\id REV Baghlayani Bible
\ide UTF-8
\ide UTF-8
\rem Copyright Information: Creative Commons Attribution-ShareAlike 4.0 License
\h प्रकाशितवाक्य
\toc1 प्रकाशितवाक्य
\toc2 प्रकाशितवाक्य
\toc3 प्रकाशित
\mt1 प्रकाशितवाक्य
\mt2 सेयो गल्ला जो परमेशरे यूहन्ने गे प्रगट कित्तिया
\imt भूमिका
\ip यूहन्ने रा प्रकाशितवाक्य एड़े बखते लिखेया था, जेबे मसीहिया खे यीशु मसीह खे प्रभु और स्वामिए रे रूपो रे विश्वास करने रिया बजअ ते सताणे लगी रे थे। एतेरे लेखको री चिन्ता री खास बजअ आपणे पढ़ने वाल़ेया रे उम्मीद, उत्साहो रा संचार करना और तिना ते ये प्रार्थना करनी थी कि सेयो एस दु:ख और सताव रे बखते विश्वासो जोगे बणे रे रओ। एते कताबा रा जादातर पाअग प्रकाशन और दर्शनो री श्रृंखला रे रूपो रे ए, जेतेखे साअरे री पाषा रे प्रस्तुत करी राखेया, जो संभवत: तेस बखतो रे मसीहिया खे समजा रे आईगी थी, पर बाकि सबी लोका खे ये रहस्य ई रया। जिंयाँ गाणेया रे एक धुन ओई, तिंयाँ ई एसा कताबा री गल्ला बार-बार कई तरीके ते लग-लग दर्शनो री श्रृंखला रे जरिए दुराई जाओई।
\ip हालाँकि एसा कताबा री विस्तृत व्याख्या रे बारे रे मतपेद ए, तेबे बी खास विषय साफ ए: परमेशरे प्रभु यीशु मसीह रे जरिए आपणे सारे दुश्मण, जिना बीचे शैतान बी शामिल ए, सदा खे पूरी रीतिया ते अराणे और जेबे ये जीत पूरी ऊई जाणी तेबे तेस आपणे विश्वास जोगे लोक नये सर्ग और नयी तरतिया री आशीषा ते परिपूर्ण करने।
\is रूप-रेखा
\io1 भूमिका 1:1-8
\io1 शुरूओ रा दर्शन और सातो मण्डल़िया खे चिट्ठी 1:9-3:22
\io1 सात मुहरा रे जरिए बंद चर्मपत्र 4:1-8:1
\io1 सात तुरहिया 8:2-11:19
\io1 अजगर और दो डांगर 12:1-13:18
\io1 दूजा दर्शन 14:1-15:18
\io1 परमेशरो रे प्रकोपो रे सात कटोरे 16:1-21
\io1 बेबीलोनो रा नाश, डांगर, चूठे भविष्यबक्ता और शैतानो री आर 17:1-20:10
\io1 आखरी न्याय 20:11-15
\io1 नया सर्ग, नयी तरती और नया यरूशलेम 21:1-22:5
\io1 निचोड़ 22:6-21
\c 1
\p
\v 1 ये प्रकाशितवाक्य यीशु मसीह री तरफा ते ए, जो परमेशरे तिना पाँदे इजी खे प्रकट कित्तेया कि से आपणे दासा खे तिना गल्ला, जिना रा चट ऊणा जरूरी ए, दखाओ। मसीहे आपणा स्वर्गदूत पेजी की तेसरे जरिए ये प्रकाशन आपणे दास यूहन्ने खे बताया। 
\v 2 यूहन्ने सेयो सब गल्ला लिखिया जो तिने देखिया थिया मतलब परमेशरो री तरफा ते दित्तेया रा संदेश और से सब कुछ जो यीशु मसीहे बोलेया था। 
\v 3 धन्य ए से, जो एसा भविष्यबाणिया रे वचना खे पढ़ोआ और सेयो बी जो इना वचना खे सुणोए और इदे लिखी रिया गल्ला खे मानोए, कऊँकि बखत नेड़े आयी रा।
\s साता मण्डल़िया रा अभिवादन
\p
\v 4 ये चिट्ठी मां यूहन्ने री तरफा ते ए। आँऊ ये चिट्ठी आसिया प्रदेशो री सातो मण्डल़िया खे लिखणे लगी रा। आँऊ प्रार्थना करूँआ कि तुसा सबी लोका खे परमेशरो री तरफा ते जो आए और जो था और जो आऊणे वाल़ा ए कृपा और शान्ति मिलदी रओ। तिना सातो आत्मा री तरफा ते, जो परमेशरो रे सिंहासनो रे सामणे ए, तुसा खे कृपा और शान्ति मिलदी रओ। 
\v 5 यीशु मसीह री तरफा ते बी तुसा सबी लोका खे जो विश्वासो जोगे गवा ए, कृपा और शान्ति मिलदी रओ। यीशु मसीह मरे रेया बीचा ते जिऊँदे ऊणे वाल़ेया रे जेठा ए और से तरतिया रे राजेया रा हाकिम ए। से आसा साथे प्यार राखोआ और तिने आपणे खूनो रे जरिए आसे पापो ते छुड़ाए। 
\v 6 यीशुए ई आसे आपणे पिता परमेशरो खे पुरोईता रा राजवंश बणाईते। तेसरी महिमा और पराक्रम जुगो-जुगो तक रओ। आमीन्। 
\v 7 देखो, से बादल़ो साथे आऊणे वाल़ा ए और हर एकी आखी से देखणा, बल्कि जिने से ऊजेया था, तिना बी से देखणा और तरतिया रे सारे कुल़ा तेसरी बजअ ते जोरे-जोरे की रोणा। आ, ये ऊणा। आमीन्।
\p
\v 8 प्रभु परमेशर ये बोलोआ, “आऊँ ई पईला और आखरी ए, मतलब से जो आए और जो था और जो आऊणे वाल़ा ए और जो सर्वशक्तिमान् ए।”
\s यूहन्ने खे मसीह रा दर्शन
\p
\v 9 आऊँ यूहन्ना जो तुसा रा साथी विश्वासी पाई और यीशुए खे क्ल़ेश सईणे और परमेशरो रे राज्य रे और सब्रो रे तुसा रा साथी ए। आँऊ परमेशरो रे वचन और यीशुए री गवाईया री बजअ ते रोमी अगुवो रे जरिए कैदिया रे रूपो रे पतमुस नाओं रे टापूओ रे पेजी ता था। 
\v 10 प्रभुए रे दिने मतलब जेस दिने विश्वासी लोक आराधना करने खे कट्ठे ओए आँऊ तेस दिने पवित्र आत्मा ते परी गा और अचाणक मैं आपणे पीछे तुरहिया जेड़ी जोरो री आवाज सुणी। 
\v 11 तिने बोलेया, “जो कुछ तूँ देखेया तिजी खे कताबा रे लिखी की सातो नगरो री मण्डल़िया गे पेजी दे; मतलब इफिसुस, स्मुरणा, पिरगमुन, थुआतीरा, सरदीस, फिलदिलफिया और लौदीकिया खे पेजी दे।”
\p
\v 12 तेबे मैं तेसखे जो मां साथे बोलणे लगी रा था देखणे खे आपणा मूँ फेरेया और पीछे कूमी की मैं सात दिऊए देखे। 
\v 13 तिना दिऊएया बीचे माणूं रे पुत्रो जेड़ा एक मर्द देखेया। से पैरा तक टाले पइने रे था और तिने छातिया पाँदे सुईने रा पटका बानेया रा था। 
\v 14 तेसरा सिर और बाल़ चिट्टिया ऊना जेड़े थे, बल्कि पाल़े जेड़े चमकणे लगी रे थे और तेसरिया आखी आगी री लुपिया जेड़िया थिया। 
\v 15 तेसरे पैर खरे पीतल़ो जेड़े थे मानो आगी री पट्ठिया रे तपाई राखे और तेसरी आवाज मुखते पाणिए री छेड़ा जेड़ी थी। 
\v 16 तिने आपणे दाँणे आथो रे सात तारे लयी राखे थे और तेसरे मुंओ ते पईनी दोरी तलवार निकल़ने लगी री थी। तेसरा मूँ एड़ा चमकणे लगी रा था जेड़ा सूरज कड़क तूपा पाँदे चमकोआ।
\p
\v 17 जेबे मैं से देखेया तो आऊँ तेसरे पईरा पाँदे मरेया रा जा पड़ी गा। तेबे तिने मां पाँदे आपणा दाँणा आथ राखी की ये बोलेया, “डर नि, आऊँ पईला और आखरी ए। 
\v 18 आऊँ सेईए जो जिन्दगी देओआ। आँऊ मरी गा था और एबे देख, आऊँ जुगो-जुगो तक जिऊँदा ए। मांगे ई मौत और नरको रिया कुँजियाँ ए।
\p
\v 19 “इजी खे जो गल्ला तैं देखिया और जो गल्ला उणे लगी रिया और जो इजी ते बाद उणे वाल़िया ए, तिना सबी लिखी लो। 
\v 20 तिना सातो तारेया रा पेत जो तैं मेरे दाँणे आथो रे देखे थे और तिना सात सुईने रे दिऊएया रा पेत ये ए: सेयो सात तारे, सातो मण्डल़िया रे स्वर्गदूत ए और सेयो सात दिऊए सात मण्डल़िया ए।”
\c 2
\s इफिसुसो खे संदेश
\p
\v 1 तिने माखे ये बी बोलेया, “इफिसुस नगरो री मण्डल़िया रे स्वर्गदूतो खे ये संदेश लिख: आँऊ सेईए जिने सातो तारे आपणे दाँणे आथो रे लयी राखे और सुईने रे साता दिऊएया बीचे चलो फिरोआ। आँऊ ताखे जो बोलूँआ से सुण: 
\v 2 आऊँ तेरे काम, परिश्रम और तेरा सब्र जाणूंआ। आँऊ ए बी जाणूंआ कि तूँ बुरे लोका खे देखी नि सकदा। तैं सेयो लोक परखी की चूठे पाए जो आपणे आपू खे प्रेरित ऊणे रा दखावा करोए। 
\v 3 तूँ सब्र करोआ और मेरे नाओं री तंईं दु:ख सईंदे-सईंदे थकदा नि। 
\v 4 पर मां तेरे खलाफ ये बोलणा कि तैं आपणा पईलका जेड़ा प्यार छाडीता रा। 
\v 5 याद करो कि तुसे केथा ते केथी आई की रुड़ी रे। इजी खे मन फेर और पईले जेड़े काम कर। जे तूँ आपणा मन नि बदलेगा तो मां तांगे आयी की तेरे दिऊए तेते जगा ते टाई देणे। 
\v 6 पर आहो, तांदे ये अच्छी गल्ल तो आयी की तूँ नीकुलइयों रे कामा ते कृणा करेया, जिना ते आऊँ बी कृणा करूँआ। 
\v 7 जो समजी सकोआ से तिजी खे त्यानो साथे सुणो और मानी बी लओ कि परमेशरो रा आत्मा मण्डल़िया खे क्या बोलणे लगी रा। जो जीती जाणे, मां तेसखे तेस जीवनो रे डाल़ो बीचा ते जो परमेशरो रे स्वर्गलोको रे ए, फल खाणे खे देणे।
\s स्मुरणा खे संदेश
\p
\v 8 “स्मुरणा नगरो री मण्डल़िया रे स्वर्गदूतो खे ये संदेश लिख: आँऊ सेईए जो पईला और आखरी ए और जो मरी गा था पर एबे जिऊँदा ए। आँऊ ताखे जो बोलूँआ से सुण: 
\v 9 आऊँ तेरे क्ल़ेश और गरीबी जाणूंआ पर तूँ अमीर ए और जो लोक आपणे आपू खे यहूदी बोलोए और आए नि, पर शैतानो री सभा ए, तिना री निन्दा खे बी जाणूंआ। 
\v 10 जो दु:ख ताखे सईन करने पड़ने, तिना ते नि डर। कऊँकि देखो, शैतान तुसा बीचा ते कईया खे जेला रे पाणा चाओआ, ताकि तुसे परखे जाओ और तुसा खे दसा दिना तक क्ल़ेश सईन करना पड़ो। प्राण देणे तक विश्वासी रओ, तो मां ताखे जीवनो रा मुकट देणा। 
\v 11 जो समजी सकोआ से तिजी खे त्यानो साथे सुणो और मानी बी लओ कि परमेशरो रा आत्मा मण्डल़िया खे क्या बोलणे लगी रा। जो जीती जाणे, सेयो दूजी बार कदी नि मरने।
\s पिरगमुनो खे संदेश
\p
\v 12 “पिरगमुन नगरो री मण्डल़िया रे स्वर्गदूतो खे ये संदेश लिख: आँऊ सेईए जेसगे दोरी और पैनी तलवार ए। आँऊ ताखे जो बोलूँआ से सुण: 
\v 13 आऊँ ए तो जाणूंआ कि तूँ तेती रएया जेती शैतानो रा सिंहासन ए। फेर बी तूँ मेरे नाओं पाँदे खड़ा रएया। तूँ मां पाँदे विश्वास करने ते बी तिना दिना रे बी पीछे नि आटेया, जिना रे मेरा विश्वासो जोगा गवा अन्तिपास तुसा बीचे तेते जगा रे काया, जेती शैतान रओआ। 
\v 14 पर मां तेरे खलाफ कुछ गल्ला बोलणिया ए, कऊँकि तांगे कई जणे तो एड़े ए, जो बिलामो री शिक्षा खे मानोए, जिने बालाको खे इस्राएलिया रे आगे ठोकरा री बजअ ऊणा सिखाया, ताकि सेयो मूर्तिया पाँदे बलिदान कित्ती री चीजा खाओ और व्याभिचार करो। 
\v 15 ईंयां ई तेरे एती कई एड़े जो नीकुलईयों री शिक्षा खे मानोए। 
\v 16 तेबे मन फिरा! नई तो मां तांगे फटाफट आयी की आपणे मुंओ री तलवारे की जो मेरा वचन ए तिना लोका रे खलाफ लड़ना। 
\v 17 जो समजी सकोआ से तिजी खे त्यानो साथे सुणो और मानी बी लओ कि परमेशरो रा आत्मा मण्डल़िया खे क्या बोलणे लगी रा। जो जीती जाणा, तेसखे आऊँ गुप्त मन्ने ते देऊँगा। तेसखे एक चीट्टा पात्थर बी देऊँगा और तेस पात्थरो पाँदे एक नाओं लिखेया रा ऊणा, जो तेस पाणे वाल़े रे सिवाए कोई नि जाणी सकणा।
\s थुआतीरा खे संदेश
\p
\v 18 “थुआतीरा नगरो रिया मण्डल़िया रे स्वर्गदूतो खे ये संदेश लिख: मां परमेशरो रे पुत्र जेसरिया आखी आगी री लुपिया जेड़िया ए और जेसरे पैर खरे पीतल़ो जेड़े ए। आँऊ ताखे जो बोलूँआ से सुण: 
\v 19 आऊँ तेरे काम, तेरा प्यार, विश्वास, धीरज और सेवा खे जाणूंआ और ये बी जाणूंआ कि तेरे एबुए रे काम पईलकेया कामा ते बड़ी की ए। 
\v 20 पर मां तेरे खलाफ कुछ बोलणा कि तूँ तेसा जवाणसा इजेबेला खे रणी देओआ, जो आपणे आपू खे भविष्यबक्तणी बोलोई। से मेरे दासा खे व्याभिचार करने खे और मूर्तिया रे सामणे बलि कित्ती रिया चीजा खाणा सिखाई की भरमाओ ई। 
\v 21 मैं तेसा खे मन फिराणे रा मौका दित्तेया पर से आपणे व्याभिचारो ते मन फेरना नि चाँदी। 
\v 22 देख, आऊँ तेसा खे बमारिया री शैय्या रे पाऊँआ और जो तेसा साथे व्याभिचार करोए, जे सेयो बी तेसा जेड़े कामो ते मन नि फेरोगे तो मां सेयो बड़े क्ल़ेशो रे पाई देणे। 
\v 23 मां तेसा रे सारे बाल़क काई देणे। तेबे सारी मण्डल़िया जाणी लणा कि दिल और मनो रा परखणे वाल़ा आऊँ ईए और मां तुसा सबी जणेया खे तुसा रे कामो रे मुताबिक बदला देणा। 
\v 24 पर तुसे थुआतीरा नगरो रे बाकि लोका ते जितणे एसा शिक्षा खे नि मानदे और जिना गल्ला खे शैतानो रिया गईरिया गल्ला बोलोए, जाणदे नि, आऊँ ये बोलूँआ कि मां तुसा पाँदे ओर बोज नि पाणा। 
\v 25 पर आ, जो तुसा गे ए, तिजी खे मेरे आऊणे तक सम्बाल़ी की राखो। 
\v 26 जो जीती जाणे और मेरे मुताबिक आखरी तक काम करदा रओगा, मां तेसखे जातिया-जातिया रे लोका पाँदे अक्क देणा। 
\v 27 और तेस लोए रा राजदण्ड लयी की तिना पाँदे राज करना और जिंयाँ कुम्हारो रे माट्टिया रे पांडे टुटी जाओए, मैं बी एड़ा ई अक्क आपणे पिते ते पाई राखेया 
\v 28 और मां तेसखे प्याणु तारा देणा। 
\v 29 जो समजी सकोआ से तिजी खे त्यानो साथे सुणो और मानी बी लओ कि परमेशरो रा आत्मा मण्डल़िया खे क्या बोलणे लगी रा।”
\c 3
\s सरदीसो खे संदेश
\p
\v 1 “सरदीस नगरो री मण्डल़िया रे स्वर्गदूतो खे ये संदेश लिख: आँऊ से ए जेसगे परमेशरो रिया सात आत्मा ए और सात तारे ए। से ये बोलोआ कि आऊँ तेरे कामा खे जाणूंआ, तूँ जिऊँदा तो लगोआ, पर अया मरेया रा। 
\v 2 इजी खे सावधान ऊई जाओ और तुसा दे जो कुछ बाकि ए, से बी मरे रेया जेड़ा ए। तिदे नई जिन्दगिया री शुरूआत करो। कऊँकि मैं तेरे कोई बी काम आपणे परमेशरो रे नेड़े पूरे नि पाये। 
\v 3 तेबे याद कर कि तैं केड़ी शिक्षा पाई राखी और सुणी थी और तिदे बणेया रा रओ और मन फिराई दे। पर जे तूँ जागदा नि रएगा तो आऊँ चोरो जेड़ा आयी जाणा और तां कदी पनि जाणी सकणा कि मां केस बखते तां पाँदे आयी की पड़ी जाणा। 
\v 4 पर आ, सरदीस नगरो री मण्डल़िया रे कुछ एड़े लोक ए जिने आपणे-आपणे टाले अशुद्ध नि कित्ते। सेयो सफेद टाले पईनी की मां साथे कूमणे, कऊँकि सेयो एते जोगे आये। 
\v 5 जो जीती जाणे, तिना खे सफेद टाले पणयाए जाणे और मां तिना रा नाओं जीवनो रिया कताबा ते कदी पनि मटयांणा, पर तेसरा नाओं आपणे पिते रे और तेसरे स्वर्गदूता सामणे मानी लणा। 
\v 6 जो समजी सकोआ से तिजी खे त्यानो साथे सुणो और मानी बी लओ कि परमेशरो रा आत्मा मण्डल़िया खे क्या बोलणे लगी रा।
\s फिलदिलफिया खे संदेश
\p
\v 7 “फिलदिलफिया नगरो री मण्डल़िया रे स्वर्गदूतो खे एड़ा संदेश लिख: आँऊ से ए जो पवित्र और सच्चा ए और जेसगे दाऊदो रिया कुँजियाँ ए। से जो कुछ बी खोलोआ, तेस खोले रे खे कोई बंद नि करी सकदा और से जो कुछ बी बंद करोआ तेस बंद कित्ते रे खे कोई खोली नि सकदा। आँऊ ताखे जो बोलूँआ से सुण: 
\v 8 आऊँ तेरे कामो खे जाणूंआ, देख, मैं तां सामणे एक द्वार खोली राखेया, जेतेखे कोई बंद नि करी सकदा। आँऊ ये बी जाणूंआ कि तेरी सामर्थ थोड़ी जी तो आए फेर बी तैं मेरे वचन मानी राखे और मेरे नाओं खे ना नि कित्ती। 
\v 9 देख, मां शैतानो रे सेयो सभा वाल़े तेरे वशो रे करी देणे, जो यहूदी बणी बैठी रे, पर आए नि, बल्कि चूठ बोलोए। देख, मां एड़ा करना कि तिना आयी की तेरे पैरा पाँदे माथा टेकणा और तिना ये जाणी लणा कि मैं तांते प्यार राखी राखेया। 
\v 10 तैं मेरा वचन मानेया और सब्रो साथे दुःख सईन कित्तेया। तेबेई मां बी तूँ परीक्षा रे तेस बखते बचाई की राखणा, जो तरतिया पाँदे रणे वाल़ेया खे, परखणे खे, सारे दुनिया रे आऊणे वाल़ा ए। 
\v 11 आऊँ फटाफट ई आऊणे वाल़ा ए। जो कुछ तुसा गे ए, तेस पकड़ी की राख कि कोई तेरा मुकट छुड़ाई नि लओ। 
\v 12 जो जीती जाणे, से मां आपणे परमेशरो रे मन्दरो रे खम्बा बनाणे। से फेर कदी बारे नि निकल़ने। मां आपणे परमेशरो रा नाओं और आपणे परमेशरो रे नगर, मतलब-नये यरूशलेमो रे नाओं, जो मेरे परमेशरो गे ते स्वर्गो ते उतरने वाल़ा ए और आपणा नया नाओं तेस पाँदे लिखणा। 
\v 13 जो समजी सकोआ से तिजी खे त्यानो साथे सुणो और मानी बी लओ कि परमेशरो रा आत्मा मण्डल़िया खे क्या बोलणे लगी रा।
\s लौदीकिया खे संदेश
\p
\v 14 “लौदीकिया नगरो री मण्डल़िया रे स्वर्गदूतो खे ये संदेश लिख: आँऊ से ए जो आमीन् और विश्वासो जोगा और सच्चा गवा ए और परमेशरो री सृष्टिया री मूल़ बजअ ए। आँऊ ताखे जो बोलूँआ से सुण: 
\v 15 आऊँ तेरे कामो खे जाणूंआ कि तूँ ना तो ठण्डा ए और ना गर्म; पला ऊँदा कि तूँ ठण्डा या गर्म ऊँदा। 
\v 16 पर तूँ सिर्फ गुल़मुल़ा ए। तूँ ना ठण्डा ए और ना गर्म ए, तेबेई आऊँ ताखे आपणे मुंओ ते उगल़ने वाल़ा ए। 
\v 17 तूँ जो बोलेया कि आऊँ अमीर ए और पैसे वाल़ा ऊईगा रा और माखे किजी चीजा री कमी निए। पर ये नि जाणदा कि तूँ नबाग, तुच्छ, कंगाल़, अन्दा और नांगा ए। 
\v 18 इजी री खातर आऊँ ताखे सला देऊँआ कि आगी रे तपाया रा सुईना मांते मोले लओ कि तूँ अमीर ऊई जाए और सफेद टाले लयी लो कि पईनी की ताखे आपणे नांगे ऊणे री शर्म नि ओ और आपणी आखी रे लगाणे खे काजल़ लओ कि तूँ देखणे लगो। 
\v 19 आऊँ जिना-जिना खे प्यार करूँआ, तिना सबी खे ल़वामे और ताड़ना देऊँआ। इजी री खातर जोशीला ओ, और मन फेर। 
\v 20 देख, आऊँ द्वारो पाँदे खड़ेया रा खटखटाऊँआ। जे कोई मेरा शब्द सुणी की द्वार खोलोगा, तो मां तेस साथे पीतरे आयी की रोटी खाणी और तेस मां साथे खाणी। 
\v 21 जो जीती जाणे, मां सेयो आपू साथे आपणे सिंहासनो पाँदे बठयाल़ने, जेड़ा आऊँ बी जय पायी की आपणे पिते साथे तेसरे सिंहासनो पाँदे बैठी गा। 
\v 22 जो समजी सकोआ से तिजी खे त्यानो साथे सुणो और मानी बी लओ कि परमेशरो रा आत्मा मण्डल़िया खे क्या बोलणे लगी रा।”
\c 4
\s स्वर्गो रे आराधना
\p
\v 1 इना सबी गल्ला खे देखणे ते बाद जेबे मैं नजर दित्ती, तो क्या देखूँआ कि स्वर्गो रे एक द्वार खुले राए। तेबे तुरहिया री आवाजा जेड़ा मैं से शब्द सुणेया जो मैं पईले बी सुणेया था। तिने माखे बोलेया, “एती ऊबे आईजा और मां सेयो गल्ला ताखे दखाणियां, जिना रा इना गल्ला ते बाद पूरा ऊणा जरूरी ए।” 
\v 2 आँऊ तेबुई पवित्र आत्मा ते परी गा। मैं स्वर्गो रे एक सिंहासन देखेया और तेस सिंहासनो पाँदे कोई बैठी रा था। 
\v 3 जो तेस सिंहासनो पाँदे बैठी रा था से यशबो और माणिक्य रा जा दखाई देओ था। तेस सिंहासनो रे चऊँ कनारिये मरकतो रा जा मेघधनुष दखाई देओ था। 
\v 4 मैं तेस सिंहासनो रे चऊँ कनारे चऊबी ओर सिंहासन देखे। इना सिंहासना पाँदे चऊबी बुजुर्ग सफेद टाले पईनी की बैठी रे थे और इना रे सिरो पाँदे सुईने रे मुकट थे। 
\v 5 तेस सिंहासनो ते बिजल़ी और गिड़ना निकल़ने लगी रा था। सिंहासनो रे सामणे सात दिऊए बल़ने लगी रे थे। यो परमेशरो रिया सात आत्मा ए। 
\v 6 तेस सिंहासनो सामणे मानो बिल्लौरो जेड़ा काँचो जेड़ा समुद्र था।
\p सिंहासनो बीचे और सिंहासनो रे चऊँ कनारे चार प्राणी थे, जिना रे आगे पीछे आखी ई आखी थिया। 
\v 7 पईला प्राणी शेरो जेड़ा था और दूजे प्राणिये रा मूँ बल़दा जेड़ा था, तीजे प्राणिये रा मूँ मांणूए जेड़ा था और चौथा प्राणी उड़दे ऊए उकाबो जेड़ा था। 
\v 8 और चारो प्राणिया रे छे-छे पंख थे। चऊँ कनारे और पीतरे आखी ई आखी थिया और सेयो दिन-रात बिना आराम कित्ते ये बोलदे रओ थे,
\q1 “पवित्र, पवित्र, पवित्र प्रभु परमेशर, सर्वशक्तिमान्,
\q2 जो था और जो आए और जो आऊणे वाल़ा ए।”
\p
\v 9 जेबे सेयो प्राणी तेसरी जो सिंहासनो पाँदे बैठी रा था और जो जुगो-जुगो तक जिऊँदा ए, महिमा और आदर और धन्यवाद करोगे, 
\v 10 तेबे चऊबी बुजुर्ग सिंहासनो पाँदे बैठणे वाल़े रे सामणे रुड़ी जाणे और तेसगे, जो जुगो-जुगो तक जिऊँदा ए, माथा टेकणा और आपणा-आपणा मुकट सिंहासनो सामणे ये बोलदे ऊए राखणा,
\q1
\v 11 “ओ म्हारे प्रभु और परमेशर,
\q2 तूँ ई महिमा और आदर और सामर्थो जोगा ए,
\q1 कऊँकि तैं ई सारिया चीजा बणाईया
\q2 और सेयो तेरी ई इच्छा ते थिया
\q2 और बणाईया गईया।”
\c 5
\s मुहरबन्द कताब और मिन्टू
\p
\v 1 तेबे मैं तेसरे दाँणे आथो रे एक कताब देखी, जो सिंहासनो पाँदे बैठी रा था। से कताब पीतरा-बारा ते लिखी री थी और तिजी खे सात मुहरा लगाई की बंद करी राखेया था। 
\v 2 तेबे मैं एक तागतबर स्वर्गदूत देखेया, जो जोरे की ये प्रचार करो था कि, “एसा कताबा खे खोलणे और इजी री मुहरा खे तोड़ने जोगा कुण ए?” 
\v 3 पर ना स्वर्गो रे, ना तरतिया पाँदे, ना तरतिया ते थाले कोई तेसा कताबा खे खोलणे या तिजी पाँदे नजर पाणे जोगा निकल़ेया कि तिदे क्या लिखी राखेया। 
\v 4 तेबे मेरिया आखी ते आसू निकल़ने लगे, कऊँकि तेसा कताबा के खोलणे या तिजी पाँदे नजर पाणे जोगा कोई नि मिलेया। 
\v 5 तेबे तिना बुजुर्गा बीचा ते एकी जणे माखे बोलेया, “रोओ नि, देख, यहूदो रे गोत्रो रा से शेर, दाऊदो वंशो रा मूल़ जयवंत ऊई रा। सेई एसा कताबा खे खोलणे और इना सात मुहरा खे तोड़ने जोगा ए।”
\p
\v 6 तेबे मैं तेस सिंहासनो गे चारो प्राणिया और तिना बुजुर्गा बीचे एक मिन्टू खड़ेया रा देखेया। से मानो फाटेया रा मिन्टू था। तेसरे सात सींग और सात आखी थिया, यो परमेशरो रिया सात आत्मा ए, जो परमेशरे सारी तरतिया रे पेजी राखिया। 
\v 7 तिने मिन्टूए आगे आयी की जो सिंहासनो पाँदे बैठेया रा था, तेसरे दाँणे आथो ते से कताब लयी ली, 
\v 8 और जेबे तिने कताब लयी ली, तेबे सेयो चारो प्राणी और चऊबी बुजुर्ग, तेस मिन्टूए रे सामणे माथा टेकणे खे चुकी गे। हर एकी रे आथो रे बीणा और तूपे की फरे रे सुईने रे कटोरे थे, ये तो परमेशरो रे लोका रिया प्रार्थना ए। 
\v 9 तेबे सेयो ये नया गाणा गाणे लगे,
\q1 “तूँ एसा कताबा खे लणे
\q2 और इजी रिया मुहरा खे खोलणे जोगा ए,
\q1 कऊँकि तैं फाठी की आपणे खूने की हर एक कुल़, पाषा, लोक
\q2 और जातिया बीचा ते
\q2 परमेशरो खे लोक मोले लयी राखे।
\q1
\v 10 और तिना खे म्हारे परमेशरो खे एक राज्य और पुरोईत बणाया
\q2 और सेयो तरतिया पाँदे राज करोए।”
\p
\v 11 तेबे मैं फेर देखेया, और तेस सिंहासनो, तिना प्राणिया और तिना बुजुर्गा रे चऊँ कनारे ते बऊत सारे स्वर्गदूता रा शब्द सुणेया, जिना री गिणती लाखो और करोड़ो रे थी, 
\v 12 और सेयो जोरे-जोरे की बोलो थे,
\q1 “फाटेया रा मिन्टू ई
\q2 सामर्थ, पैसा, ज्ञान, शक्ति,
\q2 आदर, महिमा और तारीफा जोगा ए।”
\p
\v 13 तेबे मैं स्वर्गो रे, तरतिया पाँदे, तरतिया ते थाले, समुद्रो रिया सब बणाई रिया चीजा खे और सब कुछ जो तिना रे ए, ये बोलदे ऊए सुणेया,
\q1 “जो सिंहासनो पाँदे बैठी रा, तेसरा
\q2 और मिन्टूए रा धन्यवाद और आदर,
\q2 महिमा और राज्य जुगो-जुगो तक रओ।”
\p
\v 14 तेबे चारो प्राणिये “आमीन्” बोलेया और बुजुर्गे चुकी की माथा टेकेया।
\c 6
\s साता मुहरा रा खोलेया जाणा
\p
\v 1 तेबे मैं देखेया कि मिन्टूए तिना सात मुहरा बीचा ते एक खोली और तेबे तिना चारो प्राणिया बीचा ते एकी रा गिड़ने रा जा शब्द सुणेया, “आओ।” 
\v 2 तेबे मैं नजर दित्ती और तेती माखे एक सफेद रंगो रा कोड़ा दिशेया और तेस पाँदे जो सवार था, तिने धनुष लयी राखेया था। तेसखे एक मुकट दित्तेया और से स्वर्गो ते तरतिया री तरफा खे एक जितणे वाल़े जेड़ा और बी जय पाणे खे निकल़ेया।
\p
\v 3 जेबे मिन्टूए दूजी मुहर खोली, तो तेबे मैं दूजा प्राणी ये बोलदे ऊए सुणेया, “आओ।” 
\v 4 तेबे मैं तेती एक ओर कोड़ा निकल़दा ऊआ देखेया जो आगी जेड़ा लाली रंगो रा था। तेसरे सवारो खे ये अक्क दित्तेया कि तरतिया पाँदा ते मेल-जोल चकी दे, ताकि लोक एकी-दूजे खे फाटो और तेसखे एक बड़ी तलवार दित्ती।
\p
\v 5 जेबे मिन्टूए तीजी मुहर खोली, तो तेबे मैं तीजा प्राणी ये बोलदे ऊए सुणेया, “आओ।” तेबे मैं तेती एक ओर कोड़ा निकल़दा ऊआ देखेया जो काल़े रंगो रा था। तेस सवारो रे आथो रे एक ताकड़ी थी। 
\v 6 तेबे मैं तिना चारो प्राणिया बीचा ते एक शब्द ये बोलदे ऊए सुणेया, “एकी दिनो री मजदूरिया री सेर परी कणक और एकी दिनो री मजदूरिया री तीन सेर जौ, पर तेल और अँगूरा रे रसो रा नुकशाण नि करना।”
\p
\v 7 जेबे मिन्टूए चौथी मुहर खोली, तो तेबे मैं चौथे प्राणिये रा शब्द ये बोलदे ऊए सुणेया, “आओ।” 
\v 8 तेबे मैं तेती एक ओर कोड़ा निकल़दा ऊआ देखेया, जो तोते रे रंगो जेड़ा था। तेसरे सवारो रा नाओं मौत ए और नरक तेस पीछे-पीछे आऊणे लगी रा था। तिना खे ये अक्क दित्तेया कि तलवार, काल़, मरी और तरतिया रे बणो रे डांगरा रे जरिए लोका खे काआ।
\p
\v 9 जेबे मिन्टूए पांजी मुहर खोली, तो तेबे मैं बेदिया ते निठे तिना लोका रे प्राण देखे, जो परमेशरो रे वचनो रा प्रचार करने री बजअ ते और तेसा गवाईया री बजअ ते कि यीशु आसा रा प्रभु ए, जो तिने लोके दित्ती थी, फाटी ते थे। 
\v 10 तिने लोके परमेशरो खे जोरे-जोरे की आक्का पायी की बोलेया, “ओ स्वामी तूँ पवित्र और विश्वासो जोगा ए! तां कदुओ तक न्याय नि करना और तरतिया पाँदे रणे वाल़ेया ते म्हारे खूनो रा बदला कदुओ तक नि लणा?” 
\v 11 तेबे तिना बीचा ते हर एकी खे सफेद टाले दित्ते और तिना खे बोलेया, “थोड़ी देर आराम करो, जदुओ तक कि तुसा साथले दास और विश्वासी पाई, जो तुसा जेड़े फाटणे वाल़े ए, तिना री बी गिणती पूरी नि ऊई जाओ।”
\p
\v 12 मैं मिन्टू छठी मुहर खोलदे ऊए देखेया। तेबे एक बड़ा ईल्लण ऊआ और सूरज काल़ा ऊईगा और प्रयासा देणा बन्द करी ता और पूरा चाँद खूनो जेड़ा लाल ऊईगा। 
\v 13 और सर्गो रे तारे तरतिया पाँदे ईंयां छुटणे लगे, जिंयाँ बड़े तूफानो ते दाऊगल़े रे डाल़ो ते काच्चे फल चढ़ोए। 
\v 14 तेबे सर्ग एड़ा गाईब ऊईगा, जेड़ी चिट्ठी लपेटणे ते सिकुड़ी जाओई और हर एक पाह्ड़ और टापू आपणी-आपणी जगा ते टल़ी गे।
\p
\v 15 नतीजन, तेबे तरतिया रे राजे, प्रदान, सरदार, पैसे वाल़े, सामर्थी लोक, हर एक दास और हर एक आजाद, पाह्ड़ो रे डवारा रे और चट्टानी रे जायी की लूकी गे। 
\v 16 तेबे पाह्ड़ो ते और चट्टानी ते बोलणे लगे, कि आसा पाँदे पड़ी जाओ और आसा खे तेसरे मुंओ ते, जो सिंहासनो रे बैठी रा और मिन्टूए रे प्रकोपो ते लकोई देओ। 
\v 17 कऊँकि प्रकोपो रा से डराऊणा दिन जिदे परमेशरो और मिन्टूए सबी खे सजा देणे आयी पऊँछी रा और तेसा सजा खे कोई बी सईन नि करी सकदा।
\c 7
\s इस्राएलो रे 1, 44,000 लोक
\p
\v 1 इजी ते बाद मैं तरतिया रे चारो कूणेयां पाँदे चार स्वर्गदूत खड़े देखे। तिने स्वर्गदूते तरतिया री चारो अवा पकड़ी राखी थी, ताकि तरती या समुद्र या केसी डाल़ो पाँदे अवा नि चलो। 
\v 2 तेबे मैं एक ओर स्वर्गदूतो खे जिऊँदे परमेशरो री मुहर लयी की पूर्वो ते ऊबो खे आऊँदा ऊआ देखेया। तिने तिना चारो स्वर्गदूता ते, जिना खे तरती और समुद्रो रा नुकशाण करने रा अक्क दित्तेया था, जोरे की आक्का पायी की बोलेया, 
\v 3 “जदुओ तक आसे आपणे परमेशरो रे दासो रे माथेया पाँदे मुहर नि लगाई देऊँगे, तदुओ तक तरती, समुद्र और डाल़ा रा नुकशाण नि करना।” 
\v 4 और जिना पाँदे मुहर लगाई, मैं तिना री गिणती सुणी कि इस्राएलो री ल्वादा रे सारे गोत्रा बीचा ते एक लाख चवाल़ी ह्जारा पाँदे मुहर लगाई। 
\v 5 स्वर्गदूते हर गोत्रो ते बारा ह्जारा लोका पाँदे मुहर लगाई: यहूदा रे गोत्रो बीचा ते बारा ह्जारा पाँदे मुहर लगाई, रूबेनो रे गोत्रो बीचा ते बारा ह्जारा पाँदे, गादो रे गोत्रो बीचा ते बारा ह्जारा पाँदे, 
\v 6 आशेरो रे गोत्रो बीचा ते बारा ह्जारा पाँदे, मनश्शिह रे गोत्रो बीचा ते बारा ह्जारा पाँदे, 
\v 7 शमौनो रे गोत्रो बीचा ते बारा ह्जारा पाँदे, लेविए रे गोत्रो बीचा ते बारा ह्जारा पाँदे, इस्साकारो रे गोत्रो बीचा ते बारा ह्जारा पाँदे, 
\v 8 जबूलूनो रे गोत्रो बीचा ते बारा ह्जारा पाँदे, यूसुफो रे गोत्रो बीचा ते बारा ह्जारा पाँदे और बिन्यामीनो रे गोत्रो बीचा ते बारा ह्जारा पाँदे मुहर लगाई।
\s एक बड़ी पीड़
\p
\v 9 इजी ते बाद मैं नजर दित्ती और हर एक जाति, कुल़, लोक और पाषा बीचा ते एक एड़ी बड़ी पीड़ देखी, जेतेखे कोई गिणी नि सको था। सेयो सफेद टाले पईनी की और आपणे आथो रे खजूरो रिया डाल़िया लयी की सिंहासनो रे सामणे और मिन्टूए रे सामणे खड़ी रे थे। 
\v 10 और सेयो लोक जोरे की आक्का पायी की बोलणे लगी रे थे,
\q1 “म्हारे परमेशरो रा, जो सिंहासनो पाँदे बैठी रा
\q1 और मिन्टूए री जय-जयकार ओ
\q1 कऊँकि ये सेयो ईए जिने आसा रा उद्धार कित्तेया।”
\p
\v 11 और सारे स्वर्गदूत, तेस सिंहासन, बुजुर्ग और चारो प्राणिया रे चऊँ कनारे खड़ी रे थे। तेबे सेयो सिंहासनो रे सामणे मुंओ रे पारे रूड़ी गे और परमेशरो गे माथा टेकेया, 
\v 12 और बोलेया,
\q1 “आमीन्,
\q1 म्हारे परमेशरो री स्तुति,
\q1 महिमा, ज्ञान, धन्यवाद, आदर, सामर्थ
\q1 और शक्ति जुगो-जुगो तक बणी री रओ।
\q1 आमीन्।”
\p
\v 13 इजी ते बाद बुजुर्गा बीचा ते एकी जणे मांते पूछेया, “क्या तुसे जाणोए कि ये सफेद टाले पईने रे लोक कूणे? और केथा ते आयी रे?”
\p
\v 14 मैं तेसखे जबाब दित्तेया, “ओ श्रीमान् जी, आँऊ नि जाणदा पर तूँ ई जाणेया।”
\p तिने बुजुर्गे माखे बोलेया, “ये सफेद टाले पईने रे सेयो लोक ए, जो तेस बड़े क्ल़ेशो ते निकल़ी की आयी रे। इने लोके आपणे टाले मिन्टूए रे खूने की तोई की सफेद करी राखे। 
\v 15 इजी बजअ ते,
\q1 “सेयो परमेशरो रे सिंहासनो रे सामणे ए
\q2 और तेसरे मन्दरो रे रात-दिन सेवा करोए
\q1 और जो सिंहासनो पाँदे बैठी रा,
\q2 तेस तिना पाँदे आपणा तम्बू ताणना।
\q1
\v 16 सेयो फेर पूखे-त्याये नि ऊणे
\q2 और ना ई तिना पाँदे तूप
\q2 और ना ई कोई तपन पड़नी।
\q1
\v 17 कऊँकि मिन्टू, जो सिंहासनो रे बीचे ए,
\q2 तेस तिना री रखवाल़ी करनी
\q1 और सेयो जीवनरूपी सूबल़ा रे नेड़े लयी जाणे
\q2 और परमेशरे तिना री आखी ते सारे आसू टूसी देणे।”
\c 8
\s साती मुहर और सूईने रा तूपदान
\p
\v 1 जेबे मिन्टूए साती मुहर खोली, तेबे स्वर्गो रे आदे कंटे तक सन्णाटा छाईगा। 
\v 2 और मैं सेयो सात स्वर्गदूत, जो परमेशरो सामणे खड़े रे रओए, देखे और तिना खे सात तुरहिया दित्तिया।
\p
\v 3 तेबे एक ओर स्वर्गदूत सुईने री तूपदानी लयी की आया और बेदिया रे नेड़े खड़ा ऊईगा। तेस स्वर्गदूतो खे बऊत सारा तूप दित्तेया कि सारे परमेशरो रे लोका री प्रार्थना साथे, सुईने रिया तेसा बेदिया पाँदे, जो सिंहासनो रे सामणे ए, चढ़ाओ। 
\v 4 और तेस तूपो रा तुआँ परमेशरो रे लोका री प्रार्थना साथे, स्वर्गदूतो रे आथो ते, परमेशरो सामणे पऊँछी गा। 
\v 5 तेबे स्वर्गदूते तूपदानी लयी की तिदे बेदिया री आग परी और तरतिया रे पाई ती, तेबे गिड़ना, आवाज, बिजल़िया और इल्लण ऊणे लगे।
\s सात तुरहिया
\p
\v 6 तेबे सेयो सातो स्वर्गदूत, जिना गे सात तुरहिया थिया, फूकर देणे खे त्यार ऊईगे। 
\v 7 पईले स्वर्गदूते तुरहिया रे फूकर दित्ती और खूनो साथे मिले रे ओल़े और आग पैदा ऊई और तरतिया रे पाई ती। इजी बजअ ते तरतिया रा तीजा इस्सा फूखी गा और डाल़ा रा तीजा इस्सा फूखी गा और सारा अरा काआ बी फूखी गा।
\p
\v 8 जेबे दूजे स्वर्गदूते तुरहिया रे फूकर दित्ती, तेबे मानो आगी जेड़ा बल़दा ऊआ एक बड़ा पाह्ड़ समुद्रो रे पायी ता। इजी बजअ ते समुद्रो रा तीजा इस्सा खून ऊईगा। 
\v 9 और समुद्रो री एक तिहाई बणाई रिया चीजा, जिना रे जिऊ था, मरी गिया और जाह्जा रा तीजा इस्सा नाश ऊईगा।
\p
\v 10 जेबे तीजे स्वर्गदूते तुरहिया रे फूकर दित्ती, तेबे एक बड़ा तारा, जो मशाली जेड़ा बल़ो था, सर्गो ते टूटेया और नदिया रे तीजे इस्से पाँदे और पाणिए री सूबल़ा पाँदे आयी की पड़ी गा। 
\v 11 तेस तारे रा नाओं नागदौना था। इजी बजअ ते एक तिहाई पाणी जईरीला और कड़ुआ ऊईगा। बऊत सारे मांणू तेस जईरीले और कड़ुए पाणी पीणे ते मरी गे।
\p
\v 12 जेबे चऊथे स्वर्गदूते तुरहिया रे फूकर दित्ती, तेबे सूरजो री तीजे इस्से पाँदे और चाँदो रे तीजे इस्से पाँदे और तारेया रे तीजे इस्से पाँदे मुसीबत आईगी। इजी बजअ ते तिना रा तीजा इस्सा काल़ा ऊईगा और दिनो रे तीजे इस्से पाँदे न्हेरा ऊईगा और तिंयाँ ई राती रे बी।
\p
\v 13 जेबे आँऊ ये सब देखणे ई लगी रा था, तो सर्गो रे बीचे एक उकाब उड़दे ऊए देखेया और जोरे की ये बोलदे ऊए सुणेया: “तिना स्वर्गदूता री तुरहिया रे शब्दो री बजअ ते, जिना रे फूकर देणी बाकि ए, तरतिया रे रणे वाल़ेया पाँदे हाय! हाय!”
\c 9
\p
\v 1 जेबे पांजुए स्वर्गदूते तुरहिया रे फूकर दित्ती, तेबे मैं स्वर्गो ते तरतिया पाँदे एक तारा रुड़दा ऊआ देखेया। तेसखे एड़े डूगे गड्डे खे खोलणे री कुँजी दित्ती जेतेरी गईराईया रा कोई अंत निए। 
\v 2 जेबे तिने से डूगा गड्डा खोलेया, तेबे तेस गड्डे ते बड़ी पट्ठिया जेड़ा तुआँ निकल़ेया और तेस गड्डे रे तुएँ ते सूरज और सर्गो रे न्‍हेरा ऊईगा। 
\v 3 तेबे तेस तुँए बीचा ते तरतिया पाँदे टिड्डिया निकल़िया और तिना टिड्डिया खे तरतिया रे लोका खे बिच्छुआ जेड़ी डंग बाणे री तागत दित्ती। 
\v 4 तेबे तिना टिड्डिया खे बोलेया कि ना तरतिया रे काओ खे, ना केसी अरयालिया खे, ना केसी डाल़ो रा नुकशाण करो, बस तिना मांणूआ रा, जिना रे माथे रे परमेशरो री मुहर निए। 
\v 5 तिना टिड्डिया खे काणे रा तो नि, पर पाँज मीन्ने तक लोका खे पीड़ देणे रा अक्क दित्तेया और तिना री पीड़ एड़ी थी, जेड़ी बिच्छुआ री डंग बाणे ते मांणूआ खे ओई। 
\v 6 तिना पाँज मीन्नेया दे मांणूआ मौत टोल़नी, पर मिलणी नि और मरने री इच्छा करनी और मौत तिना गे ते नठी जाणी।
\p
\v 7 तिना टिड्डिया रा आकार लड़ाईया खे त्यार कित्ते रे कोड़ेया जेड़ा था और तिना रे सिरो पाँदे मानो सुईने रे जे मुकट थे और तिना रे मूँ मांणूआ जेड़े थे। 
\v 8 तिना रे बाल़ जवाणसा जेड़े लाम्बे थे और दाँद शेरो जेड़े मजबूत थे। 
\v 9 तिना रा शरीर मानो लोए री झिलमा ते टकी रा था। तिना रे पंखो री आवाज एड़ी थी, जेड़ी रथ और बऊत सारे कोड़ेया री ओई, जो लड़ाईया रे दौड़ोए। 
\v 10 तिना री पूँछ बिच्छुआ जेड़ी थी और तिना रे डंग थे और तिना खे पाँज मीन्ने तक मांणूआ खे दुःख पऊँछाणे री जो शक्ति देई राखी थी, से तिना री पूँछा रे थी। 
\v 11 जेते डूगे गड्डे री गईराईया अंत निए तेतेरा रा दूत तिना पाँदे राजा था। तेस राजे रा नाओं इब्रानिया रे अबद्दोन और यूनानिया रे अपुल्लयोन था।
\p
\v 12 पईली मुसीबत बित्ती चुकी, देखो, एबे इना ते बाद दो मुसीबता ओर ऊणे वाल़िया ए।
\p
\v 13 जेबे छठे स्वर्गदूते तुरहिया रे फूकर दित्ती, तो जो सुईने री बेदी परमेशरो सामणे ए, तेसा बेदिया रे चऊँ कूणेयां रे सींगो बीचा ते आऊँदा ऊआ मैं एक शब्द सुणेया। 
\v 14 मानो कोई तेस छठे स्वर्गदूतो ते, जेसगे तुरही थी, बोलेया, “तिना चारो दूता खे, जो बड़ी नदी फराता गे बाने रे ए, खोली देओ।” 
\v 15 तेबे सेयो चारो दूत, जो एसा कअड़िया, दिन, मीन्ना और सालो खे त्यार कित्ते थे, मांणूआ रे तीजे इस्से खे काणे खे आजाद करी ते। 
\v 16 और फौजा रे सवांरिया री गिणती बी करोड़ थी, मैं तिना री गिणती सुणी।
\p
\v 17 माखे एस दर्शनो रे कोड़े और तिना रे एड़े सवार दिखे, जिना री झिलम आग, धूम्रकान्त और गन्धको जेड़ी थी। तिना कोड़ेया रे सिर शेरो रे सिरो जेड़े थे और तिना रे मुंओ ते आग, तुआँ और गन्धक निकल़ो थी।
\p
\v 18 इना तिनो महामारिया, मतलब-आग, तुआँ और गन्धका ते जो तेसरे मुंओ ते निकल़ो थी, मांणूआ रा तीजा इस्सा काई ता। 
\v 19 तिना कोड़ेया री शक्ति तिना रे मुंओ रे और तिना री पूँछा रे थी। कऊँकि तिना री पूँछ सापो जेड़ी थी और तिना पूँछा रे सिर बी थे और इना तेई सेयो लोका खे दुःख देओ थे।
\p
\v 20 और बाकि मांणू जो तिना महामारिया ते नि मरे थे, आपणे आथो रे कामो ते मन नि फेरेया कि दुष्टात्मा री, सुईना, चाँदी, पीतल़, पात्थर और काठो री मूर्तिया री पूजा नि करो, जो ना देखी सकोई, ना सुणी सकोई और ना ई चली सकोई। 
\v 21 और जो खून, जादू-टोणा, व्याभिचार और चोरिया तिने कित्ती थी, तिना ते मन नि फेरेया।
\c 10
\s स्वर्गदूत और छोटी कताब
\p
\v 1 तेबे मैं एक ओर तागतबर स्वर्गदूत बादल़ो ते किरे रे, स्वर्गो ते उतरदे ऊए देखेया। तेसरे सिरो पाँदे बादल़ो रा मेघधनुष था और तेसरा मूँ सूरजो जेड़ा और तेसरे पैर आगी रे खम्बे जेड़े थे। 
\v 2 तिने आपणा दाँणा पैर समुद्रो रे और खूँजा तरतिया पाँदे राखेया। तेसरे आथो रे एक छोटी जी खुली री कताब थी। 
\v 3 तेबे से इतणी जोरे की चिंगेया, जेड़ा शेर गर्जोआ और जेबे से चिंगेया, तो गर्जणा री सात आवाजा सुणिया। 
\v 4 जेबे सातो गर्जणा री आवाजा सुणी चुकिया, तो आऊँ लिखणे वाल़ा ई था, पर मैं स्वर्गो ते ये आवाज सुणी, “जो गल्ला गर्जणा रे तिना सात आवाजा ते सुणी राखिया, तिना खे गुप्त राख और लिख नि।”
\p
\v 5 जेस स्वर्गदूतो खे मैं तरतिया पाँदे और समुद्रो रे खड़ेया रा देखेया था, तिने आपणा दाँणा आथ स्वर्गो री तरफा खे चकेया, 
\v 6 और तिने तेसरी जो जुगो-जुगो तक जिऊँदा ए और जिने स्वर्ग और जो कुछ तिदे ए, तरती और जो कुछ तिदे ए और समुद्रो खे और जो कुछ तिदे ए, बणाया, तेसरी ई कसम खाई कि बोलेया, “एबे तो ओर देर नि ऊणी। 
\v 7 तेस बखते जेबे सातुए स्वर्गदूतो तुरहिया रे फूकर देणी, परमेशरो आपणी गुप्त योजना पूरी करनी जेतेरा संदेश तिने आपणे दास भविष्यबक्तेया खे दित्तेया था।”
\p
\v 8 जो आवाज मैं स्वर्गो ते बोलदे ऊए सुणी थी, से फेर मां साथे गल्ला करने लगेया, “जा, जो स्वर्गदूत समुद्र और तरतिया पाँदे खड़ी रा, तेसरे आथो री खुली री कताब लयी लो।”
\p
\v 9 तेबे मैं स्वर्गदूतो गे जाई की बोलेया, “ये छोटी जी कताब माखे दे।” और तिने माखे बोलेया, “लओ, इजी खे खाई दे और एसा तेरा पेट कड़ुआ तो करना, पर तेरे मुंओ रे सईतो जेड़ी मीठी लगणी।” 
\v 10 तेबे आऊँ से छोटी कताब स्वर्गदूतो रे आथो ते लयी की खाई गा। से मेरे मुंओ रे सईतो जेड़ी मीठी तो लगी, पर जेबे आऊँ तेसा खे खाई चुकेया, तो मेरा पेट कड़ुआ ऊईगा। 
\v 11 तेबे माखे ये बोलेया गया, “ताखे बऊत सारे लोका, जातिया, पाषा और राजेया रे बारे रे फेर भविष्यबाणी करनी ऊगी।”
\c 11
\s दो गवाह्
\p
\v 1 तेबे मांगे नापणे खे एक नगल़ दित्तेया और तिने बोलेया, “उठ, परमेशरो रे मन्दर और बेदिया खे नापी लओ और तिदे भक्ति करने वाल़ेया री गिणती करी लओ। 
\v 2 पर मन्दरो रा बारला आँगण छाडी दे, तिजी खे नि नाप कऊँकि से दुजिया जातिया खे देई राखेया। तिना लोका पवित्र नगर यरूशलेम बयाल़ी मीन्ने तक केसणा। 
\v 3 तेस बखते, मां आपणे दो गवाओ खे ये अक्क देणा कि सेयो टाट टखी की एक ह्जार दो सौ साठ दिन तक भविष्यबाणी करो।” 
\v 4 ये दोनो गवाह् ई जैतूनो रे दो डाल़ और दो दिऊए ए, जो तरतिया पाँदे राज करने वाल़े प्रभुए रे सामणे खड़े रओए। 
\v 5 जे कोई तिना खे नुकशाण पऊँछाणा चाओआ, तो तिना रे मुंओ ते आग निकल़ी की तिना रे बैरिया खे स्वा करी देओई। जे कोई तिना खे नुकशाण पऊँछाणा चाओगा, तो जरूर ईंयां ई काया जाणा। 
\v 6 परमेशरे तिना खे ये अक्क देई राखेया कि तिना री भविष्यबाणिया रे दिना रे सेयो सर्गो खे बंद करी देओ, ताकि बादल़ नि बरसो। तिना खे ये अक्क बी मिलेया राए कि पाणिए खे खूनो रे बदली देओ और जेबे-जेबे चाओ तेबे-तेबे तरतिया पाँदे हर प्रकारा री मुसीबत ल्याओ।
\p
\v 7 जेबे सेयो दो गवा आपणी गवाई देई चुकणे, तेबे से डांगर, जो तेते डूगे गड्डे ते जेते री गईराईया रा अंत निए निकल़ना और तिना साथे लड़ी की तिना ते जीतणा और सेयो काई देणे। 
\v 8 तेबे तिना दूँईं गवा री लोथा जो काई राखे थे, तेस बड़े यरूशलेम नगरो रे चौको पाँदे पड़िया री रणियां, जेती तिना रा प्रभु बी क्रूसो पाँदे चढ़ाया था। चिह्नो रे तौरो पाँदे ये नगर सदोम और मिस्र नगरो जेड़ा ए। 
\v 9 सब लोक, कुल़, पाषा और जातिया बीचा ते लोक तिना दूँईं गवा री लोथा साडे तीन दिन तक देखदे रणे, पर तिना री लोथा कब्रा रे केसी खे बी राखणे नि देणियां। 
\v 10 मरने ते पईले ये दोनो गवा तरतिया रे लोका खे बऊत सताओ थे। जेबे तरतिया रे लोका ये सुणना कि सेयो दोनो काईते रे, तेबे सेयो लोक तिना रे मरने ते खुश और मग्न ऊणे और एकी-दूजे गे पेंट पेजणी।
\p
\v 11 पर साडे तीन दिन बाद परमेशरो री तरफा ते जिन्दगिया री आत्मा तिना पाँदे बैठी गी और सेयो आपणे पैरो रे पारे खड़े ऊईगे और तिना खे देखणे वाल़े बऊत डरी गे। 
\v 12 तिजी ते बाद तिना दूँईं खे स्वर्गो ते एक बड़ा शब्द सुणेया, “एती ऊबे आओ।” और ये सुणी की सेयो बादल़ो पाँदे सवार ऊई की आपणे बैरिया रे देखदे-देखदे स्वर्गो पाँदे चढ़ी गे।
\p
\v 13 तेबे तेस बखते ई एक बड़ा-पारी भूकंप ऊआ और यरूशलेम नगरो रा दसुआ इस्सा टल़ी गा और तेस ई भूकंपो ते सात ह्जार मांणू मरी गे, बाकि डरी गे और स्वर्गो रे परमेशरो री महिमा कित्ती।
\p
\v 14 दूजी मुसीबत बित्ती गी, देखो तीजी मुसीबत चट ई आऊणे वाल़ी ए।
\s साती तुरही
\p
\v 15 जेबे सातुए स्वर्गदूते तुरहिया रे फूकर दित्ती, तो स्वर्गो रे इजी रे बारे रे बड़े-बड़े शब्द ऊणे लगे,
\q1 “दुनिया रा राज्य म्हारे प्रभुए रा
\q2 और तेसरे मसीह रा ऊईगा
\q2 और तेस जुगो-जुगो तक राज्य करना।”
\p
\v 16 तेबे चऊबी बुजुर्ग, जो परमेशरो सामणे आपणे-आपणे सिंहासनो पाँदे थे बैठे रे, मुंओ रे पारे रूड़ी की, परमेशरो गे माथा टेकी की 
\v 17 ये बोलणे लगे,
\q1 “ओ सर्वशक्तिमान् प्रभु परमेशर,
\q2 जो आए और जो था,
\q1 आसे तुसा खे धन्यवाद करूँए
\q2 तुसे बड़ी सामर्था खे कामो रे ल्याई की राज्य करी राखेया।”
\q1
\v 18 तेबे दुजिया जातिया खे रोष आईगा
\q2 और तुसा रा प्रकोप आयी की पड़ी गा
\q1 और से बखत आयी पऊँछी रा कि मरेया रा न्याय कित्तेया जाओ
\q2 और तुसा रे दास भविष्यबक्तेया खे, परमेशरो रे लोका खे
\q1 और तिना छोटेया बड़ेया खे, जो तुसा रे नाओं ते डरोए,
\q2 बदला दित्तेया जाओ
\q1 और तरतिया खे बगयाड़ने वाल़े नाश कित्ते जाओ
\p
\v 19 और परमेशरो रा मन्दर, जो स्वर्गो रे ए, से खोलेया और तेसरे मन्दरो रे तेसरी वाचा रा सन्दूक दिशेया। और तेती बिजल़िया, आवाज, गर्जण और ईल्लण ऊणे लगे और बड़े-बड़े ओल़े पड़े।
\c 12
\s जवाणस और अजगर
\p
\v 1 इना गल्ला ते बाद स्वर्गो रे एक नऊखा नजारा दिशेया। मैं देखेया कि एक जवाणस सूरज टखे रे थी और चाँद तेसा रे पैरा निठे था और तेसा रे सिरो पाँदे बारा तारेया रा मुकट था। 
\v 2 से जवाणस गर्भवती थी और चिंगणे लगी री थी, कऊँकि तेसा खे जमणे रिया पीड़ा लगी री थिया और से बच्चा जम्मणे रिया पीड़ा रे थी। 
\v 3 तेबे स्वर्गो रे एक ओर नऊखा नजारा दिशेया और देखो, एक बड़ा लाल अजगर था, जेसरे सात सिर और दस सींग थे और तेसरे सातो सिरो पाँदे सात राजमुकट थे। 
\v 4 तेसरी पूँछे सर्गो रे तारेया रा तीजा इस्सा खिंजी की तरतिया रे पायी ता। और से अजगर तेसा जवाणसा सामणे, जो बच्चे खे पैदा करने वाल़ी थी, खड़ा ऊईगा, ताकि जेबे से बच्चा पैदा करो, तो से तेसा रे बच्चे खे खाई जाओ। 
\v 5 तेसा रे पाऊ ऊआ, जो लोए रा राजदण्ड लये रे, सबी जातिया पाँदे राज्य करने वाल़ा था। और तेसा रा बच्चा परमेशरो गे और तेसरे सिंहासनो गे चकी की पऊँछाई ता। 
\v 6 और से जवाणस तेसा सुनसाण जगा खे नठी गी, जेती परमेशरो री तरफा ते तेसा खे जगा त्यार करी राखी थी, ताकि से तेती एक ह्जार दो सौ साठ दिना तक पाल़ी जाओ।
\p
\v 7 तेबे स्वर्गो रे लड़ाई शुरू ऊईगी। मीकाईल और तेसरे स्वर्गदूत अजगरो साथे लड़ने खे निकल़े, अजगर और तिना रे दूत बी तेस साथे लड़े। 
\v 8 पर से अजगर आरी गा और से और तेसरे दूत स्वर्गो ते निकयाल़ी ते। 
\v 9 तेबे से बड़ा अजगर, मतलब सेई पुराणा साप, जेसखे शैतान बोलोए और सारे दुनिया खे भरमाणे वाल़ा ए, तरतिया रे रूड़ाईता और तेसरे दूत बी तेस साथे रूड़ाईते।
\p
\v 10 तेबे मैं स्वर्गो ते ये बड़ा शब्द आऊँदे ऊए सुणेया,
\q1 “एबे म्हारे परमेशरो रा उद्धार, सामर्थ, राज्य
\q2 और तेसरे मसीह रा अक्क प्रगट ऊई रा।
\q1 कऊँकि म्हारे पाईया पाँदे दोष लगाणे वाल़ा,
\q2 जो दिन-रात म्हारे परमेशरो सामणे,
\q2 तिना पाँदे दोष लगाया करोआ, रुड़ाई ता रा।
\q1
\v 11 और सेयो मिन्टूए रे खूनो री बजअ ते
\q2 और आपणी गवाईया रे वचनो री बजअ ते, तेस पाँदे जयवंत ऊए।
\q1 कऊँकि तिने आपणे प्राण प्यारे नि जाणे,
\q2 एथो तक की मौत बी सयी ली।
\q1
\v 12 इजी बजअ ते, ओ स्वर्गो
\q2 और तिना रे रणे वाल़ेयो मगन रओ,
\q1 ओ तरती और समुद्र, तुसा खे धिक्कार ए,
\q2 कऊँकि शैतान बड़े ई रोषो रे
\q1 तुसा गे उतरी की आईगा रा,
\q2 कऊँकि से जाणोआ कि तेसरा
\q1 थोड़ा ई बखत बाकि ए।”
\p
\v 13 जेबे अजगरे महसूस कित्तेया कि आऊँ तरतिया पाँदे रुड़ाई ता रा, तो से जवाणस, जेसा रे पाऊ जम्मेया था, तेसा खे सताणे लगेया। 
\v 14 तेबे तेसा जवाणसा खे बड़े उकाबो जेड़े दो पंख दित्ते, ताकि सापो गे ते उडी की सुनसाण जगा रे पऊँछी जाओ, जेती से एक बखत और बखतो और आदे बखतो तक पाल़ी जाओ। 
\v 15 तेबे अजगरे तेसा जवाणसा पीछे आपणे मुंओ ते नदिया जेड़ा पाणी लटेया, कि तेसा खे एसा नदिया ते हड़ाई देओ। 
\v 16 पर तरतिये तेसा जवाणसा री मताद कित्ती और आपणा मूँ खोली की, से नदी, जो अजगरे आपणे मुंओ ते बाह्ई थी, पी ती। 
\v 17 नतीजन, अजगरो खे जवाणसा पाँदे रोष आईगा तेबेई तेसा री बाकि ल्वादा ते, जो परमेशरो रे ऊक्मो खे मानोए और प्रभु यीशुए री गवाई देणे रे टीके रे थे, लड़ने खे गया 
\v 18 और से अजगर समुद्रो रे कनारे पाँदे जायी की खड़ा ऊईगा।
\c 13
\s दो डांगर
\p
\v 1 तेबे मैं एक डांगर समुद्रो ते निकल़दा ऊआ देखेया, जेसरे दस सींग और सात सिर थे। तेसरे सातो सिरा पाँदे दस राजमुकुट थे और तेसरे हर सिरो पाँदे परमेशरो री निन्दा रे नाओं लिखी राखे थे। 
\v 2 जो डांगर मैं देखेया, से चीत्ते जेड़ा था, तेसरे पैर पालूओ जेड़े थे, मूँ शेरो जेड़ा था। तिने अजगरे आपणी सामर्थ, आपणा सिंहासन और बड़ा अक्क तेसखे देईता। 
\v 3 मैं तेस डांगरो रे सिरो बीचा ते एकी पाँदे एक बड़ा-पारी जख्म देखेया, मानो से मरने वाल़ा ए, तेबे तेसरे प्राण लणे वाल़ा जख्म ठीक ऊईगा और सारी तरतिया रे लोक तेस पीछे-पीछे अचम्बा करदे ऊए चले। 
\v 4 तिने अजगरो री पूजा कित्ती, कऊँकि तिने डांगरो खे आपणा अक्क देईता था और ये बोली की डांगरो री पूजा कित्ती कि, “एस डांगरो जेड़ा कूणे? कुण एस साथे लड़ी सकोआ?”
\p
\v 5 तेस डांगरो खे त्वाल़िया मारने खे और परमेशरो री निन्दा करने खे अक्क दित्तेया। तेसखे बयाल़ी मीन्ने तक काम करने रा अक्क दित्तेया। 
\v 6 तिने डांगरे परमेशरो री निन्दा करने खे मूँ खोलेया कि तेसरा नाओं और तेसरा तम्बू, मतलब स्वर्गो रे रणे वाल़ेया री निन्दा करो। 
\v 7 तेस डांगरो खे ये अक्क दित्तेया कि परमेशरो रे लोका साथे लड़ो, तिना पाँदे जय पाओ। तेसखे हर एक कुल़, लोक, पाषा और जातिया पाँदे अक्क दित्तेया। 
\v 8 तरतिया रे सब रणे वाल़ेया तेस डांगरो री पूजा करनी मतलब सेयो लोक जिना रे नाओं दुनिया री शुरूआता तेई तेस मिन्टूए री जीवनो री कताबा रे नि लिखी राखे थे। से मिन्टू ईए जो काई राखेया था।
\p
\v 9 जो समजी सकोआ से तिजी खे त्यानो साथे सुणो और मानी बी लओ।
\q1
\v 10 जेसखे कैदा रे पड़ना ए,
\q2 से कैदा रे पड़ना,
\q1 जो तलवारी ते बाओगा,
\q2 जरूरी ए कि से तलवारी की काया जाणा,
\p परमेशरो रे लोका रा सब्र और विश्वास इदे ई आए।
\s तरतिया बीचा ते निकल़ेया रा डांगर
\p
\v 11 तेबे मैं एक ओर डांगर तरतिया ते निकल़दे ऊए देखेया, तेसरे मिन्टूए जेड़े दो सींग थे और से अजगरो जेड़ा बोलो था। 
\v 12 ये तेस पईले डांगरो रा सारा अक्क तेस सामणे कामो रे ल्याओ था और तरती और तिदे रणे वाल़ेया ते तेस पईले डांगरो री पूजा कराओ था, जेसरे प्राण लणे वाल़ा जख्म ठीक ऊईगा था। 
\v 13 ये दूजा डांगर बड़े-बड़े चिह्न् दखाओ था, एथो तक ई मांणूआ सामणे सर्गो ते तरतिया पाँदे आगी री बरखा करी देओ था। 
\v 14 तिना बड़े-बड़े चिह्न् री बजअ ते, जो तेस डांगरो सामणे दखाणे रा अक्क तेसखे दित्तेया था, से तरतिया पाँदे रणे वाल़ेया खे ईंयां भरमाओ था कि तरतिया रे रणे वाल़ेया खे बोलो था कि जेस डांगरो रे तलवार लगी थी, से जिऊँदा ऊईगा रा, तेसरी मूरत बणाओ। 
\v 15 तेस दूजे डांगरो खे तेस पईले डांगरो री मूरता रे प्राण पाणे रा अक्क दित्तेया, ताकि डांगरो री मूरत बोलणे लगो और जितणे लोक तेस डांगरो री मूरता री पूजा नि करो, तिना खे काई देओ। 
\v 16 तेबे तिने दूजे डांगरे सबी लोका खे छोटा या बड़ा, अमीर या गरीब और आजाद या दास सबी रे दाँणे आथो रे या तिना रे माथे पाँदे पईले डांगरो री छाप लगाणे के मजबूर कित्तेया। 
\v 17 ताकि तेसखे छाडी की, जेस पाँदे छाप, मतलब-तेस डांगरो रा नाओं या तेसरे नाओं रा अंक ओ और दूजा कोई लेण-देण नि करी सको। 
\v 18 इजी खे समजणे खे दमाको री जरूरत ए। पर जेसगे दमाक ए से ये पता लगाई सकोआ कि एस डांगरो रे अंको रा क्या मतलब ए। कऊँकि ये एक मांणूए रा नाओं ए। और तेसरा अंक छे सौ छयाठ ए।
\c 14
\s मिन्टू और तिना रे लोक
\p
\v 1 तिना गल्ला ते बाद मैं नजर दित्ती और देखो, से मिन्टू सिय्योनो रे पाह्ड़ो पाँदे खड़ी रा। और तेस साथे एक लाख चवाल़ी ह्जार जणे ए, जिना रे माथे पाँदे तेसरा नाओं और पिते रा नाओं लिखी राखेया। 
\v 2 और स्वर्गो ते माखे एक एड़ी आवाज सुणी, जो बऊत सारे पाणिए री और बड़ी गिड़ने री जी आवाज थी और जो आवाज मैं सुणी, से एड़ी थी, मानो बीणा बजाणे वाल़े बीणा बजाओए। 
\v 3 सेयो एक लाख चवाल़ी ह्जार लोक सिंहासनो सामणे और चारो प्राणिया सामणे और बुजुर्गा सामणे, मानो ये नया गाणा गाणे लगी रे थे और तिना एक लाख चवाल़ी ह्जार जणेया खे छाडी की, जो तरतिया पाँदा ते मोले लयी राखे थे, कोई से गाणा नि सिखी सको था। 
\v 4 ये एक लाख चवाल़ी ह्जार सेयो लोक ए, जो जवाणसा साथे अशुद्ध नि ऊए, पर कुआँरे ए, यो सेयो ईए कि जेती केथी मिन्टू जाओ था, सेयो तेस पीछे चली पड़ो थे। यो तो परमेशर और मिन्टूए खे पईले फल़ो जेड़े मांणूआ बीचा ते मोले लयी राखे। 
\v 5 तिना रे मुंओ ते कदी चूठ नि निकल़ेया, सेयो निर्दोष ए।
\s तीन स्वर्गदूत
\p
\v 6 तेबे मैं एक ओर स्वर्गदूत सर्गो रे उड़दा ऊआ देखेया, जेसगे तरतिया रे रणे वाल़ेया री हर जाति, कुल़, पाषा और लोका खे सुनाणे खे सदा कालो रा ईश्वरीय सुसमाचार था। 
\v 7 और तिने जोरे की बोलेया, “परमेशरो ते डरो और तेसरी महिमा करो, कऊँकि तेसरे न्याय करने रा बखत आयी पऊँछी रा। और तेसरी भक्ति करो, जिने स्वर्ग, तरती, समुद्र और पाणिए रिया सूबल़ा बणाईया।”
\p
\v 8 तेबे इजी ते बाद एक ओर दूजा स्वर्गदूत ये बोलदा ऊआ आया, “रुड़ी गा, से बड़ा बेबीलोन रुड़ी गा, जिने आपणे व्याभिचारो री कोपमय शराब सबी जातिया खे पल़याई।”
\p
\v 9 तेबे इना ते बाद एक ओर तीजा स्वर्गदूत जोरे की ये बोलदा ऊआ आया, “जो कोई तेस डांगर और तेसरी मूरता री पूजा करो और आपणे माथे रे या आपणे आथो रे तेसरी छाप लओ, 
\v 10 तो तेस परमेशरो रे प्रकोपो री छुदी शराब, जो तेसरे रोषो रे कटोरे रे पाई राखी, पीणी और पवित्र स्वर्गदूता सामणे और मिन्टूए सामणे आग और गन्धको री पीड़ा रे पड़ना। 
\v 11 तिना री पीड़ा रा तुआँ जुगो-जुगो तक उठदा रणा और जो तेस डांगर और तेसरी मूरता री पूजा करोए और जो तिना रे नाओं री छाप लओए, तिना खे रात-दिन चैन नि मिलणा।” 
\v 12 कऊँकि ये सारिया गल्ला ऊणे वाल़िया ए इजी खे परमेशरो रे लोका रा सब्र इदे ईए, जो परमेशरो री आज्ञा खे मानोए और यीशुए पाँदे विश्वास करोए। 
\v 13 मैं स्वर्गो ते ये आवाज सुणी, “लिख: जो मुड़दे प्रभुए रे मरोए, सेयो एबुए ते धन्य ए।” आत्मा बोलोआ, “आ, कऊँकि तिना खे आपणी मईणता ते आराम मिलणा और तिना रे काम तिना साथे ओए ए।”
\s बडाई (कटनी)
\p
\v 14 तेबे मैं नजर दित्ती और देखो, एक उजल़ा बादल़ था और तेस बादल़ो पाँदे माणूं रे पुत्रो जेड़ा कोई बैठी रा था, जेसरे सिरो पाँदे सुईने रा मुकट और आथो रे पैनी दराटी थी। 
\v 15 तेबे एकी और स्वर्गदूते मन्दरो ते निकल़ी की तेसते, जो बादल़ो पाँदे बैठी रा था, जोरे की आक्का पाई की बोलेया, “आपणी दराटी लयी की बाड, कऊँकि बाडणे रा बखत आईगा रा, कऊँकि तरतिया री फसल पाक्की चुकी री।” 
\v 16 तेबे से जो बादल़ो पाँदे बैठी रा था, तिने तरतिया पाँदे आपणी दराटी लगाई और तरतिया री फसल बाडी ती।
\p
\v 17 तेबे एक और स्वर्गदूत तेस मन्दरो ते निकल़ेया, जो स्वर्गो रे ए और तेसगे बी पैनी दराटी थी। 
\v 18 तेबे एक ओर स्वर्गदूत, जेसखे आगी पाँदे अक्क था, बेदिया ते निकल़ेया और जेसगे पैनी दराटी थी, तिने जोरे की बोलेया, “आपणी पैनी दराटी लगाई की, तरतिया री अँगूरो री बेला रे गुच्छे बाडी दे, कऊँकि तिजी रे अँगूर पाक्की चुकी रे।” 
\v 19 तेबे तिने स्वर्गदूते आपणी दराटी लगाई और तरतिया पाँदलिया अँगूरा रिया बेली रा फल बाडी की आपणे परमेशरो रे प्रकोपो रे बड़े रसकूण्डो रे पाईता 
\v 20 और नगरो ते बारे तेस रसकूण्डो रे अँगूर माण्डे और रसकूण्डो ते इतणा खून निकल़ेया कि कोड़ेया री लगामा तक पऊँछेया और से सौ कोह तक बईगा।
\c 15
\s आखरी मुसीबता साथे स्वर्गदूत
\p
\v 1 इजी ते बाद मैं स्वर्गो रे एक ओर बड़ा और नऊखा नजारा देखेया, मतलब-सात स्वर्गदूत, जिना गे सातो आखरी मुसीबता थिया, कऊँकि तिना रे ऊणे ते परमेशरो रे प्रकोपो रा अंत ए। 
\v 2 और मैं आगी साथे मिले रा काँचो जेड़ा एक समुद्र देखेया और जो तेस डांगरो पाँदे, तेसरी मूरता पाँदे और तेसरे नाओं रे अंको पाँदे जयवंत ऊए थे, सेयो तेस काँचो रे समुद्रो रे नेड़े परमेशरो री बीणा लयी की खड़े देखे। 
\v 3 सेयो परमेशरो रे दास मूसे रा गाणा और मिन्टूए रा गाणा गायी-गायी की बोलो थे,
\q1 “ओ सर्वशक्तिमान् प्रभु परमेशर,
\q2 तेरे काम बड़े और नऊखे ए,
\q1 ओ जुगो-जुगो रे राजा,
\q2 तेरी चाल ठीक और सच्ची ए।
\q1
\v 4 ओ प्रभु, तांते कुण नि डरना
\q2 और केस तेरे नाओं री महिमा नि करनी?
\q1 कऊँकि बस तूँ ई पवित्र ए।
\q2 सारिया जातिया तांगे आयी की माथा टेकणा,
\q1 कऊँकि तेरे न्याय रे काम प्रगट ऊईगे रे।”
\p
\v 5 इजी ते बाद मैं देखेया कि स्वर्गो रे मन्दर खोलेया और तिदे साक्षिया रा तम्बू था। 
\v 6 और सेयो सातो स्वर्गदूत, जिना गे सातो मुसीबता थिया, मलमलो रे शुद्ध और चमकदे ऊए टाल्ले पईनी की और छातिया पाँदे सुईने री पट्टिया बानी की मन्दरो ते निकल़े। 
\v 7 तेबे तिना चारो प्राणिया बीचा ते एकी जणे तिना सातो स्वर्गदूता खे परमेशरो रे, जो जुगो-जुगो तक जिऊँदा ए, प्रकोपो ते फरे रे सात सुईने रे कटोरे दित्ते 
\v 8 और परमेशरो री महिमा और तेसरी सामर्था री बजअ ते मन्दर तुँए की फरी गा। और जदुओ तक तिना सातो स्वर्गदूता रिया सातो मुसीबता खत्म नि ऊईया, तदुओ तक कोई मन्दरो रे नि जाई सकेया।
\c 16
\s परमेशरो रे प्रकोपो रे सात कटोरे
\p
\v 1 तिजी ते बाद मैं मन्दरो रे कोई जोरे की तिना सातो स्वर्गदूता खे ये बोलदे ऊए सुणेया, “जाओ, परमेशरो रे प्रकोपो रे सातो कटोरे तरतिया पाँदे लटी देओ।”
\p
\v 2 पईले स्वर्गदूते जाई की आपणा कटोरा लटी ता। और तिना मांणूआ रे, जिना पाँदे डांगरो री छाप थी और जो तेसरी मूरता री पूजा करो थे, एक किस्मा रा बुरा और पीड़ देणे वाल़ा फोड़ा निकल़ेया।
\p
\v 3 फेर दूजे स्वर्गदूते आपणा कटोरा समुद्रो बीचे लटी ता और से मरे रे जे मांणूए रे खूनो जेड़ा बणीगा। और समुद्रो रे सारे जीव मरी गे।
\p
\v 4 तीजे स्वर्गदूते आपणा कटोरा नदिया और पाणिए री सूबल़ा पाँदे लटी ता और सेयो खून बणी गे। 
\v 5 और मैं पाणिए रे स्वर्गदूतो खे ये बोलदे ऊए सुणेया,
\q1 “ओ पवित्र परमेशर, जो आए और जो था,
\q2 तूँ न्यायी ए और तैं ये न्याय कित्तेया।
\q1
\v 6 कऊँकि तिने परमेशरो रे लोका रा और भविष्यबक्तेया रा खून बाह्ई राखेया था
\q2 और तैं तिना खे खून पल़याया, कऊँकि सेयो इजी जोगे ईए।”
\p
\v 7 और मैं फेर बेदिया ते ये आवाज सुणी,
\q1 “आ, ओ सर्वशक्तिमान् प्रभु परमेशर,
\q2 तेरे फैंसले ठीक और सच्चे ए।”
\p
\v 8 चौथे स्वर्गदूते आपणा कटोरा सूरजो पाँदे लटी ता और तेसखे मांणूआ खे आगी साथे फूकणे रा अक्क दित्तेया। 
\v 9 मांणू बड़ी-पारी गर्मिया ते फूखी गे और तिने लोके परमेशरो रे नाओं री, जेसखे इना मुसीबता पाँदे अक्क ए, निन्दा कित्ती और आपणे पापो ते मन नि फेरेया और ना ई तेसरी महिमा कित्ती।
\p
\v 10 पांजुए स्वर्गदूते आपणा कटोरा तेस डांगरो रे सिंहासनो पाँदे लटी ता और नतीजन, तेसरे पूरे राज्य रे न्हेरा ऊईगा। और लोक पीड़ा रे मारे आपणी-आपणी जीब चबाणे लगे। 
\v 11 आपणी पीड़ और फोड़ेया री बजअ ते तिने स्वर्गो रे परमेशरो री निन्दा कित्ती। पर तिने लोके आपणे-आपणे बुरे कामो ते मन नि फेरेया।
\p
\v 12 छठे स्वर्गदूते आपणा कटोरा बड़ी फरात नदिया पाँदे लटी ता और नतीजन, तिजी रा पाणी सूकी गा, कि पूर्व दिशा रे राजेया खे बाट त्यार ऊई जाओ। 
\v 13 और मैं तेस अजगरो रे मुंओ ते और तेस डांगरो रे मुंओ ते और तेस चूठे भविष्यबक्ते रे मुंओ ते, तीन अशुद्ध आत्मा मिनके रे रूपो रे निकल़दे ऊए देखी। 
\v 14 यो बड़े-बड़े चिह्न् दखाणे वाल़ी दुष्टात्मा ए, जो सारे दुनिया रे राजेया गे निकल़ी की इजी खे जाओई, ताकि तिना खे सर्वशक्तिमान् परमेशरो रे तेस बड़े दिनो री लड़ाईया खे कट्ठा करो।
\p
\v 15 मसीहे बोलेया, “देख, आऊँ चोरो जेड़ा आऊँआ, धन्य ए से, जो जागदा रओआ और आपणे टालेया री चौकसी करोआ कि नांगा नि फिरो और लोक तेसखे नांगा नि देखो।”
\p
\v 16 और तिने दुष्टात्मे राजेया खे तेसा जगा रे कट्ठे कित्तेया, जेतेखे इब्रानी पाषा रे हर-मगिदोन बोलोए।
\p
\v 17 और सातुए स्वर्गदूते आपणा कटोरा अवा रे लटी ता, और मन्दरो रे सिंहासनो ते ये बड़ी आवाज ऊई, “पूरा ऊईगा।” 
\v 18 फेर बिजल़िया, आवाज, गर्जण और एक एड़ा ईल्लण ऊआ कि जदुओ ते मांणूआ री उत्पत्ति तरतिया रे ऊई, तदुओ ते एड़ा ईल्लण कदी नि ऊआ था। 
\v 19 इजी ते तेस बड़े नगरो रे तीन टुकड़े ऊईगे और जातिया-जातिया रे नगर टल़ी गे और बड़े बेबीलोनो री याद परमेशरो रे एती ऊई, कि से आपणे रोषो री जल़ना री शराब तेसखे पल़याओ। 
\v 20 और हर एक टापू आपणी जगा ते टल़ी गा और पाह्ड़ो रा कोई पता नि लगेया। 
\v 21 और सर्गो ते मांणूआ पाँदे मण-मण परी की ओल़े पड़े, कऊँकि ये मुसीबत बऊत ई पारी थी, लोके ओल़ेया री मुसीबता री बजअ ते परमेशरो री निन्दा कित्ती।
\c 17
\s बड़ी वेश्या
\p
\v 1 जिना सात स्वर्गदूता गे सात कटोरे थे, तिना बीचा ते एकी जणे मांगे आयी की बोलेया, “ओरे आओ, आऊँ ताखे तेसा बड़ी वेश्या रा दण्ड दखाऊँ, जो बऊत सारे पाणिए पाँदे बैठी री। 
\v 2 तेसा साथे तरतिया रे राजे व्याभिचार कित्तेया और तरतिया रे रणे वाल़े तेसा रे व्याभिचारो री शराबो ते नशेड़ी ऊईगे थे।”
\p
\v 3 आत्मा री मतादा ते स्वर्गदूत माखे सुनसाण जगा रे लयी गा और मैं लाल रंगो रे डांगरो पाँदे जो निन्दा रे नाओं ते परेया रा था और जेसरे सात सिर और दस सींग थे, एक जवाणस बैठी री देखी। 
\v 4 एसे जवाणसे बैंगणी और लाल रंगो रे टाले पईने रे थे और सुईने, किमती मणि और मोतिए की सजी री थी। और तेसा रे आथो रे एक सुईने रा कटोरा था, जो घृणित चीजा ते और तिजी रे व्याभिचारो री अशुद्ध चीजा ते फरे रा था। 
\v 5 तेसा रे माथे पाँदे एक एड़ा नाओं लिखी राखेया था जो एक राज ए। तिने बोलेया, “बड़ा बेबीलोन तरतिया री वेश्या और घृणित चीजा री माता।” 
\v 6 मैं से जवाणस परमेशरो रे लोका रा खून और प्रभु यीशुए रे गवाओ रा खून पीणे ते नशेड़ी देखी और तेसा खे देखी की आऊँ हैरान ऊईगा।
\s जवाणस और डांगरो रा मतलब
\p
\v 7 तिने स्वर्गदूते माखे बोलेया, “तूँ हैरान नि ओ। आऊँ ताखे एसा जवाणसा रा और तेस डांगरो रा, जेते पाँदे से सवार ए और जेसरे सात सिर और दस सींग ए, पेत बताऊँआ। 
\v 8 जो डांगर तैं देखेया, ये पईले तो था, पर एबे निए और जेते डूगे गड्डे री गईराईया रा अंत निए तेथा ते निकल़ी की नाशो रे पड़ना। और तरतिया रे सब रणे वाल़ेया, जिना रे नाओं दुनिया री शुरूआता रे बखतो ते जिन्दगिया री कताबा रे नि लिखी राखे, एस डांगरो री ये दशा देखी की कि पईले था और एबे निए और फेर आयी जाणा, अचम्बा करना।
\p
\v 9 “इजी खे समजणे खे दमाको री जरूरत ए। सेयो सात सिर सात पाह्ड़ ए, जिना पाँदे से जवाणस बैठी री। 
\v 10 और सेयो सात राजा बी ए। तिना बीचा ते पाँज तो पईले ई मरी चुके रे। और तिना बीचा ते एक एबुए। और एक एबुए तक नि आयी रा। पर जेबे से आऊणा, तो तेस कुछ बखतो तक ई राज करना। 
\v 11 जो डांगर पईले था और एबे निए, से आपू आठुआ ए और तिना सातो बीचा ते पैदा ऊआ और नाशो रे पड़ना।
\p
\v 12 “जो दस सींग तैं देखे, सेयो दस राजा ए, जिने एबुए तक राज्य नि करी राखेया। पर तेस डांगरो साथे कअड़िया परो खे राजेया जेड़ा अक्क पाणा। 
\v 13 यो सब दस राजा एक मन ऊणे और तिना आपणी-आपणी सामर्थ और अक्क तेस डांगरो खे देणा। 
\v 14 से डांगर और दस राजा मिन्टूए साथे लड़ने और मिन्टूए तिना पाँदे जय पाणी। कऊँकि से प्रभुए रा प्रभु और राजेया रा राजा ए। और जो तेसरे बुलाए रे ए, चूणे रे ए और विश्वासो जोगे तिना साथे ए, तिना री बी जय ऊणी।”
\p
\v 15 तेबे तिने माखे बोलेया, “जो पाणी तैं देखे, जिना पाँदे वेश्या बैठी री, सेयो लोक, पीड़, जाति और पाषा ए। 
\v 16 जो दस सींग तैं देखे तिना और डांगरा वेश्या ते बैर राखणा और से मजबूर और नांगी करी देणी और तेसा रा मांस खाई देणा और से आगी रे फूकी देणी। 
\v 17 कऊँकि परमेशरो तिना रे मनो रे ये पाणा कि सेयो तेसा री इच्छा पूरी करो और जदुओ तक परमेशरो रे वचन पूरे नि ऊई लो, तदुओ तक एक मन ऊई की आपणा-आपणा राज्य तेस डांगरो खे देई देओ। 
\v 18 से जवाणस, जो तैं देखी, से बड़ा नगर ए, जो तरतिया रे राजेया पाँदे राज्य करोआ।”
\c 18
\s बेबीलोनो रा टल़ना
\p
\v 1 इजी ते बाद मैं एक स्वर्गदूत स्वर्गो ते उतरदे ऊए देखेया। से बऊत ई सामर्थी था और तरती तेसरे तेजो ते चमकी गी। 
\v 2 तिने जोरे की आक्का पाई की बोलेया,
\q1 “टल़ी गा, बड़ा बेबीलोन टल़ी गा रा।
\q2 और से दुष्टात्मा री रणे री जगा,
\q1 हर एक अशुद्ध आत्मा रा अड्डा
\q2 और हर एक अशुद्ध
\q1 और घृणित पंछिया रा अड्डा ऊईगा।
\q1
\v 3 कऊँकि तेसा रे व्याभिचारो रे
\q2 शराबो री बजअ ते सब जातिया टल़ी गी रिया।
\q1 तरतिया रे सामर्थी राजेया तेसा साथे
\q2 व्याभिचार करी राखेया
\q1 और तरतिया रे बपारी तेसा रे बऊत जादा
\q2 सुख-बिलासो री बजअ ते अमीर ऊई रे।”
\p
\v 4 तेबे मैं स्वर्गो ते केसी ओरी री आवाज सुणी,
\q1 “ओ मेरे लोको, तिजी बीचा ते निकल़ी की आओ!
\q2 कि तुसे तिजी रे पापो रे शामिल ना ओ
\q1 और तेसरी मुसीबता बीचा ते कोई बी तुसा पाँदे नि पड़ो,
\q1
\v 5 कऊँकि तेसा रे पाप स्वर्गो तक पऊँछी गे रे
\q2 और तेसा रे बुरे काम परमेशरो खे याद आयी रे।
\q1
\v 6 जेड़ा तिने तुसा खे देई राखेया, तेड़ा ई तेसखे बी देओ
\q2 और तेसरे कामो रे मुताबिक तेसखे दुगणा बदला देओ,
\q2 जेती कटोरे रे तिने परी ता था, तिदे ई तेसखे दुगणा परी देओ।
\q1
\v 7 जितणी तिने आपणी तारीफ कित्ती और सुख-बिलास कित्तेया,
\q2 तिथणी तेसखे पीड़ और शोग देओ,
\q1 कऊँकि से आपणे मनो रे बोलोई,
\q2 ‘आऊँ राणी ऊईगी री, बिदुआ नि
\q1 और शोगो रे कदी नि पड़ुँगी।’
\q1
\v 8 इजी बजअ ते एक ई दिनो रे तेसा पाँदे मुसीबता आऊणियां,
\q2 मतलब मौत, शोग, अकाल़
\q1 और से आगी रे स्वा करी देणी,
\q2 कऊँकि तेसा रा न्यायी प्रभु परमेशर तागतबर ए।
\p
\v 9 “तरतिया रे राजा, जिने तेसा साथे व्याभिचार और सुख-बिलास कित्तेया, जेबे तेसा रे फूकणे रा तुआँ देखणा, तो तेसा खे रोणे और छाती पीटणी। 
\v 10 तेसा री पीड़ा रे डरो रे मारे दूर खड़े ऊई की बोलणा,
\q1 “ओ बड़े नगर बेबीलोन, ओ मजबूत नगर तुसा खे धिक्कार ए,
\q2 एकी कंटे बीचे ई ताखे सजा मिलीगी।
\p
\v 11 “तरतिया रे बपारी तेसा खे रोणे और शोग करना, कऊँकि एबे केसी बी तिना रा माल नि लणा, 
\v 12 मतलब सुईना, चाँदी, रत्न, मोती, बैंगणी, रेशमी और लाल टाले और हर प्रकारा री खुशबूदार लकड़ी, आथी दाँदो रिया हर प्रकारा रिया चीजा, किमती लकड़ी, पीतल़, लोआ और संगमरमरो रे सब प्रकारा रिया चीजा, 
\v 13 और दाल़चीनी, मसाले, तूप, इत्र, लोबान, शराब, तेल, मैदा, कणक, गाय, बल़द, पेडा, बाकरिया, कोड़े, रथ, दास और मांणूए खे खरीदणे वाल़ा कोई नि रया।
\p
\v 14 “बपारिए तेसा खे बोलेया, ‘एबे तेरे मनचाए फल तांगा गे ते चली गे और सुख-विलास और पड़कीली चीजा तांते दूर ऊईगिया और सेयो फेर कदी नि मिलणिया।’ 
\v 15 इना चीजा रे बपारी, जो तेसा रे जरिए अमीर ऊईगे थे, तेसा री पीड़ा रे डरो रे मारे दूर खड़े ऊणे और रोंदे और शोग करदे ऊए बोलणा,
\q1
\v 16 “ताखे धिक्कार ए, धिक्कार ए, से बड़ा नगर,
\q2 जो मलमल, बैंगणी और लाल टाले पईनी की था
\q2 और सुईना, रत्न और मोतियो साथे सजेया रा था,
\q1
\v 17 थोड़े बखतो रेई तिजी रा एड़ा पारी धन नाश ऊईगा।
\p “हर एक मांझी, जलयात्री, मल्लाह और जितणे समुद्रो ते कमाओ थे, सब दूर खड़े ऊईगे। 
\v 18 और तेसा रे फूखणे रा तुआँ देखदे ऊए आक्का पाई की बोलणा, ‘कुण जा नगर, एस बड़े नगरो जेड़ा ए?’ 
\v 19 तिना आपणे-आपणे सिरो पाँदे तूड़ पाणी और रोंदे और शोग करदे ऊए चींगी-चींगी की बोलणा,
\q1 “धिक्कार ए, धिक्कार ए, ये बड़ा नगर
\q2 जेतेरी जायदाता रे जरिए समुद्रो रे
\q1 सब जाह्ज वाल़े अमीर ऊईगे थे,
\q2 थोड़े बखतो रेई उजड़ी गे।
\q1
\v 20 ओ स्वर्ग और ओ परमेशरो रे लोको और प्रेरितों
\q2 और भविष्यबक्तेयो, तेसा पाँदे खुशी करो,
\q1 कऊँकि परमेशरे न्याय करी की
\q2 तेसा ते तुसा रा बदला लयी राखेया।”
\p
\v 21 तेबे एक तागतबर स्वर्गदूते एक बड़ी चाक्किया रे पूड़ो जेड़ा एक पात्थर चकेया और ये बोली की समुद्रो रे सेटी ता,
\q1 “बड़ा नगर बेबीलोन एड़ी ई बड़ी तागता ते सेटेया जाणा
\q2 और फेर कदी तेसरा पता नि मिलणा।
\q1
\v 22 बीणा बजाणे वाल़े, गाणे वाल़े, बंसी बजाणे वाल़े
\q2 और तुरहिया रे फूकर बाणे वाल़ेया री
\q2 आवाज फेर कदी तांदे नि सुणनी
\q1 और केसी कामो रा कारीगर बी
\q2 फेर कदी तांदे नि मिलणा
\q1 और चाक्किया रे चलणे री आवाज
\q2 फेर कदी तांदे सुणनी नि।
\q1
\v 23 दिऊएया रा प्रयासा फेर कदी तांदे नि चमकणा
\q2 और लाड़े-लाड़िया री आवाज फेर कदी तांदे सुणनी नि,
\q1 कऊँकि तेरे बपारी तरतिया रे प्रदान थे
\q2 और तेरे जादू-टोणे ते सारी जातिया भरमाईया थिया।
\q1
\v 24 भविष्यबक्ता, परमेशरो रे लोक
\q2 और तरतिया रे सब काये रे रा खून तिदे ई मिलेया।”
\c 19
\p
\v 1 इजी ते बाद मैं स्वर्गो रे मानो बड़ी पीड़ जोरे की ये बोलदे ऊए सुणी,
\q1 “हाल्लेलूय्या,
\q1 उद्धार, महिमा और सामर्थ म्हारे परमेशरो री ए।
\q2
\v 2 कऊँकि तेसरे फैंसले सच्चे और ठीक ए।
\q1 तिने तेसा बड़ी वेश्या रा,
\q2 जो आपणे व्याभिचारो ते तरतिया खे प्रष्ट करो थी, न्याय कित्तेया।
\q1 और तेसा ते आपणे दासो रे खूनो रा बदला लया।”
\p
\v 3 तेबे दूजी बार तिने फेर बोलेया,
\q1 “हाल्लेलूय्या!
\q2 तेसा रे फूखणे रा तुआँ जुगो-जुगो तक उठदा रणा।”
\p
\v 4 तेबे चऊबी बुजुर्गे और चारो प्राणिये थाले पड़ी की परमेशरो गे माथा टेकेया, जो सिंहासनो रे बैठी रा था। और तिने बोलेया,
\q1 “आमीन्, हाल्लेलूय्या!”
\s मिन्टूए रा ब्या
\p
\v 5 तेबे सिंहासनो ते एक आवाज निकल़ी,
\q1 “ओ म्हारे परमेशरो ते सब डरने वाल़े दासो,
\q2 क्या छोटे, क्या बड़े,
\q2 तुसे सब परमेशरो री स्तुति करो।”
\p
\v 6 तेबे मैं बड़ी पीड़ा री जी, बऊत पाणिए री जी और गर्जणे री जी आवाज सुणी,
\q1 “हाल्लेलूय्या!
\q2 कऊँकि प्रभु म्हारा परमेशर सर्वशक्तिमान् राज्य करोआ।
\q1
\v 7 आओ, आसे खुश ऊई की मग्न ओईए
\q2 और तेसरी स्तुति करिए,
\q1 कऊँकि मिन्टूए रा ब्या आयी पऊँछी रा
\q2 और तेसरी लाड़िए आपू खे त्यार करी ता रा।
\q1
\v 8 और तेसा खे शुद्ध और चमकदार
\q2 बरीक मलमल पईनणे रा अक्क दित्तेया।”
\q1 कऊँकि तेस बरीक मलमलो रा मतलब,
\q2 परमेशरो रे लोका रे तर्मो रे काम ए।
\p
\v 9 तेबे स्वर्गदूते माखे बोलेया, “ये लिख: धन्य ए सेयो, जो मिन्टूए रे ब्याओ री पाट्टिया रे बुलाई राखे।” तेबे तिने माखे बोलेया, “यो वचन परमेशरो रे सच्चे वचन ए।” 
\v 10 तेबे आऊँ तेसगे माथा टेकणे खे तेसरे पैरा पाँदे पड़ी गा। तिने माखे बोलेया, “देख, एड़ा नि कर। आऊँ तेरे जेड़ा ई परमेशरो रा दास ए, जो यीशुए री गवाई देणे रे टीके राए। परमेशरो गे ई माथा टेक।” कऊँकि यीशुए री गवाई, भविष्यबाणिया री आत्मा ए।
\s सफेद कोड़े रा सवार
\p
\v 11 तेबे मैं स्वर्ग खुले रा देखेया। तेती मां सामणे एक सफेद कोड़ा था और तेस पाँदे एक सवार था, जेसखे विश्वासो जोगा और सच्चा बोलोए। और से धार्मिकता रे न्याय और लड़ाई करोआ। 
\v 12 तेसरी आखी आगी री लूपिया ए, तेसरे सिरो पाँदे बऊत सारे राजमुकट ए। और तेसरा एक नाओं तिजी पाँदे लिखी राखेया, जो तेसखे छाडी की ओर कोई नि जाणदा। 
\v 13 तिने खूनो बीचे डबोए रे टाले पईने रे थे और तेसरा नाओं परमेशरो रा वचन ए। 
\v 14 स्वर्गो री बऊत सेना सफेद कोड़ेया पाँदे सवार और शुद्ध मलमल पईनी की तेस पीछे-पीछे थी। 
\v 15 जातिया-जातिया खे काणे खे तेसरे मुंओ ते एड़ी चोखी तलवार निकल़ोई और तेस लोए रा राजदण्ड लयी की तिना पाँदे राज्य करना और तेस सर्वशक्तिमान् परमेशरो रे डराऊणे प्रकोपो री जलजलाहटा रे शराबो रे कुण्डो रे दाख माण्डणी। 
\v 16 तेसरे टाले और खुटिया रे ये नाओं लिखी राखेया: “राजेया रा राजा और प्रभुए रा प्रभु।”
\p
\v 17 तेबे मैं एक स्वर्गदूत सूरजो पाँदे खड़ेया रा देखेया, तिने जोरे की आक्का पायी की सर्गो रे बीचे उड़ने वाल़े सब मांस खाणे वाल़े पंछिया खे बोलेया, “आओ परमेशरो री पाट्टिया खे कट्ठे ऊई जाओ। 
\v 18 ताकि तुसे राजेया रा मांस, सरदारा रा मांस, तागतबर मर्दा रा मांस, कोड़े और तिना रे सवारो रा मांस और क्या आजाद क्या दास, क्या छोटे, क्या बड़े, सबी लोका रा मांस खाओ।”
\p
\v 19 तेबे मैं तेस डांगरो खे और तरतिया रे राजा और तिना री सेना खे तेस साथे जो कोड़े पाँदे सवार था और तेसरी सेना साथे लड़ने खे कट्ठे ऊँदे देखेया। 
\v 20 और से डांगर और तेस साथे से चूठा भविष्यबक्ता पखड़ी गा। तिने चूठे भविष्यबक्ते तेस डांगरो री तरफा ते बड़े-बड़े चिह्न् दखाए थे और तिना सबी लोका खे तोखा दित्तेया था, जिने आपणे माथे पाँदे तेस डांगरो री छाप लयी थी और जो तेसरी मूरता री पूजा करो थे। यो दोनो जिऊँदे जिऊए तेसा आगी री झीला दे, जो गन्धको साथे बल़ो थी, पायी ते। 
\v 21 बाकि लोक तेस कोड़े रे सवारो री तलवारी ते, जो तेसरे मुंओ ते निकल़ो थी, कायी ते और सब पंछी तिना रे मासो की रज्जी गे।
\c 20
\s ह्जार सालो रा राज्य
\p
\v 1 तेबे मैं एक स्वर्गदूत स्वर्गो ते उतरदे ऊए देखेया, जेसरे आथो रे तेस डूगे गड्डे री जेतेरी गईराईया रा अंत निए कुँजी और एक बड़ी जंजीर थी। 
\v 2 तिने से अजगर, मतलब पुराणा साप, जो शैतान ए, पकड़ी की ह्जार साला खे बानी ता। 
\v 3 तेबे स्वर्गदूते से डांगर तेस डूगे गड्डे रे जेतेरी गईराईया रा अंत निए पायी की बंद करी ता। और तेस पाँदे मुहर लगाईती ताकि से ह्जार साल पूरे ऊणे तक जातिया-जातिया रे लोका खे नि भरमाओ। इजी ते बाद जरूरी ए कि से थोड़ी देरा खे फेर खोलेया जाओ।
\p
\v 4 तेबे मैं सिंहासन देखे, तिना पाँदे लोक बैठीगे और तिना खे न्याय करने रा अक्क दित्तेया। मैं तिना री आत्मा बी देखी, जिना रे सिर यीशुए री गवाई देणे और परमेशरो रे वचनो री बजअ ते बाडे थे और जिने ना तेस डांगरो री, ना तेसरी मूर्तिया री पूजा कित्ती थी और ना तेसरी छाप आपणे माथे और आथो पाँदे लगाई थी। सेयो जिऊँदे ऊई की मसीह साथे ह्जार सालो तक राज्य करदे रये। 
\v 5 जदुओ तक ये ह्जार साल पूरे नि ऊए, तदुओ तक बाकि मरे रे जिऊँदे नि ऊए। ये तो पईला दुबारा जिऊँदा ऊणा ए। 
\v 6 धन्य और पवित्र सेयो ए, जो एस पईले दुबारा जिऊँदा ऊणे रे शामिल ए, एड़ेया पाँदे दूजी मौता रा कोई अक्क निए। पर सेयो परमेशर और मसीह रे पुरोईत ऊणे और तेस साथे ह्जार साला तक राज्य करना।
\s शैतानो रा नाश
\p
\v 7 जेबे ह्जार साल पूरे ऊई जाणे, तेबे शैतान कैदा ते छाडी देणा। 
\v 8 सेयो जातिया जो तरतिया रे चऊँ कनारे ऊणिया, मतलब-गोग और मागोग जिना री गिणती समुद्रो रे बालुओ रे बराबर ऊणी, तिना खे भरमाई की लड़ाईया खे कट्ठे करने खे निकल़ना। 
\v 9 तेबे तिना सारी तरतिया पाँदे फैली की और परमेशरो रे लोका री छावणी और प्यारा नगर केरी लणा और आगी स्वर्गो ते निकल़ी की सेयो स्वा करी देणियां। 
\v 10 तेबे तिना खे भरमाणे वाल़ा शैतान आग और गन्धको री तेसा झीला रे, जिदे से डांगर और चूठा भविष्यबक्ता बी ऊणा, पायी देणा। और सेयो दिन-रात जुगो-जुगो तक पीड़े की तड़फदे रणे।
\s बड़ा सफेद सिंहासन और आखरी न्याय
\p
\v 11 तेबे मैं एक बड़ा सफेद सिंहासन, और से जो तिदे बैठी रा था, देखेया। जेसरे सामणे ते तरती और स्वर्ग नठीगे और तिना खे जगा नि मिली। 
\v 12 तेबे मैं छोटे-बड़े सब मरे रे सिंहासनो सामणे खड़े रे देखे, और कताबा खोलिया। तेबे एक ओर कताब खोली गयी, मतलब-जीवनो री कताब। और जेड़ा तिना कताबा रे लिखी राखेया था, तेड़ा ई तिना रे कामो रे मुताबिक मरेया रा न्याय कित्तेया। 
\v 13 समुद्रे सेयो मरे रे, जो तिदे थे, देई ते, तेबे मौते और नरके सेयो मरे रे, जो तिदे थे देई ते और तिना बीचा ते हर एकी खे तिना रे कामो रे मुताबिक न्याय कित्तेया। 
\v 14 तेबे मौत और नरक बी आगी री झीला रे पाई ते, ये आगी री झील दूजी मौत ए। 
\v 15 और जेस केसी रा नाओं जीवनो री कताबा रे लिखेया रा नि मिलेया, से आगी री झीला रे पायी ता।
\c 21
\s नया सर्ग और नयी तरती
\p
\v 1 तेबे मैं नया सर्ग और नयी तरती देखी, कऊँकि पईला सर्ग और पईली तरती खत्म ऊईगे थे और समुद्र पनि रया। 
\v 2 तेबे मैं पवित्र नगर यरूशलेम स्वर्गो पाँदो ते परमेशरो गे ते उतरदे देखेया और से तेसा लाड़िया जेड़ा था, जो आपणे लाड़े री तंईं श्रृंगार करोई। 
\v 3 तेबे मैं सिंहासनो ते कोई जोरे की ये बोलदे ऊए सुणेया कि देख, परमेशरो रा डेरा मांणूआ बीचे ए, तेस तिना साथे डेरा करना, सेयो तेसरे लोक ऊणे, परमेशर आपू तिना साथे रणा और तिना रा परमेशर ऊणा। 
\v 4 तेस तिना री आखी ते सारे आसू टूसणे, इजी ते बाद मौत नि रणी, ना शोग, ना बिलाप, ना पीड़ रणी, पईलकिया गल्ला चली गिया।
\p
\v 5 जो सिंहासनो पाँदे बैठी रा था, तिने बोलेया, “देख, आऊँ सब कुछ नया करी देऊँआ।” तेबे तिने बोलेया, “लिखी लो, कऊँकि यो वचन विश्वासो जोगे और सच्चे ए।”
\p
\v 6 तेबे तिने माखे बोलेया, “यो गल्ला पुरिया ऊईगी रिया। आऊँ पईला और आखरी ए, शुरूआत और अंत ए। मां त्याये खे जिन्दगिया रे पाणिए री सूबल़ा ते मुफ्त पल़याणा। 
\v 7 जो जीती जाणे, सेई इना चीजा रे बारस ऊणे और आऊँ तिना रा परमेशर ऊणा और से मेरे पाऊ ऊणे। 
\v 8 पर डरपोका रा, अविश्वासिया रा, बुरे काम करने वाल़ेया रा, अत्यारे रा, व्याभिचारिया रा, जादू-टोणे करने वाल़ेया रा, मूर्तिपूजा करने वाल़ेया रा और सबी चूठेया रा इस्सा तेसा झीला रे मिलणा, जो आग और गन्धका साथे बल़दी रओई। ये दूजी मौत ए।”
\s नया यरूशलेम
\p
\v 9 तेबे जिना सात स्वर्गदूता गे आखरी सात मुसीबता ते फरे रे सात कटोरे थे, तिना बीचा ते एक मांगे आया और मां साथे गल्ला करी की बोलेया, “ओरे आओ, आऊँ ताखे लाड़ी, मतलब-मिन्टूए री लाड़ी दखाऊँआ।” 
\v 10 और तिने माखे आत्मा रे एक बड़े और ऊच्चे पाह्ड़ो पाँदे लयी गा और पवित्र नगर यरूशलेमो खे स्वर्गो ते परमेशरो गे ते तरतिया पाँदे उतरदे ऊए दखाया। 
\v 11 परमेशरो री महिमा तिदे थी और तिजी री जोति बऊत ई किमती पात्थर, मतलब-बिल्लौरो जेड़ी और यशबो जेड़ी साफ थी। 
\v 12 तिजी री शहरपनाह बऊत ऊच्ची थी, तिजी रे बारा फाटक और बारा फाटको पाँदे बारा स्वर्गदूत थे। और तिना फाटका पाँदे इस्राएलिया रे बारा गोत्रा रे नाओं लिखी राखे थे। 
\v 13 पूर्वो री तरफा खे तीन फाटक, उत्तरो री तरफा खे तीन फाटक, दक्खणो री तरफा खे तीन फाटक और पच्छमा री तरफा खे तीन फाटक थे। 
\v 14 नगरो री शहरपनाह री बारा निऊँआ थिया और तिना निऊँआ पाँदे मिन्टूए रे बारा प्रेरिता रे नाओं लिखी राखे थे।
\p
\v 15 से स्वर्गदूत जो मां साथे गल्ला करने लगी रा था, तेसगे नगर, तिजी रे फाटक और तिजी री शहरपनाह खे नापणे खे एक सुईने रा गज था। 
\v 16 से नगर चकौर बसी रा था, और तिजी री लम्बाई, चौड़ाईया रे बराबर थी। और तिने तेस गजो ते नगर नापेया, तो से साढे सात सौ कोस निकल़ेया तिजी री लम्बाई, चौड़ाई और ऊच्चाई बराबर थी। 
\v 17 तिने तेसरी शहरपनाह मांणूए री, मतलब-स्वर्गदूतो रे नाओं ते नापी, तो एक सौ चवाल़ी आथ निकल़ी। 
\v 18 तेसरी शहरपनाह यशबो री बणी री थी और नगर एड़े चोखे सुईने रा था, जो साफ काँचो जेड़ा था। 
\v 19 तेस नगरो री निऊँआ हर प्रकारा रे किमती पात्थरे की सजाई राखी थिया, पईली निऊँ यशबो री थी, दूजी नीलमणिया री, तीजी लालड़िया री, चौथी मरकदो री। 
\v 20 पांजी गोमेदको री, छठी माणिक्य री, साती पीतमणिया री, आठी पेरोजो री, नऊई पुखराजो री, दसी लहसनिए री, ग्यारी धूम्रकान्तो री और बारी याकूतो री थी। 
\v 21 बारा फाटका बारा मोतिया रे थे और एक-एक फाटक, एक-एक मोतियो रा बणी रा था। और नगरो री सड़का साफ काँचो जेड़ी चोखे सुईने री थिया।
\p
\v 22 मैं तिदे कोई मन्दर नि देखेया, कऊँकि सर्वशक्तिमान् प्रभु परमेशर और मिन्टू तिजी रा मन्दर ए। 
\v 23 तेस नगरो रे सूरज और चाँदो रे प्रयासे री कोई जरूरत निए, कऊँकि परमेशरो रे तेजो ते तिदे प्रयासा ओआ और मिन्टू तिजी रा दिऊआ ए। 
\v 24 जातिया-जातिया रे लोक तेसरे प्रयासे रे चलणे-फिरने और तरतिया रे राजेया आपणा-आपणा आदरो रा सामान तिदे ल्याऊणा। 
\v 25 तिजी रे फाटक दिने कदी बंद नि ऊणे और रात तेती नि ऊणी। 
\v 26 जातिया-जातिया रे लोका एस नगरो रे हर प्रकारा रा महिमा और आदरो रा सामान ल्याऊणा। 
\v 27 तिदे कोई अपवित्र काम करने वाल़ा या घृणित काम करने वाल़ा, या चूठ बोलणे वाल़ा किंयाँ बी जाई नि सकदा। पर बस सेयो लोक ई जाई सकणे, जिना रे नाओं मिन्टूए री जीवनो री कताबा रे लिखी राखे।
\c 22
\p
\v 1 तेबे स्वर्गदूते माखे बिल्लौरो जेड़ी छलकदी ऊई जिन्दगिया रे पाणिए री एक नदी दखाई, जो परमेशर और मिन्टूए रे सिंहासनो ते निकल़ी की तेस नगरो रे बीचो-बीच बह्ओ थी। 
\v 2 नदिया रे वार-पार, जिन्दगिया रा डाल़ था, तिदे बारा प्रकारा रे फल लगो थे, से हर मीन्ने फलो था। और तेस डाल़ो रे पत्तेया ते जातिया-जातिया रे लोक ठीक ओ थे। 
\v 3 फेर स्राप नि ऊणा, परमेशर और मिन्टूए रा सिंहासन तेस नगरो रे ऊणा और तेसरे दासा तेसरी सेवा करनी। 
\v 4 तिना परमेशर आमणे-सामणे देखणा और तेसरा नाओं तिना रे माथे पाँदे लिखे रा ऊणा। 
\v 5 और फेर रात नि ऊणी और तिना खे सूरज और दिऊए रे प्रयासे री जरूरत नि ऊणी। कऊँकि प्रभु परमेशरे तिना खे प्रयासा देणा और तिना जुगो-जुगो तक राज्य करना।
\s यीशुए रा दुबारा आऊणा
\p
\v 6 तेबे तिने माखे बोलेया, “यो गल्ला विश्वासो जोगिया और सच ए। और प्रभुए, जो भविष्यबक्तेया री आत्मा रा परमेशर ए, आपणा स्वर्गदूतो खे इजी खे पेजेया, ताकि आपणे दासा खे सेयो गल्ला जिना रा चट पूरा ऊणा जरूरी ए, दखाओ।”
\p
\v 7 “देख, आऊँ चट आऊणे वाल़ा ए, धन्य ए से, जो एसा कताबा रिया भविष्यबाणिया री गल्ला खे मानोआ।”
\p
\v 8 आऊँ सेई यूहन्ना ए, जिने आपू ये सारिया गल्ला सुणिया और देखिया। ये सब सुणने और देखणे ते बाद आँऊ तेस स्वर्गदूतो रे पैरा पाँदे माथा टेकणे खे पड़ी गा, जिने माखे ये सब दखाया था। 
\v 9 पर तिने स्वर्गदूते माखे बोलेया, “देख, एड़ा नि कर। कऊँकि आऊँ तेरा और तेरे पाई भविष्यबक्तेया री और तेसा कताबा री गल्ला खे मानणे वाल़ेया जेड़ा ई परमेशरो रा दास ए। सिर्फ परमेशरो गे ई माथा टेक।”
\p
\v 10 तेबे तिने माखे बोलेया, “एसा कताबा रिया भविष्यबाणिया रिया गल्ला बंद नि कर, कऊँकि बखत नेड़े ए। 
\v 11 जो अन्याय करोआ, से अन्याय ई करदा रओ, जो मईला ए, से मईला ई बणेया रा रओ और जो तर्मी ए, से तर्मी ई बणेया रा रओ और जो पवित्र ए, से पवित्र ई बणेया रा रओ।”
\p
\v 12 तेबे प्रभु यीशुए बोलेया: “देख, आऊँ चट आऊणे वाल़ा ए; और हर एकी रे कामो रे मुताबिक बदला देणे खे फल मांगे आए। 
\v 13 आऊँ ई पईला और आखरी, आगला और पिछला, शुरूआत और अंत ए।
\p
\v 14 “धन्य ए सेयो, जो आपणे टाले तोई लओए, कऊँकि तिना खे जिन्दगिया रे डाल़ो गे आऊणे रा अक्क मिलणा और सेयो फाटका रिये ऊई की नगरो खे जाणे। 
\v 15 पर कुत्ते, जादू-टोणा, व्याभिचारी, अत्यारे, मूर्तिपूजा करने वाल़े और हर एक चूठ बोलणे वाल़ा और चाणे वाल़ा बारे रणा।
\p
\v 16 “मैं यीशुए आपणा स्वर्गदूत इजी खे पेजेया, ताकि तुसा रे आगे मण्डल़िया रे बारे रे इना गल्ला री गवाई देओ। आऊँ दाऊदो रा मूल़, वंश और प्याणु तारा ए।”
\p
\v 17 परमेशरो रा आत्मा और मिन्टूए री लाड़ी दोनो यीशुए खे बोलोए, “आ!” और सुणने वाल़ा बी बोलो कि “आ!” और जो त्याया ए, से आओ और जो कोई चाओ से जिन्दगिया रा पाणी मुफ्त लओ।
\s निचोड़
\p
\v 18 मां हर एकी खे, जो एसा कताबा री भविष्यबाणिया री गल्ला सुणोआ, गवाई देऊँआ कि जे कोई मांणू इना गल्ला रे कुछ बड़ाओ, तो परमेशरे सेयो मुसीबता, जो इना कताबा रे लिखी राखिया, तेस पाँदे बड़ाणियां। 
\v 19 जे कोई एसा भविष्यबाणिया री कताबा री गल्ला बीचा ते कुछ निकयाल़ो, तो परमेशरो तेस जिन्दगिया रे डाल़ो और पवित्र नगरो बीचा ते, जेतेरी चर्चा एसा कताबा रे ए, तेसरा इस्सा निकयाल़ी देणा।
\p
\v 20 जो इना गल्ला री गवाई देओआ, से ये बोलोआ, “आ, आऊँ चट आऊणे वाल़ा ए।” आमीन्। ओ प्रभु यीशु आयी जाओ! 
\v 21 आँऊ प्रार्थना करूँआ कि प्रभु यीशुए री कृपा परमेशरो रे लोका साथे रओ। आमीन्।