\id JOL  
\h YOUELE 
\toc1 Youele 
\toc2 Youele 
\toc3 Youele 
\mt1 YOUELE  
\is1 (Da:i Sia:-Joel; Modu – Ioela; Bisini – Joel)  
\is1 Hidadea Sia:  
\ip Youele da musa: balofede dunu (Gode Sia: Alofesu dunu) esalu. Ninia da ea hou bagahame fawane dawa:. Be ninia da agoane dawa:. Youele buga da 500 o 400 Y.H.M. amo odega dedei. Amo odega, Besia fi dunu da osobo bagade ganodini fi gasa bagade ba:i.  
\ip Youele da ea buga ganodini amo danuba: bagohame da soge wadela:musa: misi amola gibu hame sa:iba:le Ba:lesedini soge (Isala:ili soge) da ha: bagade ba:i, amo hou e da olelesa. Amo hou da Gode Ea ilegei e da agoane dawa:i. Amo hou ea dawa:loma:ne da fa:no Hina Gode Ea Eso da doaga:mu. Amo esoga, Gode da fofada:sudafa hamone, amola nowa da Ea moloidafa hou hame hamosea, E da ilima se nabasimu. Youele da Gode Ea wesu (amo Ema sinidigima) Isala:ili dunuma (amola ninima) olelesa. Ilia da Ema sinidigisia, Gode Ea hahawane fidisu bu ba:mu amola ilia hou afadenene gaheabolo hamoi ba:mu - amo huluane olelesa. Bai bagade Youele Buga ganodini da Gode da fa:no Ea A:silibu Hadigidafa Gala amo ilia dogo ganodini aligima:ne, asunasima:ne sia:i. E da amo hahawane dogolegele iasu amo Ema fa:no bobogesu dunu huluanema imunu sia:i - dunu, uda, goi, a:fini amola mano huluane. Amo hahawane iasu E da musa: hemonega imunu ilegele sia:i, da Bedigosidi Esoga doaga:i dagoi.  
\is1 Sia: Dedei Diala  
\io2 1 Danuba: Bagohame da Misi Dagoi...Sia:alalo 1:1-2:17  
\io2 2 Gode da Isala:ili Dunuma Gaheabolo Hou  
\io2 Imunu Ilegele Sia:i...Sia:alalo 2:18-27  
\io2 3 Hina Gode Ea Eso...Sia:alalo 2:28-3:21  
\c 1  
\s1 YOUELE  
\p
\v 1 Goe sia: dedei amo da Hina Gode Ea Youelema olelei amo dedei. Youele da Bidiuele ea mano.   
\s2 Dunu Fi ilia Ha:i Manu Huluane da Ebelele amola Ha:ga Didigia:su  
\p
\v 2 Dilia noga:le dawa:ma!  
\li2 Fada:i dunu dilia dunu huluane Yuda soge ganodini esalebe dilia nabima.  
\li2 Dilia da goe hou doaga:be da ba:ila:?  
\li2 Dili goi hadi agoai esaloba amola dilia ada ilia da goe hou hamobe ba:bela:?   
\p
\v 3 Dilia manoma amo sia: olelema.  
\li2 Amola ilia da ilia manoma olelemu,  
\li2 amalu ilia da ilia mano fisa mabe ilima olelemu.   
\p
\v 4 Danuba: gilisi agoane misini,  
\li2 ha:i manu sagai amo ea lubi na dagoi  
\li2 amola goe danuba: ilia fisili ahoasea,  
\li2 bu danuba: eno maha amola,  
\li2 ilia da ha:i manu sagai lubi amo na ebelesa.   
\p
\v 5 Gola midi dilia wa:legadole didigia:ma,  
\li2 Waini hano nawane feloai dunu dilia amola dima.  
\li2 Waini efe fage amo da gaheabolo waini hano hamoma:ne ilegei  
\li2 Da gugunufinisi dagoi.   
\p
\v 6 \f + \fr 1:6 \ft Wamolegei Sia: Olelesu 9:8\f*Danuba: ilia da gegesu dunu wa:i bagade agoai,  
\li2 ilia da ninia soge amoma gegemusa: ahoa.  
\li2 Ilia da gasa bagade amola ili idimu da hamedeidafa.  
\li2 Ilia bese da laione wa:me ea bese sosoa:i amola mei agoai diala.   
\p
\v 7 Ilia da ninia waini fage legesu efe amo wadela:lesi amola figi dulu amo na ebelei.  
\li2 Ilia da ifa gadofo sosoga:i dagoi amola amoda da soa:ya:i agoane afadenei.   
\p
\v 8 Dunu fi dilia huluane didigia:ma,  
\li2 dilia musa: uda a:fini laloba didigia:su  
\li2 amo dunu bogoloba didigia:su agoane.   
\p
\v 9 Debolo diasu ganodini ilia gagoma  
\li2 amola waini da Hina Godema imunu da hamedafa.  
\li2 Gobele Salasu dunu ilia da bagade da:i dioi.  
\li2 Abuliba:le? Bai gobele salasu liligi Hina Godema imunu da hame gala.   
\p
\v 10 Ifabi ganodini da ha:i manu afaedafa da hame ba:sa.  
\li2 Amola osobo da wadela:lesi dagoi amola waini efe da huluane biogia:i ba:i,  
\li2 amola olife ifa huluane da biole wadela:lesi dagoi.   
\p
\v 11 Ifabi ouligisu dunu! Dilia waini sagai ganodini hawa: hamosu dunu!  
\li2 Dilia figi sagai ganodini hawa: hamosu dunu huluane!  
\li2 Dilia huluane bagade asigili didigia:ma.  
\li2 Bai widi amola bali amola ha:i manu bugi huluanedafa da wadela:lesi dagoi.   
\p
\v 12 Ha:i manu ida:iwane legesu ifa, figi amola waini efe huluane da biogia:i,  
\li2 amaiba:le dunu fi ilia da da:i dioi bagade ba:sa.   
\p
\v 13 Gobele Salasu dunu dilia da oloda amoga hawa: hamonana!  
\li2 Dilia abula gisa:le amola wadela:i eboboi abula salawane dini ima.  
\li2 Gasi ganodini dilia Debolo diasu ganodini didigia:sa esala hadigima.  
\li2 Bai gala:ine amola waini hano Godema ima:ne da hame gala.   
\p
\v 14 Dilia dunu fi ilima ha:i hame nasu hou hamoma:ne sia:ma  
\li2 amola dunu huluanema gilisimusa: sia:ma.  
\li2 Ouligisu dunu huluane amola Yuda fi dunu  
\li2 ilia huluane Debolo diasu ganodini gagadoma.  
\li2 Amasea, Hina Godema wele sia:ma!   
\p
\v 15 \f + \fr 1:15 \ft Aisaia 13:6\f*Hina Gode Ea Eso da gadeneidafa.  
\li2 Amo esoga Hina Gode Gasa Bagadedafa, se bagade gaguli misunu,  
\li2 amola beda:i bagadewane ba:mu.   
\p
\v 16 Ninia ba:loba da ha:i manu huluane da wadela:lesi dagoi ba:mu,  
\li2 amola Godema hahawane gilisisu hou Debolo ganodini da hamedafa gala.   
\p
\v 17 Fage amo osobo hafoga:i ganodini amo da dasagia:i.  
\li2 Amola fage da afae agoane hamedafa  
\li2 amola hawa: legesu diasu ganodini da hamedafa gala.  
\li2 Gala:ine ha:i manu legesu diasu da hagia:i diala  
\li2 amola huluane dasagia:i dagoi.   
\p
\v 18 Bulamagau ea ha:i nasu gisi da hamedafa  
\li2 amola ili da ha:giwane ga: ea gusa:sa.  
\li2 Amola sibi ilia da ha:i manu hameba:le,  
\li2 ilia da:i da geloga:gia:iba:le se naba.   
\p
\v 19 Hina Gode, na Dima dini iawane, Dima sia:ne gadosa!  
\li2 Bai ha:i manu da huluane biogia:i dagoi.  
\li2 Amola ifa amola gisi amola ha:i manu huluane da laluga nei agoai ba:sa.   
\p
\v 20 Amolawane, ohe fi ilia da ha:ga Dima dini iaha.  
\li2 Bai hano huluane da hale dagoi.   
\c 2  
\s1 Danuba: Mabe da Hina Gode Ea Misunu Eso Hou amo Sisasu Olelesa  
\p
\v 1 Fulabosu (dalabede) dubi amo Saione Goumi (Gode Ea sema agolo)  
\li2 amo da:iya gado sisasu olelema:ne duma.  
\li2 Dilia Yuda fi dunu! Amo fulabobe nabi ea ga:  
\li2 amo nabasea fofogadigili uguguma.  
\li2 Amo da Hina Gode Ea misunu eso gadenebe dafawane ba:mu.   
\p
\v 2 Hina Gode Hina mabe amohaga da gasi bagade ba:mu,  
\li2 amola mu mobi da afadenene bunumai o genesuiai sodomu.  
\li2 Danuba: wa:i bagade misi amo ea bai  
\li2 amo da gegesu dunu gilisisu bagade agoane, ilia da hedolodafa goumi  
\li2 dabua gado heda:i esafulubi sodomu,  
\li2 amola amo da hahabe eso goumi dabua gadodili  
\li2 eso digagala:be agoai ba:mu.  
\li2 Agoai hou da hame ba:su musa:, amola agoai hou da bu hame ba:mu.   
\p
\v 3 Danuba: ilia nabe da ha:i manu sagai huluane da laluga nene ebelei agoane ba:sa.  
\li2 Musa: soge da Idini soge agoai ba:i be ilia da ahoasea  
\li2 amo da bu ha:i manu da heda:be hame ba:mu.  
\li2 Huluane da bione dasagia:i ganumu.  
\li2 Ilia da liligi huluanedafa na dagosa.   
\p
\v 4  \f + \fr 2:4 \ft Wamolegei Sia: Olelesu 9:7-9\f*Ilia da hosi agoai ba:sa.  
\li2 Ilia da gegesu hosi agoai hehenasa.   
\p
\v 5 Ilia goumi dabua gado heda:le  
\li2 amo da sa:liode emo wagebi ilia genenagenenasa agoai naba.  
\li2 amola laluga samaso bioi nebe ea ga: agoai naba.  
\li2 amola ilia da gegesu gilisisu bagade gegemusa: dadalesa defele ba:sa.   
\p
\v 6 Ilia gadenena mabeba:le, dunu huluane da bagade beda:i  
\li2 amola ilia beda:ga odagi da haliga:la asi agoai ba:sa.   
\p
\v 7 Ilia gegena misi amoha wa:i agoai ba:sa.  
\li2 Ilia dobea salidili heda:i amo da gegesu dunu ilia heda:su agoane heda:sa.  
\li2 Ilia mogodigili bulubulusa ahoa amola hame sinidigisa.   
\p
\v 8 Amola ilia ahoabe amo enoga hame damusa.  
\li2 Ilia da gagili sali gagoi amo dusa:le ganodini golili daha.  
\li2 Ilia logo hedofamu da hamedei ba:sa.   
\p
\v 9 Ilia da moilai bai bagadema gegemusa: hehenasa.  
\li2 Ilia hehenaia asili gagoiba:le heda:le,  
\li2 ilia diasua doaga:le fo misa:ne agenesi hamoi  
\li2 amo ganodini wamolasu ilia wamolamusa: heda:be agoane heda:sa.   
\p
\v 10  \f + \fr 2:10 \ft Wamolegei Sia: Olelesu 8:12\f*Ilia afia:beba:le, amo osobo amola mu da fofogosa.  
\li2 Eso amola oubi da gasi agoai ba:sa,  
\li2 amola gasumuni da hame nesa.   
\p
\v 11  \f + \fr 2:11 \ft Wamolegei Sia: Olelesu 6:17\f*Hina Gode da Ea gegesu wa:i dunuma ha:giwane wele sia:sa,  
\li2 amola Ea sia: amo gugelebe gobagala:be agoai naba.  
\li2 Hina Gode Ea gegesu dunu da gilisisu bagadedafa  
\li2 amola ilia da Ea sia: fa:no bobogesa.  
\li2 Dilia! Hina Gode Ea misunu eso hou da beda:ma:ne hisudafa ba:sa.  
\li2 Amaiba:le, nowa da gasa gala esaloma:bela?   
\s2 Hina Gode Da Dunu Fi Huluane Ilia Wadela:i Hou amo Yolesili, Ema Sinidigima:ne Sia:sa  
\p
\v 12 Hina Gode da amane sia:sa, “Dafawane, goe hou da doaga:mu.  
\m Amaiba:le dilia wahadafa dilia wadela:i hou yolesili Nama sinidigima.  
\m amo dilia ha:i mae nawene amola digini misini, Nama fa:no bobogema.   
\p
\v 13 Dilia gasa fi hou fisili, da:i dioiwane masa.  
\li2 Dilia abula gadelabe fawane da dabua gado hou fawane  
\li2 amola Na da amo da defele hame ba:sa.  
\li2 Dilia Hina Godema sinidigili misa.  
\li2 Ea hou da asigidafa amola asigiba:le gogolema:ne olofosu dawa:.  
\li2 E da mae ougili noga:le ouesala,  
\li2 amola Ea ilegele imunu sia:i amo didili hamosa.  
\li2 E da eso huluane dunu ilia wadela:i hou  
\li2 amo gogolema:ne olofomusa: olelesa  
\li2 amola hame se nabasimu iaha.   
\p
\v 14 Be dilia bu Hina Godema sinidigili masea,  
\li2 Hina Gode Ea da Ea ilegesu afadenema:bela:?  
\li2 Amola dilima hahawane ba:mu, amola ha:i manu bagade imunu.  
\li2 Amasea, dilia gagoma amola waini hano  
\li2 amo Hina Godema gobele salasu hamomu.   
\p
\v 15 Dilia Saione Goumi dabua gado dalabede fulaboma  
\m amola ha:i mae nawane gilisisu hamoma:ne wele sia:ma.   
\p
\v 16 Dunu fi huluane amo Godema fada:i sia: sa:ima ia adomusa: gilisima:ne sia:ma.  
\li2 Dunu da:i hamoi, mano fonobahadi, mano dudubu  
\li2 amola uda gaheabolo lai dunu huluanedafa ilia diasu yolesili misa:ne sia:ma.   
\p
\v 17 Gobele Salasu dunu huluane ilia da Debolo diasu ganodini oloda  
\li2 amola logo holeiga sogebiga dogoa Hina Gode Ea hawa: hamonana,  
\li2 ilia da misini amola Hina Godema sia:ne gadomu  
\li2 amola dini imunu da defea amane,  
\li2 “Hina Gode! Dia fidafa dunuma asigima!  
\li2 Fifi asi gala eno ilia da nini higasa amola ninima da:da:losa.  
\li2 Ilia da amane sia:sa, “Dilia Gode da habi esalabala?”  
\li2 Amaiba:le, ilia logo hedofama!   
\s2 Hina Gode da Soge Bu Nasegagima:ne Hamosa  
\p
\v 18 Amalalu, Hina Gode da bu Ea soge amo dawa:i.  
\li2 Ea da Ea dunu ilima bu asigi.   
\p
\v 19 E da ilia sia:ne gadosu amoma bu amane adole i,  
\li2 “Waha Na da diligili waini amola olife susuligi dili sadima:ne imunu.  
\li2 Amola dunu fifi asi gala oda ilia da dili hame higale ba:mu.   
\p
\v 20 Na da danuba: gilisisu goega mabe amo lale galagamu.  
\li2 Na ili mogili hafoga:i soge badilia amoga sefasimu.  
\li2 Ilia bisili danuba: dadalesu,  
\li2 Na da amo huluane Bogoi Hano amoga lale sanasimu,  
\li2 amola fa:no mabe amo da Medidela:inia Wayabo Bagade sali hano  
\li2 amoga ladili ha:digimu.  
\li2 Ilia bogogia:i da:i amo da dasale gaha bagade nabimu.  
\li2 Ilia da dilima se bagade iabeba:le, Na da ili huluane gugunufinisimu.   
\p
\v 21 Bugili nasu soge huluane! Mae beda:ma! Be hahawane galoma amola nodoma!  
\m Abuliba:le? Hina Gode Hi fawane da amo hou hahamoi.   
\p
\v 22 Ohe fi! Mae beda:ma!  
\li2 Ohe fofole nasu soge da mola:ya:i, ifa da fage legesa,  
\li2 figi ifa amola waini efe da gilisili fage bagohame legesa.   
\p
\v 23 Saione fi dunu!  
\li2 Dilia Hina Gode da dili fidima:ne gasa bagade hou hamoi dagoiba:le,  
\li2 hahawane bagade nodoma!  
\li2 Ea da anegagi oubi gibu defele i dagoi  
\li2 amola anegagi oubi dagoloba musa: gibu iasu defele dilima i.   
\p
\v 24 Gala:ine dabimusa: diasu da gagoma amola eno gala:ine amoga nabai ba:mu.  
\li2 Amola uli dogoi amo da waini hano banenesisu dafululi gala  
\li2 amo da waini amola olife susuligi ifa amoga nabane adugagala:i ba:mu.   
\p
\v 25 Liligi dia adi fisi amo Na bu imunu  
\li2 amola danuba: ilia ode musa:ga na ebelei,  
\li2 amo gegesu wa:i amo da Na dilima gegema:ne asunasi.   
\p
\v 26 Waha dilia da ha:i manu bagade ba:mu amola sadimu.  
\li2 amola dilia da dilia Hina Godema bagade nodomu.  
\li2 Bai E da dili fidima:ne hou noga:idafa hahamoi.  
\li2 amola eno dunu fi ilia da Na dunu fi bu hamedafa higale ba:mu.   
\p
\v 27 Amaiba:le, Isala:ili fi dilia da dawa:mu  
\li2 amo Na da dili amo gilisili esala, amola Na da Hina Gode.  
\li2 Na da dilia Hina Gode amola goe da Hina Gode eno hame.  
\li2 Dunu fi oda da Na dunu fi bu eno hame higale ba:mu.   
\s2 Hina Gode Ea A:silibu Hadigidafa Gala amo Dunu Fi Huluanema Imunu  
\p
\v 28  \f + \fr 2:28 \ft Asunasi Dunu Ilia Hou 2:17-21\f*Hobea, Na da Na A:silibu Hadigidafa Gala dunu huluanema soga:digimu.  
\li2 Dilia dunu mano amola didiwi ilia da Na sia: olelemu  
\li2 amola dilia da:i hamoi dunu ilia da simasia ba:mu  
\li2 amola goi ayeligi amola uda a:fini ilia da esalawane siga ba:su sodomu.   
\p
\v 29 Amo esoga Na da Na A:silibu Hadigidafa Gala,  
\li2 amo hawa: hamosu dunu (dunu amola uda defele) ilima amolawane sogadigimu.   
\s2 Hina Gode Ea Misunu Eso  
\p
\v 30 Na da dawa:ma:ne sisasu hou amo esoga hahamomu.  
\li2 Muagado amola osobo bagadega,  
\li2 musa: hame ba:su dawa:digima:ne olelesu hou,  
\li2 amo maga:me, laluga nebe amola mobi heda:be ba:mu.   
\p
\v 31  \f + \fr 2:31 \ft Ma:dui 24:29; Maga 13:24-25; Luge 21:25; Wamolegei Sia: Olelesu 6:12-13\f*Eso digagala:i da gasi agoane ba:mu  
\li2 amola oubi da afadenene maga:me agoane ba:mu.  
\li2 Hina Gode da misunu gala be hidadea amo sisasu da ba:mu.   
\p
\v 32  \f + \fr 2:32 \ft Louma 10:13\f*Be nowa dunu da Hina Godema, E fidima:ne wele sia:sea  
\li2 e da Hina Gode Ea gaga:su ba:mu.  
\li2 Hina Gode Ea sia:i defele, Saione Goumi amola Yelusaleme moilai bai bagadega amola da Gode Ea gaga:su ba:mu.  
\li2 Mogili da gugunufinisisu hame ba:mu.  
\li2 Amola nowa dunu Hina Gode da ilegei, amo da gaga:su ba:mu.”   
\c 3  
\s1 Hina Gode da Dunu Fifilai Huluane Gilisili ilima Fofada:mu  
\p
\v 1 Hina Gode da amane sia:sa,  
\li2 “Amo esoga, Na da Yuda fi amola Yelusaleme fi ilia hou bu hahamobeba:le,  
\li2 ilia da bu bagade gaguiwane ba:mu.   
\p
\v 2 Amasea, Na da dunu fifilai huluane fofada:musa:,  
\li2 Yihosiafa:de Fago soge amoga gilisimu.  
\li2 amogai Na dunu fi huluane ilia hou Na fi Isala:ili ilima hamoi Na da fofada:mu.  
\li2 Ilia da Isala:ili dunu fi da mogi amola ga fi  
\li2 amo ganodini esaloma:ne afagogolesi.  
\li2 amola ilia da Na soge fifili momogi.   
\p
\v 3 Ilia da gegesu ganodini dunu gagulaligi  
\li2 amo lama:ne, ululuale hedei.  
\li2 Ilia goi amola a:fini amo ilia udigili bidi mae lale hawa: hamoma:ne, bidi lai. Amo bidi amoga ilia waini hano amola aheda:i uda bidi lai.   
\p
\v 4  \f + \fr 3:4 \ft Aisaia 14:29-31, 23:1-18; Yelemaia 47:1-7; Isigiele 25:15-28:26; A:imose 1:6-10; Sefanaia 2:4-7; Segalaia 9:1-7; Ma:dui 11:21-22; Luge 10:13-14\f*Daia, Saidone amola Filisidia! Dilia da Nama adi hou hamomusa: amasala:? Ma dilia da Nama dabemusa: amasala:? Defea, dilia amasa galea, Na hedolodafa dabemu.   
\p
\v 5 Dilia da Na silifa amola gouli amola Na liligi ida:iwane galaamo dilia debolo diasu ganodini wamolegela asi.  
\v 6 Dilia da Yuda amola Yelusaleme fi dunu amo ilia sogega fadegale, hiouginana asili, Galigi fi ilima bidi lai dagoi.  
\v 7 Waha da Na ili bu oule misunu, amo dunu dilia bidi lai amo. Amola amo defele, dilia da ilima hamoi, amo Na dabemu.  
\v 8 Na da dilia didiwi amola egefe huluane Yuda fi dunuma bidi lalesimu. Na da ili da soge badiliadafa, Sabiane dunu fi soge amoga asunasimu. Na da Hina Gode amola Na da sia:i dagoi.   
\p
\v 9 Goe sia: dunu fifi asi gala huluanema sisia: lama.  
\li2 Gegemusa: amola dilia dunu ha lai wa:ma  
\li2 amola gegesu dunu ilia mogodigili bulubulusa masa.   
\p
\v 10  \f + \fr 3:10 \ft Aisaia 2:4; Maiga 4:3\f*Dilia osobo dogosu afadenene bu gobihei agoai hamoma  
\li2 amola ifa dadamusu gobihei amo afadenene dadi agesoi agoai hamoma.  
\li2 Da:i dia:i dunu amolawane ilia da gegema:mu.   
\p
\v 11 Fifi asi gala huluane amo da Isala:ili sisiga:sa!  
\li2 Hedolowane misini, fago umi soge ganodini gagadoma!  
\li2 Ma! Hina Gode! Dia gegesu dunu ilima gegema:ne gududili asunasima.   
\p
\v 12 Dunu fifilai ilia da momagele ouesaloma  
\li2 amola Fofada:su Umi Soge amoga misa:ma.  
\li2 amogai, Na, Hina Gode da Fofada:su Fisu da:iya fila heda:le  
\li2 amola dunu fi la:idi huluane esalebe, ilima fofada:mu.   
\p
\v 13  \f + \fr 3:13 \ft Wamolegei Sia: Olelesu 14:14-16, 19-20, 19:15\f*Ilia da wadela:i bagade hamosu dunu.  
\li2 Widi faimusa: damubi amo defele, amo dunu hedofama.  
\li2 Waini hano hamoma:ne waini fage labugili,  
\li2 waini ofodo da nabaiba:le aduga:le dabe  
\li2 amo defele amo dunu labugima.”   
\p
\v 14 Dunu osea:idafa da Fofada:su Fago amo ganodini gagadoi dagoi ba:sa.  
\li2 amogai Hina Gode Ea Fofada:su Eso da hedolowane doaga:mu.   
\p
\v 15 Eso amola mu amola da gasi agoane ba:mu  
\li2 amola gasumuni da bu hame nemu.   
\s2 Gode da Ea Fi Dunu Ilima Hahawane Dogolegele Imunu  
\p
\v 16  \f + \fr 3:16 \ft A:imose 1:2\f*Hina Gode Ea sia gobagala:i amo Saione Goumi da:iya gadodafa amoga naba.  
\li2 amola Ea sia: amo gugelebe gobagala:i agoane  
\li2 Yelusaleme moilai bai bagadega naba.  
\li2 Mu amola osobo bagade da ugugusa.  
\li2 Be E da Ea Fi amo se mae nabima:ne gaga:mu.   
\p
\v 17 “Amasea, Isala:ili fi! Na da dilia Hina Gode Saione sema goumia gado esala,  
\li2 amo dilia da dawa:mu.  
\li2 Yelusaleme da hadigi sema moilai bai bagade ba:mu  
\li2 amola dunu enodini misi ilia da mugululi osa:le heda:le bu hamedafa ba:mu.   
\p
\v 18 Amo esohaga da goumi ea waini ha:i manu sagai da dedeboi dagoi ba:mu.  
\li2 amola bulamagau da agoloa huluane lafiadalebe ba:mu.  
\li2 Yuda ea hano da gilisi dalebe defele ba:mu.  
\li2 Hano da Hina Gode Ea Debolo diasu amodili dalebe ba:mu  
\li2 amola Aga:isia Fago da amo hanoga nasegagi dagoi ba:mu.   
\p
\v 19 Idibidi soge da hafoga:i dagoi ba:mu  
\li2 amola Idome da wadela:lesi dagoi ba:mu.  
\li2 Bai ilia da Yuda fi ilima gegeiba:le  
\li2 amola asaboi dunu amo medole legeiba:le.   
\p
\v 20 -  
\v 21 Na da dunu fane legesu amo dabema:ne fane legemu  
\li2 amola Na da bidi hamosu dunu amo hame yolesimu.  
\li2 Be Yuda amola Yelusaleme amo ganodini,  
\li2 dunu da eso huluane mae fisili esalebe ba:mu.  
\li2 amola Na, Hina Gode, Na Saione goumi dabua gado esalumu.”  
\p Sia: ama dagoi