\id MRK - BOPO
\ide UTF-8
\h ମାର୍କ
\toc3 ମାର୍କ
\toc2 ମାର୍କ
\toc1 ମାର୍କ ଲେକ୍‌ଲା ଜିସୁ କ୍ରିସ୍ଟର୍‌ ନିକ କବୁର୍‌
\mt2 ମାର୍କ ଲିଖିତ ଯୀଶୁ ଖ୍ରୀଷ୍ଟଙ୍କ ସୁସମାଚାର
\mt1 ମାର୍କ ଲେକ୍‌ଲାର୍‌ ଜିସୁ କ୍ରିସ୍ଟର୍‌ ନିକ କବୁର୍‌
\imt ମାର୍କ ପୁସ୍ତକ୍‌ ବିସୟେ ହଃଦେକ୍‌
\ip ଜିସୁ କ୍ରିସ୍ଟର୍‌ ଜିବନ୍ କଃତା କଃଉତା ନଃଉଆଁ ବିଦିର୍‌ ଚାରିଗଟ୍‌ ପୁସ୍ତକ୍‌ ବିତ୍ରେ ମାର୍କ ଲେକ୍‌ଲା ନିକ କବୁର୍‌ ଅଃଉଁଲି ଗଟେକ୍‌ । ସେ ସଃବୁକ୍‌ ନିକ କବୁର୍‌ ବଃଲି କଃଉଆ ଅୟ୍‌ଦ୍‌, ଜାର୍‌ ଅଃର୍ତ୍‌ “ସଃର୍ଦାର୍‌ କବୁର୍‌ ।” ସେ ସଃବୁ ଜିସୁର୍‌ ମଃର୍ନାର୍‌ ହଃଚେ ମାତିଉ, ମାର୍କ, ଲୁକ ଆର୍‌ ଜହନାର୍‌ ପୁସ୍ତକେ ଲେକା ଅୟ୍‌ଆଚେ । ଚାରିଗଟ୍‌ ନିକ କବୁର୍‌ ବିତ୍ରେ ହଃର୍ତୁମ୍‌ କ୍ରିସ୍ଟ ଜଃଲମାର୍‌ ୬୫-୭୦ ମଃସିଆ ବିତ୍ରେ ଲେକା ଅୟ୍‌ଆଚେ । ଗାଦେକ୍‌ ହଃଣ୍ଡିତ୍‌ମଃନ୍ ସଃତ୍‌ କଃରୁଲାୟ୍‌ ଜେ, ରମ୍‌ ଗଃଳେ ରିଲା କ୍ରିସ୍ଟିଆନ୍‌ମଃନ୍‌କେ ସାସ୍‌ ଦେଉଁକେ ଇ ପୁସ୍ତକ୍‌ ଲେକା ଅୟ୍‌ଆଚେ ।
\ip ମାର୍କ, ଜେ କି ଜହନ୍‌ ନାଉଁଏ ହେଁ ଜାଣାସୁଣା । ସେ ପାଉଲ୍‌ ଆର୍‌ ବର୍ନବାର୍‌ ସଃଙ୍ଗୁଆଳି ରିଲା । ଜଃଡେବଃଳ୍‌ ନିକ କବୁର୍‌ ପର୍ଚାର୍‌ କଃରୁକେ ଜାତାବଃଳ୍‌ ପାଉଲ୍‌କେ ଚାଡିକଃରି ବାଉଳି ଆୟ୍‌ଲା, ସଃଡେବଃଳ୍‌ ତାର୍‌ ନାମର୍ତାୟ୍‌ ବାଦା ହଚ୍‌ଲି \xt ପେରି ୧୩:୧୩\xt* । ତାର୍‌ ହଃଚାର୍‌ ବଃଳ୍‌ ମାର୍କ ଆରେକ୍‌ ଗଟ୍‌ତର୍‌ ବର୍ନବା ସଃଙ୍ଗେ ଗଃଲା \xt ପେରି ୧୫:୩୭-୩୯\xt* । ମାର୍କ ହେଁ ପିତରାର୍‌ ଗଟେକ୍‌ ନିଜାର୍‌ ହିଲାବଃଳାର୍‌ ସଃଙ୍ଗୁଆଳି ରିଲା \xt ୧ ପିତ ୫:୧୩\xt* । ଜିସୁକେ ମାର୍କ ନିଜାର୍‌ ଆକାୟ୍‌ ନଃଦେକି ଆର୍‌ ନଃସୁଣି ରିଲେକ୍‌ ହେଁ ହଃଣ୍ଡିତ୍‌ମଃନ୍ ସଃତ୍‌ କଃରୁଲାୟ୍‌ ସେରଃକମ୍‌ ପିତର୍‌ କୟ୍‌ଲା ଗଃଟ୍‍ଣା ଉହ୍ରେ ଦଃରିକଃରି ନିଜାର୍‌ ନିକ କବୁର୍‌ ଲେକିଆଚେ । ନିକ କବୁରେ ମାର୍କ ଚେଲା ରିଲାର୍‌ ଆର୍‌ ସଃରାସଃରି ବଃଳାର୍‌ ଜିସୁର୍‌ ସିକ୍ୟା ଉହ୍ରେ ଦଃକିକଃରି ଲେକିଆଚେ ।
\ip ମାର୍କ ଇ ପୁସ୍ତକ୍‌ ଲଃଗେ କ୍ରିସ୍ଟକେ ଗଟେକ୍‌ ଦଃର୍ମି ଦଃଙ୍ଗ୍‌ଳା ଆର୍‌ ଇସ୍ୱରାର୍‌ ଇଚା ହୁରୁଣ୍ କଃରୁକେ ସଃବୁବଃଳ୍‌ ଜଃଗ୍ରାତ୍‌ ରେତା ଲାଡାର୍‌ ହଅ ହର୍‌ କୟ୍‌ଆଚେ । ସେତାର୍‌ଗିନେ ସେ ଜିସୁର୍‌ କାବା ଅଃଉତା କଃତା ଲେକିଆଚେ । ସଃରାସଃରି ସେ ହୁର୍ତି ସଃରା ନିକ କବୁର୍‌ ପର୍ଚାର୍‌ କଃର୍ତା ବଃଳ୍‌ ଆଦେସ୍‌ ସଃଙ୍ଗ୍ ଇ ନିକ କବୁର୍‌ ଲେକି ସଃରାୟ୍‌ ଆଚେ ।
\iot ହଃର୍ତୁ ଜାଣ୍‌ତା କଃତା
\io1 ୧. ବାପ୍ତିସମ୍‌ ଦେତା ଜହନ୍‌ ଆର୍‌ ଜିସୁର୍‌ ବାପ୍ତିସମ୍‌ । \ior ୧:୧-୧୩\ior*
\io1 ୨. ଗାଲିଲି ତଃୟ୍‌ ଜିସୁର୍‌ ସେବା କାମ୍‌ । \ior ୧:୧୪–୯:୫୦ \ior*
\io1 ୩. ଜିସୁ ଜିରୁସାଲମ୍‌ ଗଃଲାର୍‌ ଆର୍‌ ମନ୍ଦିରେ ହୁର୍ଲାର୍‌ । \ior ୧୦:୧–୧୨:୪୪\ior*
\io1 ୪. ଆଗ୍‌ବାଟ୍ୟା କାୟ୍‌ କାୟ୍‌ରି ଗଃଟେଦ୍‌ ସେ ସଃବୁ କଃତା ଜିସୁ କୟ୍‌ଲା । \ior ୧୩:୧-୩୭\ior*
\io1 ୫. ଜିସୁ ମଃଲା, ଉଟ୍‌ଲା ଆର୍‌ ଗଟେକ୍‌ ବଃଡ୍ ଆଦେସ୍‌ ଦଃୟ୍‌ ସଃର୍ଗେ ଗଃଲା । \ior ୧୪:୧–୧୬:୨୦\ior*
\c 1
\s ବାପ୍ତିସମ୍‌ ଦେତା ଜହନାର୍‌ ପର୍ଚାର୍‌
\r (ମାତି ୩:୧-୧୨; ଲୁକ ୩:୧-୧୮; ଜହ ୧:୧୯-୨୮)
\p
\v 1 ଇରି ଅଃଉଁଲି ଇସ୍ୱରାର୍‌ ହୟ୍‌ସି ଜିସୁ କ୍ରିସ୍ଟର୍‌ ନିକ କବୁର୍‌ ଆରୁମ୍‌ । 
\v 2 ଜଃନ୍‌କଃରି ଜିସାୟ୍‌ ବାବ୍‌ବାଦିର୍‌ ସାସ୍ତରେ ଲେକାଆଚେ,
\q1 “ଇସ୍ୱର୍‌ ମାପ୍ରୁ କୟ୍‌ଲା, ‘ସୁଣା ମୁୟ୍‌ ମର୍‌ କବୁର୍‌ କାରିଆକ୍‌ ତର୍‌ ଆଗ୍‌ତୁ ହଃଟାଉଁନ୍ଦ୍,
\q2 ସେ ତର୍‌ ଗିନେ ବାଟ ତିଆର୍‌ କଃରେଦ୍‌ ।’
\q1
\v 3 ଗଟ୍‌ ମାନାୟ୍‌ ସୁକ୍‌ଲା ବଃଟାୟ୍‌ ହୁଣି ଉଲ୍‌ଗାଟ୍‌ ଅୟ୍‌ କଃଉଁଲା,
\q2 ‘ମାପ୍ରୁର୍‌ ଗିନେ ବାଟ୍‌ ତିଆର୍‌ କଃରା;
\q2 ଆର୍‌ ରଃଜାର୍‌ ଗିନେ ବାଟ୍‌ ସଃଳ୍‌କ୍‌ କଃରା ।’”
\p
\v 4 ବାପ୍ତିସମ୍‌ ଦେତା ଜହନ୍‌ ସୁକ୍‌ଲା ବଃଟାୟ୍‌ ଆୟ୍‌ଲା ଆର୍‌ ପର୍ଚାର୍‌ କଃରି କୟ୍‌ଲା, “ହାହେ ହୁଣି ମଃନ୍‌ ବାଦ୍‌ଲାୟ୍‌ ଆସା ଆର୍‌ ବାପ୍ତିସମ୍‌ ନିଆ, ଇସ୍ୱର୍‌ ତୁମାର୍‌ ହାହ୍‌ କେମା କଃରେଦ୍‌ ।” 
\v 5 ଜିଉଦା ରାଜିର୍‌ ଆର୍‌ ଜିରୁସାଲମ୍‌ ଗଃଳାର୍‌ ଆରେକ୍‌ ଜର୍ଦନ୍‌ ଗାଡ୍ ଚଃମେ ରିଲା ସଃବୁ ଲକ୍‌ମଃନ୍ ଜହନ୍‌ ଲଃଗେ ଆସୁକ୍‌ ଦଃର୍ଲାୟ୍‌ ଆର୍‌ ସେମଃନ୍‌ ନିଜେ ନିଜେ କଃରିରିଲା ହାହ୍‌ ଆର୍‌ ଦସ୍‌ ସଃବୁ ମାନ୍‌ଲାୟ୍‌, ଆର୍‌ ଜହନ୍‌ ତଃୟ୍‌ହୁଣି ଜର୍ଦନ୍ ଗାଡେ ବାପ୍ତିସମ୍‌ ନିଲାୟ୍‌ ।
\p
\v 6 ଜହନ୍‌ ଉଟ୍‌ ରମେ ବୁଣ୍‌ଲା ବଃସ୍ତର୍‌ ହିନ୍ଦ୍‌ତି ରିଲା ଆର୍‌ ଚାମାର୍‌ ଅଃଟାବାନ୍ଦୁଣ୍‌ ବାନ୍ଦ୍‌ତି ରିଲା, ସେ ଜିଟ୍‌କା ଆର୍‌ ବଃନାର୍‌ ମଃଉଁ କାତିରିଲା । 
\v 7 ସେ ପର୍ଚାର୍‌ କଃରୁକେ ଦଃର୍ଲା, “ମର୍‌ ହଃଚେ ଜେ ଆସୁଲା ସେ ମର୍‌ ତଃୟ୍‌ହୁଣି ଅଃଦିକ୍‌ ବଃଡ୍‌, ମୁଁୟ୍‌ ତାର୍‌ ହାଦାର୍‌ ହାଣ୍ଡାୟ୍‌ର୍‌ ବାନ୍ଦୁଣ୍ ଇଟାଉତା ଜୟ୍‌ଗ୍‌ ନାୟ୍‌ । 
\v 8 ମୁଁୟ୍‌ ତୁମିମଃନ୍‌କେ ହାଣାୟ୍‌ ବାପ୍ତିସମ୍‌ ଦିଲେ, ମଃତର୍‌ ସେ ତୁମିମଃନ୍‌କେ ପବିତ୍ର ଆତ୍ମାୟ୍‌ ବାପ୍ତିସମ୍‌ ଦଃୟ୍‌ଦ୍‌ ।”
\s ଜିସୁର୍‌ ବାପ୍ତିସମ୍‌ ଆର୍‌ ପରିକ୍ୟା
\r (ମାତି ୩:୧୩–୪:୧୧; ଲୁକ ୩:୨୧-୨୨; ୪:୧-୧୩)
\p
\v 9 ସଃଡେବଃଳ୍‌ ଜିସୁ ଗାଲିଲି ରାଜିର୍‌ ନାଜରିତ୍‌ ଗାଉଁଏ ହୁଣି ଆୟ୍‌ଲା ଆର୍‌, ଜର୍ଦନ୍ ଗାଡେ ଜହନ୍‌ ତଃୟ୍‌ହୁଣି ବାପ୍ତିସମ୍‌ ହାୟ୍‌ଲା । 
\v 10 ଜିସୁ ବାପ୍ତିସମ୍‌ ନଃୟ୍‌ ହାଣାୟ୍‌ ହୁଣି ବାରାୟ୍‌ଲା, ଆର୍‌ ସଃର୍ଗ୍‌ ଉଗାଳି ଅୟ୍‌ଲି ଆର୍‌ ପବିତ୍ର ଆତ୍ମା ହାଣ୍ଡ୍‌କା ହର୍‌ ଅୟ୍‌ ତାର୍‌ ଉହ୍ରେ ଉତ୍ରି ଆସ୍ତାର୍‌ ସେ ଦଃକ୍‌ଲା । 
\v 11 \x + \xo ୧:୧୧ \xo*\xt ମାତି ୩:୧୭; ୧୨:୧୮; ମାର୍କ ୯:୭; ଲୁକ ୩:୨୨.\xt*\x*ଆର୍‌ ସଃଡେବଃଳ୍‌ ସଃର୍ଗେ ହୁଣି ଗଟେକ୍‌ କଃତା ସୁଣା ଅୟ୍‌ଲି, “ତୁୟ୍‌ ଅଃମାର୍‌ ଲାଡାର୍‌ ହଅ, ତର୍‌ ତଃୟ୍‌ ଅଃମାର୍‌ ବଃଡେ ସଃନ୍‌ମତ୍‌ ।” 
\v 12 ତଃତ୍‌କାଣ୍ ପବିତ୍ର ଆତ୍ମା ଜିସୁକେ ଗଟେକ୍‌ ସୁକ୍‌ଲା ବଃଟାୟ୍‌ ନିଲି, 
\v 13 ଜିସୁ ସୁକ୍‌ଲା ବଃଟାୟ୍‌ ଚାଲିସ୍‌ ଦିନ୍‌ ହଃତେକ୍‌ ରିଲା, ଆର୍‌ ସେତି ଜିସୁକେ ସୟ୍‌ତାନ୍‌ ପରିକ୍ୟା କଃଲି । ସେ ବଃନାର୍‌ ଜଃତୁମଃନାର୍‌ ସଃଙ୍ଗ୍ ରେତିରିଲା ଆର୍‌ ସଃର୍ଗ୍‌ ଦୁତ୍‌ମଃନ୍ ତାର୍‌ ସେବା କଃର୍ତି ରିଲାୟ୍‌ ।
\s ଜିସୁ ଚାରିଗଟ୍‌ ମାଚୁଆମଃନ୍‌କେ କୁଦ୍‌ଲା
\r (ମାତି ୪:୧୨-୨୨; ଲୁକ ୪:୧୪-୧୫; ୫:୧-୧୧)
\p
\v 14 ଜହନ୍‌କେ ବାନ୍ଦି ଜଃଇଲେ ହୁରାୟ୍‌ଲା ହଃଚେ, ଜିସୁ ଗାଲିଲିକେ ଆୟ୍‌ଲା ଆର୍‌ ଇସ୍ୱରାର୍‌ ନିକ କବୁର୍‌ ପର୍ଚାର୍‌ କଃରୁକେ ଦଃର୍ଲା । 
\v 15 \x + \xo ୧:୧୫ \xo*\xt ମାତି ୩:୨.\xt*\x*ଜିସୁ ପର୍ଚାର୍‌ କଃରି କଃଉଁକେ ଦଃର୍ଲା, “ଟିକ୍‌ ବେଳା ଆୟ୍‌ଲି ଆଚେ, ଇସ୍ୱରାର୍‌ ରାଇଜ୍‌ ଲଃଗେ ଅୟ୍‌ଲିନି ! ତୁମାର୍‌ ହାହ୍‌ ଚାଡା ଆର୍‌ ନିକ କବୁର୍‌କେ ବିସ୍ୱାସ୍‌ କଃରା ।”
\p
\v 16 ଜିସୁ ଗାଲିଲି ସଃମ୍‌ନ୍ଦ୍ କଃଣ୍ଡିବାଟ୍‌ ଜାତିରିଲା ବଃଳ୍‌, ସେ ସିମନ୍ ଆର୍‌ ତାର୍‌ ବାୟ୍‌ସି ଆନ୍ଦ୍ରିଅକ୍‌ ମାଚ୍ ଦଃରୁକେ ସଃମ୍‌ନ୍ଦେ ବୟ୍‌ଜାଲ୍‌ ହଃକାଉତି ରିଲାର୍‌ ଦଃକ୍‌ଲା । ବଃଲେକ୍‌ ସେମଃନ୍ ମାଚୁଆ ରିଲାୟ୍‌ । 
\v 17 ଜିସୁ ସେମଃନ୍‌କେ କୟ୍‌ଲା, “ମର୍‌ ହଃଚେ ଆସା, ମୁଁୟ୍‌ ତୁମିମଃନ୍‌କେ ନଃର୍‌ମଃନ୍‌କେ ମାପ୍ରୁର୍‌ ଲଃଗେ ଆଣୁକେ ସିକାୟ୍‌ନ୍ଦ୍ ।” 
\v 18 ସେଦାହ୍ରେ ସେମଃନ୍ ତାକାର୍‌ ଜାଲ୍‌ ଚାଡ୍‌ଲାୟ୍‌ ଆର୍‌ ଜିସୁର୍‌ ହଃଚେ ଗଃଲାୟ୍‌ । 
\v 19 ଜିସୁ କଃଣ୍ଡେକ୍‌ ଦୁରିକ୍‌ ଗଃଲା ହଃଚେ, ସେ ଜେବଦିର୍‌ ହୟ୍‌ସି ଜାକୁବ ଆର୍‌ ତାର୍‌ ବାୟ୍‌ସି ଜହନ୍‌କେ ଦଃକ୍‌ଲା । ସେମଃନ୍ ଡଙ୍ଗାୟ୍‌ ଜାଲ୍‌ ହଃଜାଳ୍‌ତି ରିଲାୟ୍‌ । 
\v 20 ସେଦାହ୍ରେ ଜିସୁ ସେମଃନ୍‌କେ କୁଦ୍‌ଲା, ଆର୍‌ ସେମଃନ୍ ତାକାର୍‌ ଉବାସି ଜେବଦିକ୍‌ ବୁତ୍ୟାର୍‌ ଲକାର୍‌ ସଃଙ୍ଗ୍ ଡଙ୍ଗାୟ୍‌ ଚାଡ୍‌ଲାୟ୍‌ ଆର୍‌ ତାର୍‌ ହଃଚେ ହଃଚେ ଗଃଲାୟ୍‌ ।
\s ଜିସୁ ବୁତ୍‌ ଦଃର୍ଲା ଲକ୍‌କେ ଉଜ୍‌ କଃଲା
\r (ଲୁକ ୪:୩୧-୩୭)
\p
\v 21 ତାର୍‌ହଃଚେ ଜିସୁ ଆର୍‌ ଚେଲାମଃନ୍ କପୁର୍ନାହୁମ୍‌ ଗଃଳେ ଗଃଳାୟ୍‌, ଆର୍‌ ଜିସୁ ଜିଉଦିମଃନାର୍‌ ବିସାଉଁଣିବାର୍‌ ଦିନ୍ ତାକାର୍‌ ପାର୍ତ୍‌ନା ଗଃରେ ହୁର୍ଲା ଆର୍‌ ସିକ୍ୟା ଦେଉଁକେ ଦଃର୍ଲା । 
\v 22 \x + \xo ୧:୨୨ \xo*\xt ମାତି ୭:୨୮,୨୯.\xt*\x*ଜିସୁର୍‌ ସିକ୍ୟା ସୁଣିକଃରି ସେତିର୍‌ ଲକ୍‌ମଃନ୍ କାବା ଅୟ୍‌ଲାୟ୍‌, କାୟ୍‌ତାକ୍‌ବଃଲେକ୍‌ ଜିସୁ ଦଃର୍ମ୍‌ ଗୁରୁମଃନାର୍‌\f + \fr ୧:୨୨ \fr*\ft ସାସ୍ତ୍ରି-ଦଃର୍ମ ସାସ୍ତର୍‌ ସିକାଉତା ଲକ୍‌ ।\ft*\f* ହର୍‌ ସିକ୍ୟା ନଃଦେୟ୍‌ କଃରି ଅଃଦିକାର୍‌ ହାୟ୍‌ଲା ଲକାର୍‌ ହର୍‌ ସିକ୍ୟା ଦେତିରିଲା ।
\p
\v 23 ସଃଡେବଃଳ୍‌ ଜିଉଦିମଃନାର୍‌ ପାର୍ତ୍‌ନା ଗଃରେ ବିଟାଳ୍‌ ଆତ୍ମା ଡସି ରିଲା ଲକ୍‌ ରିଲା, ସେ ଆଉଲି ଅୟ୍‌କଃରି କୟ୍‌ଲା, 
\v 24 “ଏ ନାଜରିତ୍‌ ବଃସ୍ତିର୍‌ ଜିସୁ ତୁୟ୍‌ ଅଃମାର୍‌ ତଃୟ୍‌ ହୁଣି କାୟ୍‌ରି ମଃନ୍‌କଃରୁଲିସ୍‌ ? ତୁୟ୍‌ କାୟ୍‌ ଅଃମିକ୍‌ ନାସ୍‌ କଃରୁକେ ଆସି ଆଚ୍‌ସି ? ତୁୟ୍‌ କେ ମୁଁୟ୍‌ ଜାଣି ଆଚି, ତୁୟ୍‌ ଇସ୍ୱରାର୍‌ ଗଟେକ୍‌ ପବିତ୍ର ମାନାୟ୍‌ ।”
\p
\v 25 ଜିସୁ ତାକ୍‌ ଦଃକା ଦଃୟ୍‌କଃରି କୟ୍‌ଲା, “ତୁନ୍‌ହାଳ୍‌, ଆର୍‌ ଇମାନାୟ୍‌ ତଃୟ୍‌ହୁଣି ବାରାୟ୍‌ ଜାଆ ।”
\p
\v 26 ତାର୍‌ହଃଚେ ସେ ବୁତ୍‌ ସେମାନାୟ୍‌କେ ମଳିକଃରି ତଃଳେ ଅଦ୍ରାୟ୍‌ଲି ଆର୍‌ ଆଉଲି ଅୟ୍‌ ତାର୍‌ ତଃୟ୍‌ହୁଣି ବିଟାଳ୍‌ ଆତ୍ମା ବାରାୟ୍‌ ଗଃଲି । 
\v 27 ଇରି ଦଃକିକଃରି ସେତିର୍‌ ଲକ୍‌ମଃନ୍ ବଃଡେ କାବା ଅୟ୍‌ଲାୟ୍‌ ଆର୍‌ ତାକାର୍‌ ବିତ୍ରେ କଃଉଆକଇ ଅଃଉଁକେ ଦଃର୍ଲାୟ୍‌, “ଇରି କାୟ୍‌ରି ? ଇରି ତ ଅଃଦିକାର୍‌ ହାୟ୍‌ଲା ନଃଉଆଁ ସିକ୍ୟା ଦେଉଁଲା ଆର୍‌ ସେ ବୁତ୍‌ମଃନ୍‌କେ ହେଁ ଆଦେସ୍‌ ଦେଉଁଲା, ଆର୍‌ ସେମଃନ୍ ତାର୍‌ ବଲ୍‌ ମାନୁଲାୟ୍‌ ।”
\p
\v 28 ତାର୍‌ହଃଚେ ଜିସୁର୍‌ କଃତା ଗାଲିଲି ରାଜିର୍‌ ଚାରିହାକ୍‌ ଉର୍ଜି ଅୟ୍‌ଲି ।
\s ଜିସୁ ଗାଦି ଲକ୍‌ମଃନ୍‌କେ ଉଜ୍‌ କଃଲା
\r (ମାତି ୮:୧୪-୧୭; ଲୁକ ୪:୩୮-୪୧)
\p
\v 29 ତାର୍‌ହଃଚେ ଜିସୁ ଆର୍‌ ତାର୍‌ ଚେଲାମଃନ୍ ପାର୍ତ୍‌ନା ଗଃରେ ହୁଣି ବାରାୟ୍‌ ଜାକୁବକ୍‌ ଆର୍‌ ଜହନ୍‌ ସଃଙ୍ଗ୍ ମିସି ସଃଳ୍‌କେ ସିମନ୍ ଆର୍‌ ଆନ୍ଦ୍ରିଅର୍‌ ଗଃରେ ଗଃଲାୟ୍‌ । 
\v 30 ସେ ଗଃରେ ସିମନାର୍‌ ସଃତୁର୍ସି ଜଃରାର୍‌ ଗିନେ ଟାଟାୟ୍‌ ଡୁଳି ରିଲି, ସେତାର୍‌ଗିନେ ଚେଲାମଃନ୍ ସିମନାର୍‌ ସଃତୁର୍ସି ଜଃରୁଲି ବଃଲି ଜିସୁକେ ସେଦାହ୍ରେ କୟ୍‌ଲାୟ୍‌ । 
\v 31 ଜିସୁ ତାର୍‌ ଲଃଗେ ଗଃଲା ଆର୍‌ ତାର୍‌ ଆତେ ଦଃରି ତାକ୍‌ ଉଟାୟ୍‌ଲା, ସେଦାହ୍ରେ ତାର୍‌ ଜଃର୍‌ ଚାଡ୍‌ଲି ଆର୍‌ ସେ ସେମଃନ୍‌କେ କାଉଁକେ ହିଉଁକ୍‌ ଦଃୟ୍‌କଃରି, ତାକାର୍‌ ସେବା କଃରୁକେ ଦଃର୍ଲି ।
\p
\v 32 ବେଳ୍‌ ବୁଡି ସଃଞ୍ଜ୍ ଅୟ୍‌ଲାକ୍‌, ଲକ୍‌ମଃନ୍ ଜଃର୍‌ଦୁକାର୍‌ ଆର୍‌ ବୁତ୍‌ ଡଃସ୍‌ଲାର୍‌ ସଃବୁ ଲକ୍‌ମଃନ୍‌କେ ଜିସୁର୍‌ ଲଃଗେ ଆଣୁକେ ଦଃର୍ଲାୟ୍‌ । 
\v 33 ସେ ଗଃଳାର୍‌ ସଃବୁ ଲକ୍‌ମଃନ୍ ଜିସୁ ରିଲା ଗଃରାର୍‌ ଦୁଆର୍‌ ଚଃମେ ରୁଣ୍ଡ୍‌ଲାୟ୍‌ । 
\v 34 ସଃଡେବଃଳ୍‌ ଜିସୁ ବିନ୍‌ବିନ୍‌ ଜଃର୍‌ ଦୁକାୟ୍‌ ହଃଳିରିଲା ଲକ୍‌ମଃନ୍‌କେ ଉଜ୍‌ କଃଲା । ଜିସୁ ବୁତ୍‌ ଡଃସିରିଲା ଗାଦେକ୍‌ ଲକ୍‌ମଃନ୍‌କେ ହେଁ ଉଜ୍‌ କଃଲା, ଜିସୁ କେ ବଃଲି ଦୁତ୍‌ମଃନ୍ ଚିନ୍‌ତି ରିଲାୟ୍‌ ସେତାର୍‌ଗିନେ ଜିସୁ ସେ ବୁତ୍‌ମଃନ୍‌କେ କାୟ୍‌ରି ହେଁ କଃଉଁକେ ନଃଦିଲା ।
\s ଜିସୁ ଗାଲିଲି ରାଜାୟ୍‌ ପର୍ଚାର୍‌ କଃଲା
\r (ଲୁକ ୪:୪୨-୪୪)
\p
\v 35 ତାର୍‌ ଆର୍‌କ ଦିନାର୍‌ ଉଟ୍‌ଲା ସଃକାଳ୍‌ ଜିସୁ ଅଃନ୍ଦାର୍‌ ଅଃନ୍ଦାର୍‌ ଉଟି, ଗଟେକ୍‌ ସିଣିନ୍ଦ୍ ଟାଣେ ଗଃଲା ଆର୍‌ ସେତି ପାର୍ତ୍‌ନା କଃରୁକେ ଦଃର୍ଲା । 
\v 36 ସଃଡେବଃଳ୍‌ ସିମନ୍ ଆର୍‌ ତାର୍‌ ସଃଙ୍ଗୁଆଳିମଃନ୍ ତାକ୍‌ ଲଳୁକ୍‌ ଦଃର୍ଲାୟ୍‌ । 
\v 37 ଜଃଡେବଃଳ୍‌ ସେମଃନ୍ ଜିସୁକେ ବେଟ୍‌ ହାୟ୍‌ଲାୟ୍‌, ସେମଃନ୍ କୟ୍‌ଲାୟ୍‌, “ସଃବୁ ଲକ୍‌ମଃନ୍ ତକେ ଲଳୁଲାୟ୍‌ ।”
\p
\v 38 ମଃତର୍‌ ଜିସୁ ସେମଃନ୍‌କେ କୟ୍‌ଲା, “ଅଃମିମଃନ୍‌ ଇ ଚଃମାର୍‌ ବିନ୍‌ବିନ୍‌ ଗାଉଁଏମଃନ୍‌ ଜୁଆଁ, ଜଃନ୍‌କଃରି ସେ ଗାଉଁଏ ହେଁ ମୁଁୟ୍‌ ସିକ୍ୟା ଦେଉଁ ହାରି, କାୟ୍‌ତାକ୍‌ବଃଲେକ୍‌ ମୁଁୟ୍‌ ଇତାର୍‌ ଗିନେ ଆସି ଆଚି ।”
\p
\v 39 \x + \xo ୧:୩୯ \xo*\xt ମାତି ୪:୨୩; ୯:୩୫.\xt*\x*ତାର୍‌ହଃଚେ ସେ ଗାଲିଲି ଗଃଳାର୍‌ ସଃବୁହାକ୍‌ ବୁଲ୍‌ଲା ଆର୍‌ ପାର୍ତ୍‌ନା ଗଃରେମଃନ୍ ସିକ୍ୟା ଦିଲା ଆର୍‌ ବୁତ୍‌ମଃନ୍‌କେ ଚାଡାୟ୍‌ଲା ।
\s ଜିସୁ ଗଟେକ୍‌ ବଃଡ୍ ରଗ୍ୟାକେ ନିକ କଃଲା
\r (ମାତି ୮:୧-୪; ଲୁକ ୫:୧୨-୧୬)
\p
\v 40 ଗଟେକ୍‌ ବଃଡ୍‌ ରଗି ଆୟ୍‌ଲା, ଆର୍‌ ଜିସୁର୍‌ ମୁଏଁ ମାଣ୍ଡିକୁଟା ଟେସି ହାଦେଡୁଳି ଗଃଉଆରି କଃରି କୟ୍‌ଲା, “ତୁୟ୍‌ ମଃନ୍ କଃଲେକ୍‌ ମକ୍‌ ଉଜ୍‌ କଃରୁ ହାର୍ସି ।”\f + \fr ୧:୪୦ \fr*\ft ବଃଡ୍ ରଗ୍ ଅୟ୍‌ଲା ଜିଉଦି ଲକ୍‌, ମାପ୍ରୁର୍‌ ହୁଜା ବିଦି କଃରୁ ନଃହାର୍‌ତି ରିଲା, କାୟ୍‌ତାକ୍‌ବଃଲେକ୍‌ ଜିଉଦିମଃନ୍ ବଃଡ୍ ରଗ୍‌କେ ବିଟାଳ୍‌ ବଃଲି ମାନ୍‌ତି ରିଲାୟ୍‌ ।\ft*\f*
\p
\v 41 ଜିସୁ ତାର୍‌ ଉହ୍ରେ ଦଃୟା ଦଃକାୟ୍‌ଲା ଆର୍‌ ଆତ୍‌ ଲାମାୟ୍‌ ତାକ୍‌ ଚୁୟ୍‌କଃରି କୟ୍‌ଲା, “ମୁଁୟ୍‌ ମଃନ୍‌ କଃରୁଲେ ତୁୟ୍‌ ଉଜ୍‌ ଅଃଉ !” 
\v 42 ଆର୍‌ ସେଦାହ୍ରେ ସେମାନାୟ୍‌ର୍‌ ବଃଡ୍‌ ରଗ୍ ଚାଡ୍‌ଲି, ଆର୍‌ ସେ ଉଜ୍‌ ଅୟ୍‌ଲା । 
\v 43 ଜିସୁ ସେମାନାୟ୍‌କେ ଜଃଉଁକେ କୟ୍‌ଲା, ମଃତର୍‌ ତାକ୍‌ ଜଃଗ୍ରାତ୍‌ କଃରାୟ୍‌ କୟ୍‌ଲା, 
\v 44 “ମୁଁୟ୍‌ ତର୍‌ ଗିନେ ଜାୟ୍‌ରି କଃଲେ, ସେ କଃତା କାକେ ହେଁ କଃଉନାୟ୍‌, ମଃତର୍‌ ଜାଆ ଆର୍‌ ଜାଜକ୍‌କେ\f + \fr ୧:୪୪ \fr*\ft “ଜାଜକ୍‌” ଜିଉଦିମଃନାର୍‌ ବିଦି ହଃର୍କାରେ ଲକ୍‌ମଃନାର୍‌ ଗିନେ ହୁଜା କଃର୍ତା ଲକ୍‌ ।\ft*\f* ଦଃକାଉ, ଆର୍‌ ତକେ ନିର୍ମୁଳ୍‌ କଃରା ଅୟ୍‌ଆଚେ ବଃଲି ଲକ୍‌ମଃନାର୍‌ ଚଃମେ ସାକି ଦେଉଁକେ, ମସାର୍‌ ବିଦି ହଃର୍କାରେ ଦାନ୍‌ ଦେସ୍‌ ।”
\p
\v 45 ମଃତର୍‌ ସେମାନାୟ୍‌ ବାରାୟ୍‌ ଗଃଲା ଆର୍‌ ସେକଃତା ସଃବୁ ହାକ୍‌ କଃଉଁକେ ଦଃର୍ଲା, ସେ ଇବାନ୍ୟା ପର୍ଚାର୍‌ କଃଲା ଜେ, ଜିସୁ କୁୟ୍‌ ଗଃଳେ ହେଁ ଦଃକ୍‌ଣେ ଜଃଉଁକେ ନଃହାର୍‌ଲା; ମଃତର୍‌ ସେ ଲକ୍‌ବାକ୍‌ ନୟ୍‌ଲା ଟାଣେ ରେଉଁକ୍‌ ଦଃର୍ଲା, ମଃତର୍‌ ଚାରିହାକାର୍‌ ଲକ୍‌ମଃନ୍ ତାର୍‌ ଟାଣେ ଆସୁକ୍‌ ଦଃର୍ଲାୟ୍‌ ।
\c 2
\s ଜିସୁ ଏକ୍‌ଅଃଙ୍ଗି ରଗିକ୍‌ ଉଜ୍‌ କଃଲା
\r (ମାତି ୯:୧-୮; ଲୁକ ୫:୧୭-୨୬)
\p
\v 1 କଃତି ଦିନାର୍‌ ହଃଚେ ଜିସୁ କପୁର୍ନାହୁମ୍‌ ଗଃଳେ ସେ ଜୁୟ୍‌ ଗଃଳେ ରେତି ରିଲା ସେ ଗଃରେ ବାଉଳି ଆୟ୍‌ଲା, ଆର୍‌ ଜିସୁ ଗଃରେ ଆଚେ ବଃଲି କବୁର୍‌ ଚାରିହାକ୍‌ ଉର୍ଜି ଅୟ୍‌ଲି । 
\v 2 ସେତି ଗାଦି ଲକ୍‌ ରୁଣ୍ଡ୍‌ଲାୟ୍‌, ବାଟ ଦୁଆର୍‌ ମୁଣ୍ଡାୟ୍‌ ହେଁ ଟାଣ୍ ନଃରିଲି, ଜିସୁ ସେମଃନ୍‌କେ ଇସ୍ୱରାର୍‌ କଃତା କଃଉତି ରିଲା । 
\v 3 ସଃଡେବଃଳ୍‌ ଗଟ୍‌ ଏକ୍‌ଅଃଙ୍ଗି ରଗିକେ ଚାରିଲକ୍‌ ବୟ୍‌କଃରି ଜିସୁର୍‌ ଲଃଗେ ଆଣ୍‌ଲାୟ୍‌ । 
\v 4 ଟେଲାକୁର୍ଚା ଲକ୍‌ ମଃନ୍ଦାର୍‌ ଗିନେ ଜିସୁର୍‌ ଚଃମେ ଆଣୁ ନଃହାର୍‌ଲାକ୍‌ ଜିସୁ ଜୁୟ୍‌ତି ଟିଅୟ୍‌ ରିଲା, ସେ ସଃଳ୍‌କେ ଚାନି କାଣାକଃରି ରଗି ମାନାୟ୍‌ ସୟ୍‌ରିଲା ଟାଟି ତଃୟ୍‌ ଉତ୍ରାୟ୍‌ଲାୟ୍‌ । 
\v 5 ଜିସୁ ସେ ଲକ୍‌ମଃନାର୍‌ ବିସ୍ୱାସ୍‌ ଦଃକି ଏକ୍‌ଅଃଙ୍ଗି ରଗିକ୍‌ କୟ୍‌ଲା, “ଏ ହିଲା ତର୍‌ ହାହ୍‌ ସଃବୁ କେମା କଃରା ଅୟ୍‌ଲି ।”
\p
\v 6 କଃତେକ୍‌ ଦଃର୍ମ୍‌ଗୁରୁ ମଃନ୍‌ ବଃସିକଃରି ସେମଃନାର୍‌ ବିତ୍ରେ ମଃନେ ବାବ୍‌ଲାୟ୍‌, 
\v 7 “ଇମାନାୟ୍‌ କାୟ୍‌ତାକ୍‌ ଇବାନ୍ୟା କଃଉଁଲା ? ସେ ଇସ୍ୱରାର୍‌ ଲିନ୍ଦା କଃରୁଲା ! ମାପ୍ରୁକ୍‌ ଚାଡି କେହେଁ ହାହ୍‌ କେମା କଃରୁ ନଃହାରେ ।”
\p
\v 8 ଜିସୁ ସେମଃନାର୍‌ ମଃନ୍‌ ବିତ୍ରାର୍‌ ବାବ୍‌ନା ଆତ୍ମା ତଃୟ୍‌ ଜାଣୁ ହାରି, ସେମଃନ୍‌କେ କୟ୍‌ଲା, “ତୁମି କାୟ୍‌ତାକ୍‌ ଇରଃକମ୍‌ ମଃନେ ବାବୁଲାସ୍‌ ? 
\v 9 କାୟ୍‌ରି ଉହାସ୍‌ ? ଏକ୍‌ଅଃଙ୍ଗି ରଗିକ୍‌, ‘ତର୍‌ ହାହ୍‌ କେମା କଃରା ଅୟ୍‌ଲି,’ ବଃଲି କଃଉତାର୍‌, କି, ‘ଉଟ୍‌, ତର୍‌ ସୟ୍‌ରିଲା କଃଟ୍‌ ଦଃରିକଃରି ଜାଆ,’ ବଃଲି କଃଉତାର୍‌ ? 
\v 10 ମଃତର୍‌ ହୁର୍ତିବି ଉହ୍ରେ ହାହ୍‌ କେମା କଃର୍ତା ଅଃଦିକାର୍‌ ନଃରାର୍‌ ହୟ୍‌ସି ଜେ ମୁଁୟ୍‌, ମର୍‌ ଅଃଦିକାର୍‌ ଆଚେ, ଇରି ଜଃନ୍‌କଃରି ତୁମି ଜାଣୁ ହାରାସ୍‌ ।” ଇତାକ୍‌ ଏକ୍‌ଅଃଙ୍ଗି ରଗିକ୍‌ ଜିସୁ ଇ କଃତା କୟ୍‌ଲା, 
\v 11 “ମୁଁୟ୍‌ ତକେ କଃଉଁଲେ, ଉଟ୍‌ ତର୍‌ କଃଟ୍‌ ବୟ୍‌ ଗଃରେ ଜାଆ !” 
\v 12 ଜିସୁ କୟ୍‌ଲା ଦାହ୍ରେ କଃଟ୍‌ ବୟ୍‌ ସଃବୁ ଲକାର୍‌ ମୁୟେ ସେମାନାୟ୍‌ ବାରାୟ୍‌ ଗଃଲା । ଇରି ସବୁ ଲକ୍‌ମଃନ୍ ଦଃକି କାବା ଅୟ୍‌ଲାୟ୍‌ ଆର୍‌ ଇସ୍ୱରାର୍‌ ଗୁଣ୍‌ ଗାୟ୍‌ଲାୟ୍‌ ଆର୍‌ କୟ୍‌ଲାୟ୍‌, “ଅଃମି କଃବେହେଁ ଅଃନ୍‌କାର୍‌ ଦଃକି ନଃରିଲୁ ।”
\s ଜିସୁ ଲେବିକେ କୁଦ୍‌ଲା
\r (ମାତି ୯:୯-୧୩; ଲୁକ ୫:୨୭-୩୨)
\p
\v 13 ଜିସୁ ଆରେକ୍‌ ଗାଲିଲି ସଃମ୍‌ନ୍ଦ୍ କଣ୍ଡି ବାଟ ବାରାୟ୍‌ ଗଃଲା, ଆର୍‌ ଅଲେକାର୍‌ ଲକ୍‌ ତାର୍‌ ହାକ୍‌ ଆୟ୍‌ଲାୟ୍‌, ଆର୍‌ ଜିସୁ ସିକ୍ୟା ଦେଉଁକେ ଦଃର୍‌ଲା । 
\v 14 ଜିସୁ ଜଃଉଁ ଜଃଉଁ ଆଲ୍‌ପିଅର୍‌ ହଇସି ଲେବିକେ ତାର୍‌ ରିବ୍‌ନି ବଃଙ୍ଗ୍‌ଲାୟ୍‌ ବଃସିରିଲାର୍‌ ଦଃକ୍‌ଲା । ଆର୍‌ ତାକେ କୟ୍‌ଲା, “ମର୍‌ ହଃଚେ ଆଉ ।” ସେ ଜିସୁର୍‌ କଃତା ସୁଣ୍‌ଲା ଦାହ୍ରେ ଉଟି ତାର୍‌ ହଃଚେ ଗଃଲା ।
\p
\v 15 ହଃଚେ ଜିସୁ ଲେବି ବଃଉଁସାର୍‌ ଗଃରେ କାଉଁକେ ବଃସ୍‌ଲା ବଃଳ୍‌ ଗାଦେକ୍‌ ରିବ୍‌ନି, ହାହି ଆର୍‌ ଚେଲାମଃନ୍ ହେଁ ସଃଙ୍ଗେ ବଃସ୍‌ଲାୟ୍‌ । ସେମଃନ୍ ଗାଦା ଲକ୍‌ ରିଲାୟ୍‌ ଆର୍‌ ତାର୍‌ ସଃଙ୍ଗେ ବୁଲ୍‌ତି ରିଲାୟ୍‌ । 
\v 16 ଜିସୁ ହାହି ଆର୍‌ ରିବ୍‌ନି ମଃନାର୍‌ ସଃଙ୍ଗେ ବଃସି କାତାର୍‌ ଦଃକି ପାରୁସି ଦଃଳାର୍‌ ଦଃର୍ମ୍‌ ଗୁରୁମଃନ୍‌ ତାର୍‌ ଚେଲାମଃନ୍‌କେ କଃଉଁକେ ଦଃର୍ଲାୟ୍‌, “ଜିସୁ ରିବ୍‌ନି ଆର୍‌ ହାହିମଃନାର୍‌ ସଃଙ୍ଗେ କାୟ୍‌ତାକ୍‌ କାଉଁଲା ?” 
\v 17 ଜିସୁ ସେମଃନାର୍‌ କଃଉତାର୍‌ ସୁଣି କୟ୍‌ଲା, “ଜୁୟ୍‌ ମାନାୟ୍‌ ଉଜ୍‌ ଅୟ୍‌ଆଚେ ତାର୍‌ ଗିନେ ବୟ୍‌ଦ୍‌କାରି ଲଳା ନାୟ୍‌, ମଃତର୍‌ ଜୁୟ୍‌ ମାନାୟ୍‌ ମଃଳୁ ହଃଳି ଆଚେ ତାର୍‌ ଗିନେ ଲଳା । ମୁୟ୍‌ଁ ଦଃର୍ମି ଲକ୍‌ମଃନ୍‌କେ କୁଦୁକ୍‌ ନାସି, ମଃତର୍‌ ହାହିମଃନାର୍‌ ଗିନେ ଆସି ଆଚି ।”
\s ଉହାସ୍‌ କଃର୍ତା କଃତା
\r (ମାତି ୯:୧୪-୧୭; ଲୁକ ୫:୩୩-୩୯)
\p
\v 18 ଜହନାର୍‌ ଚେଲାମଃନ୍ ଆର୍‌ ପାରୁସିମଃନ୍ ଉହାସ୍‌ କଃର୍ତି ରିଲାୟ୍‌, ସେତାର୍‌ ଗିନେ କଃତେକ୍‌ ଲକମଃନ୍ ଆୟ୍‌ଲାୟ୍‌ ଆର୍‌ ଜିସୁକେ ହଃଚାର୍ଲାୟ୍‌, “ଜହନାର୍‌ ଚେଲାମଃନ୍ ଆର୍‌ ପାରୁସିମଃନ୍ ଉହାସ୍‌ କଃରୁଲାୟ୍‌, ମଃତର୍‌ ତର୍‌ ଚେଲାମଃନ୍ କାୟ୍‌ତାକ୍‌ ଉହାସ୍‌ ନଃକେରୁଲାୟ୍‌ ?” 
\v 19 ଜିସୁ ସେମଃନ୍‌କେ କୟ୍‌ଲା, “ବଃରଗଚ୍ୟାମଃନ୍ ବଃରସଃଙ୍ଗ୍ ବିବା ଗଃରେ ରେତା ବଃଳ୍‌ ସେମଃନ୍ କାୟ୍‌ତାକ୍‌ ଉହାସ୍‌ କଃର୍ତି ? ବଃର ଜଃଡେବଃଳ୍‌ ହଃତେକ୍‌ ସେମଃନାର୍‌ ସଃଙ୍ଗେ ରଃୟ୍‌ଦ୍‌, ସଃଡେବଃଳ୍‌ ହଃତେକ୍‌ ସେମଃନ୍ ଉହାସ୍‌ କଃରୁକେ ନଃହାର୍‌ତି । 
\v 20 ମଃତର୍‌ ବେଳା ଆସେଦ୍‌, ଜଃଡେବଃଳ୍‌ ବଃର ଦଃଙ୍ଗ୍‌ଳାକେ ସେମଃନାର୍‌ ତଃୟ୍‌ହୁଣି କାଡି ନିଆ ଅୟ୍‌ଦ୍‌, ସଃଡେବଃଳ୍‌ ସେମଃନ୍ ଉହାସ୍‌ କଃର୍ତି ।”
\p
\v 21 “କେହେଁ ନଃଉଆଁ ହଃଚ୍ୟାର୍‌ ହାଟ୍‌ଳି କଃଣ୍ଡେକ୍‌ ଚିରି ହଃର୍ନା ହଃଚ୍ୟାୟ୍‌ ମିସାୟ୍‌ ନଃତୁନ୍ତି, ତୁନ୍‌ଲେକ୍‌ ନଃଉଁଆରି ହଃର୍ନା ତାକ୍‌ ଅଃଦିକ୍‌ ଚିରେଦ୍‌, ଆର୍‌ ଅଃଦିକ୍‌ ହାଟାୟ୍‌ଦ୍‌ । 
\v 22 ସେବାନ୍ୟା କେହେଁ ନଃଉଆଁ ଅଙ୍ଗୁର୍‌ ରଃସ୍‌ ହଃର୍ନା ଚାମ୍‌ ମଣାୟ୍‌ ନଃସେଙ୍ଗାଉତି, ସଃଙ୍ଗାୟ୍‌ଲେକ୍‌ ସେରି ମଣାକେ ହାଟାୟ୍‌ଦ୍‌, ଆରେକ୍‌ ଅଙ୍ଗୁର୍‌ ରଃସ୍‌ ଆର୍‌ ଚାମ୍‌ମଣା ମିସ୍‌ଣେ ନଃସ୍ଟ୍‌ ଅୟ୍‌ଦ୍‌ । ମଃତର୍‌ ନଃଉଆଁ ଅଙ୍ଗୁର୍‌ ରଃସ୍‌ ନଃଉଆଁ ଚାମ୍‌ମଣାୟ୍‌ ସଃଙ୍ଗାୟ୍‌ବାର୍‌ ଆଚେ ।” \fig ଚାମ୍‌ଳା ମଃଦ୍‌ମଣା|alt="Wineskin bag" src="lb00145c.tif" size="col" copy="Horace Knowles ©" ref="2:22"\fig*
\s ବିସାଉଁଣି ବାରାର୍‌ କଃତା
\r (ମାତି ୧୨:୧-୮; ଲୁକ ୬:୧-୫)
\p
\v 23 ବିସାଉଁଣିବାର୍‌ ଦିନ୍ ଜିସୁ ଆର୍‌ ତାର୍‌ ଚେଲାମଃନ୍ ତାସ୍‌ ହଃଦା ବାଟ୍‌ଅୟ୍‌ ଜାତିରିଲାୟ୍‌ । ଜଃଉଁ ଜଃଉଁ ତାର୍‌ ଚେଲାମଃନ୍ ତାସ୍‌ କେଡ୍ ଚିଡାଉଁକେ ଦଃର୍ଲାୟ୍‌ । 
\v 24 ସେତାର୍‌ ଗିନେ ପାରୁସିମଃନ୍ ଜିସୁକେ କୟ୍‌ଲାୟ୍‌, “ଦଃକ୍‌ ତର୍‌ ଚେଲାମଃନ୍ ବିସାଉଁଣିବାର୍‌ ଦିନ୍ ଜୁୟ୍‌ରି କଃର୍ତା ବିଦି ନାୟ୍‌ କାୟ୍‌ତାକ୍‌ ସେରିମଃନ୍ କଃରୁଲାୟ୍‌ ?” 
\v 25 ଜିସୁ ସେମଃନ୍‌କେ କୟ୍‌ଲା, “କାଦି ଲଳାରିଲା ବଃଳ୍‌ ଦାଉଦ୍‌ ଆର୍‌ ତାର୍‌ ସଃଙ୍ଗୁଆଳିମଃନ୍ ବୁକେ ରିଲାୟ୍‌, ସଃଡେବଃଳ୍‌ ଦାଉଦ୍‌ କାୟ୍‌ କଃରିରିଲା, ସେରି କାୟ୍‌ ତୁମିମଃନ୍ କଃବେହେଁ ନଃହଳାସ୍‌ ? 
\v 26 ଅବିଆତର୍‌ ମୁଳ୍‌ ଜାଜକ୍‌ ବଃଳ୍‌ ଦାଉଦ୍‌ କଃନ୍‌କଃରି ଇସ୍ୱରାର୍‌ ଗଃରେ ହୁରି, ଜୁୟ୍‌ ମାପ୍ରୁର୍‌ ରୁଟି ଜାଜକ୍‌ମଃନ୍‌କେ ଚାଡି କେହେଁ କାତା ବିଦି ନାୟ୍‌, ମଃତର୍‌ ଦାଉଦ୍‌ ସେରି କାୟ୍‌ଲା ଆର୍‌ ତାର୍‌ ସଃଙ୍ଗୁଆଳିମଃନ୍‌କେ ଦଃୟ୍‌ରିଲା ।” 
\v 27 ଆର୍‌ ଜିସୁ ସେମଃନ୍‌କେ କୟ୍‌ଲା, “ବିସାଉଁଣିବାର୍‌ ମାନାୟ୍‌ମଃନାର୍‌ ଗିନେ ଅୟ୍‌ଆଚେ, ମଃତର୍‌ ମାନାୟ୍‌ମଃନାର୍‌ ଗିନେ ନାୟ୍‌ । 
\v 28 ସେତାର୍‌ ଗିନେ ନଃରାର୍‌ ହୟ୍‌ସି ହେଁ ବିସାଉଁଣିବାର୍‌ ମାପ୍ରୁ ।”
\c 3
\s ଜିସୁ ଆତ୍‌ ସୁକିରିଲା ମାନାୟ୍‌କେ ନିକ କଃଲା
\r (ମାତି ୧୨:୯-୧୪; ଲୁକ ୬:୬-୧୧)
\p
\v 1 ଜିସୁ ଆରେକ୍‌ ଗଟ୍‌ତର୍‌ ପାର୍ତ୍‌ନା ଗଃରେ ଗଃଲା । ସେତି ଗଟେକ୍‌ ମାନାୟ୍‌ ରିଲା, ତାର୍‌ ଆତ୍‌ ସୁକି ଜାୟ୍‌ରିଲି । 
\v 2 ଆର୍‌ ସେ କେଜାଣ୍ ବିସାଉଁଣିବାର୍‌ ଦିନ୍ ଉଜ୍‌ କଃରେଦ୍‌ କି ନାୟ୍‌ ବଃଲି କଃତେକ୍‌ ଲକ୍‌ମଃନ୍ ଦଃକ୍‌ତି ରିଲାୟ୍‌; ଜଃନ୍‌କଃରି ସେ ଲକ୍‌ମଃନ୍ ତାକ୍‌ ଦଃସ୍‌ ଦଃରୁ ହାର୍ତି । 
\v 3 ଜିସୁ ଆତ୍‌ ସୁକି ରିଲା ମାନାୟ୍‌କେ କୟ୍‌ଲା, “ଆଉ ମଃଜାୟ୍‌ ଟିଆ ଅଃଉ ।” 
\v 4 ତାର୍‌ହଃଚେ ଜିସୁ ଲକ୍‌ମଃନ୍‌କେ କୟ୍‌ଲା, “ବିସାଉଁଣିବାର୍‌ ଦିନ୍ କାୟ୍‌ କଃର୍ତା ବିଦି ? ବଃଲ୍‌ କାମ୍‌ କଃର୍ତାର୍‌ କି କଃରାବ୍‌ କଃର୍ତାର୍‌ ? ଗଟ୍‌ ଲକାର୍‌ ଜିବନ୍ ବଚାଉତାର୍‌, କି ଗଟ୍‌ ଲକାର୍‌ ଜିବନ୍ ନଃସ୍ଟ୍‌ କଃର୍ତାର୍‌ ?” ମଃତର୍‌ ସେ ଲକ୍‌ମଃନ୍ ତୁନ୍‌ହଃଳି ରିଲାୟ୍‌ । 
\v 5 ଜିସୁ ସେମାନାୟ୍‌ର୍‌ ଅଃଟୁଆ ମଃନ୍ ଦଃକି ମଃନ୍‌ ଦୁକ୍‌ କଃରି ଚାରିହାକ୍‌ ଦଃକ୍‌ଲା, ଆର୍‌ ସେମାନାୟ୍‌କେ କୟ୍‌ଲା, “ତର୍‌ ଆତ୍‌ ଲାମାଉ ।” ସେ ଲକ୍‌ ଜିସୁର୍‌ ହାକ୍‌ ତାର୍‌ ଆତ୍‌ ଲାମାୟ୍‌ଲା ଆର୍‌ ସେଦାହ୍ରେ ତାର୍‌ ଆତ୍‌ ନିକ ଅୟ୍‌ଲି । 
\v 6 ତାର୍‌ହଃଚେ ପାରୁସିମଃନ୍ ସେତିହୁଣି ବାରାୟ୍‌ ଗଃଲାୟ୍‌, ଆର୍‌ ସେଦାହ୍ରେ ସେମଃନ୍ ହେରଦିୟ ଦଃଳାର୍‌ କଃତିଲକାର୍‌ ସଃଙ୍ଗ୍ ମିସ୍‌ଲାୟ୍‌ ଆର୍‌ ଜିସୁକେ ମଃର୍ନେ ମାରୁଆଁ ବଃଲି କୁଟ୍‌ ହାଚ୍‌ଲାୟ୍‌ ।
\s ସଃମ୍‌ନ୍ଦ୍ କଃଣ୍ଡାୟ୍‌ ଲକ୍‌ମଃନ୍ ରୁଣ୍ଡ୍‌ଲାୟ୍‌
\p
\v 7 ଜିସୁ ତାର୍‌ ଚେଲାମଃନାର୍‌ ସଃଙ୍ଗ୍ ମିସି ଗାଲିଲି ସଃମ୍‌ନ୍ଦେ ଗଃଲା । ଆର୍‌ ଗାଲିଲି ରାଜିର୍‌ ଗାଦେକ୍‌ ଲକ୍‌ମଃନ୍ ତାକାର୍‌ ହଃଚେ ଗଃଳାୟ୍‌, ଆର୍‌ ଜିଉଦାର୍‌, 
\v 8 ଜିରୁସାଲମ୍‌, ଇଦମ୍‌ ଆର୍‌ ଜର୍ଦନ୍ ଗାଡାର୍‌ ସେହାଟିର୍‌ ସର୍‌ ଆର୍‌ ସିଦନାର୍‌ ଚାରିହାକାର୍‌ ଅଲେକାର୍‌ ଲକ୍‌ ତାର୍‌ ସଃବୁ କାମ୍‌ କଃଲାର୍‌ ସୁଣି ତାର୍‌ ଟାଣେ ଆୟ୍‌ଲାୟ୍‌ । 
\v 9 \x + \xo ୩:୯ \xo*\xt ମାର୍କ ୪:୧; ଲୁକ ୫:୧-୩.\xt*\x*ସଃଡେବଃଳ୍‌ ଅଲେକାର୍‌ ଲକ୍‌ମଃନ୍ ତାର୍‌ ଉହ୍ରେ ଜଃନ୍‌କଃରି ମାଡାଚଃଗା ନଃକେର୍ତି, ସେତାର୍‌ଗିନେ ଗଟେକ୍‌ ସାନ୍ ଡଙ୍ଗା ଲଳୁକ୍‌ ଜିସୁ ଚେଲାମଃନ୍‌କେ କୟ୍‌ଲା ।\x + \xo ୩:୯\xo*\xt ମାର୍କ ୪:୧; ଲୁକ ୫:୧-୩.\xt*\x* 
\v 10 କାୟ୍‌ତାକ୍‌ବଃଲେକ୍‌ ଜିସୁ ଗାଦି ଲକ୍‌ମଃନ୍‌କେ ଉଜ୍‌ କଃରିରିଲା, ସେତାକ୍‌ ସେତି ରିଲା ରଗ୍‌ଦୁକା ଅୟ୍‌ରିଲା ଲକ୍‌ମଃନ୍ ଜିସୁକେ ଚିଉନ୍ଦ୍ ବଃଲି ମାଡାଚଃଗା ଅଃଉତି ରିଲାୟ୍‌ । 
\v 11 ଆର୍‌ ସେତି ରିଲା କଃତି ଲକ୍‌କେ ବିଟାଳ୍‌ବୁତ୍‌ ଡଃସିରିଲି, ଆର୍‌ ଜଃଡେବଃଳ୍‌ ସେ ବିଟାଳ୍‌ବୁତ୍‌ ଡଃସିରିଲା ଲକ୍‌ମଃନ୍ ଜିସୁକେ ଦଃକ୍‌ତି ରିଲାୟ୍‌, ସେମଃନ୍ ଜିସୁର୍‌ ମୁଏଁ ତଃଳେ ଡୁଳି ଆଉଲି ଅୟ୍‌କଃରି କଃଉତି ରିଲାୟ୍‌, “ତୁୟ୍‌ ଇସ୍ୱରାର୍‌ ହୟ୍‌ସି ।”
\p
\v 12 ସେତାକ୍‌ ଜିସୁ ତାର୍‌ କଃତା କାକେ ହେଁ ନଃକଃଉଁକ୍‌ ବିଟାଳ୍‌ ବୁତ୍‌ମଃନ୍‌କେ ଅଃଟୁଆ କଃରି କୟ୍‌ଲା ।
\s ଜିସୁ ବାରଗଟ୍‌ ଚେଲାମଃନ୍‌କେ ବାଚ୍‌ଲା
\r (ମାତି ୧୦:୧-୪; ଲୁକ ୬:୧୨-୧୬)
\p
\v 13 ତାର୍‌ହଃଚେ ଜିସୁ ଗଟେକ୍‌ ଡଙ୍ଗୁର୍‌ ଉହ୍ରେ ଗଃଲା, ଆର୍‌ ସେ ଜାକେ ମଃନ୍‌କଃଲା ତାକ୍‌ ତାର୍‌ ଚଃମେ କୁଦ୍‌ଲା, ଆର୍‌ ସେମଃନ୍ ତାର୍‌ ଲଃଗେ ଆୟ୍‌ଲାୟ୍‌ । 
\v 14 ଜିସୁ ସେମଃନାର୍‌ ବିତ୍ରେ ବାରଗଟ୍‌ ଚେଲାମଃନ୍‌କେ ବାଚ୍‌ଲା, ଆର୍‌ ସେମଃନ୍‌କେ ପେରିତ ବଃଲି ନାଉଁ ଦିଲା, ଆର୍‌ କୟ୍‌ଲା, “ତୁମିମଃନ୍ ମର୍‌ ସଃଙ୍ଗ୍ ରିଆସ୍‌ ଆର୍‌ ମୁଁୟ୍‌ ତୁମିମଃନ୍‌କେ ନିକ କବୁର୍‌ ପର୍ଚାର୍‌ କଃରୁକେ ହଃଟାୟ୍‌ନ୍ଦ୍ ।” 
\v 15 ଆର୍‌ ଜିସୁ ସେମଃନ୍‌କେ ବୁତ୍‌ ଚାଡାଉଁକେ ଅଃଦିକାର୍‌ ଦିଲା ।
\p
\v 16 ତାର୍‌ହଃଚେ ଜିସୁ ବାରଗଟ୍‌ ଚେଲାମଃନ୍‌କେ ବାଚ୍‌ଲା, ସିମନାର୍‌ ନାଉଁ ପିତର୍‌ ବଃଲି ଦିଲା, 
\v 17 ଜେବଦିର୍‌ ହୟ୍‌ସି ଜାକୁବ ଆର୍‌ ତାର୍‌ ବାୟ୍‌ସି ଜହନ୍‌କେ ବିନେରିଗସ୍‌, ବଃଲେକ୍‌ “ଗଃର୍ଜ୍‌ତା ମେଗାର୍‌ ହୟ୍‌ସି” ବଃଲି ନାଉଁ ଦିଲା । 
\v 18 ଆନ୍ଦ୍ରିଅ, ପିଲିପ୍, ବାର୍ତଲମି, ମାତିଉ, ତମା, ଆଲ୍‌ପିଅର୍‌ ହୟ୍‌ସି ଜାକୁବ, ତଦିୟ, କିଣାନିୟ ସିମନ୍, ଜୁୟ୍‌ ମାନାୟ୍‌ କି ଇସ୍ରାଏଲାର୍‌ ଲକ୍‌ମଃନ୍‌କେ ରମିୟ ସଃର୍କାର୍‌ ତଃୟ୍‌ହୁଣି ମୁକ୍‌ଳାଉଁକେ ମଃନ୍ କଃର୍ତିରିଲା । ଜିଉଦିମଃନାର୍‌ ବିତ୍ରେ ସେ ଏକ୍ଲା, 
\v 19 ଆର୍‌ ଇସ୍କାରିଅତ୍‌ ଜିଉଦା, ଜେ କି ଜିସୁକେ ସଃତ୍ରୁର୍‌ ଆତେ ସଃହ୍ରି ଦିଲା ।
\s ଜିସୁ ଆର୍‌ ବାଲ୍‌ଜିବୁଲ୍‌
\r (ମାତି ୧୨:୨୨-୩୨; ଲୁକ ୧୧:୧୪-୨୩; ୧୨:୧୦)
\p
\v 20 ତାର୍‌ହଃଚେ ଜିସୁ ଗଃରେ ଆୟ୍‌ଲା; ଆର୍‌ ସେତି ଗାଦା ଲକ୍‌ମଃନ୍ ରୁଣ୍ଡିରିଲାୟ୍‌, ତଃବାର୍‌ଗିନେ ଜିସୁ ଆର୍‌ ତାର୍‌ ଚେଲାମଃନ୍ କାଉଁକେ ହେଁ ନଃହାୟ୍‌ଲାୟ୍‌ । 
\v 21 ଜଃଡେବଃଳ୍‌ ଜିସୁର୍‌ ଗଃରାର୍‌ ଲକ୍‌ ଇ କଃତା ସୁଣ୍‌ଲାୟ୍‌, ସଃଡେବଃଳ୍‌ ସେମଃନ୍ ଜିସୁକେ ବାଉଳାୟ୍‌ ଆଣୁକେ ଗଃଳାୟ୍‌, କାୟ୍‌ତାକ୍‌ବଃଲେକ୍‌, “ଜିସୁର୍‌ ମୁଣ୍ଡ୍ ବଃୟା ଅୟ୍‌ଲି,” ବଃଲି ଲକ୍‌ମଃନ୍ କଃଉଆକଇ ଅଃଉତି ରିଲାୟ୍‌ ।
\p
\v 22 \x + \xo ୩:୨୨ \xo*\xt ମାତି ୯:୩୪; ୧୦:୨୫.\xt*\x*ଜିରୁସାଲମେ ହୁଣି ଆୟ୍‌ଲା ପାରୁସିମଃନ୍‌ କଃଉତି ରିଲାୟ୍‌, “ଜିସୁକେ ବୁତ୍‌ମଃନାର୍‌ ରଃଜା ବାଲ୍‌ଜିବୁଲ୍‌ ବୁତ୍‌ ଡଃସିଆଚେ, ତାର୍‌ ବଃଳେ ସେ ଲକ୍‌କେ ଡଃସିରିଲା ବୁତ୍‌ମଃନ୍‌କେ ଚାଡାଉଁଲା ।”\x + \xo ୩:୨୨\xo*\xt ମାତି ୯:୩୪; ୧୦:୨୫.\xt*\x*
\p
\v 23 ସେତାର୍‌ଗିନେ ଜିସୁ ସେମଃନ୍‌କେ ଲଃଗେ କୁଦ୍‌ଲା ଆର୍‌ ସେମଃନ୍‌କେ ଗଟେକ୍‌ କଃତା କୟ୍‌ ବୁଜାୟ୍‌ଲା, “ସୟ୍‌ତାନ୍ କଃନ୍‌କଃରି ସୟ୍‌ତାନ୍‌କେ ଚାଡାୟ୍‌ଦ୍‌ ? 
\v 24 ଗଟେକ୍‌ ରାଇଜ୍‌ ଦୁୟ୍‌ ବାଗ୍ ଅୟ୍‌ ନିଜାର୍‌ ବିରଦେ ଉଟ୍‌ଲେକ୍‌ ସେ ରାଇଜ୍‌ କଃବେ ହେଁ ତିର୍‌ ଅୟ୍‌ ରେଉଁ ନାହାରେ । 
\v 25 ଜଃବେ କୁୟ୍‌ ଗଃରାର୍‌ ଲକ୍‌ମଃନ୍ ଅଃହ୍‌ଣା ଅଃହ୍‌ଣାର୍‌ ବିତ୍ରେ ବାଗ୍ ବାଗ୍ ଅଃଉତି, ତଃବେ ସେ ଗଃର୍‌ ତିର୍‌ ଅୟ୍‌ ରେଉଁ ନାହାରେ । 
\v 26 ସେରଃକମ୍‌ ସୟ୍‌ତାନ୍‌ ଜଃଡେବଃଳ୍‌ ଅଃହ୍‌ଣାର୍‌ ବିରଦେ ଉଟେଦ୍‌, ତାର୍‌ ରାଇଜ୍‌ ତିର୍‌ ଅୟ୍‌ ରେଉଁ ନାହାରେ, ମଃତର୍‌ ସେ ନାସ୍‌ ଅୟ୍‌ଦ୍‌ ।”
\p
\v 27 “ଆରେକ୍‌ କେ ବଃଳ୍‌ବପୁ ଲକ୍‌କେ ନଃବାନ୍ଦ୍‌ଲେକ୍‌, କଃନ୍‌କଃରି ତାର୍‌ ଗଃରେ ହୁରିକଃରି ତାର୍‌ ଆସ୍ତିବାଡି ଚରି ନେଉଁ ହାରେ ? ତାକ୍‌ ହଃର୍ତୁ ବାନ୍ଦ୍‌ଲେକ୍‌ ସିନା ତାର୍‌ ଗଃର୍‌ ଚରି ନେଉଁ ହାରେ ।”
\p
\v 28 “ମୁଁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ଲକ୍‌ମଃନ୍ ଜଃତେକ୍‌ ହାହ୍‌ ଆର୍‌ ଲିନ୍ଦାକଃରି ଆଚ୍‌ତି, ସେ ସଃବୁ କେମା ଅୟ୍‌ଦ୍‌, ଆର୍‌ ଜୁୟ୍‌ ଲକ୍‌ମଃନ୍ ମାପ୍ରୁର୍‌ ବିରଦେ କଃତା କଃଉତି, ସେ ଲକ୍‌କେ କେମା କଃରା ଅୟ୍‌ଦ୍‌ । 
\v 29 \x + \xo ୩:୨୯ \xo*\xt ଲୁକ ୧୨:୧୦.\xt*\x*ମଃତର୍‌ ଜେ ପବିତ୍ର ଆତ୍ମା ବିରଦେ ଲିନ୍ଦା କଃତା କୟ୍‌ଦ୍‌, ତାକ୍‌ ସଃବୁ ଦିନାର୍‌ ହାୟ୍‌ଁ କେମା ନାୟ୍‌ । ମଃତର୍‌ ସେ ସଃବୁ ଦିନ୍‌ ହାହି ଅୟ୍‌ ରଃୟ୍‌ଦ୍‌ ।” 
\v 30 ଜିସୁ ଇବାନ୍ୟା କାୟ୍‌ତାକ୍‌ କୟ୍‌ଲା ବଃଲେକ୍‌ ଦଃର୍ମ୍‌ ସାସ୍ତ୍ରିମଃନ୍ ଜିସୁକେ ବୁତ୍‌ ଦଃରି ଆଚେ ବଃଲି କଃଉତି ରିଲାୟ୍‌ ।
\s ଜିସୁର୍‌ ଆୟ୍‌ସି ଆର୍‌ ବାୟ୍‌ସିମଃନ୍
\r (ମାତି ୧୨:୪୬-୫୦; ଲୁକ ୮:୧୯-୨୧)
\p
\v 31 ସଃଡେବଃଳ୍‌ ଜିସୁର୍‌ ଆୟ୍‌ସି ଆର୍‌ ବାୟ୍‌ସିମଃନ୍ ଆୟ୍‌ଲାୟ୍‌ ଆର୍‌ ହଃଦାୟ୍‌ ଟିଆଅୟ୍‌ ଜିସୁକେ କୁଦୁକେ କବୁର୍‌ ହଃଟାୟ୍‌ଲାୟ୍‌ । 
\v 32 ଜଃଡେବଃଳ୍‌ ଜିସୁର୍‌ ଚାରିହାକ୍‌ ଲକ୍‌ମଃନ୍ ରୁଣ୍ଡିକଃରି ବଃସିରିଲାୟ୍‌, ସେମଃନ୍ ଜିସୁକେ କୟ୍‌ଲାୟ୍‌, “ତର୍‌ ଆୟ୍‌ଦି, ବାୟ୍‌ଦି ଆର୍‌ ବେଣିମଃନ୍‌ ହଃଦାୟ୍‌ରଃୟ୍‌ ତକେ ଲଳୁଲାୟ୍‌ ।”
\p
\v 33 ଜିସୁ ସେ ଲକ୍‌ମଃନ୍‌କେ କୟ୍‌ଲା, “କେ ମର୍‌ ଆୟା, ଆର୍‌ କେ ମର୍‌ ବାୟ୍‌ମଃନ୍ ?” 
\v 34 ଜିସୁ ସେତି ବଃସିରିଲା ଚାରିବେଳ୍‌ତାର୍‌ ଲକ୍‌କେ ଦଃକିକଃରି ସେ କୟ୍‌ଲା, “ଦଃକା ! ଇ ଲକ୍‌ମଃନ୍ ମର୍‌ ଆୟା ଆର୍‌ ବାୟ୍‌ମଃନ୍, 
\v 35 ଜୁୟ୍‌ଲକ୍‌ ଇସ୍ୱରାର୍‌ ଇଚା ହୁରୁଣ୍‌ କଃରେଦ୍‌ ସେ ଲକ୍‌ ମର୍‌ ବାୟ୍‌, ବେଣି ଆର୍‌ ଆୟା ।”
\c 4
\s ବିଆନ୍ ବୁଣ୍‌ତା ଲକାର୍‌ କଃତା
\r (ମାତି ୧୩:୧-୯; ଲୁକ ୮:୪-୮)
\p
\v 1 \x + \xo ୪:୧ \xo*\xt ଲୁକ ୫:୧-୩.\xt*\x*ଜିସୁ ଆରେକ୍‌ ଗାଲିଲି ସଃମ୍‌ନ୍ଦ୍ କଃଣ୍ଡାୟ୍‌ ହୁଣି ସିକ୍ୟା ଦେଉଁକେ ଦଃର୍ଲା, ଗାଦେକ୍‌ ଲକ୍‌ମଃନ୍ ଆସି ତାର୍‌ ଚାରିହାକ୍‌ ରୁଣ୍ଡ୍‌ଲାୟ୍‌ ଲାଗି ଜିସୁ ସଃମ୍‌ନ୍ଦେ ରିଲା ଗଟେକ୍‌ ଡଙ୍ଗାୟ୍‌ ଜାୟ୍‌ ବଃସ୍‌ଲା, ଆର୍‌ ଲକ୍‌ମଃନ୍ ସଃମ୍‌ନ୍ଦ୍ କଃଣ୍ଡାୟ୍‌ ରିଲାୟ୍‌ । 
\v 2 ସଃଡେବଃଳ୍‌ ଜିସୁ କଃତା କୟ୍‌କଃରି ସେମଃନ୍‌କେ ଗାଦେକ୍‌ କଃତା କଃଉଁକେ ଦଃର୍ଲା, ଆର୍‌ ସେମଃନ୍‌କେ କୟ୍‌ଲା ।
\p
\v 3 “ସୁଣା ଗଟେକ୍‌ ମାନାୟ୍‌ ତାର୍‌ ହଃଦାୟ୍‌ ବିଆନ୍ ବୁଣୁକ୍‌ ବାରାୟ୍‌ଲା । 
\v 4 ସେ ବିଆନ୍ ବୁଣ୍‌ତା ବଃଳ୍‌, କଃତେକ୍‌ ବିଆନ୍ ବାଟ ଲଃଗେ ଅଦୁର୍ଲି, ଆର୍‌ ଚେଳେମଃନ୍ ଆସି ସେ ସଃବୁ କାୟ୍‌ଲାୟ୍‌ । 
\v 5 ଆର୍‌ କଃତେକ୍‌ ବିଆନ୍ ଅଃଳକ୍‌ ମାଟିରିଲା ଟେଳା ବୁୟେଁ ଅଦୁର୍ଲି, ଆର୍‌ ଅଃଳକ୍‌ ମାଟି ରିଲି ଲାଗି ବେଗି ଗଃଜା ଅୟ୍‌ଲି । 
\v 6 ମଃତର୍‌ ବେଳ୍‌ ଉଦି କଃରା କଃଲାକ୍‌ ଗଃଜା ସଃବୁ ହଡିଗଃଲି, ଚେର୍‌ ସଃବୁ ମାଟି ବିତ୍ରେ ଜାୟ୍‌ ନଃରିଲାକ୍‌ ଗଃଜାମଃନ୍ ସୁକିଗଃଲି । 
\v 7 କଃତେକ୍‌ ବିଆନ୍‌ କାଟା ବୁଟା ବିତ୍ରେ ଅଦୁର୍ଲି, ଆର୍‌ କାଟା ବୁଟାମଃନ୍‌ ବାଡ୍‌ଲି ଆର୍‌ ସେ ଗଃଜାମଃନ୍‌କେ ଚାହ୍‌ଲି, ତଃବାର୍‌ଗିନେ ସେ ଗଃଚେ ହଃଳ୍‌ ନଃଦେର୍ଲି । 
\v 8 ମଃତର୍‌ ବିନ୍ କଃତେକ୍‌ ବିଆନ୍ ନିକ ବୁୟେଁ ଅଦୁର୍ଲି, ଆର୍‌ ସେରି ଗଃଜା ଅୟ୍‌ ବାଡିକଃରି ହଃଳ୍‌ ହଃଳ୍‌ଲି, କଃତେକ୍‌ ତିରିସ୍‌ ଗୁଣ୍, କଃତେକ୍‌ ସାଟେ ଗୁଣ୍ ଆର୍‌ ସଏ ଗୁଣ୍ ହଃଳ୍‌ଲି ।”
\p
\v 9 ଜିସୁ କୟ୍‌ଲା, “ଜାର୍‌ ସୁଣୁକ୍‌ କାନ୍‌ ଆଚେ ସେ ସୁଣ ।”
\s ଇ କଃତାର୍‌ ବାବ୍‌
\r (ମାତି ୧୩:୧୦-୧୭; ଲୁକ ୮:୯-୧୦)
\p
\v 10 ଜଃଡେବଃଳ୍‌ ଜିସୁ ଏକ୍ଲା ରିଲା, ବାରଗଟ୍‌ ଚେଲା ଆର୍‌ ତାକାର୍‌ ସଃଙ୍ଗ୍ ରିଲା ଲକ୍‌ମଃନ୍ ଜିସୁର୍‌ ଲଃଗେ ଆୟ୍‌ଲାୟ୍‌ ଆର୍‌ ଗଃଉଆରି କଃଲାୟ୍‌, “ତୁୟ୍‌ କାୟ୍‌ତାକ୍‌ କଃତା କୟ୍‌ ସିକ୍ୟା ଦେଉଁଲିସ୍‌ ।” 
\v 11 ଜିସୁ ସେମଃନ୍‌କେ କୟ୍‌ଲା, “ତୁମିମଃନ୍‌କେ ଇସ୍ୱରାର୍‌ ରାଇଜାର୍‌ ବିତ୍ରିକଃତା ବୁଜୁକେ ସଃକ୍ତି ଦିଆ ଅୟ୍‌ଆଚେ, ମଃତର୍‌ ବିନ୍‌ ଲକ୍‌ମଃନ୍‌କେ କଃତାକୟ୍‌ ସିକ୍ୟା ଦେଉଁକ୍‌ ଅଃଉଁଲି । 
\v 12 ଜଃନ୍‌କଃରି,
\q1 ସେମଃନ୍ ଦଃକି ଦଃକି, ଜାଣୁ ନଃହାର୍‌ତି;
\q2 ଆର୍‌ ସୁଣି ସୁଣି, ବୁଜୁ ନଃହାର୍‌ତି ।
\q1 ଜଦି ସେମଃନ୍ ଜାଣ୍‌ତି ଆର୍‌ ବୁଜ୍‌ତି ଆର୍‌ କଃଡେବଃଳ୍‌ ମାପ୍ରୁ ହାକ୍‌ ବାଉଳି ଆସ୍ତି,
\q2 ଆର୍‌ କେମା ହାଉତି ।”
\s ଜିସୁ ବିଆନ୍ ବୁଣ୍‌ତା କଃତାର୍‌ ବାବ୍‌ ବୁଜାୟ୍‌ଦିଲା
\r (ମାତି ୧୩:୧୮-୨୩; ଲୁକ ୮:୧୧-୧୫)
\p
\v 13 ଜିସୁ ଆରେକ୍‌ ସେମଃନ୍‌କେ କୟ୍‌ଲା, “ଇ କଃତା ତୁମିମଃନ୍ କାୟ୍‌ ବୁଜୁକ୍‌ ନଃହାରୁଲାସ୍‌ ? ତଃବେ ବିନ୍ କଃତା କଃନ୍‌କଃରି ବୁଜାସ୍‌ ? 
\v 14 ବୁଣୁ ଇସ୍ୱରାର୍‌ ବଃଚନ୍ ବୁଣେଦ୍‌ । 
\v 15 କଃତେକ୍‌ ଲକ୍‌ ବାଟ ଲଃଗାର୍‌ ବୁୟ୍‌ଁ ହର୍‌, ସେମଃନ୍ ଇସ୍ୱରାର୍‌ ବଃଚନ୍ ସୁଣ୍‌ତି, ମଃତର୍‌ ସୁଣ୍‌ଲା ଦାହ୍ରେ ସୟ୍‌ତାନ୍‌ ଆସି ସେମଃନ୍ ସୁଣିରିଲା ବଃଚନ୍‌କେ ଚରି ନଃୟ୍‌ଦ୍‌ । 
\v 16 କଃତେକ୍‌ ଲକ୍‌ ଚଃଚ୍ରା ଉହ୍ରେ ଅଃଳକ୍‌ ମାଟି ରିଲା ବୁୟ୍‌ଁ ହର୍‌, ସେମଃନ୍ ବଃଚନ୍ ସୁଣ୍‌ଲା ଦାହ୍ରେ, ସଃର୍ଦାଅୟ୍‌ ମଃନେ ଦଃର୍ତି । 
\v 17 ମଃତର୍‌ ସେମଃନାର୍‌ ଚେର୍‌ ମାଟି ବିତ୍ରେ ଜାୟ୍‌ନଃରିଲା ଗିନେ, ସେ ଲକ୍‌ମଃନ୍ ଚଃନେକ୍‌ ମଃତର୍‌ ତିର୍‌ ଅୟ୍‌ ରେତି, ଆର୍‌ ଜଃଡେବଃଳ୍‌ ମାପ୍ରୁର୍‌ ବଃଚନାର୍‌ ଗିନେ ଦୁକ୍‌କଃସ୍ଟ୍‌ କି ତାଡ୍‌ନା ଆୟ୍‌ଲେକ୍‌, ସେଦାହ୍ରେ ବିସ୍ୱାସ୍‌ ଚାଡ୍‌ତି, ସେମଃନ୍‌ ବୁଣା ଅୟ୍‌ରିଲା ଚଃଚ୍ରା ବୁୟ୍‌ଁ ହର୍‌ । 
\v 18 ଆର୍‌ କଃତେକ୍‌ ଲକ୍‌ କାଟାବୁଟା ବିତ୍ରେ ବୁଣ୍‌ଲା ବିଆନ୍‌ ହର୍‌ ବଃଚନ୍ ସୁଣ୍‌ତି, ଆର୍‌ ଜଃଗତାର୍‌ ଚିତା, ଦଃନାର୍‌ ଲଃବ୍‌ ଆର୍‌ ବିନ୍ ସବୁ ରଃକମାର୍‌ ଲାଳ୍‌ସା ସେମଃନ୍‌କେ ଚାହି ହଃକାୟ୍‌ଦ୍‌ ଆର୍‌ ସେମଃନ୍ ହଃଳ୍‌ ହଃଳୁ ନଃହାର୍‌ତି । 
\v 19 ଜିବନେ ଦଃନ୍ଦି, ଜଃଗତାର୍‌ ମଲ୍‌ନୟ୍‌ଲା ଦଃନ୍ ଆର୍‌ ବିନ୍‌ ଜିନିସାର୍‌ ଇଚା ଆସେଦ୍‌ ଆର୍‌ ଚାହେଦ୍‌ ସେତାକ୍‌ ସେରି ହଃଳ୍‌ ନଃଦେରେ । 
\v 20 ମଃତର୍‌ ଜୁୟ୍‌ ଲକ୍‌ମଃନ୍ ମାପ୍ରୁର୍‌ ବଃଚନ୍ ସୁଣି ସେରି ମଃନେ ଦଃର୍ତି ଆର୍‌ ତିରିସ୍‌ ଗୁଣ୍, ସାଟେ ଗୁଣ୍ ଆର୍‌ ସଏ ଗୁଣ୍ ହଃଳ୍‌ ହଃଳ୍‌ତି, ସେମଃନ୍ ବୁଣା ଅୟ୍‌ରିଲା ନିକ ବୁୟ୍‌ଁ ହର୍‌ ।”
\s ମାଣ୍ ତଃଳେ ବଃତି
\r (ଲୁକ ୮:୧୬-୧୮)
\p
\v 21 \x + \xo ୪:୨୧ \xo*\xt ମାତି ୫:୧୫; ଲୁକ ୧୧:୩୩.\xt*\x*ଜିସୁ ଆରେକ୍‌ ସେମଃନ୍‌କେ କୟ୍‌ଲା, “କୁୟ୍‌ ଲକ୍‌ କାୟ୍‌ କୁପି ଲାଗାୟ୍‌, ମାଣ୍ ତଃଳେ କି କଃଟ୍‌ ତଃଳେ ସଃଙ୍ଗାଉଁକେ ଆଣେଦ୍‌ ? ମଃତର୍‌ ଲକ୍‌ମଃନ୍‌ କୁପି ଲାଗାୟ୍‌ ରୁକା ଉହ୍ରେ ସଃଙ୍ଗାଉଁକେ କାୟ୍‌ ନାଣ୍‌ତି ? 
\v 22 \x + \xo ୪:୨୨ \xo*\xt ମାତି ୧୦:୨୬; ଲୁକ ୧୨:୨.\xt*\x*କାୟ୍‌ତାକ୍‌ବଃଲେକ୍‌ ଜାଣା ନଃହେଳ୍‌ତାର୍‌ କାୟ୍‌ରି ହେଁ ଲୁକ୍‌ଣେ ନାୟ୍‌, ଆର୍‌ ଜୁୟ୍‌ରି ଲୁକି ଆଚେ, ସେରି ହଃଦାୟ୍‌ ବାରାଉଁକ୍‌ ଲୁକି ଆଚେ । 
\v 23 ଜଦି ତୁମାର୍‌ କାନ୍‌ ଆଚେ, ତଃବେ ସୁଣା !” 
\v 24 \x + \xo ୪:୨୪ \xo*\xt ମାତି ୭:୨; ଲୁକ ୬:୩୮.\xt*\x*ଜିସୁ ଆରେକ୍‌ ସେମଃନ୍‌କେ କୟ୍‌ଲା, “ତୁମି ଜାୟ୍‌ରି ସୁଣୁଲାସ୍‌ ସେ କଃତାକ୍‌ ଜଃଗ୍ରାତ୍‌, ତୁମିମଃନ୍ ଜୁୟ୍‌ ନାହେଁ ନାହାସ୍‌, ସେ ନାହେଁ ତୁମିମଃନ୍‌କେ ନାହି ଦିଆ ଅୟ୍‌ଦ୍‌ ଆର୍‌ ତୁମିମଃନ୍‌କେ ଅଃଦିକ୍‌ ଦିଆ ଅୟ୍‌ଦ୍‌ । 
\v 25 \x + \xo ୪:୨୫ \xo*\xt ମାତି ୧୩:୧୨; ୨୫:୨୯; ଲୁକ ୧୯:୨୬.\xt*\x*କାୟ୍‌ତାକ୍‌ବଃଲେକ୍‌ ଜାର୍‌ ଆଚେ, ତାକ୍‌ ଦିଆ ଅୟ୍‌ଦ୍‌, ଆର୍‌ ଜାର୍‌ ନାୟ୍‌ ତାର୍‌ ତଃୟ୍‌ ଜାୟ୍‌ରି ଆଚେ, ସେରି ହେଁ ତାର୍‌ ତଃୟ୍‌ହୁଣି ନିଆ ଅୟ୍‌ଦ୍‌ ।”
\s ଆକର୍ତା ବିଆନ୍ କଃତା
\p
\v 26 ଆରେକ୍‌ ଜିସୁ କୟ୍‌ଲା, “ଇସ୍ୱରାର୍‌ ରାଇଜ୍‌ ଇରଃକମ୍‌ । ଜଃନ୍‌କଃରି ଗଟ୍‌ଲକ୍‌ ତାର୍‌ ବୁୟେଁ ବିଆନ୍ ବୁଣେଦ୍‌ । 
\v 27 ଆରେକ୍‌ ସେଲକ୍‌ ରାତିବଃଳ୍‌ ସୟ୍‌ଦ୍‌, ଆର୍‌ ଦିନ୍ ବଃଳ୍‌ ଉଟେଦ୍‌; ଆର୍‌ ବିଆନ୍ କଃନ୍‌କଃରି ଆକରି ବାଡେଦ୍‌ ଇରି ସେମାନାୟ୍‌ ନଃଜାଣେ । 
\v 28 ବୁୟ୍‌ଁ ନିଜେ ହଃଳ୍‌ ହଃଳାୟ୍‌ଦ୍‌, ହଃର୍ତୁ ହଃତାର୍‌, ତାର୍‌ହଃଚେ କେଡ୍, ଆର୍‌ କେଡ୍ ବଃର୍ତି ଗଅଁ ଅୟ୍‌ଦ୍‌ । 
\v 29 ମଃତର୍‌ ସଃର୍ନେ କେଡ୍ ହାକ୍‌ଲେକ୍‌ କାଟ୍‌ତା ବେଳା ଅୟ୍‌ଲି ବଃଲି ସେ ଲକ୍‌ ଇଳା ସଃଙ୍ଗ୍ କାଟେଦ୍‌ ।”
\s ସଃର୍ସୁ ମୁଞ୍ଜିର୍‌ କଃତା
\r (ମାତି ୧୩:୩୧-୩୨,୩୪; ଲୁକ ୧୩:୧୮-୧୯)
\p
\v 30 ଜିସୁ ଆରେକ୍‌ କୟ୍‌ଲା, “ମୁଁୟ୍‌ କାର୍‌ ସଃଙ୍ଗ୍ ଇସ୍ୱରାର୍‌ ରାଇଜ୍‌ ତୁଳ୍‌ନା କଃରିନ୍ଦ୍‌ ? ଆରେକ୍‌ ମୁଁୟ୍‌ ତୁମିମଃନ୍‌କେ କୁୟ୍‌ କଃତା କୟ୍‌ ସେରି ବୁଜାୟ୍‌ନ୍ଦ୍ ? 
\v 31 ଇସ୍ୱରାର୍‌ ରାଇଜ୍‌ ଗଟେକ୍‌ ସାନ୍ ସଃର୍ସୁ ମୁଞ୍ଜି ହର୍‌; ମାଟାୟ୍‌ ବୁଣ୍‌ତା ବଃଳ୍‌ ଇରି ହୁର୍ତିବିର୍‌ ସଃବୁ ମୁଞ୍ଜି ତଃୟ୍‌ହୁଣି ସାନ୍ । 
\v 32 ମଃତର୍‌ ବୁଣ୍‌ଲା ହଃଚେ ଇରି ବାଡିକଃରି ସଃବୁସାଗ୍ ତଃୟ୍‌ହୁଣି ବଃଡ୍ ଅୟ୍‌ଦ୍‌, ଆରେକ୍‌ ତାର୍‌ ଇରଃକମ୍‌ ବଃଡ୍‌ବଃଡ୍ ଡାଳ୍‌ ଅୟ୍‌ଦ୍‌ ଜେ, ଅଃଗାସ୍‌ ଉହ୍ରାର୍‌ ଚେଳେମଃନ୍ ତାର୍‌ ଚାୟ୍‌ ଲଃଗେ ଗୁଡା କଃରୁକେ ହାର୍ତି ।”
\p
\v 33 ଜିସୁ ଇରଃକମ୍‌ କଃତେକ୍‌ କଃତା କୟ୍‌ ସେମଃନାର୍‌ ବୁଜୁ ହାର୍ତା ହଃତେକ୍‌ ସେମଃନ୍‌କେ ସିକ୍ୟା ଦେତିରିଲା । 
\v 34 ଜିସୁ କଃତା ନଃକୟ୍‌କଃରି କାୟ୍‌ ସିକ୍ୟା ହେଁ ନଃଦେତି ରିଲା, ମଃତର୍‌ ଜିସୁ ଅଃହ୍‌ଣାର୍‌ ଚେଲାମଃନ୍‌କେ ସଃବୁ କଃତା ଲୁକ୍‌ଣେ ବୁଜାଉତି ରିଲା ।
\s ଜିସୁ ବାଉହାଣିକେ ତିର୍‌ କଃଲା
\r (ମାତି ୮:୨୩-୨୭; ଲୁକ ୮:୨୨-୨୫)
\p
\v 35 ସେଦିନ୍ ସଃଞ୍ଜ୍ ଅୟ୍‌ଲାକ୍‌, ଜିସୁ ତାର୍‌ ଚେଲାମଃନ୍‌କେ କୟ୍‌ଲା, “ଆସା ଅଃମି ସଃମ୍‌ନ୍ଦାର୍‌ ସେହାଟି ଜୁଆଁ ।” 
\v 36 ତଃବେ ଚେଲାମଃନ୍ ଲକ୍‌ମଃନ୍‌କେ ସେତି ଚାଡି ଜୁୟ୍‌ ଡଙ୍ଗାୟ୍‌ ଜିସୁ ବଃସିରିଲା, ଚେଲାମଃନ୍ ହେଁ ଜାୟ୍‌ ସେତି ବଃସ୍‌ଲାୟ୍‌, ଆର୍‌ ଜିସୁକେ ତାର୍‌ ସଃଙ୍ଗ୍ ନିଲାୟ୍‌ । ଆରେକ୍‌ ସେତି ବିନ୍ ବିନ୍ ଡଙ୍ଗା ହେଁ ତାକାର୍‌ ସଃଙ୍ଗ୍ ରିଲି । 
\v 37 ତାର୍‌ହଃଚେ ତଃତ୍‌କାଣ୍‌ ସଃମ୍‌ନ୍ଦେ ଅଃପର୍‌ବଳ୍‌ ବାଉବଃତାସ୍‌ ଅୟ୍‌ଲି, ଆର୍‌ ସଃମ୍‌ନ୍ଦେ ଉଲାଳ୍‌ ଉଟି ଡଙ୍ଗା ବଃର୍ତି ହାଣି ଅଃଉଁକେ ଦଃର୍ଲି । 
\v 38 ସଃଡେବଃଳ୍‌ ଜିସୁ ଡଙ୍ଗାର୍‌ ହଃଚ୍‌ବାଟ୍‌ ମୁଚ୍‌ଳା ଉହ୍ରେ ମୁଣ୍ଡ୍ ଲାଦି ସୟ୍‌ରିଲା; ଆର୍‌ ଚେଲାମଃନ୍ ଜିସୁକେ ଉଟାୟ୍‌ କୟ୍‌ଲାୟ୍‌, “ଏ ଗୁରୁ, ଅଃମିମଃନ୍‌ ମଃଲୁ, ଅଃମାର୍‌ ଗିନେ ତର୍‌ କାୟ୍‌ ଚିତା ନାୟ୍‌ ?”
\p
\v 39 ଜିସୁ ଉଟିକଃରି ବାଉହାଣିକେ ଦଃକା ଦଃୟ୍‌ ସଃମ୍‌ନ୍ଦ୍‌କେ କୟ୍‌ଲା, “ତୁନ୍‌ହାଳ୍‌, ଚୁପ୍ଅଃଉ ।” ସେତାକ୍‌ ବାଉ ତେବ୍‌ଲି ଆର୍‌ ସଃବୁ ତିର୍‌ ଅୟ୍‌ଲି । 
\v 40 ତାର୍‌ହଃଚେ ଜିସୁ ଚେଲାମଃନ୍‌କେ କୟ୍‌ଲା, “ତୁମିମଃନ୍ କାୟ୍‌ତାକ୍‌ ଅଃତେକ୍‌ ଡିରୁଲାସ୍‌, ଅଃବେ ହଃତେକ୍‌ କାୟ୍‌ ତୁମାର୍‌ ବିସ୍ୱାସ୍‌ ନାୟ୍‌ ?”
\p
\v 41 ସେତାକ୍‌ ସେମଃନ୍ ଅଃପର୍‌ବଳ୍‌ ଡିରିକଃରି ତାକାର୍‌ ତାକାର୍‌ ବିତ୍ରେ କଃଉଆକଇ ଅଃଉଁକେ ଦଃର୍ଲାୟ୍‌, “ଏ ତଃବେ କେ ଜେ, ବାଉ ଆର୍‌ ସଃମ୍‌ନ୍ଦ୍ ହେଁ ଆର୍‌ କଃତା ମାନୁଲାୟ୍‌ ।”
\c 5
\s ଜିସୁ ବାହିନି ବୁତ୍‌ ଦଃର୍ଲା ଲକ୍‌କେ ନିକକଃଲା
\r (ମାତି ୮:୨୮-୩୪; ଲୁକ ୮:୨୬-୩୯)
\p
\v 1 ତାର୍‌ହଃଚେ ଜିସୁ ଆର୍‌ ତାର୍‌ ଚେଲାମଃନ୍ ଗାଲିଲି ସଃମ୍‌ନ୍ଦ୍ ସେହାଟି ରିଲା ଗରାସିୟମଃନାର୍‌ ଦେସେ ହଚ୍‌ଲାୟ୍‌ । 
\v 2 ଜିସୁ ଡଙ୍ଗାୟ୍‌ହୁଣି ଉତୁର୍ଲା ଦାହ୍ରେ ଗଟେକ୍‌ ବିଟାଳ୍‌ ବୁତ୍‌ ଦଃର୍ଲା ଲକ୍‌ ମଃସ୍‌ଣେ ହୁଣି ବାରାୟ୍‌ ଜିସୁର୍‌ ଲଃଗେ ଆୟ୍‌ଲା । 
\v 3 ସେ ଲକ୍‌ ମଃସ୍‌ଣେ ରେତିରିଲା, ତାକ୍‌ କେ ହେଁ ସିକ୍ଳି ସଃଙ୍ଗ୍ ବାନ୍ଦି ସଃଙ୍ଗାଉଁକ୍‌ ନଃହାର୍ତି ରିଲାୟ୍‌ । 
\v 4 କଃତିତର୍‌ ତାକ୍‌ ସିକ୍ଳି ସଃଙ୍ଗ୍ ଆତେ ଗଡେ ବାନ୍ଦ୍‌ତି ରିଲାୟ୍‌, ମଃତର୍‌ ସେ ସିକ୍ଳିକେ ଚିଡାୟ୍‌ ଗଃର୍ଣ୍ଡା ଗଃର୍ଣ୍ଡା କଃରି ହଃକାଉତି ରିଲା, ତାକ୍‌ ବାନ୍ଦିକଃରି ଆୟ୍‌ତ୍‌ କଃରୁକେ କାର୍‌ ସଃକ୍ତି ନଃରିଲି । 
\v 5 ସେ ଦିନ୍‌ରାତି ସଃବୁବଃଳ୍‌ ମଃସ୍‌ଣେ ଆର୍‌ ଡଙ୍ଗ୍ରେ ବୁଲି ବୁଲି ବେଲ୍‌କି ଅଃଉତି ରିଲା, ଆର୍‌ ନିଜାର୍‌ ଗିନେ ନିଜେ ଟେଳାୟ୍‌ ଚେଚି ଅୟ୍‌ ଗାଉ କଃର୍ତିରିଲା ।
\p
\v 6 ସେ ମାନାୟ୍‌ ଜିସୁକେ ଦୁରିକ୍‌ ହୁଣି ଦଃକ୍‌ଲା ଆର୍‌ ଦଃବ୍‌ଳି ଆୟ୍‌ଲା ଆର୍‌ ଜିସୁକେ ଜୁଆର୍‌ କଃଲା । 
\v 7 ଆର୍‌ ସେ ଆଉଲି ଅୟ୍‌କଃରି କୟ୍‌ଲା, “ଏ ସଃବ୍‌କେ ବଃଡ୍ ଇସ୍ୱରାର୍‌ ହୟ୍‌ସି ଜିସୁ, ମର୍‌ତଃୟ୍‌ ତର୍‌ କାୟ୍‌ରି ଆଚେ ? ମୁଁୟ୍‌ ତକେ ଇସ୍ୱରାର୍‌ ନାଉଁଏ ଗଃଉଆରି କଃରୁଲେ, ମକ୍‌ ଡଃଣ୍ଡ୍‌ ଦେନାୟ୍‌ ।” 
\v 8 କାୟ୍‌ତାକ୍‌ବଃଲେକ୍‌ ଜିସୁ ତାକ୍‌ କଃଉଁକେ ଜାତିରିଲା, “ଏ ବିଟାଳ୍‌ ବୁତ୍‌ ଇ ଲକ୍‌ ତଃୟ୍‌ହୁଣି ବାରାୟ୍‌ ଜାଆ ।”
\p
\v 9 ଜିସୁ ତାକ୍‌ ହଃଚାର୍ଲା, “ତର୍‌ ନାଉଁ କାୟ୍‌ ନାଉଁ ?”
\p ସେ କୟ୍‌ଲା, “ମର୍‌ ନାଉଁ ବାହିନି, ବଃଲେକ୍‌ ଅଃମି ଗାଦେକ୍‌ ।” 
\v 10 ଆର୍‌ ସେ କାନିକଃର୍ମ୍‌ ଅୟ୍‌ ଗଃଉଆରି କଃରି କଃଉଁକ୍‌ ଦଃର୍ଲା, “ଇତିହୁଣି ସଃନ୍ଦି ଜିଣ୍‌ତେ ଦୁରିକ୍‌ ଅଃମିକ୍‌ ହଃଟାଉ ନାୟ୍‌ ।”
\p
\v 11 ସେତିର୍‌ ଡଙ୍ଗୁର୍‌ କଃଳ୍‌କାୟ୍‌ ଗଟ୍‌ ଗୁସ୍ରା ମଃନ୍ଦା ଚଃର୍ତି ରିଲାୟ୍‌ । 
\v 12 ସେ ବିଟାଳ୍‌ ଦୁତ୍‌ମଃନ୍ ଜିସୁକେ କାନିକଃର୍ମ୍‌ ଅୟ୍‌ ଗଃଉଆରି କଃଲାୟ୍‌, “ହୟ୍‌ ଗୁସ୍ରାମଃନାର୍‌ ବିତ୍ରେ ହୁରୁକ୍‌ ଅଃମିକ୍‌ ସେମଃନାର୍‌ ବିତ୍ରେ ହଃଟାଉ ।” 
\v 13 ଜିସୁ ସେମଃନ୍‌କେ ଜଃଉଁକେ ଆଦେସ୍‌ ଦିଲାକ୍‌, ବିଟାଳ୍‌ ଦୁତ୍‌ମଃନ୍ ସେ ଲକାର୍‌ ତଃୟ୍‌ହୁଣି ବାରାୟ୍‌ଲାୟ୍‌, ଆର୍‌ ସେତି ରିଲା ଗୁସ୍ରାମଃନାର୍‌ ବିତ୍ରେ ହୁର୍ଲାୟ୍‌, ଆର୍‌ ସେ ଗୁସ୍ରା ମଃନ୍ଦା ଦଃବ୍‌ଳି ଜାୟ୍‌ ସଃମ୍‌ନ୍ଦ୍ କଃଣ୍ଡାୟ୍‌ ହୁଣି ଅଦ୍ରି ବୁଡି ମଃଲାୟ୍‌ ।
\p
\v 14 ତାର୍‌ହଃଚେ ଗୁସ୍ରା ଚଃରାଉତା ଲକ୍‌ମଃନ୍‌ ହଃଳାୟ୍‌ ଜାୟ୍‌ ସଃବୁ ଗଃଳେ ଆର୍‌ ଗାଉଁଏ ଜିସୁ କଃରିରିଲା ଗଃଟ୍‍ଣା ସଃବୁ କୟ୍‌ଲାୟ୍‌, ତଃବାର୍‌ଗିନେ ଲକ୍‌ମଃନ୍ କାୟ୍‌ରି ଅୟ୍‌ଆଚେ ବଃଲି ଦଃକୁକ୍‌ ଆୟ୍‌ଲାୟ୍‌ । 
\v 15 ଆର୍‌ ଲକ୍‌ମଃନ୍ ଜିସୁର୍‌ ଲଃଗେ ଆୟ୍‌ଲାୟ୍‌, ଆର୍‌ ହଃର୍ତୁ ଜୁୟ୍‌ ଲକ୍‌କେ ବିଟାଳ୍‌ ବୁତ୍‌ ଡଃସିରିଲି, ସେମାନାୟ୍‌ ନିକ ଅୟ୍‌କଃରି ହଃଚ୍ୟା ହିନ୍ଦି ସୁସ୍ତାମଃନେ ବଃସିରିଲାର୍‌ ଦଃକିକଃରି ସେମଃନ୍ ଡିରି ଗଃଲାୟ୍‌ । 
\v 16 ଜୁୟ୍‌ ଲକ୍‌ମଃନ୍ ବୁତ୍‌ ଡଃସ୍‌ଲାର୍‌ ଲକ୍‌କେ ନିକ କଃଲାର୍‌ ଆର୍‌ ଗୁସ୍ରାମଃନ୍‌ ବୁଡି ମଃଲାର୍‌ ଦଃକି ରିଲାୟ୍‌, ସେମଃନ୍ ନଃଜାଣ୍‌ତା ଲକ୍‌କେ ସଃବୁ କଃତା କୟ୍‌ଲାୟ୍‌ ।
\p
\v 17 ଲକ୍‌ମଃନ୍ ଇ କଃତା ସୁଣିକଃରି, ଜିସୁକେ ତାକାର୍‌ ସଃନ୍ଦି ଚାଡି ଜାଆ ବଃଲି ଗଃଉଆରି କଃଲାୟ୍‌ ।
\p
\v 18 ଜିସୁ ଡଙ୍ଗାୟ୍‌ ଚଃଗ୍‌ତିରିଲା ବଃଳ୍‌, ଜୁୟ୍‌ ମାନାୟ୍‌କେ ବୁତ୍‌ ଡଃସିରିଲି, ସେମାନାୟ୍‌ ଜିସୁକେ “ମୁଁୟ୍‌ ହେଁ ତର୍‌ ସଃଙ୍ଗ୍ ଆସିନ୍ଦ୍‌,” ବଃଲି ତର୍‌କେ ତର୍‌ କାନିକଃର୍ମ୍‌ ଅୟ୍‌ ଗଃଉଆରି କଃଲା ।
\p
\v 19 ମଃତର୍‌ ଜିସୁ ସେମାନାୟ୍‌କେ ତାର୍‌ ସଃଙ୍ଗ୍ ଜଃଉଁକେ ମଃନାକଃରି ତାକ୍‌ କୟ୍‌ଲା, “ତୁୟ୍‌ ତର୍‌ ଗଃରେ, ତର୍‌ ଲକ୍‌ମଃନାର୍‌ ଟାଣେ ବାଉଳି ଜାଆ, ଆର୍‌ ମାପ୍ରୁ ତର୍‌ ଗିନେ ଜାୟ୍‌ ଜାୟ୍‌ରି କଃରି ଆଚେ, ଆର୍‌ ତକେ ଦଃୟା କଃରି ଆଚେ, ସେ କଃତା ସେମଃନ୍‌କେ କଃଉ ।”
\p
\v 20 ସେମାନାୟ୍‌ ଜିସୁର୍‌ କଃତାମାନି ସେତିହୁଣି ଗଃଲା, ଆର୍‌ ଜିସୁ ତାକ୍‌ ଜାୟ୍‌ ଜାୟ୍‌ରି କଃରିରିଲା, ସେ କଃତା ଦେକାପଲି, ବଃଲେକ୍‌ ଦଃସ୍‌ଗଟ୍‌ ଗାଉଁଆର୍‌ ସଃବୁ ହାକ୍‌ ପର୍ଚାର୍‌ କଃରି ବୁଲ୍‌ଲା; ଆର୍‌ ଜଃତେକ୍‌ ଲକ୍‌ମଃନ୍ ଇ କଃତା ସୁଣ୍‌ଲାୟ୍‌, ସେମଃନ୍ କାବା ଅୟ୍‌ଲାୟ୍‌ ।
\s ଜାଇରସାର୍‌ ଜିସି ଆର୍‌ ଜିସୁର୍‌ ବଃସ୍ତର୍‌ ଚୁୟ୍‌ଲା ମାୟ୍‌ଜି
\r (ମାତି ୯:୧୮-୨୬; ଲୁକ ୮:୪୦-୫୬)
\p
\v 21 ଜିସୁ ଆରେକ୍‌ ଗଟ୍‌ତର୍‌ ଡଙ୍ଗାୟ୍‌ ବଃସି ଇହାଟି ବାଉଳି ଆୟ୍‌ଲା । ସେଲଃଗେ ଗାଦେକ୍‌ ଲକ୍‌ମଃନ୍ଦା ରୁଣ୍ଡ୍‌ଲାୟ୍‌, ଆର୍‌ ଜିସୁ ସେ ସଃମ୍‌ନ୍ଦ୍ କଃଣ୍ଡାୟ୍‌ ରିଲା । 
\v 22 ସଃଡେବଃଳ୍‌ ଗଟେକ୍‌ ଜାଇରସ୍‌ ନାଉଁଆର୍‌ ଲକ୍‌ ପାର୍ତ୍‌ନା ଗଃରାର୍‌ ମୁଳିକା ସେ ଲଃଗେ ଆୟ୍‌ଲା, ଆର୍‌ ଜିସୁକେ ଦଃକିକଃରି ତାର୍‌ ହାଦେ ଡୁଳି ଜୁଆର୍‌ କଃଲା । 
\v 23 ଆର୍‌ ବଃଡେ କାନିକଃର୍ମ୍‌ ଅୟ୍‌ ଗଃଉଆରି କଃଲା, “ମର୍‌ ବାର ବଃର୍ସାର୍‌ ସାନ୍ ଜିଇ ମଃର୍ତା ଉହ୍ରେ ଆଚେ, ସେ ଜଃନ୍‌କଃରି ମଃର୍ନ୍‌ ତଃୟ୍‌ହୁଣି ବଚେଦ୍‌, ଇତାର୍‌ ଗିନେ ତୁୟ୍‌ ଆଉ ଆର୍‌ ତାର୍‌ ଉହ୍ରେ ଆତ୍‌ ସଃଙ୍ଗାଉ ।”
\p
\v 24 ଜିସୁ ତାର୍‌ ସଃଙ୍ଗ୍ ଗଃଲା, ଆର୍‌ ସେତି ରିଲା ଲକ୍‌ମଃନ୍ଦା ତାର୍‌ ହଃଚେ ହଃଚେ ଗଃଲାୟ୍‌ ଆର୍‌ ସେମଃନ୍ ଜିସୁର୍‌ ଉହ୍ରେ ମାଡାଚଃଗା ଅଃଉତିରିଲାୟ୍‌ ।
\s ଜିସୁ ଗଟେକ୍‌ ଗଃଗାଳ୍‌ ଜାତା ମାୟ୍‌ଜିକେ ଉଜ୍‌ କଃଲା
\p
\v 25 ସଃଡେବଃଳ୍‌ ବାର ବଃର୍ସ୍‌ ହଃତେକ୍‌ ଗଃଗାଳ୍‌ଜାତା ରଗେ ହଃଳ୍‌ଲା ଗଟେକ୍‌ ମାୟ୍‌ଜିରିଲି । 
\v 26 ସେ ରଗ୍ ଚାଡାୟ୍‌ ଅଃଉଁକେ କଃତେକ୍‌ ବୟ୍‌ଦ୍‌କାରି ହାକ୍‌ ଜାୟ୍‌କଃରି ସଃବୁଦଃନ୍‌ ସଃରାୟ୍‌ରିଲି, ମଃତର୍‌ ନିକ ଅଃଉତା ବାଦୁଲେ ଆରେକ୍‌ ଅଃଦିକ୍‌ ରଗି ଅୟ୍‌ ରିଲି । 
\v 27 ସେ ମାୟ୍‌ଜି ଜିସୁର୍‌ କଃତା ସୁଣ୍‌ଲି, ଆର୍‌ ସେ ଲକ୍‌ମଃନ୍ଦା ବିତ୍ରେ ଜିସୁର୍‌ ହଃଚ୍‌ବାଟ୍ୟା ଆସି ଜିସୁର୍‌ ହଃଚ୍ୟା ଆଚଳ୍‌ ଚୁୟ୍‌ଲି । କାୟ୍‌ତାକ୍‌ବଃଲେକ୍‌ ସେ ବାବ୍‌ତି ରିଲି, 
\v 28 “ଜିସୁର୍‌ ହଃଚ୍ୟାର୍‌ ଆଚଳ୍‌ ଚୁୟ୍‌ଲେକ୍‌ ମୁଁୟ୍‌ ଉଜ୍‌ ଅୟ୍‌ଦ୍‌ ।”
\p
\v 29 ସେ ଜିସୁର୍‌ ହଃଚ୍ୟା ଆଚଳ୍‌ ଚୁୟ୍‌ଲା ଦାହ୍ରେ ସେ ଗଃଗାଳ୍‌ ଜାତା ରଗେ ହୁଣି ଉଜ୍‌ ଅୟ୍‌ଲେ ବଃଲି ତାର୍‌ ଗଃଗାଳେ ଜାଣ୍‌ଲି । 
\v 30 ସେଦାହ୍ରେ ଜିସୁ ଅଃହ୍‌ଣାର୍‌ ତଃୟ୍‌ହୁଣି ସଃକ୍ତି ବାରାୟ୍‌ଲାର୍‌ ମଃନ୍ ବିତ୍ରେ ଜାଣ୍‌ଲା ଆର୍‌ ଲକ୍‌ ମଃନ୍ଦା ହାକ୍‌ ଲେଉଟି କଃରି କୟ୍‌ଲା, “କେ ମର୍‌ ବଃସ୍ତରାର୍‌ ଆଚଳ୍‌ ଚୁୟ୍‌ଲା ?”
\p
\v 31 ତାର୍‌ ଚେଲାମଃନ୍ ଜିସୁକେ କୟ୍‌ଲାୟ୍‌, “ତୁୟ୍‌ ତ ଦଃକୁଲିସ୍‌ ଲକ୍‌ମଃନ୍ କଃନ୍‌କଃରି ତର୍‌ ଉହ୍ରେ ମାଡା ଚଃଗା ଅଃଉଁଲାୟ୍‌, ଆର୍‌ ତୁୟ୍‌ କଃଉଁଲିସ୍‌, ‘କେ ମକ୍‌ ଚୁୟ୍‌ଲା ?’”
\p
\v 32 ଜେ ତାକ୍‌ ଚୁୟ୍‌ରିଲି ତାକ୍‌ ଦଃକିନ୍ଦ୍ ବଃଲି ଜିସୁ ଚାରିହାକ୍‌ ଦଃକୁକ୍‌ ଦଃର୍ଲା । 
\v 33 ସେତାକ୍‌ ସେ ମାୟ୍‌ଜି ଅଃହ୍‌ଣାର୍‌ ଉହ୍ରେ ଜୁୟ୍‌ ଗଃଟ୍‍ଣା ଗଃଟି ଆଚେ ବଃଲି ଜାଣ୍‌ଲି ଆର୍‌ ଡିରାର୍‌ ମାଡେ ତଃର୍‌ତଃରି କଃରି ଆୟ୍‌ଲି, ଆର୍‌ ଜିସୁର୍‌ ହାଦ୍‌ ତଃଳେ ଡୁଳି ସଃବୁ ସଃତ୍‌ କଃତା ତାକ୍‌ କୟ୍‌ଲି । 
\v 34 ଜିସୁ ତାକ୍‌ କୟ୍‌ଲା, “ଏ ମର୍‌ ଜିଇ ତର୍‌ ବିସ୍ୱାସ୍‌ ତକେ ଉଜ୍‌ କଃରିଆଚେ, ସୁସ୍ତାୟ୍‌ ଜାଆ ଆର୍‌ ତର୍‌ ରଗେ ହୁଣି ଉଜ୍‌ ଅୟ୍‌ରେ ।”
\s ଜିସୁ ଜାଇରସାର୍‌ ଜିସିକେ ବାଚାୟ୍‌ଲା
\p
\v 35 ଜିସୁ ଇ କଃତା କଃଉତା ବଃଳ୍‌, ସେ ପାର୍ତ୍‌ନା ଗଃରାର୍‌ ମୁଳିକା ଜାଇରସାର୍‌ ଗଃରେହୁଣି କଃତି ଲକ୍‌ ଆୟ୍‌ଲାୟ୍‌ ଆର୍‌ କୟ୍‌ଲାୟ୍‌, “ତର୍‌ ଜିଦି ମଃଲିନି, ଗୁରୁକ୍‌ ଆର୍‌ କାୟ୍‌ତାକ୍‌ କଃସ୍ଟ୍‌ ଦେଉଁଲିସ୍‌ ?”
\p
\v 36 ମଃତର୍‌ ଜିସୁ ସେମଃନାର୍‌ କଃତା ସୁଣ୍‌ଲା ନଃସୁଣ୍‌ଲା ହର୍‌ ଅୟ୍‌ ପାର୍ତ୍‌ନା ଗଃରାର୍‌ ମୁଳିକାକେ କୟ୍‌ଲା, “ଡିରା ନାୟ୍‌, ମଃତର୍‌ ବିସ୍ୱାସ୍‌ କଃର୍‌ ।” 
\v 37 ତାର୍‌ହଃଚେ ଜିସୁ ପିତର୍‌, ଜାକୁବ ଆର୍‌ ତାର୍‌ ବାୟ୍‌ସି ଜହନ୍‌କେ ଚାଡି କାକେ ହେଁ ତାର୍‌ ସଃଙ୍ଗ୍ ନଃନିଲା । 
\v 38 ଆର୍‌ ସେମଃନ୍ ମୁଳିକା ଜାଇରସାର୍‌ ଗଃରେ ହଚ୍‌ଲାୟ୍‌, ସେତି ଜିସୁ ଲକ୍‌ମଃନ୍ କାଲାହୁଲି ଆର୍‌ କାନ୍ଦାବାଳା ଅଃଉତି ରିଲାର୍‌ ଦଃକ୍‌ଲାୟ୍‌ । 
\v 39 ଜିସୁ ବିତ୍ରେ ଗଃଲା ଆର୍‌ କୟ୍‌ଲା, “କାୟ୍‌ତାକ୍‌ କାଲାହୁଲି ଆର୍‌ କାନ୍ଦାବାଳା ଅଃଉଁଲାସ୍‌ । ଇ ଟକି ନଃମେରେ, ମଃତର୍‌ ସଇଆଚେ ।” ଇ କଃତା ସୁଣି ଲକ୍‌ମଃନ୍ ଟାହ୍ରା କଃରୁକେ ଦଃର୍ଲାୟ୍‌ ।
\p
\v 40 ମଃତର୍‌ ଜିସୁ ସଃବ୍‌କେ ହଃଦାୟ୍‌ ବାର୍‌କଃରି, ସେ ହିଲାର୍‌ ଉବାସି, ଆୟ୍‌ସି ଆର୍‌ ଅଃହ୍‌ଣାର୍‌ ଲକ୍‌ମଃନାର୍‌ ସଃଙ୍ଗ୍ ସେ ଟକିହିଲା ଜୁୟ୍‌ତି ସୟ୍‌ରିଲି, ସେତି ଗଃଳାୟ୍‌ । 
\v 41 ତାର୍‌ହଃଚେ ଜିସୁ ସେ ଟକିହିଲାର୍‌ ଆତେ ଦଃରି ତାକ୍‌ କୟ୍‌ଲା, “ଟଲିତାକୁମ୍‌ !” ବଃଲେକ୍‌, “ଏ ନୁନି, ମୁଁୟ୍‌ ତକେ କଃଉଁଲେ, ଉଟ୍‌ ।”
\p
\v 42 ସେଦାହ୍ରେ ସେ ଟକିହିଲା ଉଟ୍‌ଲି ଆର୍‌ ଚାଲାବୁଲା କଃରୁକେ ଦଃର୍ଲି, ବଃଲେକ୍‌ ତାକ୍‌ ବାର ବଃର୍ସ୍‌ ଅୟ୍‌ରିଲି । ଇରି ଦଃକି କଃରି ସେମଃନ୍ କାବା ଅୟ୍‌ ଗଃଳାୟ୍‌ । 
\v 43 ମଃତର୍‌ କେ ହେଁ ଜଃନ୍‌କଃରି ଇ କଃତା ନଃଜାଣତ୍‌, ଇତାର୍‌ ଗିନେ ଜିସୁ ସେମଃନ୍‌କେ କାକେହେଁ କଃଉଆ ନାୟ୍‌ ବଃଲି କୟ୍‌ଲା, ଆର୍‌ ସେ କୟ୍‌ଲା, “ଇ ଟକି ହିଲାକ୍‌ କାୟ୍‌ରି ଅଲେ କାଉଁକେ ଦିଆସ୍‌ ।”
\c 6
\s ଜିସୁ ଅଃହ୍‌ଣାର୍‌ ଗାଉଁ ନାଜରିତେ ମାନ୍‌ତି ନଃହାୟ୍‌ଲା
\r (ମାତି ୧୩:୫୩-୫୮; ଲୁକ ୪:୧୬-୩୦)
\p
\v 1 ଜିସୁ ସେ ଟାଣ୍ ଚାଡି ଅଃହ୍‌ଣାର୍‌ ଗାଉଁ ନାଜରିତେ ଗଃଲା ଆର୍‌ ଚେଲାମଃନ୍ ତାର୍‌ ହଃଚେ ଗଃଳାୟ୍‌ । 
\v 2 ବିସାଉଁଣିବାର୍‌ ଦିନ୍ ଆୟ୍‌ଲାକ୍‌ ସେ ପାର୍ତ୍‌ନା ଗଃରେ ସିକ୍ୟା ଦେଉଁକେ ଦଃର୍ଲା, କଃତେକ୍‌ ଲକ୍‌ ତାର୍‌ କଃତା ସୁଣି କାବାଅୟ୍‌ କୟ୍‌ଲାୟ୍‌, “ଇମାନାୟ୍‌ର୍‌ ଇ ବୁଦି କୁୟ୍‌ତିହୁଣି ଆୟ୍‌ଲି ? ଆରେକ୍‌ ଇ ବୁଦି କୁୟ୍‌ତିହୁଣି ହାୟ୍‌ଲା ଆଚେ ? ଆର୍‌ ଜୁୟ୍‌ ସଃକ୍ତିର୍‌ କାମ୍‌ ତାର୍‌ ଆତେ ଅଃଉଁଲି, ଇରିମଃନ୍‌ କାୟ୍‌ରି ? 
\v 3 ଇ ମାନାୟ୍‌ କାୟ୍‌ ସେ ବାଡାୟ୍‌ ନୟ୍‌ ? ଏ କାୟ୍‌ ମରିୟମାର୍‌ ହୟ୍‌ସି ଆର୍‌ ଜାକୁବକ୍‌, ଜସି, ଜିଉଦା ଆର୍‌ ସିମନାର୍‌ ବାୟ୍‌ସି ନୟ୍‌ ? ଆର୍‌ ଇତାର୍‌ ବେଣିମଃନ୍‌ କାୟ୍‌ ଅଃମାର୍‌ ସଃଙ୍ଗ୍ ଇତି ନଃରେଉଁଲାୟ୍‌ ?” ଇରି କୟ୍‌ ସେମଃନ୍ ଜିସୁକେ ମାନ୍‌ତି ନଃକେଲାୟ୍‌ ।
\p
\v 4 \x + \xo ୬:୪ \xo*\xt ଜହ ୪:୪୪.\xt*\x*ଜିସୁ ସେମଃନ୍‌କେ କୟ୍‌ଲା, “ନିଜାର୍‌ ଗାଉଁଏ, ନିଜାର୍‌ କୁଟୁମ୍‌ ଆର୍‌ ନିଜାର୍‌ ଗଃରାର୍‌ ଲକ୍‌ମଃନ୍‌କେ ଚାଡି ବାବ୍‌ବାଦି ସଃବୁ ତଃୟ୍‌ ମାନ୍‌ତି ହାୟ୍‌ଦ୍‌ ।”
\p
\v 5 ସେଟାଣେ ଜିସୁ କଃତିଗଟ୍‌ ରଗି ଉହ୍ରେ ଆତ୍‌ ସଃଙ୍ଗାୟ୍‌ ସେମଃନ୍‌କେ ଉଜ୍‌ କଃର୍ତାର୍‌ ଚାଡି, ସେତି ଆର୍‌ କାୟ୍‌ ସଃକ୍ତିର୍‌ କାମ୍‌ ନଃକେଲା । 
\v 6 ଆର୍‌ ସେମଃନାର୍‌ ଅବିସ୍ୱାସ୍‌ ଦଃକି ଜିସୁ କାବା ଅୟ୍‌ଲା ।
\s ଜିସୁ ବାରଗଟ୍‌ ଚେଲାକେ ହଃଟାୟ୍‌ଲା ।
\r (ମାତି ୧୦:୫-୧୫; ଲୁକ ୯:୧-୬)
\p
\v 7 ଜିସୁ ଚାରି ଦିଗେ ଗାଉଁ ଗାଉଁ ବୁଲି ଲକ୍‌ମଃନ୍‌କେ ସିକ୍ୟା ଦେଉଁକେ ଦଃର୍ଲା । ଇତାର୍‌ହଃଚେ ଜିସୁ ବାରଗଟ୍‌ ଚେଲାମଃନ୍‌କେ ଗଟେ ଟାଣେ କୁଦ୍‌ଲା ଆର୍‌ ସେମଃନ୍‌କେ ଦୁୟ୍‌ଦୁୟ୍‌ ଲକେ ହଃଟାଉଁକେ ଦଃର୍ଲା, ଆର୍‌ ସେମଃନ୍‌କେ ବିଟାଳ୍‌ ବୁତ୍‌ମଃନାର୍‌ ଉହ୍ରେ ଅଃଦିକାର୍‌ ଦଃୟ୍‌ ହଃଟାୟ୍‌ଲା । 
\v 8 ସେମଃନ୍ ଜାତାବଃଳ୍‌ ଗଟ୍‌ ଡାଙ୍ଗ୍‌କେ ଚାଡି ରୁଟି, କି ମଣା, କି ଅଃଟା ବାନ୍ଦୁଣ୍‌ ଜାଲିଆ ବିତ୍ରେ ଡାବୁ ନଃନେଉଁକେ ଜିସୁ ସେମଃନ୍‌କେ କୟ୍‌ଲା । 
\v 9 ମଃତର୍‌ ସେମଃନ୍‌କେ ହାଣ୍ଡାୟ୍‌ ହିନ୍ଦୁକେ କୟ୍‌ଲା, ଆର୍‌ ହିନ୍ଦିରିଲା ଆଙ୍ଗି ଚାଡି, ବିନ୍ ଆଙ୍ଗି ନିଆନାଁୟ୍‌ ବଃଲି କୟ୍‌ଲା । 
\v 10 ଜିସୁ ଆରେକ୍‌ ସେମଃନ୍‌କେ କୟ୍‌ଲା, “ତୁମିମଃନ୍ ଜୁୟ୍‌ ଗଃରେ ହୁରାସ୍‌, ବାଉଳ୍‌ତା ହଃତେକ୍‌ ସେ ଗଃରେ ରିଆ । 
\v 11 \x + \xo ୬:୧୧ \xo*\xt ପେରି ୧୩:୫୧.\xt*\x*\x + \xo ୬:୧୧ \xo*\xt ଲୁକ ୧୦:୪-୧୧.\xt*\x*ମଃତର୍‌ ଜୁୟ୍‌ ଗାଉଁଆର୍‌ ଲକ୍‌ମଃନ୍ ତୁମିକେ ନଃଦେର୍ତି, କି ତୁମାର୍‌ କଃତା ନଃସୁଣ୍‌ତି, ସେତିହୁଣି ବାଉଳ୍‌ତା ବଃଳ୍‌, ସେମଃନାର୍‌ ସାକି ଅଃଉଁକେ ତୁମାର୍‌ ହାଦାର୍‌ ଦୁଳି ହାହଳି ଦିଆସ୍‌ ।”
\p
\v 12 ସେତାର୍‌ଗିନେ ଚେଲାମଃନ୍ ବାରାୟ୍‌ ଜାୟ୍‌ ଦଃସ୍‌ ହାହ୍‌ ଚାଡି ଜିବନ୍‌ ବାଦ୍‌ଲାଉଁକ୍‌ ପର୍ଚାର୍‌ କଃଲାୟ୍‌ । 
\v 13 \x + \xo ୬:୧୩ \xo*\xt ଜାକୁ ୫:୧୪.\xt*\x*ଆର୍‌ ଗାଦି ଲକ୍‌ମଃନ୍‌କେ ବୁତ୍‌ ଚାଡାୟ୍‌ଲାୟ୍‌ ଆର୍‌ ଗାଦି ରଗିମଃନ୍‌କେ ଚିକଣ୍‌ ଲାଗାୟ୍‌ ଉଜ୍‌ କଃଲାୟ୍‌ ।
\s ବାପ୍ତିସମ୍‌ ଦେତା ଜହନାର୍‌ ମଃର୍ନ୍‌
\r (ମାତି ୧୪:୧-୧୨; ଲୁକ ୯:୭-୯)
\p
\v 14 \x + \xo ୬:୧୪ \xo*\xt ମାତି ୧୬:୧୪; ମାର୍କ ୮:୨୮; ଲୁକ ୯:୧୯.\xt*\x*ଜିସୁର୍‌ ନାଉଁ ସଃବୁହାକ୍‌ ଡାକ୍‌ ହୁଟ୍‌ଲି ଲାଗି ହେରଦ୍‌ ରଃଜା ତାର୍‌ କଃତା ସୁଣ୍‌ଲା ଆର୍‌ ଲକ୍‌ କଃଉତି ରିଲାୟ୍‌, “ବାପ୍ତିସମ୍‌ ଦେତା ଜହନ୍‌ ମଃଲା ଲକାର୍‌ ବିତ୍ରେହୁଣି ଉଟି ଆଚେ, ସେତାକ୍‌ ଇସଃବୁ କାବା ଅଃଉତା କାମ୍‌ କଃରୁକେ ସେ ସଃକ୍ତି ହାୟ୍‌ଆଚେ ।”
\p
\v 15 ମଃତର୍‌ ବିନ୍ ଲକ୍‌ମଃନ୍ କଃଉତି ରିଲାୟ୍‌, “ଏ ଏଲିୟ, ଆରେକ୍‌ କଃତି ଲକ୍‌ କଃଉତି ରିଲାୟ୍‌, ହୁର୍ବାର୍‌ ବାବ୍‌ବାଦିମଃନାର୍‌ ବିତ୍ରେ ଏହେଁ ଗଟେକ୍‌ ବାବ୍‌ବାଦି ।”
\p
\v 16 ମଃତର୍‌ ହେରଦ୍‌ ଇରି ସୁଣି କୟ୍‌ଲା, “ଜୁୟ୍‌ ଜହନ୍‌କ୍‌ ମୁଣ୍ଡ୍‌ ମୁଁୟ୍‌ କାଟିରିଲେ, ସେ ଆରେକ୍‌ ଉଟିଆଚେ ।” 
\v 17 \x + \xo ୬:୧୭ \xo*\xt ଲୁକ ୩:୧୯,୨୦.\xt*\x*ହେରଦ୍‌ ନିଜାର୍‌ ବାୟ୍‌ସି ପିଲିପାର୍‌ ଡକୁର୍ସି ହେରଦିଆକେ ସଃଙ୍ଗାଇ ରିଲା, ସେତାର୍‌ଗିନେ ହେରଦିଆକେ ସଃର୍ଦା କଃରାଉଁକ୍‌ ନିଜେ ଲକ୍‌ ହଃଟାୟ୍‌ ଜହନ୍‌କେ ଦଃରି ଆଣି ବାନ୍ଦି ଜଃଇଲ୍‌ ବିତ୍ରେ ହୁରାୟ୍‌ ରିଲା । 
\v 18 କାୟ୍‌ତାକ୍‌ବଃଲେକ୍‌ ବାପ୍ତିସମ୍‌ ଦେତା ଜହନ୍‌ ହେରଦ୍‌କେ କଃଉତିରିଲା, “ନିଜାର୍‌ ବାୟ୍‌ଦିର୍‌ ଡକୁର୍ସିକେ ସଃଙ୍ଗାଉତାର୍‌ ତର୍‌ ବିଦିନାୟ୍‌ଁ ।” 
\v 19 ସେତାର୍‌ଗିନେ ହେରଦିଆ ରିସା ଅୟ୍‌ ଜହନ୍‌କେ ମଃର୍ନେ ମାରୁକ୍‌ ମଃନ୍‌ କଃର୍ତିରିଲି, ମଃତର୍‌ ଜହନ୍‌କେ ମାରୁ ନଃହାର୍‌ତି ରିଲି । 
\v 20 କାୟ୍‌ତାକ୍‌ବଃଲେକ୍‌ ହେରଦ୍‌ ଜହନ୍‌କେ ଗଟ୍‌ ଦଃର୍ମି ଆର୍‌ ପବିତ୍ର ମାନାୟ୍‌ ବଃଲି ଜାଣି ଡିରି ରିଲା ଆର୍‌ ମାରୁ ନଃଚ୍‌ତି ରିଲା । ଆର୍‌ ଜହନାର୍‌ କଃତା ସୁଣି ରିସା ଅୟ୍‌ଲେକ୍‌ ହେଁ, ତାର୍‌ କଃତା ସୁଣ୍‌ତି ରିଲା । 
\v 21 ତାର୍‌ହଃଚେ ହେରଦିଆକେ ଗଟ୍‌ ବାଟ ମିଳ୍‌ଲି, ସେଦିନ୍‌ ହେରଦାର୍‌ ଜଃଲମ୍‌ ଦିନ୍, ମଃତ୍ରିମଃନାର୍‌ ଗିନେ, ହାଁଚ୍ କଳି ସଃଇନ୍ ଉହ୍ରେ ବଃଡ୍ ସଃଇନ୍‌ମଃନାର୍‌ ଗିନେ ଆର୍‌ ଗାଲିଲିର୍‌ ବଃଡ୍ ବଃଡ୍ ଲକାର୍‌ ଗିନେ ରାତ୍ୟା ଗଟେକ୍‌ ବଃଡ୍ ବଜି ଅୟ୍‌ଲି । 
\v 22 ଆର୍‌ ହେରଦିଆର୍‌ ନିଜାର୍‌ ଜିସି ବିତ୍ରେ ଆସି ନାଚ୍‌ଲି, ଆର୍‌ ହେରଦ୍‌ ଆର୍‌ ତାର୍‌ ସଃଙ୍ଗ୍ ବଜିୟେ ବଃସିରିଲା ଲକ୍‌ମଃନ୍‌କେ ସଃର୍ଦା କଃରାୟ୍‌ଲି । ସେତାର୍‌ଗିନେ ହେରଦ୍‌ ରଃଜା, ଜିସିକେ କୁଦି କୟ୍‌ଲା, “ଜାୟ୍‌ରି ମଃନ୍ କଃରୁଲିସ୍‌, ସେରି ମାଗ୍, ମୁଁୟ୍‌ ତକେ ସେରି ଦଃୟ୍‌ନ୍ଦ୍ ।” 
\v 23 ରଃଜା ଜିସିକେ କୟ୍‌ଲା, “ମୁଁୟ୍‌ ହଃର୍ମାଣ୍‌ କଃରି କଃଉଁଲେ, ତୁୟ୍‌ ଜାୟ୍‌ରି ମାଗ୍‌ଲେକ୍‌, ଆର୍‌ ରାଇଜାର୍‌ ଆଦ୍‌ବାଗ୍ ମାଗ୍‌ଲେକ୍‌ ହେଁ ମୁଁୟ୍‌ ସେରି ଦଃୟ୍‌ନ୍ଦ୍ ।”
\p
\v 24 ସେତାକ୍‌ ସେ ଜିସି ବାରାୟ୍‌ ଜାୟ୍‌ ତାର୍‌ ଆୟ୍‌ସିକ୍‌ ହଃଚାର୍ଲି, “ମୁୟ୍‌ଁ କାୟ୍‌ରି ମାଗିନ୍ଦ୍‌ ?”
\p ତଃବେ ତାର୍‌ ଆୟ୍‌ସି ତାକ୍‌ କୟ୍‌ଲି, “ବାପ୍ତିସମ୍‌ ଦେତା ଜହନାର୍‌ ମୁଣ୍ଡ୍ ମାଗ୍ ।”
\p
\v 25 ସୁଣ୍‌ଲା ଦାହ୍ରେ ଜିସି ରଃଜାର୍‌ ହାକ୍‌ ବାଉଳି ଆୟ୍‌ଲି ଆର୍‌ ଇରି କୟ୍‌ ମାଗ୍‌ଲି, “ମର୍‌ ମଃନ୍, ତୁୟ୍‌ ବାପ୍ତିସମ୍‌ ଦେଉ ଜହନାର୍‌ ମୁଣ୍ଡ୍‌ ଗଟ୍‌ ତାଳି ତଃୟ୍‌ ମକ୍‌ ଇ ଦାହ୍ରେ ଦେ ।”
\p
\v 26 ସେତାର୍‌ଗିନେ ରଃଜା ବଃଡେ ଦୁକ୍‌ କଃଲା, ମଃତର୍‌ ରଃଜା ଅଃହ୍‌ଣାର୍‌ ହଃର୍ମାଣ୍‌ ଆର୍‌ କାଉଁକେ ବଃସିରିଲା ଲକାର୍‌ ଗିନେ ନାୟ୍‌ ବଃଲି କଃଉଁକେ ନଃହାର୍‌ଲା । 
\v 27 ସେତାର୍‌ଗିନେ ରଃଜା ସେଦାହ୍ରେ ଗଟ୍‌ ସଃଇନ୍‌ ହଃଟାୟ୍‌ ଜହନାର୍‌ ମୁଣ୍ଡ୍‌କାଟି ଆଣୁକେ କୟ୍‌ଲା । ତାର୍‌ହଃଚେ ସଃଇନ୍‌ ଜଃଇଲ୍‌ ଗଃରେ ଜାୟ୍‌ ତାର୍‌ ମୁଣ୍ଡ୍‌କାଟି ଆଣ୍‌ଲା । 
\v 28 ଆର୍‌ ସେରି ଗଟ୍‌ ତାଳି ତଃୟ୍‌ ଜିସିକେ ଦିଲା, ଆର୍‌ ଜିସି ସେରି ନଃୟ୍‌ ତାର୍‌ ଆୟ୍‌ସିକ୍‌ ଦିଲି । 
\v 29 ଜହନାର୍‌ ଚେଲାମଃନ୍ କବୁର୍‌ ହାୟ୍‌ ଆୟ୍‌ଲାୟ୍‌ ଆର୍‌ ଜହନାର୍‌ ମଃଲାମଃଳ୍‌ ନଃୟ୍‌ ମଃସୁଣ୍‌ କାଲେ ତହ୍‌ଲାୟ୍‌ ।
\s ଜିସୁ ହାଁଚ୍ ଅଃଜାର୍‌ ଲକ୍‌କେ କାଦି ଜାଗାୟ୍‌ଲା
\r (ମାତି ୧୪:୧୩-୨୧; ଲୁକ ୯:୧୦-୧୭; ଜହ ୬:୧-୧୪)
\p
\v 30 ତାର୍‌ହଃଚେ ପେରିତ୍‌ମଃନ୍‌ ଜିସୁର୍‌ ଲଃଗେ ରୁଣ୍ଡ୍‌ଲାୟ୍‌ ଆର୍‌ ସେମଃନ୍ ଜାୟ୍‌ରି ଜାୟ୍‌ରି କଃରି ରିଲାୟ୍‌ ଆର୍‌ ତୁୟ୍‌ ଜୁୟ୍‌ରି ସିକ୍ୟା ଦଃୟ୍‌ରିଲାୟ୍‌ ସେରିମଃନ୍ ତାକ୍‌ କୟ୍‌ଲାୟ୍‌ । 
\v 31 ଗାଦେକ୍‌ ଲକ୍‌ ଜାଆଆସ୍‌ ଅଃଉତିରିଲାୟ୍‌ ଲାଗି, ସେମଃନ୍ କାଉଁକେ ହେଁ ନଃହାର୍‌ତି ରିଲାୟ୍‌ । ସେତାକ୍‌ ଜିସୁ ସେମଃନ୍‌କେ କୟ୍‌ଲା, “ଅଃମିମଃନ୍‌ ଅଃଲ୍‌ଗା ଅୟ୍‌ ଗଟେକ୍‌ ସିଣିନ୍ଦ୍ ଟାଣେ ଜୁଆଁ, ଆର୍‌ ସେତି ଚଃନେକ୍‌ ବିସାଉଆ ।” 
\v 32 ତାର୍‌ହଃଚେ ସେମଃନ୍ ସେ ଟାଣ୍ ଚାଡି ଡଙ୍ଗାୟ୍‌ ବଃସି ଗଟ୍‌ ସିଣିନ୍ଦ୍ ଟାଣେ ବାରାୟ୍‌ ଗଃଳାୟ୍‌ ।
\p
\v 33 ମଃତର୍‌ କଃତିଲକ୍‌ ସେମଃନ୍‌କେ ବାରାୟ୍‌ ଜାତାର୍‌ ଦଃକ୍‌ଲାୟ୍‌ ଆର୍‌ ଚିନ୍‌ଲାୟ୍‌ ଆର୍‌ ଲକ୍‌ମଃନ୍ ସଃବୁ ଗଃଳେହୁଣି ହାଦେ ଇଣ୍ଡିଜାୟ୍‌ ସେତି ଅଃକା ସଃଙ୍ଗ୍ ଦଃବ୍‌ଳିଜାୟ୍‌ ସେମଃନାର୍‌ ଆଗାଳି ହଚ୍‌ଲାୟ୍‌ । 
\v 34 \x + \xo ୬:୩୪ \xo*\xt ମାତି ୯:୩୬.\xt*\x*ଜିସୁ ଡଙ୍ଗାୟ୍‌ ହୁଣି ଉତ୍ରି ଅଲେକାର୍‌ ଲକ୍‌ମଃନ୍‌କେ ଦଃକି ସେ ଲକାର୍‌ ଗିନେ ମଃନ୍ ବିତ୍ରେ ଦଃୟା ଆୟ୍‌ଲି, କାୟ୍‌ତାକ୍‌ବଃଲେକ୍‌ ସେମଃନ୍ ଗଃଉଳିଆ ନୟ୍‌ଲା ମେଣ୍ଡା ହର୍‌ ରିଲାୟ୍‌, ଆର୍‌ ସେମଃନ୍‌କେ ଅଃନେକ୍‌ କଃତା ସିକ୍ୟା ଦେଉଁକ୍‌ ଦଃର୍ଲା । 
\v 35 ବେସି ବେଳ୍‌ ଆୟ୍‌ଲାକ୍‌ ଜିସୁର୍‌ ଚେଲାମଃନ୍ ଆସି ତାକ୍‌ କୟ୍‌ଲାୟ୍‌, “ଇଟାଣ୍‌ ତ ଲକ୍‌ବାକ୍‌ ନୟ୍‌ଲା ଟାଣ୍ ଆର୍‌ ବେସି ବେଳ୍‌ ଅୟ୍‌ଲିବେ; 
\v 36 ଲକ୍‌ମଃନ୍ ଜଃନ୍‌କଃରି ଚାରିହାକ୍‌ ଗାଉଁଗୁଡାୟ୍‌ ଜାୟ୍‌ ନିଜାର୍‌ ନିଜାର୍‌ ଗିନେ କାଉଁକେ କାଦି ଗେନ୍‌ତି । ଇତାର୍‌ ଗିନେ ସେମଃନ୍‌କେ ସେଲ ଦେସ୍‌ ।”
\p
\v 37 ମଃତର୍‌ ଜିସୁ ସେମଃନ୍‌କେ କୟ୍‌ଲା, “ତୁମିମଃନ୍ ସେମଃନ୍‌କେ କାଳାଉଆ ।”
\p ସେତାକ୍‌ ଚେଲାମଃନ୍ କୟ୍‌ଲାୟ୍‌, “ଅଃମିମଃନ୍‌ ଜାୟ୍‌ ହାଁଚ୍‌କଳି ଟଃକାର୍‌ ରୁଟି ଗେନିଆଣି କାୟ୍‌ ସେମଃନ୍‌କେ କାଳାଉଁକ୍‌ ହାରୁନ୍ଦ୍ ?”
\p
\v 38 ଜିସୁ ସେମଃନ୍‌କେ ହଃଚାର୍ଲା, “ତୁମାର୍‌ହାକ୍‌ କଃତିଗଟ୍‌ ରୁଟି ଆଚେ ଜାୟ୍‌ ଦଃକା ।”
\p ଚେଲାମଃନ୍ ଦଃକିଆସି କୟ୍‌ଲାୟ୍‌, “ହାଁଚ୍ ଗଟ୍‌ ରୁଟି ଆର୍‌ ଜଳେକ୍‌ ମାଚ୍ ଆଚେ ।”
\p
\v 39 ସେତି ଜଃନ୍‌କଃରି ଦଃଳ୍‌ ଦଃଳ୍‌ ଅୟ୍‌ କଃଉଁଳା ରଃନ୍ ଉହ୍ରେ ଲକ୍‌ମଃନ୍‌କେ ବଃସାଉଁକ୍‌ ଜିସୁ ଚେଲାମଃନ୍‌କେ କୟ୍‌ଲା । 
\v 40 ସେତାକ୍‌ ଲକ୍‌ମଃନ୍ ସଃବୁ ହାଁଚ୍‌କଳି ଆର୍‌ ଦୁୟ୍‌କଳି ଦଃସ୍‌ ଲେକା ଅୟ୍‌ ବଃସ୍‌ଲାୟ୍‌ । 
\v 41 ତାର୍‌ହଃଚେ ଜିସୁ ସେ ହାଁଚ୍ ଗଟ୍‌ ରୁଟି ଜଳେକ୍‌ ମାଚ୍ ଦଃରି ସଃର୍ଗ୍‌ ବାଟ୍ୟା ଦଃକି ଇସ୍ୱର୍‌କେ ପାର୍ତ୍‌ନା କଃଲା ଆର୍‌ ରୁଟିମଃନ୍‌ ଆସିର୍ବାଦ୍‌ କଃରି ଲକ୍‌ମଃନ୍‌କେ ବାଟାକଃରି ଦେଉଁକେ ଚେଲାମଃନ୍‌କେ କୟ୍‌ଲା, ଆର୍‌ ସେ ଜଳେକ୍‌ ମାଚ୍‍କ୍ ସେ ସଃବୁ ଲକ୍‌ମଃନ୍‌କେ ବାଟାକଃରି ଦେଉଁକେ ଦିଲା । 
\v 42 ସେତିର୍‌ ସଃବୁଲକ୍‌ ହେଟ୍‌ ହୁର୍ନେ କାୟ୍‌ଲାୟ୍‌ । 
\v 43 ସଃବୁଲକ୍‌ କାୟ୍‌ ସଃର୍ଲା ହଃଚେ, ଚେଲାମଃନ୍ ଉବୁର୍ଲାର୍‌ ବାଙ୍ଗ୍‌ଲା ରୁଟି ଆର୍‌ ମାଚ୍ ରୁଣ୍ଡାୟ୍‌ ବାରଡଃଲା ବଃର୍ତି କଃଲାୟ୍‌ । 
\v 44 ଜଃତେକ୍‌ ଲକ୍‌ମଃନ୍ ରୁଟି କାୟ୍‌ରିଲାୟ୍‌ ସେମଃନାର୍‌ ବିତ୍ରେ ଅଃବ୍‌କା ଅଃଣ୍ଡ୍ରାହିଲା ହଃକା ହାଁଚ୍ ଅଃଜାର୍‌ ରିଲାୟ୍‌ ।
\s ଜିସୁ ହାଣି ଉହ୍ରେ ଇଣ୍ଡ୍‌ଲା
\r (ମାତି ୧୪:୨୨-୩୩; ଜହ ୬:୧୫-୨୧)
\p
\v 45 ତଃତ୍‌କାଣ୍ ଜିସୁ ତାର୍‌ ଚେଲାମଃନ୍‌କେ ଡଙ୍ଗାୟ୍‌ ଚଃଗି ସଃମ୍‌ନ୍ଦ୍ ସେହାଟିର୍‌ ବେତ୍‌ସାଇଦାକେ ଆଗ୍‌ତୁ ହଃଟାୟ୍‌ଲା, ଆର୍‌ ତାର୍‌ହଃଚେ ଲକ୍‌ମଃନ୍‌କେ ହେଁ ଗଃରେ ହଃଟାୟ୍‌ଲା । 
\v 46 ଜିସୁ ଲକ୍‌ମଃନ୍‌କେ ସେଲଚାଡି ଦଃୟ୍‌ ପାର୍ତ୍‌ନା କଃରୁକେ ଡଙ୍ଗୁର୍‌ ଉହ୍ରେ ଗଃଲା । 
\v 47 ସଃଞ୍ଜ୍ ଅୟ୍‌ଲା ହଃଚେ, ଡଙ୍ଗା ମଃଜି ସଃମ୍‌ନ୍ଦେ ରିଲାବଃଳ୍‌ ଜିସୁ ସଃମ୍‌ନ୍ଦ୍ କଃଣ୍ଡିଏ ଏକ୍ଲା ରିଲା । 
\v 48 ଚେଲାମଃନ୍ ଡଙ୍ଗା ଗାଟୁକେ କଃସ୍ଟ୍‌ ହାଉତାର୍‌ ଜିସୁ ଦଃକ୍‌ଲା, କାୟ୍‌ତାକ୍‌ବଃଲେକ୍‌ ତାକାର୍‌ ଆଗ୍‌ବାଟ୍ୟା ବାଉ ଅଃଉତି ରିଲି, ଉଜାଳ୍‌ ଅଃଉତାବଃଳ୍‌ ଚାର୍‌ଟା ବଃଳ୍‌ ଜିସୁ ସଃମ୍‌ନ୍ଦ୍ ଉହ୍ରେ ଇଣ୍ଡି ଇଣ୍ଡି ତାକାର୍‌ ଚଃମେ ଆୟ୍‌ଲା, ଆର୍‌ ସେମଃନ୍‌କେ ଜିଣ୍‌ତେ ହାକ୍‌ମାରି ଜଃଉଁକେ ମଃନ୍‌ କଃର୍ତିରିଲା । 
\v 49 ମଃତର୍‌ ସେମଃନ୍ ତାକ୍‌ ସଃମ୍‌ନ୍ଦ୍ ଉହ୍ରେ ଇଣ୍ଡ୍‌ତାର୍‌ ଦଃକି ଡୁମା ବଃଲି ବେଲ୍‌କି ଅୟ୍‌ଲାୟ୍‌ । 
\v 50 କାୟ୍‌ତାକ୍‌ବଃଲେକ୍‌ ସଃବୁଲକ୍‌ ତାକ୍‌ ଦଃକି ଡିରି ଗଃଲାୟ୍‌ ।
\p ମଃତର୍‌ ଜିସୁ ତଃତ୍‌କାଣ୍ ତାକାର୍‌ ସଃଙ୍ଗ୍ କଃତାଅୟ୍‌ କୟ୍‌ଲା, “ଡିରା ନାୟ୍‌ ସାସ୍‌ ଦଃରା, ଇରି ତ ମୁଁୟ୍‌ ।” 
\v 51 ଆରେକ୍‌ ସେ ସେମଃନାର୍‌ ଲଃଗେ ଜାୟ୍‌ ଡଙ୍ଗାୟ୍‌ ବଃସ୍‌ଲା, ଆର୍‌ ବାଉ ବଃନ୍ଦ୍‌ ଅୟ୍‌ଲି, ସେତାର୍‌ଗିନେ ଚେଲାମଃନ୍ ମଃନେ ମଃନେ ଅଃପର୍‌ବଳ୍‌ କାବା ଅୟ୍‌ଲାୟ୍‌ । 
\v 52 କାୟ୍‌ତାକ୍‌ବଃଲେକ୍‌ ଜିସୁ ହାଁଚ୍ ଆଜାର୍‌ ଲକ୍‌ମଃନ୍‌କେ କାଦି କାଳାୟ୍‌ଲାର୍‌ ବୁଦି ସେମଃନ୍‌କେ ଅୟ୍‌ନଃରିଲି, ଆର୍‌ ତାକାର୍‌ ମଃନ୍‌ ଅଃଟୁଆ ଅୟ୍‌ରିଲି ।
\s ଜିସୁ ଗିନେସଃରତେ ରଗିମଃନ୍‌କେ ଉଜ୍‌ କଃଲା
\r (ମାତି ୧୪:୩୪-୩୬)
\p
\v 53 ସେମଃନ୍ ସଃମ୍‌ନ୍ଦ୍ ଲିଙ୍ଗି ଗିନେସ୍‌ରଃତ୍‌ କଃଣ୍ଡାୟ୍‌ ଆୟ୍‌ଲାୟ୍‌, ଆର୍‌ ସେତି ସେମଃନ୍ ଡଙ୍ଗା ବାନ୍ଦ୍‌ଲାୟ୍‌ । 
\v 54 ଆର୍‌ ସେମଃନ୍ ଡଙ୍ଗାୟ୍‌ହୁଣି ଉତୁର୍ଲା ଦାହ୍ରେ ଲକ୍‌ମଃନ୍ ଜିସୁକେ ଚିନ୍‌ଲାୟ୍‌ । 
\v 55 ସେଦାହ୍ରେ ଲକ୍‌ମଃନ୍ ଲଃଗାର୍‌ ଗାଉଁମଃନ୍‌କେ ଦଃବ୍‌ଳି ଜାୟ୍‌, ଜୁୟ୍‌ ଜୁୟ୍‌ ଟାଣେ ଜିସୁ ଆଚେ ବଃଲି ସୁଣ୍‌ଲାୟ୍‌, ସେ ଟାଣେ ମଃଳୁହଃଳ୍‌ଲା ଲକ୍‌ମଃନ୍‌କେ ଟାଟି ତଃୟ୍‌ଁ ବୟ୍‌ଆଣୁକେ ଦଃର୍ଲାୟ୍‌ । 
\v 56 ଆର୍‌ ଜିସୁ ଜୁୟ୍‌ ଜୁୟ୍‌, ଗଃଳେ ଆର୍‌ ଗାଉଁଏ ଗୁଡାୟ୍‌ ଗଃଲା, ଲକ୍‌ମଃନ୍ ସେ ସଃବୁଟାଣେ ଜୁୟ୍‌ ମାନାୟ୍‌ମଃନ୍‌ ମଃଳୁ ହଃଳି ରିଲାୟ୍‌, ସେମଃନ୍‌କେ ଲକ୍‌ମଃନ୍ ଆଟ୍‌ ବଃଜାରେ ନଃୟ୍‌ ସଳାୟ୍‌ ସେମଃନ୍ ଜଃନ୍‌କଃରି ଜିସୁର୍‌ ହଃଚ୍ୟାର୍‌ ଆଚଳ୍‌ ଚିଉତି, ସେତାକ୍‌ ତାକ୍‌ ଗଃଉଆରି କଃଲାୟ୍‌ ଆର୍‌ ଜଃତେକ୍‌ ଲକ୍‌ ଚୁୟ୍‌ଲାୟ୍‌ ସେମଃନ୍ ଉଜ୍‌ ଅୟ୍‌ଲାୟ୍‌ ।
\c 7
\s ପାରୁସିମଃନାର୍‌ ରିତିବିତି
\r (ମାତି ୧୫:୧-୯)
\p
\v 1 ତାର୍‌ହଃଚେ ପାରୁସିମଃନ୍ ଆର୍‌ ଜିରୁସାଲମେ ହୁଣି ଆସିରିଲା କଃତେକ୍‌ ଦଃର୍ମ୍‌ଗୁରୁମଃନ୍‌ ଜିସୁର୍‌ ଚଃମେ ରୁଣ୍ଡ୍‌ଲାୟ୍‌ । 
\v 2 ଆର୍‌ ସେମଃନ୍ ଜିସୁର୍‌ କଃତିଗଟ୍‌ ଚେଲାକେ ଜିଉଦିମଃନାର୍‌ ରିତିବିଦି ହଃର୍କାରେ ଆତ୍‌ ନଃଦଉତ୍‌ ମେଳି ଆତେ କାତିରିଲାର୍‌ ଦଃକ୍‌ଲାୟ୍‌ ।
\p
\v 3 ପାରୁସିମଃନ୍ ଆର୍‌ ଜିଉଦିମଃନ୍ ହୁର୍ବ୍‌ କାଳାର୍‌ ପାରାଚିନ୍‌ମଃନାର୍‌ ରିତିବିଦି ମାନିକଃରି ନିକକଃରି ଆତ୍‌ ନଃଦୟ୍‌ଲେକ୍‌ କାୟ୍‌ରି ହେଁ କାତି ନଃରିଲାୟ୍‌ । 
\v 4 ଜଃଡେବଃଳ୍‌ ସେମଃନ୍ ଆଟେ ବଃଜାରେ ହୁଣି ଗଃରେ ଆସ୍ତି ରିଲାୟ୍‌, ଅଃହ୍‌ଣା ଅଃହ୍‌ଣାର୍‌ ଗଃଗାଳ୍‌ ଦଃଉତି ରିଲାୟ୍‌, ନଃଦଃଉତା ହଃତେକ୍‌ କାଦି ନଃକାତି ରିଲାୟ୍‌; ଆର୍‌ ଗିନା, ମୁତା ଆର୍‌ କଃସ୍‌ଆଣ୍ଡିର୍‌ ହାଣାୟ୍‌ ବୁଡାଉତାର୍‌ ଆର୍‌ କାୟ୍‌କାୟ୍‌ରି ଗାଦେକ୍‌ ରିତିବିଦି ମାନୁକେ ସେମଃନ୍ ଆଦେସ୍‌ ହାୟ୍‌ ରିଲାୟ୍‌ ।
\p
\v 5 ଇତାର୍‌ ଗିନେ ପାରୁସି ଆର୍‌ ଦଃର୍ମ୍‌ଗୁରୁମଃନ୍‌ ଜିସୁକେ ହଃଚାର୍ଲାୟ୍‌, “ତର୍‌ ଚେଲାମଃନ୍‌କେ ହୁର୍ବ୍‌ କାଳାର୍‌ ପାରାଚିନ୍‌ମଃନାର୍‌ ରିତିବିଦି ହଃର୍କାରେ କାୟ୍‌ତାକ୍‌ ଚାଲାଚାଲ୍‌ତି ନଃକେରି ଆତ୍‌ ନଃଦଃୟ୍‌ ମେଳି ଆତେ କାଉଁଲାୟ୍‌ ?”
\p
\v 6 ଜିସୁ ସେମଃନ୍‌କେ କୟ୍‌ଲା, “ରେ ହେଟ୍‌କପଟ୍ୟାମଃନ୍‌, ଜିସାୟ୍‌ ବାବ୍‌ବାଣିଏ ତୁମାର୍‌ ଗିନେ ସଃତ୍‌ କଃତା କୟ୍‌ଲା ଆଚେ, ଜଃନ୍‌କଃରି ଲେକା ଆଚେ-
\q1 ଇସ୍ୱର୍‌ କଃଉଁଲା, ‘ଇ ଜାତି ମୁଏଁ ମକ୍‌ ମାନ୍‌ତି କଃର୍ତି,
\q2 ମଃତର୍‌ ସେମଃନାର୍‌ ମଃନ୍ ମର୍‌ ତଃୟ୍‌ହୁଣି ଦୁରିକ୍‌ ରଃୟ୍‌ଦ୍‌ ।
\q1
\v 7 ଆର୍‌ ସେମଃନ୍ ମାନାୟ୍‌ମଃନାର୍‌ ରିତିବିଦିକ୍‌ ମାପ୍ରୁର୍‌ ବଃଲି ଲକ୍‌ମଃନ୍‌କେ ସିକ୍ୟା ଦେତି,
\q2 ଆର୍‌ ହଲ୍ୟା ହଲ୍ୟା ଇ ଲକ୍‌ମଃନ୍ ମର୍‌ ସେବା କଃର୍ତି ।’”
\p
\v 8 “ତୁମିମଃନ୍ ଇସ୍ୱର୍‌ ଦିଲା ବିଦି ଚାଡି ନଃର୍‌ମଃନାର୍‌ ରିତିବିଦିକ୍‌ ଦଃରି ଆଚାସ୍‌ ।”
\p
\v 9 ଆରେକ୍‌ ଜିସୁ ସେମଃନ୍‌କେ କୟ୍‌ଲା, “ତୁମିମଃନ୍ ଅଃହ୍‌ଣା ଅଃହ୍‌ଣାର୍‌ ମାନି ଆସ୍ତାର୍‌ ରିତିବିଦି ଗିନେ, ଇସ୍ୱରାର୍‌ ବିଦିକେ ଚାଡୁଲାସ୍‌ । 
\v 10 କାୟ୍‌ତାକ୍‌ବଃଲେକ୍‌ ମସା କୟ୍‌ଲା ଆଚେ, ‘ନିଜାର୍‌ ଆୟା ଉବାକ୍‌ ମାନ୍‌ତି କଃରା,’ ଆର୍‌, ‘ଜୁୟ୍‌ ଲକ୍‌ ଆୟା ଉବାକ୍‌ ସାୟ୍‌ପ୍‌ ଦଃୟ୍‌ଦ୍‌ ସେ ବାୟ୍‌ଦ୍‌ରେ ମଃର୍ନ୍‌ ଡଃଣ୍ଡ୍‌ ହାୟ୍‌ଦ୍‌ ।’ 
\v 11 ମଃତର୍‌ ତୁମିମଃନ୍ ସିକ୍ୟା ଦେଉଁଲାସ୍‌, କେ ଜଦି ଉବା କି ଆୟାକ୍‌ କୟ୍‌ଦ୍‌, ‘ମର୍‌ ତଃୟ୍‌ହୁଣି ତୁମି ଜାୟ୍‌ ଉହ୍‌କାର୍‌ ହାଉତାର୍‌ ଆଚେ, ସେରି ମୁଁୟ୍‌ କର୍ବାନ୍ କଃରି ଆଚି ।’ ବଃଲେକ୍‌ ଇସ୍ୱର୍‌କେ ଦାନ୍‌ କଃରିଆଚି । 
\v 12 ତଃବେ ତୁମି ଇବାନ୍ୟା ଲକ୍‌ମଃନ୍‌କେ ତାକାର୍‌ ଆୟ୍‌ସି ଉବାସିର୍‌ ଗିନେ କାୟ୍‌ରି ହେଁ କଃରୁକେ ନଃଦେଉଁଲାସ୍‌ । 
\v 13 ଇବାନ୍ୟା ତୁମିମଃନ୍ ତୁମାର୍‌ କଃରି ଆସ୍ତା ରିତିବିଦି ଗିନେ ଇସ୍ୱର୍‌ ଦିଲା ରିତିବିଦିକ୍‌ ନଃମାନୁଲାସ୍‌, ଆର୍‌ କଃତେକ୍‌ କଃତେକ୍‌ କାମ୍‌ କଃରୁଲାସ୍‌ ।”
\s ମାନାୟ୍‌କେ କାୟ୍‌ରି ବିଟାଳ୍‌ କଃରେଦ୍‌
\r (ମାତି ୧୫:୧୦-୨୦)
\p
\v 14 ତାର୍‌ହଃଚେ ଜିସୁ ଲକ୍‌ମଃନ୍ଦାକେ ଲଃଗେ କୁଦି କୟ୍‌ଲା, “ତୁମିମଃନ୍ ସଃବୁଲକ୍‌ ମର୍‌ କଃତା ସୁଣା ଆର୍‌ ବୁଜା; 
\v 15 ଇବାନ୍ୟା କୁୟ୍‌ କଃତା ନାୟ୍‌ ଜୁୟ୍‌ରି ହଃଦାୟ୍‌ ହୁଣି ଆସି ଲକାର୍‌ ବିତ୍ରେ ହୁରି ତାକ୍‌ ବିଟାଳ୍‌ କଃରେଦ୍‌, ମଃତର୍‌ ଜୁୟ୍‌ରି ଲକାର୍‌ ବିତ୍ରେ ହୁଣି ବାରାୟ୍‌ଦ୍‌, ସେ ସଃବୁ ତାକ୍‌ ବିଟାଳ୍‌ କଃରେଦ୍‌ । 
\v 16 ଜଦି ଜାର୍‌ ସୁଣୁକ୍‌ କାନ୍‌ ଆଚେ, ସେ ସୁଣ ।”\f + \fr ୭:୧୬ \fr*\f*
\p
\v 17 ତାର୍‌ହଃଚେ ଜିସୁ ଲକ୍‌ମଃନାର୍‌ ତଃୟ୍‌ହୁଣି ଗଃର୍‌ ବିତ୍ରେ ଆୟ୍‌ଲା ହଃଚେ, ତାର୍‌ ଚେଲାମଃନ୍ ତାକ୍‌ ଇ କଃତାର୍‌ ବାବ୍‌ କାୟ୍‌ରି ବଃଲି ହଃଚାର୍ଲାୟ୍‌ । 
\v 18 ଜିସୁ ସେମଃନ୍‌କେ କୟ୍‌ଲା, “ତୁମିମଃନ୍‌କେ ହେଁ କାୟ୍‌ ସେମଃନାର୍‌ ହର୍‌ ବୁଦି ନାୟ୍‌ ? ଜାୟ୍‌ରି ସଃବୁ ହଃଦାୟ୍‌ହୁଣି ଲକ୍‌ମଃନାର୍‌ ବିତ୍ରେ ହୁରେଦ୍‌, ସେରି ତାକ୍‌ ବିଟାଳ୍‌ କଃରୁ ନାହାରେ । 
\v 19 କାୟ୍‌ତାକ୍‌ବଃଲେକ୍‌ ସେରି ତାର୍‌ ମଃନ୍‌ ବିତ୍ରେ ନଃହୁରି ହେଟ୍‌ ବିତ୍ରେ ହୁରେଦ୍‌, ଆର୍‌ ହଃଦାୟ୍‌ ବାରାୟ୍‌ ଜାୟ୍‌ଦ୍‌, ଇରି କାୟ୍‌ ନଃବୁଜୁଲାସ୍‌ ?” ଇବାନ୍ୟା ଜିସୁ ସଃବୁ କାଦି ନିର୍ମୁଳ୍‌ ଅୟ୍‌ ରଃୟ୍‌ଦ୍‌ ବଃଲି କୟ୍‌ଲା ।
\p
\v 20 ଜିସୁ ଆରେକ୍‌ ସେମଃନ୍‌କେ କୟ୍‌ଲା, “ଜାୟ୍‌ରି ଲକ୍‌ମଃନାର୍‌ ତଃୟ୍‌ହୁଣି ହଃଦାୟ୍‌ ବାରାୟ୍‌ଦ୍‌, ସେରି ତାକ୍‌ ବିଟାଳ୍‌ କଃରେଦ୍‌ । 
\v 21 କାୟ୍‌ତାକ୍‌ବଃଲେକ୍‌ ଲକାର୍‌ ବିତ୍ରେ ହୁଣି ବଃଲେକ୍‌ ଲକ୍‌ମଃନାର୍‌ ମଃନ୍‌ ବିତ୍ରେ ହୁଣି କଃରାବ୍‌ ଚିତା, ଚର୍‌ କଃରୁକେ, ଦାରି କଃରୁକେ, ନଃର୍‌ଅଃତ୍ୟା, 
\v 22 ବେସୁଆ, ଲଃବ୍‌ କାମ୍‌, ମିଚ୍ କଃଉତାର୍‌, ଅଃଳ୍‌ସିଆ, ଅଃକାର୍‌ ଅଃଉତାର୍‌, ଲକାର୍‌ ବିରଦେ ଲିନ୍ଦାକଃତା କଃଉତାର୍‌, ଗଃର୍ବ୍‌ ଦଃକାୟ୍‌ ଅଃଉତାର୍‌, ବକୁଆ ବୁଦି । 
\v 23 ଇରିମଃନ୍‌ ସଃବୁ ଲକାର୍‌ ମଃନ୍ ବିତ୍ରେ ହୁଣି ହଃଦାୟ୍‌ ବାରାଉଁଲି ଆର୍‌ ଲକ୍‌ମଃନ୍‌କେ ବିଟାଳ୍‌ କଃରୁଲି ।”
\s ଗଟେକ୍‌ ମାୟ୍‌ଜି ଟକିର୍‌ ବିସ୍ୱାସ୍‌
\r (ମାତି ୧୫:୨୧-୨୮)
\p
\v 24 ଇତାର୍‌ହଃଚେ ଜିସୁ ସେ ଜଃଗାୟ୍‌ହୁଣି ଉଟି ସର୍‌ ସଃନ୍ଦିକେ ଗଃଲା ଆର୍‌ ତାକ୍‌ କେ ହେଁ ନଃଜାଣତ୍‌ ବଃଲି ଇଚା କଃରି ଗଟେକ୍‌ ଗଃରେ ହୁର୍ଲା, ମଃତର୍‌ ସେ ଲୁକ୍‌ଣେ ରେଉଁ ନଃହାର୍ଲା । 
\v 25 ସଃଡେବଃଳ୍‌ ଜିସୁର୍‌ କଃତା ସୁଣି ସେଦାହ୍ରେ ଗଟେକ୍‌ ମାୟ୍‌ଜି ଜାର୍‌ ଜିସିକେ ବୁତ୍‌ ଡଃସିରିଲି, ସେ ସଃଙ୍ଗେ ସଃଙ୍ଗେ ଜିସୁର୍‌ ଲଃଗେ ଆୟ୍‌ଲି ଆର୍‌ ତାର୍‌ ଗଡେ ଡୁଳ୍‌ଲି । 
\v 26 ସେ ମାୟ୍‌ଜି ସର୍‌ ହଲିର୍‌ ସୁରପଇନିକିଆ ଜାତିର୍‌ ଗ୍ରିକ୍‌ମାୟ୍‌ଜି ରିଲି, ଆର୍‌ ସେ ଜିସୁକେ ଗଃଉଆରି କଃରି ମର୍‌ ଜିଇର୍‌ ଲଃଗେହୁଣି ବୁତ୍‌ ଚାଡାଉ ବଃଲି କଃଉତି ରିଲି । 
\v 27 ଜିସୁ ତାକ୍‌ କୟ୍‌ଲା, “ଆଗ୍‌ତୁ ହିଲାମଃନ୍‌କେ ହେଟ୍‌ ହୁର୍ନେ କାଉଁକେ ଦିଆସ୍‌, କାୟ୍‌ତାକ୍‌ବଃଲେକ୍‌ ହିଲାମଃନାର୍‌ କାତା କାଦି କୁକୁର୍‌ମଃନାର୍‌ ଚଃମେ ହିଙ୍ଗ୍‌ତାର୍‌ ନିକ ନାୟ୍‌ ।”
\p
\v 28 ମଃତର୍‌ ସେ ମାୟ୍‌ଜି ଉତୁର୍‌ ଦିଲି, “ହେଁ ମାପ୍ରୁ, ମଃତର୍‌ କୁକୁର୍‌ମଃନ୍ ହେଁ ଟେବୁଲ୍‌ ତଃଳେ ଅଦ୍ରି ରିଲା ହିଲାମଃନାର୍‌ ଲିତା ସଃକ୍ଳିମଃନ୍‌ ବେଟି କାତି ।”
\p
\v 29 ଜିସୁ ତାକ୍‌ କୟ୍‌ଲା, “ତର୍‌ ଇ କଃତାର୍‌ ଗିନେ, ତୁୟ୍‌ ଗଃରେ ବାଉଳି ଜାଆ, ତର୍‌ ଜିଦିର୍‌ ଲଃଗେହୁଣି ବୁତ୍‌ ବାରାୟ୍‌ ଗଃଲିବେ ।”
\p
\v 30 ସେ ମାୟ୍‌ଜି ଗଃରେ ଜାୟ୍‌ ତାର୍‌ ଜିସି ଟାଟାୟ୍‌ ସଇରିଲାର୍‌ ଆର୍‌ ବୁତ୍‌ ବାରାୟ୍‌ ଜାୟ୍‌ରିଲାର୍‌ ଦଃକ୍‌ଲି ।
\s ଜିସୁ ଗଟେକ୍‌ ଗୁଲା ଆର୍‌ ବଃୟ୍‌ରାକେ ଉଜ୍‌ କଃଲା
\p
\v 31 ଆରେକ୍‌ ଜିସୁ ସର୍‌ ସଃନ୍ଦିହୁଣି ସିଦନ୍‌ ଆର୍‌ ଦେକାପଲି ସଃନ୍ଦି ଅୟ୍‌କଃରି ଗାଲିଲି ସଃମ୍‌ନ୍ଦ୍ ଚଃମେ ଆୟ୍‌ଲା । 
\v 32 ସେତି ଲକ୍‌ମଃନ୍ ଗୁଲା ଆର୍‌ ବଃୟ୍‌ରା ଲକ୍‌କେ ଆଣ୍‌ଲାୟ୍‌, ଆର୍‌ ତାର୍‌ ଉହ୍ରେ ଆତ୍‌ ସଃଙ୍ଗାଉ ବଃଲି ଜିସୁକେ ଗଃଉଆରି କଃରି କୟ୍‌ଲାୟ୍‌ । 
\v 33 ଜିସୁ ସେମାନାୟ୍‌କେ ଲକ୍‌ମଃନାର୍‌ ତଃୟ୍‌ହୁଣି ଅଃଲ୍‌ଗା କଃରି ଏକ୍ଲାକେ କୁଦି ନଃୟ୍‌ ତାର୍‌ କାନେ ଜଳେକ୍‌ ଆଙ୍ଗଟି ହୁରାୟ୍‌ଲା ଆର୍‌ ଲାଳ୍‌ ତୁକି ତାର୍‌ ଜିବେ ଚୁୟ୍‌ଲା । 
\v 34 ତାର୍‌ହଃଚେ ଜିସୁ ସଃର୍ଗ୍‌ ବାଟ୍‌ ଦଃକି ବଃଡ୍ ହୁଣ୍ଡାଣ୍ ହୁଣ୍ଡିକଃରି ସେମାନାୟ୍‌କେ କୟ୍‌ଲା, “ଇପ୍‌ପତ ।” ବଃଲେକ୍‌, “ଇଟିଜା ।”
\p
\v 35 ସେଦାହ୍ରେ ସେମାନାୟ୍‌ର୍‌ କାନ୍‌ ଉଗାଳି ଅୟ୍‌ଲି ଆର୍‌ ତାର୍‌ ଜିବାର୍‌ ବାନ୍ଦୁଣ୍ ଇଟ୍‌ଲି ଲାଗି ସେ ନିକ କଃରି କଃତା ଅଃଉଁକେ ଦଃର୍ଲା ।
\p
\v 36 ତାର୍‌ହଃଚେ ଜିସୁ କାକେ ହେଁ ଇ କଃତା କଃଉଆ ନାୟ୍‌ ବଃଲି ସେମଃନ୍‌କେ ନିକ କଃରି କୟ୍‌ଲା; ମଃତର୍‌ ଜଃତେକ୍‌ କଃଉଁକେ ମଃନା କଃଲେକ୍‌ ହେଁ ସେମଃନ୍ ଅଃଦିକ୍‌ ସଃବୁହାକ୍‌ ପର୍ଚାର୍‌ କଃରି ବୁଲ୍‌ଲାୟ୍‌ । 
\v 37 ଇ କଃତା ଲକ୍‌ମଃନ୍ ସୁଣି କାବା ଅୟ୍‌ଗଃଲାୟ୍‌ ଆର୍‌ କୟ୍‌ଲାୟ୍‌, “ସେ ସଃବୁ କାମ୍‌ ନିକକଃରି କଃଲା ଆଚେ, ଆର୍‌ ବଃୟ୍‌ରା ଲକ୍‌କେ ସୁଣ୍‌ତା ସଃକ୍ତି ଆର୍‌ ଗୁଲା ଲକ୍‌କେ କଃଉତା ସଃକ୍ତି ଦେଉଁଲା ।”
\c 8
\s ଜିସୁ ଚାରି ଅଃଜାର୍‌ ଲକ୍‌କେ କାଳାୟ୍‌ଲା
\r (ମାତି ୧୫:୩୨-୩୯)
\p
\v 1 ସଃଡେବଃଳ୍‌ ଆରେକ୍‌ ଗାଦେକ୍‌ ଲକ୍‌ ଜିସୁର୍‌ ଚଃମେ ଆସି ରୁଣ୍ଡ୍‌ଲାୟ୍‌, ସେମଃନାର୍‌ ହାକ୍‌ କାଉଁକେ କାୟ୍‌ରି ହେଁ ନଃରିଲି । ଆର୍‌ ଜିସୁ ତାର୍‌ ଚେଲାମଃନ୍‌କେ ତାର୍‌ ଚଃମେ କୁଦି କୟ୍‌ଲା, 
\v 2 “ଇ ଲକ୍‌ମଃନାର୍‌ ଗିନେ ମକ୍‌ ବଃଡେ ଦଃୟା ଅଃଉଁଲି । ଇ ଲକ୍‌ମଃନ୍ ତିନି ଦିନ୍ ଅୟ୍‌ଲିନି ମର୍‌ ସଃଙ୍ଗ୍ ଆଚ୍‌ତି, ଅଃବେ ସେମଃନାର୍‌ ହାକ୍‌ କାଉଁକେ କାୟ୍‌ରି ହେଁ ନାୟ୍‌ । 
\v 3 ଜଦି ମୁଁୟ୍‌ ସେମଃନ୍‌କେ ବୁକେ ଗଃରେ ହଃଟାୟ୍‌ନ୍ଦ୍, ତଃବେ ଜାତାବାଟେ ସେମଃନ୍ ମୁର୍ଚା ଅୟ୍‌ଜାତି, ସେମଃନାର୍‌ ବିତ୍ରେ କଃତେକ୍‌ ଲକ୍‌ ବଃଡେ ଦୁରିକ୍‌ ହୁଣି ଆସି ଆଚ୍‌ତି ।”
\p
\v 4 ତାର୍‌ ଚେଲାମଃନ୍ ଜିସୁକେ କୟ୍‌ଲାୟ୍‌, “ଇତି ଲକ୍‌ବାକ୍‌ ନୟ୍‌ଲା ଟାଣେ କୁୟ୍‌ତି ହୁଣି ରୁଟି ଆଣି ଏମଃନ୍‌କେ ହେଟ୍‌ହୁର୍ନେ କାଉଁକେ ଦେଉଁନ୍ଦ୍ ?”
\p
\v 5 ଜିସୁ ଚେଲାମଃନ୍‌କେ ହଃଚାର୍ଲା, “କଃତିଗଟ୍‌ ରୁଟି ତୁମାର୍‌ ହାକ୍‌ ଆଚେ ?”
\p ସେମଃନ୍ କୟ୍‌ଲାୟ୍‌, “ସାତ୍‌ଗଟ୍‌ ।”
\p
\v 6 ତାର୍‌ହଃଚେ ଜିସୁ ଲକ୍‌ମଃନ୍‌କେ ମାଟାୟ୍‌ ବଃସୁକେ କୟ୍‌ଲା, ଆରେକ୍‌ ଜିସୁ ସେ ସାତ୍‌ଗଟ୍‌ ରୁଟିକେ ଆତେ ଦଃରି ଇସ୍ୱର୍‌କେ ପାର୍ତ୍‌ନାକଃରି ରୁଟିସଃବୁ କଃଣ୍ଡ୍ କଃଣ୍ଡ୍ କଃରି ଲକ୍‌ମଃନ୍‌କେ ବାଟି ଦିଆସ୍‌ ବଃଲି ତାର୍‌ ଚେଲାମଃନ୍‌କେ ଦିଲା; ଚେଲାମଃନ୍ ସଃବୁ ଲକ୍‌ମଃନ୍‌କେ ସେରି ବାଟାକଃରି ଦିଲାୟ୍‌ । 
\v 7 ଚେଲାମଃନାର୍‌ ହାକ୍‌ କଃତିଗଟ୍‌ ସାନ୍‌ ମାଚ୍ ହେଁ ରିିଲି; ସେ ମାଚ୍‌କେ ହେଁ ଦଃରି ଜିସୁ ଆସିର୍ବାଦ୍‌ କଃରି ଲକ୍‌ମଃନ୍‌କେ ବାଟାକଃରି ଦେଉଁକେ ତାର୍‌ ଚେଲାମଃନ୍‌କେ କୟ୍‌ଲା । 
\v 8 ସଃବୁ ଲକ୍‌ମଃନ୍ ହେଟ୍‌ ହୁର୍ନେ କାୟ୍‌ଲାୟ୍‌ ଆର୍‌ ଚେଲାମଃନ୍ ଉବୁର୍ଲାର୍‌ ବାଙ୍ଗ୍‌ଲା ରୁଟି ବେଟି ସାତ୍‌ ଡଃଲା ବଃର୍ତି କଃଲାୟ୍‌ । 
\v 9 କାୟ୍‌ଲା ଲକ୍‌ମଃନ୍ ହାକାହାକି ଚାରି ଆଜାର୍‌ ଲକ୍‌ ରିଲାୟ୍‌ । 
\v 10 ତାର୍‌ହଃଚେ ଜିସୁ ସେମଃନ୍‌କେ ସେଲଦିଲା, ଆର୍‌ ସେଦାହ୍ରେ ଜିସୁ ତାର୍‌ ଚେଲାମଃନାର୍‌ ସଃଙ୍ଗ୍ ଡଙ୍ଗାୟ୍‌ ଚଃଗି ଦଲ୍‌ମନୁତା ହଲିକେ ଗଃଳାୟ୍‌ ।
\s ପାରୁସିମଃନ୍ ଜିସୁକେ କାବା ଅଃଉତା କାମ୍‌ କଃରୁକେ କଃଲାୟ୍‌
\r (ମାତି ୧୨:୩୮-୪୨; ୧୬:୧-୪)
\p
\v 11 \x + \xo ୮:୧୧ \xo*\xt ମାତି ୧୨:୩୮; ଲୁକ ୧୧:୧୬.\xt*\x*ତାର୍‌ହଃଚେ ପାରୁସିମଃନ୍ ଆସି ଜିସୁର୍‌ ସଃଙ୍ଗ୍ କଃତା ଦଃରାଦଃରି ଅଃଉଁକେ ଦଃର୍ଲାୟ୍‌, ଆର୍‌ ସେମଃନ୍ ଜିସୁକେ ହାନ୍ଦାୟ୍‌ ହଃକାଉଁକ୍‌ ମଃନ୍‌କଃରି, ଅଃଗାସ୍‌ ଉହ୍ରେ ଗଟେକ୍‌ ଚିନ୍ ମାଗ୍‌ଲାୟ୍‌ । 
\v 12 \x + \xo ୮:୧୨ \xo*\xt ମାତି ୧୨:୩୯; ଲୁକ ୧୧:୨୯.\xt*\x*ସେତାକ୍‌ ଜିସୁ ଆତ୍ମାୟ୍‌ ବାବି ବଃଡ୍‌ହୁଣ୍ଡାଣ୍ ଚାଡି କୟ୍‌ଲା, “ଅଃବାର୍‌ ଲକ୍‌ମଃନ୍ କାୟ୍‌ତାକ୍‌ ଚିନ୍ ଲଳୁଲାୟ୍‌ ? ମୁଁୟ୍‌ ତୁମିକେ ସଃତ୍‌ କଃଉଁଲେ, ଅଃବାର୍‌ ଲକ୍‌ମଃନ୍‌କେ କାୟ୍‌ ଚିନ୍ ହେଁ ଦିଆ ନୟ୍‌ ।”
\p
\v 13 ତାର୍‌ହଃଚେ ଜିସୁ ପାରୁସିମଃନ୍‌କେ ଚାଡିକଃରି ଆରେକ୍‌ ଡଙ୍ଗାୟ୍‌ ଚଃଗି ସଃମ୍‌ନ୍ଦ୍ ସେହାଟି କଃଣ୍ଡାୟ୍‌ ଗଃଲା ।
\s ହେରଦ୍‌ ଆର୍‌ ପାରୁସି ମଃନାର୍‌ କମିର୍‌
\r (ମାତି ୧୬:୫-୧୨)
\p
\v 14 ସଃଡେବଃଳ୍‌ ଜିସୁର୍‌ ଚେଲାମଃନ୍ ରୁଟି ନେଉଁକେ ହାସୁର୍ଲାୟ୍‌; ଡଙ୍ଗାୟ୍‌ ସେମଃନାର୍‌ ତଃୟ୍‌ ଅଃକାୟ୍‌ ଗଟେକ୍‌ ମଃତର୍‌ ରୁଟି ରିଲି । 
\v 15 \x + \xo ୮:୧୫ \xo*\xt ଲୁକ ୧୨:୧.\xt*\x*ଜିସୁ ସେମଃନ୍‌କେ ଚେତାୟ୍‌ ଦଃୟ୍‌କଃରି କୟ୍‌ଲା, “ପାରୁସିମଃନାର୍‌ ଆର୍‌ ହେରଦାର୍‌ କମିର୍‌\f + \fr ୮:୧୫ \fr*\ft କମିର୍‌ ଗଅଁ ଗୁଣ୍ଡେ ମିସାୟ୍‌ ରୁଟି କଃଲେକ୍‌ ରୁଟିକ୍‌ ହୁଲାୟ୍‌ଦ୍‌ ।\ft*\f* ତଃୟ୍‌ହୁଣି ଜଃଗ୍ରାତ୍‌ ଅୟ୍‌ରିଆ ।”
\p
\v 16 ସେତାକ୍‌ ତାକାର୍‌ ତାକାର୍‌ ବିତ୍ରେ କଃଉଆକଇ ଅଃଉଁକେ ଦଃର୍ଲାୟ୍‌, “ଅଃମାର୍‌ ହାକ୍‌ ରୁଟି ନୟ୍‌ ବଃଲି ଜିସୁ ଇ କଃତା କୟ୍‌ଲା ।”
\p
\v 17 ସେମଃନ୍ କାୟ୍‌ରି କଃତାବାର୍ତା ଅଃଉଁଲାୟ୍‌ ସେରି ଜିସୁ ମଃନ୍‌ବିତ୍ରେ ଜାଣିକଃରି ସେମଃନ୍‌କେ କୟ୍‌ଲା, “ତୁମାର୍‌ ତଃୟ୍‌ ରୁଟି ନାୟ୍‌ ବଃଲି ତୁମିମଃନ୍ କାୟ୍‌ତାକ୍‌ କଃତାବାର୍ତା କଃରୁଲାସ୍‌ ? ତୁମିମଃନ୍ କାୟ୍‌ ଅଃବେ ହଃତେକ୍‌ ଜାଣୁ ନଃହାରୁଲାସ୍‌ ? ତୁମିମଃନ୍ କଃଡେକ୍‌ ନିର୍ବୁଦିଆ ? 
\v 18 \x + \xo ୮:୧୮ \xo*\xt ମାର୍କ ୪:୧୨.\xt*\x*ଆକି ରେଉଁ ରେଉଁ କାୟ୍‌ ତୁମିମଃନ୍ ଦଃକୁକ୍‌ ନଃହାରୁଲାସ୍‌ ? ତୁମିମଃନ୍‌କେ କାନ୍‌ ରେଉଁ ରେଉଁ କାୟ୍‌ ସୁଣୁକ୍‌ ନଃହାରୁଲାସ୍‌ ? 
\v 19 ମୁୟ୍‌ଁ ଜଃଡେବଃଳ୍‌ ହାଁଚ୍ ଆଜାର୍‌ ଲକ୍‌ମଃନାର୍‌ ଗିନେ ହାଁଚ୍ ଗଟ୍‌ ରୁଟି ବାଙ୍ଗି କାଳାୟ୍‌ ରିଲେ, ସଃଡେବଃଳ୍‌ ତୁମିମଃନ୍ କଃତି ଡଃଲା ହୁରାକଃରି ଉବୁର୍ଲାର୍‌ ବାଙ୍ଗ୍‌ଲା ରୁଟି ବେଟିରିଲାସ୍‌ ? ସେରି କାୟ୍‌ ଏତୁ ନାୟ୍‌ ?”
\p ସେମଃନ୍ କୟ୍‌ଲାୟ୍‌, “ବାର ଡଃଲା ।”
\p
\v 20 ଜିସୁ କୟ୍‌ଲା, “ଆର୍‌ ସେ ଚାରିଅଃଜାର୍‌ ଲକ୍‌ମଃନାର୍‌ ଗିନେ ମୁଁୟ୍‌ ଜଃଡେବଃଳ୍‌ ସାତ୍‌ଗଟ୍‌ ରୁଟି ବାଙ୍ଗିକଃରି ଦଃୟ୍‌ରିଲେ, ସଃଡେବଃଳ୍‌ କଃତି ଡଃଲା ଉବୁର୍ଲା ବାଙ୍ଗ୍‌ଲା ରୁଟି ବେଟି ରିଲାସ୍‌ ?”
\p ସେମଃନ୍ କୟ୍‌ଲାୟ୍‌, “ସାତ୍‌ ଡଃଲା ।”
\p
\v 21 ତାର୍‌ହଃଚେ ଜିସୁ ସେମଃନ୍‌କେ କୟ୍‌ଲା, “ତୁମିମଃନ୍ କାୟ୍‌ରି ଅଃବେ ହଃତେକ୍‌ ବୁଜୁ ନଃହାରୁଲାସ୍‌ ?”
\s ଜିସୁ ଗଟ୍‌ କାଣାକେ ଆକି ଦଃକାୟ୍‌ଲା
\p
\v 22 ତାର୍‌ହଃଚେ ସେମଃନ୍ ବେତ୍‌ସାଇଦା ଆୟ୍‌ଲାୟ୍‌ । ସେତି କଃତେକ୍‌ ଲକ୍‌ ଗଟ୍‌ କାଣାକେ ଜିସୁର୍‌ ଲଃଗେ ଆଣି, ତାକ୍‌ ଚିଉଁକ୍‌ ଜିସୁକେ କାନିକଃର୍ମ୍‌ ଅୟ୍‌ ଗଃଉଆରି କଃଲାୟ୍‌ । 
\v 23 ଜିସୁ ସେ କାଣାର୍‌ ଆତେ ଦଃରି ଗାଉଁଏ ହୁଣି ତାକ୍‌ ବାର୍‌କଃରି ନିଲା, ଆର୍‌ ତାର୍‌ ଆକାୟ୍‌ ଲାଳ୍‌ ଲାଗାୟ୍‌ଲା, ଆର୍‌ ତାର୍‌ ଉହ୍ରେ ଆତ୍‌ ସଃଙ୍ଗାୟ୍‌ କଃରି ତାକ୍‌ ହଃଚାର୍ଲା, “ତୁୟ୍‌ କାୟ୍‌ରି ଦଃକୁ ହାରୁଲିସ୍‌ କି ?”
\p
\v 24 ସେ ଦଃକି କୟ୍‌ଲା, “ହେଁ ମୁଁୟ୍‌ ଲକ୍‌ମଃନ୍‌କେ ଦଃକୁଲେ, କାୟ୍‌ତାକ୍‌ବଃଲେକ୍‌ ମୁଁୟ୍‌ ଗଃଚ୍ ହର୍‌ କାୟ୍‌ରି ଅଲେ ଇଣ୍ଡ୍‌ତାର୍‌ ଦଃକୁଲେ ।” 
\v 25 ତାର୍‌ହଃଚେ ଜିସୁ ଆରେକ୍‌ ସେ କାଣାର୍‌ ଆକାୟ୍‌ ଚୁୟ୍‌ଲା, ତଃବେ ସେ ନିକକଃରି ଦଃକ୍‌ଲା, ଆର୍‌ ସେ କାଣା ନିକ ଅୟ୍‌ ସଃବୁ ବିସୟ୍‌କେ ନିକକଃରି ଦଃକୁକ୍‌ ଦଃର୍ଲା । 
\v 26 ତାର୍‌ହଃଚେ ଜିସୁ ତାକ୍‌ ନିଜାର୍‌ ଗଃରେ ହଃଟାୟ୍‌ ଦଃୟ୍‌ କୟ୍‌ଲା, “ଇ ଗାଉଁ ବିତୁର୍‌କେ ହେଁ ତୁୟ୍‌ ମୁଳ୍‌କେ ଜାନାୟ୍‌ଁ ।”
\s ଜିସୁର୍‌ କଃତା ପିତର୍‌ ହୁଟାୟ୍‌କଃରି କୟ୍‌ଲା
\r (ମାତି ୧୬:୧୩-୨୦; ଲୁକ ୯:୧୮-୨୧)
\p
\v 27 ଇତାର୍‌ହଃଚେ ଜିସୁ ଆର୍‌ ତାର୍‌ ଚେଲାମଃନ୍ କାଇସରିଆ ପିଲିପି ହଲିର୍‌ ଗାଉଁମଃନ୍‌କେ ଗଃଲାୟ୍‌, ଜାତାବାଟେ ଜିସୁ ତାର୍‌ ଚେଲାମଃନ୍‌କେ ହଃଚାର୍ଲା, “ମୁୟ୍‌ଁ କେ ବଃଲି ଲକ୍‌ମଃନ୍ କାୟ୍‌ରି କଃଉଁଲାୟ୍‌ ?”
\p
\v 28 \x + \xo ୮:୨୮ \xo*\xt ମାର୍କ ୬:୧୪,୧୫; ଲୁକ ୯:୭,୮.\xt*\x*ସେମଃନ୍ ତାକ୍‌ ଉତୁର୍‌ ଦିଲାୟ୍‌, “କଃତିଲକ୍‌ କଃଉଁଲାୟ୍‌, ତୁୟ୍‌ ବାପ୍ତିସମ୍‌ ଦେତା ଜହନ୍‌; ଆର୍‌ କଃତିଲକ୍‌ କଃଉଁଲାୟ୍‌, ତୁୟ୍‌ ଏଲିୟ; ମଃତର୍‌ ବିନ୍ କଃତେକ୍‌ ଲକ୍‌ମଃନ୍ କଃଉଁଲାୟ୍‌, ବାବ୍‌ବାଦିମଃନାର୍‌ ବିତ୍ରାର୍‌ ଗଟେକ୍‌ ବାବ୍‌ବାଦି ।”
\p
\v 29 \x + \xo ୮:୨୯ \xo*\xt ଜହ ୬:୬୮,୬୯.\xt*\x*ଜିସୁ ସେମଃନ୍‌କେ ହଃଚାର୍ଲା, “ମଃତର୍‌ ମୁଁୟ୍‌ କେ ବଃଲି ତୁମିମଃନ୍ କାୟ୍‌ରି କଃଉଁଲାସ୍‌ ?” ପିତର୍‌ ତାକ୍‌ ଉତୁର୍‌ ଦିଲା, ତୁୟ୍‌ ଇସ୍ୱର୍‌ ବାଚ୍‌ଲା ହାହେ ହୁଣି ମୁକ୍ଳାଉତା କ୍ରିସ୍ଟ ।
\p
\v 30 ତଃବେ ଜିସୁ ସେମଃନ୍‌କେ ଚେତାୟ୍‌ ଦଃୟ୍‌ କୟ୍‌ଲା “ମୁଁୟ୍‌ କେ ବଃଲି ତୁମିମଃନ୍ କାକେ ହେଁ କାୟ୍‌ରି କଃଉଆ ନୟ୍‌ ।”
\s ଜିସୁ ଅଃହ୍‌ଣାର୍‌ ଦୁକ୍‌ବଗ୍ ଅଃଦିକାରି ଆର୍‌ ମଃର୍ତା କଃତା କୟ୍‌ଲା
\r (ମାତି ୧୬:୨୧-୨୮; ଲୁକ ୯:୨୨-୨୭)
\p
\v 31 ଜିସୁ ଚେଲାମଃନ୍‌କେ ସିକ୍ୟା ଦେଉଁକ୍‌ ଆରୁମ୍‌ କଃଲା, “ନଃରାର୍‌ ହୟ୍‌ସିକ୍‌ ବାୟ୍‌ଦ୍‌ରେ ଦୁକ୍‌ କଃସ୍ଟ୍‌ ହାୟ୍‌ଦ୍‌, ଆର୍‌ ପାରାଚିନ୍, ବଃଡ୍ ଜାଜକ୍‌ ମଃନ୍‌, ଆର୍‌ ଦଃର୍ମ୍‌ ଗୁରୁମଃନ୍‌ ଦୁର୍‌ କଃର୍ତି ଆର୍‌ ମଃର୍ନେ ମାର୍‌ତି, ଆରେକ୍‌ ସେ ତିନି ଦିନାର୍‌ ହଃଚେ ଉଟେଦ୍‌ ।” 
\v 32 ଜିସୁ ଇ ସଃବୁ କଃତା ଚେଲାମଃନ୍‌କେ ହୁଟାୟ୍‌କଃରି କୟ୍‌ଲା, ମଃତର୍‌ ପିତର୍‌ ଜିସୁକେ ଗଟ୍‌ହାକ୍‌ ବିନେ କୁଦି ନଃୟ୍‌ ଦଃକା ଦିଲା, “ଇବାନ୍ୟା ତକେ କଃବେ ହେଁ ନଃଉଅ ।” 
\v 33 ମଃତର୍‌ ଜିସୁ ଉଲ୍‌ଟି କଃରି ନିଜାର୍‌ ଚେଲାମଃନ୍‌କେ ଦଃକି ପିତର୍‌କେ ଦଃକା ଦଃୟ୍‌ କୟ୍‌ଲା, “ମର୍‌ ମୁଏଁ ହୁଣି ଦୁର୍‌ ଅଃଉ ସୟ୍‌ତାନ୍‌, କାୟ୍‌ତାକ୍‌ବଃଲେକ୍‌ ତୁୟ୍‌ ଇସ୍ୱରାର୍‌ ବିସୟ୍‌ ନଃବାବି, ଲକ୍‌ମଃନାର୍‌ ବିସୟ୍‌ ବାବୁଲିସ୍‌ ।”
\p
\v 34 \x + \xo ୮:୩୪ \xo*\xt ମାତି ୧୦:୩୮; ଲୁକ ୧୪:୨୭.\xt*\x*ତାର୍‌ହଃଚେ ଜିସୁ ତାର୍‌ ଚେଲାମଃନାର୍‌ ସଃଙ୍ଗ୍ ଲକ୍‌ମଃନ୍‌କେ ତାର୍‌ ଲଃଗେ କୁଦି କୟ୍‌ଲା, “ଜୁୟ୍‌ ଲକ୍‌ ମର୍‌ ହଃଚେ ଆସୁକ୍‌ ମଃନ୍ କଃରେଦ୍‌, ତଃବେ ସେ ଅଃହ୍‌ଣାର୍‌ ସଃବୁ ଚାଡି ଅଃହ୍‌ଣାର୍‌ କ୍ରୁସ୍‌ ବୟ୍‌କଃରି ମର୍‌ ହଃଚେ ଆସ । 
\v 35 \x + \xo ୮:୩୫ \xo*\xt ମାତି ୧୦:୩୯; ଲୁକ ୧୭:୩୩; ଜହ ୧୨:୨୫.\xt*\x*କାୟ୍‌ତାକ୍‌ବଃଲେକ୍‌ ଜୁୟ୍‌ ଲକ୍‌ ନିଜାର୍‌ ଜିବନ୍ ବଚାଉଁକେ ମଃନ୍ କଃରେଦ୍‌, ସେ ଜିବନ୍ ହାରାୟ୍‌ଦ୍‌; ମଃତର୍‌ ଜୁୟ୍‌ଲକ୍‌ ମର୍‌ ଗିନେ ଆର୍‌ ମର୍‌ ନିକ କବୁର୍‌ ଗିନେ ନିଜାର୍‌ ଜିବନ୍ ଆରାୟ୍‌ଦ୍‌, ସେ ତାର୍‌ ଜିବନ୍‌କେ ସଃବୁ ଦିନ୍ ଗିନେ ରଃକ୍ୟା କଃରେଦ୍‌ । 
\v 36 ଜଦି ଗଟ୍‌ଲକ୍‌ ଜଃଗତାର୍‌ ସଃବୁ ଲାବ୍‌କଃରି ନିଜାର୍‌ ଜିବନ୍ ଆରାୟ୍‌ଦ୍‌, ତଃବେ ତାର୍‌ କାୟ୍‌ ଲାବ୍‌ ? 
\v 37 ଆର୍‌ ମାନାୟ୍‌ ଅଃହ୍‌ଣାର୍‌ ଜିବନ୍ ବାଦୁଲେ କାୟ୍‌ରି ଦେଉଁ ହାରେ ? 
\v 38 ଜଦି କୁୟ୍‌ଲକ୍‌ ଇ କାଳାର୍‌ ହାହିମଃନାର୍‌ ଆର୍‌ ଦୁସ୍ଟ୍‌ ଲକ୍‌ମଃନାର୍‌ ବିତ୍ରେ ମର୍‌ ଆର୍‌ ମର୍‌ ବଃଚନ୍ ଗିନେ ଲାଜ୍‌ ଅୟ୍‌ଦ୍‌, ନଃରାର୍‌ ହୟ୍‌ସି ଜଃଡେବଃଳ୍‌ ପବିତ୍ର ଦୁତ୍‌ମଃନାର୍‌ ସଃଙ୍ଗ୍ ଅଃହ୍‌ଣାର୍‌ ଉବାସିର୍‌ ଜଃଜ୍‌ମାନ୍‌ ସଃଙ୍ଗ୍ ଆସେଦ୍‌, ସଃଡେବଃଳ୍‌ ସେ ହେଁ ତାର୍‌ ବିସୟେ ଲାଜ୍‌ ହାୟ୍‌ଦ୍‌ ।”
\c 9
\p
\v 1 ଜିସୁ ସେମଃନ୍‌କେ ଆରେକ୍‌ କୟ୍‌ଲା, “ମୁଁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ଇସ୍ୱରାର୍‌ ରାଇଜ୍‌କେ ସଃକ୍ତି ସଃଙ୍ଗ୍ ନାସ୍ତା ହଃତେକ୍‌ ଇତି ଟିଆ ଅୟ୍‌ରିଲା ଲକ୍‌ମଃନାର୍‌ ବିତ୍ରେ କଃତେକ୍‌ ଲକ୍‌ କଃନ୍‌କଃରି ହେଁ ନଃମେର୍ତି ।”
\s ଜିସୁର୍‌ ରୁହ୍‌ ବାଦୁଲ୍‌ଲି
\r (ମାତି ୧୭:୧-୧୩; ଲୁକ ୯:୨୮-୩୬)
\p
\v 2 \x + \xo ୯:୨ \xo*\xt ୨ ପିତ ୧:୧୭,୧୮.\xt*\x*ଚଅ ଦିନ୍ ଗଃଲା ହଃଚେ, ଜିସୁ ପିତର୍‌, ଜାକୁବକ୍‌ ଆର୍‌ ଜହନ୍‌କେ ସଃଙ୍ଗେ ଦଃରି ଗଟେକ୍‌ ବଃଡ୍ ଉଚ୍ ଡଙ୍ଗୁର୍‌ ଉହ୍ରେ କୁଦି ନିଲା । 
\v 3 ଆର୍‌ ତାକାର୍‌ ମୁଏଁ ଜିସୁ ଅଃହ୍‌ଣାର୍‌ ଗଃଗାଳାର୍‌ ରୁହ୍‌ ବାଦ୍‌ଲାୟ୍‌ଲା, ତାର୍‌ ବଃସ୍ତର୍‌ ଇବାନ୍ୟା ଉଜାଳ୍‌ ଆର୍‌ ଚିଟ୍‌ ଦବ୍‌ ଅୟ୍‌ଲି, ହୁର୍ତିବିର୍‌ କୁୟ୍‌ ଦବା ହେଁ ସେବାନ୍ୟା କଃରି ଆକାଳୁ ନାହାରେ । 
\v 4 ସଃଡେବଃଳ୍‌ ମସା ଆର୍‌ ଏଲିୟ ସଃଙ୍ଗ୍ ଜିସୁ କଃତାବାର୍ତା ଅଃଉତି ରିଲାର୍‌ ସେମଃନ୍ ଦଃକ୍‌ଲାୟ୍‌ । 
\v 5 ତାର୍‌ହଃଚେ ପିତର୍‌ ଜିସୁକେ କୟ୍‌ଲା, “ଏ ଗୁରୁ, ଅଃମିମଃନ୍‌ ଇଟାଣେ ଆଚୁ ଇରି ବଃଲ୍‌ କଃତା; ଅଃମିମଃନ୍‌ ତିନିଗଟ୍‌ କୁଳିଆ ବାନ୍ଦୁନ୍ଦ୍, ଗଟେକ୍‌ ତର୍‌ ଗିନେ, ଗଟେକ୍‌ ମସାର୍‌ ଗିନେ ଆରେକ୍‌ ଗଟେକ୍‌ ଏଲିୟର୍‌ ଗିନେ ।” 
\v 6 କାୟ୍‌ତାକ୍‌ବଃଲେକ୍‌ ପିତର୍‌ ଜିସୁକେ କାୟ୍‌ କଃତା କୟ୍‌ନ୍ଦ୍ ବଃଲି ଜାଣି ନଃରିଲା, ଆର୍‌ ସଃଡେବଃଳ୍‌ ଚେଲାମଃନ୍ ବେସି ଡିରି ଜାୟ୍‌ରିଲାୟ୍‌ ।
\p
\v 7 \x + \xo ୯:୭ \xo*\xt ମାତି ୩:୧୭; ମାର୍କ ୧:୧୧; ଲୁକ ୩:୨୨.\xt*\x*ଆରେକ୍‌ ସଃଡେବଃଳ୍‌ କଃଣ୍ଡେକ୍‌ ମେଗ୍ ଆୟ୍‌ଲି ଆର୍‌ ତାକାର୍‌ ଉହ୍ରେ ଡାହି ଅୟ୍‌ଲି, ଆର୍‌ ସେ ମେଗ୍ ବିତ୍ରେହୁଣି ଗଟେକ୍‌ ସଃବଦ୍‌ ସୁଣ୍‌ଲାୟ୍‌, “ଇରି ମର୍‌ ଲାଡାର୍‌ ହଅ, ତାର୍‌ କଃତା ସୁଣା ।” 
\v 8 ତାର୍‌ହଃଚେ ସେମଃନ୍ ଚାରିହାକ୍‌ ଦଃକ୍‌ଲାୟ୍‌, ମଃତର୍‌ ତାକାର୍‌ ସଃଙ୍ଗ୍ ଜିସୁକେ ଚାଡି କାକେ ହେଁ ନଃଦେକ୍‌ଲାୟ୍‌ ।
\p
\v 9 ସେମଃନ୍ ଡଙ୍ଗ୍ରେହୁଣି ଉତ୍ରି ଆସ୍ତାବଃଳ୍‌ ଜିସୁ ସେମଃନ୍‌କେ ନିକ କଃରି କୟ୍‌ଲା, “ତୁମିମଃନ୍ ଜୁୟ୍‌ରି ସଃବୁ ଦଃକି ଆଚାସ୍‌, ସେରି ମଃଲା ଲକାର୍‌ ତଃୟ୍‌ହୁଣି ନଃରାର୍‌ ହୟ୍‌ସି ନୁଟ୍‌ତା ହଃତେକ୍‌ ଇ କଃତା କାକେ ହେଁ କଃଉଆ ନାୟ୍‌ ।”
\p
\v 10 ସେତାକ୍‌ ଜିସୁ କୟ୍‌ଲା କଃତାକ୍‌ ଦଃରି ସେମଃନ୍ କଃତାବାର୍ତା ଅଃଉଁକେ ଦଃର୍ଲାୟ୍‌, “ମଃରିକଃରି ଆରେକ୍‌ ଉଟ୍‌ତାର୍‌ କାୟ୍‌ରି ?” 
\v 11 \x + \xo ୯:୧୧ \xo*\xt ମାତି ୧୧:୧୪.\xt*\x*ସେମଃନ୍ ଜିସୁକେ ହଃଚାର୍ଲାୟ୍‌, “ଏଲିୟ ନିଜ୍‌କଃରି ହଃର୍ତୁ ଆସେଦ୍‌ ବଃଲି ଦଃର୍ମ୍‌ ଗୁରୁମଃନ୍‌ ଇ କଃତା କାୟ୍‌ତାକ୍‌ କଃଉଁଲାୟ୍‌ ?”
\p
\v 12 ଜିସୁ ସେମଃନ୍‌କେ କୟ୍‌ଲା, “ଏଲିୟ ଆସିକଃରି ସଃବୁ କଃତା ଟିକ୍‌ଟାକ୍‌ କଃର୍ତା କଃତା ସଃତ୍‌, ତଃବେ ନଃରାର୍‌ ହୟ୍‌ସି ସଃବୁ ଦୁକ୍‌ କଃସ୍ଟ୍‌ ହାୟ୍‌ଦ୍‌ ଆର୍‌ ଲକ୍‌ମଃନ୍ ତାକ୍‌ ଲିନ୍ଦା କଃର୍ତି ବଃଲି କାୟ୍‌ତାକ୍‌ ତାର୍‌ କଃତା ଲେକା ଅୟ୍‌ଆଚେ ? 
\v 13 ମଃତର୍‌ ମୁଁୟ୍‌ ତୁମିମଃନ୍‌କେ କଃଉଁଲେ, ଏଲିୟ ବାବ୍‌ବାଦି ଆସି ସଃର୍ଲାନି, ଆର୍‌ ତାର୍‌ କଃତା ଜାୟ୍‌ରି ସାସ୍ତରେ ଲେକା ଆଚେ, ସେବାନ୍ୟା ଲକ୍‌ମଃନ୍ ତାର୍‌ ସଃଙ୍ଗ୍ ଜାୟ୍‌ରି ମଃନ୍ କଃଲାୟ୍‌ ସେରି କଃଲାୟ୍‌ ।”
\s ଜିସୁ ଗଟେକ୍‌ ବୁତ୍‌ ଡଃସିରିଲା ହିଲାକ୍‌ ନିକ କଃଲା
\r (ମାତି ୧୭:୧୪-୨୧; ଲୁକ ୯:୩୭-୪୩)
\p
\v 14 ଇତାର୍‌ହଃଚେ ଜିସୁ ଆର୍‌ ବିନ୍ ଚେଲାମଃନ୍ ତାର୍‌ ଚେଲାମଃନାର୍‌ ଚଃମେ ଆସି ଦଃକ୍‌ଲାୟ୍‌ ଜେ, ତାକାର୍‌ ଚାରିବେଳ୍‌ତ୍ ଲକ୍‌ମଃନ୍ ରୁଣ୍ଡି ଆଚ୍‌ତି ଆର୍‌ କଃତିଗଟ୍‌ ଦଃର୍ମ୍‌ଗୁରୁ ତାକାର୍‌ ସଃଙ୍ଗ୍ କଃତା ଦଃରାଦଃରି ଅଃଉତି ରିଲାୟ୍‌ । 
\v 15 ଆର୍‌ ସଃଡେବଃଳ୍‌ ସେ ଲକ୍‌ମଃନ୍ ଜିସୁକେ ଦଃକ୍‌ଲା ଦାହ୍ରେ କାବା ଅୟ୍‌ଗଃଲାୟ୍‌ ଆର୍‌ ଜିସୁର୍‌ ଲଃଗେ ଦଃବ୍‌ଳି ଆସି ତାକ୍‌ ଜୁଆର୍‌ କଃଲାୟ୍‌ । 
\v 16 ଜିସୁ ତାର୍‌ ଚେଲାମଃନ୍‌କେ ହଃଚାର୍ଲା, “କାୟ୍‌ତାର୍‌ ଗିନେ ତୁମିମଃନ୍ ସେ ଲକ୍‌ମଃନାର୍‌ ସଃଙ୍ଗ୍ କଃତାୟ୍‌ ଦଃରାଦଃରି ଅଃଉତି ରିଲାସ୍‌ ।”
\p
\v 17 ସେ ଲକ୍‌ ମଃନ୍ଦାର୍‌ ବିତ୍ରେହୁଣି ଗଟେକ୍‌ ମାନାୟ୍‌ କୟ୍‌ଲା, “ଏ ଗୁରୁ, ମର୍‌ ହଅକେ ଗୁଲା ବୁତ୍‌ ଦଃରିଆଚେ, ଆର୍‌ ସେ ଟଣ୍ଡ୍ ଅଃଉଁକେ ନଃହାରୁଲା ଲାଗି ମୁଁୟ୍‌ ତାକ୍‌ ତର୍‌ ଲଃଗେ ଆଣି ରିଲେ । 
\v 18 ଆର୍‌ ଜଃଡେବଃଳ୍‌ ତାକ୍‌ ଜୁୟ୍‌ତି ବୁତ୍‌ ଦଃରେଦ୍‌, ତାକ୍‌ ତଃଳେ ଅଦ୍ରାୟ୍‌ ଦଃୟ୍‌ଦ୍‌ ଆର୍‌ ତାର୍‌ ଟଣ୍ଡେହୁଣି ହେହୁଲ୍‌ ବାର୍‌ କଃରେଦ୍‌ ଆର୍‌ ସେ ଦାତ୍‌ କିଟ୍‌କିଟ୍‌ କଃରେଦ୍‌, ସେ ସୁକି ଜଃଉଁଲା । ସେ ବୁତ୍‌ ଚାଡାଉଁକେ ମୁଁୟ୍‌ ତର୍‌ ଚେଲାମଃନ୍‌କେ କୟ୍‌ଲେ, ମଃତର୍‌ ସେମଃନ୍ ଚାଡାଉଁ ନାହାର୍ଲାୟ୍‌ ।”
\p
\v 19 ଜିସୁ ସେମଃନ୍‌କେ କୟ୍‌ଲା, “ଏ ଅବିସ୍ୱାସି ଜାତି, ମୁଁୟ୍‌ ତୁମାର୍‌ ସଃଙ୍ଗ୍ କଃତେକ୍‌ ଦିନ୍ ରଃୟ୍‌ନ୍ଦ୍, ମୁଁୟ୍‌ ତୁମାର୍‌ କାମ୍‌ ଦଃକି କଃତେକ୍‌ କାଳ୍‌ ସଃମ୍ବାଳିନ୍ଦ୍; ସେ ହିଲାକ୍‌ ମର୍‌ ଲଃଗେ ଆଣା !” 
\v 20 ସେ ହିଲାକ୍‌ ଜିସୁର୍‌ ଲଃଗେ ଆଣ୍‌ଲାୟ୍‌ ।
\p ତାକ୍‌ ଡଃସିରିଲା ବୁତ୍‌ ଜିସୁକେ ଦଃକିକଃରି ସେ ହିଲାକ୍‌ ବୟ୍‌ଙ୍କାର୍‌ ବାବେ ମଳିକଃରି ମାଟାୟ୍‌ ଅଦ୍ରାୟ୍‌ଲି ଆର୍‌ ତାର୍‌ ମୁଏଁ ହେହୁଲ୍‌ ତୁମା ବାର୍‌କଃରି ସେ ହିଲା ଡୁଳ୍‌ଗୁଣ୍ଡୁଳ୍‌ ଅଃଉଁକେ ଦଃର୍ଲା । 
\v 21 ଜିସୁ ସେ ହିଲାର୍‌ ଉବାସିକ୍‌ ହଃଚାର୍ଲା, “ଇ ହିଲାକ୍‌ କଃବେ ହୁଣି ଇବାନ୍ୟା ଅଃଉଁଲି ?”
\p ଉବାସି କୟ୍‌ଲା, “ହିଲାବଃଳ୍‌ ହୁଣି; 
\v 22 ଇ ବୁତ୍‌ ହିଲାକ୍‌ ମଃରାଉଁକେ କଃତିତର୍‌ ଜୟ୍‌ ଲଃଗେ ଆର୍‌ କଃତିତର୍‌ ହାଣି ଲଃଗେ ଅଦ୍ରାୟ୍‌ ଆଚେ, ମଃତର୍‌ ତୁୟ୍‌ ଜଦି ବଃଲ୍‌ କଃରୁ ହାର୍ସି, ତଃବେ ଅଃମାର୍‌ ଉହ୍ରେ ଦଃର୍ମ୍‌ କଃର୍ସି ।”
\p
\v 23 ଜିସୁ ତାକ୍‌ କୟ୍‌ଲା, “କାୟ୍‌ରି କଃଉଁଲିସ୍‌ ? ଜଦି କଃରୁ ହାର୍ସି ! ବିସ୍ୱାସ୍‌ କଃର୍ତା ଲକାର୍‌ ଗିନେ ସଃବୁ ଅଃଉଁ ହାରେ ।”
\p
\v 24 ସେ ହିଲାର୍‌ ଉବାସି ସେଦାହ୍ରେ ଟଣ୍ଡ୍ ହୁଟାୟ୍‌କଃରି କୟ୍‌ଲା, “ହେଁ, ମୁଁୟ୍‌ ବିସ୍ୱାସ୍‌ କଃରୁଲେ, ମକ୍‌ ବିସ୍ୱାସ୍‌ ତଃୟ୍‌ ବାଡୁକେ ଉହ୍‌କାର୍‌ କଃର୍‌ ।”
\p
\v 25 ଆର୍‌ ଜଃଡେବଃଳ୍‌ ଜିସୁ ହାକ୍‌ ଲକ୍‌ମଃନ୍ ଦଃବ୍‌ଳି ଆସ୍ତିରିଲାର୍‌ ଦଃକି, ଜିସୁ ସେ ବିଟାଳ୍‌ ଆତ୍ମାକେ ଦଃମ୍‌କାୟ୍‌କଃରି କୟ୍‌ଲା, “ଏ ଗୁଲା ଆର୍‌ ବଃୟ୍‌ରା ବୁତ୍‌, ମୁଁୟ୍‌ ତକେ କଃଉଁଲେ, ଇ ହିଲାର୍‌ ତଃୟ୍‌ହୁଣି ବାରାୟ୍‌ ଜାଆ, ଆର୍‌ କଃବେ ହେଁ ଇ ହିଲାର୍‌ ବିତ୍ରେ ହୁର୍ନାୟ୍‌ଁ ।”
\p
\v 26 ତାର୍‌ହଃଚେ ସେ ବୁତ୍‌ କିର୍‌କିରି କଃରି ସେହିଲାକ୍‌ ଜଃବର୍‌କଃରି ମଳିହଃକାୟ୍‌ ତାର୍‌ ବିତ୍ରେ ହୁଣି ବାରାୟ୍‌ଗଃଲି, ଆର୍‌ ସେ ହିଲା ମଃଲା ହର୍‌ ଅୟ୍‌ଲା ଲାଗି ଲକ୍‌ମଃନ୍ ତାକ୍‌ କୟ୍‌ଲାୟ୍‌, “ସେ ତ ମଃରିଗଃଲା !” 
\v 27 ମଃତର୍‌ ଜିସୁ ତାକ୍‌ ଆତେ ଦଃରି ଉଟାୟ୍‌ଲା, ଆର୍‌ ସେ ହିଲା ଉଟିକଃରି ଟିଆ ଅୟ୍‌ଲା ।
\p
\v 28 ଜିସୁ ଜଃଡେବଃଳ୍‌ ଗଃରେ ଆୟ୍‌ଲା, ତାର୍‌ ଚେଲାମଃନ୍ ଲୁକ୍‌ଣେ ତାକ୍‌ ହଃଚାର୍ଲାୟ୍‌, “କାୟ୍‌ତାର୍‌ ଗିନେ ଅଃମି ତାକ୍‌ ଚାଡାଉଁ ନଃହାର୍ଲୁ ?”
\p
\v 29 ଜିସୁ ସେମଃନ୍‌କେ ଉତୁର୍‌ ଦିଲା, “ଇବାନ୍ୟା ବୁତ୍‌ମଃନ୍‌କେ ପାର୍ତ୍‌ନାୟ୍‌ ଚାଡି ଆରେକ୍‌ କୁୟ୍‌ତି ହେଁ ଚାଡାଉଁକ୍‌ ହାରି ନୟ୍‌ ।”
\s ଜିସୁ ଆରେକ୍‌ ତାର୍‌ ମଃର୍ନ୍‌ କଃତା କୟ୍‌ଲା
\r (ମାତି ୧୭:୨୨-୨୩; ଲୁକ ୯:୪୩-୪୫)
\p
\v 30 ଜିସୁ ଆର୍‌ ତାର୍‌ ଚେଲାମଃନ୍ ସେଟାଣ୍ ଚାଡି ଗାଲିଲି ବାଟ ଅୟ୍‌ ଗଃଳାୟ୍‌ । ସେ ରେତା ଜଃଗାୟ୍‌ କେ ହେଁ ନଃଜାଣତ୍‌ ବଃଲି ଜିସୁ ମଃନ୍ କଃର୍ତିରିଲା, 
\v 31 କାୟ୍‌ତାକ୍‌ବଃଲେକ୍‌ ଜିସୁ ତାର୍‌ ଚେଲାମଃନ୍‌କେ ଇ କଃତା କୟ୍‌ ସିକ୍ୟା ଦେତିରିଲା, “ନଃରାର୍‌ ହୟ୍‌ସି ନଃର୍‌ମଃନାର୍‌ ଆତେ ସଃହ୍ରି ଅୟ୍‌ଦ୍‌, ଆରେକ୍‌ ସେମଃନ୍ ତାକ୍‌ ମଃର୍ନେ ମାର୍ତି, ଆର୍‌ ସେ ମଃରି ତିନିଦିନ୍ ଅୟ୍‌ଲା ହଃଚେ, ଆରେକ୍‌ ଉଟେଦ୍‌ ।”
\p
\v 32 ମଃତର୍‌ ସେମଃନ୍ ଇ କଃତା ବୁଜୁ ନଃହାୟ୍‌ଲାୟ୍‌ ଆର୍‌ ଜିସୁକେ ହଃଚାରୁକ୍‌ ଡିର୍ତି ରିଲାୟ୍‌ ।
\s କେ ସଃବ୍‌କେ ବଃଡ୍ ?
\r (ମାତି ୧୮:୧-୫; ଲୁକ ୯:୪୬-୪୮)
\p
\v 33 ତାର୍‌ହଃଚେ ଜିସୁ ଆର୍‌ ଚେଲାମଃନ୍ କପୁର୍ନାହୁମ୍‌ ଆୟ୍‌ଲାୟ୍‌, ଜିସୁ ଗଃରେ ହଚି ସେମଃନ୍‌କେ ହଃଚାର୍ଲା, “ତୁମିମଃନ୍ ବାଟେ ରିଲାବଃଳ୍‌ କାୟ୍‌ବଃଲି କଃତାବାର୍ତା ଅଃଉତି ରିଲାସ୍‌ ?”
\p
\v 34 \x + \xo ୯:୩୪ \xo*\xt ଲୁକ ୨୨:୨୪.\xt*\x*ମଃତର୍‌ ସେମଃନ୍ ତୁନ୍‌ହାଳି ରିଲାୟ୍‌, କାୟ୍‌ତାକ୍‌ବଃଲେକ୍‌ ସେମଃନ୍ ବାଟେ ରିଲାବଃଳ୍‌ ତାକାର୍‌ ତାକାର୍‌ ବିତ୍ରେ କେ ବଃଡ୍ ବଃଲି କଃତାବାର୍ତା ଅଃଉତି ରିଲାୟ୍‌ । 
\v 35 \x + \xo ୯:୩୫ \xo*\xt ମାତି ୨୦:୨୬,୨୭; ୨୩:୧୧; ମାର୍କ ୧୦:୪୩,୪୪; ଲୁକ ୨୨:୨୬.\xt*\x*ଜିସୁ ବଃସ୍‌ଲା ଆର୍‌ ତାର୍‌ ବାରଗଟ୍‌ ଚେଲାମଃନ୍‌କେ କୁଦିକଃରି କୟ୍‌ଲା, “ଜୁୟ୍‌ ମାନାୟ୍‌ ସଃବ୍‌କେ ବଃଡ୍ ଅଃଉଁକେ ମଃନ୍ କଃରେଦ୍‌, ସେ ମାନାୟ୍‌ ସଃବ୍‌କେ ସାନ୍ ଅଃଉଅ ଆର୍‌ ସଃବ୍‌କାର୍‌ ସେବାକାରି ଅଃଉଅ ।”
\p
\v 36 ତାର୍‌ହଃଚେ ଜିସୁ ଗଟେକ୍‌ ସାନ୍‌ ହିଲାକ୍‌ ଦଃରିକଃରି ସଃବୁ ଲକାର୍‌ ମଃଜାୟ୍‌ ଟିଆକଃଲା ଆର୍‌ ସେ ହିଲାକ୍‌ କଳେ ଦଃରି ସେମଃନ୍‌କେ କୟ୍‌ଲା, 
\v 37 \x + \xo ୯:୩୭ \xo*\xt ମାତି ୧୦:୪୦; ଲୁକ ୧୦:୧୬; ଜହ ୧୩:୨୦.\xt*\x*“ଜୁୟ୍‌ ଲକ୍‌ ମର୍‌ ନାଉଁଏ ଇବାନ୍ୟା ସାନ୍ ହିଲାକ୍‌ ଦଃରେଦ୍‌, ସେମାନାୟ୍‌ ମକ୍‌ ଦଃରେଦ୍‌, ଜୁୟ୍‌ ମାନାୟ୍‌ ମକ୍‌ ଦଃରେଦ୍‌ ସେ ମାନାୟ୍‌ ମକ୍‌ ନଃଦେରେ, ମଃତର୍‌ ସେ ମକ୍‌ ହଃଟାୟ୍‌ଲା ଉବାକ୍‌ ଦଃରେଦ୍‌ ।”
\s ଜେ ଅଃମାର୍‌ ବିରଦେ ନାୟ୍‌, ସେ ଅଃମାର୍‌ ଲକ୍‌
\r (ଲୁକ ୯:୪୯-୫୦)
\p
\v 38 ଜହନ୍‌ ଜିସୁକେ କୟ୍‌ଲା, “ଏ ଗୁରୁ, ଗଟ୍‌ଲକ୍‌ ତର୍‌ ନାଉଁଏ ବୁତ୍‌ ଚାଡାଉତାର୍‌ ଦଃକ୍‌ଲୁ, ଆର୍‌ ସେ ଅଃମାର୍‌ ଦଃଳାର୍‌ ଲକ୍‌ ନଃରିଲା ଲାଗି ଅଃମି ତାକ୍‌ ମଃନା କଃଲୁ ।”
\p
\v 39 ମଃତର୍‌ ଜିସୁ କୟ୍‌ଲା, “ତାକ୍‌ ମଃନା କଃରା ନାୟ୍‌; କାୟ୍‌ତାକ୍‌ବଃଲେକ୍‌ ଇବାନ୍ୟା କୁୟ୍‌ ମାନାୟ୍‌ ନାୟ୍‌, ଜେ କି ମର୍‌ ନାଉଁ ଦଃରି କାବା ଅଃଉତା କାମ୍‌ କଃରେଦ୍‌ ଆର୍‌ ସେଦାହ୍ରେ ମକ୍‌ ଲିନ୍ଦା କଃରେଦ୍‌ । 
\v 40 \x + \xo ୯:୪୦ \xo*\xt ମାତି ୧୨:୩୦; ଲୁକ ୧୧:୨୩.\xt*\x*କାୟ୍‌ତାକ୍‌ବଃଲେକ୍‌, ଜୁୟ୍‌ ଲକ୍‌ ଅଃମାର୍‌ ବିରଦେ ନାୟ୍‌, ସେ ଅଃମାର୍‌ ଦଃଳାର୍‌ ଲକ୍‌ । 
\v 41 \x + \xo ୯:୪୧ \xo*\xt ମାତି ୧୦:୪୨.\xt*\x*ମୁଁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ଜୁୟ୍‌ ଲକ୍‌ ତୁମିମଃନ୍‌କେ ଜିସୁ କ୍ରିସ୍ଟର୍‌ ଲକ୍‌ ବଃଲି ମର୍‌ ନାଉଁଏ ଗଟେକ୍‌ ଗିନା ହାଣି କାଉଁକେ ଦଃୟ୍‌ଦ୍‌ ସେ ଲକ୍‌ ବାୟ୍‌ଦ୍‌ରେ ତାର୍‌ ପୁରିସ୍କାର୍‌ କଃବେ ଆରାୟ୍‌ ନଃକେରେ ।”
\s ହାହ୍‌ କଃଲେକ୍‌ ଡଃଣ୍ଡ୍‌ ମିଳେଦ୍‌
\r (ମାତି ୧୮:୬-୯; ଲୁକ ୧୭:୧-୨)
\p
\v 42 ଜିସୁ ଆରେକ୍‌ କଃଉଁକେ ଦଃର୍ଲା, “ଆର୍‌ ଜୁୟ୍‌ ମାନାୟ୍‌ ମର୍‌ ଲଃଗେ ବିସ୍ୱାସ୍‌ କଃର୍ତା ଲକ୍‌କେ ବାଦା ଦଃୟ୍‌ଦ୍‌ ସେମାନାୟ୍‌କେ ଗଃଳାୟ୍‌ ଗଟେକ୍‌ ବଃଡ୍ ମଃଗ୍‌ନି ଜଃତା ଟେଳା ବାନ୍ଦିକଃରି ତାକ୍‌ ସଃମ୍‌ନ୍ଦେ ହଃକାୟ୍‌ଲେକ୍‌ ବଃଲ୍‌ ଅୟ୍‌ଲି ହୁଣି । 
\v 43 \x + \xo ୯:୪୩ \xo*\xt ମାତି ୫:୩୦.\xt*\x*ଆର୍‌ ତୁମାର୍‌ ଗଟେକ୍‌ ଆତାର୍‌ ଗିନେ ତୁମି ହାହ୍‌ କାମ୍‌ କଃରୁଲାସ୍‌, ତଃବେ ତୁମି ସେ ଆତ୍‌କେ କାଟି ହଃବ୍ଳାଉଆ; କାୟ୍‌ତାକ୍‌ବଃଲେକ୍‌ ଜଳେକ୍‌ ଆତ୍‌ ରଃୟ୍‌କଃରି ନଃର୍କେ, ବଃଲେକ୍‌ କଃବେ ନଃଲିବ୍‌ତା ଜୟେ ହଃଳ୍‌ତା ବାଦୁଲେ, ଗଟେକ୍‌ ଆତ୍‌ ରଃୟ୍‌କଃରି ଜିବନେ ଜାତାର୍‌ ତୁମାର୍‌ ଗିନେ ନିକ । 
\v 44 କାୟ୍‌ତାକ୍‌ବଃଲେକ୍‌ ନଃର୍କେ ଜୁୟ୍‌ କିଳାମଃନ୍ ଆଚ୍‌ତି, ସେ କିଳାମଃନ୍ କଃବେ ନଃମେର୍ତି, ଆର୍‌ ଜୁୟ୍‌ ଜୟ୍‌ ଲାଗ୍‌ତି ରଃୟ୍‌ଦ୍‌, ସେ ଜୟ୍‌ କଃବେ ନଃଲିବେ ।\f + \fr ୯:୪୪ \fr*\ft କଃତେକ୍‌ ହଃର୍ନା ଲେକାୟ୍‌ ଇ ହଃଦ୍‌ ନାୟ୍‌ ।\ft*\f* 
\v 45 ଆର୍‌ ତୁମାର୍‌ ଗଟେକ୍‌ ଗଡାର୍‌ ଗିନେ ହାହ୍‌ କାମ୍‌ କଃରୁଲାସ୍‌, ତଃବେ ତୁମି ସେ ଗଡ୍‌କେ କାଟି ହଃବ୍ଳାଉଆ; କାୟ୍‌ତାକ୍‌ବଃଲେକ୍‌ ଜଳେକ୍‌ ଗଡ୍ ଦଃରିକଃରି ନଃର୍କେ ଜାତା ବାଟା, ଗଟେକ୍‌ ଗଡ୍ ଦଃରିକଃରି ଜିବନେ ଜାତାର୍‌ ତୁମାର୍‌ ଗିନେ ନିକ । 
\v 46 କାୟ୍‌ତାକ୍‌ବଃଲେକ୍‌ ନଃର୍କେ ଜୁୟ୍‌ କିଳାମଃନ୍ ଆଚ୍‌ତି, ସେ କିଳାମଃନ୍ କଃବେ ନଃମେର୍ତି, ଆର୍‌ ଜୁୟ୍‌ ଜୟ୍‌ ଲାଗ୍‌ତି ରଃୟ୍‌ଦ୍‌, ସେ ଜୟ୍‌ କଃବେ ନଃଲିବେ ।\f + \fr ୯:୪୬ \fr*\ft କଃତେକ୍‌ ହଃର୍ନା ଲେକାୟ୍‌ ଇ ହଃଦ୍‌ ନାୟ୍‌ ।\ft*\f* 
\v 47 \x + \xo ୯:୪୭ \xo*\xt ମାତି ୫:୨୯.\xt*\x*ଆର୍‌ ତୁମାର୍‌ ଆକି ଜଦି ହାହ୍‌ କଃରାଉଁଲି ତଃବେ ସେରି କାଡି ହଃକାଉଆ ଜଳେକ୍‌ ଆକି ରଃୟ୍‌ ନଃର୍କେ ଜାତା ବାଦୁଲେ ଗଟେକ୍‌ ଆକି ନଃୟ୍‌ ଇସ୍ୱରାର୍‌ ରାଇଜେ ଜାତାର୍‌ ନିକ । 
\v 48 କାୟ୍‌ତାକ୍‌ବଃଲେକ୍‌ ନଃର୍କେ ଜୁୟ୍‌ କିଳାମଃନ୍ ଆଚ୍‌ତି, ସେ କିଳାମଃନ୍ କଃବେ ନଃମେର୍ତି, ଆର୍‌ ଜୁୟ୍‌ ଜୟ୍‌ ଲାଗ୍‌ତି ରଃୟ୍‌ଦ୍‌, ସେ ଜୟ୍‌ କଃବେ ନଃଲିବେ ।”
\p
\v 49 “ନଣ୍ ସଃଙ୍ଗ୍ ଜଃନ୍‌କଃରି ହୁଜା ଦେତାର୍‌ ନିର୍ମୁଳ୍‌ ଅୟ୍‌ଦ୍‌, ହଃତି ଲକ୍‌ ସେବାନ୍ୟା ଜୟ୍‌ ସଃଙ୍ଗ୍ ନିର୍ମୁଳ୍‌ ଅଃଉତି ।”
\p
\v 50 \x + \xo ୯:୫୦ \xo*\xt ମାତି ୫:୧୩; ଲୁକ ୧୪:୩୪,୩୫.\xt*\x*“ନଣ୍ ବଃଡେ ନିକ, ମଃତର୍‌ ନଣ୍ ଜଦି ଅଃଲଣା ଅୟ୍‌ଦ୍‌, ତଃବେ ତାକ୍‌ କଃନ୍‌କଃରି ଆରେକ୍‌ ସୁଆଦ୍‌ କଃରୁକେ ଅୟ୍‌ଦ୍‌ ?”
\p “ତୁମିମଃନ୍ ନଣ୍ ହର୍‌ ନିକ ଗୁଣ୍ ଦଃରି ରିଆ, ଆର୍‌ ତୁମାର୍‌ ବିତ୍ରେ ମିସିବିଳିକଃରି ସୁସ୍ତାୟ୍‌ ରିଆ ।”
\c 10
\s ଜିସୁ ଚାଡ୍ ହଃତାର୍‌ କଃତା ସିକ୍ୟା ଦିଲା
\r (ମାତି ୧୯:୧-୧୨; ଲୁକ ୧୬:୧୮)
\p
\v 1 ଜିସୁ ସେ ଟାଣ୍ ଚାଡି ଜିଉଦା ସଃନ୍ଦାୟ୍‌ ଆର୍‌ ଜର୍ଦନ୍ ଗାଡ୍ ସେହାଟି ଆୟ୍‌ଲା, ଆର୍‌ ଅଲେକାର୍‌ ଲକ୍‌ ତାର୍‌ ଚଃମେ ରୁଣ୍ଡ୍‌ଲାୟ୍‌, ସଃବୁ ବଃଳାର୍‌ ହର୍‌ ଜିସୁ ସିକ୍ୟା ଦେଉଁକେ ଦଃର୍ଲା ।
\p
\v 2 ଇବିତ୍ରେ କଃତିଗଟ୍‌ ପାରୁସିମଃନ୍ ଜିସୁକେ ହଃଚାରି ହାନ୍ଦାୟ୍‌ ହଃକାଉଁକ୍‌ ଆସି କୟ୍‌ଲାୟ୍‌, “ତୁୟ୍‌ କଃଉ, ଗଟ୍‌ ଅଃଣ୍ଡ୍ରା ତାର୍‌ ଡକୁର୍ସିକେ ଚାଡ୍‌ତାର୍‌ କାୟ୍‌ ବିଦି ଆଚେ ?”
\p
\v 3 ଜିସୁ ଲକ୍‌ମଃନ୍‌କେ ହଃଚାର୍ଲା, “ମସା କାୟ୍‌ ଆଦେସ୍‌ ଦଃୟ୍‌ ଆଚେ ?”
\p
\v 4 \x + \xo ୧୦:୪ \xo*\xt ମାତି ୫:୩୧.\xt*\x*ସେମଃନ୍ କୟ୍‌ଲାୟ୍‌, “ଚାଡ୍‌ହଃତାର୍‌ ଲେକି ଦଃୟ୍‌ ମାୟ୍‌ଜି ଚାଡୁକ୍‌ ମସା ବିଦି ଦିଲାଆଚେ ।”
\p
\v 5 ଜିସୁ ସେମଃନ୍‌କେ କୟ୍‌ଲା, “ତୁମିମଃନାର୍‌ ଅଃଟୁଆ ମଃନ୍ ଦଃକି ମସା ତୁମାର୍‌ ଗିନେ ଇ ସଃବୁ ଆଦେସ୍‌ ଲେକି ଆଚେ । 
\v 6 ମଃତର୍‌ ହୁର୍ତିବିର୍‌ ଉବ୍‌ଜାଣାର୍‌ ତଃୟ୍‌ହୁଣି ଇସ୍ୱର୍‌ ସେମଃନ୍‌କେ ଅଃଣ୍ଡ୍ରା ଆର୍‌ ଟକିକଃରି ହାଜ୍‌ଲା ଆଚେ । 
\v 7 ଇତାର୍‌ ଗିନେ ଗଟ୍‌ ମାନାୟ୍‌ ଆୟ୍‌ସି ଉବାସିକ୍‌ ଚାଡି ଦୁୟ୍‌ଲକ୍‌ ଗଟେକ୍‌ ଗଃଗାଳ୍‌ ଅଃଉତି । 
\v 8 ଇତାକ୍‌ ସେମଃନ୍ ଆର୍‌ ଜଳେକ୍‌ ଗଃଗାଳ୍‌ ନୟ୍‌, ମଃତର୍‌ ଗଟେକ୍‌ ଗଃଗାଳ୍‌ ଅଃଉତି । 
\v 9 ଇସ୍ୱର୍‌ ଜାୟ୍‌ରି ମିସାୟ୍‌ ଆଚେ, ମାନାୟ୍‌ ସେରି ବିନ୍‌ବିନ୍‌ ନଃକେର ।”
\p
\v 10 ଗଃରେ ଗଃଲା ହଃଚେ ଚେଲାମଃନ୍ ଆରେକ୍‌ ଗଟ୍‌ତର୍‌ ଆର୍‌ ବାବ୍‌ ହଃଚାର୍ଲାୟ୍‌ । 
\v 11 \x + \xo ୧୦:୧୧ \xo*\xt ମାତି ୫:୩୨; ୧ କର ୭:୧୦,୧୧.\xt*\x*ଜିସୁ ସେମଃନ୍‌କେ କୟ୍‌ଲା, “ଜୁୟ୍‌ମାନାୟ୍‌ ତାର୍‌ ନିଜାର୍‌ ଡକୁର୍ସିକେ ଚାଡି ଗଟ୍‌ ବିନ୍‌ ମାୟ୍‌ଜିକେ ସଃଙ୍ଗାୟ୍‌ଦ୍‌, ତଃବେ ତାର୍‌ ଡକୁର୍ସିର୍‌ ବିରଦେ ଦାରି କାମ୍‌ କଃରେଦ୍‌ । 
\v 12 ଆର୍‌ ଜଦି ଗଟ୍‌ ଲକାର୍‌ ଡକୁର୍ସି, ନିଜାର୍‌ ଅଃଣ୍ଡ୍ରାକେ ଚାଡି ବିନ୍ ଅଃଣ୍ଡ୍ରାକେ ଗଃର୍‌ କଃରେଦ୍‌ ତଃବେ ସେ ଦାରିକାମ୍‌ କଃରେଦ୍‌ ।”
\s ଜିସୁ ସାନ୍ ହିଲାମଃନ୍‌କେ ଲାଡ୍‌କଃଲା
\r (ମାତି ୧୯:୧୩-୧୫; ଲୁକ ୧୮:୧୫-୧୭)
\p
\v 13 ଜିସୁ ଜଃନ୍‌କଃରି ସାନ୍‌ସାନ୍‌ ହିଲାମଃନ୍‌କେ ଚୁୟ୍‌ଦ୍‌, ଇତାର୍‌ ଗିନେ ଲକ୍‌ମଃନ୍ ସେମଃନ୍‌କେ ଜିସୁର୍‌ ତଃୟ୍‌ ଆଣୁକେ ଦଃର୍ଲାୟ୍‌, ମଃତର୍‌ ଜିସୁର୍‌ ଚେଲାମଃନ୍ ଲକ୍‌ମଃନ୍‌କେ ଦଃକାଦେତି ରିଲାୟ୍‌ । 
\v 14 ଜିସୁ ସେରି ଦଃକି ରିସା ଅୟ୍‌, ଚେଲାମଃନ୍‌କେ କୟ୍‌ଲା, “ସାନ୍ ହିଲାମଃନ୍‌କେ ମର୍‌ ଲଃଗେ ଆସୁକ୍‌ ଆଗଟା ନାୟ୍‌, କାୟ୍‌ତାକ୍‌ବଃଲେକ୍‌ ଇସ୍ୱରାର୍‌ ରାଇଜ୍‌ ଇବାନ୍ୟା ଲକ୍‌ମଃନାର୍‌ । 
\v 15 \x + \xo ୧୦:୧୫ \xo*\xt ମାତି ୧୮:୩.\xt*\x*ମୁଁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ଜୁୟ୍‌ ଲକ୍‌ ଇସ୍ୱର୍‌ ରାଇଜ୍‌କେ ଇ ସାନ୍ ହିଲା ହର୍‌ ନଃଦେର୍‌ଲେକ୍‌, ସେ କଃନ୍‌କଃରି ହେଁ ଇସ୍ୱରାର୍‌ ରାଇଜେ ହୁରୁ ନାହାରେ ।” 
\v 16 ତାର୍‌ହଃଚେ ଜିସୁ ସାନ୍ ସାନ୍ ହିଲାମଃନ୍‌କେ କଳେଦଃରି ସେମଃନାର୍‌ ଉହ୍ରେ ଆତ୍‌ ସଃଙ୍ଗାୟ୍‌ ଆସିର୍ବାଦ୍‌ କଃଲା ।
\s ମାଜନ୍ ଦଃଙ୍ଗ୍‌ଳା
\r (ମାତି ୧୯:୧୬-୩୦; ଲୁକ ୧୮:୧୮-୩୦)
\p
\v 17 ଜିସୁ ବାରାୟ୍‌ ଜଃଉଁକେ ବାଟ୍‌ ଦର୍ଲାବଃଳ୍‌, ଗଟ୍‌ ମାନାୟ୍‌ ଦଃବ୍‌ଳି ଦଃବ୍‌ଳି ଆସି ତାର୍‌ ମୁଏଁ ମାଣ୍ଡିକୁଟା ଟେସି ହଃଚାର୍ଲା, “ଏ ସଃତ୍‌ ଗୁରୁ, ଅଃମ୍ବର୍‌ ଜିବନ୍ ହାଉଁକ୍‌ ମୁଁୟ୍‌ କାୟ୍‌ରି କଃରିନ୍ଦ୍‌ ?”
\p
\v 18 ଜିସୁ ଉତୁର୍‌ ଦିଲା, “ତୁୟ୍‌ ମକ୍‌ କାୟ୍‌ତାକ୍‌ ସଃତ୍‌ ବଃଲି କଃଉଁଲିସ୍‌ ? ଇସ୍ୱର୍‌କେ ଚାଡିକଃରି କେହେଁ ସଃତ୍‌ ନାୟ୍‌ । 
\v 19 ତୁୟ୍‌ ମାପ୍ରୁର୍‌ ବିଦି ଜାଣି ଆଚ୍‌ସି, ‘ନଃର୍‌ ଅଃତ୍ୟା କଃରାନାୟ୍‌, ଦାରିକାମ୍‌ କଃରାନାୟ୍‌, ଚର୍‌ କାମ୍‌ କଃରାନାୟ୍‌, ମିଚ୍‌ସାକି ଦିଆସ୍‌ ନାୟ୍‌, ଟକା ନାୟ୍‌, ନିଜାର୍‌ ଆୟା ଉବାକ୍‌ ମାନ୍‌ତି କଃରା ।’”
\p
\v 20 ଜିସୁକେ ସେମାନାୟ୍‌ କୟ୍‌ଲା, “ଏ ଗୁରୁ, ମୁଁୟ୍‌ ତ ହିଲାବଃଳ୍‌ହୁଣି ଇସଃବୁ ଆଦେସ୍‌ ମାନି ଆସୁଲେ ।”
\p
\v 21 ଜିସୁ ତାକ୍‌ ମୁଏଁ ଦଃକି ଲାଡ୍‌ କଃଲା ଆର୍‌ କୟ୍‌ଲା, “ତର୍‌ ଅଃବେ ହେଁ ଗଟ୍‌ ବିସୟ୍‌ ଉଣାଆଚେ, ତୁୟ୍‌ ଜାଆ, ତର୍‌ ନିଜାର୍‌ ଜାୟ୍‌ରି ଆଚେ, ସେରିମଃନ୍‌ ବିକିକଃରି ଗଃରିବ୍‌ମଃନ୍‌କେ ବାଟାକଃରି ଦେସ୍‌, ଆର୍‌ ତୁୟ୍‌ ସଃର୍ଗେ ଦଃନ୍ ହାଉସି; ଆର୍‌ ମର୍‌ ହଃଚେ ଆଉ ।” 
\v 22 ଜଃଡେବଃଳ୍‌ ସେମାନାୟ୍‌ ଇରି ସୁଣ୍‌ଲା, ତାର୍‌ ମୁଉଁ ସୁକିଗଃଲି ଆର୍‌ ସେ ମଃନ୍ଦୁକ୍‌ ଅୟ୍‌ ବାରାୟ୍‌ଗଃଲା, କାୟ୍‌ତାକ୍‌ବଃଲେକ୍‌ ସେମାନାୟ୍‌ର୍‌ ଅଲେକାର୍‌ ଦଃନ୍‌ରିଲି ।
\p
\v 23 ସେତାକ୍‌ ଜିସୁ ଚାରିହାକ୍‌ ଦଃକି ଚେଲାମଃନ୍‌କେ କୟ୍‌ଲା, “ଜୁୟ୍‌ଲକାର୍‌ ଦଃନ୍ ଆଚେ, ସେମଃନ୍ ଇସ୍ୱରାର୍‌ ରାଇଜେ ଜଃଉଁକେ ବଃଡେ ହାବଳ୍‌ ଆଚେ ।”
\p
\v 24 ଜିସୁର୍‌ କଃତାସୁଣି ଚେଲାମଃନ୍ ବଃଡେ କାବା ଅୟ୍‌ଲାୟ୍‌ । ମଃତର୍‌ ଜିସୁ ଆରେକ୍‌ ଗଟ୍‌ତର୍‌ କୟ୍‌ଲା, “ହିଲାମଃନ୍‌ ସୁଣା, ଇସ୍ୱରାର୍‌ ରାଇଜେ ଜଃଉଁକେ ବଃଡେ ହାବଳ୍‌ । 
\v 25 ଇସ୍ୱରାର୍‌ ରାଇଜେ ଗଟ୍‌ ମାଜନ୍‌ ଲକ୍‌ ଜାତା ବାଟା, ସୁତ୍‌ଲିର୍‌ କାଣାବାଟ୍‌ ଅୟ୍‌ ଉଟ୍‌ ଚିଙ୍ଗୁଳ୍‌ତାର୍‌ ଉହାସ୍‌ ।” \fig ବେପାରି ଉଟ୍‌କେ ଗଃଳାର୍‌ ଦୁଆର୍‌ ବାଟ୍‌ ହଃଦାୟ୍‌ ବାର୍‌କଃରି ନେଉଁଲା|alt="Merchant leading a camel outside a city wall and gate" src="hk00041c.tif" size="col" copy="Horace Knowles ©" ref="10:25"\fig*
\p
\v 26 ଚେଲାମଃନ୍ ଆରେକ୍‌ ବଃଡେ କାବା ଅୟ୍‌ଲାୟ୍‌, ଆର୍‌ ସେମଃନାର୍‌ ବିତ୍ରେ କଃଉଆକଇ ଅୟ୍‌ଲାୟ୍‌, “ଇବାନ୍ୟା ଅଲେ କୁୟ୍‌ ମାନାୟ୍‌ ମୁକ୍ତି ହାଉଁ ହାରେ ?”
\p
\v 27 ଜିସୁ ଚେଲାମଃନ୍‌କେ ଦଃକି କୟ୍‌ଲା, “ଇରି ମାନାୟ୍‌ର୍‌ ଗିନେ ହାବଳ୍‌, ମଃତର୍‌ ଇସ୍ୱରାର୍‌ ଗିନେ ନୟ୍‌ । ବଃଲେକ୍‌ ଇସ୍ୱର୍‌ ତଃୟ୍‌ ସଃବୁ ଉସାସ୍‌ ।”
\p
\v 28 ପିତର୍‌ ଜିସୁକେ କୟ୍‌ଲା, “ଦଃକ୍‌ ତର୍‌ ଚେଲା ଅଃଉଁକେ ଅଃମିମଃନ୍‌ ସଃବୁ ଚାଡି ତର୍‌ ହଃଚେ ଆୟ୍‌ଲୁ ଆଚୁ ।”
\p
\v 29 ଜିସୁ ସେମଃନ୍‌କେ କୟ୍‌ଲା “ମୁଁୟ୍‌ ସଃତ୍‌ କଃଉଁଲେ, କୁୟ୍‌ ମାନାୟ୍‌ ମର୍‌ ଗିନେ ଆର୍‌ ନିକ କବୁର୍‌ ପର୍ଚାର୍‌ କଃର୍ତା ଗିନେ ଗଃର୍‌, ବାୟ୍‌, ବେଣି କି ଆୟା ଉବା, ହିଲାମଃନ୍‌ କି ବୁୟ୍‌ଁ ଚାଡି ଆଚେ, 
\v 30 ଆର୍‌ ଇ ହୁରେ ତାଡ୍‌ନା ସଃଙ୍ଗ୍ ସଏ ଗୁଣ୍ ଗଃର୍‌, ବାୟ୍‌, ବେଣି, ଆୟା, ହିଲାମଃନ୍‌ ଆର୍‌ ବୁୟ୍‌ଁବାଳା, ଆରେକ୍‌ ସେ ଜୁଗେ ଅଃମ୍ବର୍‌ ଜିବନ୍ ନାହାୟ୍‌, ଅଃନ୍‌କା ଲକ୍‌ କେ ନାୟ୍‌ । 
\v 31 \x + \xo ୧୦:୩୧ \xo*\xt ମାତି ୨୦:୧୬; ଲୁକ ୧୩:୩୦.\xt*\x*ମଃତର୍‌ ହଃର୍ତୁ ରିଲା ଗାଦେକ୍‌ ଲକ୍‌ ହଃଚେ ଅଃଉତି, ଆର୍‌ ହଃଚେ ରିଲା ଗାଦେକ୍‌ ଲକ୍‌ ହଃର୍ତୁ ଅଃଉତି ।”
\s ଜିସୁ ଇ ସଃଙ୍ଗ୍ ତିନ୍‌ତର୍‌ ତାର୍‌ ମଃର୍ତା କଃତା କୟ୍‌ଲା
\r (ମାତି ୨୦:୧୭-୧୯; ଲୁକ ୧୮:୩୧-୩୪)
\p
\v 32 ଚେଲାମଃନ୍ ଜିରୁସାଲମେ ଜାତିରିଲାବଃଳ୍‌, ବାଟେ ରିଲାୟ୍‌ ଆର୍‌ ଜିସୁ ସେମଃନାର୍‌ ଆଗେ ଆଗେ ଜାତିରିଲା, ସେମଃନ୍ କାବା ଅଃଉତି ରିଲାୟ୍‌, ଆର୍‌ ହଃଚେ ଜାତା ଲକ୍‌ମଃନ୍ ହେଁ ଡିରି ଜାୟ୍‌ ରିଲାୟ୍‌ । ଇତାକ୍‌ ସେ ଆରେକ୍‌ ବାରଗଟ୍‌ ଚେଲାମଃନ୍‌କେ ଅଃଲ୍‌ଗା କଃରି, ତାକ୍‌ ଜାୟ୍‌ ଜାୟ୍‌ରି ଗଃଟୁକ୍‌ ଜଃଉଁଲି, ସେରି ସଃବୁ ସେମଃନ୍‌କେ ଜାଣାୟ୍‌ଲା । 
\v 33 ଜିସୁ ସେମଃନ୍‌କେ କୟ୍‌ଲା, “ସୁଣା, ଅଃମିମଃନ୍‌ ଜିରୁସାଲମେ ଜଃଉଁଲୁ, ନଃରାର୍‌ ହୟ୍‌ସି, ବଃଡ୍ ଜାଜକ୍‌ ଆର୍‌ ଦଃର୍ମ୍‌ ଗୁରୁମଃନାର୍‌ ଆତେ ସଃହ୍ରି ଅୟ୍‌ଦ୍‌ । ଆର୍‌ ସେମଃନ୍ ତାକ୍‌ ଦସିକଃରି ମଃର୍ନ୍‌ ଡଃଣ୍ଡ୍‌ ଆଦେସ୍‌ ଦଃୟ୍‌, ଅଜିଉଦି ଲକାର୍‌ ଆତେ ସଃହ୍ରି ଦେତି । ସେମଃନ୍ ତାକ୍‌ ବିଚାର୍‌ କଃର୍ତି ଆର୍‌ ମଃର୍ନ୍‌ ଡଃଣ୍ଡ୍‌ ଦେତି । 
\v 34 ଆରେକ୍‌ ସେ ଲକ୍‌ମଃନ୍ ତାକ୍‌ ଟାହ୍ରା କଃର୍ତି, ତାର୍‌ ଉହ୍ରେ ଲାଳ୍‌ ତୁକ୍‌ତି, କର୍ଡା ସଃଙ୍ଗ୍ ମାର୍ତି ଆର୍‌ ମଃର୍ନେ ମାର୍ତି, ଆର୍‌ ସେ ତିନିଦିନାର୍‌ ହଃଚେ ଉଟେଦ୍‌ ।”
\s ଜାକୁବକ୍‌ ଆର୍‌ ଜହନାର୍‌ ଗଉଆରି
\r (ମାତି ୨୦:୨୦-୨୮)
\p
\v 35 ଜେବଦିର୍‌ ହୟ୍‌ସି ଜାକୁବକ୍‌ ଆର୍‌ ଜହନ୍‌ ଜିସୁ ହାକ୍‌ ଆସି କୟ୍‌ଲାୟ୍‌, “ଏ ଗୁରୁ, ଅଃମିମଃନ୍‌ ତକେ ଜାୟ୍‌ରି ମାଗୁନ୍ଦ୍, ସେରି ଅଃମାର୍‌ ଗିନେ କଃର୍‌ ବଃଲି ଅଃମାର୍‌ ଇଚା ।”
\p
\v 36 ସେତାର୍‌ଗିନେ ଜିସୁ ସେମଃନ୍‌କେ ହଃଚାର୍ଲା, “ମୁଁୟ୍‌ ତୁମାର୍‌ ଗିନେ କାୟ୍‌ରି କଃରିନ୍ଦ୍‌ ବଃଲି ମଃନ୍ କଃରୁଲାସ୍‌ ?”
\p
\v 37 ସେମଃନ୍ ଜିସୁକେ ଉତୁର୍‌ ଦିଲାୟ୍‌, “ଜଃଡେବଃଳ୍‌ ତୁୟ୍‌ ତର୍‌ ଜଃଜ୍‌ମାନ୍‌ ଗାଦି ଉହ୍ରେ ବଃସ୍‌ଲେକ୍‌, ଅଃମିକ୍‌ ଏକ୍ଲାକେ କାତାବାଟ୍ୟା, ଆରେକ୍‌ ଗଟ୍‌ଲକ୍‌କେ ଡେବ୍ରିବାଟ୍ୟା ବଃସୁକେ ଇ ବର୍‌ ଦେଏ ।”
\p
\v 38 \x + \xo ୧୦:୩୮ \xo*\xt ଲୁକ ୧୨:୫୦.\xt*\x*ଜିସୁ ସେମଃନ୍‌କେ କୟ୍‌ଲା, “ତୁମିମଃନ୍ କାୟ୍‌ରି ମାଗୁଲାସ୍‌, ସେରି ନଃଜାଣୁଲାସ୍‌ । ମୁଁୟ୍‌ ଜୁୟ୍‌ ଦୁକ୍‌ ବଗାର୍‌ କପାୟ୍‌ ଡୁକୁଲେ, ତୁମି କାୟ୍‌ ସେ କପାୟ୍‌ ଡୁକୁକ୍‌ ହାରାସ୍‌ ? ମୁଁୟ୍‌ ଜୁୟ୍‌ ମଃର୍ନାର୍‌ ବାପ୍ତିସମ୍‌ ନେଉଁଲେ ସେ ବାପ୍ତିସମ୍‌ ତୁମି କାୟ୍‌ ନେଉଁ ହାରାସ୍‌ ?”
\p
\v 39 ସେମଃନ୍ କୟ୍‌ଲାୟ୍‌, “ହାରୁ ।”
\p ଜିସୁ ସେମଃନ୍‌କେ କୟ୍‌ଲା, “ମୁଁୟ୍‌ ଜୁୟ୍‌ କପାୟ୍‌ ଡୁକୁଲେ, ତୁମିମଃନ୍ ସେ କପାୟ୍‌ ଡୁକୁକ୍‌ ହାରାସ୍‌ ଆର୍‌ ମୁଁୟ୍‌ ଜୁୟ୍‌ ବାପ୍ତିସମ୍‌ ହାଉଁଲେ, ତୁମିମଃନ୍ ସେତି ବାପ୍ତିସମ୍‌ ଅଃଉଆସ୍‌ । 
\v 40 ମଃତର୍‌ ମର୍‌ କାତାବାଟ୍ୟା କି ଡେବ୍ରିବାଟ୍ୟା ବଃସୁକେ ଦେତାର୍‌ ମର୍‌ ଅଃଦିକାର୍‌ ନାୟ୍‌, ମଃତର୍‌ ମର୍‌ ଉବା ଜୁୟ୍‌ ଲକ୍‌ମଃନାର୍‌ ଗିନେ ସେ ଟାଣ୍ ବାଚ୍‌ଲା ଆଚେ, ସେମଃନ୍ ସେତି ବଃସ୍ତି ।”
\p
\v 41 ଜଃଡେବଃଳ୍‌ ତାର୍‌ ଦଃସ୍‌ଗଟ୍‌ ଚେଲାମଃନ୍ ଇରି ସୁଣ୍‌ଲାୟ୍‌, ସେମଃନ୍ ଜାକୁବ ଆର୍‌ ଜହନ୍‌ ଉହ୍ରେ ରିସା ଅୟ୍‌ଲାୟ୍‌ । 
\v 42 \x + \xo ୧୦:୪୨ \xo*\xt ଲୁକ ୨୨:୨୫,୨୬.\xt*\x*ସେତାକ୍‌ ଜିସୁ ଚେଲାମଃନ୍‌କେ ତାର୍‌ ଚଃମେ କୁଦି କୟ୍‌ଲା, “ଜୁୟ୍‌ ଲକ୍‌ମଃନ୍ ଅଜିଉଦି ଲକ୍‌ମଃନାର୍‌ ଉହ୍ରେ ରାଜ୍‌ କଃର୍ତା ଲକ୍‌ ଅଃଉତି, ସେମଃନ୍ ଅଜିଉଦିର୍‌ ଲକ୍‌ମଃନାର୍‌ ଉହ୍ରେ ଅଃଦିକାର୍‌ ଦଃକାଉତି, ଆର୍‌ ସେମଃନାର୍‌ ବଃଡ୍ ଲକ୍‌ମଃନ୍ ଅଜିଉଦିର୍‌ ଲକ୍‌ମଃନ୍‌କେ ଆର୍‌ ତାକାର୍‌ ଉହ୍ରେ ରାଜ୍‌ କଃର୍ତା ଲକ୍‌ମଃନାର୍‌ ଉହ୍ରେ ଅଃଦିକାର୍‌ ଦଃକାଉତି, ଇରି ତୁମିମଃନ୍ ଜାଣାସ୍‌ । 
\v 43 \x + \xo ୧୦:୪୩ \xo*\xt ମାତି ୨୩:୧୧; ମାର୍କ ୯:୩୫; ଲୁକ ୨୨:୨୬.\xt*\x*ମଃତର୍‌ ତୁମାର୍‌ ବିତ୍ରେ ସେନ୍‌କାର୍‌ ନାୟ୍‌, ମଃତର୍‌ ତୁମାର୍‌ ବିତ୍ରେ କେ ବଃଡ୍ ଅଃଉଁକେ ମଃନ୍ କଃରେଦ୍‌, ସେ ତୁମିମଃନାର୍‌ ସେବାକାରି ଅଃଉଅ । 
\v 44 ଆର୍‌ ତୁମାର୍‌ ବିତ୍ରେ ଜେ ସଃବ୍‌କେ ବଃଡ୍ ଅଃଉଁକେ ମଃନ୍ କଃରେଦ୍‌, ତଃବେ ସେ ଗତିଦଃଙ୍ଗ୍‌ଳା ହର୍‌ ସଃବ୍‌କାର୍‌ ସେବା କଃର । 
\v 45 କାୟ୍‌ତାକ୍‌ବଃଲେକ୍‌ ନଃରାର୍‌ ହୟ୍‌ସି ହେଁ ସେବା ହାଉଁକ୍‌ ନାସେ, ମଃତର୍‌ ସେବା କଃରୁକେ ଆର୍‌ ଗାଦେକ୍‌ ଲକାର୍‌ ଗିନେ ମୁକ୍ଳାଉତା ମଲ୍‌ ହର୍‌ ଅଃହ୍‌ଣାର୍‌ ଜିବନ୍ ଦେଉଁକେ ଆସି ଆଚେ ।”
\s ଜିସୁ ବାର୍ଟିମୟ କାଣାକେ ଉଜ୍‌ କଃଲା
\r (ମାତି ୨୦:୨୯-୩୪; ଲୁକ ୧୮:୩୫-୪୩)
\p
\v 46 ତାର୍‌ହଃଚେ ସେମଃନ୍ ଜିରିହ ହଚ୍‌ଲାୟ୍‌ ଆର୍‌ ସେ ଅଃହ୍‌ଣାର୍‌ ଚେଲାମଃନ୍‌କେ ଆର୍‌ ଅଲେକାର୍‌ ଲକ୍‌ ମିସି ଜିରିହହୁଣି ବାଉଳ୍‌ତାବଃଳ୍‌ ଟିମାୟର୍‌ ହୟ୍‌ସି ବାର୍ଟିମୟ ନାଉଁଆର୍‌ କାଣା ବିକାରି ବାଟ ହାଳାୟ୍‌ ବଃସିରିଲା । 
\v 47 ସେ ଜଃଡେବଃଳ୍‌ ନାଜରିତ୍‌ ବଃସ୍ତିର୍‌ ଜିସୁ ବଃଲି ଇରି ସୁଣି ଆଉଲି ଅୟ୍‌ କୟ୍‌ଲା, “ଏ ଦାଉଦାର୍‌ ହୟ୍‌ସି, ମକ୍‌ ଦଃୟା କଃର୍‌ ।”
\p
\v 48 କଃତେକ୍‌ ଲକ୍‌ମଃନ୍ ତାକ୍‌ ତୁନ୍‌ହାଳୁକେ ଦଃକାଦେଉଁକେ ଦଃର୍ଲାୟ୍‌, ମଃତର୍‌ ସେ ଆରେକ୍‌ ଆଉଲି ଅୟ୍‌ କୟ୍‌ଲା, “ଏ ଦାଉଦାର୍‌ ହୟ୍‌ସି, ମକ୍‌ ଦଃୟା କଃର୍‌ ।”
\p
\v 49 ସେତାକ୍‌ ଜିସୁ ତେବ୍‌ଲା ଆର୍‌ କୟ୍‌ଲା, “ତାକ୍‌ ଇତି କୁଦା ।” ସେମଃନ୍ ସେକାଣାକେ କୁଦି କୟ୍‌ଲାୟ୍‌, “ସାସ୍‌ ଦଃର୍‌, ଉଟ୍‌ ଜିସୁ ତକେ କୁଦୁଲା ।”
\p
\v 50 ସେ ତାର୍‌ ହୁଙ୍ଗୁର୍ଲା ହଃଚ୍ୟା ଉର୍ଲି ହଃକାୟ୍‌ ସେଦାହ୍ରେ ଉଟିକଃରି ଜିସୁର୍‌ ତଃୟ୍‌ ଆୟ୍‌ଲା ।
\p
\v 51 ଜିସୁ କୟ୍‌ଲା, “ମୁଁୟ୍‌ ତର୍‌ ଗିନେ କାୟ୍‌ରି କଃରିନ୍ଦ୍‌ ବଃଲି ମଃନ୍ କଃରୁଲିସ୍‌ ?”
\p ସେ କାଣା ମାନାୟ୍‌ ତାକ୍‌ କୟ୍‌ଲା, “ଏ ଗୁରୁ, ମୁଁୟ୍‌ ଜଃନ୍‌କଃରି ଦଃକୁହାରିନ୍ଦ୍‌ ।”
\p
\v 52 ଜିସୁ କୟ୍‌ଲା, “ଜାଆ, ତର୍‌ ବିସ୍ୱାସ୍‌ ତକେ ଉଜ୍‌ କଃଲି ।”
\p ତଃତ୍‌କାଣ୍ ସେ କାଣା ମାନାୟ୍‌ ଦଃକୁ ହାର୍ଲା ଆର୍‌ ବାଟେବାଟେ ଜିସୁର୍‌ ହଃଚେ ଜଃଉଁକେ ଦଃର୍ଲା ।
\c 11
\s ଜିରୁସାଲମେ ଜିସୁ ରଃଜା ଜାତାର୍‌
\r (ମାତି ୨୧:୧-୧୧; ଲୁକ ୧୯:୨୮-୪୦; ଜହ ୧୨:୧୨-୧୯)
\p
\v 1 ଜଃଡେବଃଳ୍‌ ସେମଃନ୍ ଜିରୁସାଲମାର୍‌ ଲଃଗେ ଆର୍‌ ଜିତ୍‌ ଡଙ୍ଗୁର୍‌ ହାକାର୍‌ ବେତ୍‌ପାଗି ଆର୍‌ ବେତାନିଆ ଚଃମେ ହଚ୍‌ଲାୟ୍‌, ସଃଡେବଃଳ୍‌ ଜିସୁ ତାର୍‌ ଚେଲାମଃନାର୍‌ ବିତ୍ରେ ଜଳେକ୍‌ ଚେଲାକେ ଇ କଃତା କୟ୍‌ ହଃଟାୟ୍‌ଲା, 
\v 2 “ତୁମାର୍‌ ମୁଉଁ ଚଃମେ ରିଲା ଗାଉଁଏ ଜାହା ଆର୍‌ ସେ ଗାଉଁଏ ହୁରୁହୁରୁ ତୁମି ତାର୍‌ ଉହ୍ରେ କେହେଁ କଃବେ ନଃବେସ୍‌ଲା ଅଃନ୍‌କା ଗଟେକ୍‌ ହିଲାଗଃଦକ୍‌ ବାନ୍ଦିରିଲାର୍‌ ଦଃକାସ୍‌, ତୁମି ତାକ୍‌ ମେଲିକଃରି ମର୍‌ ଲଃଗେ ଆଣା । 
\v 3 ଜଃଡେବଃଳ୍‌ କେ ତୁମିମଃନ୍‌କେ କାୟ୍‌ତାକ୍‌ ଇ ଗଃଦ ହିଲାକ୍‌ ମେଲି ନେଉଁଲାସ୍‌ ବଃଲି ହଃଚାରେଦ୍‌; ତଃବେ ତୁମି ତାକେ କଃଉଆସ୍‌, ଇରି ଅଃମାର୍‌ ମାପ୍ରୁର୍‌ ଗିନେ ଲଳା ଆଚେ ଆର୍‌ ସେମାନାୟ୍‌ ତୁମିମଃନ୍‌କେ ଚାଡି ଦଃୟ୍‌ଦ୍‌ ।”
\p
\v 4 ସେ ଜଳେକ୍‌ ଚେଲାମଃନ୍ ଗାଉଁଏ ବଃସ୍ତିଏ ଆର୍‌ ସେମଃନ୍ ଗାଉଁଆର୍‌ ଗଟ୍‌ ଗଃରାର୍‌ ଦୁଆର୍‌ ଚଃମେ ହଃଦାର୍‌ ସଃକ୍ଳାୟ୍‌ ଗଟେକ୍‌ ହିଲାଗଃଦକ୍‌ ବାନ୍ଦି ରିଲାର୍‌ ଦଃକ୍‌ଲାୟ୍‌, ଆର୍‌ ସେମଃନ୍ ତାକ୍‌ ମେଲ୍‌ଲାୟ୍‌ । 
\v 5 ସଃଡେବଃଳ୍‌ ସେ ଲଃଗେ ଟିଆ ଅୟ୍‌ରିଲା କଃତେକ୍‌ ଲକ୍‌ମଃନ୍ ହଃଚାର୍ଲାୟ୍‌, “ଇ ହିଲାଗଃଦକ୍‌ ମେଲି କାୟ୍‌ କଃରୁଲାସ୍‌ ।”
\p
\v 6 ଜିସୁ ଜଃନ୍‌କଃରି ଚେଲାମଃନ୍‌କେ କୟ୍‌ରିଲା, ସେମଃନ୍ ସେ ଲକ୍‌ମଃନ୍‌କେ ସେନ୍ ବଃଲି କୟ୍‌ଲାୟ୍‌; ତାର୍‌ହଃଚେ ସେ ଲକ୍‌ମଃନ୍ ଚେଲାମଃନ୍‌କେ ଗଃଦ ହିଲାକ୍‌ ମେଲି ନେଉଁକେ ଦିଲାୟ୍‌ । 
\v 7 ସେମଃନ୍ ଗଃଦ ହିଲାକ୍‌ ଜିସୁର୍‌ ଲଃଗେ ଆଣି ଅଃହ୍‌ଣା ଅଃହ୍‌ଣାର୍‌ ବଃସ୍ତର୍‌ ହିଲାଗଃଦର୍‌ ହିଟି ଉହ୍ରେ ଅଚାୟ୍‌ଲାୟ୍‌, ଆର୍‌ ଜିସୁ ତାର୍‌ ଉହ୍ରେ ବଃସ୍‌ଲା । 
\v 8 ଆରେକ୍‌ କଃତେକ୍‌ ଲକ୍‌ମଃନ୍ ଜିସୁର୍‌ ଜାତା ବାଟେ ଅଃହ୍‌ଣା ଅଃହ୍‌ଣାର୍‌ ବଃସ୍ତର୍‌ ଅଚାୟ୍‌ଲାୟ୍‌, ଆର୍‌ କଃତେକ୍‌ ଲକ୍‌ମଃନ୍ ଗଃଚାର୍‌ ଡାଳ୍‌ କାଟି ଆଣି ବାଟେ ଅଚାୟ୍‌ଲାୟ୍‌ । 
\v 9 ଆର୍‌ ଜୁୟ୍‌ ଲକ୍‌ମଃନ୍ ଜିସୁର୍‌ ଆଗ୍‌ବାଟ୍ୟା ଆର୍‌ ହଃଚ୍ ବାଟ୍ୟା ଇଣ୍ଡି ଜାତି ରିଲାୟ୍‌, ସେମଃନ୍ ବଃଡ୍ ଟଣ୍ଡ୍ ଅୟ୍‌ କଃଉତି ରିଲାୟ୍‌, “ହସାନ୍ନା, ବଃଲେକ୍‌ ଜୟ୍‌ ଅଃଉଅ, ମାପ୍ରୁର୍‌ ନାଉଁଏ ଜେ ଆସୁଲା, ତାର୍‌ ବାୟ୍‌ଗ୍‌ । 
\v 10 ଅଃମାର୍‌ ଦାଦିବାବୁ ଦାଉଦାର୍‌ ଆସ୍ତା ରାଇଜାର୍‌ ବାୟ୍‌ଗ୍‌, ସଃବ୍‌କେ ଉହ୍ରାର୍‌ ହସାନ୍ନା, ବଃଲେକ୍‌ ଜୟ୍‌ ଅଃଉଅ ।”
\p
\v 11 ଜିସୁ ଜିରୁସାଲମେ ଆୟ୍‌ଲା ଆର୍‌ ମନ୍ଦିର୍‌ ବିତ୍ରେ ହୁରି ଚାରିହାକ୍‌ ଦଃକି ବୁଲ୍‌ଲା ଆର୍‌ ସଃଞ୍ଜ୍ ଅୟ୍‌ଲାକ୍‌ ତାର୍‌ ବାରଗଟ୍‌ ଚେଲାମଃନାର୍‌ ସଃଙ୍ଗ୍ ମିସି ବେତାନିଆ ଗାଉଁଏ ଗଃଳାୟ୍‌ ।
\s ଜିସୁ ଡୁମ୍ବୁର୍‌ ଗଃଚ୍‌କେ ସାୟ୍‌ପ୍‌ ଦିଲା
\r (ମାତି ୨୧:୧୮-୧୯)
\p
\v 12 ଆର୍‌ ତାର୍‌ ଆର୍‌କ ଦିନ୍ ଜିସୁ ଆର୍‌ ତାର୍‌ ଚେଲାମଃନ୍ ବେତାନିଆ ଗାଉଁଏ ହୁଣି ଜିରୁସାଲମେ ବାରାୟ୍‌ ଆସ୍ତାବଃଳ୍‌ ଜିସୁକ୍‌ ବୁକ୍‌ ଲାଗ୍‌ଲି । 
\v 13 ସଃଡେବଃଳ୍‌ ସେ ଦୁରିକ୍‌ ହୁଣି ଗଟେକ୍‌ ହଃତାର୍‌ ରିଲା ଡୁମ୍ବୁର୍‌ ଗଃଚ୍ ଦଃକ୍‌ଲା । ଜିସୁ ସେ ଗଃଚ୍ ଲଃଗେ ଡୁମ୍ବୁର୍‌ ହଃଳ୍‌ ମିଳେଦ୍‌ ବଃଲି ଆସା ଅୟ୍‌କଃରି ଗଃଲା; ମଃତର୍‌ ସେ ଗଃଚେ ଅଃବ୍‌କା ହଃତାର୍‌ ଚାଡି କାୟ୍‌ରି ହେଁ ନଃହାୟ୍‌ଲା, କାୟ୍‌ତାକ୍‌ବଃଲେକ୍‌ ସଃଡେବଃଳ୍‌ ଡୁମ୍ବୁର୍‌ ହଃଳ୍‌ତା ଦିନ୍ ନଃରିଲି । 
\v 14 ସେତାକ୍‌ ଜିସୁ ସେ ଡୁମ୍ବୁର୍‌ ଗଃଚ୍‌କେ କୟ୍‌ଲା, “ଆର୍‌ କଃବେ ହେଁ କେ ତର୍‌ ତଃୟ୍‌ହୁଣି ହଃଳ୍‌ ନଃକାଅ ।”
\p ତାର୍‌ ଚେଲାମଃନ୍ ଇ କଃତା ସୁଣ୍‌ତିରିଲାୟ୍‌ ।
\s ଜିସୁ ଜିରୁସାଲମେ ହୁଣି ବେପାରିମଃନ୍‌କେ ବାର୍‌କଃଲା
\r (ମାତି ୨୧:୧୨-୧୭; ଲୁକ ୧୯:୪୫-୪୮; ଜହ ୨:୧୩-୨୨)
\p
\v 15 ତାର୍‌ହଃଚେ ସେମଃନ୍ ଜିରୁସାଲମ୍‌ ମନ୍ଦିରେ ଗଃଳାୟ୍‌ ଆର୍‌ ଜିସୁ ମନ୍ଦିର୍‌ ବିତ୍ରେ ହୁରି ସେତି ଗେନା ବିକା କଃର୍ତା ସେତିର୍‌ ବେବାରିମଃନ୍‌କେ ବାର୍‌କଃରି କଃଦୁକ୍‌ ଦଃର୍ଲା, ଆର୍‌ ଡାବୁ ବେବାରିମଃନାର୍‌ ଟେବୁଲ୍‌ କୁର୍ଚି ଆର୍‌ ହାରୁଆ ବିକ୍‌ତା ଲକାର୍‌ କୁର୍ଚିମଃନ୍ ଉଲ୍‌ଟାୟ୍‌ ହଃକାୟ୍‌ଲା; 
\v 16 ଆର୍‌ ସେ ମନ୍ଦିର୍‌ ବିତ୍ରାର୍‌ କୁଆଳ୍‌ ବାଟ କାକେ ହେଁ କାୟ୍‌ରି ହେଁ ଦଃରି ନେଉଁକେ ନଃଦିଲା । 
\v 17 ଜିସୁ ଲକ୍‌ମଃନ୍‌କେ ସିକ୍ୟା ଦଃୟ୍‌ କୟ୍‌ଲା, “ଇରି କାୟ୍‌ ଲେକା ନାୟ୍‌, ‘ଅଃମାର୍‌ ଗଃର୍‌ ସଃବୁ ଜାତିର୍‌ ଲକ୍‌ମଃନାର୍‌ ଗିନେ ଇସ୍ୱରାର୍‌ ପାର୍ତ୍‌ନାଗଃର୍‌ ବଃଲି ଡାକେ ହୁଟେଦ୍‌ ।’ ମଃତର୍‌ ତୁମିମଃନ୍ ଇ ଗଃର୍‌କେ କଃଙ୍ଗାର୍‌ମଃନାର୍‌ ଲୁକ୍‌ତା ହାର୍‌ କଃରି ଆଚାସ୍‌ ।”
\p
\v 18 ବଃଡ୍ ଜାଜକ୍‌ ଆର୍‌ ଦଃର୍ମ୍‌ ଗୁରୁମଃନ୍ ଜଃଡେବଃଳ୍‌ ଇ କଃତା ସୁଣ୍‌ଲାୟ୍‌, ସେମଃନ୍ ଜିସୁକେ ମଃର୍ନେ ମାରୁକ୍‌ ଉପାୟ୍‌ କଃରୁକେ ଦଃର୍ଲାୟ୍‌, କାୟ୍‌ତାକ୍‌ବଃଲେକ୍‌ ଲକ୍‌ମଃନ୍ ତାର୍‌ ସିକ୍ୟା ସୁଣି କାବା ଅଃଉତିରିଲାର୍‌ ଗିନେ ସେମଃନ୍ ଜିସୁକେ ଡିରି ଜାୟ୍‌ରିଲାୟ୍‌ ।
\p
\v 19 ସେ ଦିନ୍ ସଃଞ୍ଜ୍ ଅୟ୍‌ଲାକ୍‌ ଜିସୁ ଆର୍‌ ଚେଲାମଃନ୍ ଜିରୁସାଲମେ ହୁଣି ବାରାୟ୍‌ ଗଃଲାୟ୍‌ ।
\s ଡୁମ୍ବୁର୍‌ ଗଃଚାର୍‌ ସିକ୍ୟା
\r (ମାତି ୨୧:୨୦-୨୨)
\p
\v 20 ତାର୍‌ ଆର୍‌କ ଦିନାର୍‌ ସଃକାଳ୍ୟା ସେମଃନ୍ ଜାତି ରିଲାବଃଳ୍‌, ସେ ବାଟେ ରିଲା ଜୁୟ୍‌ ଡୁମ୍ବୁର୍‌ ଗଃଚ୍‌କେ ଜିସୁ ସାୟ୍‌ପ୍‌ ଦଃୟ୍‌ରିଲା, ସେ ଗଃଚ୍‌କେ ବୁନ୍ଦେହୁଣି ସୁକି ଜାୟ୍‌ରିଲାର୍‌ ଦଃକ୍‌ଲାୟ୍‌ । 
\v 21 ପିତର୍‌ ତାର୍‌ ହଃଚାର୍‌ ଦିନାର୍‌ କଃତା ଏତାୟ୍‌ କଃରି କୟ୍‌ଲା, “ଏ ଗୁରୁ, ଦଃକ୍‌, ଇ ଡୁମ୍ବୁର୍‌ ଗଃଚ୍‌କେ ତୁୟ୍‌ ଜଃନ୍‌କଃରି ସାୟ୍‌ପ୍‌ ଦଃୟରିଲିସ୍‌, ତଃନ୍‌କଃରି ସେ ଗଃଚ୍ ସୁକି ଜଃଉଁଲି ।”
\p
\v 22 ଜିସୁ ଚେଲାମଃନ୍‌କେ କୟ୍‌ଲା, “ଇସ୍ୱର୍‌ ଲଃଗେ ବିସ୍ୱାସ୍‌ କଃରା । 
\v 23 \x + \xo ୧୧:୨୩ \xo*\xt ମାତି ୧୭:୨୦; ୧ କର ୧୩:୨.\xt*\x*ମୁଁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ଜଃଡେବଃଳ୍‌ ଜୁୟ୍‌ ମାନାୟ୍‌ ଗଟେକ୍‌ ଡଙ୍ଗୁର୍‌କେ ଉଟ୍‌କି ଅୟ୍‌ ଜାଆ ଆର୍‌ ସଃମ୍‌ନ୍ଦେ ଅଦୁର୍‌ ବଃଲି କୟ୍‌ଦ୍‌, ଆର୍‌ ସେ ନିଜାର୍‌ ମଃନ୍‌ ବିତ୍ରେ ଅବିସ୍ୱାସ୍‌ ନଃକେରି, ଜୁୟ୍‌ରି ଅୟ୍‌ଦ୍‌ ବଃଲି ବିସ୍ୱାସ୍‌ କଃରେଦ୍‌, ତାର୍‌ ଗିନେ ନିଜ୍‌କଃରି ସେରଃକମ୍‌ ଅୟ୍‌ଦ୍‌ । 
\v 24 ଇତାର୍‌ ଗିନେ ମୁଁୟ୍‌ ତୁମିମଃନ୍‌କେ କଃଉଁଲେ, ତୁମି ପାର୍ତ୍‌ନା କଃରି ଜାୟ୍‌ ଜାୟ୍‌ରି ମାଗାସ୍‌, ସେରି ହାୟ୍‌ଆଚୁ ବଃଲି ବିସ୍ୱାସ୍‌ କଃରା, ତଃବେ ତୁମିମଃନ୍‌କେ ସେରି ସଃବୁ ମିଳେଦ୍‌ । 
\v 25 \x + \xo ୧୧:୨୫ \xo*\xt ମାତି ୬:୧୪,୧୫.\xt*\x*ଜଃଡେବଃଳ୍‌ ତୁମି ପାର୍ତ୍‌ନା କଃରୁକେ ଟିଆ ଅଃଉଆସ୍‌, ତଃବେ ସଃଡେବଃଳ୍‌ ତୁମାର୍‌ ବିରଦେ କାର୍‌ ଦଃସ୍‌ ରଃୟ୍‌ଦ୍‌ ବଃଲେକ୍‌ ତୁମି ତାକ୍‌ କେମା ଦିଆସ୍‌, ତଃବେ ତୁମାର୍‌ ଉବାଦି ଜେ ସଃର୍ଗେ ଆଚେ, ସେ ହେଁ ତୁମିମଃନ୍‌କେ କେମା ଦଃୟ୍‌ଦ୍‌ । 
\v 26 ଜଃଡେବଃଳ୍‌ ତୁମି କାକେ ହେଁ କେମା ନଃଦିଆସ୍‌, ତଃବେ ତୁମାର୍‌ ସଃର୍ଗେ ରିଲା ଉବାଦି ହେଁ ତୁମାର୍‌ ହାହ୍‌ କେମା ନଃକେରେ ।\f + \fr ୧୧:୨୬ \fr*\ft କଃତେକ୍‌ ହଃର୍ନା ଲେକାୟ୍‌ ଇ ହଃଦ୍‌ ନାୟ୍‌ ।\ft*\f*”
\s ଜିସୁର୍‌ ଅଃଦିକାର୍‌ କଃତା
\r (ମାତି ୨୧:୨୩-୨୭; ଲୁକ ୨୦:୧-୮)
\p
\v 27 ସେମଃନ୍ ଆରେକ୍‌ ଗଟ୍‌ତର୍‌ ଜିରୁସାଲମ୍‌ ଲଃଗେ ଆୟ୍‌ଲାୟ୍‌, ଆର୍‌ ଜଃଡେବଃଳ୍‌ ଜିସୁ ସେ ମନ୍ଦିର୍‌ ଲଃଗେ ବୁଲ୍‌ତି ରିଲା, ସଃଡେବଃଳ୍‌ ବଃଡ୍ ଜାଜକ୍‌ମଃନ୍, ଦଃର୍ମ୍‌ଗୁରୁମଃନ୍‌ ଆର୍‌ ପାରାଚିନ୍‌ମଃନ୍ ତାର୍‌ ଲଃଗେ ଆୟ୍‌ଲାୟ୍‌, 
\v 28 ଆର୍‌ ସେମଃନ୍ ଜିସୁକେ ହଃଚାର୍ଲାୟ୍‌, “ଇ ସଃବୁ କାମ୍‌ ତୁୟ୍‌ କୁୟ୍‌ ଅଃଦିକାର୍‌ ବଃଳେ କଃରୁଲିସ୍‌, ଆର୍‌ ଇ କାମ୍‌ କଃର୍ତା ଗିନେ ତକେ କେ ଅଃଦିକାର୍‌ ଦଃୟ୍‌ଆଚେ ?”
\p
\v 29 ଜିସୁ ସେମଃନ୍‌କେ ଉତୁର୍‌ ଦିଲା, “ମୁଁୟ୍‌ ତୁମିମଃନ୍‌କେ ଗଟେକ୍‌ କଃତା ହଃଚାରିନ୍ଦ୍, ଜଃଡେବଃଳ୍‌ ତୁମି ମର୍‌ କଃତାର୍‌ ଉତୁର୍‌ ଦିଆସ୍‌; ତଃବେ ମୁଁୟ୍‌ କୁୟ୍‌ ଅଃଦିକାରେ ଇ ସଃବୁ କାମ୍‌ କଃରୁଲେ, ସେ କଃତା କୟ୍‌ନ୍ଦ୍ । 
\v 30 ଜହନ୍‌ ବାପ୍ତିସମ୍‌ ଦେତା ଅଃଦିକାର୍‌ କୁୟ୍‌ତି ହୁଣି ହାୟ୍‌ରିଲା ? ସଃର୍ଗେ ହୁଣି କି ଲକ୍‌ମଃନାର୍‌ ତଃୟ୍‌ହୁଣି ? ସେରି ମକ୍‌ କଃଉଆ ।”
\p
\v 31 ସେମଃନ୍ ତାକାର୍‌ ତାକାର୍‌ ବିତ୍ରେ କଃତା ଅଃଉଁକେ ଦଃର୍ଲାୟ୍‌, “ଜଦି ଅଃମି ସଃର୍ଗେହୁଣି ବଃଲି କଃଉନ୍ଦ୍, ତଃବେ ତୁମି କାୟ୍‌ତାକ୍‌ ଜହନ୍‌ କୟ୍‌ଲା କଃତାକ୍‌ ବିସ୍ୱାସ୍‌ ନଃକେଲାସ୍‌ ବଃଲି କୟ୍‌ଦ୍‌ । 
\v 32 ତଃବେ ଅଃମି ମାନାୟ୍‌ ତଃୟ୍‌ହୁଣି ବଃଲି କଃଉଆ କି ?” କାୟ୍‌ତାକ୍‌ବଃଲେକ୍‌ ସେମଃନ୍ ଲକ୍‌ମଃନ୍‌କେ ଡିର୍ତି ରିଲାୟ୍‌, କାୟ୍‌ତାକ୍‌ବଃଲେକ୍‌ ସଃବୁ ଲକ୍‌ ଜହନ୍‌କେ ଗଟେକ୍‌ ବାବ୍‌ବାଦି ବଃଲି ମାନ୍‌ତି ରିଲାୟ୍‌ । 
\v 33 ସେତାର୍‌ଗିନେ ସେମଃନ୍ ଜିସୁକେ ଉତୁର୍‌ ଦଃୟ୍‌ କୟ୍‌ଲାୟ୍‌, “ଅଃମି ନଃଜାଣୁ ।” ତାର୍‌ହଃଚେ ଜିସୁ ସେମଃନ୍‌କେ କୟ୍‌ଲା, “ତଃବେ ମୁଁୟ୍‌ ହେଁ କୁୟ୍‌ ଅଃଦିକାର୍‌ ବଃଳେ ଇ ସଃବୁ କାମ୍‌ କଃରୁଲେ, ସେରି ମୁଁୟ୍‌ ତୁମିମଃନ୍‌କେ ନଃକୟ୍‌ଁ ।”
\c 12
\s ଅଙ୍ଗୁର୍‌ ବାଳ୍‌ ଆର୍‌ ବାଗ୍ ତାସିର୍‌ କଃତା
\r (ମାତି ୨୧:୩୩-୪୬; ଲୁକ ୨୦:୯-୧୯)
\p
\v 1 ତାର୍‌ହଃଚେ ଜିସୁ ଲକ୍‌ମଃନ୍‌କେ କଃତା କୟ୍‌ ସିକ୍ୟା ଦେଉଁକ୍‌ ଦଃର୍ଲା, “ଗଟେକ୍‌ ଲକ୍‌ ଗଟ୍‌ ଅଙ୍ଗୁର୍‌ ବାଳ୍‌ କଃରି ତାର୍‌ ଚାରିବେଳ୍‌ତ୍ ବାଳ୍‌ ବୁଣ୍‌ଲା, ଆରେକ୍‌ ଅଙ୍ଗୁର୍‌ ହଃଳ୍‌ ହିଳୁକ୍‌ ଗଟେକ୍‌ କୁଣ୍ଡ୍‌ ତିଆର୍‌ କଃଲା । ଆର୍‌ ଜାଗ୍‌ତା ମାଚା ହେଁ ବାନ୍ଦ୍‌ଲା; ତାର୍‌ହଃଚେ ସେ ଅଙ୍ଗୁର୍‌ ବାଳ୍‌କେ ତାସିମଃନ୍‌କେ ବାଗେ ଦଃୟ୍‌ ବିଦେସ୍‌ ଗଃଲା । 
\v 2 ଜଃଡେବଃଳ୍‌ ଅଙ୍ଗୁର୍‌ ହଃଳ୍‌ କଳ୍‌ତା ବେଳା ଆୟ୍‌ଲି, ତାସିମଃନାର୍‌ ତଃୟ୍‌ହୁଣି ନିଜାର୍‌ ବାଗ୍ ହାଉଁକେ ଗଟେକ୍‌ ଗତିଦଃଙ୍ଗ୍‌ଳାକ୍‌ ଟିକ୍‌ ବେଳାୟ୍‌ ସେମଃନାର୍‌ ହାକ୍‌ ହଃଟାୟ୍‌ଲା । 
\v 3 ମଃତର୍‌ ତାସିମଃନ୍‌ ସେ ଦଃଙ୍ଗ୍‌ଳାକେ ଦଃରି ମାଡ୍ ମାର୍ଲାୟ୍‌ ଆର୍‌ ଚୁଚା ଆତେ ହଃଟାୟ୍‌ଲାୟ୍‌ । 
\v 4 ତାର୍‌ହଃଚେ ସେ ସାଉକାର୍‌ ଆରେକ୍‌ ଗଟେକ୍‌ ଗତିଦଃଙ୍ଗ୍‌ଳାକ୍‌ ସେମଃନାର୍‌ ହାକ୍‌ ହଃଟାୟ୍‌ଲା; ସେମଃନ୍ ତାର୍‌ ହେଁ ମୁଣ୍ଡ୍‌ ହୁଟାୟ୍‌ଲାୟ୍‌ ଆର୍‌ ତାକ୍‌ ଇନସ୍ତା କଃଲାୟ୍‌ । 
\v 5 ସେ ଆରେକ୍‌ ଗଟେକ୍‌ ଦଃଙ୍ଗ୍‌ଳାକେ ହଃଟାୟ୍‌ଲା; ସେମଃନ୍ ତାକ୍‌ ମଃର୍ନେ ମାର୍‌ଲାୟ୍‌ । ତାର୍‌ହଃଚେ ସେ ସାଉକାର୍‌ ବୁତେକ୍‌ ଦଃଙ୍ଗ୍‌ଳାମଃନ୍‌କେ ହଃଟାୟ୍‌ଲା; ତାସିମଃନ୍‌ ଦଃଙ୍ଗ୍‌ଳାମଃନାର୍‌ ବିତ୍ରେ କଃତିଲକେ ମାଡ୍ ମାର୍ଲାୟ୍‌ ଆର୍‌ କଃତି ଲକ୍‌ମଃନ୍‌କେ ମଃର୍ନେ ମାର୍ଲାୟ୍‌ ।
\p
\v 6 ସେ ସାଉକାର୍‌ ହାକ୍‌ ଅଃବେ ଗଟେକ୍‌ ଲକ୍‌ ମଃତର୍‌ ବାକି ରିଲା, ସେ ତାର୍‌ ଲାଡାର୍‌ ହୟ୍‌ସି । ମର୍‌ ନିଜାର୍‌ ହଅକେ ସେମଃନ୍ ମାନ୍‌ତି କଃର୍ତି, ବଃଲି ସେ ସଃରାସଃରି ବଃଳ୍‌ ନିଜାର୍‌ ହୟ୍‌ସିକ୍‌ ସେମଃନାର୍‌ ହାକ୍‌ ହଃଟାୟ୍‌ଲା । 
\v 7 ମଃତର୍‌ ସେ ତାସିମଃନ୍‌ କଃଉଆକଇ ଅୟ୍‌ଲାୟ୍‌, ‘ଏ ଅଃଉଁଲା ସାଉକାରାର୍‌ ହୟ୍‌ସି । ଆସା ଅଃମି ଆକ୍‌ ମଃର୍ନେ ମାରୁଆଁ, ତଃବେ ସଃବୁ ଅଃଦିକାର୍‌ ଅଃମାର୍‌ ଅୟ୍‌ଦ୍‌ ।’ 
\v 8 ତଃବେ ସେମଃନ୍ ସାଉକାରାର୍‌ ହୟ୍‌ସିକେ ଦଃରି ମଃର୍ନେ ମାର୍‌ଲାୟ୍‌ ଆର୍‌ ତାକ୍‌ ଅଙ୍ଗୁର୍‌ ବାଳେ ହୁଣି ହଃଦାୟ୍‌ ହଃକାୟ୍‌ଲାୟ୍‌ ।”
\p
\v 9 ଜିସୁ ହଃଚାର୍ଲା, “ତଃବେ ଅଙ୍ଗୁର୍‌ ବାଳାର୍‌ ସାଉକାର୍‌ କାୟ୍‌ରି କଃରେଦ୍‌ ? ସେ ଆସି ସେ ଲକ୍‌ମଃନ୍‌କେ ମଃର୍ନେ ମାରେଦ୍‌, ଆରେକ୍‌ ବିନ୍ ଲକ୍‌ମଃନ୍‌କେ ସେ ଅଙ୍ଗୁର୍‌ ବାଳ୍‌କେ ଦଃୟ୍‌ଦ୍‌ । 
\v 10 ତୁମିମଃନ୍ କାୟ୍‌ ଦଃର୍ମ୍‌ ସାସ୍ତର୍‌ ତଃୟ୍‌ଁ ଇ କଃତା ନଃହଳାସ୍‌ ?
\q1 ‘ଗଃର୍‌ ବାନ୍ଦ୍‌ତା ଲକ୍‌ମଃନ୍ ଜୁୟ୍‌ ଟେଳାକେ ଲଳା ନାୟ୍‌ ବଃଲି ଦୁର୍‌କଃଲାୟ୍‌,
\q1 ମଃତର୍‌ ସେ ଟେଳା କନାର୍‌ ମୁଳ୍‌ କୁନାଦି ଟେଳା ଅୟ୍‌ଲି ।
\q1
\v 11 ମାପ୍ରୁ ନିଜେ ଇରି କଃଲା,
\q1 ଆର୍‌ ଇରି ଅଃମାର୍‌ ହାଁୟ୍‌ ଗିନେ କାବା ଅଃଉତା କଃତା ।’”
\p
\v 12 ଇତାକ୍‌ ସେମଃନ୍ ଜିସୁକେ ଦଃରୁକ୍‌ ମଃନ୍ ହାଚ୍‌ଲାୟ୍‌, ମଃତର୍‌ ସେମଃନ୍ ଲକ୍‌ମଃନ୍‌କେ ଡିର୍‌ଲାୟ୍‌; କାୟ୍‌ତାକ୍‌ବଃଲେକ୍‌ ସେ କଃତା ସେମଃନ୍‌କେ ଦଃକାୟ୍‌ କଃରି କୟ୍‌ରିଲା ବଃଲି ସେମଃନ୍ ବୁଜ୍‌ଲାୟ୍‌, ଆର୍‌ ସେମଃନ୍ ତାକ୍‌ ଚାଡିକଃରି ହଃଳାୟ୍‌ଲାୟ୍‌ ।
\s ସିସ୍ଟୁ ଦେତା ସିକ୍ୟା
\r (ମାତି ୨୨:୧୫-୨୨; ଲୁକ ୨୦:୨୦-୨୬)
\p
\v 13 ହଃଚେ ଜିସୁର୍‌ କଃତାର୍‌ ଦଃସ୍‌ ଦଃରୁକ୍‌ ଜିଉଦି ନେତାମଃନ୍, ପାରୁସି ଆର୍‌ ହେରଦିୟ ଦଃଳାର୍‌ କଃତେକ୍‌ ଲକ୍‌ମଃନ୍‌କେ ଜିସୁର୍‌ ହାକ୍‌ ହଃଟାୟ୍‌ଲାୟ୍‌ । 
\v 14 ସେମଃନ୍ ଆସି ଜିସୁକେ କୟ୍‌ଲାୟ୍‌, “ଗୁରୁ ଅଃମି ଜାଣୁଲୁ ଜେ, ତୁୟ୍‌ ସଃତ୍‌ ଆର୍‌ କାକେହେଁ ନଃଡିର୍‌ସି; କାୟ୍‌ତାକ୍‌ବଃଲେକ୍‌ ତୁୟ୍‌ ଲକ୍‌ମଃନାର୍‌ ମୁକ୍‌ମେଟ୍‌ ନଃଦେକ୍‌ସି, ମଃତର୍‌ ଇସ୍ୱରାର୍‌ ଇସାବେ ସିକ୍ୟା ଦେସି । କାଇସର୍‌କେ ସିସ୍ଟୁ ଦେତା ବିଦି କି ନାୟ୍‌ ?”
\p
\v 15 ମଃତର୍‌ ଜିସୁ ସେମଃନାର୍‌ ହେଟ୍‌କପଟ୍‌ ଜାଣି ସେମଃନ୍‌କେ କୟ୍‌ଲା, “କାୟ୍‌ତାକ୍‌ ମକ୍‌ କଃଟ୍‌ହାଳ୍‌ ବୁଜୁଲାସ୍‌ ? ଗଟେକ୍‌ ରୁହା ଅଦ୍‌ଲି ମର୍‌ ହାକ୍‌ ଆଣା, ମୁୟ୍‌ଁ ସେରି ଦଃକିନ୍ଦ୍‌ ।”
\p
\v 16 ସେମଃନ୍ ଗଟେକ୍‌ ରୁହା ଅଦ୍‌ଲି ତାକ୍‌ ଦିଲାୟ୍‌, ଜିସୁ ସେମଃନ୍‌କେ ହଃଚାର୍ଲା, “ଇ ମୁର୍ତି ଆର୍‌ ନାଉଁ କାର୍‌ ?”
\p ସେମଃନ୍ ଜିସୁକେ ଉତୁର୍‌ ଦିଲାୟ୍‌, “କାଇସରାର୍‌ ।”
\p
\v 17 ଜିସୁ ସେମଃନ୍‌କେ କୟ୍‌ଲା, “ଜୁୟ୍‌ରି କାଇସରାର୍‌, ସେରି କାଇସର୍‌କେ ଦିଆସ୍‌, ଆର୍‌ ଜୁୟ୍‌ରି ଇସ୍ୱରାର୍‌, ସେରି ଇସ୍ୱର୍‌କେ ଦିଆସ୍‌ ।”
\p ସେମଃନ୍ ଜିସୁର୍‌ କଃତା ସୁଣି କାବା ଅୟ୍‌ଲାୟ୍‌ ।
\s ମଃରି ଉଟ୍‌ତା କଃତା
\r (ମାତି ୨୨:୨୩-୩୩; ଲୁକ ୨୦:୨୭-୪୦)
\p
\v 18 \x + \xo ୧୨:୧୮ \xo*\xt ପେରି ୨୩:୮.\xt*\x*ଇତାର୍‌ହଃଚେ ମଃରି ଉଟ୍‌ତାର୍‌ ନଃମାନ୍‌ତା ସାଦୁକିମଃନ୍ ଜିସୁର୍‌ ଚଃମେ ଆସି ହଃଚାରୁକ୍‌ ଦଃର୍ଲାୟ୍‌, 
\v 19 “ଏ ଗୁୁରୁ, ମସା ଅଃମାର୍‌ ଗିନେ ଲେକିଆଚେ, ଜଦି ଗଟ୍‌ ଲକାର୍‌ ବାୟ୍‌ ମଃରେଦ୍‌, ଆର୍‌ ତାର୍‌ ଡକୁର୍ସି ବାଚି ରଃୟ୍‌ଦ୍‌ ଆର୍‌ ତାର୍‌ ହିଲାମଃନ୍‌ ନଃରେତି, ତଃବେ ତାର୍‌ ବାୟ୍‌ ତାର୍‌ ଡକୁର୍ସିକେ ବିବା ଅୟ୍‌କଃରି ତାର୍‌ ବାୟ୍‌ସିର୍‌ ଗିନେ ବଃଉଁସ୍‌ ବାଡାଉଁ ହାରେଦ୍‌ । 
\v 20 ଗଟ୍‌ ଗଃରେ ସାତ୍‌ ବାୟ୍‌ ରିଲାୟ୍‌; ସଃବ୍‌କେ ବଃଡ୍ ବାୟ୍‌ସି ବିବା ଅୟ୍‌ଲା ଆର୍‌ ହିଲାମଃନ୍‌ ନଃଉତ୍‌ ମଃଲା; 
\v 21 ତାର୍‌ହଃଚେ ତାର୍‌ ହିଟିର୍‌ ବାୟ୍‌ସି ସେ ଟକିକେ ବିବା ଅୟ୍‌ଲା, ସେ ହେଁ ହିଲାମଃନ୍‌ ନଃଉତ୍‌ ମଃଲା; ଆର୍‌ ତାର୍‌ ହିଟିର୍‌ ବାୟ୍‌ସି ହେଁ ସେ ଟକିକେ ବିବାଅୟ୍‌ ହିଲାମଃନ୍‌ ନଃଉତ୍‌ ମଃଲା । 
\v 22 ସାତ୍‌ ବାୟ୍‌ ଜାକ ସେରଃକମ୍‌ ସେ ଟକିକେ ବିବା ଅୟ୍‌ଲାୟ୍‌, ଆର୍‌ ହିଲାମଃନ୍‌ ନଃଉତ୍‌ ମଃଲାୟ୍‌; ସଃବ୍‌କାର୍‌ ହଃଚେ ସେ ମାୟ୍‌ଜି ଟକି ହେଁ ମଃଲି । 
\v 23 ଜୁୟ୍‌ଦିନ୍‌ ସଃବୁ ମଃଲା ଲକ୍‌ମଃନ୍ ଉଟ୍‌ତାବଃଳ୍‌ ସେମଃନ୍ ଉଟ୍‌ତି, ସଃଡେବଃଳ୍‌ ସେ ମାୟ୍‌ଜି ସେ ସାତ୍‌ ବାୟ୍‌ମଃନାର୍‌ ବିତ୍ରାର୍‌ କାର୍‌ ଡକୁର୍ସି ଅୟ୍‌ଦ୍‌ ? ସାତ୍‌ ବାୟ୍‌ ଜାକ ତାକ୍‌ ବିବା ଅୟ୍‌ରିଲାୟ୍‌ ।”
\p
\v 24 ଜିସୁ ସେମଃନ୍‌କେ କୟ୍‌ଲା, “ତୁମିମଃନ୍ ଦଃର୍ମ୍‌ ସାସ୍ତର୍‌ ଆରେକ୍‌ ଇସ୍ୱରାର୍‌ ସଃକ୍ତିକେ ହେଁ ନଃଜାଣ୍‌ତାର୍‌ କାୟ୍‌ ତୁମାର୍‌ ଉଲୁର୍‌ କଃତା ନାୟ୍‌ । 
\v 25 ମଃଲା ଲକ୍‌ମଃନ୍ ଉଟ୍‌ଲା ହଃଚେ ସେମଃନ୍ ବିବା ନଃକେର୍ତି କି ବିବା ନଃଉତି, ସେମଃନ୍ ସଃର୍ଗାର୍‌ ଦୁତ୍‌ମଃନାର୍‌ ହର୍‌ ରେତି । 
\v 26 ମଃତର୍‌ ମଃଲା ଲକ୍‌ମଃନ୍ ଜେ ଉଟ୍‌ତି, ସେ କଃତା କି ତୁମିମଃନ୍ ମସାର୍‌ ସାସ୍ତରେ ସେ ବୁଟାୟ୍‌ ଜୟ୍‌ଲାଗ୍‌ତା କଃତା ନଃହଳାସ୍‌ ? ଇସ୍ୱର୍‌ କଃନ୍‌କଃରି ମସାକ୍‌ କୟ୍‌ଲା, ‘ମୁଁୟ୍‌ ଅବ୍ରାହାମାର୍‌ ଇସ୍ୱର୍‌, ଇସାକାର୍‌ ଇସ୍ୱର୍‌ ଆର୍‌ ଜାକୁବାର୍‌ ଇସ୍ୱର୍‌ ?’ 
\v 27 ସେ ମଃଲା ଲକ୍‌ମଃନାର୍‌ ଇସ୍ୱର୍‌ ନୟ୍‌ଁ, ମଃତର୍‌ ସେ ଜିବନ୍‌ ଲକ୍‌ମଃନାର୍‌ ଇସ୍ୱର୍‌ । ତୁମିମଃନ୍ ବଃଡେ ଉଲୁ ଅଃଉଁଲାସ୍‌ ।”
\s କୁୟ୍‌ ବଲ୍‌ ସଃବ୍‌କେ ବଃଡ୍
\r (ମାତି ୨୨:୩୪-୪୦; ଲୁକ ୧୦:୨୫-୨୮)
\p
\v 28 ସଃଡେବଃଳ୍‌ ଗଟ୍‌ ଦଃର୍ମ୍‌ଗୁରୁ ଜିସୁର୍‌ ଲଃଗେ ଆସି ସେମଃନାର୍‌ କଃତା ଦଃରାଦଃରି ସୁଣ୍‌ଲା, ଆର୍‌ ଜିସୁ ଜେ ସାଦୁକିମଃନ୍‌କେ ଟିକ୍‌ ଉତୁର୍‌ ଦିଲା ଆଚେ ବଃଲି ଜାଣି ସେ ଜିସୁକେ ହଃଚାର୍ଲା, “ସଃବୁ ଆଦେସ୍‌ ବିତ୍ରେ କୁୟ୍‌ ଆଦେସ୍‌ ବଃଡ୍ ?”
\p
\v 29 ଜିସୁ ଉତୁର୍‌ ଦିଲା, “ସଃବ୍‌କେ ବଃଡ୍ ବଲ୍‌ ଅଃଉଁଲି, ‘ଏ ଇସ୍ରାଏଲ୍‌ ସୁଣ୍ ! ମାପ୍ରୁ ଅଃମାର୍‌ ଇସ୍ୱର୍‌ ଗଟେକ୍‌ ହଃକା ମାପ୍ରୁ ଆଚେ । 
\v 30 ଆର୍‌ ତୁମିମଃନ୍ ଅଃହ୍‌ଣାର୍‌ ସଃବୁ ମଃନ୍‌, ସଃବୁ ଜିବନ୍‌, ସଃବୁ ମଃନ୍‌ ଆର୍‌ ସବୁ ସଃକ୍ତି ଦଃୟ୍‌ ଅଃହ୍‌ଣାର୍‌ ମାପ୍ରୁ ଇସ୍ୱର୍‌କେ ଲାଡ୍‌ କଃରା ।’ 
\v 31 ଆରେକ୍‌ ଗଟେକ୍‌ ବଲ୍‌ ଅଃଉଁଲି, ‘ତୁମିମଃନ୍ ନିଜ୍‌କେ ଜଃତେକ୍‌ ଲାଡ୍‌ କଃରୁଲାସ୍‌, ବିନ୍ ଲକେ ହେଁ ସେରଃକମ୍‌ ଲାଡ୍‌କଃରା । ଇ ଜୁଳେକ୍‌ ବିଦି ଚାଡି ଆରେକ୍‌ ବିନ୍ ବଃଡ୍ ବିଦି କୁୟ୍‌ରି ନାୟ୍‌ ।’”
\p
\v 32 ଇ କଃତା ସୁଣି ସେ ଦଃର୍ମ୍‌ ସାସ୍ତ୍ରି ଜିସୁକେ କୟ୍‌ଲା, “ଏ ଗୁରୁ, ସେରି ସଃତ୍‌, ସେ ଜେ ଗଟେକ୍‌ ଆର୍‌ ତାକ୍‌ ଚାଡି କେହେଁ ନାୟ୍‌, ଇ କଃତା ତୁୟ୍‌ ସଃତ୍‌ କୟ୍‌ଲିସ୍‌ । 
\v 33 ଆର୍‌ ସଃବୁ ଗଃର୍ବ୍‌, ସଃବୁ ବୁଦି ଆର୍‌ ସଃବୁ ସଃକ୍ତି ଦଃୟ୍‌ ଇସ୍ୱର୍‌କେ ଲାଡ୍‌ କଃରୁକେ ଅୟ୍‌ଦ୍‌, ଆର୍‌ ହଃଳ୍‌ସା ଲକ୍‌ମଃନ୍‌କେ ନିଜ୍‌କେ ଲାଡ୍‌ କଃଲାହର୍‌ ଲାଡ୍‌ କଃର୍ତାର୍‌ ସଃବୁ ହୁଜାବିଦି ତଃୟ୍‌ହୁଣି ଇ ଜୁଳେକ୍‌ ବଲ୍‌ ଅଃଦିକ୍‌ ବଃଡ୍ ।”
\p
\v 34 \x + \xo ୧୨:୩୪ \xo*\xt ଲୁକ ୧୦:୨୫-୨୮.\xt*\x*ସେ ଲକ୍‌ ବୁଦିର୍‌ ସଃଙ୍ଗ୍ ଉତୁର୍‌ ଦଃୟ୍‌ଆଚେ ବଃଲି ଜାଣି, ଜିସୁ ତାକ୍‌ କୟ୍‌ଲା, “ତୁୟ୍‌ ଇସ୍ୱରାର୍‌ ରାଇଜ୍‌ ତଃୟ୍‌ହୁଣି ଦୁରିକ୍‌ ନାୟ୍‌ ।” ଇତାର୍‌ହଃଚେ କେ ହେଁ ଜିସୁକେ ଆରେକ୍‌ କାୟ୍‌ କଃତା ହେଁ ହଃଚାରୁକ୍‌ ସାସ୍‌ ନଃକେଲାୟ୍‌ ।
\s କ୍ରିସ୍ଟ ଦାଉଦାର୍‌ ହୟ୍‌ସି
\r (ମାତି ୨୨:୪୧-୪୬; ଲୁକ ୨୦:୪୧-୪୪)
\p
\v 35 ଜିସୁ ମନ୍ଦିର୍‌ ଗଃରେ ସିକ୍ୟା ଦେତାବଃଳ୍‌ ଲକ୍‌ମଃନ୍‌କେ ହଃଚାର୍ଲା, “କ୍ରିସ୍ଟ ଜେ ଦାଉଦାର୍‌ ହୟ୍‌ସି ବଃଲି ଇରି ଦଃର୍ମ୍‌ଗୁରୁମଃନ୍‌ କଃନ୍‌କଃରି କଃଉଁଲାୟ୍‌ ? 
\v 36 ଦାଉଦ୍‌ ନିଜେ ପବିତ୍ର ଆତ୍ମାର୍‌ ସଃକ୍ତି ତଃୟ୍‌ କୟ୍‌ରିଲା,
\q1 ମାପ୍ରୁ ମର୍‌ ମାପ୍ରୁକେ କୟ୍‌ଲା,
\q1 ମୁଁୟ୍‌ ଜଃଡେବଃଳ୍‌ ହଃତେକ୍‌ ତୁମାର୍‌ ସଃତ୍ରୁମଃନ୍‌କେ ତର୍‌ ହାଦ୍‌ ତଃଳେ ନଃକେରି ଆଚୁ,
\q1 ସଃଡେବଃଳ୍‌ ହଃତେକ୍‌ ତୁୟ୍‌ ମର୍‌ କାତା ବାଟ୍ୟା ବଃସିରେ ।
\p
\v 37 ନିଜେ ଦାଉଦ୍‌ କ୍ରିସ୍ଟକେ ମାପ୍ରୁ ବଃଲି କୟ୍‌ଲା, ତଃବେ ସେ କଃନ୍‌କଃରି ଦାଉଦାର୍‌ ହୟ୍‌ସି ?”
\p ସଃବୁ ଲକ୍‌ମଃନ୍ ସଃର୍ଦା ଅୟ୍‌ ଜିସୁର୍‌ କଃତା ସୁଣ୍‌ତି ରିଲାୟ୍‌ ।
\s ଜିସୁ ଦଃର୍ମ୍‌ ଗୁରୁମଃନ୍‌କେ ଜଃଗ୍ରାତ୍‌ କଃଲା
\r (ମାତି ୨୩:୧-୩୬; ଲୁକ ୨୦:୪୫-୪୭)
\p
\v 38 ଜିସୁ କୟ୍‌ଲା, “ଦଃର୍ମ୍‌ ଗୁରୁମଃନାର୍‌ ତଃୟ୍‌ହୁଣି ଜଃଗ୍ରାତ୍‌ ଅୟ୍‌ରିଆ, ସେମଃନ୍ ଡେଙ୍ଗ୍ ବଃସ୍ତର୍‌ ହଃଜି କଃରି ଏଣେ ତେଣେ ବୁଲୁକ୍‌ ମଃନ୍ କଃର୍ତି, ଆର୍‌ ଆଟ୍‌ ବଃଜାରେ ମାନ୍‌ତି ଆଟ୍‌ ବଃଜାରେ ଜୁଆର୍‌ ହାଉଁକ୍‌, 
\v 39 ପାର୍ତ୍‌ନା ଗଃରେ ଉଚ୍ ଟାଣେ ବଃସୁକେ ମଃନ୍ କଃର୍ତି । ବଜି ଟାଣେ ହେଁ ସେମଃନ୍ ବଃଡ୍ ଜଃଗା ହାଉଁକ୍‌ ମଃନ୍ କଃର୍ତି । 
\v 40 ସେମଃନ୍ ରାଣ୍ଡି ମାୟ୍‌ଜିମଃନାର୍‌ ଗଃର୍‌ ଦୁଆର୍‌ ସଃବୁ ଅଃଦିକାର୍‌ କଃରି ନେତି ଆର୍‌ ବଃଲ୍‌ ଦଃକାୟ୍‌ ଅଃଉଁକେ ସେମଃନ୍ ଡେଙ୍ଗ୍ ପାର୍ତ୍‌ନା କଃର୍ତି । ସେମଃନ୍ ଜଃବର୍‌ ବିଚାର୍‌ ତଃୟ୍‌ଁ ଡଃଣ୍ଡ୍‌ ହାଉତି ।”
\s ରାଣ୍ଡି ମାୟ୍‌ଜିର୍‌ ଦାନ୍‌ଦେତାର୍‌
\r (ଲୁକ ୨୧:୧-୪)
\p
\v 41 ଜିସୁ ମନ୍ଦିରାର୍‌ ଦାନ୍‌ ହଃକାଉତା ଦାନ୍‌ହେଳି ଲଃଗେ ବଃସି ଲକ୍‌ମଃନ୍ କଃନ୍‌କଃରି ସେତି ଦାନ୍‌ ଦେଉଁଲାୟ୍‌, ସେରି ଦଃକ୍‌ତିରିଲା । ସଃଡେବଃଳ୍‌ କଃତେକ୍‌ ମାଜନ୍‌ ଲକ୍‌ମଃନ୍ ବୁତେକ୍‌ ଦାନ୍‌ ହଃକାୟ୍‌ଲାୟ୍‌; 
\v 42 ତାର୍‌ହଃଚେ ଗଟେକ୍‌ ଗଃରିବ୍‌ ରାଣ୍ଡି ମାୟ୍‌ଜି ଆସି, ଜଳେକ୍‌ ସାନ୍‌ ତାମ୍ବାକାସୁ ସେତି ଦାନ୍‌ ହଃକାୟ୍‌ଲି, ସେ ତାମ୍ବାକାସୁର୍‌ ମଲ୍‌ ଗଟେ ଟଃକା ତଃୟ୍‌ ହୁଣି ହେଁ ଉଣା ।
\p
\v 43 ଜିସୁ ତାର୍‌ ଚେଲାମଃନ୍‌କେ ଲଃଗେ କୁଦି କୟ୍‌ଲା, “ମୁଁୟ୍‌ ତୁମିକେ ସଃତ୍‌ କଃଉଁଲେ, ବଃଣ୍ଡାରେ ଦାନ୍‌ ହଃକାଉତା ଲକ୍‌ମଃନାର୍‌ ବିତ୍ରେ ଇ କାୟ୍‌ରି ନୟ୍‌ଲା ରାଣ୍ଡିମାୟ୍‌ଜି ସଃବୁ ଲକାର୍‌ ତଃୟ୍‌ହୁଣି ଅଃଦିକ୍‌ ଦାନ୍‌ହେଳି ତଃୟ୍‌ ହଃକାୟ୍‌ଆଚେ । 
\v 44 କାୟ୍‌ତାକ୍‌ବଃଲେକ୍‌ ସଃବୁ ଲକ୍‌ମଃନ୍ ବୁତେକ୍‌ ଦଃନ୍ ତଃୟ୍‌ହୁଣି ଅଃଳକ୍‌ ଅଃଳକ୍‌ ହଃକାୟ୍‌ଲାୟ୍‌, ମଃତର୍‌ ଇ କାୟ୍‌ରି ନୟ୍‌ଲା ରାଣ୍ଡି ମାୟ୍‌ଜି ତାର୍‌ ଅକେଟ୍‌ ବଃଳ୍‌ ହେଁ ନିଜାର୍‌ ଜିବନ୍ ବଚାଉଁକେ ତାର୍‌ ହାକ୍‌ ଜାୟ୍‌ରି ରିଲି ସେରିସଃବୁ ହଃକାୟ୍‌ଲି ।”
\c 13
\s ଜିସୁ ଜିରୁସାଲମ୍‌ ମନ୍ଦିର୍‌ ବଃସମ୍‌ ଅଃଉତା କଃତା କୟ୍‌ଲା
\r (ମାତି ୨୪:୧-୨; ଲୁକ ୨୧:୫-୬)
\p
\v 1 ଜିସୁ ଜିରୁସାଲମେ ମନ୍ଦିର୍‌ ବିତ୍ରେ ହୁଣି ବାରାୟ୍‌ ଜାତିରିଲା ବଃଳ୍‌ ତାର୍‌ ଚେଲାମଃନାର୍‌ ବିତ୍ରେହୁଣି ଗଟେକ୍‌ ଚେଲା କୟ୍‌ଲା, “ଏ ଗୁରୁ, ଦଃକ୍‌ କଃନ୍‌କା ଟେଳାମଃନ୍ ଆର୍‌ କଃନ୍‌କା ମେଳ୍‌ଗଃର୍‌ ।”
\p
\v 2 ଜିସୁ ତାକ୍‌ କୟ୍‌ଲା, “ତୁୟ୍‌ କାୟ୍‌ ଇ ବଃଡ୍‌ ମେଳ୍‌ଗଃର୍‌ ଦଃକୁଲିସ୍‌ ? ମଃତର୍‌ ଇ ଗଟେକ୍‌ ଟେଳା ଆରେକ୍‌ ଗଟେକ୍‌ ଟେଳା ଉହ୍ରେ ନଃରେୟ୍‌, ସଃବୁ ହେଁ ମାଟାୟ୍‌ ମିସେଦ୍‌ ।”
\s ଜିସୁ ଜୁଗ୍ ସେସ୍‌ ଅଃଉତା କଃତା କୟ୍‌ଲା ।
\r (ମାତି ୨୪:୩-୧୪; ଲୁକ ୨୧:୭-୧୯)
\p
\v 3 ଜିସୁ ମନ୍ଦିର୍‌ ମୁଆଟି ବାଟାର୍‌ ଜିତ୍‌ ଡଙ୍ଗ୍ରେ ବଃସିରିଲା ବଃଳ୍‌, ପିତର୍‌, ଜାକୁବ, ଜହନ୍‌ ଆର୍‌ ଆନ୍ଦ୍ରିଅ ଲୁକ୍‌ଣେ ଆସି ତାକ୍‌ ହଃଚାର୍ଲାୟ୍‌, 
\v 4 “କଃବେ ଇ ଗଃଟ୍‍ଣା ଗଃଟେଦ୍‌, ଆରେକ୍‌ ଇ ଗଃଟ୍‍ଣା ଗଃଟୁଲି ବଃଲି ଅଃମି କଃନ୍‌କଃରି ଜାଣୁନ୍ଦ୍, ଆର୍‌ ସେ ବଃଳାର୍‌ ଚିନ୍ କାୟ୍‌ରି ଅଃମିକ୍‌ କଃଉ ।”
\p
\v 5 ସେତାକ୍‌ ଜିସୁ ସେମଃନ୍‌କେ କଃଉଁକେ ଦଃର୍ଲା, “କେ ତୁମିମଃନ୍‌କେ ଜଃନ୍‌କଃରି ନଃଜେଟ୍‌ତି, ସେତାର୍‌ଗିନେ ଜଃଗ୍ରାତ୍‌ ଅୟ୍‌ରିଆ । 
\v 6 କଃତେକ୍‌ ଲକ୍‌ମଃନ୍ ମର୍‌ ନାଉଁଏ ଆସ୍ତି ଆର୍‌ ‘ମୁଁୟ୍‌ କ୍ରିସ୍ଟ’ ବଃଲି କଃତେକ୍‌ ଲକ୍‌ମଃନ୍‌କେ ଜଃଟ୍‌ତି । 
\v 7 ମଃତର୍‌ ତୁମିମଃନ୍ ଜଃଡେବଃଳ୍‌ ଜୁଜାର୍‌ କଃତା ସୁଣ୍‌ଲେକ୍‌ ଆର୍‌ ଜୁଜ୍‌ ଲାଗ୍‌ତାର୍‌ ସୁଣ୍‌ଲେକ୍‌ ଡିରା ନାୟ୍‌; ଇବାନ୍ୟା ଗଃଟ୍‍ଣାମଃନ୍‌ ବାୟ୍‌ଦ୍‌ରେ ଗଃଟେଦ୍‌, ମଃତର୍‌ ଇରି ଜୁଗ୍ ବୁଡ୍‌ତା କାଳ୍‌ ନାୟ୍‌ । 
\v 8 କାୟ୍‌ତାକ୍‌ବଃଲେକ୍‌ ଲକ୍‌ ବିରଦେ ଲକ୍‌ ଜୁଜ୍‌ ଲାଗ୍‌ତି, ରାଇଜ୍‌ ବିରଦେ ରାଇଜ୍‌ ଉଟେଦ୍‌ ଆର୍‌ ଟାଣେ ଟାଣେ ଦଃର୍ତି ଲଃଦ୍‌ବଃଦେଦ୍‌, ଦୁର୍ବିକ୍ୟା ଅୟ୍‌ଦ୍‌; ମଃତର୍‌ ଇସଃବୁ ହିଲା ଜଃଲମ୍‌ କଃର୍ତା ମାୟ୍‌ଜିଟକିର୍‌ ଆରୁମ୍‌ ଦୁକା ହର୍‌ ।”
\p
\v 9 \x + \xo ୧୩:୯ \xo*\xt ମାତି ୧୦:୧୭-୨୦; ଲୁକ ୧୨:୧୧,୧୨.\xt*\x*“ମଃତର୍‌ ତୁମିମଃନ୍ ନିଜାର୍‌ ନିଜାର୍‌ ବିସୟେ ଜଃଗ୍ରାତ୍‌ ଅୟ୍‌ରିଆ; ଲକ୍‌ମଃନ୍ ତୁମିମଃନ୍‌କେ ବେରାଣ୍ ମଃଣ୍ଡାୟ୍‌ ସଃହ୍ରି ଦେତି, ଆର୍‌ ତୁମିମଃନ୍‌କେ ପାର୍ତ୍‌ନା ଗଃରେ ନଃୟ୍‌ ମାଡ୍ ମାର୍ତି, ଆରେକ୍‌ ମର୍‌ ଗିନେ ସଃର୍କାର୍‌ ଲକ୍‌ମଃନାର୍‌ ତଃୟ୍‌ ଆର୍‌ ରଃଜାମଃନାର୍‌ ତଃୟ୍‌ ସେମଃନାର୍‌ ଗିନେ ସାକି ଅଃଉଁକେ ଟିଆ ଅଃଉଆସ୍‌ । 
\v 10 ମଃତର୍‌ ଜୁଗ୍ ବୁଡ୍‌ତା ଆଗ୍‌ତୁ ବାୟ୍‌ଦ୍‌ରେ ସଃବୁ ଜାତିର୍‌ ଲକ୍‌ମଃନାର୍‌ ବିତ୍ରେ ନିକ କବୁର୍‌ ପର୍ଚାର୍‌ ଅୟ୍‌ଦ୍‌ । 
\v 11 ଇତାକ୍‌ ଲକ୍‌ମଃନ୍ ଜଃଡେବଃଳ୍‌ ତୁମିମଃନ୍‌କେ ବିଚାର୍‌ କଃରୁକେ ବାନ୍ଦି ନେତି, ସଃଡେବଃଳ୍‌ ତୁମି କାୟ୍‌ରି କଃଉନ୍ଦ୍ ବଃଲି ଆଗ୍‌ତୁ ଚିତା କଃରାନାୟ୍‌; ମଃତର୍‌ ତୁମିମଃନ୍‌କେ ସଃଡେବଃଳ୍‌ କାୟ୍‌ରି କଃଉଁକେ ଦିଆ ଅୟ୍‌ଦ୍‌, ସେରି କଃଉଆ, କାୟ୍‌ତାକ୍‌ବଃଲେକ୍‌ ତୁମିମଃନ୍ କଃତା କଃଉତା ଲକ୍‌ ନୟ୍‌, ମଃତର୍‌ ପବିତ୍ର ଆତ୍ମା କଃତା କୟ୍‌ଦ୍‌ । 
\v 12 ଲକ୍‌ମଃନ୍ ଅଃହ୍‌ଣାର୍‌ ବାୟ୍‌ ବାୟ୍‌କ୍‌, ଉବାସି ହୟ୍‌ସିକେ, ମଃର୍ନ୍‌ ଡଃଣ୍ଡ୍‌ ହାଉଁକ୍‌ ସଃହ୍ରି ଦେତି, ଆରେକ୍‌ ହିଲାମଃନ୍ ଉବାସି ଆୟ୍‌ସି ବିରଦେ ଉଟ୍‌ତି ଆର୍‌ ସେମଃନ୍‌କେ ମଃର୍ନେ ମାର୍ତି । 
\v 13 \x + \xo ୧୩:୧୩ \xo*\xt ମାତି ୧୦:୨୨.\xt*\x*ଆର୍‌ ମର୍‌ ନାଉଁ ଗିନେ ତୁମିମଃନ୍ ସଃବୁଲକାର୍‌ ତଃୟ୍‌ହୁଣି ଗିଣ୍‌କଃରାୟ୍‌ ଅଃଉଆସ୍‌, ମଃତର୍‌ ଜୁୟ୍‌ ମାନାୟ୍‌ ସେସ୍‌ ହଃତେକ୍‌ ବିସ୍ୱାସେ ତିର୍‌ ଅୟ୍‌ ରଃୟ୍‌ଦ୍‌, ସେ ହାହେ ହୁଣି ନିଜ୍‌କେ ବଚାଉ ହାରେଦ୍‌ ।”
\s ବଃଡ୍‌ ଦଃଣ୍ଡାର୍‌ ବେଳା
\r (ମାତି ୨୪:୧୫-୨୮; ଲୁକ ୨୧:୨୦-୨୪)
\p
\v 14 ମଃତର୍‌ ଜଃଡେବଃଳ୍‌ ତୁମିମଃନ୍ ସେ ନାସ୍‌କାରି ଗିଣ୍‌ ଆସ୍ତିକ୍‌ ଜୁୟ୍‌ ଜଃଗା ଲଃଗେ ରେତା ବିଦି ନାୟ୍‌, ସେ ଜଃଗା ଲଃଗେ ରେତାର୍‌ ଦଃକାସ୍‌ । ହଳ୍‌ତା ଲକ୍‌ ଆର୍‌ ଅଃର୍ତ୍‌ ବୁଜତ୍‌ । ସଃଡେବଃଳ୍‌ ଜିଉଦା ରାଇଜ୍‌ ଲଃଗେ ରେତା ଲକ୍‌ମଃନ୍ ଡଙ୍ଗୁର୍‌ ଉହ୍ରେ ହଃଳାୟ୍‌ ଜଃଉଅତ୍‌ । 
\v 15 \x + \xo ୧୩:୧୫ \xo*\xt ଲୁକ ୧୭:୩୧.\xt*\x*ଆର୍‌ ଜୁୟ୍‌ ମାନାୟ୍‌ ଗଃରାର୍‌ ଚାନି ଉହ୍ରେ ରଃୟ୍‌ଦ୍‌, ସେ ତଃଳେ ଉତ୍ରନାୟ୍‌ଁ ଆର୍‌ କାୟ୍‌ରି ନେଉଁକେ ଗଃର୍‌ ବିତ୍ରେ ଜଃଉଅ ନାୟ୍‌ । 
\v 16 ଆର୍‌ ଜୁୟ୍‌ ମାନାୟ୍‌ ତାସ୍‌ ହଃଦାୟ୍‌ ରଃୟ୍‌ଦ୍‌, ସେମାନାୟ୍‌ ତାର୍‌ ହଃଚ୍ୟା ନେଉଁକେ ଗଃରେ ଲେଉଟି ଆସ ନାୟ୍‌ । 
\v 17 ମଃତର୍‌ ସଃଡେବଃଳ୍‌ ଜୁୟ୍‌ ମାୟ୍‌ଜିମଃନ୍ ଆଙ୍ଗେ ରେତି ଆର୍‌ ହିଲାର୍ନି ଅୟ୍‌ ହିଲାକ୍‌ ଦୁଦ୍‌ କାଳାଉତି ରେତି, ସେମଃନାର୍‌ ଗିନେ ବଃଡେ କଃସ୍ଟ୍‌ ଆଚେ । 
\v 18 ଇ ଗଃଟ୍‍ଣାମଃନ୍‌ ଜଃନ୍‌କଃରି କି ସିତ୍‌ ମାସେ ନଃଗେଟେ ଇତାର୍‌ ଗିନେ ଇସ୍ୱର୍‌ ତଃୟ୍‌ ପାର୍ତ୍‌ନା କଃରା । 
\v 19 \x + \xo ୧୩:୧୯ \xo*\xt ପ୍ରକା ୭:୧୪.\xt*\x*କାୟ୍‌ତାକ୍‌ବଃଲେକ୍‌ ସଃଡେବଃଳ୍‌ ଇବାନ୍ୟା ଦୁକ୍‌ କଃସ୍ଟ୍‌ ଆସେଦ୍‌ ଜେ, ଇସ୍ୱର୍‌ ରାଇଜ୍‌ ଉବ୍‌ଜାୟ୍‌ଲା ଦିନ୍‌ହୁଣି ଆଜି ହଃତେକ୍‌ ସେବାନ୍ୟା କଃବେ ହେଁ ଅୟ୍‌ନଃରିଲି ଆର୍‌ କଃବେ ହେଁ ନଃଗେଟେ । 
\v 20 ଆର୍‌ ଇସ୍ୱର୍‌ ସେ ଦିନ୍‌କେ ଉଣା କଃରି ନଃରିଲେକ୍‌, ତଃବେ କେହେଁ ମୁକ୍ତି ହାଉଁ ନଃହାର୍‌ଲା ହୁଣି; ମଃତର୍‌ ଇସ୍ୱର୍‌ ଜୁୟ୍‌ ଲକ୍‌ମଃନ୍‌କେ ବାଚି ଆଚେ, ସେ ବାଚ୍‌ଲା ଲକ୍‌ମଃନାର୍‌ ଗିନେ ସେଦିନ୍‌ମଃନ୍ ଉଣା କଃରିଆଚେ ।
\p
\v 21 “ଆର୍‌ ଜଃଡେବଃଳ୍‌ କେ ତୁମିମଃନ୍‌କେ ‘କ୍ରିସ୍ଟ ଇତି ଆଚେ,’ କି, ‘ସେତିଆଚେ,’ ବଃଲି କୟ୍‌ଲେକ୍‌, ତୁମି ତାକ୍‌ ବିସ୍ୱାସ୍‌ କଃରାନାୟ୍‌ । 
\v 22 ସଃଡେବଃଳ୍‌ ମିଚ୍ କ୍ରିସ୍ଟ ଆର୍‌ ମିଚ୍ ବାବ୍‌ବାଦିମଃନ୍ ବାରାଉତି, ଆର୍‌ ସେମଃନ୍ କଃତେକ୍‌ କଃତେକ୍‌ ଚିନ୍ ଦଃକାୟ୍‌କଃରି କଃତେକ୍‌ କଃତେକ୍‌ କାବା ଅଃଉତା କାମ୍‌ମଃନ୍‌ କଃର୍ତି; ଦଃର୍କାର୍‌ ଅୟ୍‌ଲେକ୍‌ ଇସ୍ୱର୍‌ ବାଚ୍‌ଲା ଲକ୍‌ମଃନ୍‌କେ ହେଁ ବୁଲ୍‌କାଉତି । 
\v 23 ମଃତର୍‌ ତୁମି ଜଃଗ୍ରାତ୍‌ ଅୟ୍‌ରିଆ, ଦଃକା ମୁଁୟ୍‌ ଗଃଟ୍‍ଣା ଗଃଟ୍‌ତା ଆଗ୍‌ତୁ ତୁମିମଃନ୍‌କେ ସଃବୁ କଃଉଁଲେ ।”
\s ନଃରାର୍‌ ହୟ୍‌ସି ଆରେକ୍‌ ଗଟ୍‌ତର୍‌ ଆସେଦ୍‌
\r (ମାତି ୨୪:୨୯-୩୧; ଲୁକ ୨୧:୨୫-୨୮)
\p
\v 24 \x + \xo ୧୩:୨୪ \xo*\xt ପ୍ରକା ୬:୧୨.\xt*\x*“ମଃତର୍‌ ସେ ସଃବୁ କଃସ୍ଟ୍‌ ହଃଚେ, ବେଳ୍‌ ଅଃନ୍ଦାର୍‌ ଅୟ୍‌ଦ୍‌, ଆର୍‌ ଜଃନ୍ ଉଜାଳ୍‌ ନଃଦେୟ୍‌ । 
\v 25 \x + \xo ୧୩:୨୫ \xo*\xt ପ୍ରକା ୬:୧୩.\xt*\x*ଆରେକ୍‌ ସଃର୍ଗାର୍‌ ତାରାମଃନ୍ ତଃଳେ ଅଦ୍ରୁକ୍‌ ଦଃର୍ତି ଆର୍‌ ଅଃଗାସାର୍‌ ସଃକ୍ତିମଃନ୍ ଜଃତ୍‌କଃତ୍‌ ଅଃଉତି । 
\v 26 \x + \xo ୧୩:୨୬ \xo*\xt ପ୍ରକା ୧:୭.\xt*\x*ସଃଡେବଃଳ୍‌ ନଃରାର୍‌ ହୟ୍‌ସି ବଃଡେ ବଃଳ୍‌ ସଃକାତ୍‌ ଆର୍‌ ଜଃଜ୍‌ମାନ୍‌ ସଃଙ୍ଗ୍ ମେଗ୍ ଉହ୍ରେ ହୁଣି ଉତ୍ରି ଆସ୍ତାର୍‌ ସଃବୁ ଲକ୍‌ମଃନ୍ ଦଃକ୍‌ତି । 
\v 27 ସଃଡେବଃଳ୍‌ ସେ ଦୁତ୍‌ମଃନ୍‌କେ ହଃଟାୟ୍‌କଃରି ହୁର୍ତିବିର୍‌ ସେସ୍‌ ସଃନ୍ଦିହୁଣି ଅଃଗାସାର୍‌ ସେସ୍‌ ସଃନ୍ଦି ହଃତେକ୍‌ ଚାରି ଦିଗାର୍‌ ଅଃହ୍‌ଣା ବାଚ୍‌ଲା ଲକ୍‌ମଃନ୍‌କେ ରୁଣ୍ଡାୟ୍‌ଦ୍‌ ।”
\s ଡୁମ୍ବୁର୍‌ ଗଃଚ୍ ତଃୟ୍‌ହୁଣି ସିକଃତାର୍‌
\r (ମାତି ୨୪:୩୨-୩୫; ଲୁକ ୨୧:୨୯-୩୩)
\p
\v 28 “ଡୁମ୍ବୁର୍‌ ଗଃଚାର୍‌ ଗଟେକ୍‌ କଃତା ସିକା, ଜଃଡେବଃଳ୍‌ ତାର୍‌ କଃନ୍ଦାୟ୍‌ କଃଉଁଣା ହଃତାର୍‌ ଦଃରେଦ୍‌ ଆର୍‌ ଡାଳ୍‌ ହଃତାର୍‌ ଅୟ୍‌ ବାଡି ଆସେଦ୍‌, ସଃଡେବଃଳ୍‌ ତୁମି କଃରା ଦିନ୍ ଆସୁଲି ବଃଲି ଜାଣାସ୍‌ । 
\v 29 ସେବାନ୍ୟା ଜଃଡେବଃଳ୍‌ ଇ ସଃବୁ ଗଃଟ୍‍ଣାମଃନ୍‌ ଗଃଟ୍‌ତାର୍‌ ଦଃକାସ୍‌, ସଃଡେବଃଳ୍‌ ତୁମି ସେ ଦିନ୍ ଦୁଆର୍‌ ଲଃଗେ ଅୟ୍‌ଲି ବଃଲି ଜାଣାସ୍‌ । 
\v 30 ମୁଁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ଇ ସଃବୁ ଗଃଟ୍‍ଣା ନଃଗଟ୍‌ତା ହଃତେକ୍‌ ଇ ଜୁଗାର୍‌ ଲକ୍‌ମଃନ୍ କଃବେ ହେଁ ନାସ୍‌ ନଃଉତି । 
\v 31 ଅଃଗାସ୍‌ ଆର୍‌ ହୁର୍ତିବି ନଃସ୍ଟ୍‌ ଅୟ୍‌ଦ୍‌, ମଃତର୍‌ ମର୍‌ କଃତା କଃବେ ନଃସ୍ଟ୍‌ ନୟେ ।”
\s ତାର୍‌ ଆସ୍ତା ଦିନ୍ ଆର୍‌ ବେଳା କେ ହେଁ ନଃଜାଣ୍‌ତି
\r (ମାତି ୨୪:୩୬-୪୪)
\p
\v 32 \x + \xo ୧୩:୩୨ \xo*\xt ମାତି ୨୪:୩୬.\xt*\x*“ମଃତର୍‌ ସେ ଦିନ୍ କି ବେଳା କଃବେ ଆସେଦ୍‌ ସେରି କେ ହେଁ ନଃଜାଣ୍‌ତି; ସଃର୍ଗାର୍‌ ଦୁତ୍‌ମଃନ୍ କି ନଃରାର୍‌ ହୟ୍‌ସି ହେଁ ନଃଜାଣେ, ମଃତର୍‌ ମର୍‌ ସଃର୍ଗାର୍‌ ଉବା ଏକ୍ଲା ହଃକା ଜାଣି ଆଚେ । 
\v 33 ତୁମିମଃନ୍ ଜଃଗ୍ରାତ୍‌ ଅୟ୍‌ରିଆ ଆର୍‌ ଜାଗିରିଲା, କାୟ୍‌ତାକ୍‌ବଃଲେକ୍‌ ସେ ଦିନ୍ ଆର୍‌ ସେ ବେଳା କଃବେ ଆସେଦ୍‌ ସେରି ତୁମିମଃନ୍ ନଃଜାଣାସ୍‌ । 
\v 34 \x + \xo ୧୩:୩୪ \xo*\xt ଲୁକ ୧୨:୩୬-୩୮.\xt*\x*ସେରି ଇବାନ୍ୟା, ଜଃନ୍‌କଃରି ଗଟେକ୍‌ ଲକ୍‌ ଅଃହ୍‌ଣାର୍‌ ଗଃର୍‌ଦୁଆର୍‌ ଚାଡିକଃରି ବିନ୍ ଦେସେ ବାସାକଃରି ଆଚେ, ଆର୍‌ ସେ ଅଃହ୍‌ଣାର୍‌ ଗତିଦଃଙ୍ଗ୍‌ଳାମଃନ୍‌କ୍‌ ଗଃରାର୍‌ ଅଃଦିକାର୍‌ ଦଃୟ୍‌, ହଃତି ଲକାର୍‌ କାମ୍‌ ହଃତି ଲକ୍‌କେ ଦଃୟ୍‌ଆଚେ, ଆର୍‌ ଦୁଆର୍‌ ଜାଗ୍‌ତା ଲକ୍‌କେ ହେଁ ନିକକଃରି ଜାଗି ରେଉଁକ୍‌ ଆଦେସ୍‌ ଦଃୟ୍‌ ଆଚେ । 
\v 35 କଃଡେବଃଳ୍‌ ସିନା ସେ ଗଃରାର୍‌ ସାଉକାର୍‌ ଲୁକ୍‌ଣେ ଆସେଦ୍‌ ଆର୍‌ ତୁମିମଃନ୍‌କେ ସଇରିଲାର୍‌ ଦଃକେଦ୍‌ । 
\v 36 ଇତାର୍‌ ଗିନେ ଜଃଗ୍ରାତ୍‌ ଅୟ୍‌ରିଆ, କାୟ୍‌ତାକ୍‌ବଃଲେକ୍‌ ସେ ସଃଞ୍ଜ୍ ବେଳାୟ୍‌, କି ମଃଜାରାତି, କି କୁକ୍‌ଳା ବାସ୍ତା ବେଳାୟ୍‌ କି ସଃକାଳ୍ୟା, କଃଡେବଃଳ୍‌ କି ଆସେଦ୍‌ ସେରି ତୁମିମଃନ୍ ନଃଜାଣାସ୍‌ । 
\v 37 ମୁଁୟ୍‌ ତୁମିମଃନ୍‌କେ ଜାୟ୍‌ରି କଃଉଁଲେ, ସେରି ସଃବ୍‌କେ କଃଉଁଲେ, ଜଃଗ୍ରାତ୍‌ ଅୟ୍‌ରିଆ ।”
\c 14
\s ଜିସୁକେ ମଃର୍ନେ ମାରୁକ୍‌ ଜିଉଦି ନେତାମଃନ୍ କୁଟ୍‌ କଃଲାୟ୍‌
\r (ମାତି ୨୬:୧-୫; ଲୁକ ୨୨:୧-୨; ଜହ ୧୧:୪୫-୫୩)
\p
\v 1 ନିସ୍ତାର୍‌ ହଃର୍ବ୍‌ ଆର୍‌ କମିର୍‌ ନଃମିସ୍‌ଲା ମୁକ୍ଳାଉଁଣି ହଃର୍ବ୍‌ ଅଃଉଁକେ ଦୁୟ୍‌ ଦିନ୍ ରିଲି, ସଃଡେବଃଳ୍‌ ବଃଡ୍ ଜାଜକ୍‌, ଜିଉଦି ଆର୍‌ ଦଃର୍ମ୍‌ ଗୁରୁମଃନ୍ ଜିସୁକେ କଃନ୍‌କଃରି କୁଟ୍‌କଃରି ମଃର୍ନେ ମାର୍ତି, ସେତାକ୍‌ ଉପାୟ୍‌ କଃର୍ତି ରିଲାୟ୍‌ । 
\v 2 ସେମଃନ୍ କୟ୍‌ଲାୟ୍‌, “ହଃର୍ବ୍‌ ଦିନ୍ ଜିସୁକେ ବାନ୍ଦୁ ନଃହାରୁ, ସେବାନ୍ୟା କଃଲେକ୍‌ ଲକ୍‌ମଃନ୍ ରିସାଅୟ୍‌ ଉରାଟୁ କଃର୍ତି ।”
\s ଗଟ୍‌ ମାୟ୍‌ଜି ଜିସୁର୍‌ ମୁଣ୍ଡେ ଚିକଣ୍‌ ଡାଳ୍‌ଲି
\r (ମାତି ୨୬:୬-୧୩; ଜହ ୧୨:୧-୮)
\p
\v 3 \x + \xo ୧୪:୩ \xo*\xt ଲୁକ ୭:୩୭,୩୮.\xt*\x*ବେତାନିଆ ଗାଉଁଆର୍‌ ବଃଡ୍‌ ରଗି ସିମନାର୍‌ ଗଃରେ ଜିସୁ କାଉଁକେ ବଃସି ରିଲାବଃଳ୍‌, ଗଟ୍‌ ମାୟ୍‌ଜି ତାର୍‌ ଟାଣେ ଆୟ୍‌ଲି, ସେ ଗଟ୍‌ କଣ୍ଡି ବଃର୍ତି ବଃଡେ ମଲାର୍‌ ବାସ୍ନା ଚିକଣ୍‌ ଆଣ୍‌ଲି, ଆର୍‌ ସେ ଚିକଣ୍‌ ନିର୍ମୁଳ୍‌ ଜଟାମାଂସି ଗଃଚାର୍‌ ରଃସେ ତିଆର୍‌ ଅୟ୍‌ରିଲି । ସେ ମାୟ୍‌ଜି କଃଣ୍ଡିର୍‌ ମୁଉଁ ବାଙ୍ଗିକଃରି ସଃର୍ତେ ଚିକଣ୍‌ ଜିସୁର୍‌ ମୁଣ୍ଡେ ଡାଳୁକେ ଦଃର୍ଲି । 
\v 4 ସେରି ଦଃକି ସେତିରିଲା ଲକ୍‌ମଃନ୍ କଃଉଆକଇ ଅୟ୍‌ଲାୟ୍‌, “ଇ ବାସ୍ନା ଚିକଣ୍‌ କାୟ୍‌ତାକ୍‌ ହର୍ଚ୍ କଃରୁଲି ? 
\v 5 ଇ ବାସ୍ନା ଚିକଣାର୍‌ ମଲ୍‌ ଗଟ୍‌ ଲକାର୍‌ ବଃର୍ସେକାର୍‌ କାମାଉଣି ସଃଙ୍ଗ୍ ସଃମାନ୍ । ଇରି ବିକ୍‌ଲା ଡାବୁ ନଃୟ୍‌ ବୁକାର୍‌ ଲକ୍‌ମଃନ୍‌କେ ଦେଉଁକେ ଅୟ୍‌ଲି ହୁଣି !” ଇବାନ୍ୟା ବଃଲି ସେମଃନ୍ ତାକ୍‌ ଲିନ୍ଦା କଃଲାୟ୍‌ । \fig ବାସ୍ନା ଚିକଣ୍‌ ରିଲା କଣ୍ଡି|alt="Jars with spikenard" src="hk00117c.tif" size="col" copy="Horace Knowles ©" ref="14:3"\fig*
\p
\v 6 ଜିସୁ କୟ୍‌ଲା, “ସେ ମାୟ୍‌ଜିକେ ଚାଡା; କାୟ୍‌ତାକ୍‌ ତାକ୍‌ କଃସ୍ଟ୍‌ ଦେଉଁଲାସ୍‌ ? ସେ ମର୍‌ ଗିନେ ନିକ କାମ୍‌ କଃରିଆଚେ । 
\v 7 କାୟ୍‌ତାକ୍‌ବଃଲେକ୍‌ ଗଃରିବ୍‌ ଲକ୍‌ମଃନ୍ ତ ସଃବୁବଃଳ୍‌ ତୁମାର୍‌ ଚଃମେ ଆଚ୍‌ତି, ତୁମି ଜଃଡେବଃଳ୍‌ ମଃନ୍ କଃରାସ୍‌, ସଃଡେବଃଳ୍‌ ସେମଃନାର୍‌ ଉହ୍‌କାର୍‌ କଃରୁ ହାରାସ୍‌ । ମଃତର୍‌ ମୁଁୟ୍‌ ସଃବୁବଃଳ୍‌ ତୁମାର୍‌ ସଃଙ୍ଗେ ନଃରେୟ୍‌ଁ । 
\v 8 ଇ ମାୟ୍‌ଜି ମର୍‌ ଗିନେ ତାର୍‌ ହାରୁସଃକ୍ତି ହଃତେକ୍‌ କଃଲି ଆଚେ, ସେ ତହ୍‌ତା ଗିନେ ମର୍‌ ମଃଲା ଗଃଗାଳ୍‌କେ ଆଗ୍‌ତୁ ଚିକଣ୍‌ ହାଦାୟ୍‌ ଦିଲି ଆଚେ । 
\v 9 ମୁଁୟ୍‌ ତୁମିକେ ସଃତ୍‌ କଃଉଁଲେ, ଗୁଳା ଜଃଗତାର୍‌ ଜୁୟ୍‌ ଜୁୟ୍‌ ଜଃଗାୟ୍‌ ନିକ କବୁର୍‌ ପର୍ଚାର୍‌ ଅୟ୍‌ଦ୍‌, ସେ ଟାଣେ ଇ ମାୟ୍‌ଜିଟକିକ୍‌ ମଃନେ ହଃକାଉତା ଗିନେ ସେ କଃରି ରିଲା ଇ କାମାର୍‌ କଃତା ହେଁ କଃଉଆ ଅୟ୍‌ଦ୍‌ ।”
\s ଜିସୁକେ ଜିଉଦା ବିସ୍ୱାସେ ବିସ୍‌ ଦିଲା
\r (ମାତି ୨୬:୧୪-୧୬; ଲୁକ ୨୨:୩-୬)
\p
\v 10 ସେତାକ୍‌ ବାରଗଟ୍‌ ଚେଲାମଃନାର୍‌ ବିତ୍ରେ ଇସ୍କାରିଅତ୍‌ ଜିଉଦା ନାଉଁଆର୍‌ ଗଟ୍‌ ଚେଲା ବଃଡ୍ ଜାଜକ୍‌ମଃନାର୍‌ ଆତେ ଜିସୁକେ ସଃହ୍ରି ଦେଉଁକେ ସେମଃନାର୍‌ ଚଃମେ ଗଃଲା 
\v 11 ବଃଡ୍ ଜାଜକ୍‌ ଜିଉଦାର୍‌ ଇବାନ୍ୟା କଃତା ସୁଣି ସଃର୍ଦା ଅୟ୍‌ଲା । ଜିସୁକେ ଦଃରାୟ୍‌ ଦିଲେକ୍‌ ଜିଉଦାକେ ଡାବୁ ଦେଉଁନ୍ଦ୍ ବଃଲି ସଃୟ୍‌ତ୍‌ କଃଲାୟ୍‌, ସେତାକ୍‌ ଜିଉଦା ଜିସୁକେ ବଃଡ୍ ଜାଜକ୍‌ମଃନାର୍‌ ଆତେ କଃନ୍‌କଃରି ଦଃରାୟ୍‌ ଦେଉଁ ହାରେ ଇ ଉପାୟ୍‌ ଲଳୁକ୍‌ ଦଃର୍ଲା ।
\s ଜିସୁ ଆର୍‌ ଚେଲାମଃନ୍ ନିସ୍ତାର୍‌ ହଃର୍ବାର୍‌ ବଜି କାୟ୍‌ଲାୟ୍‌
\r (ମାତି ୨୬:୧୭-୨୫; ଲୁକ ୨୨:୭-୧୪,୨୧-୨୩; ଜହ ୧୩:୨୧-୩୦)
\p
\v 12 ତାର୍‌ହଃଚେ କମିର୍‌ ନୟ୍‌ଲା ରୁଟି କାତା ହଃର୍ବାର୍‌ ହଃର୍ତୁଦିନ୍, ଜୁୟ୍‌ଦିନ୍‌ ନିସ୍ତାର୍‌ ହଃର୍ବାର୍‌ ହୁଜାମେଣ୍ଡା ଦିଆ ଅୟ୍‌ଦ୍‌, ସେଦିନ୍ ଜିସୁର୍‌ ଚେଲାମଃନ୍ ଆସି ଜିସୁକେ ହଃଚାର୍ଲାୟ୍‌, “ଅଃମିମଃନ୍‌ କୁୟ୍‌ଟାଣେ ତର୍‌ଗିନେ ମୁକ୍ଳାଉଁଣି ହଃର୍ବ୍‌ ବଜି କଃରୁନ୍ଦ୍‌ ବଃଲି ତୁୟ୍‌ ମଃନ୍ କଃରୁଲିସ୍‌ ?”
\p
\v 13 ତାର୍‌ହଃଚେ ଜିସୁ ଜଳେକ୍‌ ଚେଲାକେ ଗଃଳ୍‌ ବିତ୍ରେ ହଃଟାୟ୍‌ ସେମଃନ୍‌କେ କୟ୍‌ଲା, “ଗଃଳ୍‌ ବିତ୍ରେ ଜାହା, ଆର୍‌ ହାଣିଡକା ବୟ୍‌ ଜାତା ଗଟ୍‌ଲକ୍‌ ତୁମିମଃନ୍‌କେ ବେଟ୍‌ ଅୟ୍‌ଦ୍‌, ତୁମି ତାର୍‌ ହଃଚେହଃଚେ ଜାହା । 
\v 14 ସେ ଜୁୟ୍‌ ଗଃରେ ହୁରେଦ୍‌, ତୁମି ଜାୟ୍‌ ସେ ଗଃରାର୍‌ ମୁଳିକାକ୍‌ କଃଉଆ, ‘ଅଃମାର୍‌ ଗୁରୁ ହଃଚାରୁଲା, ମୁଁୟ୍‌ ଆର୍‌ ମର୍‌ ଚେଲାମଃନ୍ କୁୟ୍‌ ବଃକ୍ରାୟ୍‌ ମୁକ୍ଳାଉଁଣି ହଃର୍ବ୍‌ ବଜି କଃର୍ତାର୍‌ ଆଚେ ସେ ବଃକ୍ରା କୁୟ୍‌ତି ଆଚେ ?’ 
\v 15 ସେ ଗଃରାର୍‌ ମୁଳିକା ତୁମିକେ ସୁନ୍ଦୁର୍‌କଃରି ସଃଜାୟ୍‌ଲାର୍‌ ଟିକ୍‌ଟାକ୍‌ ଅୟ୍‌ଲାର୍‌ ଉହ୍ରାର୍‌ ଗଟ୍‌ ବଃଡ୍ ବଃକ୍ରା ଦଃକାୟ୍‌ ଦଃୟ୍‌ଦ୍‌ ସେତି ଅଃମାର୍‌ ଗିନେ ବଜି ତିଆର୍‌ କଃରା ।”
\p
\v 16 ତାର୍‌ହଃଚେ ଚେଲାମଃନ୍ ଗଃଳ୍‌ ବିତ୍ରେ ଗଃଳାୟ୍‌, ଆର୍‌ ଜିସୁ ଜଃନ୍‌କଃରି କୟ୍‌ରିଲା ସେତି ସେବାନ୍ୟା ଦଃକି ଚେଲାମଃନ୍ ମୁକ୍ଳାଉଁଣି ହଃର୍ବ୍‌ ଦିନାର୍‌ ବଜି ତିଆର୍‌ କଃଲାୟ୍‌ ।
\p
\v 17 ସଃଞ୍ଜ୍ ଅୟ୍‌ଲାକ୍‌ ଜିସୁ ବାରଗଟ୍‌ ଚେଲାମଃନ୍‌କେ ଦଃରି ସେତି ଜାୟ୍‌ ହଚ୍‌ଲା । 
\v 18 ସେମଃନ୍ ମିସ୍‌ଣେ ବଃସି କାତାବଃଳ୍‌ ଜିସୁ କୟ୍‌ଲା, “ମୁଁୟ୍‌ ସଃତ୍‌ କଃଉଁଲେ, ତୁମାର୍‌ ବିତ୍ରେ ଗଟ୍‌ ମାନାୟ୍‌ ମକ୍‌ ସଃତ୍ରୁର୍‌ ଆତେ ସଃହ୍ରି ଦଃୟ୍‌ଦ୍‌ ଜୁୟ୍‌ ମାନାୟ୍‌ କି ମର୍‌ ସଃଙ୍ଗ୍ ବଃସି କାଉଁଲା ।”
\p
\v 19 ଚେଲାମଃନ୍ ମଃନ୍ଦୁକ୍‌ କଃରି ଏକ୍ଲା ଏକ୍ଲା ତାକ୍‌ ହଃଚାରୁକ୍‌ ଦଃର୍ଲାୟ୍‌, “ସେ କାୟ୍‌ ମୁଁୟ୍‌ ?”
\p
\v 20 ଜିସୁ ସେମଃନ୍‌କେ କୟ୍‌ଲା, “ତୁମି ବାର ଲକାର୍‌ ବିତ୍ରେ ଏକ୍ଲା, ଜେ କି ମର୍‌ ସଃଙ୍ଗ୍ କପାୟ୍‌ ଆତ୍‌ ବୁଡାୟ୍‌ ଆଚେ । 
\v 21 ନଃରାର୍‌ ହୟ୍‌ସିର୍‌ କଃତା ଜଃନ୍‌କଃରି ସାସ୍ତରେ ଲେକା ଆଚେ, ସଃନ୍‌କଃରି ସେ ମଃରୁକ୍‌ ଜଃଉଁଲା ସଃତ୍‌, ମଃତର୍‌ ଜୁୟ୍‌ ଲକାର୍‌ ଆତେହୁଣି ନଃରାର୍‌ ହୟ୍‌ସି ସଃହ୍ରି ଅଃଉଁଲା, ସେ ଅଃପର୍‌ବଳ୍‌ ଡଃଣ୍ଡ୍‌ ହାୟ୍‌ଦ୍‌, ସେମାନାୟ୍‌ ଜଃଲମ୍‌ ଅୟ୍‌ନଃରିଲେକ୍‌ ତାର୍‌ ଗିନେ ବଃଲ୍‌ ଅୟ୍‌ଲି ହୁଣି ।”
\s ମାପ୍ରୁର୍‌ ବଜି
\r (ମାତି ୨୬:୨୬-୩୦; ଲୁକ ୨୨:୧୪-୨୦; ୧ କର ୧୧:୨୩-୨୫)
\p
\v 22 ସଃବୁଲକ୍‌ ବଃସି କାତାବଃଳ୍‌ ଜିସୁ ରୁଟି ଦଃରି ଆସିର୍ବାଦ୍‌ କଃଲା ଆର୍‌ ସେରି ବାଙ୍ଗାୟ୍‌ ଦଃୟ୍‌ କୟ୍‌ଲା, “ନିଆ, ଇରି ମର୍‌ ଗଃଗାଳ୍‌ ।”
\p
\v 23 ଆର୍‌ କପାୟ୍‌ ରିଲା ଅଙ୍ଗୁର୍‌ ରଃସ୍‌ ଦଃରି ସେତାର୍‌ ଗିନେ ହେଁ ପାର୍ତ୍‌ନା କଃଲା ଆର୍‌ ସେମଃନ୍‌କେ ଦିଲା, ଆର୍‌ ସେମଃନ୍ ସେତିର୍‌ ଡୁକ୍‌ଲାୟ୍‌ । 
\v 24 ଆର୍‌ ଜିସୁ ସେମଃନ୍‌କେ କୟ୍‌ଲା, “ଜୁୟ୍‌ ବିଦିର୍‌ ବଃନି ସଃବୁ ଲକାର୍‌ ଗିନେ ଦେଉଁଲେ, ଇରି ମର୍‌ ସେ ବଃନି । 
\v 25 ମୁଁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ମୁଁୟ୍‌ ଜୁୟ୍‌ଦିନ୍‌ ଇସ୍ୱରାର୍‌ ରାଇଜେ ନଃଉଆଁ କଃରି ଅଙ୍ଗୁର୍‌ ରଃସ୍‌ ଡୁକିନ୍ଦ୍, ସେଦିନ୍ ହଃତେକ୍‌ ଇରି ଆର୍‌ କଃବେ ହେଁ ନଃଡୁକି ।”
\p
\v 26 ଆରେକ୍‌ ସେମଃନ୍ ଦନ୍ୟବାଦ୍‌ ଗିତ୍‌ କୟ୍‌ଲା ହଃଚେ ଜିତ୍‌ ଡଙ୍ଗ୍ରେ ଗଃଲାୟ୍‌ ।
\s ଜିସୁ ପିତର୍‌କେ କୟ୍‌ଲା, “ତୁୟ୍‌ ମକ୍‌ ତିନିତର୍‌ ନଃଜାଣି ବଃଲି କଃଉସି”
\r (ମାତି ୨୬:୩୧-୩୫; ଲୁକ ୨୨:୩୧-୩୪; ଜହ ୧୩:୩୬-୩୮)
\p
\v 27 ଜିସୁ ସେମଃନ୍‌କେ କୟ୍‌ଲା, “ତୁମିମଃନ୍ ମକ୍‌ ଚାଡି ହଃଳାଉଆସ୍‌, ଇରି ସାସ୍ତରେ ଲେକା ଅୟ୍‌ଆଚେ,
\q1 ‘ମୁଁୟ୍‌ ଗଃଉଳିଆକେ ମଃର୍ନେ ମାରିନ୍ଦ୍,
\q2 ଆର୍‌ ମେଣ୍ଡାମଃନ୍ ଏଣେ ତେଣେ ହଃଳାଉତି ।
\p
\v 28 \x + \xo ୧୪:୨୮ \xo*\xt ମାତି ୨୮:୧୬.\xt*\x*ମଃତର୍‌ ମୁଁୟ୍‌ ମଃରିକଃରି ଆରେକ୍‌ ଉଟ୍‌ଲା ହଃଚେ, ତୁମାର୍‌ ଆଗେ ଗାଲିଲିକେ ଜାୟ୍‌ନ୍ଦ୍ ।’”
\p
\v 29 ମଃତର୍‌ ପିତର୍‌ କୟ୍‌ଲା, “ସଃବୁ ଚେଲାମଃନ୍ ଚାଡି ଗଃଲେକ୍‌ ହେଁ ମୁଁୟ୍‌ କଃବେ ଚାଡି ନଃଜାୟ୍‌ଁ ।”
\p
\v 30 ଜିସୁ ତାକ୍‌ କୟ୍‌ଲା, “ମୁଁୟ୍‌ ତକେ ସଃତ୍‌ କଃଉଁଲେ, ଆଜି ଇ ରାତି କୁକ୍‌ଳା ଦୁୟ୍‌ତର୍‌ ବାସ୍ତା ହଃର୍ତୁ ତୁୟ୍‌ ମକ୍‌ ନଃଜାଣି ବଃଲି ତିନିତର୍‌ କଃଉସି ।”
\p
\v 31 ମଃତର୍‌ ପିତର୍‌ ଇ କଃତା ସୁଣି ଅଃଟୁଆ କଃରି କୟ୍‌ଲା, “ମକ୍‌ ତର୍‌ ସଃଙ୍ଗ୍ ମଃରୁକ୍‌ ଅୟ୍‌ଲେକ୍‌ ହେଁ ମୁଁୟ୍‌ ତକେ ନଃଜାଣି ବଃଲି କଃବେ ନଃକୟ୍‌ଁ ।”
\p ସଃବୁ ଚେଲାମଃନ୍ ହେଁ ସେବାନ୍ୟା କୟ୍‌ଲାୟ୍‌ ।
\s ଗେତ୍‌ସିମନି ବାଳେ ଜିସୁର୍‌ ପାର୍ତ୍‌ନା
\r (ମାତି ୨୬:୩୬-୪୬; ଲୁକ ୨୨:୩୯-୪୬)
\p
\v 32 ତାର୍‌ହଃଚେ ଜିସୁ ଆର୍‌ ତାର୍‌ ଚେଲାମଃନ୍ ଗେତ୍‌ସିମନି ନାଉଁଆର୍‌ ଗଟେକ୍‌ ଟାଣେ ଆୟ୍‌ଲାୟ୍‌, ଆର୍‌ ଜିସୁ ଅଃହ୍‌ଣାର୍‌ ଚେଲାମଃନ୍‌କେ କୟ୍‌ଲା, “ମୁଁୟ୍‌ ପାର୍ତ୍‌ନା କଃର୍ତା ହଃତେକ୍‌ ଇତି ବଃସି ରିଆ ।” 
\v 33 ଆରେକ୍‌ ଜିସୁ ତାର୍‌ ସଃଙ୍ଗ୍ ପିତର୍‌, ଜାକୁବକ୍‌ ଆର୍‌ ଜହନ୍‌କେ ନିଲା, ଆର୍‌ ଅଃପର୍‌ବଳ୍‌ କାବା ଅୟ୍‌ଲା ଆର୍‌ ବଃଡେ ଆର୍ଲା ଅୟ୍‌ଲା । 
\v 34 ଆର୍‌ ଜିସୁ ସେମଃନ୍‌କେ କୟ୍‌ଲା, “ମର୍‌ ହଃରାଣ୍ ମଃର୍ତା ହର୍‌ ଉକ୍‌ଳି ଜଃଉଁଲି, ତୁମିମଃନ୍ ଇତି ରଃୟ୍‌ ଜାଗିରିଆ ।”
\p
\v 35 ଜିସୁ ସେମଃନ୍ ଚାଡି କଃଣ୍ଡେକ୍‌ ଦୁରିକ୍‌ ଜାୟ୍‌ ବୁୟେଁ ମାଣ୍ଡି କୁଟା ଟେସି ପାର୍ତ୍‌ନା କଃରି କୟ୍‌ଲା, “ଜଦି ଅଃଉଁ ହାରେ, ତଃବେ ଇ ବେଳା ମର୍‌ ତଃୟ୍‌ହୁଣି ଗୁଚି ଜଃଉଅ ।”
\p
\v 36 ଆରେକ୍‌ ସେ କୟ୍‌ଲା, “ଏ ମର୍‌ ଉବା, ତର୍‌ ଆତେ ସଃବୁ ଅଃଉଁ ହାରେ, ଇ କଃସ୍ଟାର୍‌ ଡୁକ୍‌ତା କପା ମର୍‌ ତଃୟ୍‌ହୁଣି ଦୁର୍‌କଃର୍‌, ଅୟ୍‌ଲେକ୍‌ ହେଁ ମର୍‌ ଇଚା ନୟ୍‌, ତର୍‌ ଇଚା ହୁରୁଣ୍‌ ଅଃଉଅ ।”
\p
\v 37 ଆରେକ୍‌ ତାର୍‌ହଃଚେ ଜିସୁ ବାଉଳି ଆୟ୍‌ଲା ଆର୍‌ ତିନିଗଟ୍‌ ଚେଲା ନିଦଉତି ରିଲାର୍‌ ଦଃକିକଃରି ସିମନ୍‌କେ କୟ୍‌ଲା, “ପିତର୍‌ ତୁୟ୍‌ କାୟ୍‌ ସୟ୍‌ଆଚ୍‌ସି ? ଚଃନେକ୍‌ହେଁ କାୟ୍‌ ଚେତା ରେଉଁ ନାହାର୍ଲିସ୍‌ ?” 
\v 38 ଆର୍‌ ଜିସୁ ସେମଃନ୍‌କେ କୟ୍‌ଲା, “ହାନ୍ଦାୟ୍‌ ଜଃନ୍‌କଃରି ତୁମିମଃନ୍ ନଃହେଳାସ୍‌, ସେତାର୍‌ଗିନେ ଜାଗିରଃୟ୍‌ ପାର୍ତ୍‌ନା କଃରା । ଆତ୍ମାର୍‌ ଇଚା ସଃତ୍‌, ମଃତର୍‌ ଗଃଗାଳ୍‌ ଦୁର୍ବୁଳ୍‌ ।”
\p
\v 39 ଆରେକ୍‌ ଗଟ୍‌ତର୍‌ ଜାୟ୍‌ ଆଗାର୍‌ ହର୍‌ କୟ୍‌ ପାର୍ତ୍‌ନା କଃଲା । 
\v 40 ତାର୍‌ହଃଚେ ଆରେକ୍‌ ବାଉଳି ଆସି ଚେଲାମଃନ୍‌କେ ସଇରିଲାର୍‌ ଦଃକ୍‌ଲା; କାୟ୍‌ତାକ୍‌ବଃଲେକ୍‌ ସେମଃନାର୍‌ ଆକି ଡାହି ଅଃଉତି ରିଲି, ଆର୍‌ ସେମଃନ୍ କାୟ୍‌ରି ଉତୁର୍‌ ଦେଉଁନ୍ଦ୍ ବଃଲି ଜାଣି ନଃରିଲାୟ୍‌ ।
\p
\v 41 ଇ ସଃଙ୍ଗ୍ ତିନିତର୍‌ ଜିସୁ ବାଉଳି ଆସି ସେମଃନ୍‌କେ କୟ୍‌ଲା, “ଚଃନେକ୍‌ ସଇକଃରି ବିସାଉଆ; ବୁତେକ୍‌ ବେଳ୍‌ ଅୟ୍‌ଲି; ନଃରାର୍‌ ହୟ୍‌ସି ହାହିମଃନାର୍‌ ଆତେ ସଃହ୍ରି ଅଃଉତା ବେଳା ଅୟ୍‌ଲିନି । 
\v 42 ଉଟା, ଅଃମିମଃନ୍‌ ଜୁଆଁ, ହଦେ ଦଃକା ! ଜେ ମକ୍‌ ସଃତ୍ରୁର୍‌ ଆତେ ଦଃରାୟ୍‌ ଦଃୟ୍‌ଦ୍‌ ସେ ମର୍‌ ଲଃଗେ ଆସି କେଟ୍‌ଲାବେ ।”
\s ଜିସୁକେ ବାନ୍ଦି ନିଲାୟ୍‌
\r (ମାତି ୨୬:୪୭-୫୬; ଲୁକ ୨୨:୪୭-୫୩; ଜହ ୧୮:୩-୧୨)
\p
\v 43 ଆର୍‌ ସେଦାହ୍ରେ ସେ କଃତା ଅଃଉତାବଃଳ୍‌ ବାରଗଟ୍‌ ଚେଲାମଃନାର୍‌ ବିତ୍ରେ ଜିଉଦା ନାଉଁଆର୍‌ ଚେଲା ଆର୍‌ ତାର୍‌ ସଃଙ୍ଗ୍ ବଃଡ୍ ଜାଜକ୍‌, ଦଃର୍ମ୍‌ଗୁରୁ ଆର୍‌ ପାରାଚିନ୍‌ମଃନାର୍‌ ତଃୟ୍‌ହୁଣି ଲକ୍‌ମଃନ୍ କଃଣ୍ଡା ଆର୍‌ ଟେଙ୍ଗା ଦଃରି ଆୟ୍‌ଲାୟ୍‌ । 
\v 44 ଜିସୁକେ ସଃତ୍ରୁ ଆତେ ଦଃରାୟ୍‌ ଦେତା ଜିଉଦା ସେମଃନ୍‌କେ ଇ କଃତା କୟ୍‌ରିଲା, “ମୁଁୟ୍‌ ଜାକେ ଚୁମିନ୍ଦ୍ ସେ ହଃକା ଜିସୁ ତାକ୍‌ ଜଃତୁନେ ଦଃରି ନିଆ ।”
\p
\v 45 ଇତାକ୍‌ ଜିଉଦା ହଚୁହଚୁ ଜିସୁର୍‌ ଲଃଗେ ଗଃଲା ଆର୍‌ “ଏ ଗୁରୁ !” ବଃଲି ଚୁମ୍‌ଲା । 
\v 46 ଇତାର୍‌ ଗିନେ ସେମଃନ୍ ଜିସୁକେ ଦଃର୍ଲାୟ୍‌ ଆର୍‌ ବାନ୍ଦ୍‌ଲାୟ୍‌ । 
\v 47 ମଃତର୍‌ ଲଃଗେ ଟିଆ ଅୟ୍‌ରିଲା ଲକ୍‌ମଃନାର୍‌ ବିତ୍ରେ ଗଟ୍‌ ମାନାୟ୍‌ କଃଣ୍ଡା ବାର୍‌କଃରି ମୁଳ୍‌ ଜାଜକାର୍‌ ଗତିଦଃଙ୍ଗ୍‌ଳାର୍‌ କାନ୍‌ କାଟି ହଃକାୟ୍‌ଲା । 
\v 48 ଜିସୁ ସେମଃନ୍‌କେ କୟ୍‌ଲା, “ଚର୍‌ମଃନାର୍‌ ବିରଦେ ବାରାୟ୍‌ଲା ହର୍‌ କଃଣ୍ଡା ଆର୍‌ ଟେଙ୍ଗା ଦଃରି କାୟ୍‌ ମକ୍‌ ଦଃରୁକ୍‌ ଆୟ୍‌ଲାସ୍‌ ? 
\v 49 \x + \xo ୧୪:୪୯ \xo*\xt ଲୁକ ୧୯:୪୭; ୨୧:୩୭.\xt*\x*ମୁଁୟ୍‌ ଦିନେକେ ମନ୍ଦିର୍‌ ଗଃରେ ତୁମାର୍‌ ସଃଙ୍ଗ୍ ରଃୟ୍‌ ସିକ୍ୟା ଦେତି ରିଲେ, ମଃତର୍‌ ତୁମି ମକ୍‌ ଦଃରୁ ନଃଚ୍‌ଲାସ୍‌, ମଃତର୍‌ ସାସ୍ତର୍‌ ତଃୟ୍‌ଁ ଲେକା ଅୟ୍‌ଲା କଃତା ଜଃନ୍‌କଃରି ହୁରୁଣ୍ ଅୟ୍‌ଦ୍‌, ସେତାକ୍‌ ଇରି ଅଃଉଁଲି ।”
\p
\v 50 ତାର୍‌ହଃଚେ ସଃବୁ ଚେଲାମଃନ୍ ଜିସୁକେ ଚାଡି ହଃଳାୟ୍‌ଲାୟ୍‌ ।
\p
\v 51 ମଃତର୍‌ ଗଟ୍‌ ବେଣ୍ଡ୍ୟା ମାନାୟ୍‌ ଡୁମ୍‌ଣ୍ଡା ଗଃଗାଳେ ଗଟ୍‌ ହଃଚ୍ୟା ହୁଙ୍ଗ୍ରି ଜିସୁର୍‌ ହଃଚେହଃଚେ ଜାତାର୍‌ ଦଃକି, ସେମଃନ୍ ସେ ବେଣ୍ଡ୍ୟା ମାନାୟ୍‌କେ ଦଃରୁକ୍‌ ମୁଣ୍ଡ୍ୟାୟ୍‌ଲାୟ୍‌ । 
\v 52 ମଃତର୍‌ ସେ ତାର୍‌ ହାତୁଳ୍‌ ହଃଚ୍ୟା ହିଙ୍ଗିକଃରି ଡୁମ୍‌ଣ୍ଡା ଗଃଗାଳେ ହଃଳାୟ୍‌ଲା ।
\s ଜିସୁକେ ବିଚାର୍‌ କଃରୁକେ ବେରାଣ୍ ବଃସ୍‌ଲାୟ୍‌
\r (ମାତି ୨୬:୫୭-୬୮; ଲୁକ ୨୨:୫୪-୫୫,୬୩-୭୧; ଜହ ୧୮:୧୩-୧୪,୧୯-୨୪)
\p
\v 53 ତାର୍‌ହଃଚେ ସେମଃନ୍ ଜିସୁକେ ମୁଳ୍‌ ଜାଜକ୍‌ ଲଃଗେ ନିଲାୟ୍‌, ଆରେକ୍‌ ବଃଡ୍ ଜାଜକ୍‌, ପାରାଚିନ୍‌ମଃନ୍ ଆର୍‌ ଦଃର୍ମ୍‌ଗୁରୁମଃନ୍‌ ଆସି ରୁଣ୍ଡ୍‌ଲାୟ୍‌ । 
\v 54 ପିତର୍‌ ଦୁରିକ୍‌ ରଃୟ୍‌ ତାକାର୍‌ ହଃଚେହଃଚେ ଜାୟ୍‌ ମୁଳ୍‌ ଜାଜକାର୍‌ କୁଆଳେ ହୁରି ଜାଗୁଆଳିମଃନାର୍‌ ସଃଙ୍ଗ୍ ଜୟ୍‌ ଚେକୁକ୍‌ ବଃସ୍‌ଲା । 
\v 55 ସଃଡେବଃଳ୍‌ ବଃଡ୍ ଜାଜକ୍‌ ଆର୍‌ ଜିଉଦି ବଃଡ୍ କୁଟୁମାର୍‌ ଲକ୍‌ମଃନ୍ ଜିସୁକେ ମଃର୍ନେ ମାରୁକ୍‌ ତାର୍‌ ବିରଦେ ସାକି ଲଳୁକ୍‌ ଦଃର୍ଲାୟ୍‌, ମଃତର୍‌ ହାଉଁ ନଃହାୟ୍‌ଲାୟ୍‌ । 
\v 56 କାୟ୍‌ତାକ୍‌ବଃଲେକ୍‌ ଜଃତେକ୍‌ ଲକ୍‌ ତାର୍‌ ବିରଦେ ମିଚ୍ ସାକି ଦିଲେକ୍‌ ହେଁ କାର୍‌ କଃତା କାକେ ନଃମିସ୍‌ଲି ।
\p
\v 57 ତାର୍‌ହଃଚେ କଃତିଲକ୍‌ ଟିଆଅୟ୍‌ ତାର୍‌ ବିରଦେ ସାକି ଦେଉଁକେ ଦଃର୍ଲାୟ୍‌, 
\v 58 \x + \xo ୧୪:୫୮ \xo*\xt ଜହ ୨:୧୯.\xt*\x*“ଅଃମି ଇ କଃତା ତାର୍‌ ଟଣ୍ଡେହୁଣି କଃଉତାର୍‌ ସୁଣିଆଚୁ, ‘ମୁଁୟ୍‌ ମାନାୟ୍‌ ଆତେ ବାନ୍ଦ୍‌ଲା ମନ୍ଦିର୍‌କେ ବଃସ୍ଳାୟ୍‌କଃରି, ତିନିଦିନ୍ ବିତ୍ରେ ଆରେକ୍‌ ଗଟେକ୍‌ ମାନାୟ୍‌ର୍‌ ଆତ୍‌ ତିଆର୍‌ ନଃକେର୍ତା ମନ୍ଦିର୍‌ ତିଆର୍‌ କଃରିନ୍ଦ୍‌ ।’” 
\v 59 ମଃତର୍‌ ଇ କଃତା ହେଁ ସାକି ଲଃଗେ ନଃମିସ୍‌ଲି ।
\p
\v 60 ସେତାର୍‌ଗିନେ ମୁଳ୍‌ ଜାଜକ୍‌ ଉଟି ମଃଜାୟ୍‌ ଟିଆ ଅୟ୍‌ ଜିସୁକେ ହଃଚାର୍ଲା, “ତର୍‌ ବିରଦେ ଲକ୍‌ମଃନ୍ ଜୁୟ୍‌ ସାକି ଦେଉଁଲାୟ୍‌, ତାର୍‌ କାୟ୍‌ ଉତୁର୍‌ ନଃଦେଉଁଲିସ୍‌ ?”
\p
\v 61 ମଃତର୍‌ ଜିସୁ ତୁନ୍‌ହାଳି ରିଲା, କାୟ୍‌ହେଁ ଉତୁର୍‌ ନଃଦିଲା ମୁଳ୍‌ ଜାଜକ୍‌ ଆରେକ୍‌ ଗଟ୍‌ତର୍‌ ହଃଚାର୍ଲା, “ତୁୟ୍‌ କାୟ୍‌ ଉହ୍‌କାର୍‌ କାରି ଇସ୍ୱରାର୍‌ ହୟ୍‌ସି କ୍ରିସ୍ଟ ?”
\p
\v 62 ଜିସୁ ତାକ୍‌ ଉତୁର୍‌ ଦିଲା, “ହିଁ ମୁଁୟ୍‌ ସେ, ଆର୍‌ ତୁମିମଃନ୍ ମୁଁୟ୍‌ ଜେ ନଃରାର୍‌ ହୟ୍‌ସି, ସଃବ୍‌କେ ବଃଡ୍ ସଃକ୍ତିମାନାର୍‌ କାତାବାଟ୍ୟା ବଃସ୍ତାର୍‌ ଆର୍‌ ଅଃଗାସ୍‌ ମେଗ୍‌ମାଳେ ଆସ୍ତାର୍‌ ଦଃକାସ୍‌ ।”
\p
\v 63 ମୁଳ୍‌ ଜାଜକ୍‌ ଅଃହ୍‌ଣାର୍‌ ଆଙ୍ଗି ଚିରି କୟ୍‌ଲା, “ଅଃମିକ୍‌ ଆରେକ୍‌ ଅଃଦିକ୍‌ ସାକିର୍‌ କାୟ୍‌ ଲଳା ଆଚେ ? 
\v 64 ତୁମିମଃନ୍ ଇସ୍ୱର୍‌କେ ଲିନ୍ଦା କଃର୍ତାର୍‌ ସୁଣ୍‌ଲାସ୍‌, ତୁମାର୍‌ ମଃନେ କାୟ୍‌ ବିଚାର୍‌ କଃରୁଲାସ୍‌ ?”
\p ସେତାକ୍‌ ସେ ମଃର୍ନ୍‌ ଡଃଣ୍ଡ୍‌ ହାଉଅ ବଃଲି ସଃବୁଲକ୍‌ ଦସି କଃଲାୟ୍‌ ।
\p
\v 65 ଆରେକ୍‌ କେ କେ ଜିସୁର୍‌ ଉହ୍ରେ ତୁକୁକ୍‌ ଦଃର୍ଲାୟ୍‌ ଆର୍‌ ସେମଃନ୍ ତାର୍‌ ମୁୟେ ତୁଆଲ୍‌ ବାନ୍ଦ୍‌ଲାୟ୍‌ ଆର୍‌ ବିଦା ମାରି କଃଉଁକେ ଦଃର୍ଲାୟ୍‌, “ତୁୟ୍‌ ତ ଗଟେକ୍‌ ବାବ୍‌ବାଦି, ତକ୍‌ କେ ମାର୍ଲା କଃଉ ? ଇବାନ୍ୟା କୟ୍‌ ଜାଗୁଆଳିମଃନ୍ ଚାହୁଳ୍‌ ମାରିମାରି ତାକ୍‌ ଦଃରି ନିଲାୟ୍‌ ।”
\s ପିତର୍‌ ଜିସୁକେ ନଃଜାଣି ବଃଲି କୟ୍‌ଲା
\r (ମାତି ୨୬:୬୯-୭୫; ଲୁକ ୨୨:୫୬-୬୨; ଜହ ୧୮:୧୫-୧୮,୨୫-୨୭)
\p
\v 66 ସଃଡେବଃଳ୍‌ କୁଆଳେ ପିତର୍‌ ରିଲାବଃଳ୍‌, ମୁଳ୍‌ ଜାଜକାର୍‌ ଦଃଙ୍ଗ୍‌ଳି ପିତର୍‌କେ ଜୟ୍‌ ଚେକ୍‌ତାର୍‌ ଦଃକ୍‌ଲି । 
\v 67 ଆର୍‌ ପିତର୍‌କେ ନିକ କଃରି ଦଃକି କୟ୍‌ଲି, “ତୁୟ୍‌ ହେଁ ନାଜରିତ୍‌ ଜିସୁର୍‌ ସଃଙ୍ଗ୍ ରିଲିସ୍‌ ।”
\p
\v 68 ମଃତର୍‌ ପିତର୍‌ ନାୟ୍‌ ବଃଲି କାୟ୍‌ଲା, “ତାକ୍‌ ମୁଁୟ୍‌ ନଃଜାଣି ଆର୍‌ ତୁୟ୍‌ କାୟ୍‌ ବଃଲି କଃଉଁଲିସ୍‌ ମୁଁୟ୍‌ ନଃବୁଜୁଲେ ।” ଇରି କୟ୍‌ ସେ ହଃଦା ବାଟ ବାରାୟ୍‌ ଗଃଲା । ଆର୍‌ ସଃଡେବଃଳ୍‌ ହଃକା କୁକ୍‌ଳା ଡାକ୍‌ଲି ।\f + \fr 14:68 \fr*\ft କଃତେକ୍‌ ହଃର୍ନା ଲେକାୟ୍‌ ଇ ହଃଦ୍‌ କଃଣ୍ଡେକ୍‌ ନାୟ୍‌ - ଆର୍‌ ସଃଡେବଃଳ୍‌ ହଃକା କୁକ୍‌ଳା ଡାକ୍‌ଲି\ft*\f*
\p
\v 69 ଆରେକ୍‌ ସେ ଦଃଙ୍ଗ୍‌ଳି ତାକ୍‌ ଦଃକି ଲଃଗେ ଟିଆ ଅୟ୍‌ରିଲା ଲକ୍‌ମଃନ୍‌କେ ଆରେକ୍‌ ଗଟ୍‌ତର୍‌ କଃଉଁକେ ଦଃର୍ଲି, “ଇ ଲକ୍‌ ହେଁ ସେମଃନାର୍‌ ବିତ୍ରେ ଏକ୍ଲା ।” 
\v 70 ମଃତର୍‌ ପିତର୍‌ ଆରେକ୍‌ ଗଟ୍‌ତର୍‌ ନାୟ୍‌ ବଃଲି କଃଉଁକେ ଦଃର୍ଲା । ଚଃନେକ୍‌ ରିଲାହଃଚେ ଆରେକ୍‌ ଗଟ୍‌ତର୍‌ ତାର୍‌ ଲଃଗେ ଟିଆ ଅୟ୍‌ରିଲା ଲକ୍‌ମଃନ୍ ପିତର୍‌କେ କୟ୍‌ଲାୟ୍‌, “ବାୟ୍‌ଦ୍‌ରେ ତୁୟ୍‌ ହେଁ ସେ ଲକ୍‌ମଃନାର୍‌ ବିତ୍ରେ ଏକ୍ଲା, କାୟ୍‌ତାକ୍‌ବଃଲେକ୍‌ ତୁୟ୍‌ ତ ଗାଲିଲିର୍‌ ଲକ୍‌ ।”
\p
\v 71 ମଃତର୍‌ ସେ ନିଜ୍‌କେ ସାୟ୍‌ପ୍‌ ଦଃୟ୍‌ ଆର୍‌ ହଃର୍ମାଣ୍‌ କଃଉଁକେ ଦଃର୍ଲା, “ତୁମିମଃନ୍ ଜୁୟ୍‌ ମାନାୟ୍‌ର୍‌ କଃତା କଃଉଁଲାସ୍‌ ତାକ୍‌ ମୁଁୟ୍‌ ନଃଜାଣି ।”
\p
\v 72 ସେଦାହ୍ରେ ଦୁୟ୍‌ତର୍‌ କୁକ୍‌ଳା ବାସ୍‌ଲି, ସଃଡେବଃଳ୍‌, “ଦୁୟ୍‌ତର୍‌ କୁକ୍‌ଳା ବାସ୍ତା ଆଗ୍‌ତୁ ତୁୟ୍‌ ମକ୍‌ ନଃଜାଣି ବଃଲି ତିନିତର୍‌ କଃଉସି,” ଇ କଃତା ଜିସୁ ପିତର୍‌କେ କୟ୍‌ରିଲା, ସେ କଃତା ତାକ୍‌ ଏତୁହଃଳ୍‌ଲି, ଆର୍‌ ସେ କଃତା ଏତାୟ୍‌ କାନ୍ଦୁକ୍‌ ଦଃର୍ଲା ।
\c 15
\s ପିଲାତ ଜିସୁର୍‌ ପର୍ଚାର୍‌ କଃଲା
\r (ମାତି ୨୭:୧-୨,୧୧-୧୪; ଲୁକ ୨୩:୧-୫; ଜହ ୧୮:୨୮-୩୮)
\p
\v 1 ସଃକାଳ୍‌ ଅୟ୍‌ଲା ଦାହ୍ରେ ବେରାଣ୍‌ମଃଣ୍ଡାର୍‌ ପାରାଚିନ୍‌ମଃନ୍, ଦଃର୍ମ୍‌ଗୁରୁ ଆର୍‌ ବଃଡ୍ ଜାଜକ୍‌ମଃନ୍ ବେରାଣ୍ କଃରି ଜିସୁକ୍‌ ବାନ୍ଦିନଃୟ୍‌ ପିଲାତର୍‌ ଆତେ ସଃହ୍ରି ଦିଲାୟ୍‌ । 
\v 2 ପିଲାତ ଜିସୁକେ ହଃଚାର୍ଲା, “ତୁୟ୍‌ କାୟ୍‌ ଜିଉଦିମଃନାର୍‌ ରଃଜା ?”
\p ଜିସୁ ତାକେ ଉତୁର୍‌ ଦିଲା, “ତୁୟ୍‌ ତ ନିଜେ କୟ୍‌ଲିସ୍‌ ।”
\p
\v 3 ଆର୍‌ ବଃଡ୍ ଜାଜକ୍‌ମଃନ୍ ଜିସୁର୍‌ ବିରଦେ ଗାଦେକ୍‌ ଦଃସ୍‌ ଲାଦୁକ୍‌ ଦଃର୍ଲାୟ୍‌ । 
\v 4 ପିଲାତ ଆରେକ୍‌ ଗଟ୍‌ତର୍‌ ହଃଚାର୍ଲା, “ତୁୟ୍‌ କାୟ୍‌ ଉତୁର୍‌ ହେଁ ନଃଦେଉଁଲିସ୍‌, ଦଃକ୍‌ ସେ ଲକ୍‌ମଃନ୍ ତର୍‌ ବିରଦେ କଃତେକ୍‌ ଦଃସାର୍‌ କଃତା କଃଉଁଲାୟ୍‌ ।”
\p
\v 5 ମଃତର୍‌ ଜିସୁ କାୟ୍‌ବଃଲିହେଁ ଉତୁର୍‌ ନଃଦିଲା ଲାଗି ପିଲାତ କାବା ଅୟ୍‌ଲା ।
\s ପିଲାତ ଜିସୁକେ ମଃର୍ନ୍‌ଡଃଣ୍ଡ୍‌ ଦିଲା
\p
\v 6 ମଃତର୍‌ ସଃବୁ ନିସ୍ତାର୍‌ ହଃର୍ବବଃଳ୍‌ ଲକ୍‌ମଃନ୍ ଜୁୟ୍‌ କଃୟ୍‌ଦିକେ ମାଗ୍‌ତି ରିଲାୟ୍‌ ସେ କଃୟ୍‌ଦିକେ ସେମଃନ୍‌କାର ଗିନେ ପିଲାତ ଚାଡି ଦେତିରିଲା । 
\v 7 ସଃଡେବଃଳ୍‌ ଜୁୟ୍‌ ଲକ୍‌ମଃନ୍ ସଃର୍କାର୍‌ ବିରଦେ ଉଟି ଉରାଟୁ କଃରି ନଃର୍‌ ଅଃତ୍ୟା ହେଁ କଃର୍ତି ରିଲାୟ୍‌, ସେମଃନ୍‌କେ ଜଃଇଲେ ହୁରାଉତି ରିଲାୟ୍‌, ସେମଃନାର୍‌ ବିତ୍ରେ ବାରବା ନାଉଁଆର୍‌ ଗଟେକ୍‌ ରିଲା । 
\v 8 ସେତାକ୍‌ ପିଲାତର୍‌ ଲଃଗେ ଲକ୍‌ମଃନ୍ ଜାୟ୍‌ କୟ୍‌ଲାୟ୍‌, “ଅଃମାର୍‌ ବିଦି ହଃର୍କାରେ କଃର୍‌ ।” 
\v 9 ପିଲାତ ସେମଃନ୍‌କେ କୟ୍‌ଲା, “ଇ ଜିଉଦିମଃନାର୍‌ ରଃଜାକ୍‌ ତୁମାର୍‌ ଗିନେ ଚାଡିନ୍ଦ୍ ବଃଲି ତୁମି କାୟ୍‌ ମଃନ୍ କଃରୁଲାସ୍‌ ?” 
\v 10 କାୟ୍‌ତାକ୍‌ବଃଲେକ୍‌ ବଃଡ୍ ଜାଜକ୍‌ମଃନ୍ ଡାରା ଅୟ୍‌କଃରି ଜିସୁକେ ତାର୍‌ ଆତେ ସଃହ୍ରି ଦଃୟ୍‌ ଆଚ୍‌ତି ବଃଲି ପିଲାତ ଜାଣିରିଲା । 
\v 11 ମଃତର୍‌ ପିଲାତ ଜଃନ୍‌କଃରି ସେମଃନାର୍‌ ଗିନେ ବାରବାକେ ଚାଡେଦ୍‌ ସେତାର୍‌ ଗିନେ ବଃଡ୍ ଜାଜକ୍‌ମଃନ୍ ଲକ୍‌ମଃନ୍‌କେ ସିକାଉତି ରିଲାୟ୍‌ । 
\v 12 ମଃତର୍‌ ପିଲାତ ଆରେକ୍‌ ଗଟ୍‌ତର୍‌ ଲକ୍‌ମଃନ୍ଦାକେ କୟ୍‌ଲା, “ତଃବେ ତୁମିମଃନ୍ ଜାକେ ଜିଉଦିମଃନାର୍‌ ରଃଜା ବଃଲି କଃଉଁଲାସ୍‌ ତାକ୍‌ ମୁଁୟ୍‌ କାୟ୍‌କଃରିନ୍ଦ୍ ?” 
\v 13 ଲକ୍‌ମଃନ୍ଦାମଃନ୍‌ ଉଲ୍‌ଗାଟ୍‌ ଅୟ୍‌ କୟ୍‌ଲାୟ୍‌, “ତାକ୍‌ କ୍ରୁସ୍‌ କାଟେ ଚଃଗାଉଆ ।” 
\v 14 ପିଲାତ ସେମଃନ୍‌କେ ହଃଚାର୍ଲା, “କାୟ୍‌ତାକ୍‌ ! ସେ କାୟ୍‌ ଦଃସ୍‌ କଃରିଆଚେ ?” ମଃତର୍‌ ଲକ୍‌ମଃନ୍ ଅଃଦିକ୍‌ ଉଲ୍‌ଗାଟ୍‌ ଅୟ୍‌ କୟ୍‌ଲାୟ୍‌, “ତାକେ କ୍ରୁସ୍‌ କାଟେ ଚଃଗାଉଆ ।” 
\v 15 ତଃବାର୍‌ ଗିନେ ପିଲାତ ଲକ୍‌ମଃନ୍ଦାକେ ସଃର୍ଦା କଃରୁକେ ମଃନ୍‌କଃରି ତାକାର୍‌ ଗିନେ ବାରବାକେ ଚାଡି ଦିଲା; ଆର୍‌ ଜିସୁକେ କର୍ଡା ସଃଙ୍ଗ୍ ମାରାୟ୍‌କଃରି କ୍ରୁସ୍‌ କାଟେ ଚଃଗାଉଁକ୍‌ ସେମଃନାର୍‌ ଆତେ ସଃହ୍ରି ଦିଲା ।
\s ସଃଇନ୍‌ମଃନ୍ ଜିସୁକେ କିଜ୍ୟାୟ୍‌ଲାୟ୍‌
\r (ମାତି ୨୭:୨୭-୩୧; ଜହ ୧୯:୨-୩)
\p
\v 16 ସେତାକ୍‌ ସଃଇନ୍‌ମଃନ୍ ଜିସୁକେ ପିଲାତର୍‌ କୁଆଳ୍‌ ବିତ୍ରେ ନିଲାୟ୍‌ ଆର୍‌ ସଃବୁ ସଃଇନ୍ ଦଃଳ୍‌କେ କୁଦିକଃରି ରୁଣ୍ଡାୟ୍‌ଲାୟ୍‌ । 
\v 17 ସେମଃନ୍ ଜିସୁକେ ବେଜା ରଃଙ୍ଗାର୍‌ ମଃସିଣ୍‌ ବଃସ୍ତର୍‌ ଆର୍‌ କାଟାର୍‌ ମୁକୁଟ୍‌ ତିଆର୍‌କଃରି ମୁଣ୍ଡେ ହିନ୍ଦାୟ୍‌ଲାୟ୍‌ । 
\v 18 ତାର୍‌ହଃଚେ ସେମଃନ୍ ଜିସୁକେ “ଜିଉଦିମଃନାର୍‌ ରଃଜା ଜୁଆର୍‌ ।” ଇବାନ୍ୟା ବଃଲି କୟ୍‌ଲାୟ୍‌ ଆର୍‌ ଟାହ୍ରା କଃରୁକେ ଦଃର୍ଲାୟ୍‌ । 
\v 19 ଆରେକ୍‌ ସେମଃନ୍ ଜିସୁର୍‌ ମୁଣ୍ଡେ ଡାଙ୍ଗ୍ ସଃଙ୍ଗ୍ ମାର୍ଲାୟ୍‌ ଆର୍‌ ତାର୍‌ ମୁଏଁ ତୁକ୍‌ତି ରିଲାୟ୍‌; ଆର୍‌ ମାଣ୍ଡିକୁଟା ଟେସି ଜୁଆର୍‌ କଃରୁକେ ଦଃର୍ଲାୟ୍‌ । 
\v 20 ସେମଃନ୍ ତାକ୍‌ ଇବାନ୍ୟା କଃରି କିଜ୍ୟାୟ୍‌ଲା ହଃଚେ ସେ ବେଜା ରଃଙ୍ଗାର୍‌ ବଃସ୍ତର୍‌ ଇଟାୟ୍‌କଃରି ତାର୍‌ ନିଜାର୍‌ ବଃସ୍ତର୍‌ ହିନ୍ଦାୟ୍‌ଲାୟ୍‌; ତାର୍‌ହଃଚେ ଜିସୁକେ କ୍ରୁସ୍‌ କାଟେ ଚଃଗାୟ୍‌ ମାରୁକ୍‌ ହଃଦାୟ୍‌ ବାର୍‌କଃରି ନିଲାୟ୍‌ ।
\s ଜିସୁକେ କ୍ରୁସ୍‌ କାଟେ ଚଃଗାୟ୍‌ ମାର୍‌ଲାୟ୍‌
\r (ମାତି ୨୭:୩୨-୪୪; ଲୁକ ୨୩:୨୬-୪୩; ଜହ ୧୯:୧୭-୨୭)
\p
\v 21 \x + \xo ୧୫:୨୧ \xo*\xt ରମି ୧୬:୧୩.\xt*\x*ସଃଡେବଃଳ୍‌ ଆଲେକ୍‌ଜେଣ୍ଡାର୍‌ ଆର୍‌ ରୁପର୍‌ ଉବାସି ସିମନ୍ ନାଉଁଆର୍‌ ଗଟେକ୍‌ କୁରିଣିୟ ଲକ୍‌ ତାକାର୍‌ ଗାଉଁଏ ହୁଣି ଆୟ୍‌ଲା ଆର୍‌ ସେବାଟ୍‌ ହାକ୍‌ମାରି ଜାତିରିଲାବଃଳ୍‌ ତାକ୍‌ ଜିସୁର୍‌ କ୍ରୁସ୍‌ କାଟ୍‌ ବୟ୍‌ ନେଉଁକେ ବଃଳ୍‌ମତ୍‌ କଃଲାୟ୍‌ । 
\v 22 ସେମଃନ୍ ଜିସୁକେ “ଗଲ୍‌ଗତା,” ବଃଲେକ୍‌, “କଃହାଳ୍‌” ନାଉଁଆର୍‌ ଡଙ୍ଗ୍ରେ ଆଣ୍‌ଲାୟ୍‌ । 
\v 23 ଆର୍‌ ସେମଃନ୍ ଗଃନ୍ଦ୍‌ ରଃସ୍‌ ମିସ୍‌ଲା ଅଙ୍ଗୁର୍‌ ରଃସ୍‌ ଜିସୁକେ କାଉଁକେ ଦିଲାୟ୍‌, ମଃତର୍‌ ଜିସୁ ସେରି କାଉଁକେ ନଃଚ୍‌ଲା । 
\v 24 ତାର୍‌ହଃଚେ ସେମଃନ୍ ଜିସୁକେ କ୍ରୁସ୍‌ କାଟେ ଚଃଗାୟ୍‌ଲାୟ୍‌; ଆର୍‌ ଜିସୁର୍‌ ବଃସ୍ତର୍‌ କେ କାୟ୍‌ରି ହାଉତି ବଃଲି କେଳି ବାଚିକଃରି ତାର୍‌ ବଃସ୍ତର୍‌ସଃବୁ ଅଃହ୍‌ଣା ଅଃହ୍‌ଣାର୍‌ ବିତ୍ରେ ବାଟାକଃରି ନିଲାୟ୍‌ । 
\v 25 ଜିସୁକେ ଦିନ୍ ନଅଗାଟା ବଃଳ୍‌ କ୍ରୁସ୍‌ କାଟେ ଚଃଗାୟ୍‌ଲାୟ୍‌ । 
\v 26 ଆର୍‌ ତାକାର୍‌ ଲିନ୍ଦା ହଃଟାୟ୍‌ “ଏ ଜିଉଦିମଃନାର୍‌ ରଃଜା” ବଃଲି ଜିସୁର୍‌ ମୁଣ୍ଡ୍ ଉହ୍ରାର୍‌ କାଟେ ମାର୍ଲାୟ୍‌ । 
\v 27 ଆରେକ୍‌ ଜିସୁର୍‌ ସଃଙ୍ଗ୍ କାତାବାଟ୍ୟା ଏକ୍ଲାକେ ଆର୍‌ ଡେବ୍ରିବାଟ୍ୟା ଏକ୍ଲାକେ ଇବାନ୍ୟା କଃରି ଜଳେକ୍‌ କଃଙ୍ଗାର୍‌କେ ଜିସୁର୍‌ ସଃଙ୍ଗ୍ କ୍ରୁସ୍‌ କାଟେ ଚଃଗାୟ୍‌ଲାୟ୍‌ । 
\v 28 ସେତାକ୍‌ ଦଃର୍ମ୍‌ ସାସ୍ତରେ ଲେକା ଅୟ୍‌ରିଲା ଇ କଃତା ସଃତ୍‌ ଅୟ୍‌ଲି, ସେତି ଲେକା ଆଚେ,
\q1 ସେ ହାହିମଃନାର୍‌ ସଃଙ୍ଗ୍ ଗଃଣ୍‌ତି ଅୟ୍‌ଲା ।\f + \fr ୧୫:୨୮ \fr*\ft କଃତେକ୍‌ ହଃର୍ନା ଆତ୍‌ ଲେକାୟ୍‌ ଇ ହଃଦ୍‌ ନାୟ୍‌ । ଲୁକ ୨୨:୩୭ ଦଃକା \ft*\f*\x + \xo ୧୫:୨୮- \xo*\xt ଜିସା ୫୩:୧୨.\xt*\x*
\p
\v 29 \x + \xo ୧୫:୨୯ \xo*\xt ମାର୍କ ୧୪:୫୮; ଜହ ୨:୧୯.\xt*\x*ଆର୍‌ ସେବାଟ୍‌ ଦଃୟ୍‌ ଜାତା ଆସ୍ତା ଲକ୍‌ମଃନ୍ ନିଜାର୍‌ ମୁଣ୍ଡ୍ ଜଲାୟ୍‌ ଜଲାୟ୍‌ ଜିସୁର୍‌ ବିରଦେ ଲିନ୍ଦା କଃତା କଃଉତି ରିଲାୟ୍‌, “ଏ ହୁଣି ମନ୍ଦିର୍‌ ବଃସ୍ଳାୟ୍‌କଃରି ତିନିଦିନ୍ ବିତ୍ରେ ତିଆର୍‌ କଃରୁ । 
\v 30 ଅଃବେ କ୍ରୁସ୍‌ କାଟେହୁଣି ଉତ୍ରି ଆଉ ଆର୍‌ ନିଜ୍‌କେ ବଚାଉ ।”
\p
\v 31 ସେବାନ୍ୟା ବଃଡ୍ ଜାଜକ୍‌ମଃନ୍ ହେଁ ଦଃର୍ମ୍‌ ଗୁରୁମଃନାର୍‌ ସଃଙ୍ଗ୍ ମିସିକଃରି ଲିନ୍ଦା କଃରୁକେ ଦଃର୍ଲାୟ୍‌, “ସେ ବିନ୍ ଲକ୍‌ମଃନ୍‌କେ ବାଚାୟ୍‌ଲା, ମଃତର୍‌ ସେ ଅଃବେ ନିଜ୍‌କେ ବଚାଉଁ ନଃହାରୁଲା ! 
\v 32 ତୁୟ୍‌ ଜଦି ସଃତ୍‌କଃରି ଇସ୍ରାଏଲ୍‌ ରଃଜା କ୍ରିସ୍ଟ, ଅଃବେ କ୍ରୁସ୍‌ କାଟେହୁଣି ଉତ୍ରି ଆଉ, ତଃବେ ଅଃମି ତକେ ସଃତ୍‌ କଃରୁନ୍ଦ୍‌ ।” ଆର୍‌ ଜିସୁର୍‌ ସଃଙ୍ଗ୍ କ୍ରୁସ୍‌ କାଟେ ଚଃଗାୟ୍‌ଲା ଦୁୟ୍‌ ଲକ୍‌ ହେଁ ସେବାନ୍ୟା କଃରି ଜିସୁକେ ଲିନ୍ଦା କଃରୁକେ ଦଃର୍ଲାୟ୍‌ ।
\s ଜିସୁର୍‌ ମଃର୍ନ୍‌
\p
\v 33 ସେଦିନ୍‌ ମଃୟ୍‌ଦାନ୍‌ ମୁଣ୍ଡେବଃଳ୍‌ହୁଣି ତିନି ଗଃଟାହଃତେକ୍‌ ଦେସ୍‌ଜାକ ଅଃନ୍ଦାର୍‌ ଅୟ୍‌ଲି । 
\v 34 ତିନି ଗଃଟା ବଃଳ୍‌ ଜିସୁ ଉଲ୍‌ଗାଟ୍‌ ଅୟ୍‌ କୟ୍‌ଲା “ଏଲହି, ଏଲହି, ଲାମା ସାବାକ୍‌ତାନି । ବଃଲେକ୍‌, ଏ ମର୍‌ ଇସ୍ୱର୍‌, ଏ ମର୍‌ ଇସ୍ୱର୍‌, ମକେ କାୟ୍‌ କଃରୁକେ ହାକ୍ରେହଃକାୟ୍‌ ଆଚ୍‌ସି ?” 
\v 35 ତାର୍‌ ଇ କଃତା ସୁଣି କଃତିଲକ୍‌ କୟ୍‌ଲାୟ୍‌, “ସୁଣା ସେ ଏଲିୟକେ କୁଦୁଲା ।” 
\v 36 ସେମଃନାର୍‌ ବିତ୍ରେ ଏକ୍ଲା ଦଃବ୍‌ଳିଜାୟ୍‌ କଃଣ୍ଡେକ୍‌ ସ୍ପଞ୍ଜ୍‌କେ ହିତା ରସେ ବାଡାୟ୍‌ ଗଟେକ୍‌ ବେତ୍‌ ଡାଙ୍ଗ୍ ଟିହେ ବାନ୍ଦି ସେରି ଜିସୁର୍‌ ଅଟି ଲଗେ ଟେକି ଦଃୟ୍‌ କୟ୍‌ଲା, “ରିଆ ଦଃକୁଆଁ, ତାକେ କ୍ରୁସେହୁଣି ଉତ୍ରାୟ୍‌ ଆଣୁକେ ଏଲିୟ ଆସୁଲାକି ନାୟ୍‌ ?” 
\v 37 ଜିସୁ ସେଦାହ୍ରେ ଉଲ୍‌ଗାଟ୍‌ ଅୟ୍‌ ଜିବନ୍ ଚାଡ୍‌ଲା । 
\v 38 ମନ୍ଦିର୍‌ ବିତ୍ରାର୍‌ ଜଲ୍‌ତିରିଲା ପର୍ଦା ଉହ୍ରେ ହୁଣି ତଃଳେ ହଃତେକ୍‌ ଦୁୟ୍‌କଃଣ୍ଡ୍‌ ଅୟ୍‌ ଚିରି ଅୟ୍‌ଲି । 
\v 39 ଗଟ୍‌ ଇଜାର୍‌ ମଃନାର୍‌ ମୁଳିକା ଜିସୁର୍‌ କ୍ରୁସ୍‌ ଚଃମେ ଟିଆ ଅୟ୍‌ ଜିସୁ କଃନ୍‌କଃରି ଜିବନ୍ ଚାଡ୍‌ଲା ସେରି ଦଃକ୍‌ତି ରିଲା । ସେ କୟ୍‌ଲା, “ଇ ମାନାୟ୍‌ ସଃତ୍‌କଃରି ଇସ୍ୱରାର୍‌ ହୟ୍‌ସି ରିଲା ।” 
\v 40 \x + \xo ୧୫:୪୦ \xo*\xt ଲୁକ ୮:୨,୩.\xt*\x*କଃତିଗଟ୍‌ ମାୟ୍‌ଜିମଃନ୍‌ ଦୁରି ଟିଆ ଅୟ୍‌ ଦଃକ୍‌ତି ରିଲାୟ୍‌ । ସେମଃନାର୍‌ ବିତ୍ରେ ରିଲି ମଗ୍‌ଦଲିନି ମରିୟମ୍‌, ସାନ୍ ଜାକୁବ ଆର୍‌ ଜସିର୍‌ ଆୟ୍‌ସି ମରିୟମ୍‌ ଆର୍‌ ସଲମି ରିଲାୟ୍‌ । 
\v 41 ଜିସୁ ଗାଲିଲିଏ ରେତା ବଃଳ୍‌ ସେମଃନ୍ ତାର୍‌ ସେବାକାରି ଅୟ୍‌ ଉହ୍‌କାର୍‌ କଃର୍ତି ରିଲାୟ୍‌ । ତାର୍‌ ସଃଙ୍ଗ୍ ଜିରୁସାଲମ୍‌କେ ଆସିରିଲା ଗାଦେକ୍‌ ମାୟ୍‌ଜି ଲକ୍‌ମଃନ୍ ହେଁ ସେତି ଗଃଲାୟ୍‌ ।
\s ଜିସୁର୍‌ ମଃସୁଣ୍‌
\p
\v 42 ବିସାଉଁଣି ଦିନ୍‌ ଆଗ୍‌ତୁ ଆରାମାତିଆର୍‌ ଜସେପ୍ ଆସି ହଚ୍‌ଲା । ସେ ବଃଡ୍‌ ପଞ୍ଚାୟ୍‌ତାର୍‌ ବଃଡେ ମାୟ୍‌ନାର୍‌ ଲକ୍‌ରିଲା ଆର୍‌ ଇସ୍ୱରାର୍‌ ରାଇଜ୍‌କେ ଜାଗ୍‌ତି ରିଲା । 
\v 43 ସେଦିନ୍‌ ସଃବୁ ଜଃଗ୍ରାତ୍‌ ଅଃଉତା ବିନ୍ ବଃଲେକ୍‌ ବିସାଉଁଣି ଦିନାର୍‌ ଆଗାର୍‌ ଦିନ୍ । ହାରାମାତିଆର୍‌ ଜସେପ୍ ନଃଡିରି କଃରି ପିଲାତ ହାକ୍‌ ଜାୟ୍‌ ଜିସୁର୍‌ ମଃଲା ଗଃଗାଳ୍‌ ନେଉଁକେ ମାଗ୍‌ଲା ଜେକି ସେ ନିଜେ ହେଁ ଇସ୍ୱରାର୍‌ ସଃର୍ଗ୍‌ ରାଇଜାର୍‌ ଆସା କଃରିରିଲା । 
\v 44 ଜିସୁ ସଃଡେବଃଳ୍‌ ମଃରି ଗଃଲାର୍‌ ସୁଣିକଃରି ପିଲାତ କାବାଅୟ୍‌ଲା । ଦାୟ୍‌ତେ ରିଲା ନିଜାର୍‌ ମୁଳିକାକେ କୁଦି ଜିସୁ ମଃରି ବୁତ୍‌ ଗଃଳି ଅୟ୍‌ଲିବେକି ବଃଲି ହଃଚାର୍ଲା 
\v 45 ତାର୍‌ ତଃୟ୍‌ ହୁଣି ଇ କଃତା ନିଜ୍‌କଃରି ସୁଣି ପିଲାତ ଜିସୁର୍‌ ଗଃଗାଳକେ ନେଉଁକେ ଜସେପ୍ କେ କୟ୍‌ଲା । 
\v 46 ଜସେପ୍ ଜିସୁର୍‌ ଗଃଗାଳ୍‌କେ କ୍ରୁସେହୁଣି ଉତ୍ରାୟ୍‌ କଃଣ୍ଡେକ୍‌ ହଃଚ୍ୟା ଆଣି ଜିସୁର୍‌ ଗଃଗାଳେ ଗୁଳ୍ୟାୟ୍‌ଲା ଆର୍‌ ଡଙ୍ଗୁରେ କଃଣିରିଲା ଗଟ୍‌ ମଃସୁଣ୍‌ କାଲେ ନଃୟ୍‌ ସଃଙ୍ଗାୟ୍‌ଲା ଆର୍‌ ମଃସୁଣ୍‌ ବାଟାର୍‌ ଦୁଆର୍‌ ବାଟେ ବଃଡ୍‌ ଚଃଚ୍ରା ଡାହି କାଲ୍‌ ବଃନ୍ଦ୍‌ କଃଲାୟ୍‌ । 
\v 47 ମଗ୍‌ଦଲିନି ମରିୟମ୍‌ ଆର୍‌ ଜସିର୍‌ ଆୟ୍‌ସି ମରିୟମ୍‌ ସେତି ରଃୟ୍‌ ଜିସୁର୍‌ ଗଃଗାଳ୍‌ କେଣେ ସଃଙ୍ଗାୟ୍‌ଲାୟ୍‌ ବଃଲି ଦଃକ୍‌ତି ରିଲାୟ୍‌ ।
\c 16
\s ଜିସୁ ମଃରି ଆରେକ୍‌ ଉଟ୍‌ଲା
\r (ମାତି ୨୮:୧-୮; ଲୁକ ୨୪:୧-୧୨; ଜହ ୨୦:୧-୧୦)
\p
\v 1 ବିସାଉଁଣିବାର୍‌ ସଃର୍ଲା ହଃଚେ, ମଗ୍‌ଦଲିନି ମରିୟମ୍‌, ଜାକୁବର୍‌ ଆୟ୍‌ସି ମରିୟମ୍‌ ଆର୍‌ ସଲମି ଜିସୁର୍‌ ଗଃଗାଳେ ଲାଗାଉଁକେ ବାସ୍ନା ଚିକଣ୍‌ ଗେନ୍‌ଲାୟ୍‌ । 
\v 2 ରୟ୍‌ବାର୍‌ ଦିନ୍ ବର୍‌ ସଃକାଳ୍ୟା ସେମଃନ୍ ମଃସ୍‌ଣେ ଗଃଳାୟ୍‌, ସଃଡେବଃଳ୍‌ ବେଳ୍‌ ଉଦିରିଲି । 
\v 3 ସେମଃନ୍ ଜାତାବଃଳ୍‌ ତାକାର୍‌ ତାକାର୍‌ ବିତ୍ରେ କଃଉଆକଇ ଅଃଉତିରିଲାୟ୍‌, “ମଃସୁଣ୍‌ କାଲାର୍‌ ଦୁଆର୍‌ ବାଟେ ଡାହିରିଲା ଟେଳା ଅଃମାର୍‌ ଗିନେ କେ ଗୁଚାୟ୍‌ ଦେତି ? କାୟ୍‌ତାକ୍‌ବଃଲେକ୍‌ ସେରି ବଃଡେ ବଃଡ୍ ଟେଳା ରିଲି । 
\v 4 ମଃତର୍‌ ସଃଡେବଃଳ୍‌ ସେମଃନ୍ ଦଃକ୍‌ଲାୟ୍‌ ଜେ, ମଃସୁଣ୍ ଦୁଆଁରେ ଡାହିରିଲା ସେ ବଃଡ୍ ଟେଳା ବିନେ ଗୁଚି ଆଚେ । 
\v 5 ସେତାର୍‌ଗିନେ ସେମଃନ୍ ମଃସୁଣ୍ ବିତ୍ରେ ଗଃଲାୟ୍‌, ସେତି ସେମଃନ୍ ଗଟେକ୍‌ ଦବ୍‌ଳା ବଃସ୍ତର୍‌ ହିନ୍ଦିରିଲା ଗଟେକ୍‌ ବେଣ୍ଡ୍ୟାକ୍‌ ମଃସୁଣ୍‌ ବିତ୍ରେ କାତାବାଟ୍ୟା ବଃସିରିଲାର୍‌ ଦଃକି ସେମଃନ୍ ବେସି କାବାଅୟ୍‌ଲାୟ୍‌ ।”
\p
\v 6 ସେତାକ୍‌ ସେ ସେମଃନ୍‌କେ କୟ୍‌ଲା, “ଡିରା ନାୟ୍‌, ତୁମିମଃନ୍ କ୍ରୁସ୍‌ ଉହ୍ରେ ଚଃଗାୟ୍‌ ମାରିରିଲା ନାଜରିତ୍‌ ଜିସୁକେ ଲଳୁଲାସ୍‌; ସେ ଉଟି ଆଚେ, ସେ ଇତି ନାୟ୍‌; ଦଃକା, ଇ ଜଃଗାୟ୍‌ ସେମଃନ୍ ତାକ୍‌ ସଃଙ୍ଗାୟ୍‌ ରିଲାୟ୍‌ । 
\v 7 \x + \xo ୧୬:୭ \xo*\xt ମାତି ୨୬:୩୨; ମାର୍କ ୧୪:୨୮.\xt*\x*ଅଃବେ ତୁମିମଃନ୍ ଜାୟ୍‌ ତାର୍‌ ଚେଲାମଃନ୍‌କେ ଆର୍‌ ପିତର୍‌କେ ଇ କଃତା କଃଉଆ, ‘ତୁମାର୍‌ ଆଗେ ଆଗେ ଜିସୁ ଗାଲିଲିକେ ଜଃଉଁଲା; ଜିସୁ ତୁମିମଃନ୍‌କେ ଜୁୟ୍‌ ରଃକମ୍‌ କୟ୍‌ରିଲା, ସେରଃକମ୍‌ ତୁମିମଃନ୍ ସେତି ତାକ୍‌ ଦଃକାସ୍‌ ।’”
\p
\v 8 ସେତାକ୍‌ ମାୟ୍‌ଜିମଃନ୍‌ ମଃସୁଣ୍‌ ବିତ୍ରେ ହୁଣି ବାରାୟ୍‌ ଗଃଲାୟ୍‌, ବଃଲେକ୍‌ ସେମଃନ୍ ଡିରି ଜାୟ୍‌ରିଲାୟ୍‌, ଆର୍‌ କାବା ଅୟ୍‌ରିଲାୟ୍‌, ସେମଃନ୍ ବଃଡେ ଡିର୍‌ଲାୟ୍‌, ସେତାର୍‌ଗିନେ ସେମଃନ୍ ପିତର୍‌କେ ଚାଡି କାକେ ହେଁ କାୟ୍‌ରି ନଃକୟ୍‌ଲାୟ୍‌ ।
\s ଜିସୁ ମଗ୍‌ଦଲିନି ମରିୟମ୍‌କ୍ ଦଃକାୟ୍‌ ଅୟ୍‌ଲା
\r (ମାତି ୨୮:୯-୧୦; ଜହ ୨୦:୧୧-୧୮)
\p
\v 9 ରୟ୍‌ବାର୍‌ ଦିନ୍ ବର୍‌ ସଃକାଳ୍ୟା ଜିସୁ ଉଟିକଃରି ଜାର୍‌ ତଃୟ୍‌ହୁଣି ସାତ୍‌ଗଟ୍‌ ବୁତ୍‌ ଚାଡାୟ୍‌ରିଲା, ସେ ମଗ୍‌ଦଲିନି ମରିୟମ୍‌କେ ଆଗ୍‌ତୁ ଦଃକାୟ୍‌ ଅୟ୍‌ଲା । 
\v 10 ସେ ଜାୟ୍‌କଃରି ଜିସୁର୍‌ ଚେଲାମଃନ୍‌କ୍‌ ଇ କବୁର୍‌ କୟ୍‌ଲି; ସଃଡେବଃଳ୍‌ ସେମଃନ୍ ଦୁକେ ରଃୟ୍‌ ରଦନ୍‌ କଃର୍ତି ରିଲାୟ୍‌ । 
\v 11 ମରିୟମ୍‌ ସେମଃନ୍‌କେ କୟ୍‌ଲି, “ଜିସୁ ବଚ୍‌ଲା ଆଚେ; ଆର୍‌ ଜିସୁ ମକ୍‌ ଦଃକାୟ୍‌ ଅୟ୍‌ଆଚେ ।”
\p ମଃତର୍‌ ଇ କଃତା ସୁଣି ସେମଃନ୍ ସଃତ୍‌ ନଃକେଲାୟ୍‌ ।
\s ଜିସୁ ଜଳେକ୍‌ ଚେଲାକେ ଦଃକାୟ୍‌ ଅୟ୍‌ଲା
\r (ଲୁକ ୨୪:୧୩-୩୫)
\p
\v 12 ଇ ସଃବୁ ଗଃଟ୍‍ଣା ଗଃଟ୍‌ଲା ହଃଚେ, ଚେଲାମଃନାର୍‌ ବିତ୍ରାର୍‌ ଦୁୟ୍‌ଲକ୍‌ ଗଟେକ୍‌ ଗାଉଁ ଜାତିରିଲା ବଃଳ୍‌, ଜିସୁ ବିନ୍ ରୁହ୍‌ ଅୟ୍‌ ସେମଃନ୍‌କେ ଦଃକାୟ୍‌ ଅୟ୍‌ଲା । 
\v 13 ସେମଃନ୍ ବାଉଳି ଆସି ବିନ୍ ଚେଲାମଃନ୍‌କେ ଇ କଃତା କୟ୍‌ଲାୟ୍‌; ମଃତର୍‌ ସେମଃନାର୍‌ କଃତାକ୍‌ ହେଁ ସେମଃନ୍ ସଃତ୍‌ ନଃକେଲାୟ୍‌ ।
\s ଜିସୁ ଏଗାର୍‌ଗଟ୍‌ ଚେଲାମଃନ୍‌କେ ଦଃକାୟ୍‌ ଅୟ୍‌ଲା
\r (ମାତି ୨୮:୧୬-୨୦; ଲୁକ ୨୪:୩୬-୪୯; ଜହ ୨୦:୧୯-୨୩; ପେରି ୧:୬-୮)
\p
\v 14 ଇତାର୍‌ହଃଚେ ଜଃଡେବଃଳ୍‌ ଏଗାର୍‌ଗଟ୍‌ ଚେଲାମଃନ୍ କାତି ରିଲାୟ୍‌, ସଃଡେବଃଳ୍‌ ସେମଃନ୍‌କେ ଜିସୁ ଦଃକାୟ୍‌ ଅୟ୍‌ଲା, ଜିସୁ ସେମଃନ୍‌କେ ସେମଃନାର୍‌ ଅବିସ୍ୱାସ୍‌ ଆର୍‌ ଅଃଟୁଆ ମଃନାର୍‌ ଗିନେ ସେମଃନ୍‌କେ ଉଳ୍‌ଲା । କାୟ୍‌ତାକ୍‌ବଃଲେକ୍‌ ଜୁୟ୍‌ ଲକ୍‌ମଃନ୍ ଜିସୁ ଉଟିରିଲାର୍‌ ଦଃକିରିଲାୟ୍‌, ସେମଃନାର୍‌ କଃତା ଇ ଚେଲାମଃନ୍ ସଃତ୍‌ କଃରି ନଃରିଲାୟ୍‌ । 
\v 15 \x + \xo ୧୬:୧୫ \xo*\xt ପେରି ୧:୮.\xt*\x*ଆରେକ୍‌ ଜିସୁ ସେମଃନ୍‌କେ କୟ୍‌ଲା, “ତୁମିମଃନ୍ ଜଃଗତାର୍‌ ଚାରିହାକ୍‌ ଜାୟ୍‌, ସଃବୁ ଜାତିର୍‌ ଲକ୍‌ମଃନାର୍‌ ତଃୟ୍‌ ଇ ନିକ କବୁର୍‌ ପର୍ଚାର୍‌ କଃରା । 
\v 16 ଜୁୟ୍‌ଲକ୍‌ ସଃତ୍‌ କଃରି ବାପ୍ତିସମ୍‌ ନଃୟ୍‌ଦ୍‌, ସେ ହାହେହୁଣି ମୁକ୍ତି ହାୟ୍‌ଦ୍‌; ମଃତର୍‌ ଜୁୟ୍‌ଲକ୍‌ ଅବିସ୍ୱାସ୍‌ କଃରେଦ୍‌, ସେ ଦସି ଆର୍‌ ଦଃଣ୍ଡ୍‌ ହାୟ୍‌ଦ୍‌ । 
\v 17 ସଃତ୍‌ ବିସ୍ୱାସିମଃନାର୍‌ ଇ ସଃବୁ ଚିନ୍ ଅୟ୍‌ଦ୍‌, ସେମଃନ୍ ମର୍‌ ନାଉଁଏ ବୁତ୍‌ ଚାଡାଉତି ଆର୍‌ ନଃଉଆଁ ନଃଉଆଁ ବାସାୟ୍‌ କଃତା କଃଉତି । 
\v 18 ସେମଃନ୍ ଆତେ ସାହ୍‌ ଦଃର୍ତି, ଆର୍‌ ବିସ୍‌ ମିସ୍‌ଲାର୍‌ କାୟ୍‌ରି କାୟ୍‌ଲେକ୍‌ ହେଁ ସେମଃନାର୍‌ କାୟ୍‌ ହେଁ ନୟ୍‌; ସେମଃନ୍ ଜଃର୍‌ ଦୁକାର୍‌ ଲକ୍‌ମଃନାର୍‌ ଉହ୍ରେ ଆତ୍‌ ସଃଙ୍ଗାୟ୍‌ଲେକ୍‌, ସେମଃନ୍ ନିକ ଅଃଉତି ।”
\s ଜିସୁ ସଃର୍ଗେ ଗଃଲା
\r (ଲୁକ ୨୪:୫୦-୫୩; ପେରି ୧:୯-୧୧)
\p
\v 19 \x + \xo ୧୬:୧୯ \xo*\xt ପେରି ୧:୯-୧୧.\xt*\x*ଇ ସଃବୁ କଃତା ସେମଃନ୍‌କେ କୟ୍‌ଲା ହଃଚେ, ଜିସୁ ମାପ୍ରୁକ୍‌ ସଃର୍ଗେ ନିଆ ଅୟ୍‌ଲି, ସେ ଜାୟ୍‌ ଇସ୍ୱର୍‌ ମାପ୍ରୁର୍‌ କାତାବାଟ୍ୟା ବଃସ୍‌ଲା । 
\v 20 ତାର୍‌ହଃଚେ ଚେଲାମଃନ୍ ହୁର୍ତିବିର୍‌ ସଃବୁ ହାକ୍‌ ଜାୟ୍‌ ଲକ୍‌ମଃନ୍‌କେ ନିକ କବୁର୍‌ ପର୍ଚାର୍‌ କଃଲାୟ୍‌, ଆର୍‌ ଜିସୁ ମାପ୍ରୁ ନିଜେ ସେମଃନାର୍‌ ସଃଙ୍ଗେ ରଃୟ୍‌, ସେମଃନାର୍‌ ପର୍ଚାର୍‌ ସଃତ୍‌ ବଃଲି ଲକ୍‌ମଃନ୍‌କେ ଦଃକାଉଁକ୍‌, ସେମଃନ୍‌କେ କାବା ଅଃଉତା ଚିନ୍ କଃରୁକେ ସଃକ୍ତି ଦିଲା ।\f + \fr ୧୬:୨୦ \fr*\ft କଃତିଗଟ୍‌ ହଃର୍ନା ଲେକାୟ୍‌ ମାର୍କ ୧୬ ଅଃଦ୍ୟାୟ୍‌ ୯ ହଃଦ୍‌ ତଃୟ୍‌ହୁଣି ୨୦ ହଃଦ୍‌ ହଃତେକ୍‌ ଲେକାନାୟ୍‌ଁ ।\ft*\f*