\id 1CO - Bhilali Standard Project
\ide UTF-8
\h 1 कुरींथी
\toc3 1 कुरींथी
\toc2 1 कुरींथी
\toc1 कुरींथी वाटे पोलुसेन पेहली चिट्‌ठी
\mt2 कुरिन्थियों के लिए पौलुस की पहली पत्री
\mt1 कुरींथी वाटे पोलुसेन पेहली चिट्‌ठी
\imt पेहली कुरींथीन बारामां
\ip पेहली कुरींथी काजे नेवताळु मसीन पयदा धड़े-वड़े पचास साल पछेन \xt 1:1\xt* लिखलो हतलो। हामरे धड़े जे दुय चिट्‌ठी छे, हींद्‌रे मां सी ज्‌य पेहलो छे तीनाक पोलुस कुरींथीन मंडळी काजे लिखलु, हीयु कांखुर मायन जी चिट्‌ठी ईफीसी मां आपणे जाणेन तत्‌यार मेसेडीया जाणेन ने जाणेन वाट मां कुरींथीन आपणे जाणेन इरादा सी पेहल लिखलो। \xt 16:5-9\xt*
\ip जी चिट्‌ठी हीनु सुचनान सामनु कराड़नी छे ज्‌य पोलुस काजे मंडळीन थुड़ाक जुड़ायला माणसे सी मंडळी मां आंग्‌ये वारु-नी हवे तेरे चाल चलनेन बारामां जड़ली जेरेमां आंग्‌ये-आंग्‌ये ने जबरान छीनाळो भेसकायलो छे पेहला कुरींथी सहर आपणी छीनाळो (जबरान छीनाळो) वाटे वारु रीत सी जाण जातलु हेरसी सुच मां पड़णेन वात नी हय की मंडळीन ईनु मुदान सामनु कर रवली। पेहला कुरींथी मां परम पर नामी पाठ बी भेसकालु छे। \xt 13\xt*
\iot बाहरती वात
\io1 1. पोलुस कुरींथीन आव-भाव करे ने हींद्‌रे वाटे भगवान काजे तु बेसकु वारु करे। \ior 1:1-9 \ior*
\io1 2. अळतेन चु कुरींथीन मंडळी मां आंग्‌ये हवणेन बारामां हात हवली सुचना काजे अगवाय करे। \ior 1:10—4:21 \ior*
\io1 3. हेरे पछेन चु छीनाळो जबरान छीनाळो मे एक दीसरा काजे कुरुट-कचेरी मां ली जाणेन मुदा काजे अगवाय करे। \ior 5—6 \ior*
\io1 4. हेरे पछेन चु ईयाव-मुरती बादा आखा भेळा हयन पुजा, आखो काय जाणनेन दान ने मरलाम सी पछा जीवता हवणेन मामला पर आदेस देय। \ior 7—15 \ior*
\io1 5. आखा मां चु थुड़ाक वेहवारेन नातो ने खुदेन मामला साते सर जाय। \ior 16 \ior*
\c 1
\s आव-भाव करनु
\p
\v 1 पोलुस भीणी सी जु भगवानेन मरजी \f + \fr 1:1 \fr*\fq मरजी \fq*\ft इच्छा\ft*\f*सी ईसु मसीन नेवताळु हवणे वाटे बुलाय गुयलु छे, ने भायस सोस्‌थीनेस भीणी सी बुलाय गुयलु छे,
\p
\v 2 भगवानेन ईनी मंडळीन नाव जे कुरींथीस मां छे, मतलब हींद्‌रो नाव जे ईसु मसी मां चुखला करला, ने चुखला हवणे वाटे बुलाय गुयला छे; ने हीनु आखान बी जे आखी जागा हामरे ने आपणा मालीक ईसु मसीन नाव सी दुवा करजे।
\p
\v 3 आपणा भगवान बास ने मालीक ईसु मसीन गीण-दया ने सुक-सांती तुहुं आखा काजे जड़ती रहणु चाहजे।
\s मसी मां बरकत
\p
\v 4 भगवानेन गीण-दया तुहुं काजे ईसु मसीन साहरे जड़ली छे, हेरेसी मे तुंद्‌रे वाटे आपणा भगवान काजे जलम बेसकु वारु कह्‌या करो। 
\v 5 की हेरे मां हयन तुहुं आखी वात मां, मतलब आखा ने आखी अक्‌कल मां मालदार\f + \fr 1:5 \fr*\fq मालदार \fq*\ft धनी\ft*\f* बणावलु छे 
\v 6 की मसीन गवाय तुंद्‌रे मां पाक्‌की नीकळी 
\v 7 जां लग की काहाला बी भगवानेन वाटा मां कमी नी हय, ने तुहुं हामरा मालीक ईसु मसीन देखायणेन वाट देखता रवु। 
\v 8 चु तुहुं काजे आकरी लग काठा बी करसे की तुहुं हामरा मालीक ईसु मसीन दाहड़ा मां नी-गुनाळा रवु 
\v 9 भगवान भुरसा वाळु छे, चु तुहुं काजे आपणा पुर्‌या ने हामरा मालीक ईसु मसीन साजेदारी मां बुलावलु छे।
\s मंडळी मां झगड़ा हवे
\p
\v 10 ए मारा भाय, बहणस्‌या मे तुंद्‌रे सी हामरा मालीक ईसु मसीन नाव सी लीलघाये की तुहुं आखा एकुत वात कह्‌जु, ने तुंद्‌रे मां झगड़ा नी हवणु चाहजे, बाकुन एकुत मन ने एकुत हीया मां हयन मेळीन रवु। 
\v 11 काहाकी ए मारा भाय-बहणस्‌या, खलोयेन घरेन माणसे मेसे तुंद्‌रे बारामां बताड़ला छे की तुंद्‌रे मां झगड़ा हय र्‌या। 
\v 12 मारो कवणेन ज्‌य मतलब छे की तुंद्‌रे मां सी कुय ते आपसा काजे “पोलुसेन कह्‌वे” ने कुय अपुल्‌लोस कह्‌वे, कुय “केफान कह्‌वे” ती कुय-कुय “मसीन” कह्‌वे। 
\v 13 काय मसी आटाय गुयु? काय पोलुस तुंद्‌रे वाटे कुरुस पर चड़ायु गुयु काय? नीते तुहुं काजे पोलुसेन नाव सी बपतीस्‌मा जड़लो छे काय?
\p
\v 14 मे भगवान काजे तु बेसकु वारु छे करीन कह्‌वो की कीर्‌स्‌पुस ने गयुस काजे छुड़ीन मे तुंद्‌रे मां सी काहाला काजे बी बपतीस्‌मा नी आप्‌यु। 
\v 15 नीते असो नी हवे की कुय कह्‌वे की तुहुं काजे माणसे नाव पर बपतीस्‌मा जड़लो छे। 
\v 16 ने हव, मे स्‌तीफनासेन घरन्‌या काजे बी बपतीस्‌मा देदलु छे; ईनु काजे छुड़ीन मे नी जानतु की मे अळी काहालाक काजे बपतीस्‌मा देदु। 
\v 17 काहाकी मसी मेसे बपतीस्‌मा आपणे करीन नी, बाकुन खुस-खबर सामळणे करीन मकेल्‌लु छे, ने गुयो बी बुलेन अकलेन अनसारे नी, असो नी हवे की मसीन कुरुस फालतु रवे।
\s मसी भगवानेन अक्‌कल ने ताकत छे
\p
\v 18 काहाकी कुरुस सी खत्‌तम हवणेवाळा वाटे बेकार छे, बाकुन हीयु छुटकारु जड़ने वाळा वाटे भगवानेन ताकत छे। 
\v 19 काहाकी लिखलो छे,
\q1 “मे अक्‌कल वाळान अक्‌कल काजे खत्‌तम करीस,
\q2 ने समज वाळान समज काजे बेकार कर दीस।”\x + \xo 1:19 \xo*\xt यसाया 29:14\xt*\x*
\p
\v 20 काहा रया अक्‌कल वाळा? काहा रया यहुदी धरम सीकाड़न्‌या मास्‌तर्‌या? काहा रया ईनी कळीन माणसे वात मां जखड़ी पन्‌या? काय भगवान कळीन अक्‌कल काजे बेकार नी कर्‌यु? 
\v 21 काहाकी जत्‌यार भगवानेन अकलेन अनसारे कळीन अक्‌कल सी भगवान काजे नी जाण्‌या, ती भगवान काजे ज्‌य वारु लाग्‌यो की ईनी परचारेन डेड़-अकल्‌यान साहरे भुरसु करने वाळा काजे छुटकारु देय। 
\v 22 यहुदी माणसे ते सहलाणी चाहावे, ने युनानी माणसे अकलेन हेर मां रवे, 
\v 23 बाकुन हामु ते हीना कुरुस पर चड़ाय गुयला मसीन परचार करजे, जे यहुदीया वाटे ठुकरेन वजे बणे ने नी-यहुदी वाटे डेड़-अकल्‌या छे; 
\v 24 बाकुन जे बुलाय गुयला छे, काय यहुदी काय नी-यहुदी, हींद्‌रे साते मसी भगवानेन ताकत ने भगवानेन अक्‌कल छे। 
\v 25 काहाकी भगवानेन डेड़ अक्‌कल माणसेन अक्‌कल सी अक्‌कल वाळा छे, ने भगवान लुल्‌ला माणसेन जुर सी बेस ताकतवाळु छे।
\p
\v 26 ए भायसे ने भणस्‌या, आपणे बुलाये जाणेन ते सुचु की नी डीलेन अनसारे बेसका अकलवाळा, ने नी बेसका ताकत, ने नी बेसका नावसाद्‌या बुलाय गुया। 
\v 27 बाकुन भगवान कळीन डेड़-अकल्‌या काजे नेवाड़ लेदु की अकलवाळा काजे सरमाड़े, ने भगवान ईनी कळीन ताकतवाळा माणसेक लाजवाड़े करीन तीनु माणसेक नेवाड़ लेदु, तीनु काजे ईनी कळीन माणसे लुल्‌ला समजे। 
\v 28 ने भगवान कळीन लुल्‌ला माणसे काजे ने बेकार काजे, बाकुन जे छे बी नी हीनु काजे बी नेवाड़ लेदु की हीनुक जे छे, फालतु\f + \fr 1:28 \fr*\fq फालतु \fq*\ft व्यर्थ\ft*\f* बणाय देय। 
\v 29 काहाकी कुय जीव भगवान अगळ मटाय नी करनु चाहजे। 
\v 30 बाकुन हेरेत भीणी सी तुहुं ईसु मसी मां छे, जे भगवान भीणी सी हामरे वाटे अक्‌कल ठेहरे, मतलब धरम, ने चुखला, ने छुटकारु; 
\v 31 काहाकी जसों लिखलो छे, असोत हवे, “जु मटाय करे चु मालीक मां मटाय करे।”\x + \xo 1:31 \xo*\xt 2 कुरींथी 10:17 \xt*\x*
\c 2
\s कुरुस पर चड़ाय गुयला मसीन बारामां
\p
\v 1 ए भायसे-भणस्‌या, जत्‌यार मे भगवानेन सातायली वात सामळीन तुंद्‌रे धड़े आयु, ती बुल नीते अकलेन मट्‌ली वात साते नी आयु। 
\v 2 काहाकी मे ज्‌य नक्‌खी कर लेदलु छे की तुंद्‌रे ईचमां ईसु मसी ने कुरुस पर चड़ाय गुयला मसी काजे छुड़ीन काहाली बी वात काजे नी जाणो। 
\v 3 मे लुलु ने बीही जाय्‌न, ने बेसकु कापतु जाय्‌न तुंद्‌रे साते रयु; 
\v 4 ने मारो बुल ने मारो परचार मे अकलेन पटावणे वाळी\f + \fr 2:4 \fr*\fq पटावणे वाळी \fq*\ft लुभानेवाली\ft*\f* वात नी, बाकुन आत्‌मान ने ताकुतेन सबुत हतलु, 
\v 5 हेरेसी की तुंद्‌रु भुरसु माणसेन अक्‌कल पर नी, बाकुन भगवानेन ताकत पर आसरु रवणु चाहजे।
\s चुखली-आत्‌मान अक्‌कल
\p
\v 6 ती बी चुखला पाक्‌का माणसे मां हामु अकलेन वात सामळावजे, बाकुन हीनी कळीन ने हीनी कळीन खत्‌तम हवणे वाळा हकदारीन अक्‌कल काजे नी; 
\v 7 बाकुन हामु भगवानेन चु सातायलु अकल, काजे जे हाल लग उजेंती नी हवी तीनी अक्‌कल काजे उजेंती करजे तीनाक भगवान कळी बणावणे सी पेहलुत हामरा सेक-सींगार वाटे ठेरावलु। 
\v 8 तेरेसी हीनी कळीन हकदार्‌या मां सी कुय बी नी जाण्‌यो, काहाकी कदी चे जाणता बी ती बेसकु उजाळा मालीक काजे कुरुस पर नी चड़ावता।\x + \xo 2:8 \xo*\xt नेवताळा 13:27\xt*\x* 
\v 9 बाकुन जसों लिखलो छे,
\q1 “जी वात डुळा नी देख्‌या ने कान्‌टा नी सामळ्‌या,
\q2 ने जी वात माणसेन मन मां नी चड़ी,
\q2 चीत छे जु भगवान आपणा परम राखणेवाळा वाटे तीयार छे।”
\p
\v 10 बाकुन भगवान हीनुक आपणी आत्‌मान साहरे हामरे पर उजेंतु कर्‌यु, काहाकी आत्‌मा आखी वातो मां, बाकुन भगवानेन सातायली वात बी पारखे। 
\v 11 माणसे मां सी कुण काहाली माणसेन वात जाणे, सीरप माणसेन आत्‌मा जी हींद्‌रे मां छे; असुत भगवानेन वात बी कुय नी जाणे, सीरप भगवानेन आत्‌मा जाणे।\x + \xo 2:11 \xo*\xt नीतीवचन 20:27\xt*\x* 
\v 12 बाकुन हामु कळीन आत्‌मा नी, बाकुन ची आत्‌मा जड़ली छे जी भगवान भीणी सी छे की हामु हीनुत वात काजे जाणजे ज्‌य भगवान हामु काजे आपलु छे।
\p
\v 13 जीनु काजे हामु माणसेन अकलेन सीकाड़ली वातो मां नी, बाकुन आत्‌मान सीकाड़ली वातो मां, आत्‌मा मां भरायला वातो सी भेळा करी करीन समजाड़े। 
\v 14 बाकुन डीलेन माणुस भगवानेन आत्‌मान वात काजे हुकारु नी भरे काहाकी चे हेरे देखणे मां डेड़-अकल्‌या वात छे, ने नी चु हीनुक जाण सके काहाकी हींद्‌री पारख आत्‌मा मां भरायला रीत सी हवे। 
\v 15 आत्‌मा मां भरायला माणुस आखो काय पारखे, बाकुन आपसा काजे कुय बी नी पारख सके। 
\v 16 “काहाकी मालीकेन
\q1 “मन मां कुण जाण्‌यो?
\q2 की हीनाक सीकाड़े?”
\p बाकुन हामरे मां मसीन मन छे।\x + \xo 2:16 \xo*\xt यसाया 40:13\xt*\x*
\c 3
\s मंडळी मां आंग्‌ये पंथ बणावणेन झगड़ा
\p
\v 1 ए भायसे ने भणस्‌या, मे तुंद्‌रे सी हीनी रीत सी वात नी कर सक्‌यु, जसों आत्‌मा मां भरायला माणसे सी, बाकुन जसों डीलेन माणसे सी, ने हींद्‌रे सी जे ईसु मसी मां पुर्‌या छे। 
\v 2 मे तुहुंक दुत पीवाड़्‌यु, अन नी खावाड़्‌यु; काहाकी तुहुं हीनाक नी खाय सकतेला; बाकुन हय लग बी नी खाय सकता, 
\v 3 काहाकी हय लग डीलेन छे। हेरेसी की जत्‌यार तुंद्‌रे मां रीस ने झगड़ा छे, ती काय तुहुं डीलेन नी हय। ने काय माणसेन रीत पर नी चालु? 
\v 4 काहाकी जत्‌यार एक कह्‌वे, “मे पोलुसेन छे,” ने दीसरु कह्‌वे, “मे अपुल्‌लोस छे,” ती काय तुहुं डीलेन माणुस नी हय?
\p
\v 5 अपुल्‌लोस कुण छे? ने पोलुस कुण छे? सीरप चाकरी करन्‌यु छे, जेरे साहरे तुहुं भुरसु कर्‌या, जसा आखा एकेक काजे मालीक आपलु छे। 
\v 6 मे लागाड़्‌यु, अपुल्‌लोस देख-भाळ कर्‌यु, बाकुन भगवान अदाड़्‌यु। 
\v 7 हेरेसी नी ते लागाड़ने वाळु कायबी नी हय ने नी अदाड़ने वाळु, बाकुन भगवान आखो काय छे जु अदाड़ने वाळु छे। 
\v 8 लागाड़ने वाळु ने अदाड़ने वाळा दुयु एकुत छे; बाकुन आखा एक अदमी आपणात मेहनेतेन अनसारे आपणीत दाहड़की\f + \fr 3:8 \fr*\fq दाहड़की \fq*\ft मजदूरी\ft*\f* जड़ली छे। 
\v 9 काहाकी हामु भगवानेन साजल्‌या छे।
\p तुहुं भगवानेन खेत ने भगवानेन घर रवे। 
\v 10 भगवान हीना गीण-दयान अनसारे ज्‌य मेसे आपलो हतलो, मे अकलवाळु ने मीस्‌तरीन सारकु खुदीन नेवु नाखलु छे, बाकुन हीना पाया पर भीतड़ो ते दीसरात बांदे बाकुन आखा एक माणसे हुसीयार रवु की हेरे पर भीतड़ो कसों बांदणु चाहजे। 
\v 11 काहाकी हीना नेहा काजे छुड़ीन जी पड़ली छे, ने चु ईसु मसी छे, कुय दीसरु नेवु नी नाख सकतु।\x + \xo 3:11 \xo*\xt यसाया 28:16 \xt*\x* 
\v 12 कदी कुय हीना नेहा पर सनो नीते चांदी नीते बेसकु महंगु दगड़ु नीते लाकड़ो नीते खड़ नीते सुकलु चारान भीतड़ो बांदे, 
\v 13 ती आखा एक जणान काम उजेंतो हय जासे; काहाकी चु दाहड़ु हीनाक बताड़से, हेरेसी की आकठा साते उजेंतु हवणे ने चो आकठो आखा एक-एक जणान काम पारखसे की कसु छे। 
\v 14 जेरो काम हेरे पर बणीन रवसे, तीनाक ईनाम जड़से। 
\v 15 कदी काहानाक ने काम धपी जासे, ती चु दुख हाकलसे; बाकुन चु आपसुत धपते-धपते बची जासे।
\p
\v 16 काय तुहुं नी जाणता की तुहुं भगवानेन मंदीर छे, ने भगवानेन आत्‌मा तुंद्‌रे मां वसे? 
\v 17 कदी कुय भगवानेन मंदीर काजे खत्‌तम करसे, ती भगवान बी हीनाक खत्‌तम कर देसे; काहाकी भगवानेन मंदीर चुखलु छे, ने चे तुहुं छे।
\p
\v 18 कुय आपसात काजे धुकु नी देय। कदी तुंद्‌रे मां सी कुय हीनी कळी मां आपसा काजे अक्‌कल वाळु समजे, ती डेड़ अकल्‌यु बणे की चु भगवान अगळ अकलवाळु बण जाय। 
\v 19 काहाकी हीनी कळीन अक्‌कल भगवान धड़े डेड़-अकल्‌या छे, जसों चुखला सास्‌तुर मां लिखलो छे, “चु अकलवाळा\f + \fr 3:19 \fr*\fq अकलवाळा \fq*\ft ज्ञानियों\ft*\f* काजे हींद्‌री हुसारी मां फसाड़ देय” \x + \xo 3:19 \xo*\xt अय्‌युब 5:13\xt*\x* 
\v 20 ने अळी, “मालीक अकलवाळान वीच्‌यार काजे जाणे की चे फालतु छे।”\x + \xo 3:20 \xo*\xt भजन सहीता 94:11\xt*\x* 
\v 21 हेरेसी माणसे पर कुय बी मटाय नी करे, काहाकी आखो काय तुंद्‌रोत छे: 
\v 22 काय पोलुस, काय अपुल्‌लोस, काय केफा, काय कळी, काय जीवन, काय मरनु, काय हयन घड़ी, काय आवणे वाळी वात, आखो तुंद्‌रोत छे, 
\v 23 ने तुहुं मसीन छे, ने मसी भगवानेन छे।
\c 4
\s मसीन नेवताळु सेवान काम
\p
\v 1 माणसे हामुक कम सी कम मसीन पावर्‌या ने भगवानेन सातायली वातेन हीसाब-किताप करन्‌यु समजे। 
\v 2 पछेन जां हीसाब-किताप करन्‌या मां ज्‌य वात देखी जाय की चु भुरसा वाळु हवे। 
\v 3 बाकुन मारे देखणे मां जी बेसकी नानली वात छे की तुहुं नीते माणसेन कुय नीयाव करन्‌यु मेसे पारखे, बाकुन मे खुद आपणे आप काजे नी पारखतु। 
\v 4 काहाकी मारो मन मेसे काजे काहाली बी वात मां गुनाळु नी ठेरावे, बाकुन हेरेसी मे नी-गुनाळु\f + \fr 4:4 \fr*\fq नी-गुनाळु \fq*\ft निर्दोष\ft*\f* नी ठेरावतु, काहाकी मेसे पारखणे वाळु मालीक छे।\x + \xo 4:4 \xo*\xt भजन सहीता 19:12 \xt*\x* 
\v 5 हेरेसी जत्‌यार लग मालीक नी आवे, टेम सी पेहल काहाली बी वातेन नीयाव मां करु; हयुत आंदारला मां डुकायली वात\f + \fr 4:5 \fr*\fq डुकायली वात \fq*\ft छिपी बातें\ft*\f* उजाळा मां देखाड़से, ने मनेन इरादा\f + \fr 4:5 \fr*\fq इरादा \fq*\ft उद्देश्यों\ft*\f* काजे उजेंतु करे तत्‌यार भगवान एक-एक काजे तु बेसकु वारु छे करीन कह्‌वे।
\p
\v 6 ए भायसे, मे हीनु वाते मां तुंद्‌रे वाटे आपणी ने अपुल्‌लोस खबर दाखलान रीत पर कर्‌यु, हेरेसी की तुहुं हामरे साहरे गुयो सीकु की लिखला सी अगा घुण हवु, ने एकुन एळु ने दीसरान वीरुद मां खुस घुण हवे। 
\v 7 काहाकी तारे मां ने दीसरा मां कुण संका कर सके? ने तारे धड़े काय छे जु तुसे दीसरा सी नी जड़्‌यो? ने जत्‌यार की तुसे दीसरा सी जड़्‌यो, ती असु मटाय काहा करे की मानु की नी जड़्‌यु? 
\v 8 तुहुं ते आफरी गुया, तुहुं पयस्‌या वाळा हय गुया, तुहुं हामरे पाखुर राज कर्‌या, बाकुन वारु हवतो की तुहुं राज करता की हामु बी तुंद्‌रे साते राज करता। 
\v 9 मारी समज मां भगवान हामु नेवताळा काजे आखान पछे हीनु माणसेन तसा ठेरायु, की तींद्‌री मरनेन हुकुम हय गुयो; हव काहाकी हामु कळीन ने सरग वाळा काहवाळ्‌यान ने माणसे वाटे एक तमासु बण गुया। 
\v 10 हामु मसी वाटे डेड़-अकल्‌या छे, बाकुन तुहुं ईसु मसी मां अकलवाळा छे; हामु लुल्‌ला छे, बाकुन तुहुं ताकत वाळा छे। तुहुं काजे माणसे आव-भाव करे, बाकुन हामु काजे कुय नी आव-भाव करे। 
\v 11 हामु हीनी टेम लग भुकला पीसला ने नांगरला छे, ने मार खाजे ने मार्‌या-मार्‌या फीरजे; 
\v 12 ने आपणात हात सी काम करीन मेहनत करजे। माणसे हामु काजे भुंडात कह्‌वे, हामु बरकत आपजे; ने चे एला-पाड़े, हामु सेण करजे। 
\v 13 चे नाव-बद्‌दी करे, हामु लीलघायजे हामु आज लग कळीन कुहड़ु ने आखी चीजेन खुरचणेन तसा ठेहर्‌या।
\s चेतीन रहु करीन कह्‌वे
\p
\v 14 मे तुहुं काजे सरमाणने वाटे जी वात नी लिखतु, बाकुन आपणु लाटेक्‌लु पुर्‌यु जाणीन तुहुंक चेतीन रहु करीन लिख रयु। 
\v 15 काहाकी कदी मसी मां तुंद्‌रा सीकाड़ने वाळा दस हजार बी हवता, ती बी तुंद्‌रा बास बेसका नी हय; हेरेसी की ईसु मसी मां खुस-खबरेन साहरे मे तुंद्‌रु बास छे। 
\v 16 हेरेसी मे तुंद्‌रे सी लीलघाय्‌न कह्‌वो की तुहुं मारेन तसा चाल चालु। 
\v 17 हेरेसी मे तीमुथीयुस काजे जु मालीक मां मारु लाटेक्‌लु ने भुरसा मां काठु पुर्‌यु छे, तुंद्‌रे धड़े मकल्‌यु। चु तुहुं काजे ईसु मसी मां मारा वेहवारेन बारामां हेर कराड़से, जसों की मे आखी जागा आखी एक मंडळी मां परचार करो।
\p
\v 18 काहानाक ते असा फुगी गुया, की जाणु की मे तुंद्‌रे धड़े आवतु नी। 
\v 19 बाकुन मालीक चाह्‌यु ती मे तुंद्‌रे धड़े छाटु आवीस, ने हीनु फुगलान वात काजे नी, बाकुन हींद्‌री ताकत काजे जाणी लीस। 
\v 20 काहाकी भगवानेन राज वात मां नी बाकुन ताकत मां छे। 
\v 21 तुहुं काय चाहवु? काय मे लाकड़ी लीन तुंद्‌रे धड़े आवो, नीते परम ने नमरेन आत्‌मा साते आवो?
\c 5
\s मंडळी मां छीनाळो
\p
\v 1 जां लग सामळने मां आवे की तुंद्‌रे मां छीनाळो\f + \fr 5:1 \fr*\fq छीनाळो \fq*\ft व्यभिचार\ft*\f* हवे, बाकुन असो छीनाळो की ज्‌य नी-यहुदी मां बी नी हवे की एक माणुस आपणा बासेन बायरी काजे राखे। 
\v 2 ने तुहुं दुख\f + \fr 5:2 \fr*\fq दुख \fq*\ft शोक\ft*\f* ते नी करु, जेरेसी असा काम करने वाळा तुंद्‌रे ईचमां मां सी नीकळी जाय, बाकुन तुहुं मटाय करु। 
\v 3 मे ते डीलेन भाव सी छेटु हतलु, बाकुन आत्‌मान भाव सी तुंद्‌रे साते हयन मानु की जागे हुबु हवणेन टेम मां असा काम करने वाळान बारामां ज्‌य फेसलु आप देदु, 
\v 4 की जत्‌यार तुहुं ने मारी आत्‌मा, हामरा मालीक ईसुन ताकत साते भेळा हवु, ती असा माणसे हामरा मालीक ईसुन नाव सी, 
\v 5 डीलेन नासेन वाटे भुतड़ा काजे आप देय, काहाकी हेरी आत्‌मा मालीक ईसुन दाहड़ा मां छुटकारु\f + \fr 5:5 \fr*\fq छुटकारु \fq*\ft उद्धार\ft*\f* जड़े।
\p
\v 6 तुंद्‌रो मटाय करनु वारु नी हय; काय तुहुं नी जाणु की ईतरोक खाण्‌यु-सुडु आखा गुंदला पीठा काजे आथुड़ कर देय। 
\v 7 जुन्‌डला आथुड़ काजे नीकाळीन आपणे खुद काजे चुखा करु की नवलु गुंदलु पीठु बणी जावु; काहाकी तुहुं आथुड़ वाळा नी हय। काहाकी हामरु बी तीहवार, जु मसी छे, बादान रुप मां चड़ गुयु। 
\v 8 हेरेसी आवु, हामु खुसी मां खुसी मनावजे, नीते जुन्‌डला आथुड़ सी ने नी कुहराय ने भुंड्‌ला आथुड़ सी, बाकुन सय ने छाचाय्‌न आथुड़ पाकुर बन्‌नला रुटा सी।
\p
\v 9 मे मारी चिट्‌ठी मां तुहुंक लिखलु छे की छीनाळ्‌यान संगत घुण करे। 
\v 10 ज्‌य नी की तुहुं सय मां हीनी कळीन छीनाळ्‌यान, नीते लालच्‌यान, नीते आंदारलो करने वाळान, नीते मुरती पुजणे वाळान संगत नी करनु चाहजे; काहाकी हीनी टेम मां ते तुहुं काजे कळी मां सी नीकळीन जाणु पड़तो। 
\v 11 बाकुन मारो कह्‌वणु ज्‌य छे की कदी कुय भायस कह्‌वाय, ने छीनाळ्‌यु, नीते लालच्‌यु, नीते मुरती पुजण्‌यु, नीते गाळी देण्‌यु, नीते दारु पीण्‌यु, नीते आंदारलो करने वाळु, ती तेरी संगत घुण करे; बाकुन असा माणुस साते रुटा बी घुण खाय।
\p
\v 12 काहाकी मेसे बाहार वाळान नीयाव करने सी काय काम? काय तुहुं माहें वाळान नीयाव नी करु? 
\v 13 बाकुन बाहार वाळान नीयाव भगवान करे। हेरेसी हीना पापी काजे आपणे ईचमां सी नीकाळ देवु।
\c 6
\s ईसु पर भुरसु करन्‌या मां मारा मारी
\p
\v 1 काय तुंद्‌रे मां सी काहालाक काजे जी हिम्‌मत छे की जत्‌यार दीसरा साते लड़ाय हय जाय ती नीयाव वाटे नी-भुरसु करने वाळा धड़े जाय, ने चुखला माणसे धड़े नी जाय? 
\v 2 काय तुहुं नी जाणु की चुखला माणसे कळीन नीयाव करसे? हेरेसी जत्‌यार तुहुंक कळीन नीयाव करनु छे, ती काय तुहुं नानला सी नानला बी झगड़ा नी सरे काय? 
\v 3 काय तुहुं नी जाणता की हामु सरग वाळा काहवाळ्‌यान नीयाव करसुन ती ईनी कळी मां हवणे वाळु नानुस झगड़ु भांगता नी आवड़े काय? 
\v 4 कदी तुहुंक कळीन वात काजे नीयाव करसे नीते सारनु हय, ती काय हीनुत काजे बठाड़सु काय जे मंडळी मां काय बी नी समजी जाय? 
\v 5 मे तुहुंक लाजवाड़ने\f + \fr 6:5 \fr*\fq लाजवाड़ने \fq*\ft लज्जित\ft*\f* करीन जी वात कह्‌वो। काय छाचलीन तुंद्‌रे मां एक बी अकलवाळु नी जड़े, जु तुंद्‌रु भायस्‌यान झगड़ु भांगे असु नी हय काय? 
\v 6 तुंद्‌रे मां भायस-भायसेन ईचमां दावु हवे, ने चे बी नी भुरसु करन्‌यान अगळ।
\p
\v 7 बाकुन छाचलीन तुंद्‌रे मां मटुत वाक ते ज्‌य छे की आंबा-सांबा लड़ाय करु। बयमानी काजे काहानी सेण करता? आपणा दुख काजे काहानी सेण करता? 
\v 8 बाकुन तुहुं ते खुद बयमानी ने दुख पुगाड़ु, ने चे बी भायस्‌यो काजे। 
\v 9 भुंड्‌ला माणसे सरग राजेन हकदार्‌या नी रवे, जी वात तुहुंक मालुम नी हय काय? खुद काजे धुकु मां खावु नी। छीनाळ्‌या, नी मुरती पुजण्‌या, नी रंडी ने रंडीक राखण्‌या, नी लुच्‌चा नी अदमी साते गलत काम करन्‌या माणसे, 
\v 10 चुट्‌टा, हीजेरला, दारकुट्‌या, गाळी देण्‌या, धुकु देण्‌या माणसे सरग राजेन हकदार्‌या नी रवे। 
\v 11 ने तुंद्‌रे मां सी कतरा असात हतला, बाकुन तुहुं मालीक ईसु मसीन नाव सी ने आपणा भगवानेन आत्‌मा सी धुवायला छे, ने चुखला हया ने धरमी ठहर्‌या।
\s आपणो डील भगवानेन सेक-सींगार वाटे वाप्‌रु
\p
\v 12 आखी चीजे\f + \fr 6:12 \fr*\fq चीजे \fq*\ft वस्तुएँ\ft*\f* मारे वाटे सय ते छे, बाकुन आखी चीजे फायदान नी हय; आखी चीजे मारे वाटे वारु ते छे, बाकुन मे काहली बी वातेन हक मां नी हवे। 
\v 13 खाणो पेट वाटे छे, ने पेट खाणा वाटे छे, बाकुन भगवान हीनी काजे ने हीना काजे दुयु काजे खत्‌तम\f + \fr 6:13 \fr*\fq खत्‌तम \fq*\ft नाश\ft*\f* करसे। बाकुन डील छीनाळा करने वाटे नी हय, बाकुन मालीक वाटे छे, ने मालीक डील वाटे छे। 
\v 14 भगवान आपणी ताकत सी मालीक काजे मरलाम सी जीवाड़्‌यु, ने हामुक बी जीवाड़्‌यु।
\p
\v 15 काय तुहुं नी समजता की तुंद्‌रु डील मसीन भाग छे? ती काय मे मसीन भाग लीन छीनाळान भाग बणावो? कदी नी। 
\v 16 काय तुहुं नी जानता की जे कुय माणुस छीनाळ्‌या सी संगत करे, चु हेरे साते एक जसु बणी जाय? काहाकी लिखलो छे, “चे दुयु एक डील हय जासे।” 
\v 17 ने जे मालीकेन संगत मां रवे, चु तेरे साते एक आत्‌मा हय जाय।
\p
\v 18 छीनाळा सी बचीन रवु। जतरा आंग्‌ये-आंग्‌ये माणसे पाप करे चे डीलेन सी बाहार करे, बाकुन छीनाळो करने वाळु आपणात डीलेन वीरुद पाप करे। 
\v 19 काय तुहुं नी जाणु की तुंद्‌रु डील चुखली-आत्‌मान मंदीर छे, जु तुंद्‌रे मां बसलु छे ने तुहुंक भगवान भीणी सी जड़लु छे; ने तुहुं आपणा नी हय? 
\v 20 काहाकी कीमत दीन मुल ली लेदला छे, हेरेसी आपणा डीलेन अनसारे भगवानेन सेक-सींगार करु।
\c 7
\s ईयावेन बारामां सवाल
\p
\v 1 हीनु वातेन बारामां ज्‌य तुहुं लिख्‌या, ज्‌य वारु छे, की अदमी बायरी काजे नी धरे\f + \fr 7:1 \fr*\fq धरे \fq*\ft छूए\ft*\f*। 
\v 2 बाकुन छीनाळान धाक सी आखा अदमीन बायरी हवणु चाहजे, ने आखी बायरीन अदमी रवणु चाहजे। 
\v 3 अदमी आपणी बायरीन हक पुरु करे; ने असोत बायरी बी आपणा अदमीन हक पुरु करे। 
\v 4 बायरी काजे आपणा डील पर हक नी बाकुन हेरा अदमीन हक छे; असात अदमी काजे बी आपणा डील पर हक नी, बाकुन बायरीन छे। 
\v 5 तुहुं एक दीसरा सी आंग्‌ये मां रहु; बाकुन सीरप थुड़ीक टेम लग दुय जणान राजी मरजी सी की दुवा वाटे छुट्‌टी जड़े, ने अळतेन एक साते रहु; असो नी हवे की तुहुं खुद नी हवणेन वजे सी भुतड़ु तुहुं काजे पारखे।
\p
\v 6 बाकुन मे गुयो कह्‌वो चो माननेन\f + \fr 7:6 \fr*\fq माननेन \fq*\ft अनुमति\ft*\f* छे नी की हुकुम। 
\v 7 मे ज्‌य चाहो की जसु मे छे, असुत आखा माणसे हवे; बाकुन आखा एक काजे भगवान भीणी सी खासकरीन वाटु जड़ला छे काहालाक काजे काहलाक रीती सी, ने; काहालाक काजे काहालीक रीत सी जड़लो छे।
\p
\v 8 बाकुन मे नी-ईयाव करला ने रांडायलान\f + \fr 7:8 \fr*\fq रांडायलान \fq*\ft विधवाओं\ft*\f* बारामां कह्‌वो की हींद्‌रे वाटे असोत रह्‌वणु वारु छे, जसु मे छे। 
\v 9 बाकुन कदी चे खुद नी कर सके, ती ईयाव करे; काहाकी ईयाव करनु मन मां तरसायणे सी वारु छे।
\p
\v 10 तींद्‌रु ईयाव हय गुयु, हीनुक मे नी, बाकुन मालीक हुकुम आपे की बायरी आपणा अदमी सी छेटी नी रवणु चाहजे; 
\v 11 ने कदी छेटा बी हय जाय, ती अळी दीसरा सी ईयाव घुण करु; नीते आपणा अदमी सी अळी मेळी जावु ने नी अदमी आपणी बायरी काजे छुड़े।
\p
\v 12 दीसरा सी मालीक नी बाकुन मेत कय र्‌यु, कदी काहानाक भायसेन बायरी भुरसु नी राखे ने तेरे साते रह्‌वणे सी खुसी हवे, ती चु हीनीक नी छुड़े। 
\v 13 जीनी बायरीन अदमी भुरसु नी राखे, ने हेरे साते रवणे सी खुसी हवे; ची अदमी काजे नी छुड़नु चाहजे। 
\v 14 काहाकी असु अदमी जु भुरसु नी राखतु हय, चु बायरीन वजे सी चुखलु रवे; ने असी बायरी जी भुरसु नी राखे, अदमीन वजे सी चुखली रवसे; नी ते तुंद्‌रा पुर्‌या-पारी वीटेळ्‌ळा हवता, बाकुन हय चे चुखला छे। 
\v 15 बाकुन जु अदमी भुरसु नी राखे, कदी चु आंग्‌ये हवे ती आंग्‌ये हवणी दे, असी टेम मां कुय भायस नीते बहणीस गुलाम नी हय। भगवान हामुक सांती मां रवणे करीन बुलावलु छे। 
\v 16 काहाकी ए बायरी, तु काय जाणे की तु आपणा अदमीन छुटकारु कराड़ लेसी? ने ए अदमी, तु काय जाणे की तु आपणी बायरीन छुटकारु कराड़ लेसी?
\s भगवानेन बुलावणेन अनसारे चालु
\p
\v 17 जसु मालीक आखा एक जणा काजे आटलु छे, ने जसु भगवान आखा एक काजे बुलावलु छे, असात चे चाले। मे आखी मंडळी मां असुत ठेरावो। 
\v 18 जु चामड़ी काटलु बुलाय गुयलु छे, चु पछु चामड़ी वाळु मां बणे। चु चामड़ी नी काटलु बुलाय गुयलु छे, चु चामड़ी मां काटाड़े। 
\v 19 नी फतरी काटाड़न्‌यु काय छे ने नी फतरी काटाड़न्‌यु काय छे, बाकुन भगवानेन हुकुम काजे मान्‌नु आखो काय छे। 
\v 20 आखा एक जणा जीनी टेमे बुलाय गुयला छे, हेरेन मां रवे। 
\v 21 कदी तु पावर्‌यान टेम मां बुलाय गुयलु छे ती फीकुर मां करे; बाकुन कदी तु गुलामी मां सी छुटी जाय ती असुत काम करे। 
\v 22 काहाकी जु पावर्‌यान घड़ी मां मालीक मां बुलाय गुयलु छे, चु मालीकेन गुलाम मां सी छुड़ावलु छे। असात जु गुलाम मां सी छुड़ावणेन घड़ी मां बुलाय गुयलु छे, चु मसीन पावर्‌यु छे। 
\v 23 तुहुं कीमत दीन मुल ली लेदला छे; माणसेन पावर्‌या मां बणु। 
\v 24 ए भायस्‌यो ने बहणस्‌या, जे कुय जीनी घड़ी मां बुलाय गुयला छे, चु हेरेत मां भगवान साते रवे।
\s ईयाव नी करला ने रांडायला
\p
\v 25 कुवारलीन बारामां मालीकेन कुय हुकुम मेसे नी जड़्‌यु, बाकुन भुरसा मां पाक्‌कु हवणे वाटे जसी दया मालीक मारे पर कर्‌यु, हेरेत अनसारे वात आपो।
\p
\v 26 हेरेसी मारी समज मां ज्‌य वारु छे की आज काल दुखेन वजे सी, माणुस जसु छे असुत रवे। 
\v 27 हेरेसी कदी तारी बायरी छे, ती छेटु हवणेन वीच्‌यार मां करे; ने कदी तारी बायरी नी हय, ती बायरीन हेर मां करे। 
\v 28 बाकुन कदी तु ईयाव बी करे, ती पाप नी हय; ने कदी कुवारली साते ईयाव हय जाय ती कुय पाप नी। बाकुन असला काजे डीलेन दुख हवसे, ने मे बचाड़ने चाहो।
\p
\v 29 ए भायसे, मे ज्‌य कह्‌वो की टेम कम कर देदलो छे, हेरेसी चाहजे की तींद्‌री बायरी रवे, चे असा हवे मानु की हींद्‌री बायरी नी हय; 
\v 30 ने रड़ने वाळा असा हवे, की मानु रड़े नी; ने खुसी करने वाळा असा हवे, की मानु खुसी नी करे; ने मुल लेणे वाळा असा हवे, की मानु हींद्‌रे धड़े काय नी हय। 
\v 31 ने हीनी कळी साते एहवार करने वाळा असो हवे, की कळीन ने ती हय जाय; काहाकी हीनी कळीन रीती ने एहवार बदलता जाय।
\p
\v 32 अळतेन मे ज्‌य चाहो की तुहुंक फीकुर नी हवे। नी ईयाव करलु अदमी मालीकेन वातेन फीकुर मां रवे की मालीक काजे कसु खुस राखे। 
\v 33 बाकुन ईयाव करलु माणुस कळीन वातेन फीकुर मां रवे की आपणी बायरी काजे काहाली रीत सी खुसी करे। 
\v 34 ईयाव करला ने कुवारली मां बी छीट छे; कुवारली मालीकेन फीकुर मां रवे की चु डील ने आत्‌मा दुयु मां चुखला रवे, बाकुन ईयाव करली कळीन फीकुर मां रवे की आपणा अदमी काजे कसी खुस राखे।
\p
\v 35 मे जी वात तुंद्‌रेत फायदान वाटे कह्‌वो, नी की तुहुंक फसाड़ने वाटे, बाकुन हेरेसी की जसु सुभु देय असो कर्‌यो जाय की, तुहुं एक मन हयन मालीकेन सेवा मां लागी रवु।
\p
\v 36 कदी कुय ज्‌य समजे की मे आपणी हेनी कुवारीन हक काजे मारी र्‌यु, ती जेरो जुवानी ढळी रय, ने जरुड़ी बी छे, ती जसों चाहे असात करे, तेरेमां पाप नी हय, चु हेरु ईयाव हवणी देय। 
\v 37 बाकुन जो मन मां नक्‌खी कर लेय, ने हीनाक जरुड़ी नी हय, बाकुन आपणी मरजी पर हक राखो, ने आपणा मन मां जी वात ठाणी ले की चु आपणी कुवारी पुरे काजे ईयाव नी हवणी देय, चु वारु करे। 
\v 38 हेरेसी जु आपणी कुवारीन ईयाव कर देय, चु वारु करे, ने जे ईयाव नी करे, चु अळी बी वारु करे।
\p
\v 39 जत्‌यार लग काहालीक बायरीन अदमी जीवतु रवे, तत्‌यार लग चु हेरेसी बांदायली छे; बाकुन कदी तेरे अदमी मर जाय, ती जेरेसी चाहे ईयाव कर सके बाकुन सीरप मालीक मां। 
\v 40 बाकुन जसी छे कदी असीत रवे, ती मारे वीच्‌यार मां अळी बी बेसकु वारु छे; ने मे समजो की भगवानेन आत्‌मा मारे मां बी छे।
\c 8
\s मुरती पर चड़ावलो परसात
\p
\v 1 हय मुरती अगळ बादा देदली चीजेन बारामां हामु जाणजे की हामु आखा काजे अक्‌कल छे। अक्‌कल मटाय काजे पयदा करे, बाकुन परम सी अगा बड़े। 
\v 2 कदी कुय समजे की मे काय जाणो, ती जसों जाननु चाहजे असो हय लग नी जाणता। 
\v 3 बाकुन कदी कुय भगवान सी परम करे ती भगवान तीनाक उळखे।
\p
\v 4 अळतेन मुरती लग बादा करली चीजेन खाणेन बारामां हामु जाणजे की मुरती कळी मां कुय चीज नी हय, ने एक काजे छुड़ीन ने कुय भगवान नी हय। 
\v 5 तेबी सरगे मां ने कळी मां बेसका भगवान कह्‌वाये जसों की बेसका भगवान ने बेसका मालीक छे। 
\v 6 तेबी हामरे वाटे ते एकुत भगवान छे; मतलब बास जेरे भीणी सी आखी चीजे छे, ने हामु हेरेत वाटे छे। ने एकुत मालीक छे, मतलब ईसु मसी जेरे साहरे आखी चीजे हवी, ने हामु बी हेरेत साहरे छे।\x + \xo 8:6 \xo*\xt युहन्‌ना 1:3\xt*\x*\x + \xo 8:6 \xo*\xt रोमी 11:3\xt*\x*
\p
\v 7 बाकुन आखा काजे गुयु अक्‌कल नी हय, बाकुन ईतराक ते हय लग मुरती काजे काय समजणेन वजे सी मुरतीन अगळ बादा चड़ावली चीज काजे काय समजीन खाय, ने हींद्‌रो मन लुलो हवणेन वजे सी वीटळी\f + \fr 8:7 \fr*\fq वीटळी \fq*\ft अशुद्ध\ft*\f* जाय। 
\v 8 खाणो हामुक भगवान धड़े नी पुगाड़े। कदी हामु नी खाजे ती आपणो काय नुकसाण\f + \fr 8:8 \fr*\fq नुकसाण \fq*\ft हानि\ft*\f* नी हय, ने कदी खाय ती काय फायदु नी।
\p
\v 9 बाकुन हुस्‌यार असो नी हवे की तुंद्‌री जी गुलाम मां सी छुटणेन काय लुला वाटे ठुकरेन वजे हय जाय। 
\v 10 काहाकी कदी कुय तुसे अक्‌कल वाळा काजे मुरतीन मंदीर मां खाणो खात्‌ला देखे ने चु भुरसा मां लुलु माणुस हयती, काय हेरे जीव काजे मुरती अगळ बादा चड़ावली चीज खाणेन हिम्‌मत नी हय जाय? 
\v 11 हीनी रीत सी तारा अकलेन वजे सी चु भुरसा मां लुलु भायस जेरे वाटे मसी मर्‌यु, खत्‌तम हय जासे। 
\v 12 हीनी रीत सी भायस्‌यान वीरुद पाप करने सी ने हींद्‌रे लुलु मन काजे घाव पुगाड़ने सी, तुहुं मसीन वीरुद पाप करु। 
\v 13 हीनी वजे सी कदी खाणो, मारा भायस काजे ठुकर खावाड़े, ती मे कदी बी कसु बी सीकार\f + \fr 8:13 \fr*\fq सीकार \fq*\ft माँस\ft*\f* नी खाम। असो नी हवे की मे आपणा भायस वाटे ठुकरेन वजे बणो।
\c 9
\s नेवताळान हकेन काम
\p
\v 1 काय मे गुलाम\f + \fr 9:1 \fr*\fq गुलाम \fq*\ft स्वतंत्र नहीं\ft*\f* मां सी नी छुट्‌यु काय? काय मे नेवताळु नी हय? काय मे ईसु काजे जु आपणु मालीक छे, नी देख्‌या? काय तुहुं मालीक मां मारा भणावला नी? 
\v 2 कदी मे दीसरा वाटे नेवताळु नी हय, ती बी तुंद्‌रे वाटे ते छे; काहाकी तुहुं मालीक मां मारा नेवताळान कामेन छाप छे।
\p
\v 3 जे मेसे पारखे, हींद्‌रे वाटे ज्‌य मारु जपाप छे। 
\v 4 काय हामुक खाणे-पीणेन हक नी हय काय? 
\v 5 काय हामुक ज्‌य हक नी हय, की काहालीक मसी बहणीस साते ईयाव करीन हीनीक लीन फीरे, जसों दीसरा नेवताळा ने मालीकेन भायस ने केफा करे? 
\v 6 नीते सीरप मेसे ने बरनाबास काजे हक नी हय की कमाय करनु छुड़े? 
\v 7 कुण कदी आपणी कमाय मां सी खाय्‌न सीपायड़ान काम करे? कुण अंगुरेन वाड़ी लागाड़ीन हेरो फळ नी खातु हय? कुण गाडरान\f + \fr 9:7 \fr*\fq गाडरान \fq*\ft भेड़ों\ft*\f* राखवाळी करीन हींद्‌रो दुत नी पीये? 
\v 8 काय मे जी वात माणसेन रीत पर बुलो? 
\v 9 काय मुसान लिखला सास्‌तुर मां बी ज्‌य नी कह्‌वे? काहाकी मुसान साहरे लिखला कायदा मां छे, “दावण गेरनेन टेम मां चालतेला बेलेन मुंहडो घुण बांदे।” काय भगवान बेलेन ने फीकुर करे? 
\v 10 नीते हेरेसी हामरे वाटे कह्‌वे। हव, हामरे वाटे लिखी गुयलो छे, काहाकी सय छे की जुपणे वाळु आस सी जुपे ने दावण गेरनेवाळा साजल्‌या हवणेन आस सी दावणी गेरेन वाळु हवणु चाहजे। 
\v 11 अळतेन जत्‌यार की हामु तुंद्‌रे वाटे आत्‌मा मां भरायला चीजे एर्‌या, ती काय जी मटी वात छे की तुंद्‌री डीलेन चीजेन फसल काटे। 
\v 12 जत्‌यार दीसरान तुंद्‌रे पर ज्‌य हक छे, ती काय हेरेसी अदुस नी हवे? बाकुन हामु ज्‌य हकेन काम मां नी लाया बाकुन आखो काय सेण करजे की हामरे साहरे मसीन खुस-खबर मां थुड़ीक रुकावट नी हवे। 
\v 13 काय तुहुं नी जाणु की जे मंदीर मां चाकरी करे, चे मंदीर मां सी खाय; ने जे वेदीन चाकरी करे, चे वेदी साते साजल्‌या हवे?\x + \xo 9:13 \xo*\xt लेवयवेवस्‌था 6:16,26\xt*\x* 
\v 14 हीनीत रीत सी मालीक बी ठेरायु की जे माणसे खुस-खबर सामळावे, हींद्‌रो जीवणेन सादन खुस-खबर सी हवे।
\p
\v 15 बाकुन मे हींद्‌रेम सी कायबी वात काम मां नी लायु, ने मे जी वात हेरेसी नी लिख्‌यु की मारे वाटे असो करे, काहाकी हेरसी ते मारो मरनुत वारु छे की कुय मारी मटाय काजे फालतु नी ठेरावे। 
\v 16 कदी मे खुस-खबर सामळावो, ती मारे वाटे काय बी मटायन वात नी; काहाकी जो ते मारे वाटे जरुड़ी छे। कदी मे खुस-खबर नी सामळो, ती मारे पर हाय। 
\v 17 काहाकी कदी आपणी मरजी सी ज्‌य करो ती दाहड़की मेसे जड़ती, ने कदी आपणी मरजी सी नी करो ती बी हीसाब-किताप करन्‌यु मेसे सुपी देदला छे। 
\v 18 ती मारी काहली दाहड़की छे? ज्‌य की खुस-खबर सामळाणे मां मे मसीन खुस-खबर\f + \fr 9:18 \fr*\fq खुस-खबर \fq*\ft सुसमाचार\ft*\f* मुफत मां कर दम, जां लग की खुस-खबर मां जु मारु हक छे हीनाक बी मे पुरी रीत सी काम मां नी लावो।
\p
\v 19 काहाकी आखा सी आजाद हवणे पर बी मे आपणे आप काजे आखान गुलाम बणाय देदु की जादास माणसे काजे खेचीन लावो। 
\v 20 मे यहुदीया वाटे यहुदी बण्‌यु की यहुदीया काजे खेचीन लावो जे माणसे मुसान लिखला कायदान हक मां नी रवणे सी बी मुसान लिखला कायदान हक मां बण्‌यु की हीनुक जे मुसान कायदान हक मां छे, खेचीन लावो। 
\v 21 मुसान कायदाक नी जाणे हींद्‌रे वाटे मे जे भगवानेन कायदा सी दुर नी बाकुन मसीन कायदान हक मां छे मुसान साहरे लिखला कायदा नी माने हींद्‌रेन तसु बण्‌यु की मुसान कायदाक नी माने तीनु काजे खेची लावो। 
\v 22 मे लुला वाटे लुलान तसु बण्‌यु की लुला काजे खेची लावो। मे आखा माणसे वाटे आखो काय बण्‌यु काहाला ने काहाली रीत सी काय एकेन छुटकारु कराड़ो।
\p
\v 23 मे ज्‌य आखो काय खुस-खबर वाटे करो की दीसरा साते हेरु साजल्‌यु बणी जाम।
\s मसी मां दवड़नु
\p
\v 24 काय तुहुं नी जाणु की दवड़णे मां ते आखा दवड़े, बाकुन ईनाम एकुत लीन जाय? तुहुं असात दवड़ु ने की जीतु। 
\v 25 एक ताकतवाळु आखो काय खुद करे; चे ते एक खत्‌तम हवणे वाळा मुकुट काजे हात करने वाटे ज्‌य आखो करे बाकुन हामु ते हीना मुकुट करीन करजे जु जलम रवे। 
\v 26 हेरेसी मे हीनी रीत सी दवड़ो, बाकुन रवलो काम करने वाळु नी, मे बी हीनीत रीत सी धुमा सी लड़ायो, बाकुन हेरेन तसु नी जे वाहळा मां ठुक्‌ता जाय्‌न लड़ायो 
\v 27 बाकुन मे आपणा डील काजे धुमाटीन मारा हक मां लावो, असो नी हवे की दीसरा काजे परचार करीन मे खुद काहालीक रीत सी पापी ठेहरो।
\c 10
\s ईस्‌रायेलेन हवला काम सी चेतावणी
\p
\v 1 ए भायसे, मे नी चाहतु की तुहुं हीनी वात सी अनजाण्‌या\f + \fr 10:1 \fr*\fq अनजाण्‌या \fq*\ft अज्ञात\ft*\f* रवु की हामरा आखा डाहा बुड़ा वादळान नेचा हतला, ने आखा की आखा दरीयान ईचमां सी पार हयन गुया;\x + \xo 10:1 \xo*\xt नीरगमन 14:29\xt*\x* 
\v 2 ने आखा वादळा मां ने दरीया मां, मुसान बपतीस्‌मा लेदा। 
\v 3 ने आखा एकुत आत्‌मा मां भरायला खाणो खादा;\x + \xo 10:3 \xo*\xt नीरगमन 16:35\xt*\x* 
\v 4 ने आखा एकुत आत्‌मा मां भरायला पाणी पीदा, काहाकी चे तीना आत्‌मा मां भरायला झीरा सी पाणी पीदला जे तेरे साते चालतेली, ने चु झीरु मसी हतलु।\x + \xo 10:4 \xo*\xt नीरगमन 17:6\xt*\x*\x + \xo 10:4 \xo*\xt गिन्‌ती 20:11\xt*\x* 
\v 5 बाकुन भगवान हींद्‌रे मां सी बेसका माणसे सी खुस नी हयु, हेरेसी बयड़ा मां ढीक हय गुया।\x + \xo 10:5 \xo*\xt ईब्‌रानी 3:17 \xt*\x*
\p
\v 6 जी वात हामरे वाटे एक दाखलु\f + \fr 10:6 \fr*\fq दाखलु \fq*\ft दृष्टान्त\ft*\f* ठेर्‌यु, की जसा चे लालुच कर्‌या, असात आपणु बी भुंडली चीजेन लालुच मां करु; 
\v 7 ने नी तुहुं मुरती पुजण्‌या बणु, जसा की हींद्‌रे मां सी कतरा ते बणी गुया, जसों लिखलो छे, “माणसे खाणे पीणे बठ्‌या, ने खेलने कुदणे उठ्‌या।” 
\v 8 ने नी आपणु छीनाळो करजे, जसा हींद्‌रे मां सी कतरा कर्‌या; ने एकुत दाहड़ाम बीस ने तीन हजार माणसे मर गुया।\x + \xo 10:8 \xo*\xt नीरगमन 25:1\xt*\x*\x + \xo 10:8 \xo*\xt गिन्‌ती 25:9\xt*\x* 
\v 9 ने नी आपणु मालीक काजे पारखे, जसा हींद्‌रे मां सी कतरा, माणसे कर्‌या ने घड़सान साहरे खत्‌तम हय गुया।\x + \xo 10:9 \xo*\xt नीरगमन 21:5,6\xt*\x* 
\v 10 ने नी तुहुं कुड़-कुड़ कर्‌या, जीनी रीत सी हींद्‌रे मां सी कतरा कुड़-कुड़ ने खत्‌तम करने वाळान साहरे खत्‌तम हय गुया।\x + \xo 10:10 \xo*\xt 2 पतरस 2:9\xt*\x*
\p
\v 11 बाकुन जी आखी वात, जी हींद्‌रे पर पड़ी दाखलान रीत पर हतली; ने चे हामरी चेतावणी वाटे जे कळीन आकरी टेम रवे लिखाय गुयली छे।
\p
\v 12 हेरेसी जु समजे, मे टणकु छे, चु चेतीन रवे की काय हीटी नी पड़े। 
\v 13 तुहुं काहाली असी पारख मां नी पड़्‌या, जे माणसेन सेण सी बाहार छे। ने भगवान भुरसा वाळु छे ने चु तुहुं काजे ताकत सी बाहार पारख मां नी पड़नी देय, बाकुन पारखणेन साते नीकास बी करसे की तुहुं सेण कर सकु।
\s मुरती पुजण्‌यान वीरुद मां चेतावणी
\p
\v 14 एरे वजे सी, ए मारा लाटेक्‌ला, मुरतीन पुजा-पाट करने सी बची रवु। 
\v 15 मे अकलवाळा\f + \fr 10:15 \fr*\fq अकलवाळा \fq*\ft बुद्धिमान\ft*\f* जाणीन तुंद्‌रे सी कह्‌वो; जो मे कह्‌वो, हीनाक तुहुं पारखु। 
\v 16 चु तु बेसकु वारुन कटवरु, जेरे पर हामु तु बेसकु वारु छे करीन कवजे; काय मसीन खुनेन साजेदारी नी हय? चु रुटु हामु तीनाक हामु तुड़जे, काय चु मसीन डीलेन साजेदारी\f + \fr 10:16 \fr*\fq साजेदारी \fq*\ft सहभागिता\ft*\f* नी हय? 
\v 17 हेरेसी की एकुत रुटु छे, ती हामु बी जे बेसका छे एकुत डील छे, काहाकी हामु आखा ईनात मां साजल्‌या हवजे।
\p
\v 18 जे डील भाव सी ईस्‌रायेली छे, हीनुक देखु; काय बादा चड़ावला खाणे वाळा वेदीन साजल्‌या नी हय। 
\v 19 अळतेन मे काय कह्‌वो? काय ज्‌य की मुरती पर चड़ाय गुयला बादा काय छे, नीते मुरती काय छे? 
\v 20 नी, बाकुन ज्‌य की नी-यहुदी जे बादा देय; चे भगवान वाटे नी बाकुन भुतड़ान आत्‌मा वाटे बादा देय ने मे नी चाहतु की तु भुतड़ान आत्‌मान साजल्‌या हवे। 
\v 21 तुहुं मालीकेन कटेरु ने भुतड़ान आत्‌मान कटेरा दुयु मां सी नी पी सकु। तुहुं मालीकेन भेसकायन ने भुतड़ान आत्‌मान भेसकायन दुयुन साजल्‌या नी हय सकु। 
\v 22 काय हामुक मालीक काजे रीस देवाड़ु? काय हामु हेरसी जुर वाळा छे?
\s आखो काय भगवानेन सेक-सींगार वाटे छे
\p
\v 23 “आखी चीजे मारे वाटे सय ते छे, बाकुन आखी फायदान नी हय,” आखी चीजे मारे वाटे सय ते छे, बाकुन आखी चीजे सी अगो बड़ाये नी। 
\v 24 कुय बी आपणीत भलाय काजे नी, बाकुन दीसरान भलाय काजे हेर बी करु।
\p
\v 25 ज्‌य काय हाटेम वेचाये, चो खावु ने मनेन वजे सी काय बी मां पुछु ने पारखु? 
\v 26 “काहाकी कळी ने हेरी भरपाय मालीकेन छे।”\x + \xo 10:26 \xo*\xt भजन सहीता 24:1\xt*\x*
\p
\v 27 कदी जे ईसु काजे नी जाणे असला मां सी कुय तुहुं काजे नेवता देय, ने तुहुं जाणे ने पारखणे चाहु, ती ज्‌य काय तुंद्‌रे अगळ मेक देय चोन खावु; ने मन वजेसी कुय मां पुछु। 
\v 28 बाकुन कदी कुय तुंद्‌रे सी कह्‌वे, “ज्‌य ते मुरती काजे बादा करली चीज छे,” ती तीना बताड़ने वाळान वजे सी ने मनेन वजेसी घुण खावु। 
\v 29 मारो मतलब तारु मन नी, बाकुन तीना दीसरान।
\p भलो, मारु छुटकारु दीसरान वीच्‌यार सी काहा पारखी जाय? 
\v 30 कदी मे तु बेसकु वारु छे करीन साजल्‌यु हवो ती जेरे पर मे तु बेसकु वारु छे करीन कह्‌वो, ती हेरे वजे सी मारी वाक नीकाळे? 
\v 31 हेरेसी तुहुं चाहे खावु, चाहे पीयु, चाहे जो काय करु, आखो काय भगवानेन सेक-सींगार वाटे करु। 
\v 32 तुहुं नीते यहुदीया, नीते नी-यहुदी, ने नी भगवानेन मंडळी वाटे ठुकरेन वजे बणु। 
\v 33 जसु मे बी आखी वातो मां आखा काजे खुस राखो, ने आपणा नी बाकुन बेसकान फायदु हेरो की तीनुक छुटकारु जड़से।
\c 11
\p
\v 1 तुहुं मारेन तसा चाल-चालो जसु मे मसीन तसु चाल-चालो।
\s दुवा मां मुणको ढाकणु
\p
\v 2 ए भायसे, मे तुहुंक भुरसु देवाड़ो की आखी वातो मां तुहुं मेसे हेर करो; ने जे जुन्‌डली रीती मां तुहुंक सुपलु छे, हीनुक राखवाळी करु। 
\v 3 बाकुन मे चाहो की तुहुं ज्‌य जाण लेवु की एक अदमीन मुणको मसी छे, ने बायरीन मुणको अदमी छे, ने मसीन मुणको भगवान छे। 
\v 4 जु अदमी मुणको ढाकलु दुवा नीते भगवानेन अघी सी आवणे वाळी वात देखाड़े, चु आपणा मुणकान वाक नीकाळे। 
\v 5 बाकुन जी बायरी उगाल्‌ला मुणकान दुवा नीते भगवानेन अघी सी आवणे वाळी वात देखाड़े ची आपणा मुणकान वाक नीकाळे, काहाकी ची भुमळी हवणे बराबर छे। 
\v 6 कदी बायरी उंडणी नी पांगरे ती कान्‌या बी काटाड़ लेय; कदी बायरी वाटे कान्‌या काटान्‌यु नीते भुमळी करान्‌नु सरमेन वात छे, ती उंडणी पांगरे। 
\v 7 हव, अदमी काजे आपणा मुणका काजे ढाकणु वारु नी हय, काहाकी चु भगवानेन सीकु ने सेक-सींगार छे; बाकुन बायरी अदमीन सेक-सींगार छे। 
\v 8 काहाकी अदमी बायरी सी नी हयु, बाकुन बायरी अदमी सी हयी।\x + \xo 11:8 \xo*\xt उबजाणनी किताप 2:21-23\xt*\x* 
\v 9 ने अदमी बायरी वाटे नी बणाय गुयु, बाकुन बायरी अदमी वाटे बणाय गुयलु छे।\x + \xo 11:9 \xo*\xt उबजाणनी किताप 2:18\xt*\x* 
\v 10 हेरेसी सरग वाळा काहवाळ्‌यान वजे सी बायरी काजे सय छे की हकदार मां आपणा मुणका काजे ढाकणु वारु छे। 
\v 11 ती बी मालीक मां नी ते बायरी पाखुर अदमी, ने नी अदमी पाखुर बायरी छे। 
\v 12 काहाकी जसी बायरी अदमी सी छे, असुत अदमी बायरीन साहरे छे; बाकुन आखी चीजे भगवान सी छे।
\p
\v 13 तुहुं आपसात वीच्‌यार करु, काय बायरी काजे उघाल्‌ले मुणको लीन भगवान सी दुवा करु सुभा देय? 
\v 14 काय सभावेन रीत सी बी तुहुं नी जाणु की कदी अदमी लांबला कान्‌या राखे, ती हेरे वाटे लाजेन वात छे। 
\v 15 बाकुन कदी बायरी लांबला कान्‌या राखे ती हेरे वाटे सुभा देय, काहाकी कान्‌या हीनी काजे उडणी वाटे देदला छे। 
\v 16 बाकुन कदी कुय बी वातेम जखड़ी पड़ने हींडे, ती ज्‌य जाणी लेय की नी हामरी ने नी भगवानेन मंडळी असी रीती छे।
\s मालीकेन खाणान बारामां सीकापण
\r (मत्‌‌ती 26:26-29; मरकुस 14:22-25; लुका 22:14-20)
\p
\v 17 बाकुन ज्‌य हुकुम आपतु जाय्‌न, मे तुहुंक नी भुरसु देवाड़तु, हेरेसी की तुंद्‌रे भेळा हवणे सी भलाय नी, बाकुन नुकसाण हवे। 
\v 18 काहाकी पेहल ती मे ज्‌य सामळो, की जत्‌यार तुहुं मंडळी मां भेळा हवु ती तुंद्‌रे मां झगड़ा हवे, ने मे हेरे पर काय-काय भुरसु बी करो। 
\v 19 काहाकी कुहरायला बी तुंद्‌रे मां जरुड़ हवसे, हेरेसी की जे माणसे तुंद्‌रे मां खरला छे चे देखता हय जाय। 
\v 20 अळतेन तुहुं जे एक जागा मां भेळा हवु, ती ज्‌य मालीकेन खाणो खाणे वाटे नी हय। 
\v 21 काहाकी खाणेन टेम मां एक दीसरा सी पेहल आपणो खाणो खाय लेय, हीनी तरा कुय ते भुकलु रवे ने कुय छाकी जाय। 
\v 22 काय खाणे पीणे वाटे तुंद्‌रो घर नी हय? नीते भगवानेन मंडळी काजे कायनी जाणु, ने तींद्‌रे धड़े नी हय हीनुक सरमाणनु? मे तुंद्‌रे सी काय कह्‌वो? काय हीनी वात मां तुंद्‌री बड़ाय करो? नी मे बड़ाय\f + \fr 11:22 \fr*\fq बड़ाय \fq*\ft प्रशंसा\ft*\f* नी करो।
\p
\v 23 काहाकी जी वात मेसेक मालीक सी जड़ी, ने मे तुहुंक बी बताड़ देदु। की मालीक ईसु तीनीन राते धरायणे वाळु हतलु, तीनीत राते रुटु धर्‌यु। 
\v 24 ने तु बेसकु वारु छे करीन रुटाक तुड़्‌या ने कह्‌यु, “जु मारु डील छे, जु तुंद्‌रे वाटे छे। मारे हेर\f + \fr 11:24 \fr*\fq हेर \fq*\ft स्मरण\ft*\f* करने वाटे चत कर्‌या करु।” 
\v 25 ने अळतेन ईसु हाते मां पीयालु धर्‌यु ने असु कह्‌यु, “जो पीयालो मारा लुहीन नवलु पीयालु छे। ने जत्‌यार बी तुहुं पीयालु पीयु, ती मेसेक हेर करने करीन मारेन तसात कर्‌या करजु।”\x + \xo 11:25 \xo*\xt लुका 22:20\xt*\x*\fig ईसु चेला साते आकरी खाणो खाय|alt="Jesus eating the Passover meal with his disciples" src="lb00320c.tif" size="span" copy="Horace Knowles ©" ref="11:23"\fig*
\p
\v 26 काहाकी जत्‌यार कदी तुहुं ज्‌य रुटु खावु ने हीना कटेरा मां सी पीयु, ती मालीकेन मुत काजे जत्‌यार लग चु नी आवे, तत्‌यार लग परचार करता रवु। 
\v 27 हेरेसी जे कुय गलत रीत सी मालीकेन रुटु खाय नीते हेरा कटवरा मां सी पीये, चु मालीकेन डीलेन ने लुहीन गुना वाळु रवसे। 
\v 28 हेरेसी माणुस आपणे आप काजे पारखी लेय, ने हीनी रीत सी हीना रुटा मां सी खाय ने हीना कटेरा मां सी पीये। 
\v 29 काहाकी जे खाय ने पीये घड़ी मालीकेन डील काजे नी उळखे, चु हीना खाण सी ने पीणे सी आपणे उपर डंड लावे। 
\v 30 हेरे वजे सी तुंद्‌रे मां बेसका माणसे लुला ने मांदा छे, ने थुड़ाक मरी बी गुया। 
\v 31 कदी हामु आपणे आप काजे पारखजे ती डंड नी जड़तो। 
\v 32 बाकुन मालीक हामुक डंड आपीन हामुक झीचकारतु रवसे, हेरेसी की हामु कळी साते गुनाळा नी ठेरजे।
\p
\v 33 हेरेसी, ए मारा भायसे, ने बहणस्‌या जत्‌यार तुहुं खाणे वाटे भेळा हवु ती एक दीसरा वाटे ठेर्‌या करु। 
\v 34 कदी कुय भुकलु हसे ती आपणा घर मां खाय लेय, जेरे सी तुंद्‌रो भेळो हवणे डंडेन वजे नी हवे। रवली वात काजे मे आवीन सय करीस।
\c 12
\s आत्‌मा भरायला भगवानेन वाटु
\p
\v 1 ए भायसे, बहणस्‌या मे नी चाहतु की तुहुं आत्‌मा मां भरायला।
\p भगवानेन वाटान बारामां अनजाण्‌या रवु। 
\v 2 तुहुं जाणु की जत्‌यार तुहुं नी-यहुदी हतला, ती बुबड़ी मुरतीन पछळ जसा कवला असा चालतेला। गलाती 4:8 
\v 3 हेरेसी मे तुहुंक चेतावणी आपो की जे कुय भगवानेन आत्‌मान अगवाय सी बुले, चु नी कह्‌वे की ईसु गरा वाळु छे; ने नी कुय चुखली-आत्‌मान पाखुर कुय कय सके की ईसु मालीक छे।
\p
\v 4 भगवानेन वाटा ते काय तरेन छे, बाकुन आत्‌मा एकुत छे; 
\v 5 ने चाकरी बी काय तरेन छे, बाकुन मालीक एकुत छे; 
\v 6 ताकतवाळा काम\f + \fr 12:6 \fr*\fq ताकतवाळा काम \fq*\ft प्रभावशाली कार्य\ft*\f* ते काय तरेन छे, बाकुन भगवान एकुत छे, जु आखा मां एक एकेन हिम्‌मत पयदा करे। 
\v 7 बाकुन आखान फायदु पुगाड़ने वाटे एक आत्‌मान वीजाळो आप देय। 
\v 8 काहाकी एक काजे आत्‌मान साहरे डीमाकेन वात आप देय, ने दीसरा काजे हीनीत आत्‌मान अनसारे अकलेन वात आप देय। 
\v 9 काहालाक काजे हीनीत आत्‌मा सी भुरसु छे, ने काहालाक काजे हीनीत एक आत्‌मा सी वारु करनेन भगवानेन वाटु आप देय। 
\v 10 पछेन काहानाक काजे ताकत काम करनेन जुरेन, ने काहानाक काजे भगवानेन अघी सी आवणे वाळी वात बताड़े, ने काहानाक काजे आत्‌मान पारख करने, ने काहानाक काजे काय तरेन बुली, ने काहालाक काजे बुलीन मतलब\f + \fr 12:10 \fr*\fq मतलब \fq*\ft अर्थ\ft*\f* बताड़ने ताकत आप्‌यु। 
\v 11 बाकुन जे आखा ताकत वाळा काम चीत एक आत्‌मा कराड़े, ने तीनाक जो चाहजे चो वाटी देय।
\s डील एक भाक तरान
\p
\v 12 काहाकी जीने तरा डील ते एक छे ने हेरा भाक बेसका छे, ने हीना एक डीलेन आखा भाक बेसका रवणे पर आखा मेळीन एकुत डील छे, हीनीत तरा मसी बी एकुत छे। 
\v 13 काहाकी हामु आखा काय यहुदी हवे काय नी-यहुदी, काय पावर्‌यु हवे काय आजाद, एकुत आत्‌मान साहरे एक डील हवणे वाटे बपतीस्‌मा लेदा, ने हामु आखा काजे एकुत आत्‌मा पीवाड़ देदली छे।
\p
\v 14 हेरसी की डील मां एकुत भाक नी बाकुन बेसका भाक छे। 
\v 15 कदी पाय कह्‌वे, “मे हात नी हय, हेरेसी डीलेन नी हय,” ती काय चु हेरे वजे सी डीलेन नी। 
\v 16 ने कदी कान्‌टा कह्‌वे, “मे डुळु नी हय, हेरेसी डील नी हय,” ती काय चु हेनी वजे सी डीलेन नी हय? 
\v 17 कदी आखो डील डुळात रवता ती सामळनु काहा रवतो? कदी आखो डील कान्‌टात रवता, ती सुंगणु काहा रवतो? 
\v 18 बाकुन छाचलीन भगवान भाक काजे आपणी मरजीन अनसारे एक करीन डील मां मेक्‌यु। 
\v 19 कदी चे आखा एकुत भाक रवता, ती डील काहा हवतो? 
\v 20 बाकुन हय भाक ते बेसका छे, बाकुन डील एकुत छे।
\p
\v 21 डुळा हात सी नी कय सके, “मेसे तारी जरुवत नी हय” ने नी मुणको पाय सी कय सके, “मेसे तुंद्‌री जरुवत नी हय।” 
\v 22 बाकुन डीलेन चे भाक जेत दीसरा सी लुला लागे, बेसको जरुवत छे; 
\v 23 ने डील जीनु भाके काजे हामु आव-भाव लायेक नी समजे हीनु काजे हामु जादास आव-भाव देजे; ने हामरे‍ सुभे नी देय असला भाक अळी बी बेसका सुभु देय असा हय जाय, 
\v 24 अळतेन बी आपणो सुभे असा भाके काजे हेरी जरुवत नी बाकुन भगवान डील काजे असु बणाय देदु की तीना भाक काजे आव-भाव मां कमी हतली हीना काजे अळी बी बेसका आव-भाव जड़्‌यो। 
\v 25 काहाकी डील मां बेरजु नी पड़नु, चाहजे बाकुन भाक एक दीसरान बराबर फीकुर\f + \fr 12:25 \fr*\fq फीकुर \fq*\ft चिन्ता\ft*\f* करे। 
\v 26 हेरेसी कदी एक भाक काजे दुख जड़े, ती आखा भाक हेरेसी ते जड़े; ने कदी एक भाकन बड़ाय हवे, ती हेरे साते आखा भाक खुसी मनावे।
\p
\v 27 असात तुहुं आखा मेळीन मसीन डील छे, ने आंग्‌ये-आंग्‌ये हेरा भाक छे; 
\v 28 ने भगवान मंडळी मां आंग्‌ये-आंग्‌ये माणसे ठेरावला छे; पेहलु नेवताळु, दीसरु भगवानेन अघी सी आवणे वाळी वात देखाड़न्‌यु, तीसरु मास्‌तर, अळतेन ताकुतेन काम करने वाळु, अळतेन वारु करने वाळा, ने भलाय करने वाळा, ने देख-भाळ करने वाळा, ने काय तरेन बुली बुलने वाळा। 
\v 29 काय आखा नेवताळा छे? काय आखा भगवानेन अघी सी आवणे वाळी वात देखान्‌या छे? काय आखा परचार करन्‌या छे? काय आखा ताकुतेन काम करने वाळा छे? 
\v 30 काय आखा काजे वारु करनेन भगवानेन वाटु जड़लु छे? काय आखा काय तरान बुली बुले? 
\v 31 काय आखा बुल बदलेन काम करे काय? तुहुं मटा सी मटा भगवानेन वाटु धुन मां रवु, बाकुन मे तुहुंक अळी बी आखा सी वारु वाट देखाड़े।
\c 13
\s परम आखा सी मटु छे
\p
\v 1 कदी मे माणसेन ने सरग वाळा काहवाळ्‌यान बुले बुलो ने परम नी राखो, ती मे ठण-ठणावती पीतळ, ने झणझणो करती झांझ छे। 
\v 2 ने कदी मे भगवानेन अघी सी आवणे वाळी वात देखाड़ सको, ने आखा सातायली वातेन ने आखा तरान अक्‌कल काजे समजो, ने मेसे जां लग पुरु भुरसु हवे की मे बयड़ा काजे छेटु करदम, बाकुन परम नी राखो, ती मे काय बी नी हय। 
\v 3 कदी मे आपणो पुरो धन तींद्‌रे झुणी कायनी हय तीनु काजे खावड़ दम, नीते आपणो डील धपाड़ने वाटे आप दम, ने परम नी राखो, ती मेसे काय बी फायदु नी हय।
\p
\v 4 परम दमधरे, ने कीर्‌पाळु छे; परम डाहवाय नी करे; परम आपणी बड़ाय नी करे, ने मटकाळु नी हय, 
\v 5 चु गलत रीत सी नी चाले, चु आपणी भलाय नी चाहावे, झुंझलावे नी, बुरो नी माने। 
\v 6 पाप सी खुसी नी हवे, बाकुन छाचाय सी खुसी हवे। 
\v 7 चु आखी वात सेण कर लेय, आखी वातेन भुरसु करे, आखी वातेन आस राखे, आखी वात मां दमधरे।
\p
\v 8 परम कदी टळे नी; भगवानेन अघी सी आवणे वाळी वात हवसे, ती खत्‌तम हय जासे; बुली हसे, ती जाती रवसे; अक्‌कल हसे, ची सर जासे 
\v 9 काहाकी हामरु अक्‌कल आधीत छे, ने हामरी भगवानेन अघी सी आवणे वाळी वात आधी छे; 
\v 10 बाकुन जत्‌यार माहान चुखलु आवसे, ती अदेरु सर जासे।
\p
\v 11 जत्‌यार मे पुर्‌यु हतलु, ती मे पुर्‌यान तसु बुलतेलु, ने पुर्‌यान तसु वीच्‌यार हतलो, पुर्‌यान तसों मन हतलो, पुर्‌यान तसी समज हतली; बाकुन जत्‌यार मटु हय गुयु ती पुर्‌यान तसी वात छुड़ देदु। 
\v 12 हय हामुक आरस्‌या मां धुंदळान तसों देखाये, बाकुन हेनी टेमे आंबा-सांबा देखसुन; हीनी टेमे मारु अक्‌कल अदेरु छे, बाकुन हीनी टेमे असु पुरी रीत सी उळखीस, जसु मे उळखाय गुयलु छे।
\p
\v 13 बाकुन हय भुरसु, आस, परम जे तीनु जलमेन छे, बाकुन हींद्‌रे मां आखा सी मटु परम छे।
\c 14
\s भगवानेन अघी सी आवणे वाळी वात देखाड़न्‌यु ने दीसरी बुली
\p
\v 1 परमेन हेर करु, ने आत्‌मा मां भरायलान वाटान झींग मां रवु, खास करीन ज्‌य की भगवानेन अघी सी आवणे वाळी वात देखाड़न्‌यु देखाड़ु। 
\v 2 काहाकी जे दीसरी बुली मां वात करे चु माणसे सी नी बाकुन भगवान सी वात करे; हेरेसी की हेरी वात कुय नी समजे, काहाकी चु सातायली वात आत्‌मा मां हयन बुले। 
\v 3 बाकुन जे भगवानेन अघी सी आवणे वाळी वात देखाड़े, चु माणसे सी अदु हवणे ने परचार ने सांतीन वात कह्‌वे। 
\v 4 जु दीसरी बुली मां वात करे, चु आपणोत अदुस बरकत हात करे; बाकुन जु भगवानेन अघी सी आवणे वाळी वात कह्‌वे, चु मंडळीन भलो करसे।
\p
\v 5 मे चाहो की तुहुं आखाक दीसरी बुली मां वात करो; बाकुन हेरे सी अदुस ज चाहो की भगवानेन अघी सी आवणे वाळी वात कहं, काहाकी कदी दीसरी बुली बुलने वाळी मंडळी अदुस हवणे वाटे बुली बदली नी करे, ती भगवानेन आवणे वाळी वात कह्‌णे वाळाक तेरे सी बड़ीन छे। 
\v 6 हेरेसी ए भायस्‌यो, कदी मे तुंद्‌रे धड़े आवीन दीसरी बुली मां वात करो, ने वीजाळो नेते अक्‌कल नेते भगवानेन आवणे वाळी वात नीते परचारेन वात तींद्‌रे सी नी कहं, ती मार सी तुहुंक काय फायदु हवसे? 
\v 7 तसोत कदी तेरे मां जीव नी तीनी चीज बी तींद्‌री आवाज नीकळे, जसा पावळी\f + \fr 14:7 \fr*\fq पावळी \fq*\ft बाँसुरी\ft*\f* नीते फेप्‌या, कदी हींद्‌रे रेंग मां नी समजाये ती जे फुके नीते आजाड़्‌या, चु कसों उळखाय जासे? 
\v 8 ने कदी फेप्‌यान आवाज चुखी नी नीकळे, ती कुण लड़ाय वाटे तीयार हवसे? 
\v 9 असात तुहुं बी कदी जीप सी चुखी-चुखी वात नी कहुं, ती जे काय कहें चो कसों समजायसे? तुहुं ते हवा सी वात करने वाळा ठेरावसे। 
\v 10 कळी मां कतरी बी तरान बुली काहानी हवे, बाकुन हींद्‌रे मां सी कुय बी बीना मतलबेन नी हवे। 
\v 11 हेरेसी कदी मे काहालीक बुलीन मतलब नी समजे, ती बुलेन वाळान नींगा मां दीसरा देसेन रवसे ने बुलेन वाळा मारी नींगा मां दीसरा देसेन ठेरसे। 
\v 12 हेरेसी तुहुं बी जत्‌यार आत्‌मा मां भरायला भगवानेन वाटुेन धुन मां छे ती असा कुसीस करु की तुंद्‌रे भगवानेन वाटुेन अदु हवणे सी मंडळी अदु हवे।\fig भात-भातीन वाजा|alt="musical instruments" src="hk00188c.tif" size="col" copy="Horace Knowles ©" ref="14:7"\fig*
\p
\v 13 हेरे वजे सी जे दीसरी बुली बुले, चु दुवा करे की हेरा बुली बदलनेन वाटु बी जड़णु चाहजे। 
\v 14 हेरेसी कदी मे दीसरी बुली मां दुवा करो, ती मारी आत्‌मा दुवा करे बाकुन मारु डीमाक काम नी देय। 
\v 15 अळतेन काय करनु चाहजे? मे आत्‌मा सी बी दुवा करो, ने डीमाक सी बी दुवा करो; मे आत्‌मा सी बी गावीस, ने डीमाक सी बी गावीस। 
\v 16 नी ते कदी तु आत्‌मा सी तु बेसकु वारु छे करीन कह्‌वीस, ती अळतेन डेड़-अकल्‌या \f + \fr 14:16 \fr*\fq डेड़-अकल्‌या \fq*\ft अज्ञानी\ft*\f*तुसे तु बेसकु वारु छे कवसी ती असोत हवतो रवे करीन कसु कवसे? काहाकी चु तेबी जाणे की तु काय कह्‌वे? 
\v 17 तु ते वारु रीती सी तु बेसकु वारु छे करीन कह्‌वे, बाकुन दीसरु अगु नी अदे।
\p
\v 18 मे आपणा भगवान काजे तु बेसकु वारु छे करीन कह्‌वे, की मे तुहुं आखा सी जादास दीसरी बुली मां बुलो। 
\v 19 बाकुन मंडळी मां दीसरी बुली मां दस हजार वात कह्‌वणे सी ज्‌य मेसे अळी बी वारु मालुम पड़े, की दीसरा काजे सीकाड़न्‌ने वाटे डीमाक सी पांच वात कह्‌वे।
\p
\v 20 ए भायसे, तुहुं समज मां पुर्‌या मां बणु; कुहराय मां ते पुर्‌या रवु, बाकुन समज मां हुस्‌यार बणु। 
\v 21 चुखला सास्‌तुर मां असो लिखलो छे,
\q1 की मालीक कह्‌वे,
\q2 “मे कुय नी जाणे असली बुली बुलने वाळान साहरे,
\q1 ने दीसरान मुंहडान साहरे,
\q2 ईनु माणसे सी वात करीस ती बी चे मारी नी सामळे।”\x + \xo 14:21 \xo*\xt यसाया 28:11,12 \xt*\x*
\p
\v 22 हेरेसी दीसरी बुली ईसु पर भुरसु करन्‌या वाटे नी, बाकुन नी भुरसु करन्‌या वाटे सहलाणी छे; ने भगवानेन अघी सी आवणे वाळी वात ईसु पर नी भुरसु करन्‌या वाटे नी, बाकुन ईसु पर भुरसु करन्‌यान सहलाणी छे।
\p
\v 23 अळतेन कदी मंडळी एक जागा भेळी हवे, ने आखान आखा दीसरी बुली बुले, ने छेटे वाळा नीते ईसु पर नी भुरसु करन्‌या माणसे माहें जाय ती काय चे तुहुं काजे गांडा करीन नी कह्‌वे? 
\v 24 बाकुन कदी आखा भगवानेन अघी सी आवणे वाळी वात देखाड़न्‌यु कह्‌वणे लागे, ने कुय ईसु पर नी भुरसु करे नीते छेटे वाळा माणसे माहें आय जाय, ती आखा हीनाक आखा गुनाळु ठेराय देसे ने पारखी लेसे; 
\v 25 ने हींद्‌रे मनेन सातायली वात देखाय जासे ने तत्‌यार चु मुंहडान भुरसे पड़ीन भगवान काजे आंधसे ने मान लेसे की छाचलीन भगवान तुंद्‌रे ईचमां छे।
\s उपास करे चां नेमेन अनसारे चाले
\p
\v 26 हेरेसी ए भायसे, काय करनु चाहजे। जत्‌यार तुहुं भेळा हवु, एक जणान मन मां गावता नीते परचार नीते दीसरी बुली नीते उजाळो नीते दीसरी बुलीन मतलब बताड़नु रवे। आखा काय आत्‌माम अदुस भरायला हवणु चाहजे। 
\v 27 कदी दीसरी बुली मां वात करनु हय ती दुय नीते बेसका हवे ती तीन जणा वारी-वारी सी बुले, ने एक माणुस बुली बदल्‌या करे। 
\v 28 बाकुन कदी बुली बदली करने वाळु नी हवे, ती दीसरी बुली बुलने वाळा मंडळी मां हुगा रवे, ने आपणा मन सी ने भगवान सी वाते करे। 
\v 29 भगवानेन अघी सी आवणे वाळी वात देखान्‌या मां सी दुय नीते तीन जणा बुले, ने बचला माणसे तींद्‌रा बुल काजे पारखे। 
\v 30 बाकुन कदी बसला दीसरा मायन काहनाक पर जु बठलु छे, काय भगवानेन उपर सी आपला वीजाळो हवे ती पेहलु हुगु रय जाय। 
\v 31 काहाकी तुहुं आखा एक-एक करीन भगवानेन अघी सी आवणे वाळी वात देखाड़न्‌यु देखाड़ सको, काहाकी आखा सीके ने आखाक सांती जड़े। 
\v 32 ने भगवानेन अघी सी आवणे वाळी वात देखान्‌यान आत्‌मा भगवानेन अघी सी आवणे वाळी वात देखान्‌यान हक मां छे। 
\v 33 काहाकी भगवान खडळ-वडळ करन्‌यु नी हय,
\p बाकुन भगवान सांतीन भगवान छे जसों चुखला माणसेन आखी मंडळी मां छे। 
\v 34 बायरा काजे मंडळी मां हुगा रहणु चाहजे, काहाकी हीनुक वात करनेन हुकुम नी हय, बाकुन हक मां रवणेन हुकुम छे, जसों मुसान कायदा मां लिखलो बी छे। 
\v 35 कदी चे काय सीकणे चाहाये, ती घर मां आपणा-आपणा अदमी सी पुछे, काहाकी बायरी काजे मंडळी मां वात करनु लाजुणेन वात छे।
\p
\v 36 काय भगवानेन बुल तुंद्‌रे मां सी नीकळ्‌यो काय? नीते सीरप तुंद्‌रेत लग पुगलो छे? 
\v 37 कदी कुय माणुस आपणे आप काजे भगवानेन अघी सी आवणे वाळी वात देखाड़न्‌यु नीते आत्‌मा भरायला जणु समजे, ती जाण लेय की जी वात मे तुहुंक लिखो, चो मालीकेन हुकुम छे। 
\v 38 बाकुन कदी कुय जी वात नी माने, ती हीनाक बी नी माने।
\p
\v 39 अळतेन ए भायसे, भगवानेन अघी सी आवणे वाळी वात देखान्‌यान धुन मां रवु ने दीसरी बुली सी नी करीन मां कह्‌वु; 
\v 40 बाकुन जो आखो काम वारु ने सय सी करनु चाहजे।
\c 15
\s ईसु मसी मर्‌या-सर्‌याम सी पछु जीवतु हवे
\p
\v 1 ए भायसे ने भणस्‌या, हय मे तुहुंक पेहलुत खुस-खबर बताड़ो जे पेहल सी सामळी लेदला छे, तीनाक तुहुं हुकारी बी लेदला ने जेरे मां तुहुं काठा\f + \fr 15:1 \fr*\fq काठा \fq*\ft स्थिर\ft*\f* बी छे। 
\v 2 हेरेत साहरे तुंद्‌रु छुटकारु बी हयु, कदी हीना खुस-खबर काजे जु मे सामळलु हेर राखु, नीते तुंद्‌रु भुरसु करनु फालतु हवसे।
\p
\v 3 हेरे वजे सी मे आखा सी पेहल तुहुंक चीत वात पुगाड़ देदु, जी मेसेक मालुम हतली की चुखला सास्‌तुरेन बुलेन अनसारे ईसु मसी आपणे पापे वाटे मर गुयु। 
\v 4 ने गाड़ाय गुयु, ने चुखला सास्‌तुरेन\f + \fr 15:4 \fr*\fq चुखला सास्‌तुरेन \fq*\ft पवित्रशास्त्र \ft*\f* अनसारे तीन दाहड़ाम मरलाम सी जीवतु बी हय गुयु,\x + \xo 15:4 \xo*\xt होसे 6:2 \xt*\x* 
\v 5 ने केफा काजे तत्‌यार बारे काजे देखाव पड़्‌यु। 
\v 6 अळतेन चु पांच सोव सी अदुस भायसे काजे भेळा हतला देखाव पड़्‌यु, तींद्‌रे मां सी बेसका हय लग जीवतेला छे, बाकुन थुड़ाक सुय गुया। 
\v 7 अळतेन चु याकुप काजे देखाव पड़्‌यु तत्‌यार आखा नेवताळा काजे देखाव पड़्‌यु।
\p
\v 8 आखान पछे मेसे काजे बी देखाव पड़्‌यु, जे मानु अधेरला दाहड़ान पयदा हवलु। 
\v 9 काहाकी मे नेवताळा मां सी आखा सी नानलु छे, बाकुन नेवताळा कह्‌वायणेन लायक\f + \fr 15:9 \fr*\fq लायक \fq*\ft योग्य\ft*\f* बी नी हय, काहाकी मे भगवानेन मंडळी काजे बेसकु ठुक्‌यु मार्‌यु। 
\v 10 बाकुन मे जो काय बी छे, भगवानेन गीण-दया सी छे हेरु गीण-दया मार पर हयु चु फालतु नी जाय; बाकुन मे हीनु आखा सी बड़ीन मेहनत बी कर्‌यु, ती बी गुयो मारे भीणी सी नी हयो बाकुन भगवानेन गीण-दया सी गुयो मार पर हतलो। 
\v 11 हेरेसी चाहे मे छे, चाहे चे रवे हामु गुयो परचार करजे ने हेरे पर तुहुं भुरसु बी कर्‌या।
\s आपणु मर्‌या-सर्‌याम सी पछा जीवता हया
\p
\v 12 हेरेसी जत्‌यार की मसीन ज्‌य परचार करे की ईसु मरलाम सी जीवतु हय गुयु, ती तुंद्‌रे मायन बेसका माणसे काहा कहें, की मरलाम सी पछा जीवता हवे नी? 
\v 13 कदी मरलाम सी जीवता\f + \fr 15:13 \fr*\fq मरलाम सी जीवता \fq*\ft पुनरुत्थान \ft*\f* नी हवे, ती मसी बी नी जीवतु हय सके; 
\v 14 ने कदी मसी मरलाम सी जीवतु नी हयु, ती हामरो परचार करनु बी फालतु छे, ने तुंद्‌रो ईसु पर भुरसु करनु बी फालतु छे। 
\v 15 बाकुन हामु भगवानेन बारामां लुच्‌चाय मेकण्‌या ठेर्‌या काहाकी हामु भगवानेन बारामां जी गवाय देदला; की हीयु मसी काजे जीवाड़ देदलु, अळतेन नी जीवतु हवतु कदी मरलाम सी जीवतु नी हवतु। 
\v 16 ने कदी मरलाम सी जीवता नी हवता, ती मसी बी नी जीवतु हवतु; 
\v 17 ने कदी मसी मरलाम सी जीवतु नी हवतु, ती तुंद्‌रो भुरसु करनु फालतु छे, ने तुहुं हय लग आपणा पाप मां भरायला छे। 
\v 18 बाकुन जे ईसु मसी मां सुय गुया, चे बी खत्‌तम हय गुया। 
\v 19 कदी हामु सीरप ईना जीवन मां ईसु मसी मां सी आस राखजे ती हामु आखा माणसे सी जादास दुख झेल्‌जे।
\p
\v 20 बाकुन छाचलीन मसी मरलाम सी जीवतु हय गुयु ने जे सुय गुया तींद्‌रे मां चु पेहलुत फळ हयु 
\v 21 काहाकी जत्‌यार माणसेण साहरे मरनु आयो, ती माणसेन साहरे मरलाम सी पछा जीवता हया 
\v 22 ने जसों आदम मां आखा मरे, ती असात मसी मां बी आखा जीवता हय गुया, 
\v 23 बाकुन एकेक जणु आपणी-आपणी वारी मां सी, पेहलु फळ मसी, पछेन मसीन आवणे पर हेरा माणसे जीवाड़ी जासे। 
\v 24 हेरे पछेन खत्‌तम हवसे। हीने टेमे चु आखी हकदारी, ने आखा हक, ताकत खत्‌तम करीन राज काजे भगवान बासेन हातेम सुप देसे।\x + \xo 15:24 \xo*\xt दानीयल 2:44\xt*\x* 
\v 25 काहाकी जत्‌यार लग चु आपणा दुस्‌मन काजे आपणा पाय तळे नी लावे, तत्‌यार लग हेरो राज करनु जरुड़ी छे।\x + \xo 15:25 \xo*\xt भजन सहीता 110:1\xt*\x* 
\v 26 आखा सी आकरीम दुस्‌मन चु खत्‌तम कर देसे, च मरलु छे। 
\v 27 काहाकी “भगवान हेरे पाय तळे कर लेदु” बाकुन जत्‌यार चु कवे की आखो काय हेरे हक मां कर लेदलो छे उजेंतो छे, ज आखो काय हेरा हक मां कर देदु, आपसुत आन्‌गे रयु।\x + \xo 15:27 \xo*\xt भजन सहीता 8:6\xt*\x* 
\v 28 ने जत्‌यार आखो काय हेरा हक मां हय जासे ती आपसु बी हेरा हक मां हय जासे ज आखो काय हेरा हक मां कर देदु काहाकी आखा मां भगवानुत आखो काय छे।
\p
\v 29 नीते जे माणसे मरला वाटे बपतीस्‌मा लेय चे काय करसे? कदी मरलाम सी जीवता नी हय ती पछेन काहा हींद्‌रे वाटे बपतीस्‌मा लेदु? 
\v 30 ने हामु बी काहा आखी टेमे तकलीप मां पड़ता रवजे? 
\v 31 ए भायसे ने भणस्‌या, मेसे हीनी मटायन सगुन तसों जे हामरा ईसु मसी मां ने मालीक मे तुंद्‌रे बारामां कव की मे दाहड़ीन मरो। 
\v 32 कदी मे माणसेन रीत पर ईफीसुस मां झाड़का ढुरे सी लड़ाय करतु ती मेसेक काय फायदु हवतु? कदी मरलाम सी जीवता नी हवता, “ती आवु, खाजे ने पीजे काहाकी काल ते मरी जासुन।”\x + \xo 15:32 \xo*\xt यसाया 22:13 \xt*\x*
\p
\v 33 धुकु मां खावु, “भुंडीत संगात वारलु चाल-चलन काजे बीगाड़ देय।” 
\v 34 धरम वाटे जागी जावु ने पाप मां करु; काहाकी काय माणसे असात छे जे भगवान काजे नी जाणे। मे तुहुं काजे सरमाड़ने करीन ज कव।
\s पछु जीवतु हवणे डील
\p
\v 35 हय कुय ज कवसे, “मरलाम सी जीवता काहनी रीत सी हय जाय, ने काहला डील साते आवे?” 
\v 36 ए डेड़-अकल्‌या ज काय तु एरे, जत्‌यार लग च नी मरे जीवतो नी हवे 
\v 37 ने ज तु एरे, च डील नी हय ज पयदा हवणे वाळु छे, बाकुन सीरप वारलु दाणा छे, चाहे गहुंन रवे चाहे काहलाक अळी अनाजेन हवे 
\v 38 बाकुन भगवान आपणी मरजीन अनसारे हीनाक डील आपे, ने एकेक बीज काजे खास करीन डील आपे।
\p
\v 39 आखो डील एक तसों नी हय; माणसेन डील आन्‌गे छे, ने ढुरेन डील आन्‌गे छे; ने चिरलान डील आन्‌गे छे; ने माछान डील आन्‌गे छे।
\p
\v 40 सरगेन डील छे ने कळी सी पयदा हवणु वाळु डील बी छे। बाकुन सरगेन डीलेन सेक-सींगार आन्‌गे छे, ने कळी मां वाळु आन्‌गे छे। 
\v 41 दाहड़ान उजाळो आन्‌गे छे, चांदेन उजाळो आन्‌गे छे, तारान उजाळो आन्‌गे छे, काहाकी एक तारा सी दीसरा तारा मां वीजाळो फरक छे।
\p
\v 42 मरलाम सी जीवतो हवणेन बी असोत छे। डील खत्‌तम हवणेन रीत मां एराय जाय ने कदी खत्‌तम नी हवणे वाळा सीका मां जीवतो हय जाय। 
\v 43 चु आव-भाव नी हवे ने एराय जाय, ने तेरे साते जीवतु हय जाय; लुला साते एराय जाय, ताकत वाळा साते मरलाम सी जीवता हय जाय 
\v 44 माणसेन जीवणु मरनु धड़ काजे धरती मां एराय जाय, ने आत्‌मा मां भरायला डील मरलाम सी जीवतो हय जाय; असो की धरती पर वाळा डील छे ती आत्‌मा मां भरायला डील बी छे। 
\v 45 असोत लिखलो बी छे, की “पेहलो माणुस, मतलब आदम जीवतेलु जीव बण्‌यु” आकरी आदम, जीवेक आपण्‌यु आत्‌मा बण्‌यु। 
\v 46 बाकुन पेहेल आत्‌मा मां भरायला नी हतलु, बाकुन धरती पर वाळा डीलेन सीकु हतलु, हेरे पछेन आत्‌मा मां भरायला हया 
\v 47 पेहलो माणुस कळी सी मतलब धुळान हतलो; दीसरो माणुस सरगेन छे।\x + \xo 15:47 \xo*\xt युहन्‌ना 3:31\xt*\x* 
\v 48 जसु चु धुळान हतलु, असात चे बी छे, जे धुळान छे; ने जसु चु सरगेन छे, असात चे बी छे जे सरगेन छे। 
\v 49 ने जसा हामु हेरे सीका काजे बदल्‌या जो धुळान हतलो असात हीना सरगेन सीका काजे बी बदलसुन।\x + \xo 15:49 \xo*\xt 1 युहन्‌ना 3:2\xt*\x*
\p
\v 50 ए भायसे ने भणस्‌या, मे गुयो कह्‌वो की सीकार ने लुही भगवानेन राजेन हकदारी नी हय सके, ने नीते धरती पर वाळा सरन्‌या डील, हकदार्‌यु हय सके। 
\v 51 सामळु, मे तुंद्‌रे सी सातायली वात कय सके, हामु आखा नी मरजे, बाकुन आखा बदली जासुन, 
\v 52 ने जे पापण्‌या पटकारता वार मां, आकरी फेप्‌यो फुक्‌से ती हवसे। काहाकी फेप्‌यो फुक्‌से ने मरलाम सी जीवता जलमेन तसा उठाय जासे, ने हामु बदली जासुन। 
\v 53 काहाकी जरुड़ी छे की ज्‌य खत्‌तमेन हवणेन डील कदी नी खत्‌तम हवणेन काजे पेहरी लेसे, ने ज्‌य मरलो डील जलमेन डील काजे पेहरी लेसे। 
\v 54 ने जत्‌यार ज्‌य खत्‌तम हवणेन कदी नी खत्‌तम हवणेन काजे पेहरी लेसे, ने ज्‌य मरलो जलम काजे पेहरी लेय, ने तत्‌यार चो बुल जो लिखलो छे पुरो हय जासे: “ज्‌य ने मरण काजे गीळ गुयो।”\x + \xo 15:54 \xo*\xt यसाया 25:8\xt*\x*
\q1
\v 55 “ए मरनु, तारी ज्‌य काहा रय?
\q1 ए मरनु, तारु टच काहा रयु?”\x + \xo 15:55 \xo*\xt यसाया 13:14 \xt*\x*
\p
\v 56 मरनेन घाव पाप छे, ने पापेन ताकत कायदु छे। 
\v 57 बाकुन भगवान काजे तु बेसकु वारु छे करीन कह्‌वो जो हामरे मालीक ईसु मसीन साहरे हामुक जीत जड़े।
\p
\v 58 हेरेसी ए मारा लाटेक्‌ला भायसे, काठा ने टणका रवु, ने मालीकेन काम मां जलम बड़ता जावु, काहाकी ज्‌य जाणु की तुंद्‌री महनोत मालीक मां फालतु नी हय।\x + \xo 15:58 \xo*\xt गलाती 6:9\xt*\x*
\c 16
\s ईसु पर भुरसु करन्‌या वाटे दान
\p
\v 1 हय हीना चंदान बारामां जे चुखला माणसे वाटे करलो छे, जसु हुकुम मे गलातीयान मंडळी काजे आपलु, असात तुहुं बी आपो 
\v 2 हाप्‌तान पेहले दाहड़े तुंद्‌रे मां सी एक-एक जणा आपणी धके तेरे अनसारे थुड़ाक आपणे धड़े मेकी रवजु की मारे आवणे पर चंदु नी करनु पड़े। 
\v 3 ने जत्‌यार मे आवीस, ती तीनाक तुहुं चाहु हीनुक मे चिट्‌ठी आपीन मकली दीस की तुंद्‌रो दान यरुसलेम मां पुगाड़ देसे। 
\v 4 कदी मारो बी जाणु जरुड़ी हयो ती चे मारे साते जासे।
\s पोलुसेन जाणेन बसोक
\p
\v 5 मे मकीदुनीया हयन तुंद्‌रे धड़े आवीस, काहाकी मेसे मकीदुनीया हयन जाणुत छे। 
\v 6 बाकुन अनुमान छे की तुंद्‌रेन चांहान रय जाय ने सरदीन रीतु तुंद्‌रेन चांहान नीकळो, तत्‌यार जीनु भीणी मारो जाणु हेरसी हेरे भीणी तुहुं मेसे पुगाड़ देजु। 
\v 7 काहाकी मे हय वाट मां तुंद्‌रे सी मेळने नी चाहतु; बाकुन मेसे आस छे की कळी मालीक चाहे ती थुड़ीक टेमी लग तुंद्‌रे साते रवीस।
\p
\v 8 बाकुन मे पेन्‌तेकुस्‌तेन लग ईफीसुस मां रवीस, 
\v 9 काहाकी मारे वाटे चां एक मटु ने काम मां आवणे वाळो बारनो उघल्‌लो छे ने वीरुदी बेसका छे।
\p
\v 10 कदी तीमुथीयुस आय जाय, ती देखजु की चु तुंद्‌रेन्‌चां चु नी बीहे रवसे; काहाकी चु मारेन तसु मालीकेन काम करे। 
\v 11 हेरेसी कुय हीनाक गलत घुण जाणु, बाकुन हीनाक सांती सी ईनी धड़े पुगाड़ देजु, की मारे धड़े आय जाय काहाकी मे हेरी वाट देख र्‌यु की चु भायसे साते आवे।
\p
\v 12 भायस अपुल्‌लोस सी मे बेसकु लीलघायु ने कह्‌यु की तुंद्‌रे धड़े भायसे साते जाय; बाकुन हीयु हीनी टेमे जाणेन काय बी मरजी नी कर्‌यु, बाकुन जत्‌यार मुखु जड़से तत्‌यार आय जासे।
\s आकरी आदेस ने आवीस ने आवजु कवणु
\p
\v 13 जागता रवु, भुरसु मां काठा रवु, हिम्‌मत राख्‌जु, ताकत वाळा\f + \fr 16:13 \fr*\fq ताकत वाळा \fq*\ft बलवन्त\ft*\f* बणु। 
\v 14 जो काय करु चो परम सी करु।\x + \xo 16:14 \xo*\xt ईफीसी 6:10\xt*\x*
\p
\v 15 ए भायसे, तुहुं स्‌तीफनासेन घराणा काजे जाणु की चे अखायान पेहलो फळ छे, ने चुखला माणसेन चाकरी वाटे तीयार रवे असु लीलघायो। 
\v 16 हेरेसी मे तुंद्‌रे सी लीलघायु करो की असात हक मां रवु, बाकुन एक-एक जणान जे हीना काम मां मेहनत ने साजल्‌या छे।
\p
\v 17 मे स्‌तीफनास ने फुरतुनास ने अखयकुसेन आवणे सी बेसकु खुसी हय र्‌यु, काहाकी जे तुंद्‌री कमी काजे पुरा कर्‌या। 
\v 18 चे मारी ने तुंद्‌री आत्‌मा काजे सांती आप देदा, हेरेसी असा काजे मानु।
\p
\v 19 आसीयान मंडळी भीणी सी तुहुं काजे आवजु ने आवीस कह्‌वो; अक्‌वीला ने परीस्‌कीला ने हींद्‌रे घरेन मंडळी काजे बी तुहुंक मालीक मां बेसका-बेसका कावा आवजु ने आवीस कह्‌वो 
\v 20 आखा भायसे काजे तुहुंक आवजु ने आवीस।
\p चुखला गुळा दीन आंबा-सांबा आवजु ने आवीस कह्‌वो।
\p
\v 21 मे पोलुस काजे आपणे हात काजे लिखलो छे, आवजु ने आवीस।
\p
\v 22 कदी कुय मालीक\f + \fr 16:22 \fr*\fq मालीक \fq*\ft प्रभु\ft*\f* सी परम नी राखे ती चु सराप वाळु छे।
\p ए हामरा मालीक आव।
\p
\v 23 मालीक ईसुन गीण-दया तुंद्‌रे पर हवती रवे।
\p
\v 24 मारु परम ईसु मसी मां तुंद्‌रे आखा साते रवतु रवे।