\id JAS - Bhilali Standard Project
\ide UTF-8
\h याकुप
\toc3 याकुप
\toc2 याकुप
\toc1 याकुपेन चिट्‌ठी
\mt2 याकूब की पत्री
\mt1 याकुपेन चिट्‌ठी
\imt याकुपेन बारामां
\ip याकुपेन किताप काजे याकुप नावेन एक माणुस लिखलु छे। हय सके जुत ईसुन भाय हतलु, जु सुरवातीन मंडळी मां एक अगळवाण्‌यु हतलु ने यरुसलेमेन मट्‌ली गड़दीन हीस्‌सु हतलु। \xt नेवताळा 15:13\xt* नेवताळु पोलुस तीनाक \xt गलाती 2:9\xt* मां मंडळीन खास खांबु बी कह्‌यु। नीयम काजे जान्‌ने वाळान मान्‌नु छे की याकुपेन किताप ईसु मसीन पयदावारीन 50 सेक साल बात लिखायली। काहाकी याकुप यरुसलेमेन मंडळीन अगळवाण्‌यु हतलु, हय सके चां रय्‌न हयु ईनी किताप काजे लिखलु।
\ip याकुप आपसान किताप मां नी-यहुदी वाळा माणसे फेलायला बारे कुळ्‌या माणसेन \xt 1:1\xt* बारामां बताड़े। याकुपेन सीकापण आखा मसी माणसे पर लागु हवे, बाकुन बारे कुल्‌यान बारामां बुले लिखला सी असो छाचलीन मालम पड़े की याकुप सुदु यहुदी माणसे काजे लिख रवलु। काहाकी जी किताप बन्‌ने वाळान एक बेसका टुळा लग जाय करीन लिखलु, हयु बेसकी वातेन बारामां बताड़्‌यु। याकुप भुरसा ने कामेन काजे साते लीन चालनेन बारामां अदु जुर देय। छाचलु भुरसु कामे सी देखाव पड़से। \xt 2:17\xt* हयु लकपती माणसेन \xt 2:1-4\xt* बारामां नानला मटान भेदभाव तीनुक वारु नी कहें ने हामुक बताड़े की जो आपणु करजे तेर बारामां चेतीन रहणे कहें। \xt 3:1-12 \xt*
\iot बाहरती वात
\io1 1. याकुप मां आपसा भन्‌ने वाळाक वारु छे की करीन पुछे। \ior 1:1\ior*
\io1 2. तेर बात हयु मसी वाळा काजे हवस देय की जत्‌यार तुहुं दुख झेलु ती काठा रहे। \ior 1:2-27\ior*
\io1 3. अळतेन हयु कहें की कामे सी भुरसु देखायणु जरुड़ी छे। \ior 2:1-26\ior*
\io1 4. तेर बात हयु कहें की मुंहडा सी नीकळने वाळा बुले कतरा ताकतवाळा हय सके। \ior 3:1-12 \ior*
\io1 5. तत्‌यार याकुप समजाड़े की कसी भगवानेन अक्‌कल माणसेन अक्‌कल सी अलग छे। \ior 3:13—4:10\ior*
\io1 6. तेर बात हयु आपसा भन्‌ने वाळा काजे घमट वाळा वळु नी हवणु करीन कहें। \ior 4:11—5:6 \ior*
\io1 7. याकुप ईतरीक वातेन बारामां कय्‌न किताप काजे लिखणु बंद करे। \ior 5:7-20\ior*
\c 1
\s आव-भाव
\p
\v 1 भगवान ने मालीक ईसु मसीन पावर्‌यु याकुप भीणी सी तीनु बारे चेला काजे जी रावण्‌या-तीवण्‌या हय्‌न रवे:
\p तीनु काजे वारु छे की कह्‌वे।
\s भुरसु ने अक्‌कल
\p
\v 2 ए मारा भायस्‌यो ने बहणस्‌या, ईसु पर भुरसु करनेन साहरे, तुंद्‌रे, पर कदी भाती-भातीन वेला ने पारख आया करे; तत्‌यार ईनी वात काजे तुहुं खुसीन वात समजु। 
\v 3 काहाकी तुहुं जाणु की तुंद्‌रु भुरसु जत्‌यार ईनी पारख मां जीत जाय, तीत हामु काजे गम खाणेन ताकत जड़े। 
\v 4 असा करीन तुहुं गम खाणेन ताकत काजे तुंद्‌री जीवाय मां पुरो-पुरो वदणे देवु; तेरेसी तुहुं भुरसा मां पुरा-पुरा पाक्‌का हय जावु, ने तुंद्‌री जीवाय मां काहनी बी वारलु वातेन कसर नी रवणु चाहजे। 
\v 5 कदी तुंद्‌रे मायन काहनाक धड़े, भगवानेन मरजीन अनसारे जीवणे करीन कम अक्‌कल हय, ती भगवान धड़े दुवा करीन अक्‌कल मांगु। भगवान ते आखा काजे मटले मने आपण्‌यु छे; आपणु मांग्‌या करीन चु आपणुक नी लड़े। चु तुहुंक अक्‌कल आपसे ने आपसे। 
\v 6 बाकुन तुहुं संक्‌या करे पाखुर भुरसु करीन अक्‌कल मांगजु, काहाकी संक्‌या करतु जाय्‌न वीन्‌ती करन्‌यु ते दर्‌याम आवणी झलकेन तसु छे, जी वाहळाम अथीन-अथी उछळ्‌या करे। 
\v 7 असो माणसे काजे कदी बी जी आस नी करनु चाहजे की, भगवान मालीक भीणी सी मेसेक काहींग जड़से। 
\v 8 भगवान पर संक्‌या करन्‌यु माणुस ते दुय मन वाळु रवे, ने आपसान जीवाय मां आखी वातेम टेक्‌लु नी रवे।
\s पयस्‌या वाळु ने गरीब
\p
\v 9 जत्‌यार भगवान तीना भाय ने बहणस्‌या गरीबी मां सी उपर उठाड़े ती हीनुक खुसी हवणु चाहजे। 
\v 10 ने भगवान तीना काहालाक भाय ने बहणस्‌या काजे लकपती मां सी गरीबी मां लावे जत्‌यार बी हीनाक खुसी हवणु चाहजे काहाकी लकपती जंगली चारान फुलेन तसों सरी जासे। 
\v 11 दाहड़ु उगतेत बेसको सेक लागे, ने चारान फुल झड़ जाय, ने बेसको वारु देखाय असो रवे चो सर जाय; तसुत अमीर माणुस बी, आपसा वाटे कमायणेन हाय-हरबड़ करतु-करतु मरीन धुळा मां भेसकाय जासे।
\s पारख ने लालच
\p
\v 12 वारु छे चु माणुस जु पारख मां काठु रहे, काहाकी चु खरु बणीन जीवनेन पागड़ी जड़से जु वायदु मालीक आपसा सी परम करने वाळा सी करलु छे। 
\v 13 जत्‌यार बी काहनाक ने पारख आवे, ती चु असु कय्‌न भगवानेक वात नी काटणु चाहजे, काहाकी भगवान भुंडी वातेन नी ते पारख कर सके ने नी चु काहनान ने पारख खुद करे। 
\v 14 बाकुन काहना बी माणसे आपसीत हाय्‌न साहरे हापकाये ने फांदायन पारख मां पड़ जाय। 
\v 15 बाकुन जीत हाय माणसेन जीवाय मां बड़ जाय, ने माणसे पाप करने बाजी जाय। ने अळतेन पसतावु करे वीगुर चे असला पाप कर्‌या करे, ती आकरी टेमे, चे भगवानेन जीवाय सी छेटा हय्‌न जलमकात मर जासे।
\p
\v 16 ए मारा लाटेक्‌ला भायस्‌यो ने बहणस्‌या! आपसा काजे धुकु घुण देवु। 
\v 17 काहाकी उपर सीत, आपणुक वारलु चीज ने वारला वाटा आपे, तींद्‌रेम काय बी कसर नी रवे। ने आखो वीजाळान बास सीत जड़े, तेरेमां काय बी बदली नी हय सके, ने नी अदलु-बदलु करने सी तीना पर साहळु पाड़े। 
\v 18 हव, भगवान आपसीत मरजीन अनसारे, आपसान छाचाय्‌न छाचला बुल पर भुरसु कराड़ीन, आपणुक नवलो जीवाय आप्‌यु। भगवान एरेन करीन नवलो जीवाय आप्‌यु, की भगवानेन हाते बणावला आखा माणसे मायन, आपणु, भगवान वाटे पेहला फळ रवजे।
\s सामळनु ने करनु
\p
\v 19 ए मारा लाटेक्‌ला भायस्‌यो ने बहणस्‌या! जी वात हेर राखु! की, एकेक माणुस भगवानेन बुल मन लागाड़ीन सामळनु चाहजे, ने बुले ती वीच्‌यार करे पाखुर मामार नी बुलनु चाहजे, ने मामार नी रीसायणु चाहजे। 
\v 20 काहाकी काहना बी माणसेन रीस, भगवानेन धरमेन काम नी कर सके। 
\v 21 आखी भुंडी वेहवार ने कुहराय काजे छेटी कर देवु। ने तुहुं ज भगवानेन छाचला बुल सामळ्‌या, तीना बुले काजे आपसान जीवाय मां नीचळा हय्‌न आवरी लेवु; काहाकी ज छाचलो बुल तुंद्‌रा जीव-आत्‌मा काजे छुटकारु आप सके।
\p
\v 22 हेरेसी भगवानेन बुले, सामळने वाळा अतरात नी, बाकुन तीनु बुलेन अनसारे जीवण्‌या बी बणु। कदी तुहुं भगवानेन बुल सामळीन तेरेत अनसारे नी जीवे, ती तुहुं आपसात काजे धुकु दी र्‌या। 
\v 23 जु भगवानेन बुल ते सामळे, बाकुन भगवानेन बुलेन अनसारे नी जीवे; चु तीना माणसे साय छे, जु आपसो मुंहडो आरस्‌या मां देखे, 
\v 24 काहाकी चु आपसा काजे आरस्‌याम देखीन जाती रहे ने मामार ईसरी जाय की आपसु कसु हतलु। 
\v 25 बाकुन जु माणुस जसों छुड़ावन्‌या चुखला सास्‌तुर कहें तसु धी‌यान करतु रहे, तेरा काम मां संयबरकत आवसे काहाकी चु सामळीन ईसरे नी बाकुन तसुत काम बी करे।
\p
\v 26 कदी काहनुक माणुस आपसा काजे मे भगवानेन भक्‌ती करन्‌यु छे असु मान लेय, ने आपसान जीप काजे आपसा बस मां नी राखे, ती चु आपसात काजे धुकु देय, हेरेसी तेरी भक्‌ती करनु वारु नी हय। 
\v 27 भगवानेन छाचलु भगत, पुराह्‌यला ने रांडायलान दुखो मां, तींद्‌री मदत करसे। अतरोत नी बाकुन चु तींद्‌री मदत करनेन टेमे बी, आपसा काजे ईनी कळीन पाप-धंदा सी छेटु राख्‌से। आपणा भगवान बासेन नींगा मां चुखलो ने नी-गुनावाळी भक्‌ती जीत छे। \x + \xo 1:27 \xo*\xt भजन सहीता 34:13; 141:3\xt*\x*
\c 2
\s नेवाड़ करनेन बारामां चेताव
\p
\v 1 ए मारा लाटेक्‌ला भायस्‌यो ने बहणस्‌या! आपणु मालीक ईसु मसी सेक-सींगार भर्‌यु छे, तेरे पर भुरसु करनेन साहरे आपणु आखा एक छे, हेरेसी काहनान बी वगे वळीन, नानला मटाक नेवाड़नु नी चाहजे।\x + \xo 2:1 \xo*\xt अय्‌युब 34:19; भजन सहीता 24:7-10\xt*\x* 
\v 2 मान लेवु, कदी एक माणुस सनान मुंदी ने वारु-वारु पुथल्‌या पेहरीन ईसुन भक्‌तीन घर मां आवे, ने एक गरीब तेरे धड़े काय बी नी हय, चु बी मुयेळ वाळा, कुचळायला पुथल्‌या पेहरीन आवे; 
\v 3 ने तुहुं तीना वारु-वारु पुथल्‌या पेहरीन आवण्‌यान मुंहडो देखीन कहुं की तु जां वारलु जागे बस ने तीना गरीब काजे कहुं की हय उबु रव, नीते मारा पायेन्‌चां बस, 
\v 4 असु वेहवार करीन तुहुं ते एक जणान आव-भाव करीन नानला मटान छीट राख रया, असलु वीच्‌यार भुंडुत छे जी वात तुहुंक मालुम नी हय काय? असु वीच्‌यार करीन, तुहुं मंडळीन माणसे गरीब ने मालदारेन नेवाड़ु पाड़ र्‌या।
\p
\v 5 ए मारा लाटेक्‌ला भायस्‌यो ने बहणस्‌या। सामळु। भगवान ईनी कळीन गरीब माणसे काजे भुरसा मां मालदार बणावे ने भगवानेन राजेन हकदार्‌या बणावणे करीन नेवाड़लु छे। जे भगवान काजे परम करे, तीनुक चु आपसा राजेन हकदार्‌या बणावणे करीन पेहलुत वायदु करलु हतलु। 
\v 6 बाकुन तुहुं ते छीट राखीन ईनु गरीब माणसेन हासी उड़ाया। तुहुंक कुरुट-कचेरी मां घीसड़ी-घीसड़ीन ली जाण्‌या कुण छे? जे मालदार माणसेत छे, जे तुहुंक वेला पाड़ र्‌या। 
\v 7 तुहुं तीना ईसुक भगवान मानीन, भक्‌ती कर र्‌या, तीना ईसुन नाव-बद्‌दी करन्‌या असला मालदार माणसेत छे।
\p
\v 8 मुसान नेम मां असो लिखलो छे, तु तार साते वाळाक तारेन तसुत परम कर। जु नेम कायदु आखाम मटु छे करीन आपणु राजा ईसु सीकाड़लु छे। कदी तुहुं जु नेम कायदु पाळु ती तुहुं वारलुत कर र्‌या।\x + \xo 2:8 \xo*\xt लेवयवेवस्‌था 19:18\xt*\x* 
\v 9 बाकुन कदी तुहुं गरीबेन नेवाड़ु करीन मालदार्‌याक अतरोत परम कर रया, ती तुहुं पाप कर रया, हेरेसी तुहुं भगवानेन कायदान अनसारे कायदु तुहुंक गुनाळु ठेहरावे।\x + \xo 2:9 \xo*\xt लेवयवेवस्‌था 19:15\xt*\x* 
\v 10 जु काहनुक भगवानेन आखा कायदाक पाळे, ने कदी एक कायदु बी पाळनेम चुक जाय, ती चु आखा कायदा पाळनेन नेम चुक गुयु कह्‌वाये। 
\v 11 काहाकी असो बी कहलो छे की छीनाळो घुण करजु, चु जु हुकुम बी आप्‌लु छे की खुन घुण करजु। काहाकी तुहुं छीनाळो ते नी कर्‌या बाकुन खुन अतरोत कर्‌या, तेबी तुहुं भगवानेन कायदान अनसारे गुनाळा रवसु।\x + \xo 2:11 \xo*\xt नीरगमन 20:13-14; वेवस्‌थावीवरन 5:17,18\xt*\x* 
\v 12 तुहुं तीनु माणसे साय बुल कह्‌वु, ने काम बी करु, तींद्‌रो नीयाव हीना कायदान अनसारे हवसे। 
\v 13 जु दयाळु नी हय, हेरे वाटे भगवानेन नीयाव बी दया पाखुर हवसे; काहाकी दया नीयाव पर बड़ीन रवे।
\s भुरसु ने भलायन काम
\p
\v 14 ए भायस ने बहणस्‌या! कदी काहनुक, कह्‌वे की मे ईसु पर भुरसु करो। बाकुन चु भुरसान अनसारे भलायन काम नी करे, ती असु भुरसु करने सी काय बी फायदु नी हवे असु भुरसु करन्‌या माणसेक, भगवान छुटकारु नी आपे। 
\v 15 मान लेवु की काहना भायस नीते बहणीस धड़े पेहरने वाटे पुथल्‌या नी हय, ने दाहड़ीन खाणे वाटे खाणो बी नी हय; 
\v 16 ने कदी तुंद्‌रे मायन काहनुक तीनीक नीते तीनाक कह्‌वे, खुस हय्‌न जात रव, “ने वारु हुपवाळा पुथल्‌या पेहरजी ने पेट भरीन खाणो खाजी।” बाकुन चु कहण्‌यु तीनुक डीलो वाटे ज चाहजे च नी आपे, ती तेरा कवला बुले, तेरा ने सामळ‌न्‌यान काय बी फायदु नी करे। 
\v 17 असु भुरसु बी भलायन कामे बीगुर मरलु छे।
\p
\v 18 कदी काहनुक मेसेक असु पुछे की “भगवान पर तारु भुरसु छे काय?” ती मे तीनाक असु कयस “हव, मे ते भलायन कामेन साहरे भुरसान पुरावु दी रयु। मे ते तुसेक, मारु भुरसु मारी उठ-बस मां भगवानेन नावे करला भलायन कामेन साहरे देखाड़ीस।” बाकुन मे तीनाक ज बी पुछीस, “भगवानेन नावे भलायन काम करे बीगुर, तु कसु काय कय सके की, मे भगवान पर भुरसु करो।” 
\v 19 ए माणसे एकुत भगवान छे, असु तारु भुरसु छे काय? हसे रे! बाकुन भुतड़ान आत्‌मा बी एकुत भगवान छे। करीन भुरसु करे, ने थर-थर कापे। असलु भुरसु काय कामकु? 
\v 20 ए डेड़-अकल्‌या माणसे कदी तु ईसु पर भुरसु अतरुत करे, ने भुरसु करनेन साहरे देखाव पड़न्‌या भलायन काम नी करे ती तारु भुरसु फालतु छे, ईनी वातेन हुकारु भरने करीन तुसेक पुरावु चाहजे काय? 
\v 21 जत्‌यार आपणु बास अब्‌राहम आपसा पुर्‌याक इसाक काजे वेदी पर चड़ायु, ती काय चु काम सी धरमी नी बण्‌यु काय?\x + \xo 2:21 \xo*\xt उबजाणनी किताप 22:9\xt*\x* 
\v 22 अब्‌राहमेन ते भगवान पर अतरु जबर भुरसु हतलु, की चु भगवान ज काय बी कह्‌यु, तीनाक करने करीन तीयार हतलु। हेरेसी जे भलायन काम अबराहाम्‌यु कर्‌यु, तेरेसी आपणे अगळ जी वात उजेंती हय जाय की अब्‌राहमेन भुरसान काय बी कसर नी रय। 
\v 23 चुखला सास्‌तुर मां असो लिखलो छे, अब्‌राहम ते भगवान पर भुरसु कर्‌यु, हेरेसी भगवान तीना भुरसान साहरे तीनाक धरमी बणायु। सास्‌तुरेन ज बुल अब्‌राहमेन जीवन मां पुरो हय गुयो। अतरोत नी बाकुन, चु भगवानेन दुस्‌तीदार कवायणे बाजी गुयु। \x + \xo 2:23 \xo*\xt उबजाणनी किताप 15:6\xt*\x* 
\v 24 हेरेसी अब्‌राहमेन जीवनेन साहरे आपणे अगळ जी वात उजेंती हय जाय की भगवान पर माणसेन पाक्‌कु भुरसु फालतु नी रवे; चु भुरसु तींद्‌रे जीवन मां भलायन कामेन साहरे देखाव पड़से ने असला माणसेत काजे भगवान धरमी समजु।
\p
\v 25 तसोत राहाब बायरीन जात रंडी, जत्‌यार हयी आपसा खबर देण्‌या काजे आपसा घर राखी ने दीसरे वाट्‌ये सी मकली, ती काय ची काम सी धरमी नी बणी? \x + \xo 2:25 \xo*\xt ईब्‌रानी 11:31\xt*\x*
\p
\v 26 मे असु काहा कय रयु? मेसेक पाक्‌को मालुम छे की, जु भगवान पर भुरसु करे, बाकुन भुरसान अनसारे तेरी जीवाय मां भलायन काम देखाव नी पड़े, ती तेरु भुरसु मरलु‌ छे। असलु भुरसु एक मरला माणसेन तसु छे, जु दम नी लेय। तेरो डील ते छे; बाकुन जीव नी हय।
\c 3
\s जीप काजे ने डील काजे आपणा बस मां राखणु
\p
\v 1 ए मारा भायस्‌यो ने बहणस्‌या, तुंद्‌रे मां सी बेसका सीकापण आपण्‌या मां बणु, काहाकी जाणु की हामु सीकापण आपण्‌या अळी बी गुना वाळा बणसु। 
\v 2 आपणु आखा भगवानेन बुलेन अनसारे जीवणे मां बेसका कावा चुक जाजे। हेरेसी तुंद्‌रे मां जे चे, भगवानेन बुल सीकाड़न्‌या नी बणनु चाहजे। कदी काहनुक आपसी जीप काजे कब्‌जाम राखीन, सामळ्‌ये असा बुले बुल्‌या करे, चु माणुस पुरु-पुरु पाक्‌कु छे, ने चु आपसा आखा डीलेक बी कब्‌जा मां राख सके। 
\v 3 जत्‌यार आपणु दाखलान हीसाबे वीच्‌यार करु; घुल्‌लाक कब्‌जाम करने करीन तेरा मुंहडा मां लगाम पेहरावणु पड़े। तीत, घुल्‌लु बदे ने आपणु तीनाक, जां ली जाणु हय चां ली जाय सकजे। 
\v 4 ने देखु जाराक वीच्‌यार करु! दर्‌याम चालन्‌यो ढंड्‌यो बी बेसको मटो छे। दर्‌याम बेसके जुरे चालनी आंधी मां चो ढंड्‌यो अथोन-अथो फीर जाय। तेबी एक नानलास हेंडलेन साहरे ढंड्‌यो चालाड़न्‌यु आंधी मां बी ढंड्‌या काजे, जां ली जाणु चाहजे चांहान ली जात रवे। 
\v 5 तसीत जीप बी आपणा डीलेन एक नानोस अंग छे, तेबी मटी-मटी वात करने मां पछी नी पड़े। बाकुन ईनी जीप वाटे बेसकी मटी नुकसाण झेलनु पड़े।\fig घुल्‌ला पर बठीन जाय|alt="Rider on a horse" src="lb00035c.tif" size="col" copy="Horace Knowles ©" ref="3:3"\fig*
\p हय आकठान तीणग्‌यान बारामां वीच्‌यार करु! ईना तीणग्‌यान साहरे बयड़ा मां आकठो लाग जाय, ने हुड़ु-हुड़ु बयड़ु धप जाय ती कतरो नुकसाण हय जाय। 
\v 6 तसी जीप बी आपणा डीलेन एक आकठो छे; जी आकठान तीणग्‌यान तसी छे, आपणुक जतर-कतर नी बुलनु चाहजे, नी ते आपणा हीया मनेम कुहराय काजे उजेंतो करे। जे बुले, आपणा आखा वीच्‌यार काजे ने काम काजे बी वीटाळ देय। जसों आकठीन आच आखी चीजेक धपाड़ीन सार देय, ने नरक कुंडेन आकठा सी धपती रवे। 
\v 7 ईनी कळीन भाती-भातीन जंगली जनवार्‌या काजे ने पाणीम चालन्‌या-फीरन्‌या जीव जनवार्‌या काजे, ने भाती-भातीन चिरला काजे ने धरती पर घीसड़ायन चालन्‌या भाती-भातीन जनवार्‌या काजे माणसे बदाड़ सके, ने बेसका जनवार्‌या काजे बदाड़ बी लेदला छे। 
\v 8 बाकुन माणसेन जीप ते लपळ्‌ळी छे, हेरेसी काहनु बी माणुस आपसान जुर, सी आपसी जीप काजे बदाड़ नी सके। कुहराय काजे उबजाड़े। छाचलीन जीप, जीव ली लेय, असला जहर साय छे।\x + \xo 3:8 \xo*\xt भजन सहीता 140:3\xt*\x* 
\v 9 ईनी जीप सीत आपणु मालीक भगवान बासेन बड़ाय करजे, ने ईनी जीपुत ती भगवानेन रुप मां घड़ायला माणसे काजे सराप देजे। 
\v 10 असु करीन एकुत मुंहडा सी आपणु सराप बी देजे ने भगवानेक बेसकु वारु कह्‌जे। असो हवणु वारु छे काय? ए मारा भायस्‌यो ने बहणस्‌या! असा घुण कह्‌वु। 
\v 11 एकुत झीरेम सी गुळो ने खारलो पाणी नीकळी सके काय? कहुं ते खरा! 
\v 12 ए मारा भायस्‌यो ने बहणस्‌या! अंजीरेन झाड़का पर जेतुनेन झाड़कान फळ लागे काय? ने अंगुरेन रेला मां अंजीरेन फळ लागे काय? तसात खारला पाणीन झीरेम सी गुळो पाणी नी नीकळे।
\s खरलु अक्‌कल
\p
\v 13 तुंद्‌रे मायन असु कुण छे, चु आपसा काजे अकलवाळु ने जानकार समजे? जु असु हय, चु आपसी छाचली अकलेन साहरे पुरावु देणु चाहजे। ने ईनी छाचली अक्‌कल काजे दीसरा साते नीचळाय्‌न वेहवारेन ने कामेन साहरे उजेंती करनु चाहजे। 
\v 14 बाकुन कदी तुहुं आपसा-आपसा मनेम घमंड राखीन कुहराय ने दीसरा सी मटा बणने हींडे, ती तुंद्‌रो ज मटाय करनु झुट छे। तुहुं ते आपसा बारामां जो काय छाचाय्‌न वीरुद मां झुट मेक रया की हामु जानकार अकलवाळा छे। हेरेसी तुहुं मटाय करनु ने झुट मेकणु छुड़ देवु। 
\v 15 असली मटाय करनेन अक्‌कल उपर सरगे सी नी आवे, बाकुन ईनी कळीन माणसे धड़े छे। असली अक्‌कल नी आपे; बाकुन भुतड़ा धड़े सी आवे। असलु अक्‌कल वाळु डीलेन अतरुत फीकुर करे, बाकुन आपसान जीव-आत्‌मान फीकुर नी करे। 
\v 16 जां आखा माणसे एक दीसरा पर कुहराये, ने दीसरा सी मटा बणनेन हेर करे, चां आखी भातीन कुहरला कामे ने लड़ाय हवे। 
\v 17 बाकुन जी अक्‌कल भगवान उपर सी आपे, ची अक्‌कल खास चुखली छे। असला अकलवाळा माणसे, दीसरा साते भेळा रवे, ने सुवाळा रवे, ने दीसरान वात बी मान्‌ने तीयार रवे। चे बेसका दयाळा छे, ने दीसरान भलाय करता रवे। चे ते ढंगड़ा नी करे, ने काहनान छीट राखीन काहनान वगे नी वळे। 
\v 18 मेळ कराड़ने वाळा जे अकलवाळा माणसे दीसरा साते हेळी-मीळीन रवे, चे दीसराक बी मीलाड़ देय, ने असा करीन चे आखा मेळीन धरमेन काम करीन जीवणे बाजी जाय। जे वारलु वेरे, चे वारलुत काटे।\x + \xo 3:18 \xo*\xt यसाया 32:17\xt*\x*
\c 4
\s ईनी कळी साते दुस्‌तीदारी नी करनु चाहजे
\p
\v 1 हय तुंद्‌रे ईचमां लड़ाय-झगड़ा कां सी आय गुया? तुहुंक जी वात मालुम नी हय काय तुंद्‌रा डीलेम ने मनेम मजा लेण्‌या छीनाळ्‌या वीच्‌यारे, भगवानेक चाहजे असली वातेन वीरुद मां लड़ाय रया। तीनु वीच्‌यारेन साहरे तुंद्‌रे ईचमां लड़ाय-झगड़ा हय र्‌या। 
\v 2 तुहुं हाय ते कर र्‌या, बाकुन ची हाय पुरी नी हवे, हेरेसी तुहुं दीसरान खुन करने हींड रया। ने तुहुं दीसरा पर कुहराये, बाकुन तुहुंक काय नी जड़े हेरेसी तुहुं लड़ाय-झगड़ु कर रया। तुहुंक ज जड़नु चाहजे, च नी जड़तो काहाकी तुहुं भगवान धड़े च नी मांग्‌ता 
\v 3 तुहुं मांगु ने जड़े नी, हेरेसी की भुंडला वीच्‌यार सी मांगु, काहाकी आपणे पाप-धंदाम मुजा लेणे मां उजाड़ देवु। 
\v 4 सामळु हय तुहुं, तीनी छीनाळी बायर साय छे, जी आपसा घरवाळाक छुड़ीन दीसरा पुठ्‌ये छीनाळो करे। तुहुं ते छाचला भगवान काजे छुड़ीन ईनी कळीन चीजेन हेर कर रया। तुहुंक जी वात मालुम नी हय काय? की ईनी कळीन कुहरायला माणसेन तसा कुहराय करीन तींद्‌रे साते दुस्‌ती करनु भगवान साते खार करनु छे। हेरेसी जु काहनुक जाणी बुजीन ईनी कळीम दुस्‌तीदार बणने हींडे, चु भगवानेन वेरी बण जाय।\x + \xo 4:4 \xo*\xt 1 युहन्‌ना 2:15,16\xt*\x* 
\v 5 चुखला सास्‌तुर मां सी आपणुक जी सीक जड़ली छे, की भगवान जत्‌यार माणसेक बणायु, तत्‌यार आपणा जीवो ने डीलो पुठ्‌ये रहणे करीन जीव-आत्‌मा काजे बी बठाड़्‌यु। हेरेसी चु आपणा जीव-आत्‌मान बारामां जी फीकुर करे, की आपणु जीव-आत्‌मा तेरे वाटे पुरो जीवणु चाहजे। चुखला सास्‌तुरेन ज बुल भुंडला वीच्‌यार सी। असा तुहुं समजी र्‌या काय? 
\v 6 चु भगवान ते आपणे पर बेसका दया देखाड़े। हेरेसी सास्‌तुर मां ज बी लिखलो छे की “भगवान मटाय करन्‌यान वीरुद करे, बाकुन नीचळा माणसे पर दया करे।”
\p
\v 7 हेरेसी तुहुं भगवानेन हक मां हय जावु, ने भुतड़ान वातेन वीरुद करता जाय्‌न भुतड़ा साते गड़दी जावु, ती चु तुंद्‌रेन्‌चां सी ढास जासे। 
\v 8 भगवानेन्‌चां आवु, ती भगवान बी तुंद्‌रेन्‌चां आवसे। ए पापी माणसे। पाप करनु छुड़ देवु, ने तुंद्‌रा संका काजे छुड़ु, ने चुखला वीच्‌यार राखु।\x + \xo 4:8 \xo*\xt जकर्‌याह 1:3; मलाकी 3:7\xt*\x* 
\v 9 दुखी हवु ने कलप्‌या करु, ने रड़ु। तुंद्‌री हासी दुख मां ने तुंद्‌री खुसी नुरपाणी मां बदली जासे। 
\v 10 हेरेसी तुहुं मालीक अगळ नीचळा बण जावु; ती मालीक तुहुंक नानला सी मटा बणावसे।\x + \xo 4:10 \xo*\xt भजन सहीता 147:6\xt*\x*
\s भायस्‌यो पर गुनु लागाड़नु वारु नी हय
\p
\v 11 ए भायस्‌यो ने बहणस्‌या! तुहुं एक दीसरान नाव-बद्‌दी मां करु। भगवान आपसा कायदाम असु हुकुम आपलु छे की, तुहुं आपसा सातेवाळाक परम करु। हेरेसी कदी तुहुं, ईसु पर भुरसु करन्‌या आपसा भायस्‌योन नाव-बद्‌दी कर रया, ने तेरे पर गुनु लागाड़ रया हय, ती तुहुं भगवानेन कायदान नाव-बद्‌दी कर रया, ने तेरे पर गुनु लागाड़ रया। ने कदी तुहुं भगवानेन कायदा पर गुनु नाख रया, ती तुहुं ते भगवानेन कायदान अनसारे चालने वाळा नी, बाकुन तेरे पर नीयाव करने वाळा बण रया। 
\v 12 कायदु बणावीन आपणे वाळु ते भगवान छे; कायदान अनसारे नीयाव करन्‌यु बी हयुत छे। हेरेसी माणसेन नीयाव करीन तीनाक नीयाव करने वाळु, नी ते तीनाक बचाड़नेन हक बी तेरे धड़े छे। बाकुन तु कुण छे, जु आपसा सातेवाळा पर गुनु लागाड़ रयु?
\s मटाय करन्‌या काजे चेतावणी
\p
\v 13 तुहुं ते ज कय रया, की आज नीते वाहणे हामु काहनाक दीसरा सहर मां जाय्‌न, “एक साल लग काम करसु ने वेपार करीन नफु कमायसु। बाकुन मारी वात मन लागाड़ीन सामळु ते खरा।” 
\v 14 तुहुं ज नी जाणु की वाहणे काय हवसे। तुंद्‌री जीवाय्‌न काय ठीकाणो नी हय। तुंद्‌री जीवाय ते कुळ्‌ळा साय छे, जी थुड़ीक वार देखाव पड़े ने अंछाप हय जाय।\x + \xo 4:14 \xo*\xt नीतीवचन 27:1\xt*\x* 
\v 15 हेरेसी तुहुंक असो कहंणु चाहजे की कदी भगवान मालीकेन मरजी हसे, ती वाहणे बी जीवतेलो रवसु ने ज काम नी ते पलो काम करसु। 
\v 16 बाकुन तुहुं ते हय बी असा कह्‌ता जाय्‌न मटाय कर रया की हामु जु वीच्‌यार कर्‌या तसोन-तसों करसु। असी मटाय भगवानेन नींगा मां भुंडी छे।\fig लेण्‌या ने वेपारी आपसा समान साते|alt="Customer, merchant with his wares" src="hk00172c.tif" size="col" copy="Horace Knowles ©" ref="4:13"\fig*
\p
\v 17 हेरेसी काहनुक भलाय करनु जाणीन बी भलाय नी करे, ती चु पाप कर रयु।
\c 5
\s भगवान ईनी कळीन अमीर माणसेन नीयाव करसे
\p
\v 1 ए अमीर माणसे! मारेन्‌चां आवीन मारी वात सामळु। जत्‌यार भगवान तुंद्‌रु नीयाव करसे, तत्‌यार तुहुंक बेसका वेला करनु पड़से। तुंद्‌रे वाटे ज वारु रवसे, की तुहुं हय तीनी गरान बारामां वीच्‌यार करीन रड़ु ने कलपु। 
\v 2 तुहुं आपसा वाटे घणो माल धन जापताये मेल रया। बाकुन हय देखु, तुंद्‌रा पयस्‌या टका जीर गुयला छे; ने तुंद्‌रा वारलु-महंगला पुथल्‌या पर वेधु लाग गुयली छे। 
\v 3 देखु ते खरा, तुंद्‌रा सनो चांदी पर बी कीटी लाग गुयली छे। जत्‌यार भगवान तुंद्‌रु नीयाव करसे, ती हयी कीटी तुंद्‌रा गुनान जी गवा देसे की तुहुं बेसका हायाळ्‌ळा छे। जसी आकठी माणसेक खाय जाय, तसुत भगवान तुहुंक डंड आपसे। तुहुं ते खत्‌तम हवणी ईनी कळीन आकरी दाहड़ा मां बी धन भेळो करीन धीग लागाड़ रया। 
\v 4 दाहड़क्‌या तुंद्‌रा खेतेन मेर काट्‌या, ने तुहुं तीनुक दाहड़की नी आप्‌या। ची दाहड़की तुंद्‌रा गुनान बारामां जुर सी आयड़ी रय, सामळु ते खरा चे दाहड़क्‌या बी रड़ने कलपणे बाजी रया। ने ताकत वाळु मालीक भगवान तींद्‌रो रड़नु सामळी लेदलु छे।\x + \xo 5:4 \xo*\xt लेवयवेवस्‌था 19:15\xt*\x* 
\v 5 तुहुं धरती पर वारु सुक सी जीवीन बेसका मुजा कर लेदला छे; ने तुहुं खस्‌सी कराड़ला बुकड़ान तसा मातालीस हय रया। 
\v 6 जे धरमी तुंद्‌री मानीन सांबु बुल लग नी कह्‌या, तुहुं तीनु धरमी काजे गुनाळा छे, कय्‌न मार नाख्‌या।
\s गम खाणु ने दुवा करनु
\p
\v 7 हेरेसी ए भायस्‌यो ने बहणस्‌या! मालीक ईसुक पछा आवणे लग दम धरीन रवजु। किरसाण काजे देखीन सीकु, चु ते खेतेम वारु पाकाड़ने करीन दम धरीन रवे, हव चु पेहलु ने आकरी पाणी आवणेन वाट देखता रवे।\x + \xo 5:7 \xo*\xt वेवस्‌थावीवरन 11:14\xt*\x* 
\v 8 मालीक ईसुन पछु आवणेन दाहड़ा धड़ेस आय रया। हेरेसी तुहुं बी दम धरीन रवजु ने हदस मां छुड़ु।
\p
\v 9 ए भायस्‌यो ने बहणस्‌या, आखान नीयाव करन्‌यु भगवान ते धड़ेस आय रयु। हेरेसी एक दीसरान चुरी-चुगली मां करु। तुहुं चुरी-चुगली नी करु ती तुंद्‌रे पर बी भगवान गुनु नी लागाड़े। 
\v 10 ए भायस्‌यो ने बहणस्‌या! तुहुं जाणु की भगवानेन अघली वात बताड़ने वाळा माणसे भगवानेन खबर पुगाड़्‌या, करीन दीसरा माणसे तीनुक बेसका वेला पाड़्‌या, तेबी चे दुख झेल्‌या ने गम खादा तुहुं बी तीनुक हेर राखीन, दुख ने वेला मां बी गम खाय्‌न दम धरीन रवजु। 
\v 11 आपणु कह्‌जे की जे दुखेम बी गम खाता रहणु, चे बरकतवाळा छे, तुहुं आयुबेन बारामां सामळ्‌या नी काय? तीनाक ते बेसको दुख झेलनु पड़्‌यो, तेबी चु कतरु वारु गम खाय्‌न दम धरीन रयु। आपणु जाणजे की भगवान मालीक आकरी टेमे तीनाक संयबरकत आप्‌यु, ने तीनाक एक अंजाण्‌यु माणुस बणाय देदु। चु आपणु भगवान मालीक ते बेसकु दयाळु छे।
\p
\v 12 ए भायस्‌यो ने बहणस्‌या, हय मे एक खास वात बताड़ो, सगुन घुण खाजु, नीते सरगेन, नीते धरतीन, नीते काहनीक चीजेन। ज काम तुहुंक नी बणे, तीना कामेक मे कर लीस करीन घुण कह्‌जु। ज काम तुहुंक बण जाय, तीना कामेक मे कर लीस कह्‌जु। ज काम तुहुंक नी बणे, तीना कामेक मेसेक ज नी कराये करीन कह्‌जु। असा कह्‌ता रवसु, ती भगवान तुंद्‌रे पर गुनु नी लागाड़े।
\s दुवान ताकत
\p
\v 13 कदी तुंद्‌रे मां कुय वेला कर रयु हय, ती चु भगवान धड़े दुवा करनु चाहजे; ने कदी काहनुक सुकनु हय, ती गीत गावीन भगवानेन गुण गावु। 
\v 14 कदी काहनुक मांदु पड़ रयु हय, ती तीनाक असो कह्‌वणु चाहजे, की मार वाटे दुवा करने करीन मंडळीन मुख्‌या काजे बुलाय लावु, ने चे आवीन मालीक ईसुन नावे तीना मांदलान तेल चुपड़ीन दुवा करसे, 
\v 15 ने भुरसा भेळी करली दुवान साहरे मांदलु वारु हय जासे, ने मालीक ईसु तीना मांदला काजे वारु कर देसे, ने चु खाट्‌ली मां सी उठी आवसे। ने चु कदी पाप कर्‌यु हय, ती तीनाक माफी बी जड़ जासे। 
\v 16 हेरेसी तुहुं एक दीसरा अगळ आपणा-आपणा पापेक मान लेवु, ने एक दीसरा वाटे दुवा करु, तेरेसी तुहुं डील ने जीव-आत्‌मा मां वारका हय जावु। छाचलीन धरमी माणसेन दुवा ताकतवाळी ने कामकी रवे। 
\v 17 एलीयान बी ते आपणेन तसु सुक-दुख झेलन्‌यु माणुस हतलु। तेबी चु भगवान धड़े मन लागाड़ीन दुवा कर्‌यु, की पाणी नी आवणु चाहजे। ने साड़े तीन साल लग धरती पर पाणी नी पड़्‌यु। 
\v 18 अळतेन चु एलीया भगवान धड़े दुवा कर्‌यु, की पाणी आवणु चाहजे ने सरगे सी पाणी पड़्‌यु, ती धरती पर मेर पाकी।
\p
\v 19 ए मारा भायस्‌यो ने बहणस्‌या, कदी काहनुक भगवानेन छाचले वाट्‌ये सी छेटु हय जाय, तत्‌यार तीनाक छाचले वाट्‌ये अळी पछु लावणे करीन तेरी मदत करु। 
\v 20 ती चु असु जान लेणु चाहजे की जु काहनुक काहनाक भटकला पापी काजे पछु ली आवसे, चु जीव-आत्‌मा काजे जलम लग मुत मां सी बचाड़ लेसे। हेरेसी जी वात पाक्‌का जाणीन पापेम खुवायलाक पछु लावणेन काम हासी-खुसी सी करु।