\id REV Amb Revelation - IN 2010 
\h Ambova Sirorari 
\toc3 Amb 
\toc1 Ambova Siroraita Rouvie. Fefera Ambova Daiyagha Siroraita Rouvia Reta, Jon Na Gia, Ená Gaga Gefirie. 
\toc2 Ambova Sirorari 
\mt1 Ambova Siroraita Rouvie.  
\mt2 Fefera Ambova Daiyagha Siroraita Rouvia Reta, Jon Na Gia, Ená Gaga Gefirie.  
\ip Embó ragaro Jon na ená buka gefirie. Ekaresiada* beforo ririkigari sei siroruturia-da nundubari mo, Jojabee Iesu da ambo nimbi eini, Jon na ghaeko* 95 Iesu siroruturia-da ambova aghago ená buka gefirie.  
\ip Ená buka gefiria fefera aghade, Rom enemboda gavanami kuristini enembodu gitofo urota, mema kotú bouvu fakarago bee ututuaveta itatama egegeta urie. Aghá ua-du, númane rourogo mana-mana egeguturota, neno jurauve-degea unda buka gefirie.  
\ip God da gitofodava ambova daiyagha siroraita rouvia-de, kotú God na unda natofo daiyagha sonembea, vesa taubana númandu utaita rouvia-deda gaga iruguturieta, Jon na gia, ená buka gefirie. Fefera ambova daiyagha siroraita rouvia-nu Jon na barauva gia, ená buka gefirie.  
\is1 Jon Ená Buka Gefiria Gagada Mendó Mane, Aná Evere:  
\io1 1:1-8 Jon na Jojabeeda ragarova natofo dano ghanena urota, ená gaga tutuno urie.  
\io1 1:9-3:22 Jon barauva Jojabee Iesu geruria-da gaga gefirie. Kotú Jojabee Iesu na ekaresia dano 7 du gaga rieta ningia, Jon na gembua númandu vesa uria re.  
\io1 4:1-8:1 Ingiso eini eghovea, unda beva finje 7 mi takembuturia-nu Jojabee Iesu ifegutueta, bouvu mema dibe eini be eini endava siroruturia re.  
\io1 8:2-11:19 Anera dano 7 mi tavuya furitueta, mema dibe eini be eini siroruturia-nu, Jon na gia, anadu gefirie.  
\io1 12:1-13:18 Satan, unda ambo nimbi ungaghami nino oka aghago nindia ya, endava isagha aita rousua-da gaga re.  
\io1 14:1-15:8 God na neno akuago ea, oya ambo jetuko endava enembodava utaita simbugutueta, Jon unda dibe mokomi gerurie.  
\io1 16:1-21 God neno akuago ea ririeta kibubu 7 oya akuagomi beda uria-nu anera manemi bua, endava enembodava averegutueta, Jon gerurie.  
\io1 17:1-20:10 God na, Babilon bogu naa data bejota, Iesu kaverea furá Satan nandia bua, ivariva fugota voraita rouvia-da gaga re.  
\io1 20:11-15 Irurarida fefera re.  
\io1 21:1-22:5 God da irari kambesi rekade, uutu enda rekade, kotú Jerusalem bogu naa rekade dano Jon unda dibe mokomi gia, isagha urie.  
\io1 22:6-21 Jon na Jojabee Iesu kaverea furari-du benunu urota, unda banuna gaga gefirie.  
\c 1  
\s1 1:1-3 Ená Gaga Gembari-Du Rea, Iesu Unda Anera Eini Ninenguturieta, Jon Dava Aria Re.  
\p
\v 1-2 Ambova eini-eini donu gaimbo ambi siroraita rouvia reta, God na Iesu Keriso dava irugutata-gea, Iesu na unda buro kakato niningigari-du rea, unda anera ninegutata andava futa, aná eini-eini irugutata, amó gia tanana utare. Amó Jon, Iesu da, buro kato eini re. God unda gaga, Iesu dava ututa-nu, kotú Iesu Keriso na amó kena iruguta-nu dano ená bukava rei-gefere.  
\v 3 Enembo avona ená buka natofodu irugadua, God na umó ea simbugaita rouvie. Kotú avona ená bukava donu ambova siroraita rouvia-da bingá ningia, gaga daiyagha gembari vitia-nu ambo-ambo adua, umó beago God na ea simbugaita rouvie. Anada bee mo, fefera etia, utuvako rouvie.   
\s1 1:4-8 Ekaresia Dumeni Esia Frovensivanu Jon Na Ghanena Uria Re.  
\p
\v 4-5 \x - \xo 1:4-5 \xt Ex 3:14; \xt Amb 4:5; \xt Is 55:4; \xt Ps 89:27\x*Ekaresia* ingo yoveni yoveniva ungagha Esia frovensiva vitera, nímane anona ghanena bee rore. Amó Jon re. God seibe vitiria, oreki vitia, kotú dabako unona tumanadu iraita rouvia-na, kotú, unda Asisi dano ingo yoveni yoveniva ungagha\f + \fr 1:4-5 \ft Enava gaga \fq God unda Asisi ingo yoveni yoveniva ungagha\ft reiria mo, Asisi Kakaradu reirie.\f* unda avo asumbarida dibe kena jiria vitia-de, kotú Iesu Keriso numonde dano sonembade, kotú siriride utota nímandava iroe! Kotú ená Iesu Keriso rera, unda gaga andú isaghava rirota, gaa bee nuenembo ritata niningare. Aghade enembo avona amburarivareta jebugea eraita rouvia-da bego, umó re. Kotú ená endava vitia kini mane nanjogoda Jojabee, aná umó re.  
\p Unona namonde amó neno rururota, unda amburarimi, namonde anda ari-bari akokogoda mino ututurieta, namonde amó jejebugea vitere.  
\v 6 \x - \xo 1:6 \xt Ex 19:6; Amb 5:10\x*Kotú, namonde amó gategea, unda Afa God da natofo* ea, kotú unda buro egegari-du rea, unona ririeta, namonde amó unda fristi* ea vitere. Avore, Iesu Keriso dava duroghade anode dano vitia-du undú tumanadu raga regeguturota iririgore! Aĩ gaa bee re.   
\p
\v 7 \x - \xo 1:7 \xt Dan 7:13; Mat 24:30; Mak 13:26; Luk 21:27; 1 Te 4:17; \xt Zech 12:10; Jon 19:34, 37; \xt Zech 12:10; Mat 24:30\x*Gigige! Jojabee gooso rova vorefurota gigigaita rosore! Umó vorefuradua, enembo dano, undú injigha ea bua gaegeguturia-de dano, umó gigiguturota, jii raita rousue. Aghá siroraita rouvie! Gaa bee re!   
\p
\v 8 \x - \xo 1:8 \xt Amb 22:13; \xt Ex 3:14\x*Jojabee God, eghá reirie. “God ano tofo, seibe vitiria, vitia kotú tumanadu iraita rouvia, aná amó re. Kotú eini-eini nanjogoda ifegari kato kotú gajari kato, aná amó re.”   
\s1 1:9-20 Jon Unda Dibe Mokomi Geruria-Nu Tutuno Ea Gefiria, Aná Evere.  
\p
\v 9 Amó Jon, nímanda ikoko mendi eini re. Namonde amó dano Iesu da natofo* re. Namonde andava Iesu da gitofomi mema utuaveta durumugea itatama egegeta rosora-da embó eini amó re. Iesu da Gaga bee, kotú God da Gaga, anona minono rirota vitirera-du, amó nandia bua furia, butu ragaro, Patmos enava itia dotutata vitere.  
\v 10 Fura Jojabe einiva Asisi Kakarami vorea, andava asugutata, beda ero jojabe tavuyada erogomi anda ambo kenava rieta, amó niningare.  
\v 11 Niningueta, eghá rita, “Imó doreta rei-gerora, aná bukava gembua utu, ekaresia* bogu naa ingo yoveni yoveniva ungagha vitia dava yae! Aná bogu naa mane rera, Efesus, Smerna, Pergamas, Taiyataira, Sardis, Filadelfia kotú Laodisia dedava utadi yae!”   
\p
\v 12 Aghá rea sidara utata, aná gaga avona rita-nu, gaita kaverutare. Kaverutara mo, nanefa jirari sinakefi aghago, auri \tl goldi\tl* mi ari dano ingo yoveni yoveniva ungaghade, anada itiva nanefa ingo yoveni yoveniva ungaghade dungitata irieta gerare.\fig Nanefa jirari sinakefi ingo yoveni yoveniva ungagha Jon na geruria-da bee mo, bogu naada ekaresia ingo yoveni yoveniva ungagha, anada tano avore.|src="113 Lampstands_WA04002b.tif" size="col" loc="1:12" ref="Ambova Sirorari 1:12" \fig*  
\v 13 \x - \xo 1:13 \xt Dan 7:13; \xt Dan 10:5\x*Aná nanefa jirari sinakefida rorova, enembo bee eini aghago jiria irieta gerare. Unda asugari dighari koburu ea kotú, unda ukóva sangorova eembo auri \tl goldi\tl* mi arinu asugea jiria irieta gerare.  
\v 14 \x - \xo 1:14 \xt Dan 7:9; 10:6\x*Unda fouma saghai forosago re. Unda dibe eto-bato ivarida buburago re.  
\v 15 \x - \xo 1:15 \xt Ezek 1:24; 43:2\x*Unda eka aná eto-bato auri ivariva ingeaveta, evia imu raira ee-rouvia aghago re. Unda beda ero rita, aná eto-bato uria bubua, ero rei-rouvia-da ero aghago re.  
\v 16 Unda ingo bee kenava damana dano ingo yoveni yoveniva ungagha bua righia jiria irieta gerare. Unda be rova, kaiya yoveni-yoveni dii riribago reta buburitueta gerare. Kotú unda dibeva, feferada unana aghago janimbuta.  
\v 17 \x - \xo 1:17 \xt Is 44:6; 48:12; Amb 2:8; 22:13\x*Umó gerurota, amó ambua irari embó aghago ea, unda eka tuva jua vasia vitare. Vasia irieta, unda ingo bee kenami sinia, anda tamova ririkurota, eghá rita. “Andú mania oru ata! Eini-eini nanjogoda tutuno ari kotú tano ari aná amó re.  
\v 18 Jebugada ruru aná amó re. Gaa bee re, amó ambubutare. Tago, nundubea gi! Amó amburarivareta jebugea erea vitere. Kotú tumanadu iraita rore. Amburari, aná anda rari ningari re. Kotú amburari enemboda bebatoda boraga anona bua kaifa rore.   
\p
\v 19 Amindu rea, donu inda dibe mokomi gadora, ananu gembu! Eini-eini oreki donu sirorea vitia-de, kotú ambova siroraita rouvia-de dano, ená bukava gembu iroe!  
\v 20 Eini-eini kivumi vitia-da bee, aná evere: aná damana ingo yoveni yoveniva ungagha anda ingo bee kena bua righia irieta, rei-gerora-da bee aná evere. Bogu naa dano ingo yoveni yoveniva ungagha anada ekaresiada anera mane ingo yoveni yoveniva ungagha, aná númane re. Kotú nanefa jirari sinakefi auri \tl goldi\tl* mi ari dano ingo yoveni yoveniva ungagha rei-gerora-da bee aná evere. Bogu naada ekaresia ingo yoveni yoveniva ungagha retora, aná númane re.” aghá rita.   
\c 2  
\s1 2:1-7 Jojabee Iesu Na, Ekaresia Bogu Naa Efesus Desea Vitiria Enembodu, Ená Gaga Riria Re.  
\p
\v 1 Aghá rea doa, Iesu andú rekago eghá rita, “Efesus desea vitia ekaresiada* aneradu ená gaganu gembua utu, yae! Avona aná damana ingo yoveni yoveniva ungagha unda ingo beemi righia vitia, kotú aná nanefa jirari sinakefi ingo yoveni yoveniva ungagha auri \tl goldi\tl* mi arida rova deĩ rouvia, aná amó re.\f + \fr 2:1 \ft Namonde anda gaga ungagha \ft \+it anera\+it* kotú \+it aghi kato\+it* reta rosora-du, Grik enembomi gaga dabako \+tl “anggelon”\+tl* regegeta urie. Gogorogo mo, Grik enembo gaga niavo jijimu egegeta uria-nu gerurota, tanana rosore, aneradu reiria, aĩ, aghi katodu reirie. O buka ragaro, \+bd “Ambova Siroraita Rouvie”\+bd* tano ungaghade bakodeda rova Jon na \+it anera\+it* nundubea gefiria, aĩ \+it aghi kato\+it* nundubea gefiria-nu jo tanana goghó ambi re.\f* \fig Iesu Da Gaga Jon Na Gia Ingisova Gembua Ená Ekaresia Dano 7 Dava Ututurie.|src="114 Map_GPS_7Churches 3D gray.tif" size="span" loc="2:1 - 3:21" ref="Ambova Sirorari 2:1" \fig*  
\v 2 Nímane, daiyagha buro fakarabe urota, jo doambi bouvu fufita reisi-fora, kotú ari akokogo enembomi nímanda rorova terauve-degea bureguturota, númane tuveta rosora beago, amó tanana rore. Aghade, enembo dumeni aria bubua, nímane kukuvirota, ‘Námane Iesu da aghi kakato re,’ regegutata, nímane aná enembonu iruruturota, númane aná gavera kakato tanana ea, númanda gaga jo gaabee ambi utaravore.  
\v 3 Nímane andú rea, ano ea, gitofoda dibeva tumomi sireguturota, mema itatama egeguturota, injigha jo egegambi re.   
\p
\v 4 Tago, nímanda dara dabako nímane eghá rosoravore. Sei nímane, amó neno bua goghó egegeta ureravore. Atá oreki, nímane jo amó neno bua goghó ambi rosoravore.  
\v 5 Aghadu rea, nímanda ari akokogo vureguturota, nímane sei emboro daiyagha egegeta urera, dabako aghagonu egegadi rere! Atá, jo aghá egegambi adora mo, amó ya, nímanda nanefada sinakefi jiria vitia-nu, bua fugota, nímandava ano sidara aita rouvie.  
\v 6 Tago, nímanda ari taubana eini egegeta rosora, aná evere. Nikolas unda ambo nimbideda aito fugari injigha eta rora aghagonu, nímane beago injigha eta rosoravore.   
\p
\v 7  \x - \xo 2:7 \xt Gen 2:9; Amb 22:2; \xt Ezek 28:13; 31:8\x*Nímane avona nghaĩde iradora, nghaĩ javea, Asisi Kakarada daiyagha ekaresia manedava reiria, aná ningia goghó egege! Avona, anda ragarova ano ea jiradua-dava,\f + \fr 2:7 \ft Tutuno 7 enava saghaideda gaami \ft \+tl win the victory\+tl* gefirie. Gogorego namonde amó mene-mene arinu nundubuturota, \fq gitofo dea, ekami ukova fatia jirari \ft regegasire. Tago, Iesu enava namonde anda asisi simbugari-du reirie. Aghá-gea, enava “anda ragarova ano ea jirari” gefirere.\f* anona ika eini God da aayova govari vitia-da vurinu ututurota, undarida emboro undú ifegaita rore. Aná ika vuri avona undadua mo, jebuga tumanadu irari tambua baita rouvie.”   
\s1 2:8-11 Jojabee Iesu Na, Ekaresia Bogu Naa Smerna Desea Vitiria Enembodu, Ená Gaga Riria Re.  
\p
\v 8  \x - \xo 2:8 \xt Is 44:6; 48:12; Amb 1:17; 22:13\x*Aghá rea doa, Iesu andú rekago eghá rita, “Smerna desea vitia ekaresiada* aneradu ená gaganu gembua utu, yae! Eini-eini nanjogoda tutuno ari kotú tano ari ana amó re. Kotú, ambua, amburariva reta jebugea erea vitia embómi nímandu gaga reiria, aná amó re!  
\v 9 Nímanda mema itatama egegeta rosora, amó rei-gerore. Nímane makasi enembo aná amó rei-gerore. Tago, Afadava nímane aná gugua-ghayafade re. Amó rei-gerore, enembo dumenimi ‘Námane God da natofo bee re. Nímane jo aghago irambi re.’ rirota, nímanda tamova gaga sembago regegeta rousue. Aghá regegeta rousue-tago gaa bee re, númane Satan da nonida enembo dumeni ea vitie.\f + \fr 2:9 \ft Aná enembo regeguturia gagada bee aghá re. Tago bemi jo \fq “Námane God da natofo” \ft jo rambi re. Bemi númane “Námane Jiusi enembo re,” regeguturie. \f*  
\v 10 Mema donu oreki nímandava siroraita rouvia-du, mania oru egegata! Ená gaganu ningia goghó egege! Nímanda gaabee ari kuvia gaita rea, nímanda ikoko mendi dumeni aná Satan da dumenimi bua ya, diburava gajaita rousue. Ená mema rera, aná fefera ingo ungaghada rova itatama uradi-gea ya, sidara aita rouvie. Nímane amburaridu oru ambi andú rirota amburadora mo, amó jebuga tumanadu irarida kotofu nanamu beforo kasava aghagonu utota asugaita rosoravore. Aná kotofu nanamu avona bua asugadua, umó aná jebuga tumanadu irari tambua baita rouvie.   
\p
\v 11  \x - \xo 2:11 \xt Amb 20:14; 21:8\x*Nímane avona nghaĩde iradora, nghaĩ javea, Asisi Kakarada daiyagha ekaresia manedava reiria, aná ningia goghó egege! Avona anda ragarova ano ea jiradua,\f + \fr 2:11 \ft Ii, gaga \xt Amb 2:7 \ft anada tuva gembari vitia-nu iruge, gadi!\f* irurari feferava Afa jo númane rata, mema itatama urota, rekago amburambi aita rousue.” Iesu aghá ririe.   
\s1 2:12-17 Jojabee Iesu Na, Ekaresia Bogu Naa Pergamam Desea Vitiria Enembodu, Ená Gaga Riria Re.  
\p
\v 12 Aghá rea doa, Iesu andú rekago eghá rita, “Pergamam desea vitia ekaresiada* aneradu ená gaganu gembua utu, yae! Embó, avona unda beva kaiya yoveni yoveni dii riribago bubuta rouvia-mi, ená gaga nímandava reirie.  
\v 13 Amó tanana rore, nímane Pergamam naava desea vitera, aná Satan da irari kambesi bee re. Umó ano ea, anava asumbea vitie. Tago, nímane andú gaabee egeguturota, jo andú injigha egegambi rosoravore. Kotú anda bingá isagha eta uria buro kato Antipas nu, Satan da enembo dumenimi dedegutata ambubuta feferava beago, nímane jo andú injigha egegambi re.   
\p
\v 14  \x - \xo 2:14 \xt Num 22:5, 7; 31:16; Deut 23:4; \xt Num 25:1-3\x*Tago, nímanda yavi akuago dumeni vitie, eini eghá egegeta rosoravore. Balam da donu iruguturia-nu nímanda dumenimi aghago egegeta rousue. Balam unona, Israel enemboda gitofo Balak sonembuturota emboro iruguturieta, Balak na Israel enembo kukuvirieta viro kombo egeguturota, ingomi uubu ari god du vesa utua, tumogha baĩ urota, aná vesa ututuria undarinu undidigeta urie.  
\v 15 Aghagonu urota, nímanda rorova enembo dumenimi, Nikolas unda ambo nimbideda donu irugeta rousua ananu ambo-ambo egegeta rousue.  
\v 16 Avota, nímanda ari-bari akokogo aná vuregea dodoge, ya sidara ae! Atá nímane aghá jo egegambi adora mo, amó gaimbo ambi ya bubua, anda beva bubua vitia kaiyami aná enembode mene-mene aita rore.   
\p
\v 17  \x - \xo 2:17 \xt Ex 16:14-15; 16:33-34; Jon 6:48-50; \xt Is 62:2; 65:15\x*Nímane avona nghaĩde iradora, nghaĩ javea, Asisi Kakarada daiyagha ekaresia manedava reiria, aná ningia goghó egege! Avona, anda ragarova ano ea jiradua mo,\f + \fr 2:17 \ft Ii, gaga \xt Amb 2:7 \ft anada tuva gembari vitia-nu iruge, gadi!\f* undari taubana ragaro \tl mena,\tl*\f + \fr 2:17 \ft Eini-eini ragaro \ft \+tl mena\+tl* mo, God na ghaeko 40 utuaveta damogha voreaveta, Israel enembomi uvu kotú enembo irambi kambesiva deĩ urota bubugea undidigeta urie.\f* God da kambesiva nungari vitia-nu, anona utota baita rouvie. Kotú aghade, undú singoi saghai tamonu utota baita rouvie. Aná singoiva ragaro gembari vitia-nu jo avona tanana ambi aita rouvie, avona badua-mi unuka tanana aita rouvie.”   
\s1 2:18-29 Ekaresia Taiyataira Desea Vitiria-du, Jojabee Iesu Ená Gaga Riria Re.  
\p
\v 18 Aghá rea doa, Iesu andú rekago eghá rita, “Taiyataira desea vitia ekaresiada* aneradu ená gaganu gembua utu, yae! God da Mendi unda dibe aná eto-bato ivari buburago, kotú unda eka auri ivariva ingiaveta evia, imu raira ee-rouvia aghagomi reirie,  
\v 19 ‘Nímane daiyagha daiyagha egegeta rosora, aná gita rore. Nímane daiyagha neno buta rosora, kavevera egegeta rosora, kotú durumugea irirota, gaabee egegeta rosora dano, amó rei-gerore. Ená ari-bari rera, sei aná itoko egegeta ureravore. Tago, oreki mo, aná ea goghó rosoravore.   
\p
\v 20  \x - \xo 2:20 \xt 1 Kgs 16:31; 2 Kgs 9:22, 30\x*Tago, nímane dara eghá egegeta rosoravore. Nímanda rorova evetu eini Jesebel na gavera rirota, “Amó aná God da feroveta eini re.” reta rouvie. Aghá rirari, nímane jo buregambi eta rosoravore. Unona, anda yavero kukuvirota nghaĩ ititurota reaveta, viro kombo urota, kotú enemboda ingomi uubu arida dibeva tumogha baĩ urota, vesa utari undarinu bua undidigeta rousue.  
\v 21 Unda ari-bari akokogo doa, neno kaverari-du rea, amó undú goroto rei-ututore. Tago, umó viro kombo doa, neno kaverea andava furari jo uno ambi re.  
\v 22 Amindu, Jesebel unda viro kombo eta rousua kokomanade jo neno kaverea, númanda ari-bari akokogo doambi egegadua mo, anona rata, númane dano mema jojabe itatama egegaita rousue.  
\v 23  \x - \xo 2:23 \xt Ps 7:9; Jer 17:10; \xt Ps 62:12\x*Unda kokomana dumeni beago, anona data ambubugota, anda ekaresia dano tanana egegaita rousue. Enembo daba-daba, númanda neno rova daiyagha nundubeta rousua, kotú donu uno eta rousua dano, amó gari re. Kotú númane daiyagha eta rousua-nu gerurota, anada mino inonova utota bubugaita rousue.   
\p
\v 24 Aghá re-tago, nímane nanjogo Jesebel da gaa jo ambo-ambo egegambi urota, kotú “Satan da nungari gaga” gaa regegeta rousua-nu jo ambo-ambo egegambi vitera enembo dava eghá rere. Amó nímandu buro dumeni jo utambi aita rore.  
\v 25 Nímanda gaabee ari emboro daiyaghagova egeguturota vitera, aghá nuenembo egegutu-gea, amó kaverea furore.  
\v 26-27  \x - \xo 2:26-27 \xt Ps 2:8-9\x*Avona anda ragarova ano ea jiria,\f + \fr 2:26-27 \ft Ii, gaga \xt Amb 2:7 \ft anada tuva gembari vitia-nu iruge, gadi!\f* anda uno nuenembo kaifa urota, fefera banuna adua, anona undú endava kaifa arida ano, God Afada andú ututuria aghagonu, utaita rore. Umó besia aurimi arinu bua, aná endava enembo kaifa urota, númandu mema bouvu ututurota, ovu deaveta bejeta rouvia aghago, númane dea bebetegaita rouvie.  
\v 28 Kotú, rifoda doga anona undú utota baita rouvie.\f + \fr 2:28 \ft Ii, rifoda dogada gaga dumeni \xt Amb 22:16 \ft vitia-nu gadi!\f*  
\v 29 Nímane avona nghaĩde iradora, nghaĩ javea, Asisi Kakarada daiyagha ekaresia manedava reiria, aná ningia goghó egege!’”   
\c 3  
\s1 3:1-6 Jojabee Iesu Na, Ekaresia Bogu Naa Sardis Desea Vitiria Enembodu, Ená Gaga Riria Re.  
\p
\v 1 Aghá rea doa, Iesu na andú rekago eghá rita, “Sardis desea vitia ekaresiada* aneradu ená gaganu gembua utu, yae! Enembo avona God da Asisi ingo yoveni yoveniva ungagha nu bua righia vitia, kotú damana ingo yoveni yoveniva ungagha beago bua righia vitia, aná amó re. Amindu, nímandu amó gaga eghá rere. Nímane donu egegeta rosora, amó gita rore. Enembo nímandu ‘jebuga irari’ gaa regegeta rousue. Tago, nímanda neno rova nímanda asisi aná seibe ambubuguta.  
\v 2 Aghadu rea, dibe fafangege, nímanda jebuga itoko vitieta, kaifa uu-gea, bariroe! Mania doadi-gea ya, sidara auveta! Nímane daiyagha egeguta reisi-fora, kotú oreki rosora, aná jo inono irambi re. Anda God da dibeva nímane itoko kasovigeta rosoravore.  
\v 3  \x - \xo 3:3 \xt Mat 24:43-44; Luk 12:39-40; Amb 16:15\x*Aghá-gea, nímane donu gerara, kotú niningigutara, rekago nundubadi rere. Ananu ambo-ambo urota, neno kaverea, nímanda akokogo dodoge! Tago, aghá ambi adora, amó nímandava bagia enembomi bubarigo aita rore. Anda furari fefera nímane jo nundubambi iririguturadi, amó nenomi furá bubota, duduku egegaita rosoravore.   
\p
\v 4 Tago, nímane daba-daba Sardis naava desea vitera-du eghá rere. Satan nímane kukuva-tago, nímane jo jurambi re. Enembo eembo saghai tamo kaifa ea goghó eta rousua aghagonu, nímanda neno roo kaifa egegeta rosoravore. Amindu, fefera ambova anona rata, nímane bo-eembo saghai tamonu asusugea, namonde dano deĩ egegaita rosore. Anada bee mo, nímane aghá ari inono bee re.  
\v 5  \x - \xo 3:5 \xt Ex 32:32-33; Ps 69:28; Amb 20:12; \xt Mat 10:32; Luk 12:8\x*Avona anda ragarova ano ea jiradua,\f + \fr 3:5 \ft Ii, gaga \xt Amb 2:7 \ft anada tuva gembari vitia-nu iruge, gadi!\f* anona tamo asugari saghai retora aghagonu bua, undava asugaita rore. Unda ragaro jebuga tumanadu irarida bukava gembari vitia, jo dufambi aitare. Kotú God Afa unda anera manededa dibeva, umó anda tofo ea vitia, ananu isaghava karigaita rore.   
\p
\v 6 Nímane avona nghaĩde iradora, nghaĩ javea, Asisi Kakarada daiyagha ekaresia manedava reiria, aná ningia goghó egege!”   
\s1 3:7-13 Jojabee Iesu Na, Ekaresia Bogu Naa Filadelfia Desea Vitiria Enembodu, Ená Gaga Riria Re.  
\p
\v 7  \x - \xo 3:7 \xt Is 22:22; Job 12:14\x*Iesu rekago andú eghá rita, “Filadelfia desea vitia ekaresiada* aneradu ená gaganu gembua utu, yae! Embó kakara kotú gaa beeda ruru aná amó re. Nimandu eghá rere, Devit umó ano urota, God da natofo kaifa eta uria aghagonu, anona God da natofo kaifa urota vitere. Amó aghá urota, jebuga tumanadu irarida emboro ifegadora, avona jo gajambi aita rouvie. Kotú anona gajadora, avona jo ifegambi aita rouvie.   
\p
\v 8 Nímanda donu egegeta rosora, amó gita rore. Nímanda gaabee ari ijoijokoko vitie. Aghá-gea, amó donu iruguturera-nu niningigea, aghá egegeta rosoravore. Kotú nímane andú jo injigha egegambi re. Amindu rea, nímandu amó emboro ifegutare. Kotú aná emboro mo, avona jo gajambi aita rouvie.  
\v 9  \x - \xo 3:9 \xt Is 49:23; 60:14; \xt Is 43:4\x*Niningige! Enembo dumeni gavera regeguturota, eghá reisi-rie, ‘Námane God da natofo bee re. Nímane jo aghago irambi re.\f + \fr 3:9 \ft Ii, gaga \xt Amb 2:9 \ft anada tuva gembari vitia-nu iruge, gadi! \f*’ Tago, númane aná Satan da dumeni re. Anona rata-gea, númane ya, nímanda eka tuva jua tumogha baĩ egeguturota, nímane neno buta rora-nu, númane gia tanana egegaita rousue.  
\v 10 Nímane durumugea, ano urota, anda gaga kaifa urota, ambo-ambo urota, jo jurambi egegutara amindu, amó endava enembo kuvia gerurota, fefera ambova dara utota siroraita rouvia feferava, anona sonembota, nímane aná dara jo itatama ambi egegaita rosoravore.   
\p
\v 11 Amó nímandava ya bubaita rora fefera etia utuva etue. Amindu, amó daiyagha gaabee urota vitera, aghagonu kaifa ea goghó urota iririgadi rere! Rourogo nímanda mino, eto-bato dibe nanamugo anda utaita rora-nu enembomi nímandava rougea bauve-degea rere.  
\v 12  \x - \xo 3:12 \xt Amb 21:2; \xt Is 62:2; 65:15\x*Avona anda ragarova ano ea jiradua,\f + \fr 3:12 \ft Ii, gaga \xt Amb 2:7 \ft anada tuva gembari vitia-nu iruge, gadi!\f* anona umó bua, anda God da Tafaroro Ari Kambo tutumbudu itota, gangorogha jiria iraita rouvie. Tumanadu umó aghá urota iraita rouvie. Anona númanda tamova ragaro bakode gembaita rore. Eini God Afada ragaronu gembaitare. Eini aná God da naa reka Jerusalem uutuvareta vorefuraita rouvia-da ragaronu gembaita rore. Kotú, anda ragaro reka beago númanda tamova gembaitare.   
\p
\v 13 Nímane avona nghaĩde iradora, nghaĩ javea, Asisi Kakarada daiyagha ekaresia manedava reiria, aná ningia goghó egege!”   
\s1 3:14-22 Jojabee Iesu Na, Ekaresia Bogu Naa Laodisia Desea Vitiria Enembodu, Ená Gaga Riria Re.  
\p
\v 14  \x - \xo 3:14 \xt Prov 8:22\x*Anada ambova, Iesu rekago andú eghá rita, “Laodisia desea vitia ekaresiada* aneradu ená gaganu gembua utu, yae! God da be gajari nanjogo, kotú God da Gaga nanjogoda bee isagha ea vitia, aná amó re. Kotú eini-eini nanjogo God da uubu urieta siroruturia-da ruru, aná amó re. Anona nímandu rereta, niningige!  
\v 15-16 Amó nímanda irari dano gari re. Enembo dumeni amó nundubuturota, injigha eta rousue. Kotú enembo dumeni amó nundubuturota, neno kaverea, amó neno buta rousue. Atá nímane mo, daiyaghagoro? Nímane rorova jiria, amó gaabee ari aghago rosoravore. Tago, jo amó neno bua goghó ambi rosoravore. Amindu, eto-bato embó eini uvu karaje undia gajembea doa tugari aghagonu, amó nímane tugota vorea, tefo aita rosoravore.   
\p
\v 17 Nímane gaa bee gambi, ‘Námane gugua-ghayafade roo endade re, dano inono bee re.’ aghá regegeta rosoravore. Aná gaa bee re-tago, nímane bagha aghago, makasi, dibe soikide kotú taroba ea viteravore.  
\v 18 Nímandu eghá rere. Andava vitia \tl goldi\tl* bee mokó, jo eini-eini einigha bagega ea irambi-nu gurimi utua bua, gugua-ghayafade enembo egegadi rere. Kotú, rourogo meka gigigareta, tamo asugari saghai andava gurimi utua bua asusuge! Aghade, dibe taubana ari-du rea, ingi andava gurimi utua bua dibeva ititige, dibe ifegoe!  
\v 19  \x - \xo 3:19 \xt Prov 3:12; Hib 12:6\x*Anda neno buta rora enembo, neno kaverea, ari taubananu urota iririgari-du rea, amó emboro taubana iruguturota, mema bouvu utua, gaa dibe beva reta rore. Aghá-gea, aito fugari bee fugiturota, nímanda ari-bari akokogo dodogadi rere.   
\p
\v 20 Avore, niningige! Amó bebato beva jiria goigoi urota vitere. Enembo avona anda be ningia, bebato ifegadua-dava, amó terua, angá danode banau urota iraita rore.  
\v 21 Seibe amó mene-mene ea, gitofo dea, ekami ukova fatia jiruturere! Afa God na ririeta, amó vitia, angá irirota, unda avo asumbariva asumbea, kotofuko urere. Ari dabako aghagonu, avona anda ragarova ano ea jiradua,\f + \fr 3:21 \ft Ii, gaga Amb \xt Amb 2:7 \ft anada tuva gembari vitia-nu iruge, gadi!\f* anona rata-gea, umó vitia anda avo asumbariva asumbea, umó beago kotofuko aita rouvie.   
\p
\v 22 Nímane avona nghaĩde iradora, nghaĩ javea, Asisi Kakarada daiyagha ekaresia manedava reiria, aná ningia goghó egege!”   
\c 4  
\s1 4:1-11 God Unda Avo Asumbariva Asumbea Irieta, Jon Geruria Re.  
\p
\v 1 Anada ambova, anda dibe mokomi uutu bebato ifegea irieta gerare. Aghá gerurota, beda ero tavuyada erogomi sei rieta niningara dabako anami andú eghá rieta niningare. “Eve andava vitifu! Ambova donu siroraita rouvia-nu irugota gadi.”  
\v 2  \x - \xo 4:2 \xt Ezek 1:26-28; 10:1\x*Aghá rieta, gaimbo ambi, Asisi Kakara andava asugutata, uutuva avona kini da avo asumbariva asumbea vita-nu gerare.  
\v 3 Aghade, unda dibe singoi mino irugari inono irambi, ragaro \tl jesfa\tl* aghagomi biri-jari urota, kotú singoi eini ragaro \tl kaniriani\tl* aghago ivari buburami inimba arigo urota sarigea, biri-jari ueta gerare. Kotú aná avo asumbariva tarofara boatu tamomi ratea jiria irieta gerare.  
\v 4 Aghade, aná kini da avo asumbari jojabe rorova jiria irieta, kokotofuda asumbari ijoijokoko dano 24 mi rorogea, biruru ea irieta, aná avo asumbariva beforo ririkigari dano 24 mi asugari saghai tatamo manenu asusugea, beforo ririkigarida kasava reta asusugea asusumbea iririgutueta gerare.  
\v 5  \x - \xo 4:5 \xt Ex 19:16; Amb 8:5; 11:19; 16:18; \xt Ezek 1:13; \xt Amb 1:4; Zech 4:2\x*Aghade, aná kini da avo asumbari rorova jiria vitia-vareta kirivami tarí-tarí urota, tarara embugha derueta gerare. Kotú, nanefa dano ingo yoveni yoveniva ungagha aná avo asumbari jojabeda dibe kena dungitata, bubura ueta gerare. Atá, nanefa ingo yoveni yoveniva ungagha retora, aná God da Asisi ingo yoveni yoveniva ungaghadu rere.\f + \fr 4:5 \ft Enava gaga \fq God da Asisi ingo yoveni yoveniva ungagha \ft reiria mo, Asisi Kakaradu reirie.\f*  
\v 6  \x - \xo 4:6 \xt Ezek 1:22; 1:5-10; 10:14\x*Kotú avo asumbarida dibe kena eini-eini eini eto-bato karajemi arigo tiri-tara urota, \tl garasi\tl* go ueta gerare.  
\p Kotú, aná avo asumbarida dibe kena, ambo kena, kotú kasa yoveni yoveniva God da \tl serubim*\tl* aná ungagha-ungagha jijireguta. Aná \tl serubim\tl* rera, aná dibe kena ambo kena ofo yoveni yoveni dano dibegha irieta gerare.  
\v 7-8  \x - \xo 4:7-8 \xt Ezek 1:18; 10:12; Is 6:2-3\x*Eini-einida gari retora, jo dibe dano dabako aghago irambi re. Einida dibe be aná \tl laioni\tl* dago re. Einida aná \tl burumakau\tl* dago re. Eini aná enembo beeda dibe bego re. Kotú einida dibe be aná udumi vea arigo re. Ená \tl serubim\tl* rera-da fakina dano ingo yoveni yoveniva dabako, eto-bato diida fakinago re. Aná fakina maneda roo kenade kasa kenade dano dibe manemi beda ea vitie. Tamo beago dibemi gigimbea vitie. Tumba onembo ená \tl serubim\tl* rera-mi, tumanadu daa didivurota eghá regegeta rousue.  
\q1 “Aná vitiria, vitia kotú tumanadu iraita rouvia,  
\q2 Jojabee God ano tofo, umó Kakara, Kakara, Kakara re.”  
\q2 Aghá regeguturota didivugeta rousue.   
\p
\v 9 Aghá egeguturota, avona aná kotofuda avo asumbari rorova asumbea tumanadu vitia-nu kakara urota, undava durogha gari vitia-du raga rirota, undú aiye rirota, daa didivugeta rousue. Aghá egegutuaveta,  
\v 10 beforo ririkigari 24 retora-mi aná kini da avo asumbariva avona asumbea vitia-da eka tuva koubumi jejengirea gonea vorea, endava takembeta rousue. Aghá egeguturota, tumanadu avona vitia-du, númane tumogha baĩ egegeta rousue. Kotú, númanda kotofuda kasava kosugea, unda avo asumbarida dibe kena itiaveta voreta rouvie. Ititiguturota, númane eghá regegeta rousue:   
\q1
\v 11 “Ariee Jojabee, námanda God imó inuka ririeta, eini-eini dano siroruturie.  
\q2 Inda unomi urieta, eini-eini nanjogo vitia, sirorea jebuga vitie.  
\q1 Amindu, indava anode durogha garide vitia-du, imó kakara urota, raga regegadora,  
\q2 aná taubana kotú inono re.”  
\m aghá regegeta rousue.   
\c 5  
\s1 5:1-14 Sifi Da Mendi Mi Futa, Ingiso Beragha Eghamburari Unona Ifeguta.  
\p
\v 1  \x - \xo 5:1 \xt Ezek 2:9-10; Is 29:11\x*Anada ambova, amó gerara mo, kotofuda avo asumbariva avona asumbea vitia-mi ingiso beragha beenu eghamburari eini unona ingo beemi righia irieta gerare. Ená ingiso eghamburari rera, aná yoveni-yoveni gembua, gajari reta finje ingo yoveni yoveniva ungaghami beva itia fatia takembuta.\fig |src="115 Scroll&Seals_SIL_BB_BB2.tif" size="col" loc="5:1" ref="Ambova Sirorari 5:1" \fig*  
\v 2 Aghade, anera eini anode avo gerare. Unona be jojabe eghá rieta, amó niningare. “Aná ingiso eghamburari beva finjemi takembutata vitia-nu, avona bua righia ifegari inono adu?” ririe.  
\v 3 Tago, enembo eini uutuva o endava aĩ, enda rova, unona aná buka ifegea gia, irugari inono irambi re.  
\v 4 Enembo eini aná buka ifegea gari inono irambi-gea, amó jii kenjirogha ritare.  
\v 5  \x - \xo 5:5 \xt Gen 49:9; \xt Is 11:1, 10\x*Amó jii rieta gia, aná beforo righari 24 retora-da einimi andú rita, “Jii doa, kaverea oná \tl laion\tl* nu gi! Umó Juda undida eini re. Kotú, Devit da imendi jojabe eini umó re. Umó mene-mene urota, gitofo dea, ekami ukova fatia jiriturie. Aghá-gea, aná ingiso eghamburari bua, beva finje ingo yoveni yoveniva ungaghami takembutata vitia-nu unona righia ifegari inono re.” aghá rita.   
\p
\v 6  \x - \xo 5:6 \xt Is 53:7; \xt Zech 4:10\x*Aghá rieta, oka sifi da Mendi eini jiria irieta gerare. Aná \tl serubim*\tl* ungagha-ungagha retora-de, kotú aná beforo ririkigari 24 retora-deda rorova jiria irieta gerare. Umó gerara mo, umó derata ambubuta aghago irieta gerare. Aná Sifi da Mendi unda kano dano ingo yoveni yoveniva ungagha, kotú unda dibe beago, ingo yoveni yoveniva ungagha re. Dibe ingo yoveni yoveniva ungagha, aná God da Asisi ingo yoveni yoveniva ungagha reta, unona ninengutata, endava, roo enda nanjogova, aria, fafate urie.  
\v 7 Aná Sifi da Mendi angia, kini da avo asumbariva avona asumbea vita-dava bubua, aná ingiso eghamburari ingo beemi righia vita-nu, unona bua righia jiruta.   
\p
\v 8  \x - \xo 5:8 \xt Ps 141:2\x*Aghá ueta, aná \tl serubim\tl* ungagha ungaghade, kotú aná beforo ririkigari 24 de dano Sifi da Mendida eka tuva tumogha baĩ urota gonia vorea, endava takembuta. Númane daba-dabadava gauma rekade kotú aagha auri \tl goldi\tl* mi arinu righia irieta gerare. Aná aaghada rova oorunu fendia dungitata evirota, dimbori vivitueta gerare. Dungitata evirota, dimbori vivitueta gerara, aná God da natofoda benunu re.\fig Gauma rekadu reiria, aná eghá re.|src="116 Instruments_oldHK061I_scp.jpg" size="col" loc="5:8" ref="Ambova Sirorari 5:8" \fig*  
\v 9-10  \x - \xo 5:9-10 \xt Ps 33:3; 98:1; Is 42:10; Ex 19:6; Amb 1:6\x*Númane dano jujugea vavaseguturota, Sifi da Mendidu daa reka didivugutueta niningare. Daa aná evere:  
\q1 “Aná ingiso eghamburari be finjemi takembuta, inona righia ifegari inono re.  
\q1 Anada bee mokó, imó derurieta ambubuturera-da anomi,  
\q2 inona Afa God du enemboda mino ututureravore.  
\q2 Aná enembo rera mo, númanda abua-abua, gaa eini be eini, gavana nanjogode dano anada rova sirorea vitia-nu,  
\q2 inona mino ututureravore.  
\q1 Aná enembo\f + \fr 5:9-10 \ft Ii, \ft \+it Gaga Isuri Ari Kambesi\+it* anava, gaga dumeni gaga \+it Natofo \+it*da tuva vitia-nu irugea gia, tanana adi!\f* inona unumbea bua, danode takembea,  
\q2 namonde anda God tumogha baĩ ari-du ririeta, fristi* ea vitie.  
\q1 Kotú númane rekago ambova inona rata, kokotofu ea,  
\q2 enda númanena kaifa egegaita rousue.”  
\m aghá rita.  
\v 11  \x - \xo 5:11 \xt Dan 7:10\x*Amó rekago dibe fangea gerara mo, anera mane jo irugari inono irambi-mi daa didivugutueta niningare. Númane aná avo asumbari rorova jiria vita-de, \tl serubim\tl* ungagha-ungagha kasava rorogea jijireguta-de, kotú \tl serubim\tl* da goitu kena, aná beforo ririkigari 24 mi jijiregea roroguta-denu rorogea, biruru ea jijireguta.  
\v 12 Aghá egegea, daa be jojabe eghá regegutueta niningara, aná evere.  
\q1 “Anode, gugua-ghayafade, neno nundubaride, durogha garide, unanade dano,  
\q2 aná Sifi da Mendi derurieta, ambubuturia-dava vitia-du.  
\q1 raga undú regegadora, aná inono bee re.  
\q2 Aghá egegore!”  
\m Aghá didivugutueta niningare.  
\v 13 Aghá ueta, eini-eini nanjogo uutuva, endava, enda rova, kotú karajeva dano tutuno ea, daa didivueta niningare.  
\q1 “Kini da avo asumbariva asumbea vitia-dava,  
\q2 kotú Sifi da Mendi dava durogha garide anode vitia-du,  
\q1 númane kakara urota, tumanadu raga regegore!”  
\m aghá regeguturota, divua sidara egeguta.  
\v 14 Aghá ua mo, aná \tl serubim\tl* ungagha ungaghami gajiturota “Aĩ gaa bee re!” regegutata, beforo ririkigari 24 mi gonea vorea endava takembuturota tumogha baĩ egeguta.   
\c 6  
\s1 6:1-17 Finje Dano Ingo Yoveni, Yoveniva Dabako Righia Ifeguturia Re.  
\p
\v 1 Amó gerua aghade, Sifi da Mendi erea, finje ingo yoveni yoveniva ungaghada rova eini righia ifegutata angia dabako uta. Aghade, aná \tl serubim*\tl* ungagha-ungaghada rova einimi, be jojabe gururuda erogo “Fu!” rieta niningare.  
\v 2  \x - \xo 6:2 \xt Zech 1:8; 6:3, 6\x*Aghá rieta, \tl hosi\tl* eini tamo saghai reta, embó eini hosi goituva asumbea irieta, bua furia buburitueta gerare. Undú kotofuda nanamu aghagonu ututata asugea, unda feva ingomi righia, unda gitofo daita simbugea irueta gerare.   
\p
\v 3 Sifi da Mendi finje eini ifegutata angia, ungagha uta. Ifegutata, \tl serubim\tl* einimi erea, ungagha ea, gaga eghá rieta niningare. “Fu!”  
\v 4  \x - \xo 6:4 \xt Zech 1:8; 6:2\x*Aghá rieta, \tl hosi\tl* tamo ondakokogoda etova embó eini asumbea futa buburitueta gerare. Aná embódava, endava enembo rata, tofo-tofo dea sirivu arida anode kaiya jojabede dano ututata rura.  
\v 5  \x - \xo 6:5 \xt Zech 6:2, 6\x*Anada ambova, Sifi da Mendi finje eini ifegutata angia, bakode uta. Ifegutata, \tl serubim\tl* eini erorata angia, bakode uta-mi “Fu!” rieta niningare. Ritata, \tl hosi\tl* tamo fitugomi furueta gerare. Aná hosi etova asumbea vitá embómi eini-einida bouvu inono itia garinu bua righia furueta gerare.\fig Bouvu inono itia garida eini-eini re.|src="117 Scales_LB00124B.tif" size="col" loc="6:5" ref="Ambova Sirorari 6:5" \fig*  
\v 6 Gerueta, \tl serubim\tl* ungagha-ungaghada rova be eghá rieta niningare. “Onembo dabakova farava otoo dabakoda\f + \fr 6:6 \ft Gaga \fq otoo \ft reiria mo, \+tl kilo\+tl* dabakodu reirie. \f* mino vitia onembo dabakoda buro ari inono aita rouvie. O faravada nomono, ragaro \tl barli\tl* munode undaride taubana irambi, anada otoo bakodeda mino beago vitiya onembo dabakoda buro ari inono aita rouvie. Avotago, uka muu o \tl vaini\tl* da mino jo vitambi aita rouvie.”   
\p
\v 7 Anada ambova, Sifi da Mendi finje eini ifegutata angia, ungagha-ungagha uta. Kotú, \tl serubim\tl* ambo jetukomi “Fu!” rieta niningare.  
\v 8  \x - \xo 6:8 \xt Ezek 14:21\x*Aghá rieta, anda dibeva \tl hosi\tl* ganua tamogo anada etova embó eini asumbea furueta gerare. Embóda ragaro aná Amburari re. Kotú embó eini ragaro Uje Amburarida ambo kena furueta gerare. Ungá undava endava enembo nanjogo dibe ungagha-ungagha gategea, eininu ata amburarida ano ututata bubuguta.  
\p Aghá urota, ungá umó regegasueta, enembo dumeni mene-mene urota, mino-mino dea sirivu egegasue, dumeni aná regegasueta baimanami ambubugasue, dumeni aná kae bubugea ambubugasue, kotú dumeni aná regegasueta, taimava nino okami gambasueta, sirivu egegasue.  
\v 9 Avore, Sifi da Mendi finje eini ifegutata angia, ingo yoveni uta. Ifegutata, amó enembo dumenida asisi vesa dungari faro tuva gerare. Númane God da Gaga minono rirota, ano ea jiria goghó eta uria-du, gitofomi númane derurieta, sirivu egeguturie.  
\v 10 Númane koko fugia, eghá regeguta, “Jojabee, ano tofo, kakara kotú gaa beeda ruru, aná imó re. Imó nanjigo vorea, endava vitia enembo númanda irari iruruturota, námane dedeguturieta ambubuguturera-da mino utado?” aghá rieta niningare.  
\v 11 Númane dano asugari dighari eembo saghai tatamonu God na ututata bua asugutata, umó eghá rita, “Nímane itoko nangu dirota, kaifa egegadi rere. Nímane daiyagha dedeguturieta ambubuguturia aghagonu, gitofomi nímanda ikoko mendi anda buro egegeta rousua nanjogo gateguturera-nu, dedegota, amburaita rousua feferava, amó tano aitare.”   
\p
\v 12  \x - \xo 6:12 \xt Amb 11:13; 16:18; \xt Is 13:10; Joel 2:10, 31; 3:15; Mat 24:29; Mak 13:24-25; Luk 21:25\x*Anada ambova, Sifi da Mendi finje eini ifegutata angia, ingo yoveni, yoveniva dabako uta. Ifegutata, gerara mo, gino-gino akuago bee furueta, fefera kaverea, eembo fitu tamo aghago bingoi ueta, marabe dibe kaverea, inimba tatangugo ueta,  
\v 13  \x - \xo 6:13 \xt Is 34:4\x*uutuva damana mane, yaura ininigha fururota, ika igi raroveaveta voreta rouvia aghagonu, damana mane uutu vareta endava jujugea vovorueta gerare.  
\v 14  \x - \xo 6:14 \xt Amb 16:20\x*Ueta, uutu ghaito eghovarigo ea irueta, endava dafarude butu nanjogode númanda jirari kambesi doa, gisí ea serigutueta gerare.   
\p
\v 15  \x - \xo 6:15 \xt Is 2:19, 21\x*Aghá ueta, endava kini manede kokotofude, mene-meneda babarigaride, aná enembo jojabebei gugua-ghayafade, sabua* kakatode, kotofu enembode dano angia, dafaruda bekova o singoi too maneva teterugea nunungeguta.  
\v 16  \x - \xo 6:16 \xt Hos 10:8; Luk 23:30\x*Aghá urota, dafaru kotú singoi manedu ghogho regeguta, “Avona kini da avo asumbariva asumbea vitia-de, kotú Sifi da Mendideda neno akuago utota itatama egegareta, fu, námanda etova jua námane afuregadi!  
\v 17  \x - \xo 6:17 \xt Joel 2:11; Mal 3:2\x*Anada bee mo, númanda neno akuagoda fefera etia bubie. Númanda dibeva avona jirari inono embó eini, tefo bee tefo re.” aghá rieta niningare.   
\c 7  
\s1 7:1-8 Israel Enembo 144,000 Da Tamova, God Da Saro Uria-da Gaga Re.  
\p
\v 1-2  \x - \xo 7:1-2 \xt Jer 49:36; Dan 7:2; Zech 6:5\x*Anada ambova, amó eini-eini eini eghá gerare. God na sei anera dano ungagha-ungaghadava endade karajededu mema utarida ano ututurieta bubuguturia-mi, eini fefera vitari kena, eini vorari kena, eini karaje kena, eini dafaru kena jijiregea, yaura enda etova o karajeva kotú ika gombuva sumbarida emboro dano gagajegea jijiregutueta gerare.  
\p Aghade amó gerara mo, anera eini fefera vitari kena reta, God tumanadu irarida saro itari eini-eini ingomi righia furueta gerare. Avore, anera ambova futa-mi, aná anera ungagha-ungaghadu be koko fugia, eghá rita.  
\v 3  \x - \xo 7:3 \xt Ezek 9:4, 6\x*“Kaifa egege! Mania endadu karajedu, o ika manedu bouvu tutomi ututugata! Do-gea, irota, namonde anda God da buro kakatoda beforo taiva saro itota takemboe!” rita.  
\v 4 Aghade, amó niningara mo, God da saro beforo taiva itutata bubuguta enembo, dano 144,000 re. Saro beforo taiva itutata bubuguta enembo dano, Israel da abua-abua 12 da rova enembo re.  
\v 5 Abua Juda undida enembo dano 12,000 re, Ruben undida enembo dano 12,000 re, Gat undida enembo dano 12,000 re.  
\v 6 Aser undida enembo dano 12,000 re, Naptali undida enembo dano 12,000 re, Manase undida enembo dano 12,000 re.  
\v 7 Simeon undida enembo dano 12,000 re, Levi undida enembo dano 12,000 re, Isakar undida enembo dano 12,000 re.  
\v 8 Sebulun undida enembo dano 12,000 re, Josep undida enembo dano 12,000 re, kotú Benjamin undida enembo dano 12,000 re.   
\s1 7:9-17 Enembo Oruaruabe God Iesu Ghada Dibeva Jijiregea, Raga Regeguturia-Da Gaga Re.  
\p
\v 9 Anada ambova, anda dibe kena natofo oruaruabe, jo enembomi irugari inono irambi-nu gerare. Abua-abua, gaa eini be eini, gavana nanjogoda natofodemi, asugari dighari saghainu asusugea, númane iriada igi mane reta ingomi righia, Jojabeeda avo asumbari kotú Sifi da Mendida dibe kena jijiregea irieta gerare.  
\v 10 Númane koko fugia, eghá regeguta, “Sonemba namonde anda God avo asumbariva asumbea vitia, kotú Sifi da Mendidavareta fuaveta buta rousua-du, númandu raga regegore!”  
\v 11 Aghá regegutueta, anera manemi dano kini da avo asumbaride beforo ririkigari 24 de kotú \tl serubim*\tl* ungagha-ungaghade dano jiria biruru egegea, kini da avo asumbarida dibe kena koubumi jejengiruturota gonea vorea endava takembea, God du tumogha baĩ egeguturota,  
\v 12 eghá regeguta, “Aĩ gaa bee re. God dava durogha garide neno nundubaride kotú anode dano vitia-du umonu kakara urota, raga rirota, tumanadu aiye regegore!”   
\p
\v 13 Anada ambova, beforo ririkigari 24 da einimi andú eghá rita, “Ená enembo asugari saghai asusugea vitia mo avouvi, kotú niavoreta fufuguta, imó gari ra?”  
\v 14  \x - \xo 7:14 \xt Dan 12:1; Mat 24:21; Mak 13:19\x*Aghá ritata, amó mino ritare, “Kotofuko, imó inuka gari re, amó jo gambi re,” ritata, umó mino rita, “Númane avona Iesu da gitofomi dea ga ueta, mema jojabe itatama uta fufuguturia, avore. Númanda asugari mane sei Sifi da Mendida tatangumi seseghurieta, saghai egeguturia re.  
\v 15 Amindu rea, númane eve God da avo asumbarida dibe kena jijiregea, God du Tafaroro Ari Kambova tumba onembo tumogha baĩ urota, umó unda avo asumbariva irirota, númane gangada eta rouvie.  
\v 16  \x - \xo 7:16 \xt Is 49:10\x*Númane jo rekago undarida baimana ambi, kotú ukó musisi kaĩ ambi egegaita rousue. Númane feferada vevera beago jo itatama ambi egegaita rousue.  
\v 17  \x - \xo 7:17 \xt Ps 23:1; Ezek 34:23; \xt Ps 23:2; Is 49:10; \xt Is 25:8\x*Anada bee mo, Sifi da Mendi avo asumbari roro tungeiva vitia-mi numonde irirota, númane kaifa gangada urota, unumbea bua ya, uvu dibe eini enda rovareta feru-feru urota vitita rouvia-nu dimbua utota undidigaita rousue. Aná uvu avona undidigadua mo, jebuga tumanadu irari tambua bubugaita rousue. Aghade, God na númanda dibeva jiivu dano dufaita rouvie.”   
\c 8  
\s1 8:1-5 Sifi Da Mendi Finje Ambo Jetuko Ifeguturia-da Gaga, Kotú Ooruda Roroda Gaga Re.  
\p
\v 1 Sifi da Mendi finje eini ifegutata angia, ingo yoveni yoveniva ungagha uta. Ifeguta aghade, uutuva fefera betufoko yavi eini jo ambi re.\f + \fr 8:1 \ft Baruga gaami simbuguturera-va \fq “fefera betufoko” \ft reirie. Saghai deda gaami \+tl about half an hour\+tl*.\f*  
\v 2 Aghade gerara mo, anera dano ingo yoveni yoveniva ungagha tumanadu God da dibeva jijiregea vitia-dava tavuya dano ingo yoveni yoveniva ungagha vesa utata, númane daba-daba bubuguta.  
\v 3  \x - \xo 8:3 \xt Amos 9:1; \xt Ex 30:1, 3\x*Anera eini, ooru dungarida roro \tl goldi\tl* mi ari reta bua futa, ooru dungari faro kasava jiruta. Aná faro beago \tl goldi\tl* mi ari re. Jirutata, ooru oruabe bua, God da natofoda benunude bagega ea, vesa dungari-du rirota, aná aneradu ututa.  
\v 4 Ututata bua dungitata evieta, ooruda dimboride, kotú God da natofoda benunude takembea, anerada ingovareta God dava yavuvuta.   
\p
\v 5  \x - \xo 8:5 \xt Lev 16:12; Ezek 10:2; \xt Ex 19:16; Amb 11:19; 16:18\x*Anada ambova, vesa dungari farova ivari evieta, aná anerami dumeninu bua, aná ooruda rorova fendia fugitata, endava vovorata, kiriva tari-tari ueta, tarara embugha derueta enda gino-gino uta.   
\s1 8:6-9:21 Tavuya Mane Tutuno Ea Fufureguturia-Da Gaga Re.  
\p
\v 6 Aná anera mane dano ingo yoveni yoveniva ungaghami númanda tavuya ingo yoveni yoveniva ungaghanu furaita simbugutueta gerare.  
\v 7  \x - \xo 8:7 \xt Ex 9:23-25; Ezek 38:22\x*Tutunova anera einimi unda tavuya furitata, boruma yaurade unda gari \tl aisi\tl* go reta rouvia-de, ivaride, tatangude bagega ea, endava jua vorea, endava vitia eini-einida dibe dabako evia sidara uta. Endava eini-eini fugasueta, dibe bakode inonova sirorasueta ungaghanu dotuturota, dabako gategasira aghagonu uta. Endada dibe eini gambua evia sidara ea, ika nanjogoda dibe eini gambua evia sidara ea, kotú kirisada igi boatu maneda dibe dabako gambua evia sidara ueta gerare.   
\p
\v 8 Aghá utata, anera eini erorata, ungagha uta-mi unda tavuya bua furitata eini-eini dafaru jojabe aghagova ivari avo gambua, buburagha sofú ea fugitata, vorangia, karajeva vovora. Utata, karaje sarigea dibe bakode ea, einida dibe kaverea tatangugo uta.  
\v 9 Aghá ueta, karaje rova irari eini-eini dano gategea, dibe bakode ea, karajeva ogaro, iko banguro dibe eini gateguturia, aná sirivu uta. Ea, ungagha dotuta. Aghá ueta, ghaa* mane beago dibe bakode gategea, dibe eini dano bununu ea vorea sidara ea, dibe ungagha dotuta.   
\p
\v 10-11  \x - \xo 8:10-11 \xt Is 14:12; Jer 9:15\x*Aghá utata, anera eini erorata, bakode uta-mi unda tavuya bua furitata, damana jojabe eini jua vorefuta. Aná damana rera-da ragaro, aná Kaee re. Aná damana uutuvareta aivada buburagomi vorea, uvu aghoghombari feru-feru urota vitia-va, kotú uvu nanjogo rei-sufia-va beago jua derata, uvu gategea, dibe bakode ueta, aná uvu gategea, dibe bakode uta-mi dabako aná kaverea, kaee akuago bee utata, enembo oruabe avona aná uvu kaeenu undidiguta, aná dano ambubuguta.   
\p
\v 12  \x - \xo 8:12 \xt Is 13:10; Ezek 32:7; Joel 2:10, 31; 3:15\x*Aghá utata, anera eini erorata, ungagha-ungagha uta-mi, unda tavuya bua furitata, feferada unanade marabeda unanade damanada unanade dano gategea dibe bakode ea, dibe eini angia, bingoi uta. Onembo dabakova dibe bakode ea, dibe dabakova fefera jo janimbambi uta. Dabako aghago tumba dabakova dibe bakode ea, dibe dabakova marabede damanade jo unana ambi uta.   
\p
\v 13 Aghá ueta, amó gerara, aná dii amaumi iti bee itiva ghumbua irurota, be koko fugia eghá rieta, niningare, “O yove yove yove, ená endava vitia enembodava dara jojabe siroraita rouvie. Anada bee mo, anera bakode númanda tavuya jo furambi vitie. Númane tutuno ea, númanda tavuya furadua mo, ená endava vitia enembodava bouvude memade siroraita rouvie.”   
\c 9  
\p
\v 1 Aghá ritata, anera eini erorata, ingo yoveni uta-mi unda tavuya bua furitata, eini-eini damanago seibe uutuvareta rugia vorefuria jujuria-nu gerare. Undú koto banuna tefoda bebato anada boraga kaifa arida ano ututata rurueta gerare.   
\p
\v 2  \x - \xo 9:2 \xt Gen 19:28\x*Aghade, aná damanami kotoda bebato ifegutata, dimbori jojabe yaumo ombeaveta vitita rouvia aghago, aná kotovareta vitia, aná dimborimi uutude feferade gajea bingoi uta.  
\v 3  \x - \xo 9:3 \xt Ex 10:12-15\x*Kotú aná dimborida rova sisi mane endava vovorata, númandava endava ika begarada ano aghagonu ututata bubugutueta gerare.  
\v 4  \x - \xo 9:4 \xt Ezek 9:4\x*Ano bubugutata, númane endava kirisa o ika o vive o undari bari manedava mema utauve-degea rirota, númane avona God da saro beforo taiva bambi nuenembodava mema utari-du rita.  
\v 5 Avotago, numanena enembo gambota ambubugarida ano jo utambi re-tago, númane enembo endava ika begarami gambuaveta, mema itatama eta rouvia-da ano aghagonu ututurota, enembo gambota, mema itatama urota ya, marabe ingo yoveni sidara ari-du rita.  
\v 6  \x - \xo 9:6 \xt Job 3:21; Jer 8:3\x*Fefera aghade, númane amburari tava aita rousue, tago jo tambambi aita rousue. Númane amburaita uno aita rousue-tago, amburari numandava serigaita rouvie.   
\p
\v 7  \x - \xo 9:7 \xt Joel 2:4\x*Aná sisi maneda gari mo, oka \tl hosi\tl* mane mene-mene aita simbugea vitia, dabako aghago re. Númanda beforova kokotofuda kasava auri \tl goldi\tl* mi ari aghagonu asugea irieta gerare. Kotú númanda dibe beda gari aná enemboda dibe bego re.  
\v 8  \x - \xo 9:8 \xt Joel 1:6\x*Númanda fouma aná evetu aririda foumago re. Kotú númanda dii aná oka \tl laioni\tl* da diigo re.  
\v 9  \x - \xo 9:9 \xt Joel 2:5\x*Númanda nenova gangada ari eini gerare. Anada gari, aná sirada auri ari aghago re. Kotú sisida fakina maneda ero aná oka \tl hosi\tl* mane oruabe númanda ghaa* ghambugea mene-meneva sufiaveta, ero reta rousua, aghago re.  
\v 10 Númanda nimbi anogha re. Anami gayari mo, ika begarami gambuaveta mema itatama eta rousua, aghago re. Marabe ingo yovenida rova númanda nimbida anomi endava vitia enembodu mema utaita rousue.  
\v 11 Sisi mane númanda kini irieta gerare. Anerada eini koto banuna tefo anada kini umó re. Unda ragaro Jiusi enemboda gaami aná Abadon kotú Grik enemboda gaami aná Apolion. Aná ragaro ungaghada bee mo, Susughi Ari Kato re.   
\p
\v 12 “Gigige! Dii amaumi bouvude memadedu rita, aná dibe eini sirorea, seriguta. Tago bouvude memadeda dibe ungagha ambova furaita rouvie.”   
\p
\v 13  \x - \xo 9:13 \xt Ex 30:1-3\x*Aghá rieta, anera eini erorata, ingo yoveni yoveniva dabako uta-mi, unda tavuya bua furita. Furitata, vesa dungari faro \tl goldi\tl* mi ari God da dibe kena jiria vitia, anada gimanje ungagha-ungaghavareta beda eromi furueta, amó niningare.  
\v 14 Aná beda ero, anera tavuya furaita erorata, ingo yoveni yoveniva dabako utata, anada beda ero eghá rita, “Yufretis uvu jojabe kasava God na anera ungagha-ungagha bunditata vita-nu vuregadi rere.”  
\v 15 Endava enembo dibe bakode gategea, dibe eini dedegota, sirivu egegari-du rirota, God na ririeta, aná anera mane bundari vita-nu gerare. Avore, God na ghaeko gateguturia-va marabe eini gategea, anada rova onembo eini gategea, anada rorova God da uno rouvia fefera bee buburitata, God na aná anera mane vuregari-du rieta niningare.  
\v 16 Mene-mene ari kakato nanjogo \tl hosi\tl* da goituva asumbea furueta gerara-nu, aná bemi ritata niningara mo, aná dano 200,000,000 re.  
\v 17 Kotú amó anda barauva eghá gerare. Aná oka \tl hosi\tl* goituva asumbea jirari kakatoda neno gangada ari aurimi ari tamo inimba tamo, jetogo kotú ingi eini masa akuagogha gará tamo re. Hosi maneda beforoda gari aná \tl laioni\tl* da beforogo re, kotú númanda beva ivaride dimboride ingi masade buburita.  
\v 18 Endava enembo dano gategea, dibe bakode ea, aná dara bakode siroruta, ivaride dimboride ingi masade \tl hosi\tl* maneda beva buburita-mi urieta, enemboda dibe dabako dano sirivu egeguta.  
\v 19 Aná \tl hosi\tl* maneda ano númanda beva kotú númanda nimbiva re. Númanda nimbida gari aná ningabugo re. Aná ningabuda begomi enembo gambuta rousue.   
\p
\v 20  \x - \xo 9:20 \xt Ps 115:4-7; 135:15-17; Dan 5:23\x*Tago, aná oyava jo amburambi uta enembo númanda ingomi uubu ari aná jo dodogambi re. Númane taimunu kotú \tl goldi\tl* mi ari, \tl siliva\tl* mi ari auri eini \tl bronsi\tl* mi ari, singoimi aride kotú ikami kosari god mane jo dodogambi re. Aná god mane dibemi gambi, nghaĩmi ningambi kotú aito eini ambi re-tago, endava enembo númanenu tumogha baĩ egegutueta gerare. \fig Númane auri mi ari, singoimi ari kotú ikami kosari god mane jo dodogambi re.|src="118 Idols_SIL-BB.tif" size="col" loc="9:20" ref="Ambova Sirorari 9:20" \fig*  
\v 21 Aghá egeguturota, númane enembo dea ga ari, númanda kae righari, númanda dita faima kotú bagia ari jo dodogambi re.   
\c 10  
\s1 10:1-11 Anera Enimi Jon Du Ingiso Eghovari Eininu Bua Undari-Du Riria Re.  
\p
\v 1 Anada ambova anera ano kato eini uutuva reta vorefueta, unda tamo goosomi eembomi otoo arigo utata, unda beforo gombuva tarofarami ovenembea irieta, unda dibe be feferami janimbarigo ueta, kotú unda eka mane ivarida buburago ueta gerare.  
\v 2 Umó ingiso eghovari ijoko eini ifegea vita-nu ingomi righia, unda eka bee karajeva jiria, unda eka anda endava jiruta.  
\v 3 Jiria, \tl laioni\tl* da beda erogomi be jojabe koko rita. Unda koko rita-da mino tarara fefera dano ingo yoveni yoveniva ungagha derueta niningare.  
\v 4 Aghade, aná tarara fefera ingo yoveni yoveniva ungagha derurota, donu rita-nu gembaita utare. Tago, beda eromi uutu vareta andú eghá ritata niningare, “Tararada donu retua-nu kivu urota, mania gembata!”   
\p
\v 5-6  \x - \xo 10:5-6 \xt Ex 20:11; Deut 32:40; Dan 12:7; Amos 3:7\x*Aghá utata, aná anera eka eini karajeva, eka eini endava jirutata gerara-mi, unda ingo bee itiva ririkata erorata, God, uutude endade karajede kotú eini-eini nanjogo anava vitia-nu urieta siroruturia, kotú tumanadu irita rouvia-da ragarova be gajiturota eghá rita, “Fefera etia bubie, anava kaifa ari tefo re.”  
\v 7 Anera ambo jetuko erea, unda tavuya bua furota, ingo yoveni yoveniva ungagha adua, God unda nundubari sei doreta kivu uria-da bee, aná rata siroraita rouvie. “Aná nundubari seibe unda feroveta manedava ririeta niningiguturia aghagonu, oreki rata, bee siroraita rouvie,” anerami aghá rita.   
\p
\v 8  \x - \xo 10:8 \xt Ezek 2:8—3:3\x*Aghá rea sidara ua, beda eromi rekago uutuvareta andú eghá rieta niningare, “Ii, aná anera karajeva kotú endava jiria vitia-dava, aná ingiso eghovari ifegea, ingomi righia vitia-nu badi!”   
\p
\v 9 Amindu amó aneradava angera, aná ingiso eghovari ijokonu andú utari-du ritare. Ritara mo, aná anera andú “Bua undadi rere! Uro rova meangu aita rouvie-tago, beva firukada vivigo aita rouvie.”  
\v 10 Ritata, aná ingiso eghovari ijoko anerada ingova bua ditara, anda itatama anda beva firukada vivigo re. Tago, undia sidara utara-da ambova, anda uro rova meangu uta.  
\v 11 Anada ambova, andú eghá rita, “God númandu donu aita rei-simbugutua-nu rekago abua-abua, gaa eini be eini, kotú kini maneda kaifa rousua natofodava minono rege, ninigigoe.”   
\c 11  
\s1 11:1-14 Embobo Ungagha God Da Gaga Rea, Isuri Uria Re.  
\p
\v 1  \x - \xo 11:1 \xt Ezek 40:3; Zech 2:1-2\x*Anada ambova, inono itia bari kato eini eto-bato besiago reta andú ututurota, eghá rita, “Erea ii, God du Tafaroro Ari Kamboda ghouka jojabeva terua, God du Tafaroro Ari Kambode kotú vesa dungari farodeda inono ea badi! Kotú avo tumogha baĩ rousua enembo beago, irugea gi!  
\v 2  \x - \xo 11:2 \xt Luk 21:24\x*Avotago, God da Tafaroro Ari Kamboda bebato isagha kena gitofodu simbuguturia kambesi mania inono itia bata! Anada bee mo, God na aná kambesi marabe 42 da rova umó gaabee ambi enembodu utota, aná Bogu Naa kakarago númanena susughi egegaita rousue.  
\v 3 Aná marabe 42 retora-da fefera dano 1,260 da rova, anda ninengota yaita rousua aghi kakato ungaghami vaya boghora asugea, anda ragarova anda gagade nundubaride isagha aita rousue.”  
\v 4  \x - \xo 11:4 \xt Zech 4:3, 11-14\x*Tago, God da aghi kakato ungagha retora, númane aná ika \tl olivi\tl* ungaghade nanefa ungaghade endada Jojabeeda dibe kena jiria vitia, númane re.  
\v 5 Aghade, aná aghi kakato ungaghada beva ivari furá bubua, enembo avona erea, númandava mema utaita adua, aná evota-gea, ambubugaita rousue. Enembo avona erea, númandava mema utaita adua, aghagonu ambubugaita rousue.  
\v 6  \x - \xo 11:6 \xt 1 Kgs 17:1; \xt Ex 7:17-19; \xt 1 Sam 4:8\x*Atá, aná aghi kakatodava, ano dibe eini be eini vitie. Númandava rata, boruma gajea vorambi irota, God da gaga rata ya, sidara aita rouvia-da ano vitie. Kotú, rata, uvu kotova feru-feru ea vitita rouvia kaverea, tatangu nindaita rouvia-da ano vitie. Kotú ungá unda unomi rata-gea, kae akokogoda oya endava siroraita rouvia-da ano númandava vitie.   
\p
\v 7  \x - \xo 11:7 \xt Dan 7:7; Amb 13:5-7; 17:8; \xt Dan 7:21\x*Avotago, aná aghi kakato ungaghami God da Gaga rea sidara adua-da ambova, eini-eini eini eto-bato nino okada gari aghago koto banuna tefovareta vitia-mi, aná aghi kakato ungaghade mene-mene urota data amburaita rousue.  
\v 8  \x - \xo 11:8 \xt Is 1:9-10\x*Amburota, Jojabee derurieta ambubuturia bogu naa jojabeva númanda tamo beago, bogu naa dabako anava emboro kasava vasia iraita rousue. Atá, aná bogu naa kasia rirota, Sodom o Isip regegasire.  
\v 9 Aghá urota irogo, fefera bakode sidara ea eini atea ya, onembo uradua-va, kambesi nanjogoda gavana, abua-abua dano, gaa eini be eini enembomi aná aghi kakatoda tamo tataseguturota, rourogo, ungá unda tamo furugauve-degea buregaita rousue.  
\v 10 Atá, aná aghi kakato ungagha ungá umó, amburambi jebuga irirota, natofo jede eve endava vitia-du mema fakarago ututuria-du, ungá unda amburaita rousua feferava, endava enembomi gangoro urota, mino-mino vesa egegaita rousue.   
\p
\v 11  \x - \xo 11:11 \xt Ezek 37:10\x*Donu ambova siroraita rouvia-nu barauva anda gerara mo, aná evere. Fefera bakode sidara ea, eini atea ya, onembo ata, aghade, God númandu oeno furota, anada anomi aná aghi kakato jebugea erea jirota, aná natofo duduku-dadaka egegea, oru ea, gaa bee sidara aita rouvie.  
\v 12  \x - \xo 11:12 \xt 2 Kgs 2:11\x*Aghá urota, uutuvareta, aná aghi kakato ungaghadu be koko fugea, eghá rata niningigaita rousue, “Eve vitifu!” rata, aná aghi kakato ungá umó gooso rova uutuva vivitiguturota, númanda gitofo gigigaita rousue.  
\v 13  \x - \xo 11:13 \xt Amb 6:12; 16:18\x*Aghade, gino-gino jojabe sumbua, enda righia, bara-bara urota, enda yavi-yavi ea, aná bogu naada kambo mane dano, dibe ingo ungagha fugasueta, dibe eini aghagonu righia gofegaita rousue. Aghá urota, bogu naada enembo dano 7,000 aghago amburaita rousue. Aghá ata-gea, enembo umó avona amburambi jebuga iraita rousua-mi, duduku-dadaka ea, oru urota, God uutuva vitia-du raga regegaita rousue.   
\p
\v 14 Amaumi “Dara bakode endava siroraita rouvie,” rita, aná eini utata sidara uta. Kotú eini etueta sidara etue. Tago, dara eini oreki enembo bubaita rouvie.   
\s1 11:15-19 Anera Ambo Jetuko Unda Tavuya Furiturieta, Aria Ingo Yoveni, Yoveniva Ungagha Uria Re.  
\p
\v 15  \x - \xo 11:15 \xt Ex 15:18; Dan 2:44; 7:14, 27\x*Anada ambova anera ambo jetuko erorata, ingo yoveni yoveniva ungagha uta-mi unda tavuya bua furitata, uutuva be oruabe regegutueta niningare. “Namonde anda Jojabee God, kotú unda Mendi Keriso gha, ená enda kaifa arida ano bua, oreki númanena tumanadu kaifa urota iraita rousue.”  
\v 16 Aghá rieta, babarigari dano 24 God da dibe kena vitia-mi, númanda kotofuda avo asumbariva reta erea, God da dibeva jujururota, God du tumogha baĩ egeguturota,  
\v 17 eghá regeguta, “God námanda Jojabee ano kato, imó seibe sei vitireravore, kotú oreki viteravore. Námane indú aiye reisi-rere. Anada bee mo, inda ano bua vitera-mi tutuno ea ená enda kaifa uta yaita roravore.  
\v 18  \x - \xo 11:18 \xt Ps 2:5; 110:5; \xt Ps 115:13\x*Kotú inda fefera furá bubaita ua-va imó neno akuago urota, amburari enembo iruraita rora-nu tanana egegea, inda gitofo indú neno akuago egeguta. Kotú inda irurari fefera bubia-va feroveta mane inda buro eta ria-de, enembo inda ragaro kakara urota vitia-de kotú inda natofo kakara dano kokotofude sabuadedu* mino taubana utaita roravore. Avotago, fefera dabako anava enembo dumeni avona enda bua sembagova itita rousua-nu, inona data sirivu egegaita rousue.”   
\p
\v 19  \x - \xo 11:19 \xt Amb 8:5; 16:18; \xt Amb 16:21\x*Aghá regegutata, sidara uta aghade, God du Tafaroro Ari Kambo uutuva vitia-da bebato ifegutueta, God dava ya bubarida emboro irugeta rouvia Gagada tano, mauva aghago, anava isagha utata gerare. Anada ambova, kiriva tari-tari ea tarara dera. Aghá ua, gino-gino sufieta, kotú boruma yaura, \tl aisi\tl* da gari aghagomi vovora.   
\c 12  
\s1 12:1-18 Evetu Ungá Nomburaghada Gaga Re.  
\p
\v 1 Anada ambova, tano ivatagha jojabe einimi uutuva isagha utata gerare. Evetu einimi eembodu feferanu asugea, marabe ekami fatia asumbea, isagha ueta gerare. Beforova umó aná kotofuda kasava eini damana 12 mi ari reta, asugea irieta gerare.  
\v 2 Aná evetu umó tambovude-gea, mendi fumbaita urota, mema itatama urota, koko rita.   
\p
\v 3  \x - \xo 12:3 \xt Dan 7:7\x*Aghá ueta, anda sei gambi vitara eini-eini unda gari nomburagomi, uutuva vitia isagha utata gerare. Atá ená nomburada tamo inimba kotú jojabe re. Unda beforo dano ingo yoveni yoveniva ungagha kotú unda kano dano ingo ungagha re. Kotú unda beforo maneva kasava kokotofudago reta asugea irieta gerare. \fig |src="119 Dragon_SIL_BB.tif" size="col" loc="12:3" ref="Ambova Sirorari 12:3" \fig*  
\v 4  \x - \xo 12:4 \xt Dan 8:10\x*Aghade, enembo eini-eini iruguturota, dibe bakode ea, eini gategasua aghagonu urota, aná nomburami damanada dibe eini unda nimbimi asugea fugitata, endava vovora. Aghá ea, endava vorea futa, aná evetuda dibe kenava jiria, mendi fumbadua mo, unona undaita kaifa uta.  
\v 5  \x - \xo 12:5 \xt Is 66:7; \xt Ps 2:9\x*Aghá ueta, aná evetu mendi fufivuta. Atá, aná mendi sirorea, unda besia aurimi arinu bua, natofo jede dano anami iruruturota, kaifa aita rouvie. Avotago, nombura aná mendi undaita nundubutua mo, God ninengutata, unda dumenimi aná mendi rougea bua angia bubua, kini da avo asumbariva God da dibe kena ituta.  
\v 6 Aghá ueta, aná evetu umó erea sumbua angia, kambesi uvu tefo enembo irambi-va buburita. Atá aná kambesi rera, God na, aná evetu avo nungota, fefera 1,260 umonu kaifa tavo egegari-du, simbuguta.   
\p
\v 7  \x - \xo 12:7 \xt Dan 10:13, 21; 12:1; Jut 1:9\x*Anada ambova, uutuva mene-mene siroruta. Utata, anerada kotofuko Maikel, unda anera dumenide gategea jiria, nombura unda taimu manede aghá ea, mene-mene egegutueta gerare.  
\v 8 Aghade, Maikel unda anerademi nombura unda taimudenu dea, uutuva irauve-degea, rea bera-bera uta.   
\p
\v 9  \x - \xo 12:9 \xt Gen 3:1; \xt Luk 10:18\x*Aghá urota, Maikel unda anera manedemi aná nombura jojabe endava enembo nanjogo kuveta rouvia-de, unda taimu manede dano endava fugitata vovora. Aná nombura rera mo, aná ningabu seibe sei dara uria-du rere, aná Satan umó re.   
\p
\v 10  \x - \xo 12:10 \xt Job 1:9-11; Zech 3:1\x*Anada ambova, uutuvareta be jojabe koko fugia, eghá rieta niningare. “Oreki God da sonemba etia bubie, God umó kini ea, unda ano irugetueta isagha rouvie. Kotú, God unda ninegutata futa embó, Keriso beago, unda ano righia irugetueta isagha rouvie. Unda ano isagha etua retora-da bee mo, eghá isagha rouvie. Aná nombura rera-nu, uutuvareta fugitata, endava vovora. Aná nombura tumanadu God da dibe kena jiria irirota, God na namonde anda ikoko mendi, ariri gharovu injigha ari-du rirota, númanda ari-bari akokogo isagha urota irita ria-nu, oreki uutuva reta itutata endava vovora.  
\v 11 Atá namonde anda ikoko mendi, ariri gharovu númane, Sifi da Mendi da tatangude, kotú unda gaa bee regegeta ria-demi aná nombura dea ekami fatia jijireguta. Númane mene-mene urota, Iesu da ragarova amburaridu jo oru egegambi re.  
\v 12 Avore, uutude nímane avona uutuva vitera-de dano, gangoro asiravore. Anada bee mo, Satan oreki nímane doa serigetue. Tago, enda karajeghadu eghá rere. Satan nímandava vorea, unda fefera etia, utuvako etua-nu, tanana rouvia-du, umó neno akuago ea, nímandava memade bouvude utaita rouvie.”   
\p
\v 13 Avore, aná nomburanu uutuva reta endava fugetua-du umó erea, aná evetu mendi fufivuta-nu nandaita rea, ambova tuvia angie.  
\v 14  \x - \xo 12:14 \xt Dan 7:25; 12:7\x*Tago, God aná evetu uvu tefo kotú enembo irambi kambesiva ghumbua yari-du rea, fakina ungagha amaudagonu ututa. Aghá ututa-da bee mo, aná evetu ya, undú simbuguta kambesiva bubasueta, umó kaifa tavo egegasueta, ghaeko bakode kotú marabe ingo yoveni yoveniva dabako sidara asue. Umó anava iradua, aná nombura jo bari inono ambi aita rouvie.  
\v 15 Aghade aná evetu ghumbua irueta, aná nomburami be angea visogha utata, uvu uriago bubua, aná evetu bua sivari-du aghá uta.  
\v 16 Aghá uta-tago, endami aná evetu sonembea be angea, aná nomburada visogha uta uvunu joufu utata, enda rova vorea, sidara uta.  
\v 17 Aghá utata, nomburami aná evetudu neno akuago bee akuago ea erea, umó aná evetuda sasingu avona, God da agho dari ambo-ambo urota, Gaa Bee Iesu furia isagha uria-nu ivatava itita rousua-dava mene-mene aita angie.  
\v 18 Angia, mangosa kena jiruta.   
\c 13  
\s1 13:1-10 Nino Okada Eini Aná Nombura Sonembaita Rea, Karaje Vareta Vitia Furia Isagha Uria Re.  
\p
\v 1  \x - \xo 13:1 \xt Dan 7:3; \xt Amb 17:3, 7-12\x*Aghade, nino oka sembago einimi karajevareta futa vivitueta gerare. Unda kano ingo ungagha, kotú unda beforo dano ingo yoveni yoveniva ungagha re. Atá unda kano ingo ungagha anava kokotofukoda kasava aghago reta asugea irieta gerare. Kotú unda beforo nanjogova dano ragaro gefivutata irieta gerare. Aná ragaromi God da ragaro fara rouvie.  
\v 2  \x - \xo 13:2 \xt Dan 7:4-6\x*Aná nino oka rera-da gari eto-bato \tl fusi\tl* goda eini jojabe \tl leofadi\tl* reta rosora aghago re. Atá, unda eka aná nino oka eini \tl bea\tl* reta rosora anada ekago re. Kotú unda be mo, \tl laioni\tl* da bego re. Aghade, aná nomburami erea, unda ano unda kini da avo asumbari, kotú unda “avore” rarida ano beago, aná nino okadu ututata rura.  
\v 3 Atá, aná nino okada gari, unda beforo ingo yoveni yoveniva ungaghada einiva vegea baghitata amburaita itoko ea jebuguta-nu, gerare. Aghá uta-du, endava natofo jede dano ananu gia, duduku-dadaka egegea, aná nino okada ambova tuvia igiguta.  
\v 4 Kotú nomburami unda “avore” rarida anonu aná nino okadu ututata-gea, enembo dano, aná nomburanu gaabee urota, tumogha baĩ egeguta. Kotú aghade, aná nino okagodu beago tumogha baĩ urota, eghá regeguta, “Umó avona ená nino okagode jo inono irambi aita rouvie, kotú avona ungá mene-mene ari jo inono irambi re.”   
\p
\v 5  \x - \xo 13:5 \xt Dan 7:8, 25; 11:36\x*Aghade, aná nomburami sonembutueta, aná nino oka rera, umó undufa unda ragaro ritata erora-mi, God da ragaro fara uta. Tago, fefera aghade, God umó jo aná nino oka buregambi dotutata, umó ano ea, ená enda unona kaifa ueta marabe 42 sidara ueta gerare.  
\v 6 Kotú ená marabe 42 rera anada rova, aná nino oka umó tutuno ea, God da ragaro, kotú unda irari kambesi, kotú unda natofo uutuva vitia, númanenu fara uta.  
\v 7  \x - \xo 13:7 \xt Dan 7:21\x*Aghade, God mo aná nino oka retora, jo buregambi irieta, unona erea, God da natofodava mene-mene uta. Aghá ueta, umó kambesi nanjogoda abua-abua dano, gavana nanjogomi kaifa egegeta rousua enembo, kotú gaa eini be einida kotofuko ea irieta gerare.  
\v 8  \x - \xo 13:8 \xt Ps 69:28\x*Fefera anava, God na, enda jo ata sirorambi irieta, enembo dumenida ragaro seibe jebuga tumanadu irarida bukava gefiria manemi aná nino okanu jo tumogha baĩ egegambi aita rousue. Aná buka rera, aná Sifi da Mendida tofo re. Tago, endava vitia natofo jede, gogorego númane aná nino okanu tumogha baĩ egegaita rousue.  
\v 9 “Amindu rea, nímane avona nghaĩde iradora, nghaĩ javea ená gaga ningia goghó egege!”  
\v 10  \x - \xo 13:10 \xt Jer 15:2; 43:11\x*Nímane avonu diburava terari-du gateguturia, aná aghá aita rosoravore, jo serigambi aita rosoravore. O nímane avonu kaiyami vegota amburari-du gateguturia, aná kaiyami vegota amburaita rosoravore. Jo serigambi aita rosoravore. Gaga aná fakarago re. Amindu rea, God da natofo nanjogo dano tumo jará ea, durumugea, God gaabee ea goghó urota iririgoe!   
\s1 13:11-18 Nino Oka Dibe Eini Enda Rovareta Vitia Furueta Jon Da Geruria Re.  
\p
\v 11 Avore, anada ambova, amó nino oka eini enda rovareta vitia furueta gerare. Unda kano ungagha re, aná gari eto-bato sifi memendida kanogo re. Tago, unda beda ero ritata niningara, aná nombura jojabeda reaveta ningita riara, dabako aghago re.  
\v 12 Avore, ená endava reta vitia nino oka umó erea, aná nino oka sei amburaita itoko ea jebuguta-da dibeva jiria, unda ragarova gaa rirota, kotú unda “avore” rarida anomi minono ritata, endava natofo dano aná nino oka amburaita itoko ea jebuguta-nu, tumogha baĩ egeguta.  
\v 13 Aghade, endava enembo gigigutueta, aná nino oka endavareta vitia futa-mi ari ivata veveragha dibe eini be eini urota ritata, ivari uutuvareta endava vorefueta, gigiguta.   
\p
\v 14 Aghá ua, God umó jo buregambi irieta, umó enembo kukuvieta, aná nino oka amburaita itoko ea jebuguta, anada dibeva jiria, ari ivata veveragha dibe eini be eini ueta, endava enembo aná nino oka sei kaiyami vegutata amburaita itoko ea jebuguta-nu, kakara urota, aná nino okada imumu ingomi uubu egegari-du rita.  
\v 15 Aghá uta-tago, God umó jo buregambi irieta, nino oka endavareta vitia futa-mi oeno asegea furitueta, aná imumu dibe reka aghago uta. Aghade, aná imumu umó be fangea gaga reta uta, kotú enembo avona aná imumudu tumogha baĩ ambi ari mo, deaveta sirivu eta ria.  
\v 16 Aghade, aná nino oka ambova enda rovareta vitia futa-mi ritata, enembo dano, gugua-ghayafade, makaside, kokotofude, sabuade* dano saro eininu bubuguta. Ená saro enemboda beforo taiva o ingo bee kena ititueta gerare.  
\v 17 Atá umó avona ená saro jo bambi adua, umó jo utua bari kambesiva eini-eini utua bari inono irambi aita rouvie. Aná saro mo, aná nino oka karajevareta vitia futa-da ragaro, kotú unda ragaro nindarida \tl namba\tl* re.   
\p
\v 18 Tago, ená gagada bee tanana ari jo rauko irambi re. Tago, imó neno roo nundubaride iradora, aná nino okada namba da bee tambaita roravore. Amó embóda ragarodu rere. Atá saroda namba mo, aná 666 re.   
\c 14  
\s1 14:1-5 Enembo 144,000 God Da Dibeva Jiria, Daa Reka Didivuria Re.  
\p
\v 1  \x - \xo 14:1 \xt Ezek 9:4; Amb 7:3\x*Anada ambova, Sifi da Mendi umó aná Saion* dafaruva enembo dumenide jijiregea irieta gerare. Sifi da Mendi mo, Iesu du rirota rere. Aghade, enembo oruaruabe, 144,000 aghagomi jijiregea irieta gerare. Beforo taiva, Sifi da Mendida ragarode, kotú unda numamoda ragarode gembari irieta gerare.  
\v 2 Aghade, amó gerueta, ero eini uutuvareta furueta niningare. ero jojabe, uvu uria bubua, ero reta rouvia aghago, kotú tarara deta rouvia aghago re. Tago, ero taubana dogo, veku maneda ero o gauma reka maneda erogo re.  
\v 3-4 Aghade, aná enembo 144,000 rera, númane kini da avo asumbaride, \tl serubim*\tl* ungagha ungaghade, kotú babarigarida dibeva jiria irirota, daa rekanu didivueta gerare. Aná noni 144,000 nenukako aná daa tanana ari inono re. Númane jo evevetude evambi irirota, tamode asiside jo bebeta ambi re. Sifi da Mendi niavo irurari, numonde danode deĩ eta rosa. Enembo nanjogoda rorova God kotú Sifi da Mendi aná noni 144,000 rougea ungá unda tofodu bubuguta.  
\v 5  \x - \xo 14:5 \xt Zeph 3:13\x*Kotú númanda beva gavera jo ningambi, kotú ari akokogo tefo re.   
\s1 14:6-13 Dara Siroraita Rouvia-da Gaga Anera Bakodemi Furia Isagha Uria Re.  
\p
\v 6 Aghá gerara-da ambova, anera einimi Gaga Taubana tumanadu irari reta bua, iti bee itiva ghumbua, minono raita furueta gerare. Umó aná Gaga Taubana eve endava enembo abua-abua nanjogodava, gaa eini be eini enembo nanjogodava, kotú natofo dibe eini be eini nanjogodava minono rata niningigari-du rea, bua futa.  
\v 7 Futa bubua, be koko fugea, eghá rita, “God da irurari fefera bubie! Amindu rea, undava durogha vitia-du undú verua egege! God uutu endade, karajede kotú uvu ghaiyode ririeta siroruturia-nu raga rirota, tumogha baĩ egegadi rere.”   
\p
\v 8  \x - \xo 14:8 \xt Is 21:9; Jer 51:8; Amb 18:2\x*Aghá rita-da ambova, anera eini futa bubua, eghá rita, “Jue. Bakua! Bogu naa jojabe Babilon God na detueta jue! Eto-bato evetu akuagomi komanada embó bagia ea, kombo aita rirota, aná embó kukuvirota, unda vaini ano tofomi utota undia, beforo biruru adua, aghagonu roo enda Babilon da babarigarimi abua-abua nanjogo kukuvegutata, númanda aito fugari akokogo egeguta.”   
\p
\v 9-10  \x - \xo 14:9-10 \xt Is 51:17; \xt Gen 19:24; Ezek 38:22\x*Aná anera ungagha aghá rea sidara utata, anada ambova anera bako futa bubua, be koko fugea eghá rita, “Avona umó nino oka karaje vareta vitia futa-nu o nino okada imumunu tumogha baĩ urota, nino okada saro númanda ingova o beforo taiva badua mo, númane aná God da aagha unda neno akuagomi beda ea vitia-nu undia, beforo biruru egegaita rousue. Kotú, \qt God da neno akuagoda aagha undia beforo biruru egegaita rousue.\qt* rera, númane mema akuago jojabe reta itatama aita rousue. Aghade, God da anera kakarade, kotú Sifi da Mendida dibe kena mema itatama urota, gigigaita rousue. Aná mema itatama rousua aghade, númane ivari bubura ingi masaghada rova irirota, dimbori masa akuago beenu fufirota, mema itatama aita rousue.  
\v 11  \x - \xo 14:11 \xt Is 34:10\x*Nino okadu kotú nino okada imumu uubu uria-du tumogha baĩ eta rousua enembode, unda yayo bu vitia enembode ivari rova tumanadu mema itatama urota iraita rousue. Aná dimbori tumanadu tumba onembo inono viviturota iraita rouvie.”   
\p
\v 12 Avore, God da Agho Dari kaifa urota, Iesu gaabee eta rousua enembo eghá egegoe! Númane tumo jará ea, durumugea, God gaabee ea goghó urota, iririgoe!   
\p
\v 13 Anada ambova, beda ero eini uutuvareta eghá rieta niningare. “Ená gaga gembu! Enava tano etue. Oreki enembo avona Jojabee gaabee urota irogo amburadua mo, númane gangoro bee gangoro egegaita rousue.”  
\p Aná beda ero tukú utata, Asisi Kakarami aghadu rita, “Gaa bee re. Númanda buro fakara doa, nangu undaita rousue. Anada bee mo, ená endava buro egeguta-da bee sirorota, baita rousue.”   
\s1 14:14-20 Jojabee Na, Enembo Iruraita Rea, Unda Anera Mane Ninengaita Rouvia Re.  
\p
\v 14  \x - \xo 14:14 \xt Dan 7:13\x*Anada ambova, amó dibe fugia gerara, gooso saghai forosagoda itiva embó enembo bee eini aghagomi avo asumbea irieta gerare. Aná embó umó eto-bato kotofukoda mokó kasavago, auri ragaro \tl goldi\tl* mi arinu asugea, kaiya mendó biruru ari reta, di riribago ingomi righia asumbea vita.  
\v 15  \x - \xo 14:15 \xt Joel 3:13\x*Aghade, anera einimi God Du Tafaroro Ari kambova reta bubua futa, aná goosova asumbea vita embódu be jojabe fugia, eghá rita, “Inda kaiya righia, ii, endava undari badi! Oreki fefera etia bubie, kotú endava undari bee etue.”  
\v 16 Aghá ritata, aná goosova asumbea vita embómi, tutuno ea, unda vikokomi endava fugea, undari bee mane tafugutata jua vovoreguta.   
\p
\v 17 Aghá utata, anera eini God du Tafaroro Ari kambova reta futa buburitueta gerare. Undava beago kaiya mendó biruru ari, di riribago ingomi righia vita.  
\v 18 Aghá ueta, anera eini ivari kaifa eta rouvia-mi vesa dungari farova reta futa buburitueta gerare. Umó bubua, aná anera kaiya di riribago righia God du Tafaroro Ari kambova reta buburita-du be jojabemi eghá rita, “Ghavesi \tl vaini\tl* da vuri sei momosa etua-du, erea, ii, inda vikokomi endava \tl vaini\tl* aayova, vuri dano divegadi!” aghá rieta niningare.  
\v 19 Aghade, aná anera unda vikokomi fugea, ghavesi vuri divegea bua, God da vuri fatari orukova avo fugitata vovorata fatia jiregutata, muu buburita. Avore, God da oruko rera-da bee mo, kasia gaami, God unda neno akuago isagha ari kambesidu rere. Kotú ghavesida vuri fatia jiregari retora mo, enembo akokogodu rirota rere.  
\v 20  \x - \xo 14:20 \xt Is 63:3; Lam 1:15; Amb 19:15\x*Atá, aná vuri fatari oruko rera, aná bogu naa kasava avo itutata jiruta. Aghá ea, aná vuri fatia jijiregutueta, tatangu yoyoyo ea, eto-bato uria-mi bubarigo ea, unda numbo aná 300 \tl kilomita\tl* kotú kafuru gau ea vitia 2 \tl mita\tl* uta.   
\c 15  
\s1 15:1-8 Anera Ingo Yoveni Yoveniva Ungaghami God Da Oya Akuago Utaita Simbuguturia Re.  
\p
\v 1 Anada ambova, uutuva eini-eini jojabe eini jo gambi vitara-nu isagha ueta gia, bee duduku utara, aná evere: Anera dano ingo yoveni yoveniva ungagha gerare. Númandava oya akuago ingo yoveni yoveniva ungagha utarida ano irieta gerare. Aná ano jijimu urota, endava mema utaita rouvia-mi God da neno akuago sidara aita rouvie.   
\p
\v 2 Aghade amó sao jojabe eini \tl garasi\tl* ivarigha bagega arigo irieta gerare. Anada kasava, enembo avona mene-mene urota, aná karajevareta vitia furia nino okade unda imumude dea, ekami ukova fatia jijireguturia-nu, gerare. Unda ragaroda namba 666 aghago, aná umó re. God da vesa uta gauma reka dibe eininu ingomi righia,  
\v 3  \x - \xo 15:3 \xt Ex 15:1\x*aná enembomi God da buro kato Moses de, kotú Sifi da Mendideda daa didivueta gerara, aná evere:  
\q1 “Jojabee God, ano tofo, inda eta rora ivata dano, esiko-esiko taubana bee re,  
\q2 gerurota duduku-dadaka eta rosore.  
\q1 Abua-abua nanjogoda kini imó re.  
\q2 Imó donu eta rora-mi gaa beeda emboro dambu yarinu rei-irugetue.   
\q1
\v 4  \x - \xo 15:4 \xt Jer 10:7; \xt Ps 86:9\x*Jojabee, enembo nanjogo vitia dano, indú ititi urota, vitie.  
\q2 Inda ano bee joja tofo vitia-du, enembo dano indú raga regegaita rousue. Imó inunka kakara re.  
\q1 Inda aito fugari taubana dogonu isaghava urieta, giguturie-gea,  
\q2 abua-abua dano ya, indava bubua, indú tumogha baĩ egegaita rousue.”   
\p
\v 5  \x - \xo 15:5 \xt Ex 38:21\x*Anada ambova, God du Tafaroro Ari Kambo uutuva bebato ifegea irieta gerare. Aná kambo rova Dobo Kakara irieta gerare.  
\v 6 Aná anera ingo yoveni yoveniva ungagha oya akuagonu righia vita-mi aná Tafaroro Ari Kambo bebatovareta buburitata gerare. Númane asugari dighari saghai dogo biri jarinu asugea, sangorova auri \tl goldi\tl* mi arinu asugea buburitata gerare.  
\v 7  \tl Serubim*\tl* ungagha-ungaghada einimi erea, eghá uta. God tumanadu vitia-mi sei unda neno akuago kibubu dano ingo yoveni yoveniva ungagha \tl goldi\tl* mi ariva rurukutata beda uta-nu bua, aná \tl serubim\tl* anera mane ingo yoveni yoveniva ungagha dava vesa utata bubuguta.\f + \fr 15:7 \ft Tutuno enava \fq kibubu God da neno akuagomi beda ea vitie, \ft reiria, kotú tutuno enada tuva \fq oya \ft du reiria, anada bee dabako re. \f*  
\v 8  \x - \xo 15:8 \xt Ex 40:34; 1 Kgs 8:10-11; 2 Chr 5:13-14; Is 6:4\x*Aghade, God da anode unanade dimbori aghago vorea, Tafaroro Ari Kambo beda uta. Utata, enembo eini o anera eini anava terari jo inono ambi egeguta. Aghá irirota, aná oya akuago dano ingo yoveni yoveniva ungagha aná anera ingo yoveni yoveniva ungaghami bua furá ya serigasueta, rekago furá, God du Tafaroro Ari Kambova teterugasue.   
\c 16  
\s1 16:1-21 God Da Neno Akuago Anerami Avereguturieta, Mema Jojabe Endava Siroruturia Re.  
\p
\v 1 Anada ambova, Tafaroro Ari Kambovareta be koko fugia aná anera mane ingo yoveni yoveniva ungagha dava rieta niningare, “Erea igige, aná kibubu ingo yoveni yoveniva ungagha averegadi, God da neno akuago endava voroe!”   
\p
\v 2  \x - \xo 16:2 \xt Ex 9:10\x*Aghá ritata, anera eini erea, unda kibubu endava averegutata, enembo avona ana nino oka karejevareta vitia futa-da saro rururia, kotú unda imumu tumogha baĩ egegeta uta-dava, beto binimba bee sembago sirorutata mema itatama ueta gerare.   
\p
\v 3 Aghá utata, anera eini erorata, ungagha uta-mi unda kibubu bua, karajeva averegutata, aná karaje dano dibe kaverea, amburari enemboda tatangugo utata, eini-eini karajeva vita dano, ambubutueta gerare.   
\p
\v 4  \x - \xo 16:4 \xt Ex 7:17-21; Ps 78:44\x*Aghá utata, anera eini erorata, bako uta-mi unda kibubu bua, uvu jojabeva kotú uvu ghaiyova averegutata, aná uvuda dibe kaverea, tatangu uta.  
\v 5 Aghá ueta, endava uvude karajede dano kaifa eta rouvia anera einimi, eghá rita, “God, imó kakara bee re. Imó vitireravore, kotú tumanadu viteravore. Imó endava enembo iruruturota, donu etora, aná taubana etoravore.  
\v 6 Inda natofode inda feroveta manede derata, ambubuguturia-du, imó tatangu utueta númane undia sirivu egegetue. Mino aghagonu utora, aná taubana re.”  
\v 7 Aghade, vesa dungari farova beda eromi rieta, niningare, “Jojabee God, ano tofo bee imó re. Imó gaa beenu nundubuturota, endava enembo iruruturota, donu etora, aná taubana re.”   
\p
\v 8 Aghá utata, anera eini erorata, ungagha-ungagha uta-mi, unda kibubu bua, feferava averegutata, feferada ano enembodava ivarigo siroruta.  
\v 9 Aná endava enembo feferada veverami evieta númane, God da ragarodu tauga kavavana regeguta. Anada bee mo, unona aná oya nanjogo utata, itatama egeguta. Tago, númanda ari-bari akokogo egegeta uria-nu jo kariguturota, God da duroghadu raga regegambi re.   
\p
\v 10  \x - \xo 16:10 \xt Ex 10:21\x*Aghá utata, anera eini erorata, ingo yoveni uta-mi unda kibubu bua, aná nino oka karajevareta vitia futa-da kini unda avo asumbariva averegutata, aná nino okami kaifa eta ria kambesi nanjogova, bingoi ueta, enembo mema itatama urota, númanda aveva gagambuguta.  
\v 11 Aghá itatama egeguta-tago, númanda ari-bari akokogo jo doambi irirota, númanda mema dibe eini be eini kotú iso mane itatama egeguta-du, God uutuva vitia-du tauga kavavana rieta niningare.   
\p
\v 12  \x - \xo 16:12 \xt Is 11:15\x*Aghá utata, anera eini erorata, ingo yoveni yoveniva dabako uta-mi, unda kibubu bua, aná uvu jojabe ragaro Yufretis anada etova averegutata, aná uvu gorugea kaĩ uta. Aghá uta-da bee mo, kini dumeni emboro fefera vitari kena reta fufugari-du rea, God na ritata, aghá uta.  
\v 13 Anada ambova, amó taimu genakogo dano bakode gerare. Eini aná nomburada be vareta buburita. Eini aná nino oka karajevareta vitia futa-da be vareta buburita, kotú eini aná feroveta gavera katoda bevareta buburitueta gerare. Avore, aná feroveta gavera kato rera, kotú aná nino oka endavareta vitia futa, númane dabako ananu re.  
\v 14 Aná genakogo bakode gerara, númane aná taimu akokogo re. Númanda buro mo, númane ya, endava vitia-da kini manedava bububugea, ivata gavera ininighanu egegeta rousua-mi, aná kini mane mene-mene egegari-du ghambugota, God ano tofoda fefera jojabeva danode egegaita rousue.   
\p
\v 15  \x - \xo 16:15 \xt Mat 24:43-44; Luk 12:39-40; Amb 3:3\x*Dibe fangari-du rea, Jojabee ená gaga namonde andú reirie, “Nghaĩ javea niningige! Bagia embó nungeigimi furaita rouvia aghago, amó kaverea furaita rore. Enembo avona unda asugari dighari kaifa urota, jo taroba irambi adua, umó meka gambi irirota, gangoro aita rouvie.”   
\p
\v 16  \x - \xo 16:16 \xt 2 Kgs 23:29; Zech 12:11\x*Anada ambova, aná taimu bakodemi endava vitia-da kini mane ghambugutata, roo enda Hibru enemboda gaami Armagedon reta rousua, anava desuta.   
\p
\v 17 Aghá utata, anera ambo jetukomi erorata, ingo yoveni yoveniva ungagha uta-mi, unda kibubu bua, enda etova averegutueta, kini da avo asumbari Tafaroro Ari Kambova vitia-vareta be koko fugia eghá rita, “Oreki etia, sidara etue.”  
\v 18  \x - \xo 16:18 \xt Amb 8:5; 11:13, 19\x*Aghade, biria tarara bee akuago ueta, gino-ginode dano siroruta. Afa na enembo urieta, endava siroruturia-vareta etia oreki, gino-gino eini aghago sirorambi vitago, sirorutueta gerare.  
\v 19  \x - \xo 16:19 \xt Is 51:17\x*Aghá ueta, roo enda dano númanda bogu naa mane gino-ginomi righia gogofegutata, God aná bogu naa jojabe Babilon nundubuturota, unda neno akuago vaini aghagonu aaghava rurukuta-nu bua ututata dita. Dirota, aná bogu naa jojabe gino-ginoda anomi sarigea angia, dibe bakode uta.  
\v 20  \x - \xo 16:20 \xt Amb 6:14\x*Aghade, karajeva butu dano, endava dafarude dano manjita.  
\v 21  \x - \xo 16:21 \xt Ex 9:23; Amb 11:19\x*Aghá ueta, boruma yaura, \tl aisi\tl* aghago vovora. Aisi daba-daba vovora-da bouvu, aná 45 \tl kilo\tl* aghago re. Anami enembo derata, mema jojabe itatama uta-du, God du tauga kavavana regegutueta niningare.   
\c 17  
\s1 17:1-18 Babilon Enembo Númanda Mino Baita Rouvia Gaga Re.  
\p
\v 1  \x - \xo 17:1 \xt Jer 51:13\x*Anada ambova, anera dano ingo yoveni yoveniva ungagha kibubu dano ingo yoveni yoveniva ungagha bua avereguta-da einimi futa, andú rita, “Fu, gonene evetu bingá jojabe unda mino daiyagha baita rouvia-nu, irugota gadi. Gonene evetu rera mo, bogu naa uvu oruabeda kasava didighata vitia-du rere.  
\v 2  \x - \xo 17:2 \xt Is 23:17; Jer 51:7\x*Endada kini mane, kotú enembo dano aná gonene evetude irirota, ari-bari akokogo egeguta. Aghade, enembo dano aná evetuda unonu urota, unda \tl vaini\tl* undiaveta, beforo biruru uta-du, unda ari-bari akokogo aghagonu egeguta.”   
\p
\v 3  \x - \xo 17:3 \xt Amb 13:1\x*Aghá ritata, Asisi Kakara andava asugea irieta, anera amó unumbea bua angia, uvu tefo, enembo irambi kambesiva buburita. Anava evetu eini nino oka jojabe inimba tamoda etova asumbea irieta gerare. Aná okada tamova, ragaro oruaruabe gegembuguta-mi God da ragaro fara rouvie. Aná okada beforo dano ingo yoveni yoveniva ungagha, kotú unda kano dano ingo ungagha re.  
\v 4  \x - \xo 17:4 \xt Jer 51:7\x*Aná evetuda asugari dighari aná inimba kotú jetogo re. Anada mino mo, jojabe re. Umó guri taubana mane gari dibe eini be einimi goghó uta. Guri dumeni, aná auri \tl goldi\tl* mi ari re. Dumenida gari mo singoi \tl garasigo\tl* re. Kotú dumeni, aná banguro vusimi ari re. Aná guri maneda mino jojabebei re. Aná evetu, umó aagha auri \tl goldi\tl* mi arinu bua, ingomi righia irieta gerare. Aná aagha rova unda ari akokogo kotú viro kombomi beda ea irieta gerare.  
\v 5 Unda beforo taiva ragaro eini gembari irieta gerare. Tago, aná ragaroda bee jo isaghava irambi re. Aná ragaro mo, eghá gembari vita. “Babilon bogu naa jojabe, aná gonene evevetu nanjogoda nue re. Kotú endava eini-eini akokogomi enembo kuviaveta, bebeta eta rousua-da nue beago, umó re.”  
\v 6 Aná evetumi God da natofoda tatangu \tl vaini\tl* aghagonu bua ditata, beforo biruru uta. Eto-bato \tl vaini\tl* undiaveta, beforo biruru eta rouvia, aghagonu ueta gerare. Tatangu rera mo, God da natofo mema bouvu itatama egeguturota, Iesu gaabee ari jo doambi-gea, enembo dumenimi dedegutata ambubuguta-da tatangudu rere. Amó aná evetu gia, duduku ea, mana-mana utare.  
\v 7 Aghá utata, aná anera amó unumbea bua angia-mi, uriga uta, “Imó dodu duduku eto? Aná nino okada etova asumbea vitia evetuda kiki nungariva vitia, kotú aná nino oka beforo ingo yoveni yoveniva ungagha, kano ingo ungaghami evetu bua, deĩ eta rouvia-da kiki beago, nungariva vitia, ananu rata ningaita roravore.  
\v 8  \x - \xo 17:8 \xt Dan 7:7; Amb 11:7; \xt Ps 69:28\x*Aná nino oka gera, umó sei vitiriago ambubuturieta, God na ririeta, koto banuna tefova vovorurie. Oreki umó jo irambi re. Tago, umó rekago aná koto banuna tefovareta, vitia furá bubua yata-gea, data amburaita rouvie. God uutu enda uubu ambi-da dibe kena enembo avoda ragaro Jebuga Tumanadu Irari bukava gembambi uria, númane dano aná nino oka gia duduku egegaita rousue. Anada bee mo, umó sei vitiriago ambubuturie. Tago rekago kaverea furaita rouvie.   
\p
\v 9 Enembo avodava neno nundubaride, beforo garide iradua, umó anda rera gaganu, tanana aita rouvie. Aná nino okada beforo dano ingo yoveni yoveniva ungagha, aná mo, ooto dano ingo yoveni yoveniva ungagha re. Aná evetu, umó aná ooto ingo yoveni yoveniva ungaghada etova asumbea vitie. Kotú aná beforo ingo yoveni yoveniva ungaghada bee eini, aná kini dano ingo yoveni yoveniva ungagha re.  
\v 10 Aná kini ingo yoveni yoveniva ungaghada rova ingo yoveni sei sidara uta, dabakomi vitie. Kotú eini kini jo ambi vitie. Atá, kini adua mo, umó fefera tufokoko beforo righia ya, sidara aita rouvie.  
\v 11 Kotú aná nino oka seibe vitiriago ambubuturia, umó aná kini ingo yoveni yoveniva ungaghada eini re. Tago, umó kaverea erea, kini 8 aita rouvie. Aghá ea, yata-gea, dedegota amburaita rouvie.   
\p
\v 12  \x - \xo 17:12 \xt Dan 7:24\x*Kotú, kano ingo ungagha gera, aná kini dumeni, dano ingo ungagha re. Tago, númane kini da ano jo bubugambi vitie. Avotago, númane aná nino okade dano kini da ano bua, onembo dabakova jo yafabe irambi egegaita rousue.  
\v 13 Númane dano nundubari dabako ea, númanda anode avore aride aná nino okadu utaita rousue.  
\v 14 Aghá ea, aná kini ingo ungaghade aná nino okademi Sifi da Mendide mene-mene egegaita rousue. Tago, Sifi da Mendide, God da gategea ghogho riria enembo Sifi da Mendida ambo-ambo egeguturia-demi, aná kini ingo ungagha dedegota ambubugaita rousue. Anada bee mo, Sifi da Mendi mo, umó endava kokotofu nanjogoda Jojabee, kotú kini nanjogoda kini umó re.”   
\p
\v 15 Kotú aná anerami andú rita, “Aná gonene evetu uvu oruabeda kasava asumbea vitia-da bee mo, aná evere. Aná uvu oruabe gera mo, gavana nanjogode, enemboda abua-abua nanjogode, kotú enembo gaa eini be eini nanjogo regegeta rousua-dedu reirie.  
\v 16 Aná kano ingo ungagha gera-de nino okade númanena aná gonene evetude gitofo aita rousue. Aghá ea, unda gugua-ghayafa righia rougea bua, unda tamo asugari mane righia kokosugea bata, umó taroba jiraita rouvie. Aghá ea, númanena unda tamo firí undidigea, umó ivariva fugota evia sidara aita rouvie.  
\v 17 Anada bee mo, God na unda unonu númanda neno rova ituta-du, númane dano nundubari dabako ea, númanda ano dano aná nino okadu utota, unona beforo ririkurota, God da donu riria-da bee siroraita rouvie.  
\v 18 Avore, aná gonene evetu gera-da bee mo, umó aná bogu naa jojabe eini re. Aná bogu naada kini mi endava kini nanjogo kaifa uaveta, númane unda unonu ambo-ambo eta rousue.”   
\c 18  
\s1 18:1-19:4 God Na Babilon Bogu Naa Susughi Aita Rouvia Re.  
\p
\v 1 Anada ambova, anera einimi uutuvareta bubua vorefueta gerare. Undava ano kotú avore ari jojabe vitie. Unda tamoda duroghami janimbutata, enda eto dano unana uta.  
\v 2  \x - \xo 18:2 \xt Is 21:9; Jer 51:8; Amb 14:8; \xt Is 13:21; Jer 50:39\x*Aná anerami be koko fugea, eghá rita. “Bogu naa jojabe, Babilon aná jue. Anava enembo eini jo irambi, dano iya sidara etue. Etueta, taimu akokogode, asisi akokogodemi avo vitie. Kotú, amburari eini-einida firí undidigeta rousua dii mane beago, avo vitie.  
\v 3  \x - \xo 18:3 \xt Is 23:17; Jer 51:7\x*Anada bee mo, endava abua-abua dano, aná gonene evetugha kombo aita rirota, unda \tl vaini\tl* ano tofonu dirieta beforo biruru uta. Endava kini manede dano aná evetuda unonu urota, numonde viro kombo egeguta. Kotú endava enembo avona gugua-ghayafa utua guri buta rousua kotú guri utua, gugua-ghayafa buta rousua, númane aná evetuda uno yavi akokogo eta uria-mi guri oruaruabe bubugeta egeguta.”   
\p
\v 4  \x - \xo 18:4 \xt Is 48:20; Jer 50:8; 51:6, 45\x*Anada ambova, uutuva be ero eini eghá rieta niningare. “Anda natofo nímane aná evetu doa serigadi rere! Bogu Naa Babilon doa isaghava bububuge! Rourogo, unda ari-bari akokogonu gia aghago egegareta, kotú unda ari-bari akokogoda mino akuago nemonde dano bubugareta, umó doa isaghava bububuge!  
\v 5  \x - \xo 18:5 \xt Gen 18:20-21; Jer 51:9\x*Anada bee mo, unda ari-bari bua, danode itieta vitia uutuva tambua vitie. Kotú God na unda akokogo dano rei-nundubutue.  
\v 6  \x - \xo 18:6 \xt Ps 137:8; Jer 50:29\x*Kotú, umó ari akuago daiyagha uta, dabako aghagonu mino undú aghá egege! Umó ari akokogo oruabe uta-du, unda akokogoda mino inonova utua, kotú rekago aghagonu utu, bae! Kotú \tl vaini\tl* ano tofo natofo jededu ututa, dabako aghagonu unda aaghava ruruke, undota, kotú rekago ruruke-gea, undoe!  
\v 7  \x - \xo 18:7 \xt Is 47:7-9\x*Anada bee mo, umó undufa raga eghá reta rouvie. ‘Amó aná endada \tl kuini\tl* re. Amó jo nanjigo, evetu dorumi unda embódu neno mema itatama eta rouvia aghagonu, mema itatama ambi aita rore.’ Umó aghá rirota, ari akokogo oruabe urota, undufa raga reta rouvia-du, eini-eini esiko-esikode gugua-ghayafade unda tofodu rura-da inono gerurota, memade bouvude aghagonu ututuge-gea, bae!  
\v 8 Amindu rea, onembo dabakoda rova, bouvu kotú mema dibe eini be eini undava siroraita rouvie. Aná mo, kae, dari sorara kotú baimana itatama aita rouvie. Aghade, umó ivarimi evaita rouvie. Anada bee mo, Jojabee God umó iruraita rouvia, umó aná ano tofo re.”   
\p
\v 9  \x - \xo 18:9 \xt Ezek 26:16-17\x*Aghade, endada kini mane aná evetude viro kombo ea, kotú unda gugua-ghayafa numonde vesa egeguta-mi, aná evetu evaita rouvia ivarida dimborinu gigigadua mo, númane undú jii rea, neno mema egegaita rousue.  
\v 10 Númane rourogo, aná mema numonde dano itatama egegauve-degea, oru urota, ove airo jijiregea, eghá raita rousue. “Ariee, Babilon, bogu naa jojabe ano kato, dara beravore. Imó fefera betufokoda rova inda ari akokogoda mino beravore.”   
\p
\v 11  \x - \xo 18:11 \xt Ezek 27:31, 36\x*Kotú gugua-ghayafa utua guri buta rousua enembo beago, aná evetudu jii regegea, neno mema egegaita rousue. Anada bee mo, enembo eini jo guri utua, númanda gugua-ghayafa rekago bambi aita rousue.\fig |src="120 Treasures_oldHK057E_scp.jpg" size="col" loc="18:11-13" ref="Ambova Sirorari 18:11" \fig*  
\v 12  \x - \xo 18:12 \xt Ezek 27:12-13, 22\x*Númanda \tl goldi\tl* kotú \tl siliva\tl* kotú númanda singoi \tl garasigo\tl* mino jojabe mane, banguro okove vusi taubana manemi guri firu eta rousua-de dano enembo eini avona jo rekago furá numandava gurimi utua bambi aita rousue. Númanda eembo-bo gari dibe eini be eini, saghai, inimba tamo, kotú jetogo, enembo eini avona jo rekago furá numandava gurimi utua bambi aita rousue. Númanda ika esiko-esiko, mosou aghago, kotú númanda ove, oka kanomi, ika mino jojabemi, auri dumenimi, kotú singoimi, uubu utata siroruta-nu, enembo eini avona jo rekago furá numandava gurimi utua bambi aita rousue.  
\v 13 Kotú númanda mosoude, undari denembarida ingi dibe eini be eini, kotú ika muu eini munode ragaro \tl frankinsenisi\tl*, kotú ika muu munode eini, ragaro \tl meer\tl*,\f + \fr 18:13 \ft Ii, gaga \xt Mat 2:11 \ft anada tuva gaga \+tl frankinsensi\+tl* du kotú \+tl meer\+tl* du daiyagha gembari vitia-nu irugadi reisi-rere!\f* númanda \tl vaini\tl* de ika \tl olivi\tl* da muude, farava taubanade kotú faravada veede, enembo eini avona jo rekago furá numandava gurimi utua bambi aita rousue. Kotú númanda \tl burumakau\tl* de, sifi de, \tl hosi\tl* de kotú mene-mene arida ombo ghaa* \tl hosi\tl* mi ghambugaride, kotú sabua* enembode sabua dumeni mene-meneva nandaride, aná mane dano enembo eini avona jo rekago furá numandava gurimi utua bambi aita rousue.   
\p
\v 14 Amindu rea, gugua-ghayafa utua, guri buta rousua enembo jii regeguturota, Babilon enembodu eghá raita rousue. “Nímane muu dirota baita utara eini-eini dano, nímandava sidara etue. Nímanda gugua-ghayafade, duroghade sidara etua, jo rekago sirorota bubugambi aita rosoravore.  
\v 15  \x - \xo 18:15 \xt Ezek 27:31, 36\x*Gugua ghayafa utua guri bari kakato Babilon bogu naa enembode mino-mino gugua-ghayafa utua, guri rururota gugua-ghayafade enembo egeguta-mi Babilon da mema bouvu gia, oru urota, nendufa itatama egegauve-degea airo jijiregea, neno memagha jii rirota,  
\v 16 eghá regegaita rousue. ‘Yove yove, aiya darago, ená dara re. Dara jojabe re. Babilon imó evetu eini eembo boo gari taubana mane, fitu kotú inimba tamo manenu urua evia urota, guri auri \tl goldi\tl* mi ari, kotú singoi gari taubanami ari, guri banguro vusimi arinu dighia, uumo gamo egegeta utaravore.  
\v 17  \x - \xo 18:17 \xt Is 23:14; Ezek 27:26-30\x*Oreki mo, onembo dabakova, fefera betufokoda rova, unda gogho-goghombade eini-eini nanjogode dano manjea sidara etue.’”  
\p Kotú ghaada babarigaride, ghaada buro kakatode, enembo dumeni karaje etova iru-furu urota, buro eta rousua manemi, airo jijiregea,  
\v 18  \x - \xo 18:18 \xt Ezek 27:32\x*Babilon bogu naa ivarimi evirota, dimbori vivitueta gia, jii rirota, eghá regeguta, “Bogu naa jojabe aghago, sei endava jo irambi re.”  
\v 19  \x - \xo 18:19 \xt Ezek 27:30-34\x*Aghá regegea, neno mema urota, davera gutia, ivegha bua, beforova bejea, jii memagha rirota, eghá regeguta. “Yove yove, aiya darago, ená dara re. Ghaa numamo nanjogo Babilon rova eini-eini guridu utua buta egegetua-mi dano gugua-ghayafade enembo egeguta. Tago oreki, onembo dabakova fefera tufokoda rova bogu naa jojabe Babilon jue.”   
\p
\v 20  \x - \xo 18:20 \xt Deut 32:43; Jer 51:48\x*“Nímane uutuva vitera, neno taubana urota, gangoro egege! Kotú God da natofode, Jojabeeda ambo nimbide, feroveta manede, beago gangoro egegadi rere! Anada bee mo, Babilon enembomi nímandava mema ututuria-du rea, God na numane iruruturota ritata, Babilon susughi ea dea bejetueta sidara etue.”   
\p
\v 21  \x - \xo 18:21 \xt Jer 51:63-64; \xt Ezek 26:21\x*Anada ambova, anera ano kato einimi singoi beraghabe eininu bua erea fugitata, karajeva degimbea baghimbutata, gaga eghá ritata niningare. “Ená singoi beraghabe bua, fugetueta karajeva degimbea baghimbetua aghagonu, Babilon naa data bejota, enembo rekago jo gigigambi aita rousue.  
\v 22  \x - \xo 18:22 \xt Ezek 26:13; Is 24:8\x*\x - \xo 18:22 \xt Jer 7:34; 25:10\x*Kotú anava veku jo furambi, gauma tavuya rekago jo didivugambi aita rousue. Buro kakato jo rekago tutuno ea, anava buro egegambi aita rousue, kotú evevetu anava jo undari bari simbugea denembarida yavi jo niningigambi aita rousue.  
\v 23 Ivaride aivade jo avo gagembota, o inimbota gigigambi aita rousue. Aghade, yagera ari o vai arida banauva divua furia arida yavi jo sirorota, ningambi aita rouvie.  
\p Avore, bogu naa Babilon enembodu rere, niningige! Nímanda eini-eini utua guri bari enembo, aná endava naa dumenida enembo aghago mane vitia-da itiva re. Dumeni jo nímanego irambi re. Nímanda be yeyedemi enembo dano kuveta egegutaravore.   
\p
\v 24  \x - \xo 18:24 \xt Jer 51:49\x*Avore, Babilon naava enembomi, God da feroveta manede, God da natofode, kotú enembo nanjogode dano dedeguturieta ambubuguturia-da tatanguda bouvu, God na tambua Babilon enemboda ragarova ituturota, aná naa dea bejuta.” Anera aghá ritata, amó niningare.   
\c 19  
\p
\v 1 Anada ambova, eto-bato enembo oruabemi uutuva jiria, be koko fugea rarigo ueta, amó niningare. “God du raga regegore! Sonemba, durogha kotú ano namonde anda God da tofo re.  
\v 2  \x - \xo 19:2 \xt Deut 32:43; 2 Kgs 9:7\x*Umó enemboda ari-bari akokogodu rea, númane iruruturota, númanda mino inonova ututa rouvie. Aghá-gea, aná gonene evetu, o naa Babilon reta rousua, unda viro kombo ria-mi endava enembo kuvia gita uria ananu iruruta. Aghá urota, unda buro kakato derata ambubuguta-nu nundubuturota, God na Babilon dea bejuta.”  
\v 3  \x - \xo 19:3 \xt Is 34:10\x*Kotú rekago be koko fugea eghá regeguta. “God du raga regegore! Bogu naa jojabe Babilon ananu ivarimi evirota, dimbori tumanadu viviturota, gerurota iririgaita rosore.”  
\v 4 Aghá regegutueta, babarigari 24 de, \tl serubim*\tl* ungagha-ungaghade gonea vorea, endava takembuturota, God unda avo asumbariva asumbea irieta, undú tumogha baĩ urota eghá regeguta. “Aĩ gaa bee re. God du raga regegore!”   
\s1 19:5-10 Sifi da Mendi Evetu Yagera Ari-Du Rea, Jojabee Banau Rei-Simbugutue.  
\p
\v 5  \x - \xo 19:5 \xt Ps 115:13\x*Aghá regeguta-da ambova, kini da avo asumbarivareta beda ero eini eghá rieta niningare. “Unda buro kakato sabuade* kokotofude dano nímandu rere. Nímane avona God du oru rosora-mi namonde dano God du raga regegore!”  
\v 6  \x - \xo 19:6 \xt Ezek 1:24; \xt Ps 93:1; 97:1; 99:1\x*Aghá ritata, enembo oruabemi uutuva jiria, beda ero uvu uria bubua vorefurota ero rarigo, kotú uutuva tarara divarigo urota, gaga eghá rieta amó niningare, “God du raga regegore! Anada bee mo, namonde anda God ano tofo, umó kini ea vitie.  
\v 7 Amindu rea, namonde dano neno taubana urota, gangoro egegore! Durogha unda tofo reta, undú raga regegore! Anada bee mo, fefera etia buburitueta, Sifi da Mendi unda evetu yagera aita rouvia-du, unda datu ariri\f + \fr 19:7 \ft Sifi da Mendida \fq “datu ariri” \ft enava reiria-da bee aghajora, Iesu da natofo númanda ari bari akokogo Iesu da tatangumi seseghuria-du reirie. Tago, tanana egegadi reisi-rere \xt Amb 21:9 \ft anava Bogu Naa Jerusalem reka du reirie.\f* simbugea kaifa rouvie.  
\v 8 Aná datu ariri simbugari-du rea, eembo-bo esiko-esiko saghai dogo ananu utueta asugetue,” beda ero aghá rieta niningare. (Datu ariri rera, aná Iesu da natofodu rere. Eembo saghai taubana dogo rera aná, ari-bari taubana God da natofoda eta rousua, anadu rere.)  
\v 9  \x - \xo 19:9 \xt Mat 22:2-3\x*Anada ambova, anerami andú eghá rita, “Ená gaganu gembu!” ritata gefivutara aná evere. “God na enembo avonu, Sifi da Mendi yagera aita rouvia banauva ya, undari undari-du aghi jumbadua mo, númane gangoro egegaita rousue.” Aghá rea, anada etova gaga eini eghá rita. “Ená gaga, aná God da gaga bee reiria re.”   
\p
\v 10 Aghá ritata ningia, amó undú tumogha baĩ aita rea, unda dibe kena jua vavosare. Tago, unona amó bureguturota eghá rita, “Mania aghá ata! Angá amó, kotú inda kokomana God da Gaga Iesu da iruguturia-nu gaabee egegeta rousua-de dano namonde amó tefo, God da buro kakato re. God unuka undú tumogha baĩ ege! Anada bee mo, Iesu gaa bee isaghava kariguturia-mi enembo ano ea unda ari baride bingádenu karigeta rousue.”   
\s1 19:11-21 Kotofu Jojabe Eini Ragaro “God Da Gaga”, Unona Furueta, Jon Geruria Re.  
\p
\v 11  \x - \xo 19:11 \xt Ezek 1:1; \xt Ps 96:13; Is 11:4\x*Anada ambova, uutu ifegutata, embó eini \tl hosi\tl* tamo saghaida etova asumbea irieta gerare. Aná embóda ragaro, “Buro Da Sofero Dari Re” kotú “Gaa Bee Rea Goghó Ari Kato Re.” Ená embó umó mene-mene jo tefo-tafo ambi eta rouvie. Umó irurea goghó ea, beedu mene-mene eta rouvie.  
\v 12  \x - \xo 19:12 \xt Dan 10:6\x*Unda dibeda gari eto-bato ivarida buburogo re. Unda beforova, kotofuda kasava oruabe asugea irieta gerare. Unda tamova ragaro eini gembari vitia, aná enembo avona jo gia tanana ambi re. Tago umó unukako aná gari re.  
\v 13 Avore, unda sokua asugea vorefuta mo, tatangumi tafí ea vitarigo uta-nu gerare. Kotú unda ragaro eini aná, “God da Gaga re.”  
\v 14 Uutuva mene-mene ari kakato dano asugari esiko-esiko saghai dogo manenu asusugea, \tl hosi\tl* saghai tatamova asusumbea, unda ambova vovorefueta gerare.  
\v 15  \x - \xo 19:15 \xt Ps 2:9; \xt Is 63:3; Joel 3:13; Amb 14:20\x*Aná embóda beva kaiya dighami buburitata gerare. Unona aná kaiyami endava natofo dano dea, ekami ukova fatia jiraita rouvie. Unda besia aurimi arinu bua righia anami ya, endava natofo kaifa aita rouvie. Eto-bato namonde ghavesi vuri simbeaveta \tl vaini\tl*, roro eto-bato gareregova vorea vaseta rouvia aghagonu, aná embómi enembo endava vitia-dava God Ano Katoda neno akuago iruguturota, númane dea, ekami ukova fatia jirota mema jojabe itatama egegaita rousue.  
\v 16 Aná embóda sokuava kotú unda omunova, ragaro eini eghá gembari irieta gerare. “Kini Nanjogoda Kini, Kokotofu Nanjogoda Jojabee re.” gaga aghá gembari vitie.   
\p
\v 17  \x - \xo 19:17 \xt Ezek 39:17-20\x*Anada ambova, anera eini fefera rova jiria irieta gerare. Aná anerami dii mane itiva ghumbua iru-furu ua-du be koko fugia eghá rita. “Fufuge danode desea, God da simbugaita rouvia banau jojabenu undidigadi!  
\v 18 Aná banau mo, kini manede, mene-mene ari kakatoda babarigaride, mene-mene ari kakatode, \tl hosi\tl* etova asusumbea fufuguta enembode, sabuade* kokotofude dano kotú, enembo nanjogoda tamo firínu undidigadi rere.”   
\p
\v 19 Anada ambova, nino oka beforo ingo yoveni yoveniva ungagha kotú kano ingo ungaghade, endava kini nanjogo númanda mene-mene ari kakatode dano, númane aná embó \tl hosi\tl* etova asumbea, unda mene-mene ari kakatode uutuvareta vovorefueta gerara, numonde mene-mene egegaita rea, danode deseseguta.  
\v 20  \x - \xo 19:20 \xt Amb 13:1-18\x*Tago, aná noni uutuvareta vorefuta-mi aná nino oka kotú unda feroveta gavera kato nino okada ragarova ari ivata dumeni ueta rei-siroruta-de dano nanandiguta. (Aná feroveta gavera kato unona, aná nino okada dibeva, ari ivata dumeni dumeni eaveta siroreta uria-mi, enembo avona “avore” rea, aná nino okada saro númanda tamova bububuguta-de, enembo avona aná nino okada imumunu tumogha baĩ egeguta-de dano kuveta urie.) Avore, aná nino oka unda feroveta gavera katoghanu nandia bua, dibe reka ivari ivegha kaegha kotú masa akuagoda rova fugitata vovoreguta.  
\v 21 Aghade, aná \tl hosi\tl* etova asumbea uutuvareta vorefuta embómi aná nino okada mene-mene ari kakato nanjogo kaiya unda beva buburita-mi derata, ambua sirivu egegutata, dii mane dano bububugea, númanda uno aghago undidigea, inono egeguta.   
\c 20  
\s1 20:1-6 Keriso Ená Enda Ghaeko 1,000 Kaifa Aita Rouvie.  
\p
\v 1 Anada ambova, anera einimi \tl seini\tl* bouvube bua, endava koto banuna tefoda boraga anada avore rarida anogha uutuvareta vorefueta gerare.  
\v 2-3  \x - \xo 20:2-3 \xt Gen 3:1\x*Aná anerami ningabu sei nomburago reta, nandita. (Ningabu nomburago retora mo, seida feferava undú Ningabu o Satan regegeta urere.) Nandia, rourogo ghaeko 1,000 rova Satan bubua, endava enembo kuvirauve-degea rirota, aná anerami unda \tl seini\tl* bua vorefuta-mi Satan bundia bua angia, endava koto banuna tefova fugitata vovorata, bebato gajea, boraga sinia, vatetena dera. Umó avo irasueta, ghaeko 1,000 da ambova, anerami bebato ifegasueta, Satan rekago furá isaghava bubua fefera tufoko deĩ asue.   
\p
\v 4  \x - \xo 20:4 \xt Dan 7:9, 22\x*Anada ambova, enembo dumeni kini da avo asumbariva asusumbea irieta gerare. Ená enembo rera, numandava enembo irurarida anonu ututata, bubuguta. Kotú eini gerara mo, enembo avona God da Gaga kotú Iesu da Bingánu kariguturia-du rea, enembo dumenimi númane dedegea, ukó diveguturieta ambubuguturia, anada asisi manenu gerare. Númane nino okadu, kotú unda imumu ingomi uubu ari-du, jo tumogha baĩ egegambi re. Kotú nino okada saro beforo taiva o ingova itari, númane aná jo bubugambi re. Avore, númane jebugea erea, kokotofu ea, Iesu de dano ghaeko 1,000 retora, aná numanena ená enda kaifa egegaita rousue.  
\v 5 Ená enembo rera-mi, amburari enembo jebugea erambi-da tutunova numanena jebugea ereregaita rousue. (Amburari enembo dano jo fefera aghade jebugea ereregambi aita rousue. Enembo dumeni irota, aná ghaeko 1,000 serigota, ambova jebugea ereregaita rousue.)  
\v 6 Enembo avonu God jo rata, rekago mema tafirota, ambubugambi aita rousua mo, númane seibe God da natofo kakara rova terua vitia-du gangoro jojabe egegaita rousue. Númane tumanadu irirota, God da kotú Keriso da fristi* urota, Keriso de dano enda kaifa urota, ghaeko 1,000 serigaita rouvie.   
\s1 20:7-10 Satan Nandia Bua Ivariva Fugiturieta Vovoruria Re.  
\p
\v 7-8  \x - \xo 20:7-8 \xt Ezek 7:2; \xt Ezek 38:2, 9, 15\x*Ghaeko 1,000 serigaita rouvia aghade, bebato ifegea, Satan bundari vitia, aná vuregota furá isaghava bubaita rouvie. Bubua, enda etova enembonu kuviraita rea, yaita rouvie. Ya, naa nanjogo endava vitia, anava abua-abua ragaro Gok kotú Magok ananu kukuvirota rata-gea, númane mene-mene egegaita rea bubua, danode desaita rousue. Abua ragaro Gok kotú Magok reiria mo, kasia gaami God da gitofo nanjogodu reirie. Númane enembo oruaruabe eto-bato karajeva mangosa vitia aghago desaita rousue.  
\v 9 Avore, aghá egegea, amó gerueta númane mene-mene egegaita rea gategea angia, God da natofode kotú unda neno buta rouvia bogu naade dano, fugea roroguta. Aghá egegutata, ivari uutuvareta vorefuta-mi númane dano evivigutata, ambua sirivu egeguta.  
\v 10 Númane ambua, sirivu egeguta-da ambova, Satan númanenu kukuva, God na ritata nandia bua, ivari imu kaegha kotú dimbori masa akuagoda rova fugitata vovora. Nino oka unda feroveta gavera katogha fugitata vovoreguta, dabako anava vovora. Vorea, númane avo tumanadu iririguturota, fefera inono tumba onembo mema itatama egegaita rousue.   
\s1 20:11-15 Irurarida Fefera Re.  
\p
\v 11  \x - \xo 20:11 \xt Dan 7:9-10\x*Anada ambova, God umó kini da avo asumbari tamo saghaiva asumbea irieta gerare. Aghade, uutude endade unda dibe kena dano manjea sidara uta. Jo rekago gari aghago irambi re.  
\v 12 Aghá uta-da ambova, enembo sei ambubugari manemi, sabuade* kokotofude dano, God da dibe kena jijiregea irieta gerare. Aghade, buka dumeni ifegea itia sidara ea, ambova buka eini ragaro, “Jebuga Tumanadu Irarida Buka,” ananu ifeguta. Ifegutata, God umó enemboda ari taubanade, ari akokogode buka dumeniva gefiria, ananu gerurota, númane iruruta.  
\v 13 Enembo karajeva ambubuguturia mane, númane avo reta jebugea erereguta. Amburari enemboda kambesi beago ifegutata, enembo dano uje vareta jebugea erereguta. Aná enembo dano God da dibe kena desutata, númanda ari taubanade ari akokogodenu gerurota, enembo daba-daba númanda inonova iruruta.  
\v 14 Anada ambova, amburari kotú amburari enemboda kambeside fugitata, ivari imu kaegha kotú dimbori masa akuagoda rova vovoreguta. (Ená ivari rera-va, aná ari akokogo eta rousua enembonu bua anava fugitata vorea mema tafirota rekago ambubuta.)  
\v 15 Enembo avoda ragaro “Jebuga Tumanadu Irarida Buka”, da rova tambambi uta, aná númane bua, ivari rova fugitata vovoreguta.   
\c 21  
\s1 21:1-8 Uutu, Enda Reka Siroraita Rouvia Re.  
\p
\v 1  \x - \xo 21:1 \xt Is 65:17; 66:22; 2 Pi 3:13\x*Uutude endade sei siroruturia dano manjea sidara ea, karajede dano sidara uta-da ambova, uutude endade reka sirorutata gerare.  
\v 2  \x - \xo 21:2 \xt Is 52:1; \xt Amb 3:12; \xt Is 61:10\x*Eto-bato ariri vai ari-du rea, goghó eaveta, gari taubana eta rouvia aghagonu, God unda bogu naa kakara kotú reka ragaro Jerusalem ririka-nu simbuguturota, goghó utata gari taubana uta. Utata, amó Jerusalem reka rera, aná uutuvareta vorefueta gerare.  
\v 3  \x - \xo 21:3 \xt Ezek 37:27; Lev 26:11-12\x*Vorefueta, God da avo asumbariva be eini koko fugia rieta niningare, “Oreki God unda irari kambesi enemboda rova itia, numonde iraita rouvie. Númane unda tofodu baita rouvie. Kotú umó númanda God iraita rouvie.  
\v 4  \x - \xo 21:4 \xt Is 25:8; \xt Is 35:10; 65:19\x*God na undufako, númanda jiivu dufota, númanda neno mema sidara aita rouvie. Anava neno memade, amburaride, jiide kotú mema dano tefo re. Anada bee mo, uutu enda seide, eini-eini sembago manede dano manjea sidara uta.”   
\p
\v 5 Anada ambova, umó avona kini da avo asumbariva asumbea vita-mi rita. “Amó oreki eini-eini dano reka ueta rei-sirorutue.” Kotú anada ambova rekago andú eghá rita. “Oreki donu retora, aná gaa bee kotú jo doambi ata siroraita rouvieta, gembu, iroe!”  
\v 6  \x - \xo 21:6 \xt Is 55:1\x*Aghá rea, umó andú eghá rita, “Uutu, enda, eini-eini kotú irari seide dano sidara etue. Eini-eini nanjogoda ifegari kato kotú gajari kato, aná amó re. Kotú eini-eini nanjogoda tutuno ari kotú tano ari aná amó re. Enembo avona ukó musisi kaĩ ata, uvu undaita uno adua mo, anona anda uvu jebugadenu undú tefo utaita rore. Enembo avona aná uvu undadua, umó jebuga tumanadu irari tambua baita rouvie.  
\v 7  \x - \xo 21:7 \xt 2 Sam 7:14; Ps 89:26-27\x*Enembo avona anda ragarova ano ea jiradua,\f + \fr 21:7 \ft Ii, gaga Amb 2:7 anada tuva gembari vitia-nu iruge, gadi!\f* ená eini-eini dano unona bua, umó anda mendi ata, amó unda God ea, anona umó kaifa aita rore.  
\v 8 Tago, enembo dumeni mo, anda ragarova ano ea jirari oru rousua enembode, Iesu gaabee ea rekago kaverea undú goitu fotari enembode, tamo mamasagha enembode, kokomana deaveta ambuta rousua enembode, viro kombo eta rousua enembode, kae righari enembode, ingomi uubu ari god tumogha baĩ eta rousua enembode, kotú gavera kakatode dano bua fugota, ivari imu kaegha, masa akuagoda rova vorea, memagha númanda ari akokogoda minodu rekago ambubugaita rousue.”   
\s1 21:9-22:5 Jon Na Bogu Naa Jerusalem Reka Geruria-da Isuri Re.  
\p
\v 9 Umó aghá rea sidara utata, anera ingo yoveni yoveniva ungagha God da neno akuago kibubuva rurukari vitata rura anera einimi futa andava bubua, eghá rita, “Fu, ariri eini Sifi da mendi dava vai aita rea, rei-simbugutua-nu irugota gadi!\f + \fr 21:9 \ft Sifi da Mendida \fq “datu ariri” \ft enava reiria-da bee aghajora, Bogu Naa Jerusalem reka du reirie. Tago, tanana egegadi reisi-rere: 19:7 anava Iesu da natofo númanda ari bari akokogo Iesu da tatangumi seseghuria-du reirie. \f*”  
\v 10-11  \x - \xo 21:10-11 \xt Ezek 40:2\x*Aghá ritata, Asisi Kakara andava asugutata, aná anerami amó bua, angá dafaru jojabe kotú yafabeva angere. Angera, aná dafaru itiva bubua, Jerusalem bogu naa kakaranu irugutata gerare. Aná mo, God na bogu naa reka ea simbugea, unda unanagha ututata, uutuva reta vorefueta gerare. Aná unanada gari mo, eto-bato singoi taubana \tl garasigo\tl*, ragaro \tl jesfa\tl* da tamova feferami gaituaveta tiri-bangi eta rouvie, aghagonu uta.  
\v 12  \x - \xo 21:12 \xt Ezek 48:30-35\x*Aná naanu ghouka jojabemi dighia biruru ari vita. Ghoukava bebato dano 12 boritata, anera 12 mi aná bebato daba-daba kaifa ueta gerare. Kotú, Israel enemboda abua-abua 12 da ragaro bebato daba-dabava gegembugari vitie.  
\v 13 Fefera vitari kena bebato bakode borea, ungubo ovenembea, bakode borea, ungubo eini ovenembea, bakode borea, ungubo ambo jetuko beago ovenembea bakode boritata aghá vitie.  
\v 14 Aná ghouka, singoi jojabebei dano 12 da etova dighia vivita. Aná singoi jojabebei rera-da tamova, Sifi da Mendi da Aghi Kakato 12 da ragaro mane aná singoi inono gembari vitie.   
\p
\v 15  \x - \xo 21:15 \xt Ezek 40:3\x*Amó unumbea bua angia anerami, aná bogu naada jojade, bogu naada bebatoda beraghade, kotú ghoukada yafade dano anada inono ea gaita rea, inono itia garida eini-eini auri \tl goldi\tl* mi arinu bua futa.  
\v 16 Aná naada beragha unda yafagha dano inono dabako re. Aná anerami inono ea, irugutata gerara mo, naada beragha, unda yafa kotú unda joja dano inono dabako re. Unda inono mo, 2,400 \tl kilomita\tl* re.  
\v 17 Unda inono bari eini-eini bua futa-mi ghouka beago inono uta mo, ghoukada yafa, aná 65 \tl mita\tl* re.  
\v 18  \x - \xo 21:18 \xt Is 54:11-12\x*Aná naada ghouka mo, singoimi dighari re.\f + \fr 21:18 \ft Tutuno 18-20 va tamo saghaideda gaami \ft \+tl precious stones\+tl* gembari vitie. Númane dano singoi \+tl garasigo\+tl* re. Mino jojabebei re. Avotago, oreki tamo saghai enembo beago, aná singoi maneda tamoda gari jo gia goghó ambi vitie. Tago, namonde amó Jon da gefiria gaga iruguturota, tanana rosore. Aná bogu naa Jerusalem da gari aná taubana, duroghade kotú garigo bee re.\f* Ghouka singoi kotú ghoukada menjiro itituria singoi jojabebei, númanda mino jojabe-gea, tefo bari inono irambi re. Ená ghouka rera, aná singoi eini ragaro \tl jesfa\tl*, anami dighari vitie. Aná singoida gari eto-bato \tl garasigo\tl* re. Atá aná naava kambode eini-eini nanjogo dano auri \tl goldi\tl* mi ari re. Aná \tl goldi\tl* mo, taubana bee re. Unda gari eto-bato \tl garasigo\tl* re.  
\v 19 Aná ghoukada menjiro aná singoi \tl garasigo\tl* dano 12 mi didighata vita. Singoi bee tuva mo, aná singoi ragaro \tl jesfa\tl* nu ituta. Unda gari eto-bato \tl garasigo\tl* re. Anada etova, aná \tl sefaiya\tl*, tamo jetogo re. Anada etova, aná \tl agati\tl*, tamo boatu re. Anada etova, aná \tl emerodi\tl*, tamo boatude bagega re.  
\v 20 Anada etova, aná \tl oniksi\tl* inimba tamode saghaide bagega re. Anada etova, aná \tl kaniriani\tl*, tamo inimba tamogo re. Anada etova, aná \tl kuote\tl*, tamo garagogha boatugha bagega re. Anada etova, aná \tl beroro\tl*, tamo boatugha jetugogha bagega re. Anada etova, aná \tl tofesi\tl*, tamo garago re. Anada etova, aná \tl saosedoni\tl* o \tl krisofresi\tl*, tamo boatu re. Anada etova, aná \tl tokoisi\tl*, tamo boatugo o jetogode boatude bagega re. Anada bee etova, aná \tl amatisti\tl* tamo gadunago re. Ená singoi dano 12 retora-nu, ghoukada menjirodu itutata vitie.  
\v 21 Aná ghoukada bebato mane, eini-eini banguro rova siroreta rouvia ragaro \tl “pearl”\tl* reta rousua-nu bua, anami bebato vegea simbugari irieta gerare. Kotú naa rorova emboro mane, auri \tl goldi\tl* mi ari, gari taubana, eto-bato \tl garasigo\tl* singoigo gerare.   
\p
\v 22 Amó aná naava God du tafaroro ari kambo eini jo gambi re. Anada bee mo, Jojabee God Ano Tofo kotú Sifi da Mendi, ungá umó aná naada tafaroro kambo aghago re.  
\v 23  \x - \xo 21:23 \xt Is 60:19-20\x*Kotú fefera marabegha beago avo tefo re. Anada bee mo, God da duroghami janimbeta rouvie. Kotú Sifi da Mendi umó aná bogu naada nanefa aghago re.  
\v 24  \x - \xo 21:24 \xt Is 60:3\x*Aná unanami endava janimbota, endava enembo dano aná unanada rova deĩ aita rousue. Kotú endava kini mane dano erea, númanda gugua-ghayafa bua, Jerusalem bogu naava igigaita rousue.  
\v 25  \x - \xo 21:25 \xt Is 60:11\x*Aná bogu naada bebato mane, nanjigo aghade jo gajambi doata, fefera inono ifegea iraita rouvie. Anada bee mo, avo tumba jo nanjigo aghade rirambi aita rouvie.  
\v 26 Endava abua-abua nanjogo, númanda duroghade gugua-ghayafade bua terua itota, avo iraita rouvie.  
\v 27  \x - \xo 21:27 \xt Is 52:1; Ezek 44:9\x*Tago, eini-eini akokogo jo bua ya, aná naava terambi aita rousue. Aghade, meka garida yavi eta rousua enembo, gavera reta rousua enembo beago, jo ya, aná bogu naava terambi aita rousue. Enembo avoda ragaronu Sifi da Mendida buka “Jebuga Tumanadu Irarida Bukava” gembari vitia, nenukako ya, Jerusalem naava teterugaita rousue.   
\c 22  
\p
\v 1  \x - \xo 22:1 \xt Ezek 47:1; Zech 14:8\x*Anada ambova, anerami andú uvu eini iruguta. Aná uvu aná roata dogo \tl garasigo\tl* re. Aná uvu vitia anava mo, God ungá Sifi da Mendighada avo asumbari tuvareta bubua gororo ueta gerare.  
\v 2  \x - \xo 22:2 \xt Gen 2:9\x*Uvu tutuno ea, bogu naa Jerusalem emboro jojabeda rorova rei-vorefua-da yoveni-yoveniva, jebuga ika jiria vitie. Aná ikada bee avona bua undadua mo, umó jebuga tumanadu irari baita rouvie. Ghaeko dabakoda rova marabe inono bee eta rouvie. Aná ikada igimi endava enembodu ingi eaveta, bua undia jebugeta rousue.  
\v 3  \x - \xo 22:3 \xt Zech 14:11; Gen 3:17\x*God da bogu naa rekava eini-eini unona simboro asua mane eini jo itoko terota tatambugambi aita rosore. God ungá Sifi da Mendighada avo asumbariva irirota, God unda buro kakatomi undú tumogha baĩ urota iririgaita rousue.  
\v 4 Aghá egeguturota, unda dibe be gerurota, beforo taiva God unda ragaronu avo gembota iraita rouvie.  
\v 5  \x - \xo 22:5 \xt Is 60:19; \xt Dan 7:18\x*Aghade, bingoi tefo aita rouvie. Kotú enembo nanefada o feferada unanadu nundubambi aita rousue. Anada bee mo, Jojabee God da unanami númandava janimbea irirota, númane aná kini egegea, tumanadu iraita rousue.   
\s1 22:6-21 Iesu Da Furaita Rouvia Gaga Re.  
\p
\v 6 Avotago, aná anerami andú eghá rita, “Ená gaga aná gaa bee kotú bee mokó reta, gaabee ea goghó ege! Jojabee God, unda Asisi ferovetadava ututa rouvia-mi, doreta gaimbo ambi siroraita rouvia-nu unda buro kakatodava isagha ari-du rirota, unda anera ninengetueta etie.”  
\v 7 Avore, Iesu da gaga reiria, aná evere, “Niningige, amó gaimbo ambi nímandava kaverea furaita rore. Anda feroveta Jon du donu ritata, ená bukava gefivuta-nu, avona ningia ambo-ambo adua, umó gangoro aita rouvie.”   
\p
\v 8 Amó Jon, anona, anerami andú donu irugutata, anda dibemi gerurota, kotú nghaĩmi niningara, ananu gefivutare. Irugea sidara utata gia, amó gonea vorea endava takembuturota, undú tumogha baĩ aita utare.  
\v 9 Tago, umó bureguturota, andú rita, “Do, mania aghá ata! Angá mo dano, God da buro kakato re. Inda ikoko mendi, God da feroveta mane, kotú unda natofo avona ená bukava gaganu niningigea, ambo-ambo eta rousua, amó aná númanda eini re. God unuka undú tumogha baĩ egege!”   
\p
\v 10 Anada ambova, rekago eghá rita, “God da indú donu irugutata gefivutara gaga, mania nungata! Anada bee mo, aná gera eini-einida siroraita rouvia fefera etia utuvako rouvie.  
\v 11  \x - \xo 22:11 \xt Dan 12:10\x*Enembo avona ari akuago eta rouvia, do-gea, númane ananu egeguturota, fefera buboe! Enembo númanda ivatami bebeta ea vitia, do-gea, númane aghá irirota, fefera buboe! Enembo taubana, do-gea, númane ari taubana egeguturota, fefera buboe! O enembo kakara, do-gea, númane aghá irirota, fefera buboe!”   
\p
\v 12  \x - \xo 22:12 \xt Is 40:10; 62:11; \xt Ps 28:4; Is 40:10; Jer 17:10\x*Avore, Iesu gaga eini eghá reirie, “Niningige, amó gaimbo ambi nímandava kaverea furaita rore. Amó enemboda aito daiyagha fugeta rousua-nu gia, mino aghago utaita rore. Dumenidu mino taubananu utua, dumenidu mino akuagonu utaita rore.  
\v 13  \x - \xo 22:13 \xt Amb 1:8; \xt Is 44:6; 48:12; Amb 1:17; 2:8\x*Eini-eini nanjogoda ifegari kato kotú gajari kato, aná amó re. Kotú eini-eini nanjogoda tutuno ari kotú tano ari aná amó re.   
\p
\v 14  \x - \xo 22:14 \xt Gen 2:9; 3:22\x*Enembo avona unda ari-bari akokogonu eto-bato eembo-bo segheta rouvia aghagonu seghadua mo, umó gangoro ea, Jerusalem naava terua, jebuga ikada bee bua undia, taubana ea irari inono aita rouvie.  
\v 15 Tago, tamo mamasa eta rousua enembode, simboro gamumuna kotú dingae gonjiba eta rousua enembode, viro kombo eta rousua enembode, kokomana deaveta ambuta rousua enembode, ingomi uubu ari god du tumogha baĩ eta rousua enembode, kotú gavera rirota, kokomana kuveta rousua enembode dano, númane jo aná bogu naava terari inono irambi re.   
\p
\v 16  \x - \xo 22:16 \xt Is 11:1, 10\x*Amó Iesu, anona ená gaganu anda ekaresia* niningigari-du nundubuturota, anda anera ninengutata, nímandava minono rata niningigadi rea, angie. Amó aná Devit da vee kotú, unda mambube re. Kotú rifoda doga unanagha vitita rouvia, aná amó re.” Iesu aghá ritata niningare.   
\p
\v 17  \x - \xo 22:17 \xt Is 55:1\x*Kotú Asisi Kakarade, Jojabeeda datu ariride númane, “Fu!” rirota, irita rousue. Jojabeeda datu ariri mo, unda ekaresiadu rere. Avore, Asisi Kakarade, Jojabeeda datu arirideda gaga avona ningadua beago, “Fu” regegari-du rere.  
\p Enembo avona ukó musisi kaĩ ata, uvu undaita uno urota mo, enava furoe! Furá, eve jebugada uvu mino tefonu bua undoe!   
\p
\v 18  \x - \xo 22:18 \xt Deut 4:2; 12:32\x*Amó Jon, anona ená bukava gaga gembera-nu, nímane avona niningigaita rosora enembomi nundubadi rere. Enembo avona unda nundubarimi gaga dumeni bua, ená bukava vitia gagade takembadua, God na undú mino akuago utota, mema kotú eini-eini akokogo ená buka rova gembera-nu, unona itatama aita rouvie.  
\v 19 Kotú enembo avona ená bukava gaga dumeni dufadua, God na jebuga ikada bee unda boanda basua, aná rougea bata, umó jo bambi aita rouvie. Kotú ená bukava bogu naa kakara gembera anava, umó jo ya terambi aita rouvie.   
\p
\v 20 Umó avona ená gaga ritata niningara-mi, eghá reirie, “Gaa bee re, amó nímandava yaita rore.” Unda kaverea furaita rouvia feferadu uno urota, amó eghá rere. “Aĩ gaa bee re. Jojabee Iesu, kaverea fu!”   
\p
\v 21 Jojabee Iesu da sonemba God da natofo nanjogo vitia-dava iroe! Aĩ gaa bee re.  
\pmc Avore, anda gaga tano evere.