\id ROM - Bhilali Standard Project
\ide UTF-8
\h रोमी
\toc3 रोमी
\toc2 रोमी
\toc1 रोमीन मंडळी वाटे पोलुसेन चिट्‌ठी
\mt2 रोमियों की कलिसीया के लिए पौलुस की पत्री
\mt1 रोमीन मंडळी वाटे पोलुसेन चिट्‌ठी
\imt रोमीन बारामां
\ip रोमेन किताप नेवताळु पोलुस धड़े-वड़े 54-58 सालेन ईचमां ईसु मसीन पयदा हवणेन पछे लिखली हतली पोलुस रोमनेन चाल सी पेहल हयु जी चिट्‌ठी रोम मां भुरसु करने वाळा साते समजाड़ने वाटे मकल्‌यु जे की दुयु यहुदी ने नी-यहुदी वाटे हयु कुरींथी सहर सी जी चिट्‌ठी लिखलु हतलु जां चु हीनी टेमे चां रय रवलु पोलुस जी चिट्‌ठी हेरे सी लिखलु काहाकी आखा देसेन माणसे ईसु मसी पर भुरसु करीन मान सके। \xt 16:26\xt*
\ip रोमेन किताप आखी जागा ने आखी टेम भुरसु करने वाळा माणसे वाटे जरुड़ी किताप छे काहाकी पोलुस साप-साप ने वारु तरह सी समजाड़्‌यु की आपणु ईसु मसीन साहरे छुटकारु हय सके पोलुस ईसु मसीन खुस-खबर काजे जुन्‌ला नीयम सी बी जड़्‌यु काय पुजारा बी वीच्‌यार करला छे की किताप मां आखी सी जरुड़ी बुल \xt 1:16\xt* छे जी कवे मेसे खुस-खबर सी कुय सरम नी हय काहाकी ज आखा वाटे भुरसु करे हींद्‌रे वाटे छुटकारु भगवानेन ताकत छे पेहल यहुदी वाटे अळतेन नी-यहुदी वाटे रोमेन पेहलु भाग \xt 1:12\xt* उंडाय सी धरम सास्‌तुर छे ने दीसरु भाग (13-15) मां सी मसी जीवन वाटे वेहवार सी समजाड़नु छे।
\iot बाहरती वात
\io1 1. पोलुस आपणी चिट्‌ठी मामुली रुप सी खुदेन बारामां बताड़तु जाय्‌न सुरु करे की चु कुणीक लिख रयु। \ior 1:1-15\ior*
\io1 2. हेरे पछेन चु ईसु मसी ईचमां सी माणुस जातीन दसा ने वीच्‌यारीन छुटकारान बारामां लिखलो छे। \ior 1:16—11:36\ior*
\io1 3. हेरे पछेन पोलुस मसी जीवन जीवणे वाटे काय वेहवार सी समजाड़्‌यु। \ior 12:1—15:13\ior*
\io1 4. चु रोमन मंडळी मां माणसे काजे काय वारु छे की कय्‌न रोमेन किताप लिखीन सार देदु। \ior 16\ior*
\c 1
\s आव-भाव करनु
\p
\v 1 पोलुस भीणी सी जु ईसु मसीन पावर्‌यु छे, ने नेवताळु हवणे करीन बुलावलु छे, ने भगवान तीना खुस-खबर वाटे नेवाड़लु छे।
\p
\v 2 तेरी चु पेहलुत सी आपणी भगवानेन अघी सी आवणे वाळी वात देखाड़न्‌यान साहरे चुखला\f + \fr 1:2 \fr*\ft पवित्र चुखो\ft*\f* सास्‌तुर मां, वायदु करलु हतलु। 
\v 3 गुयु हेरु पुर्‌या काजे आपणा मालीक ईसु मसीन बारामां आस लागाड़्‌यु; चु डीलेन भाव सी ते दावुदेन खानदानी\f + \fr 1:3 \fr*\ft वंशखानदानी\ft*\f* सी पयदा हयु 
\v 4 ने चुखली-आत्‌मान भाव सी ईसु मरलाम सी जीवतु हवणेन वजे सी ताकुतेन साते भगवानेन पुर्‌यु ठेहरलु छे। 
\v 5 हेरे साहरे आपणु काजे बेसकी वारु दया ने नेवताळा बननेन मुखु जड़्‌यु हेरा नावेन वजे सी आखा नी-यहुदी माणसे भुरसु करीन हेरी माने, 
\v 6 तेरेमां तुहुं बी ईसु मसीन हवणे वाटे बुलावला छे।
\p
\v 7 तीनु आखान नाव जे रोम मां भगवानेन लाटेक्‌ला छे ने चुखला हवणे वाटे बुलावला छे:
\p आपणु बास भगवान ने मालीक ईसु मसी भीणी सी तुहुं काजे गीण-दया ने सांती जड़ती रवे।
\s तु बेसकु वारु छे करीन दुवा
\p
\v 8 पेहेल मे तुहुं आखा वाटे ईसु मसीन साहरे आपणा भगवान काजे तु बेसकु वारु छे करीन कहुं, काहाकी तुंद्‌रा भुरसान वात आखा कळी मां हय रय 
\v 9 भगवान तेरी चाकरी मे आपणी आत्‌मा सी हेरा पुर्‌यान खुस-खबरेन बारामां करो, हयुत मारु गवा छे की मे तुहुं काजे काहनी रीत सी लगातार हेर करतु रव, 
\v 10 ने जलम असु वीन्‌ती करो की भगवानेन मरजी सी काहली-ने-काहली रीत सी मेसे आकरी मां तुंद्‌रे धड़े आवणे वारु मुखु जड़े। 
\v 11 काहाकी मे तुंद्‌रे सी भेळु हवणेन लालुच करो की मे तुहुं काजे कुय जीव-आत्‌मान वाटु आपो तेरे सी तुहुं काठा हय जावु; 
\v 12 अळतेन ज की जत्‌यार मे तुंद्‌रे ईचमां रवो, ती हामु तीना भुरसान साहरे ज हामरे मां, ने तुंद्‌रे मां छे एक दीसरा सी वात वीच्‌यार जड़े।
\p
\v 13 ए भायसे, मे नी चाहतु की तुहुं हेरे सी अणजाण्‌या रवु की मे काय कावा तुंद्‌रे धड़े आवणे चाह, की जसा मेसे नी-यहुदी नी जाणे तीनी जाती मां फळ जड़्‌यो, असात तुंद्‌रे मां बी जड़से, बाकुन हय लग रुकायलो छे। 
\v 14 मारे पर युनानी माणसेन ने नी-यहुदी, ने अक्‌कल वाळा ने डेड़-अकल्‌या माणसेन करजु छे। 
\v 15 अळतेन मे तुहुंक बी जे रोम मां रवु, खुस-खबर सामळवणे करीन काहाली बी टेम मां तीयार छे।
\s खुस-खबरेन ताकत
\p
\v 16 काहाकी मे खुस-खबर सी नी सरमांयो, हेरे सी की चु आखा जणा जे भुरसु करने वाळा वाटे, पेहेल ते यहुदी अळतेन नी-यहुदी वाटे, छुटकारान करीन भगवानेन ताकत छे। 
\v 17 काहाकी हेरे मां भगवानेन वारलु भुरसा सी ने भुरसा वाटे देखाये; जसों लिखलो छे, “भुरसा सी वारलु माणसे जीवता रवसे।”
\s माणुस जातीन पाप
\p
\v 18 भगवानेन रीस ते तीनु माणसे आखी नी भक्‌ती ने पाप पर चाले सरगे सी पड़से ज छाचाय्‌न वात काजे पाप करीन चीपदीन राखे। 
\v 19 हेरेसी की भगवानेन बारामां अक्‌कल हींद्‌रे मने मां देखायसे, काहाकी भगवान हींद्‌रे बारामां बताड़लु छे। 
\v 20 जत्‌यार सी कळी बणी हेरी नी-देखाय असली खास जलमेन ताकत ने भगवानेन गुण साप देखाये काहाकी हीनु चीजे सी पुरी रीती सी जाणी जाय सके जी भगवान बणावलु छे हेरेसी माणसे भीणी काय बाहनो नी हय। 
\v 21 हेरे वजे सी चे भगवान काजे जाणे तेबी चे भगवानेन जसी बड़ाय करनु चाहजे बाकुन तसी बड़ाय नी कर्‌या ने जसा भगवान काजे तु बेसकु वारु छे करीन कहंणु चाहजे तसा नी कह्‌या, बाकुन असलात वीच्‌यार करने बाजी गुया, जां लग की तींद्‌रा डेड़-अकल्‌या मन आंदारलो हय गुयो। 
\v 22 चे आपसा काजे अक्‌कल वाळा समजीन डेड़-अकल्‌या बण गुया, 
\v 23 ने जलम लग भगवानेन सेक-सींगार काजे माणसेन सीकु, ने चिरलान सीकु, ने चार पाया जनवार्‌यान सीकु, ने घीसड़ायन्‌या जनवार्‌यान सीकु समजीन तींद्‌री पुजा-पाट करने बाजी गुया।
\p
\v 24 हेरे वजे सी भगवान बी तीनुक हींद्‌रे मनेन हरेन अनसारे वीटळने करीन छुड़ देदु की चे एक दीसरान डीलेन अबरु नी करे। 
\v 25 काहाकी चे भगवानेन छाचाय काजे झुट साते भेसकी देदा, ने कळीन उपास ने चाकरी, ने पुजा-पाट सुरु कर देदा बाकुन कळ काजे घड़न्‌या भगवानेन भक्‌ती ने पुजा-पाट नी कर्‌या। भगवान जलम बेसका वारु छे! असोत हवतो रवे।
\p
\v 26 हेरेसी भगवान बी तीनु काजे गांडा हरेन हक मां रवणी देदु; जां लग की बायरा साते सवसार करने बाजी गुया। 
\v 27 ने अदमी बायरा साते सवसार करने रहणीदीन ने अदमी-अदमी साते सवसार करने ने कराड़ने ने चे चंगलाय ने सवसार करने हायाळ्‌ळा बण गुया। तीनुक बे सरम्‌या पापेन डंड, आपसा डील मां जीवतेला काजे भुकेतणु पड़्‌यो।
\p
\v 28 जत्‌यार चे भगवान काजे उळखणे नी हींडतेला, भगवान बी तीनु काजे हींद्‌रे भुंडले मनेन वजे सी रवणी देदु की चे जे कामे चे नी करनु चाहजे असला काम करने बाजी गुया। 
\v 29 चे आखी तरान वारलु काम नी करन्‌या ने पाप ने हाय-हाय ने कुहरायन वीच्‌यार सी भराय गुया, ने मनेन काट खुन ने झगड़ा, ने ठगणे वाळा भुंड्‌ला वीच्‌यार सी भराय गुया ने एक दीसरान चुगली करने बाजी गुया ने चे जलम दीसरान नुकसाण हवणु चाहजे करीन असात वीच्‌यार कर्‌या करे, 
\v 30 ने चे दीसरान असलात नाव-बद्‌दी करन्‌या, ने भगवान सी रीस करने वाळा, दीसरान अबरु लेण्‌या, ने मटाय कर्‌या, मट्‌ली-मट्‌ली आपरन्‌या, ने कुहरायन वात करने वाळा, आस्‌या-बास्‌यान हुकुम नी मान्‌या, 
\v 31 डेड़-अकल्‌या, धुकु देण्‌या, दया नी करन्‌या ने दया करने मां लुला बण गुया। 
\v 32 चे ते भगवानेन जी रीती जाणे की असला काम करने वाळा काजे मुतेन डंड जड़से, ने आपसात असलो काम करे ने ज असला कामे करे तीनु काजे तु बेसकु वारु करीन बी कह्‌या।
\c 2
\s भगवानेन नीयाव
\p
\v 1 हेरेसी ए दीसरान वाक नीकाळन्‌या, तु काहनु बी हय, तुसेक जपाप नी देवाये; काहाकी तु तीनी वात मां दीसरान वाक नीकाळे तीनीत वात मां तारु बी वाक छे, तेरेमां की तु तीनीत वात मां वाक नीकाळे चेत गलत काम करे। 
\v 2 काहाकी आपणु काजे मालम छे की छाचला-छाचला गलत काम करने वाळा पर भगवान भीणी सी छाचला-छाचला टेम मां डंडेन हुकुम जड़से। 
\v 3 ए माणुस, तु ज असला-असला गलत कामे करने वाळान वाक नीकाळे\f + \fr 2:3 \fr*\ft दोष लगाना\ft*\f* ने आपसुत असला गलत काम करे; ती तु ज समजी र्‌यु काय की मे भगवानेन नीयावेन डंड सी बची जायस? 
\v 4 काय तु भगवानेन भलाय, ने तेरो सहणु, तेरी सेण काजे असलुत समजी र्‌यु काय? ने तुसेक जी वात नी समज मां आवती काय की तेरी मट्‌ली दया पाप भीणी सी मन फीरावणे करीन सीकाड़े? 
\v 5 बाकुन तु आपणा काठला ने कदी नी पसतावु करने वाळा मनेन वजे सी हेरे रीसेन दाहड़ा वाटे, तेरेमां भगवानेन छाचला नीयाव आवसे, तारे वाटे रीस कमाय र्‌यु। 
\v 6 चु एक-एक काजे तींद्‌रा कामेन अनसारे बदलु आपसे। 
\v 7 जे भगवान काजे वारु गमे असो काम काठु रवीन सेक-सींगार, ने आव-भाव, ने अमरेन जीवन काजे हेरसे, तीनु काजे चु जलमेन जीवन आपसे; 
\v 8 बाकुन जे झगड़ा वाळा छे ने छाचाय काजे नी माने बाकुन पाप जाणे हींद्‌रे पर रीस लागसे। 
\v 9 दुख ने गरा एकेक माणसेन जीव पर चे भुंडात काम करे तींद्‌रे पर आवसे, पेहेल यहुदी पर अळतेन नी-यहुदी पर; 
\v 10 बाकुन सेक-सींगार ने आव-भाव ने वारलु सांती एकेक काजे जड़से, जे वारु करसे, पेहेल यहुदी काजे अळतेन नी-यहुदी काजे। 
\v 11 काहाकी भगवान काहनान बी छीट राखीन कुयन नीयाव नी करे।
\p
\v 12 हेरेसी जीनु काजे मुसान साहरे लिखलु कायदु नी जड़्‌यु, पाप कर्‌या चे मुसान साहरे लिखला कायदा पाखुर सरी जासे; ने जीनु काजे मुसान कायदु जड़्‌यु ने पाप कर्‌या, तीनु काजे कायदान अनसारे डंड जड़से; 
\v 13 काहाकी भगवानेन चां मुसान साहरे लिखला कायदा काजे सामळने वाळा वारलु नी, बाकुन मुसान साहरे लिखला कायदा पर चालने वाळा वारलु ठेहरायसे। 
\v 14 अळतेन जत्‌यार नी-यहुदी तींद्‌रे धड़े मुसान साहरे लिखली सास्‌तुर नी हय, तेबी वारु मन सी मुसान साहरे लिखला सास्‌तुरेन वात पर चाले, ती कायदु हींद्‌रे धड़े नी रवे तेबी चे तींद्‌रे वाटे आपसान कायदु छे। 
\v 15 चे कामेन साहरे ने चां कायदा लिखला देखाड़े ने तींद्‌रो हीयो मन गवा देय, ने हींद्‌रा वीच्‌यार एक दीसरा पर गुनु लागाड़े, नीते हीनुक नी-गुनावाळा ठेहरावे; 
\v 16 जी खुस-खबर मे सामळावो तीनी खुस-खबरेन अनसारे ईसु मसीन साहरे भगवान तीने दाहड़े माणसेन सातायला वातेन नीयाव करसे।
\s यहुदी माणसे ने मुसान साहरे लिखलु कायदु
\p
\v 17 कदी तु आपसा काजे यहुदी कहें, ने कायदा मां भुरसु करे, ने तु तारा भगवानेन बारामां मटाय करे, 
\v 18 ने भगवानेन मरजी काजे जाणे ने कायदान सीकाड़नेन वात काजे वारु-वारु वात काजे पाळे; 
\v 19 ने आपसा पर भुरसु करे की मे आंदळा काजे वाट देखाड़्‌यु, ने आंदारला मां भटकी रवला माणसे काजे वीजाळो आपलु छे, 
\v 20 ने डेड़-अकल्‌या काजे सीकाड़ने वाळु, ने पुर्‌या-पारी काजे सीकाड़न्‌यु छे; ने अकल, ने छाचाय सीकाड़नेन वात, जी कायदा मां छे, ची मेसे काजे जड़ली छे। 
\v 21 हेरेसी वीच्‌यार कर तु दीसरा काजे सीकाड़े, ती आपसा काजे नी सीकाड़े काय? तु जु चुरी नी करनु करीन परचार करु, ने आपसात चुरी करे? 
\v 22 तु ज कहें, “छीनाळो\f + \fr 2:22 \fr*\ft व्यभिचार\ft*\f* नी करनु” काय आपसु छीनाळो नी करतु काय? तु जु मुरत्‌या सी रीस करे, काय आपसुत मंदीरेन धन काजे नी लुटे काय? 
\v 23 तु जु मुसान कायदान बारामां मटाय ते करे, कायदा काजे तुड़ीन भगवानेन बदनामी काहा करे? 
\v 24 “काहाकी तुंद्‌रे वजे सी नी-यहुदी मां भगवानेन नावेन वाक वाळा हय रया।” जसों लिखलो बी छे।
\p
\v 25 कदी तु मुसान साहरे लिखला कायदा पर चाले ती ते फतरी काटाड़ने सी नफु हवसे, बाकुन कदी तु मुसान साहरे लिखला कायदा पर नी चाले, ती फतरी काटाणे सी काय बी नफु नी हवे। 
\v 26 हेरेसी कदी फतरी काटे पाखुर माणसे मुसान साहरे लिखला कायदान रीती काजे पाळे ती भले चु फतरी काटाड़्‌यु तेबी चु फतरी काटाड़न्‌या मां नी गीणाये काय? 
\v 27 ने चु माणुस डील मां फतरी नी काटाड़्‌यु ने मुसान साहरे लिखला कायदु पाळी र्‌यु, चु तुसे काजे गुनाळु\f + \fr 2:27 \fr*\ft दोषी\ft*\f* ठेहरावसे भले तारे वाटे मुसान साहरे लिखला कायदा छे, काहाकी तु मुसान साहरे लिखला कायदा पर नी चालतु? 
\v 28 जे बाहार सी यहुदी छे, चे छाचलीन यहुदी नी हय ने डीलेन फतरी काटाड़े छाचलीन फतरी काटाड़न्‌यु नी हय। 
\v 29 बाकुन खास यहुदी हयुत छे जु मन मां यहुदी छे, ने फतरी काटाड़्‌लु हयुत छे जु मन मां ने जीव-आत्‌मा मां छे ने चु लिखली वातेन अनसारे फतरी काजे काटाड़लु बी नी हय, बाकुन\f + \fr 2:29 \fr*\ft परन्तु\ft*\f* असली ईज्‌जत माणसे काजे माणुस भीणी सी ईज्‌जत नी जड़े बाकुन भगवान भीणी सी ईज्‌जत जड़े।
\c 3
\p
\v 1 अळतेन यहुदी बन्‌ने सी काय फायदु ने नीते फतरी काटणे सी काय नफु? 
\v 2 आखे आन्‌गे सी बेसकु फायदु पेहेल ते ज की भगवानेन बुल\f + \fr 3:2 \fr*\ft वचन\ft*\f* तीनु काजे सुपलु हतलु। 
\v 3 कदी हींद्‌रे मां भुरसु नी करे असला बी नीकळी जाय ती काय हय गुयो? काय हींद्‌रे भुरसा मां धुकु देणे सी भगवानेन छाचाय फालतु हय जासे काय? 
\v 4 कदी नी बाकुन भगवान छाचलु रवसे
\q1 ने आखा माणसे लुच्‌चा रवसे, जसों लिखलो छे,
\q2 “तेरी तु आपणी वात मां वारलु छे ने नीयाव करनेन टेम मां तु छाचलु छे।”
\p
\v 5 हेरेसी कदी आपणु जे भुंडो काम करजे चे भगवानेन धरम काजे पाक्‌को करे, ती आपणु काय कहंजे? काय ज की भगवान जु रीस करे नीयाव नी करन्‌यु छे काय? ज ते माणसेन रीत पर कय र्‌यु। 
\v 6 कदी नी नीते भगवान कसु कळीन नीयाव करसे?
\p
\v 7 कदी मारा झुटेन वजे सी भगवानेन छाचाय हेरे सेक-सींगार वाटे, जादा करीन उजेंतु हवे ती पेहेल काहा तु पापी छे करीन मारु नीयाव हवे? 
\v 8 “हामु काहा नाव-बद्‌दी नी करजे की भलाय नीकळे?” जसों हामरे पर जु वाक नीकाळी बी र्‌या, ने काहानाक कहें की हींद्‌रो जत कहंणु छे। बाकुन असलात गुनु लागाड़नु वारु छे?
\s कुय बी वारलु नी हय
\p
\v 9 ती पछेन काय हयो? काय आपणु हींद्‌रे सी वारलु छे? कदी नी; काहाकी आपणु यहुदी ने नी-यहुदी दुयु पर गुयु गुनु लागाड़ी देदला छे की चे आखा ने आखा पापेन हक मां छे। 
\v 10 जसों लिखलो छे:
\q1 “कुय बी वारलु नी हय, एक बी नी हय।
\q2
\v 11 कुय बी समजदार नी हय;
\q2 कुय बी भगवान काजे हेरने वाळु नी हय।
\q1
\v 12 आखा भटकी गुयला छे,
\q2 आखान आखा बीगड़ी गुयला छे;
\q2 कुय बी भलाय करने वाळु नी हय, एक बी नी हय।
\q1
\v 13 तींद्‌रु गळु मसाणेन तसु छे,
\q2 चे आपणा जीप्‌या सी झगड़ा करे,
\q2 हींद्‌रा हुटड़ा मां घड़सान जहर भरलु छे।
\q2
\v 14 हींद्‌रो मुंहडो\f + \fr 3:14 \fr*\ft मुहं\ft*\f* रीस ने कड़वान सी भरायलो छे।
\q1
\v 15 हींद्‌रा पाय माणसे काजे मारीन खुन करने उतवाळा रवे,
\q2
\v 16 हींद्‌रे वाट मां नुकसाण ने दुख छे,
\q1
\v 17 चे सांतीन वाट नी जाणे।
\q2
\v 18 हींद्‌रा डुळा अगळ भगवान काजे देखीन बी नी बीहे।”
\p
\v 19 हामुक मालम छे की मुसान कायदु जु काय कहें तींद्‌रे सी कहें, जे मुसान कायदान हक मां छे; हेरेसी एकेक जणान मुंहडो बन्‌द हय जाणु चाहजे ने आखी कळी भगवानेन डंडेन वाटे रवे; 
\v 20 काहाकी मुसान कायदान काम सी कुय जीव बी हेरे अगळ वारलु नी गीणाये, हेरेसी की मुसान कायदान साहरे पापेन उळखान हवे।
\s भुरसान साहरे वारलु
\p
\v 21 बाकुन हय मुसान कायदा सी अलग भगवानेन चु वारलु उजेंतु हयु, की तेरी गवाय मुसान कायदु ने भगवानेन अघी सी आवणे वाळी वात देखाड़न्‌यान देय, 
\v 22 ने भगवानेन चु धरम ज्‌य ईसु मसी पर भुरसु करने सी आखा भुरसु करने वाळा वाटे छे। काहाकी काय बी छीट नी हय; 
\v 23 हेरेसी की आखान ने आखा पाप कर्‌या ने भगवानेन सेक-सींगार सी छेटे हय गुया, 
\v 24 बाकुन भगवानेन गीण-दया सी तीना छुटकारान साहरे ज ईसु मसी मां छे, फेरी मां वारलु ठेहरावलु छे। 
\v 25 ईसु मसी काजे भगवान लुही सी पापेन डंड भरन्‌यु बणाय देदु, ने ईसु पर भुरसु करने सीत आपणु काजे छुटकारु जड़े, जे माणसे पाप पेहेल करला ने भगवान तींद्‌रा पाप काजे सेण करतु र्‌यु ने तींद्‌रा चु ईसुन साहरे आपसान धरम उजेंतु कर्‌यु। 
\v 26 बाकुन ईनेत टेमे तेरु धरम उजेंतु हवे तेरेसी चु आपसुत वारलु गीणायसे, ने जे ईसु पर भुरसु करे तीनु काजे बी वारलु बणावसे।
\p
\v 27 ती मटाय करनु काहा र्‌यो? हेरी ते जागा नी हय। काहानी मुसान कायदान वजे सी? काय वारलु करने मुसान कायदा सी? नी बाकुन भुरसान कायदान वजे सी। 
\v 28 हेरेसी कुय माणुस मुसान कायदान कामेन अनसारे चालीन नी, बाकुन भुरसान साहरे धरमी बण सके। 
\v 29 काय भगवान यहुदीयान अतरुत छे काय? काय नी-यहुदीन नी हय? हव नी-यहुदीन बी छे। 
\v 30 काहाकी एकुत भगवान छे, जु फतरी काटाण्‌या काजे भुरसा सी ने नी फतरी काटण्‌या काजे बी भुरसान साहरे\f + \fr 3:30 \fr*\ft द्वारा\ft*\f* वारलु ठेहरावे। 
\v 31 ती काय आपणु मुसान साहरे लिखला कायदा काजे भुरसान साहरे फालतु ठेहरावजे? कदी नी बाकुन मुसान साहरे लिखला कायदा काजे जादा ताकतवाळु बणावे।
\c 4
\s अब्‌राहमेन दाखलु
\p
\v 1 तेरेमां हामु अब्‌राहमेन बारामां काय कहंजे जु डीलेन अनसारे हामरु डाहालु हतलु तीनाक काय जड़्‌यो? 
\v 2 काहाकी कदी अब्‌राहमेन काम सी धरमी गीणायतु, ती तीनाक मटाय करनेन जागु रवतु, बाकुन भगवान अगळ तीनाक मटाय करनेन गाळु नी हय। 
\v 3 चुखलो सास्‌तुर\f + \fr 4:3 \fr*\fq चुखलो सास्‌तुर \fq*\ft पवित्रशास्त्र\ft*\f* काय कहें? ज्‌य की, “अब्‌राहम भगवान पर भुरसु कर्‌यु, ने जु भुरसु तेरे वाटे वारलु गीणायु।” 
\v 4 काम करने वाळान दाहड़की आपणु दान नी, बाकुन हक गीणाये। 
\v 5 बाकुन जु काम करनु रवणी दीन तीना भगवान पर भुरसु करे, चु पापी काजे वारलु गीणे, ती तेरु भुरसुत तेरे वाटे वारलु गीणायसे। 
\v 6 ईनी भाती दावुद हीना माणुस काजे वारु कह्‌वे, तीनाक भगवान काम करे पाखुर वारलु बणावे:
\q1
\v 7 “वारु छे चु, तेरु पाप माफ हय गुयु,
\q2 ने तेरा पाप ढाकाय गुया।
\q1
\v 8 वारु छे चु माणुस तीनाक भगवान पापी नी कहें!”
\p
\v 9 ती ज्‌य वारु बुल, काय फतरी काटाड़न्‌या नीते फतरी नी काटाड़्‌या हींद्‌रे वाटे बी? हामु ज्‌य कहंजे, “अब्‌राहम हेरा भुरसान साहरे खरलु धरमी गीणायु\f + \fr 4:9 \fr*\ft धार्मिकता\ft*\f*।” 
\v 10 ती चु वारलु कसु गीणायु? फतरी काटाड़लु ती, की फतरी नी काटाड़्‌यु ती वारलु गीणायु; बाकुन चु ते फतरी काटे पाखुर वारलु गीणायलु। 
\v 11 ने अळतेन चु भुरसान साहरे धरमी गीणायलु छे ज्‌य देखणे करीन सहलाणी वाटे फतरी काटाड़्‌यु, पेहल चु फतरी काटे पाखुर भगवान पर भुरसु करलु हतलु। ने असु करीन चु अब्‌राहम तीनु आखान बास गीणाये; 
\v 12 ने असु करीन चु फतरी नी काटाड़े तींद्‌रु बास गीणायु, जे अब्‌राहमेन तसा भगवान पर भुरसु करीन जीवे, तसु अब्‌राहम बी फतरी काटाड़े पाखुर पेहेल भगवान पर भुरसु करतेलु।
\s भुरसु ने भगवानेन बुल
\p
\v 13 काहाकी भगवान अब्‌राहम ने अब्‌राहमेन अवल्‌यात काजे वायदु करलु की चे कळीन हकदार्‌या बणसे। अब्‌राहम कायदाक मान्‌यु करीन भगवान असु वायदु नी कर्‌यु, बाकुन चु भुरसु कर्‌यु करीन भगवान हीनाक धरमी गीणायु। 
\v 14 काहाकी कदी मुसान कायदा पाळन्‌यात वायदान जागु हात मां करसे, ती ते भुरसु करने सी काय फायदु नी हय ने भगवानेन वायदु करली वात बी फालतु हय गुय। 
\v 15 मुसान कायदु ते भगवानेन रीस काजे उबजाड़े ने चां कायदु नी हय, चां कायदु तुड़नेन वात नी आवे।
\p
\v 16 भगवानेन वायदु भुरसान फळ छे ने ज असोत जड़े। तीने रीते तेरा बुले अब्‌राहमेन आखा वाटे ते चेत, ने जे नीयम काजे माने तींद्‌रे वाटे नी बाकुन तीनु आखा वाटे बी जे अब्‌राहमेन तसा भुरसु राखजे। चु हामरु आखान भगवान बास छे। तेरेमां ज पाक्‌को छे 
\v 17 जसों की लिखलो छे, “मे तुसे काजे बेसका माणसेन बास ठेरावलु छे।” भगवानेन नींगा मां अब्‌राहम हामरु बास छे। अब्‌राहम भगवान पर भुरसु कर्‌यु, जु भगवान मरला काजे जीवाड़े ने जे हय नी तीनु काजे बी घड़ीन उबजाड़े। 
\v 18 अब्‌राहम नीरासेन दाहड़ाम बी आस राखीन भुरसु कर्‌यु ने चु बेसकी जातीन माणसेन बास बण गुयु, जसों तीनाक कहंलो हतलो की तारा गीणाये नी अतरा माणसेन बास हवसी। 
\v 19 अब्‌राहम भुरसा मां पाक्‌कु बणीन रयु ने असु जाणतेलु तेबी की हेरो डील सोव सालेन हय गुयली छे ने सारान पुर्‌या नी हवतेला। 
\v 20 भगवानेन वायदा पर भुरसु बणायन राख्‌यु अतरुत नी भुरसा काजे काठु करतु जाय्‌न भगवानेन सेक-सींगार कर्‌यु। 
\v 21 तीनाक पाक्‌कु भुरसु हतलु की भगवान तीनी वातेन वायदु करलु छे, चु तीनाक पुरु करीन छुड़से। 
\v 22 हेरे वजे सी भगवान अब्‌राहम काजे खरलु धरमी। 
\v 23 ने गुयु बुल की भुरसुत तेरे वाटे धरम गीणायु, तेरे वाटे अतरुत नी 
\v 24 बाकुन आपणे वाटे बी लिखलो छे। आपणु बी भुरसा सी वारलु गीणायसुन। काहाकी आपणु तीना भगवान पर भुरसु करजे, जु मालीक ईसु काजे मरलाम सी जीवाड़लु छे। 
\v 25 हयुत ईसु आपणात पाप गुनान करता मरणे करीन धराय गुयु ने आपणुक वारलु बणावणे करीन मरलाम सी जीवतु हय्‌न बठु बी हय गुयु।
\c 5
\s भगवान सी मेळु
\p
\v 1 जत्‌यार आपणु भुरसा सी वारलु बण्‌या, ती आपणा मालीक ईसु मसीन वजे सी भगवान साते आपणु सांती मां हय गुयला छे, 
\v 2 ईसु मसी आपणे वाटे तीनी गीण-दयान बारनो उघाड़ देदलु छे जी आपणुक जड़ गुयलो छे, आपणु ईनी वात पर मटाय करजे की आपणुक भगवानेन सेक-सींगारेन आस पर मटाय करजे। 
\v 3 अतरोत नी, आपणु दुख पर बी खुस हवजे, काहाकी आपणु जाणजे की दुखुत आपणुक गम खाण्‌या बणावे, 
\v 4 ने दम धरीन खरा नीकळनु, ने खरा नीकळने, सी आस उबजे। 
\v 5 ने आस सी लाज नी आवे, काहाकी भगवान आपणुक चुखली-आत्‌मा आपलु छे ने हेरेत वाटे भगवान परम आपणा मन मां भरलु छे।
\p
\v 6 काहाकी जत्‌यार आपणु लुला हतला, तत्‌यार तीनेत टेमे ईसु मसी आपणे वाटे मर गुयलु। 
\v 7 कुय वारलु माणुस वाटे जीव आपणे तीयार हय जाय, तेबी काय जाणु कुय वारलु माणुस वाटे मरने तीयार हय जाय ती हय जाय। 
\v 8 बाकुन जत्‌यार आपणु पापीत हतला तत्‌यार ईसु मसी आपणे वाटे मर्‌यु, असु करीन भगवान आपसान परम उजेंती कर्‌यु। 
\v 9 तत्‌यार आपणु ईसुन लुहीन वजे सी वारलु गीणाया; ती आपणु छाचलीन मसीन वजे सी भगवानेन रीस सी बची जासुन। 
\v 10 काहाकी जत्‌यार आपणु वेरी हतला तत्‌यार ईसु आपसान मुतेन साहरे भगवान साते आपणु मेळ कराड़ देदु, ती हय ते आपणु मेळ भगवान साते हय गुयु। ती तेरा पुर्‌यान जीवन वाटे आपणुक छुटकारु नी जड़े काय? छुटकारु जड़से ने जड़से।
\s आदम ने मसी
\p
\v 11 अतरोत नी, बाकुन हय ते आपणा ईसु मसीन साहरे भगवान साते आपणु मेळ हय गुयलु छे, अतरा मां आपणु हेरे साहरे भगवान पर भुरसु राखीन खुस छे।
\p
\v 12 तेरेमां एकुत अदमीन वजे सी कळी\f + \fr 5:12 \fr*\ft दुनिया कळी\ft*\f* मां पाप आयु, ने पापेन वजे सी मुत आवी। ईनी वजे सी मुत आखा माणसे मां फेली गुय, काहाकी आखात पाप करला छे। 
\v 13 भगवान मुसा काजे कायदु नी आप्‌यु तेरेसी पेहेल सी पाप ईनी कळी मां हतलु बाकुन कायदु\f + \fr 5:13 \fr*\ft व्यवस्था कायदु\ft*\f* नी हतलु अतरे कायदान कसर मां पापेन हीसाब नी लेवायतेलु। 
\v 14 तेबी आदम सी मुसा लग मुत तीनु माणसे पर बी राज करती रय जे आदमेन तसा काहनाक हुकुम तुड़नेन साहरे पाप नी करला।
\p आदम आवणे वाळा छुटकारु आपण्‌या ईसुन सहलाणी\f + \fr 5:14 \fr*\ft चिन्ह\ft*\f* हतलु। 
\v 15 बाकुन जसों गुनान नेम छे असीत गीण-दया वाटु नी हय काहाकी जत्‌यार एक माणुसेन गुना सी बेसका माणसे मरे ती भगवानेन गीण-दया ने तेरो ज्‌य दान एक माणसेन मतलब ईसु मसीन गीण-दया सी हयो बेसका माणसे पर हयो ने वारु हयो 
\v 16 ने जु फुटक्‌यु वाटु एकुत माणसेन पाप गुनान मुतेन फळेन तसु नी हय काहाकी एकुत जणु पाप कर्‌यु ने पापेन डंडेन दाहड़ु टाकाय गुयु बाकुन बेसका पाप करने सी असु फुटक्‌यु वाटु पयदा हयु की बेसका माणसे धरमी बण जासे। 
\v 17 काहाकी कदी एकुत माणसेन पापेन वजे सी मुत राज करने झुम गुय ती जे माणसे गीण-दया ने धरमेन फुटक्‌यु वाटु बेसकु हात करे चे एकुत माणसेन मतलब ईसु मसीन साहरे छाचलीन जलमेन जीवाय मां राज करसे।
\p
\v 18 तेरेमां जसों एकुत जणान पापेन वजे सी आखा गुनाळा गीणाया तसोत एकुत जणान धरमेन कामेन वजे सी आखा काजे अमरकाय जीवन आपण्‌यु धरमेन वाटु जड़ गुयु। 
\v 19 काहाकी जसु एक माणुस हुकुम नी पाळ्‌ने सी आखा पापी बण गुया तसात एक माणसेन हुकुम पाळने सी आखा धरमी बण जासे।
\p
\v 20 ने मुसा साहरे लिखलु कायदु ईचमां आय गुयु ने माणसेम पाप जादात हवणे बाजी गुयु। बाकुन चां गुनु जादा हयु ती गीण-दया बी जादात वदती गुयु। 
\v 21 जसु पाप मुत लावतु जाय्‌न राज कर्‌यु तसोत आपणा मालीक ईसु मसीन साहरे गीण-दया बी जलमेन जीवन वाटे माणसेक वारलु ठहरावीन राज करती जाय।
\c 6
\s पाप वाटे मरनु मसी मां जीवणु
\p
\v 1 आपणु काय कहजे? आपणु पाप करतात रवजे काय? की भगवानेन गीण-दया आपणे पर हवतीत जासे। 
\v 2 कदी नी हामु जे पाप वाटे मर गुयला छे ती पाप मां कसा जीवसुन? 
\v 3 काय तुहुं नी जाणु काय की ईसु मसीन ज बपतीस्‌मा\f + \fr 6:3 \fr*\ft बपतिस्मा\ft*\f* आपणु आखा काजे जड़लो छे चो बपतीस्‌मा तेरे जाण देनेन बपतीस्‌मा छे। 
\v 4 अतरामा आपणु ईसुन मुतेन बपतीस्‌मा लीन ईसु साते तेरेमां गाड़ाय गुया की जसों ईसु मसी बासेन सेक-सींगारेन ताकत साते मरलाम सी जीवतु हय्‌न बठु हय गुयला छे। तसात आपणु बी एक नवली जीवन जीवजे।
\p
\v 5 काहाकी कदी आपणु हेरे मरनेन तसात हेरे साते एक हय गुयला छे, ती छाचलीन हीनाक मरलाम सी जीवतु हवणेन तसात एक हय जासुन। 
\v 6 आपणुक मालम छे की आपणी जुन्‌डलो जीवन ईसु साते कुरुस पर चड़ाय गुयलो हतलो काहाकी पाप सी भरायलो आपणो डील खत्‌तम हय जाय ने आपणु अगा वाटे पापेन गुलाम नी बणजे। 
\v 7 काहाकी जु मर गुयलु छे, चु पापेन गुलामी सी छुटीन धरमी बण गुयलु छे। 
\v 8 तेरेमां कदी आपणु ईसु मसी साते मर गुयला छे, ती आपणुक भुरसु छे तेरे साते नवली जीवन बी जीवसुन। 
\v 9 काहाकी आपणु जाणजे की ईसु मसी मरलाम सी जीवतु हवीन पछु कदी नी मरे। ने तेरे पर मुतेन हक नी चाले। 
\v 10 काहाकी चु मर गुयु ती पापेन करता एकुत कावा मर गुयु; बाकुन हय चु भगवान साते जीवणे करीन जीवतेलु छे। 
\v 11 असात तुहुं बी आपणा जीव काजे पाप वाटे मरला समजु बाकुन भगवान वाटे ईसु मसी मां जीवतेला समजु।
\p
\v 12 तेरेमां तुंद्‌रे मरला डीलेन उपर पापेन, राज नी चाले काहाकी तुहुं पापेन मरजी पर कदी नी चाल सकु। 
\v 13 ने तुहुं तुंद्‌रा डील काजे धरमेन काम नी करन्‌यान हत्‌यार बणावीन पाप काजे मां आपु, बाकुन आपणु काजे मर्‌या-सर्‌याम सी जीवता हय्‌न बठा हय गुया समजीन भगवानेन हातेम सुप देवु, ने आपणा डील काजे धरमेन काम करनेन हत्‌यार\f + \fr 6:13 \fr*\ft हथियार\ft*\f* समजीन भगवान काजे सुप देवु। 
\v 14 तत्‌यार तुंद्‌रे पर पाप राज नी करे काहाकी तुहुं मुसान कायदान हक मां नी हय, बाकुन गीण-दया हक मां छे।
\s धरमेन पावर्‌यु
\p
\v 15 ती काय हय गुयो? आपणु अतरामा पाप करता रहणु चाहजे, की आपणु मुसान लिखला कायदान हक मां नी हय, बाकुन गीण-दया हक मां छे? नी कदी बी पाप नी करनु चाहजे। 
\v 16 तुहुंक जी वात मालम नी हय काय, की तेरी तुहुं हुकुम मान्‌ने करीन तेरा हातेम खुद काजे सुप देवु तुहुं तेरात गुलाम पावर्‌या बण जाय, भले पापेन हातेम आपीन पापेन गुलाम बणु, तेरो फळ मुत छे भले भगवानेन हुकुम मानीन तेरा हातेम सुप देवु, तेरो फळ अमरकाय धरम छे। 
\v 17 बाकुन भगवान काजे तु बेसकु वारु छे\f + \fr 6:17 \fr*\fq वारु छे \fq*\ft धन्यवाद\ft*\f* कहं की तुहुं पेहेल पापेन गुलाम हतला तुहुं आपणा मन सी हीनु सीकाड़नेन रीती काजे मान्‌या जी तुहुं काजे आपली हतली। 
\v 18 ने हय तुहुं पापेन गुलामी मां सी छुटीन धरमेन गुलाम बण गुयला छे। 
\v 19 तुंद्‌री डीलेन लुलायन वजे सी माणसेन रीत पर कहं। जसा तुहुं आपणे भाग काजे वीटळो धरने पापेन गुलाम करीन सुपलु हतलु, असात हय आपणे भाग काजे चुखला वाटे धरमेन गुलाम करीन सुप देवु।
\p
\v 20 जत्‌यार तुहुं पापेन गुलाम हतला, ती भगवानेन धरम भीणी सी तुहुं छुटला\f + \fr 6:20 \fr*\ft स्वतंत्र\ft*\f* हतला। 
\v 21 तीनी वात सी तुहुं लाजवाय रया, ती पेहेल तुहुंक तीनी वात सी काय फायदु हवतेलु? काहाकी तेरो आकरी फळ ते मरनु छे। 
\v 22 बाकुन हय पाप सी छुटीन भगवानेन गुलाम पावर्‌या बणीन तुहुंक ज फळ जड़लो छे की तुहुं चुखला बणु, ने आकरी मां जलमेन जीवन हात करनु छे। 
\v 23 काहाकी पापेन दाहड़की ते मरनु छे, बाकुन भगवानेन दानेन वाटु आपणा मालीक ईसु मसी मां जलमेन जीवन छे।
\c 7
\s ईयावेन जीवनेन दाखलु
\p
\v 1 ए भायसे, मे मुसान लिखला कायदा काजे जाणन्‌या काजे कहं, की जत्‌यार लगुन माणुस जीवतेलु रवे, तत्‌यार लगुन तेरे पर मुसान लिखला कायदान कब्‌जु रवे। 
\v 2 काहाकी ईयाव करली बायरी मुसान साहरे लिखला कायदान अनसारे धेणी जत्‌यार लगुन जीवतेलु रवे, तत्‌यार लगुन ईयावेन\f + \fr 7:2 \fr*\ft विवाहित\ft*\f* नेम मां बांदायली रवे। बाकुन जत्‌यार धेणी मर जाय ती ची आपणा धेणीन हक मां सी छुट जाय। 
\v 3 तेरेमां कदी चु अदमी \f + \fr 7:3 \fr*\ft पुरुष\ft*\f*जीवतेलु रवे ने अळी ची दीसरु अदमी कर लेय, ती छीनाळी कहंवायसे; बाकुन कदी तेरु धेणी मर जाय, ती ची ईयावेन कायदा सी छुट जाय, जां लग की ची कदी दीसरु अदमी बी कर लेय, तेबी छीनाळी नी कह्‌वाये। 
\v 4 असात ए मारा भायस्‌यो ने बहणीस्‌या, तुहुं बी ईसु मसीन डीलेन वाटे मुसान कायदान वाटे मरला तसा हय गुयला छे, ने भगवान वाटे फळ लावणे करीन तुहुं तीना दीसरान बण गुयला छे, चु मरलाम सी जीवतु हय्‌न बठु हय गुयलु छे। 
\v 5 काहाकी जत्‌यार आपणु डीलेन अनसारे जीवतेला ती पापेन हर कायदान वीरुद मां आपणा जीवे मां काम करतेली, ने आपणा डील पर कब्‌जु कर रवली। तेरेसी आपणु दाहड़ीन मुत भीणी जातला। 
\v 6 बाकुन तेरा कब्‌जा मां आपणु हतला, तेरे वाटे आपणु मर गुयला छे, हय आपणु पाप काजे उजेंती करन्‌या मुसान साहरे लिखला कायदा सी छुट गुया, जे मुसान कायदा ते जुन्‌डली रीत छे, आपणु ईनी जुन्‌डली रीतीन अनसारे नी, बाकुन चुखला आत्‌मान नवली रीतीन अनसारे भगवानेन सेवा करजे।
\s मुसान साहरे लिखलु कायदु ने पाप
\p
\v 7 काय हेरो मतलब ज्‌य छे की कायदु पाप छे? कदी नी तेबी कायदान साहरेत पापेन पतु चाल्‌यु कदी कायदु नी कवतु लालुच घुण करे ती मे ज्‌य नी समजतु की लालुच काय छे। 
\v 8 बाकुन पाप मुखु देखीन कायदान हुकुमेन साहरे मारा जीवे मां आखी भातीन लालुच उबजाड़्‌यु काहाकी पेहले मुसान कायदा पाखुर पाप मरलु हतलु। 
\v 9 मे ते मुसान कायदु जड़ने सी पेहले जीवतेलु बाकुन जत्‌यार मुसान कायदान हुकुम आयु, ती पाप जीवतु हय गुयु, ने मे मर गुयु। 
\v 10 ने असु करीन जु कायदान हुकुम मारे धड़े जीवाय आपण्‌यु हतलु; हयुत कायदु हुकुम मारे धड़े मरनेन वजे बण गुय। 
\v 11 काहाकी पाप मुखु देखीन कायदान हुकुमेन साहरे मेसेक भंगलाड़ देदु ने हीना कायदान हुकुमेन साहरे मेसेक मार बी नाख्‌यु।
\p
\v 12 तेरेमां मुसान कायदु ते चुखलु छे, ने हुकुम बी चुखलु छे, वारु छे। 
\v 13 ती काय जु मुसान कायदु मारे वाटे वारु हतलु, चु मारे वाटे मरनेन वजे बण गुयु काय? कदी नी। बाकुन पाप तीना वारलु चीजेन साहरे मारे वाटे मुत काजे उबजाड़ने वाळु बण गुयु, तेरे सी पाप ते पापुत छे करीन जादास उजेंतु हय गुयु तेरेमां ईनु हुकुम सी पाप जादात पापी हय गुयु।
\s माणसेन वात-वात मां झगड़ु
\p
\v 14 आपणुक मालम छे की मुसान कायदु ते जीव-आत्‌मा वाटे फायदु आपे असु छे बाकुन, ने डीलेन बणलु माणुस छे, जु पापेन गुलामी करने पापेन हातेम वेचायलु छे। 
\v 15 ने मारा डील मां मे ज करो, चत मेसेक मालम नी हय, काहाकी ज करनेन मारी हर छे, च मे नी करो, बाकुन तेरे सी मे छीट करो चत काम कर्‌या करो। 
\v 16 ने कदी मेसे ज नी गमे चत करो ती मे जी वात मान लम की मुसान कायदु बेसकु वारु छे। 
\v 17 ती असो गलत करन्‌यु मे नी हय, बाकुन पाप छे जु मारा डीलेम बस र्‌यु। 
\v 18 काहाकी मेसेक मालम छे की मारेम मतलब मारा डील\f + \fr 7:18 \fr*\ft शरीर\ft*\f* मां काहनी बी वात वारु नी हय, वारलु करनेन मारी हर ते छे, बाकुन भलो काम मारे सी नी बणे। 
\v 19 काहाकी ज वारलु काम करनेन हर\f + \fr 7:19 \fr*\ft ईच्छा\ft*\f* करे, च ते नी करु, बाकुन जी कुहराय मे नी करने हींडे, चीत कुहराय मे कर्‌या करो। 
\v 20 बाकुन कदी मे चत करो, ज करनेन मे हर नी करो, ती च करने वाळु मे नी हय, बाकुन पाप छे जु मार डील मां बस र्‌यु।
\p
\v 21 अतरा मां मे मारा डील मां जु मुसान साहरे लिखला कायदान देखु, की मे जी भलाय करनेन हर कर र्‌यु, ती कुहराय मार धड़े आवे। 
\v 22 काहाकी मे मारा जीव मां ते मुसान साहरे लिखला भगवानेन कायदा सी बेसकु खुस रवे। 
\v 23 बाकुन मेसेक मारा डील मां एक दीसरु भात्‌यु कायदु देखाव पड़ र्‌यु, जु मारी अकलेन कायदा साते लड़ाय करे, ने मेसेक पापेन कायदान कब्‌जा मां करने हींडे जु मारा डीलेम छे। 
\v 24 मे बेसकु दुखी माणुस छे! ईना मुतेन हक मां रवणेवाळा डील सी मेसेक कुण छुड़ावसे 
\v 25 मे आपणा मालीक ईसु मसीन साहरे मे भगवान काजे तु बेसकु वारु छे करीन कह्‌वो!
\p असु करीन मे आपसुत ते अक्‌कल वाटे भगवानेन कायदाक पाळ, बाकुन डीलेन नीयमेन अनसारे पापेन कायदान सेवा कर र्‌यु।
\c 8
\s चुखली-आत्‌मान साहरे जीवन
\p
\v 1 हेरेसी हय जे ईसु मसी मां छे, तींद्‌रे पर गुनान डंडेन हुकुम नी हय। काहाकी चे डीलेन अनसारे नी बाकुन आत्‌मान अनसारे चाले। 
\v 2 काहाकी जीवनेन आत्‌मान कायदु ईसु मसी मां पाप भीणी सी ने मुतेन कायदा मां सी छुड़ाय देदलु छे। 
\v 3 काहाकी ज काम कायदु डीलेन वजे सी हय नी कर सक्‌यु, तीना काजे भगवान पुरो कर्‌यु, मतलब आपणा पुर्‌या काजे पापेन डीलेन तसु ने पापेन बादान सीका मां मकल्‌यु, डील मां पाप पर डंडेन हुकुम आप्‌यु। 
\v 4 हेरेसी मुसान साहरे लिखला कायदान रीती काजे आपणे मां सी जे डीलेन अनसारे नी बाकुन आत्‌मान अनसारे चाले, ची पुरी करसे। 
\v 5 काहाकी डीलेन अनसारे चालन्‌यु माणुस डीलेन वात पर मन लागाड़े; बाकुन चुखला आत्‌मान अनसारे जीवण्‌यु माणुस आत्‌मा वात पर मन लागाड़े। 
\v 6 डील पर मन लागाड़नु ते मुत छे, बाकुन आत्‌मा पर मन लागाड़नु जीवन ने सांती छे; 
\v 7 काहाकी डील पर मन लागाड़नु ते भगवान सी नाव-बद्‌दी राखणु छे, काहाकी नीते चु भगवानेन कायदान कब्‌जा मां छे ने नी हय सके; 
\v 8 ने जे माणसे डीलेन अनसारे जीवन जीवे, चे भगवान काजे खुस नी कर सके।
\p
\v 9 बाकुन जत्‌यार भगवानेन आत्‌मा तुंद्‌रे मां बसली छे, ती तुहुं डीलेन अनसारे चालु बाकुन आत्‌मान हक मां चालन्‌या बणु। कदी काहनाक मां मसीन आत्‌मा नी हय ती चु मसी मां नी हय। 
\v 10 कदी मसी तुंद्‌रे मां छे, ती डील पापेन वजे सी मरलो छे, बाकुन आत्‌मा धरमेन वजे सी जीवतेलु छे। 
\v 11 कदी हेरीत आत्‌मा ज ईसु काजे मरलाम सी जीवाड़्‌यु, तुंद्‌रे मां बसलु छे; ती जु मसी काजे मरला मां सी जीवाड़्‌यु\f + \fr 8:11 \fr*\ft जिलाया\ft*\f*, चु तुंद्‌रो मरन्‌या डील काजे बी आपणी आत्‌मान साहरे ज तुंद्‌रे मां बसलु छे, च जीवाड़से।
\p
\v 12 हेरेसी ए भायसे, आपणु डीलेन करजा वाळा\f + \fr 8:12 \fr*\fq करजा वाळा \fq*\ft कर्जदार\ft*\f* नी हय की हामु डीलेन अनसारे जीवन नी जीवणु चाहजे, 
\v 13 काहाकी कदी तुहुं डीलेन अनसारे जीवन जीवसु ती मरी जासु, कदी आत्‌मा सी डीलेन हर काजे मारसु ती जीवतेला रवसु। 
\v 14 हेरेसी जतरा माणसे भगवान आत्‌मान साहरे चालसे, चे भगवानेन पुर्‌या\f + \fr 8:14 \fr*\fq भगवानेन पुर्‌या \fq*\ft परमेश्वर के पुत्र\ft*\f* छे। 
\v 15 काहाकी तुहुं काजे गुलामी कराड़ने वाळी आत्‌मा नी जड़ी की तुहुं अळी बीहणे बाजी जावु, बाकुन खुळे-लेणी\f + \fr 8:15 \fr*\ft लेपालकपन\ft*\f* आत्‌मा जड़ली छे, तेरी सी आपणु भगवान काजे ए बास, कह्‌वीन आयड़जे। 
\v 16 आत्‌मा आपसीत हामरी आत्‌मा साते गवाय देय, की आपणु भगवानेन अवल्‌यात छे; 
\v 17 ने कदी अवल्‌यात छे ती जागरीन हकदर्‌या बी छे, बाकुन भगवानेन जागरी ने मसी साते ने तेरी जागरीन हकदर्‌या छे, जत्‌यार आपणु मसी साते दुख झेलसुन ती तेरे साते सेक-सींगार मां हय्‌न जासु।
\s आवणे वाळा टेम मां उजेंतो हवण्‌यु सेक-सींगार
\p
\v 18 काहाकी मे समजो की ईनी टेमे दुख ने वेला आवणे वाळी टेमे हामरे पर उजेंता हवणे वाळा सेक-सींगार अगळ, फीका छे। 
\v 19 काहाकी जी कळी बेसकी मटी आस करीन भगवानेन पुर्‌यान उजेंता हवणेन वाट देख\f + \fr 8:19 \fr*\fq वाट देख \fq*\ft प्रतीक्षा\ft*\f* रय। 
\v 20 काहाकी कळी आपणी मरजी सी नी बाकुन गुलाम बणावणे वाळा भीणी सी, बेकार मां गुलाम ने ईनी आस सी करली छे। 
\v 21 की जी कळी बी आपसीत खत्‌तम कराड़ने वाळी गुलामी मां सी छुटकारु लीन, भगवानेन अवल्‌यातेन सेक-सींगारेन छुटकारु बी हात करसे। 
\v 22 काहाकी आपणु काजे मालम छे की आखी कळी हय लग कासे ने वेला करीन फपड़ी रय; 
\v 23 ने कळी अतरीत वेला करीन नी फपड़ी रय बाकुन आपणु बी वेला कर रया जीनु काजे आत्‌मान फळ जड़लो छे, जे आपसात कास र्‌या; ने खुळे लेदला पुर्‌या बन्‌नेन, मतलब आपणा डीलेन छुटकारान वाट देख र्‌या। 
\v 24 ईनी आसेन साहरे आपणु छुटकारु हवलु छे; बाकुन जीनी चीजेन आपणु आस करजे, ने ची चीज देखणे मां आवे ती ची आस नी रय, काहाकी जीनी चीज काजे कुय देखणे बाजी र्‌यो हय ती चु तीनी चीजेन आस काहा करसे? 
\v 25 बाकुन जीनी चीज काजे हामु नी देखजे, कदी हेरीत आस राखजे, ती दम धरीन वाट बी देखजे।
\p
\v 26 ईनी रीत सी आत्‌मा बी आपणी लुल्‌गाय मां सात देय; काहाकी आपणु काजे नी मालम की दुवा काहनी रीत सी करनु चाहजे, बाकुन आत्‌मा आपसीत उसकी-उसकीन, जी आपणी समज सी बाहर हय, हामरे वाटे भगवान सी लीलघाय करे; 
\v 27 ने आपणा मन काजे पारखणे वाळु जाणे की आत्‌मान मरजी काय छे; काहाकी चु चुखला माणसे वाटे भगवानेन मरजीन अनसारे लीलघाय करे।
\p
\v 28 आपणु काजे मालम छे की जे माणसे भगवान सी परम करे, तींद्‌रे वाटे आखी वात मेळीन भलाय काजे उबजाड़े; मतलब हींद्‌रे वाटे जे भगवानेन अनसारे बुलावला छे। 
\v 29 जीनुक भगवान पेहलुत सी नेवाड़ी की हीनुक पेहलुत सी आपणा पुर्‌यान रुप मां ठेरावे काहाकी बेसका भायस मां चु आखा सी मट्‌लु भायस बण सके। 
\v 30 अळतेन तीनु काजे भगवान पेहलुत सी ठेहरावलु छे, तीनु काजे बुलायु बी; ने तीनु काजे बुलायु, तीनु काजे वारलु ठेहरायु, तीनु काजे वारलु ठेरायु तीनु काजे सेक-सींगार बी आप्‌यु।
\s भगवानेन परम
\p
\v 31 अळतेन आपणु एक वातेन बारामां काय कहंजे? कदी भगवान हामरे भीणी छे, ती हामरे वीरुद कुण रवसे? 
\v 32 तेरेसी भगवान आपणा खुदेन पुर्‌या काजे बी नी छुड़्‌यु, ने आपणे वाटे मरणे करीन आप देदु, ती तेरे साते आपणु काजे अळी आखो काय नी आपे? 
\v 33 भगवानेन नेवाड़ला पर गुनु कुण लागाड़से? भगवानुत हीनु काजे नी-गुनाळा ठेहरावसे! 
\v 34 पछेन कुण छे जु डंडेन हुकुम आपसे? मसी ईसु छे चु मर गुयु मतलब मरलाम सी जीवतु बी हय गुयु, ने भगवानेन जेवड़े आन्‌गे छे, ने हामरे वाटे दुवा बी करे। 
\v 35 कुण आपणु काजे मसीन परम सी आन्‌गे करसे? काय दुख, नीते वेला, नीते काड़की, नीते काळ; नीते उघाल्‌ला नीते आफत, नीते तलवार? 
\v 36 जसों खरला सास्‌तुर मां लिखलो छे,
\q1 “तारे वाटे हामु दाहड़ीन मुतेन हात मां आपाय जाजे;
\q2 हामु ते तीनु गाडरान तसा गीणाय जाजे।”
\p
\v 37 बाकुन ईनुक आखी वात मां हामु भगवानेन साहरे जु आपणे सी परम कर्‌यु, जीत सी बी अघु छेकीन छे। 
\v 38 काहाकी मे छाचलीन जाणी लेदु की नी मुत, नी जीवन, नी सरग वाळा काहवाळ्‌या, नी हकदार, नी हय्‌न टेम, नी आवणे वाळी टेम, नी ताकत, नी उचाय, 
\v 39 नी उंडाय, ने नी कुय अळी कळी आपणु काजे भगवानेन परम सी जे आपणा मालीक ईसु मसी मां छे, आन्‌गे नी कर सके।
\c 9
\s भगवान ने हेरा नेवाड़ला माणसे
\p
\v 1 मे ईसु मसी मां छाचलीन कह्‌वो, मे झुट नी मेल्‌तु ने मारो मन बी चुखली-आत्‌मा मां गवा देय 
\v 2 की मे बेसकु दुखी छे, ने मारो मन जलम दुखतोत रवे, 
\v 3 काहाकी मारी जां लग हर हतली की आपणा भायसे वाटे जे डीलेन अनसारे मारा भाय-बेटा छे, मे खुद मसी सी सराप \f + \fr 9:3 \fr*\ft श्रापित\ft*\f*वाळु हय जातु। 
\v 4 चे ईस्‌रायली छे, ने खुळे लेवायणेन हक ने सेक-सींगार ने वायदु ने कायदु ने बड़ाय ने आसेन वाट देखणु हींद्‌रोत छे। 
\v 5 डाहा-डाहा बी हींद्‌रात छे, ने मसी बी डीलेन भावना सी हींद्‌रेत मां सी पयदा हयु। चु आखान भगवान छे ने जलम बेसकु वारु छे, असोत हवे।
\p
\v 6 बाकुन ज नी की भगवानेन बुल टळ गुयो, हेरेसी ईस्‌रायली अवल्‌यात छे, चे आखा ईस्‌रायली नी हय; 
\v 7 ने नी अब्‌राहमेन कुळी मां पयदा हवणेन वजे सी आखा हेरी अवल्‌यात ठेहरे, बाकुन लिखलो छे “इसाक सीत तारी अवल्‌यात कहंवायसे।” 
\v 8 मतलब डीलेन अवल्‌यात भगवानेन अवल्‌यात नी, बाकुन वायदान अवल्‌यातेन खानदानी गीणाय जाय। 
\v 9 काहाकी वायदान बुल जत छे: “मे टाकली टेमेन अनसारे आवीस, ने तीनी टेमे सारान एक पुर्‌यु हवसे।”
\p
\v 10 ते अतरोत नी, बाकुन जत्‌यार रीबका एक सी मतलब आपणा बास इसाक सी भारीस\f + \fr 9:10 \fr*\fq भारीस \fq*\ft गर्भवती\ft*\f* हतली, 
\v 11 ते हय लग नीते ते पुर्‌या पयदा हतला, नीते चे काय भलो ने भुंडो कर्‌या हेरेसी की भगवानेन मरजी जी छे की हेरे नेवाड़ला अनसारे छे, वारु कामेन वजे सी नी बाकुन बुलावणेन वजे सी, बणी रवे। 
\v 12 चु कह्‌यु, “मट्‌लु पुर्‌यु\f + \fr 9:12 \fr*\fq मट्‌लु पुर्‌यु \fq*\ft जेठा\ft*\f* नानला पुर्‌यान चाकरी करसे।” 
\v 13 जसों लिखलो छे, “मे याकुप सी परम कर्‌यु, बाकुन एसाव सी खुसी नी हयु।”
\p
\v 14 हेरेसी हामु काय कहंजे, काय भगवानेन चां भुंडो छे काय? नीयाव नी हवे काय? कदी नी सय मां नीयाव हवे। 
\v 15 काहाकी चु मुसा सी कहें, “मे तीना काहना पर बी दया करने लागो ती तेरे पर दया करीस, ने तीना काहना उपर वारु दया करने लागे ती तीना पर वारु दया करीस।” 
\v 16 अळतेन जी वात नी हर करने वाळान, नी दवड़ने वाळान बाकुन दया करने वाळा भगवानेन वात छे। 
\v 17 काहाकी चुखला सास्‌तुर मां लिखलो छे फीरोन सी कहंलो हतलो, “मे तुसे हेरे वाटे उबु करलु छे की तुसे मे मारी ताकत देखाड़ो, ने मारे नाव सी परचार आखी कळी पर हवे।” 
\v 18 हेरेसी भगवान तीना काजे हर करे हेरेत पर दया करे, ने तीना काजे चाहत करे तीनात काजे कयड़ावाळु कर देय।
\s भगवानेन रीस ने हेरी दया
\p
\v 19 तुहुं मारे सी कहंवसु, ती भगवान माणसे पर काहा गुनु लागाड़े? भगवान मरजीन वीरुद कुण कर सके? 
\v 20 ए माणुस, तु कुण छे जे भगवान काजे उल्‌टु फीरीन जपाप देय? घड़ायली चीज घड़न्‌या काजे ज कय सके काय, “तु मेसे काजे असु काहा घड़्‌यु?” 
\v 21 काय कुमाहरटा काजे धुळा पर हक नी हय एक धुळान गुळा मां सी एक ठाहरु ईज्‌जत करे असु बणावे, ने दीसरा धुळान गुळा सी ईज्‌जत नी करे असु बणावे?
\p
\v 22 की भगवान आपसुत रीस देखाड़े ने आपणी ताकत आवणेन मरजी सी रीसेन ठाहरा, ज खत्‌तम करने वाटे तीयार करलो हतलो, बेसकु दम धरीन सेण कर्‌यु; 
\v 23 ने दयान ठाहरा पर तीनु काजे भगवान सेक-सींगार वाटे भगवान पेहलुत सी तीयार कर्‌यु आपसान सेक-सींगारेन धन देखाड़नेन मरजी पुरी कर्‌यु? 
\v 24 मतलब हामु जीनुक भगवान नी सीरप यहुदी माणसे मां सी नी, बाकुन नी-यहुदी मां सी बी बुलायु। 
\v 25 जसों भगवान होसेन किताप मां सी कहें,
\q1 “जे मारा माणसे नी हतला तीनु काजे,
\q2 मे मारा माणसे कहीन ने जे लाटेक्‌ला।
\q1 नी हतला तीनु काजे लाटेक्‌ला
\q2 मां छे कहीन।
\q1
\v 26 ने असो हवसे की तीना जागा मां तीनु काजे कहंलो हतलो की तुहुं मारा माणसे नी हय,
\q2 तीनीत जागा पर चे जीवता भगवानेन अवल्‌यात कह्‌वायसे।”
\p
\v 27 यसायु ईस्‌रायली माणसेन बारामां आयड़ीन कहें, “चाहजे ईस्‌रायलेन अवल्‌यातेन गिन्‌ती समुदरेन रेतळा बराबर हवणु चाहजे, तेबी हींद्‌रे मां सी थुड़ाक बची जासे।” 
\v 28 काहाकी मालीक हेरो बुल कळी पर पुरो करसे धरमी सी छाटात चुखु करसे। 
\v 29 जसों यसायु पेहलुत सी कहंलु हतलु, “कदी टुळान मालीक आपणे वाटे काय खानदानी नी छुड़तु, ती आपणु सदोमेन तसा हय जाता, ने अमोरान सहलाणी रवता।”
\s ईस्‌रायल भुरसु नी करे
\p
\v 30 ती आपणु काय कहंजे, ज की नी-यहुदी धरमेन हेर नी करतेला, तीना काजे धरम जड़ी गुयलो मतलब ईनी धरम काजे ज भुरसा सी छे; 
\v 31 बाकुन ईस्‌रायली, ज्‌य धरमेन मुसान साहरे लिखला कायदा काजे हेर तेला तीना कायदा लग नी पुग्‌या। 
\v 32 काय वाटे? हेरेसी चे भुरसा सी नी, बाकुन वारलु काम करने सी हेरी हेर करतेला। चे तीनाक ठुकरायला दगड़ा पर ठुकर खादा, 
\v 33 जसों लिखलो छे:
\q1 “देखु, मे सीयोन मां एक दगड़ु,
\q2 मेक र्‌यु ने जु ठुकर देवाड़े ने एक चापर्‌यु जु गुनु कराड़े,
\q2 बाकुन चु जु हीना मां भुरसु करे।
\q1 तीनाक कदी बी लाजवायणु नी पड़े।”
\c 10
\p
\v 1 ए भायसे, मारा मनेन मरजी ने मे भगवान सी हींद्‌रे आखा वाटे दुवा करो की हीनुक छुटकारु जड़े। 
\v 2 काहाकी मे हींद्‌री गवाय दम की तीनु काजे भगवानेन धुन मां रवे, बाकुन अकलेन साते नी। 
\v 3 काहाकी चे भगवानेन धरमेन काम सी अणजाण्‌या हय्‌न, ने आपणो वारलु बणावणे करीन छाटात, भगवानेन वारलु हक मां नी हया। 
\v 4 मसी कायदा काजे सार देदु काहाकी जु कुय भुरसु करे भगवान वाटे धरम वाळु हवे।
\s छुटकारु आखा वाटे छे
\p
\v 5 काहाकी मुसु ज लिखलु छे की जु माणुस ईना धरम पर ज कायदा सी छे, चाले, चु हेरे वजे सी जीवतु रवसे। 
\v 6 बाकुन ज वारलु भुरसा सी छे, च असु कहें, “तु आपणा मन मां ज घुण कहें की सरग पर कुण चड़से?” मतलब मसी काजे उतारीन लावणे वाटे। 
\v 7 जां “पाताळ\f + \fr 10:7 \fr*\ft अधोलोक\ft*\f* मां कुण उतरसे?” मतलब मसी काजे मरला मां सी जीवाड़ीन उपर लावणे वाटे। 
\v 8 बाकुन ज खरलो सास्‌तुर काय कहें? ज की “बुल तारे धड़े छे, तारा मुंहडा मां ने तारा मन मां छे” ज तीनात भुरसान बुल छे, ज्‌य आपणु परचार करजे, 
\v 9 की कदी तु तारा मुंहडा सी ईसु काजे मालीक जाणीन हुकारु भरे\f + \fr 10:9 \fr*\fq हुकारु भरे \fq*\ft अंगीकार\ft*\f*, ने आपणा मन सी भुरसु करे की भगवान ईसु काजे मरलाम सी जीवाड़्‌यु, ती तुसेक छाचलीन छुटकारु जड़से। 
\v 10 काहाकी धरम वाटे मन सी भुरसु करनु पड़े, ने छुटकारा वाटे मुंहडा सी हुकारु भरनु पड़े। 
\v 11 काहाकी चुखला सास्‌तुर मां ज कहंलो छे, “जे कुय तीना पर भुरसु करसे तीनु काजे कदी बी लाजवायणु\f + \fr 10:11 \fr*\ft लज्जित\ft*\f* नी पड़े।” 
\v 12 यहुदीया ने नी-यहुदी मां काय बी छीट नी हय, हेरेसी की चु आखान मालीक छे ने आपणे आखा नाव लेण्‌या वाटे दयाळु छे। 
\v 13 काहाकी, “जु कुय मालीकेन नाव लेसे, तीना काजे छुटकारु जड़से।”
\p
\v 14 पछेन तीना पर चे भुरसु नी कर्‌या, चे हेरो नाव कसा लेसे? ने तेर बारामां सामळ्‌या नी तीना पर कसा भुरसु करसे? ने परचार सामळावन्‌या पाखुर कसा सामळसे? 
\v 15 ने कदी मकली नी जाय, ती कसा परचार करसे? जसों लिखलो छे, “हींद्‌रा पाय बेसका वारु छे, जे वारलु वातेन खुस-खबर सामळावे।” 
\v 16 बाकुन आखा तीना खुस-खबर पर कान्‌टा नी लागाड़्‌या यसायु कहें, “ए मालीक कुण आपणा खबर पर भुरसु कर्‌या?” 
\v 17 अळतेन भुरसु सामळने सी ने सामळावनु मसीन बुल सी हवे।
\p
\v 18 बाकुन मे कहं चे नी सामळ्‌या? सामळ ते खरीन; काहाकी लिखलो छे,
\q1 “हींद्‌री अवाज आखी कळी पर,
\q2 ने हींद्‌रो बुल कळीन छेव लग पुग गुयो।”
\p
\v 19 अळी मे कहं काय, ईस्‌रायली नी जाणतेला काय? पेहलुत मुसु कहें,
\q1 “मे हींद्‌रे साहरे जे जाती नी हय,
\q2 तींद्‌रा मन मां रीस पयदा करीस;
\q1 ने एक हेट्‌या माणसेन साहरे,
\q2 मे तुहुं काजे रीस देवाड़ीस।”
\p
\v 20 अळतेन यसायु हिम्‌मत राखीन कहें,
\q1 “जे मेसे नी हेर तेला, चे बी मेसे हेर लेदा;
\q2 ने जे मेसे पुछतेला बी नी, हींद्‌रे पर मे उजेंतु\f + \fr 10:20 \fr*\ft प्रगट\ft*\f* हय गुयु।”
\p
\v 21 बाकुन ईस्‌रायलेन बारामां चु असु कहें, “मे आखु दाहड़ु मारु हात एक हुकुम नी मान्‌ने वाळा ने कीच-कीच करने वाळा माणसे भीणी फेलाय र्‌यु।”
\c 11
\s ईस्‌रायली माणसे पर भगवानेन गीण-दया
\p
\v 1 हेरेसी मे कह्‌वो, काय भगवान हेरा माणसे काजे छुड़ देदु काय? कदी नी मे बी ते ईस्‌रायली छे; अब्‌राहमेन खानदानी ने बीन्‌यामीन कुळी\f + \fr 11:1 \fr*\ft गोत्र\ft*\f* मां सी छे। 
\v 2 भगवान हेरा तीनु माणसे काजे नी छुड़्‌यु, जीनु काजे हयु पेहलुत सी जाण्‌यु। काय तुहुं नी जाणता की चुखला सास्‌तुर मां एलीयान बारामां काय कह्‌वे, की ईस्‌रायलेन वीरुद मां भगवान सी लीलघाया करु? 
\v 3 “ए मालीक, चे तारा भगवानेन अघी सी आवणे वाळी वात देखान्‌या काजे मार नाख्‌या, ने तेरी वेदी काजे उदार देदा; ने मेत एखलुत रय र्‌यु, ने चे मारा जीव काजे बी मार नाखणे करीन हेर र्‌या।” 
\v 4 बाकुन भगवान सी एलीया काजे काय जपाप जड़्‌यो? “मे आपणे वाटे सात हजार अदमी काजे राखी र्‌यु, चे बाल देवता अगळ मांडा नी टेक्‌या।” 
\v 5 ईनीत रीती सी ईनी टेमे बी, गीण-दया सी नेवाड़ला माणसे रवला छे। 
\v 6 कदी जे गीण-दया सी हयु, ती पछेन वारलु काम सी नी; नीते दया पछेन दया नी रय।
\p
\v 7 हेरेसी सार काय नीकळ्‌यु? ज की ईस्‌रायली माणसे तेरी हेर मां हतला, च तीनु काजे नी जड़्‌यो; बाकुन नेवाड़ला काजे जड़्‌यो, ने रवला माणसे मन कयड़ावाळा हय गुया। 
\v 8 जसों लिखलो छे, “भगवान हीनु काजे आजुन दाहड़े लग बेसकी भारी नीदेन आत्‌मा मां नाख र्‌यु, ने असा डुळा आप्‌यु जे नी देखे ने असा कान्‌टा आप्‌यु जे नी सामळे।” 
\v 9 ने दावुद कहें,
\q1 “हींद्‌रो खाणो हींद्‌रे वाटे जाळ ने फांद,
\q2 ने ठुकर ने डंडेन वजे हय जाय।
\q1
\v 10 हींद्‌रा डुळा पर आंदारो छाय जाणु चाहजे काहाकी नी देखणु चाहजे,
\q2 ने तु जलम हींद्‌रा आस काजे वाकु वाळीन राख्‌जी।”
\p
\v 11 अळतेन मे कहं काय चे हेरेसी ठुकर खाय ती हीटी पड़्‌या? कदी नी बाकुन हींद्‌रे पापेन वजे सी नी-यहुदी काजे छुटकारु जड़्‌यो, की हीनु काजे जळन हवे। 
\v 12 हेरेसी कदी हींद्‌रु गुनु कळी वाटे धन ने तींद्‌री कमी नी-यहुदी वाटे धनेन वजे हवे, ती तींद्‌री भरपुर सी ते बेसको काय हय जासे।
\s दीसरी जातीन छुटकारु
\p
\v 13 मे तुहुंक नी-यहुदी सी जी वात कहं। जत्‌यार की मे नी-यहुदी वाटे नेवताळु छे, ती मे मारा चाकरीन कामेन बड़ाय करो, 
\v 14 ईनी आस सी की मे आपणा माणसे मां सी हुड़ पयदा कराड़ीन हींद्‌रे मां ईतराक जणान छुटकारु कराड़ सक। 
\v 15 काहाकी जत्‌यार हीनु काजे छुड़ देदु ती कळीन मेळ कराड़नेन टेम आवसे, ती काय तीनु काजे खुळे लेणु मरला मां सी जीवता हवणेन बराबर नी हवे काय?
\p
\v 16 जत्‌यार भेटेन पेहलु हीस्‌सु चुखलु छे, ती चु आखु गुंदलु पीठु बी चुखलु छे; ने जत्‌यार मुळ चुखली रवसे, ती डाळखा बी असात रवसे। 
\v 17 बाकुन कदी ईतराक डाळखा तुड़ीन आंग्‌ये कर देय, ने तु जंगली जेतुनेन झाड़कान हय्‌न हींद्‌रे मां कलम हय गुयु, ने जेतुनेन झाड़कान मुळेन चीकणाय मां साजु हयु, 
\v 18 ती डाळखा पर मटाय घुण करे; ने कदी तु मटाय करे, ती ज जाण ले की तु मुळ काजे नी बाकुन मुळ\f + \fr 11:18 \fr*\fq मुळ \fq*\ft जड़\ft*\f* तुसे काजे बचाड़ी रयु।
\p
\v 19 पछेन तु कहंसी, “डाळखा हेरेसी तुड़ी देदला की मे कलम\f + \fr 11:19 \fr*\fq कलम \fq*\ft साटा\ft*\f* हय जाम।” 
\v 20 जी वात छाची छे, की चे ते भुरसु नी करनेन वजे सी तुड़ी देदला, बाकुन तु भुरसा पर बन्‌लु रव हेरेसी मटाय घुण करे, बाकुन बीहतु रवजी, 
\v 21 काहाकी जत्‌यार भगवान खास डाळखा काजे नी रहणी देदु ती चु तुसे काजे बी नी रहणी देय। 
\v 22 हेरेसी भगवानेन दया ने काठायन तीनी वात पर धी‌यान लागाड़ जे पड़ी गुया हीनु काजे काठायन, बाकुन तारे पर ते दया, कदी हेरे मां बणी रवसी ती नी ते तुसे काजे बी तुड़ी नाखसे। 
\v 23 चे बी नी भुरसा मां नी रवसे, ती ते कलम हय जासे; काहाकी भगवान ईनु काजे पछु कलम करसे। 
\v 24 काहाकी कदी तु ईना जंगली जेतुन सी, ज सभाव सी जंगली छे, काट नाख्‌या ने सभावेन वीरुद वारलु जेतुन मां कलम हय गुयु, जे खास डाळखा छे, आपणा जेतुन मां काहनी कलम हय जाय।
\s ईस्‌रायली माणसेन छुटकारु
\p
\v 25 ए भायसे, काय असो नी हवे की तुहुं आपसा काजे अक्‌कल वाळा समजी लेवु; हेरेसी मे नी चाहतु की तुहुं ईनी वात सी अणजाण्‌या रवु की जत्‌यार लग नी-यहुदी माणसे पुरा नी भराये, तत्‌यार लग ईस्‌रायली माणसेन एक हीस्‌सु काठु रवसे। 
\v 26 ने ईनी रीत सी आखा ईस्‌रायल काजे छुटकारु जड़से। ने असो लिखलो छे,
\q1 “छुड़ावने वाळु सीयोन सी आवसे,
\q2 ने नी भक्‌ती करन्‌या काजे याकुप सी छेटा करसे;
\q1
\v 27 ने तींद्‌रे साते जु मारु वायदु रवसे,
\q2 जत्‌यार की मे तींद्‌रा पाप काजे छेटु कर दीस।”
\p
\v 28 खुस-खबरेन भाव सी ती तुंद्‌रे वाटे चे भगवानेन वेरी छे, बाकुन नेवाड़ला भाव सी चे बास डुकरान वजे सी लाटेक्‌ला छे। 
\v 29 काहाकी भगवानेन वाटु ने बुलावणु जलम एक तसों छे। 
\v 30 काहाकी जसा तुहुं पेहेल भगवानेन हुकुम नी मान्‌या, बाकुन हय तेरी हुकुम नी मान्‌ने सी तुंद्‌रे पर दया हवे हेरेसी हींद्‌रे पर बी दया हवे; 
\v 31 असात चे बी हय हुकुम नी मान्‌या, की तुंद्‌रे पर दया हवे हेरेसी हींद्‌रे पर बी दया हवे। 
\v 32 काहाकी भगवान आखा काजे हुकुम नी माननेन मन बणाय देदु, की चु तींद्‌रे पर बी दया कर सके।
\s भगवानेन बड़ाय
\p
\v 33 भगवानेन दया, डीमाक ने अक्‌कल कतरा उंडो छे हेरो नीयावेन कतरी पुहुच छे हेरी वाट कतरी सातायली छे। 
\v 34 मालीकेन अक्‌कल काजे,
\q1 कुण जाण्‌यो?
\q2 नीते हेरु मंत्‌री कुण हयु?
\q1
\v 35 नीते कुण भगवान काजे काय आपलु छे
\q2 तेरु बद्‌लु तीना काजे आप देय?
\p
\v 36 काहाकी हेरेत भीणी सी, ने हेरेत साहरे, ने हेरेत वाटे आखो काय छे। हेरो सेक-सींगार जलम-जलम हवतो रवे। असोत हवे।
\c 12
\s मसी मां नवलु जीवन
\p
\v 1 तेरेमां ए भायस्‌यो ने बहणीस्‌या, भगवानेन दया हेर कराड़ीन लीलघाय करे की तुहुं तुंद्‌रा डील काजे जीवता जीव भेळे, ने चुखलो, ने भगवान काजे गमे असो बादान सारकु भेट चड़ावु। जीत तुंद्‌री जीव-आत्‌मा मां भगवानेन सेवा-भक्‌ती छे। 
\v 2 तुहुं ईनी कळीन माणसेन तसा मां बणु; बाकुन तुहुंक नवली अक्‌कल जड़ गुय करीन आपसो वीच्‌यार ने वेहवार बदली लेवु, असो करसु ती तुहुं भगवानेन वारु, ने गमे तसी, ने पाक्‌की मरजी सय रीते पारखीन जाण जासु।
\p
\v 3 काहाकी मेसेक जड़ली गीण-दया ज तुंद्‌रे मांयन आखा काजे कहं की जसों आपसा काजे समजणु चाहजे तसात आपसा काजे समजु हेरे सी जादा मां समजु बाकुन हेरे वजे सी आपणी वीच्‌यार मां वारु जसु भगवान आखा काजे वाटु आप देदलु छे तेरेत अनसारे वारलु अकलेन अनुसार आपसा काजे समजु। 
\v 4 काहाकी जसों आपणा डील मां बेसका डील छे, ने आखा डीलेन एक तसों काम नी हय, 
\v 5 तसात आपणु बी बेसका हय्‌न बी ईसु मसी मां एकुत डील मां भेसकायन एक दीसरु डील छे। 
\v 6 ने आपणु काजे भगवानेन अगे सी जड़ली गीण-दया अनसारे आंग्‌ये-आंग्‌ये वाटु जड़लु छे अतरे तीना काजे आवणे वाळी वात कहंणेन वाटु जड़लु छे जु भुरसान मापे आवणे वाळी वात कहंणु चाहजे; 
\v 7 कदी सेवा चाकरी करनेन वाटु जड़लु हय ती तीनाक सेवा चाकरी करतु रहणु चाहजे, ने कदी काहनाक सीकाड़नेन वाटु जड़लु हय ती तीनाक सीकाड़तु रहणु चाहजे। 
\v 8 कदी काहाना काजे सीकाड़ानेन वाटु जड़लु हय चु सीकाड़तु रहणु चाहजे; ने तीनाक भेट आपणेन वाटु जड़लु हय, चु भेट आपणो चाहजे ने तीनाक अगवाय करनेन वाटु जड़लु हय चु खुस हय्‌न अगवाय करतु रहणु चाहजे तीनाक दया करनेन वाटु जड़लु हय चु खुसी सी दया करतु रहणु चाहजे।
\p
\v 9 तुंद्‌रु परम खरलु हवणु चाहजे कुहराय सी छीट राखु; ने भलाय मां लागी रवु। 
\v 10 भाय-भलाय परम सी एक दीसरा पर परम करु; एक दीसरान ईज्‌जत सी आव-भाव करने करीन आंबा-सांबा जावु। 
\v 11 काठली मेहनत करु आळसी मां बणु; जत्‌यार बी मालीक ईसुन सेवा करु तत्‌यार जीव-आत्‌मा मां खुसी सी सेवा करु। 
\v 12 आस मां खुस रवु; दुख मां काठु रवु; ने एक रंग्‌या दुवा करता रवु। 
\v 13 चुखला माणसे काजे ज काय चाहजे तीनु काजे च आपीन तींद्‌री मदत करु; तींद्‌री मेजवानी करता रवु।
\p
\v 14 जे तुहुं काजे वेला पाड़ने वाळा; तीनु काजे तुहुं संयबरकत\f + \fr 12:14 \fr*\fq संयबरकत \fq*\ft आशीष\ft*\f* आपु। 
\v 15 खुस हवण्‌या साते खुस हयु; ने रड़ने वाळा साते रड़ु। 
\v 16 तुहुं एक वीच्‌यार मां हय्‌न मेळीन रवु; मटाय\f + \fr 12:16 \fr*\fq मटाय \fq*\ft अभिमानी\ft*\f* मां करु बाकुन नीचळा माणसे सात संगात करु; आपणा नींगा मां अक्‌कल वाळा मां बणु।
\p
\v 17 कुहरायन बदला मां कुहराय मां करु। आखान नींगा मां ज वारु छे चत करनेन वीच्‌यार करु। 
\v 18 तत्‌रो बणे तत्‌रा आखा माणसे साते सांती मां रवु। 
\v 19 ए लाटेक्‌ला, तुहुं बद्‌लु घुण लेता बाकुन भगवानेन रीस काजे मुखु आप्‌जु; काहाकी खरली सास्‌तुर मां लिखलो छे, बद्‌लु लेणु मारो काम छे, मालीक कहें मेत बद्‌लु लीस। 
\v 20 बाकुन कदी तारु वेरी\f + \fr 12:20 \fr*\fq वेरी \fq*\ft बैरी\ft*\f* भुकलु हय ती तीनाक खावाड़ ने कदी पीसलु हय ती तीनाक पाणी पीयाड़; काहाकी असु करसी ती तु तेरा मुणका पर आकठान ईंगाळान ढीक लागाड़ीस। 
\v 21 कुहराय देखीन हिम्‌मत मां हारु बाकुन वारलु काम वाटे कुहराय जीत लेवु।
\c 13
\s सरकारेन हुकुम मानु
\p
\v 1 आखा माणसे काजे सरकारी आफसर्‌यान हक मां रहणु चाहजे, काहाकी सरकारेन हक भगवान भीणी सी छे; ने जे हक हय छे हीनुक भगवान नेवाड़लु छे। 
\v 2 हेरेसी जु कुय सरकारी हकेन वीरुद करे, जु भगवानेन कायदान वीरुद करे, ने जे भगवानेन हुकुमेन वीरुद करे, तीनु काजे डंड जड़से। 
\v 3 काहाकी हक करन्‌या वारलु कामे सी नी, बाकुन भुंडला कामे सी बीहणे वजे छे; हेरेसी कदी तुसे काजे हक करन्‌या नेता सी बीहे पाखुर रहणु हय, ती वारलु काम कर, ती हक करन्‌यु नेतु तुसे काजे बेसकु वारु कर्‌यु करीन कहंसे\f + \fr 13:3 \fr*\fq वारु कर्‌यु करीन कहंसे \fq*\ft सराहना\ft*\f*; 
\v 4 काहाकी राज करन्‌यु नेतु तारी भलाय वाटे भगवानेन चाकर्‌यु छे। बाकुन कदी तु कुहराय करे, ती बीहीन रवजी, काहाकी चु फालतु तलवार लीन उबु नी रवे; बाकुन चु भगवानेन चाकरी करन्‌यु छे काहाकी चु भगवानेन रीसेन अनसारे कुहर्‌या काजे डंड आपे। 
\v 5 हेरेसी हक मां रहणु भगवानेन रीसेन मार्‌यु अतरुत नी, बाकुन बीहीन बी हक मां रहणु चाहजे बाकुन आपणो मन बी हक मां रहणु चाहजे।
\p
\v 6 हेरसी फाळु बी आपु काहाकी भगवानेन चाकर्‌या छे ने चे जलम ईनात काम मां लागला रवे। 
\v 7 हेरेसी आखान हक काजे पुरो करे; तीना काजे फाळु आपणु चाहजे, तीना काजे फाळु आपु; तीना काजे वसोली चाहजे, तीना काजे वसोली आपु; तीना सी बीहणु चाहजे तेरे सी बीहु, तेरी ईज्‌जत करनु चाहजे, तेरी ईज्‌जत करु।
\s एक दीसरान तकलीप काजे सामळु
\p
\v 8 आंबा-सांबा परम करनु छुड़ीन दीसरी काहली बी वातेन करजा वाळा नी हवणु चाहजे; काहाकी जु दीसरा काजे परम करे, चु मुसान कायदा काजे पाळी लेदलु छे। 
\v 9 काहाकी ज्‌य की “छीनाळो घुण करे, खुन घुण करे, चुरी घुण करे, लालुच घुण करे।” ने काहनु बी हुकुम हय तीना हुकुमेन जु जीत साहरु छे, “आपणे साते वाळा काजे आपणेन तसा परम करु।” 
\v 10 परम धड़े वाळान काय बी कुहराय नी करे, हेरे सी परम करनु मुसान कायदा काजे पुरो करनु छे।
\p
\v 11 ने तुहुं टेम काजे उळखीन असात करु, तुहुं जाणु की नीद मां सी जागणेन टेम आय गुयली छे; काहाकी जीनी टेमे आपणु ईसु पर भुरसु करला, तीने टेमेन वीच्‌यार सी हय आपणु छुटकारु धड़ेत आय गुयलु छे। 
\v 12 रात बेसकी हय गुयली छे, दाहड़ु उंगणेत वाळु छे; हेरेसी आपणु आंदारलान काम छुड़ीन आपणु वीजाळान हत्‌यार धर लेता। 
\v 13 हेरेसी हामु असात वारु रीती सी रहणु चाहजे जसा दीसुन टेमे रवजे, बेसका जादा पाल्‌टी मां जाय्‌न पी खाय्‌न छाकी घुण जावु। लुच्‌चाय गुना छीनाळा मां घुण पड़ु। 
\v 14 बाकुन मालीक ईसु मसी काजे पुथल्‌यान तसु पेहरी लेजु ने डीलेन पाप पुरो करनेन वीच्‌यार नी करनु चाहजे।
\c 14
\s आपणा भायस पर गुनु घुण लागाड़ु
\p
\v 1 जु भुरसा मां लुलु छे, तीना काजे सात संगात मां ली लेवु, बाकुन संक्‌यान वात पर कीच-कीच घुण करु। 
\v 2 काहाकी एक भुरसु करे, की आखो काय खाणु चाहजे बाकुन जु भुरसा मां लुलु छे चु सब्‌जी-भाजी अतरुत खाय। 
\v 3 खाणे वाळु नी खाणे वाळा काजे भुंडुत नी समजणु चाहजे, ने नी खाणे वाळु खाणे वाळा पर गुनु नी लागाड़नु चाहजे; काहाकी भगवान तीना काजे आवरी लेदलु छे। 
\v 4 तु कुण छे दीसरा पावर्‌या पर गुनु लागाड़े? तेरा भुरसा मां टेकलु रहणु टेकलु नी रहणु तेरो मालीक साते काम छे; ने मालीक तीना काजे भुरसा मां पाक्‌कु कर देसे, काहाकी मालीक तीना काजे भुरसा मां टेकलु राख्‌से।
\p
\v 5 काहनुक ते एक दाहड़ा काजे दीसरा दाहड़ा सी जादा वारु समजे, ने काहनुक ते आखा दाहड़ा काजे एक सारकु समजे। आखा आपसान मन मां ठान\f + \fr 14:5 \fr*\fq ठान \fq*\ft निश्चय\ft*\f* लेवु की काहनी वात ताले छे। 
\v 6 चु काहना दाहड़ा काजे वारु माने, चु मालीक वाटे माने। जु खाय, चु बी मालीक वाटे खाय, काहाकी चु भगवान काजे तु बेसकु वारु छे करीन कहें, जु नी खाय, चु मालीक वाटे नी खाय, ने भगवान काजे तु बेसकु वारु छे कहें। 
\v 7 काहाकी आपणे मां सी नीते कुय आपसान वाटे जीवे ने नी कुय आपसान वाटे मरे। 
\v 8 कदी आपणु जीवतेला रवजे, ती मालीकेन वाटे जीवता रवजे; ने कदी आपणु मर जाजे, ती मालीकेन वाटे मर जाजे; हेरेसी भले आपणु जीवता रवजे नीते मर जाजे, आपणु मालीकेन वाटे छे। 
\v 9 काहाकी मसी हेरेसी मर्‌यु ने मरला मां सी जीवतु हय्‌न बठु हय गुयु की चु मरला ने जीवतेला दुय जणान मालीक छे।
\p
\v 10 तु आपणा भायस पर गुनु काहा लागाड़े? नीते तु आपणा भायस काजे छीट काहा राखे? आपणु आखा ने आखा काजे भगवानेन नीयावेन अगळ उबा रवणु पड़से। 
\v 11 काहाकी लिखलो छे,
\q1 “मालीक कहें, मारी जीवणेन आण आखा,
\q2 माणसे मारे अगळ मांडा टेकसे,
\q2 ने आखा माणसे भगवान काजे हुकार लेसे।”
\p
\v 12 हेरेसी आपणु आपणे मां सी आखा ने आखा भगवान काजे आपणु लेखु देणु पड़से।
\s आपणा भायसेन पापेन वजे मां बणु
\p
\v 13 हेरेसी हय सी हेरे पर गुनु मां लागाड़ु, बाकुन तुहुं ज ठाणी लेवु की कुय आपणा भायस अगळ अड़चन पयदा करीन ठुकर खाणेन वजे घुण बणु। 
\v 14 मे जाणो की मालीक ईसु मसीन साहरे पाक्‌की वात मालम हय गुयली छे की काहानी बी चीज वीटळ्‌ली नी हय, बाकुन जे कुय तीनी चीज काजे वीटळ्‌ली समजे तेरे वाटे ची चीज वीटळ्‌ली छे। 
\v 15 कदी तारु भायस खाणान वजे सी नीरास हवे, ती तु परम सी नी चाल र्‌यु; तेरे वाटे ईसु मसी मर गुयलु छे, तीना काजे तु खाणान वजे सी सारे मां। 
\v 16 हेरेसी तारी भलाय वाटे कुय बी तारु वाक नी नीकाळनु चाहजे। 
\v 17 काहाकी भगवानेन राज खाणे पीणेन नी हय, बाकुन धरमेन साहरे ने सांती ने ची खुसी छे ज्‌य चुखली-आत्‌मा सी हवे। 
\v 18 ने जु कुय ईनी रीत सी जीवे चु ईसु मसीन चाकरी करे ने असु करे, ती भगवान काजे गमे ने माणसे मां बी तेरु अबरु रय जाय।
\p
\v 19 हेरेसी आपणु हीनी वातेन हेर करनु चाहजे तेरसी सांती मां रवजे ने एक दीसरा काजे सुदार हवणु चाहजे। 
\v 20 खाणा सी भगवानेन काम मां बीगाड़े। आखो काय चुखो ते छे, बाकुन ज तीना माणसे वाटे भुंडो छे। ज खाणो दीसरा भायस काजे ठुकर खावाड़े। 
\v 21 भलो ते ईनी वात मां छे की सीकार\f + \fr 14:21 \fr*\fq सीकार \fq*\ft माँस\ft*\f* घुण खाय ने अंगुरेन रस बी घुण पीये, ने काहनो बी असो काम घुण करे तीनी वात सी तारु भायस ठुकर खाय। 
\v 22 ईनी चीजेन बारामां जु बी तारु भुरसु छे, तीना भुरसा काजे भगवानेन ने तारे ईचमां रवणी दे। बेसकु वारु छे चु जु ईनी वात मां, आपसा काजे तालेत समजे, ने आपसा काजे गुनाळु नी ठेहरावे। 
\v 23 बाकुन जु कुय संका करीन खाय चु आपसात पर डंड लावे, काहाकी चु पाक्‌का भुरसा भेळु नी खाय; ने जु कुय पाक्‌का भुरसा भेळु नी खाय, चु पाप करे।
\c 15
\s दीसरा वाटे बी सुचु
\p
\v 1 हेरेसी आपणु ताकतवाळा\f + \fr 15:1 \fr*\fq ताकतवाळा \fq*\ft बलवानों\ft*\f* छे करीन तेरेसी आपणु काजे जे लुला माणसेन लुलाय मां मदत करनु चाहजे, ने आपसात काजे खुस नी करनु चाहजे। 
\v 2 आपणे मां सी जतरा बी जणा छे आपणे धड़े वाळा काजे हेरी भलाय वाटे खुसी करे की चु अगु बड़े। 
\v 3 काहाकी मसी बी आपसा काजे खुस नी कर्‌यु, बाकुन जसों लिखलो छे, “चे जसात तारी वाक नीकाळे तसात मारी वाक बी नीकाळी र्‌या।” 
\v 4 जतरी वाते पेहेलुत सी खरला सास्‌तुर मां लिखलो हतलो, च आपणु काजे सीकाड़ने वाटे लिखली हतली की आपणु दम धरीन ने चुखला सास्‌तुरेन सांतीन साहरे आस राखजे। 
\v 5 दम धरीन ने सांती आपण्‌यु भगवान तुहुं काजे जु वाटु आपे की मसी ईसुन अनसारे आपसा-आपसा मां एक वीच्‌यार मां हय्‌न रवु। 
\v 6 काहाकी तुहुं एक मन ने एक रेंग मां आपणा मालीक ईसु मसीन बास भगवानेन बड़ाय करु।
\s आखा वाटे खुस-खबर
\p
\v 7 हेरेसी, जसु मसी भगवानेन सेक-सींगार वाटे तुहुं काजे हुकारलु छे, असात तुहुं बी एक दीसरा काजे हुकारी लेवु। 
\v 8 हेरेसी मे कहं की जु वायदु डाहा बुड़ा काजे आपलु हतलु तीनु काजे काठा करने वाटे मसी, भगवानेन छाचाय देखाड़ने वाटे, फतरी काटाण्‌या यहुदी माणसेन चाकरी करन्‌यु बण्‌यु, 
\v 9 ने नी-यहुदी बी दयान वजे सी भगवानेन बड़ाय करे; जसों लिखलो छे,
\q1 “हेरेसी मे जाती-जाती मां तु बेसकु वारु छे करीन कहंवीस,
\q2 ने तारे नावेन गीत गावीस।”
\p
\v 10 अळतेन कहलो छे,
\q1 “ए जाती नी-यहुदी आखा माणसे, भगवानेन भेळा खुस रवु।”
\p
\v 11 ने पछेन,
\q1 “ए जाती नी-यहुदी आखा माणसे, मालीकेन बड़ाय करु;
\q2 ने राज राजेन आखा माणसे तीना काजे तु बेसकु वारु छे करीन कहुं।”
\p
\v 12 ने पछेन यसायु कहें,
\q1 “यीसेन एक मुळ उजेंतु हवसे,
\q2 ने नी-यहुदी जातीन माणसे मां राज करने वाटे उजेंतु हवसे,
\q2 हेरे पर नी-यहुदी आस राख्‌से।”
\p
\v 13 भगवान जु आस काजे आपण्‌यु छे तुहुं काजे भुरसु करने मां आखी खुसी ने सांती मां भर देय की चुखली-आत्‌मान ताकत सी तुंद्‌री आस मटी हवती जाय।
\s हिम्‌मत सी लिखणेन वजे
\p
\v 14 ए मारा भायसे, मे खुद तुंद्‌रे बारामां जाणो की तुहुं बी आपसा भगवानेन भलाय ने भगवानेन अक्‌कल सी पुरा ने पुरा भरायला छे, ने एक दीसरा काजे सीकाड़ सकु। 
\v 15 तेबी मे कांखुर-कांखुर हेर कराड़ने वाटे तुहुं ज बेसका हिम्‌मत करीन लिख्‌या। ज ईनी गीण-दयान वजे सी हयो ज भगवान मेसे काजे आप्‌यु। 
\v 16 की नी-यहुदी वाटे मसी ईसुन चाकरी करन्‌यु हय्‌न भगवानेन खुस-खबरेन चाकरी पुजारान तसु करो, तेरसी नी-यहुदी भगवान अगळ गमे असी भेट बण जाय, ने चुखली-आत्‌मान सी भगवान वाटे पुरा ने पुरा चुखला बण जाय। 
\v 17 हेरेसी हीनी वातेन बारामां ज भगवान सी नातो राख्‌से, ने ईसु मसी मां बड़ाय कर सको। 
\v 18 काहाकी हीनी वात काजे छुड़ीन मेसेक अळी काहनीक वात कहंणेन बारामां हिम्‌मत नी हय, जु मसी नी-यहुदीन हकेन वाटे बुल, ने काम, 
\v 19 ने सहलाणी, ने छेल-भात्‌या कामेन ताकत, सी ने चुखली-आत्‌मान ताकत सी मारे साहरे कर्‌यु; जां लग की मे यरुसलेम सी लीन चारे मेर इल्‌लुरकुम लग मसीन खुस-खबर पुरो-पुरो परचार कर्‌यु। 
\v 20 बाकुन मारी हर जी छे की जां-जां मसीन नाव नी लेदा, चां-चां खुस-खबर सामळावो असो नी हवे की दीसरान नेहा\f + \fr 15:20 \fr*\fq नेहा \fq*\ft नींव\ft*\f* पर घर बणावो। 
\v 21 बाकुन जसों लिखलो छे तसोत हवे,
\q1 “जीनु काजे तेरो खुस-खबर नी पुग्‌यो,
\q2 चेत देखसे ने जे नी सामळ्‌या चेत सामळसे।”
\s रोम मां पोलुस जाणेन तीयारी कर्‌यु
\p
\v 22 हेरेसी मे तुंद्‌रेन्‌चां अळी-अळीन आवणे नी हींड रवलु। 
\v 23 बाकुन हय ईनु देस मां मारे काम वाटे कुय जागा नी रवी, ने बेसका साल मां तुंद्‌रे धड़े आवणेन हर कर र्‌यु। 
\v 24 हेरेसी जत्‌यार ईस्‌पेन जायस ती तुंद्‌रेन्‌चां मांयन जायस, काहाकी मे जी आस कर र्‌यु की तीने टेमे मे तुहुं काजे मेळीस, ने मे तुहुं काजे मेळीन खुस हय जायस ने अळतेन तुहुं ईतराक अगास मेसे मेली आवजु। 
\v 25 बाकुन मे हय ते चुखला माणसेन चाकरी करने करीन यरुसलेम सहर मां जाणे बाजी र्‌यु। 
\v 26 काहाकी मकीदुनीया ने अखायान माणसे काजे ज वारु लाग्‌यो की यरुसलेम चुखला माणसे मां गरीब वाटे चंदु भेळु करीन आपे। 
\v 27 वारु ते लाग्‌यो बाकुन चे हींद्‌रा करजा वाळा बी छे, काहाकी नी-यहुदी ईसुन माणसे आत्‌मान काम मां यहुदी माणसे साते साजल्‌या बणी गुयलु छे, हेरेसी नी-यहुदी काजे बी यहुदी माणसे वाटे डीलेन वात मां हींद्‌री सेवा करनु चाहजे। 
\v 28 हेरेसी ज काम खत्‌तम करीन ने तीनु काजे भेळु करलु चंदु आपीन तुंद्‌रेन्‌चां मांयन ईस्‌पेन जायस। 
\v 29 ने मेसे काजे मालम छे जत्‌यार मे तुंद्‌रे भीणी आवीस, ती मसीन पुरी संयबरकत लीन आवीस।
\p
\v 30 ए भायसे, आपणा मालीक ईसु मसी काजे ने चुखला आत्‌मान परम काजे अटकळ कराड़ीन लीलघायो, की मारे वाटे भगवान धड़े दुवा करने मां मारे साते भेसकायन झींग पड़ीन दुवा करता रवु। 
\v 31 की मे यहुदी माणसे जे भुरसु नी करे तींद्‌रे सी बचीन रव, ने मारी चाकरी जी यरुसलेम वाळा माणसे वाटे छे, ची चुखला माणसे काजे गमणु चाहजे; 
\v 32 ने मे भगवानेन मरजी सी तुंद्‌रे ईचमां खुस हय आवीन तुंद्‌रे साते ईतरीक वार आराम करीस। 
\v 33 सांती आपण्‌यु भगवान तुंद्‌रे आखा साते रवे, असोत हवे।
\c 16
\s रोम सहर मां रवण्‌या ईसुन माणसे काजे पोलुस सीकाड़े
\p
\v 1 मे तुंद्‌रे सी फीबे वाटे जी आपणी बहणीस ने कींख्‌रायान मंडळीन चाकरी करने वाळी छे, लीलघाय। 
\v 2 की तुहुं, जे चुखला माणसे छे, ने जसों तुहुंक करनु चाहजे तसात तुहुं मालीक ईसु मां हय्‌न तीनीन आव-भाव करु; ने जी वाते मां तीनी काजे तुंद्‌रे साहरे मदत चाहजे, तीनी वात मां तुहुं तेरी मदत करो, काहाकी की हीयी बी बेसका माणसेन भलाय करने वाळी छे। मारी बी करने वाळी छे।
\p
\v 3 परीस्‌का ने अक्‌वीला काजे ईसु मसी मां आवजी करीन कय र्‌यु, जे मारे साते खुस-खबरेन काम करन्‌या साजल्‌या छे। 
\v 4 हीये दुय माणसे मारु जीव बचाड़ने वाटे आपसान जीव बी खुवणे तीयार हय गुयला; हेरेसी मे हीनु काजे बेसका वारु छे कहं, ने नी-यहुदी ईसुन मंडळी मां वाळा बी हीनु काजे बेसका वारु छे करीन कहें। 
\v 5 हीनु मंडळीन माणसे काजे बी ने आवीस ने आवजी कहं जे हींद्‌रे घर मां छे।
\p ने मारु बेसकु वारु लाटेक्‌ला इपेनीतुस काजे जु मसी मां आवीस ने आवजी कहं जु आसीया पेहेल भुरसु करलु छे। 
\v 6 मरीयम बी तुंद्‌रे वाटे, जी काठो काम करली छे, आवीस ने आवजी कहं। 
\v 7 अन्‌दुर्‌नीकुस ने युनीयास काजे बी आवीस ने आवजी कहं जे मारा भाय-बेटा छे, ने जे मारे साते जेल मां हतला ने नेवताळा मां नाव-सादीन छे, जे मार सी पेहेल ईसु मसी पर भुरसु करला छे, आवीस ने आवजी कह्‌वो।
\p
\v 8 अम्‌पलीयातुस काजे, जु मालीक मां मारु लाटेक्‌लु छे, आवीस ने आवजी कहं, 
\v 9 उरबानुस काजे, बी मे आवीस ने आवजी कहं, जु ईसु मसी मां हामरे साते काम करन्‌यु साजल्‌यु छे, ने मारा लाटेक्‌ला ईस्‌तखुस काजे बी आवीस ने आवजी कहं। 
\v 10 अपील्‌लेस काजे आवीस ने आवजी। कहं जु ईसु मसी मां खरलु छे, ने मे अरीस्‌तुसन घराणा काजे बी आवीस ने आवजी कहं। 
\v 11 मारा भाय-बेटा हेरोदीयोन काजे बी आवीस ने आवजी कहं। नरकीखुसेन घराणा काजे बी आवीस ने आवजी कहं, जे मालीक ईसु पर भुरसु करे।
\p
\v 12 तीरुफेना ने तीरुफेसा काजे बी आवीस ने आवजी कहं। जे मालीक ईसु मां काठो काम करे, ने लाटेक्‌ला पीर्‌सीस काजे, बी आवीस ने आवजी कहं। जु मालीक ईसु मां बेसको काठो काम करे। 
\v 13 मालीक ईसु मां नेवाड़ला रुफुस काजे ने तेरी आयस काजे, मे आवीस ने आवजी कहं। 
\v 14 असुनक्‌रीतुस काजे मे फीलगेन काजे ने हीरमेस काजे मे पुत्‌रुबास काजे ने हर्‌मास काजे मे तींद्‌रे साते रवण्‌या भायस काजे आवीस ने आवजी कहं। 
\v 15 फीलोलुगुस काजे मे युलीया काजे मे नेर्‌युस काजे मे तेरी बहणीस काजे, मे उलीम्‌पास काजे मे तेरी साते रवण्‌या आखा चुखला माणसे काजे आवीस ने आवजी कहं।
\p
\v 16 तुहुं सांबा आंबा-चुखला गुळा\f + \fr 16:16 \fr*\fq चुखला गुळा \fq*\ft पवित्र चुम्बन\ft*\f* दीन वारलु छे करीन पुछु। ने आवीस ने आवजी करीन कहुं तुहुं आखा काजे ईसु मसी मां मंडळी माणसे भीणी सी आवीस ने आवजी कहं।
\s आकरी सीकाड़नु
\p
\v 17 हय ए भायस्‌यो, मे तुंद्‌रे सी लीलघायो करो, की जे माणसे हीनी सीकाड़नेन वात सी आन्‌गे, जड़ली छे, बेरजु पाड़ने ने ठुकर खावड़नेन वजे बणे, हींद्‌रे सी नातो तुड़ लेवु ने हींद्‌रे सी छेटा रवु। 
\v 18 काहाकी असला माणसे आपणा मालीक ईसु मसीन सेवा भक्‌ती नी करे, बाकुन आपसान पेट वाटे सेवा भक्‌ती करे; ने सुवाळी-सुवाळी वात कहंवीन सुदला मन वाळा ने भुळा माणसे काजे ठगी लेय। 
\v 19 तुंद्‌री हुकुम मान्‌नेन वात आखे दुर पुग गुयली छे, हेरेसी मे तुंद्‌रे बारामां खुस छे, बाकुन मारी जी मरजी छे की तु भलाय करने करीन अक्‌कल वाळा बणी जावु ने कुहराय वाटे डेड़-अकल्‌या मां बणु। 
\v 20 सांती आपण्‌यु भगवान भुतड़ा काजे तुंद्‌रे पाय तळे छाटुस कुचरी देसे।
\p आपणा मालीक ईसुन गीण-दया तुहुं काजे जड़ती रवणु चाहजे।
\p
\v 21 मारे साते काम करन्‌यु साजल्‌यु तीमुथीयुस, ने लुकीयुस जु मारु भाय-बेटु छे ने यासोन ने सोसीपत्‌रस तुहुं काजे आवीस ने आवजी कहं।
\p
\v 22 मारी चिट्‌ठी काजे लिखण्‌यु तीरतीयुस, मालीक ईसु मां तुहुं काजे आवीस ने आवजी कहं।
\p
\v 23 गयुस बी तुहुं काजे आवीस ने आवजी कहं जु मारी ने ईसुन माणसेन जे मंडळी मां बठण्‌यान मेजवानी\f + \fr 16:23 \fr*\fq मेजवानी \fq*\ft पहुनाई\ft*\f* करन्‌यु, छे ईरास्‌तुस तुहुं काजे आवीस ने आवजी कहं जु सहरेन देख-भाळ करन्‌यु, पयस्‌या टकान देख-भाळ राखण्‌यु पावर्‌यु छे ने भायस क्‌वारतुस बी तुहुं काजे आवीस ने आवजी कहं। 
\v 24 हामरा ईसु मसीन दया तुहुं आखा पर रवे। आमीन।
\s भगवानेन बड़ाय
\p
\v 25 हय जु तुहुं काजे मारी खुस-खबरेन मतलब ईसु मसीन खुस-खबरेन परचारेन साहरे तुहुं काजे टणका कर सके, भगवानेन सातयलो वीजाळो जलम सातयली हतली, 
\v 26 बाकुन हय ज जलमेन भगवानेन हुकुम सी भगवानेन अघी सी आवणे वाळी वात देखान्‌यान साहरे लिखली चुखली सास्‌तुरेन साहरे आखा माणसे पर उजेंतु हय गुयलो छे ने असात करीन चे ईसु पर भुरसु करीन भगवानेन हुकुम मान्‌या बण गुया,
\p
\v 27 एकुत अक्‌कल वाळा भगवानेन ईसु मसीन साहरे जलम सेक-सींगार हवती रवे ने असोत हवतो रवे।