\id OBA  
\h Oubadaia 
\toc1 Oubadaia 
\toc2 Oubadaia 
\toc3 Oubadaia 
\mt1 Oubadaia  
\is1 (Da:i Sia: - Obadiah; Modu – Obadaia; Bisini – Obadia)  
\is1 Hidadea Sia:  
\ip Oubadaia buga fonobahadi da Yelusaleme moilai bai bagade dafai (Y.H.M. 586) amo fa:no dedei. Idome dunu fi da Isala:ili ilima ha lai esalu. Ilia da Iso amo egaga fi esalu. Idome dunu da Yelusaleme dafai amo hahawane ba:i. Ilia da Yelusaleme ea liligi wamolai amola Yu dunuma ha lai dunu amo fidisu. Oubadaia da Gode Ea ougi ilima olelei. Gode da Idome fi ilima se bagade imunu, amo E da olelei. Idome amola eno fi huluane Isala:ili fi ilima ha lai da Gode Ea ougi bagade ba:mu amola eno fi da ilima osa:le heda:mu, amo Oubadaia da olelei.  
\is1 Sia: dedei diala  
\io2 1 Idome da Gode Ea Se Iasu Ba:mu...Sia:alalo 1 - 14  
\io2 2 Hina Gode Ea Eso...Sia:alalo 15 - 21  
\c 1  
\s1 Oubadaia  
\s1 Gode Ea Idome Fi Se Nabasimusa: Sia:i  
\p
\v 1 Oubadaia da amo ba:la:lusu olelei. Amo ganodini, Ouligisudafa Hina Gode da  
\li2 Idome dunu fi ilima doaga:mu hou olelei.  
\li2 Hina Gode da Idome Fi ilima se imunu sia:i  
\li2 Hina Gode da Ea sia:ne iasu dunu fifi asi gala dunu huluane  
\li2 ilima asunasi dagoi.  
\li2 Amola ninia da Ea sia:ne iasu nabi dagoi.  
\li2 “Momagema! Ninia da Idome fi doagala:musa: ahoa:di!”   
\p
\v 2 Hina Gode da Idome fi ilima amane sia:sa, “Na dilia nimi hou fonobonesimu,  
\li2 amola dunu huluane ilia da dilima higale ba:mu.   
\p
\v 3 Dilila: gasa fi hou amoeawane dilila: ogogoi.  
\li2 Dilia bisili moilai bai bagade da igiga gagili sali  
\li2 amola goumia gadodafa gagui.  
\li2 Amaiba:le dilila: da amane sia:sa,  
\li2 ‘Nowa ea da ninia fi muguluma:bela:? Hame mabu!’   
\p
\v 4 Be Na da dilima sia:sa,  
\li2 ‘Dilia da buhiba ea hou agoane, ifa balu da:iya gado mu  
\li2 amola gasumuni amo gadenene gagula heda:i sia:sa,  
\li2 Be amomane dili da Na hiougili sanasimu amola mugululi fasimu.   
\p
\v 5 Amola wamolasu dunu da gasia misini, liligi hi hanai  
\li2 amo fawane ladisa, be oda ea hame hanai amo da yolesisa.  
\li2 Amola dunu huluane ilia waini fage hawa: ladisia, ilia oda yolesisa.  
\li2 Be dilima ha lai dunu da dili huluane gugunufinisi dagoi.   
\p
\v 6 Iso egaga fi dilia!  
\li2 Dilia muni amola liligi noga:i huluane da enoga gegene lai dagoi.   
\p
\v 7 Amola osobo bagade fi dunu ilia dilima saga hamoi amoeawane dilima ogogoi.  
\li2 Ilia da dilia sogega dili sefasi dagoi.  
\li2 Amola dilima olofoiwane esalu dunu da wali dilima osa:le heda:i dagoi.  
\li2 Amola dilia saga hamoi, ali gilisili ha:i nasu,  
\li2 ilia da dili famusa: sanigei agoane gala.  
\li2 Ilia da dili hou amane olelesa, ‘Ilia musa: bagade dawa:su hou da habila:?’   
\p
\v 8 Na da eso afaega, Idome fi se nabasimu.  
\li2 Amo esoga Na da ilia bagade dawa:su dunu fane legemu  
\li2 Amola Na da ilia dawa:lai hou amo huluane dogale fasimu.   
\p
\v 9 Dima:ne osobo dogone fi da gegesu bagade dawa:,  
\li2 be amomane ilia da beda:mu.  
\li2 Amola Idome ea dadi gagui dunu huluane bogogia:i dagoi ba:mu.”   
\s2 Idome Fi Ilia Se Iasu Lai amo ea Bai  
\p
\v 10 Hina Gode da bu agoane sia:sa,  
\li2 “Dilia da dilia sosogo fi dunu (Ya:igobe egaga fi dunu)  
\li2 amo ilia liligi wamolale, ili medole legeiba:le,  
\li2 dilia da gugunufinisi dagoi ba:mu.  
\li2 Amola eno dunu da eso huluane mae fisili dili higale ba:mu.   
\p
\v 11 Ga fi dunu da Yelusaleme moilai bai bagade logo ga:i fi,  
\li2 amola Yelusaleme dunu fi ilia muni lale, momogili ilia fi dunuma sagoi.  
\li2 Be dilia da Yelusaleme fi ilima mae asigili, udigili la:ididili lelebe ba:i.   
\p
\v 12 Dilia da dilia diolalali Yuda soge ganodini esala se nababeba:le  
\li2 hidale habosesele ba:i. Amo da defea hame galebe.  
\li2 Ilia da gugunufinisi ba:loba, dilia da ilima asigimu da defea galu.  
\li2 Amola ilia da se nababeba:le, hame ofesega:mu da defea galu.   
\p
\v 13 Dilia da Na fi dunu ilia se nabasu amoma asigimu da defea galu,  
\li2 amola amo se nabasu babeba:le hahawane hame hamomu galu.  
\li2 Amola dilia da ilia liligi bagade agui da amo esoga hame wamolamu galu.   
\p
\v 14  \f + \fr 1:14 \ft Aisaia 34:5-17, 63:1-6; Yelemaia 49:7-22; Isigiele 25:12-14, 35:1-15; A:imose 1:11-12; Ma:lagai 1:2-5\f*Na fi dunu da ilia ha lai ilima beda:iba:le, hobea:i dagoi.  
\li2 Be dilia da logo sasagulufai dogoa amo dunu gagumusa: lelu.  
\li2 Amo da defea hame galebe. Na fi dunu da se bagade nabi.  
\li2 Be dilia da mae asigili, ili afugili ilia ha lai dunuma i dagoi.  
\li2 Amo amola da defea hame gala.   
\s2 Hina Gode Ea Osobo Bagade Fifi asi gala ilima Fofada:mu  
\p
\v 15 Eso da gadenesa.  
\li2 Na da osobo bagade fifi asi gala huluane ilima fofada:mu eso da gadenesa.  
\li2 Idome! Dia adi hamoi amo defele, amo hou dima doaga:mu.  
\li2 Dia adi i amo defele dima doaga:mu.   
\p
\v 16 Fedege agoane, Na fi dunu ilia Na sema agolo da:iya,  
\li2 gamogai hano faigeleiga nawene, se iasu bagadedafa lai dagoi.  
\li2 Be dunu fifilai ilima sisiga:le diala,  
\li2 ilia se iasu da Na fi ilia se nabi amo bagade baligimu.  
\li2 Ilia da se nabasu faigelei nanu, amasea ilia da alalolesili,  
\li2 bu hamedafa ba:mu.   
\s2 Isala:ili Ilia da Hasalasu Hou Ba:mu  
\p
\v 17 Be dunu mogili da Saione Goumia gaga:i dagoi ba:mu.  
\li2 Amola amo goumi da hadigi sogebi agoane ba:mu.  
\li2 Isala:ili soge da Ya:igobe ea fi ili gaguma:ne ilegei dagoi.  
\li2 Amaiba:le, ilia da amo soge lalegagumu.   
\p
\v 18 Amola Ya:igobe ea fi amola Yousefe ea fi ilia nimi da lalu nei agoai ba:mu.  
\li2 Ilia da Iso ea fi amo bisili gegesea, da samaso bioi ulagi nebe agoane nemu.  
\li2 Amola Iso egaga fi dunu afae esalebe da hamedafa ba:mu.  
\li2 Na, Hina Gode, Na da sia:i dagoi.   
\p
\v 19 Yuda fi gagoe (south) esala ilia da Idome soge amo ganodini fimu.  
\li2 Amola Yuda fi goumi soge guma:goe esala amo da Filisidia soge lamu.  
\li2 Isala:ili dunu da gegene Ifala:ime soge amola Samelia soge lamu.  
\li2 Bediamini fi da gegene, Gilia:de soge lamu.   
\p
\v 20 La:di gagoe (north) Isala:ili fi ilia mugululi asi dunu huluane,  
\li2 ilia da sinidigili, Founisia fi amo hasalasili, gagoe (north) asili,  
\li2 ilia soge amogainini Sa:lefa:de moilai amo ganodini fifi lamu.  
\li2 Amola Yelusaleme mugululi asi dunu,  
\li2 Sadisi moilai bai bagade esala yolesili,  
\li2 gegene amola ga (south) Yuda moilale gagai huluane gegene lamu.   
\p
\v 21 Amola Yelusaleme dunu amo da hasalasu dawa:,  
\li2 ilia da Idome fi bisili gegena masunu amo soge amo ilia da lamu,  
\li2 amola ilia amo ouligimu.  
\li2 Amola Hina Gode Hisu da ilia Hina Bagade hamone, ili ouligimu.  
\p Sia: ama dagoi