\id 1CH – NTB 
\h སྔོན་རབས་དང་པོ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\mt1 ༄༅། །སྔོན་རབས་ཀྱི་མདོ་དང་པོ།  
\imt1 སྔོན་རབས་ཀྱི་མདོ་དང་པོའི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi ཨིབ་རི་པའི་སྐད་ཡིག་གི་ཁ་བྱང་འདི་དུས་སྐབས་ཀྱི་དོན་རྐྱེན་ནམ་ཡང་ན་དེབ་ཐེར་ཞེས་ཀྱང་བསྒྱུར་རུང་བ་ཡིན། གྷི་རིག་གི་སྐད་དུ་བསྒྱུར་བའི་དམ་པའི་གསུང་རབ་ཞལ་ཆད་རྙིང་པའི་སིབ་ཐུ་ཨ་ཀྱན་ཏི་༼Septuagint༽ཞེས་པ་ལས་གྷི་རིག་གི་ཁ་བྱང་འདི་ལ་ཟུར་དུ་བཞག་པའི་དོན་རྣམས་ཞེས་ཀྱང་བརྗོད། དེ་ནི་ལོ་ཙཱ་པ་རྣམས་ཀྱིས་གཞུང་འདི་སཱ་མུ་ཨེལ་གྱི་གཞུང་དང་རྒྱལ་རབས་ཀྱི་གཞུང་ལ་ཁ་བསྐངས་པ་ཞིག་ཡིན་པར་འདོད།  
\is1 ཡི་གེར་འགོད་མཁན་དང་འགོད་དུས།  
\ipi ཡ་ཧུ་དཱ་པའི་གནའ་བོའི་སྲོལ་རྒྱུན་ལྟར་ན་སྔོན་རབས་ཀྱི་གཞུང་ཡི་གེར་འགོད་མཁན་ནི་ཨེས་སི་རཱ་ཡིན་པར་བརྗོད་ཡོད་མོད། འོན་ཀྱང་དེ་ནི་ཡང་དག་པའི་ལྟ་ཚུལ་ཞིག་ཡིན་མིན་བཤད་དཀའ། སྤྱི་ལོ་སྔོན་གྱི་དུས་རབས་ལྔ་པའི་རྗེས་ནི་སྔོན་རབས་ཀྱི་གཞུང་ཡི་གེར་བཀོད་པའི་ལོ་ཚིགས་ཡིན་པར་མང་མོས་གཅིག་མཐུན་གྱི་བསམ་ཚུལ་བྱུང་བ་དང་། དེ་ནི་ཨེས་སི་རཱའི་དུས་སྐབས་སུ་བྱུང་བ་ཡིན་པར་བསྟན་ཡོད། ཡི་གེར་འགོད་མཁན་ཨེས་སི་རཱ་མིན་པའི་དབང་དུ་བཏང་ནའང་། གཞུང་འདི་ཡི་གེར་འགོད་མཁན་གྱིས་ཨེས་སི་རཱ་དང་འདྲ་བར་ཡེས་ར་ཨེལ་པ་རྣམས་ལ་ཐུགས་ཁུར་གནང་ཡོད་པ་གཅིག་མཚུངས་ཡིན།  
\is1 བརྗོད་སྙིང་དང་གསུང་འཕྲིན།  
\ipi སྔོན་རབས་ཀྱི་གཞུང་འདི་ནི་པཱ་པེལ་ལོན་ཡུལ་དུ་བཙན་ཁྲིད་བྱས་པའི་ཡེས་ར་ཨེལ་པ་རྣམས་ཕྱིར་ཡེས་ར་ཨེལ་ཡུལ་དུ་ལོག་པ་དང་། ཁོ་ཚོ་སྔར་བཞིན་དཀོན་མཆོག་གིས་བདམས་པའི་མི་ཡིན་པར་དྲན་སྐུལ་བྱེད་ཆེད་ཡི་གེར་བཀོད་པ་ཞིག་ཡིན། སྐབས་དེར་ཡེས་ར་ཨེལ་པ་རྣམས་ཀྱི་སེམས་ཁུར་གཙོ་བོ་ནི་ཁོ་ཚོའི་སྔོན་ཆད་ཀྱི་དོན་རྐྱེན་སྐོར་གྱི་དྲི་བ་རྣམས་ཡིན་ཏེ། དཀོན་མཆོག་གིས་སྔར་བཞིན་ངེད་ཅག་ལ་དོ་སྣང་མཛད་དམ། ཁོང་གི་ཞལ་ཆད་རྣམས་ད་དུང་ངེད་ཅག་དང་འབྲེལ་བ་ཡོད་དམ། ད་ལྟ་ངེད་ཅག་ནི་རྒྱལ་པོ་དཱ་བིད་ཀྱི་རྒྱལ་ཁམས་མེད་པར་ཏ་ཟིག་གི་དབང་སྒྱུར་འོག་ཏུ་གནས་ཡོད། དཀོན་མཆོག་གིས་དཱ་བིད་ལ་གནང་བའི་ཞལ་བཞེས་རྣམས་ངེད་ཅག་ལ་མཚོན་ན་སྔར་བཞིན་སྙིང་པོ་ཡོད་དམ་ཞེས་པའོ། །  
\is1 འཆར་ཟིན།  
\ipi 1. ཨ་དམ་ནས་རྒྱལ་པོ་སོ་ལོའི་བར་གྱི་གདོང་རྒྱུད་སྐོར། ༼1:1-9:44༽  
\ipi 2. དཱ་བིད་ཀྱི་སྲིད་དབང་སྐོར། ༼10:1-29:30༽  
\c 1
\cl ལེའུ་དང་པོ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 ཨ་དམ་ནས་ཨབ་ར་ཧམ་བར་གྱི་གདུང་རྒྱུད།  
\p
\v 1 ཨ་དམ་ལས་སེད་ཐུ་མཆེད་པ་དང་། སེད་ཐུ་ལས་ཨེ་ནོ་ཤཱ་མཆེད།  
\v 2 ཨེ་ནོ་ཤཱ་ལས་ཀེ་ནན་མཆེད་པ་དང་། ཀེ་ནན་ལས་མཱ་ཧ་ལ་ཨེལ་མཆེད། མཱ་ཧ་ལ་ཨེལ་ལས་ཡཱ་རཱད་མཆེད།  
\v 3 ཡཱ་རཱད་ལས་ཧ་ནོག་མཆེད་པ་དང་། ཧ་ནོག་ལས་མཱ་ཐུ་ཤ་ལཱ་མཆེད། མཱ་ཐུ་ཤ་ལཱ་ལས་ལཱ་མེག་མཆེད།  
\v 4 ལཱ་མེག་ལས་ནོ་ཨ་མཆེད་པ་དང་། ནོ་ཨ་ལས་ཤེམ་དང་། ཧཱམ། ཡ་ཕེད་བཅས་མཆེད་དོ། །  
\v 5 ཡ་ཕེད་ཀྱི་བུ་རྣམས་ནི་གོ་མེར་དང་། མ་གཱོག མཱ་ཏི། ཡཱ་ཝན། ཐུ་བཱལ། མེ་ཤེག ཐི་རཱ་བཅས་སོ། །  
\v 6 གོ་མེར་གྱི་བུ་རྣམས་ནི་ཨ་ཤ་ཀེ་ནཱ་དང་། རི་ཕད། \f + \ft རི་ཕད་ཅེས་པར་གནའ་བོའི་མ་ཕྱི་ལས་དཱེ་ཕད་ཅེས་མཐོང་ཞིང་། བཀོད་པའི་ལེའུ་བཅུ་པའི་ཚིག་རྐང་གསུམ་པར་གཟིགས་རོགས། \f* ཐོ་གར་མཱ་བཅས་སོ། །  
\v 7 ཡཱ་ཝན་གྱི་བུ་རྣམས་ནི་ཨི་ལི་ཤཱ་དང་། ཐཱར་ཞིས། ཀི་ཐིམ། དོའུ་དཱ་ནིམ་བཅས་སོ། །  
\v 8 ཧཱམ་གྱི་བུ་རྣམས་ནི་གུ་ཤ་དང་། མུས་རཱ་ཡིམ། \f + \ft མུས་རཱ་ཡིམ་ཞེས་པ་ནི་ཨེ་ཅིབ་ཡིན། ཚིག་རྐང་བཅུ་གཅིག་པར་འབྱུང་བའི་མིས་ར་ཨིམ་ཞེས་པ་ཡང་གཅིག་ཡིན། \f* ཕུ༌ཏཱ། ཀ་ན་ཨན་བཅས་སོ། །  
\v 9 གུ་ཤ་ཡི་བུ་རྣམས་ནི་སེ་བཱ་དང་། ཧ་བེ་ལཱ། སཱབ་ཐ། རཱ་ཨེ་མཱ། སཱབ་ཐེ་ཀཱ་བཅས་སོ། །རཱ་ཨེ་མཱའི་བུ་ནི། ཤེ་བཱ་དང་དི་དན་ཞེས་བྱ༌བའོ། །  
\v 10 ཡང་གུ་ཤ་ལས་ནིམ་རོད་མཆེད་པ་དང་། ཁོ་ནི་འཇིག་རྟེན་གྱི་དཔའ་རྒོད་ཐོག༌མ་ཡིན་ནོ། །  
\v 11 མུས་རཱ་ཡིམ་ལས་ལུ་དཱ་པ་དང་། ཨ་ནཱམ་པ། ལེ་ཧ་པ། ནཱབ་ཐུ་པ།  
\v 12 ཕཱད་རུའུ་པ། ཀཱ་སི་ལི་པ། ཀབ་ཐོར་པ་བཅས་མཆེད་པ་དང་། ཕེ་ལེ་ཤེད་པ་ནི་ཀཱ་སི་ལི་པ་ལས་བྱུང་བའོ། །  
\v 13 ཀ་ན་ཨན་ལས་བུ་སྐྱེས་འགོ་ཚི་ཏུན་དང་། ཡང་ཧེད་དང་།  
\v 14 ཡེ་བུ་སི་པ། ཨེ་མོར་པ། གིར་གས་པ།  
\v 15 ཧེ་བི་པ། ཨར་ཀི་པ། སི་ནེ་པ།  
\v 16 ཨར་ཝཱ་དིའུ་པ། ཚཱ་མཱ་རེའེ་པ། ཧ་མཱད་པ་བཅས་མཆེད་དོ། །  
\v 17 ཤེམ་གྱི་བུ་རྣམས་ནི་ཨེ་ལཱམ་དང་། ཨ༌ཤུར། ཨར་པག་ཤད། ལུ་ཏི། ཨ་རམ། ཨུ་ཟཱ། ཧུལ། གེ་ཐེར། མེ་ཤེག་ \f + \ft མེ་ཤེག་ཅེས་པ་ནི་བཀོད་པའི་མདོ་ཡི་ལེའུ་བཅུ་པའི་ཚིག་རྐང་ཉེར་གསུམ་གྱི་ནང་དུ་མཱ་ཤཱ་ཞེས་པ་དེ་ཡིན།\f*བཅས་སོ། །  
\v 18 ཨར་པག་ཤད་ལས་ཤེ་ལཱ་མཆེད་པ་དང་། ཤེ་ལཱ་ལས་ཨེ་བེར་མཆེད་དོ། །  
\v 19 ཨེ་བེར་ལས་བུ་གཉིས་མཆེད་པ་དང་། གཅིག་ལ་ཕེ་ལེག་ \f + \ft ཕེ་ལེག་ཅེས་པ་ནི་ཁ་འཐོར་བའི་དོན་ཡིན།\f*ཅེས་བྱ་སྟེ། རྒྱུ་མཚན་ནི་དེའི་དུས་སུ་མི་རྣམས་ཡུལ་སོ་སོར་ཁ་འཐོར་དུ་བསྡད་པའི་ཕྱིར་རོ། །ཁོའི་ནུ་བོའི་མིང་ལ་ཡོག་ཏན་ཞེས་བྱའོ། །  
\v 20 ཡོག་ཏན་ལས་ཨལ་མོ་དཱད་དང་། ཤེ་ལཱ༌ཕཱ། ཧ་ཚཱར་མ་ཝེད། ཡཱ་ར།  
\v 21 ཧ་དོ་རམ། ཨུ་ཟཱལ། དིག་ལཱ།  
\v 22 ཨེ་བཱལ།\f + \ft ཨེ་བཱལ་ཞེས་པ་ནི་བཀོད་པའི་མདོ་ཡི་ལེའུ་བཅུ་པའི་ཚིག་རྐང་ཉེར་བརྒྱད་པ་ནང་གི་ཨོ༌བཱལ་ཞེས་པ་དེ་ཡིན།\f* ཨ་བི་མཱ་ཨེལ། ཤེ་བཱ།  
\v 23 ཨོ་ཕིར། ཧ་བེ་ལཱ། ཡོ་བཱབ་བཅས་མཆེད་པ་དང་། དེ་ཐམས་ཅད་ཡོག་ཏན་གྱི་བུ་རྣམས་སོ། །  
\v 24 ཤེམ་ལས་ཨར་པག་ཤད་མཆེད་པ་དང་། ཨར་པག་ཤད་ལས་ཤེ་ལཱ་མཆེད།  
\v 25 ཤེ་ལཱ་ལས་ཨེ་བེར་མཆེད་པ་དང་། ཨེ་བེར་ལས་ཕེ་ལེག་མཆེད། ཕེ་ལེག་ལས་རེའེ་ཨུ་མཆེད།  
\v 26 རེའེ་ཨུ་ལས་སེ་རུག་མཆེད་པ་དང་། སེ་རུག་ལས་ནཱ་ཧོར་མཆེད། ནཱ་ཧོར་ལས་ཐ་རཱ་མཆེད།  
\v 27 ཐ་རཱ་ལས་ཨབ་རམ་མཆེད་ལ། ཨབ་རམ་ནི་ཨབ་ར་ཧམ་ཡིན་ནོ། །   
\s1 ཨབ་ར་ཧམ་གྱི་ཁྱིམ་རྒྱུད།  
\p
\v 28 ཨབ་ར་ཧམ་གྱི་བུ་རྣམས་ནི་ཨི་སཱག་དང་ཡེས་མ་ཨེལ་ཡིན་ནོ། །  
\v 29 ཁོ་རྣམས་ཀྱི་རིགས་རྒྱུད་ནི་འདི་ལྟ་སྟེ། ཡེས་མ་ཨེལ་གྱི་བུ་སྐྱེས་འགོ་ནི་ནཱ་བ་ཨོད་ཡིན་པ་དང་། དེའི་འཕྲོ་ཡི་བུ་རྣམས་ནི་ཀེ༌དཱར་དང་། ཨད་པཱ༌ཨེལ། མིབ༌སཱམ།  
\v 30 མུས་མཱ། དུའུ༌མཱ། མཱ་ས། ཧ༌དཱད། ཐེ་མཱ།  
\v 31 ཡཱ༌ཐར། ནཱ་ཕིས། ཀད་མཱ་བཅས་སོ། །དེ་ཐམས་ཅད་ནི་ཡེས་མ་ཨེལ་གྱི་བུ་ཡིན་ནོ། །  
\v 32 ཨབ་ར་ཧམ་གྱི་ཆུན་མ་ཀེ་ཏི་རཱ་བྱ་བ་ལས་མཆེད་པའི་བུ་རྣམས་ནི་ཟིམ་རན་དང་། ཡོག་ཤན། མཱ་དན། མིད༌ཡཱན། ཡེས་པག ཤུ་ཨག་བཅས་ཡིན་ལ། ཡོག་ཤན་གྱི་བུ་རྣམས་ནི་ཤེ་བཱ་དང་དི་དན་ཡིན་ནོ། །  
\v 33 མིད༌ཡཱན་གྱི་བུ་རྣམས་ནི། ཨེ་ཕཱ་དང་། ཨེ་ཕེར། ཧ༌ནོག ཨ་བི་དཱ། ཨེལ་དཱ་ཨ་བཅས་སོ། །དེ་ཐམས་ཅད་ནི་ཀེ་ཏི་རཱ་ཡི་བུ་རབས་ཚ་རྒྱུད་ཡིན་ནོ། །   
\p
\v 34 ཨབ་ར་ཧམ་ལས་ཨི་སཱག་མཆེད་པ་དང་། ཨི་སཱག་གི་བུ་ནི་ཨེ་སཱབ་དང་ཡེས་ར་ཨེལ་གཉིས་ཡིན་ནོ། །   
\s1 ཨེ་སཱབ་ཀྱི་བུ་རྒྱུད།  
\p
\v 35 ཨེ་སཱབ་ཀྱི་བུ་རྣམས་ནི་ཨེ་ལི་ཕཱ་ཟི་དང་། རུའུ་ཨེལ། ཡེ་ཨུ་སི། ཡཱ་ཨེ༌ལཱམ། ཀོ་རཱག་བཅས་སོ། །  
\v 36 ཨེ་ལི་ཕཱ་ཟི་ཡི་བུ་རྣམས་ནི་ཐེ་མཱན་དང་། ཨོ་མཱར། ཚཱ༌ཕི། གཱ་ཐམ། ཀེ་ནཱ་ཟཱ། ཐིམ་ནཱ། ཨ་མཱད་ལེག་བཅས་སོ། །  
\v 37 རུའུ་ཨེལ་གྱི་བུ་རྣམས་ནི་ནཱ་ཧད་དང་། ཟེ༌རག ཤམ་མཱ། མེ་སཱ་བཅས་སོ། །   
\p
\v 38 སེ་ཨིར་གྱི་བུ་རྣམས་ནི་ལོད་ཐན་དང་། ཤོ་བཱལ། ཚིབ་ཨོན། ཨ་ནཱ། དི༌ཤོན། ཨེ་བཟིར། དི་ཞན་བཅས་སོ། །  
\v 39 ལོད་ཐན་གྱི་བུ་ནི་ཧོ་རི་དང་ཧོ་མམ་ཞེས་པ་གཉིས་ཡིན་ཞིང་། ལོད་ཐན་གྱི་སྲིང་མོ་ནི་ཐིམ་ནཱ་བྱ་བའོ། །  
\v 40 ཤོ་བཱལ་གྱི་བུ་རྣམས་ནི་ཨལ་ཡན་དང་། མཱ་ན༌ཧད། ཨེ་བཱལ། ཤེ་ཕི། ཨོ་ནཱམ་བཅས་ཡིན། ཚིབ་ཨོན་གྱི་བུ་ནི་ཨ་ཡཱ་དང་ཨ་ནཱ་གཉིས་སོ། །  
\v 41 ཨ་ནཱ་ཡི་བུ་ནི་དི༌ཤོན་དང་། དི་ཤོན་གྱི་བུ་རྣམས་ནི་ཧམ་རན་དང་། ཨེས་པཱན། ཡེད༌རཱན། ཀཱ་རཱན་བཅས་སོ། །  
\v 42 ཨེ་བཟིར་གྱི་བུ་ནི་པིལ་ཧན་དང་། ཟ་ཨ་ཝན། ཡཱ་ཨ་ཀན་བཅས་ཡིན་ལ། དི་ཞན་གྱི་བུ་ནི་ཨུ་ཟཱ་དང་ཨ་རན་ནོ། །   
\s1 ཨེ་དོམ་ཡུལ་གྱི་རྒྱལ་པོ་རྣམས།  
\p
\v 43 ཡེས་ར་ཨེལ་པ་རྣམས་ལ་རྒྱལ་པོ་གང་གིས་ཀྱང་སྲིད་མ་བསྐྱངས་པའི་སྔོན་དུ། ཨེ་དོམ་ཡུལ་གྱི་རྒྱལ་པོ་རྣམས་འདི་ལྟར། པཱ་ཨོར་གྱི་བུ་པེ་ལཱ་སྟེ་ཁོའི་རྒྱལ་སའི་མིང་ལ་དིན་ཧ་བཱ་ཞེས་བྱའོ། །  
\v 44 པེ་ལཱ་ཚེ་ལས་འདས་པ་དང་། པོ་ཚ་རཱ་གྲོང་ཁྱེར་གྱི་ཟེ་རག་གི་བུ་ཡོ་བཱབ་ནི་ཁོའི་རྒྱུན་མཐུད་ནས་རྒྱལ་པོར་བཞུགས་སོ། །  
\v 45 ཡོ་བཱབ་ཚེ་ལས་འདས་པ་དང་། ཐེ་མཱན་ཡུལ་གྱི་ཧུ་སཱམ་ནི་ཁོའི་རྒྱུན་མཐུད་ནས་རྒྱལ་པོར་བཞུགས་སོ། །  
\v 46 ཧུ་སཱམ་ཚེ་ལས་འདས་པ་དང་། པཱ་དད་ཀྱི་བུ་ཧ་དཱད་ནི་ཁོའི་རྒྱུན་མཐུད་ནས་རྒྱལ་པོར་བཞུགས་ཤིང་། ཧ་དཱད་ནི་མོ་ཨབ་ཀྱི་ཐང་དུ་མིད༌ཡཱན་མི་རིགས་འཇོམས་མཁན་དེ་ཡིན་ལ། ཁོའི་རྒྱལ་སའི་མིང་ལ་ཨ་ཝིད་ཅེས་བྱའོ། །  
\v 47 ཧ་དཱད་ཚེ་ལས་འདས་པ་དང་། མཱས་རེ་ཁཱ་ཡུལ་གྱི་སམ་ལཱ་ནི་ཁོའི་རྒྱུན་མཐུད་ནས་རྒྱལ་པོར་བཞུགས་སོ། །  
\v 48 སམ་ལཱ་ཚེ་ལས་འདས་པ་དང་། ཆུ་བོའི་འགྲམ་དུ་ཡོད་པའི་རེའེ་ཧོ་པེད་ཡུལ་གྱི་སོ་ལོ་ནི་ཁོའི་རྒྱུན་མཐུད་ནས་རྒྱལ་པོར་བཞུགས་སོ། །  
\v 49 སོ་ལོ་ཚེ་ལས་འདས་པ་དང་། ཨག་པོར་གྱི་བུ་པཱ་ཨལ་ཧ་ནན་ནི་ཁོའི་རྒྱུན་མཐུད་ནས་རྒྱལ་པོར་བཞུགས་སོ། །  
\v 50 པཱ་ཨལ་ཧ་ནན་ཚེ་ལས་འདས་པ་དང་། ཧ་དཱད་ནི་ཁོའི་རྒྱུན་མཐུད་ནས་རྒྱལ་པོར་བཞུགས་སོ། །ཁོའི་རྒྱལ་སའི་མིང་ལ་ཕཱ་ཨི་ཞེས་བྱའོ། །ཁོའི་ཆུང་མའི་མིང་ལ་མཱ་ཧེ་ཐབ་ཨེལ་ཞེས་བྱ་ཞིང་ཁོ་མོ་ནི་མེ་སཱ་ཧབ་ཀྱི་ཚ་མོ་དང་། མཱད་རཱད་ཀྱི་བུ་མོ་ཡིན་ནོ། །  
\v 51 ཧ་དཱད་ཚེ་ལས་འདས་སོ། །ཨེ་དོམ་པའི་ཚོ་དཔོན་རྣམས་ནི་འདི་ལྟ་སྟེ། ཐིམ་ནཱ་དང་། ཨལ༌ཝཱ། ཡཱ་ཐེད།  
\v 52 ཨོ་ཧོ་ལི་བཱ༌མཱ། ཨེ༌ལཱ། ཕི་ནོན།  
\v 53 ཀེ་ནཱ༌ཟཱ། ཐེ་མཱན། མིབ༌ཚཱར།  
\v 54 མག་དི་ཨེལ། ཨི་རཱམ་བཅས་ཡིན་པ་དང་། དེ་ཐམས་ཅད་ནི་ཨེ་དོམ་གྱི་ཚོ་དཔོན་ཡིན་ནོ། །   
\c 2
\cl ལེའུ་གཉིས་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 ཡེས་ར་ཨེལ་གྱི་རིགས་རྒྱུད།  
\p
\v 1 ཡེས་ར་ཨེལ་གྱི་བུ་རྣམས་ནི་རུ་བེན་དང་། སི་མུ་ཨོན། ལེ་ཝི། ཡ་ཧུ་དཱ། ཡེས་སི་ཀཱར། ཟེ་བུ་ལུན།  
\v 2 དཱན། ཡོ་སེབ། པེན་ཡཱ་མེན། ནཱབ་ཐ་ལི། གཱ་རྡུ། ཨ་ཤེར་བཅས་སོ། །   
\s1 ཡ་ཧུ་དཱའི་ཚོ་པ།  
\p
\v 3 ཡ་ཧུ་དཱའི་བུ་རྣམས་ནི་ཨེར་དང་། ཨོ་ནན། ཤེ་ལཱ་བཅས་སོ། །བུ་དེ་གསུམ་ནི་ཀ་ན་ཨན་པ་པད་ཤུ་ཨ་བྱ་བའི་བུ་མོ་ལས་མཆེད་པ་དང་། ཡ་ཧུ་དཱའི་བུ་སྐྱེས་འགོ་ཨེར་བྱ་བ་ནི་དཀོན་མཆོག་ཡ་ཝཱེའི་སྤྱན་སྔར་ངན་པར་སྣང་བས། དཀོན་མཆོག་ཡ་ཝཱེས་དེ་འཆི་བར་མཛད་དོ། །  
\v 4 ཡ་ཧུ་དཱའི་མནའ་མ་ཐལ་མཱར་ལས་ཡ་ཧུ་དཱ་ལ་ཕེ་རེལ་ཟི་དང་ཟེ་རག་མཆེད་པ་དང་། ཡ་ཧུ་དཱ་ལ་བསྡོམས་པས་བུ་ལྔ་ཡོད་དོ། །  
\v 5 ཕེ་རེལ་ཟིའི་བུ་ནི་ཧེས་རོན་དང་ཧ་མུལ་གཉིས་ཀ་ཡིན།  
\v 6 ཟེ་རག་གི་བུ་རྣམས་ནི་ཟིམ་རི་དང་། ཨེ་ཐན། ཧེ་མཱན། ཀལ་ཀོལ། ད་རཱ་བཅས་ལྔའོ། །  
\v 7 ཀར་མིའི་བུ་རྣམས་ནི་ཨ་ཁན་སོགས་ཡིན་ལ། ཨ་ཁན་གྱིས་དགག་བྱའི་རྫས་ཀྱི་ཐད་སྡིག་པ་བྱས་པས། ཡེས་ར་ཨེལ་པ་རྣམས་སྡུག་ལ་སྦྱར།  
\v 8 ཨེ་ཐན་གྱི་བུ་ནི་ཨ་ཟར་ཡཱ་ཡིན་ནོ། །   
\p
\v 9 ཧེས་རོན་ལས་མཆེད་པའི་བུ་རྣམས་ནི་ཡེ་ར་མེ་ཨེལ་དང་། རཱམ། ཀེ་ལུ་བ་ཨི་བཅས་སོ། །  
\v 10 རཱམ་ལས་ཨ་མི་ནཱ་དབ་མཆེད་ཅིང་། ཨ་མི་ནཱ་དབ་ལས་ནཱ་སོན་མཆེད་པ་དང་། ནཱ་སོན་ནི་ཡ་ཧུ་དཱ་པ་རྣམས་ཀྱི་འགོ་དཔོན་ཡིན།  
\v 11 ནཱ་སོན་ལས་སཱལ་མོན་དང་། སཱལ་མོན་ལས་པཱོ་ཨ་ཟི་མཆེད།  
\v 12 པཱོ་ཨ་ཟི་ལས་ཨོ་བེད་དང་། ཨོ་བེད་ལས་ཡེ་སེ་མཆེད།  
\v 13 ཡེ་སེ་ལས་བུ་སྐྱེས་འགོ་ཨེ་ལི་ཨབ་དང་། བུ་གཉིས་པ་ཨ་བི་ནཱ་དབ། བུ་གསུམ་པ་ཤིམ་ཡཱ།  
\v 14 བུ་བཞི་པ་ནེ་ཐན་ཨེལ། བུ་ལྔ་པ་རད་ད་ཡི།  
\v 15 བུ་དྲུག་པ་ཨོ་ཙེམ། བུ་བདུན་པ་དཱ་བིད་བཅས་མཆེད།  
\v 16 དེ་དག་གི་ལྕམ་སྲིང་ནི་ཟེ་རུ་ཡཱ་དང་ཨ་བི་ག་ཡིལ་གཉིས་ཡིན་ནོ། །ཟེ་རུ་ཡཱ་ཡི་བུ་རྣམས་ནི་ཨ་བི་ཤཱ་ཨི་དང་། ཡོ་ཨབ། ཨ་སཱ་ཧེལ་བཅས་བསྡོམས་པས་གསུམ་མོ། །  
\v 17 ཨ་བི་ག་ཡིལ་ལས་ཨ་མ་སཱ་མཆེད་པ་དང་། ཨ་མ་སཱ་ཡི་ཕ་ནི་ཡེས་མ་ཨེལ་པ་ཡེ་ཐེར་བྱ་བ་ཡིན་ནོ། །   
\p
\v 18 ཧེས་རོན་གྱི་བུ་ཀཱ་ལེབ་དང་ཁོའི་ཆུང་མ་ཨ་ཟུ་བཱ་གཉིས་ལས་བུ་རྣམས་མཆེད་ཅིང་། ཡང་ཡེ་རི་ཨོད་བྱ་བ་ལས་ཀྱང་བུ་རྣམས་མཆེད་དོ། །ཨ་ཟུ་བཱ་ཡི་བུ་རྣམས་ནི་ཡེ་ཤེར་དང་། ཤོ་བབ། ཨར་དོན་བཅས་ཡིན།  
\v 19 ཨ་ཟུ་བཱ་ཚེ་ལས་འདས་པ་དང་། ཀཱ་ལེབ་ཀྱིས་ཡང་ཨེབ་རཱད་ཆུང་མར་བླངས་ཤིང་། ཨེབ་རཱད་ཀྱིས་ཁོ་ལ་ཧུ་རཱ་བཙས།  
\v 20 ཧུ་རཱ་ལས་ཨོའུ་རེལ་དང་། ཨོའུ་རེལ་ལས་པི་ཟིད་ཨེལ་མཆེད།  
\v 21 དེའི་རྗེས་སུ་ཧེས་རོན་ལོ་དྲུག་ཅུ་ལོན་པ་དང་། ཁོས་གིལ་ཨད་ཀྱི་ཕ་སྟེ་མཱ་ཀིར་གྱི་བུ་མོ་ཆུང་མར་བླངས་ནས་ཁོ་མོར་འགྲོགས་ཤིང་། མོས་ཁོ་ལ་སེ་གུབ་བཙས་སོ། །  
\v 22 སེ་གུབ་ལས་ཡཱ་ཨིར་མཆེད་པ་དང་། ཡཱ་ཨིར་ལ་གིལ་ཨད་ཡུལ་དུ་གྲོང་ཁྱེར་ཉེར་གསུམ་ཡོད་པ་ཡིན།  
\v 23 གེ་ཤུར་པ་དང་ཨཱ་རམ་པ་རྣམས་ཀྱིས་ཁོ་རྣམས་ལས་ཡཱ་ཨིར་གྱི་གྲོང་རྡལ་རྣམས་དང་། ཀེ་ནད་དང་དེ་ལ་གཏོགས་པའི་གྲོང་ཚོ་བསྡོམས་པས་དྲུག་ཅུ་བླངས་ཤིང་། དེ་ཐམས་ཅད་ནི་གིལ་ཨད་ཀྱི་ཕ་མཱ་ཀིར་གྱི་བུ་རབས་ཚ་རྒྱུད་རྣམས་ཡིན་ནོ། །  
\v 24 ཧེས་རོན་ནི་ཀཱ་ལེབ་ཨེབ་རཱད་ཡུལ་དུ་ཚེ་ལས་འདས་ཤིང་། ཁོའི་ཆུང་མ་ཨ་བི་ཡཱ་བྱ་བས་ཁོ་ལ་ཐེ་ཀོ་ཨ་ཡི་ཕ་སྟེ་ཨ་སི་ཧུར་བཙས་པའོ། །   
\p
\v 25 ཧེས་རོན་གྱི་བུ་སྐྱེས་འགོ་ཡེ་ར་མེ་ཨེལ་གྱི་བུ་རྣམས་ནི་བུ་སྐྱེས་འགོ་རཱམ་དང་། ཡང་པུ་ནཱ་དང་། ཨོ་རེན། ཨོ་ཙེམ། ཨ་ཧི་ཡཱ་བཅས་ཡིན།  
\v 26 ཡེ་ར་མེ་ཨེལ་ལ་ཡང་ཆུང་མ་གཞན་ཞིག་ཡོད་པའི་མིང་ལ་ཨ་ཏ་རཱ་ཞེས་བྱ་སྟེ། ཁོ་མོ་ནི་ཨོ་ནཱམ་གྱི་མ་ཡིན།  
\v 27 ཡེ་ར་མེ་ཨེལ་གྱི་བུ་སྐྱེས་འགོ་རཱམ་གྱི་བུ་རྣམས་ནི་མཱ་ཨ་ཟི་དང་། ཡཱ་མེན། ཨེ་ཀེར་བཅས་སོ། །  
\v 28 ཨོ་ནཱམ་གྱི་བུ་རྣམས་ནི་ཤམ་མཱ་ཨི་དང་ཡཱ་ད་ཡིན། ཤམ་མཱ་ཨི་ཡི་བུ་རྣམས་ནི་ནཱ་དབ་དང་ཨ་བི་ཤུར་ཡིན་ནོ། །  
\v 29 ཨ་བི་ཤུར་གྱི་ཆུང་མའི་མིང་ལ་ཨ་བི་ཧ་ཡིལ་ཟེར་ཞིང་། དེ་ཡིས་ཁོ་ལ་ཨ་བཱན་དང་མོ་ལིད་བཙས་པའོ། །  
\v 30 ནཱ་དབ་ཀྱི་བུ་རྣམས་ནི་སེ་ལེད་དང་ཨབ་ཕཱ་ཡིམ་ཡིན། སེ་ལེད་ནི་བུ་མེད་པར་ཚེ་ལས་འདས་སོ། །  
\v 31 ཨབ་ཕཱ་ཡིམ་གྱི་བུ་ནི་ཡི་ཤི་དང་། ཡི་ཤིའི་བུ་ནི་ཤེ་ཤན་དང་། ཤེ་ཤན་གྱི་བུ་ནི་ཨ་ཧ་ལཱ་ཨི་ཡིན་ནོ། །  
\v 32 ཤམ་མཱ་ཨི་ཡི་སྤུན་ཡཱ་ད་ཡི་བུ་རྣམས་ནི་ཡེ་ཐེར་དང་ཡོ་ནཱ་ཐན་ཡིན། ཡེ་ཐེར་ནི་བུ་མེད་པར་ཚེ་ལས་འདས་སོ། །  
\v 33 ཡོ་ནཱ་ཐན་གྱི་བུ་རྣམས་ནི་ཕེ་ལེད་དང་ཟཱ་བཱ་ཡིན་ལ། དེ་ཐམས་ཅད་ནི་ཡེ་ར་མེ་ཨེལ་གྱི་བུ་རབས་ཚ་རྒྱུད་དོ། །  
\v 34 ཤེ་ཤན་ལ་བུ་མེད་པར་བུ་མོ་འབའ་ཞིག་ཡོད་པ་ཡིན། ཤེ་ཤན་ལ་ཨེ་ཅིབ་པའི་ཞབས་ཕྱི་ཞིག་ཡོད་པའི་མིང་ལ་ཡར་ཧ་ཟེར།  
\v 35 ཤེ་ཤན་གྱིས་རང་གི་བུ་མོ་ཞབས་ཕྱི་ཡར་ཧ་ལ་ཆུང་མར་བྱིན་པ་དང་། མོས་ཡར་ཧ་ལ་བུ་ཨད་ཏ་ཨི་བཙས།  
\v 36 ཡང་ཨད་ཏ་ཨི་ལས་ནཱ་ཐན་དང་། ནཱ་ཐན་ལས་ཟཱ་བད་དང་།  
\v 37 ཟཱ་བད་ལས་ཨེབ་ལལ་དང་། ཨེབ་ལལ་ལས་ཨོ་བེད་དང་།  
\v 38 ཨོ་བེད་ལས་ཡེ་ཧུ་དང་། ཡེ་ཧུ་ལས་ཨ་ཟར་ཡཱ་དང་།  
\v 39 ཨ་ཟར་ཡཱ་ལས་ཧེ་ལེ་ཙི་དང་། ཧེ་ལེ་ཙི་ལས་ཨེལ་ཨ་སཱ་དང་།  
\v 40 ཨེལ་ཨ་སཱ་ལས་སི་སེ་མཱ་ཨི་དང་། སི་སེ་མཱ་ཨི་ལས་ཤལ་ལུམ་དང་།  
\v 41 ཤལ་ལུམ་ལས་ཡེ་ཀམ་ཡཱ་དང་། ཡེ་ཀམ་ཡཱ་ལས་ཨེ་ལི་ཤ་མཱ་མཆེད་དོ། །   
\p
\v 42 ཡེ་ར་མེ་ཨེལ་གྱི་སྤུན་ཀཱ་ལེབ་ཀྱི་བུ་རབས་ཚ་རྒྱུད་ནི་འདི་ལྟ་སྟེ། བུ་སྐྱེས་འགོ་མེ་ཤཱ་ཡིན་ལ། མེ་ཤཱ་ནི་ཟིབ་ཀྱི་ཕ་ཡིན། ཡང་ཟིབ་ཀྱི་བུ་ནི་མཱ་རེ་ཤཱ་ཡིན་ལ་དེ་ནི་ཧེབ་རོན་གྱི་ཕ་ཡིན།  
\v 43 ཧེབ་རོན་གྱི་བུ་རྣམས་ནི་ཀོ་རཱག་དང་། ཏབ་ཕུ་ཨ། རེ་ཀེམ། ཤེ་མཱ་བཅས་སོ། །  
\v 44 ཤེ་མཱ་ལས་ར་ཧམ་མཆེད་པ་དང་དེ་ནི་ཡོར་ཀེ་ཨམ་གྱི་ཕ་ཡིན། རེ་ཀེམ་ལས་ཤམ་མཱ་ཨི་མཆེད་དོ། །  
\v 45 ཤམ་མཱ་ཨི་ཡི་བུ་ནི་མཱ་ཨོན་ཡིན་ལ། མཱ་ཨོན་ནི་པེད་ཚུར་གྱི་ཕའོ། །  
\v 46 ཀཱ་ལེབ་ཀྱི་ཆུན་མ་ཨེ་ཕཱ་བྱ་བ་ལས་ཧཱ་རན་དང་། མོ་ཟི། གཱ་ཟེ་སི་བཅས་མཆེད་པ་དང་། ཧཱ་རན་ལས་གཱ་ཟེ་སི་མཆེད་དོ། །  
\v 47 ཡཱ་ད་ཨི་ཡི་བུ་རྣམས་ནི་རེ་གེམ་དང་། ཡོ་ཐམ། གི་ཤན། ཕེ་ལེད། ཨེ་ཕཱ། ཤཱ་ཨབ་བཅས་ཡིན།  
\v 48 ཀཱ་ལེབ་ཀྱི་ཆུན་མ་མ་ཨ་ཀཱ་བྱ་བ་ལས་ཤེ་བེར་དང་། ཐིར་ཧ་ནཱ་མཆེད་པ་དང་།  
\v 49 ཡང་མད་མན་ནཱ་ཡི་ཕ་ཤཱ་ཨབ་དང་། མག་པེ་ནཱ་ཡི་ཕ་དང་གི་བེ་ཨ་ཡི་ཕ་ཤེ་ཝ་བཅས་མཆེད་པ་དང་། ཀཱ་ལེབ་ཀྱི་བུ་མོ་ནི་ཨག་ས་ཡིན།  
\v 50 དེ་ཐམས་ཅད་ནི་ཀཱ་ལེབ་ཀྱི་བུ་རབས་ཚ་རྒྱུད་ཡིན། ཨེབ་རཱད་ཀྱི་བུ་སྐྱེས་འགོ་ཧུ་རཱ་ཡི་བུ་རྣམས་ནི་ཀིར་ཡཱད་ཡེ་ཨ་རིམ་གྱི་ཕ་ཤོ་བལ་དང་།  
\v 51 པེད་ལེ་ཧེམ་གྱི་ཕ་སལ་མཱ་དང་། པེད་ག་དེར་གྱི་ཕ་ཧ་རེབ་བཅས་ཡིན།  
\v 52 ཀིར་ཡཱད་ཡེ་ཨ་རིམ་གྱི་ཕ་ཤོ་བལ་གྱི་བུ་རབས་ཚ་རྒྱུད་ནི་ཧ་རོ་ཨེ་དང་། མེ་ནི་ཧོད་པའི་ཕྱེད་ཀ་ཡིན་ནོ། །  
\v 53 ཀིར་ཡཱད་ཡེ་ཨ་རིམ་གྱི་ཁྱིམ་རྒྱུད་རྣམས་ནི་ཡེད་རཱ་པ་དང་། ཕུ༌ཏཱ་པ། ཤུ་མཱ་པ། མིས་ར་པ་བཅས་ཡིན། ཡང་ཁྱིམ་རྒྱུད་འདི་རྣམས་ལས་ཙོ་རཱ་པ་དང་ཨེ་སི་ཏ་ཨོལ་པ་རྣམས་བྱུང་ངོ་། །  
\v 54 སལ་མཱའི་བུ་རབས་ཚ་རྒྱུད་ནི་པེད་ལེ་ཧེམ་པ་དང་། ནེ་ཏོ་ཕཱ་པ། ཨད་རོད་པེད་ཡོ་ཨབ་པ། མཱ་ན་ཧད་པའི་ཕྱེད་ཀ་དང་། ཙོ་རཱ་པ་བཅས་ཡིན།  
\v 55 ཡ་པེ་ཙཱ་རུ་གནས་པའི་དྲུང་ཡིག་པ་རྣམས་ཀྱི་ཁྱིམ་རྒྱུད་ནི་ཐི་རཱ་པ་དང་། ཤི་མེ་ཨ་པ། སུ་ཀད་པ་བཅས་ཡིན་ལ། དེ་ཐམས་ཅད་ནི་རེ་ཁབ་ཀྱི་མེས་པོ་ཧམ་མད་ལས་མཆེད་པའི་ཀེ་ནེ་པ་རྣམས་ཡིན་ནོ། །   
\c 3
\cl ལེའུ་གསུམ་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\p
\v 1 ཧེབ་རོན་དུ་སྐྱེས་པའི་དཱ་བིད་ཀྱི་བུ་རྣམས་ནི། བུ་སྐྱེས་འགོ་ཨམ་ནོན་བྱ་བ་ནི་ཡེ་སི་རེ་ཨེལ་པ་ཨ་ཧི་ནོ་ཨམ་ལས་མཆེད་པ་དང་། བུ་གཉིས་པ་དཱ་ནི་ཨེལ་བྱ་བ་ནི་ཀར་མེལ་པ་ཨ་བི་གཱ་ཡིལ་ལས་མཆེད།  
\v 2 བུ་གསུམ་པ་ཨབ་ཤཱ་ལོམ་ནི་གེ་ཤུར་གྱི་རྒྱལ་པོ་ཏལ་མཱ་ཨི་ཡི་སྲས་མོ་མ་ཨ་ཀཱ་ལས་མཆེད། བུ་བཞི་པ་ཨ་དོ་ནེ་ཡཱ་ནི་ཧག་གིད་ལས་མཆེད།  
\v 3 བུ་ལྔ་པ་ཤེ་ཕད་ཡཱ་ནི་ཨ་བི་ཏལ་ལས་མཆེད། བུ་དྲུག་པ་ཡེད་རེ་ཨམ་ནི་དཱ་བིད་ཀྱི་ཆུང་མ་ཨེག་ལཱ་ལས་མཆེད་དོ། །  
\v 4 བུ་དེ་དྲུག་པོ་ནི་ཧེབ་རོན་དུ་དཱ་བིད་ལས་མཆེད་ཅིང་། དཱ་བིད་ནི་ཧེབ་རོན་དུ་ལོ་བདུན་དང་ཟླ་བ་དྲུག་ལ་རྒྱལ་པོར་བཞུགས་པ་དང་། ཡེ་རུ་སཱ་ལེམ་དུ་ལོ་སུམ་ཅུ་སོ་གསུམ་ལ་རྒྱལ་པོར་བཞུགས་སོ། །  
\v 5 ཡེ་རུ་སཱ་ལེམ་དུ་དཱ་བིད་ལས་མཆེད་པའི་བུ་རྣམས་ནི་ཤི་མེ་ཨ་དང་། ཤོ་བབ། ནཱ་ཐན། སོ་ལོ་མོན་བཅས་ཡིན་ལ། བུ་དེ་བཞི་པོ་ནི་ཨམ་མེ་ཨེལ་གྱི་བུ་མོ་པད་ཤུ་ཨ་ལས་མཆེད་པའོ། །  
\v 6 ཡང་ཡིབ་ཧར་དང་། ཨེ་ལི་ཤཱ་མ། ཨེ་ལི་ཕེ་ལེད།  
\v 7 ནོ་གཱ ནེ་ཕེག ཡཱ་ཕི་ཨ།  
\v 8 ཨེ་ལི་ཤཱ་མ། ཨེལ་ཡཱ་ད། ཨེ་ལི་ཕེ་ལེད་བཅས་བསྡོམས་པས་དགུ་ཡོད་ཅིང་།  
\v 9 དེ་ཐམས་ཅད་དཱ་བིད་ཀྱི་བུ་ཡིན་ལ། དེ་མིན་ཁོ་རྣམས་ཀྱི་སྲིང་མོ་ཐལ་མཱར་དང་། བཙུན་མོ་རྣམས་ལས་མཆེད་པའི་བུ་རྣམས་ཀྱང་ཡོད་དོ། །   
\p
\v 10 སོ་ལོ་མོན་གྱི་བུ་ནི་རེ་ཧབ་ཨམ་དང་། རེ་ཧབ་ཨམ་གྱི་བུ་ནི་ཨ་བི་ཡཱ། ཨ་བི་ཡཱ་ཡི་བུ་ནི་ཨ་སཱ། ཨ་སཱ་ཡི་བུ་ནི་ཡེ་ཧོ་ཤ་ཕད།  
\v 11 ཡེ་ཧོ་ཤ་ཕད་ཀྱི་བུ་ནི་ཡེ་ཧོ་རཱམ་དང་། ཡེ་ཧོ་རཱམ་གྱི་བུ་ནི་ཨ་ཧ་ཟི་ཡཱ་དང་། ཨ་ཧ་ཟི་ཡཱ་ཡི་བུ་ནི་ཡོ་ཨ་སི་ཡིན།  
\v 12 ཡོ་ཨ་སིའི་བུ་ནི་ཨ་མཱ་ཙི་ཡ་དང་། ཨ་མཱ་ཙི་ཡ་ཡི་བུ་ནི་ཨ་ཟར་ཡཱ་དང་། ཨ་ཟར་ཡཱ་ཡི་བུ་ནི་ཡོ་ཐམ་ཡིན།  
\v 13 ཡོ་ཐམ་གྱི་བུ་ནི་ཨ་ཧ་ཟཱ་དང་། ཨ་ཧ་ཟཱའི་བུ་ནི་ཧི་ཟི་ཀི་ཡཱ་དང་། ཧི་ཟི་ཀི་ཡཱ་ཡི་བུ་ནི་མཱ་ན་ཤེ་ཡིན།  
\v 14 མཱ་ན་ཤེའི་བུ་ནི་ཨ་མོན་དང་། ཨ་མོན་གྱི་བུ་ནི་ཡོ་ཤི་ཡཱ་ཡིན་ནོ། །  
\v 15 ཡོ་ཤི་ཡཱའི་བུ་རྣམས་ནི། བུ་སྐྱེས་འགོ་ཡོ་ཧ་ནན་དང་། བུ་གཉིས་པ་ཡེ་ཧོ་ཡཱ་ཀིམ། བུ་གསུམ་པ་ཚིད་ཀི་ཡཱ། བུ་བཞི་པ་ཤལ་ལུམ་བཅས་ཡིན།  
\v 16 ཡེ་ཧོ་ཡཱ་ཀིམ་གྱི་བུ་རྣམས་ནི་ཡེ་ཀོན་ཡཱ་དང་ཚིད་ཀི་ཡཱ་ཡིན་ནོ། །   
\p
\v 17 བཙོན་དུ་ཁྲིད་པའི་ཡེ་ཀོན་ཡཱ་ཡི་བུ་རྣམས་ནི་འདི་ལྟ་སྟེ། ཞིད་ཨལ་ཐེ་ཨེལ་དང་།  
\v 18 མལ་ཀི་རཱམ། ཕེ་ད་ཡཱ། ཤེན་ཨ་ཟར། ཡེ་ཀམ་ཡཱ། ཧོ་ཤ་མཱ། ནེ་དབ་ཡཱ་བཅས་སོ། །  
\v 19 ཕེ་ད་ཡཱའི་བུ་རྣམས་ནི་ཟེ་རུ་པཱ་པེལ་དང་ཤིམ་ཨི་ཡིན། ཟེ་རུ་པཱ་པེལ་གྱི་བུ་རྣམས་ནི་མཱེ་ཤུལ་ལིམ་དང་ཧ་ནན་ཡཱ་ཡིན། ཡང་ཤེ་ལོ་མིད་ནི་དེ་དག་གི་སྲིང་མོ་ཡིན་ནོ། །  
\v 20 དེར་མ་ཟད། ཧ་ཤུ་བཱ་དང་། ཨོ་ཧེལ། པེ་རེག་ཡཱ། ཧ་སད་ཡཱ། ཡུ་ཤབ་ཧེ་སེད་བཅས་བསྡོམས་པས་ལྔ་ཡོད་དོ། །  
\v 21 ཧ་ནན་ཡཱའི་བུ་རྣམས་ནི་ཕེ་ལེད་ཡཱ་དང་ཡེ་ཤ་ཡཱ་ཡིན་ལ། དེར་མ་ཟད་རེ་ཕཱ་ཡའི་བུ་རྣམས་དང་། ཨར་ནན་གྱི་བུ་རྣམས། ཨོ་བད་ཡཱའི་བུ་རྣམས། ཤེ་ཀན་ཡཱའི་བུ་རྣམས་ཀྱང་ཡོད་དོ། །  
\v 22 ཤེ་ཀན་ཡཱའི་བུ་རབས་ཚ་རྒྱུད་ནི་འདི་ལྟ་སྟེ། ཤེ་ཀན་ཡཱའི་བུ་ནི་ཤེ་མཱ་ཡའོ། །ཤེ་མཱ་ཡའི་བུ་ནི་ཧད་ཏུ་སི་དང་། ཡིག་ཨལ། པཱ་རི་ཡ། ནེ་ཨར་ཡཱ། ཤཱ་ཕད་བཅས་བསྡོམས་པས་དྲུག་གོ །  
\v 23 ནེ་ཨར་ཡཱའི་བུ་རྣམས་ནི་ཨེལ་ཡོ་ཨེ་ནཱ་ཨི་དང་། ཧི་ཟི་ཀི་ཡཱ། ཨས་རི་ཀམ་བཅས་བསྡོམས་པས་གསུམ་མོ། །  
\v 24 ཨེལ་ཡོ་ཨེ་ནཱ་ཨི་ཡི་བུ་རྣམས་ནི་ཧོ་དབ་ཡཱ་དང་། ཨེལ་ཡཱ་ཤིབ། ཕེ་ལཱ་ཡ། ཨག་ཀུབ། ཡོ་ཧ་ནན། དི་ལཱ་ཡ། ཨ་ནཱ་ནི་བཅས་བསྡོམས་པས་བདུན་ནོ། །   
\c 4
\cl ལེའུ་བཞི་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\p
\v 1 ཡ་ཧུ་དཱའི་བུ་ནི་ཕེ་རེལ་ཟི་དང་། ཧེས་རོན། ཀར་མི། ཧུ་རཱ། ཤོ་བལ་བཅས་སོ། །   
\p
\v 2 ཡང་ཤོ་བལ་གྱི་བུ་རེ་ཨ་ཡཱ་ལས་ཡ་ཧད་མཆེད་པ་དང་། ཡ་ཧད་ལས་ཨ་ཧུ་མ་ཨི་དང་ལཱ་ཧད་མཆེད། དེ་དག་ནི་ཙོ་རཱ་པའི་ཁྱིམ་རྒྱུད་ཡིན།   
\p
\v 3 ཨེ་ཏམ་གྱི་བུ་ནི་ཡེ་སི་རེ་ཨེལ་དང་། ཡིས་མཱ། ཨིད་པ་སི་བཅས་ཡིན་ལ། དེ་དག་གི་སྲིང་མོའི་མིང་ལ་ཧ་ཙེ་ལེག་ཕོ་ནི་ཞེས་བྱའོ། །  
\v 4 གེ་དོར་གྱི་ཕ་ནི་ཕེ་ནུ་ཨེལ་ཡིན། ཧུ་ཤཱ་ཡི་ཕ་ནི་ཨེ་ཟེར་ཡིན། དེ་ཐམས་ཅད་ནི་པེད་ལེ་ཧེམ་གྱི་ཕ་ཨེབ་རཱད་ཀྱི་བུ་སྐྱེས་འགོ་ཧུ་རཱ་ལས་མཆེད་དོ། །   
\p
\v 5 ཐེ་ཀོ་ཨ་ཡི་ཕ་ཨ་སི་ཧུར་ལ་ཆུང་མ་གཉིས་ཡོད་དེ། ཧེ་ལཱ་དང་ནཱ་ཨ་རཱ་བྱ་བ་གཉིས་ཡིན།  
\v 6 ནཱ་ཨ་རཱ་ཡིས་ཨ་སི་ཧུར་ལ་ཨ་ཧུ་སཱམ་དང་། ཧེ་ཕེར། ཐེ་མེ་ནི། ཨ་ཧསཱ་ཏ་རི་བཅས་བཙས། དེ་ཐམས་ཅད་ནི་ནཱ་ཨ་རཱ་ཡི་བུ་རྣམས་ཡིན།  
\v 7 ཧེ་ལཱ་ཡི་བུ་ནི་ཙེ་རེད་དང་། ཙོ་ཧར། ཨེད་ནན་བཅས་ཡིན།  
\v 8 ཀོ་ཙཱ་ལས་ཨ་ནུབ་དང་། ཙོ་བེ་བཱ། ཧ་རུམ་གྱི་བུ་ཨ་ཧར་ཧེལ་གྱི་ཁྱིམ་རྒྱུད་རྣམས་མཆེད་དོ། །  
\v 9 ཡ་པེ་ཙཱ་ནི་ཁོ་རང་གི་སྤུན་རྣམས་ལས་བཀུར་འོས་པ་ཡིན་ཏེ། དེའི་མ་ཡིས་ཁོའི་མིང་ལ་ཡ་པེ་ཙཱ་ཞེས་བཏགས་པ་སྟེ། དོན་ནི་ཁོ་བཙའ་བའི་དུས་སུ་ཟུག་གཟེར་ཆེན་པོ་མྱངས་ཞེས་པའོ། །  
\v 10 ཡ་པེ་ཙཱ་ཡིས་ཡེས་ར་ཨེལ་གྱི་དཀོན་མཆོག་ལ། ཁྱེད་ཀྱིས་བདག་ལ་བྱིན་རླབས་གནང་བར་མཛོད། བདག་གི་མཐའ་མཚམས་རྒྱ་བསྐྱེད་དེ། ཁྱེད་ཀྱི་ཕྱག་ནི་དུས་ནམ་ཡང་བདག་དང་ལྷན་དུ་བཞུགས་པ་དང་། ང་རང་གནོད་འཚེ་དང་མི་འཕྲད་ཅིང་དཀའ་སྡུག་མི་མྱོང་བའི་ཕྱིར་བསྲུང་བར་མཛོད་ཅིག་ཅེས་ཞུ་བ་ཕུལ་བས། དཀོན་མཆོག་གིས་ཁོའི་ཞུ་བར་གསན་ཏོ། །   
\p
\v 11 ཤུ་ཧ་ཡི་སྤུན་ཀེ་ལུབ་ནས་མེ་ཧིར་མཆེད། མེ་ཧིར་ནི་ཨེ་སི་ཏོན་གྱི་ཕ་ཡིན།  
\v 12 ཨེ་སི་ཏོན་ལས་པེད་ར་ཕཱ་དང་ཕཱ་སེ་ཨ། ཨིར་ན་ཧ་སི་ཡི་ཕ་ཐེ་ཧིན་ནཱ་བཅས་མཆེད་པ་དང་། དེ་ཐམས་ཅད་ནི་རེ་ཀཱ་པ་ཡིན་ནོ། །  
\v 13 ཀེ་ན༌ཟཱ་ཡི་བུ་ནི་ཨོད་ནི་ཨེལ་དང་སེ་ར་ཡཱ་ཡིན། ཨོད་ནི་ཨེལ་གྱི་བུ་རྣམས་ནི་ཧ་ཐད་དང་མེ་ཨོ་ནོ་ཐ་ཨི་ཡིན།  
\v 14 མེ་ཨོ་ནོ་ཐ་ཨི་ལས་ཨོབ་རཱ་མཆེད་པ་དང་། སེ་ར་ཡཱ་ལས་གེ་ཧ་ར་ཤིམ་པའི་མེས་པོ་ཡོ་ཨབ་མཆེད། དེ་དག་ནི་ལག་ཤེས་པ་ཡིན་ནོ། །  
\v 15 ཡེ་ཕུན་ནེ་ཡི་བུ་ནི་ཀཱ་ལེབ་དང་། ཀཱ་ལེབ་ཀྱི་བུ་ནི་ཨི་རུ་དང་། ཨེ་ལཱ། ནཱ་ཨམ་བཅས་ཡིན་ལ། ཨེ་ལཱ་ཡི་བུ་ནི་ཀེ་ནཱ༌ཟཱ་ཡིན་ནོ། །  
\v 16 ཨེ་ཧལ་ལེལ་ཨེལ་གྱི་བུ་ནི་ཟིབ་དང་ཟི་ཕཱ། ཐི་རེ་ཡཱ། ཨ་སར་ཨེལ་བཅས་སོ། །  
\v 17 ཨེ་ཛ་རཱ་ཡི་བུ་ནི་ཡེ་ཐེར་དང་། མེ་རེད། ཨེ་ཕེར། ཡ་ལོན་བཅས་ཡིན། མེ་རེད་ཀྱིས་ཕཱར་ཨོལ་གྱི་སྲས་མོ་པིད་ཡཱ་བྱ་བ་ཆུང་མར་བླངས་ཤིང་། པིད་ཡཱ་ཡིས་མིར་ཡམ་དང་། ཤམ་མཱ་ཨི། ཨེ་སི་ཏེ་མོ་ཨ་ཡི་མེས་པོ་ཡི་སི་པཱ་བཅས་བཙས་སོ། །  
\v 18 མེ་རེད་ཀྱི་ཡ་ཧུ་དཱ་པའི་ཆུང་མ་ལས་གེ་དོར་གྱི་ཕ་ཡཱ་རཱད་དང་། སོ་ཀོ་ཡི་ཕ་ཧེ་བེར། ཟཱ་ནོ་ཨ་ཡི་ཕ་ཡེ་ཀུ་ཐི་ཨེལ་བཅས་མཆེད་དོ། །  
\v 19 ཧོ་དི་ཡཱ་ཡི་ཆུང་མའམ་ནཱ་ཧམ་གྱི་སྲིང་མོའི་བུ་ནི། གར་མེ་པ་ཀེ་ཨི་ལཱ་ཡི་ཕ་དང་། མ་ཨ་ཀཱ་པ་ཨེ་སི་ཏེ་མོ་ཨ་ཡི་ཕ་ཡིན།  
\v 20 ཤི་མོན་གྱི་བུ་ནི་ཨམ་ནོན་དང་། རིན་ནཱ། པེན་ཧ་ནན། ཐི་ལོན་བཅས་ཡིན། ཡི་ཤི་ཡི་བུ་ནི་ཟོ་ཧེད་དང་། པེན་ཟོ་ཧེད་ཡིན།   
\p
\v 21 ཡ་ཧུ་དཱའི་བུ་ནི་ཤེ་ལཱ་ཡིན་ཞིང་། ཤེ་ལཱ་ཡི་བུ་ནི་ལེ་ཀཱ་ཡི་ཕ་ཨེར་བྱ་བ་དང་། མཱ་རེ་ཤ་ཡི་ཕ་ལ་ཨ་དཱ་དང་། པེད་ཨ་སི་བེ་ཨ་རུ་གནས་པའི་སོ་རས་སྲབ་བུ་འཐག་མཁན་གྱི་ཁྱིམ་རྒྱུད་བཅས་ཡིན།  
\v 22 དེར་མ་ཟད། ཡོ་ཀིམ་དང་། ཀོ་ཟེ་བཱ་ཡི་མི་རྣམས། ཡོ་ཨ་སི། སཱ་རབ་བཅས་ཡོད་པ་དང་། དེ་དག་གིས་སྔར་མོ་ཨབ་ཡུལ་ལ་དབང་བསྒྱུར་ཅིང་། ད་དུང་ཡ་ཧྲོའུ་པེ་ལེ་ཧེམ་ཡང་ཡོད་པའོ། །འདི་ཐམས་ཅད་ནི་གནའ་བོའི་ལོ་རྒྱུས་ཡིན།  
\v 23 དེ་ཐམས་ཅད་རྫ་བཟོ་ཡིན་ལ། ནེ་ཏ་ཨིམ་དང་གེ་དེ་རཱ་ཡི་ཡུལ་མི་ཡིན། དེ་དག་རྒྱལ་པོ་བཞུགས་སར་བསྡད་ནས་རྒྱལ་པོའི་ཕྱིར་ལས་ཀ་བྱེད་པའོ། །   
\s1 སི་མུ་ཨོན་གྱི་ཚོ་པ།  
\p
\v 24 སི་མུ་ཨོན་གྱི་བུ་ནི་ནེ་མུ་ཨེལ་དང་། ཡཱ་མེན། ཡ་རིབ། ཟེ༌རག ཤཱ་ཨུལ་བཅས་ཡིན།  
\v 25 སོ་ལོའི་བུ་ནི་ཤཱལ་ལུམ་དང་། ཤཱལ་ལུམ་གྱི་བུ་ནི་མིབ་སཱམ། མིབ་སཱམ་གྱི་བུ་ནི་མུས༌མཱ་ཡིན།  
\v 26 མུས༌མཱ་ཡི་བུ་རབས་ཚ་རྒྱུད་ནི་འདི་ལྟ་སྟེ། མུས་མཱ་ཡི་བུ་ནི་ཧམ་མུ་ཨེལ་དང་། ཧམ་མུ་ཨེལ་གྱི་བུ་ནི་ཟག་ཀུར། ཟག་ཀུར་གྱི་བུ་ནི་ཤིམ་ཨི་ཡིན།  
\v 27 ཤིམ་ཨི་ལ་བུ་བཅུ་དྲུག་དང་བུ་མོ་དྲུག་ཡོད་ཀྱང་། ཁོའི་སྤུན་རྣམས་ལ་བུ་དང་བུ་མོ་མང་པོ་མེད་དེ། ཁོ་རྣམས་ཀྱི་ཁྱིམ་རྒྱུད་སོ་སོ་ལ་ཡ་ཧུ་དཱ་པའི་བུ་རབས་ཚ་རྒྱུད་ལྟར་མང་པོ་མ་འཕེལ་ཏོ། །  
\v 28 ཁོ་རྣམས་ནི་པེར་ཤ་བཱ་དང་། མོ་ལ་དཱ། ཧ་ཚར་ཤུ་ཨལ།  
\v 29 པེལ་ཧ། ཨེ་ཚེམ། ཐོ་ལད།  
\v 30 པེ་ཐུ་ཨེལ། ཧོར་མཱ། ཙིག་ལག  
\v 31 པེད་མར་ཀ་བོད། ཧ་ཚཱར་སུ་སིམ། པེད་བི་རི། ཤཱ་ཨ་ར་ཡིམ་བཅས་སུ་གནས་ཤིང་། དཱ་བིད་རྒྱལ་པོར་བཞུགས་པའི་བར་དུ་གྲོང་ཁྱེར་དེ་དག་ནི་ཁོ་རྣམས་ལ་གཏོགས་ཤིང་།  
\v 32 ཡང་ཉེ་འཁོར་གྱི་གྲོང་ཚོ་ནི། ཨེ་ཏམ་དང་། ཨ་ཡིན། རིམ་མོན། ཏོ་ཀེན། ཨ་ཤན་བཅས་བསྡོམས་པས་གྲོང་རྡལ་ལྔ་དང་།  
\v 33 གྲོང་རྡལ་དེ་དག་མཐའ་སྐོར་གྱི་གྲོང་ཚོ་ཐམས་ཅད་ནས་པཱ་ཨལ་བར་དུ་ཡིན་ལ། དེ་ནི་དེ་དག་སྡོད་སའི་གནས་ཡིན། ཁོ་རྣམས་ལ་རང་རང་གི་ཁྱིམ་རབས་ཀྱང་ཡོད་པ་ཡིན་ནོ། །  
\v 34 ཡང་མེ་ཤོ་བབ་དང་། ཡམ་ལེག ཨ་མཱ་ཙི་ཡའི་བུ་ཡོ་ཤཱ་དང་།  
\v 35 ཡོ་ཨེལ། ཡོ་ཤིབ་ཡཱའི་བུ་ཡེ་ཧུ་ཡང་ཡོད་ཅིང་། ཡོ་ཤིབ་ཡཱ་ནི་སེ་ར་ཡཱའི་བུ་དང་། སེ་ར་ཡཱ་ནི་ཨ་སི་ཨེལ་གྱི་བུ་ཡིན་པའོ། །  
\v 36 ཡང་ཨེལ་ཡོ་ཨེ་ན་ཨི་དང་། ཡ་ཨ་ཀོ་བཱ། ཡེ་ཤོ་ཧ་ཡཱ། ཨ་སཱ་ཡ། ཨ་དི་ཨེལ། ཡེ་སི་མི་ཨེལ། པེ་ནཱ་ཡ་བཅས་ཡོད།  
\v 37 ཟི་ཟཱ་ནི་ཤི་ཕི་ཡི་བུ་དང་། ཤི་ཕི་ནི་ཨལ་ལོན་གྱི་བུ་ཡིན། ཨལ་ལོན་ནི་ཡེ་དཱ་ཡའི་བུ་ཡིན། ཡེ་དཱ་ཡ་ནི་ཤིམ་རིའི་བུ་ཡིན། ཤིམ་རི་ནི་ཤེ་མཱ་ཡའི་བུ་ཡིན་ནོ། །  
\v 38 གོང་དུ་བཀོད་པའི་མིང་རྣམས་ནི་ཁྱིམ་རྒྱུད་སོ་སོའི་འགོ་དཔོན་ཡིན་ཏེ། དེ་དག་གི་ཁྱིམ་རྒྱུད་ཐམས་ཅད་ཤིན་ཏུ་དར་བའོ། །  
\v 39 དེ་དག་གེ་དོར་གྱི་མཐའ་འཁོབ་ཏུ་ལུང་པའི་ཤར་ཕྱོགས་བར་དུ་ཕྱིན་ཏེ་ར་ལུག་གི་ཁྱུ་འཚོ་སའི་རྩྭ་ས་བཙལ་ཞིང་།  
\v 40 ས་བཅུད་འཛོམས་ཤིང་ཡིད་དུ་འོང་བའི་རྩྭ་ས་རྙེད་པ་སྟེ། ཡུལ་དེ་ནི་ཡངས་ཤིང་ལྷིང་འཇགས་ཡིན་ལ། སྔར་ཧཱམ་གྱི་མི་རྣམས་ཡུལ་དེར་བསྡད་པའོ། །  
\v 41 གོང་དུ་མིང་བཀོད་པའི་མི་རྣམས་ཀྱིས་ཡ་ཧུ་དཱའི་རྒྱལ་པོ་ཧི་ཟི་ཀི་ཡཱའི་དུས་སུ། ཧཱམ་གྱི་མི་རྣམས་ཀྱི་གུར་རྣམས་དང་ཡུལ་དེའི་མེ་ཨུན་པ་ཐམས་ཅད་ལ་རྒོལ་ཞིང་། ཁོ་རྣམས་ཚར་བཅད་པ་དང་། དེ་རིང་གི་ཉིན་མོའི་བར་དུ་དེ་དག་གི་ཡུལ་དུ་བསྡད་པ་སྟེ། རྒྱུ་མཚན་ནི་ཡུལ་དེར་ར་ལུག་གི་ཁྱུ་འཚོ་སའི་རྩྭ་ས་ཡོད་པས་སོ། །  
\v 42 སི་མུ་ཨོན་པ་དེ་རྣམས་ལས་མི་ལྔ་བརྒྱ་ནི་སེ་ཨིར་རི་བོར་ཕྱིན་པ་དང་། དེ་དག་གི་སྣེ་ཁྲིད་མཁན་ནི་ཡི་ཤིའི་བུ་ཕེ་ལད་ཡཱ་དང་། ནེ་ཨར་ཡཱ། རེ་ཕཱ་ཡ། ཨུ་ཟི་ཨེལ་བཅས་ཡིན་པ་དང་།  
\v 43 དེ་དག་གིས་ཤུལ་དུ་ལུས་པའི་ཨ་མཱད་ལེག་པ་རྣམས་བསད་ནས་དེ་རིང་གི་ཉིན་མོའི་བར་དུ་ཡུལ་དེར་གནས་སོ། །   
\c 5
\cl ལེའུ་ལྔ་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 རུ་བེན་གྱི་ཚོ་པ།  
\p
\v 1 ཡེས་ར་ཨེལ་གྱི་བུ་སྐྱེས་འགོ་རུ་བེན་གྱི་བུ་ནི་འདི་ལྟ་སྟེ། རུ་བེན་ནི་བུ་སྐྱེས་འགོ་ཡིན་ནའང་ཁོས་རང་གི་ཕ་ཡི་མལ་ཁྲི་བརྫད་པས། \f + \ft འདིར་ཕ་ཡི་མལ་ཁྲི་བརྫད་པ་ཞེས་པ་ནི་རུ་བེན་གྱིས་རང་གི་ཕ་ཡི་ཆུན་མ་པིལ་ཧ་ཞེས་བྱ་བར་ལུས་འབྲེལ་བྱས་པ་དེ་ལ་གོ\f* ཁོའི་བུ་སྐྱེས་འགོའི་ཐོབ་ཐང་ནི་ཡེས་ར་ཨེལ་གྱི་བུ་ཡོ་སེབ་ཀྱི་བུ་ལ་དབང་བར་གྱུར་ཏོ། །དེ་བས་ཁྱིམ་རབས་བཞིན་དུ་ཁོ་རང་བུ་སྐྱེས་འགོར་བརྩིས་མེད།  
\v 2 ཡ་ཧུ་དཱ་ནི་རང་གི་སྤུན་རྣམས་ཀྱི་ཁྲོད་དུ་སྟོབས་འབྱོར་ཆེས་ཆེ་བ་ཡིན་ཞིང་རྒྱལ་པོའང་ཁོ་ནས་བྱུང་མོད། འོན་ཀྱང་བུ་སྐྱེས་འགོའི་ཐོབ་ཐང་ཡོ་སེབ་ལ་དབང་བའོ། །  
\v 3 ཡེས་ར་ཨེལ་གྱི་བུ་སྐྱེས་འགོ་རུ་བེན་གྱི་བུ་ནི་ཧ་ནོག་དང་། ཕཱ༌ལུའུ། ཧེས༌རོན། ཀར་མའེ་བཅས་སོ། །  
\v 4 ཡོ་ཨེལ་གྱི་བུ་རབས་ཚ་རྒྱུད་ནི་འདི་ལྟ་སྟེ། ཡོ་ཨེལ་གྱི་བུ་ཤེ་མཱ་ཡ་དང་། ཤེ་མཱ་ཡ་ཡི་བུ་གོག གོག་གི་བུ་ཤིམ་ཨི།  
\v 5 ཤིམ་ཨི་ཡི་བུ་མི་ཀཱ མི་ཀཱའི་བུ་རེ་ཨ་ཡཱ། རེ་ཨ་ཡཱའི་བུ་པཱ་ཨལ།  
\v 6 པཱ་ཨལ་གྱི་བུ་པེ་ཨེ་རཱ་བཅས་ཡིན་ལ། པེ་ཨེ་རཱ་ནི་རུ་བེན་ཚོ་པའི་འགོ་དཔོན་ཡིན་པ་དང་། ཨ་སུར་གྱི་རྒྱལ་པོ་ཏིལ་གད་པིལ་ནེ་བཟིར་གྱིས་བཙན་ཁྲིད་བྱས་སོ། །  
\v 7 དེའི་སྤུན་རྣམས་ལས་རུས་རྒྱུད་དང་ཁྱིམ་རབས་བཞིན་འགོ་དཔོན་ཡིན་པ་འདི་ལྟ་སྟེ། ཡེ་ཨི་ཨེལ་དང་། ཟཱ་ཀར་ཡ། པེ་ལཱ་བཅས་སོ། །  
\v 8 པེ་ལཱ་ནི་ཨ་ཟཱ་སིའི་བུ་དང་། ཨ་ཟཱ་སི་ནི་ཤེ་མཱ་ཡི་བུ། ཤེ་མཱ་ནི་ཡོ་ཨེལ་གྱི་བུ་ཡིན་ལ། ཡོ་ཨེལ་ནི་ཨ་རོ་ཨེར་བྱ་བའི་ཡུལ་དུ་གནས་ཤིང་། ནེ་བོ་དང་པཱ་ཨལ་མེ་ཨོན་གྱི་བར་དུ་སླེབས་སོ། །  
\v 9 དེ་དག་གི་ཕྱུགས་རྣམས་གིལ་ཨད་ཡུལ་དུ་འཕེལ་བས། ཁོ་རང་ཤར་ཕྱོགས་སུ་གནས་སྤར་ཏེ། ཕི་རཱད་ཆུ་བོའི་ཚུར་རོལ་གྱི་དབེན་སྟོང་གི་མཐའ་མཚམས་བར་དུ་མཆེད་པ་ཡིན།  
\v 10 སོ་ལོའི་དུས་སུ་དེ་དག་གིས་ཧ་གར་པ་རྣམས་ལ་དམག་བརྒྱབ་ནས། ཧ་གར་པ་རྣམས་དེ་དག་གི་ལག་ནས་འགྱེལ་ཞིང་། དེ་དག་གིལ་ཨད་ཤར་ཕྱོགས་ཀྱི་ཡུལ་ཐམས་ཅད་དུ་ཧ་གར་པའི་གུར་རྣམས་སུ་བསྡད་དོ། །   
\s1 གཱ་རྡུ་ཡི་ཚོ་པ།  
\p
\v 11 གཱ་རྡུའི་བུ་རབས་ཚ་རྒྱུད་རྣམས་ནི་རུ་བེན་གྱི་ཁ་གཏད་དུ། པཱ་ཤན་ཡུལ་དུ་གནས་ཤིང་སལ་ཀཱའི་བར་དུ་མཆེད་པ་སྟེ།  
\v 12 པཱ་ཤན་ཡུལ་དུ་གནས་པ་ནི་ཚོ་དཔོན་ཡོ་ཨེལ་དང་། ཚོ་དཔོན་གཉིས་པ་ཤཱ་ཕམ་དང་། ད་དུང་ཡ་ནཱ་ཨི་དང་ཤཱ་ཕད་བཅས་ཡོད་པའོ། །  
\v 13 དེ་དག་དང་ཁྱིམ་རྒྱུད་གཅིག་གི་སྤུན་རྣམས་ནི་མེའ་ཀཱ་ཨེལ་དང་། མཱེ་ཤུལ་ལིམ། ཤེ་བཱ། ཡོ་ར་ཨི། ཡཱ་ཀན། ཟི་ཡཱ། ཨེ་བེར་བཅས་བསྡོམས་པས་བདུན་ནོ། །  
\v 14 དེ་ཐམས་ཅད་ཨ་བི་ཧ་ཡིལ་གྱི་བུ་ཡིན་ཏེ། ཨ་བི་ཧ་ཡིལ་ནི་ཧུ་རིའི་བུ་དང་། ཧུ་རི་ནི་ཡ་རོ་ཨ་ཡི་བུ། ཡ་རོ་ཨ་ནི་གིལ་ཨད་ཀྱི་བུ། གིལ་ཨད་ནི་མེའ་ཀཱ་ཨེལ་གྱི་བུ། མེའ་ཀཱ་ཨེལ་ནི་ཡེ་ཤི་ཤ་ཨིའི་བུ། ཡེ་ཤི་ཤ་ཨི་ནི་ཡཱ་དོ་ཡི་བུ། ཡཱ་དོ་ནི་པུ་ཟཱ་ཡི་བུའོ། །  
\v 15 ད་དུང་གུ༌ནེ་ཡི་ཚ་བོ་དང་ཨབ་དི་ཨེལ་གྱི་བུ་ཨ་ཧི་ཡོད་ཅིང་ཁོ་ནི་དེ་དག་གི་ཁྱིམ་རྒྱུད་ཀྱི་འགོ་དཔོན་ཡིན།  
\v 16 དེ་དག་ནི་གིལ་ཨད་དང་པཱ་ཤན། པཱ་ཤན་ལ་གཏོགས་པའི་གྲོང་ཚོ་རྣམས་དང་། ཤཱ་རོན་གྱི་རྩྭ་ས་ཡོངས་སུ་གནས་ཤིང་། མཐའ་འཁོབ་ཀྱི་ས་མཚམས་བར་དུ་སླེབས་སོ། །  
\v 17 ཡ་ཧུ་དཱའི་རྒྱལ་པོ་ཡོ་ཐམ་དང་ཡེས་ར་ཨེལ་གྱི་རྒྱལ་པོ་ཡེ་རོབ་ཨམ་གྱི་དུས་སུ། དེ་ཐམས་ཅད་ཁྱིམ་རབས་སུ་བཀོད་པའོ། །   
\p
\v 18 རུ་བེན་གྱི་ཚོ་པ་དང་། གཱ་རྡུའི་ཚོ་པ། མཱ་ན་ཤེའི་ཚོ་པ་ཕྱེད་ཀ་བཅས་ཀྱི་མི་རྣམས་ནི་དམག་མི་དཔའ་རྩལ་ཅན་ཡིན་ལ། དེ་རྣམས་ལས་ཕུབ་དང་རལ་གྲི་ཐེག་པ་དང་། གཞུ་འཐེན་པ་དང་མདའ་འཕེན་ནུས་པ། དམག་ལ་བསྐྱོད་ནས་འཐབ་མཁས་པ་བཅས་བསྡོམས་པས་བཞི་ཁྲི་བཞི་སྟོང་བདུན་བརྒྱ་དྲུག་ཅུ་མཆིས་སོ། །  
\v 19 དེ་རྣམས་ཀྱིས་ཧ་གར་པ་དང་། ཡཱ༌ཐར་པ། ནཱ་ཕིས་པ། ནོ་དབ་པ་རྣམས་ལ་དམག་བརྒྱབ་པ་དང་།  
\v 20 དམག་རྒྱག་པའི་སྐབས་སུ་དེ་རྣམས་ལ་དཀོན་མཆོག་གི་རོགས་རམ་ཐོབ་ནས། ཧ་གར་པ་དང་དེར་མནའ་འབྲེལ་བྱེད་མཁན་ཐམས་ཅད་ཁོ་རྣམས་ཀྱི་ལག་ཏུ་སྤྲད་པ་སྟེ། རྒྱུ་མཚན་ནི་དེ་རྣམས་ཀྱིས་གཡུལ་ངོར་དཀོན་མཆོག་ལ་ཞུ་བ་ཕུལ་ཞིང་ཁོང་ལ་བརྟེན་པས། ཁོང་གིས་དེ་རྣམས་ཀྱི་ཞུ་བར་གསན་ཏོ། །  
\v 21 ཡང་དེ་རྣམས་ཀྱིས་དགྲ་བོའི་ཕྱུགས་རྣམས་ཕྲོགས་པ་སྟེ། རྔ་མོང་ཁྲི་ལྔ་དང་། ར་ལུག་འབུམ་གཉིས་དང་ཁྲི་ལྔ། བོང་བུ་སྟོང་གཉིས་བཅས་དང་། ད་དུང་མི་འབུམ་གཅིག་བཅས་པའོ། །  
\v 22 དམག་འཐབ་དེ་ནི་དཀོན་མཆོག་ནས་བྱུང་བས་དགྲ་མང་པོ་བསད་པའོ། །དེ་རྣམས་བཙོན་དུ་ཁྲིད་པའི་བར་དུ་ཧ་གར་པའི་ཡུལ་ལ་གནས་སོ། །   
\s1 ཆུ་བོ་ཤར་ཕྱོགས་ཀྱི་མཱ་ན་ཤེའི་ཚོ་པ་ཕྱེད་ཀ  
\p
\v 23 མཱ་ན་ཤེའི་ཚོ་པ་ཕྱེད་ཀའི་མི་རྣམས་ཡུལ་དེར་གནས་ཤིང་། པཱ་ཤན་ཡུལ་ནས་པཱ་ཨལ་ཧེར་མོན་དང་། སེ་ནིར། ཧེར་མོན་རི་བོ་བཅས་ཀྱི་བར་དུ་མཆེད་པ་དང་། ཁོ་རྣམས་ཀྱི་མི་གྲངས་མང་བའོ། །  
\v 24 དེ་དག་གི་ཁྱིམ་རྒྱུད་སོ་སོའི་འགོ་དཔོན་རྣམས་ནི་འདི་ལྟ་སྟེ། ཨེ་ཕེར་དང་། ཡི་ཤི། ཨེ་ལི་ཨེལ། ཨས་རི་ཨེལ། ཡེ་རེམ་ཡཱ། ཧོ་དབ་ཡཱ། ཡཱ་དི་ཨེལ་བཅས་སོ། །དེ་ཐམས་ཅད་ནི་དམག་མི་དཔའ་རྩལ་ཅན་དང་། མཚན་སྙན་གྲགས་ཅན། ཁྱིམ་རྒྱུད་ཀྱི་འགོ་དཔོན་བཅས་ཡིན་ནོ། །  
\v 25 འོན་ཀྱང་དེ་རྣམས་རང་གི་ཕ་མེས་ཡང་མེས་ཀྱི་དཀོན་མཆོག་དང་འགལ་ནས། ཡུལ་དེ་གའི་མི་རྣམས་ཀྱི་ལྷ་རྣམས་ཀྱི་རྗེས་སུ་འབྲངས་ནས་ལོག་གཡེམ་བྱེད་ཅིང་། ཡུལ་དེའི་མི་རྣམས་ནི་སྔར་དཀོན་མཆོག་གིས་དེ་དག་གི་མདུན་ནས་མེད་པར་མཛད་པ་ཡིན་ནོ། །  
\v 26 དེའི་ཕྱིར། ཡེས་ར་ཨེལ་གྱི་དཀོན་མཆོག་གིས་ཨ་སུར་རྒྱལ་པོ་ཕུལ་ཞེས་བྱ་བ་སྟེ། ཨ་སུར་རྒྱལ་པོ་ཏིལ་གད་པིལ་ནེ་བཟིར་གྱི་སེམས་བསྐུལ་ནས། རུ་བེན་གྱི་ཚོ་པ་དང་། གཱ་རྡུའི་ཚོ་པ། མཱ་ན་ཤེའི་ཚོ་པ་ཕྱེད་ཀ་བཅས་བཟུང་ནས། དེ་རྣམས་ཧ་ལཱ་དང་། ཧ་བོར། ཧ་རཱ། གོ་ཟན་གཙང་པོའི་འགྲམ་བཅས་སུ་ཁྲིད་པ་དང་། དེ་རིང་གི་བར་དུ་ཡུལ་དེར་གནས་སོ། །   
\c 6
\cl ལེའུ་དྲུག་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 ལེ་ཝིའི་ཚོ་པ།  
\p
\v 1 ལེ་ཝིའི་བུ་ནི་གེར་ཤོན་དང་། ཀོ་ཧད། མཱ་རཱ་རེའེ་བཅས་ཡིན།  
\v 2 ཀོ་ཧད་ཀྱི་བུ་རྣམས་ནི་ཨམ་རམ་དང་། ཡེས་ཧར། ཧེབ་རོན། ཨུ་ཟི་ཨེལ་བཅས་ཡིན།  
\v 3 ཨམ་རམ་གྱི་བུ་དང་བུ་མོ་ནི་ཨ་རོན་དང་། མོ་ཤེ། མིར་ཡམ་བཅས་ཡིན། ཨ་རོན་གྱི་བུ་ནི་ནཱ་དབ་དང་། ཨ་བི་ཧུ། ཨེ་ལི་ཨ་ཟར། ཨི་ཐ་མཱར་བཅས་ཡིན།  
\v 4 ཨེ་ལི་ཨ་ཟར་ལས་ཕི་ནེ་ཧེ་དང་། ཕི་ནེ་ཧེ་ལས་ཨ་བི་ཤུ་ཨ་མཆེད།  
\v 5 ཨ་བི་ཤུ་ཨ་ལས་པུག་ཀི་དང་། པུག་ཀི་ལས་ཨུ་ཟི་མཆེད།  
\v 6 ཨུ་ཟི་ལས་ཟེ་རཱ་ཡཱ་དང་། ཟེ་རཱ་ཡཱ་ལས་མེ་ར་ཡོད་མཆེད།  
\v 7 མེ་ར་ཡོད་ལས་ཨ་མར་ཡཱ་དང་། ཨ་མར་ཡཱ་ལས་ཨ་ཧི་ཏུབ་མཆེད།  
\v 8 ཨ་ཧི་ཏུབ་ལས་ཟཱ་ཏོག་དང་། ཟཱ་ཏོག་ལས་ཨ་ཧི་མཱ་ཨ་སི་མཆེད།  
\v 9 ཨ་ཧི་མཱ་ཨ་སི་ལས་ཨ་ཟར་ཡཱ་དང་། ཨ་ཟར་ཡཱ་ལས་ཡོ་ཧ་ནན་མཆེད།  
\v 10 ཡོ་ཧ་ནན་ལས་ཨ་ཟར་ཡཱ་མཆེད། ཨ་ཟར་ཡཱ་ནི་སོ་ལོ་མོན་གྱིས་བཞེངས་པའི་ཡེ་རུ་སཱ་ལེམ་གྱི་མཆོད་ཁང་དུ་མཆོད་དཔོན་བྱས་པ་ཡིན།  
\v 11 ཨ་ཟར་ཡཱ་ལས་ཨ་མར་ཡཱ་དང་། ཨ་མར་ཡཱ་ལས་ཨ་ཧི་ཏུབ་མཆེད།  
\v 12 ཨ་ཧི་ཏུབ་ལས་ཟཱ་ཏོག་དང་། ཟཱ་ཏོག་ལས་ཤལ་ལུམ་མཆེད།  
\v 13 ཤལ་ལུམ་ལས་ཧིལ་ཀི་ཡཱ་དང་། ཧིལ་ཀི་ཡཱ་ལས་ཨ་ཟར་ཡཱ་མཆེད།  
\v 14 ཨ་ཟར་ཡཱ་ལས་སེ་ར་ཡཱ་དང་། སེ་ར་ཡཱ་ལས་ཡེ་ཧོ་ཙ་དག་མཆེད།  
\v 15 དཀོན་མཆོག་ཡ་ཝཱེས་ཡ་ཧུ་དཱ་དང་ཡེ་རུ་སཱ་ལེམ་གཉིས་ནི་ནེ་བོ་ཀད་ནེ་ཙར་བརྒྱུད་ནས་མཐར་སྤྱུག་པའི་ཚེ་ན། ཡེ་ཧོ་ཙ་དག་ཀྱང་བཙན་གྱིས་ཁྲིད་པ་ཡིན།   
\p
\v 16 ལེ་ཝིའི་བུ་ནི་གེར་ཤོན་དང་། ཀོ་ཧད། མཱ་རཱ་རེའེ་བཅས་ཡིན་ཞིང་།  
\v 17 གེར་ཤོན་གྱི་བུ་ཡི་མིང་ལ་ལིབ་ནིས་དང་ཤིམ་ཨི་ཞེས་བྱའོ། །  
\v 18 ཀོ་ཧད་ཀྱི་བུ་རྣམས་ནི་ཨམ་རམ་དང་། ཡེས་ཧར། ཧེབ་རོན། ཨུ་ཟི་ཨེལ་བཅས་ཡིན།  
\v 19 མཱ་རཱ་རེའེ་ཡི་བུ་ནི་མཱ་ལི་དང་མུ་ཤི་ཡིན། གོང་གི་འདི་དག་ནི་ལེ་ཝི་པའི་རུས་རྒྱུད་སོ་སོའི་ཁྱིམ་རྒྱུད་རྣམས་ཡིན་ནོ། །  
\v 20 གེར་ཤོན་གྱི་བུ་རབས་ཚ་རྒྱུད་ནི་འདི་ལྟ་སྟེ། གེར་ཤོན་གྱི་བུ་ནི་ལིབ་ནིས་དང་། ལིབ་ནིས་ཀྱི་བུ་ནི་ཡ་ཧད། ཡ་ཧད་ཀྱི་བུ་ནི་ཟིམ་མཱ།  
\v 21 ཟིམ་མཱའི་བུ་ནི་ཡོ་ཨག ཡོ་ཨག་གི་བུ་ནི་ཨིད་དོ། ཨིད་དོའི་བུ་ནི་ཟེ་རག ཟེ༌རག་གི་བུ་ནི་ཡེ་ཨ་ཐེ་ར་ཨི་ཡིན་ནོ། །  
\v 22 ཀོ་ཧད་ཀྱི་བུ་རབས་ཚ་རྒྱུད་ནི་འདི་ལྟ་སྟེ། ཀོ་ཧད་ཀྱི་བུ་ནི་ཨ་མི་ནཱ་དབ་དང་། ཨ་མི་ནཱ་དབ་ཀྱི་བུ་ནི་ཀོ་རཱག ཀོ་རཱག་གི་བུ་ནི་ཨ་སིར།  
\v 23 ཨ་སིར་གྱི་བུ་ནི་ཨེལ་ཁ་ནཱ། ཨེལ་ཁ་ནཱའི་བུ་ནི་ཨེ་བི་ཡ་སབ། ཨེ་བི་ཡ་སབ་ཀྱི་བུ་ནི་ཨ་སིར།  
\v 24 ཨ་སིར་གྱི་བུ་ནི་ཐ་ཧད། ཐ་ཧད་ཀྱི་བུ་ནི་ཨུ་རི་ཨེལ། ཨུ་རི་ཨེལ་གྱི་བུ་ནི་ཨུ་ཟི་ཡཱ། ཨུ་ཟི་ཡཱའི་བུ་ནི་ཤ་ཨུལ་ཡིན་པའོ། །  
\v 25 ཨེལ་ཁ་ནཱ་ཡི་བུ་ནི་ཨ་མ་སཱ་ཨི་དང་ཨ་ཧི་མོད་ཡིན།  
\v 26 ཨ་ཧི་མོད་ཀྱི་བུ་ནི་ཨེལ་ཁ་ནཱ་ཡིན་ལ། ཨེལ་ཁ་ནཱའི་བུ་ནི་ཟོ་ཕཱ་ཨི། ཟོ་ཕཱ་ཨི་ཡི་བུ་ནི་ནཱ་ཧད་ཡིན།  
\v 27 ནཱ་ཧད་ཀྱི་བུ་ནི་ཨེ་ལི་ཨབ། ཨེ་ལི་ཨབ་ཀྱི་བུ་ནི་ཡེ་རོ་ཧམ། ཡེ་རོ་ཧམ་གྱི་བུ་ནི་ཨེལ་ཁ་ནཱ། ཨེལ་ཁ་ནཱའི་བུ་ནི་སཱ་མུ་ཨེལ་ཡིན་ནོ། །  
\v 28 སཱ་མུ་ཨེལ་གྱི་བུ་རབས་ཚ་རྒྱུད་ནི་འདི་ལྟ་སྟེ། བུ་སྐྱེས་འགོ་ཡོ་ཨེལ་དང་བུ་གཉིས་པ་ཨ་བི་ཡཱ་ཡིན།  
\v 29 མཱ་རཱ་རེའེ་ཡི་བུ་རབས་ཚ་རྒྱུད་ནི་འདི་ལྟ་སྟེ། མཱ་རཱ་རེའེ་ཡི་བུ་ནི་མཱ་ལི། མཱ་ལིའི་བུ་ནི་ལུབ་ནིས། ལུབ་ནིས་ཀྱི་བུ་ནི་ཤིམ་ཨི། ཤིམ་ཨི་ཡི་བུ་ནི་ཨུ་ཟཱ།  
\v 30 ཨུ་ཟཱའི་བུ་ནི་ཤི་མེ་ཨ། ཤི་མེ་ཨ་ཡི་བུ་ནི་ཧག་གི་ཡཱ། ཧག་གི་ཡཱ་ཡི་བུ་ནི་ཨ་ས་ཡཱ་ཡིན་པའོ། །   
\p
\v 31 ཞལ་ཆད་ཀྱི་ཤུར་སྒམ་གདན་ཆགས་པའི་རྗེས་སུ། དཱ་བིད་ཀྱིས་དཀོན་མཆོག་ཡ་ཝཱེའི་བཞུགས་གནས་སུ་མགུར་བླངས་ནས་ཞབས་ཕྱི་བྱེད་པར་བསྐོས་པ་འདི་དག་ཡིན་ཏེ།  
\v 32 སོ་ལོ་མོན་གྱིས་ཡེ་རུ་སཱ་ལེམ་དུ་དཀོན་མཆོག་ཡ་ཝཱེའི་མཆོད་ཁང་བཞེང་བའི་བར་དུ། ཁོ་ཚོས་ལས་ཚན་བཞིན་དུ་མཇལ་འཕྲད་གུར་མཆོག་གི་གནས་ཀྱི་མདུན་དུ་མགུར་ལེན་པའི་ཞབས་ཏོག་བསྒྲུབས་ཤིང་། ལས་རེས་བཞིན་དུ་རང་རང་གི་ལས་འགན་ཁུར་བའོ། །  
\v 33 ལས་འགན་འཁུར་མཁན་རྣམས་དང་ཁོ་རྣམས་ཀྱི་བུ་རབས་ཚ་རྒྱུད་ནི་འདི་ལྟ་སྟེ། ཀོ་ཧད་པའི་བུ་རབས་ཚ་རྒྱུད་ཀྱི་ཁྲོད་དུ་མགུར་ལེན་མཁན་ཧེ་མཱན་ཡོད་ཅིང་། ཧེ་མཱན་ནི་ཡོ་ཨེལ་གྱི་བུ་ཡིན་པ་དང་། ཡོ་ཨེལ་ནི་སཱ་མུ་ཨེལ་གྱི་བུ་ཡིན།  
\v 34 སཱ་མུ་ཨེལ་ནི་ཨེལ་ཁ་ནཱའི་བུ་ཡིན་པ་དང་། ཨེལ་ཁ་ནཱ་ནི་ཡེ་རོ་ཧམ་གྱི་བུ་ཡིན་ཞིང་། ཡེ་རོ་ཧམ་ནི་ཨེ་ལི་ཨེལ་གྱི་བུ་ཡིན་ལ། ཨེ་ལི་ཨེལ་ནི་ཐོ་ཨ་ཡི་བུ་ཡིན་ནོ། །  
\v 35 ཐོ་ཨ་ནི་ཙུབ་ཀྱི་བུ་ཡིན་པ་དང་། ཙུབ་ནི་ཨེལ་ཁ་ནཱའི་བུ་ཡིན་ཞིང་། ཨེལ་ཁ་ནཱ་ནི་མ་ཧད་ཀྱི་བུ་ཡིན་ལ། མ་ཧད་ནི་ཨ་མ་སཱ་ཨི་ཡི་བུ་ཡིན་ནོ། །  
\v 36 ཨ་མ་ས་ཨི་ནི་ཨེལ་ཁ་ནཱའི་བུ་ཡིན་པ་དང་། ཨེལ་ཁ་ནཱ་ནི་ཡོ་ཨེལ་གྱི་བུ་ཡིན་ཞིང་། ཡོ་ཨེལ་ནི་ཨ་ཟར་ཡཱའི་བུ་ཡིན་ལ། ཨ་ཟར་ཡཱ་ནི་ཙེ་ཕན་ཡཱའི་བུ་ཡིན་ནོ། །  
\v 37 ཙེ་ཕན་ཡཱ་ནི་ཐ་ཧད་ཀྱི་བུ་ཡིན་པ་དང་། ཐ་ཧད་ནི་ཨ་སིར་གྱི་བུ་ཡིན་ཞིང་། ཨ་སིར་ནི་ཨེ་བི་ཡ་སབ་ཀྱི་བུ་ཡིན་ལ། ཨེ་བི་ཡ་སབ་ནི་ཀོ་རཱག་གི་བུ་ཡིན་ནོ། །  
\v 38 ཀོ་རཱག་ནི་ཡེས་ཧར་གྱི་བུ་ཡིན་པ་དང་། ཡེས་ཧར་ནི་ཀོ་ཧད་ཀྱི་བུ་ཡིན་ཞིང་། ཀོ་ཧད་ནི་ལེ་ཝིའི་བུ་ཡིན་ལ། ལེ་ཝི་ནི་ཡེས་ར་ཨེལ་གྱི་བུ་ཡིན་ནོ། །  
\v 39 ཡང་ཧེ་མཱན་གྱི་སྤུན་ཨ་སབ་སྟེ། ཧེ་མཱན་གྱི་གཡས་སུ་འགྲེང་སྟེ་ལས་འགན་སྒྲུབ་པའི་ཨ་སབ་ནི་པེ་རེག་ཡཱའི་བུ་ཡིན་ལ། པེ་རེག་ཡཱ་ནི་ཤི་མེ་ཨ་ཡི་བུ་ཡིན།  
\v 40 ཤི་མེ་ཨ་ནི་མེའ་ཀཱ་ཨེལ་གྱི་བུ་ཡིན་པ་དང་། མེའ་ཀཱ་ཨེལ་ནི་པ་ཨ་སེ་ཡཱ་ཡི་བུ་ཡིན་ལ། པ་ཨ་སེ་ཡཱ་ནི་མལ་ཀི་ཡཱའི་བུ་ཡིན་ནོ། །  
\v 41 མལ་ཀི་ཡཱ་ནི་ཨེད་ནི་ཡི་བུ་ཡིན་པ་དང་། ཨེད་ནི་ནི་ཟེ༌རག་གི་བུ་ཡིན་ལ། ཟེ༌རག་ནི་ཨ་དཱ་ཡའི་བུ་ཡིན་ནོ། །  
\v 42 ཨ་དཱ་ཡ་ནི་ཨེ་ཐན་གྱི་བུ་ཡིན་པ་དང་། ཨེ་ཐན་ནི་ཟིམ་མཱ་ཡི་བུ་ཡིན་ལ། ཟིམ་མཱ་ནི་ཤིམ་ཨི་ཡི་བུ་ཡིན་ནོ། །  
\v 43 ཤིམ་ཨི་ནི་ཡ་ཧད་ཀྱི་བུ་ཡིན་པ་དང་། ཡ་ཧད་ནི་གེར་ཤོན་གྱི་བུ་ཡིན་ལ། གེར་ཤོན་ནི་ལེ་ཝིའི་བུ་ཡིན་ནོ། །  
\v 44 ཡང་ཧེ་མཱན་དང་ཨ་སབ་ཀྱི་སྤུན་མཱ་རཱ་རེའེ་ཡི་བུ་རབས་ཚ་རྒྱུད་དེ། ཁོ་རྣམས་ཀྱི་གཡོན་དུ་ལས་འགན་སྒྲུབ་མཁན་ཨེ་ཐན་ཡོད་ཅིང་། ཨེ་ཐན་ནི་ཀི་ཤིའི་བུ་ཡིན་པ་དང་། ཀི་ཤི་ནི་ཨབ་དིའི་བུ་ཡིན་ལ། ཨབ་དི་ནི་མལ་ལུག་གི་བུ་ཡིན།  
\v 45 མལ་ལུག་ནི་ཧ་ཤབ་ཡཱ་ཡི་བུ་ཡིན་པ་དང་། ཧ་ཤབ་ཡཱ་ནི་ཨ་མཱ་ཙི་ཡའི་བུ་ཡིན་ལ། ཨ་མཱ་ཙི་ཡ་ནི་ཧིལ་ཀི་ཡཱའི་བུ་ཡིན།  
\v 46 ཧིལ་ཀི་ཡཱ་ནི་ཨམ་ཟིའི་བུ་ཡིན་པ་དང་། ཨམ་ཟི་ནི་པཱ་ནིའི་བུ་ཡིན་ལ། པཱ་ནི་ནི་ཤེ་མེར་གྱི་བུ་ཡིན།  
\v 47 ཤེ་མེར་ནི་མཱ་ལིའི་བུ་ཡིན་པ་དང་། མཱ་ལི་ནི་མུ་ཤིའི་བུ་ཡིན་ཞིང་། མུ་ཤི་ནི་མཱ་རཱ་རེའེ་ཡི་བུ་ཡིན་ལ། མཱ་རཱ་རེའེ་ནི་ལེ་ཝིའི་བུ་ཡིན་ནོ། །  
\v 48 དེ་དག་གི་གཉེན་ཉེ་ལེ་ཝི་པ་རྣམས་ནི་དཀོན་མཆོག་གི་བཞུགས་གནས་ཡིན་པའི་གུར་མཆོག་ནང་དུ་ཞབས་ཏོག་ཐམས་ཅད་བསྒྲུབ་པར་བསྐོས་པའོ། །   
\p
\v 49 དཀོན་མཆོག་གི་ཞབས་ཕྱི་མོ་ཤེས་བཀའ་བསྩལ་པ་བཞིན་དུ། ཨ་རོན་དང་དེའི་བུ་རབས་ཚ་རྒྱུད་རྣམས་ཀྱིས་སྦྱིན་སྲེག་གི་མཆོད་ཁྲི་དང་། སྤོས་ཁྲིའི་ཁར་མཆོད་པ་འབུལ་ཞིང་སྤོས་བསྒྲོན་པ་དང་། གནས་དམ་མཆོག་གི་ཞབས་ཏོག་ཐམས་ཅད་བསྒྲུབས་ནས། ཡེས་ར་ཨེལ་པ་རྣམས་ཀྱི་དོན་དུ་སྡིག་བཤགས་བྱེད་པ་ཡིན་ནོ། །  
\v 50 ཨ་རོན་གྱི་བུ་རབས་ཚ་རྒྱུད་རྣམས་ནི་འདི་ལྟ་སྟེ། ཨ་རོན་གྱི་བུ་ནི་ཨེ་ལི་ཨ་ཟར་ཡིན་པ་དང་། ཨེ་ལི་ཨ་ཟར་གྱི་བུ་ནི་ཕི་ནེ་ཧེ་དང་། ཕི་ནེ་ཧེ་ཡི་བུ་ནི་ཨ་བི་ཤུ་ཨ་ཡིན།  
\v 51 ཨ་བི་ཤུ་ཨ་ཡི་བུ་ནི་པུག་ཀི་ཡིན་པ་དང་། པུག་ཀིའི་བུ་ནི་ཨུ་ཟི་ཡིན་ལ། ཨུ་ཟིའི་བུ་ནི་ཟེ་རཱ་ཡཱ་ཡིན།  
\v 52 ཟེ་རཱ་ཡཱ་ཡི་བུ་ནི་མེ་ར་ཡོད་ཡིན་པ་དང་། མེ་ར་ཡོད་ཀྱི་བུ་ནི་ཨ་མར་ཡཱ་ཡིན་ལ། ཨ་མར་ཡཱའི་བུ་ནི་ཨ་ཧི་ཏུབ་ཡིན།  
\v 53 ཨ་ཧི་ཏུབ་ཀྱི་བུ་ནི་ཟཱ་ཏོག་ཡིན་པ་དང་། ཟཱ་ཏོག་གི་བུ་ནི་ཨ་ཧི་མཱ་ཨ་སི་ཡིན་ནོ། །   
\p
\v 54 ཡང་ཁོ་རྣམས་ཀྱི་མངའ་ཁོངས་སུ་ཁོ་རྣམས་སྒར་ས་བཞིན་གནས་པའི་ཡུལ་རྣམས་ནི་འདི་ལྟར། ཀོ་ཧད་པའི་ཁྲོད་ཨ་རོན་གྱི་བུ་རབས་ཚ་རྒྱུད་ཀྱིས་རྒྱན་བླངས་ནས་ཐོབ་པ་ཡིན་ཏེ།  
\v 55 ཡེས་ར་ཨེལ་པ་རྣམས་ཀྱིས་ཡ་ཧུ་དཱའི་ཡུལ་གྱི་ཧེབ་རོན་དང་དེའི་མཐའ་འཁོར་གྱི་རྩྭ་ས་དག་ཁོ་རྣམས་ལ་སྤྲད་ཀྱང་།  
\v 56 གྲོང་ཁྱེར་དེའི་ཞིང་ས་དང་དེར་གཏོགས་པའི་གྲོང་ཚོ་རྣམས་ནི་ཡེ་ཕུན་ནེའི་བུ་ཀཱ་ལེབ་ལ་སྤྲད་པའོ། །  
\v 57 ཡེས་ར་ཨེལ་པ་རྣམས་ཀྱིས་སྐྱབས་བཅོལ་གྲོང་ཁྱེར་ཏེ་ཧེབ་རོན་ནི་ཨ་རོན་གྱི་བུ་རབས་ཚ་རྒྱུད་རྣམས་ལ་སྤྲད་པ་དང་། ཡང་ལིབ་ནཱ་དང་དེའི་རྩྭ་ས་དང་། ཡད་ཏིར་དང་དེའི་རྩྭ་ས། ཨེ་སི་ཏེ་མོ་ཨ་དང་དེའི་རྩྭ་ས།  
\v 58 ཧི་ལོན་དང་དེའི་རྩྭ་ས། དི་བིར་དང་དེའི་རྩྭ་ས།  
\v 59 ཨ་ཤན་དང་དེའི་རྩྭ་ས། པེད་ཤེ་མེ་སི་དང་དེའི་རྩྭ་ས་བཅས་ཀྱང་ཡོད་དོ། །  
\v 60 ཡང་པེན་ཡཱ་མེན་ཚོ་པ་ལས། གེ་བཱ་དང་དེའི་རྩྭ་ས་དང་། ཨལ་ལེ་མེད་དང་དེའི་རྩྭ་ས། ཨ་ན་ཐོད་དང་དེའི་རྩྭ་ས་བཅས་ཀྱང་ཨ་རོན་གྱི་བུ་རབས་ཚ་རྒྱུད་རྣམས་ལ་སྤྲད་པ་དང་། དེ་དག་གི་རིགས་རྒྱུད་སོ་སོར་བསྡོམས་པས་གྲོང་ཁྱེར་བཅུ་གསུམ་ཐོབ་པ་ཡིན།  
\v 61 ཡང་ཀོ་ཧད་པའི་ཁྱིམ་རྒྱུད་ལྷག་ལུས་རྣམས་ཀྱི་བུ་རབས་ཚ་རྒྱུད་རྣམས་ལ་རྒྱན་འཕངས་པ་དང་། མཱ་ན་ཤེའི་ཚོ་པ་ཕྱེད་ཀ་ལས་གྲོང་ཁྱེར་བཅུ་ཐོབ་བོ། །  
\v 62 ཡང་གེར་ཤོན་གྱི་བུ་རབས་ཚ་རྒྱུད་རྣམས་ལ་རང་གི་ཁྱིམ་རྒྱུད་བཞིན་དུ། ཡེས་སི་ཀཱར་གྱི་ཚོ་པ་དང་། ཨ་ཤེར་གྱི་ཚོ་པ། ནཱབ་ཐ་ལིའི་ཚོ་པ། པཱ་ཤན་ལ་གནས་པའི་མཱ་ན་ཤེའི་ཚོ་པ་བཅས་ལས་གྲོང་ཁྱེར་བཅུ་གསུམ་ཐོབ་བོ། །  
\v 63 ཡང་མཱ་རཱ་རེའེ་ཡི་བུ་རབས་ཚ་རྒྱུད་རྣམས་ལ་རྒྱན་འཕངས་ནས། རང་གི་ཁྱིམ་རྒྱུད་བཞིན་དུ། རུ་བེན་གྱི་ཚོ་པ་དང་། གཱ་རྡུའི་ཚོ་པ། ཟེ་བུ་ལུན་གྱི་ཚོ་པ་བཅས་ལས་གྲོང་ཁྱེར་བཅུ་གཉིས་ཐོབ་བོ། །  
\v 64 ཡེས་ར་ཨེལ་པ་རྣམས་ཀྱིས་གྲོང་ཁྱེར་དེ་དག་དང་དེའི་རྩྭ་ས་བཅས་ནི་ལེ་ཝི་པ་རྣམས་ལ་བགོས་པ་དང་།  
\v 65 ཡང་ཡ་ཧུ་དཱའི་ཚོ་པ་དང་། སི་མུ་ཨོན་གྱི་ཚོ་པ་དང་། པེན་ཡཱ་མེན་གྱི་ཚོ་པ་བཅས་ལས་རྒྱན་བླངས་ནས་གོང་གི་མིང་བརྗོད་ཟིན་པའི་གྲོང་ཁྱེར་ཡང་དེ་རྣམས་ལ་སྤྲད།  
\v 66 ཡང་ཀོ་ཧད་ཀྱི་བུ་རབས་ཚ་རྒྱུད་དག་གི་ཁྱིམ་རྒྱུད་ཁྲོད་ཀྱི་འགའ་ཤས་ལ་ཨེ་ཕཱར་ཡིམ་གྱི་ཚོ་པ་ལས་ཀྱང་དེ་དག་མངའ་འོག་གི་གྲོང་ཁྱེར་རྣམས་ཐོབ་བོ། །  
\v 67 ཡེས་ར་ཨེལ་པ་རྣམས་ཀྱིས་ཡང་སྐྱབས་བཅོལ་གྲོང་ཁྱེར་ཏེ། ཨེ་ཕཱར་ཡིམ་གྱི་རི་ཁུལ་གྱི་སི་ཀེམ་དང་དེའི་རྩྭ་ས་རྣམས་དེ་དག་ལ་སྤྲད་པ་དང་། ཡང་གེ་ཟེར་དང་དེའི་རྩྭ་ས་རྣམས་དང་།  
\v 68 ཡོག་མེ་ཨམ་དང་དེའི་རྩྭ་ས་རྣམས་དང་། པེད་ཧོ་རོན་དང་དེའི་རྩྭ་ས་རྣམས་དང་།  
\v 69 ཨ་ཡཱ་ལོན་དང་དེའི་རྩྭ་ས་རྣམས་དང་། གཱད་རིམ་མོན་དང་དེའི་རྩྭ་ས་རྣམས་ཀྱང་ཡོད་དོ། །  
\v 70 ཡེས་ར་ཨེལ་པ་རྣམས་ཀྱིས་ཡང་མཱ་ན་ཤེའི་ཚོ་པ་ཕྱེད་ཀ་ལས། ཨ་ནེར་དང་དེའི་རྩྭ་ས་རྣམས་དང་། པིལ་ཨམ་དང་དེའི་རྩྭ་ས་རྣམས་ནི་ཀོ་ཧད་པའི་ཁྱིམ་རྒྱུད་འཕྲོ་མ་རྣམས་ལ་སྤྲད་དོ། །  
\v 71 ཡང་མཱ་ན་ཤེའི་ཚོ་པ་ཕྱེད་ཀའི་ཁྱིམ་རྒྱུད་ལས། པཱ་ཤན་གྱི་གོ་ལན་དང་དེའི་རྩྭ་ས་རྣམས་དང་། ཨ་ཤཱ་ཐ་རོད་དང་དེའི་རྩྭ་ས་རྣམས་གེར་ཤོན་གྱི་བུ་རབས་ཚ་རྒྱུད་ལ་སྤྲད་དོ། །  
\v 72 ཡང་ཡེས་སི་ཀཱར་གྱི་ཚོ་པ་ལས། ཀེ་དེ་སི་དང་དེའི་རྩྭ་ས་རྣམས་དང་། ད་བེ་རད་དང་དེའི་རྩྭ་ས་རྣམས་དང་།  
\v 73 རཱ་མོད་དང་དེའི་རྩྭ་ས་རྣམས་དང་། ཨ་ནེམ་དང་དེའི་རྩྭ་ས་རྣམས་དང་།  
\v 74 ཨ་ཤེར་གྱི་ཚོ་པ་ལས། མ་ཤལ་དང་དེའི་རྩྭ་ས་རྣམས་དང་། ཨབ་དོན་དང་དེའི་རྩྭ་ས་རྣམས་དང་།  
\v 75 ཧུ་ཀོག་དང་དེའི་རྩྭ་ས་རྣམས་དང་། རེ་ཧོབ་དང་དེའི་རྩྭ་ས་རྣམས་དང་།  
\v 76 ནཱབ་ཐ་ལིའི་ཚོ་པ་ལས། ག་ལིལ་ཡུལ་ལ་གཏོགས་པའི་ཀེ་དེ་སི་དང་དེའི་རྩྭ་ས་རྣམས་དང་། ཧམ་མོན་དང་དེའི་རྩྭ་ས་རྣམས་དང་། ཀིར་ཡ་ཏ་ཨིམ་དང་དེའི་རྩྭ་ས་རྣམས་ཐོབ་བོ། །  
\v 77 ཟེ་བུ་ལུན་གྱི་ཚོ་པ་ལས། རིམ་མོ་ནོ་དང་དེའི་རྩྭ་ས་རྣམས་དང་། ཐ་པོར་དང་དེའི་རྩྭ་ས་རྣམས་མཱ་རཱ་རེའེ་ཡི་བུ་རྒྱུད་ལྷག་ལུས་རྣམས་ལ་སྤྲད་པ་དང་།  
\v 78 ཡང་ཡོར་དན་གཙང་པོའི་ཕ་རོལ་ཏུ། ཡེ་རུ་ཀོ་ཡི་དྲང་ཐད་དེ་ཡོར་དན་གཙང་པོའི་ཤར་ཕྱོགས་སུ། རུ་བེན་གྱི་ཚོ་པ་ལས་དབེན་སྟོང་དུ་ཡོད་པའི་པེ་ཙེར་དང་དེའི་རྩྭ་ས་རྣམས་དང་། ཡ་ཙཱ་དང་དེའི་རྩྭ་ས་རྣམས་དང་།  
\v 79 ཀེ་དེ་མོད་དང་དེའི་རྩྭ་ས་རྣམས་དང་། མེ་ཕཱ་ཨད་དང་དེའི་རྩྭ་ས་རྣམས་དང་།  
\v 80 གཱ་རྡུའི་ཚོ་པ་ལས། གིལ་ཨད་ཀྱི་རཱ་མོད་དང་དེའི་རྩྭ་ས་རྣམས་དང་། མཱ་ཧ་ནཱ་ཡིམ་དང་དེའི་རྩྭ་ས་རྣམས་དང་།  
\v 81 ཧེ་སི་པོན་དང་དེའི་རྩྭ་ས་རྣམས་དང་། ཡཱ་ཟེར་དང་དེའི་རྩྭ་ས་རྣམས་ཐོབ་བོ། །   
\c 7
\cl ལེའུ་བདུན་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 ཡེས་སི་ཀཱར་གྱི་ཚོ་པ།  
\p
\v 1 ཡེས་སི་ཀཱར་གྱི་བུ་ནི་ཐོ་ལཱ་དང་ཕུ༌བཱ། ཡ་ཤུབ། ཤིམ་རོན་བཅས་བསྡོམས་པས་བཞིའོ། །  
\v 2 ཐོ་ལཱའི་བུ་ནི་ཨུ་ཟི་དང་རེ་ཕཱ་ཡ། ཡེ་རི་ཨེལ། ཡ་མ་ཨི། ཡིབ་སམ། སཱ་མུ་ཨེལ་བཅས་ཡིན་ལ། དེ་ཐམས་ཅད་ནི་ཐོ་ལཱ་ཁྱིམ་རྒྱུད་ཀྱི་འགོ་དཔོན་ཡིན་པ་དང་། ཁོ་རྣམས་ཀྱི་མི་རབས་དེའི་དམག་མི་དཔའ་རྩལ་ཅན་རྣམས་ཡིན། དཱ་བིད་ཀྱི་དུས་སུ་སླེབས་པ་ན་དེ་དག་གི་མི་གྲངས་བསྡོམས་པས་ཉིས་ཁྲི་ཉིས་སྟོང་དྲུག་བརྒྱ་ཡོད།  
\v 3 ཡང་ཨུ་ཟིའི་བུ་ནི་ཡིས་རག་ཡཱ་ཡིན་ལ། ཡིས་རག་ཡཱའི་བུ་ནི་མེའ་ཀཱ་ཨེལ་དང་ཨོ་བད་ཡཱ། ཡོ་ཨེལ། ཡིས་ཤི་ཡཱ་བཅས་བསྡོམས་པས་ལྔ་ཡོད། དེ་ཐམས་ཅད་ཁྱིམ་རྒྱུད་སོ་སོའི་འགོ་དཔོན་ཡིན་ནོ། །  
\v 4 ད་དུང་དེ་དག་གི་ཁྲོད་དུ་རང་རང་གི་རུས་རྒྱུད་དང་ཁྱིམ་རྒྱུད་བཞིན་དུ། དམག་འཐབ་ལ་ཞུགས་ནུས་པའི་དམག་དཔུང་མི་སུམ་ཁྲི་དྲུག་སྟོང་ཡོད་ཅིང་། གང་ལ་ཞེ་ན། དེ་རྣམས་ལ་ཆུང་མ་དང་བུ་ཧ་ཅང་མང་པོ་ཡོད་པས་སོ། །  
\v 5 དེ་དག་གི་སྤུན་རྣམས་ནི་ཡེས་སི་ཀཱར་གྱི་རིགས་རྒྱུད་ཐམས་ཅད་ཀྱི་ཁྲོད་དུ་དམག་མི་དཔའ་རྩལ་ཅན་ཡིན་ལ། ཁྱིམ་རབས་བཞིན་ཐོ་བརྒྱབ་པ་བསྡོམས་པས་བརྒྱད་ཁྲི་བདུན་སྟོང་ཡོད་དོ། །   
\s1 པེན་ཡཱ་མེན་གྱི་ཚོ་པ།  
\p
\v 6 པེན་ཡཱ་མེན་གྱི་བུ་ནི་པེ་ལཱ་དང་པེ༌ཀེར། ཡེ་དི་ཡཱ་ཨེལ་བཅས་བསྡོམས་པས་གསུམ་མོ། །  
\v 7 པེ་ལཱ་ཡི་བུ་ནི་ཨེ་ཙེ་བོན་དང་ཨུ་ཟི། ཨུ་ཟི་ཨེལ། ཡེ་རི་མོད། ཨི་རི་བཅས་བསྡོམས་པས་ལྔའོ། །དེ་ཐམས་ཅད་ཁྱིམ་རྒྱུད་སོ་སོའི་འགོ་དཔོན་དང་དམག་མི་དཔའ་རྩལ་ཅན་རྣམས་ཡིན་ལ། ཁྱིམ་རབས་བཞིན་ཐོ་བརྒྱབ་པ་བསྡོམས་པས་མི་ཉིས་ཁྲི་ཉིས་སྟོང་སོ་བཞི་ཡོད་དོ། །  
\v 8 པེ༌ཀེར་གྱི་བུ་ནི་ཟེ་མི་རཱ་དང་ཡོ་ཨ་སི། ཨེ་ལི་ཨེ་བཟིར། ཨེལ་ཡོ་ཨེ་ན་ཨི། ཨོམ་རི། ཡེ་རེ་མོད། ཨ་བི་ཡཱ། ཨ་ན་ཐོད། ཨ་ལེ་མེད་བཅས་ཡིན་ལ། དེ་ཐམས་ཅད་ནི་པེ་ཀེར་གྱི་བུའོ། །  
\v 9 དེ་ཐམས་ཅད་ནི་ཁྱིམ་རྒྱུད་སོ་སོའི་འགོ་དཔོན་དང་དམག་མི་དཔའ་རྩལ་ཅན་རྣམས་ཡིན་ལ། ཁྱིམ་རབས་བཞིན་ཐོ་བརྒྱབ་པ་བསྡོམས་པས་མི་ཉིས་ཁྲི་ཉིས་བརྒྱ་ཡོད་དོ། །  
\v 10 ཡེ་དི་ཡཱ་ཨེལ་གྱི་བུ་ནི་པིལ་ཧན་ཡིན་ལ། པིལ་ཧན་གྱི་བུ་ནི་ཡེ་ཨུ་སི་དང་པེན་ཡཱ་མེན། ཡེ་ཧུད། ཀེ་ན་ཨ་ནཱ། ཟེ་ཐན། ཐཱར་ཞིས། ཨ་ཧི་ཤ་ཧར་བཅས་ཡིན་ལ།  
\v 11 དེ་ཐམས་ཅད་ནི་ཡེ་དི་ཡཱ་ཨེལ་གྱི་བུ་ཡིན་པ་དང་། ཁྱིམ་རྒྱུད་སོ་སོའི་འགོ་དཔོན་དང་དམག་མི་དཔའ་རྩལ་ཅན་རྣམས་ཡིན་ལ། དམག་འཐབ་ལ་ཞུགས་ནུས་པ་བསྡོམས་པས་མི་ཆིག་ཁྲི་བདུན་སྟོང་ཉིས་བརྒྱ་ཡོད་དོ། །  
\v 12 ཡང་ཨིར་གྱི་བུ་ཤུབ་ཕིམ་དང་ཧུ༌ཕིམ་གཉིས་དང་། ཨ་ཧེར་གྱི་བུ་ཧུ་ཤིམ་བཅས་ཡོད་དོ། །   
\s1 ནཱབ་ཐ་ལིའི་ཚོ་པ།  
\p
\v 13 ཡང་ནཱབ་ཐ་ལིའི་བུ་ནི་ཡ་ཙི་ཨེལ་དང་གུ༌ནེ། ཡེ༌ཚིར། ཤལ་ལུམ་བཅས་ཡིན་ལ། དེ་ཐམས་ཅད་ནི་པིལ་ཧའི་བུ་རབས་ཚ་རྒྱུད་དོ། །   
\s1 མཱ་ན་ཤེའི་ཚོ་པ།  
\p
\v 14 མཱ་ན་ཤེའི་བུ་ཨ་སི་རི་ཨེལ་ནི་ཁོའི་ཆུན་མ་ཨ་རམ་པའི་བུད་མེད་ལས་སྐྱེས་ཤིང་། མོས་གིལ་ཨད་ཀྱི་ཕ་མཱ་ཀིར་ཞེས་པའང་བཙས་པའོ། །  
\v 15 མཱ་ཀིར་གྱིས་ཆུང་མ་ཞིག་བླངས་པ་ནི་ཧུ༌ཕིམ་དང་ཤུབ་ཕིམ་གཉིས་ཀྱི་སྲིང་མོ་ཡིན་ཞིང་མིང་ལ་མ་ཨ་ཀཱ་ཞེས་བྱའོ། །མཱ་ན་ཤེའི་བུ་གཉིས་པའི་མིང་ལ་ཚེ་ལོ་ཕེ་ཧད་ཅེས་བྱ་སྟེ་ཚེ་ལོ་ཕེ་ཧད་ལ་བུ་མོ་འགའ་ལས་མ་སྐྱེས་སོ། །  
\v 16 མཱ་ཀིར་གྱི་ཆུང་མ་མ་ཨ་ཀཱ་ལ་བུ་ཞིག་སྐྱེས་ཏེ། མོས་དེའི་མིང་ལ་ཕེ་རེ་སི་ཞེས་བཏགས་ཤིང་། དེའི་ནུ་བོའི་མིང་ལ་ཤེ་རེ་སི་ཞེས་བྱའོ། །ཤེ་རེ་སིའི་བུ་ནི་ཨུ་ལམ་དང་རཱ་ཀེམ་ཡིན་ནོ། །  
\v 17 ཨུ་ལམ་གྱི་བུ་ནི་པེ་དན་ཡིན་ལ། དེ་ཐམས་ཅད་གིལ་ཨད་ཀྱི་བུ་རབས་ཚ་རྒྱུད་ཡིན་པ་དང་། གིལ་ཨད་ནི་མཱ་ཀིར་གྱི་བུ་ཡིན་ལ། མཱ་ཀིར་ནི་མཱ་ན་ཤེའི་བུའོ། །  
\v 18 ཡང་གིལ་ཨད་ཀྱི་སྲིང་མོ་ཧམ་མོ་ལེ་ཁེད་ལས་ཨི་སི་ཧོད་དང་ཨ་བི་ཨེ་ཟཱེར། མཱ་ལཱ་བཅས་སྐྱེས་སོ། །  
\v 19 ཤེ་མི་ད་ཡི་བུ་ནི་ཨ་ཧ་ཡན་དང་ཤེ་ཀེམ། ལིག་ཧི། ཨ་ནི་ཡམ་བཅས་ཡིན་ནོ། །   
\s1 ཨེ་ཕཱར་ཡིམ་གྱི་ཚོ་པ།  
\p
\v 20 ཨེ་ཕཱར་ཡིམ་གྱི་བུ་ནི་ཤུ་ཏེ་ལཱ་ཡིན་པ་དང་། ཤུ་ཏེ་ལཱ་ཡི་བུ་ནི་པེ་རེད་ཡིན་ལ། པེ་རེད་ཀྱི་བུ་ནི་ཐ་ཧད་དང་། ཐ་ཧད་ཀྱི་བུ་ནི་ཨེལ་ཨ་ཐ་དང་། ཨེལ་ཨ་ཐ་ཡི་བུ་ནི་ཐ་ཧད་ཡིན།  
\v 21 ཐ་ཧད་ཀྱི་བུ་ནི་ཟཱ་བད་ཡིན་པ་དང་། ཟཱ་བད་ཀྱི་བུ་ནི་ཤུ་ཏེ་ལཱ་ཡིན་ནོ། །ཨེ་ཕཱར་ཡིམ་ \f + \ft ཨེ་ཕཱར་ཡིམ་ནི་མཐོ་སྒང་དུ་གནས་ཤིང་ཕྱུགས་ཁྱུ་རྣམས་ལུང་པའི་གཞོངས་ལ་གནས་པ་ཡིན།\f*གྱི་བུ་ཨེ་ཟེར་དང་ཨེལ་ཨད་གཉིས་མར་སོང་ནས་གཱད་པའི་ཕྱུགས་ཟོག་ཕྲོགས་པས། ཡུལ་དེའི་གཞིས་སྐྱེས་གཱད་པ་རྣམས་ཀྱིས་བསད་པ་ཡིན།  
\v 22 དེ་དག་གི་ཕ་ཨེ་ཕཱར་ཡིམ་གྱིས་ཉིན་མང་པོར་མྱ་ངན་བྱས་པ་དང་། དེའི་སྤུན་རྣམས་འོངས་ནས་ཁོ་ལ་སེམས་གསོ་བྱས་པའོ། །  
\v 23 དེ་ནས་ཨེ་ཕཱར་ཡིམ་རང་གི་ཆུང་མ་དང་འགྲོགས་ནས་མོ་མངལ་དང་ལྡན་པར་གྱུར་ཏེ་བུ་ཞིག་བཙས་པ་ལ། ཨེ་ཕཱར་ཡིམ་གྱིས་བུ་ཡི་མིང་ལ་པེ་རེ་ཡཱ་ཞེས་བཏགས་པ་སྟེ། ཅི་ལ་ཞེ་ན། ཁོའི་ཁྱིམ་དུ་རྐྱེན་ངན་བྱུང་བའི་ཕྱིར་རོ། །  
\v 24 ཁོའི་བུ་མོ་ནི་ཤེ་ཨེ་རཱ་ཡིན་ལ། པེད་ཧོ་རོན་གོང་འོག་དང་། ཨུ་ཟེན་ཤེ་ཨེ་རཱ་བཅས་རྩིག་མཁན་ཡིན་ནོ། །  
\v 25 པེ་རེ་ཡཱ་ཡི་བུ་ནི་རེ་ཕཱ་དང་རེ་ཤེབ་ཡིན་ལ། རེ་ཤེབ་ཀྱི་བུ་ནི་ཏེ་ལཱ་དང་། ཏེ་ལཱའི་བུ་ནི་ཐ་ཧན་ཡིན།  
\v 26 ཐ་ཧན་གྱི་བུ་ནི་ལཱ་དན་ཡིན་ལ། ལཱ་དན་གྱི་བུ་ནི་ཨམ་མེ་ཧུད་ཡིན་པ་དང་། ཨམ་མེ་ཧུད་ཀྱི་བུ་ནི་ཨེ་ལི་ཤ་མཱ་ཡིན།  
\v 27 ཨེ་ལི་ཤ་མཱའི་བུ་ནི་ནུན་ཡིན་པ་དང་། ནུན་གྱི་བུ་ནི་ཡོ་ཤུ་ཨ་ཡིན་ནོ། །  
\v 28 ཨེ་ཕཱར་ཡིམ་པའི་ཡུལ་དང་སྡོད་གནས་ནི་པེད་ཨེལ་དང་དེའི་གྲོང་ཚོ་རྣམས་དང་། ཤར་དུ་ན་ཨ་རན་དང་། ནུབ་ཏུ་གེ་ཟེར་དང་དེའི་གྲོང་ཚོ་རྣམས་དང་། སི་ཀེམ་དང་དེའི་གྲོང་ཚོ་རྣམས་དང་། ཨ་ཡཱ་དང་དེའི་གྲོང་ཚོ་རྣམས་ཡིན་ལ།  
\v 29 ད་དུང་མཱ་ན་ཤེ་ཚོ་པའི་ས་མཚམས་དང་ཉེ་སར། པེད་ཤེ་ཨན་དང་དེའི་གྲོང་ཚོ་རྣམས་དང་། ཐ་ཨ་ནག་དང་དེའི་གྲོང་ཚོ་རྣམས་དང་། མེ་གིད་དོ་དང་དེའི་གྲོང་ཚོ་རྣམས་དང་། དཱོར་དང་དེའི་གྲོང་ཚོ་རྣམས་ཡོད་པའོ། །ཡེས་ར་ཨེལ་གྱི་བུ་ཡོ་སེབ་ཀྱི་བུ་རབས་ཚ་རྒྱུད་རྣམས་ཡུལ་དེ་རྣམས་སུ་བསྡད་པ་ཡིན་ནོ། །   
\s1 ཨ་ཤེར་གྱི་ཚོ་པ།  
\p
\v 30 ཨ་ཤེར་གྱི་བུ་ནི་ཡིམ་ནཱ་དང་ཡེས་བཱ། ཡེས་བི། པེ་རེ་ཡཱ་བཅས་ཡིན་ལ། ད་དུང་དེ་དག་གི་སྲིང་མོ་སེ་རཱ་ཡང་ཡོད།  
\v 31 པེ་རེ་ཡཱའི་བུ་ནི་ཧེ་བེར་དང་མཱལ་ཀི་ཨེལ་ཡིན་ལ། མཱལ་ཀི་ཨེལ་ནི་པིར་ཟ་ཡིད་ཀྱི་ཕའོ། །  
\v 32 ཧེ་བེར་ལས་ཡབ་ལེད་དང་ཤོ་མེར། ཧོ་ཐམ། དེ་དག་གི་སྲིང་མོ་ཤུ་ཨ་བཅས་མཆེད་པའོ། །  
\v 33 ཡབ་ལེད་ཀྱི་བུ་ནི་ཕཱ་སག་དང་པིམ་ཧལ། ཨ་ཤ་ཝད་བཅས་ཡིན་ལ། དེ་དག་ནི་ཡབ་ལེད་ཀྱི་བུ་ཡིན་ནོ། །  
\v 34 ཤེ་མེར་གྱི་བུ་ནི་ཨ་ཧི་དང་རོ་གཱ། ཡེ་ཧུབ་བཱ། ཨ་རམ་བཅས་ཡིན།  
\v 35 ཤེ་མེར་གྱི་སྤུན་ཧེ་ལེམ་གྱི་བུ་ནི་ཙོ་ཕཱ་དང་ཡིམ་ནཱ། ཤེ་ལེ་སི། ཨ་མལ་བཅས་ཡིན།  
\v 36 ཙོ་ཕཱ་ཡི་བུ་ནི་སུ་ཨ་དང་ཧར་ནེ་ཕེར། ཤུ་ཨལ། པེ་རི། ཡིམ་རཱ།  
\v 37 པེ་ཙེར། ཧོད། ཤམ་མཱ། ཤིལ་ཤུ། ཡིད་རཱན། པེ་ཨེ་རཱ་བཅས་ཡིན་ནོ། །  
\v 38 ཡེ་ཐེར་གྱི་བུ་ནི་ཡེ་ཕུན་ནེ་དང་ཕི་སི་ཕཱ། ཨ་རཱ་བཅས་ཡིན།  
\v 39 ཡུལ་ལཱའི་བུ་ནི་ཨ་རཱ་དང་ཧན་ནི་ཨེལ། རི་ཟི་ཡཱ་བཅས་ཡིན་ནོ། །  
\v 40 དེ་ཐམས་ཅད་ནི་ཨ་ཤེར་གྱི་བུ་རབས་ཚ་རྒྱུད་དེ། ཁོ་ཚོའི་ཁྱིམ་རྒྱུད་སོ་སོའི་འགོ་དཔོན་དང་དམག་མི་ཕུལ་བྱུང་དཔའ་རྩལ་ཅན་དང་། འགོ་དཔོན་རྣམས་ཀྱི་གཙོ་བོར་གྱུར་པ་ཡིན། ཁྱིམ་རབས་བཞིན་ཐོ་བརྒྱབ་པའི་མི་གྲངས་ཏེ། དམག་འཐབ་ལ་ཞུགས་ནུས་པ་བསྡོམས་པས་མི་ཉིས་ཁྲི་དྲུག་སྟོང་ཡོད་པའོ། །   
\c 8
\cl ལེའུ་བརྒྱད་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 པེན་ཡཱ་མེན་པ་སོ་ལོའི་ཁྱིམ་རབས།  
\p
\v 1 ཡང་པེན་ཡཱ་མེན་ལས་བུ་སྐྱེས་འགོ་པེ་ལཱ་དང་། བུ་གཉིས་པ་ཨ་ཤ༌བེལ། བུ་གསུམ་པ་ཨ་ཧ་རཱ།  
\v 2 བུ་བཞི་པ་ནོ་ཧཱ། བུ་ལྔ་པ་ར་ཕཱ་བཅས་མཆེད་དོ། །  
\v 3 ཡང་པེ་ལཱ་ཡི་བུ་ནི་ཨད་དར་དང་། གེ་རཱ། ཨ་བི་ཧུད།  
\v 4 ཨ་བི་ཤུ་ཨ། ནཱ་ཨ༌མཱན། ཨ་ཧོ་ཨ།  
\v 5 གེ་རཱ། ཤེ་ཕུ་ཕན། ཧུ་རཱམ་བཅས་སོ། །  
\v 6 ཡང་འདི་རྣམས་ནི་ཨེ་ཧུད་ཀྱི་བུ་རབས་ཚ་རྒྱུད་རྣམས་ཡིན་ཏེ། ཁོ་རྣམས་ནི་གེ་བཱ་རུ་གཞིས་ཆགས་པའི་ཁྱིམ་རྒྱུད་སོ་སོའི་འགོ་དཔོན་ཡིན་ལ། སྔར་མཱ་ན་ཧད་དུ་སྤྱུགས་པའོ། །  
\v 7 ཨེ་ཧུད་ཀྱི་བུ་ནི་ནཱ་ཨ༌མཱན་དང་། ཨ་ཧི་ཡཱ། གེ་རཱ་བཅས་ཡིན་ལ། གེ་རཱ་ཡིས་ཁོ་རྣམས་སྤྱུགས་པ་ཡིན་ནོ། །དེ་ལས་ཨུ་ཟཱ་དང་ཨ་ཧི་ཧུད་མཆེད་དོ། །  
\v 8 ཡང་ཤཱ་ཧ་ར་ཨིམ་གྱིས་རང་གི་ཆུང་མ་ཧུ་ཤིམ་དང་པཱ་ཨ་ར་གཉིས་དོར་རྗེས། མོ་ཨབ་ཡུལ་དུ་བུ་རྣམས་སྐྱེས་སོ། །  
\v 9 དེའི་ཆུང་མ་ཧོ་དེ་སི་ལས་ཡོ་བཱབ་དང་། ཙིབ་ཡཱ། མེ་ཤཱ། མཱལ་ཀམ།  
\v 10 ཡེ་ཨུ་ཟི། སག་ཡཱ། མིར་མཱ་བཅས་མཆེད་དེ། དེའི་བུ་འདི་ཐམས་ཅད་ནི་ཁྱིམ་རྒྱུད་དག་གི་འགོ་དཔོན་ཡིན།  
\v 11 ཧུ་ཤིམ་ལས་ཁོ་ལ་ཨ་བི་ཏུབ་དང་ཨེལ་ཕཱ་ཨལ་གཉིས་མཆེད་དེ།  
\v 12 ཨེལ་ཕཱ་ཨལ་གྱི་བུ་ནི་ཨེ་བེར་དང་། མེ་ཤཱམ། ཤེ་མེད་བཅས་ཡིན་ལ། ཤེ་མེད་ཀྱིས་ཨོ་ནོ་དང་ལོད་གཉིས་དང་། གྲོང་ཁྱེར་དེ་གཉིས་ཀའི་གྲོང་ཚོ་རྣམས་བརྩིགས་སོ། །  
\v 13 ད་དུང་པེ་རེ་ཡཱ་དང་ཤེ་མཱ་གཉིས་ཀྱང་ཡོད་ལ། ཁོ་རྣམས་ནི་ཨ་ཡཱ་ལོན་དུ་གཞིས་ཆགས་པའི་ཁྱིམ་རྒྱུད་སོ་སོའི་འགོ་དཔོན་ཡིན་ཞིང་། དེ་གཉིས་ཀྱིས་གཱད་པ་རྣམས་ཕྱིར་བསྐྲད་པ་ཡིན།  
\v 14 ཡང་པེ་རེ་ཡཱ་ཡི་བུ་ནི་ཨ་ཧི་ཡོ་དང་། ཤཱ་ཤག ཡེ་རེ་མོད།  
\v 15 ཟེ་བད་ཡཱ། ཨ་རད། ཨེ་དེར།  
\v 16 མེའ་ཀཱ་ཨེལ། ཡིས་ཕཱ། ཡོ་ཧ་བཅས་ཡིན་ནོ། །  
\v 17 ཡང་ཨེལ་ཕཱ་ཨལ་གྱི་བུ་ནི་ཟེ་བད་ཡཱ་དང་། མཱེ་ཤུལ་ལིམ། ཧི་སི་ཀི། ཧེ་བེར།  
\v 18 ཡིས་མེ་ར་ཨི། ཡི་ཟ་ལི་ཡཱ། ཡོ་བཱབ་བཅས་སོ། །  
\v 19 ཤིམ་ཨི་ཡི་བུ་ནི་ཡཱ་ཀིམ་དང་། ཟིག་རི། ཟབ་དི།  
\v 20 ཨེ་ལི་ཨེ་ན་ཨི། ཙིལ་ལེ་ཐ་ཨི། ཨེ་ལི་ཨེལ།  
\v 21 ཨ་དཱ་ཡ། པེ་ར་ཡཱ། ཤིམ་རད་བཅས་སོ། །  
\v 22 ཤཱ་ཤག་གི་བུ་ནི་ཡིས་པན་དང་། ཨེ་བེར། ཨེ་ལི་ཨལ།  
\v 23 ཨབ་དོན། ཟིག་རི། ཧ་ནན།  
\v 24 ཧ་ནན་ཡཱ། ཨེ་ལཱམ། ཨན་ཐོ་ཐི་ཡཱ།  
\v 25 ཡིབ་དེ་ཡཱ། ཕེ་ནུ་ཨེལ་བཅས་སོ། །  
\v 26 ཡེ་རོ་ཧམ་གྱི་བུ་ནི་ཤམ་ཤེ་ར་ཨི་དང་། ཤེ་ཧར་ཡཱ། ཨ་ཐལ་ཡཱ།  
\v 27 ཡ་ཨ་རེ་ཤི་ཡཱ། ཨེ་ལི་ཡཱ། ཟིག་རི་བཅས་སོ། །  
\v 28 དེ་རྣམས་ནི་ཁྱིམ་རབས་བཞིན་དུ་ཐམས་ཅད་རང་རང་གི་ཁྱིམ་རྒྱུད་སོ་སོའི་འགོ་དཔོན་ཡིན་པ་དང་། ཡེ་རུ་སཱ་ལེམ་དུ་གནས་པའི་འགོ་དཔོན་རྣམས་ཡིན་ནོ། །   
\p
\v 29 ཡང་གིབ་ཡོན་ཡུལ་དུ་སྡོད་པ་ནི་གིབ་ཡོན་གྱི་ཕ་ཡེ་ཨི་ཨེལ་ཡོད་པ་དང་། དེའི་ཆུང་མའི་མིང་ལ་མ་ཨ་ཀཱ་ཟེར་རོ། །  
\v 30 དེའི་བུ་སྐྱེས་འགོ་ནི་ཨབ་དོན་ཡིན་ལ། དེ་ནས་ཙུར་དང་། ཁི་སི། པཱ་ཨལ། ནཱ་དབ།  
\v 31 གེ་དོར། ཨ་ཧི་ཡོ། ཟེ་ཀེར། མིག་ལོད་བཅས་ཡིན་ནོ། །  
\v 32 ཡང་མིག་ལོད་ལས་ཤི་མེ་ཨ་མཆེད་དེ། དེ་དག་ཀྱང་རང་གི་གཉེན་ཉེ་དང་མཉམ་དུ་ཡེ་རུ་སཱ་ལེམ་ལ་གནས་ཤིང་། ཕན་ཚུན་ཉེ་བར་གནས་པའོ། །  
\v 33 ནེར་ལས་ཁི་སི་མཆེད། ཁི་སི་ལས་སོ་ལོ་དང་། སོ་ལོ་ལས་ཡོ་ནཱ་ཐན་དང་། མལ་ཀི་ཤུ་ཨ། ཨ་བི་ནཱ་དབ། ཨིས་པོ་ཤེད་བཅས་མཆེད་དོ། །  
\v 34 ཡོ་ནཱ་ཐན་གྱི་བུ་ནི་མེ་ཕི་པོ་ཤེད་ཡིན་ལ། མེ་ཕི་པོ་ཤེད་ལས་མི་ཀཱ་མཆེད་དོ། །  
\v 35 མི་ཀཱ་ཡི་བུ་ནི་ཕི་ཐོན་དང་། མེ་ལེག ཐ་རེ་ཨ། ཨ་ཧ་ཟཱ་བཅས་ཡིན་ནོ། །  
\v 36 ཨ་ཧ་ཟཱ་ལས་ཡེ་ཧོ་ཨ་དད་མཆེད་ཅིང་། ཡེ་ཧོ་ཨ་དད་ལས་ཨ་ལེ་མེད་དང་། ཨས་མ་ཝེད། ཟིམ་རེ་བཅས་མཆེད་པ་དང་། ཟིམ་རེ་ལས་མོ་ཟི་མཆེད་དོ། །  
\v 37 མོ་ཟི་ལས་པི་ནེ་ཨ་མཆེད་པ་དང་། པི་ནེ་ཨ་ཡི་བུ་ནི་ར་ཕཱ་ཡིན་ལ། ར་ཕཱའི་བུ་ནི་ཨེལ་ཨ་སཱ་ཡིན། ཨེལ་ཨ་སཱའི་བུ་ནི་ཨ་ཙེལ་ཡིན།  
\v 38 ཡང་ཨ་ཙེལ་ལ་བུ་དྲུག་ཡོད་དེ། དེ་དག་གི་མིང་ནི་ཨས་རི་ཀམ་དང་། པོ་ཀེ་རུ། ཡེས་མ་ཨེལ། ཤེ་ཨར་ཡཱ། ཨོ་བད་ཡཱ། ཧ་ནན་བཅས་ཡིན་ལ། དེ་ཐམས་ཅད་ནི་ཨ་ཙེལ་གྱི་བུ་ཡིན་ནོ། །  
\v 39 ཡང་ཨ་ཙེལ་གྱི་ནུ་བོ་ཨེ་ཤེག་གི་བུ་རྣམས་ནི། བུ་སྐྱེས་འགོ་ཨུ་ལམ་དང་། བུ་གཉིས་པ་ཡེ་ཨུ་སི། བུ་གསུམ་པ་ཨེ་ལི་ཕེ་ལེད་བཅས་སོ། །  
\v 40 ཨུ་ལམ་གྱི་བུ་ཐམས་ཅད་དམག་མི་དཔའ་བོ་མདའ་རྩལ་ཅན་ཡིན། དེ་དག་ལ་བུ་རབས་ཚ་རྒྱུད་མང་ཞིང་བསྡོམས་པས་བརྒྱ་དང་ལྔ་བཅུ་ཡོད་ལ། དེ་ཐམས་ཅད་པེན་ཡཱ་མེན་ཚོ་པའི་ཡིན་ནོ། །   
\c 9
\cl ལེའུ་དགུ་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 བཙན་ཁྲིད་ལས་ཕྱིར་ཡེ་རུ་སཱ་ལེམ་དུ་ལོག་པའི་མི་རྣམས།  
\p
\v 1 ཡེས་ར་ཨེལ་པ་ཐམས་ཅད་ནི་ཁྱིམ་རབས་བཞིན་ཐོ་བརྒྱབ་ཡོད་ཅིང་། ལྟོས་དང་། དེ་ཐམས་ཅད་ཡེས་ར་ཨེལ་གྱི་རྒྱལ་པོའི་རྒྱལ་རབས་ནང་དུ་བཀོད་ཡོད། ཡ་ཧུ་དཱ་པ་རྣམས་ནི་དད་ལོག་གི་རྐྱེན་གྱིས་པཱ་པེལ་ལོན་དུ་བཙན་ཁྲིད་བྱས་པ་ཡིན།  
\v 2 ཐོག་མར་ཕྱིར་ཐོན་ཏེ་རང་གི་ས་སྐལ་དང་རང་གི་གྲོང་ཁྱེར་དུ་གནས་པ་རྣམས་ནི་ཡེས་ར་ཨེལ་པ་དང་། མཆོད་དཔོན་རྣམས་དང་། ལེ་ཝི་པ་རྣམས་དང་། མཆོད་གཡོག་པ་བཅས་ཡིན།  
\v 3 ཡེ་རུ་སཱ་ལེམ་དུ་སྡོད་པ་ནི་ཡ་ཧུ་དཱའི་ཚོ་པ་དང་། པེན་ཡཱ་མེན་གྱི་ཚོ་པ། ཨེ་ཕཱར་ཡིམ་གྱི་ཚོ་པ། མཱ་ན་ཤེའི་ཚོ་པ་བཅས་ནས་ཐོན་པའི་མི་རྣམས་ཡིན་ནོ། །  
\v 4 ཡང་ཡ་ཧུ་དཱའི་བུ་ཕེ་རེལ་ཟིའི་བུ་རབས་ཚ་རྒྱུད་ཁྲོད་དུ་ཨུ་ཐ་ཨི་བྱ་བ་ཡོད་དེ། ཨུ་ཐ་ཨི་ནི་ཨམ་མེ་ཧུད་ཀྱི་བུ་ཡིན་ལ། ཨམ་མེ་ཧུད་ནི་ཨོམ་རིའི་བུ། ཨོམ་རི་ནི་ཨིམ་རིའི་བུ། ཨིམ་རི་ནི་པཱ་ནིའི་བུའོ། །  
\v 5 ཡང་ཞི་ལོ་པའི་ཁྲོད་དུ་བུ་སྐྱེས་འགོ་ཨ་ས་ཡཱ་དང་དེའི་བུ་རྣམས་ཡོད་ལ།  
\v 6 ཟེ་རག་གི་བུ་རབས་ཚ་རྒྱུད་རྣམས་ལས་ཡེ་ཨུ་ཨེལ་དང་དེའི་གཉེན་ཉེ་རྣམས་བསྡོམས་པས་དྲུག་བརྒྱ་དགུ་བཅུ་ཡོད།   
\p
\v 7 པེན་ཡཱ་མེན་གྱི་བུ་རབས་ཚ་རྒྱུད་ལས་ཧ་སེ་ནུ་ཨའི་ཡང་ཚ་དང་ཧོ་དབ་ཡཱའི་ཚ་བོ་སྟེ། མཱེ་ཤུལ་ལིམ་གྱི་བུ་སལ་ལུ་ཡོད་དོ། །  
\v 8 ཡང་ཡེ་རོ་ཧམ་གྱི་བུ་ཡིབ་ནེ་ཡཱ་དང་། མིག་རིའི་ཚ་བོ་སྟེ་ཨུ་ཟིའི་བུ་ཨེ་ལཱ་བྱ་བ་དང་། ཡིབ་ནེ་ཡཱ་ཡི་ཡང་ཚའམ་རུའུ་ཨེལ་གྱི་ཚ་བོ་སྟེ། ཤེ་ཕད་ཡཱའི་བུ་མཱེ་ཤུལ་ལིམ་ཡོད་པ་དང་།  
\v 9 ཡང་ཁོ་ཚོའི་གཉེན་ཉེ་རྣམས་ཏེ། དེ་དག་གི་ཁྱིམ་རབས་བཞིན་ཐོ་བརྒྱབ་པ་བསྡོམས་པས་དགུ་བརྒྱ་དང་ལྔ་བཅུ་ང་དྲུག་ཡོད་དེ། དེ་ཐམས་ཅད་ནི་ཁོ་རྣམས་ཀྱི་ཁྱིམ་རྒྱུད་སོ་སོའི་འགོ་དཔོན་ཡིན་ནོ། །   
\p
\v 10 ཡང་མཆོད་དཔོན་གྱི་ཁྲོད་དུ་ཡེ་དཱ་ཡ་དང་། ཡེ་ཧོ་ཡ་རིབ། ཡཱ་ཀིན།  
\v 11 ད་དུང་དཀོན་མཆོག་གི་མཆོད་ཁང་ལ་བདག་གཉེར་བྱེད་པའི་ཨ་ཟར་ཡཱ་བཅས་ཡོད། ཨ་ཟར་ཡཱ་ནི་ཧིལ་ཀི་ཡཱའི་བུ་དང་། ཧིལ་ཀི་ཡཱ་ནི་མཱེ་ཤུལ་ལིམ་གྱི་བུ། མཱེ་ཤུལ་ལིམ་ནི་ཟཱ་ཏོག་གི་བུ། ཟཱ་ཏོག་ནི་མེ་ར་ཡོད་ཀྱི་བུ། མེ་ར་ཡོད་ནི་ཨ་ཧི་ཏུབ་ཀྱི་བུའོ། །  
\v 12 ད་དུང་མལ་ཀི་ཡཱའི་ཡང་ཚ་སྟེ། ཕཱ་ཤུར་གྱི་ཚ་བོའམ་ཡེ་རོ་ཧམ་གྱི་བུ་ཨ་དཱ་ཡ་དང་། ཨ་དི་ཨེལ་གྱི་བུ་མ་ཨ་སཱ་ཨི་ཡང་ཡོད། ཨ་དི་ཨེལ་ནི་ཡ་ཟེ་རཱའི་བུ་དང་། ཡ་ཟེ་རཱ་ནི་མཱེ་ཤུལ་ལིམ་གྱི་བུ་དང་། མཱེ་ཤུལ་ལིམ་ནི་མེ་ཤིལ་ལེ་མིད་ཀྱི་བུ་དང་། མེ་ཤིལ་ལེ་མིད་ནི་ཨིམ་མེར་གྱི་བུའོ། །  
\v 13 ཡང་དེ་དག་གི་གཉེན་ཉེ་རྣམས་ཏེ་ཁོ་ཚོའི་ཁྱིམ་རྒྱུད་ཀྱི་འགོ་དཔོན་རྣམས་བསྡོམས་པས་མི་ཆིག་སྟོང་བདུན་བརྒྱ་དྲུག་ཅུ་ཡོད་ལ། དེ་ཐམས་ཅད་ནི་དཀོན་མཆོག་གི་མཆོད་ཁང་ལ་བདག་གཉེར་བྱེད་མཁས་པའི་འཇོན་ཐང་ཅན་ཡིན་ནོ། །   
\p
\v 14 ཡང་ལེ་ཝི་ཚོ་པའི་མཱ་རཱ་རེའེ་ཡི་བུ་རབས་ཚ་རྒྱུད་ཁྲོད་དུ། ཧ་ཤབ་ཡཱའི་ཡང་ཚ་སྟེ། ཨས་རི་ཀམ་གྱི་ཚ་བོའམ་ཧ་ཤུབ་ཀྱི་བུ་ཤེ་མཱ་ཡ་དང་།  
\v 15 ཡང་པག་བག་ཀར་དང་། ཧེ་རེ་སི། ག་ལལ། ཨ་སབ་ཀྱི་ཡང་ཚ་སྟེ། ཟིག་རིའི་ཚ་བོའམ་མི་ཀཱའི་བུ་མད་ཐན་ཡཱ།  
\v 16 ཡང་ཡེ་དུ་ཐུན་གྱི་ཡང་ཚ་སྟེ། ག་ལལ་གྱི་ཚ་བོའམ་ཤེ་མཱ་ཡའི་བུ་ཨོ་བད་ཡཱ་དང་། ཡང་ཨེལ་ཁ་ནཱའི་ཚ་བོ་སྟེ། ཨ་སཱའི་བུ་པེ་རེག་ཡཱ་བཅས་པ་ཡོད་ལ། དེ་ཐམས་ཅད་ནེ་ཏོ་ཕཱ་པའི་གྲོང་ཚོ་རུ་གནས་པ་ཡིན།   
\p
\v 17 ཡང་སྒོ་སྲུང་ནི་ཤལ་ལུམ་དང་། ཨག་ཀུབ་དང་། ཏལ་མོན་དང་། ཨ་ཧི་མན་དང་དེ་དག་གི་གཉེན་ཉེ་རྣམས་ཡོད་དེ། ཤལ་ལུམ་ནི་དེ་དག་གི་འགོ་དཔོན་ཡིན།  
\v 18 དེ་དག་ནི་ད་ལྟ་ད་དུང་རྒྱལ་པོའི་ཤར་སྒོ་སྲུང་མཁན་ཡིན་ཞིང་། སྔར་དེ་དག་ནི་ལེ་ཝི་པའི་སྒར་གྱི་སྒོ་སྲུང་བྱས་མྱོང་།  
\v 19 ཡང་ཀོ་རེད་ཀྱི་ཡང་ཚ་སྟེ། ཨེ་བི་ཡ་སབ་ཀྱི་ཚ་བོའམ་ཀོ་རེད་ཀྱི་བུ་ཤལ་ལུམ་དང་། དེའི་གཉེན་ཉེ་ཀོ་རཱག་པ་རྣམས་ཀྱིས་ལས་འགན་འཁུར་ཞིང་མཇལ་འཕྲད་གུར་མཆོག་སྲུང་བ་ཡིན། དེ་དག་གི་ཕ་མེས་རྣམས་ཀྱིས་སྔར་དཀོན་མཆོག་ཡ་ཝཱེའི་སྒར་ལ་བདག་གཉེར་བྱས་ནས་སྒོ་བསྲུངས་པའོ། །  
\v 20 སྔར་ཨེ་ལི་ཨ་ཟར་གྱི་བུ་ཕི་ནེ་ཧེ་དེ་དག་གི་འགོ་དཔོན་བྱས་མྱོང་ལ། དཀོན་མཆོག་ཡ་ཝཱེ་ཡང་ཁོ་དང་མཉམ་དུ་བཞུགས་པའོ། །  
\v 21 ཡང་མེ་ཤེ་ལེམ་ཡཱའི་བུ་ཟཱ་ཀར་ཡ་ནི་མཇལ་འཕྲད་གུར་མཆོག་གི་སྒོ་སྲུང་ཡིན་ཞིང་།  
\v 22 སྒོ་སྲུང་དུ་བདམས་པའི་མི་ནི་བསྡོམས་པས་ཉིས་བརྒྱ་དང་བཅུ་གཉིས་ཡོད་པ་དང་། དེ་རྣམས་རང་རང་གི་གྲོང་སྡེ་རུ་ཁྱིམ་རབས་བཞིན་ཐོ་བརྒྱབ་ཅིང་། ཁོ་རྣམས་ནི་དཱ་བིད་དང་ལུང་སྟོན་པ་སཱ་མུ་ཨེལ་གཉིས་ཀྱིས་ལས་འགན་འཁུར་དུ་བསྐོས་པ་ཡིན།  
\v 23 དེ་དག་དང་དེ་དག་གི་བུ་རབས་ཚ་རྒྱུད་རྣམས་ཀྱིས་ལས་རེས་བཞིན་དཀོན་མཆོག་ཡ་ཝཱེའི་བཞུགས་གནས་ཀྱི་སྒོ་སྟེ། མཇལ་འཕྲད་གུར་མཆོག་གི་སྒོ་སྲུང་ཡིན།  
\v 24 ཤར་ལྷོ་ནུབ་བྱང་ཕྱོགས་བཞི་རུ་སྲུང་མཁན་ཡོད་དེ།  
\v 25 ཡང་དེ་དག་གི་གཉེན་ཉེ་སྟེ་ཁོ་ཚོའི་གྲོང་ཚོ་རུ་སྡོད་པ་རྣམས་ཉིན་བདུན་རེར་ཁོ་ཚོ་དང་རེས་སྐོར་དུ་འོངས།  
\v 26 མཆོད་ཁང་གི་སྒོ་བཞི་པོའི་སྒོ་སྲུང་འགོ་དཔོན་ཐམས་ཅད་ལེ་ཝི་པ་ཡིན་ཞིང་། མངགས་བཅོལ་ལྟར་དཀོན་མཆོག་གི་མཆོད་ཁང་གི་ཁང་མིག་དང་དཀོར་མཛོད་རྣམས་སྲུང་མཁན་ཡིན་ནོ། །  
\v 27 ཡང་ཁོ་རྣམས་ཀྱིས་ལྟ་སྲུང་གི་འགན་འཁུར་བར་མ་ཟད་ཉིན་རེའི་ཞོགས་པར་སྒོ་འབྱེད་དགོས་པས། ཁོ་རྣམས་དཀོན་མཆོག་གི་མཆོད་ཁང་གི་ཕྱོགས་བཞི་རུ་སྡོད་པའོ། །   
\p
\v 28 ལེ་ཝི་པའི་ཁྲོད་དུ་འགའ་ཞིག་གིས་སྣོད་ཆས་ལ་བདག་གཉེར་བྱེད་པ་དང་། གྲངས་ཀ་བཞིན་ཕྱི་ལ་འཁྱེར་བ་དང་། ཡང་གྲངས་ཀ་བཞིན་ནང་ལ་འཁྱེར་འོང་དགོས་སོ། །  
\v 29 ཡང་ཁོ་རྣམས་ལས་འགའ་ཞིག་གིས་མངགས་བཅོལ་ལྟར་ཡོ་བྱད་དང་། གནས་དམ་པའི་སྣོད་ཆས་ཐམས་ཅད་དང་། གྲོ་ཞིབ་དང་རྒུན་ཆང་དང་། སྣུམ་དང་། སྤོས་དཀར་དང་། བསུང་རྫས་སྤེལ་མ་བཅས་ལ་བདག་གཉེར་བྱེད་པ་ཡིན།  
\v 30 མཆོད་དཔོན་གྱི་བུ་རབས་ཚ་རྒྱུད་ལས་འགའ་ཞིག་གིས་བསུང་རྫས་ཀྱིས་བྱུགས་རྫས་བཟོ་བ་ཡིན།  
\v 31 ལེ་ཝི་པ་མད་ཐིད་ཡཱ་ནི་ཀོ་རཱག་པ་ཤལ་ལུམ་གྱི་བུ་སྐྱེས་འགོ་ཡིན་ཏེ། དེའི་ལས་འགན་ནི་སླ་ངའི་ནང་བག་ལེབ་བསྲེག་པར་བདག་གཉེར་བྱེད་པ་ཡིན།  
\v 32 དེ་དག་གི་གཉེན་ཉེ་ཀོ་ཧད་པའི་བུ་རབས་ཚ་རྒྱུད་ལས། སྤྱན་བསྟར་བག་ལེབ་ལ་བདག་གཉེར་བྱེད་མཁན་ཡོད་དེ། ངལ་གསོ་བའི་ཉིན་མོ་རེ་རེར་བག་ལེབ་སྟ་གོན་བྱེད་པ་ཡིན།   
\p
\v 33 འདི་རྣམས་ནི་མགུར་ལེན་མཁན་ཏེ་ལེ་ཝིའི་ཁྱིམ་རྒྱུད་སོ་སོའི་འགོ་དཔོན་ཡིན་ལ། མཆོད་ཁང་གི་ར་བའི་ཁང་མིག་ནང་དུ་སྡོད་ཅིང་། ཉིན་མཚན་མེད་པར་མཆོད་ཁང་གི་ནང་དུ་ལས་ཀ་བྱེད་པ་ལས་གཞན་གང་ཡང་མི་བྱེད་དོ། །  
\v 34 དེ་ཐམས་ཅད་ནི་ལེ་ཝིའི་ཁྱིམ་རྒྱུད་སོ་སོའི་འགོ་དཔོན་ཡིན་ཞིང་། ཁོ་རྣམས་ཀྱི་ཁྱིམ་རབས་བཞིན་ཐམས་ཅད་འགོ་དཔོན་ཡིན་ལ། ཐམས་ཅད་ཡེ་རུ་སཱ་ལེམ་དུ་སྡོད་པའོ། །   
\s1 རྒྱལ་པོ་སོ་ལོའི་ཁྱིམ་རབས།  
\p
\v 35 གིབ་ཡོན་དུ་སྡོད་པ་ནི་གིབ་ཡོན་གྱི་ཕ་ཡེ་ཨི་ཨེལ་ཡོད་ལ། དེའི་ཆུང་མའི་མིང་ལ་མ་ཨ་ཀཱ་ཟེར།  
\v 36 དེའི་བུ་སྐྱེས་འགོ་ནི་ཨབ་དོན་ཡིན་པ་དང་། དེའི་ཞོལ་དུ་ཙུར་དང་། ཁི་སི། པཱ་ཨལ། ནེར། ནཱ་དབ།  
\v 37 གེ་དོར། ཨ་ཧི་ཡོ། ཟཱ་ཀར་ཡ། མིག་ལོད་བཅས་ཡོད།  
\v 38 ཡང་མིག་ལོད་ལས་ཤི་མེ་ཨམ་མཆེད་པ་དང་། དེ་དག་ཀྱང་དེ་དག་གི་གཉེན་ཉེ་མཉམ་དུ་ཡེ་རུ་སཱ་ལེམ་དུ་བསྡད་པ་དང་རང་གི་གཉེན་ཉེ་དང་ཉེ་བར་གནས་པའོ། །  
\v 39 ནེར་ལས་ཁི་སི་མཆེད། ཁི་སི་ལས་སོ་ལོ་མཆེད། སོ་ལོ་ལས་ཡོ་ནཱ་ཐན་དང་། མལ་ཀི་ཤུ་ཨ། ཨ་བི་ནཱ་དབ། ཨིས་པོ་ཤེད་བཅས་མཆེད།  
\v 40 ཡོ་ནཱ་ཐན་གྱི་བུ་ནི་མེ་ཕི་པོ་ཤེད་ཡིན་པ་དང་། མེ་ཕི་པོ་ཤེད་ལས་མི་ཀཱ་མཆེད།  
\v 41 མི་ཀཱ་ཡི་བུ་ནི་ཕི་ཐོན་དང་། མེ་ལེག ཐ་རེ་ཨ། ཨ་ཧ་ཟཱ་བཅས་ཡིན།  
\v 42 ཨ་ཧ་ཟཱ་ལས་ཡ་རཱ་མཆེད། ཡ་རཱ་ལས་ཨ་ལེ་མེད་དང་། ཨས་མ་ཝེད། ཟིམ་རེ་བཅས་མཆེད། ཟིམ་རེ་ལས་མོ་ཟི་མཆེད།  
\v 43 མོ་ཟི་ལས་པི་ནེ་ཨ་མཆེད། པི་ནེ་ཨའི་བུ་ནི་རེ་ཕཱ་ཡ་ཡིན་ལ། རེ་ཕཱ་ཡའི་བུ་ནི་ཨེལ་ཨ་སཱ་དང་། ཨེལ་ཨ་སཱའི་བུ་ནི་ཨ་ཙེལ་ཡིན།  
\v 44 ཨ་ཙེལ་ལ་བུ་དྲུག་ཡོད་ཅིང་དེ་ཚོའི་མིང་ནི་ཨས་རི་ཀམ་དང་། པོ་ཀེ་རུ། ཡེས་མ་ཨེལ། ཤེ་ཨར་ཡཱ། ཨོ་བད་ཡཱ། ཧ་ནན་བཅས་ཡིན། འདི་ཐམས་ཅད་ཨ་ཙེལ་གྱི་བུ་ཡིན་ནོ། །   
\c 10
\cl ལེའུ་བཅུ་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 རྒྱལ་པོ་སོ་ལོས་རང་སྲོག་བླངས་པ།  
\p
\v 1 ཕེ་ལེ་ཤེད་པ་རྣམས་ཀྱིས་ཡེས་ར་ཨེལ་པ་ལ་དམག་བརྒྱབ་ནས། ཡེས་ར་ཨེལ་པ་རྣམས་ཕེ་ལེ་ཤེད་པའི་མདུན་ནས་བྲོས་ཏེ། མི་མང་པོ་གིལ་བོ་ཨ་རི་བོར་འགྱེལ་ཏོ། །  
\v 2 ཕེ་ལེ་ཤེད་པ་རྣམས་ཀྱིས་སོ་ལོ་དང་དེའི་སྲས་རྣམས་ཀྱི་རྗེས་དེད་ཅིང་། སོ་ལོའི་སྲས་ཡོ་ནཱ་ཐན་དང་ཨ་བི་ནཱ་དབ། མལ་ཀི་ཤུ་ཨ་བཅས་བསད་དོ། །  
\v 3 སོ་ལོ་ལ་རྒོལ་པའི་འཐབ་མོ་ཤིན་ཏུ་དྲགས་ཤིང་། མདའ་པས་སོ་ལོ་མཐོང་ནས་ཁོ་ལ་མདའ་ཡིས་བརྒྱབ་ནས་རྨས་པར་གྱུར་ཏོ། །  
\v 4 དེ་ནས་སོ་ལོས་རང་གི་གོ་མཚོན་འཁུར་མཁན་ལ། ཁྱོད་ཀྱིས་རལ་གྲི་ཕྱུང་སྟེ་ངའི་ལུས་རྟོལ་ཅིག དེ་ལྟར་མ་བྱས་ཚེ། མཚན་སྐྱི་མ་བཅད་པ་དེ་དག་འོངས་ནས་ང་ལ་རལ་གྲིས་བསྣུན་ཏེ་སྨད་པར་བྱའོ་ཞེས་སྨྲས་ཀྱང་། གོ་མཚོན་འཁུར་མཁན་དེ་ཤིན་ཏུ་འཇིགས་ནས་དེ་ལྟར་མ་བྱས་པས། སོ་ལོས་རལ་གྲི་བླངས་ནས་དེའི་ཁར་ལྕེབས་སོ། །  
\v 5 གོ་མཚོན་འཁུར་མཁན་གྱིས་སོ་ལོ་གྲོངས་ཟིན་པ་མཐོང་བ་དང་། ཁོ་ཡང་རལ་གྲིའི་ཁར་ལྕེབས་ནས་ཤིའོ། །  
\v 6 དེ་ལྟར་སོ་ལོ་དང་ཁོང་གི་སྲས་གསུམ་དང་། ཁྱིམ་མི་ཐམས་ཅད་མཉམ་དུ་ཤི་བའོ། །  
\v 7 ལུང་པར་སྡོད་པའི་ཡེས་ར་ཨེལ་གྱི་མི་ཐམས་ཅད་ཀྱིས་ཡེས་ར་ཨེལ་གྱི་དམག་རྣམས་བྲོས་པ་དང་། སོ་ལོ་དང་ཁོང་གི་སྲས་རྣམས་གྲོངས་པ་མཐོང་བས་རང་གི་གྲོང་ཁྱེར་རྣམས་དོར་ནས་བྲོས་ཤིང་། ཕེ་ལེ་ཤེད་པ་རྣམས་འོངས་ནས་དེ་ཚོའི་གྲོང་ཁྱེར་ནང་དུ་བསྡད།  
\v 8 དེའི་ཕྱི་ཉིན་ཕེ་ལེ་ཤེད་པ་རྣམས་བེམ་པོ་དག་གི་གོས་བཤུ་བར་འོངས་དུས་སུ། སོ་ལོ་དང་དེའི་སྲས་རྣམས་གིལ་བོ་ཨ་རི་བོར་གྲོངས་ཟིན་པ་མཐོང་བ་དང་།  
\v 9 དེ་ཚོས་ཁོང་གི་དམག་ཆས་བཤུས་ཤིང་། ཁོང་གི་མགོ་བླངས་ནས་གོ་ཁྲབ་བཤུས་ཏེ། ཕེ་ལེ་ཤེད་པའི་ཡུལ་ཕྱོགས་ཀུན་ཏུ་མི་མངགས་ནས་དེ་ཚོའི་ལྷ་སྐུ་དང་འབངས་མི་ལ་འཕྲིན་བསྐུར་ཏོ། །  
\v 10 དེ་ཚོས་སོ་ལོའི་གོ་ཁྲབ་དེ་རང་གི་ལྷ་ཁང་དུ་བཞག་པ་དང་། ཁོང་གི་མགོ་ནི་དཱ་གོན་གྱི་ལྷ་ཁང་དུ་དཔྱངས།  
\v 11 གིལ་ཨད་ཡཱ་བེ་སི་པ་རྣམས་ཀྱིས་ཕེ་ལེ་ཤེད་པས་སོ་ལོ་ལ་ཅི་བྱས་པ་ཐོས་ནས།  
\v 12 དཔའ་རྒོད་ཐམས་ཅད་ཡར་སོང་ནས་སོ་ལོའི་སྤུར་དང་། ཁོང་གི་སྲས་རྣམས་ཀྱི་བེམ་པོར་བདག་བྱས་ནས་ཡཱ་བེ་སི་རུ་ཁྱེར་འོངས་ཤིང་། ཁོང་རྣམས་ཀྱི་རུས་པ་ཡཱ་བེ་སིའི་བེ་ཤིང་འོག་ཏུ་བསྐུངས་ནས་ཉིན་བདུན་ལ་སྨྱུང་གནས་བསྲུངས་པའོ། །  
\v 13 སོ་ལོས་དཀོན་མཆོག་ཡ་ཝཱེ་ལ་དད་ལོག་བྱས་པས་ཁོ་རང་ཤི་བ་སྟེ། ཁོས་དཀོན་མཆོག་ཡ་ཝཱེའི་གསུང་ལ་མ་མཉན་པ་དང་། བུད་མེད་ནག་ཆོས་མ་ནས་བརྟག་པ་ཞུས་པ་ལས།  
\v 14 དཀོན་མཆོག་ཡ་ཝཱེ་ལ་མ་ཞུས་པས། དཀོན་མཆོག་ཡ་ཝཱེས་ཁོ་རང་གསོད་པར་མཛད་དེ། རྒྱལ་ཁྲི་ཡེ་སེའི་བུ་དཱ་བིད་ལ་གནང་ངོ་། །   
\c 11
\cl ལེའུ་བཅུ་གཅིག་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 དཱ་བིད་ཡེས་ར་ཨེལ་གྱི་རྒྱལ་པོར་བསྐོས་པ།  
\p
\v 1 དེའི་དུས་སུ་ཡེས་ར་ཨེལ་པ་ཐམས་ཅད་ཧེབ་རོན་དུ་དཱ་བིད་ཀྱི་དྲུང་དུ་འདུས་ནས་འདི་ལྟར། གཟིགས་དང་། བདག་ཅག་ནི་ཁྱེད་ཀྱི་ཤ་དང་རུས་པའི་གཉེན་ཉེ་ཡིན་ཏེ།  
\v 2 སྔར་སོ་ལོ་རྒྱལ་པོར་བཞུགས་དུས་སུ། ཁྱེད་ནི་ཡེས་ར་ཨེལ་པའི་དམག་དཔུང་གི་འགྲོ་འོང་ལ་སྣེ་ཁྲིད་བྱེད་མཁན་ཡིན། ཡང་ཁྱེད་ཀྱི་དཀོན་མཆོག་ཡ་ཝཱེས་ཁྱེད་ལ། ཁྱོད་ཀྱིས་བདག་གི་འབངས་མི་ཡེས་ར་ཨེལ་པར་བདག་སྐྱོང་བྱེད་ཅིང་། ཡེས་ར་ཨེལ་པའི་འགོ་དཔོན་དུ་འགྱུར་དགོས་ཞེས་གསུངས་པ་ཡིན་ཞེས་ཞུས་པ་དང་།  
\v 3 དེ་ནས་ཡེས་ར་ཨེལ་གྱི་རྒན་པོ་རྣམས་ཧེབ་རོན་དུ་རྒྱལ་པོའི་དྲུང་དུ་འོངས་པ་དང་། རྒྱལ་པོ་དཱ་བིད་ཀྱིས་ཧེབ་རོན་དུ་དཀོན་མཆོག་ཡ་ཝཱེའི་སྤྱན་སྔར་དེ་དག་དང་ཆད་དོན་བཞག་པ་དང་། དཀོན་མཆོག་ཡ་ཝཱེས་སཱ་མུ་ཨེལ་བརྒྱུད་ནས་གསུངས་པ་བཞིན་དུ། དཱ་བིད་ནི་ཡེས་ར་ཨེལ་གྱི་རྒྱལ་པོར་བསྐོ་ཆེད་སྣུམ་གྱིས་བྱུགས་སོ། །   
\s1 དཱ་བིད་ཀྱིས་ཡེ་རུ་སཱ་ལེམ་བླངས་པ།  
\p
\v 4 དཱ་བིད་དང་ཡེས་ར་ཨེལ་པ་ཐམས་ཅད་ཡེ་རུ་སཱ་ལེམ་སྟེ་ཡེ་བུ་སི་རུ་ཕྱིན་པ་དང་། དུས་དེར་ཡུལ་དེའི་ཡུལ་མི་སྟེ་ཡེ་བུ་སི་པ་རྣམས་དེར་གནས་པ་ཡིན།  
\v 5 ཡེ་བུ་སི་ཡི་ཡུལ་མི་རྣམས་ཀྱིས་དཱ་བིད་ལ་འདི་ལྟར། ཁྱོད་གྲོང་ཁྱེར་འདིའི་ནང་དུ་འོང་མི་ནུས་ཞེས་སྨྲས་མོད། དཱ་བིད་ཀྱིས་ཛ་ཡན་གྱི་བཙན་རྫོང་བཟུང་བ་སྟེ། ཛ་ཡན་ནི་དཱ་བིད་ཀྱི་གྲོང་ཁྱེར་དུ་འབོད་པ་དེ་ཡིན་ནོ། །  
\v 6 དཱ་བིད་ན་རེ། སུ་ཞིག་གིས་སྔོན་ལ་ཡེ་བུ་སི་པ་རྣམས་དང་འཐབ་ན། དེ་ནི་དམག་སྤྱི་ཆེན་མོར་བྱའོ་ཞེས་བསྒོས་པས། ཟེ་རུ་ཡཱ་ཡི་བུ་ཡོ་ཨབ་བྱ་བ་ཐོག་མར་སྔོན་དུ་ཕྱིན་པས་ཁོ་འགོ་དཔོན་དུ་གྱུར་ཏོ། །  
\v 7 དཱ་བིད་ནི་བཙན་རྫོང་དེའི་ནང་དུ་བཞུགས་པའི་རྐྱེན་གྱིས། དེའི་མིང་ལ་དཱ་བིད་ཀྱི་གྲོང་ཁྱེར་ཞེས་བཏགས་སོ། །  
\v 8 ཡང་དཱ་བིད་ཀྱིས་འཛིངས་རགས་ཀྱི་ཕྱོགས་བཞི་ནས་མཁར་གྱང་བརྩིགས་པ་དང་། ཁག་ལྷག་མ་རྣམས་ཡོ་ཨབ་ཀྱིས་བརྩིགས་པ་ཡིན་ནོ། །  
\v 9 དཔུང་ཚོགས་ཀུན་གྱི་དཀོན་མཆོག་ཡ་ཝཱེ་ནི་དཱ་བིད་དང་མཉམ་དུ་བཞུགས་པས། དཱ་བིད་ཉིན་རེ་བཞིན་དར་ཞིང་རྒྱས་པར་གྱུར་ཏོ། །   
\s1 དཱ་བིད་ཀྱི་དཔའ་རྒོད་རྣམས།  
\p
\v 10 དཱ་བིད་ཀྱི་དཔའ་རྒོད་རྣམས་ཀྱི་འགོ་དཔོན་དག་ནི་འདི་ལྟ་སྟེ། དེ་དག་གིས་ཁོང་ལ་རྒྱབ་རོགས་ཆེན་པོ་བྱས་ནས་རྒྱལ་ས་བླངས་པ་དང་། ཡང་དཀོན་མཆོག་ཡ་ཝཱེས་ཡེས་ར་ཨེལ་པ་རྣམས་ལ་གསུངས་པ་བཞིན་དུ། ཡེས་ར་ཨེལ་པ་རྣམས་དང་མཉམ་དུ་ཁོང་རྒྱལ་པོར་བསྐོས་པའོ། །  
\v 11 དཱ་བིད་ཀྱི་དཔའ་རྒོད་དག་གི་གྲངས་ཀ་ནི་འདི་ལྟ་སྟེ། ཧག་མོན་གྱི་བུ་ཡ་ཤོ་བེ་ཨམ་བྱ་བ་དེ་ནི་དཔའ་རྒོད་སུམ་ཅུའི་ \f + \ft འདིར་དཔའ་རྒོད་སུམ་ཅུ་ཞེས་པ་འདིར་འགྱུར་ལ་ལའི་ནང་དུ་དཔའ་རྒོད་གསུམ་ཞེས་དང་འགྱུར་ལ་ལར་དཔའ་རྒོད་རྩེ་གྲས་ཞེས་འབྱུང་།\f*འགོ་དཔོན་ཡིན་ཏེ། སྔར་མདུང་བསྐོར་ནས་འཐབ་ཐེངས་གཅིག་ལ་སྐྱེས་པ་སུམ་བརྒྱ་བསད་པ་ཡིན།  
\v 12 དེ་ནས་ཨ་ཧོ་པ་དོ་དོ་ཡི་བུ་ཨེ་ལི་ཨ་ཟར་ཡིན་ལ། དེ་ནི་དཔའ་རྒོད་གསུམ་པོ་ནང་གི་གཅིག་སྟེ།  
\v 13 ཁོ་ནི་སྔར་དཱ་བིད་དང་མཉམ་དུ་ཕཱ་སི་དམ་མིམ་དུ་ཕྱིན་པ་དང་། དེར་ཕེ་ལེ་ཤེད་པ་རྣམས་འཐབ་ཏུ་འདུས་ཡོད་པ་ཡིན། ཡང་གནས་དེར་ནས་ཀྱིས་ཁེངས་པའི་ཞིང་ཞིག་ཡོད་དེ། མི་རྣམས་ཕེ་ལེ་ཤེད་པའི་མདུན་ནས་བྲོས་པ་དང་།  
\v 14 ཁོ་རྣམས་\f + \ft ཁོ་རྣམས་ཞེས་པར་འགྱུར་གཞན་ལས་ཁོ་ཞེས་ཀྱང་མཐོང་།\f*ཞིང་དེའི་དཀྱིལ་དུ་ལངས་ནས་ཞིང་དེ་བསྲུངས་པ་དང་ཕེ་ལེ་ཤེད་པ་རྣམས་ཕམ་པར་བརྒྱབ། དཀོན་མཆོག་ཡ་ཝཱེས་ཡེས་ར་ཨེལ་པ་རྣམས་བསྐྱབས་ཤིང་ཁོ་རྣམས་ལ་རྒྱལ་ཁ་ཆེན་པོ་ཐོབ་པར་མཛད་དོ། །  
\v 15 ཡང་འགོ་དཔོན་སུམ་ཅུ་ལས་གསུམ་ནི་ཨ་དུལ་ལཱམ་བྲག་ཕུག་ཉེ་འགྲམ་གྱི་ཕ་བོང་རྩར་དཱ་བིད་ཀྱི་དྲུང་དུ་ཕྱིན་པ་དང་། ཕེ་ལེ་ཤེད་པའི་དམག་དཔུང་གིས་རེ་པཱ་པའི་ལུང་པ་རུ་སྒར་བཏབ་བོ། །  
\v 16 དེའི་དུས་སུ་དཱ་བིད་ནི་བཙན་རྫོང་ནང་དུ་ཡོད་པ་དང་། ཕེ་ལེ་ཤེད་པའི་འགོག་སྲུང་དམག་དཔུང་པེད་ལེ་ཧེམ་དུ་ཡོད་པ་ཡིན།  
\v 17 དེར་དཱ་བིད་ཤིན་ཏུ་སྐོམ་ནས་ན་རེ། ཀྱེ་ཧོ། སུ་ཞིག་གིས་པེད་ལེ་ཧེམ་གྱི་མཁར་སྒོའི་འགྲམ་གྱི་ཁྲོན་པ་ལས་ཆུ་ཁུར་འོངས་ནས་ང་ལ་བླུད་ན་ཅི་མ་རུང་ཞེས་པར།  
\v 18 དཔའ་རྒོད་འདི་གསུམ་པོས་ཕེ་ལེ་ཤེད་པའི་དམག་སྒར་བརྒལ་ནས་སོང་སྟེ། པེད་ལེ་ཧེམ་གྱི་མཁར་སྒོའི་འགྲམ་གྱི་ཁྲོན་པ་ལས་ཆུ་བཅུས་ནས་ཁུར་འོངས་ཏེ་དཱ་བིད་ལ་ཕུལ་ནའང་། ཁོང་གིས་དེ་མ་འཐུང་བར་དཀོན་མཆོག་ཡ་ཝཱེའི་དྲུང་དུ་མཆོད་དེ་ན་རེ།  
\v 19 ང་ཡི་དཀོན་མཆོག་གི་དྲུང་དུ་ངས་འདི་འདྲའི་ལས་གཏན་ནས་བྱེད་མི་རུང་། ཆུ་འདི་ནི་མི་དེ་དག་གིས་རང་སྲོག་ལ་མ་འཛེམ་པར་ཁྱེར་འོངས་པ་ཡིན་པས། ངས་རང་སྲོག་ལ་མི་འཛེམ་པ་འདི་དག་གི་ཁྲག་འཐུང་ག་ལ་རུང་ཞེས་ཞུས་ཤིང་། དཱ་བིད་ཀྱིས་ཆུ་དེ་མ་འཐུང་ངོ་། །དེ་ནི་དཔའ་རྒོད་དེ་གསུམ་པོས་བྱས་པའི་ལས་ཡིན་ནོ། །  
\v 20 ཡོ་ཨབ་ཀྱི་ནུ་བོ་ཨ་བི་ཤཱ་ཨི་ནི་དཔའ་རྒོད་གསུམ་པོའི་\f + \ft དཔའ་རྒོད་གསུམ་པོ་ཞེས་པར་གནའ་བོའི་འགྱུར་ལས་དཔའ་རྒོད་སུམ་ཅུ་ཞེས་འབྱུང་།\f*འགོ་དཔོན་ཡིན་ཏེ། སྔར་དེ་ཡིས་མི་སུམ་བརྒྱ་ལ་མདུང་གིས་བརྒྱབ་ནས་བསད་པས། དཔའ་རྒོད་གསུམ་པོའི་ནང་དུ་མིང་ལ་གྲགས་སོ། །  
\v 21 ཁོ་ནི་དཔའ་རྒོད་གསུམ་པོའི་ཁྲོད་དུ་ཆེས་མཆོག་ཏུ་གྱུར་པ་ཡིན་པས་དེ་དག་གི་འགོ་དཔོན་དུ་གྱུར་མོད། འོན་ཀྱང་དཔའ་རྒོད་སྔ་མ་གསུམ་པོར་མི་དོའོ། །  
\v 22 ཡང་ཡེ་ཧོ་ཡ་དཱའི་བུ་པེ་ནཱ་ཡ་ཞེས་པ་ནི་ཀབ་ཟེ་ཨེལ་ནས་ཐོན་པའི་དཔའ་རྒོད་ཡིན་པ་སྟེ། སྔར་དོན་ཆེན་པོ་བསྒྲུབས་ཏེ། ཁོས་མོ་ཨབ་པ་ཨ་རི་ཨེལ་གྱི་བུ་གཉིས་བསད་པ་དང་། ཡང་ཁ་བ་འབབ་པའི་ཉིན་མོར་ས་དོང་ནང་དུ་བབས་ནས་སེང་གེ་ཞིག་ཀྱང་བསད་པ་ཡིན།  
\v 23 ཡང་དེས་ཨེ་ཅིབ་པ་གཟུགས་པོའི་རིང་ཚད་ལ་ཁྲུ་ལྔ་ཡོད་པ་ཞིག་ཀྱང་བསད། ཨེ་ཅིབ་པ་དེའི་ལག་ཏུ་ཐགས་འཐག་བྱེད་ཀྱི་འཁོར་བརྟེན་ལྟ་བུའི་མདུང་བཟུང་ནའང་། པེ་ནཱ་ཡས་དབྱུག་པ་ཞིག་བཟུང་ནས་དེ་ལ་རྒོལ་དུ་སོང་ཞིང་། ཨེ་ཅིབ་པའི་ལག་ནས་མདུང་ཕྲོགས་ཏེ། མདུང་དེས་ཁོ་བསད་པའོ། །  
\v 24 འདི་ནི་ཡེ་ཧོ་ཡ་དཱའི་བུ་པེ་ནཱ་ཡ་ཡིས་བྱས་པའི་ལས་ཡིན་ལ། དེ་དཔའ་རྒོད་གསུམ་པོའི་ཁྲོད་དུ་མིང་ལ་གྲགས་སོ། །  
\v 25 ཁོ་ནི་དཔའ་རྒོད་སུམ་ཅུ་དེ་ལས་མིང་ཆེ་ཡང་དཔའ་རྒོད་སྔ་མ་གསུམ་པོར་མི་དོའོ། །དཱ་བིད་ཀྱིས་དེ་ནི་སྐུ་སྲུང་པ་དག་གི་འགོ་དཔོན་དུ་བསྐོས་པ་ཡིན།  
\v 26 དམག་དཔུང་གི་དཔའ་རྒོད་རྣམས་ནི། ཡོ་ཨབ་ཀྱི་ནུ་བོ་ཨ་སཱ་ཧེལ་དང་། པེད་ལེ་ཧེམ་པ་དོ་དོའི་བུ་ཨེལ་ཧ་ནན།  
\v 27 ཧ་རོར་པ་ཤམ་མོད། ཕེ་ལོན་པ་ཧེ་ལེ་ཙི།  
\v 28 ཐེ་ཀོ་ཨ་པ་ཨིག་ཀེ་སིའི་བུ་ཨི་རཱ། ཨ་ན་ཐོད་པ་ཨ་བི་ཨེ་ཟཱེར།  
\v 29 ཧུ་ཤཱ་པ་སིབ་བེ་ཀཱ་ཨི། ཨ་ཧོ་པ་ཨི་ལཱ་ཨི།  
\v 30 ནེ་ཏོ་ཕཱ་པ་མ་ཧ་རཱ་ཨི། ནེ་ཏོ་ཕཱ་པ་པ་ཨ་ནཱ་ཡི་བུ་ཧེ་ལེད།  
\v 31 པེན་ཡཱ་མེན་གྱི་བུ་རབས་ཚ་རྒྱུད་དེ་གིབ་ཨ་པ་རི་བཱ་ཨི་ཡི་བུ་ཨི་ཐ་ཨི། ཕི་ར་ཐོན་པ་པེ་ནཱ་ཡ།  
\v 32 གཱ་ཨ་སི་གྲོག་མོའི་ཧུ་ར་ཨི། ཨ་རཱབ་པ་ཨ་བི་ཨེལ།  
\v 33 པ་ཧ་རུམ་པ་ཨས་མ་ཝེད། ཤ་ཨལ་བོན་པ་ཨེལ་ཡ་བཱ།  
\v 34 གི་ཟོན་པ་ཧ་ཤེམ་གྱི་བུ་རྣམས་དང་། ཧ་རར་པ་ཤཱ་གེ་ཡི་བུ་ཡོ་ནཱ་ཐན།  
\v 35 ཧ་རར་པ་སཱ་ཀར་གྱི་བུ་ཨ་ཧི་ཨམ། ཨུར་གྱི་བུ་ཨེ་ལི་ཕལ།  
\v 36 མེ་ཀེ་རཱ་པ་ཧེ་ཕེར། ཕེ་ལོན་པ་ཨ་ཧི་ཡཱ།  
\v 37 ཀར་མེལ་པ་ཧེ་ཙི་རོ། ཨེ་སི་པཱ་ཨི་ཡི་བུ་ན་ཨ་རཱ་ཨི།  
\v 38 ནཱ་ཐན་གྱི་སྤུན་ཡོ་ཨེལ། ཧག་རིའི་བུ་མིབ་ཧར།  
\v 39 ཨམ་མོན་པ་ཙེ་ལེག པེ་རོད་པ་ན་ཧ་རཱ་ཨི་སྟེ། ན་ཧ་རཱ་ཨི་ནི་ཟེ་རུ་ཡཱ་ཡི་བུ་ཡོ་ཨབ་ཀྱི་གོ་མཚོན་འཁུར་མཁན་ཡིན་པ་དང་།  
\v 40 ཡེད་རཱ་པ་ཨི་རཱ་དང་། ཡེད་རཱ་པ་ག་རེབ།  
\v 41 ཧེད་པ་ཨུ་རི་ཡཱ། ཨ་ཧ་ལཱ་ཨིའི་བུ་ཟཱ་བད།  
\v 42 རུ་བེན་ཚོ་པའི་ཤི་ཟཱ་ཡི་བུ་ཨ་དི་ནཱ་སྟེ། ཁོ་ནི་རུ་བེན་ཚོ་པའི་འགོ་དཔོན་ཞིག་ཡིན་ལ་རྗེས་འབྲང་པ་མི་སུམ་ཅུ་ཡོད་པ་ཡིན།  
\v 43 མ་ཨ་ཀཱ་ཡི་བུ་ཧ་ནན། མིད་ནི་པ་ཡོ་ཤ་ཕད།  
\v 44 ཨ་ཤ་ཐེ་རཱ་པ་ཨུ་ཟི་ཡཱ། ཨ་རོ་ཨེར་པ་ཧོ་ཐམ་གྱི་བུ་ཤ་མཱ་དང་ཡེ་ཨི་ཨེལ།  
\v 45 ཐི་ཙཱ་པ་ཤིམ་རིའི་བུ་ཡེ་དི་ཡཱ་ཨེལ་དང་། དེའི་སྤུན་ཡོ་ཧ།  
\v 46 མཱ་ཧབ་པ་ཨེ་ལི་ཨེལ། ཨེལ་ན་ཨམ་གྱི་བུ་ཡེ་རི་བ་ཨི། ཡོ་ཤབ་ཡཱ། མོ་ཨབ་པ་ཡེད་མཱ།  
\v 47 ཨེ་ལི་ཨེལ། ཨོ་བེད། མེ་ཙོ་བ་ཡཱ་པ་ཡ་ཨ་སི་ཨེལ་དང་བཅས་པའོ། །   
\c 12
\cl ལེའུ་བཅུ་གཉིས་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 ཙིག་ལག་ཏུ་དཱ་བིད་ལ་རྒྱབ་བརྟེན་བཅོལ་བའི་དཔའ་བོ་རྣམས།  
\p
\v 1 དེ་ཡང་ཁི་སིའི་བུ་སོ་ལོའི་རྐྱེན་ཀྱིས་དཱ་བིད་ནི་ཙིག་ལག་ཏུ་ཡིབ་ནས་སྡོད་པའི་ཚེ། མི་འདི་རྣམས་དཱ་བིད་ཀྱི་རྩར་འོངས་པ་དང་། ཐམས་ཅད་དཔའ་བོ་ཡིན་ལ་འཐབ་མོའི་ཁྲོད་དུ་དཱ་བིད་ལ་རོགས་བྱས་སོ། །  
\v 2 དེ་རྣམས་ལ་མདའ་གཞུ་ཡོད་ཅིང་། ལག་པ་གཡས་གཡོན་གཉིས་ཀས་འུར་རྡོ་དང་མདའ་འཕེན་ནུས་པ་སྟེ། དེ་དག་ནི་པེན་ཡཱ་མེན་གྱི་ཚོ་བར་གཏོགས་ཤིང་སོ་ལོའི་གཉེན་ཉེ་ཡིན་ནོ། །  
\v 3 དེ་དག་གི་འགོ་དཔོན་ནི་ཨ་ཧི་ཨེ་ཟེར་དང་ཡོ་ཨ་སི་གཉིས་ཡིན་ཏེ། དེ་གཉིས་ནི་གིབ་ཨ་པ་ཤེ་མཱ་ཨ་ཡི་བུ་ཡིན། ད་དུང་ཨས་མ་ཝེད་ཀྱི་བུ་ཡེ་ཟི་ཨེལ་དང་། ཕེ་ལེད། པེ་རཱ་ཀ ཨ་ན་ཐོད་པ་ཡེ་ཧུ།  
\v 4 གིབ་ཡོན་པ་ཡིས་མ་ཡཱ་བཅས་ཡོད་ཅིང་། ཁོ་ནི་མི་སུམ་ཅུའི་ཁྲོད་ཀྱི་དཔའ་བོ་ཡིན་པར་མ་ཟད། མི་སུམ་ཅུ་བོ་དེའི་འགོ་དཔོན་ཡང་ཡིན། ཡང་ཡེ་རེམ་ཡཱ་དང་། ཡ་ཧ་ཟི་ཨེལ། ཡོ་ཧ་ནན། གེ་དེ་རཱ་པ་ཡོ་ཟཱ་བད།  
\v 5 ཨེལ་ཨུ་ཟཱ་ཨི། ཡེ་རི་མོད། པེ་ཨལ་ཡཱ། ཤེ་མར་ཡཱ། ཧ་རོབ་པ་ཤེ་ཕད་ཡཱ།  
\v 6 ཀོ་རཱག་པ་ཨེལ་ཁ་ནཱ། ཡིས་ཤི་ཡཱ། ཨ་ཟར་ཨེལ། ཡོ་ཨེ་ཟེར། ཡ་ཤོ་བེ་ཨམ།  
\v 7 གེ་དོར་པ་ཡེ་རོ་ཧམ་གྱི་བུ་ཡོ་ཨེ་ལཱ་དང་། ཟེ་བད་ཡཱ་བཅས་ཡོད་དོ། །   
\p
\v 8 གཱ་རྡུའི་ཚོ་པ་ལས་མི་ཁ་ཤས་དབེན་སྟོང་གི་རི་རྫོང་དུ་དཱ་བིད་ལ་རྒྱབ་བརྟེན་བཅོལ་དུ་སོང་ཞིང་། དེ་ཐམས་ཅད་དཔའ་རྩལ་ཆེ་ལ་འཐབ་མོ་འགྱེད་པར་མཁས་པ། ཕུབ་དང་མདུང་སྤྱོད་ཤེས་པ་བཅས་ཡིན་ལ། དེ་ཚོའི་གདོང་ནི་སེང་གེ་བཞིན་དང་། རྒྱུགས་ན་རི་མགོའི་དགོ་བ་ལྟར་མྱུར་བ་ཡིན།  
\v 9 དང་པོ་ནི་ཨེ་ཟེར་དང་། གཉིས་པ་ཨོ་བད་ཡཱ། གསུམ་པ་ཨེ་ལི་ཨབ།  
\v 10 བཞི་པ་མི་སི་མན་ནཱ། ལྔ་པ་ཡེ་རེམ་ཡཱ།  
\v 11 དྲུག་པ་ཨད་ཏ་ཨི། བདུན་པ་ཨེ་ལི་ཨེལ།  
\v 12 བརྒྱད་པ་ཡོ་ཧ་ནན། དགུ་པ་ཨེལ་ཟཱ་བད།  
\v 13 བཅུ་པ་ཡེ་རེམ་ཡཱ། བཅུ་གཅིག་པ་མག་པན་ནཱ་ཨི་བཅས་ཡིན་ནོ། །  
\v 14 དེ་ཐམས་ཅད་ནི་གཱ་རྡུ་ཚོ་པའི་དམག་དཔོན་ཡིན་ཏེ། ཆུང་ཤོས་ཀྱིས་མི་བརྒྱ་ཁོག་པ་དང་། ཆེ་ཤོས་ཀྱིས་མི་སྟོང་ཁོག་པའོ། །  
\v 15 ཟླ་དང་པོར་ཡོར་དན་གཙང་པོའི་འགྲམ་གཉིས་ལ་ཆུ་འཕེལ་དུས་ཁོ་ཚོ་ཕ་རོལ་ཏུ་བརྒལ་ནས། ལུང་པར་གནས་པ་རྣམས་སྐྲག་ནས་ཤར་ནུབ་གང་སར་བྲོས་སོ། །   
\p
\v 16 པེན་ཡཱ་མེན་དང་ཡ་ཧུ་དཱའི་བུ་རྒྱུད་ལས་ཀྱང་མི་ཁ་ཤས་རི་རྫོང་དུ་དཱ་བིད་ལ་རྒྱབ་བརྟེན་བཅོལ་དུ་འོངས་པ་དང་།  
\v 17 དཱ་བིད་དེ་དག་བསུ་རུ་ཐོན་ནས་དེ་དག་ལ་ན་རེ། གལ་ཏེ་ཁྱོད་ཅག་ནི་ཞི་བདེ་ངང་ང་ལ་རོགས་བྱེད་དུ་འདིར་འོངས་པ་ཡིན་ན། ངས་ཁྱོད་ཅག་དང་མནའ་འབྲེལ་འཛུགས་པར་འགྱུར། ཡིན་ཡང་ཁྱོད་ཚོས་ཉེས་མེད་ང་རང་དགྲའི་ལག་ཏུ་གཏོད་ཕྱིར་འོངས་པ་ཡིན་ན། རང་ཅག་གི་ཕ་མེས་ཀྱི་དཀོན་མཆོག་གིས་དེ་གཟིགས་ཤིང་ཉེས་ཆད་གཅོད་པར་ཤོག་ཅིག་ཅེས་སྨྲས་པ་ན།  
\v 18 སྐབས་དེར་དཀོན་མཆོག་གི་ཐུགས་ཉིད་ནི་དཔའ་བོ་སུམ་ཅུའི་འགོ་དཔོན་ཨ་མ་སཱ་ཨིའི་སྟེང་བབས་པ་དང་ཁོ་ན་རེ། ཀྱེ་དཱ་བིད་ལགས། ངེད་ཅག་ཁྱེད་ལ་དབང་བ་ཡིན། ཡེ་སེའི་སྲས་ལགས། ངེད་ཅག་ཁྱེད་ཀྱི་རྗེས་སུ་འབྲང་བར་འོངས་པ་ཡིན། ཁྱེད་རང་བདེ་བར་ཤོག ཁྱེད་ཀྱི་དཀོན་མཆོག་གིས་ཁྱེད་ལ་རོགས་རམ་མཛད་པས། ཁྱེད་ལ་རོགས་རམ་བྱེད་མཁན་དག་ཀྱང་བདེ་བར་གྱུར་ཅིག་ཅེས་སྨྲས་པ་ན། དཱ་བིད་ཀྱིས་དེ་དག་ནང་དུ་བསུས་ཏེ་དམག་དཔོན་དུ་བསྐོས་སོ། །   
\p
\v 19 སྔར་དཱ་བིད་ནི་ཕེ་ལེ་ཤེད་པ་དང་མཉམ་དུ་སོ་ལོ་དང་དམག་རྒྱག་ཏུ་སོང་དུས། མཱ་ན་ཤེ་ཚོ་པའི་མི་འགའ་ཞིག་དཱ་བིད་ལ་རྒྱབ་བརྟེན་བཅོལ་དུ་འོངས། ཡིན་ནའང་དེ་ཚོས་ཕེ་ལེ་ཤེད་པར་རོགས་རམ་མ་བྱས། གང་ལ་ཞེ་ན། ཕེ་ལེ་ཤེད་པའི་འགོ་དཔོན་རྣམས་གྲོས་བྱས་ནས་ཁོང་ཕྱིར་ལོག་ཏུ་བཅུག་སྟེ་ན་རེ། དཱ་བིད་ཀྱིས་རང་ཅག་གི་མགོ་བླངས་ནས་ཁོའི་བདག་པོ་སོ་ལོའི་ཕྱོགས་སུ་འགྲོ་ཉེན་ཆེ་ཞེས་སྨྲས་སོ། །  
\v 20 ཡང་དཱ་བིད་ནི་ཙིག་ལག་ཏུ་ཕྱིར་ལོག་པ་ན། མཱ་ན་ཤེ་ཚོ་པའི་ཨད་ནཱ་དང་། ཡོ་ཟཱ་བད། ཡེ་དི་ཡཱ་ཨེལ། མེའ་ཀཱ་ཨེལ། ཡོ་ཟཱ་བད། ཨེ་ལི་ཧུ། ཙིལ་ལེ་ཐ་ཨི་བཅས་ཁོང་ལ་རྒྱབ་བརྟེན་བཅོལ་དུ་འོངས་པ་དང་། དེ་ཐམས་ཅད་ནི་མཱ་ན་ཤེའི་ཚོ་པ་ནང་གི་སྟོང་དཔོན་ཡིན་ནོ། །  
\v 21 དེ་དག་གིས་དཱ་བིད་ལ་རོགས་བྱས་ནས་ཁོང་དང་མཉམ་དུ་ཇག་རྐུན་ལ་འཐབ་ཅིང་། ཐམས་ཅད་དམག་མི་དཔའ་རྩལ་ཅན་དང་དམག་དཔུང་གི་འགོ་དཔོན་ཡིན་ནོ། །  
\v 22 དུས་དེར་དཱ་བིད་ལ་རྒྱབ་བརྟེན་བཅོལ་ནས་དཔུང་གྲོགས་བྱེད་མཁན་ཉིན་རེ་བཞིན་འོངས་པས། དཀོན་མཆོག་གི་དམག་དཔུང་དང་འདྲ་བའི་དམག་དཔུང་ཆེན་པོ་ཞིག་ཏུ་གྱུར་ཏོ། །   
\s1 ཧེབ་རོན་དུ་དཱ་བིད་ལ་རྒྱབ་བརྟེན་བཅོལ་བའི་དམག་མིའི་གྲངས་ཀ  
\p
\v 23 ཡང་དཀོན་མཆོག་ཡ་ཝཱེའི་གསུང་བཞིན་དུ་སོ་ལོའི་རྒྱལ་ཁྲི་དཱ་བིད་ལ་སྤྲོད་པའི་ཕྱིར། དམག་འཐབ་ལ་ཞུགས་གྲབས་ཡོད་པའི་འགོ་དཔོན་རྣམས་ཧེབ་རོན་དུ་དཱ་བིད་ཀྱི་དྲུང་དུ་འོངས་པ་དང་ཁོ་ཚོའི་མི་གྲངས་ནི་འདི་ལྟ་སྟེ།  
\v 24 ཡ་ཧུ་དཱ་ཚོ་པའི་བུ་རབས་ཚ་རྒྱུད་ལས་ཕུབ་དང་མདུང་ཐོགས་མཁན་བསྡོམས་པས་དྲུག་སྟོང་བརྒྱད་བརྒྱ་ཡོད་པ་དང་། ཐམས་ཅད་དམག་འཐབ་ལ་ཞུགས་གྲབས་ཡོད་དོ། །  
\v 25 སི་མུ་ཨོན་ཚོ་པའི་བུ་རབས་ཚ་རྒྱུད་ལས་དམག་འཐབ་ལ་ཞུགས་ནུས་པའི་དམག་མི་དཔའ་རྩལ་ཅན་བསྡོམས་པས་བདུན་སྟོང་བརྒྱ་ཡོད།  
\v 26 ལེ་ཝི་ཚོ་པའི་བུ་རབས་ཚ་རྒྱུད་ལས་བསྡོམས་པས་བཞི་སྟོང་དྲུག་བརྒྱ་ཡོད།  
\v 27 ཡེ་ཧོ་ཡ་དཱ་ནི་ཨ་རོན་པ་རྣམས་ཀྱི་འགོ་དཔོན་ཡིན་ལ་ཁོའི་རྗེས་སུ་འབྲངས་པ་བསྡོམས་པས་སུམ་སྟོང་བདུན་བརྒྱ་ཡོད།  
\v 28 ན་གཞོན་དམག་མི་དཔའ་རྩལ་ཅན་ཟཱ་ཏོག་དང་། ཁོའི་ཁྱིམ་རྒྱུད་ཀྱི་དམག་དཔོན་ཉེར་གཉིས་ཀྱང་ཡོད་དོ། །  
\v 29 པེན་ཡཱ་མེན་ཚོ་པའི་བུ་རབས་ཚ་རྒྱུད་ཁྲོད་སོ་ལོའི་གཉེན་ཉེ་ཡང་མི་སུམ་སྟོང་ཡོད་པ་དང་། ཁོ་རྣམས་ལས་མང་ཤོས་ནི་ད་ལྟའི་བར་དུ་སོ་ལོའི་ཁྱིམ་རྒྱུད་ཀྱི་ཕྱོགས་ཡིན།  
\v 30 ཨེ་ཕཱར་ཡིམ་ཚོ་པའི་བུ་རབས་ཚ་རྒྱུད་ཁྲོད་རང་གི་ཁྱིམ་རྒྱུད་དུ་མིང་གྲགས་ཆེ་བའི་དམག་མི་དཔའ་རྩལ་ཅན་བསྡོམས་པས་ཉིས་ཁྲི་བརྒྱད་བརྒྱ་ཡོད།  
\v 31 མཱ་ན་ཤེའི་ཚོ་པ་ཕྱེད་ཀ་ལས་མིང་ཐོ་བཀོད་པ་བསྡོམས་པས་ཆིག་ཁྲི་བརྒྱད་སྟོང་ཡོད་པ་དང་། ཐམས་ཅད་དཱ་བིད་རྒྱལ་པོར་བསྐོ་རུ་འོངས་སོ། །  
\v 32 ཡང་ཡེས་སི་ཀཱར་ཚོ་པའི་བུ་རབས་ཚ་རྒྱུད་ལས་དུས་སྐབས་ཤེས་མཁན་དང་། ཡེས་ར་ཨེལ་གྱིས་གང་བྱེད་རུང་བ་ཤེས་མཁན་བསྡོམས་པས་འགོ་དཔོན་ཉིས་བརྒྱ་ཡོད་པ་དང་། དེ་དག་གི་གཉེན་ཉེ་ཐམས་ཅད་ཀྱིས་དེ་དག་གི་བཀའ་ལ་ཉན་པ་ཡིན།  
\v 33 ཟེ་བུ་ལུན་ཚོ་པའི་བུ་རབས་ཚ་རྒྱུད་ལས་ཕྱི་ལ་སོང་ནས་དམག་འཐབ་ལ་ཞུགས་ནུས་པ་དང་། མཚོན་ཆ་སྣ་ཚོགས་སྤྱོད་ཐུབ་པ། རྩེ་གཅིག་གིས་དམག་ལ་ཐོན་པ་བསྡོམས་པས་ཁྲི་ལྔ་ཡོད།  
\v 34 ཡང་ནཱབ་ཐ་ལི་ཚོ་པའི་བུ་རབས་ཚ་རྒྱུད་ལས་དམག་དཔོན་ཆིག་སྟོང་ཡོད་ལ། དེ་དག་གི་རྗེས་སུ་འབྲངས་ཤིང་ཕུབ་དང་མདུང་ཐོགས་མཁན་བསྡོམས་པས་སུམ་ཁྲི་བདུན་སྟོང་ཡོད།  
\v 35 དཱན་ཚོ་པའི་བུ་རབས་ཚ་རྒྱུད་ལས་དམག་འཐབ་ལ་ཞུགས་ནུས་པ་བསྡོམས་པས་ཉིས་ཁྲི་བརྒྱད་སྟོང་དྲུག་བརྒྱ་ཡོད།  
\v 36 ཨ་ཤེར་ཚོ་པའི་བུ་རབས་ཚ་རྒྱུད་ལས་གཡུལ་ངོར་སོང་ནས་དམག་འཐབ་ལ་ཞུགས་ནུས་པ་བསྡོམས་པས་ཁྲི་བཞི་ཡོད།  
\v 37 ཡང་ཡོར་དན་གཙང་པོའི་ཤར་ཕྱོགས་ཀྱི་རུ་བེན་གྱི་ཚོ་པ་དང་། གཱ་རྡུའི་ཚོ་པ། མཱ་ན་ཤེའི་ཚོ་པ་ཕྱེད་ཀ་བཅས་ལས་མཚོན་ཆ་རིགས་སྣ་ཚོགས་ཐོགས་པ་བསྡོམས་པས་ཆིག་འབུམ་ཉིས་ཁྲི་ཡོད།  
\v 38 གོང་གི་དམག་མི་ཐམས་ཅད་རུ་བསྒྲིགས་ཏེ་བློ་སེམས་རྩེ་གཅིག་གིས་དཱ་བིད་ནི་ཡེས་ར་ཨེལ་གྱི་རྒྱལ་པོར་བསྐོ་བར་ཧེབ་རོན་དུ་འོངས་པ་དང་། ཡེས་ར་ཨེལ་པ་གཞན་ཀུན་ཡང་དཱ་བིད་རྒྱལ་པོར་བསྐོ་བར་བློ་སེམས་རྩེ་གཅིག་ཡིན་ནོ། །  
\v 39 དེ་དག་ཉིན་ཞག་གསུམ་གྱི་རིང་ལ་དཱ་བིད་དང་ལྷན་ཅིག་བཟའ་བཏུང་རོལ་ནས་བསྡད་པ་ཡིན་ཏེ། དེ་དག་གི་གཉེན་ཉེ་རྣམས་ཀྱིས་དེ་དག་གི་ཆེད་དུ་ཁ་ཟས་གཡོས་པའི་ཕྱིར་རོ། །  
\v 40 དེ་དག་གི་ཉེ་སར་ཡོད་པའི་ཡེས་སི་ཀཱར་དང་། ཟེ་བུ་ལུན། ནཱབ་ཐ་ལི་བཅས་ཚོ་པའི་མི་རྣམས་ཀྱིས་བག་ལེབ་དང་། སེ་ཡབ་ལེབ་མོ་དང་། རྒུན་འབྲུམ་སྐམ་པོ་ལེབ་མོ་དང་། རྒུན་ཆང་དང་། སྣུམ་བཅས་ཁ་ཟས་མང་པོ་བོང་བུ་དང་རྔ་མོང་། དྲེལ། བ་གླང་བཅས་ལ་བཀལ་ནས་བསྐྱལ་འོངས་པ་དང་། ཡང་བ་གླང་དང་ར་ལུག་མོད་པོ་ཁྲིད་འོངས་པ་སྟེ། ཡེས་ར་ཨེལ་ཡུལ་ཡོངས་ལ་དགའ་སྤྲོས་ཁེངས་པས་སོ། །   
\c 13
\cl ལེའུ་བཅུ་གསུམ་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 ཞལ་ཆད་ཀྱི་ཤུར་སྒམ་ཨོ་བེད་ཨེ་དོམ་གྱི་ཁྱིམ་དུ་གདན་དྲངས་པ།  
\p
\v 1 དཱ་བིད་ཀྱིས་སྟོང་དཔོན་དང་བརྒྱ་དཔོན་དང་། འགོ་དཔོན་ཀུན་ལ་གྲོས་བྱས་ནས།  
\v 2 ཡེས་ར་ཨེལ་གྱི་མི་ཚོགས་ཐམས་ཅད་ལ་ན་རེ། གལ་ཏེ་ཁྱོད་ཅག་གིས་ལེགས་པར་འདོད་ཅིང་། དོན་འདི་ནི་རང་ཅག་གི་དཀོན་མཆོག་ཡ་ཝཱེའི་ཐུགས་དགོངས་ལྟར་ཡིན་པར་བསམས་ན། རང་ཅག་གིས་ཡུལ་སོ་སོར་མི་མངགས་ཏེ། ཡེས་ར་ཨེལ་གྱི་ཡུལ་ཀུན་ཏུ་ལུས་ཡོད་པའི་སྤུན་རྣམས་དང་། རྩྭ་ར་ཅན་གྱི་གྲོང་ཁྱེར་རྣམས་སུ་སྡོད་པའི་མཆོད་དཔོན་རྣམས་དང་། ལེ་ཝི་པ་རྣམས་བཅས་ངེད་ཅག་གི་རྩར་བསྡུ་བར་བྱའོ། །  
\v 3 རང་ཅག་གིས་རང་རེའི་དཀོན་མཆོག་གི་ཞལ་ཆད་ཀྱི་ཤུར་སྒམ་དེ་ཡང་འདི་རུ་ཕྱིར་འདྲེན་པར་བྱ། ཅིའི་ཕྱིར་ཞེ་ན། སོ་ལོའི་དུས་སུ་རང་ཅག་གིས་ཞལ་ཆད་ཀྱི་ཤུར་སྒམ་དྲུང་དུ་དཀོན་མཆོག་ལ་མ་ཞུས་སོ་ཞེས་སྨྲས་པར།  
\v 4 མི་ཐམས་ཅད་ཀྱིས་དེ་འགྲིག་པར་བསམས་པས། མི་ཚོགས་ཡོངས་དེ་བཞིན་བྱེད་པར་འཐད་པའོ། །  
\v 5 དེ་ནས་དཱ་བིད་ཀྱིས་དཀོན་མཆོག་གི་ཤུར་སྒམ་དེ་ཀིར་ཡཱད་ཡེ་ཨ་རིམ་ནས་ཕྱིར་གདན་འདྲེན་ཞུ་བའི་ཕྱིར། ཨེ་ཅིབ་ཀྱི་ཤི་ཧོར་གཙང་པོ་ \f + \ft འདིར་ཤི་ཧོར་གཙང་པོ་ཞེས་པ་ནི་ནཱ་ཡོལ་གཙང་པོ་ཡིན།\f*ནས་ཧ་མཱད་ལ་འགྲོ་སའི་བར་དུ་ཡེས་ར་ཨེལ་པ་ཡོད་དོ་ཅོག་བསྡུས་ཤིང་།  
\v 6 དཱ་བིད་དང་ཡེས་ར་ཨེལ་པ་ཐམས་ཅད་པཱ་ཨ་ལ་བྱ་བ་སྟེ་ཡ་ཧུ་དཱའི་ཀིར་ཡཱད་ཡེ་ཨ་རིམ་ལ་སླེབས་ཤིང་། དེ་ནས་ཀེ་རུབ་རྣམས་ཀྱི་དབུས་སུ་བཞུགས་པའི་དཀོན་མཆོག་ཡ་ཝཱེའི་མཚན་ནས་འབོད་པའི་དཀོན་མཆོག་གི་ཤུར་སྒམ་དེ་གདན་འདྲེན་པར་ཕྱིན་ནས།  
\v 7 དེ་དག་གིས་དཀོན་མཆོག་གི་ཤུར་སྒམ་ནི་ཨ་བི་ནཱ་དབ་ཀྱི་ཁྱིམ་ནས་ཕྱུང་སྟེ། ཤིང་རྟ་གསར་པ་ཞིག་ལ་བསྐྱོན་ནས་ཨུ་ཟཱ་དང་ཨ་ཧི་ཨོ་གཉིས་ཀྱིས་ཤིང་རྟ་དེད་པ་རེད།  
\v 8 དཱ་བིད་དང་ཡེས་ར་ཨེལ་པ་ཐམས་ཅད་ཀྱིས་དཀོན་མཆོག་གི་སྤྱན་སྔར་སྟོབས་ཤུགས་ཡོངས་ཀྱིས་མགུར་ལེན་བཞིན། པི་ཝང་དང་། རྒྱུད་མངས་དང་། སིལ་རྔ་དང་། སིལ་སྙན་བཅས་དཀྲོལ་ནས་དུང་འབུད་ཀྱིན་དགའ་སྟོན་ལ་རོལ་ཏེ།  
\v 9 ཀི་དོན་གཡུལ་ཁ་རུ་སླེབས་དུས་སུ། བ་གླང་རྣམས་རྐང་འདྲེད་ཤོར་བས། ཨུ་ཟཱས་ལག་པ་བརྐྱངས་ནས་ཞལ་ཆད་ཀྱི་ཤུར་སྒམ་ལ་འཇུས་པ་དང་།  
\v 10 ཨུ་ཟཱས་ལག་པ་བརྐྱངས་ནས་ཞལ་ཆད་ཀྱི་ཤུར་སྒམ་ལ་རེག་པས། དཀོན་མཆོག་ཡ་ཝཱེ་ཨུ་ཟཱའི་སྟེང་ཐུགས་ཁྲོས་ནས་ཁོ་བཀུམ་པ་དང་ཁོ་གནས་དེ་རུ་དཀོན་མཆོག་གི་སྤྱན་སྔར་ཤི་བར་གྱུར་ཏོ། །  
\v 11 དཀོན་མཆོག་ཡ་ཝཱེས་གློ་བུར་ཉིད་དུ་ཨུ་ཟཱ་ལ་ཉེས་ཆད་བཅད་པའི་རྐྱེན་གྱིས་དཱ་བིད་ཤིན་ཏུ་མ་དགའ་བར་ས་ཆ་དེའི་མིང་ལ་ཕེ་རེལ་ཟི་ཨུ་ཟཱ་ཞེས་བཏགས་ནས་དེ་རིང་གི་བར་དུ་ལུས་སོ། །  
\v 12 ཉིན་མོ་དེར་དཱ་བིད་ནི་དཀོན་མཆོག་ལ་འཇིགས་ནས་འདི་ལྟར། ངས་དཀོན་མཆོག་གི་ཞལ་ཆད་ཀྱི་ཤུར་སྒམ་དེ་ངའི་རྩར་གདན་འདྲེན་ག་ལ་རུང་ཞེས་སྨྲས་པ་དང་།  
\v 13 དེ་ནས་དཱ་བིད་ཀྱིས་ཞལ་ཆད་ཀྱི་ཤུར་སྒམ་དེ་དཱ་བིད་ཀྱི་གྲོང་ཁྱེར་དུ་མ་དྲངས་པར། དེ་ལས་བཟློགས་ཏེ་གཱད་པ་ཨོ་བེད་ཨེ་དོམ་གྱི་ཁྱིམ་དུ་གདན་དྲངས་སོ། །  
\v 14 དཀོན་མཆོག་གི་ཞལ་ཆད་ཀྱི་ཤུར་སྒམ་དེ་ཨོ་བེད་ཨེ་དོམ་གྱི་ཁྱིམ་དུ་ཟླ་བ་གསུམ་ལ་ལུས་ཤིང་། དཀོན་མཆོག་ཡ་ཝཱེས་ཨོ་བེད་ཨེ་དོམ་གྱི་ཁྱིམ་དང་དེ་ལ་གཏོགས་པ་ཐམས་ཅད་ལ་བྱིན་གྱིས་བརླབས་སོ། །   
\c 14
\cl ལེའུ་བཅུ་བཞི་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 དཱ་བིད་ཀྱི་ཕོ་བྲང་དང་ཁྱིམ་གཞིས།  
\p
\v 1 དེ་ནས་ཐཱར་གྱི་རྒྱལ་པོ་ཧི་རཱམ་གྱིས་དཱ་བིད་ཀྱི་དྲུང་དུ་བང་ཆེན་རྣམས་མངགས་ཤིང་། དཱ་བིད་ལ་ཕོ་བྲང་ཞིག་བཞེང་བའི་དོན་དུ་ཐང་ཤིང་དང་རྡོ་བཟོ། ཤིང་བཟོ་བཅས་བསྐྱལ་ཡོང་།  
\v 2 དེར་དཱ་བིད་ཀྱིས་དཀོན་མཆོག་ཡ་ཝཱེས་རང་ཉིད་ཡེས་ར་ཨེལ་གྱི་རྒྱལ་པོར་བསྐོས་པ་དང་། ཡང་ཁོང་གི་འབངས་མི་ཡེས་ར་ཨེལ་གྱི་དོན་དུ་ཁོང་གི་རྒྱལ་སྲིད་དར་བར་མཛད་པ་རྟོགས་སོ། །  
\v 3 དཱ་བིད་ཀྱིས་ཡེ་རུ་སཱ་ལེམ་དུ་ཡང་བཙུན་མོ་མང་དུ་བཞེས་ནས། སྲས་དང་སྲས་མོ་རྣམས་འཁྲུངས་པ་སྟེ།  
\v 4 འདི་རྣམས་ནི་ཡེ་རུ་སཱ་ལེམ་དུ་འཁྲུངས་པའི་བུ་ཕྲུག་རྣམས་ཀྱི་མིང་སྟེ། ཤམ་མུ་ཨ་དང་ཤོ་བབ། ནཱ་ཐན། སོ་ལོ་མོན།  
\v 5 ཡིབ་ཧར། ཨེ་ལི་ཤུ་ཨ། ཨེལ་ཕེ་ལེད།  
\v 6 ནོ་གཱ། ནེ་ཕེག ཡཱ་ཕི་ཨ།  
\v 7 ཨེ་ལི་ཤ་མཱ། པེ་ཨེལ་ཡ་དཱ། ཨེ་ལི་ཕེ་ལེད་བཅས་སོ། །   
\s1 དཱ་བིད་ཁོང་ཉིད་ཕེ་ལེ་ཤེད་པ་ལས་རྣམ་པར་རྒྱལ་བ།  
\p
\v 8 ཕེ་ལེ་ཤེད་པ་རྣམས་ཀྱིས་དཱ་བིད་ནི་ཡེས་ར་ཨེལ་གྱི་རྒྱལ་པོར་བྱུགས་པ་ཐོས་ནས་ཡོངས་རྫོགས་དཱ་བིད་བཙལ་དུ་ཡར་ཕྱིན་པ་ལ། དཱ་བིད་ཀྱིས་དེ་ཐོས་པ་ཙམ་གྱིས་དེ་རྣམས་ལ་རྒོལ་ལན་སྤྲོད་དུ་སོང་ངོ་། །  
\v 9 ཕེ་ལེ་ཤེད་པ་རྣམས་འོངས་ནས་རེ་པཱ་པའི་ལུང་པར་དཔུང་འཇུག་བྱས།  
\v 10 དཱ་བིད་ཀྱིས་དཀོན་མཆོག་ལ་འདི་ལྟར། ང་རང་ཕེ་ལེ་ཤེད་པ་རྣམས་ལ་ཡར་རྒོལ་དུ་འགྲོ་བར་བྱའམ། ཁྱེད་ཀྱིས་དེ་རྣམས་བདག་གི་ལག་ཏུ་གཏོད་དམ་ཞུས་པས། དཀོན་མཆོག་ཡ་ཝཱེས་དེ་ལ་འདི་སྐད་དུ། ཁྱོད་རང་ཡར་སོང་དང་བདག་གིས་དེ་རྣམས་ཁྱོད་ཀྱི་ལག་ཏུ་གཏོད་པར་བྱ་ཞེས་གསུངས་སོ། །  
\v 11 ཕེ་ལེ་ཤེད་པ་རྣམས་ཡར་པཱ་ཨལ་ཕེ་ར་ཙིམ་དུ་སླེབས་པ་དང་། དེར་དཱ་བིད་ཀྱིས་ཁོ་རྣམས་ཕམ་པར་བརྒྱབ་ཅིང་། དཱ་བིད་ན་རེ། ཆུ་ཡིས་ཆུ་རགས་ཁུར་བ་ལྟར་དུ་དཀོན་མཆོག་གིས་ང་རང་བརྒྱུད་ནས་དགྲ་བོ་རྣམས་ཕམ་པར་བརྒྱབ་བོ་ཞེས་སྨྲས་ཏེ། ས་ཆ་དེའི་མིང་ལ་པཱ་ཨལ་ཕེ་ར་ཙིམ་ཞེས་བཏགས་སོ། །  
\v 12 ཕེ་ལེ་ཤེད་པ་རྣམས་ཀྱིས་ལྷ་སྐུ་རྣམས་དེ་རུ་དོར་བས། དཱ་བིད་ཀྱིས་མི་རྣམས་ལ་དེ་དག་མེར་བསྲེག་པའི་བཀའ་བབས་སོ། །  
\v 13 དེ་ནས་ཕེ་ལེ་ཤེད་པ་རྣམས་ཀྱིས་སླར་ཡང་ལུང་པ་དེར་དཔུང་འཇུག་བྱས་པ་དང་།  
\v 14 དཱ་བིད་ཀྱིས་ཡང་དཀོན་མཆོག་ལ་ཞུས་པ་ན། དཀོན་མཆོག་གིས་ཁོང་ལ་འདི་སྐད་དུ། ཁྱོད་དེ་དག་གི་ར་མདའ་ལ་ཡར་མི་འགྲོ་བར། དེ་དག་རྒྱབ་ནས་བསྐོར་ཏེ་སྤོས་ཤིང་གི་ནགས་ཚལ་གྱི་ཁ་གཏད་ནས་དེ་དག་ལ་རྒོལ་ཞིག  
\v 15 ཁྱོད་ཀྱིས་སྤོས་ཤིང་གི་རྩེ་ནས་དཔུང་ཚོགས་ཀྱི་གོམ་སྒྲ་ཐོས་པ་ཙམ་གྱིས་གཡུལ་འཐབ་ལ་ཆས་ཤིག ཅི་ལ་ཞེ་ན། དུས་དེར་དཀོན་མཆོག་ཁྱོད་ཀྱི་སྔོན་དུ་གཤེགས་ཏེ་ཕེ་ལེ་ཤེད་པའི་དམག་ཚོགས་ལ་རྒོལ་བ་ཡིན་ནོ་ཞེས་གསུངས་པར།  
\v 16 དཱ་བིད་ཀྱིས་དཀོན་མཆོག་གི་བཀའ་བཞིན་དུ་བྱས་ཏེ། གིབ་ཡོན་ནས་གེ་ཟེར་གྱི་བར་དུ་ཕེ་ལེ་ཤེད་པའི་དམག་ཚོགས་བསད།  
\v 17 དེ་ནས་དཱ་བིད་ཀྱི་མིང་ཡུལ་ཕྱོགས་ཀུན་ཏུ་གྲགས་ཤིང་། དཀོན་མཆོག་ཡ་ཝཱེས་མི་ཐམས་ཅད་དཱ་བིད་ལ་འཇིགས་པར་མཛད་དོ། །   
\c 15
\cl ལེའུ་བཅོ་ལྔ་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 ཞལ་ཆད་ཀྱི་ཤུར་སྒམ་ཡེ་རུ་སཱ་ལེམ་དུ་གདན་དྲངས་པ།  
\p
\v 1 དཱ་བིད་ཀྱིས་དཱ་བིད་གྲོང་ཁྱེར་དུ་རང་ཉིད་ལ་ཕོ་བྲང་རྣམས་བརྩིགས་ཤིང་། ཡང་དཀོན་མཆོག་གི་ཞལ་ཆད་ཀྱི་ཤུར་སྒམ་ཕྱིར་གནས་ཤིག་སྟ་གོན་བྱས་ནས་གུར་ཞིག་ཀྱང་ཕུབ་བོ། །  
\v 2 དུས་དེར་དཱ་བིད་ན་རེ། དཀོན་མཆོག་ཡ་ཝཱེས་ལེ་ཝི་པ་རྣམས་ནི་དཀོན་མཆོག་གི་ཞལ་ཆད་ཀྱི་ཤུར་སྒམ་འཁུར་བ་དང་། དུས་རྟག་ཏུ་ཁོང་ལ་ཞབས་ཏོག་བསྒྲུབ་པར་བདམས་པས། དེ་རྣམས་མ་གཏོགས་གཞན་སུས་ཀྱང་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་འཁུར་མི་རུང་ཞེས་བསྒོས།  
\v 3 དེ་ནས་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་དཱ་བིད་ཀྱིས་སྟ་གོན་བྱས་པའི་གནས་སུ་གདན་འདྲེན་པར། དཱ་བིད་ཀྱིས་ཡེས་ར་ཨེལ་པ་རྣམས་ཡེ་རུ་སཱ་ལེམ་དུ་བསྡུས་པ་དང་།  
\v 4 དཱ་བིད་ཀྱིས་ཨ་རོན་གྱི་བུ་རྒྱུད་དང་ལེ་ཝི་པ་རྣམས་ཀྱང་བསྡུས་པ་སྟེ།  
\v 5 ཀོ་ཧད་ཀྱི་བུ་རྒྱུད་ལས་འགོ་དཔོན་ཨུ་རི་ཨེལ་དང་དེའི་གཉེན་ཉེ་བརྒྱ་དང་ཉི་ཤུ།  
\v 6 མཱ་རཱ་རེའེ་ཡི་བུ་རྒྱུད་ལས་འགོ་དཔོན་ཨ་ས་ཡཱ་དང་དེའི་གཉེན་ཉེ་ཉིས་བརྒྱ་དང་ཉི་ཤུ།  
\v 7 གེར་ཤོན་གྱི་བུ་རྒྱུད་ལས་འགོ་དཔོན་ཡོ་ཨེལ་དང་དེའི་གཉེན་ཉེ་བརྒྱ་དང་སུམ་ཅུ།  
\v 8 ཨེ་ལི་ཙ་ཕན་གྱི་བུ་རྒྱུད་ལས་འགོ་དཔོན་ཤེ་མ་ཡཱ་དང་དེའི་གཉེན་ཉེ་ཉིས་བརྒྱ།  
\v 9 ཧེབ་རོན་གྱི་བུ་རྒྱུད་ལས་འགོ་དཔོན་ཨེ་ལི་ཨེལ་དང་དེའི་གཉེན་ཉེ་བརྒྱད་ཅུ།  
\v 10 ཨུ་ཟི་ཨེལ་གྱི་བུ་རྒྱུད་ལས་འགོ་དཔོན་ཨ་མི་ནཱ་དབ་དང་དེའི་གཉེན་ཉེ་བརྒྱ་དང་བཅུ་གཉིས་བཅས་སོ། །  
\v 11 དེ་ནས་དཱ་བིད་ཀྱིས་ཟཱ་ཏོག་དང་ཨབ་ཡཱ་ཐར་མཆོད་དཔོན་གཉིས་པོ་དང་། ལེ་ཝི་པ་རྣམས་ལས་ཨུ་རི་ཨེལ་དང་ཨ་ས་ཡཱ། ཡོ་ཨེལ། ཤེ་མ་ཡཱ། ཨེ་ལི་ཨེལ། ཨ་མི་ནཱ་དབ་བཅས་བོས་ནས།  
\v 12 དེ་དག་ལ་ན་རེ། ཁྱེད་རྣམས་ནི་ལེ་ཝི་པའི་ཁྱིམ་རྒྱུད་སོ་སོའི་འགོ་དཔོན་ཡིན་པས། ཁྱེད་ཅག་དང་ཁྱེད་ཅག་གི་གཉེན་ཉེ་རྣམས་ཀྱིས་རང་ཉིད་དམ་པར་གྱིས་ཤིག གང་ལ་ཞེ་ན། ཡེས་ར་ཨེལ་གྱི་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་དེ་ངས་སྟ་གོན་བྱས་པའི་གནས་སུ་གདན་འདྲེན་པའི་ཕྱིར་ཡིན།  
\v 13 སྔར་ཁྱེད་ཅག་མེད་པ་དང་ངེད་རྣམས་ཀྱིས་རང་ཅག་གི་དཀོན་མཆོག་ཡ་ཝཱེ་ལ་ལུགས་སྲོལ་བཞིན་མ་ཞུས་པས། ཁོང་ངེད་ཅག་ལ་རབ་ཏུ་ཁྲོས་སོ་ཞེས་སྨྲས་པ་དང་།  
\v 14 མཆོད་དཔོན་དང་ལེ་ཝི་པ་རྣམས་ཀྱིས་དཀོན་མཆོག་ཡ་ཝཱེ་སྟེ་ཡེས་ར་ཨེལ་གྱི་དཀོན་མཆོག་གི་ཞལ་ཆད་ཀྱི་ཤུར་སྒམ་གདན་འདྲེན་དུ་རང་ཉིད་དམ་པར་བྱས་སོ། །  
\v 15 ལེ་ཝི་ཚོ་པའི་བུ་རྒྱུད་རྣམས་ཀྱིས་དཀོན་མཆོག་ཡ་ཝཱེའི་བཀའ་སྟེ་མོ་ཤེ་ལ་བསྒོས་པ་བཞིན་དུ། གདང་རྒྱུས་ནས་ཕྲག་པས་ཁུར།  
\v 16 དཱ་བིད་ཀྱིས་ལེ་ཝི་པའི་འགོ་དཔོན་དག་ལ། ཁོ་ཚོའི་གཉེན་ཉེ་རྣམས་མངགས་ནས་རོལ་ཆས་རྒྱུད་མངས་དང་། པི་ཝང་དང་། སྦུག་ཆལ་རྣམས་བརྡུངས་ནས་དགའ་དགའ་སྤྲོ་སྤྲོས་གླུ་ལེན་གར་རྩེད་བྱེད་དགོས་པར་བསྒོས།  
\v 17 དེ་ནས་ལེ་ཝི་པ་དག་གིས་ཡོ་ཨེལ་གྱི་བུ་ཧེ་མཱན་དང་། དེའི་གཉེན་ཉེ་ལས་པེ་རེག་ཡཱའི་བུ་ཨ་སབ་དང་། ཡང་དེ་དག་གི་གཉེན་ཉེ་མཱ་རཱ་རེའེ་ཡི་བུ་རྒྱུད་ཁྲོད་ཀྱི་ཀུ་ཤ་ཡཱའི་བུ་ཨེ་ཐན་བཅས་མངགས་པ་དང་།  
\v 18 དེ་དག་དང་མཉམ་དུ་ད་དུང་སྐོར་ཚོགས་གཉིས་པའང་ཡོད་དེ། ཁོ་རྣམས་ཀྱི་གཉེན་ཉེ་ཟཱ་ཀར་ཡ་དང་། པེན། ཡ་ཨ་ཟི་ཨེལ། ཤེ་མི་ར་མོད། ཡེ་ཧི་ཨེལ། ཨུན་ནི། ཨེ་ལི་ཨབ། པེ་ནཱ་ཡ། མ་ཨ་སེ་ཡཱ། མད་ཐིད་ཡཱ། ཨེ་ལི་ཕེ་ལེ་ཧུ། མིག་ནེ་ཡཱ། དེ་མིན་སྒོ་སྲུང་མཁན་ཨོ་བེད་ཨེ་དོམ་དང་། ཡེ་ཨི་ཨེལ་བཅས་སོ། །  
\v 19 ཡང་མགུར་ལེན་མཁན་ཧེ་མཱན་དང་། ཨ་སབ། ཨེ་ཐན་བཅས་ཀྱིས་ལི་ཡི་སྦུག་ཆལ་བརྡུངས་ནས་སྐད་ཆེན་པོ་འདོན་པ་དང་།  
\v 20 ཟཱ་ཀར་ཡ་དང་། ཨ་ཟི་ཨེལ། ཤེ་མི་ར་མོད། ཡེ་ཧི་ཨེལ། ཨུན་ནི། ཨེ་ལི་ཨབ། མ་ཨ་སེ་ཡཱ། པེ་ནཱ་ཡ་བཅས་ཀྱིས་རྒྱུད་མངས་བརྡུངས་ནས་སྐྱེས་མའི་སྒྲ་གདངས་མཐོན་པོ་བཞིན་ལེན་པ་དང་།  
\v 21 མད་ཐིད་ཡཱ་དང་། ཨེ་ལི་ཕེ་ལེ་ཧུ། མིག་ནེ་ཡཱ། ཨོ་བེད་ཨེ་དོམ། ཡེ་ཨི་ཨེལ། ཨ་ཟཱ་སི་ཡ་བཅས་ཀྱིས་པི་ཝང་བརྡུངས་ནས་སྐྱེས་པའི་སྒྲ་གདངས་དམའ་མོ་བཞིན་ལེན་དགོས་པའོ། །  
\v 22 ལེ་ཝི་ཚོ་པའི་འགོ་དཔོན་ཀེ་ནན་ཡཱ་བྱ་བ་ནི་བསྟོད་དབྱངས་ལེན་པའི་དབུ་མཛད་ཡིན་ཞིང་། དེའི་ཕྱོགས་ལ་རབ་ཏུ་མཁས་པས་དབྱངས་ཇི་ལྟར་ལེན་པ་བསླབས་པའོ། །  
\v 23 པེ་རེག་ཡཱ་དང་ཨེལ་ཁ་ནཱ་གཉིས་ཞལ་ཆད་ཀྱི་ཤུར་སྒམ་སྲུང་མཁན་ཡིན་ལ།  
\v 24 ཤེ་བན་ཡཱ་དང་། ཡོ་ཤ་ཕད། ནེ་ཐན་ཨེལ། ཨ་མ་སཱ་ཨི། ཟཱ་ཀར་ཡ། པེ་ནཱ་ཡ། ཨེ་ལི་ཨེ་བཟིར་བྱ་བའི་མཆོད་དཔོན་རྣམས་ཀྱིས་དཀོན་མཆོག་གི་ཞལ་ཆད་ཀྱི་ཤུར་སྒམ་དྲུང་དུ་དུང་བུས་པ་དང་། ཨོ་བེད་ཨེ་དོམ་དང་ཡེ་ཧི་ཡཱ་གཉིས་ཀྱང་ཞལ་ཆད་ཀྱི་ཤུར་སྒམ་སྲུང་མཁན་ཡིན་ནོ། །   
\p
\v 25 དེ་ནས་དཱ་བིད་དང་ཡེས་ར་ཨེལ་གྱི་རྒན་པོ་རྣམས་དང་། སྟོང་དཔོན་རྣམས་མཉམ་དུ་ཆས་ཏེ་དགའ་དགའ་སྤྲོ་སྤྲོའི་ངང་ཨོ་བེད་ཨེ་དོམ་གྱི་ཁྱིམ་ནས་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་གདན་དྲངས་ནས་འོངས།  
\v 26 དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་འཁུར་མཁན་ལེ་ཝི་པ་རྣམས་ལ་དཀོན་མཆོག་གིས་མགོན་སྐྱབས་མཛད་པ་དང་། དེ་དག་གིས་བ་གླང་བདུན་དང་ལུག་ཐུག་བདུན་མཆོད་པར་ཕུལ་ཏོ། །  
\v 27 དཱ་བིད་དང་ཞལ་ཆད་ཀྱི་ཤུར་སྒམ་འཁུར་བའི་ལེ་ཝི་པ་རྣམས་དང་། མགུར་ལེན་མཁན་དག་དང་། དབུ་མཛད་ཀེ་ནན་ཡཱ་བཅས་ཀྱིས་སོ་རས་སྲབ་བུའི་གོས་གྱོན་ཞིང་། དཱ་བིད་ཀྱིས་དེ་ལས་གཞན་སོ་རས་སྲབ་བུའི་བེར་ཐུལ་ཞིག་གྱོན་པའོ། །  
\v 28 དེ་ལྟར་ཡེས་ར་ཨེལ་པ་ཐམས་ཅད་ཀྱིས་དགའ་བའི་ཀི་སྒྲ་བསྒྲགས་པ་དང་། རྭ་དུང་དང་དུང་བུས་ཤིང་། སྦུག་ཆལ་དང་རྒྱུད་མངས། པི་ཝང་བཅས་ཀྱི་སྒྲ་ཆེན་པོ་དང་བཅས་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་དེ་ཡར་གདན་དྲངས་སོ། །  
\v 29 ཡང་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་དེ་དཱ་བིད་ཀྱི་གྲོང་ཁྱེར་དུ་སླེབས་པའི་ཚེ། སོ་ལོའི་སྲས་མོ་མི་ཀལ་གྱིས་སྒེའུ་ཁུང་ནས་མར་བལྟས་པ་དང་། རྒྱལ་པོ་དཱ་བིད་ཀྱིས་ཞབས་བྲོ་འཁྲབ་ཀྱིན་རྩེད་མོ་རྩེ་བ་མཐོང་ནས། སེམས་ནས་ཁོང་ལ་སྨད་པའོ། །   
\c 16
\cl ལེའུ་བཅུ་དྲུག་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\p
\v 1 ཁོ་རྣམས་ཀྱིས་དཀོན་མཆོག་གི་ཞལ་ཆད་ཀྱི་ཤུར་སྒམ་ནང་ལ་གདན་དྲངས་ཏེ། དཱ་བིད་ཀྱིས་དེའི་དོན་དུ་ཕུབ་པའི་མཇལ་འཕྲད་གུར་མཆོག་གི་དབུས་སུ་བཞག་ནས། དཀོན་མཆོག་གི་སྤྱན་སྔར་སྦྱིན་སྲེག་དང་ཞི་བདེའི་མཆོད་པ་ཕུལ་ཏོ། །  
\v 2 དཱ་བིད་ཀྱིས་སྦྱིན་སྲེག་དང་ཞི་བདེའི་མཆོད་པ་རྣམས་ཕུལ་རྗེས། ཁོང་གིས་དཀོན་མཆོག་ཡ་ཝཱེའི་མཚན་ལ་བརྟེན་ནས་མི་རྣམས་ལ་བྱིན་རླབས་གནང་ཞིང་།  
\v 3 ཡང་ཡེས་ར་ཨེལ་གྱི་སྐྱེས་ཕོ་མོ་ཐམས་ཅད་ལ་བག་ལེབ་རེ་དང་། རྒྱ་རི་རེ་དང་། རྒུན་འབྲུམ་སྐམ་པོ་ལེབ་མོ་རེ་སྤྲད་དོ། །  
\v 4 དཱ་བིད་ཀྱིས་ལེ་ཝི་པ་འགའ་ཞིག་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་དྲུང་དུ་ཞབས་ཏོག་བསྒྲུབ་པ་དང་། ཡེས་ར་ཨེལ་གྱི་དཀོན་མཆོག་ཡ་ཝཱེ་ལ་བསྟོད་དབྱངས་ལེན་པ་དང་གཏང་རག་འབུལ་བ། བསྟོད་བསྔགས་བརྗོད་པ་བཅས་སུ་མངགས་སོ། །  
\v 5 དེའི་འགོ་ཁྲིད་མཁན་ནི་ཨ་སབ་དང་། དེ་ནས་ཟཱ་ཀར་ཡ་དང་། ཡེ་ཨི་ཨེལ། ཤེ་མི་ར་མོད། ཡེ་ཧི་ཨེལ། མད་ཐིད་ཡཱ། ཨེ་ལི་ཨབ། པེ་ནཱ་ཡ། ཨོ་བེད་ཨེ་དོམ། ཡེ་ཨི་ཨེལ་བཅས་ཡོད་ལ། ཁོ་རྣམས་ཀྱིས་རྒྱུད་མངས་དང་པི་ཝང་བརྡུང་བ་དང་། ཨ་སབ་ཀྱིས་སྦུག་ཆལ་སྒྲ་ཆེན་པོར་བརྡུང་དགོས་ལ།  
\v 6 མཆོད་དཔོན་པེ་ནཱ་ཡ་དང་ཡ་ཧ་ཟི་ཨེལ་གཉིས་ཀྱིས་རྒྱུན་དུ་དཀོན་མཆོག་གི་ཞལ་ཆད་ཀྱི་ཤུར་སྒམ་དྲུང་དུ་དུང་འབུད་དགོས་པའོ། །   
\s1 དཱ་བིད་ཀྱི་མགུར་མ།  
\p
\v 7 ཉིན་དེར་དཱ་བིད་ཀྱིས་ཨ་སབ་དང་དེའི་གཉེན་ཉེ་རྣམས་དཀོན་མཆོག་ཡ་ཝཱེ་ལ་གསུང་མགུར་གྱིས་གཏང་རག་འབུལ་བར་ཐོག་མར་གཏན་ལ་ཕབ་ཅིང་འདི་ལྟར།   
\p
\v 8 ཁྱོད་ཚོས་ཡ་ཝཱེའི་མཚན་ནི་བརྗོད་ཅིང་གཏང་རག་ཕུལ། ། མི་རྣམས་ཀུན་གྱི་ཁྲོད་དུ་ཁོང་གི་འཕྲིན་ལས་བརྗོད། །  
\v 9 ཁོང་ལ་མགུར་གླུ་ལེན་བཞིན་བསྟོད་བསྔགས་ཕུལ། ། ཁོང་གི་ངོ་མཚར་མཛད་པ་ཐམས་ཅད་བརྗོད། །  
\v 10 ཁོང་གི་དམ་པའི་མཚན་ལ་བསྟོད་བསྔགས་བརྗོད། ། ཡ་ཝཱེ་འཚོལ་མཁན་སེམས་ནང་དགའ་བར་ཤོག །  
\v 11 ཡ་ཝཱེ་ཁོང་དང་ཁོང་གི་མཐུ་སྟོབས་དང་། ། ཁོང་གི་ཞལ་རས་རྒྱུན་དུ་བཙལ་བར་གྱིས། །  
\v 12-13 ཁོང་གི་ཞབས་ཕྱི་ཡེས་ར་ཨེལ་གྱི་རྒྱུད། ། ཁོང་གིས་བདམས་པའི་ཡ་ཀོབ་བུ་རྒྱུད་ཀྱེ། ། ཁྱོད་ཚོས་ཁོང་གི་ངོ་མཚར་ཅན་གྱི་མཛད་པ་དང་། ། ཁོང་གི་གྲུབ་རྟགས་དང་ནི་ཁྲིམས་གཅོད་གསུང་རྣམས་དྲོན། །  
\v 14 ཁོང་ནི་ང་ཚོའི་དཀོན་མཆོག་ཡ་ཝཱེ་ཡིན། ། ས་གཞི་ཡོངས་སུ་ཁོང་གི་ཁྲིམས་གཅོད་ཡོད། །  
\v 15 ཁོང་གི་ཞལ་ཆད་གཏན་དུ་ཐུགས་སུ་འཇགས། ། ཁོང་གི་བཀའ་རྣམས་མི་རབས་སྟོང་ལ་གནས། །  
\v 16 ཁོང་གིས་ཨབ་ར་ཧམ་ལ་མཛད་པའི་ཞལ་ཆད་དང་། ། ཁོང་གིས་ཨི་སཱག་ལ་ནི་བཞེས་པའི་དབུ་མནའ་ནི། །  
\v 17 ཁོང་གིས་ཡ་ཀོབ་ལ་ནི་སྒྲིག་ཁྲིམས་བཙུགས། ། ཡེས་ར་ཨེལ་ལ་གཏན་གྱི་ཞལ་ཆད་མཛད། །  
\v 18 བདག་གིས་ཀ་ན་ཨན་གྱི་ཡུལ་དེ་ནི། ། ཁྱོད་ལ་གནང་ཞིང་ཁྱོད་ཀྱི་ས་སྐལ་ཡིན། །  
\v 19 སྐབས་དེར་ཁྱོད་རྣམས་མི་གྲངས་ཉུང་བ་དང་། ། ཡུལ་དེར་བྱེས་སུ་སྡོད་པ་ཡིན་ཞེས་གསུངས། །  
\v 20 དེ་རྣམས་མི་རིགས་གཅིག་ནས་གཅིག་བརྒྱུད་ཅིང་། ། རྒྱལ་ཁམས་གཅིག་ནས་གཅིག་ལ་ཉུལ་ནས་བསྡད། །  
\v 21 དེ་ཚོར་གཉའ་གནོན་སུ་ལའང་བྱེད་མ་གནང་། ། ཁོ་ཚོའི་ཆེད་དུ་རྒྱལ་པོར་བཀའ་བཀྱོན་མཛད། །  
\v 22 ཁོ་བོས་བྱུགས་པ་རྣམས་ལ་མི་རེག༌ཅིང༌། །ལུང་སྟོན་རྣམས་ལ་གནོད་པ་མ་བསྐྱལ་གསུངས། །  
\v 23 ཡུལ་ཕྱོགས་ཀུན་གྱིས་ཡ་ཝཱེར་བསྟོད་དབྱངས་ཕུལ། ། ཁོང་གི་ཐར་པ་ཉིན་རེ་བཞིན་སྒྲོགས་ཤིག །  
\v 24 མི་རིགས་ཡོངས་ལ་ཁོང་གི་གཟི་བརྗིད་བསྒྲག་པར༌གྱིས། ། མི་རྣམས་ཡོངས་ལ་ཁོང་གི་ངོ་མཚར་འཕྲིན་ལས༌སྒྲོགས། །  
\v 25 གང་ལ་ཞེ་ན་ཡ་ཝཱེ་ཁྱད་དུ་འཕགས། ། བསྟོད་བསྔགས་རབ་ཏུ་ཆེན་པོ་འོས་སོ་ལོ། ། ཁོང་ནི་ལྷ་ཚོགས་ཀུན་ལས་རིང་དུ་བརྒལ། ། ཁོང་ལ་གུས་ཤིང་འཇིགས་པ་འོས་སོ་ལོ། །  
\v 26 མི་མང་ཀུན་གྱི་ལྷ་སྐུ་སྟོང་བ་ཡིན། ། ཡ་ཝཱེ་ཁོ་ནས་ནམ་མཁའི་དབྱིངས་རྣམས་མཛད། །  
\v 27 ཁོང་གི་སྤྱན་སྔར་གཟི་དཔལ་བརྗིད་ཉམས་མངའ། ། ཁོང་གི་བཞུགས་སར་མཐུ་དང་དགའ་སྤྲོ་ལྡན། །  
\v 28 ཀྱེ་ཀྱེ་རིགས་རྒྱུད་རྣམས་ཀྱི་ཁྱིམ་རྒྱུད་དག ། གཟི་བརྗིད་ནུས་མཐུ་ཡ་ཝཱེར་ཕུལ་ཞིག་དང་། །  
\v 29 ཡ་ཝཱེའི་མཚན་གྱི་གཟི་བརྗིད་ཁོང་ལ་རྗོད། ། མཆོད་པ་འཁུར་ལ་ཁོང་གི་སྤྱན་སྔར་ཤོག ། དམ་པའི་ཟིལ་གྱིས་ཡ་ཝཱེར་ཕྱག་འཚལ་གྱིས། །  
\v 30 ས་གཞི་ཡོངས་ནི་ཁོང་གི་དྲུང་དུ་གཡོ་བར་བྱོས། ། ས་གཞི་མི་གཡོ་ཕྱིར་དུ་ཁོང་གིས་བརྟན་པོར་མཛད། །  
\v 31 ནམ་མཁའ་དགའ་ཞིང་ས་གཞི་མགུ་བར་ཤོག ། མི་མང་རྣམས་ཀྱིས་མི་རིགས་དག་གི་ཁྲོད། ། ཡ་ཝཱེ་རྒྱལ་པོར་བཞུགས་ཞེས་སྨྲ་གྱུར་ཅིག །  
\v 32 རྒྱ་མཚོ་དང་ནི་དེའི་ནང་ཅི་ཡོད་པ། ། ང་རོའི་སྐད་སྒྲ་སིང་སིང་བསྒྲག་ཅིག༌གུ ། ས་ཞིང་དང་ནི་དེའི་ཁར་ཅི་ཡོད་པ། ། ཐམས་ཅད་དགའ་ཞིང་སྤྲོ་བར་གྱིས་ཤིག་ཨང་། །  
\v 33 ཡ་ཝཱེ་ས་གཞིར་ཁྲིམས་ཐག་གཅོད་པར་འབྱོན། ། དེའི་ཕྱིར་ནགས་ཀྱི་སྡོང་པོ་རྣམས་ཀྱིས་ནི། ། ཡ་ཝཱེའི་དྲུང་དུ་མགུར་གླུ་ལེན་པར་འགྱུར། །  
\v 34 ཡ་ཝཱེ་ལེགས་པས་ཁོང་ལ་གཏང་རག༌ཕུལ། ། ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས། །  
\v 35 ཁྱོད་ཚོས་འདི་ལྟར་ཞུ་བར་གྱིས་ཤིག་ཨང་། ། ཀྱེ་ཀྱེ་ངེད་རྣམས་སྐྱོབ་པའི་དཀོན་མཆོག་ལགས། ། ཁྱེད་ཀྱིས་ངེད་རྣམས་བསྐྱབས་ནས་བསྡུ་བར་མཛོད། ། མི་རིགས་ཀུན་ནས་ངེད་རྣམས་སྐྱོབ་པར་མཛོད། ། དེ་ནས་ང་ཚོས་ཁྱེད་མཚན་དམ་པ་ལ། ། བཀའ་དྲིན་ཞུ་ཞིང་བསྟོད་པ་དཔལ་དུ་བརྩི། །  
\v 36 ཡེས་ར་ཨེལ་གྱི་དཀོན་མཆོག་ཡ་ཝཱེ་ནི། ། རྒྱུན་ནས་རྒྱུན་དུ་བསྟོད་པར་འོས་སོ་ལོ། ། ཞེས་གསུངས་པ་དང་། མི་ཐམས་ཅད་ཀྱིས་ཨ་མེན་ཞེས་སྨྲས་ཤིང་དཀོན་མཆོག་ཡ་ཝཱེ་ལ་བསྟོད་བསྔགས་ཕུལ་ཏོ། །   
\p
\v 37 དེ་ནས་དཱ་བིད་ཀྱིས་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་དྲུང་དུ་ཨ་སབ་དང་དེའི་གཉེན་ཉེ་རྣམས་བཞག་ཅིང་། ཉིན་རེ་བཞིན་རྒྱུན་ཆད་མེད་པར་སྒྲུབ་དགོས་པའི་ཞབས་ཏོག་བསྒྲུབས།  
\v 38 ཡང་ཨོ་བེད་ཨེ་དོམ་དང་དེའི་གཉེན་ཉེ་དྲུག་ཅུ་རེ་བརྒྱད་དང་། ཡེ་དུ་ཐུན་གྱི་བུ་ཨོ་བེད་ཨེ་དོམ་དང་ཧོ་སཱ་བཅས་ནི་སྒོ་སྲུང་དུ་བཞག  
\v 39 ཡང་མཆོད་དཔོན་ཟཱ་ཏོག་དང་དེའི་གཉེན་ཉེ་མཆོད་དཔོན་ཡིན་པ་རྣམས་གིབ་ཡོན་གྱི་མཐོ་གླིང་དུ་དཀོན་མཆོག་ཡ་ཝཱེའི་གུར་མཆོག་དྲུང་དུ་བཞག་ཅིང་།  
\v 40 ཉིན་རེར་ནངས་དགོང་གཉིས་ལ་སྦྱིན་སྲེག་གི་མཆོད་ཁྲི་སྟེང་དུ། རྒྱུན་ཆད་མེད་པར་དཀོན་མཆོག་ཡ་ཝཱེ་ལ་སྦྱིན་སྲེག་ཕུལ་བ་དང་། དེ་ཐམས་ཅད་ནི་དཀོན་མཆོག་ཡ་ཝཱེས་ཡེས་ར་ཨེལ་པ་རྣམས་ལ་བསྒོས་པའི་བཀའ་ཁྲིམས་ཀྱི་མདོ་ཡི་ནང་དུ་བཀོད་པ་བཞིན་ཡིན་ནོ། །  
\v 41 དེ་དག་དང་མཉམ་དུ་ཧེ་མཱན་དང་། ཡེ་དུ་ཐུན་དང་། གཞན་བདམས་ནས་མིང་ཐོན་པ་བཅས་ཐམས་ཅད་དཀོན་མཆོག་ཡ་ཝཱེ་ལ་བཀའ་དྲིན་ཞུ་བར་བཞག་པ་སྟེ། ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས་པས་སོ། །  
\v 42 ཧེ་མཱན་དང་ཡེ་དུ་ཐུན་གཉིས་ཀྱིས་དེ་དག་དང་མཉམ་དུ་དུང་འབུད་པ་དང་སྦུག་ཆལ་བརྡུང་བ་དང་། རོལ་ཆས་སྣ་ཚོགས་ཀྱིས་དཀོན་མཆོག་ལ་སྐད་ཆེན་པོས་བསྟོད་དབྱངས་འབུལ་དགོས་ལ། ཡེ་དུ་ཐུན་གྱི་བུ་རབས་ཚ་རྒྱུད་རྣམས་སྒོ་སྲུང་དུ་བཞག་གོ །  
\v 43 དེ་ནས་མི་ཐམས་ཅད་རང་རང་གི་ཁྱིམ་དུ་ལོག་པ་དང་། དཱ་བིད་ཀྱང་རང་གི་ཁྱིམ་མི་རྣམས་ལ་བྱིན་གྱིས་རླབས་པར་ཕེབས་སོ། །   
\c 17
\cl ལེའུ་བཅུ་བདུན་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 དཀོན་མཆོག་གིས་དཱ་བིད་ལ་གནང་བའི་ཞལ་བཞེས།  
\p
\v 1 དཱ་བིད་རང་གི་ཕོ་བྲང་ནང་དུ་བསྡད་པའི་རྗེས་སུ། ཁོང་གིས་ལུང་སྟོན་པ་ནཱ་ཐན་ལ་ན་རེ། ལྟོས་དང་། ང་ནི་ཐང་ཤིང་གིས་བཟོས་པའི་ཕོ་བྲང་དུ་སྡོད་མོད། དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་ནི་གུར་གྱི་ནང་དུ་མཆིས་སོ་ཞེས་སྨྲས་པར།  
\v 2 ནཱ་ཐན་གྱིས་དཱ་བིད་ལ་ན་རེ། དཀོན་མཆོག་ཁྱེད་དང་མཉམ་དུ་བཞུགས་པས། ཁྱེད་ཀྱི་ཐུགས་དགོངས་བཞིན་བྱོས་ཤིག་ཅེས་སྨྲས་ཤིང་།  
\v 3 མཚན་མོ་དེར་དཀོན་མཆོག་གི་བཀའ་ནཱ་ཐན་ལ་བྱུང་ནས་འདི་སྐད་དུ།  
\v 4 ཁྱོད་སོང་ནས་བདག་གི་ཞབས་ཕྱི་དཱ་བིད་ལ། དཀོན་མཆོག་ཡ་ཝཱེས་འདི་སྐད་དུ། ཁྱོད་ཀྱིས་བདག་གནས་སའི་མཆོད་ཁང་བཞེང་མི་རུང་།  
\v 5 གང་ལ་ཞེ་ན། བདག་གིས་ཡེས་ར་ཨེལ་པ་རྣམས་ཡར་ཁྲིད་འོངས་པའི་ཉིན་ནས་དེ་རིང་བར་དུ་བདག་ནི་མཆོད་ཁང་དུ་གནས་མ་མྱོང་སྟེ། བདག་ནི་གུར་མཆོག་གཅིག་ནས་གུར་མཆོག་གཞན་ཞིག་ལ་སྤར་ནས་གནས་པ་ཡིན།  
\v 6 བདག་ནི་ཡེས་ར་ཨེལ་པ་རྣམས་དང་ལྷན་ཅིག་ཏུ་གང་སར་རྒྱུ་རུང་། ངས་རང་གི་མི་རྣམས་འཚོ་སྐྱོང་བྱེད་པར་བཀའ་བསྒོས་པའི་ཁྲིམས་དཔོན་སུ་ལ་ཡང་། ཁྱོད་ཚོས་ངའི་དོན་དུ་ཐང་ཤིང་གི་མཆོད་ཁང་མི་བཞེང་བ་ཅི་ཡིན་ཞེས་སྨྲས་མྱོང་ངམ་གསུངས་ཞེས་སྨྲོས་ཤིག  
\v 7 ད་ལྟ་ཁྱོད་ཀྱིས་བདག་གི་ཞབས་ཕྱི་དཱ་བིད་ལ་འདི་ལྟར། དཔུང་ཚོགས་ཀུན་གྱི་དཀོན་མཆོག་ཡ་ཝཱེས་འདི་སྐད་དུ། ཁྱོད་འགོ་དཔོན་དུ་གྱུར་ནས་བདག་གི་འབངས་མི་ཡེས་ར་ཨེལ་ལ་བདག་སྐྱོང་བྱེད་པའི་ཕྱིར། ངས་ཁྱོད་རང་ལུག་ར་ནས་ཕྱི་རུ་བླངས་པ་དང་ལུག་ཁྱུའི་རྗེས་སུ་མི་འདེད་པར་བྱས།  
\v 8 ཁྱོད་གང་ལ་སོང་ཡང་ང་རང་ཁྱོད་དང་མཉམ་དུ་གནས་ཏེ། དགྲ་བོ་ཐམས་ཅད་ཁྱོད་ཀྱི་མདུན་ནས་མེད་པར་གཏོང་ཞིང་། ས་སྟེང་གི་མི་རླབས་ཆེན་དག་གི་མཚན་སྙན་དང་འདྲ་བར་ངས་ཁྱོད་ཀྱི་མཚན་སྙན་གྲགས་རྒྱས་པར་བྱའོ། །  
\v 9 ཡང་ངས་རང་གི་འབངས་མི་ཡེས་ར་ཨེལ་པ་རྣམས་ཀྱི་དོན་དུ་ས་ཆ་ཞིག་བདམས་ནས། ཁོ་རྣམས་དེར་ཚུགས་སུ་འཇུག་པ་དང་། ཁོ་རྣམས་རང་གནས་སུ་སྡོད་ཅིང་གཞན་གྱི་བར་ཆད་མི་འཕོག་ལ། བུ་རྒྱུད་ངན་པ་རྣམས་ཀྱིས་ཀྱང་སྔར་བཞིན་དེ་དག་ལ་འཚེ་བར་མི་འགྱུར་ཞིང་།  
\v 10 བདག་གིས་རང་གི་འབངས་མི་ཡེས་ར་ཨེལ་ལ་ཁྲིམས་དཔོན་བསྐོས་པའི་དུས་དང་འདྲ་བར་ཡང་མི་འགྱུར། བདག་གིས་ཁྱོད་ཀྱི་དགྲ་ཐམས་ཅད་འདུལ་བར་མ་ཟད་ངས་ཁྱོད་ལ་སྨྲ་བར་བྱ་སྟེ། དཀོན་མཆོག་ཡ་ཝཱེ་བདག་གིས་ཁྱོད་ཀྱི་དོན་དུ་ཁྱིམ་རྒྱུད་འཛུགས་པར་འགྱུར་རོ། །  
\v 11 ཁྱོད་རང་ཚེ་ལོ་མཐར་ཕྱིན་ཏེ་རང་གི་མེས་པོ་རྣམས་ཀྱི་གྲས་སུ་ཚུད་པའི་དུས་སུ། བདག་གིས་ཁྱོད་ཀྱི་བུ་རྒྱུད་རྣམས་ལས་གཅིག་ཡར་འདེགས་ཤིང་ཁྱོད་ཀྱི་རྗེས་སྐྱོང་བར་བྱ་སྟེ། དེའི་རྒྱལ་སྲིད་བརྟན་པར་བྱའོ། །  
\v 12 དེས་བདག་ལ་མཆོད་ཁང་ཞིག་བཞེང་བ་དང་། བདག་གིས་དེའི་རྒྱལ་ཁྲི་ཇི་སྲིད་བར་དུ་བརྟན་པར་བྱའོ། །  
\v 13 བདག་ནི་ཁོ་ཡི་ཕ་དང་ཁོ་ནི་བདག་གི་བུ་རུ་འགྱུར་ཏེ། བདག་གིས་རང་གི་བྱམས་བརྩེ་ནི་ཁྱོད་ཀྱི་གོང་མ་དང་འབྲལ་དུ་བཅུག་པ་བཞིན་དུ་ནམ་ཡང་དེ་དང་འབྲལ་བར་མི་བྱའོ། །  
\v 14 བདག་གིས་དེ་ནི་ཇི་སྲིད་བར་དུ་ངའི་ཁྱིམ་རྒྱུད་དང་རྒྱལ་སྲིད་བསྐྱང་བར་འཇོག་ཅིང་། དེའི་རྒྱལ་ཁྲི་ནི་རྟག་ཏུ་བརྟན་པར་འགྱུར་རོ་གསུངས་ཞེས་སྨྲོས་ཤིག་ཅེས་གསུངས་སོ། །  
\v 15 ནཱ་ཐན་གྱིས་བཀའ་དེ་དང་ཁོས་ཅི་མཐོང་བ་ཐམས་ཅད་ཇི་བཞིན་དུ་དཱ་བིད་ལ་སྨྲས་པའོ། །   
\s1 བཀའ་དྲིན་ཞུ་བའི་སྨོན་ལམ།  
\p
\v 16 དེ་ནས་རྒྱལ་པོ་དཱ་བིད་ནང་ལ་སོང་ནས་དཀོན་མཆོག་ཡ་ཝཱེའི་དྲུང་དུ་བསྡད་དེ་འདི་ལྟར། ཀྱེ་དཀོན་མཆོག་ཡ་ཝཱེ་ལགས། བདག་ནི་སུ་ཡིན་ནམ། བདག་གི་ཁྱིམ་རྒྱུད་ནི་ཅི་ཡིན་ནམ། ཁྱེད་ཀྱིས་ད་དུང་བདག་འདི་ཙམ་གྱི་བར་དུ་བསྐྱངས་པའོ། །  
\v 17 ཀྱེ་དཀོན་མཆོག་ལགས། དོན་འདི་ཁྱེད་ཀྱི་གཟིགས་ངོར་ཆུང་བར་སྣང་ཞིང་། ཁྱེད་ཀྱིས་ཉིད་ཀྱི་ཞབས་ཕྱིའི་ཁྱིམ་རྒྱུད་ཀྱི་མ་འོངས་འབྱུང་འགྱུར་ཐད་བཀའ་ལུང་གནང་བའོ། །ཀྱེ་དཀོན་མཆོག་ཡ་ཝཱེ་ལགས། ཁྱེད་ཀྱིས་བདག་ནི་མི་མཆོག་ཏུ་གྱུར་པ་ཞིག་གི་ཚད་དུ་བཞག་གོ །  
\v 18 ཁྱེད་ཀྱིས་ཉིད་ཀྱི་ཞབས་ཕྱི་ལ་བཀུར་སྟི་བསྩལ་བར་ངས་ཁྱེད་ལ་ད་དུང་ཅི་ཞིག་ཞུ་བར་བྱའམ། ཁྱེད་ཀྱིས་ཉིད་ཀྱི་ཞབས་ཕྱི་མཁྱེན་ནོ། །  
\v 19 ཀྱེ་དཀོན་མཆོག་ཡ་ཝཱེ་ལགས། ཉིད་ཀྱི་ཞབས་ཕྱིའི་དོན་དུ་ཁྱེད་ཀྱི་ཐུགས་དགོངས་བཞིན་དུ། ཁྱེད་ཀྱིས་འཕྲིན་ལས་ཆེན་པོ་དེ་རྣམས་མཛད་ཅིང་ཡང་དོན་ཆེན་དེ་ཐམས་ཅད་མི་རྣམས་ལ་མངོན་པ་ཡིན་ནོ། །  
\v 20 ཀྱེ་དཀོན་མཆོག་ཡ་ཝཱེ་ལགས། ངེད་རྣམས་ཀྱི་རྣ་བས་ཐོས་པ་བཞིན་དུ་ཁྱེད་ལ་འགྲན་ཟླ་སུ་ཡང་མེད། ཁྱེད་མ་གཏོགས་དཀོན་མཆོག་གཞན་སུ་ཡང་མེད།  
\v 21 ས་སྟེང་དུ་མི་རིགས་གང་ཞིག་ཁྱེད་ཀྱི་འབངས་མི་ཡེས་ར་ཨེལ་ལ་དོའམ། དཀོན་མཆོག་གིས་དངོས་སུ་ཁོ་རྣམས་བསྐྱབས་ཤིང་ཉིད་ཀྱི་འབངས་མིར་མཛད་པ་དང་། ཡང་དཀོན་མཆོག་གིས་ཨེ་ཅིབ་ཡུལ་ནས་བླུས་པའི་མི་རྣམས་ཀྱི་མདུན་དུ་མི་གཞན་རྣམས་བསྐྲད་ཅིང་། དོན་ཆེན་འཇིགས་རུང་རྣམས་ཀྱིས་ཉིད་ཀྱི་མཚན་ཚུགས་པར་མཛད་དོ། །  
\v 22 ཁྱེད་ཀྱིས་ཉིད་ཀྱི་འབངས་མི་ཡེས་ར་ཨེལ་ནི་ཇི་སྲིད་བར་དུ་ཉིད་ཀྱི་མི་རུ་མཛད། ཀྱེ་དཀོན་མཆོག་ཡ་ཝཱེ་ལགས། ཁྱེད་ཀྱང་དེ་དག་གི་དཀོན་མཆོག་ཏུ་གྱུར་པ་ཡིན།  
\v 23 ཀྱེ་དཀོན་མཆོག་ཡ་ཝཱེ་ལགས། ད་ནི་ཁྱེད་ཀྱིས་ཉིད་ཀྱི་ཞབས་ཕྱི་དང་དེའི་ཁྱིམ་རྒྱུད་ལ་གནང་བའི་ཞལ་བཞེས་དེ་ནི་ཇི་སྲིད་བར་དུ་བརྟན་པོར་མཛད་ཅིང་། ཅི་གསུངས་བཞིན་དུ་བསྒྲུབ་པར་མཛོད་ཅིག  
\v 24 ཁྱེད་ཀྱི་མཚན་ནི་རྟག་ཏུ་བརྟན་ཞིང་རབ་ཏུ་འཕགས་པ་དང་། མི་ཐམས་ཅད་ཀྱིས་དཔུང་ཚོགས་ཀུན་གྱི་དཀོན་མཆོག་ཡ་ཝཱེ་ནི་ཡེས་ར་ཨེལ་གྱི་དཀོན་མཆོག་ཡིན་པ་དང་། དངོས་གནས་ཡེས་ར་ཨེལ་གྱི་དཀོན་མཆོག་ལགས་སོ་ཞེས་བརྗོད་པར་ཤོག དེ་ནས་ཁྱེད་ཀྱི་ཞབས་ཕྱི་དཱ་བིད་ཀྱི་ཁྱིམ་རྒྱུད་དེ་ཡང་ཁྱེད་ཀྱི་སྤྱན་སྔར་བརྟན་པོར་ཚུགས་པའོ། །  
\v 25 ཀྱེ་བདག་གི་དཀོན་མཆོག་ལགས། ཁྱེད་ཀྱིས་ཉིད་ཀྱི་ཞབས་ཕྱི་ལ། ཁྱེད་ཀྱིས་ཁོ་བོའི་དོན་དུ་ཁྱིམ་རྒྱུད་འཛུགས་པར་བྱའོ་ཞེས་མངོན་པར་མཛད་པས། ཞབས་ཕྱི་བདག་ལ་ད་གཟོད་སེམས་ནས་འདི་བཞིན་གསོལ་བ་འདེབས་པའི་སྙིང་སྟོབས་ཡོད་པ་ཡིན།  
\v 26 ཀྱེ་དཀོན་མཆོག་ཡ་ཝཱེ་ལགས། ཁྱེད་ཁོ་ན་དཀོན་མཆོག་ཡིན་ལ། ཁྱེད་ཀྱིས་དེ་སྔར་ཉིད་ཀྱི་ཞབས་ཕྱི་ལ་གཡང་འདི་དག་གནང་བར་ཁས་བླངས་པ་ཡིན།  
\v 27 ད་ནི་ཉིད་ཀྱི་ཞབས་ཕྱིའི་ཁྱིམ་ལ་བྱིན་རླབས་གནང་ནས་དེ་ནི་དུས་རྒྱུན་དུ་ཁྱེད་ཀྱི་སྤྱན་སྔར་གནས་པར་མཛོད་ཅིག ཀྱེ་དཀོན་མཆོག་ཡ་ཝཱེ་ལགས། ཁྱེད་ཀྱིས་ཉིད་ཀྱི་ཞབས་ཕྱིའི་ཁྱིམ་རྒྱུད་ལ་བྱིན་རླབས་གནང་བ་ཡིན་པས། དེ་ལ་ཇི་སྲིད་བར་དུ་བྱིན་རླབས་འཐོབ་པར་འགྱུར་རོ་ཞེས་ཞུས་སོ། །   
\c 18
\cl ལེའུ་བཅོ་བརྒྱད་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 ཡ་ཝཱེས་དཱ་བིད་རྒྱལ་བར་མཛད་པ།  
\p
\v 1 དེའི་རྗེས་སུ་དཱ་བིད་ཀྱིས་ཕེ་ལེ་ཤེད་པ་རྣམས་དང་འཐབ་ནས་དེ་རྣམས་དབང་དུ་བསྡུས་པ་དང་། གཱད་དང་དེའི་གྲོང་ཚོ་དག་ཕེ་ལེ་ཤེད་པའི་ལག་ནས་བླངས།  
\v 2 ཡང་མོ་ཨབ་པ་རྣམས་ཕམ་པར་བརྒྱབ་ནས། མོ་ཨབ་པ་རྣམས་དཱ་བིད་ཀྱི་མངའ་འོག་ཏུ་གྱུར་ཏེ་འབུལ་བ་རྣམས་དྲངས་སོ། །  
\v 3 ཡང་ཙོ་བཱ་ཡི་རྒྱལ་པོ་ཧ་དད་ཨི་སེར་ཞེས་པ་ཕི་རཱད་ཆུ་བོའི་ཕྱོགས་སུ་རང་གི་རྒྱལ་སྲིད་བརྟན་པོར་འཛུགས་པར་འགྲོ་སྐབས་སུ། དཱ་བིད་ཀྱིས་དེ་ཡང་ཧ་མཱད་ཡུལ་གྱི་བར་དུ་དམག་བརྒྱབ་པ་དང་།  
\v 4 དཱ་བིད་ཀྱིས་དེ་ལས་ཤིང་རྟ་ཆིག་སྟོང་དང་། སྐྱ་དམག་བདུན་སྟོང་དང་། རྐང་དམག་ཉིས་ཁྲི་བཅས་ཕྲོགས་ཏེ། ཤིང་རྟ་ཐམས་ཅད་ཀྱི་རྟ་ཡི་རྐང་རྒྱུས་བཅད་དེ་ཤིང་རྟ་བརྒྱ་ཡི་རྟ་འབའ་ཞིག་བཞག་གོ །  
\v 5 དཱ་མེ་སེག་གི་ཨ་རམ་པ་རྣམས་ཙོ་བཱ་ཡི་རྒྱལ་པོ་ཧ་དད་ཨི་སེར་ལ་རོགས་བྱེད་དུ་འོངས་པ་ལ། དཱ་བིད་ཀྱིས་ཨ་རམ་པའི་མི་ཉིས་ཁྲི་ཉིས་སྟོང་བསད་དོ། །  
\v 6 དེ་ནས་དཱ་བིད་ཀྱིས་དཱ་མེ་སེག་གི་ཨ་རམ་ཡུལ་དུ་སྲུང་དམག་བཞག་པ་དང་། ཨ་རམ་པ་རྣམས་དཱ་བིད་ཀྱི་མངའ་འོག་ཏུ་གྱུར་ཏེ་འབུལ་བ་རྣམས་དྲངས་ཤིང་། དཱ་བིད་གང་དུ་སོང་ན་ཡང་དཀོན་མཆོག་ཡ་ཝཱེས་དེ་ལ་རྒྱལ་ཁ་གནང་ངོ་། །  
\v 7 དཱ་བིད་ཀྱིས་ཧ་དད་ཨི་སེར་གྱི་བློན་འཁོར་རྣམས་ལ་ཡོད་པའི་གསེར་གྱི་ཕུབ་ཐམས་ཅད་ཕྲོགས་ནས་ཡེ་རུ་སཱ་ལེམ་དུ་ཁྱེར།  
\v 8 ཡང་དཱ་བིད་ཀྱིས་ཧ་དད་ཨི་སེར་གྱི་གྲོང་ཁྱེར་ཏིབ་ཧད་དང་ཀུན་བྱ་བ་གཉིས་ལས་ལི་དཔག་མེད་ཕྲོགས་པ་དང་། སོ་ལོ་མོན་གྱིས་ཕྱིས་སུ་ལི་དེ་དག་གིས་རྒྱ་མཚོ་དང་ཀ་བ། ཡོ་བྱད་བཅས་བཟོས་པའོ། །  
\v 9 ཧ་མཱད་ཀྱི་རྒྱལ་པོ་ཐོ་ཨུ་ཞེས་པ་དེས། དཱ་བིད་ཀྱིས་ཙོ་བཱ་ཡི་རྒྱལ་པོ་ཧ་དད་ཨི་སེར་གྱི་དམག་དཔུང་ཐམས་ཅད་ཕམ་པར་བརྒྱབ་པ་ཐོས་པས།  
\v 10 དེས་རང་གི་སྲས་ཧ་དོ་རམ་བྱ་བ་དེ་རྒྱལ་པོ་དཱ་བིད་ཀྱི་དྲུང་དུ་ཁོང་ལ་ཁམས་འདྲི་དང་ཤིས་པ་བརྗོད་དུ་བཏང་ངོ་། །ཅི་ལ་ཞེ་ན། དཱ་བིད་ཀྱིས་ཧ་དད་ཨི་སེར་ལ་དམག་བརྒྱབ་ནས་དེ་ཕམ་པར་བྱས་པས་སོ། །མ་གཞི་ཐོ་ཨུ་དང་ཧ་དད་ཨི་སེར་གཉིས་ཀྱི་བར་ལ་དུས་རྒྱུན་དུ་འཐབ་མོ་ཡོད་པ་རེད། ཧ་དོ་རམ་གྱིས་གསེར་དང་དངུལ་དང་ལི་བཅས་ཀྱི་སྣོད་ཆས་སྣ་ཚོགས་བསྐྱལ་ནས་འོངས།  
\v 11 རྒྱལ་པོ་དཱ་བིད་ཀྱིས་སྣོད་ཆས་དེ་རྣམས་དང་ཡང་རྒྱལ་ཁམས་སོ་སོ་སྟེ་ཨེ་དོམ་དང་། མོ་ཨབ། ཨམ་མོན་པ། ཕེ་ལེ་ཤེད་པ། ཨ་མཱད་ལེག་པ་བཅས་ལས་ཕྲོགས་པའི་གསེར་དངུལ་ཐམས་ཅད་དམ་པར་བྱས་ནས་དཀོན་མཆོག་ཡ་ཝཱེ་ལ་ཕུལ་ཏོ། །  
\v 12 ཡང་ཟེ་རུ་ཡཱ་ཡི་བུ་ཨ་བི་ཤཱ་ཨི་ཡིས་ཚྭའི་ལུང་པ་རུ་ཨེ་དོམ་པ་ཆིག་ཁྲི་བརྒྱད་སྟོང་བསད་པ་དང་།  
\v 13 དེ་ནས་དཱ་བིད་ཀྱིས་ཨེ་དོམ་ཡུལ་དུ་སྲུང་དམག་བཞག་སྟེ། ཨེ་དོམ་ཡུལ་སྲུང་དམག་གིས་ཁྱབ་པས། ཨེ་དོམ་པ་རྣམས་དཱ་བིད་ཀྱི་མངའ་འོག་ཏུ་གྱུར། ཡང་དཱ་བིད་ཡུལ་གང་དུ་སོང་ན་ཡང་དཀོན་མཆོག་ཡ་ཝཱེས་ཁོང་ལ་རྒྱལ་ཁ་གནང་ངོ་། །   
\s1 དཱ་བིད་ཀྱི་བློན་ཆེན་རྣམས་ཀྱི་མིང་ཐོ།  
\p
\v 14 དཱ་བིད་ཀྱིས་ཡེས་ར་ཨེལ་ཡུལ་ཐམས་ཅད་ལ་མངའ་མཛད་དེ། རང་གི་མི་མང་ཡོངས་ལ་འདྲ་མཉམ་དྲང་གཞག་གི་ལྟ་སྟངས་བཟུང་བའོ། །  
\v 15 དམག་ཚོགས་ཀྱི་འགོ་དཔོན་དུ་ཟེ་རུ་ཡཱ་ཡི་བུ་ཡོ་ཨབ་དང་ལོ་རྒྱུས་འགོད་མཁན་དུ་ཨ་ཧི་ལུད་ཀྱི་བུ་ཡེ་ཧོ་ཤ་ཕད།  
\v 16 ཨ་ཧི་ཏུབ་ཀྱི་བུ་ཟཱ་ཏོག་དང་ཨབ་ཡཱ་ཐར་གྱི་བུ་ཨ་བི་མེ་ལེག་ནི་མཆོད་དཔོན་དང་། ཤབ་ཤཱ་ནི་དྲུང་ཡིག་དང་།  
\v 17 ཡེ་ཧོ་ཡ་དཱ་ཡི་བུ་པེ་ནཱ་ཡ་ནི་ཀེ་རེད་པ་དང་ཕེ་ལེད་པ་རྣམས་ཀྱི་འགོ་དཔོན་དང་། དཱ་བིད་ཀྱི་སྲས་རྣམས་རྒྱལ་པོའི་གཡས་གཡོན་དུ་བཀའ་བློན་དུ་བཞག་གོ །   
\c 19
\cl ལེའུ་བཅུ་དགུ་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 ཨམ་མོན་པ་དང་ཨ་རམ་པ་རྣམས་ཕམ་པར་བརྒྱབ་པ།  
\p
\v 1 དེའི་རྗེས་སུ་ཨམ་མོན་པའི་རྒྱལ་པོ་ནཱ་ཧ་སི་ཚེ་ལས་འདས་པ་དང་། ཁོའི་སྲས་ཧ་ནུན་ནི་ཕ་ཡི་རྒྱུན་མཐུད་ནས་རྒྱལ་པོར་གྱུར།  
\v 2 དེར་དཱ་བིད་ན་རེ། ཧ་ནུན་གྱི་ཡབ་ཀྱིས་སྔར་ང་རང་དྲིན་གྱིས་བསྐྱངས་པས། ངས་ནཱ་ཧ་སི་ཡི་སྲས་ཧ་ནུན་ལ་ཡང་དྲིན་གཟོ་བར་བྱའོ་གསུངས་ནས། དཱ་བིད་ཀྱིས་དེའི་ཡབ་གྲོངས་པ་ལ་སེམས་གསོ་བྱེད་དུ་རང་གི་བང་ཆེན་མངགས། དཱ་བིད་ཀྱི་འཁོར་གཡོག་རྣམས་ཨམ་མོན་པའི་མངའ་ཁོངས་སུ་སླེབས་ཤིང་ཧ་ནུན་ལ་སེམས་གསོ་བྱེད་དུ་སོང་ཙ་ན།  
\v 3 ཨམ་མོན་པའི་འགོ་དཔོན་རྣམས་ཀྱིས་ཧ་ནུན་ལ་འདི་ལྟར། དཱ་བིད་ཀྱིས་ཁྱེད་ལ་སེམས་གསོ་བྱེད་མཁན་མངགས་པ་འདི་ནི་ཁྱེད་ཀྱི་ཡབ་ལ་གུས་བཀུར་བྱེད་པ་ཡིན་འདོད་དམ། ཁོའི་འཁོར་གཡོག་དག་ཡུལ་འདིར་ལྟ་ཉུལ་བྱེད་པ་དང་། ཡུལ་འདི་འཇོམས་པ། ཡུལ་འདིར་མྱུལ་ཞིབ་བྱེད་པ་བཅས་སུ་མངགས་པ་མ་ཡིན་ནམ་ཞེས་སྨྲས་པས།  
\v 4 ཧ་ནུན་གྱིས་དཱ་བིད་ཀྱི་འཁོར་གཡོག་རྣམས་བཟུང་ནས་སྨ་ར་བྲེགས་ཤིང་། ཕྱི་གོས་བཅད་ནས་འཕོངས་ཚོས་ཕྱི་རུ་མངོན་ཞིང་དེ་དག་འགྲོ་རུ་བཅུག་གོ །  
\v 5 དེར་མི་ཞིག་སོང་ནས་དཱ་བིད་ལ་མི་དེ་ཚོ་ཕྲད་པའི་དོན་རྣམས་བཤད་པ་དང་། ཁོང་གིས་བང་ཆེན་རྣམས་དེ་དག་བསུ་རུ་མངགས་སོ། །ཡང་དེ་དག་རབ་ཏུ་ངོ་ཚ་བར་གྱུར་པས། རྒྱལ་པོས་དེ་ཚོར་ན་རེ། ཁྱོད་ཅག་གི་སྨ་ར་སྐྱེ་བའི་བར་དུ་ཡེ་རུ་ཀོ་རུ་སྒུག་སྡོད་ལ་དེ་ནས་ཤོག་ཅིག་ཅེས་བསྒོས་སོ། །  
\v 6 ཡང་ཨམ་མོན་པ་རྣམས་ཀྱིས་དཱ་བིད་ཁོ་ཚོ་ལ་ཞེ་སྡང་ལངས་པ་རྟོགས་ནས། ཧ་ནུན་དང་ཨམ་མོན་པ་རྣམས་ཀྱིས་མེ་སོ་པོ་ཐེམ་ཡཱ་དང་། ཨ་རམ་གྱི་མ་ཨ་ཀཱ་དང་། ཙོ་བཱ་བཅས་ལས་ཤིང་རྟ་དང་སྐྱ་དམག་རྣམས་གླ་བའི་ཕྱིར་དངུལ་རྡོ་ཚད་ཆིག་སྟོང་བསྐུར་ནས།  
\v 7 དེ་དག་གིས་ཤིང་རྟ་སུམ་ཁྲི་ཉིས་སྟོང་དང་། ཡང་མ་ཨ་ཀཱ་ཡི་རྒྱལ་པོ་དང་དེའི་དམག་དཔུང་བཅས་གླས་ཤིང་། དེ་ཐམས་ཅད་འོངས་ནས་མེ་དེ་བཱ་ཡི་མདུན་དུ་སྒར་བཏབ་པ་དང་། ཨམ་མོན་པ་རྣམས་ཀྱང་རང་རང་གི་གྲོང་ཁྱེར་ནས་ཕྱོགས་གཅིག་ཏུ་འདུས་ཏེ་འཐབ་ཏུ་འོངས།  
\v 8 དཱ་བིད་ཀྱིས་གཏམ་དེ་ཐོས་ནས། ཡོ་ཨབ་དང་དམག་མི་དཔའ་རྩལ་ཅན་ཐམས་ཅད་མངགས་པ་ལ།  
\v 9 ཨམ་མོན་པ་རྣམས་ཕྱི་རུ་ཐོན་ནས་མཁར་སྒོའི་མདུན་དུ་དམག་བཤམས་པ་དང་། དེར་དཔུང་གྲོགས་སུ་འོངས་པའི་རྒྱལ་པོ་རྣམས་ཀྱིས་ཀྱང་སོ་སོར་མཁར་ཕྱི་རུ་དམག་བཀྲམས་ནས་བསྡད།  
\v 10 ཡོ་ཨབ་ཀྱིས་རང་གི་མདུན་རྒྱབ་གཉིས་པོར་དགྲ་བོ་ཡོད་པ་མཐོང་ནས། ཡེས་ར་ཨེལ་གྱི་དམག་མི་དཔའ་རྩལ་ཅན་ཐམས་ཅད་ལས་སྐོར་ཞིག་བདམས་ཏེ་ཨ་རམ་པར་འཐབ་ཏུ་དམག་བཤམས་པའོ། །  
\v 11 ཁོས་དམག་གཞན་དག་རང་གི་གཅུང་པོ་ཨ་བི་ཤཱ་ཨི་ཡི་ལག་ཏུ་གཏད་ནས། ཨམ་མོན་པར་འཐབ་ཏུ་དམག་བཤམ་དུ་བཅུག  
\v 12 ཡོ་ཨབ་ཀྱིས་ཨ་བི་ཤཱ་ཨི་ལ་ན་རེ། གལ་ཏེ་ཨ་རམ་པ་ང་ལས་དྲག་ན་ཁྱོད་ང་ལ་རོགས་བྱེད་དུ་ཤོག གལ་ཏེ་ཨམ་མོན་པ་ཁྱོད་ལས་དྲག་ན་ང་ཁྱོད་ལ་རོགས་བྱེད་དུ་འོང་།  
\v 13 རང་ཅག་གིས་སྙིང་སྟོབས་བསྐྱེད་དགོས། བདག་ཅག་གི་ཡུལ་མི་དང་རང་རེའི་དཀོན་མཆོག་གི་གྲོང་ཁྱེར་རྣམས་ཀྱི་དོན་དུ་སྙིང་སྟོབས་བསྐྱེད་དགོས། དཀོན་མཆོག་ཡ་ཝཱེའི་སྤྱན་ལམ་དུ་གང་ཞིག་ལེགས་པ་དེ་སྒྲུབས་པར་ཤོག་ཅེས་གདམས་པས།  
\v 14 ཡོ་ཨབ་འཁོར་དང་བཅས་པ་རྣམས་སོང་སྟེ་ཨ་རམ་པ་ལ་རྒོལ་བ་དང་། དེ་དག་ཁོའི་མདུན་ནས་བྲོས་སོ། །  
\v 15 ཡང་ཨམ་མོན་པ་དག་གིས་ཨ་རམ་པ་རྣམས་བྲོས་སོང་བ་མཐོང་བས། དེ་དག་ཀྱང་ཡོ་ཨབ་ཀྱི་གཅུང་པོ་ཨ་བི་ཤཱ་ཨིའི་མདུན་ནས་བྲོས་ཏེ་གྲོང་ཁྱེར་ནང་དུ་འཛུལ་ཞིང་། དེ་ནས་ཡོ་ཨབ་ནི་ཡེ་རུ་སཱ་ལེམ་དུ་ཕྱིར་ལོག་གོ །  
\v 16 ཨ་རམ་པ་རྣམས་ཀྱིས་ཡེས་ར་ཨེལ་གྱི་མདུན་དུ་རང་ཕམ་པ་མཐོང་ནས། བང་ཆེན་མངགས་ནས་གཙང་པོའི་ཕ་རོལ་ཏུ་ཡོད་པའི་ཨ་རམ་པ་རྣམས་སྤར་འོངས་ཏེ། ཧ་དད་ཨི་སེར་གྱི་དམག་དཔོན་ཤོ་ཕག་བྱ་བས་དེ་དག་ལ་འགོ་ཁྲིད་བྱས།  
\v 17 མི་ཞིག་གིས་དོན་དེ་དཱ་བིད་ལ་ཞུས་པས། ཁོང་གིས་ཡེས་ར་ཨེལ་པ་ཐམས་ཅད་བསྡུས་ནས་ཡོར་དན་གཙང་བོའི་ཕ་རོལ་ཏུ་ཨ་རམ་པའི་རྩར་ཕྱིན་ཅིང་དེ་རྣམས་ལ་དམག་བཤམས། ཁོང་གིས་ཨ་རམ་པ་ལ་འཐབ་ཏུ་དམག་བཤམས་པ་ལ། ཨ་རམ་པས་ཁོང་དང་འཐབ།  
\v 18 ཨ་རམ་པ་རྣམས་ཡེས་ར་ཨེལ་གྱི་མདུན་ནས་བྲོས་སོང་བས། དཱ་བིད་ཀྱིས་ཨ་རམ་པའི་ཤིང་རྟ་བདུན་སྟོང་སྟེང་གི་སྐྱ་དམག་དང་རྐང་དམག་བཞི་ཁྲི་བསད་པ་དང་། ཨ་རམ་པའི་དམག་དཔོན་ཤོ་ཕག་ཀྱང་བསད་དོ། །  
\v 19 དེར་ཧ་དད་ཨི་སེར་གྱི་འཁོར་གཡོག་རྣམས་ཀྱིས་ཡེས་ར་ཨེལ་གྱི་མདུན་དུ་རང་ཕམ་པ་མཐོང་ནས། དཱ་བིད་དང་འདུམ་ཐབས་བྱས་ཏེ་ཁོང་གི་མངའ་འོག་ཏུ་གྱུར་པ་དང་། དེ་ནས་ཨ་རམ་པ་རྣམས་ཀྱིས་ཡང་བསྐྱར་ཨམ་མོན་པ་ལ་རོགས་བྱེད་མ་ཕོད་དོ། །   
\c 20
\cl ལེའུ་ཉི་ཤུ་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 དཱ་བིད་ཀྱིས་རབ་བཱ་ལ་དམག་བརྒྱབ་པ།  
\p
\v 1 ཡང་ལོ་གཅིག་ཕར་འདས་པ་ལ། རྒྱལ་པོ་རྣམས་དམག་ལ་སྐྱོད་པའི་དུས་སུ་སླེབས་པ་དང་། ཡོ་ཨབ་ཀྱིས་དམག་དཔུང་ཁྲིད་ནས་ཨམ་མོན་པའི་ཡུལ་བརླག་རྗེས་རབ་བཱ་དམག་གིས་བསྐོར་ནས་བསྡད། དུས་དེར་དཱ་བིད་ཡེ་རུ་སཱ་ལེམ་དུ་བཞུགས་ཏེ། ཡོ་ཨབ་ཀྱིས་རབ་བཱར་རྒོལ་ནས་གྲོང་ཁྱེར་བཤིག  
\v 2 དཱ་བིད་ཀྱིས་ཡུལ་དེའི་རྒྱལ་པོའི་མགོ་ནས་ཅོད་པན་ཕྲོགས། རྒྱལ་པོའི་ཅོད་པན་སྟེང་གི་གསེར་ནི་རྡོ་ཚད་གཅིག་ཡོད་པ་དང་། དེའི་སྟེང་ལ་རིན་པོ་ཆེའི་ཕྲ་བཏབ་ཡོད། མི་ཞིག་གིས་དེ་དཱ་བིད་ཀྱི་དབུ་ལ་བསྐོན། དཱ་བིད་ཀྱིས་གྲོང་ཁྱེར་དེ་ལས་རྒྱུ་ནོར་དཔག་མེད་ཕྲོགས་ཤིང་།  
\v 3 ཁོང་གིས་གྲོང་ཁྱེར་དེའི་ནང་དུ་ཡོད་པའི་མི་རྣམས་ཕྱི་རོལ་ཏུ་ཁྲིད་ནས་དེ་རྣམས་ལ་སོག་ལེ་དང་། ལྕགས་ཁྱེམ། སྟ་རེ་བཅས་བཀོལ་ནས་ལས་ཀ་བྱེད་དུ་བཅུག་པ་དང་། དཱ་བིད་ཀྱིས་ཨམ་མོན་གྱི་གྲོང་ཁྱེར་སོ་སོའི་མི་ཐམས་ཅད་ལ་དེ་ལྟར་བྱས། དེ་ནས་དཱ་བིད་དང་མི་རྣམས་ཡེ་རུ་སཱ་ལེམ་དུ་ལོག་པ་རེད།   
\s1 ཕེ་ལེ་ཤེད་པའི་གྱད་མི་ལས་ཡང་ཡང་རྒྱལ་བ།  
\p
\v 4 དེའི་རྗེས་སུ་ཡེས་ར་ཨེལ་པ་རྣམས་གེ་ཟེར་དུ་ཕེ་ལེ་ཤེད་པ་རྣམས་དང་འཐབ་ཅིང་། དུས་དེར་ཧུ་ཤཱ་པ་སིབ་བེ་ཀཱ་ཨི་བྱ་བ་དེས་མི་གཟུགས་རིང་གི་རིགས་རྒྱུད་ལས་སིབ་པཱ་ཨི་བྱ་བ་དེ་བསད་ནས་ཕེ་ལེ་ཤེད་པ་རྣམས་བཏུལ་ལོ། །  
\v 5 དེའི་རྗེས་སུ་ཡེས་ར་ཨེལ་པ་རྣམས་དང་ཕེ་ལེ་ཤེད་པའི་བར་ཡང་བསྐྱར་འཐབ་མོ་བྱུང་ནས། ཡཱ་ཨིར་གྱི་བུ་ཨེལ་ཧ་ནན་གྱིས་དེར་གཱད་པ་གོལ་ཡད་ཀྱི་ནུ་བོ་ལཱ་མི་བྱ་བ་སྟེ་ལག་པར་ཐགས་འཐག་བྱེད་ཀྱི་འཁོར་བརྟེན་ལྟ་བུའི་མདུང་ཐོགས་ཡོད་པ་དེ་བསད་དོ། །  
\v 6 དེ་ནས་ཡང་གཱད་ཡུལ་དུ་འཐབ་མོ་ཞིག་བྱུང་ནས། དེ་རུ་གཟུགས་ཤིན་ཏུ་ཆེ་བའི་མི་ཞིག་ཡོད་པ་ལ། རྐང་ལག་རེ་རེར་མཛུབ་མོ་དྲུག་རེ་ཡོད་པས། བསྡོམས་པས་མཛུབ་མོ་ཉེར་བཞི་ཡོད་པ་ཡིན། དེ་ཡང་མི་གཟུགས་རིང་གི་རིགས་རྒྱུད་ཡིན་ཏེ།  
\v 7 དེས་ཡེས་ར་ཨེལ་ལ་འཕྱ་དམོད་བྱས་པས་དཱ་བིད་ཀྱི་སྐུ་མཆེད་ཤི་མེ་ཨ་ཡི་བུ་ཡོ་ནཱ་ཐན་གྱིས་ཁོ་བསད་དོ། །  
\v 8 དེ་རྣམས་ནི་གཱད་ཀྱི་མི་གཟུགས་རིང་གི་རིགས་རྒྱུད་ལས་ཆད་པ་ཡིན་ལ། ཐམས་ཅད་དཱ་བིད་དང་ཁོང་གི་འཁོར་གཡོག་གི་ལག་ནས་ཤི་བར་གྱུར་ཏོ། །   
\c 21
\cl ལེའུ་ཉེར་གཅིག་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 དཱ་བིད་ཀྱིས་ཡེས་ར་ཨེལ་གྱི་མི་གྲངས་བླངས་པ།  
\p
\v 1 དེ་ནས་བདུད་སཱ་ཏན་གྱིས་ཡེས་ར་ཨེལ་གྱི་དགྲ་རུ་ལངས་ནས། དཱ་བིད་ལ་ཡེས་ར་ཨེལ་པའི་མི་གྲངས་ལེན་པར་ངན་སྐུལ་བྱས་པས།  
\v 2 དཱ་བིད་ཀྱིས་ཡོ་ཨབ་དང་མི་རྣམས་ཀྱི་འགོ་དཔོན་རྣམས་ལ་ན་རེ། ཁྱོད་ཅག་སོང་ལ་དཱན་ནས་པེར་ཤ་བཱའི་བར་དུ་ཡེས་ར་ཨེལ་པའི་མི་གྲངས་ལོངས་ཤིག དེ་ནས་ཕྱིར་ཤོག་ལ་ཁོ་རྣམས་ཀྱི་མི་གྲངས་ང་ལ་ཤོད་ཅིག་ཅེས་སྨྲས་པ་དང་།  
\v 3 ཡོ་ཨབ་ན་རེ། དཀོན་མཆོག་ཡ་ཝཱེས་ཉིད་ཀྱི་འབངས་མི་ད་ལྟ་ཡོད་པ་ལས་ལྡབ་བརྒྱ་ཡིས་མང་དུ་འཕེལ་བར་མཛོད་ཅིག ཀྱེ་བདག་གི་ཇོ་བོ་དང་བདག་གི་རྒྱལ་པོ་ལགས། དེ་ཐམས་ཅད་ངའི་གཙོ་བོའི་ཞབས་ཕྱི་མ་ཡིན་ནམ། ངའི་གཙོ་བོས་དེ་ལྟར་བྱས་ནས་ཡེས་ར་ཨེལ་པ་རྣམས་སྡིག་པའི་ནང་དུ་ལྷུང་བར་བྱེད་དོན་ཅི་ཡིན་ནམ་ཞེས་ཞུས་མོད།  
\v 4 འོན་ཀྱང་རྒྱལ་པོས་རང་གི་བཀའ་མཁྲེགས་འཛིན་བྱས་པས་ཡོ་ཨབ་ཀྱིས་དེ་བཟློག་མ་ནུས་པར། ཁོ་ཕྱི་རུ་སོང་སྟེ་ཡེས་ར་ཨེལ་ཡུལ་ཀུན་བརྒྱུད་ནས་ཕྱིར་ཡེ་རུ་སཱ་ལེམ་དུ་ལོག་གོ །  
\v 5 ཡོ་ཨབ་ཀྱིས་མི་མང་གི་གྲངས་ཀ་བླངས་པའི་མི་གྲངས་ཀྱི་ཐོ་དཱ་བིད་ལ་ཕུལ་ཏེ། ཡེས་ར་ཨེལ་ཀུན་ཏུ་རལ་གྲི་འཛིན་ཐུབ་པའི་སྐྱེས་པ་བསྡོམས་པས་འབུམ་བཅུ་གཅིག་དང་། ཡ་ཧུ་དཱ་རུ་རལ་གྲི་འཛིན་ཐུབ་པའི་སྐྱེས་པ་འབུམ་བཞི་དང་ཁྲི་བདུན་ཡོད་པ་རེད།  
\v 6 འོན་ཀྱང་ཡོ་ཨབ་རྒྱལ་པོའི་བཀའ་འདི་ལ་ཞེན་ཁ་ལོག་པས། ཁོས་ལེ་ཝི་པ་དང་པེན་ཡཱ་མེན་པའི་མི་གྲངས་དེ་དག་གི་ཁྲོད་དུ་མ་བརྩིས་སོ། །  
\v 7 ཡང་དཀོན་མཆོག་དོན་འདི་ལ་ཐུགས་མ་མཉེས་པས། ཁོང་གིས་ཡེས་ར་ཨེལ་ལ་གནོད་འཚེ་བཏང་ངོ་། །  
\v 8 དེ་ནས་དཱ་བིད་ཀྱིས་དཀོན་མཆོག་ལ་འདི་ལྟར། བདག་གིས་དོན་འདི་བྱས་པས་སྡིག་པ་ཆེན་པོ་བསགས་པ་དང་། བདག་གིས་ཤིན་ཏུ་གླེན་པའི་དོན་བྱས་པས། ཁྱེད་ཀྱི་ཞབས་ཕྱིའི་སྡིག་ཉེས་བསལ་བར་མཛོད་ཅེས་གསོལ་ཏོ། །  
\v 9 དེ་ནས་དཀོན་མཆོག་ཡ་ཝཱེས་དཱ་བིད་ཀྱི་མངོན་ཤེས་པ་གཱ་རྡུ་ལ་འདི་སྐད་དུ།  
\v 10 ཁྱོད་སོང་ནས་དཱ་བིད་ལ་དཀོན་མཆོག་ཡ་ཝཱེས་ཁྱོད་ལ་འདི་སྐད་དུ། ངས་ཁྱོད་ལ་དོན་གསུམ་འདོན་ཏེ་ཁྱོད་ཀྱིས་དེ་རྣམས་ལས་གཅིག་འདེམས་ཤིག་དང་། ངས་དེ་བཞིན་དུ་ཁྱོད་ལ་བྱའོ་ཞེས་སྨྲོས་ཤིག་ཅེས་གསུངས་པ་དང་།  
\v 11 གཱ་རྡུ་ནི་དཱ་བིད་ཀྱི་དྲུང་དུ་འོངས་ནས་ཁོང་ལ་ན་རེ། དཀོན་མཆོག་ཡ་ཝཱེས་འདི་སྐད་དུ། ཁྱོད་ཀྱིས་འདེམས་ཤིག  
\v 12 ལོ་གསུམ་གྱི་མུ་གེའམ། ཡང་ན་ཟླ་བ་གསུམ་གྱི་རིང་ལ་ཁྱོད་རང་གི་དགྲ་བོའི་མདུན་ནས་འབྲོ་ཞིང་དེ་རྣམས་ཀྱི་རལ་གྲིས་ཁྱོད་རང་འདེད་པའམ། ཡང་ན་ཉིན་ཞག་གསུམ་ལ་ཡུལ་འདིར་རིམས་ནད་འབྱུང་བ་དང་། དཀོན་མཆོག་ཡ་ཝཱེའི་ཕོ་ཉས་ཡེས་ར་ཨེལ་གྱི་ཡུལ་ཕྱོགས་ཀུན་ཏུ་ཚར་གཅོད་བྱེད་པ་བཅས་ལས་གང་འདོད་དམ་ཞེས་གསུངས། ད་ང་རང་མངགས་མཁན་ལ་ཞུ་ལན་གང་ཞིག་འབུལ་བར་ཁྱོད་ཀྱིས་བསམ་བློ་ཐོངས་ཤིག་བསྒོས་པ་དང་།  
\v 13 དཱ་བིད་ཀྱིས་གཱ་རྡུ་ལ་ན་རེ། བདག་ཅི་བྱ་གཏོལ་མེད་དུ་གྱུར་ཏེ། དཀོན་མཆོག་ཡ་ཝཱེ་ལ་ཐུགས་རྗེ་འཛད་མཐའ་མེད་པ་མངའ་བས་ན་ང་རང་མི་ཡི་ལག་ཏུ་མི་ལྷུང་བར་ཁོང་གི་ཕྱག་ནང་ལྷུང་བར་དགའོ་ཞེས་ཞུས་པ་དང་།  
\v 14 དཀོན་མཆོག་ཡ་ཝཱེས་ཡེས་ར་ཨེལ་གྱི་སྟེང་དུ་རིམས་ནད་ཕབ་ནས། ཡེས་ར་ཨེལ་པ་ལས་མི་ཁྲི་བདུན་ཚེ་ལས་འདས་སོ། །  
\v 15 ཡང་དཀོན་མཆོག་གིས་ཕོ་ཉ་ཞིག་ཡེ་རུ་སཱ་ལེམ་ཚར་གཅོད་བྱེད་དུ་མངགས་ནས། དེས་ཚར་གཅོད་བྱེད་པར་བརྩམས་པ་ལ། དཀོན་མཆོག་ཡ་ཝཱེས་གཟིགས་ནས་བར་ཆད་དེའི་ཕྱིར་ཐུགས་འགྱོད་ཅིང་། ཚར་གཅོད་བྱེད་མཁན་ཕོ་ཉ་དེ་ལ་འདི་སྐད་དུ། ད་ཆོག་སོང་། མཚམས་ཞོག་ཅིག་ཅེས་བསྒོས་སོ། །དེའི་ཚེ་དཀོན་མཆོག་ཡ་ཝཱེའི་ཕོ་ཉ་ནི་ཡེ་བུ་སི་པ་ཨོར་ནན་གྱི་གཡུལ་ཁའི་ཉེ་འགྲམ་དུ་འགྲེང་བསྡད་ཡོད་པ་ཡིན།  
\v 16 དཱ་བིད་ཀྱིས་མགོ་ཡར་བཏེགས་པ་ལ། དཀོན་མཆོག་ཡ་ཝཱེའི་ཕོ་ཉ་དེ་གནམ་ས་གཉིས་ཀྱི་བར་དུ་ལག་ལ་ཤུབས་ནས་ཕྱུང་བའི་རལ་གྲི་ཐོགས་ཤིང་། ཡེ་རུ་སཱ་ལེམ་ཕྱོགས་སུ་བརྐྱངས་ནས་འགྲེང་ཡོད་པ་མཐོང་བ་དང་། དཱ་བིད་དང་ཡེས་ར་ཨེལ་གྱི་རྒན་པོ་རྣམས་ཀྱིས་རྩིད་རས་གྱོན་ནས་ཕྱག་བཙལ་ཏེ།  
\v 17 དཱ་བིད་ཀྱིས་དཀོན་མཆོག་ལ། མིའི་གྲངས་ཀ་ལེན་པར་བསྒོ་མཁན་བདག་མ་ཡིན་ནམ། ངས་སྡིག་པ་བྱས་ནས་དོན་ངན་ཆེན་པོ་འདི་བསྒྲུབས་པའོ། །ལུག་ཁྱུ་འདིས་ཅི་བྱས་སམ། ཀྱེ་བདག་གི་དཀོན་མཆོག་ཡ་ཝཱེ་ལགས། ཁྱེད་ཀྱི་ཕྱག་གིས་བདག་དང་བདག་གི་ཁྱིམ་རྒྱུད་ལ་རྒོལ་བར་མཛད་དུ་གསོལ། ཁྱེད་ཀྱི་འབངས་མིའི་སྟེང་ལ་རིམས་ནད་འབེབ་མི་རུང་ཞེས་ཞུས་སོ། །  
\v 18 དེ་ནས་དཀོན་མཆོག་ཡ་ཝཱེའི་ཕོ་ཉས་གཱ་རྡུ་མངགས་ནས་དཱ་བིད་ལ། ཡར་ཡེ་བུ་སི་པ་ཨོར་ནན་གྱི་གཡུལ་ཁ་རུ་སོང་སྟེ་དཀོན་མཆོག་ཡ་ཝཱེ་ལ་མཆོད་ཁྲི་ཞིག་བཞེང་དགོས་ཞེས་བསྒོས་པ་དང་།  
\v 19 དཱ་བིད་ནི་གཱ་རྡུས་དཀོན་མཆོག་ཡ་ཝཱེའི་མཚན་ལ་བརྟེན་ནས་ཅི་གསུངས་པ་བཞིན་དུ་ཡར་སོང་བ་དང་།  
\v 20 དུས་དེར་ཨོར་ནན་གྱིས་གྲོ་ཡི་སྙེ་མ་རྡུང་བཞིན་ཡོད་པ་དང་ཁ་ཕྱིར་འཁོར་ནས་བལྟས་པ་ལ་ཕོ་ཉ་དེ་མཐོང་བ་དང་། རང་གི་བུ་བཞི་པོ་དང་མཉམ་དུ་ཡིབ།  
\v 21 དཱ་བིད་ཨོར་ནན་གྱི་རྩར་སླེབས་པ་དང་ཨོར་ནན་གྱིས་ཁོང་མཐོང་ནས་གཡུལ་ཁ་ནས་ཐོན་ཏེ། དཱ་བིད་ལ་ཕྱག་བཙལ་ཏོ། །  
\v 22 དེར་དཱ་བིད་ཀྱིས་ཨོར་ནན་ལ་ན་རེ། ངས་དཀོན་མཆོག་ཡ་ཝཱེ་ལ་མཆོད་ཁྲི་ཞིག་བརྩིག་པའི་ཕྱིར་གཡུལ་ཁའི་ས་འདི་ང་ལ་སྟེར་བར་མཛོད། དེ་ནས་མི་རྣམས་ཀྱི་རིམས་ནད་འགོག་ཐུབ་བོ། །ཁྱོད་ཀྱིས་རིན་ཁ་ཚང་བརྩིས་ནས་ང་ལ་སྟེར་བར་མཛོད་ཅེས་སྨྲས།  
\v 23 ཨོར་ནན་གྱིས་དཱ་བིད་ལ་ལན་དུ། ཁྱེད་ཀྱིས་བཞེས་ཤིག ངའི་ཇོ་བོ་དང་ངའི་རྒྱལ་པོའི་གཟིགས་ངོར་གང་ལེགས་ན་དེ་བཞིན་མཛོད་ཅིག ཁྱེད་ཀྱིས་གཟིགས་དང་། ངས་བ་གླང་རྣམས་སྦྱིན་སྲེག་གི་ཕྱིར་དང་། གཡུལ་ཁ་གཅོག་བྱེད་ཡོ་ཆས་རྣམས་བུད་ཤིང་དུ་བྱེད་པ་དང་། གྲོ་ནི་འབྲུ་རིགས་ཀྱི་མཆོད་པའི་ཕྱིར་ཐམས་ཅད་ཁྱེད་ལ་འབུལ་ལོ་ཞུས་པར།  
\v 24 རྒྱལ་པོ་དཱ་བིད་ཀྱིས་ཨོར་ནན་ལ་འདི་ལྟར། དེ་ལྟར་མི་བྱ། ངས་དེ་ལ་རིན་ཁ་ཚང་བཅལ་ནས་ཉོ་ངེས་ཡིན། ངས་ཁྱོད་ཀྱི་དངོས་པོ་བླངས་ནས་དཀོན་མཆོག་ཡ་ཝཱེ་ལ་འབུལ་མི་རུང་ལ། ངས་རིན་མ་སྤྲད་པའི་སྦྱིན་སྲེག་ཀྱང་འབུལ་མི་རུང་ཞེས་སྨྲས་ནས།  
\v 25 དཱ་བིད་ཀྱིས་གསེར་སྲང་དྲུག་བརྒྱ་བཅལ་ནས་ཨོར་ནན་ལ་སྤྲད་ཅིང་ས་དེ་ཉོས་པ་དང་།  
\v 26 ཁོང་གིས་དེར་དཀོན་མཆོག་ཡ་ཝཱེ་ལ་མཆོད་ཁྲི་ཞིག་བཞེངས་ནས་སྦྱིན་སྲེག་དང་ཞི་བདེའི་མཆོད་པ་ཕུལ་ཞིང་། དཀོན་མཆོག་ཡ་ཝཱེ་ལ་གསོལ་བ་བཏབ་པ་ལ་དཀོན་མཆོག་ཡ་ཝཱེས་བཀའ་ལན་གནང་སྟེ། ནམ་མཁའ་ནས་སྦྱིན་སྲེག་གི་མཆོད་ཁྲིའི་སྟེང་མེ་ཕབ་པའོ། །  
\v 27 དེར་དཀོན་མཆོག་ཡ་ཝཱེས་ཕོ་ཉ་དེ་ལ་བཀའ་བསྩལ་ནས། ཕོ་ཉ་དེས་རལ་གྲི་ཤུབས་ཀྱི་ནང་དུ་བཅུག་གོ །  
\v 28 དེའི་དུས་སུ་དཱ་བིད་ཀྱིས་དཀོན་མཆོག་ཡ་ཝཱེས་ཡེ་བུ་སི་པ་ཨོར་ནན་གྱི་གཡུལ་ཁ་རུ་རང་ལ་བཀའ་ལན་གནང་བ་མཐོང་ནས་དེ་རུ་མཆོད་པ་ཕུལ།  
\v 29 མོ་ཤེས་དབེན་སྟོང་དུ་བཟོས་པའི་དཀོན་མཆོག་ཡ་ཝཱེའི་གུར་མཆོག་དང་སྦྱིན་སྲེག་གི་མཆོད་ཁྲི་ནི་དེའི་དུས་སུ་གིབ་ཡོན་གྱི་མཐོ་གླིང་དུ་ཡོད་པ་ཡིན།  
\v 30 འོན་ཀྱང་དཱ་བིད་དཀོན་མཆོག་ཡ་ཝཱེའི་ཕོ་ཉ་དེའི་རལ་གྲིར་འཇིགས་པས། ཡར་དཀོན་མཆོག་ལ་བཀའ་འདྲི་ཞུ་རུ་འགྲོ་མ་སྤོབས་སོ། །   
\c 22
\cl ལེའུ་ཉེར་གཉིས་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 དཀོན་མཆོག་ལ་མཆོད་ཁང་བཞེང་འགོ་བརྩམས་པ།  
\p
\v 1 དཱ་བིད་ན་རེ། འདི་ནི་དཀོན་མཆོག་ཡ་ཝཱེའི་མཆོད་ཁང་དང་། ཡེས་ར་ཨེལ་གྱི་སྦྱིན་སྲེག་གི་མཆོད་ཁྲི་རུ་འགྱུར་རོ་ཞེས་སྨྲས།  
\v 2 དཱ་བིད་ཀྱིས་ཡེས་ར་ཨེལ་ཡུལ་དུ་ཡོད་པའི་རིགས་རྒྱུད་གཞན་པའི་མི་རྣམས་བསྡུ་བར་བསྒོས་ཤིང་། ཡང་དཀོན་མཆོག་གི་མཆོད་ཁང་བཞེང་བའི་ཕྱིར་རྡོ་བཟོ་མངགས་ནས་རྡོ་རྐོ་རུ་བཅུག  
\v 3 ཡང་དཱ་བིད་ཀྱིས་སྒོ་རྣམས་ཀྱི་འཛེར་མ་དང་འཁོར་མིག་གི་ཕྱིར་དུ་ལྕགས་ཤིན་ཏུ་མང་པོ་དང་། ལི་གྲངས་མེད་བཤམས་ནས་བཞག  
\v 4 ཐཱར་པ་དང་ཚི་ཏུན་པ་རྣམས་ཀྱིས་དཱ་བིད་ལ་ཐང་ཤིང་མང་དུ་དྲངས་པས། ཐང་ཤིང་བགྲང་གིས་མི་ལང་བ་བཤམས་ནས་བཞག་གོ །  
\v 5 དེར་དཱ་བིད་ཀྱིས་སེམས་སུ་འདི་ལྟར། ངའི་བུ་སོ་ལོ་མོན་ད་དུང་ལོ་ན་ཕྲ་ཞིང་ཤེས་རྒྱ་ཡང་ཆུང་བས། དཀོན་མཆོག་ཡ་ཝཱེའི་དོན་དུ་བཞེང་བྱའི་མཆོད་ཁང་དེ་ནི་བརྗིད་ཉམས་ཆེ་ཞིང་འོད་སྟོང་འབར་བ་ཞིག་ཡིན་པ་དང་། དེའི་གཟི་དཔལ་ཡུལ་གྲུ་ཀུན་ཏུ་གྲགས་དགོས། དེའི་ཕྱིར་ངས་མཆོད་ཁང་འདིའི་ཆེད་དུ་རྒྱུ་ཆ་སྟ་གོན་བྱའོ་སྙམ་ནས། དཱ་བིད་མ་གྲོངས་གོང་དུ་སྟ་གོན་རྒྱ་ཆེན་པོ་མཛད་དོ། །  
\v 6 དེ་ནས་དཱ་བིད་ཀྱིས་རང་གི་སྲས་སོ་ལོ་མོན་བོས་ནས། ཡེས་ར་ཨེལ་གྱི་དཀོན་མཆོག་ཡ་ཝཱེ་ལ་མཆོད་ཁང་ཞིག་བཞེང་དགོས་པའི་བཀའ་བསྩལ་ཏེ།  
\v 7 དཱ་བིད་ཀྱིས་སོ་ལོ་མོན་ལ་འདི་ལྟར། ངའི་བུ། བདག་གི་སེམས་སུ་ངའི་དཀོན་མཆོག་ཡ་ཝཱེའི་མཚན་གྱི་ཕྱིར་མཆོད་ཁང་ཞིག་བཞེང་བའི་འདུན་པ་ཡོད་ནའང་།  
\v 8 དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ། ཁྱོད་ཀྱིས་མི་མང་པོའི་ཁྲག་ཕོས་ནས་དམག་འཐབ་མང་པོ་བརྒྱབ། ཁྱོད་ཀྱིས་ངའི་མདུན་དུ་ས་གཞིའི་སྟེང་མི་མང་པོའི་ཁྲག་ཕོས་པ་ཡིན་པས། ཁྱོད་ཀྱིས་ངའི་མིང་གི་ཕྱིར་མཆོད་ཁང་བརྩིག་མི་རུང་།  
\v 9 ལྟོས་དང་། ཁྱོད་ལས་བུ་ཞིག་སྐྱེས་པར་འགྱུར་ལ། ཁོ་ནི་མི་ཞི་འཇམ་ཞིག་ཡིན་པ་དང་། ཁོའི་ཕྱོགས་བཞིའི་དགྲ་བོ་ཐམས་ཅད་ངས་ཁོ་དང་འཆམ་པོ་འོང་བར་བྱ་ཞིང་། ཁོའི་མིང་ལ་སོ་ལོ་མོན་ \f + \ft སོ་ལོ་མོན་ཞེས་པ་ནི་ཞི་བདེའི་དོན་ཡིན།\f*ཞེས་འབོད་ལ། ཁོ་རྒྱལ་པོར་བཞུགས་པའི་དུས་སུ་ངས་ཡེས་ར་ཨེལ་ལ་དུས་བདེ་ཞོད་འཇགས་གནང་བར་བྱ།  
\v 10 ཁོས་ངའི་མིང་གི་ཕྱིར་མཆོད་ཁང་ཞིག་བརྩིག་པར་འགྱུར་ལ། ཁོ་བདག་གི་སྲས་དང་ང་ཁོའི་ཡབ་ཏུ་འགྱུར་ཏེ། ངས་དེའི་རྒྱལ་ཁྲི་བརྟན་པར་བྱས་ནས་ཁོའི་བུ་རྒྱུད་རྣམས་ཀྱིས་ཇི་སྲིད་བར་དུ་ཡེས་ར་ཨེལ་གྱི་རྒྱལ་སྲིད་བསྐྱང་བར་བྱའོ་ཞེས་གསུངས་པས།  
\v 11 ངའི་བུ། ད་ནི་དཀོན་མཆོག་ཡ་ཝཱེ་ཁྱོད་དང་མཉམ་དུ་བཞུགས་ཤིང་ཁྱོད་ཀྱི་དོན་རྣམས་འགྲུབ་པར་ཤོག ཡང་ཁོང་གིས་ཁྱོད་ལ་ཞལ་བཞེས་གནང་བ་ལྟར་ཁྱོད་ཀྱི་དཀོན་མཆོག་ཡ་ཝཱེའི་མཆོད་ཁང་བཞེང་བར་གྱིས་ཤིག  
\v 12 ཁྱོད་ཀྱིས་ཡེས་ར་ཨེལ་གྱི་རྒྱལ་སྲིད་སྐྱོང་བའི་དུས་སུ། རང་གི་དཀོན་མཆོག་ཡ་ཝཱེའི་བཀའ་ཁྲིམས་བསྲུང་བའི་དོན་དུ། དཀོན་མཆོག་ཡ་ཝཱེས་ཁྱོད་ལ་བློ་དང་ཤེས་རབ་གནང་བར་ཤོག  
\v 13 གལ་ཏེ་ཁྱོད་ཀྱིས་དཀོན་མཆོག་ཡ་ཝཱེས་ཡེས་ར་ཨེལ་གྱི་དོན་དུ་མོ་ཤེ་ལ་བསྒོས་པའི་སྒྲིག་ཁྲིམས་དང་སྲོལ་ཡིག་ནན་གྱིས་བསྲུངས་ན། ཁྱོད་ཀྱི་བསམ་དོན་འགྲུབ་པར་འགྱུར། ཁྱོད་ནི་བློ་བརྟན་རྟུལ་ཕོད་ཡིན་དགོས་ལ། མ་འཇིགས་མ་འཚབ་ཅིག  
\v 14 ལྟོས་དང་། ངས་དཀའ་ལས་ཆེན་པོ་བརྒྱབ་ནས་དཀོན་མཆོག་ཡ་ཝཱེའི་མཆོད་ཁང་གི་ཕྱིར་གསེར་རྡོ་ཚད་འབུམ་ཕྲག་གཅིག་དང་། དངུལ་རྡོ་ཚད་འབུམ་ཕྲག་བཅུ་དང་། ལི་དང་ལྕགས་དཔག་ཏུ་མེད་པ་དང་། ཡང་ཤིང་དང་རྡོ་སོགས་ཚགས་སུ་ཆུད་ཡོད་པའི་ཁར་ཁྱོད་ཀྱིས་ཁ་སྣོན་བརྒྱབ་ཆོག  
\v 15 དེར་མ་ཟད་ཁྱོད་ལ་ལག་ཤེས་པའང་ཤིན་ཏུ་མང་པོ་ཡོད་དེ། རྡོ་རྐོ་མཁན་དང་། རྡོ་བཟོ་དང་། ཤིང་བཟོ་བཅས་ལས་སྣ་ཚོགས་ལ་མཁས་པའི་ལག་ཤེས་པ་མང་པོ་ཡོད་ལ།  
\v 16 ཡང་གསེར་མགར་དང་དངུལ་མགར། ལི་མགར། ལྕགས་མགར་བཅས་ནི་བགྲང་གིས་མི་ལང་བ་ཡོད་པས། ཡར་ལོངས་ལ་ལས་ཀ་བྱོས་དང་། དཀོན་མཆོག་ཡ་ཝཱེ་ཁྱོད་དང་མཉམ་དུ་བཞུགས་པར་ཤོག་ཅེས་གསུངས།  
\v 17 དཱ་བིད་ཀྱིས་ཡེས་ར་ཨེལ་གྱི་འགོ་དཔོན་ཀུན་ལ་རང་གི་སྲས་སོ་ལོ་མོན་ལ་ལས་གྲོགས་བྱེད་དགོས་པའི་བཀའ་བསྩལ་ཏེ་ན་རེ།  
\v 18 ཁྱོད་རྣམས་ཀྱི་དཀོན་མཆོག་ཡ་ཝཱེ་ནི་ཁྱོད་རྣམས་དང་མཉམ་དུ་བཞུགས་པ་མ་ཡིན་ནམ། ཁོང་གིས་ཁྱོད་རྣམས་ཀྱི་ཕྱོགས་བཞི་བདེ་ལ་བཀོད་པ་མ་ཡིན་ནམ། ཅིའི་ཕྱིར་ཞེ་ན། ཁོང་གིས་ཡུལ་འདིའི་ཡུལ་མི་རྣམས་ངའི་ལག་ཏུ་གཏད་ཏེ། ཡུལ་འདི་ནི་དཀོན་མཆོག་ཡ་ཝཱེ་དང་ཁོང་གི་འབངས་མིའི་མདུན་དུ་བཏུལ་བ་ཡིན་ནོ། །  
\v 19 ད་ནི་ཁྱོད་རྣམས་ཀྱིས་སེམས་ཐག་བཅད་ནས་རང་གི་དཀོན་མཆོག་ཡ་ཝཱེ་འཚོལ་ཞིག དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་དང་། དཀོན་མཆོག་གི་སྣོད་ཆས་དམ་པ་རྣམས་དཀོན་མཆོག་ཡ་ཝཱེའི་མཚན་གྱི་ཕྱིར་བཞེངས་པའི་མཆོད་ཁང་གི་ནང་དུ་འཇོག་པའི་དོན་དུ། ཁྱོད་རྣམས་ལངས་ནས་དཀོན་མཆོག་ཡ་ཝཱེའི་གནས་དམ་པ་བརྩིག་དགོས་ཞེས་བསྒོས་སོ། །   
\c 23
\cl ལེའུ་ཉེར་གསུམ་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\p
\v 1 དེ་ནས་དཱ་བིད་ལོ་ན་བགྲེས་ཤིང་ཚེ་ལོ་མཐར་ཕྱིན་པའི་དུས་སུ། རང་གི་བུ་སོ་ལོ་མོན་ཡེས་ར་ཨེལ་གྱི་རྒྱལ་པོར་བསྐོས་སོ། །   
\s1 ལེ་ཝི་པའི་ལས་བགོས་དང་མི་གྲངས།  
\p
\v 2 ཡང་དཱ་བིད་ཀྱིས་ཡེས་ར་ཨེལ་གྱི་འགོ་དཔོན་རྣམས་དང་། མཆོད་དཔོན་རྣམས་དང་ལེ་ཝི་པ་བཅས་ཚང་མ་བསྡུས་ནས།  
\v 3 ལེ་ཝི་པ་ལོ་སུམ་ཅུ་ལོན་པ་རྣམས་རྩིས་བླངས་པ་དང་། བསྡོམས་རྩིས་བྱས་པ་ལྟར་ན་ཁོ་ཚོའི་སྐྱེས་པ་རྣམས་ཀྱི་གྲངས་ཀ་སུམ་ཁྲི་བརྒྱད་སྟོང་ཡོད་ཅིང་།  
\v 4 དེ་དག་ལས་དཀོན་མཆོག་ཡ་ཝཱེའི་མཆོད་ཁང་ལ་བདག་གཉེར་བྱེད་མཁན་མི་ཉིས་ཁྲི་བཞི་སྟོང་དང་། འགོ་དཔོན་དང་ཁྲིམས་དཔོན་མི་དྲུག་སྟོང་དང་།  
\v 5 ཡང་སྒོ་སྲུང་མི་བཞི་སྟོང་དང་། དཱ་བིད་ \f + \ft དཱ་བིད་ཅེས་པར་མ་ཕྱི་ལས་བདག་ཅེས་འབྱུང་།\f*ཀྱིས་བཟོས་པའི་རོལ་ཆས་ཀྱིས་དཀོན་མཆོག་ཡ་ཝཱེ་ལ་བསྟོད་དབྱངས་འབུལ་མཁན་མི་བཞི་སྟོང་བཅས་ཡོད།  
\v 6 དཱ་བིད་ཀྱིས་ལེ་ཝིའི་བུ་གེར་ཤོན་དང་། ཀོ་ཧད་དང་། མཱ་རཱ་རེའེ་ཡི་བུ་རྒྱུད་རྣམས་ལ་ལས་ཚན་བགོས་སོ། །   
\s1 གེར་ཤོན་གྱི་ལས་ཚན།  
\p
\v 7 གེར་ཤོན་ལ་གཏོགས་པ་ལཱ་དན་དང་ཤིམ་ཨི་ཡོད་ཅིང་།  
\v 8 ལཱ་དན་གྱི་བུ་སྐྱེས་འགོ་ནི་ཡེ་ཧི་ཨེལ་དང་། ད་དུང་ཟེ་ཐམ་དང་ཡོ་ཨེལ་བཅས་བསྡོམས་པས་གསུམ་ཡོད།  
\v 9 ཤིམ་ཨི་ཡི་བུ་ནི་ཤེ་ལོ་མོད་དང་། ཧ་ཟི་ཨེལ། ཧཱ་རན་བཅས་བསྡོམས་པས་གསུམ་ཡོད་ལ། དེ་རྣམས་ནི་ལཱ་དན་ཁྱིམ་རྒྱུད་ཀྱི་འགོ་དཔོན་རྣམས་ཡིན།  
\v 10 ཤིམ་ཨི་ཡི་བུ་ནི་ཡ་ཧད་དང་། ཟི་ནཱ། \f + \ft ཟི་ནཱ་ཞེས་པར་འགྱུར་གཞན་ལས་ཟི་ཟཱ་ཞེས་ཀྱང་འབྱུང་།\f* ཡེ་ཨུ་སི། པེ་རེ་ཡཱ་བཅས་ཡིན་ལ། དེ་བཞི་པོ་ནི་ཤིམ་ཨི་ཡི་བུའོ། །  
\v 11 ཡ་ཧད་ནི་བུ་སྐྱེས་འགོ་དང་། ཟི་ཟཱ་བུ་གཉིས་པ་ཡིན་ལ། ཡེ་ཨུ་སི་དང་པེ་རེ་ཡཱ་གཉིས་ལ་བུ་རབས་ཚ་རྒྱུད་ཉུང་བས། དེ་གཉིས་པོ་ཁྱིམ་རྒྱུད་གཅིག་ཏུ་བརྩིས་ནས་ལས་ཚན་གཅིག་ཏུ་བྱས་སོ། །   
\s1 ཀོ་ཧད་ཀྱི་ལས་ཚན།  
\p
\v 12 ཀོ་ཧད་ཀྱི་བུ་ནི་ཨམ་རམ་དང་། ཡེས་ཧར། ཧེབ་རོན། ཨུ་ཟི་ཨེལ་བཅས་བསྡོམས་པས་བཞི་ཡིན།  
\v 13 ཨམ་རམ་གྱི་བུ་ནི་ཨ་རོན་དང་མོ་ཤེ་ཡིན་ལ། ཨ་རོན་དང་དེའི་བུ་རྒྱུད་རྣམས་གཏན་དུ་ལོགས་སུ་བཀར་ནས་རྫས་རབ་ཏུ་དམ་པ་རྣམས་འབུལ་ཞིང་། དཀོན་མཆོག་ཡ་ཝཱེའི་དྲུང་དུ་སྤོས་བདུག་པ་དང་། ཁོང་ལ་ཞབས་ཕྱི་བསྒྲུབ་པ་དང་། ཁོང་གི་མཚན་ལ་བརྟེན་ནས་ཇི་སྲིད་བར་དུ་བྱིན་རླབས་གཏོང་བའོ། །  
\v 14 དཀོན་མཆོག་གི་སྐྱེས་བུ་མོ་ཤེ་ལ་མཚོན་ན། ཁོང་གི་བུ་རབས་ཚ་རྒྱུད་རྣམས་ནི་ལེ་ཝི་ཚོ་པའི་ཁོངས་སུ་བརྩིས་སོ། །  
\v 15 མོ་ཤེའི་བུ་ནི་གེར་ཤོམ་དང་ཨེ་ལི་ཨེ་བཟིར་ཡིན།  
\v 16 གེར་ཤོམ་གྱི་བུ་སྐྱེས་འགོ་ནི་ཤེ་བུ་ཨེལ་ཡིན།  
\v 17 ཨེ་ལི་ཨེ་བཟིར་གྱི་བུ་སྐྱེས་འགོ་ནི་རེ་ཧབ་ཡཱ་ཡིན། ཨེ་ལི་ཨེ་བཟིར་ལ་བུ་གཞན་མེད་ནའང་རེ་ཧབ་ཡཱ་ལ་བུ་ཤིན་ཏུ་མང་པོ་ཡོད་པ་ཡིན།  
\v 18 ཡེས་ཧར་གྱི་བུ་སྐྱེས་འགོ་ནི་ཤེ་ལོ་མིད་ཡིན།  
\v 19 ཧེབ་རོན་གྱི་བུ་སྐྱེས་འགོ་ནི་ཡེ་རི་ཡཱ་དང་། བུ་གཉིས་པ་ཨ་མར་ཡཱ། བུ་གསུམ་པ་ཡ་ཧ་ཟི་ཨེལ། བུ་བཞི་པ་ཡེ་ཀཱ་མེ་ཨམ་བཅས་ཡིན།  
\v 20 ཨུ་ཟི་ཨེལ་གྱི་བུ་སྐྱེས་འགོ་ནི་མི་ཀཱ་དང་། བུ་གཉིས་པ་ཡིས་ཤི་ཡཱ་ཡིན།   
\s1 མཱ་རཱ་རེའེ་ཡི་ལས་ཚན།  
\p
\v 21 མཱ་རཱ་རེའེ་ཡི་བུ་ནི་མཱ་ལི་དང་མུ་ཤི་ཡིན། མཱ་ལིའི་བུ་ནི་ཨེ་ལི་ཨ་ཟར་དང་ཁི་སི་ཡིན།  
\v 22 ཡང་ཨེ་ལི་ཨ་ཟར་ཚེ་ལས་འདས་པ་དང་། བུ་མོ་འབའ་ཞིག་ལས་བུ་མེད་པའོ། །དེ་དག་དང་གཉེན་ཉེ་ཁི་སིའི་བུ་རྣམས་ཀྱིས་དེ་རྣམས་མནའ་མར་བླངས།  
\v 23 མུ་ཤིའི་བུ་ནི་མཱ་ལི་དང་། ཨེ་དེར། ཡེ་རེ་མོད་བཅས་བསྡོམས་པས་གསུམ་ཡིན་ནོ། །  
\v 24 དེ་རྣམས་ནི་ལེ་ཝིའི་བུ་རབས་ཚ་རྒྱུད་རྣམས་ཡིན་ལ། དེ་དག་གི་ཁྱིམ་རྒྱུད་བཞིན་དུ་ཁྱིམ་རྒྱུད་རེ་རེའི་འགོ་དཔོན་རྣམས་ནི། སྐྱེས་པ་རྣམས་ཀྱི་མིང་གི་གྲངས་ཀ་བཞིན་རྩིས་བླངས་པ་དང་། ལོ་ཉི་ཤུའམ་དེའི་ཡན་ལ་སླེབས་པ་ཐམས་ཅད་དཀོན་མཆོག་ཡ་ཝཱེའི་མཆོད་ཁང་གི་བདག་གཉེར་པ་ཡིན།  
\v 25 ཅིའི་ཕྱིར་ཞེ་ན། སྔར་དཱ་བིད་ཀྱིས་འདི་ལྟར། ཡེས་ར་ཨེལ་གྱི་དཀོན་མཆོག་ཡ་ཝཱེས་ཉིད་ཀྱི་འབངས་མི་བདེ་ལ་བཀོད་པ་དང་། ཁོང་ཉིད་གཏན་དུ་ཡེ་རུ་སཱ་ལེམ་དུ་བཞུགས་པར་འགྱུར།  
\v 26 ལེ་ཝི་པ་རྣམས་ཀྱིས་ཕྱིན་ཆད་གུར་མཆོག་དང་ཞབས་ཕྱི་སྒྲུབ་བྱེད་སྣོད་ཆས་རྣམས་འཁུར་མི་དགོས་ཞེས་གསུངས་པས་སོ། །  
\v 27 དཱ་བིད་ཀྱི་ཞལ་ཆེམས་བཞིན་དུ་ལེ་ཝི་པ་རྣམས་ལོ་ཉི་ཤུའམ་དེའི་ཡན་ལ་སླེབས་པ་རྣམས་རྩིས་བླངས་པའོ། །  
\v 28 དེ་དག་གི་ལས་འགན་ནི་ཨ་རོན་གྱི་བུ་རབས་ཚ་རྒྱུད་རྣམས་ལ་རོགས་བྱས་ནས་དཀོན་མཆོག་ཡ་ཝཱེའི་མཆོད་ཁང་ལ་བདག་གཉེར་བྱེད་པ་དང་། ཁྱམས་ར་དང་ལོགས་ཁང་རྣམས་ལ་བལྟ་བ་དང་། མཆོད་རྫས་དམ་པ་ལ་བྱི་དོར་བྱེད་པ་དང་། དཀོན་མཆོག་གི་མཆོད་ཁང་ལ་བདག་གཉེར་བྱེད་པ་བཅས་དང་།  
\v 29 ཡང་སྤྱན་བསྟར་བག་ལེབ་དང་། འབྲུ་མཆོད་ཀྱི་གྲོ་ཞིབ་དང་། ཡང་ན་སྐྱུར་མེད་བག་སྲབ་དང་། ཡང་ན་བསྲེགས་གོར་དང་། ཡང་ན་སྣུམ་འཁུར་བཅས་ལ་བདག་གཉེར་བྱེད་པ་དང་། ཚད་འཇལ་བྱེད་ཡོ་བྱད་སྣ་ཚོགས་ལ་བདག་བྱེད་དགོས་པ་དང་།  
\v 30 ཉིན་རེའི་ནངས་དགོང་ཡར་འགྲེང་ནས་དཀོན་མཆོག་ཡ་ཝཱེ་ལ་གཏང་རག་དང་བསྟོད་པ་འབུལ་བ་དང་།  
\v 31 ངལ་གསོ་བའི་ཉིན་མོ་དང་། ཟླ་རེའི་ཚེས་གཅིག་དང་གཏན་ལ་ཁེལ་བའི་དུས་ཆེན་གྱི་དུས་སུ་གྲངས་ཀ་ལྟར་སྒྲིག་སྲོལ་བཞིན་དུ། སྦྱིན་སྲེག་གི་མཆོད་པ་རྣམས་མཚམས་མེད་པར་དཀོན་མཆོག་ཡ་ཝཱེའི་དྲུང་དུ་འབུལ་དགོས་ལ།  
\v 32 མཇལ་འཕྲད་གུར་མཆོག་དང་གནས་དམ་པ་བསྲུང་བ་དང་། ཡང་དཀོན་མཆོག་ཡ་ཝཱེའི་མཆོད་ཁང་དུ་ཞབས་ཕྱི་སྒྲུབ་པའི་རང་གི་གཉེན་ཉེ་སྟེ་ཨ་རོན་གྱི་བུ་རབས་ཚ་རྒྱུད་རྣམས་ལ་ལྟ་སྐྱོང་བྱེད་དགོས་པའོ། །   
\c 24
\cl ལེའུ་ཉེར་བཞི་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 མཆོད་དཔོན་གྱི་ལས་ཚན།  
\p
\v 1 ཡང་ཨ་རོན་གྱི་བུ་རབས་ཚ་རྒྱུད་རྣམས་ཀྱི་ལས་ཚན་ནི་འདི་ལྟ་སྟེ། ཨ་རོན་གྱི་བུ་ནི་ནཱ་དབ་དང་། ཨ་བི་ཧུ། ཨེ་ལི་ཨ་ཟར། ཨི་ཐ་མཱར་བཅས་ཡིན།  
\v 2 ནཱ་དབ་དང་ཨ་བི་ཧུ་ནི་རང་གི་ཕ་ཡི་སྔོན་དུ་ཚེ་ལས་འདས་ཤིང་བུ་ཡང་མེད་པས། ཨེ་ལི་ཨ་ཟར་དང་ཨི་ཐ་མཱར་གཉིས་མཆོད་དཔོན་བྱས་པ་ཡིན།  
\v 3 དེ་ནས་དཱ་བིད་དང་ཨེ་ལི་ཨ་ཟར་གྱི་བུ་རྒྱུད་ལས་ཟཱ་ཏོག་དང་། ཨི་ཐ་མཱར་གྱི་བུ་རྒྱུད་ལས་ཨ་ཧི་མེ་ལེག་བཅས་ཀྱིས་ཁོ་ཚོའི་གཉེན་ཉེ་རྣམས་ཀྱི་འོས་འགན་བཞིན་ལས་ཚན་བགོས་པའོ། །  
\v 4 ཕྱིས་སུ་ཨེ་ལི་ཨ་ཟར་གྱི་བུ་རྒྱུད་ཁྲོད་དུ་ཨི་ཐ་མཱར་གྱི་བུ་རྒྱུད་ལས་ཀྱང་འགོ་དཔོན་མང་པོ་ཡོད་པ་ཤེས་ཏེ། ཁོ་རྣམས་ཀྱི་ལས་ཚན་བགོས། ཨེ་ལི་ཨ་ཟར་གྱི་བུ་རྒྱུད་ལས་ཁོ་ཚོའི་ཁྱིམ་རྒྱུད་བཞིན་དུ་འགོ་དཔོན་བཅུ་དྲུག་དང་། ཨི་ཐ་མཱར་གྱི་བུ་རྒྱུད་ལས་ཁོ་ཚོའི་ཁྱིམ་རྒྱུད་བཞིན་དུ་འགོ་དཔོན་བརྒྱད་ཡོད་པའོ། །  
\v 5 ཡང་གནས་དམ་པ་དང་དཀོན་མཆོག་གི་དྲུང་དུ་འགོ་དཔོན་བྱེད་པ་ནི་ཨེ་ལི་ཨ་ཟར་གྱི་བུ་རབས་ཚ་རྒྱུད་དང་། ཨི་ཐ་མཱར་གྱི་བུ་རབས་ཚ་རྒྱུད་གཉིས་ཀའི་ཁྲོད་དུ་ཡོད་པས། ཁོ་ཚོས་རྒྱན་བླངས་ནས་ཁོ་རྣམས་ཆ་སྙོམས་ཀྱིས་བགོས་པའོ། །  
\v 6 དྲུང་ཡིག་སྟེ་ལེ་ཝི་པ་ནེ་ཐན་ཨེལ་གྱི་བུ་ཤེ་མ་ཡཱས་རྒྱལ་པོ་དང་། འགོ་དཔོན་རྣམས་དང་། མཆོད་དཔོན་ཟཱ་ཏོག་དང་། ཨབ་ཡཱ་ཐར་གྱི་བུ་ཨ་ཧི་མེ་ལེག་དང་། མཆོད་དཔོན་རྣམས་ཀྱི་ཁྱིམ་རྒྱུད་དང་། ལེ་ཝི་པའི་ཁྱིམ་རྒྱུད་ཀྱི་འགོ་དཔོན་རྣམས་ཀྱི་མདུན་དུ། དེ་དག་གི་མིང་ཡི་གེར་བཀོད་པ་སྟེ། ཨེ་ལི་ཨ་ཟར་གྱི་བུ་རབས་ཚ་རྒྱུད་ལས་ཁྱིམ་རྒྱུད་གཅིག་བདམས་པ་དང་། ཨི་ཐ་མཱར་གྱི་བུ་རབས་ཚ་རྒྱུད་ལས་ཀྱང་ཁྱིམ་རྒྱུད་གཅིག་བདམས་པ་ཡིན།  
\v 7 དེ་ནས་རྒྱན་དང་པོ་ཡེ་ཧོ་ཡ་རིབ་ལ་བབས་པ་དང་། གཉིས་པ་ཡེ་དཱ་ཡ་དང་།  
\v 8 གསུམ་པ་ཧ་རིམ་དང་། བཞི་པ་སེ་ཨོ་རིམ་དང་།  
\v 9 ལྔ་པ་མལ་ཀི་ཡཱ་དང་། དྲུག་པ་མི་ཡ་མིན་དང་།  
\v 10 བདུན་པ་ཧག་ཀོས་དང་། བརྒྱད་པ་ཨ་བི་ཡཱ་དང་།  
\v 11 དགུ་པ་ཡེ་ཤུ་ཨ་དང་། བཅུ་པ་ཤེ་ཀན་ཡཱ་དང་།  
\v 12 བཅུ་གཅིག་པ་ཨེལ་ཡཱ་ཤིབ་དང་། བཅུ་གཉིས་པ་ཡཱ་ཀིམ་དང་།  
\v 13 བཅུ་གསུམ་པ་ཧུབ་ཕཱ་དང་། བཅུ་བཞི་པ་ཡེ་ཤེ་བེ་ཨབ་དང་།  
\v 14 བཅོ་ལྔ་པ་པིལ་གཱ་དང་། བཅུ་དྲུག་པ་ཨིམ་མེར་དང་།  
\v 15 བཅུ་བདུན་པ་ཧེ་ཟིར་དང་། བཅོ་བརྒྱད་པ་ཧབ་པི་ཙེ་ཟི་དང་།  
\v 16 བཅུ་དགུ་པ་ཕེ་ཐཱ་ཡ་དང་། ཉི་ཤུ་པ་ཡེ་ཧེ་ཀེལ་དང་།  
\v 17 ཉེར་གཅིག་པ་ཡཱ་ཀིན་དང་། ཉེར་གཉིས་པ་གཱ་མུལ་དང་།  
\v 18 ཉེར་གསུམ་པ་དི་ལཱ་ཡ་དང་། ཉེར་བཞི་པ་མ་ཨ་ཟི་ཡཱ་ལ་བབས་པའོ། །  
\v 19 ཡེས་ར་ཨེལ་གྱི་དཀོན་མཆོག་ཡ་ཝཱེས་དེ་དག་གི་ཕ་མེས་ཨ་རོན་ལ་བཀའ་བསྩལ་པའི་སྒྲིག་སྲོལ་བཞིན་དུ། དེ་དག་རེ་རེ་རང་གི་ལས་རེས་བཞིན་དུ་དཀོན་མཆོག་ཡ་ཝཱེའི་མཆོད་ཁང་ལ་ཞབས་ཕྱི་བྱེད་དུ་འོངས་པའོ། །   
\s1 ལེ་ཝི་པའི་མིང་ཐོ།  
\p
\v 20 ལེ་ཝི་པའི་བུ་རྒྱུད་གཞན་དག་ནི། ཨམ་རམ་གྱི་བུ་རྒྱུད་ལས་ཤུ་བཱ་ཨེལ་དང་། ཤུ་བཱ་ཨེལ་གྱི་བུ་རྒྱུད་ལས་ཡེ་དེ་ཡཱའོ། །  
\v 21 རེ་ཧབ་ཡཱ་ལ་མཚོན་ན། རེ་ཧབ་ཡཱའི་བུ་རྣམས་ལས་བུ་སྐྱེས་འགོ་ཡིས་ཤི་ཡཱ་ཡིན་པ་དང་།  
\v 22 ཡེས་ཧར་གྱི་བུ་རྣམས་ལས་ཤེ་ལོ་མོད་དང་ཤེ་ལོ་མོད་ཀྱི་བུ་རྣམས་ལས་ཡ་ཧད་ཡོད།  
\v 23 ཧེབ་རོན་གྱི་བུ་རྣམས་ནི་བུ་སྐྱེས་འགོ་ཡེ་རི་ཡཱ་དང་། བུ་གཉིས་པ་ཨ་མར་ཡཱ། བུ་གསུམ་པ་ཡ་ཧ་ཟི་ཨེལ། བུ་བཞི་པ་ཡེ་ཀཱ་མེ་ཨམ་བཅས་ཡིན།  
\v 24 ཨུ་ཟི་ཨེལ་གྱི་བུ་རྣམས་ལས་མི་ཀཱ་ཡོད་པ་དང་། མི་ཀཱའི་བུ་རྣམས་ལས་ཤཱ་མིར་ཡོད།  
\v 25 མི་ཀཱའི་སྤུན་ནི་ཨིས་ཤི་ཡཱ་ཡིན་ལ། ཨིས་ཤི་ཡཱ་ཡི་བུ་རྣམས་ལས་ཟཱ་ཀར་ཡ་ཡོད།  
\v 26 མཱ་རཱ་རེའེ་ཡི་བུ་ནི་མཱ་ལི་དང་མུ་ཤི། ཡ་ཨ་ཟི་ཡཱ་བཅས་ཡིན་ལ། ཡ་ཨ་ཟི་ཡཱའི་བུ་ནི་བེ་ནོའོ། །  
\v 27 མཱ་རཱ་རེའེ་ཡི་བུ་རྣམས་ལས་ཡ་ཨ་ཟི་ཡཱའི་བུ་བེ་ནོ་དང་། ཤོ་ཧམ། ཟག་ཀུར། ཨིབ་རི་བཅས་ཡོད།  
\v 28 མཱ་ལི་ཡི་བུ་ནི་ཨེ་ལི་ཨ་ཟར་ཡིན་པ་དང་། ཨེ་ལི་ཨ་ཟར་ལ་བུ་མ་སྐྱེས་སོ། །  
\v 29 ཁི་སི་ལ་མཚོན་ན། ཁི་སིའི་བུ་རྣམས་ལས་ཡེ་ར་མེ་ཨེལ་ཡོད།  
\v 30 མུ་ཤིའི་བུ་ནི་མཱ་ལི་དང་། ཨེ་དེར། ཡེ་རི་མོད་བཅས་ཡིན། དེ་རྣམས་ནི་ལེ་ཝི་པའི་བུ་རྒྱུད་ཡིན་ལ། ཁོ་ཚོའི་ཁྱིམ་རྒྱུད་བཞིན་དུ་ཐོ་བརྒྱབ་པའོ། །  
\v 31 དེ་རྣམས་ཀྱིས་ཀྱང་རང་གི་གཉེན་ཉེ་ཨ་རོན་གྱི་བུ་རྒྱུད་ལྟར་དུ་རྒྱལ་པོ་དཱ་བིད་དང་། ཟཱ་ཏོག་དང་། ཨ་ཧི་མེ་ལེག་དང་། མཆོད་དཔོན་དང་ལེ་ཝི་པའི་ཁྱིམ་རྒྱུད་ཀྱི་འགོ་དཔོན་རྣམས་ཀྱི་མདུན་དུ་རྒྱན་བླངས་པ་སྟེ། ཁྱིམ་རྒྱུད་རེ་རེའི་འགོ་དཔོན་དང་ཁོ་ཚོའི་སྤུན་ན་གཞོན་ཀུན་གྱིས་རྒྱན་བླངས་པ་ཡིན་ནོ། །   
\c 25
\cl ལེའུ་ཉེར་ལྔ་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 མགུར་ལེན་མཁན་རྣམས་ཀྱི་ལས་ཚན།  
\p
\v 1 དེ་ནས་དཱ་བིད་དང་འགོ་དཔོན་དག་གིས་ཨ་སབ་དང་ཧེ་མཱན། ཡེ་དུ་ཐུན་བཅས་ཀྱི་བུ་རབས་ཚ་རྒྱུད་ལ་ལས་འགན་བགོས་ཤིང་། ཁོ་རྣམས་ལ་པི་ཝང་དང་རྒྱུད་མངས། སྦུག་ཆལ་བཅས་ཀྱིས་ལུང་སྟོན་དུ་བཅུག དེ་དག་གི་ལས་འགན་འཁུར་མཁན་གྱི་མི་གྲངས་ནི།  
\v 2 ཨ་སབ་ཀྱི་བུ་རྣམས་ལས་ཟག་ཀུར་དང་། ཡོ་སེབ། ནེ་ཐན་ཡཱ། ཨ་སར་ཨེ་ལཱ་བཅས་ཡོད་ཅིང་། ཨ་སབ་ཀྱི་བུ་རྣམས་ལ་ཨ་སབ་ཀྱིས་བཀོད་འདོམས་བྱེད་པ་དང་། རྒྱལ་པོའི་བཀའ་བཞིན་དུ་ལུང་བསྟན་སྨྲ་བ་ཡིན།  
\v 3 ཡེ་དུ་ཐུན་ལ་མཚོན་ན། ཁོའི་བུ་རྣམས་ལས་གེ་དལ་ཡཱ་དང་། ཟེ་རི། ཡེ་ཤ་ཡཱ། ཤིམ་ཨི། ཧ་ཤབ་ཡཱ། མད་ཐིད་ཡཱ་བཅས་བསྡོམས་པས་མི་དྲུག་ཡོད་ཅིང་ཐམས་ཅད་ལ་རང་གི་ཕ་ཡེ་དུ་ཐུན་གྱིས་བཀོད་འདོམས་བྱེད་པ་དང་། ཡེ་དུ་ཐུན་གྱིས་པི་ཝང་གིས་ལུང་བསྟན་སྨྲ་ཞིང་། དཀོན་མཆོག་ཡ་ཝཱེ་ལ་བཀའ་དྲིན་ཞུ་བ་དང་བསྟོད་བསྔགས་བརྗོད་པ་ཡིན།  
\v 4 ཧེ་མཱན་ལ་མཚོན་ན། ཁོའི་བུ་རྣམས་ལས་པུག་ཀི་ཡཱ་དང་། མད་ཐན་ཡཱ། ཨུ་ཟི་ཨེལ། ཤེ་བུ་ཨེལ། ཡེ་རི་མོད། ཧ་ནན་ཡཱ། ཧ་ནཱ་ནེ། ཨེ་ལི་ཨ་ཐཱ། གིད་ཏལ་ཏི། རོ་མམ་ཏི་ཨེ་ཟེར། ཡོས་པེ་ཀ་ཤཱ། མལ་ལོ་ཐི། ཧོ་ཐིར། མཱ་ཧ་ཟི་ཨོད་བཅས་ཡོད་ལ།  
\v 5 འདི་རྣམས་ནི་ཧེ་མཱན་གྱི་བུ་ཡིན་ལ། ཧེ་མཱན་ནི་རྒྱལ་པོའི་མངོན་ཤེས་པ་ཡིན་ཞིང་། དཀོན་མཆོག་གི་བཀའ་བཞིན་རྭ་དུང་མཐོན་པོར་ \f + \ft འདིར་རྭ་དུང་མཐོན་པོར་འདེགས་པ་ཞེས་པ་ནི་མི་ཞིག་མཐོན་པོར་བཏེགས་ནས་དེར་གཞན་རྣམས་ཀྱི་གུས་པ་འཐོབ་པར་བྱེད་པ་ལ་འཇུག\f*འདེགས་པ་ཡིན། དཀོན་མཆོག་གིས་ཧེ་མཱན་ལ་བུ་བཅུ་བཞི་དང་བུ་མོ་གསུམ་གནང་ངོ་། །  
\v 6 དེ་ཐམས་ཅད་ལ་རང་རང་གི་ཕ་ཡིས་བཀོད་འདོམས་བྱེད་ཅིང་། དཀོན་མཆོག་ཡ་ཝཱེའི་མཆོད་ཁང་དུ་བསྟོད་དབྱངས་འབུལ་བ་དང་། སྦུག་ཆལ་དང་རྒྱུད་མངས། པི་ཝང་བཅས་ཀྱིས་དཀོན་མཆོག་གི་མཆོད་ཁང་དུ་ཞབས་ཕྱི་བྱེད་པ་ཡིན་ལ། ཨ་སབ་དང་ཡེ་དུ་ཐུན། ཧེ་མཱན་བཅས་ལ་རྒྱལ་པོས་བཀོད་འདོམས་བྱེད་པའོ། །  
\v 7 དེ་དག་དང་དེ་དག་གི་གཉེན་ཉེ་རྣམས་ལ་དཀོན་མཆོག་ཡ་ཝཱེར་བསྟོད་དབྱངས་འབུལ་བའི་ཐད་སྦྱོང་བརྡར་ཡག་པོ་ཐོབ་པ་དང་། མགུར་ལེན་པར་བྱང་ཆ་ཡོད་པ་མི་ཉིས་བརྒྱ་དང་གྱ་བརྒྱད་ཡོད་པ་ཡིན།  
\v 8 དེ་དག་གིས་རྒན་གཞོན་དང་དགེ་སློབ་ཀྱི་དབྱེ་བ་མ་ཕྱེ་བར། ཀུན་གྱིས་མཉམ་དུ་རྒྱན་བླངས་ནས་ལས་རེས་བགོས་པ་རེད།  
\v 9 དེ་ནས་རྒྱན་དང་པོ་ཨ་སབ་ཀྱི་བུ་ཡོ་སེབ་ལ་བབས་པ་དང་། གཉིས་པ་གེ་དལ་ཡཱ་དང་། དེའི་སྤུན་དང་བུ་བཅས་བསྡོམས་པས་མི་བཅུ་གཉིས་དང་།  
\v 10 གསུམ་པ་ཟག་ཀུར་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 11 བཞི་པ་ཡི་ཙི་རི་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 12 ལྔ་པ་ནེ་ཐན་ཡཱ་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 13 དྲུག་པ་པུག་ཀི་ཡཱ་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 14 བདུན་པ་ཡེ་ཤ་རེ་ལཱ་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 15 བརྒྱད་པ་ཡེ་ཤ་ཡཱ་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 16 དགུ་པ་མད་ཐན་ཡཱ་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 17 བཅུ་པ་ཤིམ་ཨི་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 18 བཅུ་གཅིག་པ་ཨ་ཟར་ཨེལ་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 19 བཅུ་གཉིས་པ་ཧ་ཤབ་ཡཱ་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 20 བཅུ་གསུམ་པ་ཤུ་བཱ་ཨེལ་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 21 བཅུ་བཞི་པ་མད་ཐིད་ཡཱ་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 22 བཅོ་ལྔ་པ་ཡེ་རེ་མོད་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 23 བཅུ་དྲུག་པ་ཧ་ནན་ཡཱ་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 24 བཅུ་བདུན་པ་ཡོས་པེ་ཀ་ཤཱ་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 25 བཅོ་བརྒྱད་པ་ཧ་ནཱ་ནེ་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 26 བཅུ་དགུ་པ་མལ་ལོ་ཐི་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 27 ཉི་ཤུ་པ་ཨེ་ལི་ཨ་ཐཱ་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 28 ཉེར་གཅིག་པ་ཧོ་ཐིར་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 29 ཉེར་གཉིས་པ་གིད་ཏལ་ཏི་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 30 ཉེར་གསུམ་པ་མཱ་ཧ་ཟི་ཨོད་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་དང་།  
\v 31 ཉེར་བཞི་པ་རོ་མམ་ཏི་ཨེ་ཟེར་དང་། དེའི་བུ་དང་སྤུན་བཅས་བསྡོམས་པས་མི་བཅུ་གཉིས་བཅས་ལ་བབས་པའོ། །   
\c 26
\cl ལེའུ་ཉེར་དྲུག་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 སྒོ་སྲུང་རྣམས་ཀྱི་ལས་ཚན།  
\p
\v 1 སྒོ་སྲུང་རྣམས་ཀྱི་ལས་ཚན་ནི། ཀོ་རཱག་པ་ཨ་སབ་ཀྱི་བུ་རབས་ཚ་རྒྱུད་ལས་ཀོ་རེད་ཀྱི་བུ་མེ་ཤེ་ལེམ་ཡཱ་ཡོད་པ་དང་།  
\v 2 ཡང་མེ་ཤེ་ལེམ་ཡཱ་ལ་བུ་འགའ་ཡོད་པ་སྟེ། བུ་སྐྱེས་འགོ་ཟཱ་ཀར་ཡ་དང་། བུ་གཉིས་པ་ཡེ་དི་ཡཱ་ཨེལ། བུ་གསུམ་པ་ཟེ་བད་ཡཱ། བུ་བཞི་པ་ཡད་ནི་ཨེལ།  
\v 3 བུ་ལྔ་པ་ཨེ་ལཱམ། བུ་དྲུག་པ་ཡེ་ཧོ་ཧ་ནན། བུ་བདུན་པ་ཨེ་ལི་ཧོ་ཨེ་ན་ཨི་བཅས་སོ། །  
\v 4 ཨོ་བེད་ཨེ་དོམ་ལ་བུ་འགའ་ཡོད་པ་སྟེ། བུ་སྐྱེས་འགོ་ཤེ་མཱ་ཡ། བུ་གཉིས་པ་ཡེ་ཧོ་ཟ་བད། བུ་གསུམ་པ་ཡོ་ཨག བུ་བཞི་པ་སཱ་ཀར། བུ་ལྔ་པ་ནེ་ཐན་ཨེལ།  
\v 5 བུ་དྲུག་པ་ཨམ་མེ་ཨེལ། བུ་བདུན་པ་ཡེས་སི་ཀཱར། བུ་བརྒྱད་པ་ཕེ་ཨུལ་ལེ་ཐ་ཨི་བཅས་ཡིན་ལ། དཀོན་མཆོག་གིས་དངོས་གནས་ཨོ་བེད་ཨེ་དོམ་ལ་བྱིན་རླབས་གནང་བའོ། །  
\v 6 དེའི་བུ་ཤེ་མཱ་ཡ་ལས་ཀྱང་བུ་འགའ་མཆེད་ཡོད་པ་སྟེ། དེ་རྣམས་ནི་དམག་མི་དཔའ་རྩལ་ཅན་ཡིན་པས། ཐམས་ཅད་རང་རང་གི་ཁྱིམ་རྒྱུད་ཀྱི་འགོ་དཔོན་བྱས་པ་ཡིན།  
\v 7 ཤེ་མཱ་ཡའི་བུ་རྣམས་ནི་ཨོད་ནི་དང་རེ་ཕཱ་ཨེལ། ཨོ་བེད། ཨེལ་ཟཱ་བད་བཅས་ཡིན་ལ། ཨེལ་ཟཱ་བད་ཀྱི་སྤུན་ཨེ་ལི་ཧུ་དང་ཤེ་མག་ཡཱ་ནི་དཔའ་རྩལ་ཅན་ཡིན།  
\v 8 དེ་ཐམས་ཅད་ནི་ཨོ་བེད་ཨེ་དོམ་གྱི་བུ་རབས་ཚ་རྒྱུད་ཡིན་ལ། དེ་དག་དང་དེ་དག་གི་བུ་དང་སྤུན་རྣམས་ནི་ལས་ཀ་སྒྲུབ་ནུས་པ་ཡིན་ཏེ། ཨོ་བེད་ཨེ་དོམ་གྱི་བུ་རྒྱུད་བསྡོམས་པས་མི་དྲུག་ཅུ་རེ་གཉིས་ཡོད་དོ། །  
\v 9 མེ་ཤེ་ལེམ་ཡཱ་ལ་བུ་དང་སྤུན་ཡོད་ཅིང་། ཐམས་ཅད་དཔའ་རྩལ་ཅན་ཡིན་ཏེ་བསྡོམས་པས་མི་བཅོ་བརྒྱད་ཡོད་པ་ཡིན།  
\v 10 ཡང་མཱ་རཱ་རེའེ་ཡི་བུ་རབས་ཚ་རྒྱུད་ལས་ཧོ་སཱ་ལ་ཡང་བུ་འགའ་ཡོད་དེ། བུ་སྐྱེས་འགོ་ཤིམ་རི་ནི་མ་གཞི་སྐྱེས་འགོ་མིན་ན་ཡང་། ཁོའི་ཕ་ཡིས་ཁོ་འགོ་བར་བྱས་པ་ཡིན།  
\v 11 བུ་གཉིས་པ་ཧིལ་ཀི་ཡཱ་དང་། བུ་གསུམ་པ་ཏེ་བལ་ཡཱ། བུ་བཞི་པ་ཟཱ་ཀར་ཡ་བཅས་ཡིན། ཧོ་སཱའི་བུ་དང་སྤུན་ཐམས་ཅད་བསྡོམས་པས་མི་བཅུ་གསུམ་ཡོད་པ་ཡིན།  
\v 12 འདི་རྣམས་ནི་སྒོ་སྲུང་བའི་ལས་ཚན་ཡིན་ལ། འགོ་དཔོན་དང་དེ་དག་གི་གཉེན་ཉེ་སུ་ཡིན་ཡང་ཀུན་གྱིས་དཀོན་མཆོག་ཡ་ཝཱེའི་མཆོད་ཁང་དུ་ལས་རེས་བཞིན་ཞབས་ཕྱི་བསྒྲུབས་པ་ཡིན།  
\v 13 དེ་དག་གིས་རྒན་གཞོན་སུ་ཡིན་ཡང་སྒོ་རེ་རེ་བསྲུང་བར་རང་རང་གི་ཁྱིམ་རྒྱུད་བཞིན་དུ་རྒྱན་བླངས་པ་སྟེ།  
\v 14 ཤར་སྒོ་སྲུང་བའི་རྒྱན་ནི་ཤེ་ལེམ་ཡཱ་ལ་བབས། དེའི་བུ་ཟཱ་ཀར་ཡ་ནི་གྲོས་ལ་མཁས་པ་ཞིག་ཡིན་ཞིང་། ཁོ་རྣམས་ཀྱིས་ཟཱ་ཀར་ཡའི་དོན་དུ་རྒྱན་བླངས་པ་ལ་དེར་བྱང་སྒོ་སྲུང་བའི་རྒྱན་བབས།  
\v 15 ཨོ་བེད་ཨེ་དོམ་གྱིས་ལྷོ་སྒོ་བསྲུང་བ་དང་། དེའི་བུ་རྣམས་ཀྱིས་མཛོད་ཁང་བསྲུང་དགོས་བྱུང་བ་རེད།  
\v 16 ཤུབ་ཕིམ་དང་ཧོ་སཱ་གཉིས་ཀྱིས་ནུབ་སྒོ་དང་གྱེན་དུ་འཛེག་པའི་ལམ་གྱི་ཤལ་ལེ་ཁེད་སྒོ་བསྲུང་དགོས་པ་དང་། སྒོ་སྲུང་རྣམས་ཕན་ཚུན་ཁ་གཏད་ནས་བསྡད།  
\v 17 ཤར་སྒོ་སྲུང་མཁན་ལེ་ཝི་པ་མི་དྲུག་ཡོད་པ་དང་། བྱང་སྒོ་སྲུང་མཁན་ཉིན་རེར་མི་བཞི་དང་། ལྷོ་སྒོ་སྲུང་མཁན་ཉིན་རེར་མི་བཞི་ཡོད་ལ། མཛོད་ཁང་སྲུང་མཁན་མི་གཉིས་རེ་ཡོད་པའོ། །  
\v 18 ཡང་ནུབ་ཕྱོགས་ཀྱི་བར་ཁྱམས་སུ་མི་བཞི་ལམ་ཆེན་ཁ་རུ་ཡོད་པ་དང་། བར་ཁྱམས་སུ་མི་གཉིས་ཡོད་པའོ། །  
\v 19 འདི་རྣམས་ནི་ཀོ་རཱག་པའི་བུ་རྒྱུད་དང་མཱ་རཱ་རེའེ་ཡི་བུ་རྒྱུད་གཉིས་ཀྱི་སྒོ་སྲུང་རྣམས་ཀྱི་ལས་ཚན་ཡིན་ནོ། །   
\s1 ལེ་ཝི་པའི་ལས་བགོས་གཞན་རྣམས།  
\p
\v 20 ཡང་དེ་དག་གི་གཉེན་ཉེ་ལེ་ཝི་པ་གཞན་རྣམས་ནི་དཀོན་མཆོག་གི་མཆོད་ཁང་གི་དཀོར་མཛོད་རྣམས་དང་རྫས་དམ་པའི་གཏེར་མཛོད་དག་གི་གཉེར་པ་ཡིན།  
\v 21 གེར་ཤོན་ཁྱིམ་རྒྱུད་ཀྱི་ལཱ་དན་ལ་གཏོགས་པའི་བུ་རྒྱུད་ལས་འགོ་དཔོན་བྱེད་པ་ནི། གེར་ཤོན་ཁྱིམ་རྒྱུད་ཀྱི་ལཱ་དན་ལ་གཏོགས་པའི་བུ་རྒྱུད་ཡེ་ཧི་ཨེ་ལི་ཡིན།  
\v 22 ཡེ་ཧི་ཨེ་ལི་ཡི་བུ་ཟེ་ཐམ་དང་དེའི་ནུ་བོ་ཡོ་ཨེལ་གཉིས་ཀྱིས་དཀོན་མཆོག་ཡ་ཝཱེའི་མཆོད་ཁང་གི་དཀོར་མཛོད་ལ་བདག་གཉེར་བྱེད་པ་ཡིན།  
\v 23 ཡང་ཨམ་རཱམ་ཁྱིམ་རྒྱུད་དང་། ཡེས་ཧར་ཁྱིམ་རྒྱུད། ཧེབ་རོན་ཁྱིམ་རྒྱུད། ཨུ་ཟི་ཨེལ་གྱི་ཁྱིམ་རྒྱུད་བཅས་ལ་རང་རང་གི་ལས་གནས་ཡོད།  
\v 24 མོ་ཤེའི་ཚ་བོ་སྟེ་གེར་ཤོམ་གྱི་བུ་ཤེ་བུ་ཨེལ་ནི་དཀོར་མཛོད་ཀྱི་སྤྱི་གཉེར་ཡིན།  
\v 25 ཡང་ཤེ་བུ་ཨེལ་གྱི་སྤུན་ཨེ་ལི་ཨེ་བཟིར་ཡིན་ལ། ཨེ་ལི་ཨེ་བཟིར་གྱི་བུ་ནི་རེ་ཧབ་ཡཱ་དང་། རེ་ཧབ་ཡཱའི་བུ་ནི་ཡེ་ཤཱ་ཡ་དང་། ཡེ་ཤཱ་ཡའི་བུ་ནི་ཡོ་རཱམ་དང་། ཡོ་རཱམ་གྱི་བུ་ནི་ཟིག་རི་དང་། ཟིག་རིའི་བུ་ནི་ཤེ་ལོ་མོད་ཡིན་པའོ། །  
\v 26 ཤེ་ལོ་མོད་དང་དེའི་སྤུན་རྣམས་ཀྱིས་བང་མཛོད་ནང་གི་རྫས་དམ་པ་ཐམས་ཅད་དེ། རྒྱལ་པོ་དཱ་བིད་དང་། ཁྱིམ་རྒྱུད་རྣམས་ཀྱི་འགོ་དཔོན་དང་། སྟོང་དཔོན་དང་བརྒྱ་དཔོན། དམག་དཔོན་བཅས་ཀྱིས་བསྔོས་པའི་རྫས་དམ་པ་ཐམས་ཅད་ལ་བདག་གཉེར་བྱེད་པ་ཡིན།  
\v 27 དེ་དག་གིས་དཀོན་མཆོག་ཡ་ཝཱེའི་མཆོད་ཁང་ཡང་བསྐྱར་བཞེང་བའི་ཕྱིར་དུ། འཐབ་མོའི་བཅོམ་ནོར་དམ་པར་བྱས་པ་ཡིན།  
\v 28 མངོན་ཤེས་པ་སཱ་མུ་ཨེལ་དང་། ཁི་སིའི་བུ་སོ་ལོ་དང་། ནེར་གྱི་བུ་ཨབ་ནེར་དང་། ཟེ་རུ་ཡཱ་ཡི་བུ་ཡོ་ཨབ་བཅས་ཀྱིས་དམ་པར་བྱས་པ་ཐམས་ཅད་དང་། དམ་པར་བྱས་པའི་རྫས་ཐམས་ཅད་ཤེ་ལོ་མོད་དང་དེའི་སྤུན་དག་གི་ལག་ཏུ་བཅོལ་བ་ཡིན།   
\p
\v 29 ཡེས་ཧར་ཁྱིམ་རྒྱུད་ལས་ཀེ་ནན་ཡཱ་དང་དེའི་བུ་རྣམས་ཀྱིས་མཆོད་ཁང་གི་ཕྱི་རུ་འགོ་དཔོན་དང་ཁྲིམས་དཔོན་བྱས་ཏེ། ཡེས་ར་ཨེལ་པ་རྣམས་ལ་བདག་སྐྱོང་བྱེད་པ་ཡིན།  
\v 30 ཡང་ཧེབ་རོན་ཁྱིམ་རྒྱུད་ལས་ཧ་ཤབ་ཡཱ་དང་དེའི་གཉེན་ཉེ་རྣམས་བསྡོམས་པས་མི་ཆིག་སྟོང་བདུན་བརྒྱ་ཡོད་དེ། ཐམས་ཅད་དཔའ་རྩལ་ཅན་ཡིན་ལ། དེ་དག་གིས་ཡོར་དན་གཙང་པོའི་ནུབ་ཕྱོགས་ཀྱི་ཡེས་ར་ཨེལ་གྱི་ཡུལ་རྣམས་སུ་དཀོན་མཆོག་ཡ་ཝཱེའི་ལས་ཐམས་ཅད་དང་རྒྱལ་པོའི་ལས་འགན་རྣམས་སྒྲུབ་པ་ཡིན།  
\v 31 ཧེབ་རོན་ཁྱིམ་རྒྱུད་ལས་ཡེ་རི་ཡཱ་བྱ་བ་ནི་འགོ་དཔོན་ཡིན་ཏེ། ཁོ་ཚོའི་ཁྱིམ་རྒྱུད་ཀྱི་ཁྱིམ་རབས་བཞིན་ཧེབ་རོན་ཁྱིམ་རྒྱུད་ཀྱི་འགོ་དཔོན་དུ་གྱུར་པ་ཡིན། དཱ་བིད་ཀྱིས་སྲིད་སྐྱོང་བའི་ལོ་བཞི་བཅུ་པར་བརྟག་དཔྱད་བྱས་པ་དང་། གིལ་ཨད་ཀྱི་ཡཱ་ཟེར་བྱ་བར་ཁྱིམ་རྒྱུད་དེ་ལས་དཔའ་བོ་མཐུ་སྟོབས་ཅན་རྙེད་ནས།  
\v 32 ཡེ་རི་ཡཱ་ལ་གཉེན་ཉེ་དུ་ཉིས་སྟོང་བདུན་བརྒྱ་ཡོད་ཅིང་ཐམས་ཅད་དཔའ་རྩལ་ཅན་དང་ཁྱིམ་རྒྱུད་སོ་སོའི་འགོ་དཔོན་ཡིན་ལ། རྒྱལ་པོ་དཱ་བིད་ཀྱིས་ཁོ་རྣམས་ནི་རུ་བེན་གྱི་ཚོ་པ་དང་། གཱ་རྡུའི་ཚོ་པ་དང་། མཱ་ན་ཤེའི་ཚོ་པ་ཕྱེད་ཀ་བཅས་ཀྱི་དཀོན་མཆོག་དང་རྒྱལ་པོར་འབྲེལ་བའི་བྱ་བ་ཐམས་ཅད་ལ་བདག་གཉེར་བྱེད་པར་བསྐོས་སོ། །   
\c 27
\cl ལེའུ་ཉེར་བདུན་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 དམག་དཔོན་རྣམས་ཀྱི་ལས་ཚན།  
\p
\v 1 ཡང་ཡེས་ར་ཨེལ་པ་རྣམས་ཀྱི་ཁྱིམ་རྒྱུད་སོ་སོའི་འགོ་དཔོན་དང་། སྟོང་དཔོན། བརྒྱ་དཔོན། རྒྱལ་པོར་ཞབས་ཕྱི་སྒྲུབ་པའི་དམག་དཔོན་ཐམས་ཅད་ལ་ཁོ་ཚོའི་གྲངས་ཀ་བཞིན་ལས་ཚན་བགོས་ཤིང་། ལོ་རེར་ཟླ་རེ་བཞིན་དུ་རེས་སྐོར་བ་དང་། ལས་ཚན་རེའི་ནང་དུ་མི་ཉིས་ཁྲི་བཞི་སྟོང་ཡོད།  
\v 2 ཟླ་དང་པོའི་ལས་ཚན་དང་པོ་ལ་ཟབ་དི་ཨེལ་གྱི་བུ་ཡ་ཤོ་བེ་ཨམ་གྱིས་འགན་ཁུར་བ་དང་། ཁོའི་ལས་ཚན་ལ་མི་ཉིས་ཁྲི་བཞི་སྟོང་ཡོད།  
\v 3 ཁོ་ནི་ཕེ་རེལ་ཟིའི་བུ་རྒྱུད་ནང་གི་འགོ་དཔོན་ཡིན་ཏེ། ཟླ་དང་པོའི་ལས་ཚན་དེའི་དམག་དཔོན་ཐམས་ཅད་ལ་བཀོད་འདོམས་བྱེད་པ་ཡིན།  
\v 4 ཟླ་གཉིས་པའི་ལས་ཚན་དེ་ལ་ཨ་ཧོ་པ་དོ་ད་ཨི་ཡིས་འགན་ཁུར་བ་དང་། ཁོའི་ལས་ཚན་དེ་ལ་ད་དུང་འགོ་དཔོན་གཞོན་པ་མིག་ལོད་ཀྱང་ཡོད་ལ། ཁོའི་ལས་ཚན་ལ་མི་ཉིས་ཁྲི་བཞི་སྟོང་ཡོད།  
\v 5 ཟླ་གསུམ་པའི་ལས་ཚན་གསུམ་པའི་དམག་དཔོན་ནི་མཆོད་དཔོན་ཆེན་པོ་ཡེ་ཧོ་ཡ་དཱའི་བུ་པེ་ནཱ་ཡ་ཡིན་ཏེ། ཁོའི་ལས་ཚན་ལ་མི་ཉིས་ཁྲི་བཞི་སྟོང་ཡོད།  
\v 6 པེ་ནཱ་ཡ་དེ་ནི་མི་དཔའ་རྩལ་ཅན་སུམ་ཅུ་བོའི་ཡ་གྱལ་ཡིན་ལ། མི་སུམ་ཅུ་བོ་དེར་བདག་སྐྱོང་བྱེད་མཁན་ཡིན། ཁོའི་ལས་ཚན་ལ་ད་དུང་ཁོའི་བུ་ཨམ་མི་ཟཱ་བད་ཀྱང་ཡོད།  
\v 7 ཟླ་བཞི་པའི་ལས་ཚན་བཞི་པའི་དམག་དཔོན་ནི་ཡོ་ཨབ་ཀྱི་ནུ་བོ་ཨ་སཱ་ཧེལ་ཡིན་ལ། ཁོའི་རྒྱུན་སྐྱོང་མཁན་ནི་ཁོའི་བུ་ཟེ་བད་ཡཱ་ཡིན། ཁོའི་ལས་ཚན་ལ་མི་ཉིས་ཁྲི་བཞི་སྟོང་ཡོད།  
\v 8 ཟླ་ལྔ་པའི་ལས་ཚན་ལྔ་པའི་དམག་དཔོན་ནི་ཡེས་རཱ་པ་ཤམ་ཧུད་ཡིན་ལ། ཁོའི་ལས་ཚན་ལ་མི་ཉིས་ཁྲི་བཞི་སྟོང་ཡོད།  
\v 9 ཟླ་དྲུག་པའི་ལས་ཚན་དྲུག་པའི་དམག་དཔོན་ནི་ཐེ་ཀོ་ཨ་པ་ཨིག་ཀེ་སིའི་བུ་ཨི་རཱ་ཡིན་ལ། ཁོའི་ལས་ཚན་ལ་མི་ཉིས་ཁྲི་བཞི་སྟོང་ཡོད།  
\v 10 ཟླ་བདུན་པའི་ལས་ཚན་བདུན་པའི་དམག་དཔོན་ནི་ཨེ་ཕཱར་ཡིམ་གྱི་བུ་རྒྱུད་ཁྲོད་ཀྱི་ཕེ་ལོན་པ་ཧེ་ལེ་ཙི་ཡིན་ལ། ཁོའི་ལས་ཚན་ལ་མི་ཉིས་ཁྲི་བཞི་སྟོང་ཡོད།  
\v 11 ཟླ་བརྒྱད་པའི་ལས་ཚན་བརྒྱད་པའི་དམག་དཔོན་ནི་ཟེ་རག་ཁྱིམ་རྒྱུད་ཀྱི་ཧུ་ཤཱ་པ་སིབ་བེ་ཀཱ་ཨི་ཡིན་ལ། ཁོའི་ལས་ཚན་ལ་མི་ཉིས་ཁྲི་བཞི་སྟོང་ཡོད།  
\v 12 ཟླ་དགུ་པའི་ལས་ཚན་དགུ་པའི་དམག་དཔོན་ནི་པེན་ཡཱ་མེན་པའི་ཨ་ན་ཐོད་པ་ཨ་བི་ཨེ་ཟཱེར་ཡིན་ལ། ཁོའི་ལས་ཚན་ལ་མི་ཉིས་ཁྲི་བཞི་སྟོང་ཡོད།  
\v 13 ཟླ་བཅུ་པའི་ལས་ཚན་བཅུ་པའི་དམག་དཔོན་ནི་ཟེ་རག་ཁྱིམ་རྒྱུད་ཀྱི་ནེ་ཏོ་ཕཱ་པ་མ་ཧ་རཱ་ཨི་ཡིན་ལ། ཁོའི་ལས་ཚན་ལ་མི་ཉིས་ཁྲི་བཞི་སྟོང་ཡོད།  
\v 14 ཟླ་བཅུ་གཅིག་པའི་ལས་ཚན་བཅུ་གཅིག་པའི་དམག་དཔོན་ནི་ཨེ་ཕཱར་ཡིམ་གྱི་བུ་རྒྱུད་ཁྲོད་ཀྱི་ཕི་ར་ཐོན་པ་པེ་ནཱ་ཡ་ཡིན་ལ། ཁོའི་ལས་ཚན་ལ་མི་ཉིས་ཁྲི་བཞི་སྟོང་ཡོད།  
\v 15 ཟླ་བཅུ་གཉིས་པའི་ལས་ཚན་བཅུ་གཉིས་པའི་དམག་དཔོན་ནི་ཨོད་ནི་ཨེལ་ཁྱིམ་རྒྱུད་ཀྱི་ནེ་ཏོ་ཕཱ་པ་ཧེལ་ད་ཨི་ཡིན་ལ། ཁོའི་ལས་ཚན་ལ་མི་ཉིས་ཁྲི་བཞི་སྟོང་ཡོད་དོ། །   
\s1 ཡེས་ར་ཨེལ་གྱི་ཚོ་པ་སོ་སོའི་འགོ་དཔོན་དག  
\p
\v 16 ཡེས་ར་ཨེལ་གྱི་ཚོ་པ་སོ་སོའི་འགོ་དཔོན་དག་ནི་འདི་ལྟ་སྟེ། རུ་བེན་ཚོ་པའི་འགོ་དཔོན་ནི་ཟིག་རིའི་བུ་ཨེ་ལི་ཨེ་བཟིར་ཡིན་ལ། སི་མུ་ཨོན་ཚོ་པའི་འགོ་དཔོན་ནི་མ་ཨ་ཀཱའི་བུ་ཤེ་ཕད་ཡཱ་ཡིན།  
\v 17 ལེ་ཝི་ཚོ་པའི་འགོ་དཔོན་ནི་ཀེ་མུ་ཨེལ་གྱི་བུ་ཧ་ཤབ་ཡཱ་ཡིན། ཨ་རོན་བུ་རྒྱུད་ཀྱི་འགོ་དཔོན་ནི་ཟཱ་ཏོག་ཡིན།  
\v 18 ཡ་ཧུ་དཱ་ཚོ་པའི་འགོ་དཔོན་ནི་དཱ་བིད་ཀྱི་སྐུ་མཆེད་ཨེ་ལི་ཧུ་ཡིན། ཡེས་སི་ཀཱར་ཚོ་པའི་འགོ་དཔོན་ནི་མེའ་ཀཱ་ཨེལ་གྱི་བུ་ཨོམ་རི་ཡིན།  
\v 19 ཟེ་བུ་ལུན་ཚོ་པའི་འགོ་དཔོན་ནི་ཨོ་བད་ཡཱའི་བུ་ཡིས་མཱ་ཡ་ཡིན། ནཱབ་ཐ་ལི་ཚོ་པའི་འགོ་དཔོན་ནི་ཨས་རི་ཨེལ་གྱི་བུ་ཡེ་རི་མོད་ཡིན།  
\v 20 ཨེ་ཕཱར་ཡིམ་ཚོ་པའི་འགོ་དཔོན་ནི་ཨ་ཟཱ་སི་ཡའི་བུ་ཧོ་ཤེ་ཡཱ་ཡིན། མཱ་ན་ཤེའི་ཚོ་པ་ཕྱེད་ཀའི་འགོ་དཔོན་ནི་ཕེ་ད་ཡཱའི་བུ་ཡོ་ཨེལ་ཡིན།  
\v 21 གིལ་ཨད་ཡུལ་གྱི་མཱ་ན་ཤེའི་ཚོ་པ་ཕྱེད་ཀ་དེའི་འགོ་དཔོན་ནི་ཟཱ་ཀར་ཡའི་བུ་ཨིད་དོ་ཡིན། པེན་ཡཱ་མེན་ཚོ་པའི་འགོ་དཔོན་ནི་ཨབ་ནེར་གྱི་བུ་ཡ་ཨ་སི་ཨེལ་ཡིན།  
\v 22 དཱན་ཚོ་པའི་འགོ་དཔོན་ནི་ཡེ་རོ་ཧམ་གྱི་བུ་ཨ་ཟར་ཨེལ་ཡིན། དེ་ཐམས་ཅད་ཡེས་ར་ཨེལ་གྱི་ཚོ་པ་ཁག་གི་འགོ་དཔོན་རྣམས་སོ། །  
\v 23 དཀོན་མཆོག་ཡ་ཝཱེས་ཡེས་ར་ཨེལ་པའི་གྲངས་ཀ་ནི་གནམ་གྱི་སྐར་མ་བཞིན་རྒྱས་པར་བྱའོ་ཞེས་གསུངས་པའི་རྐྱེན་གྱིས། དཱ་བིད་ཀྱིས་ལོ་ཉི་ཤུའི་མན་གྱི་ཡེས་ར་ཨེལ་པ་རྣམས་མ་བརྩིས་སོ། །  
\v 24 ཟེ་རུ་ཡཱའི་བུ་ཡོ་ཨབ་ཀྱིས་མི་རྩིས་ལེན་འགོ་བརྩམས་ཀྱང་དེས་བརྩིས་མ་ཚར་ཞིང་། ཡ་ཝཱེའི་ཐུགས་ཁྲོ་ནི་ཡེས་ར་ཨེལ་གྱི་སྟེང་དུ་ཕོག་བྱུང་བས། ཡེས་ར་ཨེལ་གྱི་མི་གྲངས་ནི་རྒྱལ་པོ་དཱ་བིད་ཀྱི་རྒྱལ་རབས་ནང་དུ་བཀོད་མེད་དོ། །   
\s1 རྒྱལ་པོའི་བང་མཛོད་ལ་བདག་གཉེར་བྱེད་པའི་འགོ་དཔོན་དག  
\p
\v 25 རྒྱལ་པོའི་བང་མཛོད་ལ་བདག་གཉེར་བྱེད་མཁན་ནི་ཨ་དི་ཨེལ་གྱི་བུ་ཨས་མ་ཝེད་ཡིན་པ་དང་། མཐའ་ཁུལ་དང་གྲོང་ཁྱེར་དང་། གྲོང་རྡལ་དང་། སོ་ལྟ་ཁང་བཅས་སུ་ཡོད་པའི་མཛོད་ཁང་དག་ལ་བདག་གཉེར་བྱེད་མཁན་ཨུ་ཟི་ཡཱ་ཡི་བུ་ཡོ་ནཱ་ཐན་ཡོད་པ་ཡིན།  
\v 26 ཞིང་རྨོ་བའི་སོ་ནམ་གྱི་ལས་ཀ་བྱེད་པ་རྣམས་ལ་བདག་གཉེར་བྱེད་མཁན་ནི་ཀེ་ལུབ་གྱི་བུ་ཨེས་རི་ཡིན།  
\v 27 རྒུན་ཚལ་ལ་བདག་གཉེར་བྱེད་མཁན་ནི་རཱ་མ་པ་ཤིམ་ཨི་ཡིན་པ་དང་། རྒུན་ཚལ་གྱི་སྟོན་ཐོག་དང་རྒུན་ཆང་གི་མཛོད་ལ་བདག་གཉེར་བྱེད་མཁན་ནི་ཤེ་ཕམ་པ་ཟབ་དི་ཡིན།  
\v 28 རི་ཀླུང་དུ་ཡོད་པའི་སྐྱུ་རུ་ཤིང་དང་འོ་སེ་ཤིང་ལ་བདག་གཉེར་བྱེད་མཁན་ནི་གེ་དེར་གྱི་པཱ་ཨལ་ཧ་ནན་ཡིན་པ་དང་། སྣུམ་གྱི་མཛོད་ལ་བདག་གཉེར་བྱེད་མཁན་ནི་ཡོ་ཨ་སི་ཡིན།  
\v 29 ཤཱ་རོན་དུ་འཚོ་བའི་བ་ཁྱུ་རྣམས་ལ་བདག་གཉེར་བྱེད་མཁན་ནི་ཤཱ་རོན་པ་ཤིད་ར་ཨི་དང་། ལུང་པའི་བ་ཁྱུ་རྣམས་ལ་བདག་གཉེར་བྱེད་མཁན་ནི་ཨད་ལཱ་ཨི་ཡི་བུ་ཤཱ་ཕད་ཡིན།  
\v 30 རྔ་མོང་རྣམས་ལ་བདག་གཉེར་བྱེད་མཁན་ནི་ཡེས་མ་ཨེལ་པ་ཨོ་བིལ་ཡིན་པ་དང་། བོང་བུ་རྣམས་ལ་བདག་གཉེར་བྱེད་མཁན་ནི་མེ་རོ་ནོད་པ་ཡེ་དེ་ཡཱ་ཡིན།  
\v 31 ར་ལུག་གི་ཁྱུ་རྣམས་ལ་བདག་གཉེར་བྱེད་མཁན་ནི་ཧ་གར་པ་ཡ་ཟིས་ཡིན། དེ་ཐམས་ཅད་ནི་རྒྱལ་པོ་དཱ་བིད་ཀྱི་རྒྱུ་ནོར་ལ་བདག་གཉེར་བྱེད་མཁན་འགོ་དཔོན་རྣམས་ཡིན་ནོ། །   
\s1 དཱ་བིད་ཀྱི་གྲོས་དཔོན།  
\p
\v 32 དཱ་བིད་ཀྱི་ཁུ་བོ་ཡོ་ནཱ་ཐན་ནི་གྲོས་དཔོན་ཞིག་ཡིན་ལ། བློ་ལ་མཁས་པ་དང་དྲུང་ཡིག་ཅིག་ཀྱང་ཡིན། ཁོང་དང་ཧག་མོན་གྱི་བུ་ཡེ་ཧི་ཨེལ་བྱ་བ་གཉིས་ནི་རྒྱལ་སྲས་རྣམས་ཀྱི་བཤེས་གཉེན་ཡིན།  
\v 33 ཨ་ཧི་ཐོ་ཕེལ་ཡང་རྒྱལ་པོའི་གྲོས་དཔོན་ཡིན། ཨ་རག་པ་ཧུ་ཤཱ་ཨི་ནི་རྒྱལ་པོའི་མཆེད་གྲོགས་ཡིན།  
\v 34 ཨ་ཧི་ཐོ་ཕེལ་གྱི་རྗེས་སུ་པེ་ནཱ་ཡའི་བུ་ཡེ་ཧོ་ཡ་དཱ་དང་ཨབ་ཡཱ་ཐར་གཉིས་གྲོས་དཔོན་བྱས་པ་དང་། ཡོ་ཨབ་ནི་རྒྱལ་པོའི་དམག་དཔོན་ཆེན་པོར་བྱས་པ་ཡིན་ནོ། །   
\c 28
\cl ལེའུ་ཉེར་བརྒྱད་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 དཱ་བིད་ཀྱིས་མཆོད་ཁང་བཞེང་བར་མཛུབ་སྟོན་གནང་བ།  
\p
\v 1 དེ་ནས་དཱ་བིད་ཀྱིས་ཡེས་ར་ཨེལ་གྱི་འགོ་དཔོན་ཐམས་ཅད་དེ། ཚོ་པ་ཁག་གི་འགོ་དཔོན་དང་། རེས་སྐོར་ནས་རྒྱལ་པོར་ཞབས་ཏོག་སྒྲུབ་པའི་རུ་དཔོན་དང་། སྟོང་དཔོན། བརྒྱ་དཔོན། རྒྱལ་པོ་དང་རྒྱལ་སྲས་རྣམས་ཀྱི་ནོར་རྫས་དང་ཕྱུགས་ཐམས་ཅད་ལ་བདག་གཉེར་བྱེད་པའི་ཕྱག་མཛོད་རྣམས་དང་། ཉུག་རུམ་པ། མཐུ་སྟོབས་ཅན། དམག་མི་དཔའ་རྩལ་ཅན་ཐམས་ཅད་ཡེ་རུ་སཱ་ལེམ་དུ་བསྡུས་ཏེ།  
\v 2 རྒྱལ་པོ་དཱ་བིད་ཡར་བཞེངས་ནས་ན་རེ། ངའི་སྤུན་དང་ངའི་མི་རྣམས། ཁྱོད་ཅག་གིས་ངའི་གཏམ་ལ་ཉོན་དང་། དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་འཇོག་སའི་བསྟི་གནས་ཤིག་བཞེངས་ཏེ། རང་ཅག་གི་དཀོན་མཆོག་གི་ཞབས་སྟེགས་སུ་འགོད་པའི་འདུན་པ་ངའི་སེམས་སུ་བྱུང་ནས། མཆོད་ཁང་བཞེང་བའི་ཕྱིར་ཐམས་ཅད་བཤམས་མོད།  
\v 3 འོན་ཀྱང་དཀོན་མཆོག་གིས་བདག་ལ་འདི་སྐད་དུ། ཁྱོད་ནི་དམག་མི་ཞིག་ཡིན་ལ་མི་བསད་ནས་ཁྲག་ཕོས་པས། ངའི་མིང་གི་ཕྱིར་ཁྱོད་ཀྱིས་མཆོད་ཁང་བརྩིག་མི་རུང་ཞེས་གསུངས་སོ། །  
\v 4 ཡིན་ནའང་ཡེས་ར་ཨེལ་གྱི་དཀོན་མཆོག་ཡ་ཝཱེས་ངའི་ཡབ་ཀྱི་ཁྱིམ་རྒྱུད་ཡོངས་ནས་ང་རང་ཇི་སྲིད་བར་དུ་ཡེས་ར་ཨེལ་གྱི་རྒྱལ་པོར་བདམས་པར་མཛད། ཅིའི་ཕྱིར་ཞེ་ན། ཁོང་གིས་ཡ་ཧུ་དཱ་ནི་འགོ་དཔོན་དུ་བདམས་པ་དང་། ཡ་ཧུ་དཱའི་ཁྱིམ་རྒྱུད་ལས་ངའི་ཕ་གཞིས་བདམས་ཤིང་། ངའི་ཡབ་ཀྱི་བུ་རྣམས་ལས་ཁོང་ནི་ང་ལ་ཐུགས་མཉེས་པས་ང་རང་ཡེས་ར་ཨེལ་ཡོངས་ཀྱི་རྒྱལ་པོར་བསྐོས་པའོ། །  
\v 5 དཀོན་མཆོག་ཡ་ཝཱེས་ང་ལ་བུ་མང་པོ་གནང་ཞིང་། ངའི་བུ་རྣམས་ལས་ཡེས་ར་ཨེལ་ལ་རྒྱལ་སྲིད་བྱེད་དུ་དཀོན་མཆོག་ཡ་ཝཱེའི་རྒྱལ་ཁམས་ཀྱི་རྒྱལ་ཁྲིར་བཞུགས་པ་ལ་ངའི་བུ་སོ་ལོ་མོན་བདམས་པ་ཡིན།  
\v 6 ཁོང་གིས་བདག་ལ་འདི་སྐད་དུ། ཁྱོད་ཀྱི་བུ་སོ་ལོ་མོན་གྱིས་ངའི་མཆོད་ཁང་དང་ཁྱམས་ར་རྣམས་བརྩིག་པར་འགྱུར། ཅིའི་ཕྱིར་ཞེ་ན། བདག་གིས་དེ་ནི་ངའི་བུ་རུ་འགྱུར་བར་བདམས་པ་དང་། ང་ཡང་དེའི་ཕ་རུ་འགྱུར་བས་སོ། །  
\v 7 གལ་སྲིད་ཁོས་ད་ལྟ་བཞིན་དུ་བློ་བརྟན་འགྱུར་མེད་ངང་ངའི་བཀའ་རྒྱ་དང་སྒྲིག་ཁྲིམས་རྣམས་བསྲུང་བར་བྱེད་ན། ངས་ཀྱང་ཇི་སྲིད་བར་དུ་ཁོའི་རྒྱལ་སྲིད་བརྟན་པར་བྱའོ་གསུངས་བྱུང་།  
\v 8 དེའི་ཕྱིར་ད་ལྟ་དཀོན་མཆོག་ཡ་ཝཱེའི་མི་ཚོགས་ཡེས་ར་ཨེལ་ཡོངས་ཀྱི་མཐོང་ངོར། ང་ཚོའི་དཀོན་མཆོག་གིས་ཀྱང་གསན་སར། ཡུལ་སྐྱིད་པོ་འདི་ཁྱོད་རྣམས་ལ་དབང་བར་མ་ཟད། ཁྱོད་ཅག་གི་རྗེས་སུ་ཁྱོད་ཅག་གི་བུ་རྒྱུད་ལ་ཡང་གཏན་དུ་ས་སྐལ་དུ་ལུས་པའི་ཕྱིར། རང་གི་དཀོན་མཆོག་ཡ་ཝཱེའི་བཀའ་རྒྱ་ཐམས་ཅད་བསྲུང་བ་དང་དེ་བཙལ་དགོས།  
\v 9 ངའི་བུ་སོ་ལོ་མོན་ཁྱོད་ལ་མཚོན་ན། ཁྱོད་ཀྱིས་རང་གི་ཕ་ཡི་དཀོན་མཆོག་ངོ་ཟིན་པར་གྱིས། བློ་གཅིག་སེམས་གཅིག་གིས་དགའ་མོས་ངང་ཁོང་ལ་ཞབས་ཏོག་སྒྲུབས་ཤིག ཅིའི་ཕྱིར་ཞེ་ན། དཀོན་མཆོག་ཡ་ཝཱེས་མི་ཀུན་གྱི་སེམས་ལ་ཞིབ་དཔྱོད་མཛད་ཅིང་། བསམ་ཚུལ་ཡོད་ཚད་མཁྱེན་པས་ཁྱོད་ཀྱིས་ཁོང་བཙལ་ན་རྙེད་པར་འགྱུར་ཏེ། ཁྱོད་ཀྱིས་ཁོང་སྤངས་ན་ཁོང་གིས་ཁྱོད་དུས་རྒྱུན་དུ་འདོར་བར་འགྱུར་བས།  
\v 10 དོགས་ཟོན་གྱིས་ཤིག གནས་དམ་པའི་ཕྱིར་མཆོད་ཁང་ཞིག་བཞེང་བར་དཀོན་མཆོག་ཡ་ཝཱེས་ཁྱོད་རང་བདམས་པ་ཡིན་པས། སྙིང་སྟོབས་བསྐྱེད་ནས་དེ་ལས་ཤིག་ཅེས་གདམས་པའོ། །  
\v 11 དཱ་བིད་ཀྱིས་མཆོད་ཁང་གི་བར་ཁྱམས་དང་། ཁང་མིག བང་མཛོད། སྟེང་ཁང་། ནང་གི་ཁང་མིག ཐུགས་རྗེའི་བཞུགས་ཁྲི་འཇོག་སའི་གནས་དམ་པ་བཅས་ཀྱི་དཔེ་རིས་ཐམས་ཅད་རང་གི་སྲས་སོ་ལོ་མོན་ལ་སྤྲད་ཅིང་།  
\v 12 ཡང་ཁོང་གི་ཐུགས་ལ་ཡོད་པའི་དཔེ་རིས་ཐམས་ཅད་དེ་དཀོན་མཆོག་ཡ་ཝཱེའི་མཆོད་ཁང་གི་ར་སྐོར་དང་། མཐའ་འཁོར་གྱི་ཁང་མིག་རྣམས་དང་། དཀོན་མཆོག་གི་མཆོད་ཁང་གི་དཀོར་མཛོད་དང་། རྫས་དམ་པ་རྣམས་ཀྱི་གཏེར་མཛོད་བཅས་ཀྱི་དཔེ་རིས་ཁོ་ལ་བསྟན་པ་དང་།  
\v 13 ཡང་མཆོད་དཔོན་དང་ལེ་ཝི་པ་རྣམས་ཀྱི་ལས་ཚན་དང་། དཀོན་མཆོག་ཡ་ཝཱེའི་མཆོད་ཁང་གི་ཞབས་ཕྱིའི་ལས་འགན་སྣ་ཚོགས་དང་། དཀོན་མཆོག་ཡ་ཝཱེའི་མཆོད་ཁང་ལ་མཁོ་བའི་སྣོད་ཆས་མཐའ་དག་ཁོ་ལ་བསྟན།  
\v 14 ཡང་དཱ་བིད་ཀྱིས་གསེར་ག་ཚད་ཀྱིས་ཞབས་ཕྱིའི་རིགས་སྣ་ཚོགས་ལ་མཁོ་བའི་གསེར་ཆས་བཟོ་དགོས་པ་དང་། དངུལ་ཆས་སོ་སོ་དངུལ་ག་ཚད་ཀྱིས་བཟོ་དགོས་པ་དང་།  
\v 15 གསེར་ག་ཚད་ཀྱིས་གསེར་གྱི་སྒྲོན་སྟེགས་རྣམས་དང་སྒྲོན་སྟེགས་སྟེང་གི་གསེར་གྱི་སྒྲོན་མེ་རྣམས་བཟོ་དགོས་པ་དང་། གསེར་ག་ཚད་ཀྱིས་སྒྲོན་སྟེགས་རེ་རེ་དང་སྒྲོན་སྟེགས་སྟེང་གི་གསེར་གྱི་སྒྲོན་མེ་རེ་རེ་བཟོ་དགོས་པ་དང་། དངུལ་ག་ཚད་ཀྱིས་དངུལ་གྱི་སྒྲོན་སྟེགས་དང་སྒྲོན་སྟེགས་སྟེང་གི་དངུལ་གྱི་སྒྲོན་མེ་རྣམས་བཟོ་དགོས་པ་དང་། དངུལ་གྱི་སྒྲོན་སྟེགས་རེ་རེ་དང་སྒྲོན་སྟེགས་སྟེང་གི་དངུལ་གྱི་སྒྲོན་མེ་རེ་རེ་ནི་དངུལ་ག་ཚད་ཀྱིས་བཟོ་དགོས་པ་བསྟན་ཞིང་། དེ་ཐམས་ཅད་ནི་སྒྲོན་སྟེགས་རེ་རེའི་སྤྱོད་ཡུལ་བཞིན་ཡིན་ནོ། །  
\v 16 ཡང་གསེར་ག་ཚད་ཀྱིས་སྤྱན་བསྟར་བག་ལེབ་ཀྱི་ཅོག་ཙེ་བཟོ་དགོས་པ་དང་། དངུལ་ག་ཚད་ཀྱིས་དངུལ་གྱི་ཅོག་ཙེ་བཟོ་དགོས་པ་དང་།  
\v 17 གསེར་བཙོ་མ་ག་ཚད་ཀྱིས་ཤ་འཛིན་དང་། མཆོད་སྡེར། བུམ་པ་བཅས་བཟོ་དགོས་པ་དང་། གསེར་ག་ཚད་ཀྱིས་གསེར་ཏིང་བཟོ་དགོས་པ་དང་། ཏིང་ཕོར་རེ་རེའི་ལྗིད་ཚད་ག་འདྲ་ཡིན་དགོས་པ། དངུལ་ག་ཚད་ཀྱིས་དངུལ་ཏིང་བཟོ་དགོས་པ་དང་། ཏིང་ཕོར་རེ་རེའི་ལྗིད་ཚད་ག་འདྲ་ཡིན་དགོས་པ་དང་།  
\v 18 གསེར་བཙོ་མ་ག་ཚད་ཀྱིས་སྤོས་ཁྲི་བཟོ་དགོས་པ་དང་། ཡང་ཤིང་རྟ་དང་མཚུངས་ཤིང་གཤོག་པ་བརྐྱངས་ནས་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་འགེབས་པའི་གསེར་གྱི་ཀེ་རུབ་བཟོ་དགོས་པ་བཅས་བསྟན་ནོ། །  
\v 19 ཡང་དཱ་བིད་ཀྱིས་འདི་ལྟར། འདི་ཐམས་ཅད་ནི་ལས་ཀ་མཐའ་དག་གི་དཔེ་རིས་ཡིན་ལ། དཀོན་མཆོག་ཡ་ཝཱེས་ཁོང་ཉིད་ཀྱི་ཕྱག་གིས་བདག་ལ་དཔེ་རིས་བཀོད་ཅིང་ཤེས་པར་མཛད་པའོ་ཞེས་གསུངས་པ་དང་།  
\v 20 ཡང་དཱ་བིད་ཀྱིས་རང་གི་སྲས་སོ་ལོ་མོན་ལ་འདི་ལྟར། ཁྱོད་ཀྱིས་བློ་བརྟན་པོས་སྙིང་སྟོབས་བསྐྱེད་ནས་དེ་སྒྲུབས་དང་། མ་འཇིགས་མ་འཚབ་ཅིག ང་ཡི་དཀོན་མཆོག་ཡ་ཝཱེ་ནི་ཁྱོད་དང་མཉམ་དུ་བཞུགས་པས་སོ། །དཀོན་མཆོག་ཡ་ཝཱེའི་མཆོད་ཁང་གི་ལས་ཀ་ཐམས་ཅད་རྫོགས་པའི་བར་དུ། ཁོང་གིས་ཁྱོད་མི་བསྐྱུར་མི་འདོར་རོ། །  
\v 21 ཡང་ལྟོས་དང་། མཆོད་དཔོན་དང་ལེ་ཝི་པའི་ལས་ཚན་རྣམས་ཀྱིས་དཀོན་མཆོག་གི་མཆོད་ཁང་གི་ཞབས་ཏོག་ཐམས་ཅད་བསྒྲུབ་པ་དང་། ཡང་ལག་ཤེས་པ་སོ་སོས་ལས་རིགས་སྣ་ཚོགས་ཐད་དགའ་མོས་ངང་ཁྱོད་ལ་རོགས་འདེགས་བྱེད་པར་མ་ཟད། འགོ་དཔོན་རྣམས་དང་མི་ཡོད་དོ་ཅོག་གིས་ཀྱང་ཁྱོད་ཀྱི་བཀའ་ལ་མཉན་པ་ཡིན་ཞེས་གདམས་སོ། །   
\c 29
\cl ལེའུ་ཉེར་དགུ་པ། 
\toc1 ༄༅། །སྔོན་རབས་ཀྱི་མདོ་དང་པོ། 
\toc2 སྔོན་རབས་དང་པོ། 
\s1 མཆོད་ཁང་བཞེང་ཆེད་ཕུལ་བའི་ལེགས་སྐྱེས།  
\p
\v 1 རྒྱལ་པོ་དཱ་བིད་ཀྱིས་མི་ཚོགས་ཐམས་ཅད་ལ་འདི་ལྟར། ངའི་བུ་སོ་ལོ་མོན་ནི་དཀོན་མཆོག་གིས་བདམས་པ་དང་། ཁོ་རང་ལོ་ན་ཕྲ་ཞིང་ཤེས་རྒྱ་ཆུང་ཡང་ལས་ཀ་འདི་ནི་ཧ་ཅང་ཆེ་བ་སྟེ། མཆོད་ཁང་འདི་ནི་མི་ཡི་དོན་དུ་མ་ཡིན་ལ། དཀོན་མཆོག་ཡ་ཝཱེའི་དོན་དུ་ཡིན་པས་སོ། །  
\v 2 དཀོན་མཆོག་གི་མཆོད་ཁང་གི་དོན་དུ་ངས་རང་གི་ནུས་པ་ཡོད་ཚད་བཏོན་ནས། གསེར་ཆས་ཀྱི་ཕྱིར་དུ་གསེར་དང་། དངུལ་ཆས་ཀྱི་ཕྱིར་དུ་དངུལ་དང་། ལི་ཆས་ཀྱི་ཕྱིར་དུ་ལི་དང་། ལྕགས་ཆས་ཀྱི་ཕྱིར་དུ་ལྕགས་དང་། ཤིང་ཆས་ཀྱི་ཕྱིར་དུ་ཤིང་དང་། རྟ་ཀླད་དམར་པོ་དང་། ཕྲ་འདེབ་པར་རྡོ་རྗེ་ཕ་ལམ་དང་། ཚོན་རྡོ་དང་། རྡོ་བ་རིན་པོ་ཆེའི་རིགས་སྣ་ཚོགས་དང་། རྡོ་ཀ་མ་རུ་བཅས་མོད་པོ་བཤམས་པ་ཡིན།  
\v 3 དེར་མ་ཟད་ང་རང་དཀོན་མཆོག་གི་མཆོད་ཁང་ལ་ཤིན་ཏུ་དགའ་བས། མཆོད་ཁང་དམ་པ་དེའི་དོན་དུ་བཤམས་པ་ཐམས་ཅད་ཀྱི་ཁར། ངས་རང་གིས་བསགས་པའི་གསེར་དངུལ་ཡང་དཀོན་མཆོག་གི་མཆོད་ཁང་གི་ཕྱིར་ཕུལ་བ་སྟེ།  
\v 4 མཆོད་ཁང་ནང་གི་རྩིག་པ་རྣམས་ལ་བྱུག་པའི་ཕྱིར་དུ་ཨོ་ཕིར་གྱི་གསེར་རྡོ་ཚད་སུམ་སྟོང་དང་། དངུལ་རྐྱང་རྡོ་ཚད་བདུན་སྟོང་ཕུལ་ཡོད་དོ། །  
\v 5 ཡང་གསེར་ནི་གསེར་ཆས་ཀྱི་ཕྱིར་དང་། དངུལ་ནི་དངུལ་ཆས་ཀྱི་ཕྱིར་དང་། ལག་ཤེས་པ་རྣམས་བརྒྱུད་ནས་བཟོ་རྒྱུའི་བཟོ་ལས་ཀུན་གྱི་ཕྱིར་ཡིན་ཏེ། དེ་རིང་སུ་ཞིག་གིས་རང་ཉིད་དཀོན་མཆོག་ཡ་ཝཱེ་ལ་འབུལ་བར་འདོད་དམ་ཞེས་དྲིས་པས།  
\v 6 ཁྱིམ་རྒྱུད་སོ་སོའི་འགོ་དཔོན་དང་། ཡེས་ར་ཨེལ་གྱི་ཚོ་པ་ཁག་གི་ཚོ་དཔོན་དང་། སྟོང་དཔོན། བརྒྱ་དཔོན། རྒྱལ་པོའི་ལས་དོན་གཉེར་མཁན་གྱི་འགོ་དཔོན་ཐམས་ཅད་ཀྱིས་དགའ་མོས་ངང་ཕུལ་ཏེ།  
\v 7 དེ་ཐམས་ཅད་ཀྱིས་དཀོན་མཆོག་གི་མཆོད་ཁང་གི་ལས་ཀའི་ཕྱིར་གསེར་རྡོ་ཚད་ལྔ་སྟོང་དང་། གསེར་གྱི་དོང་ཙེ་ཆིག་ཁྲི། དངུལ་རྡོ་ཚད་ཆིག་ཁྲི། ལི་རྡོ་ཚད་ཆིག་ཁྲི་བརྒྱད་སྟོང་། ལྕགས་རྡོ་ཚད་ཆིག་འབུམ་བཅས་ཕུལ་ཞིང་།  
\v 8 ཡང་རིན་པོ་ཆེ་ཡོད་པ་དག་གིས་གེར་ཤོན་པ་ཡེ་ཧི་ཨེལ་བརྒྱུད་ནས་དཀོན་མཆོག་ཡ་ཝཱེའི་མཆོད་ཁང་གི་དཀོར་མཛོད་དུ་ཕུལ་ཏོ། །  
\v 9 མི་འདི་རྣམས་ཀྱིས་རང་མོས་ངང་ཕུལ་བས་མི་ཐམས་ཅད་དགའ་བ་སྟེ། ཅི་ལ་ཞེ་ན། ཁོ་རྣམས་ཀྱིས་བློ་གཅིག་སེམས་གཅིག་གིས་དགའ་མོས་ངང་དཀོན་མཆོག་ཡ་ཝཱེ་ལ་ཕུལ་བའོ། །རྒྱལ་པོ་དཱ་བིད་ཀྱང་རབ་ཏུ་དགའ་བར་གྱུར་ཏོ། །   
\s1 དཱ་བིད་ཀྱིས་ཡ་ཝཱེ་ལ་བསྟོད་པ་འབུལ་བ།  
\p
\v 10 དེ་ནས་དཱ་བིད་ཀྱིས་མི་ཚོགས་ཡོངས་ཀྱི་མདུན་དུ་དཀོན་མཆོག་ཡ་ཝཱེ་ལ་བསྟོད་ཅིང་འདི་ལྟར། བདག་ཅག་གི་ཡབ་མེས་ཡེས་ར་ཨེལ་གྱི་དཀོན་མཆོག་ཡ་ཝཱེ་ནི་རྒྱུན་ནས་རྒྱུན་དུ་བསྟོད་འོས་པ་ཡིན།  
\v 11 ཀྱེ་དཀོན་མཆོག་ཡ་ཝཱེ་ལགས། མཆོག་གྱུར་དང་ནུས་མཐུ། གཟི་བརྗིད། རྒྱལ་ཁ། བརྗིད་ཉམས་བཅས་ཐམས་ཅད་ཁྱེད་ཀྱི་ཡིན། ཅི་ལ་ཞེ་ན། གནམ་ས་གཉིས་ལ་ཅི་ཡོད་པ་ཐམས་ཅད་ཁྱེད་ཀྱི་ཡིན་ནོ། །ཀྱེ་དཀོན་མཆོག་ཡ་ཝཱེ་ལགས། རྒྱལ་སྲིད་ནི་ཁྱེད་ཀྱི་ཡིན། ཁྱེད་ནི་བླ་ན་མེད་པ་ཉིད་དང་ཐམས་ཅད་ལས་མཐོ་བ་ཡིན།  
\v 12 ཕུན་ཚོགས་དང་བཀུར་སྟི་ཁྱེད་ལས་བྱུང་ཞིང་། ཁྱེད་ཀྱིས་ཡོད་ཚད་ལ་སྲིད་མཛད་དེ། ཁྱེད་ཀྱི་ཕྱག་ཏུ་མཐུ་སྟོབས་དང་དབང་ཐང་མངའ། ཁྱེད་ཀྱི་ཕྱག་གིས་མི་ལ་བཀུར་སྟི་དང་སྟོབས་ཤུགས་གནང་བ་ཡིན།  
\v 13 ཀྱེ་ངེད་ཅག་གི་དཀོན་མཆོག་ལགས། ད་ནི་ངེད་ཅག་གིས་ཁྱེད་ལ་བསྟོད་པ་འབུལ། ཁྱེད་ཀྱི་གཟི་བརྗིད་ལྡན་པའི་མཚན་ལ་བསྟོད་བསྔགས་བརྗོད།  
\v 14 འདི་ལྟར་དགའ་མོས་ངང་འབུལ་བ་འབུལ་ཐུབ་པས་ང་ནི་སུ་ཡིན་ནམ། ངའི་མི་མང་ཡང་ཅི་ཡིན་ནམ། ཅི་ལ་ཞེ་ན། དངོས་པོ་ཐམས་ཅད་ཁྱེད་ནས་བྱུང་ཞིང་། ངེད་ཅག་གིས་ཁྱེད་ཀྱི་ཕྱག་ནས་གང་ཞིག་ཐོབ་པ་དེ་ཁྱེད་ལ་ཕུལ་བ་ཡིན།  
\v 15 ངེད་ཅག་ནི་རང་གི་ཕ་མེས་དང་འདྲ་བར་ཁྱེད་ཀྱི་དྲུང་དུ་མགྲོན་པོ་དང་ཕྱི་མི་ཡིན་ལ། ངེད་ཅག་གི་ས་གཞི་སྟེང་གི་མི་ཚེ་ནི་གྲིབ་གཟུགས་དང་འདྲ་བར་རེ་བ་ཅི་ཡང་མེད།  
\v 16 ཀྱེ་ངེད་ཅག་གི་དཀོན་མཆོག་ཡ་ཝཱེ་ལགས། ངེད་ཅག་གིས་བཤམས་པའི་ནོར་རྫས་འདི་ཐམས་ཅད་ནི་ཁྱེད་ཀྱི་མཚན་དམ་པའི་ཆེད་དུ་མཆོད་ཁང་ཞིག་བཞེང་བའི་ཕྱིར་ཡིན་ལ། ཐམས་ཅད་ཁྱེད་ནས་བྱུང་ཞིང་ཚང་མ་ཁྱེད་ལ་དབང་བ་ཡིན།  
\v 17 ཀྱེ་ང་ཡི་དཀོན་མཆོག་ལགས། ཁྱེད་ཀྱིས་མི་སེམས་ལ་ཞིབ་དཔྱོད་མཛད་དེ་དྲང་པོ་ལ་ཐུགས་མཉེས་པ་ངས་ཤེས་ཏེ། ངས་བློ་སེམས་དྲང་པོས་དགའ་མོས་ངང་འདི་ཐམས་ཅད་ཕུལ་བ་ཡིན། ཡང་འདིར་འཛོམས་པའི་ཁྱེད་ཀྱི་འབངས་མིས་ཀྱང་དགའ་མོས་ངང་ཁྱེད་ལ་འབུལ་བ་མཐོང་བས་ང་རང་རབ་ཏུ་དགའོ། །  
\v 18 ཀྱེ་ངའི་མེས་པོ་ཨབ་ར་ཧམ་དང་། ཨི་སཱག་དང་། ཡེས་ར་ཨེལ་བཅས་ཀྱི་དཀོན་མཆོག་ཡ་ཝཱེ་ལགས། ཁྱེད་ཀྱིས་མི་འདི་རྣམས་ཀྱི་སེམས་སུ་དུས་རྒྱུན་དུ་འདུན་པ་དང་བསམ་པ་འདི་འཇོག་པར་མཛོད། དེ་དག་གི་སེམས་ཁྱེད་ཀྱི་ཕྱོགས་སུ་བརྟན་པར་མཛོད།  
\v 19 ཡང་ངའི་བུ་སོ་ལོ་མོན་གྱིས་ཁྱེད་ཀྱི་བཀའ་རྒྱ་དང་དཔང་ཡིག སྒྲིག་ཁྲིམས་བཅས་ཐམས་ཅད་བསྲུང་བ་དང་། དོན་འདི་ཐམས་ཅད་འགྲུབ་པར་བྱེད་ཅིང་། ངས་བཤམས་པ་ཐམས་ཅད་ཀྱིས་མཆོད་ཁང་དེ་བཞེང་བའི་ཕྱིར་དུ། ཁོ་ལ་བསམ་པ་རྩེ་གཅིག་གནང་བར་མཛོད་ཅིག་ཅེས་གསོལ་བ་བཏབ་པའོ། །  
\v 20 དཱ་བིད་ཀྱིས་མི་ཚོགས་ཡོངས་ལ་འདི་ལྟར། ཁྱོད་རྣམས་ཀྱིས་རང་གི་དཀོན་མཆོག་ཡ་ཝཱེ་ལ་བསྟོད་པ་འབུལ་འོས་སོ་ཞེས་གསུངས་པ་ལ། མི་ཚོགས་ཡོངས་ཀྱིས་རང་གི་ཡབ་མེས་ཀྱི་དཀོན་མཆོག་ཡ་ཝཱེ་ལ་བསྟོད་བསྔགས་བརྗོད་ཅིང་། མགོ་བསྒུར་ཏེ་ཡ་ཝཱེ་དང་རྒྱལ་པོ་གཉིས་ལ་ཕྱག་བཙལ་ཏོ། །   
\s1 སོ་ལོ་མོན་ལ་སྣུམ་གྱིས་བྱུགས་ནས་རྒྱལ་པོར་བསྐོས་པ།  
\p
\v 21 ཉིན་དང་པོར་ཁོ་རྣམས་ཀྱིས་དཀོན་མཆོག་ཡ་ཝཱེ་ལ་མཆོད་པ་ཕུལ་ཞིང་། དེའི་ཕྱི་ཉིན་དཀོན་མཆོག་ཡ་ཝཱེ་ལ་སྦྱིན་སྲེག་གི་མཆོད་པར་བ་གླང་ཆིག་སྟོང་དང་། ལུག་ཐུག་ཆིག་སྟོང་། ལུ་གུ་ཆིག་སྟོང་བཅས་དང། དེ་དག་དང་མཉམ་དུ་འབུལ་བའི་སྐྱེམས་མཆོད་ཕུལ་ཞིང་། ཡང་ཡེས་ར་ཨེལ་པ་ཀུན་གྱི་ཕྱིར་མཆོད་པ་རྒྱ་ཆེན་པོ་ཞིག་ཕུལ་ཏོ། །  
\v 22 ཉིན་མོ་དེ་ལ་མི་ཚོགས་རབ་ཏུ་དགའ་ཞིང་དཀོན་མཆོག་ཡ་ཝཱེའི་དྲུང་དུ་བཟའ་བཏུང་ལ་རོལ། ཡང་ཁོ་རྣམས་ཀྱིས་དཱ་བིད་ཀྱི་སྲས་སོ་ལོ་མོན་ཡང་བསྐྱར་རྒྱལ་པོར་བསྐོས་པ་དང་། དཀོན་མཆོག་ཡ་ཝཱེའི་དྲུང་དུ་ཁོ་རང་དབང་སྒྱུར་མཁན་དུ་བྱུགས་པ་དང་། ཟཱ་ཏོག་མཆོད་དཔོན་དུ་བྱུགས་སོ། །  
\v 23 དེ་ལྟར་སོ་ལོ་མོན་ནི་དཀོན་མཆོག་ཡ་ཝཱེས་གནང་བའི་རྒྱལ་ཁྲིར་བཞུགས་ཤིང་རང་གི་ཡབ་དཱ་བིད་ཀྱི་ཚབ་ཏུ་རྒྱལ་པོར་བཞུགས། དོན་ཀུན་ལྷུན་གྱིས་གྲུབ་ཅིང་ཡེས་ར་ཨེལ་པ་ཀུན་གྱིས་ཁོང་གི་བཀའ་ལ་མཉན་པའོ། །  
\v 24 འགོ་དཔོན་དང་དཔའ་བོ་ཐམས་ཅད་དང་། རྒྱལ་པོ་དཱ་བིད་ཀྱི་སྲས་ཀུན་གྱིས་རྒྱལ་པོ་སོ་ལོ་མོན་གྱི་བཀའ་ལ་མཉན་ཏོ། །  
\v 25 ཡང་དཀོན་མཆོག་ཡ་ཝཱེས་ཡེས་ར་ཨེལ་པ་ཡོངས་ཀྱི་མཐོང་ངོར་སོ་ལོ་མོན་རབ་ཏུ་ཆེ་བར་མཛད་ཅིང་། ཁོང་ལ་རྒྱལ་པོའི་རྔམ་བརྗིད་བསྩལ་པ་ནི་ཁོང་གི་ཡར་སྔོན་གྱི་ཡེས་ར་ཨེལ་གྱི་རྒྱལ་པོ་ཐམས་ཅད་ལས་ཀྱང་ལྷག་པའོ། །   
\s1 དཱ་བིད་སྐུ་གཤེགས་པ།  
\p
\v 26 དེ་ཡང་ཡེ་སེའི་བུ་དཱ་བིད་ནི་ཡེས་ར་ཨེལ་ཐམས་ཅད་ཀྱི་རྒྱལ་པོར་བཞུགས་པ་དང་།  
\v 27 ཁོང་གིས་བསྡོམས་པས་ལོ་བཞི་བཅུའི་རིང་ཡེས་ར་ཨེལ་ལ་རྒྱལ་སྲིད་བསྐྱངས་པ་སྟེ། ཧེབ་རོན་དུ་ལོ་བདུན་དང་ཡེ་རུ་སཱ་ལེམ་དུ་ལོ་སུམ་ཅུ་སོ་གསུམ་ལ་སྲིད་བསྐྱངས་པ་ཡིན་ནོ། །  
\v 28 དེ་ནས་ཁོང་ལོ་ན་བགྲེས་ཤིང་ཚེ་ལོ་མཐར་ཕྱིན་པ་དང་། ནོར་དང་བཀུར་སྟིས་ཆོག་པར་གྱུར་ནས་སྐུ་གཤེགས་ཏེ། ཁོང་གི་སྲས་སོ་ལོ་མོན་གྱིས་ཁོང་གི་རྒྱུན་མཐུད་ནས་རྒྱལ་སྲིད་བསྐྱངས་སོ། །  
\v 29 རྒྱལ་པོ་དཱ་བིད་ཀྱི་མཛད་པ་སྔ་ཕྱི་རྣམས་ནི་མངོན་ཤེས་པ་སཱ་མུ་ཨེལ་གྱི་གླེགས་བམ་དང་། ལུང་སྟོན་པ་ནཱ་ཐན་གྱི་གླེགས་བམ་དང་། མངོན་ཤེས་པ་གཱ་རྡུ་ཡི་གླེགས་བམ་ནང་དུ་ཡི་གེར་བཀོད་ཡོད།  
\v 30 ཡང་ཁོང་གིས་བསྐྱངས་པའི་རྒྱལ་སྲིད་དང་། དཔའ་མཛངས་ལྡན་པའི་མཛད་རྗེས་རྣམས་དང་། ཁོང་རང་སྟེང་དང་ཡེས་ར་ཨེལ་དང་ཡུལ་སོ་སོའི་རྒྱལ་ཁམས་ཁག་ཏུ་བྱུང་བའི་བྱ་བ་རྣམས་ཀྱང་བཀོད་ཡོད་དོ།། །།