\id AMO 
\ide UTF-8
\h АМОС
\toc2 АМОС
\toc1 КНІГА ПРАРОКА АМОСА
\mt1 КНІГА ПРАРОКА АМОСА
\c 1
\cl Ам 1
\m
\v 1  Словы Амоса, што быў [адным] з гадоўцаў авечак у Тэкоа, якія ён бачыў пра Ізраіль у дні Узіі, валадара Юды, і ў дні Ерабаама, валадара Ізраіля, два [гады] перад землятрусам.
\m
\v 2  І ён сказаў: ГОСПАД зарыкае з Сыёну і дасьць голас Свой з Ерусаліму, і сялібы пастухоў будуць у жалобе, і высахне вяршыня Кармэлю.
\m
\v 3  Гэтак кажа ГОСПАД: “За тры правіны Дамаску, нават за чатыры, не дарую яму, бо яны малацілі Гілеад зубцамі жалезнымі.
\m
\v 4  І Я спашлю агонь на дом Хазаэля, і ён зжарэ палацы Бэн-Гадада.
\m
\v 5  І Я разаб’ю засаўкі Дамаску, і вынішчу жыхароў з даліны Авэн і того, хто трымае скіпетр у Бэт-Эдэне, і народ Сірыі пойдзе ў палон да Кіра, кажа ГОСПАД”.
\m
\v 6  Гэтак кажа ГОСПАД: “За тры правіны Газы, нават за чатыры, не дарую ёй, бо яны ўсіх чыста бралі ў палон паланеньнем, каб выдаць іх Эдому.
\m
\v 7  І Я спашлю агонь на муры Газы, і ён зжарэ палацы ейныя.
\m
\v 8  І Я вынішчу жыхароў Ашдоду і таго, хто трымае скіпетр у Ашкелоне, і павярну руку Маю на Экрон, і загіне рэшта Філістынцаў, кажа Госпад ГОСПАД”.
\m
\v 9  Гэтак кажа ГОСПАД: “За тры правіны Тыру, нават за чатыры, не дарую яму, бо яны перадалі іх усіх чыста паланеньнем Эдому і ня памяталі запавету братэрскага.
\m
\v 10  І Я спашлю агонь на муры Тыру, і ён зжарэ палацы ягоныя”.
\m
\v 11  Гэтак кажа ГОСПАД: “За тры правіны Эдому, нават за чатыры, не дарую яму, бо ён перасьледаваў мячом брата свайго, утаймаваў спагадлівасьць сваю, і няспынна разьдзіраў [яго] ў гневе сваім, і лютасьць ягоная трывала заўсёды;
\m
\v 12  І Я спашлю агонь на Тэман, і ён зжарэ палацы Боцры”.
\m
\v 13  Гэтак кажа ГОСПАД: “За тры правіны сыноў Амона, нават за чатыры, не дарую яму, бо яны распоравалі цяжарных у Гілеадзе, каб пашырыць межы свае.
\m
\v 14  І Я распалю агонь на мурах Раббы, і ён зжарэ палацы ейныя сярод крыку ў дзень бітвы, сярод віхору ў дзень буры.
\m
\v 15  І валадар іхні пойдзе ў палон, ён і князі ягоныя разам [з ім], кажа ГОСПАД”.
\c 2
\cl Ам 2
\m
\v 1  Гэтак кажа ГОСПАД: “За тры правіны сыноў Мааву, нават за чатыры, не дарую яму, бо ён спаліў на вапну косткі валадара Эдому.
\m
\v 2  І Я спашлю агонь на Мааў, і ён зжарэ палацы Керыёта, і памрэ Мааў сярод галасу, крыку і голасу трубы.
\m
\v 3  І Я вынішчу судзьдзю спасярод яго, і заб’ю ўсіх князёў ягоных з ім, кажа ГОСПАД”.
\m
\v 4  Гэтак кажа ГОСПАД: “За тры правіны Юды, нават за чатыры, не дарую яму, бо яны пагрэбавалі Законам ГОСПАДА і не захоўвалі прыказаньні Ягоныя, і зьвяла іх хлусьня іхняя, за якой пайшлі бацькі іхнія;
\m
\v 5  І Я спашлю агонь на Юду, і ён зжарэ палацы Ерусаліму”.
\m
\v 6  Гэтак кажа ГОСПАД: “За тры правіны Ізраіля, нават за чатыры, не дарую яму, бо яны продалі за срэбра праведніка і ўбогага — за [пару] сандалаў;
\m
\v 7  Яны топчуць у пыле зямным галаву бедных, і шлях уцісканых выкрыўляюць; і мужчына і бацька ягоны ходзяць да [адной] дзяўчыны, і гэтым зьневажаюць імя Маё сьвятое.
\m
\v 8  На адзеньні, узятым у заклад, кладуцца яны каля ўсіх ахвярнікаў, і віно засуджаных п’юць у доме Бога свайго.
\m
\v 9  А Я зьнішчу Амарэя перад абліччам іхнім, вышыня якога была, як вышыня кедраў, і яны былі моцныя, як дубы. А Я зьнішчу плод ягоны ўгары і карані ягоныя ўнізе.
\m
\v 10  І Я вывеў вас з зямлі Эгіпецкай і вадзіў вас сорак гадоў па пустыні, каб вы ўзялі ў спадчыну зямлю Амарэя.
\m
\v 11  І Я паставіў з сыноў вашых прарокаў і з юнакоў вашых — назіраў. Хіба ня так было, сыны Ізраіля? — кажа ГОСПАД.
\m
\v 12  А вы паілі назіраў віном і загадвалі прарокам, кажучы: “Не праракуйце!”
\m
\v 13  Вось, Я націсну на вас, як цісне воз, поўны снапоў.
\m
\v 14  І загіне, не ўцячэ спрытны, і дужы ня будзе моцны моцай сваёй, і волат ня выратуе душу сваю.
\m
\v 15  Той, які страляе з луку, ня будзе стаяць, і спрытны ў нагах сваіх не ўратуецца, і коньнік ня выратуе душу сваю.
\m
\v 16  І адважны сэрцам сваім сярод волатаў уцячэ голы ў той дзень, кажа ГОСПАД.
\c 3
\cl Ам 3
\m
\v 1  Слухайце слова гэтае, якое ГОСПАД прамовіў да вас, сыны Ізраіля, да ўсёй сям’і, якую Я вывеў з зямлі Эгіпецкай, кажучы:
\m
\v 2  “Толькі вас Я пазнаў з усіх плямёнаў зямлі. Таму пакараю вас за ўсе беззаконьні вашыя.
\m
\v 3  Ці пойдуць два [чалавекі] разам, калі яны не дамовіліся?
\m
\v 4  Ці рыкае леў у лесе, калі ён ня мае здабычы? Ці львяня дае голас свой у логве сваім, калі не злавіла [нічога]?
\m
\v 5  Ці можа птушка патрапіць у сіло на зямлі, калі пастка на яе не была [пастаўлена]? Ці сіло рухаецца па зямлі, калі не патрапіла здабыча [у яго]?
\m
\v 6  Калі трубіць у горадзе рог, хіба не дрыжаць людзі? Хіба бывае якое ліха ў горадзе, і ГОСПАД не ўчыніў [яго]?
\m
\v 7  Бо Госпад ГОСПАД нічога ня робіць, калі не аб’явіць таямніцы Сваёй слугам Сваім, прарокам.
\m
\v 8  Леў рыкае, хто ня будзе баяцца? Госпад ГОСПАД прамовіў, хто ня будзе прарочыць?
\m
\v 9  Дайце пачуць [гэта] ў палацах у Ашдодзе і ў палацах у зямлі Эгіпецкай і кажыце: “Зьбярыцеся на гарах Самарыі, і пабачце замяшаньне вялікае сярод яе, і прыгнёт унутры яе”.
\m
\v 10  І ня ведаюць яны, як рабіць справядліва, кажа ГОСПАД. Яны зьбіраюць гвалт і ліхадзейства ў палацах сваіх.
\m
\v 11  Дзеля гэтага кажа Госпад ГОСПАД: “Пыгнятальнік [стане] вакол зямлі гэтай, і ён забярэ ў цябе сілу тваю, і будуць абрабаваныя палацы твае”.
\m
\v 12  Гэтак кажа ГОСПАД: “Як пастух ратуе з пашчы ільва дзьве галёнкі або кавалак вуха, так будуць выратаваныя сыны Ізраіля, якія жывуць у Самарыі ў куце ложка і ў Дамаску на посьцілцы”.
\m
\v 13  Паслухайце і папярэдзьце дом Якуба, кажа Госпад ГОСПАД, Бог Магуцьцяў.
\m
\v 14  Бо ў той дзень, калі Я наведаю Ізраіль за правіны ягоныя, Я таксама наведаю ахвярнікі Бэтэлю, і будуць адсечаныя рогі ахвярніку, і ўпадуць на зямлю.
\m
\v 15  Я зруйную дом зімовы і дом летні, і загінуць дамы з косьці слановае, і счэзнуць шмат дамоў, кажа ГОСПАД.
\c 4
\cl Ам 4
\m
\v 1  Паслухайце слова гэтае, каровы Башану, якія на гары Самарыі, якія прыгнятаеце бедных, штурхаеце ўбогіх, кажучы гаспадарам сваім: “Прынясі, і будзем піць”.
\m
\v 2  Прысягнуў Госпад ГОСПАД сьвятасьцю Сваёю, што, вось, прыйдуць на вас дні, і Ён падніме вас на круках і пазасталых вашых — на гачыках для рыбы.
\m
\v 3  І выйдзе, і [пойдзе] кожная перад сабою праз выломы [у мурах], і кінуць вас у Гермоне, кажа ГОСПАД.
\m
\v 4  “Прыйдзіце ў Бэтэль і рабіце беззаконьне; у Гілгале яшчэ больш рабіце беззаконьне і прыносьце кожную раніцу ахвяры свае, кожныя тры дні — дзесяціны свае,
\m
\v 5  і паліце ахвяры падзякі з кіслым, і голасна абвяшчайце пра ахвяры дабраахвотныя, бо гэта вы любіце, сыны Ізраіля, кажа Госпад ГОСПАД”.
\m
\v 6  І Я даў вам чысьціню зубоў у-ва ўсіх гарадах вашых і нястачу хлеба ў-ва ўсіх месцах вашых; але вы не навярнуліся да Мяне, кажа ГОСПАД.
\m
\v 7  І Я таксама спыніў у вас дождж за тры месяцы да жніва, і выліў дождж на адзін горад, а на другі ня выліў; адно поле было паліта дажджом, а поле, якое дождж не паліў, высахла.
\m
\v 8  І цягнуліся два і тры гарады ў адзін горад, каб піць ваду, і не маглі напіцца; але вы не навярнуліся да Мяне, кажа ГОСПАД.
\m
\v 9  Я біў вас іржою і цьвільлю; мноства садоў вашых, і вінагараднікаў вашых, і дрэваў фігавых вашых, і дрэваў аліўкавых вашых пажэрлі вусені, але вы не навярнуліся да Мяне, кажа ГОСПАД.
\m
\v 10  Я спаслаў на вас пошасьць, як заразу ў Эгіпце, забіваў мячом юнакоў вашых, і забраў у палон коней вашых, і ўзьняў да ноздраў вашых смурод табараў вашых, але вы не навярнуліся да Мяне, кажа ГОСПАД.
\m
\v 11  Я зьнішчыў вас, як Бог зьнішчыў Садом і Гамору, і вы былі, як галавешка, уратаваная з вагню; але вы не навярнуліся да Мяне, кажа ГОСПАД.
\m
\v 12  Дзеля гэтага Я гэтак зраблю табе Ізраілю. А калі Я зраблю гэтак табе, прыгатуйся да сустрэчы з Богам тваім, Ізраілю!
\m
\v 13  Бо Ён — Той, Які фармуе горы і стварае вецер, і выяўляе чалавеку думкі Свае, робіць зараніцу цемраю і крочыць па ўзгорках зямлі; ГОСПАД, Бог Магуцьцяў, — імя Ягонае.
\c 5
\cl Ам 5
\m
\v 1  Паслухайце слова гэтае, якое я ўзьнімаю над вамі, галашэньне пра дом Ізраіля:
\m
\v 2  “Упала, больш ня ўстане дзяўчына Ізраіля. Яна кінутая на зямлю сваю, няма каму падняць яе”.
\m
\v 3  Бо гэтак кажа Госпад ГОСПАД: “У горадзе, з якога выходзіла тысяча, застанецца сто, а з якога выходзіла сто, застанецца дзесяць [чалавек] з дому Ізраіля”.
\m
\v 4  Бо гэтак кажа ГОСПАД дому Ізраіля: “Шукайце Мяне, і будзеце жыць.
\m
\v 5  І ня шукайце ў Бэтэлі, і не зыходзьце ў Гільгал, і не пераходзьце ў Бээр-Шэву, бо Гільгал будзе палонены палонам, а Бэтэль станецца марнотаю”.
\m
\v 6  Шукайце ГОСПАДА, і будзеце жыць, каб Ён не ўвайшоў як агонь у дом Язэпа, і не пажор [усё], і ня будзе каму тушыць [яго] ў Бэтэлі.
\m
\v 7  Вы ператвараеце ў палын суд, і праведнасьць на зямлю кідаеце.
\m
\v 8  А Ён — Той, Які ўчыніў Стажар’е і Касцоў, і цень сьмерці ператварае ў раніцу, і дзень робіць цёмным як ноч, Які кліча воды мора і вылівае іх на аблічча зямлі; ГОСПАД — імя Ягонае.
\m
\v 9  Ён прысьпешвае загубу супраць дужага, і прыходзіць загуба на замак.
\m
\v 10  Яны ненавідзяць таго, хто дакарае ў браме [гораду], і брыдзяцца тым, хто гаворыць беззаганна.
\m
\v 11  Дзеля гэтага за тое, што вы топчаце бедных і забіраеце ў іх стравы са збожжа, вы пабудавалі дамы з чэсанага камяня, але ня будзеце жыць у іх, вы пасадзілі прывабныя вінаграднікі, але ня будзеце піць віна з іх.
\m
\v 12  Бо Я ведаю шматлікія правіны вашыя і цяжкія грахі вашыя; вы прыгнятаеце праведніка, берацё хабары і [справу] ўбогіх у браме выкрыўляеце.
\m
\v 13  Дзеля гэтага разумны ў гэты час маўчыць, бо гэта час ліхі.
\m
\v 14  Шукайце дабра, а ня ліха, каб вы маглі жыць; і гэтак ГОСПАД, Бог Магуцьцяў, будзе з вамі, як вы кажаце.
\m
\v 15  Ненавідзьце ліха і любіце дабро, і пастаўце ў браме суд. Можа ГОСПАД, Бог Магуцьцяў, будзе ласкавы да рэшты Язэпа.
\m
\v 16  Дзеля гэтага гэтак кажа ГОСПАД, Бог Магуцьцяў, Госпад: “На ўсіх плошчах лямант, і на ўсіх вуліцах будуць казаць: “Аёй! Аёй!”, і будуць клікаць земляроба на жалобу і тых, якія ведаюць галашэньні, галасіць!
\m
\v 17  І ў-ва ўсіх вінаградніках будзе лямант, бо Я прайду сярод цябе, кажа ГОСПАД”.
\m
\v 18  Гора вам, якія жадаюць дня ГОСПАДА! Навошта вам гэты дзень ГОСПАДА? Ён — цемра, а не сьвятло.
\m
\v 19  [Гэта так], як чалавек ўцячэ ад ільва, і сустрэне мядзьведзя; або прыйшоў у дом, і абапёрся рукою сваёю аб сьцяну, і яго ўкусіла зьмяя.
\m
\v 20  Хіба ня ёсьць дзень ГОСПАДА цемрай, а не сьвятлом? Ён — цемрадзь, і няма бляску [сьвятла] ў ім.
\m
\v 21  Я ненавіджу, Я грэбую сьвятамі і не адчуваю паху прыемнага на ўрачыстых сходах вашых.
\m
\v 22  Бо калі вы складаеце мне цэласпаленьні і ахвяры хлебныя вашыя, Мне не даспадобы яны. І на ахвяры мірныя вашыя з кормнай жывёлы Я не пагляджу.
\m
\v 23  Прыбяры ад Мяне голас сьпеваў тваіх, і гуку гусьляў тваіх Я ня буду слухаць.
\m
\v 24  Але няхай суд цячэ як вада, і праведнасьць — як магутны ручай.
\m
\v 25  Ці прыносілі вы Мне ахвяры [крывавыя] і ахвяры хлебныя ў пустыні сорак гадоў, доме Ізраіля?
\m
\v 26  Але вы насілі намёт Малоха вашага і Кіюна, абразы вашыя, зорку багоў вашых, якую вы сабе рабілі.
\m
\v 27  За гэта Я завяду вас у палон далёка за Дамаск, кажа ГОСПАД. Бог Магуцьцяў — імя Ягонае.
\c 6
\cl Ам 6
\m
\v 1  Гора бесклапотным на Сыёне і тым, якія спадзяюцца на гару Самарыі, якія прызначаныя пачаткам народаў, да якіх прыйшоў дом Ізраіля!
\m
\v 2  Зыйдзіце ў Кальнэ і пабачце, а адтуль ідзіце да Хамат-Раббы і зыйдзіце ў Гат Філістынскі. Ці вы лепшыя за валадарствы гэтыя? Ці мяжа іхняя большая за мяжу вашую?
\m
\v 3  Вы лічыце далёкім дзень ліхі і набліжаецеся да пасаду гвалту.
\m
\v 4  Вы ляжыце на ложку з косьці слановай, і качаецеся на засланых посьцілках, і ясьцё авечак з чарады, і цялятаў з аборы.
\m
\v 5  Вы брынкаеце на гусьлях, як Давід, прыдумляеце сабе інструмэнты музычныя.
\m
\v 6  Вы п’іцё віно куфлямі і мажацеся найлепшым шмаравідлам, але не смуткуеце з прычыны загубы Язэпа!
\m
\v 7  Дзеля гэтага яны пойдуць у палон на чале палонных, і будзе аддалена банкетаваньне ад тых, якія качаліся [ў раскошы]”.
\m
\v 8  Прысягнуў Госпада ГОСПАД на душу Сваю, кажа ГОСПАД, Бог Магуцьцяў. Мне агідная пыхлівасьць Якуба, і я ненавіджу палацы ягоныя; і Я выдам [ворагу] горад і што напаўняе яго.
\m
\v 9  І станецца, што калі ў адным доме застанецца дзесяць мужчынаў, і яны памруць.
\m
\v 10  І возьме яго дзядзька ягоны, і спаліць яго, каб вынесьці косткі з дому, і скажа таму, хто ў сярэдзіне дому: “Ці ёсьць яшчэ [хто] ў цябе?” А той скажа: “Няма”. І ён скажа: “Маўчы, бо нельга ўзгадваць імя ГОСПАДА”;
\m
\v 11  Бо вось, ГОСПАД загадае і разаб’е дом вялікі ў руіны, а дом малы — у друз.
\m
\v 12  Ці бягуць коні па скале? Ці аруць [мора] на валах? Бо вы ператварылі суд у атруту і плады праведнасьці — у палын.
\m
\v 13  Вы радуецеся ў Лё-Дабар, і кажаце: “Ці ж ня сілаю сваёю мы здабылі сабе рогі?”
\m
\v 14  Але, вось, Я ўзьніму на вас, дом Ізраіля, кажа ГОСПАД, Бог Магуцьцяў, народ, і яны будуць уціскаць вас ад уваходу ў Хамат аж да ручая Арабы”.
\c 7
\cl Ам 7
\m
\v 1  Гэта паказаў мне Госпад ГОСПАД. І вось, Ён уфармаваў саранчу, калі пачала расьці атава, і вось, атава была пасьля касьбы для валадара.
\m
\v 2  І сталася, калі [саранча] скончыла есьці траву на зямлі, я сказаў: “Госпадзе, ГОСПАДЗЕ! Калі ласка, даруй! Як устане Якуб? Бо ён малы”.
\m
\v 3  Пашкадаваў ГОСПАД пра гэта. “Ня будзе [гэтага]”, — сказаў ГОСПАД.
\m
\v 4  Гэта паказаў мне Госпад ГОСПАД. І вось, Госпад ГОСПАД паклікаў, каб праводзіць спрэчку, агонь, і ён пажор бяздоньне вялікае, і пажор частку [зямлі].
\m
\v 5  І я сказаў: “Госпадзе ГОСПАДЗЕ, калі ласка, спыні! Як устане Якуб? Бо ён малы”,
\m
\v 6  Пашкадаваў ГОСПАД пра гэта. “Ня будзе гэтага”, — сказаў Госпад ГОСПАД.
\m
\v 7  Гэта Ён паказаў мне. І вось, Госпад стаіць на муры стромкім і ў руцэ Ягонай — грунтвага.
\m
\v 8  І сказаў ГОСПАД мне: “Што ты бачыш, Амосе?” І я сказаў: “Грунтвагу”. І сказаў Госпад: “Вось, я павешу грунтвагу сярод народу Майго Ізраіля, і ўжо больш не прайду каля іх.
\m
\v 9  І будуць спустошаныя ўзгоркі Ісаака, і сьвятыні Ізраіля будуць зруйнаваныя, і Я паўстану з мячом на дом Ерабаама”.
\m
\v 10  І паслаў Амацыя, сьвятар з Бэтэлю, да Ерабаама, валадара Ізраіля, кажучы: «Амос змовіўся супраць цябе пасярод дому Ізраіля. Ня можа зямля вытрываць усіх словаў ягоных.
\m
\v 11  Бо гэтак сказаў Амос: “Ад мяча памрэ Ерабаам, і Ізраіль паланеньнем будзе выведзены ў палон з зямлі сваёй”».
\m
\v 12  І сказаў Амацыя Амосу: «Відушчы, ідзі, уцякай сабе ў зямлю Юды, і еш там хлеб, і там праракуй,
\m
\v 13  але ў Бэтэлі больш не спрабуй прарочыць, бо ён — сьвятыня валадара і дом валадарства».
\m
\v 14  І адказаў Амос, і сказаў Амацыі: «Я — не прарок, і я — ня сын прарока, бо я — звычайны пастух і зьбіраю сыкаморы. 
\v 15  І ўзяў мяне ГОСПАД, калі я [ішоў] за авечкамі, і сказаў мне ГОСПАД: “Ідзі, праракуй народу Майму, Ізраілю”.
\m
\v 16  І цяпер слухай слова ГОСПАДА. Ты кажаш: “Не праракуй на Ізраіля і не прапаведуй на дом Ісаака”.
\m
\v 17  Дзеля гэтага кажа ГОСПАД: “Жонка твая будзе распусьнічаць у горадзе, а сыны твае і дочкі твае ўпадуць ад мяча, і зямля твая будзе падзелена шнурам [меральным], і ты памрэш у зямлі нячыстай, і Ізраіль палаленьнем пойдзе ў палон з зямлі сваёй”».
\c 8
\cl Ам 8
\m
\v 1  Гэта Госпад ГОСПАД паказаў мне. І вось, кош з летняй [садавінай].
\m
\v 2  І сказаў Ён: “Што ты бачыш, Амосе?” І я сказаў: “Кош з летняй [садавінай]”. І сказаў ГОСПАД мне: “Канец прыйшоў народу Майму Ізраілю, і ўжо больш не прайду каля іх.
\m
\v 3  І будуць галасіць сьпевамі сьвятыні ў той дзень, кажа Госпад ГОСПАД; шмат будзе трупаў на кожным месцы, і кінутых моўчкі”.
\m
\v 4  Паслухайце гэта вы, якія топчаце ўбогага, і вынішчаеце ўцісканых зямлі,
\m
\v 5  кажучы: “Калі міне маладзік, будзем продаць збожжа; і ў суботу адчынім [сьвірны] са збожжам і зьменшым эфу, і павялічым [цану] сыкля, і будзем абважваць на шалях падманлівых,
\m
\v 6  каб купляць бедных за срэбра і ўбогага — за [пару] сандалаў, і продаць высеўкі збожжа”.
\m
\v 7  Прысягнуў ГОСПАД на пыхлівасьць Якуба: “Ніколі не забудуся ўсіх учынкаў іхніх!
\m
\v 8  Ці не захістаецца ад гэтага зямля? Ці не залямантуе кожны, хто жыве на ёй? І яна ўздымаецца як рака, і ўсхвалюецца, і затопіць, як рака Эгіпецкая”.
\m
\v 9  І станецца ў той дзень, кажа Госпад ГОСПАД, што Я зраблю заход сонца апоўдні, і зацямню зямлю сярод яснага дня,
\m
\v 10  і перамяню сьвяты вашыя ў жалобу і ўсе сьпевы вашыя — у галашэньне, і ўскладу на ўсе сьцёгны зрэбніцу, і на кожную галаву — лысіну, і зраблю гэта, як жалобу па адзіным [сыне], і канец гэтага — як дзень горычы.
\m
\v 11  Вось, праходзяць дні, кажа Госпад ГОСПАД, і Я пашлю голад на зямлю, ня голад хлеба, і ня смагу вады, але [голад], каб слухаць словы ГОСПАДА.
\m
\v 12  І будуць бадзяцца ад мора да мора, і з поўначы на ўсход будуць кружляць, шукаючы слова ГОСПАДА, і ня знойдуць.
\m
\v 13  У той дзень будуць млець прыгожыя дзяўчаты і хлопцы.
\m
\v 14  Тыя, якія прысягаюць на віну Самарыі і кажуць: “Няхай жыве бог твой, Дане!” і “Няхай жыве шлях у Бээр-Шэву!” упадуць і больш ня ўстануць.
\c 9
\cl Ам 9
\m
\v 1  Я бачыў Госпада, Які стаяў на ахвярніку, і Ён сказаў: “Удар па бэльцы і затрасуцца вушакі, і ўпадуць на галовы ўсіх іх. А тых, што застануцца, Я заб’ю мячом. Не ўцячэ той, які ўцякае, і не схаваецца той, які хаваецца.
\m
\v 2  Нават калі яны закапаюцца ў апраметную, адтуль рука Мая возьме іх. Нават калі яны ўзьлезуць у неба, адтуль Я скіну іх.
\m
\v 3  Нават калі яны схаваюцца на вяршыні Кармэлю, і там адшукаю іх і вазьму іх. Нават калі схаваюцца перад вачыма Маімі на дне мора, і там загадаю зьмею, і ён укусіць іх.
\m
\v 4  І нават калі яны пойдуць ў палон перад абліччам ворагаў сваіх, там загадаю мячу, і ён заб’е іх; і зьвярну вочы Мае на іх на ліха, а не на дабро;
\m
\v 5  І Госпад, ГОСПАД Магуцьцяў, дакранецца да зямлі, і яна растопіцца, і залямантуюць усе, якія жывуць на ёй, і яна ўся ўзьнімецца як рака, і затопіць, як рака Эгіпецкая.
\m
\v 6  Той, Які пабудаваў сьвяцілцы Свае ў небе і скляпеньні Свае заклаў на зямлі, кліча воды марскія і вылівае іх на аблічча зямлі. ГОСПАД — імя Ягонае.
\m
\v 7  Хіба вы не такія, сыны Ізраіля, як сыны Кушанаў, для Мяне, кажа ГОСПАД? Хіба ня Я вывеў Ізраіля з зямлі Эгіпецкай, а Філістынцаў — з Кафтору, і Сірыйцаў — з Кіру?
\m
\v 8  Вось, вочы Госпада ГОСПАДА — супраць валадарства грэху, і Я зьнішчу яго з аблічча зямлі, але зьнішчаючы, ня зьнішчу дом Якуба, кажа ГОСПАД;
\m
\v 9  Бо, вось, Я загадаю і расьцярушу дом Ізраіля паміж усіх народаў так, як сеюць у рэшаце, і не ўпадуць зярняты на зямлю.
\m
\v 10  Ад мяча памруць усе грэшнікі народу Майго, якія кажуць: “Не наблізіцца, не сустрэне нас ліха”.
\m
\v 11  У той дзень Я пастаўлю намёт Давіда, які ўпаў, зараблю выломы ягоныя, і аднаўлю руіны ягоныя, і адбудую яго, як у дні старадаўнія,
\m
\v 12  каб яны ўспадкаемілі рэшту Эдому і ўсе народы, над якімі клікалі імя Маё, кажа ГОСПАД, Які робіць гэта.
\m
\v 13  Вось, прыходзяць дні, кажа ГОСПАД, што араты сустрэне жняца, а той, які топча вінаград, таго, які сее насеньне; і з гор будзе сьцякаць маладое віно, і ўсе ўзгоркі растопяцца.
\m
\v 14  І Я вярну палон народу Майго Ізраіля, і яны адбудуюць гарады спустошаныя, і будуць жыць, і пасадзяць вінаграднікі, і будуць піць віно іхняе, і закладуць сады, і будуць есьці плады іхнія.
\m
\v 15  І Я пасаджу іх на зямлі іхняй, і ня будуць больш выганяць іх з зямлі іхняй, якую Я даў ім, кажа ГОСПАД, Бог твой”.