\id TIT 
\ide UTF-8
\h ЦІТА
\toc3 Ціт
\toc2 ЦІТА
\toc1 ПАСЛАНЬНЕ ДА ЦІТА АПОСТАЛА ПАЎЛА
\mt1 ПАСЛАНЬНЕ ДА ЦІТА АПОСТАЛА ПАЎЛА
\c 1
\cl Ціт 1
\m
\v 1  Павал, слуга Божы, апостал жа Ісуса Хрыста, паводле веры выбраных Божых і пазнаньня праўды паводле пабожнасьці,
\m
\v 2  у надзеі жыцьця вечнага, якое абяцаў Бог, Які не падманвае, перад адвечнымі часамі,
\m
\v 3  а ў свой час зьявіў слова Сваё ў пропаведзі, якое было даверана мне паводле загаду Збаўцы нашага, Бога, —
\m
\v 4  Ціту, шчыраму дзіцяці ў супольнай веры: ласка, літасьць, супакой ад Бога Айца і Госпада Ісуса Хрыста, Збаўцы нашага.
\m
\v 5  Я пакінуў цябе ў Крыце дзеля таго, каб ты ўпарадкаваў, дзе чаго не хапае, і паставіў у гарадах старостаў, як я табе загадаў:
\m
\v 6  калі хто бездакорны, муж аднае жонкі, дзяцей мае верных, якіх не абвінавачваюць за распусту або непакорлівасьць.
\m
\v 7  Бо епіскап мусіць быць бездакорны, як Божы аканом, не самалюбны, не гняўлівы, ня п’яніца, не задзірлівы, ня сквапны,
\m
\v 8  але гасьцінны, дабралюбны, цьвярозы, праведны, багабойны, паўстрымлівы,
\m
\v 9  які трымаецца вернага слова згодна з вучэньнем, каб мог і настаўляць у здаровай навуцы, і дакараць тых, якія працівяцца.
\m
\v 10  Бо ёсьць шмат і непакорлівых, і пустаслоўных, і ашуканцаў, асабліва з абрэзаных,
\m
\v 11  якім трэба закрываць вусны; яны цэлыя дамы руйнуюць, навучаючы, чаго ня сьлед, дзеля агіднага набытку.
\m
\v 12  Сказаў нехта з іх, уласны іхні прарок: «Крыцяне заўсёды хлусяць, зьвяры ліхія, жываты гультайскія».
\m
\v 13  Сьведчаньне гэтае праўдзівае. Дзеля гэтае прычыны дакарай іх сувора, каб былі здаровыя ў веры,
\m
\v 14  не зважаючы на юдэйскія байкі і прыказаньні людзей, якія адварочваюцца ад праўды.
\m
\v 15  Для чыстых усё чыста, а для апаганеных і бязьверных няма нічога чыстага, але апаганены і розум іхні, і сумленьне.
\m
\v 16  Яны кажуць, што ведаюць Бога, а ўчынкамі адракаюцца, [яны —] брыдотныя і непакорныя, і на ўсякую добрую справу няздольныя.
\c 2
\cl Ціт 2
\m
\v 1  А ты гавары, як належыць здароваму вучэньню:
\m
\v 2  каб старыя былі пільныя, сумленныя, цьвярозыя, здаровыя ў веры, любові, цярплівасьці;
\m
\v 3  каб старыя жанчыны паводзілі сябе, як належыцца сьвятым, не паклёпнічалі, не пілі шмат віна, вучылі добраму,
\m
\v 4  каб вучылі мудрасьці маладых, каб тыя любілі мужоў, любілі дзяцей,
\m
\v 5  былі цьвярозыя, чыстыя, гаспадарлівыя, добрыя, падпарадкаваныя сваім мужам, каб не было блюзьненьня на слова Божае.
\m
\v 6  Маладых людзей таксама ўпрошвай думаць цьвяроза,
\m
\v 7  у-ва ўсім даючы сябе за прыклад добрых учынкаў, у навучаньні — чысьціню, сумленнасьць, непахібнасьць,
\m
\v 8  слова здаровае, ненаганнае, каб той, хто супрацівіцца, быў асаромлены, ня маючы нічога благога сказаць пра нас.
\m
\v 9  Слугаў [навучай] падпарадкоўвацца сваім уладарам, у-ва ўсім падабацца ім, не пярэчачы,
\m
\v 10  не прыхоўваючы сабе, але зьяўляючы ўсю добрую вернасьць, каб у-ва ўсім аздаблялі вучэньне Збаўцы нашага Бога.
\m
\v 11  Бо зьявілася ласка Божая, што дае збаўленьне для ўсіх людзей,
\m
\v 12  якая навучае нас, каб, адрокшыся ад бязбожнасьці і пажадлівасьцяў сьвету, цьвяроза, праведна і пабожна жылі мы ў цяперашнім веку,
\m
\v 13  чакаючы шчасьлівае надзеі і зьяўленьня славы вялікага Бога і Збаўцы нашага Ісуса Хрыста,
\m
\v 14  Які даў Сябе за нас, каб выбавіць нас ад усякага беззаконьня і ачысьціць Сабе народ асаблівы, які рупіцца пра добрыя справы.
\m
\v 15  Гэтае кажы, упрошвай і дакарай з усякім загадам; няхай ніхто табою не пагарджае.
\c 3
\cl Ціт 3
\m
\v 1  Нагадвай ім, каб падпарадкоўваліся і слухаліся начальнікаў і ўлады, былі падрыхтаваныя на ўсякую добрую справу,
\m
\v 2  на нікога ня блюзьнілі, не былі ваяўнічымі, былі спагаднымі і зьяўлялі ўсякую ціхасьць адносна ўсіх людзей.
\m
\v 3  Бо і мы былі некалі бяздумнымі, непакорнымі, падманутымі, служачы пажаданьням і розным асалодам, жывучы ў ліхоце і зайздрасьці, былі паскуднымі, ненавідзячы адзін аднаго.
\m
\v 4  А калі зьявілася ласкавасьць і любоў да людзей Збаўцы нашага, Бога,
\m
\v 5  Ён збавіў нас ня дзеля ўчынкаў праведнасьці, якія мы ўчынілі, але паводле літасьці Сваёй, праз лазьню адраджэньня і абнаўленьня Духам Сьвятым,
\m
\v 6  Якога Ён выліў на нас шчодра праз Ісуса Хрыста, Збаўцу нашага,
\m
\v 7  каб, апраўдаўшыся ласкай Ягонай, мы сталіся праз надзею спадкаемцамі жыцьця вечнага.
\m
\v 8  Вернае слова; і я хачу, каб ты сьцьвярджаў гэта, каб тыя, што вераць Богу, былі старанныя ў выкананьні добрых справаў: гэта добра і людзям карысна.
\m
\v 9  А дурных спрэчак, і радаводаў, і сварак, і звадак адносна Закону пазьбягай, бо яны некарысныя і марныя.
\m
\v 10  Чалавека герэтыка пасьля першага і другога напамінаньня пакінь,
\m
\v 11  ведаючы, што гэтакі разбэсьціўся і грашыць, асудзіўшы самога сябе.
\m
\v 12  Калі пашлю да цябе Арцёма або Тыхіка, намагайся прыйсьці да мяне ў Нікапаль, бо я пастанавіў перазімаваць там.
\m
\v 13  Зэна законьніка і Апалёса старанна правядзі, каб у іх не было ні ў чым недахопу.
\m
\v 14  Няхай і нашыя вучацца выконваць добрыя справы ў пільных патрэбах, каб не былі бясплодныя.
\m
\v 15  Вітаюць цябе ўсе, што са мною. Прывітай тых, што сябруюць з намі ў веры. Ласка з усімі вамі. Амэн.