\id SNG  
\h Soloumane ea Gesami 
\toc1 Soloumane ea Gesami 
\toc2 Soloumane ea Gesami 
\toc3 Soloumane ea Gesami 
\mt1 Soloumane ea Gesami  
\is1 (Da:i Sia: - Song of Songs; Modu - Solomona ena Ane; Bisini – Song bilong Solomon)  
\is1 Hidadea Sia:  
\ip Soloumane ea Gesami buga da dunu amo da udama sasagesu sia: sia:sa, amola uda da dunuma sasagesu sia: sia:sa. Dedesu dunu da Isala:ili fi hina bagade, Da:ibidi, amo egefe Soloumane. Yu fi dunu da amo gesami dedei ba:beba:le, amo da fedege agoane, Gode da Ea fi dunuma bagade asigisa, amo olelei, ilia da agoane dawa:i. Amola Yesu Ea fa:no bobogesu fi dunu (Christians) da amo sia: fedege agoane, Yesu Gelesu da Ea sese fi (Gode Ea Sia: dedei da Yesu Ea fa:no bobogesu fi da fedege agoane, Ea uda sia:sa) ilima bagade asigisa, agoane olelesa i.  
\is1 Sia: Dedei  
\io2 1 Gesami Age...Sia:alalo 1:1-2:7  
\io2 2 Gesami Ageyadu...Sia:alalo 2:8-3:5  
\io2 3 Gesami Osoda...Sia:alalo 3:6-5:1  
\io2 4 Gesami Biyadu...Sia:alalo 5:2-6:3  
\io2 5 Gesami Bi...Sia:alalo 6:4-8:4  
\io2 6 Gesami Gafe...Sia:alalo 8:5-14  
\c 1  
\s1 Soloumane ea Gesami  
\q1
\v 1  \f + \fr 1:1 \ft 1 Hina bagade 4:32\f*Gesami noga:idafa amo Soloumane ea dedei.  
\s1 Gesami Age  
\m Uda da amane sia:i,   
\q1
\v 2 “Dia lafi da nonogosu amoga na dedebosa.  
\q2 Dia sasagesu hou da waini hano ea hedai baligisa.   
\q1
\v 3 Di da gabusiga: agoane naba.  
\q2 Na da dia dio nabasea, amo dawa:lala.  
\q2 Uda huluane da dima sasagemusa: fawane dawa:lala.   
\q1
\v 4 Na dia oule, ani hobeale masunu.  
\q2 Di nama ouligisu hamone, dia sesei amoga na oule masa.  
\q2 Ani da gilisili hahawane hamomu. Ania da waini hano nanu, sasagesu hou  
\q2 bagade hamobeba:le, asigi dawa:su fisimu. Dafawane! Uda huluane da dima  
\q2 asigiba:le, na da hame hiosa.   
\q1
\v 5 Dilia Yelusaleme fi uda! Na gadofo da bunumai be na da noga:iwane ba:sa.  
\q2 Na da hafoga:i soge abula diasu Gida sogebiga diala, amo defele bunumai  
\q2 gala,  
\q2 Be na da Soloumane hina bagade diasu giga:gisu abula defele,  
\q2 ida:iwane ba:sa.   
\q1
\v 6 Na gadofo da bunumaiba:le, dilia na mae higama.  
\q2 Bai na gadofo da esoga gia:le, bunumai.  
\q2 Lolalali da nama ougiba:le, na waini efe bugiga hawa: hamoma:ne asunasi.  
\q2 Na da nina: da:i ouligimu eso hame ba:i.   
\q1
\v 7 Na dogolegei! Nama adoma!  
\q2 Di da dia sibi wa:i gisi moma:ne habidili oule masa:bela:?  
\q2 Ilia da dogoa eso gia:sea, habidili helefima:bela:?  
\q2 Na da laluba:le sibi ouligisu eno ilia sibi wa:i ganodini, di hogoma:bela:?” Dunu da amane sia:i,   
\q1
\v 8 “Di, uda eno ilia noga:idafa ba:su hou baligisu uda!  
\q2 Di da na esalebe sogebi hame dawa:bela:?  
\q2 Di asili, sibi wa:i amo fa:no bobogema.  
\q2 Dia goudi da gisi moma:ne,  
\q2 gisi sogebi amo sibi ouligisu dunu ilia abula diasu gadenene hogoma.   
\q1
\v 9 Na dogolegei! Felou ea sa:liode hiougisu hosi gawali  
\q2 ilia da hosi aseme ba:sea, hanasa, amo defele, dunu da di ba:sea, hanasa.   
\q1
\v 10 Dia dialuma hinabo da dia ba: dialebe, noga:i ba:sa.  
\q2 Amola dia dialuma hinabo da dia mugi da:iya dugisi  
\q2 da nina: hamosu igi agoai ba:sa.   
\q1
\v 11 Be ninia da dia gisa:gima:ne, gouli sia:ine amoga silifa nina: hamoi liligi gala,  
\q2 amo hamomu.” Uda da amane sia:i,   
\q1
\v 12 “Na hina bagade da ea fafai da:iya dialu.  
\q2 Na da gabusiga: manoma legeiba:le, hisi da gabusiga: amoga nabai ba:i.   
\q1
\v 13 Na sasagesu dunu da ‘me’ gabusiga: galebe agoane naba.  
\q2 E da na dodo da:iya diala.   
\q1
\v 14 Na sasagesu dunu da soge ale ifa mosoi  
\q2 amo da Enegidai moilai waini efe sagai ganodini falegasa, agoane ba:sa.” Dunu da amane sia:i,   
\q1
\v 15 “Na dogolegei! Di da noga:idafa ba:sa! Di da nama sasagele ba:beba:le,  
\q2 dia si da nenemei ba:sa.” Uda da amane sia:i,   
\q1
\v 16 “Na dogolegei! Di amola da noga:idafa ba:sa!  
\q2 Di da nama hahawane hamosa! Golofoia:i gisi da ania golasu hamomu.   
\q1
\v 17 ‘Dolo’ ifa da ania diasu sa di agoai ba:mu.  
\q2 Amola ‘saibalase’ ifa da ania diasu figisu ganodini fei liligi agoai ba:mu.   
\c 2  
\q1
\v 1 Na da soge ale ifa mosoi Sia:lane sogega bugi agoai.  
\q2 Amola na da ‘lili’ mosoi goumi fago ganodini aligi agoai.” Dunu da amane sia:sa,   
\q1
\v 2 “Na dogolegei! Di da uda gilisisu amo ganodini, ‘lili’ mosoi noga:iwane,  
\q2 aya: gaga:nomei gigisi ganodini agoai ba:sa.” Uda da amane sia:sa,   
\q1
\v 3 “Na dogolegei da dunu eno gilisi amoga ‘a:bele’ ifa noga:i  
\q2 amo iwilaga aligi ifa ganodini bugi agoai ba:sa.  
\q2 Na da ea baba ganodini fimusa: hanai gala.  
\q2 Amola ea fage legei da nama hedaidafa gala.   
\q1
\v 4 E da na ea lolo nabe diasuga oule misi.  
\q2 Amola e da ea gosagisu abula amo na  
\q2 dedeboma:ne, hiougili gadoi.  
\q2 Ea gosagisu da sasagesu hou.   
\q1
\v 5 Na da bu gasa lama:ne, hafoga:i waini fage  
\q1 nama ima. Na bu obeagima:ne,  
\q1 ‘a:bele’ fage nama ima.  
\q2 Na da sasagesu hou ha:giwane  
\q2 hamobeba:le, gasa hamedei gala.   
\q1
\v 6 Ea fofadi lobo da na dialumaha diala,  
\q2 amola ea lobodafa da na sogoba:le  
\q2 nonogosa.   
\q1
\v 7 Yelusaleme uda, dilia! Hehenasu ‘dia’  
\q2 gebo amola ‘gasele dia’ gebo  
\q2 ilia houba:le, sia: dafawaneyale ilegema.  
\q2 Ania sasagesu gilisili fibi hou mae  
\q2 hedofama:ne sia:ma!”  
\s1 Gesami Ageyadu  
\q1 Uda da amane sia:i,   
\q1
\v 8 “Na da na sasagesu dunu ea sia:be naba.  
\q2 E da goumi da:iya giadofale hehenaiya manebe.  
\q2 E da agolo da:iya giadofale nama manebe.   
\q1
\v 9 Na sasagesu dunu da ‘gasele’ dia agoai ba:sa.  
\q2 E da waha debe ‘dia’ gawali agoai gala.  
\q2 E da dobea fei bega: aligisa.  
\q2 E da fo logo agei gelabodiliaga ba:sa.  
\q2 E da ifa gigiadomai gelabodiliaga ba:sa.   
\q1
\v 10 Na sasagesu dunu da nama sia:sa.” Dunu da amane sia:i,  
\q2 “Na dogolei! Misa! Ani ahoa:di!   
\q1
\v 11 Anegagi oubi da yolei. Gibu amola da yolei.   
\q1
\v 12 Sogega mosoi da falegai dagoi. Wali da gesami hea:su esoha.  
\q2 Moifufui amoga ‘dafe’ sio da gesami hea:lala.   
\q1
\v 13 Figi fage da muni yosa. Efe mosoi da falegabeba:le, hisi da gabusiga: agoai naba.  
\q2 Na dogolegei! Misa! Ani ahoa:di!   
\q1
\v 14 Di da ‘dafe’ sio amo da igi bagade gouda:i gala:i adobo  
\q2 amo ganodini wamoaligisa agoane ba:sa.  
\q2 Dia odagi noga:idafa, na da ba:ma:ma. Dia sia: noga:idafa na da nabima:ma.   
\q1
\v 15 Fogisi wa:me da waini sagai sogea heda:i amo wadela:lesisa:besa:le, ili seba:ma.” Uda da amane sia:i,   
\q1
\v 16 “Na sasagesu dunu da na:. Amola na da ea:.  
\q2 E da ea sibi wa:i amo ‘lili’ bugiga ha:i manu ianeawane,   
\q1
\v 17 hahabe fo da fulabosea amola gasi da alalolesi ba:sea fawane yolesisa.  
\q2 Na dogolegei! Buhagima! ‘Gasele dia’ ohe agoane amola ‘dia’ gawali  
\q2 amo da Bidia goumi alelaloi amoga esala agoane, buhagima.   
\c 3  
\q1
\v 1 Na gasi huluane bobaligilalebe, na da na golasuga golai dialu,  
\q2 na sasagesu dunu simasia ba:i. Na da e hogolalu be hame ba:i.   
\q1
\v 2 Na da moilai bai bagadega amoga logoba:le amola logo fonoboiba:le,  
\q2 e hogosa lalalu. Na da e hogolalu, be hame ba:i.   
\q1
\v 3 Sosodo aligisu dunu amo da moilai ouligili lalebe da na ba:i.  
\q2 Na da ilima amane adole ba:i, ‘Dilia da na sasagesu dunu ba:bela:?’   
\q1
\v 4 Na da ili yolesilalu, e ba:i. Na da e gagulaligili,  
\q2 amola e masa:ne mae yolesili dialobawane, na da e adole,  
\q2 na:me ea diasuga oule asili, sesei amoga na da lalelegei, amoga e oule asi.   
\q1
\v 5 Yelusaleme uda dilia!  
\q2 Hehenasu ‘dia’ amola ‘gasele dia’ ilia houba:le, sia: dafawaneyale ilegema!  
\q2 Ania sasagesu gilisili fibi hou mae hedofama:ne sia:ma!”  
\s1 Gesami Osoda  
\m Uda da amane sia:i,   
\q1
\v 6 “Hafoga:i sogeganini manebe liligi da adila:?  
\q2 Amo da mobi ganumu amo da gabusiga: manoma  
\q2 amola ‘me’ (bidi lasu dunu amoga lasu liligi agoai) agoane naba,  
\q2 agoai liligi ba:sa.   
\q1
\v 7 Soloumane da ea fisu da:iya fili, enoga gaguli manebe ba:sa.  
\q2 Dadi gagui dunu Isala:ili soge ganodini baligili noga:i dunu 60 agoane  
\q2 da ea da:i sosodo aligisu dunu, e sigi manebe ba:sa.   
\q1
\v 8 Ilia huluane da gobihei bagade amoga gegemu hou bagade dawa:.  
\q2 Ilia da gegesu bagohame hamobeba:le, gasa bagade gala.  
\q2 Soloumane ea ha lai da gasia ema doagala:sa:besa:le,  
\q2 ilia afae afae da gegesu gobihei gagusa.   
\q1
\v 9 Hina bagade Soloumane da fisu amo noga:idafa ifa amoga hamoi,  
\q2 amoga fila heda:le, enoga gaguli ahoanebe ba:sa.   
\q1
\v 10 Amo fisu ea bada da silifa amoga dedeboi.  
\q2 Abula amo da gouliga ga:muga:legei da ea fisu dedebosa.  
\q2 Ea bada fugulu dedebosu liligi da yoi abula  
\q2 amo Yelusaleme uda ilia da asigiwane amunasi.   
\q1
\v 11 Saione uda, dilia! Hina bagade Soloumane ba:la misa!  
\q2 Ea dialuma da:iya, habuga figisi dialebe ba:sa.  
\q2 Ea uda lasu esoga, e da hahawane bagade ba:i.  
\q2 Amola ea:me da amo esoga amo habuga ea dialuma da:iya figisi.”   
\c 4  
\m Dunu da amane sia:i,  
\q1
\v 1 “Na dogolegei! Di da baligiliwane noga:i ba:sa!  
\q2 Dia si da dia odagi dedebosu abula baligadili, nenemegisa.  
\q2 Dia dialuma hinabo da goudi wa:i amo da Gilia:de agologa  
\q2 soagagala: ahoa agoane ououloba dabe ba:sa.   
\q1
\v 2 Dia bese da sibi amo da hinabo waha dafoga:i  
\q2 amola dodofei agoane, folowaidafa ba:sa.  
\q2 Afae da hame gui ba:sa. Ilia huluane defele dadalei ba:sa.   
\q1
\v 3 Dia lafi gadofo da yoi efe agoai gala. Di da sia:sea, amo da noga:idafa ba:sa.  
\q2 Dia ba: dia odagi dedebosu abula baligadili, da nenemegisa.   
\q1
\v 4 Dia asogoa da Da:ibidi ea diasu gado gagagula heda:i agoane,  
\q2 ononoi amola hohona:boi ba:sa.  
\q2 Dia gisa:gisu ga:i da da:igene ga:su 1000 agoane legei ba:sa.   
\q1
\v 5 Dia dodo da ‘gasele dia’ ohe aduna lalelegei  
\q2 amo da ‘lili’ bugi ganodini ha:i nanebe agoai ba:sa.   
\q1
\v 6 Na da gabusiga: ‘me’ agolo ganodini esalumu.  
\q2 Hahabe fo da fulabosea amola gasi da alalolesisia fawane yolesimu.   
\q1
\v 7 Na dogolegei! Di da noga:idafa ba:sa. Di da baligili noga:idafa.   
\q1
\v 8 Na uda! Ani Lebanone Goumi alelaloi amo fisili ahoa:di!  
\q2 Lebanonega ani ahoa:di! Amana Goumi da:iya gado amoga gudu sa:ima!  
\q2 Amola Sine Goumi amola Hemone Goumi  
\q2 (amoga laione wa:me amola lebade wa:me fi diala) amoga gudu sa:ima!   
\q1
\v 9 Di da na dogolegei amola na uda!  
\q2 Dia siga ba:be amola dia gisa:gisu ga:i amo da fedege agoane,  
\q2 na dogo wamolai dagoi.   
\q1
\v 10 Na dogolegei amola na uda! Dia sasagesu hou da nama hahawane hamosa.  
\q2 Dia sasagesu hou da waini hano ea hedai baligisa.  
\q2 Dia gabusiga: da hedama:ne fodole nasu ea hedabe baligisa.   
\q1
\v 11 Na dogolegei! Agime hano ea heda da dia lafi gadofo da:iya diala.  
\q2 Dia gona:su da nama dodo maga:me amola agime hano agoai gala.  
\q2 Dia abula ga:i gabusiga: da Lebanone ea gabusiga: defele gala.   
\q1
\v 12 Na dogolegei, na uda da muguniai ifabi  
\q2 amola gagoiga sisiga:i ifabi amola hisu nasu hano bubuga:su agoai gala.   
\q1
\v 13 -  
\v 14 Amogawi bugi liligi da noga:le heda:sa.  
\q2 Ilia da ‘bomegala:nidi’ bugi defele heda:sa.  
\q2 Amola amoga fage noga:idafa legei dialebe ba:sa.  
\q2 Amogawi, hedama:ne fodole nasu  
\q2 amola gabusiga: manoma hamosu bugi huluanedafa dialebe ba:sa.  
\q2 Amo da hena, nade, sa:falone, ga:lamase, sinamone, me, a:lou  
\q2 amola gabusiga: manoma hamosu bugi huluane.   
\q1
\v 15 Ifabi hano soga:su da hano nawa:li  
\q2 amo Lebanone Goumi alelaloi amoga dalebe ba:sa.” Uda da amane sia:i,   
\q1
\v 16 “Ga (north) fo amo nedigima! Ga (south) fo amo na ifabia fulaboma!  
\q2 Hisi amo gabusiga: amoga nabalelesima!  
\q2 Na sasagesu dunu ea ifabia misa:ne  
\q2 amola amo ea fage legei noga:idafa moma:ne, logo doasima.”   
\c 5  
\q1
\v 1 Dunu da amane sia:i, “Na dogolegei amola na uda! Na da na ifabia golili sa:i dagoi.  
\q2 Na da na hedama:ne fodole nasu  
\q2 amola na gabusiga: ‘me’ amo da gagadolala.  
\q2 Na da na agime hano amola agime hano diasu nana.  
\q2 Na da na waini hano amola gebo dodo maga:me nana.” Uda da amane sia:i,  
\q2 “Sasagesu dabe dilia! Ha:i moma!  
\q2 Amola waini hano naleawane, sasagesu hou amoga feloama:ma!”   
\s1 Gesami Biyadu Uda da amane sia:i,  
\q1
\v 2 “Na da golai dialoba, na dogo da nedigi dialu.  
\q2 Na sasagesu da logoa lulu fugilaloba, na da golaia ba:lu.” Dunu da amane sia:i,  
\q2 “Na dogolegei! Na ‘dafe’ sio! Na misa:ma!  
\q2 Na dialuma da oubi mogele amoga nanegai gala.” Uda da amane sia:i,   
\q1
\v 3 “Na da na abula gisa:i dagoi. Na da abuliba:le amo bu gasisa:lima:bela:?  
\q2 Na da na emo dodofei dagoi. Na da laluba:le na emo bu nigima:ma:bela:?   
\q1
\v 4 Na sasagesu dunu da logo ga:suga lobo ligisi.  
\q2 E da na gadenene esalebe, amo na dawa:loba, nodoi.   
\q1
\v 5 Na da e ganodini misa:ne momagei dagoi ba:i.  
\q2 Na lobo da ‘me’ gabusiga: hano amoga dedeboi ba:i.  
\q2 Na da logo ga:su geda gagui.   
\q1
\v 6 Na da na sasagesu dunu misa:ne logo doasi. Be e da asi dagoi ba:i.  
\q2 Na da ea sia: nabimusa: bagadewane hanai. Na da e hogoi be hame ba:i.  
\q2 Na da e wei be alofebe hame nabi.   
\q1
\v 7 Sosodo aligisu dunu amo da moilai bai bagade sisiga:ha lala, na ba:i.  
\q2 Ilia da na fane, fofonomagia:i.  
\q2 Moilai bai bagade gagoi sosodo aligisu dunu  
\q2 ilia da na abula sawa:figi houga:le fasi.   
\q1
\v 8 Yelusaleme uda, dilia! Nama sia: ilegema!  
\q2 Dilia na sasagesu dunu ba:sea, ema na da sasagesu hou ha:giwane hamobeba:le  
\q2 gasa hame gala adoma:ne, sia: ilegema.” Yelusaleme uda ilia amane sia:i,   
\q1
\v 9 “Saga! Dia noga:idafa ba:su da eno uda huluane baligisa.  
\q2 Be dia sasagesu dunu da eno dunu huluane baligisala:?  
\q2 E da baligili noga:idafala:? Ninia da abuliba:le dima ilegele sia:ma:bela:?”  
\m Uda da amane sia:i,   
\q1
\v 10 “Na sasagesu dunu da noga:idafa ba:sa amola e da gasa bagade gala.  
\q2 E da dunu 10,000 gilisisu ganodini baligili noga:idafa ba:sa.   
\q1
\v 11 Ea odagi gadofo da osoboya:i amola hohona:boi.  
\q2 Ea dialuma hinabo da helo amola balega sio defele, bunumai gala.   
\q1
\v 12 Ea si da ‘dafe’ sio amo da dodo maga:mega dodofei  
\q2 amola hano yogo dalebe ea bega: esala, amo defele, noga:idafa ba:sa.   
\q1
\v 13 Ea ba: da ifabi amo da hedama:ne fodole nasu bugi amoga nabai defele,  
\q2 noga:idafa ba:sa.  
\q2 Ea lafi gadofo da ‘lili’ mosoi amo ‘me’ hano amoga nanegai agoane ba:sa.   
\q1
\v 14 Ea lobo da noga:le hamoi ba:sa amola ea lobo sogo gasisalasu  
\q2 amo da igi noga:idafa amoga nina: hamoi.  
\q2 Ea da:i da hohona:boi ‘aifoli’  
\q2 amo da ‘sa:faia’ igi noga:i amoga nina: hamoi, agoane ba:sa.   
\q1
\v 15 Ea masele da ‘a:laba:sade’ ganumu amo da gouli bai amoga sali agoane ba:sa.  
\q2 E da Lebanone Goumi alelaloi (amo da:iya da dolo ifa sedadedafa)  
\q2 amo agoane baligili noga:idafa ba:sa.   
\q1
\v 16 Ea lafi da nonogosea hedasa. Na da ea hou huluane ba:sea, nodosa.  
\q2 Dilia, Yelusaleme uda! Na sasagesu dunu da agoaiwane gala.”   
\c 6  
\m Yelusaleme uda ilia da amane sia:i,  
\q1
\v 1 “Saga! Baligili noga:i ba:su uda! Dia sasagesu da habidili asibala:?  
\q2 Ninia di fidili hogole ba:musa:, ea asi logo ninima adoma.”  
\m Uda da amane sia:i,   
\q1
\v 2 “Na sasagesu dunu da ea ifabia (amogawi ‘bolosame’ ifa da heda:la)  
\q2 amoga asi dagoi. E da amogawi ea sibi wa:i amoma ha:i manu iana  
\q2 amola ‘lili’ mosoi gagadolala.   
\q1
\v 3 Na sasagesu dunu da na:. Amola na da ea:. E da ‘lili’ bugi amo ganodini  
\q2 ea sibi wa:i amoma ha:i manu iana.”  
\s1 Gesami Bi  
\m Dunu da amane sia:i,   
\q1
\v 4 “Na dogolegei! Di da Yelusaleme moilai bai bagade  
\q2 amola Disa moilai bai bagade defele, noga:idafa ba:sa.  
\q2 Dunu da amo moilai bai bagade ela hahalogoboi ba:sea,  
\q2 fofogadigiba:le, habe ha:sa. Amola dia isisima:goi ba:sea,  
\q2 agoaiwane hamosa.   
\q1
\v 5 Dia si hamega ba:legama! Dia si da na gagulaligisa!  
\q2 Dia dialuma hinabo da goudi wa:i amo da Gilia:de agologa soagagala: ahoa  
\q2 agoane giginisa dabe ba:sa.   
\q1
\v 6 Dia bese da sibi amo da hinabo waha dodofei agoane ba:sa.  
\q2 Afae da hame gumi ba:sa. Ilia huluane da defele dadalei ba:sa.   
\q1
\v 7 Dia ba: da dia odagi dedebosu abula baligiadili da nenemegisa.   
\q1
\v 8 Defea! Hina bagade da uda 60 lamu da defea.  
\q2 Amola gidisedagi uda 80 amola uda afini idimu hamedei lamu da defea.   
\q1
\v 9 Be na da afae fawane ni dogolegesa.  
\q2 Amola amo da ‘dafe’ sio defele, isisima:goi ba:sa.  
\q2 E da ea:me ea dogolegei uda mano afae fawane gala.  
\q2 Uda huluane ema ba:le nodone sia:sa.  
\q2 Hina bagade uda ilia, amola gidi sedagi uda  
\q2 ilia da e nodoma:ne gesami hea:sa.   
\q1
\v 10 Amo da nowala:? Ea ba:la ahoabe da eso mabe agoai ba:sa.  
\q2 E da isisima:goi amola hadigi.  
\q2 E da eso amola oubi agoai, si nenemegini, ba:mu gogolei.   
\q1
\v 11 Na da ‘amode’ ifa bugi bobodole ganodini amo nono heda:i  
\q2 amola lubi gaheabolo efega lai amola ‘bomigala:nidi’ ifa  
\q2 amo ea mosoi ba:la misi dagoi.   
\q1
\v 12 Na da yagugubi. Sa:liode genonesisu dunu da gegemusa: hanai gala,  
\q2 amo defele na da dima sasagesu hou hamomu hanai.” Yelusaleme uda ilia da amane sia:i,   
\q1
\v 13 “Siogoma! Siulame uda a:fini! Di siogoma!  
\q2 Ninia ba:musa:, dia siogoma!” Uda da amane sia:i,  
\q2 “Na da la:idi amola la:idi dadalele lefulubi dunu dogoa siogosea,  
\q2 dilia abuliba:le na ba:musa: hanabela:?”   
\c 7  
\m Dunu da amane sia:i,  
\q1
\v 1 “Di da a:fini ida:iwanedafa.  
\q2 Dia emo, dia emo salasu ganodini da isisima:goi ba:sa.  
\q2 Dia masele dalegala:i da fedege  
\q2 liligi hahamosu dawa:dui dunu ea hamosu defele gala.   
\q1
\v 2 Dia semogofo da ononoi faigelei waini hanoga nabane,  
\q2 ebelemu da hamedei agoane ba:sa.  
\q2 Dia bulu ga:su da widi dabosu amo ‘lili’ mosoi amoga bului agoai ba:sa.   
\q1
\v 3 Dia dodo da ‘dia’ ohe aduna lalelegei amola ‘gasele dia’ aduna agoane ba:sa.   
\q1
\v 4 Dia galogoa da ‘aifoli’ diasu sedade gagagula heda:i agoane ba:sa.  
\q2 Dia si elea da hano wayabo Hesiabone moilai bai bagade  
\q2 amo ea logo holei gadenene diala, agoai ba:sa.  
\q2 Dia mi da Lebanone diasu sedade gagagula heda:i  
\q2 amo da Dama:sagase moilai bai bagadega, sosodo aligisu dunu  
\q2 amo moilai ouligimusa: esaloma:ne gagui, agoaiwane noga:idafa ba:sa.   
\q1
\v 5 Gamele Goumi da gadodafa agoai, di da dia dialuma gadoba:le gadole ahoa.  
\q2 Dia dialumasa da ‘sa:dini’ abula ea ela:mai agoai ba:sa.  
\q2 Ea isisima:goi da hina bagade gagulaligimu defele gala.   
\q1
\v 6 Di da isisima:goidafa! Dia noga:idafa sasagesu hou  
\q2 amo da dunu gumima:ne agoane hamosa.   
\q1
\v 7 Di da gumudi ifa agoane, da:da:lole ahoa.  
\q2 Dia dodo da dadi fage sosogoi agoane ba:sa.   
\q1
\v 8 Na da dadi ifaba:le heda:le, ea fage faimu.  
\q2 Na da dia dodo waini fage sosogoi agoai ba:sa,  
\q2 amola dia mifo amo ‘a:bele’ fage ea gabusiga: defele gala.   
\q1
\v 9 Amola dia lafi da baligili noga:i waini defele gala.”  
\m Uda da amane sia:sa,  
\q2 “Defea! Amo waini hano da moloiwane na sasagesu dunu masunu da defea.  
\q2 Waini hano da ea lafi amola ea bese amodili musa:le sa:imu da defea.   
\q1
\v 10 Na da na sasagesu dunu ea:. Amola e da na hanasa.   
\q1
\v 11 Na dogolegei! Misa! Ani da hamega gadili amoga asili,  
\q2 diasu gilisisu fonobahadi amo ganodini gasi afae golamu.   
\q1
\v 12 Ani da hahabedafa wa:legadole, waini efe sagai muni,  
\q2 heda:bayale amola sogea da falegabeyale,  
\q2 amola ‘bomegala:nidi’ ifa sogea heda:bayale abodemu.  
\q2 Amogawi na da dima sasagesu imunu.   
\q1
\v 13 Di da ‘ma:nadala:ige’ ea gabusiga: noga:idafa nabimu.  
\q2 Amola fage noga:idafa ania logo ga:su gadenene ligi dialebe ba:mu.  
\q2 Na dogolegei! Na gaheabolo amola hea hahawane hamosu  
\q2 amo dima imunusa: modai diala.   
\c 8  
\q1
\v 1 Di da loladafa ani dodo afae gilisili mai ganiya:be.  
\q2 Amasea, na da di logoa gousa:sea, na da di nonogosea,  
\q2 enoga da anima bagade hame dawa:la:loba.   
\q1
\v 2 Na da di na:me ea diasuga oule ahoa:noba.  
\q2 Amogawi di da nama sasagesu hou olelema:la:loba.  
\q2 Na da digili ‘bomegala:nidi’ waini hano hedama:ne legele nasu,  
\q2 amoga legei moma:la:loba.   
\q1
\v 3 Dia fofadi lobo da na dialuma hagudu diala,  
\q2 amola dia lobodafa da na sogoba:le guda:sa.   
\q1
\v 4 Yelusaleme uda! Dilia ania sasagesu hou mae hedofama:ne,  
\q2 anima ilegele sia:ma.”  
\s1 Gesami Gafe  
\m Yelusaleme Uda ilia da amane sia:i,   
\q1
\v 5 “Nowa da hafoga:i sogeganini ea sasagesu dunu  
\q2 amo ela lobo sioga:ne manabela:?” Uda da amane sia:sa,  
\q2 ‘A:bele’ ifaha (amogawi di lalelegei) na da di didilisi.   
\q1
\v 6 Dia nama fawane sasagema. Amola dia loboga eno mae sogoba:le,  
\q2 na fawane sogoba:ma. Be gia:i bagade mudasu hou  
\q2 amo da bogosu ea gasa defele gala.  
\q2 Amo hou da lalu agoane heloa:gala:le, lalu gegemoi defele nenana.   
\q1
\v 7 Hanoga haba:domu da hamedei.  
\q2 Hano heda:le, amo magufale haba:dolesimu gogolemu.  
\q2 Be dunu da ea muni bagade amoga sasagesu hou bidi lamusa: dawa:loba,  
\q2 e da enoga higale migasisu fawane ba:la:loba.” Uda ea yolalali ilia da amane sia:i,   
\q1
\v 8 “Ninia da uda mano ninia aeya gala.  
\q2 Be ea dodo da asa, hame misi.  
\q2 Goi ayeligi da e lamusa: lobo dila masea,  
\q2 ninia da amo uda manoma adi hamoma:bela:?   
\q1
\v 9 E da fedege agoane dobea agoane esalea,  
\q2 ninia da e gaga:ma:ne silifa diasu sedade gagagula heda:mu.  
\q2 Be e da logo ga:su agoane esalea, ninia da e gaga:ma:ne,  
\q2 dolo ifa gaga:i beano amo sagamu.”  
\m Uda da amane sia:sa,   
\q1
\v 10 “Na da dobea gala. Na dodo da amo dobea ea diasu sedade gagagula heda:i.  
\q2 Na sasagesu dunu da dawa:.  
\q2 Na da ani esalea, olofole amola dogo denesi agoane ba:sa. Dunu da amane sia:i,   
\q1
\v 11 Soloumane da Ba:ile Ha:imone moilaiga waini efe sagai diala.  
\q2 Waini efe sagai ouligisu dunu ilia da amo sagai amoga hawa: hamone,  
\q2 gamimusa:, su (rent) ema bidi iaha.  
\q2 Ilia da afae afae silifa fage 1000agoane ema iaha.   
\q1
\v 12 Be na waini efe sagai amo da na:.  
\q2 Amola na da na hanaiga fawane eno dunuma iaha.  
\q2 Silifa fage 1000 amo na da di, Soloumane dima iaha.  
\q2 Amola waini sagai ouligisu dunu da ilia la:idi muni silifa fage 200  
\q2 amo lamu da defea. Dunu da amane sia:i,   
\q1
\v 13 “Na dogolegei! Na da dia sia: sagaiaganini sia:be nabima:ma!  
\q2 Na sigi aligisu dunu da dia sia:be nabimusa: oulela.” Uda da amane sia:i,   
\q1
\v 14 “Na sasagesu! Nama misa!  
\q2 ‘Gasele dia’ amola waha debe ‘dia’ gawali  
\q2 goumi alelaloi (amogawi hedama:ne fodole nasu bugi da heda:sa)  
\q2 amoga esalebe, agoaiwane nama misa.  
\q1 Sia: ama dagoi