\id JHN - Bhilali Standard Project
\ide UTF-8
\h युहन्‌ना
\toc3 युहन्‌ना
\toc2 युहन्‌ना
\toc1 युहन्‌नान साहरे लिखली ईसुन खुस-खबर
\mt2 यूहन्ना के द्वारा लिखा गया यीशु का सुसमाचार
\mt1 युहन्‌नान साहरे लिखली ईसुन खुस-खबर
\imt युहन्‌नान बारामां
\ip युहन्‌नान अनसारे खुस-खबर नवला नेम मां चार किताप मां सी एक छे, जु ईसु मसीन जीवनेन बारामां देखाड़े। तींद्‌रे मां सी एकेक काजे “खुस-खबर” कह्‌वे। तेरो मतलब छे “वारलु खबर।” चे मत्‌‌ती, मरकुस, लुकु, ने युहन्‌नान साहरे ईसुन मरनेन पछे लिखली छे। युहन्‌ना अनसारे खुस-खबर आड़े-धड़ेन नेवताळा युहन्‌नान साहरे ईसुन पयदा हवणेन लग-भग नब्‌बे साल पछेन लिखला, चाहे ची किताप जी नी कह्‌वे, की युहन्‌‌‌नु लिखणे वाळु छे, लिखणेन ढंग पेहला युहन्‌ना दीसरा युहन्‌ना ने तीसरा युहन्‌नान आक्‌सरेन तसा छे, थुड़ाक डाहा-बुड़ा युहन्‌ना काजे तीनी टेमे ईफीसुस सहर मां रवे, हेरेसी कवतेला की जी किताप ईफीसुस सहर मां लिखी गुयली।
\ip युहन्‌ना साप रुप सी बताड़े की ईनी कितापेन मतलब माणसे काजे भुरसु करने मां मदत करनु छे, की ईसुत मसी छे, जीवतेला भगवानेन पुर्‌यु \xt 20:31\xt* असु भुरसु करीन आपणु हेरा नाव पर जीवन जी असकु। किताप यहुदी ने नी-यहुदी आखा वाटे लिखली छे। युहन्‌नान खुस-खबर थुड़ाक मायनो मे दीसरी तीन खुस-खबर मां सी बेसकी आंगे छे। हयु हीनु मटा-मटा काम पर धीयान लागाड़्‌यु, जु ईसु करलु ने आपणा दाखलान बारामां अदुस नी लिख्‌यु, ईसुन बपतीस्‌मा ने उजाड़ मां लालुचेन तसा दीसरा मटला काम काजे बी नी लिख्‌यु।
\iot बाहरती वात
\io1 1. युहन्‌नान खुस-खबर चालु करे। \ior 1:1-18 \ior*
\io1 2. अळतेन चु तीनुक बेसका मटा कामेन बारामां जु लिखे चु ईसु कर्‌यु। \ior 1:19—12:50 \ior*
\io1 3. तेरे पछेन चु ईसुन जीवनेन बेसका कामेन बारामां देखाड़े जु तेरे मरनेन ने पछु जीव उठणेन वाटे अगवाय करे। \ior 13:1—20:31 \ior*
\io1 4. युहन्‌नान खुस-खबर खाजे खत्‌तम करनेन बारामां बताड़े, तेरेमां सी एकेक पछे ईसु माणसे काजे देखाव पड़नेन पछे चु मरला मां सी जीव उठे ने अळी किताप लिखणेन आपणो मतलब बताड़्‌यु। \ior 21 \ior*
\c 1
\s जीवनेन बुल
\p
\v 1 कळी घड़ायणे सी पेहलुत बुल हतलो, ने बुल भगवान पुठ्‌ये हतलो, ने बुल भगवानुत हतलु। 
\v 2 च बुल कळी सी पेहेल भगवान साते हतलो। 
\v 3 कळी मां ज आखो काय तेरे सीत बण्‌यो, ने ज काय बण्‌यो तेरेमां सी काय बी चीज तेरे पाखुर नी बण्‌यो। 
\v 4 हेरेम जीव हतलु, ने हयु जीव दुनीया मायन माणसे वाटे वीजाळो हतलो। 
\v 5 वीजाळो\f + \fr 1:5 \fr*\ft ज्योति\ft*\f* आंदारला मां चमक्‌यो ने आंदारलो तीनाक कदी नी उळखी सक्‌यो।
\p
\v 6 भगवान भीणी सी मकेल्‌लु एक अदमी ईनी कळी मां आयु, तेरो नाव युहन्‌ना हतलो। 
\v 7 ने चु युहन्‌‌‌नु तीना वीजाळान बारामां माणसेक गवा देणे आयु, काहाकी आखा माणसे तीनी गवायन साहरे तीना वीजाळा पर भुरसु कर्‌या। 
\v 8 चु युहन्‌‌‌नु, आपसुत च वीजाळो नी हतलु; बाकुन तीना वीजाळान बारामां गवाय देणे आवलु। 
\v 9 ज खरलो वीजाळो हतलो, चु कळी मां हय उजेंतु हवणेवाळु हतलु, ने चु आखा माणसे काजे आपसा वीजाळान साहरे भगवानेन छाचाय देखाड़न्‌यु हतलु।
\p
\v 10 कळीन आखा घड़न्‌या, तेरेत साहरे घड़ाया, ने चु कळी मां आयन देखाव पड़्‌यु, तेबी कळीन माणसे तीना काजे नी उळख्‌या। 
\v 11 चु आपसा यहुदी-माणसेन ईचमां आयन रयु, बाकुन तेरात माणसे तीनाक नी आवर्‌या। 
\v 12 बाकुन जतरा बी माणसे तीनाक आपसा जीवेम आवरीन, तेरा नाव पर भुरसु करे, चु तीनु आखा काजे भगवानेन अवल्‌यात बणनेन हक आप्‌यु। 
\v 13 चे नी ते खुन सी, ने नी ते डीलेन मरजी सी, नी आयस बासेन मरजी सी, बाकुन भगवानेन मरजी सी पयदा हया।
\p
\v 14 तेरेमां चु बुल कहंवायतेलु; ने चु माणुस बणीन धरती पर आयु, ने आपणे ईचमां रयु। ने हामु तेरी सेक-सींगार देख्‌या, जसा की भगवान बासेन एकुत लाटेक्‌ला पुर्‌यान गीण-दया ने छाचाय बी हतली।
\p
\v 15 युहन्‌ना तेरा बारामां असी गवाय देदु, ने आयड़ीन कह्‌यु, “जु हयुत छे, तेरे बारामां मे असु कह्‌लु, एक जणु आवणे वाळु छे, चु मार पछळ आय र्‌यु, चु मार सी मटु छे, काहाकी चु मार सी पेहेल हतलु।”
\p
\v 16 काहाकी हेरेत उगळता खजाना मां सी हामुक आखो जड़्‌यो, मतलब तीना खजाना मां सी आपणु काजे बेसकी गीण-दया हवली छे। 
\v 17 तेरेमां नेम कायदु ते मुसु देदलु, बाकुन गीण-दया ने छाचाय ईसु मसीन साहरे आपणेन्‌चां पुगली। 
\v 18 भगवान काजे कुय बी माणुस आज लग नी देख्‌या, बाकुन तेरु एखलु पुर्‌यु ईसु चु आपसुत भगवान छे, ने जलम भगवान पुठ्‌ये रवे, हयुत भगवान काजे आपसी जीवान साहरे देखाड़ीन पुरु उजेंतु करलु छे।
\s युहन्‌ना बपतीस्‌मा आपणे वाळान गवाय
\r (मत्‌‌ती 3:1-12; मरकुस 1:1-8; लुका 3:1-18)
\p
\v 19 एक दाहड़े यरुसलेम सहर सी यहुदी माणसेन डाहला, चे भगवानेन मंदीरेन पुजारा काजे ने पुजारान मदत करन्‌या लेवी कुळीन माणसे काजे, युहन्‌ना भीणी असा पुछणे मकल्‌या की तु कुण छे?
\p
\v 20 तत्‌यार युहन्‌‌‌नु ज मान लेदु बाकुन मना नी कर्‌यु, “मे मसी नी हय।”
\p
\v 21 तत्‌यार चे तीनाक पुछ्‌या, “की तु कुण छे?”
\p काय तु एलीयु छे? युहन्‌‌‌नु जपाप आप्‌यु।
\p “मे नी हय ती काय?” तु चु भगवानेन अघली वात बताड़न्‌यु माणुस छे।
\p “चु जपाप\f + \fr 1:21 \fr*\ft उत्तर\ft*\f* आप्‌यु,” मे नी हय।
\p
\v 22 तत्‌यार चे तीनाक कह्‌या, “ती तु कुण छे? जे हामुक मकल्‌या तीनुक हामु काय जपाप आपजे? तु तार बारामां काय कह्‌वे?”
\p
\v 23 चु युहन्‌‌‌नु कह्‌यु, जसों भगवानेन अघली वात बताड़न्‌यु यसायु कहंलु की:
\q1 “मे बयड़ा मां आयड़ीन बुल सामळावण्‌यु छे:
\q2 की तुहुं मालीकेन\f + \fr 1:23 \fr*\ft प्रभु\ft*\f* वाट सुदी करु!”
\p
\v 24 युहन्‌नान झड़ती करने करीन यरुसलेम सी मकेल्‌ला फरीसी माणसे बी हतला। 
\v 25 चे माणसे युहन्‌ना काजे अळी पुछ्‌या कदी तु मसी बी नी हय, “ने एलीयु बी नी हय, ने भगवानेन अघली वात बताड़न्‌यु माणुस बी नी हय, ती तु बपतीस्‌मा काहा आपे?” 
\v 26 युहन्‌ना तीनुक जपाप आप्‌यु, “मे ते तुहुं काजे पाणी सी बपतीस्‌मा आपो, बाकुन तुंद्‌रे ईचमां एक माणुस छे तीनाक तुहुं नी उळ्‌खु। 
\v 27 अळतेन मारे पछेन आवणे वाळु छे, मे तेरा खासड़ान बंद छुड़ने लायक बी नी हय।”
\p
\v 28 जी वात यरदन नदीन पार बेतन्‌या गांव मां हवली, चां युहन्‌‌‌नु बपतीस्‌मा आपतेलु।
\s भगवानेन गाडरो
\p
\v 29 दीसरे दाहड़े युहन्‌ना ईसु काजे तेरे भीणी आवतेलु देखीन कह्‌यु, “देखु जु भगवानेन साहरे मकेल्‌लु गाडरु छे, चु कळीन माणसेन पाप हाकलीन ली जासे। 
\v 30 जु चु छे तेरा बारामां मे कह्‌लु, की एक माणुस मारे पछळ आवणे वाळु छे, जु मारे सी बेसकु मटु छे मार सी अगळ छे, काहाकी चु मार सी पेहलुत हतलु 
\v 31 मेसेक बी जी वात पेहेल मालुम नी हतली, हयुत मसी छे, बाकुन भगवानेन मरजी जी हतली की ईस्‌रायली जातीन माणसे समजणु चाहजे की, मसी कुण छे, हेरेसी भगवान मेसेक पाणीम बपतीस्‌मा आपणेन सेवा आप्‌यु।”
\p
\v 32 ने युहन्‌‌‌नु जी गवाय आप्‌यु, मे आत्‌मा काजे पेरवान तसों सरगे सी उतरतेला देख्‌यु, ने चु तेरे पर बठ गुयु। 
\v 33 मे ते तीनाक उळखो नी बाकुन जु मेसेक पाणी सी बपतीस्‌मा आपणे वाळु मकेल्‌लु हयुत मेसेक कह्‌यु, “तेरे पर तु आत्‌मा उतरतेला ने बठतेला देख्‌यु, हयुत चुखली-आत्‌मा सी बपतीस्‌मा आपणे वाळु छे।” 
\v 34 ने मे देख्‌यु, ने गवाय देदु, “की हयुत भगवानेन नेवाड़लु पुर्‌यु छे।”
\s मालीक ईसुन पेहला चेला
\p
\v 35 दीसरे दाहड़े युहन्‌‌‌नु ने तेरा दुय चेला चां आय रवला। 
\v 36 युहन्‌ना ईसु काजे चां मायन जातलु देख्‌यु ने तेरा चेला काजे कह्‌यु, “देखु हीयुत भगवानेन गाडरु छे।”
\p
\v 37 तत्‌यार चे दुयु चेला युहन्‌नान जी वात सामळीन ईसुन चेला बणने करीन, ईसु पछळ चाली पड़्‌या। 
\v 38 जत्‌यार ईसु पछु फीरीन तीनुक आवतेला देखीन तीनुक कह्‌यु, “तुहुं काय हेर रया?”
\p चे ईसुक कह्‌या, “ए मास्‌तर तारु रवणेन जागु कां छे।”
\p
\v 39 ईसु तीनुक जपाप आप्‌यु, “आवीन देख लेवु।” तत्‌यार चे जाय्‌न ईसुन रहणेन जागु देख्‌या, ने तीने दाहड़े ईसु पुठ्‌ये रया ने तीनी टेमे सांती वेळाय चार बज रवली।
\p
\v 40 तीनु दुय जणा मां सी जे युहन्‌नान वात सामळीन चे ईसु पछळ चाली पड़्‌या, एक सीमोन पतरसेन भाय अन्‌दीरीयास हतलु। 
\v 41 अदरीयास ईसुन्‌चां सी पछु गुयु ती, चु सुदु सट पेहल आपसा संगा भाय सीमोनेन्‌चां गुयु, तत्‌यार कह्‌यु, “हामुक छुड़ावन्‌यु मसी जड़ गुयु, तीनाक आपणु खीरीस्‌त कहजे।” 
\v 42 पछेन अन्‌दीरीयास तीना सीमोन काजे ईसुन्‌चां लायु।
\p ईसु सीमोन भीणी भाळीन कह्‌यु, “तु युहन्‌नान पुर्‌यु सीमोन छे, तु केफा कहंवाय्‌सी।” हीना केफा काजे युनानी बुली मां पतरस कह्‌वे।
\s फीलीप्‌पुस ने नतनएल काजे ईसु बुलावे
\p
\v 43 दीसरे दाहड़े ईसु गलील जीला भीणी जाणेन हींडी रवलु। तीनी टेमे चु फीलीप्‌पुस काजे भेळु हयु ने कह्‌यु, “तु मारु चेलु बणीन मारे पछळ चाल पड़।” 
\v 44 ने जु फीलीप्‌पुस बी, अन्‌दीरीयास ने पतरस रवतेलु तीनात बेतसेदा सहर वाळु हतलु। 
\v 45 ने जु फीलीप्‌पुस, नतनएल नावेन आपसा दुस्‌तीदार काजे भेळु हवणे गुयु, ने तीनाक भेळु हय्‌न कह्‌यु तीना मसीन बारामां मुसु नीयम मां लिखलु छे ने भगवानेन अघली वात बताड़ने वाळा बी करला, च हामुक जड़ गुयो, चु नासरत सहरेम रहणे वाळु युसुफ्‌यान पुर्‌यु ईसु छे।
\p
\v 46 नतनएल फीलीप्‌पुस काजे कह्‌यु, “ए नासरत सहर मां सी नीकळी काहनी बी वारलु बरकत उबजी सके काय?”
\p फीलीप्‌पुस नतनएल काजे कह्‌यु, “आवीन देख ले।”
\p
\v 47 ईसु नतनएल काजे हेरे भीणी आवतेलु देखीन कह्‌यु, “ने तेरा बारामां कह्‌यु, देखु जु ईस्‌रायली जातीन खरलु माणुस छे। हेरेमां काय बी खुट नी हय!”
\p
\v 48 नतनएल ईसु काजे कह्‌यु, “तु मेसेक कसु उळखे?” ईसु तीनाक जपाप आप्‌यु, “हेरेसी पेहेल की फीलीप्‌पुस तुसेक बुलायु जत्‌यार तु अंजीर नावेन झाड़का तळे हतलु तत्‌यार मे तुसेक देखलु।”
\p
\v 49 नतनएल ईसुक कह्‌यु, “ए मास्‌तर” तु भगवानेन पुर्‌यु छे, “तु ईस्‌रायली माणसेन राजु छे!”
\p
\v 50 ईसु नतनएल काजे कह्‌यु, “मे तुसेक वारु कहलु, की तु अंजीर नावेन झाड़का तळे देखलु काय, तु तेरेमां मार पर भुरसु\f + \fr 1:50 \fr*\ft विश्वास\ft*\f* कर रयु? तु हेरेसी बी मटा-मटा काम देखसी!” 
\v 51 ईसु तीनाक ने दीसरा चेलाक असु कह्‌यु, “मे तुहुंक छाचलीन कहो की तुहुं सरग काजे उघड़लो, ने भगवानेन सरग वाळा काहवाळ्‌या काजे माणसेन पुर्‌यान्‌चां उतरतेला ने चां सी उपर चहड़तेला देखसु।”
\c 2
\s गलील जीलान काना मां ईयाव
\p
\v 1 पछेन तीसरे दाहड़े\f + \fr 2:1 \fr*\ft दिन\ft*\f* गलील जीलान काना सहर मां ईयाव हतलु। ने ईसुन माय बी चां हतली 
\v 2 चां ईयाव मां ईसु ने तेरा चेला काजे बी नेवता आपीन बुलाय रवला। 
\v 3 जत्‌यार चां अंगुरेन रस सर गुयु, ती ईसुन माय ईसुक कय, “हींद्‌रे धड़े ते अंगुरेन रस सर गुयु।”
\p
\v 4 ईसु हेरी माय काजे कह्‌यु, “तु मेसे असी काहा कय रय? मारे साते तारो काय काम छे? हय मारी टेम नी आय रय।”
\p
\v 5 ईसुन माय पावर्‌या काजे कय, “हीयु तुहुंक जु काय कहं चत करजु।”
\p
\v 6 चां दगड़ान छव बेसका-मटा गुळा मेल्‌ला हतला, हीनु गुळाम सी पाणी हेड़ीन यहुदी माणसे चुखा हवणे करीन हात-पाय धुवतेला। हीनु गुळाम सोवेक लीटर पाणी समायतेलो। 
\v 7 ईसु चां वाळा पावर्‌याक कह्‌यु, “गुळा मां पाणी भर देवु” ने चे पावर्‌या ईसुन वात मानीन उगेळतो पाणी भर देदा। 
\v 8 तत्‌यार ईसु तीनुक कह्‌यु, “हय ईतरोक पाणी नीकाळीन वारत्‌यान धड़े ली जावु।” चे पावर्‌या च पाणी नीकाळीन वारत्‌यान्‌चां ली गुया। 
\v 9 तत्‌यार वारती च पाणी चाख्‌यु अंगुरेन रस बण गुयो ने तीनाक नी मालुम हतलो की अंगुरेन रस कां सी लावला। बाकुन\f + \fr 2:9 \fr*\ft परन्तु\ft*\f* तीनु पावर्‌याक मालुम हतलो की कां सी लावला ती आरत्‌यु दुल्‌लाक बुलायन तीनाक कह्‌यु। 
\v 10 “कुय बी माणुस पेहली बार वारलु अंगुरेन रस आपे ने तत्‌यार माणसे पीन आफरी जाय तत्‌यार हळकु अंगुरेन रस आपे; बाकुन तु ते वारलु अंगुरेन रस हय लग मेल रवलु।” \fig दगड़ान गुळा मां पाणी भरे|alt="Filling water in the stone jars" src="lb00135c.tif" size="col" copy="Horace Knowles ©" ref="2:7"\fig*
\p
\v 11 ईसु गलीलेन काना सहर मां पेहली कावा वारु कामेन सहलाणी देखाड़ीन आपसुत सेक-सींगार देखाड़्‌यु। ने ज देखीन ईसुन चेला ईसु पर भुरसु कर्‌या।
\p
\v 12 हेरे पछेन ईसु ने हेरी माय ने हेरु भाय ने हेरा चेला कफरनहुम सहर मां गुया ने चां थुड़ाक दाहड़ा रया।
\s ईसु मंदीर मां सी लेण देण करन्‌याक बाहार नीकाळे
\r (मत्‌‌ती 21:12,13; मरकुस 11:15-17; लुका 19:45,46)
\p
\v 13 यहुदी माणसेन फसह तीहवार सातेत आय रवलु। तेरेमां ईसु यरुसलेम सहर मां जाती रयु। 
\v 14 चां ईसु मंदीर मां देख्‌यु की माणसे बेल गाडरा ने पेरवा वेचतेला देख्‌यु ने चां लेण देण वाळा वेपारी आटे-साटे करन्‌या बठ रवला देख्‌यु। 
\v 15 तेरेमां ईसु रासेन सपाटु बणायन आखा गाडरा ने बेल काजे मंदीर मां सी नीकाळ देदु ने लेण-देण करने वाळान पयस्‌या खडळी देदु ने ठेला गाडी काजे उन्‌धलाय देदु। 
\v 16 पेरवा वेचण्‌या काजे कह्‌यु, “ज आखो जां सी छेटा ली जावु। मारा बासेन\f + \fr 2:16 \fr*\ft पिता\ft*\f* घर काजे वेपारीन घर मां बणावु।” 
\v 17 ईसुन वात सामळीन ईसुन चेला काजे खरला-सास्‌तुर मां लिखली वात हेर आय गुय, “तारा घरेन धुन मां मेसेक आकठान तसी धपाड़ देसे।”
\p
\v 18 ईसुन वात सामळीन यहुदी माणसे ईसु काजे कह्‌या, “तु जो काय करने बाजी रयु? कदी भगवान तुसेक जो करनेन हक आपलु हय ती, ईनी वातेन पुरावु देणे करीन, हामुक चकराड़े असी एक वारु-कामेन सहलाणी देखाड़।”
\p
\v 19 ईसु तीनुक जपाप आप्‌यु, “कदी तुहुं भगवानेन हीना मंदीर काजे उदार नाखसु, ती मे हीनाक अळी तीन दाहड़ाम पछु बणाय दीस।”
\p
\v 20 जो सामळीन यहुदी माणसे ईसु काजे कह्‌या, “भगवान हीना मंदीर काजे बणावणे मां चालीस ने छव साल लागला, ती हय तु हीनाक तीन दाहड़ा मां बणाय देसी काय!”
\p
\v 21 बाकुन ईसु आपसा डीलेन मंदीरेन बारामां बताड़लु। 
\v 22 जत्‌यार ईसु जत्‌यार मर्‌या-सर्‌याम सी जी उठ्‌यु, ती ईसुन चेला काजे ईसुन साहरे मंदीरेक उदारनेन ने पछु उबु करनेन बारामां कह्‌ली वात हेर आय, ने चेला खरला-सास्‌तुरेन वात पर ने ईसुन कवली वात पर भुरसु कर्‌या।
\s ईसु माणसेन मन काजे जाणे
\p
\v 23 पासका तीहवारेन दाहड़ा, मां, ईसु यरुसलेम सहर मां हतलु। तत्‌यार बेसका माणसे तेरा करला वारु कामेन सहलाणी देखीन ईसु पर भुरसु कर्‌या। 
\v 24 बाकुन ईसु हीनु काजे तींद्‌रा भुरसा पर नी छुड़्‌यु, काहाकी\f + \fr 2:24 \fr*\ft क्योंकि\ft*\f* हयु आखा माणसे काजे जाणतेलु। 
\v 25 ने हीनाक जरुवत नी हतली, की माणसेन बारामां काहींग गवा पुरावु देय, काहाकी हयु आपसुत जाणतेलु की माणसेन मन मां काय छे?
\c 3
\s ईसु ने नीकुदेमुस
\p
\v 1 यरुसलेम सहर मां नीकुदेमुस नावेन एक माणुस हतलु। चु यहुदी माणसेन एक पंचुन मुख्‌यु हतलु। चु फरीसी माणसे मायन हतलु। 
\v 2 चु राते नीकुदेमुस ईसु धड़े आयु ने ईसु काजे कह्‌यु, “ए मास्‌तर, हामु जाणजे की तु भगवानेन्‌चां सी सीकाड़न्‌यु बणीन आवलु छे, काहाकी जत्‌यार लग भगवान पुठ्‌ये नी हय ती माणुस कुय बी असो वारलु कामेन सहलाणी नी देखाड़ सके, जसु तु वारलु कामेन सहलाणी देखाड़े।”
\p
\v 3 ईसु नीकुदेमुस काजे कह्‌यु, “मे तुसेक छाची-छाची कह्‌वो की जत्‌यार लग कुय अळी पछु पयदा नी हवे तत्‌यार लग चु भगवानेन राज नी देख सके।”
\p
\v 4 नीकुदेमुस ईसुक पुछ्‌यु, “काहनु बी माणुस डाहलु हय्‌न अळी पछु कसु पयदा हय सके? छाचलीन चु आपसी आयसीन कुख मां अळी पछु जाय्‌न, दीसरी कावा ते, नी पयदा हय सके।”
\p
\v 5 ईसु नीकुदेमुस काजे कह्‌यु, “मे तुसेक छाचली-छाचली कहं, जत्‌यार लग काहनुक बी माणुस भगवानेन जीव-आत्‌मा अनसारे आपसा जीव-आत्‌मा मां पयदा नी हवे, तत्‌यार लग चु भगवानेन राज मां भराय नी सके। 
\v 6 काहाकी जु कुय डील सी पयदा हयु च डील छे; ने जु कुय भगवानेन आत्‌मा सी पयदा हयु चु आत्‌मात छे। 
\v 7 मे तुसेक जी वात कहं तुहुं आखा जीव-आत्‌मा मां पछा पयदा हवण्‌या छे, हीनी वातेक सामळीन तु घाबरायु मां। 
\v 8 आहळी तींखुर जाणे लागे तींखुर जाय ने तु तेरी अवाज काजे सामळे ते खरु, बाकुन ची कां सी आवे, ने कां जाय, च तुसेक मालुम नी पड़े। जु-जु भगवानेन जीव-आत्‌माम सी पयदा हवलु छे, चु हीनी आहळीन तसुत छे।”
\p
\v 9 जी वात सामळीन नीकुदेमुस ईसु काजे कह्‌यु, “ज असो कसों हय सके।”
\p
\v 10 ईसु, नीकुदेमुस काजे कह्‌यु, “तु ईस्‌रायली माणसेन मास्‌तर छे, तेबी तुसेक जी वात पल्‌ले नी पड़ती काय? 
\v 11 मे तुसेक छाचली-छाचलीन कह्‌वो हामु जे सरग वाळा छे, हामु ज जाणजे चत कहंजे ने हामु तीनाक देखला छे, तेरीत गवाय देजे, ने तुहुं माणसे हामरी गवाय काजे मान्‌ता काहनी। 
\v 12 मे तुहुंक धरती पर हये ची वात देखाड़्‌यु, तेबी\f + \fr 3:12 \fr*\ft प्रथ्वी\ft*\f* तुहुं तीनी वात पर भुरसु नी कर्‌या, ने कदी मे तुहुंक सरगेम हये ची वात देखाड़ीस ती तुहुं कसा भुरसु करसु? 
\v 13 सरग मां उपर कुय बी नी गुयो, हयु अतरुत गुयु, जु सरग सी आयु तेरो मतलब माणसेन पुर्‌यु जु सरग मां छे।”
\p
\v 14 जसु मुसु माणसे काजे भगवानेन डंडेम सी बचाड़णे करीन उजाड़्‌या बयड़ा मां घड़सान मुरती बणायन खाम्‌बा पर टांगलु तसात माणसेन पुर्‌या काजे बी उपर चहड़ाय टांगसे ने असो हवणु जरुड़ी छे। 
\v 15 जु काहनुक माणसेन पुर्‌या पर भुरसु करे, चु तेरेत साहरे अमर जीवाय हात करसे 
\v 16 काहाकी भगवान ईनी कळीन पापी माणसे काजे अतरु परम कर्‌यु, की तेरु एकुत लाटेक्‌लु पुर्‌यु मरने करीन आप देदु, ने जु कुय तेरे पर भुरसु करे, चु खत्‌तम नी हवे बाकुन अमर जीवन हात करसे।
\p
\v 17 भगवान आपसा पुर्‌या काजे ईनी कळी मां माणसेन नीयाव करीन डंड आप्‌णेन हुकुम आपजी करीन नी मकल्‌यु, बाकुन तेरेमां मकल्‌यु की कळी मायन माणसे हेरे साहरे छुटकारु हात करसे।
\p
\v 18 ने जु काहनुक भगवानेन पुर्‌या ईसु पर भुरसु करे, तीनाक डंडेन हुकुम नी आपे; बाकुन जु कुय ईसु पर भुरसु नी करे, चु गुनावाळु गीणाय गुयलु छे, काहाकी चु भगवानेन एखला पुर्‌यान नाव पर भुरसु नी कर्‌यु। 
\v 19 भगवान नीयावेन दाहड़े माणसे काजे डंडेन फेसलु जु सामळावसे की ईसु वीजाळो हय्‌न कळी मां आवलु, बाकुन माणसे काजे वीजाळो नी बाकुन आंदारला सी अदु परम राख्‌या, काहाकी तींद्‌रा काम भुंडात हतला। 
\v 20 काहाकी जु कुय कुहराय करे, तीनाक वीजाळो गमे नी, ने तेरा कुहराय्‌न काम उजन्‌ता हय जासे करीन चु वीजाळा धड़े नी आवे। 
\v 21 बाकुन जु कुय छाचली वातेन अनसारे चाल्‌या करे, चु जी हिम्‌मत करीन वीजाळा धड़े आवे, ने जे वारलु काम भगवानेन मदत सी करलु छे, चे काम, ने जी वात दीसरा अगळ उजन्‌ती हय जाणु चाहजे।
\s युहन्‌‌‌नु ईसु काजे बपतीस्‌मा आपे
\p
\v 22 थुड़ाक दाहड़ा हय गुया ने अळी ईसु, आपसा चेला भेळतुत यरुसलेम सहर छुड़दीन यहुदीया जीलान दीसरा जागाम जाती रयु। ने चां चु तींद्‌रे पुठ्‌ये रय्‌न बपतीस्‌मा आपणे बाजी गुयु। 
\v 23 तीनी टेमे चु युहन्‌‌‌नु बी सालेम सहर धड़े एनोन गांव मां पाणीन बपतीस्‌मा आपतेलु, काहाकी चां बेसको पाणी हतलो, ने माणसे आवीन बपतीस्‌मा लेदला। 
\v 24 बपतीस्‌मा आपण्‌या युहन्‌ना काजे राजु हेरोदेस तीनी टेम लग जेल मां नी कुंडाड़्‌यु।
\p
\v 25 चां युहन्‌नान चेला एक यहुदी माणसे साते चुखो करनेन रीतीन बारामां जखड़ी पड़्‌यु। 
\v 26 ने चे युहन्‌नान चेला युहन्‌ना धड़े आवीन कह्‌या, “ए मास्‌तर, जु माणुस यरदन नदीन पली धड़े तारे पुठ्‌ये हतलु, ने तेरी तु गवाय देदलु, ने चु बपतीस्‌मा आपणे बाजी रयु, ने आखा माणसे तेरे धड़े जाय।”
\p
\v 27 युहन्‌‌‌नु जपाप आप्‌यु, “काहना बी माणसेक सरग वाळु भगवान वाटु आपसे तीत असला सेवान काम जड़से। 
\v 28 मे तुहुंक ज कय देदलु की, ‘मे मसी नी हय, बाकुन मसीन काम सुरु हवणेन पेहेल भगवान मेसेक मकेल्‌लु छे।’ ने तुहुं मारी हीनी वातेन गवा छे। 
\v 29 नवली लाडी नवला लाडा धड़े रवे, बाकुन नवला लाडान खास दुस्‌तीदार, चु नवला लाडा धड़े हुबु रय्‌न तेरी सामळे चु तेरी वात सामळीन बेसकु खुस हय जाय। तसीत हय मारी खुसी पुरी हय गुय। 
\v 30 ज जरुड़ी छे, की चु बड़तु जाय ने मे कम हवतु जाम।
\s ईसु मसी सरगे सी उतर्‌यु
\p
\v 31 “जु उपर सी आवे, चु आखा सी मट्‌लु छे। ईसु अतरुत सरग वाळा भगवानेन्‌चां सी आयु, हेरेसी चु आखाम सी मट्‌लु छे, धरती सी छे, बाकुन चु धरती पर रवण्‌यु छे, चु धरतीन छे, ने धरती पर वाळान तसात वात करे 
\v 32 ईसु ज काय चु देख्‌यु ने सामळ्‌यु, तेरीत गवाय देय; ने कुय तेरी गवाय नी माने। 
\v 33 जु कुय ईसुन गवाय मान लेदु, चु ईनी वात पर छाप लागाड़ देदु की, भगवान छाचलु छे। 
\v 34 काहाकी तीनाक भगवान मकेल्‌लु छे, चु भगवानेन वात कहें, काहाकी भगवान आत्‌मा अमर जीवाय आपलु छे। 
\v 35 भगवान बास पुर्‌या सी परम करे, ने चु आखी चीज तेरा हात मां सुप देदु। 
\v 36 जु भगवानेन पुर्‌या ईसु पर भुरसु करे, अमर जीवन तेरीत छे, बाकुन जु ईसुक नी माने, चु अमर जीवन काजे नी देखे, बाकुन भगवानेन रीस तेरे पर रहे ने तीनाक डंड जड़से ने जड़से।”
\c 4
\s ईसु ने सामरी बायर
\p
\v 1 फरीसी माणसे ईसुन बारामां ज सामळ्‌या की, ईसु बपतीस्‌मा आपण्‌या युहन्‌नान चेला सी अदुस चेला बणावे, ने तीनु चेलाक बपतीस्‌मा आपे 
\v 2 अदुस ईसु आपसुत बपतीस्‌मा नी आपतेलु बाकुन ईसुन खास चेला, दीसरा नवला चेला बणावणे करीन बपतीस्‌मा आपतेला। 
\v 3 ती ईसु यहुदीया जीला काजे छुड़ीन अळी पछु गलील जीला भीणी जाती रयु। 
\v 4 हीनी कावा ईसु, आपसा चेला पुठ्‌ये सामरीया जीला मायन गुयु।
\p
\v 5 जाते-जाते चे, सामरीया जीलान सुखार नावेन एक सहर धड़े पुग्‌या। चां एक खेत हतलो, च खेत अगला वाराम याकुप आपसान पुर्‌या युसुफ काजे आपलु। 
\v 6 चां याकुप्‌यान साहरे खुदाड़लु कुवु बी हतलु, तत्‌यार ईसुक चु कुवु देखायु, ईसु ते, चाली चालीन हारी पड़लु। अळतेन चु तीना कुवा धड़े चां बठ गुयलु। हय खयार दाहड़ु हय रवलु।
\p
\v 7 तीनी टेमे तीना कुवा पर एक सामरी बायर पाणी भरने आवी। तत्‌यार ईसु तीनीक कह्‌यु, “मेसेक पाणी पीयाड़ दे।” 
\v 8 काहाकी तेरा चेला खाणो मुल लेणे करीन सहर मां जाय रवला।
\p
\v 9 तीनु दाहड़ाम यहुदी माणसे सामरी माणसे साते छीट राखतेला, अळी ची सामरी बायर ईसु काजे कय, “तु यहुदी जातीन हय्‌न बी मारे धड़े पाणी पीणे करीन काहा मांगे? मे ते एक सामरी जातीन बायर छे।”
\p
\v 10 ईसु तीनीक जपाप आप्‌यु, “कदी तु ज नी जाण लेती की, भगवान तुसेक काहनु वाटु आपणे हींडे, ने जु तारे धड़े पीणे करीन पाणी मांग र्‌यु, चु कुण छे। कदी तु जाण लेती ती मारे धड़े पाणी मांगती, ने मे तुसेक अमर जीवेन पाणी आपतु।”
\p
\v 11 सामरी बायर ईसुक कय, “ए मालीक तारे धड़े ते कुवाम सी पाणी लाटणे करीन ठाहरु बी नी हय, ने कुवु उंडु छे; ती च अमर जीवन आपण्‌यो पाणी तु कां सी लावसी? 
\v 12 तु हामरा बास याकुप सी बी मटु छे काय? जु हामु काजे गुयु कुवु आपलु; चु बी हीना कुवाम सीत पाणी पीदलु, ने तेरा पुर्‌या ने तेरा पाळ्‌ळा जनवार्‌या लग हीना कुवाम सी पाणी पीदा।”
\p
\v 13 ईसु सामरी बायर काजे कह्‌यु, “ज कुय पाणी पीये तीनाक अळी पीस लागसे, 
\v 14 बाकुन मे आपीस च पाणी, जु बी पीसे तीनाक कदी पीस नी लागे। अतरोत नी बाकुन च पाणी तेरी जीवाय मां पाणीन झीर बण जासे। ने तेरी अमर जीवाय वाटे खळो-खळो उंहतो रवसे।”
\p
\v 15 तत्‌यार सामरी बायर ईसुक कय, “ए मालीक मेसेक च पाणी आप ती मेसेक अळी-अळी पीस नी लागे, ने मेसेक चां पछो पाणी भरने आवणु नी पड़े।”
\p
\v 16 ईसु तीनीक कह्‌यु, “जाय्‌न तारा घरवाळा काजे बुलाय लाव।”
\p
\v 17 ची बायर\f + \fr 4:17 \fr*\ft स्त्री\ft*\f* जपाप आपी, “मारु घरवाळु नी हय।”
\p ईसु तीनीक कह्‌यु, “तु संय कय की मारु घरवाळु नी हाय।” 
\v 18 हव तु पांच लाडा कर लेदली, ने हय तु तेरे भेळे रय चु बी तारु घरवाळु नी हय, तु जी वात छाचलीन कय रय।
\p
\v 19 जी वात सामळीन बायर ईसुक कही, ए मालीक असो लागे की, तु भगवानेन अघली वात बताड़न्‌यु माणुस छे। 
\v 20 हामरा डाहा-डाहा हीना बयड़ा पर पुजा-पाट कर्‌या, ने तुहुं यहुदी माणसे कह्‌वु की पुजा-पाट करनेन जागु यरुसलेम सहर मां छे।
\p
\v 21 ईसु तीनीक कह्‌यु, “ओ बायर, मारी ईनी वात पर भुरसु कर, काहाकी असी टेम आवणे बाजी रय, की तीने टेमे तुहुं नी ते हीना बयड़ा पर ने नीते यरुसलेम मां भगवानेन पुजा-पाट करसु। 
\v 22 तीनाक तुहुं नी जाणु तेरी पुजा-पाट करु ने हामु तीनाक जाणजे तेरी पुजा-पाट करजे, काहाकी छुटकारु यहुदी जातीवाळा मसी मां सीत जड़से। 
\v 23 बाकुन हय ची टेम आवणे बाजी रय, ने हींताळ आय गुय, तीने टेमे छाचलीन भगवानेन पुजा-पाट करन्‌या, तेरा चुखली-आत्‌मा मां बणीन तेरी छाचली वातेन अनसारे भगवान बासेन भक्‌ती करसे। काहाकी भगवान बास आपसा वाटे असली भक्‌ती करन्‌यात काजे हेर र्‌यु। 
\v 24 भगवान जीव-आत्‌मा छे, ने तेरे मां छाचलीन भगवानेन भक्‌ती करन्‌या काजे तेरा जीव-आत्‌मा मां रय्‌न ने छाचे मन तेरी भक्‌ती करनु चाहजे।”
\p
\v 25 सामरी बायर ईसुक कय, “मेसेक मालुम छे, की छुड़ावन्‌यु मसी जु खीरीस्‌त कह्‌वाये, चु आवणे वाळु छे; जत्‌यार\f + \fr 4:25 \fr*\ft जब\ft*\f* चु आवसे, तत्‌यार हामु काजे आखी वात कय देसे।”
\p
\v 26 ईसु तीनीक कह्‌यु, “मेत मसी छे, जु तारे साते वात करने बाजी र्‌यु।”
\p
\v 27 तीनी टेमे ईसुन चेला आय गुया, ने ईसु काजे एक बायर साते वात करतेलु देखीन वीच्‌यार मां पड़ गुया; तेबी कुय बी ज नी कह्‌यो की तु हेरे धड़े सी काय मांग रयु? “नीते तु हीनी साते काहा वात कर रयु?” 
\v 28 तत्‌यार ची बायर आपसीत वटळु चांहान रहणीदीन तेरा सहर मां जाय्‌न माणसेक ज कहंणे बाजी गुय। 
\v 29 “चालु, एक माणुस काजे देख लेवु! चु माणुस, मे ज करली च आखो कय देदु; कांखुर मायन हयुत मसी हसे?” 
\v 30 तीनी बायरीन वात सामळीन तीना सहर वाळा माणसे सहरेम सी नीकळीन ईसु काजे भेळा हवणे हुड़ु-हुड़ु आवतेला।
\p
\v 31 तीने टेमे ईसुन चेला ईसु सी लीलघाय्‌न कह्‌या, “ए मास्‌तर थुड़ोक खाय ले।”
\p
\v 32 बाकुन ईसु तीनुक कह्‌यु, “मारे धड़े खाणे वाटे असो खाणो छे, तीना खाणान बारामां तुहुंक मालुम नी हय।”
\p
\v 33 अतरात मां ईसुन चेला आपसा-आपसात कह्‌या, “कुय हेरे वाटे खाणो लायु हसे काय? करीन चु असु कय र्‌यु।”
\p
\v 34 जी वात समजीन ईसु तीनुक कह्‌यु, “मारो खाणो ज छे, की मारा मकलने वाळान मरजीन अनसारे चालो ने तेरो काम पुरो करो। 
\v 35 तुहुं ते असा कवता आय रया, मेर पाकणेन हय चार महना बच रया। बाकुन मे तुहुंक दाखलान साहरे कह्‌वो, आपसा पापण्‌या उपर करीन ईनु खेत भीणी देखु, ईनु खेतेन मेर पाकीन धवळी फक हय गुय काटणे वाटे तीयार हय गुय। 
\v 36 काटणे वाळाक दाहड़की जड़े ने अमर जीवाय वाटे फळ भेळा करे, काहाकी एरने वाळु ने काटणे वाळु दुयु खुस हवे। 
\v 37 काहाकी जु दाखलु संय छे, ‘एरने वाळु काहनुक दीसरु छे, ने काटणे वाळु काहनु दीसरु छे।’ 
\v 38 मे तुहुंक पलो खेत काटणे वाटे मकल्‌यु जाहां तुहुं मेहनत नी कर्‌या, ने दीसरा मेहनत कर्‌या ने तुहुं तींद्‌रा मेहनतेन फळ मां भेसकाय गुया।”
\s सामरी माणसेन भुरसु
\p
\v 39 चां सामरी बायर ईसुन बारामां असी गवा देदली की, “चु माणुस, मे ज करली च आखो कय देदु। अळतेन तीना सामरीया जीलान बेसका माणसे सामरी बायरीन मुंहडे ईसुन बारामां जी गवा सामळीन ईसु पर भुरसु करने बाजी गुया।” 
\v 40 तेरेमां तत्‌यार ची सामरी बायर ईसु धड़े आय ती ईसु सी लीलघाय्‌न कह्‌णे बाजी गुय की हामरेन्‌चां रव। अळतेन ईसु चां दुय तीन दाहड़ा लग रयु।
\p
\v 41 ने ईसुन वात सामळी बेसका दीसरा माणसे बी ईसु पर भुरसु कर्‌या। 
\v 42 ने अळी तीनी सामरी बायर काजे कह्‌या, “हय हामु तारी सामळीन ईसु पर भुरसु करने बाजी गुया; काहाकी हामु ईसुन वात सामळी लेदा, की छाचलीन हयु की हयु ईनी कळीन\f + \fr 4:42 \fr*\ft जगत\ft*\f* माणसेक पाप सी छुड़ावणे वाळु छे, करीन तेरे पर भुरसु कर रया।”
\s गलील जीला मां ईसु काजे वार काम करन्‌यु माने, बाकुन बचाड़न्‌यु करीन भुरसु नी करे
\p
\v 43 अळतेन दुय दाहड़ा वीती गुया, ने ईसु आपसा चेला भेळु सामरीया जीलाम सी नीकळीन गलील जीलाम जात रयु। 
\v 44 ईसु ते आपसुत असी गवा देदलु की, “भगवानेन अघी सी आवणे वाळी वात देखाड़न्‌यु, तीना काजे आपसान देस मां ईज्‌जत नी जड़े।” 
\v 45 जत्‌यार ईसु गलील जीलाम पुग्‌यु, ती गलील वाळा माणसे ईसु तेरेत अनसारे ईसु साते वेहवार कर्‌या। चे बी तीहवारेन टेमे यरुसलेम सहर गुयला, ने तीहवारेन दाहड़ाम ईसु यरुसलेम मां जतरा बी वारलु काम करलु, चे आखा काम देखला हतला करीन ईसुन आव-भाव कर्‌या।
\s ईसु काजे गलील वाळा मटो काम करन्‌यु करीन माने
\p
\v 46 तत्‌यार ईसु एक कावा अळी गलील जीलान काना सहर मां आयु, चां चु पाणी काजे अंगुरेन रस बणाय देदलु। ने हीना काना सहर साते वाळा कफरनहुम सहर राजान एक खास पावर हतलु, तेरु पुर्‌यु मांदलु हतलु। 
\v 47 चु ज सामळ्‌यु की यहुदीया सी ईसु आपसान गांव मां सी गलील जीलाम आय गुयलु छे, ती चु काना सहर मां ईसु धड़े गुयु, ने ईसु सी लीलघाय्‌न कह्‌यु की चाल मारा पुर्‌या काजे वारु कर दे। काहाकी तेरु पुर्‌यु मरने वाळु हतलु। 
\v 48 ईसु गलील वाळा माणसेन कम भुरसु देखीन कह्‌यु, “जत्‌यार लग तुहुं मटा कामेन सहलाणी नी देखु, तत्‌यार लग तुहुं मार पर भुरसु नी करसु।”
\p
\v 49 चु राजान खास पावर्‌यु ईसुक कह्‌यु, “ए मालीक मामार चाल नेते मारु पुर्‌यु मर जासे।”
\p
\v 50 ईसु तीना राजान खास पावर्‌याक कह्‌यु, “जां तारु पुर्‌यु\f + \fr 4:50 \fr*\ft पुत्र\ft*\f* नी मरे, चु जीवतेलु रवसे।”
\p चु राजान पावर्‌यु ईसुन ईनी वात पर भुरसु करीन जाती रयु। 
\v 51 चु राजान खास पावर्‌यु वाटेत हतलु, ती तीना पावर्‌यान, पावर्‌या आय्‌न तीनाक भेळा हया ने कह्‌या, “तारु पुर्‌यु वारु हय गुयु ने जीवतु छे।”
\p
\v 52 चु तीनुक पुछ्‌यु, “काहने टेमे मारु पुर्‌यु वारु हवणे बाजी गुयलु, चे कह्‌या काल दीसु एक बजे तेरो सेरी उतरी गुयलो।” 
\v 53 तत्‌यार तीना मांदला पुर्‌यान बासेक जी वात हेर आवी की ईसु हीनीत टेमे ज कहंलु, “जां तारु पुर्‌यु जीवतु छे।” ने असु करीन चु राजान पावर्‌यु ने तेरा घरना आखा माणसे ईसु पर भुरसु कर्‌या।
\p
\v 54 ज पेहला मायन दीसरा मटा कामेन सहलाणी हतली, जु ईसु यहुदीया सी गलील जीलाम पछु आय्‌न देखाड़्‌यु।
\c 5
\s ईसु यरुसलेम मां एक मांदलाक वारु करे
\p
\v 1 अळतेन यहुदी माणसेन एक तीहवार आयु, ने ईसु यरुसलेम सहर अळी गुयु। 
\v 2 यरुसलेम सहरेम गाडरान फाटक धड़े एक कुंडान तसों हतलो, तीनाक ईब्‌रानी माणसेन बुली मां बेतसेदा कह्‌वे; ने हीना कुंडान चारे मेर पांच मांडवा हतला। 
\v 3 चां बेसका मांदवाड़ वाळा, आंदळा, लंगड़ा, ने पांगळा पाणी झलकायणेन वाट देखीन पड़ी रवतेला, 
\v 4 काहाकी ठहरावली टेम पर भगवानेन सरग वाळु काहवाळ्‌यु कुंडा मां उतरीन पाणीक गचळावतेला। पाणी हवतेत जु काहनुक पेहेल उतरे चे मांदवाड़ वाळा वारु हय जाय, चाहे तेरी काहनी बी मांदवाड़ हय। 
\v 5 तीना हळावेन चां एक माणुस हतलो, च दुय कम चालीस साल लग, चां मांदलु पड़ी रवलु। 
\v 6 ईसु तीनाक चां पड़ी रवलो देख्‌यु ने ज जाणीन की चु बेसका दाहड़ा सी असुत पड़ रवलु तेरेमां तीना मांदला काजे कह्‌यु, “तु वारु हवणे हींडे काय?” 
\v 7 च मांदलो ईसु काजे जपाप आप्‌यु, “ए मालीक, पाणी झलकाय्‌तात मेसेक हळाव मां उतारे असो कुय माणुस मारे पुठ्‌ये नी हय। ने मेसेक पुगणेन पेहलुत हळाव मां दीसरु मांदलो माणुस उतरी पड़े।”
\p
\v 8 ईसु तीनाक कह्‌यु, “उबु हय जां। ने तारी गुदड़ी हाकलीन चाल।” 
\v 9 च माणुस तत्‌यारुत वारु हय गुयो,
\p ने तेरी गुदड़ी हाकलीन हींडणे बाजी गुयो चु दाहड़ु आरामेन दाहड़ु हतलु। 
\v 10 तेरेमां यहुदी माणसेन मुख्‌या तीना वारु हवला माणसेक कहंणे बाजी गुया, “आज आरामेन दाहड़ु छे। आज कायदान अनसारे तारे धड़े गुदड़ी हाकलनु वारु नी हय।”
\p
\v 11 चु वारु हवलु माणुस तीनुक कह्‌यु, जु मेसेक वारु\f + \fr 5:11 \fr*\ft चंगा\ft*\f* करलु छे, चु मेसेक कहंलु छे, “उबु हय जां। ने तारी गुदड़ी हाकलीन जाती रव।”
\p
\v 12 चे तीनाक पुछ्‌या, चु कुण छे, चु तुसेक कह्‌यु की, “उबु हय जां ने तारी गुदड़ी हाकलीन जाती रव?” 
\v 13 बाकुन चु वारु हवलु, चु माणुस नी जाणतेलु की चु कुण छे, काहाकी चां जागा पर माणसेन गड़दी हवणे सी ईसु चां सी जाती रवलु।
\p
\v 14 अळतेन ईसु तीना वारु हवला माणुस काजे ईसु मंदीर मां भेळु हयु, ती ईसु तीनाक कह्‌यु, “देख तु वारु हय गुयलु छे, अळी पाप घुण करे। नीते कांखुर मायन तार पर एर सी बी अळी जादा गरा आय पड़से।”
\p
\v 15 चु माणुस जाय्‌न यहुदी माणसेक कह्‌यु की चु मेसेक वारु करलु चु ईसु छे। 
\v 16 ईसु आरामेन दाहड़े असो काम कर्‌यु, करीन यहुदी माणसे ईसु काजे दमणे बाजी गुया। 
\v 17 ईसु तीनु दमण्‌याक ज कह्‌यु, “मारु बास हय लगुन काम करने बाजी रयु ने मे बी काम करने बाजी रयु।”
\p
\v 18 ईनी वजे सी यहुदी ने अदुस तीनाक मार नाखणेन कुसीत करने लाग्‌या, काहाकी हयु आरामेन दाहड़े वाळा रीतीक अतरुत नी तुड़े, बाकुन भगवान काजे मारु बास कहीन आपसा काजे भगवान बराबर बी ठहरावतेलु।
\s पुर्‌यान हक
\p
\v 19 ईसु तीनुक कह्‌यु, मे तुहुंक छाचलीन कहं भगवानेन पुर्‌यु आपसान मन सी काय बी नी कर सके, बाकुन चु आपसान भगवान बासेक करतेलु देखे; काहाकी ज-ज काम भगवान बास करे चत काम तेरु पुर्‌यु बी करे। 
\v 20 काहाकी भगवान बास ते पुर्‌या सी परम राखे ने ज-ज काम चु करे चो आखो तीनाक देखाड़े; ने चु हेरेसी बी मटा काम तीनाक देखाड़से ने चे काम देखीन तुहुं घाबराय जासु। 
\v 21 तुहुंक मालुम छे की भगवान मर्‌या सर्‌याक जीवता करीन बठा करे। तसुत पुर्‌या धड़े बी जीनुक गमे तीनुक नवलो जीवन आपणेन ने जीवता करीन बठा करनेन हक छे। 
\v 22 भगवान बास ते कुयन बी नीयाव नी करे, बाकुन माणसेन नीयाव करनेन आखो हक तेरा पुर्‌या काजे आप देदलु छे। 
\v 23 काहाकी आखा माणसे भगवान बासेन ईज्‌जत करे; तसान तसा आखा माणसे तेरा पुर्‌यान बी ईज्‌जत करनु चाहे। चु पुर्‌यान ईज्‌जत नी करे चु पुर्‌या काजे मकलन्‌या भगवान बासेन बी ईज्‌जत नी करे।
\p
\v 24 मे तुहुंक छाचलीन कहं, जु मारा बुले सामळीन मेसेक मकलन्‌या भगवान बास पर भुरसु करे तीनाक अमर जीवन जड़से ने नीयावेन दाहड़े तीनाक डंडेन हुकुम नी जड़े बाकुन चु मुत काजे छेकीन अमर जीवन हात कर लेदलु छे। 
\v 25 मे तुंद्‌रे सी छाचलीन कहं च टेम\f + \fr 5:25 \fr*\ft समय\ft*\f* आवसे ने मरला माणसे भगवानेन पुर्‌यान बुल सामळसे ने जे सामळसे चे मर्‌या-सर्‌याम सी जीवता हय जासे। 
\v 26 काहाकी भगवान बास जीवनेन झीर छे, तसुत चु हेरा पुर्‌या काजे बी ज हक आपलु छे की तु बी जीवनेन झीर छे; 
\v 27 अतरोत नी बाकुन भगवानेन पुर्‌यु माणसेन पुर्‌यु बणीन आवलु छे, तेरेमां तीनाक माणसेन नीयाव करनेन बी हक आपलु छे। 
\v 28 मर्‌या-सर्‌याम सी जीवता हवणेन बारामां घुण घाबरायु काहाकी ची टेम आवणे बाजी रय, तीने टेमे जतरा बी मड़ायट्‌या मां गाड़ला छे चे आखा भगवानेन पुर्‌यान बुल सामळीन\f + \fr 5:28 \fr*\ft सुनकर\ft*\f* जीन्‌दा हय जासे ने मड़ायट्‌या मां सी नीकळीन आवसे। 
\v 29 जे भगवानेन नींगाम भलाय करला छे अमर जीवन वाटे मरलाम सी जीवता हय्‌न बठा हवसे, ने जे भगवानेन नींगा मां कुहराय करला छे, चे नीयावेन दाहड़े डंड भुकत्‌णे करीन मरलाम सी जीवता हय्‌न मड़ायट्‌याम सी नीकळसे।
\s ईसुन बारामां गवाय
\p
\v 30 मे मारी मरजी सी काय बी नी कर सको। तेरेत अनसारे नीयाव करो; ने मारु नीयाव छाचु छे काहाकी मे मारी मरजी सी नी बाकुन मे मकलने वाळा भगवानेन मरजी पुरी करो।
\p
\v 31 कदी मे मारा बारामां मे अतरुत गवा दम ती मारी गवाय छाचली नी हय। 
\v 32 एक अळी छे चु मारी गवाय देय ने मे जाणो की चु मारी गवाय देय ने तेरी गवाय छाचली छे। 
\v 33 तुहुं बपतीस्‌मान रीत आपण्‌या युहन्‌ना धड़े पुछणे करीन माणसे काजे मकल्‌या, ने तत्‌यार चु मारा बारामां छाचली गवाय देदु। 
\v 34 बाकुन मे मारा बारामां माणसेन गवाय नी चाहतु; जी वात तेरेमां कव की तुहुं पाप सी छुटकारु जड़े। 
\v 35 युहन्‌‌‌नु ते एक धपतेला दिवान तसलु हतलु, ने तुहुंक ईतरीक वार लग तीना दिवान वीजाळा मां खुस रहणु वारु लाग्‌यो। 
\v 36 बाकुन युहन्‌‌‌नु मारे बारामां जी गवा देदलु, तीनी गवाय सी मटी गवा मारे धड़े छे, काहाकी ज काम करने भगवान बास मेसेक मकेल्‌लु छे, चेत काम मे करने बाजी रयु ने चेत काम मारे बारामां जी गवा दी रया की मारु भगवान बास मेसेक मकेल्‌लु छे। 
\v 37 ने भगवान बास जु मेसेक मकेल्‌लु छे, चु मारी गवा देदलु छे। तुहुं कदी बी तेरो वचन नी सामळ्‌या ने तेरु सीकु नी देख्‌या। 
\v 38 ने हेरा बुल काजे मन मां बठाड़ीन नी राखे, काहाकी तीनाक हयु मकल्‌यु तेरे पर तुहुं भुरसु नी करु। 
\v 39 तुहुं चुखली-सास्‌तुर मां चाळवीन भन्‌ने हामु काजे अमर जीवन जड़से, असु वीच्‌यार करीन तुहुं चुखली-सास्‌तुर काजे चाळवीन भण्‌या बाकुन जीत चुखली-सास्‌तुर मारा बारामां असी गवा देदी आय रय की जु आवणेवाळु छे, हयुत अमर जीवन आपण्‌यु छे! 
\v 40 तेबी तुहुं जीवन हात करने करीन मारे धड़े आवणे नी हींडता।
\p
\v 41 मेसेक माणसे धड़े सी ईज्‌जत नी चाहती। मेसेक ईज्‌जत आपण्‌यु ते मारुत भगवान बास छे। 
\v 42 बाकुन मेसेक मालम छे की तुंद्‌रे माहें भगवानेन परम नी हय। 
\v 43 मे मारा भगवानेन नाव सी आवलु छे, तेबी तुहुं मेसेक मानीन मार पर भुरसु नी करता; कदी काहनुक दीसरु आपसान नावे आवे ती तुहुं तीनाक मानीन तेर पर भुरसु कर लेसु। 
\v 44 तुहुं ते आंबा-सांबा ईज्‌जत ने आव-भाव हात करने हींड रया, बाकुन तुहुंक एकुत भगवान सी ईज्‌जत ने आव-भाव जड़से ने तुहुं नी चाहता, ती तुहुं मारे पर कसा काय भुरसु करसु? 
\v 45 असा घुण समजु की मे भगवान अगळ तुहुं काजे गुनाळा ठहरावीस, तुंद्‌रे पर गुनु लागाड़ने वाळु ते मुसा छे, तेरे पर तुहुं भुरसु राख र्‌या। 
\v 46 काहाकी कदी तुहुं मुसा पर भुरसु करता ती मारु बी भुरसु करता काहाकी चु मारा बारामां\f + \fr 5:46 \fr*\ft विषय\ft*\f* लिखलु। 
\v 47 बाकुन कदी तुहुं मुसान लिखली वात पर लग भुरसु नी करु, ती मारी वात पर कसा भुरसु करसु?
\c 6
\s ईसु पांच हजार माणसेक खावाड़े
\r (मत्‌‌ती 14:13-21; मरकुस 6:30-44; लुका 9:10-17)
\p
\v 1 थुड़ाक दाहड़ा हय गुया ने अळतेन, गलील सी ईसु आपसा चेला भेळुत गलील डाबरान पली धड़ जाती र्‌यु। ईना गलील डाबरा काजे तीबीरीयासेन मटलो डाबरो बी कहें। 
\v 2 ईसु, बेसका मांदला माणसेक वारु करतेलु। ईसुन ईनु मटा कामेन सहलाणी देखीन माणसेन एक मटुत टुळु\f + \fr 6:2 \fr*\ft गड़दी\ft*\f* ईसु पछळ चाल पड़्‌यु। 
\v 3 तत्‌यार ईसु बयड़ा पर चहड़ीन हेरा चेला पुठ्‌ये चां बठ गुयु। 
\v 4 यहुदी माणसेन फसहन तीहवार सातेत आय रवलु। 
\v 5 जत्‌यार ईसु बेसकु मटु माणसेन टुळा काजे हेरे भीणी आवतेला देख्‌यु, ती फीलीप्‌पुस सी कह्‌यु, “हीनु आखा माणसे काजे रुटा खावाड़ने वाटे कां सी मुल लावसुन?” 
\v 6 ईसु जी वात फीलीप्‌पुस काजे पंतारने करीन कहंलु, काहाकी ईसु काजे जी वात मालुम हतली की चु काय करने वाळु छे।
\p
\v 7 फीलीप्‌पुस ईसु काजे कह्‌यु, “दुय सोव दाहड़ान दाहड़कीन रुप्‌यान रुटा लावसु ने, ईतराक-ईतराक वाटसु तेबी हींद्‌रे वाटे पुरती नी हवे।”
\p
\v 8 ईसुन चेला मायन सीमोन पतरसेन सगु भायस अन्‌दीरीयास ईसु काजे कह्‌यु, 
\v 9 “जां एक नानलु पुर्‌यु छे तेरे धड़े जळ-गहुंन पांच रुटा ने दुय माछा छे, बाकुन अतरा माणसे मां काय हवसे।”
\p
\v 10 ईसु जपाप आप्‌यु, “माणसेक पंगते बठाड़ देवु।” तीना जागा पर बेसकु वारु चारु हतलु; चां माणसे बठी गुया। ने चां अदमी पांचेक हजार हतला। 
\v 11 तत्‌यार ईसु रुटा हातेम लेदु, ने रुटा लीन भगवान काजे कह्‌यु, तु बेसकु वारु, ने चु बठी रवला माणसेम चे रुटा वाटाड़ देदु। ने माछा बी तसुत वाटाड़्‌यु। 
\v 12 जत्‌यार माणसे खायलीन आफरी गुया, ती ईसु हेरा चेला सी कह्‌यु, “बचला रुटान कुटका भेळा कर लेवु, थुड़ाक बी रद नी हवणु चाहे।” 
\v 13 अळतेन चेला खायलीन रवला जळ-गहुंन रुटान कुटका काजे भेळा कर्‌या ती बारे चार्‌या भराय गुया।
\p
\v 14 माणसे ईसुन मटला कामेन सहलाणी देखीन कय पड़्‌या, “छाचली, चु भगवानेन अघी सी आवणे वाळी वात बताड़न्‌या माणुस ईनी कळी मां आवणे वाळु हतलु।” 
\v 15 ईसु ज जाण लेदु की माणसे आवीन मेसेक जबरान मां राजु बणावणे हींडे तेरेमां पछेन बयड़ा पर एखेलुत जाती रयु।
\s ईसुन पाणी पर चालनु
\r (मत्‌‌ती 14:22-23; मरकुस 6:45-52)
\p
\v 16 जत्‌यार सांती वेळाय हय ती ईसुन चेला गलील दरीया धड़े गुया। 
\v 17 चे ढंड्‌या मां बठीन दरीयान पली धड़ कफरनहुम सहर भीणी जाणे बाजी गुया। आंदारो बेसको हय गुयलो ने ईसु चां लग तींद्‌रे धड़े पछु नी आयु। 
\v 18 आहळीन वजे सी दरीया मां झलक बी आवणे बाजी गुय। 
\v 19 जत्‌यार चे पांच छव कीलुमीटर अगा जाती रवला, ती चे ईसु काजे दरीया पर ढंड्‌या भीणी चालीन आवतेलु देख्‌या ने चे बीही गुया। 
\v 20 बाकुन ईसु हेरा चेलाक कह्‌यु, “मेत छे, बीहु मां।” 
\v 21 अळतेन चे ईसुक ढंड्‌या मां बठाड़्‌या ने तत्‌यारुत\f + \fr 6:21 \fr*\ft तुरन्त\ft*\f* च ढंड्‌यो तीना जागा पर गुयो, जां चे जाणे बाजी रवला।
\s माणसे ईसु काजे हेरे
\p
\v 22 दीसरे दाहड़े चु टुळु ने, एक दरीयान पली धड़ उबु हय रवलु, चे असा देख्‌या की जां एक काजे छुड़ीन अळी दीसरो ढंड्‌यो नी हतलो, ने ईसु आपसा चेला साते तीना ढंड्‌या पर चहड़ी नी रवलु बाकुन तेरा चेला अतरात गुयला। 
\v 23 तत्‌यार नानला दीसरा ढंड्‌या तीबीरीयास सी तीना जागा धड़े आया चे चां मालीक काजे तु बेसकु वारु छे, कय्‌न रुटा खादा। 
\v 24 हेरेसी जत्‌यार टुळु देख्‌यु की जां नीते ईसु हय ने नी हेरा चेला छे, ती चे ढंड्‌या पर चहड़ीन ईसु काजे हेरता जाय्‌न कफरनहुम जात रया।
\s ईसु जीवनेन रुटु छे
\p
\v 25 दरीयान पली धड़े जत्‌यार चे ईसु काजे भेळा हया ती कह्‌या, “ए मास्‌तर तु जां कत्‌यार आयु?” 
\v 26 ईसु तीनुक जपाप आप्‌यु, “मे तुहुंक छाचलीन कहं, तुहुं मारे सी करला मटा कामेन सहलाणी देखीन तेरो मतलब समजी गुया करीन मेसेक नी हेर्‌या, बाकुन तुहुं रुटा खाय्‌न आफरी गुयला छे, करीन मेसेक हेर्‌या। 
\v 27 रद हवण्‌या खाणा वाटे मेहनत मां करु, बाकुन तीना खाणा वाटे मेहनत करु ज रद नी हवे, ने च खाणो अमर जीवन वाटे जलम टेकलो रहे, ने असो खाणो तुहुंक माणसेन पुर्‌यु आपसे, अटकळ राखु, भगवान बास माणसेन पुर्‌या पर छाप लागाड़ीन ज देखाड़लु छे की माणसेन पुर्‌यु अतरु माणसेक अमर जीवन आपणेन हकदार छे।”
\p
\v 28 माणसे ईसु सी पुछ्‌या, “तीना काम काजे भगवान चाहे तीना काम काजे करने वाटे हामु काय करजे?” 
\v 29 ईसु तीनु माणसेक जपाप आप्‌यु, “भगवानेन काम ज छे, की भगवान तीना काजे मकेल्‌लु छे, तीना पर तुहुं भुरसु करु।”
\p
\v 30 तत्‌यार चे माणसे ईसुक कह्‌या, “तु काहनी सहलाणी देखाड़े की हामु तीनाक देखीन तार पर भुरसु करजे? तु काहनो काम देखाड़े? 
\v 31 हामरा डाहा बुड़ा ते बयड़ा मां बेसका दाहड़ा लग मुसा वाटे आपलो मन्‌ना नावेन खाणो खादला ने तेरे बारामां चुखला सास्‌तुर मां लिखलो बी छे; चु तीनु काजे खाणे करीन सरग सी रुटा आप्‌यु।”
\p
\v 32 ईसु तीनुक कह्‌यु, “मे तुंद्‌रे सी छाचलीन कहं की मुसु तुहुंक चे रुटा सरग सी नी देदु बाकुन मारु बास तुहुंक खरला रुटा सरग सी आपे।” 
\v 33 काहाकी भगवानेन रुटु हयुत छे जु सरग सी उतरीन कळी माणसे काजे अमर जीवन आपे।
\p
\v 34 तत्‌यार चे माणसे ईसु सी कह्‌या, “ए मालीक चे रुटा हामु काजे जलम आप्‌या कर।”
\p
\v 35 ईसु तीनुक कह्‌यु, “अमर जीवनेन रुटु मेत छे; जु मारे धड़े आवसे ने मारे पर भुरसु करसे तीनाक कदी भुक नी लागे। 
\v 36 बाकुन मे तुहुंक कह्‌लु पेहेल बी कय देदलु की मेसेक देख बी लेदला छे, तेबी भुरसु नी करता। आखा चे माणसे भगवान बास मेसेक सुपलु चे आखा मारे धड़े आवसे। 
\v 37 तेबी मे हिम्‌मत नी हारो, भगवान बास तीनुक बी नेवाड़ीन मारा हातेम आप देय, चे आखा मारेन्‌चां आवसे ने मे तीनुक मारेन्‌चां सी कदी नी ढासाड़ो। 
\v 38 काहाकी मे मारी मरजी पुरी करने नी बाकुन मेसेक मकलन्‌यान भगवानेन मरजी पुरी करने करीन सरग सी धरती पर उतरीन आवलु छे। 
\v 39 ने मारा मकलने वाळान मरजी जी छे, ज काय हयु मेसेक आप्‌यु तेरे मां सी मे काय बी नी खुवो बाकुन तीनुक आकरी दाहड़े मर्‌या-सर्‌याम सी जीन्‌दा कर दीस। 
\v 40 काहाकी मारा बासेन मरजी जी छे की जु कुय मारा पुर्‌या काजे देखे ने तीना पर भुरसु करे। तीनाक अमर जीवन जड़से ने मे तीनाक आकरी दाहड़े मर्‌या-सर्‌याम सी पछु जीन्‌दा कर दीस।”
\p
\v 41 तेरेमां यहुदी माणसे तीना पर वाक नीकाळीन कुर-कुर करने बाजी गुया काहाकी ईसु कह्‌लु, “जु रुटु सरग सी उतर्‌यु चु मेत छे।” 
\v 42 ने चे कह्‌या, “काय जु युसुफेन पुर्‌यु ईसु नी हय काय, तेरा आयस बास काजे हामु उळख्‌जे? ती चु कसु कहें की मे सरग सी उतर्‌यु?”
\p
\v 43 ईसु तीनुक जपाप आप्‌यु, तुहुं तुहुंत कुर-कुर मां करु। 
\v 44 बाकुन जी वात समज लेवु, जत्‌यार लग मेसेक मकलन्‌यु भगवान बास तीनाक बी मनवीन मारे धड़े नी लावे तत्‌यार लग तीनुक मारे धड़े नी आवाये, असला माणसे काजे मे आकरी दाहड़े, मतलब नीयावेन दाहड़े मर्‌या-सर्‌याम सी पछु जीवतु करीन बठु कर दीस। 
\v 45 भगवानेन अघी सी आवणे वाळी वात बताड़ने वाळा माणसे आपसा किताप मां लिखलो छे, “चे आखा भगवानेन भीणी सी सीकाड़ला रवसे।” जे काहनाक मारा बास सी सामळ्‌या ने सीक्‌या, चे मारे धड़े आवे। 
\v 46 ज घुण समज्‌ता की काहनुक भगवान बास काजे देखलु छे, बाकुन जु भगवान बासेन आवजी पर तेरेन्‌चां सी आवलु छे, हय अतरुत भगवान बास काजे देखलु छे। 
\v 47 “मे तुंद्‌रे सी छाचलीन कहं, की जु काहनुक भुरसु करे, अमर जीवन तेरोत छे। 
\v 48 अमर जीवनेन रुटु मेत छे। 
\v 49 तुंद्‌रा आड़ा-बुड़ा बयड़ा मां मन्‌ना नावेन खाणो खादा, तेबी चे मर गुया। 
\v 50 बाकुन जु पल्‌लु रुटु छे, जु सरग सी उतरे, काहाकी काहनुक माणुस हेरेम सी खाय, ने मरे नी। 
\v 51 सरग सी उतर्‌लु अमर जीवन आपण्‌यु रुटु मेत छे, कदी काहनुक जु रुटु खासे चु जलम जीवतेलु रवसे ने जु रुटु मे ईनी कळीन माणसेन जीवन वाटे आपीस, चु रुटु मारो मास छे।”
\p
\v 52 अतरा मां चे यहुदी माणसे असा कह्‌ता जाय्‌न वातेम लड़ायणे बाजी गुया की, “जु माणुस आपसो मास खाणे करीन कसु दी सक्‌से।”
\p
\v 53 ईसु तीनुक कह्‌यु, “मे तुंद्‌रे सी छाचलीन कहं की, जत्‌यार लग तुहुं माणसेन पुर्‌यान मास नी खावु ने तेरो लुही नी पीयु चां लग तुहुंक जीवन नी जड़े। 
\v 54 जु मारो मास खाय ने मारो लुही पीये, अमर जीवन तेरोत छे; ने मे आकरी दाहड़े तीनाक मर्‌या-सर्‌याम सी पछा जीन्‌दा कर दीस। 
\v 55 काहाकी मारो मास छाचलीन खाणेन चीज छे, ने मारो लुही छाचलीन पीणेन चीज छे। 
\v 56 जु मारो मास खाया करसे ने मारो लुही पीया करसे चु मारेम वारु बणीन रवसे ने मे तेरेमां रवीस। 
\v 57 जसु जलम जीवण्‌यु बास मेसेक मकल्‌यु ने मे मारा बासेन वजे\f + \fr 6:57 \fr*\ft कारण\ft*\f* सी जीवलु रवीस, तसा की तसा जु मेसेक खासे चु मारे वजे सी जीवलु रवसे। 
\v 58 सरग सी उतेरलु रुटु मेत छे। जु रुटु तीना रुटान तसु नी हय, तीनाक आड़ा-बुड़ा खादा ने मर गुया; बाकुन काहनुक जु हीना रुटु काजे खासे चु जलम जीवलु रवसे।”
\p
\v 59 कफरनहुम सहर वाळा तींद्‌रा भक्‌तीन घर मां रय्‌न सीकाड़तु जाय्‌न ईसु जी आखी वात कह्‌यु।
\s अमर जीवनेन बुल
\p
\v 60 ईसुन चेला मां सी बेसका जणा ज सामळीन कह्‌णे बाजी गुया, “जी ते काठी वात छे हीनीक कुण सामळाय सक्‌से?”
\p
\v 61 ईसु हेरा मन मां जी वात जाण लेदु की मारा चेला ईनी वातेन बारामां कुर-कुर कर रया। ईसु पुछ्‌यु, “काय ईनी वात सी तुहुंक ठुकर लाग रय काय। 
\v 62 कदी तुहुं माणसेन पुर्‌या काजे जां हयु पेहेल हतलु, चां उपर जातलु देखसु ती काय हवसे? 
\v 63 भगवानेन चुखली-आत्‌मा जीवन आपे। डील सी काय फायदु नी हय जी वात मे तुंद्‌रे सी कहंलु चे आत्‌मा छे ने जीवन बी छे। 
\v 64 बाकुन तुंद्‌रे मायन काहनाक असा छे, चे भुरसु नी करे।” काहाकी ईसु पेहलुत सी जाणतेलु की जे भुरसु नी करे चे कुण छे; ने कुण छे चे मेसेक धुकु देसे। 
\v 65 ईसु कह्‌यु, “ने मे तुहुं काजे ज कह्‌लु की काहना बी माणसेक भगवान बासेन मदत लेय पाखुर मारे धड़े नी आवाये।”
\s पतरसेन भुरसु
\p
\v 66 ज सामळीन ईसुन बेसका चेला ईसुन चां सी जाती रया, ने ईसुन सात छुड़ देदा। 
\v 67 तत्‌यार ईसु तीनु बारे चेला काजे कह्‌यु, “काय तुहुं बी जाणे हींडी रया?”
\p
\v 68 सीमोन पतरस ईसु काजे जपाप आप्‌यु, “ए मालीक हामु कुणी धड़े जाजे? अमर जीवन आपण्‌या बुले ते तारेत धड़े छे। 
\v 69 ने हामु जाण गुया ने भुरसु कर लेदा की, भगवानेन चुखलु माणुस तुत मसी छे।”
\p
\v 70 ईसु तीनुक जपाप आप्‌यु, “काय मे तुहुं बारे जणा काजे नी नेवाड़्‌यु? तेबी तुंद्‌रे मायन एक माणुस भुतड़ु\f + \fr 6:70 \fr*\ft शैतान \ft*\f* छे।” 
\v 71 ईसु जी वात सीमोन ईस्‌करीयोतीन पुर्‌या यहुदीयान बारामां कह्‌लु, काहाकी ईसुन बारे चेला मायन एक हतलु, चु ईसु काजे धुकु देणेवाळु हतलु।
\c 7
\s ईसुन भायसे भुरसु नी करे
\p
\v 1 यहुदा जीला वाळा यहुदी मुख्‌या ईसुक मार नाखणेन वीच्‌यार कर रवला, तेरेमां चु यहुदा जीला मां जाणे नी हींडतेलु ने ईसु आपसा चेला भेळुत गलील जीलात मां सेवा करतु जाय्‌न हींडतु रयु। 
\v 2 बाकुन हीयु यहुदी माणसेन आसरान तीहवार\f + \fr 7:2 \fr*\ft पर्व\ft*\f* सातेत आय रवलु। 
\v 3 तेरेमां ईसुन भायस ईसुक कह्‌यु, “जां सी यहुदी जीलाम जां काहाकी ज काय काम तु करे तीनु कामेक तारा आखा चेला बी देखे। 
\v 4 काहाकी असु काहनु नी हसे चु नाव कमाय्‌णे चाहे ने डुकायन\f + \fr 7:4 \fr*\ft छिपकर\ft*\f* काम करे। कदी तु ज काम करे ती खुद काजे कळी पर उजेंतु कर।” 
\v 5 काहाकी ईसुन भाय ईसु पर भुरसु नी करतेलु करीन चु असी वात कर्‌यु।
\p
\v 6 तत्‌यार ईसु तीनुक कह्‌यु, “मारे वाटे हाल लगुन वारु टेम नी आवी बाकुन तुंद्‌रे वाटे आखी टेम वारलु छे। 
\v 7 ईनी कळीन माणसे मे तुंद्‌रे सी कुहराय नी राखो, बाकुन जे मारे सी कुहराय राखे काहाकी मे तेरा वीरुद मां जी गवाय दम की तेरा काम भुंडात छे। 
\v 8 तुहुं तीहवार मां जावु, मे हय ईना तीहवार मां नी जातु, काहाकी हय लग मारी टेम पुरी नी हय रय।” 
\v 9 जी वात कय्‌न ईसु गलील जीलात मां रय गुयु।
\s भगवान नक्‌खी करला टेमे ईसु खपड़ीन तीहवार वाळने हुगलुत जाय
\p
\v 10 जत्‌यार ईसुन भायस तीहवार वाळने जाती रया, ती ईसु बी गुयु, बाकुन उजेंतु नी हयु, चु हुगलुत चां गुयु। 
\v 11 खपड़ीन तीहवार मां यहुदी माणसे ईसु काजे हेरता जाय्‌न असा पुछतेला, “चु माणुस कां छे।”
\p
\v 12 खपड़ीन तीहवार मां माणसे ईसुन बारामां कळेन कळे बेसकी वात करतेला, “हयु भलु माणुस छे।” ने थुड़ाक कहंतेला, “नी हयु भलु नी हय बाकुन माणसे काजे भटकाड़ र्‌यु।” 
\v 13 कुय बी तेरे बारामां जुर सी वात नी करतेला, काहाकी चे यहुदी नेता सी बीहतेला।
\p
\v 14 तीहवारेन आदा दाहड़ा जाती रया, ने ती ईसु मंदीरेन आंगणा मां जाय्‌न सीकाड़ने बाजी गुयु। 
\v 15 ईसुन वात सामळीन यहुदी माणसे घाबराय्‌न ईसुन बारामां असा कह्‌या, “काहना बी गुरुन साहरे सीके बीगुर ईना माणसेम असी अक्‌कल कां सी आय गुय।”
\p
\v 16 असा कहण्‌याक ईसु कह्‌यु, “मारु भगवान बास मेसेक मकलने वाळु छे। वात सीकाड़ने वाळी मारी मनेन वात नी हय बाकुन मेसेक मकलने वाळान छे। 
\v 17 कदी काहनुक तेरी मरजी पर चालने हींडे, ती हयु ईनी भणावली वातेन बारामां जाण जासे की, ज भगवान भीणी सी छे, की मे मार भीणी सी कहंणे बाजी रयु। 
\v 18 जु काहनुक आपसुत खुद काय कह्‌वे, चु आपसान बड़ाय करनु चाहे, बाकुन जु आपणा मकलने वाळान बड़ाय करनु चाहे हयुत छाचलीन छे, ने हेरेम काय बी पाप नी हय। 
\v 19 काय मुसु तुहुंक नेम कायदु नी देदु काय? तेबी तुंद्‌रे मां सी काहनुक मुसान साहरे लिखला नेम कायदा पर नी चाले। तुहुं काहा मेसेक मारेन हींडी रया?”
\p
\v 20 माणसेन टुळाम सी काहनाक जपाप आप्‌या, “असो लागे तारे मां भुतड़ो भराय रयो। कुण तुसेक मारने हींडे?” 
\v 21 ईसु तीनुक जपाप आप्‌यु, “मे आरामेन दाहड़े एक मांदलाक वारु करलु करीन, ने तुहुं आखा देखीन चकराय रया। 
\v 22 हेरे वजे सी मुसु तुहुंक फतरी काटणेन रीती पाळनेन नीयम आप्‌यु, ज नी की मुसा भीणी सी बाकुन डाहा बुड़ा सी चालती आय रय ने तुहुं आरामेन दाहड़े माणसेन फतरी काट्‌या करु। 
\v 23 जत्‌यार आरामेन दाहड़े माणसेन फतरी काटाड़े, काहाकी मुसान नीयम नी टुटे, ती तुहुं मारे पर काहा रीस करु की मे आरामेन दाहड़े एक माणसे काजे वारु कर्‌यु। 
\v 24 मुंहडा देखीन दसा तसा नीयाव मां करु, वारु वीच्‌यार करीन खरु नीयाव करु।”
\s काय ईसुत मसी छे?
\p
\v 25 तीनी टेमे यरुसलेम सहर वाळा थुड़ाक यहुदी माणसे कहंणे बाजी गुया, “काय जु हयुत माणुस छे ने हय तीनाक हामरा पुडार्‌या मार नाखणेन वीच्‌यार कर रया। 
\v 26 ने देखु जु ते उजेंतु वात करने बाजी रयु, ने कुय हीनाक काय नी कह्‌ता। काय यहुदी नेता छाचलीन जाण लेदा काय हयुत मसी छे? 
\v 27 बाकुन हीनाक ते हामु जाणजे की, जु कां सी आवलु छे; बाकुन मसी जत्‌यार आवसे ती कुय नी जाणे की चु कां सी आयु।”
\p
\v 28 तत्‌यार ईसु मंदीर आंगणा मां सीकाड़तु जाय्‌न आयड़ीन कह्‌यु, “तुहुंक असो लागे की हीनाक उळखी रया, ने ज बी जाणु की मे कान छे। मेते मारी मरजी सी नी आयु, बाकुन मेसेक मकलने वाळु खरलु छे, तीनाक तुहुं नी जाणु। 
\v 29 मे तीनाक जाणो काहाकी मे तेरे भीणी सी आयु ने हयुत मेसेक मकेल्‌लु छे।”
\p
\v 30 थुड़ाक माणसे ईसुक धरीन ली जाणे हींडी रवला, बाकुन आज लग ईसुन मरने टेम नी आय, जी टेम भगवान नक्‌खी करलु। 
\v 31 तेबी माणसेन टुळा मां सी बेसका माणसे ईसु पर भुरसु कर्‌या, ने कहणे बाजी गुया, “अतरा चकराड़न्‌या वारु कामेन सहलाणी दीसरु काहनु बी, नी देखाड़ सके।”
\s यहुदी माणसे ईसु काजे धरनेन कुसीत करे
\p
\v 32 फरीसी माणसे ज सामळ्‌या की, माणसे ईसुन बारामां कळे-कळे वात करने बाजी र्‌या; ती चे मंदीरेन डाहला पुजारा साते वात करीन ईसुक धरीन लावणे करीन मंदीरेन राखवाळ्‌या सीपायड़ा काजे मकल्‌या। 
\v 33 पछेन ईसु कह्‌यु, “हय मे ईतरीक वार तुंद्‌रे पुठ्‌ये रय्‌स। ने अळतेन मेसेक जु मकेल्‌लु छे, तेरेन्‌चां पछु जाती रय्‌स। 
\v 34 तुहुं मेसेक हेर्‌या करसु बाकुन मे तुहुंक नी जड़ो। ने मे जां जाणे हींडी र्‌यु चां तुहुंक नी आवाये।”
\p
\v 35 जी वात सामळीन यहुदी-मुख्‌या आपसा-आपसात कह्‌या, “जु काहा जासे की हयु हामुक नी जड़े, काय हयु पला धड़े जासे जे युनानी मां रावण्‌या-तीवण्‌या हय्‌न रवे ने युनानी काजे वारलु वात सीकाड़ देसे? 
\v 36 जां काय वात छे, ची जु कह्‌लु, की तुहुं मेसेक हेरसु बाकुन मे नी जड़ो; ने चां मे छे चां तुहुं नी आय सकु?”
\s ईसु चुखली-आत्‌मान बारामां सीकाड़े
\p
\v 37 खपड़ीन तीहवारेन खास दाहड़े जु पेहलु दाहड़ु छे, ईसु उबु हयु ने आयड़ीन कह्‌यु, “कदी कुय पीसलो हय ती मारे धड़े आवे ने पाणी पीणु चाहजे। 
\v 38 जु मार पर भुरसु करसे जसों चुखला सास्‌तुर मां अनसारे आवलो छे, तेरा डील मां सी जीवनेन पाणीन नदी उहवसे।” 
\v 39 ईसु ज बुल चुखली\f + \fr 7:39 \fr*\ft पवित्र\ft*\f* आत्‌मान बारामां कह्‌यु, ज कुय हेरे पर भुरसु करने वाळा हेरेत पर हतला; काहाकी आत्‌मा हय लग नी उतरी काहाकी ईसु हय लग तेरी सेक-सींगार लग नी पुग्‌यु।
\s ईसुन बारामां माणसे वात वीच्‌यार करे
\p
\v 40 ईसुन जी वात सामळीन माणसेन टुळा मां सी काहना-काहनाक जी वात कह्‌या, “छाचलीन हयु भगवानेन अघली वात बताड़ने वाळु माणुस छे।”
\p
\v 41 थुड़ाक माणसे कवतेला की,
\p “जु मसी छे, बाकुन काहनाक कह्‌या, काहाकी मसी गलील जीलाम वाळु नी हय सके? 
\v 42 काय चुखली-सास्‌तुर मां ज नी लिखलो आयो काय मसी दावुदेन कळी मां पयदा हवसे ने बेतलहम गांव सी आवसे जां दावुद रहतेलु।” 
\v 43 असो करीन ईसुन बारामां माणसे मां बेरजु पड़ गुयु। 
\v 44 तींद्‌रे मायन थुड़ाक माणसे ईसु काजे धरीन ली जाणे हींडी रवला बाकुन तीनाक धरीन ली जाणे करीन कुयन हिम्‌मत नी हय।
\s यहुदी नेता भुरसु करने सी मना करे
\p
\v 45 तत्‌यार ईसुक धरने करीन गुयला मंदीरेन राखवाळ्‌या-सीपायड़ा मंदीरेन डाहला पुजारान्‌चां ने फरीसी माणसेन्‌चां पछा जाती रया। ती चे डाहला पुजारा ने फरीसी माणसे तीनुक कह्‌या, “तुहुं तीना ईसुक काहानी लाया?”
\p
\v 46 मंदीरेन राखवाळ्‌या सीपायड़ा जपाप आप्‌या, “चु माणुस जसी वात करे तसी वात आज लग कुय नी कर्‌यो।”
\p
\v 47 जी वात सामळीन फरीसी माणसे तीनुक जपाप आप्‌या, “काय चु तुहुंक बी भुले पाड़ देदु काय।” 
\v 48 कुय बी यहुदी नेता ने फरीसी माणसे मायन कुय बी ईना ईसु पर भुरसु नी कर्‌या? 
\v 49 बाकुन ईनु टुळाम माणसे काजे मुसा सी लिखली सास्‌तुर मालम नी हय, करीन जे ईसुन सामळीन भुले पड़ गुया। ने हींद्‌रे पर ते भगवानेन गरा छे।
\p
\v 50 नीकुदेमुस चु पेहेल ईसु काजे भेळु हवणे गुयलु, चु तीनु फरीसी माणसे मायन एक हतलु। चु तीनु काजे कह्‌यु। 
\v 51 काहना बी माणुस काजे पुछीन तेरा गुनान पतु लागाड़े बीगुर जसों तसों तेरु नीयाव करीन तीनाक तु गुनाळु छे, कहीन डंड आपणु आपसा नीयम अनसारे संय छे काय? 
\v 52 चे तीना नीकुदेमुस काजे जपाप आप्‌या, “तु बी गलील जीला वाळा पुठ्‌ये भेसकायलु छे? सास्‌तुर मां हेर ने भणीन देख तत्‌यार तुसेक मालुम पड़से की गलील जीलाम सी भगवानेन अघली वात बताड़न्‌यु माणुस उजेंतु हय्‌न आवण्‌यु नी हय।”
\p
\v 53 ने तत्‌यार चे आखा आपणे-आपणे घर जाती र्‌या।
\c 8
\s ईसु छीनाळी बायरीन पाप माफ करे
\p
\v 1 ने ईसु जेतुनेन बयड़ा\f + \fr 8:1 \fr*\ft पहाड़\ft*\f* पर जाती र्‌यु। 
\v 2 ने चु संदारे एगुत मंदीर मां गुयु। ने आखा माणसे ईसु धड़े आया; ने चु बठीन तीनुक सीकाड़ने बाजी गुयु। 
\v 3 तीनी टेमे यहुदी-सास्‌तुर सीकाड़न्‌या ने फरीसी माणसे एक बायर काजे ईसु धड़े धरीन लाया, ची बायर काहनाक साते छीनाळो करतेली ने धर लेदला ने तीनी काजे माणसेन ईचमां उभी करीन ईसु काजे कह्‌या 
\v 4 चे यहुदी सास्‌तुर सीकाड़न्‌या ने फरीसी माणसे ईसु सी कह्‌या, “ए मास्‌तर जी बायर छीनाळो\f + \fr 8:4 \fr*\ft व्यभिचार\ft*\f* करतेली धराय गुय। 
\v 5 मुसु आपसा लिखला कायदान सास्‌तुर मां हामुक हुकुम आप्‌लु छे, की असली छीनाळी बायर काजे दगड़ा दीन मार नाखणु चाहजे। तेरेसी ईनी बायरीन बारामां तारो काय कहंणु पड़े?” 
\v 6 चे ईसु काजे पारखणे करीन जी वात कह्‌या, तेरेसी तीनुक ईसु पर गुनु लागाड़नेन काहनुस पुरावु जड़ जाय करीन बाकुन ईसु ढंगु अळीन आंगळे करीन धुळा मां लिखतु रयु। 
\v 7 जत्‌यार चे ईसुक पुछता रया ती ईसु उबु हय्‌न तीनुक कह्‌यु, “तुंद्‌रे मां जु कुय काय बी पाप नी कर्‌यु हय चु ईनी बायरीन आखाम सी पेहेल दगड़ु देणु चाहजे।” 
\v 8 ने ईसु अळी ढंगु अळीन \f + \fr 8:8 \fr*\fq ढंगु अळीन \fq*\ft झुककर\ft*\f*धरती पर लिखणे बाजी गुयु। 
\v 9 बाकुन ज सामळीन डाहा-बुड़ा सी नानला लग आखान-आखा एकेक करीन जाती रया। ने चां ईसु ने ची बायरी रय गुया। 
\v 10 ईसु अळी उबु हय्‌न तीनी बायर काजे कह्‌यु, “ओ बायरी चे माणसे काहा जाती रया? तुसे कुय गुनाळी ठेहरावीन डंड नी आप्‌यो काय?”
\p
\v 11 ची बायर कय, “ए मालीक कुय बी मेसेक डंड नी आप्‌यो।”
\p ईसु कह्‌यु, “जां मे बी तुसेक डंड नी आपतु जां ने हय सी अळी पाप घुण करजी।”
\s ईसु कळीन वीजाळो छे
\p
\v 12 ने अळतेन मंदीर मां माणसे ईसु धड़े अळी भेळा हया, तत्‌यार ईसु तीनाक कह्‌यु, “मे कळीन माणसे वाटे वीजाळो मे छे। ज कुय मारु चेलु बणने करीन मारे पुठ्‌ये आवे चु अमर जीवन मां ली जाण्‌यो वीजाळो हात करसे अतरामा तीनाक पापेन आंदारला मां झटवायतु फीरनु नी पड़े।”
\p
\v 13 फरीसी माणसे ईसुक कह्‌या, “तु आपसात बारामां आपसुत गवा दी र्‌यु। हेरेसी तारी गवाय खरली नी हय।”
\p
\v 14 ईसु तीनुक जपाप आप्‌यु, “मेसेक मालुम छे, की मे कां सी आवलु छे ने कां जाणे बाजी र्‌यु। बाकुन तुहुं नी जाणता की मे कां सी आवलु छे ने कां जाणे बाजी र्‌यु। अतरामा कदी मे आपसुत मारा बारामां गवा दम; तेबी मारी गवाय खरली छे। 
\v 15 तुहुं ईनी कळीन माणसेन डीलेन अनसारे नीयाव कर र्‌या, बाकुन मे कुय बी असु नीवाय नी करो; 
\v 16 ने कदी मे नीयाव करो बी, ते मारु नीयाव छाचलु छे, काहाकी मे एखलु नी हय बास बी छे, चु मेसेक मकेल्‌लु छे। 
\v 17 तुंद्‌रा कायदान सास्‌तुर मां बी लिखलो छे, की दुय जणान गवाय छाचली रवे। 
\v 18 एक ते मे मारा बारामां गवाय दम ने मारु बास बी मारा बारामां गवाय देय चु मेसेक मकेल्‌लु छे।”
\p
\v 19 ज सामळीन चे ईसु काजे कह्‌या, “तारु बास कां छे।” ईसु जपाप आप्‌यु,
\p “तुहुं मेसेक जाणु नी मारा बास काजे कदी मेसेक जाणु ती मारा बास काजे बी जाणु।”
\p
\v 20 ईसु मंदीर मां दान पेटी धड़े सीकाड़तु जाय्‌न जी आखी वात कह्‌यु, तेबी कुय बी ईसुक नी धर्‌या, काहाकी हय लग ईसुन मरने टेम नी आय, जी टेम भगवान नक्‌खी करलु।
\s जे यहुदी माणसे ईसु पर भुरसु नी करे तीनुक ईसु चकराड़े
\p
\v 21 ईसु अळी एक कावा माणसे काजे कह्‌यु, “मे जात रय्‌स, ने तुहुं मेसेक हेर्‌या करसु, बाकुन तुहुं तुंद्‌रा पापेन माफी हात कर्‌या बीगुर तुंद्‌रा पाप मां मर जासु। ने चां जात रय्‌स चां तुहुंक कदी नी आवाये।”
\p
\v 22 जी वात सामळीन यहुदी माणसे कह्‌या, “जु असु काहा कय रयु, जां मे जात रय्‌स चां तुहुंक कदी नी आवाये हेरो ज कहंणेन मतलब काय छे? कांखुर मायन जु जाणी बुजीन मरने ते नी हींडी र्‌यु?” 
\v 23 ईसु तीनु काजे कह्‌यु, “तुहुं सरगे सी नेचा ईनी धरती वाळा छे; तुहुं कळीन छे, ने मे ईनी कळीम वाळु नी हय। 
\v 24 तेरेमां मे तुहुंक कह्‌यु, की तुहुं तुंद्‌रा पाप मां मरसु काहाकी कदी तुहुं भुरसु नी करु की मे हयुत छे ती तुंद्‌रा पाप मां मरसु।”
\p
\v 25 ज सामळीन चे माणसे ईसुक कह्‌या, “तु कुण छे?” ईसु तीनुक कह्‌यु, “हयुत छे सुरु सी तुंद्‌रे सी कह्‌तु आय र्‌यु। 
\v 26 तुंद्‌रा बारामां मेसेक बेसको काय नीयाव करनु छे। बाकुन मारु मकेलने वाळु छाचलु छे, ने ज मे तेरे सी सामळळु छे, चोन ईनी कळीन माणसे काजे सामळावो।”
\p
\v 27 ईसु ते तीनु काजे भगवान बासेन बारामां कहंणे बाजी रवलु, बाकुन ची वात तीनुक पल्‌ले नी पड़े। 
\v 28 तत्‌यार ईसु कह्‌यु, “जत्‌यार तुहुं माणसेन पुर्‌या काजे ती जाणसु की मे हयुत छे; मे मारी मरजी सी काय बी नी कहो बाकुन जसु मारु बास मेसेक सीकाड़लु तसुत जी वात कहो। 
\v 29 मेसेक मकेलने वाळु मारे पुठ्‌ये; चु मेसेक एखलु नी मकल्‌यु काहाकी मे जलम चत काम करो तीनाक गमे च।”
\p
\v 30 ईसु जी वात कहंणे बाजी रवलु, ती बेसका माणसे तेरे पर भुरसु करने बाजी गुया।
\s ईसु पाप काजे छुड़ने बारामां सीकाड़े
\p
\v 31 जे यहुदी माणसे ईसु पर भुरसु कर्‌या, तीनुक कह्‌यु, “कदी तुहुं मारा बुल मांनीन रवसु, ती छाचलीन मारा चेला बण जासु। 
\v 32 तुहुं छाचाय काजे जाण लेसु, ने छाचाय तुहुंक गुलामी मां सी छुड़ाय देसे।”
\p
\v 33 चे ईसु काजे कह्‌या, “हामु ते अब्‌राहमेन अवल्‌यात छे, ने हामु कदी काहनान बी गुमाली नी कर्‌या। ती तु असु कसु कह्‌वे की छाचाय तुहुंक गुलामी मां सी छुड़ाय देसे।”
\p
\v 34 ईसु तीनु काजे कह्‌यु, “मे तुहुंक छाचलीन कहं, जु पाप करे चु पापेन गुलाम छे। 
\v 35 एक घरेन पावर्‌यान बारामां वीच्‌यार करु। मालीकेन पावर्‌यु नी बाकुन मालीकेन खरलु बेटुस घरेन हकदार्‌यु छे, ने चु अतरुत घर मां जलम रय सके, 
\v 36 हेरेसी कदी पुर्‌यु तुहुं काजे पापेम सी छुड़ावसे ती तुहुं छाचलीन पापेन गुलामी मां सी छुट जासु। 
\v 37 मे जाणो की तुहुं अब्‌राहमेन अवल्‌यात छे; तेबी मारो बुल तुंद्‌रा डील मां जागु नी हेरे, तेरेमां तुहुं मेसेक मारने हींडी रया। 
\v 38 तुहुं चत कय रया च मेसेक मारु बास देखलु, ने तुहुं च करु च तुंद्‌रा बास सी तुहुं सामळ्‌या।”
\p
\v 39 चे ईसु काजे जपाप आप्‌या, “हामरु बास ते अब्‌राहम छे।” ईसु तीनुक कह्‌यु,
\p “कदी तुहुं अब्‌राहमेन अवल्‌यात रवता ती चत काम करता च अब्‌राहम करलु। 
\v 40 बाकुन हय तुहुं मारेन तसला माणसे काजे मारने हींडी रया, चु तुहुंक च खरलो बुल बताड़लु चु भगवान सी सामळ्‌या असो ते अब्‌राहम नी कर्‌यु। 
\v 41 तुहुं ते खरला बासेन तसु नी, बाकुन तुंद्‌रा दीसरा बासेन तसु वेहवार कर रया।”
\p चे ईसु काजे कह्‌या, “हामु छीनाळा सी पयदा नी हया; हामरु एकुत बास छे, ने चु भगवान छे।”
\p
\v 42 ईसु तीनु यहुदी माणसेक कह्‌यु, “भगवान तुंद्‌रु बास नी हय। कदी भगवान तुंद्‌रु बास रवतु, ती तुहुं मेसेक उळखीन परम करता काहाकी मे मारी मरजी सी नी आयु। बाकुन भगवान मेसेक मकेल्‌लु छे। करीन मे भगवान बासेम सी नीकाळीन आवलु छे, ने मे हय जां हजुर छे। 
\v 43 तुहुं मारी वात काहा नी समजु? तेरेमां की तुहुं मारो बुल सामळी नी सकु। 
\v 44 तुहुं आपसा बास भुतड़ा सी छे, ने आपसा बासेन मरजी काजे पुरी करने हींडी र्‌या। हयु ते पेहलुत सी हत्‌यारु छे, ने छाचलु बणीन नी रयु, काहाकी छाचाय तेरेमां हय नी। जत्‌यार हयु झुट बुले, ती आपसा हीयान मनेम सी बुले, काहाकी हयु झुटु अतरुत नी हय, बाकुन आखी भातीन झुटेन बास झुटु छे, 
\v 45 बाकुन मे ज छाचलीन कह्‌वो, तुहुं माणसे मारे पर भुरसु नी करु। 
\v 46 तुंद्‌रे मायन कुण मेसेक पापी कहें? काय कदी मे छाचलीन कहं, ती तुहुं मारु भुरसु काहा नी करु? 
\v 47 जु भगवान भीणी सी छे, ने भगवानेन वात काजे सामळे। तेरेमां तुहुं मारी वात काजे नी मानु, तुहुं भगवान भीणी सी नी हय।”
\s ईसु ने अब्‌राहम
\p
\v 48 ईसुन वात सामळीन यहुदी माणसे रीसवायन ईसु काजे कह्‌या, “हामु ते छाचलीन कय र्‌या की, तु सामरी जातीन छे, ने तारे भुतड़ु चस्‌टी र्‌यु?”
\p
\v 49 ईसु तीनुक जपाप आप्‌यु, “मारे भुतड़ु नी चस्‌टी र्‌यु। बाकुन मे मारा बासेन अबरु राख र्‌यु ने तुहुं मारु अबरु ली रया। 
\v 50 मेसेक मारी ईज्‌जत नी चाहजे, बाकुन एक जणु छे, चु मारु अबरु राखणेन हेर कर रयु, ने हयुत छाचलु नीयाव करन्‌यु छे। 
\v 51 मे तुंद्‌रे सी छाचलीन कहं, ज कुय माणुस मारा बुल काजे मानीन चालसे चु कदी नी मरे।”
\p
\v 52 जी वात सामळीन यहुदी माणसे ईसु काजे कह्‌या, “हय हामुक पक्‌को मालम पड़ गुयो की, तारे भुतड़ु चस्‌टी रयु। अब्‌राहम मर गुयु ने भगवानेन अघली वात बताड़न्‌यु मर गुयु, ने तु ज कय रयु की जु कुय मारा बुल काजे मानीन चालसे चु कदी नी मरे। 
\v 53 हामरा डाहा बुड़ान बास अब्‌राहम ते मर गुयु, ने भगवानेन अघली वात बताड़न्‌या बी मर गुया, तु अब्‌राहम सी मटु छे काय? तु आपसा काजे काय समजी रयु? तु कुण छे?” 
\v 54 ईसु जपाप आप्‌यु, “कदी मे मारीत ईज्‌जत करो ती तीनी ईज्‌जतेन काय बी दाम नी रवे। बाकुन मारी ईज्‌जत करन्‌यु मारु बास छे तीनाक तुहुं कहुं की चु तुंद्‌रु भगवान छे। 
\v 55 तुहुं ते तीनाक कदी नी उळख्‌या; ने कदी मे कहं की मे तीनाक कदी नी उळखो, ती ते मे तुंद्‌रेन तसु लुच्‌चु कहं; बाकुन मे तीनाक उळखो ने तेरा बुल पर चालो। 
\v 56 तुंद्‌रु बास अब्‌राहम मेसेक देखणे करीन मारे आवणेन दाहड़ाम वाट देखीन खुस हय गुयलु; ने चु मेसेक देखी बी लेदु ने खुस हय गुयु।”
\p
\v 57 जी वात सामळीन यहुदी माणसे ईसुक कह्‌या, “हय लगुन तारी उमर पचास साल बी नी हय ने तु असु कसु कय रयु की मे अब्‌राहम काजे देखलु छे?”
\p
\v 58 ईसु तीनुक कह्‌यु, “मे तुहुं काजे छाचलीन कहं अब्‌राहम पयदा नी हयु तेरे सी बी पेहलुन मेत छे।”
\p
\v 59 ज सामळीन यहुदी माणसे ईसुक मारने करीन दगड़ा\f + \fr 8:59 \fr*\ft पत्थर\ft*\f* ईछी लेदा बाकुन ईसु मंदीर मां सी कळेन जाती र्‌यु।
\c 9
\s ईसु पयदावारी सी आंदळा हवलाक देखणेन ताकत आपे
\p
\v 1 ईसु हेरा चेला भेळुत वाटे जाणे बाजी रवलु ती चु एक माणुस काजे देख्‌यु चु पयदा हयु ती सीत आंधळु हतलु। 
\v 2 ती ईसुन चेला ईसु काजे पुछ्‌या, “ए मास्‌तर कुण पाप कर्‌यु हसे ने जु आंधळु पयदा हयु। जु माणुस पाप कर्‌यु हसे की हेरा आयस-बास पाप कर्‌या हसे?”
\p
\v 3 ईसु जपाप आप्‌यु, “नी ते जु माणुस पाप कर्‌यु ने नी ते हेरा आयस-बास पाप कर्‌या बाकुन जु हेरेन करीन आंधळु पयदा हयु की ईनाक वारु करनेन सी हेरी जीवन मां भगवानेन ताकत देखाव पड़ जाय। 
\v 4 ने भगवान जु मेसेक मकेल्‌लु छे, आपणुक तेरो काम दीसुत पुरो कर लेणु वारु रवसे। बाकुन ची रात आवणे वाळी छे, तेरेमां कुयक काम नी कराये। 
\v 5 जत्‌यार लग मे कळी मां छे तत्‌यार लग कळीन वीजाळो छे।”
\p
\v 6 ज कयदीन ईसु भुयमां थुप्‌यु ने हाते करीन धुळु कालवीन आंदळान डुळा पर चुपड़ी देदु। 
\v 7 ने तीना आंदळा काजे कह्‌यु, “जां सीलोम नावेन हळाव मां तारा डुळा धुय ले।” सीलोम नावेन मतलब छे मकेल्‌लु। अतरा मां चु आंधळु माणुस जाय्‌न तीना हळाव मां डुळा धुय लेदु ने जत्‌यार चु पछु आयु तत्‌यार देखणे बाजी गुयु।
\p
\v 8 ईना आंदळान आड़े-धड़े वाळा ने उळखायता माणसे चे पेहल ईनाक भीक मांगतेला देखला चे ईनाक हय देखीन कह्‌या,
\p “काय जु चु नी हय जां बठीन पेहेल भीक मांगतेलु?” 
\v 9 थुड़ाक माणसे कह्‌या, “जु हयुत छे। थुड़ाक माणसे कह्‌या जु चु आंधळु माणुस नी हय बाकुन तेरेन तसु देखाये।”
\p बाकुन चु आंधळु माणुस कह्‌यु, “मे हयुत छे।”
\p
\v 10 ज सामळीन चे तीनाक पुछणे बाजी गुया, “ती तु कसु काय देखणे बाजी गुयु।”
\p
\v 11 चु माणुस जपाप आप्‌यु, “ईसु नावेन माणुस थुपे करीन धुळु मारा डुळा पर चुपड़ी देदु। ने मेसेक कह्‌यु, सीलोम नावेन हळाव मां तारा डुळा धुय ले। ने मे जाय्‌न डुळा धुय लेदु ने मे देखणे बाजी गुयु।”
\p
\v 12 ज सामळीन चे तीनाक पुछ्‌या, “चु कां छे।”
\p ने चु कह्‌यु, “काय जाणु।”
\s फरीसी माणसे वारु हय गुयला आंदळान पतु लागाड़े
\p
\v 13 वारु हय गुयला आंदळा माणुस काजे चां भेळा हवला माणसे फरीसी माणसे ने यहुदी माणसे धड़े लाया। 
\v 14 तीने दाहड़े ईसु धुळु\f + \fr 9:14 \fr*\ft मिट्टी\ft*\f* कालवीन तीना आंदळान डुळा वारु करलु चु दाहड़ु आरामेन दाहड़ु हतलु। 
\v 15 अतरामा फरीसी माणसे बी तीना माणसेक पुछणे बाजी गुया, “तु कसु काय देखणे बाजी गुयु।” चु तीनुक कह्‌यु, “ईसु नावेन माणुस धुळु कालवीन मारा डुळा पर चुपड़ी देदु। ने मे धुय लेदु ती पछेन देखणे बाजी गुयु।”
\p
\v 16 जी वात सामळीन थुड़ाक फरीसी माणसे कह्‌या, “हीयु ईसु आरामेन दाहड़ु नी पाळतु। तेरेमां हीयु भगवानेन्‌चां सी नी आवलु हय।”
\p ने जी वात सामळीन थुड़ाक फरीसी माणसे कह्‌या, “पापी माणुस असा वारु कामेन सहलाणी कसु देखाड़ सके?” अतरा मां ईसुन बारामां तींद्‌रे-तींद्‌रे मां वीरुद हय गुयु।
\p
\v 17 एक कावा अळी तीना आंदळा काजे पुछ्‌या, “जु माणुस तारा डुळा वारु करलु छे, तेरा बारामां तु काय कहें?” ने चु माणुस कह्‌यु, “चु एक भगवानेन अघी सी आवणे वाळी वात बताड़ने वाळु माणुस छे।”
\p
\v 18 जु माणुस पेहेल आंधळु हतलु, चु माणुस हय देखणे बाजी गुयु ईनी वातेम तीनु यहुदी मुख्‌या काजे भुरसु नी आयु ने चे तीना माणसेन आस्‌या-बास्‌या काजे बुलाया। 
\v 19 ने तीनुक पुछ्‌या, “जु तुंद्‌रु पुर्‌यु छे काय? जु पयदा हयु तीन आंधळु हतलु काय? ‘आंधळु हतलु’ कहुं ती हय जु कसु देखणे बाजी गुयु?” 
\v 20 चे आस्‌या-बास्‌या जपाप आप्‌या, “हामु जाणजे की हामरु पुर्‌यु छे, ने जु पयदा हयु तीन आंधळु हतलु। 
\v 21 बाकुन हय जु कसु देखणे बाजी गुयु जी वात हामुक मालम नी हय। हामुक ज बी नी मालम हय की हेरा डुळा कुण वारु कर्‌यो ईनात काजे पुछ लेवु। जु नानलु नी हय आपसान बारामां खुद बताड़ देसे।” 
\v 22 यहुदी डाहला भेळा हय्‌न जी वात नक्‌खी कर लेदला की कुय बी ईसु काजे मसी करीन मान लेसे ती आपणा भक्‌तीन घर मां सी बाहर नीकाळीन बाहरु कर देसुन। ने तीनाक वारु हय गुयला आंदळान आस्‌या-बास्‌या मन मां यहुदी मुख्‌यान धाक भराय गुयली। 
\v 23 तेरेमां तेरा आस्‌या-बास्‌या कहला की, “जु मटु हय गुयु ईनात काजे पुछ लेवु।”
\p
\v 24 चे यहुदी मुख्‌यान तीना वारु हय गुयला आंदळाक अळी बुलाया ने तीनाक कह्‌या, “भगवानेन आण घालीन कहं की मे तीना भगवानेन बड़ाय करीस। हामु जाणजे की चु माणुस पापी छे।”
\p
\v 25 चु जपाप आप्‌यु, “चु माणुस पापी हय की नी हय जी वात मेसेक मालम नी हय बाकुन मे अतरोत जाणो की मे आंधळु हतलु ने हय मे देखो।”
\p
\v 26 ने चे तीनाक अळी पुछ्‌या चु तारे काय कर्‌यु? “चु तारा डुळाक कसु वारु कर्‌यु?” 
\v 27 चु कह्‌यु, “मे तुहुं काजे पेहलुत कय देदु तेबी तुहुंक भुरसु नी आवतु, ती हय अळी काहा सामळने हींडी र्‌या? तुहुं बी तेरा चेला बणने हींड र्‌या काय?” 
\v 28 चे तीनाक बेसका लड़ीन कह्‌या, “तुत छे तेरु चेलु बाकुन हामु ते मुसान चेला छे। 
\v 29 हामु जाणजे की भगवान मुसा साते वात करलु बाकुन तीना ईसुन बारामां हामु जाणजे लग नी, की चु कां सी आवलु छे।”
\p
\v 30 चु वारु हय गुयलु माणुस तीनाक कह्‌यु, “जो! तुहुंक पल्‌ले नी पड़तो काय चु आंदळान डुळाक वारु कर देदु तेबी तुहुंक मालम नी हय की चु कां सी आवलु छे। 
\v 31 आपणु जाणजे की भगवान पापी माणसेन दुवा नी सामळे बाकुन तीना माणसेन दुवा सामळे जु भगवानेन भक्‌ती करतु हय ने भगवानेन मरजी\f + \fr 9:31 \fr*\ft ईच्छा\ft*\f* पर जीवन जीवे। 
\v 32 कळी घड़ाय तीसी आज लग ज सामळने मां नी आयो की काहनु बी आंधळु पयदा वारी माणसेन डुळा उघाड़ीन वारु कर्‌यु हय। 
\v 33 कदी भगवान ईना माणसेक नी मकेलतु ती चु कसु मारा आंदळा डुळा उघाड़तु।”
\p
\v 34 चे यहुदी मुख्‌या वारु हय गुयला आंदळाक कह्‌या तुते पाप मां पयदा हयु ने पापेत मां पुसायु, “ने बेसकु! तु हामुक सीकाड़ने बाजी र्‌यु!” ने असु कहीन चे तीनाक तींद्‌रा घर मां सी खयड़े नीकाळ दीन बाहर कर देदा।
\s जीवेन आंदळान बारामां ईसु, फरीसी माणसेक देखाड़े
\p
\v 35 अळतेन ईसु सामळ्‌यु की फरीसी माणसे यहुदी मुख्‌या तीनाक चां बाहर कर देदला छे, ने अळतेन ईसु तीनाक भेळु हयु ती तीनाक कह्‌यु, “तु माणसेन पुर्‌या पर भुरसु करे काय?” 
\v 36 चु वारु हय गुयलु आंधळु माणुस कह्‌यु, “ए मालीक! मेसेक देखाड़ दे की माणसेन पुर्‌यु कुण छे, ने मे तेरे पर भुरसु करीस।”
\p
\v 37 ईसु तीना माणसेक कह्‌यु तु तीनाक देखलु छे, “ने चु तार साते वात करने बाजी र्‌यु ने हयुत माणसेन पुर्‌यु छे।”
\p
\v 38 चु वारु हय गुयलु आंधळु ईसु काजे कह्‌यु ए मालीक! मे भुरसु कर्‌यु ने चु ईसुन पाये पड़ीन आंध्‌यु।
\p
\v 39 ने ईसु कह्‌यु, “मे ईनी कळी मां नीयाव करने वाळु छे की जे आंदळा छे चे देखणे बाजी जाय बाकुन जे देखणे बाजी र्‌या चे आंदळा हय जाय।”
\p
\v 40 फरीसी माणसे मुख्‌या मायन थुड़ाक चां ईसु साते हतला ने चे ज सामळीन ईसु काजे कह्‌या, “छाचलीन हामु आंदळा नी हय। हामु बी आंदळा छे करीन तु कय र्‌यु काय?”
\p
\v 41 ईसु तीनु काजे कह्‌यु, “कदी तुहुं छाचलीन आंदळा रवता ती पापी नी गीणायता बाकुन हय ते तुहुं कय र्‌या की हामु देखजे ने तुहुं पापीत गीणाय र्‌या।”
\c 10
\s गाडरा गुवाळ्‌यु ने तेरा गाडरान दाखलु
\p
\v 1 ईसु कह्‌यु, “मे तुहुं काजे छाची-छाची कहं, की जु काहनुक गाडरान ईना वाड़ान झपला मायन गाडरान वाड़ा मां नी भराये, बाकुन गाडरान वाड़ो चहड़ीन एक धड़े मायन भराये, चु चुट्‌टु ने डाकु छे। 
\v 2 बाकुन जु गाडरान वाड़ान झपले मायन भराये, चु गाडरा गुवाळ्‌यु छे। 
\v 3 ने तेरे भीणी गाडरान वाड़ान झपले राखवाळी करन्‌यु झपलु उघाड़ देय। ने गाडरा तीना गाडरा गुवाळ्‌यान बुली सामळी लेय, ने चु आपसा एक-एक गाडरान नाव धरीन बुलावे, ने आपसा गाडराक खयड़े चारने ली जाती रहे। 
\v 4 ने जत्‌यार चु आपसा आखा गाडरा काजे खयड़े ली जाय, ती चु तींद्‌रे अगळ-अगळ चाले, ने चे गाडरा आपसा मालीकेन बुली समजी जाय, ने तेरे पछळ-पछळ आवे। 
\v 5 बाकुन कदी अंजाण्‌यु माणुस आयड़े ती चे गाडरा राखवाळ्‌यान अंजाणी बुली काजे नी उळखे, ने तेरे पछळ-पछळ नी जाय बाकुन तीनाक देखीन छेटा डास जासे।”
\p
\v 6 ईसु तीनुक जी वात दाखलु\f + \fr 10:6 \fr*\ft द्रष्टान्त\ft*\f* दीन कह्‌यु, बाकुन तीनुक तीना दाखलान मतलब समजायो नी।
\s ईसु वारलु गुवाळ्‌यु छे
\p
\v 7 तत्‌यार ईसु तीनुक अळी कह्‌यु, मे तुहुंक छाची-छाची कह्‌वो, गाडरान झपलु मेत छे। 
\v 8 जतरा मारे सी पेहेल आया चे आखा चुट्‌टा ने डाकु छे, बाकुन गाडरा तेरी नी सामळ्‌या। 
\v 9 झपलु मे छे, कदी काहनुक मारे मायन माहीं आवे, ती मे राखवाळी करीस, ने बाहर आवता जाता रवसे ने चारु जड़से। 
\v 10 चुट्‌टु काहनुक दीसरा काम आटे नी आवे, बाकुन चुरी करने अतरुत आवे, ने मारने ने खत्‌तम करने आवे, बाकुन मे असु करीन आयु की हीनुक नवलो जीवन जड़े ने पुरो की पुरो जड़े।\fig गाडरान कुंडवाड़ा मां गाडरा साते गुवाळ्‌या|alt="Shepherd with his sheep in sheepfold" src="lb00014c.tif" size="span" copy="Horace Knowles ©" ref="10:7"\fig*
\p
\v 11 वारलु गुवाळ्‌यु मे छे! वारलु गुवाळ्‌यु गाडरा आटे आपसान जीव दी देय। 
\v 12 बाकुन दाहड़क्‌यु नीते गुवाळ्‌यु हय, ती गाडरान मालीक छे, लेंड्‌या काजे आवता देखीन गाडरा काजे छुड़दीन ढासी जाय, ने लेंड्‌या तीनुक धरे ने रावण्‌या-तीवण्‌या कर देय। 
\v 13 दाहड़क्‌यु असु करीन ढासी जाय की चु पावर्‌यु छे, ने तेरी गाडरान फीकुर नी करे। 
\v 14 वारलु गुवाळ्‌यु मे छे, मे मारा गाडरा काजे उळखो ने मारा गाडरा मेसेक उळखे। 
\v 15 जसु बास मेसेक उळखे ने मे बासेक उळखो ने मे गाडरा आटे मारु जीव दी दम। 
\v 16 मारा अळी बी गाडरा छे, चे ईना गाडरान वाड़ा मां नी हय। मेसे तीनुक बी लावणुत छे, चे मारी बुली सामळसे, तत्‌यार एकुत टुळु ने एकुत गुवाळ्‌यु रवसे।
\p
\v 17 बास असु करीन मारे सी परम राखे की मे मारु जीव दी दम, काहाकी तीना जीवेक पछु मांगणेन बी हक छे। 
\v 18 बाकुन मे मारी मरजी सी दम, ने मेसे तीनाक देणेन बी हक छे, ने तीनाक अळी पछु लेणेन बी हक छे, जी हुकुम मारा बास सी मेसेक जड़ी।
\p
\v 19 ईसुन जी वात सामळीन, यहुदी माणसेम अळी लड़ाय हय गुय। 
\v 20 तींद्‌रे मायन बेसका माणसे कवतेला, “हेरे भुतड़ा लागला छे, तुहुं हेरी काहा सामळु।”
\p
\v 21 बाकुन दीसरा माणसे कहतेला, “जी वात भुतड़ा लागला माणसेन नी हय, काहाकी भुत आंदळान डुळाक वारु कर सके काय?”
\s यहुदी माणसेन वीरुद मां ईसु
\p
\v 22 यरुसलेम मंदीर काजे भगवानेन हातेम सुपणेन तीहवार आयु। तीनु दाहड़ाम सींव पड़ रवली। 
\v 23 ईसु मंदीर मां सुलेमान नावेन आंगणा मां हींडतेलु। 
\v 24 तत्‌यार यहुदी नेता ईसुक घेर लेदा, ने कह्‌या, “तु हामरा मन काजे कां लगुन भुले पाड़तु रवसी? कदी तु मसी हय ती हामुक तसु छाची बताड़ दे?” 
\v 25 ईसु तीनुक जपाप आप्‌यु, “मे तुहुंक छाचलीन कय देदु की, मे कुण छे। बाकुन तुहुं भुरसु नी करता, ज काम मे मारा बासेन नाव सी करो, मारी गवा पुरावु देय की मे छाचलीन कुण छे? 
\v 26 तेबी तुहुं भुरसु नी करता, काहाकी तुहुं मारा गाडरा नी हय। 
\v 27 मारा गाडरा मतलब मारा चेला, मारी बुली काजे जाणी लेय, ने मे तीनुक जाणो, ने मारे पछळ-पछळ आवे। 
\v 28 ने मे तीनुक अमर जीवन आपो, ने हयु जीव कदी नी मरसे। ने कुय बी तीनाक मार हातेम सी नी हापके। 
\v 29 मारु बास, चु तीनुक मेसेक आप्‌यु, आखा सी मटु छे, ने कुय बी तीनुक बासेन हातेम सी हापकी नी सके। 
\v 30 मे ने मारु भगवान बास एक छे।”
\p
\v 31 ईसुन जी वात सामळीन, यहुदी माणसे ईसु काजे मारने करीन अळी दगड़ा ईछ्‌या। 
\v 32 ती ईसु तीनु काजे जपाप आप्‌यु, “मे मारा भगवान बासेन कह्‌याम तुहुंक बेसका मटा वारलु काम करीन देखाड़्‌यु। तीनु मायन काहना कामेन करीन मेसेक दगड़ाटीन मारने हींडी र्‌या?”
\p
\v 33 तत्‌यार यहुदी माणसे जपाप आप्‌या, “काहना बी वारलु कामेन करीन नी, बाकुन तु भगवानेन नाव-बद्‌दी कर र्‌यु करीन हामु तुसेक दगड़ाटीन मारने हींडी र्‌या, तु ते माणुस हय्‌न बी खुद काजे ‘मे भगवान छे’ करीन कय र्‌यु।”
\p
\v 34 ईसु तीनुक जपाप आप्‌यु, “तीना चुखला सास्‌तुर काजे तुहुं मानु, तेरेमां असो लिखलो छे भगवान कह्‌यु, तुहुं देवता छे” तुहुंक जी वात मालम नी हय काय। 
\v 35 पेहला वाराम तीनु माणसेन्‌चां आपसु बुल पुगाड़लु, तीनु काजे भगवान देवता करीन बुलाड़्‌यु। ने खरली सास्‌तुर मां लिखली वात कदी नी टळे। 
\v 36 बाकुन मेसेक ते चुखलु भगवान बास हक आपीन ईनी कळी मां मकेल्‌लु छे, ने मे भगवानेन पुर्‌यु छे करीन मे मारा बारामां कह्‌यु, ती तुहुं रीसवायन मेसेक तु भगवानेन नाव-बद्‌दी कर र्‌यु, करीन काहा कय र्‌या? 
\v 37 कदी मे मारा बासेन काम नी करो ती मारे पर भुरसु घुण करु। 
\v 38 बाकुन कदी मे भुरसु करो, ती भले मारे पर भुरसु मां करु, बाकुन तीनु कामे पर ते भुरसु करु, काहाकी तुहुं जाणु ने समजु की बास मारेम छे, ने मे बासेम छे।
\p
\v 39 जी वात सामळीन, यहुदी माणसे, अळी ईसु काजे धरने हींडी रवला, बाकुन चु तींद्‌रा हातेम सी नीस्‌टीन जाती रयु।
\p
\v 40 ईसु आपसा चेला पुठ्‌ये अळी यरदन नदीन पली धड़े जागा पर जाती र्‌यु, चां युहन्‌‌‌नु पेहेल बपतीस्‌मा आप्‌या करतेलु, ने चाहात रहणे बाजी गुयु। 
\v 41 बेसका माणसे ईसु धड़े आवीन कहतेला, “युहन्‌‌‌नु ते असो काहना बी मटा कामेन सहलाणी\f + \fr 10:41 \fr*\ft चिन्ह\ft*\f* नी देखाड़्‌यु, बाकुन युहन्‌‌‌नु ईसुन बारामां ज काय हवलो, चो आखो छाचलीन हतलो।” 
\v 42 ने चां बेसका माणसे ईसु पर भुरसु कर्‌या।
\c 11
\s लाजर मांदु हय्‌न मरे
\p
\v 1 बेतन्‌या गांव मां तीन भाय बहणस्‌या रहतेला, लाजर ने तेरे दुय बहणीस मारथा ने मरीयम, एक दाहड़े हेरु भाय लाजर मांदु पड़ गुयु। 
\v 2 जी चीत मरीयम हतली, ची मालीक ईसुन पाये पर ईत्‌तर रेचवीन आपसे कान्‌या सी तेरा पाये नुछली हेरुत भाय लाजर मांदलु हतलु। 
\v 3 तेरेमां मरीयम ने मार्‌था लाजरेन बहणीस ईसु धड़े असी कय मकली की, “ए मालीक, देख, तीनाक तु वारु परम राखे चु मांदलु छे।”
\p
\v 4 ईसु जी वात सामळीन कह्‌यु, “जी मांदवाड़ मर जाणु करीन नी आय, बाकुन भगवानेन बड़ाय हवणे करीन, ने ईनी मांदवाड़ेन साहरे भगवानेन पुर्‌यान बी बड़ाय हवे।”
\p
\v 5 ईसु लाजर काजे, ने तेरी बहणीस मारथा ने मरीयम काजे परम करतेलु। 
\v 6 तेबी जत्‌यार ईसु सामळ्‌यु, की लाजर मांदलु छे, ती जां लाजर रहतेलु चां जाणी बुजीन दुय दाहड़ा अळी रय गुयु। 
\v 7 जी दुय दाहड़ा बीती गुया, ने पछेन ईसु चेला काजे कह्‌यु, “चालु आपणु अळी पछा यहुदी जीलाम जाजे।”
\p
\v 8 बाकुन चेला ईसु काजे कह्‌या, “ए मास्‌तर! ईतराक दाहड़ा पेहलुस ते यहुदी डाहला नेता तुसेक दगड़ाटीन मारने हींडी रवला, ने तु पछु अळी चांहान जाणे हींडी र्‌यु?”
\p
\v 9 ईसु जपाप आप्‌यु, “काय दाहड़ान बारे घंटा नी रवे? कदी काहनुक माणुस दीसु चाले ती झट नी लागे काहाकी तीनाक ईनी कळीन वीजाळो देखाये। 
\v 10 बाकुन कदी काहनुक राते चाले ती झटवायसे, काहाकी चां वीजाळो नी रहे।” 
\v 11 ईसु जी वात कह्‌यु, ने पछेन कहणे बाजी गुयु, “आपणु दुस्‌तीदार लाजर सुय गुयु, बाकुन मे हीनाक जागाड़ने जाम।”
\p
\v 12 चेला कह्‌या, “ए मालीक। कदी चु सुय रयु हसे, ती वारु हय जासे।”
\p
\v 13 ईसुन चेला ज्‌य समज्‌या की लाजर छाचलीन सुवणे बाजी रयु हसे, बाकुन ईसु ते दाखलान साहरे ईसारु करीन कहणे बाजी रवलु। 
\v 14 तत्‌यार ईसु तीनुक सय-सय कय देदु, “की लाजर मर गुयु।” 
\v 15 मे लाजरेन मरने टेमे चां नी हतलु, तेबी मे तुहुं छे करीन मे खुस छे, “काहाकी हय तुहुं मारे पर पाक्‌कु भुरसु करने मुखु जड़ जासे। ती चालु, आपणु लाजर धड़े जाजे।”
\p
\v 16 तत्‌यार थोमु चु दीद्‌मुस बी कह्‌वाये, हेरे साते चेला सी कह्‌यु, “चालु, आपणु बी हेरे साते जाजे भले आपणुक बी हेरे पुठ्‌ये मरनु पड़े।”
\s बेतन्‌या गांव मां ईसु
\p
\v 17 जत्‌यार ईसु बेतन्‌या गांव मां पुग्‌यु, ती चु सामळ्‌यु की लाजर काजे मसाण मां मेकला चार दाहड़ा हय गुया। 
\v 18 बेतन्‌या गांव यरुसलेम सहर सी एक कुस लांबो हतलो। 
\v 19 ने बेसका यहुदी माणसे बी लाजरेन मरनेन खबर सामळीन हेरी बहणीस मारथा ने मरीयम काजे हुगा राखणे, ने तुहुं काठु जीव राख्‌जु करीन हेरा भायसेन बारामां कहंणे चां आय रवला।
\p
\v 20 जत्‌यार मारथा सामळी, की ईसु आवणे बाजी र्‌यु, तीनाक भेळी हवणे करीन अघीस गुय बाकुन मरीयम घरुत मां बस रय। 
\v 21 ईसु धड़े पुगीन मारथा ईसु काजे कय, “ए मालीक! कदी तु जां रहतु ती मारु भाय नी मरतु। 
\v 22 ने मेसेक मालम छे, की तु हय बी भगवान भीणी सी ज काय मांगीस, चोन भगवान तुसेक आपसे।”
\p
\v 23 ईसु मारथा काजे कह्‌यु, “तारु भाय पछु जीवतु हय जासे।”
\p
\v 24 ज सामळीन मारथा ईसु काजे कय, “मेसेक मालुम छे, की तीने दाहड़े आखा मरला माणसे मर्‌या-सर्‌याम सी पछा जीवता हय्‌न बठा हवसे, तीने दाहड़े मारु भाय बी तींद्‌रे भेलुत पछु जीवतु हय्‌न बठु हय जासे।”
\p
\v 25 ईसु मारथा काजे कह्‌यु, “मर्‌या-सर्‌याम सी पछा जीवता करीन बठा करन्‌यु, ने तीनुक अमर जीवाय आपण्‌यु मेत छे, जु बी मार पर भुरसु करे, चु मर बी जासे तेबी जीवतेलु रवसे।” 
\v 26 ने जु मार पर भुरसु करतु जाय्‌न जीवतेलु रवसे, तीनाक जलमकी मुतेन डंड नी जड़े तु ईनी वात पर भुरसु करे काय? 
\v 27 ती मारथा कय, “हव, मालीक! पाक्‌कु भुरसु करो की ईनी कळी मां आवणे वाळु भगवानेन पुर्‌यु तीनाक मसी कहवे चु तुत छे।”
\s ईसु रड़्‌यु
\p
\v 28 ची असी कयदीन जाती रय ने आपसी बहणीस मरीयम काजे बुलावीन कळ्‌येन तीनीक कय, “मास्‌तर आय रयु, चु तुसेक बुलावे।” 
\v 29 ज सामळीन मरीयम छाटीत उठीन ईसु काजे भेळी हवणे चाल पड़ी। 
\v 30 ईसु हाल लगुन तीना गांव मां नी आयु, हय बी चु तीना जागा पर हतलु जां मारथा ईसुक भेळी हवली। 
\v 31 तत्‌यार ईतराक यहुदी माणसे हेरे साते घर मां हतला ने तीनाक हुगी रव ने काठु जीव राख, करीन कह्‌णे बाजी रवला, चे माणसे ज देख्‌या की ची उचकाणुन मरीयम उठीन खयड़े चाल पड़ी ती चे असा वीच्‌यार कर्‌या की जी मसाण पर रहणे जाणे बाजी रय, ने चे बी तेरे पछळ चाल पड़्‌या।
\p
\v 32 जत्‌यार मरीयम ती जागे पुगी जां ईसु हतलु, ती तीनाक देखतात ची तेरा पायेम हीट पड़ी ने कय ए मालीक! “कदी तु जां रवतु ती मारु भायस नी मरतु।”
\p
\v 33 ने ईसु मरीयम काजे ने तेरे पुठ्‌ये आवला यहुदी माणसेक रड़तेला देख्‌यु, ती ईसुन जीव भळ कर्‌यु, ने चु बेसकु दुखी हय गुई। 
\v 34 ने चु कह्‌यु, “तीनाक काहना जागा पर मेकला छे?” चे ईसुक कह्‌या, ए मालीक!
\p चाल आवीन देख ले।
\p
\v 35 ने ईसु तत्‌यार कलपी-कलपीन रड़ने बाजी गुयु। 
\v 36 ईसु काजे रड़तेलु देखीन चां भेळा हवला माणसेम सी बेसका यहुदी माणसे कह्‌या, “देखु! जु ते लाजर काजे बेसकु परम करतेलु।”
\p
\v 37 बाकुन थुड़ाक माणसे कह्‌या, “जु ते आंदळान डुळा उघाड़ीन तीनाक देखता कर्‌यु ती जु लाजर काजे काहानी बचाड़्‌यु?”
\s ईसु लाजर काजे पछु जीवतु करे
\p
\v 38 ज सामळीन ईसुन जीव अळी भळ लेवायु, ने चु लाजरेन मसाण धड़े गुयु, ची मसाण बयड़ान खंगरा मां दर खुदीन बणावलो हतलो, ने तेरे पर एक चापरु दगड़ु मेल्‌लु हतलु। 
\v 39 ईसु माणसेक कह्‌यु, “चापरु दगड़ु हेड़ देवु।” मरला लाजरेन बहणीस मारथा कही,
\p “बाकुन ए मालीक लाजर मरलु चार दाहड़ा हय गुया हय ते तेरो धड़ गंदायतो हसे।”
\p
\v 40 ईसु मारथाक कह्‌यु, “कदी तु भुरसु करसी, ती भगवानेन सेक-सींगार देखसी, असु मे तुसेक हय पेहलुस कह्‌लु बी।” 
\v 41 तत्‌यार चे माणसे चापरु दगड़ु हेड़ देदा ने ईसु सरग भीणी भाळीन कह्‌यु, ए भगवान बास! मे तुसेक बेसकु वारु कह्‌वो तु मारी दुवा सामळी लेदु। 
\v 42 तु ते मारी दुवा सामळ्‌या करे जी वात मेसेक पाक्‌को मालुम छे बाकुन मे जी वात आड़े-धड़े उबा हय रवला माणसे वाटे कय र्‌यु, “काहाकी चे ज देखीन भुरसु करे ने असा जाणे की ईना ईसुक भगवानुत हक आपीन मकेल्‌लु छे।” 
\v 43 असु कयदीन ईसु जुर सी आयड़ीन कह्‌यु, “लाजर! बाहर नीकळ। 
\v 44 चु मरलु लाजर जीवतु हय्‌न बाहर नीकळी आयु, तेरे मुंहडे ने हाते पाये पुथल्‌यान पाटा बांदला हतला, ईसु माणसेक असु कह्‌यु, हेरा पाटा छुड़ीन हीनाक जाणी देवु।”
\s ईसु काजे मार नाखणेन जाळ सादी
\r (मत्‌‌ती 26:1-5; मरकुस 14:1,2; लुका 22:1,2)
\p
\v 45 जे यहुदी माणसे, मरीयम काजे भेळा हवणे आवला हतला, चे ईसुन बेसका मटा काम देख्‌या, ने तीनु मायन बेसका माणसे ईसु पर भुरसु कर्‌या। 
\v 46 बाकुन तीनु यहुदी माणसे मायन थुड़ाक जणा जाय्‌न फरीसी माणसे काजे ईसुन ईना मटला कामेन बारामां कय देदा। 
\v 47 ने मंदीरेन डाहला पुजारा ने फरीसी माणसे पंचु बठ्‌या ने कह्‌या, “आपणु काय करजे? हयु माणुस ते मटा कामेन सहलाणी देखाड़ने बाजी र्‌यु। 
\v 48 कदी आपणु हीनाक असुत करने देसुन ती हेरे पर आखा यहुदी माणसे भुरसु करने बाजी जासे, ने ईना काजे राजा बणाय देसे, तत्‌यार रोमी सीपायड़ा आवीन आपणु मंदीर ने आपणी आखी जाती काजे सार देसे।”
\p
\v 49 तींद्‌रे मायन एक जणु तेरो नाव काइफा हतलो, ने चु तीने साल मंदीरेन डाहला पुजारान मुख्‌यु हतलु चु पंचुन वात सामळीन तीनु काजे कह्‌यु, “तुहुंक ईतरोक बी मालुम नी हय काय? 
\v 50 जाराक वीच्‌यार ते करु आपणा माणसे वाटे एकुत माणुस मरसे ती आपणी आखी जाती बच जासे, आपणे वाटे च वारलु रवसे।” 
\v 51 चु जी वात आपसुत नी कह्‌यु, बाकुन चु तीने साल मंदीरेन डाहला पुजारान मुखी हवणेन नाते पेहेल सी हवणे वाळी वात कह्‌यु की ईसु भगवान आखा माणसे वाटे मरसे। 
\v 52 हेरो मतलब ज छे की ईसु यहुदी जाती वाटे अतरुत नी बाकुन, रावण्‌या-तीवण्‌या हवला भगवानेन आखा पुर्‌या-पारी तीनुक भेळा करने करीन मरसे।
\p
\v 53 तीनेत दाहड़े सी यहुदी पंचु वाळा मुख्‌या ईसु काजे मारने करीन पाक्‌कु वीच्‌यार कर्‌या। 
\v 54 ज जाणीन ईसु तीने दाहड़े सी यहुदीया जीलान माणसे मां उजेंतु नी हवणे चाहतेलु, बाकुन यहुदीया जीलान यरुसलेम सहर छुड़ीन उजाड़्‌या बयड़ा धड़े वाळा येफरेन नावेन सहरेम जाय्‌न चेला पुठ्‌ये रहणे बाजी गुयु।
\p
\v 55 यहुदी जातीन फसह तीहवार धड़ेत आय रवलु, ने तीना तीहवारेन पेहलुत आपसा काजे चुखा करने करीन बेसका माणसे गांव खेड़ाम सी यरुसलेम सहर मां आय रवला। 
\v 56 ने चे ईसु काजे हेरता-हेरता यरुसलेम मंदीरेन्‌चां उबा रय गुया, ने ईसु नी जड़्‌यु, ती चे एक दीसराक कहणे बाजी गुया, “तुंद्‌रु काय वीच्‌यार छे, चु तीहवार मां नी आवे काय?” 
\v 57 मंदीरेन डाहला पुजारा ने फरीसी माणसे काजे पेहलुत हुकुम आपीन ज कह्‌या, की तुंद्‌रे मायन कुय बी ईसुन बारामां मालुम हवे, की ईसु जां छे, ती आवीन कय देजु ने हामु तीनाक धराय देसु।
\c 12
\s ईसु, बेतन्‌या गांव मां हेरा चेला पुठ्‌ये
\r (मत्‌‌ती 26:6-13; मरकुस 14:3-9)
\p
\v 1 ईसु तीहवारेन छव दाहड़ा पेहेल यरुसलेम सहर धड़े, बेतन्‌या गांव मां गुयु, चां लाजर रहतेलु, तीनाक ईसु मर्‌या-सर्‌याम सी जीवतु करलु। 
\v 2 ने तींद्‌रे मायन एक घर मां ईसुन मेजवानी कर्‌या ने लाजर बी चां खाणे बठी रवलु, ने मारथा चां वारती बणीन खावड़ातेली। 
\v 3 तत्‌यार मरीयम आदु लीटर बेसको महंगलो ईत्‌तर लावीन ईसुन पाये पर रेचवी ने आपसे कान्‌या सी तेरा पाये नुछी, ने ईत्‌तरेन गंदे आखो घर गंदणु\f + \fr 12:3 \fr*\ft सुगन्धित\ft*\f* ईस्‌ट्‌यो च ईत्‌तर एक खास झाड़कान मुळेम सी नीकाळीन बणावलो पीवर ईत्‌तर हतलो। 
\v 4 ज देखीन ईसुन एक चेलु, यहुदा ईस्‌करीयोती चु ईसुक धराड़ने वाळु हतलु, चु कह्‌णे बाजी गुयु। 
\v 5 “च ईत्‌तर वेचती ती तीन सोव दाहड़ान दाहड़कीन पयस्‌या जड़ जाता, ने चे पयस्‌या बेसका गरीबेक आपीन मदत कर देणु हतलो।” 
\v 6 तीनाक गरीबेन फीकुर हतली, चु जी वात नी कह्‌यु, बाकुन चु चुट्‌टु हतलु। चु ते तींद्‌री पयस्‌यान थयलिन राखवाळी करन्‌यु हतलु, तेबी चु तीनी थयलिम सी ईत्‌तराक पयस्‌या चुरी कर लेदलु।\fig संगमरमरेन ठाहरु|alt="Alabaster jars" src="hk00142c.tif" size="col" copy="Horace Knowles ©" ref="12:3"\fig*
\p
\v 7 ईसु तीनाक कह्‌यु, “हीनीक रहणी देवु! काय मां कहुं हयी ते मारे डागेन तीयारी पेहेलुत सी करने बाजी रय। 
\v 8 काहाकी गरीब ते तुंद्‌रे पुठ्‌ये जलम लग रवसे बाकुन मे तुंद्‌रे पुठ्‌ये जलम लग नी रहो।”
\s लाजर काजे मारनेन वीच्‌यार करे
\p
\v 9 जत्‌यार यहुदी बेसका माणसे काजे मालुम हय गुयो की ईसु बेतन्‌या मां आयु, ती चे ईसु छे करीन अतरात नी आया बाकुन बेसकास ते लाजर काजे देखणे आया, तीनाक ईसु मरलाम सी पछु जीवतु करलु। 
\v 10 तत्‌यार डाहला पुजारा लाजर काजे बी मारनेन मुजगी कर लेदला। 
\v 11 काहाकी ईसु ईना कामे सी बेसका यहुदी माणसे तीनु यहुदी डाहला पुजाराक छुड़ देदला ने ईसु पर भुरसु कर्‌या।
\s ईसु यरुसलेम मां जाय
\r (मत्‌‌ती 21:1-11; मरकुस 11:1-11; लुका 19:28-40)
\p
\v 12 दीसरे\f + \fr 12:12 \fr*\ft दूसरे\ft*\f* दाहड़े तीहवार वाळने आवला माणसेन मट्‌लु टुळु, असा सामळ्‌या की ईसु यरुसलेम मां आवणे बाजी र्‌यु। 
\v 13 ने चे माणसे खजुरेन डाळ्‌या लीन तीनाक भेळा हवणे गुया, ने आयड़ी-आयड़ीन कह्‌या, होसान्‌ना! बेसकु वारु छे, ईस्‌रायलेन राजु, जे मालीक भगवानेन नाव सी आवे!
\p
\v 14 बाकुन ईसु काजे गदड़ीन एक पीलो जड़्‌यो, ती चु तेरे पर बठी गुयु, जसों की खरला सास्‌तुर मां लिखलो छे,
\q1
\v 15 “सीयोन सहर मां रहण्‌या माणसेन टुळा” बीहे मां!
\q1 देख, तारु राजा तुंद्‌रेन्‌चां आवणे बाजी र्‌यु,
\q2 चु ते गदड़ीन पीला पर बठीन आवणे बाजी र्‌यु।
\p
\v 16 ईसुन चेलाक पेहेल मेहेल ते जी वात पल्‌ले नी पड़ी, बाकुन जत्‌यार ईसु मर्‌या-सर्‌याम सी जीवतु हय्‌न पछु सरगेन आपसा सेक-सींगार मां जाती र्‌यु, ती तीनुक पल्‌ले पड़ी की ईसुन बारामां असोत लिखलो हतलो ने तसा की तसा माणसे तीने दाहड़े तेरे साते वेहवार करला।
\p
\v 17 तत्‌यार टुळा मायन चे माणसे गवा देदा, चे तीने टेमे हेरे साते हतला, जत्‌यार हयु लाजर काजे मसाण मां सी बुलायन मर्‌या-सर्‌याम सी पछु जीवतु करलु। 
\v 18 तेरेमां माणसे हीनाक मेळने करीन आवला, काहाकी चे सामळ्‌या की हयु असु मटा कामेन सहलाणी देखाड़्‌यु। 
\v 19 ने च आखो देखीन फरीसी माणसे आपसा-आपसा कह्‌णे बाजी गुया, “देखु ते खरा, आखी कळीन माणसे ईसु पछळ चाल पड़्‌या, ने आपणु हीनुक बेसका रुकणे कर्‌या, तेबी हया नी रुकायता।”
\s नी-यहुदी ईसु काजे हेरे
\p
\v 20 चे माणसे तीहवारेन मुखा पर भगवानेन भक्‌ती करने यरुसलेमेन मंदीर मां आवला, तींद्‌रे मां ईतराक युनानी माणसे हतला। 
\v 21 चे गलील जीलान बेतसेदा गांव मां रहण्‌या फीलीप्‌पुस धड़े आवीन तेरे धड़े लीलघाय्‌न असा कह्‌या, “ए मालीक! हामु ईसु काजे भेळा हवणे हींडी र्‌या।”
\p
\v 22 फीलीप्‌पुस जाय्‌न अन्‌दीरीयास काजे खबर कर्‌यु ने, अंदीर्‌यास फीलीप्‌पुस भेळुत जाय्‌न ईसु काजे खबर कर्‌यु। 
\v 23 ईसु तीनु काजे आपसा मरनेन बारामां दाखला सी कह्‌यु, माणसेन पुर्‌यु दुख झेलीन सरग वाळा सेक-सींगार मां पछु जाणेन घड़ी आय लागली छे। 
\v 24 मे तुहुंक छाची-छाचीन कह्‌वो जत्‌यार लग गहुंन दाणु धुळा मां पड़ीन मरे नी, तत्‌यार लग चु एखलुत रहे, बाकुन कदी चु मर जाय, ती बेसका दाणा लावे। 
\v 25 जु काहनुक ईनी कळीन जीवाय मां आपसा जीव काजे जादा परम करे, चु आपसा जीवेक खुवसे, बाकुन जु काहनुक ईनी कळीन जीवाय मां आपसान जीव आपणे लग तीयार छे, ती चु आपसा जीव काजे अमर जीवन हेर लेसे। 
\v 26 कदी काहनुक माणुस मारी सेवा चाकरी करने हींडे ती तीनाक मारु चेलु बणीन मारा कह्‌याम चालनु चाहजे, जसु मे मुतेन वाटे हय चालने बाजी र्‌यु, तसात मारा चाकर्‌या चेलाक बी तीनेत वाटे चालनु पड़से, ने कदी काहनुक ईनी रीते मारी सेवा चाकरी करसे, ती मारु भगवान बास तेरी ईज्‌जत करसे।
\s भगवान बास ईसु ने माणसे अगळ आपसु सेक-सींगार उजेंतु देखाड़े
\p
\v 27 ईसु अगु कह्‌तु गुयु, “हय मारु जीव कलपी र्‌यु।” मे ज कहं काय? ए भगवान बास! मेसेक हीना दुखेन घड़ीम सी वाचाड़ नी, मे असु नी कहं, काहाकी मे ईना दुखेन घड़ी काजे एठणे करीन ईनी कळी मां आवलु छे। 
\v 28 ए भगवान बास! “तारा नावेन सेक-सींगार उजेंतु देखाड़।” तीनीत टेमे सरगेम सी जु बुल सामळायु,
\p मे सेक-सींगार उजेंतु देखाड़लु छे, “ने अळी उजेंतु देखाड़ीस।”
\p
\v 29 आड़े-धड़े उबा हय रवला माणसे ज सामळीन कह्‌या, “वादळो गुयो।” दीसरा माणसे कह्‌या, “सरग वाळु काहवाळ्‌यु हीनाक काय कह्‌यु।”
\p
\v 30 ईसु जपाप आप्‌यु, “ईना बुलेन अवाज मारे वाटे नी आवी, बाकुन तुंद्‌रे वाटे सरगे सी आवी। 
\v 31 हय भगवानेन वीरुद करन्‌या, ईनी कळीन नीयाव हवण्‌यो छे। हय, भगवान ईनी कळीन मुखी भुतड़ा काजे वार मां बाहर नीकाळ देसे। 
\v 32 जत्‌यार माणसे मेसेक धरती पर लाकड़ान कुरुस पर चहड़ावीन मारसे, ती मे आखी जातीन माणसे काजे मारे भीणी मनवी लीस।” 
\v 33 असु कय्‌न ईसु आपसा बारामां ज देखाड़ने हींडी रवलु, की मारी मोत असी हवणे वाळी छे।
\p
\v 34 ईसुन वात सामळीन माणसे ईसुक कह्‌या, खरला सास्‌तुर मां सी हामुक ज सीकणु जड़लो छे की, “आवणे वाळु छुड़ावन्‌यु मसी जलम जीवतेलु रवसे। ती तु असु काहा कय र्‌यु की माणसेन पुर्‌या काजे ईनी धरती पर लाकड़ान कुरुस पर चड़ावीन मारसे? जु काहना भातीन वाचाड़न्‌यु माणसेन पुर्‌यु छे, चु मरनेन हेर कर र्‌यु? जी वात हामुक समज मां नी आवती।”
\p
\v 35 तींद्‌री वात सामळीन ईसु तीनुक आपसा बारामां दाखलु दीन कह्‌यु, “तुंद्‌रे ईचमां वीजाळो हय छे, च ईतरीक वार भबळसे, जत्‌यार लग ज वीजाळो तुंद्‌रे ईचमां रवसे, ईना वीजाळा सी अगा चालता रहु। काहाकी आंदारलो तुहुं काजे टुपी नी लेय। काहाकी जु कुय आंदारला मां चाले ती ज नी जाणे की कां जाणे बाजी रयु। 
\v 36 जत्‌यार लग च वीजाळो तुंद्‌रे ईचमां छे, चां लग ईना वीजाळा पर भुरसु करु असा करसु ती तुहुं वीजाळान अवल्‌यात बण जासु।” ईसु ज कय्‌न जाती र्‌यु, ने तींद्‌रे देखतात जातु-जातु अंछाप हय गुयु।
\s यहुदी माणसे ईसु पर भरसु नी करे
\p
\v 37 ईसु ते माणसे अगळ चकराड़े तसा बेसका मटा कामेन सहलाणी देखाड़्‌यु, तेबी चे तेर पर भुरसु नी कर्‌या। 
\v 38 काहाकी भगवानेन अघली वात बताड़न्‌यु माणुस यसायु जी वात पेहलुत कह्‌लु ची वात पुरी हवे:
\q1 “ए मालीक! कुण हामरी खबर\f + \fr 12:38 \fr*\ft समाचार\ft*\f* पर भुरसु करलु छे?
\q2 कुणी पर मालीकेन जुर देखाव पड़लु छे।”
\p
\v 39 असा करीन चे भुरसु नी कर्‌या, काहाकी यसायु अळी बी ज कह्‌लु,
\q1
\v 40 “भगवान तींद्‌रा डुळा काजे आंदळा कर देदु,
\q2 ने तींद्‌री मन काजे काठो कर देदलु छे,
\q1 की कांखुर मायन असो नी हय जाय की चे
\q2 देख लेय ने समजी लेय,
\q2 ने मारे भीणी पछा आय लागे,
\q2 ने मे हीनुक वारु कर दम।”
\p
\v 41 यसायु ते एक जागता सपना मां सेक-सींगार देख्‌लु, चु ते ईसुन बारामां पेहेल सी लिखी रवलु।
\p
\v 42 तेबी यहुदी मुख्‌या मायन थुड़ाक तेरे पर भुरसु कर्‌या ने दीसरा बेसका यहुदी माणसे बी ईसु पर भुरसु कर्‌या बाकुन फरीसी माणसेन धाके चे मुख्‌या उजेंता ईसु काजे नी मानतेला। तींद्‌रो ज बी बीहाणो हतलो की फरीसी माणसेन मुख्‌या हामुक आपणा भक्‌तीन घर मां सी नीकाळ देसे। 
\v 43 काहाकी माणसे सी जादा ईज्‌जत मांगणे हेर करतेला, बाकुन भगवान सी ईज्‌जत मांगणे वारु नी लाग्‌यो।
\s ईसुन लिखला बुले सी कळीन माणसेन नीयाव हवसे
\p
\v 44 ईसु जुर सी आयड़ीन कह्‌यु, “जु मारे पर भुरसु करे, चु छाचलीन तेरे पर बी भुरसु कर र्‌यु, जु मेसेक मकेल्‌लु छे। 
\v 45 ने जु मेसेक देखे, चु तीनाक देखे जु मेसेक मकेल्‌लु छे। 
\v 46 मे वीजाळो बणीन कळी मां आवलु छे, तेरेमां चे आखा माणसे मारे पर भुरसु करे, चु आंदारला मां नी रहे। 
\v 47 कदी काहनुक मारी वात सामळीन बी जी वात तीनीक मानीन नी जीवे, ती हय मे तेरु नीयाव करीन तीना गुनावाळु नी ठहरावो, काहाकी मे ईनी कळीन मनख्‌यान नीयाव करीन गुनावाळु ठहरावणे नी आयु, बाकुन तीनुक छुटकारु आपणे करीन आवलु छे। 
\v 48 जु मेसेक नानु समजीन मारी सीकाड़ली वात काजे नी माने, तीनाक गुनावाळु ठहरावणे वाळु ते एक छे, ज मे सीकाड़लु छे की चे बुले तीनाक आवणे वाळा दाहड़ाम मतलब नीयावेन दाहड़े गुनावाळु ठहराय देसे। 
\v 49 मे मारी मरजी सी काय बी नी कह्‌यु, बाकुन माणसेक काय-काय कहणु चाहजे ने काय सीकाड़नु चाहजे भगवान बास, जु मेसेक मकेल्‌लु छे, चु की चु मेसेक हुकुम आपीन देखाड़लु छे। 
\v 50 मे जाणो की जे बुले कहणे करीन भगवान बास मेसेक हुकुम आप्‌लु छे, तींद्‌रेम अमर जीवेनेन ताकत छे, ने जसु भगवान बास मेसेक कहलु छे, तसु ने तसु मे सीकाड़ो।”
\c 13
\s ईसु आपसा चेलान पाय धुवे
\p
\v 1 फसह तीहवारेन दाहड़ु आय लाग्‌यु, ने खाणो तीयार हय रह्‌लो। ईसु काजे मालुम हतलो, की जी कळ छुड़ीन भगवान बासेन्‌चां जाणेन मारी घड़ी आय गुयली छे। ईसु आपसा चेला काजे, जे ईनी कळी मां हतला, तीनुक पेहेल सीत परम करतु आय रवलु ने आकरी\f + \fr 13:1 \fr*\ft अन्त\ft*\f* टेम लग तीनु काजे तसुत परम करतु रयु।
\p
\v 2 सांतो हय रह्‌लो तत्‌यार ईसु ने तेरा चेला तीहवारेन खाणो खाणे करीन बठी गुया, तीने टेमे लग भुतड़ु सीमोन ईस्‌करीयोतीन पुर्‌या यहुदीयान मन मां ईसु काजे धुकु दीन धरावणेन वीच्‌यार नाख देदलु। 
\v 3 ईसु जाणतेलु की मे भगवान बासेन्‌चां सी आवलु छे ने भगवान बास मारा हाते मां आखो काय आप देदलु छे ने मे तेरेन्‌चां पछु जाणे वाळु छे। 
\v 4 ने चु खाणो खाणे रहणीदीन उबु हय गुयु ने आपसो उपरनो झगल्‌यो नीकाळ लेदु ने कमर मां टुवाल बांद लेदु। 
\v 5 ती चु टगार्‌याम पाणी हेड़ लेदु, ने आपसा एक-एक चेलान पाय धुवतु गुयु, ने कमर मां बांदी रवलु, तीना टुवाल सी तींद्‌रा पाय नुछतु गुयु। 
\v 6 जत्‌यार ईसु सीमोन पतरसेन्‌चां पाय धुवणे करीन आयु, ती पतरस ईसु काजे कह्‌यु, “ए मालीक! तु मारा पाय धुवणे हय र्‌यु काय?”
\p
\v 7 ईसु पतरस काजे जपाप आप्‌यु, “मे ज करने बाजी र्‌यु, च तु हींताळ नी समजतु बाकुन तु अळतेन समजी जासी।”
\p
\v 8 पतरस ईसुक कह्‌यु, “मे तुसेक मारा पाय कदी नी धुवणी दम।” ईसु पतरस काजे कह्‌यु,
\p “कदी मे तुसेक नी धुवों, ती मार साते रवणे मां हक नी जड़े।”
\p
\v 9 ज सामळीन सीमोन पतरस ईसुक कह्‌यु, “ए मालीक! असो हय ती तु मारा पाय अतरा नी बाकुन मारा हात ने मुणको लग धुय दे।”
\p
\v 10 ती ईसु पतरस काजे अळी कह्‌यु, “जु उंघळी लेदलु छे, तीनाक आपसा पाय अतरा धुवणु छे, तेरो आखो डील ते चुखलो छे। तुहुं ते चुखला छे, बाकुन आखा ने आखा चुखला नी हय।” 
\v 11 ईसु काजे मालम हतलो की मेसेक कुण धरावसे, चु कह्‌यु, “तुहुं आखा ने आखा चुखला\f + \fr 13:11 \fr*\ft शुध्द\ft*\f* नी हय।”
\p
\v 12 जत्‌यार ईसु तींद्‌रा पाय धुय देदु, ती आपसो झगल्‌यो पछु पेहरीन अळी पछु बठ गुयु, ने तीनुक कह्‌यु, “मे तुंद्‌रे साते ज वेहवार कर्‌यु, तीना वेहवारेन मतलब तुहुं समजी गुया काय? 
\v 13 तुहुं मेसेक मास्‌तर ने मालीकेन नाते बुलाड़ी र्‌या ने तुहुं सय कय र्‌या, काहाकी मे छाचलीन चु ने चु छे। 
\v 14 कदी मे तुंद्‌रु मालीक ने मास्‌तर हय्‌न बी तुंद्‌रा पाय धुयु ती तुहुं बी एक दीसरान पाय धुवणु चाहजे। 
\v 15 मे ते तुंद्‌रा पाय धुवीन तुंद्‌रे वाटे दाखलु देखाड़लु छे, ने जसु मे ने तुंद्‌रे साते वेहवार करलु छे, तसु तुंद्‌रे वेहवार तुहुं बी दीसरा साते वेहवार करु। 
\v 16 मे तुहुं काजे छाची छाचीन ज कहं, काय हक मां रहणे वाळु पावर्‌यु आपसान मालीक सी मटु नी हय ने मकलन्‌या सी मटु नी हय। 
\v 17 कदी तुहुं जी वात समजीन एरे अनसारे जीवु ती तुहुं बरकतवाळा रवसु।”
\p
\v 18 “मे तुहुं आखा काजे बरकतवाळा नी कह्‌तु काहाकी मे तीनु आखाक जाणो जीनुक मे नेवाड़लु छे बाकुन तींद्‌रे मायन एक जम छे, तेरे बारामां असो लिखलो छे जु मारु रुटु खादु, चु मेसेक लातावणे बाजी गुयु, ची वात पुरी हवसे करीन मे तीनाक बी नेवाड़लु छे। 
\v 19 हय मे तुहुंक पेहलुत ज कयदम, तेरेसी मारो कहंलो पुरो हय जाय, ती तुहुं भुरसु करसु, की मे चु ने चु छे। 
\v 20 मे तुहुंक छाची छाचीन ज कहं, जु काहनु मारे सी मकेल्‌ला माणसे काजे मानीन तेरो आव-भाव करे, चु मेसेक मानीन मारुत आव-भाव करे, चु मेसेक मकेलन्‌याक मानीन तेरुत आव-भाव करे।”
\s ईसु धुकु देण्‌यान वात करे
\r (मत्‌‌ती 26:20-25; मरकुस 14:17-21; लुका 22:21-23)
\p
\v 21 जी वात कयदीन ईसु जीवेम बेसकु कलपी गुयु, ने जी गवाय देदु काय वात नी सात्‌यु ने कह्‌यु, “मे तुहुंक छाची-छाची कहं तुंद्‌रे मायन एक जणु मेसेक धराय देसे।”
\p
\v 22 चेलाक ज नी समज पड़्‌यो की ईसु कुणीन बारामां कहंणे बाजी र्‌यु, ने चेला चकरायन एक दीसरा भीणी भाळने बाजी गुया। 
\v 23 तीनु बारे चेला मायन एक जणु, “ईसुन लाटेक्‌लु चेलु।” कहंवायतेलु। चु ईसुन छाती भीणी एक कड़्‌यु वळीन बठी रवलु। 
\v 24 सीमोन पतरस तीनाक ईसारु करीन जां कह्‌यु, “ईसुक पुछ, चु चेलु कुण छे।”
\p
\v 25 तत्‌यार चु असु की असु ईसुन छाती भीणी अळीन बठी रवलुत ईसुक कळेन पुछ्‌यु, “ए मालीक! जु कुण छे?” 
\v 26 ईसु तीनाक कळेन जपाप आप्‌यु, “मे तीनाक रुटान कवळ उलन मां चुपड़ीन आपीस, चु की चु मेसेक धरावण्‌यु छे।” ने चु रुटान कवळ चुपड़ीन\f + \fr 13:26 \fr*\ft डुबाकर\ft*\f* सीमोन ईस्‌करीयोतीन पुर्‌या यहुदा काजे आप्‌यु। 
\v 27 ने रुटान कवळ धरीन मुंहडाम नाख्‌तुत यहुदान डीलेम भुतड़ु भरायन तीनाक कब्‌जाम कर लेदु। तत्‌यार ईसु तीना यहुदाक कह्‌यु, “ज काम तु करने हींड र्‌यु च छाटुस कर।” 
\v 28 बाकुन चां खाणो खाणे बठी रवला चेला मायन कुयक बी जी वात समज नी पड़ी की ईसु तीनाक जी वात काहा कह्‌यु। 
\v 29 यहुदा धड़े थयलि हतली, ने काहनाक-काहनाक ज समज्‌या की ईसु तीनाक ज कह्‌यु हसे की, आपणु तीहवार वाटे ज काय चाहजे च मुल ली लेजे, नी ते गरीबेक आप दे।
\p
\v 30 अळतेन रुटान कवळ खायलीन यहुदा तत्‌यारुत खयड़े जाती र्‌यु। तीने टेमे रात हय वागली।
\s नवली हुकुम
\p
\v 31 यहुदाक खयड़े जाणी दीन ईसु कह्‌यु, “हय माणसेन पुर्‌या काजे भगवान पेहलुत सी ईज्‌जत जड़ली छे, ने माणसे अगळ भगवान काजे बी माणसेन पुर्‌यान कामे सी ईज्‌जत जड़ने वाळी छे। 
\v 32 ने माणसे अगळ माणसेन पुर्‌यान कामे सी भगवान काजे ईज्‌जत जड़से ती भगवान बी माणसेन पुर्‌या काजे सरग वाळु सेक-सींगार पछु आपीन ईज्‌जत करसे ने छाटुस ईज्‌जत करसे। 
\v 33 ए मारा लाटेक्‌ला पुर्‌या-पारी! मे अळी ईतरीक वार लग तुंद्‌रे पुठ्‌ये छे, अळतेन तुहुं मेसेक हेरसु ने जसु मे यहुदी मुख्‌याक कहलु, तसु हय मे बी तुहुंक कहो, जां मे जाणे हींड र्‌यु चां तुहुंक नी आवाये। 
\v 34 मे तुहुंक एक नवलु हुकुम आपो, तुहुं एक दीसरा पर परम राखु जसु मे तुंद्‌रे पर परम राख्‌यु तसा तुहुं बी एक दीसरा पर परम राखु। 
\v 35 कदी तुहुं एक दीसरा पर परम राखसु ती च देखीन आखा माणसे जाण लेसे की तुहुं मारा चेला छे।”
\s ईसु पतरस सी कहें की तुसे तीन कावा नी जाणो करीन
\r (मत्‌‌ती 26:31-35; मरकुस 14:27-31; लुका 22:31-34)
\p
\v 36 सीमोन पतरस ईसु सी पुछ्‌यु, “ए मालीक।”
\p “तु कां जाणे हींड र्‌यु?” ईसु पतरस काजे कह्‌यु, “मे जां जाणे हींड र्‌यु चां तुसेक हींताळ नी आवाये बाकुन अळतेन तु चां आवसी।”
\p
\v 37 पतरस तीनाक कह्‌यु, ए मालीक! मेसेक हींताळ तु जाय चां काहा नी आवाये? “मे तार वाटे मारु जीव बी आप दीस।”
\p
\v 38 ईसु पतरस काजे जपाप आप्‌यु, “तु मारे वाटे आपसु जीव आप देसी काय? मे तुसेक छाची छाचीन ज कहं कुकड़ा वासणेन पेहलुत तु तीन कावा दीसरा अगळ असुत कह्‌सी की मे ईसुक जाणो लग नी।”
\c 14
\s ईसुत वाट छाचली ने जीवन छे
\p
\v 1 “तुंद्‌रु जीव घाबरायणु नी चाहजे। भगवान पर भुरसु करु, ने मारे पर बी भुरसु करु।” 
\v 2 मारा भगवान बासेन घर मां रहणे करीन बेसकु जागु छे, कदी नी रहतु ती तुहुंक पेहलुत कय देतु। मे तुंद्‌रे वाटे घरेन तज्‌बु करने करीन जाणे हींड र्‌यु। 
\v 3 ने मे जाय्‌न तुंद्‌रे वाटे आखो तीयार कर दीस ती तुहुंक लेणे करीन अळी पछु आवीस। ने तुहुंक मारेन्‌चां असु करीन ली जायस की जां मे रहो चां तुहुं बी रहु। 
\v 4 मे जां जाणे हींड र्‌यु, चां जाणेन वाट तुहुंक मालुम छे।
\p
\v 5 थोमा ईसुक कह्‌यु, “ए मालीक! हामुक ज बी मालुम नी हय की तु कां जाणे हींड र्‌यु ती हामुक चां जाणेन वाट\f + \fr 14:5 \fr*\ft मार्ग\ft*\f* कसा काय जाणसुन?” 
\v 6 ईसु थोमा काजे कह्‌यु, “वाट, छाचली ने जीवात मेत छे। मारेन्‌चां नी आवे ती तीनाक भगवान बासेन्‌चां नी जावाये।” 
\v 7 कदी तुहुं मेसेक उळखी लेता, ती मारा बासेक बी उळखी लेता, “बाकुन ज छाचलीन छे, की तीनाक तुहुं देखला छे, ने हाय सी मारा भगवान बासेक उळखी बी लेसु।”
\p
\v 8 फीलीप्‌पुस ईसुक कह्‌यु, “ए मालीक! हामु काजे तारु बास देखाड़ दे, हामरे वाटे अतरोत घणो।”
\p
\v 9 ईसु फीलीप्‌पुस काजे कह्‌यु, “ए फीलीप्‌पुस! मे अतरा दाहड़ा लग तुंद्‌रे पुठ्‌ये र्‌यु, ने तेबी तुहुं मेसेक नी उळखु? जु मेसेक देखलु छे। चु भगवान बास काजे बी देखलु छे। तु असु काहा कह्‌यु की हामु काजे बास देखाड़ दे। 
\v 10 तुसेक भुरसु नी आवतु काय की भगवान बास मारे मां छे, ने मे भगवानेन बास मां छे, मे जे बुले तुहुंक कह्‌वो चे बुले मारा नी हय बाकुन बास मारेम रवीन बुले ने मारे सी तेरा मटा काम करे। 
\v 11 मारी ईनी वात पर भुरसु करु की मे भगवान बास मां छे, ने भगवान बास मारेम छे, कदी मारी ईनी वात पर तुहुंक भुरसु नी आवतु ती कम सी कम ईना मटा कामे मारे सी हवे। तीनु कामेक देखीन ईनी वात पर भुरसु करु।” 
\v 12 मे तुहुं काजे छाचलीन ज कहं, जु मारे पर भुरसु करे, ने च बी मे करो चे काम करसे। मेते भगवान बासेन्‌चां जाणे बाजी र्‌यु। ने मार पर भुरसु करन्‌या ईनु कामे सी बी मटा काम करसे। 
\v 13 ने तुहुं ज काय मारे नावे भगवान बास सी दुवा करीन मांग्‌सु, च काम मे करीस तेरेसी पुर्‌यान सी मतलब मारे सी भगवान बासेन ईज्‌जत जड़े। 
\v 14 तुहुं ज बी मारे धड़े मार नाव सी दुवा करीन मांग्‌सु च मे काम करीस।
\s ईसु चुखला-आत्‌मा काजे मकेलनेन बारामां वात करे
\p
\v 15 कदी तुहुं मारे सी परम करसु ती मारा हुकुम काजे बी पाळसु। 
\v 16 ने मे बास सी दुवा करीस ने चु तुंद्‌रेन्‌चां मारी आवजी पर एक दीसरु सात देण्‌यु मकलसे चु जलम तुंद्‌रे पुठ्‌ये रवसे। 
\v 17 मतलब छाचली जीव-आत्‌मा काजे मकलसे। तुहुं ते तीनाक जाणु, काहाकी चु तुंद्‌रे साते रहे बाकुन आवणे वाळा दाहड़ाम चु तुंद्‌रेत मां रवसे। बाकुन भगवानेन काम रुकण्‌या कळीन माणसे छाचली जीव-आत्‌मा काजे आपसा जीव वाटे जागु नी आपे काहाकी चे तीनाक देख्‌या बी नी ने उळखे बी नी।
\p
\v 18 “मे मरीस बाकुन तुहुं काजे एखला नाखीन नी जाम मे तुंद्‌रेन्‌चां अळी आवीस। 
\v 19 ईतरीक वार अळतेन ईनी कळीन माणसे जे मारे पर भुरसु नी करे चे मेसेक अळी नी देखे बाकुन तुहुं मेसेक अळी देखसु मे अळी जीवतु हय जायस ने जीवतेलु रवीस ने तुहुं बी जीवतेला रवसु। 
\v 20 मे पछु जीवतु हय जायस तीने दाहड़े तुहुं समजी जासु की मे मारा बासेम छे, ने तुहुं मारेम छे, ने मे तुंद्‌रेम छे।
\p
\v 21 “तींद्‌रे भीणी मारी हुकुम छे, चु मारी हुकुम जाणे ने तीनुक पाळे, ने चु मारसी परम राखे, तीनाक मारु बास बी परम राख्‌से ने तीनाक मे बी परम करीस ने मे आपसा काजे तेरे अगळ उजेंतु करीस।”
\p
\v 22 तत्‌यार ईस्‌करीयोती यहुदा नी बाकुन एक दीसरु यहुदा, ईसु काजे पुछ्‌यु “ए मालीक तु हामरे अगळ आपसाक उजेंतु करीस ने ईनी कळीन मनख्‌या पर उजेंतु नी करे?” 
\v 23 ईसु तीना यहुदा काजे कह्‌यु, “कदी काहनुक मारे सी परम राख्‌से ती चु मारी सीकाड़ली वात काजे मानीन जीवसे ने मारु भगवान बास तेरे सी परम राख्‌से ने हामु तेरेन्‌चां आवसुन ने तीनाम रवसुन। 
\v 24 जी सीकाड़ली वात तुहुंक आप्‌यी र्‌यु ची आखी वात सीकाड़ली वात मारे वात मारे वावड़ते नी हय बाकुन मेसेक मकलन्‌या भगवान बास सी छे। चु मारे सी परम राखे चु मारी सीकाड़ली वात काजे मानीन नी जीवे ने मे आपसा काजे तेरे अगळ उजेंतु नी करो।”
\p
\v 25 “मे जी आखी वात तुंद्‌रे पुठ्‌ये रय्‌न तुहुंक कह्‌लु छे। 
\v 26 बाकुन चु सात देण्‌यु चुखली-आत्‌मा तीनाक भगवान बास मार नाव सी मकेलसे चु तुहुंक आखी\f + \fr 14:26 \fr*\ft सब\ft*\f* वात सीकाड़से ने ज काय बी मे तुहुंक कह्‌लु छे, च आखो हेर कराड़से।”
\p
\v 27 मे तुहुंक जीवेन सांती आपीन जाम मारी सांती तुहुंक आपी जाम, जसा ईनी कळीन माणसे सांती आपे, तसली सांती तुहुंक नी आप्‌तु; ने तुहुं तुंद्‌रा जीवेन घुण घाबरायजु ने घुण बीहजु। 
\v 28 मे जाणे बाजी र्‌यु, मे भगवान बासेन्‌चां जाणे बाजी र्‌यु, चु भगवान बास मारे सी मटु छे, कदी तुहुं मार सी परम राखु ती जी सामळीन खुस हवजु। 
\v 29 मे ज आखो हवणेन पेहलुत तुहुंक कय देदलु छे। मे असु करीन कय देदु की, ज मे कहलु च हय जाय, तत्‌यार तुहुं मारी वात पर भुरसु करु। 
\v 30 हय ईनी कळीन मुख्‌यु भुतड़ु मेसेक मारने करीन आवणे बाजी र्‌यु, ने तुंद्‌रे साते जादा वार लग वात नी करो ने चु मेसेक कब्‌जाम नी कर सके। 
\v 31 तेबी मे तेरा कब्‌जाम हय्‌न मर जाम काहाकी मारा भगवान बासेन जीत मरजी छे; असु करीन की ईनी कळीन माणसे ज जाण लेय की मे बास सी परम राखो ने बास मेसेक ज काय हुकुम आप्‌लु, मे तसु की तसु करो।
\p उठ! हय आपणु जां सी जाजे।
\c 15
\s ईसु कह्‌वे मे खरलु अंगुरेन वेलु छे
\p
\v 1 ईसु कह्‌यु, “अंगुरेन खरलु वेलु मेत छे। ने ईना अंगुरेन वेलान राखवाळ्‌यु किरसाण\f + \fr 15:1 \fr*\ft किसान\ft*\f* मारु भगवान बास छे।” 
\v 2 मारा डाळ्‌या मायन जे डाळ्‌या नी फळे, तीनुक मारु भगवान बास काट नाखे। ने जे डाळ्‌या फळे, चे डाळ्‌या अळी बी अदु फळनु चाहजे करीन तीनुक छाटे। 
\v 3 तुहुं काजे जी वात सीकाड़लु छे, तीनी वात सी तुहुं चुखा हय गुयला। 
\v 4 अळी अळीन फळ लावणे करीन मे तुहुंक चुखा करलु छे, जीनु डाळ्‌या काजे अंगुरेन वेला मां सी काट नाख्‌या, चे डाळ्‌या मारेम जुड़ायला नी हय, ने चे आपसात नी फळे। तीने रीते मारेम जुड़ायला नी रहे ती फळ बी नी लावे, ने तुहुं मारेम जुड़ायला रहु ने मे तुंद्‌रेम जुड़ायलु रवीस।
\p
\v 5 “चु अंगुरेन वेलु छे, ने तुहुं मारा डाळ्‌या छे, मार सी छेटे रय्‌न तुहुं काय बी नी कराये। ने जु मारेम जुड़ायलु रहे ने मे तेरेमां जुड़ायलु रवसे, चु बेसकु फळसे।” 
\v 6 जे मारेम जुड़ायला नी रहे चे तीनु डाळ्‌यान तसा छे, तीनुक किरसाण काटीन नाख देय ने चे सुक जाय ने किरसाण ईछीन आकठा मां नाख देय ने चे धप जाय। 
\v 7 कदी तुहुं मारेम जुड़ायला रवसु ने मारी सीकाड़ली वात काजे मान्‌ता रवसु, ती च बी चाहजे च दुवा करीन मांगजु ने मे तुहुंक आपी दीस। 
\v 8 असा करीन तुहुं बेसका फळ लावसु, ती मारा भगवान बासेन बड़ाय हवसे ने तत्‌यार तुहुं मारा पक्‌का चेला बण जासु। 
\v 9 जसु भगवान बास मारे सी परम\f + \fr 15:9 \fr*\ft प्रेम\ft*\f* राखलु छे तसुत मे बी तुंद्‌रे सी परम राखलु छे। तुहुं मारा ईना परम मां बणीन रवजु। 
\v 10 मे मारा भगवान बासेन हुकुम पाळतु जाय्‌न तेरा परम मां बणीन रवु, तसात तुहुं बी मारा हुकुम पाळसु ती मालम पड़से की तुहुं मारा परम मां बन्‌ला छे।
\p
\v 11 मे तुहुं काजे ज असु करीन कह्‌यु की, तुहुं काजे मारु हुकुम पाळनेन खुसी जड़ती रवे ने ची खुसी पुरी की पुरी जड़ जाय। 
\v 12 मारु हुकुम जु छे की जसु मे तुंद्‌रे सी परम करलु, तसा तुहुं बी एक दीसरा सी परम करता रवजु। 
\v 13 आपसा दुस्‌तीदार सी परम करीन तींद्‌रे वाटे मरनु आखा सी मटु परम छे। असलु परम सी मटु काहनु बी परम नी हय। 
\v 14 कदी तुहुं मारा हुकुम पाळसु ती तुहुं मारा खरला दुस्‌तीदार\f + \fr 15:14 \fr*\ft मित्र\ft*\f* कहंवायसु। 
\v 15 पावर्‌या काजे मालम नी पड़े की तेरा मालीकेन मरजी काय छे, ने चु काय करने वाळु छे। बाकुन मे मारा बास सी सामळ्‌ळु च आखो तुहुंक कय देदलु छे, ने हय सी मे तुहुंक पावर्‌या नी कहं बाकुन दुस्‌तीदार कहीन। 
\v 16 “तुहुं मेसेक नी नेवाड़्‌या, बाकुन मे तुहुंक नेवाड़ीन तुहुंक मारे कामे लागाड़लु छे, की तुहुं मारो नाव लीन भगवान बास सी ज काय दुवा करीन मांगसु च भगवान तुहुंक आप देसे 
\v 17 मे तुहुं काजे जे हुकुम असु करीन आप र्‌यु की, तुहुं एक दीसरा पर परम राखता रहु।”
\s ईनी कळीन माणसे ईसुन चेला काजे वारु नी कह्‌वे
\p
\v 18 “कदी ईनी कळीन माणसे तुंद्‌रे पर भुंडा सुचे, ती तुहुं ज हेर राख्‌जु की तुंद्‌रे सी पेहेल चे मारे पर भुंडा सुचे।” 
\v 19 कदी तु ईनी कळीन माणसे रहता तत्‌यार चे तुहुंक आपणा समजीन परम राखता बाकुन मे तुहुं काजे ईनी कळीन माणसेम सी नेवाड़ लेदलु छे, करीन चे तुंद्‌रे बारामां भुंडा सुचसे। 
\v 20 मे तुहुंक जी वात कह्‌यु तीनीक हेर राख्‌जु की, पावर्‌यु आपसा मालीक सी मटु नी हय। मे तुंद्‌रु मालीक छे, तेबी माणसे मेसेक वेला पाड़्‌या असला माणसे तुहुंक बी वेला पाड़से ईनी कळीम वाळा माणसे मारी सीकाड़ली वात काजे नी मान्‌या ती तुंद्‌री सीकाड़ली वात बी नी माने। 
\v 21 असला माणसे, मेसेक मकेलन्‌या भगवान काजे नी उळख्‌या, ने मारी वीरुद कर्‌या, तुहुं ते मारो नाव ली र्‌या ने चे तुहुं काजे भुंडात करीन तुहुंक वेला पाड़से। 
\v 22 कदी मे नी आवतु ने हीनुक पापेन बारामां भगवानेन छाचली वात नी सीकाड़तु, ती हीनुक पाप नी लागतु बाकुन हय ते हींद्‌रे धड़े आपसा पापेन बारामां ढंगड़ा करनेन मुखु नी हय। 
\v 23 जु मेसेक भुंडु समजे, चु मारा भगवान बास काजे भुंडु समजे। 
\v 24 कदी मे तींद्‌रे अगळ चे मटा कामे नी करतु, चे कामे कुय बी दीसरु कदी नी कर्‌यु, ती तीनुक पाप नी लाग्‌तु बाकुन हय ते चे असा काम देखीन बी मेसेक नी मान्‌या ने सांबा मार भीणी ने मारा भगवान बास काजे भुंडा करला छे। 
\v 25 ज असो काहा हयो काहाकी खरला सास्‌तुर मां लिखलो हतलो च पुरो हवे चां असो लिखलो छे, की चे माणसे फालतु मां मारा वेरी बण गुयला छे।
\p
\v 26 मे तुंद्‌रेन्‌चां सात देण्‌या काजे मतलब छाचली जीव-आत्‌मा काजे भगवान बासेन चां सी मकलीस, जत्‌यार चु छाचली जीव-आत्‌मा भगवान बासेम सी आवसे ती चु मारे बारामां गवा देसे। 
\v 27 ने तेरे पुठ्‌ये तुहुं बी मारी गवाय देसु काहाकी तुहुं सुरु सीत मारे पुठ्‌ये रवला छे।
\c 16
\p
\v 1 “मे तुहुं काजे जी आखी वात असु करीन कह्‌लु, छे की जत्‌यार माणसे तुहुंक वेला पाड़से, तत्‌यार तुहुं मार पर भुरसु छुड़ीन भटकाड़्‌यु घुण। 
\v 2 माणसे तुहुं काजे तुंद्‌रा भक्‌तीन घर मां सी नीकाळीन बाहर कर देसे, ने छाचलीन जी टेम आवणे बाजी रय की, माणसे ज समजीन तुहुंक मारसे की हामु ईनुक मारीन भगवानेन सेवा चाकरी कर र्‌या। 
\v 3 छाचलीन चे भगवान बासेक बी नी उळखे, ने मेसेक बी नी उळखे, ने चे तुंद्‌रे साते असा वेहवार करसे। 
\v 4 मे तुहुंक जी आखी वात असु करीन कह्‌लु छे, की जत्‌यार चे तुहुंक वेला पाड़से, ती तुहुं काजे आखी वात हेर\f + \fr 16:4 \fr*\ft स्मरण\ft*\f* आवणु चाहजे की, मे तुहुंक जी वात पेहलुत कयदीन काठु करलु छे।” अतरा दाहड़ा मे तुंद्‌रे पुठ्‌ये हतलु करीन मे जी आखी वात सुरु मां नी कह्‌यु।
\s चुखली-आत्‌मान कामेन बारामां ईसु बताड़े
\p
\v 5 बाकुन हाय मे तेरेन्‌चां जाणे हींडी र्‌यु, जु मेसेक मकेल्‌लु छे, ने तुंद्‌रे मायन काहनुक मेसेक बी छाचे मने ज नी पुछतु की तु कां जाणे हींड र्‌यु? 
\v 6 मे तुहुंक जी आखी वात कय देदु, करीन तुंद्‌रो मन सुच मां पड़ गुयो, ने तुहुं मेसेक नी पुछता। 
\v 7 बाकुन मे तुहुंक छाचलीन कह्‌वो की, मे जाती रय्‌स ती तुंद्‌रे वाटे वारु रवसे काहाकी मे नी जाम ती तुहुंक सात देण्‌यु तुंद्‌रेन्‌चां नी आवे बाकुन मे जायस ती तीना सात देण्‌या काजे तुंद्‌रेन्‌चां मकली दीस। 
\v 8 जत्‌यार चु सात देण्‌यु चुखली-आत्‌मा आवसे ती ची ईनी कळीन माणसेक तींद्‌रा पापेन बारामां ने तींद्‌रा धरमेन बारामां ने तींद्‌रा नीयावेन बारामां पुरावु भेळु गुनु देखाड़ीन समजाड़से। 
\v 9 कळीन माणसे मारे पर भुरसु नी करता, करीन चुखली-आत्‌मा तींद्‌रा पापेन बारामां तीनुक पुरावा भेळु गुनु समजाड़से। 
\v 10 मेते भगवान बासेन्‌चां जाणे हींड र्‌यु, ने जत्‌यार मे जाती रय्‌स ती तुहुं मेसेक नी देखु मारी आवजी पर चुखली-आत्‌मा तुंद्‌रे पुठ्‌ये रय्‌न कळीन माणसेक तींद्‌रा झुटा धरमेन बारामां पुरावा भेळु गुनु देखाड़ीन समजाड़से। 
\v 11 ईनी कळीन मुख्‌यु भुतड़ान नीयाव हय गुयला छे ने तेरा पापेन डंड तीनाक छाटुस भुकेतणु पड़से ने चुखली-आत्‌मा कळीन माणसेक बी तींद्‌रा झुटा नीयावेन बारामां पुरावु भेळ गुनु देखाड़ीन समजाड़से।
\p
\v 12 तुहुंक कहंणे करीन अळी बेसकी वात मारा मन मां आय रय बाकुन हींताळ कयस ती तुहुंक वेठाये नी। 
\v 13 जत्‌यार चु छाचलीन जीव-आत्‌मा आवसे, ती चु तुहुंक भगवानेन आखी छाचली वाटे ली जाणे अगवाय करसे काहाकी चु आपसे आवड़ते काय बी नी कह्‌वे, बाकुन चु ज काय मारे सी सामळसे चत कवसे ने आवणे वाळी वातेन बारामां बी तुहुंक देखाड़से। 
\v 14 चु मारी सेक-सींगार करसे, काहाकी ज काय मारो छे च बताड़से, ने आखी चीज जी बासेन छे ची मारी छे। 
\v 15 तेरेमां मे कह्‌यु की ज काय भगवान बासेन छे, च आखो मारो छे चु तीनाक लेसे ने तुहुंक बताड़से।
\s ईसुन चेलान दुख खुसी मां बदली जासे
\p
\v 16 “ईसु आपसा चेलाक पेहलुत सी कह्‌तु गुयु, ईतरीक वार मां तुहुं मेसेक नी देखु ने अळी ईतरीक वार मां मेसेक देख्‌सु।”
\p
\v 17 ने ईसुन चेला मायन ईतराक चेला आपसा आपसात कह्‌या, “हयु आपणुक काय कय र्‌यु, च आपणुक समज मां नी आवतो हयु कह्‌यु की ईतरीक वार मां तुहुं मेसेक नी देखु ने अळतेन अळी ईतरीक वार मां तुहुं मेसेक देखसु चु ईतरीक वार पेहेले असु बी कह्‌लु, काहाकी मे भगवान बासेन चां जाणे हींडी र्‌यु।” ईनी दुय वातेन मतलब काय छे। 
\v 18 चे कह्‌या हयु ईतरीक वार मां कहें च काय कहंवाये हामुक समज मां नी आवतो की हयु हामुक काय कय र्‌यु।
\p
\v 19 ईसु ज जाण लेदु की हया मेसेक मारी ईनीक वातेक लीन सवाल पुछणे हींडे की ईतरीक वार मां तुहुं मेसेक नी देखु, ने अळी ईतरीक वार मां तुहुं मेसेक देख्‌सु करीन ईसु तीनुक कह्‌यु, “तुहुं आपसा-आपसा मारी ईनी वातेन बारामां वीच्‌यार काहा कर र्‌या? 
\v 20 मे तुहुंक छाची छाचीन ज कहं, ईतरीक वार मां तुहुं रड़सु ने कलेपसु बाकुन ईनी कळीन माणसे खुस हवसे, ने हय तुहुं दुखी हवसु ते खरा बाकुन अळतेन तुहुं दुखी हवणु रहणीदीन खुस हय जासु।” 
\v 21 “भारीस बायर फवरी हवणे वेळाय बेसकी वेला करीन कलपे, बाकुन जत्‌यार ची फवरी हय जाय ती, बेसकी खुस हवे। हय ईनी कळी मां एक पुर्‌यु पयदा\f + \fr 16:21 \fr*\ft उत्पन्न\ft*\f* हवलु, करीन ची एक वेलान वात काजे ईसरी जाय।” 
\v 22 असात हय ते तुहुं बी दुखी छे, बाकुन मे अळी तुहुंक भेळु हय्‌स तत्‌यार तुंद्‌रा मन मां खुसी आय जासे, ने तुंद्‌री खुसी तुंद्‌रे सी कुय सी नी हापकाये।
\p
\v 23 तीने दाहड़े तुहुं मारे सी काय बी नी पुछु मे तुहुं काजे छाची-छाची कह्‌वो, कदी तुहुं भगवान बास सी मारे नावे दुवा करीन काय बी मांगसु, ती चु तुहुं काजे आपसे। 
\v 24 आज लग तुहुं मारे नावे दुवा करीन काय बी नी मांग्‌या। मांगसु, ती भगवान तुहुंक आपसे, असु करीन की तुंद्‌री खुसी पुरी हय जाय।
\s ईसु कळीक जीत लेदु
\p
\v 25 “मे तुहुं काजे जी आखी वात दाखलु दीन कह्‌लु छे। असी टेम आवणे बाजी रय की मे तुहुं काजे अळी दाखलु दीन वात नी बताड़ो, बाकुन भगवान बासेन बारामां वात खुलीन बताड़ीस। 
\v 26 तीने दाहड़े तुहुं मारे नाव सी मांगसु ने मे तुंद्‌रे सी ज नी कवतु की मे तुंद्‌रे वाटे भगवान बास सी दुवा कर्‌यु। 
\v 27 बाकुन भगवान बास आपसुत तुंद्‌रे सी परम करे, काहाकी तुहुं मारे सी परम राखु ज भुरसु कर लेदला छे की मे भगवान बासेम सी आयु। 
\v 28 मे भगवान बास सी नीकळीन कळी मां आय गुयु, ने अळी पछु कळी काजे छुड़ीन भगवान बास भीणी जाणे बाजी र्‌यु।”
\p
\v 29 ईसुन चेला ईसु काजे कह्‌या, “देख, तु हय दाखलु दीन नी कवतु बाकुन चुखो झण कह्‌णे बाजी र्‌यु। 
\v 30 हय हामु समजी गुयला छे की, तु आखो काय जाणे। हामु तुसेक ज पुछणे हींड र्‌या तीनी वातेक बी तु पेहल सीत जाणी लेय ने तु जी हेर नी करतु की कुय तुसेक पुछणु चाहजे, तारेम काय बी कसर नी हय ने हामु भुरसु करजे की तु भगवान बास सी आवलु छे।”
\p
\v 31 ईसु तीनु काजे कह्‌यु, “काय तुहुं हय भुरसु करु? 
\v 32 बाकुन देखु! असी टेम आवणे बाजी रय ने आय गुयली छे, जत्‌यार तुहुं आखा की आखा रावण्‌या-तीवण्‌या हय जासु ने मेसेक एखलुत छुड़ीन जाती रवसु। तेबी मे एखलु नी हय काहाकी भगवान बास मार पुठ्‌ये छे।” 
\v 33 “हय, ईनी कळी मां तुहुंक वेला करनु पड़से तेबी काठु जीव करजु, मे ईनी कळीक जीत लेदलु छे। मे तुहुं काजे जी आखी वात असु करीन कह्‌लु छे की, आवणे वाळा दाहड़ाम दुख झेलता जाय्‌न बी तुहुं मारेम छे ची सांती हात कर लेय।”
\c 17
\s ईसु आपसा वाटे दुवा करे
\p
\v 1 जी वात कयदीन ईसु सरग भीणी भाळीन कह्‌यु, “ए मारा भगवान बास! तारा पुर्‌यान मरनेन घड़ी आय गुयली छे। ने तारा पुर्‌यान सेक-सींगार उजेंतु कर तेरे सी तारु पुर्‌यु बी तारु सेक-सींगार उजेंतु कर देय। 
\v 2 तु ते तारा पुर्‌या काजे आखा माणसे पर हक आपलु छे, की तीना हक सी चु आखा माणसेन ईचमां तारु सेक-सींगार उजेंतु करे ने तींद्‌रेम सी जत्‌यार बी माणसे तु तेरा हाते सुपलु छे, तीनु आखा काजे चु अमर जीवाय आप देय। 
\v 3 एकुत छाचलु भगवान तुत छे, ने मे ईसु तारे सी मकेल्‌लु छुड़ावन्‌यु मसी छे, तुसेक ने मेसेक जाणीन मान्‌ने सीत माणसेक अमर जीवाय जड़से। 
\v 4 ज काम तु मेसेक करने करीन आपलु हतलु, च काम करीन धरती पर तारो सेक-सींगार काजे उजेंतु करलु छे। 
\v 5 ए भगवान! कळी नी घड़ाय ने पेहलुन, मे तारे पुठ्‌ये हतलु, ने मे नी तारेन तसु सेक-सींगार मां हतलु हय मेसेक तीना सेक-सींगार मां पछु भेसकी ले।”
\s ईसु आपसा चेला वाटे दुवा करे
\p
\v 6 तीनु माणसे काजे तु ईनी कळीम सी नेवाड़ीन मेसेक सुपलु चे तींद्‌रे अगळ मे तारो नाव उजेंतु कर देदलु छे, छाचलीन चे माणसे तारात हतला, ने तु तीनु काजे मार हातेम सुप देदु, ने चे तारा बुल काजे मानीन पाळ र्‌या। 
\v 7 हय चे जाण गुया की ज काय तु मेसेक देदलु छे, च आखो तारो छे। 
\v 8 काहाकी ज बुले तु मेसेक देदलु, ने चे बुले तीनुक बी सामळाय देदु, ने चे मान लेदा ने छाची-छाची जाण लेदा की मे तारे सी आय र्‌यु ने भुरसु कर लेदा की तुत मेसे काजे मकल्‌यु।
\p
\v 9 हींद्‌रे वाटे मे जी दुवा करो ची दुवा तु सामळी ले, मे कळीन माणसे वाटे दुवा नी करतु, बाकुन तींद्‌रे वाटे करो जीनुक तु मारे हातेम सुपलु छे काहाकी चे तारात छे। 
\v 10 छाचलीन ज काय मारो छे च तारो छे, ने ज तारो छे च मारो छे। ने हींद्‌रे सी मारु सेक-सींगार उजेंतु हवलु छे। 
\v 11 “मे ईनी कळीक छुड़ीन तारेन चां आवणे हींड रयु, बाकुन हय जे चेला कळीत मां रवसे।” ए चुखला भगवान बास! तु ज नाव मेसेक आपलु छे तीने नावे हींद्‌री राखवाळी करो, तेरेसी चे आपणेन तसा एक हय जाय। 
\v 12 जत्‌यार लग मे हींद्‌रे साते हतलु, तत्‌यार लग तारा नाव सी हींद्‌री पुरी राखवाळी करतु रयु। तींद्‌रे मायन कुय बी ठायकुत नी सर्‌यु बाकुन एकुत जणु ठायकुत सर गुयु, जु सरने वाळु हतलु। खरला-सास्‌तुर मां लिखली वात पुरी हवणु चाहजे करीन असो हयो। 
\v 13 हय मे तारेन चां आवणे हींडी र्‌यु ने मे जी दुवा ईनी कळीम रय्‌न करने बाजी र्‌यु, तेरसी जी खुसी मारेम छे, ची खुसी जे चेला पुरी की पुरी हात करे। 
\v 14 मे तारी बुल हीनुक कय देदलु छे ने भगवानेन काम रुकण्‌या काजे ईनी कळीन माणसे हीनु काजे भुंडा कर्‌या काहाकी जसु मे ईनी कळीन माणसे साते संगात नी करो, तसात चे चेला बी ईनी कळीन माणसे साते सात संगात नी करे। 
\v 15 मे जी दुवा नी करतु की तु हीनु काजे कळी मां सी ली जाती रहे, बाकुन ज कहो की हीनु काजे भुंडात कामे सी बचाड़ीन राख। 
\v 16 जसु मे ईनी कळीन नी हय तसात चे बी ईनी कळीन नी हय। 
\v 17 ए भगवान बास तारा बुल चुखला छे ईना छाचला बुल सी ईनुक तारी सेवा वाटे चुखा करीन तीयार कर। 
\v 18 जसु तु मेसेक ईनी कळीन चाकरीन हक आपीन मकेल्‌लु छे, तसुत मे बी ईनुक ईनी कळीन चाकरीन हक आपीन मकेल्‌लु छे। 
\v 19 ने हींद्‌रा फायदा वाटे मे मारु जीव आपीन आपसाक नेवाड़ीन चुखु करो, काहाकी चे बी तारा छाचला बुले सी तारी सेवा वाटे नेवाड़ीन चुखा हय्‌न तीयार हय जाय।
\p
\v 20 “मे हींद्‌रे वाटे अतरुत दुवा नी करतु, बाकुन तींद्‌रे वाटे बी दुवा कर र्‌यु, जे आवणे वाळा दाहड़ाम हींद्‌री वात सामळीन मार पर भुरसु करसे। 
\v 21 मे तींद्‌रे वाटे असी दुवा करो की चे आखा एक मन हय्‌न एक सारका हय जाय करीन। ए भगवान बास! जसु तु मारेम छे, ने मे तारेम छे, तसात चे बी आपणेम भेसकायन एक सारका हय जाय काहाकी ईनी कळीन माणसे तीनुक देखीन असु भुरसु कर लेय की ईसुत भगवानेन मकेलन्‌यु छुड़ावन्‌यु मसी छे। 
\v 22 ने जु सेक-सींगार तु मेसेक आप्‌यु, चु सेक-सींगार मे तीनुक आप देदलु छे, काहाकी चे आखा एक मन हय्‌न एक सारका हय जाय जसा आपणु एक सारका छे। 
\v 23 मे तींद्‌रेम रवु, ने तु मारेम रहे ने चे आखा ने आखा एक सारका हय जाय ने ईनी कळीन माणसे ज जाण लेय की ईसु भगवानेन मकेल्‌लु मसी छे, ने जसु तु मार सी परम कर्‌यु तसु तु बी तीनुक परम करे।”
\p
\v 24 “ए भगवान बास! जी कळी नी घड़ाय ने पेहलुत मारे सी परम राखलु छे, ने सेक-सींगार आपलु छे। जे माणसे तु मेसेक आपलु छे, चे बी मे जां रहो चां रहणु चाहजे काहाकी चे बी मारु सेक-सींगार देखे। 
\v 25 ए धरमी भगवान बास! ईनी कळीन माणसे तुसे नी जाणता बाकुन मे तुसेक जाणो ने मारा चेला जाण लेदला छे, ईसु भगवानेन मकेल्‌लु मसी छे। 
\v 26 मे तारो नाव ईनुक बताड़ देदु ने बताड़तु रय्‌स, काहाकी जसु तु मेसेक मारे सी परम करलु, चु परम हींद्‌रेम रव ने मे हींद्‌रेम रहो।”
\c 18
\s ईसुन धरायणु
\r (मत्‌‌ती 26:47-56; मरकुस 14:43-50; लुका 22:47-53)
\p
\v 1 ईसु आपसा भगवान बास धड़े दुवा करीन नवराय गुयु, ने तेरा चेला पुठ्‌ये एक खुदराक एणकीन एक वाड़ी मां गुयु। तीना खुदरान नाव कीदरोन हतलो। 
\v 2 ईसु आपसा चेला पुठ्‌ये ईनी वाड़ी मां एकदम जाया करतेलु। ने ईसुक धुकुदीन धराड़ने वाळु चेलु यहुदा, बी ईनी वाड़ीक देख रवलु। 
\v 3 अळतेन यहुदा, रोमी सीपायड़ान टुळा काजे लीन, ने मंदीरेन डाहला पुजारा ने फरीसी माणसेन साहरे मकेल्‌ला मंदीरेन राखवाळ्‌या सीपायड़ा काजे लीन तीनी वाड़ी मां आय गुयु। चे कंदल्‌या, बेर्‌या ने हत्‌यार लीन आवला। 
\v 4 मारे पर काय-काय वीतसे च आखो जाणीन ईसु अघु गुयु। ने तीनु काजे कह्‌यु, “तुहुं कुणीक हेर र्‌या?” 
\v 5 चे तीनाक जपाप आप्‌या “ईसु नासरी काजे, ईसु तीनुक कह्‌यु मे छे।” तीनाक धराड़ने वाळु यहुदा बी तींद्‌रे धड़े उबु हय रवलु। 
\v 6 जत्‌यार ईसु कह्‌यु की, “मेत छे” ती चे पछास हय्‌न धरती पर हीट पड़्‌या। 
\v 7 ईसु तीनुक अळी पुछ्‌यु, “तुहुं कुणीक हेर र्‌या?” चे कह्‌या, “नासरत सहर वाळा ईसु नासरी काजे हेर र्‌या।”
\p
\v 8 ईसु जपाप आप्‌यु मे तुहुं काजे पेहलुत कय देदु की चु मे हयुत छे, “कदी तुहुं मेसेक हेर र्‌या ती तुहुं मारा ईनु चेला काजे जाणी देवु।” 
\v 9 ज असो काहा हयो की ज चु कह्‌यु पुरो हवणु चाहजे, “तीनुक चु मारे सुपरुत करलु छे, मे तीनु मायन एक काजे बी खुवायणी नी दम।”
\p
\v 10 तत्‌यार सीमोन पतरस आपसी तलवार मीयान मां सी नीकाळीन मंदीरेन डाहला पुजारा मुख्‌यान पावर्‌यान देदु। ने तेरो जेवड़्‌यु कान्‌टु काट नाख्‌यु तीना पावर्‌यान नाव मलखुस हतलो। 
\v 11 ने ईसु पतरस काजे कह्‌यु, “तलवार मीयान मां पछी भर ले। ज दुखेन पीयालु भगवान बास मेसेक पीणे करीन आप्‌लु छे च दुखेन पीयालु मां पीये करीन तु अड़चन काहा नाख र्‌यु?”
\s ईसु काजे हन्‌ना अगळ धरीन लावे
\p
\v 12 अळतेन रोमी सीपायड़ान टुळु, ने तींद्‌रु सुबेदार, ने यहुदी डाहला सी मकेल्‌लु मंदीरेन राखवाळ्‌या सीपायड़ा ईसु काजे धरीन बांद लेदा। 
\v 13 ने ईसु काजे धरीन पेहेल मेहेल ते हन्‌ना धड़े लीजा, जु मंदीरेन डाहला पुजारान मुख्‌यी पुजारु हतलु, काहाकी चु हन्‌ना, काइफान सेसरुस हतलु, चु काइफा तीने साल मंदीरेन डाहला पुजारान मुखी हतलु। 
\v 14 जु हयुत काइफा हतलु, चु यहुदी मुख्‌याक असु कय्‌न अगवाय करलु की आपणा माणसे भीणी एक माणुस मरनु वारु छे।
\s पतरस ईसु काजे नी उळखो करीन कवे
\r (मत्‌‌ती 26:69,70; मरकुस 14:66-68; लुका 22:55-57)
\p
\v 15 सीमोन पतरस ने एक अळी दीसरु चेलु ईसुन पछळ-पछळ चाल पड़्‌यु, चु दीसरु चेलु डाहला पुजारान मुख्‌यु हन्‌नान उळखायतु हतलु, ने चु चेलु ईसु पुठ्‌ये मंदीरेन डाहला पुजारान मुखीन घरेन आंगणाम लग गुयु, हीनाक कुय बी नी रुक्‌यो। 
\v 16 बाकुन पतरस झपले उबु रय गुयु, ने डाहला पुजारान उळखायतु, चु दीसरु चेलु तीने आंगणे सी पछु खयड़े जाय्‌न झपलान राखवाळ्‌या काजे पुछीन पतरस काजे माहें आंगणाम ली आयु। 
\v 17 ची झपलान राखवाळी पावरनी पतरस काजे कह्‌यी, “तु बी तीनु ईसुन चेला मायन नी हय काय?” पतरस कह्‌यु, “नी हय।”
\p
\v 18 सींगेन दाहड़ा हतला, ने घरेन पावर्‌या ने मंदीरेन राखवाळ्‌या सीपायड़ा आकठे तापणे बाजी रवला ने पतरस बी तींद्‌रे पुठ्‌ये तापतेलु।
\s मंदीरेन जुन्‌लु मुखी पुजारु ईसु सी पुछताछ करे
\r (मत्‌‌ती 26:59-66; मरकुस 14:55-64; लुका 22:66-71)
\p
\v 19 अळतेन मंदीरेन डाहला पुजारान मुखी हन्‌ना ईसु काजे चेलान बारामां ने तेरी सीकाड़ली वातेन बारामां पुछ्‌यु। 
\v 20 ईसु जपाप आप्‌यु, “मे मनेन काय बी, नी सीकाड़्‌यु, मे माणसे अगळ उजेंतु कळी मां सीकाड़लु छे; ने मे जलम तुंद्‌रा भक्‌तीन घर मां ने मंदीर मां जां आखा यहुदी भेळा हया करे चां सीकाड़तु रयु। 
\v 21 ती तु मेसेक काहा पुछ र्‌यु? सामळन्‌याक असु पुछु की, हयु तुहुंक काय सीकाड़लु छे मे तीनुक काय कहंलु तीनुक मालुम छे।”
\p
\v 22 जत्‌यार ईसु जी वात कह्‌यु ती चां उबा हय रवला मंदीरेन राखवाळ्‌या सीपायड़ा मायन एक जणु ईसुन एक थापड़\f + \fr 18:22 \fr*\ft थप्पड़\ft*\f* देदु। ने कह्‌यु, “तु ते मंदीरेन मुखी पुजारा काजे असु जपाप काहा दी र्‌यु?” 
\v 23 ईसु तीनाक जपाप आप्‌यु, “कदी मे काय गलत वात कह्‌यु हय, ती पुरावु दीन देखाड़; बाकुन छाचली वात कह्‌यु हय ती मारे काहा देय?” 
\v 24 अळतेन हन्‌ना ईसु काजे असुत बांदायलुत मंदीरेन डाहला पुजारान मुखी काइफान्‌चां मकली देदु।
\s पतरस ईसुन बारामां नी जाणो करीन कह्‌वे
\r (मत्‌‌ती 26:71-75; मरकुस 14:69-72; लुका 22:58-62)
\p
\v 25 तीने टेमे सीमोन पतरस, आकठा धड़े उबु-उबु तापणे बाजी रवलु। तत्‌यार थुड़ाक माणसे पतरस काजे कह्‌या, “तु बी तेरा चेला मायन एक छे काय?” पतरस ईसुन नीकारु करतु जाय्‌न कह्‌यु मे नी हय।
\p
\v 26 मंदीरेन मुखी पुजारान एक पावर्‌यु, चु तीना पावर्‌यान दुस्‌ती बी हतली, तेरु कान्‌टु\f + \fr 18:26 \fr*\ft कान\ft*\f* पतरस काट नाखलु, “चु पतरस काजे कह्‌यु मे तुसेक तीना ईसु पुठ्‌ये वाड़ी मां देखलु?” 
\v 27 पतरस ईसुन अळी नीकारु करतु जाय्‌न कह्‌यु, “मे नी हय” ने तत्‌यारुत कुकड़ु वास देदु।
\s ईसु काजे पीलातुस अगळ उबु करे
\r (मत्‌‌ती 27:1,2,11-14; मरकुस 15:1-5; लुका 23:1-5)
\p
\v 28 अळतेन यहुदी मुख्‌या ने डाहला पुजारा ईसु काजे काइफान घर मां सी रोमी सरकारेन यरुसलेम राजवाड़ान हवेली वाळा कीलान आंगणाम ली गुया, ने तीने टेमे काय संदारो हय वाग्‌लो ईना रोमी राजवाड़ान राज करन्‌यु पीलातुस नी भुरसु वाळा यहुदी आड़जात्‌या बी हतला, ने यहुदी मुख्‌या ने पुजारा वीच्‌यार कर्‌या की हामु ईना आड़जात्‌या पीलातुसेन हवेली मां भरायसु ती हामु वीटळी जासुन। ने हामुक हामरा फसह तीहवारेन खाणो नी खावाये करीन चे यहुदी मुख्‌या ने पुजारा तीनी हवेली मां नी भराय। 
\v 29 ने राज करन्‌यु पीलातुस हवेलीम सी बाहर नीकळीन तींद्‌रे अगळ आयु ने कह्‌यु, “तुहुं ईना माणुस पर काहनु गुनु लागाड़ र्‌या?” 
\v 30 चे जपाप आप्‌या, “कदी जु गुनाळु नी रहतु, ती हामु हीनाक तारेन चां नी लावता।”
\p
\v 31 पीलातुस तीनुक कह्‌यु, “तुहुंत ईनाक ली जावु, ने तुंद्‌रा कायदान अनसारे हेरु नीयाव करजु।”
\p यहुदी मुख्‌या कह्‌या “हामुक हक नी हय की काहनाकेन जीव लेणु।” 
\v 32 मारी मोत कसी हवसे करीन ईसु पेहलुत तेरा चेला काजे कहंलु। ने ईसुन कहला बुलेन अनसारे आखो हयो ने तेरेत अनसारे हय बी यहुदी मुख्‌या तीनाक मुतेन डंड आपाड़ने करीन पीलातुस साते वात कर्‌या।
\p
\v 33 अळतेन पीलातुस अळी पछु हवेली मां जात र्‌यु, ने ईसु काजे बुलायु ने तीनाक पुछ्‌यु, “तु यहुदी माणसेन राजु छे काय?” 
\v 34 ईसु पीलातुस काजे जपाप आप्‌यु, “जी वात तु आपसे आवड़तेत कय र्‌यु की मार बारामां काहना दीसरा तुसेक कहंला छे?” 
\v 35 पीलातुस ईसुक जपाप आप्‌यु, “मे यहुदी छे काय? तारीत जातीन माणसे, मंदीरेन डाहला पुजारा भेळा भेसकायन तुसेक धराय्‌न मारे सुपरुत करला छे। तु काहनु गुनु करलु छे?” 
\v 36 ईसु कह्‌यु, “मारो राज ईनी कळीन राजान तसों नी हय। कदी मारो राज, ईनी कळीन राजा तसों रहतो, ती मारा राखवाळ्‌या सीपायड़ा मारे वाटे लड़ाय करता, ने मे यहुदी माणसेन हातेम नी धरायतु। बाकुन मारो राज ईनी कळीन राजान तसों नी हय।”
\p
\v 37 च सामळीन पीलातुस ईसुक कह्‌यु, “ती, तु छाचलीन राजा छे काय?” ईसु पीलातुस काजे जपाप आप्‌यु, “तु वारुत कय र्‌यु काहाकी मे राजा छे ने मे छाचली वात ने गवा पुरावा आपणे करीन ईनी कळी मां पयदा हय्‌न आवलु छे ने जीत छाचली छे चु मारी वात सामळीन पाळे।”
\p
\v 38 “पीलातुस ईसु काजे पुछ्‌यु छाचली काय छे?” ज पुछीन पीलातुस अळी हवेलीम सी बाहर नीकळीन यहुदी मुख्‌या अगळ आवीन कह्‌यु, मेसेक ते हीना माणुस मां काय बी गुनु नी देखायतु।
\s मोतेन डंडेन हुकुम
\r (मत्‌‌ती 27:15-31; मरकुस 15:6-20; लुका 23:13-15)
\p
\v 39 बाकुन तुंद्‌री रीतीन अनसारे मे तुंद्‌रे वाटे फसह तीहवारेन टेमे एक केदड़ा काजे जेल मां सी छुड़तेलु, “ने तुंद्‌री मरजी हय ती तुंद्‌रे वाटे यहुदीन राजाक छुड़ दम?” 
\v 40 ज सामळीन चे एक कावा अळी आयड़ीन कह्‌या, “हीनाक मां छुड़े, बाकुन बरअब्‌बा काजे छुड़ दे।” ने चु बरअब्‌बा एक डाकु हतलु।
\c 19
\p
\v 1 अळतेन पीलातुस ईसु काजे लीजाय्‌न सुटा देवाड़्‌यु। 
\v 2 ने सीपायड़ा काटाळ्‌या वेळान मुळ्‌यो गुथीन ईसुन मुणका\f + \fr 19:2 \fr*\ft सिर\ft*\f* पर मेक देदा ने जामण्‌यो झगल्‌यो पेहराया। 
\v 3 ने ईसु धड़े आवीन ईसुक हास्‌ता जाय्‌न कह्‌णे बाजी गुया, “ए यहुदी माणसेन राजा, वारु छे की!” ने चे तीनाक थापड़ाया।
\p
\v 4 पीलातुस अळी बाहर जाय्‌न माणसेक कह्‌यु, “देखु, मारी नींगा मां हेरेम काय बी खुड़ नी देखाव पड़तु, ज तुहुं बी जान्‌नु चाहजे, करीन मे तीनाक अळी बाहर लावलु।” 
\v 5 तीने टेमे ईसुन मुणका पर काटाळ्‌या वेळान मुळ्‌यो मेकलोत हतलो, ने तीनाक जामण्‌यो झगल्‌यो पेहरावलोन हतलो, तसुत चु बाहर आयु ने पीलातुस माणसेक कह्‌यु देख, “हयुत छे चु माणुस!”
\p
\v 6 मंदीरेन डाहला पुजारा ने मंदीरेन राखवाळ्‌या सीपायड़ा ईसु काजे देखीन, पीलातुस अगळ असा आयड़ी पड़्‌या की, “हीनाक कुरुस पर टांगीन खीळा ठुकीन मार देवु!”
\p हीनाक कुरुस पर टांगीन खीळा ठुकीन मार देवु! पीलातुस तीनुक कह्‌यु, “मारी नींगा मां हेरेम काय बी खुड़ नी देखाव पड़तु ने ईनाक तुहुंत ली जावु ने तुहुंत ईनाक कुरुस पर टांगीन खीळा ठुकीन मार देवु!”
\p
\v 7 यहुदी मुख्‌या कह्‌या, “हामरे धड़े मुसान लिखला नीयम छे, तेरे अनसारे ईनाक मुतेन डंड जड़नु चाहजे, काहाकी आपसुत भगवानेन पुर्‌यु हवणेन दावु करलु छे।”
\p
\v 8 पीलातुस तींद्‌री जी वात सामळीन अळी बी बीही गुयु। 
\v 9 चु अळी हवेलीन आंगणाम ली जाय्‌न तीनाक पुछ्‌यु, “तु कां सी आवलु छे?” बाकुन ईसु तीनाक काय जपाप नी आप्‌यु। 
\v 10 ने पीलातुस ईसुक कह्‌यु, “तु मेसेक जपाप काहनी आपतु तुसेक नी मालम हय काय, की मारे भीणी तुसेक छुड़नेन हक छे नीते, ईना कुरुस पर टांगीन खीळा ठुकीन मार देवु, असु हुकुम आपणेन बी हक छे।”
\p
\v 11 ईसु पीलातुस काजे जपाप आप्‌यु, “कदी तुसेक उपर सरगे सी हक नी जड़तु ती तारु मारे पर काहनु बी हक\f + \fr 19:11 \fr*\ft अधिकार\ft*\f* नी रवतु ने चु मेसेक धराड़ीन तारे सुपरुत करलु छे, माणुस बेसकु पापी छे।”
\p
\v 12 ईसुन जी वात सामळीन पीलातुस, “ईसु काजे छुड़नेन वीच्‌यार कर्‌यु, बाकुन यहुदी मुख्‌या आयड़ी आयड़ीन कह्‌या, जु आपसा काजे राजा कह्‌वे चु आपणा रोमी राजान वीरुद करे। ने तीनाक डंड जड़नु चाहजे कदी तु ईनाक छुड़ देसी ती तु आपणा रोमी राजान दुस्‌तीदार नी हय।”
\p
\v 13 जी वात सामळीन पीलातुस ईसु काजे बाहर गब्‌बता नावेन जागा पर बुलायन ईब्‌रानी बुली ईना नावेन मतलब, “दगड़ान पयड़ी” हतलो ने पीलातुस तीना जागा पर आपसी नीयावेन गादी पर बस गुयु। 
\v 14 जु दाहड़ु, फसह तीहवारेन हाप्‌ताम वाळा आरामेन दाहड़ान तीयारीन दाहड़ु हतलु। ने मांजणीक टेम हय रवली, तत्‌यार पीलातुस यहुदी माणसेक कह्‌यु, “देखु, हयुत छे तुंद्‌रु राजा!”
\p
\v 15 ती यहुदी मुख्‌या अळी आयड़ीन कह्‌या ईनाक जां सी लीजा!
\p ईनाक जां सी लीजा! “ने ईना कुरुस पर टांगीन खीळा ठुकीन मार देवु!” पीलातुस तीनु काजे पुछ्‌यु, “मे तुंद्‌रा राजा काजे कुरुस पर टांगीन खीळा ठुकाड़ो काय?”
\p मंदीरेन डाहला पुजारा कह्‌या, “रोमी राजा काजे छुड़ीन हामरु काहनु राजा नी हय।”
\p
\v 16 पीलातुस ईसु काजे तींद्‌रे हातेम आप देदु, हेरेन करीन की, चे तीनाक कुरुस पर मार देय।
\s सीपायड़ा ईसु काजे कुरुस पर चड़ावे
\r (मत्‌‌ती 27:32-44; मरकुस 15:21-32; लुका 23:26-43)
\p
\v 17 ने ईसु सीपायड़ान कह्‌णेन अनसारे कुरुस हाकलीन चालतु-चालतु ईब्‌रानी गुलगुता नावेन जागा पर गुयु। यहुदी माणसेन बुली मां ईना नावेन मतलब मुणको हतलो। 
\v 18 तीना जागा पर ईसु काजे ने तेरे भेळा दुय गुना वाळा माणसे काजे कुरुस पर टांगीन खीळा ठुक्‌या। ईचमां ईसु काजे ने एक काजे ईसुन डाखर्‌ये आंग्‌ये ने एक काजे जेवड़्‌ये आंग्‌ये कुरुस पर टांगीन खीळा ठुक्‌या। 
\v 19 पीलातुस एक लाकड़ान पट्‌टी पर ईसुन बारामां लिखाड़ीन तेरा मुणका सी उपर कुरुस पर ठुकाड़ देदु। तीनी पट्‌टी पर असो लिखलो हतलो, “ईसु नासरी यहुदी माणसेन राजा।” 
\v 20 ने जी वात ईब्‌रानी बुली मां, ने लातीनी बुली मां, ने युनानी बुली मां लिखली हतली। चां ईसु काजे कुरुस पर टांगीन खीळा ठुकला हतला, चु जागु सहरे धड़े हतलु ने बेसका यहुदी माणसे जी वात लिखली भण्‌या। 
\v 21 यहुदी मुख्‌या मायन डाहला पुजारा काजे जी लिखली वात नी जमी ने चे पीलातुस काजे कह्‌या, “यहुदी माणसेन राजा असा मां लिखु बाकुन असो लिखु की हयु कह्‌यु की मे यहुदी माणसेन राजा छे।”
\p
\v 22 पीलातुस तीनुक जपाप आप्‌यु, “मे ज लिखाड़ देदु चत रवसे।”
\p
\v 23 अळतेन सीपायड़ा ईसु काजे कुरुस पर टांगीन खीळा ठुकीन नवराय गुया, तत्‌यार चे ईसुन पुथल्‌यान चार वाटा पाड़्‌या एक-एक सीपायड़ा वाटे एकेक वाटु पाड़्‌या बाकुन ईसुन झगल्‌यो सीवीन बणावलो नी हतलो, बाकुन आखो की आखो गुथीन बणावलो हतलो। 
\v 24 ने चे वीच्‌यार करीन कह्‌या, आपणु हीना पुथल्‌याक नी फाड़ता, बाकुन चिट्‌ठी नाखीन देख लेता की ज कुणीक जड़से ज असो काहा कर्‌या की खरला सास्‌तुर मां लिखली वात ची पुरी हवे:
\q1 “चे वेरी माणसे मारा पुथल्‌याक वाट लेदा,
\q2 ने चे मारा पुथल्‌या वाटे चिट्‌ठी बी नाख्‌या।”
\p ने छाचलीन सीपायड़ा असा की असा कर्‌या।
\p
\v 25 ईसुन कुरुस धड़े ईसुन माय ने ईसुन मायन बहणीस ने काइफान घरवाळी मरीयम मगदलनी मरीयम उभी हय रवली। 
\v 26 जत्‌यार ईसु चां आपसी माय काजे देख्‌यु ने तीना चेलाक बी देख्‌यु, जु ईसुन लाटेक्‌लु चेलु कहवायतेलु, ती चु आपसी माय काजे कह्‌यु, “ओ माय! देख, हयु तारु बेटु छे।”
\p
\v 27 अळतेन तीना चेलाक कह्‌यु, हयी तारी माय छे ने तीने टेम सी चु चेलु ईसुन माय काजे आपसी माय मान लेदु। ने आपसे घर ली जाय्‌न तेरी सेवा चाकरी करने बाजी गुयु।
\s ईसुन कुरुस पर मरनु
\r (मत्‌‌ती 27:45-56; मरकुस 15:33-41; लुका 23:44-49)
\p
\v 28 अळतेन ईसु ज जाण गुयु की, हय आखो काय पुरो हय गुयलो छे ने खरला सास्‌तुर मां पेहलुत सी लिखलो हतलो, च पुरो करने करीन कह्‌यु, “मे तीसलु छे।”
\p
\v 29 चां एक ठाहरु हतलु तीना ठाहरा मां अंगुरेन कड़वलु रस भर रवला ने चे सीपायड़ा कड़वला रस मां एक पुतो डुबाड़ीन तीना पुताक जुफा नावेन झाड़कान एक सुट्‌ये झेलाड़ीन ईसुन मुंहडे टेकी देदा। 
\v 30 तत्‌यार ईसु अंगुरेन कड़वलु रस चाख्‌यु ती कह्‌यु, “पुरो हय गुयो।”
\p ने आपसो मुणको हेटु वाळ लेदु ने आपसु जीव-आत्‌मा भगवान काजे आप देदु।
\s ईसु काजे भाला सी गुपे
\p
\v 31 चु दाहड़ु फसह तीहवारेन हाप्‌तान वाळान खास आरामेन दाहड़ान तीयारीन दाहड़ु हतलु। आरामेन दाहड़े ईसुन ने दीसरा गुना वाळा धड़े कुरुस पर टांगलो नी रहणु चाहजे करीन यहुदी माणसे पीलातुस सी आवीन वीन्‌ती कर्‌या की कुरुस पर टांगीन खीळा ठुकला माणसेन पायेन हाटका तुड़ाय दे। ने तींद्‌रो धड़ कुरुस पर सी उतार मांग। 
\v 32 सीपायड़ा आवीन ईसुन आड़े-धड़े कुरुस पर टांगीन खीळा ठुकला माणसेन पायेन हाटका टुकड़ा-टुकड़ा कर देदा। 
\v 33 बाकुन अळतेन चे ईसु धड़े आवीन देख्‌या ती तीनुक मालम पड़्‌यो की चु मर गुयु ने चे तेरा पाय नी तुड़्‌या। 
\v 34 बाकुन तीना सीपायड़ा मायन एक सीपायड़ु ईसुन काखे भालु घुदल्‌यु ने कुखेम सी तत्‌यारुत लुही ने पाणी नीकळ्‌यो। 
\v 35 जतरा बी ज देख्‌या, चे गवाय देदा, ने तींद्‌री गवाय संय छे ने चु जाणे की चे संय कवे की तुहुं बी भुरसु करु। 
\v 36 जी वात तेरेमां हय की चुखला सास्‌तुर मां ज कहलो छे, च पुरो हवसे, “तेरा कुय हाटका बी नी तुड़े।” 
\v 37 पछेन एक अळी जागा पर ज लिखलो छे, “तीनाक चे गुपला छे, तीना पर चे नींगा करसे।”
\s नीकुदेमुस ने अरीमीतीया सहर वाळु युसुफ ईसुन धड़ काजे गाड़ने जाय
\r (मत्‌‌ती 27:57-61; मरकुस 15:42-47; लुका 23:50-56)
\p
\v 38 ज आखो हय गुयो ने अळतेन अरीमतीया सहर वाळु युसुफ चु ईसुन चेलु हतलु, बाकुन यहुदी माणसेन धाके काहनाक बी नी कह्‌तेलु की मे ईसुन चेलु छे, बाकुन हय चु चेलु पीलातुस वीन्‌ती कर्‌यु की मेसेक ईसुन धड़ काजे गाड़ने ली जान दे, ने पीलातुस तेरी सामळी लेदु। ने चु युसुफ आवीन ईसुन धड़\f + \fr 19:38 \fr*\ft शव\ft*\f* ली जात र्‌यु। 
\v 39 नीकुदेमुस चु एक दाहड़ु राती वेळाय, ईसु काजे भेळु हवणे आवलु, चु बी चां एक सोव ने पंद्‌रे कीलु ईत्‌तर ने एलवो\f + \fr 19:39 \fr*\ft एक भातीन झाड़कान पुपड़ो छे चो माणसेन धड़ काजे थुड़ाक दाहड़ा लग सड़ने नी देय।\ft*\f* लीन आयु। 
\v 40 ने यहुदी माणसे जसा मरला माणसेन धड़ काजे गाड़ने ली गुया तसात चे ईसुन धड़ काजे वारु गंदायण्‌यु मसालु चुपड़्‌या ने धवळा पुथल्‌या मां गुचवी देदा। 
\v 41 तीना जागा मां ईसु काजे कुरुस पर टांगीन खीळा ठुकला तीनात जागा धड़े वाड़ी हतली, ने तीनी वाड़ीन खंगराम एक नवलो बीड़ो खुदलो हतलो, तीना बीड़ा मां हय लग कुय काजे गाड़्‌या नी। 
\v 42 हय यहुदी माणसेन आरामेन तीयारीन दाहड़ु खत्‌तम हवणे वाळु हतलु, ने आरामेन दाहड़ु सुरु हवणे वाळु हतलु। ने जो मसाण्‌या धड़ेत हतलो, करीन नीकुदेमुस ने युसुफ ईसुन धड़ काजे तीनात मसाण्‌या मां मेल देदा।
\c 20
\s ईसु मर्‌या-सर्‌याम सी जीवतु हवे
\r (मत्‌‌ती 28:1-8; मरकुस 16:1-8; लुका 24:1-12)
\p
\v 1 हाप्‌तान पेहले दाहड़े संदारे एगीत, मरीयम मगदलनी मसाण धड़े आवी, ने ची मसाण पर सी चापर्‌यु दगड़ु छेटे करलो देखी। 
\v 2 ची सीमोन ने पतरसेन्‌चां ने दीसरा चेलान चां दवड़ीन आवी, चु ईसुन लाटेक्‌लु चेलु कहंवायतेलु। ने ची तीनुक कही काहनाक माणसे मालीक ईसुन धड़ काजे मसाण सी नीकाळीन ली जात र्‌या। ने हामुक मालम नी हय की चे तीना धड़ काजे कां मेक र्‌या।
\p
\v 3 तत्‌यार पतरस ने ईसुन दीसरु चेलु मसाण भीणी दवड़ी पड़्‌या। 
\v 4 चे दुय भेळा दवड़्‌या बाकुन दीसरु चेलु पतरस काजे पछळ नाख दीन पेहलुत मसाण धड़े पुग गुयु। 
\v 5 चु ढंगु अळीन लेफड़्‌या पुथल्‌यान देख्‌यु बाकुन मसाणेन खंगरा मां माहें नी भरायु। 
\v 6 सीमोन पतरस तेरे पछळ-पछळ आयु, ने अळतेन मसाण धड़े गुयु मसाण खंगरा मां माहें गुयु, ने चु लेफड़्‌या पुथल्‌यान पड़ रवलु देख्‌यु। 
\v 7 ईसुन मुंहडा पर फेटको बांदलो हतलो च फेटको लेफड़्‌या पुथल्‌यान भेळतो हतलो, बाकुन दीसरे जागे दुर करीन मेल्‌लो देखाव पड़्‌यो। 
\v 8 ती चु दीसरु चेलु जु मसाण धड़े पेहलुत पुगी गुयलु, चु बी मसाणेन खंगरा मां माहें गुयु ने पुथल्‌यो देख्‌यु ने चु चेलु असु भुरसु कर्‌यु की ईसु पछु जीवतु हय्‌न बठु हय गुयु। 
\v 9 ज हवणेन पेहेल तीनुक जी वात समज मां नी आवी की, खरला-सास्‌तुरेन अनसारे ईसुन मर्‌या-सर्‌याम सी जीवतु हय्‌न बठु हवसे। 
\v 10 ने चे दुय चेला आपसा-आपसा जागा पर जात र्‌या।
\s पछु जीवतु हवलु ईसु मरीयम मगदली काजे देखाव पड़े
\r (मत्‌‌ती 28:9,10; मरकुस 16:9-11)
\p
\v 11 मरीयम मगदलनी मसाण धड़े खयड़े रड़तेली, ने ची रड़ती-रड़ती ढंगी अळीन मसाण मां माहें नींगा करी। 
\v 12 ने तीना जागा पर ईसुन धड़ मेलायलो हतलो, चां ची उजळा पुथल्‌या पेहर रवला दुय सरग वाळा चाकर्‌या काजे देखी एक काय मुणका भीणी ने एक पायाता भीणी बस रवला देखी। 
\v 13 चे दुय सरग वाळा खबर लावण्‌या तीनी काजे कह्‌या, “ओ बायर जात! तु काहा रड़ रय?” ची कय “चे मारा मालीक काजे हाकली ली गुयला छे ने मेसेक नी मालम हय की चे तीनाक कां मेल र्‌या!”
\p
\v 14 ज कयदीन ची पछी फीरीन भाळी ने ची ईसु काजे उबु हय रवलु देखीम, बाकुन तीनीक जु ईसु छे करीन उळखायो नी। 
\v 15 ईसु तीनी काजे कह्‌यु, “ओ बायर जात तु काहा रड़ रय कुणीक हेर रय?” ची मरीयम तीनाक वाड़ीम काम करन्‌यु पावर समजीन तीनाक कय, “ए दादा! कदी तु तीना काजे ली गुयु हय ती मेसेक कय दे की तु तीनाक कां मेल र्‌यु ने तीनाक ली आवीस।”
\p
\v 16 ज सामळीन ईसु तीनीक कह्‌यु, “ओ मरीयम!” ची पछी फीरीन ईसुक उळखीन तीनाक ईब्‌रानी मां कय, “रबी।”
\p यहुदी माणसेन बुली मां ईना बुलेन मतलब ए गुरु हतलो।
\p
\v 17 ईसु तीनी काजे कह्‌यु, “मे हय लग भगवान बासेन चां उपर सरग मां नी गुयु। ने मेसेक छीमीन मां रुके, बाकुन मारा भायसेन चां जाय्‌न तीनु काजे ज कय दे, की ईसु कय र्‌यु की, मे मारा भगवान बासेन्‌चां जाणे हींड र्‌यु, हयु हय सी तुंद्‌रु बी भगवान बास छे।”
\p
\v 18 मरीयम मगदलनी जाय्‌न जी वात चेला काजे कय की “मे मालीक काजे देखली छे, ने चु मेसेक बी वात कय मकल्‌यु।”
\s ईसु चेला काजे देखाव पड़े
\r (मत्‌‌ती 28:16-20; मरकुस 16:14-18; लुका 24:36-49)
\p
\v 19 तीने दाहड़े, हाप्‌तान पेहले दाहड़े सांती वेळाय ईसुन चेला यहुदी माणसेन धाके आपसात बारनो दीलीन घरमां कुंडाय रवला। ने ईसु तींद्‌रे ईचमां आय्‌न उबु हय गुयु, ने चेला काजे कह्‌यु “तुहुंक सांती जड़े!” 
\v 20 ज कयदीन ईसु आपसा हातेन घाव, ने आपसी कुखेम घाव देखाड़्‌यु, ती तेरा चेला मालीक ईसु काजे देखीन खुस हय गुया। 
\v 21 ने ईसु तीनुक अळी कह्‌यु, “तुहुंक सांती जड़े! असु भगवान बास मेसेक मकेल्‌लु छे तसुत मे बी तुहुंक मकलो।” 
\v 22 ज कयदीन\f + \fr 20:22 \fr*\ft कहकर\ft*\f* ईसु तीनु पर फुक्‌यु ने तीनुक कह्‌यु, “लेवु, जी चुखली-आत्‌मा, तुंद्‌रा जीवन मां ली लेवु। 
\v 23 तुहुं जीनु माणसेक पापेन माफी आपसु, तीनु माणसेक पापेन माफी जड़ जासे, ने तीनुक माणसेक तुहुं पापेन माफी नी आपु तीनु माणसेक पापेन माफी नी जड़े।”
\s पछु जीवतु हवलु ईसु थोमा काजे देखाव पड़े
\p
\v 24 जत्‌यार ईसु चेला धड़े आयु ती थोमा तींद्‌रे भेळु नी हतलु चु बी बारे चेला मायन एक हतलु, चु दीद्‌मुस कहवाये। 
\v 25 दीसरा चेला तीनाक कह्‌या, “हामु मालीक ईसु काजे देखला छे।”
\p ती चु कह्‌यु, “जत्‌यार लग मे तेरा हातेम खीळान\f + \fr 20:25 \fr*\ft कीलों\ft*\f* घाव नी देख लम ने खीळा सी पड़लो घावेम मारी आंगळी नी नाख दम ने तेरा कुखेम पड़ला घाव मां मारु हात नी नाख दम तत्‌यार लग मे भुरसु नी करो।”
\p
\v 26 आंठ दाहड़ा हय गुया, ने अळतेन ईसुन चेलान अळी घरमां हतला, ने थोमु बी तींद्‌रे भेळु हतलु तीने टेमे घरेन बारनो देदलो हतलो, तेबी ईसु तींद्‌रे ईचमां आवीन उबु रय गुयु ने कह्‌यु, “तुहुंक सांती जड़े!” 
\v 27 ती ईसु थोमा काजे हेरा हात देखाड़ीन कह्‌यु, “तारी आंगळी ईनु हातेन घाव मां नाख ने आपसु हात उरु कर ने मारा कुखेम वाळा घाव मां तारु हात नाख। ने तु नी भुरसु वाळु मां बणे बाकुन मारे पर भुरसु कर।”
\p
\v 28 थोमा ईसु काजे जपाप आप्‌यु, “ए मारा मालीक! ए मारा भगवान!”
\p
\v 29 ती ईसु थोमा काजे कह्‌यु तु ते मेसेक देखीन मारे पर भुरसु करलु छे। बरकतवाळ चे छे, जे मेसेक नी देख्‌या बाकुन मार पर भुरसु करे।
\s जी वात युहन्‌‌‌नु काहा लिखलु
\p
\v 30 ईसु आपसा चेला अगळ अळी बेसका मटा कामेन सहलाणी देखाड़्‌यु बाकुन तीनु मटा कामेन सहलाणीन बारामां ईनी किताप मां लिखलो नी हय। 
\v 31 बाकुन जी वात जां असो करीन लिखली छे की तुहुं जु भुरसु करु की ईसुत भगवानेन पुर्‌यु मसी छे, ने तेरे पर भुरसु करीन तेरे नावे सी अमर जीवन हात कर लेय।
\c 21
\s पछु जीवतु हय्‌न ईसु, तीबीरीयास दर्‌या धड़े चेला काजे देखाव पड़े
\p
\v 1 तीबीरीयास दरीया धड़े ईसु अळी आपसा चेला काजे ईनी रीती अळी उजेंतु देखाव पड़्‌यु, 
\v 2 एक दाहड़े, सीमोन पतरस, ने थोमा, चु दीद्‌मुस कह्‌वाये नतनएल चु गलील जीलान काना सहर वाळु हतलु ने जब्‌दीन दुय पुर्‌या ने ईसुन दुय दीसरा चेला, जे आखा भेळात हतला। 
\v 3 सीमोन पतरस तीनु काजे कह्‌यु, “मे ते माछा\f + \fr 21:3 \fr*\ft मछली\ft*\f* मारने जाम। ने चे दीसरा चेला काजे कह्‌या।”
\p “हामु बी तारे पुठ्‌ये आवजे।” ने चे तेरे पुठ्‌ये चाल पड़्‌या, ने ढंड्‌या मां चहड़ीन बठ गुया, बाकुन तीने राते एक बी माछी हात नी लागी। 
\v 4 संदारे हवतात ईसु दरीया धड़े आय्‌न उबु रय गुयु, बाकुन चेला काजे ईसु नी उळख्‌यु। 
\v 5 तत्‌यार ईसु तीना चेला काजे कह्‌यु, “ए पुर्‌या! तुहुं काजे खाणे करीन एक बी माछी नी धराय काय?” चे चेला जपाप आप्‌या, “एक बी नी धराय!”
\p
\v 6 तत्‌यार ईसु तीनु काजे कह्‌यु, “ढंड्‌यान जेवड़्‌ये आंग्‌ये जाळ नाखु ने तुहुंक माछा हात लागसे।” चे जाळ नाख्‌या ने अतरा माछा जाळेम आया की तीनुक जाळ नी हाकलाय।
\p
\v 7 तत्‌यार चु चेलु, जु ईसुन लाटेकलु चेलु, “कह्‌वायतेलु, पतरस काजे कह्‌यु, जु ते आपणु मालीक ईसुत छे।” जत्‌यार सीमोन पतरस सामळ्‌यु की जु आपणु मालीक ईसुत छे ती चु नांगरलु हतलु करीन आपसो झगल्‌यो पेहरी लेदु ने ईसुक भेळु हवणे करीन दरीया मां मामार कुद पड़्‌यु। 
\v 8 बाकुन दीसरा चेला, माछा भरायली जाळ काजे हाकलता जाय्‌न ढंड्‌या काजे दरीया धड़े लाया। काहाकी चे दरीया धड़े सी जादा छेटा नी हतला। चे दरीया धड़े सी दुयेक सोव हात छेटा हतला।
\p
\v 9 जत्‌यार चे ढंड्‌याम सी उतरीन धड़े भुयमां आया, ती तीनुक चां रुटा ने धपतेला कुयलान ईंगाळा पर माछा मेकला देखाव पड़्‌या। 
\v 10 ईसु तीनु काजे कह्‌यु, “तुहुं हींताळ जे माछा धरला छे, तीनु मायन थुड़ाक ली आवु।”
\p
\v 11 सीमोन पतरस पछु ढंड्‌या मां गुयु, ने जाळ धड़े हाकली लायु। तीनु जाळेम डेड़ सोव ने तीन मटला माछा पड़ला हतला, ने अतरा माछा जाळेम पड़्‌या तेबी जाळ नी फाटी। 
\v 12 ईसु तीनु काजे कह्‌यु, “आवु, ईतरोक खाय लेवु।” चेला जाण लेदा की जु मालीक ईसुत छे। ने “तु कुण छे।” करीन ईसु काजे पुछणे, तीनु मायन कुय काजे बी हिम्‌मत नी कर्‌या। 
\v 13 ईसु धड़े आयु, ने खाणे करीन चु रुटु हातेम लीन तीनुक आप्‌यु, ने ईनी रीते माछा आप्‌यु।
\p
\v 14 असु करीन मर्‌या-सर्‌याम सी जीवतु हय्‌न ईसु तीसरी कावा आपसा खास चेला अगळ उजेंतु देखाव पड़लु।
\s ईसु पतरस काजे, हय अळी पछु परम सी बुलावे
\p
\v 15 खायलीन नवराय्‌न ईसु, सीमोन पतरस काजे पुछ्‌यु, “ए सीमोन, युहन्‌नान पुर्‌या! तु छाचलीन, हींद्‌रे सी जादा मेसेक परम करे काय?” पतरस ईसुक कह्‌यु, हव, “मालीक! तु जाणे की मे तारे सी परम करो।”
\p ईसु सीमोन पतरस काजे कह्‌यु, “मारा गाडरा चार।” 
\v 16 ईसु दीसरी कावा अळी सीमोन पतरस काजे कह्‌यु, “ए सीमोन, युहन्‌नान पुर्‌या! तु छाचलीन मारे सी परम करे काय?” पतरस ईसु काजे जपाप आप्‌यु,
\p “हव, मालीक! तु जाणे की मे तारे सी परम करो।”
\p ईसु पतरस काजे कह्‌यु, “मारा गाडरान गुवाळी\f + \fr 21:16 \fr*\ft राखवाळी\ft*\f* कर।” 
\v 17 ईसु अळी तीसरी कावा, पतरस काजे कह्‌यु, “ए सीमोन, युहन्‌नान पुर्‌या! तु छाचलीन मेसेक परम करे काय?”
\p ईसु पतरस काजे तीसरी कावा ज पुछ्‌यु की तु छाचलीन मारे सी परम करे काय? करीन तीनाक बेसको दुख लाग्‌यो। ने पतरस ईसु काजे कह्‌यु, “मालीक! तुसेक आखी वात मालम छे, तु जाणे की मे तारे सी छाचलीन परम करो।”
\p ईसु पतरस काजे कह्‌यु, “मारा गाडरा काजे चार।” 
\v 18 मे तुसेक छाचलीन कहो की जत्‌यार तु जुवान हतलु, ती आपसान कमर बांदीन जाहां बी चाहतेलु चां फीरतेलु, बाकुन जत्‌यार डुकरु हवसी ती आपसा हात फेलावसी ने दीसरा तारी कमर बांदीन जाहां तु नी चाहसी चां तुसे ली जासे। 
\v 19 हयु ईनी वात सी सहलाणी देदु, की पतरस कसु मरनेन सी भगवानेन सेक-सींगार करसे। ने तत्‌यार हयु तीनाक कह्‌यु, “मार कह्‌याम चाल।”
\s पतरस ईसु काजे युहन्‌नान बारामां पुछे
\p
\v 20 पतरस पछु फीरीन ईसुन तीना दीसरा चेला काजे पछळ-पछळ आवतेलु देख्‌यु, चु ईसुन लाटेकलु चेलु कहंवायतेलु। हयु चु की चु हतलु, जु तीहवारेन दाहड़े सांती वेळाय खाणेन टेमे ईसुन छाती भीणी वळीन, “ए मालीक! तुसेक धरावण्‌यु कुण छे?” करीन पुछलु। 
\v 21 अळतेन पतरस तीना चेलाक देखीन ईसु काजे पुछ्‌यु, “मालीक! एरे पर काय वीतणे वाळो छे?” 
\v 22 ईसु कह्‌यु, “कदी मेसेक पछु आवता लग हयु जीवतेलु रय जाय, ती ईनी वात सी तारो काय लेण देणु छे? तु ते मरता लग मारा कह्‌याम चालतु रव।”
\p
\v 23 ने ईसु पर भुरसु करन्‌या भायसे मां जी हुकवाय फीर गुय की हयु चेलु नी मरे, “बाकुन ईसु असु नी कह्‌यु की हयु नी मरे बाकुन ज कहंलु की कदी मेसेक पछु आवता लग हयु जीवतेलु रय जाय ती, ईनी वात तारो काय लेण देन छे?”
\s आकरी वात
\p
\v 24 हयु चु की चु चेलु छे, जु ईनी वातेन गवा देणे करीन जी किताप लिखलु छे। हामु जाणजे की हेरी गवाय छाचली छे।
\p
\v 25 ईसु अळी बी बेसका काम कर्‌यु, कदी एकेक करीन तीनु कामेन बारामां लिखता ती, ती मे समजो की जे किताप लिखायता, चे किताप अतरा जादा हय जाता की ईनी कळी मां बी नी समाय्‌ता।