\id HAG 
\ide UTF-8
\h АГЕЙ
\toc2 АГЕЙ
\toc1 КНІГА ПРАРОКА АГЕЯ
\mt1 КНІГА ПРАРОКА АГЕЯ
\c 1
\cl Аг 1
\m
\v 1  У другі год валадара Дарыя, у шосты месяц, у першы дзень месяца, было слова ГОСПАДА праз Агея прарока да Зэрубабэля, сына Шэалтыэля, ваяводы Юды, і Егошуа, сына Егацадака, сьвятара вялікага, кажучы:
\m
\v 2  «Гэтак кажа ГОСПАД Магуцьцяў, кажучы: “Гэты народ кажа: ‘Не прыйшоў час, час, каб будаваць дом ГОСПАДА’”».
\m
\v 3  І было слова ГОСПАДА праз Агея прарока, кажучы:
\m
\v 4  «А ці вам час жыць у дамах шаляваных, калі гэты дом спустошаны?
\m
\v 5  Таму цяпер гэтак кажа ГОСПАД Магуцьцяў: “Зьвярніце сэрца сваё на шляхі свае.
\m
\v 6  Вы сееце шмат, але зьбіраеце мала; ясьцё, але вам ня досыць; п’яцё, але не праганяеце смагу; адзеяцёся, але вам ня цёпла; хто зарабляе плату, зарабляе для дзіравага капшука.
\m
\v 7  Гэтак кажа ГОСПАД Магуцьцяў: Зьвярніце сэрца сваё на шляхі свае.
\m
\v 8  Узыйдзіце на гару, і вазіце дрэва, і будуйце дом; і Я буду спагадаць яму, і ўслаўлюся, кажа ГОСПАД.
\m
\v 9  Спадзяваліся, што будзе шмат, а вось, мала; і што прыносіце ў дом, Я тое разьвею. Чаму? —кажа ГОСПАД Магуцьцяў, — За дом Мой, які спустошаны, а вы бяжыцё кожны да дому свайго.
\m
\v 10  Таму неба над вамі заставалася без расы, і зямля заставалася бяз плоду.
\m
\v 11  І Я паслаў суш на зямлю, і на горы, і на збожжа, і на вінаград, і на аліву, і на тое, што выдае зямля, і на людзей, і на быдла, і на ўсю працу рук”».
\m
\v 12  І паслухалі Зэрубабэль, сын Шэалтыэля, і Егошуа, сын Егацадака, сьвятар вялікі, і ўся рэшта народу голас ГОСПАДА, Бога свайго, і словы Агея прарока, бо ГОСПАД, Бог іхні, паслаў яго, і народ баяўся ГОСПАДА.
\m
\v 13  І сказаў Агей, пасланец ГОСПАДА, будучы пасланым ГОСПАДАМ да народу, кажучы: «Я з вамі, кажа ГОСПАД».
\m
\v 14  І ўзрушыў ГОСПАД дух Зэрубабэля, сына Шэалтыэля, ваяводы Юды, і дух Егошуа, сына Егацадака, найвышэйшага сьвятара, і дух усёй рэшты народу, і яны прыйшлі, і рабілі работу ў доме ГОСПАДА Магуцьцяў, Бога свайго,
\m
\v 15  у дваццаць чацьвёрты дзень, у шосты месяц, у другі год валадара Дарыя.
\c 2
\cl Аг 2
\m
\v 1  У сёмы месяц, у дваццаць першы дзень месяца, было слова ГОСПАДА праз Агея прарока, кажучы:
\m
\v 2  «Скажы цяпер Зэрубабэлю, сыну Шэалтыэля, ваяводзе Юды, і Егошуа, сыну Егацадака, сьвятару вялікаму, і рэшце народу, кажучы:
\m
\v 3  “Хто застаўся між вамі, што бачылі дом гэты ў першай яго славе? І якім вы бачыце яго цяпер? Ці ня ёсьць ён у вачах вашых у параўнаньні з тым як нішто?
\m
\v 4  Але цяпер вось умацуйся, Зэрубабэлю, кажа ГОСПАД, і ўмацуйся, Егошуа, сын Егацадака, сьвятар вялікі, і ўмацуйся, увесь народ зямлі, кажа ГОСПАД, і рабіце; бо Я з вамі, кажа ГОСПАД Магуцьцяў.
\m
\v 5  Паводле слова, якім Я ўмовіўся з вамі, калі вы выйшлі з Эгіпту, Дух Мой сярод вас, ня бойцеся.
\m
\v 6  Бо гэтак кажа ГОСПАД Магуцьцяў: ‘Яшчэ раз, і неўзабаве, Я ўзварухну неба і зямлю, мора і сухазем’е,
\m
\v 7  і ўзварухну ўсе народы, і прыйдзе жаданьне ўсіх народаў, і напоўню дом гэты славаю, кажа ГОСПАД Магуцьцяў’.
\m
\v 8  Маё срэбра і Маё золата, кажа ГОСПАД Магуцьцяў.
\m
\v 9  Большая будзе слава гэтага дому апошняга, чым першага, кажа ГОСПАД Магуцьцяў; і на гэтым месцу Я дам супакой, кажа ГОСПАД Магуцьцяў”».
\m
\v 10  У дваццаць чацьвёрты дзень, у дзявяты месяц, у сёмы год Дарыя, было слова ГОСПАДА да Агея прарока, кажучы:
\m
\v 11  «Гэтак кажа ГОСПАД Магуцьцяў: “Спытайся цяпер у сьвятароў пра Закон, кажучы:
\m
\v 12  ‘Калі хто нёс асьвячонае мяса ў крысе адзеньня свайго і дакрануўся крысом сваім да хлеба, або да стравы, або да віна, або да алівы, або да якое-колечы ежы, ці будуць яны асьвячоныя?’”» І сьвятары адказалі: «Не».
\m
\v 13  І сказаў Агей: «А калі занячышчаны нябожчыкам дакранецца да нечага з гэтых [рэчаў], ці будуць яны нячыстымі?» І адказалі сьвятары, і сказалі: «Яны будуць нячыстымі».
\m
\v 14  І адказаў Агей, і сказаў: «Такія гэтыя людзі, і такі гэты народ перад абліччам Маім, кажа ГОСПАД, і такая кожная праца рук іхніх, і тое, што яны прыносяць у ахвяру, — нячыстае.
\m
\v 15  А цяпер зьвярніце сэрцы вашыя адгэтуль і назад, перш, чым быў пакладзены камень на камяні ў сьвятыні ГОСПАДА.
\m
\v 16  Было, што калі хто прыходзіў да капы ў дваццаць [мераў], было там дзесяць; і калі хто прыходзіў да тоўчні, каб выціснуць пяцьдзясят [мераў] з тоўчні, было там дваццаць.
\m
\v 17  Я караў вас сушаю, і іржою, і градам усю працу рук вашых, але вы не навярнуліся да Мяне, кажа ГОСПАД.
\m
\v 18  Зьвярніце сэрцы вашы адгэтуль і назад, ад дваццаць чацьвёртага дня дзявятага месяца, ад дня, у які закладзеная сьвятыня ГОСПАДА, зьвярніце сэрцы вашыя.
\m
\v 19  Ці ёсьць яшчэ насеньне ў сьвірне? Ці яшчэ вінаград, і дрэва фігавае, і дрэва гранатовае, і дрэва аліўнае давалі плод? Ад гэтага дня Я дабраслаўлю».
\m
\v 20  І было слова ГОСПАДА другі раз да Агея ў дваццаць чацьвёрты дзень таго самага месяца, кажучы:
\m
\v 21  «Скажы Зэрубабэлю, ваяводзе Юды, кажучы: “Я ўзварухну неба і зямлю;
\m
\v 22  Я перавярну пасады валадарстваў, і выгублю моц валадарстваў паганаў, і вывярну калясьніцы і тых, якія едуць у іх, і паваляцца коні і вершнікі на іх, кожны ад мяча брата свайго.
\m
\v 23  У той дзень, кажа ГОСПАД Магуцьцяў, Я вазьму цябе, Зэрубабэлю, сыне Шэалтыэля, слугу Майго, кажа ГОСПАД, і зраблю цябе, як пячатку, бо Я выбраў цябе, кажа ГОСПАД Магуцьцяў”».