\id 1JN - NTB བོད་འགྱུར་གསར་མ། 
\h ཡོ་ཧ་ནན་དང་པོ། 
\toc1 ༄༅། །ཡོ་ཧ་ནན་གྱི་འཕྲིན་ཡིག་དང་པོ། 
\toc2 ཡོ་ཧ་ནན་དང་པོ། 
\mt1 ༄༅། །ཡོ་ཧ་ནན་གྱི་འཕྲིན་ཡིག་དང་པོ།  
\imt1 ཡོ་ཧ་ནན་གྱི་འཕྲིན་ཡིག་དང་པོའི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi དགེ་རྒན་རྫུས་མ་དེ་ཚོས་དུས་རབས་དང་པོའི་ཡེ་ཤུའི་ཆོས་ལུགས་པ་རྣམས་ལམ་ལོག་ཏུ་ཁྲིད་ཅིང་། དེ་ཚོས་སྐྱབས་མགོན་ཡེ་ཤུ་མཱ་ཤི་ཀ་ནི་མི་ངོ་མ་ཞིག་ཡིན་པར་ཁས་ལེན་མེད་པ་རེད། ཡེ་ཤུའི་ཆོས་ལུགས་ཀྱི་ལྡོག་ཟླར་གྱུར་པའི་ལྟ་བ་དེ་ནི་ནཱ་སི་ཊི་སེམ་༼Gnosticism༽ཞེས་པའི་གྲུབ་མཐའི་ལམ་ལུགས་ལས་བྱུང་བ་ཡིན་ལ། གྲུབ་མཐའི་ལམ་ལུགས་དེ་ནི་ཡོ་ཧ་ནན་དང་པོའི་གཞུང་ཕལ་ཆེར་དང་འབྲེལ་བའི་ལོ་རྒྱུས་ཀྱི་གནས་ཚུལ་ཡིན།  
\is1 ཡི་གེར་འགོད་མཁན་དང་འགོད་དུས།  
\ipi འཕྲིན་ཡིག་འདི་ཡི་གེར་འགོད་མཁན་ནི་ཟེ་བད་ཡཱའི་བུ་ཡོ་ཧ་ནན་ཡིན་ལ། ཁོང་ནི་སྐུ་ཚབ་པ་ཡིན་པ་དང་། ཡོ་ཧ་ནན་གྱི་འཕྲིན་བཟང་དང་མངོན་པའི་མདོ་གཉིས་ཡི་གེར་འགོད་མཁན་དང་། སྐྱབས་མགོན་ཡེ་ཤུའི་གཉེན་ཉེ་ཡང་ཡིན། འཕྲིན་ཡིག་འདི་དུས་ནམ་ཞིག་ལ་བྱུང་བའི་ལོ་ཚིགས་ལ་ནོར་འཕྱུག་མེད་པའི་ཐག་ཆོད་ཅིག་དཀའ་ནའང་། དུས་རབས་དང་པོའི་མཇུག་སྟེ་སྤྱི་ལོ་90ལོའི་ཡས་མས་སུ་ཡི་གེར་བཀོད་པ་ནི་རྒྱུ་རྐྱེན་མང་པོ་ཞིག་ལ་བརྟེན་ནས་ཤེས་ཐུབ།  
\is1 བརྗོད་སྙིང་དང་གསུང་འཕྲིན།  
\ipi འཕྲིན་ཡིག་འདིའི་ནང་དུ་ཡོ་ཧ་ནན་ལ་དམིགས་ཡུལ་སྤྱིར་བཏང་བ་གཉིས་ཡོད་དེ།  
\ipi ༼1༽ དགེ་རྒན་རྫུས་མ་རྣམས་ཐེར་འདོན་བྱེད་པ།  
\ipi ༼2༽ དད་ལྡན་རྣམས་ལ་མཐའ་མེད་པའི་ཚེ་སྲོག་ཡོད་པར་སྟོན་པ། ཁོང་གིས་རང་གི་དམིགས་ཡུལ་གཞིར་བཟུང་ནས་ནཱ་སི་ཊི་༼Gnostic༽ཞེས་པའི་གྲུབ་མཐའ་འཛིན་པའི་དགེ་རྒན་ཚོའི་ལྟ་བ་སྟེ། སེམས་ཉིད་ནི་ཡོངས་སུ་བཟང་པོ་ཡིན་ཞིང་། ལུས་པོ་ནི་ཡོངས་སུ་ངན་པ་ཡིན་ཞེས་པའི་སྐོར་ལ་རྩོད་པ་དྲག་པོ་བྱས་པ་དང་། ཡོ་ཧ་ནན་གྱིས་ཁྱད་པར་དུ་དེ་ཚོར་བླང་དོར་རྣམ་འབྱེད་ཀྱིས་འདང་མེད་ཚུལ་ཤུགས་ཀྱིས་གླེང་ཞིང་། སྐྱབས་མགོན་ཡེ་ཤུ་ནི་མི་ཡི་གཟུགས་པོར་གྱུར་པའི་དོན་དངོས་ལ་མིག་མཐོང་ལག་ཟིན་གྱི་བདེན་དཔང་མཛད་དེ། ཁོང་གིས་ཀློག་པ་པོ་རྣམས་ལ་སྐྱབས་མགོན་ཡེ་ཤུ་མི་ཡི་གཟུགས་པོར་གྱུར་པའི་དོན་དངོས་དེར་ར་སྤྲོད་གནང་ཡོད་པ་རེད། དེར་མ་ཟད་ཁོང་གིས་གལ་སྲིད་རང་གིས་སྒྲུབ་བཞིན་པའི་བྱ་བ་འདི་ལ་གྲུབ་འབྲས་ཐོབ་པ་ཡིན་ན་ཁོ་རང་ཡོངས་སུ་དགའ་ཞིང་སྤྲོ་བ་ཡིན་ཞེས་བརྗོད།  
\is1 འཆར་ཟིན།  
\ipi 1. སྐྱབས་མགོན་ཡེ་ཤུ་མི་ཡི་གཟུགས་པོར་གྱུར་པའི་སྐོར། ༼1:1-4༽  
\ipi 2. བདག་ཅག་གིས་དད་པ་བྱས་ནས་ཡབ་དང་སྲས་དཀོན་མཆོག་ལ་འདྲིས་པར་གྱུར་པའི་སྐོར། ༼1:5-2:28༽  
\ipi 3. བདག་ཅག་ནི་དཀོན་མཆོག་གི་བུ་ཕྲུག་དངོས་ཡིན་པའི་སྐོར། ༼2:29-4:6༽  
\ipi 4. ཀུན་སྤྱོད་ཀྱི་རྣམ་གཞག་དང་ཡེ་ཤུ་མཱ་ཤི་ཀའི་སྐོར། ༼4:7-5:12༽  
\ipi 5. ཡེ་ཤུའི་ཆོས་ལུགས་པའི་ངེས་དོན་རླབས་བོ་ཆེ། ༼5:13-21༽  
\c 1
\cl ལེའུ་དང༌པོ། 
\toc1 ༄༅། །ཡོ་ཧ་ནན་གྱི་འཕྲིན་ཡིག་དང་པོ། 
\toc2 ཡོ་ཧ་ནན་དང་པོ། 
\s1 ཚེ་སྲོག་གི་བཀའ་ཡི༌སྐོར།  
\p
\v 1 དེ་ཡང་ཐོག་མ་ཉིད་ནས་བཞུགས་པའི་ཚེ་སྲོག་གི་བཀའ་དེ་གླེང་བ་ཡིན་ན། ངེད་ཅག་གིས་བཀའ་ \f + \ft འདིར་བཀའ་ཞེས་པ་ནི་སྐྱབས་མགོན་ཡེ་ཤུར་གོ་ཞིང་དེ་ནི་ཁོང་གི་མཚན་གྱི་རྣམ་གྲངས་ཀྱང་ཡིན། ཚེ་སྲོག་གི་བཀའ་ཞེས་པའང་སྐྱབས་མགོན་ཡེ་ཤུར་གོ་བ་ཡིན། \f*དེ་རྣ་བས་ཐོས་ཤིང་མིག་གིས་མཐོང་མྱོང་བ༌དང༌། དངོས་སུ་བལྟས་མྱོང་ལ། ལག་པས་ཀྱང་དངོས་སུ་རེག་མྱོང་ངོ་།།  
\v 2 ཚེ་སྲོག་དེ་མངོན་པར་གྱུར་ཡོད་ལ་ངེད་ཅག་གིས་མཐོང་མྱོང་བ་དང་། ད་ལྟ་དེ་ལ་བདེན་དཔང་བྱེད་བཞིན་ཡོད་དེ། མ་གཞི་ཚེ་སྲོག་དེ་ཉིད་ནི་ཡབ་དང་ལྷན་དུ་བཞུགས་ཤིང་། ངེད་ཅག་ལ་མངོན་པར་གྱུར་པའི་མཐའ་མེད་པའི་ཚེ་སྲོག་དེ་ཁྱོད་ཅག་ལ་སྒྲོག་པ་ཡིན།  
\v 3 ཁྱོད་རྣམས་ངེད་ཅག་དང་འདྲིས་པའི༌ཕྱིར། ངེད་ཅག་གིས་གང་ཞིག་མཐོང་ཞིང་ཐོས་པ་དག་ཁྱོད་རྣམས་ལ་སྒྲོག་པ་ཡིན། ངེད་ཅག་ནི་དངོས་གནས་ཡབ་དང་ཁོང་གི་སྲས་ཡེ་ཤུ་མཱ་ཤི་ཀར་འདྲིས་ཡོད་དོ།།  
\v 4 བདག་ཅག་ཡོངས་སུ་དགའ་ཞིང་སྤྲོ་བར་འགྱུར་བའི་ཕྱིར། ངེད་ཅག་གིས་དོན་འདི་དག་ཁྱོད་རྣམས་ལ་བྲིས་པའོ།།   
\s1 འོད་ཟེར་ནང་དུ་སྐྱོད་པའི༌སྐོར།  
\p
\v 5 དཀོན་མཆོག་ནི་འོད་ཟེར་ཡིན་པས་ཁོང་ལ་མུན་ནག་གཏན་ནས་མེད་དོ།། འདི་ནི་ངེད་ཅག་གིས་སྐྱབས་མགོན་ཡེ་ཤུ་ནས་ཐོས་ཤིང་ཁྱོད་ཅག་ལ་སྒྲོག་པའི་བརྡ་འཕྲིན་ཡིན་ནོ།།  
\v 6 གལ་ཏེ། བདག་ཅག་གིས་དཀོན་མཆོག་དང་འདྲིས་ཡོད་ཟེར་ཡང་། ད་དུང་མུན་ནག་ནང་དུ་སྤྱོད་པ་ཡིན་ན། དེ་ནི་བདག་ཅག་གིས་རྫུན་སྨྲས་པ་ཡིན་པས་བདེན་པ་ཉིད་བཞིན་དུ་སྤྱད་པ་སྤྱོད་པ་མ་ཡིན།  
\v 7 དཀོན་མཆོག་ནི་འོད་ཟེར་ནང་དུ་བཞུགས་པ་བཞིན་བདག་ཅག་འོད་ཟེར་ནང་དུ་སྤྱོད་པ་ཡིན་ན། བདག་ཅག་ཕན་ཚུན་ལ་འདྲིས་ཡོད་པ་ཡིན་ལ། ཁོང་གི་སྲས་སྐྱབས་མགོན་ཡེ་ཤུའི་སྐུ་ཁྲག་གིས་བདག་ཅག་གི་སྡིག་པ་ཐམས་ཅད་འདག་པར་མཛད༌དོ།།   
\p
\v 8 བདག་ཅག་གིས་རང་ལ་སྡིག་པ་མེད་ཟེར་ན། དེ་ནི་རང་མགོ་རང་གིས་གཡོག་པ་ཡིན་པས། བདེན་པ་ཉིད་ནི་བདག་ཅག་གི་སེམས་སུ་གནས༌པ་མ་ཡིན་ནོ།།  
\v 9 དཀོན་མཆོག་ནི་ཡིད་རྟོན་རུང་བ་དང་དྲང་བདེན་ཡིན་པས། བདག་ཅག་གིས་རང་གི་སྡིག་པ་མཐོལ་བཤགས་བྱས༌ན། ཁོང་གིས་བདག་ཅག་གི་སྡིག་པ་བསལ་ཞིང་དྲང་བདེན་མ་ཡིན་པ་ཐམས་ཅད་གཙང་མར་མཛད་ངེས་ཡིན།  
\v 10 བདག་ཅག་གིས་སྡིག་པ་བྱས་མ་མྱོང་ཟེར་ན། བདག་ཅག་གིས་དཀོན་མཆོག་ནི་ཞལ་རྫུན་གསུང་མཁན་དུ་བརྩིས་པས། ཁོང་གི་བཀའ་ཡང་བདག་ཅག་གི་སེམས་སུ་གནས༌པ་མ་ཡིན་ནོ།།   
\c 2
\cl ལེའུ་གཉིས༌པ། 
\toc1 ༄༅། །ཡོ་ཧ་ནན་གྱི་འཕྲིན་ཡིག་དང་པོ། 
\toc2 ཡོ་ཧ་ནན་དང་པོ། 
\s1 སྐྱབས་མགོན་མཱ་ཤི་ཀ་ནི་བདག་ཅག་གི་བར་མི་ཡིན་པའི༌སྐོར།  
\p
\v 1 བདག་གི་བུ་ཕྲུག༌རྣམས། ངས་ཁྱོད་ཅག་ལ་དོན་འདི་རྣམས་འབྲི་དོན་ནི་ཁྱོད་ཅག་གིས་སྡིག་པ་མི་བྱེད་པའི་ཕྱིར་ཡིན། གལ་ཏེ། སུ་ཞིག་གིས་སྡིག་པ་བྱས༌པ་ཡིན་ན། ཡབ་ཀྱི་དྲུང་དུ་བདག་ཅག་ལ་ཞུ་བ་འབུལ་མཁན་ཞིག་ཡོད་དེ། ཁོང་ནི་རྣམ་པར་དག་པ་ཡེ་ཤུ་མཱ་ཤི་ཀ་ལགས་སོ།།  
\v 2 ཁོང་ནི་བདག་ཅག་གི་སྡིག་པའི་ཕྱིར་ཉེས་ཆད་བསལ་བའི་མཆོད་རྫས་ཡིན་ཞིང༌། དེ་ནི་བདག་ཅག་ཁོ་ན་མ་ཡིན་པར་འཇིག་རྟེན་གྱི་མི་ཐམས་ཅད་ཀྱི་དོན་དུའང་ཡིན༌ནོ།།   
\p
\v 3 གལ་ཏེ། བདག་ཅག་གིས་ཁོང་གི་བཀའ་རྣམས་བརྩི་སྲུང་བྱས་པ་ཡིན་ན། ཁོང་ཉིད་དངོས་གནས་ངོ་ཤེས་པ་གསལ་ལོ།།  
\v 4 གལ་ཏེ། མི་ཞིག་ན་རེ། ངས་ཁོང་ཉིད་ངོ་ཤེས་པ་ཡིན་ཞེས་སྨྲས་ཀྱང་ཁོང་གི་བཀའ་རྣམས་མི་བརྩི་ན། མི་དེ་ནི་རྫུན་སྨྲ་མཁན་ཡིན་ལ། བདེན་པ་ཉིད་ཀྱང་ཁོའི་སེམས་སུ་ཡོད་པ་མ་ཡིན།  
\v 5 སུ་ཞིག་གིས་ཁོང་གི་བཀའ་བསྲུངས་ན། དཀོན་མཆོག་གི་བྱམས་པ་ནི་ཁོའི་སེམས་ནང་དུ་དངོས་གནས་ཕུལ་དུ་བྱུང་བ༌ཡིན། དོན་འདི་ལས་བདག་ཅག་གིས་རང་ཉིད་དཀོན་མཆོག་གི་ནང་དུ་གནས་པ་ཤེས་སོ།།  
\v 6 མི་ཞིག་གིས་བདག་ནི་ཁོང་གི་ནང་དུ་གནས་པ་ཡིན་ཟེར༌ན། མི་དེས་སྐྱབས་མགོན་ཡེ་ཤུའི་སྤྱོད་ལམ་བཞིན་དུ་སྤྱོད་འོས༌སོ།།   
\p
\v 7 སྙིང་ནས་བརྩེ་བའི་སྤུན་ཟླ༌རྣམས། ངས་ཁྱོད་ཅག་ལ་འབྲི་བཞིན་པ་ནི་བཀའ་གསར་པ་ཞིག་མིན༌ཏེ། ཐོག་མ་ནས་ཁྱོད་ཅག་ལ་ཐོབ་པའི་བཀའ་རྙིང་པ་དེ་ཡིན་ལ། བཀའ་རྙིང་པ་དེ་ནི་ཁྱོད་ཅག་གིས་ཐོས་མྱོང་བའི་བཀའ་ཡིན་ནོ།།  
\v 8 ཡང་གཅིག་བཤད༌ན། ངས་ཁྱོད་ཅག་ལ་འབྲི་བཞིན་པ་ནི་བཀའ་གསར་པ་ཞིག་ཡིན༌ལ། དེ་ནི་སྐྱབས་མགོན་ཡེ་ཤུ་དང་ཁྱོད་རྣམས་གང་གི་ཆ་ནས་ཀྱང་བདེན་པ་ཡིན་ནོ།། ཅིའི་ཕྱིར་ཞེ་ན། མུན་ནག་རིམ་བཞིན་ཡལ་ཞིང་འོད་ཟེར་བདེན་པ་དེ་སྔར་ནས་འཕྲོ་བཞིན་ཡོད་པའི་ཕྱིར་རོ།།   
\p
\v 9 གལ་ཏེ། མི་ཞིག་གིས་རང་ཉིད་འོད་ཟེར་ནང་དུ་ཡོད་ཟེར་ནའང་། རང་གི་སྤུན་ཟླར་སྡང༌བ་ཡིན་ན། མི་དེ་ནི་སྔར་བཞིན་མུན་ནག་ནང་དུ་གནས་པ༌ཡིན་ནོ།།  
\v 10 རང་གི་སྤུན་ཟླར་གཅེས་མཁན་ནི་འོད་ཟེར་ནང་དུ་གནས་ཤིང་། ཁོ་ནི་ས་རུ་འགྱེལ་བའི་རྒྱུ་རྐྱེན་མེད།  
\v 11 འོན་ཀྱང་། རང་གི་སྤུན་ཟླར་སྡང་མཁན་ནི་མུན་ནག་ནང་དུ་གནས་ཤིང་མུན་ནག་ནང་དུ་སྤྱོད་པ་དང༌། རང་ཉིད་གང་དུ་འགྲོ་བའང་མི་ཤེས་སོ།། ཅིའི་ཕྱིར་ཞེ་ན། མུན་ནག་གིས་ཁོའི་མིག་ཟུང་ལོང་བར་བྱས༌པས་སོ།།   
\p
\v 12 བུ་ཕྲུག༌རྣམས། ངས་ཁྱོད་ཅག་ལ་འཕྲིན་ཡིག་འབྲི་དོན་ནི། ཁྱོད་རྣམས་ཀྱི་སྡིག་པ་ནི་སྐྱབས་མགོན་ཡེ་ཤུའི་མཚན་ལ་བརྟེན་ནས་བསལ་བའི་ཕྱིར་རོ།།  
\v 13 ཕ་ཡིན་པ་རྣམས། ངས་ཁྱོད་ཅག་ལ་འཕྲིན་ཡིག་འབྲི་དོན་ནི། ཁྱོད་རྣམས་ཀྱིས་ཐོག་མ་ཉིད་ནས་བཞུགས་པ་ཁོང་ཉིད་ངོ་ཤེས་པའི་ཕྱིར༌ཡིན། ན་གཞོན་རྣམས། ངས་ཁྱོད་ཅག་ལ་འཕྲིན་ཡིག་འབྲི་དོན་ནི། ཁྱོད་རྣམས་བདུད་ངན་དེ་ལས་རྣམ་པར་རྒྱལ་བའི་ཕྱིར་ཡིན།  
\v 14 བུ་ཕྲུག༌རྣམས། ངས་ཁྱོད་ཅག་ལ་འཕྲིན་ཡིག་འབྲི་དོན་ནི། ཁྱོད་རྣམས་ཀྱིས་ཡབ་ངོ་ཤེས་པའི་ཕྱིར༌ཡིན། ཕ་ཡིན་པ་རྣམས། ངས་ཁྱོད་ཅག་ལ་འཕྲིན་ཡིག་འབྲི་དོན་ནི། ཁྱོད་རྣམས་ཀྱིས་ཐོག་མ་ཉིད་ནས་བཞུགས་པ་ཁོང་ཉིད་ངོ་ཤེས་པའི་ཕྱིར་ཡིན། ན་གཞོན་རྣམས། ངས་ཁྱོད་ཅག་ལ་འཕྲིན་ཡིག་འབྲི་དོན་ནི། ཁྱོད་རྣམས་ལ་སྟོབས་དང་ལྡན་ཞིང་དཀོན་མཆོག་གི་བཀའ་རྟག་ཏུ་ཁྱོད་ཅག་གི་སེམས་སུ་བཞུགས༌པ་དང༌། ཁྱོད་ཅག་བདུད་ངན་དེ་ལས་རྣམ་པར་རྒྱལ་བའི་ཕྱིར༌རོ།།   
\s1 འཇིག་རྟེན་ལ་ཞེན་ཆགས་མི་རུང་བའི༌སྐོར།  
\p
\v 15 འཇིག་རྟེན་འདི་དང་འཇིག་རྟེན་གྱི་དངོས་པོ་ཀུན་ལ་ཞེན་ཆགས༌པར་མི་བྱའོ། །གལ་ཏེ། མི་སུ་ཞིག་འཇིག་རྟེན་ལ་ཞེན་ཆགས་པར་གྱུར་ན། མི་དེའི་སེམས་སུ་ཡབ་ལ་གཅེས་པའི་སེམས་ནི་ཡོད་པ་མ་ཡིན་ནོ།།  
\v 16 ཅིའི་ཕྱིར་ཞེ་ན། འཇིག་རྟེན་གྱི་དོན་ཐམས་ཅད་དེ། ཤ་གཟུགས་ཀྱི་འདོད་ཆགས་དང་། མིག་གི་འདོད༌ཆགས། ཚེ་འདིའི་ང་རྒྱལ་བཅས་ནི་ཡབ་ནས་བྱུང་བ་མ་ཡིན་པར་འཇིག་རྟེན་ནས་བྱུང་བའི་ཕྱིར་རོ།།  
\v 17 འཇིག་རྟེན་འདི་དང་འཇིག་རྟེན་གྱི་འདོད་ཆགས་ཐམས་ཅད་འཇིག་པར་འགྱུར༌མོད། འོན་ཀྱང་དཀོན་མཆོག་གི་ཐུགས་དགོངས་བཞིན་སྒྲུབ་མཁན་ནི་གཏན་དུ་གནས་པར་འགྱུར་རོ།།   
\s1 སྐྱབས་མགོན་ཡེ་ཤུའི་བསྟན་དགྲ་ལ་དོགས་ཟོན་བྱེད་པ།  
\p
\v 18 བུ་ཕྲུག༌རྣམས། ད་ནི་མཐའ་མའི་དུས་སྐབས་ཡིན༌ལ། སྐྱབས་མགོན་མཱ་ཤི་ཀའི་བསྟན་དགྲ་ཡོང་ངེས་པ་ཁྱོད་ཅག་གིས་ཐོས་མྱོང་བ༌ལྟར། ད་ལྟ་སྐྱབས་མགོན་མཱ་ཤི་ཀའི་བསྟན་དགྲ་མང་པོ་ཡོང་ཡོད་པས། བདག་ཅག་གིས་ད་ལྟ་ནི་མཐའ་མའི་དུས་སྐབས་ཡིན་པ་ཤེས།  
\v 19 དེ་དག་ནི་བདག་ཅག་གི་ཁྲོད་ནས་ཕྱི་རོལ་ཏུ་སོང་བ་ཡིན༌མོད། འོན་ཀྱང་བདག་ཅག་ལ་གཏོགས་པ་མ་ཡིན། དེ་རྣམས་བདག་ཅག་ལ་གཏོགས་པ་ཡིན་ན། སྔར་བཞིན་བདག་ཅག་དང་ལྷན་དུ་འགྲོག་ངེས༌མོད། འོན་ཀྱང་དེ་རྣམས་ཕྱི་རོལ་ཏུ་སོང་བས་བདག་ཅག་ལ་མི་གཏོགས་པ་གསལ་པོར་མངོན་ནོ།།   
\p
\v 20 ཁྱོད་ཅག་ནི་དམ་པ་ཉིད་ཀྱིས་བྱུགས་པའི་མི་རྣམས་ཡིན་ལ། ཁྱོད་ཅག་ཐམས་ཅད་ཀྱིས་ཀྱང་དོན་འདི་ཤེས་སོ།།  
\v 21 བདག་གིས་ཁྱོད་རྣམས་ལ་འཕྲིན་ཡིག་འདི་འབྲི་དོན་ནི་ཁྱོད་ཅག་གིས་བདེན་པ་ཉིད་མི་ཤེས་པའི་རྐྱེན་གྱིས་མ་ཡིན༌པར། ཁྱོད་རྣམས་ཀྱིས་བདེན་པ་ཉིད་ཤེས་པར་མ་ཟད། བདེན་པ་ཉིད་ལས་རྫུན་མི་འབྱུང་བའང་ཤེས་པའི་ཕྱིར་ཡིན།  
\v 22 རྫུན་སྨྲ་མཁན་ནི་སུ་ཡིན་ཞེ་ན། ཡེ་ཤུ་ནི་སྐྱབས་མགོན་མཱ་ཤི་ཀ་ཡིན་པར་ཁས་མི་ལེན་པའི་མི་དེ་མ་ཡིན༌ནམ། དེའི་ཕྱིར། ཡབ་དང་སྲས་ཁོང་ཉིད་ཁས་མི་ལེན་པའི་མི་ནི་སྐྱབས་མགོན་མཱ་ཤི་ཀའི་བསྟན་དགྲ་ཡིན།  
\v 23 སྲས་ཁོང་ཉིད་ཁས་མི་ལེན་པའི་མི་དེ་ལ་ཡབ་ནི༌མེད། སྲས་ཁོང་ཉིད་ཁས་ལེན་པའི་མི་དེ་ལ་ཡབ་ནི་ཡོད་པའོ།།   
\p
\v 24 ཁྱོད་ཅག་གི་སྐོར་གླེང་བ་ཡིན་ན། ཐོག་མ་ནས་ཐོས་པ་རྣམས་ཁྱོད་ཅག་གི་ནང་དུ་གནས་པར་གྱིས། གལ་ཏེ། ཐོག་མ་ནས་ཐོས་པ་དེ་རྣམས་ཁྱོད་ཅག་གི་ནང་དུ་གནས་པ་ཡིན་ན། ཁྱོད་ཅག་ནི་སྲས་ཁོང་ཉིད་ཀྱི་ནང་དུ་གནས་ཤིང་ཡབ་ཀྱི་ནང་དུའང་གནས༌པ་ཡིན།  
\v 25 སྐྱབས་མགོན་ཡེ་ཤུས་བདག་ཅག་ལ་ཞལ་བཞེས་གནང་བ་ནི་མཐའ་མེད་པའི་ཚེ་སྲོག་དེ་ཉིད་ཡིན་ནོ།།   
\p
\v 26 བདག་གིས་ཁྱོད་ཅག་ལ་སྐད་ཆ་འདི་དག་འབྲི་དོན་ནི་ཁྱོད་ཅག་ལ་སླུ་བྲིད་གཏོང་མཁན་དེ་དག་ལ་དམིགས་ནས་སྨྲས་པའོ།།  
\v 27 སྐྱབས་མགོན་ཡེ་ཤུ་ནས་ཐོབ་པའི་བྱུགས་པར་མཛད་པ་དེ་ཉིད་ཁྱོད་ཅག་གི་སེམས་སུ་བཞུགས་ཡོད་པས། མི་སུས་ཀྱང་ཁྱོད་ཅག་ལ་བསླབ་བྱ་གཏོང་དགོས་པ་མ་ཡིན༌ཏེ། ཁོང་ལས་ཐོབ་པའི་བྱུགས་པར་མཛད་པ་དེ་ཉིད་ཀྱིས་དོན་ཐམས་ཅད་ཀྱི་སྐོར་ནས་ཁྱོད་ཅག་ལ་བསླབ་བྱ་གནང་ངེས་ཤིང་། བྱུགས་པར་མཛད་པ་དེ་ཉིད་ནི་བདེན་པ་ཡིན་པ་ལས་རྫུན་མིན༌ལ། བྱུགས་པར་མཛད་པ་དེ་ཉིད་ཀྱིས་བསླབ་བྱ་གནང་བ་བཞིན། ཁྱོད་ཅག་ནི་ཁོང་གི་ནང་དུ་གནས་པར་བྱའོ།།   
\p
\v 28 བུ་ཕྲུག༌རྣམས། ཁྱོད་ཅག་ནི་སྐྱབས་མགོན་ཡེ་ཤུའི་ནང་དུ་གནས་པར་གྱིས། དེ་ལྟར་བྱས་ན། ཁོང་ཉིད་མངོན་པར་འགྱུར་བའི་དུས་སུ། བདག་ཅག་བག་ཕེབས་ཞུམ་མེད་ངང་སྡོད་ནུས་ལ། ཁོང་ཉིད་ཕེབས་ཡོང་བའི་དུས་སུ། ཁོང་གི་སྤྱན་དྲུང་དུ་བདག་ཅག་ངོ་གནོང་བར་མི་འགྱུར་རོ།།   
\p
\v 29 གལ་ཏེ། ཁྱོད་ཅག་གིས་ཁོང་ནི་དྲང་བདེན་ཡིན་པ་ཤེས༌ན། དྲང་བདེན་གྱིས་སྒྲུབ་མཁན་ཐམས་ཅད་ནི་ཁོང་ལས་སྐྱེས་པའང་ཤེས་སོ།།   
\c 3
\cl ལེའུ་གསུམ༌པ། 
\toc1 ༄༅། །ཡོ་ཧ་ནན་གྱི་འཕྲིན་ཡིག་དང་པོ། 
\toc2 ཡོ་ཧ་ནན་དང་པོ། 
\s1 དཀོན་མཆོག་གི་བུ་ཕྲུག་སྐོར།  
\p
\v 1 ལྟོས་དང་། ཡབ་ཀྱིས་བདག་ཅག་ལ་གནང་བའི་ཐུགས་བརྩེ་ནི་ཅི་འདྲ་ཆེ་ཨང༌། བདག་ཅག་ནི་དཀོན་མཆོག་གི་བུ་དང་བུ་མོར་འབོད༌ཅིང༌། བདག་ཅག་ནི་དངོས་གནས་ཁོང་གི་བུ་ཕྲུག་ཡིན་ནོ།། འཇིག་རྟེན་གྱི་མི་རྣམས་ཀྱིས་བདག་ཅག་ངོ་མི་ཤེས་པའི་རྒྱུ་མཚན་ནི། ཁོ་རྣམས་ཀྱིས་ཁོང་ཉིད་ངོ་མ་ཤེས་པའི་རྐྱེན་ཡིན།  
\v 2 སྙིང་ནས་བརྩེ་བའི་སྤུན་ཟླ་རྣམས། ད་ལྟ་བདག་ཅག་ནི་དཀོན་མཆོག་གི་བུ་ཕྲུག་ཡིན༌ལ། མ་འོངས་པར་ཅི་འདྲ་ཡིན་པ་ད་དུང་གསལ་པོར་མ་མངོན་མོད། འོན་ཀྱང་སྐྱབས་མགོན་ཡེ་ཤུ་མངོན་སུམ་དུ་ཕེབས་པའི་དུས༌སུ། བདག་ཅག་གིས་ཁོང་ཉིད་ཇི་ལྟར་ཡིན་པ་དེ་ལྟར་མཐོང་བར་འགྱུར་བས། བདག་ཅག་ནི་ཁོང་དང་མཚུངས་པར་འགྱུར་བ་བདག་ཅག་གིས་ཤེས་སོ།།  
\v 3 ཁོང་ལ་དེ་ལྟ་བུའི་རེ་སྨོན་བཅང་མཁན་ཐམས་ཅད་ཀྱིས་ཁོང་ཉིད་གཙང་མ་ཡིན་པ་བཞིན་རང་ཉིད་ཀྱང་གཙང་མར་བྱེད་པའོ།།   
\p
\v 4 སྡིག་པ་བྱས་དང་བྱེད་བཞིན་ཡོད་ན། དེ་ནི་བཀའ་ཁྲིམས་དང་འགལ་བ་ཡིན༌ལ། བཀའ་ཁྲིམས་དང་འགལ་བ་ཡིན་ན། དེ་ནི་སྡིག་པ་ཡིན་ནོ།།  
\v 5 སྐྱབས་མགོན་ཡེ་ཤུ་མངོན་མྱོང་ཞིང་། དེ་ནི་མིའི་སྡིག་པ་བསལ་ཆེད་ཡིན་པ་ཁྱོད་ཅག་གིས་ཤེས་པ་ཡིན། སྐྱབས་མགོན་ཡེ་ཤུར་སྡིག་པ་ཅི་ཡང་མེད།  
\v 6 སུ་ཞིག་ཁོང་གི་ནང་དུ་གནས་པ་ཡིན་ན། དེ་ཡིས་རྟག་ཏུ་སྡིག་པ་མི་བྱེད༌ལ། སུ་ཞིག་གིས་རྟག་ཏུ་སྡིག་པ་བྱེད་པ་ཡིན་ན། དེ་ཡིས་ཁོང་ཉིད་མཐོང་མ་མྱོང་ཞིང་ངོ་ཡང་མི་ཤེས༌སོ།།   
\p
\v 7 བུ་ཕྲུག༌རྣམས། མིའི་སླུ་བྲིད་ཀྱི་འོག་ཏུ་འཚུད༌པར་མི་བྱའོ།། དྲང་བདེན་གྱིས་ལས་བསྒྲུབས་ཤིང་སྒྲུབ་བཞིན་པ་ནི་དྲང་བདེན་ཅན་ཡིན་ཏེ། སྐྱབས་མགོན་ཡེ་ཤུ་དྲང་བདེན་ཡིན་པ་བཞིན་ནོ།།  
\v 8 སྡིག་པ་བྱས་ཤིང་བྱེད་བཞིན་པ་ནི་བདུད་ཀྱི་ཁོངས་སུ་གཏོགས། ཅིའི་ཕྱིར་ཞེ་ན། བདུད་ཀྱིས་ཐོག་མ་ནས་སྡིག་པ་བྱས་ཤིང་བྱེད་བཞིན་པས་སོ། །དཀོན་མཆོག་གི་སྲས་མངོན་པར་གྱུར་པ་ནི། བདུད་ཀྱི་ལས་རྣམས་འཇོམས་པའི་ཕྱིར་ཡིན།  
\v 9 སུ་ཞིག་དཀོན་མཆོག་ནས་སྐྱེས་པ་ཡིན་ན། དེ་ཡིས་རྟག་ཏུ་སྡིག་པ་མི་བྱེད། ཅིའི་ཕྱིར་ཞེ་ན། དཀོན་མཆོག་གི་ས་བོན་ནི་མི་དེའི་སེམས་སུ་བཞུགས་པས་སོ།། མི་དེ་ནི་དཀོན་མཆོག་ནས་སྐྱེས་པའི་རྐྱེན་གྱིས། དེ་ཡིས་རྟག་ཏུ་སྡིག་པ་བྱེད་མི་སྲིད།  
\v 10 དེ་ལས་སུ་ཞིག་ནི་དཀོན་མཆོག་གི་བུ་ཕྲུག་ཡིན་པ་དང་། གང་ཞིག་ནི་བདུད་ཀྱི་བུ་ཕྲུག་ཡིན་པ་གསལ་པོར་མངོན་ཏེ། དྲང་བདེན་གྱི་ལས་མི་བྱེད་པ་ནི་དཀོན་མཆོག་ལ་མི་གཏོགས་ཤིང་། རང་གི་སྤུན་ཟླར་མི་གཅེས་པའང་དེ་བཞིན་ཡིན་ནོ།།   
\s1 ཕན་ཚུན་ལ་བྱམས་ཤིང་གཅེས་པའི༌སྐོར།  
\p
\v 11 བདག་ཅག་གིས་ཕན་ཚུན་ལ་བྱམས་ཤིང་གཅེས་དགོས་སོ།། དེ་ནི་ཁྱོད་ཅག་གིས་ཐོག་མ་ནས་ཐོས་པའི་འཕྲིན་ཡིན།  
\v 12 ཀཱ་ཡན་བཞིན་དུ་བྱ་མི་རུང་སྟེ། ཁོ་ནི་བདུད་ངན་དེ་ལ་གཏོགས་པས་རང་གི་གཅུང་པོ་བསད། གཅུང་པོ་བསད་པའི་རྒྱུ་མཚན་ཅི་ཞེ་ན། ཁོའི་སྤྱོད་ལམ་ངན་ཞིང་གཅུང་པོའི་སྤྱོད་ལམ་དྲང་བའི་ཕྱིར་ཡིན།  
\v 13 སྤུན་ཟླ༌རྣམས། འཇིག་རྟེན་གྱི་མི་རྣམས་ཁྱོད་ཅག་ལ་སྡང་བ་ཡིན་ན། དེ་ནི་ཡ་མཚན་དུ་འདོད་པར་མི་བྱའོ།།  
\v 14 བདག་ཅག་གིས་སྤུན་ཟླ་གཅེས་སུ་བཟུང་བའི་ཕྱིར། འཆི་བ་ནས་གསོན་པའི་ནང་དུ་ཞུགས་པ་ཤེས་ཤིང་། གཅེས་སེམས་མེད་ན་སྔར་བཞིན་འཆི་བའི་ནང་དུ་གནས་པ་ཡིན།  
\v 15 རང་གི་སྤུན་ཟླར་སྡང་མཁན་ཐམས་ཅད་ནི་ལག་དམར༌ཡིན། ལག་དམར་རྣམས་ཀྱི་སེམས་ནང་དུ་མཐའ་མེད་པའི་ཚེ་སྲོག་མེད་པ་ཁྱོད་ཅག་གིས་ཤེས༌པའོ།།  
\v 16 སྐྱབས་མགོན་ཡེ་ཤུས་བདག་ཅག་གི་ཆེད་དུ་རང་སྲོག་བློས་བཏང་བའི་དོན་དེ་ལས། བདག་ཅག་གིས་བྱམས་པ་ནི་ཅི་ཡིན་པ་ཤེས་པས། བདག་ཅག་གིས་ཀྱང་སྤུན་ཟླའི་ཆེད་དུ་རང་སྲོག་བློས་གཏོང་འོས་སོ།།  
\v 17 སུ་ཞིག་ལ་འཇིག་རྟེན་གྱི་རྒྱུ་ནོར་ཡོད་ཅིང་སྤུན་ཟླའི་དགོས་མཁོ་མཐོང་ཡང་སྙིང་རྗེ་མི་སྐྱེས༌ན། དཀོན་མཆོག་གི་བྱམས་པ་ནི་ཁོའི་སེམས་ནང་དུ་ཅི་ལྟར་གནས༌སམ།  
\v 18 བུ་ཕྲུག༌རྣམས། བདག་ཅག་གིས་ཕན་ཚུན་གཅེས་སུ་འཛིན་པ་ནི་ངག་ནས་སྨྲ་བ་ཙམ་མ་ཡིན་པར་བྱ་སྤྱོད་དང་གཞུང་དྲང་གི་ཐད་ནས་མཚོན༌དགོས་ལ།  
\v 19 དོན་དེ་ལས་བདག་ཅག་ནི་བདེན་པ་ཉིད་ལ་གཏོགས་པ་ཡིན་པ་ཤེས་པར་འགྱུར་ཞིང་། བདག་ཅག་གི་སེམས་ནི་དཀོན་མཆོག་གི་སྤྱན་དྲུང་དུ་བདེ་བར་གནས་ཐུབ་ངེས།  
\v 20 གལ་ཏེ། བདག་ཅག་གི་སེམས་ཀྱིས་བདག་ཅག་ལ་གཤེ་གཤེ་གཏོང་བ་ཡིན་ན། དཀོན་མཆོག་ནི་བདག་ཅག་གི་སེམས་ལས་ཀྱང་ཆེན་པོ་ཡིན་ལ། མི་མཁྱེན༌པའི་དོན་ཅི་ཡང་མེད་དོ།།  
\v 21 སྙིང་ནས་བརྩེ་བའི་སྤུན་ཟླ༌རྣམས། གལ་ཏེ། བདག་ཅག་གི་སེམས་ཀྱིས་བདག་ཅག་ལ་གཤེ་གཤེ་མི་གཏོང༌ན། བདག་ཅག་དཀོན་མཆོག་གི་དྲུང་དུ་བག་ཕེབས་ཞུམ་མེད་ངང་གནས་ཐུབ་པར་མ་ཟད།  
\v 22 བདག་ཅག་གིས་ཁོང་གི་བཀའ་རྣམས་སྲུང་ཞིང་ཁོང་གི་སྤྱན་སྔར་ཐུགས་དགྱེས་པའི་དོན་རྣམས་སྒྲུབ་པ་ཡིན་པས། བདག་ཅག་གིས་གང་ཞིག་ཞུས་པ་ཁོང་ནས་འཐོབ་པར༌འགྱུར་རོ།།  
\v 23 དཀོན་མཆོག་གི་བཀའ་ནི་བདག་ཅག་གིས་ཁོང་གི་སྲས་ཡེ་ཤུ་མཱ་ཤི་ཀའི་མཚན་ལ་དད་པ་བྱེད་པ༌དང༌། ཁོང་གིས་བདག་ཅག་ལ་གནང་བའི་བཀའ་བཞིན་དུ་ཕན་ཚུན་ལ་བྱམས་ཤིང་གཅེས་པར་བྱེད་པ་དེ་ཡིན།  
\v 24 དཀོན་མཆོག་གི་བཀའ་རྣམས་བརྩི་སྲུང་བྱེད་མཁན་ནི་དཀོན་མཆོག་གི་ནང་དུ་གནས་ཤིང༌། དཀོན་མཆོག་ཀྱང་མི་དེའི་ནང་དུ་བཞུགས་པ་ཡིན། བདག་ཅག་ལ་གནང་བའི་དམ་པའི་ཐུགས་ཉིད་ལ་བརྟེན་ནས། བདག་ཅག་གིས་དཀོན་མཆོག་ནི་བདག་ཅག་གི་ནང་དུ་བཞུགས་པ་ཤེས་སོ།།   
\c 4
\cl ལེའུ་བཞི༌པ། 
\toc1 ༄༅། །ཡོ་ཧ་ནན་གྱི་འཕྲིན་ཡིག་དང་པོ། 
\toc2 ཡོ་ཧ་ནན་དང་པོ། 
\s1 སེམས་ཉིད་ལ་ཚོད་བརྟག་བྱེད་པའི༌སྐོར།  
\p
\v 1 སྙིང་ནས་བརྩེ་བའི་སྤུན་ཟླ༌རྣམས། ཁྱོད་ཅག་གིས་སེམས་ཉིད་ཐམས་ཅད་ལ་ཡིད་ཆེས་པར་མི་བྱའོ།། སེམས་ཉིད་དེ་དག་ནི་དཀོན་མཆོག་ནས་བྱུང་མིན་ལ་ཚོད་བརྟག་བྱ་དགོས། རྒྱུ་མཚན་ནི་འཇིག་རྟེན་དུ་ལུང་སྟོན་པ་རྫུས་མ་མང་པོ་བྱུང་ཡོད་པས༌སོ།།  
\v 2 སེམས་ཉིད་གང་ཞིག་གིས་ཡེ་ཤུ་མཱ་ཤི་ཀ་ནི་མི་ཡི་གཟུགས་པོར་གྱུར་ནས་བྱོན་པ་ཁས་ལེན་ན། སེམས་ཉིད་དེ་ནི་དཀོན་མཆོག་ལས་བྱུང་བ་ཡིན། དེ་ལས་ཁྱོད་ཅག་གིས་དཀོན་མཆོག་གི་ཐུགས་ཉིད་ངོ་ཤེས་ཐུབ་པར༌འགྱུར་རོ།།  
\v 3 སེམས་ཉིད་གང་ཞིག་གིས་སྐྱབས་མགོན་ཡེ་ཤུ་ཁས་མི་ལེན་ན། སེམས་ཉིད་དེ་ནི་དཀོན་མཆོག་ནས་བྱུང་བ་མ་ཡིན༌པར། སྐྱབས་མགོན་མཱ་ཤི་ཀ་དགྲ་རུ་འཛིན་པའི་བསྟན་དགྲའི་སེམས་ཉིད་ཡིན། ཁྱོད་ཅག་གིས་སྔར་ནས་བསྟན་དགྲ་དེ་ཡོང་ངེས་པ་ཐོས་ཤིང་། ད་ལྟ་འཇིག་རྟེན་དུ་ཡོང་ཟིན་ནོ།།   
\p
\v 4 བུ་ཕྲུག༌རྣམས། ཁྱོད་ཅག་ནི་དཀོན་མཆོག་ལ་གཏོགས་ཤིང་བསྟན་དགྲ་དེ་དག་ལས་རྣམ་པར་རྒྱལ་ལོ།། ཅིའི་ཕྱིར་ཞེ་ན། ཁྱོད་ཅག་གི་ནང་དུ་བཞུགས་པ་དེ་ཉིད་ནི་འཇིག་རྟེན་དུ་ཡོད་པ་དེ་ལས་ཀྱང་ཆེན་པོ་ཡིན་ནོ།།  
\v 5 དེ་དག་ནི་འཇིག་རྟེན་ལ་གཏོགས་པས་འཇིག་རྟེན་གྱི་དོན་འཆད་པ་དང་། འཇིག་རྟེན་གྱི་མི་རྣམས་ཀྱིས་ཀྱང་དེ་དག་གི་ངག་ལ་ཉན་པ་ཡིན།  
\v 6 ངེད་ཅག་ནི་དཀོན་མཆོག་ལ་གཏོགས་པས་དཀོན་མཆོག་ངོ་ཤེས་པ་དག་གིས་ངེད་ཅག་གི་ངག་ལ་ཉན་པ༌དང༌། དཀོན་མཆོག་ལ་མི་གཏོགས་པ་རྣམས་ཀྱིས་ངེད་ཅག་གི་ངག་ལ་མི་ཉན་ནོ།། དེ་ལས་བདག་ཅག་གིས་གང་ཞིག་བདེན་པ་ཉིད་ཀྱི་སེམས་ཉིད་དང་གང་ཞིག་རྫུན་གྱི་སེམས་ཉིད་ཡིན་པ་ཤེས་ནུས་སོ།།   
\s1 དཀོན་མཆོག་གི་བྱམས་པ་དང་བདག་ཅག་གི་གཅེས་སེམས་སྐོར།  
\p
\v 7 སྙིང་ནས་བརྩེ་བའི་སྤུན་ཟླ༌རྣམས། བདག་ཅག་གིས་ཕན་ཚུན་ལ་བྱམས་ཤིང་གཅེས་འོས་སོ།། ཅིའི་ཕྱིར་ཞེ་ན། བྱམས་པ་ནི་དཀོན་མཆོག་ནས་བྱུང་བས༌སོ། །གཅེས་སེམས་ཡོད་པ་ཐམས་ཅད་ནི་དཀོན་མཆོག་ནས་སྐྱེས་ཤིང་དཀོན་མཆོག་ངོ་ཤེས་པ་ཡིན།  
\v 8 གཅེས་སེམས་མེད་པ་དེས་དཀོན་མཆོག་ངོ་མི་ཤེས་སོ།། ཅིའི་ཕྱིར་ཞེ་ན། དཀོན་མཆོག་ནི་བྱམས་པ་ཡིན་པའི་ཕྱིར་རོ།།  
\v 9 དཀོན་མཆོག་གིས་རང་ཉིད་ཀྱི་སྲས་གཅིག་པུ་འཇིག་རྟེན་དུ་མངགས་ཤིང་། དེ་ནི་བདག་ཅག་ཁོང་ལ་བརྟེན་ནས་གསོན་པོར་གནས་པའི་ཕྱིར་ཡིན་ལ། དེ་ལས་དཀོན་མཆོག་གི་བྱམས་པ་བདག་ཅག་ལ་མངོན༌པ་ཡིན།  
\v 10 བདག་ཅག་གིས་དཀོན་མཆོག་ལ་གཅེས་པ་མ་ཡིན་པར་ཁོང་གིས་བདག་ཅག་ལ་བྱམས་པ་ཡིན༌ཏེ། ཁོང་གིས་རང་ཉིད་ཀྱི་སྲས་མངགས་ནས་བདག་ཅག་གི་སྡིག་པའི་ཉེས་ཆད་བསལ་བའི་མཆོད་རྫས་སུ་མཛད་ཅིང་། དེ་ནི་དཀོན་མཆོག་གི་བྱམས་པ་ཡིན།  
\v 11 སྙིང་ནས་བརྩེ་བའི་སྤུན་ཟླ༌རྣམས། དཀོན་མཆོག་གིས་བདག་ཅག་ལ་འདི་ལྟར་བྱམས་པས། བདག་ཅག་གིས་ཀྱང་ཕན་ཚུན་ལ་བྱམས་ཤིང་གཅེས་འོས་སོ།།  
\v 12 སུ་ཞིག་གིས་ཀྱང་དཀོན་མཆོག་མཐོང་མ་མྱོང༌མོད། འོན་ཀྱང་བདག་ཅག་གིས་ཕན་ཚུན་ལ་བྱམས་ཤིང་གཅེས༌པ་ཡིན་ན། དཀོན་མཆོག་བདག་ཅག་གི་ནང་དུ་བཞུགས་ཡོད་ལ། ཁོང་གི་བྱམས་པ་ནི་བདག་ཅག་གི་ནང་དུ་ཆ་ཡོངས་སུ་ཚང་བའོ།།   
\p
\v 13 དཀོན་མཆོག་གིས་ཁོང་གི་ཐུགས་ཉིད་བདག་ཅག་ལ་གནང༌བས། བདག་ཅག་དཀོན་མཆོག་གི་ནང་དུ་གནས་པ་དང་། ཁོང་ཉིད་ཀྱང་བདག་ཅག་གི་ནང་དུ་བཞུགས་པ་བདག་ཅག་གིས་ཤེས༌སོ།།  
\v 14 ཡབ་ཀྱིས་ཁོང་གི་སྲས་འཇིག་རྟེན་གྱི་སྐྱབས་མགོན་དུ་མངགས༌པ་ནི། ངེད་ཅག་གིས་དངོས་སུ་མཐོང་ཞིང་བདེན་དཔང་ཡང་བྱེད་པ་ཡིན།  
\v 15 སུ་ཞིག་གིས་སྐྱབས་མགོན་ཡེ་ཤུ་ནི་དཀོན་མཆོག་གི་སྲས་ཡིན་པར་ཁས་ལེན༌ན། དཀོན་མཆོག་མི་དེའི་ནང་དུ་བཞུགས་ཤིང་། མི་དེ་ཡང་དཀོན་མཆོག་གི་ནང་དུ་གནས་སོ།།  
\v 16 དཀོན་མཆོག་གིས་བདག་ཅག་ལ་བྱམས་པ་ནི་བདག་ཅག་གིས་ཤེས་ཤིང་ཡིད་ཆེས་ཀྱང་བྱེད༌པ་དང་། དཀོན་མཆོག་ནི་བྱམས་པ་ཡིན། སུ་ཞིག་བྱམས་པའི་ནང་དུ་གནས་པ་ཡིན་ན། དཀོན་མཆོག་གི་ནང་དུའང་གནས་པ་ཡིན༌ལ། དཀོན་མཆོག་ཀྱང་མི་དེའི་ནང་དུ་བཞུགས༌པ་ཡིན།  
\v 17 དེ་ལྟར་བྱམས་པ་ནི་བདག་ཅག་གི་ནང་དུ་ཆ་ཡོངས་སུ་ཚང་བ་ཡིན་པས། མ་འོངས་པའི་ལེགས་ཉེས་ཀྱི་ཁྲིམས་ཐག་གཅོད་པའི་ཉིན་ལ་བདག་ཅག་བག་ཕེབས་ཞུམ་མེད་ངང་སྡོད་ནུས་སོ།། ཅིའི་ཕྱིར་ཞེ་ན། ཁོང་ནི་ཅི་ལྟར་ཡིན་པ་བཞིན་བདག་ཅག་ཀྱང་འཇིག་རྟེན་འདིར་དེ་ལྟར་ཡིན་པའི་ཕྱིར་རོ།།  
\v 18 བྱམས་པའི་ནང་དུ་འཇིགས་པ་མེད་ལ་བྱམས་པ་ནི་ཆ་ཡོངས་སུ་ཚང་བས། འཇིགས་པ་ཐམས་ཅད་བསལ་བ་ཡིན། འཇིགས་པ་ནི་ཉེས་ཆད་དང་འབྲེལ་བ་ཡོད་པས། འཇིགས་པ་ཡོད་པའི་མི་ནི་བྱམས་པའི་ནང་དུ་ཆ་ཡོངས་སུ་ཚང་བ་མ་ཡིན་ནོ།།   
\p
\v 19 བདག་ཅག་གིས་བྱམས་ཤིང་གཅེས་པ་སྟེ། རྒྱུ་མཚན་ནི་ཐོག་མར་དཀོན་མཆོག་གིས་བདག་ཅག་ལ་བྱམས་པའི་ཕྱིར་རོ།།  
\v 20 གལ་ཏེ་མི་ཞིག་ན་རེ། བདག་གིས་དཀོན་མཆོག་ལ་གཅེས་ཞེས་སྨྲ་ཡང་རང་གི་སྤུན་ཟླར་སྡང་བ་ཡིན་ན། མི་དེ་ནི་རྫུན་སྨྲ་མཁན་ཡིན། རྒྱུ་མཚན་ནི་མིག་གིས་མཐོང་བའི་སྤུན་ཟླར་གཅེས༌པ་མིན་ན། མཐོང་མ་མྱོང་བའི་དཀོན་མཆོག་ལའང་གཅེས་མི་སྲིད།  
\v 21 དཀོན་མཆོག་ལ་གཅེས་པ་ཡིན་ན་སྤུན་ཟླ་ལའང་གཅེས་དགོས་སོ།། འདི་ནི་དཀོན་མཆོག་ནས་བདག་ཅག་ལ་ཐོབ་པའི་བཀའ་ཡིན༌ནོ།།   
\c 5
\cl ལེའུ་ལྔ༌པ། 
\toc1 ༄༅། །ཡོ་ཧ་ནན་གྱི་འཕྲིན་ཡིག་དང་པོ། 
\toc2 ཡོ་ཧ་ནན་དང་པོ། 
\s1 དཀོན་མཆོག་གི་སྲས་ལ་དད་པའི༌སྐོར།  
\p
\v 1 ཡེ་ཤུ་ནི་སྐྱབས་མགོན་མཱ་ཤི་ཀ་ཡིན་པར་དད་པ་བྱེད་མཁན་ཐམས་ཅད་དཀོན་མཆོག་ནས་སྐྱེས་པ་དང་། རང་ཉིད་སྐྱེས་ཡུལ་གྱི་དཀོན་མཆོག་ལ་གཅེས་མཁན་ཐམས་ཅད་ཀྱིས་དཀོན་མཆོག་ནས་སྐྱེས་པ་གཞན་ལའང་གཅེས་པའོ།།  
\v 2 བདག་ཅག་གིས་དཀོན་མཆོག་ལ་གཅེས་ཤིང་ཁོང་གི་བཀའ་རྣམས་ཀྱང་སྲུང༌བ་ཡིན་ན། དེ་ལས་བདག་ཅག་གིས་དཀོན་མཆོག་གི་བུ་ཕྲུག་ལ་བྱམས་ཤིང་གཅེས་པའང་ཤེས།  
\v 3 བདག་ཅག་གིས་དཀོན་མཆོག་གི་བཀའ་རྣམས་སྲུང་བ་ནི་ཁོང་ལ་གཅེས་པ་ཡིན༌ལ། ཁོང་གི་བཀའ་རྣམས་ནི་སྲུང་དཀའ་བ་ཞིག་མིན།  
\v 4 རྒྱུ་མཚན་ནི་དཀོན་མཆོག་ནས་སྐྱེས་པ་ཐམས་ཅད་འཇིག་རྟེན་ལས་རྣམ་པར་རྒྱལ༌བ་ཡིན་པས་སོ།། བདག་ཅག་འཇིག་རྟེན་ལས་རྒྱལ་བའི་རྒྱུ་ནི་བདག་ཅག་གི་དད་པ་དེ་ཡིན།  
\v 5 འཇིག་རྟེན་ལས་རྣམ་པར་རྒྱལ་མཁན་ནི་སུ་ཡིན་ཞེ་ན། སྐྱབས་མགོན་ཡེ་ཤུ་ནི་དཀོན་མཆོག་གི་སྲས་ཡིན་པར་དད་པ་བྱེད་མཁན་རྣམས་ཡིན་ནོ།།   
\p
\v 6 ཆུ་དང་ཁྲག་ལ་བརྟེན་ནས་བྱོན་པ་དེ་ཉིད་ནི་ཡེ་ཤུ་མཱ་ཤི་ཀ་ཡིན། དེ་ནི་ཆུ་ཁོ་ནར་བརྟེན་པ་མ་ཡིན་པར། ཆུ་དང་ཁྲག་གཉིས་ལ་བརྟེན་པ༌དང༌། དམ་པའི་ཐུགས་ཉིད་ཀྱིས་དོན་དེར་བདེན་དཔང་མཛད་པའོ།། ཅིའི་ཕྱིར་ཞེ་ན། དམ་པའི་ཐུགས་ཉིད་ནི་བདེན་པ་ཉིད་ཡིན་པའི་ཕྱིར་རོ།།  
\v 7 ཡང་དོན་དེར་བདེན་དཔང་གསུམ་ཡོད༌དེ།  
\v 8 དམ་པའི་ཐུགས་ཉིད་དང༌། ཆུ། ཁྲག་བཅས་ཡིན༌ལ། དེ་གསུམ་ནི་ཕན་ཚུན་འགལ་བ་མིན་ནོ།།  
\v 9 བདག་ཅག་གིས་མིའི་བདེན་དཔང་དང་དུ་ལེན་པ་ཡིན་ན། དཀོན་མཆོག་གི་བདེན་དཔང་དེ་བས་ཀྱང་དང་དུ་ལེན་འོས་སོ།། རྒྱུ་མཚན་ནི་དཀོན་མཆོག་གི་བདེན་དཔང་ནི་རང་ཉིད་ཀྱི་སྲས་ལ་མཛད་པའི་ཕྱིར༌རོ།།  
\v 10 དཀོན་མཆོག་གི་སྲས་ལ་དད་པ་བྱེད་མཁན་གྱི་སེམས་སུ་བདེན་དཔང་འདི་ཉིད་ཡོད་ལ། དཀོན་མཆོག་ལ་དད་པ་མི་བྱེད་པའི་སེམས་སུ་དཀོན་མཆོག་ནི་ཞལ་རྫུན་གསུང་མཁན་དུ་བརྩིས་པའོ།། ཅིའི་ཕྱིར་ཞེ་ན། དཀོན་མཆོག་གིས་རང་ཉིད་ཀྱི་སྲས་ལ་མཛད་པའི་བདེན་དཔང་དེ་ཁས་མ་བླངས་པའི་ཕྱིར་རོ།།  
\v 11 བདེན་དཔང་ནི་འདི་ལྟ་སྟེ། དཀོན་མཆོག་གིས་བདག་ཅག་ལ་མཐའ་མེད་པའི་ཚེ་སྲོག་གནང་བ༌ཡིན་ལ། མཐའ་མེད་པའི་ཚེ་སྲོག་འདི་ཡང་ཁོང་གི་སྲས་ཀྱི་ནང་དུ་བཞུགས་པ་ཡིན།  
\v 12 མི་སུ་ལའང་དཀོན་མཆོག་གི་སྲས་ཡོད་ན་མཐའ་མེད་པའི་ཚེ་སྲོག་དེ་ཉིད་ཡོད་ལ། དཀོན་མཆོག་གི་སྲས་མེད་ན་མཐའ་མེད་པའི་ཚེ་སྲོག་དེ་ཡང་མེད་དོ།།   
\s1 མཇུག་མཐའི་གདམས༌པ།  
\p
\v 13 བདག་གིས་དཀོན་མཆོག་གི་སྲས་ཀྱི་མཚན་ལ་དད་པ་བྱེད་མཁན་ཁྱོད་རྣམས་ལ་དོན་འདི་དག་འབྲི་དོན༌ནི། ཁྱོད་རྣམས་ཀྱིས་རང་ཉིད་ལ་མཐའ་མེད་པའི་ཚེ་སྲོག་ཡོད་པ་ཤེས་པའི་ཆེད་དུ༌ཡིན་ནོ།།  
\v 14 བདག་ཅག་གིས་ཁོང་གི་ཐུགས་དགོངས་ལྟར་ཅི་ཞིག་ཞུས་པ་ཡིན་ན། ཁོང་གིས་བདག་ཅག་གི་ཞུ་བ་ལ་གསན་པ་ཡིན༌ཏེ། འདི་ནི་བདག་ཅག་གིས་ཁོང་ལ་བཅངས་པའི་བག་ཕེབས་ཞུམ་མེད་ཀྱི་སེམས་ཡིན།  
\v 15 བདག་ཅག་གིས་ཁོང་ལ་ཅི་ཞིག་ཞུས་པ་ཁོང་གིས་གསན་ངེས་པ་ཤེས༌ན། ཁོང་ལ་ཞུས་པ་རྣམས་མི་ཐོབ་པ་ཅི་ཡང་མེད་པའང་བདག་ཅག་གིས་ཤེས༌སོ།།   
\p
\v 16 གལ་ཏེ། སུ་ཞིག་གིས་རང་གི་སྤུན་ཟླས་འཆི་ལམ་དུ་མི་འཇུག་པའི་སྡིག་པ་བྱས་པ་མཐོང༌ཚེ། ཁོའི་དོན་དུ་གསོལ་བ་འདེབས་དགོས༌ཤིང༌། དཀོན་མཆོག་གིས་དེ་ལ་ཚེ་སྲོག་གནང་ངེས༌སོ།། འཆི་ལམ་དུ་འཇུག་པའི་སྡིག་པ་ཡོད་པ་ལ། དེའི་དོན་དུ་གསོལ་བ་འདེབས་དགོས་ཞེས་བདག་གིས་སྨྲས་པ་མ་ཡིན།  
\v 17 དྲང་བདེན་མིན་པའི་ལས་ཐམས་ཅད་ནི་སྡིག་པ་ཡིན༌ལ། འཆི་ལམ་དུ་མི་འཇུག་པའི་སྡིག་པའང་ཡོད༌དོ།།   
\p
\v 18 སུ་ཞིག་དཀོན་མཆོག་ནས་སྐྱེས་པ་ཡིན་ན། དེ་ཡིས་རྟག་ཏུ་སྡིག་པ་མི་བྱེད་པ་ནི་བདག་ཅག་གིས་ཤེས་ལ། དཀོན་མཆོག་ནས་འཁྲུངས་པ་ཁོང་གིས་མི་དེ་བསྲུང་ངེས་ཤིང༌། བདུད་ངན་ཀྱིས་མི་དེ་ལ་གནོད་འཚེ་བྱ་མི་ནུས་སོ།།  
\v 19 བདག་ཅག་ནི་དཀོན་མཆོག་ལ་གཏོགས་ཤིང༌། འཇིག་རྟེན་ཡོངས་རྫོགས་བདུད་ངན་གྱི་དབང་འོག་ཏུ་ཡོད་པ་བདག་ཅག་གིས་ཤེས༌པ་ཡིན།  
\v 20 དཀོན་མཆོག་གི་སྲས་ཕེབས་ཟིན་ཅིང་། བདེན་པའི་དཀོན་མཆོག་ཉིད་ཤེས་པའི་ཕྱིར། བདག་ཅག་ལ་ཤེས་རབ་གནང་བའང་བདག་ཅག་གིས་ཤེས༌པ་དང་། བདག་ཅག་ནི་བདེན་པའི་དཀོན་མཆོག་ཉིད་ཀྱི་ནང་དུ་གནས་ཤིང་། ཁོང་གི་སྲས་ཡེ་ཤུ་མཱ་ཤི་ཀའི་ནང་དུའང་གནས༌པ་ཡིན། ཁོང་ནི་དཀོན་མཆོག་བདེན་པ་དང་མཐའ་མེད་པའི་ཚེ་སྲོག་ཀྱང་ཡིན༌ནོ།།   
\p
\v 21 བུ་ཕྲུག༌རྣམས། ཁྱོད་ཅག་གིས་རང་ཉིད་བསྲུངས་ནས་སྐུ་འདྲ་དང་རིང་དུ་གྱེས་པར་བྱའོ།། །།