\id MRK - Bhilali Standard Project
\ide UTF-8
\h मरकुस
\toc3 मरकुस
\toc2 मरकुस
\toc1 मरकुसेन साहरे लिखली ईसुन खुस-खबर
\mt2 मरकुस के द्वारा लिखा गया यीशु का सुसमाचार
\mt1 मरकुसेन साहरे लिखली ईसुन खुस-खबर
\imt मरकुसेन बारामां
\ip मरकुसेन अनसारे खुस-खबर नवला नीयम मां चार किताप मां सी एक छे, की ईसु मसीन जीवनेन बारामां कहें, तेरेमां सी एक कह्‌वाये की “खुस-खबर” तेरो मतलब “वारलु खबर।” चे मत्‌‌ती, मरकुस, लुकु ने युहन्‌नान साहरे ईसुन मरनेन पछे लिखायलो हतलो। मरकुसेन अनसारे जी खुस-खबर चार खुस-खबरे मां सी नानली छे ज बी मसीन पयदा हवणेन पछे 65-70 सालेन ईचमां थुड़ाक टेमेन आखी खुस-खबरेन पेहल लिखलो छे, असो मानाये लिखणे वाळान मान्‌नु छे रोम मां चाहान रोमन भुरसु करने वाळा काजे हवस देणे करीन असो लिखलो हतलो।
\ip मरकुस बी युहन्‌ना मरकुसेन तसु मानाये, की ने नेवतावाळु पोलुस ने बरनाबास वाटे दुस्‌तीदारेन तसु हतलु बाकुन हेरे ईतरीक मन मां लाग गुयली जत्‌यार हयु आपसा सेवा करनेन नीयम काजे छुड़ देदला, च \xt नेवताळा 13:13\xt* मां लिखलो छे। पछेन मरकुस बरनाबास साते अळी सेवा करने जाय, च \xt नेवताळा 15:37-39\xt* मां लिखलो छे ने पतरस साते बी एक वारु दुस्‌तीदारेन तसु उळखाण हतली, \xt 1 पतरस 5:13\xt* बाकुन मरकुस ईसुन जीवेन डुळा अगळ वारु गवा नी हतलु। लिखणे वाळान मान्‌नु छे की मरकुस पतरसेन गवान बारामां जादा बताड़लु छे ने खुस-खबर वाटे नेहान अनसारे सहलाणी छे, ईना खुस-खबर मां मरकुस आकरी टेम पर नीयम पाळनेन बारामां बताड़े ने ईसुन सीकाड़ने पर धीयान लागाड़्‌यु।
\iot बाहरती वात
\io1 1. खुस-खबरेन सुरुवात। \ior 1:1-13 \ior*
\io1 2. मरकुस ईसुन सेवान बारामां कहें बाकुन हयु गलील मां हतलु। \ior 1:14—9:50 \ior*
\io1 3. पछेन हयु यरुसलेम मां ईसुन जाणेन बारामां बताड़े। \ior 10:1-12—12:44\ior*
\io1 4. मरकुस यरुसलेम मां ईसुन टेमेन बारामां, हेरो मरनेन ने पछेन पछु जीवतु हवणेन सात मां खत्‌तम करे। \ior 13:1-37\ior*
\io1 5. ईसुन मर्‌या-सर्‌याम सी पछु जीवणेन ने सरग मां जाणेन। \ior 14:1—16:20 \ior*
\c 1
\s युहन्‌ना बपतीस्‌मा आपणे वाळान परचार
\r (मत्‌‌ती 3:1-12; लुका 3:1-18; युहन्‌ना 1:19-28)
\p
\v 1 भगवानेन पुर्‌यु ईसु मसीन खुस-खबरेन बारामां असी सुरुवात हय। 
\v 2 जसु मालीक भगवानेन अघली वात बताड़ने वाळु यसायाह नावेन माणसेन किताप मां लिखलो हतलो:
\q1 “चां कह्‌लु की, मे मारी वात बताड़ने वाळाक मे तुंद्‌रे अगळ मकलीस,
\q2 ने चु तुंद्‌रे वाटे वाट सुदारसे।
\q1
\v 3 उजाड़्‌या बयड़ा मां एक आयड़ने वाळान वात सामळाय रय,
\q2 की मालीक भगवानेन वाट तीयार करु,
\q2 ने तेरे वाटे सयड़क सुदी करु।”
\p
\v 4 तेरेमां बपतीस्‌मा आपणे वाळु युहन्‌‌‌नु आयु, ने उजाड़्‌या बयड़ा मां रहणे वाळा माणसेक परचार कर्‌यु की, “बपतीस्‌मा लेवु।” ने तीनुक कह्‌यु की, पाप करनु छुड़ देवु, “तत्‌यार तुंद्‌रा पाप काजे भगवान माफ करसे।” 
\v 5 ने यहुदीया ईलाका मायन ने यरुसलेम सहर मायन बेसका माणसे नीकळीन तेरे धड़े गुया; ने आपणा-आपणा पाप काजे मानीन यरदन नदी मां युहन्‌ना सी बपतीस्‌मा लेदा।
\p
\v 6 युहन्‌‌‌नु उटड़ान कान्‌‌‌यान पुथल्‌या पेहरी रवलु, ने कमर मां चामड़ान पट्‌टु बांदी रवलु, ने चु टिड्‌डा ने अळी बयड़ा मां मुहाळेन मखड़ा खाया करतेलु। 
\v 7 ने युहन्‌ना ज परचार करतेलु की मारे पछळ आवणे वाळु छे, चु मारे सी ताकतवाळु छे, “मे तेरे लायक बी नी हय की ढंगु अळीन खासड़ान बंद खुली सको। 
\v 8 मे ते तुहुं काजे पाणी सी बपतीस्‌मा देदु, बाकुन चु तुहुं काजे चुखली-आत्‌मा सी बपतीस्‌मा देसे।”
\s ईसुन बपतीस्‌मा ने पारख
\r (मत्‌‌ती 3:13—4:11; लुका 3:21,22; 4:1-13)
\p
\v 9 तीनु दाहड़ा मां ईसु गलील जीलान नासरत सहर सी आवीन युहन्‌ना सी यरदन नदी मां बपतीस्‌मा लेदु। 
\v 10 जसुत ईसु पाणी मां सी डुबीन बाहर नीकळयु, चां तत्‌यारुत च सरग खुल ज्‌य, ने चुखली-आत्‌मा पेरवान तसों भगवानेन आत्‌मा काजे उतरतेलु देख्‌यु। 
\v 11 ने सरग मां सी असो सामळायो की, जु मारु लाटेक्‌लु पुर्‌यु छे, “ने मे हेरे सी बेसका खुस छे।”
\p
\v 12 तत्‌यारुत भगवानेन आत्‌मा ईसु काजे उजाड़्‌या बयड़ा भीणी ली गुयु, 
\v 13 बयड़ा मां ईसु चाळीस दाहड़ा लग भुतड़ु पाप कराड़्‌ने पारखतेलु, ने ईसु जंगली जनवार्‌यान ईचमां रयु, ने सरग वाळा काहवाळ्‌या चां आवीन तेरी सेवा चाकरी करतेला।
\s ईसु चार माछा धरन्‌याक बुलायु
\r (मत्‌‌ती 4:12-17; लुका 4:14-15)
\p
\v 14 युहन्‌‌‌नु जेल मां धराय गुयु, ने पछेन ईसु गलील जीला मां आवीन भगवानेन खुस-खबरेन बारामां परचार कर्‌यु। 
\v 15 ने कह्‌यु “की टेम पुरो हय गुयो,” ने भगवानेन राज तुंद्‌रे धड़े आय लागलो छे, “ने तुहुं पाप सी पछा मन फेरवीन भगवान भीणी आवु ने खुस-खबर पर भुरसु करु!”
\p
\v 16 ने ईसु गलील दरीया धड़े-धड़े जातलु चां माछा धरन्‌याक दुय भाय काजे देख्‌यु, सीमोन ने अन्‌दीरीयास काजे पाणी मां जाळ नाखतेला देख्‌यु काहाकी चे काहर्‌या हतला। 
\v 17 ईसु तीनुक कह्‌यु “मारे पछळ आवु; ती मे तुहुंक माछा धरनेन जागा पर माणसे काजे भगवानेन राज मां लावणे वाळा बणावीस।” 
\v 18 चे तत्‌यारुत जाळ काजे छुड़ीन ईसु पुठ्‌ये चाल पड़्‌या।
\p
\v 19 ईसु अघु जाय्‌न जब्‌दीन पुर्‌या याकुप ने तेरु भाय युहन्‌ना काजे ढंड्‌या मां जाळ सुदारतेला देख्‌यु। 
\v 20 ने ईसु तीनु काजे तेरा चेला बणावणे करीन तत्‌यारुत बुलायु ने चे आपसान बास जब्‌दी काजे दाहड़क्‌या पुठ्‌ये ढंड्‌या मां छुड़दीन ईसु पछळ चाल पड़्‌या।
\s ईसु भुतड़ा काजे एक माणसेम सी नीकाळ्‌यु
\r (लुका 4:31-37)
\p
\v 21 तत्‌यार चु कफरनहुम मां आयु ने चु तत्‌यारुत यहुदीन आरामेन दाहड़े ईसु तींद्‌रा भक्‌तीन घर मां गुयु ने सीकाड़ने बाजी गुयु। 
\v 22 ने माणसे ईसुन खबर सामळीन देखतात रय गुया, काहाकी हयु तीनुक नीयमेन मास्‌तर्‌यान तसु नी सीकाड़तेलु, बाकुन एक मटला हकवाळान तसु तीनुक सीकाड़्‌यु।
\p
\v 23 तीनीत टेमे तींद्‌रा यहुदीन भक्‌तीन घर मां एक माणुस आयु, तेरे भुतड़ु लागी रवलु। 
\v 24 चु भुतड़ु आयड़ीन कह्‌यु की “ए ईसु नासरी, हामुक तार सी काय काम? काय तु हामुक नास करने आयु? मे तुसेक जाणो, की तु कुण छे? तु चुखला भगवानेन वात बताड़न्‌यु छे!”
\p
\v 25 ईसु तीना काजे लड़ीन कह्‌यु, “हुगु रव; ने कह्‌यु हेरेम सी नीकळी जां।”
\p
\v 26 तत्‌यार भुतड़ु तीना माणुस मां सी जुर सी आयड़ीन नीकळी गुयु। 
\v 27 ने आखा माणसे ज देखीन देखतात रय गुया ने आंबा-सांबा वीच्‌यार करने बाजी गुया की, जी काय वात छे, ज ते पेहली कावा देख्‌या ने नवली वात छे? ईसु पुरा हक सी भुतड़ा काजे कहें, ने चे हेरी कह्‌ली वात काजे माने।
\p
\v 28 ने ईसुन नाव तत्‌यारुत गलीलेन आखा ईलाका मां फेल गुयो।
\s ईसु बेसका माणसेक वारु करे
\r (मत्‌‌ती 8:14-17; लुका 4:38-41)
\p
\v 29 ईसु तत्‌यारुत यहुदीन भक्‌तीन घर मां सी नीकळीन याकुप ने युहन्‌ना काजे एखला छुड़ीन ने चे सीमोन ने अन्‌दीरीयासेन घर मां आया। 
\v 30 सीमोनेन सासुस मांदवाड़ेन वजे सी खाट्ला मां सुय रवली, तेरेमां हेरी सासुसेन बारामां बताड़्‌यु। 
\v 31 तत्‌यार ईसु धड़े जाय्‌न तेरु हात धरीन बठी कर्‌यु; ने तेरो सेरी उतरी गुयो, ने ची तेरी सेवा चाकरी करने बाजी गुय।
\p
\v 32 सांती वेळाय दाहड़ु डुब्‌यु तत्‌यार आखा मांदला माणसे ने भुतड़ा लागला माणसे ईसु धड़े लाया। 
\v 33 ने आखा गांवेन माणसे तीना घरेन अगळ भेळा हय गुया। 
\v 34 बेसका माणसे चां भाती-भातीन मांदवाड़ सी मांदला हतला, तीनु काजे ईसु वारु कर्‌यु, ने तींद्‌रे मां सी बेसका भुतड़ा बी नीकाळ्‌यु काहाकी भुतड़ा ईसु काजे उळखतेला असु करीन ईसु तीनु काजे बुलने बी नी देदु।
\s ईसु उजाड़्‌या जागा मां दुवा कर्‌यु
\r (लुका 4:42-44)
\p
\v 35 वीजाळो हवणे सी पेहेल ईसु उठ्‌यु ने घरेक छुड़ीन दुवा करने वाटे उजाड़्‌या जागा मां जाती र्‌यु। 
\v 36 तत्‌यार सीमोन ने तेरा दुस्‌तीदार ईसु काजे हेरने लाग्‌या। 
\v 37 जत्‌यार ईसु तीनु काजे जड़ी गुयु; ती चे तीनाक असा कह्‌या, की “आखा माणसे तुसेक हेरने बाजी रया।”
\p
\v 38 ईसु तीनुक कह्‌यु, “चालु आपणु आड़े-धड़ेन गांव मां जाता ने चां बी आपणुक खुस-खबरेन परचार करनु छे, काहाकी मे जत काम करने वाटे दुनीया मां आयु छे।”
\p
\v 39 तेरेमां ईसु गलीलेन आखा जीला मां तींद्‌रा यहुदीन भक्‌तीन घर-घर मां जाय जाय्‌न परचार करतु रयु, ने भुतड़ा काजे नीकाळतु रयु।
\s ईसु माणसेक वारु करे
\r (मत्‌‌ती 8:1-4; लुका 5:12-16)
\p
\v 40 एक कुड़ायलु माणुस ईसु धड़े आयु, “ने तेरे अगळ मांडा टेकीन लीलघाय्‌न कह्‌यु, कदी तु चाहे ती मेसेक वारु कर दे।”
\p
\v 41 ईसु काजे तेरे पर बेसकी तरस आय, की चु तीना काजे छीमीन कह्‌यु, “मे चाहो की तु चुखु हय जां।” 
\v 42 ने तत्‌यारुत तेरु कुड़ वारु हय गुयु ने चु चुखु हय गुयु। 
\v 43 तत्‌यार चु तीनाक तत्‌यारुत चेतायु ने जां करीन कह्‌यु, 
\v 44 ने तीनाक कह्‌यु, “सामळ जी वात कुय काजे घुण कहें, बाकुन जाय्‌न आपसा काजे पुजाराक देखाड़ ने आपसा चुखु हवणेन बारामां ज काय मुसु ठहरावलु छे तीनाक बादा चड़ाव की तींद्‌रा गवा बण जाय।”
\p
\v 45 बाकुन हयु जाय्‌न आखा काजे परचार करने लाग्‌यु, ने अतरे दुर लग की फेल गुयो, ईसु पछेन खुल्‌लाम-खुल्‌ला फीरी नी सक्‌यु, बाकुन बाहर जाय्‌न बयड़ा मां रयु, ने चारे मेरेन माणसे तेरे धड़े आवणे लाग्‌या।
\c 2
\s ईसु लखवा वाळा माणुस काजे वारु करे
\r (मत्‌‌ती 9:1-8; लुका 5:17-26)
\p
\v 1 थुड़ाक दाहड़ा मां ईसु पछु कफरनहुम गांव मां आयु, ने चां आखी दुर मालुम हय गुयो; की ईसु जां रहतेलु चो घर छे। 
\v 2 बेसका माणसे ईसुन चां आया ने आखो घर भराय गुया ने बारना मायन बी जागा नी रय। ने ईसु तीनु काजे खुस-खबरेन परचार करने बाजी गुयु। 
\v 3 ने एक लखवान मांदवाड़ मां पड़ रवला एक माणुस काजे चार जणा हाकलीन ईसु धड़े लाया। 
\v 4 बाकुन जत्‌यार माणसेक चां नी जावायो काहाकी चां गड़दी बेसकी हतली; ती चे घर पर चहड़्‌या ने बमड़े सी कवलु हेड़ देदा ने मांदला काजे ईसु अगळ खाट्‌ली भेळात उतार देदा। 
\v 5 ईसु तींद्‌रु भुरसु देखीन तीना लखवा मां पड़ला माणुस काजे कह्‌यु, “ए पुर्‌या तारा पापेन माफी जड़ गुयली छे।”
\p
\v 6 तत्‌यार थुड़ाक नीयमेन मास्‌तर्‌या बी चां हतला, चे तींद्‌रा मन मां वीच्‌यार करने बाजी गुया, 
\v 7 “जु माणुस काहा असु कवतु हसे? जु ते भगवानेन नाव-बद्‌दी करे! बाकुन भगवान काजे छुड़ीन कुय बी पाप माफ नी कर सके।”
\p
\v 8 तत्‌यारुत ईसु तींद्‌रा आत्‌मान मन मायन वात काजे जाण लेदु ने कह्‌यु “तुहुं मन मां असा वीच्‌यार काहा कर रया? 
\v 9 हेरेम वारु काय छे? काय लखवान मांदवाड़ वाळाक ज कह्‌णु की तारा पापेन माफी तुसेक जड़ गुय, कह्‌णु की उठ, तारी खाट्‌ली हाकलीन चाल पड़? 
\v 10 बाकुन हेरेसी तुहुं जान लेवु, की माणसेन पुर्‌या काजे धरती पर पाप माफ करनेन बी हक छे।” ईसु तीना लखवान मांदला माणुस काजे कह्‌यु, 
\v 11 “मे तार सी कहं की, उठ, तारी खाट्‌ली हाकलीन तार घर जाती रव।”
\p
\v 12 चु तत्‌यारुत उठ्‌यु ने वारु हय गुयु ने खाट्‌ली हाकलीन आखा अगळ सी नीकळीन जात रयु, ईना कामेक देखतात रय गुया ने, भगवानेन बड़ाय करने लाग गुया, ने कह्‌णे लाग्‌या की, “हामु असो कदी नी देख्‌या।”
\s ईसु फाळु लेण्‌याक बुलायु
\r (मत्‌‌ती 9:9-13; लुका 5:27-32)
\p
\v 13 ईसु नीकळीन अळी गलील दरीयान धड़के गुयु, ने चां मट्‌ली गड़दी आय ने ईसु तीनु काजे सीकाड़ने बाजी गुयु। 
\v 14 जसु ईसु जातलु तत्‌यार हलफाईन पुर्‌यु फाळु मांगण्‌या काजे जागा पर बठ रवलु देख्‌यु; ईसु तीनाक कह्‌यु, “मारे पछळ चाल।” ने चु उठीन हेर पछळ चाली पड़्‌यु।
\p
\v 15 जत्‌यार ईसु तेरे घर रुटा खाणे बठ्‌यु, तत्‌यार बेसका फाळु लेणे वाळा ने पापी माणसे, ईसु ने आपसान चेला पुठ्‌ये रुटा खाणे बठ्‌या; ने चे ईसु पछळ आवला हतला। 
\v 16 फरीसी माणसे ने थुड़ाक नीयमेन मास्‌तर्‌या, तींद्‌रे भेळु खात्‌लु देखीन, चे चेला काजे असा पुछ्‌या, की हयु पापी माणसे ने फाळु लेणे वाळा भेळु खाणो काहा खाय रयु? 
\v 17 ईसु जी वात सामळीन तीनुक कह्‌यु “डाक्‌टर वारलु काजे नी, बाकुन मांदला काजे चाहजे। तसु मे धरमी काजे नी बाकुन पापी माणसे काजे बुलावणे आवलु छे।”
\s उपासेन बारामां सवाल
\r (मत्‌‌ती 9:14-17; लुका 5:33-39)
\p
\v 18 युहन्‌नान चेला ने फरीसी माणसेन चेला उपास करे; तेरेमां चे आवीन ईसु काजे पुछ्‌या, “युहन्‌नान चेला ने फरीसी माणसेन चेला उपास करे, बाकुन तारा चेला उपास काहा नी करे?” 
\v 19 ईसु तीनुक कह्‌यु, जत्‌यार लग दुल्‌लु अरात्‌या पुठ्‌ये रवे, ती अरात्‌या उपास पाळे काय कदी नी करे। जत्‌यार लग मे तींद्‌रे पुठ्‌ये छे, चां लग चे उपास नी पाळे। 
\v 20 बाकुन चु दाहड़ु आवसे, तत्‌यार दुल्‌लु तींद्‌रे सी अलग हय जासे, ती तीना टेमे उपास पाळसे।
\p
\v 21 “कुय बी जुन्‌ला पुथल्‌या मां नवला पुथल्‌या सी थीग्‌ळो नी लागाड़े; नीते च थीग्‌ळो हेरेम सी खेची लावसे, नीते नवलो, जुन्‌ला सी बी जादा फाट जासे। 
\v 22 नवलु अंगुरेन रस काजे जुन्‌ली चामड़ान बन्‌‌‌ली थयलि मां कुय नी भरे, नेते अंगुरेन रस तीनी थयलि काजे फाड़ देसे, ने अंगुरेन रस ने चामड़ान थयलि दुयु नास हय जासे; बाकुन नवला अंगुरेन रस नवली चामड़ान बन्‌ली थयलि मां भरे।” \fig अंगुरेन रस भरनी चामड़ान थयलि|alt="Wineskin bag" src="lb00145c.tif" size="col" copy="Horace Knowles ©" ref="2:22"\fig*
\s आरामेन दाहड़ान बारामां सवाल
\r (मत्‌‌ती 12:1-8; लुका 6:1-5)
\p
\v 23 असो हयो की चु यहुदी आरामेन दाहड़े ईसु ने तेरा चेला खेते मायन जाणे बाजी रवला। तत्‌यार गहुंन उम्‌बी तुड़ीन ने चुळी-चुळीन खाता-खाता जातला। 
\v 24 तत्‌यार फरीसी माणसे ईसुक कह्‌या, “देखु; जे आरामेन दाहड़े काहा असो काम करे, ज काम हामरे नीयमेन अनसारे वारु नी हय!”
\p
\v 25 ईसु तीनुक कह्‌यु, “काय तुहुं ज कदी नी भण्‌या की जत्‌यार दावुद काजे जरुड़ी हतली, ने जत्‌यार चु ने तेरा साती भुकला हतला, तत्‌यार चु काय करलु? 
\v 26 हयु कसु अबीयातार मटला पुजारान दाहड़ान टेमे, भगवानेन मंदीर मां जाय्‌न चड़ावला रुटा काजे खादु, बाकुन तीना खाणा काजे नीयमेन अनसारे पुजाराक छुड़ीन अळी कुय बी तीनाक खाणेन हक नी हतलो, बाकुन दावुद खादु बी ने हेरा साती काजे बी देदु।”
\p
\v 27 तत्‌यार ईसु तीनुक कह्‌यु, “आरामेन दाहड़ु माणसे वाटे बणावलु छे, बाकुन असो नी हय, की माणसे आरामेन दाहड़े वाटे बणावला छे। 
\v 28 तेरेमां माणसेन पुर्‌यु आरामेन दाहड़ान बी मालीक छे।”
\c 3
\s ईसु सुकला हात वाळा माणुस काजे वारु करे
\r (मत्‌‌ती 12:9-14; लुका 6:6-11)
\p
\v 1 ईसु पछु तींद्‌रा यहुदीन भक्‌तीन घर मां गुयु; चां एक माणुस हतलु, तेरु हात सुकी गुयलु, 
\v 2 थुड़ाक फरीसी माणसे ईसु पर झुटु ईल्‌जाम लागाड़नेन तकाय रवला, ने चु आरामेन दाहड़ान नीयम तुड़ीन, जु मांदला काजे वारु करे, की नी करे असा करीन चे भाळी रवला। 
\v 3 ईसु सुकला हात वाळा माणुस सी कह्‌यु, “माणसेन ईचमां उबु हय जां।” 
\v 4 ने ईसु माणसे काजे पुछ्‌यु, “काय आरामेन दाहड़े नीयमेन अनसारे वारु करनु की बुरो करनु वारु छे, जीवेक बचाड़नु की मारनु वारु छे?” बाकुन चे माणसे हुगात हय रवला। 
\v 5 चे मन मां बेसका उदास हतला, करीन ईसु बेसकु दुखी हय गुयु, ने चे रीसवायन चारेमेर तीनु काजे देख्‌यु। ने ईसु तीना काजे कह्‌यु “तारु हात लांबु कर।” ने चु हात लांबु कर्‌यु, ने तेरु हात वारु हय गुयु। 
\v 6 तत्‌यार फरीसी माणसे बाहार जाय्‌न तत्‌यारुत हेरोदेस राजान माणसे बेसका असा वीच्‌यार करने बाजी गुया, की हामु ईसुक कसा करीन मारजे।
\s दरीया धड़े गड़दी
\p
\v 7 ईसु तेरा चेला पुठ्‌ये गलील दरीया भीणी गुयु, ने तत्‌यार गलील ईलाका वाळा मट्‌लु टुळु ईसु पछळ-पछळ आवतेला। 
\v 8 ने ईसुन मटला काम सामळीन यहुदीया, ने यरुसलेम, ने इदुमीया, यरदन नदीन पली धड़ वाळा ने सुर ने सेदा ईलाका वाळा माणसे वारु काम करे करीन माणसेन मटु टुळु तेरे धड़े आयु। 
\v 9 ईसु तेरा चेला काजे कह्‌यु “माणसेन टुळु बेसकु छे करीन मारे वाटे एक ढंड्‌यो तीयार करु काहाकी मे दड़पाय नी सको।” 
\v 10 काहाकी ईसु बेसका माणसेक वारु करलु, तेरेमां दीसरा बी मांदला माणसे वारु हवणे करीन ईसु काजे छीमणे धकलाय्‌तात जातला। 
\v 11 भुतड़ा लागला माणसे ईसु काजे देखता वार मां तेरे अगळ पड़ जातला, ने आयड़ीन कवतेला की, “तु भगवानेन पुर्‌यु छे।”
\p
\v 12 ने ईसु तीनुक चेतायु की, मेसेक उजन्‌तु घुण करु करीन कह्‌यु।
\s ईसु बारे नेवताळाक नेवाड़े
\r (मत्‌‌ती 10:1-4; लुका 6:12-16)
\p
\v 13 पछेन ईसु एक बयड़ा पर जाती रयु, ने गमे तीनाक तेरे धड़े बुलायु; ने चे तेरे धड़े आया। 
\v 14 तत्‌यार ईसु बारे जणा मारे पुठ्‌ये रहु, करीन नेवाड़ लेदु ने तीनुक नेवताळा छे करीन नाव देदु, ने चे परचार करने गुया, 
\v 15 ने माणसे मां सी भुतड़ा नीकाळनेन हक आपीन मकल्‌यु।
\p
\v 16 चे जे छे: सीमोन तेरो नाव चु पतरस राख्‌यु, 
\v 17 ने जब्‌दीन पुर्‌या याकुप ने याकुपेन भाय युहन्‌‌‌नु, तींद्‌रा नाव हयु, बुअनरगीस मतलब गाजणे वाळान पुर्‌यु राख्‌यु, 
\v 18 ने अन्‌दीरीयास ने फीलीप्‌पुस, ने बरतुल्‌मे, ने मत्‌‌ती ने थोमा, ने हलफाईन पुर्‌यु याकुप, ने तद्‌दे ने अळी सीमोन कनानी चु देसेन सेवा करने वाळु हतलु, 
\v 19 ने यहुदा ईस्‌करीयोती चु ईसु काजे धुकु दीन धराड़ देदलु।
\s ईसु ने बालजबुल
\r (मत्‌‌ती 12:22-32; लुका 11:14-23—12:10)
\p
\v 20 तत्‌यार बयड़ा मां सी ईसु घर आयु। ने चां बी माणसे बेसका भेळा हय गुया; ईसु ने तेरा चेला काजे रुटा खाणेन बी टेम नी जड़ी। 
\v 21 जत्‌यार हेरा कुटुम वाळा ईसुन बारामां माणसे असा कवतेला की “ईसु संक्‌यु हय गुयु।” असा करीन ईसुन घरना ईसु काजे घर बुलावणे करीन चाल पड़्‌या।
\p
\v 22 यरुसलेम सी आवला थुड़ाक नीयमेन मास्‌तर्‌या बी कह्‌तेला की, “हेरे मां ते भुतड़ा छे,” ने “जु ईसु भुतड़ा काजे ढासाड़ने करीन डाहला भुतड़ान साहरु लीन भुतड़ा काजे माणसेम सी नीकाळे।”
\p
\v 23 तेरेमां ईसु तीनु काजे धड़े बुलायन दाखलु दीन तीनुक कह्‌यु, “भुतड़ु कसु भुतड़ा काजे नीकाळी सके? 
\v 24 कदी काहनाक देस टुट जाय ने लड़ाय हवे, ती च राज कसों संय रय सके? 
\v 25 ने कदी काहनाक घरेन माणसे मां लड़ाय हवे, ती चो घर कसों संय रय सके? 
\v 26 तेरेमां कदी भुतड़ान राज टुट जाय, ती तेरो राज्‌य कसों बणीन रवसे? तीनाक ते मरनु पड़से।
\p
\v 27 “बाकुन काहनु बी माणुस काहनाक ताकतवाळान घर मां भरायन तेरो समान कसु लुटसे, तत्‌यार लग की चु पेहेल तीना ताकतवाळा काजे बांदी नी लेय; तीत तेरा घर काजे लुट सके।
\p
\v 28 “मे तुंद्‌रे सी छाचलीन कहं, की माणसेन आखा पाप ने नाव-बद्‌दी करे, तेरी माफी जड़ जासे, 
\v 29 बाकुन जु काहनुक चुखली-आत्‌मान नाव-बद्‌दी करसे, तीनुक कदी पापेन माफी नी जड़े, बाकुन चु जलम पापेन गुनेगार रवसे।” 
\v 30 “काहाकी चे असा कह्‌तेला की ईसु मां भुतड़ान आत्‌मा भराय रय।”
\s ईसुन माय ने भायस
\r (मत्‌‌ती 12:46-50; लुका 8:19-21)
\p
\v 31 तत्‌यार ईसुन माय ने भायस आया, ने बाहरुत उबा रय्‌न ईसु काजे बुलावणे करीन घर मां दीसरा काजे मकल्‌या। 
\v 32 माणसे तेरे आड़े-धड़े बसी रवला, चे कह्‌या “देख तारी माय ने तारा भायस ने बहणस्‌या तुसेक बाहार हेरी रया।”
\p
\v 33 ईसु जपाप आप्‌यु, “मारी माय ने मारु भायस कुण छे?” 
\v 34 ने ईसु चां आड़े-धड़े बसी रवला, तींद्‌रे चारे मेर भाळीन कह्‌यु “सामळु, जे अतरात मारी माय ने मारु भायस छे। 
\v 35 जे कुय भगवानेन मरजी पर चाले, चु मारु भायस ने मारी बहणीस ने माय छे।”
\c 4
\s बीज एरन्‌‌‌यान दाखलु
\r (मत्‌‌ती 13:1-9; लुका 8:4-8)
\p
\v 1 ईसु पछु दरीया धड़े माणसेक सीकाड़ने बाजी गुयु। अळी बेसका माणसे ईसु धड़े भेळा हया, की ईसु दरीया मां एक ढंड्‌याम जाय्‌न बठी गुयु ने आखा माणसे एक धड़े जागा पर दर्‌यान धड़के उबा रय गुया। 
\v 2 ने ईसु दाखलु दीन तीनु काजे बेसकी वात सीकाड़्‌यु ने सीकाड़तु जाय्‌न कह्‌यु,
\p
\v 3 “सामळु! एक जणु बीज एरने गुयु। 
\v 4 एरनेन टेम मां थुड़ाक बीज वाटे धड़े पड़्‌या ने चिरला आवीन ईछीन खाय गुया। 
\v 5 थुड़ाक बीज चापर्‌या मां पड़्‌या चां अदु धुळु नी जड़्‌यु, ने जादा धुळु नी जड़नेन वजे सी छाटा उन्‌‌‌गी गुया, 
\v 6 ने जत्‌यार दाहड़ु उन्‌‌‌गीन तप लाग्‌यु तत्‌यार च धान उन्‌‌‌गीन चीमाय गुयो ने जड़ नी धरनेन वजे सी सुक गुयो। 
\v 7 थुड़ाक बीज काटाळस्‌या झाड़का मां पड़्‌या ने चां मटा हय्‌न दड़पाय गुया ने चे फळ नी लाया। 
\v 8 बाकुन थुड़ाक बीज वारलु जागा मां पड़्‌या ने चे उंग्‌या ने काहनाक मटा हय्‌न तीस गुणा ने काहनाक सांठ गुणा ने काहनाक सोव गुणा दाणा पाक्‌या।”
\p
\v 9 तत्‌यार ईसु कह्‌यु, “कुणी धड़े कान्‌टा छे, चे सामळी लेय!”
\s ईसु दाखला मां काय सीकाड़े?
\r (मत्‌‌ती 13:10-17; लुका 8:9-10)
\p
\v 10 जत्‌यार माणसे जाती रया ने ईसु एखलुत रय गुयु, ती तेरा बारे ईसुन चेला ने थुड़ाक दीसरा बी ईसु धड़े आवीन चे दाखलान मतलब पुछ्‌या। 
\v 11 ईसु तीनुक कह्‌यु, तुहुं काजे भगवानेन राजेन वात समजणेन अक्‌कल छे, बाकुन बाहार वाळा वाटे, आखी वात दाखला मां सामळावसे, 
\v 12 तेरेमां की,
\q1 चे देखे बाकुन देखता जाय्‌न,
\q2 बी नी उळख्‌या;
\q1 ने चे सामळे ने,
\q2 सामळता जाय्‌न बी नी समजी गुया।
\q1 कदी चे सामळता ती समजीन भगवान भीणी अळ जाता,
\q2 ती तींद्‌रा पाप माफ कर देतु।
\s बीज एरेन्‌‌‌यान दाखलान बारामां समजाड़्‌यु
\r (मत्‌‌ती 13:18-23; लुका 8:11-15)
\p
\v 13 ईसु तीनुक कह्‌यु, “काय तुहुं काजे जु दाखलु नी समज मां नी पड़तु, ती रवला दाखला काजे कसा समज्‌सु? 
\v 14 एरने वाळु बुले एरे। 
\v 15 जे वाटे धड़े छे बुले एराये, चे जे छे की जत्‌यार चे सामळ्‌या, ती भुतड़ु तत्‌यारुत आय्‌न बुले काजे ज तेरेमां एराय्‌लो छे, चु तीनाक ईछी ली जाय। 
\v 16 काहनाक माणसे ते चापर्‌या वाळा जागान तसा छे; चे भगवानेन बुल सामळीन खुसी-खुसी सी आवरी देय। 
\v 17 बाकुन आपसान माहीं बुलेन वारु जड़ नी धरनेन वजे सी थुड़ाक दाहड़ा वाटे लग रवे; ने पछेन बुले माने ती तींद्‌रे पर मुसकील ने नाव-बद्‌दी आवे ती चे तत्‌यारुत भुरसु खुय देय। 
\v 18 ने काहनाक माणसे असा छे की काटाळस्‌या झाड़ी मां एरला बीज छे, चे माणसे बुले काजे सामळ्‌या। 
\v 19 ने चे जीवेन फीकुर करीन ने मात-भर बणनेन लालुच ने आखी भातीन चीजेन फीकुर मां भगवानेन बुले काजे दड़पी देय, ने चे दाणा नी पाके। 
\v 20 ने काहनाक माणसे चे वारलु जागान तसा छे चां दाणान तसों भगवानेन बुल समाय जाय; जे भगवानेन बुल सामळे ने मानीन पाळे। ने चे दाणा पाके काहनाक तीस गुणा ने काहनाक सांठ गुणा, ने काहनाक सोव गुणा।”
\s दिवान दाखलु
\r (लुका 8:16-18)
\p
\v 21 ईसु तीनु काजे कह्‌यु, “काय हामु दिवा काजे असा करीन लावजे की ठाहरा तळे नीते खाट्‌ली तळे मेक्‌जे? काय असा करीन नी लावे की, दीवाळ्‌या पर मेके।” 
\v 22 ने काय बी चीज सातायलो नी हय, ची देखाय जासे। ने जी चीज ढाकायली छे, जी उघड़ी जासे। 
\v 23 कदी काहनाक ने सामळनेन कान्‌टा हय, चे वारु सामळी लेय।
\p
\v 24 पछेन अळी ईसु तीनुक कह्‌यु, “ज काय तुहुं सामळु तीनी वात पर मन लागाड़ीन वीच्‌यार करु। तीना नाप सी तुहुं नापसु तीनी नाप सी तुंद्‌रे वाटे बी नापायसे, तेरसी बी जादा तुंद्‌रे साते हवसे। 
\v 25 काहाकी तेर धड़े ज काय छे, तीनाक अदुस आपसे; ने तींद्‌रे धड़े काय नी हय, तेरे धड़े सी ज काय ईतरोक रय र्‌यो, च बी मांग लेसे।”
\s उंगणे वाळा बीजेन दाखलु
\p
\v 26 ईसु अळी एक दाखलु कह्‌यु, “भगवानेन राज असो छे, जसों की एक माणुस खेत मां बीज एरे। 
\v 27 ने राते सुय गुयु, ने एगुत जागे, ने चे बीज कसा उंगीन मटा हया करीन पतु नी चाल्‌यु। 
\v 28 धरती मां मेर आपसीत मटी हय्‌न पाकी जाय। पेहेल डीरी फुटे अळतेन उम्‌बी नीकळे ने उम्‌बी मां दाणा भराये। 
\v 29 बाकुन जत्‌यार दाणा पाकी जाय तत्‌यार चु तत्‌यारुत दातळा सी काटणेन तीयारी कर लेय, काहाकी काटणेन टेम आय गुय।”
\s रायन दाणान दाखलु
\r (मत्‌‌ती 13:31,32,34; लुका 13:18,19)
\p
\v 30 ईसु तीनुक कह्‌यु, “आपणु काहना हीसाब सी उळख्‌सुन की, भगवानेन राज कसों छे? ने काहना दाखला सी समज्‌सु? 
\v 31 भगवानेन राज रायन दाणान तसों छे; जत्‌यार खेत मां एरे ती; चां दीसरा आखा बीजे सी नानला देखाये। 
\v 32 बाकुन जत्‌यार चुपी देय, ती अदी जाय ने आखी मेर सी मटो हय जाय, ने तेरा डाळखा बेसका मटा हय जाय ने चां सरगेन चिरला बी पुत्‌रु बणायन आराम करे।”
\p
\v 33 ईसु अळी बेसका दाखला दीन माणसेक बुले सामळाया करतेलु, जतरा सामळनेन मन हय, तत्‌रोत सामळावतेलु, 
\v 34 ने दाखला पाखुर ईसु तीनु काजे काय बी नी सीकाड़तेलु बाकुन एखला मां तेरा चेला काजे दाखलान मतलब सीकाड़तेलु।
\s ईसु आंधी काजे मानाड़े
\r (मत्‌‌ती 8:23-27; लुका 8:22-25)
\p
\v 35 तीनेत दाहड़े सांती वेळाय, ईसु चेला काजे कह्‌यु, “आवु, आपणु दरीयान पली धड़ जाता।” 
\v 36 ने ईसुन चेला तीनी गड़दी सी अलग हय्‌न, चेला तीना ढंड्‌या मां चहड़ी गुया, जां ईसु ढंड्‌या मां पेहलुत सी बसी रवलु, ने चां तींद्‌रे पुठ्‌ये दीसरा ढंड्‌या बी हतला चे बी जाणे बाजी गुया। 
\v 37 तत्‌यारुत दरीया मां मट्‌ली आंधी-हवा आवी ने झलक ढंड्‌ये बेसकी ठुकाय ने ढंड्‌या मां पाणी भरायतेलो। 
\v 38 बाकुन ईसु ढंड्‌यान पछला खुणा मां ईसु ईसों मेलीन सुय रवलु। तत्‌यार चेला ईसु काजे उठाड़्‌या ने तीनाक कह्‌या “ए मास्‌तर, हामु ते मरने बाजी रया, तुसेक फीकुर नी हय काय?” 
\v 39 तत्‌यार ईसु उठ्‌यु ने आंधी-हवा ने झलक काजे लड़ीन कह्‌यु, “हुगी रय जां।” ने आंधी-हवा ने झलक धीरी पड़ीन आखी हुगी रय गुय; 
\v 40 ने ईसु चेलाक कह्‌यु, “तुहुं काहा बीही रया? तुहुं काजे हाल बी भुरसु नी हय काय?” 
\v 41 चेला बेसका बीही गुया ने आंबा-सांबा कह्‌णे बाजी गुया, “जु कुण छे? की आंधी-हवा ने पाणीन झलक लग हेरी वात!”
\c 5
\s ईसु भुतड़ा काजे एक माणुस मां सी नीकाळे
\r (मत्‌‌ती 8:28-34; लुका 8:26-39)
\p
\v 1 ईसु ने तेरा चेला दरीयान पली धड़ गीरासेन्‌यान ईलाका मां गुया, 
\v 2 जत्‌यार ईसु ढंड्‌या मां सी उतर्‌यु; तत्‌यारुत भुतड़ा लागलो एक माणुस मसाण मां सी नीकळीन आयु। 
\v 3 चु माणुस मसाण मां रवतेलु। ने माणसे तीनाक साकळ सी बांदणेन कुसीस कर्‌या बाकुन, चु कुय सी नी बांदाय तेलु, 
\v 4 काहनाक\f + \fr 5:4 \fr*\ft क्योंकि\ft*\f* तीनाक काय कतराक कावा हात मां साकळ ने पाय मां बी साकळ बांदी देदला, तेबी चु तुड़ी देदलु, ने चु साकळ काजे बटका-बटका कर देदलु, ने तीनाक कुय बी बदाड़ी नी सकतेला, काहाकी चु ताकत वाळु हतलु। 
\v 5 चु रात-दाहड़ु मसाण\f + \fr 5:5 \fr*\ft कब्र\ft*\f* ने बयड़ा मां आयड़तु फीरतेलु ने तेरेत दगड़ा दी दीन बेहुस हय जातलु।
\p
\v 6 चु माणुस ईसु काजे छेटे सी आवतेलु देखीन दवड़ीन ईसु अगळ ढंगु अळीन मांडान भुरसे आंध्‌यु। 
\v 7 ने जुर सी आयड़ीन\f + \fr 5:7 \fr*\ft चिल्लाकर\ft*\f* कह्‌यु “ए ईसु, आखा मां सी मुख्‌या भगवानेन पुर्‌या, मारे साते तारो काय काम छे? मेसे भगवानेन सगुन छे, की मेसेक डंड मां आपे।” 
\v 8 काहाकी ईसु तीनाक कह्‌तेलु की, “ए भुतड़ा ईना माणुस मां सी नीकळी जां।”
\p
\v 9 ईसु तीना माणुस काजे पुछ्‌यु “तारो नाव काय छे?”
\p ने चु कह्‌यु, “मारो नाव ‘सेना’ छे; काहाकी हामु बेसका छे।” 
\v 10 ने भुतड़ा ईसु सी वीन्‌ती कर्‌या, “हामु काजे ईना ईलाका मां सी बाहार मां मकले।”
\p
\v 11 चां एक बयड़ान कड़खे सुहर्‌यान एक मटु टुळु चरने बाजी रवलु। 
\v 12 भुतड़ा अळी लीलघाय्‌न कह्‌यु, “हामु काजे पला सुहर्‌या मां मकली दे, तींद्‌रेम हामु रवसुन।” 
\v 13 ईसु भुतड़ा काजे हुकुम आप्‌यु; ने चे भुतड़ा तेरे मां सी नीकळीन सुहर्‌या मां जाय्‌न भराय गुया ने चे सुहर्‌या दुयेक हजार हतला, चे आखा सुहर्‌या दवड़ीन दरीया मां कुद पड़्‌या ने पाणी मां डुबीन मर गुया।
\p
\v 14 ज देखीन गुवाळ्‌या दवड़ीन फळ्‌या ने गांव मां जाय्‌न ज काय हयो, तेरी खबर कर देदा, ने आखा माणसे ज काय हयो च देखणे आया। 
\v 15 ने जत्‌यार दीसरा माणसे ईसु धड़े आया चां तीना माणुस काजे देख्‌या, तेरे पेहेल भुतड़ा लागी रवला। बाकुन चु वारु हय्‌न पुथल्‌या पेरीन बठी रवलु, तत्‌यार चे माणसे बीही गुया। 
\v 16 भुतड़ा लागला माणसेन ने अळी सुहर्‌यान काय हयो करीन, चे देख्‌णे वाळा पुछ्‌या, ने सुहर्‌यान बारामां जाय्‌न दीसराक कय देदा।
\p
\v 17 तत्‌यार माणसे आवीन ईसु काजे लीलघाय्‌न कह्‌या की, हामरा ईलाकाम सी जाती रव।
\p
\v 18 तत्‌यार ईसु पछु जाणे करीन ढंड्‌या मां बसणे बाजी गुयु; तीनाक पेहेल भुतड़ा लागी रवला, चु माणुस ईसु काजे लीलघाय्‌न कह्‌यु, “मेसेक तारे पुठ्‌ये आवणी दे।”
\p
\v 19 बाकुन ईसु तीनाक कह्‌यु, “नी मारे पुठ्‌ये मां आवे, घर पछु जां ने मालीक तारे पर दया करीन तारे वाटे कतरु वारु काम कर्‌यु, च तारा घर वाळाक बताड़।”
\p
\v 20 चु चां सी तेरा दीकापुलीस जीलाम आखे जागे जाय्‌न परचार करने बाजी गुयु की ईसु मारे वाटे बेसको वारु काम कर्‌यु, ने माणसे तेरी वात काजे सामळीन देखतात रय गुया।
\s याईरेन पुरे ने पोगराळी दुख वाळी बायर
\r (मत्‌‌ती 9:18-26; लुका 8:40-56)
\p
\v 21 गीरासेनीया ईलाका मां सी ईसु पछु ढंड्‌या मां बठीन दरीयान पली धड़ गुयु। ती चां धड़के माणसेन गड़दी चारे मेर लाग गुय। 
\v 22 याईर नावेन एक माणुस हतलु, चु तींद्‌रा भक्‌तीन घरेन मुख्‌या मायन एक हतलु, चु ईसुक देखीन पाये पड़्‌यु, 
\v 23 ने चु ईसु सी लीलघाय्‌न कह्‌यु, “मारी नानली पुरे मरनेत पर छे। तु दया करीन मारे पुठ्‌ये चाल, ने तेरे पर हात मेल, ने ची वारु हय्‌न जीवतेली रवे!”
\p
\v 24 तत्‌यार ईसु तेरे पुठ्‌ये चाली पड़्‌यु। ने मट्‌ली गड़दी बी पुठ्‌येत गुय। ने तेरे पुठ्‌ये चालन्‌या माणसे चीपदाय्‌न ने धकलाय्‌न ईसु पर पड़तेला।
\p
\v 25 एक बायर हतली, तेरे बारे साल सी पोगराळान दुख लागलो हतलो। 
\v 26 ची बेसकी परेसान हतली ने डाक्‌टर्‌या मां ईलाज कराड़ी-कराड़ीन आखा पयस्‌या सर गुयला, तेबी वारु नी हय। बाकुन जादास मांदी हय गुय। 
\v 27 ची ईसुन बारामां ज सामळीन गड़दी मां तेरे पछळ सी आय, ने ईसुन पुथल्‌या काजे छीमी लेदी। 
\v 28 काहाकी ची सुचतेली की, “कदी मे ईसुन पुथल्‌याक छीमी लीस, ती मे वारु हय जायस।”
\p
\v 29 असी करीन ची माणसेन टुळा मां धकलाय्‌न ईसुन पुथल्‌या काजे छीमी लेदी ने तत्‌यारुत तेरे लुही नीकळनु बंद हय गुयो, ने तेरा डील मां मालुम पड़ गुयो, की मे हीड़ा-पीड़ा मां सी छुटीन वारु हय गुय। 
\v 30 ने तत्‌यारुत ईसुन डील मां मालुम पड़ गुयो, की मारे मां सी छुटकारु आपणेन ताकत नीकळी छे, ने ईसु पछु फीरीन गड़दी मायन माणसेक पुछ्‌यु, “मारो झगल्‌यो कुण छीम्‌यो?” 
\v 31 तेरा चेला तीनाक कह्‌या, “जे माणसे ते चीपदाय्‌न ने धकलाय्‌न तारे पर पड़ रया ने तु काहा पुछी र्‌यु की; मेसेक कुण छीम्‌यो?”
\p
\v 32 तत्‌यार बी ईसु मेसेक कुण छीम्‌यो करीन देखणे चारे मेर भाळने बाजी गुयु। 
\v 33 तत्‌यार ची बायर मारो बेसको भलो हवलो छे असी जाणीन ची बीहती ने कापती जाय्‌न ईसु धड़े आवी, ने ईसुन पाये पड़ी ने ज काय हयो च छाचलीन बताड़ देदी। 
\v 34 ईसु तीनीक कह्‌यु, “मारी बेटी तु ते मारे पर भुरसु करी, तेरेमां तु हीड़ा-पीड़ा मां सी छुटीन वारु हय गुय। तु सुकेन जीवे जीवती रव।”
\p
\v 35 ईसु तीनीक कवणे बाजी रवलु, ती चां तीना याईरेनेन घर मां सी काहनाक आवीन मुख्‌या काजे कह्‌या, “तारी पुरे नी बची, ने मास्‌तर काजे काहा दमे।”
\p
\v 36 ईसु तींद्‌री वात\f + \fr 5:36 \fr*\ft बात\ft*\f* काजे सामळ्‌यु बाकुन धीयान नी देदु ने मुख्‌या काजे कह्‌यु, “मां बीहे, बाकुन मारे पर भुरसु अतरुत राख।” 
\v 37 ने ईसु दीसरा काजे चाहात रहणीदीन पतरस ने याकुप ने अळी याकुपेन भायस युहन्‌ना काजे अतरुत तेरे पुठ्‌ये आवणे देदु। 
\v 38 ने ईसु तींद्‌रे पुठ्‌ये\f + \fr 5:38 \fr*\ft सात\ft*\f* मुख्‌यान घर पुग्‌या; तत्‌यार घर मां बेसका माणसेक देख्‌यु ने रड़तेला ने आयड़ता सामळ्‌यु। 
\v 39 तत्‌यार ईसु घर मां जाय्‌न तीनुक कह्‌यु, “तुहुं काहा रड़ीन ने कलपी र्‌या? पुरे मरी नी बाकुन, सुवणे बाजी रय।”
\p
\v 40 चे माणसे ईसुन वात सामळीन हीनाक हासणे बाजी गुया, बाकुन ईसु तीनु आखा काजे घर मां सी बाहर नीकाळ देदु ने पुरेन आयस-बास ने अळी तेरा तीन चेला काजे लीन पुरे हतली, चां गुया ने पुरे मरीन पड़ी रवली। 
\v 41 ने ईसु पुरेन हात धरीन तीनीक कह्‌यु, “तलीता, कुमी!” तेरो मतलब छे, “पुरे मे तुसेक कहं की उठ!”
\p
\v 42 ने ची नानली पुरे तत्‌यारुत जीवती हय्‌न उठ गुय ने चालने फीरने लागी; ची पुरे बारे सालेन हतली। ने चे ज देखीन देखतात रय गुया। 
\v 43 पछेन ईसु तीनुक हुकुम\f + \fr 5:43 \fr*\ft आज्ञा\ft*\f* आपीन कह्‌यु, जी वात कुय काजे घुण कहें, “ने अळी असु बी कह्‌यु, की पुरे काजे काहींग खाणे आपु।”
\c 6
\s नासरत गांव मां ईसुन काय नी ईज्‌जत
\r (मत्‌‌ती 13:53-58; लुका 4:16-30)
\p
\v 1 चां सी ईसु तेरा गांव नासरत भीणी चाली पड़्‌यु, ने तेरे पुठ्‌ये तेरा चेला बी आया। 
\v 2 ने चु यहुदीन आरामेन दाहड़े, भक्‌तीन घर मां जाय्‌न सीकाड़ने बाजी गुयु ने आखा तेरी वात सामळीन देखतात रय गुया। ने आंबा-सांबा पुछणे बाजी गुया “की असी अक्‌कल हीनाक कां सी जड़ी ने बेसको मटो काम करनेन ताकत कुण देदो?” 
\v 3 काय जु सुतारेन पुर्‌यु नी हय? चु मरीयमेन पुर्‌यु ने याकुप ने योसेस ने यहुदा ने सीमोनेन भाय छे? ने काय हेरा बहणस्‌या हामरा ईचमां नी रवे? तेरेमां चे हीनाक मान्‌या नी।
\p
\v 4 ईसु तीनुक कह्‌यु, “भगवानेन अघी सी वात बताड़ने वाळा ने आपसान गांव वाळा ने तेरा रीस्‌ता वाळा ने आपसान घरवाळाक छुड़ीन कुय बी ईज्‌जत नी करे।”
\p
\v 5 चां ईसु गांव मां बेसकु मटो काम नी कर्‌यु; बाकुन थुड़ाक मांदला माणसे पर हात मेलीन तीनुक वारु कर्‌यु। 
\v 6 ने ईसुक तींद्‌रु भुरसु नी करने सी मन मां असु कह्‌यु, की जे कसला माणसे छे, बाकुन चारे मेर गांव मां फीरतु रयु ने सीकाड़तु गुयु।
\s ईसु बारे चेला काजे परचार करने मकल्‌यु
\r (मत्‌‌ती 10:1,5-15; लुका 9:1-6)
\p
\v 7 ईसु आपसान बारे चेला काजे बुलायु ने तीनुक भुतड़ा नीकाळनेन हक आप्‌यु; ने दुय-दुय जणा काजे मकल्‌यु। 
\v 8 चु तीनुक असु कह्‌यु, “कदी बाहार कांखुर जावु ती लाकड़ीक छुड़ीन दीसरो काय बी साते घुण ली जावु, नी ते रुटा, नी ते झुळु, नी ते बटवा मां पयस्‌या। 
\v 9 बाकुन तुहुं चाट्‌या पेहेरजु ने पेहेरलो झगल्‌योत पेहरीन जाजु, ने दीसरो काय घुण ली जावु।” 
\v 10 ने ईसु तीनुक कह्‌यु, “काहनाक घरवाळा आव करीन नेवता आपे, ती चांहान रवजु जां लग चु जागु छुड़े नी। 
\v 11 काहना बी जागे माणसे तुंद्‌रो आव-भाव नी करे ने तुंद्‌री वात नी सामळे ती चां सी आवणेन पेहेल पायेन धुळु चांहान झाटकी देजु काहाकी चे आवणे वाळा डंडेन बारामां बीहीन रवसे।”
\p
\v 12 तत्‌यार चे चां सी जाती रया, ने जाय्‌न असा परचार कर्‌या, की पाप करनु छुड़ीन मन फीरावु। 
\v 13 ने चे बेसका माणसे मां सी भुतड़ा नीकाळ्‌या ने मांदला काजे जेतुनेन तेल लागाड़ीन वारु कर्‌या।
\s बपतीस्‌मा आपणेन वाळा, युहन्‌ना काजे माराड़नु
\r (मत्‌‌ती 14:1-12; लुका 9:7-9)
\p
\v 14 असो करीन ईसुन नाव आखे दुर मालुम हय गुयो ने अतरो बी की हेरोदेस राजाक बी, ईसुन बारामां सामळ्‌यु ने कह्‌यु, “बपतीस्‌मा आपण्‌यु युहन्‌‌‌नु पछु जीव उठलु छे; तेरेमां हेरा बेसका मटा ताकुतेन\f + \fr 6:14 \fr*\ft सामर्थ \ft*\f* काम हया।”
\p
\v 15 दीसरा माणसे कह्‌या, “जु एलीयु छे।”
\p ने दीसरा माणसे कह्‌या, “नी, हयु अघी सी आवणे वाळी वात बताड़ने वाळा मायन एक छे।”
\p
\v 16 बाकुन जत्‌यार हेरोदेस जी वात सामळायु ती कह्‌यु, “तीना युहन्‌नान मुणको काटाड़ देदलु छे, ने जु पछु कसु जीव उठ्‌यु!” 
\v 17 हेरोदेस युहन्‌ना काजे धरीन ने हातकड़ी लागाड़ीन जेल मां बुजाड़ी देदलु। असो हयु हेरोदीयासेन वजे सी कर्‌यु, काहाकी हेरोदेस तेरा भायस फीलीप्‌पुसेन लाडी हेरोदीयास हतली, हयु हेरे साते ईयाव कर लेदलु, 
\v 18 काहाकी युहन्‌‌‌नु हेरोदेस राजा सी कहतेलु, “आपसा भायस फीलीप्‌पुसेन लाडी साते ईयाव करनु, तारे वाटे वारु नी हय।”
\p
\v 19 तेरेमां हेरोदीयास ईनी वात मां युहन्‌ना सी रीस करतेली, ने ची तीनाक माराड़ने हींडी रवली, बाकुन हयी हेरोदेसेन वजे असो नी हय सक्‌यो, 
\v 20 काहाकी हेरोदेस राजु युहन्‌ना काजे धरमी ने चुखलु माणुस करीन बीहतेलु, ने तेरी राखवाळी कराड़तेलु। हेरोदेस तेरी वात सामळीन बेसकु घाबराय तेलु; बाकुन खुस हय्‌न तेरी वात सामळतेलु।
\p
\v 21 बाकुन एक दाहड़े वारु टेम आय, जत्‌यार राजु हेरोदेस आपसा पयदावारीन तीहवारेन दाहड़े तीनी हेरोदीयास काजे वारु मुखु जड़ी गुयु। तीने दाहड़े राजु हेरोदेस तेरा गलील सरकारेन डाहला ने अळी सीपायड़ान डाहला ने अळी गांवेन काम करने वाळा मायन डाहला काजे पंगत मां खाणे बुलायु। 
\v 22 ती चां हेरोदेसेन पुरे आय ने नाची ने हेरोदेस काजे खुस\f + \fr 6:22 \fr*\ft प्रसन्न\ft*\f* करी ने तेरा मेजवान्‌या काजे बी। तेरेमां राजु तीनी पुरेक कह्‌यु, “तुसे काय बी चाहजे च मांग, मे तुसे आपी दीस।” 
\v 23 ने चु सगुन खाय्‌न कह्‌यु, “ज काय तु मांगी च आप दीस, भले तु आधो राज मांगसी चो लग आपी दीस।”
\p
\v 24 तत्‌यार ची पुरे बाहर जाय्‌न तेरी माय हेरोदीयास काजे पुछी, “मे काय मांग?” ची कय “बपतीस्‌मा आपणे वाळु युहन्‌नान मुणको मांग ले।”
\p
\v 25 पुरे तत्‌यारुत पछी राजा धड़े दवड़ीन गुय, ने तीनाक कही, “मे चाह की तु बपतीस्‌मा आपणे वाळा युहन्‌नान मुणको तळी मां मांगाड़ ले।”
\p
\v 26 पुरेन वात सामळीन राजु बेसकु दुखी हयु, बाकुन चु मान्‌तान वजे सी माणसे अगळ सगुन खाय्‌न कह्‌लु, तेरेमां तीनी पुरेन वात काजे नी टाळ्‌यु। 
\v 27 ने राजु तत्‌यारुत एक सीपायड़ा काजे कह्‌यु, की युहन्‌नान मुणको काटीन लाव ने चु जेल मां गुयु ने तेरो मुणको काट्‌यु, 
\v 28 ने युहन्‌नान मुणको काटीन तळी मां भरीन लायु, ने तीनी पुरे काजे आपी देदु ने ची पुरे तेरी माय काजे आप देदी। 
\v 29 जत्‌यार युहन्‌नान चेला जी खबर सामळीन आया, ने तेरा धड़ काजे ली गुया ने मसाण मां वारु गाड़ देदा।
\s ईसु पांच हजार माणसे काजे खाणो खावाड़े
\r (मत्‌‌ती 14:13-21; लुका 9:10-17; युहन्‌ना 6:1-14)
\p
\v 30 ने ईसुन नेवताळा सेवा करने गुयला, चे ईसु धड़े पछा आवीन भेळा हय्‌न ज काय चे कर्‌या ने सीकाड़्‌या च आखो कय देदा। 
\v 31 पछेन ईसु तीनुक कह्‌यु, “जां ते बेसका माणसे आवता जाता रवे ने तुहुं काजे रुटा खाणेन लग टेम नी जड़े। अतरा मां ईसु तीनुक कह्‌यु चालु आपणु बयड़ा मां एक सुनसान जागा मां जाता चां जाय्‌न तुहुं थुड़ीक वार आराम कर सकु।” 
\v 32 तेरेमां चे ढंड्‌या मां बठीन एक सुनसान जागा मां जाती रया।
\p
\v 33 बेसका माणसे ईसुक जातला देखीन उळखी लेदा, ने आखा गांवे-गांवेन माणसे भेळा हय्‌न चां दवड़ी पड़्‌या ने ईसु ने तेरा चेला सी पेहेल पुगी गुया। 
\v 34 ईसु ढंड्‌या मां सी उतर्‌यु, चां बेसकु मटु माणसेक टुळा काजे देख्‌यु, ने तींद्‌रे पर दया आय, काहाकी चे तींद्‌रा गुवाळ्‌या पाखुर खुवायला गाडरान तसा हतला। ने ईसु बेसकी वात तीनु काजे सीकाड़ने बाजी गुयु। 
\v 35 जत्‌यार दाहड़ु ढळ गुयु, ने टेम हय गुय, ती ईसुन चेला धड़े आवीन कह्‌या, “जु सुनसान जागु छे, ने दाहड़ु बेसकु ढळ गुयलु छे। 
\v 36 माणसे काजे आड़े-धड़ेन खेत ने गांव मां जाणी देवु काहाकी चे आपसा वाटे खाणे करीन काहींग मुल ली लेसे।”
\p
\v 37 ईसु तीनुक कह्‌यु, तुहुंत ईनु काजे खाणेन आपु।
\p चे तीनाक कह्‌या, “हीनुक आखा काजे खावाड़ने करीन जाजे ने आंठ महनान दाहड़ान दाहड़कीन पयस्‌या खरचु करीन रुटा\f + \fr 6:37 \fr*\ft रोटियाँ\ft*\f* मुल लावाय्‌से काय? असु तु काय कय रयु?”
\p
\v 38 तत्‌यार ईसु तीनुक कह्‌यु, “जाय्‌न देखु तुंद्‌रे धड़े कतरा रुटा छे।”
\p चे जाय्‌न देख्‌या ने कह्‌या, “हामरे धड़े पांच रुटा ने दुय माछी छे।”
\p
\v 39 तत्‌यार ईसु चेला काजे हुकुम आपीन कह्‌यु आखा काजे नीळ्‌ळा चारा मां पंगत बठाड़ देवु। 
\v 40 चे आखा माणसे सोव-सोव ने पचास-पचास माणसेन पंगत बठी गुया। 
\v 41 ईसु चे पांच रुटा ने दुय माछी मांगीन हात मां लेदु, ने सरग भीणी उपर भाळीन भगवान काजे कह्‌यु तु बेसकु वारु छे। ने ईसु रुटा काजे भांजीन चेला काजे आप्‌यु ने चे चेला माणसे काजे वाटता गुया। ने माछी बी असुत करीन आप्‌यु। 
\v 42 ने आखा जणा खायलीन आफरी गुया। 
\v 43 ने चेला बचला रुटान कट्‌का, ने माछान खणका ईछीन भेळा कर्‌या, ती चे बारे चार्‌या भर्‌या। 
\v 44 चे खाणे वाळा अदमीत पांच हजार हतला, ने बायरा ने पुर्‌या अलग।
\s ईसुन पाणी पर चालनु
\r (मत्‌‌ती 14:22-33; युहन्‌ना 6:15-21)
\p
\v 45 तत्‌यार ईसु तत्‌यारुत हेरा चेला काजे ढंड्‌या मां बठु करीन कह्‌यु, चे आपसा सी पेहेल बेतसेदा ईलाका मां ने च दरीयान पली धड़ जाती रवे, जत्‌यार लग की मे माणसे काजे मकली नी दम। 
\v 46 ने आखा माणसे काजे मकली दीन ईसु बयड़ा पर भगवान सी दुवा करने गुयु। 
\v 47 जत्‌यार सांती वेळाय हय तत्‌यार ढंड्‌यो दरीयान ईचमां हतलो, ने ईसु खळदाण पर एखलुत हतलु। 
\v 48 तत्‌यार ईसु चां रय्‌न चेलाक देख्‌यु की चे ढंड्‌या काजे चालाड़न्‌या घाबराय गुया, काहाकी आहळो तींद्‌रे सांबो आवणे बाजी रवलो। तत्‌यार ईसु कुकड़ा वासणीक पाणी पर चालतु जाय्‌न तींद्‌रे भीणी आयु ने तींद्‌रे धड़े\f + \fr 6:48 \fr*\ft निकल\ft*\f* मायन अघु जाणे हींडी रवलु। 
\v 49 बाकुन चे ईसु काजे पाणी पर चालतेलु देखीन असा समज्‌या गुया की हामु काजे भुतड़ुत देखाये ने चे आयड़ु कुद्‌या। 
\v 50 काहाकी चे आखा तीनाक देखीन घाबराय गुयला।
\p बाकुन तत्‌यारुत ईसु तीनुक कह्‌यु “हिम्‌मत राखु, मेत छे, बीहु मां।” 
\v 51 तत्‌यार ईसु तींद्‌रे ढंड्‌या मां चहड़ी गुयु ने आहळी धीरी पड़ गुय ने चे बेसका देखतात रय गुया। 
\v 52 चे पांच हजार माणसे काजे खावाड़ने वाळान मटो काम समजी नी सक्‌या काहाकी तींद्‌रो मन काठो हय गुयलो।
\s गन्‌‌‌नेसरत मां ईसु मांदला काजे वारु कर्‌यु
\r (मत्‌‌ती 14:34-36)
\p
\v 53 ईसु ने तेरा चेला उतरीन गन्‌नेसरत ईलाका मां आया, ने ढंड्‌या काजे घाट पर लागाड़ देदा। 
\v 54 जत्‌यार चे ढंड्‌या मां सी उतर्‌या, तत्‌यार माणसे ईसु काजे तत्‌यारुत उळखी लेदा। 
\v 55 आड़े-धड़े आखा ईलाका मां सी दवड़ी-दवड़ीन मांदला काजे खाट्‌ली मां हाकलीन लाया ने जांहनड्‌ला बी माणसे सामळ्‌या, चांहान बी मांदला काजे ईसु धड़े लाया। 
\v 56 ने काहना बी गांव, सहर, नीते फळ्‌या मां जातलु, चां माणसे मांदला काजे हाटेम मेलदीन लीलघाय्‌न कवतेला की तारा पुथल्‌यान छेवड़ु अतरुत छीमणी दे। ने जतरा बी तीनाक छीम्‌या, चे आखा वारु हय जातला।
\c 7
\s डाहा बुड़ान नेम
\r (मत्‌‌ती 15:1-9)
\p
\v 1 तत्‌यार थुड़ाक फरीसी माणसे ने मुसान नीयमेन मास्‌तर्‌या यरुसलेम सी आवीन ईसु धड़े भेळा हया, 
\v 2 चे ईसुन थुड़ाक चेला काजे हात धुया पाखुर रुटा खात्‌ला देख्‌या।
\p
\v 3 काहाकी फरीसी माणसे ने आखा यहुदी डाहला डाहलान रीतीन अनसारे चे जां लग हात नी धुवे चां लग खाय बी नी; 
\v 4 ने हाटेम सी आवीन जां लग उंघळी\f + \fr 7:4 \fr*\ft स्नान\ft*\f* नी लेय चां लग खाणो नी खाय ने अळी बी बेसकी असी वात छे ची वात मान्‌ने करीन आवली जसों की, कटवरु, कळस्‌यु ने तांबान ठाहरा काजे मांजणु ने धुवणु।
\p
\v 5 तेरेमां चे फरीसी माणसे ने नीयमेन मास्‌तर्‌या ईसु काजे पुछ्‌या, “तारा चेला डाहला-डाहलान रीत पर काहा नी वेहवार करे जसा की हात धुया पाखुर रुटा खाय?” 
\v 6 ईसु तीनुक कह्‌यु,
\q1 यसायु माणुस तुंद्‌रेन तसा ढंगड़ा करन्‌यान बारामां भगवान पेहलुत सी वात कह्‌लु हतलु,
\q1 जसों लिखलो छे जे माणसे मुंहडा सी ते मारी ईज्‌जत करे बाकुन हींद्‌रो मन मारे सी बेसको छेटे रवे।
\q1
\v 7 जे ते फालतु मारी भक्‌ती करे
\q2 काहाकी माणसेन वात काजे नीयम करीन सीकाड़े
\q2 ने असा समजे की जु हामरु नीयम हतलु।
\p
\v 8 “काहाकी तुहुं ते भगवानेन हुकुम काजे टाळीन माणसेन कह्‌लो मानी र्‌या।”
\p
\v 9 ने ईसु तीनुक कह्‌यु, “तुहुं आपसान रीत काजे मान्‌ने करीन चतुर बणीन भगवानेन हुकुम कसा तुहुं टाळ देवु। 
\v 10 काहाकी मुसु हुकुम देदलु की, ‘आपसान बास ने आपसान मायन ईज्‌जत कर’ ने ‘जु काहनुक बास ने माय काजे बुली दी देय, तीनाक मार देणु चाहे।’ 
\v 11 बाकुन तुहुं कहुं की कदी काहनुक माणुस आपसान बास ने माय सी कहें ‘की मारी जीनी चीज सी तुहुंक फायदु हवणु हतलो च मे भगवान काजे आप देदु, ने हय तुंद्‌री सेवा नी करो।’ 
\v 12 तत्‌यार तुहुं तीनाक तेरा बास ने तेरी मायन काय बी चाकरी नी करने देवु। 
\v 13 असा करीन तुहुं तुंद्‌री नेम काजे पाळे ने भगवानेन बुले टाळ देवु ने अळी असात बेसका काम करने बाजी र्‌या।”
\s माणुस काजे मुयळेन तसी भुंडीत करने वाळी वात काय छे?
\r (मत्‌‌ती 15:10-20)
\p
\v 14 तत्‌यार ईसु अळी माणसे काजे धड़े बुलायन तीनुक कह्‌यु, “तुहुं आखा मारी वात सामळु ने समजु। 
\v 15 असो काय बी \f + \fr 7:15 \fr*\ft वस्तु\ft*\f* नी हय, ची माणसे मां भरायन तीनुक वीटाळ देतु हय; बाकुन जो माणसेम सी नीकळे चोन तीनुक वीटाळ देय। 
\v 16 कदी तेरा सामळनेन कान्‌‌‌टा हय, चु सामळी लेय।”
\p
\v 17 जत्‌यार ईसु गड़दी मां सी नीकळीन घर आयु, ती चां तेरा चेला तीना दाखलान बारामां बताड़ करीन पुछ्‌या। 
\v 18 ईसु तीनुक कह्‌यु, काय तुहुं बी डेड़-अकल्‌या छे काय? काय तुहुं नी समजु, की जी चीज बाहर सी माणसेन माहें जाय ची तीनाक वीटाळ नी सके, 
\v 19 काहाकी च तींद्‌रा मन मां नी बाकुन पेट मां जाय ने बाहरी बठणे जाय, ती नीकळी जाय। असु कहींन हयु आखा खाणेन चीज काजे चुखलो ठहरायु।
\p
\v 20 पछेन ईसु कह्‌यु, ज काय माणुस मां सी नीकळे चत, माणुस काजे वीटाळ देय। 
\v 21 काहाकी माणसेन माहीं सी गलत वीच्‌यार, छीनाळो, चुरी, हत्‌या, खुदेन बायर छुड़ीन दीसरी बायर भीणी जाणेन मन। 
\v 22 भुंडोत काम, लालुच करन्‌यु, कुहराय करन्‌यु, दीसरा काजे ठगण्‌यु, दीसरान नाव-बद्‌दी करन्‌यु जी वात बाहर आवे। 
\v 23 जी आखी भुंडीत वात माणसेन माहीं सी नीकळे ने माणुस काजे वीटाळ देय।
\s एक बायरीन भुरसु
\r (मत्‌‌ती 15:21-28)
\p
\v 24 पछेन ईसु चां सी उठीन सुर ने सेदा ईलाका मां आयु; ने चां एक घर मां गुयु ने चु चाहतेलु की मेसेक दीसरा कुय बी उळख्‌णु नी चाहजे। बाकुन चु उळखाय गुयु। 
\v 25 ने तत्‌यारुत चां एक बायर ईसु आय रयु करीन सामळीन आय ने तेरी नानली पुरेन भुतड़ु लागी रवलु, ने ची ईसुन पाये पड़ी। 
\v 26 ची बायर सीरीया देसेन सुरुफोनेसीया मां रहतेली ने ची नी-यहुदी वाळी हतली। ने ची ईसु सी जी लीलघाय्‌न कही की, भुतड़ा काजे मारी पुरे मां सी नीकाळ दे। 
\v 27 ईसु दाखलु दीन तीनीक कह्‌यु, “पेहेल पुर्‌या काजे खाय्‌न आफरनी दे काहाकी पुर्‌या भीणीन रुटा हापकीन कुतरा अगळ नाखणु वारु नी हय।”
\p
\v 28 ची बायर दाखला मां सी एक कड़ी जुड़ीन जपाप आपी, खरली वात छे, मालीक बाकुन तेबी कुतरा पुर्‌यान ईस्‌टाळा रुटान भुकरा काजे खाय लेय।
\p
\v 29 ईसु तीनीक कह्‌यु, “जी वात कही, तेरेमां तु आराम सी जाती रव, भुतड़ु तारी पुरे मां सी नीकळी गुयलु छे।”
\p
\v 30 ची चां सी तेरे घर जाय्‌न देखी, तत्‌यार तीनीक मालुम पड़्‌यो की भुतड़ु पुरे मां सी नीकळी गुयु ने तेरी पुरे वारु हय्‌न खाट्‌ली पर सुय रवली।
\s ईसु एक बेहरा ने बुबड़ा माणुस काजे वारु करे
\p
\v 31 पछेन ईसु चां सी उठीन सुर ईलाका मां सी नीकळीन सेदा ने दीकापुलीस ईलाका मायन जातात गलील दरीया धड़े पुग्‌यु। 
\v 32 चां एक माणुस बेहरु ने चु बुबड़ु बी हतलु, तत्‌यार माणसे ईसु धड़े आवीन ईसु सी लीलघाय्‌न कह्‌या, की तारु हात हीना पर मेक। 
\v 33 तत्‌यार ईसु तीना काजे गड़दी मां सी अलग ली गुयु, ने आपसान आंगळी बेहरान कान्‌‌‌टा मां भर्‌यु ने तीनीत आंगळी पर थुपीन तीनी आंगळी सी जीप छीम्‌यु। 
\v 34 ने सरग भीणी भाळीन मटीस दम लीन कह्‌यु, “ईप्‌फत्‌तह!” मतलब “उघड़ी जां।”
\p
\v 35 ने तत्‌यारुत तेरा कान्‌‌‌टा उघड़ी गुया ने तेरी जीपेन गाठ बी छुट गुय ने चु चुखु झण बुलने बाजी गुयु। 
\v 36 तत्‌यार ईसु माणसेक हुकुम आपीन कह्‌यु, जी वात कुय काजे घुण कहुं, बाकुन जतरु तीनुक जुर दीन हुकुम आपीन कह्‌यु ततरा अदुस चे वातेन परचार करने बाजी गुया। 
\v 37 चे बेसका खुस हय गुया ने अळी-अळीन कह्‌णे बाजी गुया, “हयु ज बी कर्‌यु, आखो वारलु कर्‌यु; हयु बेहरा काजे सामळनेन, ने बुबड़ा काजे बुलनेन ताकत आपे।”
\c 8
\s ईसु चार हजार माणसे काजे रुटा खावाड़्‌यु
\r (मत्‌‌ती 15:32-39)
\p
\v 1 तीनु दाहड़ा मां अळी एक माणसेन मट्‌लु टुळु ईसु धड़े भेळु हयु। ने तीनु माणसे धड़े खाणेन काय नी हतलो। तत्‌यार ईसु तेरा चेला काजे धड़े बुलायन कह्‌यु, 
\v 2 “मेसेक हीनु माणसेन टुळा पर तरस आवे, काहाकी जे तीन दाहड़ा सी मारे पुठ्‌ये छे ने हींद्‌रे धड़े खाणेन काय बी नी हय। 
\v 3 हींद्‌रे मां सी काहनाक बेसके लांबे सी आवला छे। कदी हीनुक मे भुकलात घर मकलीस तत्‌यार वाटे झामा खाय्‌न पड़ जासे।”
\p
\v 4 ईसुन चेला जपाप आप्‌या, “जां बयड़ा मां ईनु माणसेक आफरीन खावाड़ने करीन अतरा रुटा कां सी लावसुन?” 
\v 5 ईसु चेला काजे पुछ्‌यु, तुंद्‌रे धड़े कतरा रुटा छे, “चे कह्‌या” सात रुटा।
\p
\v 6 तत्‌यार ईसु माणसे काजे भुयमां बसी जावु करीन हुकुम आप्‌यु, ने चु सात रुटा हात मां लीन रुटा वाटे भगवान काजे कह्‌यु, तु बेसकु वारु छे, ने चु माणसे काजे वाट देवु, करीन रुटा भांजीन तेरा चेला काजे आपतु गुयु ने चेला माणसेक वाटता गुया। 
\v 7 हींद्‌रे धड़े थुड़ाक नानला माछा बी हतला, माछा वाटे बी ईसु, भगवान तु बेसकु वारु छे करीन कह्‌यु। ने चे माछा बी माणसेक वाट देवु, करीन चु तेरा चेला काजे हुकुम आपी देदु। 
\v 8 चे आखा माणसे खायलीन आफरी गुया, ने चेला, बचला रुटान कट्‌का भेळा कर्‌या, तत्‌यार सात चार्‌या भराय गुया। 
\v 9 ने चां माणसे चार हजार हतला, ने तत्‌यार ईसु तीनु माणसे काजे अळाय देदु। 
\v 10 ने चु मामार तेरा चेला पुठ्‌ये ढंड्‌या मां बठीन दलमनुता ईलाका मां जाती र्‌यु।
\s फरीसी माणसे सरग मायन सहलाणीन मांगे
\r (मत्‌‌ती 16:1-4)
\p
\v 11 पछेन थुड़ाक फरीसी माणसे ईसु साते लड़ाय झगड़ु करने बाजी गुया। ने तीनाक पारखणे करीन कह्‌या की “ईसु हामुक एक असी वारु कामेन सहलाणी देखाड़।” 
\v 12 ईसु तींद्‌रा ढंगड़ा देखीन हेरा जीव-आत्‌मा मां मटीत दम लीन कह्‌यु, “तुहुं ईनी पीड़ीन माणसे हय बी वारु कामेन सहलाणी काहा हेर र्‌या? बाकुन मे तुहुंक छाचलीन कहं की, तुहुंक काय बी सहलाणी नी जड़े।”
\p
\v 13 ने ईसु फरीसी माणसे काजे छुड़ीन अळी पछु ढंड्‌या मां बठी गुयु, ने दरीयान पली धड़ जाणे बाजी गुयु।
\s ईसु चेला काजे सीकाड़े की फरीसी माणसे ने हेरोदेस राजा सी संभ्‌ळीन रवु
\r (मत्‌‌ती 16:5-12)
\p
\v 14 ईसु ने तेरा चेला ढंड्‌या मां जाणे बाजी रवला ने चे चेला रुटा लावणे वीसरी गुयला, ने ढंड्‌या मां तींद्‌रे धड़े एकुत रुटु हतलु। 
\v 15 ने ईसु तेरा चेला काजे दाखलु दीन असु कय्‌न संभ्‌ळीन रवजु कह्‌यु की, “फरीसी माणसेन खमीर ने राजा हेरोदेसेन खमीर सी संभ्‌ळीन रवु।”
\p
\v 16 चेला आंबा-सांबा वीच्‌यार करीन कह्‌या, “आपणु रुटा नी लाया तेरेमां ईसु असो कय र्‌यु।”
\p
\v 17 ने ईसु तींद्‌री जी वात जाणीन कह्‌यु तुहुं आंबा-सांबा हामरे धड़े रुटा नी हय करीन काहा वीच्‌यार करने बाजी र्‌या, हय बी तुंद्‌रो मन डेड़-अकल्‌या छे काय? तुहुंक हय बी जी वात समज मां नी आवती? 
\v 18 तुंद्‌रा डुळा छे, तेबी देखायतो नी? ने कान्‌‌‌टा हय्‌न, बी सामळायतो नी? ने तुहुंक जी हवली वात हेर नी हय? 
\v 19 जत्‌यार मे पांच हजार माणसेक पांच रुटा भांजीन आपलु, चां तुहुं रुटान कट्‌का ईछीन बेसका चार्‌या भरला? चे कह्‌या, “बारे चार्‌या।”
\p
\v 20 “ने जत्‌यार चार हजार माणसे वाटे सात रुटा भांजीन आपलु चां तुहुं भांजला रुटान कट्‌का, कतरा चार्‌या भरला?” चे ईसु काजे कह्‌या, “सात चार्‌या।”
\p
\v 21 अळी ईसु तीनुक कह्‌यु, “खाण्‌या-सुडान मतलब हय लग नी समज्‌या काय?”
\s ईसु बेतसेदा मां आंदळा माणुस काजे वारु कर्‌यु
\p
\v 22 ने अळतेन ईसु ने तेरा चेला बेतसेदा गांव मां गुया; ने माणसे एक आंदळा काजे ईसु धड़े लाया ने ईसु सी लीलघाय्‌न कह्‌या की “आंदळा काजे छीमीन वारु कर दे।” 
\v 23 ने ईसु आंदळान हात धरीन तीना काजे गांव मां सी बाहार लीज्‌‌यु ने तेरा डुळा मां थुपीन ने आपसान हात तेरा डुळा पर मेक्‌यु, ने तीनाक पुछ्‌यु “तुसेक काहींग देखाये काय?” 
\v 24 चु उपर भाळीन कह्‌यु, “माणसे काजे देख र्‌यु, बाकुन चे मेसेक असा देखाये की झाड़का चालने बाजी र्‌या।”
\p
\v 25 तत्‌यार ईसु अळी तेरा डुळा पर हात मेक्‌यु ने चु आंधळु तेरा डुळा उघाड़ीन देखणे बाजी गुयु। चु पछु आखो चुखो झण देखणे बाजी गुयु। 
\v 26 ईसु तीनाक असु कहींन घर मकल्‌यु, “ईना गांव मां पाय बी घुण मेले।”
\s पतरस ईसु काजे मसी मान्‌यु
\r (मत्‌‌ती 16:13-20; लुका 9:18-21)
\p
\v 27 ईसु ने तेरा चेला केसर्‌या फीलीप गांव मां जाती र्‌या; ने वाटे ईसु चेला काजे पुछ्‌यु की, “माणसे मेसे काय कहें?” 
\v 28 चे कह्‌या “काहनाक कहें, हयु ते बपतीस्‌मा आपण्‌यु युहन्‌‌‌नु छे, बाकुन काहनाक कह्‌वे एलीया छे, काहनाक भगवानेन अघली वात बताड़ने वाळा माणसे मायन काहनुक एक छे कहें।”
\p
\v 29 ईसु तीनुक पुछ्‌यु, “बाकुन तुहुं मेसेक काय कहुं, की मे कुण छे?” पतरस कह्‌यु, “छाचलीन तु भगवानेन मकेल्‌लु बचाड़ने वाळु मसी छे।”
\p
\v 30 तत्‌यार ईसु तीनुक चेताड़ीन असु कह्‌यु, “मारे बारामां जी वात कुय काजे घुण कहुं।”
\s मरनु ने दुखेन बारामां ईसु पेहलुत कह्‌यु
\r (मत्‌‌ती 16:21-28; लुका 9:22-27)
\p
\v 31 तत्‌यार चु चेलाक सीकाड़्‌यु की, मे माणसेन पुर्‌यु छे, ने मेसे काजे ठहरावलो छे, की चु बेसकु दुख हाकलसे ने मुख्‌या ने, डाहला पुजारा, ने यहुदी नीयमेन मास्‌तर्‌या तीनाक फालतु समजीन मार देसे, ने चु तीन दाहड़ाम पछु जीवतु हय जासे। 
\v 32 चु जी वात संय-संय तेरा चेला काजे कय देदु। जी सहलाणी पतरस ईसु काजे अलग ली जाय्‌न लड़ने बाजी गुयु। 
\v 33 बाकुन ईसु पछु अळीन दीसरा चेला भीणी भाळ्‌यु ने तींद्‌रे अगळ पतरस काजे लड़ीन कह्‌यु, “ए भुतड़ा मारे सी छेटु जाती रव; काहाकी तु भगवानेन वात पर नी, बाकुन माणसेन वात पर मन लागाड़ीन कह्‌णे बाजी र्‌यु।”
\p
\v 34 ने ईसु माणसेन टुळाक ने चेला काजे धड़े बुलायन कह्‌यु, “जे कुय मारु चेलु बणीन मारे पुठ्‌ये आवणे हींडे, चु आपसान मरजी नी बाकुन मारी मरजी पुरी करनु चाहजे, ने आपसान कुरुस हाकलीन मारे पछळ चाले। 
\v 35 काहाकी जु कुय आपसान जीव काजे बचाड़ने चाहे, चु तेरा जीव काजे खुवसे बाकुन जु कुय मारे वाटे ने खुस-खबर वाटे तेरु जीव खुवसे हयुत आपसान जीव काजे बचाड़ लेसे। 
\v 36 कदी माणसे आखी कळी काजे हात करलेय, ने तेरा जीव खुय देय, ती तीनाक काय फायदु छे? 
\v 37 ने चु तेरा जीव पछु हेरने करीन तेरा जीवनेन आवजी मां काय आपसे? 
\v 38 जु कुय ईनी छीनाळा ने पापी दाहड़ा मां, माणसेन ईचमां मारे सी ने मारी वात सीकाड़ने सी लाजवाय्‌से, ती माणसेन पुर्‌यु बी, जत्‌यार चुखला सरग वाळा काहवाळ्‌या भेळु तेरा बासेन सेक-सींगार साते आवसे, तत्‌यार तीने दाहड़े तीना काजे लाजवाय्‌से।”
\c 9
\p
\v 1 ईसु, चेला ने माणसेन अगळ ज कह्‌यु, “मे तुहुंक छाचलीन कहं की, जे जां उबा हय र्‌या, तींद्‌रेम सी काहना काहनाक असा बी छे, की जत्‌यार लग भगवानेन राज काजे ताकत भेळु आवतेला देख नी लेय, तत्‌यार लग चे नी मरे ने नी माने।”
\s ईसुन सीक्‌कु बदलनु
\r (मत्‌‌ती 17:1-13; लुका 9:28-36)
\p
\v 2 छव दाहड़ा हय गुया ने पछेन ईसु, पतरस ने याकुप ने युहन्‌ना काजे पुठ्‌ये लीन एक मटला बयड़ा पर गुयु। चां चे एखलात हतला; ने चां चेलान अगळ ईसुन सीकु बदली गुयु। 
\v 3 ने तेरा पुथल्‌या उजाळा हय्‌न जग-जग पप्‌लने बाजी गुया ने अतरा बेसका उजाळा हय गुया की धरती पर काहनु बी धुबी अतरा नवा नी कर सके। 
\v 4 ने तीनु चेला, एलीयु ने अळी मुसु देखाव पड़्‌या; ने चे ईसु साते वात करने बाजी रवला। 
\v 5 पतरस ईसु काजे वात करतु जाय्‌न कह्‌यु, “ए मास्‌तर, जां रहणु हामरे वाटे बेसको वारु छे: तेरेमां हामु जां तीन खपड़ी बणावजे। एक तारे वाटे ने एक मुसा वाटे ने एक एलीया वाटे।” 
\v 6 काहाकी पतरस नी जाणतेलु की काय जपाप आपो, काहाकी हयु बेसकु बीही गुयलु।
\p
\v 7 तत्‌यार एक आदळो आवीन तीनुक टुप लेदो, ने तीना आदळा मां सी जी अवाज सामळाय “जु मारु लाटेक्‌लु पुर्‌यु छे; हेरी वात सामळु!” 
\v 8 तत्‌यार चां चेला तत्‌यारुत चारे मेर भाळ्‌या, बाकुन चां ईसु काजे छुड़ीन कुय नी, देखाव पड़्‌यो।
\p
\v 9 बयड़ा पर सी उतरतु जाय्‌न ईसु तीना चेला काजे ज हुकुम आप्‌यु जत्‌यार लग माणसेन पुर्‌यु मरला मां सी पछु जीवतु हय्‌न बठु नी हवे, तत्‌यार लग ज काय तुहुं देखला छे, च कुय काजे घुण कहुं।
\p
\v 10 चेला ईसुन वात मानीन जी वात तींद्‌रा मन मां राख्‌या; ने चे आंबा-सांबा वीच्‌यार कर्‌या की, “मरला मां सी जीवतु हय्‌न बठु हवणेन मतलब काय छे?” 
\v 11 ने चेला ईसु काजे पुछ्‌या, “असो हय ती, यहुदी नीयमेन मास्‌तर्‌या काहा कहें की पेहेल एलीयान आवणु टाकायलो छे?”
\p
\v 12 ईसु तीनुक कह्‌यु “हव छाचलीन, असोत लिखलो छे की एलीयु पेहेल आवीन आखो कय्‌न सुदारीन तीयार करसे, बाकुन माणसेन पुर्‌यान बारामां असो काहा लिखायलो छे, की तीनाक बेसकु दुख झेलनु पड़से, ने माणसे तीनाक नानु समजीन तेरो नाव-बद्‌दी करसे। 
\v 13 बाकुन मे तुहुंक कहं, एलीयु ते आय गुयलु छे, ने जत्‌यार चु आयु तत्‌यार माणसे जसों बी मन मां आयो तसों तेरे साते वेहवार कर्‌या। ने तेरा बारामां लिखलो छे।”
\s ईसु भुतड़ो भरायला पुर्‌याक वारु कर्‌यु
\r (मत्‌‌ती 17:14-21; लुका 9:37-43)
\p
\v 14 ईसु तीनु तीन चेलाक लीन दीसरा चेलान चां पछु गुयु ती, चां चे देख्‌या की दीसरा चेलान चारे मेर बेसकु माणसेन टुळु भेळु हय र्‌यु, ने थुड़ाक यहुदी नीयमेन मास्‌तर्‌या तींद्‌रे साते वात मां जखड़ी पड़ी र्‌या। 
\v 15 ने उचकान ईसु काजे देख्‌या तत्‌यार आखा माणसे देखतात रय गुया। ने तेरो आव-भाव करने करीन दवड़ीन आया। 
\v 16 ने ईसु तीनुक पुछ्‌यु, “तुहुं तींद्‌रे साते काहनी वात मां जखड़ी र्‌या?” 
\v 17 टुळा मां सी एक जणु जपाप आप्‌यु, “ए मास्‌तर, मे मारा पुर्‌या काजे तारे धड़े लावणे करीन लावलु, हेरे मां भुतड़ु भराय र्‌यु, चु बुबड़ु छे। 
\v 18 ने काहनी बी जागा पर भुतड़ु चस्‌टी जाय चांहान पाड़ देय, ने हीना पुर्‌यान मुंहडा मां फेसकड़ु आवे ने करकेड़ु हय जाय, ने दात बी ककड़ावे ने आकड़ाय जाय तेरे सी मे तारा चेला काजे कह्‌यु की, हेरे मां सी भुतड़ु नीकाळ दे करीन कह्‌यु बाकुन तीनाक चे नीकाळ्‌यु नी सक्‌या।”
\p
\v 19 ने असो सामळीन ईसु तीनुक कह्‌यु, “ए नी भुरसु करने वाळा माणसे, मे कत्‌यार लग तुंद्‌रे पुठ्‌ये रवीस ने तुहुंक सेण करीस? हीना पुर्‌या काजे मारे धड़े लावु।” 
\v 20 तत्‌यार चे तीना पुर्‌याक ईसु धड़े लाया।
\p ने जत्‌यार ईसु तीनाक देख्‌यु ती चु भुतड़ु तीना पुर्‌या काजे मुयड़ी देदु, ने चु पुर्‌यु भुयमां पड़ी गुयु। ने मुंहडा मां सी फेसकड़ु नीकाळतु जाय्‌न वारु हवणे बाजी गुयु। 
\v 21 तत्‌यार ईसु तीना पुर्‌यान बास काजे पुछ्‌यु, “जु असु हवलु कतरा दाहड़ा हय गुयु।”
\p ने चु कह्‌यु “नानलु हतलु ती सी छे। 
\v 22 भुतड़ु हीना काजे मारने करीन कांखुर आकठा मां ने कांखुर पाणी मां नाख देय; बाकुन कदी तुसेक बणे, तत्‌यार हामरे पर दया करीन हामरो भलो कर!”
\p
\v 23 ने ईसु तीनाक कह्‌यु, “कदी तुसेक बणे जाय ती! असु मेसेक काय लेणे कहें? भुरसु करने वाळा वाटे आखो हय सके।”
\p
\v 24 तत्‌यारुत तीना पुर्‌यान बास कलेप्‌तु जाय्‌न कह्‌यु, “मे भुरसु करो ने अळी बी मदत करीन मारा भुरसाक बड़ाव!”
\p
\v 25 तत्‌यार माणसे दवड़ीन आवीन भेळा हवणे बाजी गुया। ती ईसु तीना भुतड़ाक असु कय्‌न लड़्‌यु, ए बेहरा ने बुबड़ा भुतड़ा, मे तुसेक हुकुम आपो की हीना पुर्‌या मां सी नीकळी जां, ने पछु आवीन हेरे मां घुण भराये।
\p
\v 26 तत्‌यार भुतड़ु आयड़ीन, तीना पुर्‌या काजे बेसकु मुयड़तुत नीकळी गुयु। ने पुर्‌यो मरलोत हय गुयो ने आखा माणसे कह्‌णे बाजी गुया की, ज पुर्‌यु मर गुयु। 
\v 27 बाकुन ईसु पुर्‌यान हात धरीन उठाड़्‌यु ने पुर्‌यु उबु हय गुयु।
\p
\v 28 जत्‌यार ईसु घर आयु, ती ईसु एखलुत हतलु चां तेरा चेला तीनाक पुछ्‌या, “हामरे सी भुतड़ु काहा नी नीकळयु?” 
\v 29 चु चेलाक कह्‌यु, “असा भुतड़ान जात भगवान सी दुवा करे, पाखुर नी नीकळे।”
\s ईसु अळी आपसान मरनेन बारामां कहें
\r (मत्‌‌ती 17:22-23; लुका 9:43-45)
\p
\v 30 पछेन ईसु ने चेला चां सी गलील ईलाका मायन जाणे बाजी रवला। ने चु नी चाहतेलु की काहनाक मेसेक उळखी लेय, 
\v 31 काहाकी चु आपसा चेला काजे सीकाड़ने बाजी रवलु ने तीनुक कवतेलु, “माणसेन पुर्‌यु माणसेन हाते धराय जासे, ने चे तीनाक मार देसे; ने चु मरनेन तीन दाहड़ा मां पछु जीवतु हय जासे।”
\p
\v 32 बाकुन चेला ची वात नी समज्‌या नी, ने चे ईसु काजे जी वात पुछने बीहतेला।
\s सरग राज मां मटो कुण छे?
\r (मत्‌‌ती 18:1-5; लुका 9:46-48)
\p
\v 33 पछेन चे कफरनहुम मां आया; ने ईसु घर मां आय्‌न तीनुक पुछ्‌यु, “वाट्‌ये तुहुं काहनी वात मां जखड़ी र्‌या?” 
\v 34 बाकुन आखा हुगात हय रवला, काहाकी वाटे चे ईनी वात मां जखड़ी पड़ी रवला की आपणे मां सी मटु कुण छे। 
\v 35 तत्‌यार ईसु बठी गुयु ने बारे चेला काजे बुलायु ने तीनुक कह्‌यु, “कदी काहनुक मटु बन्‌नु हय ती तीना काजे आखा सी नानु ने आखान पावर्‌यु बन्‌नु पड़से।” 
\v 36 ने चु एक नानला पुर्‌या काजे बुलायन तींद्‌रे ईचमां उबु कर्‌यु, ने तीना काजे खुळा मां लीन तीनुक कह्‌यु, 
\v 37 “ज कुय मारा नाव सी असा नानला पुर्‌या मायन काहनाक एकेन बी आव-भाव करे; चु मारी आव-भाव करे ने जे कुय मारी आव-भाव करे चु मारी अतरी नी बाकुन मेसेक मकलने वाळान बी आव-भाव करे।”
\s कुण आपणे वळु छे ने कुण नी हय
\r (लुका 9:49,50)
\p
\v 38 युहन्‌‌‌नु ईसु काजे कह्‌यु, “ए मास्‌तर, हामु एक माणुस काजे तार नाव सी भुतड़ाक नीकाळ तेलान देख्‌या ने हामु तीनाक कह्‌या, तु हामरे पुठ्‌ये चाल बाकुन चु हामरे पुठ्‌ये आवणे नी हींडी रवलु, अतरा मां हामु तीनाक कह्‌या ईसुन नाव सी भुतड़ा मां नीकाळे।”
\p
\v 39 बाकुन ईसु कह्‌यु तीनाक मारे नाव सी भुतड़ा काजे मां नीकाळे करीन घुण कहुं, काहाकी असो कुय नी हय जु काहनुक मारा नावेन ताकुतेन काम करीन थुड़ीक वार मां मारु वाक नीकाळतु हय। 
\v 40 काहाकी जु कुय आपणी वीरुद मां नी हय, चु आपणे वळु छे। 
\v 41 मे तुहुं काजे ईसु मसीन चेला छे करीन, असु कहं की ज कुय एक कळस्‌यु पाणी पावे ती मे छाचलीन कहं, “चु तेरा कामेन फळ कदी नी खुवे।”
\s काय चीज पाप मां पाड़े
\r (मत्‌‌ती 18:6-9; लुका 17:1,2)
\p
\v 42 “जे कुय ईनु नानला मां सी मार पर भुरसु करे ने काहनाक काजे पाप मां पाड़े ने तीनुक पाप कराड़े, ती तेरे वाटे ज वारु छे की तेरा गळा मां घट्‌टीन पुड़ बांदीन तीना काजे समुदरेन पाणी मां नाख देणु चाहजे। 
\v 43 कदी तारु हात पापेन उत्‌तर बणीन तुसेक पाप कराड़े, तीना हात काजे काटीन नाख दे; काहाकी दुय हात रवतात बी तु असी नरक आकठाम जाती रवसी, बाकुन ठटळ्‌यु\f + \fr 9:43 \fr*\ft टुण्डा\ft*\f* हय्‌न अमर-जीवन हात करने सरगेम जासी। 
\v 44 काहाकी नरकेन आकठी मायन कीड़ा कदी नी मरे ने चां वाळो आकठो कदी नी उल्‌हायें\f + \fr 9:44 \fr*\ft यह सभी दस्तावेज मे नहीं पाया गया\ft*\f*। 
\v 45 कदी तारु पाय तुसे पाप कराड़े, तत्‌यार\f + \fr 9:45 \fr*\ft तब\ft*\f* तीना पाय काजे तुड़ीन नाख देजी, काहाकी दुय पाय रवतात बी नरक-आकठी मां जाती रवसी, बाकुन लंगड़ु हय्‌न बी अमरेन जीवन हात करीन सरग मां जाणु वारु छे। 
\v 46 काहाकी नरक-आकठी मायन कीड़ा कदी नी मरे ने चां वाळो आकठो कदी नी उल्‌हायें\f + \fr 9:46 \fr*\ft यह सभी दस्तावेज मे नहीं पाया गया\ft*\f*। 
\v 47 कदी तारु डुळु उत्‌तर बणीन तुसेक पाप कराड़े, तत्‌यार तीना डुळा काजे नीकाळीन नाख दे। काहाकी दुय डुळा रवतात बी नरकेन आकठी मां नाखायसी, बाकुन काणु बणीन भगवानेन राज मां जाणु वारु छे। 
\v 48 काहाकी नरकेन-आकठी मायन कीड़ा कदी नी मरे ने चां वाळो आकठो कदी नी उल्‌हायें\f + \fr 9:48 \fr*\ft यह सभी दस्तावेज मे नहीं पाया गया\ft*\f*।”
\p
\v 49 काहाकी हर एक माणुस आकठा सी पारखायसे। जसों चड़ावु नण सी पारखाये।
\p
\v 50 नण ते वारलु चीज छे, बाकुन कदी नणुत मुळो हय जाय ने सवाद खुय देय, तत्‌यार च पछो काय सी ने कसों खारो करसु? “तेरेसी तुहुं आंबा-सांबा हेळी-मेळीन रय्‌न आपसान नणेन सवाद समाळीन राख्‌जु।”
\c 10
\s छांडायली बायरीन बारामां ईसु काय सीकाड़े
\r (मत्‌‌ती 19:1-12; लुका 16:18)
\p
\v 1 पछेन ईसु तीना जागाक छुड़ीन यहुदीया ईलाका मां जाणे करीन यरदन नदीन पली धड़े गुयु, ने माणसेन गड़दी अळी तेरे धड़े भेळु हय गुयु; ने जसु हयु पेहेल सीकाड़तेलु तसुत तीनुक सीकाड़ने बाजी गुयु।
\p
\v 2 तत्‌यार फरीसी माणसे हेरे धड़े आवीन पारखणे करीन पुछ्‌या अदमी आपसान बायर काजे छुड़नु वारु छे काय? 
\v 3 ईसु तीनुक जपाप आप्‌यु, “मुसु तुहुंक काय हुकुम आपलु छे?”
\p
\v 4 फरीसी माणसे कह्‌या, “मुसु कह्‌लु की काहनुक चाहे ती चिट्‌ठी लिखीन झगड़ु भांजीन लाडी काजे छुड़ देणेन हुकुम आपलु छे।”
\p
\v 5 ईसु तीनुक कह्‌यु, “मुसु ते तुंद्‌रे वाटे जी हुकुम तेरेमां लिखलु की, तुहुं काजे काय बी समज मां नी आवतेली। 
\v 6 बाकुन भगवान कळी घड़्‌यु तेरसी पेहलुत जी हुकुम नी आप्‌यु बाकुन भगवान ते सुरु मां अदमी ने बायर करीन घड़्‌यु। 
\v 7 हेरे वजे\f + \fr 10:7 \fr*\ft कारण\ft*\f* सी अदमी तेरा आयस-बास सी अलग हय्‌न तेरी बायर साते भेळु रवसे। 
\v 8 ने चे दुय जणा एक डील बण जासे। तेरेमां हय सी चे दुय डील नी बाकुन एकुत डील छे। 
\v 9 तेरेमां तीनुक भगवान जुड़्‌लु छे, तीनुक कुय बी माणुस अलग नी करनु चाहजे।”
\p
\v 10 ने जत्‌यार चे घर गुया, तत्‌यार चेला एरे बारामां अळी ईसु काजे पुछ्‌या। 
\v 11 ईसु तीनुक कह्‌यु, “जु काहनुक माणुस पेहली लाडी काजे छुड़ीन दीसरी लाडी बणावे, चु पेहली लाडीन वीरुद मां छीनाळो करे। 
\v 12 ने कदी लाडी आपसान घरवाळाक छुड़ीन दीसरु घरवाळु करे चां ची बी छीनाळो करे।”
\s ईसु नानला पुर्‌याक संयबरकत आपे
\r (मत्‌‌ती 19:13-15; लुका 18:15-17)
\p
\v 13 पछेन आस्‌या-बास्‌या तींद्‌रा पुर्‌या-पुरेक ईसु धड़े लावणे लाग्‌या; काहाकी ईसुन हात हीनु पर मेकाड़ीन संयबरकत मांगणे हींडी रवला बाकुन चेला तीनुक लड़्‌या। 
\v 14 ईसु चेला काजे लड़तेला देखीन रीसवायन ने तीनुक हुकुम आपीन कह्‌यु, “हीनुक मां रुकु पुर्‌या-पुरे काजे मारे धड़े लावणे देवु; काहाकी भगवानेन राज हींद्‌रेत तसलान छे।” 
\v 15 मे तुहुं काजे छाचलीन कहं “जे काय भगवानेन राजेन हक मां नानला पुर्‌या-पुरेन तसु भुरसु करीन नी रवे ती तीनुक तीना भगवानेन राज मां कदी नी जावाये।” 
\v 16 ने ईसु पुर्‌या काजे खुळा मां लेदु ने तींद्‌रे पर तेरु हात मेलीन संयबरकत आप्‌यु।
\s जुवान लकपती माणसेन बारामां
\r (मत्‌‌ती 19:16-30; लुका 18:18-30)
\p
\v 17 तत्‌यार ईसु यरुसलेम भीणी जाणे करीन वाटे लाग्‌यु, चां एक माणुस तेरे धड़े दवड़ीन आयु, ने तेरा पाये पड़ीन तीनाक पुछ्‌यु “ए वारलु मास्‌तर जलम जीवन हात करने करीन मे काय करो?” 
\v 18 ने ईसु तीनाक कह्‌यु, “तु मेसेक वारलु काहा कहें?” भगवान काजे छुड़ीन कुय बी वारलु नी हय बाकुन भगवान अतरुत वारलु छे। 
\v 19 तु हुकुम काजे जाणे की, “खुन घुण करे, छीनाळो घुण करे, चुरी घुण करे, झुटी गवाय घुण देय, कुय काजे ठगे घुण ने तारा आस्‌या-बासेन ईज्‌जत करजी।”
\p
\v 20 ने चु ईसुक कह्‌यु, “ए मास्‌तर जे आखा हुकुम ते मे नानलु हतलु तीन सी मान्‌तु आय रयु।”
\p
\v 21 ने ईसु तेरे भीणी बेसकु परम भाव सी भाळ्‌यु ने तीनाक कह्‌यु, “तारे मां एक वातेन कसर छे जां जतरो बी तारो छे तीनाक वेचीन गरीब काजे आखो आप दे ने अळतेन मारे पुठ्‌ये आवजी। असु करसी तत्‌यार तुसेक सरग मां धन जड़से।” 
\v 22 काहाकी चु माणुस बेसकु लकपती हतलु। तेरे मां चु ईसुन वात सामळीन चु बेसकु फीकुर मां पड़ गुयु ने दुखी हय्‌न पछु जात रयु।
\p
\v 23 ईसु चारे मेर भाळीन तेरा चेला काजे समजाड़तु जाय्‌न कह्‌यु, “जादा पयस्‌या वाळाक भगवानेन राज मां भरायणु बेसको काठो छे।”
\p
\v 24 ईसुन वात सामळीन चेला देखतात रय गुया। बाकुन ईसु अळी तीनुक कह्‌यु “मारा पुर्‌या! काहनुक धन पर भुरसु राखे तींद्‌रे वाटे भगवानेन राज मां जाणु बेसको काठो छे। 
\v 25 उटड़ान सुईन नाचका मायन नीकळी जाणु सरल छे, बाकुन लकपती माणसे काजे भगवानेन राज मां जाणु बेसको काठो छे।”\fig सहरेन भीतड़ो ने बारनान बाहार वेपारी उटड़ा काजे ली जाय रया|alt="Merchant leading a camel outside a city wall and gate" src="hk00041c.tif" size="col" copy="Horace Knowles ©" ref="10:25"\fig*
\p
\v 26 चेला बेसका देखतात रय गुया, ने आपसात कह्‌णे लाग गुया, “ती कुणीन छुटकारु हय सक्‌से?” 
\v 27 ईसु चेला भीणी भाळीन कह्‌यु, “माणसे सी ते ज नी हय सके, बाकुन भगवान सी हय सके, काहाकी भगवान आखो काय कर सके।”
\p
\v 28 पतरस ईसु काजे कह्‌णे बाजी गुयु, “देख, हामु ते आखो काय छुड़ीन तारे पछळ आय र्‌या।”
\p
\v 29 ईसु कह्‌यु, “मे तुंद्‌रे सी छाचलीन कहं, असा कुय नी हय जु मारे वजे सी ने खुस-खबरेन परचार करने करीन घर, खेत, भायस, बहणस्‌या, आयस-बास ने पुर्‌या-पारी काजे छुड़ देदु हय, 
\v 30 ने तुहुंक छाचलीन कहं की ईना जीवन मां घर ने भायस ने बहणस्‌या ने आस्‌या ने पुर्‌या ने खेत सी, सोव गुणा फायदु नी जड़से, ने गरात आवती रवसे बाकुन तीनाक आवणे वाळा दाहड़ा मां जलम जीवन जड़से। 
\v 31 बाकुन बेसका माणसे छे चे अगळ छे, बाकुन पछळ हवसे ने जे पछळ छे चे अगळ हय जासे।”
\s ईसु तीसरी कावा मरनेन बारामां कहें
\r (मत्‌‌ती 20:17-19; लुका 18:31-34)
\p
\v 32 ईसु ने चेला यरुसलेमेन वाटे जातला ने वाटेत हतला, ने ईसु तींद्‌रे अगळ-अगळ जातलु, तेरा चेला ने पछळ-पछळ चालन्‌या दीसरा माणसे बी बीही रवला। अतरा मां ईसु बारे चेला काजे अळी अघु ली जाय्‌न तीनुक तेरे पर ज हवणे वाळो हतलो, च कह्‌णे बाजी गुयु। 
\v 33 “सामळु आपणु यरुसलेम जाणे बाजी र्‌या, चां माणसेन पुर्‌यु डाहला पुजारा ने यहुदी नीयमेन मास्‌तर्‌यान हातेम धराय जायस, ने चे तीनाक गुनाळु ठहराय्‌न मरनेन डंड आपीन, नी-यहुदी वाळा आड़जातीन सुपरुत कर देसे। 
\v 34 चे तेरी हासी उड़ाव्‌से ने तेर पर थुप्‌से ने सड़काय देसे, ने मार देसे, बाकुन पछु चु तीन दाहड़ाम मरला मां सी पछु जीवतु हय जासे।”
\s याकुप ने युहन्‌नान मांग
\r (मत्‌‌ती 20:20-28)
\p
\v 35 तत्‌यार जब्‌दीन पुर्‌यु याकुप ने युहन्‌‌‌नु ईसु धड़े आवीन कह्‌या, “ए मास्‌तर, हामरी आस जी छे, की ज बी हामु तार सी मांगसुन, च हामरे वाटे कर।”
\p
\v 36 चु तीनुक कह्‌यु, “तुंद्‌री काय आस छे, चो तुंद्‌रे वाटे करो।”
\p
\v 37 चे कह्‌या, “जत्‌यार तु तारी सेक-सींगार भेळु राज करने करीन, राजगादी पर बठ्‌सी, ती हामरे मायन एक काजे तारे जेवड़्‌ये आंगे ने एक काजे तारे डाखर्‌ये आंगे बसणेन हक आप्‌जी।”
\p
\v 38 ईसु तीनुक कह्‌यु, “तुहुं ज मांगणे बाजी र्‌या, तीनी वातेन मतलब तुहुंक मालुम बी नी हय। ज दुखेन पीयालु मे पीणेवाळु छे, चु पीयालु तुहुं पी सक्‌सु काय? ने ज दुखेन बपतीस्‌मा मे लेणे वाळु छे, चो बपतीस्‌मा तुहुं ली सक्‌सु काय?” 
\v 39 चे तीनाक कह्‌या, “तु कह्‌सी तसों हामु करसुन।” ने ईसु तीनुक कह्‌यु, “ज दुखेन पीयालु मे पीणेवाळु छे, चु पीयालु तुहुंक बी पीणु पड़से, ज दुखेन बपतीस्‌मा मे लेणे वाळु छे, च बपतीस्‌मा तुहुंक बी लेणु पड़से। 
\v 40 बाकुन मारा जेवड़्‌ये आंगे ने डाखर्‌ये आंगे कुणीक बठाड़नु छे, जी वात मारा हक मां नी हय। बाकुन जु जागु तीनुत काजे देसे, तींद्‌रे वाटे भगवान तीयार करलु छे।”
\p
\v 41 बाकुन जी वात सामळीन याकुपेन ने युहन्‌ना पर, दीसरा दस चेला रीसाय पड़्‌या। 
\v 42 ईसु तीनु आखा काजे धड़े बुलायन कह्‌यु, “तुहुं जाणु की, नी-यहुदी मां हकवाळा माणसे; तेरा जागा पर हक जमाड़ीन राज करे, ने तीना हक जमाड़न्‌या पर अळी दीसरा मटला माणसे हक जमाड़े। 
\v 43 बाकुन तुंद्‌रे मां असो नी हय। ज तुंद्‌रे मां मटु हवणे हींडे, चु तुंद्‌रु पावर्‌यु बन्‌नु चाहे। 
\v 44 ने कदी तुंद्‌रे मायन आखान डाहलु बन्‌ने हींडे, चु आखान हक मां रय्‌न पावर्‌यु बन्‌नु चाहे। 
\v 45 काहाकी मे माणसेन पुर्‌यु मारी सेवा चाकरी कराड़्‌ने नी आयु, बाकुन सेवा करने आयु, ने बेसका जणान जीव बचाड़ने करीन ने आपसा जीव हामरे वाटे देणे आवलु छे।”
\s आंधळु माणुस देखणे बाजी गुयु
\r (मत्‌‌ती 20:29-34; लुका 18:35-43)
\p
\v 46 ईसु ने तेरा चेला यरीहो गांव मां आयु, ने जत्‌यार ईसु ने तेरा चेला चां सी माणसेन एक मट्‌लु टुळु बी तींद्‌रे पुठ्‌ये यरुसलेम जाणे करीन चाली पड़्‌यु। चां एक आंधळु भीकारी सयड़क पर बठी रवलु। चु भीकारी तीमायुन पुर्‌यु बरतीमाय हतलु। 
\v 47 चु ज सामळ्‌यु की नासरत वाळु ईसु आवणे बाजी रयु, तत्‌यार चु आंधळु आयड़ी-आयड़ीन कह्‌यु “ए दावुदेन अवल्‌यात! ईसु मार पर दया कर।”
\p
\v 48 बेसका माणसे तीना काजे, हुगु रव करीन लड़ने बाजी गुया, चु अळी आयड़ीन कह्‌णे बाजी गुयु, “ए दावुदेन पुर्‌या, मार पर दया कर।”
\p
\v 49 तत्‌यार ईसु उबु रय्‌न हुकुम आपीन कह्‌यु, “हीनाक जां बुलावु।”
\p ने माणसे तीनाक बुलायन कह्‌या, “हिम्‌मत राख!” ने उठ, “तुसे ईसु बुलावे।”
\p
\v 50 चु तेरु पुथल्‌या नाखी दीन, उछळीन ईसु धड़े आयु।
\p
\v 51 ईसु तीनाक कह्‌यु, “तु काय चाहे की मे तारे वाटे करो।”
\p चु तीनाक कह्‌यु “ए मास्‌तर, मे पछु देखणे हींडी रयु।”
\p
\v 52 ईसु तीनाक कह्‌यु “जां, तारु भुरसु तुसेक वारु कर देदु।”
\p ने चु तत्‌यारुत देख्‌णे बाजी गुयु ने हयु ईसु पछळ चाली पड़्‌यु।
\c 11
\s यरुसलेम मां ईसु जाय
\r (मत्‌‌ती 12:1-11; लुका 19:28-40; युहन्‌ना 12:12-19)
\p
\v 1 तसात ईसु ने चेला, ने पुठ्‌ये चालन्‌या माणसे यरुसलेम गांव धड़े जेतुन झाड़कान बयड़ा पर बेतफगे ने बेतन्‌या गांव धड़े आया, चां ईसु तेरा चेला मां सी दुय काजे मकल्‌यु, 
\v 2 “तुहुं काजे पल्‌लो गांव देखाये चां जावु, ने चां जातान तुहुं काजे गदड़ीन पीलो बांदलो देखायसे; तेरे पर, हाल लग कुय नी बठ्‌यो, तीना काजे छुड़ीन ली आवु। 
\v 3 कदी\f + \fr 11:3 \fr*\ft यदि\ft*\f* तुहुंक काहनाक पुछे की हीना काजे काय करने छुड़ी रया? ती तुहुं कवजु, मालीक काजे ज गदड़ो चाहजे ने मालीक हीना गदड़ा काजे छाटुस पछु दी मकलसे।”
\p
\v 4 ने चे जाय्‌न च गदड़ीन पीलो वाटे धड़े आंगणा मां बांदायलो देखीन छुड़ने बाजी गुया। 
\v 5 ने चां उबा हय रवला, चे काहनाक कह्‌णे बाजी गुया, “गदड़ीन पीला काजे छुड़ीन काय करने हींडी र्‌या?” 
\v 6 जसु ईसु तीनुक कह्‌लु तसात चे तीनुक कय देदा; तत्‌यार चे गदड़ीन पीला काजे लीन जाणी देदा। 
\v 7 ने चे गदड़ीन पीला काजे ईसु धड़े लाया ने चे तींद्‌रा पुथल्‌या गदड़ान पीला पर नाख देदा। ने ईसु तीना गदड़ीन पीला पर बठ गुयु। 
\v 8 तत्‌यार बेसका माणसे तींद्‌रा पुथल्‌या ईसु अगळ-अगळ वाटे पर आथरी देदा ने दीसरा माणसे खेतेन सेडे सी पान्‌टा वाळा डाळखा काटी काटीन लाय्‌न आथरी देदा। 
\v 9 चे बी ईसुन अगळ-अगळ ने पछळ-पछळ जातला चे आयड़ी-आयड़ीन कवतेला, “होसान्‌ना मतलब ए मालीक हामुक वाचाड़! बरकतवाळु छे चे, जे मालीकेन नावे सी आवे! 
\v 10 आपणा बास दावुदेन राज चो आव्‌णे बाजी र्‌यो; बरकतवाळु छे! उंचा सरग मां भगवानेन बड़ाय हवे होसान्‌ना।”
\p
\v 11 ने ईसु यरुसलेम मां पुगीन मंदीर मां गुयु, ने चारे मेर वाळी आखी चीज काजे देख्‌यु, काहाकी दाहड़ु डुबणे वाळु हतलु, तत्‌यार ईसु चेला पुठ्‌ये बेतन्‌या गांव मां गुयु।
\s ईसु अंजीरेन झाड़काक सराप देय
\r (मत्‌‌ती 21:18-19)
\p
\v 12 दीसरे दाहड़े ईसु ने चेला बेतन्‌या सी नीकळीन गुया, ती ईसु काजे भुक लागी। 
\v 13 ने चे छेटे रय्‌न एक अंजीरेन नीळ्‌ळा झाड़का काजे देखीन धड़े गुयु की काहींग चां खाणेन जड़ जाय, बाकुन पान्‌टाक छुड़ीन काय बी नी हतलो काहाकी फळ लागणेन टेम नी आय रवली। 
\v 14 ईनी वात पर ईसु झाड़काक कह्‌यु, “हय सी तारा फळ कदी नी लागे ने कुय काजे बी खाणेन नी जड़े!”
\p ने चे सराप देतलान चेला सामळी रवला।
\s ईसु मंदीर मां सी लेण-देण करन्‌या काजे नीकाळ्‌यु
\r (मत्‌‌ती 21:12-17; लुका 19:45-48; युहन्‌ना 2:13-22)
\p
\v 15 पछेन ईसु ने चेला यरुसलेम मां आया, ने ईसु मंदीर मां गुयु, ने चे लेण-देण कर तेला तीनु काजे बाहर नीकाळने लाग्‌यु, ने पयस्‌या अदलु-बदलु करन्‌याक ने पेरवा वेचणे वाळान चारला उथलाय दीन बाहार नीकाळ देदु। 
\v 16 ने ईसु मंदीर मां आखा काजे ठाहरा लीन आवणु जाणु बंद कर देदु। 
\v 17 ने सीकाड़तु जाय्‌न कह्‌यु, काय असो नी लिखलो हय की, मारो घर आखा देसेन माणसेन भक्‌तीन घर कवाय्‌से बाकुन तुहुं ते ईना घर काजे चुट्‌टान घर बणाय देदा!
\p
\v 18 ज सामळीन यरुसलेम मंदीरेन डाहलु पुजारु ने यहुदी नीयमेन मास्‌तर्‌या हतला। अतरा मां चे ईसु काजे मारनेन मुखु हेरने लाग्‌या। काहाकी आखा माणसे ईसुन सीकाड़नेन वात सी देखतात रय जातला ने ईसु सी बीहतेला।
\p
\v 19 ने सांती वेळाय ईसु ने तेरा चेला गांव छुड़ीन जात र्‌या।
\s सुकला अंजीरेन झाड़का सी काय सीकणु जड़े
\r (मत्‌‌ती 21:20-22)
\p
\v 20 पछेन संदारे तीनीत वाटे सी जाणे बाजी रवला, चां चे अंजीरेन झाड़का काजे मुळे लग सुकलो देख्‌या। 
\v 21 पतरस काजे ईसुन कह्‌ली वात हेर आवी, ने चु तीनाक कह्‌यु, “ए मास्‌तर\f + \fr 11:21\fr*\ft गुरु \ft*\f* देख। ज अंजीरेन झाड़को तीनाक तु सराप देदलु च सुकी गुयो।”
\p
\v 22 ईसु तीनु काजे कह्‌यु, भगवान पर भुरसु राखु। 
\v 23 मे तुंद्‌रे सी छाचलीन कहं, जु काहनुक ईना बयड़ा सी कहें की, तु उखळीन समुदर मां नाखाय जां, ने आपसान मन मां संका नी करु ने भुरसु राखे की, ज तु कहें च हय जासे ने तेरे वाटे चत हवसे। 
\v 24 तेरेमां मे तुंद्‌रे सी कहं, “की ज काय तुहुं दुवा करीन मांगु ने भुरसु कर लेवु की हामुक जड़ गुयो ने तुंद्‌रे वाटे जड़ जासे। 
\v 25 ने जत्‌यार बी तुहुं दुवा करने करीन उबा हवु, तत्‌यार कुय पर बी तुंद्‌रा मन मां रीस हय ती तीनाक माफ कर देवु; काहाकी तुंद्‌रु सरग वाळु बास जु सरग मां रवे, हयु बी तुंद्‌रु पापेन माफी आपसे।\f + \fr 11:25 \fr*\ft यह सभी दस्तावेज मे नहीं पाया गया\ft*\f* 
\v 26 ने कदी तुहुं दीसरान गुनु माफ नी करु, ती तुंद्‌रु बास\f + \fr 11:26 \fr*\ft पिता\ft*\f* सरग मां छे चु, तुंद्‌रा गुना काजे बी माफ नी करसे।”
\s ईसुन हकेन बारामां सवाल
\r (मत्‌‌ती 21:23-27; लुका 20:1-8)
\p
\v 27 पछेन चे यरुसलेम मां आया, ने तत्‌यार ईसु मंदीर मां फीरतेलु चां मंदीरेन डाहला पुजारा ने नीयमेन मास्‌तर्‌या ने डाहला तेरे धड़े आया। 
\v 28 ने चे तीनाक पुछ्‌या, जे काम तु काहना हक सी करे? जे काम करनेन हक तुसेक कुण आप्‌यो? 
\v 29 ईसु तीनुक कह्‌यु, “मे बी तुंद्‌रे सी एक वात पुछो; मेसेक तुहुं जपाप आपु ती, मे बी तुहुं काजे बताड़ीस की मे जे काम कुणीन हक सी करो। 
\v 30 युहन्‌ना काजे बपतीस्‌मा आपणेन हक भगवान भीणी सी जड़लो की माणसे भीणी सी? मेसेक बताड़ु।”
\p
\v 31 ने चे ईनी वात पर वीच्‌यार करने बाजी गुया; कदी आपणु कवसुन भगवान आपलु, ती चु कवसे, तत्‌यार तुहुं युहन्‌ना पर भुरसु काहा नी कर्‌या? 
\v 32 ने कदी आपणु कवसुन, माणसे हीनाक हक आपला छे, ती चां चे भेळा हय रवला माणसे सी बीहणु हतलो; काहाकी आखा माणसे युहन्‌ना काजे छाचलीन भगवानेन अघली वात बताड़ने वाळु मानतेला। 
\v 33 तेरेमां चे ईसु काजे असा कह्‌या, “हामुक मालुम नी हय।”
\p ती ईसु तीनुक कह्‌यु, “मे बी तुहुंक नी बताड़तु की, ज काम कुणीन हक सी करो।”
\c 12
\s ईसु अंगुरेन वाड़ीन दाखला साहरे सीकाड़े
\r (मत्‌‌ती 21:13-46; लुका 20:9-19)
\p
\v 1 पछेन ईसु दाखला मां तींद्‌रे सी वात करने लाग्‌यु, “एक माणुस खेत मां अंगुरेन वाड़ी लागाड़्‌यु ने खेतेन चारे मेर वाड़ी कर्‌यु ने अंगुरेन रस नीकाळने करीन एक हळाव बणायु, ने अंगुरेन खेत मां एक माळु बणायु ने काहनाक किरसाण काजे तेरी वाड़ी साजा मां आपीन, नांबे वाळा देस मां जाती रयु।” 
\v 2 पछेन अंगुरेन लागणेन दाहड़ा आया, तीना खेतेन मालीक तेरा एक पावर्‌या काजे साजेल्‌यान चां अंगुरेन वाड़ी मां फळेन वाटु मांगणे मकल्‌यु। 
\v 3 बाकुन चे पावर्‌या काजे धरीन ठुक्‌या ने तीनाक ठारलु पछु मकली देदा। 
\v 4 ने चु खेतेन मालीक अळी दीसरा पावर्‌या काजे मकल्‌यु, ने चे तीना पावर्‌यान मुणको फुड़ देदा, ने तेरो नाव-बद्‌दी कर्‌या। 
\v 5 पछेन अळी दीसरा काजे मकल्‌यु, ने तीनाक चे मार नाख्‌या, तत्‌यार चु अळी बेसका पावर्‌याक मकल्‌यु ने तींद्‌रे मां सी काहनाक काजे ठुक्‌या ने काहनाक काजे मार नाख्‌या। 
\v 6 अळतेन एकुत रय रवलु ने चु तेरु लाटेक्‌लु पुर्‌यु हतलु; अतरा मां तीनाक बी तींद्‌रे धड़े ज सुचीन मकल्‌यु की मारा पुर्‌यान आव-भाव करसे करीन। 
\v 7 बाकुन चे साजेल्‌या आपसात वात कर्‌या, जु ते तीना खेतेन हकदार छे, चालु हीना काजे बी मार नाख्‌ता तत्‌यार जी धन दवलत आपणी हय जासे 
\v 8 ने चे तीनाक धरीन मार नाख्‌या ने अंगुरेन वाड़ी मां सी बाहार नाख देदा।
\p
\v 9 “तेरेमां अंगुरेन वाड़ीन मालीक काय करसे?” चु आवीन तीनु साजेल्‌या काजे मार नाखसे ने अंगुरेन वाड़ी दीसरा काजे आप देसे। 
\v 10 काय तुहुं हाल लगुन चुखला सास्‌तुर मां नी भण्‌या काय?
\q1 तीना दगड़ा काजे खास मीस्‌तर्‌या फालतु समजीन बाहार नीकाळ देदा,
\q2 बाकुन हयुत दगड़ु खास दगड़ु बण गुयु;
\q1
\v 11 ज ते मालीक भणी सी हयो; ने
\q2 ज ते हामरी नींगा मां बेसकु वारु छे!
\p
\v 12 तत्‌यार चे ईसुक धराड़ने हींडी रवला; काहाकी चे समजी गुयला की जु हामरी नाव-बद्‌दी मां जु दाखलु कह्‌लु छे। बाकुन चे माणसे सी बीहेतेला ने ईसु काजे छुड़ीन जाती र्‌या।
\s रोमी राजा काजे फाळु देणेन सवाल?
\r (मत्‌‌ती 22:15-22; लुका 20:20-26)
\p
\v 13 तत्‌यार यरुसलेम वाळा डाहला पुजारा ने यहुदी नीयमेन मास्‌तर्‌या ने डाहला, थुड़ाक फरीसी माणसे ने हेरोदेन पाल्‌टी मायन थुड़ाक काजे ईसु धड़े मकल्‌यु, काहाकी तीनाक सवाल पुछीन तीनाक वात मां रुक देय। 
\v 14 चे आवीन ईसुक कह्‌या, “ए मास्‌तर हामु जाणजे की तु छाचलु छे, ने कुयन फीकुर नी करे, काहाकी तु माणसेन मुंहडा देखीन वात नी करे, बाकुन भगवानेन वाट संय देखाड़े। ती बताड़ रोमी राजा काजे फाळु आपणु वारु छे की नी छे? हामु फाळु आपजे की नी आपजे?” 
\v 15 तींद्‌रा ढंगड़ा जाणीन ईसु तीनुक कह्‌यु, “मेसेक काहा पारखणे बाजी र्‌या? एक चांदीन सीक्‌कु मारे धड़े लावु, ने मे तीना रुप्‌याक देखीस ने तुहुंक बताड़ीस।”
\p
\v 16 ने चे एक रुप्‌यु लावीन ईसुक आप्‌या, “ने ईसु तीनुक सीक्‌कु देखाड़ीन कह्‌यु,
\p “सीक्‌का पर कुणीन नाव ने छाप छे?” चे कह्‌या रोमी राजान।
\p
\v 17 ईसु तीनुक कह्‌यु, “ज केसर राजान छे, च केसर राजा काजे आपु ज भगवानेन छे, च हक भगवान काजे आपु।”
\p ने चे तेरी वात सामळीन बेसका देखतात रय गुया।
\s मरला मां सी जीवता हवणेन बारामां सवाल
\r (मत्‌‌ती 22:23-33; लुका 20:27-40)
\p
\v 18 पछेन थुड़ाक सदुकी, कहें की माणसे मरलाम सी पछा जीवता नी हवे, चे ईसु धड़े आवीन पुछ्‌या, 
\v 19 “ए मास्‌तर, मुसु हामरे वाटे असु नीयम लिखलु छे की, कदी काहनाक ने भायन अवल्‌यात नी हवी ने मर जाय, ने चां तेरु भायस रांडायली बायर साते ईयाव करीन आपसान भायस वाटे अवल्‌यात पयदा करनु चाहे। 
\v 20 एक कावा असो हयो; सात भायस हतला, मट्‌लु भायस ईयाव करीन अवल्‌यात पाखुर मर गुयु। 
\v 21 तत्‌यार दीसरु भायस तीनी रांडायली बायर साते ईयाव कर लेदु ने चु बी अवल्‌यात पाखुर मर गुयु। ने असुत तीसरु भायस बी कर्‌यु। 
\v 22 असा करीन सातु भायस असात तेरे साते ईयाव कर्‌या, ने अवल्‌यात पाखुर मर गुया। पछेन आकरी कावा ची रांडायली बायर बी मर गुय। 
\v 23 अळतेन चे आखा मरीन पछा जीवता हवसे तत्‌यार ची कुणीन बायर कवाय्‌से? काहाकी ची ते सातु भायसेन लाडी बन्‌ली हतली।”
\p
\v 24 ईसु तीनुक जपाप देदु, “काय तुहुं असा करीन भुल मां पड़ र्‌या की तुहुं नीते भगवानेन लिखली चुखला सास्‌तुर काजे जाणु नीते भगवानेन ताकत काजे नी उळखु। 
\v 25 काहाकी जत्‌यार मरला माणसे पछा जीवता हवसे, तत्‌यार तींद्‌रेम ईयाव नी हवे, सरग मां सरग वाळान काहवाळ्‌या तसा रवसे। 
\v 26 मरलान पछा जीव उठणेन बारामां काय तुहुं मुसान किताप मां काटाळा झाड़कान बारामां लिखलो हतलो च नी भण्‌या काय, चां भगवान मुसा काजे कह्‌लु की, मे अब्‌राहमेन भगवान ने इसाकेन भगवान ने याकुपेन भगवान छे? 
\v 27 भगवान मरलान नी, जीवतान भगवान छे; तुहुं ते मट्‌ली भुल मां पड़ी र्‌या।”
\s आखा सी मट्‌ली हुकुम
\r (मत्‌‌ती 22:34-40; लुका 10:25-28)
\p
\v 28 यहुदी नीयमेन मास्‌तर्‌या मां सी एक आयु ने तीनु काजे वीच्‌यार करतेलान सामळ्‌यु ने असु देख्‌यु की, ईसु सदुकी काजे वारु ढंग सी जपाप देदु, तत्‌यार नीयमेन मास्‌तर्‌यु ईसु धड़े आय्‌न पुछ्‌यु की, “आखा मां सी मट्‌ली हुकुम काहनी छे?” 
\v 29 ईसु तीनाक कह्‌यु, आखा हुकुम मां सी ज हुकुम\f + \fr 12:29 \fr*\ft आज्ञाओं\ft*\f* मटलो छे, ए ईस्‌रायल, सामळु! आपणु मालीक भगवान एकुत मालीक छे। 
\v 30 ने तु आपसा मालीक भगवान सी तारा आखा मन सी, ने तारा जीव सी ने तारी आखी अक्‌कल सी, ने तारी आखी ताकत सी परम कर। 
\v 31 ने दीसरु हुकुम असु छे, की तुहुं तुंद्‌रे आड़े-धड़े रहणे वाळा सी तारेन तसु परम कर। दीसरा हुकुम अळी ईनु दुय हुकुम सी मटी नी हय।
\p
\v 32 चे यहुदी नीयमेन मास्‌तर्‌या ईसु काजे कह्‌या, “ए मास्‌तर! जे आखो हुकुम संय छे। तु छाचलीन कह्‌यु, की मालीक अतरुत भगवान छे, ने तीनाक छुड़ीन कुय भगवान नी हय। 
\v 33 ने तीनाक आखा मन सी ने आखी अक्‌कल सी, ने आखा जीव, ने आखी ताकुतेन साते आपसान भगवान सी परम राख्‌जी, जे हुकुम, आखा काय बी जनवार्‌या काजे भगवान अगळ चड़ावणे सी ने अळी काहींग बादा चड़ावणे सी जादा वारु छे।”
\p
\v 34 जत्‌यार ईसु देख्‌यु की चु समजीन जपाप देदु, ती ईसु तीनाक कह्‌यु, “तु भगवानेन राज सी छेटे नी हय।”
\p ने अळतेन ईसु काजे पारखणे करीन कुयन बी पुछणेन हिम्‌मत नी आय।
\s मसीन बारामां सवाल
\r (मत्‌‌ती 22:41-46; लुका 20:41-44)
\p
\v 35 पछेन ईसु मंदीर मां सीकाड़तु जाय्‌न असु पुछ्‌यु, यहुदी नीयमेन मास्‌तर्‌या काहा कहें की मसी दावुदेन अवल्‌यात छे? 
\v 36 दावुद आपसुत चुखली-आत्‌मा सी भरायन कह्‌लु, की मालीक,
\q1 मारा मालीक मसी सी कह्‌यु, तु मारे जेवड़्‌ये आंगे बठ,
\q2 जत्‌यार लग की मे तारा वेरी काजे,
\q2 तारा पाय तळे नी कर दम।
\p
\v 37 दावुद ते आपसुत मसी काजे मालीक कहें पछेन मसी दावुदेन अवल्‌यात कसु हय सक्‌से? ने ईसुन जी वात, माणसेन मट्‌लु टुळु खुस हय्‌न सामळी रवला।
\s ईसु कहें की यहुदी नीयमेन मास्‌तर्‌या सी चेतीन रवु
\r (मत्‌‌ती 23:1-36; लुका 20:45-47)
\p
\v 38 चु सीकाड़तु जाय्‌न कह्‌यु, “यहुदी नीयमेन मास्‌तर्‌या सी चेतीन रवु, चे ते पाय मां सी नांबला पुथल्‌या\f + \fr 12:38 \fr*\ft पुथल्‌या\ft*\f* पेरीन फीरे, ने हाट मां, वारु छे की, पुछीन तींद्‌री आव-भाव करनु पटे। 
\v 39 ने तींद्‌रा भक्‌तीन घर मां खास जागा पर बसणु ने तीहवार मां पाहनत्‌यान तसा खास जागा मां बठणु वारु गमे। 
\v 40 चे रांडायला बायरान घर धुकु दीन तींद्‌रा धन काजे ठगीन हापकी लेय, ने दीसरा काजे देखाड़ने करीन बेसकी वार दुवा करता रवे। बाकुन तीनु माणसे काजे डंड जादा जड़से।”
\s गरीब रांडायलीन दान
\r (लुका 21:1-4)
\p
\v 41 ईसु मंदीरेन दान पेटीन सांबु बठीन देखी रवलु, की दान पेटी मां कसा पयस्‌या भर र्‌या, ने बेसका लकपती पेटी मां बेसका पयस्‌या नाख्‌या। 
\v 42 अतरा मां एक गरीब रांडायली बायर दुय टका दान करी, तेरी कीमत बेसकी कम हतली। 
\v 43 तत्‌यार ईसु तेरा चेला काजे धड़े बुलायन तींद्‌रे सी कह्‌यु, “मे छाचलीन कहं की, मंदीरेन पेटी मां दान करने वाळा सी, जी गरीब रांडायली बायर आखा सी जादा दान करली छे। 
\v 44 काहाकी आखा तींद्‌रा माल धन मां सी दान कर्‌या, बाकुन जी रांडायली बायर गरीब हय्‌न बी आपसीन आखो कमायलो धन ने जीवन दान कर देदी।”
\c 13
\s मंदीर उदारनेन बारामां पेहलुत सी कय देणेन
\r (मत्‌‌ती 24:1,2; लुका 21:5-6)
\p
\v 1 जत्‌यार ईसु मंदीर मां सी नीकळ्‌यु ती चां एक चेलु कह्‌यु, “ए मास्‌तर, देख, कतरा वारु दगड़ा छे, ने कतरा वारु बंगला छे!”
\p
\v 2 ईसु तीनाक कह्‌यु, “तु ते ईना मटला बंगला काजे देख र्‌यु ने घाबराय गुयु। बाकुन जे आखा दगड़ा उदार नाखसे; जां लग की ईना जागा पर दगड़ा पर दगड़ु बी नी बचे, ज की हेटु नी उराटी देय।”
\s ईसु परेसानी ने दुख देखाड़े
\r (मत्‌‌ती 24:3-14; लुका 21:7-19)
\p
\v 3 जत्‌यार ईसु जेतुन झाड़कान बयड़ा पर मंदीरेन अगळ बठी रवलु, ती पतरस ने याकुप ने युहन्‌‌‌नु ने अळी अन्‌दीरीयास छेटास जाय्‌न पुछ्‌या 
\v 4 “हामुक बताड़ की जी वात की हवसे? ने जत्‌यार जी आखी वात पुरी हवणे पर रवसे, ने तीना दाहड़ान सहलाणी काय रवसे।”
\p
\v 5 ईसु तीनुक कह्‌णे बाजी गुयु, चेतीन रवु की; काहनुक तुहुंक भटकाड़ी नी देय। 
\v 6 बेसका मारो नाव लीन कवसे, मे मसी छे, ने चे बेसका माणसे काजे भटकाड़ी देसे। 
\v 7 जत्‌यार तुहुं लड़ायन ने झगड़ान हुकवाय सामळु ती घाबरायु घुण, काहाकी असो ते हवण्‌यो छे, बाकुन हेरो मतलब ज हय की हय आकरी आय गुय। 
\v 8 काहाकी एक देसेन माणसे दीसरा देसेन माणसे पर, ने एक राज्‌येन माणसे दीसरा राज्‌येन माणसे भीणी लड़ायसे ने चड़ाव करसे। जां-चां काळ पड़से। ने जां-चां धरती हालसे ने फाट जासे। जी दुखेन आवणे ने हवणेन सुरुवातुत रवसे।
\p
\v 9 बाकुन तुहुं आपसान बारामां चेतीन रवु; काहाकी माणसे तुहुं काजे धरसे ने मटला पंचुन अगळ ली जासे; ने तींद्‌रा भक्‌तीन घर मां तुहुं काजे ली जाय्‌न ठुकसे; ने मारा नाव सी राजा ने राज करन्‌या अगळ उबा करसे। काहाकी तुहुं मारा गवा बण जाय ने तींद्‌रे अगळ मारी वारलु खबर सामळावणेन मुखु रवसे। 
\v 10 ने आकरी हवणे सी पेहेल, खुस-खबरेन परचार आखा माणसे मां हवसे ने हवसे। 
\v 11 जत्‌यार चे तुहुंक पंचु अगळ ली जासे, चां पेहेल सी जी फीकुर घुण करु, की हामु काय कवसुन, बाकुन ज काय तुहुंक कह्‌णु छे तीनी टेम बताड़ी देसे चत कह्‌जु; काहाकी बुलने वाळा तुहुं नी हय, बाकुन चुखली-आत्‌मा रवसे। 
\v 12 तीनु दाहड़ा मां भायस तेरा भाय काजे, ने बास तेरा पुर्‌या-पारी काजे मारने करीन धराय देसे, ने पुर्‌या पुरे हेरा आयस बासेन वेला नी हवे ने तीनुक माराड़ देसे। 
\v 13 ने तुहुं मारा नाव पर भुरसु करी र्‌या करीन आखा माणसे तुंद्‌रे सी नाव-बद्‌दी करसे। बाकुन ज कुय मरता लग मार पर भुरसु करसे, तीनुक छुटकारु जड़से।
\s मट्‌ली परेसानीन टेम
\r (मत्‌‌ती 24:15-28; लुका 21:20-24)
\p
\v 14 जत्‌यार तुहुं तीनी उजाड़ने वाळी नी गमे तसली चीज ने काम काजे देखीन जाहां च हवणु नी चाहजे ने चां तुहुं देख्‌सु भन्‌ने वाळा समज लेवु तत्‌यार जे यहुदीया मां छे चे बयड़ा मां ढास जाय। 
\v 15 ज घरेन छत पर हय ती, चु फालतु टेम काजे मां खुवे ने तेरा घर मां सी काय बी समान ली जाणे करीन नेचु घुण उतरे। 
\v 16 ने जे खेतेम हय, चु तेरा पुथल्‌या लेणे करीन पछु नी आवणु चाहे। 
\v 17 तीनु दाहड़ा मां बायरा भारास हसे, ने काहनीक धड़े नानला पुर्‌या हसे, ती तींद्‌रे वाटे ढास्‌णु बेसको काठो रवसे। 
\v 18 ने भगवान सी दुवा करता रहु, की असो सींगेन दाहड़ा मां नी हवणु चाहे। 
\v 19 काहाकी तीनु दाहड़ा मां असो दुख हवसे की च धरती बन्‌ली ती सी ने ज काय भगवान बणायु ती सी हय लग नी हयो ने च कदी नी हवसे। 
\v 20 कदी मालीक तीनु दाहड़ा काजे नी घटाड़तु ती कुय बी नी बचतो बाकुन मालीक पर भुरसु करने वाळा नेवाड़्‌ला माणसेन वजे सी तीनु दाहड़ा काजे घटायु।
\p
\v 21 तीनु दाहड़ा मां कदी काहनुक तुंद्‌रे सी कवे देखु मसी जां छे, नीते, देखु वां छे कवे ती तींद्‌रे पर भुरसु घुण करु; 
\v 22 काहाकी लुच्‌चा मसी ने लुच्‌चा अघली वात बताड़न्‌या आवसे ने चे कवसे मे मसी छे ने चे सहलाणी ने कदी देख्‌या नी च काम देखाड़से ने कदी हय सके ती भुरसु करने वाळा नेवाड़्‌ला माणसे काजे बी भटकाड़नेन कुसीत करसे। 
\v 23 बाकुन तुहुं चेतीन रहु! मे तुहुं काजे आखी वात पेहेल सी बताड़ देदु।
\s माणसेन पुर्‌यान पछु आवणेन
\r (मत्‌‌ती 24:29-31; लुका 21:25-28)
\p
\v 24 “तीनु दाहड़ा मां तीना दुखेन पछे दाहड़ु डुब जासे ने आंदारो हय जासे, ने चांद वीजाळो नी देय, 
\v 25 ने सरग मां सी तारा पड़ने बाजी जासे ने सरगेन आखी ताकत हालने बाजी जासे। 
\v 26 तत्‌यार माणसे माणसेन पुर्‌या काजे मट्‌ली ताकत ने सेक-सींगार साते आदळा मां आवतेला देखसे। 
\v 27 तीना टेम मां चु तेरा सरग वाळा काहवाळ्‌या काजे मकलीन धरतीन चार खुणा मां सी आपसा नेवाड़्‌ला माणसे काजे भेळा करसे।”
\s अंजीर झाड़का सी काय सीकणु जड़े
\r (मत्‌‌ती 24:32-35; लुका 21:29-33)
\p
\v 28 “अंजीरेन झाड़का सी जु दाखलु सीकु: जत्‌यार तेरी डाळ मां सी नवली नीळ्‌ळी डाळी ने पान्‌टा नीकळने बाजी जाय, ती तुहुं जाणी जावु की उन्‌ढाळान दाहड़ा आवणे वाळा छे। 
\v 29 असात जत्‌यार\f + \fr 13:29 \fr*\ft जब\ft*\f* तुहुं ईनी वात काजे हवतेलान देखसु, ती जाण लेसु की आवणे वाळी टेम धड़ेत छे, मतलब बारना मात छे। 
\v 30 मे तुंद्‌रे सी छाचलीन कहं की जत्‌यार लग जी आखी वात पुरी नी हवे चां लग ईनी पीड़ीन माणसे मरे नी। 
\v 31 सरग ने धरती टळ हय जासे, बाकुन मारे बुले कदी नी टळे।
\s चु दाहड़ु कुयक नी मालुम
\r (मत्‌‌ती 24:36-44)
\p
\v 32 “दाहड़ा नीते टेम कत्‌यार आवसे तेरे बारामां कुय काजे मालुम, नी हय, नीते सरग वाळा काहवाळ्‌या काजे नीते; पुर्‌या काजे, बाकुन भगवान बास अतरुत जाणे। 
\v 33 देखु जागता रहु ने तीयार रहु काहाकी तुहुं नी जाणु की ची टेम कत्‌यार आवसे। 
\v 34 ज तीना माणसेन तसों छे, चु दीसरा तेरा घरेन काम छुड़ीन नाबे फीरने जाय, ने आपसान पावर्‌या काजे जपापदारी आपे, ने आखा काजे काम बताड़ीन जाय, ने झपलान राखवाळ्‌या काजे जागली करजी करीन कहें। 
\v 35 तेरेमां तुहुं बी जागता रहु, काहाकी तुहुं नी जाणु की घरेन मालीक कत्‌यार आवसे सांतु की, आदी राते, की कुकड़ा वासणीक की, दाहड़ु उंगे तत्‌यार। 
\v 36 असो नी हय जाय की चु उचकान आय लागे ने तुहुं सुवतेला तीनाक देखाव पड़ु। 
\v 37 ने ज मे तुंद्‌रे सी कय र्‌यु चीत वात आखा सी कहं की: जागता रहु।”
\c 14
\s ईसु काजे मारनेन एक्‌कु
\r (मत्‌‌ती 26:1-5; लुका 22:1,2; युहन्‌ना 11:45-53)
\p
\v 1 दुय दाहड़ा मां फसहन तीहवार ने खमीरी पाखुर रुटान तीहवार आवणे वाळु हतलु। मंदीरेन डाहला पुजारा ने यहुदी नीयमेन मास्‌तर्‌या ईसु काजे ठगीन धरनु ने मारनेन वीच्‌यार करने करीन भेळा हया। 
\v 2 बाकुन चे कह्‌तेला की, तीहवारेन दाहड़े असा नी करजे, “नीते असो नी हय जाय की माणसे मां दंगु हय जाय।”
\s बेतन्‌या मां ईसु काजे तेलु लागाड़ीन तीयार करे
\r (मत्‌‌ती 26:6-13; युहन्‌ना 12:1-8)
\p
\v 3 जत्‌यार ईसु बेतन्‌या मां हतलु तत्‌यार चां एक माणुस सीमोन नावेन हतलु ने चु कुड़ायलु हतलु, तेरे घर मां ईसु रुटा खाणे बठी रवलु, तत्‌यार एक बायर वारलु गुळवळा दगड़ा मां महंगलो पीवर गंदायण्‌यो तेल लीन आय्‌न सीसीन ढाकणो उघाड़ीन ईसुन मुणका पर रेचवी देदी। 
\v 4 बाकुन थुड़ाक माणसे रीसवायन एक दीसरा काजे कह्‌णे बाजी गुया, जी ईना ईत्‌तर तेल काजे काहा रद कर देदी? 
\v 5 काहाकी\f + \fr 14:5 \fr*\ft क्योंकि\ft*\f* ईत्‌तर तेल एक सालेन दाहड़कीन पयस्‌या सी बी महंगो वेचाय जातो, ने चे तेरु वाक नीकाळीन लड़ने बाजी गुया।\fig दगड़ान सीसी मां महंगलो ईत्‌तर|alt="Jars with spikenard" src="hk00117c.tif" size="col" copy="Horace Knowles ©" ref="14:3"\fig*
\p
\v 6 बाकुन ईसु कह्‌यु, “हीनीक काहा वेला पाड़ी र्‌या; रहणी देवु? हय ते मारे वाटे वारलाम-वारलु काम करली छे। 
\v 7 काहाकी गरीब माणसे ते तुंद्‌रे पुठ्‌ये जलम रवसे, ने तुहुं जत्‌यार चाहु, तत्‌यार तींद्‌री भलाय कर सक्‌सु; बाकुन मे तुंद्‌रे पुठ्‌ये जलम नी रव। 
\v 8 हयी ते ज करनु हतलो चत करी, ची मारा डील पर मेसे मारनेन पेहेल सी तेल रेचवीन मेसेक अघे करनेन तीयारी करली छे। 
\v 9 मे तुंद्‌रे सी छाचलीन कहं की आखी कळी मां जां-जां खुस-खबरेन परचार हवसे चां-चां माणसे हेरा ईना कामेन बी हेर करने करीन बताड़से।”
\s यहुदा ईसु काजे धराड़ने करीन तीयार हय गुयु
\r (मत्‌‌ती 26:14-16; लुका 22:3-6)
\p
\v 10 तत्‌यार यहुदा ईस्‌करीयोती ईसुन बारे चेला मायन एक हतलु, जु चेलु मंदीरेन डाहला पुजारान चां जाय्‌न कह्‌यु, काहाकी ईसु काजे तींद्‌रे हाते धराड़ी दम। 
\v 11 चे तेरी वात सामळीन बेसका खुस हय गुया, ने चे तेरे बदले पयस्‌या आपणेन वायदु कर लेदा। ने चे ईसु काजे धराड़नेन मुखु हेरने बाजी रवलु।
\s ईसु ने चेला साते फसह तीहवार खाय
\r (मत्‌‌ती 26:17-25; लुका 22:7-14,21-23; युहन्‌ना 13:21-30)
\p
\v 12 खमीरी पाखुर रुटा बणावणेन तीहवारेन पेहेले दाहड़े तीना तीहवारेन गाडरो मारीन बादा चड़ावतेला, चां ईसुन चेला ईसु सी पुछ्‌या, “तु काहना जागा पर फसहन खाणो खाणे करीन कय रयु? चां हामु जाय्‌न फसहन खाणो तीयारी करसुन?” 
\v 13 तत्‌यार ईसु तेरा चेला मायन दुय जणा काजे असु कय्‌न मकल्‌यु की, “सहर मां जावु, ने एक माणुस ठाहरा मां पाणी भरीन जासे चु तुहुं काजे भेळु हवसे, तत्‌यार तेरे पुठ्‌ये जाजु। 
\v 14 ने चु तीना घर मां जाय, तीना घरेन मालीक काजे कह्‌जु, ‘मास्‌तर असु कय रयु, की खाणो खाणेन मारु कमरु कां छे, चां मे मारा चेला पुठ्‌ये फसहन खाणो खाय सके?’ 
\v 15 तत्‌यार चु तुहुंक घरेन उपर्‌नी मंजीलेन कमरा पर वारु जमाड़ीन ने आथरीन तीयार करलो, एक मट्‌लु कमरु देखाड़से। चां तुहुं आपणे वाटे खाणो तीयार करजु।”
\p
\v 16 ने चे दुय चेला सहर मां गुया, ने जसु चु तीनुक कह्‌लु हतलु, तीनुक तसत जड़्‌यो, ने चे फसहन खाणो तीयारी कर्‌या।
\p
\v 17 जत्‌यार सांतो हयो, ती ईसु तेरा बारे चेला पुठ्‌ये आयु। 
\v 18 जत्‌यार चे खाणे बठी रवला, ती ईसु कह्‌यु, “मे तुंद्‌रे सी छाचलीन कहं, तुंद्‌रे मायन एक जणु छे, चु मार साते खाणे बठी रयु, चु मेसेक धराय देसे।”
\p
\v 19 चे दुखी हय गुया ने तीनाक पुछ्‌णे बाजी गुया, ने अळतेन चे चेत पुछ्‌णे लाग्‌या की, “काय चु मेते नी छे?” 
\v 20 ईसु तीनुक जपाप आप्‌यु, “बारे मायन एक जणु छे, चु मारे साते एकुत तळी मां खाणे बाजी र्‌यु। 
\v 21 काहाकी माणसेन पुर्‌यु ते तसुत मरसे, जसों तेरा बारामां लिखलो छे, बाकुन तीना माणुस पर मोटु दुख काहाकी तेरे वजे सी माणसेन पुर्‌यु धराय जाय। कदी चु माणुस पयदा नी हवतु, ती तेरे वाटे भलो रहतो।”
\s मालीकेन भोज
\r (मत्‌‌ती 26:26-30; लुका 22:14-20; 1 कुरींथी 11:23-25)
\p
\v 22 जत्‌यार चे खाणे बाजी रवला, ईसु हात मां रुटु लेदु ने रुटु वाटे भगवान सी कह्‌यु की, तु बेसकु वारु छे, ने रुटु भांजीन तेरा चेला काजे आपतु जाय्‌न कह्‌यु, “लेवु, जु रुटु मारु डील छे।”
\p
\v 23 पछेन पीयालु लेदु ने तेरे वाटे भगवान सी कह्‌यु, तु बेसकु वारु छे, कय्‌न चेला काजे आप्‌यु, ने चे आखा तीना मां सी पीदा। 
\v 24 ने ईसु तीनुक कह्‌यु, जु पीयालु, मारा लुही मां बुली करला नवला कायदान सहलाणी छे, ज लुही तुंद्‌रे आखा वाटे उंह्‌लो छे। 
\v 25 मे तुंद्‌रे सी छाचलीन कहं, की मे जु रस तीनु दाहड़ा लग कदी नी पीयो जत्‌यार लग भगवानेन राज मां नवला अंगुरेन रस नी पीलम।
\p
\v 26 तत्‌यार चे भगवानेन भजन गाया ने जेतुन झाड़कान बयड़ा पर गुया।
\s ईसु पेहलुत सी कहें की पतरस तीन कावा नीकारु करसे
\r (मत्‌‌ती 26:31-35; लुका 22:31-34; युहन्‌ना 13:36-38)
\p
\v 27 तत्‌यार वाटे ईसु तीनुक कह्‌यु, तुहुं आखा मेसेक छुड़ी देसु, काहाकी लिखलो छे; मे गुवाळ्‌या काजे मार नाखीस, “ने गाडरा खळन्‌या-वळन्‌या हय जासे। 
\v 28 बाकुन मे पछु जीव उठीन तुंद्‌रे सी पेहेल गलील मां पुगी जायस।”
\p
\v 29 पतरस ईसुक कह्‌यु, “कदी आखा तुसे छुड़े ते छुड़े, बाकुन मे तुसेक कदी नी छुड़ो।”
\p
\v 30 ईसु पतरस काजे कह्‌यु, “मे तुसेक छाचलीन कहं, की तु आज रातेत दुय कावा कुकड़ा वासणेन पेहेल, तीन कावा मेसेक नीकारु करसी।”
\p
\v 31 बाकुन पतरस अळी हिम्‌मत करीन कह्‌यु, “कदी मेसेक तारे पुठ्‌ये मरनु बी पड़े, तेबी मे तारु नीकारु नी करो!”
\p ने दीसरा चेला बी असात कह्‌या।
\s गतसमनी मां ईसुन दुवा करे
\r (मत्‌‌ती 26:36-46; लुका 22:39-46)
\p
\v 32 पछेन ईसु गतसमनी नावेन एक वाड़ी मां आयु ने चु तेरा चेला सी कह्‌यु, “मे दुवा करीन आवो, तत्‌यार लग तुहुं जांत बठजु।” 
\v 33 ने चु पतरस ने याकुप ने अळी युहन्‌ना काजे तेरे पुठ्‌ये ली गुयु; ने चां चु बेसकु दुखी हय्‌न लतपत हय रवलु। 
\v 34 ने तीनुक कह्‌यु, “मारो मन बेसको दुखी छे; ने अतरो बी की मारु जीव नीकळने वाळु छे, तेरेसी तुहुं जांहात रवु, ने चेतीन रहु।”
\p
\v 35 पछेन चु ईतरुक अघु गुयु, ने धरती भीणी अळीन दुवा करने लाग्‌यु की कदी हय सके ती जी दुख मार पर सी टळ जाय। 
\v 36 ने दुवा कर्‌यु की, “तु मारु बास छे, तु आखो काय कर सक्‌सी; तेरेमां ईना दुखेन पीयाला काजे मार धड़े सी छेटु कर ले; तेबी मे चाहो तसों नी बाकुन तु चाहे तसों हवणी दे।”
\p
\v 37 तत्‌यार ईसु तीनु चेला धड़े पछु आयु, ने तीनुक सुवतेला देखीन पतरस सी कह्‌यु, “ए सीमोन, तु सुवणे बाजी रयु? काय तु जाराक वार लग जागी नी सक्‌तु?” 
\v 38 “जागता, ने दुवा करता रहु की तुहुं पारख मां नी पड़ु। आत्‌मा ते तीयार छे, बाकुन डील कमजुर छे।”
\p
\v 39 चु अळी पछु जाती र्‌यु ने अळी तसुत दुवा कर्‌यु। 
\v 40 ने अळी पछु आय्‌न तीनु तीन जणा काजे सुवतेला देख्‌यु, काहाकी चे बेसका नीदरायला हतला; ने चे ईसु काजे काय कह्‌णु ने काय नी? ची वात तीनु काजे समज मां नी आय।
\p
\v 41 पछेन तीसरी कावा बी ईसु पछु तींद्‌रे धड़े आयु, “चां ईसु तीनुक कह्‌यु काय तुहुं हय लग सुवता ने आराम करता रवसु, बस अतरोत! टेम आय्‌जो, देखु माणसेन पुर्‌यु पापी माणसेन हातेम धराय्‌णे बाजी र्‌यु। 
\v 42 उठु, आपणु जाता, ने देखु, जां एक मेसेक धराड़ने वाळु माणुस धड़ेत छे!”
\s ईसु काजे सीपायड़ान हाते धरावे
\r (मत्‌‌ती 26:47-56; लुका 22:47-53; युहन्‌ना 18:3-12)
\p
\v 43 ईसु आपसाक धराड़ने वाळान बारामां असु कहणेत बाजी रवलु ने तीनीत टेमे यहुदा ईस्‌करीयोती चु बारे चेला मायन एक हतलु। तेरे भेळा बेसका माणसे आया चे तलवार्‌या ने डेंगा ली रवला, तीनु काजे मंदीरेन डाहला पुजारा ने यहुदी नीयमेन मास्‌तर्‌या ने मुख्‌या बी हतला चे मकल्‌या। 
\v 44 ईसु काजे धराड़ने वाळु यहुदा तीनुक जी सहलाणी आपलु की, “मे तेरे गुळु दीस हयुत ईसु रवसे, ने तीनाक धरीन सीपायड़ान सात मां समाळीन लीजाजु।”
\p
\v 45 यहुदा जसुत ईसु धड़े आवीन कह्‌यु, “ए मास्‌तर!” ने तेरे गुळु देदु। 
\v 46 ने तत्‌यारुत चे ईसु काजे धर्‌या ने बांद लेदा। 
\v 47 बाकुन ईसुन एक चेलु चां उबु हय रवलु चु मीयान मां सी तलवार नीकाळीन आखान डाहला पुजारान पावर्‌यान कान्‌टु तुड़ देदु। 
\v 48 ईसु तीनुक कह्‌यु, “काय तुहुं डाकु ने चुट्‌टु समजीन मारे भीणी तलवार्‌या ने डेंगा लीन मेसेक धरने आय र्‌या? 
\v 49 मे दाहड़ीन मंदीर मां तुंद्‌रे साते रय्‌न सीकाड़्‌या करतेलु, ने तत्‌यार तुहुं मेसेक नी धर्‌या। बाकुन चुखला सास्‌तुर मां लिखली छे, ची वात पुरी हवे।”
\p
\v 50 ने अळतेन आखा चेला ईसु काजे छुड़ीन ढासी पड़्‌या।
\p
\v 51 ने चां एक जुवान्‌यु तेरा डील पर लायलुनेन साल पांगरीन ईसु पछळ-पछळ जातलु। ने ईसु काजे लीजाण्‌या माणसे तीनाक बी धरनेन कुसीस कर्‌या। 
\v 52 बाकुन चु साल तींद्‌रे हात मां रहणे दीन नांगरलुत ढास पड़्‌यु।
\s यहुदी माणसेन बसक अगळ ईसु
\r (मत्‌‌ती 26:57-68; लुका 22:54-55,63-71; युहन्‌ना 18:13-14,19-24)
\p
\v 53 तत्‌यार चे ईसुक डाहला पुजारान मुखीन चां ली गुया। ने दीसरा डाहला पुजारा, ने मुख्‌या, ने यहुदी नीयमेन मास्‌तर्‌या बी चां भेळा हय गुया। 
\v 54 पतरस छेटु रय्‌न तेरे पछळ-पछळ आखान डाहला पुजारान आंगणा मां गुयु, ने सीपायड़ा साते बठीन आकठा मां तापणे बाजी गुयु। 
\v 55 डाहला पुजारा ने यहुदीन आखा बसक वाळा पंचु, ईसु काजे मारने करीन गवा पुरावु हेरने बाजी रवला, बाकुन तीनुक गवा पुरावु नी जड़्‌यु। 
\v 56 काहाकी बेसका माणसे ईसु वेला नी हया, ने झुटी गवाय देदा, बाकुन तींद्‌री गवाय एक जसी नी हतली।
\p
\v 57 तत्‌यार ईतराक माणसे उठीन ईसु वेला नी हया ने झुटी गवाय देदा, 
\v 58 “हामु ईना ईसु काजे कवतेलान सामेळला छे की, माणसेन हातेन बणावला मंदीर काजे उदार दीस, ने तीन दाहड़ा मां दीसरु मंदीर बणाय दीस चु माणसेन हाते नी बन्‌लु हय।” 
\v 59 बाकुन चां बी तींद्‌री गवाय एक बी मेळ नी खादी।
\p
\v 60 तत्‌यार आखान डाहलु पुजारु ईचमां उबु रय्‌न ईसु काजे पुछ्‌यु “जे माणसे तारे वीरुद मां काहनी बी गवाय दी र्‌या, तेरु जपाप तु काहनी आपतु?”
\p
\v 61 बाकुन तेबी ईसु हुगुत हय रयु, ने काय बी जपाप नी आप्‌यु, डाहलु पुजारु अळी दीसरी कावा अळी तीनाक पुछ्‌यु, “काय तु परमवाळान वारलु पुर्‌यु मसी छे?” 
\v 62 “ईसु कह्‌यु,” हव मे छे, “ने तुहुं माणसेन पुर्‌या काजे आखा सी मटा ताकतवाळान जेवड़्‌ये आंगे बठलु ने सरगेन आदळा पुठ्‌ये आवतेलान देखसु!”
\p
\v 63 तत्‌यार आखान डाहलु पुजारु आपसान पेहेरला पुथल्‌या फाड़ीन कह्‌यु, “हय हामु काजे अळी गवा पुरावु नी चाहजे। 
\v 64 तुहुं नाव-बद्‌दी करता सामळी लेदला छे, हय तुंद्‌रु वीच्‌यार काय छे?” चे आखा हेरे वीरुद मां कह्‌या की, हयु गुनाळु छे ने हीना काजे मरनेन डंड आपणु चाहजे।
\p
\v 65 तत्‌यार तींद्‌रे मायन थुड़ाक तेरे पर थुप्‌णे लाग्‌या, ने तेरो मुंहडो टुपे ने काहनाक मार्‌या ने काहनाक पुछ्‌या की, भगवानेन अघी सी आवणे वाळी वात देखाड़, ने सीपायड़ा तीनाक ली जाय्‌न थापड़ाया।
\s पतरस ईसुक नी जाणो करीन कह्‌यु
\r (मत्‌‌ती 26:69-75; लुका 22:56-62; युहन्‌ना 18:15-18,25-27)
\p
\v 66 जत्‌यार पतरस नेचु आंगणा मां हतलु, चां आखान डाहला पुजारान एक पावरनी तेर धड़े आय। 
\v 67 ने पतरस काजे आकठा धड़े तापतेला देखीन, ची सुदीत भाळीन कय, “तु बी तीना ईसु नासरी पुठ्‌ये हतलु।”
\p
\v 68 बाकुन पतरस नीकारु\f + \fr 14:68 \fr*\ft मुकर\ft*\f* कर्‌यु, “काय जाणु तु काय कय रय, च मेसेक समज मां नी आवतो।” ज कय्‌न चु अळी बारनान फटक्‌या पर गुयु ने; कुकड़ु वास देदु।
\p
\v 69 ची पावरनी पतरस काजे अळी देखीन, चां उबा हय रवला माणसेक कय, “जु माणुस बी तींद्‌रे मायन एक जणु छे।” 
\v 70 बाकुन पतरस अळी दीसरी कावा नीकारु करे।
\p थुड़ीक वार मां अळी चां उबा हय रवला माणसे पतरस काजे कह्‌या, “तु नीकारु नी कर सके, छाचलीन तु तींद्‌रे मायन एक छे, काहाकी तु, गलील वाळु छे।”
\p
\v 71 तत्‌यार पतरस सगुन खाय्‌न सय कय र्‌यु, “मे तीना माणुस काजे नी जाणो ने जसा तुहुं तेरे बारामां पुछी र्‌या, कदी मे लुच्‌चाय मेल रयु हय ती भगवान मेसे डंड देय।”
\p
\v 72 तत्‌यार तत्‌यारुत दीसरी कावा कुकड़ु वास देदु। पतरस काजे ईसु कवलु ची हेर आय गुय, “की दुय कावा कुकड़ु वासणे सी पेहेल तु मारो तीन कावा नीकारु करसी।” ने चु हीनी वात काजे हेर करीन रड़ने बाजी गुयु।
\c 15
\s पीलातुसेन अगळ ईसु
\r (मत्‌‌ती 27:1,2,11-14; लुका 23:1-5; युहन्‌ना 18:28-38)
\p
\v 1 संदारे एगात मंदीरेन डाहला पुजारा ने मुख्‌या ने यहुदी नीयमेन मास्‌तर्‌या ने यहुदीन आखी पंचुन बसक हय ने चे मेळीन वीच्‌यार कर्‌या की ईसु काजे बांदीन पीलातुसेन हात मां सुप देदा। 
\v 2 पीलातुस ईसु काजे पुछ्‌यु, “काय तु यहुदी माणसेन राजा छे?”
\p ईसु जपाप आप्‌यु, “असु तुत कय रयु।”
\p
\v 3 डाहला पुजारा ईसु पर बेसकी वात कय्‌न गुनु लागाड़ी रवला 
\v 4 पीलातुस तीनाक अळी पुछ्‌यु, “जे आखा तुसे बेसकी वात कय्‌न गुनु लागाड़ी र्‌या; काय तुसेक जपाप नी आपणु हय!”
\p
\v 5 ईसु अळी बी काय जपाप नी आप्‌यु, अतरामा पीलातुस देखतुत रय गुयु।
\s ईसु काजे मरनेन डंडेन हुकुम आपे
\r (मत्‌‌ती 27:15-26; लुका 23:13-25; युहन्‌ना 18:39—19:16)
\p
\v 6 पीलातुस नावेन एक राज करने वाळु यहुदी गांव मां एक तीहवारेन दाहड़े काहनाक एक केदड़ाक छुड़तेलु, तीनाक हयु चाहे तीना काजे। 
\v 7 एक माणसेन नाव बरअब्‌बा हतलु, ने एक जेल मां बंद हतलु, चु तीनु माणसे पुठ्‌ये हतलु, जे सरकारेन वीरुद मां दंगा करला, ने चे हत्‌या करला। 
\v 8 जत्‌यार माणसेन गड़दी पीलातुसेन चां भेळा हया ने लीलघाय्‌न कह्‌णे लाग्‌या की जसु तु आपणी रीती-रीवाज मां जसु हामरे वाटे करतु आयु तसुत हय बी कर, 
\v 9 पीलातुस जपाप आप्‌यु, “काय तुहुं चाहु की मे तुंद्‌रे वाटे यहुदीयान राजा काजे छुड़ दम?” 
\v 10 काहाकी हीनाक पाक्‌को मालुम हतलो की मंदीरेन डाहला पुजारा ईसु काजे कुहराये धराड़ला।
\p
\v 11 बाकुन डाहला पुजारा माणसे काजे उकसाय्‌न पुछ्‌या, “तुहुं पीलातुस काजे असा कहुं, की तु हामरे वाटे ईसुक नी, बाकुन बरअब्‌बा काजे छुड़ दे।” 
\v 12 पीलातुस तीनु गड़दी काजे अळी पुछ्‌यु, “तीनाक तुहुं यहुदीन राजा कहुं, तेरे साते तुहुं काय चाही र्‌या की मे हेरे साते करो, तुहुं बताड़ु?” 
\v 13 चे पछात आयड़्‌या, “हीनाक कुरुस पर चड़ावु!”
\p
\v 14 पीलातुस तीनुक कह्‌यु, “काहा, हयु काय गुनु करलु छे।”
\p बाकुन चे अळी जुर सी आयड़ीन कह्‌या “हीनाक कुरुस पर चड़ावु!”
\p
\v 15 तत्‌यार पीलातुस माणसेन गड़दी काजे खुस करने करीन बरअब्‌बा काजे तींद्‌रे वाटे छुड़ देदु, ने ईसु काजे सपाटा देवाड़ीन तीनाक कुरुस पर चड़ावणे करीन तींद्‌रा हात मां सुप देदु।
\s सीपायड़ा ईसुन हासी उडाड़े
\r (मत्‌‌ती 27:27-31; युहन्‌ना 19:2,3)
\p
\v 16 ने सीपायड़ा ईसु काजे तीनी सरकारेन मटला कीलान आंगणा मां ली गुया; ने चे बचला सीपायड़ा काजे बी बुलाय लेदा। 
\v 17 चे ईसु काजे जामण्‌या पुथल्‌या पेराया ने काटान मुड़ गुथीन तेरा मुणका पर मेल देदा। 
\v 18 तत्‌यार चे ईसुन हासी उडाड़्‌या, ने कह्‌या की “ए यहुदीयान राजा तु बेसका दाहड़ा लग जीवे!” 
\v 19 ने चे तेरा मुणका पर बुरीन सुटी मेळ्‌या, ने तेरे पर थुपतेला ने चे ढंगा अळीन ईसु काजे आंधणेन ढंगड़ा कर्‌या। 
\v 20 असा करीन चे ईसुन हासी उड़ावता जाय्‌न वार मुजु ली लेदा; ने पछेन जामण्‌या पुथल्‌या नीकाळ देदा; ने तेरात पुथल्‌या पेरायन, तीनाक कुरुस पर चड़ावणे बाहर ली गुया।
\s ईसु काजे कुरुस पर चड़ावणेन
\r (मत्‌‌ती 27:32-44; लुका 23:26-43; युहन्‌ना 19:17-27)
\p
\v 21 वाटे एक माणुस भेळु हयु तेरो नाव सीमोन हतलु चु सहर सी आवणे बाजी रवलु ने चु चां मायन नीकळ्‌यु ने हीना काजे सीपायड़ा जबरान मां धर्‌या काहाकी ईसुन कुरुस हाकली लेय। चु सीमोन कुरेन गांव वाळु हतलु ने सीकन्‌दर ने रुफुसेन बास हतलु। 
\v 22 ने सीपायड़ा ईसु काजे गुलगुता नावेन जागा मां ली जां, तेरो मतलब छे, “माणसेन मुणकान जागु।” 
\v 23 चां चे तीनाक बीगेड़लु अंगुरेन रस पाव्‌णे लाग्‌या बाकुन चु पीणे नी चाहतेलु। 
\v 24 तत्‌यार चे ईसु काजे कुरुस पर चड़ाया ने तेरा पुथल्‌या कुणीक-कुणीक जड़नु चाहे करीन चे चिट्‌ठी नाखीन देख्‌या की कुणीक काय जड़से, ने असा करीन तेरा पुथल्‌या वाट लेदा। 
\v 25 ने चे ईसु काजे संदारे नव बजे कुरुस पर चड़ाया। 
\v 26 ने तेरे पर जु झुटु गुनान बारामां पट्‌टी पर लिखीन तेरा मुणकान सी उपरुस कुरुस पर ठुक देदा तीनी पट्‌टी पर लिखलो हतलो, “जु यहुदी माणसेन राजु छे।” 
\v 27 ने चे ईसुन साते दुय चुट्‌टा\f + \fr 15:27 \fr*\ft डाकू\ft*\f* काजे बी अलग-अलग कुरुस पर चड़ाया, एक तेरे जेवड़्‌ये आंगे ने एक तेरे डाखर्‌ये आंगे। 
\v 28 असो करीन जी वात खरला सास्‌तुर मां लिखलो हतलो च पुरो हयो की चु पापीन गिन्‌ती मां आवसे।
\p
\v 29 ईसु कुरुस हाकलीन लीजातलु तत्‌यार वाटेन आड़े-धड़ेन माणसे जाणे वाळा मुणको डुलाव्‌ता जाय्‌न ने ईसुन वाक नीकाळता जाय्‌न कह्‌या “हयु! मंदीर काजे उदार्‌ने वाळु ने तीन दाहड़ा मां बणावणे वाळु! 
\v 30 कुरुस पर सी नेचु उतरी आव ने आपसा काजे बचाड़ ले।”
\p
\v 31 असुत कय्‌न डाहला पुजारा ने यहुदी नीयमेन मास्‌तर्‌या ईसुन हासी उड़ावता जाय्‌न एक दीसरा काजे कह्‌या, “हयु ते दीसरा काजे बचाड़्‌यु ने आपसाक नी बचाड़ सक्‌तु काय? 
\v 32 हयु ईस्‌रायलेन राजु मसी हय ती, कुरुस पर सी उतरीन आवे ती हामु हीनाक देखीन हेरे पर भुरसु करजे!”
\p ने ईसु साते दीसरा आड़े-धड़े दुय काजे कुरुस पर चड़ावला हतला, चे बी तेरी हासी उड़ाव्‌तेला।
\s ईसुन मरनेन बारामां
\r (मत्‌‌ती 27:45-56; लुका 23:44-49; युहन्‌ना 19:28-30)
\p
\v 33 खयारली टेमे ईलाका मां आखे दुर आंदारलो छावायलो रयो ने च तीन बजे लग रयो। 
\v 34 दीसु तीन बजे ईसु तत्‌यार मटीत अवाज मां आयड़ीन कह्‌यु, “ईलोई, ईलोई, लमा सबक्‌तनी?” हेरो मलतब छे, “ए मारा भगवान, ए मारा भगवान, तु मेसेक काहा छुड़ देदु?” 
\v 35 जे धड़े उबा हय रवला, तींद्‌रे मायन थुड़ाक ज सामळीन कह्‌या, “सामळु, जु ते एलीयु काजे बुलाय र्‌यु।” 
\v 36 ने एक जणु दवड़ीन जाय्‌न पुता काजे बीगड़ला अंगुरेन रस मां बुचळ्‌यु ने पुतो बुरीन सुटीन छेंड्‌ये पर झेलाड़ीन ईसुक चुसाड़्‌यु ने कह्‌यु “हींगा! देखु एलीयु हीनाक उतारने आवे की नी आवे!”
\p
\v 37 तत्‌यार ईसु जुर सी आयड़ीन तेरु जीव छांड गुयु।
\p
\v 38 ने मंदीरेन पड़दु उपर सी नेचु लग फाटीन अलग-अलग हय गुयु। 
\v 39 सीपायड़ान एक डाहलु ईसुन कुरुस अगळ उबु हय रवलु, तत्‌यार चु ईसु काजे असु आयड़ीन मरतेला देख्‌यु\f + \fr 15:39 \fr*\ft देखा\ft*\f* ती कह्‌यु, “छाचलीन जु माणुस भगवानेन!” पुर्‌यु हतलु।
\p
\v 40 थुड़ाक बायरा बी छेटे सी देखी रवला, तींद्‌रे मायन मरीयम मगदलनी, जुवान याकुप ने योसेसन माय मरीयम, ने सलोमी हतली। 
\v 41 जत्‌यार ईसु गलील मां हतलु ती जे बायरा तेरी मदत कर तेला। ने चां दीसरा बेसका बायरा बी हतला चे ईसु साते गलील ईलाका सी यरुसलेम मां आवला हतला।
\s ईसु काजे अघे करनेन
\r (मत्‌‌ती 27:57-61; लुका 23:50-56; युहन्‌ना 19:38-42)
\p
\v 42 जु दाहड़ु आरामेन दाहड़े सी पेहेल वाळु दाहड़ु हतलु, जु दाहड़ु तीयारीन दाहड़ु रवे, ने सांतो हय गुयलो। 
\v 43 अरीमतीया गांवेन रहणे वाळु युसुफ नावेन एक माणुस आयु, जु यहुदी पंचुन मेहमर हतलु, ने जु भगवानेन राजेन वाट देखी रवलु; जु युसुफ हिम्‌मत करीन पीलातुस धड़े गुयु ने ईसुन धड़ मांग्‌यु। 
\v 44 जी वात सामळीन पीलातुस देखतुत रय गुयु, की ईसु अतरु छाटु कसु मर गुयु, ने चु सीपायड़ान डाहला काजे बुलावीन पुछ्‌यु, काय ईसु मरलु बेसकी टेम हय गुय। 
\v 45 तत्‌यार पीलातुस सीपायड़ान डाहलान साहरे ईसुन बारामां आखी वात मालुम कर लेदु, तत्‌यार हेरो धड़ युसुफ काजे आपाड़ देदु। 
\v 46 तत्‌यार युसुफ लेफड़्‌ला सणेन पुथल्‌या मुल लेदु, ने धड़ काजे उतारीन तीना पुथल्‌या मां बांद लेदु, ने तीनाक मसाण मे गाड़ देदा चां चापर्‌या मां वारु घड़ली मसाण हतली ने चां मट्‌लु दगड़ु लागाड़ीन बुजी देदा। 
\v 47 ने मरीयम मगदलनी ने योसेसन माय मरीयम ईसुन धड़ काजे मेक तेला देखी रवली।
\c 16
\s ईसु मरीन पछु जीवतु हवे
\r (मत्‌‌ती 28:1-8; लुका 24:1-12; युहन्‌ना 20:1-10)
\p
\v 1 जत्‌यार आरामेन दाहड़ु खत्‌तम हय गुयु, ती मरीयम मगदलनी, ने याकुपेन माय मरीयम ने सलोमी, गंदायण्‌यु मसालु ईसुन धड़ पर तेल लागाड़ने करीन मुल लेदी। 
\v 2 हाप्‌तान पेहेले दाहड़े संदारे एगात जत्‌यार दाहड़ु उंग्‌यु, जे बायरा मसाण धड़े गुया 
\v 3 ने ची आपसी-आपसी एक दीसरी सी कह्‌तेली की हामरे वाटे दगड़ा काजे मसाणेन बारनाम सी कुण छेटु करसे। 
\v 4 जत्‌यार चे देख्‌या की दगड़ु गबड़ी रवलु चु दगड़ु मट्‌लु हतलु। 
\v 5 मसाणेन मांहे गुय ती चे एक नांबला धवळा पुथल्‌या पेहरला जुवान माणुस काजे जेवड़े आंगे बठी रवलु देख्‌या। ने चे बायरा घाबरायन बीही गुया।
\p
\v 6 चु तीनुक कह्‌यु, “बीहु मां तुहुं ते ईसु नासरी काजे, तीनाक कुरुस पर चड़ावला चु छे। चु जीव उठ्‌यु। चु जां नी हय जाहां चे मेल्‌ला। 
\v 7 बाकुन हय तुहुं जावु, ने तेरा चेला ने पतरस सी कवजु की चु तुंद्‌रे सी पेहेल गलील जासे। जसु तुहुंक पेहेल कह्‌लु की ईसु गलील ईलाकाम भेळु हवसे।”
\p
\v 8 ज आखो सामळीन चे बायरा बेसका कापता ने घाबरायता जाय्‌न मसाण मां सी ढास\f + \fr 16:8 \fr*\ft भाग\ft*\f* पड़्‌या, ने चे कुय सी ईसुन बारामां नी कह्‌या, काहाकी चे बीही गुयला।
\s ईसु मरीयम मगदलनी काजे देखाव पड़े
\r (मत्‌‌ती 28:9,10; युहन्‌ना 20:11-18)
\p
\v 9 हाप्‌तान पेहेले दाहड़े संदारे एगुत ईसु जीवतु हय्‌न पेहेल मरीयम मगदलनी काजे देखाव पड़्‌यु काहाकी हेरेम सी चु सात भुतड़ा नीकाळ्‌ळु। 
\v 10 मरीयम मगदलनी जाय्‌न ईसुन साती दुखी हतला ने रड़ने बाजी रवला। तीनु काजे जाय्‌न कय की ईसु जीवतु हय गुयु। 
\v 11 चे ज सामळ्‌या की ईसु जीवतु हय गुयु ने मरीयम तीनाक देखली छे, तेबी चे भुरसु नी कर्‌या।
\s ईसु दुय चेला काजे देखाव पड़े
\r (लुका 24:13-35)
\p
\v 12 अळतेन तीनु चेला मायन दुय जणा गांव भीणी जाणे बाजी रवला जत्‌यार ईसु दुसरुत भातु तीनुक देखाव पड़्‌यु। 
\v 13 चे दुय जणा बी दीसरा चेला काजे हीनी वातेन खबर कर्‌या, बाकुन चे तींद्‌रे पर बी भुरसु नी कर्‌या।
\s ईसु ग्‌यारे चेला काजे देखाव पड़े
\r (मत्‌‌ती 28:16-20; लुका 24:36-49; युहन्‌ना 20:19-23; नेवताळा 1:6-8)
\p
\v 14 पछेन चे ग्‌यारे चेला रुटा खाणे बठी रवला, ती ईसु तीनुक बी देखाव पड़्‌यु, ईसु तींद्‌रु नी भुरसु करनेन ने भुरसु नी करनेन काठो मन हय गुयलो जाणीन ने तीनुक लड़तु जाय्‌न कह्‌यु, “जे मेसेक जीव उठीन बठु हवला देखला, तुहुं तींद्‌री वात पर भुरसु काहा नी कर्‌या।” 
\v 15 ने ईसु तीनुक कह्‌यु, “तुहुं आखी कळी मां जावु ने आखा माणसे काजे खुस-खबरेन परचार करु। 
\v 16 जे भुरसु करसे ने बपतीस्‌मा लेसे तींद्‌रुत छुटकारु हवसे, बाकुन जे भुरसु नी करसे तीनाक भगवानेन गुनाळु ठहरावसे। 
\v 17 भुरसु करने वाळान जी सहलाणी रवसे की, चे मारे नाव सी भुतड़ान आत्‌मा काजे नीकाळसे ने नवली-नवली बुली बुलसे। 
\v 18 कदी चे घड़सा धर लेसे ने दवा बी पी लेसे तेबी तीनुक काय बी नुकसाण नी हवे ने चे मांदला पर हात मेकसे ने चे वारु हय जासे।”
\s ईसुन सरगे हाकलाय जाणु
\r (लुका 24:50-53; नेवताळा 1:9-11)
\p
\v 19 पछेन मालीक ईसु तींद्‌रे साते वात करीन पछेन सरग मां हाकलायन गुयु ने भगवानेन जेवड़्‌ये आंगे बठ गुयु। 
\v 20 ने ईसुन चेला जागे-जागे जाय्‌न परचार कर्‌या ने मालीक तींद्‌रे\f + \fr 16:20 \fr*\ft उनके\ft*\f* साते काम करतु रयु ने मटा काम सी।