀྱིས་པེན་ཧ་དཱད་ཕམ་པར་བརྒྱབ་པ།  
\p
\v 13 དེའི་དུས་སུ་ལུང་སྟོན་པ་ཞིག་ཡེས་ར་ཨེལ་གྱི་རྒྱལ་པོ་ཨ་ཧབ་ཀྱི་དྲུང་དུ་འོངས་ནས་ཁོང་ལ། དཀོན་མཆོག་ཡ་ཝཱེས་འདི་སྐད་དུ། ཁྱོད་ཀྱིས་དཔུང་ཚོགས་ཆེན་པོ་འདི་རྣམས་མཐོང་ངམ། ལྟོས་ཤིག དེ་རིང་བདག་གིས་དེ་རྣམས་ཁྱོད་ཀྱི་ལག་ཏུ་སྤྲོད་ཅིང་། དེ་ནས་ཁྱོད་ཀྱིས་བདག་ནི་ཡ་ཝཱེ་ཡིན་པ་རྟོགས་པར་འགྱུར་ཞེས་གསུངས་སོ་ཞེས་སྨྲས་པ་ལ།  
\v 14 ཨ་ཧབ་ཀྱིས་སུ་ཞིག་བརྒྱུད་ནས་འདི་ལྟར་འབྱུང་ངམ་ཞེས་དྲིས་པ་ན། ལུང་སྟོན་པ་ན་རེ། དཀོན་མཆོག་ཡ་ཝཱེས་འདི་སྐད་དུ། ལྗོངས་སོ་སོའི་འགོ་དཔོན་རྣམས་ཀྱི་རྗེས་སུ་འབྲང་བའི་ན་གཞོན་རྣམས་བརྒྱུད་ནས་བསྒྲུབ་ངེས་སོ་ཞེས་གསུངས་པ་དང་། ཡང་ཨ་ཧབ་ན་རེ། འཐབ་མོ་རྩོམ་མཁན་སུ་ཡིན་ནམ་ཞེས་དྲིས་པར། ལུང་སྟོན་པས་ལན་དུ། ཁྱོད་རང་ཡིན་ཞེས་གསུངས་སོ། །  
\v 15 དེ་ནས་ཨ་ཧབ་ཀྱིས་ལྗོངས་སོ་སོའི་འགོ་དཔོན་གྱི་རྗེས་སུ་འབྲང་བའི་ན་གཞོན་རྣམས་རྩིས་གྲངས་བླངས་པ་དང་། བསྡོམས་པས་མི་ཉིས་བརྒྱ་དང་སོ་གཉིས་ཡོད། དེའི་རྗེས་སུ་ཡང་ཁོང་གིས་ཡེས་ར་ཨེལ་པའི་ལྷག་ལུས་རྣམས་རྩིས་གྲངས་བླངས་པ་ལ་བསྡོམས་པས་མི་སྟོང་བདུན་དུ་སླེབས་པ་རེད།  
\v 16 ཉིན་གུང་ལ་པེན་ཧ་དཱད་དང་ཁོའི་དཔུང་གྲོགས་ཡིན་པའི་རྒྱལ་པོ་སུམ་ཅུ་སོ་གཉིས་ཀྱིས་གུར་ནང་དུ་ཆང་བག་མེད་དུ་འཐུང་བའི་དུས་སུ། དེ་རྣམས་ལམ་དུ་ཆས་པ་དང་།  
\v 17 ལྗོངས་རེ་རེའི་འགོ་དཔོན་རྣམས་ཀྱི་རྗེས་སུ་འབྲང་བའི་ན་གཞོན་རྣམས་སྔོན་ལ་སླེབས་པ་དང་། པེན་ཧ་དཱད་ཀྱིས་མྱུལ་ཞིབ་པ་བཏང་བ་དང་དེ་དག་གིས་ཁོ་ལ། སཱ་མར་ཡའི་ཕྱོགས་ནས་མི་རྣམས་སླེབས་བྱུང་ཞེས་སྨྲས།  
\v 18 དེར་པེན་ཧ་དཱད་ན་རེ། དེ་རྣམས་ཞི་མཐུན་གྱི་ཆེད་དུ་སླེབས་པ་ཡིན་ན་གསོན་པོར་ཟུངས་ཤིག འཐབ་ཏུ་ཐོན་པ་ཡིན་ནའང་གསོན་པོར་ཟུངས་ཤིག་ཅེས་བསྒོས་སོ། །  
\v 19 ལྗོངས་སོ་སོའི་འགོ་དཔོན་རྣམས་ཀྱི་རྗེས་སུ་འབྲང་བའི་ན་གཞོན་རྣམས་གྲོང་ཁྱེར་ནས་ཐོན་ཞིང་། དམག་དཔུང་ཡང་དེ་དག་གི་རྗེས་སུ་སླེབས་པ་དང་།  
\v 20 མི་རེ་རེས་རང་རང་གི་འགྲན་ཟླ་རྣམས་བསད་པས། ཨ་རམ་པ་རྣམས་བྲོས་ཤིང་ཡེས་ར་ཨེལ་པ་རྣམས་ཀྱིས་རྗེས་བསྙེགས་ཀྱང་། ཨ་རམ་གྱི་རྒྱལ་པོ་པེན་ཧ་དཱད་ནི་རྟ་ལ་ཞོན་ཏེ་སྐྱ་དམག་སྐོར་ཞིག་དང་མཉམ་དུ་བྲོས་པའོ། །  
\v 21 ཡེས་ར་ཨེལ་གྱི་རྒྱལ་པོ་ཡང་དེར་སླེབས་ནས་རྟ་དང་ཤིང་རྟ་རྣམས་ལ་རྒོལ་ཞིང་། གསོད་གཅོད་ཆེན་པོས་ཨ་རམ་པ་རྣམས་ཕམ་པར་བརྒྱབ་བོ། །   
\p
\v 22 དེ་ནས་ལུང་སྟོན་པ་དེ་ཡེས་ར་ཨེལ་གྱི་རྒྱལ་པོའི་དྲུང་དུ་འོངས་ནས་ཁོང་ལ། སང་ལོའི་དཔྱིད་དུས་སུ་ཨ་རམ་གྱི་རྒྱལ་པོ་སླར་ཡང་ཁྱེད་ལ་དམག་འདྲེན་དུ་འོང་བས། སོང་ལ་སྟོབས་ཤུགས་འཛོམས་པར་གྱིས་ཤིག རང་གིས་ཅི་བྱེད་དགོས་པར་མཉམ་ཞོག་ཅིག་ཅེས་གསུངས་སོ། །  
\v 23 དེ་ནས་ཨ་རམ་གྱི་རྒྱལ་པོའི་འཁོར་གཡོག་རྣམས་ཀྱིས་ཁོ་ལ། ཡེས་ར་ཨེལ་པ་རྣམས་ཀྱི་ལྷ་རྣམས་ནི་རི་བོ་དག་གི་ལྷ་ཡིན་པས། དེ་དག་རང་ཅག་ལས་སྟོབས་ཤུགས་ཆེ་བ་རེད། འོན་ཀྱང་རང་ཅག་གིས་བདེ་ཐང་ནས་དེ་དག་ལ་འཐབ་ན་རྒྱལ་ཁ་ལེན་ཐུབ་ངེས་ཡིན།  
\v 24 རྒྱལ་པོ་ཁྱེད་ཀྱིས་འདི་བཞིན་བྱེད་འོས་ཏེ། རྒྱལ་པོ་རྣམས་རང་རང་གི་གོ་ས་ལས་ཕབ་སྟེ། དེ་དག་གི་གོ་ས་རུ་དམག་དཔོན་རྣམས་བསྐོས་ནས།  
\v 25 སྟོངས་ཟིན་པའི་དམག་དཔུང་གི་ཚབ་ཏུ་དམག་དཔུང་གསར་པ་ཞིག་དང་། རྟའི་ཚབ་ཏུ་རྟ་དང་ཤིང་རྟའི་ཚབ་ཏུ་ཤིང་རྟ་རྣམས་གཤམ་དགོས། དེ་ནས་རང་ཅག་གིས་བདེ་ཐང་ནས་དེ་དག་ལ་འཐབ་ན། རང་ཅག་དེ་དག་ལས་རྒྱལ་བར་འགྱུར་རོ་ཞེས་ཞུས་པས། ཁོས་དེ་རྣམས་ཀྱི་གཏམ་ལ་མཉན་ནས་དེ་བཞིན་དུ་བྱས་སོ། །  
\v 26 དེ་ནས་དཔྱིད་ཀའི་དུས་སུ། པེན་ཧ་དཱད་ཀྱིས་ཨ་རམ་པ་རྣམས་རྩིས་གྲངས་བླངས་ནས་ཡེས་ར་ཨེལ་ལ་འཐབ་པར་ཨ་ཕེག་ཅེས་པར་སོང་ངོ་། །  
\v 27 ཡེས་ར་ཨེལ་པ་རྣམས་ཀྱིས་མི་རྩིས་བླངས་ནས་རྒྱགས་མཁོ་སྤྲོད་བྱས་ཏེ། ཨ་རམ་པའི་གདོང་བསུས་ནས་འཐབ་ཏུ་སོང་། ཡེས་ར་ཨེལ་པ་རྣམས་ཀྱིས་དེ་རྣམས་ཀྱི་ཁ་གཏད་དུ་སྒར་ཕབ་པ་དང་རེའུ་ཡི་ཁྱུ་ཆུང་ངུ་གཉིས་དང་མཚུངས་ལ། ཨ་རམ་པས་ཡུལ་དེ་ཁྱབ་ནས་བསྡད་ཡོད་དོ། །  
\v 28 དེ་ནས་དཀོན་མཆོག་གི་སྐྱེས་བུ་ཞིག་འོངས་ནས་ཡེས་ར་ཨེལ་གྱི་རྒྱལ་པོ་ལ། དཀོན་མཆོག་ཡ་ཝཱེས་འདི་སྐད་དུ། ཨ་རམ་པས་དཀོན་མཆོག་ཡ་ཝཱེ་ནི་རི་བོ་དག་གི་དཀོན་མཆོག་ཡིན་པ་དང་བདེ་ཐང་གི་དཀོན་མཆོག་མིན་པར་སྨྲ་བས་ན། བདག་གིས་དཔུང་ཚོགས་ཆེན་པོ་འདི་ཐམས་ཅད་ཁྱོད་ཀྱི་ལག་ཏུ་སྤྲད་དོ། །དེ་ནས་ཁྱོད་རྣམས་ཀྱིས་བདག་ནི་ཡ་ཝཱེ་ཡིན་པ་ཤེས་པར་འགྱུར་ཞེས་གསུངས་ཞེས་སྨྲས་སོ། །  
\v 29 དེ་བཞིན་དུ་ཉིན་ཞག་བདུན་གྱི་རིང་ལ་ཡེས་ར་ཨེལ་པ་དང་ཨ་རམ་པ་གཉིས་ཀྱིས་ཕན་ཚུན་ཁ་གཏད་དུ་དམག་སྒར་ཕབ་ནས་བསྡད་དེ། ཉིན་བདུན་པར་དམག་འཐབ་འགོ་བརྩམས་པ་རེད། ཡེས་ར་ཨེལ་པ་རྣམས་ཀྱིས་ཉིན་གཅིག་གི་ནང་དུ་ཨ་རམ་པའི་རྐང་དམག་འབུམ་གཅིག་བསད་པ་དང་།  
\v 30 ཤུལ་དུ་ལུས་པ་རྣམས་ཨ་ཕེག་གྲོང་ཁྱེར་དུ་བྲོས་ནའང་། མཁར་གྱང་ལོག་ནས་ཤུལ་དུ་ལུས་པའི་མི་ཉིས་ཁྲི་བདུན་སྟོང་མནན་ཏེ་ཤིའོ། །པེན་ཧ་དཱད་ཀྱང་གྲོང་ཁྱེར་ནང་དུ་བྲོས་ཏེ་ཁང་བ་སྦུག་མ་ཞིག་ལ་སྦས་ནས་བསྡད་དོ། །  
\v 31 དེ་ནས་ཁོའི་འཁོར་གཡོག་རྣམས་ཀྱིས་ཁོ་ལ། གཟིགས་དང་། ཡེས་ར་ཨེལ་ཁྱིམ་རྒྱུད་གྱི་རྒྱལ་པོ་རྣམས་ནི་རྒྱལ་པོ་སྙིང་རྗེ་ཅན་ཡིན་པར་ཐོས་བྱུང་སྟེ། རང་ཅག་གིས་ཁོག་སྨད་དུ་རྩིད་རས་གྱོན་པ་དང་། མགོ་ལ་ཐག་པ་དཀྲིས་ནས་ཡེས་ར་ཨེལ་གྱི་རྒྱལ་པོའི་དྲུང་དུ་སོང་ན། ཁྱེད་རང་སྲོག་ཐར་དུ་གཏོང་ཡང་སྲིད་ཅེས་ཞུས་པས།  
\v 32 ཁོ་རྣམས་ཀྱིས་ཁོག་སྨད་དུ་རྩིད་རས་གྱོན་པ་དང་། མགོ་ལ་ཐག་པ་དཀྲིས་ནས་ཡེས་ར་ཨེལ་གྱི་རྒྱལ་པོའི་དྲུང་དུ་ཕྱིན་ཏེ་ཁོང་ལ། ཁྱེད་ཀྱི་ཞབས་ཕྱི་པེན་ཧ་དཱད་ཀྱིས་འདི་ལྟར། ཐུགས་རྗེས་གཟིགས་ཏེ་ང་སྲོག་ཐར་དུ་གཏོང་བར་མཛོད་ཅེས་ཞུའོ་ཞེས་ཞུས་པས། ཨ་ཧབ་ཀྱིས་ལན་དུ། ཁོ་ད་དུང་གསོན་པོར་ཡོད་དམ། ཁོ་ནི་ངའི་སྤུན་མཆེད་ཡིན་ཞེས་སྨྲས་སོ། །  
\v 33 མི་དེ་དག་གིས་གཏམ་དེ་ནི་ལྟས་བཟང་ཡིན་པར་སྙམ་ནས་མྱུར་དུ་ཁོང་ལ་ལན་སྤྲད་དེ། པེན་ཧ་དཱད་ནི་སྐུ་ཉིད་ཀྱི་སྐུ་མཆེད་ལགས་སོ་ཞེས་སྨྲས་པ་ལ། ཨ་ཧབ་ན་རེ། ཁྱོད་རྣམས་སོང་ལ་ཁོ་རང་ཁྲིད་ཤོག་ཅེས་སྨྲས་པ་དང་། པེན་ཧ་དཱད་ཁོང་དང་འཕྲད་དུ་འོངས་པ་དང་། ཨ་ཧབ་ཀྱིས་ཁོ་རང་གི་ཤིང་རྟའི་ནང་སྡོད་དུ་བཅུག་གོ །  
\v 34 དེ་ནས་པེན་ཧ་དཱད་ཀྱིས་ཨ་ཧབ་ལ། ངའི་ཕ་ཡིས་ཁྱེད་ཀྱི་ཡབ་ལས་ཕྲོགས་པའི་གྲོང་ཁྱེར་ཐམས་ཅད་ངས་ཁྱེད་ལ་ཕྱིར་འབུལ་བར་བྱ། ཡང་ངའི་ཕ་ཡིས་སཱ་མར་ཡ་ཡུལ་དུ་ཚོང་འདུས་ཁྲོམ་ར་བཙུགས་པ་ལྟར། ཁྱེད་ཀྱིས་ཀྱང་དཱ་མེ་སེག་གྲོང་ཁྱེར་དུ་ཚོང་འདུས་ཁྲོམ་ར་ཞིག་འཛུགས་པར་མཛོད་ཅེས་ཞུས་པ་ལ། ཨ་ཧབ་ཀྱིས་ངས་ཁྱོད་ལ་ཁ་ཆད་འདི་ལྟ་བུ་བཞག་ནས་ཁྱོད་འགྲོ་རུ་འཇུག་གོ་ཞེས་སྨྲས་ཤིང་། ཁོང་གིས་ཁ་ཆད་བཞག་པ་དང་པེན་ཧ་དཱད་འགྲོ་རུ་བཅུག་གོ །   
\s1 ལུང་སྟོན་པ་ཞིག་གིས་རྒྱལ་པོ་ཨ་ཧབ་ལ་ཐ་ཚིག་བསྒྲགས་པ།  
\p
\v 35 དེ་ནས་ལུང་སྟོན་པའི་ཐུགས་སྲས་རྣམས་ལས་གཅིག་གིས་དཀོན་མཆོག་ཡ་ཝཱེའི་བཀའ་ནང་བཞིན་ཐུགས་སྲས་གཞན་ཞིག་ལ། ཁྱོད་ཀྱིས་ང་ལ་རྡུངས་ཤིག་ཅེས་སྨྲས་ཀྱང་། དེས་ཁོ་ལ་མི་རྡུང་ངོ་། །  
\v 36 དེ་རུ་ཁོས་མི་དེ་ལ། ཁྱོད་ཀྱིས་དཀོན་མཆོག་ཡ་ཝཱེའི་བཀའ་ལ་མ་མཉན་པས། ང་དང་བྲལ་མ་ཐག་ཏུ་སེང་གེ་ཞིག་གིས་ཁྱོད་ལ་སོ་བཏབ་ནས་གསོད་པར་འགྱུར་ཞེས་སྨྲས་པ་དང་། མི་དེ་ཁོང་དང་བྲལ་ནས་སོང་མ་ཐག་ཏུ་སེང་གེ་ཞིག་དང་ཕྲད་ནས་ཁོ་བསད་དོ། །  
\v 37 ཡང་ལུང་སྟོན་པའི་ཐུགས་སྲས་དེ་མི་གཞན་ཞིག་དང་ཕྲད་ནས་དེ་ལ། ང་ལ་རྡུང་བར་མཛོད་ཅིག་ཅེས་སྨྲས་པ་ལ། མི་དེས་ཁོ་ལ་བརྡུངས་ནས་རྨས་པར་བྱས།  
\v 38 དེ་ནས་ལུང་སྟོན་པ་དེ་སོང་ནས་ལམ་ཁར་རྒྱལ་པོར་བསྒུགས་པ་དང་། རང་གི་མིག་ཟུང་ལག་རས་ཀྱིས་བཀབ་ནས་གྱོན་ཆས་བསྒྱུར་ཏོ། །  
\v 39 རྒྱལ་པོ་ཁོའི་མདུན་ནས་འགྲོ་བའི་དུས་སུ། ཁོས་སྐད་ཆེན་པོས་རྒྱལ་པོ་བོས་ཏེ། ཁྱེད་ཀྱི་ཞབས་ཕྱི་བདག་འཐབ་མོར་ཞུགས་པ་དང་གཡུལ་འགྱེད་པའི་དུས་སུ། ཀྱེ་ཧོ། དམག་མི་ཞིག་གློ་བུར་ཉིད་ལ་ཁ་ཕྱིར་འཁོར་ནས་བདག་གི་རྩར་མི་ཞིག་ཁྲིད་འོངས་ཏེ་བདག་ལ་མི་འདི་བསྲུང་བར་གྱིས་ཤིག གལ་ཏེ་མི་འདི་བོར་ན་དེའི་སྲོག་ཚབ་ཏུ་ཁྱོད་ཀྱི་སྲོག་འགྲོ་དགོས། དེ་མིན་ན་ཁྱོད་ཀྱིས་དངུལ་རྡོ་ཚད་གཅིག་འཇལ་དགོས་ཞེས་སྨྲས་བྱུང་།  
\v 40 དེ་ནས་ཁྱེད་ཀྱི་ཞབས་ཕྱི་བདག་ཡར་མར་གྱི་དོན་མང་པོར་བྲེལ་བས་ན་མི་དེ་བྲོས་སོང་ཞེས་ཞུས་པ་དང་། ཡེས་ར་ཨེལ་གྱི་རྒྱལ་པོས་ཁོ་ལ། ཁྱོད་ཀྱིས་རང་ཉིད་ལ་ཁྲིམས་བཅད་པས། དེ་བཞིན་དུ་ཁྱོད་ལ་ཁྲིམས་གཅོད་པར་བྱའོ་ཞེས་སྨྲས་པ་དང་།  
\v 41 ཁོས་མྱུར་དུ་རང་གི་གདོང་ལས་ལག་རས་དེ་ཕུད་པས། ཡེས་ར་ཨེལ་གྱི་རྒྱལ་པོས་ཁོ་ནི་ལུང་སྟོན་པ་ཞིག་ཡིན་པར་ཤེས་སོ། །  
\v 42 དེར་ལུང་སྟོན་པས་རྒྱལ་པོ་ལ། དཀོན་མཆོག་ཡ་ཝཱེས་འདི་སྐད་དུ། ཁྱོད་ཀྱིས་བདག་གིས་རྩ་མེད་གཏོང་དགོས་པའི་མི་རང་གི་ལག་ནས་འགྲོ་རུ་བཅུག་པའི་རྐྱེན་གྱིས། ཁོའི་སྲོག་གི་ཚབ་ཏུ་ཁྱོད་ཀྱི་སྲོག་དང་། ཁོའི་འབངས་ཀྱི་ཚབ་ཏུ་ཁྱོད་ཀྱི་འབངས་འགྲོ་བར་འགྱུར་རོ་ཞེས་བསྒོས་པ་ན།  
\v 43 ཡེས་ར་ཨེལ་གྱི་རྒྱལ་པོ་ཡིད་མུག་ཅིང་བློ་མི་བདེ་བར་གྱུར་ནས། ཕྱིར་སཱ་མར་ཡ་རུ་རང་གི་ཕོ་བྲང་དུ་ལོག་གོ །   
\c 21
\cl ལེའུ་ཉེར་གཅིག་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 ནཱ་རྦོད་ཀྱི་རྒུན་འབྲུམ་ར་བ།  
\p
\v 1 ཡེ་སི་རེ་ཨེལ་པ་ནཱ་རྦོད་བྱ་བ་ལ་ཡེ་སི་རེ་ཨེལ་གྱི་སཱ་མར་ཡའི་རྒྱལ་པོ་ཨ་ཧབ་ཀྱི་ཕོ་བྲང་གི་ཉེ་འགྲམ་དུ་རྒུན་འབྲུམ་ར་བ་ཞིག་ཡོད་པ་ཡིན།  
\v 2 ཨ་ཧབ་ཀྱིས་ནཱ་རྦོད་ལ། ཁྱོད་ཀྱི་རྒུན་འབྲུམ་ར་བ་འདི་ངའི་ཕོ་བྲང་གི་ཉེ་འགྲམ་དུ་ཡོད་པས། སྔོ་ཚོད་ར་བ་བྱེད་པར་ང་ལ་བྱིན་ཅིག་དང་། ངས་དེ་ལས་བཟང་བའི་རྒུན་འབྲུམ་ར་བ་ཞིག་ཚབ་ཏུ་སྟེར་བར་བྱ། གལ་ཏེ་ཁྱོད་དགའ་ན་ངས་དེའི་རིན་དུ་དངུལ་སྤྲད་ཀྱང་ཆོག་ཅེས་སྨྲས་ནའང་།  
\v 3 ནཱ་རྦོད་ཀྱིས་ཨ་ཧབ་ལ། རང་གི་ཕ་མེས་ཀྱི་ནོར་སྐལ་ཁྱེད་ལ་འབུལ་བ་ནི་དཀོན་མཆོག་ཡ་ཝཱེས་རྩ་བ་ནས་འགོག་པ་ཡིན་ཞེས་ལན་དུ་སྨྲས་སོ། །  
\v 4 དེར་ཡེ་སི་རེ་ཨེལ་པ་ནཱ་རྦོད་ཀྱིས་ངས་རང་གི་ཕ་མེས་ཀྱི་ནོར་སྐལ་དེ་ཁྱེད་ལ་སྟེར་བར་མི་བྱའོ་ཞེས་སྨྲས་པའི་རྐྱེན་གྱིས། ཨ་ཧབ་ཁྲོས་ཤིང་སེམས་མ་སྐྱིད་པར་ཕྱིར་ཕོ་བྲང་དུ་ལོག་ནས། མལ་ཁྲིར་ལོག་ནས་ངོ་གནག་སྟེ་ཡི་གའང་ཆད་དོ། །  
\v 5 དེ་ནས་ཁོའི་བཙུན་མོ་ཡེ་ཟི་བེལ་ཁོའི་མདུན་དུ་འོངས་ནས་ཁྱེད་སེམས་ཕམ་ནས་ཐ་ན་ཟས་ཀྱང་མི་བཟའ་བ་འདི་ཅི་ཡིན་ཞེས་དྲིས་པ་ན།  
\v 6 ཁོས་ལན་དུ། ངས་ཡེ་སི་རེ་ཨེལ་པ་ནཱ་རྦོད་ལ། ཁྱོད་ཀྱི་རྒུན་འབྲུམ་ར་བ་དེ་ང་ལ་ཚོངས་དང་ངས་དངུལ་སྟེར་བར་བྱ། གལ་ཏེ་ཁྱོད་དགའ་ན་ངས་དེའི་ཚབ་ཏུ་རྒུན་འབྲུམ་ར་བ་གཞན་ཞིག་སྟེར་བར་བྱ་ཞེས་སྨྲས་མོད། འོན་ཀྱང་ཁོས་ལན་དུ། ངས་རང་གི་རྒུན་འབྲུམ་ར་བ་དེ་ཁྱོད་ལ་སྟེར་མི་རུང་ཟེར་ཞེས་སྨྲས་པ་ན།  
\v 7 ཁོའི་བཙུན་མོ་ཡེ་ཟི་བེལ་གྱིས། ད་ལྟ་ཁྱེད་ནི་ཡེས་ར་ཨེལ་གྱི་རྒྱལ་སྲིད་སྐྱོང་བའི་རྒྱལ་པོ་མ་ཡིན་ནམ། ཡར་ལོངས་ལ་ཁ་ཟས་བཞེས་ཤིག སེམས་དགའ་བར་གྱིས། ཡེ་སི་རེ་ཨེལ་པ་ནཱ་རྦོད་ཀྱི་རྒུན་འབྲུམ་ར་བ་དེ་ངས་ཁྱེད་ལ་སྦྱིན་པར་བྱའོ་ཞེས་སྨྲས་སོ། །  
\v 8 དེ་ནས་ཡེ་ཟི་བེལ་གྱིས་ཨ་ཧབ་ཀྱི་མིང་བཀོད་ནས་བཀའ་ཤོག་བྲིས་ཤིང་དེ་ལ་རྒྱལ་པོའི་ཐམ་ཀ་བརྒྱབ་སྟེ། བཀའ་ཤོག་དེ་རྣམས་ནཱ་རྦོད་གྲོང་ཁྱེར་དུ་སྡོད་པའི་རྒན་པོ་དང་སྐུ་དྲག་རྣམས་ལ་བསྐུར་ཏོ། །  
\v 9 ཡི་གེ་ནང་དུ་འདི་ལྟར། ཁྱོད་རྣམས་ཀྱིས་སྨྱུང་གནས་བསྲུང་དགོས་པར་སྒྲོགས་ལ། ནཱ་རྦོད་ནི་མི་རྣམས་ཀྱི་ཁྲོད་དུ་གྲལ་མགོ་རུ་ཞོག་ཅིག  
\v 10 མི་ངན་གཉིས་ཁོའི་ཁ་གཏད་ནས་སྡོད་དུ་ཆུག་ལ། ཡང་དེ་གཉིས་ལ་འདི་ལྟར། ཁྱོད་ཀྱིས་དཀོན་མཆོག་དང་རྒྱལ་པོ་གཉིས་ལ་སྐུར་བ་བཏབ་པ་ཡིན་ཞེས་བདེན་དཔང་བྱས་ནས་ཁོ་གཏུག་ཏུ་ཆུག དེ་ནས་ཁྱོད་ཚོས་ཁོ་ཕྱི་རུ་དྲུད་ལ་རྡོ་རུབ་བཏང་ནས་སོད་ཅིག་ཅེས་བྲིས་ཡོད་པའོ། །  
\v 11 དེར་ནཱ་རྦོད་གྲོང་ཁྱེར་གྱི་མི་རྣམས་ཏེ། ནཱ་རྦོད་དང་མཉམ་དུ་གྲོང་ཁྱེར་གཅིག་ལ་གནས་པའི་རྒན་པོ་དང་སྐུ་དྲག་རྣམས་ཀྱིས་ཡེ་ཟི་བེལ་གྱིས་བསྐུར་བའི་བཀའ་ཤོག་ཏུ་བྲིས་པ་བཞིན་བྱས་ཏེ།  
\v 12 མི་རྣམས་ལ་སྨྱུང་གནས་བསྲུང་དགོས་པར་བསྒྲགས་ཤིང་ནཱ་རྦོད་ནི་མི་རྣམས་ཀྱི་ཁྲོད་དུ་གྲལ་མགོར་སྡོད་དུ་བཅུག་གོ །  
\v 13 དེ་ནས་མི་ངན་དེ་གཉིས་འོངས་ནས་ཁོའི་ཁ་གཏད་དུ་བསྡད་པ་དང་། མི་ཚོགས་ཀྱི་མདུན་དུ་བདེན་དཔང་བྱས་ཏེ་ནཱ་རྦོད་གཏུག་ནས་ན་རེ། ནཱ་རྦོད་ཀྱིས་དཀོན་མཆོག་དང་རྒྱལ་པོ་གཉིས་ལ་སྐུར་བ་བཏབ་བོ་ཞེས་སྨྲས་པས། མི་ཚོགས་ཀྱིས་ནཱ་རྦོད་གྲོང་ཁྱེར་གྱི་ཕྱི་རོལ་ཏུ་དྲུད་དེ་ཁོ་ལ་རྡོ་རུབ་བཏང་ནས་བསད་དོ། །  
\v 14 དེ་ནས་ཁོ་ཚོས་མི་མངགས་ནས་ཡེ་ཟི་བེལ་ལ། ནཱ་རྦོད་ལ་རྡོ་རུབ་བཏང་ནས་བསད་པ་ཡིན་ཞེས་འཕྲིན་བསྐུར་ཏོ། །  
\v 15 ཡེ་ཟི་བེལ་གྱིས་ནཱ་རྦོད་རྡོ་རུབ་བཏང་ནས་བསད་པ་ཐོས་པ་ཙམ་གྱིས་ཨ་ཧབ་ལ། ད་ནི་ནཱ་རྦོད་ཤི་ཟིན་ཏེ་གསོན་པོར་མེད་པས། ཡར་ལངས་ནས་སོང་ལ་ཡེ་སི་རེ་ཨེལ་པ་ནཱ་རྦོད་ཀྱིས་དངུལ་བླངས་ནས་ཁྱེད་ལ་མ་བཙོང་པའི་རྒུན་འབྲུམ་ར་བ་དེ་བདག་གིར་ཟུངས་ཤིག་ཅེས་སྨྲས་པ་དང་།  
\v 16 ཨ་ཧབ་ཀྱིས་ནཱ་རྦོད་ཤི་བའི་གཏམ་ཐོས་པ་ཙམ་གྱིས། ཡར་ལངས་ནས་ཡེ་སི་རེ་ཨེལ་པ་ནཱ་རྦོད་ཀྱི་རྒུན་འབྲུམ་ར་བ་བདག་གིར་བཟུང་དུ་སོང་ངོ་། །  
\v 17 དེའི་དུས་སུ་ཐི་ཞི་པ་ཨེ་ལི་ཡཱ་ལ་དཀོན་མཆོག་ཡ་ཝཱེའི་བཀའ་བྱུང་སྟེ་འདི་སྐད་དུ།  
\v 18 ཁྱོད་ཡར་ལོངས་ལ་སཱ་མར་ཡ་རུ་ཡོད་པའི་ཡེས་ར་ཨེལ་གྱི་རྒྱལ་པོ་ཨ་ཧབ་དང་འཕྲད་དུ་སོང་ཞིག ཉོན་དང་། ཁོ་ནི་ནཱ་རྦོད་ཀྱི་རྒུན་འབྲུམ་ར་བ་བདག་གིར་བཟུང་ཆེད་དེར་ཡོད་པ་ཡིན།  
\v 19 ཁྱོད་ཀྱིས་ཁོ་ལ། དཀོན་མཆོག་ཡ་ཝཱེས་འདི་སྐད་དུ། ཁྱོད་ཀྱིས་མི་བསད་ནས་དེའི་ནོར་སྐལ་ཡང་བདག་གིར་འཛིན་པ་ཡིན་ནམ་ཞེས་གསུངས་ཞེས་སྨྲོས་ཤིག ཡང་ཁོ་ལ། དཀོན་མཆོག་ཡ་ཝཱེས་འདི་སྐད་དུ། ཁྱི་རྣམས་ཀྱིས་ནཱ་རྦོད་ཀྱི་ཁྲག་བལྡགས་པའི་གནས་སུ། དེ་དག་གིས་ཁྱོད་ཀྱི་ཁྲག་ཀྱང་བལྡག་པར་འགྱུར་རོ་གསུངས་ཞེས་སྨྲོས་ཤིག་ཅེས་གསུངས་སོ། །  
\v 20 དེ་ནས་ཨ་ཧབ་ཀྱིས་ཨེ་ལི་ཡཱ་ལ། ཀྱེ་ངའི་དགྲ་བོ། ཁྱོད་ཀྱིས་ང་རྙེད་པ་ཡིན་ནམ་ཞེས་དྲིས་པར་ཁོང་གིས་ལན་དུ། ངས་ཁྱོད་རྙེད་པ་ཡིན། ཅིའི་ཕྱིར་ཞེ་ན། ཁྱོད་ཀྱིས་རང་ཉིད་བཙོངས་ནས་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་པས་སོ། །  
\v 21 དཀོན་མཆོག་ཡ་ཝཱེས་འདི་སྐད་དུ། ལྟོས་དང་། བདག་གིས་ཁྱོད་ཀྱི་སྟེང་དུ་ཆག་སྒོ་འབེབ་པར་བྱའོ། །ཡེས་ར་ཨེལ་དུ་ཨ་ཧབ་ཀྱི་ཁྱིམ་རྒྱུད་ལས་སྐྱེས་པ་ཐམས་ཅད་དེ། རང་དབང་ཅན་ནམ་ཡང་ན་རང་དབང་མེད་པ་གང་ཡིན་ཡང་ཁྱོད་ཀྱི་བུ་རབས་ཚ་རྒྱུད་རྣམས་ཚར་གཅོད་བྱ་ཞིང་།  
\v 22 ཁྱོད་ཀྱི་ཁྱིམ་རྒྱུད་ནི་ནེ་བཱད་ཀྱི་བུ་ཡེ་རོབ་ཨམ་གྱི་ཁྱིམ་རྒྱུད་དང་། ཨ་ཧི་ཡཱ་ཡི་བུ་པཱ་ཤའི་ཁྱིམ་རྒྱུད་རྣམས་དང་འདྲ་བར་བྱའོ། །གང་ལ་ཞེ་ན། ཁྱོད་ཀྱིས་བདག་གི་སེམས་དཀྲུགས་ཤིང་། ཡེས་ར་ཨེལ་པ་རྣམས་སྡིག་པའི་ནང་ལྷུང་དུ་བཅུག་པའི་ཕྱིར་རོ་ཞེས་གསུངས་པ་དང་།  
\v 23 ཡང་ཡེ་ཟི་བེལ་གྱི་སྐོར་ལ་དཀོན་མཆོག་ཡ་ཝཱེས་འདི་སྐད་དུ། ཡེ་སི་རེ་ཨེལ་གྱི་ལྕགས་རིའི་འགྲམ་དུ་ཡེ་ཟི་བེལ་ཁྱི་ཡིས་བཟའ་བར་འགྱུར་ཞིང་།  
\v 24 ཨ་ཧབ་ཀྱི་མི་རྣམས་ལས་གྲོང་ཁྱེར་དུ་ཤི་བ་རྣམས་ཁྱིས་འཆའ་ཞིང་། དབེན་སྟོང་དུ་ཤི་བ་རྣམས་ནམ་མཁའི་བྱ་རྣམས་ཀྱིས་བཟའ་བར་འགྱུར་རོ་གསུངས་ཞེས་སྨྲས་སོ། །  
\v 25 ཨ་ཧབ་ལྟ་བུའི་མི་ཞིག་སྔར་བྱུང་མ་མྱོང་བ་སྟེ། ཁོ་ནི་རང་གི་ཆུང་མ་ཡེ་ཟི་བེལ་གྱིས་བསླུས་ནས། རང་ཉིད་བཙོངས་ཏེ་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་ཅིང་།  
\v 26 དཀོན་མཆོག་ཡ་ཝཱེས་ཡེས་ར་ཨེལ་པ་རྣམས་ཀྱི་མདུན་ནས་བསྐྲད་པའི་ཨེ་མོར་པ་དང་འདྲ་བར། སྐུ་འདྲ་རྣམས་ཀྱི་རྗེས་སུ་འབྲངས་ཏེ་གཞི་ནས་སྐྱུག་བྲོ་བའི་སྤྱོད་པ་སྤྱད་དོ། །  
\v 27 ཨ་ཧབ་ཀྱིས་བཀའ་དེ་རྣམས་ཐོས་པ་དང་། ཁོས་རང་གི་གྱོན་གོས་གཤགས་ནས་ལུས་ལ་རྩིད་རས་གྱོན་ཏེ་སྨྱུང་གནས་བསྲུངས་པ་དང་། ཐ་ན་རྩིད་རས་སྟེང་དུ་ཉལ་ནས་ཡིད་མུག་བཞིན་འགྲུལ་ཏོ། །  
\v 28 དེ་ནས་ཐི་ཞི་པ་ཨེ་ལི་ཡཱ་ལ་དཀོན་མཆོག་ཡ་ཝཱེའི་བཀའ་བྱུང་སྟེ་འདི་སྐད་དུ།  
\v 29 ཨ་ཧབ་ཀྱིས་ངའི་མདུན་དུ་ཇི་ལྟ་བུའི་སྙེམས་ཆུང་བྱེད་པ་ཁྱོད་ཀྱིས་མཐོང་ངམ། ཁོས་ངའི་མདུན་དུ་སྙེམས་ཆུང་བྱེད་པས་ན། ངས་ཁོའི་རིང་ལ་ཆག་སྒོ་འདི་འབེབ་པར་མི་བྱ། འོན་ཀྱང་ཁོའི་བུ་ཡི་རིང་ལ་ཁོའི་ཁྱིམ་དུ་ཆག་སྒོ་དེ་འབེབ་པར་བྱའོ་ཞེས་གསུངས་སོ། །   
\c 22
\cl ལེའུ་ཉེར་གཉིས་པ། 
\toc1 ༄༅། །རྒྱལ་རབས་ཀྱི་མདོ་དང་པོ། 
\toc2 རྒྱལ་རབས་དང་པོ། 
\s1 ཡེས་ར་ཨེལ་གྱི་རྒྱལ་པོ་ཨ་ཧབ་ཚེ་ལས་འདས་པ།  
\p
\v 1 ཨ་རམ་པ་དང་ཡེས་ར་ཨེལ་པ་གཉིས་ཀྱི་བར་ལ་དམག་འཁྲུག་མེད་པར་ལོ་གསུམ་སོང་བ་དང་།  
\v 2 ལོ་གསུམ་པར་ཡ་ཧུ་དཱའི་རྒྱལ་པོ་ཡེ་ཧོ་ཤ་ཕད་བྱ་བ་ཡེས་ར་ཨེལ་གྱི་རྒྱལ་པོའི་དྲུང་དུ་ཕྱིན།  
\v 3 ཡེས་ར་ཨེལ་གྱི་རྒྱལ་པོས་རང་གི་འཁོར་གཡོག་རྣམས་ལ། གིལ་ཨད་ཀྱི་རཱ་མོད་ནི་འོ་སྐོལ་གྱི་ཡིན་པ་ཁྱོད་ཚོས་ཤེས་སམ། དེ་ཨ་རམ་རྒྱལ་པོའི་ལག་ནས་ཕྱིར་མི་ལེན་པར་ཁ་རོག་ལ་སྡོད་རུང་ངམ་ཞེས་སྨྲས་ཤིང་།  
\v 4 ཨ་ཧབ་ཀྱིས་ཡེ་ཧོ་ཤ་ཕད་ལ། ཁྱོད་རང་ང་དང་མཉམ་དུ་གིལ་ཨད་ཀྱི་རཱ་མོད་ལ་དམག་རྒྱག་ཏུ་འགྲོའམ་ཞེས་དྲིས་པར། ཡེ་ཧོ་ཤ་ཕད་ཀྱིས་ཡེས་ར་ཨེལ་གྱི་རྒྱལ་པོ་ལ། ཁྱོད་དང་ང་གཉིས་གཅིག་ཡིན་ཏེ། ངའི་འབངས་ཀྱང་ཁྱེད་ཀྱི་འབངས་དང་འདྲ་བ་དང་། ངའི་རྟ་རྣམས་ཀྱང་ཁྱེད་ཀྱི་རྟ་དང་འདྲ་ཞེས་སྨྲས་པ་དང་།  
\v 5 ཡེ་ཧོ་ཤ་ཕད་ཀྱིས་ཡང་ཡེས་ར་ཨེལ་གྱི་རྒྱལ་པོ་ལ། ཁྱེད་ཀྱིས་སྔོན་ལ་དཀོན་མཆོག་ཡ་ཝཱེ་ལ་བཀའ་འདྲི་ཞུས་ཤིག་ཅེས་བསྐུལ་ཏོ། །  
\v 6 དེ་ནས་ཡེས་ར་ཨེལ་གྱི་རྒྱལ་པོས་ལུང་སྟོན་པ་བཞི་བརྒྱ་ཙམ་བསྡུས་ནས་དེ་དག་ལ། བདག་ནི་གིལ་ཨད་ཀྱི་རཱ་མོད་ལ་འཐབ་ཏུ་སོང་ན་འོས་སམ་མི་འོས། ཡང་ན་ངས་དེར་བཟོད་དགོས་སམ་ཞེས་དྲིས་པ་ལ། དེ་དག་གིས། གཙོ་བོས་ཡུལ་དེ་ནི་རྒྱལ་པོའི་ཕྱག་ཏུ་གནང་འོང་བས་ཡར་ཕེབས་ནས་དམག་བརྒྱབ་ཆོག་ཅེས་སྨྲས་སོ། །  
\v 7 དེར་ཡེ་ཧོ་ཤ་ཕད་ཀྱིས། འདིར་དཀོན་མཆོག་ཡ་ཝཱེའི་ལུང་སྟོན་པ་གཞན་ཡང་ཡོད་པ་མ་ཡིན་ནམ། རང་ཅག་གིས་ཁོང་ལ་བཀའ་འདྲི་ཞུས་མི་ཆོག་གམ་ཞེས་སྨྲས་པར།  
\v 8 ཡེས་ར་ཨེལ་གྱི་རྒྱལ་པོས་ཡེ་ཧོ་ཤ་ཕད་ལ། ད་དུང་མི་ཞིག་ཡོད་དེ། ཁོ་ནི་ཨིམ་ལཱའི་བུ་མི་ཀ་ཡཱ་བྱ་བ་ཡིན་ནོ། །ང་ཚོས་ཁོ་རང་བརྒྱུད་ནས་དཀོན་མཆོག་ཡ་ཝཱེ་ལ་བཀའ་འདྲི་ཞུས་ཆོག་ཀྱང་། དེས་ང་ལ་གནང་བའི་ལུང་བསྟན་ནི་ནམ་ཡིན་ཡང་གཏམ་ངན་ལས་གཏམ་བཟང་མེད་པས། ང་དེ་ལ་སྡང་ངོ་ཞེས་སྨྲས་པར། ཡེ་ཧོ་ཤ་ཕད་ཀྱིས། རྒྱལ་པོ་ཁྱེད་ཀྱིས་འདི་འདྲ་མ་གསུང་ཞིག་ཅེས་སྨྲས།  
\v 9 དེ་ནས་ཡེས་ར་ཨེལ་གྱི་རྒྱལ་པོས་ཉུག་རུམ་པ་ཞིག་བོས་ནས་ན་རེ། མྱུར་དུ་སོང་ལ་ཨིམ་ལཱའི་བུ་མི་ཀ་ཡཱ་ཁྲིད་ཤོག་ཅེས་བསྒོས།  
\v 10 དེའི་དུས་སུ་ཡེས་ར་ཨེལ་གྱི་རྒྱལ་པོ་དང་ཡ་ཧུ་དཱའི་རྒྱལ་པོ་ཡེ་ཧོ་ཤ་ཕད་གཉིས་རང་རང་གི་ཁྲིར་བཞུགས་ཤིང་། རྒྱལ་པོའི་ན་བཟའ་མནབས་ཏེ་སཱ་མར་ཡའི་མཁར་སྒོ་མདུན་གྱི་ཐང་ཆེན་ཞིག་ཏུ་བཞུགས་པ་དང་། ལུང་སྟོན་པ་ཐམས་ཅད་ཀྱིས་དེ་གཉིས་ཀྱི་དྲུང་ནས་ལུང་སྟོན་གྱིན་ཡོད་དེ།  
\v 11 ཀེ་ནཱ་ནའི་བུ་ཚིད་ཀི་ཡཱས་རང་ལ་ལྕགས་ཀྱི་རྭ་ཅོ་འགའ་བཟོས་ཏེ་ན་རེ། དཀོན་མཆོག་ཡ་ཝཱེས་འདི་སྐད་དུ། ཁྱོད་ཀྱིས་ལྕགས་ཀྱི་རྭ་ཅོ་འདི་དག་གིས་ཨ་རམ་པ་རྣམས་ཚར་གཅོད་པའི་བར་དུ་བསྣུན་པར་བྱ་གསུངས་ཞེས་སྨྲས།  
\v 12 ལུང་སྟོན་པ་ཐམས་ཅད་ཀྱིས་ཀྱང་དེ་བཞིན་ལུང་བསྟན་ཏེ་ན་རེ། ཁྱེད་རང་ཡར་གིལ་ཨད་ཀྱི་རཱ་མོད་ལ་དམག་རྒྱག་ཏུ་བསྐྱོད་ཅིག་དང་། དཀོན་མཆོག་ཡ་ཝཱེས་གྲོང་ཁྱེར་དེ་རྒྱལ་པོའི་ཕྱག་ཏུ་གཏོད་པར་འགྱུར་བས་རྒྱལ་ཁ་ལོན་ངེས་ཡིན་ཞེས་སྨྲས་སོ། །  
\v 13 ཡང་མི་ཀ་ཡཱ་འབོད་དུ་སོང་བའི་བང་ཆེན་གྱིས་ཁོང་ལ། གཟིགས་དང་། ལུང་སྟོན་པ་ཐམས་ཅད་ཁ་མཐུན་ནས་རྒྱལ་པོ་ལ་ལུང་བསྟན་བཟང་པོ་སྨྲ་བ་སྟེ། ཁྱེད་ཀྱིས་ཀྱང་དེ་དག་དང་འདྲ་བར་གཏམ་བཟང་གསུང་བར་མཛོད་ཅེས་ཞུས་པ་ལ།  
\v 14 མི་ཀ་ཡཱས་འདི་ལྟར། བདག་གིས་གཏན་དུ་བཞུགས་པའི་དཀོན་མཆོག་ཡ་ཝཱེ་དཔང་དུ་བཙུགས་ནས་མནའ་སྐྱེལ་ཏེ། དཀོན་མཆོག་ཡ་ཝཱེས་ང་ལ་ཅི་གསུངས་ན་བདག་གིས་ཀྱང་དེ་ལྟར་སྨྲ་བར་བྱའོ་ཞེས་སྨྲས་སོ། །  
\v 15 དེ་ནས་མི་ཀ་ཡཱ་རྒྱལ་པོའི་དྲུང་དུ་སླེབས་པ་དང་། རྒྱལ་པོས་དེ་ལ། ཀྱེ་མི་ཀ་ཡཱ། རང་ཅག་གིལ་ཨད་ཀྱི་རཱ་མོད་ལ་འཐབ་ཏུ་སོང་ན་འོས་སམ་མི་འོས། ཡང་ན་ངས་དེར་བཟོད་དགོས་སམ་ཞེས་དྲིས་པ་ལ། ཁོང་ན་རེ། དཀོན་མཆོག་ཡ་ཝཱེས་དེ་ནི་རྒྱལ་པོའི་ལག་ཏུ་གནང་བར་ངེས་པས་དམག་རྒྱོབས་དང་རྒྱལ་བར་འགྱུར་རོ་ཞེས་སྨྲས་པ་དང་།  
\v 16 རྒྱལ་པོ་ན་རེ། བདག་གིས་ཁྱོད་ལ་མནའ་དུ་འགེལ་བར་བྱས་ན། ཁྱོད་ཀྱིས་ད་གཟོད་དཀོན་མཆོག་ཡ་ཝཱེའི་མཚན་གྱི་སྒོ་ནས་བདག་ལ་བདེན་པ་ཁོ་ན་སྨྲའམ་ཞེས་དྲིས་པར།  
\v 17 མི་ཀ་ཡཱ་ན་རེ། བདག་གིས་ཡེས་ར་ཨེལ་པ་ཐམས་ཅད་ནི་རྫི་བོ་མེད་པའི་ལུག་ལྟར་རི་ལ་འཐོར་ཡོད་པ་མཐོང་བ་དང་། དཀོན་མཆོག་ཡ་ཝཱེས་འདི་སྐད་དུ། འདི་རྣམས་ལ་བདག་པོ་གང་ཡང་མེད་པས་ཞི་བདེའི་ངང་རང་རང་གི་ཡུལ་ལ་འགྲོ་རུ་ཆུག་ཅེས་གསུངས་ཞེས་སྨྲས་པ་ན།  
\v 18 ཡེས་ར་ཨེལ་གྱི་རྒྱལ་པོས་ཡེ་ཧོ་ཤ་ཕད་ལ། འདིས་ང་ལ་ལུང་བསྟན་ངན་པ་མ་གཏོགས་བཟང་པོ་ཞིག་སྟོན་པར་མི་འགྱུར་ཞེས་ངས་ཁྱེད་ལ་བཤད་པ་མ་ཡིན་ནམ་ཞེས་སྨྲས་སོ། །  
\v 19 དེར་མི་ཀ་ཡཱ་ན་རེ། དེ་བས་ཁྱོད་ཀྱིས་དཀོན་མཆོག་ཡ་ཝཱེའི་བཀའ་ལ་ཉོན་དང་། དཀོན་མཆོག་ཡ་ཝཱེ་ཁོང་ཉིད་ཀྱི་བཞུགས་ཁྲི་ལ་བཞུགས་པ་དང་། ནམ་མཁའི་དཔུང་ཚོགས་ཐམས་ཅད་ནི་ཁོང་གི་གཡས་གཡོན་དུ་འགྲེང་འདུག་པ་ངས་མཐོང་སྟེ།  
\v 20 དཀོན་མཆོག་ཡ་ཝཱེས་འདི་སྐད་དུ། ཨ་ཧབ་ནི་ཡར་གིལ་ཨད་ཀྱི་རཱ་མོད་དུ་སོང་ནས་འགྱེལ་བའི་ཕྱིར་སུས་ཁོ་བསླུ་བར་བྱའམ་ཞེས་གསུངས་པའི་ལན་དུ། འདི་ལྟར་བརྗོད་མཁན་དང་དེ་ལྟར་བརྗོད་མཁན་བྱུང་ངོ་། །  
\v 21 དེ་ནས་སེམས་ཉིད་ཅིག་ཐོན་ཞིང་དཀོན་མཆོག་ཡ་ཝཱེའི་དྲུང་དུ་འགྲེངས་ནས་འདི་ལྟར། ངས་ཁོ་བསླུ་བར་བྱ་ཞེས་ཞུས་པར། དཀོན་མཆོག་ཡ་ཝཱེས་ཁོ་ལ་ཇི་ལྟར་བསླུ་བར་བྱའམ་ཞེས་དྲིས་པ་ན།  
\v 22 ཁོས་འདི་ལྟར། ང་རང་སོང་ནས་ཨ་ཧབ་ཀྱི་ལུང་སྟོན་པ་ཐམས་ཅད་ཀྱི་ཁ་རུ་རྫུན་སྨྲ་བའི་སེམས་ཉིད་དུ་བྱའོ་ཞེས་ཞུས་པ་དང་། དཀོན་མཆོག་ཡ་ཝཱེས་ཁོ་ལ་འདི་སྐད་དུ། ཁྱོད་ཀྱིས་ཁོ་བསླུས་ནས་དོན་འགྲུབ་པར་འགྱུར་བས་སོང་ལ་དེ་བཞིན་བྱོས་ཤིག་ཅེས་བསྒོས་སོ། །  
\v 23 ལྟོས་དང་། དཀོན་མཆོག་ཡ་ཝཱེས་ཁྱོད་ཀྱི་ལུང་སྟོན་པ་འདི་དག་གི་ཁ་རུ་རྫུན་སྨྲ་བའི་སེམས་ཉིད་བཅུག་པར་མ་ཟད། ཁོང་གིས་ཁྱོད་ལ་ཆག་སྒོ་འབེབ་པའི་ཐུགས་ཐག་བཅད་པའོ་ཞེས་སྨྲས་སོ། །  
\v 24 དེ་ནས་ཀེ་ནཱ་ནའི་བུ་ཚིད་ཀི་ཡཱ་ཉེ་བར་འོངས་ནས། མི་ཀ་ཡཱ་ལ་འགྲམ་ལྕག་གཞུས་ཏེ་ན་རེ། དཀོན་མཆོག་ཡ་ཝཱེའི་ཐུགས་ཉིད་དེ་ཇི་ལྟར་ང་དང་བྲལ་ནས་ཁྱོད་ལ་གཏམ་བྱས་པ་ཡིན་ནམ་ཞེས་དྲིས་པ་དང་།  
\v 25 མི་ཀ་ཡཱ་ན་རེ། ཉོན་ཅིག ཁྱོད་སྦུག་ཁང་དུ་འཛུལ་ནས་ཡིབ་པའི་ཉིན་མོར་དེ་མཐོང་བར་འགྱུར་ཞེས་གསུངས།  
\v 26 དེར་ཡེས་ར་ཨེལ་གྱི་རྒྱལ་པོས་འདི་ལྟར། མི་ཀ་ཡཱ་བཟུང་སྟེ་གྲོང་དཔོན་ཨ་མོན་དང་རྒྱལ་སྲས་ཡོ་ཨ་སི་ཡི་རྩར་ཁྲིད་ནས་དེ་དག་ལ།  
\v 27 རྒྱལ་པོས་འདི་ལྟར། ང་རང་བདེ་བར་ཕྱིར་སླེབས་པའི་བར་དུ་མི་འདི་བཙོན་ལ་བཅུག་སྟེ། བཟའ་བཏུང་ཉུང་ཙམ་ལས་གང་ཡང་མ་སྟེར་ཞེས་བསྒོས་སོང་སྨྲོས་ཤིག་ཅེས་སྨྲས།  
\v 28 མི་ཀ་ཡཱ་ན་རེ། གལ་ཏེ་ཁྱོད་རང་དངོས་གནས་བདེ་བར་ཕྱིར་འོངས་ཐུབ་ན། དཀོན་མཆོག་ཡ་ཝཱེས་ང་བརྒྱུད་དེ་ཅི་ཡང་མ་གསུངས་པ་ཡིན་ཞེས་སྨྲས་པ་དང་། ཡང་མི་ཐམས་ཅད་ཀྱིས་ཉོན་ཅིག་ཅེས་བསྒོས་སོ། །   
\p
\v 29 དེ་ནས་ཡེས་ར་ཨེལ་གྱི་རྒྱལ་པོ་དང་ཡ་ཧུ་དཱའི་རྒྱལ་པོ་ཡེ་ཧོ་ཤ་ཕད་གཉིས་ཡར་གིལ་ཨད་ཀྱི་རཱ་མོད་དུ་སོང་ནས།  
\v 30 ཡེས་ར་ཨེལ་གྱི་རྒྱལ་པོས་ཡེ་ཧོ་ཤ་ཕད་ལ་འདི་ལྟར། ངས་གོས་ཆས་བསྒྱུར་ཏེ་གཡུལ་ལ་ཞུགས་དགོས། ཁྱེད་ཀྱིས་རང་གི་ན་བཟའ་གྱོན་ནས་སྡོད་ཅིག་ཅེས་སྨྲས་ཏེ། ཡེས་ར་ཨེལ་གྱི་རྒྱལ་པོས་གོས་ཆས་བསྒྱུར་ནས་གཡུལ་ལ་ཞུགས་སོ། །  
\v 31 ཨ་རམ་གྱི་རྒྱལ་པོས་ཤིང་རྟའི་འགོ་དཔོན་སུམ་ཅུ་སོ་གཉིས་ལ་བཀའ་བབས་ཏེ་ན་རེ། ཡེས་ར་ཨེལ་གྱི་རྒྱལ་པོ་འབའ་ཞིག་ལ་མ་གཏོགས་དམག་ཆེ་ཆུང་གང་ལ་ཡང་མ་འཐབ་ཅིག་ཅེས་བསྒོས་པས།  
\v 32 ཤིང་རྟའི་འགོ་དཔོན་ཚོས་ཡེ་ཧོ་ཤ་ཕད་མཐོང་བ་དང་འདི་ནི་ཡེས་ར་ཨེལ་གྱི་རྒྱལ་པོ་ཡིན་སྙམ་ནས་ཁ་ཕྱིར་འཁོར་ནས་ཁོ་ལ་རྒོལ་ཞིང་། ཡེ་ཧོ་ཤ་ཕད་ཀྱིས་སྐད་ཆེན་པོ་བརྒྱབ་པས།  
\v 33 ཤིང་རྟའི་འགོ་དཔོན་རྣམས་ཀྱིས་དེ་ནི་ཡེས་ར་ཨེལ་གྱི་རྒྱལ་པོ་མིན་པ་ཤེས་ནས་ཁོ་མ་བདས་པར་ཕྱིར་ལོག་གོ །  
\v 34 དེ་ནས་མི་ཞིག་གིས་བྱུང་རྒྱལ་དུ་མདའ་འཕངས་པ་ན། མ་བསམ་ས་ནས་ཡེས་ར་ཨེལ་གྱི་རྒྱལ་པོའི་གོ་ཁྲབ་ཀྱི་མཐུད་མཚམས་སུ་ཕོག་པས། ཁོས་ཤིང་རྟའི་དེད་དཔོན་ལ། ང་རྨས་བྱུང་བས་ཁྱོད་ཀྱིས་ཤིང་རྟ་ཁ་ལོ་སྒྱུར་ལ་ང་གཡུལ་ས་ནས་ཁྲིད་ཅིག་ཅེས་བསྒོས།  
\v 35 ཉིན་དེར་དམག་འཐབ་ཛ་དྲག་ཏུ་སོང་སྟེ། མི་ཞིག་གིས་རྒྱལ་པོ་སྐྱོར་ནས་ཤིང་རྟའི་སྟེང་ལངས་ཅི་ཐུབ་བྱས་ཏེ་ཨ་རམ་པ་ལ་འགོག་རྒོལ་བྱས་པ་དང་། དགོང་མོའི་དུས་སུ་རྒྱལ་པོ་ཚེ་ལས་འདས་ཤིང་། ཤིང་རྟའི་མཐིལ་ཞབས་དུ་ཁོའི་ཁྲག་འཛགས་སོ། །  
\v 36 ཉི་མ་ནུབ་པའི་དུས་ཙམ་ལ་དམག་སྒར་དུ་བཀའ་བབས་ནས། མི་ཐམས་ཅད་རང་རང་གི་གྲོང་ཁྱེར་དང་རང་རང་གི་ཡུལ་དུ་ལོག་ཅིག་ཅེས་བསྒོས་སོ། །   
\p
\v 37 དེ་ལྟར་རྒྱལ་པོ་ཚེ་ལས་འདས་ནས་སཱ་མར་ཡ་རུ་ཁྱེར་ཏེ། དེ་དག་གིས་ཁོང་སཱ་མར་ཡ་རུ་དུར་ལ་སྦས་སོ། །  
\v 38 དེ་དག་གིས་སཱ་མར་ཡའི་ཁྲོན་པ་སྟེ་སྨད་འཚོང་མ་རྣམས་ཀྱིས་ཁྲུས་བྱེད་ས་རུ་ཤིང་རྟ་བཀྲུས་ཤིང་། དཀོན་མཆོག་ཡ་ཝཱེས་གསུངས་པ་ལྟར་ཁྱི་རྣམས་ཀྱིས་ཁོའི་ཁྲག་བལྡགས་པའོ། །  
\v 39 ཨ་ཧབ་ཀྱི་བྱས་རྗེས་གཞན་རྣམས་དང་ཁོས་ཅི་བྱས་པ་ཐམས་ཅད་དང་། ཁོས་བ་སོས་བཞེངས་པའི་ཕོ་བྲང་དང་། ཁོས་ཞིག་གསོ་བྱས་པའི་གྲོང་ཁྱེར་ཐམས་ཅད་ཀྱི་སྐོར་ནི་ཡེས་ར་ཨེལ་གྱི་རྒྱལ་རབས་ཀྱི་མདོ་ཡི་ནང་དུ་བཀོད་ཡོད་པ་མ་ཡིན་ནམ།  
\v 40 ཨ་ཧབ་རང་གི་ཕ་མེས་རྣམས་དང་ལྷན་ཅིག་ཏུ་གཟིམས་པ་དང་། ཁོའི་བུ་ཨ་ཧ་ཟི་ཡཱ་ཡིས་དེའི་ཚབ་ཏུ་རྒྱལ་སྲིད་བཟུང་ངོ་། །   
\s1 ཡེ་ཧོ་ཤ་ཕད་ཀྱིས་ཡ་ཧུ་དཱའི་རྒྱལ་སྲིད་བཟུང་བ།  
\p
\v 41 ཡེས་ར་ཨེལ་གྱི་རྒྱལ་པོ་ཨ་ཧབ་ཀྱི་སྲིད་ལོ་བཞི་པར། ཨ་སཱ་ཡི་སྲས་ཡེ་ཧོ་ཤ་ཕད་ནི་ཡ་ཧུ་དཱའི་རྒྱལ་པོར་བཞུགས་སོ། །  
\v 42 ཡེ་ཧོ་ཤ་ཕད་རྒྱལ་པོར་བཞུགས་དུས་དགུང་ལོ་སོ་ལྔ་ཡིན་པ་དང་། ཡེ་རུ་སཱ་ལེམ་དུ་ལོ་ཉེར་ལྔའི་རིང་ལ་རྒྱལ་སྲིད་བསྐྱངས། ཁོང་གི་ཡུམ་ནི་ཤིལ་ཧིའི་སྲས་མོ་ཨ་ཟུ་བཱ་ཞེས་པ་ཡིན།  
\v 43 ཡེ་ཧོ་ཤ་ཕད་ནི་རང་གི་ཡབ་ཨ་སཱ་ཡི་ལམ་གྱི་ནང་དུ་འགྲུལ་ཞིང་དེ་ལས་མ་འཁྱར་བར། དཀོན་མཆོག་ཡ་ཝཱེའི་སྤྱན་སྔར་ལེགས་པོ་གང་ཡིན་དེ་སྤྱད། འོན་ཀྱང་མཐོ་གླིང་རྣམས་ད་དུང་མ་བཤིག་པར་བཞག་ཅིང་། མི་རྣམས་ཀྱིས་སྔར་བཞིན་མཐོ་གླིང་རྣམས་སུ་སྦྱིན་སྲེག་གི་མཆོད་པ་ཕུལ་ནས་བསང་ཡང་བཏང་བ་རེད།  
\v 44 རྒྱལ་པོ་ཡེ་ཧོ་ཤ་ཕད་དང་ཡེས་ར་ཨེལ་གྱི་རྒྱལ་པོ་གཉིས་ཀྱི་བར་ལ་ཞི་མཐུན་ཡོང་བ་རེད།  
\v 45 ཡེ་ཧོ་ཤ་ཕད་ཀྱི་བྱས་རྗེས་གཞན་རྣམས་དང་། ཁོང་གིས་ངོམས་པའི་དཔའ་རྩལ་དང་དམག་ཅི་ལྟར་བརྒྱབ་པ་རྣམས་ནི་ཡ་ཧུ་དཱའི་རྒྱལ་རབས་ཀྱི་མདོ་ཡི་ནང་དུ་བཀོད་ཡོད་པ་མ་ཡིན་ནམ།  
\v 46 ཡེ་ཧོ་ཤ་ཕད་ཀྱིས་ཁོང་གི་ཡབ་ཨ་སཱའི་དུས་ནས་ལུས་པའི་མཆོད་གཤོམ་གྱི་ཆོས་རྫུ་གཞང་འཚོང་རྣམས་ཡུལ་ཁོངས་ནས་བསྐྲད་ཅིང་བདས་སོ། །  
\v 47 དེའི་དུས་སུ་ཨེ་དོམ་ཡུལ་དུ་རྒྱལ་པོ་གང་ཡང་མེད་དེ། མཁར་དཔོན་ཞིག་གིས་སྲིད་བསྐྱངས་སོ། །  
\v 48 ཡེ་ཧོ་ཤ་ཕད་ཀྱིས་ཨོ་ཕིར་ནས་གསེར་འདྲེན་དུ་ཐཱར་ཞིས་གྲུ་གཟིངས་བཟོས་ཀྱང་། གྲུ་རྣམས་ཨེ་ཙི་ཡོན་གེ་བེར་དུ་ཆག་གྲུམ་བྱུང་བས་ཁ་ལོ་བསྒྱུར་མ་ཐུབ་བོ། །  
\v 49 དེའི་ཚེ་ཨ་ཧབ་ཀྱི་སྲས་ཨ་ཧ་ཟི་ཡཱས་ཡེ་ཧོ་ཤ་ཕད་ལ། ངའི་ཞབས་ཕྱི་རྣམས་ཀྱང་ཁྱེད་ཀྱི་ཞབས་ཕྱི་དང་མཉམ་དུ་གྲུ་གཟིངས་ལ་བསྡད་ནས་འགྲོ་བར་གནོངས་ཤིག་ཅེས་ཞུས་ཀྱང་། ཡེ་ཧོ་ཤ་ཕད་ཀྱིས་དེ་ལྟར་མ་གནང་ངོ་། །  
\v 50 དེ་ནས་ཡེ་ཧོ་ཤ་ཕད་རང་གི་ཕ་མེས་རྣམས་དང་ལྷན་ཅིག་ཏུ་གཟིམས་ནས། ཡབ་མེས་དཱ་བིད་ཀྱི་གྲོང་ཁྱེར་དུ་ཕ་མེས་རྣམས་དང་མཉམ་དུ་དུར་ལ་སྦས་ཤིང་། ཁོང་གི་སྲས་ཡེ་ཧོ་རཱམ་གྱིས་ཁོང་གི་ཚབ་ཏུ་རྒྱལ་སྲིད་བཟུང་ངོ་། །   
\s1 ཨ་ཧ་ཟི་ཡཱ་ནི་ཡེས་ར་ཨེལ་གྱི་རྒྱལ་པོར་བསྡད་པ།  
\p
\v 51 ཡ་ཧུ་དཱའི་རྒྱལ་པོ་ཡེ་ཧོ་ཤ་ཕད་ཀྱི་སྲིད་ལོ་བཅུ་བདུན་པར། ཨ་ཧབ་ཀྱི་བུ་ཨ་ཧ་ཟི་ཡཱ་ནི་སཱ་མར་ཡ་རུ་རྒྱལ་པོར་བསྡད་ནས་ལོ་གཉིས་ཀྱི་རིང་ལ་ཡེས་ར་ཨེལ་གྱི་རྒྱལ་སྲིད་བསྐྱངས་སོ། །  
\v 52 ཁོས་དཀོན་མཆོག་ཡ་ཝཱེའི་སྤྱན་སྔར་ངན་པ་གང་ཡིན་དེ་སྤྱད་ཅིང་། རང་གི་ཕ་མ་གཉིས་ཀྱི་སྤྱོད་ལམ་དུ་འགྲུལ་པ་དང་། ནེ་བཱད་ཀྱི་བུ་ཡེ་རོབ་ཨམ་གྱིས་ཡེས་ར་ཨེལ་པ་རྣམས་སྡིག་པར་ལྷུང་དུ་བཅུག་པའི་ལམ་དུའང་འགྲུལ་པའོ། །  
\v 53 དེར་མ་ཟད་ཁོས་རང་གི་ཕ་ཡིས་བྱས་པ་ནང་བཞིན་ལྷ་པཱ་ཨལ་ལ་བརྟེན་ཅིང་དེར་ཕྱག་བཙལ་ནས། ཡེས་ར་ཨེལ་གྱི་དཀོན་མཆོག་ཡ་ཝཱེའི་ཐུགས་དཀྲུགས་པའོ།། །།