\id 1CO - NTB བོད་འགྱུར་གསར་མ། 
\h ཀོ་རིན་ཐུ་པ་དང་པོ། 
\toc1 ༄༅། །ཀོ་རིན་ཐུ་པ་རྣམས་ལ་སྤྲིངས་པའི་འཕྲིན་ཡིག་དང་པོ། 
\toc2 ཀོ་རིན་ཐུ་པ་དང་པོ། 
\mt1 ༄༅། །ཀོ་རིན་ཐུ་པ་རྣམས་ལ་སྤྲིངས་པའི་འཕྲིན་ཡིག་དང་པོ།  
\imt1 ཀོ་རིན་ཐུ་པ་རྣམས་ལ་སྤྲིངས་པའི་འཕྲིན་ཡིག་དང་པོའི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi ཀོ་རིན་ཐུ་གྲོང་ཁྱེར་ནི་འབྱོར་ལྡན་ཚོང་འབྲེལ་གྱི་ལྟེ་གནས་ཤིག་ཡིན་པ་དང་། དེ་ནི་ཀོ་རིན་ཐུའི་མཚོ་ཁུག་དང་སཱ་ར་ནེ་ཁིའི་མཚོ་ཁུག་བར་དུ་ཆགས་ཡོད། གྲོང་ཁྱེར་དེ་རོ་མཱ་གོང་མའི་རྒྱལ་ཁབ་ཀྱི་ཡུལ་གྲུ་ཀུན་ཏུ་གྲོང་ཁྱེར་གདུག་པ་ཅན་ཞེས་གྲགས་ཤིང་། ཀོ་རིན་ཐུའི་ཆོས་ཚོགས་ནི་གསར་པ་ཡིན་པས། ཡེ་ཤུའི་ཆོས་ལུགས་པ་རྣམས་ལ་གྲོང་ཁྱེར་དེའི་མི་རྣམས་ཀྱི་བྱ་སྤྱོད་ངན་པའི་ཤན་ཞུགས་པར་བརྟེན་ཆོས་ཚོགས་ལ་གནད་དོན་འགའ་རེ་བྱུང་ཡོད་པ་རེད།  
\is1 ཡི་གེར་འགོད་མཁན་དང་འགོད་དུས།  
\ipi འཕྲིན་ཡིག་འདི་ཡི་གེར་འགོད་མཁན་ནི་ཕོལ་ལོལ་ཡིན་པར་གསུངས་པ་དང་། སྔ་རབས་ཆོས་ཚོགས་ཀྱི་ཕ་ཡབ་རྣམས་ཀྱང་དེ་ལ་མོས་མཐུན་བྱུང་ཡོད། འཕྲིན་ཡིག་འདི་ནི་ཕོལ་ལོལ་ཁོང་ཉིད་ཨེ་ཕེ་སི་གྲོང་ཁྱེར་དུ་ལོ་གསུམ་གྱི་རིང་ལ་བསྡད་པའི་དུས་སྐབས་ཏེ། སྤྱི་ལོ་55ལོའི་ཡས་མས་སུ་ཡི་གེར་བཀོད་པ་ཡིན།  
\is1 བརྗོད་སྙིང་དང་གསུང་འཕྲིན།  
\ipi འཕྲིན་ཡིག་འདིའི་བརྗོད་བྱ་ནི་ཡེ་ཤུའི་ཆོས་ལུགས་པའི་སྤྱོད་ལམ་གྱི་གནད་དོན་སྐོར་ཡིན་ལ། གཞུང་འདི་ལ་བརྟེན་ནས་རང་སེམས་རིམ་བཞིན་དམ་པར་འགྱུར་བར་བྱེད་པ་དང་། མུ་མཐུད་དུ་རང་གཤིས་ཡང་དག་པ་ཞིག་ཆགས་པར་འབད་བརྩོན་བྱེད་དགོས་པ་དེ་ཡིན། ཕོལ་ལོལ་རང་ངོས་ནས་ཡེ་ཤུའི་ཆོས་ལུགས་པའི་གནད་དོན་ལ་ཐུགས་ཁུར་གནང་ཡོད་པ་སྨོས་ཅི་དགོས། ཐུགས་ཁུར་དེ་ལ་བརྟེན་ནས་བདག་སྐྱོང་པ་ངོ་མ་ཞིག་གི་སེམས་མངོན་པར་བྱས་ཡོད། གཞུང་འདི་ལས་གནད་དོན་མང་པོ་ཞིག་གསུངས་ཡོད་ནའང་། དད་ལྡན་རྣམས་ལ་དམ་པའི་གསུང་རབ་ཧྲིལ་པོ་ནས་རྒྱུས་ལོན་ཆེས་ཟབ་ཅིང་ཆེས་དགའ་བའི་ལེའུ་ཁ་ཤས་ཀྱང་གཞུང་འདིའི་ནང་དུ་ཡོད་པ་སྟེ། དཔེར་ན། ལེའུ་བཅུ་གསུམ་པའི་བྱམས་བརྩེའི་སྐོར་དང་། ལེའུ་བཅོ་ལྔ་ཡི་སླར་གསོན་གྱི་སྐོར་ལྟ་བུ།  
\is1 འཆར་ཟིན།  
\ipi 1. འཕྲིན་ཡིག་གི་ངོ་སྤྲོད་དེ། ཁམས་འདྲི་དང་བཀའ་དྲིན་ཞུ་བ། ༼1:1-9༽  
\ipi 2. ཆོས་ཚོགས་ནང་དུ་འགལ་ཟླ་བྱུང་བའི་སྐོར། ༼1:10-4:21༽  
\ipi 3. སེམས་དང་བླང་དོར་གྱི་རྣམ་གཞག་འཁྲུག་པའི་སྐོར། ༼5:1-6:20༽  
\ipi 4. གཉེན་སྒྲིག་སྐོར་གྱི་སློབ་སྟོན། ༼7:1-40༽  
\ipi 5. བྱ་སྤྱོད་མི་ལེགས་པ་སྤོང་དགོས་པའི་སྐོར་གྱི་སློབ་སྟོན། ༼8:1-11:1༽  
\ipi 6. ཆོས་ཚོགས་ཀྱི་ཚོགས་མིའི་བྱ་སྤྱོད་སྐོར་གྱི་སློབ་སྟོན། ༼11:2-14:40༽  
\ipi ཀ སྐབས་དེའི་ཆོས་ཚོགས་ཀྱི་ཕོ་མོའི་བྱ་སྤྱོད་སྐོར། ༼11:2-16༽  
\ipi ཁ། གཙོ་བོ་ཡེ་ཤུའི་རྗེས་དྲན་གྱི་ཞལ་ཟས་སྐོར། ༼11:17-34༽  
\ipi ག དམ་པའི་ཐུགས་ཉིད་ཀྱི་གནང་སྦྱིན་སྐོར། ༼12:1-14:40༽  
\ipi 7. སླར་གསོན་པའི་སྐོར་གྱི་སློབ་སྟོན། ༼15:1-58༽  
\ipi 8. མཇུག་སྡོམ། དངོས་སུ་བསྒྲུབ་དགོས་པ་དང་མི་སྒེར་གྱི་དོན་རྣམས། ༼16:1-24༽  
\c 1
\cl ལེའུ་དང༌པོ། 
\toc1 ༄༅། །ཀོ་རིན་ཐུ་པ་རྣམས་ལ་སྤྲིངས་པའི་འཕྲིན་ཡིག་དང་པོ། 
\toc2 ཀོ་རིན་ཐུ་པ་དང་པོ། 
\s1 འཕྲིན་ཡིག་བསྐུར༌ཡུལ།  
\p
\v 1 དེ་ཡང་ཕོལ་ལོལ་ང་རང་ནི་དཀོན་མཆོག་གི་ཐུགས་དགོངས་བཞིན་མཱ་ཤི་ཀ་ཡེ་ཤུའི་སྐུ་ཚབ་པར་ཞལ་འབོད་གནང་བ་ཞིག༌ཡིན། ང་རང་དང་བདག་ཅག་གི་སྤུན་ཟླ་སའོ་ཐེ་ནེ་གཉིས༌ཀྱིས།  
\v 2 ཀོ་རིན་ཐུ་རུ་གནས་པའི་དཀོན་མཆོག་གི་ཆོས་ཚོགས༌ཏེ། མཱ་ཤི་ཀ་ཡེ་ཤུའི་ནང་དུ་དམ་པར་གྱུར་ཅིང་དད་ལྡན་དམ་པར་ཞལ་འབོད་གནང་བའི་མི་རྣམས༌དང༌། ཡུལ་སོ་སོ་ནས་བདག་ཅག་གི་གཙོ་བོ་ཡེ་ཤུ་མཱ་ཤི་ཀའི་མཚན་ནས་འབོད་མཁན་ཐམས་ཅད་ལ་འཕྲིན་ཡིག་འདི་སྤྲིངས༌པ་ཡིན། གཙོ་བོ་ཡེ་ཤུ་མཱ་ཤི་ཀ་ནི་ཁོ་རྣམས་ཀྱི་གཙོ་བོ་ཡིན༌ལ། ངེད་གཉིས་ཀྱི་གཙོ་བོའང་ཡིན༌ནོ།།   
\p
\v 3 བདག་ཅག་གི་ཡབ་དཀོན་མཆོག་དང་གཙོ་བོ་ཡེ་ཤུ་མཱ་ཤི་ཀ་ནས་ཁྱོད་རྣམས་ལ་ཐུགས་རྗེ་དང་ཞི་བདེ་འཐོབ་པར༌སྨོན།   
\s1 དཀོན་མཆོག་གི་ཐུགས་རྗེ་དྲན༌པ།  
\p
\v 4 ཁྱོད་ཅག་གི་ཆེད་དུ་ངས་དུས་རྟག་ཏུ་རང་གི་དཀོན་མཆོག་ལ་བཀའ་དྲིན༌ཞུ་བ་ཡིན་ནོ།། ཅིའི་ཕྱིར་ཞེ་ན། དཀོན་མཆོག་གིས་མཱ་ཤི་ཀ་ཡེ་ཤུའི་ནང་དུ་ཁྱོད་རྣམས་ལ་ཐུགས་རྗེ་གནང་བ༌དང༌།  
\v 5 ཡང་ཁོང་གི་ནང་དུ་རྣམ་པ་ཀུན་ཏུ་ཁྱོད་རྣམས་ལ་སྨྲ་བར་མཁས༌ཤིང་ཡོན་ཏན་ཕུན་སུམ་ཚོགས་པའི་འབྱོར་བ་བཅས་གནང་བའི་ཕྱིར༌རོ།།  
\v 6 དེ་ནི་ངེད་ཅག་གིས་སྐྱབས་མགོན་མཱ་ཤི་ཀའི་སྐོར་བདེན་དཔང་བྱས་པ༌ནི་ཁྱོད་རྣམས་ཀྱི་སེམས་ནང་དུ་བརྟན་པོར་གྱུར༌པ་བཞིན་ནོ།།  
\v 7 དེའི༌ཕྱིར། ཁྱོད་རྣམས་ཀྱིས་བདག་ཅག་གི་གཙོ་བོ་ཡེ་ཤུ་མཱ་ཤི་ཀ་ཕྱིར་མངོན་པར་རེ་བ་ཆེན་པོས་སྒུག་བཞིན་པའི་དུས་སུ། ཁྱོད་རྣམས་ལ་གནང་སྦྱིན་གྱི་ཆ་ནས་མི་འདང་བ་མེད།  
\v 8 ཁོང་གིས་ཀྱང་དུས་ཀྱི་མཐའ་མའི་བར་དུ་ཁྱོད་རྣམས་བརྟན་པོར་མཛད༌པས། བདག་ཅག་གི་གཙོ་བོ་ཡེ་ཤུ་མཱ་ཤི་ཀ་ཕེབས་ཡོང་བའི་ཉིན༌མོར། ཁྱོད་རྣམས་ལ་སྐྱོན་ཅི་ཡང་མེད་དོ།།  
\v 9 དཀོན་མཆོག་ནི་ཡིད་རྟོན་རུང་བ་ཡིན༌ཞིང་། ཁོང་གིས་ཁྱོད་རྣམས་ནི་རང་ཉིད་ཀྱི་སྲས་ཏེ་བདག་ཅག་གི་གཙོ་བོ་ཡེ་ཤུ་མཱ་ཤི་ཀ་དང་འབྲེལ་བར་ཞལ་འབོད་གནང༌ངོ༌།།   
\s1 ཆོས་ཚོགས་ཀྱི་རྩོད༌གཞི།  
\p
\v 10 སྤུན་ཟླ༌རྣམས། བདག་གིས་བདག་ཅག་གི་གཙོ་བོ་ཡེ་ཤུ་མཱ་ཤི་ཀའི་མཚན་ལ་བརྟེན་ནས་ཁྱོད་རྣམས་ལ་གདམས་པར་བྱ༌སྟེ། ཁྱོད་རྣམས་ཀྱིས་གཏམ་མཐུན་པར་སྨྲ་ཞིང་དབྱེན་མི་བྱེད་པར་བློ་སེམས་མཐུན་ཞིང་ཕན་ཚུན་འགྲིག་དགོས་སོ།།  
\v 11 ཅིའི་ཕྱིར་ཞེ་ན། ཀི་ལོར་ཚང་གི་མི་རྣམས་ཀྱིས་ངའི་སྤུན་ཟླ་རྣམས་གླེང་སྟེ། ཁྱོད་ཅག་གི་ཁྲོད་དུ་རྩོད་གླེང་བྱུང་ཡོད་ཅེས་བདག་ལ་སྨྲས་མྱོང༌བའི་ཕྱིར་རོ།།  
\v 12 བདག་གི་བརྗོད་དོན་ནི་འདི་ལྟ་སྟེ། ཁྱོད་རྣམས་ལས་ཁ་ཅིག༌གིས། ང་ནི་སྐུ་ཚབ་པ་ཕོལ་ལོལ་གྱི་ཡིན་ཞེས༌དང༌། ཡང་ཁ་ཅིག༌གིས། ང་ནི་སློབ་དཔོན་ཨ་པོལ་ལོའི་ཡིན་ཞེས༌དང༌། ཡང་ཁ་ཅིག༌གིས། ང་ནི་སྐུ་ཚབ་པ་ཀེ་ཕཱའི་ཡིན་ཞེས༌དང༌། ཡང་ཁ་ཅིག༌གིས། ང་ནི་སྐྱབས་མགོན་མཱ་ཤི་ཀའི་ཡིན་ཞེས་ཟེར།  
\v 13 སྐྱབས་མགོན་མཱ་ཤི་ཀ་ནི་སོ་སོར་གྱེས་པ་ཡིན༌ནམ། ཕོལ་ལོལ་ཁྱོད་རྣམས་ཀྱི་དོན་དུ་ཤིང་རྒྱ་གྲམ་གྱི་སྟེང་དུ་བརྡབས༌སམ། ཁྱོད་རྣམས་ཀྱང་ཕོལ་ལོལ་གྱི་མིང་ལ་བརྟེན་ནས་ཁྲུས་གསོལ་ཐོབ་པ་ཡིན་ནམ་ཞེ༌ན། གཏན་ནས་མ་ཡིན་ནོ།།  
\v 14 བདག་གིས་སྔོན་ཆད་ཀཱ་རིས་པི་དང་ཀེ་ཡུ་གཉིས་མ༌གཏོགས། ཁྱོད་རྣམས་ལས་མི་གཅིག་ལའང་ཁྲུས་གསོལ་བྱས་མ་མྱོང༌བས། བདག་གིས་དཀོན་མཆོག་ལ་བཀའ་དྲིན་ཞུ༌སྟེ།  
\v 15 མི་གཞན་རྣམས་ན༌རེ། ཁྱོད་ཅག་ནི་བདག་གི་མིང་ལ་བརྟེན་ནས་ཁྲུས་གསོལ་བྱས་པ་ཡིན་ཞེས་མི་སྨྲ་བའི་ཕྱིར༌རོ།།  
\v 16 འོ། ངས་སི་ཕ་ནཱའི་ཁྱིམ་མི་རྣམས་ལའང་ཁྲུས་གསོལ་བྱས་མྱོང་བ༌ལས། མི་གཞན་དག་ལ་ཁྲུས་གསོལ་བྱས་མྱོང་མིན་ཡིད་ལ་མི་དྲན་ནོ།།  
\v 17 དོན་དམ་དུ་སྐྱབས་མགོན་མཱ་ཤི་ཀས་ང་རང་ནི་ཁྲུས་གསོལ་བྱེད་དུ་མངགས་པ་མ་ཡིན༌པར། འཕྲིན་བཟང་སྒྲོག་པར་མངགས་པ་ཡིན༌ཏེ། སྐྱབས་མགོན་མཱ་ཤི་ཀ་ཁོང་ཉིད་ཤིང་རྒྱ་གྲམ་གྱི་སྟེང་དུ་སྐུ་གྲོངས་པའི་དོན་དེ་སྟོང་བར་མི་འགྱུར་བའི༌ཆེད་དུ་སྤྱང་གྲུང་ལ་བརྟེན་ནས་གཏམ་མི་སྨྲའོ།།   
\s1 དཀོན་མཆོག་གི་ཤེས་རབ་དང་མཐུ༌སྟོབས།  
\p
\v 18 ཅིའི་ཕྱིར་ཞེ་ན། ཤིང་རྒྱ་གྲམ་གྱི་དོན་དེ་ནི་འཇིག་པར་འགྱུར་བཞིན་པའི་མི་རྣམས་ཀྱིས་བླུན་པོའི་རྫུན་གཏམ་དུ་བརྩི༌ཞིང༌། བདག་ཅག་ཐར་པ་འཐོབ་བཞིན་པ་རྣམས་ལ་མཚོན༌ན། དོན་དེ་ནི་དཀོན་མཆོག་གི་མཐུ་སྟོབས་ཆེན་པོ་ཡིན་པའི་ཕྱིར༌རོ།།  
\v 19 དེ་ལ་གསུང་རབ་ཀྱི་མདོ་ལས་ཇི་སྐད༌དུ།  
\q1 ང་ཡིས་ཤེས་རབ་ཅན་གྱི་ཤེས་རབ༌མེད་པར་བྱ།།  
\q1 ང་ཡིས་རིག་པ་ཅན་གྱི་རིག་པ་འདོར་བར༌བྱ།།  
\m ཞེས་བཀོད་པའོ།།  
\v 20 མི་ཤེས་རབ་ཅན་ནི་གང་དུ་མཆིས༌སམ། མཁན་པོ་ནི་གང་དུ་ཡོད༌དམ། འཇིག་རྟེན་འདིའི་རྩོད་པར་མཁས་པ་ནི་གང་དུ་འདུག༌གམ། དཀོན་མཆོག་གིས་འཇིག་རྟེན་འདིའི་ཤེས་རབ་ནི་རྨོངས་པར་མཛད་པ་མ་ཡིན༌ནམ།  
\v 21 འཇིག་རྟེན་གྱི་མི་རྣམས་ཀྱིས་རང་གི་ཤེས་རབ་ལ་བརྟེན་ནས་དཀོན་མཆོག་ངོ་མི་ཤེས༌པས། དཀོན་མཆོག་གིས་བླུན་པོའི་ཆོས་ཞེས་ཟེར་བ་དེ་བསྒྲགས་པ་ལ་བརྟེན༌ནས། ཁོང་ལ་དད་པ་བྱེད་མཁན་རྣམས་ལ་ཐར་པ་འཐོབ་པར་བྱེད་ཅིང་ཐུགས་དགྱེས༌ལ། དེ་ནི་དཀོན་མཆོག་གི་མཁྱེན་རབ་ལགས་སོ།།  
\v 22 ཡ་ཧུ་དཱ་པ་རྣམས་ཀྱིས་ངོ་མཚར་བའི་དོན་ལ་རེ་བ་བྱེད༌ཅིང༌། གྷི་རིག་པ་རྣམས་ཀྱིས་ཤེས་རབ་འཚོལ་འདོད༌མོད།  
\v 23 འོན་ཀྱང་ངེད་ཅག་གིས་སྐྱབས་མགོན་མཱ་ཤི་ཀ་ཤིང་རྒྱ་གྲམ་གྱི་སྟེང་དུ་བརྡབས་པའི་ཆོས་དེ་སྒྲོག༌པ་ཡིན། དོན་དེ་ནི་ཡ་ཧུ་དཱ་པ་རྣམས་ལ་མཚོན་ན་བཀག་རྡོ༌དང༌། ཕྱི་ཕྱོགས་པ་རྣམས་ལ་མཚོན་ན་གླེན་རྟགས་ཡིན་པར་སྙམ་མོ།།  
\v 24 འོན་ཀྱང་ཡ་ཧུ་དཱ་པ་དང་གྷི་རིག་པའི་མི་སུ་ཞིག་ཡིན༌ཡང༌། ཞལ་འབོད་གནང་བ་རྣམས་ལ་མཚོན༌ན། སྐྱབས་མགོན་མཱ་ཤི་ཀ་ནི་དཀོན་མཆོག་གི་མཐུ་སྟོབས་དང་མཁྱེན་རབ་ལགས་སོ།།  
\v 25 ཅིའི་ཕྱིར་ཞེ་ན། དཀོན་མཆོག་གི་གླེན་རྟགས་ཟེར་བ་དེ་ནི་མིའི་ཤེས་རབ་ལས་མཆོག་ཏུ་གྱུར་པ་དང༌། དཀོན་མཆོག་གི་ཉམ་ཐག་ཟེར་བ་དེ་ནི་མི་ལས་ཀྱང་སྟོབས་ཤུགས་ཆེ་བའི་ཕྱིར༌རོ།།   
\p
\v 26 སྤུན་ཟླ༌རྣམས། ཁྱོད་རྣམས་ལ་ཞལ་འབོད་གནང་བའི་དོན་ལ་སོམས་དང་། མིའི་ལྟ་ཚུལ་ལྟར༌ན། ཤེས་རབ་ཅན༌དང༌། ནུས་མཐུ༌ཅན། གོ་ས་ཅན་མང་པོ་མེད་པའང་ཤེས་ཐུབ་བོ།།  
\v 27 འོན༌ཀྱང༌། དཀོན་མཆོག་གིས་ཤེས་རབ་ཅན་རྣམས་ལ་ངོ་གནོང་བར་མཛད་པའི༌ཕྱིར། འཇིག་རྟེན་གྱི་བླུན་པོ་ཡིན་པ་རྣམས་བདམས་པ༌དང༌། ཡང་སྟོབས་ལྡན་རྣམས་ལ་ངོ་གནོང་བར་མཛད་པའི༌ཕྱིར། འཇིག་རྟེན་གྱི་ཉམ་ཐག་ཡིན་པ་རྣམས་བདམས་པ༌དང༌།  
\v 28 ཡང་ཡོད་པ་རྣམས་ལ་མེད་པར་མཛད་པའི༌ཕྱིར། འཇིག་རྟེན་གྱི་མི་ཐ་མལ་བ་དང༌། ཉམ་ཆུང༌པ། དམན་པ་རྣམས་ཀྱང་བདམས༌ཏེ།  
\v 29 ཤ་ཁྲག་གདོས་བཅས་སུ་གྲུབ་པ་སུ་ཞིག་གིས་ཀྱང་དཀོན་མཆོག་གི་དྲུང་ནས་རང་རློམ་བྱེད་མི་ཐུབ་པའི་ཕྱིར༌རོ།།  
\v 30 འོན༌ཀྱང༌། དཀོན་མཆོག་གི་རྐྱེན་གྱིས་ཁྱོད་རྣམས་ནི་མཱ་ཤི་ཀ་ཡེ་ཤུའི་ནང་དུ་གནས༌པ་ཡིན་ནོ།། ཡང་ཡེ་ཤུ་མཱ་ཤི་ཀ་ནི་བདག་ཅག་གི་ཤེས་རབ༌དང༌། རྣམ་པར་དག་པ། དམ༌པ། ཐར་ལམ་བཅས་སུ་གྱུར་པ་ལགས་སོ།།  
\v 31 དེ་ལ་གསུང་རབ་ཀྱི་མདོ་ལས་ཇི་སྐད༌དུ། བསྔགས་བརྗོད་བྱེད་མཁན་སུས་ཀྱང་གཙོ་བོ་ལ་བསྔགས་པར་གྱིས་ཞེས་བཀོད་པ་བཞིན་ནོ།།   
\c 2
\cl ལེའུ་གཉིས༌པ། 
\toc1 ༄༅། །ཀོ་རིན་ཐུ་པ་རྣམས་ལ་སྤྲིངས་པའི་འཕྲིན་ཡིག་དང་པོ། 
\toc2 ཀོ་རིན་ཐུ་པ་དང་པོ། 
\s1 ཕོལ་ལོལ་གྱིས་ཆོས་བསྒྲགས༌ཚུལ།  
\p
\v 1 སྤུན་ཟླ༌རྣམས། སྔོན་ཆད་ང་རང་ཁྱོད་ཅག་གི་གམ་དུ་ཡོང་བའི་དུས༌སུ། ཁྱོད་ཅག་ལ་དཀོན་མཆོག་གི་གསང་བ་ནི་མཁས་པའི་གཏམ་དང་ཤེས་རབ་ཀྱི་སྒོ་ནས་བསྒྲགས་པ་མིན་ནོ།།  
\v 2 ཅིའི་ཕྱིར་ཞེ་ན། ངས་སྔར་ནས་ཡེ་ཤུ་མཱ་ཤི་ཀ་དང་ཁོང་ཉིད་ཤིང་རྒྱ་གྲམ་གྱི་སྟེང་དུ་བརྡབས་པའི་དོན་དེ་ཤེས་པ་ལས༌གཞན། ཁྱོད་རྣམས་ཀྱི་ཁྲོད་དུ་ཅི་ཡང་མི་ཤེས་ཞེས་སེམས་ཐག་བཅད་པའི་ཕྱིར༌རོ།།  
\v 3 བདག་ནི་ཁྱོད་ཅག་དང་མཉམ་དུ་ཡོད་པའི་དུས༌སུ། ཉམ་ཐག་པ༌དང༌། འཇིགས་ཤིང་སྐྲག༌པ། འདར་འདར་ཞུམ་ཞུམ་གྱི་ངང་ནས་བསྡད་པ༌དང༌།  
\v 4 བདག་གིས་གཏམ་སྨྲས་པ་དང་ཆོས་བསྒྲགས་པ་ནི་ཤེས་རབ་དང་གནས་ལུགས་ལ་བརྟེན་པ་མ་ཡིན༌པར། དམ་པའི་ཐུགས་ཉིད་དང་མཐུ་སྟོབས་ཆེན་པོའི་བདེན་དཔང་ཡིན༌ལ།  
\v 5 དེ་ནི་ཁྱོད་ཅག་གི་དད་པ་ནི་མིའི་ཤེས་རབ་ལ་རག་མི་ལས༌པར། དཀོན་མཆོག་གི་མཐུ་སྟོབས་ཆེན་པོར་རག་ལས་པའི་ཕྱིར༌རོ།།   
\s1 དམ་པའི་ཐུགས་ཉིད་ནས་བྱུང་བའི་ཤེས་རབ༌སྐོར།  
\p
\v 6 དེ་ལྟར་སྨྲས༌ནའང༌། ངེད་ཅག་གིས་དད་པ་བརྟན་པོ་རྣམས་ཀྱི་ཁྲོད་ནས་ཤེས་རབ་སྐོར༌སྨྲ་བ་ཡིན་མོད། འོན་ཀྱང་དེ་ནི་འཇིག་རྟེན་འདིའི་ཤེས་རབ་མ་ཡིན༌ལ། འཇིག་རྟེན་འདིའི་དབང་དང་གོ་གནས་ཡོད་ཀྱང་ཕྱིས་སུ་ཕམ་ཞིང་འཇིག་པར་འགྱུར་བ་རྣམས་ཀྱི་ཤེས་རབ་ཀྱང་མིན༌ཏེ།  
\v 7 ངེད་ཅག་གིས་སྨྲ་བའི་ཤེས་རབ་ནི་ཐོག་མ་ཉིད་ཀྱི་སྔ་རོལ་ནས་དཀོན་མཆོག་གིས་ཐག་གིས་བཅད་ཅིང་། བདག་ཅག་ལ་གཟི་བརྗིད་འཐོབ་པའི༌ཕྱིར། ཁོང་གིས་གསང་བར་མཛད་པའི་ཤེས་རབ་དེ་ཉིད་ཡིན་ནོ།།  
\v 8 འཇིག་རྟེན་འདིའི་དབང་དང་གོ་གནས་ཡོད་པ་རྣམས་ལས་ཤེས་རབ་དེ་ཉིད་རྟོགས་མཁན་གཅིག་ཀྱང་མ་མཆིས། གལ༌ཏེ། དེ་རྣམས་ཀྱིས་རྟོགས་པ་ཡིན༌ན། གཟི་བརྗིད་ལྡན་པའི་གཙོ་བོ་ནི་ཤིང་རྒྱ་གྲམ་གྱི་སྟེང་དུ་བརྡབས་མེད་དོ།།  
\v 9 དེ་ལ་གསུང་རབ་ཀྱི་མདོ་ལས་ཇི་སྐད༌དུ།  
\q1 དཀོན་མཆོག་གིས་ནི་རང་ཉིད༌ལ།།  
\q1 གཅེས་མཁན་དག་ལ་སྟ་གོན༌མཛད།།  
\q1 དེ་ནི་མིག་གིས་མ་མཐོང་ཞིང་།།  
\q1 རྣ་བས་ཐོས་པར་མ་གྱུར་ལ།།  
\q1 སེམས་སུ་དྲན་ཡང་མ་མྱོང་ངོ་།།  
\m ཞེས་བཀོད་པ་བཞིན་ནོ།།  
\v 10 འོན༌ཀྱང༌། དོན་དེ་རྣམས་ནི་དཀོན་མཆོག་གིས་དམ་པའི་ཐུགས་ཉིད་ཀྱི་ངང་ནས་བདག་ཅག་ལ་གསལ་པོར་མངོན་པར་མཛད༌པ་ཡིན། ཅིའི་ཕྱིར་ཞེ་ན། དམ་པའི་ཐུགས་ཉིད་ཀྱིས་དོན་ཀུན་མཁྱེན༌ཞིང་། དཔོག་པར་དཀའ་བའི་དཀོན་མཆོག་གི་གསང་བའི་དོན་རྣམས་ཀྱང་མཁྱེན་པའི་ཕྱིར༌རོ།།  
\v 11 མིའི་སེམས་ནང་གི་སེམས་ཉིད་ལས༌གཞན། སུ་ཞིག་གིས་མི་དེའི་བསམ་པ་ཤེས༌སམ། དེ་བཞིན་དུ་དཀོན་མཆོག་གི་དམ་པའི་ཐུགས་ཉིད་ལས༌གཞན། སུ་ཞིག་གིས་ཀྱང་དཀོན་མཆོག་གི་ཐུགས་དགོངས་མི་རྟོགས་སོ།།  
\v 12 བདག་ཅག་ལ་ཐོབ་པ་ནི་འཇིག་རྟེན་གྱི་སེམས་ཉིད་མ་ཡིན༌པར། དཀོན་མཆོག་ནས་བྱུང་བའི་ཐུགས་ཉིད་ཡིན༌ཏེ། དཀོན་མཆོག་གིས་བདག་ཅག་ལ་གནང་བའི་གནང་སྦྱིན་དེ་དག་བདག་ཅག་གིས་རྟོགས་ཐུབ་པའི་ཕྱིར་ཡིན༌ལ།  
\v 13 ངེད་ཅག་གིས་དོན་དེ་རྣམས་སྨྲ་བ་ཡིན་ཞིང་། དེ་ནི་མིའི་ཤེས་རབ་ཀྱིས་བསྟན་པའི་ཚིག་བཞིན་མ་ཡིན༌པར། དམ་པའི་ཐུགས་ཉིད་ཀྱིས་བསྟན་པ༌བཞིན། དམ་པའི་ཐུགས་ཉིད་དང་ལྡན་པའི་མི་རྣམས་ལ་དམ་པའི་ཐུགས་ཉིད་ཀྱི་དོན་འགྲེལ་བ་ཡིན་ནོ།།  
\v 14 འོན་ཀྱང་ཤ་ཁྲག་གི་ཕུང་བོར་གཏོགས་པའི་མི་རྣམས་ཀྱིས་དཀོན་མཆོག་གི་དམ་པའི་ཐུགས་ཉིད་ཀྱི་དོན་རྣམས་ཁས་མི་ལེན་ཞིང་། དེ་ནི་རྨོངས་པར་འདོད་པ་ལས་ཅི་ཡང་ཤེས་མི་ནུས་སོ།། ཅིའི་ཕྱིར་ཞེ་ན། དོན་དེ་དག་ནི་དམ་པའི་ཐུགས་ཉིད་ཁོ་ནར་བརྟེན་ནས་རྟོགས་ཐུབ་པའི་ཕྱིར་རོ།།  
\v 15 འོན༌ཀྱང༌། དམ་པའི་ཐུགས་ཉིད་ལྡན་པའི་མི་རྣམས་ཀྱིས་དོན་ཀུན་གསལ་པོར་རྟོགས་ཐུབ༌ནའང༌། གཞན་སུས་ཀྱང་མི་དེ་ནི་གསལ་པོར་རྟོགས་མི་ནུས་ལ།  
\v 16 དེ་ལ་ཇི་སྐད༌དུ། གཙོ་བོའི་ཐུགས་ནི་སུ་ཡིས༌རྟོགས། ཁོང་ལ་བསླབ་བྱ་སུ་ཡིས༌སྟོན་ཞེས་གསུངས་པ་ལྟར༌ཡིན། འོན༌ཀྱང༌། བདག་ཅག་ནི་སྐྱབས་མགོན་མཱ་ཤི་ཀའི་ཐུགས་དང་ལྡན་པར་གྱུར༌པའོ།།   
\c 3
\cl ལེའུ་གསུམ༌པ། 
\toc1 ༄༅། །ཀོ་རིན་ཐུ་པ་རྣམས་ལ་སྤྲིངས་པའི་འཕྲིན་ཡིག་དང་པོ། 
\toc2 ཀོ་རིན་ཐུ་པ་དང་པོ། 
\s1 ཆོས་ཚོགས་ནང་གི་རྩོད་གཞི༌སྐོར།  
\p
\v 1 སྤུན་ཟླ༌རྣམས། ངས་སྔོན་ཆད་ཁྱོད་རྣམས་དམ་པའི་ཐུགས་ཉིད་ལྡན་པའི་མི་རྣམས་དང་འདྲ་བར་སྨྲ་མ་ནུས་ལ། ཁྱོད་ཅག་ནི་ཤ་གཟུགས་ཀྱི་ཕུང་བོར་གཏོགས་ཤིང༌། སྐྱབས་མགོན་མཱ་ཤི་ཀའི་ནང་དུ་ཕྲུ་གུ་དང་འདྲ་བར་སྨྲས་སོ།།  
\v 2 བདག་གིས་ཁྱོད་རྣམས་འོ་མས་གསོས་པ་ལས་བཟའ་བཏུང་གིས་གསོས་པ་མ་ཡིན། དེའི་དུས་སུ་ཁྱོད་རྣམས་ཀྱིས་ཟས་ཟ་བར་མ་ནུས༌ལ། ད་ལྟའང་སྔར་བཞིན་ཟ་བར་མི་ནུས་སོ།།  
\v 3 ཁྱོད་ཅག་ནི་ད་དུང་ཤ་གཟུགས་ཀྱི་ཕུང་བོར་གཏོགས་ཏེ། ཁྱོད་ཅག་གི་ཁྲོད་དུ་ཕྲག་དོག་དང་རྩོད་གླེང་ཡོད༌པས། དེ་ནི་ཤ་གཟུགས་ཀྱི་ཕུང་བོ་དང་མཚུངས་ཤིང་། འཇིག་རྟེན་གྱི་མིའི་སྤྱོད་ཚུལ་བཞིན་དུ་བྱེད་པ་མ་ཡིན༌ནམ།  
\v 4 མི་ལ་ལ་ན༌རེ། ང་ནི་ཕོལ་ལོལ་གྱི་ཡིན་ཞེས༌དང༌། ཡང་མི་ལ་ལ་ན༌རེ། ང་ནི་ཨ་པོལ་ལོའི་ཡིན་ཞེས་ཟེར༌ན། ཁྱོད་རྣམས་ནི་འཇིག་རྟེན་གྱི་མི་དང་མཚུངས་པ་མ་ཡིན༌ནམ།   
\p
\v 5 ཨ་པོལ་ལོ་དང་ཕོལ་ལོལ་གཉིས་ནི་མི་ག་འདྲ་ཞིག་ཡིན་ཞེ༌ན། དེ་ནི་གཙོ་བོས་ངེད་ཅག་མི་རེ་རེར་ལས་འགན་གནང་བ༌བཞིན། ཁྱོད་རྣམས་དད་པའི་ལམ་དུ་ཁྲིད་པའི་ཞབས་ཕྱི་པ་ཡིན།  
\v 6 བདག་གིས་ས་བོན་བཏབ་ཅིང་ཨ་པོལ་ལོ་ཡིས་ཆུ་བཏང༌ནའང༌། ས་བོན་སྐྱེ་རུ་འཇུག་མཁན་ནི་དཀོན་མཆོག་ཡིན་ནོ།།  
\v 7 དེའི༌ཕྱིར། ས་བོན་འདེབས་མཁན་ནམ་ཆུ་གཏོང་མཁན་ནི་ཅི་ཡང་མིན༌ཏེ། ས་བོན་སྐྱེ་རུ་འཇུག་མཁན་དཀོན་མཆོག་ནི་གལ་ཆེའོ།།  
\v 8 ས་བོན་འདེབས་མཁན་དང་ཆུ་གཏོང་མཁན་གཉིས་ནི་གཅིག་མཚུངས་ཡིན༌ཡང༌། ཕྱིས་སུ་རང་རང་གི་རྩོལ་བ་བཞིན་དུ་བྱ་དགའ་འཐོབ་པར་འགྱུར་རོ།།  
\v 9 ཅིའི་ཕྱིར་ཞེ་ན། ངེད་ཅག་ནི་དཀོན་མཆོག་གི་ལས་གྲོགས་ཡིན༌ལ། ཁྱོད་རྣམས་ནི་དཀོན་མཆོག་གིས་རྨོས་པའི་ས་ཞིང༌དང༌། ཁོང་གིས་བཀོད་པ་དེ་ཡིན་པའི་ཕྱིར༌རོ།།   
\p
\v 10 དཀོན་མཆོག་གིས་བདག་ལ་གནང་བའི་ཐུགས་རྗེ་བཞིན༌དུ། བདག་གིས་སྤྱང་གྲུང་ལྡན་པའི་བཟོ་དཔོན་ཞིག་དང་འདྲ་བར་རྨང་གཞི་བཙུགས་པ༌དང༌། རྨང་གཞི་དེའི་སྟེང་ནས་མི་གཞན་ཞིག་གིས་བཟོ༌བཞིན་ཡོད། འོན༌ཀྱང༌། མི་སོ་སོས་རྨང་གཞིའི་སྟེང་ནས་ཅི་ལྟར་བཟོ་བར་གཟབ་དགོས་སོ།།  
\v 11 ཅིའི་ཕྱིར་ཞེ་ན། རྨང་གཞི་བཏིངས་ཟིན་པ་དེ་ནི་ཡེ་ཤུ་མཱ་ཤི་ཀ་འབའ་ཞིག༌ཡིན། ཁོང་ཉིད་ལས་གཞན་མི་སུས་ཀྱང་རྨང་གཞི་གཞན་འཛུགས་མི་ནུས་པའི་ཕྱིར༌རོ།།  
\v 12 གལ༌ཏེ། སུ་ཞིག་གིས་རྨང་གཞི་དེའི་སྟེང་དུ་གསེར༌རམ། ཡང་ན་དངུལ། རིན་པོ༌ཆེ། ཤིང༌། རྩྭ། སོག་མ་བཅས་ཀྱིས་བཟོས༌ན།  
\v 13 མི་རྣམས་ཀྱིས་བཟོས་པ་དེ་ནི་ག་འདྲ་ཡིན་པ་གསལ་པོར་མངོན་པར་འགྱུར་ངེས༌ཡིན། རྒྱུ་མཚན་ནི་ཉིན་མོ་དེ་ཡིས་མངོན་པར་མཛད་པ་དང་། མེ་བྱུང་ནས་མི་རེ་རེས་བཟོས་པའི་བཟོ་བཀོད་དེ་ཅི་འདྲ་ཡིན་པར་མེ་ཡིས་ཚོད་བགམ་བྱེད་པར་འགྱུར་བའི་ཕྱིར༌རོ།།  
\v 14 གལ༌ཏེ། སུ་ཞིག་གིས་རྨང་གཞི་དེའི་སྟེང་དུ་བསྐྲུན་པའི་བཟོ་བཀོད་གནས་པ་ཡིན༌ན། ཁོ་རང་ལ་བྱ་དགའ་འཐོབ་པར་འགྱུར།  
\v 15 འོན༌ཀྱང༌། སུ་ཞིག་གིས་བསྐྲུན་པའི་བཟོ་བཀོད་དེ་མེར་ཚིག་པ་ཡིན༌ན། གྱོང་གུད་ཐེབས་ཀྱང་ཁོ་རང་ནི་ཐར་བར་འགྱུར། དེ་ནི་མེ་ཕུང་བརྒྱུད་ནས་འགྲོ་བ་ལྟར་ཐར་བར་འགྱུར་རོ།།  
\v 16 ཁྱོད་རྣམས་ནི་དཀོན་མཆོག་གི་མཆོད་ཁང་ཡིན༌ཞིང༌། དཀོན་མཆོག་གི་དམ་པའི་ཐུགས་ཉིད་ཁྱོད་ཅག་གི་ནང་དུ་བཞུགས་པ་མི་ཤེས༌སམ།  
\v 17 གལ༌ཏེ། སུ་ཞིག་གིས་མཆོད་ཁང་དེ་བཤིག༌ན། དཀོན་མཆོག་གིས་མི་དེའང་མེད་པར་མཛད་ངེས༌ཡིན། རྒྱུ་མཚན་ནི་དཀོན་མཆོག་གི་མཆོད་ཁང་ནི་དམ་པ་ཡིན༌ལ། མཆོད་ཁང་དེ་ནི་ཁྱོད་རྣམས་ཡིན་པའི་ཕྱིར༌རོ།།   
\p
\v 18 མི་སུས་ཀྱང་རང་མགོ་རང་གིས་གཡོག་མི་འོས་སོ།། ཁྱོད་རྣམས་ཀྱི་ཁྲོད་ནས་སུ་ཞིག་གིས་འཇིག་རྟེན་འདིར་རང་ཉིད་ནི་མཁས་པ་ཡིན་པར་འདོད་ན། ཤེས་རབ་ལྡན་པར་འགྱུར་བའི༌ཕྱིར། བླུན་པོ་ཞིག་ཏུ་བྱས་ན་ལེགས།  
\v 19 ཅིའི་ཕྱིར་ཞེ་ན། འཇིག་རྟེན་འདིའི་ཤེས་རབ་ནི་དཀོན་མཆོག་གི་སྤྱན་སྔར་བླུན་རྨོངས་ཡིན༌ཏེ། གསུང་རབ་ཀྱི་མདོ་ལས་ཇི་སྐད༌དུ།  
\q1 དཀོན་མཆོག་གིས་ནི་ཤེས་རབ་ཅན་དེ་རྣམས།།  
\q1 རང་ཉིད་རང་གི་གཡོ་སྒྱུར་ཚུད་པར༌མཛད།།  
\m ཅེས་བཀོད་པའི་ཕྱིར༌རོ།།  
\v 20 ཡང་ཇི་སྐད༌དུ།  
\q1 ཤེས་རབ་ཅན་གྱི་འདོད་བློ་སྟོང་བ༌དེ།།  
\q1 གཙོ་བོ་ལགས་ཀྱིས་ཇི་བཞིན༌མཁྱེན་པའོ། །  
\m ཞེས་གསུངས༌སོ།།  
\v 21 དེའི༌ཕྱིར། སུས་ཀྱང་མི་གཞན་ལ་བསྔགས་བརྗོད་བྱ་མི་རུང་སྟེ། དངོས་པོ་མཐའ་དག་ནི་ཁྱོད་ཅག་ལ་གཏོགས་པས་སོ།།  
\v 22 ཕོལ་ལོལ༌ལམ། ཡང་ན་ཨ་པོལ་ལོ། ཀེ་ཕཱ། འཇིག་རྟེན། གསོན་པ། འཆི༌བ། ད་ལྟའི་དོན། མ་འོངས་པའི་དོན་བཅས་ཐམས་ཅད་ཁྱོད་ཅག་ལ་གཏོགས་ཤིང༌།  
\v 23 ཁྱོད་ཅག་ནི་སྐྱབས་མགོན་མཱ་ཤི་ཀར་གཏོགས་པ༌དང༌། སྐྱབས་མགོན་མཱ་ཤི་ཀ་ནི་དཀོན་མཆོག་ལ་གཏོགས༌སོ།།   
\c 4
\cl ལེའུ་བཞི༌པ། 
\toc1 ༄༅། །ཀོ་རིན་ཐུ་པ་རྣམས་ལ་སྤྲིངས་པའི་འཕྲིན་ཡིག་དང་པོ། 
\toc2 ཀོ་རིན་ཐུ་པ་དང་པོ། 
\s1 སྐྱབས་མགོན་མཱ་ཤི་ཀའི་སྐུ་ཚབ༌པ།  
\p
\v 1 མི་སུས་ཀྱང་ངེད་ཅག་ནི་སྐྱབས་མགོན་མཱ་ཤི་ཀའི་ཞབས་ཕྱི་པ་དང་དཀོན་མཆོག་གི་གསང་བའི་དོན་རྣམས་ཀྱི་གཉེར་པ་རུ་བརྩི་རུང༌ཞིང༌།  
\v 2 ལྷག་པར་གཉེར་པ་ནི་བསམ་པ་རྣམ་དག་ཡིན་དགོས་སོ།།  
\v 3 ཁྱོད་ཅག་གམ་མིའི་ཁྲིམས་ར་གང་ཞིག་གིས་བདག་ལ་ཁ་ཚོན་བཅད༌ཀྱང༌། བདག་གིས་དེ་ནི་དོན་ཆུང་ངུ་ཞིག་ཏུ་རྩི་ཞིང་རང་གིས་ཀྱང་རང་ལ་ཁ་ཚོན་མི་གཅོད་དེ།  
\v 4 ངས་རང་ཉིད་ལ་ནོར་འཁྲུལ་ཡོད་པ་མ་ཚོར༌ཡང༌། དེའི་རྐྱེན་གྱིས་ང་རང་ནི་སྐྱོན་མེད་པ་ཞིག་མིན༌ཏེ། བདག་ལ་བརྡར་ཤ་གཅོད་པར་མཛད་མཁན་ནི་གཙོ་བོ་ལགས་སོ།།  
\v 5 དེའི༌ཕྱིར། དུས་མ་རན་པར་མི་སུས་ཀྱང་ཁ་ཚོན་གཅོད་པར་མི༌བྱའོ།། གཙོ་བོ་ཁོང་ཉིད་ཕེབས་ཡོང་བར་སྒུག༌སྟེ། ཁོང་གིས་མུན་པའི་ནང་གི་གསང་བའི་གནས་ཚུལ་ཐམས་ཅད་ཕྱིར་མངོན་པར་མཛད་ཅིང༌། མིའི་སེམས་ནང་གི་དམིགས་ཡུལ་ཡང་ཕྱིར་མངོན་པར་མཛད། དེའི་དུས༌སུ། མི་རེ་རེར་དཀོན་མཆོག་ནས་གཟེངས་བསྟོད་འཐོབ་པར་འགྱུར༌རོ།།   
\p
\v 6 སྤུན་ཟླ༌རྣམས། ཁྱོད་ཅག་གི་ཕྱིར་དུ། ངས་དོན་དེ་རྣམས་ང་རང་དང་ཨ་པོལ་ལོ་གཉིས་ལ་སྦྱར་བ་ཡིན༌ཏེ། ཁྱོད་རྣམས་ཀྱིས་ངེད་གཉིས་མིག་དཔེར་འཛིན་དགོས༌ཤིང༌། གསུང་རབ་ཀྱི་ནང་དུ་གསུངས་ཡོད་པ་དེ་ལས་བརྒལ་མི་རུང་། དེ་ནི་ཁྱོད་རྣམས་ཀྱིས་ཕན་ཚུན་ལ་ང་རྒྱལ་ཁེངས་དྲེགས་མི་བྱེད་པ༌དང༌། ཕྱོགས་རིས་མི་འཛིན་པའི་ཕྱིར༌རོ།།  
\v 7 ཁྱོད་རྣམས་མི་གཞན་དང་མི་འདྲ་བར་བྱེད་མཁན་ནི་སུ་ཡིན༌ནམ། ཁྱོད་ཅག་ལ་ཡོད་པ་ཐམས་ཅད་ཐོབ་ནས་ཡོང་བ་མ་ཡིན༌ནམ། ཐོབ་ནས་ཡོང་བ་ཡིན༌ན། ཅིའི་ཕྱིར་ཐོབ་ནས་ཡོང་བ་མ་ཡིན་པ་ལྟར་རང་རློམ་བྱེད་པ་ཡིན༌ནམ།   
\p
\v 8 ད་ལྟ་ཁྱོད་རྣམས་ཡིད་ཚིམ་པ་དང་ཕུན་སུམ་ཚོགས་པར་གྱུར་ལ། ངེད་ཅག་ལ་མི་བརྟེན་པར་རང་ཉིད་རྒྱལ་པོ་བཞིན་སྡོད་པ་མ་ཡིན༌ནམ། ངེད་ཅག་གིས་ཁྱོད་རྣམས་ནི་དངོས་གནས་རྒྱལ་པོར་བྱེད༌ཅིང༌། ངེད་ཅག་གིས་ཀྱང་ཁྱོད་རྣམས་དང་མཉམ་དུ་རྒྱལ་པོའི་སྲིད་དབང་བཟུང་ན་ཅི་མ་རུང་སྙམ།  
\v 9 དཀོན་མཆོག་གིས་སྐུ་ཚབ་པ་ངེད་རྣམས་ནི་མི་ཀུན་ལས་ཐ་མ་དང་སྲོག་ཆད་བཅད་པའི་བཙོན་པ་ལྟ་བུར་མཛད་ཅེས་བདག་གིས་བསམས་སོ།། ཅིའི་ཕྱིར་ཞེ་ན། ངེད་ཅག་ནི་འཇིག་རྟེན་གྱི་མི་རྣམས་དང་ཕོ་ཉ་དག་གི་ལྟད་མོར་གྱུར་པས་སོ།།  
\v 10 སྐྱབས་མགོན་མཱ་ཤི་ཀའི༌ཕྱིར། ངེད་ཅག་ནི་བླུན་པོ་ཡིན་ཡང་ཁྱོད་ཅག་ནི་སྐྱབས་མགོན་མཱ་ཤི་ཀའི་ནང་དུ་ཤེས་རབ་ལྡན༌པ་ཡིན། ངེད་ཅག་ནི་ཉམ་ཐག་ཀྱང་ཁྱོད་ཅག་ནི་སྟོབས་དང་ལྡན་པ་ཡིན། ཁྱོད་ཅག་ལ་གཟི་བརྗིད་ཐོབ་ཀྱང་ངེད་ཅག་ལ་མཐོང་ཆུང་བྱེད་པ་མ་ཡིན༌ནམ།  
\v 11 ད་ལྟའི་བར༌དུ། ངེད་ཅག་ནི་བཀྲེས་ཤིང་སྐོམ་ལ། གོས་ཧྲལ་ཧྲུལ་གྱོན་པ༌དང༌། གཅར་རྡུང་མྱངས་པ༌དང༌། སྡོད་སའི་ཁང་པ་མེད་པ༌དང༌།  
\v 12 དཀའ་སྡུག་ཆེན་པོའི་ངང་རང་གི་ལག་པར་བརྟེན་ནས་ལས་ཀ་བྱེད༌པ་དང་། མི་གཞན་གྱིས་སྡིགས་དམོད་བྱེད་དུས་ངེད་ཅག་གིས་བྱིན་རླབས་ཞུ་ཞིང༌། མི་གཞན་གྱིས་གཉའ་གནོན་བྱེད་དུས་ངེད་ཅག་གིས་བཟོད་བསྲན་བྱེད༌པ་ཡིན།  
\v 13 མི་གཞན་གྱིས་འཕྱ་སྨོད་བྱེད་དུས། ངེད་ཅག་གིས་སེམས་པ་བཟང་པོས་འདུམ་པར་བསྐུལ་བ་ཡིན། ད་ལྟའི་བར༌དུ། ད་དུང་མི་གཞན་དག་གིས་ངེད་ཅག་ནི་འཇིག་རྟེན་གྱི་གད་སྙིགས་དང་དངོས་པོ་ནང་གི་སྙིགས་མར་བརྩིས༌པའོ།།   
\p
\v 14 བདག་གིས་དོན་འདི་རྣམས་ཡི་གེར་འགོད་པའི་དམིགས་ཡུལ་ནི་ཁྱོད་རྣམས་ལ་ངོ་གནོང་དུ་འཇུག་པ་མ་ཡིན༌ཏེ། ངས་སྙིང་ནས་གཅེས་པའི་བུ་ཕྲུག་ལ་བསྐུལ་བ༌བཞིན། ཁྱོད་ཅག་ལ་ཉེན་བརྡ་གཏོང་བའི་ཕྱིར་ཡིན།  
\v 15 བདག་ནི་མཱ་ཤི་ཀ་ཡེ་ཤུའི་ནང་དུ་ཁོང་གི་འཕྲིན་བཟང་བརྒྱུད་ནས་ཁྱོད་ཅག་གི་ཕ་རུ་གྱུར་པས། ཁྱོད་རྣམས་ལ་སྐྱབས་མགོན་མཱ་ཤི་ཀའི་ཆོས་གཞུང་གི་ཟུར་ཁྲིད་སློབ་དཔོན་ཆིག་ཁྲི་ཙམ་ཡོད་ཀྱང་ཕ་ལ་རུང་བ་ནི་མང་པོ་མེད༌དོ།།  
\v 16 དེ་བས་ཁྱོད་རྣམས་ཀྱིས་ང་རང་མིག་དཔེར་འཛིན་པར་བདག་གིས་བསྐུལ༌བ་ཡིན།  
\v 17 དེའི་རྐྱེན༌གྱིས། ངས་ཐི་མོ་ཐེ་ཁྱོད་ཅག་གི་གམ་དུ་མངགས༌ཤིང༌། ཁོ་རང་ནི་གཙོ་བོའི་ནང་དུ་བདག་གིས་སྙིང་ནས་གཅེས་ཤིང་བློ་སེམས་དཀར་བའི་བུ་ཕྲུག་ཅིག་ཀྱང་ཡིན། བདག་གིས་སྐྱབས་མགོན་མཱ་ཤི་ཀའི་ནང་དུ་ཅི་ལྟར་སྤྱད་པ་སྤྱོད་པ༌དང༌། ཡུལ་ཀུན་དང་ཆོས་ཚོགས་སོ་སོ་ནས་ཅི་ལྟར་སློབ་སྟོན་བྱས་པའི་ཚུལ༌ནི། ཁོས་ཁྱོད་རྣམས་ལ་དྲན་སྐུལ་བྱེད་པར་འགྱུར༌རོ།།   
\p
\v 18 ཁྱོད་རྣམས་ལས་འགའ་ཞིག་གིས་རང་རློམ་བྱེད༌ཅིང༌། བདག་ནི་ཁྱོད་ཅག་གི་གམ་དུ་མི་ཡོང་བར་བསམས༌མོད།  
\v 19 འོན་ཀྱང་གཙོ་བོའི་ཐུགས་དགོངས་བཞིན་ཡིན༌ན། ང་རང་མྱུར་བ་མྱུར་དུ་ཁྱོད་ཅག་གི་གམ་དུ་ཡོང་ངེས་པར་མ༌ཟད། བདག་གིས་ཤེས་འདོད་པ་ནི་རང་རློམ་བྱེད་མཁན་རྣམས་ཀྱི་ངག་ཚིག་མ་ཡིན་པར། ཁོ་རྣམས་ཀྱི་དབང་ཤུགས་ནི་ཅི་ལྟ་བུ་ཡིན་པ་དེའོ།།  
\v 20 ཅིའི་ཕྱིར་ཞེ་ན། དཀོན་མཆོག་གི་རྒྱལ་སྲིད་ནི་སྨྲ་བརྗོད་ལ་རག་ལས་པ་མ་ཡིན་པར་མཐུ་སྟོབས་ལ་རག་ལས་པའི་ཕྱིར༌རོ།།  
\v 21 ཁྱོད་ཅག་གིས་ཅི་ཞིག་བྱེད་འདོད༌དམ། བདག་གིས་དབྱུག་པ་བཟུང་ནས་ཁྱོད་ཅག་གི་གམ་དུ་ཡོང་འདོད༌དམ། ཡང་ན་བྱམས་བརྩེ་དང་ཞི་འཇམ་གྱི་བསམ་པ་བཅངས་ནས་ཁྱོད་རྣམས་ཀྱི་གམ་དུ་ཡོང་འདོད༌པ་ཡིན།   
\c 5
\cl ལེའུ་ལྔ༌པ། 
\toc1 ༄༅། །ཀོ་རིན་ཐུ་པ་རྣམས་ལ་སྤྲིངས་པའི་འཕྲིན་ཡིག་དང་པོ། 
\toc2 ཀོ་རིན་ཐུ་པ་དང་པོ། 
\s1 ཕོལ་ལོལ་གྱིས་ལོག་གཡེམ་ཅན་གྱི་སྤུན་ཟླ་ཕྱིར་སྐྲོད་པའི༌སྐོར།  
\p
\v 1 དེ་ཡང་གོ་ཐོས༌ལྟར་ན་ཁྱོད་ཅག་གི་ཁྲོད་དུ་ལོག་གཡེམ་བྱེད་པའི་དོན་བྱུང་ཡོད་ལ། ལོག་གཡེམ་གྱི་སྤྱོད་པ་དེ་ལྟ་བུ་ནི་ཕྱི་ཕྱོགས་པའི་ཁྲོད་དུའང་མེད་དེ། ཁྱོད་ཅག་གི་ཁྲོད་ནས་མི་ཞིག་གིས་རང་གི་མ་གཡར་ལ་ལུས་འབྲེལ་བྱེད་བཞིན་འདུག་པའོ།།  
\v 2 ཁྱོད་ཅག་གིས་ད་དུང་རང་རློམ་བྱེད་པ་ལས་འགྱོད་གདུང་བྱས་ནས། དེ་ལྟར་བྱེད་མཁན་ནི་ཁྱོད་ཅག་གི་ཁྲོད་ནས་ཕྱིར་སྐྲོད༌དགོས་པ་མ་ཡིན་ནམ།  
\v 3 བདག་གི་ལུས་པོ་ཁྱོད་ཅག་དང་མཉམ་དུ་མེད༌ནའང༌། བདག་གི་སེམས་ཁྱོད་རྣམས་དང་ལྷན་དུ་ཡོད༌དེ། བདག་ནི་དངོས་སུ་ཁྱོད་ཅག་དང་མཉམ་དུ་ཡོད་པ༌བཞིན། དེ་ལྟར་བྱེད་མཁན་ལ་ཐག་བཅད༌པ་ཡིན།  
\v 4 ཁྱོད་རྣམས་འཚོགས་པའི་དུས༌སུ། བདག་གི་སེམས་ནི་ཁྱོད་ཅག་དང་མཉམ་དུ་མཆིས༌ཤིང༌། བདག་ཅག་གི་གཙོ་བོ་ཡེ་ཤུའི་མཚན་དང་ཁོང་གི་མཐུ་སྟོབས་ལ་བརྟེན༌ནས།  
\v 5 མི་དེ་ལྟ་བུ་ནི་བདུད་སཱ་ཏན་ལ་སྤྲད༌དེ། གཙོ་བོའི་ཉིན་མོར་ཁོའི་རྣམ་ཤེས་ལ་ཐར་པ་འཐོབ་པའི་ཕྱིར། ཁོའི་ལུས་ཕུང་ཉམས་དམས་སུ་གཏོང་བར་བྱའོ།།   
\p
\v 6 ཁྱོད་ཅག་གིས་རང་རློམ་བྱེད་པ་ནི་མི་ལེགས༌ཏེ། སྐྱུར་རྩི་ཉུང་ཙམ་གྱིས་བག་ཕྱེ་ཚང་མ་སྐྱུར་ལང་དུ་འཇུག་པ་དེ་ཁྱོད་ཅག་གིས་མི་ཤེས༌སམ།  
\v 7 ཁྱོད་ཅག་ནི་སྐྱུར་རྩི་མེད་པའི་བག་ཕྱེ་གསར་པ་ཞིག་ཏུ་འགྱུར་བའི༌ཕྱིར། སྐྱུར་རྩི་རྙིང་པ་དེ་རྩ་བ་ནས་དོར་ཅིག དོན་དམ་དུ་ཁྱོད་ཅག་ནི་སྐྱུར་རྩི་མེད་པའི་བག་ཕྱེ་ཡིན་ནོ།། ཅིའི་ཕྱིར་ཞེ་ན། བདག་ཅག་གི་པེ་སག་དུས་ཆེན་གྱི་མཆོད་པའི་ལུ་གུ༌སྟེ། སྐྱབས་མགོན་མཱ་ཤི་ཀ་ནི་མཆོད་པར་ཕུལ་ཟིན་པའི་ཕྱིར༌རོ།།  
\v 8 དེ་བས་བདག་ཅག་དུས་ཆེན་དེ་ལ་རོལ་བ༌ན། སྐྱུར་རྩི་རྙིང་པ་དང་། ངན་སེམས་དང་གདུག་རྩུབ་ཀྱི་སྐྱུར་རྩི་མི་བཀོལ༌བར། ལྷག་བསམ་དང་བདེན་པ་ཡིན་པའི་སྐྱུར་མེད་བག་ལེབ་བཀོལ་ནས་རོལ་དགོས༌སོ།།   
\p
\v 9 དེ་སྔོན་བདག་གིས་ཁྱོད་ཅག་ལ་ལོག་གཡེམ་བྱེད་པའི་མི་དང་འགྲོག་པར་མི་བྱའོ་ཞེས་རང་གི་འཕྲིན་ཡིག་ནང་དུ་བྲིས་མྱོང༌ལ།  
\v 10 གཏམ་དེ་ནི་འཇིག་རྟེན་འདི་རུ་ལོག་གཡེམ་བྱེད་པའི་མི༌དང༌། འདོད་རྔམ༌ཅན། མགོ་སྐོར་གཏོང༌མཁན། ཡང་ན་སྐུ་འདྲར་བརྟེན་མཁན་བཅས་ལ་འགྲོག་མི་རུང་ཞེས་པའི་དོན་མིན༌ཏེ། དེ་ལྟར་བྱས༌ན། ཁྱོད་ཅག་ནི་འཇིག་རྟེན་འདི་དང་ཁ་འབྲལ་དགོས་པ་ཡིན་ནོ།།  
\v 11 འོན༌ཀྱང༌། ད་ལྟ་ངས་ཁྱོད་ཅག་ལ་འཕྲིན་ཡིག་བྲིས༌ཏེ། དད་ལྡན་སྤུན་ཟླའི་མིང་ཐོགས་པ་ཞིག་གིས་ལོག་གཡེམ་བྱེད་པ༌དང༌། འདོད་རྔམ་བཅངས་པ། ཡང་ན་སྐུ་འདྲར་བརྟེན་པ། ཚིག་ངན་སྨྲ༌བ། ཆང་གིས་ར་རོར་གྱུར༌པ། མགོ་སྐོར་གཏོང་བ་བཅས་བྱེད༌ན། མི་དེ་ལྟ་བུ་དང་འགྲོག་པར་མི་བྱ༌ཞིང༌། མི་དེ་དང་མཉམ་དུ་ཁ་ཟས་ཀྱང་ཟ་མི་འོས་ཞེས་སྨྲས༌པའོ།།   
\p
\v 12 ཅིའི་ཕྱིར་ཞེ་ན། ཆོས་ཚོགས་ཕྱི་རོལ་གྱི་མི་རྣམས་ལ་ཁྲིམས་ཐག་གཅོད་པ་ནི་བདག་དང་འབྲེལ་བ་མེད༌ལ། ཆོས་ཚོགས་ནང་གི་མི་རྣམས་ལ་ཁྱོད་ཅག་གིས་ཁྲིམས་ཐག་གཅོད་དགོས་པ་མ་ཡིན་ནམ།  
\v 13 འོན༌ཀྱང༌། དཀོན་མཆོག་གིས་ཆོས་ཚོགས་ཕྱི་རོལ་གྱི་མི་རྣམས་ལ་ཁྲིམས་ཐག་གཅོད་པར་འགྱུར། དེ་ལ་གསུང་རབ་ཀྱི་མདོ་ལས་ཇི་སྐད༌དུ། ཁྱོད་རྣམས་ཀྱིས་སྡིག་ཅན་དེ་ཁྱོད་ཅག་གི་ཁྲོད་ནས་ཕྱིར་སྐྲོད་ཅིག་ཅེས་གསུངས་པ་བཞིན༌ནོ།།   
\c 6
\cl ལེའུ་དྲུག༌པ། 
\toc1 ༄༅། །ཀོ་རིན་ཐུ་པ་རྣམས་ལ་སྤྲིངས་པའི་འཕྲིན་ཡིག་དང་པོ། 
\toc2 ཀོ་རིན་ཐུ་པ་དང་པོ། 
\s1 དད་ལྡན་ཕན་ཚུན་ཁྲིམས་རར་གཏུག་མི་རུང་བའི༌སྐོར།  
\p
\v 1 དེ་ཡང་ཁྱོད་ཅག་གི་ཁྲོད་དུ་ཕན་ཚུན་བར་ལ་རྩོད་གཞི་བྱུང་ན་དད་ལྡན་དམ་པ་རྣམས་ལ་མི་ཞུ༌བར། དྲང་བདེན་མིན་པའི་མི་རྣམས་ཀྱི་མདུན་ནས་ཁྲིམས་རར་གཏུག་ནུས༌སམ།  
\v 2 མ་འོངས་པའི་དུས༌སུ། དད་ལྡན་དམ་པ་རྣམས་ཀྱིས་འཇིག་རྟེན་ལ་ཁྲིམས་ཐག་གཅོད་པར་འགྱུར་བ་ཁྱོད་ཅག་གིས་མི་ཤེས༌སམ། ཁྱོད་ཅག་གིས་འཇིག་རྟེན་ལ་ཁྲིམས་ཐག་གཅོད་པར་བྱེད༌ན། ཁྱོད་ཅག་གིས་ཀྱང་རྩོད་གཞི་ཆུང་ངུ་ཞིག་ཐག་གཅོད་བྱེད་མི་ཐུབ་བམ།  
\v 3 མ་འོངས་པའི་དུས༌སུ། བདག་ཅག་གིས་ཕོ་ཉ་དག་ལ་ཁྲིམས་ཐག་གཅོད་པར་འགྱུར་བ་དེ་ཁྱོད་ཅག་གིས་མི་ཤེས༌སམ། དེ་ལྟར་ཡིན༌ན། ད་ལྟའི་དོན་རྣམས་སྨོས་ཅི༌དགོས།  
\v 4 དེའི༌ཕྱིར། ཁྱོད་ཅག་གིས་ད་ལྟའི་དོན་རྣམས་ལ་ཁྲིམས་ཐག་གཅོད༌ན། ཆོས་ཚོགས་ཀྱིས་མཐོང་ཆུང་བྱེད་པའི་མི་ཞིག་བདམས་ནས་ཁྲིམས་ཐག་གཅོད་པར་མངག༌གམ།  
\v 5 བདག་གིས་འདི་སྐད་སྨྲས་པ༌ནི། ཁྱོད་རྣམས་ལ་ངོ་གནོང་དུ་འཇུག་པའི་ཕྱིར་ཡིན༌ཏེ། ཁྱོད་ཅག་གི་ཁྲོད་དུ་སྤུན་ཟླའི་བར་གྱི་རྩོད་གཞི་རྣམས་ཐག་གིས་གཅོད་ནུས་པའི་ཤེས་རབ་ཅན་གཅིག་ཀྱང་མེད༌དམ།  
\v 6 ཁྱོད་རྣམས་ཀྱིས་སྤུན་ཟླ་དང་སྤུན་ཟླའི་བར་དུ་གཏུག་རེས་བྱེད་པར་མ༌ཟད། དད་མེད་རྣམས་ཀྱི་མདུན་ནས་གཏུག་པར་བྱེད༌དོ།།   
\p
\v 7 ཁྱོད་ཅག་གིས་ཕན་ཚུན་གཏུག་རེས་བྱེད་པ་ནི་རྩ་བ་ནས་ནོར་བ་ཡིན། ཁྱོད་ཅག་གིས་ཅིའི་ཕྱིར་བརྙས་བཅོས་དང་གྱོང་གུད་འཁུར་མི་རུང་ངམ།  
\v 8 དེ་ལས་ལྡོག་སྟེ། ཁྱོད་ཅག་གིས་མི་གཞན་ལ་བརྙས་བཅོས་བྱེད་པ་དང་གྱོང་གུད་བཟོ་བར་མ་ཟད། དེ་ལྟར་བྱེད་ཡུལ་ནི་རང་གི་སྤུན་ཟླ་རྣམས་ཡིན༌ནོ།།   
\p
\v 9 དྲང་བདེན་མིན་པའི་མི་རྣམས་ལ་དཀོན་མཆོག་གི་རྒྱལ་སྲིད་འཐོབ་མི་སྲིད་པ་ནི་ཁྱོད་ཅག་གིས་མི་ཤེས༌སམ། རང་གིས་རང་ལ་མགོ་སྐོར་མི་གཏོང་བར༌གྱིས། མི་ཚངས་སྤྱོད་པ༌དང༌། སྐུ་འདྲར་བརྟེན་པ། ལོག་གཡེམ་བྱེད༌པ། སྐྱེས་པ་སྨད་འཚོང་མཁན། \f + \ft སྐྱེས་པ་སྨད་འཚོང་མཁན་ཞེས་པར་མ་ཕྱི་ལས་སྒེག་ཉམས་ལྡན་པ་ཞེས་བཀོད་ཡོད་ཅིང་། ཧ་ལམ་ལྷ་ཁང་ནང་གི་སྐྱེས་པ་སྨད་འཚོང་མཁན་ལ་གོ་དགོས། \f* ཕོ་ཡིས་ཕོ་ལ་འཁྲིག་པ་སྤྱོད་པ།  
\v 10 རྐུ་བྱེད༌པ། འདོད་རྔམ་བཅངས༌པ། ཆང་གིས་ར་རོར་གྱུར༌པ། ཚིག་ངན་སྨྲ༌བ། མགོ་སྐོར་གཏོང་མཁན་རྣམས་ལ་དཀོན་མཆོག་གི་རྒྱལ་སྲིད་འཐོབ་པར་མི་འགྱུར་རོ།།  
\v 11 ཁྱོད་ཅག་གི་ཁྲོད་དུའང་མི་ཁ་ཤས་ནི་སྔོན་ཆད་དེ་ལྟ་བུ་ཡིན༌མོད། འོན་ཀྱང་ད་ལྟ་གཙོ་བོ་ཡེ་ཤུ་མཱ་ཤི་ཀའི་མཚན་ལ་བརྟེན་པ༌དང༌། བདག་ཅག་གི་དཀོན་མཆོག་གི་དམ་པའི་ཐུགས་ཉིད་ལ་བརྟེན༌ནས། ཁྱོད་ཅག་ནི་གཙང་མར་བཀྲུས་པ༌དང༌། དམ་པར་གྱུར༌པ། མི་རྣམ་དག་ཏུ་གྱུར༌པའོ།།   
\s1 ལོག་གཡེམ་གྱི་སྐོར་བཤད༌པ།  
\p
\v 12 ངས་ལས་ཅི་ཡང་བྱ་རུང་བ་ཡིན་ཟེར་ཡང་། ལས་ཐམས་ཅད་ལ་ཕན་ཐོགས་ཡོད་པ་མ་ཡིན། ངས་ལས་ཅི་ཡང་བྱ་རུང་བ་ཡིན་ཟེར་ཡང་། ལས་གང་ཞིག་ཡིན་ཡང་བདག་ནི་དེའི་དབང་དུ་མི༌འགྲོའོ།།  
\v 13 ཟས་ནི་ལྟོ་བའི་ཕྱིར་དང་ལྟོ་བ་ནི་ཟས་ཀྱི་ཕྱིར་ཡིན་ཟེར༌ནའང་། དཀོན་མཆོག་གིས་དེ་གཉིས་མེད་པར་མཛད་ངེས་སོ།། འོན༌ཀྱང༌། ལུས་པོ་ནི་ལོག་གཡེམ་བྱེད་པའི་ཕྱིར་མ་ཡིན་པར་གཙོ་བོའི་ཕྱིར་ཡིན༌ལ། གཙོ་བོ་ཁོང་ཉིད་ཀྱང་ལུས་པོའི་ཕྱིར་ཡིན།  
\v 14 དེར་མ༌ཟད། དཀོན་མཆོག་གིས་གཙོ་བོ་སླར་གསོན་པར་མཛད་པ༌དང༌། བདག་ཅག་ཀྱང་ཁོང་གི་མཐུ་སྟོབས་ཀྱིས་སླར་གསོན་པར་མཛད་ངེས༌ཡིན།  
\v 15 ཁྱོད་རྣམས་ཀྱིས་རང་གི་ལུས་པོ་ནི་སྐྱབས་མགོན་མཱ་ཤི་ཀའི་ཡན་ལག་ཡིན་པ་མི་ཤེས༌སམ། བདག་གིས་སྐྱབས་མགོན་མཱ་ཤི་ཀའི་ཡན་ལག་དེ་ནི་སྨད་འཚོང་མའི་ཡན་ལག་ཏུ་བྱེད་རུང་ངམ་ཞེ༌ན། གཏན་ནས་མི་རུང༌ངོ་།།  
\v 16 དེ་ཡང་གསུང་རབ་ཀྱི་མདོ་ལས་ཇི་སྐད༌དུ། ཁོ་གཉིས་ཀྱི་ལུས་པོ་གཅིག་ཏུ་འགྱུར་བ་ཡིན་ཞེས་གསུངས་ཡོད༌པས། མི་ཞིག་སྨད་འཚོང་མ་དང་འགྲོགས༌ན། དེ་གཉིས་ཀྱི་ལུས་པོ་གཅིག་ཏུ་འགྱུར་བའང་ཁྱོད་ཅག་གིས་མི་ཤེས༌སམ།  
\v 17 འོན༌ཀྱང༌། མི་ཞིག་གིས་གཙོ་བོ་ལ་འབྲེལ་བ་བཙུགས༌ན། མི་དེ་ནི་ཁོང་གི་ཐུགས་ཉིད་དང་གཅིག་ཏུ་གྱུར༌པའོ།།   
\p
\v 18 དེའི༌ཕྱིར། ཁྱོད་རྣམས་ཀྱིས་ལོག་གཡེམ་རྩ་བ་ནས་སྤོངས༌ཤིག མི་རྣམས་ཀྱིས་ནག་ཉེས་གང་ཞིག་བྱེད་ཀྱང་དེ་དག་ཐམས་ཅད་ནི་ལུས་པོའི་ཕྱི་རོལ་ཡིན༌མོད། འོན་ཀྱང་ལོག་གཡེམ་བྱས་ན་རང་གི་ལུས་པོར་འགལ་བའི་སྡིག་པ་བྱེད༌པ་ཡིན་ནོ།།  
\v 19 ཁྱོད་ཅག་གི་ལུས་པོ་ནི་དམ་པའི་ཐུགས་ཉིད་ཀྱི་མཆོད་ཁང་ཡིན་པ་མི་ཤེས༌སམ། དམ་པའི་ཐུགས་ཉིད་ནི་དཀོན་མཆོག་གིས་གནང་ཞིང་ཁྱོད་ཅག་གི་སེམས་ནང་དུ་བཞུགས་པ་ཡིན། ཁྱོད་ཅག་ནི་རང་ཉིད་ལ་དབང་བ་མ་ཡིན༌ཏེ།  
\v 20 རིན་ཆེན་པོ་བཏང་ནས་ཉོས་པ་ཡིན༌པས། ཁྱོད་ཅག་གི་ལུས་སྟེང་ནས་དཀོན་མཆོག་ལ་བཀུར་སྟི་བྱེད་པར་གྱིས་ཤིག།   
\c 7
\cl ལེའུ་བདུན༌པ། 
\toc1 ༄༅། །ཀོ་རིན་ཐུ་པ་རྣམས་ལ་སྤྲིངས་པའི་འཕྲིན་ཡིག་དང་པོ། 
\toc2 ཀོ་རིན་ཐུ་པ་དང་པོ། 
\s1 གཉེན་སྒྲིག་གི༌སྐོར།  
\p
\v 1 དེ་ཡང་ཁྱོད་རྣམས་ཀྱིས་བདག་ལ་བསྐུར་བའི་འཕྲིན་ཡིག་གི་ནང་དུ་བྲིས་པའི་དོན༌དེར་མཚོན་ན། ད་ལྟ་བདག་གིས་ཀྱང་དོན་དེའི་སྐོར་ཁྱོད་ཅག་ལ་སྨྲ་བར་བྱ༌སྟེ། སྤྱིར་སྐྱེས་པ་ནི་བུད་མེད་དང་མ་འགྲོགས་ན་བཟང་མོད།  
\v 2 འོན་ཀྱང་ལོག་གཡེམ་གྱི་དོན་དག་མི་འབྱུང་བའི༌ཕྱིར། སྐྱེས་པ་རེ་ལ་ཆུང་མ་རེ་དང་། བུད་མེད་རེ་ལའང་སྐྱེས་པ་རེ་ཡོད་ན་འོས་སོ།།  
\v 3 བྱ་འོས་པའི་ཆགས་པ་ནི་ཁྱོ་གས་ཆུང་མ་ལ་དེ་བཞིན་བྱེད་དགོས༌ལ། ཆུང་མས་ཀྱང་ཁྱོ་ག་ལ་དེ་ལྟར་བྱེད་འོས་པ་ཡིན།  
\v 4 ཆུང་མའི་ལུས་པོ་ནི་རང་ཉིད་ལ་མི་དབང་བར་ཁྱོ་ག་ལ་དབང་བ༌དང༌། དེ་བཞིན་དུ་ཁྱོ་གའི་ལུས་པོའང་རང་ཉིད་ལ་མི་དབང་བར་ཆུང་མ་ལ་དབང༌བ་ཡིན།  
\v 5 དེའི༌ཕྱིར། ཁྱོད་རྣམས་ལས་སུ་ཞིག་བཟའ་ཟླ་ཡིན༌ན་སོ་སོར་སྡོད་པར་མི༌བྱའོ།། ཁོ་གཉིས་གྲོས་མཐུན་བྱུང་ནས་བློ་སེམས་རྩེ་གཅིག་གིས་གསོལ་བ་འདེབས་པའི་ཕྱིར་རེ་ཞིག་སོ་སོར་སྡོད་རུང༌ལ། དེའི་རྗེས་སུ་ཁོ་གཉིས་སླར་ཡང་མཉམ་དུ་སྡོད་དགོས་པ་ཡིན། དེ་ནི་ཁྱོད་རྣམས་ཀྱིས་རང་ཚོད་མི་ཟིན་པ་དང་། བདུད་སཱ་ཏན་གྱིས་གོ་སྐབས་དང་བསྟུན་ནས་ཁྱོད་ཅག་མི་བསླུ་བའི་ཕྱིར༌རོ།།  
\v 6 བདག་གིས་འདི་ལྟར་སྨྲས་པ་ནི་ཁྱོད་ཅག་ལ་བཟོད་སྒོམ་གནང་བ༌ལས་བཀའ་ཕབ་པ་མ་ཡིན།  
\v 7 སྤྱིར་མི་ཐམས་ཅད་ནི་བདག་དང་མཚུངས་ན་ལེགས་སྙམ༌མོད། འོན་ཀྱང་མི་རེ་རེར་དཀོན་མཆོག་ནས་ཐོབ་པའི་གནང་སྦྱིན་མི་མཚུངས༌ཏེ། མི་ལ་ལར་འདི་ལྟར་ཐོབ་པ་དང་ལ་ལར་དེ་ལྟར་ཐོབ༌པའོ།།   
\p
\v 8 བདག་གིས་གཉེན་སྒྲིག་བྱས་མེད་པའི་མི་དང་ཡུགས་མོ་རྣམས་ལ་སྨྲ་བར་བྱ༌སྟེ། ཁོ་རྣམས་རྒྱུན་དུ་བདག་དང་མཚུངས་ན་ལེགས།  
\v 9 འོན་ཀྱང་། རང་ཚོད་རང་གིས་མི་ཟིན་ན་གཉེན་སྒྲིག་བྱེད་རུང༌ཞིང་། འདོད་ཆགས་ཀྱི་དབང་གིས་སྨྱོ་བ་ལས་གཉེན་སྒྲིག་བྱས་ན་ལེགས༌སོ།།   
\p
\v 10 བདག་གིས་གཉེན་སྒྲིག་བྱས་ཟིན་པ་རྣམས་ལ་འདི་ལྟར་བཀའ་བསྒོ་བར༌བྱ་སྟེ། དོན་དམ་དུ་བདག་གི་བཀའ་མ་ཡིན་པར་གཙོ་བོའི་བཀའ་ཡིན༌ཏེ། ཆུང་མ་ནི་རང་གི་ཁྱོ་ག་དང་བཟའ་ཐོར་བྱེད་མི་རུང༌ལ།  
\v 11 གལ༌ཏེ། བཟའ་ཐོར་བྱས་ན་སྐྱེས་པ་གཞན་དང་གཉེན་སྒྲིག་བྱེད་མི་རུང༌། ཡང་ན་རང་གི་ཁྱོ་གར་འགྲིག་མཐུན་ཡོང་ན་ལེགས། དེ་བཞིན་དུ་ཁྱོ་གའང་རང་གི་ཆུང་མ་དང་བཟའ་ཐོར་བྱེད་མི་རུང༌ངོ༌།།   
\p
\v 12 བདག་གིས་མི་གཞན་དག་ལ་སྨྲ་བར༌བྱ་སྟེ། དོན་དམ་དུ་གཙོ་བོས་གསུངས་པ་མིན༌ཏེ། དད་ལྡན་ཞིག་ལ་དད་པ་མེད་པའི་ཆུང་མ་ཞིག་ཡོད༌པ་དང་། ཁོ་མོའང་དད་ལྡན་དེ་དང་མཉམ་དུ་སྡོད་པར་འདོད༌ན། ཁོས་ཆུང་མ་དེ་དང་བཟའ་ཐོར་བྱེད་མི་རུང་ངོ༌།།  
\v 13 ཡང་དད་ལྡན་བུད་མེད་ཅིག་ལ་དད་པ་མེད་པའི་ཁྱོ་ག་ཞིག་ཡོད༌པ་དང་། ཁྱོ་ག་དེའང་ཁོ་མོ་དང་མཉམ་དུ་སྡོད་པར་འདོད༌ན། ཁོ་མོས་ཀྱང་ཁྱོ་ག་དེ་དང་བཟའ་ཐོར་བྱེད་མི་རུང་ངོ༌།།  
\v 14 ཅིའི་ཕྱིར་ཞེ་ན། དད་པ་མེད་པའི་ཁྱོ་ག་དེ་ནི་ཆུང་མའི་རྐྱེན་གྱིས་དམ་པར་གྱུར་པ༌དང༌། དད་པ་མེད་པའི་ཆུང་མ་དེའང་ཁྱོ་གའི་རྐྱེན་གྱིས་དམ་པར་གྱུར་པའི་ཕྱིར༌རོ།། དེ་ལྟར་མིན༌ཚེ། ཁྱོད་ཅག་གི་བུ་ཕྲུག་ནི་གཙང་མ་མིན༌མོད་ཀྱང༌། ད་ལྟ་ཁོ་རྣམས་ནི་དམ་པར་གྱུར༌པའོ།།  
\v 15 འོན་ཀྱང་། དད་པ་མེད་པའི་མི་སུ་ཞིག་རང་གི་བཟའ་ཟླ་དང་ཁ་འབྲལ་འདོད་ན་དེ་ལྟར་བྱེད་པར༌གྱིས། དད་པ་དང་ལྡན་པའི་ཁྱོ་གའམ་ཆུང་མ་སུ་ཞིག་ཡིན༌ཡང༌། དོན་དེ་ལྟ་བུར་ཕྲད་ནའང་རང་དབང་ཡོད་པར༌གྱིས། དཀོན་མཆོག་གིས་བདག་ཅག་འགྲིག་མཐུན་ངང་ནས་འཚོ་ཞིང་གཞེས་པར་ཞལ་འབོད་གནང་བ་ཡིན།  
\v 16 ཁྱོད་ཆུང་མ་རྣམས་ཀྱིས་རང་གི་ཁྱོ་ག་སྐྱོབ་མི་ནུས་པ་ཅི་ལྟར་ཤེས༌སམ། ཁྱོད་ཁྱོ་ག་རྣམས་ཀྱིས་ཀྱང་རང་གི་ཆུང་མ་སྐྱོབ་མི་ནུས་པ་ཅི་ལྟར་ཤེས༌སམ།   
\p
\v 17 དེ་ཡང་གཙོ་བོས་མི་རེ་རེར་གནང་བའི་བགོ་སྐལ་དང་དཀོན་མཆོག་གིས་མི་རེ་རེར་ཞལ་འབོད་གནང་བ་བཞིན་དུ་སྤྱད་པ་སྤྱོད༌ཅིག བདག་གིས་ཀྱང་ཆོས་ཚོགས་ཐམས་ཅད་ལ་དེ་ལྟར་ཁ་བསྒོ་གནང༌བ་ཡིན་ནོ།།  
\v 18 མི་སུ་ཡིན་ཡང་མཚན་སྐྱི་བཅད་རྗེས་ཞལ་འབོད་ཐོབ་པ་ཡིན༌ན། མཚན་སྐྱི་བཅད་པའི་རྟགས་ནི་འདོར་བར་མི༌བྱའོ།། མི་སུ་ཡིན་ཡང་མཚན་སྐྱི་མ་བཅད་པའི་དུས་སུ་ཞལ་འབོད་ཐོབ་པ་ཡིན༌ན། མཚན་སྐྱི་གཅོད་པར་མི༌བྱའོ།།  
\v 19 མཚན་སྐྱི་གཅོད་མིན་གང་ཡང༌རུང༌། དེ་ནི་ཅི་ཡང་མིན༌ཏེ། དཀོན་མཆོག་གི་བཀའ་བསྲུང་བར་བྱ་རྒྱུ་ནི་གལ༌ཆེ་བ་ཡིན།  
\v 20 དོན་དམ་དུ་ཁྱོད་ཅག་མི་རེ་རེ་ནི་ཞལ་འབོད་ཐོབ་པའི་དུས༌སུ་ཅི་འདྲ་ཡིན་ན་དེ་ལྟར་སྡོད་པར༌བྱའོ།།  
\v 21 དད་ལྡན་པ་ཁྱོད་ནི་བྲན་གཡོག་ཡིན་པའི་དུས་སུ་ཞལ་འབོད་ཐོབ་པ་ཡིན༌ན། དེ་ལ་སེམས་ཁུར་བྱ་མི་འོས། གལ༌ཏེ། ཁྱོད་ལ་བྲན་གཡོག་ལས་ཐར་བའི་གོ་སྐབས་བྱུང༌ན། དེ་ནི་ཤིན་ཏུ་ལེགས་སོ།།  
\v 22 ཅིའི་ཕྱིར་ཞེ་ན། སུ་ཡང་བྲན་གཡོག་ཡིན་པའི་དུས་སུ་གཙོ་བོའི་ཞལ་འབོད་ཐོབ་པ་ཡིན༌ན། བྲན་གཡོག་དེ་ནི་གཙོ་བོའི་རང་དབང་ལྡན་པ་ཡིན༌ལ། དེ་ལྟར་སུ་ཡང་རང་དབང་ལྡན་པ་ཡིན་པའི་དུས་སུ་ཞལ་འབོད་ཐོབ་པ་ནི་སྐྱབས་མགོན་མཱ་ཤི་ཀའི་བྲན་གཡོག་ཡིན་པའི་ཕྱིར༌རོ།།  
\v 23 ཁྱོད་ཅག་ནི་རིན་ཆེན་པོ་བཏང་ནས་ཉོས་པ་ཡིན༌པས། འཇིག་རྟེན་གྱི་མིའི་བྲན་གཡོག་ནི་མི༌བྱའོ།།  
\v 24 སྤུན་ཟླ༌རྣམས། ཁྱོད་ཅག་ལ་ཞལ་འབོད་གནང་བའི་དུས༌སུ་རང་རང་ཅི་འདྲ་ཡིན་ན། དཀོན་མཆོག་གི་དྲུང་དུའང་དེ་བཞིན་དུ་སྡོད་པར༌བྱའོ།།   
\p
\v 25 དེ་ཡང་ན་ཆུང་བུ་མོ་རྣམས་ཀྱི་སྐོར་ལ་གཙོ་བོའི་བཀའ་ནི་བདག་ལ་མེད༌ཀྱང༌། ངས་གཙོ་བོའི་ཐུགས་རྗེའི་ངང་རང་ཉིད་ནི་བློ་སེམས་དཀར་བའི་མི་ཡིན་པའི་ཆ༌ནས། རང་གི་བསམ་ཚུལ་ཁྱོད་ཅག་ལ་སྨྲ་བར༌བྱ་སྟེ།  
\v 26 ཅིའི་ཕྱིར་ཞེ་ན། བདག་གིས་ད་ལྟའི་དཀའ་སྡུག་ལ་བལྟས༌ན། མི་སུ་ཞིག་ཡིན་ཡང་རང་གི་རྒྱུན་ལྡན་གྱི་འཚོ་བ་ཅི་འདྲ་ཡིན་པ་དེ་ལྟར་བསྡད་ན་ལེགས་སྙམ།  
\v 27 ཁྱོད་ལ་ཆུང་མ་ཡོད་ན་ཁོ་མོ་དང་བཟའ་ཐོར་མི༌བྱའོ།། ཁྱོད་ལ་ཆུང་མ་མེད་ན་ཆུང་མ་འཚོལ་བར་མི༌བྱའོ།།  
\v 28 གལ༌ཏེ། ཁྱོད་ཀྱིས་ཆུང་མ་བླངས་ན་དེ་ནི་ཉེས་པ་མིན༌ལ། ན་ཆུང་བུ་མོ་བག་མར་སོང་ནའང་ཉེས་པ་མིན། འོན༌ཀྱང༌། གཉེན་བསྒྲིགས་ཟིན་པ་རྣམས་ཀྱིས་མི་ཚེ་འདིར་སྡུག་བསྔལ་མྱང་ངེས༌པས། ངས་ཁྱོད་ཅག་ནི་སྡུག་བསྔལ་དེ་ལས་སྐྱོབ་འདོད༌དོ།།   
\p
\v 29 སྤུན་ཟླ༌རྣམས། བདག་གིས་ཁྱོད་ཅག་ལ་སྨྲ་བར་བྱ༌སྟེ། དུས་ཚོད་ཐུང་ཐུང་ཡིན་པས། ད་ནས༌བཟུང༌སྟེ་ཆུང་མ་ཡོད་པ་རྣམས་ཀྱིས་ཆུང་མ་མེད་པ་ལྟར་བྱེད༌ཅིང༌།  
\v 30 ངུ་མཁན་རྣམས་ཀྱིས་མི་ངུ་བ་ལྟར་བྱེད་པ༌དང༌། དགའ་སྤྲོ་དང་ལྡན་པ་རྣམས་ཀྱིས་དགའ་སྤྲོ་མེད་པ་ལྟར་བྱེད་པ༌དང༌། ཉོ་མཁན་རྣམས་ཀྱིས་ཅི་ཡང་མ་ཐོབ་པ་ལྟར་བྱེད་པ༌དང༌།  
\v 31 འཇིག་རྟེན་གྱི་དངོས་པོ་བཀོལ་མཁན་རྣམས་ཀྱིས་མི་བཀོལ་བ་བཞིན་དུ་བྱེད་པར༌གྱིས། ཅིའི་ཕྱིར་ཞེ་ན། འཇིག་རྟེན་འདིའི་རྣམ་པ་ནི་མེད་པར་འགྱུར་བའི་ཕྱིར༌རོ།།   
\p
\v 32 བདག་གིས་ཁྱོད་རྣམས་ལ་སེམས་ཁུར་ཅི་ཡང་མེད་པར་འདོད༌དེ། ཆུང་མ་མེད་པ་རྣམས་ཀྱིས་གཙོ་བོའི་དོན་ལ་སེམས་ཁུར་བྱེད༌ཅིང༌། དེ་ནི་གཙོ་བོ་ཇི་ལྟར་ཐུགས་དགྱེས་སུ་འཇུག་པར་སེམས་ཁུར་བྱེད༌པ་ཡིན་ནོ།།  
\v 33 ཆུང་མ་ཡོད་པ་རྣམས་ཀྱིས་འཇིག་རྟེན་གྱི་དོན་ལ་སེམས་ཁུར་བྱེད༌ཅིང༌། དེ་ནི་རང་གི་ཆུང་མ་ཇི་ལྟར་དགའ་རུ་འཇུག་པར་སེམས་ཁུར་བྱེད་པས།  
\v 34 ཁོའི་སེམས་ནི་སོ་སོར་གྱེས༌པའོ།། གཉེན་སྒྲིག་མ་བྱས་པའི་བུད་མེད་དང་ན་ཆུང་བུ་མོ་གཉིས་ཀྱིས་གཙོ་བོའི་དོན་ལ་སེམས་ཁུར་བྱེད༌ཅིང༌། དེ་ནི་ལུས་སེམས་གཉིས་ཀ་གཙང་མ་ཡིན་པར་དམིགས༌པ་དང་། གཉེན་སྒྲིག་བྱས་པའི་བུད་མེད་ཀྱིས་འཇིག་རྟེན་གྱི་དོན་ལ་སེམས་ཁུར་བྱེད༌ཅིང༌། དེ་ནི་རང་གི་སྐྱེས་པ་ཇི་ལྟར་དགའ་རུ་འཇུག་པར་སེམས་ཁུར་བྱེད༌པ་ཡིན།  
\v 35 བདག་གིས་དེ་ལྟར་སྨྲས་པ་ནི་ཁྱོད་རྣམས་ལ་ཕན་འདོགས་པའི་ཕྱིར་ཡིན་པ་ལས་ཁྱོད་ཅག་འཆིང་བའི་ཕྱིར་མིན༌ཏེ། ཁྱོད་ཅག་གིས་སྤྱོད་ལམ་བཟང་ཞིང་སེམས་མི་གཡེང་བར་ནན་ཏན་ངང་གཙོ་བོ་ལ་ཞབས་ཕྱི་བསྒྲུབ་དགོས་པའི་ཕྱིར་ཡིན༌ནོ།།   
\p
\v 36 གལ་ཏེ། སུ་ཞིག་གིས་རང་གི་ན་ཆུང་བུ་མོར་ \f + \ft འདིར་རང་གི་ན་ཆུང་བུ་མོ་ཞེས་པར་གཉེན་རྟགས་བརྒྱབ་པའི་བུད་མེད་ཅེས་བསྒྱུར་ཡང་རུང་། \f*ལྟ་ཚུལ་མི་འོས་པ་བཟུང་ཡོད་པར་འདོད་ཅིང༌། བུ་མོ་དེའང་ན་ཚོད་ལས་བརྒལ་ཚེ། གཉེན་སྒྲིག་བྱེད་དུ་འཇུག་འདོད་ན་དེ་ལྟར་བྱས་ཀྱང་ཉེས་པ་མེད༌པས། ཁོ་གཉིས་གཉེན་སྒྲིག་བྱེད་དུ་བཅུག་ན་ལེགས།  
\v 37 གལ༌ཏེ། མི་སུ་ཞིག་གི་བསམ་པ་བརྟན་ཅིང་བསྒྲུབ་དགོས་པའི་དོན་གཞན་མེད་པ༌དང༌། རང་གི་སེམས་ལ་རང་དབང་ཡོད༌ཅིང་། བུ་མོ་དེ་མནའ་མ་མི་སྟེར་བའི་སེམས་ཐག་བཅད་ན་དེ་ལྟར་བྱས་ཀྱང་ལེགས།  
\v 38 དེ་ལྟར་ཡིན་ན། རང་གི་ན་ཆུང་བུ་མོ་མནའ་མར་སྟེར་བ་ནི་བཟང༌ཡང༌། མ་བྱིན་ན་ལྷག་ཏུ་བཟང༌ངོ༌།།   
\p
\v 39 དེ་ཡང་ཁྱོ་ག་གསོན་པའི་དུས་སུ་ཆུང་མ་ལ་ཚོད་འཛིན་ཐེབས་ཡོད༌ཀྱང༌། ཁྱོ་ག་ཤི་བར་གྱུར་ན། ཆུང་མར་གཙོ་བོ་ནང་གི་མི་དང་གཉེན་སྒྲིག་བྱེད་པའི་རང་དབང་ཡོད།  
\v 40 འོན༌ཀྱང༌། བདག་གི་བསམ་ཚུལ་ནི། ཁོ་མོ་ནི་ནམ་རྒྱུན་ལྟར་བསྡད་ན་ལྷག་ཏུ་བདེ༌ཞིང༌། ངས་རང་ཉིད་ཀྱི་སེམས་སུ་དཀོན་མཆོག་གི་དམ་པའི་ཐུགས་ཉིད་ཡོད་པར་བསམས༌སོ།།   
\c 8
\cl ལེའུ་བརྒྱད༌པ། 
\toc1 ༄༅། །ཀོ་རིན་ཐུ་པ་རྣམས་ལ་སྤྲིངས་པའི་འཕྲིན་ཡིག་དང་པོ། 
\toc2 ཀོ་རིན་ཐུ་པ་དང་པོ། 
\s1 མཆོད༌རྫས་ཀྱི་སྐོར།  
\p
\v 1 དེ་ཡང་སྐུ་འདྲ་ལ་ཕུལ་བའི་མཆོད་རྫས་སྐོར་སྨྲས་ན། བདག་ཅག་ཐམས་ཅད་ལ་ཤེས་བྱ་ངེས་ཅན་ཞིག་ཡོད་པ་དེ་བདག་ཅག་གིས་ཤེས་སོ།། འོན༌ཀྱང༌། ཤེས་བྱ་ཡིས་ང་རྒྱལ་སྐྱེ་རུ་འཇུག༌ཅིང༌། བྱམས་པ་ཡིས་མི་སྐྱེད་བསྲིང་བྱེད༌པ་ཡིན།  
\v 2 མི་ཞིག་གིས་རང་ཉིད་ནི་ཤེས་མཁན་ཞིག་ཡིན་སྙམ༌ན། ཁོས་ཤེས་དགོས་པ་ལྟར་ད་དུང་ཅི་ཡང་མི་ཤེས།  
\v 3 མི་ཞིག་གིས་དཀོན་མཆོག་ལ་གཅེས་པར་བྱེད༌ན། དཀོན་མཆོག་གིས་མི་དེ་ཉིད་མཁྱེན༌ཏོ།།   
\p
\v 4 ད་ལྟ་སྐུ་འདྲ་ལ་ཕུལ་བའི་མཆོད་རྫས་བཟའ་བའི་སྐོར་བརྗོད༌ན། འཇིག་རྟེན་འདིའི་སྐུ་འདྲ་ལ་སྙིང་པོ་ཅི་ཡང་མེད་པ༌དང༌། དཀོན་མཆོག་གཅིག་རང་ལས་གཞན་མེད་པ་བདག་ཅག་གིས་ཤེས༌སོ།།  
\v 5 ཅིའི་ཕྱིར་ཞེ་ན། གནམ་ས་གཉིས་སུ་ལྷ་བྱ་བ་ཞིག་ཡོད་ཟེར་ཀྱང་། ལྷ་མང་པོ་དང་གཞི་བདག་མང་པོ་ཡོད༌པའི་དབང་དུ་བཏང་ནའང༌།  
\v 6 བདག་ཅག་ལ་དཀོན་མཆོག་གཅིག་རང་ཡོད་པ་ནི་ཡབ་ལགས༌ཏེ། འཇིག་རྟེན་གྱི་དངོས་པོ་ཐམས་ཅད་ནི་ཁོང་ནས་བྱུང་ཞིང་། བདག་ཅག་ཀྱང་ཁོང་གི་ཆེད་དུ་གནས་པ་ཡིན། བདག་ཅག་ལ་གཙོ་བོ་གཅིག་རང་ཡོད་པ་ནི་ཡེ་ཤུ་མཱ་ཤི་ཀ་ཡིན༌ཏེ། དངོས་པོ་ཐམས་ཅད་ནི་ཡེ་ཤུ་མཱ་ཤི་ཀ་བརྒྱུད་ནས་བྱུང་བ་དང་། བདག་ཅག་ཀྱང་ཁོང་ལ་བརྟེན་ནས་གནས་པ་ཡིན་ནོ།།   
\p
\v 7 འོན༌ཀྱང༌། མི་ཐམས་ཅད་ལ་ཤེས་བྱ་འདི་ཡོད་པ་མིན༌ཏེ། མི་ལ་ལ་ནི་ད་ལྟའི་བར་དུ་སྐུ་འདྲ་ལ་དད་གུས་བྱས་ནས་གོམས་ཡོད༌པས། ཁོ་རྣམས་ཀྱིས་ཟོས་པ་ནི་སྐུ་འདྲ་ལ་ཕུལ་བའི་མཆོད་རྫས་ཡིན་པར་འདོད༌དེ། ཁོ་རྣམས་ཀྱི་སེམས་ཉམས་པ་དང་རང་ཉིད་ཀྱང་མི་གཙང་བར་གྱུར་པ་རེད་སྙམ།  
\v 8 དོན་དམ་དུ་ཟས་ལ་བརྟེན་ནས་བདག་ཅག་དཀོན་མཆོག་གི་ཐུགས་སུ་འཛིན་པ་མིན༌ཏེ། བདག་ཅག་གིས་ཟས་མ་ཟོས་ཀྱང་གནོད་པ་མེད་ལ་ཟོས་ནའང་ཕན་ཐོགས་མེད་པའི་ཕྱིར༌རོ།།   
\p
\v 9 འོན༌ཀྱང༌། ཁྱོད་ཅག་གི་རང་དབང་འདི་དད་པ་བརྟན་པོ་མེད་པ་རྣམས་ལ་བཀག་རྡོ་རུ་མི་འགྱུར་བའི་ཕྱིར་གཟབ་གཟབ༌གྱིས།  
\v 10 གལ་ཏེ། དད་པ་མི་བརྟན་པ་ཞིག་གིས་ཤེས་བྱ་དེ་ལྟ་བུ་ལྡན་མཁན་ཁྱོད་ཀྱིས་ལྷ་ཁང་ནས་མཆོད་རྫས་ཟ་བཞིན་ཡོད་པ་མཐོང༌ཞིང་མི་དེའི་སེམས་ཉམས་ཞན་ཡིན་ཚེ། ཁོས་སྙིང་སྟོབས་བསྐྱེད་ནས་སྐུ་འདྲ་ལ་ཕུལ་བའི་མཆོད་རྫས་བཟའ་བ་མ་ཡིན་ནམ།  
\v 11 དེ་བས་ཁྱོད་ཀྱི་ཤེས་བྱའི་དབང་གིས་དད་པ་མི་བརྟན་པའི་སྤུན་ཟླ་དེ་འཇིག་པར་བྱས་པ༌དང༌། སྐྱབས་མགོན་མཱ་ཤི་ཀ་ནི་ཁོའི་དོན་དུ་སྐུ་གྲོངས་པ་ཡིན།  
\v 12 ཁྱོད་ཀྱིས་དེ་ལྟར་སྤུན་ཟླ་རྣམས་ལ་འགལ་བའི་སྡིག་པ་བྱེད་ཅིང༌། ཁོ་རྣམས་ཀྱི་ཉམས་ཞན་དུ་གྱུར་པའི་སེམས་ལ་གནོད་པ་བསྐྱལ༌ན། སྐྱབས་མགོན་མཱ་ཤི་ཀ་ལ་འགལ་བའི་སྡིག་པའང་བྱས༌པ་ཡིན།  
\v 13 དེའི༌ཕྱིར། ཁ་ཟས་ཀྱིས་བདག་གི་སྤུན་ཟླ་སར་འགྱེལ་དུ་འཇུག༌ན། ངས་རང་གི་སྤུན་ཟླ་སར་འགྱེལ་དུ་མི་འཇུག་པའི་ཕྱིར་ནམ་ཡང་ཤ་མི༌ཟའོ།།   
\c 9
\cl ལེའུ་དགུ༌པ། 
\toc1 ༄༅། །ཀོ་རིན་ཐུ་པ་རྣམས་ལ་སྤྲིངས་པའི་འཕྲིན་ཡིག་དང་པོ། 
\toc2 ཀོ་རིན་ཐུ་པ་དང་པོ། 
\s1 སྐུ་ཚབ་པའི་དབང་ཆ་དང་ལས་འགན༌གྱི་སྐོར།  
\p
\v 1 བདག་ལ་རང་དབང་ཡོད་པ་མིན༌ནམ། བདག་ནི་སྐུ་ཚབ་པ་མ་ཡིན༌ནམ། བདག་ནི་བདག་ཅག་གི་གཙོ་བོ་ཡེ་ཤུར་མཇལ་མྱོང་བ་མིན༌ནམ། ཁྱོད་ཅག་ནི་གཙོ་བོའི་ནང་དུ་ང་ཡི་ལེགས་པར་བཅོས་པ་མ་ཡིན་ནམ།  
\v 2 མི་གཞན་ལ་མཚོན་ན་བདག་ནི་སྐུ་ཚབ་པ་མིན༌ནའང༌། ཁྱོད་ཅག་ལ་མཚོན་ན་བདག་ནི་སྐུ་ཚབ་པ་ཡིན་ཏེ། ཁྱོད་ཅག་ནི་གཙོ་བོའི་ནང་དུ་ང་རང་སྐུ་ཚབ་པ་ཡིན་པའི་དཔང་རྟགས་ཡིན༌ནོ།།   
\p
\v 3 ངས་རང་ལ་འདྲི་རྩད་བྱེད་པའི་མི་རྣམས་ལ་འདི་ལྟར་དག་འབུད་བྱེད་པ༌སྟེ།  
\v 4 ངེད་ཅག་ལ་བཟའ་བཏུང་སྤྱོད་པའི་དབང་ཆ་ཡོད་པ་མིན༌ནམ།  
\v 5 ངེད་ཅག་ལ་སྐུ་ཚབ་པ་གཞན་དག་དང་གཙོ་བོའི་སྤུན་ཟླ་རྣམས། ཀེ་ཕཱ་བཅས་དང་འདྲ་བར་དད་ལྡན་ཆུང་མ་ཁྲིད་ནས་མཉམ་དུ་འགྲོ་བའི་དབང་ཆ་ཡོད་པ་མིན༌ནམ།  
\v 6 བདག་དང་པཱར་ན་པཱ་ཁོ་ནར་ངལ་རྩོལ་མི་བྱེད་པའི་དབང་ཆ་མེད་པ་ཡིན༌ནམ།   
\p
\v 7 སུ་ཞིག་དམག་ལ་ཞུགས་ཤིང་འགྲོ་སོང་རང་གིས་གཏོང༌ངམ། སུ་ཞིག་གིས་རྒུན་ཚལ་བཙུགས་ཀྱང་འབྲས་བུ་མི༌ཟའམ། སུ་ཞིག་གིས་ཕྱུགས་ཁྱུ་འཚོས་ཀྱང་དེའི་འོ་མ་མི་འཐུང༌ངམ།  
\v 8 བདག་གིས་དེ་ལྟར་སྨྲས་པ་ནི་མིའི་བསམ་ཚུལ་བཞིན་སྨྲས་པ་ཡིན༌ནམ། བཀའ་ཁྲིམས་ལས་ཀྱང་དེ་ལྟར་གསུངས་པ་མིན༌ནམ།  
\v 9 མོ་ཤེའི་བཀའ་ཁྲིམས་ལས་ཇི་སྐད༌དུ།  
\q1 གཡུལ་ཁ་གཅོག་པའི་དུས༌སུ། །  
\q1 བ་གླང་མཆུ་ཏོ་མ༌སྡོམ། །  
\m ཞེས་བཀོད་པའི་དཔེ་དེ༌ལས། དཀོན་མཆོག་གིས་བ་གླང་ལ་ཐུགས་ཁུར་མཛད་པ་ཡིན༌ནམ།  
\v 10 དེ་ཐམས་ཅད་ནི་བདག་ཅག་གི་དོན་དུ་གསུངས་པ་མ་ཡིན་ནམ་ཞེ་ན་ཡིན་ཏེ། ཞིང་རྨོ་མཁན་དང་གཡུལ་གཅོག་མཁན་གྱིས་ལོ་ཏོག་གི་སྐལ་འཐོབ་པར་རེ་བ་བཅངས་ནས་ཞིང་རྨོ་བ་དང་གཡུལ་གཅོག་པའི་ཕྱིར༌རོ།།  
\v 11 དེ་བཞིན་དུ་ངེད་ཅག་གིས་ཐུགས་ཉིད་དང་ལྡན་པའི་ས་བོན་དེ་ཁྱོད་ཅག་གི་སེམས་སུ་བཏབ༌ཅིང༌། ཁྱོད་ཅག་ལས་འཇིག་རྟེན་གྱི་རྒྱུ་ནོར་བསྡུས་པ་དེ་ནི་དོན་ཆེན་ཞིག་མ་ཡིན།  
\v 12 མི་གཞན་ལ་ཁྱོད་རྣམས་ལས་འཇིག་རྟེན་གྱི་རྒྱུ་ནོར་འཐོབ་པའི་དབང་ཆ་ཡོད༌ན། ངེད་ཅག་ལ་དབང་ཆ་དེ་ལྟ་བུ་ནི་ལྷག་པར་ཡོད། འོན༌ཀྱང༌། ངེད་ཅག་གིས་དབང་ཆ་དེ་ནི་བཀོལ་མ་མྱོང༌སྟེ། སྐྱབས་མགོན་མཱ་ཤི་ཀའི་འཕྲིན་བཟང་སྒྲོག་པར་བར་ཆད་མི་བཟོ་བའི༌ཕྱིར། ངེད་ཅག་གིས་དོན་ཀུན་ལའང་བཟོད་བསྲན་བྱས་སོ༎  
\v 13 དེ་ཡང་མཆོད་ཁང་གི་གཉེར་པས་མཆོད་རྫས་ཟས་སུ་བྱེད་པ༌དང༌། མཆོད་རྫས་འབུལ་མཁན་ལ་མཆོད་ཁྲི་ནས་བགོ་སྐལ་འཐོབ་པ་ནི་ཁྱོད་རྣམས་ཀྱིས་མི་ཤེས༌སམ།  
\v 14 དེ་བཞིན་དུ་གཙོ་བོས་ཀྱང་འཕྲིན་བཟང་སྒྲོག་མཁན་རྣམས་ནི་འཕྲིན་བཟང་སྒྲོག་པའི་ལས་ལ་བརྟེན་ནས་འཚོ་དགོས་པའི་བཀའ་གནང༌ངོ༌།།   
\p
\v 15 འོན༌ཀྱང༌། བདག་གིས་དབང་ཆ་དེ་དག་བཀོལ་མ་མྱོང༌། ཁྱོད་རྣམས་ཀྱིས་བདག་ལ་དེ་ལྟར་བྱེད་པའི༌ཕྱིར། ངས་དོན་དེ་རྣམས་བྲིས་པ་མིན༌ཏེ། བདག་གིས་བསྔགས་པའི་དོན་དེ་མི་གཞན་གྱིས་སྟོང་བར་བྱེད་པ༌ལས། ང་རང་འཆི་བར་གྱུར་ན་ལེགས་པས༌སོ།།  
\v 16 འོན༌ཀྱང༌། བདག་གིས་འཕྲིན་བཟང་སྒྲོག་ན་ང་ལ་ངོམ་པའི་རྒྱུ་མེད༌དེ། བདག་ནི་དེ་ལྟར་མི་བྱེད་ཐབས་མེད་ཡིན། བདག་གིས་འཕྲིན་བཟང་མ་བསྒྲགས་ན་བདག་ལ་ཆག་སྒོ་འབྱུང་ངེས༌ཡིན།  
\v 17 ང་རང་འཕྲིན་བཟང་སྒྲོག་པར་འཐད་པ་བྱུང༌ན་བདག་ལ་བྱ་དགའ་འཐོབ་སྲིད༌ཅིང༌། ང་རང་དོན་དེར་འཐད་པ་མ་བྱུང༌ཡང་ལས་འགན་བདག་ལ་བཅོལ༌ཟིན་པ་ཡིན།  
\v 18 དེའི༌ཕྱིར། བདག་གི་བྱ་དགའ་ནི་ཅི་ཡིན་ཞེ༌ན། ངས་འཕྲིན་བཟང་སྒྲོག་པའི་དུས༌སུ། འཕྲིན་བཟང་སྒྲོག་པའི་དབང་ཆ་དེ་ཉིད་མི་ཟད་པའི༌ཕྱིར། རིན་མེད་པར་མི་རྣམས་ལ་འཕྲིན་བཟང་འཐོབ་པར་བྱེད་པ༌དེའོ།།   
\p
\v 19 བདག་ལ་རང་དབང་ཡོད་ཅིང་མི་གཞན་གྱི་མངའ་འོག་ཏུ་མེད༌མོད། འོན་ཀྱང་མི་མང་པོའི་སེམས་འགུག་པའི༌ཕྱིར། བདག་ནི་དགའ་བའི་ངང་མི་རྣམས་ཀྱི་གཡོག་པོར་གྱུར་པ༌དང་།  
\v 20 ཡ་ཧུ་དཱ་པ་རྣམས་ཀྱི་སེམས་འགུག་པའི༌ཕྱིར། བདག་གིས་ཡ་ཧུ་དཱ་པ་དང་འདྲ་བར་བྱས༌ཤིང་། བཀའ་ཁྲིམས་ཀྱི་འོག་ཏུ་ཡོད་པ་རྣམས་ཀྱི་སེམས་འགུག་པའི༌ཕྱིར། བདག་ནི་བཀའ་ཁྲིམས་འོག་ཏུ་མེད་ཀྱང་བཀའ་ཁྲིམས་འོག་ཏུ་ཡོད་པ་ལྟར་བྱས༌པ་དང་།  
\v 21 བཀའ་ཁྲིམས་མེད་པ་རྣམས་ཀྱི་སེམས་འགུག་པའི༌ཕྱིར། བདག་གིས་བཀའ་ཁྲིམས་མེད་པའི་མི་ལྟར་བྱས༌པ་ཡིན། དོན་དམ་དུ་བདག་ནི་དཀོན་མཆོག་གི་བཀའ་ཁྲིམས་མེད་པ་མིན༌ཏེ། སྐྱབས་མགོན་མཱ་ཤི་ཀའི་བཀའ་ཁྲིམས་འོག་ཏུ་གནས༌པ་ཡིན།  
\v 22 ཉམ་ཆུང་རྣམས་ཀྱི་སེམས་འགུག་པའི༌ཕྱིར། བདག་གིས་ཉམ་ཆུང་ལྟར་བྱས་སོ།། ཐབས་སྣ་ཚོགས་ཀྱི་སྒོ་ནས་མི་ཁ་ཤས་སྐྱོབ་པའི༌ཕྱིར། བདག་གིས་མི་གང་དང་ཅི་ལྟ་བུ་ཡིན་པ་དེ་བཞིན་དུ་བྱས༌པ་ཡིན།  
\v 23 བདག་གིས་ལས་བྱེད་པ་ཐམས་ཅད་ནི་འཕྲིན་བཟང་གི་རྐྱེན༌དང༌། མི་གཞན་རྣམས་དང་མཉམ་དུ་འཕྲིན་བཟང་གི་དགེ་མཚན་འཐོབ་པའི་ཕྱིར་ཡིན༌ནོ།།   
\p
\v 24 དེ་ཡང་རྒྱུགས་ར་ནས་འགྲན་རྒྱུག་བྱེད་མཁན་ཐམས་ཅད་བརྒྱུགས༌ནའང༌། བྱ་དགའ་འཐོབ་མཁན་ནི་གཅིག་ཁོ་ན་ཡིན་པ་ཁྱོད་ཅག་གིས་མི་ཤེས༌སམ། ཁྱོད་རྣམས་ཀྱང་བྱ་དགའ་འཐོབ་པའི་ཕྱིར་དེ་ལྟར་རྒྱུགས༌ཤིག  
\v 25 འགྲན་སྡུར་ལ་ཞུགས་མཁན་ཐམས་ཅད་ཀྱིས་རྒྱལ་ཁ་ལེན་པའི༌ཕྱིར། བྱ་བ་ཀུན་ལ་རང་ཚོད་ཟིན་པར་བྱེད༌ཅིང༌། དེ་རྣམས་ཀྱིས་འཇིག་པར་འགྱུར་བའི་ཅོད་པན་འཐོབ་པའི་ཕྱིར་དེ་ལྟར་བྱེད༌མོད། འོན་ཀྱང་བདག་ཅག་གིས་འཇིག་པ་མེད་པའི་ཅོད་པན་འཐོབ་ཕྱིར་དེ་ལྟར་བྱེད༌པ་ཡིན་ནོ།།  
\v 26 དེའི༌ཕྱིར། ང་རང་རྒྱུགས་པ་ལ་དམིགས་འབེན་མེད་པ་མིན༌ཞིང༌། ཁུ་ཚུར་གྱིས་རྒྱག་པའང་བར་སྣང་ལ་རྒྱག་པ་ལྟར་མིན༌ཏེ།  
\v 27 བདག་གི་ལུས་པོ་རང་ལ་བསྟུན་པའི༌ཕྱིར། རང་གིས་རང་ཉིད་འདུལ་བར་བྱེད། དེ་ནི་བདག་གིས་མི་གཞན་རྣམས་ལ་འཕྲིན་བཟང་བསྒྲགས་རྗེས་རང་ཉིད་མི་འདོར་བའི་ཕྱིར་ལགས༌སོ།།   
\c 10
\cl ལེའུ་བཅུ༌པ། 
\toc1 ༄༅། །ཀོ་རིན་ཐུ་པ་རྣམས་ལ་སྤྲིངས་པའི་འཕྲིན་ཡིག་དང་པོ། 
\toc2 ཀོ་རིན་ཐུ་པ་དང་པོ། 
\s1 ཡེས་ར་ཨེལ་གྱི་ལོ་རྒྱུས་དྲངས་ནས་ཉེན་བརྡ་གཏོང་བ།  
\p
\v 1 སྤུན་ཟླ༌རྣམས། བདག་གིས་ཁྱོད་རྣམས་ལ་ཤེས་སུ་འཇུག་འདོད་པ་ནི། སྔོན་ཆད་བདག་ཅག་གི་ཕ་མེས་ཡང་མེས་ཐམས་ཅད་སྤྲིན་འོག་ཏུ་གནས་ཤིང་ཐམས་ཅད་རྒྱ་མཚོ་བརྒྱུད་ནས་སོང་སྟེ།  
\v 2 ཐམས་ཅད་སྤྲིན་དང་རྒྱ་མཚོ་བརྒྱུད་ནས་ཁྲུས་གསོལ་ལ་ཞུགས་ཤིང་མོ་ཤེ་ལ་གཏོགས་པར་གྱུར་པ་དང་།  
\v 3 ཡང་ཐམས་ཅད་ཀྱིས་ཐུགས་ཉིད་ཀྱི་ཁ་ཟས་གཅིག་མཚུངས་ཟོས༌ཤིང༌།  
\v 4 ཡང་ཐམས་ཅད་ཀྱིས་ཐུགས་ཉིད་ཀྱི་བཏུང་བྱ་གཅིག་མཚུངས་བཏུངས་མྱོང༌བ་ཡིན། ཐུགས་ཉིད་ཀྱི་བཏུང་བྱ་དེ་ནི་ཁོ་རྣམས་དང་ལྷན་དུ་བྱོན་པའི་ཐུགས་ཉིད་ཀྱི་བྲག་རྡོ་ལས་བྱུང་བ་ཡིན༌ཏེ། བྲག་རྡོ་དེ་ནི་སྐྱབས་མགོན་མཱ་ཤི་ཀ་ལགས་སོ།།  
\v 5 འོན༌ཀྱང༌། ཕ་མེས་ཡང་མེས་ཁྲོད་ཀྱི་མི་མང་ཤོས་ལ་དཀོན་མཆོག་ཐུགས་མ་དགྱེས་པས་དེ་དག་གི་བེམ་པོ་དབེན་སྟོང་དུ་བསྐྱུར་བ་ཡིན་ནོ།།   
\p
\v 6 དོན་དེ་དག་ནི་བདག་ཅག་གི་ཕྱི་འདོམས་ཀྱི་མེ་ལོང་ཡིན༌ཏེ། བདག་ཅག་གིས་འདོད་ངན་མི་བྱེད་པའི༌ཕྱིར། ཁོ་རྣམས་ཀྱིས་འདོད་ངན་བྱེད་པ་བཞིན་བྱ་མི་རུང་ངོ༌།།  
\v 7 མི་དེ་དག་ལས་འགའ་ཞིག་གིས་སྐུ་འདྲར་བརྟེན་པ༌བཞིན། ཁྱོད་ཅག་གིས་སྐུ་འདྲར་བརྟེན་མི་རུང་། དེ་ལ་གསུང་རབ་ཀྱི་མདོ་ལས་ཇི་སྐད༌དུ།  
\q1 འབངས་རྣམས་བཟའ་བཏུང་རོལ་ཕྱིར༌བསྡད།།  
\q1 རྩེད་མོར་གཡེང་ཕྱིར་ཡར་ལངས༌སོ།།  
\m ཞེས་བཀོད་པ་བཞིན༌ཡིན།  
\v 8 མི་དེ་རྣམས་ལས་ཁ་ཤས་ཀྱིས་ལོག་གཡེམ་བྱས་པས་ཉིན་གཅིག་ལ་མི་ཉིས་ཁྲི་སུམ་སྟོང་ཤི་བ༌བཞིན། བདག་ཅག་གིས་ལོག་གཡེམ་མི༌བྱའོ།།  
\v 9 ཡང་མི་ཁ་ཤས་ཀྱིས་གཙོ་བོ་ལ་ཚོད་བགམ་བྱས་པས་དེ་རྣམས་དུག་སྦྲུལ་དག་གིས་བསད་པ༌བཞིན། བདག་ཅག་གིས་ཁོང་ལ་ཚོད་བགམ་མི༌བྱའོ།།  
\v 10 ཡང་མི་འགའ་ཞིག་གིས་འཁང་ར་བྱས་པས་ཁོ་རྣམས་སྲོག་གཅོད་མཁན་གྱིས་བསད་པ༌བཞིན། བདག་ཅག་གིས་འཁང་ར་མི༌བྱའོ།།   
\p
\v 11 དོན་དམ་དུ་མི་དེ་རྣམས་ཕྲད་པའི་དོན་འདི་དག་ནི་བདག་ཅག་གི་ཕྱི་འདོམས་ཀྱི་མེ་ལོང་ཡིན༌ཏེ། གསུང་རབ་ཀྱི་ནང་དུ་བཀོད་ཅིང་བདག་ཅག་ལ་བསྐལ་པའི་མཐའ་མ་དེ་སླེབས་པར་ཉེན་བརྡ་བརྒྱབ་པའང་ཡིན་ནོ།།  
\v 12 དེའི༌ཕྱིར། སུ་ཞིག་གིས་རང་ཉིད་ཀྱི་དད་པ་བརྟན་པོ་ཡིན་སྙམ༌ན། རང་ཉིད་སྡིག་པའི་ནང་དུ་མི་ལྷུང་བའི་ཕྱིར་གཟབ་གཟབ་བྱ་དགོས།  
\v 13 ཁྱོད་ཅག་ལ་ཐེབས་པའི་ཉམས་ཚོད་ནི་མི་གཞན་རྣམས་ལའང་ཐེབས་མྱོང༌བ་ཡིན། དཀོན་མཆོག་ནི་ཡིད་རྟོན་རུང་བ་ཡིན༌ཏེ། ཁྱོད་རྣམས་ལ་བཟོད་བསྲན་བྱ་མི་ནུས་པའི་ཉམས་ཚོད་ཐེབས་སུ་མི་འཇུག ཉམས་ཚོད་ཐེབས་པའི་དུས༌སུ། ཁྱོད་ཅག་གིས་བཟོད་བསྲན་བྱེད་ཐུབ་པའི༌ཕྱིར། ཁྱོད་རྣམས་ལ་ཐར་པའི་ལམ་ཞིག་གནང་ངེས༌སོ།།   
\s1 གཙོ་བོ་ཡེ་ཤུའི་རྗེས་དྲན་གྱི་ཞལ་ཟས་དང་མཆོད༌རྫས།  
\p
\v 14 དེ་བས་ན། བདག་གི་སྙིང་ཉེ་བའི་སྤུན་ཟླ༌རྣམས། ཁྱོད་ཅག་གིས་སྐུ་འདྲ་ལ་ཅི་ནས་ཀྱང་མ་བརྟེན༌ཅིག  
\v 15 བདག་གིས་ཤེས་རབ་ཅན་རྣམས་ལ་དོན་འདི་སྨྲས་པ་ཡིན༌ཏེ། ཁྱོད་རྣམས་ཀྱིས་བདག་གི་གཏམ་ལ་ལེགས་ཉེས་འབྱེད་པར༌གྱིས།  
\v 16 བདག་ཅག་གིས་བཀའ་དྲིན་ཞུས་པའི་ཕོར་བ་ནི་སྐྱབས་མགོན་མཱ་ཤི་ཀའི་སྐུ་ཁྲག་ལྷན་དུ་འཐུང་བ་མ་ཡིན་ནམ། བདག་ཅག་གིས་བག་ལེབ་དུམ་བུར་བགོས་པ་ནི་སྐྱབས་མགོན་མཱ་ཤི་ཀའི་སྐུ་ལུས་མཉམ་དུ་དང་ལེན་བྱེད་པ་མ་ཡིན་ནམ།  
\v 17 བདག་ཅག་གི་མི་གྲངས་ཇི་འདྲ་མང་ཡང་བག་ལེབ་གཅིག་ཡོད༌པས། བདག་ཅག་ནི་སྐུ་ལུས་གཅིག་ཡིན༌ཏེ། བདག་ཅག་ཡོངས་ལ་བག་ལེབ་དེ་དུམ་བུར་བགོས་ནས་ཐོབ༌པ་ཡིན་ནོ།།  
\v 18 ཁྱོད་རྣམས་ཀྱིས་ཡེས་ར་ཨེལ་པ་རྣམས་ལ་ལྟོས་དང་། མཆོད་རྫས་ཟ༌མཁན་དེ་རྣམས་མཆོད་ཁྲི་ནས་བགོ་སྐལ་འཐོབ་མཁན་མ་ཡིན༌ནམ།  
\v 19 བདག་གིས་འདི་ལྟར་སྨྲས་པའི་དོན་ཅི་ཡིན་ཟེར༌ན། སྐུ་འདྲར་ཕུལ་བའི་མཆོད་རྫས་ལ་སྙིང་པོ་ལྡན༌ནམ། ཡང་ན་སྐུ་འདྲ་དེ་ལ་སྙིང་པོ་ཡོད་དམ་ཞེ་ན་མེད༌པ་ཡིན།  
\v 20 བདག་གིས་འདི་ལྟར་སྨྲ་བ་ནི། ཕྱི་ཕྱོགས་པ་རྣམས་ཀྱིས་དཀོན་མཆོག་ལ་མཆོད་པ་ཕུལ་བ་མ་ཡིན༌པར། གདོན་འདྲེ་ལ་མཆོད་པ་ཡིན། ཁྱོད་རྣམས་གདོན་འདྲེ་དང་འབྲེལ་བ་བྱེད་པར་ང་རང་མི༌དགའོ།།  
\v 21 ཁྱོད་རྣམས་ཀྱིས་གཙོ་བོའི་ཕོར་བ་དང་གདོན་འདྲེའི་ཕོར་བ་གཉིས་ཀ་ལས་འཐུང་མི་རུང༌ལ། གཙོ་བོའི་ཞལ་ཟས་དང་གདོན་འདྲེའི་ཁ་ཟས་གཉིས་ཀ་མཉམ་དུ་ཟ་མི་རུང༌།  
\v 22 བདག་ཅག་གིས་གཙོ་བོ་ལ་ཕྲག་དོག་སློང་བར་མི་འགྱུར་རམ། བདག་ཅག་ཁོང་ལས་ཀྱང་མཐུ་སྟོབས་ཆེའམ་ཞེ་ན་མི་ཆེའོ།།   
\s1 དད་ལྡན་གྱི་རང་དབང༌སྐོར།  
\p
\v 23 ལས་ཅི་ཡང་བྱེད་རུང་ཟེར་ཡང་། ལས་ཐམས་ཅད་ལ་ཕན་ཐོགས་ཡོད་པ་མིན། ལས་ཅི་ཡང་བྱེད་རུང་ཟེར་ཡང་། ལས་ཐམས་ཅད་ཀྱིས་མི་གསོ་སྐྱོང་བྱེད་པ་མིན་ནོ།།  
\v 24 མི་སུ་ཡིན་ཡང་རང་གི་ཁེ་ཕན་མི་སེམས་པར་མི་གཞན་གྱི་ཁེ་ཕན་བསམ་དགོས།  
\v 25 ཤ་བཙོང་བའི་ཁྲོམ་ར་ནས་ཉོས་པ་ཐམས་ཅད་བཟའ་རུང༌བ་ཡིན། དེ་ལ་སེམས་ཀྱི་རྐྱེན་གྱིས་དོན་ཅི་ཡང་འདྲི་བར་མི༌བྱེད་དོ།།  
\v 26 ཅིའི་ཕྱིར་ཞེ་ན། ཇི་སྐད༌དུ། ས་གཞི་དང་ནི་སྣོད་བཅུད་མ་ལུས་པ་ཐམས་ཅད་གཙོ་བོ་ལ་དབང་བ་ཡིན་ཞེས་གསུངས་ཡོད་པའི་ཕྱིར༌རོ།།  
\v 27 གལ༌ཏེ། དད་པ་མེད་པ་ཞིག་གིས་ཁྱོད་ཅག་མགྲོན་དུ་བོས་པ༌དང༌། ཁྱོད་རྣམས་ཀྱང་མགྲོན་ལ་འགྲོ་འདོད་པ་ཡིན༌ན། ཁྱོད་ཅག་གིས་རང་གི་མདུན་དུ་བཤམས་པ་ཐམས་ཅད་བཟའ་རུང༌། དེ་ལ་སེམས་ཀྱི་རྐྱེན་གྱིས་དོན་ཅི་ཡང་འདྲི་བར་མི༌བྱའོ།།  
\v 28 གལ༌ཏེ། མི་ཞིག་གིས་ཁྱོད་རྣམས་ལ་འདི་ནི་མཆོད་པར་ཕུལ་བའི་མཆོད་རྫས་ཡིན་ཟེར༌ན། དེ་ལྟར་སྨྲ་མཁན་དང་དེའི་སེམས་ཀྱི་ཕྱིར་བཟའ་བར་མི༌བྱའོ།།  
\v 29 བདག་གིས་སེམས་ཞེས་སྨྲས་པ་ནི་ཁྱོད་ཅག་གི་ཆེད་དུ་མ་ཡིན་པར་མི་གཞན་གྱི་ཕྱིར་ཡིན། ཅིའི་ཕྱིར་བདག་གི་རང་དབང་འདི་ལ་མི་གཞན་གྱི་སེམས་ཀྱིས་ཚོད་འཛིན་བྱེད༌དམ།  
\v 30 གལ༌ཏེ། བདག་གིས་དཀོན་མཆོག་ལ་བཀའ་དྲིན་ཞུས་རྗེས་མཆོད་རྫས་ཟོས་པར་གྱུར༌ན། ཅིའི་ཕྱིར་མི་གཞན་གྱིས་བདག་ལ་སྡིགས་དམོད་བྱེད་པ་ཡིན༌ནམ།  
\v 31 དེའི༌ཕྱིར། ཁྱོད་རྣམས་ཀྱིས་བཟའ་བཏུང་ངམ་ལས་གང་ཞིག་བྱེད་ཀྱང་དཀོན་མཆོག་ལ་བསྟོད་བསྔགས་བརྗོད་པའི་ཕྱིར་བསྒྲུབ་པར༌བྱའོ།།  
\v 32 ཡ་ཧུ་དཱ་པའམ་གྷི་རིག་པ། ཡང་ན་དཀོན་མཆོག་གི་ཆོས་ཚོགས་བཅས་གང་ཡིན༌ཡང༌། ཁྱོད་ཅག་གིས་དེ་རྣམས་སར་འགྱེལ་དུ་འཇུག་པར་མི༌བྱའོ།།  
\v 33 དེ་ནི་བདག་གིས་ལས་གང་ཞིག་བྱེད་ཀྱང་མི་གཞན་ཐམས་ཅད་དགའ་བར་བྱེད་པ༌དང༌། མི་དེ་རྣམས་ལ་ཐར་པ་འཐོབ་པའི་ཕྱིར། རང་གི་ཁེ་ཕན་མི་སེམས་པར་མི་གཞན་ཐམས་ཅད་ཀྱི་ཁེ་ཕན་བསམས༌པ་བཞིན༌ནོ།།   
\c 11
\cl ལེའུ་བཅུ་གཅིག༌པ། 
\toc1 ༄༅། །ཀོ་རིན་ཐུ་པ་རྣམས་ལ་སྤྲིངས་པའི་འཕྲིན་ཡིག་དང་པོ། 
\toc2 ཀོ་རིན་ཐུ་པ་དང་པོ། 
\s1 ཆོས་ཚོགས་ནང་གི་ཚོགས་མིའི་བྱ༌སྤྱོད།  
\p
\v 1 དེ་ཡང་བདག་གིས་སྐྱབས་མགོན་མཱ་ཤི་ཀ་མིག་ལྟོས་སུ་བཟུང་བ༌ལྟར། ཁྱོད་རྣམས་ཀྱིས་ཀྱང་ང་རང་མིག་ལྟོས་སུ་འཛིན་པར༌གྱིས།  
\v 2 ཁྱོད་རྣམས་ཀྱིས་དོན་ཀུན་གྱི་ཐད་ནས་ང་རང་དྲན༌ཞིང༌། བདག་གིས་ཁྱོད་ཅག་ལ་གནང་བའི་སྲོལ་རྒྱུན་རྣམས་ཀྱང་བརྟན་པོར་སྲུང་བའི༌ཕྱིར། ངས་ཁྱོད་ཅག་ལ་བསྔགས་བརྗོད༌བྱེད་པའོ།།  
\v 3 བདག་གིས་དོན་འདི་ཁྱོད་རྣམས་ལ་ཤེས་སུ་འཇུག་འདོད༌དེ། སྐྱབས་མགོན་མཱ་ཤི་ཀ་ནི་སྐྱེས་པ་རྣམས་ཀྱི་དབུ་ཡིན༌ཞིང༌། སྐྱེས་པ་ནི་སྐྱེས་མ་རྣམས་ཀྱི་མགོ་ཡིན༌ལ། དཀོན་མཆོག་ནི་སྐྱབས་མགོན་མཱ་ཤི་ཀའི་དབུ་ཡིན་ནོ།།  
\v 4 སྐྱེས་པ་རྣམས་ཀྱིས་གསོལ་བ་འདེབས་པའམ་ལུང་བསྟན་གནང་བའི་དུས༌སུ། རང་གི་མགོའི་སྐྲ་བཏུམས་པར་བྱེད༌ན། དེ་ནི་རང་གི་མགོ་ངོ་གནོང་བར་བྱེད༌པ་ཡིན།  
\v 5 སྐྱེས་མ་རྣམས་ཀྱིས་གསོལ་བ་འདེབས་པའམ་ལུང་བསྟན་གནང་བའི་དུས༌སུ། རང་གི་མགོའི་སྐྲ་མ་བཏུམས༌ན། དེ་ནི་རང་གི་མགོ་ངོ་གནོང་བར་བྱེད༌པ་ཡིན། ཅིའི་ཕྱིར་ཞེ་ན། དེ་ནི་སྐྲ་བཞར་བ་དང་མཚུངས་ \f + \ft སྐྲ་བཞར་བ་དང་མཚུངས་ཞེས་པར་འགྲེལ་ཚུལ་དུ་མ་ཡོད༌ཀྱང༌། འདིར་སྐུ་ཚབ་པ་ཕོལ་ལོལ་གྱི་དུས་སུ་བུད་མེད་རྣམས་ཀྱིས་མགོའི་སྐྲ་མ་བཏུམས་པར་ཚོགས་རར་སོང་ན་སྨད་འཚོང་མ་ཡིན་པར་གོ༌སྟེ། རྒྱུ་མཚན་ནི་སྨད་འཚོང་མ་རྣམས་ཀྱིས་སྐྲ་བཞར་ནས་མགོ་རྗེན་ཡིན་པའི་ཕྱིར་ཡིན། \f*པའི་ཕྱིར༌རོ།།  
\v 6 གལ༌ཏེ། སྐྱེས་མ་རྣམས་ཀྱིས་མགོའི་སྐྲ་བཏུམ་པར་མི་བྱེད༌ན། ཁོ་མོའི་སྐྲ་ནི་བཞར་འོས༌ཏེ། སྐྱེས་མ་རྣམས་ཀྱིས་སྐྲ་འབྲེག་པའམ་སྐྲ་བཞར་བ་ནི་ངོ་ཚ་ཞིག་ཏུ་འདོད་ན་མགོའི་སྐྲ་བཏུམ་དགོས་སོ།།  
\v 7 སྐྱེས་པ་རྣམས་ནི་དཀོན་མཆོག་གི་སྣང་བརྙན་དང་གཟི་བརྗིད་ཡིན༌པས། སྐྱེས་པ་རྣམས་ཀྱིས་མགོའི་སྐྲ་བཏུམ་པར་མི་འོས་སོ།། འོན༌ཀྱང༌། སྐྱེས་མ་རྣམས་ནི་སྐྱེས་པའི་གཟི་བརྗིད་ཡིན༌ཏེ།  
\v 8 ཐོག་མར་སྐྱེས་པ་ནི་སྐྱེས་མ་ལས་བྱུང་བ་མ་ཡིན༌པར། སྐྱེས་མ་ནི་སྐྱེས་པ་ལས་བྱུང་བ་ཡིན༌ལ།  
\v 9 སྐྱེས་པ་ནི་སྐྱེས་མའི་ཆེད་དུ་བཀོད་པ་མ་ཡིན༌པར། སྐྱེས་མ་ནི་སྐྱེས་པའི་ཆེད་དུ་བཀོད༌པ་ཡིན།  
\v 10 དེའི༌ཕྱིར། སྐྱེས་མ་དག་ནི་ཕོ་ཉའི་རྐྱེན༌གྱིས། ཁོ་མོ་རྣམས་ཀྱི་མགོ་ལ་དབང་ཆར་གཏོགས་པའི་རྟགས་ཤིག་བརྒྱན་ན་འོས༌སོ།།   
\p
\v 11 འོན༌ཀྱང༌། གཙོ་བོའི་ཐུགས་བཀོད་ལྟར་ན་སྐྱེས་མ་ནི་སྐྱེས་པ་དང་འབྲེལ་བ་མེད་པ་མིན༌ལ། སྐྱེས་པའང་སྐྱེས་མ་དང་འབྲེལ་བ་མེད་པ་མིན་ནོ།།  
\v 12 ཅིའི་ཕྱིར་ཞེ་ན། སྐྱེས་མ་ནི་སྐྱེས་པ་ལས་བྱུང་བ༌དང༌། སྐྱེས་པ་ནི་བུད་མེད་ཀྱིས་བཙས་པ་ཡིན༌མོད། འོན་ཀྱང་དངོས་པོ་ཐམས་ཅད་ནི་དཀོན་མཆོག་ནས་བྱུང་བའི་ཕྱིར༌རོ།།  
\v 13 དེས་ན་ཁྱོད་ཅག་གིས་བརྟག་པར་བྱ༌སྟེ། སྐྱེས་མ་རྣམས་ཀྱིས་དཀོན་མཆོག་ལ་གསོལ་བ་འདེབས་པའི་དུས༌སུ། མགོའི་སྐྲ་མ་བཏུམས་ན་འོས༌སམ།  
\v 14 རང་གཤིས་ཀྱིས་ཀྱང་ཁྱོད་ཅག་ལ་བསྟན་པ་བཞིན། སྐྱེས་པ་རྣམས་ཀྱི་མགོའི་སྐྲ་རིང་ན་དེ་ནི་ཁོ་རྣམས་ཀྱི་ངོ་ཚ་མ་ཡིན་ནམ།  
\v 15 འོན༌ཀྱང༌། སྐྱེས་མ་རྣམས་ལ་སྐྲ་རིང་པོ་ཡོད༌ན། དེ་ནི་སྐྱེས་མ་རྣམས་ཀྱི་གཟི་བརྗིད་ཡིན༌ཏེ། སྐྲ་རིང་པོ་ནི་སྐྱེས་མ་རྣམས་ལ་མགོ་བཏུམ་བྱེད་དུ་གནང་བའི་ཕྱིར༌ཡིན།  
\v 16 གལ༌ཏེ། མི་ཞིག་གིས་འདིའི་སྐོར་ལ་རྩོད་པ་བྱེད་འདོད༌ན། ངེད་ཅག་ལ་ལུགས་སྲོལ་དེ་ལྟ་བུ་མེད༌ལ། དཀོན་མཆོག་གི་ཆོས་ཚོགས་དག་ལའང་ལུགས་སྲོལ་དེ་ལྟ་བུ་མེད༌དོ།།   
\s1 གཙོ་བོ་ཡེ་ཤུའི་རྗེས་དྲན་གྱི་ཞལ་ཟས༌སྐོར།  
\p
\v 17 ད་ལྟ་བདག་གིས་ཁྱོད་རྣམས་ལ་ཁ་བསྒོ་གནང་བ་ནི་ཁྱོད་ཅག་ལ་བསྔགས་པ་མིན༌ཏེ། ཁྱོད་ཅག་མཉམ་དུ་འཚོགས་པ་ལ་དགེ་མཚན་ལས་གནོད་པ་ཡོད་དོ།།  
\v 18 བདག་གིས་གོ་ཐོས་ལྟར༌ན། ཁྱོད་རྣམས་ཀྱི་ཆོས་ཚོགས་མཉམ་དུ་འཚོགས་པའི་དུས་སུ་ནང་མཐུན་མེད་ཟེར། བདག་ཀྱང་དོན་དེར་ཅུང་ཙམ་ཡིད་ཆེས་པ་ཡིན།  
\v 19 ཁྱོད་ཅག་གི་ཁྲོད་དུ་ཚོད་བགམ་འཐེག་པའི་དད་ལྡན་རྣམས་གསལ་པོར་མངོན་པའི༌ཕྱིར། ཕྱོགས་ཁག་སྒྲིག་པའི་དོན་དེ་འབྱུང་ངེས༌པ་ཡིན།  
\v 20 དེ་ལྟར་ཡིན་པས། ཁྱོད་ཅག་མཉམ་དུ་འཚོགས་པའི་དུས༌སུ། ཁྱོད་ཅག་གིས་ཟ་བ་ནི་གཙོ་བོའི་རྗེས་དྲན་གྱི་ཞལ་ཟས་མིན།  
\v 21 ཅིའི་ཕྱིར་ཞེ་ན། ཁ་ཟས་བཟའ་བའི་དུས་སུ་མི་རྣམས་ཀྱིས་རང་གི་ཁ་ཟས་སྔོན་ལ་ཟ་བ༌དང༌། ཐ་ན་མི་ལ་ལ་ལྟོགས་ཤིང་ལ་ལ་ཆང་གིས་བཟི་བའི་ཕྱིར༌རོ།།  
\v 22 ཁྱོད་རྣམས་བཟའ་བཏུང་ལ་རོལ་ན་ཁྱོད་ཅག་ལ་ཁྱིམ་ཚང་མེད༌དམ། ཡང་ན་དཀོན་མཆོག་གི་ཆོས་ཚོགས་ལ་མཐོང་ཆུང་དང་དབུལ་པོ་རྣམས་ངོ་ཚ་བར་བྱེད་དམ། བདག་གིས་ཁྱོད་ཅག་ལ་ཅི་ལྟར་སྨྲའམ། བདག་གིས་ཁྱོད་ཅག་ལ་བསྟོད་བསྔགས་བྱེད་དམ་ཞེ༌ན། བསྟོད་བསྔགས་གཏན་ནས་མི་བྱེད༌དོ།།   
\p
\v 23 དེ་ཡང་བདག་གིས་སྔོན་ཆད་ཁྱོད་ཅག་ལ་ཆོས་གསུངས་མྱོང་བ་དེ་ནི་གཙོ་བོ་ནས་ཐོབ་པ་ཡིན༌ཏེ། གཙོ་བོ་ཡེ་ཤུ་ལ་ངོ་ལོག་བྱེད་པའི་མཚན་མོ་དེར་ཁོང་གིས་ཕྱག་ཏུ་བག་ལེབ་བསྣམས༌ཤིང༌།  
\v 24 བཀའ་དྲིན་ཞུས་རྗེས་དུམ་བུར་བགོས་ཏེ་འདི་སྐད༌དུ། འདི་ནི་བདག་གི་ལུས་པོ་ཡིན་ཏེ་ཁྱོད་རྣམས་ཀྱི་ཆེད་དུ་སྦྱིན་པ༌ཡིན། ང་རང་རྗེས་སུ་དྲན་པའི་ཕྱིར་ཁྱོད་རྣམས་ཀྱིས་ཀྱང་འདི་ལྟར་བྱོས་ཤིག་ཅེས་གསུངས་སོ།།  
\v 25 དེ་ནས་ཁོང་གིས་ཞལ་ཟས་བཞེས་ཚར་རྗེས་སྔར་བཞིན་ཕོར་བ་ཕྱག་ཏུ་བསྣམས་ཏེ་འདི་སྐད༌དུ། ཕོར་བ་འདི་ནི་བདག་གི་ཁྲག་གིས་བཞག་པའི་ཞལ་ཆད་གསར་པ་ཡིན༌ལ། ཁྱོད་རྣམས་ཀྱིས་འཐུང་ཐེངས་རེ་རེར་ང་རང་རྗེས་སུ་དྲན་པའི་ཕྱིར་འདི་ལྟར་བྱོས་ཤིག་ཅེས་གསུངས༌པའོ།།  
\v 26 དེ་ནི་གཙོ་བོ་ཡེ་ཤུ་ཁོང་ཉིད་ཕེབས་ཡོང་བའི་བར༌དུ། ཁྱོད་ཅག་གིས་བག་ལེབ་འདི་ཉིད་ཟ་ཞིང་ཕོར་བ་འདི་ལས་འཐུང་ཐེངས་རེ༌རེར་གཙོ་བོ་སྐུ་གྲོངས་པའི་གནས་ཚུལ་དེ་གསལ་པོར་སྟོན་པའི་ཕྱིར༌རོ།།   
\p
\v 27 དེའི༌ཕྱིར། མི་སུས་ཀྱང་ལུགས་དང་མི་མཐུན་པར་གཙོ་བོའི་བག་ལེབ་ཟ་ཞིང་ཕོར་བ་ལས་འཐུང་བ་ཡིན༌ན། མི་དེ་གཙོ་བོའི་སྐུ་ལུས་དང་སྐུ་ཁྲག་གཉིས་ཀྱི་དོན་དང་འགལ༌བའོ།།  
\v 28 མི་སུས་ཀྱང་རང་ལ་བརྟགས་རྗེས་བག་ལེབ་དེ་ཟ་ཞིང་ཕོར་བ་དེ་ལས་འཐུང་འོས་པ་ཡིན།  
\v 29 ཅིའི་ཕྱིར་ཞེ་ན། གཙོ་བོའི་སྐུ་ལུས་ཡིན་པ་མ་རྟོགས༌པར། བག་ལེབ་ཟ་ཞིང་ཕོར་བ་ལས་འཐུངས་ན་རང་ལ་ཉེས་ཆད་འཕོག་པའི་ཕྱིར༌ཡིན།  
\v 30 དེ་བས་ཁྱོད་ཅག་གི་ཁྲོད་དུ་ལུས་སྟོབས་ཞན་པ་དང་ནད༌པ། ཚེ་ལས་འདས་པའང་མང་ངོ་།།  
\v 31 བདག་ཅག་གིས་སྔོན་དུ་རང་ལ་བརྟགས་ན་ཉེས་ཆད་འཕོག་པར་མི་འགྱུར་རོ།།  
\v 32 འོན༌ཀྱང༌། བདག་ཅག་ལ་ཁྲིམས་ཐག་གཅོད་པའི་དུས༌སུ། གཙོ་བོས་འཇིག་རྟེན་པ་དང་བདག་ཅག་ལ་མཉམ་དུ་ཉེས་ཆད་མི་གཅོད་པའི་ཕྱིར། ཁོང་གིས་བདག་ཅག་ལ་ཆད་པ་གནང་ངོ་།།   
\p
\v 33 བདག་གི་སྤུན་ཟླ༌རྣམས། ཁྱོད་ཅག་མཉམ་དུ་འཚོགས་ནས་གཙོ་བོའི་རྗེས་དྲན་གྱི་ཞལ་ཟས་ལ་རོལ་བའི་དུས༌སུ། ཕན་ཚུན་ལའང་སྒུག་དགོས་སོ།།  
\v 34 གལ༌ཏེ། མི་ལ་ལ་བཀྲེས་ཤིང་ལྟོགས་པ་ཡིན༌ན། ཁྱོད་ཅག་མཉམ་དུ་འཚོགས་ནས་དཀོན་མཆོག་གི་ཉེས་ཆད་མི་འཕོག་པའི༌ཕྱིར། རང་ཁྱིམ་དུ་སྔོན་ལ་ཁ་ཟས་བཟའ་རུང༌། དོན་གཞན་དག་ནི་ང་རང་ཁྱོད་ཅག་གི་གམ་དུ་ཡོང་བའི་དུས་སུ་བཀོད་སྒྲིག༌བྱའོ།།   
\c 12
\cl ལེའུ་བཅུ་གཉིས༌པ། 
\toc1 ༄༅། །ཀོ་རིན་ཐུ་པ་རྣམས་ལ་སྤྲིངས་པའི་འཕྲིན་ཡིག་དང་པོ། 
\toc2 ཀོ་རིན་ཐུ་པ་དང་པོ། 
\s1 དམ་པའི་ཐུགས་ཉིད་ཀྱི་གནང༌སྦྱིན།  
\p
\v 1 སྤུན་ཟླ༌རྣམས། ཁྱོད་ཅག་ལ་དམ་པའི་ཐུགས་ཉིད་ཀྱི་གནང་སྦྱིན་སྐོར་ལེགས་པར་ཤེས་སུ་འཇུག་འདོད་དོ།།  
\v 2 དེ་ཡང་ཁྱོད་རྣམས་ཀླ་ཀློ་ཡིན་པའི་དུས༌སུ། གཞན་གྱིས་ཁྲིད་ཅིང་བསླུ་བྲིད་ཐེབས་པ༌དང༌། སྐུ་འདྲ་ལྐུགས་པ་དག་ལ་བསྙེན་བཀུར་བྱས་པ་ནི་ཁྱོད་ཅག་གིས་ཤེས༌པ་ཡིན།  
\v 3 དེའི༌ཕྱིར། ངས་ཁྱོད་རྣམས་ལ་སྨྲ་བར་བྱ༌སྟེ། དཀོན་མཆོག་གི་དམ་པའི་ཐུགས་ཉིད་ལ་བརྟེན་ནས་སྨྲ་མཁན་སུ་ཞིག་གིས་ཀྱང་སྐྱབས་མགོན་ཡེ་ཤུ་ལ་དམོད་པ་བྱའོ་ཞེས་སྨྲ་མི་ནུས༌ལ། ཡང་དམ་པའི་ཐུགས་ཉིད་ལ་བརྟེན་ནས་སྨྲ་བ་ལས་གཞན། སུ་ཞིག་གིས་ཀྱང་སྐྱབས་མགོན་ཡེ་ཤུ་ནི་གཙོ་བོ་ལགས་ཞེས་སྨྲ་མི་ནུས་སོ།།   
\p
\v 4 གནང་སྦྱིན་གྱི་རྣམ་པ་ཐ་དད་ཡིན༌ཡང༌། དམ་པའི་ཐུགས་ཉིད་ནི་གཅིག་པུ་ལགས།  
\v 5 ཞབས་ཕྱི་སྒྲུབ་ཚུལ་གྱི་རྣམ་པ་ཐ་དད་ཡིན༌ཡང༌། གཙོ་བོ་ནི་གཅིག་པུ་ཡིན།  
\v 6 ཕན་ནུས་ཀྱི་རྣམ་པ་ཐ་དད་ཡིན༌ཡང༌། དཀོན་མཆོག་ནི་གཅིག་པུ་ལགས༌པས། མི་ཚོགས་ཀྱི་ནང་དུ་འཕྲིན་ལས་ཐམས་ཅད་མཛད༌པའོ།།   
\p
\v 7 མི་རེ་རེ་ལ་དམ་པའི་ཐུགས་ཉིད་མངོན་པ་ནི་མི་ཐམས་ཅད་ལ་ཕན་ཐོགས་པའི་ཕྱིར་ཡིན།  
\v 8 ཅིའི་ཕྱིར་ཞེ་ན། མི་ཞིག་ལ་དམ་པའི་ཐུགས་ཉིད་ཀྱིས་ཤེས་རབ་ལྡན་པའི་སྨྲ་བརྗོད་གནང་བ༌དང༌། མི་གཞན་ཞིག་ལ་དམ་པའི་ཐུགས་ཉིད་གཅིག་ཁོ་ནས་ཤེས་རྟོགས་ལྡན་པའི་སྨྲ་བརྗོད་གནང༌བ་དང་།  
\v 9 མི་གཞན་ཞིག་ལ་དམ་པའི་ཐུགས་ཉིད་གཅིག་ཁོ་ནས་དད་པ་བརྟན་པོ་གནང་བ༌དང༌། མི་གཞན་ཞིག་ལ་དམ་པའི་ཐུགས་ཉིད་གཅིག་ཁོ་ནས་ནད་གསོ་བའི་གནང་སྦྱིན་བསྩལ༌པ་དང་།  
\v 10 མི་གཞན་ཞིག་ལ་དོན་ངོ་མཚར་ཅན་སྒྲུབ་པའི་ནུས་མཐུ་གནང་བ༌དང༌། མི་གཞན་ཞིག་ལ་ལུང་བསྟན་གནང་བའི་ནུས་པ་བསྩལ་པ་དང་། མི་གཞན་ཞིག་ལ་སེམས་ཉིད་སྣ་ཚོགས་ལ་རྣམ་པར་བརྟག་པའི་ནུས་པ་གནང་བ༌དང༌། མི་གཞན་ཞིག་ལ་སྐད་སྣ་ཚོགས་སྨྲ་བའི་ནུས་པ་གནང་ཞིང༌། མི་གཞན་ཞིག་ལ་སྐད་སྒྱུར་བའི་ནུས་པ་གནང་བའི་ཕྱིར༌རོ།།  
\v 11 དེ་དག་ཐམས་ཅད་ནི་དམ་པའི་ཐུགས་ཉིད་གཅིག་ཁོ་ན་ཡིས་མཛད་ཅིང་ཁོང་གི་ཐུགས་དགོངས་བཞིན་དུ་མི་སོ་སོར་གནང༌བའོ།།   
\s1 ལུས་པོ་གཅིག་ལ་ཡན་ལག་མང་བའི༌དཔེ།  
\p
\v 12 དེ་ཡང་ལུས་པོ་ནི་གཅིག་ཡིན་ཡང་དེ་ལ་ཡན་ལག་དུ་མ་ཡོད༌ཅིང༌། ཡན་ལག་ཐམས་ཅད་ནི་མང་ཡང་ལུས་པོ་གཅིག་གི་ཆ་ཤས་ཡིན༌ཏེ། སྐྱབས་མགོན་མཱ་ཤི་ཀའང་དེ་བཞིན་ལགས་སོ།།  
\v 13 བདག་ཅག་ནི་ཡ་ཧུ་དཱ༌པའམ། གྷི་རིག་པའམ། བྲན་གཡོག༌གམ། རང་དབང་ཅན་བཅས་གང་ཞིག་ཡིན༌ཡང༌། ཐམས་ཅད་ལ་དམ་པའི་ཐུགས་ཉིད་གཅིག་ནས་སྐུ་ལུས་གཅིག་གི་ནང་ཁྲུས་གསོལ་ལ་ཞུགས་ཤིང་དམ་པའི་ཐུགས་ཉིད་གཅིག་ཁོ་ནའི་བཏུང་བྱ་གནང་བའོ༎   
\p
\v 14 དེ་ཡང་ལུས་པོ་ནི་ཡན་ལག་གཅིག་ཁོ་ན་མ་ཡིན་པར་དེ་ལ་ཡན་ལག་མང་པོ་ཡོད༌དེ།  
\v 15 རྐང་པ་ན༌རེ། བདག་ནི་ལག་པ་མིན༌པས། ལུས་པོར་མི་གཏོགས་ཞེས་ཟེར༌བའི་དབང་དུ་བཏང་ན། དེའི་རྐྱེན་གྱིས་རྐང་པ་དེ་ནི་ལུས་པོར་མི་གཏོགས་པ་ཞིག་མིན་ནོ།།  
\v 16 ཡང་རྣ་བ་ན༌རེ། བདག་ནི་མིག་མིན༌པས། ལུས་པོར་མི་གཏོགས་ཞེས་ཟེར༌བའི་དབང་དུ་བཏང་ན། དེའི་རྐྱེན་གྱིས་རྣ་བ་དེ་ནི་ལུས་པོར་མི་གཏོགས་པ་ཞིག་མིན།  
\v 17 ཡང་ལུས་ཧྲིལ་པོ་མིག་ཡིན༌ན། སྒྲ་ལ་ཉན་པའི་དབང་པོ་གང་དུ་ཡོད༌དམ། ཡང་ལུས་ཧྲིལ་པོ་རྣ་བ་ཡིན༌ན། དྲི་མ་སྣོམ་པའི་དབང་པོ་གང་དུ་ཡོད༌དམ།  
\v 18 འོན༌ཀྱང༌། དཀོན་མཆོག་གིས་རང་ཉིད་ཀྱི་ཐུགས་དགོངས༌ལྟར། ཡན་ལག་རེ་རེ་བཞིན་ལུས་ཀྱི་གནས་སོ་སོར་བཞག༌པ་ཡིན་ནོ།།  
\v 19 གལ༌ཏེ། ཡན་ལག་ཐམས་ཅད་ནི་ཡན་ལག་གཅིག་ཡིན༌ན། ལུས་པོ་ནི་གང་དུ་ཡོད༌དམ།  
\v 20 འོན༌ཀྱང༌། ད་ལྟ་ཡན་ལག་ནི་མང་པོ་ཡོད་ཀྱང་ལུས་པོ་ནི་གཅིག་པུ་ལགས༌སོ།།   
\p
\v 21 ཡང་མིག་ན༌རེ། བདག་ལ་ཁྱོད་དགོས་དོན་མེད་ཅེས་ལག་པ་ལ་དེ་ལྟར་ཟེར་མི་ནུས༌ལ། མགོ་བོ་ན༌རེ། བདག་ལ་ཁྱོད་དགོས་དོན་མེད་ཅེས་རྐང་པ་ལའང་དེ་ལྟར་ཟེར་མི་ནུས་སོ།།  
\v 22 དེ་ལས་ལྡོག་སྟེ། མི་རྣམས་ཀྱིས་ལུས་སྟེང་གི་ཡན་ལག་ཁ་ཤས་ལ་ནུས་པ་མེད་པར་བསམས༌ཀྱང༌། དོན་ལ་ཡན་ལག་དེ་དག་ནི་ལྷག་ཏུ་མེད་མི་རུང་བ་ཞིག་ཡིན།  
\v 23 བདག་ཅག་གིས་ལུས་སྟེང་གི་ངོ་ཚར་རྩི་བའི་ཡན་ལག་ནི་དེ་ལས་ཀྱང་མཛེས་པར་བརྩིས་པ་དང་། ཡན་ལག་མི་མཛེས་པ་དག་ནི་ལྷག་ཏུ་མཛེས་ཤིང་སྡུག་པར་བྱེད་པ་ཡིན།  
\v 24 བདག་ཅག་གི་མཛེས་ཤིང་སྡུག་པའི་ཡན་ལག་ལ་རྒྱན་ཆས་བརྒྱན་དགོས་དོན་མེད་མོད། འོན༌ཀྱང༌དཀོན་མཆོག་གིས་ལུས་པོ་ལེགས་པར་བསྒྲིགས་ཤིང་། ཡན་ལག་ཉམས་ཞན་ཡིན་པ་དེ་ལྡབ་འགྱུར་གྱིས་མཛེས་ཤིང་སྡུག་པར་མཛད་དེ།  
\v 25 ལུས་པོའི་ནང་དུ་རིགས་མི་མཐུན་པ་མི་འབྱུང༌ཞིང༌། ཡན་ལག་དང་ཡན་ལག་བར་ལ་གཟིགས་སྐྱོང་བྱེད་པའི་ཕྱིར༌རོ།།  
\v 26 གལ༌ཏེ། ཡན་ལག་གཅིག་གིས་སྡུག་བསྔལ་མྱོང་ན། ཡན་ལག་ཐམས་ཅད་ཀྱིས་ཀྱང་ལྷན་དུ་སྡུག་བསྔལ་མྱོང་བ་ཡིན། གལ༌ཏེ། ཡན་ལག་གཅིག་ལ་གཟི་བརྗིད་ཐོབ་ན། ཡན་ལག་ཐམས་ཅད་ཀྱང་མཉམ་དུ་སྤྲོ་བར་འགྱུར༌རོ།།   
\p
\v 27 ཁྱོད་ཅག་ནི་སྐྱབས་མགོན་མཱ་ཤི་ཀའི་སྐུ་ལུས་ཡིན༌ཞིང༌། མི་རེ་རེ་ནི་ཁོང་གི་ཡན་ལག་ཡིན་ནོ།།  
\v 28 དེ་ཡང་དཀོན་མཆོག་གིས་ཆོས་ཚོགས་ནང་དུ་བསྐོས་པ་དང་པོ་ནི་སྐུ་ཚབ་པ༌དང༌། གཉིས་པ་ནི་ལུང་སྟོན༌པ། གསུམ་པ་ནི་སློབ་དཔོན་བཅས་ཡིན༌ལ། དེ་ནས་རིམ་བཞིན་ངོ་མཚར་བའི་དོན་བྱེད་མཁན༌དང༌། ནད་གསོ་བའི་གནང་སྦྱིན་ཐོབ་མཁན། རོགས་རམ་བྱེད༌མཁན། བྱ་བ་གཉེར་མཁན། སྐད་སྣ་ཚོགས་སྨྲ་མཁན་བཅས་ལགས་སོ།།  
\v 29 འོན༌ཀྱང༌། དེ་དག་ཐམས་ཅད་ནི་སྐུ་ཚབ་པ་ཡིན༌ནམ། དེ་དག་ཐམས་ཅད་ནི་ལུང་སྟོན་པ་ཡིན༌ནམ། དེ་དག་ཐམས་ཅད་ནི་སློབ་དཔོན་ཡིན༌ནམ། དེ་དག་ཐམས་ཅད་ནི་ངོ་མཚར་བའི་དོན་བྱེད་མཁན་ཡིན་ནམ་ཞེ་ན་མ་ཡིན།  
\v 30 ཡང་དེ་དག་ཐམས་ཅད་ལ་ནད་གསོ་བའི་གནང་སྦྱིན་ཐོབ་ཡོད༌དམ། དེ་དག་ཐམས་ཅད་ནི་སྐད་གཞན་སྨྲ་བ་ཡིན༌ནམ། དེ་དག་ཐམས་ཅད་ནི་སྐད་སྒྱུར་པ་ཡིན་ནམ་ཞེ་ན་མ་ཡིན་ནོ།།  
\v 31 འོན༌ཀྱང༌། ཁྱོད་ཅག་གིས་ངེས་པར་གནང་སྦྱིན་ཆེན་པོར་དམིགས་དགོས་ལ། བདག་གིས་ད་ལྟ་ཁྱོད་ཅག་ལ་ལམ་ཕུལ་དུ་བྱུང་བ་ཞིག་སྟོན་པར༌བྱའོ།།   
\c 13
\cl ལེའུ་བཅུ་གསུམ༌པ། 
\toc1 ༄༅། །ཀོ་རིན་ཐུ་པ་རྣམས་ལ་སྤྲིངས་པའི་འཕྲིན་ཡིག་དང་པོ། 
\toc2 ཀོ་རིན་ཐུ་པ་དང་པོ། 
\s1 བྱམས་པའི༌སྐོར།  
\p
\v 1 དེ་ཡང་བདག་གིས་མི་དང་ཕོ་ཉ་རྣམས་ཀྱི་སྐད་སྣ་ཚོགས་སྨྲ་ཡང་བྱམས་པ་མེད༌ན། བདག་ནི་འཁར་རྔ་དང་སྦུབ་ཆ་རྡུང་བའི་སྒྲ་གྲགས་པ་ལྟ་བུར་གྱུར་པ་ཡིན་ནོ།།  
\v 2 གལ༌ཏེ། བདག་ལ་ལུང་བསྟན་གནང་བའི་ནུས་པ་ལྡན༌ཞིང༌། གསང་བ་དང་ཤེས་བྱ་ཐམས་ཅད་རྟོགས་པ་དང་། རི་བོ་སྤོར་ནུས་པའི་དད་པ་ཡོད་ཀྱང་བྱམས་པ་མེད༌ན། བདག་ནི་ཅི་ཡང་མ་ཡིན།  
\v 3 གལ༌ཏེ། བདག་གིས་རང་ལ་ཡོད་པ་ཐམས་ཅད་དབུལ་པོ་རྣམས་ལ་སྦྱིན༌ཞིང༌། རང་ལུས་སྤངས་ནས་མེ་རུ་བསྲེགས༌ཀྱང༌། བྱམས་པ་མེད༌ན། བདག་ལ་ཕན་ཐོགས་ཅི་ཡང་མེད༌དོ།།   
\p
\v 4 བྱམས་པ་ནི་རྟག་བརྟན་གྱི་བཟོད་བསྲན༌དང༌། སྙིང་རྗེ་ལྡན༌པ། ཕྲག་དོག་མེད༌པ། རང་བསྟོད་མི་བྱེད༌པ། ང་རྒྱལ་མེད༌པ།  
\v 5 ངོ་གནོང་བའི་ལས་མི་བྱེད༌པ། རང་དོན་མི་སེམས༌པ། རང་དགར་མི་ཁྲོ༌བ། གཞན་གྱི་ཉེས་སྐྱོན་སེམས་སུ་མི་འཛིན༌པ།  
\v 6 དྲང་བདེན་མིན་པར་མི་དགའ་ཞིང་བདེན་པ་ཁོ་ནར་དགའ༌བ།  
\v 7 དོན་ཀུན་ལ་ཐུགས་རྒྱ་ཡངས༌པ། དོན་ཀུན་ལ་ཡིད་ཆེས༌པ། དོན་ཀུན་ལ་རེ་སྒུག་བྱེད༌པ། དོན་ཀུན་ལ་བཟོད་བསྲན་བྱེད་པ་ཞིག་ཡིན༌ནོ།།   
\p
\v 8 བྱམས་པ་ལ་ཟད་མཐའ་མེད༌ཀྱང༌། ལུང་བསྟན་གནང་བའི་ནུས་པ་ནི་མཐའ་མར་རྫོགས་པར་འགྱུར༌ལ། སྐད་གཞན་སྨྲ་བའི་ནུས་པ་མཐའ་མར་མཚམས་ཆད་པ༌དང༌། ཤེས་བྱ་ཡང་མཐའ་མར་མེད་པར་འགྱུར་ངེས༌ཡིན།  
\v 9 རྒྱུ་མཚན་ནི་ད་ལྟ་བདག་ཅག་གིས་རྟོགས་པའི་ཤེས་བྱ་ཆ་མི་ཚང༌ལ། ལུང་བསྟན་གནང་བའང་ཆ་མི་ཚང་ངོ་།།  
\v 10 འོན་ཀྱང་། ཕུན་སུམ་ཚོགས་པ་དེ་ཉིད་ཡོང་བའི་ཚེ། ཆ་མི་ཚང་བ་དེ་དག་མེད་པར་འགྱུར།  
\v 11 ང་རང་བྱིས་པ་ཡིན་དུས། བདག་གི་སྨྲ་བརྗོད༌དང༌སེམས༌པ། བསམ་གཞིགས་བཅས་ནི་བྱིས་པ་དང་འདྲ༌ཞིང༌། ན་ཚོད་ཇེ་ཆེར་སོང་བ་ན་བྱིས་པའི་ངང་ཚུལ་སྤངས༌པ་ཡིན།  
\v 12 ད་ལྟ་བདག་ཅག་གིས་མེ་ལོང་གི་ངོས་ལས་རབ་རིབ་ཀྱི་གཟུགས་བརྙན་མཐོང་བ་དང་མཚུངས༌མོད། འོན༌ཀྱང༌། དུས༌དེ་སླེབས་པ་ན། བདག་ཅག་གིས་ཁ་རི་ཁ་ཐུག་ཏུ་མཐོང་བར་ངེས། ད་ལྟ་བདག་གིས་ཤེས་པ་ནི་ཆ་མི་ཚང་ཡང༌། ཁོང་གིས་ང་རང་ཡོངས་སུ་མཁྱེན་པ༌བཞིན། དུས་དེ་ལ་བདག་གིས་ཡོངས་སུ་རྟོགས་པར་འགྱུར་རོ།།  
\v 13 ད་ལྟ་ནམ་རྒྱུན་ཡོད་པ་ནི་དད་པ༌དང༌། རེ༌བ། བྱམས་པ་གསུམ་པོ་ཡིན༌ལ། དེ་ལས་ཆེས་མཆོག་ཏུ་གྱུར་པ་ནི་བྱམས་པ་ཡིན༌ནོ།།   
\c 14
\cl ལེའུ་བཅུ་བཞི༌པ། 
\toc1 ༄༅། །ཀོ་རིན་ཐུ་པ་རྣམས་ལ་སྤྲིངས་པའི་འཕྲིན་ཡིག་དང་པོ། 
\toc2 ཀོ་རིན་ཐུ་པ་དང་པོ། 
\s1 ལུང་བསྟན་དང་སྐད་གཞན་སྨྲ་བའི་གནང་སྦྱིན༌སྐོར།  
\p
\v 1 ཁྱོད་ཅག་གིས་བྱམས་པ་ལ་བརྩོན་པར་བྱ༌ཞིང༌། དམ་པའི་ཐུགས་ཉིད་ཀྱི་གནང་སྦྱིན་ལའང་བརྩོན་པ༌དང༌། དེ་ལས་ཀྱང་ལུང་བསྟན་གནང་བར་བརྩོན་པར༌བྱའོ།།  
\v 2 རྒྱུ་མཚན་ནི་སྐད་གཞན་སྨྲ་མཁན་གྱིས་མི་གཞན་དག་ལ་སྨྲས་པ་མ་ཡིན༌པར། དཀོན་མཆོག་ལ་ཞུས་པ་ཡིན་པས་མི་སུས་ཀྱང་དོན་གོ་མ་ཐུབ༌ནའང༌། ཁོས་དམ་པའི་ཐུགས་ཉིད་ལ་བརྟེན་ནས་གསང་བ་སྣ་ཚོགས་སྨྲ་བར་བྱེད།  
\v 3 འོན༌ཀྱང༌། ལུང་སྟོན་པར་བྱེད་པ་ནི་མི་གཞན་རྣམས་ལ་སྨྲ་བ་ཡིན༌ཏེ། མི་སྐྱེད་སྲིང་བྱེད་པ༌དང༌། མི་ལ་སྐུལ་མ་གནང་བ། མི་ལ་སེམས་གསོ་བྱེད༌པ་བཅས༌ཡིན།  
\v 4 སྐད་གཞན་སྨྲ་མཁན་གྱིས་རང་ཉིད་ཡར་སྐྱེད་བྱེད༌ཅིང༌། ལུང་སྟོན་པས་ཆོས་ཚོགས་ཡར་སྐྱེད་བྱེད༌པ་ཡིན་ནོ།།  
\v 5 བདག་གི་རེ་བ་ནི་ཁྱོད་ཅག་ཚང་མས་སྐད་གཞན་སྨྲ་བ༌དང༌། དེ་བས་ཀྱང་ལུང་བསྟན་གནང་མཁན་དུ་བྱས་ན་ལེགས་སོ།། ཅིའི་ཕྱིར་ཞེ་ན། སྐད་གཞན་སྨྲ་མཁན་གྱི་ཚིག་དོན་ལ་སྐད་སྒྱུར་མ་བྱས༌ན། ཆོས་ཚོགས་སྐྱེད་སྲིང་བྱེད་པར་མི་ཕན༌པས། ལུང་སྟོན་པ་ནི་སྐད་གཞན་སྨྲ་མཁན་ལས་མཆོག་ཏུ་གྱུར་པའི་ཕྱིར༌རོ།།   
\p
\v 6 སྤུན་ཟླ༌རྣམས། གལ༌ཏེ། ང་རང་ཁྱོད་ཅག་གི་གམ་དུ་ཡོང་ནས་སྐད་གཞན་ཁོ་ན་སྨྲ༌ཞིང༌། གསང་བ་མངོན་པའམ། ཤེས་རྟོགས་སམ། ལུང༌བསྟན་ནམ། ཁྲིད་སྟོན་བཅས་ཀྱི་སྒོ་ནས་གསལ་བཤད་མ་བྱས༌ན། བདག་ནི་ཁྱོད་རྣམས་ལ་ཕན་ཐོགས་ཅི་ཡོད་དམ།  
\v 7 སེམས་མེད་ཀྱི་དངོས་པོ་གླིང་བུའམ་རྒྱུད་མངས་སོགས་ལས་བྱུང་བའི་སྒྲ་དབྱངས་དང་ཁྱད་པར་མེད༌ན། གང་ཞིག་གླིང་བུའི་སྒྲ་དང་གང་ཞིག་རྒྱུད་མངས་ཀྱི་སྒྲ་ཡིན་པ་ཇི་ལྟར་ཤེས༌སམ།  
\v 8 གལ༌ཏེ། དུང་བརྡ་མི་གསལ་བ་ཞིག་བཏང༌ན། སུ་ཞིག་གིས་དམག་འཐབ་ལ་སྟ་གོན་བྱེད༌དམ།  
\v 9 དེ་བཞིན་དུ་ཁྱོད་ཅག་གིས་ཀྱང་སྨྲ་བརྗོད་གསལ་པོར་མ་སྨྲས༌ན། ཁྱོད་ཅག་གིས་ཅི་ཞིག་སྨྲ་བ་སུ་ཞིག་གིས་ཤེས༌སམ། དེ་ནི་བར་སྣང་ལ་གཏམ་བཤད་པ་བཞིན༌ནོ།།  
\v 10 འཇིག་རྟེན་དུ་སྐད་རིགས་ཅི་འདྲ་མང༌ཡང༌། ནང་དོན་མེད་པའི་སྐད་རིགས་གཅིག་ཀྱང་མེད།  
\v 11 གལ༌ཏེ། ངས་མི་གཞན་གྱིས་སྨྲས་པའི་སྐད་རིགས་མ་གོ༌ན། སྨྲ་མཁན་དེ་ནི་ངའི་མདུན་དུ་མཐའ་འཁོབ་པ་ལྟ་བུ་ཡིན༌ཞིང༌། སྨྲ་མཁན་དེའི་མདུན་དུ་ང་རང་ཡང་མཐའ་འཁོབ་པ་ལྟ་བུ་ཡིན་ནོ།།  
\v 12 དེ་བས་ཁྱོད་རྣམས་ཀྱང་དེ་བཞིན༌ཏེ། དམ་པའི་ཐུགས་ཉིད་ཀྱི་གནང་སྦྱིན་འཐོབ་པར་བརྩོན༌པས། ཆོས་ཚོགས་སྐྱེད་སྲིང་བྱེད་པའི་གནང་སྦྱིན་འཐོབ་པ་ལ་ལྷག་ཏུ་བརྩོན་པར་གྱིས༌ཤིག།   
\p
\v 13 དེའི༌ཕྱིར། སྐད་གཞན་སྨྲ་མཁན་གྱིས་དེ་ལ་སྐད་སྒྱུར་བྱེད་ནུས་པའི་ཕྱིར་གསོལ་བ་འདེབས་པར༌བྱའོ།།  
\v 14 གལ༌ཏེ། བདག་གིས་སྐད་གཞན་སྨྲ་བའི་ངང་ནས་གསོལ་བ་བཏབ༌ན། ངའི་སེམས་ཉིད་ཀྱི་ངང་ནས་གསོལ་བ་བཏབ་པ་ཡིན༌ཡང༌། བདག་གི་བློ་གྲོས་ལ་ཕན་ཐོགས་མེད།  
\v 15 དེ་ལྟར་ཡིན༌ན། བདག་གིས་ཅི་བྱའམ། ངས་སེམས་ཉིད་ཀྱི་ངང་ནས་གསོལ་བ་འདེབས་དགོས་ལ། བློ་གྲོས་ཀྱི་ངང་ནས་ཀྱང་གསོལ་བ་འདེབས་དགོས། ཡང་སེམས་ཉིད་ཀྱི་ངང་ནས་གླུ་ལེན་དགོས་ལ། བློ་གྲོས་ཀྱི་ངང་ནས་ཀྱང་གླུ་ལེན་དགོས།  
\v 16 དེ་ལྟར་མ་ཡིན༌ན། ཁྱོད་ཅག་གིས་སེམས་ཉིད་ཀྱི་ངང་ནས་བསྟོད་བསྔགས་བརྗོད་པའི༌ཚེ། གནས་དེར་ཡོད་པའི་སྐད་གཞན་མི་གོ་བ་རྣམས་ཀྱིས་ཁྱོད་ཀྱི་སྐད་ཆ་མི་གོ༌བས། ཁྱོད་ཀྱིས་དྲིན་ལན་གྱི་ཞུ་ཚིག་འབུལ་དུས་སུ་ཞིག་གིས་ཨ་མེན་ཞེས་སྨྲ་བར་ནུས་སམ།  
\v 17 ཁྱོད་ཅག་གིས་དྲིན་ལན་གྱི་ཞུ་ཚིག་ཕུལ་བ་ནི་ལེགས༌ནའང༌། མི་གཞན་སྐྱེད་སྲིང་བྱེད་པར་ཕན་ཐོགས་ཅི་ཡང་མེད༌དོ།།   
\p
\v 18 བདག་གིས་སྐད་གཞན་སྨྲ་བ་ནི་ཁྱོད་ཅག་ཐམས་ཅད་ལས་ཀྱང་མང་བས་ངས་དཀོན་མཆོག་ལ་ཐུགས་རྗེ༌ཆེ་ཞུའོ།།  
\v 19 འོན༌ཀྱང༌། ཆོས་ཚོགས་ཀྱི་ནང་དུ་བློ་གྲོས་ལ་བརྟེན་ནས་མི་གཞན་ལ་ཁྲིད་སྟོན་བྱེད་པའི་ཚིག་ལྔ་སྨྲ་འདོད་ཅིང་། དེ་ནི་སྐད་གཞན་ཆིག་ཁྲི་སྨྲས་པ་ལས་ཀྱང་མཆོག་ཏུ་གྱུར་པ་ཡིན༌ནོ།།   
\p
\v 20 སྤུན་ཟླ༌རྣམས། བསམ་བློའི་ཆ་ནས་བྱིས་པ་བཞིན་དུ་མ་ཡིན༌པར། དོན་ངན་པའི་ཆ་ནས་བྱིས་པ་ལྟ་བུ་ཡིན་དགོས༌ཀྱང༌། བསམ་བློའི་ཆ་ནས་མི་དར་མ་བཞིན་དུ་ཡིན་པར༌གྱིས།  
\v 21 དེ་ལ་དཀོན་མཆོག་གི་བཀའ་ཁྲིམས་ཀྱི་མདོ༌ལས། གཙོ་བོས་འདི་སྐད༌དུ།  
\q1 བདག་གིས་ཕྱི་ཕྱོགས་མི་རྣམས༌ཀྱི།།  
\q1 སྐད་གཞན་དང་ནི་སྨྲ་སྒོ༌བཞིན།།  
\q1 སྨྲ་བར་བྱ་ཡང་མི་རྣམས་ཀྱིས།།  
\q1 བདག་གི་གཏམ་ལ་མི་མཉན༌ནོ།།  
\m ཞེས་གསུངས༌པ་བཀོད་ཡོད་དོ།།   
\p
\v 22 དེས༌ན། སྐད་གཞན་སྨྲ་བ་ནི་དད་ལྡན་རྣམས་ལ་བདེན་དཔང་བྱེད་པའི་ཕྱིར་མ་ཡིན༌པར། དད་པ་མེད་པ་རྣམས་ལ་བདེན་དཔང་བྱེད་པའི་ཕྱིར་ཡིན༌ལ། ལུང་བསྟན་གནང་བ་ནི་དད་པ་མེད་པ་རྣམས་ལ་བདེན་དཔང་བྱེད་པའི་ཕྱིར་མ་ཡིན༌པར། དད་ལྡན་རྣམས་ལ་བདེན་དཔང་བྱེད་པའི་ཕྱིར་ཡིན་ནོ།།  
\v 23 དེའི༌ཕྱིར། ཆོས་ཚོགས་ཀྱི་མི་ཐམས་ཅད་གནས་གཅིག་ཏུ་འཛོམས་ཤིང་ཀུན་གྱིས་སྐད་གཞན་སྨྲ་བ༌ན། སྟབས་དབང་གིས་སྐད་གཞན་མི་གོ་བའམ་དད་པ་མེད་པའི་མི་འགའ་ཡོང༌ཚེ། ཁྱོད་རྣམས་སྨྱོས་འདུག་ཅེས་ཟེར་བ་མིན༌ནམ།  
\v 24 གལ༌ཏེ། མི་ཐམས་ཅད་ཀྱིས་ལུང་བསྟན་གནང་བའི་དུས་སུ། གློ་བུར་ཉིད་དུ་དད་པ་མེད་པའམ་སྐད་གཞན་མི་གོ་བའི་མི་ཞིག་ཡོང༌ཚེ། མི་ཚོགས་ཐམས་ཅད་ཀྱིས་དེ་ལ་ཁ་ཏ་བསླབ་བྱ་གཏོང་བ་དང་དྲི་བ་དྲིས་ཏེ།  
\v 25 རང་སེམས་ཀྱི་གསང་བ་ཕྱིར་མངོན་པར་འགྱུར༌བས། མི་དེས་ལུས་པོ་སར་བཏུད་ནས་དཀོན་མཆོག་ལ་ཕྱག་བཙལ་ཏེ། དཀོན་མཆོག་ནི་དངོས་གནས་ཁྱོད་ཅག་གི་ཁྲོད་དུ་བཞུགས་ཞེས་བསྔགས་བརྗོད་བྱ་ངེས༌སོ།།   
\s1 ཆོས་ཚོགས་ཀྱི་སྒྲིག༌ལམ།  
\p
\v 26 སྤུན་ཟླ༌རྣམས། དེས་ན་འདི་ནི་ཅི་ལྟར་ཡིན༌ནམ། ཁྱོད་ཅག་མཉམ་དུ་འཛོམས་པའི་དུས༌སུ། མི་ལ་ལས་བསྟོད་དབྱངས་འབུལ་བ༌དང༌། ལ་ལས་ཆོས་འཆད་པ། ལ་ལས་གསང་བ་མངོན་པ། ལ་ལས་སྐད་གཞན་སྨྲ༌བ། ལ་ལས་སྐད་སྒྱུར་བྱེད་པ་བཅས་ཐམས་ཅད་ཀྱིས་མི་རྣམས་སྐྱེད་སྲིང་བྱེད་དགོས་སོ།།  
\v 27 གལ༌ཏེ། སྐད་གཞན་སྨྲ་མཁན་ཡོད༌ན། མི་གཉིས་སམ་མང་ན་མི་གསུམ་གྱིས་རེས་མོས་ངང་ནས་སྨྲ་ཞིང་མི་ཞིག་གིས་སྐད་སྒྱུར་བྱེད་དགོས།  
\v 28 གལ༌ཏེ། སྐད་སྒྱུར་བྱེད་མཁན་མེད༌ན། སྐད་གཞན་སྨྲ་མཁན་གྱིས་ཆོས་ཚོགས་ནང་དུ་ཅི་ཡང་མི་སྨྲ༌བར། རང་ཉིད་དང་དཀོན་མཆོག་ཁོ་ནར་སྨྲ་བར༌བྱའོ།།   
\p
\v 29 ལུང་སྟོན་པ་མི་གཉིས་སམ་གསུམ་གྱིས་ལུང་བསྟན་གནང་བར་བྱ༌ཞིང༌། གཞན་དག་གིས་བསམ་གཞིགས་བཏང་ནས་རྟོག་དཔྱོད༌བྱའོ།།  
\v 30 གལ༌ཏེ། གནས་དེར་སྡོད་མཁན་གྱི་མི་གཞན་ཞིག་ལ་མངོན་པར་གྱུར་ན། སྔོན་དུ་ལུང་སྟོན་མཁན་དེ་ནི་ཁ་རོག་ཏུ་སྡོད་འོས༌པ་ཡིན།  
\v 31 ཅིའི་ཕྱིར་ཞེ་ན། ཁྱོད་ཐམས་ཅད་ཀྱིས་རེ་རེ་བཞིན་ལུང་བསྟན་གནང་བར་བྱ་སྟེ། མི་ཀུན་གྱིས་བསླབ་ཅིང་སྐུལ་མ་ཐེབས་པའི་ཕྱིར༌རོ།།  
\v 32 ལུང་སྟོན་པའི་སེམས་ཉིད་ནི་མ་གཞི་ལུང་སྟོན་པ་རྣམས་ལ་བསྟུན་པ་ཡིན་ཏེ།  
\v 33 དཀོན་མཆོག་ནི་མི་ལ་མགོ་རྙོག་པར་མཛད་པའི་དཀོན་མཆོག་མ་ཡིན༌པར། མི་ལ་ཞི་མཐུན་ཡོང་བར་མཛད་པའི་དཀོན་མཆོག་ཡིན་པས༌སོ།།  
\p དད་ལྡན་དམ་པ་རྣམས་ཀྱི་ཆོས་ཚོགས་ཐམས་ཅད་ཀྱི་ནང་དུ།  
\v 34 བུད་མེད་དག་གིས་གཏམ་མི་སྨྲ་བར་གྱིས། ཅིའི་ཕྱིར་ཞེ་ན། བཀའ་ཁྲིམས་ལས་གསུངས་པ༌བཞིན་དུ། ཁོ་མོ་རྣམས་ཀྱིས་གཏམ་མི་སྨྲ་ཞིང་རྣམ་པ་ཀུན་ཏུ་བསྟུན་དགོས་སོ།།  
\v 35 གལ༌ཏེ། ཁོ་མོ་རྣམས་ཀྱིས་གང་ཞིག་བསླབ་འདོད༌ན། རང་གི་ཁྱིམ་ནས་རང་ཉིད་ཀྱི་ཁྱོ་གར་དྲི་བར་བྱ༌སྟེ། བུད་མེད་རྣམས་ཀྱིས་ཆོས་ཚོགས་ནང་དུ་གཏམ་སྨྲ་བ་ནི་ངོ་གནོང་བ་ཞིག་ཡིན་པའི་ཕྱིར༌རོ།།   
\p
\v 36 དཀོན་མཆོག་གི་བཀའ་ནི་ཁྱོད་ཅག་ལས་བྱུང་བ་ཞིག་ག་ནས༌ཡིན། ཁྱོད་ཅག་ཁོ་ན་ལ་ཐོབ་པ་ཞིག་ཀྱང་ག་ནས༌ཡིན།  
\v 37 གལ༌ཏེ། མི་ཞིག་གིས་རང་ཉིད་ནི་ལུང་སྟོན༌པའམ། ཡང་ན་ཐུགས་ཉིད་དང་ལྡན་པ་ཞིག་ཡིན་པར་འདོད༌ན། བདག་གིས་ཁྱོད་རྣམས་ལ་བྲིས་པ་དེ་དག་ནི་གཙོ་བོའི་བཀའ་ཡིན་པ་ཤེས་པར་གྱིས།  
\v 38 གལ༌ཏེ། སུ་ཞིག་གིས་དོན་འདི་ལ་དོ་སྣང་མི་བྱེད་ན། མི་དེ་ལའང་དོ་སྣང་བྱེད་མི་དགོས་སོ།།   
\p
\v 39 དེའི༌ཕྱིར། བདག་གི་སྤུན་ཟླ༌རྣམས། ཁྱོད་རྣམས་ཀྱིས་ལུང་བསྟན་གནང་བར་བརྩོན་པ༌དང༌། སྐད་གཞན་སྨྲ་བའང་འགོག་པར་མི༌བྱ་བར།  
\v 40 དོན་ཐམས་ཅད་ཚུལ་དང་མཐུན་པའི་སྒོ་ནས་གོ་རིམ་བཞིན་དུ་བསྒྲུབ་དགོས༌སོ།།   
\c 15
\cl ལེའུ་བཅོ་ལྔ༌པ། 
\toc1 ༄༅། །ཀོ་རིན་ཐུ་པ་རྣམས་ལ་སྤྲིངས་པའི་འཕྲིན་ཡིག་དང་པོ། 
\toc2 ཀོ་རིན་ཐུ་པ་དང་པོ། 
\s1 ཡེ་ཤུ་མཱ་ཤི་ཀའི་སླར་གསོན༌སྐོར།  
\p
\v 1 སྤུན་ཟླ༌རྣམས། ད་ལྟ་བདག་གིས་སྔོན་ཆད་ཁྱོད་རྣམས་ལ་བསྒྲགས་མྱོང་བའི་འཕྲིན་བཟང་ཁྱོད་རྣམས་ཀྱིས་རྟོགས་དགོས་པ་དེ་སྨྲ་བར༌བྱ་སྟེ། འཕྲིན་བཟང་དེ་ནི་ཁྱོད་ཅག་གིས་དང་དུ་བླངས་ཤིང་དེ་ལ་བརྟེན་ནས་དད་པ་བརྟན་པོར་གནས༌པ་ཡིན་ནོ།།  
\v 2 བདག་གིས་བསྒྲགས་པའི་འཕྲིན་བཟང་དེ་ཉིད་ཁྱོད་རྣམས་ཀྱིས་རྒྱུན་འཁྱོངས་བྱས༌ན། འཕྲིན་བཟང་དེ་ལ་བརྟེན་ནས་ཁྱོད་ཅག་ལ་ཐར་པ་འཐོབ་ངེས༌ཤིང༌། དེ་ལྟར་མ་ཡིན༌ན། ཁྱོད་ཅག་གིས་དད་པ་བྱས་པར་སྙིང་པོ་མེད༌དོ།།   
\p
\v 3 དེ་ཡང་སྔོན་ཆད་བདག་གིས་འཕྲིན་བཟང་གལ་ཆེན་དེ་ཉིད་དང་དུ་བླངས་ཤིང་ཁྱོད་རྣམས་ལའང་བསྒྲགས་མྱོང༌སྟེ། གསུང་རབ་ལས་གསུངས་པ༌བཞིན། སྐྱབས་མགོན་མཱ་ཤི་ཀ་ནི་བདག་ཅག་གི་སྡིག་པའི་ཕྱིར་སྐུ་གྲོངས༌ཤིང༌།  
\v 4 སྐུ་གདུང་དུར་དུ་བཅུག་པ་ཡིན། ཡང་གསུང་རབ་ལས་གསུངས་པ༌བཞིན། ཉིན་གསུམ་པར་ཁོང་ཉིད་སླར་གསོན་དུ་མཛད་པར་མ༌ཟད།  
\v 5 ཀེ་ཕཱ་ལ་མངོན་པར་མཛད་པ༌དང༌། དེ་ནས་སྐུ་ཚབ་པ་བཅུ་གཉིས་ལ་མངོན་པར་མཛད་དོ།།  
\v 6 དེའི༌རྗེས་སུ། དུས་གཅིག་ཏུ་སྤུན་ཟླ་ལྔ་བརྒྱ་ལྷག་ལ་མངོན་པར་མཛད༌ཅིང༌། རྗེས་འབྲང་པ་དེ་དག་ལས་འགའ་ཞིག་ཚེ་ལས་འདས༌ཀྱང༌། མང་ཤོས་ནི་ད་ལྟའི་བར་དུ་བཞུགས༌པ་ཡིན།  
\v 7 དེའི་རྗེས༌སུ། ཡ་ཀོབ་ལ་མངོན་པར་མཛད་པ༌དང༌། དེ་ནས་སྐུ་ཚབ་པ་ཐམས་ཅད་ལའང་མངོན་པར་མཛད་ཅིང་།  
\v 8 མཇུག་མཐར་བདག་ནི་སྐྱེ་རན་ལ་མ་ཐོན་པར་སྐྱེས་པའི་ཕྲུ་གུ་དང་མཚུངས་པར་བདག་ལའང་མངོན་པར་མཛད་དོ།།  
\v 9 བདག་གིས་སྔོན་ཆད་དཀོན་མཆོག་གི་ཆོས་ཚོགས་ལ་གཉའ་གནོན་བྱས་མྱོང༌བས། བདག་ནི་སྐུ་ཚབ་པ་ཐམས་ཅད་ལས་ཆེས་ཆུང་བ་ཡིན༌ལ། སྐུ་ཚབ་པ་ཞེས་པའི་མིང་ཡང་ཐོགས་མི་འོས་སོ།།  
\v 10 འོན༌ཀྱང༌། ད་ལྟ་བདག་མི་ཅི་ལྟ་བུ་ཞིག་ཏུ་གྱུར་པ་ནི་དཀོན་མཆོག་གི་ཐུགས་རྗེའི་དབང་གིས་ཡིན༌ལ། ཁོང་གིས་བདག་ལ་གནང་བའི་ཐུགས་རྗེ་ནི་སྙིང་པོ་མེད་པ་ཞིག་མིན༌ཏེ། བདག་གིས་སྐུ་ཚབ་པ་གཞན་དག་ལས་ཀྱང་ངལ་དུབ་མང་པོ་མྱངས། དོན་དམ་དུ་ང་རང་མིན༌ཏེ། དཀོན་མཆོག་གི་ཐུགས་རྗེ་བདག་དང་ལྷན་དུ་གནས་པ་ལགས།  
\v 11 བདག་དང་སྐུ་ཚབ་པ་གཞན་སུ་ཞིག་ཡིན༌ཡང༌། ངེད་ཅག་གིས་དེ་ལྟར་ཆོས་བསྒྲགས་ཤིང་ཁྱོད་རྣམས་ཀྱིས་ཀྱང་དེ་ལྟར་དད་པ་བྱས༌སོ།།   
\s1 གཤིན་པོ་རྣམས་སླར་གསོན་པའི༌དོན།  
\p
\v 12 དེ་ཡང་སྐྱབས་མགོན་མཱ་ཤི་ཀ་ནི་སྐུ་གྲོངས་པ་ནས་སླར་གསོན་པ་ཡིན་ཞེས་སྒྲོག་བཞིན་ཡོད༌ན། ཁྱོད་ཅག་གི་ཁྲོད་དུ་མི་ཁ་ཤས་ཀྱིས་གཤིན་པོ་རྣམས་སླར་གསོན་པར་འགྱུར་བའི་དོན་དེ་མེད་ཟེར་བ༌ཅི།  
\v 13 གལ༌ཏེ། གཤིན་པོ་རྣམས་སླར་གསོན་པར་མི་འགྱུར༌ན། སྐྱབས་མགོན་མཱ་ཤི་ཀའང་སླར་གསོན་པ་མིན།  
\v 14 སྐྱབས་མགོན་མཱ་ཤི་ཀ་སླར་གསོན་པ་མིན༌ན། ངེད་ཅག་གིས་ཆོས་སྒྲོག་པར་སྙིང་པོ་མེད༌ཅིང༌། ཁྱོད་ཅག་གིས་དད་པ་བྱས་པ་ལའང་སྙིང་པོ་མེད་དོ།།  
\v 15 ད་དུང་གཤིན་པོ་རྣམས་སླར་གསོན་པར་མི་འགྱུར་ཞེས་པ་དེ་བདེན་པ་ཡིན་ན། དཀོན་མཆོག་གིས་ཀྱང་སྐྱབས་མགོན་མཱ་ཤི་ཀ་སླར་གསོན་པར་མཛད་པ་མིན༌ལ། དཀོན་མཆོག་གིས་སྐྱབས་མགོན་མཱ་ཤི་ཀ་སླར་གསོན་པར་མཛད་པ་ལ་ངེད་ཅག་གིས་བདེན་དཔང་བྱས༌པས། ངེད་ཅག་ནི་དཀོན་མཆོག་ལ་རྫུན་གྱི་དཔང་པོ་བྱེད་མཁན་ཡིན་པ་གསལ་པོར་མངོན།  
\v 16 རྒྱུ་མཚན་ནི་གཤིན་པོ་རྣམས་སླར་གསོན་པ་མིན༌ན། སྐྱབས་མགོན་མཱ་ཤི་ཀའང་སླར་གསོན་པ་མ་ཡིན་པའི་ཕྱིར༌རོ།།  
\v 17 གལ༌ཏེ། སྐྱབས་མགོན་མཱ་ཤི་ཀ་སླར་གསོན་པ་མིན༌ན། ཁྱོད་ཅག་གིས་དད་པ་བྱས་པར་སྙིང་པོ་མེད༌ཅིང༌། ཁྱོད་རྣམས་ནི་ད་དུང་སྡིག་པའི་ནང་དུ་ཡོད༌དེ།  
\v 18 སྐྱབས་མགོན་མཱ་ཤི་ཀའི་དད་ལྡན་འདས་པོ་རྣམས་འཇིག༌པ་ཡིན་ནོ།།  
\v 19 གལ༌ཏེ། བདག་ཅག་གིས་ཚེ་འདི་ཁོ་ནའི་ཆེད་དུ་སྐྱབས་མགོན་མཱ་ཤི་ཀར་སྐྱབས་སུ་བཅོལ་བ་ཡིན༌ན། མི་ཐམས་ཅད་ལས་ཀྱང་བདག་ཅག་སྙིང་རེ༌རྗེའོ།།   
\p
\v 20 འོན༌ཀྱང༌། སྐྱབས་མགོན་མཱ་ཤི་ཀ་སྐུ་གྲོངས་པ་ནས་སླར་གསོན༌ཏེ། དད་ལྡན་འདས་པོ་རྣམས་ཀྱི་འབྲས་བུ་ཐོག་མར་གྱུར་པ་ཡིན་ནོ།།  
\v 21 དེ་ཡང་མི་གཅིག་གི་རྐྱེན་ལས་འཆི་བ་བྱུང་བ༌བཞིན། མི་གཅིག་གི་རྐྱེན་ལས་གཤིན་པོ་རྣམས་སླར་གསོན་པའི་དོན་དེའང་བྱུང་སྟེ།  
\v 22 ཨ་དམ་བརྒྱུད་ནས་མི་ཐམས་ཅད་ཤི་བ༌ལྟར། སྐྱབས་མགོན་མཱ་ཤི་ཀ་བརྒྱུད་ནས་མི་ཐམས་ཅད་སླར་གསོན་པར་འགྱུར་ངེས༌ཡིན།  
\v 23 འོན༌ཀྱང༌། མི་ཐམས་ཅད་ནི་རིམ་པ་ལྟར་སླར་གསོན་ངེས༌ཏེ། འབྲས་བུ་ཐོག་མར་གྱུར་པ་ནི་སྐྱབས་མགོན་མཱ་ཤི་ཀ་ལགས༌ཤིང༌། ཕྱིས་སུ་ཁོང་ཉིད་ཕེབས་ཡོང་བའི་དུས་སུ། ཁོང་ལ་གཏོགས་པ་རྣམས་སླར་གསོན་པར་འགྱུར་ངེས༌ཡིན།  
\v 24 དེའི་རྗེས༌སུ། སྐྱབས་མགོན་མཱ་ཤི་ཀས་སྲིད་འཛིན་མཁན༌དང༌། དབང་འཛིན༌མཁན། ནུས་མཐུ་ཅན་ཐམས་ཅད་ཕམ་པར་མཛད༌དེ། རྒྱལ་སྲིད་དེ་ཉིད་ཡབ་དཀོན་མཆོག་ལ་འབུལ་བའི་སྐབས་སུ་མཐའ་མའི་དུས་ལ་སླེབས་པ་ཡིན།  
\v 25 ཅིའི་ཕྱིར་ཞེ་ན། དཀོན་མཆོག་གིས་དགྲ་བོ་ཐམས་ཅད་སྐྱབས་མགོན་མཱ་ཤི་ཀའི་ཞབས་འོག་ཏུ་གནོན་པའི་བར༌དུ། ཁོང་ཉིད་རྒྱལ་པོར་བཞུགས་པའི་ཕྱིར༌རོ།།  
\v 26 ཆེས་མཐའ་མར་མེད་པར་མཛད་པའི་དགྲ་བོ་ནི་འཆི་བ་ཡིན།  
\v 27 དེ་ལ་གསུང་རབ་ཀྱི་མདོ་ལས་ཇི་སྐད༌དུ། དཀོན་མཆོག་གིས་འཇིག་རྟེན་གྱི་དངོས་པོ་ཐམས་ཅད་ཁོང་གི་ཞབས་འོག་ཏུ་གནོན་པར་མཛད་ཅེས་གསུངས་པས། དངོས་པོ་ཐམས་ཅད་ཁོང་གི་ཞབས་འོག་ཏུ་གནོན་པར་མཛད་མཁན་དཀོན་མཆོག་ནི་དེའི་ནང་དུ་མི་འདུས་སོ།།  
\v 28 འཇིག་རྟེན་གྱི་དངོས་པོ་ཐམས་ཅད་ནི་སྐྱབས་མགོན་མཱ་ཤི་ཀའི་དབང་དུ་གཏོགས༌ཤིང༌། དེའི་དུས༌སུ། དཀོན་མཆོག་གི་སྲས་རང་ཉིད་ཀྱང་དངོས་པོ་ཐམས་ཅད་དབང་དུ་སྡུད་མཁན་དཀོན་མཆོག་གི་དབང་དུ་གཏོགས་པར་འགྱུར༌ཏེ། དཀོན་མཆོག་ནི་དངོས་པོ་ཐམས་ཅད་ལས་བླ་ན་མཐོ་ཞིང༌། དངོས་པོ་ཐམས་ཅད་ཀྱི་བདག་པོར་འགྱུར་བའི་ཕྱིར༌རོ།།   
\p
\v 29 དེ་ལྟར་མ་ཡིན༌ན། འདས་པོ་རྣམས་ལ་ཁྲུས་གསོལ་བྱེད་མཁན་དག་ \f + \ft ཡེ་ཤུའི་ཆོས་ལུགས་སུ་འདས་པོ་རྣམས་ལ་ཁྲུས་གསོལ་བྱེད་པའི་སྲོལ་མེད་མོད། དེ་ནི་སྐབས་དེའི་ཀོ་རིན་ཐུ་པ་རྣམས་ཀྱི་ལོག་པའི་ལུགས་སྲོལ་ཡིན་པར་གོ་དགོས། \f*གིས་མ་འོངས་པར་ཅི་བྱེད༌དམ། འདས་པོ་རྣམས་དངོས་གནས་སླར་མ་གསོན༌ན། ཅིའི་ཕྱིར་དེ་རྣམས་ལ་ཁྲུས་གསོལ་བྱེད༌དམ།  
\v 30 ཅིའི་ཕྱིར་ངེད་ཅག་གིས་རྒྱུན་དུ་ཉེན་ཁར་ཁ་གཏོད༌དམ།  
\v 31 སྤུན་ཟླ༌རྣམས། ངས་བདག་ཅག་གི་གཙོ་བོ་མཱ་ཤི་ཀ་ཡེ་ཤུར་བརྟེན༌ནས། ཁྱོད་ཅག་གི་སྐོར་ལ་བསྔགས་བརྗོད་བྱས་པས། བདག་ནི་ཉིན་རེ་བཞིན་འཆི་བའི་ཉེན་ཁར་ཕྲད་ཡོད་ཅེས་བདེན་དཔང་བྱེད་པའོ།།  
\v 32 བདག་ནི་མི་ཕལ་བ་བཞིན་དུ་ཨེ་ཕེ་སི་ནས་གཅན་གཟན་དང་འཐབ༌ན། བདག་ལ་ཕན་ཐོགས་ཅི་ཡོད༌དམ། འདས་པོ་རྣམས་སླར་གསོན་པ་མིན༌ན། དེ་ལ་ཇི་སྐད་དུ།  
\q1 སང་ཉིན་བདག་ཅག་འཆི་ངེས༌པས།།  
\q1 བཟའ་བཏུང་ལ་ནི་ཅི་དགར༌རོལ།།  
\m ཞེས་པ་བཞིན་དུ་བྱ་འོས༌སོ།།  
\v 33 ཁྱོད་ཅག་གིས་རང་ཉིད་བསླུ་བར་མི༌བྱའོ།། གྲོགས་ངན་པར་འགྲོགས་ན་སྤྱོད་བཟང་བརླག་པར་འགྱུར།  
\v 34 ཁྱོད་རྣམས་ལས་མི་ཁ་ཤས་ཀྱིས་དཀོན་མཆོག་ངོ་མི་ཤེས་པས་གོ་རྟོགས་སད་ཅིང་སྡིག་པ་མི་བྱེད་པར་ལས་བཟང་པོ་བྱ་འོས་པ་ཡིན། ཁྱོད་ཅག་ངོ་གནོང་བའི་ཕྱིར་བདག་གིས་དེ་ལྟར་སྨྲས༌པའོ།།   
\s1 སླར་གསོན་པའི་ལུས་པོའི༌སྐོར།  
\p
\v 35 འདས་པོ་རྣམས་ཅི་ལྟར་སླར་གསོན་པར་འགྱུར༌རམ། དེ་དག་གིས་ལུས་པོ་ཅི་ལྟ་བུ་ཞིག་ཁྱེར་ཡོང་ངམ་ཞེས་འདྲི་མཁན་ཡོད་སྲིད་ཅིང་།  
\v 36 ཀྱེ། བླུན་པོ༌ཁྱོད། ཁྱོད་ཀྱིས་བཏབ་པའི་ས་བོན་ནི་འཆི་བར་མ་གྱུར་ན་སྐྱེ་བར་མི་འགྱུར་རོ།།  
\v 37 ཁྱོད་ཀྱིས་བཏབ་པ་ནི་མ་འོངས་པར་སྐྱེ་བར་འགྱུར་བའི་གཟུགས་དེ་མིན༌ལ། གྲོའམ་འབྲུ་རིགས་གཞན་ལ་སོགས་པའི་འབྲུ་རྡོག་ཙམ་ཡིན།  
\v 38 འོན༌ཀྱང༌། དཀོན་མཆོག་གིས་རང་ཉིད་ཀྱི་ཐུགས་དགོངས་བཞིན་ས་བོན་དེ་ལ་གཟུགས་དབྱིབས་གནང་བ༌དང༌། འབྲུ་རྡོག་རེ་རེར་རང་རང་གི་གཟུགས་དབྱིབས་ཡོད་པར་མཛད་དོ།།  
\v 39 ལུས་ཕུང་ཐམས་ཅད་མི་འདྲ༌སྟེ། མི༌དང༌། ཕྱུགས་ཟོག འདབ༌ཆགས། ཉ་བཅས་ནི་རྣམ་པ་མི་འདྲ་བ་རེ་རེ་ཡིན།  
\v 40 ནམ་མཁའི་གཟུགས་དབྱིབས་ཡོད་པ༌དང༌། ས་གཞིའི་གཟུགས་དབྱིབས་ཀྱང་ཡོད། འོན༌ཀྱང༌། ནམ་མཁའི་གཟུགས་དབྱིབས་ཀྱི་གཟི་འོད་ནི་སྣ་གཅིག་ཡིན་ལ། ས་གཞིའི་གཟུགས་དབྱིབས་ཀྱི་གཟི་འོད་ཀྱང་སྣ་གཅིག་ཡིན།  
\v 41 ཉི་མ་ལ་ཉི་མའི་གཟི་འོད་ཡོད་པ༌དང༌། ཟླ་བ་ལ་ཟླ་བའི་གཟི་འོད་ཡོད༌ལ། སྐར་མ་ལ་སྐར་མའི་གཟི་འོད་ཡོད༌དེ། སྐར་མ་སོ་སོའི་གཟི་འོད་ལའང་ཁྱད་པར་ཡོད༌དོ།།   
\p
\v 42 གཤིན་པོ་རྣམས་སླར་གསོན་པར་འགྱུར་བའང་དེ་བཞིན༌ཏེ། ས་འོག་ཏུ་བཅུག་པ་ནི་ངེས་པར་འཇིག་སྲིད༌ཅིང༌། སླར་གསོན་པའི་ལུས་པོ་ལ་འཇིག་པ་མེད་དོ།།  
\v 43 ས་འོག་ཏུ་བཅུག་པ་ནི་ངོ་གནོང་བ་ཡིན༌ཞིང༌། སླར་གསོན་པའི་ལུས་པོར་གཟི་བརྗིད་ལྡན་ལ། ས་འོག་ཏུ་བཅུག་པ་ཉམ་ཐག༌ཅིང༌། སླར་གསོན་པའི་ལུས་པོར་སྟོབས་དང་ལྡན་ནོ།།  
\v 44 ས་འོག་ཏུ་བཅུག་པ་ནི་ཤ་ཁྲག་གི་ཕུང་བོ་ཡིན༌ཞིང༌། སླར་གསོན་པའི་ལུས་པོ་ནི་སེམས་ཉིད་ཀྱི་ལུས་པོ་ཡིན། ཤ་ཁྲག་གི་ལུས་པོ་ཡོད་ན། སེམས་ཉིད་ཀྱི་ལུས་པོའང་ཡོད་ངེས་པ་ཡིན་ནོ།།  
\v 45 དེའི༌ཕྱིར། གསུང་རབ་ཀྱི་མདོ་ལས་ཇི་སྐད༌དུ། མིའི་ཐོག་མ་ཨ་དམ་ནི་སྲོག་དང་ལྡན་པའི་མི་ཞིག་ཏུ་གྱུར་པ་ཡིན་ཞེས་བཀོད་ཡོད། ཨ་དམ་ཕྱི་མ་སྟེ་སྐྱབས་མགོན་ཡེ་ཤུ་ནི་མི་རྣམས་གསོན་པར་མཛད་པའི་ཐུགས་ཉིད་ཅིག་ཏུ་གྱུར༌པ་ཡིན།  
\v 46 འོན༌ཀྱང༌། སེམས་ཉིད་ཡིན་པ་དེ་ནི་སྔ་མ་མིན༌ཏེ། ཤ་ཁྲག་ཡིན་པ་དེ་ནི་སྔ་མ་ཡིན༌ཞིང༌། ཕྱིས་སུ་སེམས་ཉིད་ཡིན་པ་དེ་ཉིད་བྱུང༌བ་ཡིན།  
\v 47 མིའི་ཐོག་མ་དེ་ནི་ས་ལས་བཟོས་ཤིང་ས་ལ་གཏོགས༌པ་དང་། མི་ཕྱི་མ་དེ་ནི་ནམ་མཁའི་ཞིང་ཁམས་ནས་བྱོན༌པ་ཡིན།  
\v 48 ས་ལ་གཏོགས་པ་དེ་ནི་ཅི་འདྲ་ཡིན༌ན། ས་ལ་གཏོགས་པའི་མི་ཐམས་ཅད་ཀྱང་དེ་ལྟར་ཡིན༌ལ། ནམ་མཁའི་ཞིང་ཁམས་ལ་གཏོགས་པ་ནི་ཅི་འདྲ་ཡིན༌ན། ནམ་མཁའི་ཞིང་ཁམས་ལ་གཏོགས་པའི་མི་ཐམས་ཅད་ཀྱང་དེ་ལྟར་ཡིན།  
\v 49 བདག་ཅག་ས་ལ་གཏོགས་པའི་གཟུགས་དབྱིབས་དང་ལྡན༌པས། མ་འོངས་པར་ནམ་མཁའི་ཞིང་ཁམས་ལ་གཏོགས་པའི་གཟུགས་དབྱིབས་ཀྱང་ངེས་པར་ཡོད་སྲིད༌དོ།།   
\p
\v 50 སྤུན་ཟླ༌རྣམས། བདག་གིས་ཁྱོད་རྣམས་ལ་སྨྲ་བར་བྱ༌སྟེ། ཤ་ཁྲག་གི་ཕུང་བོར་དཀོན་མཆོག་གི་རྒྱལ་སྲིད་འཐོབ་མི་སྲིད༌ལ། ངེས་པར་འཇིག་སྲིད་པ་ལ་འཇིག་པ་མེད་པ་དེའང་འཐོབ་མི་སྲིད།  
\v 51 ལྟོས༌དང༌། ད་ལྟ་བདག་གིས་ཁྱོད་རྣམས་ལ་གསང་བའི་དོན་ཞིག་སྨྲ་བར༌བྱ། བདག་ཅག་ཐམས་ཅད་འཆི་བར་འགྱུར་བ་མིན༌ཏེ།  
\v 52 མཇུག་མཐའི་དུང་སྒྲ་གྲགས་པའི་དུས༌སུ། སྐད་ཅིག་མའམ་མིག་རྡེབ་དབང་ཙམ་ལ་བདག་ཅག་ཐམས་ཅད་ཀྱི་ལུས་པོ་འགྱུར་ངེས༌སོ།། དུང་སྒྲ་དེ་གྲགས་པ་དང་། འདས་པོ་རྣམས་སླར་གསོན་པར་མཛད་ཅིང་ནམ་ཡང་འཇིག་པར་མི་འགྱུར༌ཏེ། བདག་ཅག་གི་ལུས་པོའང་འགྱུར་ངེས་ཡིན།  
\v 53 འཇིག་པར་འགྱུར་བའི་ལུས་པོ་འདི་ཡིས་ནམ་ཡང་འཇིག་པ་མེད་པ་གྱོན་དགོས་ཤིང༌། འཆི་བར་འགྱུར་བའི་ལུས་པོ་འདི་ཡིས་ནམ་ཡང་འཆི་བ་མེད་པ་གྱོན་དགོས་སོ།།  
\v 54 ཡང་འཇིག་པར་འགྱུར་བའི་ལུས་པོ་འདི་ཡིས་ནམ་ཡང་འཇིག་པ་མེད་པ་གྱོན་པ་དང་། འཆི་བར་འགྱུར་བའི་ལུས་པོ་འདི་ཡིས་ནམ་ཡང་འཆི་བ་མེད་པ་གྱོན་པའི་ཚེ། གསུང་རབ་ཀྱི་མདོ་ལས་ཇི་སྐད༌དུ།  
\q1 རྒྱལ་ཁས་འཆི་བ་ལ་ནི་ཁྱུར་མིད༌བཏང༌།།  
\m ཞེས་གསུངས་པ་ལྟར་འགྲུབ་པར་འགྱུར༌རོ།།  
\v 55 ཡང་ཇི་སྐད༌དུ།  
\q1 ཀྱེ་མ་འཆི་བ་ཁྱོད་ལ་རྒྱལ་ཁ་ཡོད་སྲིད་དམ།།  
\q1 ཀྱི་ཧུད་འཆི་བ་ཁྱོད་ལ་དུག་མདུང་ཡོད་སྲིད་དམ།།  
\m ཞེས་གསུངས་སོ།།  
\v 56 འཆི་བའི་དུག་མདུང་ནི་སྡིག་པ་ཡིན༌ལ། སྡིག་པའི་དབང་ཤུགས་ནི་བཀའ་ཁྲིམས་ཡིན།  
\v 57 འོན༌ཀྱང༌། དཀོན་མཆོག་གིས་བདག་ཅག་གི་གཙོ་བོ་ཡེ་ཤུ་མཱ་ཤི་ཀ་བརྒྱུད༌ནས། བདག་ཅག་རྒྱལ་བར་མཛད་པས་ཁོང་ལ་ཐུགས་རྗེ་ཆེ༌ཞུའོ།།   
\p
\v 58 དེའི༌ཕྱིར། བདག་གི་སྙིང་ཉེ་བའི་སྤུན་ཟླ༌རྣམས། ཁྱོད་རྣམས་ངེས་པར་འགྱུར་མེད་བརྟན་པོར་སྡོད་པར༌གྱིས། གཙོ་བོའི་ནང་དུ་སྒྲུབ་པའི་ངལ་བའི་ལས་ནི་དོན་མེད་དུ་མི་འགྱུར་བ་ཤེས་པ་བཞིན། ཁྱོད་ཅག་གིས་གཙོ་བོའི་ལས་དོན་འབད་པས་སྒྲུབས་ཤིག །   
\c 16
\cl ལེའུ་བཅུ་དྲུག༌པ། 
\toc1 ༄༅། །ཀོ་རིན་ཐུ་པ་རྣམས་ལ་སྤྲིངས་པའི་འཕྲིན་ཡིག་དང་པོ། 
\toc2 ཀོ་རིན་ཐུ་པ་དང་པོ། 
\s1 དད་ལྡན་དམ་པར་ཞལ་འདེབས་འབུལ་བའི༌སྐོར།  
\p
\v 1 སྔོན་ཆད་བདག་གིས་དད་ལྡན་དམ་པ་རྣམས་ལ་ཅི་ལྟར་ཞལ་འདེབས་འབུལ་དགོས་པའི་སྐོར་ག་ལད་ཡཱ་ཡུལ་གྱི་ཆོས་ཚོགས་སོ་སོར་ཁ་བསྒོ་བཏང་བ༌བཞིན། ཁྱོད་རྣམས་ཀྱིས་ཀྱང་དེ་ལྟར་བྱ་འོས༌ཏེ།  
\v 2 གཟའ་འཁོར་རེ་རེའི་ཉིན་དང་པོ་ལ། ང་རང་ཡོང་བའི་ཉིན་དེར་ཞལ་འདེབས་མི་བསྡུ་བའི༌ཕྱིར། མི་སོ་སོས་རང་རང་གི་ཡོང་འབབ་བཞིན་ཟུར་དུ་བླངས་ཏེ་བསྐྱུར་བར༌གྱིས།  
\v 3 ང་རང་ཡོང༌ཚེ། ཁྱོད་ཅག་གིས་ཡི་གེ་བྲིས་ཏེ་མི་འགའ་ཞིག་གདམ༌པར་བྱེད་ན། ངས་མི་དེ་རྣམས་ཡེ་རུ་སཱ་ལེམ་ལ་ཁྱོད་རྣམས་ཀྱི་ཞལ་འདེབས་སྐྱེལ་མཁན་དུ་མངག་པར༌བྱའོ།།  
\v 4 གལ༌ཏེ། ང་རང་འགྲོ་དགོས་བྱུང༌ན། མི་དེ་དག་བདག་དང་མཉམ་དུ་འགྲོ་བར༌བྱའོ།།   
\s1 ཕོལ་ལོལ་གྱིས་རང་གི་རེ་འདུན་གླེང༌བ།  
\p
\v 5 ང་རང་མ་ཀེ་དོན་ཡཱ་ཡུལ་བརྒྱུད་ནས་འགྲོ་རྒྱུ་ཡིན་ཞིང་། དེའི་རྗེས་སུ་ཁྱོད་ཅག་གི་གམ་དུ་ཡོང་ངོ་།།  
\v 6 ཁྱོད་ཅག་དང་མཉམ་དུ་རེ་ཞིག་སྡོད༌པའམ། ཡང་ན་དགུན་སྐྱེལ་ཡང་སྲིད༌ལ། ང་རང་གང་དུ་འགྲོ་ནའང་ཁྱོད་ཅག་གིས་སྐྱེལ་མ་བྱེད་རུང་བ་ཡིན།  
\v 7 ད་ལྟ་བདག་ནི་ལམ་བར་ནས་ཁྱོད་ཅག་དང་འཕྲད་མི་འདོད༌དེ། གཙོ་བོས་བདག་ལ་དགོངས་པ་གནང་བ་ཡིན༌ན། བདག་ནི་ཡུན་རིང་ཞིག་ལ་ཁྱོད་ཅག་དང་མཉམ་དུ་སྡོད་འདོད༌པ་ཡིན།  
\v 8 འོན༌ཀྱང༌། ལྔ་བཅུའི་དུས་ཆེན་གྱི་བར་དུ་ང་རང་ཨེ་ཕེ་སི་ནས་སྡོད་ངེས་ཡིན།  
\v 9 དེ་ནི་བདག་ལ་ཁོད་རྒྱ་ཆེ་ཞིང་ཕན་ནུས་ལྡན་པའི་སྒོ་ཞིག་ཕྱེས་ཡོད༌ལ། ངོ་རྒོལ་བྱེད་མཁན་ཡང་མང་པོ་ཞིག་ཡོད་པའི་ཕྱིར༌རོ།།   
\p
\v 10 གལ༌ཏེ། ཐི་མོ་ཐེ་ཡོང་ན། ཁོས་ཀྱང་བདག་དང་འདྲ་བར་གཙོ་བོའི་ཆོས་དོན་སྒྲུབ་བཞིན་ཡོད༌པས། ཁོ་རང་ནི་ཁྱོད་ཅག་གི་གམ་དུ་མི་འཇིགས་པར་སྡོད་པའི༌ཕྱིར། ཁྱོད་རྣམས་ཀྱིས་མཉམ་འཇོག་བྱ་འོས་སོ།།  
\v 11 དེའི༌ཕྱིར། མི་སུས་ཀྱང་ཁོ་རང་ལ་མཐོང་ཆུང་མི་བྱེད་ཅིང་བདག་གི་གམ་དུ་བདེ་བར་ཡོང་བར༌གྱིས། ཅིའི་ཕྱིར་ཞེ་ན། ངས་ཁོ་རང་དང་སྤུན་ཟླ་རྣམས་མཉམ་དུ་ཡོང་བར་རེ་སྒུག་བྱེད་བཞིན་ཡོད་པའི་ཕྱིར༌རོ།།   
\p
\v 12 བདག་གིས་སྤུན་ཟླ་ཨ་པོལ་ལོ་ནི་དད་ལྡན་གཞན་དག་དང་མཉམ༌དུ། ཁྱོད་ཅག་གི་གམ་དུ་འགྲོ་བར་ཡང་ཡང་བསྐུལ༌མོད། འོན་ཀྱང་ད་ལྟ་ཁོ་རང་འགྲོ་འདོད་མེད༌ནའང༌། ནམ་ཞིག་ལ་གོ་སྐབས་ལྡན་ཚེ་ཁོ་རང་འགྲོ་ངེས༌སོ།།   
\p
\v 13 དད་པའི་ནང་དུ་བརྟན་པོར་སྡོད༌ཅིང༌། སྐྱེས་བུ་དམ་པའི་ངང་ཚུལ་གྱིས་དཔའ་ངར་བསྐྱེད་པའི༌ཕྱིར། ཁྱོད་ཅག་གིས་ངེས་པར་དོགས་ཟོན་བྱེད་པར༌གྱིས།  
\v 14 ཁྱོད་ཅག་གིས་ལས་གང་ཞིག་བྱེད་ནའང་ཐམས་ཅད་བྱམས་པ་ལ་བརྟེན་ནས་བསྒྲུབ་པར༌བྱའོ།།   
\p
\v 15 སྤུན་ཟླ༌རྣམས། སི་ཕ་ནཱའི་ཁྱིམ་མི་དག་ནི་ཨ་ཀ་ཡཱ་ཡུལ་གྱི་འབྲས་བུ་ཐོག་མར་གྱུར་པ་ཡིན༌ལ། ཁོ་རྣམས་ཀྱིས་ཆེད་དུ་དད་ལྡན་དམ་པ་རྣམས་ལ་ཞབས་ཕྱི་བྱེད་པ་ཁྱོད་ཅག་གིས་ཤེས་པས།  
\v 16 བདག་གིས་ཁྱོད་རྣམས་མི་དེ་ལྟ་བུ་དང་ཆོས་གྲོགས་ཐམས་ཅད་ལ་བསྟུན་པར་བསྐུལ་བར་བྱའོ།།  
\v 17 སི་ཕ་ནཱ༌དང༌། ཕཱོར་ཏི༌ན། ཨ་ཁཱ་ཡ་ཀུ་གསུམ་པོ་འདིར་སླེབས་བྱུང་བས་ང་རང་ཤིན་ཏུ་དགའ༌སྟེ། ཁྱོད་ཅག་ལ་མི་ཚང་བ་དག་ཁོ་རྣམས་ཀྱིས་ཁ་བསྐངས་པའི་ཕྱིར༌རོ།།  
\v 18 ཁོ་རྣམས་ཀྱིས་བདག་དང་ཁྱོད་རྣམས་ཡིད་སེམས་སྤྲོ་བར་བྱས༌པས། ཁྱོད་ཅག་གིས་ངེས་པར་མི་དེ་ལྟ་བུ་རྣམས་ལ་བརྩི་བཀུར་བྱ་དགོས༌སོ།།   
\s1 མཇུག་མཐའི་འཚམས༌ཞུ།  
\p
\v 19 ཨེ་ཞི་ཡཱ་ཡུལ་གྱི་ཆོས་ཚོགས་དག་གིས་ཁྱོད་རྣམས་ལ་འཚམས་འདྲི༌ཞུའོ།། ཨ་ཀུ་ལཱ་དང་ཕུར་སི་ལཱ་གཉིས༌དང༌། ཁོ་གཉིས་ཀྱི་ཁྱིམ་དུ་ཡོད་པའི་ཆོས་ཚོགས་ཀྱི་མི་དག་གིས་ཀྱང་གཙོ་བོའི་ནང་དུ་ཁྱོད་ཅག་ལ་འཚམས་འདྲི་ཡང་ཡང༌ཞུའོ།།  
\v 20 འདིར་སྡོད་པའི་སྤུན་ཟླ་རྣམས་ཀྱིས་ཀྱང་ཁྱོད་ཅག་ལ་འཚམས་འདྲི༌ཞུའོ།། ཁྱོད་ཅག་གིས་ཀྱང་ཕན་ཚུན་ལ་དམ་པའི་འོ་བྱས་ནས་འཚམས་འདྲི་བྱ་འོས༌སོ།།   
\p
\v 21 ཕོལ་ལོལ་བདག་གིས་འཚམས་འདྲི་ཞུ་བ་འདི་ནི་དངོས་སུ་བྲིས་པ་ཡིན།   
\p
\v 22 གཙོ་བོ་གཅེས་སུ་མི་འཛིན་པ་ཡོད༌ན། དེ་ལ་དམོད་མོ་ཐེབས་པར་གྱུར༌ཅིག གཙོ་བོ་ལགས། ཁྱེད་ཉིད་ཕེབས་པར་ཤོག།   
\p
\v 23 གཙོ་བོ་ཡེ་ཤུའི་ཐུགས་རྗེ་ནི་ནམ་ཡང་ཁྱོད་ཅག་དང་མཉམ་དུ་གནས་པར༌སྨོན།   
\p
\v 24 བདག་གི་བརྩེ་བ་ནི་མཱ་ཤི་ཀ་ཡེ་ཤུའི་ནང་དུ་ཁྱོད་ཅག་ཐམས་ཅད་དང་མཉམ་དུ་གནས་པར༌སྨོན། ཨ༌མེན།། །།