\id JON  
\h Youna 
\toc1 Youna 
\toc2 Youna 
\toc3 Youna 
\mt1 Youna  
\is1 (Da:i Sia:-Jonah; Modu-Iona; Bisini-Jona)  
\is1 Hidadea Sia:  
\ip Youna buga da balofede dunu Youna amo ea hou olelesa. Gode da ema hawa: hamosu olelei be e da hame nabasu hou hamoi. Ninefe da bisili moilai bai bagade Asilia soge ganodini amola Asilia fi da Isala:ili fi ilima bagadewane ha lai esalu. Youna da Ninefe moilai bai bagadega masunu higa:i. Bai e da Ninefe dunuma hame asigi galu amola Gode da amo moilai bai bagade hame wadela:lesimu e da dawa:i galu. Gode da e masa:ne se iasili, e da adola asi, be fa:no Gode da Ninefe fi ilima se hame iabeba:le, Youna da mi hanane higale ba:i.  
\ip Amo buga da Gode da Ea hahamoi liligi huluane amoma Hina Bagadedafa esala amo olelesa. Be bai bagade amo ganodini da Gode da dafai dunuma bagade asigisa amola E da gogolema:ne olofosu dawa:. Dunu mogili da Gode Ea fa:no bobogesu fi ilima ha lai esala. Be Gode da amo dunu amola ilima asigisa. E da amo dunu mae wadela:lesili, gogolema:ne olofomu amola gaga:musa: dawa:lala.  
\is1 Sia: Dedei Diala:-  
\io2 1 Gode da Younama Wei amola  
\io2 Youna ea Hame Nabasu Hou...Sia:alalo 1:1-17  
\io2 2 Youna da Godema Sinidigi amola  
\io2 Gode da Youna Gaga:i...Sia:alalo 2:1-10  
\io2 3 Youna da Gode Ea Sia: amo  
\io2 Ninefe Fi ilima olelei...Sia:alalo 3:1-10  
\io2 4 Ninefe Fi da Gode Ea  
\io2 Gogolema:ne Olofosu Ba:i...Sia:alalo 4:1-11  
\c 1  
\s1 Youna  
\p Youna da Godema hobeale masunusa: dawa:i, be Gode da Ema bu sinidigima:ne wele sia:i  
\s1 Youna da Hobeale Asi  
\p
\v 1  \f + \fr 1:1 \ft 2 Hina bagade 14:25\f*Eso afaega, Hina Bagade Gode da Youna, (Amidai ea mano) ema sia:i.  
\v 2 E amane adoi, “Di Ninefe moilai bai bagade fi amoga asili, gasa gala ilima amane sisia:ma, ‘Na ba:loba da dili wadela:i hou bagohame hamosa’ ia adoma.”  
\v 3 Be Youna da Hina Gode yolesili, Dasase moilai bai bagade fi amoga hobeale masunusa: dawa:i. Be amomane E da Yoba moilai amoga asi, amola E asili ba:loba, dusagai bagade amo da Dasase moilai bai bagade (Siba:ini soge ganodini) amoga ahoanebe ba:i. Amanoba, e da ea masunu muni ianu, dusagai hawa: hamosu dunu gilisili amoga fila heda:i. E da Gode yolesili hobeale masunusa: dawa:i  
\v 4 Be Youna amola dunu oda ilia gilisili fila heda:le ahoanoba, Hina Gode Hi da isu amola fo amola gibu amo i, amola hano da bagade gafululi amola da dusagai amo gadenene agoane, gela sa:imu agoai ba:i.   
\p
\v 5 Amabeba:le, dusagaiga hawa: hamosu dunu ilia bagadewane beda:ne, ilia ‘gode’ liligi ilima fidima:ne sia:ne gadoi. Amola ilia liligi dusagai ganodini dialu amo huluane ladili hanoa ga galagai. Be ili amo hawa: hamonanoba da Youna e dusagai amo ganodini, sesei amo ganodini sima dialu.   
\p
\v 6 Be dusagai ouligisu dunu ea da Youna ba:le amane sia:i, “Abuliba:le di sima dianabela:? Di waha wa:legadole di fidima:ne dia Godema sia:ne gadoma, amola da nini huluane hanoga gela sa:imu galebe. Na dawa:loba da dia Godema sia:ne gadosea, amola Ea ninima asigili fidima:bela: amola ninia da hame bogoma:bela:?”   
\p
\v 7 Amalu dusagaiga hawa: hamosu dunu ilia gilisili sia: sa:i amola bai hogoi, “Nowa da bai mubala:le amola goe hou doaga:ma:ne amola ninia gadenenewane se nabimu galebe. Ninia amo hou dawa:ma:ne ganisano sagamu.” Hogole ba:loba Youna e da afuda:i ba:i, amola ea dio dialebe ba:i.  
\v 8 Amabeba:le, ilia ema amane sia:i, “Dia amola ninima goe hou hamoi amo se nabasu bai amo ninima adole ima. Dia da goe guda: adi hamobela:? Amola di da habidili fi dunula:? Dia da habidili fi dunu amola dia sosogo fi da habigala?”   
\p
\v 9 Amola Youna amane adole i, “Na da Hibulu sosogo fi amoga, amola na da Hina Gode Bagade Hebene ganodini esalebe, amoma fa:no bobogesa amola Ema sia:ne gadosa. E da osobo bagade amola hano huluane hamoi.”  
\v 10 Amola Youna e da dusagaiga hawa: hamosu ilima amane adole i, “Na da Hina Bagade Ema hobeale ahoa.”  
\p Be amo sia: nababeba:le, dusagaiga hawa: hamosu ilia bagadewane fofogadigili amola bagade beda:gia:i, amola ilia da ema amane sia:i, “Amo hou dia da abuliba:le hamobela:? (E da Godema hobeale asi ilima adoiba:le, ilia da amo hou dawa:i dagoi).   
\p
\v 11 Be fo amola isu da mae yolelewane, bagade manu, amabeba:le ilia ema adole ba:i. “Adi hamonanea da fo amola isu amola yolema:bela:?”   
\p
\v 12 Youna da amane sia:i, “Dilia da na hanoga ha:digisia, da fo amola isu amola da yolemu. Na dawa:, amo da na baiga agoane hamosa.”  
\v 13 Be amomane dusagaiga hawa: hamosu dunu ilia da gasa fili, hano bega: ganodini doaga:musa: ha:giwane  
\p sua:lala asi, be amomane ahoa ba:loba hamedeidafa ba:i. Be fo amola isu da bu bagade misi.   
\p
\v 14 Amabeba:le, ili da Godema gasa gala bagadewane sia:ne gadoi, ili fidima:ne, amola ilia amane sia:i, “Hina Gode! Nini bagade beda:i galebe. Be ninia goe dunu ha:digisia, Dia nini mae se nabasima amola mae medole legema. Hina Gode! Di fawane da Dia hanaiga hamoi.  
\v 15 Amanoba, ilia Youna ouga:ne hanoa galagai, be amane hamobeba:le, fo amola isu amola hano gafului huluane fisi dagoi.  
\v 16 Amo hou ba:beba:le, ilia amola da Hina Godema beda:ne amola nodone gobele salasu hou amola, Ema dafawane fa:no bobogemu sia:i.  
\v 17  \f + \fr 1:17 \ft Ma:diu 12:40\f*Be Hina Gode da hamoma:ne sia:beba:le, menabo bagade afae amo da Youna e da:gi, amola Youna da menabo ea hagomo ganodini esaloba, eso udiana amola gasi udiana amola ha:digi.   
\c 2  
\s1 Youna ea Hina Godema Sia:ne Gadosu  
\p
\v 1 Youna e menabo hagomo ganodini esala. E da ea Hina Godema sia:ne gadoi.   
\p
\v 2 E amane sia:i, “Hina Gode! Na da se bagadedafa nababeba:le,  
\li2 Dima wele sia:ne gadoi. Amola Dia na sia:ne gadobe amo nabalu, dabe i.  
\li2 Na da soge wadela:i ganodini esalu, amo da dunu bogogia:su soge diala,  
\li2 amola na Dia fidima:ne di.  
\li2 Amola na dibi amo di nabi dagoi.   
\p
\v 3 Dia na hano lugududafaga ha:digi  
\li2 amola da hano gafului amoea na huluane dedebosa.   
\p
\v 4 Na agoane dawa:i, Dia da na fisi dagoi,  
\li2 amola na da Dia hadigi Debolo diasu noga:idafa  
\li2 bu hamedafa ba:mu dawa:i galu.   
\p
\v 5 Hano misini na dedeboi,  
\li2 amola hano wayabo misini na da:i huluanedafa dedeboi  
\li2 amola hano gadula:me da na da:i busa:gi  
\li2 amola huluane lala:gili dedeboi dagoi.   
\p
\v 6 Na amo hano haguduga goumi, dabua gadonini dala gududafa doaga:i,  
\li2 amo soge amoea, na masunu gogolele, logo ga:si dialu.  
\li2 Be amomane Hina Gode Bagade, Di da na Godedafa, Dia na bu laiba:le.  
\li2 Amola, luguduga lale, na esaleawane bu walesi.   
\p
\v 7 Hina Gode! Na dawa:loba, na da bogomu gadenei agoai ba:i.  
\li2 Be amomane, na Dima dafawane dawa:i.  
\li2 Amola na Hina Gode, Dima sia:ne gadoiba:le,  
\li2 Di da Dia hadigi Debolo Diasu ganodini nabi.   
\p
\v 8 Dunu fifi asi gala amo da loboga hahamoi ogogosu ‘gode’ma sia:ne gadosa,  
\li2 amo ilia da Dima fa:no bobogesu hou yolesi dagoi.   
\p
\v 9 Be na da Dima hahawane gesami hea:su hamomu.  
\li2 Na Dima gobele salasu hou hamomu,  
\li2 amola ni ilegele sia:i defele hamomu.  
\li2 Be gaga:su houdafa da Dima fawane maha, na Hina Gode!”   
\p
\v 10 Amanoba Hina Gode da menaboma isoma:ne sia:beba:le,  
\li2 menabo da Youna e boso da:iya, isole ligisi.   
\c 3  
\s1 Youna da Ninefe sogega Gode Ea Sia: Olelela Asi  
\p
\v 1 Be Hina Gode da bu Younama sia:i.   
\p
\v 2 “Di Ninefe moilai bai bagade fi, ilima asili, sia: na dima sia:ne i amo, dia ilima olelema.”  
\v 3 Amabeba:le Youna da Hina Gode ea sia: nabawane, Ninefe moilai bai bagade amoga Ea sia: olelemusa: asi. Ninefe da moilai bai bagade galu. Amodili ahoanoba, eso osodayale galagai.   
\p
\v 4  \f + \fr 3:4 \ft Ma:diu 12:41; Luge 11:32\f*Amola Youna da Gode Ea sia: amo moilai bai bagade ganodini olelemusa: asili, eso afaega asili, amane sisia:i, “Eso 40 agoane esalu, Gode da Ninefe fi gugunufinisimu!”   
\p
\v 5 Ninefe dunu fi ilia Gode ea sia: amo nababeba:le, dafawane dawa:i, amola ilia da ha:i mae moma:ne, sema ligi. Dunu huluane amola ouligisu dunu huluane ilia da eboboi abula gaga:ne, Hina Godema asigi hou amola sinidigisu hou olelema:ne.   
\p
\v 6 Amo sia: nababeba:le, Ninefe hina bagade dunu e fisu ganodini esalu amo wa:legadole amola ea abula noga:i amo gisa:le amola eboboi abula salawane, nasubu sogebi ganodini fi.  
\v 7 Amanoba, Ninefe hina bagade ea dunu fifi lai huluane ilima hamoma:ne sisa: lai. E amane sia:i, “Goe da na sia: amola eagene ouligisu dunu huluane amola amo ilia sia:. Dilia huluane da ha:i manu mae moma. Dunu fifi lai amola ohe fi, dili huluane ha:i amola hano mae moma.   
\p
\v 8 Dunu fi amola ohe fi huluane da abula eboboi salima:mu. Dunu huluane afae afae da hina: wadela:i hou amo fisili, amola asigili Godema sia:ne gadoma:mu.  
\v 9 Be Gode  
\p da Ea asigi bu sinidigisia, ninima asigimu amola ninia da hame bogogia:ma:bela:?”   
\p
\v 10 Gode Ea ilia hou amo ba:i, amola ilia da Ema bu sinidigi amo ba:i. Amabeba:le, Gode da Ea ilima se imunu dawa:i amo hame i.   
\c 4  
\s1 Youna Ea Ougi Hou Amola Gode Ea Asigi Hou  
\p
\v 1 Youna e da Gode Ea hamoi hou amo ba:le, amola ougi galu.  
\v 2  \f + \fr 4:2 \ft Gadili Asi 34:6\f*Amabeba:le, e amane Godema sia:ne gadoi. “Hina Gode! Na sia: Dia nabima! Na da na sogebi amo hame yolesi amola na da Dia wali hamoi amo dawa:i dagoi. Amaiba:le, na hobeale masunusa: dawa:iba:le na da Dasase amoga asi. Na dawa:, Gode Di da asigisu hou amo hamosa, amola hedolo hame ougisu hou amo hamosa, amola hedolo hame ougisa. Amola Di da bagade asigisa, amola Dia asigi dawa:su afadenene se iasu Dia ilegei amo mae ima:ne momagei ouesala.  
\v 3  \f + \fr 4:3 \ft 1 Hina bagade 19:4\f*Hina Gode! Na esalusu amo Dia samogema! Na da bogomu goga da na hanai, amola esalumu hihi gala.   
\p
\v 4 Gode da bu adole ba:i, “Abuliba:le di da ougibala:?”   
\p
\v 5 Be Youna da moilai bai bagade ea eso mabe gusudili la:idi amoga asili amola hisu diasu gaguli amola amo diasu ea ougiga esalea e da Ninefe amo ganodini adi hou doaga:ma:bela:le sosodolalu.  
\v 6 Amalu Hina Gode E da efe bugi, amo alelesili amola Youna igili hisi amo noga:le lasa esaloma:ne denesi. Amo hou ba:beba:le, Youna da efe bugi amoma hahawane ba:i.   
\p
\v 7 Be dia hahabe Gode Ea bugi amo bioma:ne, daba: asunasi. Amo daba: da bugi doagala:le, bugi da bioi amola bogoi.  
\v 8 Be eso diga:gala:le amola Gode Ea dogoloi fo gia:i bagade eso mabe amodili diga:gala:i amoga, Youna ea busagi amo dogolole amola E da sidini, bogomu ba:i. Be Youna da bogoiyale dawa:i galu, amola E da amane sia:i, “Na da bogomu defea.”   
\p
\v 9 Be Gode Ea ema amane sia:i. “Abuliba:le di da bugi bioiba:le ougibala:?” Youna da amane sia:i, “Na da ougimu da defea! Na da ougili bogomu hanai!”   
\p
\v 10 Be Hina Gode da amane sia:i, “Goe bugi da gasi afadafa heda:le amola gasi enoga asi dagoi ba:i. Be dia da amo bugi hame hamoi, amola alema:ne hame hamoi. Be amomane dia da bugi amoma asigisa.   
\p
\v 11 Be Ninefe amo ganodini dunu fi 120,000 amo baligi esala. Ilia da hame dawa:su dunu. Ohe fi amola bagade esala. Amaiba:le, Na da amo moilai bai bagade fi ilima abuliba:le hame asigima:bela:? Na da ilima asigisa.  
\p Sia: Ama Dagoi