\id MAT - Bhilali Standard Project
\ide UTF-8
\h मत्‌‌ती
\toc3 मत्‌‌ती
\toc2 मत्‌‌ती
\toc1 मत्‌‌तीन साहरे लिखली ईसुन खुस-खबर
\mt2 मत्ती के द्वारा लिखा गया यीशु का सुसमाचार
\mt1 मत्‌‌तीन साहरे लिखली ईसुन खुस-खबर
\imt मत्‌‌तीन बारामां
\ip मत्‌‌तीन कितापेन खुस-खबरेन जी हीनु किताप मां सी छे, ज्‌य ईसुन जीवनेन बारामां देखाड़े। हींद्‌रे मां सी आखा एक काजे खुस-खबर कहें। ईसुन मरनेन पछे मत्‌‌ती, मरकुस, लुकु, ने युहन्‌ना ईनु किताप काजे लिख्‌यु। मत्‌‌तीन कितापेन खुस-खबरेन जी किताप कत्‌यार लिखाय गुय हामुक पुरी रुप सी पतु नी हय। बाकुन धड़े-वड़े ईसुन पयदा हवणेन सांठ सालेन पछे लिखाय गुय हसे। हीनीत रीती सी जी किताप कत्‌यार लिखी गुई, ज्‌य हामुक मालम नी हय। तेबी बेसका माणसेन मान्‌नु छे, की चु ईस्‌रायल देस मां ने कांखुर मायन यरुसलेम सहर मात लिखाय गुई हसे।
\ip ईनी किताप काजे लिखण्‌यु मत्‌‌ती छे, जु ईसुन चेलु बन्‌ने वाटे बुलावणेन पेहल एक फाळु लेण्‌यु हतलु। चु लेवीन नाव सी जाणाय जातलु। मत्‌‌ती बारे नेवताळा मां सी हतलु। जु यहुदी भंन्‌या वाटे जी लिखाय गुयली ईनी वातेन हामुक हेरेसी पतु चाले की धड़े-वड़े सांठ सी जादा नीरदेस, ईना किताप मां जड़े चे पेहला नेम मां सी छे। चु बताड़ने चाहे की ईसु भगवानेन नेवाड़्‌लु ताकत सी भरलु ने छुटकारु आपण्‌यु छे। तेरे बारामां पेहलुत सी भगवानेन अघी सी आवणे वाळी वात कहलो हतलो। मत्‌‌ती भगवानेन राजेन बारामां बेसकी आखी वात लिखली छे।
\ip यहुदी माणसेन जी आस हतली की ताकत मां भरायलु एक राजनेतीकेन राजेन राजु हसे। बाकुन मत्‌‌ती ईना वीच्‌यारेन वीरुद करीन आपणा किताप मां भगवानेन आत्‌मान राज पर जुर देय। नवला नेमेन सुरुवात मत्‌‌तीन किताप सी हवे। ज्‌य हवे तसों छे की एरे मां पेहला नेमेन गवा बेसका कावा करलो छे जी किताप दुयु नेम काजे जुड़े। मुख्‌यान मान्‌नु छे की मत्‌‌ती पांच कितापेन मतलब मुसान पेहला पांच कितापेन रुप तेरेन तसा कर्‌या। ईसुन बयड़ा परुन बुले \xt 5:7\xt* भगवान सी मुसा काजे नेमेन किताप देणेन बराबर छे। \xt वेवस्‌थावीवरन 19:3; 23:25\xt*
\iot बाहरती वात
\io1 1. ईसु मसीन पयदा हवणेन ने हेरी चाकरीन सुरुवात काहाली भाती हयो, हेरु नेवाड़ु करे मत्‌‌ती आपणे खुस-खबरेन ईसारु करे। \ior 1—4 \ior*
\io1 2. हेरे पछेन मत्‌‌ती ईसुन चाकरी ने हेरी सीकाड़नेन बारामां कहें। \ior 5—25 \ior*
\io1 3. मत्‌‌तीन कितापेन खुस-खबरेन आकरी भाग चु छे तेरेमां ईसुन चाकरीन सीखर जु हेरी मुतेन ने मरलाम सी जीवता हवणेन बारामां कहें। \ior 26—28 \ior*
\c 1
\s ईसुन खानदानी
\r (लुका 3:23-38)
\p
\v 1 अब्‌राहमेन अवल्‌यात\f + \fr 1:1 \fr*\ft सन्तान \ft*\f* दावुदेन अवल्‌यात, ने ईसु मसीन खानदानी असी छे।
\p
\v 2 अब्‌राहम सी इसाक पयदा\f + \fr 1:2 \fr*\ft उत्पन्न\ft*\f* हयु, इसाक सी याकुप पयदा हयु, याकुप सी यहुदा ने तेरा भायस पयदा हया। 
\v 3 अळतेन यहुदा ने तामार सी फीरीस ने जेरह पयदा हया, फीरीस सी हेसर्‌यान पयदा हयु, ने हेसर्‌यान सी एराम, 
\v 4 अळतेन एराम सी अम्‌मीनादाब पयदा हयु, अम्‌मीनादाब सी नहसोन, ने नहसोन सी सलमन पयदा हयु। 
\v 5 सलमन ने राहाब सी बोआज पयदा हयु। बोआज ने रुत सी ओबेद पयदा हयु, ने ओबेद सी यीसे पयदा हयु।
\p
\v 6 ने यीसे सी दावुद राजु पयदा हयु। दावुद सी सुलेमान पयदा हयु जी पेहेल उरीय्‌याहन घरवाळी हतली। 
\v 7 सुलेमान सी रहबाम पयदा हयु, ने रहबाम सी अबीय्‌याह पयदा हयु ने अळतेन अबीय्‌याह सी आसा पयदा हयु। 
\v 8 आसा सी यहोसाफात पयदा हयु, यहोसाफात सी योराम पयदा हयु, ने योराम सी उज्‌जीयाह पयदा हयु। 
\v 9 उज्‌जीयाह सी योताम पयदा हयु, योताम सी आहाज पयदा हयु, आहाज सी हीजकीय्‌याह पयदा हयु। 
\v 10 हीजकीय्‌याह सी मनस्‌‌सीह पयदा हयु, मनस्‌‌सीह सी आमन पयदा हयु, ने आमन सी योसीय्‌याह पयदा हयु, 
\v 11 ने ईस्‌रायली जातीन माणसे काजे धरीन बेबीलोन ईलाका मां जाणेन टेमे, योसीय्‌याह सी यकुन्‌याह ने तेरु सगु भायस पयदा हया।
\p
\v 12 ने ईस्‌रायली जातीन माणसे काजे धरीन बेबीलोन जाणेन पछेन यकुन्‌याह सी सालतीयेल पयदा हयु, ने सालतीयेल सी जरुबाबील पयदा हयु, 
\v 13 जरुबाबील सी अबीहुद पयदा हयु, अबीहुद सी ईल्‌याकीम पयदा हयु, ने ईल्‌याकीम सी अजोर पयदा हयु, 
\v 14 अजोर सी सदोक पयदा हयु, सदोक सी अखीम पयदा हयु, ने अखीम सी ईलीहुद पयदा हयु, 
\v 15 ईलीहुद सी ईलीयाजर पयदा हयु, ईलीयाजर सी मतान पयदा हयु, ने मतान सी याकुप पयदा हयु, 
\v 16 याकुप सी युसुफ पयदा हयु, चु मरीयमेन अदमी हतलु, ने मरीयम सी ईसु पयदा हयु चु मसी कहवाये।
\p
\v 17 एरेन तसी अब्‌राहम सी दावुद लग चवदा पीड़ी हवी, ने दावुद सी बेबीलोन ईलाका मां धराय जाणेन टेमे लग चवदा पीड़ी हवी, ने बेबीलोन ईलाका मां धरायन ली जाती रया तत्‌यार तीनी टेम सी लीन मसी लग चोवदा पीड़ी हवी।
\s ईसुन पयदा हवणेन
\r (लुका 2:1-7)
\p
\v 18 ईसु मसी असु पयदा हयु की तत्‌यार तेरी माय मरीयमेन मांगणी युसुफ साते हय गुयली, ने तींद्‌रे भेळा हवणेन सी पेहलुत चुखली-आत्‌मा सी भारीस\f + \fr 1:18 \fr*\ft गर्भवती\ft*\f* हतली। 
\v 19 तत्‌यार तेरु अदमी युसुफ चु धरमी हतलु, ने तीनी काजे नाव-बद्‌दी करने नी चाहतेलु, तीनीक कळेत छुड़नेन वीच्‌यार करने बाजी गुयलु। 
\v 20 जत्‌यार चु हीनी वातेन वीच्‌यार मां पड़ रवलु ती मालीक भगवानेन सरग वाळु काहवाळ्‌यु तीना काजे सपनाम देखायन कह्‌वणे लाग्‌यु, “ए युसुफ! दावुदेन अवल्‌यात, तु बायर मरीयम काजे तारेन चां लावणे सी मां बीहे, काहाकी ज तेरा पेट मां छे, च चुखली-आत्‌मान भीणी सी छे। 
\v 21 तेरु एक पुर्‌यु हवसे ने तु हेरो नाव ईसु पाड़जी, काहाकी हयु आखा माणसेन तींद्‌रा पाप सी छुटकारु आपसे।”
\p
\v 22 ज आखो असो करीन हयो की ज बुल मालीक भगवानेन अघी सी आवणे वाळी वात देखान्‌यान साहरे कह्‌लो, च पुरो हवे, 
\v 23 “देखु, एक कुवारली पुरे भारीस हवसे, ने तेरु एक पुर्‌यु पयदा हवसे, ने हेरो नाव ईम्‌मानुएल पाड़जी,” तेरो मतलब छे “भगवानुत हामरे पुठ्‌ये छे।”
\p
\v 24 तत्‌यार युसुफ नीद मां सी जागीन मालीक\f + \fr 1:24 \fr*\ft प्रभु\ft*\f* सरग वाळा काहवाळ्‌यान हुकुम सामळीन तेरी बायर काजे ली आयु, 
\v 25 ने जत्‌यार लग पुर्‌यु पयदा नी हयु तत्‌यार लग युसुफ तेरे धड़े नी गुयु, ने चु तेरो नाव ईसु पाड़्‌यु।
\c 2
\s रासी देखण्‌या माणसे ईसुक भेळा हवणे आवे
\p
\v 1 जत्‌यार हेरोदेसेन राजान राज चाल रह्‌लो, तीनुत दाहड़ा मां यहुदीया जीलान बेतलहम गांव मां ईसु पयदा हयु, ती उगेवणा सी तारा देखीन रासी देखण्‌या यरुसलेम सहर मां आया। 
\v 2 ने पुछ्‌या की, “यहुदी माणसेन पुर्‌यु राजु पयदा हयु, चु कां छे? काहाकी हामु उपर उगवणु सी तारु उंगलु देख्‌या तेरेमां हामु पुछ रया ने तीना काजे हामु पांये पड़ीन आंधणे आवला छे।”
\p
\v 3 जत्‌यार हेरोदेस राजु जी वात सामळीन घाबराय गुयु, ने तेरे पुठ्‌ये यरुसलेम सहर मां रहणे वाळा बी आखा घाबराय गुया। 
\v 4 तेरेमां हेरोदेस राजु आखा मुख्‌या पुजारा ने यहुदी नीयम सीकाड़न्‌‌या मास्‌तर्‌याक भेळा करीन तीनुक पुछ्‌यु, “की मसी कां पयदा हवसे?”
\p
\v 5 चे कह्‌या की “यहुदीया जीलान बेतलहम सहर मां हवसे, काहाकी भगवानेन अघी सी आवणे वाळी वात बताड़न्‌या माणसेन साहरे असो लिखलो छे।
\q1
\v 6 “ए बेतलहम सहर, तु यहुदीया देस वाळा,
\q2 काहना बी मटला सहर नानु नी हय,
\q1 काहाकी तारे सीत एक असलु राज करन्‌यु पयदा हवसे,
\q2 चु मारा ईस्‌रायेली जातीन माणसेन गुवाळी करसे।”
\p
\v 7 तत्‌यार हेरोदेस राजु तारा देखीन रासी देखण्‌याक कळेन बुलायन तीनुक पुछ्‌यु की तारु तुहुंक काहनी टेमे देखाव पड़लु, 
\v 8 अळतेन चु असो कय्‌न तीनुक बेतलहम सहर मां मकल्‌यु, “जावु, तीना पुर्‌यान बारामां पतु करु, ने जत्‌यार जड़ जाय तत्‌यार मेसे खबर करु काहाकी मे बी आवीन तेरा पाये पड़ीस।”
\p
\v 9 ने चे राजान वात काजे मानीन चाल पड़्‌या, ने तीना तारा काजे चे उंगतेलु देखला चु तारु बी तींद्‌रे अगळ-अगळ चाल पड़्‌यु, ने चां पुर्‌यु हतलु, तीनी जागा पर जाय्‌न चु तारु उबु रय गुयु। 
\v 10 ने तीना तारा काजे देखीन चे बेसका खुस हय गुया। 
\v 11 चे तीना घर मां जाय्‌न तीना पुर्‌या काजे हेरी माय मरीयम साते देख्‌या, ने उबडा पड़ीन पुर्‌या काजे आंध्‌या, ने आपणा-आपणा थयलाम सी तीना काजे सनो, लुभान, ने मंहगलो ईत्‌तर भेट चड़ाया।\fig लुभान धुप दाणी, ने धुप धाणीन वेदी|alt="Frankincense branch, censer and incense altar" src="bk00116c.tif" size="col" copy="Horace Knowles ©" ref="2:11"\fig*
\p
\v 12 बाकुन भगवान सी सपना मां असी खबर जड़ी की, हेरोदेस धड़े पछा घुण जावु, तत्‌यार चे दीसरे वाट्‌ये सी आपसान देस मां पछा जाती रया।
\s मीसरे देस मां जाणेन
\p
\v 13 अळतेन चे तारा देखीन रासी देखण्‌या चां सी जाती रया ने पछेन मालीक भगवानेन सरग वाळु काहवाळ्‌यु सपना मां ईसुन बास युसुफ काजे देखायन कह्‌यु, “उठ, ईना पुर्‌या काजे ने हेरी माय काजे लीन मीसर देस मां जाती रव; ने जत्‌यार लग मे तुसे नी कहं, तत्‌यार लग चांहान रवजी; काहाकी हेरोदेस ईना पुर्‌या काजे माराड़ने करीन हेरसे।”
\p
\v 14 तत्‌यार युसुफ उठीन पुर्‌याक ने हेरी माय काजे रातेत लीन मीसर देस मां जाणे करीन चाल पड़्‌यु। 
\v 15 ने हेरोदेस मरने लग चांहान रयु। काहाकी ज बुल मालीक भगवानेन अघी सी आवणे वाळी वात बताड़न्‌या माणसेन साहरे कह्‌लो छे, चो पुरो हवे की, “मे मारा पुर्‌या काजे मीसर देस सी बाहर बुलायु।”
\s नानला पुर्‌या काजे हेरोदेस राजु माराड़े
\p
\v 16 जत्‌यार हेरोदेस राजा काजे असु पतु चाल्‌यु की, तारा देखीन रासी देखण्‌या मारे सी धुकु कर्‌या, तत्‌यार चु रीस सी भराय गुयु, ने आपसा माणसे काजे मकल्‌यु जसा रासी देखाड़न्‌या जी टेम देखाड़ला तीनी टेमेन अनसारे बेतलहम ने तेरे आड़े-धड़े वाळा आखा जे दुय सालेन ने तींद्‌रे सी नानला पुर्‌या हतला तीनु काजे माराड़ देदु।
\p
\v 17 तत्‌यार ज बुल मालीक भगवानेन अघी सी आवणे वाळी वात बताड़न्‌या माणसेन यीर्‌मयाहन साहरे कह्‌लो हतलो, चो पुरो हय गुयो।
\q1
\v 18 “रामा सहर मां सी एक दया आवे तसी अवाज सामळाय,
\q2 ने रड़नेन ने बेसका कलपणेन बी अवाज सामळाय;
\q1 राहेल तेरा पुर्‌या वाटे रड़तेली,
\q2 ने हुगी राखे तेबी हुगी नी रवतेली,
\q2 काहाकी तेरा आखा पुर्‌या मर गुयला।”
\s मीसरे देस मां सी पछु आवणु
\p
\v 19 ने जत्‌यार हेरोदेस राजु मर गुयु, तत्‌यार मालीकेन सरग वाळु काहवाळ्‌यु मीसर देस मां युसुफ काजे सपना मां देखायन कह्‌यु, 
\v 20 “उठ, पुर्‌याक ने तेरी माय काजे लीन ईस्‌रायेल देस मां पछु जाती रव, काहाकी चे ईना पुर्‌या काजे मारने हींडी रवला, चे मर गुया।” 
\v 21 तत्‌यार युसुफ सुयन उठ्‌यु, ने पुर्‌याक ने तेरी माय काजे लीन ईस्‌रायेल देस मां पछु जाणे करीन चाल पड़्‌यु।
\p
\v 22 बाकुन युसुफ असु सामळ्‌यु की अखीलु तेरा बास हेरोदेस राजान आवजी पर यहुदीया पर राज कर र्‌यु, तेरेमां चां जाणे सी बीही गुयु। ने तत्‌यारुत सपना मां भगवानेन हुकुम सामळीन गलील जीला मां जाती र्‌यु, 
\v 23 ने नासरत नावेन सहर मां जाय्‌न वसी ज्‌य, काहाकी च बुल पुरो हवे, ज भगवानेन बुल मालीक भगवानेन अघी सी आवणे वाळी वात बताड़न्‌या माणसेन साहरे कह्‌लो हतलो की: “ईसु नासरी\f + \fr 2:23 \fr*\fq नासरी \fq*\ft हेरो मतलब जे नासरत सहर मां रहे चे नासरी कहवाये\ft*\f* कह्‌वाय्‌से।”
\c 3
\s युहन्‌ना बपतीस्‌मा आपणे वाळान परचार
\r (मरकुस 1:1-8; लुका 3:1-18; युहन्‌ना 1:19-28)
\p
\v 1 तीनु दाहड़ा मां युहन्‌ना बपतीस्‌मा आपणे वाळु आवीन यहुदीयान बयड़ा मां असु परचार करने बाजी गुयु, 
\v 2 “पाप भीणी सी मन फीराय्‌न भगवान भीणी वळु, काहाकी सरगेन राज धड़ेत\f + \fr 3:2 \fr*\ft निकट\ft*\f* आय लागलो छे!” 
\v 3 जु युहन्‌‌‌नु हयुत छे तेरे बारामां भगवानेन अघी सी आवणे वाळी वात बताड़न्‌या माणुस यसायु माणुस कहलु की,
\q1 “बयड़ा मां एक आयड़ने वाळान आवाज सामळाय रय,
\q2 की मालीकेन वाट\f + \fr 3:3 \fr*\ft मार्ग\ft*\f* काजे तीयार करु,
\q2 ने तेर वाटे सयड़क काजे सुदी करु।”
\p
\v 4 चु युहन्‌‌‌नु उटड़ान कान्‌‌यान पुथल्‌यो पेहरी रवलु, ने चामड़ान पट्‌टु कमर मां बांदी रवलु। तेरो खाणो टिड्‌डा ने बयड़ा मायन मुहाळ हतलो। 
\v 5 तत्‌यार यरुसलेम सहर वाळा ने आखा यहुदीया जीला, ने यरदन नदीन आड़े-धड़ेन वाळा बेसका माणसे तेरे धड़े आया। 
\v 6 चे आपणा-आपणा पाप काजे मानीन भगवान भीणी वळता जाय्‌न यरदन नदी मां युहन्‌ना सी बपतीस्‌मा लेदा।
\p
\v 7 जत्‌यार युहन्‌ना बेसका फरीसी माणसे ने सदुकी माणसे काजे बपतीस्‌मा लेणे करीन तेरे धड़े आवतेला देख्‌यु, ती तीनुक कह्‌यु, “ए घड़सान पीला, तुहुंक कुण बताड़ देदो की आवणे वाळी रीस\f + \fr 3:7 \fr*\ft क्रोध\ft*\f* सी ढासु? 
\v 8 ने कदी तुहुं पाप भीणी सी मन फेरवु ती तसा वारु फळ बी लावसु, 
\v 9 ने आपणा-आपणा मन मां असा वीच्‌यार बी मां करु की हामु हामरा आड़ा-बुड़ान डाहलु बास अब्‌राहमेन अवल्‌यात छे; मे तुंद्‌रे सी कहं की, भगवान हीनु दगड़ा सी बी अब्‌राहम वाटे अवल्‌यात पयदा कराड़ सके। 
\v 10 ने झाड़कान मुळ्‌या पर कुरहाड़ मेकली छे, काहाकी जो झाड़को वारलु फळ नी लावे, तीना काजे काटीन आकठा मां नाख देसे। 
\v 11 मे ते पाणी सी तुहुं काजे मन फेरवणेन बपतीस्‌मा देदलु छे, बाकुन जु मारे पछळ आवणे वाळु छे, चु मारे सी बी मटु छे, मे तेरा खासड़ा हाकलने लायक बी नी हय, चु तुहुंक चुखली-आत्‌मा ने आकठा सी बपतीस्‌मा देसे। 
\v 12 तेरो सुपड़ो तेरा हात मां छे, ने ईसु तेरा खळा मायन कचराळा दाणा काजे वारु वाहळा मां उडाड़ीन चुखाळसे, ने तेरा गहुं काजे ते कणगी मां भेळु करसे, बाकुन चारा काजे जलम नी उल्‌हायें तीना आकठा मां नाख देसे।”
\s ईसु युहन्‌ना सी पाणी मां बपतीस्‌मा लेय
\r (मरकुस 1:9-11; लुका 3:21,22)
\p
\v 13 तीनी टेमे ईसु गलील जीलाम सी चालीन यरदन नदी मां युहन्‌ना धड़े बपतीस्‌मा लेणे आयु, 
\v 14 बाकुन युहन्‌‌‌नु असु कय्‌न ईसु काजे रुकणे बाजी गुयु, “मेसेक ते तारा हात सी बपतीस्‌मा लेणेन जरुवत छे, ने तु मारे धड़े काहा आयु र्‌यु।”
\p
\v 15 बाकुन ईसु तीना काजे असु जपाप\f + \fr 3:15 \fr*\ft उत्तर\ft*\f* आप्‌यु, “हय ते असोत हवणी दे, काहाकी हामु ईनीत रीते आखा वारलु काम माणसे काजे पुरो करनु जी भगवानेन मरजी छे।” तत्‌यार चु तेरी वात काजे मान लेदु।
\p
\v 16 ने तत्‌यार ईसु बपतीस्‌मा ली लेदु। ने जसु पाणीम सी बाहर नीकळ्‌यु, तत्‌यार सरग खुल गुयो। ने हयु भगवानेन\f + \fr 3:16 \fr*\ft परमेश्वर\ft*\f* आत्‌मा काजे पेरवान तसु उतरतेलु ने तेरे उपर आवतेलु देख्‌यु। 
\v 17 ने तत्‌यारुत, उपर सरग सी असी अवाज आवी की, “जु मारु लाटेक्‌लु पुर्‌यु छे। हेरेसी मे बेसकु खुस छे।”
\c 4
\s भुतड़ु ईसु काजे पारखे
\r (मरकुस 1:12-13; लुका 4:1-13)
\p
\v 1 तत्‌यार ईसु बपतीस्‌मा ली लेदु, ने अळतेन भगवानेन आत्‌मा ईसु काजे बयड़ा\f + \fr 4:1 \fr*\ft जंगल\ft*\f* मां लीन गुय काहाकी भुतड़ा सी हेरी पारख हय सके। 
\v 2 ईसु चालीस दाहड़ा, ने चालीस रात, लग उपास रयु, तत्‌यार तीना काजे भुक लागी। 
\v 3 तत्‌यार पारखणे वाळु भुतड़ु तेरे धड़े आवीन तीना काजे असु कह्‌यु, “कदी तु भगवानेन पुर्‌यु हय, ती कय दे, की जे दगड़ा रुटा बण जाय।”
\p
\v 4 बाकुन ईसु भुतड़ाक जपाप आप्‌यु की, “खरला सास्‌तुर मां लिखलो छे, माणुस\f + \fr 4:4 \fr*\ft मनुष्य\ft*\f* नीस्‌तु रुटा खाय्‌न नी जीवे, बाकुन हरेक तीना बुल सी जीवे जो भगवानेन मुंहडाम सी नीकळे।”
\p
\v 5 तत्‌यार भुतड़ु तीनाक यरुसलेम सहर मां लीन गुयु, चो सहर चुखलो कह्‌वाये, ने चां मंदीरेन मुंडेरी पर उबु कर्‌यु, 
\v 6 ने भुतड़ु ईसु काजे असु कह्‌यु, कदी तु भगवानेन पुर्‌यु हय, ती हया सी नेचु कुद जां; काहाकी खरला सास्‌तुर मां लिखलो छे की,
\q1 भगवान मालीक आपसा सरग वाळा काहवाळ्‌या काजे हुकुम,
\q2 आपसे ने चे तुसेक उपरुत झेल लेसे,
\q2 “काहाकी तारे पाये दगड़ान ठेसु लग नी लागणे देय।”
\p
\v 7 ईसु तीना काजे कह्‌यु, “सास्‌तुर मां असो बी लिखलो छे की, ‘तु आपसा मालीक भगवान काजे घुण पारखे।’”
\p
\v 8 पछेन भुतड़ु ईसु काजे एक मटला बयड़ा पर ली गुयु, ने तीनाक कळीन आखा राजे ने तेरो सींगार देखाड़्‌यु। 
\v 9 ने ईसु काजे असु कह्‌यु, “कदी तु मेसेक पाये पड़ीन आंधसी, ती जो काय तु हय देख्‌यु चो आखो मे तुसेक आप दीस।”
\p
\v 10 तत्‌यार ईसु भुतड़ा काजे कह्‌यु, “ए भुतड़ा, छेटे हय जां, काहाकी खरला सास्‌तुर मां लिखलो छे, ‘तु आपसा मालीक भगवानेन पाये पड़ीन आंध्‌या कर, ने तेरीत सेवा चाकरी कर।’”
\p
\v 11 अळतेन भुतड़ु ईसु काजे छुड़ीन जाती रयु, ने भगवानेन सरग वाळा काहवाळ्‌या आवीन तेरी सेवा चाकरी करता रया।
\s ईसु गलील जीलाम भगवानेन सेवान काम सुरु करे
\r (मरकुस 1:14,15; लुका 4:14,15,31)
\p
\v 12 जत्‌यार ईसु ज सामळ्‌यु की युहन्‌ना काजे जेल मां कुंड देदा, ती चु गलील जीला मां जाती रयु। 
\v 13 ने चु नासरत सहर मां नी रयु, ने नासरत सहर छुड़ीन कफरनहुम सहर मां रहणे बाजी गुयु, जबुलुन ने नप्‌ताली देस मां छे, चां जाय्‌न रहणे बाजी गुयु; 
\v 14 असो तेरेमां हयो की भगवानेन अघी सी आवणे वाळी वात बताड़न्‌या माणुस यसायान साहरे लिखलो हतलो, चो पुरो हयो।
\q1
\v 15 “जबुलुन ने नप्‌तालीन देस दरीयान वाटे पर,
\q2 ने यरदन नदीन बुडेवणा मां,
\q2 ने नी-यहुदी माणसे गलील।
\q1
\v 16 ने जे माणसे आंदारला मां जीवतेला,
\q2 चे माणसे मटला वीजाळाक देख्‌या;
\q1 ने जे मोतेन साहळान देस मां जीवतेला तींद्‌रे पर
\q2 बेसको मटो वीजाळो पड़्‌यो।”
\p
\v 17 तीनी टेमे सी ईसु असु परचार करने बाजी गुयु की, “पाप भीणी सी मन फेरवु, काहाकी भगवानेन राज तुंद्‌रे धड़े आय लागलो छे।”
\s ईसु चार काहर्‌या काजे चेला बणावणे करीन बुलावे
\r (मरकुस 1:16-20; लुका 5:1-11)
\p
\v 18 जत्‌यार ईसु गलील दरीया धड़े मायन जाणे बाजी रवलु, तत्‌यार ईसु तीनु दुय संगा भायस काजे देख्‌यु, सीमोन काजे चु पतरस बी कहवाये, ने अळी तेरु भायस अन्‌दीरीयास काजे दरीया मां जाळ नाखतेला देख्‌यु; काहाकी चे काहर्‌या हतला। 
\v 19 ईसु तीनुक कह्‌यु, “मारा चेला बणीन मार पछळ आवु, ने जसा तुहुं माछा धरीन भेळा करु तसात तुहुंक मे माणसेक भेळा करने ने तीनुक मारा चेला बणावणे सीकाड़ीस।” 
\v 20 ने चे तत्‌यारुत जाळ काजे चांहान रहणीदीन ईसुन चेला बणीन ईसु पछळ चाल पड़्‌या।
\p
\v 21 चां सी अगु जाय्‌न, ईसु अळी दीसरा दुय भायस काजे देख्‌यु, जब्‌दीन पुर्‌यु याकुप काजे ने अळी याकुपेन संगा भायस युहन्‌ना काजे। चे तींद्‌रा बास जब्‌दी पुठ्‌ये ढंड्‌या मां जाळ काजे सुदारतेला। ईसु तीनुक बुलायु। 
\v 22 चे तत्‌यारुत ढंड्‌याक ने तेरा बास काजे चांहान रहणीदीन ईसुन चेला बणीन ईसु पछळ चाल पड़्‌या।
\s ईसु माणसे काजे सीकाड़े, ने मांदला काजे वारु करे
\r (लुका 6:17-19)
\p
\v 23 ईसु आखा गलील जीला मां हींडतु-फीरतु यहुदी माणसेन भक्‌तीन घर-घरमां सीकाड़तु रयु, ने अळी भगवानेन राजेन खुस-खबर परचार करतु रयु। ने माणसे काजे आखी भाती-भातीन मांदवाड़ ने लुल्‌गाय सी वारु करतु रयु। 
\v 24 ने ईसुन आखा सीरीया देस मां खबर फेल गुय; तेरेमां चे माणसे जी भाती-भातीन मांदवाड़ ने दुख मां पड़ला हतला, ने तीनु माणसे मां भुतड़ान आत्‌मा लागली हतली, ने अळी फेफराळा ने लखवु लागला माणसे काजे ईसु धड़े\f + \fr 4:24 \fr*\ft पास\ft*\f* लावतेला ने ईसु तीनु काजे वारु कर्‌यु। 
\v 25 तेरेमां गलील जीलाम सी, दस सहरेन परदेस दीकापुलीस, यरुसलेम, आखा यहुदीया जीला सी ने यरदन नदीन पार वाळा बेसका माणसेन टुळा की टुळा ईसु पछळ-पछळ आवतेला।
\c 5
\s ईसु बयड़ा पर सीकाड़े
\p
\v 1 ईसु बेसका माणसेन टुळा काजे आवतेला देखीन बयड़ा पर चहड़ी गुयु, ने जत्‌यार ईसु चां बठी गुयु ती तेरा चेला बी तेरे धड़े आय गुया। 
\v 2 तत्‌यार ईसु तीनु माणसे काजे सीकाड़तु जाय्‌न कह्‌यु।
\s वारु बुल
\r (लुका 6:20-23)
\q1
\v 3 “जे आपसा जीव-आत्‌मा मां गरीब छे चे बरकतवाळा छे।”
\q2 काहाकी सरगेन राज तींद्‌रोत छे!
\q1
\v 4 “जे दुखी हय्‌न कलपे, चे बरकतवाळा छे;
\q2 काहाकी तीनुक सांती जड़से।”
\q1
\v 5 “जे भुळा-भाळा छे; चे बरकतवाळा छे;
\q2 काहाकी चे धरतीन\f + \fr 5:5 \fr*\ft प्रथ्वी\ft*\f* हकदार बणसे।”
\q1
\v 6 “वारला काम वाटे जे भुकला ने तीसला छे चे बरकतवाळा छे;
\q2 काहाकी भगवान तीनुक खावड़ाय्‌न नीरसा कर देसे।”
\q1
\v 7 “जे दयाळा छे, चे बरकतवाळा छे;
\q2 काहाकी भगवान तींद्‌रे पर दया करसे।”
\q1
\v 8 “जे मन मां चुखला छे, चे बरकतवाळा छे;
\q2 काहाकी चे भगवान काजे देखसे।”
\q1
\v 9 “जे मेळ कराड़ने वाळा छे, चे बरकतवाळा छे!
\q2 काहाकी चे भगवानेन पुर्‌या-पारी कह्‌वाय्‌से।”
\q1
\v 10 जे वारलु काम करने सी दुख झेले, चे बरकतवाळा छे;
\q2 काहाकी चे सरग वाळा भगवान पुठ्‌ये राज करसे!
\p
\v 11 तुहुं बरकतवाळा छे, जत्‌यार माणसे मार पछळ चालने सी तुंद्‌री नाव-बद्‌दी करे, ने अळी एला पाड़े ने लुच्‌चाय मेली-मेलीन तुंद्‌रा बारामां गलत वात करे। 
\v 12 तत्‌यार तुहुं खुस रवजु, काहाकी तुंद्‌रे वाटे सरगे मां बेसको मटो ईनाम जड़से। जी वात तसीत छे जसी की तुंद्‌रे सी पेहलेन भगवानेन अघली वात बताड़न्‌या काजे बी चे माणसे लग एला पाड़तेला।
\s ईसु चेलाक कह्‌यु तुहुं धरतीन नण ने कळीन वीजाळो छे
\r (मरकुस 9:50; लुका 14:34,35)
\p
\v 13 तुहुं धरतीन माणसेन नण छे; बाकुन कदी नणुत मुळो हय जाय, ती पछेन तीनाक काय सी खारो करसु? ने चो काहना बी काम मां नी रहे, बाकुन तेरो अतरोत काम मां आवे की बाहर उराट देसे। ने माणसेन पाय तळे रंदळाये।
\p
\v 14 तुहुं कळीन माणसे वाटे वीजाळान तसा छे, ने चो साताय नी सके। जसों काहनोक सहर उचा बयड़ा पर वसलो रहे, तसात तुहुं बी रवजु। 
\v 15 माणसे दिवु धपाड़ीन चवकी तळे नी मेके, बाकुन दीवाळ्‌या पर मेके, चां सी चु दिवु, तीना आखा घरन्‌याक वीजाळो आपे। 
\v 16 तेरेन तसोत तुंद्‌रो वीजाळो माणसे पर चमके, काहाकी चे तुंद्‌रा वारलु कामेक देखे, ने जु तुंद्‌रु भगवान बास सरगे मां छे, चे बी तीना बासेन बड़ाय करसे।
\s ईसु भगवानेन नेम कायदा पुरा करने करीन आयु
\p
\v 17 तुहुं असा मां समजु की, हयु ईसु भगवानेन नेम कायदाक ने भगवानेन अघली वात बताड़न्‌यान किताप काजे रद करने आयु, मे रद करने नी आयु, बाकुन पुरो करने आवलु छे। 
\v 18 मे तुहुंक छाचलीन कह्‌वो की सरग ने धरती टळी जासे, बाकुन मुसान लिखलु कायदान एक नानुस आकड़ु ने एकेक टीपको बी पुरो हवे पाखुर नी टळे। 
\v 19 तेरेमां जे काय ईनी नानली सी नानली हुकुम मां सी कह्‌ली एक काजे बी तुड़से, ने तसुत माणसे काजे बी सीकाड़े, ने आखा सी नानलु कह्‌वाय्‌से; बाकुन जे काहनाक ईनी वातेक मानीन चालसे ने दीसराक बी तीनु वात पर चालने करीन सीकाड़से, ती हयु सरगेन राज मां मट्‌लु कह्‌वाय्‌से। 
\v 20 मे तुंद्‌रे सी छाचलीन कह्‌वो की कदी तुंद्‌रो वारलु काम यहुदी नीयम सीकाड़न्‌या मास्‌तर्‌या ने फरीसी माणसेन धरमेन काम सी बड़ीन नी रवे, ती तुहुं सरगेन राज मां कदी नी भराय सकु।
\s रीस ने हत्‌या
\p
\v 21 तुहुं ते सामळी रया, की पेहला माणसे सी कह्‌ली वात हतली की, खुन घुण करु ने जु काहनुक खुन करसे चु जेल मां डंड भुकत्‌से। 
\v 22 बाकुन मे तुहुंक असु कहं की, जे काहनाक आपसा भायस पर रीस करसे, चे जेल मां डंड भुकत्‌से, ने जे काहनाक आपसा भायस काजे नाव-बद्‌दी करे, चु मटला पंचु अगळ डंड भुकत्‌से, ने जे काहनाक आपसा भायस काजे असा कहें की ए डेड़-अकल्‌या ती चु नरकेन आकठा मां डंड भुकत्‌से। 
\v 23 हेरेसी कदी तु वेदी पर आपसी बादा चड़ावणे लाय रयु हय, ने चां सी तुसेक जी हेर आवे, की, मारु भायस, मार पर नराज हय रयु, 
\v 24 ती तु आपसी बादा काजे वेदी अगळुत रहणीदीन, पेहेल तारा भायस सी मेळ कर ले, ने अळतेन आय्‌न तारी बादा चड़ावजी।
\p
\v 25 तारु वेरी तुसे कुरुट-कचेवरी मां ली जाणे बाजी रवे, ने चु तत्‌यार वाटेत मां रवे, ती तु छाटुस जाय्‌न तेरे सी वात सार लेजी, नीते असो नी हय जाय की चु तुसे नीयाव करन्‌या सीपायड़ान हातेम सुप देय, ने सीपायड़ा तुसेक जेल मां कुंड देय। 
\v 26 मे तुसेक छाचलीन कह्‌वो, की जत्‌यार लग एकेक टकु भरी नी देय, तत्‌यार लग तुसेक जेल मां सी नी नीकळाये।
\s छीनाळान बारामां
\p
\v 27 “तुहुं ज बी सामळी रया, की छीनाळो घुण करु।” 
\v 28 बाकुन मे तुंद्‌रे सी असु कहं की, जु काहनुक काहनीक बायरी पर छीनाळो करनेन गलत नींगा नाखे, चु आपसा मन मां छीनाळो कर लेदुलु छे। 
\v 29 कदी तारु जेवड़्‌यु डुळु उत्‌तर बणीन तुसेक पाप कराड़े, ती तीनाक नीकाळीन नाख दे; काहाकी तारे वाटे ज वारु छे की, तारा डील मां सी एक अंग नास हय जाय ने तारु आखु डील नरक आकठाम सी बचणु तार वाटे वारु छे। 
\v 30 ने कदी तारु जेवड़्‌यु हात तुसेक पाप कराड़े, ती तीनाक काटीन उराट दे; काहाकी तारे वाटे ज्‌य वारु छे की तारा डील मां सी एक अंग नास हय जाय ने तारु आखु डील नरक आकठाम सी बचणु तार वाटे वारु छे।
\s लाडी छुड़नेन बारामां
\r (मत्‌‌ती 19:9; मरकुस 10:11,12; लुका 16:18)
\p
\v 31 “असो बी कह्‌लो हतलो, जु काहनुक आपसी लाडी काजे छुड़ने हींडे, ती तीनीक छुड़नेन चिट्‌ठी लिखीन आप देणु चाहजे।” 
\v 32 बाकुन मे तुहुंक असु कहं की, जु काहनुक आपसी लाडीक छीनाळान वात छुड़ीन दीसरी वजे सी छुड़ देय, ती चु तीनीक छीनाळो कराड़े ने जु कुय तीनी छांडायली बायर काजे बणावे, चु बी छीनाळो करे।
\s सगुन खाणेन बारामां सीकापण
\p
\v 33 “अळी तुहुं पेहला माणसेक कहली वातेक सामेळला हतला, की झुटी सगुन घुण खाजु, बाकुन भगवान मालीक अगळ खादली सगुन काजे पुरी करजु।” 
\v 34 बाकुन मे तुहुंक कह्‌वो की, तुहुं कदी सगुन खावु घुण; काहाकी सरग, भगवानेन राजगादी छे; 
\v 35 ने नी धरतीन, काहाकी ची तेरा पायेन चवकी छे; नीते यरुसलेम, तीना भगवानेन सहर छे, चु राजान राजु छे। 
\v 36 ने आपणा मुणकान एक बी सगुन घुण खावु; काहाकी तु एक कान्‌याक बी नी धवळा ने नी काळ्‌ळा कर सके। 
\v 37 ने तुंद्‌री वात “हव” हय ती “हव” कवजु ने “नी” हय ती “नी” कवजु, काहाकी ज काय एरे सी अदुस कहें, चो कुहर्‌या भुतड़ाम सी उब्‌जे।
\s बदलु नी लेणु
\r (लुका 6:29,30)
\p
\v 38 “तुहुं पेहला माणसेक कहली वातेक सामळ्‌ळा हतला की, ‘डुळान बदले डुळु, ने दातेन बदले दात।’” 
\v 39 बाकुन मे तुहुंक असु कहं की कुहराय करन्‌या माणसे सी बदलु घुण लेवु; बाकुन जु काहनाक तारे जेवड़े गाल पर थापड़ देय, तेरे भीणी दीसरु गाल बी फेरवी देजु। 
\v 40 कदी काहनुक तारे पर कुरुट मां तारीक लड़ीन तारो कुरतो मांगणे हींडे, ती तीनाक तु चादरु बी आप देजी। 
\v 41 जु काहनाक तुसेक एक कुस असलुत चालाड़ीन ली जाय, ती तींद्‌रे साते दुय कुस चालीन जात रव। 
\v 42 जु काहनुक तुंद्‌रे धड़े मांगे, ती तीनाक तुहुं आप देजु; ने जु काहनुक तार सी उधार मांगे, ती तीनाक नी आपतु करीन मां कहुं।
\s वेरी सी परम करु
\r (लुका 6:27,28,32-36)
\p
\v 43 “तुहुं पेहला माणसेन कहली वातेक सामळ्‌ळा हतला, की ‘आपणे धड़े वाळा सी परम करजु, ने आपणा वेरी सी कुहराय राख्‌जु।’” 
\v 44 बाकुन मे तुहुंक असु कहं की आपणा वेरी सी परम करु। ने जु काहनुक एला पाड़े तींद्‌रे वाटे दुवा करु, 
\v 45 ती तुहुं सरग मां रहणे वाळा बासेन पुर्‌या-पारी बणसु, काहाकी चु कुहराय ने भलाय करन्‌या दुयु भातीन माणसे पर दाहड़ु उंगाड़े, ने पापी ने धरमी दुयु भातीन माणसे पर पाणी पाड़े। 
\v 46 कदी तुहुं आपणा परम राखणेवाळा सी परम करु, ती तुहुंक काय फळ नी जड़े, काहाकी असा ते फाळु लेणे वाळा सरकारी आफसर बी करतेला। 
\v 47 “कदी तुहुं आपणा भायस काजे अतरात वारलु छे की करीन पुछ रया, ती तुहुं काहनो असो मटो काम कर रया? असा ते नी-यहुदी माणसे बी करे जे भगवान काजे नी माने।” 
\v 48 तेरेमां तुहुं पुरा-पुरा पाक्‌का बणु, जसु तुंद्‌रु सरग वाळु भगवान बास पुरु-पुरु पाक्‌कु छे।
\c 6
\s दानेन बारामां ईसु सीकाड़े
\p
\v 1 “चेतीन रहु! तुहुं माणसे काजे देखाड़ने वाटे आपणा वारु काम मां करु, नी ते आपणा सरग वाळा बास सी काय बी फळ\f + \fr 6:1 \fr*\ft फल\ft*\f* नी जड़से।”
\p
\v 2 तेरेमां जत्‌यार तु दान करे, ती आपणे अगळ फेप्‌यो मां वाजाड़े, काहाकी भक्‌तीन घर मां ढंगड़ा असात करे, चे ते गळ्‌ये ने दीसरा माणसे सी बड़ाय चाहे। मे तुहुंक छाचलीन कहं, तीनुक हींद्‌री बड़ायन फळ पेहलुत जड़ गुयो। 
\v 3 बाकुन जत्‌यार तु दान करु, ती जु तारु जेवड़्‌यु हात अगु करे, तीना काजे तारु डाखर्‌यु हात नी जाणनु चाहजे। 
\v 4 तुंद्‌रो धरम करलो काम सातायलो रवसे ती, तुंद्‌रा सातायला धरमेन कामेक देखण्‌यु भगवान बास तुहुंक ईनाम आपसे।
\s भगवान धड़े कसी दुवा करनु करीन ईसु सीकाड़े
\r (लुका 11:2-4)
\p
\v 5 जत्‌यार तु दुवा\f + \fr 6:5 \fr*\ft प्रार्थना\ft*\f* करे, ती ढंगड़ा करन्‌या माणसेन तसा घुण करु, काहाकी माणसे काजे देखाड़ने वाटे भक्‌तीन घर मां ने सयड़केन मुड़ मां उबा रय्‌न दुवा करनु, तीनु काजे वारु लागे। मे तुंद्‌रे सी छाचलीन कहं की चे हींद्‌रा कामेन फळ ली लेदा। 
\v 6 बाकुन जत्‌यार तुहुं दुवा करु, ती आपणा घरेन कपरा मां जाय्‌न; बारनो दीन आपणा भगवान बास सी दुवा करजु। ती सातायली वात देखण्‌यु तुंद्‌रु भगवान बास तुहुंक ईनाम आपसे।
\p
\v 7 दुवा करनी वेळाय नी-यहुदी माणसेन तसा बक-बक घुण करु, काहाकी चे समजे की हींद्‌रे अदुस बुलने सी हींद्‌री सामळी लेसे। 
\v 8 तेरेमां तुहुं हींद्‌रेन तसा मां बणु, काहाकी तुंद्‌रु बास तुंद्‌रे मांगणे सी पेहलुत जाणे की तुहुंक काहनी चीजेन जरुवत छे। 
\v 9 तेरेमां तुहुं असा दुवा कर्‌या करु की:
\q1 ए हामरा सरग वाळा भगवान बास, तु जु सरगे मां छे:
\q2 तारो नाव चुखलो\f + \fr 6:9 \fr*\ft पवित्र\ft*\f* मानायणु चाहजे;
\q1
\v 10 तारो राज आवे तारी मरजी जसी सरग मां पुरी हवे,
\q2 तसीत ईनी धरती पर बी पुरी हवे।
\q1
\v 11 दाहड़ीन हामुक चाहजे ततरोत खाणो आप्‌या कर।
\q1
\v 12 ने जसा हामु हामरा गुना वाळा काजे माफ कर्‌या, तसुत तु बी हामरा गुना काजे माफ कर।
\q1
\v 13 ने हामुक पारख मां घुण पाड़े,
\q2 बाकुन कुहराय सी बचाड़; काहाकी राज ने ताकत ने सेक-सींगार जलम तारीत छे। आमीन।
\p
\v 14 तेरेमां कदी तुहुं माणसेन गुना माफ करसु, ती तुंद्‌रु सरग वाळु भगवान बास बी तुहुंक माफ करसे। 
\v 15 ने कदी तुहुं माणसेन गुना माफ नी करु, ती तुंद्‌रु सरग वाळु बास बी तुहुंक माफ नी करे।
\s उपासेन बारामां ईसु सीकाड़े
\p
\v 16 जत्‌यार तुहुं उपास करु, ती ढंगड़ा करन्‌या माणसेन तसा तुंद्‌रा मुंहडा पर नुरपाणी नी उतार्‌नु चाहजे, ने चे हींद्‌रा मुंहडा लागाड़ रवे, काहाकी माणसे तीनुक उपास छे करीन जाणे। मे तुहुंक छाचलीन कहं की चे हींद्‌रो फळ ली लेदला छे। 
\v 17 बाकुन जत्‌यार तुहुं उपास करु ती, आपणा मुणका पर तेल लागाड़ीन मुंहडो धुवजु, 
\v 18 असा उपास करु ती, माणसेक मालुम नी पड़े, बाकुन भगवान बास काजे मालुम पड़से जी सातायली वात जाणे चु तुहुंक ईनाम आपसे।
\s सरगे मां छाचलो धन भेळो करनेन बारामां ईसु सीकाड़े
\r (लुका 12:33,34)
\p
\v 19 आपणे वाटे धरती पर धन भेळो मां करु, जाहां वेधु खाय जाय ने कीटी लाग जाय, ने चां चुट्‌टा धाड़ु पाड़ीन ली जाती रवे। 
\v 20 बाकुन आपणे वाटे सरग मां धन भेळो करु, चां नीते वेधु खासे, ने नी कीटी लागे ने नी चुट्‌टा धाड़ु पाड़ीन चुरी करे। 
\v 21 काहाकी चां तुंद्‌रो धन छे, चां तुंद्‌रो मन बी रवसे।
\s डीलेन वीजाळो
\r (लुका 11:34-36)
\p
\v 22 डीलेन\f + \fr 6:22 \fr*\ft शरीर\ft*\f* दिवु डुळु छे। तेरेमां कदी तारु डुळु वारु छे, ती तारो आखो डील बी वीजाळा मां रवसे! 
\v 23 बाकुन कदी तारु डुळु भुंडु छे, ती तारो आखो डील बी आंदारला मां रवसे; तेरे वजे सी चो वीजाळो तारे मां छे, कदी आंदारलो छे, ती चो आंदारलो कतरो मटो हवसे।
\s ईसु सीकाड़े की, डीलेन फीकुर मां करु, बाकुन भगवान पर भुरसु करु
\r (लुका 16:13; 12:22-31)
\p
\v 24 कुय माणसे दुय मालीकेन चाकरी नी कराये, काहाकी चु एक मालीक सी कुहराय ने दीसरा सी परम सी रवे, नीते एक मालीक साते हेळी-मेळीन रवसे ने दीसरा मालीक काजे भुंडोत जाणसे। तुहुंक भगवानेन ने धन-दोवलतेन दुयुन चाकरी नी कराये।
\p
\v 25 तेरेमां मे तुंद्‌रे सी कहं, की आपणा जीवेन वाटे जी फीकुर मां करु की हामु काय खासुन ने काय पीसुन; ने आपणा डीले पर काय पेहरसुन। ने काय जीव खाणा ने डील ने पुथल्‌या सी महंगो नी हय? 
\v 26 सरग वाळा चिरला काजे देखु! चे नीते वेरे, नीते काटे, ने नी खळा मां भेळो करे; तेबी तुंद्‌रु सरगेन बास तीनुक खावाड़े। काय तुहुं चिरला सी बेसका महंगा नी हय? 
\v 27 तुंद्‌रे मां असु कुण छे, चु फीकुर करीन आपणी उमर काजे बड़ाय सके? कुय नी।
\p
\v 28 ती हामरे धड़े पुथल्‌या नी हय करीन फीकुर काहा कर रया? तुहुं खेतेन फुलेक देखीन वीच्‌यार ते करु, चे कसाक अदे! ने चे तींद्‌रे वाटे मेहनत बी नी करे, ने तींद्‌रे वाटे दुरा काटीन पुथल्‌या बी नी बणावे। 
\v 29 तेबी मे तुंद्‌रे सी कहं की सुलेमान राजु बी, बेसकु ठट-बट मां रवतेलु, बाकुन तेबी तीना काजे तीनु फुले मायन एकान तसों बी पुथल्‌या पेहरीन वारु नी बणायो। 
\v 30 तेरेमां तत्‌यार भगवानेन खळा मायन चारा काजे, चो आज छे ने वाहणे चुल्‌हा आकठा मां धपाड़से, असला पुथल्‌या पेहरावे, ती ए कम भुरसु करन्‌या, तुहुं जाराक वीच्‌यार करु भगवान तुहुं नी पेहरावे काय।
\p
\v 31 तेरेमां तुहुं फीकुर करीन घुण कहुं की, हामु काय खासुन, ने काय पीसुन ने काय पेहरसुन। 
\v 32 काहाकी नी-यहुदी तीनी आखी चीज काजे हेरता रहे, बाकुन तुंद्‌रु सरगेन बास जाणे की, तुहुंक तीनी आखी चीजेन जरुवत छे। 
\v 33 तेरेमां पेहल तुहुं भगवानेन राजेन ने तेरे धरमेन हेरेमां रहु, ती जी आखी चीज\f + \fr 6:33 \fr*\ft वस्तुए\ft*\f* तुहुंक जड़ जासे। 
\v 34 अळतेन वाहणेन फीकुर मां करु, काहाकी वाहणेन दाहड़ु, आपणी फीकुर आपसो कर लेसे; आजुन वाटे आजुत दुख बेसको छे।
\c 7
\s एक दीसरान नीयाव मां करु करीन ईसु सीकाड़े
\r (लुका 6:37,38,41,42)
\p
\v 1 कुय पर बी असलात नीयाव मां करु, असलुत भगवान बी तुंद्‌रु नीयाव नी करसे। 
\v 2 काहाकी जसा तुहुं असलात गुनु लागाड़ु, तसात तुंद्‌रे पर बी असलात गुनु लागाड़से; ने तीना नाप सी तुहुं नापसु, तीनात नाप सी तुंद्‌रे वाटे बी नापायसे। 
\v 3 तु काहा आपणा भायसेन डुळा मां कचरा काजे देखे, तारा डुळा मां भरायलु कचरु काहा नी देख रया? 
\v 4 जत्‌यार तारात डुळा मां डेंगु छे, ती तु आपणा भायस सी कसु कय सक्‌तेलु, की लाव मे तारा डुळाम सी कचरु नीकाळ दम? 
\v 5 ए ढंगड़ा करन्‌या, पेहल आपणात डुळा मां सी कचरु नीकाळ ले, तत्‌यार तु आपणा भायसेन डुळा मां सी कचरा काजे वारु देखीन नीकाळ सक्‌सी।
\p
\v 6 चुखली चीज कुतरा काजे मां आपु, ने मोती काजे सुहर्‌या अगळ मां नाखु; असो नी हवणु चाहजे की चे तीनी चीज काजे पाये तळे कुचरी देय ने पछा फीरीन तुहुंत काजे फाड़ देय।
\s मांगसु ती जड़से
\r (लुका 11:9-13)
\p
\v 7 मांगसु, ती तुहुंक आपसे; ने हेरसु ती तुहुं काजे जड़ी जासे; बारनो ठुकसु ती तुंद्‌रे वाटे उघड़ी जासे। 
\v 8 काहाकी जु कुय मागंसे, तीनु काजे आपसे; ने जे कुय हेरसे तीनु काजे जड़ी जासे; ने जु कुय बारनो ठुकसे, हींद्‌रे वाटे उघड़ी जासे।
\p
\v 9 तुंद्‌रे मां असु काहनु माणुस छे, की कदी तेरु पुर्‌यु तेरे सी रुटु मांगे, ती तीना काजे दगड़ु\f + \fr 7:9 \fr*\ft पत्थर\ft*\f* आपे? 
\v 10 नीते माछा मांगे, ती काय तुहुं तीनाक घड़सु आपसु? 
\v 11 अळतेन जत्‌यार तुहुं भुंडात हय्‌न, आपणा पुर्‌या काजे वारलु चीज आपणे जाणु, ती तुंद्‌रु सरगेन बास आपणा मांगणे वाळा काजे वारलु चीज काहा नी आपे।
\p
\v 12 हेरे वजे सी जो काय तुहुं चाहु की माणसे तुंद्‌रे साते करे, तसात तुहुं बी हींद्‌रे साते करु; काहाकी चुखला सास्‌तुर मां ने भगवानेन अघी सी आवणे वाळी वात बताड़ने वाळान बी सीकाड़नु असोत छे।
\s नरकेन ने सरगेन वाटेन बारामां ईसु सीकाड़े
\r (लुका 13:24)
\p
\v 13 साकेड़ले वाट्‌ये मायन जावु, काहाकी चवड़ु छे चु वाट ने चु वाट नास हवे तीने वाट्‌ये ली जाय; ने बेसका छे जे तीने वाट्‌ये मायन जाय। 
\v 14 काहाकी साकेड़ली ने काठली वाट जी छे, ची वाट जीवन भीणी लीन जाय; थुड़ाक छे चे, तीनु काजे जड़ी जाय।
\s जसों झाड़को तसों फळ
\r (लुका 6:43,44)
\p
\v 15 हामु लुच्‌चा भगवानेन अघी सी आवणे वाळी वात देखाड़न्‌या माणसे सी चेतीन रवु, चे गाडरान तसा सुदला बणीन तुंद्‌रेन्‌चां आवे। बाकुन चे लेंड्‌यान तसा आकेरला छे। 
\v 16 हींद्‌रा काम सी तुहुं तीनुक उळखी लेसु की। काय माणसे झाड़का सी अंगुर, नीते गखर्‌या-काटा सी अंजीरेन फळ तुड़े काय? 
\v 17 तेरे बदले हरेक एक वारलु झाड़का वारलु फळ लावे ने भुंडात झाड़का भुंडात फळ लावे। 
\v 18 वारलु झाड़का भुंडात फळ नी लाय सके, ने भुंडोत झाड़को वारलु फळ नी लाय सके। 
\v 19 जे-जे झाड़का वारलु फळ नी लावे, तीना काजे काटीन आकठा मां धपाड़ देसे। 
\v 20 हेरे वजे सी हींद्‌रा काम तुहुं उळखी लेसु।
\s मे तुहुंक नी उळखो
\r (लुका 13:25-27)
\p
\v 21 जे माणसे मेसेक, ए मालीक, ए मालीक कय्‌न आयड़से, हींद्‌रे मां सी आखा सरगेन राज मां नी भराय सके, बाकुन जे मारा सरग वाळा बासेन मरजी पर चाले चेत सरगेन राज मां भरायसे। 
\v 22 तीने दाहड़े बेसका माणसे मेसेक असा कह्‌से, ए मालीक, ए मालीक, काय हामु तारे नाव सी भगवानेन अघी सी आवणे वाळी वात नी देखाड़्‌या, ने तारा नावे सी भुतड़ान आत्‌मा काजे नी नीकाळ्‌या, ने तारा नाव सी बेसको ताकुतेन काम नी कर्‌या काय! 
\v 23 तत्‌यार मे तींद्‌रे सी चुखोझण कय दीस, मे तुहुं काजे नी जाणो। ए पाप करने वाळा, मार धड़े सी छेटा हय जावु।
\s चापर्‌या पर बणला घरेन ने रेतळा पर बणला घरेन बारामां दाखलु
\r (लुका 6:47-49)
\p
\v 24 तेरेमां ज काहनुक मारी जी वात सामळीन माने, हयु तीना अक्‌कल वाळा\f + \fr 7:24 \fr*\fq अक्‌कल वाळा \fq*\ft बुद्धिमान\ft*\f* माणसेन तसु छे, जु तेरा घर काजे चापर्‌या पर नेहु खुदीन बणायु। 
\v 25 ने पाणी पड़्‌यु, ने नदी आवी, आंधी आवी, ने तीना घर सी ठुकाय, तेबी च नी उदर्‌यो, काहाकी हेरु नेहु चापर्‌या पर खुदीन बणावलु हतलु।
\p
\v 26 “बाकुन जे काहनाक मारी जी वात सामळे ने तेरे पर नी चाले, चु तीना डेड़-अकल्‌या माणसेन तसु छे, चु तेरा घर काजे रेतळा पर नेहु खुदीन बणायु। 
\v 27 ने पाणी पड़्‌यु, ने नदी आवी ने आंधी आवी, ने तीना घर सी ठुकाय ने च आखो उदरी गुयो ने खत्‌तम हय गुयो!”
\p
\v 28 जत्‌यार ईसु जी आखी वात कय देदु, ती माणसे तेरी वात सामळीन चकराय गुया, 
\v 29 काहाकी चु यहुदी नीयम सीकाड़न्‌यान मास्‌तर्‌यान तसु नी बाकुन हकदारेन तसु तीनुक सीकाड़्‌यु।
\c 8
\s ईसु कुड़ायला माणसेक वारु करे
\r (मरकुस 1:40-45; लुका 5:12-16)
\p
\v 1 जत्‌यार ईसु तीना बयड़ा सी नेचु उतर्‌यु, ती एक माणसेन मट्‌लु टुळु तेरे पछळ आयु। 
\v 2 ने देखु, एक कुड़ायलो तेरे धड़े आवीन ईसुक आंध्‌यु ने कह्‌यु, “ए मालीक, कदी तु चाहे, ती मेसेक वारु कर दे।”
\p
\v 3 ईसु तीनाक छीमीन असु कह्‌यु, “मारी मरजी बी असीत छे, तु चुखु\f + \fr 8:3 \fr*\ft शुध्द\ft*\f* हय जां!” ने हयु तत्‌यारुत कुड़ सी चुखा हय गुयु। 
\v 4 ईसु तीना काजे कह्‌यु, “देख, जी वात कुय काजे घुण कहें, बाकुन जाय्‌न पुजाराक बताड़जी ने मुसान कायदान अनसारे भेट चड़ावजी, ती आखा माणसे जाण जासे ने गवा बण जासे की तु वारु हय गुयु।”
\s एक रोमन सुबेदारेन भुरसु
\r (लुका 7:1-10)
\p
\v 5 जत्‌यार ईसु कफरनहुम सहर मां पुग्‌यु ती एक सुबेदार तेरे धड़े आवीन तेरे सी लीलघाय्‌न कह्‌यु, 
\v 6 “ए मालीक, मारा पावर्‌यान लखवु हय गुयु, ने घर मां पड़ीन एला कर रयु।”
\p
\v 7 ईसु तीना काजे कह्‌यु, “मे आवीन तीना काजे वारु कर दीस।”
\p
\v 8 सुबेदार जपाप आप्‌यु, “ए मालीक मे अतरु वारु नी हय की तु मारा घरेन साहळे आवे, बाकुन तु जात रय्‌न एक बुल कय दे, ती मारु पावर्‌यु वारु हय जासे। 
\v 9 काहाकी मे बी दीसरान हक मां रवण्‌यु एक नानुस हकदार्‌यु छे, ने सीपायड़ा मारे हक मां रहे जत्‌यार मे एक सी कहं ‘जां!’ ती चु जाय; ने दीसरा सी कह्‌, ‘आव!’ ती चु आवे; ने जत्‌यार मारा पावर्‌यु सी कह्‌, ‘ज कर!’ तीना काम काजे करे।”
\p
\v 10 ज सामळीन ईसु चक्‌कर मां पड़ गुयु, ने जे तेरे पछळ आवतेला तीनुक कह्‌यु, “मे तुंद्‌रे सी छाचलीन कहं की मे ईस्‌रायेली माणसे मां बी मेसेक अतरु पाक्‌कु भुरसु देखणे नी जड़्‌यु। 
\v 11 मे तुंद्‌रे सी कहं की उगेवणा ने बुडवणा सी बेसका माणसे आवीन अब्‌राहम ने इसाक ने याकुप साते सरग वाळा भगवानेन राज मां बठीन खाणो खासे। 
\v 12 बाकुन जे भगवानेन सरग राजेन हकदार्‌या माणसे छे, बाकुन चे भुरसु नी करे, तीनु काजे सरग राजेम सी बाहार आंदारला मां नाख देसे। चां कलपी-कलपीन रड़सु ने दात काजे ककड़ावता रवसु।” 
\v 13 तत्‌यार ईसु तीना सुबेदार काजे असु कह्‌यु, “जां, जसु तारु भुरसु छे, तसुत तारे वाटे बी हय जाय।”
\p ने तेरु पावर्‌यु तत्‌यारुत वारु हय गुयु।
\s ईसु भाती-भातीन मांदला माणसे काजे वारु करे
\r (मरकुस 1:29-34; लुका 4:38-41)
\p
\v 14 ईसु जत्‌यार पतरसेन घर मां आयु, ती पतरसेन सासुसेन सेरी आय रवलो देख्‌यु। 
\v 15 ईसु तीनी पर हात मेक्‌यु ने तेरो सेरी तत्‌यारुत उतरी ज्‌य, ने ची उठीन ईसुन चाकरी करने बाजी गुय।
\p
\v 16 जत्‌यार सांती वेळाय चे ईसु धड़े बेसका माणसे काजे लाया तींद्‌रे मां भुतड़ान आत्‌मा हतली ने ईसु तीनु आत्‌मा काजे तेरा बुल सी नीकाळ देदु; ने आखा मांदला काजे वारु कर्‌यु। 
\v 17 काहाकी ज बुल यसायाह भगवानेन अघी सी आवणे वाळी वात देखान्‌यान साहरे कह्‌लो हतलो च पुरो हवे, “चु आपसु हामरी आखी लुल्‌गाय काजे झेल लेदु ने हामरी मांदवाड़ काजे छेटु कर देदु।”
\s ईसुन चेला बणनेन कीमत
\r (लुका 9:57-62)
\p
\v 18 जत्‌यार ईसु तेरे चारे मेर एक मटला टुळा काजे देख्‌यु, ती डाबरान पली धड़े जाय्‌न हुकुम आप्‌यु की, तुहुं मेसेक ढंड्‌या मां बठाड़ीन दरीयान पली धड़ ली जाती रवु। 
\v 19 तत्‌यार एक यहुदी नीयमेन मास्‌तर्‌या ईसु धड़े आवीन कह्‌या, “ए मास्‌तर, जांहा बी तु जासी, मे तारे पुठ्‌ये आवीस।”
\p
\v 20 ईसु तीनुक कह्‌यु, “फुंदाळी खुखड़ीन दर रवे ने सरगे चिरलान बसणेन पुत्‌रु रवे; बाकुन माणसेन पुर्‌या वाटे ते मुणको ढाकणेन लग जागु नी हय।”
\p
\v 21 एक दीसरु चेलु ईसु काजे कह्‌यु, “ए मालीक मे तारे पुठ्‌ये आवीस बाकुन मेसेक मारा बासेन घर जाणी दे, की जत्‌यार चु मर जासे ती तीनाक गाड़ दीन मे तारे पुठ्‌ये आवीस।”
\p
\v 22 ईसु तीनाक कह्‌यु, “मरला काजे गाड़ने काम मरलात काजे करने दे; तु ते मारे पुठ्‌ये चाल।”
\s आंधी ने दरीयान झलक लग ईसुन हुकुम माने
\r (मरकुस 4:35-41; लुका 8:22-25)
\p
\v 23 जत्‌यार ईसु ढंड्‌या मां बठ्‌यु ती तेरा चेला बी तेरे पुठ्‌ये बठ गुया। 
\v 24 ने, तीनी टेम दरीया मां उचकान बेसकी मटी आंधी आवी, ने दरीयान झलक ढंड्‌ये आपठायन बाकुन ईसु ते, सुवणे बाजी रवलु। 
\v 25 तत्‌यार चेला ईसु धड़े आवीन उठाड़्‌या ने कह्‌या, “ए मालीक हामुक!” बचाड़ नी ते “हामु आखा डुबीन मरने बाजी रया!”
\p
\v 26 ईसु तीनुक कह्‌यु, “ए! कम भुरसा वाळा, तुहुं काहा बीही रया!” तत्‌यार चु उठीन आंधी ने पाणी काजे लड़्‌यु, ने आखो सेळो पड़ गुयो।
\p
\v 27 ने चे चकराय गुया ने कह्‌णे लाग्‌या, “गुयु कसलु माणुस छे की आहळी\f + \fr 8:27 \fr*\ft आंधी\ft*\f* ने पाणी बी हेरी वात काजे माने।”
\s ईसु भुतड़ान आत्‌मा भरायला दुय माणुस काजे वारु करे
\r (मरकुस 5:1-20; लुका 8:26-39)
\p
\v 28 जत्‌यार चु पली धड़े गदरेन्‌यान ईलाका मां पुग्‌यु, ती दुय माणसे तींद्‌रे मां भुतड़ान आत्‌मा हतली ची मसाण मां सी नीकळ्‌या ने ईसुक भेळा हवणे आया। चे अतरा ताकतवाळा हतला की कुय बी तीनी वाट सी जाय नी सकतेला। 
\v 29 चे आयड़ीन असा कह्‌या, “ए भगवानेन पुर्‌या, हामरे साते तारो काय काम छे? काय तु हामुक एला पाड़ने आय र्‌यु?” 
\v 30 हींद्‌रे सी ईतरेक छेटेस बेसकु मटु सुहर्‌यान टुळु चरने बाजी रवलु। 
\v 31 भुतड़ान आत्‌मा ईसुक असी कवीन लीलघायणे लागी की, “कदी तु हामु काजे अदमी मां सी नीकाळे, ती पला सुहर्‌यान टुळा मां मकली दे।”
\p
\v 32 ईसु तीनुक कह्‌यु, “जावु!” ने चे अदमी मां सी नीकळीन सुहर्‌यान टुळा मां भराय गुया, ने आखा टुळा आड़खा पर सी झपटीन पाणी मां डुबीन मर गुया।
\p
\v 33 ने सुहर्‌या काजे चारन्‌या गुवाळ्‌या ढास्‌या, ने सहर मां जाय्‌न हयो, च आखो कय देदा ने भुतड़ा लागला माणसेन काय हयो च बी कय देदा। 
\v 34 तत्‌यार आखा सहरेन माणसे ईसु सी मेळने करीन आयु, ने ईसुक देखीन लीलघाय्‌न कह्‌णे लाग्‌या की हामरी मुलकेम सी बाहर जाती रव।
\c 9
\s ईसु लखवान मांदला माणुस काजे वारु करे
\r (मरकुस 2:1-12; लुका 5:17-26)
\p
\v 1 अळतेन चु ढंड्‌या पर चड़ीन पली धड़े पुग्‌यु, ने आपसा गांव कपरनुह मां आयु। 
\v 2 तीनी टेमे थुड़ाक माणसे लखवान एक मांदवाड़ वाळा माणसे काजे खाट्‌ली पर मेकीन तेरे धड़े लाया। ईसु हींद्‌रु भुरसु देखीन, लखवान मांदला सी कह्‌यु, “ए पुर्‌या, तुसेक तारा पापेन माफी\f + \fr 9:2 \fr*\ft क्षमा \ft*\f* जड़ गुयली छे।”
\p
\v 3 तेरे वजे सी बेसका यहुदी नीयमेन मास्‌तर्‌या वीच्‌यार्‌या, “जु ते भगवानेन नाव-बद्‌दी करे।”
\p
\v 4 ईसु तींद्‌रा मनेन वात जाणीन कह्‌यु, “तुहुं तुंद्‌रा मन मां भुंडोत वीच्‌यार काहा कर रया? 
\v 5 एक जसों काय छे? ज्‌य कह्‌णु की, तारा पापेन माफी तुसेक जड़ गुय, नीते ज्‌य कह्‌णु, ‘की उठ ने चाल ने फीर।’ 
\v 6 बाकुन तेरेमां तुहुं जाण लेवु की माणसेन पुर्‌या काजे कळी पर पाप माफ करनेन बी हक छे।” तत्‌यार हयु लखवान मांदला सी कह्‌यु, “उठ, तारी खाट्‌ली हाकलीन, तार घर जाती रव।”
\p
\v 7 चु उठीन तेरे घर जाती रयु। 
\v 8 माणसे ज देखीन बीही गुया, ने भगवानेन बड़ाय करने लाग्‌या जु माणसे काजे बी असु हक आप्‌यु।
\s ईसु मत्‌‌ती काजे चेलु बणावणे करीन बुलावे
\r (मरकुस 2:13-17; लुका 5:27-32)
\p
\v 9 ईसु चां सी अगु गुयु ने चु, मत्‌‌ती नावेन एक माणुस काजे फाळु उकाळनेन नाका पर बठलु देख्‌यु, ने तीना काजे कह्‌यु, “मारे पुठ्‌ये चाल।”
\p चु उठीन ईसु पुठ्‌ये चाल पड़्‌यु।
\p
\v 10 एक दाहड़ु ईसु हेरा चेला पुठ्‌ये मत्‌‌तीन घर खाणो खाणे करीन बठ्‌यु, ती बेसका फाळु लेणे वाळा पापी माणसे आवीन, ईसु ने हेरा चेला साते खाणो खाणे बाजी रवला। 
\v 11 असो देखीन फरीसी माणसे ईसुन चेला काजे असा कह्‌या, “तुंद्‌रु मास्‌तर फाळु लेणे वाळा ने पापी साते काहा खाय रयु?” 
\v 12 ज सामळीन ईसु तींद्‌रे सी कह्‌यु, “दवा वारलु काजे नी चाहजे, बाकुन मांदला काजे चाहजे। 
\v 13 तेरेमां तुहुं जाय्‌न चुखला सास्‌तुर मां लिखली वात सीक लेवु: ‘मे जनवार्‌यान बादा नी चाहो बाकुन दया चाहो।’ काहाकी मे धरमी माणसे काजे नी, बाकुन पापी काजे बुलावणे आवलु छे।”
\s उपासेन सवाल
\r (मरकुस 2:18-22; लुका 5:33-39)
\p
\v 14 तत्‌यार युहन्‌नान चेला ईसु धड़े आवीन असा कह्‌या की, “हामु ने फरीसी माणसे उपास करजे, बाकुन तारा चेला उपास काहा नी पाळे?” 
\v 15 ईसु तीनुक कह्‌यु, “जत्‌यार लग दुल्‌लु तींद्‌रे पुठ्‌ये छे, ती काय अरात्‌या, दुखी हवसे काय? बाकुन चे दाहड़ा आवसे जत्‌यार दुल्‌लु तींद्‌रे सी अलग हय जासे, तत्‌यार चे उपास पाळसे।
\p
\v 16 “नवला पुथल्‌यान थीग्‌ळो जुन्‌ला पुथल्‌या\f + \fr 9:16 \fr*\ft वस्र\ft*\f* पर कुय नी लागाड़े, काहाकी चो थीग्‌ळो तीना पुथल्‌या सी थुड़ोक अळी खेच लेय, ने चो अदुस फाट जाय। 
\v 17 ने माणसे नवलु अंगुरेन रस जुन्‌ली चामड़ान थयलि मां नी भरे, काहाकी असा करने सी थयलि फाटी जाय, ने पीयालु बगळी जाय ने थयलि रद हय जासे; बाकुन नवलु पीयालु नवली थयलि मां भरे ने चे दुयु बच जासे।”
\s आफसरेन पुरे ने ईसुन कापड़ा काजे छीमणे वाळी बायरी
\r (मरकुस 5:21-43; लुका 8:40-56)
\p
\v 18 ईसु तीनुक जी वात कवणे बाजी रवलु, एक हकदार आवीन तीना काजे आंध्‌यो ने कह्‌यु, “मारी बेटी हयुसुत मर गुयली छे, बाकुन तु आवीन तेरे पर हात मेक, ती ची जीवती हय जासे।”
\p
\v 19 ईसु उठीन तेरे पुठ्‌ये चाल पड़्‌यु ने तेरा चेला बी तेरे पुठ्‌ये चाल पड़्‌या।
\p
\v 20 तीनी टेमे एक बायर हतली, तेरे पोगराळो दुख लागलो बारे साल हय रवला, ने ची ईसु पछळ आय्‌न ईसुन पुथल्‌या काजे छीम लेदी। 
\v 21 काहाकी ची तेरा मन मां कवतेली, “कदी मे तेरा पुथल्‌यान छेवड़ाक छीमी लीस, ती मे वारु हय जायस।”
\p
\v 22 ईसु पछु फीरीन तीनीक देख्‌यु ने कह्‌यु “बेटी हिम्‌मत राख; तारु भुरसु तुसे काजे छुटकारु आप्‌यु।” अळतेन ची बायरी तत्‌यारुत वारु हय गुय।
\p
\v 23 जत्‌यार ईसु तीना हकदारेन घर मां पुग्‌यु ती पावळी आजाड़ने वाळाक ने माणसेन टुळाक रड़तेला देख्‌यु। 
\v 24 तत्‌यार ईसु कह्‌यु, “छेटा हय जावु, पुरे मरी नी, बाकुन सुय रय!” असु कह्‌यु अतरुत ने ईसुन हासी उड़ावणे बाजी गुया। 
\v 25 बाकुन जत्‌यार माणसेन टुळा काजे नीकाळ देदा, ती ईसु घर मां जाय्‌न पुरेन हात धर्‌यु, ने ची जीवती हय्‌न बठी हय गुय। 
\v 26 ने हीनी वातेन खबर तीना आखा देस मां चारे मेर मालुम हय गुयो।
\s ईसु दुय आंदळान डुळा काजे वारु करे
\p
\v 27 जत्‌यार ईसु चां सी अगु जाणे बाजी गुयु, ने दुय आंदळा तेरे पछळ असा कय्‌न आवणे बाजी गुया, “ए दावुदेन अवल्‌यात, हामरे पर दया कर!”
\p
\v 28 जत्‌यार ईसु घर मां पुग्‌यु, ती चे दुय आंदळा तेरे धड़े आया, ने ईसु तींद्‌रे सी कह्‌यु, “काय तुहुंक भुरसु छे की मे ज्‌य कर सको?” चे ईसुक कह्‌या, “हव, मालीक।”
\p
\v 29 तत्‌यार ईसु तींद्‌रा डुळा छीमीन कह्‌यु, “तुंद्‌रु भुरसु छे, तसोत तुंद्‌रे वाटे हय जाय।” 
\v 30 ने चे देखणे बाजी गुया। ती ईसु तीनुक वारु समजाड़ीन कह्‌यु, “चेतीन\f + \fr 9:30 \fr*\ft सावधान\ft*\f*, रवजु, जी वात कुय काजे घुण कवु।”
\p
\v 31 बाकुन चे घर मां सी जाती रया, ने अळतेन जी वात तीना देस मां आखे कय देदा।
\s ईसु एक गुंगा काजे वारु कर्‌यु
\p
\v 32 ईसु खयड़े नीकळीन जाणे बाजी रवलु, ती माणसे एक गुंगा काजे तेरे मां भुतड़ान आत्‌मा चस्‌टी रवली, तीनाक बुलायतेलो नी ईसु धड़े लाया। 
\v 33 ने जत्‌यार ईसु भुतड़ा काजे नीकाळ देदु, ती गुंगो बुलने बाजी गुयो। तेरे वजे सी माणसेन टुळु चकराय गुयु ने असा कह्‌या, “ईस्‌रायेल देस मां असो वारु काम कदी नी देख्‌या।”
\p
\v 34 बाकुन फरीसी माणसे कह्‌या, “जु ईसु ते भुतड़ान आत्‌मान मुखीन जुर सी भुतड़ान आत्‌मा काजे नीकाळे।”
\s ईसु माणसे पर दया करे
\p
\v 35 ईसु आखा सहर मां ने गांव मां फीरतु रयु, ने भगवानेन भक्‌तीन घर मां माणसेक सीकाड़तु रयु, ने भगवानेन राजेन खुस-खबरेन बारामां परचार करतु रयु, ने आखी भाती-भातीन मांदवाड़ ने लुल्‌गाय काजे वारु करतु रयु। 
\v 36 जत्‌यार चु माणसेन टुळा काजे देख्‌यु, ती ईसु काजे माणसे पर दया आय, काहाकी चे तीनु गाडरान तसा हींद्‌रु कुय राखवाळ्‌यु नी हतलु, चे दुख मां ने भटकला हतला। 
\v 37 तत्‌यार ईसु तेरा चेला काजे कह्‌यु, “मेर ते बेसकी छे, बाकुन मेर काटण्‌या दाहड़क्‌या थुड़ाक छे। 
\v 38 तेरेमां खेतेन मालीक सी लीलघाय्‌न कह्‌यु, की चु आपणा खेत मां मेर काटणे करीन दाहड़क्‌या मकली देय।”
\c 10
\s ईसु बारे चेलाक हक आपे
\r (मरकुस 3:13-19; लुका 6:12-16)
\p
\v 1 ईसु आपसा बारे चेला काजे धड़े बुलायु ने तीनुक, भुतड़ा नीकाळनेन हक आप्‌यु, ने आखी भातीन मांदवाड़ ने आखी भातीन लुल्‌गाय काजे वारु करनेन हक आप्‌यु।
\p
\v 2 तीनु बारे नेवताळान नाव जो छे: पेहलु सीमोन, जु पतरस कह्‌वाये, ने तेरु भायस अन्‌दीरीयास; जब्‌दीन पुर्‌यु याकुप, ने तेरु भायस युहन्‌‌‌नु; 
\v 3 ने फीलीप्‌पुस, ने बरतुल्‌मे, ने थोमा, ने फाळु लेणे वाळु मत्‌‌ती, ने हलफाईन पुर्‌यु याकुप, ने तद्‌दे, 
\v 4 सीमोन, कनानी ने यहुदा ईस्‌करीयोती ने हयु ईसुक धुकु दीन धराड़ी बी देदु।
\s ईसु बारे चेला काजे मकलने सी पेहेल सीकाड़े
\r (मरकुस 6:7-13; लुका 9:1-6)
\p
\v 5 हीनु बारे चेला काजे ईसु ज हुकुम आपीन मकल्‌यु: नी-यहुदी माणसे भीणी घुण जावु, ने सामर्‌यान काहना बी सहर मां घुण जावु। 
\v 6 बाकुन ईस्‌रायेली जातीन माणसे मां जाजु, चे भगवान काजे ईसरीन खुवायला गाडरान तसा हय गुया। 
\v 7 ने वाट्‌ये चालता-चालता असो परचार करु, की सरगेन राज धड़ेत आय गुयलो छे! 
\v 8 मांदला काजे वारु करु, मरला काजे जीन्‌दा करु, कुड़ायला काजे चुखा करु, भुतड़ान आत्‌मा काजे नीकाळु। तुहुंक फुकट मां जड़लो छे, तुहुं बी फुकट मां आपु। 
\v 9 परचार करने जावु तत्‌यार, तुंद्‌री थयलि मां सनो, चांदी, नी ते पयस्‌या घुण ली जावु; 
\v 10 तुहुं वाट्‌ये वापरने करीन कांखुर जावु ती चां नीते झुळु राख्‌जु, नी दुय कुरता, नी खासड़ा, नी लाकड़ी लेजु, काहाकी दाहड़क्‌या काजे दाहड़की जड़नु चाहजे।
\p
\v 11 “काहना बी सहर मां नीते गांव मां जावु, ती चां पुगीन एक अदमीन पतु लागाड़ लेजु, ने चां सी तेरेन चां रवजु।” 
\v 12 तुहुं घर मां भरायु ती तीनुक संयबरकत आपजु। 
\v 13 कदी तीना घर मां माणसे भुरसु करन्‌यु रवसे, तीते तुंद्‌रो सांतीन संयबरकत हींद्‌रे पर हय जासे, बाकुन कदी चे भुरसु करन्‌या नी रहे, ती तुंद्‌रो संयबरकत तुंद्‌रे भेळु पछो आवसे। 
\v 14 जे कुय बी तुंद्‌रो आव-भाव नी करे, ने तुंद्‌री वात नी सामळे, ती तीना घर, ने तीना सहर सी नीकळता जाय्‌न आपणे पायेन धुळा काजे बी झाटकी देजु। 
\v 15 मे तुहुंक छाचलीन कहं की नीयावेन दाहड़े तीना सहरेन दुख सदोम ने अमोरा देसेन माणसेक अदुस डंड जड़से।
\s आवणे वाळी गरान बारामां चेला काजे ईसु सीकाड़े
\r (मरकुस 13:9-13; लुका 21:12-17)
\p
\v 16 देखु, मे तुहुंक लेंड्‌यान तसा माणसेन ईचमां गाडरान तसु मकलो, तेरेसी घड़सान तसा कदर्‌या ने पेरवान तसा सुदा बणु। 
\v 17 बाकुन वेरी माणसे सी चेतीन रवु, चे तुहुंक धरीन पंचुन हात मां सुप देसे, ने तींद्‌रा भक्‌तीन घर मां ली जाय्‌न सपाटा देसे। 
\v 18 तुहुं मेसेक मानी रया करीन हकदार्‌या ने राजा अगळ ली जासे, काहाकी तुहुं मारा गवा छे। असा करीन तुहुं नी-यहुदी अगळ मारा गवा बणसु। 
\v 19 जत्‌यार चे तुहुंक धराड़ीन सीपायड़ान हात मां आप देसे, ती असी फीकुर घुण करु की हामु कसा ने काहली रीती सी कवसुन काहाकी ज काय तुहुंक कह्‌णु छे, च तीनीत टेमे बताड़ देसे। 
\v 20 काहाकी कह्‌णे वाळा तुहुं नी हय, बाकुन तुंद्‌रा भगवान बासेन जीव-आत्‌मा तुंद्‌रेम हय्‌न बुलसे।
\p
\v 21 भाय, भायस काजे अळी बास पुर्‌या काजे, मारने करीन धराड़से अळी पुर्‌या आयस बासेन वेला नी हवे ने तींद्‌रे भीणी उठीन तीनुक माराड़से। 
\v 22 मारा नाव पर भुरसु कर रया करीन आखा माणसे तुंद्‌रे सी भुंडा रवसे, बाकुन काहनु बी मरता लग गम खासे, चेत छुटकारु हात करसे। 
\v 23 जत्‌यार चे तुहुंक एक सहर मां एला पाड़े ती दीसरा सहर मां ढासी जाजु। मे तुहुं काजे छाचलीन कहं, की माणसेन पुर्‌या काजे पछु आवणे लग तुहुं ईस्‌रायेली देसेन आखा सहरेम फीरता-फीरता परचार करनेन काम पुरो नी कराये।
\p
\v 24 चेलु आपणा मास्‌तर\f + \fr 10:24 \fr*\ft गुरु\ft*\f* सी मटु नी हय सके; ने पावर्‌यु आपणा मालीक सी मटु नी हय। 
\v 25 चेला काजे मास्‌तर, ने पावर्‌या काजे मालीक बराबर रहणुत वारु छे। कदी माणसे घरेन मालीक काजे भुतड़ु कह्‌यु, ती तेरा घरन्‌या काजे काय नी कह्‌या?
\s मालीक सी बीहु, माणसे सी मां बीहु
\r (लुका 12:2-7)
\p
\v 26 तेरेमां माणसे सी घुण बीहु; असो काय ढाकायलो नी हय, च उघाड़े असो नी हय; ने असो काय बी सातायलो नी हय, च मालुम नी हवे। 
\v 27 ज मे तुहुं काजे आंदारला मां कय रयु, तीना काजे तुहुं वीजाळो हवे तत्‌यार दीसरा काजे सामळाव जु; ज मे काय तुहुं काजे मन मां कह्‌लु च तुहुं, घरेन छत पर चहड़ीन परचार करजु। 
\v 28 ज डील काजे खत्‌तम करे, बाकुन आत्‌मा काजे खत्‌तम नी कर सके, तींद्‌रे सी मां बीहु; बाकुन तेरेत सी बीहु चु आत्‌मा अळी डील दुयु काजे नरक मां खत्‌तम कर सके। 
\v 29 काय एक पयस्‌या मां दुय घीनचीड़ा नी वेचाये? तेबी तुंद्‌रा सरग वाळा बासेन मरजी पाखुर तेरे मां सी एक बी मरीन भुयमां नी पड़े। 
\v 30 तुंद्‌रा मुणकान कान्‌या बी आखा गीणायला छे। 
\v 31 तेरेमां तुहुं बीहयु मां; काहाकी तुहुं तीनु घीनचीड़ा सी बड़ीन छे।\fig पेहला जमाना मायन ईस्‌रायली माणसेन घरेन छत|alt="Flat-roofed, olden house in Israel" src="lb00234c.tif" size="col" copy="Horace Knowles ©" ref="10:27"\fig*
\s ईसु काजे माननु ने नी माननु
\r (लुका 12:8,9)
\p
\v 32 जु कुय बी माणसे अगळ मेसेक मान लेसे, तीना काजे मे बी आपणा सरग वाळा बास अगळ मान लीस। 
\v 33 बाकुन जु कुय बी माणसे अगळ मेसेक नी माने, ती मे बी आपणा सरग वाळा बास अगळ तीना काजे नीकारु कर दीस।
\s ईसुन आवणेन जपाप
\r (लुका 12:51-53; 14:26,27)
\p
\v 34 तुहुं मार बारामां असा समजी रया की मे कळी मां सुक-सांती लीन आवलु छे; मे सांती आपणे नी, बाकुन तलवार लीन आवलु छे। 
\v 35 मार पर भुरसु कर रया करीन, पुर्‌यु बासेन वीरुद करसे, ने पुरे मायन वीरुद करसे, ने उहड़ीस सासुसेन वीरुद करसे। 
\v 36 असा करीन मारा चेलान घरन्‌यात तेरा वेरी बण जासे।
\p
\v 37 “जे माय नीते बास काजे मारे सी अदुस परम करसे, चु मार पर भुरसु करन्‌यु नी हय; ने जे पुर्‌या नीते पुरे काजे मारे सी अदुस परम करसे, चु मार पर भुरसु करन्‌यु नी हय; 
\v 38 ने जे आपणु कुरुस लीन मारे पछळ नी चाले चु मारु भुरसु करन्‌यु नी हय।” 
\v 39 जु आपणा जीव\f + \fr 10:39 \fr*\ft प्राण \ft*\f* काजे बचाड़से, चु खुवसे; ने जु मारे वजे सी आपणी जान खुवसे, तीना काजे जीवन जड़ जासे।
\s जे तुंद्‌रो आव-भाव करसे तीनुक भगवान संयबरकत आपसे
\r (मरकुस 9:41)
\p
\v 40 ज्‌य तुंद्‌रो आव-भाव करसे, चु मारो आव-भाव करे; ने ज मारो आव-भाव करे, चु मारा मकलने वाळा भगवानेन आव-भाव करे। 
\v 41 जु भगवानेन अघी सी आवणे वाळी वात देखाड़ने वाळा काजे भगवानेन अघी सी आवणे वाळी वात देखाड़ने वाळु छे करीन तेरो आव-भाव करे, तीना काजे भगवानेन अघी सी आवणे वाळी वात देखाड़ने वाळाक संयबरकत जड़से; ने जे वारलु माणुस काजे वारलु जाणीन आव-भाव करसे, तीना काजे वारलु माणुस काजे संयबरकत जड़से। 
\v 42 जु कुय ईनु नानला मां सी एक काजे मारु चेलु छे, करीन एक कळस्‌यु सेळो पाणी पावसे, मे तुंद्‌रे सी छाचलीन कह्‌वो की, चु कसु बी करीन आपणो फळ नी खुवे।
\c 11
\s ईसु ने युहन्‌ना बपतीस्‌मा आपणे वाळु
\r (लुका 7:18-35)
\p
\v 1 जत्‌यार ईसु तेरा बारे चेला काजे हुकुम आप देदु, ती चु तींद्‌रा सहर मां सीकाड़तु ने परचार करने करीन चां सी जाती रयु।
\p
\v 2 बपतीस्‌मा आपण्‌या युहन्‌नान चेला, ईसुन बारामां सामळ्‌या, ती चे जेलेम जाय्‌न युहन्‌ना काजे खबर कर्‌या। तत्‌यार युहन्‌‌‌नु तीनु चेला काजे मालीक ईसुन्‌चां जो पुछणे मकल्‌यु। 
\v 3 “काय आवणे वाळु मसी तु छे काय? की हामु काहनाक दीसरान वाट देखजे?” 
\v 4 ईसु जपाप आप्‌यु, “जो काय तुहुं देख्‌या ने सामळ्‌या, चो आखो युहन्‌ना काजे जाय्‌न कय देजु, 
\v 5 की आंदळा देखणे बाजी रया, लंगड़ा चालने फीरने बाजी रया कुड़ायला वारु हयन चुखा हवणे बाजी रया, ने बेहरा सामळने बाजी रया, ने मरला जीवता हय रया, ने गरीब काजे खुस-खबरेन वात सामळावे। 
\v 6 ने बेसकु वारु छे, जे मार वजे सी वीरखाय रया, बाकुन जे वीरखाये बीगुर, मार पर भुरसु नी करे।”
\p
\v 7 जत्‌यार चेला चां सी चाल देदा, ती ईसु युहन्‌नान बारामां माणसे सी कह्‌वणे बाजी गुयु, “तुहुं बयड़ा मां काय देखणे गुयला? काय वाहळा मां हालतेला सुट्‌या काजे देखणे गुयला काय? 
\v 8 कहुं ते खरा ती तुहुं काय देखणे गुयला? काय वारलु पुथल्‌या पेहेरला माणुस काजे? देखु, जे वारलु पुथल्‌या पेहरे, चे राजान हवेली मां रवे। 
\v 9 ती तुहुं काय देखणे गुयला? भगवानेन अघली वात बताड़न्‌या काजे देखणे गुयला? तीनु आक सी युहन्‌‌‌नु मटु माणुस छे तीनाक तुहुं देखणे गुयला। 
\v 10 जु हयुत युहन्‌‌‌नु छे तेरे बारामां असो लिखलो छे: ‘देख, मे मारा काहवाळ्‌या काजे तारे अगळ मकलो, जु तारे अगळ\f + \fr 11:10 \fr*\ft आगे\ft*\f* तारी वाट तीयार करसे।’ 
\v 11 मे तुहुंक छाचलीन कह्‌वो, की जे बायरा सी पयदा हवला छे, चे युहन्‌ना बपतीस्‌मा देणेवाळा सी मटा नी हय; बाकुन जे सरगेन राज मां आखा सी नानला छे, चे तेरेसी मटु छे। 
\v 12 युहन्‌ना बपतीस्‌मा देणेवाळान दाहड़ा मां सी हय लग सरगेन राजेन वाटे बेसका मेहेनत कर रया, ने भगवानेन राज मां भरायणे करीन खुस-खबरेन नेवतो आखा काजे जड़ रयो राजेन हक काजे हात मां कर लेय। 
\v 13 युहन्‌ना लग आखा भगवानेन अघी सी आवणे वाळी वात देखान्‌यान ने मुसान साहरे लिखलो सास्‌तुर भगवानेन अघी सी वात कवता रया। 
\v 14 ने जी वात मान्‌नु हय ती मानी लेवु की युहन्‌ना हयुत एलीयु जु आवणे वाळु हतलु। 
\v 15 जतरा बी सामळी रया, चे वारु सामळीन समजणु चाहजे।
\p
\v 16 “मे हीनी पीड़ीन माणसेन बराबरी कुणी सी करो? जे तीनु पुर्‌यान तसा छे, जे हाटे मां बस रहण्‌या पुर्‌या सांय छे, जे आंबा-सांबा आयड़ीन असा कह्‌वे, 
\v 17 हामु तुंद्‌रे वाटे नाचणे पावळी आजाड़्‌या, ने तुहुं नी नाच्‌या; ने हामु तुंद्‌रे वाटे रड़ने करीन गीत गाया, बाकुन तुहुं नी रड़्‌या, 
\v 18 काहाकी युहन्‌‌‌नु ते, रुटु नी खादु ने नीते अंगुरेन रस नी पीदु, ने चे कह्‌वे, ‘तेरे मां भुतड़ान आत्‌मा छे।’ 
\v 19 माणसेन पुर्‌यु खातु-पीतु आयु, ने चे कहें ‘देखु, हीजेरलु ने दारुड़्‌यु छे, ने माणसे सी फाळु लेणे वाळा ने पापीन दुस्‌तीदार छे!’ बाकुन अक्‌कल आपणेन काम सी छाचलु\f + \fr 11:19 \fr*\ft सच्चा\ft*\f* रवसे।”
\s बेसकी दुखेन वात छे, जे भुरसु नी करे
\r (लुका 10:13-15)
\p
\v 20 तत्‌यार ईसु तीनु सहर वाळा माणसे काजे कीचवाय्‌न लड़ने बाजी गुयु, तींद्‌रे मां ईसु बेसका ताकुतेन काम करलु, काहाकी चे हींद्‌रो मन नी फेरव्‌यु। 
\v 21 “ए खुराजीन! सहर तुंद्‌रे वाटे बेसकी दुखेन वात छे, ए बेतसेदा सहर! तुंद्‌रे वाटे बेसकी दुखेन वात छे देख ताकुतेन काम तुंद्‌रे मां करला छे, कदी जे सुर सहर ने सीदोन सहर मां करलु रवतु, ती चे गंटाट्‌या पांगरीन, ने हींद्‌रा डील पर रखड़ु चुपड़ीन आपसा-आपसान मन पाप भीणी सी फेरवीन भगवान भीणी अळ जाता। 
\v 22 बाकुन मे तुहुंक कहं की, नीयावेन दाहड़े सुर ने सीदोन सहरेन माणसे काजे ज डंड जड़से, तेरे सी बी जादा डंड तुहुं काजे जड़से। 
\v 23 ए कफरनहुम! काय तु सरगे लग उचु हय जासी काय? नी तु ते पाताळेन बुन्‌दे लग पड़ीन जाती रवसी काहाकी जे ताकुतेन कामे तारे मां करला छे कदी जे काम सदोम सहर मां करतु ती चे आज लग नी सरतो। 
\v 24 अतरा मां मे तुहुंक कहं, नीयावेन दाहड़े, सदोम देसेन कुहर्‌या माणसे काजे ज डंड जड़से, तेरेसी बी अदुस डंड तुहुंक जड़से।”
\s मारे धड़े आवु तुहुंक आराम जड़से
\r (लुका 10:21,22)
\p
\v 25 तीनी टेमे ईसु कह्‌यु, “ए भगवान, सरगे ने कळीन मालीक, मे तारो तु बेसकु वारु कह्‌वो की तु हीनु वात काजे अक्‌कल वाळा ने समज वाळा सी साताड़ीन मेक्‌यु, ने नानला पुर्‌यु काजे देखाड़ीन आप देदु। 
\v 26 हव, ए बास, काहाकी तुसे जन वारु लागे।
\p
\v 27 “मारु भगवान बास मेसे आखो काय आप देदलु छे; ने पुर्‌या काजे छुड़ीन कुय बी बास काजे नी जाणे, हीनीत रीती सी बास काजे छुड़ीन कुय बी पुर्‌या काजे; नी जाणे ने चे तत्‌यारुत बास काजे जाणे तींद्‌रे पर पुर्‌यु बास काजे उजेंतु करे।
\p
\v 28 “ए आखा हारला ने भार दबायला माणसे, मारे धड़े आवु; मे तुहुंक आराम आपीस। 
\v 29 मारो जुड़ो आपणे उपर हाकली लेवु, ने मारे सी सीकु; काहाकी मे नीचळु ने मन मां सुदु छे; ने तुहुं तुंद्‌रा मन मां आराम जड़से। 
\v 30 काहाकी मारो जुड़ो हलको छे ने मारु भार\f + \fr 11:30 \fr*\ft बोझ\ft*\f* फवरु छे।”
\c 12
\s ईसु आरामेन दाहड़ान मालीक छे
\r (मरकुस 2:23-28; लुका 6:1-5)
\p
\v 1 आरामेन दाहड़े ईसु ने हेरा चेला गहुंन खेते मायन जाणे बाजी रवला, ने तेरा चेला काजे भुक लागी तत्‌यार चे गहुंन उम्‌बी तुड़ीन\f + \fr 12:1 \fr*\ft तोड़\ft*\f* चुळी-चुळीन खाणे बाजी गुया। 
\v 2 फरीसी माणसे ज्‌य देखीन ईसुक कह्‌या, “देख, तारा चेला ज काम कर रया, चो नीयम कायदा मां लिखलो छे, की आरामेन दाहड़े करनु वारु नी हय।”
\p
\v 3 ईसु तीनुक कह्‌यु, “काय तुहुं नी भण्‌या, की खरला सास्‌तुर मां लिखलो छे की दावुद राजा काजे ने, तेरा साते वाळाक भुक लागी तत्‌यार चु काय कर्‌यु? 
\v 4 चु कसु भगवानेन घर मां गुयु, ने चड़ावला रुटा खादु, तीना खाणा काजे नीते खाणु नीते तेरा साते वाळा खाणु, बाकुन मंदीरेन पुजारा वाटे अतरोत खाणेन वारु हतलो? 
\v 5 ज मुसान साहरे लिखला सास्‌तुर मां नी भण्‌या की मंदीरेन पुजारा आरामेन दाहड़े मंदीर मां आरामेन दाहड़ेन रीती काजे तुड़ देय ती बी चे गुनाळा नी रवे काय? 
\v 6 बाकुन मे तुहुं\f + \fr 12:6 \fr*\ft तुम\ft*\f* काजे कह्‌व, की भगवानेन सेवान-काम कर रयु चु मंदीर सी बी बेसकु मटु छे। 
\v 7 कदी तुहुं सास्‌तुर मां लिखली वात समजी जाता की, मे दया सी खुस हवो, बाकुन जनवार्‌यान बादा नी चाहजे, ती तुहुं नी-गुनाळा काजे गुनाळु नी ठेह्‌रावता। 
\v 8 माणसेन पुर्‌यु आरामेन दाहड़ान मालीक छे।”
\s ईसु एक पांगळा हात वाळा काजे वारु करे
\r (मरकुस 3:1-6; लुका 6:6-11)
\p
\v 9 चां सी चालीन ईसु तींद्‌रा भक्‌तीन घर मां गुयु। 
\v 10 चां एक माणुस हतलु, तेरु हात पांगळु हतलु चे ईसु पर गुनु लागाड़ने करीन तीनाक असा पुछ्‌या की, “काय आरामेन दाहड़े वारु करनु वारु छे?” 
\v 11 ईसु तीनु काजे कह्‌यु, “तुंद्‌रे मां असो कुण छे, तेरो एकुत गाडरो छे, ने तेरो गाडरो आरामेन\f + \fr 12:11 \fr*\ft सब्त\ft*\f* दाहड़े गड्‌डा मां हीटी पड़े, ती चु तीना काजे धरीन बाहार नी नीकाळे काय? 
\v 12 माणुस ते गाडरा सी बेसको महंगो छे! तेरेमां आरामेन दाहड़े भलो करनु कायदान अनसारे वारु छे।” 
\v 13 तत्‌यार ईसु तीना माणुस सी कह्‌यु, “तारु हात लांबु कर।”
\p ने चु लांबु कर्‌यु, ने तेरु हात दीसरा हातेन तसु वारु हय गुयु। 
\v 14 तत्‌यार फरीसी माणसे बाहर जाय्‌न ईसुन वीरुद मां असा वीच्‌यार कर्‌या, की हामु ईसुक कसा करीन मारजे।
\s ईसु मसी भगवानेन पावर्‌यु बणीन काम करे
\p
\v 15 ज्‌य जाणीन ईसु चां सी जाती रयु। ने बेसका माणसे तेरे पछळ पड़्‌या। ने ईसु आखा काजे वारु करतेलु। 
\v 16 बाकुन चु असु कय्‌न तीनुक चेतायु, “तुहुं दीसरा माणसे अगळ मारी बड़ाय करीन मेसेक उजेंतु घुण करजु। 
\v 17 काहाकी भगवानेन अघी सी आवणे वाळी वात बताड़न्‌या यसायान बुल पुरो करने करीन चु असु करतेलु; जसों लिखलो छे:
\q1
\v 18 “देखु, ज्‌य मारु पावर्‌यु छे, हीनाक मे नेवाड़्‌लु छे,
\q2 जु मारु लाटेक्‌लु पुर्‌यु छे, हेरेसी मारो मन खुस छे।
\q1 मे मारी आत्‌मा हेर पर दीस,
\q2 ने चु नी-यहुदी माणसे काजे नीयावेन खबर आपसे।
\q1
\v 19 चु काहना साते लड़ाय नी करे, नी आयड़े,
\q2 नी कुय हाटे मां तेरी अवाज सामळसे।
\q1
\v 20 चु कुचळायला बुरे काजे नी तुड़े,
\q2 ने कुळु आपतेला बामळा काजे नी उलवायणे देय, जत्‌यार लग चु नीयाव काजे आपते लग काम करसे।”
\q2
\v 21 तत्‌यार चे आखा नी-यहुदी माणसे, मारा चेलान आस बण जासे।
\s ईसु ने बालजबुल
\r (मरकुस 3:20-30; लुका 11:14-23)
\p
\v 22 तत्‌यार माणसे काहनेक दाहड़े आंदळा माणसेक ईसुन्‌चां लाया चु गुंगु बी हतलु, ने तीना माणसेम भुतड़ान आत्‌मा चस्‌टी रवली, ईसु तीना काजे वारु कर्‌यु, ने चु बुलने ने देखणे बाजी गुयु। 
\v 23 तेरेमां आखा माणसे असा कदी नी देख्‌या करीन ईसुन बारामां कहणे बाजी गुया, “हयु दावुदेन अवल्‌यात हसे?” 
\v 24 बाकुन फरीसी माणसे असा सामळीन कह्‌या, “ज ते भुतड़ान मुखी बालजबुलेन जुर सी माणसेम डीलेम सी भुतड़ा छेटे करे।”
\p
\v 25 ईसु तींद्‌रा मनेन वीच्‌यार जाणीन तीनुक कह्‌यु, “तीना काहना राज मां बेरजु पड़ जाय, च उजड़ी जाय, अळी काहनाक सहर नीते घरन्‌या तेरेमां बेरजु पड़ जाय, ती चे उजड़ी जासे।” 
\v 26 ने कदी भुतड़ु माणसेन डीलेम सी भुतड़ा काजे नीकाळे, ती हयु आपसान वीरुद करने बाजी जाय, ती हेरो राज कसों बणीन रवसे? 
\v 27 कदी मे भुतड़ान मुखीन मदत सी भुतड़ान आत्‌मा काजे नीकाळो ती तुंद्‌रा चेला कुणीन मदत सी भुतड़ा नीकाळे? तेरेमां चेत तुंद्‌रु हीसाब लीन तुंद्‌रु नीयाव करसे। 
\v 28 बाकुन कदी मे भगवानेन आत्‌मान मदत सी भुतड़ान आत्‌मा काजे नीकाळो, ती भगवानेन राज तुंद्‌रे ईचमां आय गुयलो छे।
\p
\v 29 नीते कसों कुय माणुस काहनाक ताकतवाळान घर मां भरायन तेरो धन हापकी सके चां लग की चु तीना ताकतवाळा काजे बांदी नी लेय? ती चु तेरा घरेन माल धन काजे हापकीन ली जाय सके।
\p
\v 30 जे मारे पुठ्‌ये नी हय चे मारे वीरुद मां छे, अळी जु मारे साते भेळो नी करे चु तीनुक खळवणेन काम कर रयु। 
\v 31 तेरेमां मे तुहुं काजे कह्‌वो, की माणसेन आखी भातीन पाप अळी खुड़ नीकाळनु माफ हय जासे, बाकुन चुखली-आत्‌मान वाक नीकाळसे तीनुक माफी नी जड़से। 
\v 32 जु कुय बी माणसेन पुर्‌यान वीरुद मां काय कह्‌वसे, तीनाक माफी जड़ जासे, बाकुन जु कुय बी चुखली-आत्‌मान वीरुद मां काय बी कह्‌वसे, तेरु पाप नी ते हीनी कळी ने अळी आवणे वाळी कळी मां बी माफी हवसे।
\s झाड़को ने हेरो फळ
\r (लुका 6:43-45)
\p
\v 33 “कदी झाड़का काजे वारलु कह्‌वु, ती तेरा फळ काजे बी वारलु कह्‌वु, नीते झाड़का काजे भुंडोत कह्‌वु, ती तेरा फळ काजे बी भुंडोत कह्‌वु, काहाकी झाड़कान उळखान तेरा फळ सी हवे। 
\v 34 ए, घड़सान\f + \fr 12:34 \fr*\ft सांप\ft*\f* पीला, तुहुं भुंडात हयन कसा वारलु वात कय सकु? काहाकी जो मन मां भरायलु छे, चत तुंद्‌रा मुंहडाम सी बाहार आवे। 
\v 35 भलास्‌या माणुस आपणा वारलु कुठा मां सी वारु चीज नीकाळे, ने भुंडात माणुस भुंडा कुठा मां सी भुंडीत चीज नीकाळे।
\p
\v 36 “अतरामा मे तुहुं काजे कहं, नीयावेन दाहड़े चे एक-एक फालतु वातेन लेखु आपणु पड़से। 
\v 37 काहाकी तु तुंद्‌री वातेन वजे सी नी-गुनाळु, गीणायसु नीते गुनाळा गीणायसु।”
\s सरगेन सहलाणीन मांग
\r (मरकुस 8:11,12; लुका 11:29-32)
\p
\v 38 तीनी थुड़ाक यहुदी नीयमेन मास्‌तर्‌या ने फरीसी माणसे ईसुक पारखणे करीन असा कह्‌या, “ए मास्‌तर, हामुक वारलु कामेन सहलाणी देखाड़।”
\p
\v 39 “ईसु तीनुक जपाप आप्‌यु हीनी पीड़ीन कुहर्‌या ने छीनाळ्‌या माणसे एक सहलाणी देखणे हींडे!” बाकुन भगवानेन अघी सी आवणे वाळी वात देखान्‌या योनान सहलाणी अतरीत देखणे जड़से। 
\v 40 जसु योना तीन रात ने तीन दाहड़ा माछान पेट मां रवलु तसुत माणसेन पुर्‌यु बी तीन दाहड़ा ने तीन रात धरतीम माहीं रवसे। 
\v 41 नीनवे सहरेन माणसे नीयावेन दाहड़े हीनी पीड़ीन माणसे साते उठीन हीनुक डंड जड़े असा ठेरावसे, काहाकी चे योनान परचार सामळीन भीणी सी मन फेरव्‌या; ने देखु, जां चे छे जु योना, सी बी बेसकु मटु छे, भगवानेन वात सामळावण्‌यु उबु हय रयु। 
\v 42 दखवरा देसेन राणी नीयावेन दाहड़े हीनी पीड़ीन माणसे साते उठीन तीनुक डंड जड़े असा ठेरावसे, काहाकी ची राणी सुलेमानेन अक्‌कल सामळने करीन धरतीन खुणाम सी आवली, बाकुन देखु, जां छे चु सुलेमान सी बी अदु अकलवाळु उबु हय रयु।
\s आदा सुदार सी गरा
\r (लुका 11:24-26)
\p
\v 43 जत्‌यार भुतड़ान आत्‌मा काहनाक माणुस काजे छुड़ीन जाती रवे, ती ची आराम करने करीन, उजाड़ी मां जागु हेरतु हींडे, ने जत्‌यार आराम करने करीन जागु नी जड़े। 
\v 44 तत्‌यार ची कह्‌वे, मे आपणा तीनात घर मां पछु जाती रय्‌स चां सी मे नीकळीन आवलु छे। ने पछी जाय्‌न तीना घर काजे सुंडलो, बाहरु-सुहरु करीन साप करलो ने जग-जग सींगारलो नर सुंडलो देखाय पड़े। 
\v 45 तत्‌यार ची जाय्‌न तेरे सी बी कुहेरला भुतड़ान आत्‌मा काजे भेळा करीन पुठ्‌ये ली आवसे, ने ची तीना माणसेम आवीन वसी जाय, ने च माणुस पेहले सी बी अदु गांडवाय जाय, हीनी कळीन भुंडला माणसेन एला बी असीत हय जासे।
\s ईसुन माय ने भायस
\r (मरकुस 3:31-35; लुका 8:19-21)
\p
\v 46 जत्‌यार ईसु माणसेक सीकाड़नेत बाजी रवलु, तत्‌यार हेरी माय ने भायस बाहर उबा हय रवला ने ईसु काजे भेळा हवणे हींडी रवला। 
\v 47 काहनुस आवीन ईसु काजे कह्‌यु, “देख, तारी माय ने तारु भायस बाहार हुबा हय रया, चे तुसे काजे भेळा हवणे हींडे।”
\p
\v 48 ज्‌य सामळीन ईसु तीनाक कह्‌यु, “कुण छे मारी माय? ने कुण छे मारु भायस?” 
\v 49 ने हेरा चेला भीणी हेरु हात अगु करीन कह्‌यु, “देखु, मारी माय ने मारु भायस जेत छे। 
\v 50 काहाकी ज्‌य कुय मारा सरगेन बासेन मरजी पर चाले, हीयेत मारु भायस, ने मारी बहणीस, ने मारी माय छे।”
\c 13
\s बीज एरने वाळा किरसाणेन दाखलु
\r (मरकुस 4:1-9; लुका 8:4-8)
\p
\v 1 तीनेत दाहड़े ईसु घर मां सी नीकळीन दरीयान कीनारे धड़े जाय्‌न बठ गुयु। 
\v 2 ने दरीया धड़े ईसुन्‌चां बेसका माणसे आय लाग्‌या, ने चु ढंड्‌या पर चहड़ी गुयु, ने आखा माणसे दरीया धड़े उबा हय रवला। 
\v 3 ने ईसु तीनुक दाखलु मां बेसकी वात सीकाड़ने बाजी रवलु।
\p एक बीज एरने वाळु किरसाण हेरा खेत मां बीज एरने गुयु। 
\v 4 एरता-एरता थुड़ाक बीज वाट धड़े पड़्‌या ने चिरला आवीन तीनुक ईछीन खाय गुया। 
\v 5 थुड़ाक बीज दगड़ाट्‌या जागा पर पड़्‌या, तीनुक बेसकु धुळु नी जड़्‌यु ने उंडु धुळु नी जड़नेन वजे सी चे छाटा उंगी गुया। 
\v 6 बाकुन दाहड़ु उंगीन तप्‌यु ती चे चीमाय गुया, ने मुळ उंडे नी गुया तेरेमां च धान चीमायन सुक गुयो। 
\v 7 थुड़ाक बीज झाड़का मां पड़्‌या ने काटाळस्‌या झाड़का मां मटा हय्‌न तीनुक चीबदी लेदा; ने मेर नी पाकी। 
\v 8 बाकुन थुड़ाक बीज वारलु जागा पर पड़्‌या, ने काहनाक सोव गुणा ने काहनाक सांठ गुणा काहनाक तीस गुणा पाक्‌या।\fig दरीया मां ढंड्‌या पर चहड़ीन ईसु गड़दी काजे सीकाड़े|alt="Jesus teaching the crowd by the sea" src="lb00299c.tif" size="span" copy="Horace Knowles ©" ref="13:2"\fig*
\p
\v 9 जतरा बी सामळी रया, “चे वारु सामळीन समजणु चाहजे!”
\s ईसु दाखलाम सी काय सीकाड़े
\r (मरकुस 4:10-12; लुका 8:9,10)
\p
\v 10 ईसुन चेला धड़े आवीन तीनाक असा पुछ्‌या, “तु माणसे काजे दाखला मां काहा सीकाड़े?” 
\v 11 ईसु हेरा चेला काजे असु जपाप आप्‌यु, तुहुं काजे सरगेन राजेन बारामां सातायली वात समजणेन वाटु जड़लु छे, बाकुन हाल दीसरा माणसेक नी जड़्‌यु। 
\v 12 काहाकी तेरे धड़े छे, तीना काजे आपसे ने तेरे धड़े बेसका हय जासे बाकुन तेरे धड़े काय बी नी हय तीना काजे ज्‌य काय बी तेरे धड़े छे चो बी मांग लीस। 
\v 13 मे हीनु काजे दाखला मां सीकाड़ो; की चे देखता जाय्‌न बी नी देखे ने सामळता जाय्‌न बी नी सामळे, ने नी समजे। 
\v 14 हींद्‌रे बारामां यसायाह ज्‌य भगवानेन अघी सी वात देखाड़ने वाळान पुरी हवे:
\q1 तुहुं कान्‌टा सी ते सामळसु, बाकुन समजसु नी;
\q2 ने डुळा सी देखसु, बाकुन तुहुंक नी पल्‌ले पड़े।
\q1
\v 15 काहाकी हीनु माणसेन मन मटो हय गुयो,
\q2 ने चे कान्‌टा सी जुर सी सामळे,
\q2 ने चे तींद्‌रा डुळा काजे मीच लेदला छे;
\q1 काय असो नी हवे की चे डुळा सी देखे,
\q2 ने कान्‌टा सी सामळे,
\q2 ने मन सी समजे,
\q1 ने पछा फीर जाय,
\q2 मे तीनुक वारु करीस।
\p
\v 16 बाकुन बरकतवाळा छे तुंद्‌रा डुळा, की चे हय वारु देखे; ने बरकतवाळा छे तुंद्‌रा कान्‌टा हय चे वारु सामळे। 
\v 17 काहाकी मे तुंद्‌रे सी छाचलीन कह्‌वो की बेसका\f + \fr 13:17 \fr*\ft बहुत\ft*\f* भगवानेन अघी सी आवणे वाळी वात देखाड़न्‌यान अळी धरमी ने चाह्‌या की जी वाते तुहुं देखु, ची देखे, बाकुन नी देख्‌या; ने ज्‌य वात तुहुं सामळु, ची सामळे, बाकुन नी सामळ्‌या।
\s ईसु किरसाणेन दाखलान मतलब बताड़े
\r (मरकुस 4:13-20; लुका 8:11-15)
\p
\v 18 “हय तुहुं बीज एरने वाळान दाखलान मतलब\f + \fr 13:18 \fr*\ft अर्थ\ft*\f* सामळु। 
\v 19 ज्‌य कुय राजेन बुल सामळीन नी समजे, तेरा मन मां ज्‌य काय बीज एरलो हतलो, तीना काजे च भुतड़ो आवीन भगवानेन बुल हापकीन लीन जाती रवे। जु हयुत छे, ज वाटे धड़े बीज एरलो हतलो। 
\v 20 चापर्‌या वाळी जागा मां पड़ला बीज तीनु माणसेन सहलाणी छे चे भगवानेन बुल सामळतात खुस हय्‌न मान लेय। 
\v 21 बाकुन मुळे उंडा नी हवणेन वजे सी चे थुड़ाक दाहड़ा जीवे, ने जत्‌यार बुलेन वजे सी दुख नीते वेला हवे ती तत्‌यारुत भुरसु करनु छुड़ देय। 
\v 22 जे बीज काटाळस्‌या मां पड़्‌या, चे बीज माणसेन सहलाणी छे जे भगवानेन बुल काजे सामळे ते खरा, बाकुन अळी चे जीवणेन फीकुर करीन ने मातला बन्‌ने हेर करीन भगवानेन बुल काजे दड़पी देय, ने चे फळ नी लावे। 
\v 23 ज्‌य वारलु जागा मां बीज एरलो छे, ज्‌य हयुत छे, भगवानेन बुल काजे सामळीन समजे, ने फळ लावे; कुय सोव गुणा, कुय सांठ गुणा, ने कुय तीस गुणा।”
\s जळ-गहुंन दाखलु
\p
\v 24 ईसु तीनुक एक अळी दाखलु कह्‌यु: “सरगेन राज तीना माणसेन तसों छे, चु तेरा खेत मां वारलु बीज एरलु छे। 
\v 25 बाकुन जत्‌यार माणसे सुवणे बाजी रवला, ती तेरु वेरी आवीन गहुं मां जळ-गहुं एरीन जाती रयु। 
\v 26 जत्‌यार डीरा नीकळे ने पान्‌टा लाग्‌या ती जळ-गहुंन बीज देखाव पड़े। 
\v 27 अतरामा पावर्‌या मालीकेन घर आवीन मालीक काजे कह्‌या, ए मालीक, तु ते तारा खेत मां वारलु गहुंन बीज नी एरलु? ती जळ-गहुंन कसा उंग्‌या? 
\v 28 ईसु तीनुक कह्‌यु, ज काहना वेरीन काम छे। ती पावर्‌या तीनाक पुछ्‌या ‘काय तारी मरजी हय?’ ती हामु जाय्‌न तीनु जळ-गहुं काजे उखाळ देजे। 
\v 29 मालीक कह्‌यु, ‘नी, असा मां करु नीते कांखुर मायन जळ-गहुं भेळा वारलु गहुं बी उखळी जासे। 
\v 30 काटणे लग दुयु काजे एक साते मटा हवणे देवु ने काटणेन टेम मां काटणे वाळा सी कवीस की पेहल जळ-गहुं भेळा करीन धपाड़ने करीन हींद्‌रा गाठड़ा बांद लेवु, ने गहुं काजे मारा खळा मां भेळा करु।’”
\s ईसु रायन दाणान दाखलु दीन सीकाड़े
\r (मरकुस 4:30-32; लुका 13:18,19)
\p
\v 31 ईसु तीना काजे एक अळी दाखलु कह्‌यु: “सरगेन राज रायन दाणान तसों छे, तीना काजे कुय एक माणुस लीन आपणा खेत मां चुप देदु। 
\v 32 च ते दीसरा आखा बीज सी नानो ते देखाये बाकुन जत्‌यार मटो हय जाय तत्‌यार आखा झाड़का सी डाळ बण जाय ती सरगेन चिरला आवीन पुत्‌रा बांदी लेय।”
\s खाण्‌या-सुडान दाखलु
\r (लुका 13:20,21)
\p
\v 33 ईसु तीनुक अळी एक दाखलु: “सामळायु सरगेन राज तीना खाण्‌या-सुडान तसों छे, तीना काजे एक काहनीक बायरी लीन तीन चोवकी पीठा मां भेसकी, ने आखा पीठान खटासो हय ज्‌य।”
\s ईसु दाखलु दीन काहा समजाड़े
\r (मरकुस 4:33,34)
\p
\v 34 ईसु जी आखी वात दाखलु दीन माणसे काजे सीकाड़तेलु, ने तीनुक दाखला पाखुर ईसु तीनुक काय बी नी सीकाड़्‌यु। 
\v 35 की ज बुल भगवानेन अघी सी आवणे वाळी वात देखाड़ने वाळान साहरे असु कह्‌लु,
\q1 “मे दाखलु कह्‌वणे करीन मारो मुंहडो खुलीस;
\q2 मे तीनी वात काजे जी कळी घड़लु ती सी ढाकायली वात उजेंतु कयस।”
\s ईसु गहुं ने जळ-गहुंन दाखलान मतलब समजाड़े
\p
\v 36 तत्‌यार चु टुळा काजे छुड़ दीन घर मां आयु, ने तेरा चेला तेरे धड़े आवीन कह्‌या, “खेतेन जळ-गहुंन दाखलान मतलब काय हवे चो हामुक समजाड़ी दे।”
\p
\v 37 ईसु तीनुक जपाप आप्‌यु, “वारलु बीज एरने वाळु किरसाण, माणसेन पुर्‌यु छे।” 
\v 38 ने खेत जी कळी छे, वारलु बीज भगवानेन राजेन माणसे छे, ने जळ-गहुंन बीज कुहर्‌या वेरीन माणसे छे। 
\v 39 चु वेरी जळ-गहुं एर्‌यु चु भुतड़ु छे; काटणी कळी मां खत्‌तम हवणी छे, ने काटण्‌यु सरग वाळा काहवाळ्‌या छे। 
\v 40 जसा माणसे जळ-गहुं भेळा करीन धपाड़ी देय, तसीत जी कळी खत्‌तम मां हवसे। 
\v 41 माणसेन पुर्‌यु तेरा सरग वाळा काहवाळ्‌या काजे मकलसे, ने चे तींद्‌रा राज मां सी आखा पाप करने वाळा काजे भगवानेन राजेम सी अलग करीन तीनुक भेळा करसे। 
\v 42 ने तीनुक आकठान डहरा धकली देसे, चे माणसे आकठी मां बेसका रड़से ने दात ककड़ावता रवसे। 
\v 43 तीनी टेमे वारलु माणसे आपणा बासेन राज मां दाहड़ान तसा चमकसे। जतरा बी सामळी रया, चे वारु सामळीन समजणु चाहजे।
\s ईसु सातायला धनेन दाखलान साहरे सीकाड़े
\p
\v 44 “सरग वाळा भगवानेन राज खेत मां सातायला धनेन तसों छे, तीनाक काहनाक माणुस काजे जड़्‌यो ने साताड़ी देदु, ने धव हयु ने जाय्‌न तेरो आखो काय हतलो चो वेची देदु ने तीना खेत काजे मुल ली लेय।
\s ईसु बेसका महंग्‌ला मोतीन दाखलान साहरे सीकाड़े
\p
\v 45 “अळी सरगेन राज एक धंदु करने वाळान तसों छे, चु वारलु मोतीन हेर मां हतलु। 
\v 46 जत्‌यार तीना काजे एक बेसका महंगलो मोती जड़ी गुयो, ती हयु जाय्‌न आखो काय हतलो चो वेची देदु, ने तीनी मोती काजे मुल ली लेदु।
\s ईसु माछा धरनी जाळेन दाखलु दीन सीकाड़े
\p
\v 47 “सरगेन राज तीना मटला जाळेन तसों छे, ज दरीया मां नाख्‌यु, ने आखी भातीन माछा काजे सेमटी लावे। 
\v 48 ने जत्‌यार आखी जाळ माछा भराय जाय, ती माछा धरने वाळा तीना काजे भेळा करे, ने बठीन वारलु-वारलु माछी काजे ते ठाहरा मां भेळा कर्‌या, ने रद्‌दी-रद्‌दी काजे नाख देदा। 
\v 49 कळी खत्‌तम हवणेन टेमे बी असोत हवसे। सरग वाळु काहवाळ्‌यु धरती पर आखी दुर जासे, वारलु माणसेन ईचमां सी पापी काजे अलग करसे, 
\v 50 अळी तीनु काजे आकठान डहरा मां नाख देसे। चां चे माणसे तीना आकठान डहरा मां बेसका रड़से ने दात ककड़ावता रवसे।
\s जुन्‌ली ने नवली सीकापणेन मतलब
\p
\v 51 “ईसु तेरा चेला काजे कह्‌यु तुहुं जी आखी वात काजे समजी गुया काय?” चे ईसुक कह्‌या “हव।”
\p
\v 52 ईसु तीनुक कह्‌यु, “तेरेमां एक-एक यहुदी धरमेन कायदु सीकाड़ने वाळु मास्‌तर्‌यु जु सरगेन राजेन चेलु बण्‌यु, तीना घरेन मालीकेन तसु छे, चु आपणा कुठाम सी नवली ने जुन्‌डली चीज नीकाळे।”
\s नासरत सहर वाळा ईसु पर भुरसु नी करे
\r (मरकुस 6:1-6; लुका 4:16-30)
\p
\v 53 जत्‌यार ईसु जु आखु दाखलु कय देदु, ती चां सी जाती रयु। 
\v 54 ने नासरत सहर मां आय्‌न तींद्‌रा भक्‌तीन घर मां तीनुक असु सीकाड़ने बाजी गुयु, ती चे चकराय गुया ने कह्‌णे बाजी गुया, “हीना काजे अतरी अक्‌कल ने ताकुतेन काम करनेन जुर कां सी जड़्‌यु?” 
\v 55 काय जु सुतारेन पुर्‌यु नी हय? ने काय हेरी आयसेन नाव मरीयम, ने तेरा भायसेन नावे याकुप, युसुफ, सीमोन ने यहुदा हेरात भायस छे। 
\v 56 ने हेरी आखी बहणीस हामरे ईचमां ते रवे? ती हीनाक जी अक्‌कल ने जुर कां सी जड़्‌यु? 
\v 57 चे नासरत सहर वाळा, ईसु पर भुरसु नी कर्‌या, तेरेमां ईसु तीनुक कह्‌यु, “भगवानेन अघी सी आवणे वाळी वात देखाड़ने वाळाक आपणा सहर ने आपणात घर मां ईज्‌जत नी जड़े।” 
\v 58 माणसेन नी भुरसा देखीन, ईसु चां बेसका ताकुतेन काम नी कर्‌यु।
\c 14
\s बपतीस्‌मा आपणे वाळा युहन्‌ना काजे हेरोदेस माराड़ देय
\r (मरकुस 6:14-29; लुका 9:7-9)
\p
\v 1 तीनी टेमे गलील जीलान राज करन्‌यु हेरोदेस राजु ईसुन बारामां सामळ्‌यु, 
\v 2 ने हेरा पावर्‌या काजे कह्‌यु, “गुयु युहन्‌ना बपतीस्‌मा आपणे वाळु छे! चु मर्‌या-सर्‌याम सी जीवतु हय ज्‌य, तेरेमां बेसका मटा ताकुतेन काम देखाड़ने बाजी रयु।”
\p
\v 3 काहाकी हेरोदेस राजु हेरा भायस फीलीप्‌युसेन बायरी हेरोदीयासेन वजे, सी युहन्‌ना काजे धरीन बांदीन जेल मां नाख देदा। 
\v 4 काहाकी युहन्‌ना तीना काजे कह्‌लु की भायसेन बायरी काजे राखणु तारे वाटे वारु नी हय। 
\v 5 तेरेमां चु युहन्‌ना काजे माराने हींडी रवलु, बाकुन गड़दी वाळा माणसे सी बीहतेलु काहाकी चे युहन्‌ना काजे भगवानेन अघी सी आवणे वाळी वात देखाड़न्‌यु मानतेला।
\p
\v 6 बाकुन जत्‌यार हेरोदेस राजु पयदा हवलु चु दाहड़ु आयु, ती हेरोदीयासेन पुरे\f + \fr 14:6 \fr*\ft बेटी\ft*\f* हेरोदेस राजु तेरा मेजवान्‌यान ईचमां नाचीन देखाड़ी ने हेरोदेस राजु देखीन खुस हय गुयु। 
\v 7 तेरेसी ज देखीन हेरोदेस राजु सगुन खाय्‌न वायदु कर्‌यु, “जो काय तु मांगसी, च मे तुसेक आप दीस।”
\p
\v 8 हेरी माय हीनीक पेहलुत सीकाड़ देदली, “बपतीस्‌मा आपण्‌या युहन्‌नान मुणको तळी मां हींताळुत मांगाड़ीन आप दे।”
\p
\v 9 हेरोदेस राजु दुखी हयु, बाकुन हेरी सगुन, ने मेजवान्‌यान वजे सी, तीनी पुरेन वात नी काट्‌यु। 
\v 10 हेरोदेस राजु जेल मां युहन्‌नान मुणको काटीन लावु करीन माणसे काजे मकल्‌यु। 
\v 11 ने युहन्‌नान मुणको तळी मां लाया, ने तीनी पुरे काजे आप देदा, मुणको ची पुरे हेरी माय काजे आप देदी। 
\v 12 तत्‌यार युहन्‌नान चेला आया, जी वात सामळीन जेल मां गुया ने तेरा डील काजे ली जाय्‌न गाड़ देदा, ने अळतेन जाय्‌न ईसु काजे खबर कर्‌या।
\s ईसु पांच हजार सी अदु माणसेक खाणो खावाड़े
\r (मरकुस 6:30-44; लुका 9:10-17; युहन्‌ना 6:1-14)
\p
\v 13 जत्‌यार ईसु युहन्‌नान मरनेन खबर सामळ्‌यु, ती ईसु ढंड्‌या पर चहड़ीन चां सी काहनीक सुनसान जागा मां, एखलुत\f + \fr 14:13 \fr*\ft एकांत\ft*\f* जाती रयु। माणसे ज सामळीन सहर-सहर सी नीकळीन ईसु पछळ चाल पड़्‌या। 
\v 14 ईसु ढंड्‌याम सी उतर्‌यु ती एक बेसकु मटु माणसेन टुळु देख्‌यु, ने तीनाक तीनु माणसे पर दया आय, ने तींद्‌रा मांदला काजे वारु कर्‌यु।
\p
\v 15 जत्‌यार सांती वेळाय तेरा चेला ईसु धड़े आवीन कह्‌या, “जी सुन्‌ली जागा छे, ने दाहड़ु ढळ गुयु; तेरेमां हय हीनु माणसे काजे जाणी दे, की जे गांव मां जाय्‌न आपणे-आपणे वाटे रुटा मुल ली लेय।”
\p
\v 16 ईसु चेला काजे कह्‌यु, “हीनुक मकलनु जरुड़ी नी हय! तुहुंत हीनु काजे काहीस खाणे आपु।”
\p
\v 17 चेला ईसुक कह्‌या, “जां हामरे धड़े पांच रुटा ने दुय माछा छे अळी दीसरो काय बी नी हय।”
\p
\v 18 ईसु कह्‌यु, “चे रुटा ने माछा काजे मारे धड़े लावु।” 
\v 19 तत्‌यार ईसु माणसे काजे चारा पर बठणे करीन कह्‌यु, ने तीनु पांच रुटा ने दुय माछा काजे लेदु; ने सरगे भीणी भाळीन भगवान काजे कह्‌यु तु बेसकु वारु छे करीन कह्‌यु, माछा ने पांच रुटा तुड़ी-तुड़ीन चेला काजे आप्‌यु, ने चेला माणसे काजे आप्‌या। 
\v 20 जत्‌यार आखा माणसे खाय्‌न आफरी\f + \fr 14:20 \fr*\ft तुप्त\ft*\f* गुया, ती चेला बचला रुटान टुकड़ा सी बारे चार्‌या भराय गुया। 
\v 21 ने खाणे वाळा बायरा ने पुर्‌या काजे छुड़ीन, पांचेक हजार अदमीत हतला।
\s ईसु पाणी पर चाले
\r (मरकुस 6:45-52; युहन्‌ना 6:15-21)
\p
\v 22 तत्‌यार हयु तत्‌काल हेरा चेला काजे ढंड्‌या पर चहड़ने करीन कह्‌यु, मे माणसे काजे मकलो चां लग पली धड़े जाती रवु। 
\v 23 चु माणसे काजे मकलीन, दुवा करने करीन बयड़ा पर जाती र्‌यु; ने सांतु लग ईसु चां एखलुत हतलु। 
\v 24 तीनी टेमे\f + \fr 14:24 \fr*\ft समय\ft*\f* ढंड्‌यो दरीयान ईचमां सहर सी बेसके छेटे हतलो ने लहर सी अथोन-अथो हालतेलो, काहाकी आहळो सांबो सी आवतेलो।
\p
\v 25 ने ईसु कुकड़ा वासणीक पाणी पर चालीन तींद्‌रे भीणी आयु। 
\v 26 चेला ईसु काजे पाणी पर चालीन आवतेलु देखीन घाबराय गुया। ने आयड़ीन कह्‌या, “जु ते भुतड़ु छे करीन!” ने बीही गुया जुर सी आयड़ने बाजी गुया।
\p
\v 27 तत्‌यार ईसु तीनुक कह्‌यु, “हिम्‌मत राखु! मेत छे, बीहु मां।”
\p
\v 28 पतरस ईसु काजे कह्‌यु, “ए मालीक, कदी तुत छे, ती मेसे तारे धड़े पाणी पर चालीन आवणेन हुकुम आप।”
\p
\v 29 ईसु हुकुम कह्‌यु, “आव!” तत्‌यार पतरस ढंड्‌या पर सी उतरीन ईसु भीणी पाणी पर चालीन जाणे बाजी गुयु। 
\v 30 बाकुन आहळी काजे देखीन बीही गुयु, ने जत्‌यार डुबणे बाजी गुयु ती आयड़ीन कह्‌यु, “ए मालीक मेसे बचाड़!”
\p
\v 31 ईसु तत्‌यारुत हात अगु करीन तीना काजे धर लेदु, “ने कह्‌यु, ए कम भुरसु करन्‌या, तु काहा संक्‌या कर्‌यु?” 
\v 32 जत्‌यार ईसु पतरस भेळु ढंड्‌या मां चड़ गुयु, ती आहळी हुगी रय गुय। 
\v 33 तेरेमां जे ढंड्‌या बठी रवला चेला ईसुन पाये पड़ीन आंध्‌या ने कह्‌या, “छाचलीन, तु भगवानेन पुर्‌यु छे।”
\s ईसु गन्‌नेसरत मां मांदला काजे वारु करे
\r (मरकुस 6:53-56)
\p
\v 34 अळतेन चे पली धड़ गन्‌नेसरत सहर मां आया। 
\v 35 ती चां वाळा माणसे ईसु काजे उळखी लेदु ने आड़े-धड़ेन आखा देस मां खबर मकल्‌या ने आखा मांदला काजे ईसु धड़े लाया, 
\v 36 ने ईसु सी लीलघाय्‌न कह्‌णे लाग्‌या, की चु तीनुक तारा पुथल्‌यान कुर अतरुत छीमणी दे; ने जतरा तीना काजे धर्‌या ने चे वारु हय गुया।
\c 15
\s रीती-भाती पाळनेन सवाल
\r (मरकुस 7:1-13)
\p
\v 1 तत्‌यार यरुसलेम सी थुड़ाक फरीसी माणसे ने यहुदी नीयमेन मास्‌तर्‌या ईसु धड़े आवीन असा पुछ्‌या। 
\v 2 “तारा चेला डाहा-बुड़ा रीती-भाती काजे काहा नी पाळता? ने हीया मुयळा हय बी हात नी धुवे ने रुटा खाय?”\fig यहुदी माणसेन हात धुवणेन रीती-रीवाज|alt="Ceremonial washing" src="lb00280c.tif" size="col" copy="Horace Knowles ©" ref="15:2"\fig*
\p
\v 3 ईसु तीनुक कह्‌यु, “तुहुं तुंद्‌रा डाहा-बुड़ान रीती नेम पाळने करीन भगवानेन हुकुम काहा तुड़ रया?” 
\v 4 काहाकी भगवानेन कवलु, तारा आयस-बासेन अबरु राख्‌जी, ने जे कुय बास नीते माय काजे भुंडात करीन कहें, तीनाक मार नाखु। 
\v 5 बाकुन तुहुं कह्‌वु की कदी कुय आपणा आयस-बास सी असु कय देय, गुयो काय बी मे तुहुंक आप सकतेलु, चो मे भगवान काजे भेट चड़ाय देदु। 
\v 6 असो नी हय की आपणा आयस-बासेन अबरु नी करे, तेरेन तसा तुहुं बी तुंद्‌रा डाहा-बुड़ान रीती सीकाड़ीन भगवानेन बुल काजे टाळ देवु। 
\v 7 ए ढंगड़ा करन्‌या! यसायाह तुंद्‌रे बारामां जी भगवानेन अघी सी आवणे वाळी वात देखाड़्‌यु वारु कवली छे,
\q1
\v 8 जे माणसे मुंहडा पर ते मारी ईज्‌जत करे,
\q2 बाकुन हींद्‌रो मन मारे सी छेटे रवे।
\q1
\v 9 ने जे असलात मारी भक्‌ती करता रवे,
\q2 काहाकी माणसेन रीत काजे भगवानेन कायदु छे, करीन सीकाड़े।
\s माणुस काजे वीटाळने वाळी वात
\r (मरकुस 7:14-23)
\p
\v 10 तत्‌यार ईसु माणसे काजे तेरे धड़े बुलायन तीनुक कह्‌यु, तुहुं आखा मारी “सामळु, ने समजु। 
\v 11 ज्‌य मुंहडा मां जाय, च माणसे काजे नी वीटाळे, बाकुन गुयो मुंहडा सी नीकळे, चत माणसे काजे वीटाळे।”
\p
\v 12 तत्‌यार चेला आवीन ईसु काजे कह्‌या, “काय तु जाणे की फरीसी माणसे काजे ज्‌य बुल सामळीन तीनुक वारु नी लाग्‌यो?” 
\v 13 ईसु जपाप आप्‌यु, “ज रुपो मारु सरगेन बास नी चुप्‌यु, तीनाक उखाळी नाख देसे। 
\v 14 हीनु काजे रहणी देवु; जे आंदळा छे, ने आंदळा कदी आंदळा काजे वाट देखाड़े ती दुयु डहरा मां कुद पड़से।”
\p
\v 15 जी वात सामळीन पतरस ईसु काजे कह्‌यु, माणसेन मुंहडाम कथो नीकळे च माणुस काजे वीटाळ देय च काय छे, “जु दाखलु हामु काजे समजाड़ दे।”
\p
\v 16 ईसु कह्‌यु, “काय तुहुं बी हय लग नी पल्‌ले नी पड़्‌यो काय? 
\v 17 काय तुहुं नी जाणु की ज्‌य काय मुंहडा मां जाय च पेट मां पड़े ने बाहरा बठणे जाय ती नीकळी जाय? 
\v 18 बाकुन ज्‌य काय मुंहडाम सी नीकळे, ची वात माणसेन मन सी नीकळे, ने जीत वात माणसे काजे वीटाळ देय। 
\v 19 काहाकी भुंडला वीच्‌यार माणसेम सी हव तींद्‌रा मनेम सी नीकळे, हत्‌या, बायरी साते भुंडोत काम छीनाळो, झुटी गवाय ने वाक नीकाळनु मन मां सी नीकळे। 
\v 20 आखी भुंडीत वात माणसेन मन मां सी नीकळे, बाकुन हात नी धुवे ने रुटा\f + \fr 15:20 \fr*\ft रोटी\ft*\f* खाय ती माणुस काजे नी वीटाळे।”
\s कनानी जातीन बायर, पाक्‌कु भुरसु करीन ईसु धड़े दुवा करे
\r (मरकुस 7:24-30)
\p
\v 21 ईसु चां सी नीकळीन, सुर ने सेदा ईलाका भीणी जाती रयु। 
\v 22 तीना परदेस सी एक कनानी जातीन बायरी नीकळीन आवी, ने आयड़ीन-आयड़ीन कवती रय, “ए मालीक! दावुदेन अवल्‌यात, मार पर दया कर! मारी पुरेन भुतड़ु चस्‌टी रयु, ने ची बेसकी एला कर रय।”
\p
\v 23 बाकुन ईसु तीनी काजे काय बी जपाप आप्‌यु। तत्‌यार ईसुन चेला ईसुन्‌चां आवीन ईसु सी लीलघाय्‌न कह्‌या की “हीनीक मकली, काहाकी हयी हामरे पछळ आयेड़ती-आयेड़ती आय रय।”
\p
\v 24 ईसु जपाप आप्‌यु, “भगवान मेसेक ईस्‌रायेली जातीन माणसेन्‌चां अतरुत मकली रयु, जे खुवायला गाडरान तसा छे, ने भगवान सी छेटे हय रया।”
\p
\v 25 बाकुन ची बायरी आयन, ने ईसु काजे आंधीन कह्‌णे बाजी गुय, “ए मालीक मारी मदत कर।”
\p
\v 26 बाकुन ईसु दाखलान साहरे तेरु भुरसु देखीन जपाप आप्‌यु, “पुर्‌या धड़े सी रुटु लीन कुतरा अगळ नाखणु वारु नी हय।”
\p
\v 27 ची बायरी बी तीनाक दाखला मां एक कड़ी जुड़ीन जपाप आपी, “छाचलीन वात छे मालीक! तेबी कुतरा मालीकेन ईस्‌टाळा रुटान बटका ते खाय लेय।”
\p
\v 28 तेरी वात सामळीन ईसु तीनी काजे जपाप आप्‌यु, “ए बायरी, तारु भुरसु बेसकु मटु छे। तारी मरजी पुरी हवे।” ने तत्‌यारुत तेरी पुरे वारु हय गुय।
\s आखी भाती-भातीन मांदला माणसे काजे वारु करनु
\p
\v 29 ईसु चां सी जात रयु, ने गलील दरीया धड़े पुगीन, एक बयड़ा पर चहड़ीन बठ गुयु। 
\v 30 तत्‌यार बेसका माणसेन टुळा की टुळा ईसु धड़े आया। चे आपणे साते लंगड़ा, आंदळा, गुंगा, ठटळ्‌या ने दीसरा मांदला काजे ईसु धड़े लाया, ने तीनुक ईसुन पाये पर नाख देदा, ने ईसु तीनुक वारु कर्‌यु। 
\v 31 जत्‌यार माणसे देख्‌या की गुंगा बुलने बाजी गुया, ने ठटळ्‌या वारु हय जाय, ने भागड़ा चाले, ने आंदळा देखे ती ज्‌य देखीन चकराय गुया ने ईस्‌रायेली जातीन भगवानेन बड़ाय कर्‌या।
\s ईसु चार हजार माणसे काजे खाणो खावाड़े
\r (मरकुस 8:1-10)
\p
\v 32 तत्‌यार ईसु तेरा चेला काजे साते बुलायु ने कह्‌यु, “मेसेक ईनु माणसे टुळा पर दया आवे, काहाकी जे तीन दाहड़ा लग मार साते छे, ने हींद्‌रे धड़े खाणे काय बी नी हय। मे तीनुक भुकला पछा मकलने नी चाहतु, काय असो नी हय जाय की वाटेत झामा खाय्‌न हीट पड़से।”
\p
\v 33 तेरा चेला ईसु काजे कह्‌या, “हामु काजे हीना उजाड़्‌या बयड़ा मां ईनु माणसेक खावाड़ने करीन अतरा रुटा कां सी लावजे?” 
\v 34 ईसु तीनु काजे पुछ्‌यु, “तुंद्‌रे धड़े कतरा रुटा छे।” चे कह्‌या, “सात रुटा, ने थुड़ाक नानला माछा छे।”
\p
\v 35 तत्‌यार ईसु माणसे काजे भुयमां बठणेन हुकुम आप्‌यु। 
\v 36 ने तीनु सात रुटा ने माछा काजे हात लेदु। ने तु बेसकु वारु छे करीन भगवान काजे कह्‌यु, ने भांजी-भाजीन हेरा चेला काजे आपतु गुयु ने चेला माणसे काजे वाटता गुया। 
\v 37 आखा खाय्‌न आफरी गुया ने चेला बचला टुकड़ा सी सात चार्‌या भर्‌या। 
\v 38 खाणे वाळा बायरा ने पुर्‌या काजे छुड़ीन चार हजार अदमी\f + \fr 15:38 \fr*\ft पुरुष\ft*\f* हतला।
\p
\v 39 तत्‌यार ईसु माणसेन टुळा काजे मकलीन ढंड्‌या मां बठीन, ने मगदन मुलके मां जाती रयु।
\c 16
\s फरीसी माणसे ने सदुकी ईसु धड़े सरगेन सहलाणीन मांग करे
\r (मरकुस 8:11-13; लुका 12:54-56)
\p
\v 1 फरीसी माणसे ने सदुकी माणसे ईसु धड़े आया, ईसु काजे पारखणे करीन असा पुछ्‌या, “हामुक सरगेन काहींग सहलाणी देखाड़ तत्‌यार हामु तार पर भुरसु करजे की तु भगवानेन अगु सी आवलु छे।” 
\v 2 ईसु तीनुक कह्‌यु, “सांती वेळाय तुहुंक कहं, ‘मुसुम वारु रवसे, काहाकी सरग रातलो छे।’ 
\v 3 ने संदारे एगात कह्‌वे, ‘आज आंधी आवसे, काहाकी सरगे रातलो आदळो छावाय रयो।’ तुहुं सरग भीणी देखीन जाण लेवु, बाकुन तुहुं हीनी टेमेन सहलाणीन बारामां राज काजे देखीन नी जाणाये। 
\v 4 हीनी पीड़ीन भुंडा ने छीनाळ्‌या माणसे सहलाणी हेरे, बाकुन योनान सहलाणी काजे छुड़ीन\f + \fr 16:4 \fr*\ft छोड़कर\ft*\f* तुहुंक अळी काय बी सहलाणी नी जड़े।”
\p जी वात कय्‌न ईसु तीनुक छुड़ीन हेरा चेला पुठ्‌ये दीसरे जागे जाती रयु।
\s ईसु फरीसी माणसे ने सदुकी सीकापण सी चेतीन रवजु करीन सीकाड़े
\r (मरकुस 8:14-21)
\p
\v 5 चेला दरीयान पली धड़े गुया, बाकुन चे रुटा ली जाणु वीसरी गुयला। 
\v 6 ईसु तीनुक कह्‌यु, “देखु, फरीसी माणसे ने सदुकी पंथवाळा खाण्‌या-सुडा सी चेतीन रवजु।”
\p
\v 7 चे आपसा-आपसा कह्‌णे बाजी गुया, “आपणु रुटा नी लाया तेरेमां ईसु असु कय रयु।”
\p
\v 8 ईसु तींद्‌रा वीच्‌यार काजे जाणीन कह्‌यु, “कम भुरसु करने वाळा, तुहुं तुंद्‌रा मन मां असा काहा वीच्‌यार करु की रुटा नी लाया करीन ईसु असु कर रयु? 
\v 9 काय तुहुं हाल लग नी समज्‌या? काय तुहुं काजे तीनु पांच हजारेन पांच रुटा हेर नी आवता, तीने टेमे तुहुं कतरा मटला चार्‌या भरला? 
\v 10 मे तीनु चार हजार माणसे काजे सात रुटा, आफरीन खावाड़लु तीने टेमे तुहुं कतरा चार्‌या भरला? 
\v 11 तुहुं काहा नी समजता की, मे तुहुंक रुटान बारामां जो नी कह्‌यु, बाकुन मे ते फरीसी माणसे ने सदुकी माणसेन खाण्‌या-सुडा सी चेतीन रवजु करीन कह्‌यु।”
\p
\v 12 तत्‌यार चे समजी गुया की ईसु, रुटान पीठाम भेसकण्‌या खाण्‌या-सुडान बारामां सी नी, बाकुन, फरीसी माणसे ने सदुकी सीकापण सी चेतीन\f + \fr 16:12 \fr*\ft सावधान\ft*\f* रवजु करीन कवलु।
\s पतरस ईसु काजे मसी माने
\r (मरकुस 8:27-30; लुका 9:18-21)
\p
\v 13 ईसु केसर्‌या फीलीप्‌या परदेस मां आयु, ने हेरा चेला सी पुछणे आपसान बारामां असु पुछ्‌यु, “माणसे माणसेन पुर्‌या काजे काय कय रया?” 
\v 14 चे कह्‌या, “काहनाक ते युहन्‌ना बपतीस्‌मा आपणे वाळु कह्‌वे, ने काहनाक एलीयाह, ने काहनाक यीर्‌मयाह नीते भगवानेन अघी सी आवणे वाळी वात देखाड़न्‌या मां सी काहनुक एक हसे करीन कहें।”
\p
\v 15 ज सामळीन ईसु तीनुक कह्‌यु, “बाकुन तुहुं मेसे काजे काय कह्‌वु?” 
\v 16 सीमोन पतरस कह्‌यु, “तु जीवता भगवानेन पुर्‌यु मसी छे।”
\p
\v 17 ईसु तीना पतरस काजे कह्‌यु, “ए सीमोन, योनान पुर्‌या, तु वारु छे; काहाकी सीकार ने लुही नी, बाकुन मारु बास सरगे मां छे, चु जी वात तुसे बताड़्‌यु। 
\v 18 ने मे तुसेक कहं की तु पतरस छे, ने मे हीना दगड़ा पर आपणी मंडळी बणावीस, ने पाताळेन जुर तीना पर जुर नी कर सके। 
\v 19 मे तुसे काजे सरगेन राजेन कुची आपीस, ने ज काय तु कळी पर बांदीस, च सरगे मां बांदायसे, ने ज काय तु धरती पर छुड़सी, च सरग मां उघड़से।”
\p
\v 20 तत्‌यार ईसु आखा चेला काजे चेताय्‌न कह्‌यु, की कुयक बी घुण कहुं की मे मसी छे।
\s ईसु आपसान मर्‌या-सर्‌याम सी जीवतु हवणेन बारामां पेहलु कवे
\r (मरकुस 8:31-33; लुका 9:22)
\p
\v 21 तीनी टेमे सी ईसु आपणा चेला काजे समजाड़ने बाजी गुयु, “जरुरी छे की, मे यरुसलेम मां जाम ने डाहा-बुड़ा माणसे, ने मुख्‌या पुजारान, ने यहुदी नीयमेन मास्‌तर्‌या मेसे काजे एला पाड़से, ने मार नाखसे; ने तीसरे दाहड़े मे मर्‌या-सर्‌याम सी जीवतु हय जायस।”
\p
\v 22 पतरस ईसु काजे अगु ली जाय्‌न असु कय्‌न लड़्‌यु, “भगवान असु नी करे! मालीक तारे साते असो कदी नी हवे।”
\p
\v 23 ईसु पछु फीरीन पतरस काजे कह्‌यु, “ए भुतड़ा, मारे धड़े सी छेटु जाती रव! तु मारे वाटे अड़चन बण रयु, काहाकी तु ते भगवानेन वात पर नी, बाकुन माणसेन वात पर मन लागाड़ीन कहणे बाजी रयु।”
\p
\v 24 तत्‌यार ईसु हेरा चेला काजे असु कह्‌यु, “कदी कुय मारु चेलु बणीन मारे पछळ आवणे हींडे, ती आपणे आप काजे भुल जाय ने आपसान कुरुस हाकलीन, मारा कह्‌याम चालनु पड़से। 
\v 25 काहाकी जु कुय बी आपणा जीव काजे बचाड़ने चाहसे, चु तेरा जीव काजे खुय देसे, ने जु कुय बी मारे वाटे जीव खुवसे, चु तीना जीव काजे हेर लेसे। 
\v 26 कदी माणुस आखी कळीन चीज काजे हेर लेय, ने आपसान जीव काजे खुय देय, ती तीना काजे काय फायदु जड़से? नीते माणुस आपणा जीवनेन आवजी मां काय आपसे। 
\v 27 माणसेन पुर्‌यु आपणा सरग काहवाळ्‌या साते आपणा बासेन सेक-सींगार मां आवसे, ने तीनी टेमे हीयु आखा काजे हींद्‌रा काम काजे देखीन ईनाम आपसे ने ते तीनु माणसेक डंड जड़से। 
\v 28 मे तुंद्‌रे सी छाचलीन कहं, की जे जां उबा हय रया, माणसे मां सी काहनाक असा छे, की जां लग माणसेन पुर्‌या काजे तेरा राज मां आवतेलु नी देखी नी लेय, तत्‌यार लग नी मरे।”
\c 17
\s ईसुन सीकु बदली जाय ने चु मुसा ने एलीया साते वात करे
\r (मरकुस 9:2-13; लुका 9:28-36)
\p
\v 1 छव दाहड़ा हय गुया ने अळतेन ईसु पतरस ने याकुप ने तेरा भायस युहन्‌ना काजे पुठ्‌ये ली लेदु, ने तीनुक अगु एक मटला बयड़ा पर ली गुयु। 
\v 2 तींद्‌रे अगळ ईसुन सीकु बदली गुयु, ने तेरो मुंहडो दाहड़ान तसों चमकणे बाजी गुयो, ने तेरा पुथल्‌या वीजाळान तसा चमकणे बाजी गुया। 
\v 3 ने तीनु चेला काजे मुसु ने एलीयु ईसु साते वात करतेला देखाव पड़्‌या।
\p
\v 4 तेरेसी पतरस ईसु काजे कह्‌यु, “ए मालीक, आपणो जां रहणु वारु छे! कदी तारी मरजी हय ती मे जां तीन खपड़ी बणाय दम; एक तारे वाटे, ने एक मुसा वाटे, ने एक एलीया वाटे।”
\p
\v 5 चु ज कवणेत बाजी रवलु ने एक वीजाळो आदळो तीनुक ढाक लेदो, ने तीना आदळा मां सी ज सामळ्‌या, “जु मारु लाटेक्‌लु पुर्‌यु छे, हेरेसी मे बेसकु खुस छे: हेरीत वात सामळीन मानु!”
\p
\v 6 चेला असा सामळीन मुंहडान भुरसे पड़्‌या, ने बेसका बीही गुया। 
\v 7 तत्‌यार ईसु धड़े आवीन तीनुक कह्‌यु, “उठु, बीहु\f + \fr 17:7 \fr*\ft डरो\ft*\f* मां।” 
\v 8 तत्‌यार चे उचा भाळ्‌या, ती चां ईसु अतरुत देखाव पड़्‌यु।
\p
\v 9 जत्‌यार ईसु तीने बयड़े सी उतरने बाजी रवलु ती तीनु चेलाक हुकुम आपीन असु कह्‌यु, “जत्‌यार लग माणसेन पुर्‌यु मर्‌या-सर्‌याम सी जीवतु नी हवे, तत्‌यार लग ज काय बी तुहुं देखला छे च कुय काजे घुण कह्‌वु।”
\p
\v 10 मरनेन वात काटणे करीन चेला ईसुक असा पुछ्‌या, “ती यहुदी नीयमेन मास्‌तर्‌या काहा कह्‌वे की एलीयान पेहेल आवणु टाकलो छे?” 
\v 11 ईसु तीनुक जपाप आप्‌यु, “हव, असो लिखलो छे की एलीयु छाचलीन आवसे, ने आखो काय सुदारसे। 
\v 12 बाकुन मे तुंद्‌रे सी कह्‌वो, की एलीयु आय गुयु, ने माणसे तीना काजे नी उळख्‌या; बाकुन जसों चाह्‌या असोत तेरे साते कर्‌या। हीनी रीत सी माणसेन पुर्‌यु बी हींद्‌रे हात सी दुख हाकलसे।”
\p
\v 13 तत्‌यार चेला ज समजी गुया की ईसु आपणु काजे युहन्‌ना बपतीस्‌मा आपणे वाळान बारामां कवणे बाजी रयु।
\s ईसु भुतड़ान आत्‌मा सी भरायला पुर्‌या काजे वारु करे
\r (मरकुस 9:14-29; लुका 9:37-43)
\p
\v 14 ने जत्‌यार ईसु ने तीन चेला बयड़े सी उतरीन माणसेन टुळु वाट देख रवलु ती, ती एक माणुस ईसु धड़े आयो, ने मांडा टेकीन कह्‌यु, 
\v 15 “ए मालीक, मारा पुर्‌यु पर दया कर! काहाकी तीना काजे मीरगीन मांदवाड़ छे, ने चु बेसकु एला करे; ने पछुत-पछु आकठा मां ने पाणी मां पड़ जाय। 
\v 16 मे हीना काजे तारा चेला धड़े लावलु, बाकुन चे वारु कर नी सक्‌या।”
\p
\v 17 तीनाक असु कवतेला सामळीन ईसु चां भेळा हय रवला आखा माणसेक कह्‌यु, “ए भुरसु नी करने वाळा, मे कत्‌यार लग तुंद्‌रे साते रवीस? कत्‌यार लग तुहुंक सेण करतु रवीस? हीना पुर्‌या काजे मारे धड़े लावु।” 
\v 18 तत्‌यार ईसु तीना भुतड़ान आत्‌मा काजे लड़्‌यु, ने ची तीना पुर्‌या मां सी नीकळी गुय; ने चो पुर्‌यो तत्‌यारुत वारु हय गुयो।
\p
\v 19 अळतेन ईसु एखलुत हतलु तत्‌यार हेरा चेला आवीन तीनाक पुछ्‌या, “हामु हीना भुतड़ा काजे काहा नी नीकाळ सक्‌या?” 
\v 20 ईसु तीनुक कह्‌यु, “तुंद्‌रा भुरसु नी हवणेन वजे सी, काहाकी मे तुंद्‌रे सी छाचलीन कह्‌वो, कदी तुंद्‌रु भुरसु रायन दाणान बराबर बी रवसे, ती हीना बयड़ा सी कवसु, जां सी सरकीन वां जाती रव, जां सी सरकीन छेटु हय जासे; ने काय बी वात तुंद्‌रे वाटे नी हवे असी नी रवे। 
\v 21 बाकुन जी भुतड़ान जातीन दुवा\f + \fr 17:21 \fr*\ft प्रार्थना\ft*\f* ने उपास पाखुर नी नीकळे।”
\s ईसु दीसरी कावा हेरा बारामां दुखेन ने मर्‌या-सर्‌याम सी जीवतु हवणेन बारामां कवे
\r (मरकुस 9:30-32; लुका 9:43-45)
\p
\v 22 जत्‌यार चे भेळा हय्‌न गलील जीला मां आया, ती ईसु हींद्‌रे सी कह्‌यु, “माणसेन पुर्‌यु माणसेन हात मां धराय जासे। 
\v 23 ने माणसे तीनाक मार नाखसे, ने चु तीन दाहड़ा मां मर्‌या-सर्‌याम सी जीवतु हय जासे।”
\p ज सामळीन चेला काजे बेसको दुख लाग्‌यो।
\s ईसु ने पतरस मंदीरेन फाळु आपे
\p
\v 24 तत्‌यार चे कफरनहुम सहर मां गुया ती मंदीरेन फाळु मांगणे वाळा पतरस धड़े आवीन पुछ्‌या, “तुंद्‌रु मास्‌तर मंदीरेन फाळु नी आप्‌तु काय?” 
\v 25 पतरस कह्‌यु, “हव, आपे।”
\p जत्‌यार चु घर मां आयु, ती ईसु पतरस काजे पुछणे सी पेहलुत ईसु तीना काजे पुछ्‌यु, “ए सीमोन तु काय वीच्‌यार रयु? हीनी कळीन राजा फाळु काहना माणसे सी लेय आपसान पुर्‌या सी की दीसरा माणसे सी फाळु लेय?” 
\v 26 पतरस ईसु काजे कह्‌यु, “दीसरा माणसे सी।” ईसु पतरस काजे कह्‌यु, “ती पुर्‌या काजे फाळु नी आपणु पड़े। 
\v 27 बाकुन तेबी आपणु हीनु माणसे काजे नराज नी करता, तु दरीया धड़े जाय्‌न गळी नाख, ने जी माछी पेहेल नीकळे, हीनीक लीन; तेरो मुंहडो उघाड़ने सी तुसे काजे एक सीक्‌कु जड़से, तीना सीक्‌का काजे लीन मारे ने तारे वाटेन करीन आप देजी।”
\c 18
\s ईसु ज देखाड़े की भगवानेन नींगा मां मटु कुण छे?
\r (मरकुस 9:33-37; लुका 9:46-48)
\p
\v 1 तीनी टेमे चेला ईसु धड़े आवीन पुछ्‌या, “सरग वाळा भगवानेन राज मां आखा सी मटु कुण छे?” 
\v 2 तत्‌यार ईसु एक नानला पुर्‌या काजे धड़े बुलायन हींद्‌रे ईचमां उबु कर्‌यु, 
\v 3 ने कह्‌यु, “मे तुंद्‌रे सी छाचलीन कहं की जत्‌यार लग तुहुं पाप भीणी सी मन नी फेरवु चां लग तुहुं हीना नानला पुर्‌यान तसा नी बणु, तत्‌यार लग तुहुं सरगेन राज मां नी जाय सकु।” 
\v 4 जु कुय बी आपसा काजे हीना नानला पुर्‌यान\f + \fr 18:4 \fr*\ft बालक\ft*\f* तसु नानलु बणसे, चु सरग वाळा भगवानेन राज मां आखा सी मटु बण जासे। 
\v 5 ने जु कुय बी मारा नाव सी एक असला नानला पुर्‌यान आव-भाव\f + \fr 18:5 \fr*\fq आव-भाव \fq*\ft ग्रहण\ft*\f* करसे, चु मारु आव-भाव करे।
\s पाप करनेन पारख
\r (मरकुस 9:42-48; लुका 17:1,2)
\p
\v 6 “बाकुन जु कुय बी हीनु नानला मां सी जे मारे पर भुरसु करे ने एक काजे ठुकर खावाड़ेन वजे बणे, तेरे वाटे ते ज वारु छे की मट्‌ली घट्‌टीन पुड़ तेरे गळा मां बांदीन, नेचु उंडला समुदर मां डुब जाय। 
\v 7 ठुकरेन वजे हीनी कळी पर बेसकी दुखेन वात छे! पापेन वजे ते बन्‌नु छे, बाकुन बेसकी दुखेन वात छे तीना माणुस वाटे तेरे साहरे पापेन उत्‌तर बणे।
\p
\v 8 “कदी तारु हात नीते तारु पाय तुसेक ठुकर खावाड़से, ती तीना काजे काटीन नाख दे, चो तारे वाटे वारु छे, ने लुला नीते भागड़ा हय्‌न जीवनेन राज मां भरायणु तारे वाटे वारु छे, नीते दुय हात ने दुय पाय रवे तेबी तु अमरेन नरकेन आकठा मां नाखाय जाय। 
\v 9 कदी तारा डुळा तुसेक ठुकर खावाड़से, ती तीना काजे नीकाळीन नाख दे, ने काणु हय्‌न जीवनेन राज मां भरायणु तारे वाटे वारु छे, नीते दुय डुळा रवे ने तु नरकेन आकठा मां नाखाय जाय।
\s खुवायला गाडरान दाखलु
\r (लुका 15:3-7)
\p
\v 10 “देखु, तुहुं हीनु नानला मां सी काहनाक काजे नानु घुण समजे, काहाकी मे तुंद्‌रे सी कह्‌वो की सरग मां हींद्‌रा सरग वाळा काहवाळ्‌या मारा सरगेन बासेन मुंहडो जलम देखे। 
\v 11 काहाकी माणसेन पुर्‌यु तीनु काजे हेरने करीन आवलु छे, चे भगवान सी छेटे हय्‌न खुवाय गुयला छे।
\p
\v 12 “तुंद्‌रु काय वीच्‌यार छे? कदी काहनाक माणसेन सोव गाडरा रवे; ने तींद्‌रे मां सी एक खुवाय जाय, ती काय चु एक कम सोव गाडरा काजे रहणीदीन, बयड़ा पर जाय्‌न तीनु खुवायला काजे नी हेरे? 
\v 13 ने कदी असो हवे की चु तीना काजे जड़ जाय, ती मे तुहुंक छाचलीन कह्‌वो की हयु तीनु एक सोव गाडरा सी अतरु खुस नी हवे, जतरु एक गाडरा सी खुस हवसे। 
\v 14 असुत तुंद्‌रा सरग वाळा बासेन मरजी जीत छे, असी मरजी नी हय की हीनु नानला मां सी एक बी खत्‌तम हय जाय।
\s गुनाळा साते वेहवार
\p
\v 15 “कदी तारु भाय तारे वीरुद मां गुनु करे, ती जां अलग ली जाय्‌न वात करीन तीनाक समजाड़; कदी चु तारी सामळे ती, तु तारा भायस काजे हेर लेदु। 
\v 16 कदी चु नी सामळे, ती अळी एक नीते दुय जणा काजे साते लीन जां, की ‘एक-एक गुनु दुय नीते तीन जणान गवा छाचली हय जाय असो चुखली-सास्‌तुर मां लिखलो छे।’ 
\v 17 कदी चु तींद्‌री बी नी माने, ती मंडळी मां कय दे, बाकुन कदी हयु वां बी नी माने ती तु तीना काजे नी-यहुदी ने फाळु लेणे वाळान तसु जाण।
\s रुकणु ने जागु आपणु
\p
\v 18 “मे तुहुंक छाचलीन कह्‌वो, ज काय तुहुं कळी पर बांदसु, च सरग मां बांदायसे, ने ज काय तुहुं कळी पर उघाड़सु, च सरग मां उघड़से।
\p
\v 19 “अळी मे तुंद्‌रे छाचलीन सी कहं, कदी तुंद्‌रे मां सी दुय जणा धरती पर काहनीक वात वाटे एक मन्‌या हय्‌न मांगसे, ती च मारा बास भीणी सी जु सरग मां छे, हींद्‌रे वाटे हय जासे। 
\v 20 काहाकी जां दुय नीते तीन मारा नाव सी भेळा हवसे, ती मे तींद्‌रे ईचमां रव।”
\s माफ नी करने वाळा पावर्‌यान दाखलु
\p
\v 21 तत्‌यार पतरस धड़े आवीन ईसु सी कह्‌यु, “ए मालीक, कदी मारु भाय गुनु करतुत रवे, ती मे कतरा कावा तीना काजे माफ करीस? काय सात कावा लग?” 
\v 22 ईसु पतरस काजे कह्‌यु, “मे तारे सी ज नी कव की सात कावा लग, बाकुन सात कावा नी बाकुन सत्‌तर गुणा लग माफ करजी।
\p
\v 23 “तेरेमां सरगेन राज, तीना राजान तसों छे, चु आपणा पावर्‌या सी लेखु लेणे चाहे। 
\v 24 जत्‌यार चु लेखु लेणे बाजी गुयु, ती तेरे अगळ एक जणाक लाया, तेरे पर राजान कुरुड़ु रुप्‌यान करजु हतलु। 
\v 25 बाकुन करजु छुटणे तेरे धड़े काय नी हतलो, ती मालीक कह्‌यु, गुयु हेरी बायर, ने पुर्‌या-पारी अळी ज काय तारो छे, आखो वेच दम, ने करजु देवाय जासे। 
\v 26 तत्‌यार चु पावर्‌यु पाय मां पड़ीन मालीक काजे आंध्‌यु ने कह्‌यु, ‘ए मालीक दम धर, मे आखो काय छे चो आप दीस।’ 
\v 27 तत्‌यार तीना पावर्‌यान मालीक दया करीन तेरा करजा काजे माफ कर देदु, ने तीना काजे छुड़ देदु ने।
\p
\v 28 “बाकुन जत्‌यार चु पावर्‌यु बाहार नीकळ्‌यु, ती तेरु साते वाळु पावर्‌या मां सी एक जणु तीना काजे भेळु हयु, चु तेरा सोव चांदीन रुप्‌यान करजा वाळु हतलु; चु तीना काजे धर्‌यु ने तेरो गळु चीपदीन कह्‌यु, ‘ज्‌य काय बी तारे पर करजु छे चु आप देजी।’ 
\v 29 तेरेसी तेरु साते वाळु पावर्‌यु भुयमां पड़ीन लीलघाय्‌न कह्‌यु, ‘दम धर, मे मारु आखु करजु आप दीस।’ 
\v 30 चु नी मान्‌यु, बाकुन जाय्‌न तीना काजे जेल मां नाख देदु की जत्‌यार लग चु करजु नी आप देय तत्‌यार जात रवसे। 
\v 31 तेरे साते वाळा दीसरा पावर्‌या ज्‌य हयो च देखीन दुखी हया, ने जाय्‌न तींद्‌रा मालीक काजे आखी वात कय देदा। 
\v 32 तत्‌यार तेरु मालीक तीना पावर्‌या काजे बुलायु ने कह्‌यु, ‘ए भुतड़ा पावर्‌या, तु जु मारे सी लीलघाय्‌न कह्‌यु, ने मे तारु आखु करजु माफ कर देदु। 
\v 33 ती जसु मे तार पर दया कर्‌यु, असुत काय तु बी तारा साते वाळा पावर्‌या पर दया नी करनु चाहजे।’ 
\v 34 ने तेरु मालीक रीसवाय गुयु ने तीना काजे डंड देणेवाळान हात मां आप देदु, की जत्‌यार लग चु आखु करजु नी आप देय, तत्‌यार लग हींद्‌रा हात मां रवे।
\p
\v 35 “हीनीत रीते कदी तुंद्‌रे मां सी कुय आपणा भाय काजे मन सी माफ नी करे, ती मारु\f + \fr 18:35 \fr*\ft मेरा\ft*\f* बास सरगे मां छे, तुहुंक बी माफ नी करे।”
\c 19
\s ईसु सीकाड़े की लाडी कदी नी छुड़नु चाहजे
\r (मरकुस 10:1-12)
\p
\v 1 जत्‌यार ईसु जी वात कय देदलु, ती गलील जीला मां जाती रयु; ने यरदन नदीन पली धड़े यहुदीया जीला मां गुयु। 
\v 2 तत्‌यार माणसेन मट्‌लु टुळु ईसु पछळ चाली पड़्‌यु, ने ईसु चां मांदला माणसे काजे वारु कर्‌यु।
\p
\v 3 तत्‌यार फरीसी माणसे ईसुन पारख करने ईसु धड़े आवीन पारखणे करीन असा पुछ्‌या, “काय काहना बी उत्‌तर सी आपणी बायर काजे छुड़नु वारु छे?” 
\v 4 ईसु कह्‌यु, “काय तुहुं चुखली सास्‌तुर मां नी भण्‌या की, जु तीनुक बणायु चु सुरु सी अदमी ने बायरी काजे बणायु। 
\v 5 ईनी वजे सी माणुस आपणा आयस-बास सी अलग हयन, आपसी बायरी साते रवसे ने चे दुयु जणा एक डील बणीन रवसे। 
\v 6 अळतेन चे हय सी दुय नी, बाकुन एक डील छे। तेरेमां तीनाक भगवान जुड़लु छे, तीना काजे माणुस अलग नी करे।”
\p
\v 7 चे ईसु काजे पुछ्‌या, “ती मुसु ज्‌य काहा हुकुम आप्‌यु की छुड़णेन चिट्‌ठी आपीन घरवाळीक छुड़नु?” 
\v 8 ईसु तीनुक कह्‌यु, “मुसु तुंद्‌रे मनेन कयड़ाळा वजे सी तुहुंक आपणी-आपणी बायर काजे छुड़ देणेन हुकुम आप्‌यु, बाकुन सुरु सी असो नी हय। 
\v 9 ने मे तुंद्‌रे सी कह्‌व की, जे दीसरान उतरेन वजे सी आपणी बायर काजे छुड़ीन दीसरी सी ईयाव करे चु छीनाळो करे ने जे हीनी छुल्‌ली सी ईयाव करसे चु बी छीनाळो करे।”
\p
\v 10 चेला ईसुक कह्‌या, “कदी अदमीन बायर साते असु वेहवार छे, ती ईयाव करनु वारु नी हय।”
\p
\v 11 ईसु तीनुक कह्‌यु, “आखा जणा जी सीकापण हुकारी नी सके तीनु काजे अतरुत ज्‌य वाटु आपलु छे। 
\v 12 काहाकी काहनाक हीजड़ा असा छे, जे मायन पेट मां सी असा पयदा हवला छे; ने काहानाक हीजड़ा असा छे, तीनुक माणसे हीजड़ु बणाया; ने काहानाक हीजड़ा असा छे, चे सरगेन राज वाटे आपसा काजे हीजड़ा बणावला छे। जे तीना काजे हुकार सके चे हुकार लेय।”
\s ईसु नानला पुर्‌या काजे संयबरकत आपणु
\r (मरकुस 10:13-16; लुका 18:15-17)
\p
\v 13 तीनी टेमे थुड़ाक माणसे नानला पुर्‌या काजे ईसु धड़े लाया; की चु हींद्‌रे पर हात मेले ने दुवा करे, ईसुन चेला तीनु माणसेक लड़्‌या। 
\v 14 ईसु कह्‌यु, “पुर्‌या काजे मारे धड़े आवणे देवु, ने हीनुक मां रुकु, काहाकी सरग वाळा भगवानेन राज असलात छे।”
\p
\v 15 ने चु पुर्‌या पर हात मेलीन संयबरकत आपीन चां सी जाती रयु।
\s पयस्‌या वाळु जुवान्‌यु
\r (मरकुस 10:17-31; लुका 18:18-30)
\p
\v 16 एक माणुस ईसु धड़े आवीन पुछ्‌यु, “ए मास्‌तर, मे काहनो भलो काम करो की जलमेन जीवाय जड़े?” 
\v 17 ईसु तीना काजे कह्‌यु, “तु मारे सी भलायन बारामां काहा पुछे? वारु ते एकुत छे, कदी तु जीवन मां जाणे चाहे ती भला काम करने वाळा भगवानेन हुकुम काजे मान्‌या कर।”
\p
\v 18 चु ईसुक कह्‌यु, काहनी हुकुम ईसु कह्‌यु, “खुन घुण करे।” छीनाळो घुण करे, झुट घुण देय; 
\v 19 आपणा बास ने आपणी मायन वात माननु, ने आपणे चांदे वाळा सी परम करजी।
\p
\v 20 चु जुवान ईसु काजे कह्‌यु, “जी आखी हुकुम काजे ते मे मानो; हय मारेमां काहानी वातेन कसर छे।”
\p
\v 21 ईसु तीना काजे कह्‌यु, “कदी तु पाक्‌कु बन्‌ने चाहे ती जां तारा धन काजे वेचीन गरीब काजे आप दे, ने तुसे सरगे मां धन जड़से; ने तु मारु चेलु बणीन मारे पुठ्‌ये चाल।”
\p
\v 22 बाकुन चु जुवान ईसुन वात सामळीन नराज हय्‌न जाती रयु, काहाकी चु बेसकु धन वाळु हतलु।
\p
\v 23 तत्‌यार ईसु तेरा चेला काजे कह्‌यु, “मे तुंद्‌रे सी छाचलीन कह्‌व की धन वाळा माणसे काजे सरग वाळा भगवानेन राज मां जाणु काठो छे। 
\v 24 तुंद्‌रे सी अळी कह्‌व की, भगवानेन राज मां धन वाळा काजे भरायणु उटड़ान सुईन नाचका मां भरायणु जादा सरल छे।”
\p
\v 25 ज्‌य सामळीन चेला बेसका घाबराय्‌न, “कवणे लाग्‌या पछे कुणीन छुटकारु हवसे?”
\p
\v 26 ईसु तींद्‌रे भीणी एक हेट्‌यु भाळीन कह्‌यु, “माणसे सी ज नी बणे, बाकुन भगवान सी आखो काय कर सके।”
\p
\v 27 ती पतरस ईसु काजे कह्‌यु, “देख, हामु ते आखो काय छुड़ीन तारा चेला बण गुयला छे। ती हामुक काय जड़से?” 
\v 28 ईसु तीनुक कह्‌यु, मे तुंद्‌रे सी छाचलीन कह्‌वो, की नवली कळी मां जत्‌यार माणसेन पुर्‌यु आपणी सेक-सींगारेन राजगादी पर बठसे, ती तुहुं बी जे मारे पछळ आवला छे, बारे राज गादी पर भरायन ईस्‌रायेलेन बारे खानदानी पर नीयाव करसु। 
\v 29 ने जु कुय बी घर, नीते भायसेक, नीते बहणीस, नीते बास, नीते माय, नीते नानला पुर्‌या नीते खेते काजे मारा नाव वाटे छुड़ देदला छे, तीना काजे सोव गुणा फळ जड़से, ने चे जलम जीवनेन हकदार्‌या बी हय जासे। 
\v 30 बाकुन बेसका माणसे हय अगळ छे, चे पछळ हय जासे, ने जे हय पछळ छे, चे अगळ हय जासे।
\c 20
\s ईसु अंगुरेन वाड़ीन दाहड़क्‌यान दाखलु दीन सीकाड़े
\p
\v 1 सरग वाळा भगवानेन राज तीना किरसाणेन तसों छे, चु तेरी अंगुरेन वाड़ी मां दाहड़क्‌या लागाड़ने करीन संदारे एगुत घर सी नीकळ्‌यु। 
\v 2 चु दाहड़क्‌या काजे चांदीन एक रुप्‌या मां दाहड़की राखलु, ने तीनुक तेरी अंगुरेन वाड़ी मां मकल्‌यु। 
\v 3 अळतेन चु नव बजेन नीकळीन दीसरा माणसे काजे हाटे मां रीकामा उबा हय रवला देखीन। 
\v 4 तीनुक कह्‌यु, तुहुं बी मारी अंगुरेन वाड़ी मां जावु, मे तुहुंक वारु दाहड़की आपीस। 
\v 5 ने चे बी वाड़ी मां काम करने करीन जाती रया, अळतेन चु बारे बजे ने तीनेक बजे खयड़े नीकळीन असुत दाहड़क्‌या हेरने करीन गुयु। 
\v 6 अळतेन चु पांचेक बजे अळी खयड़े नीकळ्‌यु चां दीसराक अळी उबा हय रवला देखीन तीनुक कह्‌यु, “तुहुं काहा जां दाहड़ु भरीन रीकामा उबा हय रया।” 
\v 7 चे तीना काजे कह्‌या, हामुक काहनु बी दाहड़की नी लागाड़्‌यु करीन हामु जां उबा हय रया। चु तीनु काजे कह्‌यु, तुहुं बी मारी अंगुरेन वाड़ी मां काम करने जावु।
\p
\v 8 सांती वेळाय अंगुरेन वाड़ीन मालीक, आपसा मुनीम सी कह्‌यु, दाहड़क्‌या काजे बुलायन लाव पछेन आवणे वाळा सी लागाड़ीन पेहल आवणेवाळा लग, आखाक दाहड़की आप दे। 
\v 9 जत्‌यार चे आया, ती चे पांच बजे कामे लागला, ती चु मुनीम तीनुक काजे चांदीन एकेक रुप्‌यु आप्‌यु। 
\v 10 जत्‌यार चे पेहल दाहाड़क्‌या आवला, चे असा समजी गुया की हामुक अदुस आपसे, बाकुन चु तीनुक बी चांदीन एकेक रुप्‌युत आप्‌यु। 
\v 11 जत्‌यार पयस्‌या लीन चे खेतेन मालीक पर कुर-कुर करने बाजी गुया, 
\v 12 चे कह्‌या जे पछला ते एकतु घंटु काम कर्‌या, ने तेबी तु तीनुक हामरे बराबर दाहड़की आप्‌यु, ने चे दाहड़ु भरीन भार हाकल्‌या ने तप काजे झेल्‌या? 
\v 13 तींद्‌रे मायन एक असु जपाप आप्‌यु, ए दुस्‌त, मे तारे सी काय बी बयमानी नी करो, मे तुसेक दाहड़ान दाहड़की चांदीन एक रुप्‌यु आपीस करीन तीयार नी हयु? 
\v 14 ज्‌य तारो छे, चो हाकलीन जाती रव; मारी मरजी असी छे, की जतरो तुसे आखो आप्‌यु ततरोत हीना पछळ आवला काजे बी आपो। 
\v 15 काय ज्‌य सय नी हय काय मे मारा पयस्‌या सी ज्‌य चाहो चो करो? तु मारी भलाय देखीन मार पर काहा कुहराय रयु? 
\v 16 हीनी रीती सी जे हय अगळ छे, चे पछळ हय जासे; ने जे पछळ छे, “चे अगळ हय जासे।”
\s तेरे मरनेन बारामां ईसु तीसरी कावा अघी सी आवणे वाळी वात बताड़े
\r (मरकुस 10:32-34; लुका 18:31-34)
\p
\v 17 ईसु यरुसलेम सहरेन वाट्‌ये अगु जाणे बाजी रवलु। ती चु बारे चेला काजे अथु ली जाय्‌न तीनुक कह्‌यु, 
\v 18 “देखु, हामु यरुसलेम सहर मां जाणे बाजी रया; ने माणसेन पुर्‌यु मुख्‌या पुजारान ने यहुदी नीयमेन मास्‌तर्‌या हात मां धराय जासे, ने चे तीना काजे मारनेन डंड सामळावसे। 
\v 19 ने चे तीना काजे नी-यहुदी माणसेन हात मां आपसे, की चे तीना काजे हासी मां उडाड़से ने सपाटा देसे ने कुरुस पर चड़ावसे, ने चु तीन दाहड़ाम मर्‌या-सर्‌याम सी जीवतु हय जासे।”
\s एक माय लीलघाये
\r (मरकुस 10:35-45)
\p
\v 20 तत्‌यार जब्‌दीन पुर्‌यान माय, आपणा पुर्‌या काजे साते लीन ईसु धड़े आवीन आंधी, ने तेरे सी थुड़ोक मांगणे बाजी गुय।
\p
\v 21 ईसु तीनीक पुछ्‌यु, “तुसेक काय चाहजे।”
\p ची कय, “जे मारा दुय पुर्‌या छे। तु तारा राज मां ईनु मायन एक तारे जेवड़्‌या हात भीणी ने एक तारे डाखर्‌या हात भीणी बसणेन हक आपजी।”
\p
\v 22 ईसु जपाप आप्‌यु, “तु नी जाणु की काय मांग रय। जु मे दुखेन पीयालु मे पीणेवाळु छे, तुहुं तीना दुखेन पीयाला काजे पी लेसु काय?” चे तीना काजे कह्‌या तु कह्‌यु तसोत हामु करसु।
\p
\v 23 तत्‌यार ईसु तीनुक कह्‌यु, “तुहुं मारु कटवरु ते पीसु, बाकुन मारे जेवड़्‌ये ने डाखर्‌ये हात मां काहानाक बी बठाड़नु मारो काम नी हय, बाकुन हींद्‌रे वाटे मारा बास भीणी सी तीयार करलो छे।”
\p
\v 24 ज्‌य सामळीन दस चेला तीनु दुय संगा भायस पर रीसाय पड़्‌या। 
\v 25 ईसु आपसा चेला काजे धड़े बुलायन कह्‌यु, “तुहुं जाणु की नी-यहुदी राजा हींद्‌रे पर राज करे; ने जे मटला छे, चे हींद्‌रे पर हक जमाड़े। 
\v 26 बाकुन तुंद्‌रे मां असला हकेन कायदु नी रहणु चाहजे; बाकुन जु कुय तुंद्‌रे मां मटा हवणे हींडे चु तुंद्‌रे मां पावर्‌यु बणसे। 
\v 27 ने चु तुंद्‌रे मां मुख्‌यु बणने हींडे, चु तुंद्‌रु आखान पावर्‌यु बणसे। 
\v 28 काहाकी माणसेन पुर्‌यु; ईनी कळी मां आपसी चाकरी कराड़ने नी, बाकुन आपसुत चाकरी करने, ने बेसका जणान जीव काजे छुड़ावने करीन आवलु छे।”
\s ईसु दुय आंदळा काजे वारु करे
\r (मरकुस 10:46-52; लुका 18:35-43)
\p
\v 29 जत्‌यार चे यरीहो सहरेम सी नीकळीन जाणे बाजी रवला, ती माणसेन एक मट्‌लु टुळु ईसु पछळ चाल पड़्‌यु। 
\v 30 ने चां सयड़क धड़े दुय आंदळा, जे बठला हतला, जत्‌यार चे जो सामळ्‌या की ईसु जाणे बाजी रवलु, ती चे आयड़ी-आयड़ीन कह्‌वणे बाजी गुया “ए मालीक, दावुदेन अवल्‌यात, हामरे पर दया कर।”
\p
\v 31 माणसे तीनु आंदळा काजे हुगा हय रवु; करीन तीनुक लड़्‌या, बाकुन अळी बी आयड़ीन कह्‌या, “ए मालीक दावुदेन अवल्‌यात, हामरे पर दया कर।”
\p
\v 32 ईसु हुबु हयन तीनुक बुलायु ने कह्‌यु, “तुहुंक काय चाहजे?” मे तुंद्‌रे वाटे करो। 
\v 33 चे कह्‌या “ए मालीक, हामरा डुळा उघड़ी जाणु चाहजे।”
\p
\v 34 ईसु काजे तींद्‌रे पर दया आय तींद्‌रा डुळा धर्‌यु ने चे तत्‌यारुत देखणे बाजी गुया; ने ईसु पछळ\f + \fr 20:34 \fr*\ft पिछे\ft*\f* चाल पड़्‌या।
\c 21
\s यरुसलेम मां ईसुन आवणु
\r (मरकुस 11:1-11; लुका 19:28-40; युहन्‌ना 12:12-19)
\p
\v 1 जत्‌यार चे यरुसलेम धड़े गुया, ने जेतुन बयड़ा पर बेतफगे गांव धड़े आया, ती ईसु आपसा दुय चेला काजे ज्‌य कय्‌न मकल्‌यु, 
\v 2 “तुहुं पलो सांबो देखाये, तीना फळ्‌याम जावु। ने चां पुगतेत तुहुंक एक गदड़ी बांदली देखाव पड़से, ने तेरे पुठ्‌ये पीलो बी तुहुंक देखाव पड़से। तीना गदड़ाक छुड़ीन मार धड़े ली आवु। 
\v 3 कदी तुहुंक कुय काय कह्‌वे, ती तीनाक तुहुं असा कह्‌जु, मालीक काजे जो गदड़ो चाहजे ती कवजु की मालीक काजे हेरो काम छे, तत्‌यार चु तत्‌काल तीनुक मकली देसे।”
\p
\v 4 ज्‌य तेरेमां हयो की, ज्‌य बुल भगवानेन अघी सी आवणे वाळी वात देखाड़न्‌या माणसेन साहरे कह्‌लो चो पुरो हय जाय:
\q1
\v 5 “सीयोनेन सहरे मां रहण्‌या माणसेक कह्‌वु,
\q2 देख, तुंद्‌रु राजु तुंद्‌रे धड़े आवणे बाजी रयु।
\q1 चु भुळु छे,
\q2 चु गदड़ी पर बस रयु, बाकुन पीला पर सवारी कर रयु।”
\p
\v 6 चेला चाल पड़्‌या, ने चे ईसु कह्‌यु तसोत चे कर्‌या। 
\v 7 ने गदड़ीक ने पीला गदड़ाक ली आया, तेरे पर आपसा साल्‌या तीनु गदड़ाक पांगराय देदा, ने ईसु पीला गदड़ा पर सवारी कर्‌यु। 
\v 8 तत्‌यार बेसका माणसे आपसा साल वाट मां आथर्‌या, ने थुड़ाक माणसे झाड़कान डाळ्‌या काटीन वाट मां आथरीन तेरो आव-भाव कर्‌या। 
\v 9 ईसुन अगळ-अगळ जाता जाय्‌न ने पछळ-पछळ चालीन आवता जाय्‌न, जुर सी आयड़ी-आयड़ीन कवतेला, “दावुद राजान अवल्‌यात काजे होसान्‌ना कवतेला, जु भगवान मालीकेन नाव सी आवे, चु बरकतवाळु छे, आखाम सरगे मां रहण्‌या भगवानेक बी होसान्‌ना कवतेला\f + \fr 21:9 \fr*\ft भगवानेन बड़ाय हवे \ft*\f*।”
\p
\v 10 जत्‌यार ईसु यरुसलेम मां पुग्‌यु, ती आखा सहरेन माणसे कलो-कलो करता, जाय्‌न पुछणे बाजी गुया, ज्‌य कुण छे? 
\v 11 तत्‌यार ईसु पुठ्‌ये आवला माणसे कह्‌या, “भगवानेन अघी सी आवणे वाळी वात देखाड़न्‌यु ईसु छे, जु गलील जीलान नासरत सहर वाळु छे।”
\s ईसु मंदीर मां वेपार करन्‌या माणसेक बाहर नीकाळे
\r (मरकुस 11:15-19; लुका 19:45-48; युहन्‌ना 2:13-22)
\p
\v 12 ईसु भगवानेन मंदीर मां जाय्‌न तीनु आखा काजे, जे मंदीर मां लेणु देणु करतेला, तीनुक बाहर नीकाळ देदु, चु पयस्‌या आटे-साटे करन्‌यान टेबल्‌या ने पेरवा वेचण्‌यान चारला अंधला देदु। 
\v 13 ने तीनुक असु कह्‌यु, “चुखला सास्‌तुर मां लिखलो छे, की ‘मारो घर दुवान घर कह्‌वायसे।’ बाकुन तुहुं ते हीना काजे धाड़ु पाड़न्‌या ने चुट्‌टान\f + \fr 21:13 \fr*\ft डाकुओ\ft*\f* खंगरु बणाय देदा!”
\p
\v 14 मंदीर मां आंदळा ने भागड़ा, ईसु धड़े आया, ने चु तीनुक वारु कर्‌यु। 
\v 15 बाकुन जत्‌यार मुख्‌या पुजाराक ने यहुदी धरम सीकाड़न्‌‌या मास्‌तर्‌या ईसुन मटला काम काजे, ने ज्‌य ईसु कर्‌यु, ने पुर्‌या काजे मंदीर मां दावुदेन अवल्‌यात काजे होसान्‌ना करीन आयड़तेला देख्‌या, ती चे बेसका रीसवाय गुया, 
\v 16 ने चे ईसु काजे कह्‌या, “जे काय कवणे बाजी रया चो तु सामळे काय?” ईसु तीनुक कह्‌यु, “हव सामळी रयु; तुहुं ज्‌य चुखली सास्‌तुर मां नी भण्‌या काय? पुर्‌या ने दुत पीण्‌या नानला पुर्‌यान मुंहडा सी तु आपसुत गुण गावाड़लु छे।”
\p
\v 17 अतरामा कय दीन ईसु तीनुक छुड़ीन सहर मां बाहार नीकळीन बेतन्‌या गांव मां जाती रयु ने चांहान आखी रात रयु।
\s ईसु अंजीरेन झाड़काक सराप दीन चेला काजे दुवान बारामां सीकाड़े
\r (मरकुस 11:12-14,20-24)
\p
\v 18 दीसरे दाहड़े ईसु अगुत सहर भीणी जाणे बाजी रवलु, ती ईसु काजे भुक लागी। 
\v 19 सयड़केन धड़े अंजीरेन एक झाड़को देखीन चु तेरे धड़े गुयु, ने पान्‌टा काजे छुड़ीन चां काय नी जड़्‌यो तीना अंजीरेन झाड़काक कह्‌यु, “हय सी तारे मां जलम नी फळ लागणु चाहजे।” ने अंजीरेन झाड़को तत्‌यारुत सुक गुयो।
\p
\v 20 ज्‌य देखीन चेला घाबराय गुया ने चेला कह्‌या, “ज्‌य अंजीरेन झाड़को तत्‌काल कसों सुक गुयो।”
\p
\v 21 ईसु तीनुक कह्‌यु, “मे तुंद्‌रे सी छाचलीन कह्‌वो, कदी तुहुं भुरसु करु ने मन मां संक्‌या नी करु, ती जसु मे अंजीरेन झाड़काक कह्‌यु तसत हय गुयो तसात तुहुं बी कवसु तेबी हय जासे, बाकुन कदी तुहुं हीना बयड़ा सी बी कवसु की, उखळीन जां, ने समुदर मां जाय्‌न पड़ जां, ती तसों हय जासे। 
\v 22 ने ज्‌य काय तुहुं दुवा मां भुरसु करीन मागंसु ती चो भगवान तुहुंक आप देसे।”
\s ईसुन हकेन बारामां यहुदी ईसु धड़े सवाल करे
\r (मरकुस 11:27-33; लुका 20:1-8)
\p
\v 23 ईसु मंदीर मां जाय्‌न सीकाड़ने बाजी\f + \fr 21:23 \fr*\ft उपदेश\ft*\f* रवलु, ती मुख्‌या पुजारा ने डाहा-बुड़ा माणसे ईसु धड़े आवीन पुछ्‌या, “तु ज्‌य आखो काम कुणीन हक सी करे? ने ज्‌य हक तुसे कुण आप्‌यो?” 
\v 24 ईसु तीनुक कह्‌यु, “मे बी तुंद्‌रे सी एक वात पुछो; कदी ची वात मेसे बताड़सु, ती मे बी बताड़ीस की ज्‌य काम कुणीन हक सी करो। 
\v 25 युहन्‌ना बपतीस्‌मा आपण्‌या काजे, बपतीस्‌मा काहा सी जड़लो? सरगेन भीणी सी की माणसे भीणी सी जड़लो?” जी वात सामळीन चे असा वीच्‌यार करने बाजी गुया, “कदी हामु कवजे सरगे सी भगवान आपलु, ती हयु कवसे, ‘ती तुहुं तेरे पर भुरसु काहानी कर्‌या?’ 
\v 26 ने कदी कवसुन ‘माणसे भीणी सी’ ती हामुक हीनु माणसेन टुळा सी धाक छे, काहाकी जे आखा युहन्‌ना काजे भगवानेन अघी सी आवणे वाळी वात देखाड़न्‌यु माने।” 
\v 27 अळतेन चे ईसु काजे असा जपाप आप्‌या, “हामु नी जाणजे।” ती ईसु बी तींद्‌रे सी कह्‌यु, “ती मे बी तुहुंक।”
\p नी बताड़तु की ज्‌य काम कुणीन हक सी करने बाजी रयु।
\s दुय पुर्‌यान दाखलु
\p
\v 28 ईसु यहुदीन मुख्‌या माणसे काजे कवतु गुयु, “तुहुं काय वीच्‌यारु? एक माणसेन दुय पुर्‌या हतला; चु पेहला धड़े जाय्‌न कह्‌यु, ‘ए पुर्‌या, आज अंगुरेन वाड़ी मां काम कर।’ 
\v 29 बाकुन चु पेहलु पुर्‌यु असु जपाप आप्‌यु, मे नी जाम, बाकुन थुड़ीक वार मां तेरा मन अंगुरेन वाड़ीम काम करने जाणेन वीच्‌यार आय गुयु ने चु काम करने गुयु। 
\v 30 अळतेन चु बास दीसरा पुर्‌या धड़े जाय्‌न असुत कह्‌यु, चु जपाप आप्‌यु, ‘हव मे जायस करीन कह्‌यु’ बाकुन चु नी गुयु। 
\v 31 हीनु दुय पुर्‌या मां सी काहनु बासेन मरजी पुरी कर्‌यु?” चे कह्‌या, “पेहलु पुर्‌यु।”
\p ईसु हींद्‌रे सी कह्‌यु, “मे तुंद्‌रे सी छाचलीन कव की फाळु लेणे वाळा आफसर ने रंड्‌या तुंद्‌रे सी पेहले भगवानेन राज मां भरायसे। 
\v 32 काहाकी युहन्‌ना बपतीस्‌मा आपण्‌यु धरमेन जीवनेन वाट देखाड़तु जाय्‌न तुंद्‌रे धड़े आयु, ने तुहुं तेरे पर भुरसु नी कर्‌या; बाकुन फाळु लेणे वाळा ने आफसरेन ने रंड्‌या तेरी वात पर भुरसु कर्‌या। ने तुहुं ज्‌य देखीन पछेन बी मन नी बदले ने तेर पर भुरसु कर लेय।
\s खुन करन्‌या किरसाणेन दाखलु
\r (मरकुस 12:1-12; लुका 20:9-19)
\p
\v 33 “एक अळी दाखलु सामळु,” एक किरसाण हतलु, “अंगुरेन वाड़ी लागाड़्‌यु, तेरे चारे मेर वाड़ बांदयु, ने तीनी वाड़ी मां एक अंगुरेन रस नीकाळने करीन एक हळाव बणायु ने एक पाक्‌कु माळु बणायु, ने किरसाण काजे साजा मां आपदीन दीसरा देस मां जाती रयु।” 
\v 34 जत्‌यार अंगुर फळ आवरेन दाहड़ा आया, ती चु किरसाण हेरा गुलाम पावर्‌या काजे साजेल्‌या किरसाण भीणी अंगुरेन फळेन हीस्‌सु लेणे करीन मकल्‌यु। 
\v 35 बाकुन चे साजेल्‌या किरसाण चां तेरा पावर्‌या काजे धरीन, हींद्‌रेन मां सी काहानाक काजे ठुक्‌या, ने काहानाक काजे दगड़ाट्‌या, ने काहनाक काजे मारीत नाख्‌या। 
\v 36 अळतेन चु एक कावा अळी पेहला सी अदुस पावर्‌याक मकल्‌यु, ने चे किरसाण हींद्‌रे साते बी असात कर्‌या। 
\v 37 चे मारा पुर्‌यान ईज्‌जत राख्‌से करीन आकरी कावा हेरा पुर्‌या काजे भेळु हयु। 
\v 38 बाकुन किरसाण पुर्‌या काजे देख्‌या ती एक दीसरा काजे कह्‌या, जु ते वारीसदार छे, आवु, हीनाक बी मार नाखता ने हेरा धन पर कब्‌जु कर लेता। 
\v 39 अळतेन चे तीना काजे धर लेदा ने अंगुरेन वाड़ी सी बाहार नीकाळीन मार नाख्‌या।\fig अंगुरेन वाड़ी मां मांडवु|alt="Watchtower in a vineyard" src="hk00105c.tif" size="col" copy="Horace Knowles ©" ref="21:33"\fig*
\p
\v 40 अळतेन ईसु हेरा सामळन्‌या माणसेक पुछ्‌यु, “जत्‌यार अंगुरेन वाड़ीन मालीक पछु आवसे, ती चु तीनु किरसाण सी काय करसे?” 
\v 41 चे ईसु काजे कह्‌या, “चु तीनु कुहर्‌या माणसे काजे मारीन सार नाखसे; ने हेरी अंगुरेन वाड़ी दीसरा किरसाण काजे साजा मां आप देसे, जे टेम-टेम पर अंगुरेन मेरेन हीस्‌सु आप्‌या करसे।”
\p
\v 42 ईसु तीनु काजे कह्‌यु, “तुहुं चुखला सास्‌तुर मां ज्‌य कदी नी भण्‌या?”
\q1 तीना दगड़ा काजे मीस्‌तर्‌या फालतु समजीन बाहार उराट देदा
\q2 चु दगड़ुत घरेन पायेन खुणे वाळु दगड़ु बण ज्‌य?
\q1 ज्‌य मालीक भीणी सी हयो ज्‌य;
\q2 ने हामरी नींगा मां बेसकी वारु वात छे!
\p
\v 43 “तेरेमां मे तुंद्‌रे सी कह्‌वो की भगवानेन सरगेन राज तुंद्‌रे हात मां सी हापकी लेसे ने असी नी-यहुदी माणसेक आप देसे जे हेरो फळ लावसे, आप देसे। 
\v 44 जु हीना दगड़ा पर हीट पड़से, तेरो छेदर्‌या-छेदर्‌या हय जासे; ने तीना पर ज्‌य दगड़ु पड़से, तीना काजे दळ देसे।”
\p
\v 45 मुख्‌या पुजारा ने फरीसी माणसे ईसुन दाखलु काजे सामळीन समजी गुया की ईसु आपणेत बारामां कवणे बाजी रयु। 
\v 46 ने चे ईसु काजे धरने चाहतेला, बाकुन चे माणसेक देखीन बीही गुया काहाकी चे ईसु काजे भगवानेन अघी सी आवणे वाळी वात देखाड़न्‌यु मान तेला।
\c 22
\s ईयावेन पंगतेन दाखलु
\r (लुका 14:15-24)
\p
\v 1 ईसु अळी तीनुक दाखला सामळावणे बाजी गुयु, 
\v 2 “सरगेन राज तीना राजान तसों छे, जु हेरा एक पुर्‌यान ईयाव पंगत देदु।” 
\v 3 ने चु हेरा पावर्‌या काजे मकल्‌यु, की नेवता नाखला माणसे काजे ईयाव मां खाणो-खाणे बुलावु; बाकुन चे आवणे नी हींडतेला। 
\v 4 अळतेन चु अळी पावर्‌या काजे असु कय्‌न मकल्‌यु, नेवता देदला माणसे सी कह्‌वु देखु, मे खाणो तीयार कर देदु, मारा बेल ने पाळ्‌ळा जनवार्‌या मार देदु, आखो तीयार छे; ने ईयावेन खाणा मां आवु। 
\v 5 बाकुन चे हीनी वात पर धीयान नी देदा: कुय आपणे खेते भीणी, कुय आपणा काम-धंदु करने जाती रया। 
\v 6 ने काहनास माणसे ते राजान पावर्‌या साते वारु वेहवार नी कर्‌या ने तीनुक मार नाख्‌‌या। 
\v 7 जी खबर सामळीन राजा काजे बेसकी रीस लागी, ने चु हेरा सीपायड़ा काजे मकल्‌यु, ने चे जाय्‌न तीनु खुणी माणसे काजे मार नाख्‌या, ने तींद्‌रा सहर काजे धपाड़ देदा। 
\v 8 तत्‌यार राजु हेरा पावर्‌या सी कह्‌यु, ईयावेन खाणो ते तीयार छे, बाकुन नेवता देदला माणसे खाणे नी आया, ने चे हीना ईयाव मां आवे असा नी बण्‌या। 
\v 9 तेरेमां चोवराया पर जावु ने जतरा माणुस तुहुंक जड़े, आखा काजे ईयावेन पंगत मां बुलाय लावु। 
\v 10 तेरेसी चे पावर्‌या रुहे पड़ गुया, ने काय भुंडात काय वारलु, जतरा जड़्‌या, आखा काजे भेळा करीन ली आया; ने ईयाव घर मेजवान्‌या सी भराय गुयो।
\p
\v 11 “जत्‌यार राजु मेजवान्‌या काजे देखणे आयु, ती हयु चां एक माणुस काजे देख्‌यु, चु ईयावेन पुथल्‌या नी पेहरी रवलु।” 
\v 12 राजु तीना काजे पुछ्‌यु, “ए भायस, तु ईयावेन पुथल्‌या नी पेहर्‌यु जां काहा आयु?” चु माणुस हुगुत हय रयु। 
\v 13 तत्‌यार राजु पावर्‌या काजे हुकुम आपीन कह्‌यु, हेरा हात-पाय बांदीन हीना काजे बाहर आंदारला मां नाख देवु, चां रड़नु ने दात ककड़ावणु रवसे।
\p
\v 14 भगवानेन पंगत बुलावला ते बेसका छे, बाकुन नेवाड़ला थुड़ाक छे।
\s राजान फाळु
\r (मरकुस 12:13-17; लुका 20:20-26)
\p
\v 15 तत्‌यार फरीसी माणसे भेळा हयन वीच्‌यार कर्‌या, की ईसु काजे काहनी वात मां फसाड़जे। 
\v 16 तेरेमां चे आपणा चेला काजे हेरोदीयान माणसे साते ईसु भीणी ज कवणे मकल्‌या, “ए मास्‌तर,” हामु जाणजे की तु छाचलु छे, ने भगवानेन वाट संय-संय सीकाड़े, काहाकी जीवन मां फीकुर नी करे, काहाकी तु माणसेन मुंहडा देखीन वात नी करे। 
\v 17 तेरेमां हामुक बताड़ तु काय वीच्‌यारे? काय राजा केसर काजे फाळु देणु वारु छे की नी हय? 
\v 18 ईसु तींद्‌रा भुंडात मन काजे जाणीन कह्‌यु, “ए ढंगड़ा करन्‌या, मेसेक काहा पारखणे बाजी रया? 
\v 19 फाळान सीक्‌कु मेसेक देखाड़ु, ती मे तुहुंक चु रुप्‌यु देखीन बताड़ीस!”
\p “तत्‌यार चे तेरे धड़े एक रुप्‌यु लावीन ईसुक आप्‌या।” 
\v 20 ती ईसु तीनुक रुप्‌यु देखाड़ीन पुछ्‌यु, “जु छाप ने नाव कुणीन छापलो छे?” 
\v 21 “चे तीना काजे कह्‌या,” राजा केसरेन छे।
\p तत्‌यार ईसु तीनुक कह्‌यु, “ज राजा केसरेन छे, च राजा केसर आपीन तेरो हक पुरो करु, ने ज भगवानेन छे, च भगवानेन काजे आपीन तेरो हक पुरो करु।”
\p
\v 22 असा सामळीन चे बीही गुया, ने ईसुक छुड़ीन जाती रया।
\s मर्‌या-सर्‌याम मां सी जीवतु हवणेन ने ईयावेन बारामां सवाल
\r (मरकुस 12:18-27; लुका 20:27-40)
\p
\v 23 तीनेत दाहड़े सदुकी माणसे ईसुन्‌चां आया तींद्‌रु वीच्‌यार छे की मर्‌या-सर्‌याम पछु जीवतु नी हवे, चे आवीन ईसु काजे पुछ्‌या। 
\v 24 ए मास्‌तर, मुसा कवलु की कदी काहनाक अदमीन पुर्‌या नी हया ने मर जाय, ती तेरु भाय तीनी बायर सी ईयाव करीन आपणा भायस वाटे अवल्‌यात पयदा करनु चाहे। 
\v 25 एक कावा असो हवलो सात भायस हतला, पेहलु ईयाव करीन मर गुयु ने अवल्‌यात नी हवी ती तेरु भाय तीनी रांडायली काजे बणाय लेदु। 
\v 26 असा करीन चे सातु भाय तीनी बायर काजे बणाया ने एकेक करीन बीना अवल्‌यातेन मर गुया। 
\v 27 आकरी मां ची रांडायली बायर बी मर गुय। 
\v 28 तेरेमां ची मर्‌या-सर्‌या मां सी पछी जीवती हवसे ती ची सातु भायसे मां सी कुणीन बायरी रवसे? काहाकी ची आखान बायरी बण गुयली।
\p
\v 29 ईसु तीनुक कह्‌यु, “चुखला सास्‌तुर ने भगवानेन ताकत नी जाणु, तेरेमां तुहुं भुले पड़ रया। 
\v 30 काहाकी चे मर्‌या-सर्‌या मां सी जीवता हय्‌न चे नी ईयाव करसे, ने नी ते चे ईयाव वाळा मां देवायसे, बाकुन सरग मां भगवानेन सरग वाळा काहवाळ्‌यान तसा रवसे। 
\v 31 बाकुन मरला मर्‌या-सर्‌याम सी पछा जीवता हवणेन बारामां काय तुहुं असो बुल नी भण्‌या ज भगवान तुहुंक कवलु। 
\v 32 मे अब्‌राहमेन भगवानेन, ने इसाकेन भगवानेन, ने याकुपेन भगवानेन छे? हयु मरलान नी बाकुन जीवतेलान भगवान छे।”
\p
\v 33 ईसुन वात सामळीन माणसे घाबराय गुया।
\s आखा सी मट्‌लु हुकुम काय छे करीन फरीसी माणसे ईसुक पुछे
\r (मरकुस 12:28-34; लुका 10:25-28)
\p
\v 34 जत्‌यार फरीसी माणसे ज सामळ्‌या की ईसु सदुकीन जातीन माणसेन मुंहडा बंद कर देदलु, ती चे भेळा हय्‌न वीच्‌यार कर्‌या। 
\v 35 ने तींद्‌रे मायन एक यहुदी नीयमेन मास्‌तर ईसु काजे पारखणे करीन असु पुछ्‌यु। 
\v 36 ए मास्‌तर, मुसान साहरे लिखला सास्‌तुर मां आखा सी मट्‌ली हुकुम काहनी छे? 
\v 37 ईसु तीनाक कह्‌यु, “तु भगवान काजे आपणा मालीक सी आपणा आखा मन ने आपणा आखा जीव ने आपणी आखी अक्‌कल सी परम राख्‌जी। 
\v 38 आखा सी मट्‌ली ने खास हुकुम छे। 
\v 39 ने दीसरु हुकुम बी हेरेन तसु छे, आपणा चांदेवाळा माणसे सी आपणेन तसुत परम राख्‌जी। 
\v 40 जीत दुय हुकुम\f + \fr 22:40 \fr*\ft आज्ञा\ft*\f* आखी मुसान साहरे लिखला सास्‌तुर ने भगवानेन अघी सी आवणे वाळी वात देखाड़ने वाळान नेवु छे।”
\s मसीन बारामां सवाल मसी दावुदेन अवल्‌यात हसे की भगवानेन अवल्‌यात?
\r (मरकुस 12:35-37; लुका 20:41-44)
\p
\v 41 जत्‌यार फरीसी माणसे भेळा हतला, ती ईसु तीनुक पुछ्‌यु, 
\v 42 “मसीन बारामां तुंद्‌रु काय वीच्‌यार छे? चु कुणीन अवल्‌यात छे?” चे ईसुक कह्‌या, “दावुदेन अवल्‌यात।”
\p
\v 43 अतरामा ईसु तीनुक पुछ्‌यु, ती दावुद भगवानेन जीव-आत्‌मा मां रय्‌न तीना काजे मालीक काहा कह्‌वे?
\q1
\v 44 भगवान मालीक, मारा मालीक सी कह्‌यु,
\q2 मारे जेवड़े आंगे बठ, जत्‌यार लग की,
\q2 मे तारा वेरी काजे पाय मेलनेन पयड़ी नी बणाय दम।
\p
\v 45 कदी दावुद तीना काजे मालीक कहें, ती चु तेरु पुर्‌यु कसु हय सके? 
\v 46 ने ईसुन जपाप सामळीन तींद्‌री बुलती बंद हय गुय? तीने दाहड़े सी काहना बी अळी ईसु काजे अळी काहनी बी वात पुछणेन हिम्‌मत नी आवी।
\c 23
\s ईसु यहुदी-धरम सीकाड़न्‌‌या ने फरीसी माणसेन वीरुद मां चेतावणी देय
\r (मरकुस 12:38-39; लुका 11:43,46; 20:45,46)
\p
\v 1 अळतेन ईसु माणसे टुळा काजे ने आपसान चेला काजे कह्‌यु, 
\v 2 “यहुदी नीयम सीकाड़न्‌या मास्‌तर्‌या ने फरीसी माणसे मुसान गादी पर बस रया; 
\v 3 तेरेमां चे तुहुं काजे ज्‌य काय बी कहें चो ते करजु ने मांजु, काहाकी चे कह्‌वे ते खरा बाकुन चे करे नी। 
\v 4 चे बेसकु भारी बुज बांदीन माणसेन खांदा पर मेल देय; बाकुन आपसा आपणी आंगळी लग बी नी टेकवणे हींडे। 
\v 5 चे आखा काम माणसे काजे देखाड़ने करीन करे, चे आपणी तावीज काजे चवड़ी करीन बांदे ने आपणात पुथल्‌यान झालर काजे नांबा कर देय! 
\v 6 चे खाणो खाणे बठे चां मुख्‌या-मुख्‌या जागा ने भगवानेन भक्‌तीन घरेन पेहलु जागु गमे। 
\v 7 हाटे मां वारलु छे की करीन आव-भाव करनु ती माणसे अगळ तीनुक मास्‌तर कह्‌वायणु तीनुक बेसको वारु गमे। 
\v 8 बाकुन तुहुं गुरु कह्‌वायणे करीन मां हुकारु काहाकी तुंद्‌रु एकुत मास्‌तर छे ने तुहुं आखात आखा\f + \fr 23:8 \fr*\ft सब\ft*\f* भायस छे। 
\v 9 धरती पर काहनाक बी आपणु बास करीन घुण कह्‌वु, काहाकी तुंद्‌रु एकुत बास छे, चु सरगे मां छे। 
\v 10 माणसे अगळ मास्‌तर बी घुण कह्‌वायु, काहाकी तुंद्‌रु एकुत मास्‌तर छे, चु मसी छे। 
\v 11 जु तुंद्‌रे मां मटु छे, चु तुंद्‌रु चाकरी करन्‌यु बणे। 
\v 12 जु कुय आपसा काजे मटु मानसे, तीना काजे भगवान नानलु कर देसे, ने जु आपसा काजे नानलु मानसे, तीना काजे भगवानुत मटु कर देसे।
\s ईसु फरीसी माणसेन ढंगड़ा काजे नीकारु करे
\r (मरकुस 12:40; लुका 11:39-42,44,52; 20:47)
\p
\v 13 “ए ढंगड़ा करन्‌या यहुदी नीयमेन मास्‌तर्‌या ने फरीसी माणसे तुंद्‌रे वाटे बेसकी दुखेन वात छे! तुहुं ते माणसे काजे सरगेन राज मां भरायणे सी रुकी रया, नी ते तुहुं आपसा बी सरगेन राजेम नी भरायु ने दीसरा काजे बी सरगेन राज मां नी भरायणे देवु। 
\v 14 ए ढंगड़ा करन्‌या यहुदी नीयमेन मास्‌तर्‌या ने फरीसी माणसे तुहुं वाटे बेसकी दुखेन वात छे! तुहुं रांडायला बायरान घर मां भरायन तीनुक ठग लेवु, ने माणसे काजे देखाड़ने करीन बेसकी वार लग दुवा करु, तेरेमां तुहुं काजे अदुस डंड जड़से!
\p
\v 15 “ए ढंगड़ा करन्‌या यहुदी धरम सीकाड़न्‌‌या मास्‌तर्‌या ने फरीसी माणसे, तुंद्‌रे वाटे बेसकी दुखेन वात छे! काहाकी तुहुं एक जणा काजे आपणा पंथ मां लावणे करीन समुदर एणकीन धरती मां फीरु, ने जत्‌यार तुंद्‌रा पंथ मां आवीन चेलु बण जाय ती तीना काजे आपणा सी बी दुय गुणा जादा गुनाळु बणाय देवु की चु नरकेन आकठी मां जाणेन लायक बण जाय।
\p
\v 16 “ए आंदळा अगळवाण्‌या तुंद्‌रे वाटे बेसकी दुखेन वात छे! काहाकी तुहुं कह्‌वु कदी कुय माणुस मंदीरेन सगुन खाय ती तेरो काय बी नी हवे, बाकुन कदी कुय माणुस मंदीरेन सनान सगुन खाय ती तेरी वात खरली उतरी जाय। 
\v 17 ए डेड़-अकल्‌या ने आंदळा कुण मटो छे; सनो मटलो छे नीते मंदीर मटु छे? जेरेसी मंदीर मट्‌लु छे तेरेसी चो सनो चुखलो हवे? 
\v 18 तुहुं ज्‌य बी कह्‌व कुय माणुस वेदीन सगुन\f + \fr 23:18 \fr*\ft शपथ\ft*\f* खाय ती तेरा काय बी खरलो नी हय बाकुन कुय माणुस ज्‌य वेदी पर मेकली, भेटेन सगुन खाय ती तेरी वात खरी उतरी जाय। 
\v 19 ए आंदळा, कुण मटो छे; भेट मटी छे की वेदी मटी छे तेरे सी भेट चुखलो हय जाय? 
\v 20 तेरेमां खास वात जी छे की जु वेदीन सगुन खाय च तीनी वेदी पर मेकायलो छे, चीजेन बी सगुन खाय। 
\v 21 जु मंदीरेन सगुन खाय, चु हेरी ने हेरेमां रवणेवाळान बी सगुन खाय। 
\v 22 जु सरगेन सगुन खाय, चु भगवानेन राज गादीन ने तीनी राजगादी पर बसण्‌यान बी सगुन खाय।
\p
\v 23 “ए ढंगड़ा करन्‌या यहुदी धरम सीकाड़न्‌‌या मास्‌तर्‌या ने फरीसी माणसे, तुंद्‌रे वाटे बेसकी दुखेन वात छे! तुहुं पुदीनान, ने सुपेन ने जीरान दसवु वाटु ते भगवान काजे आपु बाकुन मुसान साहरे लिखला सास्‌तुरेन खास वात काजे छुड़ देदा ने नीयाव, ने दया, ने भुरसा काजे टाळ देदा; तुहुं दसवु वाटु आप्‌या करजु बाकुन नीयाव ने दया ने भुरसान खास वात पाळता रहणु चाहजे। 
\v 24 ए आंदळा अगळवाण्‌या, तुहुं मीचर्‌या काजे ते झार देवु, बाकुन उटड़ा काजे गीळ जावु।
\p
\v 25 “ए ढंगड़ा करन्‌या यहुदी धरम सीकाड़न्‌‌या मास्‌तर्‌या ने फरीसी माणसे, तुंद्‌रे वाटे बेसकी दुखेन वात छे! काहाकी जसा तुहुं कटवराक ने तळी काजे उपर-उपर ते वारु उजाळु बाकुन चे माहें आंदारला ने आपसान ने भलो करनेन वीच्‌यार सी भरायला छे। 
\v 26 ए आंदळा फरीसी माणसे, पेहले कटवराक ने तळी काजे माहें सी मांज लेवु ती उपर सी बी वारु मांजाय जासे।
\p
\v 27 “ए ढंगड़ा करन्‌या यहुदी धरम सीकाड़न्‌‌या मास्‌तर्‌या ने फरीसी माणसे तुंद्‌रे वाटे बेसकी दुखेन वात छे! तुहुं तीना चुनु फीरला मसाणेन तसा छे ज्‌य उपर सी ते वारुत देखाये बाकुन माहें ते मरला माणसेन हाटका ने आखी भातीन भुंडला चीज भरायली छे। 
\v 28 हीनी रीत सी तुहुं बी उपर सी माणसे काजे धरमी देखाय पड़ु बाकुन तुंद्‌रा मन मां ढंगड़ा ने पाप मां भरायला छे।
\s तींद्‌रा डंडेन बारामां ईसु पेहलुत बताड़े
\r (लुका 11:47-51)
\p
\v 29 “ए ढंगड़ा करन्‌या यहुदी धरम सीकाड़न्‌‌या मास्‌तर्‌या ने फरीसी माणसे, तुंद्‌रे वाटे बेसकी दुखेन वात छे! तुहुं भगवानेन अघी सी आवणे वाळी वात देखान्‌यान मसाण सवारु ने धरमी माणसेन मसाण बणावु। 
\v 30 तुहुं असा कह्‌वु ते खरा, ‘कदी हामु हामरा डाहा बुड़ान टेम मां रवता, ती भगवानेन अघी सी आवणे वाळी वात देखान्‌यान खुन करने मां हामरा डाहा बुड़ान सात नी देदा।’ 
\v 31 तेरेमां तुहुं आपणे आप सी गवाय देवु की जे भगवानेन अघी सी आवणे वाळी वात देखान्‌यान हत्‌या कर्‌या तींद्‌रा अवल्‌यात छे। 
\v 32 तेरेमां तुहुं आपणा डाह बुड़ान पापेन घड़ु पुरी रीत सी भर देवु। 
\v 33 ए घड़सा, ने फेणवाळा घड़सान पीला, तुहुं नरकेन डंड सी कसा बचसु? 
\v 34 तेरेमां देखु, मे तुंद्‌रे धड़े भगवानेन अघी सी आवणे वाळी वात देखान्‌या ने अकलवाळा ने यहुदी धरम सीकाड़न्‌‌या मास्‌तर्‌या काजे मकलो; तुहुं हींद्‌रे मां सी थुड़ाक काजे मार नाखसु ने कुरुस पर चड़ावसु, ने थुड़ाक काजे आपणा भगवानेन भक्‌तीन घर मां सपाटा मेकसु ने एक सहर सी दीसरा सहर मां मारता फीरसु। 
\v 35 तेरेमां धरमी हाबील सी लीन बीरीक्‌याहन पुर्‌यान जकर्‌या लग, तीनुक तुहुं मंदीरेन वेदीन ईचमां मार नाखला, जतरो धरमीन लुही धरती पर बगळाय गुयलो छे चो आखो तुंद्‌रे मुणका पर पड़से। 
\v 36 मे तुंद्‌रे सी छाचलीन कह्‌वो की जी आखी वात हीनीत टेमे माणसे पर आय पड़से।
\s यरुसलेम पर एला
\r (लुका 13:34,35)
\p
\v 37 “ए यरुसलेम, ए यरुसलेम! तु भगवानेन अघी सी आवणे वाळी वात देखान्‌या काजे मार नाखे, ने जे तारे धड़े मकली रया, तीनु काजे बी तु दगड़ा दीन मार नाखे। मे काय कावा चाह्‌यु की जसी कुकड़ी\f + \fr 23:37 \fr*\ft मुर्गी\ft*\f* आपणा पीच्‌या काजे तेरा पाखड़ा तळे भेळी कर लेय असुत मे बी तारा पुर्‌या काजे भेळु कर लीस, बाकुन तुहुं नी चाह्‌या। 
\v 38 देखु, तुंद्‌रु मंदीर तुंद्‌रे वाटे उजाड़्‌या छुड़ी जासे। 
\v 39 काहाकी मे तुंद्‌रे सी कहं की हय सी जत्‌यार लग तुहुं नी कह्‌वु, ‘तु वारु छे, जु मालीकेन नाव सी आवे’ जत्‌यार लग तुहुं मेसे अळी कदी नी देखसु।”
\c 24
\s मंदीर उदार नाखसे करीन ईसु पेहलुत बताड़े
\r (मरकुस 13:1,2; लुका 21:5,6)
\p
\v 1 जत्‌यार ईसु मंदीरेन्‌चां सी नीकळीन जाणे बाजी रवलु, ती तेरा चेला तीना काजे मंदीर देखाड़ने करीन तेरे धड़े आया, की मंदीर कसों छे। 
\v 2 ईसु तीनुक कह्‌यु, “तुहुं आखो ज देख रया नी। बाकुन मे तुहुंक छाचलीन कहो, जां दगड़ा पर दगड़ु बी नी रवे एक-एक दगड़ु उदारी नाखसे।”
\s गरा आवणे टेम
\r (मरकुस 13:3-13; लुका 21:7-19)
\p
\v 3 जत्‌यार हयु जेतुनेन बयड़ा पर बसी रवलु, ती चेला एखलात ईसु धड़े आवीन कह्‌या, “हामुक बताड़ की जी वात कत्‌यार हवसे? तारो आवणेन ने कळीन खत्‌तम हवणेन काय सहलाणी\f + \fr 24:3 \fr*\ft चिन्ह\ft*\f* रवसे।”
\p
\v 4 ईसु तीनुक जपाप आप्‌यु, चेतीन रवु! तुहुंक कुय बी भटकाड़नु नी चाहजे। 
\v 5 काहाकी बेसका माणसे असा रवसे चे मार नाव सी आवीन कह्‌वसे, मे मसी छे! ने बेसका काजे भटकाड़ी देसे। 
\v 6 तुहुं लड़ाय पर लड़ायन वात सामळसु, ती घाबरायु घुण, काहाकी असो ते हवण्‌यत छे, बाकुन तीनी टेमे कळजुग सरनु नी हय। 
\v 7 काहाकी जाती पर जाती, ने राजे पर राजेन माणसे भेळा हयन लड़ाय करसे, ने जागे-जागे काळ पड़से, ने धरती धदड़ीन फाट जासे। 
\v 8 जी आखी वात हीड़ा-पीड़ान सुरुवात हवसे।
\p
\v 9 तत्‌यार चे एला पाड़ने करीन तुहुं काजे धराय देसे, ने तुहुंक मार नाखसे, ने तुहुं मारी वात सामळसु ने मार नावेन वजे सी आखी जातीन माणसे तुंद्‌रा वेरी रवसे। 
\v 10 तत्‌यार बेसका माणसे मारे पर सी भुरसु करनु छुड़ देसे, ने एक दीसरा काजे धराड़से, ने एक दीसरा सी वेरी रवसे। 
\v 11 बेसका लुच्‌चा भगवानेन अघी सी आवणे वाळी वात देखाड़न्‌या उठीन हुबा हवसे, ने बेसका माणसे काजे भटकाड़से। 
\v 12 पाप अदणे सी बेसका माणसेन परम छे चु सेळाय जासे, 
\v 13 बाकुन जु मरता लग गम खासे, तेरुत छुटकारु हवसे। 
\v 14 भगवानेन राजेन ज्‌य खुस-खबर आखी कळी मां माणसे परचार करसे, ने सामळावसे, काहाकी चे आखी जाती मां गवा बण जाय, तत्‌यार कळजुग सरनेन टेम आय जासे।
\s मट्‌ली गरान सुरुवात
\r (मरकुस 13:14-23; लुका 21:20-24)
\p
\v 15 तेरेमां जत्‌यार तुहुं तीनु उजाड़ने वाळी वात ने भुंडीत चीज काजे तेरी वात दानीयल भगवानेन अघी सी आवणे वाळी वात देखाड़न्‌यान साहरे हवली, चु चुखली जागा मां उबु हय रवलु देख्‌यु, जे भणे, चे समजे। 
\v 16 तत्‌यार चे यहुदीया जीला मां रवे चे बयड़ा मां ढास जाय। 
\v 17 जे घरेन बमड़ा पर रवे, चे आपणा घर मां समान लेणे घुण उतरु; 
\v 18 ने जे कदी खेत मां हय, चे आपणा पुथल्‌या लेणे पछा घुण आवु।
\p
\v 19 तीनु दाहड़ा मां जी भारीस ने दुत धावाड़ती हसे, तींद्‌रे वाटे बेसकी, दुखेन वात छे। 
\v 20 दुवा करता रहु काहाकी सीयाळान दाहड़ा मां, ने आरामेन दाहड़े ढासणु नी पड़े। 
\v 21 काहाकी तीनी टेमे मां असी भारी एला हवसे, जसों हीनी कळीन सुरु सी हय लग नी हयो ने कदी तसों हवसे। 
\v 22 कदी दाहड़ा नी कम करता ती, काहनु बी जीव नी बचे, बाकुन नेवाड़ला माणसेन वजे सी चे दाहड़ा कम हय जासे।
\p
\v 23 तीनी टेमे मां कदी कुय बी तुंद्‌रे सी कह्‌वे, की देखु, मसी जां छे! नीते वां छे! ती भुरसु\f + \fr 24:23 \fr*\ft विश्वास\ft*\f* घुण करु।
\p
\v 24 काहाकी लुच्‌चा मसी ने लुच्‌चा भगवानेन अघी सी आवणे वाळी वात देखाड़न्‌या उठीन उबा हय जासे, ने मट्‌ली सहलाणी, ने बेसका मटा-मटा काम देखाड़से कदी हय सके ते नेवाड़ला काजे बी भटकाड़ देसे। 
\v 25 देखु, मे पेहलुत तुंद्‌रे सी जी आखी वात कय देदु।
\p
\v 26 तेरेमां कदी चे तुंद्‌रे सी कह्‌वे, देखु, हयु ते बयड़ा मां छे! ती बाहार घुण नीकळी जावु, नीते देखु, हयु ते खुणा कपरा मां छे, ती तुहुं भुरसु घुण करु। 
\v 27 काहाकी जसी वीजळी उगवणी\f + \fr 24:27 \fr*\ft पुर्व\ft*\f* सी नीकळे ने बुडवणी लग वीजळे, तसोत माणसेन पुर्‌यान बी आवणु हवसे।
\p
\v 28 जां लास रवे, चांहान मटला घुवड़ा बी भेळा हवसे।
\s माणसेन पुर्‌यान पछु आवणेन बारामां
\r (मरकुस 13:24-27; लुका 21:25-28)
\p
\v 29 तीनु दाहड़ा मां गरा आवणेन तत्‌यारुत पछेन दाहड़ु उलवाय जासे ने चांदेन वीजाळो खत्‌तम हय जासे, ने तारा छे चे सरग सी भुयमां हीट पड़से ने सरगेन आखो ताकुतेन काम सी हाल जासे। 
\v 30 तत्‌यार माणसेन पुर्‌यान सहलाणी सरग मां देखाय जासे ने तत्‌यार कळीन आखी जातीन माणसे छाती ठुकीन रड़से; ने माणसेन पुर्‌या काजे मट्‌ली ताकत ने सेक-सींगार साते वादळा मां आवतेलु देखसे। 
\v 31 चु फेप्‌यान मट्‌ली आवाज भेळु आपणा सरग वाळा काहवाळ्‌या काजे मकलसे, ने चे कळीन उपर एक खुणा सी दीसरा खुणा लग, चारे-मेर सी तेरा नेवाड़ला काजे भेळा करसे।
\s अंजीरेन झाड़कान दाखलु
\r (मरकुस 13:28-31; लुका 21:29-33)
\p
\v 32 “अंजीरेन झाड़का सी गुयु दाखलु सीकु। जत्‌यार तीनी डाळ मां कवळा डीरा फुटणे लग जाय ने नवला पान्‌टा नीकळने बाजी जाय, ती तुहुं जाण जावु की हय उंडाळु आवणे वाळु छे।” 
\v 33 एरेत तसोत जत्‌यार तुहुं हीनु आखी वाते काजे देखु, ती जाण लेजु की तेरो आवणेन टेम धड़ेत छे, बाकुन बारना मां आय गुया। 
\v 34 ने तुहुंक छाचलीन कहो की जी आखी वात ईनी पीड़ीन माणसेन मरनेन पेहलुत हवसे। 
\v 35 सरग ने धरती टळ जासे, बाकुन मारी वाते कदी नी टळे।
\s ईसु कत्‌यार पछु आवसे चो नी मालुम तेरेमां जागता रवु
\r (मरकुस 13:32-37; लुका 17:26-30,34-36)
\p
\v 36 हयु दाहड़ु ने तीनी टेमेन बारामां कुय बी नी जाणे, नी ते सरग वाळु काहवाळ्‌यु, नी ने पुर्‌यु नी, बाकुन बास अतरुत जाणे। 
\v 37 जसों नुहुन दाहड़ा मां हवलो, असोत माणसेन पुर्‌यान आवणु बी हवसे। 
\v 38 काहाकी जसों पाणी मां डुबणे सी पेहला दाहड़ा मां, जां लग की नुह ढंड्‌या पर नी चहड़्‌यु, तीनु दाहड़ा लग माणसे खात्‌ला ने पीदला, ने तींद्‌रे मां ईयाव हवतेला। 
\v 39 ने जत्‌यार लग मुसळ धार्‌यु पाणी आय्‌न तीनु आखा काजे उह्‌वाड़ीन नी ली गुयो, तत्‌यार लग तीनुक काय बी पतु नी चाल्‌यु, तसोत माणसेन पुर्‌यान आवणु बी हवसे। 
\v 40 तीनी टेमे दुय जणा खेत मां हसे, ने एक काजे लीन जाती रवसे ने दीसरा काजे चांहान रहणी देसे। 
\v 41 दुय बायर घट्‌टी दळती रवसे ने एक काजे लीन जाती रवसे ने दीसरी काजे चांहान रहणी देसे। 
\v 42 तेरेमां जागला रवु, काहाकी तुहुं नी जाणु की तुंद्‌रु मालीक काहने दाहड़े आवसे। 
\v 43 बाकुन ज्‌य वारु रीती सी जाण लेवु, की कदी घरेन मालीक\f + \fr 24:43 \fr*\ft स्वामी\ft*\f* जाणतु की चुट्‌टु कतरी टेमे आवसे ती चु जागतु रवतु ने आपणा घर मां सी काय बी चुरी नी हवणी देतु। 
\v 44 तेरेमां तुहुं बी तीयार रवु, काहाकी तीनी टेमे तुहुं वीच्‌यार बी नी करसु ने, तीनी टेमे मां माणसेन पुर्‌यु आय जासे।
\s भुरसावाळु ने नी भुरसावाळु पावर्‌यु
\r (लुका 12:41-48)
\p
\v 45 तेरेमां भुरसु करन्‌यु ने अक्‌कल वाळु पावर्‌यु कुण छे? तीनाक मालीक आपणा नकर्‌या-चाकर्‌या काजे सामाळन्‌यु राख्‌‌यु काहाकी चु टेमे-टेमे पर तीनुक खाणो आप सके? 
\v 46 वारु छे, हयु पावर्‌यु, तीनाक तेरु मालीक चोन काम करतु देखे। 
\v 47 मे तुंद्‌रे सी छाचलीन कह्‌व, मालीक तीना पावर्‌या काजे आपसान आखा माल-धन पर हकदार्‌यु बणावसे। 
\v 48 बाकुन कदी हयु बयमान पावर्‌यु वीच्‌यारने लागे की मारा मालीकेन आवणे मां वार छे, 
\v 49 ने हयु असु वीच्‌यारीन दीसरा साती गुलाम पावर्‌या काजे ठुकणे, बाजी गुयु ने दारुड़्‌या भेळु खाय ने दारुड़्‌यु बण जाय। 
\v 50 ती तीना पावर्‌यान मालीक असला दाहड़ा आवसे, जत्‌यार हयु तेरी वाट बी नी देखे, ने असी टेम मां तीना काजे पतु नी रवे। 
\v 51 तत्‌यार चु मालीक तीना काजे भारी मटु डंड आपसे, ने ढंगड़ा करन्‌या साते भेसकी देसे। ने चां रड़से ने दात ककड़ावता रवसे।
\c 25
\s ईसु दस कुवारली पुरेन साहरे सीकाड़े
\p
\v 1 सरगेन राज तीनु दस कुवारली पुरेन तसों छे जी आपणु-आपणु दिवु लीन लाडा सी मेळने करीन गुय। 
\v 2 हींद्‌रे मां पांच डेड़ अकली ने पांच अक्‌कल वाळी हतली 
\v 3 डेड़ अकली पुरे आपसु दिवा ते लेदी, बाकुन आपणे साते तेल नी लेदी; 
\v 4 बाकुन अक्‌कल वाळी आपणा दिवा साते आपणा कुड़्‌या मां तेल बी भर लेदी। 
\v 5 जत्‌यार लाडान आवणे मां वार हय गुय ती ची आखी बकास्‌या लेणे लागी ने सुय गुय।
\p
\v 6 आधी राते चां कचाटु हय गुयु, देखु, लाडु आय रयु! तेरे सी मेळने चालु। 
\v 7 तत्‌यार ची आखी कुवारली उठीन आपणा-आपणा दिवा काजे वारु करने लागी। 
\v 8 ने डेड़ अकली ने अक्‌कल वाळी सी कह्‌वी आपणा तेल मां सी थुड़ोक तेल हामुक बी आपु काहाकी हामरा दिवा उलवायणी बाजी रया। 
\v 9 बाकुन अक्‌कल वाळी जपाप आपी, कदी ज्‌य हामरे ने तुंद्‌रे वाटे पुरो नी हवे; वारु ते ज्‌य छे की तुहुं वेचणे वाळा धड़े जाय्‌न आपणे वाटे मुल ली लेवु। 
\v 10 जत्‌यार ची मुल लेणे जाणे बाजी रवली ती लाडु आय ज्‌य, ने जी तीयार हतली, ची लाडा साते ईयावेन घर मां जाती रय ने बारनो बुजाय ज्‌य।
\p
\v 11 हेरे पछेन ची दीसरी रवली कुवारली बी आवीन कह्‌वणे लागी, ए मालीक, ए मालीक, हामरे वाटे बारनो उघाड़ दे। 
\v 12 चु मालीक जपाप आप्‌यु, मे तुंद्‌रे सी छाचलीन\f + \fr 25:12 \fr*\ft सच\ft*\f* कह्‌वो, मे तुहुंक नी उळखो।
\p
\v 13 तेरेमां जागता रवु, काहाकी तुहुं नीते तीना दाहड़ा काजे उळखु नीते तीनी टेम काजे जाणु।
\s ईसु कळदार रुप्‌यान दाखलान साहरे सीकाड़े
\r (लुका 19:11-27)
\p
\v 14 काहाकी जी तीना माणसेन तसों छे जु पारका देस मां जाणेन टेमे आपणा पावर्‌या काजे बुलायन आपणो धन पावर्‌या काजे आप देदु। 
\v 15 चु एक जणा काजे सनान पांच सीक्‌का आप्‌यु, दीसरा काजे दुय आप्‌या, ने तीसरा काजे एक आप्‌यु; अळतेन एक-एक काजे तींद्‌री ताकत देखीन आप्‌यु, ने तत्‌यार पारका देस मां जाती रयु। 
\v 16 तत्‌यार, तीनाक चांदीन पांच सीका जड़ला, चु तत्‌यारुत जाय्‌न हींद्‌रे सी लेणु-देणु कर्‌यु ने पांच सीका अळी कमाय लेदु। 
\v 17 हीनी रीत सी तीनाक चांदीन दुय सीका जड़ला, चु बी दुय सीका अळी कमाय लेदु। 
\v 18 बाकुन तीनाक एक चांदीन सीकु जड़ला चु जाय्‌न जागा काजे खुदीन ने आपणा मालीकेन रुप्‌या काजे साताड़ देदु।\fig सनान सीक्‌का|alt="Talents" src="hk00168c.tif" size="col" copy="hk00168c" ref="25:15"\fig*
\p
\v 19 “बेसका दाहड़ाम पछे तीनु पावर्‌यान मालीक आयु ने हींद्‌रे सी लेखु लेणे लाग्‌यु। 
\v 20 तीनाक चांदीन पांच सीका जड़ला, चु पांच सीका अळी लावीन कह्‌यु, ‘ए मालीक तु मेसेक पांच सीका आपलु, देख, मे पांच सीका अळी कमाय लेदलु छे।’ 
\v 21 तेरु मालीक तीना काजे कह्‌यु, बेसकु वारु छे ने भुरसा लायक पावर्‌यु तु थुड़ाक मां ईमानदार रयु मे तुसे बेसका चीजे पर हकदार बणावीस। आपणा मालीकेन खुसी मां साजीदार बण। 
\v 22 ने तीनाक चांदीन दुय सीका जड़ला, चु बी आवीन कह्‌यु, ‘ए मालीक, तु मेसे दुय सीका आपलु, देख, मे दुय सीका अळी कमाय लेदु।’ 
\v 23 तेरु मालीक तीनाक कह्‌यु, ‘तु वारु छे ने भुरसा लायक पावर्‌यु, तु थुड़ाक मां ईमानदार रयु; मे तुसे बेसका चीजेन हकदार बणावीस। आपणा मालीकेन खुसी मां साजीदार हय जां।’ 
\v 24 तत्‌यार तीनाक चांदीन एक सीकु जड़लु, चु आवीन कह्‌यु, ए मालीक, मे तुसे जाणतेलु की तु बेसकु डाहवाळु माणुस छे, ‘तु जां काय बी नी वेरे चानती काटे, ने जां नी खवळे चानती भेळा करे। 
\v 25 तेरेमां मे बीही गुयलु ने जाय्‌न तारा एक सीका काजे जागा मां साताड़ देदु। देख, ज्‌य तारो, छे चो ज्‌य छे।’ 
\v 26 तेरु मालीक तीना काजे जपाप आप्‌यु, ‘ए वेरी ने उजेगलु पावर्‌या, जत्‌यार तु ज्‌य जाणतेलु की जां मे नी एरो वां सी काटो, ने जां मे नी खवळ्‌यु चांहान सी भेळु करो? 
\v 27 ती तुसेक मारा धन काजे सवकार्‌या काजे लीन आप देतु, तत्‌यार मे आवीन आपणा धन काजे ईयाज समोत ली लेतु। 
\v 28 तेरेमां चु सीकु हेरसी ली लेवु, ने तेरे धड़े दस हजार रुप्‌या छे, तीना काजे आप देवु। 
\v 29 काहाकी तीना धड़े छे, तीना काजे अळी आप देसे; ने तेरे धड़े बेसका हय जासे; बाकुन तेरे धड़े नी हय, तीना सी ज्‌य बी तेरे धड़े छे, तेरे धड़े सी हापकी लेसे। 
\v 30 ने हीना पापी पावर्‌या काजे बाहार आंदारला मां नाख देवु, चां रड़नु ने दात ककड़ावणु रवसे।’
\s नीयावेन दाहड़ु
\p
\v 31 “जत्‌यार माणसेन पुर्‌यु राजु बणीन आवसे ने तेरा आखा सरग वाळा काहवाळ्‌या पुठ्‌ये आवसे, तत्‌यार चु आपसान राजगादी पर बठसे। 
\v 32 ने आखा जातीन माणसे तेरे अगळ भेळा करसे; ने जसु गुवाळ्‌यु गाडरा काजे बुकड़ा सी अलग कर देय, असुत चु तीनुक एक दीसरा सी अलग करसे। 
\v 33 चु गाडरा काजे आपणे जेवड़े आंग्‌ये उबा राख्‌से ने बुकड़ा काजे आपणे डाखर्‌ये आंग्‌ये उबा करसे। 
\v 34 तत्‌यार राजु आपणा जेवड़े आंग्‌ये वाळा सी कह्‌वसे, ए मारा बास सी बरकत जड़ला माणसे आवु, तीना राजेन हकदार बण जावु, ज्‌य कळीन सुरु सी तुंद्‌रे वाटे तीयार कर मेकलो छे। 
\v 35 काहाकी मे भुकलु हतलु, ने तुहुं मेसे खाणे करीन आप्‌या; मे पीसलु हतलु, ने तुहुं मेसे पाणी पीयाड़्‌या; मे पारका देसेन हतलु ने तुहुं मेसे तारा घर मां ठेराया; 
\v 36 मारे धड़े पेहरनेन पुथल्‌या नी हतला, ती तुहुं मेसे पुथल्‌या पेहराया; मे मांदलु हतलु, ने तुहुं मारी खबर लेदला मे जेल मां हतलु ने तुहुं मेसेक भेळा हवणे आया। 
\v 37 तत्‌यार धरमी तीना काजे जपाप आपसे, ए मालीक, हामु कत्‌यार तुसे काजे भुकलु देख्‌या ने खावड़्‌या? नीते पीसलु देख्‌या ने पाणी पीयाड़्‌या?” 
\v 38 हामु कत्‌यार तुसे पारका देस वाळु देख्‌या ने आपणा घर मां बठाड़्‌या? नीते नांगेरलु देख्‌या ने पुथल्‌या पेहराया? 
\v 39 हामु कत्‌यार तुसे मांदलु नीते जेल मां देख्‌या ने तुसे भेळा हवणे आया? 
\v 40 तत्‌यार राजु तीनुक जपाप आपसे, मे तुंद्‌रे सी छाचलीन कह्‌वो की तुहुं जे मारा हीनु नानला सी नानला भायसे मां सी काहनाक बी एक साते कर्‌या, च मारेत साते कर्‌या।
\p
\v 41 तत्‌यार चु डाखर्‌या आंगे वाळा सी कवसे, ए सराप वाळा माणसे, मारे अगळ सी तीना जलमेन आकठा मां जाती रयु, ज्‌य भुतड़ा ने तेरा सरग वाळा काहवाळ्‌या वाटे तीयार कर मेकलो। 
\v 42 काहाकी मे भुकलु हतलु, ने तुहुं मेसे खाणे करीन नी आप्‌या; मे पीसलु हतलु, ने तुहुं मेसे पाणी नी पीयाड़्‌या; 
\v 43 मे पारका देसेन हतलु, ने तुहुं मेसे आपणा घर मां नी बठाड़्‌या; मारा डील पर पुथल्‌यो नी हतलो, ने तुहुं मेसे पुथल्‌या नी पेहराया; मे मांदलु ने जेल मां हतलु, ने तुहुं मारी खबर नी लेदा। 
\v 44 “तत्‌यार चे जपाप आपसे, ‘ए मालीक, हामु तुसे कत्‌यार भुकलु, ने पीसलु, ने दीसरा देसेन, ने डील पर पुथल्‌यो नी, ने मांदलु\f + \fr 25:44 \fr*\ft बीमार\ft*\f*, जेल मां देख्‌या, ने तारी चाकरी नी कर्‌यु?’ 
\v 45 तत्‌यार चु तीनुक जपाप आपसे, ‘मे तुंद्‌रे सी छाचलीन कह्‌वो, की तुहुं जे हीनु नानला मां सी नानला मां काहनाक बी एक जणा साते नी कर्‌या, च मारे साते बी नी कर्‌या।’ 
\v 46 ने जे जलमेन डंड भुकेतसे बाकुन धरमी जलमेन जीवन मां भराय जासे।”
\c 26
\s ईसुक मारनेन जाळसांदी
\r (मरकुस 14:1,2; लुका 22:1,2; युहन्‌ना 11:45-53)
\p
\v 1 जत्‌यार ईसु ज्‌य आखी वात कय देदु ती आपणा चेला सी कह्‌वणे बाजी गुयु। 
\v 2 “तुहुं जाणु की दुय दाहड़ान पछे फसहन तीहवार छे, ने माणसेन पुर्‌या काजे कुरुस पर चड़ावणे वाटे धराय जासे।”
\p
\v 3 तत्‌यार मुख्‌या पुजारा ने भगवानेन माणसेन डाहा-बुड़ा काइफा नावेन मटला पुजारान आंगणा मां भेळा हया। 
\v 4 ने चे एक दीसरा सी वीच्‌यार कर्‌या, की ईसु काजे धुका सी धरीन मार नाखजे। 
\v 5 बाकुन चे कवतेला की “तीहवारेन टेम नी हय, काय असो नी हवे की माणसे मां लड़ाय झगड़ा हय जाय।”
\s बेतन्‌या मां ईसु पर ईत्‌तर तेल नाखे
\r (मरकुस 14:3-9; युहन्‌ना 12:1-8)
\p
\v 6 जत्‌यार ईसु बेतन्‌या गांव मां सीमोन कुड़ायलान घर मां हतलु। 
\v 7 ती एक बायरी दगड़ा काजे वार सीस्‌यान तसों बणायन तेरे मां बेसको महंगलो ईत्‌तर लीन ईसु धड़े आवी, ने जत्‌यार ईसु रुटा खाणे बठ रवलु ती ईसुन मुणका पर लावीन नाख देदी। 
\v 8 ज्‌य देखीन तेरा चेला रीसाय गुया ने कह्‌वणे लाग्‌या, “हीना ईत्‌तर काजे काहा फालतु मां रद कर देदी? 
\v 9 हीना ईत्‌तर काजे ते जादा पयस्‌या मां वेचीन गरीब काजे वाट देदी।”
\p
\v 10 जी वात जाणीन ईसु हींद्‌रे सी कह्‌यु, “बायरी काजे काहा एला पाड़ु? जी बायरी मार साते वारु करली छे। 
\v 11 गरीब ते तुंद्‌रे साते जलम रवसे, बाकुन मे तुंद्‌रे साते जलम नी रवु। 
\v 12 जी बायरी मारे डील पर ज्‌य ईत्‌तर रेचवली छे, चो मारा डील काजे गाड़ने वाटे तीयार करली छे। 
\v 13 मे तुंद्‌रे सी छाचलीन कह्‌वो, की आखी कळी मां जां काहा बी ज्‌य खुस-खबरेन परचार करसे हीनी बायरीन कामेन वात वीच्‌यार ने हेर करसे।”
\s यहुदा ईस्‌‌करीती, ईसु काजे धुकुदीन धरावे
\r (मरकुस 14:10-11; लुका 22:3-6)
\p
\v 14 तत्‌यार यहुदा ईस्‌करीयोती, ज्‌य बारे चेला मां सी एक हतलु, मुख्‌या पुजारा धड़े जाय्‌न कह्‌यु, 
\v 15 “कदी मे ईसुक तुंद्‌रे हात मां धराड़ दम ती मेसे काजे काय आपसु?” चे तीना काजे तीस चांदीन सीक्‌‌का गीणीन आप देदा। 
\v 16 ने चु यहुदा तीनी टेमे सी ईसुक धराड़ने करीन मुखु हेरतु रयु।
\s ईसु चेला साते खाणो खाय
\r (मरकुस 14:12-21; लुका 22:7-13,21-23; युहन्‌ना 13:21-30)
\p
\v 17 अखमीरी रुटान तीहवारेन पेहले दाहड़े, चेला ईसु धड़े आवीन पुछणे लाग्‌या, “तु काहा चाहे की हामु तारे वाटे फसह तीहवारेन तीयारी करजे?”
\p
\v 18 ईसु कह्‌यु, “सहर मां हीना माणुस धड़े जाय्‌न तीना काजे कह्‌वु, मास्‌तर कह्‌वे की मारी टेम साते आय गुयली छे। मे आपणा चेला साते तारेन चां फसहन तीहवार मनावीस।”
\p
\v 19 ने ईसुन चेला जसु ईसु कह्‌यु तसात कर्‌या ने फसहन तीहवारेन खाणेन तीयारी कर लेदा।
\p
\v 20 जत्‌यार सांती वेळाय हय गुय ती चु बारे चेला साते रुटा खाणे करीन बठ ज्‌य। 
\v 21 जत्‌यार चे खाय रवला ती ईसु कह्‌यु, “मे तुंद्‌रे सी छाचलीन कह्‌वो की तुंद्‌रे मां सी एक जणु मेसेक धरावसे।”
\p
\v 22 जी वात सामळ्‌या चे बेसका फीकुर मां पड़ गुया ने हींद्‌रे मां सी आखा जणा पुछणे लाग्‌या, “ए मास्‌तर, काय चु मे छे?” 
\v 23 ईसु जपाप आप्‌यु, “जु मारे साते तळी\f + \fr 26:23 \fr*\ft थाली\ft*\f* मां हात नाखलु छे, हयुत मेसे धराड़से। 
\v 24 माणसेन पुर्‌या काजे ते मरनु छे, जसों तेरा बारामां लिखलो छे; बाकुन तीनु माणुस वाटे बेसकी दुखेन वात छे, तेरे साहरे माणसेन पुर्‌या काजे धराड़से! कदी चु माणुस पयदा नी हवतु ती तेरे वाटे वारु रवतो।”
\p
\v 25 तत्‌यार तीना धराड़ने वाळु यहुदा कह्‌यु, “ए मास्‌तर, काय चु मे छे?” ईसु कह्‌यु, “तु आपसुत कय देदु।”
\s मालीकेन पंगतेन रीत सुरु करनु
\r (मरकुस 14:22-26; लुका 22:14-20; 1 कुरींथी 11:23-25)
\p
\v 26 जत्‌यार चे खाय रवला ती ईसु रुटु लेदु, ने बरकत मांगीन तुड़्‌यु, ने चेला काजे आपीन कह्‌यु, “लेवु जु रुटु खावु; ज्‌य मारो डील छे।”
\p
\v 27 अळतेन ईसु कटवरु लीन तु बेसकु वारु छे करीन कह्‌यु, ने तीनुक आपीन कह्‌यु, “तुहुं आखा तेरे मां सी पीयु, 
\v 28 काहाकी ज्‌य पीयालु वायदान चो मारो लुही छे, ज्‌य बेसका माणसे वाटे पापेन माफी वाटे उहणे वाळो छे। 
\v 29 मे तुंद्‌रे सी कह्‌वो की अंगुरेन रस काजे हीना दाहड़ा लग घुण पीयो जत्‌यार लग तुंद्‌रे साते आपणा बासेन राज मां नवलु नी पीयो।”
\p
\v 30 अळतेन चे गीत गायन जेतुनेन बयड़ा पर जाणे बाजी गुया।
\s ईसु पेहलुत बताड़े की पतरस नी जाणो करीन कवसे
\r (मरकुस 14:27-31; लुका 22:31-34; युहन्‌ना 13:36-38)
\p
\v 31 तत्‌यार ईसु तींद्‌रे सी कह्‌यु, “तुहुं आखा आजुत राते मार बारामां वीख्‌राय जासु, काहाकी चुखली-सास्‌तुर मां गुयो लिखलो छे, ‘मे गुवाळ्‌या काजे मारीस, ने गाडरान टुळा रावण्‌या-तीवण्‌या\f + \fr 26:31 \fr*\fq रावण्‌या-तीवण्‌या \fq*\ft तितर-बितर\ft*\f* हय जासे।’ 
\v 32 बाकुन मे मरलाम सी जीवतु हवणेन पछे तुंद्‌रे सी पेहेल गलील जीला मां जायस।”
\p
\v 33 तेरेसी पतरस तीना काजे कह्‌यु, “कदी आखा तारा बारामां ठुकर खाय्‌न छुड़ देसे बाकुन मे कदी बी नी तुसेक छुड़ो!”
\p
\v 34 ईसु पतरस सी कह्‌यु, “मे तुसेक छाचलीन कह्‌वो की आजुत राते कुकड़ा वासणीक पेहेल, तु तीन कावा तु मेसेक नी जाणो करीन कवसी।”
\p
\v 35 पतरस ईसु काजे कह्‌यु, “कदी मेसेक तारे साते मरनु बी पड़े, तेबी मे तुसेक नी जाणो करीन कदी नी कह्‌वो!”
\p ने असात करीन आखा चेला बी कह्‌या।
\s गतसमनी मां दुवा
\r (मरकुस 14:32-42; लुका 22:39-46)
\p
\v 36 तत्‌यार ईसु आपणा चेला साते गतसमनी नावेन एक जागा मां आयु ने आपणा चेला सी कह्‌वणे लाग्‌यु, “जान बठ रवजु, जत्‌यार लग मे वां जाय्‌न दुवा करो जां लग तुहुं जान रवजु।” 
\v 37 ईसु पतरस ने जब्‌दीन दुयु पुर्‌या काजे साते लीन गुयु ने ईसु फीकुर मां पड़ीन कांदरायणे बाजी गुयु। 
\v 38 तत्‌यार ईसु तीनुक कह्‌यु, “मारु जीव बेसकु दुखी छे, जां लग की मारु जीव नीकळनेत हींडे। तुहुं जां हुबा रवु ने मारे साते जागला रवु।”
\p
\v 39 अळतेन चु थुड़ुक अळी अगुस जाय्‌न मुंहडान भुरसे पड़्‌यु, ने असी दुवा कर्‌यु, “ए मारा बास, कदी हय सके ती ज्‌य दुखेन पीयालु मारे पर सी टळ जाय, ती बी जसु मे चाहो असु नी बाकुन जसु तु चाहे तसोत हवणे दे।”
\p
\v 40 अळतेन ईसु चेला धड़े आवीन तीनुक सुवतेला देख्‌यु ने पतरस सी कह्‌यु, “काय तुहुं मारे साते एक घंटु बी नी जागी सकु काय? 
\v 41 जागता रवु, ने दुवा करता रवु की तुहुं पारख मां नी पाड़े, आत्‌मा ते तीयार छे, बाकुन डील लुलो छे।”
\p
\v 42 अळतेन चु दीसरी कावा\f + \fr 26:42 \fr*\fq दीसरी कावा \fq*\ft दूसरी बार\ft*\f* जाय्‌न जीत दुवा कर्‌यु, “ए मारा बास, कदी ज्‌य मारे पीये बीगुर नी टळ सके ती तारीत मरजी पुरी हवे।” 
\v 43 तत्‌यार ईसु आवीन तीनुक अळी सुवतेला देख्‌यु, काहाकी हींद्‌रा डुळा नीद सी भरला हतला। 
\v 44 तीनुक छुड़ीन चु जाती रयु, ने तीनुत बुले सी अळी तीसरी कावा दुवा कर्‌यु। 
\v 45 तत्‌यार ईसु चेला धड़े आवीन तीनुक कह्‌यु, हय सुवता रवु, “ने आराम करु? देखु ची टेम आय गुयली छे, ने माणसेन पुर्‌यु पापीन हात मां धराय जासे। 
\v 46 उठु, चालु; देखु, धुकु दीन धराड़ने वाळु साते आय रयु।”
\s ईसु काजे धराड़े
\r (मरकुस 14:43-50; लुका 22:47-53; युहन्‌ना 18:3-12)
\p
\v 47 ईसु असु कयत रवलु की यहुदा जु बारामां सी एक हतलु आयु, ने तेरे साते मुख्‌या पुजारा ने माणसेन डाहा बुड़ा भीणी सी माणसेन मट्‌लु टुळु तलवार्‌या ने डेंगा लीन आया। 
\v 48 ईसुक धराड़ने वाळु यहुदा तीनुक असु ईसारु कर्‌यु: “तीनाक मे जाय्‌न गुळु दीस हयुत छे; तीना काजे जाय्‌न धर लेजु!”
\p
\v 49 ने तत्‌यार ईसु धड़े आवीन कह्‌यु, “ए मास्‌तर, वारलु छे की!” ने चु ईसु काजे बेसकु गुळु देदु।
\p
\v 50 ईसु यहुदा काजे कह्‌यु, “ए दुस्‌तीदार, तीना काम वाटे तु आवलु छे, तीना काम काजे कर ले।”
\p तत्‌यार चे धड़े आवीन ईसुक धर लेदा। 
\v 51 ईसुन साती मां सी एक जणु हात अगु करीन आपणा मीयान मां सी तलवार काजे नीकाळ लेदु ने मुख्‌या पुजारान पावर्‌यान दीन तीना पावर्‌यान कान्‌‌टा काजे काट नाख्‌‌यु। 
\v 52 तत्‌यार ईसु तीना काजे कह्‌यु, आपणी तलवार काजे मीयान मां मेकले “काहाकी जे तलवार सी मारसे चे आखा तलवार सी माराय जासे। 
\v 53 काय\f + \fr 26:53 \fr*\ft क्या\ft*\f* तु नी जाणे की आपणा बास सी मे लीलघाय्‌न कह्‌व, ने चु सरग वाळा काहवाळ्‌यान बारे टुळा सी बी जादा टुळु मारे धड़े हींताळ मकली देसे? 
\v 54 बाकुन चुखला सास्‌तुर मां जी वाते असोत हवणेन जरुरी छे, कसी पुरी हवसे?”
\p
\v 55 तीनी टेमे ईसु माणसेन टुळा सी कह्‌यु, “काय तुहुं तलवार्‌या ने डेंगा लीन मेसेक डाकु समजीन धरने आय रया काय? मे दाहड़ीन मंदीर मां भरायन सीकाड़्‌या करतेलु ने तुहुं मेसे नी धर्‌या। 
\v 56 बाकुन जे आखा तेरेमां हयो की भगवानेन अघी सी आवणे वाळी वात देखान्‌यान बुल पुरो हवे।” तत्‌यार आखा चेला ईसुक छुड़ीन ढास गुया।
\s यहुदी माणसेन बसोक मां ईसुक ली जाणु
\r (मरकुस 14:53-65; लुका 22:54,55,63-71; युहन्‌ना 18:13,14,19-24)
\p
\v 57 तत्‌यार ईसुक धरने वाळा तीना काजे काइफा नावेन मुख्‌या पुजारा धड़े लीन गुया, चां यहुदी नीयम सीकाड़न्‌‌या मास्‌तर्‌या ने आड़ा-बुड़ा भेळा हय रवला। 
\v 58 पतरस छेटे-छेटे ईसु पछळ-पछळ मुख्‌या पुजारान आंगणाम लग गुयु, ने घर मां जाय्‌न ईसु साते काय करे ने काय हवे चो देखणे करीन राखवाळ्‌या पावर्‌या भेळु जाय्‌न बठ गुयु। 
\v 59 मुख्‌या पुजारु ने आखा माणसे भेळा हयन ईसु काजे मार नाखणे वाटे ईसुन वीरुद मां झुटी गवा हेर रवला। 
\v 60 बाकुन बेसका झुटी गवाय देण्‌या आवणे पर बी वाक नी नीकाळ्‌या। आकरी मां दुय जणा आया, 
\v 61 असा कह्‌या, “गुयु अदमी असु कवलु, की भगवानेन मंदीर काजे उदार सको ने हीनाक तीन दाहड़ाम अळी बणाय सको।”
\p
\v 62 तत्‌यार मुखी पुजारु हुबु हयन ईसु सी कह्‌यु, “काय तु काय बी जपाप नी देतु? जे माणसे तारा वीरुद मां काय गवाय देय?” 
\v 63 बाकुन ईसु हुगुत हय रयु। तत्‌यार मुखी पुजारु ईसुक कह्‌यु, “मे तुसे जीवतेला भगवानेन सगुन आपो की कदी तु भगवानेन पुर्‌यु मसी छे, ती हामरे सी कय दे।”
\p
\v 64 ईसु तीना काजे कह्‌यु, “तु आपसुत कय देदु; नीते मे तुंद्‌रे सी ज्‌य बी कवतु की हय सी तुहुं माणसेन पुर्‌या काजे आखा सी ताकत वाळा भगवानेन जेवड़े आंगे बठलु, ने सरगेन आदळा पर आवतेलु देखसु।”
\p
\v 65 हेरसी मुखी पुजारु हेरा पुथल्‌या फाड़्‌यु ने कह्‌यु, जु भगवानेन वाक नीकाळ्‌ळु छे हय हामुक गवान जरुवत नी हय? देखु तुहुं बी ज्‌य वाक सामळावला छे। 
\v 66 तुंद्‌रा आखान काय वीच्‌यार छे? चे जपाप आप्‌या जु गुना वाळु छे, हीनाक मुतेन डंड जड़नु चाहजे।
\p
\v 67 तत्‌यार चे ईसुन मुंहडा पर थुप्‌या ने तीना काजे धुमाट्‌या ने दीसरा थापड़ाया ने असा कह्‌या। 
\v 68 ए मसी हामरे सी भगवानेन अघी सी आवणे वाळी वात देखाड़ने वाळु करीन कह्‌वी की तुसे कुण ठुक्‌यो?
\s पतरसेन नी कवणु
\r (मरकुस 14:66-72; लुका 22:56-62; युहन्‌ना 18:15-18,25-27)
\p
\v 69 पतरस बाहर आंगणा मां बठलु हतलु, की एक पावरनी पतरस धड़े आय ने कय, “तु बी ते ईसु गलील जीला वाळा साते हतलु।”
\p
\v 70 पतरस आखा माणसे अगळ असो कवीन ईसु काजे नीकारु देदु, “मे नी जाणतु तु काय कय रय।” 
\v 71 जत्‌यार पतरस बाहर बारना धड़े गुयु ती दीसरी पावरनी पतरस काजे देखी ने जे वां हुबा हय रवला माणसे काजे कय, “जु बी ते ईसु नासरी साते हतलु।”
\p
\v 72 पतरस सगुन खाय्‌न अळी ईसु काजे नीकारु देदु, “मे तीना माणुस काजे नी जाणो!”
\p
\v 73 थुड़ीक वार मां माणसे चां हुबा हय रवला, चे पतरस धड़े आवीन तीना काजे कह्‌या, “छाचलीन तु बी हींद्‌रे मां सी एक छे, काहाकी तारी बुली तुसे उजेंती कर देदी की तु चांहान वालु छे।”
\p
\v 74 तत्‌यार पतरस झीचकारने ने सगुन खाणे लाग्‌यु! “मे तीना माणुस काजे नी जाणतु।”
\p ने तत्‌काल कुकड़ु आस देदु। 
\v 75 तत्‌यार पतरस काजे ईसु कवलु ची वात हेर आय गुय, “ईसु कवलु कुकड़ा आसणेन पेहल तु तीन कावा मारो नीकारु कर देसी।” ने पतरस बाहार जाय्‌न उसकी-उसकीन रड़्‌यु।
\c 27
\s ईसु काजे पीलातुस अगळ ली जाय
\r (मरकुस 15:1; लुका 23:1,2; युहन्‌ना 18:28-32)
\p
\v 1 जत्‌यार एगात\f + \fr 27:1 \fr*\fq एगात\fq*\ft भोर\ft*\f* आखा मुख्‌या पुजारा ने माणसेन डाहा बुड़ा ईसु काजे मार नाखणे करीन मुजगी कर्‌या। 
\v 2 चे ईसुक बांद्‌या ने ली जाय्‌न पीलातुस सरकारेन हात मां आप देदा।
\s यहुदान मरनु
\r (नेवताळा 1:18-19)
\p
\v 3 जत्‌यार तेरु धराड़ने वाळु यहुदा देख्‌यु की तेरे उपर गुनु लाग गुयु ती हयु पसतायु ने हयु तीस चांदीन सीक्‌‌का काजे मुख्‌या पुजारा ने डाहा बुड़ा नेता भीणी पछु देणे लीन आयु 
\v 4 ने कह्‌यु, “मे नी-गुना वाळा खुन करीन धराड़ीन पाप कर्‌यु!” चे कह्‌या,
\p “हामुक काय करनु? तुत जाण।” 
\v 5 तत्‌यार हयु तीनु सीक्‌‌का काजे मंदीर मां नाखीन जाती रयु, ने जाय्‌न आपसुत टांगायन मर गुयु।
\p
\v 6 मुख्‌या पुजारा तीनु सीक्‌‌का काजे लीन कह्‌यु, “तीनुक, दान पेटी मां मेकणु वारु नी हय, काहाकी जे खुनेन कीमत वाळा छे।” 
\v 7 तेरेमां चे मुजगी करीन तीनु सीक्‌‌का सी पारका देसेन माणसे काजे गाड़ने वाटे कुमाहरेन खेत मुल ली लेदा। 
\v 8 ईनी वजे सी च खेत आज लग लुहीन\f + \fr 27:8 \fr*\ft लहु\ft*\f* खेत कह्‌वाये।
\p
\v 9 तत्‌यार ज बुल यीर्‌मयाह भगवानेन अघी सी आवणे वाळी वात देखान्‌यान साहरे कह्‌वलो हतलो च पुरो हयो: “चे तीनु तीस सीक्‌‌का मतलब तीनु ठहरावली कीमत काजे तीनाक ईस्‌रायेली माणसेन अवल्‌यात मायन जतरा ठहरावलो हतलो ली लेदा, 
\v 10 ने जसों मालीक मेसेक हुकुम देदु तसोत कुमाहरेन खेतेन कीमतेन हीसाब मां दी देदु।”
\s पीलातुस ईसु सी सवाल पुछे
\r (मरकुस 15:2-5; लुका 23:3-5; युहन्‌ना 18:33-38)
\p
\v 11 जत्‌यार ईसु रोमी सरकार पीलातुस अगळ उबु हतलु, ती सरकार वाळु, तीना काजे पुछ्‌या, “तु यहुदीन राजु छे?” ईसु तीना काजे कह्‌यु, “तु आपसुत कय रयु।” 
\v 12 जत्‌यार मुख्‌या पुजारा ने आड़ा-बुड़ा नेता तीना उपर गुनु लागाड़ रवला, ती हयु काय बी जपाप नी देदु।
\p
\v 13 अतरा पर पीलातुस सरकार वाळु तीना काजे कह्‌यु, “काय तु नी सामळतु, की जे तुसे धराड़ने करीन कतरी गवाय दी रया।”
\p
\v 14 बाकुन हयु तीना काजे एक वातेन बी जपाप नी देदु, ने जां लग बी की सरकार वाळा बी घाबराय गुया।
\s ईसुक मारने करीन डंडेन हुकुम
\r (मरकुस 15:6-15; लुका 23:13-25; युहन्‌ना 18:39—19:16)
\p
\v 15 सरकारेन असी रीत हतली की तीना तीहवार मां एक केदी काजे जेल मां सी छुड़तेलु, ने माणसे तीना काजे बी कह्‌वतेला तीनाक छुड़ दे तीना काजे छुड़ देदलु। 
\v 16 तीनी टेमे तींद्‌रेन्‌चां एक बरअब्‌बा नावेन एक अंजाण्‌यु माणुस जेल मां हतलु। 
\v 17 ने जत्‌यार चे भेळा हया, ती पीलातुस तीनुक पुछ्‌यु, “तुहुं कुणीन चाहु की मे तुंद्‌रे वाटे छुड़ दम? बरअब्‌बा काजे, की ईसुक चु मसी कह्‌वाये?” 
\v 18 काहाकी हयु जाणतेलु की हया तीना काजे कुहराये धराड़ला छे।
\p
\v 19 जत्‌यार हयु नीयावेन गादी पर बठी रवलु ती हेरी घरवाळी कय मकली, “तु तीना वारलु माणसेन लफड़ा मां हात घुण नाखे, मे आज सपना मां तेरे वजे सी बेसकी मटी दुख हाकेलु।”
\p
\v 20 मुख्‌या पुजारा ने डाहा बुड़ा नेता माणसे काजे समजाड़्‌या की चे बरअब्‌बा काजे छुड़नेन मांग करे, ने ईसु काजे खत्‌तम कराड़ देय। 
\v 21 सरकारी पीलातुस तीनुक पुछ्‌यु, “हीनु दुय मायन कुणीक तुहुं चाहु, की मे तुंद्‌रे वाटे छुड़ दम?” चे कह्‌या, “बरअब्‌बा काजे।”
\p
\v 22 पीलातुस तीनुक पुछ्‌यु, “ती मे ईसुक काय करो, जु मसी कह्‌वाये?” आखा तीना काजे कह्‌या,
\p “तीना काजे कुरुस पर चड़ावु।”
\p
\v 23 सरकार कह्‌यु, “काहा, हयु काय गलत कर्‌यु?” बाकुन चे अळी बी आयड़ी-आयड़ीन कह्‌वणे लाग्‌या, “तीना काजे कुरुस पर चड़ावु।”
\p
\v 24 जत्‌यार पीलातुस देख्‌यु की जे मारी नी सामळता ने उल्‌टा हुड़ी रया ने वात अघी बड़े ती हयु पाणी लीन आखा माणसेन टुळु अगळ हात धुयु ने कह्‌यु, “मे हीना धरमी माणसेन खुन नी करतु ने काय बी खामी नी हय ईनी वात काजे तुहुं जाणु।”
\p
\v 25 आखा माणसे जपाप देदा, “हेरो खुन हामरे उपर ने हामरी अवल्‌यात पर हवणी दे!”
\p
\v 26 हीनी वात पर हयु बरअब्‌बा काजे हींद्‌रे वाटे छुड़ देदु, ने ईसु काजे सुटाटीन सीपायड़ान हात मां आप देदु, काहाकी तीना काजे कुरुस पर चड़ावे।
\s सीपायड़ा ईसुन हासी उडाड़े
\r (मरकुस 15:16-20; युहन्‌ना 19:2,3)
\p
\v 27 तत्‌यार रोमी सरकारेन पीलातुसेन सीपायड़ा ईसु काजे कीला मां ली जाय्‌न, चां आखा सीपायड़ान टुळा काजे भेळा कर लेदा, 
\v 28 ने तेरा पेहला पुथल्‌या नीकाळीन तीना काजे रातला रंगेन लांबला पुथल्‌या पेहराया। 
\v 29 ने काटाळ्‌यु मुकुट गुथीन तेरा मुणका\f + \fr 27:29 \fr*\ft सीर\ft*\f* उपर मेल्‌या, ने तेरा जेवड़े हात मां बुरीन सुटी धराय देदा, ने चे तेरे अगळ मांडा टेकीन तीना काजे हासी कर्‌या, ने कह्‌या, ए यहुदीयान राजा, वारु छे की? 
\v 30 ने तेरे उपर थुप्‌या, ने तीनीत बुरीन सुटीक हापकीन तेरे मुणके देदा। 
\v 31 अळतेन चे हासी-उडाड़ीन चे ईसुन रातलो झगल्‌यो नीकाळ देदा, ने तेरा पेहला पुथल्‌या पेहराया, ने कुरुस पर चहड़ावणे ली गुया।
\s ईसु काजे कुरुस पर चड़ावे
\r (मरकुस 15:16-20; लुका 23:26-43; युहन्‌ना 19:17-27)
\p
\v 32 जत्‌यार चे सहरेम सी नीकळीन जाणे बाजी रवला, ती तीनुक सीमोनेन नावेन एक कुरेन गांव मां रवण्‌यु सीमोन नावेन एक अदमी भेळु हयु, ने चे तीना काजे बीहाड़ीन ईसुन कुरुस काजे हाकलाड़्‌या। 
\v 33 चे तीनी जागा पर पुग्‌या, गुलगुता मतलब, माणसेन टुबरान जागु कह्‌वाये चां ली गुया, 
\v 34 चे ईसुक कड़वो चीज भेसकेलु अंगुरेन रस पीणे आप्‌या, बाकुन ईसु चाख्‌यु बाकुन पीदु नी।
\p
\v 35 तत्‌यार चे तीना काजे कुरुस पर चड़ाया, ने तेरा पुथल्‌या कुणी-कुणीक जड़से करीन चिट्‌ठी नाखीन तेरा पुथल्‌या वाट लेदा। 
\v 36 ने चां बठीन ईसुन देख-भाळ करने लाग्‌या। 
\v 37 ने चे ईसुक मुणका सी उपर कुरुस पर एक लाकड़ान पट्‌टी खीळा ठुकीन टांग देदा, तीनी पट्‌टी पर ईसुन जु गुनु लिखलु हतलु, “जु यहुदीयान राजु ईसु छे” 
\v 38 तत्‌यार तेरे भेळा दुय डाकु हतला एक जेवड़्‌ये आंग्‌ये ने दीसरु डाखर्‌ये आंग्‌ये कुरुस पर चड़ाय देदा।
\p
\v 39 ने चां आवणे-जाणे वाळा माणसे मुणका डुलावता-डुलावता जाय्‌न हासी उड़ाया ने तेरी जबरान वाक नीकाळ्‌या। 
\v 40 ने असा कवतेला, “ए मंदीर काजे उदारने वाळा ने तीन दाहड़ा मां पछु बणावणे वाळा, तु आपसाक ते बचाड़! कदी तु भगवानेन बेटु हय ती कुरुस सी उतरी आव।”
\p
\v 41 हीनीत रीत सी मुख्‌या पुजारा, यहुदी नीयम सीकाड़न्‌या मास्‌तर्‌या ने डाहा बुड़ा हेरी हासी उड़ाया। 
\v 42 हयु दीसरा काजे वाचाड़्‌यु, ने आपणे आप काजे नी बचाड़ सके। हयु ते ईस्‌रायेलेन राजु छे कदी हय कुरुस पर सी उतरी आवे ती हामु हीना पर भुरसु करसुन। 
\v 43 हयु भगवान पर भुरसु राख्‌‌यु; कदी चु चाहतु, ती हींताळ तीना काजे बचाड़ लेय काहाकी हयु कवलु मे भगवानेन पुर्‌यु छे!
\p
\v 44 हेरेन तसु डाकु बी जे तेरे साते कुरुस पर चड़ावला हतला चे हेरी नाव-बद्‌दी करतेला।
\s ईसुन कुरुस पर मरनु
\r (मरकुस 15:33-41; लुका 23:44-49; युहन्‌ना 19:28-30)
\p
\v 45 मांजणीक टेमे बारे बजे सी तीन बजे लग आखा देस मां आंदारलो छावाय रयो। 
\v 46 तीनेक बजे ईसु मटी अवाज मां आयड़ीन कह्‌यु, “एली, एली, लमा सबक्‌तानी?” हेरो मतलब “ए मारा भगवान, ए मारा भगवान, तु मेसे काहा छुड़ देदु?” 
\v 47 जे चां उबा हतला हींद्‌रेम सी बेसका माणसे ज सामळीन कह्‌या, “हयु ते एलीय्‌याह काजे आयड़ी रयु!” 
\v 48 हींद्‌रे मां सी एक जणु छाटु दवड़्‌यु ने पुतो लीन अंगुरेन रस मां डुबाड़्‌यु ने सुटी पर मेळीन ईसुक चुसाड़्‌यु।
\p
\v 49 दीसरा कह्‌या, “रहणी देवु, देखजे एलीय्‌याह तीना काजे बचाड़ने आवे की नी।”
\p
\v 50 तत्‌यार ईसु अळी मटला अवाज मां आयड़ीन जीव छुड़ देदु।
\p
\v 51 ने देखु, मंदीरेन पड़दु उपर सी नेचु लग फाटीन दुय भाग मां हय ज्‌य, ने धरती हाल गुय ने चापर्‌या फाटणे लाग गुयु, 
\v 52 ने मसाण्‌या उघड़ी गुया ने भगवानेन बेसका मरला चुखला माणसेन डील जीवता हय गुया। 
\v 53 ने चे मसाण्‌या मां सी जीवता हय्‌न नीकळीन चुखला सहर मां गुया ने बेसका माणसे काजे देखाया।
\p
\v 54 तत्‌यार सुबेदार ने जे तेरे साते ईसुन राखवाळी करतेला, चे आखो ज काय हय च देखीन बेसका बीही गुया, ने कह्‌या, “छाचलीन हयु भगवानेन पुर्‌यु हतलु!”
\p
\v 55 चां बेसका बायरा गलील जीला मां सी ईसुन चाकरी करती-करती तेरे साते आवली ची ज काय हयो च देखी रवली। 
\v 56 हींद्‌रे मां मरीयम मगदलनी, ने याकुप ने योसेपेन माय मरीयम, ने जब्‌दीन पुर्‌यान माय हतली।
\s ईसु काजे गाड़े
\r (मरकुस 15:42-47; लुका 23:50-56; युहन्‌ना 19:38-42)
\p
\v 57 जत्‌यार सांती हयो ती युसुफ नावेन अरीमतीया गांवेन एक पयस्‌या वाळु एक माणुस, ज्‌य आपसुत ईसुन चेलु बणलु हतलु, चु आयु। 
\v 58 हयु पीलातुस धड़े जाय्‌न ईसुन धड़ मांग्‌यु। ईनी वात पर पीलातुस तीना काजे हुकुम आप्‌यु, की डील ली जावु। 
\v 59 युसुफ धड़ ली लेदु, ने एक वारला चादरा मां वेलटी लेदु। 
\v 60 ने तीना काजे तेरा नवला मसाण मां मेक देदु, ची मसाण हयु चापर्‌या मां खुदाड़ रवलु, ने मसाणेन बारना पर मट्‌लु दगड़ु गबड़ायन जाती र्‌यु। 
\v 61 मरीयम मगदलनी ने दीसरी मरीयम चां मसाण अगळ बठी रवली।
\s ईसुन मसाण पर पेहरु
\p
\v 62 दीसरे दाहड़े\f + \fr 27:62 \fr*\ft दिन\ft*\f* ज्‌य तीहवारेन दाहड़ान पछेन दाहड़ु हतलु, मुख्‌या पुजारा ने फरीसी माणसे पीलातुस धड़े भेळा हयन कह्‌या। 
\v 63 “ए माहाराज, हामुक हेर छे की हयु धुकु देणेवाळु जत्‌यार जीवतेलु हतलु, ती कवतेलु की मे तीन दाहड़ाम पछु मर्‌या-सर्‌या सी जीवतु हय जायस।” 
\v 64 तेरेमां हुकुम दे की तीन दाहड़ा लग मसाणेन राखवाळी करजे, असो नी हय जाय की तेरा चेला आवीन तीना काजे चुरी करीन ली जाती रवे, ने माणसे सी कह्‌वणे बाजी जाय की, हयु मरलाम सी जीवतु हय गुयु। तत्‌यार जु पछलु धुकु पेहले सी बी जादा हवसे।
\p
\v 65 पीलातुस तीनुक कह्‌यु, “तुंद्‌रे धड़े राखवाळ्‌या हय ते। जावु, ने वारु समज सी राखवाळी करु।”
\p
\v 66 तेरेमां चे राखवाळ्‌या काजे पुठ्‌ये लीन गुया, ने दगड़ा पर छाप लागाड़ीन मसाणेन राखवाळी कर्‌या।
\c 28
\s ईसु मर्‌या-सर्‌याम सी पछु जीवतु हवे
\r (मरकुस 16:1-10; लुका 24:1-12; युहन्‌ना 20:1-10)
\p
\v 1 आरामेन दाहड़ान पछे ने हाप्‌तान पेहले दाहड़े संदारे एगात वीजाळो हवतेत मरीयम मगदलनी ने दीसरी मरीयम मसाण्‌या मां देखणे आय। 
\v 2 चे देख्‌या, एक मटु भुकम आयु काहाकी मालीकेन एक सरग वाळु काहवाळ्‌यु सरगे सी उतर्‌यु ने धड़े आवीन सरग वाळु काहवाळ्‌यु चापर्‌या काजे उन्‌‌धु कर देदु, ने तीना चापर्‌या पर बठ गुयु। 
\v 3 तेरु सीकु वीजळीन तसों हतलो ने तेरो पुथल्‌यो बरफेन तसों उजल्‌ळो हतलो। 
\v 4 पेहरु देण्‌या बीहीयन सीयारी ली लेदा, ने मरलान तसा हय गुया।
\p
\v 5 सरग वाळु काहवाळ्‌यु तीनु बायरा काजे कह्‌यु, “मां बीहु\f + \fr 28:5 \fr*\fq मां बीहु \fq*\ft मत डरो\ft*\f*, मे जाणो की तुहुं ईसु काजे गुयु कुरुस पर चड़ावला तीना काजे हेरने बाजी रय। 
\v 6 चु जां नी हय बाकुन आपणा बुल मां कवलु तसुत मरलाम सी जीवतु हय गुयु। आवु, चु जागु देख लेवु, जां मालीक काजे मेल्‌ला, 
\v 7 ने हींताळ छाटा जाय्‌न तेरा चेला काजे कह्‌वु की चु मरलाम सी जीवतु हय गुयु ने तुंद्‌रे सी पेहल गलील जीला मां जासे चां तुहुं तीना काजे देखसु देखु मे तुहुंक कय देदु।”
\p
\v 8 चे बायरा बीहीन ने बेसकी खुस हय्‌न मसाण मां सी पछा आवीन ईसुन चेला काजे कवणे वाटे दवड़ीन आवी।
\p
\v 9 तत्‌यार ईसु तीनु बायरा काजे भेळु हयु। ने कह्‌यु, “वारु छे की करीन कह्‌यु।” ची बायरी धड़े आवीन ने ईसुन पाय धरीन तीना काजे आंध्‌यु। 
\v 10 तत्‌यार ईसु तीनुक कह्‌यु, “बीहु मां; मारा भायसेक जाय्‌न कह्‌वु की गलील जीला मां जाती रवु, चां मेसे देखसु।”
\s राखवाळी करन्‌या खबर करे
\p
\v 11 चे बायरा जाणी बाजी रवला ने पेहरु देण्‌या मां सी थुड़ाक जणा सहर मां आया ने मसाण मां ज्‌य काय हयो चो मुख्‌या पुजाराक कवीन सामळाय देदा। 
\v 12 तत्‌यार चे डाहा-बुड़ा माणसे साते भेळा हयन मुजगी कर्‌या ने सीपायड़ा काजे बेसका पयस्‌या आपीन कह्‌या, 
\v 13 “असा कवजु की राते जत्‌यार हामु सुय रवला ती तेरा चेला आवीन ईसुन धड़ काजे चुरी करीन लीन जाती रया। 
\v 14 ने कह्‌या कदी जी वात रोमी सरकारेन कान्‌टा मां लग जाती रवसे ती हामु तीना काजे समजाड़ीन तुहुंक डंड सी बचाड़ लेसुन।”
\p
\v 15 अळतेन चे पेहरु देण्‌या पयस्‌या ली लेदा ने जसा तीनुक सीकाड़ला हतला तसात चे कह्‌या जी वात आज लग यहुदी माणसे मां चाल रय।
\s ईसु चेला काजे देखाव पड़े ने आकरी हुकुम आपे
\r (मरकुस 16:14-18; लुका 24:36-49; युहन्‌ना 20:19-23; नेवताळा 1:6-8)
\p
\v 16 ग्‌यारे चेला गलील जीलान तीना बयड़ा पर गुयला, चां ईसु तीनुक बताड़लु। 
\v 17 चे ईसु काजे देखीन तीना काजे आंध्‌या\f + \fr 28:17 \fr*\ft प्रणाम \ft*\f* बाकुन काहनाक-काहनाक काजे भुरसु नी हयु। 
\v 18 ईसु हींद्‌रे धड़े आवीन कह्‌यु, “सरगेन ने धरतीन आखु हक मेसे जड़लु छे। 
\v 19 तेरेमां तुहुं जावु, ने आखी जातीन माणसे काजे चेला बणावु; ने तीनुक बास, ने पुर्‌यु, ने चुखली-आत्‌मान नाव सी बपतीस्‌मा देवु, 
\v 20 ने तीनुक आखी वात जी मे तुहुंक हुकुम आपो, मान्‌ने सीकाड़। ने देखु, मे कळीन खत्‌तम हवणे लग जलम मे तुंद्‌रे साते\f + \fr 28:20 \fr*\ft संग\ft*\f* रवीस।”