\id JUD - Bhilali Standard Project
\ide UTF-8
\h यहुदा
\toc3 यहुदा
\toc2 यहुदा
\toc1 यहुदान चिट्‌ठी
\mt2 यहूदा की पत्री
\mt1 यहुदान चिट्‌ठी
\imt यहुदान बारामां
\ip यहुदा ईनी काजे लिखणे वाळु छे। यहुदा खुद काजे ईसुन भायस, याकुपेन भायसेन हीसाबे उळखाण छे। तेरेमां हीनाक ईसुन भायस मां सी एक अळी भायस माने। \xt 1\xt* हामुक असो नी मालम हय की जी चिट्‌ठी एक खास मंडळी वाटे लिखली हतली ने पुराणा नीयमेन मायन बारामां लिखलो छे तेरेमां, यहुदा खास भन्‌ने वाळा हय सके यहुदी माणसे सी बन्‌ला हतला। भले हयु आपसा चिट्‌ठी काजे पला आखा बारामां कहें जे बुलावला छे, तीनुक भगवान बास परम करे। ने ईसु मसी वाटे छे। \xt 1\xt* जी चिट्‌ठी हय सके ईसुन पयदावारीन 60 सालेक आड़े-धड़े लिखायली हतली।
\ip आखा मसी माणसे काजे जी चिट्‌ठी लिखणेन मतलब तीनुक झुठी सीकापण सी भटकाड़नेन बारामां कहें की तसा नी चालनु \xt 4 \xt*हयु तीनुक वारु सीकाड़ने करीन पुराणा नीयमेन बारामां ने कहली वातेन बारामां बी बताड़े। जी चिट्‌ठी 2 पतरस साते बेसका वीच्‌यार सी मेळतो छे, चां झुठा भणावणे वाळान बारामां चेतावणीन \xt यहुदा 4 \xt*\xt 2 पतरस 2:1\xt* साते-साते सरगदुत ने सदोम ने अमोरान सहरेन बारामां बी बताड़े।
\iot बाहरती वात
\io1 1. यहुदा पेहल आपसा भन्‌ने वाळाक वारु छे की करीन लिखे। \ior 1:1-2 \ior*
\io1 2. तेरे बात, हयु लिखणेन वजे बताड़े, की मे झुठी सीकापण सीकाड़न्‌या सी छेटे रहणे कहें। \ior 1:3-4 \ior*
\io1 3. तेरे बात पुराणा नीयम मां माणसे ने हवलान बारामां बी बताड़े। \ior 1:5-16\ior*
\io1 4. अळतेन हयु बताड़े की चेतीन रवीन तींद्‌रे सी छेटे रहणु चाहजे। \ior 1:17-23\ior*
\io1 5. आकरी मां हयु भगवानेन बड़ाय करतु जाय्‌न चिट्‌ठी काजे लिखणेन बंद करे। \ior 1:24-25 \ior*
\c 1
\s आव-भाव
\p
\v 1 यहुदा भीणी सी जु ईसु मसीन पावर्‌यु ने याकुपेन भायस छे, जे भगवानेन साहरे बुलावला छे,
\p ने भगवान बासेन लाटेक्‌ला पुर्‌या-पारी छे, ने ईसु मसी धड़े समळीन रवे।
\p
\v 2 दया ने सुक-सांती ने परम तुहुं काजे बेसकी जड़्‌या करे।
\s लुच्‌चा मास्‌तर्‌यान नीयाव
\p
\v 3 ए मारा लाटेक्‌ला, दुस्‌तीदार्‌या जत्‌यार मे तुहुं काजे तीना छुटकारान बारामां लिखणे करीन बेसकी काठी मेहनत कर रयु, तीना छुटकारान आपणु आखा साजल्‌या छे। तीने टेमे मेसेक जो समजाड़नु वारु लाग्‌यो की तुहुं तीना भुरसा वाटे पुरा-पुरा काठी मेहनत करु, जु भुरसु चुखला माणसे काजे एकुत कावा सुपलु हतलु। 
\v 4 काहाकी बेसका असा माणसे कळ्‌येन आपणेम आवीन भेसकाय गुयला छे, तींद्‌रा डंडेन बारामां अगला बारामां पेहले सीत लिखलो हतलो जे नी भगत छे, ने आपणा भगवानेन गीण-दया काजे छीनाळा मां बदली देय ने आपणा एकुत मालीक ने आखान मुखी ईसु मसीन नीकारु करे।
\p
\v 5 बाकुन तुहुं आखी वात एक कावा जाणी लेदला छे, तेबी मे तुहुं काजे जी वात हेर कराड़ने हींडो की मालीक एक कुळीन माणसे काजे मीसर देस सी छुड़ावीन लायु। बाकुन अळी भुरसु नी कर्‌या करीन मारीन सार देदु\x + \xo 1:5 \xo*\xt ईब्‌रानी 3:16; गिन्‌ती 4:22,23,30\xt*\x*। 
\v 6 ने जे सरग वाळा काहवाळ्‌या आपसा ठीया काजे छुड़ देदा ने, आपसा जागा काजे छुड़ देदा भगवान तीनुक, बी नीयावेन दाहड़ा वाटे तीना आंदारला मां बांदीन मेल रयु, ज जलम लग रवसे। 
\v 7 सदोम ने गमोरा ने तीनु सहर धड़े वाळा सहरे सरग वाळा काहवाळ्‌यान तसात छीनाळ्‌या बण गुया ने पारका डीलेन हेर करने बाजी गुया ने आकठान जलमेन अमरकायान डंड भुक्‌तीन आपणे-आपणे वाटे एक दाखलु बण गुया।
\p
\v 8 असोत जे सपनो देखण्‌या बी आपसा-आपसा डीलेक वीटाळे, ने भगवानेन हक काजे नीकारु ने उचा जागा पर बठण्‌या काजे वारु-भुंडा कहें। 
\v 9 बाकुन जत्‌यार सरग वाळा काहवाळ्‌यान मुखी मीकायेल, भुतड़ा साते मुसान धड़ेन, बारामां वातेम जखड़ी पड़ रयु, तत्‌यार तीना भुतड़ान नाव-बद्‌दी करीन तेरी वात काटनेन हिम्‌मत नी कर्‌यु, बाकुन तीनाक ज कह्‌यु, “मालीक तुसेक लड़े।” 
\v 10 बाकुन जे माणसे ते तीनी वातेक जाणे लग नी, तीनी वातेन बारामां भलो-भुंडो कह्‌वीन वात काटे, ने तीनी वातेक डेड़-अकल्‌या जनवार्‌यान तसा सुरु सीत जाणे, तीनी वातेम आपसा काजे सारने बाजी रया। 
\v 11 तींद्‌रे वाटे बेसकी दुखेन वात छे काहाकी चे केनेन तसा वेहवार कर्‌या, ने दाहड़की वाटे बीलामेन तसा बीगड़ी गुया, ने कोरह जातीन माणसेन तसा मुसान वीरुद करीन सर गुयला छे। 
\v 12 जे तुंद्‌री परमेन पंगत मां बठीन खाय पीये, जे दर्‌या मां सातायला ढाटा सांय छे, जे बे फीकर्‌या हय्‌न आपसोत पेट भरने करीन तुंद्‌रा गुवाळ्‌या बण रया। जे ठारला वादळान तसा छे, तीनु काजे आहळी उडाड़ीन ली जाय। जे फालतु झाड़कान तसा छे, जे सड़ी जाय। जे दुय कावा मर गुयला छे, ने जड़ सुदेत उखळी गुयला छे। 
\v 13 जे दर्‌या समुदरेन झलकेन तसा छे, जे आपसी लाजेन झलके झलकाये। तींद्‌रे वाटे जलम आंदारलो मेल छांड्‌यो।
\p
\v 14 हनोक बी जु आदमेन सातवी पीड़ी मां पयदा हवलु, चु बी हींद्‌रा डंडेन बारामां, पेहले सीत भगवानेन अघली असी वात कह्‌लु, “देखु भगवान मालीक आपसा हजारु चुखला माणसे साते आयु। 
\v 15 आखान नीयाव करने आवणे बाजी रयु, ने चे माणसे ज बी भुंडो काम करला छे, ने भगवानेन वीरुद मां भुंडु बुल कह्‌ला छे, तीनुक डंड आपे।”
\p
\v 16 जे माणसे लागाड़ु ने वात काडण्‌या छे। चे आपसान मरजी पर चालने वाळा छे, ने आपसान बारामां मटायन वात करे। ने आपसा नफान करतात दीसरान बड़ाय कर्‌या करे।
\s नेवताळान खरली सीकापण पर टेक्‌ला रहणु ने भाती-भातीन माणसेन मदत करनु
\p
\v 17 बाकुन ए लाटेक्‌ला दुस्‌तीदार्‌या, तुहुं, तीनु बुलेक हेर राख्‌जु, जी वात आपणा मालीक ईसु मसीन नेवताळा पेहले सीत कहला हतला। 
\v 18 चे तुहुंक कह्‌या करतेला की पेहला दाहड़ा मां भगवानेन वातेन हासी उडाड़से, ने भगवानेन भक्‌तीन वीरुद मां हेर करीन जीवसे। 
\v 19 चे जे माणसे छे, जे भगवानेन माणसे मां बीरजु पाड़ देय, जे मनेन मरजी पुरी करे, तींद्‌रेम जीव-आत्‌मा नी हय। 
\v 20 बाकुन ए लाटेक्‌ला, तुहुं आपसा चुखला भुरसा मां अदता जावु, ने चुखली-आत्‌मा मां दुवा करता रहु। 
\v 21 भगवानेन परम मां रहु; ने अमर जीवन वाटे आपणा मालीक ईसु मसीन दयान वाट देखता रहु।
\p
\v 22 ईसुन मंडळीम जे भुरसा मां पाक्‌का नी हय, तींद्‌रे पर दया करु। 
\v 23 झुटी सीकापण मानीन जे भंगलायन खरली वाटे सी छेटा हयन नरक आकठा मां पड़ला दीसरा माणसे काजे अगा जाय्‌न नीकाळु, ने पाप मां पड़ला बेसका जणा पर बीहता जाय्‌न दया करु; बाकुन तींद्‌रा पुथल्‌या सी बी कुहराय करु, जे पुथल्‌या तींद्‌रा पापी डील सी भुंडा हय गुयला छे।
\s भगवानेन बड़ाय
\p
\v 24 जु तुहुं काजे पापेम पड़ने सी बचाड़ सके, ने आपसा पुरा-पुरा सेक-सींगार अगळ खुस करीन, ने नी-गुनाळा बणावीन उबु कर सके; 
\v 25 तीना एकुत आपणा छुड़ावणे वाळा भगवानेन सेक-सींगार, ने मटाय, ने ताकत, ने हक आपणा मालीक ईसु मसीन साहरे कळ नी घड़ायी ने पेहले सीत देखाव पड़तु आय रयु, तसुत हय बी देखाव पड़्‌या करे, ने पीड़ीडीट जलम देखाव पड़तु रवणु चाहजे। आमीन।