\id ROM - Bhumiya Stantard Project
\ide UTF-8
\h रोमियो
\toc3 रोमियो
\toc2 रोमियो
\toc1 रोमियो के निता पोलुस कर चिट्ठी
\mt2 रोमियों के लिए पौलुस की चिट्ठी
\mt1 रोमियो के निता पोलुस कर चिट्ठी
\imt परचा
\ip रोमियो के किताब चेला पोलुस करीबन 54-58 साल के बीच यीसु मसीह के पइदा के बाद लिखे रथै, पोलुस रोम सहर नेहको गइस, इहैनिता ऊ हइ चिट्ठी रोम सहर के बिस्वासिन के यहूदी अउ गैर यहूदी दुनो के निरदेस देय के निता पठोय रथै, उन कुरिन्थी सहर हे रहिके हइ चिट्ठी लिखे रथै, जिहां ऊ उस टेम उहां रुके रथै, पोलुस हइ चिट्ठी इहैनिता लिखिस ताकि सगलू देस यीसु मसीह के उप्पर बिस्वास करै अउ ओखर आदेस के मान सकै। \xt 16:26\xt* रोमियो के किताब हर जिघा अउ हर टेम बिस्वासिन के निता खास के किताब हबै।
\ip काखे पोलुस सही तरीका लग अउ अच्छी तरह लग समझाथै, कि हम यीसु मसीह के दवारा हमर मुकति हुइ सके हबै, पोलुस यीसु मसीह के संदेस के पुरान नियम लग जोडे हबै, कइ झन दिमाक बाले सोच बिचार करे हबै, कि किताब हे सब लग खास पद \xt 1:16 \xt*हबै जउन कथै, मोके संदेस लग कउनो सरम नेहको हबै, काखे हइ सगलू के निता जउन बिस्वास करथै, उनखर निता मुकति भगवान के सक्ति हबै, पहिले यहूदी के निता, फेर गैर यहूदी के निता, रोमियो के किताब के पहिला भाग। \xt 1—12 \xt*गहराई लग नियम के किताब हबै अउ दूसर भाग। \xt 13—15\xt* हे मसीही जीवन के निता कइ बेउहारिक निरदेस हबै।
\iot रूप रेखा
\io1 1. पोलुस अपन चिट्ठी सामान्य रूप लग खुद के बारे हे बताउत सुरु करथै कि ऊ करही लिखथै। \ior 1:1-15\ior*
\io1 2. एखर बाद ऊ यीसु मसीह के दवारा मनसे जात के परिसतिथी अउ सम्भावित मुकति के बारे हे लिखथै। \ior 1:16—11:36\ior*
\io1 3. एखर बाद पोलुस मसीही जीवन जिये के निता कइन मेर के बेउहारिक सिक्छा देथै। \ior 12:1—15:13\ior*
\io1 4. ऊ रोम सहर के मंडली हे मनसेन के कइन मेर के आसीस दइके रोमियो के किताब के लिखके समापत करिस। \ior 16\ior*
\c 1
\s सोगत
\p
\v 1 हइ चिट्ठी पोलुस के तरफ लग जउन यीसु मसीह के हरवाह हबै अउ चेला होय के निता बोलाय गय हबै अउ भगवान के ऊ संदेस के निता चुने गय हबै।
\p
\v 2 जेखर टीमा भगवान पहिलेन लग अपन ग्यानी मनसे के दवारा ऊ संदेस के टीमा करथै। 
\v 3 अपन टोरवा हमर परभु यीसु मसीह के बारे हे ऊ देह के भाव दाऊद के घराना लग पइदा हुइस। 
\v 4 पय पवितर आतमा के दवारा मरे हर मसे जिलाय जाय के कारन जेही सक्ति के संग भगवान कर टोरवा के गुठेय गय हबै, इहै यीसु मसीह हमर परभु हबै। 
\v 5 ओखर माध्यम लग हमके सगलू सिधान्त आदेस के निता अनुगरह के चेला मिले हबै, कि ओखर नाम के कारन सगलू मनसे बिस्वास करके ओखर बात मानै। 
\v 6 जउन मसे तुमो यीसु मसीह के होमै के निता बुलाय गय हबा।
\p
\v 7 तुम्हर सबके नाम जउन रोम सहर हे भगवान बाफ के पिरिया हबै अउ चेला होय के निता बुलाय गय हबै अउ हमर भगवान अउ परभु यीसु मसीह तुमके अपन अनुगरह किरपा अउ सान्ति देय।
\s पोलुस के रोम हे जाय के इक्छा
\p
\v 8 सब लग पहिले मै तुम सबके निता यीसु मसीह दवारा अपन भगवान के धन्यबाद देथो, काखे दुनिया भर हे तुम्हर बिस्वास के चरचा बगर गय हबै। 
\v 9 भगवान जेखर सेबा हे अपन आतमा लग ओखर टोरवा कर संदेस के बारे हे करथो, उहै मोर गवाह हबै, कि मै अपन बिनती हे तुमही लगेतार सुरता करत रथो, 
\v 10 अउ हरमेसा बिनती अउ पराथना हे निबेदन करथो कि भगवान के इक्छा लग कउनो न कउनो मेर लग मोके आखरी हे तुम्हर लिघ्घो आमैके मउका मिलै। 
\v 11 काखे मोके तोर लग मिलै के बडी इक्छा हबै, जेखर लग मै आतमिक मनसेन के बिस्वास मजबूत बनामै के निता अनुगरह के बरदान देय चाहथो। 
\v 12 कि तै अउ मै आपस हे अक दूसर के बिस्वास के दवारा उतसुक हुइ जइ।
\p
\v 13 हे भाई, मै चाहथो कि तुमही पता होय कि मै तुम्हर लिघ्घो बेर-बेर आमैके योजना बनायो, ताकि जसना फडुहा मै गैर यहूदी हे पाय हव, ओसनेन तुम्हरो लग पाय सको, पय अब तक उछो आमै के निता रोके गय हबै। 
\v 14 मै यूनानी अउ दूसर यूनानी, दिमाक बाले अउ मूरुख सगलू मनसेन के करजा बाले मानथो। 
\v 15 इहैनिता मै तुमही जउन रोम सहर हे रथा, मै उन सब के संदेस सुनामै के निता सबरोज तइयार हव।
\s संदेस कर सक्ति
\p
\v 16 मै संदेस के निता सरमिन्दा नेहको यहों, काखे ओहमा पहिले यहूदी अउ फेर यूनानी गैर यहूदी जउन कउ बिस्वास करथै, ओखर मुकति के निता भगवान कर सक्ति हबै। 
\v 17 काखे संदेस हे हइ दरसाय गय हबै, कि भगवान मनसे के अपन जसना सही कइसन बनाथै, हइ सुरु लग आखरी तक बिस्वास हे टिके हबै, जसना कि किताब हे लिखे हबै, धरमी मनसे बिस्वास लग जिन्दा रही।
\s सगलू मनसे पाप करे हबै
\p
\v 18 उन मनसेन हे जउन सत्य के अधरम लग दबाथै, बेकार काम अउ सब बुराई हे स्वरग लग भगवान कर क्रोध परगट होही। 
\v 19 कारन इहै हबै कि भगवान कर बारे हे जउन कुछु जाने जाय सकथै, ऊ उनखर उप्पर परगट हबै, खुदय भगवान उनखर उप्पर परगट करे हबै। 
\v 20 तब ले नेहको दिखाई देय बाले गुन अउ सबरोज के सक्ति देय बाले दुनिया के दयनिक आचरन दुनो के साफ-साफ समझे अउ देखे जाय सकथै, उनही भगवान बनाय हबै असना गुठेय जथै। 
\v 21 काखे उन भगवान के जानत भरमा ऊ भगवान के ओग बडाई अउ धन्यबाद नेहको दइन उनखर सगलू चिन्ता बेकार हे चले गइस अउ उनखर मन अंधियार लग भर गइन। 
\v 22 ऊ अपनै के हुसियार मानके मूरुख बन गइन। 
\v 23 अउ हरमेसा के जीवन देय बाले भगवान के महिमा के मरै बाले मनसे, चिरइया, जानबर, सपुवा लग मिलत जुलत मूरतिन हे उन बनाय दइन।
\p
\v 24 इहै कारन भगवान उनही उनखर मन के बेकार कामन के जसना, असुध्द करै के निता छांड दय हबै, कि उन अक दूसर के देह के अपवितर करी। 
\v 25 उन झूठ के संग भगवान के सही के सउदा के दइन, अउ उन दुनिया बनामै बाले के छांड के ओखर बनाय हर चीजन के उपास करै लग गइन, भगवान धन्य हबै, ओसनेन होय
\p
\v 26 इहैनिता भगवान उनही बेकार कामन के कबजा हे छांड दइस, इहां तक कि उनखर डउकियो डउकन के संग, देह रिस्ता बनामै के छांड के, डउकिन के संग देह सबंध बनामै लगिन। 
\v 27 इहै मेर डउका डउकिन लग देह सबंध बनामै के छांड दइन, अउ उन आपस हे जले लगिन, अउ डउका डउकन के संग बेकार काम करै लगिन, उन अपन बेकार कामन के कारन सही सजा मिलिस।
\p
\v 28 अउ भगवान हे बिस्वास नेहको करिन भगवान उनही ओसनेन बिगर दिमाक बाले रहै दइस अउ अपन मन के इक्छा लग बेकार-बेकार काम करै लगिन जउन नेहको करै चाही। 
\v 29 उन हर मेर के बेकार काम, दुस्टता, लालच अउ बुराई लग भर गइन, उन इसाय लगिन, खून, बैर, छल अउ कानाफूसी लग भर गय हबै। 
\v 30 उन बेकार कहै बाले बुराई करै बाले भगवान लग बिरोध करै बाले घमंडी ढोंगहा, बेकार-बेकार बातन के बनामै बाले अउ दाय बाफ के आदेस नेहको मानै बाले हबै। 
\v 31 मूरुख, धोखा देय बाले, माफ नेहको करै बाले अउ न दया करै बाले बन गइन। 
\v 32 उन तो भगवान कर आदेस जानथै, कि असना काम करै बाले, मरै के सजा के भागी होही, तउभरमा असना काम करथै, बलुक करै बालेन के मदत करथै।
\c 2
\s भगवान कर नियाव
\p
\v 1 इहैनिता हे मनसे तुम जउन दूसर हे दोस लगाथा, तुम कउनो बहाना नेहको बनाय सकथा, काखे जउन बात हे तुम मनसेन के बुराई करथा, तुम खुदय उहै काम करथा। 
\v 2 हम जानथन कि हइमेर काम करै बाले के बिरोध भगवान के नियाव सच्चाई हे आसरित हबै।
\p
\v 3 हे मनसे तै असना काम करे बाले के उप्पर दोस लगाथस अउ तै खुदय ऊ काम करथस, ता तै का समझथस कि भगवान कर नियाव लग बच जइहे? 
\v 4 का तै भगवान कर किरपा अउ सहन सीलता अउ धीर रूपी डेरा के बेकार जानथै, का हइ नेहको समझथै कि भगवान कर दया तोके मन बदलै करै के अगुवाई करथै। 
\v 5 पय अपन कठोरता अउ कबहुन पस्चाताप नेहको करै बाले मन के कारन ओखर गुस्सा के अपन निता ऊ रोज के निता अक जिघा करथै, जब भगवान के सच्चा नियाव परगट होही। 
\v 6 भगवान सब मनसेन के उनखर कामन के जसना पलटा देही। 
\v 7 जउन मनसे सब रोज धीरज पूरक भलाई अउ महिमा इज्जत अउ जउन कबहुन नेहको मरै बाले के खोज हे लगे रही, उनही ओखर बदले हे सबरोज के जीवन देही। 
\v 8 पय जउन मनसे खुदय के स्वारथी के खोज हे रथै, अउ जउन सच्चाई के खोज नेहको करथै, अउ जउन अनियाय करथै उनखर हे गुस्सा बोहत भडकही। 
\v 9 अउ बुराई करै बाले सगलू मनसे के कस्ट अउ संकट आगू यहूदी अउ फेर यूनानी के सहै का पडही। 
\v 10 अउ निक्खा काम करै बाले हर मनसे के पहिले यहूदी अउ फेर यूनानी के महिमा, इज्जत अउ सान्ति मिलही। 
\v 11 काखे भगवान कउनो के पक्छपात नेहको करथै।
\p
\v 12 जउन कउ मूसा कर नियम के वस हे नेहको हबै, अगर उन पाप करे हुइहिन, ता उन बिना मूसा कर किताब के नास हुइ जइहिन अउ जउन किताब के वस हे रहिके पाप करे हबै, उनही किताब के जसना सजा दय जही। 
\v 13 काखे भगवान के नजर हे धरमी उन नेहको हबै, जउन मूसा कर किताब के बात सुनथै, पय धरमी मनसे उन हबै, जउन मूसा कर किताब के मानथै अउ चलथै। 
\v 14 जब गैर यहूदी, जिनही मूसा कर किताब नेहको मिले हबै, उन खुदय ओखर आदेस के मानथै, ता उनखर लिघ्घो मूसा कर किताब न होत भरमा उन मूसा कर किताब खुद हबै। 
\v 15 उन अपन मन हे लिखे हर नियम के काम के दिखाथै, उनखर मन खुदय गवाही देथै, अउ उनखर मन उनही कबहुन दोसी ता कबहुन बेकसूर ठहराथै। 
\v 16 हइ सगलू बात ऊ रोज परगट करे जही, जब भगवान मोर संदेस के जसना, यीसु मसीह दवारा मनसेन के गुप्त पाप जउन करथै उनखर नियाव करही।
\s यहूदी अउ मूसा कर नियम
\p
\v 17 अगर तै खुद के यहूदी कथस अउ मूसा कर नियम हे भरोसा धरथस अउ अपन भगवान हे गर्व करथस, 
\v 18 अगर तुम ओखर इक्छा के जानथस जउन निक्खा हबै अउ उके परमाडित करथा, काखे तोके नियम दवारा आदेस दय जथै। 
\v 19 अउ तै अपन खुदय हे बिस्वास करथस, कि अंधरन के गली दिखामै बाले अउ अंधियार हे पडे हर मनसेन के उजेड हव। 
\v 20 भुखाय हरन के उपदेस लरकन के सिक्छा देय बाले हव, ग्यान अउ सत्य हइ सब मूसा कर किताब लग मिले हबै। 
\v 21 पय तुम जउन दूसर के ग्यान देथस, अउ खुद के ग्यान नेहको देथा, तै परचार करथस, “कि चोरी झइ करा” अउ खुदय चोरी करथा। 
\v 22 तै कथस, “कि गलत काम झइ करा” अउ खुदय गलत काम करथस, तै मूरती पूजा लग घिरना करथस, पय मंदिरन के पइसा लूटथस? 
\v 23 तै मूसा कर नियम हे गर्व करथस, अउ मूसा कर नियम के उलंघन दवारा भगवान कर बेज्जती करथस। 
\v 24 काखे जसना कि नियम हे लिखवरे हबै, “तुम्हर कारन अबिस्वासी गैर यहूदी हे भगवान के नाम के बुराई होत हबै।”
\p
\v 25 खतना करामै लग जरूर फायदा होथै, अगर तै मूसा कर नियम के पालन करथस, पय अगर तै मूसा कर नियम के उलंघन करथस, ता तुम्हर खतना बेकार हबै। 
\v 26 इहैनिता अगर कउ बिना खतना के मनसे मूसा कर नियम के मानथै, तब का ओखर बिना खतना होय हर जसना नेहको माने जही। 
\v 27 गैर यहूदी खतना कराय बिगर नियम के पूर पालन करथै, उन तुम्हर नियाव करही, काखे तुम लिखित नियम अउ खतना लग खतम होय हर नियम के उलंघन करथा। 
\v 28 काखे यहूदी ऊ नेहको जउन बाहरी रूप लग यहूदी हबै अउ खतना ऊ नेहको, जउन बाहरी अउ सरीर हबै। 
\v 29 सही यहूदी ऊ हबै जउन भित्तर लग यहूदी हबै, सही खतना आतमा के दवारा मन के खतना हबै, न कि लिखेहर नियम के असना मनसे के बडाई मनसे नेहको बलुक भगवान कर तरफ लग करे जथै।
\c 3
\p
\v 1 ता दूसर के अपेक्छा यहूदी के जादा का मिलिस? अउ खतना लग का फायदा? 
\v 2 सब मेर लग बोहत कुछ सबले आगू यहूदिन के भगवान के बचन सउपे गय हबै। 
\v 3 अगर कउनो बिस्वास नेहको करै बाले निकडही, ता का हुइस? का उनखर बिस्वास नेहको होय लग भगवान के सच्चाई बेकार ठहरी का? 
\v 4 दुनिया के सगलू ठगै बाले साबित होय सकथै पय भगवान सही हबै, जउन अपन बचन के पालन करत रही जसना के पवितर किताब हे लिखररे हबै,
\q1 तुम अपन बातन हे धरमी मनसे साबित होय सकथै,
\q2 अउ नियाव होमै लग जीत पइहा।
\p
\v 5 पय हमार अधरम भगवान के नियाइपन दिखाथै ता हम काहिन कहि? का हइ जब भगवान गुस्सा होय लग उनही अधरमी कहे जही? मै हइ सगलू सही नजर लग कथो। 
\v 6 कबहुन नेहको पय भगवान अन्याय होतिस, ता ऊ दुनिया के नियाव कसना के सकतिस?
\p
\v 7 अगर मोर झूठ के चलते भगवान कर सच्चाई ओखर महिमा के निता, बोहत करके परगट होथै, ता मोके पापी घोसित काखे करे जथै। 
\v 8 तब काखे नेहको कहिस, हमही बुराई करै देया, ताकि अच्छाई आय सकै, कुछ मनसे सहीमा मोर हे हइ बात कहै के इल्जाम लगाय के मोर बेज्जती करे हबै, कि ओखर निन्दा करे जाय असना होय चाही।
\s अकोठे धरमी मनसे नेहको
\p
\v 9 तब का हम उनखर लग बढिहा हबन, बिलकुन नेहको हम पहिलेन हइ साफ के चुके हबन कि यहूदी अउ यूनानी सगलू पाप के वस हे हबै। 
\v 10 पवितर किताब के लेख इहै हबै,
\q1 कउनो धरमी मनसे नेहको, अकोठे नेहको कउनो नेहको, जेहमा सोचै के सक्ति होय।
\q2
\v 11 कोनो समझदार नेहको हबै अउ कउनो भगवान के
\q2 खोजै बाले नेहको हबै।
\q1
\v 12 सबझन भगवान लग दुरिहां हुइ गइन,
\q2 उन सब निकम्मा हुइ गइन कउनो
\q2 किरपा करै बाले नेहको अकोठे नेहको।
\q1
\v 13 उनखर नठेरी मरघटी के जसना उघरे हबै,
\q2 उन अपन जीभ लग झूठ बोलथै,
\q2 उनखर बिबडा हे सपुवा के जहर हबै।
\q2
\v 14 उनखर मुंह सराप अउ गारी गलउज लग भररे हर हबै।
\q1
\v 15 उनखर गोड खून बहामै के निता एतका झटने उठत हबै।
\q2
\v 16 उनखर गली हे बिनास अउ कलेस बिछरे हबै।
\q1
\v 17 उन सान्ति के गली नेहको जानिन।
\q2
\v 18 उनखर आंखी हे भगवान के डर नेहको हबै।
\p
\v 19 अब हमही हइ पता हुइ गइस कि नियम के निरदेस उनखरै लग कथै, जउन नियम के वस हे हबै, कि सबके मुंह बन्द हुइ जाय अउ पूर दुनिया भगवान के आगू निरनय के निता काबिल ठहरे। 
\v 20 काखे बलुक नियम के पालन करै के दवारा कउनो मनसे भगवान के आंखी हे धरमी मनसे घोसित नेहको हुइस, मूसा कर नियम के दवारा पाप के चिन्हारी होथै।
\s बिस्वास के दवारा नियाइपन
\p
\v 21 पय अब टेम हइ हबै कि नियम के बिगर भगवान के नियाइपन परगट हुइ गय हबै, जेखर गवाही मूसा कर नियम अउ ग्यानी मनसे देथै। 
\v 22 मतलब मसीह यीसु हे बिस्वास दवारा पाइस भगवान के नियाइपन, जउन उन सबके निता हबै, जउन मसीह यीसु हे बिस्वास करथै, काखे कउनो भेद नेहको। 
\v 23 काखे सगलू झन पाप करे हबै अउ सगलू झन भगवान कर महिमा लग दुरिहां हुइ गय हबै। 
\v 24 पय भगवान के अनुगरह लग पाप के छडामै के दवारा हर अक्ठी ऊ सेतमेत छडामै हे धरमी मनसे घोसित करे जथै, जउन मसीह यीसु हे हबै। 
\v 25 भगवान यीसु मसीह के मनसेन के निता बलि के रूप हे दइ दइस, खून बहोय लग गली बनिस, ओखर हे बिस्वास रखै बालेन लग मनसेन के पाप माफ के दय जाय, भगवान अपन नियाइपन दिखामै के निता पुरान टेम हे धीर धरिस अउ मनसेन के पाप के अनदेखा के दइस। 
\v 26 कि ऊ हइ टेम के युग हे अपन नियाइपन परगट करै कि ऊ खुद के अउ उके धरमी मनसे घोसित करै, जेखर बिस्वास परभु यीसु मसीह हे हबै।
\p
\v 27 तब हमर घमंड कछो रहिस? एखर बहिस्कार के दय गय हबै, कामन के सिधान्त के दवारा नेहको? हइ हुइस बिस्वास के दवारा। 
\v 28 हमर मान हइ हबै, मनसे नियम के पालन करै के दवारा नेहको पय अपन बिस्वास के दवारा धरमी मनसे घोसित करे जथै। 
\v 29 का भगवान सिबाय यहूदियन के भगवान हबै? का ऊ गैर यहूदी के भगवान नेहको? ऊ जरूर गैर यहूदिन के भगवान हबै। 
\v 30 काखे अक्ठिन भगवान हबै, जउन खतना करै बाले के बिस्वास लग अउ बिना खतना बालेन के बिस्वास के दवारा नियाइपन ठहराही। 
\v 31 ता का हम मूसा कर नियम के बिस्वास के दवारा बेकार कहथन? बिलकुन नेहको पय नियम के सिध्द करथन।
\c 4
\s अब्राहम कर उदाहरन
\p
\v 1 इहैनिता हम काहिन कहि कि हमर सरीरिक बाफ अब्राहम के एहमा का मिलिस? 
\v 2 काखे अगर अब्राहम के ओखर काम के कारन धरमी ठहराय जथै, ता ओखर गर्व करै के बात रथै, पय भगवान कर आगू ऊ सही हे गर्व नेहको के सकथै। 
\v 3 पवितर किताब काहिन कथै? हइ कि अब्राहम भगवान हे बिस्वास करिस, अउ जेखर कारन ऊ धरमी मनसे गिनै गइस। 
\v 4 अब जउन काम करथै, उके मजदुरिहा के उपहार के रूप हे नेहको बलुक हक के रूप हे दय जथै। 
\v 5 पय अगर कउनो मनसे काम करै के सिबाय ऊ भगवान हे बिस्वास करथै, जउन पापी के छांड देथै, ता ओखर बिस्वास ओखर धरमी मनसे होयके कारन बन जथै। 
\v 6 बिगर काम के अलाबा भगवान उके धरमी मनसे ठहराथै, उके दाऊद धन्य कथै।
\q1
\v 7 धन्य हबै, ऊ जेखर अधरम छमा हुइस,
\q2 अउ ओखर पाप छमा करे गइस।
\q1
\v 8 “धन्य हबै ऊ मनसे जेखर पाप के परभु नेहको गिने हबै।”
\p
\v 9 ता का धन्य मनसे उहै हबै, जेखर खतना होय हबै, या उनखर निता जिनखर खतना नेहको हुइस, हम हइ घोसना करथन, अब्राहम अपन बिस्वास के दवारा नियाइपन धरमी मनसे गिने गय हबै। 
\v 10 ता ऊ कसके माने गइस? खतना के दसा हे या बिगर खतना के दसा हे? खतना के दसा हे नेहको पय बिगर खतना के दसा हे। 
\v 11 अब्राहम बिना खतना कराय बिस्वास के दवारा नियाइपन धरमी मनसे गिने गइस, ओखर उप्पर सील के रूप हे खतना चिन्हा लगाय गइस, हइ मेर ऊ उन सबके बाफ बनिस, जउन खतना कराय बिना बिस्वास करथै, जेखर लग उनखर बिस्वास के दवारा धरमी मनसे माने जाय। 
\v 12 अब्राहम उन खतना बालेन के बाफ बनिस, जउन न केबल खतना हे बिस्वास रथै, बलुक हमर बाफ अब्राहम के ऊ बिस्वास के रास्ता हे चलथै, जउन ऊ खतना के आगू भगवान हे बिस्वास करथै।
\s बिस्वास के टीमा पूर होही
\p
\v 13 भगवान अब्राहम अउ ओखर लरकन लग टीमा करिस कि उन दुनिया के वारिस हुइहिन, हइ इहैनिता नेहको हुइस कि अब्राहम नियम के माने हबै, बलुक इहैनिता कि ऊ बिस्वास करिस अउ भगवान उनही बिस्वास के दवारा धरमी मनसे माने हबै। 
\v 14 अगर नियम के वस हे रहै बाले वारिस बनथै, ता बिस्वास बेकार हबै अउ टीमा बेकार हुइ जथै। 
\v 15 मनसे दवारा नियम के नेहको माने जाय लग भगवान के गुस्सा भडकथै, जछो नियम नेहको उछो पापो नेहको।
\p
\v 16 सब कुछ बिस्वास हे अउ इहैनिता अनुगरह हे बिस्वास रथै, ऊ टीमा न केबल उन मनसे हे, जउन नियम के मानथै, बलुक सगलू वंस हे लागू होथै अउ उन सगलुन के उप्पर जउन अब्राहम के जसना बिस्वास करथै, अब्राहम हम सबके बाफ हबै। 
\v 17 जसना लिखवरे हबै “मै तोके गैर यहूदी के बाफ बनाय हव।” भगवान के नजर हे अब्राहम हमर बाफ हबै, उन ऊ भगवान के उप्पर बिस्वास करिस, जउन मरे हर के फेरै जिन्दा के देथै अउ उन चीजन के पहिचान हे लाथै, जिनखर कउनो पहिचान नेहको हबै। 
\v 18 सगलू आसा के खिलाप अब्राहम बिस्वास हे बने रथै, इहैनिता सही देस के बाफ बनिस जसना कि ओखर लग उहां रथै, कि तुम्हर अनगिनत बंसज होही। 
\v 19 अब्राहम जानत रहै कि ओखर देह कमजोर हुइ गय हबै, अउ मोर उमर सव साल के हुइ गय हबै, अउ मोर डउकी सारा बांझ हबै, तउभरमा ओखर बिस्वास नेहको डगमगाइस। 
\v 20 फेर भगवान के टीमा के बारे हे बिस्वास लग नेहको डोलिस, पय अपन बिस्वास हे मजबूत रहिस अउ भगवान के महिमा करिस। 
\v 21 उके पूर बिस्वास रथै कि भगवान जउन टीमा दय हबै, उके पूर करै हे ऊ पूरी तरह अटल हबै। 
\v 22 “हइ बिस्वास के कारन भगवान उके धरमी मनसे माने हबै।” 
\v 23 ओखर निता धरमी मनसे माने गइस, हइ सब्द बलुक उनखर बारे हे नेहको 
\v 24 बलुक हमारो निता हबै, अगर हम भगवान हे बिस्वास करब, जेही हमर परभु यीसु के मिरतू लग जिन्दा करे हबै ता हमु बिस्वास के कारन धरमी मनसे माने जउबे। 
\v 25 उहै यीसु हमर पाप के कारन पकडाय गइस अउ हमर नियाव करै के निता जी उठिस।
\c 5
\s नियाव के परिनाम
\p
\v 1 इहैनिता जब हम अपन बिस्वास के दवारा धरमी मनसे घोसित करे जाय चुके हबै, ता भगवान के संग हमर मेल जोल परभु यीसु मसीह के दवारा होय चुके हबै। 
\v 2 जिनखर माध्यम लग हम फेरै अनुगरह हे बिस्वास दवारा पहुंच गय हवन, जेखर लग हम अब ठाड हबै अउ हम भगवान के महिमा के आसा हे घमंड करथन।
\p
\v 3 एतको नेहको हम पीरा अउ समस्या हे घमंड करबे, काखे हम जानथन कि पीरा समस्या लग धीर पइदा होथै। 
\v 4 अउ धीर मसे खरा सोभाव अउ खरा सोभाव मसे आसा पइदा होथै। 
\v 5 अउ आसा लग लज्जा नेहको होथै, काखे भगवान हमही पवितर आतमा दय हबै अउ ओखर निता भगवान कर माया हमर मन हे भरे हबै, 
\v 6 जब हम ढिलवा रहन, तब मसीह यीसु पापी मनसेन के निता मरिस। 
\v 7 कउनो नियाइपन के निता कउनो मरे ऊ ढिलवा हबै, पय कउनो धरमी मनसे के निता मरै के हिम्मत करै। 
\v 8 पय हम पापी रहन, जब यीसु मसीह हमर निता मरिस, असना करके भगवान अपन माया परगट करिस। 
\v 9 अगर हम मसीह के खून के कारन धरमी मनसे ठहराय गय हबन, ता हम जरूर मसीह के दवारा भगवान के क्रोध लग बच जउबे। 
\v 10 हम बैरी रहन, जब भगवान के संग हमर मेल ओखर टोरवा के मिरतू दवारा हुइ गइस अउ भगवान के संग मेल हुइ जाय के बाद, ओखर टोरवा के जीवन दवारा जरूर हमर मुकति हुइस। 
\v 11 एतको नेहको, परभु यीसु मसीह के कारन हम भगवान हे मगन हवन, जेखर कारन हम हइ मेलजोल के दसा तक पहुंचे हबन।
\s आदम अउ मसीह
\p
\v 12 अक्ठी मनसे के कारन हइ दुनिया हे पाप परबेस करिस अउ पाप के दवारा मिरतू अउ मिरतू सगलू मनसेन हे समाय गइस, काखे सगलू मनसे पाप करिन। 
\v 13 मूसा कर नियम लग पहिले दुनिया हे पाप रहिस, पय नियम के अभाव हे पाप के लेखा नेहको रखे रथै। 
\v 14 फेरै आदम लग मूसा तक मिरतू उनखर हे राज करथै, जेहमा आदम उन आदेस के नेहको टोरथै, मतलब पाप नेहको रथै, आदम ऊ मनसे के रूप हबै जउन आमै बाले हबै। 
\v 15 अपराध बरदान के जसना नेहको, अक्ठी मनसे के अपराध के कारन कइझन के मिरतू हुइस, भगवान के अनुगरह अउ अक्ठी मनसे, मसीह यीसु के अनुगरह हे नियाव मिल गय हबै। 
\v 16 अक्ठी मनसे के अपराध अउ भगवान के बरदान हे कउनो बराबरी नेहको हबै, अक्ठी अपराध के कारन सजा के आदेस दय गइस अउ अपराध के बाद मुकति के बरदान दय गइस जेहमा नियाव मिल गइस। 
\v 17 काखे जब अक्ठी मनसे के अपराध के कारन अक्ठिन मनसे के दवारा मिरतू के सासन हुइ गइस, ता एखर लग कहुं बोहत फइले हर बडा अनुगरह अउ नियाइपन के ऊ बरदान जउन उनखर जीवन हे ऊ अक्ठी मनसे यीसु मसीह के दवारा सगलू के पाप लग नियाव मिलिस।
\p
\v 18 इहैमेर हम देखथन कि जउन मेर अक्ठिन मनसे के अपराध के कारन सगलू के सजा के आदेस मिलिस, उहैमेर अक्ठी मनसे के धरमी काम के कारन सब के पाप लग जीवन मिलिस। 
\v 19 काखे जसना अक्ठी मनसे के आदेस नेहको मानै लग बोहत मनसे पापी कहइहों, ओसनेन अक्ठी मनसे के आदेस मानै लग बोहत लग धरमी मनसे बनाय दय जही।
\p
\v 20 बाद हे मूसा कर नियम दय गइस अउ एखर लग अपराध के गिनती बढ गइस, पय जिहां पाप बढिस, उहां अनुगरहो ओखर लग कहुं बोहत बढिस। 
\v 21 जउन मेर पाप मिरतू हे सासन करिस, उहैमेर अनुगरह नियाइपन के दवारा हमर परभु मसीह यीसु हे सबरोज के जीवन निता सासन करही।
\c 6
\s मिरतू के निता पाप पय मसीह हे जिन्दा
\p
\v 1 हम काहिन कहि, कि हम पाप करतै रही? भगवान के अनुगरह अपन उप्पर होत रहे। 
\v 2 बिलकुन नेहको, हइ कसना सम्भव हबै, कि हम जउन पाप के परति मर चुके हबै, उहै हे जीवन गुजारी। 
\v 3 का तुम हइ नेहको जानथा कि यीसु मसीह के जउन बतिस्मा हम सब के मिले हबै, ऊ उनखर मिरतू के बतिस्मा हबै? 
\v 4 हम उनखर मिरतू के बतिस्मा गरहन के ओखर संग इहैनिता गाडे गय हवन कि जउन मेर मसीह बाफ के महिमामय सक्ति लग मरे हर मसे जी उठे हबै, उहैमेर हमु अक्ठी नबा जीवन जी।
\p
\v 5 अगर हम हइमेर मसीह के जसना मर के ओखर संग अक हुइ गय हवन ता हमु ओखरै के जसना फेरै जिन्दा हे ओखर संग अक्ठी होब। 
\v 6 हमही कबहुन नेहको बिसरे के चाही कि हमर पुरान आदत मसीह के संग क्रूस हे टंगाय जाय चुके हबै, जेखर लग पाप के देह मर जाय अउ हम फेर पाप के हरवाह झइ बनी। 
\v 7 काखे जउन मर चुके हबै, ऊ पाप के गुलामी लग आजाद हुइ गय हबै। 
\v 8 हमही बिस्वास हबै कि अगर हम मसीह के संग मर गय हबै, ता हम ओखर संग जिन्दा रहबे। 
\v 9 काखे हम जानथन कि मसीह मरे हर मसे जिन्दा होय के बाद फेर कबहुन नेहको मरिस अब मिरतू के ओखर हे कउनो हक नेहको हबै। 
\v 10 ऊ अकबेर हम सबके के निता पाप हे मर गइस ऊ जिन्दा हुइ गइस अउ भगवान के निता जीथै। 
\v 11 इहैनिता तुमो अपन खुद के पाप के परति मरे हर अउ मसीह यीसु हे भगवान के परति जिन्दा समझा।
\p
\v 12 अब तुम अपन नास होय बाले देह हे पाप के राज सुइकार झइ करा अउ ओखर लालच के वस हे झइ रहा। 
\v 13 तुम अपन देह के अंगन के अनियाय के साधन बनै के निता पाप के अरपित झइ करा, तुम अपन के मिरतू मसे फेरै जिन्दा समझ के भगवान के परति अरपित करा अउ अपन अंगन के नियाइपन के साधन बनै के निता भगवान के सउप देया। 
\v 14 तुम्हर हे पाप के कउनो हक झइ रही, अब तुम नियम के नेहको बलुक अनुगरह के वस हे हबा।
\s नियाइपन कर सेबक
\p
\v 15 ता का हम इहैनिता पाप करी कि हम नियम के नेहको, बलुक अनुगरह के वस हवन? बिलकुन नेहको। 
\v 16 का तुम नेहको समझथा कि तुम अपन आदेस के मानै बाले हरवाह के रूप हे जेखर परति अरपित करथै अउ जेखर आदेस के पालन करथै, तुम उहै के गुलाम बन जथा? हइ गुलाम चाहे पाप के होय, जेखर परिनाम मिरतू हबै, चाहे भगवान के होय, जेखर आदेस मानै के परिनाम नियाइपन हबै। 
\v 17 भगवान के धन्यबाद कि तुम जउन पहिले पाप के गुलाम रथा, अब सगलू हिरदय लग ऊ मानके सिक्छा के गली हे रेंगै लगा, जउन अनुगमन के निता तुमही दय गय हबै। 
\v 18 तुम पाप लग मुक्त हुइके नियाइपन के गुलाम बन गय। 
\v 19 का तुमही हइ अहसास नेहको कि कउनो के आदेस मानै के परति समरपित हुइ जाय लग तुम उहै के हरवाह बन जथा, जेखर तुम आदेस मानथा? चाहे ऊ मालिक पाप होय या असुध्द अउ अधरम के अधीन करे रथै, जेखर आखरी हबै मिरतू या आदेस के मानै बाले जेखर आखरी हबै नियाइपन, जेखर लग पवितर हुइ जाय।
\p
\v 20 काखे जब तुम पाप के हरवाह रथा, ता नियाइपन धरमी के तरफ लग अजाद रहा। 
\v 21 ऊ टेम तुमही उन काम लग का फायदा हुइस? अब उनखर कारन तुमही लज्जा होथै, काखे उनखर परिनाम मिरतू हबै। 
\v 22 पय अब पाप लग आजाद हुइ के तुम भगवान के गुलाम बन गय अउ पवितरता के फल उत्पन्न करथै, जेखर परिनाम हबै सबरोज के जीवन। 
\v 23 काखे पाप के मजदूरी ता मरै के हबै, पय भगवान के बरदान हमर परभु यीसु मसीह हे सबरोज के जीवन हबै।
\c 7
\s सादीसुधा जीवन कर किस्सा
\p
\v 1 भाई अउ बेहन, का तुम हइ नेहको जानथा, मै नियम के जाने बालेन लग बोलथो, कि मनसे हे नियम के हक तबै तक हबै, जब तक ऊ जिन्दा हबै? 
\v 2 काज होय हर डउकी ऊ अपन डउका के नियम लग बंधे रथै, जब तक ऊ जिन्दा रथै, अगर डउका मर जथै, ता ऊ अपन डउका के बंधन लग आजाद हुइ जथै। 
\v 3 इहैनिता अगर कउनो डउकी के डउका के जियत जउन कउ दूसर डउका के हुइ जाय, ता उके बेभिचारनी कहाथै, पय ओखर डउका मर जइ, ता ऊ मूसा कर नियम के जसना ओखर लग आजाद हुइ गइस अउ कउनो दूसर डउका के संग रहै लग जाय, ता कउनो पाप नेहको हबै। 
\v 4 हे मोर भाई, असना मसीह के देह के दवारा नियम के निता तुमो मर चुके हबा, इहैनिता अब तुमो कउनो दूसर लग रिस्ता जोड सकथै, ओखर लग जउन मरे हर मसे फेरै लग जिन्दा करे गय हबै, ताकि हम भगवान के निता फडुहा के लान सकि। 
\v 5 काखे जब हम मनसे के आदत जसना जियत रहन, हमर पाप पूरी तरह लालसा जउन नियम के दवारा आय रथै, हमर अंग हे हाबी रथै, ताकि हम असना खेती करी, जेखर परिनाम मिरतू हबै। 
\v 6 पय अब नियम लग मुकति मिल गय हबै, काखे जउन नियम हमही बांध के धरे रथै, ओखर निता हम मर गय हबन, अउ अब पुरान नियम के दवारा नेहको बलुक आतमा के नबा रीति के दवारा हम अपन भगवान के सेबा करथन।
\p
\v 7 एखर का मतलब हबै कि नियम पाप हबै? कबहुन नेहको फेर नियम के दवारा पाप के पता चलिस अगर नियम नेहको कहे होतिस, लालच झइ करा ता मै हइ नेहको जानथो कि लालच का हबै। 
\v 8 हइ आदेस लग फायदा उठायके पाप मोर हे सबमेर के लालच पइदा करिस, नियम के कारन पाप मरे हर हबै। 
\v 9 अक्ठी टेम रथै, जब नियम नेहको रथै अउ मै जिन्दा रथो, पय आदेस के आमै लग पाप जिन्दा हुइस। 
\v 10 अउ मोर मिरतू हुइ गइस अउ ऊ आदेस जेखर लग जीवन के निता रथै, मोर मिरतू के कारन बनिस। 
\v 11 काखे पाप आदेस लग फायदा उठायके मोके नर दइस अउ मारो दइस।
\p
\v 12 इहैनिता मूसा कर नियम पवितर हबै अउ आदेस पवितर हबै, धरमी अउ निक्खा हबै। 
\v 13 तब का ऊ, जउन निक्खा हबै, मोर निता मिरतू के कारन हुइ गइस? बिलकुन नेहको, भलाई के दवारा पाप मोर हे मिरतू पइदा के दइस, कि पाप के पाप के रूप हे परदरसित करे जाय अउ आदेस के दवारा हइ बोहत पापमय परमाडित हुइस।
\p
\v 14 हम जानथन कि मूसा कर नियम तो आतमिक हबै, पय मै देह अउ पाप के हाथ हे बिके हर हरवाह हबो। 
\v 15 मै नेहको समझथो कि मै का करथो, जउन मै करै चाहथो ऊ नेहको पय मै जेखर लग घिरना करथो मै उहै करथो। 
\v 16 अउ अगर मोके हइ निक्खा नेहको लगथै, मै उहै करथो, ता मै हइ बात मान लेहूं, कि मूसा कर नियम बोहत बढिहा हबै। 
\v 17 इहैनिता अब हइ काम करै बाले मै नेहको, मोर हे बसे हर पाप करथै। 
\v 18 मोके पता हबै कि मोर धरमी मोर हे नेहको हबै मतलब मनसे के देह के सोभाव हे भले मोर मन हे निक्खा करै के मरजी हबै, पय मै निक्खा नेहको कर सकथों। 
\v 19 जब मै नियम के देखथो, भलाई करै के इक्छा करथो, ता बुराई मोर लिघ्घो रथै। 
\v 20 पय अगर मै उहै काम करथो, जेही मै नेहको चाहथो, ता काम करै बाले मै नेहको हबो, बलुक मोर भित्तर रहै बाले पाप हबै।
\p
\v 21 इहैमेर मोर अनुभव हइ हबै, कि जब मै भलाई करै के इक्छा करथो ता बुराइन करथो।
\p
\v 22 काखे मै मनसे के भित्तर आतमा लग भगवान के नियम लग बोहत मगन रथो। 
\v 23 पय मै अपन देह के अंग हे अक दूसर नियम देखथो, हइ मोर दिमाक हे मउजूद नियम के बिरोध लडथै, हइ मोके पाप के नियम के जउन मोर देह के अंग हे मउजूद हबै, गुलाम बनाय रखिस। 
\v 24 मै केतका पापी मनसे हबो, हइ मिरतू के अधीन रहै बाले देह लग मोके कोन आजाद करी? 
\v 25 हमर परभु यीसु मसीह के दवारा भगवान कर धन्यबाद होय, इहैनिता अपन दिमाक लग तो भगवान के नियम के, पय देह लग पाप के नियम के सेबा करथो।
\c 8
\s पवितर आतमा हे जीवन
\p
\v 1 जउन मनसे यीसु मसीह हे हबै, उनखर हे सजा के आदेस नेहको, काखे उन देह के जसना नेहको पय पवितर आतमा के नियम के जसना चलथै। 
\v 2 काखे मसीह यीसु हे बसे हर जीवन लग मूसा कर नियम तोके पाप अउ मिरतू के किताब लग आजाद के दय हबै। 
\v 3 जउन मूसा कर ऊ नियम जउन मनसे के पाप के आदत के कारन ढिलवा बना दय रथै, नेहको के सकिस उके भगवान अपन टोरवा के हमर जसना देह हे पठोय के जेखर लग हम पाप करथन, ओखर भवतिक देह के पाप बाले बनाय के, पाप के हराय के पूर करिस। 
\v 4 कि हम जउन पापी आदत के जसना नेहको पय पवितर आतमा के जसना आदत रखी, मूसा कर नियम के जसना पूर हुइ जाय। 
\v 5 काखे देह के इक्छा रखै बाले मनसे अपन देह हे मन लगाथै, पय अन्तरयामी आतमा के बातन हे मन लगाथै। 
\v 6 देह हे मन लगामै के तो मिरतू हबै, पय आतमा हे मन लगामै के जीवन अउ सान्ति हबै, 
\v 7 काखे देह हे मन लगाना तो, भगवान लग बैर करैका हबै, काखे असना न तो भगवान कर नियम के दवारा हबै अउ न हुइ सकथै। 
\v 8 जउन मनसे देह के आदत के वस हे हबै, ऊ भगवान के खुस नेहको के सकथै।
\p
\v 9 पय तुम पापी आदत के नेहको पय पवितर आतमा हे होय अगर सहीमा तुम्हर हे भगवान कर आतमा रथै, जउन मनसे के भित्तर मसीह के आतमा नेहको रथै, ऊ मसीह के नेहको हुइ सकै। 
\v 10 अगर मसीह तुम्हर भित्तर रथै, ता पाप के कारन तोर देह मर चुके हबै, पय तउभरमा भगवान के धरमी काम के कारन तोर आतमा ही तुम्हर जीवन हबै। 
\v 11 अगर ओखर आतमा लग मसीह के मरे हर मसे जिन्दा करिस, तुम्हर हे वास करथै, ता जउन तुम्हर मरन देह के अपन आतमा के दवारा हइ तुम्हर हे बसे हर हइ जिन्दा रखी।
\p
\v 12 इहैनिता हे भाई हम देह के करजा बाले नेहको हबै, कि हमही देह के जसना जीवन नेहको जियेका चाही। 
\v 13 काखे अगर तुम देह के जसना दिन कटिहा ता मरिहा, अगर आतमा लग देह के पाप के मरिहा, ता जिन्दा रइहा। 
\v 14 इहैनिता कि जेतका मनसे भगवान के आतमा के जसना चलथै, उहै भगवान कर टोरवा हबै। 
\v 15 काखे ऊ आतमा जउन तुमही मिले हबै, तुमही फेरै लग हरवाह बनामै या डरामै के निता नेहको हबै, बलुक ऊ आतमा जउन तुम पाय हबा, पय तुमही गोद लेय बाले के आतमा दय गय हबै, जेखर लग हम चिल्ला उठथन, “हे बाफ।” 
\v 16 ऊ पवितर आतमा खुदय हमर आतमा के संग मिलके गवाही देथै, कि हम भगवान कर टोरवा हबन। 
\v 17 काखे हम ओखर टोरवा हबन, हमु ओखर वारिस हबन, भगवान अउ मसीह के संग हम वारिस हबन, अगर सहीमा ओखर संग दुख उठाथन, तबै हमही ओखर संग महिमा मिलही।
\s भभिस्य के महिमा
\p
\v 18 मै समझथो कि हमर उप्पर जउन महिमा परगट होयका हबै, ओखर बरोबरी हे हइ टेम के दुख कुछु नेहको हबै। 
\v 19 काखे हइ दुनिया बडी आसा के संग ऊ टेम के ओरगे हबै, जब भगवान कर टोरवा के परगट करे जही। 
\v 20 हइ रचना तो उदेस्य के बिगर हुइ गय हबै, हइ अपन इक्छा के जसना नेहको पय भगवान के इक्छा के जसना होय हबै, जउन उके हइ आसा हे अधीन के दय हबै। 
\v 21 कि खुदय दुनिया बिनास के गुलाम लग मुकति पाय के भगवान कर टोरवा के महिमा अउ आजाद के मगन होही। 
\v 22 हमही पता हबै कि आज तक सगलू दुनिया कस्ट अउ दुख लग कराहथै। 
\v 23 अउ सिबाय दुनिया परेसान हुइके नेहको तडपथै, पय हमु परेसान होथन, जिनही आतमा के फडुहा मिलिस, जउन खुदय कराहथै, अउ लेपालक टोरवा बनै के मतलब अपन देह के मुकति के निता ओरगथन। 
\v 24 जउन चीज के आसा के दवारा करे जथै, ऊ देखै हे आय, ता फेर आसा कछो हबै, काखे जउन चीज के कउ देखथै, आसा काहिन करी? 
\v 25 अगर हमर आसा के बारे ऊ हबै, जेही हम देखे नेहको हबन, तब हम धीर लग अउ बोहत आसा हे ओरगथन।
\p
\v 26 पवितर आतमा हमर ढिलवा हे हमर मदत करथै, हम हइ नेहको जानथन कि हम कसना बिनती करै चाही, पय आतमा खुदय हुकरी भर के जउन सब्द दवारा परगट नेहको करे जाय सकथै, हमर निता बिनती करथै। 
\v 27 भगवान हमर मन के बात जानथै अउ समझाथै, कि आतमा के मकसद काहिन हबै? काखे आतमा भगवान के इक्छा के जसना हरवाहन के निता बिनती करथै।
\p
\v 28 हम जानथन कि जउन मनसे भगवान लग माया करथै, अउ ओखर मकसद के जसना बुलाय गय हबै, भगवान उनखर भलाई के निता सगलू बातन हे उनखर मदत करथै। 
\v 29 जिनही पहिलेन लग भगवान चुने हबै कि उन पहिलेन अपन टोरवा के स्वरूप ठहराय हबै, काखे ऊ बोहत लग भाइन हे भाई बन सके। 
\v 30 इन सगलू बातन के देखत हम काहिन कह सकथन? अगर भगवान हमर पल्ला हबै ता हमर बिरोध कोहर कर सकथै।
\s भगवान कर माया
\p
\v 31 अउ काहिन कहि? अगर भगवान हमर तरफ हबै, ता कोहर हमर बैरी होही? 
\v 32 भगवान अपन खास टोरवा के नेहको बचाइस, ऊ हम सब के निता उके सउप दइस, ता एतका देय के बाद का ऊ हमही अपन टोरवा के संग सब कुछ फिरी हे नेहको देही? 
\v 33 जिनही भगवान चुने हबै, उनखर हे कोहर आरोप लगाय सकि? भगवान उनही नियाइ ठहरामै बाले हबै। 
\v 34 फेर कोहर हबै जउन हमही सजा के हुकुम देही, यीसु मसीह हे जउन मर गय रथै, अउ मुरदा लग जिन्दा होही अउ भगवान के दहिना पल्ला हबै अउ ऊ हमर निता निबेदन करथै। 
\v 35 कोहर हमही मसीह के माया लग अलगे के सकथै, का समस्या या संकट का अतियाचार भूख कंगाली जोखिम या तलबार? 
\v 36 जसना लिखवरे हबै,
\q1 तोर निता दिन भर हमर हत्या होथै,
\q2 हम बलि होय के निता गेडरा के जसना समझे जथै।
\p
\v 37 पय हइ सगलू बातन हे हम भगवान के दवारा जउन हमर लग माया करिस, बिजय लग बढके हबै। 
\v 38 काखे मै हइ जानथो, कि न तो मिरतू, न जीवन, न स्वरगदूत, न परधान, न भभिस्य, न सक्ति, 
\v 39 न ऊंच न गहिड अउ न कउ अउ दुनिया के कउनो जीव हमही भगवान के माया लग जउन हमर परभु यीसु मसीह हे हबै, बिरका नेहको सकहिन।
\c 9
\s भगवान के दवारा चुने हर इस्राएली मनसे
\p
\v 1 मै यीसु मसीह हे सही कथो, मै झूठ नेहको बोलथो अउ मोर मन पवितर आतमा हे गवाही देथै। 
\v 2 मोके बोहत दुख हबै अउ मोर मन लगेतार पीरा हे रथै। 
\v 3 काखे मै इहै चाहत रहों कि अपन भाई के निता, जउन देह के मेर लग मोर बिरादरी हबै, खुदय मसीह लग सापित हुइ जथो अउ मसीह लग अलगे हुइ जांव। 
\v 4 जउन इस्राएली हबै अउ जिनही भगवान के कोरा हे लय हर टोरवा होमैके हक हबै, जउन भगवान के महिमा के दरसन के चुके हबै, जउन भगवान के दाबेदार भागीदारी हबै, जिनही उपास अउ बचन टीमा परदान करे हबै। 
\v 5 बडा पुरखा उनखरै हबै अउ देह के रिस्ता मसीह उनखरै मसे आय, परम परधान भगवान के जुगजुग धन्य हबै, ओसनेन होय।
\p
\v 6 असना नेहको हबै कि भगवान अपन बचन पूर नेहको करिस, काखे जउन इस्राएल के टोरवा हबै, उन सगलू इस्राएली नेहको हबै। 
\v 7 अउ न अब्राहम के टोरवा होमै के कारन उन सगलू सहीमा अब्राहम कर टोरवा हबै, बलुक जसना भगवान कथै, तोर टोरवा इसहाक के दवारा अपन बिरादरी बढइहिन। 
\v 8 एखर मतलब हइ हबै, कि जउन देह लग जनम लेथै, ऊ भगवान कर टोरवा नेहको हबै, बलुक जेखर जनम टीमा के जसना होय हबै, उहै भगवान कर टोरवा माने जही। 
\v 9 काखे टीमा के बचन हइ हबै, “मै सही टेम हे फेरै अइहों अउ तब सारा के अक्ठी टोरवा पइदा होही।”
\p
\v 10 एतको नेहको, रिबका के लादा हे अक्ठी टोरवा मतलब हमर पुरखा इसहाक लग दुइठे लरका हुइस। 
\v 11 ता अब तक न टोरवा पइदा हुइस अउ न ऊ भला अउ बुरा करे रथै, इहैनिता भगवान के इक्छा हइ हबै कि ओखर चुने के जसना निक्खा काम के कारन लग नेहको पय बुलाय जाय के कारन लग बने रहै। 
\v 12 ऊ कथै बडडे टोरवा, नान टोरवा के सेबा करी। 
\v 13 जसना लिखवरे हबै, “मै याकूब लग माया करव अउ एसाव लग बैर।”
\p
\v 14 इहैनिता हम काहिन कहि? का हइ बारे हे भगवान अन्यायी हबै? बिलकुन नेहको। 
\v 15 “भगवान मूसा लग कथै, मै जेखर उप्पर दया करै चाहथो, उहै के उप्पर दया करिहों अउ जेखर उप्पर किरपा करै चाहथो, उहै के उप्पर किरपा करिहों।” 
\v 16 इहैनिता हइ मनसे के इक्छा या ओखर मेहनत हे नेहको, बलुक दया करै बाले भगवान के उप्पर रथै। 
\v 17 काखे मूसा कर पवितर किताब हे भगवान फिरोन लग कथै, “मै तोके इहैनिता ठाड करै रथो कि मै अपन सक्ति तोर उप्पर दिखाय सको अउ मोर नाम सगलू भुंइ हे परचार हुइ सकै।” 
\v 18 इहैनिता भगवान जेखर उप्पर दया चाहथै, ओखर उप्पर दया करथै अउ जेही चाहथै, उके कठोर बनाय देथै।
\s भगवान के गुस्सा अउ ओखर दया
\p
\v 19 तुम मोर लग कइहा, “भगवान के मनसे हे काखे दोस लगाथा भगवान के इक्छा के बिरोध कोहर के सकथै?” 
\v 20 हे मनसे तुम कोन हबा, जउन भगवान काहिन जबाब देथा? का बनाय हर चीज बनामै बाले लग पूछ सकथै, “कि तै मोके असना काखे बनाय हबस?” 
\v 21 का कुम्हरा के माटी हे हक नेहको? कि अक्ठिन लोंदी मसे अक्ठिन भडवा आदर के निता अउ दूसर के बेज्जती के निता बनाय।
\p
\v 22 पय एहमा का हबै, अगर भगवान अपन गुस्सा दिखामै के निता अउ अपन सक्ति परगट करै के निता उन मनसेन के जउन गुस्सा के निता रथै अउ जिनखर नास होय बाले रथै, बोहत धीर के संग उन बातन के सहन करिन। 
\v 23 ऊ असना इहैनिता करिस कि ऊ दया के उन हकदारन के उप्पर अपन महिमा के सक्ति के परगट करै चाहथै, जिनही ऊ पहिलेन लग ऊ महिमा के निता तइयार करे रथै। 
\v 24 असना दया के हकदार हम हवन, जिनही ऊ न केबल यहूदियन मसे बुलाय हबै, बलुक गैर यहूदी मसे बुलाय हबै। 
\v 25 जसना कि होसे के किताब हे लिखवरे हबै,
\q1 “जउन मोर मनसे नेहको रथै,
\q2 उनही मै अपन कइहों,
\q2 अउ जउन मोर हे पिरिया नेहको रथै,
\q2 मै उनही पिरिया कइहों।
\q1
\v 26 अउ जउन जिघा हे ऊ उनखर लग कहे रथै, तुम मोर मनसे नेहको हबा,
\q2 उहै जिन्दा भगवान कर टोरवा कहइहिन।”
\p
\v 27 ग्यानी मनसे यसायाह इस्राएल के बारे हे पुकार के कथै, “इस्राएलियन के गिनती समुन्दर के कुदरा के जसना काखे झइ हुइ जाय, पय उन मसे केबल चुटु हस बच पइहिन। 
\v 28 काखे परभु के आदेस लग हरबी भुंइ हे अपन बात पूर करी।” 
\v 29 जसना ग्यानी मनसे यसायाह आगुन कहे रथै, सेनाओ के परभु हमर निता पुरखा नेहको छांडथै, ता हम सदोम सहर के जसना अउ अमोरा सहर के जसना पूरी तरह लग नास हुइ जइतन।
\s इस्राएली अउ संदेस
\p
\v 30 हम काहिन कहि? एखर मतलब हइ हबै कि गैर यहूदी जउन नियाइपन के खोज हे नेहको लगे रथै, नियाइपन, मतलब बिस्वास के बल हे नियाइपन पइन। 
\v 31 पय इस्राएली मनसे जउन असना किताब हे चलै चाहथै जउन उनके नियाइपन बनाथै, पय ओखर जसना नेहको चल सकिन। 
\v 32 काखे नेहको? काखे उन एखर पालन बिस्वास लग नेहको करथै, बलुक अपन करम लग करत रहै, ऊ डोंगर हे ठोकड खाय गइन, जउन ठोकड दिलाथै। 
\v 33 जसना लिखवरे हबै, देखा,
\q1 “मै सियोन हे अक्ठी पथरा रखथो,
\q2 जउन ठोकड दिलाथै अउ परिक्छा हे डालै बाले पथरा धरथै,
\q2 पय ऊ जउन ओहमा बिस्वास करथै,
\q1 उके कबहुन निरास नेहको होमैके हबै।”
\c 10
\p
\v 1 हे भाई मोर आसा अउ भगवान लग मोर पराथना हइ हबै, कि उनखर मुकति होय। 
\v 2 उनखर बारे हे मै हइ गवाही देथो, कि उनखर हे भगवान के परति खुसी तो हबै, पय उनखर हइ खुसी पूरब ग्यान के जसना नेहको हबै। 
\v 3 भगवान के नियाइपन के बारे हे अग्यानता अउ अपन नियाइपन के स्थापना करै के खुसी हे उन खुद के भगवान के नियाइपन के वस नेहको करिन। 
\v 4 काखे मसीह के नियम के परिपूरता तक पहुंचाथै, अउ सगलू बिस्वास करै बालेन के नियाइपन परदान करथै।
\s मुकति सबझन के निता
\p
\v 5 मूसा कर नियम हे आधारित नियाइपन के बारे हे लिखथै, जउन मनसे हइ बात के मानी, उके इनखर दवारा जीवन मिलही। 
\v 6 पय जउन बिस्वास के दवारा नियाइपन हबै ओखर निता असना लिखे हबै, कि तुम अपन हिरदय हे असना बिचार झइ करा कि स्वरग हे उप्पर कोहर चढी मतलब मसीह के तरी लामै के निता। 
\v 7 अधलोक हे कोहर जही? या मसीह के मरे हर मसे उप्पर लामै के निता। 
\v 8 पय पवितर किताब काहिन कथै? बचन तुम्हर लिघ्घो हबै, ऊ तुम्हर मुंह हे अउ तुम्हर मन हे हबै, हइ बिस्वास के ऊ बचन हबै, जेखर हम परचार करथन। 
\v 9 काखे अगर तुम मुंह लग सुइकार करथा कि यीसु परभु हबै, अउ मन लग बिस्वास करथा कि भगवान उके मरे हर मसे जिन्दा करिस, ता तुमही मुकति मिलही। 
\v 10 काखे नियाइपन के निता मन लग बिस्वास करै लग धरमी मनसे ठहरथै, अउ मुंह लग सुइकार करै लग उके मुकति मिलही। 
\v 11 काखे पवितर किताब हइ कथै, जउन कउ ओखर हे बिस्वास करही ऊ बेज्जती नेहको होही। 
\v 12 अब यहूदी अउ यूनानी गैर यहूदिन हे छुवाछूत नेहको हबै, इहैनिता ऊ सबके परभु हबै, अउ सब नाम लेय बालेन के निता गहिरा दिल हबै। 
\v 13 काखे जउन कउ परभु यीसु के नाम लेही, उहै मुकति पाही।
\p
\v 14 जेखर हे तुम्हर बिस्वास नेहको हबै, ता उन ओखर नाम कसके ले? अउ जेखर बारे हे नेहको सुने हबै, ता ओखर हे कसके बिस्वास करै? अउ परचार करै बाले के बिगर उन कसके सुनै। 
\v 15 अउ अगर ऊ पठोय नेहको जाय, ता कउनो परचारक कसके बन सकथै? पवितर किताब हे लिखररे हबै, कल्यान के संदेस सुनामै बाले के गोड केतका सुन्दर लगथै, जउन निक्खा बातन के संदेस सुनाथै। 
\v 16 पय सब ऊ निक्खा संदेस हे कान नेहको लगाइन नबी यसायाह कथै, हे परभु कोहर हमर निक्खा संदेस हे बिस्वास करे हबै। 
\v 17 इहैमेर हम देखथन कि संदेस सुनै लग बिस्वास पइदा होथै, अउ जउन सुनाय जथै, ऊ मसीह के बचन हबै।
\p
\v 18 पय मै कथो, कि जउन नेहको सुनिन जरूर सुनै हबै,
\q1 काखे लिखे हबै उनखर आरो सगलू दुनिया हे अउ उनखर बात,
\q2 भुंइ के छोर तक पहुंच गय हबै। 
\v 19 मै फेर कथो, इस्राएल मनसेन के पता नेहको रथै, पहिले मूसा नबी कथै,
\q1 मै गैर यहूदी मनसेन लग,
\q2 तुम्हर हिरदय हे जलन पइदा करिहों,
\q1 मै हइ मूरुख देस लग,
\q2 तोके गुस्सा दिलाहूं। 
\v 20 फेर यसायाह हिम्मत करके परभु के हइ कथन सुनाइस,
\q1 जउन मोके नेहको खोजथै, उन मोके पाइन अउ जउन मोर बारे हे सबाल नेहको पूछथै,
\q2 उनखर हे मै अपन के परगट करेव।
\p
\v 21 इस्राएली के बारे हे ऊ कथै, मै सगलू अपन हाथ हे आदेस पालन करै बाले परजा के पल्ला फइलाथै।
\c 11
\s इस्राएल देस हे भगवान कर दया
\p
\v 1 ता मोर सबाल हइ हबै, का भगवान अपन मनसेन के छांड दय हबै? नेहको बिलकुन नेहको काखे खुदय मै अक्ठी इस्राएली हव, अब्राहम के बिरादरी के हव, अउ बिन्यामीन के कुर के। 
\v 2 भगवान अपन ऊ परजा के, जेही ऊ अपनाइस, नेहको छांडे हबै, का तै नेहको जानथस कि पवितर किताब हे नबी एलिय्याह के बारे हे काहिन कथै? जब ऊ भगवान के आगू इस्राएल हे दोस लगाथै। 
\v 3 परभु उन तोर ग्यानी मनसेन के बध करे हबै, उन तोर बेदिन के नस्ट के डाले हबै, मै अकेल्ले बच गय हव अउ उन मोर परान लेय चाहथै। 
\v 4 एखर हे भगवान के जबाब काहिन रथै? मै सात हजार मनसेन के अपन निता बचाय रखे हबै, जउन बाल देउता के आगू घुटवा नेहको टेकिन। 
\v 5 इहैमेर हइ टेम भगवान के अनुगरह के चुने हर कुछ मनसे बाकी हबै। 
\v 6 अगर हइ ओखर अनुगरह दवारा हुइस, ता मनसेन के कामन के उप्पर नेहको हबै, ता अनुगरह नेहको रह जही।
\p
\v 7 ता एखर परिनाम काहिन निकरिस? इस्राएली जउन बात खोज हे रथै अउ उन नेहको पाय सकिन, पय चुने हर मनसे उके पाय लइन अउ दूसर मनसे सुनै नेहको चाहथै। 
\v 8 जसना कि पवितर किताब हे लिखे हबै, भगवान पवितर आतमा के दवारा उनखर दिमाक के जर बनाय दय हबै, ऊ उनही असना आंखी दइ दइस, जउन नेहको दिखथै अउ असना कान जउन सुनथै नेहको अउ उनखर हइ दसा आज तक बने हर हबै। 
\v 9 अउ दाऊद कथै,
\q1 उनखर भोजन उनखर निता फान्दा अउ जाला बनै,
\q2 ऊ उनखर निता पतन अउ सजा के कारन होय।
\q1
\v 10 उनखर आंखी धुंधरी पड जाय, जेखर लग उन देख नेहको सकै,
\q2 अउ उनखर कमर स्थाई रूप लग झुक जाय।
\s गैर यहूदिन कर मुकति
\p
\v 11 पय मै पूछथो का उनही असना ठोकड लगिस कि उन कबहुन झइ उठ पामै? नेहको बिलकुन नेहको यहूदिन के गिरै के दवारा उनखर अपराध के कारन गैर यहूदी के मुकति मिले हबै, कि यहूदिन हे जलनभाव पइदा हुइ जाय। 
\v 12 जब यहूदिन के अपराध अगर उनखर गिरना दुनिया के निता डेरा अउ उनही कमी गैर यहूदी के निता डेरा के कारन होथै, ता उनही भरपूरी लग का कुछ नेहको होही।
\p
\v 13 मै गैर यहूदिन लग हइ कथो, मै तो गैर यहूदिन हे परचार करै पठोय गयों अउ मै गैर यहूदी के निता चेला हबो, ता मै अपन सेबा के बडाई करथो। 
\v 14 कि मै कउनो मेर लग अपन बिरादरिन हे जलन पइदा के सको अउ एखर दवारा उनखर मसे कुछ मनसेन के मुकति हुइ सकै। 
\v 15 काखे अगर उनखर परितयाग के इहैनिता भगवान के संग दुनिया के मेल हुइ गय हबै, ता उनखर सुइकार के परिनाम का होही? मरे हर के निता जीवन।
\p
\v 16 अगर बलि के पहिले पेडा पवितर हबै, ता सगलू गुडरेहर पिसान पवितर हबै, अगर जर पवितर हबै ता डगइल पवितर हबै। 
\v 17 पय अगर कुछ डगइल टोरे गइस अउ तुम जउन अक्ठी जंगली जैतून हबा, उनखर हे लगाय गय हबा अउ उनखर संग जैतून रूख के जर के अंग होय के कारन अच्छी किसम के सहभागी बन गय हबा। 
\v 18 ता तुम अपन के डगइल लग बढके झइ समझा, अगर तुम गरभ करै चाहथा, ता सुरता रखा कि तुम जर के नेहको संभारे बलुक जर तुमही संभारथै।
\p
\v 19 तुम कइहा डगइल इहैनिता काटके अलगे के दय गइस, कि मोके कलम लगाय जाय। 
\v 20 ठीक हबै उन अबिस्वास के कारन काट के अगले के दय गइस अउ तुम बिस्वास के बल हे अपन जिघा हे बने हबै अउ घमंड झइ करा पय सचेत रहा। 
\v 21 अगर भगवान मूल डगइल हे दया नेहको करिस, ता ऊ तुम्हर हे दया नेहको करी। 
\v 22 भगवान के दया अउ कठोरता हे बिचार करा गिरे हर मनसेन के निता कठोरता अउ भगवान तुम्हर निता किरपा अगर तुम सहीमा उनखर किरपा के खेरवा हे बने रथा, नहि ता तुमही काट के अलगे के दय जही। 
\v 23 दूसर पल्ला अगर अबिस्वासी झइ रइहिन ता उहो कलम के जसना लगाय जही, काखे भगवान उनही फेर लगामै के सक्ति रखथै। 
\v 24 अगर तुम अपन गुन लग जंगली जैतून के डगइल होय, उके खपल के अपन सोभाव के बिरोध हे जैतून कलम लगाय गय हबा, ता कहुं बोहत सरल लग अपन आचरन के दवारा अपन जसना कलम लगाय जाय सकथै।
\s सगलू इस्राएल देस कर मुकति
\p
\v 25 हे मोर भाइयो हइ बात लुकेहर बात सही हबै तुमही कथो, हइ बात मनसेन के चलाही, कि तुम केतका दिमाक बाले हबा, इस्राएली मनसेन के हइ हरमेसा के ढीठ नेहको हबै, फेर हइ तब तक चली जब तक पूर गैर यहूदी भगवान के लिघ्घो नेहको आय जही। 
\v 26 अउ हइमेर सगलू इस्राएली के बचाही जसना लिखररे हबै,
\q1 बचामै बाले आही अउ सियोन लग आही,
\q2 अउ ऊ याकूब के नास्तिकता के दुरिहां करी।
\q1
\v 27 जब मै उनखर पाप हर लइ जहुं,
\q2 तब उनखर लग मोर हइ टीमा होही।
\p
\v 28 संदेस के नजर लग उन गैर यहूदी के कारन भगवान के बैरी हबै, पय चुने जाय के कारन लग उन सियानन के भगवान के किरपा के काबिल हबै। 
\v 29 काखे भगवान के बरदान अउ बुलउवा अटल हबै। 
\v 30 जसना तुम परचीन काल लग भगवान के आदेस नेहको माने हबा, ओसनेन यहूदी आदेस नेहको माने हबै, पय अब तुम्हर हे भगवान के किरपा होय हबै। 
\v 31 ओसनेन उनो अब आदेस नेहको मानिन, कि तुम हे जउन दया होथै, ऐखर लग उनखरो उप्पर दया होय। 
\v 32 काखे भगवान सब के आदेस नेहको मानै के निता बन्दी बनाय के रखे हबै, उन सगलू हे दया करै।
\s भगवान कर भजन
\p
\v 33 भगवान के डेरा अउ दिमाक अउ सिक्छा बोहत गंभीर हबै, ओखर सोच केतका गहिड कुन्ड हबै अउ ओखर रास्ता के कउनो नेहको जान सकथै। 
\v 34 परभु के दिमाक के कोहर जानही?
\q1 या सलाह देय बाले कोहर होही?
\q1
\v 35 या कोहर आगू उके कुछु दय हबै,
\q2 जेखर पलटा कुछु दय जाय।
\p
\v 36 काखे ओखरै पल्ला लग अउ ओखरै दवारा अउ ओखरै निता सब कुछ हबै, ओखर महिमा जुगजुग होत रहै, ओसनेन होय।
\c 12
\s मसीह हे नबा जीवन
\p
\v 1 हे भाई अउ बेहन, भगवान के बडी दया के उजियार हे तुम सबले मोर बिनती हबै, कि तुम अपन देह के भगवान के निता मगन करै बाले सुध्द बलि चढावा, इहै तुम्हर सच्ची सेबा हबै। 
\v 2 तुम हइ दुनिया के जसना आचरन झइ करा, बलुक सगलू कुछ नबा नजर लग देखै अउ अपन आदत बदल ले, हइमेर तुम जान जाबे, कि भगवान के चाहथै अउ ओखर निक्खा सुइकार ओग, समझदार अउ सबले बढिहा हबै।
\p
\v 3 अउ मोके दय गइस बडी अनुगरह के दवारा मै तुम्हर मसे सगलू के बिनती करत कथो, कि कउनो खुद के बोहत झइ समझै, पय खुदय के बारे हे तुम्हर गिनती भगवान दवारा दय गइस बिस्वास के परिनाम जसना होय। 
\v 4 जउन मेर हमर अक्ठी देह हे कइठे अंग होथै अउ सगलू अंगन के काम अक जसना नेहको होथै। 
\v 5 उहैमेर हम जउन अनेक हबन मसीह हे अक्ठी देह अउ अक दूसर के अंग हबन। 
\v 6 हमही मिलेहर अनुगरह के जसना हमर बरदान अलगे-अलगे हबै, हमके आगू कर बात गुठेमै बाले के बरदान मिले हबै, ता बिस्वास के जसना ओखर इस्तेमाल करै। 
\v 7 अगर सेबा करै के बरदान मिले हबै, ता हमके सेबा करै के चाही, अगर हमके सिक्छा देय के बरदान होय ता हमके सिखामै चाही। 
\v 8 अगर अक दूसर के खुसी करै के बरदान हबै, ता खुसी करा अउ अगर अक दूसर के देय के बरदान हबै, ता उदारता लग देया अउ जेही अगुवाई करै के बरदान मिले हबै, ता मगन लग अगुवाई करतै रहा अउ जेही दया के बरदान मिले हबै, उके दया करै चाही।
\s मसीह जीवन के नियम
\p
\v 9 तुम्हर माया निस्कपट होय, तुम बुराई लग घिरना करा अउ अच्छाई हे लगे रहा। 
\v 10 भाई-भाई हे जसना माया होथै, ओसनेन अक दूसर लग माया रखा, अपनै हे अक दूसर के इज्जत करा अउ अक दूसर लग बढ चढके करा। 
\v 11 परयास करै हे आलसी झइ करा, पवितर आतमा लग खुसी हे भरे रहा, परभु के सेबा करतै रहा। 
\v 12 आसा हे खुसी, दुख हे धीर अउ बिनती हे नियम बनाय रखा। 
\v 13 पवितर मनसेन के जरूरत के निता दान दय करा अउ पहुनन के सेबा करा।
\p
\v 14 अपन सतामै बालेन के निता तुम्हर मुंह ले आसिरबाद निकरे, हव आसिरबाद न कि सराप। 
\v 15 खुसी बनामै बालेन के संग खुसी बनाबा अउ रोमै बालेन के संग रोबा। 
\v 16 अपनै हे मेलजोल के भाव बनाय रखा, अहंकारी झइ बना, बलुक दीन दुखियन लग मिलत जुलत रहा, अपन खुद के होसियार झइ समझा।
\p
\v 17 बुराई के बदला बुराई झइ करा, सत्य हे जउन बढिहा हबै, ओसनेन करै के बिचार करा। 
\v 18 जिहां तक हुइ सकै, अपन पल्ला लग सगलू के संग सान्ति बनाय रखा। 
\v 19 हे पिरिया भाई तुम खुदय के नियाव झइ करा, पय उके भगवान के क्रोध हे छांड देया, काखे पवितर किताब हे लिखररे हबै, परभु कथै, पलटा लेय के मोर काम हबै, मै पलटा लेहूं। 
\v 20 अगर तुम्हर बैरी भूखे हबै, ता उके खाना खबाबा, अगर ऊ पियासे हबै, ता उके पानी पियाबा, काखे असना करै लग ऊ तोर माया मेर बेउहार लग अंगरा के ढेर लगाही। 
\v 21 बुराई लग हार झइ माना, बलुक अच्छाई के दवारा बुराई के जीत लेया।
\c 13
\s सासक कर आदेस
\p
\v 1 हर अक्ठी मनसे सरकारी साहबन के अधीन रहै, काखे भगवान के इजाजत लग हक दय जथै, बरतमान साहब के नियम भगवान के पल्ला लग हबै। 
\v 2 इहैनिता जउन असना साहब के बिरोध करथै, ऊ भगवान कर नियम के बिरोध करथै अउ बिरोध करै बाले सजा पाही। 
\v 3 सरदार निक्खा काम करै बालेन हे नेहको, बलुक बेकार काम करै बालेन हे डर पइदा करथै, का तुम साहबन के डेर लग आजाद रहै चाहथा? ता उहै काम करा जउन सही हबै अउ उन तुम्हर परसंसा करही। 
\v 4 काखे उन तुम्हर अच्छाई के निता भगवान के हरवाह हबै पय अगर तुम बेकार काम करथा, ता उनखर लग डर, काखे ओखर हाथ हे तलबार बेकार नेहको हबै, ऊ भगवान के चुने हर सेबक हबै, ओखर क्रोध के साधन हुइके कुकरमिन के सजा देथै। 
\v 5 इहैनिता न सिबाय क्रोध लग बचै के निता बलुक अन्तरातमा के कारन तुमही साहबन के अधीन रहै चाही।
\p
\v 6 तुम इहैनिता राज बेयाज चुकथा, साहब भगवान के जनसेबक हबै अउ उन अपन सेबा हे लगे रथै। 
\v 7 जेही जउन कुछु देय जाय के निरधारित हबै, उके ऊ देया, जेही पइसा देय के हबै, उके पइसा देया, जेही पइसा उके पइसा देया, जेखर लग डरै का चाही, ओखर लग डर अउ जेखर इज्जत जरूरी हबै, ओखर इज्जत करा।
\s भाई चारे कर माया
\p
\v 8 अक दूसर लग माया करैका छांडके दूसर कउनो बातन के करजदार नेहको होय चाही, काखे जउन दूसर के माया करथै, ऊ मूसा कर नियम के मान लय हबै। 
\v 9 काखे गलत काम झइ करा, हत्या झइ करा, चोरी झइ करा, लालच झइ करा अउ एखर अलाबा अगर कउ दूसर आदेस होय ता ओखर मतलब इहै हबै, अपन परोसी के निता तुम्हर माया ओसनेन होय जसना तुम्हर खुदय के निता हबै। 
\v 10 माया परोसी के संग बुरा नेहको करथै, इहैनिता जउन माया करथै, ऊ नियम के पूर करथै।
\s मसीह के रोज के पल्ला देखना
\p
\v 11 जरूरी हबै कि तुम टेम के चीन्हिस तुम्हर नींद लग जाग जाय के टेम आय चुके हबै, ऊ टेम के बराबरी हे, जब हम हइ बिस्वास के अपनाय रथन, हमर मुकति के परति लिघ्घो हबै। 
\v 12 रात बोहत गुजर गय हबै अउ बेरा निकरै बाले हबै, इहैनिता हम अंधियार के कामन के छांडके उजेड के हथियार धारन के लइ। 
\v 13 हमर स्वभाव टेम के जसना, दिन के ओग होय, हम रंगरेलियों अउ दरुहा अउ बेभिचार अउ भोगबिलास, झगडा अउ जलन लग दुरिहां रहै। 
\v 14 तुम परभु यीसु मसीह के धारन करा अउ देह के बेकार इक्छा पूर करै के परयास झइ करा।
\c 14
\s तुम्हर भाई हे दोस झइ लगा
\p
\v 1 जउन बिस्वास हे कमजोर हबै, ओही अपन संगति हे रखला, पय संका हे ओखर नियाव करै के छमता हे झगडा झइ करा। 
\v 2 अक्ठी मनसे के पूर बिस्वास हबै, कि सब कुछ खाय के सही हबै, पय जउन बिस्वास हे ढिलवा हबै, ऊ सबजी भाजी खथै। 
\v 3 नेहको खाय बाले खाय बालेन के दोस झइ लगामै अउ नेहको खाय बाले खाय बालेन हे कमी झइ खोजै काखे भगवान उके अपनाय हबै। 
\v 4 तुम कोहर हबा, जउन भगवान के हरवाह जन के दोसी ठहराबा? असना मनसे अपन परभु के आगू जिम्मेदारी हबै, इहैनिता भगवान बाफ उके ठाड रखै हे सक्तिसाली हबै।
\p
\v 5 अक्ठी मनसे सोचथै, कि अक रोज दूसर रोज लग निक्खा हबै, दूसर मनसे सोचथै, कि हर रोज अक जसना हबै, एखर बारे हे हर मनसे अपन मन हे पूर बिस्वास करथै। 
\v 6 जउन कउनो रोज के मानथै, ऊ परभु के निता मानथै, जउन खथै, ऊ परभु के निता खथै, काखे ऊ भगवान के धन्यबाद करथै, अउ जउन नेहको खथै, ऊ परभु के निता नेहको खथै, अउ भगवान के धन्यबाद करथै। 
\v 7 काखे हमर मसे कउनो अपन निता नेहको जीथै, अउ न कउ अपन निता मारथै। 
\v 8 अगर हम जिन्दा हबन, ता परभु के निता जिन्दा हबन, अउ अगर मरथन ता परभु के निता मरथन, पय हम जिन्दा रही या मरी, हम परभु के हबन। 
\v 9 काखे मसीह इहैनिता मरिस अउ जिन्दा हुइ गइस, कि ऊ मरे हर मसे अउ जिन्दन के, दोनोन के परभु हबै। 
\v 10 तै अपन भाई हे काखे दोस लगाथा? या तै फेर काखे अपन भाई के बेकार समझथा? हम सबके सब भगवान के नियाव के रोज सिहासन के आगू ठाड हुइबे। 
\v 11 काखे लिखवरे हबै, परभु कथै,
\q1 जसना मै जिन्दा हव अउ कथो,
\q2 कि सबझन के घुटवा मोर आगू हे झुकही,
\q2 अउ सब जीभ भगवान के सुइकार करी।
\p
\v 12 इहैनिता हमर मसे सबझन भगवान के अपन-अपन हिसाब-किताब दइहीं।
\s अपन भाई के भुलाय जाय के कारन झइ बन
\p
\v 13 इहैनिता हम अक दूसर के दोस लगामै के छांडके अपनै हे निहचित के लेय कि कउनो अपन भाई के गली हे ठोकड के कारन पइदा झइ करै अउ न जाल बिछामै। 
\v 14 मै जानथो अउ परभु यीसु हे मोके बिस्वास हुइस, कि कोनो चीज अपने अपन हे बेकार नेहको होथै, पय जउन उके बेकार समझथै, ओखर निता बेकार हबै। 
\v 15 अगर तोर भाई तोर भात के निता गुसाथै, ता फेर तै माया के जसना नेहको रेंगथै, जेखर निता यीसु मसीह मरिस, कि तै अपन भात के दवारा नास झइ के। 
\v 16 तुम्हर आगू जउन निक्खा हबै, ओखर बारे हे बुराई झइ करा। 
\v 17 काखे भगवान कर राज खाय-पिये के नेहको, पय धरमी अउ मेलजोल अउ खुसी हबै, पवितर आतमा लग होथै। 
\v 18 काखे जउन मसीह के सेबा करथै, ऊ भगवान के मगन करथै अउ मनसेन के बिस्वास करै बाले हबै।
\p
\v 19 हम असना बातन हे लगे रही जेखर लग सान्ति के बढाबा मिलथै, अउ जेखर दवारा अक दूसर के उन्नत के सकथन। 
\v 20 भात के निता भगवान के काम झइ बिगडै, सब कुछ सुध्द तो हबै, पय ऊ मनसे के निता बेकार हबै, जेही ओखर भात लग ठोकड लगथै। 
\v 21 निक्खा तो हइ हबै, कि तै झइ गोस खा, अउ झइ दारू पिया अउ न असना कुछ करा जेखर लग तोर भाई के ठोकड लगै। 
\v 22 तोर जउन बिस्वास हबै, उके भगवान के आगू अपन मन हे धर, धन्य हबै ऊ जउन ऊ बात हे जेही ऊ निक्खा समझथै, अपन खुद के दोसी नेहको ठहराथै। 
\v 23 पय जउन संकोच करै के खथै, ऊ सजा के भागी ठहर चुके हबै, काखे ऊ बिस्वास लग नेहको खथै अउ जउन कुछ बिस्वास लग नेहको होथै, ऊ पाप हबै।
\c 15
\s सिबाय खुद के नेहको पय अपन संगी के खुस करा
\p
\v 1 इहैनिता हम सक्तिसाली हबै करके, हमही ढिलवा मनसे के कमजोरी हे मदत करै चाही अउ खुद के मगन नेहको करै चाही। 
\v 2 हमर मसे सबझन अपन परोसी के ओखर भलाई के निता, मगन करा कि ओखर उन्नत होय। 
\v 3 काखे मसीह अपन खुद के मगन नेहको करिस, पय जसना लिखवरे हबै, तोर बुराई करै बाले के, बुराई मोर हे आ गय हबै। 
\v 4 जेतका बात आगू लग लिखवरे गय हबै, ऊ हमरेन सिक्छा के निता लिखवरे हबै, कि हम धीर अउ भगवान कर बचन के उकसामै के दवारा आसा रखा। 
\v 5 धीर अउ सान्ति के दाता भगवान तुमही हइ बरदान दे, कि मसीह यीसु के जसना सक दूसर लग अक्ठिन मन रहा। 
\v 6 ताकि तुम अक्ठी मन अउ अक्ठी आरो हे, परभु यीसु मसीह के बाफ भगवान कर महिमा करा।
\s यहूदी अउ गैर यहूदी के निता संदेस
\p
\v 7 इहैनिता जसना मसीह भगवान कर महिमा के निता तुमही सुइकार करे हबै, ओसनेन तुम अक दूसर के सुइकार करा। 
\v 8 इहैनिता मै कथो कि मसीह जउन बादा बाफ दादा के दय गय रहिस, भगवान के सच्चाई के परमाड देय के निता, उनही मजबूत करै के निता, खतना करे हर मनसेन के सेबक मानथै। 
\v 9 अउ इहैनिता कि गैर यहूदिन के दया मिले, भगवान के भजन करै, जसना लिखवरे हबै,
\q1 इहैनिता मै गैर यहूदी हे धन्यबाद करहुं,
\q2 अउ तोर नाम के महिमा के भजन गाहुं। 
\v 10 फेर कथै,
\q1 हे गैर यहूदी के सफ्फा मनसे, ओखर चेलन के संग मगन होबा, 
\v 11 अउ फेर,
\q1 हे गैर यहूदी के सब मनसे परभु के भजन करा,
\q2 अउ हे देस-देस के सगलू मनसे ओखर बडाई करा।
\p
\v 12 अउ फेर यसायाह कथै,
\q1 इसै\f + \fr 15:12 \fr*\ft दाऊद के बाफ\ft*\f* फेर अक्ठी जर परगट होही,
\q2 अउ गैर यहूदी आसा रखही।
\p
\v 13 भगवान जउन आसा के दाता हबै, तुमही बिस्वास करै हे सबैमेर के मगन, अउ सान्ति लग भरपूर करा, कि पवितर आतमा के सक्ति लग तुम्हर आसा बढत जाय।
\p
\v 14 हे मोर भाइयो जिहां तक तुम्हर बारे हे बिना संकोच हव अउ बिस्वास हे तुम खुदय निक्खा अउ सगलू ग्यान लग पूर हबा अउ पूर समझ के संग अक दूसर के चेतन्त दइ सका। 
\v 15 तउभरमा मै कहुं-कहुं सुरता करवामै के निता, तुमही जउन बोहत हिम्मत करके लिखो, हइ ऊ दया के कारन हुइस, जउन भगवान मोके दय हबै। 
\v 16 कि मै गैर यहूदी के निता मसीह यीसु के हरवाह हुइके, भगवान के संदेस के सेबा याजक के जसना करव, जेखर लग गैर यहूदी के बलि चढामै, पवितर आतमा लग सुध्द बनके सुइकार करे जाय। 
\v 17 इहैनिता उन बातन के बारे हे, जउन भगवान लग मतलब रखथै, मै मसीह यीसु हे बडाई के सकथों। 
\v 18 काखे उन बातन के छांड मोके अउ कोनो बात के बारे हे, कहे के हिम्मत नेहको, जउन मसीह गैर यहूदी के वस हे होय के निता, बचन अउ करम, 
\v 19 अउ चिन्हा अउ अदभुत कामन के सक्ति लग अउ भगवान के पवितर आतमा के सक्ति लग मोरेन दवारा करिस, इहां तक कि मै यरुसलेम लग लइके, चारो चउगिरदा इल्लुरिकुस तक मसीह के संदेस के पूर-पूर परचार करव। 
\v 20 पय मोर मन के मगन हइ हबै, कि जछो-जछो मसीह के नाम नेहको लेथै, उहै संदेस सुनाहूं असना झइ होय कि दूसर के नीह हे घर बनाव। 
\v 21 पय जसना लिखवरे हबै,
\q1 ओसनेन होय, जिनखर लिघ्घो संदेस नेहको पहुंचे हबै उहै देखही,
\q2 अउ जउन नेहको सुनै हबै, उहै समझही।
\s पोलुस के रोम जाय के योजना
\p
\v 22 इहैनिता मोके तुम्हर लिघ्घो आमै लग बेर-बेर रोकथै। 
\v 23 पय अब इन देसन हे मोर काम करै के निता अउ जिघा नेहको रथै अउ मै बोहत सालन लग तुम्हर लिघ्घो आमै के सोचत रहों। 
\v 24 इहैनिता जब मै स्पेन छो जहुं, ता तुम्हर लिघ्घो होत जहुं, काखे मोके आसा हबै कि ऊ यातरा हे तुम्हर लग मुलाखात होही अउ जब तुम्हर संग उठा-बइठक लग मोर मन कुछ भर जही, ता तुम मोके कुछ दुरिहां तक पठोय दइहा। 
\v 25 पय अबे तो मै पवितर मनसेन के सेबा, करै के निता यरुसलेम छो जथो। 
\v 26 काखे मकिदुनिया अउ अखाया के मनसेन के हइ, निक्खा लगिस कि सहभागी के कमरा हे यरुसलेम के पवितर मनसेन हे, गरीबन के निता कुछ चन्दा करी। 
\v 27 उनही तो निक्खा लगिस, पय उन उनखर करजदार हबै, काखे अगर गैर यहूदी उनखर आतमिक बातन हे साझा होय, ता उनोन के निक्खा हबै, कि देहन बातन हे उनखर सेबा करी। 
\v 28 इहैनिता मै हइ काम पूर करके अउ उनखर हइ चन्दा सउप के तुम्हर लिघ्घो होवत ओसनेन स्पेन के जइहों। 
\v 29 अउ मै जानथो के जब मै तुम्हर लिघ्घो अइहों, ता मसीह के पूर आसीस के संग अइहों।
\p
\v 30 हे भाइयो, हमर परभु यीसु मसीह के अउ पवितर आतमा के माया के धियान दिलाय के मै तुमही उकसामै के निता भगवान लग बिनती करथो कि मोर संग मिलके लवलीन रइहों। 
\v 31 मै यहूदिया के अबिस्वासी लग बचे रइहों अउ मोर ऊ सेबा जउन यरुसलेम के निता हबै, पवितर मनसे के भाही, 
\v 32 अउ मै भगवान के इक्छा लग तुम्हर निता खुसी के संग आयके तुम्हर संग अराम पाहूं। 
\v 33 सान्ति के भगवान तुम सगलू के संग रहै। ओसनेन होय।
\c 16
\s रोम के मसीहिन के पोलुस कर सोगत
\p
\v 1 मै किंख्रिया सहर के मंडली के सेबिका हमर बेहन फीबे के निता तुम्हर लग बिनती करथो, 
\v 2 तुम परभु हे ओखर हरवाह के सोगत करा अउ ओही कउनो चीज के जरूरत होही, ता हर मेर लग ओखर सहयोग करा, काखे ऊ बोहत झन के अउ मोरो बडा सहयोग करे हबै।
\p
\v 3 यीसु मसीह हे अपन दोनो सहकर्मी प्रिस्का अउ अक्विला के नमस्ते, 
\v 4 जउन मोर परान बचामै के निता अपन हे जीवन दुख हे डार दय रथै अउ केबल मै नेहको पय गैर यहूदी के सगलू मंडली उनखर धन्यबाद करथै। 
\v 5 उनखर घर हे अक जिघा होमै बाले मंडली के नमस्ते।
\p मोर पिरिया दोस इपैनितुस के जउन मसीह के निता आसिया परदेस के पहिले फडुहा हबै, नमस्ते 
\v 6 अउ मरियम के नमस्ते, जउन तुम्हर निता बोहत मेहनत करिस, 
\v 7 मोर सहकर्मी अउ मोर संग जेल हे बन्द होय रहिन अन्द्रुनीकुस अउ बेहन यूनियास के नमस्ते। जउन चेलन हे सम्मानित हबै अउ मोर लग पहिले मसीह के चेला बनिन।
\p
\v 8 अम्पलियातुस के जउन परभु हे मोर पिरिया हबै, नमस्ते। 
\v 9 उरबानुस के जउन मसीह हे हमर सहकर्मी हबै अउ मोर पिरिया इस्तखुस के नमस्ते। 
\v 10 जउन मसीह हे अपिल्लेस के अउ अरिस्तुबुलुस के परवार के नमस्ते। 
\v 11 मोर परवार हेरोदियन के अउ नरकिस्सुस के परवार के जउन परभु हे हबै नमस्ते।
\p
\v 12 तरुफोना अउ तरूफोसा के जउन परभु हे मेहनत करथै नमस्ते। पिरिया पिरसिस के, जउन परभु हे बोहत मेहनत करिस, नमस्ते। 
\v 13 रूफुस के जउन परभु हे चुने हर हबै अउ ओखर दाय के जउन मोरो दाय हबै, दोनो झन के नमस्ते। 
\v 14 असुंक्रितुस, फिलगोन, हिरमेस, पतरुबास, हर्मास अउ उनखर संग के भाई के नमस्ते। 
\v 15 फिलुलुगुस, यूलिया, नेर्युस अउ ओखर बेहन अउ उलुम्पास अउ उनखर संग के सगलू पवितर मनसेन के नमस्ते।
\p
\v 16 अपन हे पवितर चुम्मा लग नमस्ते। तुमही मसीह के सगलू मंडली के पल्लन लग नमस्ते।
\p
\v 17 हे भाई अउ बेहन मै तुम्हर लग बिनती करथो, कि जउन सिक्छा के बिरोध फूट डालै अउ फसामै के ठोकड बनथै, उनही जांच लय करा अउ उनखर लग दुरिहां रहा। 
\v 18 काखे असना मनसे हमर परभु मसीह के सेबा नेहको करथै, पय अपन पेट के निता सेबा करथै अउ चिकनी चुपडी बातन लग सिधे साधे मन के मनसेन के बहकाय देथै। 
\v 19 तुम्हर नियम मानै के चरचा सगलू मनसे हे बगर गय हबै, इहैनिता मै तुम्हर बारे हे खुसी हबो, पय मै हइ चाहथो कि तुम भलाई के निता होसियार अउ बुराइन के निता सीधा बने रइहा। 
\v 20 मुकति के परभु भगवान भुतवा के तुम्हर गोड लग जलदी कुचरवा दइहों।
\p हमर परभु यीसु मसीह के अनुगरह तुम्हर हे होतै रहै।
\p
\v 21 मोर सहकर्मी तीमुथियुस के अउ मोर बेरादरी लूकियुस अउ यासोन अउ सोसिपतरुस के तुमही नमस्ते।
\p
\v 22 मोर पतरी के लिखे बाले तिरतियुस के परभु हे तुम के नमस्ते।
\p
\v 23 गयुस जउन मोर अउ मंडली के पहुनाई करै बाले हबै, उनखर तुमही नमस्ते। इरास्तुस जउन गांव के भन्डारी हबै अउ भाई क्वारतुस के नमस्ते। 
\v 24 हमर परभु यीसु मसीह के किरपा तुम सब हे बनी रहै।
\s भगवान कर महिमा
\p
\v 25 अब जउन तुमही मोर संदेस पय यीसु मसीह के संदेस के परचार के जसना ठाड के सकथै, सत्य के उजियार के जसना जउन पाछू अनन्त काल लग लुके रथै। 
\v 26 पय अब परगट होय के पुरखन सनातन भगवान के नियम लग ग्यानी मनसेन के किताब के दवारा सब जातन के गुठेय गय हबै कि उन बिस्वास लग नियम मानैबाले हुइ जइहा, 
\v 27 उहै अक्ठी होसियार भगवान के यीसु मसीह के दवारा सबरोज महिमा होतै रहै। ओसनेन होय।