\id 2PE - Bhilali Standard Project
\ide UTF-8
\h 2 पतरस
\toc3 2 पतरस
\toc2 2 पतरस
\toc1 पतरसेन दुसरी चिट्‌ठी
\mt2 पतरस की दूसरी पत्री
\mt1 पतरसेन दुसरी चिट्‌ठी
\imt 2 पतरसेन बारामां
\ip 2 पतरसेन चिट्‌ठी कह्‌वे की ज्‌य नेवताळा पतरसेन साहरे लिखी गुयलो, आज बेसका सास्‌तुर लिखण्‌या ईनाक छाचो नी माने। असा मानु कुय दीसरु ईनाक पतरस भीणी सी लिखलु हय। लिखणे वाळु कह्‌वे की चु ईसुन जीवनेन ने खास रुप सी चेहरु बदलनेन \xt 1:17-18\xt* हतलु। कदी पतरस चिट्‌ठी लिखलु, ती मान लेवु की हीयु रोम मां मसीन पयदा हवणेन सांठ ने पांच-सांठ ने नव सालेन ईचमां मरने सी पेहल लिखलु हय। पतरस ईनाक आपणी दीसरी चिट्‌ठी बी कह्‌वे \xt 3:1\xt* ज्‌य 1 पतरसेन चिट्‌ठीन पछे लिखणेन तारीक राखे। चे आखा ईसु पर भुरसु करन्‌या काजे देखाड़े।
\ip पतरस जी चिट्‌ठी ईसु पर भुरसु करन्‌या काजे वारलु जीवन जीवणे वाटे हिम्‌मत बांदाड़ने करीन ने झुठी वात सीकाड़न्‌यान घुणी मानु चेतावणी देणे वाटे लिखलु। \xt 2\xt* हीयु हीनुक हीनु माणसेन नीरास करने वाटे हिम्‌मत बांदाड़्‌यु जे कय र्‌या की ईसु काजे पछु आवणे मां बेसकी टेम लाग रय। हेरे बजाय हीयु बताड़्‌यु की भगवान ढील्‌लु नी हय बाकुन चाहे की हर एक बचाड़ी जाय। \xt 2 पतरस 3:8-9;\xt* ज्‌य एक वारलु जीवन जीवणेन एक मतलब छे। \xt 3:14\xt*
\iot बाहरती वात
\io1 1. पतरस हेरु उळखाण देय ने आपणा भन्‌ने वाळा काजे देखाड़्‌यु। \ior 1:1-2\ior*
\io1 2. अळतेन चु हीनुक वारलु जीवन जीवणे हेर देवाड़े काहाकी भगवान हामुक सफल कर्‌यु। \ior 1:3-21\ior*
\io1 3. हेरे पछेन चु झुठ सीकाड़न्‌यान वीरुद चेतावणी देय ने कह्‌वे की आकरी मां झुट सीकाड़न्‌यान काय हसे। \ior 2:1-22\ior*
\io1 4. हेरे पछेन पतरस ईसु पर भुरसु करन्‌या काजे ईसुन दीसरी कावा आवणेन तीयारी वाटे वारु जीवन जीवणे वाटे हिम्‌मत बांदाड़ने करतु जाय पुरो करे। \ior 3:1-17\ior*
\c 1
\s ईसु आपणु काजे ज चाहजे च आपलु छे
\p
\v 1 सीमोन पतरस भीणी सी, जु ईसु मसीन पावर्‌यु ने नेवताळु छे, मे जी चिट्‌ठी तुहुं आखा काजे लिख रयु,
\p तीनुक हामु नेवताळान तसुत ईसु पर भुरसु करने सी महंग्‌लु वाटु जड़लु छे। आपणु भगवान ने ईसु मसी जु बचाड़न्‌यु छे, चु आपसा धरमेन अनसारे चु वाटु आपणुक आपलु छे।
\p
\v 2 तुहुंक आपणा भगवान ने मालीक ईसु मसीन उवखाणेन साहरे गीण-दया ने सुक-सांती तुंद्‌रे मां बेसकी जादा जड़ती रवे।
\s बुलावु ने नेवाड़नेन
\p
\v 3 काहाकी सरगेन ताकत ने आखो काय जो जीवन ने भक्‌ती सी लागाव राखे, हामुक हेरीत उवखाणेन साहरे आपला छे, भगवान हेरीत सेक-सींगार ने वारलु कामेन अनसारे बुलाय गुयला छे। 
\v 4 तींद्‌रे साहरे हयु हामुक बेसको जरुड़ी ने बेसकु मटु वायदु आपलु छे। काहाकी हींद्‌रे साहरे तुहुं हीनी सड़नु सी छुटीन जे कळी मां भुंडी लालुच सी हवे, सरगेन साजल्‌या बणी जावु। 
\v 5 हेरे वजे सी तुहुं आखी भातीन कुसीस करीन, आपणा भुरसा पर वारलु कामे, ने वारलु काम पर समज, 
\v 6 ने समज पर खुद पर भुरसु, भुरसा पर दमधरीन, ने दमधरीन पर भक्‌ती। 
\v 7 ने खरली भक्‌ती भेळा भाय-बहण्‌स्‌यान, नातो अदाड़ु ने तेरे भेळा भाय-बहण्‌यान मां परम अदाड़ता जावु।
\p
\v 8 काहाकी कदी जी वात तुंद्‌रे मां हीनी टेम मां रवे, ने अदतीत जाय, ती तुहुं हामरा मालीक ईसु मसीन उळखाण मां बेकार ने रवलो नी हवणी देय। 
\v 9 काहाकी जेरेमां जी वात नी, हय चु आंधळु छे, ने धुंधळो देखे, ने आपणा पछला पाप सी चुखो हवणे भुली गुयु।
\p
\v 10 हीनी वजे सी ए भायसे आपणे बुलाय जाणेन, ने नेवाड़ लेदा जाणेन पुरावु करनेन भली भाती कुसीस करता जावु, काहाकी कदी असा करसु, ती कदी बी वाटे सी नी भुलवायु। 
\v 11 बाकुन हीनी रीत सी तुहुं हामरा मालीक ने छुटकारु आपण्‌या ईसु मसीन जलमेन राज मां वारु ईज्‌जतेन साते जाती रवसु।
\s पतरसेन आकरी घड़ी
\p
\v 12 हेरेसी कदी तुहुं जी वात जाणु काय, ने जो छाचलो बुल तुहुंक जड़लो छे, हेरेमां बणी रवसु, तेबी मे तुहुंक ईनी वातेन हेर देवाड़ने करीन जलम तीयार रवीस। 
\v 13 मे जो आपणे वाटे सय समजो, की जत्‌यार लग मे ईना पड़ावा मां छे, तत्‌यार लग तुहुंक हेर देवाड़ी-देवाड़ीन अगा बड़ावतु रवीस। 
\v 14 काहाकी मे गुयो जाणु, की मारा पड़ावा काजे उदारनेन टेम छाटात आवणे वाळा छे, जसा की हामरा मालीक ईसु मसी, मेसे काजे उजेंतु कर्‌यु। 
\v 15 हेरेसी मे असा तावणी करीस, की दुनीयाक छुड़ीन जाणेन पछे बी तुहुं ईनु आखा वात काजे जलम हेर करसे।
\s मसीन सेक-सींगारेन डुळा अगळ
\p
\v 16 काहाकी जत्‌यार हामु तुहुंक आपणे मालीक ईसु मसीन ताकत काजे, ने आवणे वाळा दाहड़ान खबर आपलु, ती चु चालाकी सी बणावली दाखलान साहरु नी लेदा बाकुन हामु आपसात हेरे सेक काजे देखला हतला। 
\v 17 काहाकी हीयु भगवान बास सी ईज्‌जत, ने सेक-सींगार हात करे ने हीना सरगेन सेक-सींगार सी जी अवाज आवी, “जु मारु लाटेक्‌लु पुर्‌यु छे, जेरेसी मे खुस छे।”\x + \xo 1:17 \xo*\xt भजन सहीता 2:7; यसाया 42:1\xt*\x* 
\v 18 तत्‌यार हामु हेरे साते चुखला बयड़ा पर हतला ने सरग सी जी अवाज आवतेली सामळाय।
\p
\v 19 हामरे धड़े जे भगवानेन अघी सी आवणे वाळी वात देखान्‌यान बुल छे, चु ईनु हालोत सी काठा ठेहर्‌या तुहुं जो वारु करु जे ज्‌य सामळीन हीना पर हेर करु, की चु एक दिवु छे जे आंदारलान जागा मां हीनी टेम लग उजाळो देतो रवसे जत्‌यार लग की दाहड़ान वीजाळो नी छुड़े ने वीजाळ्‌यु तारु तुंद्‌रे मन मां नी चमकी पड़े। 
\v 20 बाकुन आखा सी पेहल गुयो जाणी लेवु की चुखला सास्‌तुरेन कुय बी आवणे वाळी वात भगवानेन अघी सी आवणे वाळी वात देखान्‌या बी खुद आपणे वीच्‌यार सी नी कह्‌वे। 
\v 21 काहाकी कुय बी भगवानेन अघी सी आवणे वाळी वात देखाड़ने वाळा बी आपणी मरजी सी कदी नी कह्‌वे बाकुन भक्‌त जणा चुखली-आत्‌मान साहरे उभरीन जाय्‌न भगवानेन भीणी सी बुल तेला।
\c 2
\s झुटी वात सीकाड़न्‌या
\p
\v 1 जीनी तरह हीनु माणसे भगवानेन अघी सी आवणे वाळी वात देखान्‌या मां बी लुच्‌चा हतला तसात तुंद्‌रे मां बी लुच्‌चा सीकाड़न्‌या हवसे, जे खत्‌तम करने वाळा ढंगेन सुरुवात डुकाय डुकायन करसे, ने हीना मालीक जीनुक हीयु मुल ली लेदलु छे हेरु नीकारु करसे, ने आपणे आप काजे छाटुस खत्‌तम कर लेसे। 
\v 2 बेसका हींद्‌रेन तसा लुच्‌चाय करसे, जेरे वजे सी छाचाय्‌न वाटेन वाक नीकाळे। 
\v 3 चे लालच वाटे वात बणायन तुहुंक आपणा फायदान वजे बणावसे, ने जे डंडेन हुकुम हींद्‌रे पर पेहल सी हय गुयलु छे, हेरे आवणे मां काय बी वार नी हय, ने हींद्‌रो नास वाट देख र्‌यो।\x + \xo 2:3 \xo*\xt यहेजकेल 36:22; रोमी 2:24\xt*\x*
\p
\v 4 काहाकी जत्‌यार भगवान हीनु सरग वाळा काहवाळ्‌या काजे जे पाप करनु नी छुड़्‌या, बाकुन नरक मां मकलीन आंदारला डहरा मां नाख देदा, काहाकी नीयावेन दाहड़ा लग बंद रवसे। 
\v 5 ने पेहला वारान कळीन आखा माणसे काजे मुसळ धार्‌यु-पाणी पाड़ीन सारी नाख्‌यु, तीने टेमे नुह धरमेन परचार कर्‌या करतेलु, नुहेन घरन्‌या सुद्‌ये ढंड्‌या मां नाखीन बचाड़ लेदु, चे आखा मेळीन आठ जणा हतला। 
\v 6 ने सदोम ने अमोरान सहर काजे नासेन असु डंड देदु, की हीनुक खत्‌तम करीन रखड़ा मां मेळाय देदु काहाकी चे आवणे वाळा भक्‌ती नी करने वाळा माणसेन सीकापण वाटे एक दाखलु बणु। 
\v 7 ने धरमी लुत काजे जे नी-धरम वाळान वीटेळ्‌ळान चाल-चलन सी बेसका दुखी, हतला ने छुटकारु आप्‌यु ने बचाड़्‌यु।\x + \xo 2:7 \xo*\xt उबजाणनी किताप 19:12,13,15\xt*\x* 
\v 8 काहाकी चु धरमी हींद्‌रे ईचमां रवतेलु, ने हींद्‌रे नी-धरमेन काम काजे देखी देखीन, ने सामळी सामळीन, दाहड़ीन आपणा छाचला मन काजे दुखाड़तेलु। 
\v 9 ती मालीक आपसा भगत काजे पारख मां सी बचाड़ लेजी ने पापी काजे नीयावेन दाहड़े लग डंडेन दसा मां राखणे बी जाणे। 
\v 10 खास करीन हीनुक जे वीटळा लालुचेन पछळ डीलेन अनसारे चाले, ने सरकार काजे बेकार जाणे। चे चामटा, ने नीसवड़ा छे, ने मटला राज करन्‌या काजे वारु-भुंडो कवणे सी नी बीहीये, 
\v 11 तेबी सरग वाळा काहवाळ्‌या जे ताकत ने ताकत मां हींद्‌रे सी मटा छे, मालीकेन अगळ हीनुक वारु भुंडा कय्‌न गुनु नी लागाड़े। 
\v 12 बाकुन जे झुट सीकाड़न्‌या तीनु जनवार्‌यान तसा छे, तींद्‌री अक्‌कल नी हय, ने आखी टेमे आपसा डीलेन हेरेन अनसारेत जीवे, ने धरीन ली जाणे वाटे, ने मरने वाटे पयदा हवला छे। जे माणसे जी वात नी जाणे, चीत वात लीन दीसरान नाव-बद्‌दी करे, बाकुन जे खर करन्‌या माणसे, जनवार्‌यान तसात आपसान खेतेम करन्‌या पापेन साहरे मरीन सर जासे। 
\v 13 दीसरान बदनामी करनेन बदले हींद्‌रोत भुंडो हवसे; हीनुक दाहड़ु मांजणीक मुजा मस्‌ती करनु वारु लागे; चे बदनावी ने गुना छे। जत्‌यार चे तुंद्‌रे साते खाय ने पीये, ती आपणे भीणी सी परम खाणो करीन मुजा मस्‌ती करे। 
\v 14 हींद्‌रा डुळा मां छीनाळो बसलो छे, ने चे पाप करे पाखुर हुबा नी रय सके; चे उतवाळ्‌या मनवाळा काजे फुसलायन लेय; हींद्‌रा मन काजे लालच करनेन आदत हय गुयली छे, चे सराप सी पुर्‌या छे। 
\v 15 चे सुदली वाट काजे छुड़ीन भटकी गुयला छे, ने बवोरेन पुर्‌या बीलामेन वाट पर हय गुयलु छे, तीनाक नी-धरमेन काम करनेन दाहड़की काजे वारु समजी गुयु।\x + \xo 2:15 \xo*\xt गिन्‌ती 22:5-7\xt*\x* 
\v 16 बाकुन हेरे गुनान बारामां फठकार बी पड़ी, जां लग की एक गुंगी गदड़ीक बी माणसेन तसी वात करी हीना भगवानेन अघी सी आवणे वाळी वात देखान्‌या काजे हेरे गांडाय सी रुक्‌यु।\x + \xo 2:16 \xo*\xt गिन्‌ती 22:26-31\xt*\x*
\p
\v 17 चे माणसे सुकला कुवान, ने आंधान उडाल्‌ला वादळा छे; हींद्‌रे वाटे जलमेन आंदारलो ठेराय गीलो छे। 
\v 18 चे बेकार कुहरायन वात करी करीन लुच्‌चायन कामेन साहरे हीनु माणसे काजे डीलेन लालच मां फसाड़ी लेय जे भुल मां सी हय नीकळी र्‌या। 
\v 19 जे झुट सीकाड़न्‌या असु छुटकारु आपणेन वायदु करे, तीना छुटकारा मां आखा नेम सी छुटीन, जसों पटे तसों जीवणेन छुट छे बाकुन चे ते खत्‌तम करन्‌या पापेन गुलाम छे ने आपसात छुटकारु हात करला नी हय, काहाकी माणुस तेरा कब्‌जाम हय जाय, तेरुत गुलाम बण जाय। 
\v 20 जत्‌यार चे मालीक ने छुटकारु आपण्‌या ईसु मसीन उवखाणेन साहरे कळीन नानलीत तरान वीटळने सी बचीन नीकळे, ने अळी हींद्‌रे मां फसीन हारी जाय, ती हींद्‌री पछली दसा पेहली सी बी भुंडीत हय जासे। 
\v 21 काहाकी धरमेन वाट काजे नी जाणुत हींद्‌रे वाटे वारु हवतो, की हीनुक जाणीन हीनी चुखली हुकुम सी फीरी जाणु जो हीनुक सुप गुयलो हतलो। 
\v 22 तींद्‌रे पर चत वीत्‌यो जसा खरला कवाड़ा मां लिखलो छे: “कुतरो आपसान उखेळ्‌ळो चाट लेय” ने एक उंगळावली सुहेरनी पछी धुळा मां लुळायणे जात रवे।\x + \xo 2:22 \xo*\xt नीतीवचन 26:11\xt*\x*
\c 3
\s ईसु अळी पछु कळी मां आवणेवाळु छे
\p
\v 1 ए मारा लाटेक्‌ला, हय मे तुहुंक जी दीसरी पत्‌री लिखो, ने दुयु मां हेर देवाड़ीन तुहुंक चुखला मन काजे अदाड़नु, चाहो 
\v 2 की तुहुं हीनु वात काजे, जे चुखला भगवानेन अघी सी आवणे वाळी वात देखान्‌यान पेहल सी कय देदला, ने मालीक, ने छुटकारु आपण्‌या हीना हुकुम काजे हेर करु, जे तुंद्‌रे नेवताळान साहरे आपी गुयली हतली। 
\v 3 पेहल गुयो जाणी लेवु, की आकरी दाहड़ा मां हासी उड़ावणे वाळा आवसे, जे आपणी लालुचेन अनसारे चालसे। 
\v 4 ने कवसे, “हीनाक आवणेन वायदु काहा गुय? काहाकी जत्‌यार सी डाहा बुड़ा सुय गुयला छे, आखा काय असात छे, जसों कळीन सुरु सी हतलो?” 
\v 5 चे ते जाणी बुजीन ज्‌य वीसरी गुया, की भगवानेन बुलेन साहरे सरग काय दाहड़ा सी पेहल सी हतलो, छे ने धरती बी पाणी मां सी बणी ने पाणी मां टेकली छे।\x + \xo 3:5 \xo*\xt उबजाणनी किताप 1:6-9\xt*\x* 
\v 6 ज्‌य हीनु हासी उडाड़न्‌यान वजे सी हीनी टेम मां कळी पाणी मां डुबीन सरी गुय।\x + \xo 3:6 \xo*\xt उबजाणनी किताप 7:11-21\xt*\x* 
\v 7 बाकुन हयन टेमेन सरग ने धरती हया बुलेन साहरे हेरेसी मेकी गुयली छे, की धपाड़ी जाय, ने जे पापी माणसेन नीयाव ने खत्‌तम हवणेन दाहड़ा लग असुत राखी रवसे।
\p
\v 8 ए मारा लाटेक्‌ला, जी वात तुंद्‌रे सी सातायली नी रवे, की मालीकेन चां एक दाहड़ु हजार साल बराबर छे, ने हजार साल एक दाहड़ा बराबर छे। 
\v 9 मालीक आपणा वायदान बारामां वार नी करे, जसी वार थुड़ाक माणसे समजे; बाकुन तुंद्‌रे बारामां दम धरी रयु, ने नी चाहे की कुय खत्‌तम हवे; बाकुन गुयो की आखा काजे मन फीरावणेन मुखु जड़े।\x + \xo 3:9 \xo*\xt ईब्‌रानी 2:3,4\xt*\x*
\p
\v 10 बाकुन मालीकेन दाहड़ु चुट्‌टान तसु आय जासे, हीनु दाहड़े सरग हुहेड़तो गाजतो अंछाप हय जासे, ने सरगेन चीज तातु हयन पीगळी जासे, ने धरती ने हेरे पर आखो काम धपी जासे। 
\v 11 जसों की जो आखी चीजे, हीनी रीत सी खत्‌तम हवणे वाळी छे, ती तुहुं चुखली चाल चलन ने भक्‌ती मां कसा माणसे हवणु चाहजे, 
\v 12 ने भगवान हीना दाहड़ान वाट काहाली रीत सी देखणु चाहजे ने हेरो छाटु आवणे वाटे कसा कुसीस करनु चाहजे, जेरे वजे सी सरग आकठा सी पीगळी जासे, ने सरगेन चीज बेसको तातो हयन गळी जासे। 
\v 13 बाकुन हेरी वायदान अनसारे हामु एक नवलु सरग ने नवली धरतीन आस देखजे जां आखा धरमी रवसे।
\s जागता ने तीयार रवु
\p
\v 14 हेरेसी, ए लाटेक्‌ला, जत्‌यार की तुहुं हीनु वातेन आस देखजे, ती कुसीस करु की तुहुं सांती सी हेरे अगळ नी-दाग ने नी-गुनाळु ठेहरसु। 
\v 15 ने हामरे मालीक दम धरी र्‌यु ती छुटकारु समजे, जसा हामरा लाटेक्‌ला भायस पोलुस बी हीना अकलेन अनसारे जे हीनाक जड़लो, तुहुंक लिखलु छे। 
\v 16 असात हीयु आपणी आखी पत्‌री मां बी हीना वातेन पंचाती करली छे, जेरेमां काय वात असी छे तींद्‌रो समजणु काठो छे, ने कम-सीकला ने नी-भन्‌नला माणसे बीगाड़ देय जसा की चे दीसरी चुखला सास्‌तुरेन चिट्‌ठीन दत थता मतलब नीकाळता रवे जेरेसी चे खुद आपणात नास कर लेय।
\p
\v 17 हेरेसी ए लाटेक्‌ला, तुहुं माणसे पेहल सी हीनु वात काजे जाणीन चेतीन रवजु, काहाकी नी-धरम वाळान भरम मां फसीन आपणी ताकत काजे कय्‌न हात सी खुय मां देय। 
\v 18 बाकुन हामरा मालीक, ने छुटकारु आपण्‌या ईसु मसीन गीण-दया ने उळखाण, मां अथा जावु, सेक-सींगार हय बी हवे, ने जलम पीड़ीडीट हवती रवे! आमीन।