\id PHP - Bhilali Standard Project
\ide UTF-8
\h फीलीपी
\toc3 फीलीपी
\toc2 फीलीपी
\toc1 फीलीपीन मंडळी वाटे पोलुसेन चिट्‌ठी
\mt2 फिलिप्पियों की कलिसीया के लिए पौलुस की पत्री
\mt1 फीलीपीन मंडळी वाटे पोलुसेन चिट्‌ठी
\imt फीलीपीन बारामां
\ip पोलुस फीलीपी मां भुरसु करन्‌या काजे ईसु मसी पयदा हवणेन धड़े-वड़े सांठ ने एक साल पछेन चिट्‌ठी लिख्‌यु। चे हीना काजे जेल मां \xt 1:13\xt* नक्‌खी छे रोम मां लिखलो हसे जी चिट्‌ठी फीलीपी सहर वाळी मंडळी काजे लिखलु। हामु फीलीपीन बारामां ने नेवताळान कामेन किताप सी थुड़ाक सीक सकजे फीलीपी मकी दुनीयान परदेसेन राजधाणी हतली जी पेहली मंडळी हतली हीनी मकीदुनीया मां बणावली हतली। पोलुस ने सीलास भेळात मंडळी सुरु करला ने हीनु काजे एक रात वाटे जेल मां बी राखला जत्‌यार चे वां हतला। नेवताळा कामेन किताप 16 हीनी चिट्‌ठी काजे लिखणे मां पोलुसेन काय मतलब हय सके।
\ip पोलुस मंडळी काजे बेसकी वारु छे कह्‌णे वाटे टेम काजे काम लेदु ज दान चे मकेला जत्‌यार चे सामळ्‌या की चु जेल मां हतलु। \xt 4:10-19\xt* चु जेल मां हेरा बारामां बताड़तु रयु ने मंडळी काजे तीमुथीयुस ने ईपफर्‌दीतुस बड़ाय कर्‌यु \xt 2:19-30\xt* काहाकी तींद्‌रो आव-भाव करे ने वारु वेहवार करे ने तीनाक माने।
\iot बाहरती वात
\io1 1. पोलुस फीलीपी मंडळी काजे वारु छे करीन चिट्‌ठी काजे लिखणे सुरु कर्‌यु। \ior 1:1-2\ior*
\io1 2. अगु चु हेरा बारामां थुड़ीक जानकारी बताड़े ने थुड़ीक फीकुर जी हेरे धड़े छे। \ior 1:3—2:30\ior*
\io1 3. अळतेन चु मसी जीवन जीवणे वाटे बेसकी छाचाय्‌न बारामां देखाड़े। \ior 3:1—4:9 \ior*
\io1 4. पोलुस ने फीलीपी मंडळी काजे हींद्‌रा दान वाटे बेसका वारु छे की कय्‌न मकलीन सार देदु। \ior 4:10-23 \ior*
\c 1
\p
\v 1 जी चिट्‌ठी ईसु मसीन गुलाम पावर्‌यु पोलुस ने तीमुथीयुस लिखला छे। जी चिट्‌ठी \f + \fr 1:1 \fr*\ft फिलिप्पी\ft*\f*फीलीपी सहर मां रहण्‌या,
\p ने ईसु मसी काजे मान्‌या भगवानेन आखा चुखला माणसेक, मंडळीन मुख्‌या ने मंडळीन खास पावर्‌या काजे लिख रया।\fig फीलीपीन सहर|alt="City of Philippi" src="hk00363c.tif" size="span" copy="Horace Knowles ©" ref="1:1"\fig*
\p
\v 2 आपणा भगवान बासेन ने मालीक ईसु मसीन गीण-दया ने सुक-सांती तुहुं आखा काजे जड़ती रहणु चाहजे।
\s पोलुस फीलीपीन मंडळी वाळा वाटे भगवान काजे बेसकु वारु कहें ने दुवा करे
\p
\v 3 मे जत्‌यार बी तुहुंक हेर करो, तत्‌यार तुंद्‌रा बारामां आपणा भगवान काजे बेसकु वारु कह्‌वो; 
\v 4 ने जत्‌यार बी मे दुवा करो, ती खुस हय्‌न जलम तुंद्‌रे आखा वाटे दुवा करो। 
\v 5 काहाकी तुहुं पेहले दाहड़े सी लागाड़ीन आज लग खुस-खबर सामळावणे करीन तुहुं मारी सात देदा। 
\v 6 ने मेसेक ईनी वात पर पाक्‌कु भुरसु छे की, जु भगवान तुंद्‌रे ईचमां वारलु काम सुरु करलु छे, हयुत तीना कामेक ईसु मसीक पछु आवता लग पुरो करसे। 
\v 7 तुंद्‌रे बारामां असोत वीच्‌यार करनु मारे वाटे वारु छे, काहाकी पेहले बी ने हय बी मे जेल मां छे, तेबी आखा अगळ खुस-खबरेन छाचाय काजे गवा-पुरावाक लीन सामळावणेन काम मां तुहुं आखा मारा साजल्‌या बणता आय रया। ज काम मेसेक भगवानेन गीण-दया सी जड़लो छे। ने तुहुं मारा मन मां वसी गुयला छे। 
\v 8 भगवान ईनी वातेन गवा छे की, मे ईसु मसीन परम सी तुहुं आखाक भेळु हवणे करीन तुंद्‌री बेसकी हेर करो।
\p
\v 9 मे तुंद्‌रे वाटे भगवान धड़े असी दुवा करो की, तुंद्‌रु परम, छाचली अक्‌कल ने समज सी अदु-अदुस बड़तु जाय; 
\v 10 ने तुहुं भलाय ने कुहराय्‌न फरक पाड़ीन आखाम सी वारु वात जाणीन, तीनीक मान लेवु; काहाकी ईसु मसीक पछा आवणे लग पुरा-पुरा खरला ने नी-गुनाळा बणीन रहु। 
\v 11 ने ईसु मसीन साहरे जड़न्‌या वारलु गुण काजे आपसा जीवो मां वारु उतारीन तीनु गुणेक कामे लावु, तेरेसी भगवानेन नावेन बड़ाय हवती जाय ने तेरात गुण गावायता रवे।
\s पोलुसेन जेल मां जाणे सी खुस-खबरेन, परचार चारे मेर हवे
\p
\v 12 ए मारा भायस बहणस्‌या, तुहुंक ज मालुम हवणु चाहजे की, जो काय मारे साते हयो, तेरेसी ईसुन खुस-खबरेन खबर, आड़े-धड़े बी पुग गुय। 
\v 13 जां लग की, कीला मां केसर राजान राजा ने तेरी राखवाळी करन्‌या सीपायड़ाक ने दीसरा आखा माणसेक बी ज मालुम हय गुयो, की हयु पोलुस, ईसु मसीन परचार कर र्‌यु करीन, तीनाक \f + \fr 1:13 \fr*\ft केद\ft*\f*जेलेम कुंड देदा। 
\v 14 ने मे जेलेम कुंडाय रयु करीन, बेसका माणसे ईसुक मान्‌या ईसु मां हिम्‌मत करीन, अळी बी अदुस भगवानेन बुले बे फीकर्‌या हय्‌न, बीहे बीगुर सामळावणे बाजी गुया।
\p
\v 15 काहनाक ते कुहराये ने टठाये ईसु मसीन परचार करे, बाकुन काहनाक ते वारलु वीच्‌यार लीन ईसु मसीन परचार करे। 
\v 16 जे माणसे ते परम सी परचार करे, काहाकी चे जाणे की भगवानेन खुस-खबरेन राखवाळी करने करीन पोलुस काजे राख रया। 
\v 17 बाकुन काहनाक दीसरा माणसे ते, वारलु वीच्‌यार नी, बाकुन पोलुस काजे जेल मां अदुस वेला हवणु चाहजे करीन कुहराये ईसुन परचार करे।
\p
\v 18 बाकुन हेरेसी काय फरक नी पड़े। वारलु वात ते जी छे की, भले कुहराये, भले छाचाये, ईसु मसीन परचार ते हय र्‌यो ने माणसे ईसुन खुस-खबर सामळावणे बाजी र्‌या तेरेसी मे खुस छे; ने खुस बी रय्‌स। 
\v 19 काहाकी मेसेक मालुम छे की, तुंद्‌री दुवान साहरे, ने ईसु मसीन जीव-आत्‌मान मदत सी, मारु छुटकारु हवसे। 
\v 20 ने मारा मन मां जी मरजी ने आस छे, की मे काहनी बी वातेम नी लाजवायो; बाकुन मेसेक पाक्‌कु भुरसु छे की, मारी जीवाय सी ईसु मसी काजे ईज्‌जत जड़ने बाजी रय, असीत अघी बी जड़से, भले मे जीवतेलु रहो, नी ते मर जाम। 
\v 21 काहाकी मे ईसु मसी वाटे मरने बी ने जीवणे बी तीयार छे; मार वाटे जीवतु रहणु ते ईसु मसी छे, ने मरनु फायदु छे। 
\v 22 बाकुन मार वाटे ते, डीलो मां जीवतेलु रहणु, खुस-खबर सामळावणेन काम वाटे नफु लावणी वात छे; बाकुन मे काहनी वातेक नेवाड़ो, जीवणु की मरनु? मेसेक समज मां नी आवतो। 
\v 23 मे ईनी दुय वातेन ईचमां पड़ रयु काय करो ने काय नी? मारी हेर ते जी छे की मे मर जाम, ने जाय्‌न ईसु मसी पुठ्‌ये रव, काहाकी ज ते छाचली बेसको वारु छे। 
\v 24 बाकुन तुंद्‌रेन तसों मेसेक डीलो मां जीवलु रहणु, मरने सी बी अदु जरुड़ी छे। 
\v 25 ने मेसेक पाक्‌कु भुरसु छे की, मे जीवतु रय्‌स, ने तुहुं आखा पुठ्‌ये रय्‌स, ती तुहुं आखा भुरसा मां पक्‌का हवता जासु ने ईसु मां खुस रवसु। 
\v 26 असु करीन मे तुंद्‌रेन्‌चां पछु आय्‌न रय्‌स ती, जी बड़ाय तुहुं मारा बारामां कर रया, ची बड़ाय अळी अदुस ईसु मसी मां अदी जासे।
\p
\v 27 हय बस अतरोत करु की, तुंद्‌रु वेहवार ईसु मसीन खुस-खबर कह्‌वे तसोत रवे, तेरेसी भले मे आय्‌न तुहुंक देखो, ने नी ते नी आवाये, तेबी मे तुंद्‌रे बारामां असोत सामळो की, तुहुं आखा एक जसा बणीन टीकला रय रया, ने काहनी बी वातेन, वीरुद करन्‌या सी नी बीहता ने खुस-खबरेन भुरसान राखवाळी करने करीन एक मन्‌या, भेळा हय्‌न काठी मेहनत कर रया। 
\v 28 असा करसुन ती, वीरुद करन्‌या तुंद्‌री जी हिम्‌मत देख्‌से, ने तींद्‌रे धड़े जी हिम्‌मत ते तींद्‌रो बरबाद हवणेन चुखु-झण पुरावु छे। ने जीत हिम्‌मत तुंद्‌रे धड़े तुंद्‌रा छुटकारान चुखु झण पुरावु बी छे, ने तुंद्‌रे सी भगवानेन जीत मरजी छे। 
\v 29 काहाकी तुहुंक भगवानेन गीण-दयान वाटु हेरेन करीन जड़लु छे की, तुहुं ईसु मसी पर भुरसु करु; ने भुरसा सी तेरे वाटे ने तेरी खुस-खबर वाटे दुख झेलीन वेला करनेन बी खास हक देदलु छे। 
\v 30 ने दुख झेलने मां तुहुं एखला नी हय; पेहले तुहुं मेसेक बी खुस-खबर वाटे असु दुख झेलतु देख रया, ने हय बी असा सामळु, की मे खुस-खबर वाटे वेला कर रयु।
\c 2
\s हेळी-मेळीन रहणे करीन ईसु मसी सीकाड़े
\p
\v 1 ईसु मसी काजे मानीन तुंद्‌रे धड़े हिम्‌मत, ने तेरा परमेन सांती, ने भगवानेन जीव-आत्‌मान सात-संगात, ने तुंद्‌रा मन मां दया छे, 
\v 2 ती मारी खुसी पुरी करने करीन एक मने, ने एकुत परम सी, ने एकुत वीच्‌यार मां रहु, ने अलग-अलग नी बाकुन हेळी-मेळीन परम सी रहु। 
\v 3 दीसरा माणसे मारी बड़ाय करनु चाहजे करीन, ने टठाये, काय बी काम, मां करु, बाकुन नीचळा हय्‌न आपसा सी दीसरा काजे अदुस वारु समजु। 
\v 4 तुंद्‌रे मायन एकेक जणु आपसीत फीकुर अतरी नी, बाकुन दीसरान भलायन फीकुर बी करु। 
\v 5 जसु ईसु मसीन वीच्‌यार ने वेहवार हतलु, तसुत वीच्‌यार ने वेहवार तुंद्‌रु बी रहणु चाहजे।
\q1
\v 6 चु ईसु, भगवान हय्‌न बी,
\q2 भगवान बराबर हवणेन हक काजे छुड़ देदु।
\q1
\v 7 ने आपसा काजे अतरु नानु
\q2 ने हेटु कर देदु,
\q1 की माणसेन अवतार लीन माणसेन तसु बण गुयु,
\q2 ने तींद्‌रे अगळ पावर्‌यान तसु बण गुयु।
\q1
\v 8 ने चु खुद काजे अतरु नानु ने हेटु समजीन अतरु जबर नीचळु बण गुयु, की भगवान बासेन हुकुम मानीन मोत,
\q2 ने चु बी कुरुसेन काठली मोत काजे बी सेण कर लेदु।
\q1
\v 9 तेरेसी भगवान बी तीनाक अतरु मटु बणाय देदु,
\q2 ने तीनाक च नाव आप्‌यु ज आखा नाव सी बेसको वारु ने उपर छे।
\q1
\v 10 काहाकी जे सरगे मां ने धरती पर ने धरतीन नेचा छे;
\q2 चे आखा ईसुन नाव सामळीन,
\q2 तेरे अगळ मांडा टेके।
\q1
\v 11 ने भगवान बासेन सेक-सींगार वाटे आखा माणसे असा कय्‌न मान लेय की,
\q2 “ईसु मसीत आखान मालीक छे।”
\s वीजाळान तसा भबळु
\p
\v 12 तेरेमां मारा लाटेक्‌ला, जसा तुहुं जलम भगवानेन हुकुम मान्‌ता आय रया, तसात हय बी मारी हजुरी मां अतरात नी बाकुन मारी बीना हजुरी मां बी अळी अदुस बीहता ने कापता जाय्‌न भगवानेन हुकुम मान्‌ता जावु ने असा करीन आपसा \f + \fr 2:12 \fr*\ft उध्दार\ft*\f*छुटकारा काजे आपसा काम मां पुरो-पुरो उजेंतु हवणे देवु। 
\v 13 काहाकी हयु भगवानुत छे, जु खुद आपसी वारलु मरजी साहरे ईनाक कामेक पुरो करने तुंद्‌री हेर ने काम करने बाजी र्‌यु।
\p
\v 14 आखो काम बीना कुड़-कुड़ ने बीना वाते-वातेम जखड़ी पड़े बीगुर करु। 
\v 15 काहाकी तुहुं \f + \fr 2:15 \fr*\ft निर्दोष\ft*\f*नी-गुना वाळा ने बयमान ने पाप मां चालने वाळा माणसे अगळ बी भगवानेन चुखला पुर्‌या-पारी बणीन रहु, ने तींद्‌रे ईचमां तुहुं भगवानेन जीवतेला बुले लीन दुनीया मां भबळता तारान तसा देखायु। 
\v 16 काहाकी ईसु मसीन आवणेन दाहड़े मां घमंड कर सकीस, ने ते असो नी हय जाय की मारो दवड़नु ने मारी मेहनत करनु फालतु हय जाय।
\p
\v 17 ने ईसु पर भुरसु करीन तुहुं जी सेवा कर रया, ची सेवा भगवान अगळ चड़ावली बादान तसी छे; कदी मेसेक तीनी सेवान बादा पर, तुंद्‌रे वाटे मारो लुही बी उवहाड़नु पड़े, तेबी मे खुस छे, ने तुहुं आखा साते बी खुस छे। 
\v 18 तसात तुहुं बी मारेन तसा खुसी मां रहु, ने मारे पुठ्‌ये खुसी मनावु।
\s तीमुथीयु ने एप्‌रादीत्‌यु पोलुसेन सात देण्‌या
\p
\v 19 मालीक ईसुन मरजी हय ती, मे मामार मारा सात-देण्‌या तीमुथी काजे तुंद्‌रेन्‌चां खबर्‌यु मकली दीस। जत्‌यार चु पछु आवसे, ने मे तुंद्‌रे बारामां सामळीन खुस हय्‌स, ने मेसेक सांती जड़से। 
\v 20 काहाकी मारे साते हेरेन तसु दीसरु काहनु माणुस नी हय, जु चुखला मने तुंद्‌री भलायन फीकुर करतु हय। 
\v 21 काहाकी दीसरा आपसी भलायन फीकुर कर रया, ईसु मसीन भलायन फीकुर नी करता। 
\v 22 तुहुंक असो मालुम छे की, तीमुथीयु खुस-खबर सामळावणे मां काठी मेहनत\f + \fr 2:22 \fr*\fq काठी मेहनत \fq*\ft परिश्रम\ft*\f* करीन मारी असी सात देदु, जसु एक पुर्‌यु आपसा बासेक काठी मेहनत करीन सात देय। 
\v 23 हेरेसी मे आस करो, की जसों मेसेक मारे बारामां पतु चाल जासे की, मारो काय हवणे वाळो छे, ती मे हीनाक तुंद्‌रेन्‌चां मकली दीस। 
\v 24 मालीक ईसु मां मारु पाक्‌कु भुरसु छे की, तुहुंक भेळु हवणे करीन मे बी मामार आयस।
\p
\v 25 बाकुन हय एप्‌रादीत्‌या काजे तुंद्‌रेन्‌चां पछु मकेलनुत पड़ रयो, जु मारु भाय बराबर छे, ने खुस-खबरेन काम मां सीपायड़ान तसु काठु जीव करन्‌यु मारु साजल्‌यु छे, ने तुहुंत तीनाक मारी सेवा चाकरी करने करीन तीनाक मारेन्‌चां मकेल्‌ला। 
\v 26 काहाकी चु ईसुन सेवा करतु-करतु मांदु पड़ गुयु, ने अळी तीनाक जो बी पतु चाल्‌यु की तुहुं बी तेरी मांदवाड़ेन बारामां सामळी लेदा। जो जाणीन चु तुहुंक भेळु हवणे करीन बेसकु हेर करीन घाबराय रयु। तेरेसी मे तीनाक तुंद्‌रेन्‌चां मकलो। 
\v 27 छाचली मां चु मांदलु ते हतलु ने मरनेत वाळु हतलु। बाकुन भगवान तेरे पर दया कर्‌यु। मारे पर दुख पर दुख नी पड़े करीन तेरे पर अतरुत नी बाकुन मारे पर बी दया कर्‌यु। 
\v 28 तेरेमां एप्‌रादीत्‌या काजे मकलने करीन मे बी तीयार हय गुयु। काहाकी तुहुं तीनाक अळी देखीन खुस हय जावु, ने मारी फीकुर बी कम हय जाय। 
\v 29 ने तुहुं तीनाक मालीक ईसुन नावे बेसका खुस हय्‌न भेळा हवजु, ने आव-भाव करजु। ने असला माणसेन अदुस ईज्‌जत कर्‌या करजु। 
\v 30 काहाकी चु ईसु मसीन काम करतु जाय्‌न आपसा जीव काजे हेतळी पर लीन मरनेत वाळु हतलु। ने तीना काम मां चु आपसु जीव आपणे बी तीयार हय गुयु। छेटा रवीन मारे पुठ्‌ये तुहुं काजे ज काम नी बण्‌यो, च काम चु पुरो कर देदु।
\c 3
\s खरलु धरम
\p
\v 1 ती मारा भायस ने बहणस्‌या भगवानेन पुर्‌या-पारी बण गुया, करीन मालीक ईसु मसी मां खुस रहु। गलत सीकाड़न्‌यान बारामां जी वात अळी-अळीन लिखणे सी मेसेक दुख नी लागतो काहाकी हेरे मां तुंद्‌रीत राखवाळी ने भलो छे। 
\v 2 कुतरान तसा कुहर्‌या माणसे सी, ने भुंडो काम करने वाळा सी चेतीन रहु। ने तीनु फतरी काटाड़्‌ने वाळा माणसे सी चेतीन रहु। 
\v 3 काहाकी फतरी-काटण्‌या ते आपणुत छे। जे भगवानेन चुखली-आत्‌मान साहरे भगवानेन भक्‌ती करने करीन, ने ईसु मसी पर अतरीत मटाय करजे, ने आपणा डीलेन उपरनी रीती भाती पर भुरसु नी करजे। 
\v 4 मे ते डील पर भुरसु कर सको, कदी काहनाक डील पर भुरसु करनेन वीच्‌यार हय, ती मे हेरे सी बी जादा डीलो पर भुरसु कर सको। 
\v 5 काहाकी आठवे दाहड़े मारा पेरवोटोन अगली फतरी काट्‌या। मे ईस्‌रायेली माणसेन अवल्‌यात छे, ने मारा आड़ा-बुड़ा आखान आखा ईब्‌रानी जातीन छे। मे बीन्‌यामीन कुळी मायन छे, ने कायदा पाळनेन हीसाबे मे फरीसी माणसेन टुळीन हतलु, ने असुत कायदा पाळतेलु। 
\v 6 हिम्‌मतेन हीसाबे मे ईसुन मंडळीक वेला पाड़न्‌यु हतलु, ने कायदा पाळीन जड़न्‌या धरमेन हीसाब, मे माणसेन नींगा मां नी-गुनाळु हतलु। 
\v 7 बाकुन जी-जी वात पेहले मारु फायदु करती तीनी-तीनी वातेक, ईसु मसीन अनसारे नुकसाण देणे समजी लेदु। 
\v 8 अतरोत नी बाकुन, ईसु मसी काजे; मारु मालीक छे करीन जाणनो आखाम सी वारुत समजीन, मे आखी दीसरी वातेक हेटी ने नेची समजी लेदु। तेरे सी मे आखी चीजेन नुकसाण झेल्‌यु। ईसु मसी काजे हात करने करीन, मे तीनी चीजेन नुकसाण झेल्‌यु, तीनी आखी चीजेक कचरु समजो; 
\v 9 ने मे ईसु मसी साते एक हीयु बणीन रहो। ने कायदा पाळने सी जड़ने वाळा धरम भेळ मे नी रहो। बाकुन तीना धरम भेळ, ईसु मसी साते एक हीयु बणीन रहो, जु ईसु मसी पर भुरसु करने सी मेसेक जड़े। जु धरम नीस्‌तु ईसु पर भुरसु करने सीत भगवान वगे सी जड़े। 
\v 10 तेरेसी मे ईसु मसीक ने तेरु पछु जीवतु करनी ताकत काजे जाणीन, ने तेरे साते दुख ने मोत मां एक हय्‌न 
\v 11 मे बी काहींग करीन मरलाम सी पछु जीवतु हवणेन हात कर सको।
\s ईसुन माणसेन ठीयु
\p
\v 12 ज नी हय की मे पछु जीवतो हवणु हात कर लेदु, नी ते पुरु-पुरु पाक्‌कु हय जु, बाकुन पछो जीवतो हवणु हात करने करीन अगु-अगु जाणे बाजी र्‌यु। ईनात ठीयान साहरे ईसु मसी मेसेक नेवाड़लु हतलु। 
\v 13 ए भायस्‌यो ने बहणस्‌या, मारु जु वीच्‌यार नी हय की मे पछु जीवतो हवणु हात कर लेदु, बाकुन जो एक काम करो, की जी वात पछळ रय गुय तीनी वातेक ईसरीन अगु-अगु जाय र्‌यु 
\v 14 पछु जीवतु हवणेन ठीया भीणी दवड़ीन जाणे बाजी रयु, की चो ईनाम हात करो, तीना ईनाम वाटे भगवान, मेसेक ईसु मसी मां उपर सरगे मां पछु बुलावलु छे।
\p
\v 15 आपणे मां जतरा बी आपसाक पुरा-पुरा पाक्‌का समजे, तीनुक मारेन तसुत वीच्‌यार करनु चाहजे ने कदी ईनी वात मां वीरुद हये, ती भगवान ईनी वातेक बी तींद्‌रे अगळ उजेंती कर देसे। 
\v 16 हेरेसी भगवानेन कह्‌याम चालता जाय्‌न जां लग आपणु पुग गुयला छे, तेरेत अनसारे वेहवार करीन जीवणु चाहजे।
\p
\v 17 ए भायस्‌यो ने बहणस्‌या, तुहुं आखा जणा मारेन तसा जीवु, ने तीनुक धी‌यान लागाड़ीन उळखी लेवु, जे ईनेत हीसाबे जीवे जसा तुहुं हामुक जीवतेला देख रया। 
\v 18 काहाकी मे तुहुंक पेहले बेसका कावा कय देदलु, ने हय बी रड़तु जाय्‌न कय र्‌यु की, तुंद्‌रे ईचमां थुड़ाक असा बी छे, जे आपसा गलत वेहवार ने जीवाय्‌न साहरे ईसु मसीन वेरी बण रया, जु तींद्‌रा पाप धड़े पेहले कुरुस पर मरलु। 
\v 19 चे ते आपसी लाजवाय्‌न वात पर मटाय करे। तींद्‌रु भगवान ते पेटुत छे, ने ईनी कळीन चीज पर मन लागाड़्‌या करे; ने चे आकरी मां बरबाद हय जासे। 
\v 20 बाकुन आपणो असली घर ते सरगे मां छे। चां सी आपणुक छुड़ावणे वाळु मालीक ईसु मसी आवणे वाळु छे। ने आपणु हेर करीन तेरी वाट देख र्‌या। 
\v 21 चु तेरा चुखली-आत्‌मान ताकतेन साहरे कळीन आखी चीजेक आपसा कब्‌जा मां करन्‌यु छे, ने चु तीनाक चुखली-आत्‌मान साहरे, आपणा कमजुर डीलेन सीकाक बदलीन, आपणा सेक-सींगार भर्‌या डीलेन सीका मां बदली देसे।
\c 4
\p
\v 1 ए मारा लाटेक्‌ला भायस्‌यो ने बहणस्‌या, मारु जीव तुंद्‌री हेर कर रयु, ने तुहुंक देखणे करीन कलपी र्‌यु। तुहुं मारी खुसी ने ईज्‌जत आपणी पागड़ी साय छे; ने जसु मे तुहुंक सीकाड़लु तसात तुहुं मालीक ईसु मां टणका रहु।
\s वेहवारेन बारामां सीकाड़े
\p
\v 2 मे युवोदी ने सुंतुकी दुयु बायरा काजे समजाड़तु जाय्‌न कह्‌वो की, तुहुं वातेम लड़ाय बीगुर मालीक मां एक मन्‌या रहु। 
\v 3 ने मारा छाचला सात देण्‌या भाय, मे तुसेक बी लीलघाय्‌न कहो की ईनु बायरान मदत कर, जे मार साते ने केलमेनस्‌या भाय साते ने मारा दीसरा सात देण्‌या साते, खुस-खबर सामळावणे मां, वेला करीन काठी मेहनत कर्‌या। हीनु आखान नाव अमर जीवाय्‌न किताप मां लिखलो छे।
\p
\v 4 मालीक ईसु मां जलम लग खुस रहु। मे अळी कहो की खुस रहु।
\p
\v 5 तुहुं आखा माणसे अगळ \f + \fr 4:5 \fr*\ft कोमलता\ft*\f*भुळा-भाळा बणु। काहाकी मालीक ईसुन पछो आवणु धड़ेत छे। 
\v 6 काहनी बी वातेन फीकुर मां करु, बाकुन हरेक वातेम भगवान काजे, बेसकु वारु कवता जाय्‌न दुवा ने लीलघाय्‌न भगवान अगळ आवु। 
\v 7 तत्‌यार भगवानेन सांती, जी हामरी आखी समज सी बाहर छे, ची तुंद्‌रा मन ने, वीच्‌यार काजे ईसु मसी मां राखवाळी करसे।
\p
\v 8 तेरेमां मे कहो की भायस ने बहणस्‌या, भगवानेन नींगा मां, ने माणसेन नींगा मां, जो काय छाचलो छे, ने जो काय ईज्‌जतेन लायक छे, ने जो काय वारलु छे, ने जो काय चुखलो छे, ने जो काय मनेक भावे तसों छे। ने जो काय बड़ायन लायक छे, ने जे काय वारलु गुणे छे, ईनुत वाते पर मन लागाड़्‌या करु। 
\v 9 ने जी वात तुहुं मार सी सीक्‌या। ने मान्‌या, ने सामळ्‌या, ने मारेम देख्‌या, तीनुत वात पर तुहुं बी चालता रवजु, तत्‌यार भगवान, जु सांतीन झोर छे।
\s दान वाटे वारु छे कह्‌वु
\p
\v 10 मे मालीक ईसु मां बेसकु खुस छे, काहाकी थुड़ाक दाहड़ा हय गुया ने अळी तुहुं मारी फीकुर अळी कर्‌या, ने छाचली मां पेहले बी तुहुं मारी फीकुर करला बाकुन, तीनी फीकुर काजे देखाड़नेन मुखु तुहुंक नी जड़्‌यु। 
\v 11 मार धड़े काय नी हय, असु सुचीन मे असु नी कवतु, काहाकी जसु बी मे रहो, तेरेत मां खुस रहणु सीक्‌लु छे। 
\v 12 कमुत हय ती कसों रहणु? ने बेसको हय ती कसों रहणु? ने गरीब बणीन जीवणु ने मालदार बणीन जीवणु, भुकलु ने आफरीन रहणु, आखी वात ने आखी हालत मां खुस रहणु, जो आखो मे सीक लेदु। 
\v 13 जु मेसेक ताकत आपे, तेरी मदत सी मे आखो-काय कर सको।
\p
\v 14 कसा बी तुहुं मारी कड़की मां मारी सात दीन मारो भलो कर्‌या। 
\v 15 ए फीलीपी‌ मंडळी वाळा जसा की तुहुं खुदुत काजे मालम छे, की जत्‌यार खुस-खबर सामळावणे करीन मे तुंद्‌रेन्‌चां आय्‌न तुंद्‌रा मकीदुनीया जीलाम सी नीकळीन दीसरे जागे गुयलु, तीनु सुरु वाळा दाहड़ाम तुहुंक छुड़ीन दीसरी काहनी बी ईसुन मंडळी, लेण-देण मां मारी सात नी देदा। 
\v 16 तुंद्‌रा मकीदुनीया जीलाम सी नीकळनेन पेहले बी, जत्‌यार मे थीसलुनीकी सहर मां हतलु, तत्‌यार बी तुहुं मारी मदत करने करीन, ईनीत रीते दुयेक कावा मार वाटे दान करला पयस्‌या भेळा करीन दी मकल्‌या। 
\v 17 जी वात नी हय, की मे तुंद्‌रा दान करला पयस्‌यान मरजी राखु; बाकुन मारी मरजी जी छे की, तुहुं पयस्‌या दान करता आय रया करीन, भगवान तुहुंक बरकत आपी आपीन तुंद्‌रु नफु अदुस बड़ावतु जाय। 
\v 18 हय मेसेक जो चाहजे चो आखो मार धड़े छे, ने अदु बी छे; तुहुं एप्‌रादीत्‌यान हाते जे दान करला पयस्‌या दी मकल्‌या, तीनु दान करला पयस्‌या काजे लीन मे बेसकु खुस हय गुयु ने आफरी गुयु। चे दान करला पयस्‌या ते तीनी सुहरी-सुहरी ने सवादी-सवादी गंदायणी बादा साय छे, जी बादा भगवान काजे चाहजे ने माने असी छे। 
\v 19 ने मारु भगवान बी धन मां सी जी सेक-सींगार भेळी मसी ईसु मां छे, चां सी तुहुंक जो काय चाहजे चो आखो देसे। 
\v 20 आपणा भगवान बासेन सेक-सींगार जलम पीड़ीडीट हवती रहणु चाहजे! आमीन।
\s वारु छे की करीन पुछणु ने आवजु कह्‌णु
\p
\v 21 जे ईसु मसी मां छे तीनु आखा चुखला माणसेक, मे ने जे भायस मार साते छे, चे वारु छे की करीन पुछ रया, ने आवजु बी कय र्‌या। 
\v 22 जां रहणे वाळा भगवानेन आखा चुखला माणसे ने खास करीन राजान-राजा केसर्‌यान घर मां रय्‌न तेरा काम करन्‌या बी तुहुंक वारु छे की करीन पुछ र्‌या ने आवजु कय र्‌या।
\p
\v 23 ने आपणा मालीक ईसु मसीन गीण-दया तुंद्‌री आत्‌मा पुठ्‌ये रहणु चाहजे।