\id LAM  
\h Fofagini Disu 
\toc1 Fofagini Disu 
\toc2 Fofagini Disu 
\toc3 Fofagini Disu 
\mt1 Fofagini Disu  
\is1 (Da:i Sia:-Lamentations; Modu – Lalohisihisi; Bisini – Krai)  
\is1 Hidadea Sia:  
\ip Fofagini Disu Meloa da gesami biyale gala gilisili dedei. Yelusaleme moilai bai bagade da ode 586 Y.H.M. amoga gugunufinisi dagoi ba:i. Ninia da amo buga da Yelemaia ea dedeiyale dawa:sa. E da Yelusaleme da wadela:lesi dagoi dawa:beba:le, fofagini dinanawane dedei. Amo meloa ganodini, da:i dioi bagade hou da ba:sa. Be gilisili dedei da dafawane hamoma:beyale hahawane hou amola Godema dafawaneyale dawa:su hou. Wali amola, Yu dunu da ode huluanega ha:i mae nawene, didiga:su hamonana. Amola ilia Yelusaleme 586 Y.H.M. ode amoga wadela:lesi dagoi bu dawa:sea, ilia da Fofagini Disu Meloa ilia sia:ne gadosu gilisisu ganodini idisa.  
\is1 Sia: Dedei  
\io1 1 Yelusaleme ea Da:i Dioi Bidi Hamosu...Sia:alalo 1:1-22  
\io1 2 Yelusaleme da Se Dabe Lai...Sia:alalo 2:1-22  
\io1 3 Se Dabe Iasu amola Hahawane Dafawane  
\io1 Hamoma:beyale Dawa:lusu...Sia:alalo 3:1-66  
\io1 4 Yelusaleme da Mugului Dagoi Ba:i...Sia:alalo 4:1-22  
\io1 5 Gode da ilima Asigima:ne, Ilia da  
\io1 Sia:ne Gadosu...Sia:alalo 5:1-22  
\c 1  
\s1 Fofagini Disu  
\s1 Yelusaleme ea Da:i Dioi Bidi Hamosu  
\p
\v 1 Yelusaleme da dunu amoga nabaidafa galu. Be wali e da fofagini agoane diala.  
\li2 Musa: fifi asi gala huluane da ema nodoi. Be wali e da uda didalo agoai gala.  
\li2 Yelusaleme ea noga:idafa hou da musa: osobo bagade moilai bai bagade huluane baligi dagoi.  
\li2 Be wali ea dunu huluane da udigili hawa: hamonana.   
\p
\v 2 Daeya ganini asili hahabe huluane e da dinana. Si hano da ea siguluba:le daha.  
\li2 E da musa: sama bagohame galu.  
\li2 Be waha afae da e dogo denesimu hame ba:sa.  
\li2 Emagai dunu da ema hohonone, wali ema ha lai gala.   
\p
\v 3 Yuda fi dunu da hamedei mugululi udigili hawa: hamosu dunu ba:sa.  
\li2 Ilia ha lai dunu da gasa fili, ili fifi lasu amogai mae esaloma:ne, sefasi dagoi.  
\li2 Ilia da ga soge ganodini esala. Ilia fifi lasudafa da hame gala.  
\li2 Ilia ha lai dunu da ili sisiga:iba:le, hobeamu logo hame ba:sa.   
\p
\v 4 Wali da dunu afae da hadigi esoga Debolo Diasuga  
\li2 sia:ne gadomusa: hamedafa maha.  
\li2 Uda a:fini amo da musa: amogawi gesami hea:i, wali da se naba.  
\li2 Amola gobele salasu dunu da gogonomobe fawane.  
\li2 Moilai bai bagade logo holei huluane da mebu dagoi ba:sa  
\li2 amola Saione moilai bai bagade da se nabawane diala.   
\p
\v 5 Yelusaleme fi ilia ha lai dunu da ili hasali dagoi.  
\li2 Amo ha lai dunu da ilia gasaga Yelusaleme gagulaligisa.  
\li2 Yelusaleme da wadela:i bagohame hamoi dagoi.  
\li2 Amaiba:le, Hina Gode da ema se dabe i dagoi.  
\li2 Yelusaleme fi ilia mano da ilia ha lai dunu amoga doagala:le,  
\li2 sasamogele lale, asi dagoi ba:sa.   
\p
\v 6 Yelusaleme ea isisima:goi ba:su da asi dagoi.  
\li2 Ea ouligisu dunu da ‘dia’ gebo amo da ha:ga gasa hamedeiba:le,  
\li2 benea ahoasu dunu iliba:le hobeamu gasa hame agoane ba:sa   
\p
\v 7 Yelusaleme da fofagini mugului dagoi mebui agoane ba:sa.  
\li2 Be e da ea musa: isisima:goi ba:su hou bu dawa:sa.  
\li2 Ema ha lai dunu da ema doagala:loba, e da dafai dagoi.  
\li2 Amola e fidimu dunu afae hame ba:su.  
\li2 Ema hasanasisu dunu da ea dafabe amo ba:loba, eba:le oufesega:i.   
\p
\v 8 Ema nodosu hou da fisiagai dagoi.  
\li2 E da da:i nabado gala amola eno dunu da e higale ba:sa.  
\li2 E da gogosia:iba:le, gogonomusa:, ea odagi wamolegesa.  
\li2 Yelusaleme da hisu wadela:le bagadedafa hamobeba:le, ledo hamoi dagoi.   
\p
\v 9 Dunu huluane da Yelusaleme moilai bai bagade ea ledo hou amo ba:i dagoi.  
\li2 Be e da hobea misunu hou mae dawa:le esalu.  
\li2 Amaiba:le e da gugunufinisili dafai ba:i.  
\li2 Ea dogo denesimu da hamedei.  
\li2 Ea ha lai dunu da e hasali dagoi,  
\li2 Amola e da Hina Godema e fidima:ne, disa wele sia:sa.   
\p
\v 10 Ha lai dunu da ea noga:idafa liligi huluane wamolai dagoi.  
\li2 Hina Gode da amane sema legei, ‘Dienadaile (Yu fi hame) dunu  
\li2 ilia da Debolo Diasu ganodini masunu da sema bagade.  
\li2 Be Yelusaleme da ba:lalobawane, ema ha lai da Debolo Diasuga golili sa:i.   
\p
\v 11 Yelusaleme fi dunu da ha:i manu hogosa, gogonomosa.  
\li2 Ilia liligi noga:idafa amoga ilia na:iyadoma,  
\li2 ha:i manu ili esaloma:ne manusa: bidi lasa.  
\li2 Yelusaleme moilai bai bagade da disa, amane wele sia:sa,  
\li2 “Hina Gode! Na ba:ma! Na da baligili da:i dione esala!   
\p
\v 12 Dunu huluane da bobaligilalebe, ilima e da disa wele sia:sa, “Na ba:ma!  
\li2 Na se nabasu defele, dunu afaega da hame ba:i.  
\li2 Hina Gode da nama ougiba:le, amo se nabasu nama i dagoi.   
\p
\v 13 Hina Gode da muagadodili, lalu iasili, amo lalu da na da:i ganodini nenanu.  
\li2 E da na sa:ima:ne, sanisi.  
\li2 Amaiba:le, na da osoba gala:la sa:i.  
\li2 Amalalu, E da na yolesili, na da mae fisili se nabasu nabala.   
\p
\v 14 E da na wadela:i hou huluane ba:lalu, amo huluane gilisili,  
\li2 fedege agoane ‘youge’ hamoi.  
\li2 E da na wadela:i hou huluane ‘youge’ agoane na galogoaga gisa:ginisisi, amoga na da:i da dioi bagadeba:le, na da:i da gogaya:i ba:i.  
\li2 Hina Gode da na ha lai dunuma na ianu, na da ilima bu gegemu hamedei ba:i.   
\p
\v 15 Hina Gode da na baligili gasa bagade dadi gagui dunu iliba:le oui.  
\li2 E da na ayeligi dunu wadela:lesima:ne, dadi gagui wa:i asunasi.  
\li2 E da waini fage hano hamoma:ne ososa:gibi, amo defele na osa:gi.   
\p
\v 16 Amaiba:le, na siga si hano da nabale aduga:le daha.  
\li2 Dunu enoga da na denesimu hamedei.  
\li2 Na ha lai dunu da na hasali dagoi.  
\li2 Na fi dunu da liligi gagui hamedafa gala.   
\p
\v 17 Na da enoga fidima:ne, lobo ilua:legasa. Be fidimu dunu hame ba:sa.  
\li2 Hina Gode da nama doagala:ma:ne, la:idi la:idiga ha lai dunu misa:ne sia:i.  
\li2 Ilia da na ledo hamoi liligi agoane ba:sa.   
\p
\v 18 Be Hina Gode Ea hou da moloi fawane.  
\li2 Bai na da Ea hamoma:ne sia:i nabawane hame hamosu.  
\li2 Fifi asi gala dunu huluane! Na sia: nabima! Na se nabasu ba:ma!  
\li2 Na ayeligi dunu amola a:fini huluane da mugululi asi dagoi.   
\p
\v 19 Na da na fuligala:su fi dunuma na fidima:ne wele sia:i.  
\li2 Be ilia da na fidumu higa:i.  
\li2 Gobele salasu dunu amola ouligisu dunu  
\li2 ilia da moilai bai bagade logoga esala ha:i manu hogolalu,  
\li2 be hamedeiba:le udigili bogogia:i.   
\p
\v 20 Hina Gode, ba:ma! Na da se bagadedafa nabala!  
\li2 Fedege agoane, na dogo da faga:i dagoi.  
\li2 Bai na da na wadela:i hou dawa:beba:le, da:i dioi bagade nabala.  
\li2 Moilai bai bagade logoga, dunu oda da eno dunu medole legesa.  
\li2 Amola diasu huluane amo ganodini, bogosu fawane ba:sa.   
\p
\v 21 Na gogonomobe nabima! Na dogo denesimu da dunu hame.  
\li2 Di da amo gugunufinisisu nama iabeba:le, na ha lai dunu ilia da nodosa.  
\li2 Hahawane eso amo Di da nama ima:ne ilegele sia:i, amo iasima.  
\li2 Na se nabasu defele, nama ha lai dunuma se bidi ima.   
\p
\v 22 Ilia da wadela:i hou baligili hamobeba:le, ilima fofada:nanu,  
\li2 ilima se bidi imunusa: ilegema.  
\li2 Di da na wadela:i hou hamoiba:le, nama se bidi i,  
\li2 amo defele ilima se bidi ima.  
\li2 Na da bagadewane da:i dioiba:le, gogonomosa.  
\li2 Na da na dogo ganodini olo bagade gala.”   
\c 2  
\s1 Hina Gode da Yelusalemema Se Dabe Iasu  
\p
\v 1 Hina Gode da ougi bagadeba:le,  
\li2 E da Saione Moilai Bai Bagade amo gasiga dedebolesi.  
\li2 Saione ea hadigi isisima:goi ba:su hou  
\li2 amo E da mugululi, gugunufinisi dagoi.  
\li2 Amolawane, E da Ea ougi ba:i esoga, Ea Debolo Diasu amo higale, fisiagai.   
\p
\v 2 Hina Gode da mae asigili, Yuda soge moilai huluanedafa gugunufinisi.  
\li2 Amola gagili sali moilai amo da musa: Yuda soge fi gaga:i,  
\li2 amo huluane E da mugululi hiougili fasi.  
\li2 Hina Gode da Yuda hina bagade amola ilia ouligibi fi  
\li2 amo huluane gogosiama:ne amane hamoi.   
\p
\v 3 Gode da bagadewane ougiba:le, Isala:ili fi ilia gasa fofonobonesi.  
\li2 Ha lai da nini doagala:musa: manoba, Gode da nini fidimu higa:i.  
\li2 E da lalu gia:i bagade defele, ninima gegenanu, liligi huluane gugunufinisi.   
\p
\v 4 Hina Gode da ha lai dunuga gala:musa: dilaligibi defele,  
\li2 ninima gala:musa: dilaligi.  
\li2 Dunu amola uda amoma ninia da nodoi, Hina Gode da amo medole lelegei.  
\li2 Yelusaleme moilai bai bagadega guiguda:,  
\li2 Hina Gode Ea gia:i bagade ougi hou da ninima doaga:i.   
\p
\v 5 Ninima ha lai dunu defele, Hina Gode da Isala:ili fi gugunufinisi dagoi.  
\li2 E da Isala:ili gagili sali diasu  
\li2 amola hina bagade diasu huluane gugunufinisili yolesi.  
\li2 E da hamobeba:le, Yuda fi dunu huluane da eso huluane mae fisili,  
\li2 da:i dione dawa:lala.   
\p
\v 6 E da Debolo (amo ganodini ninia da Ema nodone sia:ne gadoi),  
\li2 amo E da fili gagoudane fasi.  
\li2 E da hadigi eso amola Sa:bade eso huluane dagolesi.  
\li2 Hina bagade ilia amola gobele salasu dunu ilia da defele,  
\li2 Hina Gode Ea ougi bagade ba:i.   
\p
\v 7 Hina Gode da Ea oloda higale ba:i, amola Ea hadigi Debolo Diasu yolesi.  
\li2 E da ha lai dunu ilia Debolo dobea muguluma:ne, logo doasi.  
\li2 Amogawi ninia da musa: hahawane Hina Godema sia:ne gadosu.  
\li2 Be ninima ha lai dunu da Debolo Diasu wadela:lesili,  
\li2 hasalabeba:le nodone wele sia:i.   
\p
\v 8 Hina Gode da Saione gagoi muguluma:ne dafawane ilegei.  
\li2 Amo dafawanedafa gugunufinisima:ne, e da amo defele ilegei.  
\li2 Gagagula heda:i diasu amola gagoi  
\li2 amo da wali gilisili wadela:lesi dialebe ba:sa.   
\p
\v 9 Saione logo ga:su ilia da gagoudane fasili, isuga dedeboi ba:sa.  
\li2 Yuda hina bagade amola hina bagade sosogo fi da wali mugululi asi dagoi.  
\li2 Ilia da Hina Gode Ea sema bu hame olelesa.  
\li2 Amola Hina Gode da Ea balofede dunu (Gode Sia: Alofesu dunu)  
\li2 ilima esala ba:su bu hame olesa.   
\p
\v 10 Yelusaleme moilai bai bagade fi da:i hamoi dunu da ouiya:le osoboga fi diala.  
\li2 Ilia dialuma da:iya da osobo gulu ligisili, amola ilia da eboboi abula gaga:i.  
\li2 Uda a:fini ilia da osoboa mi bugili begudusa.   
\p
\v 11 Na da dinana, na si da fofasa.  
\li2 Na da se bagade nabala.  
\li2 Na fi dunu da gugunufinisi dagoiba:le, na da dinana sasei.  
\li2 Mano amola mano dudubu ilia da moilai bai bagade logoba:le sidigia:sa.   
\p
\v 12 Ha:ga amola hano hanaga, ilia da emema dini iaha.  
\li2 Ilia da dadiga gala:i dunu defele, ilia logoa gala:la sa:ili,  
\li2 emelalia lobo da:iya gebewane bogogia:sa.   
\p
\v 13 Waaee! Yelusaleme! Dogolegei Yelusaleme!  
\li2 Na da adi sia:ma:bela:?  
\li2 Na da habodane di dogo denesima:bela:?  
\li2 Dunu afaega da agoane hame hahani.  
\li2 Di gugunufinisisu da alalo hamedei hano wayabo bagade agoai ba:sa.  
\li2 Noga:ma:bela:le dawa:mu da hamedei.   
\p
\v 14 Dia balofede dunu da dima moloi sia: mae sia:ne, ogogosu sia: fawane sia:su.  
\li2 Ilia dima ogogole olelebeba:le, dia wadela:i hou da wamolegei dialebe ba:i.  
\li2 Ilia da ogogole sia:beba:le, di da fofada:nanu sinidigimu hame dawa:i.   
\p
\v 15 Moilai bai bagadeba:le bobaligilalebe dunu ilia dima ba:lu, migasesa.  
\li2 Ilia da dialuma fofoga:ne, Yelusaleme mugului amoba:le oufesega:ne,  
\li2 amane sia:sa, “Goe da hadigi moilai bai bagadela:?  
\li2 Osobo bagade gagagusu moilai bai bagade amoga dunu huluane da hidale dawa:i, amo da goela:?”   
\p
\v 16 Dima ha lai dunu huluane da dima lasagole oufesega:ne, dima higale ba:sa.  
\li2 Ilia da lafi bula:gili mosole gagale, uhuhusa amane sia:sa, “Ninia da amo gugunufinisi dagoi.  
\li2 Ninia amo ba:musa: ouesalu eso da goea!”   
\p
\v 17 Hina Gode da bagadewane ouesalu  
\li2 be wahadafa Ea musa: dawa:ma:ne se bidi imunusa: dawa:lu amo iasi dagoi.  
\li2 E da musa:dafa Hi sisane sia:si amo defele,  
\li2 E da ninima mae asigiliwane nini gugunufinisi dagoi.  
\li2 E da ninia ha lai dunuma hasanasisu hou iasi,  
\li2 amola ninia dafai hou amoga ilima hahawane nodoma:ne iasi.   
\p
\v 18 Waaee! Yelusaleme!  
\li2 Dia moilai bai bagade gagoi huluane da Hina Godema disa wele sia:ma:ma.  
\li2 Di da gasi amola hayo huluane dia si hano da hano agoane a:i daloma:ma.  
\li2 Di da da:i dione dinaneawane gufia:ma:ma!   
\p
\v 19 Gasi ganodini wa:legadole amola eno wa:legadole, Hina Godema dini ianoma:ma.  
\li2 Mano da logo sagulufai huluane amoga bogogia:lala.  
\li2 Dia dogo huluanedafa amoga Hina Godema,  
\li2 E da ilima asigima:ne disawane edegema.   
\p
\v 20 Hina Gode! Di ba:ma!  
\li2 Di da abuliba:le ninima se bidi agoane iasibala:?  
\li2 Uda da ilia dogolegei mano ilia da:i hodo naha.  
\li2 Ha lai dunu da gobele salasu dunu amola balofede dunu amo Debolo Diasu ganodini medole lelegesa.   
\p
\v 21 Ayeligi amola asigilai defele, logoba:le bogogia:i dialebe ba:sa.  
\li2 Ayeligi amola uda a:fini  
\li2 ilia da ha lai ilia gegesu gobiheiga fane lelegebe ba:sa.  
\li2 Hina Gode! Dia ougi eso amoga Di da mae asigiliwane, ili medole lelegei.   
\p
\v 22 Di da dunu ilia eno dunu lolo nabe amoga hiougibi defele  
\li2 Di da nama ha lai na gugunufinisimusa: hiougi.  
\li2 Dia ougi eso amoga dunu afae da hobeamu hamedafa ba:i.  
\li2 Ilia da na dogolegei manolali amo na da bugili i, amo huluane medole legei.   
\c 3  
\s1 Se Bidi Iasu, Godema Sinidigisu amola Hamoma:bela:le Dafawaneyale Dawa:su  
\p
\v 1 Na da Gode Ea se bidi iasu amo dawa:.   
\p
\v 2 E da na gasidafa ganodini, amoga sefasi.   
\p
\v 3 E da mae asigiliwane, na bubulufalalu.   
\p
\v 4 E da na hu fa:gini ale sasalili amalu na gasa fifili yolesi.   
\p
\v 5 E da fedege agoane baligili se iasu diasu ganodini na ga:si.   
\p
\v 6 E da na seseiba:le, na da gasi ganodini bogosu gaha agoai dialu.   
\p
\v 7 E da na sia:inega lala:gi dagoi.  
\li2 Na da fedege agoane, se iasu diasu ganodini esala.  
\li2 Na da hobeamu gogoleidafa.   
\p
\v 8 Na da na fidima:ne, Godema ha:giwane disa wele sia:sa.  
\li2 Be E da na wele sia:su nabimu higasa.   
\p
\v 9 Na da emoga ahoasea, fefeloa ahoa.  
\li2 Na da habidili delegisia, gelega logo ga:su fawane ba:sa.   
\p
\v 10 Hina Gode da nama doagala:musa:, ‘bea’ ohe agoai ouesalu.  
\li2 E da ‘laione’ wa:me ea hou defele, nama doagala:le, gagula dasu.   
\p
\v 11 E da na logo hamega ga sefasi.  
\li2 E da na da:i hodo gagadelale, dodosa:ne, na yolesi.   
\p
\v 12 E da Ea oulali dili, na gala:i.   
\p
\v 13 E da na Ea dadiga, na da:igadafa gano gala:i.   
\p
\v 14 Dunu ilia da hahabe asili daeya nama oufesega:sa.  
\li2 Ilia da nama lalasogole oufesega:sa.   
\p
\v 15 Hina Gode da fedege agoane se nabasu fawane,  
\li2 ha:i manu amola hano defele nama moma:ne i.   
\p
\v 16 E da na odagi osobo da:iya bugisili, geselalu.  
\li2 E da na bese gelega fifilisi.   
\p
\v 17 Na da da:i dioiba:le olosa, amola olofosu amola hahawane hou gogolesa.   
\p
\v 18 Na da fonobahadi fawane bu esalumu.  
\li2 Na Hina Gode da na fidima:bela:le dawa:su hame ba:sa.   
\p
\v 19 Na da golasu hamedei amola se bagade nabala.  
\li2 Na da amo dawa:sea, amo da nama gamogai medosu hano nasu defele ba:sa.   
\p
\v 20 Na da na se nabasu amo mae fisili dawa:lala.  
\li2 Na a:silibu ganodini da:i dioi bagade nabala.   
\p
\v 21 Be na da liligi afadafa dawa:sea,  
\li2 na dafawane hamoma:beyale dawa:su da bu nama maha.   
\p
\v 22 Amo liligi da Hina Gode Ea da nama mae fisili, asigisa.  
\li2 Amola E da gogolema:ne olofosu dawa:.   
\p
\v 23 Ea asigidafa hou da hahabe nasegagi defele,  
\li2 amola eso ea mabe defele, hame yolesisa.   
\p
\v 24 Na da liligi eno hamedafa gala.  
\li2 Hina Gode Hifawane da na Fidisu Dunu.  
\li2 Amaiba:le, na da Ema fawane dafawaneyale dawa:sa.   
\p
\v 25 Hina Gode da nowa dunu amo da Ea hou dafawaneyale dawa:sea, lalegagusia,  
\li2 amo dunuma hahawane hamosa.   
\p
\v 26 Amaiba:le, ninia da Ea fidisu amola gaga:su lamusa:,  
\li2 gebewane mae momabone ouesalumu da defea.   
\p
\v 27 Amola amo hou ninia ayeligi amola afini eso amogainini dawa:mu da defea.   
\p
\v 28 Ninia da se nabasea, ninisu ouiya:le esalumu da defea.   
\p
\v 29 Ninia Hina Gode Ea sia: nabawane, begudumu da defea.  
\li2 Bai ninia da hobea misunu hou noga:idafa ba:ma:bela:le.   
\p
\v 30 Eno dunu da ninima fasea amola gadele sia:sea,  
\li2 ninia ouiya:le esalumu da defea.   
\p
\v 31 Hina Gode da ninima gogolema:ne olofosu dialebeba:le,  
\li2 E da nini hamedafa fisiagamu.   
\p
\v 32 E da eso enoga ninima da:i diosu iaha,  
\li2 be Ea ninima asigisu hou da dafawanedafa amola gasa bagade.   
\p
\v 33 E da da:i diosu amola se nabasu amo,  
\li2 Ea hanaiba:le ninima hame iaha.   
\p
\v 34 Ninia da se iasu diasu ganodini, da:i dioiwane esalea,  
\li2 Hina Gode da nini dawa:lala.   
\p
\v 35 -  
\v 36 Hina Gode da osobo bagade dunu  
\li2 ilia moloidafa fofada:su hou hamoma:ne ilegei.  
\li2 Be ninia amo hou hamobe hame ba:sea, E da dawa:lala.   
\p
\v 37 Hina Gode Ea hanai hou fawane da didili hahamona ahoana.   
\p
\v 38 Hina Gode da logo doasibiba:le fawane,  
\li2 hou noga:i amola wadela:i ele defele doaga:sa.   
\p
\v 39 Ninia da wadela:i hou hamobeba:le, dawa:ma:ne se dabe iasu ba:sea,  
\li2 abuliga Godema egane sia:ma:bela:?   
\p
\v 40 Ninia da ninia hamobe hou ba:lalu, Godema sinidigila:di!   
\p
\v 41 Ninia da ninia wadela:i hou hamoi Godema sisane fofada:nanu,  
\li2 noga:le amane sia:ne gadomu da defea.   
\p
\v 42 “Ninia da wadela:le hamoi dagoi, amola Dima odoga:i.  
\li2 Amola Hina Gode! Di da ninia wadela:i hou hame gogolema:ne olofoi.   
\p
\v 43 Di da ninima sinidigili amola nini fane lelegei.  
\li2 Be Dia gogolema:ne olofosu hou amo da Dia ougi hou amoga dedeboi galu.   
\p
\v 44 Di da ninia sia:ne gadosu amo Dima mae doaga:ma:ne,  
\li2 Dia ougi hou da mu mobi agoane bagadedafa gadugagilisi.   
\p
\v 45 Di da nini osobo bagadega isu salasu agoane hamoi   
\p
\v 46 Ninima ha lai dunu huluane da ninima gadesa amola oufesega:sa.   
\p
\v 47 Ninima gugunufinisisu da doaga:i dagoi.  
\li2 Ninia da se nabasa:besa:le bebeda:iya esafulu.   
\p
\v 48 Na fi dunu ilima gugunufinisisu hou ba:beba:le,  
\li2 na si hano da hano defele dala.   
\p
\v 49 Na si hano da hame hasu hano agoane daleawane,   
\p
\v 50 Hina Gode da Hebene gadodili ninima ba:le gudusia, nini ba:sa.   
\p
\v 51 Na da moilai bai bagade ganodini fi uda,  
\li2 amo ilima hamoi amo ba:sea, Na da dogo faga:sa.   
\p
\v 52 Nama ha lai dunu ilia nama higabe da bai hame gala.  
\li2 Be dunu ilia da sio sanigebe defele,  
\li2 nama ha lai da na sa:ima:ne sani gei.   
\p
\v 53 Ilia da na esalumuna:wane uli gelaba sanasili,  
\li2 gelega gadodili ga:si.   
\p
\v 54 Na da gudu esaloba hano da na dedebomusa: heda:beba:le,  
\li2 na bogomu gadenebeyale dawa:i.   
\p
\v 55 Hina Gode! Na da uli dogoi gudu lela,  
\li2 na da Dima disa wele sia:i.   
\p
\v 56 Amola na da Dia fidima:ne dini iabe nabima:ne sia:beba:le,  
\li2 Di da na dibi nabi dagoi.   
\p
\v 57 Di da nama bu adole i, “Di mae beda:ma!”   
\p
\v 58 Di da na esalusu gaga:musa: misini,  
\li2 na esaloma:ne hamoi.   
\p
\v 59 Hina Gode! Di da na wadela:le hamoi amo Di dawa:.  
\li2 Dia fofada:nanu, na hou da moloidafa sia:ma.   
\p
\v 60 Dia dawa:! Nama ha lai dunu da na higale,  
\li2 amola na medomusa: wamo sia:daha.   
\p
\v 61 Hina Gode! Ilia nama gadebe,  
\li2 amola na famusa: wamo sia:dabe, amo Dia dawa:.   
\p
\v 62 Hahabe ganini asili gasia, ilia da na hou amoga ilegele sia:daha  
\li2 amola na famusa: wamo sia:daha.   
\p
\v 63 Hahabe ganini asili gasia,  
\li2 ilia da nama lalasogole oufesega:sa.   
\p
\v 64 Hina Gode! Ilia nama wadela:le hamobeba:le,  
\li2 ilima se dabe ima!   
\p
\v 65 Ilima gagabusu aligima:ne ilegema!  
\li2 Amola ili lobo hehealema:ne hamoma!   
\p
\v 66 Ili osobo bagadega mae esaloma:ne,  
\li2 gala:la bobogema!   
\c 4  
\s1 Yelusaleme Dafai amo Ea Fa:no Hou  
\p
\v 1 Ninia sinenemegi gouli da gumi dagoi.  
\li2 Debolo Diasu gagui gele da logoba:le, afagogolesi diala.   
\p
\v 2 Dunu da gouli bagadewane hanai, amo defele,  
\li2 Saione moilai bai bagade ayeligi amola a:fini da ninima dogolegei.  
\li2 Be wali, ninima ha lai dunu ilia da ninia ayeligi amola a:fini amo osoboga hamoi ofodo agoai ba:sa.   
\p
\v 3 ‘Wufi’ wa:me eme da ea manoma ha:i manu imunusa: dawa:.  
\li2 Be na fi dunu da dalamole sio agoane, ilia manoma hame asigisa.   
\p
\v 4 Ilia da mano dudubuma ha:i manu amola hano hame iabeba:le,  
\li2 ilia mano da udigili bogogia:sa.  
\li2 Mano ilia da ha:ga, ha:i manu ha:giwane edegesa,  
\li2 be dunu afaega ilima hamedafa iaha.   
\p
\v 5 Dunu amo da musa: ha:i manu ida:iwane nasu,  
\li2 be ilia da logoba:le udigili ha:ga bogogia:lala.  
\li2 Dunu amo musa: ilia ame amola ilia ada  
\li2 ilia da bagade gaguiwane noga:le bugili iasu,  
\li2 be wali ilia da isu salasua gila:leboba:sa lafia:sa.   
\p
\v 6  \f + \fr 4:6 \ft Mui 19:24\f*Sodame fi dialu da Gode Ea hamobeba:le hedolowane se nabawane dafai.  
\li2 Be na fi ilia se dabe iasu da amo ilia se dabe iasu baligi dagoi.   
\p
\v 7 Ninia hina bagade ea mano da ledo hamedei,  
\li2 hou noga:i amo da fedege agoane ahea:iya:i anegagi ofo defele ba:su.  
\li2 Ilia da gasa bagade, mae olole, dagumui amola hahawane bagade ba:i.   
\p
\v 8 Be wali, ilia da udigili logoba:le, ilia odagi da ginafoi, ilia da:i da hafoga:le,  
\li2 ifa bioi agoane ba:le, geloga:le, gasa dabua heda:i ba:sa.   
\p
\v 9 Dunu da ha amoga gegenana bogoi, ilia da hedolowane hale bogolegai.  
\li2 Be dunu amo da fa:no bogogia:i, ilia da ha:ga se lalaba ahoanawane bogogia:i.   
\p
\v 10  \f + \fr 4:10 \ft Mousese ea Malasu 28:57; Isigiele 5:10\f*Gugunufinisisu hou da na fi dunuma doaga:beba:le, ilia da bagade beda:i.  
\li2 Eme ilia da ili dogolegei mano amo ili gobele mai.   
\p
\v 11 Hina Gode da Ea gasa bagade ougi hou ilima iasi.  
\li2 E da Saione moilai bai bagade laluga ulagisili,  
\li2 moilai bai bagade da huluane nene sa:i.   
\p
\v 12 Fifi asi gala dunu huluanedafa amola ga fifi asi ouligisu dunu,  
\li2 ilia da ha lai dunu da Yelusaleme logo ga:su golili sa:imu  
\li2 Amo da hamedei agoane dawa:i.   
\p
\v 13 Be ha lai da golili sa:i dogoi.  
\li2 Bai Yelusaleme fi balofede dunu ilia wadela:le hamoi,  
\li2 amola ilia gobele salasu dunu da moloidafa dunu  
\li2 amo medole legema:ne hamoi.   
\p
\v 14 Yelusaleme ouligisu dunu da si dofoi dunu agoai,  
\li2 udigili logoba:le dadoula ahoanusu.  
\li2 Ilia da:i da maga:mega uduli gafoiba:le, enoga ili digimu higa:i galu.   
\p
\v 15 Dunu ilia da amane halale sia:i,  
\li2 “Gasigama! Dilia da ledo hamoi dagoi! Na mae digima!”  
\li2 Amaiba:le, ilia da fifi asi gala amoga da:neboba: lafia:i.  
\li2 Be ili da enoga hame lale sali.   
\p
\v 16 Hina Gode Hisu da ili afagogolesi.  
\li2 Bai E da ili yolesi dagoi.  
\li2 Hina Gode da ninia gobele salasu dunu  
\li2 amola ninia ouligisu dunu ilima hame asigi galu.   
\p
\v 17 Ninia da fidisu hohogola lai, be hamedafa ba:i.  
\li2 Ninia da fifi lai dunu enoga nini fidima:ne ouesalu,  
\li2 be enoga nini fidisu hame ba:i.   
\p
\v 18 Ninima ha lai dunu da nini medomusa: desega dialu.  
\li2 Amaiba:le, ninia da logoba:le lafia:lumu gogolei.  
\li2 Ninia eso da baligi dagoi ba:i.  
\li2 Dagosu da doaga:i.   
\p
\v 19 Buhiba da hedolowane muagadonini gogila dabe defele,  
\li2 ilia da nini gagumusa: segala:i.  
\li2 Ilia da agolo damana nini gagumusa: segala:i.  
\li2 Ilia da nini hafoga:i sogega gagulaligiba:le, ninia da fofogadigi.   
\p
\v 20 Hina Gode da ninia hina bagade ilegei.  
\li2 Amo dunu da ninia esalusu ea bai galu.  
\li2 Nini da ea fawane ninima ha lai dunu huluane ilima gaga:mu, amo dafawaneyale dawa:i.  
\li2 Be ninima ha lai ilia da ninia hina bagade gagulaligi.   
\p
\v 21 Defea! Dilia Idome fi amola Ase fi dunu.  
\li2 Oufesega:ma! Nodomu galea, nodoma!  
\li2 Dilima gugunufinisisu da doaga:mu!  
\li2 Dilia amolawane da da:i nabadowane gogosiane dadoula masunu.   
\p
\v 22 Saione moilai bai bagade da ea wadela:i hou amo dabe i dagoi.  
\li2 Hina Gode da nini mugululi asi amo ganodini bu bagade hame esaloma:mu.  
\li2 Be Idome fi, dilia! Hina Gode da dilima se iasu imunu.  
\li2 E da dilia wadela:le hamobe, dunu huluane ba:ma:ne, olemu.   
\c 5  
\s1 Gogolema:ne Olofoma:ne Sia:ne Gadosu  
\p
\v 1 Hina Gode!  
\li2 Ninima gugunufinisisu hou doaga:i, amo dawa:ma!  
\li2 Ninia gogosiasu amo ba:ma!   
\p
\v 2 Degabo misi dunu da ninia liligi huluane gagusa.  
\li2 Ga fi dunu ilia da ninia diasu huluane ganodini esalebe ba:sa.   
\p
\v 3 Ninia ada huluane da ha lai dunu ilia medole legei dagoi.  
\li2 Amola wali, ninia amelali da didalo esafula.   
\p
\v 4 Ninia da hano manusa:, bidiga fawane laha.  
\li2 Ninia lalu habei amola da bidiga fawane laha.   
\p
\v 5 Ninia ha lai da ilia dougi amola ga:mele sesebe amo defele nini sesesa.  
\li2 Nini da hele bagade naba, be helefimu hamedei ba:sa.   
\p
\v 6 Ninia da mae bogogia:ma:ne, Idibidi soge amola Asilia soge  
\li2 amoga ha:i manu edegemusa: asi.   
\p
\v 7 Ninia aowalali ilia da wadela:le hamoi.  
\li2 Be ilia da bogoi dagoi, amola wali ninia da ilia wadela:i hou hamoiba:le, amo dabe se nabala.   
\p
\v 8 Ninia da udigili hawa: hamonana,  
\li2 amola ninima ouligisu dunu da udigili hawa: hamosu dunu agoai.  
\li2 Be ili da gasa bagadeba:le, ninia dunu afaega nini gaga:mu da hamedei.   
\p
\v 9 Fane legesu dunu ilia da udigili sogega lafia:la.  
\li2 Ninia da ha:i manu hogola ahoasea, ilia da nini fane legesa:besa:le, ninia da beda:sa.   
\p
\v 10 Ninia da ha:ga asugi agoai ba:sa.  
\li2 Ninia da:i da gele nenowai defele ba:sa.   
\p
\v 11 Ninima ha lai da ninia uda huluane Saione Goumia gagulaligili, adole lasu.  
\li2 Amola Yuda moilai huluane ganodini, ilia da ninia uda mano amo gagulaligili, sesele adole lasu.   
\p
\v 12 Ilia da ninia ouligisu dunu ili gagulaligili, galogoaga hegoanesili, medole lelegei.  
\li2 Ilia da ninia asigilai dunu ilima nodoma:ne hame hamosa.   
\p
\v 13 Ninima ha lai dunu da ninia ayeligi dunuma sesebeba:le,  
\li2 ilia da udigili hawa: hamosu dunu agoane gala:ine gesesa.  
\li2 Goi ilia da lalu habei dioi bagade gisawane ahoabeba:le, sasaya:gina ahoa.   
\p
\v 14 Asigilai dunu ilia da moilai bai bagade logo holei amogai fisu yolele,  
\li2 amola ayeligi amola a:fini da gesami hea:sa dusu liligi dusu amo yolesisi.   
\p
\v 15 Ninia hahawane hou da fisi dagoi.  
\li2 Ninia da gafosu yolesili, da:i diosu fawane ba:sa.   
\p
\v 16 Ninia da musa: ninia liligi gagui amola ninia hou amoma hidale nodosu.  
\li2 Be wali amo huluane da wadela:lesi dagoi.  
\li2 Ninia da wadela:le hamoiba:le, hobeamu gogolele,  
\li2 gugunufinisisu fawane ba:mu.   
\p
\v 17 Ninia da dogoga se nabala,  
\li2 amola ninia si hanoga ba:mu gogolei ba:sa.   
\p
\v 18 Bai Saione Goumi da hahaninisili amola mebui diala.  
\li2 Amola sigua wa:me da Saione mebu ganodini hohogola lafia:la.   
\p
\v 19 Be Di, Hina Gode da eso huluane mae fisili ouligilalumu.   
\p
\v 20 Hina Gode!  
\li2 Di da abuliba:le ode bagohame agoane nini yolesila:?  
\li2 Di da nini gebewane bu dawa:loma:bela:?   
\p
\v 21 Hina Gode! Nini bu Dima misa:ne hiougima!  
\li2 Nini bu hiougima!  
\li2 Ninia siba hadigi hou ninima bu ima!   
\p
\v 22 O Di da dafawanedafa nini fisiagabela:?  
\li2 Dia ougisu hou da dagosu hamela:?  
\p Sia: ama dagoi