\id 2TI 
\ide UTF-8
\h 2 ЦІМАФЕЯ
\toc3 2 Цім
\toc2 2 ЦІМАФЕЯ
\toc1 ДРУГОЕ ПАСЛАНЬНЕ ДА ЦІМАФЕЯ АПОСТАЛА ПАЎЛА
\mt1 ДРУГОЕ ПАСЛАНЬНЕ ДА ЦІМАФЕЯ АПОСТАЛА ПАЎЛА
\c 1
\cl 2 Цім 1
\m
\v 1  Павал, апостал Ісуса Хрыста воляй Божай, паводле абяцаньня жыцьця, што ў Хрысьце Ісусе, —
\m
\v 2  Цімафею, улюбёнаму дзіцяці: ласка, літасьць, супакой ад Бога Айца і Хрыста Ісуса, Госпада нашага.
\m
\v 3  Дзякую Богу, Якому служу ад бацькоў з чыстым сумленьнем, што няспынна ўзгадваю пра цябе ў просьбах маіх уночы і ўдзень,
\m
\v 4  жадаючы бачыць цябе, памятаючы пра сьлёзы твае, каб мне напоўніцца радасьцю,
\m
\v 5  прыводзячы на памяць некрывадушную веру тваю, якая раней жыла ў бабулі тваёй Ляідзе і ў маці тваёй Эўніцы, і я перакананы, што і ў табе.
\m
\v 6  Дзеля гэтае прычыны нагадваю табе, каб ты распальваў дар Божы, які ёсьць у табе праз ускладаньне рук маіх,
\m
\v 7  бо даў нам Бог ня духа палахлівасьці, але сілы, і любові, і цьвярозага мысьленьня.
\m
\v 8  Дык не саромся сьведчаньня Госпада нашага, ані мяне, вязьня Ягонага, але перанось цяжкасьці разам з Эвангельлем паводле сілы Бога,
\m
\v 9  Які збавіў нас і паклікаў пакліканьнем сьвятым, не паводле ўчынкаў нашых, але паводле вызначэньня Свайго і ласкі, дадзенае нам у Хрысьце Ісусе перад вечнымі часамі,
\m
\v 10  а цяпер выяўленае праз зьяўленьне Збаўцы нашага Ісуса Хрыста, Які зьнішчыў сьмерць і зьявіў жыцьцё і незьнішчальнасьць праз Эвангельле,
\m
\v 11  для якога я пастаўлены весьнікам, і апосталам, і настаўнікам паганаў.
\m
\v 12  Дзеля гэтае прычыны я і цярплю гэтак, але не саромлюся, бо ведаю, у Каго я паверыў, і перакананы, што Ён моцны, каб захаваць перададзенае праз мяне на той дзень.
\m
\v 13  Мей за прыклад здаровыя словы, якія ты чуў ад мяне, у веры і любові, што ў Хрысьце Ісусе.
\m
\v 14  Захоўвай тое добрае, што перададзена [табе], праз Духа Сьвятога, Які жыве ў нас.
\m
\v 15  Ты ведаеш, што адвярнуліся ад мяне ўсе, якія ў Азіі, між імі Фігел і Гермаген.
\m
\v 16  Няхай дасьць Госпад літасьць дому Анісіфора, бо ён часта падмацоўваў мяне і не саромеўся ланцугоў маіх,
\m
\v 17  але, калі быў у Рыме, дужа шукаў мяне і знайшоў.
\m
\v 18  Няхай дасьць яму Госпад знайсьці літасьць у Госпада ў той дзень; і колькі ён служыў у Эфэсе, ты лепей ведаеш.
\c 2
\cl 2 Цім 2
\m
\v 1  Дык ты, дзіця маё, умацоўвайся ў ласцы, што ў Хрысьце Ісусе,
\m
\v 2  і, што чуў ад мяне праз многіх сьведкаў, тое перадай верным людзям, якія будуць здольнымі і іншых навучыць.
\m
\v 3  Дык перанось цяжкасьці, як добры жаўнер Ісуса Хрыста.
\m
\v 4  Ніхто з тых, хто змагаецца, ня зьвязвае сябе справамі жыцьцёвымі, каб падабацца таму, хто яго ўзяў у войска.
\m
\v 5  І калі хто спаборнічае, не атрымае вянка, калі будзе спаборнічаць незаконна.
\m
\v 6  Земляроб, які працуе, мусіць першы спажываць плады.
\m
\v 7  Разумей, што кажу. Няхай жа дасьць табе Госпад разуменьне ў-ва ўсім.
\m
\v 8  Памятай пра Ісуса Хрыста, з насеньня Давіда, Які ўваскрос з мёртвых паводле Эвангельля майго,
\m
\v 9  у якім пераношу цяжкасьці аж да путаў, як злачынца, але слова Божага нельга зьвязаць.
\m
\v 10  Дзеля гэтага я ўсё трываю дзеля выбраных, каб і яны дасягнулі збаўленьня, што ў Хрысьце Ісусе, з вечнаю славаю.
\m
\v 11  Вернае слова, што калі мы памерлі з Ім, і жыць будзем з Ім;
\m
\v 12  калі трываем [з Ім], і валадарыць будзем з Ім; калі адрачэмся [ад Яго], і Ён адрачэцца ад нас;
\m
\v 13  калі мы ня верым, Ён застаецца верным, бо ад Сябе адрачыся ня можа.
\m
\v 14  Гэта нагадвай, сьведчачы перад Госпадам, каб не спрачаліся дзеля словаў, што нічога не дае, а руйнуе тых, якія слухаюць.
\m
\v 15  Намагайся паставіць сябе перад Богам вартым, работнікам, які ня будзе асаромлены, які слушна пераказвае слова праўды.
\m
\v 16  А паганага марнаслоўя пазьбягай, бо яны яшчэ больш будуць узрастаць у бязбожнасьці,
\m
\v 17  і слова іхняе, як гангрэна, будзе мець пажыву. Гэтакія Гімэнэй і Філет,
\m
\v 18  якія адхіліліся ад праўды, кажучы, што ўваскрасеньне ўжо было, і руйнуюць у некаторых веру.
\m
\v 19  Але цьвёрды падмурак Божы стаіць, маючы гэтакую пячатку: «Ведае Госпад тых, якія Яго», і: «Няхай адыйдзецца ад няправеднасьці кожны, хто называе імя Хрыста».
\m
\v 20  А ў вялікім доме ёсьць посуд ня толькі залаты і срэбны, але і драўляны, і гліняны; і адзін — у пашане, а другі — у ганьбе.
\m
\v 21  Дык калі хто ачысьціць сябе ад гэтага, той будзе пасудзінаю ў пашане, асьвячонаю і патрэбнаю Ўладару, падрыхтаванаю на ўсякую добрую справу.
\m
\v 22  Ад юнацкіх пажаданьняў уцякай, а імкніся да праведнасьці, веры, любові, супакою з тымі, хто прызывае Госпада ад чыстага сэрца.
\m
\v 23  Ад дурных і бязглуздых спрэчак адмаўляйся, ведаючы, што яны нараджаюць звадкі;
\m
\v 24  а слуга Госпада ня мусіць вадзіцца, але быць ветлівым да ўсіх, здольным навучаць, цярплівым,
\m
\v 25  у ціхасьці настаўляць тых, якія працівяцца, ці ня дасьць ім Бог навяртаньня дзеля пазнаньня праўды,
\m
\v 26  каб яны вызваліліся з пасткі д’яблавай, які злавіў іх пад сваю волю.
\c 3
\cl 2 Цім 3
\m
\v 1  Ведай жа тое, што ў апошнія дні надыйдуць злыя часы.
\m
\v 2  Бо людзі будуць самалюбныя, срэбралюбцы, пыхліўцы, ганарыстыя, блюзьнеры, непаслухмяныя бацькам, няўдзячныя, нячыстыя, бязьлітасныя,
\m
\v 3  няўмольныя, паклёпнікі, неапанаваныя, жорсткія, ненавісьнікі таго, што добрае,
\m
\v 4  здраднікі, неразважныя, фанабэрыстыя, якія больш любяць асалоду, чым Бога,
\m
\v 5  якія маюць выгляд пабожнасьці, а сілы яе адракліся. Ад гэтакіх адварочвайся.
\m
\v 6  Бо з гэтакіх тыя, што закрадаюцца ў дамы і палоняць жанчынак, абцяжараных грахамі, якіх водзяць розныя пажадлівасьці,
\m
\v 7  якія заўсёды вучацца і ніколі ня могуць дайсьці да пазнаньня праўды.
\m
\v 8  Як Яннэс і Ямбрэс супрацьстаялі Майсею, гэтак і яны супрацьстаяць праўдзе, людзі з папсаваным розумам, няздатныя ў веры.
\m
\v 9  Але яны ня шмат будуць узрастаць, бо шаленства іхняе выкрыецца перад усімі, як гэта і сталася з тымі.
\m
\v 10  А ты пайшоў сьледам за мною ў навучаньні, ладзе жыцьця, намерах, веры, доўгацярплівасьці, любові, непахіснасьці,
\m
\v 11  перасьледваньнях, пакутах, якія здарыліся са мною ў Антыёхіі, Іконіі, Лістрах; гэтыя перасьледваньні я перанёс, і з усіх выбавіў мяне Госпад.
\m
\v 12  Дый усе, якія хочуць жыць пабожна ў Хрысьце Ісусе, перасьледаваны будуць.
\m
\v 13  А злыя людзі і ашуканцы будуць узрастаць у зьле, падманваючы [іншых] і падманваючы сябе.
\m
\v 14  А ты заставайся ў тым, чаго навучыўся і што табе даверана, ведаючы, праз каго ты навучаны;
\m
\v 15  і што ты з дзяцінства ведаеш Сьвятое Пісаньне, якое можа зрабіць цябе мудрым на збаўленьне праз веру, што ў Хрысьце Ісусе.
\m
\v 16  Усё Пісаньне натхнёнае Богам і карыснае дзеля навучаньня, дзеля дакараньня, дзеля выпраўленьня, дзеля дысцыплінаваньня ў праведнасьці,
\m
\v 17  каб дасканалым быў чалавек Божы, да ўсякае добрае справы гатовым.
\c 4
\cl 2 Цім 4
\m
\v 1  Дык я сьведчу перад Богам і Госпадам нашым Ісусам Хрыстом, Які мае судзіць жывых і мёртвых у зьяўленьні Сваім і Валадарства Свайго:
\m
\v 2  абвяшчай слова, настойвай у час і ня ў час, дакарай, забараняй, упрошвай з усякай доўгацярплівасьцю і вучэньнем.
\m
\v 3  Бо будзе час, калі здаровага навучаньня цярпець ня будуць, але паводле сваіх пажаданьняў будуць выбіраць сабе настаўнікаў, якія лашчаць слых,
\m
\v 4  і ад праўды слых адвернуць, а збочаць да баек.
\m
\v 5  А ты будзь пільны ў-ва ўсім, перанось цяжкасьці, рабі справу дабравесьніка, служэньне тваё выконвай.
\m
\v 6  Бо я ўжо стаўся ахвяраю, і час майго адыходу прыйшоў.
\m
\v 7  Змагаўся я добрым змаганьнем, бег зьдзейсьніў, веру захаваў.
\m
\v 8  Нарэшце, вызначаны мне вянок праведнасьці, які дасьць мне Госпад, праведны Судзьдзя, у той дзень; і ня толькі мне, але і ўсім, якія зьяўленьне Яго палюбілі.
\m
\v 9  Намагайся, каб хутка прыйсьці да мяне.
\m
\v 10  Бо Дэмас пакінуў мяне, палюбіўшы цяперашні век, і пайшоў у Тэсалоніку; Крэскенс — у Галятыю; Ціт — у Дальматыю; адзін Лука са мною.
\m
\v 11  Марка, узяўшы, прывядзі з сабою, бо ён мне патрэбны для служэньня,
\m
\v 12  А Тыхіка я паслаў у Эфэс.
\m
\v 13  Плашч, які я кінуў у Траадзе ў Карпа, ідучы, прынясі, і кнігі, асабліва пэргаміны.
\m
\v 14  Аляксандар, меднік, шмат учыніў мне ліха. Няхай дасьць яму Госпад паводле ўчынкаў ягоных.
\m
\v 15  І ты захоўвай сябе ад яго, бо ён вельмі супрацьстаіць нашым словам.
\m
\v 16  У першай маёй абароне ніхто не прыйшоў да мяне, але ўсе мяне пакінулі. Няхай ня будзе ім палічана!
\m
\v 17  Госпад жа стаў перада мною і ўмацаваў мяне, каб пропаведзь праз мяне была выкананая і каб пачулі [яе] ўсе пагане; і я быў выбаўлены з ільвінае пашчы.
\m
\v 18  І выбавіць мяне Госпад ад усякага злога дзеяньня, і збавіць для Свайго Нябеснага Валадарства. Яму слава на вякі вякоў. Амэн.
\m
\v 19  Прывітай Прыскілу, і Акілу, і дом Анісіфора.
\m
\v 20  Эраст застаўся ў Карыньце; а Трафіма я пакінуў хворага ў Мілеце.
\m
\v 21  Намагайся, каб прыйсьці да зімы. Вітаюць цябе Эўбул, і Пуд, і Лін, і Кляўдыя, і ўсе браты.
\m
\v 22  Госпад Ісус Хрыстос з духам тваім. Ласка з вамі. Амэн.