\id 3JN - Bhilali Standard Project
\ide UTF-8
\h 3 युहन्‌ना
\toc3 3 युहन्‌ना
\toc2 3 युहन्‌ना
\toc1 युहन्‌नान तीसरी चिट्‌ठी
\mt2 यूहन्ना की तीसरी पत्री
\mt1 युहन्‌नान तीसरी चिट्‌ठी
\imt 3 युहन्‌नान बारामां
\ip 3 युहन्‌नान चिट्‌ठी नेवताळा युहन्‌नान साहरे मसीन पयदा हवणेन पचास सी सोव सालेन ईचमां लिखी गुयलो। युहन्‌‌‌नु खुद काजे लिखण्‌यान रुप मां नी उळखे, बाकुन खुद काजे डाहा-बुड़ा कह्‌वे। \xt 1:1\xt* \xt 2 युहन्‌ना 1:1\xt* मां बी चु असुत करे। असो मानी जाय की युहन्‌ना ईफीसुस मां रय्‌न युहन्‌ना ने तीन आक्‌सर मां 1 युहन्‌ना, 2 युहन्‌ना, 3 युहन्‌नान अनसारे खुस-खबर लिखलो हतलो।
\ip युहन्‌ना जी चिट्‌ठी गयुस नावेन एक ईसु पर भुरसु करन्‌या काजे लिख्‌यु। चु गयुस काजे एक दुस्‌तेन कमरा मां देखाड़े ने हीनाक मसी भायसे वाटे मेजवानी करनेन आदेस देय ज्‌य हीना ईलाका मायन हयन जासे।
\iot बाहरती वात
\io1 1. युहन्‌ना आपणी चिट्‌ठीन उळखाण देय। \ior 1:1 \ior*
\io1 2. अळतेन चु गयुस काजे हिम्‌मत बांदाड़े ने हीनु भायसे काजे मेजवान्‌या देखाड़नेन आदेस देय। \ior 1:2-8 \ior*
\io1 3. हेरे पछेन, चु दुय दीसरा अदमी, दीमेत्‌रफेस ने दीमेत्‌रयुसेन वात करे। \ior 1:9-12\ior*
\io1 4. आकरी मां चु आपणी चिट्‌ठी काजे पुरु करे। \ior 1:13-14 \ior*
\c 1
\s आव-भाव
\p
\v 1 ए मारा लाटेक्‌ला गयुस, मे युहन्‌‌‌नु पुडारी, जी चिट्‌ठी तुसे काजे लिखो,
\p ने मे छाचलीन तुसेक परम करो।
\p
\v 2 ए मारा लाटेक्‌ला दुस्‌तीदार, मे तार धड़े जी दुवा करो की, जसु, तु जीव-आत्‌मा मां बड़ रयु, तसुत आखी वात मां बड़ ने वारु रव। 
\v 3 जत्‌यार हामरा सात देण्‌या भायस तुंद्‌रेन्‌चां सी पछा आवीन तुंद्‌रा बारामां असी छाचली गवाय देदला छे, “तारा चेला ते छाचाय्‌न वाटे वारु चाल रया” तत्‌यार मे बेसकु खुस हयु। ने चे मेसेक ज बी बताड़्‌या की तुहुं छाचली वाट पर कसा चाल रया। 
\v 4 मार वाटे ते मारा पुर्‌या-पारीन बारामां गवाय सामळने सी अळी मट्‌ली खुसी नी हय, की मे सामळो, की मारा पुर्‌या-पारी छाचाय्‌न वाट पर चाले।
\s गास्‌यान बड़ाय
\p
\v 5 ए मारा लाटेक्‌ला दुस्‌तीदार, तु आपणा भाय बेटान भलाय वाटे ज काय कर सके चो, तु भुरसा भेळ कर रयु, भले चे ईसुन सेवा भक्‌ती करन्‌या भाय बेटा, तारे वाटे अंजाण्‌या छे। 
\v 6 ने चे भाय बेटा, जां वाळी मंडळी मां पछा आवीन तारा परमेन बारामां गवा देदला छे। जसु तु, ईनु माणसेक परम सी पेहले आव-भाव करलु, तसुत हय बी अळी ईनुक भगवानेक लागे असो आव-भाव करीन खुसी-खुसी वारु मकल्‌या करजी, ती वारलु रवसे। 
\v 7 काहाकी चे ईसु मसी पर भुरसु नी करे तींद्‌रे धड़े, चे काय बी लेय बीगुर, मालीक ईसु मसीन नावेत नीकळ्‌ळा छे। 
\v 8 तेरेमां आपणु आखा काजे बी असला माणसेन फीकुर करीन मदत करनु चाहजे। काहाकी आपणु असा करसु, ती छाचाय वाटे काम करन्‌यान साजल्‌या बण जासु।
\s दीयुतीरफ्‌यु ने देमेतीरीयुस
\p
\v 9 मे, ईनी वातेन खबर करीन तुंद्‌रे सातेवाळी, ईसुन मंडळी वाटे एक चिट्‌ठी लिखलु। बाकुन तीनी चिट्‌ठी वाळु दीयुतीरफ्‌यु हामरी वात सामळने नी हींडे; चु ते आखा सी मटु बणने हींडे, ने ईसु काजे हामरी वातेन खबर नी पुगाड़्‌यु। 
\v 10 तेरेमां मे जत्‌यार आवीस, ती तेरा करला कामेन बारामां मे तीनाक हेर कराड़ीस, हयु हामरी नाव-बद्‌दी करसे, ने हेरेम बी चु खुस नी रवे; ने जे हामरी भायसेन आव-भाव करने हींडे, तीनुक बी चु मना करे! ने तीनुक भगवानेम सी नीकाळ देय।
\p
\v 11 ए मारा लाटेक्‌ला दुस्‌तीदार, असी कुहराय करन्‌यान तसु, तु कुहराय घुण करजी बाकुन भलाय करन्‌यान चाल धर, काहाकी जु माणुस भलाय करे, चु माणुस भगवानेन अगे सी छे। बाकुन जु कुहराय करे, चु माणुस भगवानेक नी देख्‌यु।
\p
\v 12 हाय देमेतर्‌यान बारामां सामळु, जु जां सी तारेन चां आवणे वाळु छे। देमेतीरीयुसेन बारामां आखा वारलु गवाय देदला छे। ने तेरी जीवाय ते, पुरी-पुरी छाचली सीकापण छे, ने हामु बी देमेतीरीयुस वारलु गवा देजे। ने तु जाणे की, हामु जी गवाय दी रया ची गवाय छाची छे। हेरेसी देमेतीरीयुसेन बी वारु आव-भाव करजी।
\s चिट्‌ठीन आकरी वात
\p
\v 13 मार धड़े तार बारामां लिखणे वाटे ते बेसकी वात छे, बाकुन मे, ईनी वातेक हय अगु कागदा पर सांय ने पेन वाटे लिखणे नी हींडतु। 
\v 14 बाकुन मे छाटुस आवीन तुसेक भेळु हवणेन आस कर रयु। ने जत्‌यार मे तारेन चां आवीन तुसेक भेळु हय्‌स, तत्‌यार आपणु आंबा-सांबा वात करसु।
\p
\v 15 भगवानेन अगे सी तुहुंक सुक सांती जड़ती रहणु चाहजे,
\p ने जां वाळा दुस्‌तीदार्‌या तुहुंक वारलु छे की? करीन पुछ रया। अतरे हामरे वाटीन चां वाळा आखा दुस्‌तीदार्‌यान नाव धरी-धरीन वारलु छे की? करीन पुछ लेजी\x + \xo 1:15 \xo*\xt 2 युहन्‌ना 1:12\xt*\x*।