\id HEB - Bhilali Standard Project
\ide UTF-8
\h ईब्‌रानी
\toc3 ईब्‌रानी
\toc2 ईब्‌रानी
\toc1 ईब्‌रानी वाटे चिट्‌ठी
\mt2 इब्रानियों के लिए पत्री
\mt1 ईब्‌रानी वाटे चिट्‌ठी
\imt ईब्‌रानीन बारामां
\ip किताप एक हिम्‌मत बड़ावणेन चिट्‌ठी छे ज्‌य दरसावे की कसु ईसु जुन्‌डला नेमेन बेसकी भगवानेन अघी सी आवणेन वात काजे पुरी कर्‌यु। ज्‌य एक उपदेसेन तरा लिखी गुयो। ईब्‌रानी मां जुन्‌डला नेमेन 60 सी जादा दाखला छे ज्‌य साप रुप सी देखाड़े की कसु ईसु आवणे वाळी वात ने यहुदी मटला-पुजारान कामे काजे पुरो कर्‌या। हेरेसी जी किताप यहुदी ईसु पर भुरसु करन्‌या काजे हिम्‌मत बांदाड़ने वाळी हतली। ईब्‌रानी देखान्‌या की कसु ईसु कायदा काजे पुरु कर्‌यु काहाकी पुजारा काजे अळी कदी बादा नी आपणु पड़े। ईसु आखा पापे वाटे एक कावा ने जलम वाटे बादा हय गुयु। आपणा टेम मां ईसु पर भुरसु करन्‌या बी ईब्‌रानी काजे चिट्‌ठी मां हिम्‌मत जड़ सक्‌से की चे ईसु मसी पछळ चालता रवे, ज्‌य आपणे वाटे भगवान पर भुरसु करनु सय बणावे \xt 12:2\xt* ने सातेत हीना पर भुरसु करतु रवणु।
\ip ईब्‌रानी काजे कुण लिख्‌यु ज्‌य कुय नी जाणे, बाकुन कायदा काजे जाणने वाळा नेवताळा पोलुस, लुका नीते बरनाबास जसु वीच्‌यार आप्‌या। लिखणेन तारीक बी हेर नी हय बाकुन बेसकान माननु छे की ज्‌य ईसु मसीन पयदा हवणेन 70 साल पेहल लिखी गुयलो। यरुसलेम काजे 70 मां खत्‌तम कर देदो, बाकुन हीनी चिट्‌ठी काजे लिखणे वाळु यरुसलेमेन बारामां वात करे जसु की ज्‌य हय लग खत्‌तम नी हयो। ईब्‌रानी काजे रोम सहर \xt 13:24\xt* मां लिखी गुयलो ने सय बेसका मंडळ्‌या मां खबर फेलाया।
\iot बाहरती वात
\io1 1. लिखणे वाळु देखाड़े की ईसु भगवानेन अघी आवणे वाळी वात बताड़न्‌या ने सरग वाळा काहवाळ्‌या सी माहान छे। \ior 1:1—4:13\ior*
\io1 2. अळतेन चु देखाड़े की ईसु हीनु पुजारा सी माहान छे ज्‌य यरुसलेम मां भगवानेन मंदीर मां सेवा करे। \ior 4:14—7:28\ior*
\io1 3. सातेत ईसु सेवान काम हीनी जुन्‌डला वायदा सी बी मटा छे ज्‌य भगवान आपणा माणसे साते हीना कायदान साहरे ज्‌य हीयु मुसा काजे आपली हतली। \ior 8:1—10:31 \ior*
\io1 4. ज्‌य समजाड़णेन पछे ईसु आखी तरा सी माहान छे, लिखणे वाळु बेसकी वेहवारेन उपदेस देय। \ior 10:32—13:17\ior*
\io1 5. आकरी मां लिखणे वाळु थुड़ाक हिम्‌मत देवाड़णे ने आव-भाव साते चिट्‌ठी काजे खत्‌तम करे। \ior 13:18-25\ior*
\c 1
\s भगवान हेरा पुर्‌यान साहरे आपणे सी वात करे
\p
\v 1 पेहला युग मां भगवान, टेमे-टेमे ने ईतरीक-ईतरीक करीन, वारु रीते, आपसा बेसका भगवानेन अघली वात बताड़न्‌या माणसेन अनसारे आपणा डाहा-डाहा साते वात करलु। 
\v 2 बाकुन हय कळीन ईनु आकरी दाहड़ा मां भगवान आपसा पुर्‌यान साहरे आपणे साते वात कर रयु। चु ईना पुर्‌यान साहरे आखी कळजुग घड़्‌यु, ने ईना काजे आपसी आखी कळजुगेन हकदार्‌यु बी बणायु। 
\v 3 जु पुर्‌यु ते भगवानेन खरलु सीकु छे। चु आपसान ताकतवाळा बुलेन साहरे आखी चीजेक सामळे। ने चु हेरा खुन सी आपणा पापे काजे धुय देदु, ने सरगे जाय्‌न आखाम ताकतवाळा बास भगवानेन जेवड़्‌ये आंग्‌ये बठ गुयु।
\p
\v 4 असु करीन भगवान तीनाक आपसी जागा आपीन सरग वाळा काहवाळ्‌या सी बेसकु मटु बणाय देदु। ने तीनाक तींद्‌रा नाव सी बी मटो नाव आप देदु।
\s भगवान सरग वाळा काहवाळ्‌या सी बेसकु मटु छे
\p
\v 5 काहाकी भगवान काहना बी सरग वाळा काहवाळ्‌या काजे, कदी असु नी कह्‌यु,
\q1 “तु मारु पुर्‌यु छे,
\q2 ने हय सी मे, तारुत बास बण गुयलु छे।”
\m ने काहनाक सरग वाळा काहवाळ्‌या काजे असु बी कह्‌यु,
\q1 “मेत तेरु बास बणीस;
\q2 ने चु मारु पुर्‌यु बणसे।”
\p
\v 6 ने जत्‌यार भगवान आपसा पेहला खुळ्‌या काजे ईनी कळी मां लावलु, ती तीनु, सरग वाळा काहवाळ्‌या काजे कह्‌यु,
\q1 “ए मारा आखा सरग वाळा काहवाळ्‌या, तुहुं आखा हेरी भक्‌ती करु।”
\p
\v 7 ने भगवानेन सरग वाळा काहवाळ्‌यान बारामां असो लिखलो छे,
\q1 जु आपसा आखा सरग वाळा काहवाळ्‌या काजे वाहळो बणावे,
\q2 ने आपसा चाकर्‌या काजे \f + \fr 1:7 \fr*\ft धधकती आग \ft*\f*आकठान लवळा बणावे।
\p
\v 8 बाकुन भगवान आपसा पुर्‌यान बारामां कहवे:
\q1 “ए भगवान, तारी राजगादी जलम लग टेकली रवसे!
\q2 तारा राजेन डंड नीयावेन डंड छे।”
\q1
\v 9 तु नीयाव सी परम कर्‌यु,
\q1 ने कुहराय सी रीस करे।
\q2 तेरेसी भगवान,
\q2 तुसेक तारा साते वाळा सी जादा \f + \fr 1:9 \fr*\ft हर्षरुपी तेल\ft*\f*खुसीन तेल चुपड़ीन नेवाड़ लेदलु छे।
\p
\v 10 ने भगवानेन पुर्‌या काजे काहनुक कह्‌लु, चो खरला सास्‌तुर मां असो लिखलो छे,
\q1 “ए मालीक, तुत सुरु मां, धरतीक घड़्‌यु,
\q2 ने सरग बी तारेत हाते घड़ायलो छे।”
\q1
\v 11 चे ते खत्‌तम हय जासे, बाकुन तु ते, तसुत रवसी;
\q2 आखी कळजुग पुथल्‌यान तसी जुन्‌ली हय जासे;
\q1
\v 12 जसा माणसे जुन्‌ला पुथल्‌याक नाख दीन नवला पुथल्‌या पेहरे,
\q2 तसु तु जुन्‌ली कळजुग बणावसी। बाकुन तु ते, तसुत छे,
\q1 कदी नी बदले,
\q2 ने तु जलम जीवतेलु रवसी।
\p
\v 13 भगवान, आपसा सरगदुत मायन कुय काजे बी असु कदी नी कह्‌यु:
\q1 “जत्‌यार लग मे, तारा वेरीक,
\q2 तारा पाय मेलनेन पयड़ी नी बणाय दम; तत्‌यार लग,
\q2 तु मारे जेवड़ये आंग्‌ये बठ।”
\p
\v 14 वीच्‌यार करु! आखा सरग वाळा खबर-लावण्‌या ते, भगवानेन सेवा करन्‌या जीव-आत्‌मा अतरात छे। भगवान तीनुक छुटकारु हात करने वाळान सेवा-चाकरी करने करीन मकले।
\c 2
\s मट्‌लु छुटकारु
\p
\v 1 तेरेमां आपणु काजे अळी वदु मन लागाड़ीन ईसुन बारामां सामेळ्‌ळी आखी वात पर पुरो मन लागाड़नु चाहजे, नीते कांखुर मायन आपणु छाचाय सी छेटा हय्‌न भटकी जासुन। 
\v 2 सरग वाळा काहवाळ्‌यान साहरे कह्‌वली खबर अतरे जुरे हतली, की तीनी वात काजे काटीन जु काहनुक तीनी वातेक नी पाळतेलु, तीना काजे डंड जड़तेलु। 
\v 3 वीच्‌यार करु! कदी आपणु ईसु मसीन साहरे जड़ला अतरा मटा छुटकारान नीकारु कर देसु, ती आपणु कसा काय बचसु? ईना छुटकारान बारामां आखान पेहले मालीक ईसु कह्‌लु, ने अळी जे सामळ्‌या चे हेरु पुरावु देदा। 
\v 4 ने भगवान बी आपसी मरजीन अनसारे गवा देण्‌या काजे चुखला जीव-आत्‌मान वाटु आपीन, तींद्‌रे साहरे सहलाणी, ने चकराड़े असा वारु काम, ने भाती-भातीन ताकतवाळा काम देखाड़ीन आपसी गवाय देतु रयु।
\s हामुक छुड़ावने वाळु
\p
\v 5 आवणे वाळी कळी काजे, तेरे बारामां आपणु वात करने बाजी रया, तीनी नवली कळजुग काजे भगवान, आपसा सरग वाळा चाकर्‌यान कब्‌जा मां करने करीन नक्‌खी नी कर्‌यु। 
\v 6 हेरे बारामां चुखला सास्‌तुर मां काहनेस जागे काहनुक असी गवा देदु,
\q1 “माणुस कुण कहवाये ने तीनाक तु हेर करे?
\q2 ने माणसेन पुर्‌यु कुण छे, तेरी तु फीकुर करे?
\q1
\v 7 भगवानेन सरग वाळा चाकर्‌या सी थुड़ुक नानु छे।
\q2 तु तेरा मुणका पर हकेन ने \f + \fr 2:7 \fr*\ft ईज्‌जतेन पागड़ी\ft*\f*ईज्‌जतेन पागड़ी बांदीन, राजान आव-भाव करे, तसोत तेरो आव-भाव करलु छे।
\q2
\v 8 तु तारे अनसारे घड़ायली आखी चीजेक तेरा हक मां कर देदु।”
\p आखो काय माणसेन हक मां कर देदु, तेरो मतलब जो छे की भगवान, असी काहनी बी चीज तेरा हक मां करे पाखुर नी छुड़्‌यु, बाकुन आपणु काजे हय लग आखो काय माणसेन हक मां देखाव नी पड़े। 
\v 9 बाकुन हामु ज देखजे की सरगदुत सी नानु बणावलु छे, काहाकी भगवान आखो काय घड़लु छे, ने तेरे वाटे आखो काय घड़ायलो छे। करीन तीनाक जत वारु लागे की तेरु पुर्‌यु ईसु मसी, जु छुटकारु आपण्‌यु छे, चु माणुस बणीन ईनी कळी मां आवे ने भगवानेन दया सी बेसका पुर्‌या काजे सेक-सींगार मां लावणे करीन कुरुस पर मरनेन दुख झेले। 
\v 10 असु करीन भगवान, ईसु मसी काजे ईतरीक वार लग सरग वाळा काहवाळ्‌या सी नानुस बणाय देदु, ने चु ईसु, भगवानेन गीण-दया सी आखा माणसे वाटे मुतेन दुख झेल्‌लु। ने असु करीन भगवान तीना काजे सेक-सींगारेन ने ईज्‌जतेन पागड़ी पेहराय देदु।
\p
\v 11 काहाकी चुखु करन्‌यु ईसु, ने चुखा हवण्‌या आपणु एकुत कळीम सी छे। ने ईनी कळीन मुखी भगवान बास छे। हेरेसी ईसु आपणु भायस कहवायणे नी लाजवाये। 
\v 12 हेरेसी ईसु भगवानेक कह्‌यु;
\q1 “ए भगवान, मारा भायस्‌यो मां, हव मारा जाती भाय मां मे तारा नाव काजे सामळाया करीस,
\q2 हव तुसेक मान्‌या माणसेन टुळा मां तारीत बड़ाय कर्‌या करीस।”
\p
\v 13 ने ईसु अळी कह्‌यु, “मे भगवान मालीक पर भुरसु करीस।” ने ईसु, अळी कह्‌यु, “मे अतरुत नी, बाकुन जे पुर्‌या-पारी भगवान मालीक मेसेक आपलु, चे बी मारे भेळता छे।”
\p
\v 14 जसा भगवानेन पुर्‌या-पारी मास ने लुही मां भेसकाय रया, ती ईसु आपसुत बी तींद्‌रेन तसु हींद्‌रु \f + \fr 2:14 \fr*\ft साजल्‌यु \ft*\f*साजल्‌यु बण गुयु, काहाकी मुतेन साहरे हीनाक मुत पर ताकत जड़ली मतलब भुतड़ा काजे रीकामु कर देदु। 
\v 15 ने जतरा मुतेन डर सी जीवन भर गुलामी मां फसला छे, हीनुक छुड़ाय ले। 
\v 16 आपणु जाणजे की, ईसु, भगवानेन सरग वाळा चाकर्‌या काजे नी समाळे, बाकुन अब्‌राहमेन अवल्‌यात काजे समाळे। 
\v 17 हेरेसी असो हवणु हतलो की, ईसु आखी वातो मां आपसा मनख्‌या भायसेन तसु बणे; पापेन बादा छुटीन पापी माणसेक भगवान धड़े मेळ कराड़े ने असो करीन भगवान वगे सी एक दयाळु ने ईमानदार डाहलु मुखी पुजारु बणे। 
\v 18 काहाकी जत्‌यार पारख मां रय्‌न बी दुख झेले; ती चु तींद्‌री मदत कर सके तींद्‌री पारख हवे।
\c 3
\s ईसु मुसा सी मटु छे
\p
\v 1 अळतेन आपणु ईसु काजे भगवानेन वगे सी मकेल्‌लु नेवताळु ने \f + \fr 3:1 \fr*\ft मुखी पुजारु\ft*\f*मुखी पुजारु करीन मानजे ने हुकारजे। ए मारा भाय बहणस्‌या, भगवान तुहुंक सरगेन हकदार्‌या बणने करीन बुलावलु छे; ने तुहुं बी भगवानेन चुखला माणसे बण गुयला छे। हेरेसी ईना ईसु पर तुहुं पुरो मन लागाड़ु। 
\v 2 आपणु जाणजे की, जसु भगवानेन अघली वात बताड़न्‌यु मुसु भगवानेन घरना आखा माणसेन नफा वाटे, भगवान अगळ ईमानवाळु रय्‌न काम कर्‌यु, तसुत ईसु बी जु भगवान तीनाक नेवाड़लु, तेरे वाटे ईमानवाळु रय्‌न आपणेन करता काम करने बाजी रयु। 
\v 3 काहाकी ईसु मुसा सी अतरु बड़ीन सेक-सींगार लायक समजी गुयु की जतरु घर बणावणे वाळु घर सी बड़ीन ईज्‌जत राखे। 
\v 4 काहाकी हरेक घर काजे बणावणे वाळु रवे, बाकुन चु आखो काय बणायु चु भगवानुत छे 
\v 5 मुसु ते भगवानेन आखा घरना चाकर्‌यान तसु भुरसु करे असु रयु, की जीनी वात काजे समजाड़ने वाळु हतलु तीनी वातेन गवाय आप्‌यु। 
\v 6 बाकुन ईसु मसी ते भगवानेन पुर्‌यान रुप मां भगवानेन घरनान हकदार्‌यु छे, ने कदी आपणु हिम्‌मत राखीन भगवानेन साहरे आपली आस पर टेकला रवसु, ती आपणुत भगवानेन घरना माणसे छे।
\s नी भुरसान वीरुद मां चेतावणी देणु
\q1
\v 7 तेरेमां चुखली जीव-आत्‌मा कह्‌वे,
\q1 “कदी आज तुहुं भगवानेन बुल सामळु,
\q2
\v 8 ती आपणा मन काजे काठो मां करु।
\q2 जसा तुंद्‌रा डाहा-डाहा उजाड़्‌या बयड़ा मां करला।
\q1
\v 9 तीनी टेमे तुंद्‌रा डाहा-डाहा मेसेक पारेखला,
\q2 ने चे चाळीस साल लग मारा वारु कामेक देखला।
\q1
\v 10 हेरेसी मे रीसवायन तीनी पीड़ीन माणसेन बारामां असु कह्‌लु,
\q2 जे ते मारी वाट काजे उळखीन बी,
\q2 मारे वाट्‌ये नी चाल्‌या, ‘ईनु माणसेन भटकायण्‌यो मन छे।’
\q1
\v 11 तत्‌यार मे मारी रीस मां आय्‌न सगुन खाय्‌न कह्‌यु,
\q2 ‘छाचलीन चे मारा आरामेन जागा मां नी भराय सके।’”
\p
\v 12 ए भायस्‌यो ने बहणस्‌या, तुहुं चेतीन रवु, नीते तुंद्‌रो मन कुहर्‌यो ने भुरसु नी करने वाळो हय जासे, ने तुहुं जीवतेला भगवान सी छेटा हय जासु। 
\v 13 बाकुन तुहुं, जत्‌यार लग आजुन दाहड़ु छे, तत्‌यार लग एक दीसराक हिम्‌मत आपीन समजाड़ता रहु, नीते कांखुर तुंद्‌रे मायन काहनुक पाप मां पड़ीन डेड़ अकल्‌यु बण जासे। 
\v 14 काहाकी हामु ईसु मसीन हकेन हीस्‌सु लेसु। ती हामु आपणा पेहला भुरसा पर जलम लग बणीन टेकला रवसु।
\p
\v 15 जसों लिखलो छे;
\q1 “कदी आज तुहुं भगवानेन बुल सामळु,
\q2 ती आपणा मन काजे काठो मां करु,
\q2 जसा तुंद्‌रा डाहा-डाहा उजाड़्‌या बयड़ा मां आपसान मन काठो करला।”
\p
\v 16 भगवानेन बुल सामळीन बी भगवानेन वीरुद करीन काहना माणसे तीना काजे रीसवाड़्‌या? हेर राख्‌जु की, तीनु माणसे काजे भगवान मुसान साहरे, मीसरे देस मां सी छुड़ायन लावलु चेत माणसे भगवानेन वीरुद करीन तीनाक रीसवाड़ला। हेरेसी तुहुं ईनी वात काजे कमजुर घुण समजु 
\v 17 ने भगवान चाळीस साल लग कुणी पर रीसवायलु? चु तीनु माणसे पर अतरुत रीसवायलु, जे माणसे पाप करला, तींद्‌रे पर भगवानेन डंड आयु, ने चे मरीन उजाड़्‌या बयड़ा मां पड़ी रया। 
\v 18 ने भगवान कुणीन \f + \fr 3:18 \fr*\ft सगुन\ft*\f*सगुन खाय्‌न असु कह्‌लु की, जे मारा आरामेन जागा मां नी भराय सके? भगवान तींद्‌रेत बारामां असु कह्‌लु, जे तेरु हुकुम नी मान्‌या। 
\v 19 हेरेसी आपणु ज देखजे की, जे भगवान पर भुरसु नी कर्‌या, चेत आरामेन जागा मां नी भराया सके।
\c 4
\s भगवानेन माणसेन आराम
\p
\v 1 हेरेसी भगवानेन साहरे आरामेन जागा मां भरायणेन वायदु हय बी पुरु नी हयु, अतरे चेतीन रहु। नीते तीना आरामेन जागा मां भरायणु रय जासु। 
\v 2 काहाकी हामुक तींद्‌रेन तसा खुस-खबर सामळावलो हतलो। बाकुन चे तीनी खुस-खबर काजे सामळीन भुरसु नी कर्‌या, हेरेसी तीनुक सामळ्‌ळा बुले सी काय बी नफु नी हयु; काहाकी आरामेन जागाम भरायणेन जीत खुस-खबर आपणुक बी सामळावलो छे। 
\v 3 बाकुन हामु भुरसु कर्‌या, हेरेसी आपणु काजे तीना आरामेन जागा मां भरायणेन मुखु जड़ गुयलु छे,
\q1 “बाकुन जे भुरसु नी कर्‌या तींद्‌रे बारामां चु असु कह्‌वलु:
\q2 मे कीचवायन जी सगुन खादु, की चे मारा आरामेन जागा मां भराय नी सके!”
\p हेरेसी आपणुक ज मालुम पड़े की भगवान ते कळी घड़ायली ती सीत ईना आरामेन बारामां कह्‌यु। 
\v 4 काहाकी सातवा दाहड़ान बारामां ज कह्‌यु की “भगवान आपसो आखो काम पुरो करीन सातवे दाहड़े आराम कर्‌यु।” 
\v 5 ने उपर वाळा दाखला मां आपणु असा भणजे, “चे मारा आरामेन जागा मां नी भराय सके।” 
\v 6 तीनु माणसेक पेहले आरामेन जागान खुस-खबर सामळावलो, चे हुकुम नी मान्‌या करीन तीना आरामेन जागा मां नी भराय सक्‌या। 
\v 7 हेरेसी बेसका दाहड़ा हय गुया, ने अळी भगवान दावुदेन अनसारे असु कह्‌लु की,
\q1 आज तुहुंक भगवानेन बुल सामळनेन अळी मुखु जड़ रयु,
\q2 हेरेसी तुंद्‌रेन तसा तुहुं आपणी छाती काठी मां करु।
\p
\v 8 यहोसु कदी ईस्‌रायेली माणसेक आरामेन जागा मां पुगाड़ देतु, ती भगवान पछला दाहड़ाम दीसरा आरामेन दाहड़ान वात नी करतु। 
\v 9 अतरे आपणु ज जाणजे की, भगवानेन असामी धड़े आरामेन जागा मां भरायणेन दाहड़ु हय बी टाकायलुत रय रयु। 
\v 10 जु तीना आरामेन जागा मां भराये, चु आपसो काम पुरो करीन तीना आरामेन जागा मां भराये, जसु भगवान बी हेरा काम काजे पुरो करीन आराम कर्‌यु। 
\v 11 ईस्‌रायेली माणसे हुकुम नी मान्‌ने सी सर गुया, तसा आपणुक नी हवणु चाहजे। नी ते आपणु आरामेन जागाम भरायणे रय जासु। हेरेसी आपणु काजे बी तीना आरामेन जागा मां जुर सी भरायणु चाहजे।
\p
\v 12 काहाकी भगवानेन बुले जीवतेला, ने ताकतवाळा, ने काहनी बी पाणी पावली दुय धारी तलवार सी बी अदु धारवाळा चर-चर छे। चे बुले हामरा जीवन उंडारा मां उतरी जाय, ने जीव-आत्‌मा मां भराय जाय, ने हाटकान गाठो मां भराय जाय, ने हाटकान गीर मां बी भराय जाय; ने माणसेन मनेम वाळी वात काजे ने वीच्‌यार काजे पारखी लेय। 
\v 13 ने भगवानेन साहरे घड़ायली ईनी कळी मां काहनी बी चीज भगवान सी सातायली नी हय, तेरे अगळ आखी चीज उगाड़ली छे। ईना भगवान अगळ आपणुक लेखु देणु पड़से।
\s ईसु आपणु मट्‌लु पुजारु
\p
\v 14 हेरेसी आपणु एक डाहलु मुखी पुजारु छे, मतलब भगवानेन पुर्‌यु ईसु, सरगे काजे वेणकीन गुयलु छे, अतरे ए भायस्‌यो ने बहणस्‌या! आवु, आपणु तीना भुरसा पर वारु टेकला रवजे। 
\v 15 आपणु मुखी पुजारु ईसु ते आपणी लुलखाय मां आपणे साते दुखी हये। चु ते आपणेन तसु पापेन साहरे पारखायलु ते खरु, बाकुन तेबी चु गुनाळु नी नीकळ्‌यु। 
\v 16 हेरेसी आवु, आपणु भुरसा भेळा गीण-दयान राजगादी अगळ जाजे, काहाकी आपणे पर गीण-दया हवे, ने गीण-दया जड़े, ने तीनी गीण-दयान साहरे आपणु काजे मदत जड़े।
\c 5
\p
\v 1 हामु जाणजे की, भगवान एकेक मुखी पुजारा काजे हारुन्‌या पुजारान घराणाम सी नेवाड़े ने भगवानेन ने माणसेन ईचमां रय्‌न माणसे वाटे भगवानेन सेवा करने करीन तीनाक कामे लागाड़े। चु भगवान अगळ अळी-अळीन माणसेन पापेन माफी वाटे भगवान अगळ भाती-भातीन बादा चड़ावे। 
\v 2 ने चु डाहलु पुजारु आपसुत लुल्‌गाय सी घेरवायलु रवे, हेरेसी चु \f + \fr 5:2 \fr*\ft डेड़-अकल्‌या\ft*\f*डेड़-अकल्‌या ने भुल्‌या भटक्‌या माणसे साते नीचळु वेहवार कर सके। 
\v 3 हेरेसी तीनाक ते आपसान पापेन माफी वाटे जनवार्‌या मारीन पापेन माफी वाटे बादा चड़ावणु पड़े। 
\v 4 मुखी पुजारु बणनेन वाटु ईज्‌जतेन वात छे, बाकुन कुय बी जु वाटु आपणे आप नी लेय; बाकुन भगवानुत एकेक जणा काजे डाहलु पुजारु बणावणे करीन नेवाड़े। जसु भगवान आपसुत, हारुन्‌या काजे मुखी पुजारु बणावणे वाटे नेवाड़्‌यु।
\p
\v 5 हेरेसी ईसु मसी बी आपसा मन सी डाहलु मुखी पुजारु बणीन ईज्‌जत हात नी कर्‌यु,\fig मुख्‌यु पुजारु, पुजरान पुथल्‌या ने धुपदानी साते|alt="High priest with his priestly clothes and censer" src="hk00267c.tif" size="col" copy="Horace Knowles ©" ref="5:5"\fig*
\q1 बाकुन भगवानुत तीना काजे पुजारु बणायु,
\q2 ने तीनाक कह्‌यु, “तु मारु पुर्‌यु छे, ने मे आज सी तारु बास बण गुयलु छे।”
\p
\v 6 हेरेसी दीसरे जागे बी कहलो छे,
\q1 “तु मलीकीसीदेक्‌यान तसु,
\q2 जलम भगवानेन \f + \fr 5:6 \fr*\ft पुजारु\ft*\f*पुजारु बणीन रवसी।”
\p
\v 7 ईसु मसी ईनी धरती पर डील मां रवणेन टेमे, आयड़ी-आयड़ीन ने रड़ी-रड़ीन ने आसा पाड़ी-पाड़ीन, मरने सी बचाड़न्‌या भगवान धड़े लीलघाय ने दुवा करतेलु। ने चु आपसा काजे भगवानेन मरजी पुरी करने करीन तेरा हातेम सुपीन, आपसी खरली भक्‌ती देखाड़्‌यु। हेरेसी भगवान तेरी दुवा सामळी लेदु। 
\v 8 चु भगवानेन पुर्‌यु हतलु, तेबी चु दुख झेल्‌यु ने दुख झेलीन हुकुम मान्‌ने सीक्‌यु। 
\v 9 ने चु हुकुम मानीन पाक्‌कु हय गुयु, असु करीन ईसु मसी हुकुम मान्‌ने वाळा वाटे जलमेन छुटकारान वजे बण गुयु। 
\v 10 ने भगवान तीना काजे मलीकीसीदेक्‌यान तसु मुखी पुजारान वाटु आप्‌यु।
\s भुरसा सी अलग हय जाणेन फळ
\p
\v 11 हेरे बारामां मेसेक बेसकी वात कह्‌णु छे। बाकुन ची वात समजणु काठो छे, काहाकी तुंद्‌रा कान्‌टा बेहरा हय गुया। 
\v 12 हय लग ते, तुहुं सीकाड़न्‌या बण जाणु हतलो, बाकुन आज लग ते, तुहुं काजे भगवानेन बुलेन सुरु वाळी वातुत, अळी सीकाड़नु पड़ रयो। असो लागे की आज लग तुहुं काजे नानला पुर्‌यान तसों दुत चाहजे, बाकुन खाणु नी चाहतो। 
\v 13 जो आज लग दुत पीया करे, च हाल पुर्‌योत छे, ने तीनाक धरमेन वचनेन बारामां कम समज मां आवे। 
\v 14 बाकुन वारलु खाणो ते तीनु मटला माणसे वाटे छे, चे तींद्‌रा जीवन मां वारलु भुंडा काजे उळखणे सीक गुया।
\c 6
\p
\v 1 हेरेसी आवु आपणु ईसु मसीन सुरु वाळी सीकापण काजे पाळता जाय्‌न अळी अगा पुरा-पुरा पाक्‌का हवता जाजे, ने मरला काम सी मन फीरवीन भगवान पर भुरसु करजे, 
\v 2 ने अळी-अळीन बपतीस्‌मा लेणेन सीकापण लेणु, ने अळी-अळीन हात मेलीन वीन्‌ती करनेन सीकापण लेणु, अळी-अळीन मर्‌या-सर्‌याम सी जीवता हवणेन सीकापण लेणु, ने अळी अळीन आकरी नीयाव हवणेन ने अमर जीवनेन बारामां सीकापण लेणु। 
\v 3 ने कदी भगवान चाहे ती हामु चत करजे।
\p
\v 4 काहाकी जे एक कावा भगवानेन वीजाळो हात कर लेदा, ने सरगेन वाटु हात कर लेदा, ने चुखला जीव-आत्‌मान वाटु हात कर लेदा। 
\v 5 ने भगवानेन वारलु बुल हात कर लेदा, ने आवणे वाळी नवली कळीन ताकतेन बारामां जाण लेदा। 
\v 6 कदी चेत भुरसा सी छेटा हय्‌न भटकी जाय, ती तीनुक पाप भीणी सी मन फेरवीन भगवान भीणी वाळनु ने पछा भुरसा मां लावणु, बेसको काठो छे। काहाकी भगवानेन पुर्‌यु ईसु काजे आपसा वाटे एक कावा अळी कुरुस पर चड़ावे, ने तेरे पर उजेंतु गुनु लागाड़े।
\p
\v 7 एक खेतेन दाखलान साहरे तुहुं जी वात अळी वारु जाण सक्‌सु। धुळु ते वरसातेन पाणी काजे अळी-अळीन चुसे, ने जे किरसाण हळ जुपीन तीना खेतेक सेडे ने वेरे तींद्‌रे वाटे च मेर लावे, असु करीन चो खेत किरसाण्‌या वाटे भगवानेन वगे सी संयबरकत लावे। 
\v 8 बाकुन कदी ची जागा पाणी काजे अळी-अळीन चुसे ने किरसाण्‌या तीना खेतेम वारु काम करे, तेबी चो खेत तींद्‌रे वाटे काटासळ्‌या झाड़का ने गखर्‌या उंगाड़े, ती चो खेत किरसाण्‌या वाटे रीकामो ने गरा वाळो छे, ने आकरी कावा तीना खेतेक चे धपाड़ देसे तसुत ईसुन भुरसु छुड़न्‌या माणसे काजे भगवान नरक आकठा मां डंड आपसे।
\p
\v 9 ए लाटेक्‌ला, हामरे उपर लिखली वात सामळीन भणीन भळ जीव करसे; तेबी हामु तुंद्‌रे वाटे वारलु आस कर रया। हामुक पाक्‌कु भुरसु छे की, भगवान तुहुंक छुटकारा पुठ्‌ये आवणी आखी, संयबरकत आपसे। 
\v 10 काहाकी भगवान बयमान नी हय। तुहुं ते भगवानेन नावे, भगवानेन चुखला माणसेन मदत करीन परम देखाड़्‌या। ने हय बी परम करने बाजी रया। भगवान ते तुंद्‌रा ईनु कामेक ने दीसरा वारलु काम काजे कदी नी भुले। 
\v 11 तेरसी हामरी जी हर छे की, तुंद्‌रे मायन एकेक जणु मरता लग असुत काठी मेहनत करनु चाहजे। ती तुहुं छाचलीन तेरी आस कर रया च तुहुं काजे जड़ जासे। 
\v 12 हामरी जी मरजी छे की, तुहुं उजग्‌या घुण टेवायु। बाकुन तुहुं तीनु माणसेन तसा चालु, जे भगवान पर भुरसु करीन ने गम खाय्‌न ची आखी बरकत हात करने वाळा छे, ची बरकत आपणेन वायदु भगवान करलु छे।
\s भगवानेन आखा वायदा भुरसु करे असा छे
\p
\v 13 जत्‌यार भगवान अब्‌राहम धड़े वायदु करलु तत्‌यार भगवान काजे सगुन खाणे वाटे तेरे सी मटु कुय नी जड़्‌यु। चु आपसुत सगुन खाय्‌न असु वायदु कर्‌यु। 
\v 14 भगवान कह्‌यु, “मे छाचलीन तुसेक संयबरकत आपीस, ने तुसेक बेसकी अवल्‌यात आपीस।” 
\v 15 ने अब्‌राहम बेसकु गम खादु ने अळतेन भगवानेन वायदु आपसान जीवन मां पुरु हवतेलु देख्‌यु। 
\v 16 माणसे ते आपसा सी मटान नावलीन सगुन खाया करतेला, तींद्‌रे मां सगुनेन साहरे वात पाक्‌की हवे, ने काहनी बी लड़ाय सर जाय। 
\v 17 जु वायदु भगवान करलु, तीना वायदाक चु कदी नी बदले। अळतेन भगवान जु वायदु पाक्‌कु करने करीन अब्‌राहम साते सगुन बी खादु हेरेन करीन की अब्‌राहम मर जाय ने अळतेन बी अब्‌राहमेन अवल्‌यात, जे भगवानेन वायदान हकदार्‌या छे, चे बी ईना वायदा पर पाक्‌कु भुरसु करे। 
\v 18 हेरेसी जां आखी दुय वात छे, भगवानेन वायदु ने भगवानेन अनसारे खादली सगुन जे दुयु कदी नी बदले। भगवान लुच्‌चाय करन्‌यु नी हय। हेरेन करीन की आपणु जे भगवानेन अनसारे आवला छे, ने जी आस चु आपणुक वायदान साहरे आपलु छे, आपणु तीना वायदा पर पाक्‌कु भुरसु करजे। 
\v 19 जी आस हामरा जीव वाटे ढंड्‌यान पाक्‌का ने टेकीन रवण्‌या हेकड़ान तसी छे, ने जी आस आपणु काजे पड़दा पछळ सरगेन मंदीरेम रहण्‌या भगवानेन्‌चां लग पुगाड़ देसे। 
\v 20 ईना मंदीर मां ईसु मलीकीसीदक्‌यान तसु जलम लग मुखी पुजारु बणीन आपणे वाटे मेळ करान्‌यु बणीन भराय गुयु।
\c 7
\s पुजारान पुजारु मलीकीसीदक्‌यु
\p
\v 1 जु मलीकीसीदक्‌या सालेमन सहरेन राजा हतलु, ने जु आखाम ताकतवाळा भगवानेन पुजारु हतलु, जलम लग पुजारु बणीन रवसे। जत्‌यार अब्‌राहम राजा काजे मारीन पछु आवती रवे, ती मलीकीसीदक तीनाक भेळु हय्‌न संयबरकत आप्‌यु। 
\v 2 ईनात मलीकीसीदक्‌या काजे अब्‌राहम आखी चीजेन \f + \fr 7:2 \fr*\ft दसवु वाटु\ft*\f*दसवु वाटु आप्‌यु, ने मलीकीसीदक्‌या नावेन पेहलो मतलब छे, “धरमेन राजा।” हेरेसी ईना नावेन दुसरो मतलब छे “सालेमन राजु” नीते “सांती आपण्‌यु राजु।” 
\v 3 मलीकीसीदक्‌यान नीते आयस ने नीते बास ने नीते खानदानी हय, तेरा जीवनेन नीते सुरुवात हय ने नी आकरी हय; बाकुन भगवानेन एक खुळ्‌या पुर्‌यान तसुत भगवानेन नींगाम जलम पुजारु बन्‌लु रयु।
\p
\v 4 हय जाराक वीच्‌यार ते करु! जु मलीकीसीदक्‌यु कतरु मटु हतलु, चु बेसकु मटु हतलु, हेरेसी तीना काजे आपणा \f + \fr 7:4 \fr*\ft डाहा-डाहान डाहलु बास अब्‌राहम्‌यु\ft*\f*डाहा-डाहान डाहलु बास अब्‌राहम लग जो लुटीन लावलु, तीनी चीजे मायन महंग्‌ली चीजेन लग दसवु हीस्‌सु दान कर्‌यु। 
\v 5 भगवान जे हुकुम कायदा मुसा काजे आपलु, तीनु कायदान अनसारे लेव्‌या कुळीन माणसे काजे जु हक जड़लु की चे आपसा भाय-बेटा धड़े दसवु वाटु लेणु चाहजे, भले चे अब्‌राहमेन कुळी मां पयदा हया हय। 
\v 6 बाकुन मलीकीसीदक्‌या ते लेव्‌या कुळीन बी नी हतलु, तेबी लेव्‌या कुळीन पुजारान डाहलु बास अब्‌राहम मलीकीसीदक्‌या काजे दसवु हीस्‌सु आप्‌यु। ने चु दसवु हीस्‌सु लीन अब्‌राहम काजे संयबरकत आप्‌यु, भले अब्‌राहम साते भगवान पेहलेन वायदु करलु। 
\v 7 ईनी वातेम काय बी संका नी हय की, संयबरकत आपण्‌यु, चु संयबरकत देण्‌या सी मटु रवे। 
\v 8 लेव्‌या कुळीन माणसे जे दसवु हीस्‌सु लेय, चे ते एक ने एक दाहड़ु मरन्‌यात छे। बाकुन तीना मलीकीसीदक्‌यान बारामां जां तेरी गवा दी छांडी, चु ते जलम लग जीवतेलु रवे। 
\v 9 जां आपणु जो बी कय सकजे की लेव्‌यु जु दसवु वाटु लेण्‌या छे, चु लगुन जां तेरी अब्‌राहमेन साहरे दसवु वाटु आप्‌यु। 
\v 10 काहाकी तीनी टेमे जत्‌यार मलीकीसीदक्‌यु अब्‌राहम काजे भेळु हवलु, तत्‌यार लेव्‌यु पयदा बी नी हयु ने पेहलेन अब्‌राहमेन डीलेम रय्‌न मलीकीसीदक्‌या काजे भेळु हवलु।
\s ईसु मलीकीसीदक्‌यान तसु छे
\p
\v 11 ईनु लेवी कुळीन साहरेत, माणसे काजे भगवानेन साहरे आपला कायदा जड़ला। कदी भगवान लेव्‌या कुळीन माणसे काजे पुजारान वाटु आपीन तींद्‌रे अनसारे आपणुक पुरा-पुरा पाक्‌का बणाय देतु, ती आपणुक दीसरु पुजारु मलीकीसीदक्‌या रीतीन अनसारे जलम लग पुजारान वाटु हात करीन, ने हारुनेन रीती नी कवाये। 
\v 12 काहाकी जत्‌यार मलीकीसीदक्‌यान अनसारे पुजारान कामेन वाटु बदले, ती कायदा बी बदलनुत चाहजे। 
\v 13 काहाकी तीना मलीकीसीदक्‌यान बारामां वात कह्‌ली छे, चु दीसरी कुळीन छे, ने तीनी कुळीन आज लग काहनु चुखली वेदी पर भगवानेन सेवा नी कर्‌यु। 
\v 14 ईनी वात सी जी वात पाक्‌की हय की मालीक ईसु यहुदीयान कुळी मां पयदा हय्‌न आयु, बाकुन मुसु ईनी यहुदीया कुळीम सी एक पुजारु आवसे असु नी कह्‌यु।
\p
\v 15 ने मे जो कह्‌यु ची वात वारु चुखीझण उजेंती हय गुय, की मलीकीसीदक्‌यान तसु एक अळी पुजारु पयदा हय गुयु। 
\v 16 भगवान ईना दीसरा पुजारा काजे मुसान साहरे लिखला नेम कायदान अनसारे नी, बाकुन खत्‌तम नी हवे तीना जीवनेन ताकुतेन अनसारे पुजारु बणायु। 
\v 17 काहाकी तेरे बारामां भगवान जी गवाय देदु की “तु मलीकीसीदक्‌यान तसु जलम लग पुजारु बणीन रवसी।” 
\v 18 ने तेर अनसारे कुय बी पाक्‌कु धरमी नी बणे। जे ते, लुल्‌ला ने फालतु छे। हेरेसी चे कायदा सर गुया। 
\v 19 हेरेसी भगवान आपणु काजे एक असी बेसकु वारु आस आप्‌यु, तेरे साहरे आपणु भगवानेन्‌चां पुग सकजे।
\p
\v 20 भगवान पेहले सगुन खाये पाखुर दीसराक पुजारा बणायन कामे लागाड़तेलु। बाकुन ईसु मसी काजे सगुन खायलीन मुखी पुजारु बणायु। 
\v 21 ईसु काजे पुजारु बणावणेन टेमे भगवान, सगुन खायलीन हेरे बारामां असु कह्‌यु,
\q1 “तु जलम लग मुख्‌यु पुजारु रवसी।
\q2 हव असु कय्‌न भगवान मालीक सगुन खादलु;
\q1 ने चु आपसु वीच्‌यार नी बदले।”
\p
\v 22 ईनी सगुनेन साहरे आपणु काजे जो मालुम पड़े की ईसु मसी भगवानेन ने माणसेन ईचमां एक वारलु ने पाक्‌का वायदान जामनी देण्‌यु बण गुयु।
\p
\v 23 तीना पुजारा काजे मुत झेलनेन दाहड़ा लग जीवणे नी देदली, हेरेसी तीने टेमे बेसका जणा काजे पुजारा बन्‌नु पड़तेलो। 
\v 24 बाकुन जु ईसु मसी जलम लग जीवतेलु रवे; तेरेमां तेरु पुजारान वाटु, थुड़ाक दाहड़ान नी रवे बाकुन जलम लग रवसे। 
\v 25 हेरे वजे सी जु पुजारु माणसे वाटे वीन्‌ती करने करीन जलम लग जीवतेलु छे। अळतेन जे बी माणसे ईना पुजारान साहरे भगवानेन्‌चां आवे, तीनु माणसेक जु पुजारु पुरु-पुरु छुटकारु आप सके।
\p
\v 26 जु डाहलु मुखी पुजारु चुखलु, ने खरलु, ने नी-गुनाळु हतलु, ने पापी माणसेन तसु नी हतलु, ने सरगे सी बी उचु हाकलायलु हतलु। ने असलुत डाहलु मुखी पुजारु आपणु काजे चाहजे। 
\v 27 ने जु पुजारु आपसा डीलेन बादा चहड़ावीन एकुत कावा मां पापेन माफीन काम पुरो कर देदलु। हेरेसी ईना पुजाराक दाहड़ीन दीसरा डाहला पुजारान तसों आपसा पापेन माफी वाटे ने दीसरान पापेन माफी वाटे जनवार्‌या मारीन बादा नी चड़ावणु पड़े। 
\v 28 मुसान कायदु ते, लुल्‌ला माणसे काजे डाहला पुजारान काम सुपे; बाकुन भगवान सगुन खाय्‌न जु वायदु कर्‌यु, चु वायदु तीना पुर्‌या काजे पुजारान काम सुपे, जु जलमसीत पुरु-पुरु पाक्‌कु बण गुयु हय।
\c 8
\s ईसु नवली बुलीन मुख्‌यु पुजारु
\p
\v 1 हामु जी वात कर र्‌या ची जी छे की आपणे वाटे एक बेसकु मटु पुजारु छे, जु सरग मां आखान ताकतवाळा भगवानेन \f + \fr 8:1 \fr*\ft राजगादी\ft*\f*राजगादी पर भगवानेन जेवड़े आन्‌गे बठ रयु। 
\v 2 ने छाचला तम्‌बुन चुखला जागान चाकर्‌यु बण गुयु, जां भगवानेन छाचली भक्‌ती हवे। ईना तम्‌बु काजे काहनु बी माणुस उबु नी कर्‌यु, बाकुन मालीक भगवानुत उबु करलु छे।
\p
\v 3 काहनु बी डाहलु मुखी पुजारु भेट ने जनवार्‌या मारीन बादा चहड़ावणे करीन नेवाड़लु रवे। तेरेमां ईना डाहला पुजारा धड़े बी काहींग चहड़ावणे वाटे हवणु चाहजे। 
\v 4 कदी चु धरती पर रवतु, ती कदी चु पुजारु नी बणतु, काहाकी जी मुसान कायदान अनसारे, ईनी धरती पर बादा चड़ावण्‌या पुजारा ते छेत। 
\v 5 कदी चु एक असा भक्‌ती करनेन जागा भक्‌ती करे चो छाचलीन सरग मां हवणी पुजा-पाटेन सहलाणी छे। जत्‌यार मुसु तम्‌बु बणावणे हींडतेलु, ती तीनाक भगवान जो कय्‌न चीतायु की “देख, मे बयड़ा पर तम्‌बुन जी \f + \fr 8:5 \fr*\ft सहलाणी\ft*\f*सहलाणी देखाड़लु छे, तेरेत अनसारे तु तम्‌बु बणावजी।” 
\v 6 बाकुन जो सेवान काम ईसु काजे जड़्‌यो, चो तींद्‌रा सेवान काम सी जादा वारु छे। काहाकी चु तीना नवला कायदान मेळ करावण्‌यु, चु नवलु कायदु, जुन्‌ला कायदा सी वारु छे, ने वारु सी वारु, वायदान अनसारे बांदली छे।
\p
\v 7 कदी पेहली जुन्‌ला कायदाम कसर नी हतली, ती दीसरी नवलु कायदान जरुवत नी पड़तो। 
\v 8 बाकुन भगवान काजे जुन्‌ली बुली पाळन्‌या माणसे मां कसर देखाव पड़ी, हेरेसी चु कह्‌यु;
\q1 “सामळु! भगवान मालीक जुर सी कह्‌यु, ची टेम आवसे,
\q2 तीने टेमे मे ईस्‌रायेली ने यहुदी माणसे साते, एक नवली बुली करीस।
\q1
\v 9 भगवान मालीक अळी कह्‌यु, ‘जी बुली तीनी बुलीन तसी नी हय,
\q2 जी बुली मे ईस्‌रायेली माणसेन आड़ा-बुड़ा साते तीने टेमे करलु,
\q1 तीने टेमे मे तीनु काजे मीसरे देसो मां सी हात धरीन नीकाळीन लावलु।
\q2 तेबी चे मारी बुली मां ईमानदार नी रया। हेरेसी मे आडु भाळ लेदु।’
\q1
\v 10 अळी भगवान मालीक कह्‌यु:
\q2 ‘मे जी बुली आवणेवाळा दाहड़ा मां ईस्‌रायेली माणसे साते करीस,
\q1 ची जी छे की, मे मारा कायदा काजे तींद्‌रा मनो मां मेल दीस,
\q2 ने मे तीनु कायदा काजे तींद्‌रा छाती मन मां लिख दीस,
\q1 ने मे तींद्‌रु भगवान कहवायीस,
\q2 ने चेत मारा माणसे कहवायसे।’
\q1
\v 11 ने तत्‌यार काहनाक बी,
\q2 आपसा सातेवाळा काजे,
\q2 ने भाय-बहणस्‌या असो सीकाड़नु नी पड़े की,
\q1 ‘तु मालीक भगवान काजे उळखी ले।’
\q2 काहाकी नानला मटा आखा मेसेक उळख्‌से।
\q1
\v 12 काहाकी मे तींद्‌रा पापेन माफी आप दीस,
\q2 ने तींद्‌रा पापेक कदी हेर नी करो।”
\p
\v 13 भगवान ईनी बुली काजे चु नवली कह्‌यु, हेरेसी जो मालुम पड़े की, पेहली बुली काजे चु जुन्‌ली ठेहराय देदु, जो जुन्‌लो हय जाय, चो जीरने बाजी जाय, चो सरने वाळो छे। हेरेसी पेहली बुली काजे सरनुत छे।
\c 9
\s जुन्‌ली बुलीन साहरे भगवानेन पुजा-पाटेन रीती
\p
\v 1 भगवानेन जुन्‌ली बुली मां बी भगवानेन पुजा-पाट करनेन रीतीन नेम हतला, ने तीनी पुजा-पाट वाटे ईनी धरती पर खास जागा बी हतली, चां एक तम्‌बु तान्‌लु हतलु। 
\v 2 तीना तम्‌बुन दुय खुणा हतला, ने खुणा काजे अलग करन्‌यु पड़दु बी हतलु। ने तीना तम्‌बुन पेहला खंगरा मां भीत हतली, ने टेबल हतली, ने टेबल पर भेट चहड़ावला रुटा हतला। ने ईना खुणा काजे चुखलु जागु कवतेला। 
\v 3 पड़दा पछळ वाळु दीसरा पड़दा पछळ चु तम्‌बु हतलु चुखलु जागु कहवायतेलु। 
\v 4 तीनी जागा मां सनान पेटी \f + \fr 9:4 \fr*\ft धुप देणी वेदी\ft*\f*धुप देणी वेदी हतली। ने चां सनान झाळ चहड़ावली पेटी बी हतली। जो बुलीन पेटी कहवायतेली। तीनी पेटी मां भगवानेन बुलीन डायरी हतली, चे दगड़ान बन्‌ला हतला, तीनी पेटी मां हारुनेन लाकड़ी बी हतली, तीनी लाकड़ी पर एक कावा कोवेळ्‌ळा डीरा बी फुटी आवला। ने तीनी पेटी मां एक सनान कवड्‌यु बी हतलु, ने तीना कवड्‌या मां सरगे सी भगवानेन साहरे आपलो मन्‌ना नावेन खाणो भरीन मेल्‌लो हतलो। 
\v 5 ने तीनी पेटीन ढाकणान नाव गीण-दयान राजगादी हतलो। ने पेटी पर भगवानेन सेक-सींगारेन सहलाणीन वेस मां करुब नावेन पाखड़ावाळा दुय सरग वाळा खबर लावण्‌यान मुरत्‌या जुड़ायला हतला, जे पसतावान पाखड़ा फेलायन तीनी गीण-दयान राजगादी पर छावायन साहळु करतेला। बाकुन हय आखा बीडारान बारामां बताड़नेन टेम नी हय।\fig भक्‌तीन घरेन माहें वाळु हीस्‌सु|alt="Interior of tabernacle" src="bk00278c.tif" size="span" copy="Horace Knowles ©" ref="9:2"\fig*
\p
\v 6 जु असु आखु तज्‌बु हतलु, ने अळी भगवानेन पुजारा पेहला, तम्‌बा मां दाहड़ीत भरायन, भगवानेन पुजा-पाटेन रीत कर्‌या करतेला। 
\v 7 बाकुन माहीं वाळा कमरा मां मुखी पुजारु अतरुत सालेम एकुत कावा जनवार्‌यान लुही लीन जातलु। ने चु आपसा ने दीसरान भुल्‌या-चुक्‌या गुनान माफी वाटे चां आखो भगवान अगळ ईना लुहीन बादा चहड़ावतेलु। 
\v 8 ईनी वातेन साहरे चुखली जीव-आत्‌मा जो देखाड़े की जत्‌यार लग पेहलु तम्‌बु उबु छे, ती लग चुखला जागाम भरायणेन वाट उजेंती नी हये। 
\v 9 जु तम्‌बु आजुन टेम वाटे एक सहलाणी छे; तीना तम्‌बु मां असी भेट ने बादान जनवार्‌या चहड़ावतेला। तेरेमां भक्‌ती करने वाळान मन चुखो नी हय सके। 
\v 10 हेरेसी जे ते खाणे-पीणे ने भाती-भातीन तीहवारेन रीतीन डीलेन नेम छे, ने भाती-भाती धुवणेन रीती करनु। जे नेम, नवला कायदा जड़ता लग ठेहरावला छे।
\p
\v 11 बाकुन हय ईसु मसी ते भगवानेन मुखी पुजारु बणीन आवलु। चु अळी जादा वारु ने पुरा-पुरा पाक्‌का तम्‌बु मायन भगवानेन्‌चां पुग गुयलु छे। जु तम्‌बु ईनी कळीन चीजे करीन माणसेन हाते बणावलो नी हतलो। 
\v 12 ईसु मसी तीना सरग वाळा तम्‌बु मां बुकड़ान ने केवड़्‌यान लुही लीन नी भरायु, बाकुन एकुत कावा आपसा लुहीन जलम लग भेट आपीन, चुखली जागाम भराय गुयु। असु करीन चु आपणे वाटे भगवान धड़े जलम लग छुटकारु हात, करीन आपणु काजे आप देदु। 
\v 13 जुन्‌डला कायदान अनसारे, बुकड़ा ने बेलेन लुही ने \f + \fr 9:13 \fr*\ft धपला केवड़ान रखड़ु\ft*\f*धपला केवड़ान रखड़ु मुयळ्‌या माणसे पर नाखणे सी ने लुही छाटणे सी डीलेन मुयळो छेटे हय जाय, 
\v 14 ती ते तेरे सी बी जादा, ने पुरो पाक्‌को ईसु मसीन लुही छे। ईसु मसी ईना आपसा लुही काजे भगवानेन जलमेन जीव-आत्‌मान साहरे एक पाक्‌की बादान रुप मां भगवान अगळ आपणे वाटे नी-गुनाळा हय्‌न भेट कर देदु। हेरेसी आपणु काजे जीवतेला भगवानेन सेवा भक्‌ती कराड़ने करीन ईसु मसीन लुही आपणा मन काजे तीनु कुहर्‌या काम सी छुड़ावसे, ने आपणुक चुखा करसे। जे कुहर्‌या कामे आपणु काजे मुत भीणी ली जाय।
\p
\v 15 हय सामळु, भगवान पेहले वायदु करलु, तीने टेमे बी माणसे पाप कर्‌या, तीनुक पापेम सी छुड़ावणे करीन ईसु मसी कुरुस पर मरीन आपसु जीव आप देदु। ने चु ईसु मसी एक नवला वायदान मेळ कराड़न्‌यु बण गुयु हेरेन करीन की चु तीनु काजे बुलावलु छे, चे अमर जीवनेन वारीस हात करे।
\p
\v 16 जत्‌यार जागा नाव पर करनेन वायदान पावती तीयार हये, ती जागा नाव पर करन्‌यान मुतन बारामां गवा बी हवणु चाहजे। 
\v 17 काहाकी असी जागा वायदान पावती, जागा आपण्‌यु मरे तीत पाक्‌की हवी, ने जत्‌यार लग जागा नावे करन्‌यु जीवतेलु रवे, ती लग जागान पावती नी बणे। 
\v 18 हेरेसी जुन्‌डला वायदान पावती बी जनवार्‌या काजे मारीन भगवान अगळ लुही चहड़ावे तीत तीयार हवतेली। 
\v 19 तीना जमाना मां जत्‌यार मुसा, कायदान आखा हुकुम माणसे काजे सामळाय देदु, ती चु केवड़ान ने बुकड़ान लुही ठाहराम झेलीन पाणीम भेसकी देदु, ने रातला गाडरान कान्‌या ने जुफा झाड़कान डाळखे करीन चामड़ान बणला कायदान किताप पर ने आखा माणसे पर छाट देदु। 
\v 20 ने कह्‌यु, “ज तीना वायदान लुही छे, तीना वायदा काजे पुरो करीन पाळनेन हुकुम भगवान तुहुं काजे आपलु छे।” 
\v 21 असु करीन मुसु तम्‌बु ने पुजा-पाटेन आखी चीज पर लुही छाट्‌यु। 
\v 22 छाचलीन, कायदान अनसारे आखी चीज लुही सी चुखी हवे; ने लुही उहवाड़े पाखुर पापेन माफी नी जड़े।
\s मसीन बादा चड़ावणेन साहरे पाप धुवाय जाय
\p
\v 23 हेरेसी ज जरुड़ी छे की ईनी धरती पर जी चीज सरगेन चीजेन सहलाणीन रुप मां छे, तीनी चीज काजे जनवार्‌यान लुही सी चुखी करनु चाहजे, बाकुन सरगेन चीज काजे ते जनवार्‌यान लुही सी बी जादा वारु लुही सी चुखी करनु चाहजे। 
\v 24 काहाकी ईसु मसी तीना हाते करीन बांदला चुखला जागा मां नी भरायु, बाकुन आपणे वाटे हय सरगे मां भगवान अगळ हजुर हवणे करीन, सरगेत मां भराय गुयु। हात सी बणावलु चुखलु जागु ते छाचला चुखला जागान सहलाणी अतरुत छे। 
\v 25 डाहलु मुखी पुजारु हर साल दीसरा जनवार्‌यान लुही लीन चुखला जागा मां भरायतेलु। बाकुन ईसु तीना मुखी पुजारान तसु अळी अळीन आपसा डीलेन बादा चहड़ावणे करीन चुखला जागा मां नी भरायु। 
\v 26 ईसु अळी-अळीन आपसा डीलेन बादा चहड़ावणे करीन चुखला जागा मां भरायतु, ती तीनाक अळी-अळीन दुख झेलनु पड़तो; बाकुन चु ईनी कळीन आकरी दाहड़ा मां आपसा डीलेन बादा चहड़ावीन आपणा पाप छेटा करने करीन एकुत कावा माणुस बणीन आयु ने उजेंतु हयु। 
\v 27 जसों माणसे काजे एकुत कावा मरनु ने अळतेन तेरु नीयाव हवणु जरुड़ी छे, 
\v 28 तसुत मसी बी बेसका माणसेन पाप काजे हाकली लेणे वाटे एक कावा बादा चहड़ी गुयु; ने माणसे हेरी वाट देख र्‌या हींद्‌रा छुटकारा वाटे दीसरी कावा पाप नी हाकले तेबी देखायसे।
\c 10
\p
\v 1 मुसान साहरे आपला नेम कायदा आवणेवाळी भलायन साहळु अतरुत छे। भलाय ते खरान आवणे वाळी हतली। ईना नेम कायदान साहरे ते सालो डीट एक सारकी बादा वाटे जनवार्‌या मारीन चहड़ाया करे। तेबी बादान जनवार्‌या चहड़ावणे सी तीनु भक्‌ती करन्‌या काजे पुरा-पुरा चुखा करीन पाक्‌का नी बणाय सके। 
\v 2 कदी नेम-कायदु तीनु काजे पुरा-पुरा चुखा करीन पाक्‌का बणाय देतु, ती ते, जनवार्‌या मारीन बादा चहड़ावणु खत्‌तम हय जातो; काहाकी तत्‌यार ते, भक्‌ती करन्‌या जलम लग चुखा हय जाता ने तींद्‌रा मनेन सान तीनुक तींद्‌रा पापेन बारामां गुनु नी लागाड़ती। 
\v 3 बाकुन चो सालो डीट तींद्‌रा पापेक हेर कराड़ीन पापी ठेहरावे। 
\v 4 बाकुन हसो नी हवे; बेलेन ने बुकड़ान लुही पाप काजे छेटा नी करे।
\p
\v 5 हेरेसी ईसु मसी कळीम आवणेन टेमे भगवान काजे असु कह्‌यु,
\q1 तु माणसे धड़े तींद्‌रा पापेन बादा छुटणे करीन बादान चहड़ावु ने भेट नी मांग्‌यु,
\q2 बाकुन तु माणसे वाटे तींद्‌रा पापेन बादा छुटणे करीन बादान करता मारे धड़े एक डील तीयार करलु छे।
\q1
\v 6 तु बाळीन होम करली बादा सी बी तु खुस नी हयु,
\q2 ने पापेन माफी हात करनेन बादा सी बी खुस नी हयु।
\q1
\v 7 तत्‌यार मे भगवान काजे अळी कह्‌यु,
\q2 “ए भगवान! मे आय गुयलु छे, जसों तारी डायरी मां मारा बारामां लिखलो छे,
\q2 तसुत मे तारी मरजी पुरी करने तीयार छे।”
\p
\v 8 ईसु मसी पेहले भगवान काजे असु कह्‌लु की, “तुसेक भाती-भातीन बादा जसी पापेन बादा ने बाळीन होम करली बादा नी चाही, ने तीनु बादा सी तु खुस बी, नी हयु” भले ची आखी बादा मुसान कायदान अनसारेत चहड़ावता आय रवला। 
\v 9 अळी ईसु मसी भगवान काजे असो बी कह्‌यु, “ए भगवान, मे तारी मरजी पुरी करने तीयार छे, ने मे हय जां छे।” असु करीन भगवान पापेन बादा छुटणेन पेहला कायदा, छेटे करदीन, नवलु कायदु उबु करे। 
\v 10 ने भगवानेन मरजीन अनसारे ईसु मसीन डीलेन एकुत कावा बादा चहड़ावणे सीत आपणु चुखा हय गुयला छे।\fig वेदी पर बादा चड़ावला|alt="Burnt offering on an altar" src="hk00256c.tif" size="col" copy="Horace Knowles ©" ref="10:10"\fig*
\p
\v 11 हरेक पुजारा मंदीर मां उबा रय्‌न दाहड़ीत भगवानेन सेवान रीती भाती करे, ने भाती-भातीन जनवार्‌यान बादा एक सारका अळी अळीन चड़ाया करे, जी बादा पाप काजे कदी छेटे नी कर सके। 
\v 12 बाकुन जु ईसु मसी ते पापेन माफी काजे एकुत कावा आपसा डीलेन जलमेन बादा चहड़ावीन भगवानेन जेवड़्‌ये आंग्‌ये जाय्‌न बस गुयु। 
\v 13 ने तीने टेमे सी चां रय्‌न जी वाट देख रयु की तारा वेरी तारा पायेन पयड़ी बण जाणु चाहजे। 
\v 14 काहाकी ईसु मसी एकुत कावा आपसा डीलेन जलमेन बादा चहड़ावीन आखा काजे चुखा कर देदु, ने जलमकात \f + \fr 10:14 \fr*\ft पाक्‌का\ft*\f*पाक्‌का कर देदु।
\p
\v 15 भगवानेन चुखली जीव-आत्‌मा बी नवली बुलीन साहरे आपणुक जड़नी बरकतेन गवा छे, सास्‌तुर लिखण्‌याम रय्‌न चु असु देखाड़े,
\q1
\v 16 भगवान, मालीक असु कह्‌यु,
\q2 की जे दाहड़ा पुरा हय जासे ने अळी मे तींद्‌रे साते जी बुली करीस,
\q1 मे मारा कायदा काजे तींद्‌रा मनो मां मेल दीस,
\q2 ने मे तीनु कायदा काजे तींद्‌रा मन मां लिख दीस।
\p
\v 17 ने चु अळी कह्‌यु, “मे तींद्‌रा पाप काजे, ने गुना काजे कदी हेर नी करो।” 
\v 18 हय आखा काजे ईसुन बादा साहरे पापेन माफी जड़ जाय, ती अळी पापेन माफी वाटे बादा चहड़ावणु जरुड़ी नी हय।
\s भगवानेन्‌चां आवु
\p
\v 19 ए भायस्‌यो ने बहणस्‌या, ने जत्‌यार तीना ईसुन लुहीन साहरे आपणे वाटे एक नवली ने जीवतेली वाट तीयार करलु छे, चो आपणे वाटे चुखला जागा मां ली जाणे करीन उघड़ी गुयो, हेरेसी आपणु काजे सरगेन नवली ने जीवतेली वाटे मायन चुखला जागाम भरायणेन हिम्‌मत आय गुयली छे। 
\v 20 ने ईसुन डील एक पड़दा सांय छे। ईसु आपणे वाटे कुरुस पर दुख झेलीन, आपसा डीलेन बादा चड़ायु, ने आपसो लुही उहवाड़्‌यु, 
\v 21 ने हय ईसु आपणे वाटे भगवानेन घराणान हकदार्‌यु मुखी पुजारु छे। 
\v 22 ईसु आपसो लुही आपणे गुनु लागाड़न्‌या मनो पर छाटीन आपणुक चुखा करलु छे। ने आपणु सहलाणीन तार पर चुखले मने बपतीस्‌मान रीत लीन आपणा डीलेक धुवी बी लेदु। हेरेसी चालु, आपणु पाक्‌कु भुरसु करीन खरले मने भगवानेन्‌चां जाजे। 
\v 23 वायदु करन्‌यु भगवान ते, ईमानदार छे, हेरेसी आपणु जी आस कर रया, तीनी आस काजे छुड़नु नी हय, बाकुन आस करीन जुड़ायला रह्‌वणु छे। 
\v 24 ने एक दीसराक परम करने करीन ने एक दीसरान भलो करने करीन एक दीसराक हिम्‌मत देवाड़ु। 
\v 25 काहना-काहना ईसु पर भुरसु करीन बी, ईसुन मंडळीन मां जाणु छुड़ देदला छे। तुहुं असला माणसेन चाल मां धरु। बाकुन एक दीसराक समजाड़ीन सांती आपता रहु। ने जसा-जसा ईसुन आवणेन दाहड़ा धड़े आवता जाय, तसा तुहुं अळी-अळीन भेळा हय्‌न भगवानेन वात सीकता रहु, ने भगवानेन सेवा भक्‌ती करता रहु।
\p
\v 26 काहाकी खरली वातेन उळखाण हात करनेन पछे कदी हामु जाणी बुजीन पाप करता रवसुन, ती पापे वाटे अळी कुय बादा चड़ावणु नी रय। 
\v 27 हव, हसो हय ती ते, असला माणसेक हय बीहाड़े असा नीयावेन दाहड़ान वाट देखणु ने उलाह्‌ये नी असली आकठीन वाट देखणु अतरोत रय रयो, जी आकठी भगवानेन वीरुद करन्‌या काजे खाय जासे। 
\v 28 जत्‌यार काहनुक मुसान कायदाक नी मान र्‌यु हय ती, दुय नीते तीन जणान गवाय पर, पाखुर दया करे मार देय, 
\v 29 ती सुची लेवु की चु कतरु अळी बी भारी डंडेन लायक ठेरसे, जु भगवानेन पुर्‌या काजे पाये सी लातायन कुचर्‌यु ने वायदान लुही काजे, जेरे साहरे चु चुखलु ठेराय गुयलु वीटेळ्‌ळु समजी गुयु ने गीण-दयान आत्‌मा काजे अपमान कर्‌यु। 
\v 30 डंड आपण्‌यु भगवान जो कह्‌यु, “बदलु लेणु मारो काम छे, मे बदलु लीस।” ने चु अळी ज बी कह्‌यु, “मालीक भगवान आपसा माणसेन नीयाव करसे।” ईना भगवान काजे आपणु जाणजे बी। 
\v 31 जीवतेला भगवानेन हाते डंड भुगतणु ते बेसकु बीहाड़े असो छे।
\p
\v 32 तुहुं तीनु पेहला दाहड़ाक हेर करु, तीनी टेम मां तुहुं खुस-खबरेन वीजाळो देखीन मान लेदला, ने बेसका दुख मां ने भुरसा मां टीकला रया। 
\v 33 तीनी टेमे माणसे, तुंद्‌रे मायन काहनुक आखा अगळ वात नीकाळ्‌यु ने वेला पाड़्‌या ने तुहुं तींद्‌री मान लेदा, ने तुंद्‌रे मायन काहनाक तीनु माणसे साते हतला सांती आपणे, तीनुक दीसरा माणसे वेला पाड़्‌या। 
\v 34 तुहुं ईसु पर भुरसु करन्‌या तीनु माणसे पर दया कर्‌या, तीनु काजे जेलेम कुंड देदला, ने वीरुद करन्‌या माणसे तुंद्‌रो माल धन हापकीन ली जाती रया, तेबी तुहुं खुस हतला; काहाकी तुहुं वीच्‌यार करतेला की भगवान हामरे वाटे ईनी धरती पर माल धन सी बी वारलु ने जलम टीकणेवाळो अमर जीवनेन माल धन सरगेम मेल रयु। 
\v 35 हेरेसी तुहुं हिम्‌मत घुण हारु। काहाकी तेरो काम बेसको मटो छे। 
\v 36 तुहुं गम खाय्‌न भगवानेन मरजी पुरी करसु, ती भगवान, तुहुंक जो आपणेन वायदु करलु छे, चो आपसे ने आपसे। 
\v 37 काहाकी चु आवणे वाळु छे,
\q1 “चु थुड़ीक टेम मां आवसे,
\q2 ने चु वार नी लागाड़े।
\q1
\v 38 मारो वारु काम करने वाळा माणसे,
\q2 भुरसा सी जीवन जीवसे,
\q2 ने जु कुय पछु हवसे तेरे सी मे खुस नी रव।”
\p
\v 39 बाकुन हामु ते भुरसु छुड़ीन पछा सरेकण्‌या मायन नी हय, बाकुन हामु तीनु मायन छे, जे भगवानेन भुरसा पर टेकला रय्‌न आपसा जीव-आत्‌मा काजे बचाड़े।
\c 11
\s भुरसान दाखलु
\p
\v 1 ती भुरसु काय छे? भुरसु जु छे की जो आपणु नी देख्‌या, ने तेरी आस आपणु कर रया, चत छे, ने भगवान चो आपणुक आपसे ने आपसे। असो मनेम पाक्‌को ठाणी लेणुत भुरसु छे। 
\v 2 काहाकी आपणा डाहा-बुड़ा भगवान पर पाक्‌कु भुरसु करला करीन भगवान तींद्‌रे बारामां वारु बताड़्‌यु।
\p
\v 3 भुरसान साहरेत आपणु ज जाणजे की भगवानेन बुलेन साहरे आखी कळजुग घड़ायली छे। ने ज काय देखाये ने मालुम पड़े च आखो देखाये ने मालुम पड़े असली चीजेम सी घड़ायो।
\p
\v 4 भुरसु करीन आदमेन नानलु पुर्‌यु हाबील, आपसा मटला भायस केन्‌या सी वारु भेट चहड़ायु; ने भगवान तेरी बादा मानी लेदु। असु करीन चु हाबील भुरसान साहरेत भगवान वगे सी वारु गीणायु। हेरेसी चु मरीन बी हय लग आपणुक भगवान पर भुरसान बारामां सीकाड़तु रयु।
\p
\v 5 भगवान पर भुरसु कर्‌यु करीन हनोक मरे पाखुर डील भेळु सरगे मां हाकलाय गुयु; ने चु अळी पछु काहनाक बी देखाव नी पड़्‌यु, काहाकी भगवान तीनाक हाकलीन ली जाती रवलु। हेरेसी जी वात चुखीझण छे की, भगवान तीनाक हाकलीन ली जाणेन पेहलेत, तेरे बारामां असी गवा देदु की, हयु मेसेक गमे असो काम करे। 
\v 6 भगवान पर भुरसु करे बीगुर कुय बी भगवान काजे खुस करनु काठो छे। जु भगवानेन्‌चां जाणेन हेर करे तीना काजे भुरसु करनु चाहजे की भगवान छे, ने चु तीनु आखा माणसेन भलो करे, ने आपणा हेरने वाळा काजे फळ आपे।
\p
\v 7 भगवान पर भुरसु करीन नुह आवणेवाळी मुसळ धार पाणीन गरान बारामां भगवान धड़े सी खबर सामळीन आपसा घराणा काजे बचाड़ने करीन चकराय्‌न ढंड्‌यो बणायु। असलु मुसळ धार पाणी धरती पर कदी नी पड़्‌यु। तेबी हय लग देखणेम नी आयो तेरे बारामां भगवान कह्‌ली वात पर भुरसु कर्‌यु। नुहान भुरसु देखीन भगवान तीनाक धरमी गीण्‌यु, ने असु करीन चु खरला धरमेन हकदार्‌यु बण गुयु। बाकुन कळीन दीसरा माणसे ढंड्‌याम भरायन मरीन सर गुया, असु करीन नुह आखी कळीन माणसे काजे गुनाळु ठेहराय देदु।
\p
\v 8 जत्‌यार भगवान अब्‌राहम काजे अनजाण्‌या देस भीणी जाणे करीन बुलायु; ती चु, भगवान पर भुरसु करीन तेरु हुकुम मानीन तीना अनजाण्‌या देस भीणी चाल पड़्‌यु, जो देस तीनाक हक मां जड़ने वाळो हतलो, तीनाक जो नी मालुम हतलो की, चु कां जाणे बाजी रयु, तेबी चु भुरसु करीन चाल पड़्‌यु। 
\v 9 वायदु करला देसो मां पुग्‌यु, तत्‌यार बी चु तीना वायदान देसो मां जबरान हक जमाड़्‌यु, ने परदेसी माणसे मां वसी गुयु, ने एकुत वायदान हकदार्‌या आपसा पुर्‌या इसाक पुठ्‌ये ने इसाकेन पुर्‌या याकुप पुठ्‌ये खपड़ी बणायन रहणे बाजी गुयु। भगवान पर भुरसु करीन अब्‌राहम असु करलु। 
\v 10 चु ते तीना सरगेम वसला सहरेन वाट देख रवलु, ने तीना सहरेन पायु नाखीन घड़न्‌यु ने तीना सहरेक बणावणे वाळु भगवानुत छे।
\p
\v 11 भगवान पर भुरसु करीन अब्‌राहमेन लाडी सारा बायरी डाहवारा मां बी भारपायेन ताकत हात करी; काहाकी ची असी मान लेदली की मे तुसेक पुर्‌यु आपीस करीन वायदु करन्‌यु भगवान छाचलु छे। 
\v 12 असो करीन मरला साय एकुत माणसेन साहरे सरगेन तारान तसी ने दर्‌या धड़ेन रेतळा तसी गीणाये नी असी अवल्‌यात हय गुय।
\p
\v 13 भुरसु करीन टेकला रय्‌न मर गुया। भगवान तीनुक ईनी कळी मां, जो-जो देख्‌यो ने बीन देख्‌यो आपणेन वायदा करलु, चो पुरो तीनुक नी आप्‌यु। चे मरनेन पेहले छेटेत रय्‌न भुरसु करीन चो देखीन खुस हय गुया, ने मान लेदा की, हामु ईनी कळी मां परदेसी ने वाटे चाला मुसाफीर्‌या छे; तेबी भगवान आपसा वायदा एक दाहड़े नीते दीसरे पुरा करसे ने करसे। असु करीन चे मरनेन पेहले छेटेत रय्‌न भुरसान डुळे भगवानेन वायदा पुरा हवतेला देख्‌या। 
\v 14 जे असी वात कह्‌वे, चे आपसी जीवाय साहरे ज चुखोझण देखाड़े की चे परदेसी देसेम रय्‌न आपसान देस काजे हेरने बाजी रया। 
\v 15 ने तीना देसेन वात सुचता ती, तीना देसेक हेर करीन पछा जाणेन वीच्‌यार करता, ती तीनुक तीना देसेम पछा जाणेन मुखु हतलु। 
\v 16 बाकुन चे तीना देसेम जाणेन वीच्‌यारुत नी कर्‌या। चे ते एक आखाम वारु देसेन, मतलब सरगेन देसेन हेरु पड़ रवला। हेरेसी भगवान, तीनु माणसेन भगवान कहवायणे नी लाजवाये; चु ते तींद्‌रे वाटे एक सहर बणावलु छे।
\p
\v 17 भगवान पर भुरसु करीन अब्‌राहम्‌यु पारखायणेन टेमे भगवानेन वायदा काजे छाचली मान लेदु, ने चु भगवानेन हुकुम मानीन इसाक काजे भगवान अगळ मारीन बादा चहड़ावणे तीयार हय गुयु। 
\v 18 हव तीना काजे भगवान असु कह्‌लु “इसाकेन साहरे तारी अवल्‌यात बड़से।” तीना इसाक काजे चु भगवान अगळ मारीन चहड़ावणे करीन तीयार हय गुयु। 
\v 19 काहाकी चु अब्‌राहम, भगवान पर असु पाक्‌कु भुरसु कर्‌यु की, भगवान मरला काजे बी मर्‌या-सर्‌याम सी जीवता करीन बठा कर सके ने एक कह्‌याम अब्‌राहम आपसा पुर्‌या इसाक काजे मर्‌या-सर्‌याम सी जीवतु हवलुत पछु हात कर लेदु।
\p
\v 20 भगवान पर भुरसु करीन इसाक, मरनेन पेहले आपसा पुर्‌या याकुप ने एसाव काजे आवणेवाळा दाहड़ा वाटे संयबरकत आप्‌यु।
\p
\v 21 भगवान पर भुरसु करीन याकुप मरने वेळाय युसुफेन दुयु पुर्‌या काजे एकेक करीन संयबरकत आप्‌यु, ने लाकड़ीन टेका लीन बी भगवानेन भक्‌ती कर्‌यु।
\p
\v 22 भगवान पर भुरसु करीन युसुफ मरने वेळाय हुकुम आपीन असु कह्‌यु की, आपणा ईस्‌रायेली माणसे मीसरे देसेम सी छुटकारु हात करीन कनान देसेम जाती रवसे। बाकुन मे ते, मीसरे देसेम सी छुटकारु हात करे पाखुर मर जायस, हेरेसी तुहुं मारा हाटका लीन जाती रवजु।
\p
\v 23 जत्‌यार मुसु पयदा हवलु, तीन दाहड़ाम मीसर देसेन राजु असु हुकुम नीकाळ्‌यु की, ईस्‌रायेली जाती मां पयदा हवण्‌या आखा पुर्‌याक मार नाखु। मुसु बेसकु वारु हतलु, ने तेरा आयस बास समजी गुया की, जु एक खास पुर्‌यु छे हेरेसी मुसान आयस बास भगवान पर भुरसु करीन मीसर देसेन राजा सी बीहे बीगुर मुसा काजे तीन महना लग साताड़ी-साताड़ीन मटु कर्‌या।
\p
\v 24 भगवान पर भुरसु करीन, मुसु \f + \fr 11:24 \fr*\ft हुस्‌यार \ft*\f*हुस्‌यार हय्‌न जु कय देदु की मे फीरोन राजान पुरेन पुर्‌यु नी हय। 
\v 25 मुसा काजे पाप मां थुड़ाक दाहड़ा लग मुजा लेणे सी भगवानेन माणसे पुठ्‌ये वेला करनु वारु लाग्‌यो। 
\v 26 मुसु ते भगवान धड़े जलमेन वाटान ईनाम हात करनेन वाट देख रवलु। हेरेसी तीनाक ते, मीसर देसेन धनेन मुजा लेणे सी भगवानेन मसीन नाव-बद्‌दी हवणु वारु लागे।
\p
\v 27 मुसु ते वीन देख्‌या भगवान काजे देख्‌यु नी, बाकुन तेबी भुरसान साहरे देख रयु समजीन भगवानेन भुरसा पर टेक्‌लु रयु। हेरेसी भगवान पर भुरसु करीन मुसु राजान रीस काजे देखीन बी नी बीहु, ने मीसरे देस काजे छुड़दीन जाती रयु। 
\v 28 आखाम पेहले वाळा \f + \fr 11:28 \fr*\ft पासका तीहवारेन दाहड़ाक\ft*\f*पासका तीहवारेन दाहड़ाक हेर करु, जत्‌यार माणसेन जीव लेणे आवण्‌यु सरग वाळु चाकर्‌यु, मीसर देसेम वाळा आखा माणसेन पेहले खुळ्‌या पुर्‌या काजे मारने हींडतेलु। तीने टेमे मुसु भगवान पर भुरसु करीन ईस्‌रायेली माणसेक जु हुकुम आप्‌यु, “तुहुं गाडरान पीला काजे मारीन तेरो लुही आपणा-आपणा घरेन बारकस पर चुपड़ी देवु, ती सरग वाळु तुंद्‌रु जीव नी लेय।”
\p
\v 29 भगवान पर भुरसु करीन मुसान अगवाय मां ईस्‌रायेली माणसे, जसा सुकली जागाक वेणकीन जाय, तसात रातला दर्‌या काजे वेणकीन जाती रया। ने जत्‌यार मीसरे देसेन सीपायड़ा बी ईस्‌रायेली माणसेन तसा दर्‌या वेणकणे गुया, ती चे डुबीन मर गुया।
\p
\v 30 भगवान पर भुरसु करीन ईस्‌रायेली जातीन माणसे, यरीहो सहरेन चारेमेर वाळा जाड्‌ला भीतड़ान सात दाहड़ा फेरा लागाड़्‌या, ने च सहरेन चारेमेर वाळो जाड्‌लो भीतड़ो उदरी गुयो। 
\v 31 यरीहो सहरेन राहाब, पेहल रंडी हतली, बाकुन अळी ची यहुदी माणसेन खरला भगवान पर भुरसु करी। ने थुड़ाक यहुदी माणसे राहाबी रहतेली तीना देसेम भेदु लेणे करीन आया, तत्‌यार ची भगवानेन भुरसे तीनु माणसेक आपसा घर मां आव-भाव करीन सात दीन साताड़ देदी। अळतेन ची आपसा सहरेन दीसरा माणसे भेळती नी सरी, जे भगवान पर भुरसु नी करतेला।
\p
\v 32 हय मे अळी अगु नी देखाड़तु। काहाकी मारे धड़े भगवान पर भुरसु करन्‌यान भुरसान बारामां एकेक करीन देखाड़नेन टेम नी हय। नीते मे गीद्‌यान, ने बाराकान, ने सीमसन, ने यीफत्‌यान, ने दावुदेन, ने समुएल ने भगवानेन अघली वात बताड़ने वाळा माणसेन भुरसान बारामां कय देतु। 
\v 33 चे भुरसु करीन बेसका ईलाकान राजा काजे जीत लेदा; ने वारु काम कर्‌या; भगवान तीनी चीजेक आपणेन वायदु करलु, तीनी चीजेक हात कर लेदा; ने नाहरेन मुंहडो बंद कर देदा; 
\v 34 भगवान पर भुरसु करीन आकठो उलवी देदा; तलवारेन धार सी बच गुया; लुल्‌गाय मां बी ताकतवाळा बण गुया; लड़ाय मां बी तेज नीकळ्‌या; वेरी माणसेन सीपायड़ा काजे रावण्‌या-तीवण्‌या कर देदा। 
\v 35 भगवान पर भुरसु करीन बायरा आपसा मरला सातेवाळा काजे जीवतेला हात कर लेदा; काहाकी भगवान तीनु काजे पछा जीवता कर देदलु।
\p ने काहना ते भगवान पर भुरसु करीन दुख ने मुत सी छुटकारु हात करने नी हींड्‌या; चे हेरेसी असा करला काहाकी चे अमरेन जीवन वाटे, मर्‌या-सर्‌याम सी जीवता हवणेन आस कर रवला। 
\v 36 काय कतरा हासी उड़ाया; ने तीनुक सपाटा देदा; ने तींद्‌रे हात ने पाय मां कड़्‌या पेहरायन बांद देदा ने तीनुक जेलेम कुंड देदा। 
\v 37 काहनाक काजे दगड़ाया; ने जीवतेलात, लाकड़ा चीरनी आरी करीन चीरीन दुय टुकड़ा कर देदा; तीनु काजे पारख्‌या; असा करीन भगवान पर भुरसु करन्‌या गरीब हय्‌न, वेला करता जाय्‌न हीड़ा-पीड़ा झेलता जाय्‌न, गाडरान ने बुकड़ान खालड़ा पेहरी-पेहरीन अथान-अथा डंडवायता फीर्‌या। 
\v 38 ने चे बयड़ा मां, ने जंगल मां, ने ढाटान खंगरा मां, ने धरतीन खुबारामां अथान-अथा ढासता ने डंडवायता फीर्‌या। काहाकी ईनी कळी मां जे भगवान पर भुरसु नी करे, तींद्‌रे पुठ्‌ये रह्‌वणु, ईनु भुरसु करन्‌या वाटे बेसको काठो हतलो।
\p
\v 39 ने चे भगवान पर भुरसु कर्‌या, करीन भगवान तीनुक बेसकु वारु कय्‌न तींद्‌रे बारामां गवा देदु, तेबी भगवान तीनु काजे जो आपणेन वायदु करलु, च आज लग नी आप्‌यु। 
\v 40 काहाकी भगवान तीनु काजे आपणे पेहलुत सी पुरा-पुरा पाक्‌का करनेन एक खास युजना बणावलु।
\c 12
\s भगवान हामरु बास छे
\p
\v 1 जत्‌यार भुरसान गवा पुरावा अतरी जबर आपणु काजे घेरी रया, ती चालु, आपणु भगवानेन वाट्‌ये रुकण्‌या आखी चीज काजे हेड़ीन छेटे कर देदा, ने गुचवाण मां नाखण्‌या पाप काजे छुड़ देदा ने तीनी दवड़ मां आपणु काजे अगा दवड़नु छे, तीनी दवड़ मां गम खाय्‌न अगा दवड़जे। 
\v 2 ईसु ते आपणा भुरसान पायु छे, ने पाक्‌कु करन्‌यु छे; हेरेसी तेरे भीणी एक हेट्‌या भाळीन जी भुरसान दवड़ दवड़जे। ने आपसा अगळ मेल्‌ली खुसी हात करने करीन लाजवाये पाखुर कुरुसेन दुख झेल्‌यु; ने दुख झेलीन भगवानेन राजगादी पर जेवड़्‌ये आंग्‌ये बस गुयु।
\p
\v 3 हेरेसी ईना ईसु पर वीच्‌यार करु! ने तुंद्‌रु जीव फीकुर करीन हिम्‌मत नी हारनु चाहजे करीन चु पापी माणसेन वीरुद काजे वेठ लेदु। 
\v 4 बाकुन पाप साते लड़ाय करीन तुहुं काजे आज लग आपसो लुही उहवाड़नु नी पड़्‌यो। 
\v 5 तुहुं धरम सास्‌तुरेन जी सीकापण घुण ईसेरजु, तेरेमां तुहुंक बेटा करीन बुलाड़लु छे?
\q1 “ए मारा बेटा! मालीक तुसे काजे सुदारने करीन डंड आपे, तीनी वातेक कमजुर घुण समजे,
\q2 ने जत्‌यार चु तुसेक झीचकारे, ती हिम्‌मत हारीन हीयाव घुण छुड़े।
\q1
\v 6 काहाकी भगवान तीनाक परम करे, तीनाक डंड बी आपे,
\q2 जसु तीना पुर्‌याक चु बेसकु जबर परम करे, तसु तीना पुर्‌याक डंड बी आपे।”
\p
\v 7 तुंद्‌रे पर दुख आवे ती ज समजीन सेण कर लेजु की भगवान बास सुदारने करीन हामुक डंड आप रयु। काहाकी भगवान तुहुंक आपसा पुर्‌या समजीन तुंद्‌रे साते असु वेहवार करे। वीच्‌यार करु! असु काहनु बास हसे, चु आपसा पुर्‌याक सुदारने करीन डंड नी आप्‌यु हय? 
\v 8 कदी भगवान आपसा दीसरा पुर्‌याक सुदारने करीन डंड नी आपे, ती तुहुं बासेन खास पुर्‌यु नी हय, बाकुन दीसरान पुर्‌या कहवायसु। 
\v 9 आपणा धरती पर वाळा बासे आपणुक सुदारने करीन डंड आपतेला, तेबी आपणु तींद्‌री ईज्‌जत करतेला, ती वीच्‌यार करु! धरती पर वाळा बासेन ईज्‌जत करे, तेरे सी बी जादा आपणा जीव-आत्‌मान बासेन, ईज्‌जत नी करनु चाहजे काय? हेरेन करीन की तीना जीव-आत्‌मान बासेन हक मां रय्‌न आपणुक अमर जीवन जड़े। 
\v 10 ईनी कळीन बास ते दसो समज आवतेलो, तसु ईनी कळीम वाळी आपणा-आपणा जीवन काजे सुदारने करीन डंड आप्‌या करतेलु, बाकुन भगवान ते, आपणी जलमेन भलाय वाटे आपणुक डंड आपे। हेरेन करीन की आपणु तेरा चुखला साजल्‌या बण जाजे। 
\v 11 आपणुक सुदारने करीन डंड जड़े, तत्‌यार आपणुक वारु नी लागे, ने बेसको काठो लागे। बाकुन तेबी जे सुदारनेन डंड झेली-झेलीन पाक्‌का हय गुयला छे, तीनुक पेहली कावा चुखला धरमेन सांती आपण्‌यो फळ जड़से।
\p
\v 12 हेरेसी अळगा हात, ने कमजुर मांडा काजे काठा कर लेजु; 
\v 13 ने आपणा पाय वाटे सुदी वाट बणायन अगा जाता जावु, तेरे सी जे भुरसा मां लंगड़ा छे, चे डंडवाये नी, बाकुन वारका हय जासे।
\s भगवानेक मां छुड़ु करीन समजाड़े
\p
\v 14 हेरेसी आखा साते वारु रहु, ने चुखला रवणेन टेव पाड़ु। चुखला हये बीगुर काहनु बी भगवान काजे नी देख सके। 
\v 15 कुय बी भगवानेन गीण-दया सी आंग्‌ये नी रहणु चाहजे; हेरेन करीन चेतीन रहु। तुंद्‌री जीवाय मां काहना बी कड़वला ने नुकसाण करे असला झाड़कान तसी, कुहराय नी बड़नु चाहजे, जी आखा माणसे काजे बीगाड़ देय। 
\v 16 तुंद्‌रे मां कुय बी छीनाळ्‌यु नी हवणु चाहजे, ने एसावेन तसु भगवान पर भुरसु नी करन्‌यु, असु नी हवणु चाहजे, जु एकुत कावा खाणो खाणे वाटे आपसुत पेहलु हक वेच देदु। 
\v 17 तुहुं काजे मालम छे की चु अळी आपसा बास धड़े संयबरकत मांगणे करीन बेसकु हेर कर्‌यु, बाकुन ची संयबरकत तीनाक नी जड़ी। भले चु रड़ी-रड़ीन आपसा बास धड़े मेसेक संयबरकत आप दे कय्‌न वीन्‌ती कर्‌यु, तेबी तीना काजे संयबरकत आपणे करीन आपसा बासेन मन नी पीगळ्‌यो।
\p
\v 18 तुहुं असा बयड़ा साते नी आया, चु बयड़ु हाते करीन छीमाय जाय, ने जु आकठा मां हुड़ु-हुड़ु धपे, ने तेरे चारेमेर \f + \fr 12:18 \fr*\ft काळ्‌ळा आदळान बळाह्‌वा रवे\ft*\f*काळ्‌ळा आदळान बळाह्‌वा रवे, ने तेरे चारेमेर आंदारो ने आंधी रवे, 
\v 19 ने जां फेप्‌यान अवाज रवे, ने जां बुलन्‌यान असु आकरी बुल रवे तीना बुलेक सामळन्‌या ईस्‌रायेली माणसे भगवान धड़े असी वीन्‌ती करने बाजी गुया की ए भगवान, हय अळी हामरे साते असी आकरी वात मां करे। 
\v 20 काहाकी भगवान असु हुकुम आपलु, की “कदी काहनो जनवार्‌या बी बयड़ा काजे टुचलसे ती, तीनाक दगड़ाटीन मार नाखु।” 
\v 21 चां अतरो बेसकु बीहाड़े असो देखायतेलो की मुसु कह्‌णे बाजी गुयु, “मे बेसकु बीही गुयु, मारेम कापणी भराय गुय।”
\p
\v 22 बाकुन तुहुं सीयोन बयड़ान्‌चां, आय रया जु बयड़ु जीवतेला भगवानेन सरग वाळा यरुसलेम सहर मां छे। ने चां लाखु करुड़ु सरग वाळा काहवाळ्‌या छे, चे खुसी मनावे 
\v 23 ने भगवान पर भुरसु करीन पेहेल मरन्‌या, मनार्‌यान बठक मां, ने ईसुन माणसेन्‌चां तींद्‌रा नावे सरगे मां लिखला छे, ने आखान नीयाव करन्‌या भगवानेन्‌चां, ने चुखोझण हय्‌न पाक्‌का हवण्‌या धरमीन जीव-आत्‌मान्‌चां आवला छे। 
\v 24 ने तुहुं मेळ कराड़न्‌या ईसुन्‌चां आवला छे, जु भगवानेन ने माणसेन ईचमां वायदु करीन मेळ कराड़े। ने ईसुन छीतेड़ला लुहीन्‌चां आवला छे, चो लुही हाबीलेन लुही सी जादा वारु कह्‌वे।
\p
\v 25 तुहुं चेतीन रहु। बुलने वाळा भगवानेन बुली काजे सामळीन, मन बेहरा मां बणु। जे धरती पर बुलने वाळान बुली सामळीन बी मन बेहरा हय गुयला, कदी चे नी बच्‌या, ती आपणु सरग वाळान बुली सामळीन बी मन बेहरा हय जासु, ती कसा काय बचसु, जु आपणु काजे कय्‌न चेतावु करे। 
\v 26 तीनी टेमे धरती पर बुलने वाळान बुली, धरती काजे हालाड़ी देदली; बाकुन चु हय ज बमदीन कह्‌यु की “एक कावा अळी, मे धरती काजे अतरुत नी; बाकुन सरगे काजे बी हालाड़ी दीस।” 
\v 27 एक कावा अळी ईना बुल सी जु ईसारु जड़े की ईनी कळीन तीनी चीज काजे हालाड़से, ची चीज सर जासे, ने तीनी चीज काजे नी हालाड़े ची जलम लग टेकली रवसे।
\p
\v 28 आपणु काजे ज राज जड़लो छे, च कदी नी हाले, हेरेसी आपणु भगवान काजे तु बेसकु वारु छे कह्‌तात रवजे, ने तेरी मरजीन अनसारेत भक्‌ती ने भुरसु करीन तेरी सेवा चाकरी करजे। 
\v 29 काहाकी आपणु भगवान ते, धपीन भसम करन्‌यो आकठो छे।
\c 13
\s भगवानेन भक्‌तीन अनसारे जीवन जीवणु
\p
\v 1 तुहुं ईसु मसी मां भाय-बहणस्‌या छे, हेरेसी एक दीसरा सी परम करता रहु। 
\v 2 जे माणसे तुंद्‌रे घर आवे, तींद्‌री मेजवानी करनु घुण भुलु; काहाकी थुड़ाक जणा अंजाण्‌या माणसेन मेजवानी कर्‌या, ने अळी तीनुक मालम पड़्‌यो की, हामु ते जाणे बीगुर भगवानेन सरग वाळा चाकर्‌यान मेजवानी कर देदला। 
\v 3 हामु बी जेल मां छे, असो समजीन ईसु पर भुरसु करन्‌या केदड़ान मदत करने घुण ईसेरजु। ने हामरो डील बी दुख झेलन्‌योत छे समजीन ईसु पर भुरसु करन्‌या काजे, दीसरा माणसे वेला पाड़े, ती तींद्‌री मदत करने घुण ईसेरजु।
\p
\v 4 भगवान, छीनाळ्‌यान ने दीसरान बायरीक धरन्‌यान नीयाव करसे, ने डंड आपसे। हेरेसी आखा माणसे मां ईयाव ईज्‌जत सी हवणु चाहजे। ने दुयु माणसे काजे एक दीसरा पर भुरसु करे असु जीवन, जीवणु चाहजे।
\p
\v 5 धनेन हाय मां करु, ने जो काय तुंद्‌रे धड़े छे तेरेत मां नीसरा रहु; काहाकी भगवान आपसुत कह्‌लु छे, “मे तुसेक कदी नी छुड़ो, ने कदी नी ईसरो।” 
\v 6 हेरेसी हामु बे फीकर्‌या हय्‌न भगवान पर भुरसु करीन कह्‌जे,
\q1 “मालीक भगवान मारे अगु छे,
\q2 मे नी बीहयो।
\q1 माणसे मारो काय बीगाड़ लेसे?”
\p
\v 7 जे तुहुं काजे भगवानेन खुस-खबर सामळायन तुंद्‌री अगवाय कर रया, तीनु काजे तुहुं हेर राखु; ने चे कसा भुरसान जीवन बेसकी वारु जीवीन पुरी कर्‌या; तसात तुहुं बी भगवान पर भुरसु करीन जीवु। 
\v 8 ईसु मसी वीतला टेम मां बी एक सारकु हतलु, ने आज बी तसुत छे, पीड़ीडीट जलम लग एक सारकु रवसे। 
\v 9 भाती-भातीन नवली सीकापण सामळीन मां बीखरायु; खाणे पीणेन पाळनी पाळनेन भुरसे मां रहु, काहाकी असो करने वाळान काय बी नफु नी हयु। तुंद्‌रो मन पाक्‌को करीन जीव-आत्‌मा मां बड़ने करीन, तुहुंक भगवानेन दया चाहजे।
\p
\v 10 हामु ईसु पर भुरसु करन्‌या धड़े एक असी चुखली वेदी छे, तेरेमां सी खाणेन हक, तम्‌बु मां पुजा-पाट करन्‌याक नी हय। 
\v 11 जुन्‌ली बुलीन अनसारे मुखी पुजारु, सालोम एक कावा जनवार्‌या काजे मारीन, तींद्‌रो लुही तम्‌बुन चुखला जागा मां ली जाय्‌न, पापेन बादा करीन वेदी पर चड़ावे; तीनु जनवार्‌यान डील काजे तम्‌बा सी आंग्‌ये ली जाय्‌न धपाड़ देसे। 
\v 12 आपणुक असला पुजारा बणावणे करीन ईसु बी आपसे लुह्‌ये करीन आपणु काजे चुखा करने करीन यरुसलेम सहरेन बारना सी बाहर दुख झेल्‌यु। 
\v 13 हेरेसी चालु, आपणु ईसुन नाव-बद्‌दी आपणे पर बी ली लेजे, ने जुन्‌ली रीती-भातीन डेराक छुड़ीन ईसुन्‌चां जाजे। 
\v 14 ईनी कळी मां आपणे वाटे जलम लग रह्‌वणे वाटे सहर नी हय, बाकुन आपणु एक आवणेवाळा सहरेन वाट देख रया। 
\v 15 हेरेसी आपणु भगवान काजे ईसुन साहरे बड़ायन बादा चहड़ाया करजे। मतलब आपणु आपणे मुंहडे करीन तेरा नावेक तेरा गुणे गाया करजे। 
\v 16 ने भलाय करनु, ने दया देखाड़नु आपणुक नी ईसेरनु चाहजे; काहाकी भगवान काजे ते असलीत बादा सी खुसी हवे।
\p
\v 17 मंडळीन पुडार्‌या, तुंद्‌रा जीव वाटे रात दाहड़ु फीकुर करीन जागली करीन दुवा करता रवे, ने अगवाय करे। तीनुक ते तुंद्‌रो जीव सुदारनेन जो काम भगवान सुपलु तेरु हीसाब किताप भगवान काजे आपणु पड़से। हेरेसी तींद्‌री मानु; ने तींद्‌रे अनुसार चालु, ने तीनु काजे ज काम खुसी सी करने देवु, दुखी हय्‌न नी काहाकी दुखी हय्‌न जो काम करसे ती, तुंद्‌रा जीव काजे काय बी नफु नी हये।
\p
\v 18 हामरे वाटे भगवान धड़े दुवा करता रहु। हामुक पाक्‌कु भुरसु छे की, हामरो मन चुखलु छे; ने हामु आखी वातेम वारु काम करनेन हेर करजे। 
\v 19 तुहुं सी लीलघाय करीन कहो की, तुहुं मारे वाटे भगवान सी दुवा करु की मे मामार तुंद्‌रेन्‌चां आय सको।
\p
\v 20 सांती आपण्‌यु भगवान, मालीक ईसु मसी काजे आपसा जलमेन वायदु करला लुहीन गुणेन साहरे मर्‌या-सर्‌याम सी जीवतु करीन बठु कर देदलु छे। जु ईसुत आपसा माणसेन राखवाळी करन्‌यु छे। तेरा माणसे गाडरा साय छे। 
\v 21 जुत सांती आपण्‌यु भगवान तुहुं काजे आखी भली वात मां बड़ाया करे। तेरे सी तुहुं भगवानेन मरजी पुरी करु, ने ज काय भगवान काजे चाहजे च काम करु। भगवान आपणा जीव मां जो आखो काम ईसु मसीन साहरेत पुरो करे। ने ईना ईसुन बड़ाय जलम पीड़ीडीट हवती रहणु चाहजे। आमीन।
\p
\v 22 ए भायस्‌यो ने बहणस्‌या, मे तुंद्‌रे धड़े लीलघाया करो की तुहुं मारी ईनी सांती आपणी वात काजे मान लेवु। काहाकी मे तुहुंक जाराक वात मानने करीन लिखलु छे। 
\v 23 मे तुहुंक जी खबर सामळावणु छे की आपणु भायस तीमुथीयुस जेलेम सी छुट गुयलु छे। कदी चु मामार आवसे, ती मे तेरे पुठ्‌ये तुहुं काजे भेळु हवणे आवीस।
\p
\v 24 आपणा आखा अगवाय करन्‌या काजे ने चुखला माणसे काजे वारलु छे की पुछु? ईटली देस वाळा तुहुं काजे बी वारलु छे की? करीन पुछ रया।
\p
\v 25 तुहुं आखा काजे भगवानेन गीण-दया जड़ती रह्‌वणु चाहजे। आमीन।