\id 2CO - Bhilali Standard Project
\ide UTF-8
\h 2 कुरींथी
\toc3 2 कुरींथी
\toc2 2 कुरींथी
\toc1 कुरींथी वाटे पोलुसेन दुसरी चिट्‌ठी
\mt2 कुरिन्थियों के लिए पौलुस की दूसरी पत्री
\mt1 कुरींथी वाटे पोलुसेन दुसरी चिट्‌ठी
\imt दुसरी कुरींथीन बारामां
\ip ईसु मसीन पयदा हवणेन पछे नेवताळु पोलुस 55-56 आड़े-धड़े 2 कुरींथी काजे लिख्‌यु। \xt 1:1\xt* जी दुय चिट्‌ठी मां सी दुसरी चिट्‌ठी पोलुस कुरींथी काजे लिखलु। नीयमेन मास्‌तर्‌यान मान्‌नु छे की पोलुस पेहली कुरींथी काजे फीकुर करीन चिट्‌ठी लिखलु। ने तीनी चिट्‌ठीन तेरेन तसा हामरे धड़े नी हय तेरे बारामां \xt 2:3-4\xt* हयु बताड़े। जत्‌यार पोलुस मकीदुनीया मां हतलु। \xt 2:13\xt*
\ip तत्‌यार दुसरी कुरींथी लिखायली। दुसरी कुरींथी मां बेसकी मटी खास वात ने हवस मां आवे तसली चिट्‌ठी छे। पोलुस कुरींथीनीन बारामां तीतुस सी सामळ्‌ळी खबर बारामां खुसी काजे बताड़े। ईनी चिट्‌ठी मां, हामुक नवला नीयम सी लेदली वातेन बारामां चवड़ी सीक जड़े, ने तीना भाग मां पोलुस पयस्‌या वसुलीन वात बताड़े, काहाकी यरुसलमेन भुरसा करने वाळान मदत हय सके। \xt 8:9\xt* ने असो लागे की ने बाहरला थुड़ाक लुच्‌चा नेवताळा पोलुसेन वीरुद मां ईतराक माणसे साते दुस्‌मनी करतेला काहाकी चे खुद काजे मटा बणाय सके ने चे पोलुसेन हक पर सक करतेला, तीनी वजे सी पोलुस 2 कुरींथीन आकरी मां ईसु मसी भीणी सी एक नेवताळा समजीन आपसा हक काजे हिम्‌मत सी कह्‌यु।
\iot बाहरती वात
\io1 1. पोलुस काजे वारु छे की करीन पुछीन आपसान चिट्‌ठीक सुरु करे। \ior 1:1-7 \ior*
\io1 2. ने पोलुस जाणेन इरादा मां बदलनेन ने खबर जी तींद्‌रे सी जड़ली ने आपसा पेहली चिट्‌ठीन सवालेन जपाप देणेन बारामां बताड़े। \ior 1:8—7:16 \ior*
\io1 3. तेरे पछेन पोलुस यरुसलमेन भुरसा करन्‌या वाटे पयस्‌यान वसुलीन बारामां बताड़े। \ior 8:1—9:15\ior*
\io1 4. आकरी मां, पोलुस आपसा नेवताळान काम बड़नेन ने आपसान आवणे वाळी जाणेन बारामां सीक देय। \ior 10:1—13:10 \ior*
\c 1
\s आव-भाव
\p
\v 1 ए कुरींथीस सहर मां रहण्‌या भगवानेन मंडळीन माणसे, मे पोलुस, ईसु मसी पर भुरसु करन्‌या भाय भेटा तीमुथीयुस भेळे जी चिट्‌ठी तुहुंक लिखो। भगवान आपसी मरजीन अनसारे, मेसेक नेवाड़ीन ईसु मसीन नेवताळु बणावलु छे।
\p जी चिट्‌ठी अखाया जीला मां आखे दुर रहण्‌या भगवानेन आखा चुखला माणसे वाटे बी लिखलु छे, जे ईसु मसी काजे माने।
\p
\v 2 आपणा भगवान बासेन ने मालीक ईसु मसीन गीण-दया ने सुक सांती तुहुं आखा काजे जड़ती रहणु चाहजे।
\s पोलुस भगवान काजे तु बेसकु वारु करीन कवे
\p
\v 3 आपणा मालीक ईसु मसीन भगवान, ने बासेन तु बेसकु वारु छे करीन कहो, जु दयान बास, ने आखी भातीन मां सांतीन भगवान छे। 
\v 4 चु हामरे आखी आफोत मां सांती आपे, काहाकी हामु हीनी सांतीन वजे सी जु भगवान हामुक आपे, हीनुक बी सांती आप सके, काहाकी जे आखी आफोत मां पड़ र्‌या। 
\v 5 काहाकी जसा मसीन दुखे मां हामु जादास साजल्‌या हवजे, असात हामु सांती मां बी मसीन साहरे जादास साजल्‌या रवजे। 
\v 6 कदी हामु दुख झेलजे, ती जी तींद्‌री सांती ने छुटकारा वाटे छे, ने कदी सांती जड़े, जे तुंद्‌री सांती वाटे छे; जेरे ताकत सी तुहुं सेण करता जाय्‌न हीनु दुखे काजे सेण कर लेय, जीनुक हामु बी सेण करजे। 
\v 7 ने हामरी आस तुंद्‌रे बारामां काठी छे, काहाकी हामु जाणजे, की तुहुं जसा हामरा दुखे मां साजल्‌या छे असात सांती मां बी साजल्‌या छे।
\p
\v 8 ए भायसे, हामु नी चाहता की तुहुं हामरे पर आवला हीना दुख सी अनजाण्‌या रवु। ज्‌य आसीया जीलाम हामरे उपर बेसकी आफोत आय पल्‌ली, ने ची वेला सेण नी हवे हामरी ताकत सी बाहार हतली अतरी जबर हतली की हामु जीवन सी बी मरने-मरने हय गुयला। 
\v 9 बाकुन हामु हामरा मन मां समजी लेदला, छे की हामरे पर मुतेन डंड जड़ीत गुय। की हामु आपणे पर भुरसु नी राखजे, बाकुन भगवान पर भुरसु राखजे। जु मरलाम सी जीवाड़े। 
\v 10 हव जुत भगवान हामुक मुतेम सी बचाड़्‌यु, ने अगु बी मुतेम सी बचाड़से, ने हामरी जी आस छे की चु अगु बी बचाड़तु रवसे। 
\v 11 तुहुं बी मेळीन दुवान साहरे हामरी मदत करसु, की जु भगवानेन वाटु बेसका माणसेन साहरे हामुक जड़लो छे, हेरे वजे बेसका माणसे हामरे भीणी सी तु बेसकु वारु छे कवे।
\s पोलुस आपसान युजना बदले
\p
\v 12 काहाकी हामु आपणा मन हीनी गवाय पर मटाय करजे, की कळी मां ने खास करीन तुंद्‌रे ईचमां हामरु एहवार भगवान वाटे असो चुखलो ने छाचाय साते हतलु, जे डीलेन अक्‌कल सी नी, बाकुन भगवानेन गीण-दया साते हतला। 
\v 13 हामु तुहुंक काय नी लिखजे, सीरप ज तुहुं भणु ने मानु बी, ने मेसे आस छे, की आकरी लग बी मान्‌ता रवसु। 
\v 14 जसा तुंद्‌रे मां सी कतरा मानी लेदला छे, की हामु तुंद्‌रे मटायन वजे छे; असात तुहुं बी मालीक ईसुन दाहड़े हामरे वाटे मटायन वजे ठेरसु।
\p
\v 15 ने हीना भुरसा सी मे चाहतेलु की पेहेल तुंद्‌रे धड़े आवो, की तुहुंक दुय कावा संयबरकत जड़नु चाहजे। 
\v 16 ने तुंद्‌रेन्‌चां मायन मकीदुनीया हय्‌न जायस, ने अळतेन पछु मकीदुनीया सी हय्‌न तुंद्‌रेन्‌चां आवीस ने तुहुं मेसेक यहुदीया जीला भीणी थुड़ीक वार लग पुगाड़ देजु। 
\v 17 हेरेसी मे जी मरजी करलु हतलु ती काय मे हींडणे फीरने वाळु देखाड़्‌यु काय? नीते ज करने चाह काय डीलेन अनसारे करने चाह, की मे वात मां “हव, हव” बी कहं; ने “नी, नी” बी कहं? 
\v 18 भगवान भुरसा वाळु गवा छे, की हामरे हीना बुल मां ज तुंद्‌रे सी कह्‌यु “हव” ने “नी” दुयु नी जड़े। 
\v 19 काहाकी भगवानेन पुर्‌यु ईसु मसी जेरो हामरे साहरे मतलब मारे ने सीलवानुस ने तीमुथीयुसेन साहरे तुंद्‌रे ईचमां मे परचार हयु; तेरेमां “हव” ने “नी” दुयु नी हतला; बाकुन, हेरे मां “हव” की “हव” हवे। 
\v 20 काहाकी भगवानेन वायदा छे, चे आखा हेरेमां “हव” हय्‌न साते छे हेरे सी हेरे साहरे असोत बी हवतो रवे बी हवे, की हामरे साहरे भगवानेन सेक-सींगार\f + \fr 1:20 \fr*\fq सेक-सींगार \fq*\ft महिमा\ft*\f* हवे। 
\v 21 ने ज हामु तुंद्‌रे साते मसी मां काठा करे, ने जु हामुक नेवाड़्‌लु छे चु भगवान छे 
\v 22 चु हामरे पर छाप बी कर देदु, ने बचाड़ने मां आत्‌मा काजे हामरे मनेम आप्‌यु।
\p
\v 23 मे भगवान काजे आपणी आत्‌मा सी गवा करीन कहं, की मे हय लग कुरींथीस मां हेरेसी नी आयु, की मेसे तुंद्‌रे पर दया आवतेली 
\v 24 ज नी, की हामु भुरसान बारामां तुंद्‌रे पर राज करीन हक जमाड़ने हींडजे; बाकुन तुंद्‌रे खुसी मां साजेदारी छे काहाकी तुहुं भुरसात मां पाक्‌का छे।
\c 2
\p
\v 1 हेरेसी मे मारा मन मां नक्‌खी कर लेदलु छे की, मे तुहुंक लड़ीन वेला पाड़ने करीन अळी पछु तुंद्‌रेन्‌चां हय नी आवो। 
\v 2 काहाकी कदी मे तुहुंक नीरास करो, ती मेसेक खुसी आपणे वाळु कुण रवसे, सीरप चु तीनाक मे नीरास कर्‌यु। 
\v 3 ने मे जी वात तुहुं काजे हेरेसी लिख र्‌यु, की काही असो नी हवे, की मारा आवणे पर हींद्‌रे सी मेसे खुसी जड़नु चाहजे, मे हींद्‌रे सी नीरास हय जाम; काहाकी मेसे आखा काजे हीनी वातेन भुरसु छे, की जु मारी खुसी छे, ची तुंद्‌रे आखा मां बी छे। 
\v 4 मटी आफोत, ने मनेन थकान सी मे बेसकु आसळा पाड़ी पाड़ीन तुहुंक लिखलो हतलो हेरेसी नी, की तुहुं नीरास हवु, बाकुन हेरेसी की तुहुं हीना मटला परम काजे जाणी लेवु, ज मेसे तुंद्‌रे सी छे।
\s गुनु करलाक माफी आपु
\p
\v 5 ने जु बी पाप करीन मेसेक वेला पाड़लु छे, चु मेसेक अतरात वेला नी पाड़्‌यु, बाकुन एक कहींयाम तुहुं आखाक वेला पाल्‌ला छे। तेबी हय मे ईनी वात काजे लीन तुहुंक जादा वेला पाड़ने नी हय र्‌या।\x + \xo 2:5 \xo*\xt गलाती 4:12\xt*\x* 
\v 6 काहाकी पाप करला काजे तुंद्‌रे मायन बेसका जणा मेळीन डंड आप्‌या। अतरोत घणो। हय ते चु सुदरी गुयु।\x + \xo 2:6 \xo*\xt ईफीसी 4:32\xt*\x* 
\v 7 हेरेसी ज्‌य वारु छे की हेरा गुना काजे माफ करु; ने सांती आपु, असा नी हवे की असा माणसे बेसका नीरास मां डुबी जाय। 
\v 8 हेरे वजे सी मे तुंद्‌रे सी लीलघायो, की हीना काजे आपणा परमेन सबुत आप देवु। 
\v 9 काहाकी मे हेरेसी बी लिखलु, की तुहुंक पारखी लम की तुहुं मारी आखी वाते काजे मान्‌ने वाटे तीयार हवु, की नी। 
\v 10 जेरो तुहुं काय माफ करता रवु हीनाक मे बी माफ\f + \fr 2:10 \fr*\fq माफ \fq*\ft क्षमा\ft*\f* करीस, काहाकी मे बी जो काय माफ कर्‌यु, कदी कर्‌या ती, तुंद्‌रे वजे सी मसीन जागा मां हयन माफ कर्‌या। 
\v 11 की भुतड़ान दावु हामरे पर नी चाले, काहाकी हामु हेरी सुच सी अनजाण्‌या नी हय।
\s तरवास मां पोलुसेन दुख
\p
\v 12 जत्‌यार मे ईसु मसीन खुस-खबर सामळावणे करीन तरोआस मां आयु, ने मालीक मारे वाटे एक बारनो उगाड़ देदु। 
\v 13 ती मारा मन मां सांती नी जड़े, हेरेसी की मे आपणा भायस तीतुस काजे नी हेर्‌यु; हेरेसी हींद्‌रे सी आवजु ने आवसी करीन मे मकीदुनीया जीला मां जात र्‌यु।
\s मसी मां जीतणेन खुसी
\p
\v 14 बाकुन भगवान काजे तु बेसकु वारु छे करीन कह्‌वो, जु मसी मां जलम हामुक जीतेन खुसी मां लीन फीरे, ने आपणे अकलेन खुसबु हामरे साहरे आखी दुर फेलावे। 
\v 15 काहाकी हामु भगवान धड़े छुटकारु\f + \fr 2:15 \fr*\fq छुटकारु \fq*\ft उद्धार\ft*\f* जड़ने वाळा, ने खत्‌तम हवणे वाळा, दुयु वाटे मसीन खुसबु छे। 
\v 16 कतरा वाटे ते मरनेन वजे मरनेन गन्‌द, ने कतरा वाटे जीवनेन वजे खुसबु, वारु ईनी वातेन लायक कुण छे? 
\v 17 काहाकी हामु हीनु बेसकान तसा नी, जे भगवानेन बुल मां भेसकु करे; बाकुन मनेन छाचाय सी, ने भगवान भीणी सी भगवान काजे मारे साते छे करीन जाणीन ईसु मसी मां बुलो।
\c 3
\s नवला वायदान चाकर्‌या
\p
\v 1 काय हामु अळी पछा आपणी मटाय करने लागजे काय? नीते हामु काजे दीसरा माणसेन तसा दुवा कर्‌या की चिट्‌ठीया तुंद्‌रे धड़े लावणु नीते तुंद्‌रे सी लेणु छे? 
\v 2 हामरी चिट्‌ठी तुहुंत छे, जी हामरे मन मां लिखली छे, ने हीनी चिट्‌ठी काजे आखा माणसे उळखे ने भणे। 
\v 3 ज देखाय, की तुहुं ईसु मसीन चिट्‌ठी छे, तीनाक हामु चाकर्‌यान तसा लिखजे; ने जे लिखणेन सांय सी नी, बाकुन जीवतेला भगवानेन आत्‌मा सी दगड़ान पट्‌या पर नी, बाकुन मनेन मास\f + \fr 3:3 \fr*\fq मास \fq*\ft माँस\ft*\f* पट्‌या पर लिखली छे।\x + \xo 3:3 \xo*\xt नीरगमन 24:12; यहेजकेल 11:19,20\xt*\x*
\p
\v 4 हामु मसीन साहरे भगवान पर असात भुरसु राखजे। 
\v 5 ज नी, की हामु आपणे आप सी ईना लायक छे, की आपणे भीणी सी काहालीक वात काजे सुची समजी सकजे; बाकुन हामरी काबील भगवान भीणी सी छे। 
\v 6 चु हामु काजे नवला लिखला वायदान चाकर्‌या हवणे वाटे बी कर्‌या, बुलेन चाकर्‌या नी बाकुन आत्‌मान; काहाकी बुल मारे, बाकुन आत्‌मा जीवाड़े।
\p
\v 7 कदी मरनेन वायदु जेरा आक्‌सर दगड़ा पर खुदी देदला, जां लग झजळन्‌या ताकत सी भरायला, मुसान मुंहडा परुन उजाळान वजे जो कम बी हवतो, जातलो ईस्‌रायेल हेरा मुंहडा पर नींगा नी कर सकतेला। 
\v 8 ती आत्‌मान वायदा अळी बी झजळन्‌या ताकत सी भरायला काहानी हवे? 
\v 9 काहाकी जत्‌यार गुनाळु ठेरावणे वाळु वायदु ताकत सी भरायला हतली, ती धरमी ठेरावणे वाळु वायदु ने बी झजळन्‌या ताकत सी भरायला काहा नी हवे? 
\v 10 ने जे झजळन्‌या सी भरायला हतलु, चु बी हीना उजाळान वजे जे हेरेसी बड़ीन वीजाळो हतला, काय बी झजळन्‌या सी भरायला नी ठेहर्‌या। 
\v 11 काहाकी जत्‌यार चु जे कम हवतो जातलो, ती हयु जु काठु रवसे, ने अळी बी झजळन्‌या काहानी रवे?\x + \xo 3:11 \xo*\xt नीरगमन 34:29,30\xt*\x* 
\v 12 हेरेसी असी आस राखीन हामु हिम्‌मतेन साते बुलजे। 
\v 13 ने मुसान तसा नी, जेरे आपणा मुंहडा पर पड़दु नाखतेला काहाकी ईस्‌रायली हीनी कम हवणे वाळा उजाळान आकरी\f + \fr 3:13 \fr*\fq आकरी \fq*\ft अन्त\ft*\f* काजे नी देखे। 
\v 14 बाकुन चे डेड़-अकल्‌या हय गुया, काहाकी आज लग जुन्‌डला कायदान नेम भणते टेम हींद्‌रे मन पर चु पड़दु पड़ी रवलु; बाकुन चु ईसु मसी मां उठी जाय।\x + \xo 3:14 \xo*\xt नीरगमन 34:33-35\xt*\x* 
\v 15 आज लग जत्‌यार कदी मुसान किताप भणजे, ती हींद्‌रे मन पर पड़दु पड़ी रहे। 
\v 16 बाकुन जत्‌यार कदी हींद्‌रा मन मालीक भीणी सी फीरसे, तत्‌यार चु पड़दु उठी जासे।\x + \xo 3:16 \xo*\xt नीरगमन 34:34; यसाया 25:7\xt*\x* 
\v 17 मालीक ते आत्‌मा छे, “जांहा मालीक” छे चां छुटकारु छे। 
\v 18 बाकुन जत्‌यार हामु आत्‌मान उगाड़्‌ला सीका सी मालीकेन उजाळो एरेन तसों देखाव पड़े, जसों आरस्‌या मां, ते मालीकेन साहरे जी आत्‌मा छे, हामु तीनीत सेक-सींगार सी भरायला सीका मां थुड़ा-थुड़ा करीन बदलता जाय रया।
\c 4
\s धुळान बन्‌ला ठाहरा मां महंग्‌लो धन
\p
\v 1 हेरेसी जत्‌यार हामरे पर असी दया हवी, की हामु जी चाकरी जड़ी, ती हामुक हिम्‌मत नी हारजे। 
\v 2 बाकुन हामुक सरम आवे असला सातायला काम काजे छुड़ देदा, ने नी चतराय सी चालजे, ने नी भगवानेन बुल मां भेसकु करजे, बाकुन छाचाय काजे उजेंतो करीन, भगवान अगळ हरेक माणसेन मन मां आपणी भलाय देखाड़जे। 
\v 3 बाकुन कदी हामरे खुस-खबर पर पड़दु पड़लु छे, ती जी खत्‌तम हवणे वाळा वाटे पड़ला छे। 
\v 4 ने तीनु पर जे भुरसु नी करे हींद्‌रे वाटे, तींद्‌री अक्‌कल काजे ईनी कळीन देव आंदळा कर देदला छे, काहाकी मसी जु भगवानेन तसु सीकु छे, हेरे झजळन्‌या खुस-खबरेन उजाळो हींद्‌रे पर नी भबळे। 
\v 5 काहाकी हामु आपणे आप काजे नी, बाकुन मसी ईसु काजे परचार करजे, की चु मालीक छे; ने आपणा बारामां असो कहें, की हामु ईसुन वजे सी तुंद्‌रा पावर्‌या छे। 
\v 6 हेरेसी की, भगवानुत छे, जु कह्‌यु, “आंदारलान सी वीजाळो, भबळे ने चु हामरे मन मां भबळे की भगवानेन सेक-सींगारेन उळखाण वीजाळो\f + \fr 4:6 \fr*\fq वीजाळो \fq*\ft ज्योति\ft*\f* ईसु मसीन सीका सी भबळे।”
\p
\v 7 बाकुन हामरे धड़े चो धन धुळान ठाहरा मां मेकलो छे, की जी कदी नी खत्‌तम हवणे वाळी ताकत हामरे भीणी सी नी, बाकुन भगवान भीणी सी ठेरे। 
\v 8 हामरे चारे मेर सी दुख ते भुकतजे, बाकुन पीड़ा मां नी पड़जे; घांगवायला ते छे, बाकुन नीरास नी हवजे। 
\v 9 माणसे एला ते पाड़े बाकुन भगवान हामुक नी छुड़े, माणसे हामुक पाड़े, बाकुन खत्‌तम नी करे। 
\v 10 हामु ईसुन मरण काजे आपणा डील मां हर घड़ी लीन फीरजे; की ईसुन जीवन बी हामरा डील मां उजेंतो हवे। 
\v 11 काहाकी हामु जीवते जीव जलम ईसुन वजे सी मुतेन हात मां सुपायजे, की ईसुन जीवन बी हामरे मरला डील मां उजेंतो हवे। 
\v 12 हेरेसी मुत ते हामरे पर ताकत लावे ने जीवन तुंद्‌रे पर।
\p
\v 13 हेरेसी की हामरे मां चीत भुरसान आत्‌मा छे, “जेरे बारामां लिखलो छे, मे भुरसु कर्‌यु।” हेरेसी कह्‌यु अळतेन हामु बी भुरसु करजे, तेरेसी बुलजे। 
\v 14 काहाकी हामु जाणजे, की जु मालीक ईसु काजे मरलाम सी जीवाड़े, चु हामुक बी ईसु मां साजल्‌यु जाणीन जीवाड़ेसे, ने तुंद्‌रे साते आपणे अगळ उबा करसे। 
\v 15 काहाकी आखी चीजे तुंद्‌रे वाटे छे, काहाकी गीण-दयान साहरे अदुस हयन भगवानेन सेक-सींगार वाटे तु बेसकु वारु छे करीन बी बड़ावे।
\s भुरसा मां जीवणु
\p
\v 16 हेरेसी हामु हिम्‌मत नी, हारजे कदी हामरा बाहरलो माणसेन सीकु खत्‌तम हय जासे तेबी हामरो माहींन माणसेन सीकु दाहड़ीन-दाहड़ीन नवलु हवतु जाय। 
\v 17 काहाकी हामरु थुड़ाक दाहड़ान हळकु दुख हामरे वाटे बेसका खास ने जलमेन सेक-सींगार देवाड़े। 
\v 18 ने हामु ते देखली चीज काजे नी बाकुन नी देखाय असली चीज काजे देखता रवजे काहाकी देखली चीज, थुड़ाक दाहड़ान छे, बाकुन नी देखली चीज जलम बणीन रवसे।
\c 5
\p
\v 1 काहाकी हामु जाणजे की जत्‌यार हामरो धरती परुन तसलो घर उदार देसे, ती हामुक भगवान भीणी सी सरगे पर एक असु बंगलु\f + \fr 5:1 \fr*\fq बंगलु \fq*\ft भवन\ft*\f* जड़से, जो हाते सी बन्‌नलो घर नी बाकुन जलम लग बन्‌नलो\f + \fr 5:1 \fr*\fq जलम लग बन्‌नलो \fq*\ft चिरस्थाई\ft*\f* रवसे। 
\v 2 हेरेमां ते हामु तरसजे ने मटी लालुच राखजे; की आपणा सरगेन घर काजे पेहेरी लेजे। 
\v 3 की हीना काजे पेहरने सी हामु नांगरला नी जड़े। 
\v 4 ने हामु हीना तम्‌बु मां रवता जाय्‌न बुज सी दबला कवता रवजे काहाकी हामु उतारने नी, बाकुन अळी पेहरने चाहजे, काहाकी चु जो मरणहार छे जीवन मां डुब जाय। 
\v 5 जु हामुक हीनीत वात वाटे तीयार करला छे, ने चु भगवान छे, चु आपणुक सांय लीन जीव-आत्‌मा आप देदु,
\p
\v 6 अळतेन हामु जलम हिम्‌मत धरीन रवजे ने ज्‌य जाणजे; की जत्‌यार लग हामु डील मां रवजे, तत्‌यार लग मालीक सी छेटा छे। 
\v 7 काहाकी हामु सीका काजे देखीन नी, बाकुन भुरसा सी चालजे। 
\v 8 हेरेसी हामु हिम्‌मत राखीन रवजे, ने डील सी छेटा हयन मालीक साते रवणु अळी बी वारु समजे। 
\v 9 हेरे वजे सी हामरे मनेन खुसी जी छे, की चाहे साते रवे, चाहे छेटा-छेटा रवे बाकुन हामु हीनाक बी जादा वारु गमे। 
\v 10 काहाकी जरुड़ी छे, की हामु आखान हामु मसीन नीयाव बास अगळ खुली जाय, की आखा एक अदमी आपणे-आपणे वारु भुंडा कामेन बदलु जु हीयु डीलेन साहरे करला छे जड़े।
\s भगवानेन सी मेळ
\p
\v 11 हेरेसी मालीकेन धाक मानीन हामु माणसे काजे समजाड़जे बाकुन भगवान पर हामरु हाल उजेंतु छे; ने मारी आस जी छे, की तुंद्‌रो मन पर बी उजेंतो हय गुयला छे। 
\v 12 हामु तेबी आपणी बड़ाय तुंद्‌रे अगळ नी करजे बाकुन हामु आपणे बारामां तुहुंक मटाय करनेन मुखु देजे, की तुहुं हीनुक जपाप आप सकु, जे मन पर नी, बाकुन मे कसुक करीन देखाड़ने वाळी वात पर सी मटाय करजे। 
\v 13 कदी हामु बेहुस\f + \fr 5:13 \fr*\fq बेहुस \fq*\ft बेसुध\ft*\f* छे, ती भगवान वाटे; ने कदी समजी गुयला छे, ती तुंद्‌रे वाटे छे। 
\v 14 काहाकी मसीन परम हामुक लाचार कर देय; हेरेसी की हामु ज्‌य समज्‌जे, की जत्‌यार एक आखा वाटे मर गुयु ती आखा मर गुया। 
\v 15 ने चु हीनी वजे सी आखा वाटे मर्‌यु, की जे जीवतेला छे, चे अगा जाय्‌न आपणे वाटे नी जीवे बाकुन हेरे वाटे जे हींद्‌रे वाटे मर्‌या ने पछा मरलाम सी जीवता हय गुया।
\p
\v 16 अळतेन हय सी हामु काहालाक काजे बी डीलेन अनसारे नी समजणु, चाहजे कदी हामु मसी काजे बी डीलेन अनसारे जाणु हतलो, तेबी हय सी हीनाक असा नी जाणजे। 
\v 17 हेरेसी कदी कुय ईसु मसी मां छे ती चु नवलु बन्‌नलु छे; जुन्‌डली वात जाती रय; देखु, आखी वात नवली हय गुय। 
\v 18 चे आखी वात भगवान भीणी सी छे तीनाक मसीन साहरे आपणे साते हामरो हेळ-मेळ कर लेदा ने हेळ-मेळ कराड़नेन चाकरी हामुक सुप देदु। 
\v 19 मतलब भगवान ईसु मसी मां हयन आपणे साते कळीन हेळ-मेळ कर देदा, ने हींद्‌रे पापेन गुनु हींद्‌रे पर नी लागाड़्‌या ने हीयु हेळ-मेळेन बुल हामुक सुप देदु।
\p
\v 20 हेरेसी हामु मसीन आवजी पर काम करन्‌या छे; मानु भगवान हामरे साहरे समजाड़ी र्‌यु: हामु मसी भीणी सी लीलघायजे की भगवान साते हेळ-मेळ कर लेदा। 
\v 21 जे पाप सी अनजाण्‌या हतला, हीनुत काजे हयु हामरे वाटे पाप ठेहरायु, की हामु हींद्‌रे मां सी हयन भगवानेन धरमी बणी जाजे।
\c 6
\p
\v 1 हामु जे भगवानेन साजल्‌या\f + \fr 6:1 \fr*\fq साजल्‌या \fq*\ft सहकर्मी\ft*\f* हयन ज्‌य बी समजाड़जे, की भगवानेन गीण-दया जे तुंद्‌रे पर हया, फालतु नी जाणे देजे। 
\v 2 काहाकी चु ते कह्‌वे,
\q1 “आपणी खुसीन टेम मे तारी सामळीस,
\q2 ने छुटकारान दाहड़ु मे तारी, मदत कर्‌यु।”
\q1 देखु; हय खुस हवणेन टेम छे; देखु,
\q2 हय छुटकारान दाहड़ु छे।
\p
\v 3 हामु काहाली बी वात मां ठुकर खाणेन काय बी जागु नी देजे, काहाकी हामरी चाकरी पर कुय गुनु नी आयु। 
\v 4 बाकुन आखी वात सी भगवानेन चाकर्‌यान तसा आपणे वारलु गुणे\f + \fr 6:4 \fr*\fq वारलु गुणे\fq*\ft सदुगुणों\ft*\f* काजे उजेंता करजे मटा गमे सी दुखे सी, गरीबी सी, पीड़ा, सी। 
\v 5 सपाटान मार खाणे सी, जेल मां बुजायणे हवणे सी माणसेन कचाटा सी काठी मेहनत सी जागला रवणे सी उपास करने सी। 
\v 6 चुखला सी, अक्‌कल सी, गम धरने सी, दया वाळा सी, चुखली-आत्‌मा ने छाचला परम सी। 
\v 7 छाचला रय्‌न ईसुन खरला बुले सी, भगवानेन ताकत सी; धरमेन हत्‌यार सी, जे जेवड़े ने डाखर्‌ये हात मां छे, 
\v 8 हामरी ईज्‌जत करे तेबी, ने ईज्‌जत नी करे तेबी, हामरी नाव-बद्‌दी करे, तेबी, हामु नाव साद्‌या हवजे तेबी भगवानेन सेवा करने तीयार छे। भले हामु दीसराक ठगण्‌या तसा लाग्‌जे तेबी छाचाय काजे उजेंता करजे। 
\v 9 हामु ईसुन नेवताळा छे जी वात जे नी समजे तींद्‌रे अगळ हामु अनजाण्‌यान तसा छे; तेबी जे हामुक समजे तींद्‌रे अगळ हामु नाव सादीन छे; माणसे हामुक मारीन नाखणे हय र्‌या, बाकुन तेबी देखु हय लग जीवता छे; हामु दीसरा माणसेन साहरे डंड भुक्‌ती र्‌या बाकुन तेबी हामु नी मरजे। 
\v 10 दुख करने वाळान तसा छे, बाकुन जलम खुसी करे, गरीबी तसा छे, बाकुन बेसका काजे पयस्‌या वाळा बणाय देय, असा छे जसा हामरे धड़े काय नी तेबी आखो काय राखजे।
\p
\v 11 ए कुरींथीयो, हामु खुलाम खुल्‌ला वात कर्‌या, हामरो मन तुंद्‌रे भीणी उगाड़्‌लो छे। 
\v 12 तुंद्‌रे वाटे हामरा मन मां काय खेचा ताण नी हय, बाकुन तुंद्‌रेत मन मां खेचा ताण छे। 
\v 13 बाकुन आपणा पुर्‌या जाणीन तुंद्‌रे सी कहो, की तुहुं बी हेरे बदला मां आपणा मन काजे उगाड़ देवु।
\s हामु जीवतेला भगवानेन मंदीर छे
\p
\v 14 भुरसु नी करे, हींद्‌रे साते तुंद्‌रो जुड़ो नी लागे। हेरेसी हींद्‌रे भेळा मां साजल्‌या बणु, काहाकी धरम ने पाप मेळ खाय काय? नीते उजाळो ने आंदारलान काय मेळ? 
\v 15 ईसु मसी भुतड़ा साते दुस्‌ती करे काय? नीते भुरसु करन्‌या ने नी भुरसु करन्‌या सी काय नातो? 
\v 16 ने मुरत्‌या साते भगवानेन मंदीरेन काय नातो?
\q1 काहाकी हामु ते जीवतेला भगवानेन मंदीर छे;
\q2 जसु भगवान कह्‌यु मे हींद्‌रे मां बसीस ने हींद्‌रे मां चालीस फीरीस;
\q1 ने मे हींद्‌रु भगवान हवीस,
\q2 ने चे मारा माणसे रवसे।
\p
\v 17 हेरेसी मालीक कवे,
\q1 हींद्‌रे ईचमां सी नीकळु ने आंग्‌ये रहु;
\q2 ने वीटाळ देय असली,
\q1 चीज काजे मां धरु,
\q2 ती मे तुहुंक अगु करीस।
\q1
\v 18 ने मे तुंद्‌रु बास रवीस,
\q2 ने तुहुं मारा पुर्‌या ने पुरे रवसु,
\q2 जी आखा सी ताकतवाळु मालीक भगवानेन बुल छे।
\c 7
\p
\v 1 अळतेन ए लाटेक्‌लु भायसे जत्‌यार की जु वायदु हामुक जड़लु छे, ती आवु, हामु आपणे आप काजे डील ने आत्‌मान आखा पापे सी चुखला करे, ने भगवान काजे बीहता जाय्‌न चुखला काजे पुरो करु।
\s पोलुसेन खुसी
\p
\v 2 हामुक आपणा मन मां जागा आपु; हामु ते तुंद्‌रे मायन काहालान बी हामु बयमानी नी कर्‌या ने काहालाक काजे बीगाड़्‌या, नी काहनाक काजे नी ठग्‌या 
\v 3 ने तुहुं गुना वाळा ठेराड़ने वाटे ज नी कवतु काहाकी मे पेहेल सी कय देदलु छे, की तुहुं हामरे मन मां असा बसी गुया की हामु तुंद्‌रे साते मरणे जीवणे वाटे बी तीयार छे। 
\v 4 मे तुंद्‌रे सी बेसकु हिम्‌मतेन साते कय र्‌यु, मेसे तुंद्‌रे पर मटुत घमट छे; मे सांती भराय गुयु; आपणा आखा दुख\f + \fr 7:4 \fr*\fq दुख \fq*\ft क्लेश\ft*\f* मां सी ने मे बेसकु कायनी खुस छे।
\p
\v 5 काहाकी जत्‌यार हामु मकीदुनीया मां आया, तत्‌यार बी हामरा डील काजे आराम नी जड़्‌यो, बाकुन हामुक चारे मेर सी दुख जड़तेला; बाहार झगड़ा हतला, माहें बीहणे वाळी वात हतली। 
\v 6 तेबी हीनु काजे सांती आपणे वाळु भगवान तीतुसेन आवणे सी हामु काजे सांती आप्‌यु। 
\v 7 ने हेरे आवणे सी अतरुत नी, बाकुन हीनी सांती सी बी, जे हेरो तुंद्‌रे भीणी सी जड़ली हतली; हयु तुंद्‌री लालच सी, ने तुंद्‌रो दुख ने मारे वाटे तुंद्‌री धुन काजे खबर हामुक सामळावे, जेरे सी मेसेक अळी बी खुसी हवे।
\p
\v 8 काहाकी कदी मे आपणी चिट्‌ठी सी तुहुंक दुखी कर्‌यु, बाकुन हेरसी पसतावु नी करतु जसों की पेहेल पसतावु हतलु काहाकी मे देखो की हीनी चिट्‌ठी सी तुहुं काजे दुख ते हयु। बाकुन च थुड़ीक वार वाटे हतलो। 
\v 9 हय ने खुसी हयु बाकुन हेरेसी नी की तुहुं काजे आफोत आय बाकुन हेरेसी की तुहुं हीना आफोतेन वजे सी मन फीराया, काहाकी तुंद्‌रो आफोत भगवानेन मरजीन अनसारे हतलो, ती हामरे भीणी सी तुहुंक काहनी वात मां नुकसाण नी हवे 
\v 10 काहाकी भगवान भक्‌तीन आफोत असा पसतावु पयदा करे; की जेरो सबुत छुटकारु छे। ने अळतेन हीनाक पसतावु नी हवे! बाकुन कळीन डीलेन दुख मुत काजे पयदा करे। 
\v 11 अळतेन देखु, ईनी वात सी की तुहुं भगवानेन भक्‌तीन आफोत हया; तुंद्‌रे मां कतरो खुसीन, जपाप, ए रीस, बीहणु, ने लालच, ने धुन ने डंड आपणेन वीच्‌यार पयदा हवे? तुहुं आखी भाती सी ज चुखो करीन देखाड़्‌या, की तुहुं हीनी वात मां नी-गुना वाळा छे।
\p
\v 12 जी चिट्‌ठी जु पाप कर्‌यु तेरे वाटे नी लिख्‌यु ने जु बयमानी कर्‌यु तेरे वाटे बी नी लिख्‌यु, बाकुन तुंद्‌रे वाटे एरेन करीन लिख्‌यु की तुंद्‌री खुसी जी हामरे वाटे छे, ची हवस भगवान अगळ उजेंती हय जाय। 
\v 13 हेरेसी हामुक सांती जड़े।
\p हामरी सांती साते तीतुसेन खुसीन वजे सी अळी बी खुसी हवे, काहाकी हेरा जीव तुहुं आखान वजे सी खुसी मां गद-गद हय गुया! 
\v 14 काहाकी कदी मे हेरे अगळ तुंद्‌रे बारामां काय मटाय देखाड़्‌यु, ती लाजवाये नी, बाकुन जसा हामु तुंद्‌रे सी आखी वात छाचली कय देदला, असात हामरी मटाय देखाय तीतुस अगळ बी छाचली नीकळी। 
\v 15 जत्‌यार हेरो तुहुं आखान हुकुम मान्‌या\f + \fr 7:15 \fr*\fq हुकुम मान्‌या \fq*\ft आज्ञाकारी\ft*\f* हवणेन हेर आवे, की कसा तुहुं बीहता जाय्‌न ने घाबरायता जाय्‌न ने भेट कर्‌या; ती हेरा परम अळी बी बड़तो जाय। 
\v 16 मे खुसी मां छे, काहाकी मेसेक तुंद्‌रे भीणी सी वात मां पुरु भुरसु छे।
\c 8
\s खुला मन सी दान आपणु
\p
\v 1 हय ए भायसे, हामु तुहुंक भगवानेन हीना गीण-दयान खबर आपजे, जे मकीदुनीयान मंडळी पर हयो। 
\v 2 की दुखेन मट्‌ली पारख मां हींद्‌रे मटला खुसी ने मटी गरीबी मां हींद्‌रे खुला मन सी\f + \fr 8:2 \fr*\fq खुला मन सी \fq*\ft उदार\ft*\f* बेसकी अदी गुय। 
\v 3 हींद्‌रे बारामां मारी जी गवाय छे, की हीनुक आपणी ताकत भरीन बाकुन ताकत सी बी बाहार मन सी आप देदा। 
\v 4 ने हीना दान मां ने चुखला माणसेन चाकरी मां साजल्‌या हवणेन गीण-दयान बारामां हामरे सी पछात-पछात बेसका लीलघाया। 
\v 5 ने जसा हामु ने आस करला हतला, असात नी, बाकुन चे मालीक काजे, अळतेन भगवानेन मरजी सी हामु काजे बी आपणे आप काजे आप देदा। 
\v 6 हेरेसी हामु तीतुस काजे समजाड़्‌या, की जसों हयु पेहल सुरु करलु हतलु, असात तुंद्‌रे ईचमां हीनी दानेन काम काजे पुरो बी करला। 
\v 7 हेरेसी जसा तुहुं आखी वात मां मतलब भुरसु, बुल, अक्‌कल ने आखी भातीन खुसी मां, ने हीना परम मां, जे हामरे सी राखे, अदता जावु, असात हीना दानेन काम मां बी अदता जावु।
\p
\v 8 मे हुकुमेन रीत पर ते नी, बाकुन दीसरान खुसी सी तुंद्‌रे परमेन छाचाय काजे पारखणे वाटे कहो। 
\v 9 तुहुं हामरा मालीक ईसु मसीन गीण-दया काजे जाणु, की चु पयस्‌या वाळु हयन बी तुंद्‌रे वाटे खाली हय गुयु काहाकी हेरे खाली हय जाणे सी तुहुं पयस्‌या वाळा हय जावु।
\p
\v 10 ने हीनी वात मां मारु वीच्‌यार जु छे। ज्‌य तुंद्‌रे वाटे वारलु छे जे एक साल सी नी ते सीरप हीना काम काजे करनेत मां, बाकुन हीनी वातेन चाहावणे मां बी पेहल हतला। 
\v 11 हेरेसी हय ज्‌य काम पुरो करु; की जसी मरजी करने मां तुहुं तीयार हतला, असात आपणी-आपणी कमायन अनसारे पुरा बी करु। 
\v 12 काहाकी कदी मनेन तीयारी हय जाय ती दान हेरे अनसारे अगा बी हवे जे हेरे धड़े छे असो नी की हेरे अनसारे जो तेरे धड़े नी हय।
\p
\v 13 ज्‌य नी की दीसरा काजे सांती\f + \fr 8:13 \fr*\fq सांती \fq*\ft चैन\ft*\f* ने तुहुं काजे दुख जड़े। 
\v 14 बाकुन बराबरेन वीच्‌यार सी ईनी टेमे तुंद्‌री बड़ती ने तुंद्‌री कमी मां काम आवे, काहाकी तुंद्‌री अदती बी ने तुंद्‌री कमी मां काम आवे, की बराबर हय जाय। 
\v 15 जसों लिखलो छे, “जु बेसका भेळा कर्‌यु हेरा काम अदुस नी नीकळ्‌या ने जे थुड़ाक भेळा कर्‌यु तेरो कम नी नीकळ्‌यो।”
\s तीतुस ने हेरु साजल्‌यु
\p
\v 16 भगवान काजे तु बेसकु वारु छे करीन कह्‌वो, जु तुंद्‌रे वाटे जीत खुसी तीतुसेन मन मां भर देदु। 
\v 17 की हयु हामरो समजाड़नु मान लेदु ने बेसकु खुसी हयन चु आपणी मरजी सी तुंद्‌रे धड़े गुयु। 
\v 18 हामु हेरे धड़े हीना भायस काजे बी मकेल्‌ला जेरो नाव खुस-खबरेन बारामां आखी मंडळी मां फेलाय देदा; 
\v 19 ने अतरात नी, बाकुन चु मंडळीन साहरे ठेराया बी गुया की हीना दानेन काम वाटे हामरे भेळा जाय हामु जी चाकरी हेरेसी करजे, की मालीकेन सेक-सींगार ने हामरे मनेन तीयारी देखाव पड़ जाय।
\p
\v 20 हामु हीनी वात मां चेतीन रवु, की हीनी खुला मन सी कामेन बारामां तींद्‌री चाकरी हामु करजे, कुय बी हामरे पर गुना नी लागाड़नु चाहजे। 
\v 21 काहाकी जी वात मालीक धड़े अतरोत नी, बाकुन माणसेन धड़े बी वारु छे हामु हींद्‌री फीकुर करजे।
\p
\v 22 हामु हेरे भेळा आपणा भायस काजे बी मकेल्‌ला छे, तीना काजे हामु अळी अळीन पारख्‌या, बेसकी वात मां खुसी हवला देख्‌या; बाकुन हय तुंद्‌रे पर हेरु मट्‌लु भुरसु छे, हीनी वजे सी चु अळी बी जादास खुसी छे। 
\v 23 कदी कुय तीतुसेन बारामां पुछे, ती चु मारु साती, ने तुंद्‌रे वाटे मारु साजल्‌यु छे। ने कदी हामरा भायसेन बारामां पुछे ती चे मंडळीन नेवताळा ने मसीन सेक-सींगार छे। 
\v 24 अळतेन आपणा परम ने हामरु चु मटाय जे तुंद्‌रे बारामां छे मंडळी अगळ पुरो करीन हीनुक देखाड़े।
\c 9
\s भेळा रवण्‌या मसी माणसे वाटे मदत
\p
\v 1 हय तीनी चाकरीन बारामां जे चुखला माणसे वाटे कर र्‌या, मेसे तुहुं काजे लिखणु जरुड़ी नी हय। 
\v 2 काहाकी मे तुंद्‌रे मनेन तीयारी काजे जाणो, जेरे वजे सी मे तुंद्‌रे बारामां मकीदुनीयाम रवण्‌यान अगळ मटाय देखाड़ो, की अखायान माणसे एक साल सी तीयार हवला छे, ने तुंद्‌री खुसी बेसका काजे उभार्‌या बी। 
\v 3 बाकुन मे भायसे काजे हेरेसी मकेल्‌लु छे, की हामु जे मटाय तुंद्‌रे बारामां देखाड़जे, चु ईनी वात मां फालतु नी ठेहरे; बाकुन जसों की मे कहं; असात तुहुं बी तीयार रहु 
\v 4 असो नी हवे, की कदी कुय मकीदुनीया वाळा मारे धड़े आया, ने तुहुं तीयार नी रवु, की हय सके की हीना भुरसान वजे सी हामु ज नी कवता की तुहुंक सरमायु\f + \fr 9:4 \fr*\fq सरमायु \fq*\ft लज्जित\ft*\f*! 
\v 5 हेरेसी मे भायसे सी जी लीलघायान करनु जरुड़ी समजी गुयु की जे पेहेल सी तुंद्‌रे धड़े आया, ने तुंद्‌रा खुल्‌ला मन सी फळ तींद्‌रे बारामां पेहलुत सी बुल आपला हतला, तीयार करीन राखु, की ज दबाव सी नी बाकुन खुले मनेन फळेन तसा तीयार रवु।
\p
\v 6 बाकुन वात जी छे, जे ईतरोक वेरे चु ईतरोक काटे बी, ने जे बेसको वेरे, चु बेसको काटसे। 
\v 7 आखा माणुस जसों मन मां ठाणी लेय असोत दान करे; नी कुड़-कुड़ सी, ने नी दबाव सी, काहाकी भगवान खुसी सी आपणे वाळा सी परम राखे। 
\v 8 भगवान आखी भातीन गीण-दया सी बेसकु बड़ीन आप सके जेरे सी आखी वात मां ने आखी टेमे, आखो काय, जो तुहुंक जरुड़ी रवे, तुंद्‌रे धड़े रवे, आखो वारु काम वाटे तुंद्‌रे धड़े हवे। 
\v 9 जसों लिखलो छे,
\q1 “हयु आरवी देदु, ने खाली काजे दान आप्‌यु,
\q2 हेरो धरम जलम बणीन रवसे।”
\p
\v 10 अळतेन जे एरने वाळा काजे बीज, ने खाणे वाटे रुटा आपे, चु तुहुंक बीज आपसे ने हीनाक फळ वाळु करसे; ने तुंद्‌रे धरमेन फळे काजे बड़ावसे। 
\v 11 तुहुं आखी वात मां आखी भातीन खुला वाटे जे हामरे साहरे भगवान काजे तु बेसकु वारु \f + \fr 9:11 \fr*\fq तु बेसकु वारु \fq*\ft धन्यवाद\ft*\f*छे करीन कह्‌वाड़े, पयस्‌या वाळा हय जावु। 
\v 12 काहाकी हीनी चाकरीन पुरो करने सी, चुखला माणसेन मांगे अतरी पुरी नी हवसे, बाकुन माणसे भीणी सी भगवानेन बी बेसकु वारु छे करीन कहवाय्‌से। 
\v 13 काहाकी हीनी चाकरी काजे सबुत काजे माने चे भगवानेन सेक-सींगार देखाड़े करे, की तुहुं मसीन खुस-खबर काजे मानीन हेरे हक मां रवे, ने हींद्‌री, ने आखी मदत करने मां उदार देखाड़ता रवे। 
\v 14 ने चे तुंद्‌रे वाटे दुवा करे, ने हेरेसी की तुंद्‌रे पर भगवानेन मट्‌ली गीण-दया सी, तुंद्‌री लालच करती रवे। 
\v 15 भगवानेन तीना दानेन वाटे जे समज सी बाहार छे, तु बेसकु वारु छे।
\c 10
\s पोलुसेन हक
\p
\v 1 मे चु पोलुस जे तुंद्‌रे अगळ लीलघाये, बाकुन आसा पछळ तुंद्‌री अळी हिम्‌मत करो; तुहुं काजे मसीन नरम, ने लाड़-परम सी समजाड़ो, 
\v 2 मे जी लीलघाया करो, की तुंद्‌रे अगळ मेसे ताकत वाळु हय्‌न हिम्‌मत करनु नी पड़े; जसु मे काय माणसे पर जे हामु काजे डीलेन अनसारे चालने वाळा समजे, हिम्‌मत देखाड़ने वीच्‌यार करो। 
\v 3 ज्‌य सय छे की कदी हामु डील मां चालजे ने फीरजे, तेबी डीलेन अनसारे नी लड़ायजे। 
\v 4 काहाकी हामरी लड़ाय हत्‌यार कळीन तसी नी, बाकुन गड़ काजे उदार नाखणे वाटे भगवानेन साहरे ताकत वाळा छे। 
\v 5 हेरेसी हामु मनेन उपजाव काजे, ने हरीक एक उचली वात काजे, जी भगवानेन उवखाणेन वीरुद मां उठे, आंग्‌ये-आंग्‌ये\f + \fr 10:5 \fr*\fq आंग्‌ये-आंग्‌ये \fq*\ft खण्डन\ft*\f* करजे; ने मसीन हरीक एक हुकुम मान्‌या बणाय देय। 
\v 6 ने तीयार रवे की जत्‌यार तुंद्‌रा हुकुम पाळनेन दाहड़ा पुरा हय जाय, ती हरीक भातीन हुकुम नी मान्‌या काजे डंड आपे।
\p
\v 7 तुहुं ईनीत वात काजे देखु, जे डुळा अगळ छे, ती काहालाक काजे आपणे पर जु भुरसु छे, की मे मसीन छे, ती चु ज बी जाणी लेय, चु मसीन छे, असात हामु बी छे। 
\v 8 काहाकी कदी मे हीना हकेन बारामां अळी बी मटाय देखाड़ो, जे मालीक तुंद्‌रे बीगाड़ने वाटे नी बाकुन बणावणे वाटे हामुक आपलो छे, ती सरमाये नी। 
\v 9 ज्‌य मे हेरेसी कवो, की चिट्‌ठीन साहरे तुहुंक बीहाड़ने वाळा नी ठेरे। 
\v 10 काहाकी चे कवे, “हेरी चिट्‌ठीया ते बेसका ताकत वाळा ने हिम्‌मत देखाड़न्‌या छे; बाकुन जत्‌यार देखे, ती कहें की चु डीलेन लुलु ने कहणे\f + \fr 10:10 \fr*\fq कहणे \fq*\ft वक्तव्य\ft*\f* मां हळकु जाणी पड़े।” 
\v 11 जु असु कहें, चु ज समज राखे, की जसा आसा पछळ चिट्‌ठीया मां हामरा बुल छे, असात तुंद्‌रे अगळ हामरे काम बी हवसे।
\p
\v 12 काहाकी हामु जी हिम्‌मत नी की हामु आपणे आप काजे हींद्‌रे मां सी असा काय साते गीणे, नीते तीनुक आपणु काजे भेळा करे, जे आपणी बड़ाय आपसु करे, ने आपणे आप काजे आंबा-सांबा नापीन तुलीन एक दीसरा सी भेळा करीन डेड़-अकल्‌या ठेरजे। 
\v 13 हामु ते काकड़ सी बाहार मटाय कदी नी करे, बाकुन हीना काकड़ लग जे भगवान हामरे वाटे ठेराय देदला छे, ने हेरे मां तुहुं बी आय गुयला छे। ने हेरे अनसारे मटाय बी करसुन। 
\v 14 काहाकी हामु आपणा काकड़ सी बाहार आपणे आप काजे बड़ावु नी चाहतु, जसा की तुंद्‌रे लग नी पुगणेन दसा मां हवे, बाकुन मसीन खुस-खबर सामळावता जाय्‌न तुंद्‌रे धड़े लग आय गुयला छे। 
\v 15 हामु काकड़ सी बाहार दीसरान मेहनत पर मटाय नी करजे; बाकुन हामुक आस छे, की जसु-जसु तुंद्‌रु भुरसु बड़तु जासे असात-असात हामु बी आपणा-आपणा काकड़ेन अनसारे तुंद्‌रे वजे सी अळी बी बड़ता जासुन। 
\v 16 काहाकी हामु तुंद्‌रा काकड़ सी अगा बड़ीन खुस-खबर सामळ्‌या, ने ज्‌य नी, की हामु दीसरान काकड़ेन माहें बणावला काम पर मटाय करजे।
\p
\v 17 बाकुन जो मटाय करे, चु मालीक पर मटाय करे 
\v 18 काहाकी जो आपणी बड़ाय करे, चु नी, बाकुन जेरी बड़ाय मालीक करे, हयुत अगु हवसे।
\c 11
\s पोलुस ने लुच्‌चा नेवताळा
\p
\v 1 कदी तुहुं मारी थुड़ीक डेड़ अक्‌कल सेण कर लेता ती काय वारु रवतो; हव, मारी सेण बी कर लेवु। 
\v 2 काहाकी मे तुंद्‌रे बारामां भगवानेन धुन लागाड़ रवो हेरेसी की मे एक अदमी सी तुंद्‌री वात लागाड़लु छे, की तुहुं चुखली कुवारली पुरेन तसा मसी काजे सुप दम। 
\v 3 बाकुन मे बीहु की जसु घड़सु आपणी चालाकी सी हव्‌वा काजे बेहकाड़्‌यु, असात तुंद्‌रे मन मां सुदा ने चुखला पण सी जे मसीन साती हवणु चाहजे काय खत्‌तम नी हय जाय। 
\v 4 कदी कुय तुंद्‌रे धड़े आवीन, काहालाक दीसरा ईसुन परचार करे, जेरो परचार हामु नी कर्‌या नीते कुय अळी आत्‌मा तुहुंक जड़ी; जे पेहल नी जड़लो हतलो; नीते अळी कुय खुस-खबर सामळी तीनाक तुहुं पेहल नी मानतेला, ती तुहुं हीनाक सेण करनु वारु रवतो।
\p
\v 5 मे ते समजो, की मे काहाली वात मां मटा सी मटा नेवताळा सी कम नी हय। 
\v 6 कदी तुहुंक असो लागे की मारे वाटे तींद्‌रेन तसों वारु बुलनेन हुसारी नी हय, तेबी अक्‌कल मां नी; बाकुन हामु हीनाक आखी वातेन तरा सी तुंद्‌रे वाटे देखाव पाड़ देय।
\p
\v 7 काय हेरेमां मे काय पाप कर्‌यु; की मे तुहुंक भगवानेन खुस-खबर पयस्‌या लेय पाखुर सामळावो; ने आपणे आप काजे नेचु कर्‌यु, की तुहुं उचा हय जावु? 
\v 8 मे दीसरी मंडळी काजे लुट्‌यु मतलब मे हींद्‌री दाहड़की लेदु, काहाकी तुंद्‌री चाकरी करो। 
\v 9 ने जत्‌यार मे तुंद्‌रे साते हतलु, ने मेसे कमी हवी, ती मे काहाला पर बी भार नी नाख्‌यु, काहाकी भायसे, मकीदुनीया सी आवीन मारी कमी काजे पुरा कर्‌या; ने मे हरीक वात मां आपणे आप काजे तुंद्‌रे पर भार बन्‌ने सी रुक्‌यु, ने रुकीन रवीस। 
\v 10 कदी मसीन छाचाय मारे मां छे, ती अखाया नावेन देस मां कुय मेसे हीनी मटाय सी नी रुकसे। 
\v 11 असो काहा? काय असु करीन की मे तुंद्‌रे सी परम नी राखो? भगवान ज जाणे की मे परम राखो।
\p
\v 12 बाकुन जो मे करो, चोन करतु रवीस; की जे माणसे दावु हेरे, हीनुक मे दावु नी जड़ने दम, काहाकी जीनी वात मां चे मटाय करजे हेरे मां जे हामरेन तसा ठेरे। 
\v 13 काहाकी असा माणसे लुच्‌चा नेवताळा छे, ने धुका सी काम करने वाळा छे, ने मसीन नेवताळान सीकु धरणे वाळा छे। 
\v 14 जी काय उसकारनेन वात नी काहाकी भुतड़ु आपसु बी बेसकु जबर वीजाळो सरग वाळा काहवाळ्‌यान सीकु धरे। 
\v 15 हेरेसी कदी हेरा पावर्‌या बी धरमेन चाकर्‌यान सीकु धरे, ती कुय मटी वात नी हय, बाकुन हींद्‌रो आकरी हींद्‌रे कामेन अनसारे हवसे।
\s नेवताळान सीका मां पोलुसेन दुख भुकत्‌णु
\p
\v 16 मे अळी कवो, की मेसे डेड़-अकल्‌या नी समजे; नीते डेड़ अकल्‌यु समजीन मारी वात सेण कर लेवु, काहाकी थुड़ीक मे बी मटाय कर सको। 
\v 17 ईनी गांडान तसों मटाय मां जो काय मे कहो चो मालीकेन हुकुमेन अनसारे नी बाकुन मानु डेड़ अक्‌कल सी कवो। 
\v 18 जत्‌यार की बेसका माणसेन डीलेन अनसारे मटाय करजे, ती मे बी मटाय करीस। 
\v 19 तुहुं ते समजदार हयन खुसी सी डेड़-अकल्‌यान सेण कर लेवु। 
\v 20 काहाकी जत्‌यार तुहुंक कुय पावर्‌यु बणाय लेय, नीते खाय जाय, नीते फसाण देय, नीते आपणे आप काजे मट्‌लु बणावे। नीते तुंद्‌रे मुंहडा पर थापड़ देय, ती तुहुं सेण कर लेवु। 
\v 21 हामु तुंद्‌रे साते तींद्‌रेन तसा वेहवार नी कर्‌या ने, कमजुर बण्‌या करीन सरमायणु चाहजे काय? कदी नी।
\p बाकुन चे माणसे ते मटाय करने मां हिम्‌मत कर र्‌या; हेरसी मे बी मटाय करने मां हिम्‌मत करो, भले मारी मटाय करने गांडाय लागे। 
\v 22 काय चे ईब्‌रानी छे? मे बी छे; काय चे ईस्‌रायली छे? मे बी छे काय चे अब्‌राहमेन खानदानी छे? मे बी छे। 
\v 23 काय चेत मसीन चाकर्‌यु छे? मे गांडान तसु कवे मे बी छे मे हींद्‌रे सी बड़ीन छे जादास मेहनत\f + \fr 11:23 \fr*\fq मेहनत \fq*\ft परिश्रम\ft*\f* करने मां; अळीन अळी जेल मां; सड़ापान मार खाणे मां; अळी-अळी मरतु बचणे मां। 
\v 24 पांच कावा मे यहुदीयान हात सी उंचालीस-उंचालीस सड़ापा खादु। 
\v 25 तीन कावा मेसे सुट्‌ये करीन देदा; एक कावा मेसे दगड़ाट्‌या\f + \fr 11:25 \fr*\fq दगड़ाट्‌या \fq*\ft पत्थराव\ft*\f*; तीन कावा ढंड्‌या तींद्‌रे पर मेसे चड़ावला हतला, टुटी गुयु; एक रात ने एक दाहड़ु मे समुदर मां काट्‌यु। 
\v 26 मे अळी-अळी चालने मां; नदीन खतरा मां; चुट्‌टान खतरा मां; आपणे जातीवाळान खतरा मां; नी-यहुदीयान खतरा मां; जंगलेन खतरा मां; समुदरेन खतरा मां; लुच्‌चा भायसेन ईचमां खतरा मां रवु; 
\v 27 मेहनत ने थकान मां; अळी-अळी जागतु रवणे मां; भुक-पीस मां; अळी-अळीन उपास करने मां; सेळा मां; उघाड़ु रहणे मां। 
\v 28 दीसरी वात काजे छुड़ीन जेरो नाप मे नी करतु आखी मंडळीन फीकुर दाहड़ीन मेसे दड़पे। 
\v 29 कुणीन लुल्‌गाय सी मे लुलु नी हवो, कुणीन पाप मां पड़ने सी मारु जीव नी दुखे।
\p
\v 30 कदी मटाय करनु जरुड़ी छे, ती मे आपणी लुल्‌गायपन वात पर मटाय करो। 
\v 31 मालीक ईसुन भगवानेन ने बास जु जलम बेसको वारु छे, जाणो, की मे लुच्‌चाय नी मेलो। 
\v 32 दमीस्‌क मां अरीतास राजा भीणी सी जे हकदार्‌या हतला, हयु मेसे धरने करीन दमीस्‌क वाळा सहर पर राखवाळ्‌यु बठाड़ी रवला। 
\v 33 ने मेसे चारली मां बठाड़ीन खीड़की मां सी भीतड़ा पर सी उतार देदा, ने हेरे हात सी बची गुयु। \fig सहरेन झपला ने भीतड़ा भीणी जाय|alt="Entrance to the city gate and wall" src="hk00238c.tif" size="col" copy="Horace Knowles ©" ref="11:32"\fig*
\c 12
\s पोलुसेन वारलु जागतो सपनो ने सातायली वात
\p
\v 1 तेबी मटाय करनु मारे वाटे वारु नी, तेबी करनु पड़े; बाकुन मे मालीकेन आपला सपना ने वीजाळान\f + \fr 12:1 \fr*\fq वीजाळान \fq*\ft प्रकशनों\ft*\f* वात वीच्‌यार करीस। 
\v 2 मे ईसु मसी मां एक माणुस काजे जाणो, चवदा साल हया की नी जाणे डील समोत नी जाणे डील पाखुर, भगवान जाणे, की असु माणुस तीसरा सरग लग उठाय गुयलु छे। 
\v 3 मे असा माणुस काजे जाणो जु नी जाणे डील समोत नी जाणे डील पाखुर, भगवानुत जाणे 
\v 4 की सरग लुक पर उठाय ली गुयु, ने असी वात सामळ्‌या जी कवणेन नी हय; ने जींद्‌रा मुंहडा पर लावणु माणुस काजे सय नी हय। 
\v 5 असा माणुस पर ते मे मटाय करीस, बाकुन आपणे पर आपणी लुल्‌गाय काजे छुड़ीन, आपणे बारामां मटाय नी करो। 
\v 6 काहाकी कदी मे मटाय करने चाहो बी ती डेड़ अकल्‌यु नी हवो, काहाकी छाचलीन कह्‌वो; ती बी हुबु हय जाम, असो नी हवे की असो नी हवे की असा कुय मेसे देखला छे, नीते मारे सी सामळे, मेसे हेरसी बड़ीन समजे।
\p
\v 7 हेरेसी की मे वीजाळान अदती सी फुगी नी जाम, मारा डील मां काटु भाक गुयु मतलब भुतड़ान एक काहवाळ्‌यु की मारे घुधावे काहाकी मे फुगी नी जाम। 
\v 8 हेरे बारामां मे मालीक सी तीन कावा लीलघायु, की मारे सी गुयो छेटो हय जाय। 
\v 9 ने चु मार सी कह्‌यु, “मारा गीण-दया तारे वाटे बेसकी छे।” काहाकी मारी ताकत लुल्‌गाय मां पुरी हवे। हेरेसी मे मटी खुसी सी आपणी लुल्‌गाय पर मटाय करीस, की मसीन ताकत मारे पर साहळु करती रवे। 
\v 10 हेरे वजे सी मे मसी वाटे, ने लुलाय, मां ने कुहराय मां, ने गरीबी\f + \fr 12:10 \fr*\fq गरीबी \fq*\ft दरिद्रता\ft*\f* मां, ने झगड़ा मां, ने गरा मां, खुसी छे; काहाकी जत्‌यार मे लुलु हतलु, तेबी ताकत वाळु हवो।
\s कुरींथी मां रवण्‌या वाळा वाटे फीकुर
\p
\v 11 मे डेड़ अकल्‌यु ते बण्‌यु, बाकुन तुहुंत मेसे गुयो करने वाटे लाचार कर्‌या। तुहुं ते मारी बड़ाय करनु चाहजे, काहाकी कदी मे काय बी नी, ती बी हींद्‌रे मां सी मटा सी मटा नेवताळा सी काहली बी वात मां कम नी हय। 
\v 12 नेवताळान आसार बी तुंद्‌रे ईचमां आखी भातीन सेण समोत सहलाणी, ने मटा-मटा काम असा कामेन ताकुतेन काम देखाड़ला छे। 
\v 13 तुहुं काहली वात मां दीसरी मंडळी मां सी थुड़ाक हतला, हींद्‌रे मां अतरोत की मे तुंद्‌रे पर आपणु भार नी नाखे जी मारे सी भुल हय गुय तीती कुहराय काजे मेसे माफ करु।
\p
\v 14 देखु, मे तीसरी कावा तुंद्‌रे धड़े आवणे तीयार छे, ने मे तुंद्‌रु पर भार नी राखो; काहाकी मे तुंद्‌रो धन नी, बाकुन तुहुंत काजे चाहो। काहाकी पुर्‌या काजे आयस्‌या बास्‌या वाटे धन भेळो नी करनु चाहजे, बाकुन आयस्‌या बास्‌या काजे पुर्‌या वाटे धन भेळो करनु चाहजे। 
\v 15 मे तुंद्‌री आत्‌मा वाटे बेसकी खुसी सी खरचु हय जायस, बाकुन आपसात बी खरचु हय जासे काय जतरा बड़ीन मे तुंद्‌रे सी परम राखो, अतरा कम हयन तुंद्‌रे सी परम राखसु? 
\v 16 असा हय सके, की मे तुंद्‌रे पर बुज नी नाखो, बाकुन चतराय सी तुहुंक धुकु दीन फसाड़ लेदु। 
\v 17 बाकुन, जीनुक मे तुंद्‌रे धड़े मकल्‌यु, काय हींद्‌रे मां सी काहालाकेन साहरे मे जुर करीन तुंद्‌रे सी काय ली देदा? 
\v 18 मे तीतुस काजे लीलघाय्‌न ने समजाड़ीन हेरे साते हीना भाय काजे मकल्‌या, ती काय तीतुस जुर करीन तुंद्‌रे सी काय लेदु? काय हामु एक आत्‌मान चाल मां नी चालजे? काय एकुत वाट पर नी चालजे? 
\v 19 तुहुं हय लग समजी र्‌या हसे की हामु तुंद्‌रे अगळ जपाप दी रया, हामु ते भगवान काजे आय रवलु जाणीन ईसु मसी मां बुलजे, ने ए लाटेक्‌ला, आखी वात तुंद्‌रे वाटे अदुस हवणे करीन कवजे। 
\v 20 काहाकी मेसे धाक छे, काय असो नी हवे, की मे आवीन जसु चाहो, असु तुहुंक नी जड़ो; ने मेसे बी जसा नी चाहजे असात जड़ो, ने तुहुं तुंद्‌रे मां झगड़ा हय र्‌या, जळन कर र्‌या, रीसवाय र्‌या, आपसान ने भलो हवणेन वीच्‌यार कर्‌या, दीसरान वाक नीकाळ र्‌या, चुगली कर र्‌या, मटाय कर र्‌या, ने बीरजु पाड़ी र्‌या। 
\v 21 ने कांखुर मायन असो नी हवे की जत्‌यार मे पछु आवीस, ने मारु भगवान मारी नाव-बद्‌दी करे ने मेसे बेसका वाटे अळी दुख करनु पड़े, जे पेहल पाप करला हतला, ने भुंड्‌ला काम, ने छीनाळो, ने लुच्‌चाय सी, जो चे कर्‌या, मन नी फीराया।
\c 13
\s आकरी चेतावणी ने आव-भाव
\p
\v 1 हय तीसरी कावा मे तुंद्‌रे धड़े आवो, “दुय नीते तीन गवान मुंहडा सी हरीक एक वात ठेहरावसे।” 
\v 2 जसु मे जत्‌यार दीसरी कावा तुंद्‌रे साते हतलु, असुत हय छेटा रवते जाय हीनु माणसे सी जे पेहल पाप कर्‌या, ने दीसरा आखा माणसे सी हय पेहल सी कय दम, की कदी मे अळी आवीस, ती नी छुड़ो, 
\v 3 काहाकी तुहुं ते हेरो सबुत चाहु, की मसी मारे मां बुले, जे तुंद्‌रे वाटे लुला नी; बाकुन तुंद्‌रे मां ताकत छे। 
\v 4 चु लुलान वजे कुरुस पर चड़ाय ते गुयु, तेबी भगवानेन ताकत सी जीवतेलु छे, हामु बी हेरेमां लुलु छे; बाकुन भगवानेन ताकत सी जे तुंद्‌रे वाटे छे, हेरे साते।
\p
\v 5 आपणे आप काजे पारखु, की भुरसा मां छे की नी; आपणे आप काजे पारखु, काय तुहुं आपणे बारामां ज्‌य नी जाणे, की ईसु मसी तुंद्‌रे मां छे। नीते तुहुं पारख मां पापी नीकळे। 
\v 6 बाकुन मारी आस छे, की तुहुं जाणी लेसु, की हामु पापी नी हय। 
\v 7 हामु आपणा भगवान सी जी दुवा करजे, की तुहुं काय बी कुहराय नी करु; हेरेसी नी, की हामु खरला देखाव पड़े, बाकुन हेरेसी की तुहुं भलाय करु, चाहे हामु पापी रवजे। 
\v 8 काहाकी हामु छाचाय्‌न वीरुद मां काय बी नी कर सकजे, बाकुन सय वाटे कर सकजे। 
\v 9 जत्‌यार हामु लुला छे, ने तुहुं जुर वाळा\f + \fr 13:9 \fr*\fq जुर वाळा \fq*\ft बलवन्त\ft*\f* छे, ती हामु खुसी हवजे, ने जी दुवा बी करजे, की तुहुं सय हय जावु। 
\v 10 एरे वजे सी मे तुंद्‌रे आसा पछळ जी वात लिखो, की तुंद्‌रे अगळ उबु हयन मेसे हीना हकेन अनसारे तीनाक मालीक बीगाड़ने वाटे नी बाकुन बणावणे वाटे मेसे आपलु छे, काठा एहवार सी मेसे काय करनु नी पड़े।
\s आव-भाव
\p
\v 11 अळतेन ए भायसे, खुसी मां रवु; सय बणी जावु; हिम्‌मत राखु; एकुत मन रवु; मेळीन रवु, ने परम ने सांतीन दातान भगवान तुंद्‌रे साते रवसे।
\p
\v 12 एक दीसरा काजे चुखला गुळु\f + \fr 13:12 \fr*\fq गुळु \fq*\ft चुम्बन\ft*\f* दीन आवजु ने आवीस कवो।
\p
\v 13 मालीक ईसु मसीन दया, ने भगवानेन परम आखा चुखली-आत्‌मान साजेदारी बणीन रवे। 
\v 14 मालीक ईसु मसीन गीण-दया ने भगवानेन परम ने चुखली-आत्‌मान साजी तुहुं आखा साते हवती रवे।