\id 2TI - Bhilali Standard Project
\ide UTF-8
\h 2 तीमुथी
\toc3 2 तीमुथी
\toc2 2 तीमुथी
\toc1 तीमुथी वाटे पोलुसेन दुसरी चिट्‌ठी
\mt2 तीमुथियुस के लिए पौलुस की दूसरी पत्री
\mt1 तीमुथी वाटे पोलुसेन दुसरी चिट्‌ठी
\imt 2 तीमुथीन बारामां
\ip दीसरा तीमुथीन किताप नेवताळा पोलुस भीणी सी आपणा चेला तीमुथी काजे लिखली दीसरी चिट्‌ठी छे। दीसरा तीमुथी काजे पोलुसेन जीवणेन आकरी मां लिखाय गुयलो छे। च हीनी टेमे छे \xt 1:16\xt* दोरान रोम मां बुजायलु हतलु पोलुसेन तीमुथी साते गहरो रीस्‌तो हतलो ने हीयु हीनाक काय कावा पुर्‌यान रुप मां साप रुप सी कहें। \xt फीलीपी 2:22\xt* \xt 1 तीमुथी 1:2; 1:18\xt*
\ip ज्‌य पोलुसेन चार चिट्‌ठीया मां सी एक छे ज्‌य एक मंडळीन बजाय एक माणुस काजे अगवाय करे दीसरा चिट्‌ठीया दीसरा तीमुथी, तीतुस ने फीलोमेन छे। दीसरा तीमुथीन लिखी जाणेन टेमे, रोमेन राजगादी मां मसी पर भुरसु करन्‌या माणसे काजे एला पाड़ रवला। काही मायन जी वजे हतली की पोलुस जेल मां हतलु ने तीमुथी काजे काठाय वेठणेन आदेस दी रवलु जसों की पेहला मां छे, पोलुस तीमुथी काजे लुच्‌चा सीकाड़ सी काय कावा चेताव देय \xt 1 तीमुथी 1:16-18\xt* चु तीमुथी काजे असु बी कवे ज्‌य मां कह्‌वे की आवणे वाळा दाहड़ा मां काठली टेम हवसे। \xt 3:1\xt*
\iot बाहरती वात
\io1 1. पोलुस तीमुथीन आव-भाव करने ने अळतेन हीनाक हिम्‌मत बांदान्‌ने साहरे सुरु करे। \ior 1:1-18\ior*
\io1 2. अळतेन चु तीमुथी काजे दम धरीन चेतावणी देय। \ior 2:1-13\ior*
\io1 3. हेरे पछेन चु हीनाक मामुली आदेस आपे। \ior 2:14-26\ior*
\io1 4. अळतेन चु हीनाक आवणे वाळी घटनान ने सामनु करने सय तरीकान बारामां चेतावणी देय। \ior 3:1—4:8 \ior*
\io1 5. पोलुस तीमुथी वाटे थुड़ाक खुदेन राय साते खत्‌तम करे। \ior 4:9-22 \ior*
\c 1
\p
\v 1 मे पोलुस, भगवानेन मरजी सी ईसु मसीन नेवताळु छे। ईसु मसीन साहरे माणसेक अमर जीवाय आपणेन भगवान वायदु करलु छे, ईनी खबरेन मे नेवताळु छे।
\p
\v 2 ए तीमुथीयुस, मे पोलुस जी चिट्‌ठी तुसे काजे लिखो। तु ते मार वाटे लाटेक्‌ला मुजुक छे।
\p आपणा भगवान बासेन ने आपणा मालीक ईसु मसीन दया, ने गीण-दया ने, सुक-सांती तुसेक जड़ती रहणु चाहजे।
\s पोलुस तीमुथीयुस वाटे भगवान काजे बेसकु वारु कह्‌वे
\p
\v 3 ए तीमुथी, तुसेक मे रय रय्‌न \f + \fr 1:3 \fr*\ft स्मरण\ft*\f*हेर करो ने रात दाहड़ु भगवान सी तार वाटे दुवा करो; ने तार वाटे ते मे भगवान काजे बेसकु वारु कहतु बी रव। आपणा डाहा-डाहा बी ईना भगवानेन सेवा कर्‌या, तेरी मे चुखला मन सी सेवा करो 
\v 4 मेसेक मालुम छे की मेसेक छुड़ीन तुसेक जाणु पड़्‌यो करीन तु बेसकु दुखी छे। तत्‌यार ते तु बेसकु रड़्‌यु। तारो रड़नु हेर करतु-करतु मारु जीव बी दुखे। तुसेक भेळु हवणे करीन बेसकु हेर करो; तुसेक भेळु हय्‌स ती मे खुस हय जायस। 
\v 5 तु ईसु पर छाचलीन भुरसु करे, ईना भुरसान वातेक मे हेर करो। जुत छाचलु भुरसु तारी आयसीन आयस लोइस मां हतली। ने जुत छाचलु भुरसु तारी आयस युनीके मां बी हतलु छाचलीन, हय जुत छाचलु भुरसु तारे मां बी छे। 
\v 6 हेरेसी मे तुसेक हेर कराड़तु जाय्‌न कह्‌वो; मे तार पर हात मेलीन वीन्‌ती कर्‌यु, तीने टेमे जु वाटु भगवान तुसेक आपलु छे, तीना वाटा काजे वारु रीते कामे लावतु रव। 
\v 7 ईनी वातेक घुण इसरु; भगवान आपणु काजे डरेन जीव-आत्‌मा ते नी आप्‌यु, बाकुन ताकुतेन, ने परम करनेन ने आपसा जीवेक मानाड़नेन जीव-आत्‌मा आप्‌लु छे।
\p
\v 8 हेरेसी आपणा मालीक ईसुन गवा देणे वाटे, तु घुण लाजवायु, ने मे पोलुस ईसु वाटे जेलेम कुंडाय रयु करीन बी मां लाजवाये; बाकुन भगवान आपे तीना जुर सी ईसुन खुस-खबर सामळावणेन काम वाटे दुख झेलने मां मारु साजल्‌यु बण। 
\v 9 भगवान आपणु छुटकारु आपलु छे, ने आपणुक चुखली जीवाय जीवणे करीन बुलावलु छे। आपणु काहना बी भला कामे कर्‌या करीन ते नी, बाकुन आपसी मरजीन अनसारे आपसी गीण-दयान साहरे चु आपणुक बचाड़न्‌यु ने बुलायु। आपणे पर ईसु मसीन साहरे गीण-दया देखाड़नेन युजना, कळ घड़ायणेन पेहले सीत भगवान बणावलु। एक कह्‌याम आपणुक जी गीण-दया \f + \fr 1:9 \fr*\ft सनातन\ft*\f*कळ घड़ायणेन पेहले सीत जड़ली। 
\v 10 ने हय भगवान छुड़ावणे वाळा ईसु मसी काजे धरती पर मकलीन आपसी जी गीण-दया उजेंतु कर देदु, ने आपसुन खुस-खबरेन परचारेन साहरे जीवाय्‌न वाट, हय अमर जीवाय्‌न वाट उजेंतु कर देदलु छे।
\p
\v 11 भगवान मेसेक ईसुन जी खुस-खबर आखेदुर सामळावणे करीन, ईसुन नेवताळु ने परचार करन्‌यु, ने सीकाड़न्‌यु बणावलु छे, 
\v 12 करीन मे हय ईना जेल मां ईना दुखो काजे झेलने बाजी र्‌यु। बाकुन तेबी मे नी लाजवायो काहाकी मे तीना पर भुरसु करो, तीनाक जाणो; मे ते मारा जीवेक तेरे भुरसे मेल रयु; मेसेक पाक्‌को मालुम छे, की चु भगवान, ईसुक पछु आवता लग मारा जीवेन राखवाळी करसे, जसा माणसे खजानान राखवाळी करे। 
\v 13 ईसु मसी पर भुरसु करनेन बारामां ने तेरे साहरे जड़न्‌या परम भेळ जीवणेन बारामां छाचली सीकापण तुसे काजे मारे साहरे जड़ली छे। जी सीकापण तार वाटे एक दाखलान तसी छे। हेरेसी ईनी सीकापण काजे ईनेत रीते चतराये पाळ्‌या कर। 
\v 14 जु चुखलु जीव-आत्‌मा आपणेम रवे तीना चुखला जीव-आत्‌मान मदतेन साहरे, तुसेक सुपली ईनी सीकापण काजे वारलु खजानो समजीन हेरी राखवाळी कर।
\p
\v 15 तुसेक मालुम छे की आसीया जीलाम सी आवला ईसुक मान्‌या आखा मारी सात छुड़ देदा; ने फुगल्‌यु ने हीरमन्‌यु लग जात रया। 
\v 16 असु करीन चु बेसका कावा मेसेक हिम्‌मत आपणे आवलु; मे पोलुस जेलेम साकळ्‌ये करीन बांदाय रयु करीन चु कदी नी लाजवायु। हेरेसी मालीक भगवान धड़े मारी वीन्‌ती जी छे। की चु उनेसीफीर्‌यान ने तेरा घराणा पर आपसी दया करे। 
\v 17 बाकुन उनेसीफीर्‌यु ते दीसरा आसीया देसवाळान तसु नी हय जत्‌यार चु रोम सहर मां आयु, ती चु मेसेक भेटणे करीन काळजी करीन हेर्‌यु, ने भेट्‌यु। 
\v 18 ईफीसुस सहर मां बी, चाकरीन काम उनेसीलीर्‌यु करलु छे, तीना चाकरीन कामेक तु बी वारुत जाणे। हय, मालीक भगवान नीयावेन दाहड़े तेरे पर बेसकु दया करनु चाहजे।
\c 2
\s ईसुन छाचलु सीपायड़ु बणनेन वात
\p
\v 1 हेरेसी ए मार बेटा तीमुथी, ईसु मसीन साहरे जड़ली भगवानेन गीण-दया सी तु जीवेम वारु काठु हय जां। 
\v 2 ने तु मार धड़े सी जी-जी वात बेसका गवा देण्‌या अगळ सामळीन सीक्‌लु, ची-ची वात ईमानदार माणसेन सुपरुत कर देजी, जे दीसरा माणसेक सीकाड़ने मां हुनर वाळा छे।
\p
\v 3 जसु एक वारलु सीपायड़ु आपसा देसे वाटे दुख झेले तसुत, तु बी ईसु मसी वाटे दुख झेलने मां मारु साजल्‌यु बण। 
\v 4 काहनु बी माणुस जत्‌यार सीपायड़ान नोकरी करने जाय, ती चु आपसा भरती करन्‌या मालीक काजे खुस करनेन झींग मां रवे ने चु ईनी कुळीन दीसरा कामे मां झींग नी पाड़े तसुत, तु बी आपणा मालीक ईसुक खुस करने करीन तेरा सुपला कामेक झींग पाड़ीन करता रहु। 
\v 5 जु काहनुक ईनाम जीतणे करीन खेल मां हुड़े पड़े, ती कायदान अनुसार हुड़े नी पड़े, ती चु जीत जाय तेबी तीनाक ईनामेन पागड़ी नी जड़े। 
\v 6 कमारला किरसाण काजे मेरेन पेहला फळेन वाटु जड़नु चाहजे। कमारला किरसाण काजे वारलु फळ हात करने करीन भगवानेन आस कर। 
\v 7 जी-जी वात मे दाखलान साहरे हय कह्‌यु, तीनी आखी वात पर वीच्‌यार कर, ने मालीक भगवान तुसेक आखी वातो मां समज आपसे।
\p
\v 8 मे जी खुस-खबर सामळावो, ची खुस-खबर तीना ईसुन छे, जु दावुद राजान कुळी मां पयदा हयु, ने मर्‌या-सर्‌याम सी पछु जीवतु हय्‌न बठु हय गुयु। ईना ईसुक बराबर हेर करता रहु जु छुड़ावन्‌यु मसी छे। 
\v 9 ईनी खुस-खबर वाटे मे दुख झेलो। जां लग की, एक गुनु करन्‌यान तसु जेलेम साकळ सी बांदाय रयु। बाकुन भगवानेन बुल बांदायलु नी हय। तेरी खुस-खबरेन परचार ते हवतो रवे। 
\v 10 मे ते भगवानेन नेवाड़ला माणसे वाटे जो आखो दुख झेल लम। जे आज लग ईसुन खुस-खबर नी सामळ्‌या; एरेन करीन की चे ईसु मसी पर भुरसु करीन छुटकारु हात करे, ने सरगेम जलम सेक-सींगार हात करे। 
\v 11 जी वात छाचली छे की;
\q1 आपणु ते भुरसु करीन पाप साते ईसु पुठ्‌ये मर गुयला छे,
\q2 तत्‌यार ते तीना भुरसान साहरे ईसु पुठ्‌ये जीवसु बी;
\q1
\v 12 कदी आपणु ईसु वाटे हय गम खाय्‌न दुख झेलसु,
\q2 ती सरगेम तेरे पुठ्‌ये राज बी करसु;
\q1 कदी आपणु कह्‌सु हामु ईसुक जाणजेत नी,
\q2 ती चु बी कवसे, मे तुहुंक जाणोत नी।
\q1
\v 13 बाकुन कदी आपणु ईसु वाटे भुरसु करे असा रहणु मां कमजुर हय जाजे,
\q2 तेबी चु भुरसु करे असात रवसे;
\q2 काहाकी चु आपसु वेहवार बदली नी सके।\x + \xo 2:13 \xo*\xt 1 थीसलुनीकी 5:24\xt*\x*
\s भगवानेन नेवाड़ला चेला
\p
\v 14 तीनुक तु नेवाड़ीन सीकाड़न्‌या बणाव, तीनुक जी आखी वात हेर करावतु रवजी। ने भगवान काजे गवा बणायन तीनुक जुरदीन कवजी, की फालतु वातेम लड़ाय घुण करजु काहाकी असा लड़ाय पड़ने सी काय बी नफु नी हये, बाकुन सामळने वाळा बीगड़ी जासे। 
\v 15 भगवानेन छाचला बुल काजे वारु रीते कामे लावणे मां ने भगवानेक चाहजे असो काम करने मां काळजी कर; तत्‌यार ते तु भगवानेन एक वारलु पावर्‌यु कहवायसी, ने तुसेक सरमायणु नी पड़े। 
\v 16 ईनी कळीन माणसेन भुंडली ने फालतु वातेम सी छेटु रव, काहाकी फालतु वात करन्‌या माणसे भगवानेन भक्‌तीन वाटेम सी अदुस छेटे हवता जासे। 
\v 17 ने जसु एक सड़लु घाव वदतु जाय, तसीत तींद्‌री झुटी सीकापण बी माणसेम फेलायन वदती जासे, ने सामळन्‌याक खत्‌तम कर देसे। हुमन्‌यु ने फेलत्‌यु असलात छे, जे झुटी सीकापण काजे मंडळीम आखेदुर फेलाय रया। 
\v 18 जे दुय जणा भगवानेन छाचाय सी छेटा हय गुया, तींद्‌रो कवणु छे की आपणु जत्‌यार ईसु पर भुरसु कर्‌या, तत्‌यारुत आपसा जीवेम मर्‌या-सर्‌याम सी जीवतो हय्‌न बठो हवणु हात कर लेदला, ती हय आपणेम पछो जीवतो हवणेन काय बी वात नी बची; ने नवला डीलेम, मर्‌या-सर्‌याम सी पछो जीवतो हय्‌न बठो हवणेन वातुत नी हय असा कय्‌न हुमन्‌यु ने फेलत्‌यु, थुड़ाक माणसेक ईसुन भुरसा सी छेटा करने हींड रया, ने आपणा भुरसान पायुत उळखीन नाखणे हींड रया। 
\v 19 भले काय बी हय रयो हय, बाकुन भगवानेन वातेन पायु पाक्‌कु जमलु छे, ने चु पायु काहना सी नी उळखाये। तीना पाया पर चुखला सास्‌तुरेन दुय वात एक सीलठप्‌पा मुजुक लिखली छे, “भगवान मालीक आपसा खरला चेला काजे वारु उळखे।” ने “जु काहनुक कह्‌वे की ‘मे मालीक ईसु पर भुरसु करो’ तीना काजे कुहराय सी छेटे रहणु चाहजे।”
\p
\v 20 लकपती माणसेन घर मां सना चांदीन ठाहरा, अतरात नी रवे, बाकुन लाकड़ान ने धुळान ठाहरा बी रवे। काहना ठाहरा, मालीकेन खास काम आवे असा ईज्‌जदार छे, ने काहना ठाहरा, मालीकेन खास काम नी आवे, हेरेसी चे ईज्‌जदार नी हय। 
\v 21 कदी जु काहनुक कुहराय सी छेटु रय्‌न चुखु हय जाय, चु मालीक वाटे काम लावणे करीन तीयार करला ईज्‌जदार ठाहरान तसु छे। तीनाक भगवान मालीक, आखा भला काम वाटे वापरसे। 
\v 22 जुवानी मां जी भाती-भातीन भुंडली हेर आवे, तीनी हेर सी तु छेटु रव, ने जे चुखला मन सी मालीक भगवानेन नाव लेय, तींद्‌रे भेळतु, ईसुन भुरसान वातेन, ने धरमेन वातेन, ने परम सी रवणेन वातेन, ने सुकुने जीये मीळीन रहणेन वातेन पछळ, ने ईनी आखी वातेक काळजी करीन पाळतु रव। 
\v 23 बाकुन मे अळी कह्‌वो रीकामी ने गांडवायली वातेन लड़ाय सी छेटा रहु असली वात करने सी लड़ाय झगड़ु हवे। हेरेसी जी वात घुण इसेरजु। 
\v 24 मालीक भगवानेन गुलाम पावर्‌या काजे झगड़ु नी करनु चाहजे, बाकुन गम खातु जाय्‌न आखा साते दयाळु वेहवार राखणु चाहजे ने सीकाड़ने मां हुनर वाळु हवणु चाहजे। 
\v 25 चु वीरुद करन्‌या माणसे काजे नीचळु बणीन असो हेर करीन समजाड़न्‌यु हवणु चाहजे, की भगवान तींद्‌रा मन काजे पाप भीणी सी फेरवीन आपसे भीणी फेरवी लेसे, ने चे बी छाचाय काजे जाण लेसे। 
\v 26 ने तत्‌यार तींद्‌री सान आय लागसे ने चे भुतड़ान फांदेम सी छुट जासे, ने भगवानेन मरजीन अनसारे जीवणे बाजी जासे।
\c 3
\s आकरी दाहड़ा मां काय हवसे ची वात
\p
\v 1 जी वात वारु हेर राख्‌जु की आकरी दाहड़ा मां काठली टेम आवसे। 
\v 2 काहाकी तीने टेमे माणसेन पाप बेसकु बड़ जासे। तत्‌यार माणसे, पयस्‌यान हायाळ्‌ळा, ने आपसान भलो हवणे चाहजे असी हेर करन्‌या, ने सोवकारला बणीन मटाय करन्‌या, ने भगवानेन नाव-बद्‌दी करन्‌या ने आस्‌या ने बासेन हुकुम नी मान्‌या बण जासे। तीनु माणसेन हीया मन मां भक्‌तीन वीच्‌यार ने भलाय करन्‌याक वारु कर्‌यु कवणेन वीच्‌यार नी रवे; 
\v 3 ने परमेन वीच्‌यार, ने माफ करनेन वीच्‌यार बी नी रवे। चुरी-चुगली करन्‌या, जसों पटे तसों करन्‌या, बीन दयाळा, जो बी भलो छे, तेरी वीरुद करन्‌या, 
\v 4 धुकु देण्‌या अनड़ाय करन्‌या ने आपसुन बड़ाय करन्‌या बण जासे। ने चे भगवानेक पुजण्‌या नी बाकुन मजा लेणेन हेर करन्‌या बण जासे। 
\v 5 भगवानेन भक्‌ती करनेन ढंगड़ा ते करसे, बाकुन भगवानेन भक्‌ती करने सी जी ताकत जड़े, तीनी ताकत कदी हात नी करे। असला माणसे सी छेटा रवजु। 
\v 6 हींद्‌रे मां असा बी छे, जे दीसरान घर मां मनेन भराय जाय, ने भुळा बायरा काजे पटाड़ लेय, जे बायरा पेहले सीत आखी वातेम बेसका हायाळ्‌ळा छे, ने पापेन बुझ सी डाबायला छे। 
\v 7 चे बायरा नवली-नवली वात सीकणे करीन नवला-नवला सीकाड़न्‌यान सामळे ते खरा, बाकुन तेबी तीनुक भगवानेन खुस-खबरेन छाचाय्‌न उळखाण कदी नी हये। 
\v 8 जसा येन्‌नेस ने यंब्‌रेस नावेन डाकणा बड़वा मुसान वीरुद करला, तसात जे सीकाड़न्‌या बी छाचाय्‌न वीरुद करे, ईनु माणसेन अक्‌कल बीगड़ी गुय, जे भुरसु करन्‌या ढंगड़ा करे, बाकुन हींद्‌रु भुरसु फालतु छे।\x + \xo 3:8 \xo*\xt उजेंता बुले 13:8\xt*\x* 
\v 9 बाकुन जादा वार लग चे दीसराक धुकु नी दी सके। जसी येन्‌नेसेन ने योमब्‌रेसेन धुकु देण्‌या भुत वीद्‌या फालतु हय्‌न आखा अगळ उजेंती हय गुयली, तसीत ईनु सीकाड़न्‌यान धुकु देणेन सीकापण बी फालतु हय्‌न आखा अगळ उजेंती हय जासे।
\s चुखली-सास्‌तुर सीकणेन ने सीकाड़नेन फायदु
\p
\v 10 बाकुन तु ते मारी सीकापण वारु जाणे। मारु वेहवार कसु छे, मारा जीवनेन ठीकाणो काय छे, मे कतरु भुरसु करो, मारु परम कसलु छे, ईसु धड़े दुख झेलने मां मे कतरु गम खादु, ने कतरीक धीरपाय राखो; जो आखो तु देख रयु ने वारु जाण रयु। 
\v 11 हव, अन्‌ताकीया सहर मां ने ईकुनीयुम सहर मां, ने लुसत्‌रा सहर मां, माणसे मेसेक कसा वेला पाड़्‌या, ने मे काय-काय दुख झेल्‌यु, ज बी तु देखीत रयु ने वारु जाण रयु। बाकुन भगवान मालीक मेसेक तीनु आखा दुखेम सी छुड़ाय लेदु।\x + \xo 3:11 \xo*\xt भजन सहीता 34:19\xt*\x* 
\v 12 हय, जतरा बी ईसु मसी पर भुरसु करता जाय्‌न ईसुन भक्‌ती करीन जीवणे हींडे, तीनु आखाक दुख झेलनु पड़से। 
\v 13 बाकुन कुहर्‌या माणसे, ने ठगण्‌या माणसे दीसराक धुकु देदा जासे, ने धुकु खाता जासे, ने अगास बीगड़ता जासे। 
\v 14 बाकुन तु तींद्‌री वातो पर जी तु सीक्‌लु छे, ने भुरसु करलु छे, ज जाणीन काठु बणीन रवजी की तु तीनुक काहना माणुस सी सीक्‌लु छे, 
\v 15 तु नानलु हतलु ती सीत चुखला सास्‌तुरेन वात काजे सीक्‌तु आय रयु, ने सास्‌तुरेन वात काजे मान्‌तु आय रयु। हेरेसी तु जाणे की जी सीकापण चुखली छे, चुखला सास्‌तुरेन वात तुसे काजे तीना छुटकारान अक्‌कल आपी, जु छुटकारु ईसु मसी पर भुरसु करने सी जड़े। 
\v 16 आखी चुखली सास्‌तुर भगवानेन अगवाय सीत तेरा लिखंद्‌रा माणसेन साहरे लिखलो छे, ने ज चुखली सास्‌तुर माणसेक सीकाड़ने करीन, ने समजाड़ने करीन, ने सुदारने करीन, ने धरमेन वात टेवाड़ने करीन बेसकी काम की छे। 
\v 17 हेरेन करीन की भगवानेन भक्‌ती करन्‌यु चुखलो सास्‌तुर हुनर सी वारु कामे लावीन, आखा भला कामे करने करीन तीयार हय जावु।
\c 4
\p
\v 1 ईसु मसी, मरलान ने जीवतेलान नीयाव करने करीन ने राज करने करीन उजेंतु पछु आवणेवाळु छे। हेरेसी मे भगवान काजे ईना ईसु मसी काजे गवा बणायन तुसेक हुकुम आपो। 
\v 2 खुस-खबरेन परचार तु करतु रव; ने टेमे ने बे टेमे बी खुस-खबरेन परचार करने करीन तीयार रव। छाचली सीकापण काजे वारु कामे लावीन ने गम खातु जाय्‌न, गलत काम करे तीनुक लड़ीन समजाड़, ने गलत वातेन वीरुद करीन जाळवीन रहणे सीकाड़, ने वारु काम करन्‌यान हिम्‌मत दे। 
\v 3 काहाकी हीनु दाहड़ाम खुस-खबरेन परचार वारु रीते करनु चाहजे, काहाकी असी टेम बी आवसे तीने टेमे माणसे छाचली वात नी सामळे, ने जुर करसे; ने जे तींद्‌री कुहेरली हेरेक लड़ीन सीकाड़से चेत सीकाड़न्‌या तीनुक गमसे, ने असला सीकाड़न्‌या काजे चे आपसे धड़े भेळा कर लेसे। 
\v 4 ने तीनुक छाचली वात सामळने नी लागे, बाकुन मन घड़ाय काहनी काजे मन लागाड़ीन सामळसे। 
\v 5 भले काय बी हय जाय, तेबी तु आखी वातेम आपसा काजे जाळवीन राख्‌जी। ने खुस-खबर सामळावणेन कामेक दुख झेलतु जाय्‌न कर्‌या करजी ने तुसेक सुपलो जो चाकरीन काम पुरो करजी।
\p
\v 6 जसु भगवानेन चेलु आखी बादा चहड़ायलीन, आखी बादा पर अंगुरेन रस छीट देय, तसुत मे मारी आखी जीवाय, मालीक ईसु वाटे जीवीन मरने वाळु छे। 
\v 7 जसु दवड़नेन खेल मां एक दवड़न्‌यु आपसी दवड़ पुरी करे तसुत मे तेरा सुपला कामेक पुरु करलु छे; हव, मे ईसुन भुरसान वारु रीते पाळनी पाळ्‌ळु छे। 
\v 8 मारु मालीक भगवान धरम सीत नीयाव करन्‌यु छे। हय, चु भगवान ईनाम मां मेसेक आपणे करीन धरमेन पागड़ी तीयार करीन मेल रयु। ईनी पागड़ी काजे मारु मालीक ईसु नीयावेन दाहड़े मेसेक आपसे चु असली पागड़ी मेसेक अतरुत नी आपे, बाकुन तीनु आखा काजे बी आपसे जे वारु कहें, ने जे ईसु पछळ आवीन उजेंतु हवसे करीन, हेर करीन वाट देख रया।
\s खुदेन बारामां
\p
\v 9 ए तीमुथी, मारेन्‌चां मामार आवणेन काळजी कर। 
\v 10 काहाकी ईनी कळीन वातेक परम करीन देमास, मेसेक ने चाकरीन काम छुड़ीन थीसलुनीकी मां जात रयु, ने चाकरीन काम वाटे कोरेस्‌केंयु गलाती देसेम जात रयु, ने तीतुस दलमात्‌या जीलाम जात रयु। 
\v 11 मारा सात देण्‌या मायन, लुकु अतरुत मारे भेळ्‌तु छे, मरकुसेन्‌चां जां ने तु आवे तत्‌यार तीनुक बी लेतु आवजी; काहाकी हयु ईसुन काम मां मार वाटे बेसकु कामकु छे। 
\v 12 तुखीकुस\f + \fr 4:12 \fr*\ft माणसेन नाव छे\ft*\f* काजे मे ईफीसुस सहर मां मकली रयु। 
\v 13 जु कुट मे तरोआस सहर मां कारपुसेन घर मां भुली आयु, चु कुट तु ली आवजी। ने मारी किताप बी ने खास करीन चामड़ान कागदा बी ली आवजी, तींद्‌रेम खास वात लिखली छे।\fig वारु रीती सी साय सी उबी वेलटली चिट्‌ठी|alt="Scrolls standing by ink well" src="hk00153c.tif" size="col" copy="Horace Knowles ©" ref="4:13"\fig*
\p
\v 14 लुहायड़ु सीकन्‌दर\x + \xo 4:14 \xo*\xt भजन सहीता 28:4; रोमी 12:19\xt*\x* मारे पर बेसकु कुहराय करलु छे। हेरेसी हयु दसु कर्‌यु तसुत मालीक भगवान हीनाक डंड आपसे। 
\v 15 आपणु जी-जी वात सीकाड़ता आय रया, तीनी-तीनी वातेन हयु बेसकु वीरुद कर्‌यु, हेरेसी ए तीमुथी, तु जाळवीन रवजी ने हीना सी छेटु रवजी।
\p
\v 16 पेहली कावा जत्‌यार कुरुट मां मेसेक मारी गवा देणु पड़्‌यो, तत्‌यार दीसरु कुय बी मारी सात नी देदु, बाकुन आखान आखा मेसेक छुड़दीन जात रया। तेबी भगवान धड़े मारी जी वीन्‌ती छे की ए भगवान हींद्‌रु गुनु माफ कर दे! 
\v 17 बाकुन मालीक भगवान ते मार अगु अळी मारी मदत कर्‌यु, ने एक कह्‌याम मेसेक नाहरेन डाचाम सी छुड़वी लेदु। चु हेरेन करीन मारी मदत कर्‌यु की मारे साहरे भगवानेन खुस-खबरेन परचार पुरु-पुरु हवे। ने नी-यहुदी माणसे बी खुस-खबर जाण लेय।\x + \xo 4:17 \xo*\xt भजन सहीता 22:21; दानीयल 6:21\xt*\x* 
\v 18 ने जु मालीक भगवान मेसेक आखी भातीन कुहराय सी बचाड़से, ने मेसेक छुटकारु आपीन सरगेन राज मां पुगाड़ देसे। तीना मालीकेन जलम बड़ाय हवती रहणु चाहजे, आमीन।
\s चिट्‌ठीन आकरी वात
\p
\v 19 परीस्‌कीला बायर ने तेरा घरवाळा अक्‌वीला, काजे ने उनेसीफीर्‌यान घराणा काजे मार भीणी सी वारु छे की करीन पुछजी। 
\v 20 ईरास्‌तुस\f + \fr 4:20 \fr*\ft माणसेन नाव छे\ft*\f* कुरींथीस सहर मां रय गुयला छे, ने तरुफीमुस काजे मीलेतुस सहर मां मांदलुत रहणीदीन मेसेक आवणु पड़्‌यो। 
\v 21 सींगेन दाहड़ा आवणेन पेहले काळजी करीन आवजी।
\p युबुलुस, ने पुंदेस्‌यु, ने लीनुस्‌यु ने कुलुद्‌या बायर, ने ईसुक मान्‌या जां वाळा आखा भायस तुसेक वारु छे की? करीन पुछ रया ने आवीस ने आवजी कय रया।
\p
\v 22 मालीक भगवान तारी जीव-आत्‌मा पुठ्‌ये रया करे,
\p ने तुहुं आखा काजे मालीकेन गीण-दया जड़ती रहणु चाहजे करीन असी वीन्‌ती मे भगवान धड़े करो।