\id 2TH 
\ide UTF-8
\h 2 ТЭСАЛОНЦАЎ
\toc3 2 Тэс
\toc2 2 ТЭСАЛОНЦАЎ
\toc1 ДРУГОЕ ПАСЛАНЬНЕ ДА ТЭСАЛОНЦАЎ АПОСТАЛА ПАЎЛА
\mt1 ДРУГОЕ ПАСЛАНЬНЕ ДА ТЭСАЛОНЦАЎ АПОСТАЛА ПАЎЛА
\c 1
\cl 2 Тэс 1
\m
\v 1  Павал, і Сілуан, і Цімафей — царкве Тэсалонцаў у Богу Айцу нашым і Госпадзе Ісусе Хрысьце:
\m
\v 2  ласка вам і супакой ад Бога Айца нашага і Госпада Ісуса Хрыста.
\m
\v 3  Заўсёды павінны мы дзякаваць Богу за вас, браты, як належыцца, бо моцна ўзрастае вера вашая і памнажаецца любоў кожнага адзін да аднаго між усімі вамі,
\m
\v 4  так што мы самі хвалімся вамі ў цэрквах Божых дзеля цярплівасьці вашай і веры ў-ва ўсіх перасьледаваньнях вашых і прыгнётах, якія вы пераносіце,
\m
\v 5  на выяўленьне праведнага суду Божага, каб вам быць вартымі Валадарства Божага, дзеля якога і пакутуеце.
\m
\v 6  Бо праведна перад Богам адгадзіць прыгнётам тым, якія вас прыгнятаюць,
\m
\v 7  а вам, прыгнятаным, — патоляй разам з намі ў адкрыцьці Госпада Ісуса з неба з анёламі сілы Яго,
\m
\v 8  Які ў полымі агню зьдзяйсьняе помсту над тымі, што ня ведаюць Бога і не паслухмяныя Эвангельлю Госпада нашага Ісуса Хрыста.
\m
\v 9  Яны атрымаюць прысуд — вечнае зьнішчэньне, ад аблічча Госпада і ад славы магутнасьці Яго,
\m
\v 10  калі Ён прыйдзе ўславіцца ў сьвятых Сваіх і стацца дзівосным у дзень той у-ва ўсіх, якія паверылі, бо вы паверылі нашаму сьведчаньню сярод вас.
\m
\v 11  Дзеля гэтага і молімся заўсёды за вас, каб Бог наш зрабіў вас дастойнымі пакліканьня і споўніў з моцаю ўсякае ўпадабаньне добрасьці і справу веры,
\m
\v 12  каб праславілася імя Госпада нашага Ісуса Хрыста ў вас, і вы — у Ім, паводле ласкі Бога нашага і Госпада Ісуса Хрыста.
\c 2
\cl 2 Тэс 2
\m
\v 1  Просім вось вас, браты, дзеля прыйсьця Госпада нашага Ісуса Хрыста і нашага зграмаджэньня перад Ім,
\m
\v 2  не хістайцеся пасьпешна розумам і не трывожцеся ані праз духа, ані праз слова, ані праз пасланьне, нібы ад нас, што быццам надыйшоў дзень Хрыстовы.
\m
\v 3  Няхай ніхто аніяк вас ня зводзіць, бо [дзень гэты ня прыйдзе], пакуль ня прыйдзе перш адступніцтва і не адкрыецца чалавек грэху, сын загубы,
\m
\v 4  які супрацівіцца і вывышаецца па-над усё, што называецца Богам ці чаму пакланяюцца, так што ў сьвятыні Божай засядзе ён як бог, заяўляючы пра сябе, што ён — бог.
\m
\v 5  Ці не памятаеце, што я, яшчэ як быў у вас, гаварыў вам гэтае?
\m
\v 6  І цяпер ведаеце, што трымае, каб адкрыцца яму ў свой час.
\m
\v 7  Бо таямніца беззаконьня ўжо дзейнічае, няхай толькі той, што трымае цяпер, будзе забраны спасярод.
\m
\v 8  І тады адкрыецца беззаконьнік, якога Госпад заб’е духам вуснаў Сваіх і зьнішчыць зьяўленьнем прыйсьця Свайго,
\m
\v 9  таго, якога прыйсьце праз дзеяньне шатана, будзе з усёй сілаю, і знакамі, і фальшывымі цудамі,
\m
\v 10  і з усякім ашуканствам няправеднасьці для тых, якія гінуць з-за таго, што не прынялі любові праўды, каб ім быць збаўленымі.
\m
\v 11  І з-за гэтага пашле ім Бог дзеяньне аблуды, каб верылі хлусьні,
\m
\v 12  каб былі асуджаныя ўсе, якія не паверылі праўдзе, але ўпадабалі няправеднасьць.
\m
\v 13  А мы заўсёды павінны дзякаваць Богу за вас, улюбёныя Госпадам браты, што Бог ад пачатку, праз асьвячэньне Духа і веру праўдзе, выбраў вас на збаўленьне,
\m
\v 14  да якога і паклікаў вас праз Эвангельле нашае на атрыманьне славы Госпада нашага Ісуса Хрыста.
\m
\v 15  Дык, браты, стойце і трымайцеся традыцыі, якой вы навучыліся ці праз слова, ці праз пасланьне нашае.
\m
\v 16  Сам жа Госпад наш Ісус Хрыстос і Бог і Айцец наш, Які палюбіў нас і даў пацяшэньне вечнае і надзею добрую ў ласцы,
\m
\v 17  няхай пацешыць вашыя сэрцы і няхай умацуе вас у-ва ўсякім слове і справе добрай.
\c 3
\cl 2 Тэс 3
\m
\v 1  Нарэшце, маліцеся за нас, браты, каб слова Госпада пашыралася і выслаўлялася, як і ў вас,
\m
\v 2  і каб мы былі выбаўленыя ад нягодных і злых людзей, бо не ў-ва ўсіх вера.
\m
\v 3  Але верны Госпад, Які ўмацуе вас і захавае ад злога.
\m
\v 4  Мы пэўныя адносна вас у Госпадзе, што вы выконваеце і будзеце выконваць тое, што мы загадваем вам.
\m
\v 5  Няхай Сам Госпад накіруе сэрцы вашыя да любові Божае і цярплівасьці Хрыстовай.
\m
\v 6  Загадваем вам, браты, у імя Госпада нашага Ісуса Хрыста, каб цураліся ўсякага брата, які ходзіць свавольна і не паводле традыцыі, прынятай ад нас,
\m
\v 7  бо вы самі ведаеце, як трэба насьлядаваць нас, бо мы не сваволілі між вамі,
\m
\v 8  таксама дарма ні ў кога хлеба ня елі, але ў працы і стоме рабілі ўначы і ўдзень, каб не абцяжарыць каго з вас,
\m
\v 9  не таму, што ня маем улады, але каб сябе саміх даць вам за прыклад дзеля перайманьня нас.
\m
\v 10  Бо калі мы былі ў вас, дык загадалі вам: калі хто ня хоча працаваць, той няхай і ня есьць.
\m
\v 11  Але чуем, што некаторыя ў вас ходзяць свавольна, нічога ня робяць, але мітусяцца.
\m
\v 12  Гэтакім загадваем і молім у Госпадзе нашым Ісусе Хрысьце, каб яны, працуючы моўчкі, елі свой хлеб.
\m
\v 13  А вы, браты, не журыцеся, робячы дабро.
\m
\v 14  Калі ж хто не паслухаецца слова нашага праз гэтае пасланьне, таго мейце на прыкмеце і ня мейце справы з ім, каб быў асаромлены;
\m
\v 15  але не лічыце яго за ворага, але настаўляйце, як брата.
\m
\v 16  Сам жа Госпад супакою няхай дасьць вам супакой заўсёды і ў-ва ўсім. Госпад з усімі вамі.
\m
\v 17  Прывітаньне маёю рукою, Паўлаваю, што ёсьць знак у-ва ўсякім пасланьні; пішу я гэтак:
\m
\v 18  ласка Госпада нашага Ісуса Хрыста з усімі вамі. Амэн.