\id JON - Bola Bible; Brent and Sandi Wiebe; February 11, 2011 \h E Iona \toc1 E Iona A Nita Vakalohoka \toc2 Iona \toc3 Ion \mt1 E Iona \imt1 A Nita Vakalohoka \ip E Iona a propet i herea. E Iona e tune Amatai, na kabu ne Sebulon. I valai na tanga e Gat Heper, na tabeke mule sike o Israel. \ip Ni here na pida e 760 BC muga ne Kristo ni poda, na tahuna e Ieroboam II a hariki o Israel. Na tahuna iea, e huriki a Asiria a pile ne ria. \ip A puhu iea i vakasiri e BAKOVI DAGI i dodo e huriki lobo, i uka ma e huriki a Iuda kunana. \c 1 \s1 A Vure i Rudua e Iona \p \v 1 \x * \xo 1:1 \xt 2Ki 14:25\x* Na parava tara, a ngavane BAKOVI DAGI i bele ne Iona, e tune Amatai, i ta maea, \v 2 O pesi rike, o sike lakea na tanga dagi hateka e Ninive, o tahate ria, a vuhuna a matai ria ri rata a naro hale vakaroro na matagu. \p \v 3 Pali e Iona i pesi rike, ta ge ha ne BAKOVI DAGI ge lakea o Tarsis. I pori lakea o Iopa, i masia tara aga ta ge lakea vona a tanga iea. I habia a mapana aga, i rike vona, ta ge ha ne BAKOVI DAGI, ge lakea o Tarsis. \p \v 4 Pali e BAKOVI DAGI i vakabelea a taiava, i ratea a dari i bolu, i kule laea a aga i popote ge mapua. \v 5 E huriki a tahodari ri mangenge, lakea takutaku ne ria i vasileki lakea na vure vona. Muri ri vuroki a galesi ne ria i puru na dari, ge maraha a aga. \p Pali e Iona i puru na ngavana aga, i tabuli puru, i mahita mate. \v 6 A matakari na aga i valai, i vangoa, i ta maea, O mahita navai ke? O pesi rike, o vasileki na vure vomu, o takia ge matai hita, ge vakakori hita, ma si gi vurua. \p \v 7 Muri e huriki a tahodari ri vata, ri ta maea, Si gi voro a satu, si gi lohoka vona e rei a vuhuna a taiava iea i pori. R i voro a satu, i boru langa ne Iona. \p \v 8 Muri ri nanea, O taki mia, e rei a vuhuna a maregoa iea i bele ne hita? A ra leho o ratea? O malaga vai? E rei a rana tanga vomu? E rei a rana kabu vomu? \p \v 9 E Iona i koli, i ta maea, Iau a Hibru. A kavurikea e BAKOVI DAGI, a Vure na hunu, ra i rata rike a dari, a malala. \p \v 10 A nikoli ne Iona i vakamangenge ria. Lakea, ri nanea, A ra o ratea? Ri lohoka vona i ha ne BAKOVI DAGI, a vuhuna i taki ria pali. \p \v 11 A dari i bolu hateka, lakea ri nanea, A ra mi gi ratea vomu ge ratea a dari ge malilo? \p \v 12 I koli i ta maea, Mu bole rike iau, mu voro puru iau na dari. Muri bara i puru a malilo, i ngapa. Iau a lohoka vona, a naro hale nau i vakabelea ra taiava. \p \v 13 Pali e huriki a tahodari ri koi. Ri toni a bulune ria ni vore hamule na lavu. Ri toni, toni, ri pemo, a vuhuna a taiava i pori valai muga. \v 14 Muri ri vasileki lakea ne BAKOVI DAGI ri ta maea, O BAKOVI DAGI. Nahea mi gi vurua vona a matenga na bakovi iea. Nahea go kau virihi mia vona a matenga na bakovi i uka rarenga. O BAKOVI DAGI, o rata na ningaru vomu a maki lobo. \v 15 Muri e huriki a bakovi ri nugua e Iona, ri voro purua na dari, i pasipuru a taiava, i puru a malilo, i ngapa. \v 16 Na tahuna e huriki ri masia a dari i malilo, ri mangenge hateka ne BAKOVI DAGI, ri habi a nihabi vona, ri ta muholi lakea vona. \s1 A Manu Dagi \p \v 17 \x * \xo 1:17 \xt Mat 12:40\x* Pali e BAKOVI DAGI i rudua tara manu dagi, i todoa e Iona. E Iona i made pololilo na kavutuna manu na haro i tolu, na rodo i tolu. \c 2 \p \v 1 Na tahuna e Iona i made pololilo na kavutuna manu, i vasileki ne BAKOVI DAGI, a Vure vona, \v 2 i ta maea, \q1 Na naro hale nau, a popote ga mate, \q2 lakea a gale ioe, e BAKOVI DAGI, \q2 o koli mulea a ninana nau. \q1 O longoa a nitangi nau \q2 pololilo liu na lovo ne huriki ri mate. \q1 \v 3 O voro puru iau na utu, \q2 pololilo na dari. \q2 A dari i kavitagu iau, \q1 a bokona dari i rere tagu iau. \q1 \v 4 Muri a ta maea, Ioe o ngalahere nau, \q1 pali muri ma bara matai tabu \q2 a roho ni taba vomu. \q1 \v 5 A dari i kavitagu iau a popote ga mate. \q1 A utu i tabuli halui iau, \q2 a kadola i rako halui a gigu. \q1 \v 6 Polotano na vuhuna lolo, \q2 a pasiri puru, \q1 a puru polotano liu na utu, \q2 a luhoi ta ga made vakaroro na bavi. \q1 Pali ioe o korimule iau na lovo, \q2 ioe e BAKOVI DAGI, a Vure nau. \q1 \v 7 Na tahuna i vurea a matagu, \q2 a longo visi tabu ioe, e BAKOVI DAGI. \q1 A nivasileki nau i bele vomu \q2 na roho ni taba vomu. \q1 \v 8 E huriki ri togo a maka vure tavula ne ria, \q2 ri ngalahere na naro kamumu vomu o ngaru ni vakasiri ria vona. \q1 \v 9 Pali iau ga habi a nihabi vomu, \q2 bara kavurike ioe na linge. \q1 Ra maki a ta muholi vomu vona, \q2 bara rata kamumua. \q1 A nikorimule nau i valai ne BAKOVI DAGI! \p \v 10 Muri e BAKOVI DAGI i vakukua a manu, i lua talea na bike e Iona. \c 3 \s1 E Iona i Lakea o Ninive \p \v 1 Muri a nitane BAKOVI DAGI i bele tabu ne Iona, i ta maea, \v 2 O pesi rike, o sike lakea na tanga dagi hateka e Ninive, o vakalongo ria vona a ngava a habi vomu. \p \v 3 E Iona i longo mai a nitane BAKOVI DAGI, i vano, i lakea o Ninive. E Ninive a tanga dagi hateka, na parava i tolu bara o polo haluia. \v 4 \x * \xo 3:4 \xt Mat 12:41; Luk 11:32\x* Na mugana parava e Iona i laho dili na tanga dagi, i ta maea, Ge lobo a parava ge ravulu va, e Ninive ni gi ratapile. \v 5 E huriki o Ninive ri longoa a nitana Vure, ri taki ri gi peremu na kinani, ri gi rea na matutuna kala, i tubu ne huriki a kakaina tanga, i puru ne huriki a matasia. \p \v 6 Na tahuna a ngava i bele na hariki ne Ninive, i pesi rike na gula-hariki vona, i kali vuroki a bagetua vona, i rea a matutuna kala, i made puru na habulo. \v 7 Muri a hariki i habi a ngava i lakea ne huriki a Ninive, i ta maea, Iau a hariki turana e huriki a bolekori nau, mi vakuku mua vona a ngava dagi iea: \pi1 E huriki a bakovi, a kanirau, a kabuna sipsip, a bulmakau, nahea ri gi kani ri gi ninu. \v 8 E huriki a bakovi turana a kanirau ri gi rea na matutuna kala. E huriki lobo ri gi gale tuhaka a Vure, ri gi pulo a vilo hale ne ria, turana a rongova ne ria. \v 9 E rei ge lohoka vona? A Vure, ma ge pulo a niluhoi na rongova dagi vona, ge dodo hita, i uka ma si gi vurua. \p \v 10 Na tahuna a Vure i matai ria ri pulo a vilone ria na naro hale, lakea i dodo ria, i uka ma i ratapile ria ge manga a hini i taki muga. \c 4 \s1 E Iona i Tahate \p \v 1 E Iona, i uka ma i ngarua a naro i ratea e BAKOVI DAGI, lakea i tahate. \v 2 \x * \xo 4:2 \xt Nim 34:6\x* I vasileki ne BAKOVI DAGI, i ta maea, O BAKOVI DAGI, o longo iau. I uka ma a pea ma a robo nau, a lohoka vona pali i uka ma go ratapilea e Ninive. I mavonga, a toni ni ha lakea o Tarsis. A lohoka vomu, ioe a Vure na nidodo, na ningaru. O maradoi na nitahate, o ngaru hateka vakaroro e huriki. Ioe a Vure o kara ni pulo a niluhoi vomu na niratapile e huriki. \v 3 \x * \xo 4:3 \xt 1Ki 19:4\x* Ngane, o BAKOVI DAGI, o rabalaki iau. I kamumu hateka ga mate, ge ra ni mahuri. \p \v 4 Pali e BAKOVI DAGI i koli, i ta maea, Pali ioe, a rongova vomu i kamumu? \p \v 5 E Iona i pagitala na tanga d a g i e Ninive, i made n a tabeke na nirikena haro. I haea vonga a kape kiroko, i taru vona, i davea a r a maki ge masia ge bele n a tanga dagi. \v 6 Muri e BAKOVI DAGI a Vure i ratea tara mota i koru rike, ge habi a maniru na gine Iona, ge taru vona a harena haro. E Iona i vivi hateka vona a mota iea. \v 7 Pali n a hatelanga pokopoko na parava muri, e BAKOVI DAGI i rudua tara mata kiroko i ratapilea a mota, i malai. \v 8 Na tahuna a haro i rike, e BAKOVI DAGI i rudua a vilu dagi i pori valai na nirikena haro, lakea a haro i kani pilea a gine Iona, i ratea i vurea a matana, i ngaru ni mate. Lakea i takia a Vure, I kamumu hateka ga mate. Ge ra ni mahuri? \p \v 9 Muri a Vure i takia e Iona, A mota i malai pali, o tahate ke. Ra rongova vomu, i kamumu? \p Lakea e Iona i koli, i ta maea, A rongova nau i kamumu. I madihi hateka a hategu, a popote ga mate. \p \v 10 Pali e BAKOVI DAGI i t a maea, R a mota o luhoi hatekea, i uka ma o varoa. I uka ma o ratea ge koru. I gaga rike na rodo tara, i mate na rodo muri. \v 11 Pali a tanga dagi e Ninive i tahoka e huriki ala 120,000 ri made vonga, i uka ma ri lohoka vona a naro kamumu, a naro hale. I tahoka tabu a bulmakau i kupo. O luhoi navai, i uka ma ga dodo e huriki na tanga dagi iea?