\id 1TI - Bhilali Standard Project
\ide UTF-8
\h 1 तीमुथी
\toc3 1 तीमुथी
\toc2 1 तीमुथी
\toc1 तीमुथी वाटे पोलुसेन पेहली चिट्‌ठी
\mt2 तीमुथियुस के लिए पौलुस की पहली पत्री
\mt1 तीमुथी वाटे पोलुसेन पेहली चिट्‌ठी
\imt 1 तीमुथीन बारामां
\ip पेहला तीमुथीन किताप नेवताळा पोलुसेन साहरे आपणा चेला तीमुथी काजे लिखी गुय एक चिट्‌ठी छे। पेहला तीमुथीन अनुमान मसीन पयदा हवणेन 62-64 सालेन पछे लिखी गुयो ज्‌य पोलुसेन जीवणेन आकरी आवणु साते छे हतलो। पोलुसेन तीमुथी साते गहरो रीस्‌तो हतलो ने हीयु हीनाक काय कावा पुर्‌यान रुप मां बन्‌लो छे। \xt फीलीपी 2:22\xt* \xt 1 तीमुथी 1:2; 1:18\xt*
\ip ज्‌य पोलुसेन चार चिट्‌ठीया मां सी एक छे ज्‌य एक मंडळीन बजाय एक माणुस काजे अगवाय करे दीसरा चिट्‌ठीया दीसरा तीमुथी, तीतुस ने फीलोमेन छे। पेहला तीमुथी मां मंडळीन बड़ाय \xt 2:1-15\xt* मंडळीन अगवाय वाटे लायक \xt 3:1-13\xt* ने लुच्‌चा सीकाड़्‌यान वीरुद चेतावणी \xt 1:3-11; 4:1-5; 6:2-5\xt* ज्‌य दरसाय मेल्‌यो की कसु पोलुस तीमुथी काजे मंडळी मां अगवाय करने वाळु बणने वाटे सीकाड़ तेलु। पेहला तीमुथी मां बेसकु दरसन छे ज्‌य हामरा दाहड़ा मां मंडळी मां अगवाय करन्‌या काजे नेचले जागान मंडळ्‌यान सेवान देख रख करने मां मदत कर सके।
\iot बाहरती वात
\io1 1. पोलुस तीमुथीन आव-भाव करतु जाय सुरु करे। \ior 1:1-2\ior*
\io1 2. तत्‌यार चु तीमुथी काजे लुच्‌चा सीकाड़े वाळान वीरुद चेतावणी देय। \ior 1:3-11\ior*
\io1 3. पोलुस ज्‌य बताड़तु जाय्‌न जारी राखे की ईसु मसी वाटे कतरु अभारी छे। \ior 1:12-19 \ior*
\io1 4. हेरे पछेन चु तीमुथी काजे बड़ायन ने मंडळीन बारामां आदेस आपे। \ior 2—3\ior*
\io1 5. पोलुस तीमुथी काजे थुड़ाक आकरी आदेस आपीन आपणी चिट्‌ठी काजे सार्‌यु। \ior 4—6 \ior*
\c 1
\p
\v 1 पोलुस भीणी सी जु आपणुक छुड़ावणे वाळु भगवान ने हामरी आसेन साहरु मसी ईसुन हुकुम सी ईसु मसीन नेवतावाळु छे।
\p
\v 2 तीमुथीन नाव जु भुरसा मां मारु छाचलु पुर्‌यु छे:
\p बास भगवान ने हामरु मालीक ईसु मसीन दया ने गीण-दया ने सुक सांती तुसेक जड़ती रहणु चाहजे।
\s पोलुस तीमुथी काजे झुटी वात सीकाड़न्‌याक रुकणेन हुकुम आपे
\p
\v 3 जसु मे मकीदुनीया जीला मां जाणेन टेमे तुसेक समजाड़लु, की ईफीसुस सहर मां रवीन थुड़ाक माणसे काजे हुकुम आप की तुहुं भाती-भातीन झुटी वात मां सीकाड़ु। 
\v 4 ने तीनु मनघड़्‌या काहाण्‌यान बारामां, ने गीणाये नी असला खानदानीन बारामां सीकाड़ी-सीकाड़ीन माणसेक खुटी मां करु। असली मनघड़ाय वात ते भगवानेन चुखला माणसेक, भुरसान साहरे भगवानेन कह्‌याम जीवणे नी सीकाड़े, बाकुन लड़ाय कराड़े; झुटी वात सीकाड़न्‌याक रुकणेन बारामां, जु हुकुम मे तुसेक आपलु, चु हुकुम पुरु करजी। 
\v 5 हुकुमेन सार जु छे की चुखला मन ने वारलु समज ने खरला भुरसा सी परम उबजणु। 
\v 6 झुटी वात सीकाड़न्‌या थुड़ाक माणसे ते हीना वारलु गुनाक छुड़ीन भटकी गुया ने फालतु वात मां जखड़ी पड़ने बाजी गुया। 
\v 7 ने चे मटला भगवानेन नीयमेन मास्‌तर्‌या ते बन्‌ने ते हींडे पर जी वात कवे चे जी वात हिम्‌मत सी कवे तीनी वातेक चे आपसात नी समजे।
\p
\v 8 पर आपणु जाणजे की कदी कुय मुसान लिखलु कायदु ते वारलु छे बाकुन जसु भगवान गवा तेरेत अनसारे तीनु कायदाक समजीन सीकाड़ने सीत चे नफावाळा छे। 
\v 9 ज जाणीन की भगवान जे कायदा मुसा वाटे आपलु चे धरमी माणसेक डंड आपणु करीन नी पर कायदान बीगुर जीवण्‌या पापी माणसेक तींद्‌रा पापेन बारामां ने डंडेन बारामां समजाड़ने करीन आपलु जे माणसे भगवानेन भक्‌ती नी करे, जे आस्‌या-बासेन ने डाहलान वात नी माने, माणसेन ईज्‌जत नी करे; जे कुहराय ने पाप करे जे आयस ने बासेक लग मार नाखे, 
\v 10 जे छीनाळो करे, जे अदमी। अदमी साते सोवसार करे\f + \fr 1:10 \fr*\fq अदमी साते सोवसार करे \fq*\ft पुरुषगामियों\ft*\f*, ने जे बायरा, बायरा साते सोवसार करे, जे माणसेक कब्‌जाम करीन दीसराक वेचे, जे सगुन खाणेन टेमे लुच्‌चाय मेले, तीनु आखा वाटे तींद्‌रा पापेन बारामां ने डंडेन बारामां समजाड़ने करीन ठेहरावलु छे। 
\v 11 जुत आखा सी वारु भगवानेन सेक-सींगार तीना खुस-खबरेन अनसारे छे च मेसेक आपलु छे।
\s गीण-दया वाटे भगवान काजे बेसकु वारु छे कह्‌वे
\p
\v 12 मे आपणा मालीक मसी ईसुन चु मेसेक ताकत आपलु छे, वारु छे कह्‌वो की चु मेसेक ईमानदार समजीन आपसान सेवान काम वाटे नेवाड़ लेदलु छे। 
\v 13 मे ते पेहेल ईसु पर भुरसु करन्‌यान नाव-बद्‌दी करतेलु तीनुक वेला पाड़तेलु ने तींद्‌रे पर दया नी कर तेलु तेबी मार पर ईसु दया कर्‌यु काहाकी मे पेहेल ईसु पर भुरसु नी करतेलु ने तीने टेमे बीना समजे जे काम करलु छे। 
\v 14 ने आपणु भगवान मालीक मार पर बेसकु गीण-दया देखाड़्‌यु ने मारा हीया मन मां भुरसु ने परम ईसु मसीन साहरे भर देदलु छे। 
\v 15 जी वात संय छे ने आखी भातीन भुरसु करे असी छे की मसी ईसु पापी माणसेक छुड़ावणे करीन ईनी कळी मां आवलु छे, ने मे असु मानो की तीनु आखा सी मटु पापी मे छे। 
\v 16 बाकुन मारे पर तेरेमां दया हवी की आखा सी मटु पापी मेत छे तेबी ईसु मारा आखा पाप झेलतु जाय्‌न मेसेक माफ कर्‌यु की जे पापी माणसे अमर जीवाय हात करने करीन ईसु मसी पर भुरसु करसे तींद्‌रे वाटे मे ईसु पछळ चालनेन एक सहलाणी ने जपाप बण जाम। 
\v 17 ने असु करीन एकुत खरला भगवानेन ईज्‌जत ने बड़ाय पीड़ीडीट जलम हवती रवे जु नी देख्‌यु अमरकाय, ने जलमेन राजु छे! आमीन।
\p
\v 18 ए पुर्‌या तीमुथीयुस भगवानेन अघी सी आवणे वाळी वात बताड़न्‌या माणसे जे बुल तारा बारामां पेहेल सीत तुसेक कवला मे तुसेक जु हुकुम आपो की तु तींद्‌रे अनसारे वारलु लड़ाय काजे लड़तु रव, 
\v 19 ने भुरसान वात पर ने समजदार रवीन जी लड़ायन काम पुरो कर तीनाक छेटे करने वाटे कतरा जणा भुरसा सी छेटे हय गुया। 
\v 20 हींद्‌रे मां सी हुमन्‌युस ने सीकन्‌दर छे तीनुक मे भुतड़ाक आप देदलु छे की चे भगवानेन नाव-बद्‌दी\f + \fr 1:20 \fr*\fq नाव-बद्‌दी \fq*\ft निन्दा\ft*\f* करनु नी सीके।
\c 2
\s आखा माणसेन छुटकारा वाटे वीन्‌ती करनु जरुड़ी छे
\p
\v 1 अतरे ए तीमुथी, मे जी वात कहीन पेहली अगवाय करो, जत्‌यार बी ईसुक मान्‌या, भगवानेन भक्‌ती करने करीन भेळा हया, तीने टेमे आपसान करता अतरात नी, बाकुन आखा माणसेन करता भगवान धड़े रवण्‌या, वीन्‌ती ने दुवा करनु चाहजे, ने आखान करता भगवान काजे बेसकु वारु कहणु चाहजे। 
\v 2 राजा ने सरकारी आफसर वाटे बी भगवान धड़े दुवा करनु चाहजे तेरेमां की आपणु भक्‌तीन जीवाय ने ईज्‌जत भेळा सांती मां मेळीन रवणेन मुखु जड़से। 
\v 3 जु भगवान आपणु काजे पापेम सी छुड़ावे तीना काजे बी जी वात वारु लागे। 
\v 4 भगवानेन मरजी जी छे की आखा माणसेन भलो हवणु चाहजे ने चे छाचाय काजे वारु रीते जाण लेणु चाहजे।\x + \xo 2:4 \xo*\xt यहेजकेल 18:23\xt*\x* 
\v 5 काहाकी भगवान एकुत छे, ने भगवानेन ने माणसेन ईचमां बी मेळ करावण्‌यु बी एकुत छे, ने जु मेळ कराड़न्‌यु ते, ईसु मसी छे, जु माणसेक बचावणे करीन माणुस बणीन आवलु। 
\v 6 ईसु आपसा काजे आखा माणसेन पापेम सी छुड़ावने करीन आपसा काजे भगवान अगळ बादान तसु चड़ाय देदु ने हेरी गवाय सय टेम पर देदलु। 
\v 7 ने भगवान मेसेक हीनी छाचाय्‌न बारामां हय ईसुन गवा देणे करीन ईसुन नेवताळु ने परचार करन्‌यु बणावलु छे खास करीन आड़जात्‌या नी-यहुदी माणसेक ईनी छाचाय्‌न अनसारे भुरसु करनेन बारामां सीकाड़न्‌यु बणावलु छे। तेबी थुड़ाक माणसे मेसेक ईसुन नेवताळु नी मान्‌ता। बाकुन मे जी वात कहलु छे ची वात सय छे।
\p
\v 8 तेरेमां मे चाहो की जागे-जागे ईसुन आखी मां बीना झगड़ा मां चुखला हात काजे उचा करीन दुवा करता रहणु चाहजे। 
\v 9 असात बायरा बी समळीन रहणु चाहजे, ने जचे असा पुथल्‌या पेहरीन जीवणु चाहजे ने कान्‌या भाती-भातीन नी गुथणु चाहजे ने सनान गावणो, नीते मोती नी पेहरनु चाहजे, ने बेसका मंहगला पुथल्‌या नी पेहरनु चाहजे, 
\v 10 बाकुन भला काम सी काहाकी भगवान भक्‌ती करने वाळा बायरा काजे ज सय छे। 
\v 11 बायरा काजे मां सीकाड़न्‌या काजे हुगा रय्‌न पुरो मन लागाड़ीन\f + \fr 2:11 \fr*\fq पुरो मन लागाड़ीन \fq*\ft अधीनता\ft*\f* सीकणु चाहजे। 
\v 12 मे कहो की बायरा नी अदमी काजे सीकाड़नु चाहजे ने नी अदमी पर हक जमाड़नु चाहजे बाकुन हुगा हय रवणु चाहजे। 
\v 13 काहाकी भगवान आदम अदमी काजे पेहेल घड़्‌यु ने पछेन हव्‌वा बायर काजे घड़्‌यु।\x + \xo 2:13 \xo*\xt 1 कुरींथी 11:8\xt*\x* 
\v 14 ने आदम अदमी नी ठगायु, बाकुन हव्‌वा बायर भुतड़ान आहे लागीन ठगाय गुय, ने भगवानेन हुकुम काजे पेहेल तुड़ी।\x + \xo 2:14 \xo*\xt उबजाणनी किताप 3:6\xt*\x* 
\v 15 तेबी बायरी पुर्‌या-पारीक पयदा करी ने तीनुक वारु भुरसा मां परम मां ने चुखा काम मां सीकाड़ती जाय्‌न भगवानेन काम मां साजेली बणसे ने चे छुटकारु हात करसे।
\c 3
\s मंडळीन सेवा-चाकरी करन्‌या
\p
\v 1 जी वात संय छे की जु बी नी पुडारी बणन्‌ने हेर करे ती चु भलो काम करनेन हेर करे। 
\v 2 डाहलु असली जीवाय जीवण्‌यु हवणु चाहजे तेरी जीवाय मां काय बी वाक नी हय पुडारी एकुत लाडीवाळु हवणु चाहजे ने तेरी लाडी तेरे पर नी अदराय करे असी जीवाय जीवण्‌यु हवणु चाहजे; दसो पेट असो करन्‌यु नी बाकुन आपसान जीव काजे कब्‌जाम राखीन दीसरा साते वारु वेहवार राखण्‌यु हवणु चाहजे चु असु माणुस हवणु चाहजे तेरी दीसरा ईज्‌जत करता हय ने चु आपसान घर आवण्‌यान आव-भाव करीन तींद्‌री खातरी करने वाळु हवणु चाहजे, ने वाळाक खरली वात हुनर सी सीकाड़ने वाळु हवणु चाहजे। 
\v 3 नी पुडारी दारु पीणेवाळु ते नी लड़ाय करने वाळु नी हवणु बाकुन चु भुळु रहणु चाहजे, ने नी लड़ाय ने नी धनेन लालच्‌यु हवणु चाहजे। 
\v 4 चु आपसान घरनाक अतरुत वारु अगवाय करन्‌यु, ने तेरा पुर्‌या-पारी जलम तेरु अबरु राखता हय, ने आखी वातेम तेरु हुकुम मानीन तेरा कब्‌जाम रहता हय। 
\v 5 कदी तीनाक आपसा घरन्‌यान वारु अगवाय ने राखवाळी करता नी आवड़े, ती चु भगवानेन मंडळीन आखा माणसेन राखवाळी कसु करसे? 
\v 6 पछेन ज की ईसु पर भुरसु करला नवला चेलाक, नी ते चु असु कय्‌न मटाय करने बाजी जासे की, मे मामार पुडारी बण गुयु; ने असु करीन चु भुतड़ान तसु मटाय करीन नीयावेन डंड हात कर लेसे। असो नी हवणु चाहजे। 
\v 7 ने बाहार वाळा माणसे बी तेरी वाक नी-नीकाळनु चाहजे, असो नी हवे की भुतड़ु तीनाक तेरा गुनान फांदेम फांद लेसे।
\s ईसुन मंडळीन खास नेवाड़ला चेला
\p
\v 8 असात पावर्‌या बी वीनगुनाळी जीवाय जीवीन नावसाद्‌या हवणु चाहजे। चे दारुड़्‌या नी हवणु चाहजे, ने काहने बी भात्‌ये हायाळ्‌ळा नी हवणु चाहजे। 
\v 9 बाकुन भुरसु करीन सातायली वात काजे चु चुखा मन करीन राखणु। 
\v 10 खास पावर्‌यु बणावणे सी पेहेल पारखीन देखणु चाहजे तत्‌यार कदी नी-गुनावाळा नीकळे ती पावर्‌यान काम करनु चाहजे। 
\v 11 असात बायरा बी चुरी-चुगली करने वाळा नी हवणु चाहजे, बाकुन आखी वात सामळीन, ने वात मां भुरसु करे असा हवणु चाहजे। 
\v 12 पावर्‌यु एकुत लाडी वाळु हवणु चाहजे ने आपसान पुर्‌या-पारीन ने आपसान आखा घरन्‌यान वारु रीते अगवाय करन्‌या ने राखवाळी करन्‌या हवणु चाहजे। 
\v 13 काहाकी जु पावर्‌यान काम वारु रीते सी कर सके, चु तेरे वाटे वारलु नाव वाळा ने तीना भुरसा मां जु मसी ईसु पर जु तींद्‌रु भुरसु छे, तीना भुरसान बारामां दीसराक कह्‌णे मां बी तीनुक अळी जादा हिम्‌मत जड़ जासे।
\s ईसु ने ईसुन मंडळीन सातायली वात
\p
\v 14 मे तारे धड़े छाटुस आवणेन आस राख रयु। पर बी जी वात तुसेक तेरेमां लिखो की 
\v 15 कदी मेसेक आवणे मां वार लाग जाय, ती तु जाण ले की भगवानेन घरना मां जु जीवतेलु भगवानेन मंडळी छे, ने चु छाचीन \f + \fr 3:15 \fr*\ft सत्य कां खंबा\ft*\f*खुटु ने नेवु छे कसों वेहवार करनु चाहजे। 
\v 16 तीनी छाचाय पर टेकीन आपणु भगवानेन भक्‌ती कर रया ची छाचाय पेहेल सातायली हतली बाकुन भगवान हय तीनी छाचाय काजे उजेंतु करलु छे हेरेम काय बी सक नी हय जी छाचाय बेसकी उंडी छे ने असी छे:
\q1 ईसु मसी डील मां उजेंतु हयु,
\q2 चुखली-आत्‌मा मां धरमी बण्‌यु,
\q2 चु सरग वाळा खबर लावण्‌या काजे देखाव पड़्‌यु।
\q1 आड़जात्‌या नी-यहुदी माणसे मां तेरु परचार हयु,
\q2 ईनी कळी मां माणसे तेरे पर भुरसु कर्‌या,
\q2 ने चु सेक-सींगार भेळु सरगे मां हाकलाय गुयु।
\c 4
\s लुच्‌चाय वात सीकाड़न्‌या सी चेतीन रवु
\p
\v 1 बाकुन भगवानेन चुखली-आत्‌मा चुखी झण असी कह्‌वे की, आवणे वाळा थुड़ाक दाहड़ा मां लुच्‌चा माणसे, चे भुतड़ान जमेन वाये लागीन मंडळीन माणसेक ढंगड़ा करीन भुतड़ान जमेन भोंगलाड़नी वात सीकणे बाजी जासे, तीनु सीकाड़न्‌यान वात सामळीन थुड़ाक माणसे तींद्‌रे वाये लाग जासे, ने ईसु पर सी भुरसु छुड़ीन भटकी जासे। 
\v 2 ज तीनु लुच्‌चा माणसेन घमंडीन वजे सी हवसे जसों चामड़ो तात्‌ले लुहड़े डामणे सी बेहरो फट हय जाय। 
\v 3 चे ईयाव करने सी रुकसे ने खाणो-खाणेन थुड़ीक चीजे सी छेटा रवणेन हुकुम आपसे तीनुक भगवान हेरेसी बणावलु की भगवान पर भुरसु करन्‌या ने छाचाय काजे उळखणे वाळा हीनाक तु बेसकु वारु करीन कय्‌न खाणो खासे।\x + \xo 4:3 \xo*\xt उबजाणनी किताप 9:3\xt*\x* 
\v 4 काहाकी भगवानेन बणावली आखी एकेक चीज वारु छे ने कुय चीज बेकार नी हय बाकुन ज की तु बेसकु वारु करीन कय्‌न खाणु चाहजे। 
\v 5 काहाकी भगवानेन वायदु करला बुलेन अनसारे दुवा करने सी आखो काय चुखो हय जाय।
\s ईसु मसीन वारलु पावर्‌यु
\p
\v 6 कदी तु भायस्‌यो ने बहणस्‌या काजे हीनी वातेन हेर कराड़तु रवजी, ती ईसु मसीन वारलु पावर्‌यु बणसी, ने भुरसु ने तीनी वारलु सीकाड़ली वात सी च तु मान्‌तु आय रयु तारी चुखली-आत्‌मा मां वारु पुसायतु आय रयु। 
\v 7 बाकुन वीटेळ्‌ळा ने डाहली बायरीन आस दाखला सी छेटे रहु, ने भगवानेन भक्‌ती करनेन वात पर मन लागाड़्‌या कर। 
\v 8 एक दाखलान साहरे मे तुसेक जी वात समजाड़ो, डीलेक मेहनत करीन सीकाड़ने सी थुड़ुक नफु जड़े। बाकुन भगवानेक गमे असी जीवाय जीवणे करीन आपसाक सीकाड़ने सीत आखे भात्‌ये नफु हवे। असो करने सी, धरती पर वाळी जीवाय मां बी, ने सरगेम आवणे वाळी अमरकायान जीवाय मां बी नफु जड़से। भगवान असुत वायदु करलु छे; अतरे भगवानेक गमे असी जीवाय जीवणे करीन आपसाक सीकाड़तु रव। 
\v 9 जी वात संय छे, ने तुहुं आखी भातीन वातेक मानीन जीवजु। 
\v 10 काहाकी हामु मेहनत ने कुसीस हेरे वाटे करजे की हामरी आस हीना जीवतेला भगवान पर छे जु आखा माणसेन ने खास करीन भुरसु करन्‌यान छुटकारु छे।
\p
\v 11 तु ईनी आखी वातेन हुकुम आप ने सीकाड़तु रव। 
\v 12 काहनाक तु जुवान्‌यु छे करीन तुसेक\f + \fr 4:12 \fr*\ft तुच्छ\ft*\f* हेटु नी समजणु चाहजे। बाकुन बुल ने वेहवार ने परम, ने भुरसु ने चुखली जीवाय जीवणे मां बी दाखलु बण जां। 
\v 13 जत्‌यार लग मे नी आवो; तत्‌यार लग नी माणसे काजे खरली सास्‌तुर भणीन सामळावतु रव, ने तेरेत अनसारे तीनुक समजाड़तु रव, ने सीकाड़तु रव। 
\v 14 जत्‌यार मुख्‌या भेळा हय्‌न तारे पर हात मेकला ती जड़ला, भगवान सी दुवा करला, तीने टेमे भगवानेन अघी सी आवणे वाळी वात बताड़न्‌या माणुस, भगवान पुठ्‌ये हय्‌न तारे बारामां वात कह्‌लु; तीने टेमे भगवान जु खास वाटु तुसेक आपलु तीना वाटाक रीकामु घुण रहणी देय। 
\v 15 हीनी वात काजे हेर करतु रव ने हेरेत मां तारो मन लागाड़तु रव, तत्‌यार ते तारी चुखली-आत्‌मा ताकत ने सेवान हर ने हुनर आखा अगळ उजेंती हय जासे। 
\v 16 तु भगवानेन कह्‌याम जापताये जीवजी ने जापताये सीकाड़जी असुत कर्‌या करजी तत्‌यार ते तु बी छुटकारु हात करसी ने तारी सामळने वाळा बी छुटकारु हात करसे।
\c 5
\s भुरसु करने वाळा साते कसु वेहवार करनु चाहजे तेरी सीकापण
\p
\v 1 काहना बी डाहला माणसे काजे लड़जी घुण, बाकुन तीनाक बास जाणीन समजाड़ देजी, ने जुवान काजे भायस जाणीन समजाड़ देजी। 
\v 2 ने डाहली बायरा काजे आयस जाणीन समजाड़ देजी; ने जुवान बायरा काजे चुखला वीच्‌यार सी बहणीस जाणीन समजाड़ देजी।
\p
\v 3 छाचलीन रांडायला बायरान छे तींद्‌री ईज्‌जत करजु। 
\v 4 कदी काहना रांडायला बायरान पुर्‌या-पारी नीते पुर्‌यान पुर्‌या हय ती चे पेहल आपसात घराणा मां रांडायलान सेवा चाकरी करीन आपसी भक्‌तीन उळखाण देणु चाहजे। काहाकी आपणा आस्‌या-बास्‌या नानला हतला ती चे परम सी आपणी सेवा चाकरी कर्‌या तीनी सेवा चाकरी काजे पछी वाळनु चाहजे, ती भगवान काजे बी गमे। 
\v 5 तीनी रांडायली बायरीन कांखुर बी आसरु नी हय, ने भगवानेन आस करीन जीवे, ने रात-दाहड़ु भगवान धड़े लीलघाय ने दुवा करनेम झींग पड़ली रवे। 
\v 6 बाकुन जी रांडायली बायर वार सुके जीवीन बेसकी मुजा करे ची जीवतेली हय्‌न बी मरला मुजुक छे। 
\v 7 ईनी वातेन बी हुकुम आप्‌या कर की तेरेमां की चे दीसरान वाक नीकाळे। 
\v 8 बाकुन कदी काहनुस आपसान भायस ने आपसान घरन्‌यान फीकुर करीन मदत नी करे, ती चु भुरसा मां सी छेटु हय गुयु ने चु भुरसु नी करे, तींद्‌रे सी बी जादा भुंडुत हय गुयलु छे।
\p
\v 9 तीनी रांडायली\f + \fr 5:9 \fr*\fq रांडायली \fq*\ft विधवा\ft*\f* बायरीन नाव लिखाय जासे ची सांठ साल सी कम साल वाळी नी रवे, ने एकुत लाडु करली हय। 
\v 10 ने भलो काम मन लागाड़ीन करने मां बी, ने ची पुर्‌या-पारी काजे पाळी-पुसी हय, ने अनजाण्‌या माणसेन बी सेवा चाकरी करली हय, ने चुखला माणसे सी पाय धुवली हय, ने दुखी माणसेन मदत करली हय, ने असा भाती-भातीन काम मां मन लागाड़ी हय।
\p
\v 11 बाकुन जुवान रांडायला बायरान नाव घुण लिखे, काहाकी जत्‌यार चे ईसु मसीन कुहराय करीन आराम मां पड़ जाय ती ईयाव करने हींडे। 
\v 12 ने असी करीन ची पेहली बुली काजे तुड़ीन गुनाळी हय जासे। 
\v 13 ने असला जुवान रांडायला बायरा दीसरान घर जाय-जाय्‌न उजग्‌या टेवाय जासे ने उजग्‌या नी बाकुन कारा बी ने चीत वात कही-कहीन फालतु दीसरा काजे खुटी करसे। ने असा करीन चे आधला रुटा पर दाळ झेलन्‌या बण जासे। 
\v 14 तेरेमां मे ज चाहो की जुवान रांडायला बायरा ईयाव करे ने पुर्‌या वाळा बणीन घर बार समाळे, ने काहनाक वीरुद करने वाळा माणसे काजे मुखु जड़से तीनुक असु मुखु नी जड़नु चाहजे। 
\v 15 काहाकी थुड़ाक रांडायला बायरा असा करता जाय्‌न भगवानेन वात सी छेटे हय्‌न भुतड़ान वात मान्‌या बण गुयला छे। 
\v 16 कदी काहना भुरसु करन्‌यान रांडायला बायरा हय ती चे तींद्‌रा घरन्‌या तीनी रांडायली बायरी काजे च चाहे आपणु चाहजे मंडळी पर जादा बुझ नी पड़े तेरेमां की चे तींद्‌री मदत कर सके चे छाचलीन रांडायला बायरा छे।
\p
\v 17 तु माणसेक असु सीकाड़जी जे पुडारी ईसुन नी माणसेक वारु अगवाय करन्‌या ने राखवाळी करन्‌या छे, तीनु पुडार्‌यान दुय गुणा ईज्‌जत करजी। 
\v 18 काहाकी खरला सास्‌तुर मां बी लिखलो छे की, “अन मसणे करीन खळाम, जुपला बेलेन मुंहडे मसको मां बांदु,” काहाकी “दाहड़क्‌या काजे दाहड़कीन हक छे।”\x + \xo 5:18 \xo*\xt लेवयवेवस्‌था 19:13; वेवस्‌थावीवरन 25:4\xt*\x* 
\v 19 कुय बी गुनावाळु, तारे अगळ नी काहना पुडारीन वाक नीकाळे ती, दुय-तीन गवान गवाय सामळे बीगुर वाक नीकाळन्‌यान घुण सामळे।\x + \xo 5:19 \xo*\xt वेवस्‌थावीवरन 17:6; 19:15\xt*\x* 
\v 20 असु करीन पाप करता रवे, तीनुक आखा माणसे अगळ लड़जी, ती दीसरा बी पाप नी करनु चाहजे करीन बीहसे।
\p
\v 21 भगवान ने मसी ईसु ने अळी तेरा नेवाड़ला सरगदुत अगळ तीनुक हजुर जाणीन मे तुसेक चेताव, की मन लागाड़ीन ईनी वात काजे मान्‌या कर, ने काहनास काम काजे काट छाट मां करे। 
\v 22 काहनाक वारु पंतारजी ने खरला नीकळे तीत तींद्‌रे पर हात मेलीन तींद्‌रे मुणके काम मेलजी। नीते तींद्‌रा पापेन साजल्‌या बणनेन गुनु तारे पर पड़से आखी हालत मां आपसा काजे चुखलु बणायन राख।
\p
\v 23 आवणे वाळा दाहड़ा मां पाणी अतरुत घुण पीये, बाकुन पछुत-पछुत मांदु हवणेन वजे सी तु ईतरु-ईतरुक अंगुरेन रस बी पीया करजी।
\p
\v 24 थुड़ाक माणसेन पाप मां उजेंता हय जाय ने नीयाव करने वाटे पेहलुत जाती रवे, बाकुन थुड़ाक माणसे पछळ सी आवे। 
\v 25 थुड़ाक माणसे दीसरान देखायता भला काम करे; अतरामा जी वात आखा अगळ उजेंती करे; तेबी तींद्‌रा भला काम जलम सातायला नी रवे; बाकुन एक दाहड़ु उजेंता हय जासे।
\c 6
\p
\v 1 ईसु पर भुरसु करन्‌या मायन जतरा बी माणसे, दीसरा माणसेन गुलाम बणीन रय र्‌या ने जुड़ान नेचा छे, तीनुक असु सीकाड़ जी की, तुहुं आपणा-आपणा मालीकेन वारु ईज्‌जत करजु, नीते दीसरा माणसे ईसुन सीकाड़ली वात काजे काटणे बाजी जासे, ने भगवानेन नाव-बद्‌दी हवसे। 
\v 2 तींद्‌रु मालीक भुरसु करने वाळु छे, तीनाक चे भाय हवणेन वजे सी नानलु नी जाणे ने तेरी अळी बी सेवा-चाकरी करनु, काहाकी हेरेसी फायदु लेणे वाळा भुरसा वाळा ने परमवाळा छे। हीनी वातेक सीकाड़तु ने समजाड़तु रवजी।
\s लुच्‌चा मास्‌तर्‌या ने छाचलो धन
\p
\v 3 थुड़ाक माणसे आपणी वात काजे नी मान्‌ता। बाकुन जतरी बी वात मे तुसेक सीकाड़ने करीन कय रयु, ची आखी वात आपणा मालीक ईसु मसीन वातेन अनसारे छे, ने माणसे मां खरली भक्‌तीन अनसारे पाक्‌की सीकापण छे। 
\v 4 जु काहनुक जी पाक्‌की सीकापण छुड़ीन लुच्‌चाय वात सीकाड़े, ती चु मटाय करन्‌यु बण गुयु। तीनाक ते खरी भक्‌तीन बारामां काय बी मालुम नी हय; तेबी चु लड़ाय करने बाजी जाय, जां लग की फालतु वात मां लड़ाय पड़े। असो लड़ाय करने सी कुहराय ने बीरजु, ने नाव-बद्‌दी, ने भुंडी-भुंडी संक्‌या, 
\v 5 ने तीनु माणसे मां फालतु झगड़ु उब्‌जे, तींद्‌री अक्‌कल बीगड़ी गुय, ने चे छाचाय सी छेटे हय गुया, ने चे ज समजे की ईसुन भक्‌ती करनु, पयस्‌या कमायणु वारलु धंदु छे।
\p
\v 6 अतरे आपणुक जी वीच्‌यार राखणु चाहजे की आपणे धड़े ज धन छे, तत्‌रात धनेम नीसरा रवीन ईसुन भक्‌ती करनुत खरली कमाय छे। 
\v 7 आपणु ते ईनी कळी मां काय बी लीन नी आया, ने मरसु ती, ईनी कळीम सी काय बी नी ली जाजे।\x + \xo 6:7 \xo*\xt अय्‌युब 1:21; भजन सहीता 49:17\xt*\x* 
\v 8 कदी आपणे धड़े खाणेन ने पेहरनेन पुथल्‌या हय, ती ईनी चीज मां नीसरा रवणु चाहजे। 
\v 9 बाकुन जे मालदार हवणे चाहजे, चे भुतड़ान फांदेम ने भाती-भातीन पारख मां पड़ जाय ने चे असी बेसकी हाय करने बाजी जाय तीनी हाय सी फायदु नी हवे, बाकुन उल्‌टो नुकसाण हवे ज आखो तीनु माणसेक नड़से ने सार देसे; जसों दर्‌या मां पड़न्‌या माणसे काजे दर्‌यान भंवरु मुयड़ीन सार देय।\x + \xo 6:9 \xo*\xt नीतीवचन 23:4; 15:27\xt*\x* 
\v 10 काहाकी पयस्‌यान लालच आखी भातीन कुहराय्‌न जड़-मुळ छे, बेसका जणा धनेक हात करनेन हेर करता-करता ईसु पर वाळा भुरसाम सी भटकी गुया ने आपसात भाती-भातीन गरा मां पड़ गुया।
\s हेर राखणे वाटे वात
\p
\v 11 बाकुन ए तीमुथी, तु ते भगवानेन माणुस छे, तु ईनी वात सी छेटु रवजी; ने तु धरमेन वातेन, भुरसाम, ने गम खाणेन वातेन, भक्‌ती, ने परम, ने नरमायन हीनी आखी वातेक पाळतु रव। 
\v 12 भुरसान वारलु लड़ाय लड़; ने तीनी अमर जीवाय काजे हात कर ले, तेरे वाटे तु बुलावलु छे ने बेसका माणसे अगळ गवा भरलु छे। 
\v 13 आखा काजे जीवाय आपण्‌यु ते भगवान छे, ने आखा काजे जीवतु राखे, ने मसी ईसु गवा देदु चु पुंतीयुस पीलातुस अगळ आपसान छाचाय्‌न गवा देदु। तेरेमां भगवान अगळ ने ईसु मसी अगळ तुसेक जु हुकुम आपो की। 
\v 14 की तु आपणा मालीक ईसु मसी काजे पछु उजेंतु आवता लग नी-गुनावाळा ने चुखलु रय्‌न हुकुम मान्‌तु रव। 
\v 15 तीनाक चु संय टेम पर देखाड़से ने चु आखा सी वारु ने मटु छे, ने एकुत राज करन्‌यु छे, चु राजान राजा ने मालीकेन मालीक छे।\x + \xo 6:15 \xo*\xt भजन सहीता 47:2\xt*\x* 
\v 16 ने चु अतरुत अमर छे, ने चु ईसु मसी जां कुय नी जाय सके तीना वीजाळा मां रवे अळी नी तीनाक कुय माणुस नी देख्‌यो। तीनात काजे जलम ईज्‌जत जड़ती रवसे ने तेरोत राज जलम रवसे। आमीन।
\p
\v 17 ईनी दुनीया मालदार काजे हुकुम आप की चे ईनी दुनीयान मामार सरन्‌या धनेन भुरसे मटाय नी करनु चाहजे बाकुन भगवानेन भुरसे जीवणु चाहजे, चु आपणुक खुसी मां सुकेन जीये जीवणे करीन ज चाहजे च आखो नीचळे मने आपतु रवे।\x + \xo 6:17 \xo*\xt भजन सहीता 62:10\xt*\x* 
\v 18 चे भलाय करता रवणु चाहजे ने चे भला काम मां मालदार बणे ने दीसरान सात देणे मां तीयार रवणु चाहजे ने वारु मने धरम करन्‌या बन्‌नु चाहजे। 
\v 19 ने चे असला भला काम मां मालदार बणसे ती भगवानेन नींगाम सरगेन धन भेळा करला मालदार गीणायसे एक दाहड़ु तीनुक बी तींद्‌री खरली जीवाय मां जलम जीवणे करीन सरगे जाणु छे, चां भगवान तींद्‌रे वाटे घर बांद रयु। भगवान तींद्‌रा हीनु भला कामेक तींद्‌रे वाटे घर बांदणे साय्‌न तसु गीणसे।
\p
\v 20 ए तीमुथीयुस जी वात मे तुसेक कहलु छे, तीनी वातेक एक \f + \fr 6:20 \fr*\ft धरोहर\ft*\f*खजानान तसु राखवाळी कर। तीनी अक्‌कल काजे अक्‌कल कवणु भुल छे, ची छाचलीन भक्‌तीन वीरुद करन्‌या, लुच्‌चाय सीकाड़न्‌या छे। अतरामा तीनी अकलेन वात लीन फालतुत वीरुद करने ने जखड़ी पड़ने तारेन चां काहनास बी आवे ती तींद्‌रे सी छेटु रव। 
\v 21 छाचलीन तींद्‌री झुटी सीकापण मानीन थुड़ाक माणसे ईसु पर सी भुरसु छुड़ देदला छे।
\p तुंद्‌रे पर भगवानेन गीण-दया हवती रवे।