\id 2JN Bugun: Bible Translation 1st Edition
\ide UTF-8
\ide Unicode (UTF8)
\h 2 Jon
\toc1 JON ro Nyichiieng pha Jigigam
\toc2 2 Jon
\toc3 2Jon
\mt1 JON
\mt2 Ro Nyichiieng Pha Jigigam
\imt Yaophi
\ip \bk Jon ro nyichiieng pha jigi \bk* ne dukho jia è “Bimi nane airo aniphiing” Ji pha miyaosiu ne thiig pha charch nane migiphothek shii zey. Hì pha mua zey ne khia pha jine jia è jia chung miie pha nane asi pha masdothek chiih-è ithek muyuathek pha ji shii phriie ro.
\iot Iliing shii um pha ji
\io1 Yaophi \ior (1-3) \ior*
\io1 Miie pha miigak ithua \ior (4-6) \ior*
\io1 Asi pha yua pho shii phriie \ior (7-11) \ior*
\io1 Jong sha \ior (12-13) \ior*
\c 1
\p
\v 1 Dukhow è—Bimi nane ai aniphiing shii,\f + \fr 1:1: \fr*\fk Bimi nane, airo aniphiing: \fk*\ft Ji pha miyaosiu ne thiig pha charch nane migiphothek shii zey (ithoh 4-5 shii de um).\ft*\f* hanyie shii gu è zai miie ithek shii zey. Chiih-è gu jia è asi bie ro, jishii zab hanyie yi zai è nathek shii miie rone ìd pho è ro, 
\v 2 nyieliieshii zai è gethek rog shii chiih-è jine gethek rog idang rai ro. 
\v 3 Aphuii Hamangkhung-aphuii nane Isu Masi, Aphuii ro Dufuii, gethek shii bushun nane liijiing phi; jithek ne zai nane miie shii idang gethek ro rey ne rai bo.
\s Zai nane miie
\p
\v 4 Aphuii è gethek shii yung pha duiine nathek aniphiing khuyo shii zai hà rai pha doh, gu ne bajo sang ro. 
\v 5 \x - \xo 1:5: \xo*\xt Jon 13:34—15:12-17\xt*\x* Chiih-è ji è gu ne nathek shii sai, bushun bimi: cho zab gethek chung miie rai haro. Gu ne nathek shii zey pha hìne muyung iwo asi ro. Hì ne nyie gethek shii igobi è um pha ji ro. 
\v 6 Gu è hìpha miie chiang yao pha miyaosiu ne gethek Hamangkhung-aphuii ro muyung shii nuii ne rai chid phro. Muyung, nathek è igobi è zab yoi pha duiine, nathek ne zab miie shii rai chid phro.
\p
\v 7 Khinrinpho ne sohjambling shii bajo thog ro, bran hanyie yi Isu Masi shii tharothamang rey ne wuii rone anuii pho, Ji pha branthek ne khlampha nane Masi ro Suangpho ro. 
\v 8 Chiihphado, nawaithek shii ragia rek bo, ji è gethek è nyie blia rek pha jine amua pha asi ro, jishii nathek\f + \fr 1:8: \fr*\fqa Gethek; \fqa*\ft giak jigizeythek shii um \ft*\fqa Nathek.\fqa*\f* lasen jine ley choi ruii phro.
\p
\v 9 Hanyie jia è Masi ro muyua rog shii arai pha ji è ruang rey anine, aishii ne Hamangkhung-aphuii oi ro. Hanyie magunde muyua shii rai anine Aphuii nane Dufuii nyimanyi aishii um ro. 
\v 10 Ji-è gai hanyie yi nathek shii ji pha muyua ayie pha wuii arone aishii ne nathek hò hà aho rabo, “liijiing nathek rog um bo de ayao rabo.” 
\v 11 Hanyie magunde liijiing ithek rog um bone yao arone, ai ne ithek è awiepha blia rog shii iijiiak rey ruii phro.
\s Idohhè pha miyaogamthek
\p
\v 12 Gu ne nathek shii yao pha bajo um, jishii hìpha blia ne gu ne jigi nane kholom è azey yang ro, Ji phachiang, gu ne hì luthong nathek shii si din ne chiih-è nathek rog gui sbang è yao, ji-anine gethek ro lised ji zabjong pha rey phro. 
\v 13 Bushun pha bumuiithek\f + \fr 1:13: \fr*\fk Bushun pha bumuiithek naro anithek: \fk*\ft Ji pha miyaosiu ne zeypho re-è thiig pha charch nane migiphothek shii zey.\ft*\f* naro anithek è ithek ro salam nathek shii thoh gey ro.