\id 1JN - Bhilali Standard Project
\ide UTF-8
\h 1 युहन्‌ना
\toc3 1 युहन्‌ना
\toc2 1 युहन्‌ना
\toc1 युहन्‌नान पेहली चिट्‌ठी
\mt2 यूहन्ना की पहली पत्री
\mt1 युहन्‌नान पेहली चिट्‌ठी
\imt 1 युहन्‌नान बारामां
\ip 1 युहन्‌नान चिट्‌ठी नेवताळा युहन्‌नान साहरे मसीन पयदा हवणेन पचास सी सोव सालेन ईचमां लिखी गुयली। युहन्‌‌‌नु खुद काजे लिखण्‌यान रुप मां नी उळखे, बाकुन पेहला पाठ मां देखाड़े की चु ईसुन जीवनेन मरलाम सी पछो जीवतो हवणेन एक गवा बणे। \xt 1:1-3\xt* 1 युहन्‌ना मां लिखणेन तरीकु बी युहन्‌नान अनसारे खुस-खबर मां जड़ला लिखणेन तरीका सी घणो हीळे-मेळे। असो मानी जाय की युहन्‌‌‌नु ईफीसुस मां रवतु जाय्‌न युहन्‌ना ने तीन आक्‌सर मां 1 युहन्‌ना, 2 युहन्‌ना, 3 युहन्‌नान अनसारे खुस-खबर लिखलो हतलो।
\ip युहन्‌ना जी चिट्‌ठी आखा ईसु पर भुरसु करन्‌या काजे असी टेम मां लिखलो जत्‌यार मंडळी काजे आत्‌मान अकलेन नावेन माणसेन एक पंथ सी परेसानी हय रय। ईनु माणसे काजे माननु हतलो की ईसु पुरी तरह सी भगवान हतला बाकुन धरती पर रवता जाय्‌न चु छाचलीन सीकार ने खुनेन डील वाळा माणसे नी हतला। हेरे मतलब सी युहन्‌ना ईसुन जीवनेन गवा हवणेन बारामां लिखे ने ज्‌य की हेरे आपणे हाते काजे ईसु छीमाड़्‌यु। \xt 1:1-3\xt* ईनी चिट्‌ठी काजे लिखणे मां युहन्‌नान उदेस हेरी खुसी काजे पुरो करनु हतलो \xt 1 युहन्‌ना 1:4\xt* ईसु पर भुरसु करन्‌या काजे पाप करने सी रुकणु \xt 1 युहन्‌ना 2:1\xt* ईसु पर भुरसु करन्‌या काजे झुटा सीकापण सी बचणु \xt 1 युहन्‌ना 2:26\xt* ने वायदु कराड़नु की ईसु पर भुरसु करन्‌या चे बची गुयला छे। \xt 5:13 \xt*
\iot बाहरती वात
\io1 1. युहन्‌ना आपणी चिट्‌ठीन उळखाण देय ने हीनाक लिखणेन एक उदेस देय। \ior 1:1-4 \ior*
\io1 2. अळतेन चु बताड़े की भगवान कसों उजाळो छे ने हामुक ईसुन तसों जीवणु चाहजे। \ior 1:5—3:10 \ior*
\io1 3. हेरे पछेन चु हामुक एक दीसरा सी परम करे की हुकुमेन हेर देवाड़े। \ior 3:11—5:12 \ior*
\io1 4. चु आपणी चिट्‌ठी काजे पुरो करे। \ior 5:13-21 \ior*
\c 1
\s जीवनेन बुल
\p
\v 1 कळ घड़ायणे सुरु नी हयो, ने पेहलुत सी, बुल नावेन एक जणु हतलु। चु ते भगवान बास साते सरगेम हतलु, ने अळतेन माणसेन अवतार लीन हामरे ईचमां उजेंतु हयु। ने ज्‌य जीवनेन झर बी छे; हेरेसी हामु तीनाक जीवनेन बुल बी कह्‌जे। हामु जे तेरा नेवताळा छे, तीनाक ते देख लेदला छे, ने तेरा बुले सामळी लेदला छे, जे बुले आखा काजे अमर जीवन आपे। ईनी अमर जीवनेन वाट ते तेरे साहरे देखाव पड़ी; हामु ते धी‌यान लागाड़ीन तेरा जीवन काजे पंतार लेदला छे, ने हामरे हाते करीन तीनाक छीमी बी लेदला छे। 
\v 2 ने हय हामु तेरीत गवाय देजे, तीनाक हामु डुळे देख्‌ला छे। ने तेरे साहरे जड़ली जलमेन जीवनेन परचार बी करजे। जु बचाड़न्‌यु ईसु मसीत छे। 
\v 3 हव, हामु ईना ईसुक देखला, ने सामेळला छे, तेरीत खुस-खबर हामु तुहुंक देखाड़जे। हामु ते बासेन, ने तेरा बेटा ईसु मसीन साजल्‌या रवजे। जी वात हामु एरेन करीन तुहुंक देखाड़जे की तुहुं बी हामरे पुठ्‌ये रवीन तींद्‌री साजल्‌या बण जावु। 
\v 4 ने हामु जी वात तेरेमां तुहुंक लिख रया, की तुंद्‌रे बारामां हामरी खुसी छे, ची खुसी पुरी हय जाय।
\s भगवान वीजाळो छे
\p
\v 5 ने हामु ईसु मसी सी जी खुस-खबर सामळ्‌या, ने चीत खबर तुहुंक बी सामळावजे, चो ज्‌य छे; की भगवान वीजाळो छे, ने तेरेमां काय बी आंदारलो नी हय। 
\v 6 कदी आपणे मायन काहनाक कह्‌वे की हामु ते भगवानेन साजल्‌या छे, ने असु दावु करीन बी आंदारला सारकी कुहराय, ने पाप मां जीवे, ती चे झुटा छे, ने चे छाचाय पर चालन्‌या नी हय। 
\v 7 बाकुन जसु भगवान बास वीजाळा मां रवे, तसात आपणुक बी वीजाळा मां जीवणु चाहजे मतलब भगवान बासेन तसी चुखली ने खरली जीवाय जीवणु चाहजे। असा आपणु जीवसु, ती एक दीसरान साजल्‌या बणीन रय सक्‌सु। काहाकी आपणुक आखा पापेम सी चुखा करीन आपणुक चुखला भगवानेन सात-संगात मां भेसकणे करीन भगवान बासेन पुर्‌यु ईसु मसीन लुही कामको छे।
\p
\v 8 थुड़ाक माणसे कदी असा कह्‌वीन सीकाड़े, की आपणे मां पाप करनेन हर लग नी हय, ने कदी आपणु बी तींद्‌रेन तसात कहणे बाजी जाजे, ती आपणु आपसात काजे धुकु दी र्‌या, ने आपणे मां छाचाय नी हय\x + \xo 1:8 \xo*\xt यसाया 2:5\xt*\x*। 
\v 9 कदी हामु आपणा-आपणा पाप काजे मान लेजे, ती भगवान बी हामरा पाप काजे माफ करने, ने हामुक आखा भुंडा काम सी चुखा करने मां भुरसा वाळु ने धरमी छे\x + \xo 1:9 \xo*\xt भजन सहीता 32:5; नीतीवचन 28:13\xt*\x*। 
\v 10 थुड़ाक माणसे असा कय्‌न सीकाड़े, की हामु काय पाप नी कर्‌या, कदी आपणु बी तींद्‌रेन तसात कहणे बाजी जाजे, ती आपणु आपसात काजे धुकु दी र्‌या, ने आपणे मां छाचाय नी हय। ने हेरो बुल आपणा मन मां नी हय।
\c 2
\s ईसु हामरी मदत करे
\p
\v 1 ए मारा लाटेक्‌ला पुर्‌या-पारी, तुहुं पाप घुण करु, हेरेन करीन मे जी आखी वात लिखणे बाजी रयु; बाकुन कांखुर मायन भुल सी कुय पाप कर देय, ती बास अगळ आपणे अगु हय्‌न आपणुक माफी आपाड़न्‌यु धरमी ईसु मसी छे। 
\v 2 ने हयुत ईसु मसी आपणा पाप काजे माफ कर्‌यु; ने आपणा पापेन बादा अतरुत नी, बाकुन आखी कळीन माणसेन पाप काजे माफ कर्‌यु।
\p
\v 3 आपणु, ईसु मसी काजे जाण्‌या की नी जाण्‌या, ईनी वातेन पुरावु काय छे? कदी आपणु, तेरा हुकुम काजे मानीन जीवसुन, ती ईनी वातेन पुरावु हय जासे, की आपणु, ईसु मसीक छाचलीन जाण लेदा। 
\v 4 जु कुय असु कह्‌वे की, “मे भगवान काजे जाणो।” बाकुन तेबी तारा हुकुम काजे मानीन नी जीवे, चु झुटु छे; ने तेरेमां छाचाय नी हय। 
\v 5 बाकुन जु कुय तारा बुल काजे मानीन जीवे, छाचलीन चु भगवानेन परम मां पुरुन-पुरु घुळाय गुयलु छे। तेरेसी आपणुक गुयो मालुम पड़े, की चु छाचलीन ईसु मसी साते जुड़ायलु छे। 
\v 6 जु कुय गुयो कह्‌वे, की मे ते ईसु मसी साते जुड़ायलु रव, ती तीना कवण्‌याक ते तसीत जीवाय जीवणु चाहजे, जसी जीवाय ईसु ईनी धरती पर जीवतेलु।
\s ईसुन हुकुम जु छे; आखाक परम करु
\p
\v 7 ए मारा लाटेक्‌ला साथी, मे तुहुं काजे काय बी नवलु हुकुम नी लिखतु, बाकुन चु जुन्‌लु हुकुम जु सुरु मां तुहुंक जड़लु छे; चो जुन्‌लो हुकुम जु बुल छे, तीनाक तुहुं सामेळला छे। 
\v 8 ती बी मे तुहुंक नवलु हुकुम लिखणे बाजी रयु। ने ज्‌य ते ईसु मां ने तुंद्‌रे मां छाचाला कवायसे; काहाकी आंदारलो छेटे हवतो जाय र्‌यो ने खरलो वीजाळो हय झजळणे बाजी रयो।
\p
\v 9 बाकुन जु कुय जुरदीन ज्‌य कह्‌वे की मे ते वीजाळाम रय-रवीन चुखु हय गुयु, बाकुन ईसुक मान्‌या भायस भीणी खर करे, चु हय लग पापेन आंदारलात मां जी रयु। 
\v 10 जु कुय, ईसुक मान्‌या भायस काजे परम करतु हय, चु छाचलीन वीजाळा मां रवे, ने चु कुय भीणी बी पापेन उत्‌तर नी बणे। 
\v 11 बाकुन जु कुय, ईसुक मान्‌या भायस भीणी खर करे, चु आंदारलात मां छे, ने आंदारलात मां जीवे। ने चु ज्‌य नी जाणे की मे कां जाणे बाजी रयु, काहाकी पापेन आंदारलो तेरा जीव-आत्‌मान डुळा काजे आंधळो कर देदो।
\p
\v 12 ए पुर्‌या-पारी, मे तुहुं काजे तेरेमां लिखणे बाजी रयु, की ईसुन नाव सी तुंद्‌रा पाप माफ हय गुया\x + \xo 2:12 \xo*\xt भजन सहीता 25:11\xt*\x*। 
\v 13 ए आखा बासे, मे तुहुं काजे गुयो लिखणे बाजी रयु की जु ईसु कळ नी घड़ायी, ने पेहलेन छे, तीनाक तुहुं जुत छे, करीन वारु जाण रया। ए जुवान्‌या, मे तुहुंक गुयो लिखणे बाजी रयु की तुहुं ते वेरी भुतड़ा साते लड़ाय करीन तीनाक जीक लेदला छे। ए भगवानेन पुर्‌या, मे तुहुंक अळी गुयो लिखणे बाजी रयु की तुहुं ते सरग वाळा बासेक जाण लेदला छे।
\p
\v 14 ए बासे, मे तुहुंक तेरेमां लिखणे बाजी रयु, की जो सुरु सी छे तुहुं हीनाक जाणी गुया। ए जुवान्‌या, मे तुहुं काजे तेरेमां लिखणे बाजी रयु, की ताकत वाळा हय जावु, ने भगवानेन बुल तुंद्‌रे मां बणीन रवे, ने तुहुं हीना भुतड़ा सी जीती गुया।
\p
\v 15 तुहुं नीते कळी सी ने नी कळीन चीजो सी परम राखु कदी कुय कळी सी परम राखे, ती तेरेमां बासेन परम नी हय।
\s कुहर्‌या भुतड़ान वगे सी जड़नी, कळीन आखी वातेक परम मां, करु
\p
\v 16 काहाकी ज्‌य काय कळी मां छे, मतलब डीलेन लालच, ने डुळान लालच ने जीवणेन चीजेन मटाय, चु बास भीणी सी नी हय, बाकुन कळीत भीणी सी छे\x + \xo 2:16 \xo*\xt रोमी 13:14; नीतीवचन 27:20\xt*\x*। 
\v 17 कळी ने हेरी लालच दुयु सर जासे, बाकुन जे भगवानेन मरजी पर चालसे, चु जलम बणीन रवसे।
\s ईसु मसीन वीरुद करन्‌या माणसेन वात मां मानु
\p
\v 18 ए मारा लाटेक्‌ला पुर्‌या-पारी, जी आकरी टेम छे, ने जसा तुहुं सामेळला छे, की मसीन वीरुदी आवणे वाळा छे, हेरे अनसारे हय बी बेसका मसीन वीरुदी उठसे; हेरसी हामु जाणजे, की जी आकरी टेम छे। 
\v 19 चे नीकळ्‌या ते हामरे मां सी, बाकुन हामरे मां सी नी हतला; काहाकी कदी चे हामरे मां सी रवता, ती हामरे साते रवता, बाकुन नीकळी हेरसी गुया काहाकी ज्‌य उजेंतो हवे की चे आखा हामरे मां सी नी हय।
\p
\v 20 ने तुहुं काजे भगवानेन चुखली-आत्‌मा आपली छे, तेरेमां तुहुं आखा छाचाय जाणु। 
\v 21 मे तुहुंक हेरसी नी लिख्‌यु, की तुहुं छाचाय काजे नी जाणु, बाकुन हेरसी, की तुहुं हीनाक जाणु, ने हेरसी की कुय झुट छाचाय भीणी सी नी हय।
\p
\v 22 लुच्‌चु कुण छे? चु, जु ईसु मसीन हवणेन नीकारु करे; ने मसीन वीरुदी हयुत छे, जु बासेन ने पुर्‌याक नीकारु करे। 
\v 23 जु कुय पुर्‌याक नीकारु हेरे धड़े बास बी नी हय जु पुर्‌या काजे मानी लेय, हेरे धड़े बास बी छे।
\p
\v 24 ज्‌य काय तुहुं सुरु सी सामेळला छे हयुत तुंद्‌रे मां बणीन रवसे; ज्‌य तुहुं सुरु सी सामळ्‌या, कदी चु तुंद्‌रे मां बणीन रवे, ती तुहुं बी पुर्‌या मां, ने बास मां बणीन रवसु। 
\v 25 ने तेरेसी हयु हामरे सी वायदु कर्‌यु चु जलम जीवसे।
\p
\v 26 मे जी बात तुहुंक हींद्‌रे बारामां लिख्‌यु, जे तुहुंक भुलवाड़े करीन नी। 
\v 27 ने तुंद्‌रे वाटे मसी हेरी चुखली-आत्‌मा आप देदु, ज्‌य हेरे भीणी सी करलो छे, ने तुंद्‌रे मां बणीन रवे; ने तुहुंक हेरो मतलब नी हय, की कुय तुहुंक सीकाड़े, बाकुन जसों हयु हेरी आत्‌मा आप देदु ज्‌य हेरे भीणी सी करलो छे तुहुंक आखी वात सीकाड़े, ने ज्‌य छाचो छे, ने झुटो नी हय ने जसु चु तुहुंक सीकाड़्‌यु असात तुहुं हेरे मां बणीन रवु।
\s आपणु भगवानेन अवल्‌यात छे
\p
\v 28 अळतेन ए भगवानेन पुर्‌या, हेरेमां बणीन रवु, की जत्‌यार चु उजेंतु हवे, ती हामुक हिम्‌मत हवे, ने हामु हेरे आवणे पर हेरे अगळ सरमायजे नी। 
\v 29 कदी तुहुं जाणु, की ईसु भगवान धरमी छे, ती ज्‌य बी जाणु, की जु कुय धरमीन काम करे, चु भगवानेन पुर्‌या-पारी बण गुया।
\c 3
\s हामु भगवानेन पुर्‌या छे
\p
\v 1 देखु, बास हामरे सी कसु परम कर्‌यु, की हामु भगवानेन अवल्‌यात कवाया, ने हामु छे बी; हेरे वजे सी कळीन माणसे हामुक नी जाणता, काहाकी कळीन माणसे भगवान काजे बी नी जाणे। 
\v 2 ए लाटेक्‌ला साथी, हय हामु भगवानेन अवल्‌यात छे, ने हय लग उजेंतो नी हयो, की हामु काय नी हवसुन! अतरो जाणजे, की जत्‌यार ईसु मसी उजेंतु हवसे ती हामु बी हेरेन तसा रवसुन, काहाकी हामु हेरेन असुत देखसुन जसु चु छे। 
\v 3 ने जे कुय हेरे पर जी आस राखे, चु आपणे आप काजे बी असुत चुखु करे, जसु मसी चुखलु छे।
\p
\v 4 जु कुय पाप करे, चु मुसान साहरे लिखला कायदान वीरुद करे; ने पाप ते कायदान वीरुद मां छे। 
\v 5 ने तुहुं जाणु, की ईसु मसी हेरसी उजेंतु हयु, की पाप काजे सार देय; ने हेरेमां काय पाप नी हय। 
\v 6 जु कुय मसी मां बणीन रवसे, चु पाप नी करे; जु कुय पाप करे, चु नी ते हीनाक देख्‌यु, ने नी हीनाक जाण्‌यु।
\p
\v 7 लाटेक्‌ला पुर्‌या, काहालाकेन भुलवाड़ मां घुण आवु; जु धरमीन काम करे, हयुत हेरेन तसु धरमी छे। 
\v 8 जु कुय पाप करे, चु भुतड़ा भीणी सी छे, काहाकी भुतड़ु सुरु सी पाप करतु आवलु छे। भगवानेन पुर्‌यु हेरसी उजेंतु हयु की भुतड़ान काम काजे खत्‌तम कर देय।
\p
\v 9 जु कुय भगवान सी पयदा हयु चु पाप नी करे; काहाकी भगवानेन बीज हेरेमां बणीन रवे; ने चु पाप करी नी सके, काहाकी चु भगवान सी पयदा हयु। 
\v 10 हेरसी भगवानेन अवल्‌यात, ने भुतड़ान अवल्‌यात जाणी जाय; जे कुय धरमीन काम नी करे, चु भगवान सी नी, ने नी चु जु आपणा भायस सी परम नी राखे।
\s एक दीसरा सी परम राखु
\p
\v 11 काहाकी जु खबर तुहुं सुरु सी सामळ्‌या, चो ज्‌य छे, की हामु एक दीसरा सी परम राखजे। 
\v 12 ने केनेन तसा मां बणु, जु हीना भुतड़ा सी हतलु, ने चु आपणा भायसेक मार नाखलु। ने हीनाक कसु मारलु? हेरसी की हेरा काम भुंडा हतला, ने हेरु भायसेन काम धरमी हतलो।\x + \xo 3:12 \xo*\xt भजन सहीता 38:20\xt*\x*
\p
\v 13 ए भायस्‌यो, कदी कळीन माणसे तुंद्‌रे सी कुहराय करे ती चकरायु घुण। 
\v 14 हामु जाणजे, की हामु मरलाम सी जीवता हयन जीवन मां पुग्‌या; काहाकी हामु भायसे सी परम राखजे जु परम नी राखे, चु मरलान तसु रवे। 
\v 15 जु कुय आपणा भायस सी कुहराय राखे, चु हत्‌यारु छे; ने तुहुं जाणु, की काहालाक हत्‌यारा मां जलमेन जीवन नी रवे। 
\v 16 हामु परम हेरेसी जाण्‌या, की मसी आपणे वाटे आपसान जीव आप देदु; ने हामुक बी भायस्‌यो वाटे जीव आपणु चाहजे। 
\v 17 बाकुन तीना काहानाक धड़े कळीन धन रवे ने चु आपणा भायस काजे जरुवत मां देखीन हेरे पर तरस नी खाणे चाहे, ती हेरेमां भगवानेन परम कसु बणीन रय सके?\x + \xo 3:17 \xo*\xt वेवस्‌थावीवरन 15:7,8\xt*\x* 
\v 18 ए मारा लाटेक्‌ला पुर्‌या, हामु बुल ने जीप सी नी, बाकुन काम ने छाचाय्‌न साहरे बी परम करनु चाहजे।
\s भगवान अगळ दुवा करने मां हिम्‌मत करु
\p
\v 19 हेरसी हामु जाणसुन, की हामु छाचला छे; ने जीनी बात मां हामरो मन हामुक गुनु आपसे, हेरे बारामां हामु हेरे अगळ आपणा मन मां हिम्‌मत दी सकजे। 
\v 20 ने कदी गलत करजे ती हामुक रुके, काहाकी भगवान हामरे मन सी मटु छे; ने आखो काय जाणे। 
\v 21 ए लाटेक्‌ला, कदी हामरो मन हामुक गुनु नी लागाड़े ती हामु भगवान अगळ हामुक हिम्‌मत बणीन रवे। 
\v 22 ने ज्‌य काय हामु मांगजे, चो हामुक हेरसी जड़्‌यो; काहाकी हामु हेरा हुकुम काजे माने; ने ज्‌य हीनाक भावे चत करजे। 
\v 23 ने हेरु हुकुम ज्‌य छे की हामु हेरा पुर्‌या ईसु मसीन नाव पर भुरसु करजे ने जसु हयु हामुक हुकुम आप्‌यु हेरे अनसारे एक दीसरा सी परम राखे। 
\v 24 ने जु भगवानेन हुकुम काजे माने, चु हेरेमां, ने भगवान हींद्‌रे मां बणीन रवे। ने हेरसी, मतलब हयु चुखली-आत्‌मा सी जु हयु हामुक आपलु छे, हामु जाणजे, की चु हामरे मां बणीन रवसे।
\c 4
\s जीव-आत्‌मा काजे पारखु
\p
\v 1 ए लाटेक्‌ला साथी, आखी भातीन आत्‌मान भुरसु मां करु, बाकुन आत्‌मा काजे पारखु, की चे भगवान भीणी सी छे की नी हय; काहाकी बेसका लुच्‌चा अघी सी आवणे वाळी बात देखाड़न्‌या ईनी कळी मां नीकळीन आय गुयला छे। 
\v 2 भगवानेन आत्‌मा काजे तुहुं हीनी रीत सी उळखी लेसु, की जी कुय आत्‌मा मान लेय, की ईसु मसी माणसेन पुर्‌यु बणीन धरती पर आवलु छे, चु भगवान भीणी सी छे। 
\v 3 ने जी कुय आत्‌मा ईसु काजे नी माने, ची भगवान भीणी सी नी हय; जी मसीन वीरुदी आत्‌मा छे; जेरी बात वीच्‌यार तुहुं सामळी लेदला छे, की चु आवणे वाळु छे ने हय बी जागा मां छे।
\p
\v 4 ए लाटेक्‌ला पुर्‌या, तुहुं भगवानेन छे ने हीनु आत्‌मा काजे जीती गुयला छे; काहाकी जु तुंद्‌रे मां छे, चु कळी पर मटु छे। 
\v 5 झुटी वात सीकाड़न्‌या, जे माणसे ईनी कळी मायन छे, ने अळी जे भगवानेन वीरुद करन्‌या ईनी कळीन वीच्‌यारेन तसा वात करे ने सीकाड़े। ने ईनी कळीन वीच्‌यारेम रहण्‌या माणसे हींद्‌री झुटी वाट सामळीन माने। 
\v 6 बाकुन हामु ते भगवानेन नेवताळा छे। हेरेसी जतरा बी भगवान काजे जाणे, चे हामरी वात सामळी लेसे; ने मान लेसे, ने जे भगवान काजे बी नी जाणे तीनुक हामरी वात उळखाये बी नी ने मानाये बी नी। हीनी रीती सी आपणु भगवानेन चुखला जीव-आत्‌मा काजे ने माणसेक भंगलाड़ने वाळी आत्‌मा काजे पारखीन उळखी लेसु।
\s भगवान परम छे
\p
\v 7 ए लाटेक्‌ला साथी, आपणु एक दीसरा सी परम राखु; काहाकी परम भगवान सी छे ने जु कुय परम करे, चु भगवान सी पयदा हयु, ने भगवान काजे जाणु। 
\v 8 जु परम नी राखे चु भगवान काजे नी जाणे, काहाकी भगवान परम छे। 
\v 9 भगवान हामरे पर असु परम राख्‌यु, चु हेरेसी उजेंतो हयो की भगवान आपणा एक खुळ्‌या पुर्‌या काजे जागा मां मकेल्‌लु छे की हामु हेरे साहरे जीवाय जीवसु। 
\v 10 भगवानेन परमेन बदले, आपणु बी भगवान काजे परम करजे बाकुन तेबी परम करनेन खरलु दाखलु आपणु जु परम नी हय, खरलु परम असु उजेंतु हयु की भगवान आपसा पुर्‌या काजे आपणा पापेन माफी वाटे मरीन बादा छुटणे करीन ईनी कळीम मकली देदु।
\p
\v 11 ए मारा लाटेक्‌ला साथी, जत्‌यार भगवान हामरे सी असु परम कर्‌यु, ती हामुक बी एक दीसरा सी परम करनु चाहजे। 
\v 12 भगवान काजे कदी कुय नी देख्‌या, कदी हामु एक दीसरा सी परम राखसुन, ती भगवान हामरे मां बणीन रवे; ने हेरु परम हामरे मां पुरु हवे।
\p
\v 13 हव भगवान आपसा चुखला जीव-आत्‌मा काजे आपणा जीवेम वसणे करीन मकली देदु, ने भगवानेन जु चुखलु जीव-आत्‌मा, आपणेम रय्‌न आपणा परमेक पाक्‌कु करनेन काम करने बाजी रयु। ईना कामेन साहरे आपणुक ईनी वातेन सबुत जड़े की, भगवान आपणे मां रवे, ने आपणु भगवान मां रवजे। 
\v 14 ने हामु देखी बी लेदा ने गवाय देजे की बास पुर्‌या काजे कळीन छुटकारु करने करीन मकल्‌यु। 
\v 15 जु कुय ज्‌य मानी लेय, की ईसु भगवानेन पुर्‌यु छे भगवान हेरेमां बणीन रवे, ने चु भगवान मां। 
\v 16 ने ज्‌य परम भगवान हामरे सी राखे; हीनाक हामु जाणी गुया, ने हामुक हेरे पर भुरसु छे।
\p भगवान परम छे; जे परम मां बणीन रवे चु भगवान मां बणीन रवे; ने भगवान हेरेमां बणीन रवे। 
\v 17 हेरसी परम हामरे मां पुरो हयो, की हामु नीयावेन दाहड़े हिम्‌मत राखजे; काहाकी जसु चु छे, असोत कळी मां बी छे। ने मसीन जीवनेन तसु छे। 
\v 18 परम मां डर नी हय, बाकुन पुरु हवलु परम धाक काजे छेटु कर देय, काहाकी बीहणेन नातो डंड सी हवे, ने जु बीही जाय, चु परम मां पुरु नी हवे।
\p
\v 19 हामु हेरसी परम करजे, काहाकी पेहल भगवान हामरे सी परम कर्‌यु। 
\v 20 कदी कुय कवे, “मे भगवान सी परम राखो,” ने आपणे भायस सी कुहराय राख; ती चु लुच्‌चु छे; काहाकी जु आपणे सी, तीनाक चु देख्‌यु, चु परम नी राखे, ती चु भगवान सी बी तीनाक हयु नी देख्‌यु, परम नी राख सके। 
\v 21 ने हेरसी हामुक ज्‌य हुकुम जड़्‌यु, की जु कुय आपणा भगवान सी परम राखे, चु आपणा भायस सी बी परम राखे।
\c 5
\s भुरसान साहरे कळी पर जीक
\p
\v 1 जु कुय भुरसु करे की ईसुत मसी छे, चु भगवान अवल्‌यात बण जाय ने जु कुय पयदा करने वाळा सी परम राखे, चु हेरसी बी परम राखे, जु हेरसी पयदा हयु। 
\v 2 जत्‌यार हामु भगवान सी परम राखजे, ने हेरा हुकुम काजे मांजे, ती हेरसी हामु ज्‌य जाणी लेजे, की हामु भगवानेन अवल्‌यात सी परम राखजे। 
\v 3 काहाकी भगवानेन परम ज्‌य छे, की हामु हेरा हुकुम काजे मानजे; ने हेरा हुकुम भारो नी लागे।\x + \xo 5:3 \xo*\xt मत्‌‌ती 11:30\xt*\x* 
\v 4 काहाकी ज्‌य काय भगवान सी पयदा हयो, चो कळी सी जीत हात कर लेदा, ने ची जीत तीनाक कळी पर जीत हात हवे ज्‌य हामरु भुरसु छे। 
\v 5 कळी पर जीत हात करने वाळो कुण छे? सीरप चु तेरु भुरसु छे, की ईसु, भगवानेन पुर्‌यु छे।
\s ईसु मसी पर भुरसु करनेन बारे मां आपणे धड़े काय-काय गवाय छे?
\p
\v 6 ज्‌य हयुत छे, जु पाणी ने लुहीन साहरे आवलु हतलु; मतलब ईसु मसी चु नी सीरप पाणीन साहरे, बाकुन पाणी ने लुही दुयुन साहरे आवलु हतलु। ने जी आत्‌मा छे ज्‌य गवाय देय, काहाकी आत्‌मा छाचली छे। 
\v 7 ने असा करीन गवाय देणेवाळा तीन छे। 
\v 8 आत्‌मा, पाणी ने लुही; ने तीनु एकुत वात पर मुजगी छे। 
\v 9 जत्‌यार हामु माणसेन गवाय मानी लेजे, ती भगवानेन गवाय ते हेरसी अदीन छे; ने भगवानेन गवाय जी छे, की हयु आपणा पुर्‌यान बारामां गवाय देजे। 
\v 10 चु भगवानेन पुर्‌या पर भुरसु करे, चु आपणेत मां गवाय काजे मान लेदलु छे; बाकुन चु भगवान पर भुरसु नी कर्‌यु, हयु तीनाक झुटु बणायु; काहाकी हयु तीना गवाय देण्‌या पर भुरसु नी कर्‌यु, जु भगवान आपणा पुर्‌यान बारामां आपलु छे। 
\v 11 ने ची गवाय जी छे, की भगवान हामुक जलमेन जीवाय आपलु छे, ने ज्‌य जीवाय हेरा पुर्‌या मां छे। 
\v 12 तेरे धड़े पुर्‌यु छे, तेरे धड़े जीवन छे; ने जेरे धड़े भगवानेन पुर्‌यु नी हय, हेरे धड़े जीवन बी नी हय।
\s अमर जीवाय
\p
\v 13 मे तुहुंक, जे भगवानेन पुर्‌यान नाव पर भुरसु करो, हेरसी लिख्‌यु की तुहुं जाणु की जलमेन जीवन तुंद्‌रु छे। 
\v 14 ने हामरु हीना भगवान पर हिम्‌मत छे की कदी हामु हेरी मरजीन अनसारे काय बी मांगजे, ती चु हामरी सामळे। 
\v 15 ने जत्‌यार हामु जाणजे, की ज्‌य काय बी हामु मांगजे चु हामरी सामळे, ती ज्‌य बी जाणजे, की ज्‌य काय हामु हेरसी मांगजे, च जड़लो छे।
\p
\v 16 कदी कुय आपणा भायस ने बहण्‌स्‌या काजे असु पाप करतेलु देखे, तेरो फळ मरनु नी हवे, ती लीलघाये, ने भगवान हीनाक हींद्‌रे वाटे, जु असु पाप कर्‌यु जेरो फळ मरनु नी हवे, जीवन आपसे। पाप असु बी हवे तेरो फळ मरनु हवे हेरे बारामां मे लीलघायणे वाटे नी कवो। 
\v 17 आखी भातीन भुंडा काम ते पाप छे, बाकुन असु पाप बी रवे, जु पाप जीव-आत्‌मान मुत भीणी नी ली जाय। असला पापेन माफी वाटे दुवा करनु भगवानेन मरजी छे।
\p
\v 18 हामु जाणजे, की जु कुय भगवान सी पयदा हयु, चु पाप नी करे; बाकुन जु भगवान सी पयदा हयु, हीनाक चु बचाड़ीन राखे, ने चु भुतड़ु हीनाक धरी नी सके।
\p
\v 19 हामु जाणजे, की हामु भगवान सी छे, ने आखी कळी हीना भुतड़ान हक मां पड़ रय।
\p
\v 20 ने ज्‌य बी जाणजे, की भगवानेन पुर्‌यु आय गुयु ने हयु हामुक अक्‌कल आपलु छे, की हामु हीना छाचला काजे उळखजे, ने हामु हेरेमां ज्‌य छाचलीन छे, मतलब हेरा पुर्‌या ईसु मसी मां रवजे। छाचलु भगवान ने जलमेन जीवन हयुत छे।
\p
\v 21 ए पुर्‌या, आपणे आप काजे मुरत्‌या सी बचाड़ु।