\id NAM  
\h Na:ihame 
\toc1 Na:ihame 
\toc2 Na:ihame 
\toc3 Na:ihame 
\mt1 Na:ihame  
\is1 (Da:i Sia: - Nahum; Modu – Nahumu; Bisini – Nahum)  
\ip Na:ihame Buga da Ninefe moilai bai bagade amo ea dafasu olelesa. Ninefe da bisilua moilai bai bagade Asilia soge ganodini galu. Asilia fi da eso huluane Isala:ili fi (Gode Ea Fi) ilima ha lai esalu. Ninefe da ode 700 Y.H.M. dafai dagoi. Gode da amo moilai bai bagade fi ilima fofada:nanu, se imunusa: ilegei. Gode da Asilia fi dunu ilia gasa fi hou amola hame asigi hou higabeba:le, Ninefe moilai bai bagade mugului dagoi.  
\is1 Sia: Dedei  
\io2 1 Gode da Ninefe Fi ilima Fofada:nanu  
\io2 Se Imunusa: Ilegei...Sia:alalo 1:1-15  
\io2 2 Ninefe da Dafai Dagoi...Sia:alalo 2:1 - 3:19  
\c 1  
\s1 Na:ihame  
\s1 Hina Gode E da Ninefe Osobo Dogone Fi Ilima Ougi  
\p
\v 1  \f + \fr 1:1 \ft Aisaia 10:5-34, 14:24-27; Sefanaia 2:13-15\f*Balofede dunu (Gode Sia: Alofesu dunu) Na:ihame, ea simasia Gode Ea olelei amo ba:i. Goe sia: dedei amo da Ninefe osobo dogone fi ilima sia:sa. Na:ihame da Elegose osobo dogone fi dunu.   
\s2 Hina Gode da Ninife Dunu Ilima Ougi Bagade Galu  
\p
\v 2 Hina Gode da bagadedafa, amola E da eno dunu o liligi ea sogebi lamu hamedei ba:sa.  
\li2 Nowa da Ema gegesea, E da ilima se iaha.  
\li2 E da ougiba:le ilima dabe iaha.   
\p
\v 3 Hina Gode da hedolodafa hame ougisa,  
\li2 be E da gasa bagadedafa  
\li2 amola Ea da wadela:i hamosu dunuma dafawane se imunu.  
\li2 Hina Gode E habi ahoasea, isu maha  
\li2 amola mu mobi huluane da Ea emoga osa:gi dou heda:be agoai hamosa.   
\p
\v 4 Be Hina Gode Ea sali hano wayabo bagade amoma hale dagoma:ne sia:sea  
\li2 da, amo da hamu amola hano huluane hama:ya Ea sia:sea  
\li2 da hano huluane da hale dagoi ba:mu.  
\li2 Ba:isia:ne ohe fofole nasu soge gisi huluane da biogia:sa.  
\li2 Amola Gamele Goumia, ifa amola gisi da bioiba:le, bunumai ba:sa.  
\li2 Amola Lebanone sogega, mosoi falegai huluane da Ea sia:sea biogia:mu.   
\p
\v 5 Hina Gode da mabeba:le, goumi huluane da ugugusa  
\li2 amola agolo daea:i agoai ba:sa.  
\li2 Be Hina Gode E masea, osobo da ugugumu  
\li2 amola dunu fi huluane da fofogomu.   
\p
\v 6 Ea ougisia da nowa da hahawane esaloma:bela:?  
\li2 Amola nowa da wadela:lesima:bela:? Hamedafa!  
\li2 Ea da Ea ougi amo lalu sawa: defele sogadigisa,  
\li2 amola igi huluane da gagoudane osobo dou agoai ba:sa.   
\p
\v 7 Hina Gode Ea hou da noga:idafa.  
\li2 E da bidi hamosu eso amoga Ea fi dunu gaga:sa.  
\li2 Nowa dunu da Ema sinidigisia, E da noga:le gagagulasa.   
\p
\v 8 Ema ha lai dunu E da hano bagade gafululi fugala:i agoane  
\li2 ili dafawane gugunufisa.  
\li2 Amola bogosu hou iaha, nowa dunu da Ea hou fa:no hame bobogesea.   
\p
\v 9 Dilia da abuliba:le halale Hina Godema ilegesala:?  
\li2 E da dili gugunufinisimu.  
\li2 Dunu da afae fawane Ema gegesea,  
\li2 bu gegemu da hamedeiwane ba:mu.   
\p
\v 10 Amola dili adini nabe dunu dili da bibione gagui aya: gaga:nomei  
\li2 amola samaso bioi ulagisi nebe agoai ba:mu.   
\p
\v 11 Dunu afae da Ninefe moilai bai bagadega misini, Hina Godema wadela:le hamomusa: ilegelalu.  
\v 12 Be Hina Gode da Ea dunu Isala:ili fi ilima agoane sia:sa, “Defea! Asilia ili da nimi bagade fi dunu, be amomane, ili da wadela:lesimu amola hamedafa ba:mu. Na dunu! Na da dili se nabalesi be Na agoane da bu hamedafa hamomu.  
\v 13 Asilia ilia dili gasa bagade ouligi galu, be waha ilia gasa da Na osa:le heda:mu amola ilia da dilima bu hame se imunu.   
\p
\v 14 Hina Gode Ea Asilia fi ilima gasa bagade hou hamomusa: ilegei dagoi. E da agoane sia:sa, “Ilia egaga fi dunu da hame fifi ahoanumu. Na da loboga hahamoi ‘gode’ nodone sia:ne gadosu diasua dialebe, amo mugulumu. Na da Asilia dunu ili dogone salimu uli momagelala. Ilia da wadela:i hou bagadedafa hamobeba:le, bu esalumu da noga:i hame.”   
\p
\v 15  \f + \fr 1:15 \ft Aisaia 52:7\f*Ba:ma! Dunu afae da goumi dabua gadodili aligila heda:le Gode Ea Sia: Ida:iwane gala olelesa manebe! E da misini, hasalasu hou da doaga:i dagoi sisia:mu. Amaiba:le Yuda dunu fi huluane! Lolo manusa: gilisima! Godema sia:ne gadolaloma, amola liligi dilia Ema imunusa: sia:i amo Ema ima. Amola wadela:i hou hamosu dunu da dilia soge ganodini bu hame golili sa:imu. Bai Gode da amo huluane dafawane gugunufinisi dagoi.   
\c 2  
\s1 Ninefe da Dafai  
\p
\v 1 Ninefe fi! Dawa:ma!  
\li2 Doagala:su da doaga:i dagoi!  
\li2 Dilima wadela:mu gasa bagade da doaga:i dagoi!  
\li2 Moilai bai bagadega gaga:musa:, gegesu liligi noga:le gaguma!  
\li2 Logo amo noga:le sosodo ouligima!  
\li2 Gegemusa:gini momagema!   
\p
\v 2 (Musa: Isala:ili fi ilima ha lai da ilia liligi noga:i amo huluane gaguli asi.  
\li2 Be amomane waha Hina Gode da bu Isala:ili fi gado gaguia gadomu, musa: hamoi amo defele.)   
\p
\v 3 Ha lai dadi gagui dunu ilia yoi da:igene ga:su gaguli maha.  
\li2 Ilia afaedidi abula amola da yoi gala.  
\li2 Ilia da doagala:musa: momagelala.  
\li2 Ilia sa:liode da hanu nei agoai amola ha:ha:na gala:i agoai hamoi.  
\li2 Amola hosi ilia hehenaia manebe.   
\p
\v 4 Sa:liode fila heda:i dunu ilia logoga hehenaia  
\li2 dunu gilisiba amogai ahoa.  
\li2 Ilia da moilai bagade logo ganodini asili, sinidigili nimiwane doula ahoa.  
\li2 Amo huluane da hanu nei agoane amola ha:ha:na bagade gala:i agoane hamoi.   
\p
\v 5 Ilia da dadi gagui ouligisu dunu ilima misa:ne sia:sa.  
\li2 Amo da ba:le gusuli ahoasea ilia da emo gigiawale dafafane ahoa.  
\li2 Amola doagala:su dunu da moilai bai bagade gaga:su dobea  
\li2 amoga hehenane, dobea muguluma:ne fudulu damui  
\li2 amo gaga:ma:ne gadodili gaga:su hamosa.   
\p
\v 6 Hano gadenene logo ga:i amo goudasa amola logo duiwane ba:sa.  
\li2 Amaiba:le, dunu hina bagade ea diasu ganodini esalu  
\li2 amo huluane beda:igia:sa.   
\p
\v 7 Ilia da hina bagade idua amo gagulaligisa.  
\li2 Amola ea udigili hawa: hamosu a:fini ilia bagade asigili didigia:sa  
\li2 amola dafe sio agoane gogonomasa.  
\li2 Ilia bagade asigiba:le ilila: bida:igia medosa lelu.   
\p
\v 8 Ninefe fi da hano hihiga:i fili asi defele,  
\li2 moilai bai bagade yolesili, hehenane gadili ahoa.  
\li2 Be oda ilia ha:giwane wesa, “Aligima! Aligima!”  
\li2 Be afae da hamedafa sinidigisa.   
\p
\v 9 Gegesu dunu da gilisili sia: wesa,  
\li2 “Silifa amola gouli amo huluane ladima!  
\li2 Moilai bai bagade da amoga nabaidafa!”   
\p
\v 10 Ninefe fi da wadela:lesi dagoi,  
\li2 soge hafoga:i agoai, dunu da huluane hobea:i dagoi.  
\li2 Ilia dogo ganodini bagadewane beda:i amogawane muguni dudugini sa:i,  
\li2 amola gasa hame amola odagi da maga:me gasa:ga:la:i.   
\p
\v 11 -  
\v 12 Musa: da goe osobo dogone fi bagade  
\li2 amo ea nimi da laione wa:me ea gasa agoai galu,  
\li2 be amomane waha da hame.  
\li2 Musa: Ninefe moilai bai bagade  
\li2 amo da laione wa:me mano ilia wamoaligisu  
\li2 amoga ilia da ohe hu nasu, agoai galu.  
\li2 Amola laione wa:me fi gawali amola aseme gilisili,  
\li2 ilia wamoaligisuga asili,  
\li2 amoga elea mano gaga:iwane esalebe ba:i.  
\li2 Laione wa:me ea da ohe bagade ga:ne nasu dawa:  
\li2 amo isole ea gawali amola mano iligili iasu,  
\li2 amola ea wamoaligisu da ohe hu amoga nabai ba:i.  
\li2 Be amomane moilai bai bagade da habi dianabela:?  
\li2 Amo da wadela:lesi dagoi.   
\p
\v 13 Hina Gode Bagadedafa E da Ninefe fi ilima amane sia:sa, “Nifawane Ni dilima ha lai. Amola Nifawane da dilia sa:liode huluane gobele salimu. Amo dadi gagui huluane da gegenana fane legei ba:mu. Nifawane da liligi dunu ilia ladi amo bu Ni huluane ladimu. Dilia eagene sia: adole iasu dunu amo ilia sia:, dunu eno da hame nabimu.”   
\c 3  
\p
\v 1 Ninefe fi dunu ilia da ogogosu amola dunu fane legesu dawa:.  
\li2 Amola ilia moilai bai bagade ganodini da muni  
\li2 amola liligi bagadewane diala.  
\li2 Be Ninefe da wadela:lesi dagoi ba:mu,  
\li2 amola ilima doagala:su dunu da ilia liligi huluane lidili dagomu.   
\p
\v 2 Nabima! Defasu da hosi baligia fegasa manebe ba:mu,  
\li2 amola hosi ilia emo da gibogibosa ahoa  
\li2 amola sa:liode ea emo da genenagenenasa ahoa.  
\li2 Sa:liode amola da hehenane dagini heheda:fuli ahoa.   
\p
\v 3 Gegesu dunu huluane ilia da hosi baligia gado fila heda:le gegesa manebe,  
\li2 amola ilia dadi amo daiya ba:su ganodini, baba gala:i hamobe agoane ba:sa.  
\li2 Amola ilia dunu bagohamewane medole legei amola ilia idimu hame gala, lelegela heda:i agoane ba:sa.  
\li2 Amola bogogia:i amo da:iya osa:gili afia:lebe ba:sa.   
\p
\v 4 Ninefe amo da aie uda defele agoai ba:sa.  
\li2 Amaiba:le, Gode da ema se bagade iaha.  
\li2 Ea soge amo noga:i ba:beba:le,  
\li2 dunu fi ilia hawa: hamomusa: bagohamewane gilisi.  
\li2 Dunu fi ilia gilisiba:le, ilia da ea wadela:i hou lalegaguiba:le, lala:giba:le, udigili hawa: hamosu dunu defele ba:i.   
\p
\v 5 Hina Gode Bagadedafa da amane sia:sa, “Ninefe dunu!  
\li2 Na da dilima se bagade imunu.  
\li2 Nifawane da dilia abula gisa:mu,  
\li2 amola dilia da gogosiama:ne da:i nabadowane lalumu.  
\li2 Dunu fifi asi gala huluane da dilia gogosia:i  
\li2 amola da:i nabado amo ba:ma:ne Na da logo doasimu.   
\p
\v 6 Nifawane dili da isu ha:digibi agoane ba:mu.  
\li2 Amola gaha huluane di da:iya ligisili dedebomu.  
\li2 Amo osobo bagade fi huluane ilia diliba:le bagade beda:gia:mu.   
\p
\v 7 Be ilia dili ba:sea, ili huluane beda:ga sinidigimu.  
\li2 Ilia amane sia:mu,  
\li2 ‘Goe ba:ma Ninefe da wadela:lesi dagoi.  
\li2 Dunu afae da ema hamedafa asigisa,  
\li2 amola dunu ilia da Ninefe fi ilia dogo denesima:ne,  
\li2 asigi sia: hame sia:mu.’”   
\p
\v 8 Ninefe, dia dawa:lobada, dia nimi o gasa goga da Dibisi (moilai bai bagade baligi bagade Idibidi soge ganodini) amo osobo dogone fi dunu amo ilia gasa baligibala:? Amo soge ea da hano bagade gala. Amo Naile hano da Dibisi moilai bai bagade gilisisu amo sisiga:le disiba:le, gaga:su defele ba:i.  
\v 9 Dibisi da Idibidi osobo dogone fi amola Suda:ne osobo dogone fi ouligi amola gasa bagade ba:i. Amola Libia fi ilia da gegemusa:, Dibisi amoma na:iyado fidisu hamoi.  
\v 10 Be amomane Dibisi fi amo da mugululi asi dagoi ba:i. Ilia mano da moilai bai bagade logoga fane legei dagoi ba:i. Amola ilima ha lai dunu da Dibisi mimogo dunu amo sia:ine efega la:la:gili, mugululi afugili asili, momogili ilia ha lai dunu ilia udigili hawa: hamosu dunu hamoi dagoi.   
\p
\v 11 Ninefe fi dili amola da adini mai feloabe agoai ba:mu amola dilima ha lai dunu amo sodole hobeale masasa: dawa:mu.  
\v 12 Dilia gagili sali diasu huluane da figi dulu yoi agoane ba:mu. Dunu da figi ifa ugugusia, figi dulu da faili sa:ili, ilia lafi ganodini daha.   
\p
\v 13 Dilia gegesu dunu da uda agoai, amola dia osobo dogone fi da gasa hame agoai galebe. Dilia soge logo ga:su huluane da dilia ha lai dunu udigili misa:ne doasi dagoi ba:sa amola dilia logo ga:su fesonoi huluane da laluga nei dagoi.  
\v 14 Dilia ha lai dunu da dilima doaga:la:musa manebeba:le, momagema:ne hano dima amola dilia gagili sali diasu huluane gasa ima:ne hamoma. Laga osobo amo daeyane magufu sagama amola gagado dafawane gagosa heda:ma.  
\v 15 Be amomane, dilia adi hamosea, dili da laluga nene bogomu amola gegene fane legei dagoi ba:mu. Dilia da danuba:ga ifa lubi na dagoi agoai dunu fi huluane ebelei dagoi ba:mu.   
\p
\v 16 Dilia bidiga lasu dunu ilia idi da gasumuni ilia idi baligi agoai ba:i. Be wali ilia da danuba: agoane hedofo hamone wa:le asi dagoi, amo hamedafa ba:sa.  
\v 17 Dilia eagene ouligisu dunu da danuba: agoai galebe. Ilia da hahabe ifa lubi nanu eso diga:gala:sea wa:le ahoabe agoai, amola dunu afae da amo wa:le ahoabe sogebi hame dawa:.   
\p
\v 18 Asilia hina bagade, di! Dia eagene ouligisu dunu ilia da bogoi dagoi galebe, amola dia dunu mimogo huluane da maedafa nedigima:ne golai dialebe. Dia fi dunu da huluane goumia gado afagogoi galebe, amola ili bu oule misunu dunu da hame galebe.   
\p
\v 19 Gui da manoma aiya bahoma:ne gui legesu da hamedafa galebe, amola dilia fofa:gi da bahomu hamedei ba:sa. Musa: dilia da dunu huluane ilima mae asigili wadela:lesi dagoi. Dunu afae hobeale masunu hamedeiwane ba:i. Be wali Gode da dili gugunufinisi dagoi. Amola dunu huluane da amo sia: nabaloba, ilia da hahawaneba:le lobo fasa.  
\p Sia: ama dagoi