\id LUK - BOPO
\ide UTF-8
\h ଲୁକ
\toc3 ଲୁକ
\toc2 ଲୁକ
\toc1 ଲୁକ ଲେକ୍‌ଲା ଜିସୁ କ୍ରିସ୍ଟର୍‌ ନିକ କବୁର୍‌
\mt2 ଲୁକ ଲିଖିତ ଯୀଶୁ ଖ୍ରୀଷ୍ଟଙ୍କ ସୁସମାଚାର୍‌
\mt1 ଲୁକ ଲେକ୍‌ଲା ଜିସୁର୍‌ ନିକ କବୁର୍‌
\imt ଲୁକ ପୁସ୍ତକ୍‌ ବିସୟେ ହଃଦେକ୍‌
\ip ଲୁକ ଲେକ୍‌ଲା ନିକ କବୁର୍‌ ଅଃଉଁଲି, ଜିସୁ ମାପ୍ରୁର୍‌ ଜିବନାର୍‌ କଃତା ଲେକା ଅୟ୍‌ଲାର୍‌ ନଃଉଆଁ ନିୟମାର୍‌ ଚାରିଗଟ୍‌ ପୁସ୍ତକ୍‌ମଃନାର୍‌ ବିତ୍ରେ ଇରି ହେଁ ଗଟେକ୍‌ । ସେମଃନାର୍‌ ବିତ୍ରେ ସଃବୁ ହେଁ “ନିକ କବୁର୍‌” କଃଉଆ ଅଃଉଁଲି । ଜାର୍‌ ଅଃର୍ତ୍‌ “ସୁନ୍ଦୁର୍‌ କବୁର୍‌ ।” ସେରିମଃନ୍ ଜିସୁର୍‌ ମଃଲା ହଃଚେ ମାତିଉ, ମାର୍କ, ଲୁକ ଆର୍‌ ଜହନ୍‌, ଇ ଚାରି ଲକ୍‌ ଲେକି ଆଚ୍‌ତି । ଲୁକ ଜିସୁର୍‌ ଜିବନ୍ ଗଃଟ୍‍ଣା ଲେକ୍‌ଲା ସଃଙ୍ଗ୍, ଜିସୁର୍‌ ମଃର୍ନ୍‌ ଆର୍‌ ମଃରି ଉଟ୍‌ଲା ହଃଚେ, ତାର୍‌ ଚେଲାମଃନ୍ ଜୁୟ୍‌ କଃତାମଃନ୍‌ କଃଲାୟ୍‌, ସେରିମଃନ୍ ହେଁ ଲେକି ଆଚେ । ସେ ପୁସ୍ତକ୍‌କେ ପେରିତ୍‌ମଃନାର୍‌ କାମାର୍‌ କଃତାମଃନ୍‌ ବଃଲି କଃଉଆ ଅୟ୍‌ଦ୍‌ । ଲୁକ ପୁସ୍ତକ୍‌ କଃବେ ଆର୍‌ କୁୟ୍‌ତି ଲେକା ଅୟ୍‌ଆଚେ ସେ କଃତାକ୍‌ ଟିକ୍‌ କଃରି କେହେଁ ନଃଜାଣ୍‌ତି, ମଃତର୍‌ କଃତିଗଟ୍‌ ହଃଣ୍ଡିତ୍‌ମଃନ୍‌ ରାଜି ଅଃଉଁଲାୟ୍‌ ଜେ, ଇରି ଆନ୍‌ମାନେ ଜିସୁ କ୍ରିସ୍ଟର୍‌ ଜଃଲମାର୍‌ ତିନିକଳି ଦଃସ୍‌ ବଃର୍ସ୍‌ ହଃଚେ ଲେକା ଅୟ୍‌ଆଚେ ।
\ip ଇ ପୁସ୍ତକ୍‌ ଲେକୁ ମାନାୟ୍‌ ଅଃଉଁଲା ଲୁକ, ଜେ କି ଗଟେକ୍‌ ବୟ୍‌ଦ୍‌କାରି ରିଲା । ତାର୍‌ ଲେକାର୍‌ ରଃକମ୍‌ ଆର୍‌ ତାର୍‌ ବାସାର୍‌ ବେବାରେ ଜାଣା ହଃଳୁଲି ଜେ, ସେ ଗଟ୍‌ ସିକିତ୍‌ ମାନାୟ୍‌ ରିଲା । ଜିସୁର୍‌ ଜିବନେ ଗଃଟ୍‍ଣାମଃନ୍‌ ଗଃଟିରିଲା ହଃର୍କାରେ ଗଟେକ୍‌ ଗଟେକ୍‌ ହଃଚେ, ଲେକିକଃରି ଟିକ୍‌ବାବେ ମଃନେହାଚି କଃରି ଲେକିଆଚେ, ଜଃନ୍‌କଃରି ବିନ୍ ଲକ୍‌ମଃନ୍ ସେରି ହଳିକଃରି ଉହ୍‌କାର୍‌ ହାଉତି \xt ୧:୧-୩\xt* । ସେ ଗଟ୍‌ ଜିଉଦି ଜାତିର୍‌ ଲକ୍‌ ନାୟ୍‌ \xt କଲ ୪:୧୦-୧୪\xt* । ଆରେକ୍‌ ସେ ଇରଃକମ୍‌ କଃରି ଲେକ୍‌ଲେକ୍‌, ଜଃନ୍‌କଃରି ବିନ୍ ଜାତିର୍‌ ଲକ୍‌ ବୁଜୁ ହାର୍‌ତି । ସେ ଜିଉଦି ବିଦି ମଃନ୍ ଲେକ୍‌ତାର୍‌ ଇରି ଅଃମି ନିକ କଃରି ଜାଣୁ ହାରୁଲୁ \xt ୧:୮\xt* ।
\ip ଲୁକ ଲେକ୍‌ଲା ନିକ କବୁର୍‌, ମାତିଉ ଆର୍‌ ମାର୍କ ପୁସ୍ତକ୍‌ ସଃଙ୍ଗ୍ ଅଃନାୟ୍‌ ଲଃଗାଲଃଗି ସଃମାନ୍ ଆଚେ, ବଃଲେକ୍‌ ସେମଃନ୍ ସଃମାନ୍ କଃତା ଆର୍‌ ସଃମାନ୍ ବାବେ ଲେକି ଆଚ୍‌ତି । ତିନିଗଟ୍‌ ପୁସ୍ତକ୍‌ ବିତ୍ରେ ଲୁକ ବାପ୍ତିସମ୍‌ ଦେତା ଜହନାର୍‌ ଜଃଲମ୍‌ କଃତା ନିକ କଃରି ଲେକି ଜାଣାୟ୍‌ ଆଚେ । ଆରେକ୍‌ ଲୁକ ପାର୍ତ୍‌ନା କଃତା ବଃଡେ ଦିଆନ୍‌ ଦଃୟ୍‌ ଆଚେ \xt ୩:୨୧\xt* \xt ୫:୧୬\xt* \xt ୬:୧୨\xt* \xt ୧୧:୧-୧୨\xt* \xt ୨୨:୨୩\xt* ଆରେକ୍‌ ସେ କେମା ଉହ୍ରେ ହେଁ ଦିଆନ୍‌ ଦଃୟ୍‌ ଆଚେ \xt ୩:୩\xt* \xt ୧୧:୪\xt* \xt ୧୭:୩-୪\xt* \xt ୨୩:୩୪\xt* \xt ୨୪:୪୭\xt* ।
\iot ଇ ପୁସ୍ତକ୍‌ ବିତ୍ରେ ରିଲା ମୁଳ୍‌ ବିସୟ୍‌ମଃନ୍‌
\io1 ୧. ଲୁକ ନିକ କବୁର୍‌ ଲଃଗେ ଜାଣ୍‌ତା କଃତା ଆର୍‌ କାୟ୍‌ତାକ୍‌ ଲେକା ଅୟ୍‌ଆଚେ ସେରି । \ior ୧:୧-୪\ior*
\io1 ୨. ଜିସୁର୍‌ ଜଃଲମ୍‌ ଆର୍‌ ସେ କଃନ୍‌କଃରି ସେବା କାମ୍‌ କଃରୁକେ ତିଆର୍‌ ଅୟ୍‌ଲା । \ior ୧:୫–୪:୧୩\ior*
\io1 ୩. ଜିସୁର୍‌ କାମ୍‌ ସଃବୁ, ମୁଳ୍‌କଃରି ସେ କଃରି ରିଲା କାବା ଅଃଉତା କାମ୍‌ ଆର୍‌ ତାର୍‌ ସିକ୍ୟା ଦିଲାର୍‌ କୟ୍‌ଆଚେ ଇରି ଅଃଉଁଲି ନିକ କବୁରାର୍‌ ସଃବ୍‌କେ ବଃଡ୍ । \ior ୪:୧୪–୯:୫୦\ior*
\io1 ୪. ସଃରାସଃରି, ହଃଚାର୍‌ ତିନିଗଟ୍‌ ଅଃଦ୍ୟାୟ୍‌ ଲଃଗେ, ଜିସୁ କଃନ୍‌କଃରି ମଃଲା, ତହା ଅୟ୍‌ଲା ଆର୍‌ ମଃଲା ଲକାର୍‌ ତଃୟ୍‌ହୁଣି ଉଟ୍‌ଲା । \ior ୨୨–୨୪ \ior*
\c 1
\s ଜାଣ୍‌ତା କଃତା
\p
\v 1 ଏ ତିଅପିଲସ୍‌, ଜୁୟ୍‌ ଲକ୍‌ମଃନ୍ ଅଃମାର୍‌ ବିତ୍ରେ ଗଃଟିଜାୟ୍‌ରିଲା ଗଃଟ୍‍ଣା ମଃନାର୍‌ କଃତେକ୍‌ କଃତାମଃନ୍‌ ଟିକ୍‌କଃରି ଲେକୁକ୍‌ ମଃନ୍ କଃଲାୟ୍‌, 
\v 2 ସେରି ନିଜାର୍‌ ଆକାୟ୍‌ ଦଃକି ରିଲାର୍‌ ଜାଗୁଆଳି ଆର୍‌ ନିକ କବୁର୍‌ ପର୍ଚାର୍‌ କଃର୍ତା ଲକ୍‌ମଃନ୍ ଅଃମିମଃନ୍‌କ୍‌ ଜାଣାୟ୍‌ଲା ହଃର୍କାରେ, 
\v 3 ଏ ମାୟ୍‌ନାର୍‌ ତିଅପିଲ ମୁଳେ ହୁଣି ସଃବୁ କଃତା ଗଟେକ୍‌ ଗଟେକ୍‌ କଃରି ମିସାୟ୍‌ ଆଗେହୁଣି ଅୟ୍‌ ଆସ୍ତା କଃତାମଃନ୍‌ ତର୍‌ ଗିନେ ଲେକୁକ୍‌ ମୁଁୟ୍‌ ହେଁ ଟିକ୍‌ ବଃଲି ମଃନେ ବାବ୍‌ଲେ । 
\v 4 ଜଃନ୍‌କଃରି ଜୁୟ୍‌ ଜୁୟ୍‌ ସଃବୁ କଃତା ସିକି ଆଚ୍‌ସି ସେ ସଃବୁ କଃତାକ୍‌ ବାୟ୍‌ଦ୍‌ରେ ଜାଣୁ ହାର୍ସି ।
\s ବାପ୍ତିସମ୍‌ ଦେତା ଜହନ୍‌ ଜଃଲମ୍‌ ଅଃଉତାର୍‌ ଦୁତ୍‌ ଜାଣାୟ୍‌ଲା
\p
\v 5 ହେରଦ୍‌ ଜିଉଦା ଦେସାର୍‌ ରଃଜା ରିଲା ବଃଳ୍‌ ଅବିୟ ଜାଜକ୍‌ ଦଃଳାର୍‌ ଜିକରିଅ ନାଉଁଆର୍‌ ଗଟେକ୍‌ ଜାଜକ୍‌ ରିଲା; ତାର୍‌ ଡକୁର୍ସିର୍‌ ନାଉଁ ଏଲିସାବେତ୍‌, ସେ ହାରଣ୍‌ ଜାଜକ୍‌ ବଃଉଁସାର୍‌ ରିଲି । 
\v 6 ସେମଃନ୍ ଦୁୟ୍‌ ଲକ୍‌ ହେଁ ଇସ୍ୱରାର୍‌ ସଃବୁ ନିୟମ୍‌ ଆର୍‌ ବିଦି ମାନ୍‌ତି ରିଲାୟ୍‌ ଆର୍‌ ମାପ୍ରୁର୍‌ ଆକାୟ୍‌ ଦଃର୍ମି ଲକ୍‌ ଅୟ୍‌ରିଲାୟ୍‌ । 
\v 7 ମଃତର୍‌ ସେମଃନାର୍‌ ହିଲାମଃନ୍‌ ନଃରିଲାୟ୍‌, କାୟ୍‌ତାକ୍‌ବଃଲେକ୍‌ ଏଲିସାବେତ୍‌ ବାଞ୍ଜି ରିଲି, ଆରେକ୍‌ ସେ ଦୁୟ୍‌ ଲକ୍‌ ବୁଡାବୁଡି ଅୟ୍‌ରିଲାୟ୍‌ ।
\p
\v 8 ଜିକରିଅ ଅଃହ୍‌ଣାର୍‌ ଦଃଳାର୍‌ ହାଳୁ ହଃର୍କାରେ ଇସ୍ୱରାର୍‌ ମନ୍ଦିର୍‌ ଲଃଗେ ଜାୟ୍‌ ଜାଜକ୍‌ କାମ୍‌ କଃର୍ତି ରିଲା ବଃଳ୍‌, 
\v 9 ଜାଜକ୍‌ କାମାର୍‌ ବିଦି ହଃର୍କାରେ କେଳି ବାଚିକଃରି ତାକ୍‌ ମାପ୍ରୁର୍‌ ମନ୍ଦିର୍‌ ବିତ୍ରେ ହୁରି କଃରି ଦୁହ୍‌ଣି ହଡାଉଁକ୍‌ ହଃଳ୍‌ଲି । 
\v 10 ଆର୍‌ ସେ ଦୁହ୍‌ଣି ହଡାଉତା ବଃଳ୍‌ ସଃର୍ନେ ଲକ୍‌ମଃନ୍ଦା ହଃଦାୟ୍‌ ପାର୍ତ୍‌ନା କଃର୍ତି ରିଲାୟ୍‌ ।
\p
\v 11 ସଃଡେବଃଳ୍‌ ମାପ୍ରୁର୍‌ ଗଟେକ୍‌ ଦୁତ୍‌ ଦୁହ୍‌ଣି ହଡାଉତା ବେଦିର୍‌ କାତା ବାଟ୍ୟା ଆସି ଟିଆ ଅୟ୍‌ ତାକ୍‌ ଦଃକାୟ୍‌ ଅୟ୍‌ଲା । 
\v 12 ଜିକରିଅ ତାକ୍‌ ଦଃକି, କାବା ଅୟ୍‌ଲା ଆର୍‌ ଡିରି ଗଃଲା । 
\v 13 ମଃତର୍‌ ଦୁତ୍‌ ତାକ୍‌ କୟ୍‌ଲା, “ଜିକରିଅ, ଡିର୍‌ ନାୟ୍‌, କାୟ୍‌ତାକ୍‌ବଃଲେକ୍‌ ତର୍‌ ପାର୍ତନା ଇସ୍ୱର୍‌ ସୁଣି ଆଚେ, ଆର୍‌ ତର୍‌ ଡକୁର୍ଦି ଏଲିସାବେତ୍‌ ତର୍‌ ଗିନେ ଗଟେକ୍‌ ହିଲା ଜଃଲମ୍‌ କଃରେଦ୍‌, ଆର୍‌ ତୁୟ୍‌ ତାର୍‌ ନାଉଁ ଜହନ୍‌ ସଃଙ୍ଗାଉସି । 
\v 14 ତାର୍‌ ଗିନେ ତୁମିମଃନ୍ ବଃଡେ ସଃର୍ଦା କଃରାସ୍‌, ଆର୍‌ ବିନ୍ ସଃବୁ ଲକ୍‌ମଃନ୍ ହେଁ ତାର୍‌ ଜଃଲମେ ସଃର୍ଦା କଃର୍ତି । 
\v 15 ଜଃନ୍‌କଃରି ସେ ମାପ୍ରୁର୍‌ ଲଃଗେ ଗଟେକ୍‌ ବଃଡ୍ ଲକ୍‌ ଅୟ୍‌ଦ୍‌, ସେ କଃବେ ହେଁ ଅଙ୍ଗୁର୍‌ ରଃସ୍‌ କି ଲଃନ୍ଦାମଃଦ୍‌ ନଃକାୟ୍‌, ଆର୍‌ ସେ ଆୟ୍‌ସିର୍‌ ହେଟେ ହୁଣି ହେଁ ପବିତ୍ର ଆତ୍ମାୟ୍‌ ହୁର୍ନ୍‌ ଅୟ୍‌ଦ୍‌ । 
\v 16 ଆର୍‌ ସେ ଇସ୍ରାଏଲ୍‌ ଜାତିର୍‌ କଃତେକ୍‌ ଲକ୍‌ମଃନ୍‌କେ ସେମଃନାର୍‌ ସଃର୍ଗାର୍‌ ମାପ୍ରୁ ଇସ୍ୱରାର୍‌ ହାକ୍‌ ଲେଉଟାୟ୍‌ ଆଣେଦ୍‌ । 
\v 17 ଉବାସି ଆୟ୍‌ସିମଃନାର୍‌ ମଃନ୍‌, ହିଲାମଃନାର୍‌ ଗିନେ ଆର୍‌ ଅମାନ୍ୟାମଃନ୍‌କେ ଦଃର୍ମି ଲକ୍‌ମଃନାର୍‌ ଗ୍ୟାନ୍ ସଃଙ୍ଗ୍ ମାନୁକ୍‌ ଲେଉଟାଉଁକ୍‌ ଆର୍‌ ମାପ୍ରୁର୍‌ ଗିନେ ଲକ୍‌ମଃନ୍‌କେ ତିଆର୍‌ କଃରୁକେ ଏଲିୟର୍‌ ଆତ୍ମା ଆର୍‌ ସଃକାତ୍‌ ସଃଙ୍ଗ୍ ତାର୍‌ ଆଗେ ଇଣ୍ଡେଦ୍‌ ।”
\p
\v 18 ଇତାର୍‌ ଗିନେ ଜିକରିଅ ଦୁତ୍‌କେ ହଃଚାର୍ଲା, “ଇରି ଗଃଟେଦ୍‌ ବଃଲି ମୁଁୟ୍‌ କଃନ୍‌କଃରି ଜାଣିନ୍ଦ୍ ? କାୟ୍‌ତାକ୍‌ବଃଲେକ୍‌ ମୁଁୟ୍‌ ତ ବୁଡା ଅୟ୍‌ଲେବେ ଆର୍‌ ମର୍‌ ବୁଡିର୍‌ ବଃୟ୍‌ସ୍‌ ହେଁ ଅଃଦିକ୍‌ ଅୟ୍‌ଲିନି ।”
\p
\v 19 ଦୁତ୍‌ ତାକ୍‌ ଉତୁର୍‌ ଦିଲା, “ମୁଁୟ୍‌ ଗାବ୍ରିଏଲ୍‌, ମୁଁୟ୍‌ ଇସ୍ୱରାର୍‌ ଲଃଗେ ଟିଅଉତା ଦୁତ୍‌, ଆର୍‌ ତକେ ଇ କଃତା କଃଉଁକେ ଆର୍‌ ଇ ସଃର୍ଦାର୍‌ କବୁର୍‌ ପର୍ଚାର୍‌ କଃରୁକେ ମାପ୍ରୁ ମକ୍‌ ହଟାୟ୍‌ଲା ଆଚେ । 
\v 20 ଦଃକ୍‌ ଇସଃବୁ ନଃଗଟ୍‌ତା ଦିନ୍ ହଃତେକ୍‌ ତୁୟ୍‌ ଗୁଲା ଅୟ୍‌ କଃତା କଃଉ ନଃହାର୍‌ସି, କାୟ୍‌ତାକ୍‌ବଃଲେକ୍‌ ମର୍‌ ଜୁୟ୍‌ ସଃବୁ କଃତା ଟିକ୍‌ ବେଳାୟ୍‌ ହୁରୁଣ୍ ଅୟ୍‌ଦ୍‌, ଇସଃବୁ କଃତାକ୍‌ ତୁୟ୍‌ ସଃତ୍‌ ନଃକେଲିସ୍‌ ।”
\p
\v 21 ଇ ବିତ୍ରେ ଲକ୍‌ମଃନ୍ ଜିକରିଅକେ ହଃଦାୟ୍‌ ଜାଗିରିଲାୟ୍‌, ଆର୍‌ ମନ୍ଦିର୍‌ ବିତ୍ରେ ସେ ବୁତେକ୍‌ଗଃଳି ରିଲାଲାଗି ସେମଃନ୍ କାବା ଅଃଉତିରିଲାୟ୍‌ । 
\v 22 ମଃତର୍‌ ସେ ବାରାୟ୍‌ ଆସି ସେମଃନ୍‌କେ ଟଣ୍ଡ୍ ଅଃଉଁକେ ନଃହାର୍‌ଲା, ଇତାକ୍‌ ସେ ମନ୍ଦିର୍‌ ବିତ୍ରେ ଦଃର୍ସନ୍‌ ହାଇଆଚେ ବଃଲି ସେମଃନ୍ ଜାଣ୍‌ଲାୟ୍‌ ଆର୍‌ ସେ ସେମଃନ୍‌କେ ଆତ୍‌ସଃଗ୍ୟା କଃରୁକେ ଦଃର୍ଲା, ଆର୍‌ ଗୁଲା ଅୟ୍‌ ରିଲା ।
\p
\v 23 ତାର୍‌ହଃଚେ ତାର୍‌ ସେବା କଃର୍ତା ହାଳୁ ଦିନ୍ ସଃବୁ ସଃର୍ଲାକ୍‌, ସେ ନିଜାର୍‌ ଗଃରେ ବାଉଳି ଗଃଲା । 
\v 24 କଃତି ଦିନ୍ ଗଃଲା ହଃଚେ ତାର୍‌ ଡକୁର୍ସି ଏଲିସାବେତ୍‌ ଆଙ୍ଗେ ଅୟ୍‌ଲି, ଆର୍‌ ସେ ହାଁଚ୍ ମାସ୍‌ ହଃତେକ୍‌ ସେ କଃତା କାକେ ହେଁ ନଃକୟ୍‌ଲି । 
\v 25 ଆର୍‌ ମଃନେ ମଃନେ କୟ୍‌ଲି, “ଲକ୍‌ମଃନାର୍‌ ଲିନ୍ଦା ମର୍‌ ତଃୟ୍‌ହୁଣି ଦୁର୍‌ କଃରୁକେ ମାପ୍ରୁ ମର୍‌ ଉହ୍ରେ ଦଃୟା କଃରି ମକ୍‌ ଇରଃକମ୍‌ କଃଲା ଆଚେ ।”
\s ଜିସୁର୍‌ ଜଃଲମ୍‌ ଅଃଉତାର୍‌ ଦୁତ୍‌ ଜାଣାୟ୍‌ଲା
\p
\v 26 ଏଲିସାବେତ୍‌ ଆଙ୍ଗେ ଅୟ୍‌ ଚଅ ମାସ୍‌ ଅୟ୍‌ଲା ହଃଚେ, ଗାବ୍ରିଏଲ୍‌ ଦୁତ୍‌ ଇସ୍ୱର୍‌ ଲଃଗେହୁଣି ଗାଲିଲି ରାଜିର୍‌ ନାଜରିତ୍‌ ନାଉଁଆର୍‌ ଗଃଳେ ଗଟେକ୍‌ ଦଃଙ୍ଗ୍‌ଳି ଟକିର୍‌ ଚଃମେ ଆୟ୍‌ଲା । 
\v 27 \x + \xo ୧:୨୭ \xo*\xt ମାତି ୧:୧୮.\xt*\x*ସେ ଦଃଙ୍ଗ୍‌ଳି ଟକିକେ ଦାଉଦ୍‌ ବଃଉଁସାର୍‌ ଜସେପ୍ ନାଉଁଆର୍‌ ଗଟେକ୍‌ ମାନାୟ୍‌ ସଃଙ୍ଗ୍ ବିବା ଅଃଉଁକେ ମାଗ୍‌ଣି କଃରି ରିଲାୟ୍‌, ସେ ଦଃଙ୍ଗ୍‌ଳି ଟକିର୍‌ ନାଉଁ ମରିୟମ୍‌ । 
\v 28 ସେ ଦୁତ୍‌ ଗଃରେ ହୁରି ତାର୍‌ ଲଃଗେ ଆସି କୟ୍‌ଲା, “ଏ ଦଃୟାର୍‌ ଜୟ୍‌ଗ୍‌ ଟକି, ତର୍‌ ସୁସ୍ତା ଅଃଉଅ, ମାପ୍ରୁ ତର୍‌ ସଃଙ୍ଗ୍ ଆଚେ ।”
\p
\v 29 ମଃତର୍‌ ମରିୟମ୍‌ ଇ କଃତାକ୍‌ ସୁଣି ଜଃବର୍‌ କାବା ଅୟ୍‌ଲି ଆର୍‌ ଇ କଃତାର୍‌ ବାବ୍‌ କାୟ୍‌ରି ବଃଲି ମଃନେ ମଃନେ ବାବୁକ୍‌ ଦଃର୍ଲି । 
\v 30 ସେତାର୍‌ ଗିନେ ଦୁତ୍‌ ତାକ୍‌ କୟ୍‌ଲା, “ଏ ମରିୟମ୍‌, ଡିର୍‌ ନାୟ୍‌, କାୟ୍‌ତାକ୍‌ବଃଲେକ୍‌ ଇସ୍ୱର୍‌ ତକେ ଦଃୟା କଃରି ଆଚେ । 
\v 31 \x + \xo ୧:୩୧ \xo*\xt ମାତି ୧:୨୧.\xt*\x*ଆର୍‌ ଦଃକ୍‌, ତୁୟ୍‌ ଆଙ୍ଗେ ଅୟ୍‌କଃରି ଗଟେକ୍‌ ହିଲା ଜଃଲମ୍‌ କଃର୍ସି, ଆର୍‌ ତାର୍‌ ନାଉଁ ଜିସୁ ବଃଲି ଦିଆସ୍‌ । 
\v 32 ସେ ସଃବ୍‌କେ ଉଟ୍ୟା ଅୟ୍‌ଦ୍‌, ଆର୍‌ ସେ ସଃବ୍‌କେ ବଃଡ୍ ମାପ୍ରୁର୍‌ ହୟ୍‌ସି ବଃଲି ଡାକେ ହୁଟେଦ୍‌; ଆର୍‌ ଇସ୍ୱର୍‌ ତାକ୍‌ ତାର୍‌ ଦାଦିବାବୁ ଦାଉଦାର୍‌ ହର୍‌ ସିଙ୍ଗାସଣ୍‌ ଦଃୟ୍‌ଦ୍‌ । 
\v 33 ସେ ଜାକୁବକ୍‌ ବଃଉଁସ୍‌ ଉହ୍ରେ ଜୁଗେଜୁଗେ ରାଜ୍‌ କଃରେଦ୍‌, ଆର୍‌ ତାର୍‌ ରାଇଜ୍‌ କଃବେ ସେସ୍‌ ନହୟ୍‌ ।”
\p
\v 34 ମଃତର୍‌ ମରିୟମ୍‌ ଦୁତ୍‌କେ କୟ୍‌ଲି, “ଇରି କଃନ୍‌କଃରି ଅୟ୍‌ଦ୍‌ ? ମୁଁୟ୍‌ ତ କୁୟ୍‌ ଅଃଣ୍ଡ୍ରାକେ ହେଁ ନଃଜାଣି ।”
\p
\v 35 ଦୁତ୍‌ ତାକ୍‌ ଉତୁର୍‌ ଦିଲା, “ପବିତ୍ର ଆତ୍ମା ତର୍‌ ଉହ୍ରେ ଉତ୍ରେଦ୍‌ ଆର୍‌ ସଃବ୍‌କେ ଉଟ୍ୟା ଇସ୍ୱର୍‌ ସଃକ୍ତି ତକେ ଦଃରେଦ୍‌, ଆର୍‌ ସେତାର୍‌ଗିନେ ଜୁୟ୍‌ ହିଲା ଜଃଲମ୍‌ ଅୟ୍‌ଦ୍‌, ସେ ପବିତ୍ର ଆର୍‌ ସେ ମାପ୍ରୁର୍‌ ହୟ୍‌ସି ବଃଲାୟ୍‌ ଅୟ୍‌ଦ୍‌ ।
\p
\v 36 ଆରେକ୍‌ ଦଃକ୍‌, ତର୍‌ ନିଜାର୍‌ ଲକ୍‌ ଏଲିସାବେତ୍‌ ହେଁ ବୁଡି ବଃଇଁସେ ଗଟେକ୍‌ ହିଲାକ୍‌ ହେଟେ ଦଃରିଆଚେ । ଜେ ବାଞ୍ଜି ବଃଲି ଡାକେ ହୁଟିରିଲି, ତାକ୍‌ ଅଃବେ ଆଙ୍ଗେ ଅୟ୍‌କଃରି ଚଅ ମାସ୍‌ ଅୟ୍‌ଲିନି । 
\v 37 କାୟ୍‌ତାକ୍‌ବଃଲେକ୍‌ ଇସ୍ୱରାର୍‌ କୟ୍‌ଲା ଟଣ୍ଡାର୍‌ କଃତା କଃବେ ହେଁ ନଃହିଟେ ।”
\p
\v 38 ଆର୍‌ ମରିୟମ୍‌ କୟ୍‌ଲି, “ଦଃକ୍‌, ମୁଁୟ୍‌ ତ ମାପ୍ରୁର୍‌ ଗଟେକ୍‌ ଗତିଦଃଙ୍ଗ୍‌ଳି; ତୁୟ୍‌ କୟ୍‌ଲା କଃତା ହର୍‌ ମର୍‌ ଜିବନେ ଗଃଟ ।” ତାର୍‌ହଃଚେ ଦୁତ୍‌ ତାର୍‌ ଚଃମେହୁଣି ବାରାୟ୍‌ ଗଃଲା ।
\s ମରିୟମ୍‌ ଏଲିସାବେତ୍‌ ଗଃରେ ଗଃଲି
\p
\v 39 ସଃଡେବଃଳ୍‌ ମରିୟମ୍‌ ଉଟିକଃରି ଡଙ୍ଗୁର୍‌ ହଲି ତଃୟ୍‌ ରିଲା ଜିଉଦା ରାଜିର୍‌ ଗଟେକ୍‌ ଗଃଳେ ସେଦାହ୍ରେ ଗଃଲି । 
\v 40 ଆରେକ୍‌ ଜିକରିଅର୍‌ ଗଃର୍‌ ବିତ୍ରେ ହୁରି ଏଲିସାବେତ୍‌କେ ଜୁଆର୍‌ କଃଲି । 
\v 41 ଆର୍‌ ଏଲିସାବେତ୍‌ ମରିୟମାର୍‌ ଜୁଆର୍‌ ସୁଣ୍‌ଲା ଦାହ୍ରେ ଏଲିସାବେତାର୍‌ ହେଟେ ରିଲା ହିଲା ନାଚୁକ୍‌ ଦଃର୍ଲା, ଆର୍‌ ଏଲିସାବେତ୍‌ ପବିତ୍ର ଆତ୍ମାୟ୍‌ ହୁର୍ନ୍‌ ଅୟ୍‌, 
\v 42 ଜଃବର୍‌ ଟଣ୍ଡ୍ ଅୟ୍‌ କୟ୍‌ଲି, “ସଃବୁ ମାୟ୍‌ଜିମଃନାର୍‌ ବିତ୍ରେ ତର୍‌ ବାୟ୍‌ଗ୍‌, ଆର୍‌ ବାୟ୍‌ଗ୍‌ ତର୍‌ ଗଃର୍ବାର୍‌ ହଃଳ୍‌ । 
\v 43 ଆର୍‌ ମର୍‌ ମାପ୍ରୁର୍‌ ଆୟ୍‌ସି ମକ୍‌ ଦଃକୁକ୍‌ ଆସେଦ୍‌, ମର୍‌ ଅଃଡେକ୍‌ ନିକ ବାୟ୍‌ଗ୍‌ କୁୟ୍‌ତି ହୁଣି ଅୟ୍‌ଲି । 
\v 44 କାୟ୍‌ତାକ୍‌ବଃଲେକ୍‌ ଦଃକ୍‌, ତର୍‌ କଃତା ସୁଣ୍‌ଲା ଦାହ୍ରେ ମର୍‌ ହେଟେ ରିଲା ହିଲା ନାଚି ଉଟ୍‌ଲା । 
\v 45 ଜେ ବିସ୍ୱାସ୍‌ କଃଲି, ତାର୍‌ ବାୟ୍‌ଗ୍‌, କାୟ୍‌ତାକ୍‌ବଃଲେକ୍‌ ମାପ୍ରୁର୍‌ ତଃୟ୍‌ହୁଣି ତାକ୍‌ ଜୁୟ୍‌ ଜୁୟ୍‌ରି କଃଉଆ ଅୟ୍‌ଆଚେ, ସେ ସଃବୁ କଃତା ହୁରୁଣ୍ ଅୟ୍‌ଦ୍‌ ।”
\s ମରିୟମ୍‌ ଇସ୍ୱରାର୍‌ ଉହ୍‌କାର୍‌ ଲାଗି ତାର୍‌ ଗୁଣ୍ ଗିତ୍‌ କୟ୍‌ଲି
\p
\v 46 ଆର୍‌ ମରିୟମ୍‌ କୟ୍‌ଲି,
\q1 “ମର୍‌ ହଃରାଣ୍ ମାପ୍ରୁର୍‌ ଦନ୍ୟବାଦ୍‌ କଃରୁଲି;
\q2
\v 47 ଆରେକ୍‌ ମର୍‌ ଆତ୍ମା ମର୍‌ ମୁକ୍ଳାଉତା ଇସ୍ୱର୍‌ ମାପ୍ରୁର୍‌ ଲଃଗେ ଅଃନାୟ୍‌ ସଃର୍ଦା କଃରୁଲି,
\q2
\v 48 କାୟ୍‌ତାକ୍‌ବଃଲେକ୍‌ ମାପ୍ରୁ ଅଃହ୍‌ଣାର୍‌ ଗତିଦଃଙ୍ଗ୍‌ଳିର୍‌ ଗଃରିବ୍‌ଅଃବୁସ୍ତା ଦଃକିଆଚେ,
\q1 ଆର୍‌ ଦଃକ୍‌, ଅଃବେହୁଣି ଜୁଗ୍ ଜୁଗ୍ ହଃତେକ୍‌ ସଃବୁ ଲକ୍‌ମଃନ୍ ମର୍‌ ବାୟ୍‌ଗ୍‌ ବଃଲି କଃଉତି ।
\q2
\v 49 କାୟ୍‌ତାକ୍‌ବଃଲେକ୍‌ ଅଃନାୟ୍‌ ବଃଡ୍ ସଃକାତିଆ ମାପ୍ରୁ, ସେ ମର୍‌ ଗିନେ ଅଃନାୟ୍‌ ବଃଡ୍ କାମ୍‌ କଃରି ଆଚେ ।
\q1 ତାର୍‌ ନାଉଁ ପବିତ୍ର;
\q1
\v 50 ଆର୍‌ ତାକ୍‌ ମାନ୍‌ତି କଃର୍ତା ଲକ୍‌ମଃନାର୍‌ ଗିନେ
\q2 ତାର୍‌ ଦଃୟା ଜୁଗେ ଜୁଗେ ରଃୟ୍‌ଦ୍‌ ।
\q1
\v 51 ସେ ଅଃହ୍‌ଣାର୍‌ ଡେଣାର୍‌ ବଃଳ୍‌ସଃକାତ୍‌ ଦଃକାୟ୍‌ଆଚେ,
\q2 ଆର୍‌ ଆକାରିମଃନ୍‌କେ ସେମଃନାର୍‌ ମଃନ୍‌ ବିତ୍ରାର୍‌ ବାବ୍‌ନାକେ ଜଃତ୍‌କଃତ୍‌ କଃରିଆଚେ ।
\q1
\v 52 ସେ ବଃଳ୍‌ସଃକାତ୍‌ ରିଲା ରଃଜାମଃନ୍‌କେ ସିଙ୍ଗାସଣ୍‌ ତଃୟ୍‌ହୁଣି ଉତ୍ରାୟ୍‌ ଆଚେ,
\q2 ଆର୍‌ ଇନସ୍ତା ଲକ୍‌ମଃନ୍‌କେ ବଃଡ୍ କଃରିଆଚେ ।
\q1
\v 53 ସେ ବୁକେ ରିଲା ଲକ୍‌କେ ନିକ ନିକ କାଦି ହେଟ୍‌ ହୁର୍ନେ କାଳାୟ୍‌ ଆଚେ;
\q2 ଆର୍‌ ମାଜନ୍ ଲକ୍‌ମଃନ୍‌କେ ଚୁଚା ଆତେ ହଃଟାୟ୍‌ଲା ଆଚେ ।
\q1
\v 54 ଅଃମାର୍‌ ହୁର୍ବାର୍‌ ଦାଦିବାବୁମଃନାର୍‌ ସଃଙ୍ଗ୍ କଃରିରିଲା ସଃୟ୍‌ତ୍‌ ହୁରୁଣ୍ କଃରି ତାର୍‌ ଦଃଙ୍ଗ୍‌ଳା ଇସ୍ରାଏଲ୍‌କେ ଉହ୍‌କାର୍‌ କଃରୁକେ ଆସିଆଚେ;
\q2 ଆର୍‌ ଅଃହ୍‌ଣାର୍‌ ଆର୍‌ ଦଃର୍ମି ଅବ୍ରାହାମ୍‌ ଆର୍‌ ତାର୍‌ ହୟ୍‌ସି ମଃନାର୍‌ ଗିନେ,
\q1
\v 55 ସେ ଜୁଗେଜୁଗେ ଅବ୍ରାହାମ୍‌ ଆର୍‌ ତାର୍‌ ସଃବୁ ବଂସାର୍‌ ଲକ୍‌ମଃନ୍‌କେ ଦଃୟା କଃରୁକେ ହାସ୍ରି ନଃକେରେ ।”
\p
\v 56 ଆର୍‌ ମରିୟମ୍‌ ହାକାହାକି ତିନି ମାସ୍‌ ହଃତେକ୍‌ ଏଲିସାବେତ୍‌ ସଃଙ୍ଗ୍ ରିଲି ଆର୍‌ ଅଃହ୍‌ଣାର୍‌ ଗଃରେ ବାଉଳି ଗଃଲି ।
\s ବାପ୍ତିସମ୍‌ ଦେତା ଜହନାର୍‌ ଜଃଲମ୍‌
\p
\v 57 ତାର୍‌ହଃଚେ ଏଲିସାବେତ୍‌ ହିଲା ଜଃଲମ୍‌ କଃର୍ତା ବେଳା ଆୟ୍‌ଲାକ୍‌, ସେ ଗଟେକ୍‌ ହିଲା ଜଃଲମ୍‌ କଃଲି । 
\v 58 ଆର୍‌ ମାପ୍ରୁ ତାର୍‌ ସଃଙ୍ଗ୍ କଃତେକ୍‌ ବଃଡ୍ ଦଃର୍ମ୍‌ କଃରିଆଚେ, ଇ କଃତା ସୁଣି ତାର୍‌ ହାକି ହଃଳ୍‌ସା ଲକ୍‌ ଆର୍‌ ତାର୍‌ ନିଜାର୍‌ ଲକ୍‌ମଃନ୍ ସଃର୍ଦା କଃରୁକେ ଦଃର୍ଲାୟ୍‌ ।
\p
\v 59 ଜଃଡେବଃଳ୍‌ ହିଲା ଜଃଲମ୍‌ ଅୟ୍‌କଃରି ଆଟ୍‌ଦିନ୍ ଅୟ୍‌ଲି, ତାକାର୍‌ ରିତିବିଦି ହଃର୍କାରେ ସେ ହିଲାକ୍‌ ସୁନତ୍‌\f + \fr ୧:୫୯ \fr*\ft ସୁନ୍ନତ ବଃଲେକ୍‌ - ଚୁଟିଆ ଟିହାର୍‌ ଚାମ୍‌ କାଟ୍‌ତାର୍‌\ft*\f* କଃରୁକେ ନିଲାୟ୍‌, ଆର୍‌ ତାର୍‌ ଉବାସିର୍‌ ନାଉଁ ହଃର୍କାରେ ତାର୍‌ ନାଉଁ ଜିକରିଅ ବଃଲି ସଃଙ୍ଗାଉଁକ୍‌ ମଃନ୍ କଃଲାୟ୍‌ । 
\v 60 ମଃତର୍‌ ତାର୍‌ ଆୟ୍‌ସି ଉତୁର୍‌ ଦିଲି, “ନାୟ୍‌, ତାର୍‌ ନାଉଁ ଜହନ୍‌ ଅୟ୍‌ଦ୍‌ ।”
\p
\v 61 ସେମଃନ୍ ତାକ୍‌ କୟ୍‌ଲାୟ୍‌, “ତୁମାର୍‌ ନିଜାର୍‌ ବଃଉଁସାର୍‌ ଲକ୍‌ମଃନାର୍‌ ବିତ୍ରେ ଇବାନ୍ୟା ନାଉଁ ତ କାର୍‌ ହେଁ ନାୟ୍‌ ।” 
\v 62 ତାର୍‌ହଃଚେ କାୟ୍‌ ନାଉଁ ଦିଆଅୟ୍‌ଦ୍‌ ବଃଲି ତାର୍‌ ଉବାସି ମଃନ୍‌କଃରୁଲା, ସେରି ସେମଃନ୍ ତାର୍‌ ଉବାସିକ୍‌ ଆତ୍‌ସଃଗ୍ୟା କଃରି ହଃଚାରୁକ୍‌ ଦଃର୍ଲାୟ୍‌ ।
\p
\v 63 ସେତାର୍‌ ଗିନେ ଜିକରିଅ ଗଟେକ୍‌ ଲେକଃତା ହାଟା ମାଗ୍‌ଲା, ଆର୍‌ “ତାର୍‌ ନାଉଁ ଜହନ୍‌,” ବଃଲି ଲେକ୍‌ଲା । ଇତାର୍‌ ଗିନେ ସଃବୁଲକ୍‌ କାବା ଅୟ୍‌ଲାୟ୍‌ । 
\v 64 ଆର୍‌ ସେଦାହ୍ରେ ତାର୍‌ ଟଣ୍ଡ୍ ହୁଟ୍‌ଲି ଆର୍‌ ଜିବ୍‌ ଇଟ୍‌ଲି ଲାଗି ଆରେକ୍‌ ଗଟ୍‌ତର୍‌ କଃତା ଅଃଉଁକେ ଦଃର୍ଲା ଆର୍‌ ଇସ୍ୱରାର୍‌ ଗୁଣ୍ କଃଉଁକେ ଦଃର୍ଲା । 
\v 65 ତାର୍‌ ହାକିହଃଳ୍‌ସାର୍‌ ସଃବୁ ଲକ୍‌ମଃନ୍ ଡିରି ଗଃଲାୟ୍‌, ଆର୍‌ ଇସଃବୁ କଃତା ଜିଉଦା ଦେସାର୍‌ ଡଙ୍ଗୁର୍‌ ହଲିର୍‌ ସଃବୁ ଗଃଳେ ଆର୍‌ ଗାଉଁଏମଃନ୍‌ ଲକ୍‌ମଃନ୍ କଃଉଆକଇ ଅୟ୍‌ଲାୟ୍‌ । 
\v 66 ଆରେକ୍‌ ସୁଣ୍‌ଲା ସଃବୁ ଲକ୍‌ମଃନ୍ ସେସଃବୁ ନିଜାର୍‌ ନିଜାର୍‌ ମଃନ୍‌ ବିତ୍ରେ ଦଃରି କୟ୍‌ଲାୟ୍‌, “ଇ ହିଲା ତଃବେ କାୟ୍‌ରି ଅୟ୍‌ଦ୍‌ ?” କାୟ୍‌ତାକ୍‌ବଃଲେକ୍‌ ମାପ୍ରୁର୍‌ ଆତ୍‌ ତାର୍‌ ଉହ୍ରେ ଆଚେ ।
\s ଜିକରିଅର୍‌ ବାବ୍‌ବାଣି
\p
\v 67 ଆର୍‌ ଜହନାର୍‌ ଉବାସି ଜିକରିଅ ପବିତ୍ର ଆତ୍ମାୟ୍‌ ହୁର୍ନ୍‌ ଅୟ୍‌ ଇ ବାବ୍‌ବାଣି କୟ୍‌ଲା-
\q1
\v 68 “ଦନ୍ୟ ମାପ୍ରୁ, ଇସ୍ରାଏଲାର୍‌ ଇସ୍ୱର୍‌,
\q2 କାୟ୍‌ତାକ୍‌ବଃଲେକ୍‌ ସେ ତାକାର୍‌ ଲକ୍‌ମଃନ୍‌କେ ଦଃୟା କଃରି ମୁକ୍ତିଦେଉଁକେ ଆସିଆଚେ ।
\q1
\v 69 ସେ ଅଃମିମଃନାର୍‌ ମୁକ୍ତିକାରି ସେ ନିଜାର୍‌ ଦଃଙ୍ଗ୍‌ଳା ଦାଉଦ୍‌ ବଃଉଁସାର୍‌,
\q2 ଗଟେକ୍‌ ବପୁକାରି ମୁକ୍ଳାଉତା ଲକ୍‌କେ ଅଃମିମଃନ୍‌କ୍‌ ଦିଲା ଆଚେ ।
\q1
\v 70 ଆଗେହୁର୍ବେ ହୁଣି ମାପ୍ରୁ ତାର୍‌ ପବିତ୍ର ବାବ୍‌ବାଦିମଃନାର୍‌ ଟଣ୍ଡେ ଜାୟ୍‌ ବଃଲି କୟ୍‌ ରିଲା ।
\q2
\v 71 ସେବାନ୍ୟା ଅଃମାର୍‌ ସଃତ୍ରୁମଃନାର୍‌ ତଃୟ୍‌ହୁଣି ଆର୍‌ ଅଃମିକ୍‌ ଇନସ୍ତା କଃର୍ତା ସଃବୁଲକାର୍‌ ଆତେ ହୁଣି ଅଃମିକ୍‌ ମୁକ୍ତି କଃରିଆଚେ ଆଚେ ।
\q1
\v 72 ଜଃନ୍‌କଃରି ସେ ଅଃମାର୍‌ ହୁର୍ବାର୍‌ ନିର୍ମୁଳ୍‌ ଦାଦିବାବୁମଃନ୍‌କେ ଦଃୟା ଦଃକାୟ୍‌ଦ୍‌, ଆର୍‌ ସେମଃନାର୍‌ ପବିତ୍ର ବିଦି ଏତାଉଁକେ,
\q1
\v 73 ଆର୍‌ ଅଃମାର୍‌ ଉବା ଅବ୍ରାହାମାର୍‌ ଲଃଗେ ଜୁୟ୍‌ ହଃର୍ମାଣ୍‌ କଃରି ରିଲା,
\q2 ଅଃହ୍‌ଣାର୍‌ ସେ ପବିତ୍ର ବିଦି ଏତାୟ୍‌ଦ୍‌,
\q1
\v 74 ଆରେକ୍‌ ଜଃନ୍‌କଃରି ଅଃମି ସଃତ୍ରୁମଃନାର୍‌ ଆତେ ହୁଣି ଅଃମିକ୍‌ ରଃକ୍ୟା ହାୟ୍‌,
\q2 ନଃଡିର୍‌ତେ ଜୁଗ୍‌ଜୁଗ୍ ହଃତେକ୍‌ ତାର୍‌ ସେବା କଃରୁନ୍ଦ୍‌,
\q1
\v 75 ଜିବନ୍‌ କାଳେ ଅଃମିମଃନ୍‌ ପବିତ୍ର ଆର୍‌ ଦଃର୍ମେ ଜିବନ୍‌ କାଟୁଆଁ ଇରି ଇସ୍ୱରାର୍‌ ଇଚା ।”
\b
\q1
\v 76 “ଆର୍‌ ଏ ମର୍‌ ହିଲା, ତୁୟ୍‌ ସଃବ୍‌କେ ଉଟ୍ୟା ଇସ୍ୱରାର୍‌ ଗଟେକ୍‌ ବାବ୍‌ବାଦି ବଃଲି ଡାକେ ହୁଟ୍‌ସି,
\q1 ତୁୟ୍‌ ମାପ୍ରୁର୍‌ ଗଟେକ୍‌ ଆଗ୍‌ତୁର୍‌ କବୁର୍‌କାରିଆ ହର୍‌,
\q2 ତାର୍‌ ଗିନେ ତାର୍‌ ବାଟ ତିଆର୍‌ କଃର୍ସି ।
\q1
\v 77 କାୟ୍‌ତାକ୍‌ବଃଲେକ୍‌ ଅଃନ୍ଦାରେ ଆର୍‌ ମଃରୁକ୍‌ ବଃସିରିଲା ଲକ୍‌କେ ହାହେ ହୁଣି ମୁକ୍ତି ଦେଉଁକେ,
\q1
\v 78 ଆରେକ୍‌ ଅଃମାର୍‌ ଇସ୍ୱର୍‌ ମାପ୍ରୁ ଦଃୟାକାରି ଆର୍‌ କଃଉଁଣା ମଃନାର୍‌,
\q1 ସେ ଅଃମାର୍‌ ଗିନେ ମୁକୁଳ୍‌ତା ସଃକ୍ତି ଉଦାୟ୍‌ଦ୍‌ ।
\q2
\v 79 ସେ ଲାଡାର୍‌ ଦଃୟା ଗିନେ ଇସ୍ୱରାର୍‌ ଲକ୍‌ମଃନ୍‌କେ ସେମଃନାର୍‌ ହାହ୍‌ କେମା ସଃଙ୍ଗ୍ ମୁକୁଳ୍‌ତା ସୁସ୍ତାର୍‌ ଗିଆନ୍‌ ଦେଉଁକେ,
\q2 ତୁୟ୍‌ ତାକାର୍‌ ବାଟ ତିଆର୍‌ କଃରୁକେ ତାକାର୍‌ ଆଗେ ଇଣ୍ଡ୍‌ସି ।”
\p
\v 80 ଆରେକ୍‌ ସେ ହିଲା ଗଃଗାଳ୍‌ ଆର୍‌ ପବିତ୍ର ଆତ୍ମାୟ୍‌ ବାଡୁକେ ଦଃର୍ଲା, ଆର୍‌ ସେ ଇସ୍ରାଏଲ୍‌ ମଃନାର୍‌ ଲଃଗେ ଦଃକାୟ୍‌ ନଃଉତା ହଃତେକ୍‌ ଲକ୍‌ବାକ୍‌ ନୟ୍‌ଲା ସୁକ୍‌ଲା ବଃଟାୟ୍‌ ରେତିରିଲା ।
\c 2
\s ଜିସୁର୍‌ ଜଃଲମ୍‌
\r (ମାତି ୧:୧୮-୨୫)
\p
\v 1 ସଃଡେବଃଳ୍‌ ରମିୟ ଦେସ୍‌ ବିତ୍ରାର୍‌ ଚଃକର୍‌ବତି ଅଗସ୍ଟ କାଇସର୍‌ ତଃୟ୍‌ହୁଣି ଦେସାର୍‌ ସଃବୁ ଲକ୍‌ମଃନାର୍‌ ନାଉଁ ଲେକାଉଁକ୍‌ ଆଦେସ୍‌ ଆୟ୍‌ଲି । 
\v 2 ସୁରିଆର୍‌ ଗର୍ନର୍‌ କୁରିଣିୟର୍‌ ବଃଳ୍‌ ହଃର୍ତୁମ୍‌ ତର୍‌ ଇ ଲକ୍‌ ଗଃଣ୍‌ତି ଆରୁମ୍‌ ଅୟ୍‌ରିଲି । 
\v 3 ସେତାର୍‌ ଗିନେ ସଃବୁ ଲକ୍‌ମଃନ୍ ନାଉଁ ଲେକାଉଁକ୍‌ ଅଃହ୍‌ଣା ଅଃହ୍‌ଣାର୍‌ ଗଃଳେ ଜାତିରିଲାୟ୍‌ ।
\p
\v 4 ସେତାର୍‌ ଗିନେ ଜସେପ୍ ହେଁ ନାଉଁ ଲେକାଉଁକ୍‌ ମରିୟମ୍‌ ସଃଙ୍ଗ୍ ଗାଲିଲି ରାଜିର୍‌ ନାଜରିତ୍‌ ଗଃଳେହୁଣି ଜିଉଦା ରାଜିର୍‌ ବେତ୍‌ଲିହିମ୍‌ ନାଉଁଆର୍‌ ଦାଉଦାର୍‌ ଗଃଳେ ଗଃଳାୟ୍‌, କାୟ୍‌ତାକ୍‌ବଃଲେକ୍‌ ସେ ଦାଉଦାର୍‌ ବଃଉଁସାର୍‌ ଲକ୍‌ ରିଲା । 
\v 5 ତାର୍‌ ସଃଙ୍ଗ୍ ମରିୟମ୍‌କ୍ ବିବା ଅଃଉଁକେ ମାଗ୍‌ଣି ଅୟ୍‌ରିଲି ଆର୍‌ ମରିୟମ୍‌ ଆଙ୍ଗେ ରିଲି । ସେତାର୍‌ ଗିନେ ସେ ମରିୟମ୍‌ ସଃଙ୍ଗ୍ ନାଉଁ ଲେକାଉଁକ୍‌ ଗଃଲା । 
\v 6 ସେମଃନ୍ ବେତ୍‌ଲିହିମ୍‌ ଗଃଳେ ରିଲା ବଃଳ୍‌ ମରିୟମାର୍‌ ହିଲା ଜଃଲମ୍‌ ଅଃଉତା ବେଳ୍‌ ଅୟ୍‌ଲି । 
\v 7 ଆରେକ୍‌ ମରିୟମ୍‌ ହଃର୍ତୁ ହିଲା ଜଃଲମ୍‌ କଃଲି ଆର୍‌ ତାକ୍‌ ହଃଚ୍ୟାୟ୍‌ ଗୁଳ୍ୟାୟ୍‌ ଗାଇ ସାଳାର୍‌ ଡଙ୍ଗାୟ୍‌ ସଳାୟ୍‌ଲାୟ୍‌ । କାୟ୍‌ତାକ୍‌ବଃଲେକ୍‌ ବାସାଗଃରେ ସେମଃନାର୍‌ ଗିନେ ଟାଣ୍ ନଃରିଲି ।
\s ମେଣ୍ଡା ଗଃଉଳିଆମଃନ୍‌ ଜିସୁର୍‌ ଜଃଲମ୍‌ କବୁର୍‌ ସୁଣ୍‌ଲାୟ୍‌
\p
\v 8 ସେ ବେତ୍‌ଲିହିମ୍‌ ହଲିଲଃଗେ କଃତିଗଟ୍‌ ମେଣ୍ଡା ଗଃଉଳିଆମଃନ୍‌ ହଃଦାୟ୍‌ ରଃୟ୍‌ ରାତିଆ ସେମଃନାର୍‌ ମେଣ୍ଡାମଃନ୍ଦାକେ ଜାଗ୍‌ତି ରିଲାୟ୍‌ । 
\v 9 ମାପ୍ରୁର୍‌ ଗଟେକ୍‌ ଦୁତ୍‌ ସେମଃନାର୍‌ ଲଃଗେ ଆୟ୍‌ଲା, ଆରେକ୍‌ ମାପ୍ରୁର୍‌ ଜଃଜ୍‌ମାନାର୍‌ ଉଜାଳ୍‌ ସେମଃନାର୍‌ ଚାରିବେଳ୍‌ତ୍ ଅୟ୍‌ଲି, ଆର୍‌ ସେମଃନ୍ ଅଃନାୟ୍‌ ଡିରି ଗଃଲାୟ୍‌ । 
\v 10 ସେତାକ୍‌ ଦୁତ୍‌ ସେମଃନ୍‌କେ କୟ୍‌ଲା, “ଡିରି ଜାହାନାୟ୍‌; ଦଃକା, ମୁଁୟ୍‌ ସଃବୁଲକାର୍‌ ବଃଡେ ସଃର୍ଦାର୍‌ ନିକ କବୁର୍‌ ତୁମିମଃନ୍‌କେ ପର୍ଚାର୍‌ କଃରୁଲେ, 
\v 11 କାୟ୍‌ତାକ୍‌ବଃଲେକ୍‌ ଆଜି ଦାଉଦାର୍‌ ଗଃଳେ ତୁମାର୍‌ ଗିନେ ରଃକ୍ୟାକାରି ଲକ୍‌ ଜଃଲମ୍‌ ଅୟ୍‌ଲା ଆଚେ, ସେ କ୍ରିସ୍ଟ ମାପ୍ରୁ । 
\v 12 ଆର୍‌ ତୁମାର୍‌ ଗିନେ ଇରି ଚିନ୍ ହର୍‌ ଅୟ୍‌ଦ୍‌, ତୁମିମଃନ୍ ଗଟେକ୍‌ ହିଲାକ୍‌ ହଚ୍ୟାୟ୍‌ ଗୁଳ୍ୟାୟ୍‌ କଃରି ଗାଇ ଡଙ୍ଗାୟ୍‌ ସଇରିଲାର୍‌ ଦଃକାସ୍‌ ।”
\p
\v 13 ଆରେକ୍‌ ଉଲୁସ୍ତେ ସେ ଦୁତାର୍‌ ସଃଙ୍ଗ୍ ସଃର୍ଗାର୍‌ ଦୁତ୍‌ମଃନ୍ଦା ଆସିକଃରି ଇସ୍ୱରାର୍‌ ନାଉଁଏ ସଃର୍ଦାର୍‌ ଗିତ୍‌ କଃଉଁକେ ଦଃର୍ଲାୟ୍‌,
\q1
\v 14 “ସଃର୍ଗ୍‌ ଉହ୍ରାର୍‌ ଇସ୍ୱରାର୍‌ ଜଃଜ୍‌ମାନ୍ ଅଃଉଅ,
\q2 ଆରେକ୍‌ ହୁର୍ତିବି ବିତ୍ରେ ତାର୍‌ ସଃନ୍‌ମତ୍‌ ଲକ୍‌ମଃନାର୍‌ ଉହ୍ରେ ସୁସ୍ତା ଅଃଉଅ ।”
\p
\v 15 ଦୁତ୍‌ମଃନ୍ ସେମଃନାର୍‌ ତଃୟ୍‌ହୁଣି ସଃର୍ଗେ ବାଉଳି ଗଃଲା ହଃଚେ, ମେଣ୍ଡା ଗଃଉଳିଆମଃନ୍‌ ତାକାର୍‌ ତାକାର୍‌ ବିତ୍ରେ କଃତା ଅଃଉଁକେ ଦଃର୍ଲାୟ୍‌, “ଆସା, ଅଃମିମଃନ୍‌ ବେତ୍‌ଲିହିମ୍‌ ହଃତେକ୍‌ ଜାୟ୍‌କଃରି ମାପ୍ରୁ ଅଃମିମଃନ୍‌କ୍‌ ଇ ଜୁୟ୍‌ ଗଃଟ୍‍ଣା ଜାଣାୟ୍‌ଲା, ସେରି ଦଃକୁଆଁ ।”
\p
\v 16 ଆର୍‌ ହଃଚେ ସେମଃନ୍ ବେଗି ଜାୟ୍‌ ଲଳିକଃରି ମରିୟମ୍‌ ଆର୍‌ ଜସେପ୍, ଆରେକ୍‌ ଗାଇଡଙ୍ଗାୟ୍‌ ହିଲାକ୍‌ ସଇରିଲାର୍‌ ଦଃକ୍‌ଲାୟ୍‌ । 
\v 17 ସେମଃନ୍ ତାକ୍‌ ଦଃକିକଃରି ସେ ହିଲାର୍‌ କଃତା ଦୁତ୍‌ ଜାୟ୍‌ବଃଲି କୟ୍‌ରିଲା, ସେ ସଃବୁ ହୁଟାୟ୍‌କଃରି କୟ୍‌ଲାୟ୍‌ । 
\v 18 ଆରେକ୍‌ ଜଃତେକ୍‌ ଲକ୍‌ ମେଣ୍ଡା ଗଃଉଳିଆମଃନାର୍‌ ତଃୟ୍‌ହୁଣି ସେ ସଃବୁ କଃତା ସୁଣ୍‌ଲାୟ୍‌, ସେସଃବୁ ଲକ୍‌ମଃନ୍ କାବା ଅୟ୍‌ ଗଃଳାୟ୍‌ । 
\v 19 ମଃତର୍‌ ମରିୟମ୍‌ ଇ ସଃବୁ କଃତା ମଃନ୍‌ ବିତ୍ରେ ଦଃରି ବାବୁକ୍‌ ଦଃର୍ଲି । 
\v 20 ଆର୍‌ ମେଣ୍ଡା ଗଃଉଳିଆମଃନ୍‌କେ ଦୁତ୍‌ ଜଃନ୍‌କଃରି କୟ୍‌ରିଲା, ସେବାନ୍ୟା ସେମଃନ୍ ଜାୟ୍‌ ଜାୟ୍‌ରି ସୁଣିରିଲାୟ୍‌ ଆର୍‌ ଦଃକିରିଲାୟ୍‌, ସେ ସଃବୁର୍‌ ଗିନେ ଇସ୍ୱରାର୍‌ ଜଃଜ୍‌ମାନ୍ ଆର୍‌ ଗୁଣାର୍‌ ଗିତ୍‌ କୟ୍‌ କୟ୍‌ କଃରି ବାଉଳି ଗଃଳାୟ୍‌ ।
\s ଜିସୁକେ ମନ୍ଦିରେ ନିଲାୟ୍‌
\p
\v 21 \x + \xo ୨:୨୧ \xo*\xt ଲୁକ ୧:୩୧.\xt*\x*ଆଟ୍‌ଦିନ୍ ଅୟ୍‌ଲା ହଃଚେ, ମସାର୍‌ ରିତିବିଦି ହଃର୍କାରେ ହିଲାକ୍‌ ସୁନତ୍‌ କଃରୁକେ ମନ୍ଦିରେ ନଃୟ୍‌, ସେ ହିଲାର୍‌ ନାଉଁ ଜିସୁ ଦିଲାୟ୍‌; ମରିୟମ୍‌ ଆଙ୍ଗେ ନଃଉତ୍‌ ସଃର୍ଗ୍‌ ଦୁତ୍‌ ସେମଃନ୍‌କେ ଇ ନାଉଁ ସଃଙ୍ଗାଉଁକ୍‌ କୟ୍‌ରିଲା ।
\s ଜିସୁକେ ମନ୍ଦିରେ ଟେକି ଦିଲାୟ୍‌
\p
\v 22 ହଃଚେ ଜଃଡେବଃଳ୍‌ ମସାର୍‌ ବିଦିବିଦାନ୍ ହଃର୍କାରେ ସେମଃନାର୍‌ ନିର୍ମୁଳ୍‌ ଅଃଉତା ଦିନ୍ ଆୟ୍‌ଲି\x + \xo ୨:୨୨ \xo*\xt ଲେବି ୧୨:୧-୮.\xt*\x*, ତଃବେ ସେମଃନ୍ ହିଲାକ୍‌ ମାପ୍ରୁତଃୟ୍‌ ସଃହ୍ରି ଦେଉଁକେ ଜିରୁସାଲମ୍‌ ମନ୍ଦିରେ ନିଲାୟ୍‌ । 
\v 23 ଜଃନ୍‌କଃରି ମାପ୍ରୁର୍‌ ବିଦିବିଦାନ୍ ସାସ୍ତରେ ଲେକା ଅୟ୍‌ଲା ହଃର୍କାରେ, ସଃଡେବଃଳ୍‌, “ସଃବୁ ହଃର୍ତୁମ୍‌ ଜଃଲମ୍‌ ଅୟ୍‌ଲା ଅଃଣ୍ଡ୍ରାହିଲା ମାପ୍ରୁର୍‌ ନାଉଁଏ ପବିତ୍ର ବଃଲି ଗଃଣ୍‌ତି ଅଃଉତି ।” 
\v 24 ଆରେକ୍‌, ସେମଃନ୍ ତାକ୍‌ ମାପ୍ରୁକ୍‌ ଦେତା ହାୟ୍‌ ଆର୍‌ ମାପ୍ରୁର୍‌ ବିଦିବିଦାନ୍ ସାସ୍ତରେ ଲେକା ଅୟ୍‌ଲା ଲେକା ହଃର୍କାରେ ଜଳେକ୍‌ ହାଣ୍ଡ୍‌କା, ନୟ୍‌ଲେକ୍‌ ଜଳେକ୍‌ ହାରୁଆ ହୁଜା ଦେଉଁକ୍‌ ତାକ୍‌ ଜିରୁସାଲମେ ନିଲାୟ୍‌ ।
\s ସିମିଅନ୍ ଆର୍‌ ହାନା ଜିସୁକେ ଦଃକ୍‌ଲାୟ୍‌
\p
\v 25 ଆର୍‌ ଦଃକା, ଜିରୁସାଲମେ ସିମିଅନ୍‌ ନାଉଁଆର୍‌ ଗଟେକ୍‌ ଦଃର୍ମି ଆର୍‌ ମାପ୍ରୁର୍‌ ଦିଆନ୍‌ କାରିଆ ରିଲା; ସେ ଇସ୍ରାଏଲ୍‌କେ ମୁକ୍ଳାଉତା ଲକ୍‌ କଃବେ ଆସେଦ୍‌ ବଃଲି ଜାଗି ରିଲା, ଆରେକ୍‌ ପବିତ୍ର ଆତ୍ମା ତାର୍‌ ସଃଙ୍ଗ୍‌ରଃୟ୍‌ ସାସ୍‌ ଦେତିରିଲି ରିଲି, 
\v 26 ଆର୍‌, ମାପ୍ରୁ କ୍ରିସ୍ଟକେ ନଃଦେକ୍‌ତା ହଃତେକ୍‌ ତାର୍‌ ମଃର୍ନ୍‌ ନୟ୍‌, ଇ କଃତା ପବିତ୍ର ଆତ୍ମା ତାକ୍‌ ଜାଣାୟ୍‌ରିଲି । 
\v 27 ସେ ପବିତ୍ର ଆତ୍ମା କାଡାୟ୍‌ ଆଣ୍‌ଲାକ୍‌ ମନ୍ଦିରେ ଆୟ୍‌ଲା, ଆରେକ୍‌ ଜିସୁ ହିଲାର୍‌ ଆୟ୍‌ସି ଉବାସି ଜଃଡେବଃଳ୍‌ ତାକାର୍‌ ବିଦିବିଦାନ୍ ହଃର୍କାରେ କାମ୍‌ କଃରୁକେ ଜିସୁକେ ମନ୍ଦିର୍‌ ବିତ୍ରେ ଆଣ୍‌ଲାୟ୍‌, 
\v 28 ସଃଡେବଃଳ୍‌ ସିମିଅନ୍ ହିଲାକ୍‌ କଳେ ଦଃରି ଇସ୍ୱରାର୍‌ ଗୁଣ୍ ଗିତ୍‌ କୟ୍‌ କଃରି କୟ୍‌ଲା-
\q1
\v 29 “ଏ ମାପ୍ରୁ, ଅଃବେ ତୁୟ୍‌ ଅଃହ୍‌ଣାର୍‌ କଃତା ହଃର୍କାରେ,
\q2 ତର୍‌ ଗତିଦଃଙ୍ଗ୍‌ଳାକ୍‌ ସୁସ୍ତାୟ୍‌ ଜଃଉଁକେ ଦେଉଁଲିସ୍‌,
\q1
\v 30 କାୟ୍‌ତାକ୍‌ବଃଲେକ୍‌ ମର୍‌ ଆକି ତର୍‌ ମୁକ୍ତି ଦଃକିଆଚେ,
\q2
\v 31 ଜୁୟ୍‌ରି ତୁୟ୍‌ ସଃବୁ ଲକ୍‌ମଃନାର୍‌ ମୁଏଁ ତିଆର୍‌ କଃରି ଆଚ୍‌ସି ।
\q1
\v 32 ଆର୍‌, ଅଜିଉଦିମଃନ୍‌କେ\f + \fr ୨:୩୨ \fr*\ft ଅଜିଉଦି-ଜୁୟ୍‌ ଲକ୍‌ମଃନ୍ ଜିଉଦି ଜାତି ନାୟ୍‌ ।\ft*\f* ସଃତ୍‌ ଜାଣାଉତା ଉଜାଳ୍‌
\q2 ଆରେକ୍‌ ତର୍‌ ଲକ୍‌ ଇସ୍ରାଏଲାର୍‌ ଜଃଜ୍‌ମାନ୍ କଃରିଆଚ୍‌ସି ।”
\p
\v 33 ସାନ୍ ହିଲାର୍‌ ବିସୟେ କଃଉଆ ଅୟ୍‌ରିଲାର୍‌ ସଃବୁ କଃତା ସୁଣି, ତାର୍‌ ଆୟ୍‌ସି ଉବାସି କାବା ଅୟ୍‌ଲାୟ୍‌ । 
\v 34 ଆର୍‌ ସିମିଅନ୍‌ ସେମଃନ୍‌କେ ଆସିର୍ବାଦ୍‌ କଃରି ଜିସୁର୍‌ ଆୟ୍‌ସି ମରିୟମ୍‌କେ କୟ୍‌ଲା, “ଇ ହିଲା ଇସ୍ରାଏଲାର୍‌ ବେସି ଲକାର୍‌ ନଃସ୍ଟ୍‌ ଆର୍‌ ରଃକ୍ୟା କଃରୁକେ ଆଚେ ସେ ଇସ୍ୱରାର୍‌ ତଃୟ୍‌ ହୁଣି ଚିନ୍‌ ଅୟ୍‌ଦ୍‌ ଅଃନେକ୍‌ ଲକ୍‌ ତାର୍‌ ବିରଦେ ଉଟ୍‌ତି । 
\v 35 ସେତାକ୍‌ ଇ ହିଲା କଃତେକ୍‌ ଲକାର୍‌ ବୁଡ୍‌ତାର୍‌ ଆର୍‌ ଉଟ୍‌ତାର୍‌, ଆର୍‌ ଜାର୍‌ ବିରଦେ କଃତା କଃଉଆ ଅୟ୍‌ଦ୍‌, ଇବାନ୍ୟା ଗଟେକ୍‌ ଚିନ୍ ହର୍‌ ଅଃଉଁକେ ବାଚା ଅୟ୍‌ଆଚେ; ଆରେକ୍‌ ତର୍‌ ଜିବନ୍‌ ବିତ୍ରେ ହେଁ କଃଣ୍ଡା ବୁସି ଅୟ୍‌ଦ୍‌ ।”
\p
\v 36 ଆର୍‌ ହାନା ନାଉଁଆର୍‌ ଗଟେକ୍‌ ବାବ୍‌ବାଦିଣି ରିଲି; ସେ ଆସେର୍‌ ବଃଉଁସାର୍‌ ପିନୁଏଲାର୍‌ ଜିସି । ତାର୍‌ ବୁତେକ୍‌ ବଃର୍ସ୍‌ ଅୟ୍‌ରିଲି; ସେ ବାଳତ୍‌ ଦଃଙ୍ଗ୍‌ଳି ରିଲା ହଃଚେ ବିବା ଅୟ୍‌କଃରି ସାତ୍‌ ବଃର୍ସ୍‌ ତାର୍‌ ଡକ୍ରାସି ସଃଙ୍ଗ୍ ରିଲି ଆର୍‌ ଡକ୍ରାସି ମଃଲାକ୍‌ ରାଣ୍ଡି ଅୟ୍‌ରିଲି, ତାକ୍‌ ଚାରିକଳି ଚାରି ବଃର୍ସ୍‌ ଜିବନ୍‌ କାଟ୍‌ଲି । 
\v 37 ସେ ସଃବୁବଃଳ୍‌ ମନ୍ଦିର୍‌ ବିତ୍ରେ ରେତିରିଲି, ଆର୍‌ ଦିନ୍‌ରାତି ଉହାସ୍‌ ଆର୍‌ ପାର୍ତନା ସଃଙ୍ଗ୍ ମାପ୍ରୁର୍‌ ସେବା କଃର୍ତିରିଲି । 
\v 38 ହିଲା ଜିସୁକେ ମନ୍ଦିରେ ଟେକି ଦିଲା ହଃଚେ, ହାନା ସେତି ହଚି ଇସ୍ୱର୍‌କେ ଦନ୍ୟବାଦ୍‌ ଦିଲି ଆର୍‌ ଜିରୁସାଲମାର୍‌ ଲକ୍‌ମଃନ୍‌କେ ମୁକ୍ତି ଦଃୟ୍‌ଦ୍‌ ବଃଲି ଜୁୟ୍‌ମଃନ୍‌ ବିସ୍ୱାସ୍‌ କଃରି ଜାଗି ରିଲାୟ୍‌ ସେ ସଃବ୍‌କେ ଜିସୁର୍‌ କଃତା ଜାଣାୟ୍‌ଲି ।
\s ଜସେପ୍ ଆର୍‌ ମରିୟମ୍‌ ନାଜରିତ ବାଉଳ୍‌ଲାୟ୍‌
\p
\v 39 \x + \xo ୨:୩୯ \xo*\xt ମାତି ୨:୨୩.\xt*\x*ହଃଚେ ଜସେପ୍ ଆର୍‌ ମରିୟମ୍‌ ମାପ୍ରୁର୍‌ ବିଦିବିଦାନ୍ ହଃର୍କାରେ ସଃବୁ କାମ୍‌ ସଃରାୟ୍‌କଃରି ସେମଃନ୍ ନିଜାର୍‌ ଗାଲିଲିର୍‌ ନାଜରିତ୍‌ ଗଃଳେ ବାଉଳି ଗଃଳାୟ୍‌ । 
\v 40 ଆର୍‌ ସେ ହିଲା ବାଡୁକେ ଦଃର୍ଲା ଆର୍‌ ବୁଦି ଗ୍ୟାନେ ହୁର୍ନ୍‌ ଅଃଉଁ ଅଃଉଁ ବଃଳ୍‌ସଃକାତ୍‌ ଅୟ୍‌ଲା, ଆର୍‌ ଇସ୍ୱରାର୍‌ ଦଃୟା ତାର୍‌ ଉହ୍ରେ ରିଲି ।
\s ମନ୍ଦିର୍‌ ଗଃରେ ଜିସୁ ହିଲା
\p
\v 41 ହଃତିବଃର୍ସ୍‌ ମୁକ୍ଳାଉଁଣି ହଃର୍ବ୍‌ ମାନୁକ୍‌ ଜିସୁର୍‌ ଆୟ୍‌ସି ଉବାସି ଜିରୁସାଲମେ ଜାତିରିଲାୟ୍‌ । 
\v 42 ଜଃଡେବଃଳ୍‌ ଜିସୁକେ ବାର ବଃର୍ସ୍‌ ଅୟ୍‌ଲି, ରିତିବିଦି ହଃର୍କାରେ ସେମଃନ୍ ହଃର୍ବ୍‌ ମାନୁକ୍‌ ଜିରୁସାଲମେ ଗଃଳାୟ୍‌ । 
\v 43 ତାକାର୍‌ ହଃର୍ବ୍‌ ମାନ୍‌ତା ଦିନ୍ ସଃର୍ଲାକ୍‌, ଜଃଡେବଃଳ୍‌ ସେମଃନ୍ ବାଉଳି ଆସ୍ତି ରିଲାୟ୍‌, ସଃଡେବଃଳ୍‌ ଜିସୁ ହିଲା ଜିରୁସାଲମେ ତେବ୍‌ଲା, ଇ କଃତା ତାର୍‌ ଆୟ୍‌ସି ଉବାସି ଜାଣି ନଃରିଲାୟ୍‌ । 
\v 44 ମଃତର୍‌ ଜିସୁ ସେମଃନାର୍‌ ସଃଙ୍ଗାର୍‌ ଲକ୍‌ମଃନାର୍‌ ସଃଙ୍ଗ୍ ଆଚେ ବଃଲି ମଃନେ ବାବି, ସେମଃନ୍ ଗଟେକ୍‌ ଦିନାର୍‌ ବାଟ ଗଃଲା ହଃଚେ, ସେମଃନ୍ ତାକାର୍‌ ନିଜାର୍‌ ଲକ୍‌ମଃନାର୍‌ ବିତ୍ରେ ଜିସୁକେ ଲଳୁକ୍‌ ଦଃର୍ଲାୟ୍‌, 
\v 45 ଆରେକ୍‌ ଜିସୁକେ ନଃମିଳାୟ୍‌, ଲଳି ଲଳି ଜିରୁସାଲମେ ଲେଉଟି ଗଃଳାୟ୍‌ । 
\v 46 ତିନି ଦିନାର୍‌ ହଃଚେ ସେମଃନ୍ ଜିସୁକେ ମନ୍ଦିରେ ବେଟ୍‌ ହାୟ୍‌ଲାୟ୍‌, ସେ ହଃଣ୍ଡିତ୍‌ ମଃନାର୍‌ ସଃଙ୍ଗ୍ ବଃସି କଃରି ସେମଃନାର୍‌ କଃତା ସୁଣ୍‌ତି ରିଲା ଆର୍‌ ସେମଃନ୍‌କେ କଃତେକ୍‌ କଃତା ହଃଚାର୍ତି ରିଲା, 
\v 47 ଆର୍‌ ଜଃତେକ୍‌ ଲକ୍‌ ତାର୍‌ କଃତା ସୁଣ୍‌ତି ରିଲାୟ୍‌, ସେ ସଃବୁ ଲକ୍‌ମଃନ୍ ତାର୍‌ ବୁଦିକ୍‌ ଆର୍‌ ସେ ଦେତିରିଲା ଉତୁର୍‌କେ ସୁଣି କାବା ଅୟ୍‌ ଜାତିରିଲାୟ୍‌ । 
\v 48 ଜଃଡେବଃଳ୍‌ ଜିସୁର୍‌ ଆୟ୍‌ସି ଉବାସି ତାକ୍‌ ଦଃକ୍‌ଲାୟ୍‌, ସେମଃନ୍ କାବା ଅୟ୍‌ଲାୟ୍‌, ଆର୍‌ ତାର୍‌ ଆୟ୍‌ସି ତାକ୍‌ କୟ୍‌ଲି, “ଏ ହିଲା, କାୟ୍‌ତାକ୍‌ ତୁୟ୍‌ ଅଃମାର୍‌ ସଃଙ୍ଗ୍ ଇବାନ୍ୟା କଃଲିସ୍‌ ? ଦଃକ୍‌, ତର୍‌ ଉବାଦି ଆର୍‌ ମୁଁୟ୍‌ କଃତେକ୍‌ କାକୁଲ୍‌ତି ଅୟ୍‌ ତକେ ଲଳୁଲୁ ।” \fig ଜିରୁସାଲମାର୍‌ ମନ୍ଦିର୍‌|alt="Temple in Jerusalem" src="lb00250c.tif" size="span" copy="Horace Knowles ©" ref="2:41"\fig*
\p
\v 49 ଜିସୁ ସେମଃନ୍‌କେ କୟ୍‌ଲା, “କାୟ୍‌ତାକ୍‌ ତୁମିମଃନ୍ ମକ୍‌ ଲଳ୍‌ତି ରିଲାସ୍‌ ? ମର୍‌ ଉବାର୍‌ ଗଃରେ ରେତାର୍‌ ମର୍‌ ବିଦି, ଇ କଃତା କାୟ୍‌ ତୁମି ଜାଣି ନଃରିଲାସ୍‌ ?” 
\v 50 ମଃତର୍‌ ସେ ସେମଃନ୍‌କେ ଜୁୟ୍‌ କଃତା କୟ୍‌ଲା, ସେରି ସେମଃନ୍ ବୁଜୁ ନଃହାୟ୍‌ଲାୟ୍‌ ।
\p
\v 51 ହଃଚେ ଜିସୁ ସେମଃନାର୍‌ ସଃଙ୍ଗ୍ ମିସି ନାଜରିତ୍‌ ବାଉଳି ଆୟ୍‌ଲା ଆର୍‌ ସେମଃନାର୍‌ କଃତା ମାନିକଃରି ରିଲା, ଆରେକ୍‌, ତାର୍‌ ଆୟ୍‌ସି ଇ ସଃବୁ କଃତା ଗଟେକ୍‌ ଗଟେକ୍‌ କଃରି ତାର୍‌ ମଃନ୍‌ବିତ୍ରେ ଦଃର୍ଲି । 
\v 52 ଆର୍‌ ଜିସୁ ଗ୍ୟାନେ ଆର୍‌ ଗଃଗାଳେ, ଆରେକ୍‌ ଇସ୍ୱରାର୍‌ ଆର୍‌ ନଃର୍‌ମଃନାର୍‌ ଦଃୟାୟ୍‌ ବାଡୁକେ ଦଃର୍ଲା ।
\c 3
\s ବାପ୍ତିସମ୍‌ ଦେତା ଜହନାର୍‌ ପର୍ଚାର୍‌
\r (ମାତି ୩:୧-୧୨; ମାର୍କ ୧:୧-୮; ଜହ ୧:୧୯-୨୮)
\p
\v 1 ତିବିରିଆ କାଇସର୍‌ ବଃଲେକ୍‌ ଚଃକର୍‌ବତିର୍‌ ରାଜ୍‌ କଃର୍ତା ବଃଳାର୍‌ ହଃନ୍ଦ୍ର ବଃର୍ସ୍‌ ବଃଳ୍‌, ଜଃଡେବଃଳ୍‌ ପନ୍ତିଅ ପିଲାତ ଜିଉଦାର୍‌ ଗର୍ନର୍‌ ରିଲା ଆର୍‌ ହେରଦ୍‌ ଗାଲିଲି ରାଜିର୍‌ ତଃଳ୍ୟା ରଃଜା ରିଲା, ଆର୍‌ ତାର୍‌ ବାୟ୍‌ସି ପିଲିପ୍ ଇତୁରିଆ ଆର୍‌ ତ୍ରାକନିତି ରାଜିର୍‌, ଆରେକ୍‌ ଲୁସାନିଆ ଅବିଲିନି ଗଃଳାର୍‌ ତଃଳ୍ୟା ରଃଜା ରିଲା । 
\v 2 ଆର୍‌ ହାନାନ୍ ଆର୍‌ କୟାପା ମୁଳ୍‌ ଜାଜକ୍‌ ରିଲାୟ୍‌, ସଃଡେବଃଳ୍‌ ଇସ୍ୱରାର୍‌ କଃତା ବଃଟାୟ୍‌ ଜିକରିଅର୍‌ ହୟ୍‌ସି ଜହନ୍‌ ଲଃଗେ ଆୟ୍‌ଲି । 
\v 3 ସେତାର୍‌ ଗିନେ ସେ ଜହନ୍‌ ଜର୍ଦନ୍ ଗାଡ୍ ଲଃଗାର୍‌ ସଃବୁହାକ୍‌ ଜାୟ୍‌କଃରି, “ହାହ୍‌ କେମା ଗିନେ ମଃନ୍‌ ବାଦ୍‌ଲାୟ୍‌ ବାପ୍ତିସମ୍‌ ନିଲେକ୍‌ ମାପ୍ରୁ ହାହ୍‌ କେମା କଃରେଦ୍‌,” ବଃଲି ପର୍ଚାର୍‌ କଃରୁକେ ଦଃର୍ଲା ।
\q1
\v 4 ଜଃନ୍‌କଃରି ଜିସାୟ୍‌ ବାବ୍‌ବାଦିର୍‌ ସାସ୍ତରେ ଲେକା ଅୟ୍‌ଆଚେ;
\q1 “ଗଟ୍‌ ଲକ୍‌ ସୁକ୍‌ଲା ବଃଟାୟ୍‌ ଉଲ୍‌ଗାଟ୍‌ ଅୟ୍‌କଃରି କଃଉଁଲା,
\q2 ମାପ୍ରୁର୍‌ ଗିନେ ବାଟ୍‌ ତିଆର୍‌ କଃରା,
\q2 ତାର୍‌ ଜାତାର୍‌ ଗିନେ ଗଟେକ୍‌ ସଃଳ୍‌କ୍‌ ବାଟ୍‌ ତିଆର୍‌ କଃରା;
\q1
\v 5 ସଃବୁ କାଲ୍‌ ବୁୟ୍‌ଁ ତହା ଅୟ୍‌ଦ୍‌,
\q2 ଆରେକ୍‌ ସଃବୁ ହଃର୍ବାତ୍‌ ଆର୍‌ ଡଙ୍ଗୁର୍‌ମଃନ୍‌ ସଃମାନ୍‌ କଃରା ଅୟ୍‌ଦ୍‌,
\q1 ବାଙ୍ଗ୍‌ଟା ବାଟ୍‌ମଃନ୍‌ ସଃବୁ ସଃଳ୍‌କ୍‌ ଅୟ୍‌ଦ୍‌,
\q2 ଆର୍‌ ଟେଲ୍‌ କାଲ୍‌ ରିଲା ବୁଇଁମଃନ୍‌ ବାଟ ଅୟ୍‌ଦ୍‌ ।
\q1
\v 6 ଆରେକ୍‌ ସଃବୁ ମାନାୟ୍‌ ଜାତି ଇସ୍ୱରାର୍‌ ମୁକ୍ତି ଦଃକ୍‌ତି ।”
\p
\v 7 \x + \xo ୩:୭ \xo*\xt ମାତି ୧୨:୩୪; ୨୩:୩୩.\xt*\x*ତଃବେ, ତାର୍‌ ଲଃଗେ ବାପ୍ତିସମ୍‌ ନେଉଁକେ ବାରାୟ୍‌ ଆସ୍ତି ରିଲା ଲକ୍‌ମଃନ୍ଦାକେ ଦଃକି ଜହନ୍‌ କୟ୍‌ଲା, “ଏ ନାଗ୍ ସାହ୍‌ ଆର୍‌ ତାର୍‌ ବଃଉଁସ୍‌ମଃନ୍, ଇସ୍ୱର୍‌ ତୁମିକେ ଜୁୟ୍‌ ଡଃଣ୍ଡ୍‌ ଦେଉଁକେ ଜଃଉଁଲା, ସେତିହୁଣି ମୁକ୍‌ଳୁ ହାରାସ୍‌ ବଃଲି କେ ତୁମିକେ କୟ୍‌ଲା ? 
\v 8 \x + \xo ୩:୮ \xo*\xt ଜହ ୮:୩୩.\xt*\x*ଜଦି ତୁମିମଃନ୍ ସଃତ୍‌କଃରି ହାହେ ହୁଣି ମଃନ୍‌ ବାଦ୍‌ଲାୟ୍‌ ଆଚାସ୍‌, ତଃବେ ନିକ କାମ୍‌ କଃରି ଦଃକାଉଆ । ଅବ୍ରାହାମ୍‌ ତ ଅଃମାର୍‌ ଉବା ବଃଲି ମଃନେ ମଃନେ ହେଁ କଃଉଆ ନାୟ୍‌; କାୟ୍‌ତାକ୍‌ବଃଲେକ୍‌ ମୁଁୟ୍‌ ତୁମିମଃନ୍‌କେ କଃଉଁଲେ, ଇସ୍ୱର୍‌ ଇ ଟେଳାମଃନାର୍‌ ତଃୟ୍‌ହୁଣି ହେଁ ଅବ୍ରାହାମାର୍‌ ଗିନେ ହିଲାମଃନ୍‌ ଉବ୍‌ଜାଉଁ ହାରେ । 
\v 9 \x + \xo ୩:୯ \xo*\xt ମାତି ୭:୧୯.\xt*\x*ଆର୍‌ ଅଃବେ ହେଁ ଗଃଚ୍‌ମଃନାର୍‌ ବୁନ୍ଦେ କୁରାଡି ଲାଗି ଆଚେ; ବଃଲେକ୍‌ ଜୁୟ୍‌ ଗଃଚେ ନିକ ହଃଳ୍‌ ନଃହେଳେ, ସେ ଗଃଚ୍‌କେ କାଟିକଃରି ଜୟେ ହଃକା ଅୟ୍‌ଦ୍‌ ।”
\p
\v 10 ଇତାର୍‌ଗିନେ ଲକ୍‌ମଃନ୍ଦାମଃନ୍‌ ତାକ୍‌ ହଃଚାରୁକ୍‌ ଦଃର୍ଲାୟ୍‌, “ସେବାନ୍ୟା ଅୟ୍‌ଲେକ୍‌ ଅଃମିମଃନ୍‌ କାୟ୍‌ କଃରୁନ୍ଦ୍‌ ?”
\p
\v 11 ଜହନ୍‌ ସେମଃନ୍‌କେ ଉତୁର୍‌ ଦିଲା, “ଜାର୍‌ ଲଃଗେ ଜଳେକ୍‌ ଆଙ୍ଗି ଆଚେ, ସେ ଜାକେ ନାୟ୍‌, ତାକ୍‌ ଗଟେକ୍‌ ଦେଅ; ଆର୍‌ ଜାର୍‌ ଲଃଗେ କାଉଁକେ କାଦି ଆଚେ, ସେ ହେଁ ସେବାନ୍ୟା କଃର ।”
\p
\v 12 \x + \xo ୩:୧୨ \xo*\xt ଲୁକ ୭:୨୯.\xt*\x*ଆର୍‌ କଃତେକ୍‌ ରିବ୍‌ନିମଃନ୍‌ ହେଁ ବାପ୍ତିସମ୍‌ ନେଉଁକ୍‌ ଆସି ଜହନ୍‌କେ ହଃଚାର୍ଲାୟ୍‌, “ଏ ଗୁରୁ, ଅଃମିମଃନ୍‌ କାୟ୍‌ କଃରୁନ୍ଦ୍‌ ?”
\p
\v 13 ଆରେକ୍‌, ଜହନ୍‌ ସେମଃନ୍‌କେ କୟ୍‌ଲା, “ତୁମାର୍‌ ଗିନେ ଜଃତେକ୍‌ ନେତା ନିୟମ୍‌ ଆଚେ ସଃତେକ୍‌ ହଃକା ନିଆ, ତାର୍‌ ତଃୟ୍‌ହୁଣି ଅଃଦିକ୍‌ ଆଦାୟ୍‌ କଃରି ନିଆନାଁୟ୍‌ ।”
\p
\v 14 କଃତେକ୍‌ ଇଜାର୍‌ମଃନ୍ ହେଁ ଆସି ତାକ୍‌ ହଃଚାରୁକ୍‌ ଦଃର୍ଲାୟ୍‌, “ଆର୍‌ ଅଃମିମଃନ୍‌ କାୟ୍‌ କଃରୁନ୍ଦ୍‌ ?”
\p ଜହନ୍‌ ସେମଃନ୍‌କେ କୟ୍‌ଲା, “ବଃଳ୍‌ମାଡେ କାର୍‌ ଦଃନ୍ ଚାଡାୟ୍‌ ନିଆନାଁୟ୍‌ କି କାକେ ସୁନେସୁନେ ଦସି କଃରାନାୟ୍‌ । ତୁମିକେ ଜଃତେକ୍‌ ବଃର୍ତାନ୍‌ ମିଳୁଲି ସେତି ମଃନ୍ ସଃର୍ଦାକଃରି ରିଆ ।”
\p
\v 15 ସଃଡେବଃଳ୍‌ ଲକ୍‌ମଃନ୍ କ୍ରିସ୍ଟ ଆସ୍ତାର୍‌ ଜାଗିରିଲାର୍‌ ଗିନେ ଆର୍‌ ଜହନ୍‌ କେଜାଣ୍ କ୍ରିସ୍ଟ ଅୟ୍‌ ରଃୟ୍‌ଦ୍‌ ବଃଲି ସେମଃନ୍ ମଃନ୍‌ ବିତ୍ରେ ବାବ୍‌ତି ରିଲାୟ୍‌ । 
\v 16 ତଃବାର୍‌ ଗିନେ ଜହନ୍‌ ସେମଃନ୍‌କେ ଉତୁର୍‌ ଦିଲା, “ମୁଁୟ୍‌ ସିନା ତୁମିମଃନ୍‌କେ ହାଣାୟ୍‌ ବାପ୍ତିସମ୍‌ ଦେଉଁଲେ, ମଃତର୍‌ ମର୍‌ ତଃୟ୍‌ହୁଣି ଜେ ଅଃଦିକ୍‌ ସଃକ୍ତିମାନ୍‌, ସେ ଆସୁଲା, ତାର୍‌ ହାଣ୍ଡାୟ୍‌ର୍‌ ବାନ୍ଦୁଣ୍ ଇଟାଉଁକ୍‌ ମୁଁୟ୍‌ ଜୟ୍‌ଗ୍‌ ନାୟ୍‌; ସେ ତୁମିମଃନ୍‌କେ ପବିତ୍ର ଆତ୍ମାୟ୍‌ ଆର୍‌ ଜୟେ ବାପ୍ତିସମ୍‌ ଦଃୟ୍‌ଦ୍‌ । 
\v 17 ଅଃହ୍‌ଣାର୍‌ କଟାର୍‌ ହଃର୍ଚାଳ୍‌ କଃରୁକେ ଆର୍‌ ସଃବୁ ନିକ ଗଅଁକେ ରୁଣ୍ଡାୟ୍‌ ଅଃହ୍‌ଣାର୍‌ ଗଃଦ୍ୟାୟ୍‌ ସଃଙ୍ଗାଉଁକ୍‌ ତାର୍‌ ଆତେ କୁଲା ଆଚେ, ମଃତର୍‌ ସଃବୁ ହଃଲମଃନ୍‌କେ ନଃଲିବ୍‌ତା ଜୟେ ହଡାୟ୍‌ ହଃକାୟ୍‌ଦ୍‌ ।”
\p
\v 18 ସେ ଇବାନ୍ୟା ଗାଦେକ୍‌ ସିକ୍ୟା ଦିଲା, ଆର୍‌ ବିନ୍ ବିନ୍ ରଃକମାର୍‌ ମଃନ୍ ସଃର୍ଦାର୍‌ କଃତା କୟ୍‌ ଲକ୍‌ମଃନାର୍‌ ତଃୟ୍‌ ନିକ କବୁର୍‌ ପର୍ଚାର୍‌ କଃଲା । ଆର୍‌ ମଃନ୍‌ ବାଦ୍‌ଲାଉଁକ୍‌ ସେମଃନ୍‌କେ ଗଃଉଆରି କଃଲା । 
\v 19 \x + \xo ୩:୧୯ \xo*\xt ମାତି ୧୪:୩,୪; ମାର୍କ ୬:୧୭,୧୮.\xt*\x*ମଃତର୍‌ ତଃଳ୍ୟା ରଃଜା ହେରଦ୍‌ ନିଜାର୍‌ ବାୟ୍‌ସିର୍‌ ଡକୁର୍ସି ହେରଦିଆକେ ସଃଙ୍ଗାୟ୍‌ରିଲା କଃତା ଆର୍‌ ତାର୍‌ କଃଲା ସଃବୁ କଃରାବ୍‌ କଃତାର୍‌ ଗିନେ ଜହନ୍‌ ତଃୟ୍‌ହୁଣି ଲିନ୍ଦା କଃରାୟ୍‌ ଅୟ୍‌ଲାକ୍‌, 
\v 20 ତଃଳ୍ୟା ରଃଜା ହେରଦ୍‌ ଜହନ୍‌କେ ଜଃଇଲ୍‌ ଗଃରେ ହୁରାୟ୍‌କଃରି ନିଜାର୍‌ ସଃର୍ନେ କଃରାବ୍‌ କାମ୍‌ ସଃଙ୍ଗ୍ ଇରି ହେଁ ଗଟେକ୍‌ ମିସାୟ୍‌ଲା ।
\s ଜିସୁ ବାପ୍ତିସମ୍‌ ନିଲା
\r (ମାତି ୩:୧୩-୧୭; ମାର୍କ ୧:୯-୧୧)
\p
\v 21 ସଃବୁ ଲକ୍‌ମଃନ୍ ବାପ୍ତିସମ୍‌ ନିଲା ହଃଚେ, ଜିସୁ ହେଁ ବାପ୍ତିସମ୍‌ ନିଲା । ଆର୍‌ ଜିସୁ ପାର୍ତ୍‌ନା କଃର୍ତିରିଲା ବଃଳ୍‌ ସଃର୍ଗ୍‌ ଉଗାଳି ଅୟ୍‌ଲି, 
\v 22 \x + \xo ୩:୨୨ \xo*\xt ମାତି ୩:୧୭; ମାର୍କ ୧:୧୧; ଲୁକ ୯:୩୫.\xt*\x*ଆରେକ୍‌ ପବିତ୍ର ଆତ୍ମା ହାଣ୍ଡ୍‌କା ହର୍‌ ଗଃଗାଳ୍‌ ଦଃରି ଜିସୁର୍‌ ଉହ୍ରେ ଉତ୍ରି ଆସି ବଃସ୍‌ଲି; ଆର୍‌ ସଃର୍ଗେ ହୁଣି ଗଟେକ୍‌ କଃତା ସୁଣା ଅୟ୍‌ଲି, “ତୁୟ୍‌ ଅଃମାର୍‌ ଲାଡାର୍‌ ହଅ, ତର୍‌ ତଃୟ୍‌ ଅଃମାର୍‌ ବଃଡେ ସଃନ୍‌ମତ୍‌ ।”
\s ଜିସୁର୍‌ ଦାଦିବାବୁମଃନ୍
\r (ମାତି ୧:୧-୧୭)
\p
\v 23 ଜିସୁ ପର୍ଚାର୍‌ କାମ୍‌ ଆରୁମ୍‌ କଃଲା ବଃଳ୍‌ ତାକ୍‌ ହାକାହାକି ତିରିସ୍‌ ବଃର୍ସ୍‌ ଅୟ୍‌ରିଲି; ଲକ୍‌ମଃନାର୍‌ ବାବ୍‌ନା ଇସାବେ ଜିସୁ ଜସେପାର୍‌ ହୟ୍‌ସି; ଜସେପ୍ ଏଲିର୍‌ ହୟ୍‌ସି, 
\v 24 ଏଲି ମତାତର୍‌ ହୟ୍‌ସି, ମତାତ ଲେବିର୍‌ ହୟ୍‌ସି, ଲେବି ମଲ୍‌କିର୍‌ ହୟ୍‌ସି, ମଲ୍‌କି ଜନୟର୍‌ ହୟ୍‌ସି, ଜନୟ ଜସେପାର୍‌ ହୟ୍‌ସି, 
\v 25 ଜସେପ୍ ମତିତ୍ୟାର୍‌ ହୟ୍‌ସି, ମତିତ୍ୟା ଆମସାର୍‌ ହୟ୍‌ସି, ଆମସ୍‌ ନାହୁମାର୍‌ ହୟ୍‌ସି, ନାହୁମ ହେସଲିର୍‌ ହୟ୍‌ସି, ହେସଲି ନଗୟାର୍‌ ହୟ୍‌ସି, 
\v 26 ନଗୟ ମହତାର୍‌ ହୟ୍‌ସି, ମହତ ମତିତ୍ୟାର୍‌ ହୟ୍‌ସି, ମତିତ୍ୟା ସିମଇର୍‌ ହୟ୍‌ସି, ସିମଇ ଜସେକାର୍‌ ହୟ୍‌ସି, ଜସେକ ଜଦାର୍‌ ହୟ୍‌ସି, 
\v 27 ଜଦା ଜହନାର୍‌ ହୟ୍‌ସି, ଜହନ୍‌ ରେସାର୍‌ ହୟ୍‌ସି, ରେସା ଜିରୁବାବେଲାର୍‌ ହୟ୍‌ସି, ଜିରୁବାବେଲ୍‌ ସଲ୍‌ଟିୟେଲାର୍‌ ହୟ୍‌ସି, ସଲ୍‌ଟିୟେଲ୍‌ ନେରିର୍‌ ହୟ୍‌ସି, 
\v 28 ନେରି ମଲକିର୍‌ ହୟ୍‌ସି, ମଲକି ଅଦିର୍‌ ହୟ୍‌ସି, ଅଦି କସାମାର୍‌ ହୟ୍‌ସି, କସାମ ଏଲ୍‌ମଦାନାର୍‌ ହୟ୍‌ସି, ଏଲ୍‌ମଦାନ ଏରର୍‌ ହୟ୍‌ସି, 
\v 29 ଏର ଜିହସୁୟର୍‌ ହୟ୍‌ସି, ଜିହସୁୟ ଏଲିଆଜରାର୍‌ ହୟ୍‌ସି, ଏଲିଆଜର୍‌ ଜରିମର୍‌ ହୟ୍‌ସି, ଜରିମ ମତାତର୍‌ ହୟ୍‌ସି, ମତାତ ଲେବିର୍‌ ହୟ୍‌ସି, 
\v 30 ଲେବି ସିମିଅନାର୍‌ ହୟ୍‌ସି, ସିମିଅନ୍ ଜିଉଦାର୍‌ ହୟ୍‌ସି, ଜିଉଦା ଜସେପାର୍‌ ହୟ୍‌ସି, ଜସେପ୍ ଜନାମାର୍‌ ହୟ୍‌ସି, ଜନାମ ଏଲିଆକିମାର୍‌ ହୟ୍‌ସି, 
\v 31 ଏଲିଆକିମ୍‌ ମଲାହର୍‌ ହୟ୍‌ସି, ମଲାହ ମନାର୍‌ ହୟ୍‌ସି, ମନା ମତତାର୍‌ ହୟ୍‌ସି, ମତତା ନାତନାର୍‌ ହୟ୍‌ସି, ନାତନ୍‌ ଦାଉଦାର୍‌ ହୟ୍‌ସି, 
\v 32 ଦାଉଦ୍‌ ଜିସିର୍‌ ହୟ୍‌ସି, ଜିସି ଅବେଦର୍‌ ହୟ୍‌ସି, ଅବେଦ ବୟଜାର୍‌ ହୟ୍‌ସି, ବୟଜ ସେଲହର୍‌ ହୟ୍‌ସି, ସେଲହ ନହସନାର୍‌ ହୟ୍‌ସି, 
\v 33 ନହସନ୍ ଅମିନାଦବାର୍‌ ହୟ୍‌ସି, ଅମିନାଦବ୍‌ ଅଦ୍ମିନାର୍‌ ହୟ୍‌ସି, ଅଦ୍ମିନ୍ ଅର୍ନିର୍‌ ହୟ୍‌ସି, ଅଃର୍ନି ହିସ୍ରଣାର୍‌ ହୟ୍‌ସି, ହେସ୍ରଣ ପେରସାର୍‌ ହୟ୍‌ସି, ପେରସ୍‌ ଜିଉଦାର୍‌ ହୟ୍‌ସି, 
\v 34 ଜିଉଦା ଜାକୁବର୍‌ ହୟ୍‌ସି, ଜାକୁବ ଇସାକାର୍‌ ହୟ୍‌ସି, ଇସାକ୍‌ ଅବ୍ରାହାମାର୍‌ ହୟ୍‌ସି, ଅବ୍ରାହାମ୍‌ ତେରହର୍‌ ହୟ୍‌ସି, ତେରହ ନାହରାର୍‌ ହୟ୍‌ସି, 
\v 35 ନାହର ସରୁଗାର୍‌ ହୟ୍‌ସି, ସରୁଗ ରଗୁର୍‌ ହୟ୍‌ସି, ରଗୁ ପେଲଗାର୍‌ ହୟ୍‌ସି, ପେଲଗ ଏବରାର୍‌ ହୟ୍‌ସି, ଏବର୍‌ ସେଲହାର୍‌ ହୟ୍‌ସି, 
\v 36 ସେଲହ କେନାନାର୍‌ ହୟ୍‌ସି, କେନାନ୍ ଅରପକଦାର୍‌ ହୟ୍‌ସି, ଅରପକଦା ସେମର୍‌ ହୟ୍‌ସି, ସେମ ନହର୍‌ ହୟ୍‌ସି, ନହର୍‌ ଉବାସି ଲେମକ୍‌, 
\v 37 ଲେମକ ମତୁସେଲହାର୍‌ ହୟ୍‌ସି, ମତୁସେଲହ ହନକାର୍‌ ହୟ୍‌ସି, ହନକ ଜେରଦାର୍‌ ହୟ୍‌ସି, ଜେରଦ ମହଲେଲାର୍‌ ହୟ୍‌ସି, ମହଲେଲ୍‌ କେନାନାର୍‌ ହୟ୍‌ସି 
\v 38 କେନାନ୍ ଏନସାର୍‌ ହୟ୍‌ସି, ଏନସ ସେତର୍‌ ହୟ୍‌ସି, ସେତ ଆଦମାର୍‌ ହୟ୍‌ସି, ଆଦମ୍‌ ଇସ୍ୱରାର୍‌ ହୟ୍‌ସି ।
\c 4
\s ଜିସୁକେ ସୟ୍‌ତାନ୍ ପରିକ୍ୟା କଃଲି
\r (ମାତି ୪:୧-୧୧; ମାର୍କ ୧:୧୨-୧୩)
\p
\v 1 ଜିସୁ ପବିତ୍ର ଆତ୍ମାୟ୍‌ ହୁର୍ନ୍‌ ଅୟ୍‌ ଜର୍ଦନ୍ ଗାଡେ ହୁଣି ବାଉଳ୍‌ଲା, ଆର୍‌ ଚାଲିସ୍‌ ଦିନ୍‌ ହଃତେକ୍‌ ପବିତ୍ର ଆତ୍ମା ତାକ୍‌ ସୁକ୍‌ଲା ବଃଟାୟ୍‌ କାଡାୟ୍‌ ନିଲି, ସେତି ଜିସୁକ୍‌ ସୟ୍‌ତାନ୍ ପରିକ୍ୟା କଃର୍ତି ରିଲି । 
\v 2 ସୟ୍‌ତାନ୍‌ ପରିକ୍ୟା କଃଲା ଦିନ୍‌ମଃନ୍‌ ଜିସୁ କାୟ୍‌ରି ହେଁ ନଃକାୟ୍‌ଲା ଆର୍‌ ସେ ସଃବୁ ଦିନ୍ ସଃର୍ଲାକ୍‌ ଜିସୁକେ ବେସି ବୁକ୍‌ ଲାଗ୍‌ଲି ।
\p
\v 3 ସଃଡେବଃଳ୍‌ ସୟ୍‌ତାନ୍ ତାକ୍‌ କୟ୍‌ଲି, “ତୁୟ୍‌ ଜଦି ଇସ୍ୱରାର୍‌ ହୟ୍‌ସି, ତଃବେ ଇ ଟେଳାମଃନ୍‌କେ ରୁଟି ଅଃଉଁକେ କଃଉ ।”
\p
\v 4 ଜିସୁ ସୟ୍‌ତାନ୍‌କେ ଉତୁର୍‌ ଦିଲା, “ଦଃର୍ମ୍‌ସାସ୍ତରେ ଲେକା ଆଚେ, ‘ମାନାୟ୍‌ ଅଃବ୍‌କା ରୁଟି କାୟ୍‌ କଃରି ଜିବନ୍‌ ନଃରେୟ୍‌ ।’”
\p
\v 5 ତାର୍‌ହଃଚେ ସୟ୍‌ତାନ୍ ଜିସୁକେ ଗଟେକ୍‌ ଉଚ୍ ଟାଣେ ନଃୟ୍‌କଃରି, ଚଃନେକ୍‌ ବିତ୍ରେ ଜଃଗତାର୍‌ ସଃବୁ ରାଇଜ୍‌କେ ଦଃକାୟ୍‌ଲି । 
\v 6 ଆରେକ୍‌, ସୟ୍‌ତାନ୍ ଜିସୁକେ କୟ୍‌ଲି, “ମୁଁୟ୍‌ ତକେ ଇ ସଃବୁର୍‌ ଅଃଦିକାର୍‌ ଆର୍‌ ଇ ସଃବୁ ଦଃନ୍‌ବିତ୍‌ ଦଃୟ୍‌ନ୍ଦ୍, କାୟ୍‌ତାକ୍‌ବଃଲେକ୍‌ ଇ ସଃବୁ ମକ୍‌ ସଃହ୍ରି ଦିଆ ଅୟ୍‌ଆଚେ, ଆର୍‌ ମୁଁୟ୍‌ ଜାକେ ମଃନ୍‌କଃଲେକ୍‌ ତାକ୍‌ ଦେଉଁହାରି । 
\v 7 ସେତାକ୍‌ ତୁୟ୍‌ ଜଦି ମକ୍‌ ମୁଣ୍ଡିଆ ମାରି ଜୁଆର୍‌ କଃର୍ସି, ତଃବେ ଇ ସଃବୁ ମୁୟ୍‌ ତକ୍‌ ଦଃୟ୍‌ନ୍ଦ୍ ।”
\p
\v 8 ଜିସୁ ତାକ୍‌ ଉତୁର୍‌ ଦିଲା, “ସାସ୍ତରେ ଲେକା ଅୟ୍‌ଆଚେ, ‘ତୁୟ୍‌ ତର୍‌ ମାପ୍ରୁ ଇସ୍ୱର୍‌କେ ଜୁଆର୍‌ କଃର୍‌ ଆର୍‌ ତାର୍‌ ହଃକା ସେବା କଃର୍‌ ।’”
\p
\v 9 ଆରେକ୍‌ ସୟ୍‌ତାନ୍ ଜିସୁକେ ଜିରୁସାଲମେ ନଃୟ୍‌ କଃରି ମନ୍ଦିର୍‌ ଟିହେ ଟିଆ କଃରାୟ୍‌ ତାକ୍‌ କୟ୍‌ଲି, “ତୁୟ୍‌ ଜଦି ଇସ୍ୱରାର୍‌ ହୟ୍‌ସି, ତଃବେ ଇତି ହୁଣି ତଃଳେ ଡଃଗାଉ । 
\v 10 କାୟ୍‌ତାକ୍‌ବଃଲେକ୍‌ ସାସ୍ତରେ ଲେକା ଆଚେ, ତକେ ବଚାଉଁକେ ଇସ୍ୱର୍‌ ଅଃହ୍‌ଣାର୍‌ ଦୁତ୍‌ମଃନ୍‌କେ ଆଦେସ୍‌ ଦଃୟ୍‌ ହଃଟାୟ୍‌ଦ୍‌ । 
\v 11 ଆରେକ୍‌ ଇରି ହେଁ ଲେକା ଆଚେ, କଃଡେବଃଳ୍‌ ସିନା ତର୍‌ ହାଦ୍‌ ଟେଳାୟ୍‌ ହାୟ୍‌ଦ୍‌, ଇତାର୍‌ଗିନେ ସେମଃନ୍ ତକ୍‌ ଆତେ ଟେକି ଦଃର୍ତି ।”
\p
\v 12 ଆରେକ୍‌ ଜିସୁ ତାକ୍‌ ଉତୁର୍‌ ଦିଲା, “ସାସ୍ତରେ ଲେକା ଆଚେ, ‘ତୁୟ୍‌ ନିଜାର୍‌ ମାପ୍ରୁ ଇସ୍ୱର୍‌କେ ପରିକ୍ୟା କଃର୍‌ ନାୟ୍‌ ।’”
\p
\v 13 ଜିସୁକେ, ସୟ୍‌ତାନ୍ ଇ ସଃବୁ ରଃକମାର୍‌ କଃଟ୍‌ହାଳ୍‌ ବୁଜି ସଃର୍ଲା ହଃଚେ ଅଃଳକ୍‌ କାଳ୍‌ ହଃତେକ୍‌ ତାକ୍‌ ଚାଡିକଃରି ହଃଳାୟ୍‌ଲି ।
\s ଜିସୁ ଗାଲିଲିୟେ ତାର୍‌ ସେବା କାମ୍‌ ଆରୁମ୍‌ କଃଲା
\r (ମାତି ୪:୧୨-୧୭; ମାର୍କ ୧:୧୪-୧୫)
\p
\v 14 ଆର୍‌ ହଃଚେ ଜିସୁ ଆତ୍ମାର୍‌ ସଃକାତ୍‌ ସଃଙ୍ଗ୍ ଗାଲିଲି ବାଉଳି ଗଃଲା, ଆର୍‌ ଚାରିହାକ୍‌ ତାର୍‌ କଃତା ଉର୍ଜି ଅୟ୍‌ଲି । 
\v 15 ଆରେକ୍‌ ଜିସୁ ସେତିର୍‌ ଲକ୍‌ମଃନାର୍‌ ପାର୍ତ୍‌ନା ଗଃରେମଃନ୍‌ ସିକ୍ୟା ଦଃୟ୍‌ ସଃବ୍‌କାର୍‌ ତଃୟ୍‌ହୁଣି ଜଃଜ୍‌ମାନ୍‌ ହାଉଁକ୍‌ ଦଃର୍ଲା ।
\s ଜିସୁକେ ନାଜରିତେ ମାନ୍‌ତି ନଃକେଲାୟ୍‌
\r (ମାତି ୧୩:୫୩-୫୮; ମାର୍କ ୬:୧-୬)
\p
\v 16 ତାର୍‌ହଃଚେ ଜିସୁ ଜୁୟ୍‌ ନାଜରିତେ ବାଡିରିଲା, ସେ ଟାଣେ ଗଃଲା ଆର୍‌ ଅଃହ୍‌ଣାର୍‌ ରିତିବିଦି ହଃର୍କାରେ ବିସାଉଁଣିବାର୍‌ ଦିନ୍ ପାର୍ତ୍‌ନା ଗଃରେ ଜାୟ୍‌ ହୁର୍ଲା, ଆର୍‌ ଦଃର୍ମ୍‌ ସାସ୍ତର୍‌ ହାଟ୍‌କଃରୁକେ ଟିଆ ଅୟ୍‌ଲା । 
\v 17 ସଃଡେବଃଳ୍‌ ଜିସାୟ୍‌ ବାବ୍‌ବାଦିର୍‌ ପୁସ୍ତକ୍‌ ତାକ୍‌ ଦିଆଅୟ୍‌ଲି, ଆର୍‌ ଜିସୁ ସେ ପୁସ୍ତକ୍‌କେ ମେଲାକଃରି, ଜୁୟ୍‌ ଲଃଗେ ଇ କଃତା ଲେକା ଅୟ୍‌ଆଚେ, ସେରି ମିଳାୟ୍‌ଲା,
\q1
\v 18 “ମାପ୍ରୁର୍‌ ଆତ୍ମା ମର୍‌ ଉହ୍ରେ ଆଚେ,
\q2 ଜଃନ୍‌କଃରି, ଦୁକି ଦିନାରିମଃନାର୍‌ ତଃୟ୍‌ ନିକ କବୁର୍‌ ପର୍ଚାର୍‌ କଃରୁକେ ସେ ମକ୍‌ ଅବିସେକ୍‌ କଃରି ଆଚେ,
\q1 ଜଃଇଲେ ରିଲା ଲକ୍‌ମଃନ୍‌କେ ମୁକ୍‌ଳାଉଁକେ
\q2 ଆର୍‌ କାଣାମଃନାର୍‌ ତଃୟ୍‌ ଆକି ଦଃକ୍‌ତାର୍‌ କଃତା ପର୍ଚାର୍‌ କଃରୁକେ,
\q1 ଆରେକ୍‌ ଅଃତ୍ୟାଚାର୍‌ ହାଉତା ଲକ୍‌ମଃନ୍‌କେ ମୁକ୍‌ଳାଉଁକେ,
\q2
\v 19 ଆର୍‌ ମାପ୍ରୁ ତାର୍‌ ଲକ୍‌ମଃନ୍‌କେ ଉହ୍‌କାର୍‌ କଃର୍ତା ବଃର୍ସ୍‌ ଆସିଆଚେ,
\q2 ଇ କଃତା ପର୍ଚାର୍‌ କଃରୁକେ ସେ ମକ୍‌ ହଃଟାୟ୍‌ ଆଚେ ।” \fig ଚାମ୍‌ଳା ପୁସ୍ତକ୍‌|alt="Scroll" src="hk00150c.tif" size="col" copy="Horace Knowles ©" ref="4:16"\fig*
\p
\v 20 ତାର୍‌ହଃଚେ ସେ ପୁସ୍ତକ୍‌କେ ବଃନ୍ଦ୍‌କଃରି ସେତିର୍‌ ପାର୍ତ୍‌ନା ଗଃରାର୍‌ ଜାଗୁଆଳି ଲକେ ଦଃୟ୍‌କଃରି ବଃସ୍‌ଲା । ଆର୍‌ ପାର୍ତ୍‌ନା ଗଃରାର୍‌ ସଃବୁ ଲକ୍‌ମଃନାର୍‌ ଆକି ତାର୍‌ ଉହ୍ରେ ରିଲି । 
\v 21 ଆରେକ୍‌ ଜିସୁ ସେମଃନ୍‌କେ କଃଉଁକେ ଦଃର୍ଲା, “ଆଜି ଦଃର୍ମ୍‌ ସାସ୍ତରାର୍‌ ଇ କଃତା ତୁମିମଃନାର୍‌ ସୁଣ୍‌ତା ହଃର୍କାରେ ହୁରୁଣ୍ ଅୟ୍‌ଲି ।”
\p
\v 22 ଆର୍‌ ସଃବୁ ଲକ୍‌ମଃନ୍ ତାର୍‌ କଃତାକ୍‌ ସଃତ୍‌ ବଃଲି ସାକି ଦେଉଁକେ ଦଃର୍ଲାୟ୍‌ ଆର୍‌ ତାର୍‌ ଟଣ୍ଡେ ହୁଣି ବାରାୟ୍‌ଲା ଦଃୟାୟ୍‌ ଉହ୍‌କାର୍‌ କଃର୍ତା କଃତାର୍‌ ଗିନେ କାବା ଅୟ୍‌ଗଃଲାୟ୍‌; ଆରେକ୍‌, ସେମଃନ୍ କଃଉଁକେ ଦଃର୍ଲାୟ୍‌, “ଏ କାୟ୍‌ ଜସେପାର୍‌ ହୟ୍‌ସି ନୟ୍‌ ?”
\p
\v 23 ସେତାକ୍‌ ସେ ସେମଃନ୍‌କେ କୟ୍‌ଲା, “ଜାୟ୍‌ରି କଃତାୟ୍‌ ଆଚେ, ‘ତୁମିମଃନ୍ ବାୟ୍‌ଦ୍‌ରେ ମକ୍‌ ସେ କଃତା କଃଉଆସ୍‌, ଏ ବୟ୍‌ଦ୍‌କାରି ତୁୟ୍‌ ନିଜେ ଅଃହ୍‌ଣାକ୍‌ ଉଜ୍‌ କଃର୍‌ ।’ ଆରେକ୍‌ ହେଁ କଃଉଆସ୍‌, ‘କପୁର୍ନାହୁମ୍‌ ଗଃଳେ ଜାୟ୍‌ ଜାୟ୍‌ରି ଗଃଟି ଆଚେ ବଃଲି ଅଃମିମଃନ୍‌ ସୁଣି ଆଚୁ, ସେ ସଃବୁ ଇ ଲଃଗେ ଇତି ନିଜାର୍‌ ଜଃଲମ୍‌ ଗଃଳେ ହେଁ କଃର୍‌ ।’” 
\v 24 \x + \xo ୪:୨୪ \xo*\xt ଜହ ୪:୪୪.\xt*\x*ଆରେକ୍‌ ସେ କୟ୍‌ଲା, “ମୁଁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, କୁୟ୍‌ ବାବ୍‌ବାଦି ହେଁ ନିଜାର୍‌ ଦାଦିବାବୁର୍‌ ଗଃଳେ ମାନ୍‌ତି ନଃହାଉତି ।”
\p
\v 25 “ମଃତର୍‌ ମୁଁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ଏଲିୟର୍‌ ବଃଳ୍‌ ଜଃଡେବଃଳ୍‌ ତିନି ବଃର୍ସ୍‌ ଚଅ ମାସ୍‌ ହଃତେକ୍‌ ଅଃଗାସ୍‌ ବଃନ୍ଦ୍‌ ଅୟ୍‌ଲାକ୍‌ ସଃବୁ ଦେସ୍‌ଜାକ କଃତାର୍‌ ଅୟ୍‌ରିଲି, ସଃଡେବଃଳ୍‌ ଇସ୍ରାଏଲ୍‌ ଦେସେ ଗାଦେକ୍‌ ରାଣ୍ଡିମଃନ୍‌ ରିଲାୟ୍‌; 
\v 26 ଅୟ୍‌ଲେକ୍‌ ହେଁ ମାପ୍ରୁ ଏଲିୟକେ ସେମଃନାର୍‌ ବିତ୍ରେ କାର୍‌ ଲଃଗେ ହେଁ ନଃହେଟାୟ୍‌ କଃରି ସିଦନ୍ ଦେସାର୍‌ ସାରିପତାର୍‌ ଗଟେକ୍‌ ରାଣ୍ଡି ମାୟ୍‌ଜି ହାକ୍‌ ହଃଟାୟ୍‌ଲା । 
\v 27 ଆରେକ୍‌ ବାବ୍‌ବାଦି ଇଲିସାୟର୍‌ ବଃଳ୍‌ ଇସ୍ରାଏଲ୍‌ ଦେସେ କଃତେକ୍‌ ବଃଡ୍‌ ରଗିମଃନ୍‌ ରିଲାୟ୍‌; ଅୟ୍‌ଲେକ୍‌ ହେଁ ସେମଃନାର୍‌ ବିତ୍ରେ କେ ହେଁ ଉଜ୍‌ କଃରା ଅୟ୍‌ନଃରିଲାୟ୍‌, ମଃତର୍‌ ଅଃବ୍‌କା ସୁରିଆ ଦେସାର୍‌ ନାମାନ୍ ଉଜ୍‌ କଃରା ଅୟ୍‌ରିଲା ।”
\p
\v 28 ପାର୍ତ୍‌ନା ଗଃରେ ଇ ସଃବୁ କଃତା ସୁଣୁ ସୁଣୁ ସଃବୁ ଲକ୍‌ ରିସା ଅୟ୍‌ଲାୟ୍‌, 
\v 29 ଆରେକ୍‌ ସେମଃନ୍ ଉଟି ତାକାର୍‌ ଗଃଳେ ହୁଣି ଜିସୁକେ ବାର କଃଲାୟ୍‌ ଆର୍‌ ସେମଃନାର୍‌ ଗଃଳ୍‌ ଜୁୟ୍‌ ହଃର୍ବାତ୍‌ ଉହ୍ରେ ରିଲି, ସେ ହଃର୍ବାତ୍‌ ଉହ୍ରେ ହୁଣି ତଃଳେ ହେଲାଉଁକ୍‌ ତାକ୍‌ ସେତି ନିଲାୟ୍‌, 
\v 30 ମଃତର୍‌ ଜିସୁ ଲକ୍‌ମଃନ୍ଦା ବିତ୍ରେ ହୁଣି ବାରାୟ୍‌ ଗଃଲା ।
\s ଜିସୁ ବୁତ୍‌ ଦଃର୍ଲା ଲକ୍‌କେ ନିକ କଃଲା
\r (ମାର୍କ ୧:୨୧-୨୮)
\p
\v 31 ସେ କପୁର୍ନାହୁମ୍‌ ନାଉଁଆର୍‌ ଗାଲିଲିର୍‌ ଗଟେକ୍‌ ଗଃଳେ ଆୟ୍‌ଲା, ଆରେକ୍‌ ବିସାଉଁଣିବାର୍‌ ଦିନ୍ ଲକ୍‌ମଃନ୍‌କେ ସିକ୍ୟା ଦେଉଁକେ ଦଃର୍ଲା, 
\v 32 \x + \xo ୪:୩୨ \xo*\xt ମାତି ୭:୨୮,୨୯.\xt*\x*ଆର୍‌ ସେମଃନ୍ ତାର୍‌ ସିକ୍ୟା ସୁଣି କାବା ଅୟ୍‌ ଗଃଳାୟ୍‌, କାୟ୍‌ତାକ୍‌ବଃଲେକ୍‌ ତାର୍‌ କଃତା ଅଃଦିକାର୍‌ କଃତା ରିଲି । 
\v 33 ଗଟ୍‌ ଦିନ୍ ପାର୍ତ୍‌ନା ଗଃରେ ଗଟେକ୍‌ ବିଟାଳ୍‌ ବୁତ୍‌ ଦଃରିରିଲା ଲକ୍‌ ରିଲା; ସେ ଉଲ୍‌ଗାଟ୍‌ ଅୟ୍‌କଃରି କୟ୍‌ଲା, 
\v 34 “ଏ ନାଜରିତ୍‌ ଜିସୁ, ତର୍‌ ଅଃମାର୍‌ କାୟ୍‌ରି ଆଚେ ? ତୁୟ୍‌ କାୟ୍‌ ଅଃମିମଃନ୍‌କ୍‌ ନାସ୍‌ କଃରୁକେ ଆୟ୍‌ଲିସ୍‌ ? ତୁୟ୍‌ କେ, ସେରି ମୁଁୟ୍‌ ଜାଣି; ତୁୟ୍‌ ଇସ୍ୱରାର୍‌ ସେ ପବିତ୍ର ମାନାୟ୍‌ ।”
\p
\v 35 ଜିସୁ ତାକ୍‌ ଦଃମ୍‌କାୟ୍‌ କଃରି କୟ୍‌ଲା, “ତୁନ୍‌ହାଳ୍‌, ଇ ଲକାର୍‌ ତଃୟ୍‌ହୁଣି ବାରାୟ୍‌ ଜାଆ ।” ତାର୍‌ହଃଚେ ସେ ବୁତ୍‌ ତାକ୍‌ ମଃଜି ଟାଣେ ଅଦ୍ରାୟ୍‌ ଦଃୟ୍‌ ତାର୍‌ କାୟ୍‌ ନଃସ୍ଟ୍‌ ନଃକେରି ତାର୍‌ ତଃୟ୍‌ହୁଣି ବାରାୟ୍‌ ଗଃଲି ।
\p
\v 36 ଆର୍‌ ହଃଚେ ସଃବୁ ଲକ୍‌ମଃନ୍ କାବା ଅୟ୍‌କଃରି ତାକାର୍‌ ତାକାର୍‌ ବିତ୍ରେ କଃଉଆକଇ ଅୟ୍‌ଲାୟ୍‌, “ଇରି କଃନ୍‌କା କଃତା ? ସେ ଅଃଦିକାର୍‌ ଆର୍‌ ସଃକ୍ତିର୍‌ ସଃଙ୍ଗ୍ ବିଟାଳ୍‌ ଆତ୍ମାମଃନ୍‌କେ ଆଦେସ୍‌ ଦିଲେକ୍‌, ସେମଃନ୍ ବାରାୟ୍‌ ଜଃଉଁଲାୟ୍‌ ।” 
\v 37 ତାର୍‌ହଃଚେ ତାର୍‌ ସଃବୁ କଃତା ଚାରିବାଟାର୍‌ ସଃବୁ ହାକ୍‌ ଉର୍ଜି ଅୟ୍‌ଲି ।
\s ଜିସୁ ଗାଦି ଲକ୍‌ମଃନ୍‌କେ ଉଜ୍‌ କଃଲା
\r (ମାତି ୮:୧୪-୧୭; ମାର୍କ ୧:୨୯-୩୪)
\p
\v 38 ତାର୍‌ହଃଚେ ଜିସୁ ପାର୍ତ୍‌ନା ଗଃରେହୁଣି ଉଟି ସିମନାର୍‌ ଗଃରେ ଗଃଲା । ସିମନାର୍‌ ସଃତୁର୍ସି ଜଃବର୍‌ ଜଃର୍ତିରିଲି, ଆର୍‌ ସେମଃନ୍ ତାର୍‌ ବିସୟେ ଜିସୁକେ ଗଃଉଆରି କଃଲାୟ୍‌ । 
\v 39 ସେତାର୍‌ ହଃଚେ ଜିସୁ ତାର୍‌ ଲଃଗେ ଟିଆ ଅୟ୍‌ ଜଃର୍‌କେ ଦଃମ୍‌କାୟ୍‌ଲା, ଆର୍‌ ତାର୍‌ ଜଃର୍‌ ଚାଡ୍‌ଲି, ଆରେକ୍‌ ସେ ସେଦାହ୍ରେ ଉଟିକଃରି ସେମଃନାର୍‌ ସେବା କଃରୁକେ ଦଃର୍ଲି ।
\p
\v 40 ବେଳ୍‌ ବୁଡ୍‌ତା ବଃଳ୍‌, ଜୁୟ୍‌ ଲକ୍‌ମଃନାର୍‌ ଲଃଗେ ବିନ୍ ବିନ୍ ରଃକମାର୍‌ ରଗ୍‌ଦୁକାୟ୍‌ ହଃଳ୍‌ଲା ଲକ୍‌ମଃନ୍ ରିଲାୟ୍‌, ସେ ସଃବ୍‌କେ ଜିସୁର୍‌ ଲଃଗେ ଆଣ୍‌ଲାୟ୍‌ ଆର୍‌ ଜିସୁ ସଃବୁ ଲକାର୍‌ ଉହ୍ରେ ଆତ୍‌ ସଃଙ୍ଗାୟ୍‌ ଉଜ୍‌ କଃଲା । 
\v 41 ଆରେକ୍‌ ବୁତ୍‌ମଃନ୍‌ ହେଁ ଆଉଲି ଅୟ୍‌କଃରି, “ତୁୟ୍‌ ଇସ୍ୱରାର୍‌ ହୟ୍‌ସି,” ବଃଲି କୟ୍‌ ଗାଦେକ୍‌ ଲକାର୍‌ ତଃୟ୍‌ହୁଣି ବାରାୟ୍‌ ଗଃଲାୟ୍‌ ।
\p ଆରେକ୍‌ ଜିସୁ ସେମଃନ୍‌କେ ମଦାରେଉଁକେ କୟ୍‌ଲା ଆର୍‌ କଃତା କଃଉଁକେ ନଃଦିଲା, କାୟ୍‌ତାକ୍‌ବଃଲେକ୍‌ ସେ କ୍ରିସ୍ଟ ବଃଲି ସେମଃନ୍ ଜାଣିରିଲାୟ୍‌ ।
\s ଜିସୁ ପାର୍ତ୍‌ନା ଗଃରେମଃନ୍‌ ପର୍ଚାର୍‌ କଃଲା
\r (ମାର୍କ ୧:୩୫-୩୯)
\p
\v 42 ସଃକାଳ୍‌ ଅୟ୍‌ଲାକ୍‌, ଜିସୁ ଗଃଳେହୁଣି ବାରାୟ୍‌ ଜାୟ୍‌ ଗଟେକ୍‌ ସିଣିନ୍ଦ୍ ଟାଣେ ଗଃଲା; ଆର୍‌ ଲକ୍‌ମଃନ୍ଦା ତାକ୍‌ ଲଳି ଲଳି ତାର୍‌ ଲଃଗେ ଆୟ୍‌ଲାୟ୍‌, ଆରେକ୍‌ ସେ ସେମଃନାର୍‌ ଲଃଗେହୁଣି ଚାଡି ନଃଜାୟ୍‌ଁ, ସେତାର୍‌ଗିନେ ତାକ୍‌ ତେବାଉଁକ୍‌ ଦଃର୍ଲାୟ୍‌ । 
\v 43 ମଃତର୍‌ ଜିସୁ ସେମଃନ୍‌କେ କୟ୍‌ଲା, “ବିନ୍ ବିନ୍ ଗଃଳେମଃନ୍ ହେଁ ମକ୍‌ ବାୟ୍‌ଦ୍‌ରେ ମାପ୍ରୁର୍‌ ରାଇଜାର୍‌ ନିକ କବୁର୍‌ ପର୍ଚାର୍‌ କଃରୁକେ ହଃଳେଦ୍‌, କାୟ୍‌ତାକ୍‌ବଃଲେକ୍‌ ଇତାର୍‌ ଗିନେ ମାପ୍ରୁ ମକ୍‌ ହଃଟାୟ୍‌ ଆଚେ ।”
\p
\v 44 ଆରେକ୍‌ ସେ ଜିଉଦା ଦେସାର୍‌ ପାର୍ତ୍‌ନା ଗଃରେମଃନ୍‌ ପର୍ଚାର୍‌ କଃରୁକେ ଦଃର୍ଲା ।
\c 5
\s ଜିସୁର୍‌ ହଃର୍ତୁମ୍‌ ଚେଲାମଃନ୍
\r (ମାତି ୪:୧୮-୨୨; ମାର୍କ ୧:୧୬-୨୦)
\p
\v 1 \x + \xo ୫:୧ \xo*\xt ମାତି ୧୩:୧,୨; ମାର୍କ ୩:୯,୧୦; ୪:୧.\xt*\x*ଗଟ୍‌ ଦିନ୍ ଜିସୁ ଗିନେସ୍‌ରଃତ୍‌ ସଃମ୍‌ନ୍ଦ୍ କଃଣ୍ଡାୟ୍‌ ଟିଆ ଅୟ୍‌ରିଲା, ସଃଡେବଃଳ୍‌ ଲକ୍‌ମଃନ୍ଦାମଃନ୍‌ ତାର୍‌ ତଃୟ୍‌ହୁଣି ଇସ୍ୱରାର୍‌ କଃତା ସୁଣୁକ୍‌ ତାର୍‌ ଉହ୍ରେ ମାଡାମାଡି ଅଃଉତି ରିଲାୟ୍‌; 
\v 2 ଆର୍‌ ସେ ସଃମ୍‌ନ୍ଦ୍ କଃଣ୍ଡାୟ୍‌ ଜଳେକ୍‌ ଡଙ୍ଗା ରିଲାର୍‌ ଦଃକ୍‌ଲା; ମାଚୁଆମଃନ୍‌ ସେତିହୁଣି ଉତ୍ରି ଜାଲ୍‌ ଦଃଉତି ରିଲାୟ୍‌ । 
\v 3 ସେତିର୍‌ ଡଙ୍ଗାମଃନାର୍‌ ବିତ୍ରେ ଜୁୟ୍‌ ଡଙ୍ଗା ସିମନାର୍‌ ରିଲି, ସେତି ଜିସୁ ଚଃଗ୍‌ଲା ଆର୍‌ କଃଣ୍ଡାୟ୍‌ ହୁଣି କଃଣ୍ଡେକ୍‌ ଦୁରିକ୍‌ ଜଃଉଁକେ ଗଃଉଆରି କଃଲାୟ୍‌; ଆର୍‌ ସେ ଡଙ୍ଗାୟ୍‌ହୁଣି ଲକ୍‌ମଃନ୍ଦାମଃନ୍‌କେ ସିକ୍ୟା ଦେଉଁକେ ଦଃର୍ଲା ।
\p
\v 4 ଜିସୁ କଃତା ସଃରାୟ୍‌କଃରି ସିମନ୍‌କ୍‌ କୟ୍‌ଲା, “ଡେଙ୍ଗ୍ ହାଣି ଲଃଗେ ଜାୟ୍‌ ମାଚ୍ ଦଃରୁକ୍‌ ତୁମାର୍‌ ଜାଲ୍‌ ହଃକାଉଆ ।” \fig କେଉଟ୍‌ମଃନ୍‌ ଡଙ୍ଗାୟ୍‌ ହୁଣି ମାଚ୍ ଦଃରୁଲାୟ୍‌|alt="Fishermen in boat and catch fish" src="hk00208c.tif" size="span" copy="Horace Knowles ©" ref="5:4"\fig*
\p
\v 5 \x + \xo ୫:୫ \xo*\xt ଜହ ୨୧:୩.\xt*\x*ଆର୍‌ ହଃଚେ ସିମନ୍ ଉତୁର୍‌ ଦିଲା, “ଏ ଗୁରୁ, ଅଃମିମଃନ୍‌ ରାତିସଃରା କଃସ୍ଟ୍‌କଃରି କାୟ୍‌ରି ହେଁ ନଃଦେରୁ; ମଃତର୍‌ ତର୍‌ କଃତା ମାନି କଃରି ମୁଁୟ୍‌ ଜାଲ୍‌ ହଃକାୟ୍‌ନ୍ଦ୍ ।” 
\v 6 \x + \xo ୫:୬ \xo*\xt ଜହ ୨୧:୬.\xt*\x*ଆର୍‌ ସେମଃନ୍ ଜାଲ୍‌ ହଃକାୟ୍‌କଃରି ଗାଦେକ୍‌ ମାଚ୍ ଦଃର୍ଲାୟ୍‌, ଆରେକ୍‌ ସେମଃନାର୍‌ ଜାଲ୍‌ ଚିଡୁକ୍‌ ଦଃର୍ଲି । 
\v 7 ସେତାର୍‌ଗିନେ ସେମଃନାର୍‌ ଜୁୟ୍‌ ସଃଙ୍ଗୁଆଳିମଃନ୍‌ ବିନ୍ ଡଙ୍ଗାୟ୍‌ ରିଲାୟ୍‌, ସେମଃନ୍ ଜଃନ୍‌କଃରି ଆସିକଃରି ଉହ୍‌କାର୍‌ କଃର୍ତି, ସେତାର୍‌ ଗିନେ ସେମଃନ୍ ସେମଃନ୍‌କେ ଆତ୍‌ ମାରି କୁଦ୍‌ଲାୟ୍‌ । ତଃବେ ସେମଃନ୍ ଆସି ଜଳେକ୍‌ ଡଙ୍ଗା ଇବାନ୍ୟା ମାଚ୍ ବଃର୍ତି କଃଲାକ୍‌ ତାକାର୍‌ ଡଙ୍ଗାମଃନ୍‌ ବୁଡୁକ୍‌ ଦଃର୍ଲି । 
\v 8 ମଃତର୍‌ ସିମନ୍ ପିତର୍‌ ଇ ସଃବୁ ଦଃକି ଜିସୁର୍‌ ହାଦ୍‌ ତଃଳେ ହଃଳି କୟ୍‌ଲା, “ଏ ମାପ୍ରୁ, ମର୍‌ ତଃୟ୍‌ହୁଣି ଦୁରିକ୍‌ ଜାଆ, କାୟ୍‌ତାକ୍‌ବଃଲେକ୍‌ ମୁଁୟ୍‌ ଗଟେକ୍‌ ହାହି ମାନାୟ୍‌ ।”
\p
\v 9 କାୟ୍‌ତାକ୍‌ବଃଲେକ୍‌ ସେମଃନ୍ ଅଃତେକ୍‌ ମାଚ୍ ଦଃରି ରିଲାୟ୍‌ ଜେ, ସେରି ଦଃକି ସିମନ୍ ଆର୍‌ ତାର୍‌ ସଃଙ୍ଗୁଆଳିମଃନ୍‌ କାବା ଅୟ୍‌ଲାୟ୍‌ । 
\v 10 ଆରେକ୍‌ ଜେବଦିର୍‌ ଜଳେକ୍‌ ହୟ୍‌ସି ଜାକୁବକ୍‌ ଆର୍‌ ଜହନ୍‌, ଜୁୟ୍‌ମଃନ୍‌ କି ସିମନାର୍‌ ସଃଙ୍ଗ୍ ରିଲାୟ୍‌, ସେମଃନ୍ ହେଁ ସେରଃକମ୍‌ କାବା ଅୟ୍‌ଲାୟ୍‌ । ଆରେକ୍‌ ଜିସୁ ସିମନ୍‌କେ କୟ୍‌ଲା, “ଡିର୍ନାୟ୍‌, ଆଜିହୁଣି ତୁୟ୍‌ ମାନାୟ୍‌ମଃନ୍‌କେ ଦଃର୍ସି ।”
\p
\v 11 ସେତାର୍‌ ହଃଚେ ସେମଃନ୍ ଡଙ୍ଗାମଃନ୍‌ କଃଣ୍ଡାୟ୍‌ ଆଣି ସଃବୁ ଚାଡି କଃରି ଜିସୁର୍‌ ହଃଚେ ଗଃଲାୟ୍‌ ।
\s ଜିସୁ ଗଟ୍‌ ବଃଡ୍ ରଗ୍ୟାକେ ଉଜ୍‌ କଃଲା
\r (ମାତି ୮:୧-୪; ମାର୍କ ୧:୪୦-୪୫)
\p
\v 12 ଗଟ୍‌ତର୍‌ ଜିସୁ ଗଟ୍‌ ଗଃଳେ ରିଲା ବଃଳ୍‌, ଦଃକା, ସେତି ଗଟେକ୍‌ ବଃଡ୍‌ ରଗି ରିଲା; ସେ ଜିସୁକେ ଦଃକି ମୁଣ୍ଡିଆ ମାରିକଃରି କାନିକଃର୍ମ୍‌ ଅୟ୍‌ କୟ୍‌ଲା, “ଏ ମାପ୍ରୁ, ତୁୟ୍‌ ଜଦି ମଃନ୍‌ କଃର୍ସି, ତଃବେ ମକ୍‌ ଉଜ୍‌ କଃରୁ ହାର୍ସି ।”
\p
\v 13 ସେତାର୍‌ ଗିନେ ଜିସୁ ଆତ୍‌ ଲାମାୟ୍‌ ତାକ୍‌ ଚୁୟ୍‌କଃରି କୟ୍‌ଲା, “ମୁଁୟ୍‌ ମଃନ୍‌ କଃରୁଲେ, ତୁୟ୍‌ ଉଜ୍‌ ଅଃଉ ।” ସେଦାହ୍ରେ ବଃଡ୍‌ ରଗ୍ ତାର୍‌ ତଃୟ୍‌ହୁଣି ଦୁର୍‌ ଅୟ୍‌ଲି । 
\v 14 ଆର୍‌ ଜିସୁ ତାକ୍‌ କୟ୍‌ଲା, “କାକେ ହେଁ କଃଉ ନାୟ୍‌, ମଃତର୍‌ ସଃଳ୍‌କେ ଜାଜକ୍‌ ଲଃଗେ ଜାଆ, ଆର୍‌ ସେ ତକେ ପରିକ୍ୟା କଃରି ଦଃକ, ତାର୍‌ହଃଚେ ତୁୟ୍‌ ନିର୍ମୁଳ୍‌ ଅୟ୍‌ ଆଚ୍‌ସି ବଃଲି ବିନ୍ ଲକ୍‌ମଃନାର୍‌ ତଃୟ୍‌ ସାକି ଦେଉଁକ୍‌ ମସାର୍‌ ବିଦି ହଃର୍କାରେ ଦାନ୍‌ ଦେସ୍‌ ।”
\p
\v 15 ମଃତର୍‌ ଜିସୁର୍‌ କଃତା ଆରେକ୍‌ ଅଃଦିକ୍‌ ଉର୍ଜି ଅୟ୍‌ଲି, ଆରେକ୍‌ ଅଲେକାର୍‌ ଲକ୍‌ ତାର୍‌ ସିକ୍ୟା ସୁଣୁକ୍‌ ଆର୍‌ ନିଜାର୍‌ ନିଜାର୍‌ ରଗେ ହୁଣି ଉଜ୍‌ ଅଃଉଁକେ ତାର୍‌ ହାକ୍‌ ଆୟ୍‌ଲାୟ୍‌ । 
\v 16 ମଃତର୍‌ ସେ ଲକ୍‌ବାକ୍‌ ନୟ୍‌ଲା ସିଣିନ୍ଦ୍ ଜଃଗାୟ୍‌ମଃନ୍‌ ରଃୟ୍‌ ପାର୍ତ୍‌ନା କଃର୍ତିରିଲା ।
\s ଜିସୁ ଗଟେକ୍‌ ଏକ୍‌ଅଃଙ୍ଗି ରଗିକ୍‌ ଉଜ୍‌ କଃଲା
\r (ମାତି ୯:୧-୮; ମାର୍କ ୨:୧-୧୨)
\p
\v 17 ଗଟ୍‌ଦିନ୍‌ ଜିସୁ ସିକ୍ୟା ଦେତିରିଲା, ଆର୍‌ ଗାଲିଲିର୍‌ ସଃବୁ ଗାଉଁ, ଆରେକ୍‌ ଜିଉଦା ରାଜି ଆର୍‌ ଜିରୁସାଲମେ ହୁଣି ଆସିରିଲା ପାରୁସି ଆର୍‌ ଦଃର୍ମ୍‌ ଗୁରୁମଃନ୍‌ ଲଃଗେ ବଃସି ରିଲାୟ୍‌ । ଆର୍‌ ଜିସୁ ଜଃନ୍‌କଃରି ରଗ୍ ଉଜ୍‌ କଃରେଦ୍‌, ଇତାର୍‌ ଗିନେ ମାପ୍ରୁର୍‌ ସଃକ୍ତି ସେତି ଆୟ୍‌ଲି । 
\v 18 ଆରେକ୍‌ ଦଃକା, କଃତେକ୍‌ ଲକ୍‌ ଗଟେକ୍‌ ଏକ୍‌ଅଃଙ୍ଗି ରଗିକେ କଃଟେ ବୟ୍‌ଆଣି ତାକ୍‌ ବିତ୍ରେ ନେଉଁକେ ଆର୍‌ ଜିସୁର୍‌ ମୁଏଁ ସଃଙ୍ଗାଉଁକ୍‌ ଉପାୟ୍‌ କଃର୍ତି ରିଲାୟ୍‌ । 
\v 19 ମଃତର୍‌ ଲକ୍‌ ମଃନ୍ଦାର୍‌ ଗିନେ ତାକ୍‌ ବିତ୍ରେ ନେଉଁକେ ବାଟ ନଃମିଳ୍‌ଲାକ୍‌ ସେମଃନ୍ ଗଃରାର୍‌ ଚାନି ଉହ୍ରେ ଜାୟ୍‌, ଚାନି କାଣା କଃରି କଃଟ୍‌ ସଃଙ୍ଗ୍ ତାକ୍‌ ମଃଜାୟ୍‌ ଜିସୁର୍‌ ଲଃଗେ ଉତ୍ରାୟ୍‌ଲାୟ୍‌ । 
\v 20 ଜିସୁ ସେମଃନାର୍‌ ବିସ୍ୱାସ୍‌ ଦଃକି କୟ୍‌ଲା, “ଏ ବାୟ୍‌, ତର୍‌ ହାହ୍‌ ସଃବୁ କେମା କଃରାଅୟ୍‌ ଆଚେ ।”
\p
\v 21 ସେତାର୍‌ ଗିନେ ଦଃର୍ମ୍‌ଗୁରୁ ଆର୍‌ ପାରୁସିମଃନ୍ ନିଜାର୍‌ ନିଜାର୍‌ ବିତ୍ରେ କଃତାବାର୍ତା ଅୟ୍‌ ଇବାନ୍ୟା ବଃଲି କଃଉଁକେ ଦଃର୍ଲାୟ୍‌, “ଇ ମାନାୟ୍‌ ତ ଇସ୍ୱରାର୍‌ ଲିନ୍ଦା କଃରୁଲା, ଇ ମାନାୟ୍‌ କେ ? ଅଃବ୍‌କା ମାପ୍ରୁକ୍‌ ଚାଡି ଆର୍‌ କେ ହାହ୍‌ କେମା କଃରୁହାରେ ?”
\p
\v 22 ମଃତର୍‌ ଜିସୁ ସେମଃନାର୍‌ କଃତାବାର୍ତା ବୁଜିକଃରି ସେମଃନ୍‌କେ ଉତୁର୍‌ ଦିଲା, “ତୁମିମଃନ୍ ନିଜାର୍‌ ନିଜାର୍‌ ମଃନ୍‌ ବିତ୍ରେ କାୟ୍‌ରି କଃତାବାର୍ତା ଅଃଉଁଲାସ୍‌ ? 
\v 23 କାୟ୍‌ରି ଉପାସ୍‌ ? ତର୍‌ ହାହ୍‌ ସଃବୁ କେମା କଃରା ଅୟ୍‌ଲି ବଃଲି କଃଉତାର୍‌, କି ଉଟ୍‌ ଇଣ୍ଡି ଜାଆ ବଃଲି କଃଉତାର୍‌ ? 
\v 24 ମଃତର୍‌ ହୁର୍ତିବିଏ ହାହ୍‌ କେମା କଃରୁକେ ନଃରାର୍‌ ହୟ୍‌ସିର୍‌ ଜେ ଅଃଦିକାର୍‌ ଆଚେ,” ଇରି ଜଃନ୍‌କଃରି ତୁମିମଃନ୍ ଜାଣୁ ହାରାସ୍‌, ଇତାର୍‌ ଗିନେ ଜିସୁ ଏକ୍‌ଅଃଙ୍ଗି ରଗିକ୍‌ କୟ୍‌ଲା, “ମୁଁୟ୍‌ ତକେ କଃଉଁଲେ, ଉଟ୍‌ ଆର୍‌ ନିଜାର୍‌ କଃଟ୍‌ ଦଃରି ନିଜାର୍‌ ଗଃରେ ଜାଆ ।”
\p
\v 25 ସେତାର୍‌ ହଃଚେ ସେ ସେଦାହ୍ରେ ସେମଃନାର୍‌ ମୁଏଁ ଉଟି, ଜୁୟ୍‌ କଃଟ୍‌ ଉହ୍ରେ ସେ ସୟ୍‌ରିଲା, ସେରି ଦଃରି ଇସ୍ୱରାର୍‌ ଗୁଣ୍‌ଗାୟ୍‌କଃରି ନିଜାର୍‌ ଗଃରେ ଗଃଲା । 
\v 26 ସେତାର୍‌ ଗିନେ ସଃବୁଲକ୍‌ କାବା ଅୟ୍‌ ଇସ୍ୱରାର୍‌ ଗୁଣ୍‌ କଃଉଁକେ ଦଃର୍ଲାୟ୍‌ ଆର୍‌ ବେସି ଡିରିକଃରି କୟ୍‌ଲାୟ୍‌, “ଆଜି ଅଃମିମଃନ୍‌ କଃଡେକ୍‌ କାବା ଅଃଉତା କାମ୍‌ ଦଃକ୍‌ଲୁ ।”
\s ଜିସୁ ଲେବିକେ କୁଦ୍‌ଲା
\r (ମାତି ୯:୯-୧୩; ମାର୍କ ୨:୧୩-୧୭)
\p
\v 27 ଆର୍‌ ହଃଚେ ଜିସୁ ବାରାୟ୍‌ ଜାୟ୍‌ ଲେବି ନାଉଁଆର୍‌ ଗଟେକ୍‌ ରିବ୍‌ନି ବଃଙ୍ଗ୍‌ଲାୟ୍‌ ସିସ୍ଟୁ ମାଗ୍‌ତା ଟାଣେ ବଃସିରିଲାର୍‌ ଦଃକି ତାକ୍‌ କୟ୍‌ଲା, “ମର୍‌ ହଃଚେ ହଃଚେ ଆଉ ।” 
\v 28 ସେତାକ୍‌ ଲେବି ସଃବୁ ଚାଡିକଃରି ଉଟ୍‌ଲା ଆର୍‌ ଜିସୁର୍‌ ହଃଚେ ହଃଚେ ଜଃଉଁକେ ଦଃର୍ଲା ।
\p
\v 29 ଆରେକ୍‌ ଲେବି ନିଜାର୍‌ ଗଃରେ ଜିସୁର୍‌ ଗିନେ ଗଟେକ୍‌ ବଃଡ୍ ବଜି କଃଲା, ଆର୍‌ ଗାଦେକ୍‌ ରିବ୍‌ନି ଆର୍‌ ବିନ୍ ବିନ୍ ଲକ୍‌ ସେମଃନାର୍‌ ସଃଙ୍ଗ୍ ବଜି କାଉଁକେ ବଃସ୍‌ଲାୟ୍‌ । 
\v 30 \x + \xo ୫:୩୦ \xo*\xt ଲୁକ ୧୫:୧,୨.\xt*\x*ସେତାର୍‌ ଗିନେ ପାରୁସିମଃନ୍ ଆର୍‌ ସେମଃନାର୍‌ ଦଃଳାର୍‌ ଦଃର୍ମ୍‌ଗୁରୁମଃନ୍‌ ଜିସୁର୍‌ ଚେଲାମଃନାର୍‌ ବିରଦେ କଃତା କଃଉଁକେ ଦଃର୍ଲାୟ୍‌, “ତୁମିମଃନ୍ କାୟ୍‌ତାକ୍‌ ରିବ୍‌ନି ଆର୍‌ ହାହିମଃନାର୍‌ ସଃଙ୍ଗ୍ କାଉଆହିଉଆ କଃରୁଲାସ୍‌ ?”
\p
\v 31 ଜିସୁ ସେମଃନ୍‌କେ ଉତୁର୍‌ ଦିଲା, “ନିକ ଲକ୍‌ମଃନାର୍‌ ଗିନେ ବୟ୍‌ଦ୍‌କାରି ଲଳା ନାୟ୍‌, ମଃତର୍‌ ରଗିମଃନାର୍‌ ଗିନେ ଲଳା ଆଚେ । 
\v 32 ମୁଁୟ୍‌ ଦଃର୍ମି ଲକ୍‌ମଃନ୍‌କେ କୁଦୁକେ ନାସି, ମଃତର୍‌ ମଃନ୍‌ ବାଦ୍‌ଲାୟ୍‌ ଆସ୍ତା ହାହିମଃନ୍‌କେ କୁଦୁକେ ଆସିଆଚି ।”
\s ଉହାସ୍‌ କଃତା
\r (ମାତି ୯:୧୪-୧୭; ମାର୍କ ୨:୧୮-୨୨)
\p
\v 33 କଃତେକ୍‌ ଲକ୍‌ ଜିସୁକେ କୟ୍‌ଲାୟ୍‌, “ଜହନ୍‌ ଆର୍‌ ଚେଲାମଃନ୍ ତର୍‌କେ ତର୍‌ ଉହାସ୍‌ ଆର୍‌ ପାର୍ତନା କଃର୍ତି, ପାରୁସିମଃନାର୍‌ ଚେଲାମଃନ୍ ହେଁ ସେବାନ୍ୟା କଃର୍ତି, ମଃତର୍‌ ତର୍‌ ଚେଲାମଃନ୍ କାଉଆ ହିଉଆ କଃର୍ତି ।”
\p
\v 34 ସେତାକ୍‌ ଜିସୁ ସେମଃନ୍‌କେ କୟ୍‌ଲା, “ବଃର ଗଚ୍ୟାମଃନାର୍‌ ସଃଙ୍ଗ୍ ବଃର ବିବା ଗଃରେ ରେତା ବଃଳ୍‌ ତୁମିମଃନ୍ କାୟ୍‌ ସେମଃନ୍‌କେ ଉହାସ୍‌ କଃରାଉଁ ହାରାସ୍‌ ? କଃବେ ହେଁ ନାୟ୍‌ ! 
\v 35 ମଃତର୍‌ ବେଳ୍‌ ଆସେଦ୍‌, ଜଃଡେବଃଳ୍‌ ସେମଃନାର୍‌ ତଃୟ୍‌ହୁଣି ବଃରକେ ଅଃଲ୍‌ଗା କଃରା ଅୟ୍‌ଦ୍‌, ସଃଡେବଃଳ୍‌ ସେମଃନ୍ ଉହାସ୍‌ କଃର୍ତି ।”
\p
\v 36 ଆରେକ୍‌ ଜିସୁ ସେମଃନ୍‌କେ ଗଟେକ୍‌ କଃତାନି କୟ୍‌ଲା, “କେହେଁ ନଃଉଆଁ ହଃଚ୍ୟାର୍‌ ହାଟ୍‌ଳି କଃଣ୍ଡେକ୍‌ ଚିରି ହଃର୍ନା ହଃଚ୍ୟାୟ୍‌ ନଃମିସାୟ୍‌; ମିସାୟ୍‌ଲେକ୍‌ ସେ ନଃଉଆଁ ହାଟ୍‌ଳି ହଃର୍ନା ହାଟ୍‌ଳିକ୍‌ ଅଃଦିକ୍‌ ଚିରେଦ୍‌, ଆରେକ୍‌ ନଃଉଆଁ ହଃଚ୍ୟାର୍‌ କଃଣ୍ଡେକ୍‌ ହାଟ୍‌ଳି ହେଁ ହଃର୍ନା ସଃଙ୍ଗ୍ ନଃମିସେ । 
\v 37 ଆର୍‌ କେହେଁ ନଃଉଆଁ ଅଙ୍ଗୁର୍‌ ରଃସ୍‌ ହଃର୍ନା ଚାମ୍‌ ମଣାୟ୍‌ ନଃସେଙ୍ଗାୟ୍‌; ସଃଙ୍ଗାୟ୍‌ଲେକ୍‌ ନଃଉଆଁ ଅଙ୍ଗୁର୍‌ ରଃସ୍‌ ଚାମ୍‌ ମଣାକେ ହଃଟାୟ୍‌ ଗଃସ୍ରି ଜାୟ୍‌ଦ୍‌, ଆର୍‌ ଚାମ୍‌ମଣା ନଃସ୍ଟ୍‌ ଅୟ୍‌ଦ୍‌ । 
\v 38 ମଃତର୍‌ ନଃଉଆଁ ଅଙ୍ଗୁର୍‌ ରଃସ୍‌ ନଃଉଆଁ ଚାମ୍‌ ମଣାୟ୍‌ ସଃଙ୍ଗାଉଁ ଅୟ୍‌ଦ୍‌ । 
\v 39 ଆର୍‌, କେ ହେଁ ହଃର୍ନା ଅଙ୍ଗୁର୍‌ ରଃସ୍‌ କାୟ୍‌କଃରି ନଃଉଆଁ ଅଙ୍ଗୁର୍‌ ରଃସ୍‌ କାଉଁକେ ମଃନ୍ ନଃକେରେ, କାୟ୍‌ତାକ୍‌ବଃଲେକ୍‌ ସେ କୟ୍‌ଦ୍‌, ହଃର୍ନାରି ତ ବେସି ନିକ ।”
\c 6
\s ବିସାଉଁଣିବାର୍‌ କଃତା
\r (ମାତି ୧୨:୧-୮; ମାର୍କ ୨:୨୩-୨୮)
\p
\v 1 ଗଟେକ୍‌ ବିସାଉଁଣିବାର୍‌ ଦିନ୍ ଜିସୁ ଗଅଁ ହଃଦା ବାଟ ଅୟ୍‌କଃରି ଜାତିରିଲା ବଃଳ୍‌ ତାର୍‌ ଚେଲାମଃନ୍ ଗଅଁ କେଡ୍ ଚିଡାୟ୍‌ ତାକାର୍‌ ଆତେ ରଃମ୍‌ନ୍ଦି କାତି ରିଲାୟ୍‌ । 
\v 2 ମଃତର୍‌ ପାରୁସିମଃନାର୍‌ ବିତ୍ରେ କଃତିଲକ୍‌ କୟ୍‌ଲାୟ୍‌, “ବିସାଉଁଣିବାର୍‌ ଦିନ୍ ଜାୟ୍‌ରି କଃର୍ତାର୍‌ ସାସ୍ତରାର୍‌ ବିଦି ନାୟ୍‌, ସେରି ତୁମି କାୟ୍‌ତାକ୍‌ କଃରୁଲାସ୍‌ ?”
\p
\v 3 ଜିସୁ ସେମଃନ୍‌କେ ଉତୁର୍‌ ଦିଲା, “ଦାଉଦ୍‌ ଆର୍‌ ତାର୍‌ ସଃଙ୍ଗୁଆଳିମଃନ୍‌ ବୁକେ ରିଲା ବଃଳ୍‌ ସେ କାୟ୍‌ କଃରିରିଲା, ସେରି କାୟ୍‌ ତୁମିମଃନ୍ କଃବେ ହେଁ ନଃହଳାସ୍‌ ? 
\v 4 ସେ କଃନ୍‌କଃରି ଇସ୍ୱରାର୍‌ ଗଃରେ ହୁରିକଃରି, ଜୁୟ୍‌ ରୁଟି ମାପ୍ରୁର୍‌ ଲଃଗେ ଦିଆ ଅଃଉତି ରିଲି ସେରି ଜାଜକ୍‌ମଃନ୍‌କେ ଚାଡି କେହେଁ କାତା ବିଦି ନଃରିଲି, ସେରି ନଃୟ୍‌କଃରି କାୟ୍‌ରିଲା ଆର୍‌ ନିଜାର୍‌ ସଃଙ୍ଗୁଆଳିମଃନ୍‌କେ ହେଁ ଦଃୟ୍‌ରିଲା ।”
\p
\v 5 ଆର୍‌ ଜିସୁ ସେମଃନ୍‌କେ କୟ୍‌ଲା, “ନଃରାର୍‌ ହୟ୍‌ସି ବିସାଉଁଣିବାର୍‌ ଦିନାର୍‌ ମାପ୍ରୁ ।”
\s ଜିସୁ ସୁକ୍‌ଲା ଆତାର୍‌ ମାନାୟ୍‌କେ ଉଜ୍‌ କଃଲା
\r (ମାତି ୧୨:୯-୧୪; ମାର୍କ ୩:୧-୬)
\p
\v 6 ଜିସୁ ଆରେକ୍‌ ଗଟେକ୍‌ ବିସାଉଁଣିବାର୍‌ ଦିନ୍ ପାର୍ତ୍‌ନା ଗଃରେ ହୁରି ସିକ୍ୟା ଦେତିରିଲା; ସେତି ଗଟେକ୍‌ ଲକ୍‌ ରିଲା, ତାର୍‌ କାତା ଆତ୍‌ ସୁକିଜାୟ୍‌ରିଲି । 
\v 7 ଆର୍‌ କେଜାଣ୍ ଜିସୁ ବିସାଉଁଣିବାର୍‌ ଦିନ୍ ଉଜ୍‌ କଃରେଦ୍‌ କି ବଃଲି କଃତେକ୍‌ ଦଃର୍ମ୍‌ଗୁରୁ ଆର୍‌ ପାରୁସିମଃନ୍ ଦଃକ୍‌ତି ରିଲାୟ୍‌, ଜଃନ୍‌କଃରି ସେମଃନ୍ ତାର୍‌ ବିରଦେ ଦଃସ୍‌ ଦଃର୍‌ତାର୍‌ ବାଟ୍‌ ହାଉତି । 
\v 8 ମଃତର୍‌ ଜିସୁ ସେମଃନାର୍‌ ମଃନ୍ ବିତ୍ରାର୍‌ କଃତା ଜାଣୁ ହାରି, ଜୁୟ୍‌ ଲକାର୍‌ ଆତ୍‌ ସୁକିଜାୟ୍‌ରିଲି, ତାକ୍‌ କୟ୍‌ଲା, “ଉଟ୍‌ ମଃଜାୟ୍‌ ଟିଆ ଅଃଉ ।” ଆର୍‌ ସେ ଉଟି ଟିଆ ଅୟ୍‌ଲା । 
\v 9 ତାର୍‌ହଃଚେ ଜିସୁ ସେମଃନ୍‌କେ କୟ୍‌ଲା, “ମୁଁୟ୍‌ ତୁମିମଃନ୍‌କେ ହଃଚାରୁଲେ, ବିସାଉଁଣିବାର୍‌ ଦିନ୍ କାୟ୍‌ କଃର୍ତା ବିଦି ? ନିକ କଃର୍ତାର୍‌ କି କଃରାବ୍‌ କଃର୍ତାର୍‌ ? ଜିବନ୍‌ ବଚାଉତାର୍‌ କି ନାସ୍‌ କଃର୍ତାର୍‌ ?” 
\v 10 ଆର୍‌ ସେ ଚାରିହାକ୍‌ ସଃବ୍‌କେ ଦଃକିକଃରି ତାକ୍‌ କୟ୍‌ଲା, “ତର୍‌ ଆତ୍‌ ଲାମାଉ ।” ତଃବାର୍‌ ଗିନେ ସେ ଆତ୍‌ ଲାମାୟ୍‌ଲା, ଆରେକ୍‌ ତାର୍‌ ଆତ୍‌ ନିକ ଅୟ୍‌ଲି ।
\p
\v 11 ମଃତର୍‌ ସେମଃନ୍ ବଃଡେ ରିସା ଅୟ୍‌ଲାୟ୍‌, ଆର୍‌ ଜିସୁର୍‌ ବିରଦେ କାୟ୍‌ କଃରୁଆଁ ବଃଲି ନିଜାର୍‌ ନିଜାର୍‌ ବିତ୍ରେ କଃତାବାର୍ତା ଅଃଉଁକେ ଦଃର୍ଲାୟ୍‌ ।
\s ଜିସୁ ବାରଗଟ୍‌ ଚେଲାମଃନ୍‌କେ ବାଚ୍‌ଲା
\r (ମାତି ୧୦:୧-୪; ମାର୍କ ୩:୧୩-୧୯)
\p
\v 12 ସଃଡେବଃଳ୍‌ ଗଟ୍‌ଦିନ୍‌ ଜିସୁ ପାର୍ତ୍‌ନା କଃରୁକେ ଡଙ୍ଗୁର୍‌ ଉହ୍ରେ ଜାୟ୍‌କଃରି ରାତିସଃରା ଇସ୍ୱରାର୍‌ ଲଃଗେ ପାର୍ତନା କଃଲା । 
\v 13 ସଃକାଳ୍‌ ହାୟ୍‌ଲା ଦାହ୍ରେ ସେ ନିଜାର୍‌ ଚେଲାମଃନ୍‌କେ ଚଃମେ କୁଦି ସେମଃନାର୍‌ ବିତ୍ରେ ବାର ଲକ୍‌କେ ବାଚ୍‌ଲା, ଆର୍‌ ସେମଃନ୍‌କେ ପେରିତ ବଃଲି ନାଉଁ ଦିଲା; 
\v 14 ସେମଃନ୍ ଅୟ୍‌ଲାୟ୍‌, ସିମନ୍, ଜାକେ ସେ ପିତର୍‌ ବଃଲି ନାଉଁ ଦିଲା, ଆର୍‌ ତାର୍‌ ବାୟ୍‌ସି ଆନ୍ଦ୍ରିଅ, ଜାକୁବ ଆର୍‌ ଜହନ୍‌, ପିଲିପ୍ ଆର୍‌ ବାର୍ତଲମି, 
\v 15 ମାତିଉ ଆର୍‌ ତମା, ଆଲ୍‌ପିଅର୍‌ ହୟ୍‌ସି ଜାକୁବ ଆର୍‌ ସିମନ୍ ଜାକେ ତିକ୍‌ତିକା ବଃଲି କଃଉତି, 
\v 16 ଜାକୁବର୍‌ ହୟ୍‌ସି ଜିଉଦା ଆର୍‌ ଇସ୍କାରିଅତ୍‌ ଜିଉଦା, ଜେ କି ଜିସୁକେ ସଃତ୍ରୁର୍‌ ଆତେ ସଃହ୍ରି ଦିଲା ।
\s ଜିସୁ ସିକ୍ୟା ଦିଲା ଆର୍‌ ଉଜ୍‌ କଃଲା
\r (ମାତି ୪:୨୩-୨୫)
\p
\v 17 ଆର୍‌ ଜିସୁ ଡଙ୍ଗ୍ରେ ହୁଣି ପେରିତ୍‌ମଃନାର୍‌ ସଃଙ୍ଗ୍ ଉତ୍ରି ଆୟ୍‌ଲା । ଆରେକ୍‌ ତାର୍‌ ଗାଦେକ୍‌ ଚେଲା ମଃନାର୍‌ ସଃଙ୍ଗ୍ ସଃର୍ସି ବୁୟେଁ ଟିଆ ଅୟ୍‌ଲା, ଆରେକ୍‌ ସଃବୁ ଜିଉଦା ରାଜି, ଜିରୁସାଲମ୍‌, ଆର୍‌ ସଃମ୍‌ନ୍ଦ୍ କଃଣ୍ଡାୟ୍‌ ରିଲା ସର୍‌ ଆର୍‌ ସିଦନ୍‌ ଗଃଳେହୁଣି ଗାଦେକ୍‌ ଲକ୍‌ମଃନ୍ ଆସି ରୁଣ୍ଡ୍‌ଲାୟ୍‌; 
\v 18 ସେମଃନ୍ ଜିସୁର୍‌ କଃତା ସୁଣୁକ୍‌ ଆର୍‌ ନିଜାର୍‌ ନିଜାର୍‌ ରଗେ ହୁଣି ଉଜ୍‌ ଅଃଉଁକେ ଆସି ରିଲାୟ୍‌, ଆର୍‌ ଜୁୟ୍‌ମଃନ୍‌ ବିଟାଳ୍‌ ଆତ୍ମାମଃନାର୍‌ ଗିନେ କଃସ୍ଟ୍‌ ହାଉତିରିଲାୟ୍‌, ଆର୍‌ ଜିସୁ ସେମଃନ୍‌କେ ଉଜ୍‌ କଃଲା; 
\v 19 ଆରେକ୍‌ ଲକ୍‌ମଃନ୍ଦା ଜିସୁକେ ଚିଉଁକ୍‌ ଉପାୟ୍‌ କଃର୍ତି ରିଲାୟ୍‌, କାୟ୍‌ତାକ୍‌ବଃଲେକ୍‌ ତାର୍‌ ତଃୟ୍‌ହୁଣି ସଃକ୍ତି ବାରାୟ୍‌ ଲକ୍‌ମଃନ୍‌କେ ଉଜ୍‌ କଃର୍ତିରିଲି ।
\s ଆସିର୍ବାଦ୍‌ ଆର୍‌ ଅଃଦିକାର୍‌
\r (ମାତି ୫:୧-୧୨)
\p
\v 20 ସଃଡେବଃଳ୍‌ ଜିସୁ ଅଃହ୍‌ଣାର୍‌ ଚେଲାମଃନ୍‌କେ ଦଃକିକଃରି କୟ୍‌ଲା,
\q1 “ଦୁକିଦିନାରି ଜେ ତୁମିମଃନ୍, ତୁମିମଃନାର୍‌ ବାୟ୍‌ଗ୍‌,
\q2 କାୟ୍‌ତାକ୍‌ବଃଲେକ୍‌ ମାପ୍ରୁର୍‌ ରାଇଜ୍‌ ତୁମିମଃନ୍‌କାର୍‌ ।
\q1
\v 21 ଅଃବେ ବୁକେ ଆଚାସ୍‌ ଜେ ତୁମିମଃନ୍, ତୁମିମଃନାର୍‌ ବାୟ୍‌ଗ୍‌,
\q2 କାୟ୍‌ତାକ୍‌ବଃଲେକ୍‌ ତୁମାର୍‌ ଆଦାର୍‌ ହୁରେଦ୍‌ ।
\q1 ଅଃବେ କାନ୍ଦୁଲାସ୍‌ ଜେ ତୁମିମଃନ୍, ତୁମାର୍‌ ବାୟ୍‌ଗ୍‌,
\q2 କାୟ୍‌ତାକ୍‌ବଃଲେକ୍‌ ତୁମିମଃନ୍ ନିଚଳାସ୍‌ ।”
\p
\v 22 \x + \xo ୬:୨୨ \xo*\xt ୧ ପିତ ୪:୧୪.\xt*\x*“ନଃରାର୍‌ ହୟ୍‌ସିର୍‌ ଗିନେ ଲକ୍‌ମଃନ୍ ଜଃଡେବଃଳ୍‌ ତୁମିମଃନ୍‌କେ ଗିଣ୍ କଃର୍ତି, ଜାତିବାର୍‌ତି, ଆରେକ୍‌ ଲିନ୍ଦା କଃର୍ତି, ଆର୍‌ ତୁମାର୍‌ ନାଉଁକେ କଃରାବ୍‌ ବଃଲି ମାନ୍‌ତି ନଃକେର୍ତି, ତଃବେ ତୁମିମଃନାର୍‌ ବାୟ୍‌ଗ୍‌ । 
\v 23 \x + \xo ୬:୨୩ \xo*\xt ପେରି ୭:୫୨.\xt*\x*ସେ ଦିନ୍ ସଃର୍ଦା ଅୟ୍‌ ନାଚା, କାୟ୍‌ତାକ୍‌ବଃଲେକ୍‌ ଦଃକା, ସଃର୍ଗେ ତୁମାର୍‌ ଗିନେ ଗାଦି ପୁରିସ୍କାର୍‌ ଆଚେ; ଆର୍‌, ସେବାନ୍ୟା ତ ସେମଃନାର୍‌ ଦାଦିବାବୁମଃନ୍ ବାବ୍‌ବାଦିମଃନ୍‌କେ କଃର୍ତି ରିଲାୟ୍‌ ।”
\q1
\v 24 “ମଃତର୍‌ ଚି, ଡଃଣ୍ଡାର୍‌ ଜୟ୍‌ଗ୍‌ ମାଜନ୍ ଲକ୍‌ ତୁମିମଃନ୍,
\q2 କାୟ୍‌ତାକ୍‌ବଃଲେକ୍‌ ତୁମିମଃନ୍ ଅଃହ୍‌ଣା ଅଃହ୍‌ଣାର୍‌ ସୁକ୍‌ ବଗ୍ କଃରିଆଚାସ୍‌ ।
\q1
\v 25 ଚି, ଡଃଣ୍ଡାର୍‌ ଜୟ୍‌ଗ୍‌ ଜେ ତୁମିମଃନ୍ ଅଃବେ ଆଦାର୍‌ ହୁର୍ଲା ଲକ୍‌ମଃନ୍ ଜେ ତୁମିମଃନ୍,
\q2 କାୟ୍‌ତାକ୍‌ବଃଲେକ୍‌ ତୁମିମଃନ୍ ବୁକେ ମଃରାସ୍‌ ।
\q1 ଚି, ଡଃଣ୍ଡାର୍‌ ଜୟ୍‌ଗ୍‌ ଜେ ତୁମିମଃନ୍ ଅଃବେ ନିଚଳୁଲାସ୍‌,
\q2 କାୟ୍‌ତାକ୍‌ବଃଲେକ୍‌ ତୁମିମଃନ୍ ମଃନ୍ଦୁକ୍‌ କଃରାସ୍‌ ଆର୍‌ କାନ୍ଦାସ୍‌ ।”
\p
\v 26 “ଜଃଡେବଃଳ୍‌ ଲକ୍‌ମଃନ୍ ତୁମିମଃନାର୍‌ ଗୁଣ୍ କଃଉତି, ସଃଡେବଃଳ୍‌ ଚି, ତୁମିମଃନ୍ ଡଃଣ୍ଡାର୍‌ ଜୟ୍‌ଗ୍‌; ସେବାନ୍ୟା ତ ସେମଃନାର୍‌ ଦାଦିବାବୁମଃନ୍ ମିଚ୍ ବାବ୍‌ବାଦିମଃନ୍‌କେ କଃର୍ତି ରିଲାୟ୍‌ ।”
\s ସଃତ୍ରୁକ୍‌ ଲାଡ୍‌ କଃରା
\r (ମାତି ୫:୩୮-୪୮; ୭:୧୨)
\p
\v 27 “ମଃତର୍‌ ସୁଣୁଲାସ୍‌ ଜେ ତୁମିମଃନ୍, ତୁମିମଃନ୍‌କେ ମୁଁୟ୍‌ କଃଉଁଲେ, ତୁମାର୍‌ ସଃତ୍ରୁମଃନ୍‌କେ ଲାଡ୍‌ କଃରା; ଜୁୟ୍‌ ଲକ୍‌ମଃନ୍ ତୁମିମଃନ୍‌କେ ଗିଣ୍ କଃର୍ତି, ସେମଃନାର୍‌ ବଃଲ୍‌ ଚିତା କଃରା; 
\v 28 ଜୁୟ୍‌ ଲକ୍‌ମଃନ୍ ତୁମିକେ ସାୟ୍‌ପ୍‌ ଦେତି, ସେମଃନ୍‌କେ ଆସିର୍ବାଦ୍‌ କଃରା; ଜୁୟ୍‌ ଲକ୍‌ମଃନ୍ ତୁମିକେ ହିନ୍‌ମାନ୍ କଃର୍ତି, ସେମଃନାର୍‌ ଗିନେ ପାର୍ତ୍‌ନା କଃରା । 
\v 29 ଜେ ତୁମିକେ ଗଟେକ୍‌ ଗାଲେ ଚାହୁଳ୍‌ ମାରେଦ୍‌, ତାର୍‌ ଗିନେ ଆରେକ୍‌ ଗଟେକ୍‌ ଗାଲ୍‌ ହେଁ ଦଃକାୟ୍‌ ଦିଆସ୍‌; ଆର୍‌ ଜେ ତୁମାର୍‌ ହଃଚ୍ୟା ନଃୟ୍‌ଦ୍‌, ତାକ୍‌ ତୁମାର୍‌ ଆଙ୍ଗି ହେଁ ନେଉଁକେ ମଃନା କଃରା ନାୟ୍‌ । 
\v 30 ଜୁୟ୍‌ ଲକ୍‌ ତୁମିକେ ମାଗେଦ୍‌, ତାକ୍‌ ଦିଆସ୍‌; ଆର୍‌ ଜେ ତୁମାର୍‌ ଦଃନ୍‌ବିତ୍‌ ନଃୟ୍‌ ଜାୟ୍‌ଦ୍‌, ତାର୍‌ ତଃୟ୍‌ହୁଣି ସେରି ଆରେକ୍‌ ମାଗା ନାୟ୍‌ । 
\v 31 \x + \xo ୬:୩୧ \xo*\xt ମାତି ୭:୧୨.\xt*\x*ଲକ୍‌ମଃନ୍ ତୁମାର୍‌ ସଃଙ୍ଗ୍ ଜଃନ୍‌କା ବେବାର୍‌ କଃରତ୍‌ ବଃଲି ମଃନ୍ କଃରୁଲାସ୍‌, ତୁମିମଃନ୍ ହେଁ ସେମଃନାର୍‌ ସଃଙ୍ଗ୍ ସେବାନ୍ୟା ବେବାର୍‌ କଃରା ।”
\p
\v 32 “ଆରେକ୍‌ ଜୁୟ୍‌ ଲକ୍‌ମଃନ୍ ତୁମିମଃନ୍‌କେ ଲାଡ୍‌ କଃର୍ତି, ସେମଃନ୍‌କେ ହଃକା ଲାଡ୍‌ କଃଲେକ୍‌, ତୁମି କାୟ୍‌ ଦଃର୍ମ୍‌ ହାଉଆସ୍‌ ? କାୟ୍‌ତାକ୍‌ବଃଲେକ୍‌ ହାହିମଃନ୍‌ ହେଁ ଅଃହ୍‌ଣା ଅଃହ୍‌ଣାର୍‌ ଲାଡ୍‌ କଃର୍ତା ଲକ୍‌ମଃନ୍‌କେ ଲାଡ୍‌ କଃର୍ତି । 
\v 33 ଆର୍‌ ଜୁୟ୍‌ ଲକ୍‌ ତୁମାର୍‌ ବଃଲ୍‌ କଃର୍ତି, ଜଦି ତୁମିମଃନ୍ ସେମଃନାର୍‌ ହଃକା ନିକ କଃରାସ୍‌, ତଃବେ ତୁମିମଃନ୍ କାୟ୍‌ ଆସିର୍ବାଦ୍‌ ହାଉଆସ୍‌ ? କାୟ୍‌ତାକ୍‌ବଃଲେକ୍‌ ହାହିମଃନ୍‌ ହେଁ ସେବାନ୍ୟା କଃର୍ତି । 
\v 34 ଆରେକ୍‌, ଜୁୟ୍‌ ଲକାର୍‌ ତଃୟ୍‌ହୁଣି ତୁମାର୍‌ ହାଉତା ଆସା ରଃୟ୍‌ଦ୍‌, ସେମଃନ୍‌କେ ହଃକା ରିଣ୍ ଦିଲେକ୍‌ ତୁମିମଃନ୍ କାୟ୍‌ ଦଃୟା ହାଉଆସ୍‌ ? ହାହିମଃନ୍‌ ହେଁ ସଃମାନ୍ ଇସାବେ କଃଣ୍‌ତର୍‌ ହାଉଁକ୍‌ ହାହିମଃନ୍‌କେ ରିଣ୍ ଦେତି । 
\v 35 ମଃତର୍‌ ତୁମାର୍‌ ସଃତ୍ରୁମଃନ୍‌କେ ଲାଡ୍‌ କଃରା ଆର୍‌ ସେମଃନାର୍‌ ନିକ କଃରା, ଆରେକ୍‌ କଃଣ୍‌ତର୍‌ ହାଉଁକ୍‌ ଆସା ନଃକେରି ରିଣ୍ ଦିଆସ୍‌; ସେବାନ୍ୟା କଃଲେକ୍‌ ତୁମିମଃନ୍‌କାର୍‌ ପୁରିସ୍କାର୍‌ ବୁତେକ୍‌ ଅୟ୍‌ଦ୍‌ ଆର୍‌ ତୁମିମଃନ୍ ସଃବ୍‌କେ ଉଟ୍ୟା ମାପ୍ରୁର୍‌ ହୟ୍‌ସି ଅଃଉଆସ୍‌, କାୟ୍‌ତାକ୍‌ବଃଲେକ୍‌ ଦନ୍ୟବାଦ୍‌ ନଃଦେତା ଲକ୍‌ମଃନ୍‌କେ ଆର୍‌ ଦୁସ୍ଟ୍‌ ଲକ୍‌ମଃନ୍‌କେ ଇସ୍ୱର୍‌ ଦଃୟା କଃରେଦ୍‌ । 
\v 36 ତୁମାର୍‌ ସଃର୍ଗାର୍‌ ଉବାଦି ଜଃନ୍ କଃରି ଦଃୟାକାରି, ତୁମିମଃନ୍ ହେଁ ସେବାନ୍ୟା ଦଃର୍ମି ଅଃଉଆ ।”
\s ବିନ୍ ଲକାର୍‌ ବିଚାର୍‌ କଃରା ନାୟ୍‌
\r (ମାତି ୭:୧-୫)
\p
\v 37 “ଆରେକ୍‌, ବିନ୍ ଲକାର୍‌ ବିଚାର୍‌ କଃରାନାୟ୍‌, ତଃବେ ଇସ୍ୱର୍‌ ତୁମିକେ ବିଚାର୍‌ ନଃକେରେ; ଦସି କଃରା ନାୟ୍‌, ତଃବେ ମାପ୍ରୁ ହେଁ ତୁମିକେ ଦସି ନଃକେରେ । କେମା କଃରା, ତଃବେ ତୁମିକେ ହେଁ ଇସ୍ୱର୍‌ କେମା କଃରେଦ୍‌; 
\v 38 ଦାନ୍‌ ଦିଆସ୍‌, ତଃବେ ଇସ୍ୱର୍‌ ତୁମିକେ ହେଁ ଦାନ୍‌ ଦଃୟ୍‌ଦ୍‌ ଲକ୍‌ମଃନ୍ ମାଣ୍‌କ୍ ହୁରାକଃରି ତାକ୍‌ ଚାହି ଜଲାୟ୍‌ ଉଚ୍‌ଳାୟ୍‌କଃରି ତୁମିମଃନାର୍‌ ଆଚଳେ ଦେତି; କାୟ୍‌ତାକ୍‌ବଃଲେକ୍‌ ଜୁୟ୍‌ ମାଣେ ନାହି ଦିଆସ୍‌, ସେ ମାଣେ ତୁମିମଃନ୍ ଆରେକ୍‌ ହାଉଆସ୍‌ ।”
\p
\v 39 \x + \xo ୬:୩୯ \xo*\xt ମାତି ୧୫:୧୪.\xt*\x*ଜିସୁ ସେମଃନ୍‌କେ ଗଟେକ୍‌ କଃତା ହେଁ କୟ୍‌ଲା, “ଗଟେକ୍‌ କାଣା ଆରେକ୍‌ ଗଟେକ୍‌ କାଣାକେ ବାଟ୍‌ କାଡାଉଁକେ ହାରେ ? ସେମଃନ୍ କାୟ୍‌ ଦୁୟ୍‌ ଲକ୍‌ ହେଁ କାଲେ ନଦୁର୍ତି ? 
\v 40 \x + \xo ୬:୪୦ \xo*\xt ମାତି ୧୦:୨୪,୨୫; ଜହ ୧୩:୧୬; ୧୫:୨୦.\xt*\x*ଗୁରୁ ତଃୟ୍‌ହୁଣି ଚେଲା ବଃଡ୍ ନାୟ୍‌; ମଃତର୍‌ ଜଃଡେବଃଳ୍‌ ଚେଲା ଗୁରୁ ତଃୟ୍‌ହୁଣି ସଃବୁ ସିକେଦ୍‌ ତଃବେ ସେ ହେଁ ଗୁରୁର୍‌ ସଃମାନ୍ ଅୟ୍‌ଦ୍‌ ।”
\p
\v 41 “ଆର୍‌, କାୟ୍‌ତାକ୍‌ ତୁମାର୍‌ ନିଜାର୍‌ ବାୟ୍‌ର୍‌ ଆକାୟ୍‌ ରିଲା ସାନ୍ କୁଟା ଦଃକୁଲାସ୍‌, ମଃତର୍‌ ତୁମାର୍‌ ନିଜାର୍‌ ଆକାୟ୍‌ ଜୁୟ୍‌ ବଃଡ୍ ଆକିକୁଟା ଆଚେ, ସେରି କାୟ୍‌ତାକ୍‌ ବାବି ନଃଦେକୁଲାସ୍‌ ? 
\v 42 ତୁମି ନିଜାର୍‌ ଆକାୟ୍‌ ରିଲା ବଃଡ୍ ଆକିକୁଟା ନଃଦେକି କଃନ୍‌କଃରି ନିଜାର୍‌ ବାୟ୍‌କ୍‌ କଃଉଁ ହାରାସ୍‌, ବାୟ୍‌, ଆଉ, ତର୍‌ ଆକାୟ୍‌ ରିଲା ସାନ୍ ଆକିକୁଟା ବାର୍‌ କଃରି ଦଃୟ୍‌ନ୍ଦ୍ ? ରେ, ହେଟ୍‌କପଟ୍ୟାମଃନ୍‌, ଆଗ୍‌ତୁ ନିଜାର୍‌ ଆକାୟ୍‌ ରିଲା ବଃଡ୍ ଆକିକୁଟା ବାର୍‌ କଃରି ହଃକାଉଆ, ତାର୍‌ହଃଚେ ନିଜାର୍‌ ବାୟ୍‌ ମଃନାର୍‌ ଆକାୟ୍‌ ରିଲା ସାନ୍ ଆକିକୁଟା ବାର୍‌ କଃରୁକ୍‌ ନିକ କଃରି ଦଃକୁ ହାରାସ୍‌ ।”
\s ଗଃଚ୍ ଆର୍‌ ତାର୍‌ ହଃଳ୍‌
\r (ମାତି ୭:୧୬-୨୦; ୧୨:୩୩-୩୫)
\p
\v 43 “ବଃଲ୍‌ ଗଃଚେ କଃରାବ୍‌ ହଃଳ୍‌ ନଃହେଳେ, କଃରାବ୍‌ ଗଃଚେ ବଃଲ୍‌ ହଃଳ୍‌ ନଃହେଳେ । 
\v 44 \x + \xo ୬:୪୪ \xo*\xt ମାତି ୧୨:୩୩.\xt*\x*କାୟ୍‌ତାକ୍‌ବଃଲେକ୍‌ ସଃବୁ ଗଃଚ୍‌କେ ତାର୍‌ ହଃଳ୍‌ ଦଃକି ଚିନୁକ୍‌ ଅୟ୍‌ଦ୍‌, କାଟା ଗଃଚେ ହୁଣି ଲକ୍‌ମଃନ୍ ଡୁମ୍ବୁର୍‌ ହଃଳ୍‌ ନଃକଳ୍‌ତି, କି କାଟାବୁଟା ଲଃଗେହୁଣି ଅଙ୍ଗୁର୍‌ ହଃଳ୍‌ ନଃକଳ୍‌ତି । 
\v 45 \x + \xo ୬:୪୫ \xo*\xt ମାତି ୧୨:୩୪.\xt*\x*ଗଟେକ୍‌ ସଃତ୍‌ ଲକ୍‌ ତାର୍‌ ଗଃର୍ବ୍‌ ବିତ୍ରେ ରିଲା ନିକ କଃତା ସଃବୁ ବାର୍‌ କଃରେଦ୍‌, ଗଟେକ୍‌ କଃରାବ୍‌ ଲକ୍‌ ତାର୍‌ ଗଃର୍ବ୍‌ ବିତ୍ରେ ରିଲା କଃରାବ୍‌ କଃତା ସଃବୁ ବାର୍‌ କଃରେଦ୍‌, କାୟ୍‌ତାକ୍‌ବଃଲେକ୍‌ ଗଃର୍ବ୍‌ ବିତ୍ରେ ରିଲା ସଃବୁ କଃତା ଟଣ୍ଡ୍ ବାଟ ହଃଦାୟ୍‌ ଆସେଦ୍‌ ।”
\s ଦୁୟ୍‌ ରଃକମାର୍‌ ଗଃର୍‌ ବାନ୍ଦୁମଃନ୍‌
\r (ମାତି ୭:୨୪-୨୭)
\p
\v 46 “ଆର୍‌, ତୁମିମଃନ୍ କାୟ୍‌ତାକ୍‌ ମକ୍‌ ମାପ୍ରୁ, ମାପ୍ରୁ ବଃଲି କଃଉଁଲାସ୍‌, ମଃତର୍‌ କାୟ୍‌ତାକ୍‌ ମର୍‌ କଃତା ନଃମାନୁଲାସ୍‌ ? 
\v 47 ଜୁୟ୍‌ ଲକ୍‌ ମର୍‌ ଲଃଗେ ଆସି ମର୍‌ କଃତା ସୁଣି ସେ ସଃବୁ ମାନେଦ୍‌, ସେ କାର୍‌ ସଃମାନ୍, ସେରି ମୁଁୟ୍‌ ତୁମିକେ କୟ୍‌ଦ୍‌ । 
\v 48 ସେ ଇବାନ୍ୟା ଗଟେକ୍‌ ଗଃର୍‌ ବାନ୍ଦ୍‌ତା ଲକ୍‌ ହର୍‌, ଜେ ଡେଙ୍ଗ୍ କଃରି କାଲ୍‌ କଃଣି ଟେଳାକୁନାଦି ହଃକାୟ୍‌ରିଲା, ହୁର୍‌ ଆୟ୍‌ଲି ଆର୍‌ ସେ ଗଃର୍‌କେ ଦଃକା ମାର୍‌ଲି, ମଃତର୍‌ ସେ ଗଃର୍‌କେ ଡୁଳାଉଁକ୍‌ ନାହାର୍ଲି, ବଃଲେକ୍‌ ସେରି ନିକ କଃରି ବାନ୍ଦା ଅୟ୍‌ରିଲି । 
\v 49 ମଃତର୍‌ ଜେ ସୁଣି ନଃମାନେ, ସେ କୁନାଦି ନଃମାରି ମାଟିଉହ୍ରେ ଗଃର୍‌ ବାନ୍ଦିରିଲା ଲକ୍‌ ହର୍‌; ବାଉବଃତାସ୍‌ ଆୟ୍‌ଲି ଆର୍‌ ସେ ଗଃର୍‌କେ ଜଃବର୍‌କଃରି ଦଃକ୍ୟା ମାର୍‌ଲି, ସେଦାହ୍ରେ ସେ ଗଃର୍‌ ବାଙ୍ଗି ଗଃଲି ଆର୍‌ ତାର୍‌ ଦଃସା ବୟ୍‌ଙ୍କାର୍‌ ଅୟ୍‌ଲି ।”
\c 7
\s ଜିସୁ ହାଁଚ୍ କଳି ସଃଇନାର୍‌ ମୁଳିକାର୍‌ ଦଃଙ୍ଗ୍‌ଳାକେ ଉଜ୍‌ କଃଲା
\r (ମାତି ୮:୫-୧୩)
\p
\v 1 ଜିସୁର୍‌ କଃତା ଲକ୍‌ମଃନ୍ ସୁଣ୍‌ତି ରିଲାବଃଳ୍‌ ଅଃହ୍‌ଣାର୍‌ ସଃର୍ନେ କଃତା କୟ୍‌ ସଃରାୟ୍‌କଃରି କପୁର୍ନାହୁମ୍‌ ଗଃଳେ ଗଃଲା । 
\v 2 ସଃଡେବଃଳ୍‌ ଗଟେକ୍‌ ସଏ ସଃଇନାର୍‌ ଉହ୍ରେ ବଃଡ୍ ସଃଇନାର୍‌ ଗତିଦଃଙ୍ଗ୍‌ଳା ମଃଳୁ ହଃଳି ରିଲା । ସେ ତାକ୍‌ ବଃଡେ ଲାଡ୍‌ କଃର୍ତିରିଲା । 
\v 3 ସେ ଜିସୁର୍‌ ବିସୟେ କବୁର୍‌ ହାୟ୍‌ ସେ ଜଃନ୍‌କଃରି ଆସି ତାର୍‌ ଗତିଦଃଙ୍ଗ୍‌ଳାର୍‌ ଜିବନ୍ ଉଜ୍‌ କଃରେଦ୍‌, ଆର୍‌ ଗିନେ ତାର୍‌ ହାକ୍‌ ଜିଉଦିମଃନାର୍‌ କଃତେକ୍‌ ପାରାଚିନ୍‌ମଃନ୍‌କେ ହଃଟାୟ୍‌ ଗଃଉଆରି କଃଲା । 
\v 4 ସେମଃନ୍ ଜିସୁର୍‌ ଚଃମେ ହଚି ତାକ୍‌ ବଃଡେ ଗଃଉଆରି କଃରୁକେ ଦଃର୍ଲାୟ୍‌, “ତୁୟ୍‌ ତାର୍‌ ଗିନେ ଇରି କଃର୍ସି, ସେ ସେତାର୍‌ ଜୟ୍‌ଗ୍‌ ଆଚେ । 
\v 5 କାୟ୍‌ତାକ୍‌ବଃଲେକ୍‌ ସେ ଅଃମାର୍‌ ଜିଉଦି ଲକ୍‌ମଃନ୍‌କେ ଲାଡ୍‌ କଃରୁଲା ଆର୍‌ ସେ ନିଜେ ଅଃମାର୍‌ ଗିନେ ପାର୍ତ୍‌ନା ଗଃର୍‌ ବାନ୍ଦି ଦଃୟ୍‌ ଆଚେ ।” 
\v 6 ସେତାକ୍‌ ଜିସୁ ସେମଃନାର୍‌ ସଃଙ୍ଗ୍ ଗଃଲା, ସେ ଗଃରାର୍‌ ଅଃଳକ୍‌ ଲଃଗେ ହଚ୍‌ଲାକ୍‌, ସଃଇନ୍ ମଃନାର୍‌ ବଃଡ୍ ସଃଇନ୍ ତାର୍‌ ଅଃହ୍‌ଣାର୍‌ ଲକ୍‌ମଃନ୍‌କେ ହଃଟାୟ୍‌ ଜିସୁକେ କୟ୍‌ଲା, “ମାପ୍ରୁ କଃସ୍ଟ୍‌ କଃର୍‌ ନାୟ୍‌ ନି, ବଃଲେକ୍‌ ତୁୟ୍‌ ଜେ ମର୍‌ ଗଃରେ ହାଦ୍‌ ହଃକାଉସି ମୁଁୟ୍‌ ଅଃନ୍‌କା ଜୟ୍‌ଗ୍‌ ନାୟ୍‌ । 
\v 7 ଇତାକ୍‌ ମୁଁୟ୍‌ ତର୍‌ ଲଃଗେ ଜଃଉଁକେ ଜୟ୍‌ଗ୍‌ ବଃଲି ମଃନେ ନଃବାବ୍‌ଲେ, ମଃତର୍‌ ହଃଦେକ୍‌ ଆଦେସ୍‌ ଦଃୟ୍‌ କଃଉ, ମର୍‌ ଦଃଙ୍ଗ୍‌ଳା ଉଜ୍‌ ଅଃଉଅ । 
\v 8 କାୟ୍‌ତାକ୍‌ବଃଲେକ୍‌ ମୁଁୟ୍‌ ମର୍‌ ଉହ୍ରାର୍‌ ଅଃଦିକାରି ତଃଳେ ରେତା ଲକ୍‌ ଅୟ୍‌ଲେକ୍‌ ହେଁ ମର୍‌ ତଃଳେ ସଃଇନ୍‌ମଃନ୍ ଆଚ୍‌ତି; ମୁଁୟ୍‌ ଗଟ୍‌ ଲକ୍‌କେ, ‘ଜାଆ !’ ବଃଲେକ୍‌ ସେ ଜାୟ୍‌ଦ୍‌, ଆରେକ୍‌ ଗଟ୍‌ଲକ୍‌କେ, ‘ଆଉ !’ ବଃଲେକ୍‌ ସେ ଆସେଦ୍‌; ଆର୍‌ ମର୍‌ ଗତିଦଃଙ୍ଗ୍‌ଳାକ୍‌, ଇରି କଃର୍‌ ! ବଃଲେକ୍‌ ସେ କଃରେଦ୍‌ ।” 
\v 9 ଜିସୁ ଇ ସଃବୁ କଃତା ସୁଣି ବଃଡେ କାବା ଅୟ୍‌ଲା, ଆର୍‌ ଲେଉଟି ଦଃକି ତାର୍‌ ହଃଚେ ଆସ୍ତା ଲକ୍‌ମଃନ୍‌କେ କୟ୍‌ଲା, ମୁଁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ଇସ୍ରାଏଲ୍‌ ବିତ୍ରେ ହେଁ ଅଃଡେକ୍‌ ବଃଡ୍ ବିସ୍ୱାସ୍‌ ନଃହାୟ୍‌ଁ । 
\v 10 ଆର୍‌ ହଃଟାୟ୍‌ରିଲା ଲକ୍‌ମଃନ୍ ଗଃରେ ବାଉଳି ଆସି ସେ ଗତିଦଃଙ୍ଗ୍‌ଳାକ୍‌ ଉଜ୍‌ ଅୟ୍‌ଲାର୍‌ ଦଃକ୍‌ଲାୟ୍‌ ।
\s ଜିସୁ ଗଟେକ୍‌ ରାଣ୍ଡିର୍‌ ମଃଲା ହୟ୍‌ସିକ୍‌ ବାଚାୟ୍‌ଲା
\p
\v 11 ଆର୍‌ ହଃଚେ ଜିସୁ ନାଇନ ନାଉଁଆର୍‌ ଗଃଳେ ଗଃଲା ଆର୍‌ ତାର୍‌ ଚେଲାମଃନ୍ ଆର୍‌ ଗାଦେକ୍‌ ଲକ୍‌ ତାର୍‌ ସଃଙ୍ଗ୍ ଜାତିରିଲାୟ୍‌ । 
\v 12 ଜିସୁ ଗଃଳ୍‌ ଦୁଆର୍‌ ଚଃମେ ହଚ୍‌ଲାକ୍‌, ଦଃକା ଲକ୍‌ମଃନ୍ ଗଟେକ୍‌ ମଃଲା ଲକ୍‌କେ ସେ ଗଃଳେ ହୁଣି ହଃଦାୟ୍‌ ବୟ୍‌ ଆଣ୍‌ତି ରିଲାୟ୍‌, ସେ ଆୟ୍‌ସିର୍‌ ଗଟେକ୍‌ ବଃଲି ହୟ୍‌ସି ରିଲା, ଆରେକ୍‌ ସେ ମାଇଜି ରାଣ୍ଡି, ଆର୍‌ ସେ ଗଃଳାର୍‌ ଗାଦେକ୍‌ ଲକ୍‌ମଃନ୍ ତାର୍‌ ସଃଙ୍ଗ୍ ରିଲାୟ୍‌ । 
\v 13 ତାକ୍‌ ଦଃକି ମାପ୍ରୁ ତାକ୍‌ ଦଃୟା କଃରୁକେ ମଃନ୍ କଃରି କୟ୍‌ଲା, “କାନ୍ଦ୍‌ ନାୟ୍‌ଁ ।” 
\v 14 ଆର୍‌ ସେ ଚଃମେ ଜାୟ୍‌ ମଃଳାଡଃଣ୍ଡିଆକେ ଚୁୟ୍‌ଲା, ଆରେକ୍‌ ମଃଳ୍‌ ବୟ୍‌ରିଲା ଲକ୍‌ମଃନ୍ ଟିଆ ଅୟ୍‌ଲାକ୍‌, ଜିସୁ କୟ୍‌ଲା, “ଏ ବେଣ୍ଡ୍ୟା, ମୁଁୟ୍‌ ତକେ କଃଉଁଲେ ଉଟ୍‌ ।” 
\v 15 ସେତାକ୍‌ ମଃଲା ଲକ୍‌ ଉଟି ବଃସ୍‌ଲା, ଆର୍‌ କଃତା କଃଉଁକେ ଦଃର୍ଲା, ଆରେକ୍‌ ଜିସୁ ତାକେ ତାର୍‌ ଆୟ୍‌ସିର୍‌ ଆତେ ସଃହ୍ରି ଦିଲା ।
\p
\v 16 ଇତାକ୍‌ ସଃର୍ନେ ଲକ୍‌ମଃନ୍ ଡିରି ଗଃଳାୟ୍‌, ଆର୍‌ ଇସ୍ୱରାର୍‌ ଜଃଜ୍‌ମାନ୍ କଃରି କୟ୍‌ଲାୟ୍‌, “ଅଃମାର୍‌ ବିତ୍ରେ ଗଟେକ୍‌ ବଃଡ୍ ବାବ୍‌ବାଦି ବାରାୟ୍‌ ଆଚେ, ଆର୍‌ ମାପ୍ରୁ ଅଃହ୍‌ଣାର୍‌ ଲକ୍‌ମଃନ୍‌କେ ମୁକ୍‌ଳାଉଁକେ ଆସି ଆଚେ ।”
\p
\v 17 ଆରେକ୍‌ ଜିସୁର୍‌ କଃତା ସଃବୁ ଜିଉଦା ଦେସ୍‌ ଆର୍‌ ଚାରି ଦିଗାର୍‌ ସଃବୁ ହଲି ବାଟ ଉର୍ଜି ଅୟ୍‌ଲି ।
\s ବାପ୍ତିସମ୍‌ ଦେତା ଜହନ୍‌ ତାର୍‌ ଜଳେକ୍‌ ଚେଲାକେ ଜିସୁ ହାକ୍‌ ହଃଟାୟ୍‌ଲା
\r (ମାତି ୧୧:୨-୧୯)
\p
\v 18 ଆରେକ୍‌ ଜହନାର୍‌ ଚେଲାମଃନ୍ ଜିସୁର୍‌ ଇ ସଃବୁକଃତା ତାକ୍‌ ଜାୟ୍‌ ଜହନ୍‌କେ କୟ୍‌ଲାୟ୍‌ । 
\v 19 ସେତାକ୍‌ ଜହନ୍‌ ଅଃହ୍‌ଣାର୍‌ ଚେଲା ମଃନାର୍‌ ବିତ୍ରେ ଦୁୟ୍‌ ଲକ୍‌କେ ଚଃମେ କୁଦି ମାପ୍ରୁ ହାକ୍‌ ଇରି କୟ୍‌ ହଃଟାୟ୍‌ଲା, “ଜୁୟ୍‌ ଲକ୍‌ ଆସେଦ୍‌ ବଃଲି ଜହନ୍‌ କୟ୍‌ରିଲା, ତୁୟ୍‌ କାୟ୍‌ ସେ ମାନାୟ୍‌ ? କି, ଅଃମିମଃନ୍‌ ଆରେକ୍‌ ବିନ୍ କାକେ ଜାଗୁନ୍ଦ୍‌ ?”
\p
\v 20 ସେ ଚେଲାମଃନ୍ ଜିସୁର୍‌ ଚଃମେ ହଚି କୟ୍‌ଲାୟ୍‌, “ବାପ୍ତିସମ୍‌ ଦେଉ ଜହନ୍‌ ଅଃମିକ୍‌ ତର୍‌ ଚଃମେ ଇରି କଃଉଁକେ ହଃଟାୟ୍‌ଲା ଆଚେ, ଜାର୍‌ ଆସୁକ୍‌ ଆଚେ ସେ ଲକ୍‌ କାୟ୍‌ ତୁୟ୍‌ କି ଅଃମିମଃନ୍‌ ଆରେକ୍‌ ଗଟ୍‌ ଲକ୍‌କେ ଜାଗୁନ୍ଦ୍ ?”
\p
\v 21 ସଃଡେବଃଳ୍‌ ଜିସୁ ଗାଦେକ୍‌ ଲକ୍‌କେ କେମା କଃରି ରଗ୍, ଦୁକାସୁକା, ଆରେକ୍‌ ବୁତ୍‌ଡୁମା ତଃୟ୍‌ହୁଣି ଉଜ୍‌ କଃଲା, ଆରେକ୍‌ ଗାଦେକ୍‌ କାଣାକେ ଆକି ଦଃକାୟ୍‌ଲା । 
\v 22 ଆର୍‌ ସେ ଜହନାର୍‌ ଚେଲାମଃନ୍‌କେ କୟ୍‌ଲା, “ତୁମିମଃନ୍ ବାଉଳି ଜାହା ଆର୍‌ ଜାୟ୍‌ ଜାୟ୍‌ରି ସୁଣୁଲାସ୍‌ ଆର୍‌ ଦଃକୁଲାସ୍‌ ସେରି ସଃବୁ ଜହନ୍‌କେ ଜାଣାଉଆ, କାଣାମଃନ୍ ଦଃକୁ ହାରୁଲାୟ୍‌, ଚଟାମଃନ୍ ଇଣ୍ଡୁ ହାରୁଲାୟ୍‌, ବଃଡ୍‌ ରଗେ ହଃଳ୍‌ଲା ଲକ୍‌ମଃନ୍‌ ଉଜ୍‌ ଅଃଉଁଲାୟ୍‌, ବଃୟ୍‌ରାମଃନ୍ ସୁଣୁ ହାରୁଲାୟ୍‌, ମଃଲା ଲକ୍‌ମଃନ୍ ଉଟୁଲାୟ୍‌ ଆର୍‌ ଦୁକିଦିନାରି ଲକ୍‌ମଃନାର୍‌ ତଃୟ୍‌ ହେଁ ନିକ କବୁର୍‌ ପର୍ଚାର୍‌ କଃରା ଅଃଉଁଲି । 
\v 23 ଆର୍‌ ଜେ ମକ୍‌ ଅବିସ୍ୱାସ୍‌ ନଃକେରି, ବିସ୍ୱାସ୍‌ କଃରେଦ୍‌ ତାର୍‌ ବାୟ୍‌ଗ୍‌ ।”
\p
\v 24 ଜହନାର୍‌ ଚେଲାମଃନ୍ ଗଃଲା ହଃଚେ ଜିସୁ ଜହନ୍‌ ବିସୟେ କଃତା କଃଉଁକେ ଦଃର୍ଲା, “ତୁମି କାୟ୍‌ରି ଦଃକୁକ୍‌ ସୁକ୍‌ଲା ବଃଟାୟ୍‌ ଜାୟ୍‌ ରିଲାସ୍‌, କାୟ୍‌ ବାଉୟେ ଜଲ୍‌ତା ସୁର୍ଲିନଃଳା ବୁଟାକ୍‌ ? 
\v 25 ସେରି ନୟ୍‌ଲେକ୍‌ ତୁମିମଃନ୍ କାୟ୍‌ରି ଦଃକୁକେ ବାରାୟ୍‌ ଜାୟ୍‌ରିଲାସ୍‌ ? କାୟ୍‌ ମଃସ୍‌ଣି ବଃସ୍ତର୍‌ ହିନ୍ଦି ରିଲା ମାନାୟ୍‌କେ ? ଦଃକା ଜୁୟ୍‌ମଃନ୍‌ ବୁତେକ୍‌ ମଲାର୍‌ ବଃସ୍ତର୍‌ ହିନ୍ଦି ସୁକେ ରେତି, ସେମଃନ୍ ରଃଜାର୍‌ ନଃଉଁରେ ରେତି । 
\v 26 ମକ୍‌ କଃଉଆ, ସେରି ନୟ୍‌ଲେକ୍‌ କାୟ୍‌ରି ଦଃକୁକ୍‌ ଜାୟ୍‌ରିଲାସ୍‌, କାୟ୍‌ ଗଟେକ୍‌ ବାବ୍‌ବାଦିକେ ? ମୁଁୟ୍‌ ତୁମିକେ ସଃତ୍‌ କଃଉଁଲେ, ବାବ୍‌ବାଦି ତଃୟ୍‌ହୁଣି ସଃବ୍‌କେ ବଃଡ୍ ଲକ୍‌କେ, 
\v 27 ଜାର୍‌ ବିସୟେ ଦଃର୍ମ୍‌ ସାସ୍ତରେ ଲେକାଆଚେ, ‘ମାପ୍ରୁ କୟ୍‌ଲା, ଦଃକା ଅଃମାର୍‌ କବୁର୍‌କାରିଆ ତୁମାର୍‌ ଆଗ୍‌ତୁ ହଃଟାଉଁଲୁ, ସେ ତୁମାର୍‌ ଚଃମେ ତୁମାର୍‌ ବାଟ ହାଜେଦ୍‌, ଇରି ସେମାନାୟ୍‌ ଜହନ୍‌ ।’ 
\v 28 ମୁଁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ମାୟ୍‌ଜି ହେଟେହୁଣି ଜଃଲମ୍‌ ଅୟ୍‌ଲା ଲକ୍‌ମଃନାର୍‌ ବିତ୍ରେ ବାପ୍ତିସମ୍‌ ଦେତା ଜହନ୍‌ ତଃୟ୍‌ହୁଣି ବଃଡ୍ କେ ନାୟ୍‌, ଅୟ୍‌ଲେକ୍‌ ହେଁ ମାପ୍ରୁର୍‌ ରାଇଜେ ଜେ ସାନ୍, ସେ ତାର୍‌ ତଃୟ୍‌ହୁଣି ବଃଡ୍ ।”
\p
\v 29 \x + \xo ୭:୨୯ \xo*\xt ମାତି ୨୧:୩୨; ଲୁକ ୩:୧୨.\xt*\x*ଜୁୟ୍‌ ଲକ୍‌ମଃନ୍ ଇସଃବୁ କଃତା ସୁଣ୍‌ତି ରିଲାୟ୍‌, ସେମଃନ୍, ମୁଳ୍‌କଃରି ରିବ୍‌ନିମଃନ୍‌, ଇସ୍ୱରାର୍‌ ବିଦି ହୁରୁଣ୍‌ କଃରି ଜହନ୍‌ ତଃୟ୍‌ହୁଣି ବାପ୍ତିସମ୍‌ ନଃୟ୍‌ ରିଲାୟ୍‌ । 
\v 30 ମଃତର୍‌ ପାରୁସି ଆର୍‌ ବିଦି ସିକାଉମଃନ୍‌ ସେମଃନାର୍‌ ଜିବନାର୍‌ ଗିନେ ଇସ୍ୱରାର୍‌ ଇଚାକ୍‌ ଅମାନ୍ୟା କଃରି ଜହନାର୍‌ ତଃୟ୍‌ହୁଣି ବାପ୍ତିସମ୍‌ ନଃୟ୍‌ ନଃରିଲାୟ୍‌ ।
\p
\v 31 ଜିସୁ ଆରେକ୍‌ କୟ୍‌ଲା, “ତଃବେ ମୁଁୟ୍‌ କାର୍‌ ସଃଙ୍ଗ୍ ଅଃବାର୍‌ ଜୁଗାର୍‌ ଲକ୍‌ମଃନ୍‌କେ ତୁଳ୍‌ନା କଃରିନ୍ଦ୍‌, ଆରେକ୍‌ ସେମଃନ୍ କାର୍‌ ହର୍‌ । 
\v 32 ଜୁୟ୍‌ ହିଲାମଃନ୍‌ ଆଟ୍‌ ବଃଜାରେ ବଃସି ତାକାର୍‌ ତାକାର୍‌ ବିତ୍ରେ କୁଦି କଃଉତି, ଅଃମିମଃନ୍‌ ତୁମାର୍‌ ଚଃମେ ସୁର୍ଲି ହୁକ୍‌ଲୁ, ତୁମିମଃନ୍ ନଃନାଚ୍‌ଲାସ୍‌, ଅଃମିମଃନ୍‌ ଦୁକେ ଦୁକ୍‌ ଗିତ୍‌ କୟ୍‌ଲୁ, ତୁମିମଃନ୍ ନଃକାନ୍ଦ୍‌ଲାସ୍‌, ସେମଃନ୍, ସେ ହିଲାମଃନାର୍‌ ହର୍‌ । 
\v 33 କାୟ୍‌ତାକ୍‌ବଃଲେକ୍‌ ବାପ୍ତିସମ୍‌ ଦେଉ ଜହନ୍‌ ଆୟ୍‌ଲା ଆର୍‌ ରୁଟି ନଃକାଇଲା କି ଅଙ୍ଗୁର୍‌ ରଃସ୍‌ ହେଁ ନଃକାୟ୍‌ଲା ଆର୍‌ ତୁମିମଃନ୍ କୟ୍‌ଲାସ୍‌ ସେ ବୁତ୍‌ ଦଃରାୟ୍‌ ଅୟ୍‌ଆଚେ । 
\v 34 ନଃରାର୍‌ ହୟ୍‌ସି ଆୟ୍‌ଲା ଆର୍‌ କାଉଆ ହିଉଆ କଃରୁଲା ଆର୍‌ ତୁମିମଃନ୍ କଃଉଁଲାସ୍‌ ଦଃକା, ଇମାନାୟ୍‌ କାଉରାହେଟା ଆର୍‌ ମଃଦୁଆ, ରିବ୍‌ନି ଆର୍‌ ହାହିମଃନାର୍‌ ସଃଙ୍ଗୁଆଳି । 
\v 35 ମଃତର୍‌ ଜୁୟ୍‌ ଲକ୍‌ମଃନ୍ ଇସ୍ୱରାର୍‌ ଗ୍ୟାନ୍ ସିକ୍‌ତି ସେମଃନାର୍‌ ଜିବନେ ତାର୍‌ ସଃତ୍‌ ହଃର୍‌ମାଣ ମିଳେଦ୍‌ ।”
\s ପାରୁସି ସିମନ୍ ଗଃରେ ଜିସୁ
\p
\v 36 ଆର୍‌ ପାରୁସିମଃନାର୍‌ ବିତ୍ରେ ଗଟେକ୍‌ ଲକ୍‌ ଜିସୁକେ ତାର୍‌ ସଃଙ୍ଗ୍ ବଃସି କାଉଁକେ ଗଃଉଆରି କଃଲା, ସେତାକ୍‌ ଜିସୁ ପାରୁସି ଗଃରେ ଜାୟ୍‌ ତାର୍‌ ସଃଙ୍ଗ୍ କାଉଁକେ ବଃସ୍‌ଲା । 
\v 37 \x + \xo ୭:୩୭ \xo*\xt ମାତି ୨୬:୭; ମାର୍କ ୧୪:୩; ଜହ ୧୨:୩.\xt*\x*ଆର୍‌ ଦଃକା, ସେ ଗଃଳେ ଗଟେକ୍‌ ହାହି ମାଇଜିଟକି ରିଲି, ଜିସୁ ସେ ପାରୁସିର୍‌ ଗଃରେ କାଉଁକେ ବଃସି ରିଲା, ଇରି ଜାଣିକଃରି ସେ ଗଟେକ୍‌ କଣ୍ଡାୟ୍‌ ବାସ୍ନା ଚିକଣ୍ ଦଃରି ଆୟ୍‌ଲି । 
\v 38 ଆର୍‌ ଜିସୁର୍‌ ହଃଚ୍‌ବାଟ୍‌ ଆସି ତାର୍‌ ହାଦ୍‌ ଚଃମେ ଟିଅୟ୍‌, କାନ୍ଦି କାନ୍ଦି ତାର୍‌ ଆସୁହାଣାୟ୍‌ ହାଦ୍‌ ବିଜାୟ୍‌ଲି ଆର୍‌ ତାର୍‌ ମୁଣ୍ଡାର୍‌ ବାଳ୍‌ ସଃଙ୍ଗ୍ ହୁଚୁକ୍‌ ଦଃର୍ଲି, ଆର୍‌ ତାର୍‌ ହାଦ୍‌ ଚୁମି ଚୁମି ବାସ୍ନା ଚିକଣ୍‌ ହାଦ୍‌ଳାଉଁକ୍‌ ଦଃର୍ଲି । 
\v 39 ସେରି ଦଃକି ଜୁୟ୍‌ ପାରୁସି ତାକେ କାଉଁକେ କୁଦି ରିଲା, ସେ ମଃନେ ମଃନେ କୟ୍‌ଲା, “ଏ ଜଦି ବାବ୍‌ବାଦି ଅୟ୍‌ରିଲେକ୍‌ ତାକ୍‌ ଜେ ଚିଉଁଲି ତଃବେ ସେ କେ ଆର୍‌ କଃନ୍‌କା ମାଇଜିଟକି, ବଃଲେକ୍‌ ସେ ହାହି ମାଇଜି ବଃଲି ଇରି ଜାଣୁ ହାର୍ଲା ହୁଣି ।”
\p
\v 40 ଜିସୁ ତାକ୍‌ କୟ୍‌ଲା, “ସିମନ୍, ତକ୍‌ ମର୍‌ ହଃଦେକ୍‌ କଃଉତାର୍‌ ଆଚେ ।”
\p ସିମନ୍ କୟ୍‌ଲା, “ମାପ୍ରୁ କଃଉ ।”
\p
\v 41 “ଗଟେକ୍‌ ମାଜନାର୍‌ ଜଳେକ୍‌ ରିଣିଆ ରିଲାୟ୍‌, ଗଟେକ୍‌ ହାଁଚ୍ ସଅ ଟଃକା ଆରେକ୍‌ ଗଟ୍‌ଲକ୍‌ ଦୁୟ୍‌ କଳି ଦଃସ୍‌ଟଃକା ରିଣ୍ କଃରି ରିଲା । 
\v 42 ରିଣ୍ ସୁଜୁକ୍‌ କାୟ୍‌ରି ହେଁ ନଃରିଲାକ୍‌ ସାଉକାର୍‌ ସେ ଦୁୟ୍‌ ଲକେ କେମା କଃରି ରିଣ୍ ଚାଡି ଦିଲା, ଇତାକ୍‌ ସେମଃନାର୍‌ ବିତ୍ରେ କେ ତାକ୍‌ ଅଃଦିକ୍‌ ଲାଡ୍‌ କଃରେଦ୍‌ ?”
\p
\v 43 ସିମନ୍ କୟ୍‌ଲା, “ମର୍‌ ବାବ୍‌ନାୟ୍‌ ସେ ଜାକେ କେମା କଃରି ଅଃଦିକ୍‌ ରିଣ୍ ଚାଡ୍‌ଲା ସେ ।”
\p ଜିସୁ ସିମନ୍‌କ୍‌ କୟ୍‌ଲା, “ତୁୟ୍‌ ଟିକ୍‌ ବିଚାର୍‌ କଃଲିସ୍‌ ।” 
\v 44 ଆର୍‌ ସେ ମାୟ୍‌ଜିଟକିକ୍‌ ଦଃକି ସିମନ୍‌କ୍‌ କୟ୍‌ଲା, “ଇ ମାୟ୍‌ଜିକେ କାୟ୍‌ ଦଃକୁଲିସ୍‌ ? ମୁଁୟ୍‌ ତର୍‌ ଗଃରେ ଆୟ୍‌ଲେ, ତୁୟ୍‌ ମର୍‌ ହାଦାର୍‌ ଗିନେ ହାଣି ନଃଦିଲିସ୍‌, ମଃତର୍‌ ଇ ମାୟ୍‌ଜି ଅଃହ୍‌ଣାର୍‌ ଆସୁ ହାଣାୟ୍‌ ମର୍‌ ହାଦ୍‌ ବିଜାୟ୍‌ଲି, ଆର୍‌ ତାର୍‌ ମୁଣ୍ଡାର୍‌ ବାଳେ ହୁଚ୍‌ଲି । 
\v 45 ତୁୟ୍‌ ମକ୍‌ ନଃଚୁମ୍‌ଲିସ୍‌, ମଃତର୍‌ ମୁଁୟ୍‌ ତର୍‌ ଗଃର୍‌ ବିତ୍ରେ ଆୟ୍‌ଲାବଃଳ୍‌ ହୁଣି ଏ ମର୍‌ ହାଦ୍‌ ଚୁମୁକେ ବଃନ୍ଦ୍‌ ନଃକେରେ । 
\v 46 ତୁୟ୍‌ ମର୍‌ ମୁଣ୍ଡେ ଚିକଣ୍‌ ଲାଗାୟ୍‌ ନଃକେଲିସ୍‌, ମଃତର୍‌ ଏ ମର୍‌ ହାଦେ ବାସ୍ନାଚିକଣ୍ ହାଦ୍‌ଳାୟ୍‌ଲି । 
\v 47 ଇତାକ୍‌ ମୁଁୟ୍‌ ତକେ କଃଉଁଲେ, ଆର୍‌ ବୁତେକ୍‌ ହାହ୍‌ କେମା କଃରା ଅୟ୍‌ଲି, ବଃଲେକ୍‌ ସେ ମକ୍‌ ବୁତେକ୍‌ ଲାଡ୍‌ କଃଲି, ମଃତର୍‌ ଜାକେ ଅଃଳକ୍‌ ହାହ୍‌ କେମା କଃରା ଅୟ୍‌ଦ୍‌, ସେ ଅଃଳକ୍‌ ଲାଡ୍‌ କଃରେଦ୍‌ ।”
\p
\v 48 ଆର୍‌ ସେ ମାୟ୍‌ଜିକେ ଜିସୁ କୟ୍‌ଲା, “ତର୍‌ ସଃର୍ନେ ହାହ୍‌ କେମା କଃରା ଅୟ୍‌ଲି ।”
\p
\v 49 ସେତାକ୍‌ ତାର୍‌ ସଃଙ୍ଗ୍ କାଉଁକେ ବଃସି ରିଲା ଲକ୍‌ମଃନ୍ ମଃନେ ମଃନେ କଃଉଁକେ ଦଃର୍ଲାୟ୍‌, “ହାହ୍‌ହେଁ ହେଁ କେମା କଃରୁଲା, ଏ ତଃବେ କେ ?”
\p
\v 50 ମଃତର୍‌ ଜିସୁ ସେ ମାୟ୍‌ଜିକେ କୟ୍‌ଲା, “ତର୍‌ ବିସ୍ୱାସ୍‌ ତକେ ବଚାୟ୍‌ ଆଚେ, ସୁସ୍ତାୟ୍‌ ଜା ।”
\c 8
\s ଜିସୁର୍‌ ହଃଚେ ହଃଚେ ଜାତା ମାୟ୍‌ଜିମଃନ୍‌
\p
\v 1 ଆର୍‌ ଅଃଳକ୍‌ ବେଳ୍‌ ହଃଚେ, ଜିସୁ ଗଃଳେ ଗଃଳେ ଆର୍‌ ଗାଉଁ ଗାଉଁ ବୁଲି ମାପ୍ରୁର୍‌ ରାଇଜାର୍‌ ନିକ କବୁର୍‌ ପର୍ଚାର୍‌ କଃରୁକେ ଦଃର୍ଲା । ଆର୍‌ ବାର ଗଟ୍‌ ଚେଲା ତାର୍‌ ସଃଙ୍ଗେ ରିଲାୟ୍‌ । 
\v 2 \x + \xo ୮:୨ \xo*\xt ମାତି ୨୭:୫୫,୫୬; ମାର୍କ ୧୫:୪୦,୪୧; ଲୁକ ୨୩:୪୯.\xt*\x*ଆର୍‌ ଜୁୟ୍‌ ମାୟ୍‌ଜିମଃନ୍‌ ବୁତ୍‌ଆତ୍ମା, ଆର୍‌ ରଗେ ହୁଣି ଉଜ୍‌ କଃରାୟ୍‌ ଅୟ୍‌ରିଲାୟ୍‌, ସେମଃନ୍ ହେଁ ତାର୍‌ ସଃଙ୍ଗ୍ ରିଲାୟ୍‌, ମରିୟମ୍‌ ଜାକେ ମଗ୍‌ଦଲିନି ମରିୟମ୍‌ ବଃଲି କଃଉତି, ଜାର୍‌ ତଃୟ୍‌ହୁଣି ସାତ୍‌ ବୁତ୍‌ ବାରାୟ୍‌ ଜାୟ୍‌ରିଲାୟ୍‌; 
\v 3 ହେରଦାର୍‌ ଗୁମୁସ୍ତା କୁଜାର୍‌ ଡକୁର୍ସି, ଜହନା, ସସନା, ଆରେକ୍‌ କଃତେକ୍‌ ମାୟ୍‌ଜିମଃନ୍‌ ତାର୍‌ ସଃଙ୍ଗ୍ ରଃୟ୍‌ ଅଃହ୍‌ଣା ଅଃହ୍‌ଣାର୍‌ ଦଃନ୍ ବିତ୍‌ ଦଃୟ୍‌, ଜିସୁର୍‌ ଆର୍‌ ଚେଲାମଃନାର୍‌ ସେବା କଃର୍ତି ରିଲାୟ୍‌ ।
\s ବିଆନ୍ ବୁଣୁର୍‌ କଃତା
\r (ମାତି ୧୩:୧-୯; ମାର୍କ ୪:୧-୯)
\p
\v 4 ଗାଦେକ୍‌ ଲକ୍‌ ରୁଣ୍ଡ୍‌ଲାକ୍‌, ଆର୍‌ ଗଃଳ୍‌ମଃନ୍‌ ତଃୟ୍‌ହୁଣି ଲକ୍‌ମଃନ୍ ତାର୍‌ ତଃୟ୍‌ ଆୟ୍‌ଲାକ୍‌, ଜିସୁ ଇ କଃତା କୟ୍‌ଲା, 
\v 5 “ଗଟେକ୍‌ ବିଆନ୍ ବୁଣ୍‌ତା ଲକ୍‌ ଅଃହ୍‌ଣାର୍‌ ବିଆନ୍ ଦଃରି ବୁଣୁକ୍‌ ବାରାୟ୍‌ଲା, ସେ ବୁଣ୍‌ତା ବଃଳ୍‌ କଃତେକ୍‌ ବିଆନ୍ ବାଟେ ଅଦୁର୍ଲି ଆର୍‌ ହାଦ୍‌ ତଃଳେ ମାଡାଚଃଗା ଅୟ୍‌ଲି, ଆରେକ୍‌ ଅଃଗାସ୍‌ ଉହ୍ରାର୍‌ ଚେଳେମଃନ୍ ସେରିସଃବୁ କାୟ୍‌ଲାୟ୍‌ । 
\v 6 ଆରେକ୍‌ କଃତେକ୍‌ ଚଃଚ୍ରା ଉହ୍ରାର୍‌ ବୁୟେଁ ଅଦୁର୍ଲି, ଆରେକ୍‌ ଗଃଜା ଅୟ୍‌ ରଃସ୍‌ ନଃହାୟ୍‌ଲାକେ ସୁକି ଗଃଲି, 
\v 7 ଆର୍‌ କଃତେକ୍‌ ବିଆନ୍‌ କାଟା ବୁଟା ବିତ୍ରେ ଅଦୁର୍ଲି, ଆରେକ୍‌ କାଟା ଗଃଚ୍‌ମଃନ୍‌ ବାଡି ସେ ସଃବ୍‌କେ ଡାହି ହଃକାୟ୍‌ଲି; 
\v 8 ବିନ୍ କଃତେକ୍‌ ନିକ ବୁୟେଁ ଅଦୁର୍ଲି, ଆର୍‌ ବାଡି ସଏ ଗୁଣ୍ ହଃଳ୍‌ ହଃଳ୍‌ଲି ।” ଜିସୁ ଇରି କୟ୍‌ କୟ୍‌ ବଃଡ୍ ଟଣ୍ଡ୍ କଃରି କୟ୍‌ଲା, “ଜାର୍‌ ସୁଣୁକ୍‌ କାନ୍‌ ଆଚେ ସେ ସୁଣ ।”
\s ଇ କଃତାର୍‌ ବାବ୍‌
\r (ମାତି ୧୩:୧୦-୧୭; ମାର୍କ ୪:୧୦-୧୨)
\p
\v 9 ଜିସୁର୍‌ ଚେଲାମଃନ୍ ଇ କଃତାର୍‌ ବାବ୍‌ କାୟ୍‌ରି ବଃଲି ହଃଚାର୍ଲାୟ୍‌ । 
\v 10 ସେତାକ୍‌ ଜିସୁ କୟ୍‌ଲା, “ମାପ୍ରୁ ରାଇଜାର୍‌ ବୁଜୁ ନଃହାର୍ତା କଃତା ଜାଣୁକେ ତୁମିମଃନ୍‌କେ ଗ୍ୟାନ୍ ଦିଆ ଅୟ୍‌ଆଚେ, ମଃତର୍‌ ବିନ୍ ଲକ୍‌ମଃନ୍‌କେ କଃତା କୟ୍‌ ବୁଜାଉଁକେ ଅୟ୍‌ଦ୍‌, ଜଃନ୍‌କଃରି ସେମଃନ୍ ଦଃକୁ ଦଃକୁ ନଃଦେକ୍‌ତି ଆର୍‌ ସୁଣୁ ସୁଣୁ ନଃବୁଜ୍‌ତି ।”
\s ଜିସୁ ବିଆନ୍ ବୁଣୁର୍‌ କଃତାର୍‌ ବାବ୍‌ ବୁଜାୟ୍‌ଲା
\r (ମାତି ୧୩:୧୮-୨୩; ମାର୍କ ୪:୧୩-୨୦)
\p
\v 11 “ବିଆନ୍ ବୁଣୁର୍‌ ବାବ୍‌ ଅୟ୍‌ଲି, ବିଆନ୍ ଇସ୍ୱରାର୍‌ କଃତା 
\v 12 ଆର୍‌ ବାଟ ଲଃଗେ ରିଲା ବିଆନ୍ ଇବାନ୍ୟା ଲକ୍‌କେ ବୁଜାୟ୍‌ଦ୍‌, ଜୁୟ୍‌ମଃନ୍‌ ଇସ୍ୱରାର୍‌ କଃତା ସୁଣ୍‌ତି, ତାର୍‌ହଃଚେ ସୟ୍‌ତାନ୍ ଆସି, ସେମଃନ୍ ଜଃନ୍‌କଃରି ବିସ୍ୱାସ୍‌କଃରି ହାହେହୁଣି ମୁକ୍ତି ହାୟ୍‌ ବଚୁ ନଃହାର୍‌ତି, ଇତାକ୍‌ ସୟ୍‌ତାନ୍ ଆସେଦ୍‌ ଆର୍‌ ସେମଃନାର୍‌ ମଃନ୍‌ ବିତ୍ରେ ହୁଣି ଇସ୍ୱରାର୍‌ କଃତା ଚରି ନଃୟ୍‌ଦ୍‌ । 
\v 13 ଆର୍‌ ଚଃଚ୍ରା ବୁୟାଁୟ୍‌ ବିଆନ୍ ଇବାନ୍ୟା ଲକ୍‌କେ ବୁଜାୟ୍‌ଦ୍‌, ଜୁୟ୍‌ମଃନ୍‌ ବଃଚନ୍ ସୁଣି ବଃଡେ ସଃର୍ଦାୟ୍‌ ମଃନେ ଦଃର୍ତି, ମଃତର୍‌ ସେମଃନାର୍‌ ଚେର୍‌ ବିତ୍ରେ ଜାୟ୍‌ ନଃରିଲାକ୍‌, ସେମଃନ୍ ଚଃନେକାର୍‌ ଗିନେ ଇସ୍ୱରାର୍‌ କଃତାକ୍‌ ବିସ୍ୱାସ୍‌ କଃର୍ତି ଆର୍‌ ପରିକ୍ୟା ବଃଳ୍‌ ଦଃର୍ମ୍‌ ଚାଡ୍‌ତି । 
\v 14 ଆର୍‌ କାଟା ଗଃଚ୍ ବିତ୍ରେ ଅଦ୍ରି ରିଲା ବିଆନ୍ ଇବାନ୍ୟା ଲକ୍‌କେ ବୁଜାୟ୍‌ଦ୍‌, ଜୁୟ୍‌ମଃନ୍‌ ଇସ୍ୱରାର୍‌ କଃତା ସୁଣ୍‌ତି, ମଃତର୍‌ ସଂସାର୍‌ ଚିତା, ଦଃନ୍ ଆର୍‌ ସୁକ୍‌ ଲଳି ସଃବୁ ଦିନାର୍‌ ଜିବନ୍ କାଟୁ କାଟୁ ତଃଳେ ଚାହି ଅୟ୍‌ଜାତି, ଆର୍‌ ହଃଳ୍‌ ଦଃରୁନାହାର୍ତି । 
\v 15 ଆର୍‌ ନିକ ବୁୟେଁ ଅଦ୍ରି ରିଲା ବିଆନ୍ ଇବାନ୍ୟା ଲକ୍‌କେ ବୁଜାୟ୍‌ଦ୍‌, ଜୁୟ୍‌ମଃନ୍‌ ନିକକଃରି ଆର୍‌ ନିର୍ମାୟା ମଃନେ ଇସ୍ୱରାର୍‌ କଃତା ସୁଣି ଗଃର୍ବ୍‌ବିତ୍ରେ ଦଃର୍ତି ଆର୍‌ ସଃମ୍ବାଳି ରଃୟ୍‌ ହଃଳ୍‌ ହଃଳ୍‌ତି ।”
\s ମାଣ୍ ତଃଳେ ବଃତିଅଳା
\r (ମାର୍କ ୪:୨୧-୨୫)
\p
\v 16 \x + \xo ୮:୧୬ \xo*\xt ମାତି ୫:୧୫; ଲୁକ ୧୧:୩୩.\xt*\x*“କେହେଁ କୁପି ଲାଗାୟ୍‌ ମାଣ୍ ତଃଳେ ଡାହି ନଃସେଙ୍ଗାୟ୍‌ ଆର୍‌ କଃଟ୍‌ ତଃଳେ ନଃସେଙ୍ଗାୟ୍‌, ମଃତର୍‌ ଦିହ୍‌ରୁକା ଉହ୍ରେ ସଃଙ୍ଗାୟ୍‌ଦ୍‌, ଜଃନ୍‌କଃରି ବିତ୍ରେ ହୁର୍ତା ଲକ୍‌ମଃନ୍ ଉଜାଳ୍‌ ଦଃକ୍‌ତି ।”
\p
\v 17 \x + \xo ୮:୧୭ \xo*\xt ମାତି ୧୦:୨୬; ଲୁକ ୧୨:୨.\xt*\x*“କାୟ୍‌ତାକ୍‌ବଃଲେକ୍‌ ଜାୟ୍‌ରି ହଃଦାୟ୍‌ ନଃଡିସେ ଇବାନ୍ୟା ଲୁକ୍‌ଲାର୍‌ କାୟ୍‌ରି ହେଁ ନାୟ୍‌, ଆର୍‌ ଜାୟ୍‌ରି ଜାଣା ଜାୟ୍‌ ହଃଦାୟ୍‌ ଜାଣା ନଃହୟ୍‌, ଇବାନ୍ୟା ଲୁକ୍‌ଲାର୍‌ କାୟ୍‌ରି ନାୟ୍‌ ।”
\p
\v 18 \x + \xo ୮:୧୮ \xo*\xt ମାତି ୨୫:୨୯; ଲୁକ ୧୯:୨୬.\xt*\x*“ବଃଲେକ୍‌ କଃନ୍‌କଃରି ସୁଣୁଲାସ୍‌ ସେତାକ୍‌ ଜଃଗ୍ରାତ୍‌, ବଃଲେକ୍‌ ଜାର୍‌ ଆଚେ ତାକ୍‌ ଦିଆ ଅୟ୍‌ଦ୍‌ ଆର୍‌ ଜାର୍‌ ନାୟ୍‌ ସେ ଜାୟ୍‌ରି ନିଜାର୍‌ ଆଚେ ବଃଲି ମଃନେକଃରେଦ୍‌, ସେରି ହେଁ ତାର୍‌ ତଃୟ୍‌ହୁଣି ନିଆ ଅୟ୍‌ଦ୍‌ ।”
\s ଜିସୁର୍‌ ଆୟ୍‌ସି ଆର୍‌ ବାୟ୍‌ସିମଃନ୍
\r (ମାତି ୧୨:୪୬-୫୦; ମାର୍କ ୩:୩୧-୩୫)
\p
\v 19 ଜିସୁର୍‌ ଆୟ୍‌ସି ଆର୍‌ ବାୟ୍‌ସିମଃନ୍ ତାର୍‌ ଚଃମେ ଆୟ୍‌ଲାୟ୍‌, ମଃତର୍‌ ଲକ୍‌ମଃନ୍ଦା ଗିନେ ତାକେ ବେଟ୍‌ ଅଃଉଁ ନଃହାର୍ତି ରିଲାୟ୍‌ । 
\v 20 କେ ଅଲେ ଜିସୁକେ ଇ କବୁର୍‌ ଦିଲାୟ୍‌, “ତର୍‌ ଆୟ୍‌ଦି ଆର୍‌ ବାୟ୍‌ଦିମଃନ୍ ତର୍‌ ସଃଙ୍ଗ୍ ବେଟ୍‌ ଅଃଉଁକେ ମଃନ୍‌ କଃରି ହଃଦାୟ୍‌ ଟିଆ ଅୟ୍‌ ଆଚ୍‌ତି ।”
\p
\v 21 ମଃତର୍‌ ଜିସୁ ସେମଃନ୍‌କେ କୟ୍‌ଲା, “ଜୁୟ୍‌ମଃନ୍‌ ଇସ୍ୱରାର୍‌ କଃତା ସୁଣ୍‌ତି ଆର୍‌ ମାନ୍‌ତି ସେମଃନ୍ ମର୍‌ ଆୟା ଆର୍‌ ବାୟ୍‌ମଃନ୍‌ ।”
\s ଜିସୁ ବାଉହାଣି ତିର୍‌ କଃଲା
\r (ମାତି ୮:୨୩-୨୭; ମାର୍କ ୪:୩୫-୪୧)
\p
\v 22 ସଃଡେବଃଳ୍‌ ଗଟ୍‌ଦିନ୍‌ ଜିସୁ ଆର୍‌ ତାର୍‌ ଚେଲାମଃନ୍ ଗଟେକ୍‌ ଡଙ୍ଗାୟ୍‌ ଚଃଗ୍‌ଲାୟ୍‌ ଆର୍‌ ଜିସୁ ସେମଃନ୍‌କେ କୟ୍‌ଲା, “ଆସା ସଃମ୍‌ନ୍ଦାର୍‌ ସେହାଟି ଜୁଆଁ,” ସେତାକ୍‌ ସେମଃନ୍ ଡଙ୍ଗା ମେଲ୍‌ଲାୟ୍‌ । 
\v 23 ମଃତର୍‌ ସେମଃନ୍ ଡଙ୍ଗା ଗାଟି ଜାତା ବଃଳ୍‌ ଜିସୁ ସୟ୍‌ ରିଲା, ସଃଡେବଃଳ୍‌ ସଃମନ୍ଦେ ବାଉହାଣି ଆୟ୍‌ଲି ଆର୍‌ ସେମଃନାର୍‌ ଡଙ୍ଗାୟ୍‌ ହାଣି ହୁରୁକ୍‌ ଦଃର୍ଲି ଆର୍‌ ସେମଃନ୍ ବଃଡେ ଜଃଞ୍ଜାଳେ ହଃଳ୍‌ଲାୟ୍‌ । 
\v 24 ସେତାକ୍‌ ଚେଲାମଃନ୍ ଜିସୁର୍‌ ଚଃମେ ଆୟ୍‌ଲାୟ୍‌ ଆର୍‌ ତାକେ ଉଟାୟ୍‌ କୟ୍‌ଲାୟ୍‌, “ଏ ଗୁରୁ, ଏ ଗୁରୁ, ଅଃମିମଃନ୍‌ ମଃଲୁ,” ଇତାକ୍‌ ସେ ଉଟି ବାଉ ଆର୍‌ ଉଲାଳ୍‌କେ ଦଃମ୍‌କାୟ୍‌ଲା, ଆର୍‌ ସେ ସଃବୁ ତୁନ୍‌ହାଳ୍‌ଲି ଆର୍‌ ତିର୍‌ ଅୟ୍‌ଲି । 
\v 25 ଆରେକ୍‌ ସେ ସେମଃନ୍‌କେ କୟ୍‌ଲା, “ତୁମିମଃନାର୍‌ ବିସ୍ୱାସ୍‌ କଃୟ୍‌ ?” ମଃତର୍‌ ସେମଃନ୍ ଡିରି ଜାୟ୍‌ କାବା ଅୟ୍‌ ତାକାର୍‌ ତାକାର୍‌ ବିତ୍ରେ କଃଉଆକଇ ଅଃଉଁକେ ଦଃର୍ଲାୟ୍‌, “ତଃବେ ଏ କେ ଜେ ସେ ବାଉହାଣିକେ ହେଁ ଆଦେସ୍‌ ଦିଲେକ୍‌ ସେମଃନ୍ ତାର୍‌ ବଲ୍‌ ମାନୁଲାୟ୍‌ ।”
\s ଜିସୁ ଗଟେକ୍‌ ବୁତ୍‌ ଡଃସିରିଲା ଲକ୍‌କେ ଉଜ୍‌ କଃଲା
\r (ମାତି ୮:୨୮-୩୪; ମାର୍କ ୫:୧-୨୦)
\p
\v 26 ତାର୍‌ହଃଚେ ଜିସୁ ଆର୍‌ ତାର୍‌ ଚେଲାମଃନ୍ ଗାଲିଲି ମୁଁଆଟିର୍‌ ଗରାସିୟମଃନାର୍‌ ହଲି ତଃୟ୍‌ ହଚ୍‌ଲାୟ୍‌, 
\v 27 ଜିସୁ ଡଙ୍ଗାୟ୍‌ ହୁଣି ବାରାୟ୍‌ କଃଣ୍ଡାୟ୍‌ ଉତୁର୍ଲାକ୍‌, ସେ ଗଃଳାର୍‌ ଗଟେକ୍‌ ବୁତ୍‌ ଡଃସିରିଲା ଲକ୍‌ ତାକ୍‌ ବେଟ୍‌ ଅୟ୍‌ଲା, ସେ କଃତେକ୍‌ କାଳ୍‌ ହଃତେକ୍‌ ହଃଚ୍ୟା ନଃହିନ୍ଦି ଗଃରେ ନଃରେୟ୍‌ ମଃସ୍‌ଣେ ରେତିରିଲା । 
\v 28 ସେ ଜିସୁକେ ଦଃକି କିର୍‌କିରି କଃରି ତାର୍‌ ଗଡ୍ ତଃଳେ ଡୁଳି ବଃଡ୍ ଟଣ୍ଡ୍ କଃରି କୟ୍‌ଲା, “ଏ ସଃବ୍‌କେ ଉହ୍ରାର୍‌ ଇସ୍ୱରାର୍‌ ହୟ୍‌ସି ଜିସୁ, ତର୍‌ ସଃଙ୍ଗ୍ ମର୍‌ କାୟ୍‌ରି ଆଚେ ? ମୁଁୟ୍‌ ତକେ ଗଃଉଆରି କଃରୁଲେ ମକେ ଡଃଣ୍ଡ୍‌ ଦେନାୟ୍‌,” 
\v 29 କାୟ୍‌ତାକ୍‌ବଃଲେକ୍‌ ଜିସୁ ବିଟାଳ୍‌ ବୁତ୍‌ ଆତ୍ମାକେ ସେମାନାୟ୍‌ ତଃୟ୍‌ହୁଣି ବାରାୟ୍‌ ଜଃଉଁକେ ଆଦେସ୍‌ ଦେଉଁକ୍‌ ଜାତିରିଲା, ସେ ବୁତ୍‌ ଆତ୍ମା କଃତେକ୍‌ ତର୍‌ ତାକ୍‌ ଡଃସି ରିଲି, ଆରେକ୍‌ ଲକ୍‌ମଃନ୍ ତାକ୍‌ ସିକ୍ଳି ସଃଙ୍ଗ୍ ବାନ୍ଦି ରେତିରିଲାୟ୍‌, ମଃତର୍‌ ସେ ବାନ୍ଦୁଣ୍ ସଃବୁ ଚିଡାୟ୍‌ କଃରି ବୁତ୍‌ ତାକ୍‌ ସୁକ୍‌ଲା ବଃଟାୟ୍‌ ନେତିରିଲି ।
\p
\v 30 ଜିସୁ ତାକ୍‌ ହଃଚାର୍ଲା, “ତର୍‌ ନାଉଁ କାୟ୍‌ରି ?”
\p ସେ କୟ୍‌ଲା, “ବାହିନି, ବଃଲେକ୍‌ ବୁତେକ୍‌,” ତାକ୍‌ ବୁତେକ୍‌ ବୁତ୍‌ ତାର୍‌ ବିତ୍ରେ ହୁରି ରିଲାୟ୍‌ । 
\v 31 ଆରେକ୍‌ ଜିସୁ ଜଃନ୍‌କଃରି ସେମଃନ୍‌କେ ହଃତାଳେ ଜଃଉଁକେ ଆଦେସ୍‌ ନଃଦେୟ୍‌, ଇତାକ୍‌ ସେମଃନ୍‌ ଜିସୁକେ ଗଃଉଆରି କଃରୁକେ ଦଃର୍ଲାୟ୍‌ ।
\p
\v 32 ସେତି ଡଙ୍ଗୁର୍‌ କଃଳ୍‌କାୟ୍‌ ଗଟେକ୍‌ ଗୁସ୍ରା ମଃନ୍ଦା ଚଃର୍ତି ରିଲାୟ୍‌, ଆରେକ୍‌ ସେ ଜଃନ୍‌କଃରି ସେମଃନ୍‌କେ ସେ ଗୁସ୍ରାମଃନାର୍‌ ବିତ୍ରେ ହୁରୁକ୍‌ ଆଦେସ୍‌ ଦଃୟ୍‌ଦ୍‌ ଇତାକ୍‌ ସେମଃନ୍ ଜିସୁକେ ଗଃଉଆରି କଃଲାୟ୍‌ । 
\v 33 ଜିସୁ ସେମଃନ୍‌କେ ଆଦେସ୍‌ ଦିଲାକ୍‌, ବୁତ୍‌ମଃନ୍‌ ସେ ମାନାୟ୍‌ ତଃୟ୍‌ହୁଣି ବାର୍‌ ଅୟ୍‌ ଗୁସ୍ରାମଃନାର୍‌ ବିତ୍ରେ ହୁର୍ଲାୟ୍‌, ସେତାକ୍‌ ସେ ଗୁସ୍ରା ମଃନ୍ଦା ସଃଙ୍ଗେ ସଃଙ୍ଗେ ଡଙ୍ଗୁର୍‌ ଉହ୍ରେ ହୁଣି ଦଃବ୍‌ଳି ଜାୟ୍‌ ସଃମ୍‌ନ୍ଦେ ଅଦ୍ରି ବୁଡି ମଃଲାୟ୍‌ ।
\p
\v 34 ଗୁସ୍ରା ଚଃରାଉତା ଲକ୍‌ମଃନ୍ ସେ ଗଃଟ୍‍ଣା ଦଃକି ହଃଳାୟ୍‌ ଜାୟ୍‌ ଗଃଳେ ଆର୍‌ ଗାଉଁଏମଃନ୍‌ ଜାଣାୟ୍‌ଲାୟ୍‌ । 
\v 35 ସେତାକ୍‌ ଲକ୍‌ମଃନ୍ ସେ ଗଃଟ୍‍ଣା ଦଃକୁକ୍‌ ବାରାୟ୍‌ ଆୟ୍‌ଲାୟ୍‌, ଆରେକ୍‌ ଜିସୁର୍‌ ଚଃମେ ଆୟ୍‌ଲାୟ୍‌, ଆର୍‌ ଜୁୟ୍‌ ମାନାୟ୍‌ ତଃୟ୍‌ହୁଣି ବୁତ୍‌ମଃନ୍‌ ବାରାୟ୍‌ ଜାୟ୍‌ରିଲାୟ୍‌, ତାକେ ହଃଚ୍ୟା ହିନ୍ଦି ନିକ ମଃନେ ଜିସୁର୍‌ ହାଦ୍‌ ତଃଳେ ବଃସି ରିଲାର୍‌ ଦଃକି ଡିରି ଗଃଲାୟ୍‌ । 
\v 36 ଆର୍‌ ଜୁୟ୍‌ ଲକ୍‌ମଃନ୍ ଦଃକିରିଲାୟ୍‌ ସେମଃନ୍ ସେ ବୁତ୍‌ ଡଃସ୍‌ଲାର୍‌ ଲକ୍‌ କଃନ୍‌କଃରି ଉଜ୍‌ ଅୟ୍‌ଲା, ସେରି ସଃବୁ ଲକ୍‌ମଃନ୍‌କେ ଜାଣାୟ୍‌ଲାୟ୍‌ । 
\v 37 ସେତାକ୍‌ ଗରାସିୟ୍‌ ମଃନାର୍‌ ହଲିର୍‌ ଚାରିବାଟ୍‌ ରିଲା ସଃବୁ ଲକ୍‌ ସେମଃନାର୍‌ ତଃୟ୍‌ହୁଣି ଜଃଉଁକେ ଜିସୁକେ ଗଃଉଆରି କଃଲାୟ୍‌, କାୟ୍‌ତାକ୍‌ବଃଲେକ୍‌ ସେମଃନ୍ ବଃଡେ ଡିରି ଜାୟ୍‌ ରିଲାୟ୍‌, ଆର୍‌ ସେ ଗଟେକ୍‌ ଡଙ୍ଗାୟ୍‌ ଚଃଗି ବାଉଳିଗଃଲା । 
\v 38 ମଃତର୍‌ ଜୁୟ୍‌ ଲକ୍‌ ତଃୟ୍‌ହୁଣି ବୁତ୍‌ମଃନ୍‌ ବାରାୟ୍‌ ଜାୟ୍‌ ରିଲାୟ୍‌ ସେ ଜିସୁର୍‌ ସଃଙ୍ଗ୍ ରେଉଁକ୍‌ ଗଃଉଆରି କଃରୁକେ ଦଃର୍ଲା । 
\v 39 ମଃତର୍‌ ସେ ତାକେ ହଃଟାୟ୍‌ କଃରି କୟ୍‌ଲା, “ତୁୟ୍‌ ଗଃରେ ବାଉଳି ଜା, ଆର୍‌ ଇସ୍ୱର୍‌ ତର୍‌ ଗିନେ ଜାୟ୍‌ ଜାୟ୍‌ରି କଃରିଆଚେ ସେରିମଃନ୍ ପର୍ଚାର୍‌ କଃର୍‌,” ସେତାକ୍‌ ସେ ଗଃଲା ଆର୍‌ ଜିସୁ ତାର୍‌ଗିନେ ଜାୟ୍‌ ଜାୟ୍‌ରି କଃରିରିଲା ଗଃଳ୍‌ଜାକ କଃଉଁକେ ଦଃର୍ଲା ।
\s ଜାଇରସାର୍‌ ଜିସି ଆର୍‌ ଜିସୁର୍‌ ବଃସ୍ତର୍‌ ଚୁୟ୍‌ଲା ମାୟ୍‌ଜି
\r (ମାତି ୯:୧୮-୨୬; ମାର୍କ ୫:୨୧-୪୩)
\p
\v 40 ଜଃଡେବଃଳ୍‌ ଜିସୁ ସଃମ୍‌ନ୍ଦାର୍‌ ଇହାଟି ଆୟ୍‌ଲା, ଲକ୍‌ମଃନ୍ ତାକ୍‌ ସଃର୍ଦାମଃନେ ବେଟ୍‌ ଅୟ୍‌ଲାୟ୍‌, ବଃଲେକ୍‌ ସଃବୁ ଲକ୍‌ ତାକ୍‌ ଜାଗି ରିଲାୟ୍‌ । 
\v 41 ଆର୍‌ ଦଃକା ଜାଇରସ୍‌ ନାଉଁଆର୍‌ ଗଟେକ୍‌ ଲକ୍‌ ଆୟ୍‌ଲା, ସେ ପାର୍ତ୍‌ନା ଗଃରାର୍‌ ମୁଳିକା ଲକ୍‌ ରିଲା, ସେ ଜିସୁର୍‌ ଗଡ୍ ତଃଳେ ଡୁଳି, ଅଃହ୍‌ଣାର୍‌ ଗଃରେ ଜଃଉଁକେ ଗଃଉଆରି କଃଲା । 
\v 42 ବଃଲେକ୍‌ ତାର୍‌ ବାର ବଃର୍ସାର୍‌ ଗଟେକ୍‌ ବଃଲି ଜିସି ରିଲି, ଆର୍‌ ସେ ମଃରୁକ୍‌ କଃଣ୍ଡେକ୍‌ ରିଲି, ମଃତର୍‌ ଜିସୁ ଜାତାବଃଳ୍‌ ଲକ୍‌ମଃନ୍ ତାର୍‌ ଉହ୍ରେ ମାଡାଚଃଗା ଅଃଉତି ରିଲାୟ୍‌ ।
\p
\v 43 ସଃଡେବଃଳ୍‌ ବାର ବଃର୍ସ୍‌ ହଃତେକ୍‌ ଗଃଗାଳ୍‌ଜାତା ରଗ୍ ଦଃରି ଜିବନ୍‌ କାଟ୍‌ତାର୍‌ ଗଟେକ୍‌ ମାୟ୍‌ଜି ଜେ କି ନିଜାର୍‌ ଦଃନ୍‌ବିତ୍‌ ସଃରାୟ୍‌କଃରି ହେଁ\f + \fr ୮:୪୩ \fr*\ft କଃତେକ୍‌ ହୁର୍ବାର୍‌ ଆତ୍‌ ଲେକାୟ୍‌ ଇ ହଃଦ୍‌ ଲେକା ନୟ୍‌ ।\ft*\f* କାର୍‌ ତଃୟ୍‌ହୁଣି ଉଜ୍‌ ଅଃଉଁ ନାହାର୍ତି ରିଲି । 
\v 44 ସେ ହଃଚ୍‌ବାଟ୍ୟା ଆସି ଜିସୁର୍‌ ହଃଚ୍ୟାର୍‌ ଆଚଳ୍‌ ଚୁୟ୍‌ଲି, ସେଦାହ୍ରେ ତାର୍‌ ଗଃଗାଳାର୍‌ ଗଃଗାଳ୍‌ ଜାତାର୍‌ ତେବଃଲି । 
\v 45 ସେତାକ୍‌ ଜିସୁ କୟ୍‌ଲା, “କେ ମକ୍‌ ଚୁୟ୍‌ଲା ?” ମଃତର୍‌ ସଃବୁ ଲକ୍‌ ନାୟ୍‌ ବଃଲ୍‌ଲାକ୍‌, ପିତର୍‌ କୟ୍‌ଲା, “ଏ ଗୁରୁ, ଲକ୍‌ମଃନ୍ ଟେଲା ଟେଲି ଅୟ୍‌ ତର୍‌ଉହ୍ରେ ମାଡା ଚଃଗା ଅଃଉଁଲାୟ୍‌ ।”
\p
\v 46 ମଃତର୍‌ ଜିସୁ କୟ୍‌ଲା, “କେ ଅଲେ ମକ୍‌ ଚୁୟ୍‌ଲା, କାୟ୍‌ତାକ୍‌ବଃଲେକ୍‌ ମର୍‌ ତଃୟ୍‌ହୁଣି ସଃକ୍ତି ବାର୍‌ଲି ବଃଲି ମୁଁୟ୍‌ ଜାଣ୍‌ଲେ ।” 
\v 47 ସଃଡେବଃଳ୍‌ ସେ ମାୟ୍‌ଜି ଦଃକ୍‌ଲି ଜେ, ସେ ଲୁକି ରେଉଁ ନଃହାର୍‌ଲି, ସଃଡେବଃଳ୍‌ ସେ ତଃର୍‌ତଃରି ଜିସୁର୍‌ ଗଡ୍ ତଃଳେ ଡୁଳ୍‌ଲି ଆର୍‌ କାୟ୍‌ତାକ୍‌ ତାକ୍‌ ଚୁୟ୍‌ଲି ଆରେକ୍‌ କଃନ୍‌କଃରି ସେଦାହ୍ରେ ଉଜ୍‌ ଅୟ୍‌ଲି ସେରିସଃବୁ ଲକ୍‌ମଃନାର୍‌ ମୁୟେଁ କୟ୍‌ଲି । 
\v 48 ସେତାକ୍‌ ଜିସୁ ତାକେ କୟ୍‌ଲା, “ଜିଇ, ତର୍‌ ବିସ୍ୱାସ୍‌ ତକେ ଉଜ୍‌ କଃଲି ଆଚେ, ସୁସ୍ତା ଅୟ୍‌ ଜାଆ ।”
\p
\v 49 ଜିସୁ ଇ କଃତା କଃଉତା ବଃଳ୍‌, ପାର୍ତ୍‌ନାଗଃରାର୍‌ ମୁଳିକାର୍‌ ଗଃରେହୁଣି ଗଟ୍‌ ଲକ୍‌ ଆସି ତାକେ କୟ୍‌ଲା, “ତର୍‌ ଜିଦି ମଃଲିନି, ଗୁରୁକ୍‌ ଆରେକ୍‌ କଃସ୍ଟ୍‌ ଦେସ୍‌ନାୟ୍‌ ।”
\p
\v 50 ମଃତର୍‌ ଜିସୁ ଇରି ସୁଣି ଜାଇରସ୍‌କେ କୟ୍‌ଲା, “ଡିରା ନାୟ୍‌, ମଃତର୍‌ ବିସ୍ୱାସ୍‌ କଃର୍‌ ଆର୍‌ ସେ ବଚେଦ୍‌ ।”
\p
\v 51 ଆର୍‌ ଜିସୁ ଗଃରେ ଆସି, ପିତର୍‌, ଜହନ୍‌ ଆର୍‌ ଜାକୁବକ୍‌ ଆରେକ୍‌ ହିଲାର୍‌ ଉବାସି ଆୟ୍‌ସିକ୍‌ ଚାଡି, କାକେ ହେଁ ସଃଙ୍ଗେ ଜଃଉଁକେ ନଃଦିଲା । 
\v 52 ମଃତର୍‌ ସଃବୁ ଲକ୍‌ ପାର୍ତ୍‌ନା ଗଃରାର୍‌ ମୁଳିକାର୍‌ ଜିସି ମଃଲାକ୍‌ ଉରେ ମାରିଅୟ୍‌ କାନ୍ଦ୍‌ତି ରିଲାୟ୍‌, ସେତାକ୍‌ ଜିସୁ କୟ୍‌ଲା, “କାନ୍ଦା ନାୟ୍‌, ସେ ନଃମେରେ ମଃତର୍‌ ସଇ ଆଚେ ।”
\p
\v 53 ମଃତର୍‌ ସେ ମଃରି ଆଚେ ବଃଲି ଜାଣିରିଲାକ୍‌ ଲକ୍‌ମଃନ୍ ଜିସୁକେ ଗେଙ୍ଗ୍ରାଉଁକ୍‌ ଦଃର୍ଲାୟ୍‌ । 
\v 54 ମଃତର୍‌ ଜିସୁ ଟକିର୍‌ ଆତେ ଦଃରି କୟ୍‌ଲା, “ଏ ନୁନି ହିଲା ଉଟ୍‌ ।” 
\v 55 ସେତାକ୍‌ ତାର୍‌ ଆତ୍ମା ବାଉଳି ଆୟ୍‌ଲି ଆର୍‌ ସେ ସେଦାହ୍ରେ ଉଟ୍‌ଲି, ଆରେକ୍‌ ଜିସୁ ତାକ୍‌ କାୟ୍‌ରି କଃଣ୍ଡେକ୍‌ କାଉଁକେ ଦେଉଁକେ କୟ୍‌ଲା । 
\v 56 ଇତାକ୍‌ ତାର୍‌ ଉବାସି ଆୟ୍‌ସି କାବା ଅୟ୍‌ଲାୟ୍‌, ମଃତର୍‌ ସେ ଗଃଟ୍‍ଣାର୍‌ କଃତା କାକେ ହେଁ କଃଉଆ ନାୟ୍‌ ବଃଲି ସେମଃନ୍‌କେ କୟ୍‌ଲା ।
\c 9
\s ଜିସୁ ବାର ଗଟ୍‌ ଚେଲାକେ ହଃଟାୟ୍‌ଲା
\r (ମାର୍କ ୧୦:୫-୧୫; ମାର୍କ ୬:୭-୧୩)
\p
\v 1 ଇ ବିତ୍ରେ ଜିସୁ ବାର ଗଟ୍‌ ଚେଲାକେ କୁଦି ଗଟ୍‌ ଟାଣେ ରୁଣ୍ଡାୟ୍‌ଲା, ଆର୍‌ ସେମଃନ୍‌କେ ସଃବୁ ବୁତ୍‌ ଚାଡାଉଁକେ ଆରେକ୍‌ ରଗ୍ ଉଜ୍‌ କଃରୁକେ ସଃକ୍ତି ଆର୍‌ ଅଃଦିକାର୍‌ ଦିଲା । 
\v 2 ସେ ସେମଃନ୍‌କେ ମାପ୍ରୁର୍‌ ରାଇଜାର୍‌ ନିକ କବୁର୍‌ ପର୍ଚାର୍‌ କଃରୁକେ ଆର୍‌ ରଗିମଃନ୍‌କେ ନିକ କଃରୁକେ ଅଃଦିକାର୍‌ ଦଃୟ୍‌ ହଃଟାୟ୍‌ଲା । 
\v 3 ଆର୍‌ ସେମଃନ୍‌କେ କୟ୍‌ଲା, “ତୁମିମଃନ୍ ଜାତା ବଃଳ୍‌ ଡାଙ୍ଗ୍, ମଣା, ରୁଟି କି ଟଃକା, କାୟ୍‌ରି ହେଁ ନିଆ ନାୟ୍‌, ଆରେକ୍‌ ଜଳେକ୍‌ ଆଙ୍ଗି ହେଁ ସଃଙ୍ଗେ ଦଃରା ନାୟ୍‌ । 
\v 4 ଆର୍‌ ଜୁୟ୍‌ ଗଃରେ ଜାହାସ୍‌, ସେତିହୁଣି ନଃବାଉଳ୍‌ତା ହଃତେକ୍‌ ସେତି ରିଆ । 
\v 5 \x + \xo ୯:୫ \xo*\xt ପେରି ୧୩:୫୧.\xt*\x*\x + \xo ୯:୫ \xo*\xt ଲୁକ ୧୦:୪-୧୧.\xt*\x*ଆର୍‌ ଜଃତେକ୍‌ ଲକ୍‌ ତୁମିମଃନ୍‌କେ ନଃଦେର୍‌ତି, ସେ ଗଃଳେ ହୁଣି ବାରାୟ୍‌ ଜାତା ବଃଳ୍‌, ସେମଃନାର୍‌ ବିରଦେ ସାକି ଦେଉଁକେ ତୁମାର୍‌ ହାଦାର୍‌ ଦୁଳି ହାହଳି ଦିଆସ୍‌ ।”
\p
\v 6 ସେତାକ୍‌ ସେମଃନ୍ ସେତିହୁଣି ଗଃଲାୟ୍‌ ଆର୍‌ ସଃବୁ ହାକ୍‌ ନିକ କବୁର୍‌ ପର୍ଚାର୍‌ ଆର୍‌ ରଗିମଃନ୍‌କେ ଉଜ୍‌ କଃରୁ କଃରୁ ଗାଉଁ ଗାଉଁ ବୁଲୁକ୍‌ ଦଃର୍ଲାୟ୍‌ ।
\s ହେରଦ୍‌ କାବା ଅୟ୍‌ଲା
\r (ମାତି ୧୪:୧-୧୨; ମାର୍କ ୬:୧୪-୨୯)
\p
\v 7 \x + \xo ୯:୭ \xo*\xt ମାତି ୧୬:୧୪; ମାର୍କ ୮:୨୮; ଲୁକ ୯:୧୯.\xt*\x*ଜଃଡେବଃଳ୍‌ ତଃଳ୍ୟାରଃଜା ହେରଦ୍‌ ଇସଃବୁ ଗଃଟ୍‍ଣା କଃତା ସୁଣି ବେସି କାବା ଅୟ୍‌ଲା, ଆର୍‌ ତାର୍‌ ବୁଦି ବାଣା ଅୟ୍‌ଲି, କାୟ୍‌ତାକ୍‌ବଃଲେକ୍‌ ବାପ୍ତିସମ୍‌ ଦେତା ଜହନ୍‌ ମଃର୍ନେ ହୁଣି ଉଟି ଆଚେ ବଃଲି କେ କେ କଃଉତି ରିଲାୟ୍‌ । 
\v 8 ଆରେକ୍‌ କେ କେ ଏଲିୟ ଦଃକାୟ୍‌ ଅୟ୍‌ଆଚେ ଆର୍‌ ବିନ୍ ଲକ୍‌ମଃନ୍ ଆଗ୍ ହୁର୍ବାର୍‌ ବାବ୍‌ବାଦିମଃନାର୍‌ ବିତ୍ରେ ଗଟେକ୍‌ ମଃର୍ନେହୁଣି ଉଟି ଆଚେ ବଃଲି କଃଉତି ରିଲାୟ୍‌ । 
\v 9 ମଃତର୍‌ ହେରଦ୍‌ ରଃଜା କୟ୍‌ଲା, “ଜହନ୍‌କେ ମୁଣ୍ଡ୍ ତ ମୁଁୟ୍‌ କାଟି ଆଚି, ମଃତର୍‌ ଜାର୍‌ ବିସୟେ ମୁଁୟ୍‌ ଅଃନ୍‌କାର୍‌ ସୁଣୁଲେ ଏ ତଃବେ କେ ?” ଆର୍‌ ସେ ତାକ୍‌ ଦଃକୁକ୍‌ ମଃନ୍‌ କଃର୍ତି ରିଲା ।
\s ଜିସୁ ହାଁଚ୍ ଆଜାର୍‌ ଲକ୍‌କେ କାଳାୟ୍‌ଲା
\r (ମାତି ୧୪:୧୩-୨୧; ମାର୍କ ୬:୩୦-୪୪; ଜହ ୬:୧-୧୪)
\p
\v 10 ତାର୍‌ହଃଚେ ହଃଟାୟ୍‌ଲା ଚେଲାମଃନ୍ ବାଉଳି ଆସି, ଜାୟ୍‌ରି ଜାୟ୍‌ରି କଃରି ରିଲାୟ୍‌ ସେରି ସଃବୁ ଜିସୁକେ ଗଟେକ୍‌ ଗଟେକ୍‌ କଃରି କୟ୍‌ଲାୟ୍‌, ଆର୍‌ ସେମଃନ୍‌କେ ସଃଙ୍ଗେ ଦଃରି ଅଃଲ୍‌ଗା ଅୟ୍‌ ବେତ୍‌ସାଇଦା ନାଉଁଆର୍‌ ଗଃଳେ ଗଃଳାୟ୍‌ । 
\v 11 ମଃତର୍‌ ଲକ୍‌ମଃନ୍ ସେରି ଜାଣି ତାର୍‌ ହଃଚେ ହଃଚେ ଗଃଳାୟ୍‌, ଜିସୁ ମଃନ୍‌ବିଚାରି ସେମଃନ୍‌କେ କୁଦ୍‌ଲା, ଆର୍‌ ମାପ୍ରୁ ରାଇଜାର୍‌ କଃତା ସେମଃନ୍‌କେ କଃଉଁକେ ଦଃର୍ଲା, ଆର୍‌ ଜୁୟ୍‌ ଲକ୍‌ମଃନାର୍‌ ରଗେ ହୁଣି ଉଜ୍‌ ଅଃଉତାର୍‌ ଲଳା ରିଲି ସେମଃନ୍‌କେ ଉଜ୍‌ କଃଲା ।
\p
\v 12 ଇ ବିତ୍ରେ ବେଳ୍‌ ଆଡ୍ ମାରୁକ୍‌ ଦଃର୍ଲି, ସେତାକ୍‌ ବାର ଚେଲାମଃନ୍ ଆସି ଜିସୁକେ କୟ୍‌ଲାୟ୍‌, “ଲକ୍‌ମଃନ୍ ଜଃନ୍‌କଃରି ଚାରିହଃକାର୍‌ ଗାଉଁ ଆର୍‌ ହାଳା ମଃନ୍‌କେ ଜାୟ୍‌ ରେଉଁକେ ଟାଣ୍ ଆର୍‌ କାଦି ହାଉଁ ହାର୍‌ତି, ସେତାକ୍‌ ସେମଃନ୍‌କେ ସେଲ ଦେସ୍‌, କାୟ୍‌ତାକ୍‌ବଃଲେକ୍‌ ଅଃମିମଃନ୍‌ ଇତି ଲକ୍‌ବାକ୍‌ ନୟ୍‌ଲା ଟାଣେ ଆଚୁ ।”
\p
\v 13 ମଃତର୍‌ ଜିସୁ ସେମଃନ୍‌କେ କୟ୍‌ଲା, “ତୁମିମଃନ୍ ସେମଃନ୍‌କେ କାଦି କାଳାଉଆ ।” ସେମଃନ୍ କୟ୍‌ଲାୟ୍‌, “ଅଃମାର୍‌ ଚଃମେ ହାଁଚ୍ ଗଟ୍‌ ରୁଟି ଆର୍‌ ଜଳେକ୍‌ ମାଚ୍ ହୁଣି ଅଃଦିକ୍‌ ନାୟ୍‌, ସେରି ନୟ୍‌ଲେକ୍‌ ଅଃମିମଃନ୍‌ କାୟ୍‌ ଜାୟ୍‌ ଇ ସଃବୁ ଲକ୍‌ମଃନାର୍‌ ଗିନେ କାଦି ଗେନୁଆଁ ?” 
\v 14 କାୟ୍‌ତାକ୍‌ବଃଲେକ୍‌ ସେମଃନ୍ ମାୟ୍‌ଜି ଆର୍‌ ହିଲାଟକିକେ ଚାଡି ଅଃବ୍‌କା ଅଃଣ୍ଡ୍ରାମଃନ୍‌ ହାକାହାକି ହାଁଚ୍ ଆଜାର୍‌ ରିଲାୟ୍‌, ଆର୍‌ ଜିସୁ ଅଃହ୍‌ଣାର୍‌ ଚେଲାମଃନ୍‌କେ କୟ୍‌ଲା, “ଦୁୟ୍‌କଳି ଦଃସ୍‌ ଲେକା ଦଃଳ୍‌ ଦଃଳ୍‌ କଃରି ଲକ୍‌ମଃନ୍‌କେ ବଃସାଉଆ ।”
\p
\v 15 ସେତାକ୍‌ ସେମଃନ୍ ସେନ୍ କଃରି ବଃସାୟ୍‌ଲାୟ୍‌ । 
\v 16 ଆରେକ୍‌ ସେ ହାଁଚ୍‌ଗଟ୍‌ ରୁଟି ଆର୍‌ ଜଳେକ୍‌ ମାଚ୍‌କେ ଦଃରି ସଃର୍ଗ୍‌ ହାକ୍‌ ଦଃକି ସେରି ଆସିର୍ବାଦ୍‌ କଃଲା ଆରେକ୍‌ ବାଙ୍ଗି ଲକ୍‌ମଃନ୍‌କେ ଦେଉଁକେ ଚେଲାମଃନ୍‌କେ ଦେଉଁକେ ଦଃର୍ଲା । 
\v 17 ସେତାକ୍‌ ସଃବୁ ଲକ୍‌ ଆଦାର୍‌ ହୁର୍ନେ କାୟ୍‌ଲାୟ୍‌ ଆର୍‌ ତାକାର୍‌ ତଃୟ୍‌ ଉବ୍ରି ରିଲାର୍‌ ଚେଲାମଃନ୍ ବାର ଡଃଲା ବାଙ୍ଗ୍‌ଲା ରୁଟିମଃନ୍‌ ବେଟ୍‌ଲାୟ୍‌ ।
\s ଜିସୁର୍‌ କଃତା ପିତର୍‌ ହୁଟାୟ୍‌ କଃରି କୟ୍‌ଲା
\r (ମାତି ୧୬:୧୩-୧୯; ମାର୍କ ୮:୨୭-୨୯)
\p
\v 18 ଗଟ୍‌ତର୍‌ ଜିସୁ ଲକ୍‌ବାକ୍‌ ନୟ୍‌ଲା ଟାଣେ ପାର୍ତ୍‌ନା କଃର୍ତା ବଃଳ୍‌, ଚେଲାମଃନ୍ ତାର୍‌ ସଃଙ୍ଗ୍ ରିଲାୟ୍‌ ଆର୍‌ ସେ ସେମଃନ୍‌କେ ହଃଚାର୍ଲା, “ମୁଁୟ୍‌ କେ ବଃଲି ଲକ୍‌ମଃନ୍ କାୟ୍‌ରି କଃଉଁଲାୟ୍‌ ?”
\p
\v 19 \x + \xo ୯:୧୯ \xo*\xt ମାତି ୧୪:୧,୨; ମାର୍କ ୬:୧୪,୧୫; ଲୁକ ୯:୭,୮.\xt*\x*ଇତାକ୍‌ ସେମଃନ୍ କୟ୍‌ଲାୟ୍‌, “ବାପ୍ତିସମ୍‌ ଦେତା ଜହନ୍‌, ମଃତର୍‌ କେ କେ କଃଉତି ଏଲିୟ ଆର୍‌ କେ କେ କଃଉତି ଆଗ୍ ହୁର୍ବାର୍‌ ବାବ୍‌ବାଦିମଃନାର୍‌ ବିତ୍ରେ ଗଟେକ୍‌ ମଃର୍ନେ ହୁଣି ଉଟି ଆଚେ ।”
\p
\v 20 \x + \xo ୯:୨୦ \xo*\xt ଜହ ୬:୬୮,୬୯.\xt*\x*ଜିସୁ ସେମଃନ୍‌କେ ହଃଚାର୍ଲା, “ମଃତର୍‌ ମୁଁୟ୍‌ କେ ବଃଲି ତୁମିମଃନ୍ କାୟ୍‌ରି କଃଉଁଲାସ୍‌,” ପିତର୍‌ କୟ୍‌ଲା, “ତୁୟ୍‌ ଇସ୍ୱରାର୍‌ କ୍ରିସ୍ଟ ।”
\s ଜିସୁ ଅଃହ୍‌ଣାର୍‌ ଦୁକ୍‌ ବୟ୍‌ଗ୍‌ ଆର୍‌ ମଃର୍ତା କଃତା ଜାଣାୟ୍‌ଲା
\r (ମାତି ୧୬:୨୦-୨୮; ମାର୍କ ୮:୩୦–୯:୧)
\p
\v 21 ସେତାକ୍‌ ଜିସୁ ଇ କଃତା କାକେ ହେଁ ନଃକଉଁକ୍‌ ଅଃଟୁଆ କଃରି ଚେଲାମଃନ୍‌କେ କୟ୍‌ଲା, 
\v 22 ଆରେକ୍‌ ସେ ସେମଃନ୍‌କେ କୟ୍‌ଲା, “ନଃରାର୍‌ ହୟ୍‌ସିକେ ଜଃନ୍‌କଃରି ହେଁ ବଃଡେ ଦୁକ୍‌ ବୟ୍‌ଗ୍‌ କଃରୁକେ ଅୟ୍‌ଦ୍‌ ଆର୍‌ ପାରାଚିନ୍, ବଃଡ୍ ଜାଜକ୍‌ ଆର୍‌ ଦଃର୍ମ୍‌ ଗୁରୁମଃନ୍‌ ତାକେ ଦୁର୍‌ କଃର୍ତି, ଆର୍‌ ମଃର୍ନେ ମାର୍‌ତି ଆର୍‌ ତିନି ଦିନାର୍‌ ତଃଳେ ଉଟୁକ୍‌ ଅୟ୍‌ଦ୍‌ ।”
\p
\v 23 \x + \xo ୯:୨୩ \xo*\xt ମାତି ୧୦:୩୮; ଲୁକ ୧୪:୨୭.\xt*\x*ସଃଡେବଃଳ୍‌ ସେ ସଃବ୍‌କେ କୟ୍‌ଲା, “କେ ଜଦି ମର୍‌ ହଃଚେ ଆସୁକ୍‌ ମଃନ୍ କଃରେଦ୍‌, ତଃବେ ସେ ଅଃହ୍‌ଣାକ୍‌ ଚାଡ ଆର୍‌ ହଃତି ଦିନ୍ ଅଃହ୍‌ଣାର୍‌ କ୍ରୁସ୍‌ ବୟ୍‌କଃରି ମର୍‌ ହଃଚେ ହଃଚେ ଆସ । 
\v 24 \x + \xo ୯:୨୪ \xo*\xt ମାତି ୧୦:୩୯; ଲୁକ ୧୭:୩୩; ଜହ ୧୨:୨୫.\xt*\x*କାୟ୍‌ତାକ୍‌ବଃଲେକ୍‌ ଜୁୟ୍‌ ଲକ୍‌ ଅଃହ୍‌ଣାର୍‌ ଜିବନ୍ ରଃକ୍ୟାକଃରୁକେ ମଃନ୍‌କଃରେଦ୍‌, ସେ ସେରି ଆରାୟ୍‌ଦ୍‌, ମଃତର୍‌ ଜୁୟ୍‌ ଲକ୍‌ ମର୍‌ ଗିନେ ଅଃହ୍‌ଣାର୍‌ ଜିବନ୍ ଆରାୟ୍‌ଦ୍‌, ସେ ତାର୍‌ ଜିବନ୍ ବଚାୟ୍‌ଦ୍‌ । 
\v 25 ଆର୍‌ ମାନାୟ ଜଃଡେବଃଳ୍‌ ଜଃଗତାର୍‌ ସଃବୁ ହାୟ୍‌ ଅଃହ୍‌ଣାକ୍‌ ଆରାୟ୍‌ଦ୍‌, ତଃବେ ତାର୍‌ କାୟ୍‌ ଲାବ୍‌ ? 
\v 26 ସେତାକ୍‌ ଜୁୟ୍‌ ଲକ୍‌ ମର୍‌ ବଃଚନ୍ ଗିନେ ଲାଜ୍‌ ଅୟ୍‌ଦ୍‌, ନଃରାର୍‌ ହୟ୍‌ସି ଜଃଡେବଃଳ୍‌ ଅଃହ୍‌ଣାର୍‌ ଆର୍‌ ଉବାସିର୍‌ ଆରେକ୍‌ ପବିତ୍ର ଦୁତ୍‌ ମଃନାର୍‌ ଜଃଜ୍‌ମାନ୍‌ ସଃଙ୍ଗ୍ ଆସେଦ୍‌, ସଃଡେବଃଳ୍‌ ସେ ହେଁ ତାର୍‌ ବିସୟେ ଲାଜ୍‌ କଃରେଦ୍‌ । 
\v 27 ମଃତର୍‌ ମୁଁୟ୍‌ ତୁମିକେ ସଃତ୍‌ କଃଉଁଲେ ମାପ୍ରୁର୍‌ ରାଇଜ୍‌ ନଃଦେକ୍‌ତା ହଃତେକ୍‌ ଇତି ଟିଆ ଅୟ୍‌ ରିଲା ଲକ୍‌ମଃନାର୍‌ ବିତ୍ରେ କଃତେକ୍‌ ଲକ୍‌ ବାୟ୍‌ଦ୍‌ରେ ନଃମେର୍ତି ।”
\s ଜିସୁର୍‌ ରୁହ୍‌ ବାଦୁଲ୍‌ଲି
\r (ମାତି ୧୭:୧-୮; ମାର୍କ ୯:୨-୮)
\p
\v 28 ଇ ସଃବୁ ଗଃଟ୍‍ଣାର୍‌ ଆଟ୍‌ଦିନ୍ ହଃଚେ ଜିସୁ ପିତର୍‌, ଜହନ୍‌, ଆର୍‌ ଜାକୁବକେ ସଃଙ୍ଗେ ଦଃରି ପାର୍ତ୍‌ନା କଃରୁକେ ଡଙ୍ଗୁର୍‌ ଉହ୍ରେ ଗଃଲା । 
\v 29 ଆରେକ୍‌ ସେ ପାର୍ତ୍‌ନା କଃର୍ତା ବଃଳ୍‌ ତାର୍‌ ମୁଆଁର୍‌ ରୁହ୍‌ ବାଦୁଲ୍‌ଲି ଆର୍‌ ତାର୍‌ ବଃସ୍ତର୍‌ ଚିଟ୍‌ଦବ୍‌ ଆର୍‌ ବଃଡେ ଉଜାଳ୍‌ ଅୟ୍‌ଲି । 
\v 30 ଆର୍‌ ଦଃକା, ତଃତ୍‌କାଣ୍, ମସା ଆର୍‌ ଏଲିୟ ଇ ଦୁୟ୍‌ ଲକ୍‌ ତାର୍‌ ସଃଙ୍ଗ୍ କଃତାବାର୍ତା ଅଃଉଁକେ ଦଃର୍ଲାୟ୍‌ । 
\v 31 ସେମଃନ୍ ସଃର୍ଗାର୍‌ ଜଃଜ୍‌ମାନ୍‌ ସଃଙ୍ଗ୍ ଦଃକାୟ୍‌ ଅଃଉତି ରିଲାୟ୍‌, ଜିସୁ ଜିରୁସାଲମେ ଜଃଉଁକେ ଜୁୟ୍‌ ମଃନ୍‌ କଃର୍ତି ରିଲା ବିସୟ୍‌କ୍‌ ଦଃରି କଃତାବାର୍ତା ଅଃଉତି ରିଲାୟ୍‌ । 
\v 32 ସଃଡେବଃଳ୍‌ ପିତର୍‌ ଆର୍‌ ତାର୍‌ ସଃଙ୍ଗୁଆଳିମଃନ୍‌ ବର୍‌ ନିଦେ ସଇ ରିଲାୟ୍‌, ମଃତର୍‌ ସେମଃନ୍ ନିଦେହୁଣି ଚେତା ଅୟ୍‌ଲାକ୍‌, ଜିସୁର୍‌ ଜଃଜ୍‌ମାନ୍‌ ଆର୍‌ ତାର୍‌ ସଃଙ୍ଗ୍ ଟିଆ ଅୟ୍‌ରିଲା ଦୁୟ୍‌ ଲକ୍‌କେ ଦଃକ୍‌ଲାୟ୍‌ । 
\v 33 ଆରେକ୍‌ ସେମଃନ୍ ତାକାର୍‌ ତଃୟ୍‌ହୁଣି ଆସ୍ତା ବଃଳ୍‌ ପିତର୍‌ ଜିସୁକେ କୟ୍‌ଲା, “ଏ ଗୁରୁ, ଅଃମିମଃନ୍‌ ଇତି ଆଚୁ ଇରି ନିକ ଅଃମିମଃନ୍‌ ତିନିଗଟ୍‌ କୁଳିଆ ତିଆର୍‌ କଃରୁନ୍ଦ୍‌ ତର୍‌ ଗିନେ ଗଟେକ୍‌ ମସାର୍‌ ଗିନେ ଗଟେକ୍‌ ଆର୍‌ ଏଲିୟର୍‌ ଗିନେ ଗଟେକ୍‌,” ମଃତର୍‌ ପିତର୍‌ କାୟ୍‌ରି କଃଉଁଲା, ସେରି ଜାଣୁ ନଃହାର୍‌ଲା ।
\p
\v 34 ପିତର୍‌ ଇରି କଃଉଁ କଃଉଁ କଃଣ୍ଡେକ୍‌ ମେଗ୍ ଆସି ସେମଃନ୍‌କେ ଡାହ୍‌ଲି ଆର୍‌ ସେମଃନ୍ ମେଗେ ହୁର୍ତା ବଃଳ୍‌ ଡିର୍ଲାୟ୍‌ । 
\v 35 \x + \xo ୯:୩୫ \xo*\xt ମାତି ୩:୧୭; ୧୨:୧୮; ମାର୍କ ୧:୧୧; ଲୁକ ୩:୨୨.\xt*\x*\x + \xo ୯:୩୫ \xo*\xt ୨ ପିତ ୧:୧୭,୧୮.\xt*\x*ଆରେକ୍‌ ସେ ମେଗେ ହୁଣି ଇ କଃତା ସୁଣା ଅୟ୍‌ଲି, “ଇରି ମର୍‌ ହଅ, ମୁୟ୍‌ଁ ବାଚ୍‌ଲାର୍‌, ଆର୍‌ କଃତା ସୁଣା ।”
\p
\v 36 ଇ କଃତା ସୁଣ୍‌ଲା ହଃଚେ ଜିସୁ ଏକ୍ଲା ଡିସ୍‌ଲା, ଆର୍‌ ସେମଃନ୍ ତୁନ୍‌ ହାଳ୍‌ଲାୟ୍‌ ଆର୍‌ ଜାୟ୍‌ରି ଜାୟ୍‌ରି ଦଃକି ରିଲାୟ୍‌, ସେତିର୍‌ କାୟ୍‌ କଃତା ସଃଡେବଃଳ୍‌ କାକେ ହେଁ ନଃକୟ୍‌ଲାୟ୍‌ ।
\s ଜିସୁ ବୁତ୍‌ ଡଃସ୍‌ଲା ହିଲାକ୍‌ ଉଜ୍‌ କଃଲା
\r (ମାତି ୧୭:୧୪-୧୮; ମାର୍କ ୯:୧୪-୨୭)
\p
\v 37 ତାର୍‌ ଆର୍‌କ ଦିନ୍ ଜିସୁ ଆର୍‌ ତାର୍‌ ତିନିଗଟ୍‌ ଚେଲାମଃନ୍ ଡଙ୍ଗ୍ରେ ହୁଣି ଉତୁର୍ଲାକ୍‌ ବୁତେକ୍‌ ଲକ୍‌ମଃନ୍ ତାକ୍‌ ବେଟ୍‌ ଅୟ୍‌ଲାୟ୍‌, 
\v 38 ଆର୍‌ ଦଃକା, ଲକ୍‌ମଃନାର୍‌ ବିତ୍ରେ ଗଟ୍‌ ଲକ୍‌ ଆଉଲି ଅୟ୍‌ କୟ୍‌ଲା, “ଏ ଗୁରୁ ମୁଁୟ୍‌ ତକେ ଗଃଉଆରି କଃରୁଲେ ମର୍‌ ହିଲାକ୍‌ ଦଃର୍ମ୍‌ କଃର୍‌, କାୟ୍‌ତାକ୍‌ବଃଲେକ୍‌ ସେ ମର୍‌ ଗଟେକ୍‌ ବଃଲି ହିଲା । 
\v 39 ଦଃକ୍‌ ତାକ୍‌ ଗଟେକ୍‌ ବୁତ୍‌ ଦଃରେଦ୍‌ ଆର୍‌ ସେ ତଃତ୍‌କାଣ୍ ଆଉଲି ଅୟ୍‌ଦ୍‌, ଆରେକ୍‌ ସେ ତାକ୍‌ ଅଃନ୍‌କା ଆଳାଡାଳା କଃରେଦ୍‌ ମୁଏଁ ହୁଣି ହେହୁଲ୍‌ ବାରାୟ୍‌ଦ୍‌, ଆରେକ୍‌ ସେ ତାକେ ବାନା କାବ୍‌ରା କଃରି ବଃଡେ କଃସ୍ଟେ ବାରାୟ୍‌ ଜାୟ୍‌ଦ୍‌ । 
\v 40 ତାକ୍‌ ଚାଡାଉଁକେ ତର୍‌ ଚେଲାମଃନ୍‌କେ ଗଃଉଆରି କଃଲେ, ମଃତର୍‌ ସେମଃନ୍ ନଃହାର୍‌ଲାୟ୍‌ ।”
\p
\v 41 ଜିସୁ କୟ୍‌ଲା, “ରେ ଅବିସ୍ୱାସି ବିନ୍ ବାଟ୍‌ ଜାତା ବଃଉଁସ୍‌ କଃତେକ୍‌ କାଳ୍‌ ମୁଁୟ୍‌ ତୁମାର୍‌ ସଃଙ୍ଗ୍ ରଃୟ୍‌ ତୁମିମଃନାର୍‌ ଇବାନ୍ୟା କଃତା ସଃମ୍ବାଳିନ୍ଦ୍‌, ତର୍‌ ହଅକେ ଇତି ଆଣ୍,” 
\v 42 ସେ ଆସ୍ତା ବଃଳ୍‌ ବୁତ୍‌ ତାକ୍‌ ତଃଳେ ଅଦ୍ରାୟ୍‌ ବଃଡେ ଆଳାଡାଳା କଃଲି, ମଃତର୍‌ ଜିସୁ ବିଟାଳ୍‌ ବୁତ୍‌କେ ଦଃମ୍‌କାୟ୍‌ଲା ଆର୍‌ ବାର୍‌ କଃଲା ଆର୍‌ ହିଲାକ୍‌ ଉଜ୍‌ କଃରି ତାର୍‌ ଉବାସିର୍‌ ଆତେ ଦିଲା । 
\v 43 ସେତାକ୍‌ ସଃବୁଲକ୍‌ ଇସ୍ୱରାର୍‌ ବଃଡେ ସଃକ୍ତି ଦଃକି କାବା ଅୟ୍‌ଲାୟ୍‌, ମଃତର୍‌ ତାର୍‌ କଃଲା ସଃବୁ କାମ୍‌ ଗିନେ ସଃବୁ ଲକ୍‌ କାବା ଅଃଉତାବଃଳ୍‌ ସେ ଅଃହ୍‌ଣାର୍‌ ଚେଲା ମଃନ୍‌କେ କୟ୍‌ଲା ।
\s ଜିସୁ ନିଜାର୍‌ ମଃର୍ନ୍‌ କଃତା ଆରେକ୍‌ ଗଟ୍‌ତର୍‌ କୟ୍‌ଲା
\r (ମାତି ୧୭:୨୨-୨୩; ମାର୍କ ୯:୩୦-୩୨)
\p
\v 44 “ଇ ସଃବୁ କଃତା ତୁମିମଃନାର୍‌ କାନେ ହୁରାଉଆ, କାୟ୍‌ତାକ୍‌ବଃଲେକ୍‌ ନଃରାର୍‌ ହୟ୍‌ସି ମାନାୟ୍‌ମଃନାର୍‌ ଆତେ ସଃର୍ହି ଅଃଉଁକେ ଜଃଉଁଲା ।” 
\v 45 ମଃତର୍‌ ଚେଲାମଃନ୍ ସେକଃତା ବୁଜୁ ନଃହାର୍‌ଲାୟ୍‌, ଆର୍‌ ସେରି ସେମଃନାର୍‌ ତଃୟ୍‌ ଲୁକ୍‌ଣେ ରିଲି, ଜଃନ୍‌କଃରି ସେମଃନ୍‌ ବୁଜୁକ୍‌ ନଃହାର୍ତି, ଆରେକ୍‌ ସେମଃନ୍ ସେ କଃତା ତାକ୍‌ ହଃଚାରୁକ୍‌ ଡିର୍ତି ରିଲାୟ୍‌ ।
\s ସଃବ୍‌କେ ବଃଡ୍ କେ
\r (ମାତି ୧୮:୧-୫; ମାର୍କ ୯:୩୩-୩୭)
\p
\v 46 \x + \xo ୯:୪୬ \xo*\xt ଲୁକ ୨୨:୨୪.\xt*\x*ସେମଃନାର୍‌ ବିତ୍ରେ କେ ବଃଡ୍ ସେ କଃତାକ୍‌ ସେମଃନ୍ ତାକାର୍‌ ତାକାର୍‌ ବିତ୍ରେ ଦଃରାଦଃରି ଅୟ୍‌ଲାୟ୍‌ । 
\v 47 ମଃତର୍‌ ଜିସୁ ସେମଃନାର୍‌ ଦଃରାଦଃରି ଅଃଉତାର୍‌ ମଃନ୍‌ ବିତ୍ରେ ଜାଣି ଗଟେକ୍‌ ସାନ୍ ହିଲାକ୍‌ ଦଃରି ଅଃହ୍‌ଣାର୍‌ ଚଃମେ ଟିଆ କଃରାୟ୍‌ ସେମଃନ୍‌କେ କୟ୍‌ଲା, 
\v 48 \x + \xo ୯:୪୮ \xo*\xt ମାତି ୧୦:୪୦; ଲୁକ ୧୦:୧୬; ଜହ ୧୩:୨୦.\xt*\x*“ଜୁୟ୍‌ ଲକ୍‌ ମର୍‌ ନାଉଁଏ ଇ ସାନ୍ ହିଲାକ୍‌ ଆଗଳେଦ୍‌ ସେ ମକେ ଆଗଳେଦ୍‌ ଆର୍‌ ଜେ ମକେ ଆଗଳେଦ୍‌ ସେ ମର୍‌ ହଃଟାୟ୍‌ଲା ଉବାକ୍‌ ଆଗଳେଦ୍‌, କାୟ୍‌ତାକ୍‌ବଃଲେକ୍‌ ତୁମାର୍‌ ସଃବ୍‌କାର୍‌ ବିତ୍ରେ ଜେ ସଃବେକ୍‌ ସାନ୍ ସେ ସଃବ୍‌କେ ବଃଡ୍ ।”
\s ଜେ ତୁମାର୍‌ ବିରଦି ନାୟ୍‌ ସେ ତୁମାର୍‌ ଦଃଳାର୍‌
\r (ମାର୍କ ୯:୩୮-୪୦)
\p
\v 49 ସେତାକ୍‌ ଜହନ୍‌ କୟ୍‌ଲା, “ଏ ଗୁରୁ, ଅଃମିମଃନ୍‌ ଗଟ୍‌ ଲକ୍‌କେ ତର୍‌ ନାଉଁଏ ବୁତ୍‌ ଚାଡାଉତାର୍‌ ଦଃକ୍‌ଲୁ ଆର୍‌ ସେ ଅଃମାର୍‌ ଦଃଳେ ନଃରିଲାକ୍‌ ଅଃମି ତାକେ ମଃନା କଃଲୁ ।”
\p
\v 50 ମଃତର୍‌ ଜିସୁ କୟ୍‌ଲା, “ମଃନା କଃରା ନାୟ୍‌, କାୟ୍‌ତାକ୍‌ବଃଲେକ୍‌ ଜେ ତୁମାର୍‌ ବିରଦି ନାୟ୍‌ ସେ ତୁମାର୍‌ ଦଃଳାର୍‌ ଲକ୍‌ ।”
\s ସମିରଣିୟ ଗାଉଁଏ ଜିସୁକେ ନଃଦେର୍‌ଲାୟ୍‌
\p
\v 51 ହଃଚେ ଜଃଡେବଃଳ୍‌ ଜିସୁର୍‌ ସଃର୍ଗେ ଜାତାର୍‌ ବେଳା ହୁରୁଣ୍ ଅୟ୍‌ ଆସ୍ତି ରିଲି, ସଃଡେବଃଳ୍‌ ସେ ଜିରୁସାଲମ୍‌ ଜଃଉଁକେ ମଃନ୍‌କେ ଅଃଟୁଆ କଃରି, 
\v 52 ଅଃହ୍‌ଣାର୍‌ ଆଗ୍‌ତୁ ଲକ୍‌ ହଃଟାୟ୍‌ଲା, ସେମଃନ୍ ଜାୟ୍‌ ତାର୍‌ ଗିନେ ସଃବୁ ଟିକ୍‌ କଃରୁକେ ସମିରଣିୟ ମଃନାର୍‌ ଗଟେକ୍‌ ଗାଉଁଏ ହୁର୍ଲାୟ୍‌ । 
\v 53 ମଃତର୍‌ ସେ ଜିରୁସାଲମ୍‌ ଜଃଉଁକେ ମଃନ୍‌ କଃରି ଆଚେ ବଃଲି ଜାଣି ତାକେ ମାନ୍‌ତି ନଃକେଲାୟ୍‌ । 
\v 54 ଇରି ଦଃକି ଜାକୁବ ଆର୍‌ ଜହନ୍‌ ସେ ଦୁୟ୍‌ ଚେଲା କୟ୍‌ଲାୟ୍‌, “ମାପ୍ରୁ, ଏଲିୟ\f + \fr ୯:୫୪ \fr*\f* ହେଁ ଜଃନ୍ କଃରି ରିଲା ସେନ୍ କଃର୍‌, ଅଃଗାସ୍‌ ଉହ୍ରେ ହୁଣି ଜୟ୍‌ ଅଦ୍ରି ସେମଃନ୍‌କେ ନାସ୍‌ କଃର, ଇରି ଅଃମିମଃନ୍‌ କଃଉନ୍ଦ୍ ବଃଲି କାୟ୍‌ ତର୍‌ ମଃନ୍ ?”
\p
\v 55 ମଃତର୍‌ ସେ ଲେଉଟି କଃରି ସେମଃନ୍‌କେ ରିସା ଅୟ୍‌ଲା ଆର୍‌ ଦଃକା ଦିଲା ଆର୍‌ କୟ୍‌ଲା, “ତୁମିମଃନ୍ କଃନ୍‌କା ଆତ୍ମାର୍‌ ଲକ୍‌ ଇରି ନଃଜାଣୁଲାସ୍‌, ନଃରାର୍‌ ହୟ୍‌ସି ମାନାୟ୍‌ମଃନାର୍‌ ହଃରାଣ୍‌ ନାସ୍‌ କଃରୁକେ ନାସେ ମଃତର୍‌ ବଚାଉଁକେ ଆସି ଆଚେ” 
\v 56 ତାର୍‌ହଃଚେ ସେମଃନ୍ ଆରେକ୍‌ ଗଟ୍‌ ବିନ୍ ଗାଉଁ ଗଃଳାୟ୍‌ ।
\s ଜିସୁର୍‌ ଚେଲା ଅଃଉଁକେ ମଃନ୍ କଃର୍ତା ଲକ୍‌ମଃନ୍
\r (ମାତି ୮:୧୯-୨୨)
\p
\v 57 ସେମଃନ୍ ବାଟେ ଜାତା ବଃଳ୍‌ ଗଟେକ୍‌ ଲକ୍‌ ଜିସୁକେ କୟ୍‌ଲା, “ତୁୟ୍‌ ଜୁୟ୍‌ତି ଗଃଲେକ୍‌ ହେଁ ମୁଁୟ୍‌ ତର୍‌ ହଃଚେ ହଃଚେ ଆସିନ୍ଦ୍‌ ।”
\p
\v 58 ଜିସୁ ତାକ୍‌ କୟ୍‌ଲା, “କଲ୍ୟାର୍‌ ହାର୍‌ ଆଚେ, ଅଃଗାସ୍‌ ଉହ୍ରାର୍‌ ଚେଳେମଃନାର୍‌ ବାସା ଆଚେ, ମଃତର୍‌ ନଃରାର୍‌ ହୟ୍‌ସିର୍‌ ମୁଣ୍ଡ୍ ଗୁଞ୍ଜୁକେ ଟାଣ୍ ନାୟ୍‌ ।” \fig ମାୟ୍‌ କଲ୍ୟା ତାର୍‌ ହିଲାମଃନାର୍‌ ସଃଙ୍ଗ୍ ହାରେ ରେଉଁଲାୟ୍‌|alt="Fox with kits in a hole" src="bk00051c.tif" size="col" copy="Horace Knowles ©" ref="9:58"\fig*
\p
\v 59 ତାର୍‌ହଃଚେ ସେ ଆରେକ୍‌ ଗଟ୍‌ ଲକ୍‌କେ କୟ୍‌ଲା, “ମର୍‌ ହଃଚେ ହଃଚେ ଆଉ ।”
\p ମଃତର୍‌ ସେ କୟ୍‌ଲା, “ଏ ମାପ୍ରୁ, ହଃର୍ତୁ ଜାୟ୍‌ ମର୍‌ ଉବାକ୍‌ ବେଟି ହଃକାଉଁକ୍‌ ମକ୍‌ ଚାଡି ଦେ ।”
\p
\v 60 ମଃତର୍‌ ସେ ତାକେ କୟ୍‌ଲା, “ମଃଲା ଲକ୍‌ମଃନ୍‌କେ ଅଃହ୍‌ଣା ଅଃହ୍‌ଣାର୍‌ ମଃଲା ଲକ୍‌କେ ବେଟି ହଃକାଉଁକ୍‌ ଚାଡି ଦେସ୍‌, ମଃତର୍‌ ତୁୟ୍‌ ଜା ଆର୍‌ ମାପ୍ରୁର୍‌ ରାଇଜ୍‌ କଃତା ପର୍ଚାର୍‌ କଃର୍‌ ।”
\p
\v 61 ଆରେକ୍‌ ଗଟ୍‌ ଲକ୍‌ ହେଁ କୟ୍‌ଲା, “ମାପ୍ରୁ ତର୍‌ ହଃଚେ ହଃଚେ ଆସିନ୍ଦ୍‌ ମଃତର୍‌ ହଃର୍ତୁ ମର୍‌ ଗଃରାର୍‌ ଲକ୍‌ମଃନ୍ ତଃୟ୍‌ହୁଣି ସେଲ ମାଗି ଆସୁକ୍‌ ଚାଡି ଦେ ।”
\p
\v 62 ମଃତର୍‌ ଜିସୁ ତାକ୍‌ କୟ୍‌ଲା, “ଜେ ନାଗୁରେ ଆତ୍‌ ଚାହି କଃରି ହଃଚ୍‌ବାଟ୍‌ ଦଃକେଦ୍‌, ସେ ମାପ୍ରୁର୍‌ ରାଇଜାର୍‌ ଜୟ୍‌ଗ୍‌ ନୟ୍‌ ।”
\c 10
\s ଜିସୁ ତିନି କଳି ଦଃସ୍‌ ଲକ୍‌କେ ହଃଟାୟ୍‌ଲା
\p
\v 1 ଆର୍‌ ହଃଚେ ମାପ୍ରୁ ଆର୍‌ ତିନି କଳି ଦଃସ୍‌ ଲକ୍‌କେ\f + \fr ୧୦:୧ \fr*\ft କଃତେକ୍‌ ଆଗ୍‌ତୁର୍‌ ଆତ୍‌ ଲେକାୟ୍‌ ତିନିକଳି ବାର ଲକ୍‌ ବଃଲି ଲେକା ଆଚେ ।\ft*\f* ବାଚ୍‌ଲା ଆର୍‌ ଜୁୟ୍‌ ଗଃଳେ ଆର୍‌ ଟାଣେ ସେ ଜଃଉଁକେ ମଃନ୍‌ କଃରି ରିଲା ସେ ଟାଣ୍ ମଃନ୍‌କେ ଦୁୟ୍‌ ଦୁୟ୍‌ ଲକ୍‌ କଃରି ସେମଃନ୍‌କେ ତାର୍‌ ଆଗ୍‌ତୁ ହଃଟାୟ୍‌ଲା । 
\v 2 \x + \xo ୧୦:୨ \xo*\xt ମାତି ୯:୩୭,୩୮.\xt*\x*ଆରେକ୍‌ ସେ ସେମଃନ୍‌କେ କୟ୍‌ଲା, “ତାସ୍‌ ସିନା ଜଃବର୍‌, ହାୟ୍‌ଟି କଃର୍ତା ଲକ୍‌ ଉଣା । ଇତାକ୍‌ ଅଃହ୍‌ଣାର୍‌ ତାସ୍‌ ହଃଦାୟ୍‌ ହାୟ୍‌ଟି କଃର୍ତା ଲକ୍‌କେ ହଃଟାଉଁକେ, ତାସ୍‌ହଃଦାର୍‌ ସାଉକାର୍‌କେ ଗଃଉଆରି କଃରା । 
\v 3 \x + \xo ୧୦:୩ \xo*\xt ମାତି ୧୦:୧୬.\xt*\x*ତୁମିମଃନ୍ ଜାହା ! ଦଃକା ବାଗ୍‌ମଃନାର୍‌ ମଃନ୍ଦାୟ୍‌ ମେଣ୍ଡାମଃନାର୍‌ ହର୍‌ ମୁଁୟ୍‌ ତୁମିମଃନ୍‌କେ ଅଃଦିକାର୍‌ ଦଃୟ୍‌ ହଃଟାଉଁଲେ । 
\v 4 ମଣା, ଡାବୁ ଦଃରୁକ୍‌ ଜାଲିଆ ମଣା ଆର୍‌ ହାଣ୍ଡାୟ୍‌ ନିଆଁନାୟ୍‌, ଆର୍‌ ବାଟେ କାକେ ଜୁଆର୍‌ କଃରା ନାୟ୍‌ । 
\v 5 ଆର୍‌ ଜୁୟ୍‌ ଗଃରେ ତୁମିମଃନ୍ ହୁରାସ୍‌, ହଃର୍ତୁ କଃଉଆ ଇ ଗଃରେ ସୁସ୍ତା ଅଃଉଅ । 
\v 6 ଆର୍‌ ସେ ଗଃରେ ଜଦି ସୁସ୍ତାର୍‌ ଜୟ୍‌ଗ୍‌ ଲକ୍‌ ରଃୟ୍‌ଦ୍‌, ତଃବେ ତୁମିମଃନାର୍‌ ସୁସ୍ତା ତାର୍‌ ଉହ୍ରେ ଅୟ୍‌ଦ୍‌, ମଃତର୍‌, ଜଦି ନଃରେୟ୍‌ ତଃବେ ସେ ସୁସ୍ତା ତୁମାର୍‌ ଉହ୍ରେ ଲେଉଟି ଆସେଦ୍‌ । 
\v 7 \x + \xo ୧୦:୭ \xo*\xt ୧ କର ୯:୧୪; ୧ ତିମ ୫:୧୮.\xt*\x*ଆରେକ୍‌ ସେମଃନାର୍‌ ତଃୟ୍‌ ଜାୟ୍‌ରି ରଃୟ୍‌ଦ୍‌, ସେରି କାୟ୍‌ କଃରି ସେ ଗଃରେ ରିଆ, କାୟ୍‌ତାକ୍‌ବଃଲେକ୍‌ ହାୟ୍‌ଟି କଃର୍ତାଲକ୍‌ ଅଃହ୍‌ଣାର୍‌ ବୁତି ହାଉତାର୍‌ ଜୟ୍‌ଗ୍‌, ଗଃର୍‌କେ ଗଃର୍‌ ଜାହା ନାୟ୍‌ । 
\v 8 ଆରେକ୍‌ ଜୁୟ୍‌ ଗଃଳେ ତୁମିମଃନ୍ ହୁରାସ୍‌ ଆର୍‌ ଲକ୍‌ମଃନ୍ ତୁମିମଃନ୍‌କେ ଦଃର୍ତି, ସେତି ତୁମିମଃନ୍‌କେ ଜାୟ୍‌ରି ଦିଆ ଅୟ୍‌ଦ୍‌ ସେରି କାହା । 
\v 9 ସେତି ରିଲା ଜଃର୍‌ଦୁକା ଲକ୍‌ମଃନ୍‌କେ ଉଜ୍‌ କଃରା ଆର୍‌ ସେମଃନ୍‌କେ କଃଉଆ ଇସ୍ୱରାର୍‌ ରାଇଜ୍‌ ତୁମାର୍‌ ଚଃମେ ଅୟ୍‌ଲି । 
\v 10 \x + \xo ୧୦:୧୦ \xo*\xt ପେରି ୧୩:୫୧.\xt*\x*ମଃତର୍‌ ଜୁୟ୍‌ ଗଃଳେ ତୁମି ହୁରାସ୍‌ ଆର୍‌ ଲକ୍‌ମଃନ୍ ତୁମିମଃନ୍‌କେ ନଃଦେର୍ତି, ସେତିର୍‌ ସଃକ୍ଳାୟ୍‌ମଃନ୍‌ ବାରାୟ୍‌ ଜାୟ୍‌ କଃଉଆ, 
\v 11 \x + \xo ୧୦:୧୧ \xo*\xt ମାତି ୧୦:୭-୧୪; ମାର୍କ ୬:୮-୧୧; ଲୁକ ୯:୩-୫.\xt*\x*ତୁମିମଃନାର୍‌ ଗଃଳାର୍‌ ଜୁୟ୍‌ ଦୁଳି ଅଃମାର୍‌ ହାଦେ ଡଃସି ଆଚେ, ସେରି ହେଁ ତୁମାର୍‌ ଗିନେ ହାହଳି ଦେଉଁଲୁ, ଅୟ୍‌ଲେକ୍‌ ହେଁ ଇସ୍ୱରାର୍‌ ରାଇଜ୍‌ ଜେ ଚଃମେ ଅୟ୍‌ଲି, ଇରି ଜାଣି ରିଆ । 
\v 12 \x + \xo ୧୦:୧୨ \xo*\xt ମାତି ୧୧:୨୪; ମାତି ୧୦:୧୫.\xt*\x*ମୁଁୟ୍‌ ତୁମିମଃନ୍‌କେ କଃଉଁଲେ, ସେ ବିଚାର୍‌ କଃର୍ତା ଦିନ୍ ସେ ଗଃଳାର୍‌ ଡଃଣ୍ଡ୍‌ ତଃୟ୍‌ହୁଣି ସଦମ୍‌ ହାୟ୍‌ଲା ଦଃଣ୍ଡ୍‌ ଉଣା ଅୟ୍‌ଦ୍‌ ।”
\s ବିସ୍ୱାସ୍‌ ନଃକେର୍ତା ଗଃଳ୍‌ମଃନ୍‌
\r (ମାତି ୧୧:୨୦-୨୪)
\p
\v 13 “ଚି ! ଦଃଣ୍ଡାର୍‌ ଜୟ୍‌ଗ୍‌ କରାଜିନ୍ ତର୍‌ ଦଃସା କି ବୟଃଙ୍କାର୍‌ ଅୟ୍‌ଦ୍‌, ଚି ! ଦଃଣ୍ଡାର୍‌ ଜୟ୍‌ଗ୍‌ ବେତ୍‌ସାଇଦା ତର୍‌ ଦଃସା ହେଁ କି ବୟଃଙ୍କାର୍‌ ଅୟ୍‌ଦ୍‌, କାୟ୍‌ତାକ୍‌ବଃଲେକ୍‌ ତୁମିମଃନାର୍‌ ତଃୟ୍‌ ଜୁୟ୍‌ ଜୁୟ୍‌ ସଃକ୍ତିର୍‌ କାମ୍‌ କଃରା ଅୟ୍‌ଆଚେ, ସେ ସଃବୁ ଜଦି ସର୍‌ ଆର୍‌ ସିଦନେ କଃରା ଅୟ୍‌ରିଲେକ୍‌, ସେମଃନ୍ କଃତେକ୍‌ କାଳ୍‌ ଆଗ୍‌ତୁ ବାସ୍ତା ହିନ୍ଦି ଚାରେ ବଃସି ମଃନ୍ ବାଦ୍‌ଲାୟ୍‌ ହାହ୍‌ ଚାଡି ରିଲାୟ୍‌ହୁଣି । 
\v 14 ଅୟ୍‌ଲେକ୍‌ ହେଁ ବିଚାର୍‌ କଃର୍ତା ଦିନ୍, ତୁମିମଃନାର୍‌ ଦଃସା ତଃୟ୍‌ହୁଣି ସର୍‌ ଆର୍‌ ସିଦନାର୍‌ ଦଃସା ଉଣା ଅୟ୍‌ଦ୍‌ । 
\v 15 ଆର୍‌ ରେ କପୁର୍ନାହୁମ୍‌ ଜୁୟ୍‌ କାୟ୍‌ ସଃର୍ଗ୍‌ ହଃତେକ୍‌ ଉଟ୍‌ସି ? ନଃର୍କ୍ ହଃତେକ୍‌ ତକେ ତଃଳେ ହଃକା ଅୟ୍‌ଦ୍‌ ।”
\p
\v 16 \x + \xo ୧୦:୧୬ \xo*\xt ମାତି ୧୦:୪୦; ମାର୍କ ୯:୩୭; ଲୁକ ୯:୪୮; ଜହ ୧୩:୨୦.\xt*\x*ଜିସୁ ଆରେକ୍‌ ତାର୍‌ ଚେଲାମଃନ୍‌କେ କୟ୍‌ଲା, “ଜେ ତୁମାର୍‌ କଃତା ସୁଣେଦ୍‌, ସେ ମର୍‌ କଃତା ସୁଣେଦ୍‌, ଆର୍‌ ଜେ ତୁମିକେ ମାନ୍‌ତି ନଃକେରେ, ସେ ମକେ ମାନ୍‌ତି ନଃକେରେ, ଆର୍‌ ଜେ ମକେ ମାନ୍‌ତି ନଃକେରେ, ସେ ମକ୍‌ ହଃଟାୟ୍‌ଲା ଉବାକ୍‌ ହେଁ ମାନ୍‌ତି ନଃକେରେ ।”
\s ତିନିକଳି ଦଃସ୍‌ ଲକ୍‌ ବାଉଳି ଆୟ୍‌ଲାୟ୍‌
\p
\v 17 ଇତାର୍‌ହଃଚେ ସେ ତିନି କଳି ଦଃସ୍‌ଲକ୍‌ ବାଉଳି ଆସି ସଃର୍ଦା ଅୟ୍‌ କୟ୍‌ଲାୟ୍‌, “ମାପ୍ରୁ, ବୁତ୍‌ମଃନ୍‌ ହେଁ ତର୍‌ ନାଉଁଏ ଅଃମିମଃନାର୍‌ ଆଦେସ୍‌ ମାନ୍‌ଲାୟ୍‌ ।”
\p
\v 18 ମଃତର୍‌ ଜିସୁ ସେମଃନ୍‌କେ କୟ୍‌ଲା, “ବିଜ୍‌ଲି ହର୍‌ ସଃର୍ଗେ ହୁଣି ସୟ୍‌ତାନ୍‌କେ ଅଦୁର୍ତାର୍‌ ମୁଁୟ୍‌ ଦଃକ୍‌ଲେ । 
\v 19 ଦଃକା ମୁଁୟ୍‌ ତୁମିମଃନ୍‌କେ ସାହ୍‌ ଆର୍‌ ମିଚକାକ୍‌ଳା ଉହ୍ରେ ଇଣ୍ଡୁକ୍‌ ଅଃଦିକାର୍‌ ଦଃୟ୍‌ଆଚି, ଆରେକ୍‌ ସଃତ୍ରୁର୍‌ ସଃବୁ ସଃକ୍ତି ଉହ୍ରେ ହେଁ ତୁମିକେ ଅଃଦିକାର୍‌ ଦଃୟ୍‌ ଆଚି, ଆର୍‌ କାୟ୍‌ରି ହେଁ ତୁମିମଃନାର୍‌ ନଃସ୍ଟ୍‌ କଃରୁ ନାହାରେ । 
\v 20 ଅୟ୍‌ଲେକ୍‌ ହେଁ ବୁତ୍‌ମଃନ୍‌ ଜେ ତୁମାର୍‌ ତଃଳେ ଆଚ୍‌ତି, ଇତାକ୍‌ ସଃର୍ଦା ଅଃଉଆ ନାୟ୍‌, ମଃତର୍‌ ତୁମିମଃନାର୍‌ ନାଉଁ ଜେ ସଃର୍ଗେ ଲେକା ଅୟ୍‌ଆଚେ, ଇତାକ୍‌ ସଃର୍ଦା ଅଃଉଆ ।”
\s ଜିସୁ ସଃର୍ଦା ଅୟ୍‌ଲା
\r (ମାତି ୧୧:୨୫-୨୭; ୧୩:୧୬-୧୭)
\p
\v 21 ସଃଡେବଃଳ୍‌ ଜିସୁ ପବିତ୍ର ଆତ୍ମାର୍‌ ସଃକ୍ତିୟେ ସଃର୍ଦା ଅୟ୍‌ କୟ୍‌ଲା, “ଉବା, ସଃର୍ଗ୍‌ ଆର୍‌ ହୁର୍ତିବିର୍‌ ମାପ୍ରୁ, ତୁୟ୍‌ ଗ୍ୟାନି ଆର୍‌ ବୁଦିଗିଆନ୍‌ ଲକ୍‌ ତଃୟ୍‌ହୁଣି ଇ ସଃବୁ କଃତା ଲୁକାୟ୍‌ କଃରି ସାନ୍ ହିଲାମଃନାର୍‌ ଟାଣେ ଜାଣାୟ୍‌ଲିସ୍‌, ଇତାର୍‌ ଗିନେ ତର୍‌ ଗୁଣ୍ କଃଉଁଲେ । ହିଁ ଉବା, କାୟ୍‌ତାକ୍‌ବଃଲେକ୍‌ ଇରି ହଃକା ତର୍‌ ଆକାୟ୍‌ ବଃଡ୍ ସଃର୍ଦାର୍‌ କଃତା ଅୟ୍‌ଲି ।”
\p
\v 22 \x + \xo ୧୦:୨୨ \xo*\xt ଜହ ୩:୩୫; ଜହ ୧୦:୧୫.\xt*\x*“ମର୍‌ ଉବାର୍‌ ଅଃଦିକାରେ ରିଲା ସଃବୁ ଅଃଦିକାର୍‌ ମକ୍‌ ଦିଆ ଅୟ୍‌ଆଚେ, ଆର୍‌ ହୟ୍‌ସିକେ କେ ନଃଜାଣ୍‌ତି, ମଃତର୍‌ ଉବାସି ହଃକା ଜାଣିଆଚେ, ଆରେକ୍‌ ଉବାକ୍‌ କେ ନଃଜାଣ୍‌ତି, ମଃତର୍‌ ହଅ ହଃକା ଜାଣିଆଚେ, ଆର୍‌ ହଅ ଜୁୟ୍‌ମଃନାର୍‌ ତଃୟ୍‌ ଉବାକ୍‌ ଜାଣାଉଁକ୍‌ ମଃନ୍ କଃରେଦ୍‌, ସେମଃନ୍ ହଃକା ଜାଣ୍‌ତି ।”
\p
\v 23 ଆରେକ୍‌ ଜିସୁ ନିଜାର୍‌ ଚେଲାମଃନାର୍‌ ହାକ୍‌ ଲେଉଟିକଃରି କୟ୍‌ଲା, “ତୁମିମଃନ୍ ଇ ସଃବୁ ଦଃକିଆଚାସ୍‌ ବଃଲି ତୁମିମଃନାର୍‌ କଃତେକ୍‌ ବାୟ୍‌ଗ୍‌ । 
\v 24 କାୟ୍‌ତାକ୍‌ବଃଲେକ୍‌ ମୁଁୟ୍‌ ତୁମିମଃନ୍‌କେ କଃଉଁଲେ, ତୁମିମଃନ୍ ଜାୟ୍‌ ଜାୟ୍‌ରି ଦଃକୁଲାସ୍‌, ସେରି ସଃବୁ କଃତେକ୍‌ ବାବ୍‌ବାଦି ଆର୍‌ ରଃଜା ଦଃକୁକ୍‌ ମଃନ୍‌ କଃଲାୟ୍‌, ମଃତର୍‌ ନଃଦେକ୍‌ଲାୟ୍‌; ଆରେକ୍‌ ତୁମିମଃନ୍ ଜାୟ୍‌ ଜାୟ୍‌ରି ସୁଣୁଲାସ୍‌, ସେରି ସଃବୁ ସେମଃନ୍ ସୁଣୁକ୍‌ ମଃନ୍‌ କଃଲାୟ୍‌, ମଃତର୍‌ ନଃସୁଣ୍‌ଲାୟ୍‌ ।”
\s ନିକ ସମିରଣିୟର୍‌ କଃତା
\p
\v 25 \x + \xo ୧୦:୨୫ \xo*\xt ମାତି ୨୨:୩୫-୪୦; ମାର୍କ ୧୨:୨୮-୩୪.\xt*\x*ଆର୍‌ ଦଃକା ଗଟେକ୍‌ ବିଦି ସିକାଉ ଉଟି ଆସି ଜିସୁକେ କଃଟାଳ୍‌ ବୁଜୁକ୍‌ ହଃଚାର୍ଲା, “ଏ ଗୁରୁ, ଅଃମ୍ବର୍‌ ଜିବନ୍ ହାଉଁକ୍‌ ମୁଁୟ୍‌ କାୟ୍‌ରି କଃରିନ୍ଦ୍‌ ।”
\p
\v 26 ଜିସୁ ତାକ୍‌ କୟ୍‌ଲା, “ଦଃର୍ମ୍‌ ବିଦିଏ କାୟ୍‌ରି ଲେକା ଆଚେ ? ତୁୟ୍‌ କଃନ୍‌କଃରି ହାଟ୍‌ କଃରୁଲିସ୍‌ ?”
\p
\v 27 ସେ କୟ୍‌ଲା, “ତୁମି ଅଃହ୍‌ଣାର୍‌ ସଃର୍ନେ ଗଃର୍ବ୍‌, ସଃର୍ନେ ହଃରାଣ୍, ସଃର୍ନେ ସଃକ୍ତି ଆର୍‌ ସଃର୍ନେ ମଃନ୍ ଦଃୟ୍‌ ଅଃହ୍‌ଣାର୍‌ ମାପ୍ରୁ ଇସ୍ୱର୍‌କେ ଲାଡ୍‌ କଃରା, ଆର୍‌ ନିଜ୍‌କେ ଲାଡ୍‌ କଃଲା ହର୍‌ ହାକିହଃଳ୍‌ସାକେ ଲାଡ୍‌ କଃରା ।”
\p
\v 28 ସେତାକ୍‌ ଜିସୁ ତାକ୍‌ କୟ୍‌ଲା, “ତୁୟ୍‌ ସଃତ୍‌ କଃତା କୟ୍‌ଲିସ୍‌, ତଃବେ ଇରି କଃର୍‌ ସେନ୍ ଅୟ୍‌ଲେକ୍‌ ତୁୟ୍‌ ଅଃମ୍ବର୍‌ ଜିବନ୍ ହାଉସି ।”
\p
\v 29 ମଃତର୍‌ ଦଃର୍ମ୍‌ ଗୁରୁ ଅଃହ୍‌ଣାକ୍‌ ଦଃର୍ମି ବଃଲି ଦଃକାୟ୍‌ ଅଃଉଁକେ ମଃନ୍ କଃରି, ଜିସୁକେ ହଃଚାର୍ଲା, “ତଃବେ ମର୍‌ ହାକିହଃଳ୍‌ସା କେ ?”
\p
\v 30 ଜିସୁ ସେକଃତାକେ ଦଃରି କୟ୍‌ଲା, “ଗଟେ ଲକ୍‌ ଜିରୁସାଲମେ ହୁଣି ଜିରିହକେ ଜାତା ବଃଳ୍‌ କଃଙ୍ଗାର୍‌ମଃନାର୍‌ ହାବ୍ଳେ ହଃଳ୍‌ଲା, ତାର୍‌ ହଃଚ୍ୟା ହାଟା ଚାଡାୟ୍‌ ନିଲାୟ୍‌ ଆର୍‌ ମାଡ୍ ମାର୍‌ଲାୟ୍‌ ଆର୍‌ ମଃରାଜିଉଆ କଃରି ଚାଡି ହଃଳାୟ୍‌ଲାୟ୍‌ । 
\v 31 ଇ ଗଃଟ୍‍ଣାହଃଚେ ଗଟେକ୍‌ ଜାଜକ୍‌ ସେ ବାଟେ ଜାତି ରିଲା, ଆର୍‌ ସେ ତାକ୍‌ ଦଃକି ବିନ୍ ବାଟ୍‌ ହିଟିକଃରି ଗଃଲା । 
\v 32 ସେବାନ୍ୟା ଗଟେକ୍‌ ଲେବିୟ, ବଃଲେକ୍‌ ପାରାଚିନ୍ ହେଁ ସେଟାଣେ ଆସି ତାକେ ଦଃକି ବିନ୍ ବାଟ ଅୟ୍‌କଃରି ଗଃଲା । 
\v 33 ମଃତର୍‌ ଗଟେକ୍‌ ସମିରଣିୟ ଲକ୍‌ ତାର୍‌ ଚଃମେ ଆସି ତାକ୍‌ ଦଃକି ଦଃୟା କଃଲା । 
\v 34 ଆର୍‌ ତାର୍‌ ଚଃମେ ଜାୟ୍‌ ତାର୍‌ ଗାଉ ତଃୟ୍‌ଁ ଚିକଣ୍‌ ଆର୍‌ ଅଙ୍ଗୁର୍‌ ରଃସ୍‌ ଡାଳି ସେ ସଃବୁ ହାଟ୍‌ଳି ସଃଙ୍ଗ୍ ବାନ୍ଦ୍‌ଲା ଆର୍‌ ଅଃହ୍‌ଣାର୍‌ ଗଃଦ ଉହ୍ରେ ବଃସାୟ୍‌ ବାଟ ଲଃଗାର୍‌ ଗଟେକ୍‌ ବିସାଉତା ଗଃରେ ନିଲା, ଆର୍‌ ତାର୍‌ ସେବା କଃଲା । 
\v 35 ତାର୍‌ ଆର୍‌କ ଦିନ୍ ଜଳେକ୍‌ ରୁହା ଟଃକା ବାର୍‌କଃରି ଦଃର୍ମ୍‌ସାଳାର୍‌ ମୁଳିକାକେ ଦଃୟ୍‌କଃରି କୟ୍‌ଲା, ଇଲକାର୍‌ ସେବା ଜଃତୁନ୍ କଃର୍‌, ଜାୟ୍‌ରି ଅଃଦିକ୍‌ ଅୟ୍‌ଦ୍‌, ମୁଁୟ୍‌ ବାଉଳି ଆୟ୍‌ଲା ବଃଳ୍‌ ସଃବୁ ଦଃୟ୍‌ନ୍ଦ୍ ।
\p
\v 36 ଇ ତିନି ଲକ୍‌ ବିତ୍ରେ କେ କଃଙ୍ଗାର୍‌ମଃନାର୍‌ ହାବୁଳେ ହଃଳି ରିଲା ଲକାର୍‌ ହାକିହଃଳ୍‌ସା ବଃଲି ମଃନେ କଃରୁଲିସ୍‌ ?”
\p
\v 37 ଦଃର୍ମ୍‌ ଗୁରୁ ଉତୁର୍‌ ଦିଲା, “ଜେ ତାକ୍‌ ଦଃୟା କଃଲା ସେ,” ଜିସୁ ତାକେ କୟ୍‌ଲା, “ଜାଆ ଆର୍‌ ତୁୟ୍‌ ହେଁ ସେନ୍ କଃର୍‌ ।”
\s ଜିସୁ ମାର୍ତା ଆର୍‌ ମରିୟମାର୍‌ ଗଃରେ ଗଃଲା
\p
\v 38 \x + \xo ୧୦:୩୮ \xo*\xt ଜହ ୧୧:୧.\xt*\x*ଜିସୁ ଆର୍‌ ତାର୍‌ ଚେଲାମଃନ୍ ଗଟେକ୍‌ ଗାଉଁଏ ହୁର୍ଲାୟ୍‌, ଆର୍‌ ମାର୍ତା ନାଉଁଆର୍‌ ଗଟେକ୍‌ ମାୟ୍‌ଜି ତାର୍‌ ଗଃରେ କୁଦି ନିଲି । 
\v 39 ମରିୟମ୍‌ ନାଉଁଆର୍‌ ତାର୍‌ ବେଣି ରିଲି, ସେ ଜିସୁ ମାପ୍ରୁର୍‌ ହାଦ୍‌ ତଃଳେ ବଃସି ତାର୍‌ କଃତା ସୁଣ୍‌ତି ରିଲି । 
\v 40 ମଃତର୍‌ ମାର୍ତା ରାନ୍ଦାଗାଟା କଃର୍ତା କାମେ ଲାଗି ରିଲି, ଇତାକ୍‌ ସେ ଜିସୁର୍‌ ଚଃମେ ଆସି କୟ୍‌ଲି, “ଏ ମାପ୍ରୁ, ମର୍‌ ବେଣି ମକ୍‌ ଗଟ୍‌ଲକ୍‌କେ ଗଃରାର୍‌ ରାନ୍ଦା ଗଃଟା କାମ୍‌ କଃରୁକେ ଦଃକାୟ୍‌ ଦଃୟ୍‌ ଆଚେ, ସେବାଟ୍‌ କାୟ୍‌ ତର୍‌ ମଃନ୍‌ ନାୟ୍‌ ? ତଃବେ ମକେ ଉହ୍‌କାର୍‌ କଃରୁକେ ତାକ୍‌ କଃଉ ।”
\p
\v 41 ମଃତର୍‌ ମାପ୍ରୁ ଉତୁର୍‌ ଦିଲା, “ମାର୍ତା, ମାର୍ତା, ତୁୟ୍‌ ବୁତେକ୍‌ ବିସୟ୍‌ ଚିତା କଃରୁଲିସ୍‌ ଆର୍‌ ଜଃଞ୍ଜାଳ୍‌ ଅଃଉଁଲାସ୍‌ । 
\v 42 ମଃତର୍‌ ଅଃଳକ୍‌ କଃତିଗଟ୍‌, ମଃତର୍‌ ଗଟେକ୍‌ ହଃକା ଲଳା; ମରିୟମ୍‌ ତ ମର୍‌ କଃତା ସୁଣ୍‌ଲି ଆର୍‌ ନିକ ବାଗ୍ ବାଚ୍‌ଲା ଆଚେ ଆର୍‌ ସେରି ତାର୍‌ ତଃୟ୍‌ହୁଣି ଚାଡାୟ୍‌ ନେଉଁ ନୟ୍‌ ।”
\c 11
\s ପାର୍ତ୍‌ନା କଃର୍ତାର୍‌ ଜିସୁର୍‌ ସିକ୍ୟା
\r (ମାତି ୬:୯-୧୩; ୭:୭-୧୧)
\p
\v 1 ଗଟ୍‌ତର୍‌ ଜିସୁ କୁୟ୍‌ ଗଟ୍‌ ଟାଣେ ପାର୍ତ୍‌ନା କଃର୍ତିରିଲା, ସେ ପାର୍ତ୍‌ନା ସଃରାୟ୍‌ଲାକ୍‌, ତାର୍‌ ଚେଲାମଃନାର୍‌ ବିତ୍ରେ ଗଟ୍‌ଲକ୍‌ କୟ୍‌ଲା, “ଏ ମାପ୍ରୁ ବାପ୍ତିସମ୍‌ ଦେତା ଜହନ୍‌ ଜଃନ୍‌କଃରି ଅଃହ୍‌ଣାର୍‌ ଚେଲାମଃନ୍‌କେ ପାର୍ତ୍‌ନା କଃରୁକେ ସିକାୟ୍‌ଲା, ସେନ୍‌କଃରି ଅଃମିମଃନ୍‌କ୍‌ ପାର୍ତ୍‌ନା କଃରୁକେ ସିକାଉ ।”
\p
\v 2 ଇତାକ୍‌ ସେ ସେମଃନ୍‌କେ କୟ୍‌ଲା, “ଜଃଡେବଃଳ୍‌ ତୁମିମଃନ୍ ପାର୍ତ୍‌ନା କଃରାସ୍‌, ସଃଡେବଃଳ୍‌ କଃଉଆ,
\q1 ଏ ଅଃମାର୍‌ ଉବା,
\q2 ତର୍‌ ନାଉଁ ପବିତ୍ର ବଃଲି ମାନ୍‌ତି ଅଃଉଅ,
\q2 ତର୍‌ ରାଇଜ୍‌ ଆସ ।
\q2
\v 3 ହଃତି ଦିନ୍ ଅଃମାର୍‌ ଲଳା ରିଲା କାଦି ଦେ ।
\q2
\v 4 ଅଃମାର୍‌ ହାହ୍‌ ସଃର୍ନେ କେମା କଃର୍‌,
\q2 କାୟ୍‌ତାକ୍‌ବଃଲେକ୍‌ ଅଃମିମଃନ୍‌ ହେଁ ଅଃହ୍‌ଣା ଅଃହ୍‌ଣାର୍‌ ସଃବୁ ଦସିମଃନ୍‌କେ କେମା କଃରୁଲୁ,
\q2 ପରିକ୍ୟାୟ୍‌ ଅଃମିମଃନ୍‌କ୍‌ ଆଣ୍‌ନାୟ୍‌ ।”
\p
\v 5 ଆର୍‌ ଜିସୁ ତାର୍‌ ଚେଲାମଃନ୍‌କେ କୟ୍‌ଲା, “ତୁମିମଃନ୍‌କାର୍‌ କାର୍‌ ଅଃନ୍‌କାର୍‌ ମିତ୍ର ଆଚେ କି, ଜାର୍‌ ଚଃମେ ମଃଜାରାତି ସେ ଜାୟ୍‌ କୟ୍‌ଦ୍‌, ଏ ମାପ୍ରୁସାଦ୍‌ ମକେ ତିନିଗଟ୍‌ ରୁଟି ଉଦାର୍‌ ଦେ, 
\v 6 କାୟ୍‌ତାକ୍‌ବଃଲେକ୍‌ ମର୍‌ ଗଟେକ୍‌ ମିତ୍ର ଗତ୍‌ ଆସି ଆଚେ, ତାକ୍‌ କାଉଁକେ ଦେଉଁକେ ମର୍‌ ଟାଣେ କାୟ୍‌ରି ହେଁ ନାୟ୍‌ । 
\v 7 ଆର୍‌ ସେ ଗଃର୍‌ ବିତ୍ରେହୁଣି ଅଃନ୍‌କଃରି କୟ୍‌ଦ୍‌ ମକେ କଃସ୍ଟ୍‌ ଦେନାୟ୍‌, ଦୁଆର୍‌ ଡାହ୍‌ଲୁବେ, ଆର୍‌ ମର୍‌ ହିଲାମଃନ୍ ମର୍‌ ସଃଙ୍ଗ୍ ସଇ ଆଚ୍‌ତି, ମୁଁୟ୍‌ ଉଟି ତକେ ଦେଉଁକେ ନାହାରି । 
\v 8 ମୁଁୟ୍‌ ତୁମିମଃନ୍‌କେ କଃଉଁଲେ, ସେ ତାର୍‌ ମିତ୍ର ଅୟ୍‌ରିଲାକ୍‌ ହେଁ ଉଟି ନଃଦେୟ୍‌, ଅୟ୍‌ଲେକ୍‌ ହେଁ ସେ ଲାଜ୍‌ ନଃୟ୍‌କଃରି ତର୍‌କେ ତର୍‌ ମାଗ୍‌ତି ରିଲାକ୍‌, ସେ ଉଟି ତାର୍‌ ଜଃତେକ୍‌ ଲଳା ସଃତେକ୍‌ ଦଃୟ୍‌ଦ୍‌ ।”
\p
\v 9 “ମୁଁୟ୍‌ ହେଁ ତୁମିମଃନ୍‌କେ କଃଉଁଲେ, ମାଗା ତୁମିମଃନ୍‌କେ ଦିଆ ଅୟ୍‌ଦ୍‌, ଲଳା ମିଳାଉଆସ୍‌, କଃହାଟେ ମାରା ତୁମିମଃନାର୍‌ ଗିନେ ମେଲା ଅୟ୍‌ଦ୍‌ । 
\v 10 କାୟ୍‌ତାକ୍‌ବଃଲେକ୍‌ ଜେ ମାଗେଦ୍‌ ସେ ହାୟ୍‌ଦ୍‌, ଜେ ଲଳେଦ୍‌ ସେ ମିଳାୟ୍‌ଦ୍‌, ଆର୍‌ ଜେ କଃହାଟେ ମାରେଦ୍‌ ତାର୍‌ ଗିନେ କଃହାଟ୍‌ ଉଗାଳି ଦିଆ ଅୟ୍‌ଦ୍‌ । 
\v 11 ଆର୍‌ ତୁମିମଃନାର୍‌ ବିତ୍ରେ ଅଃନ୍‌କାର୍‌ ଉବାସି କେ ଆଚେ, ଜାକେ ତାର୍‌ ହୟ୍‌ସି ମାଚ୍ ମାଗ୍‌ଲେକ୍‌ ସେ ତାକେ ମାଚ୍ ବାଦୁଲେ ସାହ୍‌ ଦଃୟ୍‌ଦ୍‌ ? 
\v 12 ଆର୍‌ ଡିମ୍‌ ମାଗ୍‌ଲେକ୍‌, ତାକ୍‌ କାୟ୍‌ ମିଚକାକ୍‌ଳା ଦଃୟ୍‌ଦ୍‌ ? 
\v 13 ଇତାକ୍‌ ତୁମିମଃନ୍ କଃରାବ୍‌ ଅୟ୍‌ଲେକ୍‌ ହେଁ, ଜଃବେ ଅଃହ୍‌ଣା ଅଃହ୍‌ଣାର୍‌ ହିଲାମଃନ୍‌କେ ନିକ ନିକ ଦାନ୍‌ ଦେଉଁକେ ଜାଣାସ୍‌, ତଃବେ ଜୁୟ୍‌ ଉବା ସଃର୍ଗେହୁଣି ଦାନ୍‌ କଃରେଦ୍‌, ସେ ତାର୍‌ ଚଃମେ ମାଗ୍‌ତା ଲକ୍‌ମଃନ୍‌କେ କଃତେକ୍‌ ଅଃଦିକ୍‌ ପବିତ୍ର ଆତ୍ମା ନଃଦେୟ୍‌ ।”
\s ଜିସୁ ଆର୍‌ ବାଲ୍‌ଜିବୁଲ୍‌
\r (ମାତି ୧୨:୨୨-୩୦; ମାର୍କ ୩:୨୦-୨୭)
\p
\v 14 ଗଟ୍‌ତର୍‌ ଜିସୁ ଗଟେକ୍‌ ବୁତ୍‌ ଚାଡାଉତି ରିଲା, ସେରି ଗୁଲା ବୁତ୍‌; ବୁତ୍‌ ବାରାୟ୍‌ ଗଃଲା ହଃଚେ ଗୁଲା ଲକ୍‌ କଃତା କୟ୍‌ଲା, ସେତାକ୍‌ ଲକ୍‌ମଃନ୍‌ କାବା ଅୟ୍‌ଲାୟ୍‌ । 
\v 15 \x + \xo ୧୧:୧୫ \xo*\xt ମାତି ୯:୩୪; ୧୦:୨୫.\xt*\x*ମଃତର୍‌ ସେମଃନାର୍‌ ବିତ୍ରେ କେ କେ କୟ୍‌ଲାୟ୍‌, “ଜିସୁ ଦୁତ୍‌ମଃନାର୍‌ ମୁଳିକା ବାଲ୍‌ଜିବୁଲ୍‌କେ ଦଃରି ବୁତ୍‌ମଃନ୍‌କେ ଚାଡାଉଁଲା ।”
\p
\v 16 \x + \xo ୧୧:୧୬ \xo*\xt ମାତି ୧୨:୩୮; ୧୬:୧; ମାର୍କ ୮:୧୧.\xt*\x*ବିନ୍ ଲକ୍‌ମଃନ୍ ତାକେ ହାନ୍ଦାୟ୍‌ ହଃକାଉଁକ୍‌ ମଃନ୍‌ କଃର୍ତି ରିଲାୟ୍‌, ଇତାର୍‌ ଗିନେ ଇସ୍ୱର୍‌ ଜେ ତାର୍‌ ସଃଙ୍ଗେ ଆଚେ, ଇତିର୍‌ ଚିନ୍ ହଃର୍କାରେ ଅଃଗାସ୍‌ ଉହ୍ରେ ଗଟେକ୍‌ ଚିନ୍ ଦଃକାଉଁକ୍‌ କୟ୍‌ଲାୟ୍‌ । 
\v 17 ମଃତର୍‌ ଜିସୁ ସେମଃନାର୍‌ ମଃନାର୍‌ କଃତା ଜାଣି କୟ୍‌ଲା, “ଜୁୟ୍‌ ରାଇଜ୍‌ ହେଁ ବାଗ୍ ଅୟ୍‌ ଅଃହ୍‌ଣାର୍‌ ବିରଦେ ଉଟ୍‌ଲେକ୍‌, ସେ ନାସ୍‌ ଅୟ୍‌ ଜାୟ୍‌ଦ୍‌, ଆରେକ୍‌ ଗଟେକ୍‌ ଗଃର୍‌ ଦୁୟ୍‌ ବାଗ୍ ଅୟ୍‌ଲେକ୍‌ ସେରି ନାସ୍‌ ଅୟ୍‌ଦ୍‌ । 
\v 18 ଆର୍‌ ସୟ୍‌ତାନ୍‌ ହେଁ ଜଦି ବାଗ୍ ଅୟ୍‌ ଅଃହ୍‌ଣାର୍‌ ବିରଦେ ଉଟ୍‌ଲିନି, ସେନ୍ ଅୟ୍‌ଲେକ୍‌ ତାର୍‌ ରାଇଜ୍‌ କଃନ୍‌କଃରି ତିର୍‌ ଅୟ୍‌ ରଃୟ୍‌ଦ୍‌ ? ମୁଁୟ୍‌ ବାଲ୍‌ଜିବୁଲ୍‌କେ ଦଃରି ବୁତ୍‌ମଃନ୍‌କେ ଚାଡାଉଁଲେ ବଃଲି ତୁମିମଃନ୍ ତ କଃଉଁଲାସ୍‌ । 
\v 19 ମଃତର୍‌ ମୁଁୟ୍‌ ଜଃବେ ବାଲ୍‌ଜିବୁଲ୍‌କେ ଦଃରି ବୁତ୍‌ମଃନ୍‌କେ ଚାଡାଉଁଲେ, ତଃବେ ତୁମାର୍‌ ହୟ୍‌ଦିମଃନ୍‌ କାକେ ଦଃରି ବୁତ୍‌ମଃନ୍‌କେ ଚାଡାଉଁଲାୟ୍‌ ? ଇତାକ୍‌ ସେମଃନ୍ ହଃକା ତୁମାର୍‌ ବିଚାର୍‌ କଃର୍ତି । 
\v 20 ମଃତର୍‌ ମୁଁୟ୍‌ ଜଦି ଇସ୍ୱରାର୍‌ ସଃକ୍ତିୟେ ବୁତ୍‌ମଃନ୍‌କେ ଚାଡାଉଁଲେ, ଇରି ଜାଣାହଃଳୁଲି ଜେ, ଇସ୍ୱରାର୍‌ ରାଇଜ୍‌ ତୁମାର୍‌ ଚଃମେ ଆଚେ ।”
\p
\v 21 “ସଃକ୍ତିମାନ୍‌ ଲକ୍‌ ଜୁୟ୍‌ ହଃତେକ୍‌ ଅଃତ୍ୟାର୍‌ ସଃଙ୍ଗ୍ ଅଃହ୍‌ଣାର୍‌ ଗଃର୍‌ ବାଚାୟ୍‌ଦ୍‌, ସେ ହଃତେକ୍‌ ତାର୍‌ ଦଃନ୍ ବିତ୍‌ ତିର୍‌ ରଃୟ୍‌ଦ୍‌ । 
\v 22 ମଃତର୍‌ ଜଃଡେବଃଳ୍‌ ତାର୍‌ ତଃୟ୍‌ହୁଣି ଅଃଦିକ୍‌ ବଃଳ୍‌ଉଆ ଲକ୍‌ ତାକେ ମାଡି ବଃସେଦ୍‌ ଆର୍‌ ଜିଣେଦ୍‌ ସଃଡେବଃଳ୍‌ ଜୁୟ୍‌ ଅଃତ୍ୟାର୍‌ ଉହ୍ରେ ତାର୍‌ ଆସ୍ର ରିଲି, ସେରି ସଃବୁ ସେ ଜିକି ନଃୟ୍‌ଦ୍‌, ଆର୍‌ ତାର୍‌ ଦଃନ୍‌ବିତ୍‌ ହେଁ ଚରି ନଃୟ୍‌ଦ୍‌ ।”
\p
\v 23 \x + \xo ୧୧:୨୩ \xo*\xt ମାର୍କ ୯:୪୦.\xt*\x*“ଜେ ମର୍‌ ସଃଙ୍ଗାର୍‌ ନାୟ୍‌, ସେ ମର୍‌ ବିରଦି, ଆରେକ୍‌ ଜେ ମର୍‌ ସଃଙ୍ଗ୍ ନଃରୁଣ୍ଡାୟ୍‌, ସେ ଜଃତ୍‌କଃତ୍‌ କଃରେଦ୍‌ ।”
\s ବୁତ୍‌ ଲେଉଟି ଆସ୍ତାର୍‌
\r (ମାତି ୧୨:୪୩-୪୫)
\p
\v 24 “ବିଟାଳ୍‌ ଆତ୍ମା ଗଟ୍‌ଲକାର୍‌ ତଃୟ୍‌ହୁଣି ବାରାୟ୍‌ ଗଃଲା ହଃଚେ, ହାଣି ନୟ୍‌ଲା ଜଃଗା ସଃବୁ ବୁଲିକଃରି ବିସାଉଁକ୍‌ ଟାଣ୍ ଲଳେଦ୍‌, ଆର୍‌ ସେରି ନଃମିଳ୍‌ଲେକ୍‌, ସେ କୟ୍‌ଦ୍‌, ମୁଁୟ୍‌ ଜୁୟ୍‌ ଗଃରେହୁଣି ବାରାୟ୍‌ ଆସିରିଲେ, ମର୍‌ ସେ ଗଃରେ ଲେଉଟି ଜାୟ୍‌ନ୍ଦ୍ । 
\v 25 ଆରେକ୍‌ ସେଗଃରେ ଆସି ସେରି ନିର୍ମୁଳ୍‌ ଅୟ୍‌ ସୁନ୍ଦୁର୍‌ ଅୟ୍‌ରିଲାର୍‌ ଦଃକେଦ୍‌ । 
\v 26 ସଃଡେବଃଳ୍‌ ସେ ଜାୟ୍‌ ଅଃହ୍‌ଣାର୍‌ ତଃୟ୍‌ହୁଣି ଅଃଦିକ୍‌ ଦୁସ୍ଟ୍‌ ଆରେକ୍‌ ସାତ୍‌ ଗଟ୍‌ ଆତ୍ମା ସଃଙ୍ଗେ ଦଃରି ଆସେଦ୍‌ ଆର୍‌ ସେମଃନ୍ ଆସି ସେତି ବାସା କଃର୍ତି ଆର୍‌ ସେଲକାର୍‌ ହଃର୍ତୁର୍‌ ଦଃସା ତଃୟ୍‌ହୁଣି ସେସ୍‌ ଦଃସା ଅଃଦିକ୍‌ କଃରାବ୍‌ ଅୟ୍‌ଦ୍‌ ।”
\s ସଃତ୍ୟା ସୁକ୍‌
\p
\v 27 ସେ ଇସଃବୁ କଃତା କଃଉତା ବଃଳ୍‌ ଲକ୍‌ମଃନାର୍‌ ବିତ୍ରେ ଗଟେକ୍‌ ମାୟ୍‌ଜି ଆଉଲି ଅୟ୍‌ଲି ଆର୍‌ କୟ୍‌ଲି, “ବାୟ୍‌ଗ୍‌ ସେ ଗଃର୍ବ୍‌, ଜୁୟ୍‌ରି ତକେ ଦଃର୍ଲି, ଆର୍‌ ସେ ଦୁଦ୍‌, ଜୁୟ୍‌ତି ହୁଣି ତୁୟ୍‌ କାୟ୍‌ଲିସ୍‌ ।”
\p
\v 28 ମଃତର୍‌ ଜିସୁ କୟ୍‌ଲା, “ନାୟ୍‌, ଜୁୟ୍‌ମଃନ୍‌ ଇସ୍ୱରାର୍‌ ବଃଚନ୍ ସୁଣ୍‌ତି ଆର୍‌ ମାନ୍‌ତି ସେମଃନାର୍‌ ବାୟ୍‌ଗ୍‌ ।”
\s ଜିସୁକେ କାବା ଅଃଉତା କାମ୍‌ କଃରୁକେ କୟ୍‌ଲାୟ୍‌
\r (ମାତି ୧୨:୩୮-୪୨)
\p
\v 29 \x + \xo ୧୧:୨୯ \xo*\xt ମାତି ୧୬:୪; ମାର୍କ ୮:୧୨.\xt*\x*ଲକ୍‌ମଃନ୍ ମଃନ୍ଦା ମଃନ୍ଦା ଅୟ୍‌ ରୁଣ୍ଡ୍‌ଲାବଃଳ୍‌, ଜିସୁ କଃଉଁକେ ଦଃର୍ଲା, “ଇ ଅଃବାର୍‌ ଲକ୍‌ ଦୁସ୍ଟ୍‌ । ଇମଃନ୍‌ ଚିନ୍ ଲଳ୍‌ତି, ମଃତର୍‌ ଜୁନସାର୍‌ ଚିନ୍ ଚାଡି ବିନ୍ କାୟ୍‌ ଚିନ୍ ସେମଃନ୍‌କେ ଦିଆ ନୟ୍‌ । 
\v 30 କାୟ୍‌ତାକ୍‌ବଃଲେକ୍‌ ଜୁନସ୍‌ ଜଃନ୍‌କଃରି ନିନିବିର୍‌ ଲକ୍‌ମଃନାର୍‌ ଗିନେ ଚିନ୍ ହର୍‌ ଅୟ୍‌ଲା, ନଃରାର୍‌ ହୟ୍‌ସି ହେଁ ସେବାନ୍ୟା, ଇ କାଳାର୍‌ ଲକ୍‌ମଃନାର୍‌ ଗିନେ ଚିନ୍ ହର୍‌ ଅୟ୍‌ଦ୍‌ । 
\v 31 ସିବା ଦେସାର୍‌ ରାଣି ବିଚାରେ ଇ କାଳାର୍‌ ମାନାୟ୍‌ମଃନାର୍‌ ସଃଙ୍ଗ୍ ଉଟି ସେମଃନ୍‌କେ ଦସି କଃରେଦ୍‌, କାୟ୍‌ତାକ୍‌ବଃଲେକ୍‌ ସେ ସଲ୍‌ମନାର୍‌ ଗ୍ୟାନାର୍‌ କଃତା ସୁଣୁକ୍‌ ହୁର୍ତିବି ସଃର୍ଲା କନେହୁଣି ଆସିରିଲି, ଆର୍‌ ଦଃକା, ଇତି ସଲ୍‌ମନାର୍‌ ତଃୟ୍‌ହୁଣି ବଃଡ୍ କଃତା ଇତି ଆଚେ । 
\v 32 ନିନିବିର୍‌ ଲକ୍‌ମଃନାର୍‌ ବିଚାର୍‌ କଃର୍ତା ଦିନ୍ ଇ କାଳାର୍‌ ଲକ୍‌ମଃନ୍ ସଃଙ୍ଗ୍ ଟିଅୟ୍‌, ଏମଃନ୍‌କେ ଦସି କଃର୍ତି, କାୟ୍‌ତାକ୍‌ବଃଲେକ୍‌ ସେମଃନ୍ ଜୁନସାର୍‌ ପର୍ଚାର୍‌ ସୁଣି ହାହ୍‌ ଚାଡିରିଲାୟ୍‌ । ଆର୍‌ ଦଃକା, ଜୁନସାର୍‌ ତଃୟ୍‌ହୁଣି ବଃଡ୍ କଃତା ଇତି ଆଚେ ।”
\s ଗଃଗାଳାର୍‌ ଉଜାଳ୍‌
\r (ମାତି ୫:୧୫; ୬:୨୨-୨୩)
\p
\v 33 \x + \xo ୧୧:୩୩ \xo*\xt ମାତି ୫:୧୫; ମାର୍କ ୪:୨୧; ଲୁକ ୮:୧୬.\xt*\x*“କେ ହେଁ କୁପି ଲାଗାୟ୍‌ ଲୁକାୟ୍‌କଃରି କି ମାଣ୍ ତଃଳେ ନଃସେଙ୍ଗାୟ୍‌, ମଃତର୍‌ ରୁକା ଉହ୍ରେ ସଃଙ୍ଗାୟ୍‌ଦ୍‌, ଜଃନ୍‌କଃରି ଗଃର୍‌ ବିତ୍ରେ ହୁର୍ତା ଲକ୍‌ମଃନ୍ ଉଜାଳ୍‌ ଦଃକୁକ୍‌ ହାର୍ତି । 
\v 34 ତୁମାର୍‌ ଆକି ଗଃଗାଳାର୍‌ କୁପି, ଜଃଡେବଃଳ୍‌ ତୁମାର୍‌ ଆକି ନିକ ରଃୟ୍‌ଦ୍‌ ସଃଡେବଃଳ୍‌ ତୁମାର୍‌ ସଃର୍ନେ ଗଃଗାଳ୍‌ ହେଁ ଉଜାଳ୍‌ ଅୟ୍‌ଦ୍‌, ମଃତର୍‌ ଜଃଡେବଃଳ୍‌ ସେରି ମେଳି ରଃୟ୍‌ଦ୍‌, ସଃଡେବଃଳ୍‌ ଗଃଗାଳ୍‌ ହେଁ ଅଃନ୍ଦାର୍‌ ଅୟ୍‌ଦ୍‌ । 
\v 35 ତଃବେ ଜଃଗ୍ରାତ୍‌, ଜଃନ୍‌କଃରି ତୁମାର୍‌ ମଃନାର୍‌ ଉଜାଳ୍‌ ଅଃନ୍ଦାର୍‌ ନୟ୍‌ । 
\v 36 ଇତାକ୍‌ ତୁମାର୍‌ ସଃର୍ନେ ଗଃଗାଳ୍‌ ଜଦି ଉଜାଳ୍‌ ଅୟ୍‌ଦ୍‌ ଆର୍‌ ସେତିର୍‌ କୁୟ୍‌ ବାଗ୍ ହେଁ ଅଃନ୍ଦାର୍‌ ନଃରେୟ୍‌, ତଃବେ କୁପି ଜଃନ୍ ଉଜାଳ୍‌ ଅୟ୍‌ ତୁମିକେ ଉଜାଳ୍‌ ଦଃୟ୍‌ଦ୍‌ ସେନ୍‌କଃରି ତୁମାର୍‌ ସଃର୍ନେ ଗଃଗାଳ୍‌ ଉଜାଳ୍‌ ଅୟ୍‌ଦ୍‌ ।”
\s ଜିସୁ ପାରୁସି ଆର୍‌ ଦଃର୍ମ୍‌ ଗୁରୁମଃନ୍‌କେ ଦସି କଃଲା
\r (ମାତି ୨୩:୧-୩୬; ମାର୍କ ୧୨:୩୮-୪୦)
\p
\v 37 ଜିସୁ କଃତା କଃଉତି ରିଲା ବଃଳ୍‌, ଗଟେକ୍‌ ପାରୁସି ତାକ୍‌ ଅଃହ୍‌ଣାର୍‌ ଗଃରେ କାଉଁକେ ଗଃଉଆରି କଃଲା, ଆର୍‌ ସେ ଗଃରେ ହୁରି କଃରି କାଉଁକେ ବଃସ୍‌ଲା । 
\v 38 ମଃତର୍‌ ଜିସୁ କାତା ଆଗ୍‌ତୁ ଆତ୍‌ ଦଃୟ୍‌ ନଃରିଲା, ଇରି ଦଃକି ସେ ପାରୁସି କାବା ଅୟ୍‌ଲା, 
\v 39 ସେତାକ୍‌ ମାପ୍ରୁ ତାକେ କୟ୍‌ଲା, “ତୁମି ପାରୁସିମଃନ୍ ସିନା ଗିନା ଆର୍‌ ତାଳିର୍‌ ହଃଦା ବାଟ୍ୟା ନିର୍ମୁଳ୍‌ କଃରାସ୍‌, ମଃତର୍‌ ତୁମାର୍‌ ବିତ୍ରେ ଲଃବ୍‌ ଆର୍‌ ଦୁସ୍ଟ୍‌ କାମ୍‌ ସଃବୁ ବଃର୍ତି ଆଚେ । 
\v 40 ଏ ନିର୍ବୁଦିଆମଃନ୍‌, ଜେ ହଃଦା ବାଟ୍ୟା ତିଆର୍‌ କଃଲା ସେ ହେଁ କାୟ୍‌ ବିତୁର୍‌ ବାଟ୍ୟା ତିଆର୍‌ ନଃକେଲା ? 
\v 41 ତୁମିମଃନ୍ ଜାୟ୍‌ରି ଲଃବ୍‌କଃରି ଅଃର୍ଜି ଆଚାସ୍‌ ସେରି ଗଃରିବ୍‌ ଲକ୍‌ମଃନ୍‌କେ ଦାନ୍‌ କଃରା, ତଃବେ ସଃତ୍‌ କଃରି ହୁରା କଃରି ନିର୍ମୁଳ୍‌ ଅଃଉଆସ୍‌ । 
\v 42 ମଃତର୍‌ ଚି ! ଡଃଣ୍ଡ୍‌ ହାଉତାର୍‌ ଜୟ୍‌ଗ୍‌ ପାରୁସିମଃନ୍, କାୟ୍‌ତାକ୍‌ବଃଲେକ୍‌ ତୁମିମଃନ୍ ପଦିନା, ଆରୁଦ, ଆର୍‌ ସଃବୁ ରଃକମାର୍‌ ସାଗାର୍‌ ଦଃସ୍‌ ବାଗେ ହୁଣି ବାଗେକ୍‌ ଦେଉଁଲାସ୍‌, ଆର୍‌ ନ୍ୟାୟ୍‌ ବିଚାର୍‌ ଆର୍‌ ଇସ୍ୱରାର୍‌ ଲାଡ୍‌କେ ନଃଦେକୁଲାସ୍‌, ମଃତର୍‌ ଇ ସଃର୍ନେ ମାନ୍‌ତାର୍‌ ଆର୍‌ ବିନ୍ ସଃବୁ ଚାଡ୍‌ତାର୍‌ ନିକ ନାୟ୍‌ ।”
\p
\v 43 “ଚି ! ଡଃଣ୍ଡାର୍‌ ଜୟ୍‌ଗ୍‌ ପାରୁସିମଃନ୍ କାୟ୍‌ତାକ୍‌ବଃଲେକ୍‌ ତୁମିମଃନ୍ ପାର୍ତ୍‌ନା ଗଃରେ ବଃଡ୍ କୁର୍ଚି ଆର୍‌ ଆଟେ ବଃଜାରେ ଜୁଆର୍‌ ହାଉଁକ୍‌ ବଃଲ୍‌ ହାଉଆସ୍‌, 
\v 44 ଚି ! ତୁମିମଃନ୍ ଡଃଣ୍ଡ୍‌ ହାଉତା ଜୟ୍‌ଗ୍‌, କାୟ୍‌ତାକ୍‌ବଃଲେକ୍‌ ତୁମିମଃନ୍ ଲୁକ୍‌ଲା ମଃସୁଣ୍‌ କାଲ୍‌ ହର୍‌ ତାର୍‌ ଉହ୍ରେ ଜାତା ଆସ୍ତା ଲକ୍‌ମଃନ୍ ସେରି ମଃସୁଣ୍‌ କାଲ୍‌ ବଃଲି ଜାଣୁ ନଃହାର୍‌ତି ।”
\p
\v 45 ବିଦି ସିକାଉ ମଃନ୍‌କାର୍‌ ବିତ୍ରେ ଗଟ୍‌ଲକ୍‌ ତାକ୍‌ କୟ୍‌ଲା, “ଏ ଗୁରୁ, ଇରି କୟ୍‌କଃରି ଅଃମିମଃନ୍‌କ୍‌ ହେଁ ଲାଜ୍‌ କଃରାଉଁଲିସ୍‌ ।”
\p
\v 46 ଜିସୁ କୟ୍‌ଲା, “ଚି ! ବିଦି ସିକାଉ ଲକ୍‌ମଃନ୍‌ ତ ତୁମିମଃନ୍‌, ତୁମିମଃନ୍ ହେଁ ଡଃଣ୍ଡାର୍‌ ଜୟ୍‌ଗ୍‌, କାୟ୍‌ତାକ୍‌ବଃଲେକ୍‌ ତୁମିମଃନ୍ ଲକ୍‌ମଃନାର୍‌ ଉହ୍ରେ ନଃହାର୍ତା ବଜ୍‌ ଲାଦୁଲାସ୍‌, ଆର୍‌ ନିଜେ ଗଟେକ୍‌ ଆଙ୍ଗଟାୟ୍‌ ହେଁ ଟେକି ଉହ୍‌କାର୍‌ ନଃକେରୁଲାସ୍‌ । 
\v 47 ଚି ! ତୁମିମଃନ୍ ଡଃଣ୍ଡ୍‌ ହାଉତା ଜୟ୍‌ଗ୍‌, କାୟ୍‌ତାକ୍‌ବଃଲେକ୍‌ ତୁମିମଃନ୍‌ ବାବ୍‌ବାଦିମଃନାର୍‌ ମଃସୁଣ୍‌ ବାନ୍ଦୁଲାସ୍‌, ମଃତର୍‌ ତୁମିମଃନ୍‌କାର୍‌ ଦାଦିବାବୁମଃନ୍ ସେମଃନ୍‌କେ ମାରି ରିଲାୟ୍‌ । 
\v 48 ବଃଲେକ୍‌ ତୁମିମଃନାର୍‌ ଦାଦିବାବୁମଃନାର୍‌ କାମାର୍‌ ତୁମିମଃନ୍ ସାକି ଆଚାସ୍‌ ଆର୍‌ ସେରି ମାନୁଲାସ୍‌, କାୟ୍‌ତାକ୍‌ବଃଲେକ୍‌ ସେମଃନ୍ ସିନା ସେମଃନ୍‌କେ ମାରି ରିଲାୟ୍‌, ଆରେକ୍‌ ତୁମିମଃନ୍ ସେମଃନାର୍‌ ମଃସୁଣ୍ ବାନ୍ଦୁଲାସ୍‌ । 
\v 49 ସେତାକ୍‌ ଇସ୍ୱର୍‌ ହେଁ ଅଃହ୍‌ଣାର୍‌ ଗ୍ୟାନେ କୟ୍‌ଆଚେ ଅଃମି ସେମଃନାର୍‌ ତଃୟ୍‌ ବାବ୍‌ବାଦି ଆର୍‌ ପେରିତ୍‌ମଃନ୍‌କେ ହଃଟାଉଁନ୍ଦ୍ । ସେମଃନାର୍‌ ବିତ୍ରେ କାକେ କାକେ ମାର୍ତି ଆର୍‌ କାକେ କାକେ ଆର୍ଲା କଃର୍ତି, 
\v 50 ଇ ଜୁଗାର୍‌ ଲକ୍‌ମଃନ୍ ହୁର୍ତି ଉବୁଜ୍‌ଲା ତଃୟ୍‌ହୁଣି ସଃବୁ ବାବ୍‌ବାଦିମଃନାର୍‌ ଅଃତ୍ୟା କଃଲାର୍‌ ଗିନେ ଡଃଣ୍ଡ୍‌ ହାଉତି ଜଃନ୍‌କଃରି ହେବଲାର୍‌ ବଃନି ବାର୍‌ଲା ତଃୟ୍‌ହୁଣି ଜୁୟ୍‌ ଜିକରିଅର୍‌ ହୁଜା ବେଦି ଆର୍‌ ମନ୍ଦିରାର୍‌ ପବିତ୍ର ଟାଣେ ମାଡ୍ କାୟ୍‌ ମଃଲାୟ୍‌, ତାକାର୍‌ ବାରାୟ୍‌ଲା ବଃନି ହଃତେକ୍‌ ଜଃଗତାର୍‌ ହାହେ ହଃଳ୍‌ଲି, ଜଃତେକ୍‌ ବାବ୍‌ବାଦିମଃନାର୍‌ ବଃନି ବାରାୟ୍‌ ଆଚେ, 
\v 51 ହେବଲ୍‌କେ ଅଃତ୍ୟା ତଃୟ୍‌ ହୁଣି ଆରୁମ୍‌ କଃରି ଜିକରିଅର୍‌ ହଃତେକ୍‌ ଜାକେ କି ପବିତ୍ର ବେଦି ଆର୍‌ ପବିତ୍ର ଟାଣେ ଅଃତ୍ୟା କଃରାଜାୟ୍‌ ରିଲି । ହେଁ ମୁୟ୍‌ଁ ତୁମିମଃନ୍‌କେ କଃଉଁଲେ ଇ ଜୁଗାର୍‌ ଲକ୍‌ମଃନ୍‌ ସେ ସଃବୁଲକାର୍‌ ହାୟ୍‌ଁ ଦଃଣ୍ଡ୍‌ ହାଉତି ।”
\p
\v 52 “ଚି ! ଡଃଣ୍ଡ୍‌ ହାଉତା ଜୟ୍‌ଗ୍‌, ବିଦି ସିକାଉମଃନ୍‌, କାୟ୍‌ତାକ୍‌ବଃଲେକ୍‌ ତୁମିମଃନ୍ ଗ୍ୟାନାର୍‌ କୁଚିକାଡା ନିଜେ ଚର୍‌ଲାସ୍‌, ତୁମିମଃନ୍ ନିଜେ ନଃହୁର୍ଲାସ୍‌ ଆର୍‌ ହୁର୍ତା ଲକ୍‌ମଃନ୍‌କେ ହୁରୁକ୍‌ ନଃଦିଲାସ୍‌ ।”
\p
\v 53 ଆରେକ୍‌ ସେ ସେତି ହୁଣି ବାରାୟ୍‌ ଗଃଲା ହଃଚେ ଦଃର୍ମ୍‌ଗୁରୁ ଆର୍‌ ପାରୁସିମଃନ୍ ଅଃନାୟ୍‌ ଡାରା ଅୟ୍‌, 
\v 54 ଜିସୁର୍‌ କଃତା ବୁଲ୍‌ ଦଃରୁକ୍‌ ହାନ୍ଦା ଅଡି, ତାକ୍‌ କଃତେକ୍‌ କଃତା ହଃଚାରୁକେ ଦଃର୍ଲାୟ୍‌ ।
\c 12
\s ହେଟ୍‌ କପଟ୍ୟାକେ ଜଃଗ୍ରାତ୍‌
\r (ମାତି ୧୦:୨୬-୨୭)
\p
\v 1 \x + \xo ୧୨:୧ \xo*\xt ମାତି ୧୬:୬; ମାର୍କ ୮:୧୫.\xt*\x*ଇ ବିତ୍ରେ ଗାଦା ଲକ୍‌ମଃନ୍ ରୁଣ୍ଡି ତାକାର୍‌ ତାକାର୍‌ ଉହ୍ରେ ମାଡା ଚଃଗା ଅଃଉତି ରିଲାୟ୍‌, ସଃଡେବଃଳ୍‌ ଜିସୁ ଅଃହ୍‌ଣାର୍‌ ଚେଲାମଃନ୍‌କେ କଃଉଁକେ ଦଃର୍ଲା, “ପାରୁସିମଃନାର୍‌ କମିର୍‌ ହର୍‌ ହେଟ୍‌କପଟ୍‌ ବିସୟେ ଜଃଗ୍ରାତ୍‌ ଅୟ୍‌ରିଆ । 
\v 2 \x + \xo ୧୨:୨ \xo*\xt ମାର୍କ ୪:୨୨; ଲୁକ ୮:୧୭.\xt*\x*ମଃତର୍‌ ଜାୟ୍‌ରି ନଃଡିସେ ଇରଃକମ୍‌ ଡାହି ଅୟ୍‌ଲାର୍‌ କାୟ୍‌ରି ନାୟ୍‌, ଆର୍‌ ଜାୟ୍‌ରି ଜାଣା ନଃହେଳେ ଇରଃକମ୍‌ ଲୁକ୍‌ଲାର୍‌ କାୟ୍‌ରି ନାୟ୍‌ଁ, 
\v 3 ବଃଲେକ୍‌ ତୁମିମଃନ୍ ଜାୟ୍‌ ଜାୟ୍‌ରି ଅଃନ୍ଦାରେ କୟ୍‌ ଆଚାସ୍‌ ସେରି ସଃବୁ ସୁଣା ଅୟ୍‌ଦ୍‌, ଆରେକ୍‌ ଜାୟ୍‌ରି କାହାଟ୍‌ ଡାହ୍‌ଲା ବିତୁର୍‌ ବଃକ୍ରାୟ୍‌ ଲୁକ୍‌ଣେ କୟ୍‌ ଆଚାସ୍‌ ସେରି ଚାନି ଉହ୍ରେ ପର୍ଚାର୍‌ କଃରା ଅୟ୍‌ଦ୍‌ ।”
\s କାକେ ଡିରାସ୍‌
\r (ମାତି ୧୦:୨୮-୩୧)
\p
\v 4 “ମଃତର୍‌ ମର୍‌ ସଃଙ୍ଗୁଆଳି ଜେ ତୁମିମଃନ୍, ତୁମିମଃନ୍‌କେ କଃଉଁଲେ, ଜୁୟ୍‌ ଲକ୍‌ ତୁମାର୍‌ ଗଃଗାଳ୍‌କେ ମଃର୍ନେ ମାରେଦ୍‌, ମଃତର୍‌ ତାର୍‌ହଃଚେ ଆର୍‌ କାୟ୍‌ରି କଃରୁ ନାହାରେ, ସେମଃନ୍‌କେ ଡିରା ନାୟ୍‌ । 
\v 5 ମଃତର୍‌ କାକେ ଡିରାସ୍‌, ସେରି ମୁଁୟ୍‌ ତୁମିକେ ଜାଣାୟ୍‌ଦ୍‌, ମଃର୍ନେ ମାର୍ଲା ହଃଚେ ନଃର୍କେ ହଃକାଉଁକେ ଜୁୟ୍‌ ଇସ୍ୱରାର୍‌ ଅଃଦିକାର୍‌ ଆଚେ ତାକ୍‌ ଡିରିକଃରି ରିଆ । ହେଁ ମୁଁୟ୍‌ ତୁମିକେ ସଃତ୍‌ କଃଉଁଲେ ତାକ୍‌ ଡିରା ।”
\p
\v 6 “ହାଁଚ୍‌ଗଟ୍‌ ଜଃଟ୍ୟା ଚେଳେ କାୟ୍‌ ଜଳେକ୍‌ କାସୁ ଡାବୁୟ୍‌ ବିକା ନଃଉତି ? ଆର୍‌ ସେମଃନାର୍‌ ବିତ୍ରେ ଗଟେକ୍‌ ହେଁ ଇସ୍ୱର୍‌ ନଃହାସ୍ରେ । 
\v 7 ମଃତର୍‌ ତୁମିମଃନାର୍‌ ମୁଣ୍ଡାର୍‌ ସଃର୍ନେ ବାଳ୍‌ ହେଁ ଗଃଣା ଅୟ୍‌ଆଚେ । ଡିରା ନାୟ୍‌ ତୁମିମଃନ୍ ଗାଦେକ୍‌ ଗଃର୍‌ ଜଃଟ୍ୟା ଚେଳେ ହୁଣି ଅଃଦିକ୍‌ ବଃଡ୍ ।”
\s କ୍ରିସ୍ଟକେ ମାନ୍‌ତି କଃର୍ତାର୍‌ ଆର୍‌ ଦୁର୍‌ କଃର୍ତାର୍‌
\r (ମାତି ୧୦:୩୨-୩୩; ୧୨:୩୨; ୧୦:୧୯-୨୦)
\p
\v 8 “ଆର୍‌ ମୁଁୟ୍‌ ତୁମିମଃନ୍‌କେ କଃଉଁଲେ, ଜୁୟ୍‌ମାନାୟ୍‌ ଲକାର୍‌ ମୁଏଁ ମକ୍‌ କ୍ରିସ୍ଟ ବଃଲି କୟ୍‌ଦ୍‌, ନଃରାର୍‌ ହୟ୍‌ସି ହେଁ ଇସ୍ୱରାର୍‌ ଦୁତ୍‌ ମଃନାର୍‌ ମୁଏଁ ତାକେ ଜାଣି ଆଚି ବଃଲି କୟ୍‌ଦ୍‌ । 
\v 9 ମଃତର୍‌ ଜୁୟ୍‌ମାନାୟ୍‌ ଲକାର୍‌ ମୁଏଁ ମକ୍‌ ନଃଜାଣି ବଃଲେଦ୍‌, ମୁଁୟ୍‌ ହେଁ ଇସ୍ୱରାର୍‌ ଦୁତ୍‌ମଃନାର୍‌ ମୁଏଁ ତାକ୍‌ ନଃଜାଣି ବଃଲିନ୍ଦ୍ ।”
\p
\v 10 \x + \xo ୧୨:୧୦ \xo*\xt ମାତି ୧୨:୩୨; ମାର୍କ ୩:୨୯.\xt*\x*“ଆର୍‌ ଜୁୟ୍‌ମାନାୟ୍‌ ନଃରାର୍‌ ହୟ୍‌ସି ବିରଦେ କଃତା କୟ୍‌ଦ୍‌ ତାକ୍‌ କେମା ଦିଆ ଅୟ୍‌ଦ୍‌, ମଃତର୍‌ ଜୁୟ୍‌ ମାନାୟ୍‌ ପବିତ୍ର ଆତ୍ମା ବିରଦେ ଲିନ୍ଦା କଃତା କୟ୍‌ଦ୍‌ ତାକେ କେମା ଦିଆ ନୟ୍‌ ।”
\p
\v 11 \x + \xo ୧୨:୧୧ \xo*\xt ମାତି ୧୦:୧୯,୨୦; ମାର୍କ ୧୩:୧୧; ଲୁକ ୨୧:୧୪,୧୫.\xt*\x*“ଆର୍‌ ଜଃଡେବଃଳ୍‌ ସେମଃନ୍ ତୁମିମଃନ୍‌କେ ପାର୍ତ୍‌ନା ଗଃରାର୍‌ ବଃଡ୍ ଲକ୍‌ ଆର୍‌ ଅଃଦିକାରି ଲକ୍‌ମଃନାର୍‌ ଚଃମେ ଆଣ୍‌ତି, ସଃଡେବଃଳ୍‌ ତୁମିମଃନ୍ ଅଃହ୍‌ଣାର୍‌ ଗିନେ କଃନ୍‌କଃରି ଆର୍‌ କାୟ୍‌ ଉତୁର୍‌ ଦିଆସ୍‌ ଆର୍‌ କାୟ୍‌ରି କଃଉଆସ୍‌ ସେତାକ୍‌ ଚିତା କଃରା ନାୟ୍‌ । 
\v 12 କାୟ୍‌ତାକ୍‌ବଃଲେକ୍‌ କାୟ୍‌ରି କଃଉଁକେ ଅୟ୍‌ଦ୍‌ ସେରି ପବିତ୍ର ଆତ୍ମା ସଃଡେବଃଳ୍‌ ତୁମିକେ ସିକାୟ୍‌ଦ୍‌ ।”
\s ନିର୍ବୁଦିଆ ମାଜନ୍ ଲକାର୍‌ କଃତା
\p
\v 13 ଲକ୍‌ମଃନାର୍‌ ବିତ୍ରେ ଗଟ୍‌ଲକ୍‌ ଜିସୁକେ କୟ୍‌ଲା, “ଏ ଗୁରୁ, ମର୍‌ ବାୟ୍‌କ୍‌ ମର୍‌ ସଃଙ୍ଗ୍ ଦାଦି ଅଃର୍ଜ୍‌ଲା ଦଃନ୍ ବାଟା କଃରୁକେ କଃଉ ।”
\p
\v 14 ମଃତର୍‌ ଜିସୁ ତାକ୍‌ କୟ୍‌ଲା, “ଏ ବାୟ୍‌, କେ ମକେ ତୁମିମଃନାର୍‌ ଉହ୍ରେ ବିଚାର୍‌ କଃରୁକେ ଆର୍‌ ବାଟା କଃରୁକେ ଅଃଦିକାର୍‌ ଦିଲାଆଚେ ?” 
\v 15 ଆରେକ୍‌ ସେ ସେମଃନ୍‌କେ କୟ୍‌ଲା, “ଜଃଗ୍ରାତ୍‌ ସଃବୁ ରଃକମ୍‌ ଲଃବ୍‌ ତଃୟ୍‌ହୁଣି ଦୁରିକ୍‌ ରିଆ, କାୟ୍‌ତାକ୍‌ବଃଲେକ୍‌ ଗଟ୍‌ ଲକାର୍‌ ଜିବନ୍ ତାର୍‌ ଦଃନ୍ ବିତ୍‌ ଉହ୍ରେ ବଃର୍ସା ନଃକେରେ ।”
\p
\v 16 ଆର୍‌ ଜିସୁ ସେମଃନ୍‌କେ ଇ କଃତା କୟ୍‌ଲା, “ଗଟେକ୍‌ ମାଜନ୍ ଲକାର୍‌ ହଃଦାୟ୍‌ ବୁତେକ୍‌ ତାସ୍‌ ଅୟ୍‌ଲି, 
\v 17 ସେତାକ୍‌ ସେ ମଃନେ ମଃନେ ଚିତା କଃରି କୟ୍‌ଲା, ‘କାୟ୍‌ କଃରିନ୍ଦ୍‌ ? କାୟ୍‌ତାକ୍‌ବଃଲେକ୍‌ ତାସ୍‌ ରୁଣ୍ଡାୟ୍‌ କଃରି ସଃଙ୍ଗାଉଁକେ ଟାଣ୍ ନାୟ୍‌ ।’ 
\v 18 ଆରେକ୍‌ ସେ କୟ୍‌ଲା, ‘ଇରି କଃରିନ୍ଦ୍‌, ମର୍‌ ଗଃଦ୍ୟା ସଃବୁ ବଃସ୍ଳାୟ୍‌ନ୍ଦ୍ ଆର୍‌ ବଃଡ୍ ବଃଡ୍ କଃରି ବାନ୍ଦିନ୍ଦ୍‌ ଆର୍‌ ସେତି ମର୍‌ ଗଅଁ ସଃବୁ ସଃଙ୍ଗାୟ୍‌ନ୍ଦ୍ । 
\v 19 ଆର୍‌ ମୁୟ୍‌ଁ ମର୍‌ ହଃରାଣ୍‌କେ କୟ୍‌ଦ୍‌, ରେ ହଃରାଣ୍, ବୁତେକ୍‌ ବଃର୍ସାର୍‌ ହାଁୟ୍‌ ତର୍‌ ଜଃବର୍‌ କାଦିକଣ୍ଡା ଆଚେ, ବିସାଉ, କାଆ, ଆର୍‌ ସଃର୍ଦାକଃର୍‌ ।’ 
\v 20 ମଃତର୍‌ ଇସ୍ୱର୍‌ ତାକ୍‌ କୟ୍‌ଲା, ‘ରେ ନିର୍ବୁଦିଆ ଆଜି ରାତି ତର୍‌ ହଃରାଣ୍‌ ତର୍‌ ତଃୟ୍‌ହୁଣି ନିଆ ଅୟ୍‌ଦ୍‌, ସେତାକ୍‌ ଜାୟ୍‌ ଜାୟ୍‌ରି ରୁଣ୍ଡାୟ୍‌ ଆଚ୍‌ସି, ସେରି ସଃବୁ କାର୍‌ ଅୟ୍‌ଦ୍‌ ?’”
\p
\v 21 “ଜେ ଅଃହ୍‌ଣାର୍‌ ଗିନେ ଦଃନ୍ ଅଃର୍ଜେଦ୍‌, ମଃତର୍‌ ଇସ୍ୱରାର୍‌ ଆକାୟ୍‌ ସେ ମାଜନ୍ ନାୟ୍‌, ତାକେ ଅଃନ୍‌କାର୍‌ ଅୟ୍‌ଦ୍‌ ।”
\s ଇସ୍ୱର୍‌ ତଃୟ୍‌ ବିସ୍ୱାସ୍‌ କଃରା
\r (ମାତି ୬:୨୫-୩୪)
\p
\v 22 ଜିସୁ ଅଃହ୍‌ଣାର୍‌ ଚେଲାମଃନ୍‌କେ କୟ୍‌ଲା, “ଇତାର୍‌ ଗିନେ ମୁଁୟ୍‌ ତୁମିମଃନ୍‌କେ କଃଉଁଲେ, କାୟ୍‌ରି କାଉଁନ୍ଦ୍‌ ଇରି କୟ୍‌ କଃରି, ତୁମିମଃନାର୍‌ ଜିବନ୍ ଗିନେ ଆରେକ୍‌ କାୟ୍‌ରି ହିନ୍ଦୁନ୍ଦ୍‌, ଇରି କୟ୍‌ କଃରି ତୁମିମଃନାର୍‌ ଗଃଗାଳ୍‌ ଗିନେ ହେଁ ଚିତା କଃରା ନାୟ୍‌ । 
\v 23 କାୟ୍‌ତାକ୍‌ବଃଲେକ୍‌ କାଦି ତଃୟ୍‌ହୁଣି ଜିବନ୍ ଆର୍‌ ବଃସ୍ତର୍‌ ତଃୟ୍‌ହୁଣି ଗଃଗାଳ୍‌ ବଃଡ୍ । 
\v 24 ଚେଳେମଃନାର୍‌ କଃତା ବାବି ଦଃକା, ସେମଃନ୍ ନଃବୁଣ୍‌ତି କି ନଃକାଟ୍‌ତି, ଆରେକ୍‌ ସେମଃନାର୍‌ ତାସ୍‌ ଗଃଦ୍ୟା ଗଃର୍‌ ନାୟ୍‌, ଆର୍‌ ଇସ୍ୱର୍‌ ସେମଃନ୍‌କେ କାଦି ଦେଉଁଲା, ତୁମିମଃନ୍ ଚେଳେମଃନାର୍‌ ତଃୟ୍‌ହୁଣି କଃତେକ୍‌ ଅଃଦିକ୍‌ ବଃଡ୍, 
\v 25 ଆରେକ୍‌ ତୁମିମଃନାର୍‌ ବିତ୍ରେ କେ ଚିତା କଃରି କଃରି ଅଃହ୍‌ଣାର୍‌ ଆୟ୍‌ଁସ୍‌ କଃଣ୍ଡେକ୍‌ ବାଡାଉଁ ହାରେ ? 
\v 26 ବଃଲେକ୍‌ ତୁମିମଃନ୍ ସଃବ୍‌କେ ଗଟେକ୍‌ ସାନ୍ କାମ୍‌ ହେଁ କଃରୁ ନଃହାରାସ୍‌, ତଃବେ ବିନ୍ ସଃବୁ ବିସୟ୍‌ ଚିତା କାୟ୍‌ତାକ୍‌ କଃରୁଲାସ୍‌ ? 
\v 27 ବଃନ୍‌ ହୁଲ୍‌ମଃନାର୍‌ କଃତା ବାବି ଦଃକା, ସେରିମଃନ୍ କଃନ୍‌କଃରି ସୁତା ନଃକାଟ୍‌ତି କି ସେମଃନାର୍‌ ଗିନେ ବଃସ୍ତର୍‌ ନଃବୁଣ୍‌ତି, ଅୟ୍‌ଲେକ୍‌ ହେଁ ମୁଁୟ୍‌ ତୁମିମଃନ୍‌କେ କଃଉଁଲେ, ସଲ୍‌ମନ୍ ରଃଜା ହେଁ ଅଃହ୍‌ଣାର୍‌ ସଃର୍ନେ ଦଃନ୍‌ ରଃୟ୍‌କଃରି, ଗଟେକ୍‌ ହୁଲ୍‌ ହର୍‌ ହେଁ ସୁନ୍ଦୁର୍‌ ବଃସ୍ତର୍‌ ହିନ୍ଦି ନଃରିଲା । 
\v 28 ମଃତର୍‌ ଜୁୟ୍‌ ରଃନ୍ ଆଜି ହଃଦାୟ୍‌ ଆଚେ ଆର୍‌ କାଲି ଚୁଲି ବିତ୍ରେ ହଃକା ଅୟ୍‌ଦ୍‌, ତାକ୍‌ ଜଦି ଇସ୍ୱର୍‌ ଅଃନ୍‌କାର୍‌ ବେସ୍‌ ଦେଉଁଲା, ତଃବେ ଏ ଅଃଳକ୍‌ ବିସ୍ୱାସିମଃନ୍ ସେ ତୁମିକେ କଃତେକ୍‌ ଅଃଦିକ୍‌ ନଃଦେୟ୍‌ ।”
\p
\v 29 “ଆରେକ୍‌ କାୟ୍‌ରି କାହାସ୍‌ ଆର୍‌ କାୟ୍‌ରି ହିଉଆସ୍‌, ସେରିମଃନ୍‌ ଲଳି ବୁଲା ନାୟ୍‌ ଆର୍‌ ଚିତା ହେଁ କଃରା ନାୟ୍‌ । 
\v 30 କାୟ୍‌ତାକ୍‌ବଃଲେକ୍‌ ଜଃଗତାର୍‌ ଅଜିଉଦି ଲକ୍‌ମଃନ୍ ଇରିମଃନ୍‌ ଲଳି ବୁଲ୍‌ତି, ମଃତର୍‌ ଇ ସଃବୁ ବିସୟ୍‌ ଜେ ତୁମିମଃନାର୍‌ ଲଳା ଆଚେ ସେରି ତୁମିମଃନାର୍‌ ସଃର୍ଗାର୍‌ ଉବାଦି ଜାଣେଦ୍‌ । 
\v 31 ମଃତର୍‌ ତୁମିମଃନ୍ ଇସ୍ୱରାର୍‌ ରାଇଜ୍‌ ଲଳା, ଆର୍‌ ଇ ସଃବୁ ବିସୟ୍‌ ତୁମିମଃନ୍‌କେ ଦିଆ ଅୟ୍‌ଦ୍‌ ।”
\s ସଃର୍ଗେ ଦଃନ୍
\r (ମାତି ୬:୧୯-୨୧)
\p
\v 32 “ଏ ସାନ୍ ଦଃଳ୍‌, ଡିରା ନାୟ୍‌, କାୟ୍‌ତାକ୍‌ବଃଲେକ୍‌ ତୁମିମଃନ୍‌କେ ତାର୍‌ ରାଇଜ୍‌ ଦେଉଁକେ ତୁମିମଃନାର୍‌ ସଃର୍ଗାର୍‌ ଉବାଦିର୍‌ ବଃଡେ ସଃର୍ଦା । 
\v 33 ତୁମିମଃନାର୍‌ ଜାୟ୍‌ରି ଆଚେ ସେରି ବିକିକଃରି କଃରି ଗଃରିବ୍‌ମଃନ୍‌କେ ଦାନ୍‌ କଃରା, ଜାୟ୍‌ରି ନଃସ୍ଟ୍‌ ନଃହୟ୍‌ ଅଃନ୍‌କାର୍‌ ମଣା ଅଃହ୍‌ଣା ଅଃହ୍‌ଣାର୍‌ ଗିନେ ତିଆର୍‌ କଃରା, କୁୟ୍‌ତି ଚର୍‌ ଚଃମେ ନାସେ ଆର୍‌ ଅଳ୍‌ମା ନଃସ୍ଟ୍‌ ନଃକେରେ ଅଃନ୍‌କାର୍‌ ସଃର୍ଗେ ନଃସ୍ଟ୍‌ ନଃଉତା ଦଃନ୍ ଅଃର୍ଜା; 
\v 34 କାୟ୍‌ତାକ୍‌ବଃଲେକ୍‌ ଜୁୟ୍‌ତି ତୁମାର୍‌ ଦଃନ୍‌, ସେତି ତୁମାର୍‌ ମଃନ୍‌ ।”
\s ଜଃଗ୍ରାତ୍‌ ରେତା ଦଃଙ୍ଗ୍‌ଳାମଃନ୍
\p
\v 35 \x + \xo ୧୨:୩୫ \xo*\xt ମାତି ୨୫:୧-୧୩.\xt*\x*“ତୁମିମଃନ୍‌ ଅଃଟାବିଳା ବାନ୍ଦି ଅୟ୍‌ରିଆ, ଆର୍‌ କୁପି କଃଚ୍‌ତି ରେଅ, 
\v 36 \x + \xo ୧୨:୩୬ \xo*\xt ମାର୍କ ୧୩:୩୪-୩୬.\xt*\x*ଆର୍‌ ମାପ୍ରୁ ବିବା ବଜି ତଃୟ୍‌ହୁଣି ବାଉଳି ଆସି କଃହାଟେ ମାର୍ଲା ଦାହ୍ରେ ଜୁୟ୍‌ ଲକ୍‌ମଃନ୍ ତାର୍‌ ଗିନେ ତଃତ୍‌କାଣ୍ କଃହାଟ୍‌ ଉଗାଳୁକ୍‌ ଜାଗି ରେତି, ତୁମିମଃନ୍ ସେମଃନାର୍‌ ହର୍‌ ଅୟ୍‌ରିଆ । 
\v 37 ମାପ୍ରୁ ଆସି ଜୁୟ୍‌ ଗତିଦଃଙ୍ଗ୍‌ଳାକ୍‌ ଜଃଗ୍ରାତ୍‌ ରିଲାର୍‌ ଦଃକେଦ୍‌, ସେମଃନାର୍‌ ବାୟ୍‌ଗ୍‌, ମୁଁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ସେ ଅଃହ୍‌ଣାର୍‌ ଅଃଟା ବାନ୍ଦି କଃରି ସେମଃନ୍‌କେ କାଉଁକେ ବଃସାୟ୍‌, ଚଃମେ ଜାୟ୍‌ ସେବା କଃରେଦ୍‌ । 
\v 38 ଆର୍‌ ସେ ଜଦି ମଃଜାରାତି କି କୁକ୍‌ଳାବାସେ ହେଁ ଆସି ସେମଃନ୍‌କେ ସେନ୍‌କାର୍‌ ଦଃକେଦ୍‌, ତଃବେ ସେ ଦଃଙ୍ଗ୍‌ଳା ମଃନାର୍‌ ବାୟ୍‌ଗ୍‌ । 
\v 39 \x + \xo ୧୨:୩୯ \xo*\xt ମାତି ୨୪:୪୩,୪୪.\xt*\x*ମଃତର୍‌ ଇରି ଜାଣିରିଆ କୁୟ୍‌ ବେଳାୟ୍‌ ଚର୍‌ ଆସେଦ୍‌ ଇରି ଗଃରାର୍‌ ସାଉକାର୍‌ ଜାଣି ରିଲେକ୍‌, ତାର୍‌ ଗଃରେ ସିନ୍ଦ୍ ମାରୁକ୍‌ ନଃଦିଲା ହୁଣି । 
\v 40 ତୁମିମଃନ୍ ହେଁ ଜଃଗ୍ରାତ୍‌ ଅୟ୍‌ରିଆ, କାୟ୍‌ତାକ୍‌ବଃଲେକ୍‌ ଜୁୟ୍‌ ବେଳାୟ୍‌ ତୁମିମଃନ୍ ମଃନେ କଃରି ନଃରିଆସ୍‌ ସେ ବେଳାୟ୍‌ ନଃରାର୍‌ ହୟ୍‌ସି ଆସେଦ୍‌ ।”
\s ନିକ ଆର୍‌ ହଟ୍‌କାର୍‌ ଦଃଙ୍ଗ୍‌ଳାମଃନ୍
\r (ମାତି ୨୪:୪୫-୫୧)
\p
\v 41 ସେତାକ୍‌ ପିତର୍‌ କୟ୍‌ଲା, “ଏ ମାପ୍ରୁ ତୁୟ୍‌ ଅଃମିମଃନ୍‌କ୍‌ ହଃକା ଇ କଃତା କଃଉଁଲିସ୍‌, କି ସଃବୁ ଲକ୍‌କେ କଃଉଁଲିସ୍‌ ?”
\p
\v 42 ଜିସୁ ମାପ୍ରୁ ଉତୁର୍‌ ଦିଲା, “ଇତାକ୍‌ ଅଃହ୍‌ଣାର୍‌ ଗଃରାର୍‌ ଦଃଙ୍ଗ୍‌ଳାମଃନ୍‌କେ ସଃମାନ୍ ବେଳାୟ୍‌ ଟିକ୍‌ ଅୟ୍‌ରିଲା ହଃଳିବାତ୍ୟା ଦେଉଁକେ ସାଉକାର୍‌ ଜାକେ ସେମଃନାର୍‌ ଉହ୍ରେ ବାଚେଦ୍‌, ଇବାନ୍ୟା ସଃତ୍‌ ବୁଦିକାରି ଗୁମୁସ୍ତା କେ ଆଚେ ? 
\v 43 ସାଉକାର୍‌ ଆସି ତାର୍‌ ଜୁୟ୍‌ ଗତିଦଃଙ୍ଗ୍‌ଳାକ୍‌ ସେରଃକମ୍‌ କାମ୍‌ କଃର୍ତି ରିଲାର୍‌ ଦଃକେଦ୍‌, ତଃବେ ସେ ଦଃଙ୍ଗ୍‌ଳାର୍‌ ବାୟ୍‌ଗ୍‌ । 
\v 44 ମୁଁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ସାଉକାର୍‌ ସେ ଦଃଙ୍ଗ୍‌ଳାକେ ତାର୍‌ ସଃବୁ ସଃମ୍ପତି ଉହ୍ରେ ଅଃଦିକାର୍‌ ଦଃୟ୍‌ଦ୍‌ । 
\v 45 ମଃତର୍‌ ଜଦି ସେ ଗୁମୁସ୍ତା ମର୍‌ ସାଉକାର୍‌ ଆସ୍ତାର୍‌ ବିଲମ୍‌ ଆଚେ ବଃଲି ମଃନେ ମଃନେ କୟ୍‌ ଗତିଦଃଙ୍ଗ୍‌ଳା ଦଃଙ୍ଗ୍‌ଳିମଃନ୍‌କେ ମାରୁକ୍‌ ଆର୍‌ କାଉଆ ହିଉଆ କଃରି ମାତୁକ୍‌ ମୁଳ୍ୟାୟ୍‌ଦ୍‌, 
\v 46 ସେବାନ୍ୟା ଅୟ୍‌ଲେକ୍‌ ସେ ଗତିଦଃଙ୍ଗ୍‌ଳା ଜୁୟ୍‌ ଦିନ୍ ଜାଗି ନଃରେୟ୍‌ ଆର୍‌ ଜୁୟ୍‌ ବେଳା ସେ ଜାଣି ନଃରେୟ୍‌, ସେଦିନ୍ ଆର୍‌ ସେ ବେଳାୟ୍‌ ତାର୍‌ ସାଉକାର୍‌ ଆସେଦ୍‌, ସାଉକାର୍‌ ତାକ୍‌ ଜଃବର୍‌ ଡଃଣ୍ଡ୍‌ ଦଃୟ୍‌, ହଟ୍‌କାର୍‌ ଲକାର୍‌ ସଃଙ୍ଗ୍ ତାର୍‌ ବାଗ୍ ସଃମାନ୍ କଃରେଦ୍‌ ।”
\p
\v 47 “ଆର୍‌ ଜୁୟ୍‌ ଗତିଦଃଙ୍ଗ୍‌ଳା ଅଃହ୍‌ଣାର୍‌ ସାଉକାରାର୍‌ ମଃନ୍ ଜାଣି ତିଆର୍‌ ଅୟ୍‌ ନଃରେୟ୍‌, କି ତାର୍‌ ମଃନ୍‌କେ ଗଃଲା ହର୍‌ କାମ୍‌ କଃରି ନଃରେୟ୍‌, ସେ ଜଃବର୍‌ ମାଡ୍‌କାୟ୍‌ଦ୍‌ । 
\v 48 ମଃତର୍‌ ଜେ ନଃଜାଣି ମାଡ୍‌ କାତା ହାୟ୍‌ଟି କଃରି ରଃୟ୍‌ଦ୍‌ ସେ ଅଃଳକ୍‌ ମାଡ୍ କାୟ୍‌ଦ୍‌, ଜାକେ ବୁତେକ୍‌ ଦିଆ ଅୟ୍‌ଆଚେ ତାର୍‌ ତଃୟ୍‌ହୁଣି ବୁତେକ୍‌ ମାଗା ଅୟ୍‌ଦ୍‌, ଆର୍‌ ଲକ୍‌ମଃନ୍ ଜାକେ ବୁତେକ୍‌ ଦଃୟ୍‌ ଆଚ୍‌ତି ତାର୍‌ ତଃୟ୍‌ହୁଣି ବୁତେକ୍‌ ମାଗ୍‌ତି ।”
\s ଜିସୁ କୟ୍‌ଲା ମୁଁୟ୍‌ ବେଗଳ୍‌ କଃରାୟ୍‌ନ୍ଦ୍
\r (ମାତି ୧୦:୩୪-୩୬)
\p
\v 49 “ମୁଁୟ୍‌ ହୁର୍ତିବିଏ ଜୟ୍‌ ଲାଗାଉଁକେ ଆସି ଆଚି, ସେରି ଜଦି ଲାଗ୍‌ଲିନି, ତଃବେ ମର୍‌ ଆର୍‌ କାୟ୍‌ ମଃନ୍ ଆଚେ ? 
\v 50 \x + \xo ୧୨:୫୦ \xo*\xt ମାର୍କ ୧୦:୩୮.\xt*\x*ମଃତର୍‌ ମକ୍‌ ଗଟେକ୍‌ ବାପ୍ତିସମେ ବାପ୍ତିସମ୍‌ ନେଉଁକେ ଅୟ୍‌ଦ୍‌ ଆର୍‌ ସେରି ନଃଉତା ହଃତେକ୍‌ ମୁଁୟ୍‌ କଃନ୍‌କଃରି କଃସ୍ଟ୍‌ ହାଉଁଲେ । 
\v 51 ମୁଁୟ୍‌ ହୁର୍ତିବିଏ ସୁସ୍ତା ଦେଉଁକେ ଆସି ଆଚି ବଃଲି କାୟ୍‌ ତୁମିମଃନ୍ ମଃନେ କଃରୁଲାସ୍‌ ? ମୁଁୟ୍‌ ତୁମିମଃନ୍‌କେ କଃଉଁଲେ, ନାୟ୍‌, ମଃତର୍‌ ବେଗଳ୍‌ କଃରୁକେ ଆସିଆଚି । 
\v 52 କାୟ୍‌ତାକ୍‌ବଃଲେକ୍‌ ଆଜି ହଃତେକ୍‌ ଗଟେ ଗଃରେ ହାଁଚ୍ ଲକ୍‌ ରିଲେକ୍‌ ଦୁୟ୍‌ଲକ୍‌ ବିରଦେ ତିନିଲକ୍‌, ଆର୍‌ ତିନିଲକ୍‌ ବିରଦେ ଦୁୟ୍‌ଲକ୍‌ ବିନ୍ ବିନ୍ ଅଃଉତି । 
\v 53 ହୟ୍‌ସି ବିରଦେ ଉବାସି, ଉବାସିର୍‌ ବିରଦେ ହୟ୍‌ସି, ଜିସି ବିରଦେ ଆୟ୍‌ସି, ଆୟ୍‌ସି ବିରଦେ ଜିସି, ବୁଆରି ବିରଦେ ସଃତୁର୍ସି, ସଃତୁର୍ସି ବିରଦେ ବୁଆର୍ସି ବିନ୍ ବିନ୍ ଅଃଉତି ।”
\s ବେଳା ଜାଣ୍‌ତାର୍‌
\r (ମାତି ୧୬:୨-୩)
\p
\v 54 ଆରେକ୍‌ ଜିସୁ ଲକ୍‌ମଃନ୍‌କେ ହେଁ କୟ୍‌ଲା, “ବୁଡ୍‌ତି ଦିଗ୍ ବାଟ୍ୟା ମେଗ୍ ଉଟ୍‌ତାର୍‌ ଦଃକ୍‌ଲେକ୍‌, ସେଦାହ୍ରେ ତୁମିମଃନ୍ କଃଉଆସ୍‌, ବଃର୍ସା ମାରେଦ୍‌ ଆର୍‌ ସେବାନ୍ୟା ଅୟ୍‌ଦ୍‌ । 
\v 55 ଆରେକ୍‌ ଦଃକିଣ୍ ଦିଗ୍ ବାଟ୍ୟା ବାଉ ଅଃଉତାର୍‌ ଦଃକ୍‌ଲେକ୍‌, ତୁମିମଃନ୍ କଃଉଆସ୍‌, ବଃଡେ କଃରା ଅୟ୍‌ଦ୍‌, ଆର୍‌ ସେବାନ୍ୟା ଅୟ୍‌ଦ୍‌ । 
\v 56 ରେ ହେଟ୍‌କପଟ୍ୟା, ତୁମିମଃନ୍ ହୁର୍ତିବି ଆର୍‌ ଅଃଗାସ୍‌ ଉହ୍ରେ ଚିନ୍ ସଃବୁ ଦଃକି ବୁଜୁ ହାରୁଲାସ୍‌, ମଃତର୍‌ ଇ କାଳାର୍‌ ଚିନ୍ ସଃବୁ କଃନ୍‌କଃରି ବୁଜୁ ନଃହାରୁଲାସ୍‌ ?”
\s ବିରଦି ସଃଙ୍ଗ୍ ରାଜିରାମା
\r (ମାତି ୫:୨୫-୨୬)
\p
\v 57 “ଆର୍‌ ତୁମିମଃନ୍ ନିଜେ ନିଜେ କାୟ୍‌ତାକ୍‌ ଟିକ୍‌ ବିଚାର୍‌ ନଃକେରୁଲାସ୍‌ ? 
\v 58 କାୟ୍‌ତାକ୍‌ବଃଲେକ୍‌ ତୁମାର୍‌ ବିରଦି ସଃଙ୍ଗ୍ ବିଚାର୍‌ କଃର୍ତା ଅଃଦିକାରି ଚଃମେ ଜାତା ବଃଳ୍‌, ବାଟେ ତାର୍‌ ତଃୟ୍‌ହୁଣି ମୁକ୍ତ୍ ଅଃଉଁକେ ରାଜିରାମା ଅଃଉଆ, ଚଃନେମଃନେ ସେ ତୁମିକେ ସେ ବିଚାର୍‌ କଃର୍ତା ଅଃଦିକାରି ହାକ୍‌ ଜିକି ନଃୟ୍‌ଦ୍‌, ଆରେକ୍‌ ବିଚାର୍‌ କଃର୍ତା ଅଃଦିକାରି ତୁମିକେ ସଃଇନ୍‌ମଃନାର୍‌ ଆତେ ସଃହ୍ରି ଦଃୟ୍‌ଦ୍‌ ଆର୍‌ ସଃଇନ୍‌ମଃନ୍‌ ତୁମିକେ ଜଃଇଲେ ହୁରାଉତି । 
\v 59 ମୁଁୟ୍‌ ତୁମିକେ ସଃତ୍‌ କଃଉଁଲେ, ତୁମି ସଃରା ସଃରି ଗଟେକ୍‌ କାସୁ ହେଁ ନଃସୁଜ୍‌ତା ହଃତେକ୍‌ ସେ ଜଃଗାୟ୍‌ ହୁଣି କଃନ୍‌କଃରି ହେଁ ମୁକ୍‌ଳି ଆସୁ ନଃହାରାସ୍‌ ।”
\c 13
\s ହାହେ ହୁଣି ମଃନ୍‌ ବାଦ୍ଲାଉଆ ନୟ୍‌ଲେକ୍‌ ମଃରାସ୍‌
\p
\v 1 ସଃଡେବଃଳ୍‌ ସେତି ରିଲା କଃତେକ୍‌ ଲକ୍‌ମଃନ୍ ଆସି, ପିଲାତ ଜୁୟ୍‌ ଗାଲିଲିୟମଃନାର୍‌ ବଃନି ସେମଃନାର୍‌ ହୁଜା ସଃଙ୍ଗ୍ ମିସାୟ୍‌ ରିଲା, ସେମଃନାର୍‌ କଃତା ଜିସୁକେ ଜାଣାୟ୍‌ଲାୟ୍‌ । 
\v 2 ତଃବେ ଜିସୁ ସେମଃନ୍‌କେ କୟ୍‌ଲା, “ଇସଃବୁ ଗଃଟ୍‌ଲାକ୍‌ ଇ ଗାଲିଲିୟ୍‌ମଃନ୍‌ ବିନ୍ ସଃବୁ ଗାଲିଲିୟମଃନାର୍‌ ତଃୟହୁଣି ଅଃଦିକ୍‌ ହାହି ବଃଲି କି ତୁମିମଃନ୍ ମଃନେ କଃରୁଲାସ୍‌ ? 
\v 3 ମୁଁୟ୍‌ ତୁମିମଃନ୍‌କେ କଃଉଁଲେ, ନାୟ୍‌ ସେମଃନ୍ ସେନ୍‌କାର୍‌ ନଃରିଲାୟ୍‌, ମଃତର୍‌ ହାହେହୁଣି ମଃନ୍‌ ନଃବାଦ୍‌ଲାୟ୍‌ଲେକ୍‌ ତୁମିମଃନ୍ ସଃବୁଲକ୍‌ ସେରଃକମ୍‌ ନାସ୍‌ ଅଃଉଆସ୍‌ । 
\v 4 ସିଲହ ତଃୟ୍‌ ସେ ଜୁୟ୍‌ ଅଃଟ୍ର ଲକାର୍‌ ଉହ୍ରେ ଜାଗ୍‌ତା ଗଃର୍‌ ଚଃହ୍‌ଳାୟ୍‌ ସେମଃନାର୍‌ ଜିବନ୍ ନିଲି, ସେମଃନାର୍‌ ବିସୟେ ତୁମି କାୟ୍‌ରି ବାବୁଲାସ୍‌ ? ସେମଃନ୍ ସଃବୁ ଜିରୁସାଲମାର୍‌ ଲକ୍‌ମଃନାର୍‌ ତଃୟ୍‌ହୁଣି ଅଃଦିକ୍‌ ହାହି ବଃଲି ତୁମିମଃନ୍ ମଃନେ କଃରୁଲାସ୍‌ ? 
\v 5 ମୁଁୟ୍‌ ମଃତର୍‌ ତୁମିମଃନ୍‌କେ କଃଉଁଲେ, ହାହେହୁଣି ମଃନ୍‌ ନଃବାଦ୍‌ଲାୟ୍‌ଲେକ୍‌ ତୁମିମଃନ୍ ହେଁ ସେବାନ୍ୟା ନଃସ୍ଟ୍‌ ଅଃଉଆସ୍‌ ।”
\s ହଃଳ୍‌ ନଃହେଳ୍‌ତା ଡୁମ୍ବୁର୍‌ ଗଃଚାର୍‌ କଃତା
\p
\v 6 ଆରେକ୍‌ ଜିସୁ ଇ କଃତା ହେଁ ସେମଃନ୍‌କେ କୟ୍‌ଲା, “ଗଟ୍‌ ଲକାର୍‌ ଅଙ୍ଗୁର୍‌ ବାଳେ ଗଟ୍‌ ଡୁମ୍ବୁର୍‌ ଗଃଚ୍ ଲାଗାୟ୍‌ରିଲା । ସାଉକାର୍‌ ଆସିକଃରି ଡୁମ୍ବୁର୍‌ ଗଃଚେ ହଃଳ୍‌ ଲଳ୍‌ଲା, ମଃତର୍‌ ସେ ହାଉଁ ନଃହାର୍‌ଲା । 
\v 7 ସେତାର୍‌ଗିନେ ସେମାନାୟ୍‌ ତାର୍‌ ଅଙ୍ଗୁର୍‌ ବାଳେ କାମ୍‌ କଃର୍ତା ମାନାୟ୍‌କେ କୟ୍‌ଲା, ‘ଦଃକ୍‌ ତିନି ବଃର୍ସ୍‌ ଅୟ୍‌ଲିବେ ମୁୟ୍‌ଁ ଆସି ଇ ଡୁମ୍ବୁର୍‌ ଗଃଚେ ହଃଳ୍‌ ଲଳୁଲେ, ମଃତର୍‌ ହାଉଁ ନଃହାରୁଲେ; ଇ ଡୁମ୍ବୁର୍‌ ଗଃଚ୍‌କେ ମାରିହଃକାଉ, ଇରି କାୟ୍‌ତାକ୍‌ ବୁୟ୍‌ଁକ୍‌ ନଃସ୍ଟ୍‌ କଃରୁଲି ?’ 
\v 8 ମଃତର୍‌ ସେ ସାଉକାର୍‌କେ କୟ୍‌ଲା, ‘ସାଉକାର୍‌, ଆକ୍‌ ଇ ବଃର୍ସ୍‌ ହେଁ ଚାଡିଦେସ୍‌, ମୁଁୟ୍‌ ଇ ଗଃଚାର୍‌ ଚାରି ହାକ୍‌ କଃଣିକଃରି କାତ୍‌ ଦଃୟ୍‌ନ୍ଦ୍, 
\v 9 ଆର୍‌ ଜଦି ଇ ଗଃଚେ ହଃଳ୍‌ ହଃଳ୍‌ଲେକ୍‌ ବଃଲ୍‌ କଃତା, ମଃତର୍‌ ଜଦି ହଃଳ୍‌ ନଃହେଳେ ତଃବେ ତୁୟ୍‌ ଇ ଗଃଚ୍‌କେ ମାରିହଃକାଉ ।’”
\s ଜିସୁ ଗଟେକ୍‌ କୁବ୍ଳି ମାୟ୍‌ଜିଟକିକ୍‌ ନିକ କଃଲା
\p
\v 10 ଗଟ୍‌ତର୍‌ ଜିସୁ ବିସାଉଁଣିବାର୍‌ ଦିନ୍ ଗଟେକ୍‌ ପାର୍ତ୍‌ନା ଗଃରେ ସିକ୍ୟା ଦେତିରିଲା । 
\v 11 ଆର୍‌ ଦଃକା ସେତି ଗଟେକ୍‌ ଦୁସ୍ଟ୍‌ ଆତ୍ମା ଡଃସିରିଲା ମାୟ୍‌ଜି ରିଲି, ସେ ଅଃଟ୍ର ବଃର୍ସ୍‌ ହଃତେକ୍‌ କୁବ୍‌ଳି ଅୟ୍‌ରିଲି, ସେ ସଃଳ୍‌କେ ଅୟ୍‌ ଟିଆ ଅଃଉଁକେ ନଃହାର୍‌ତିରିଲି । 
\v 12 ଜିସୁ ତାକ୍‌ ଦଃକି ଲଃଗେ କୁଦି କୟ୍‌ଲା, “ଏ ଆୟା, ତୁୟ୍‌ ନିକ ଅୟ୍‌ଲିସ୍‌ !” 
\v 13 ଆର୍‌ ଜିସୁ ତାର୍‌ ଉହ୍ରେ ଆତ୍‌ ସଃଙ୍ଗାୟ୍‌ଲା, ଆର୍‌ ସେଦାହ୍ରେ ସେ ସଃଳ୍‌କ୍‌ ଅୟ୍‌ ଟିଆ ଅୟ୍‌ଲି, ଆର୍‌ ସେ ଇସ୍ୱରାର୍‌ ଗୁଣ୍‌ଗାଉଁକେ ଦଃର୍ଲି ।
\p
\v 14 ମଃତର୍‌ ଜିସୁ ବିସାଉଁଣିବାର୍‌ ଦିନ୍ ଉଜ୍‌ କଃଲାକ୍‌ ପାର୍ତ୍‌ନାଗଃରାର୍‌ ମୁଳିକା ରିସା ଅୟ୍‌କଃରି ଲକ୍‌ମଃନ୍‌କେ କୟ୍‌ଲା, “କାମ୍‌ କଃରୁକେ ଚଅ ଦିନ୍ ଆଚେ, ତଃବେ ସେସଃବୁ ଦିନ୍ ଆସିକଃରି ନିକ ଅଃଉଆ, ମଃତର୍‌ ବିସାଉଣିବାରେ ନିକ ଅଃଉଁକେ ଆସା ନାୟ୍‌ ।”
\p
\v 15 ମଃତର୍‌ ମାପ୍ରୁ ତାକେ କୟ୍‌ଲା, “ରେ ହେଟ୍‌କପଟ୍ୟା, ତୁମିମଃନ୍ ସଃବୁଲକ୍‌ କାୟ୍‌ରି ବିସାଉଁଣି ଦିନ୍ ତୁମାର୍‌ ବଃଇଲ୍‌ କି ଗଃଦ ସାଳେହୁଣି ମେଲି ନଃୟ୍‌ କାୟ୍‌ ହାଣି ନଃକାଳାଉଆସ୍‌ ? 
\v 16 ତଃବେ ଦଃକା ଅଃଟ୍ର ବଃର୍ସ୍‌ ହଃତେକ୍‌ ସୟ୍‌ତାନ୍‌ ତଃୟ୍‌ହୁଣି କୁବ୍‌ଳି ଅୟ୍‌ରିଲି ଅବ୍ରାହାମାର୍‌ ବଃଉଁସାର୍‌ ଇ ମାୟ୍‌ଜିଟକି କାୟ୍‌ ବିସାଉଁଣିବାରେ ନିଜାର୍‌ ବାନ୍ଦୁଣ୍‌ ତଃୟ୍‌ହୁଣି ମୁକୁଳ୍‌ତାର୍‌ ଦଃର୍‌କାର୍‌ ନଃରିଲି ?” 
\v 17 ଆର୍‌ ଜିସୁ ଇ କଃତାସଃବୁ କୟ୍‌ଲାକ୍‌, ତାର୍‌ ବିରଦିସଃବୁ ଲାଜ୍‌ ହାୟ୍‌ଲାୟ୍‌, ମଃତର୍‌ ଲକ୍‌ମଃନ୍ଦା ସେ କଃରିରିଲା ସଃବୁ କାବା କାମ୍‌ ଗିନେ ସଃର୍ଦା କଃରୁକେ ଦଃର୍ଲାୟ୍‌ ।
\s ସଃର୍ସୁ ମୁଞ୍ଜି ଆର୍‌ କମିରାର୍‌ କଃତା
\r (ମାତି ୧୩:୩୧,୩୨; ମାର୍କ ୪:୩୦-୩୨)
\p
\v 18 ସେତାକ୍‌ ଜିସୁ କୟ୍‌ଲା, “ମାପ୍ରୁର୍‌ ରାଇଜ୍‌ କାର୍‌ ହର୍‌ ? ଆରେକ୍‌ କାର୍‌ ସଃଙ୍ଗ୍ ମୁଁୟ୍‌ ତାର୍‌ ତୁଳ୍‌ନା କଃରିନ୍ଦ୍‌ ? 
\v 19 ସେରି ଇବାନ୍ୟା ଗଟେକ୍‌ ସଃର୍ସୁ ମୁଞ୍ଜି ହର୍‌, ଜୁୟ୍‌ରି ନଃୟ୍‌ ଗଟ୍‌ଲକ୍‌ ତାର୍‌ ବାଳେ ବୁଣ୍‌ଲା, ଆର୍‌ ସେରି ବାଡି କଃରି ଗଃଚ୍ ଅୟ୍‌ଲି, ଆର୍‌ ଅଃଗାସ୍‌ ଉହ୍ରାର୍‌ ଚେଳେମଃନ୍ ଆସି ତାର୍‌ ଡାଳ୍‌ବିତ୍ରେ ଗୁଡା ଗାଲ୍‌ଲାୟ୍‌ ।”
\s କମିରାର୍‌ କଃତା
\r (ମାତି ୧୩:୩୩)
\p
\v 20 ଜିସୁ ଆରେକ୍‌ କୟ୍‌ଲା, “ଇସ୍ୱରାର୍‌ ରାଇଜ୍‌କେ ମୁଁୟ୍‌ କାର୍‌ ସଃଙ୍ଗ୍ ତୁଳ୍‌ନା କଃରିନ୍ଦ୍‌ ? 
\v 21 ସେରି ଗଟେକ୍‌ କମିର୍‌ ହର୍‌, ଗଟେକ୍‌ ମାୟ୍‌ଜି ସେରି ନଃୟ୍‌କଃରି ମାଣେକ୍‌ ଗମ୍‌ଗୁଣ୍ଡ୍‌ ସଃଙ୍ଗ୍ ମିସାୟ୍‌ କଃରି ଚଃଟ୍‌କ୍‌ଲି, ଆର୍‌ ତାର୍‌ହଃଚେ ସେ ସଃବୁ କମିର୍‌ ହର୍‌ ଅୟ୍‌ଲି ।”
\s ସାକୁଳ୍‌ ଦୁଆର୍‌
\r (ମାତି ୭:୧୩,୧୪,୨୧-୨୩)
\p
\v 22 ଜିସୁ ଜିରୁସାଲମେ ଜାତିରିଲା ବଃଳ୍‌ ସେ ଗଃଳେ ଗଃଳେ ଆର୍‌ ଗାଉଁଏ ଗାଉଁଏ ବୁଲି କଃରି ଲକ୍‌ମଃନ୍‌କେ ସିକ୍ୟା ଦେତି ରିଲା । 
\v 23 ଗଟ୍‌ ଲକ୍‌ ତାକ୍‌ କୟ୍‌ଲା, “ମାପ୍ରୁ, ହାହେହୁଣି ମୁକ୍ତି ହାଉତା ଲକ୍‌ମଃନ୍ କାୟ୍‌ ଅଃଳକ୍‌ ?” ତଃବେ ଜିସୁ ସେମଃନ୍‌କେ କୟ୍‌ଲା, 
\v 24 “ସାକୁଳ୍‌ ଦୁଆର୍‌ ଦଃୟ୍‌ ଜଃଉଁକେ ହାରୁ ସଃକାତ୍‌ ଉପାୟ୍‌ କଃରା, ବଃଲେକ୍‌ ମୁଁୟ୍‌ ତୁମିମଃନ୍‌କେ କଃଉଁଲେ, ଗାଦେକ୍‌ ଲକ୍‌ମଃନ୍ ମାପ୍ରୁର୍‌ ରାଇଜେ ଜଃଉଁକେ ହାରୁ ସଃକାତ୍‌ ଉପାୟ୍‌ କଃର୍ତି, ମଃତର୍‌ ଜଃଉଁକେ ନାହାର୍ତି । 
\v 25 ଗଃରାର୍‌ ମୁଳିକା ଉଟି ଦୁଆର୍‌ ଡାହ୍‌ଲା ହଃଚେ, ଜଃଡେବଃଳ୍‌ ତୁମିମଃନ୍ ହଃଦାୟ୍‌ ଟିଆ ଅୟ୍‌ରିଆସ୍‌ ଆର୍‌ ଏ ମାପ୍ରୁ ଅଃମାର୍‌ ଗିନେ କାହାଟ୍‌ ଉଗାଳ୍‌, ଇରି କୟ୍‌ କଃହାଟେ ମାରୁକେ ଦଃରାସ୍‌, ସଃଡେବଃଳ୍‌ ସେ ତୁମିକେ କୟ୍‌ଦ୍‌, ତୁମିମଃନ୍ କୁୟ୍‌ତିର୍‌ ଲକ୍‌, ସେରି ମୁୟ୍‌ଁ ନଃଜାଣି । 
\v 26 ସଃଡେବଃଳ୍‌ ତୁମିମଃନ୍ କଃଉଁକେ ଦଃରାସ୍‌ ଅଃମିମଃନ୍‌ ତର୍‌ ସଃଙ୍ଗ୍ ଗଟେ ଟାଣେ କାୟ୍‌ଲୁ ଆଚୁ, ଆର୍‌ ତୁୟ୍‌ ଅଃମାର୍‌ ଡଃଣ୍ଡେ ବାଟେ ସିକ୍ୟା ଦଃୟ୍‌ରିଲିସ୍‌ । 
\v 27 ମଃତର୍‌ ସେ ତୁମିକେ କୟ୍‌ଦ୍‌, ତୁମିମଃନ୍ କୁୟ୍‌ତିର୍‌ ଲକ୍‌ ସେରି ମୁଁୟ୍‌ ନଃଜାଣି, ରେ ଅଃଦଃର୍ମିମଃନ୍‌ ସଃବୁ ମର୍‌ ମୁଏଁହୁଣି ଦୁର୍‌ ଅଃଉଆ । 
\v 28 \x + \xo ୧୩:୨୮ \xo*\xt ମାତି ୨୨:୧୩; ୨୫:୩୦.\xt*\x*\x + \xo ୧୩:୨୮ \xo*\xt ମାତି ୮:୧୧,୧୨.\xt*\x*ଜଃଡେବଃଳ୍‌ ତୁମିମଃନ୍ ଅବ୍ରାହାମ୍‌, ଇସାକ୍‌, ଜାକୁବକ୍‌ ଆର୍‌ ବିନ୍ ସଃବୁ ବାବ୍‌ବାଦିମଃନ୍‌କେ ଇସ୍ୱରାର୍‌ ରାଇଜେ ରିଲାର୍‌ ଦଃକାସ୍‌ ଆର୍‌ ନିଜ୍‌ ନିଜ୍‌କେ ହଃଦାୟ୍‌ ହଃକାଉତାର୍‌ ଦଃକାସ୍‌, ସଃଡେବଃଳ୍‌ ସେତି ତୁମିମଃନ୍ କାନ୍ଦାସ୍‌ ଆର୍‌ ଦାତ୍‌ ଚାବି ଅଃଉଆସ୍‌ । 
\v 29 ଆରେକ୍‌ ଉଦ୍‌ତି ଆର୍‌ ବୁଡ୍‌ତି, ଉତୁର୍‌ ଆର୍‌ ଦଃକିଣ୍‌ବାଟ୍ୟାର୍‌ ଲକ୍‌ମଃନ୍ ଆସି ମାପ୍ରୁର୍‌ ରାଇଜେ କାଉଁକେ ବଃସ୍ତି । 
\v 30 \x + \xo ୧୩:୩୦ \xo*\xt ମାତି ୧୯:୩୦; ୨୦:୧୬; ମାର୍କ ୧୦:୩୧.\xt*\x*ଆର୍‌ ଦଃକା, ଜୁୟ୍‌ ଲକ୍‌ମଃନ୍ ଅଃବେ ହଃଚେ ଆଚ୍‌ତି ସେମଃନ୍ ଆଗାଳି ଅଃଉତି ଆର୍‌ ଆଗାଳି ରିଲା ଲକ୍‌ମଃନ୍ ହଃଚେ ଅଃଉତି ।”
\s ଜିରୁସାଲକେ ଜିସୁର୍‌ ଲାଡ୍‌
\r (ମାତି ୨୩:୩୭-୩୯)
\p
\v 31 ସଃଡେବଃଳ୍‌ କଃତେକ୍‌ ପାରୁସିମଃନ୍ ଆସି ଜିସୁକେ କୟ୍‌ଲାୟ୍‌, “ତୁୟ୍‌ ଇ ଟାଣ୍ ଚାଡିକଃରି ବାରାୟ୍‌ଜାଆ, କାୟ୍‌ତାକ୍‌ବଃଲେକ୍‌ ହେରଦ୍‌ ତକେ ମଃର୍ଣ୍ଣେ ମାରୁକ୍‌ ମଃନ୍ କଃରୁଲା ।”
\p
\v 32 ତଃବେ ଜିସୁ ସେମଃନ୍‌କେ କୟ୍‌ଲା, “ତୁମିମଃନ୍ ଜାୟ୍‌ ସେ କଲ୍ୟାକ୍‌ କଃଉଆ, ଦଃକା ମୁଁୟ୍‌ ଆଜି ଆର୍‌ କାଲି ବୁତ୍‌ ଚାଡାଉଁଲେ ଆର୍‌ ରଗିମଃନ୍‌କେ ନିକା କଃରୁଲେ, ଆର୍‌ ତିନି ଦିନ୍‌କେ ମର୍‌ କାମ୍‌ ହୁରା ଅୟ୍‌ଦ୍‌ । 
\v 33 ଜଃନ୍‌ଅଃଅ, ଆଜି, କାଲି ଆର୍‌ ହଃରିଦିନ୍‌ ମକ୍‌ ଜଃଉଁକେ ହଃଳେଦ୍‌, ବଃଲେକ୍‌ ଜିରୁସାଲମ୍‌ ଗଃଳାର୍‌ ହଃଦାୟ୍‌ ବାବ୍‌ବାଦି ମଃର୍ତା କଃତା ନାୟ୍‌ ।”
\p
\v 34 “ଏ ଜିରୁସାଲମ୍‌, ଏ ଜିରୁସାଲମ୍‌, ବାବ୍‌ବାଦିମଃନ୍‌କେ ମଃର୍ଣ୍ଣେ ମାରି ରିଲା ଜିରୁସାଲମ୍‌ ଆର୍‌ ମାପ୍ରୁ ହଃଟାୟ୍‌ ରିଲା ଲକ୍‌ମଃନ୍‌କେ ଟେଳା ଚେଚି ମଃର୍ଣ୍ଣେ ମାରି ରିଲା ଜିରୁସାଲମ୍‌, ମାୟ୍‌କୁକ୍‍ଡ଼ା ଜଃନ୍‌କଃରି ଡେଣା ତଃଳେ ତାର୍‌ ହିଲାମଃନ୍‌କେ ରୁଣ୍ଡାୟ୍‌ଦ୍‌, ସେବାନ୍ୟା ମୁଁୟ୍‌ କଃତେକ୍‌ ତର୍‌, ତର୍‌ ହିଲାମଃନ୍‌କେ ଗଟେ ଟାଣେ କଃରୁକେ ମଃନ୍ କଃଲେ, ମଃତର୍‌ ତୁମିମଃନ୍ ମଃନ୍‌ ନଃକେଲାସ୍‌ । 
\v 35 ଦଃକା, ତୁମାର୍‌ ଗଃର୍‌ ତୁମିମଃନାର୍‌ ଆତେ ଚାଡିଦିଆ ଅଃଉଁଲି; ଆର୍‌ ମୁଁୟ୍‌ ତୁମିମଃନ୍‌କେ କଃଉଁଲେ, ‘ମାପ୍ରୁର୍‌ ନାଉଁଏ ଜେ ଆସୁଲା, ସେ ବାୟ୍‌ଗ୍‌, ତୁମିମଃନ୍ ଜୁୟ୍‌ ଦିନ୍ ଇ କଃତା କଃଉଆସ୍‌, ସେଦିନ୍ ନାଆସ୍ତା ହଃତେକ୍‌ ମକ୍‌ ତୁମିମଃନ୍ ଆରେକ୍‌ ନଃଦେକାସ୍‌ ।’”
\c 14
\s ଜିସୁ ଗଟେକ୍‌ ରଗିକ୍‌ ନିକ କଃଲା
\p
\v 1 ଗଟ୍‌ତର୍‌ ଜିସୁ ବିସାଉଁଣିବାର୍‌ ଦିନ୍, ପାରୁସିମଃନାର୍‌ ଗଟେକ୍‌ ମୁଳିକାର୍‌ ଗଃରେ ବଜି କାଉଁକେ ଗଃଲା, ଲକ୍‌ମଃନ୍ ଜିସୁକେ ଦଃକି ଲାଗ୍‌ଲାୟ୍‌ । 
\v 2 ଆର୍‌ ଦଃକା, ସେତି ଜିସୁର୍‌ ମୁଏଁ ହୁଲା ବେମାରେ ହଃଳି ରିଲା ଗଟେକ୍‌ ଲକ୍‌ ରିଲା । 
\v 3 ଜିସୁ ପାରୁସି ଆର୍‌ ଦଃର୍ମ୍‌ସାସ୍ତ୍ରିମଃନ୍‌କେ ହଃଚାର୍ଲା “ବିସାଉଁଣିବାରେ ରଗିକ୍‌ ଉଜ୍‌ କଃରୁକେ ବିଦି ଆଚେ କି ନାୟ୍‌ ?” ମଃତର୍‌ ସେମଃନ୍ ଚିମ୍‌ରା ଅୟ୍‌ରିଲାୟ୍‌ ।
\p
\v 4 ଆରେକ୍‌ ଜିସୁ ତାକ୍‌ ଚୁୟ୍‌କଃରି ଉଜ୍‌ କଃଲା, ଆର୍‌ ତାର୍‌ ଗଃରେ ହଃଟାୟ୍‌ ଦିଲା । 
\v 5 \x + \xo ୧୪:୫ \xo*\xt ମାତି ୧୨:୧୧.\xt*\x*ତାର୍‌ହଃଚେ ଜିସୁ ସେମଃନ୍‌କେ କୟ୍‌ଲା, “ତୁମାର୍‌ ବିତ୍ରେ କେ ନିଜାର୍‌ ହିଲା କି ବଃଇଲ୍‌ କୁଇଁକାଲେ ଅଦୁର୍ଲେକ୍‌ କାୟ୍‌ରି ତାକେ ବିସାଉଁଣିବାରେ ତଃତ୍‌କାଣ୍ ଉଟାଉଁ ନଃଚାସ୍‌ ?”
\p
\v 6 ଆର୍‌ ସେମଃନ୍ ଜିସୁକେ ଇସଃବୁ କଃତାର୍‌ ଉତୁର୍‌ ଦେଉଁ ନଃହାର୍‌ଲାୟ୍‌ ।
\s ସାନ୍‌ ଅୟ୍‌ଲେକ୍‌ ବଃଡ୍‌ ଅଃଉଁକ୍‌ ଅୟ୍‌ଦ୍‌
\p
\v 7 ଆରେକ୍‌ ବଜି କାଉଁକେ ଆୟ୍‌ଲା ଲକ୍‌ମଃନ୍ କଃନ୍‌କଃରି ନିଜାର୍‌ ଗିନେ ବଃଡ୍ ଟାଣ୍ ବାଚ୍‌ତି ରିଲାୟ୍‌, ଇରି ଦଃକିକଃରି ଜିସୁ ସେମଃନ୍‌କେ ଇ କଃତା କୟ୍‌ଲା, 
\v 8 “ଜଃବେ ତୁମିକେ କୁୟ୍‌ ଲକ୍‌ ତାର୍‌ ବିବା ବଜିକେ କୁଦେଦ୍‌, ତଃବେ ସଃଡେବଃଳ୍‌ ତୁମି ସେତି ଜାୟ୍‌ ବଃଡ୍ ଲକ୍‌ ବଃସ୍ତା ଟାଣେ ବଃସା ନାୟ୍‌, କଃଡେବଃଳ୍‌ ସିନା ତୁମାର୍‌ ତଃୟ୍‌ହୁଣି ଅଃଦିକ୍‌ ମାନ୍‌ତି ହାଉତା ଲକ୍‌କେ ସେ କୁଦି ରଃୟ୍‌ଦ୍‌, 
\v 9 ଆର୍‌ ଜେ ତୁମିକେ ଆର୍‌ ସେ ମାନ୍‌ତି ହାଉତା ଲକ୍‌କେ କୁଦି ରଃୟ୍‌ଦ୍‌, ସେ ଆସିକଃରି ତୁମିକେ କୟ୍‌ଦ୍‌, ତୁୟ୍‌ ସେତିହୁଣି ଉଟ୍‌ ଇ ବଃଡ୍ ଲକେ ଟାଣ୍ ଦେସ୍‌; ସଃଡେବଃଳ୍‌ ତୁମି ଲାଜ୍‌ ହାୟ୍‌, ତଃଳେ ଜାୟ୍‌ ବଃସାସ୍‌ । 
\v 10 ମଃତର୍‌ ଜଃଡେବଃଳ୍‌ ତୁମି ବିବା ବଜିକେ ଜାହାସ୍‌, ସଃଡେବଃଳ୍‌ ତୁମି ଜାୟ୍‌ ତଃଳେ ବଃସା, ଜଃନ୍‌କଃରିକି ତୁମିକେ କୁଦ୍‌ଲା ମାନାୟ୍‌ ଆସିକଃରି ତୁମିକେ ଦଃକି କୟ୍‌ଦ୍‌, ଏ ବାୟ୍‌, ଇ ବଃଡ୍ ଟାଣେ ଆସିକଃରି ବଃସ୍‌; ସଃଡେବଃଳ୍‌ ତୁମାର୍‌ ସଃଙ୍ଗ୍ ବଜିଗଃରେ ବଃସି ରିଲା ସଃବୁ ଲକାର୍‌ ମୁଏଁ ତୁମି ଜଃଜ୍‌ମାନ୍ ହାଉଆସ୍‌ । 
\v 11 \x + \xo ୧୪:୧୧ \xo*\xt ମାତି ୨୩:୧୨; ଲୁକ ୧୮:୧୪.\xt*\x*ବଃଲେକ୍‌ ଜୁୟ୍‌ ଲକ୍‌ ନିଜ୍‌କେ ବଃଡ୍ ବଃଲି ଦଃକାୟ୍‌ ଅୟ୍‌ଦ୍‌, ତାକ୍‌ ସାନ୍ କଃରା ଅୟ୍‌ଦ୍‌, ଆର୍‌ ଜେ ନିଜ୍‌କେ ସାନ୍ କଃରେଦ୍‌, ତାକ୍‌ ବଃଡ୍ କଃରା ଅୟ୍‌ଦ୍‌ ।”
\p
\v 12 ଜିସୁ ତାକ୍‌ କାଉଁକେ କୁଦିରିଲା ମାନାୟ୍‌କେ କୟ୍‌ଲା, “ଦିନ୍‌ବଃଳ୍‌ କି ରାତିବଃଳ୍‌ ବଜି ଦିଲେକ୍‌ ଅଃହ୍‌ଣାର୍‌ ସଃଙ୍ଗ୍ କି ବାୟ୍‌, କି ନିଜାର୍‌ଲକେ କି ହାକିହଃଳ୍‌ସାର୍‌ ମାଜନ୍‌ମଃନ୍‌କେ କୁଦା ନାୟ୍‌, ବଃଲେକ୍‌ ସେମଃନ୍ ହେଁ ଗଟ୍‌ ଦିନ୍ ତୁମିକେ ବଜି କାଉଁକେ କୁଦ୍‌ତି; ଆର୍‌ ସଃଡେବଃଳ୍‌ ତୁମିମଃନ୍ ବାଦ୍‌ଲା ହାଉଆସ୍‌ । 
\v 13 ମଃତର୍‌ ତୁମି ବଜି ଦିଲେକ୍‌, ଇନସ୍ତାମଃନ୍‌କେ, କଲାମଃନ୍‌କେ, ଚଟାମଃନ୍‌କେ ଆର୍‌ କାଣାମଃନ୍‌କେ କୁଦା; 
\v 14 ତଃବେ ତୁମି ମଃନ୍‌କାର୍‌ ବାୟ୍‌ଗ୍‌ ଅୟ୍‌ଦ୍‌, ବଃଲେକ୍‌ ତୁମିକେ ଲେଉଟାୟ୍‌ ଦେଉଁକେ ସେମଃନାର୍‌ ହାକ୍‌ କାୟ୍‌ରି ନାୟ୍‌ ଆର୍‌ ଜଃଡେବଃଳ୍‌ ଦଃର୍ମିଲକ୍‌ମଃନ୍ ଆରେକ୍‌ ଜିବନ୍ ହାୟ୍‌କଃରି ଉଟ୍‌ତି, ସଃଡେବଃଳ୍‌ ଇସ୍ୱର୍‌ ତୁମିକେ ଲେଉଟାୟ୍‌ ଦଃୟ୍‌ଦ୍‌ ।”
\s ଗଟେକ୍‌ ବଃଡ୍ ବଜିର୍‌ କଃତା
\r (ମାତି ୨୨:୧-୧୦)
\p
\v 15 ଜିସୁର୍‌ ସଃଙ୍ଗ୍ କାଉଁକେ ବଃସିରିଲା ଲକ୍‌ମଃନାର୍‌ ବିତ୍ରେ ଗଟେକ୍‌ ଲକ୍‌ ଇସଃବୁ କଃତା ସୁଣି, ଜିସୁକେ କୟ୍‌ଲା, “ଜୁୟ୍‌ ଲକ୍‌ ମାପ୍ରୁର୍‌ ରାଇଜେ ବଜି କାଉଁକେ ବଃସେଦ୍‌ ତାର୍‌ ବାୟ୍‌ଗ୍‌ ।”
\p
\v 16 ମଃତର୍‌ ଜିସୁ ତାକ୍‌ କୟ୍‌ଲା, “ଗଟ୍‌ ଲକ୍‌ ଗଟ୍‌ତର୍‌ ରାତିବଃଳ୍ୟା ବଃଡ୍‌ବଜି ଦେଉଁକେ ମଃନ୍‌କଃରି ଗାଦେକ୍‌ ଲକେ କୁଦ୍‌ଲା; 
\v 17 ଆର୍‌ ଜଃଡେବଃଳ୍‌ ବଜି ଦେତା ବେଳା ଅୟ୍‌ଲି, ସଃଡେବଃଳ୍‌ ସେ ବଜି କାଉଁକେ ଆସିରିଲା ଲକ୍‌ମଃନ୍‌କେ ବଜି କାଉଁକେ ଆସା ବଃଲି କୁଦୁକେ ତାର୍‌ ଗତିଦଃଙ୍ଗ୍‌ଳାକ୍‌ ହଃଟାୟ୍‌ଲା । 
\v 18 ମଃତର୍‌ ସେ କୁଦା ଅୟ୍‌ରିଲା ଲକ୍‌ମଃନ୍ ଅଃକାମାଡେ ଗଃଉଆରି କଃରୁକେ ଦଃର୍ଲାୟ୍‌, ‘ଅଃମିମଃନ୍‌ ଆସୁ ନଃହାରୁ,’ ହଃର୍ତୁର୍‌ ମାନାୟ୍‌ କୟ୍‌ଲା, ‘ମୁଁୟ୍‌ ଅଃବେ ବେଡା କଃଣ୍ଡେକ୍‌ ଗେନ୍‌ଲେ ଆଚି, ମକ୍‌ ସେରି ଦଃକୁକ୍‌ ହଃଳେଦ୍‌; ସେତାର୍‌ଗିନେ ମୁଁୟ୍‌ ଆସୁ ନଃହାରି, ମକ୍‌ କେମା କଃର୍‌ ।’ 
\v 19 ଆରେକ୍‌ ଏକ୍ଲା ଗଃଉଆରି କଃଲା, ମୁଁୟ୍‌ ହାଁଚ୍ ଅଃଳ୍‌ ବଃଇଲ୍‌ ଗେନିଆଚି, ଆର୍‌ ମୁୟ୍‌ଁ ଅଃବେ ସେମଃନ୍‌କେ ସିକ୍‌ଲାର୍‌ କି ନଃସିକ୍‌ଲାର୍‌ ଜାଣୁକେ ଜଃଉଁଲେ; ସେତାର୍‌ଗିନେ ମୁଁୟ୍‌ ଆସୁ ନଃହାରି, ମୁଁୟ୍‌ କେମା ହାୟ୍‌ ଆଚି ବଃଲି ମଃନେ କଃର୍‌ । 
\v 20 ବିନ୍ ମାନାୟ୍‌ କୟ୍‌ଲା, ମୁଁୟ୍‌ ନଃଉଆଁ କଃରି ବିବା ଅୟ୍‌ ଆଚି, ସେତାର୍‌ଗିନେ ମୁଁୟ୍‌ ଆସୁ ନଃହାରି ।”
\p
\v 21 “ତଃବେ ସେ ଦଃଙ୍ଗ୍‌ଳା ବାଉଳି ଆସିକଃରି ତାର୍‌ ସାଉକାର୍‌ କେ ସେସଃବୁ କଃତା ଜାଣାୟ୍‌ଲା । ସେତାକ୍‌ ସାଉକାର୍‌ ବଃଡେ ରିସା ଅୟ୍‌ ଅଃହ୍‌ଣାର୍‌ ଗତିଦଃଙ୍ଗ୍‌ଳାକ୍‌ କୟ୍‌ଲା, ‘ତୁୟ୍‌ ବେଗି ଜାୟ୍‌କଃରି ଗଃଳାର୍‌ ଡଃଣ୍ଡ୍‌ ଆର୍‌ କଲିବିଲି ଜାୟ୍‌ ଗଃରିବ୍‌, କଃଲା, କାଣା ଆର୍‌ ଚଟାମଃନ୍‌କେ ଇତି କୁଦିଆଣ୍ ।’ 
\v 22 ହଃଚେ ସେ ଗତିଦଃଙ୍ଗ୍‌ଳା କୟ୍‌ଲା, ଏ ସାଉକାର୍‌ ତର୍‌ ବଲ୍‌ ହଃର୍କାରେ କଃରାଜାୟ୍‌ ଆଚେ; ଅୟ୍‌ଲେକ୍‌ ହେଁ ଆରେକ୍‌ ଗାଦା ଲକାର୍‌ ଗିନେ ଟାଣ୍ ଆଚେ । 
\v 23 ତଃବେ ସାଉକାର୍‌ ସେ ଗତିଦଃଙ୍ଗ୍‌ଳାକ୍‌ କୟ୍‌ଲା, ‘ରଃଜାର୍‌ ରଃସ୍ତାବାଟେ ଆର୍‌ ସାଉଳିମଃନ୍‌କେ ଜାୟ୍‌, ମର୍‌ ଗଃର୍‌ ଜଃନ୍‌କଃରି ବଃର୍ତି ଅୟ୍‌ଦ୍‌, ସେତାକ୍‌ ଲକ୍‌ମଃନ୍‌କେ ଆସୁକ୍‌ କଃଉ ।’ 
\v 24 ମୁୟ୍‌ଁ ତୁମିକେ କଃଉଁଲେ, ସେ କୁଦାୟ୍‌ ଅୟ୍‌ରିଲା ଲକ୍‌ମଃନ୍‌କାର୍‌ ବିତ୍ରେ କେହେଁ ମର୍‌ ବଜିର୍‌ ସୁଆଦ୍‌ ଚାକୁ ନାହାରେ ।”
\s କୁୟ୍‌ ଲକ୍‌ ଜିସୁର୍‌ ଚେଲା ଅଃଉଁ ହାରେଦ୍‌
\r (ମାତି ୧୦:୩୭-୩୮)
\p
\v 25 ଗଟ୍‌ତର୍‌ ଗାଦେକ୍‌ ଲକ୍‌ମଃନ୍ଦା ଜିସୁର୍‌ ସଃଙ୍ଗ୍ ଜାତି ରିଲାୟ୍‌, ଜିସୁ ସେମଃନ୍‌କେ ଦଃକି କୟ୍‌ଲା, 
\v 26 \x + \xo ୧୪:୨୬ \xo*\xt ମାତି ୧୦:୩୭.\xt*\x*“ଜଦି କେ ମର୍‌ ହାକ୍‌ ଆସିକଃରି ଅଃହ୍‌ଣାର୍‌ ଉବାକ୍‌, ଆୟାକ୍‌, ଡକୁର୍ସିକେ, ହିଲାମଃନ୍‌କ୍‌, ବାୟ୍‌କ୍‌ ଆର୍‌ ବେଣିମଃନ୍‌କେ; ଆର୍‌ ତାର୍‌ ନିଜାର୍‌ ଜିବନ୍‌କେ ହେଁ ମର୍‌ ତଃୟ୍‌ହୁଣି ଅଃଦିକ୍‌ ଲାଡ୍‌ କଃରେଦ୍‌, ତଃବେ ସେ ମର୍‌ ଚେଲା ଅଃଉଁ ନାହାରେ । 
\v 27 \x + \xo ୧୪:୨୭ \xo*\xt ମାତି ୧୦:୩୮; ୧୬:୨୪; ମାର୍କ ୮:୩୪; ଲୁକ ୯:୨୩.\xt*\x*ଜୁୟ୍‌ ଲକ୍‌ ଅଃହ୍‌ଣାର୍‌ କ୍ରୁସ୍‌ ବୟ୍‌ କଃରି ମର୍‌ ହଃଚେ ନିଣ୍ଡେ, ସେ ମର୍‌ ଚେଲା ଅଃଉଁ ନଃହାରେ ।”
\p
\v 28 “ତୁମାର୍‌ ବିତ୍ରେ କେ ଜାଗୁଆଳି ଗଃର୍‌ ବାନ୍ଦ୍‌ତା ଗିନେ ଇଚା କଃରି, ସେରି ବାନ୍ଦି ସଃରାଉଁକ୍‌, ତାର୍‌ ହାକ୍‌ ଡାବୁ ଆଚେ କି ନାୟ୍‌, ଇରି ଆଗ୍‌ତୁ ବଃସିକଃରି କଃତେକ୍‌ ସଃରେଦ୍‌, ସେରି କାୟ୍‌ ଇସାବ୍‌ ନଃକେରେ ? 
\v 29 ଜଦି ସେ କୁନାଦି କଃଣି ଗଃର୍‌ବାନ୍ଦି ସଃରାଉଁକ୍‌ ନାହାର୍ଲା, ତଃବେ ଜଃତେକ୍‌ ଲକ୍‌ ସେରି ଦଃକ୍‌ତି, ସଃବୁଲକ୍‌ ତାକ୍‌ ଲାଜ୍‌ କଃରାୟ୍‌ କଃଉତି । 
\v 30 ଦଃକା ଇ ମାନାୟ୍‌ ଗଃର୍‌ ବାନ୍ଦୁକେ ଆରୁମ୍‌ କଃଲା, ମଃତର୍‌ ସଃରାଉଁକ୍‌ ନଃହାର୍ଲା ।”
\p
\v 31 “ଜଦି ଗଟ୍‌ ରଃଜା ବିନ୍ ଗଟେକ୍‌ ରଃଜା ସଃଙ୍ଗ୍ ଜୁଜ୍‌ କଃରୁକେ ଜାତିରିଲା ବଃଳ୍‌, କଳେ ଅଃଜାର୍‌ ସଃଇନ୍‌ ଦଃରି ତାର୍‌ ବିରଦେ ଜୁଜ୍‌ କଃରୁକେ ଆସ୍ତି ରିଲା ରଃଜାର୍‌ ସଃଙ୍ଗ୍ ଦଃସ୍‌ ଅଃଜାର୍‌ ସଃଇନ୍‌ ଦଃରିକଃରି ଜୁଜ୍‌ କଃରୁକେ ହାରେଦ୍‌ କି ନାୟ୍‌, ସେରି ଆଗ୍‌ତୁ ବଃସିକଃରି କାୟ୍‌ ବିଚାର୍‌ ନଃକେରେ ? 
\v 32 ଜଦି ସେ ତାର୍‌ ସଃଙ୍ଗ୍ ଜୁଜ୍‌ କଃରୁକେ ନଃହାରେ, ତଃବେ ସେ ବିନ୍ ରଃଜା ଦୁରିକ୍‌ ରିଲା ବଃଳ୍‌ କବୁର୍‌କାରିଆକେ ହଃଟାୟ୍‌ ବୁଜାମାନା ଅଃଉଁକେ ଗଃଉଆରି କଃରେଦ୍‌ । 
\v 33 ସେରଃକମ୍‌, ତୁମାର୍‌ ବିତ୍ରେ ଜୁୟ୍‌ ଲକ୍‌ ନିଜାର୍‌ ସଃର୍ନେ ନଃଚାଡ୍‌ଲେକ୍‌, ସେ ମର୍‌ ଚେଲା ଅଃଉଁ ନାହାରେ ।”
\s ଲଳାକ୍‌ ନୟ୍‌ଲା ନଣ୍
\r (ମାତି ୫:୧୩; ମାର୍କ ୯:୫୦)
\p
\v 34 “ନଣ୍ ତ ସୁଆଦ୍‌; ମଃତର୍‌ ନଣ୍ ଜଦି ତାର୍‌ ସୁଆଦ୍‌ ଆରାୟ୍‌ଦ୍‌, ତଃବେ ସେରି କାୟ୍‌ କଃରୁ ଅୟ୍‌ଦ୍‌ ? 
\v 35 ସେରି ବୁୟ୍‌ଁ କି କାତ୍‌ ଗାଦାୟ୍‌ ହେଁ ଜୟ୍‌ଗ୍‌ ନୟ୍‌, ମଃତର୍‌ ଲକ୍‌ମଃନ୍ ସେରି ଉର୍କୁଳାୟ୍‌ ହଃକାଉତି । ଜାର୍‌ ସୁଣୁକ୍‌ କାନ୍‌ ଆଚେ ସେ ସୁଣ ।”
\c 15
\s ଆଜ୍‌ଲା ମେଣ୍ଡା
\r (ମାତି ୧୮:୧୨-୧୪)
\p
\v 1 \x + \xo ୧୫:୧ \xo*\xt ଲୁକ ୫:୨୯,୩୦.\xt*\x*ଗଟ୍‌ଦିନ୍‌ ରିବ୍‌ନି ଆର୍‌ ହାହି ଲକ୍‌ମଃନ୍ ଜିସୁର୍‌ କଃତା ସୁଣୁକ୍‌ ତାର୍‌ ହାକ୍‌ ଆସ୍ତି ରିଲାୟ୍‌ । 
\v 2 ସେତାକ୍‌ ପାରୁସିମଃନ୍ ଆର୍‌ ଦଃର୍ମ୍‌ଗୁରୁମଃନ୍‌ ଇରି ଦଃକି କଃରି ଲିନ୍ଦା କଃରୁକେ ଦଃର୍ଲାୟ୍‌ ଆର୍‌ ଲିନ୍ଦା କଃରି କୟ୍‌ଲାୟ୍‌, “ଇ ଲକ୍‌ ହାହିମଃନାର୍‌ ସଃଙ୍ଗ୍ ମିସୁଲା ଆର୍‌ ସେମଃନାର୍‌ ସଃଙ୍ଗ୍ କାଉଁଲା !” 
\v 3 ସେତାକ୍‌ ଜିସୁ ସେମଃନ୍‌କେ ଇ କଃତା କୟ୍‌ଲା, 
\v 4 “ତୁମାର୍‌ ବିତ୍ରେ ଇରଃକମ୍‌ କୁୟ୍‌ ଲକ୍‌ ଆଚେ ଜେ, ତାର୍‌ ଜଦି ହାଁଚ୍‌କଳି ମେଣ୍ଡା ରେତି, ଆର୍‌ ସେମଃନାର୍‌ ବିତ୍ରେ ଗଟେକ୍‌ ଆଜେଦ୍‌, ତଃବେ ସେ ଲକ୍‌ ଗଟେକ୍‌ଉଣା ହାଁଚ୍‌କଳି ମେଣ୍ଡାକ୍‌ ହଃଦାୟ୍‌ ଚାଡିକଃରି, ସେ ଆଜିରିଲା ମେଣ୍ଡାକ୍‌ ମିଳାଉତା ହଃତେକ୍‌ ତାକେ କାୟ୍‌ ନଃଲଳେ ? 
\v 5 ଜଃଡେବଃଳ୍‌ ସେ ଲକ୍‌ ଆଜିରିଲା ମେଣ୍ଡାକ୍‌ ମିଳାୟ୍‌ଦ୍‌ ସେ ବଃଡେ ସଃର୍ଦାଅୟ୍‌, ତାକ୍‌ କଃନ୍ଦେ ବୟ୍‌ କଃରି ତାର୍‌ ଗଃରେ ଆଣେଦ୍‌ । 
\v 6 ଆରେକ୍‌ ଅଃହ୍‌ଣାର୍‌ ଲକ୍‌ବାକ୍‌କେ ଆର୍‌ ହାକିହଃଳ୍‌ସାକେ କୁଦି ସେମଃନ୍‌କେ କୟ୍‌ଦ୍‌, ‘ଆସା ତୁମିମଃନ୍ ମର୍‌ ସଃଙ୍ଗ୍ ସଃର୍ଦା କଃରା, କାୟ୍‌ତାକ୍‌ବଃଲେକ୍‌ ଆଜିରିଲା ମେଣ୍ଡାକେ ମିଳାୟ୍‌ଲେ ।’ 
\v 7 ମୁଁୟ୍‌ ତୁମିକେ କଃଉଁଲେ, ସେରଃକମ୍‌ ଜୁୟ୍‌ ଲକ୍‌ମଃନାର୍‌ ମଃନ୍‌ ବାଦ୍‌ଲାୟ୍‌ ଆସ୍ତାକ୍‌ ମଃନ୍‌ ନାୟ୍‌, ଇବାନ୍ୟା ଗଟେକ୍‌ଉଣା ହାଁଚ୍‌କଳି ଦଃର୍ମି ଲକ୍‌ମଃନାର୍‌ ତଃୟ୍‌ହୁଣି, ଜେ ହାହ୍‌ ଚାଡେଦ୍‌, ଇରଃକମ୍‌ ଗଟେକ୍‌ ହାହି ଲକାର୍‌ ଗିନେ ସଃର୍ଗେ ଅଃଦିକ୍‌ ସଃର୍ଦା ଅୟ୍‌ଦ୍‌ ।”
\s ଆଜ୍‌ଲା ରୁହା ଟଃକା
\p
\v 8 “ତଃବେ ଇରଃକମ୍‌ କୁୟ୍‌ ମାୟ୍‌ଜି ଆଚେ ଜେ, ତାର୍‌ ଜଦି ଦଃସ୍‌ଗଟ୍‌ ରୁହା ଟଃକା\f + \fr ୧୫:୮ \fr*\ft ଗଟେକ୍‌ ରୁହା ଦଃନ୍ ବଃଲେକ୍‌ ଗଟ୍‌ ଲକାର୍‌ ଗଟେକ୍‌ ଦିନାର୍‌ କୁଲି ଡାବୁକ୍‌ ବୁଜାୟ୍‌ଦ୍‌ ।\ft*\f* ରଃୟ୍‌ଦ୍‌, ଆର୍‌ ସେତିର୍‌ ଗଟେକ୍‌ ଆଜେଦ୍‌, ତଃବେ ସେ କୁପି ଲାଗାୟ୍‌ କଃରି ଗଃର୍‌ ରୁଣ୍ଡାୟ୍‌ ସେରି ମିଳାଉତା ହଃତେକ୍‌ କାୟ୍‌ ଜଃତୁନେ ନଃଲଳେ ? 
\v 9 ଆରେକ୍‌ ଆଜିରିଲା ସେ ଟଃକା ମିଳାୟ୍‌ଲେକ୍‌ ସେ ତାର୍‌ ସଃଙ୍ଗ୍‌ମଃନ୍‌କେ ଆର୍‌ ହାକିହଃଳ୍‌ସାକେ କୁଦିକଃରି କୟ୍‌ଦ୍‌, ମର୍‌ ସଃଙ୍ଗ୍ ସଃର୍ଦା କଃରା, ବଃଲେକ୍‌ ମର୍‌ ଜୁୟ୍‌ ଟଃକା ଆଜିରିଲି ସେରି ମିଳାୟ୍‌ଲେ । 
\v 10 ମୁୟ୍‌ଁ ତୁମିମଃନ୍‌କେ କଃଉଁଲେ, ସେରଃକମ୍‌ ଜେ ହାହ୍‌ଚାଡେଦ୍‌, ଇରଃକମ୍‌ ଗଟେକ୍‌ ହାହିର୍‌ ଗିନେ ଇସ୍ୱରାର୍‌ ଦୁତ୍‌ମଃନାର୍‌ ଚଃମେ ସଃର୍ଦା ଅୟ୍‌ଦ୍‌ ।”
\s ଆଜ୍‌ଲା ହିଲା
\p
\v 11 ଜିସୁ ଆରେକ୍‌ କୟ୍‌ଲା, “ଗଟ୍‌ ଲକାର୍‌ ଜୁଳେକ୍‌ ହୟ୍‌ସି ରିଲାୟ୍‌ । 
\v 12 ସାନ୍‌ ହୟ୍‌ସି ଉବାସିକ୍‌ କୟ୍‌ଲା, ‘ଉବା, ମର୍‌ ବାଗାର୍‌ ଦଃନ୍‌ବିତ୍‌ ଅଃବେ ମକ୍‌ ଦେ ।’ ତଃବେ ତାର୍‌ ଉବାସି ତାର୍‌ ଦଃନ୍‌ବିତ୍‌କେ ସଃର୍ନେ ଦୁୟ୍‌ ବାୟ୍‌କ୍‌ ବାଟାକଃରି ଦିଲା । 
\v 13 ଅଃଳକ୍‌ ଦିନ୍ ଗଃଲାହଃଚେ ସାନ୍ ହୟ୍‌ସି ତାର୍‌ ବାଗାର୍‌ ଦଃନ୍‌ବିତ୍‌କେ ଗଟେତଃୟ୍‌ କଃରି ଦୁର୍‌ ଦେସେ ଗଃଲା, ଆର୍‌ ସେତି ଜାୟ୍‌ ହଲ୍ୟାହଲ୍ୟା ଅଃହ୍‌ଣାର୍‌ ଜିବନ୍‌ କାଟି ସଃର୍ନେ ଦଃନ୍‌ବିତ୍‌ ବୁଡାୟ୍‌ଲା । 
\v 14 ମଃତର୍‌ ସଃବୁ ଦଃନ୍ ବୁଡାୟ୍‌ଲା ହଃଚେ, ସେ ଦେସେ କଃତାର୍‌ ଅୟ୍‌ଲାକ୍‌, ତାର୍‌ ଅକେଟ୍‌ ଅଃଉଁକେ ଦଃର୍ଲି । 
\v 15 ସେତାର୍‌ଗିନେ ସେ ଜାୟ୍‌ ସେ ଦେସାର୍‌ ଗଟେ ଲକାର୍‌ ତଃୟ୍‌ ଜାୟ୍‌ ଗତି କଃଟ୍‌ଲା ଆର୍‌ ସେ ଲକ୍‌ ତାକ୍‌ ଗୁସ୍ରା ଚଃରାଉଁକେ ତାର୍‌ ହଃଦାୟ୍‌ ହଃଟାୟ୍‌ଲା; 
\v 16 ଆରେକ୍‌ ଗୁସ୍ରାମଃନ୍‌ ଜୁୟ୍‌ ଚେମି କାତି ରିଲାୟ୍‌, ସେ କାଦି କାୟ୍‌କଃରି ସେ ତାର୍‌ ହେଟ୍‌ ହୁରାଉଁକେ ମଃନ୍‌ କଃର୍ତିରିଲା, ମଃତର୍‌ କେ ତାକ୍‌ କାୟ୍‌ରି ହେଁ ନଃଦେତିରିଲାୟ୍‌ । 
\v 17 ମଃତର୍‌ ସେ ଚେତ୍‌ନା ହାୟ୍‌ କୟ୍‌ଲା, ‘ମର୍‌ ଉବାର୍‌ ଗଃରେ କଃବାଳିମଃନାର୍‌ କାଦି ଅଃଗ୍‌ଳି ଜଃଉଁଲି, ମଃତର୍‌ ମୁୟ୍‌ଁ ଇତି ରଃୟ୍‌ କଃରି ବୁକେ ମଃରୁଲେ । 
\v 18 ଅଃବେ ମୁୟ୍‌ଁ ଉଟି ମର୍‌ ଉବାର୍‌ ହାକ୍‌ ଜାୟ୍‌ନ୍ଦ୍ ଆର୍‌ ତାକ୍‌ କୟ୍‌ଦ୍‌, ଉବା, ସଃର୍ଗାର୍‌ ମାପ୍ରୁର୍‌ ବିରଦେ ଆର୍‌ ତର୍‌ ବିରଦେ ମୁଁୟ୍‌ ହାହ୍‌ କଃଲେ ଆଚି । 
\v 19 ଆଜିହୁଣି ମୁୟ୍‌ଁ ତର୍‌ ହୟ୍‌ଦି ବଃଲାୟ୍‌ ଅଃଉଁକେ ମର୍‌ ଆରେକ୍‌ ଜୟ୍‌ଗ୍‌ ନାୟ୍‌, ମଃତର୍‌ ଅଃବେ ମକ୍‌ ତର୍‌ ଗଟେକ୍‌ ଗତିକଃବାଳି ହର୍‌ କଃରି ଦଃର୍‌ ।’ 
\v 20 ସେ ଉଟି ତାର୍‌ ଉବାସିର୍‌ ହାକ୍‌ ଗଃଲା, ମଃତର୍‌ ସେ ଦୁରିକ୍‌ ରିଲା ବଃଳ୍‌ ତାର୍‌ ଉବାସି ତାକ୍‌ ଦଃକି ଦଃୟା ଦଃକାୟ୍‌ଲା, ଆର୍‌ ଦଃବ୍‌ଳିଜାୟ୍‌ ତାକେ ହଃଟଳି କଃରି ଲଃବଦେ ଚୁମ୍‌ଲା । 
\v 21 ହୟ୍‌ସି ତାକ୍‌ କୟ୍‌ଲା, ‘ଉବା, ସଃର୍ଗାର୍‌ ମାପ୍ରୁର୍‌ ବିରଦେ ଆର୍‌ ତର୍‌ ବିରଦେ ମୁୟ୍‌ଁ ହାହ୍‌ କଃରିଆଚି, ଅଃବେ ଆର୍‌ ତର୍‌ ହଅ ବଃଲି କଃଉଆୟ୍‌ ଅଃଉତାର୍‌ ମୁଁୟ୍‌ ଜୟ୍‌ଗ୍‌ ନାୟ୍‌ ।’ 
\v 22 ମଃତର୍‌ ଉବାସି ତାର୍‌ ଗତିଦଃଙ୍ଗ୍‌ଳାମଃନ୍‌କ୍‌ କୟ୍‌ଲା, ସଃବ୍‌କେ ନିକ ବଃସ୍ତର୍‌ ବେଗି ଆଣି ଆକ୍‌ ହିନ୍ଦାଉଆ, ତାର୍‌ ଆତେ ହାଜେର୍‌ ଆର୍‌ ତାର୍‌ ହାଦେ ହାଣ୍ଡାୟ୍‌ ହିନ୍ଦାଉଆ । 
\v 23 ଆରେକ୍‌ ଗଟେକ୍‌ ଦୁମା ମେଣ୍ଡା ମାରା; ଆସା ଅଃମିମଃନ୍‌ ବଜି କଃରି ସଃର୍ଦା କଃରୁଆଁ । 
\v 24 ବଃଲେକ୍‌ ମର୍‌ ଇ ହଅ ମଃରି ଜାୟ୍‌ରିଲା ଆରେକ୍‌ ବାଚ୍‌ଲା; ଆଜିରିଲା, ଆରେକ୍‌ ମିଳ୍‌ଲା । ତଃବେ ସେମଃନ୍ ସଃର୍ଦା କଃରୁକେ ଦଃର୍ଲାୟ୍‌ ।”
\p
\v 25 “ସଃଡେବଃଳ୍‌ ତାର୍‌ ବଃଡ୍ ହୟ୍‌ସି ହଃଦାୟ୍‌ ରିଲା । ସେ ଜଃଡେବଃଳ୍‌ ଆସି ଗଃର୍‌ ଚଃମେ ହଚ୍‌ଲା, ସଃଡେବଃଳ୍‌ ବାଜା ବାଜ୍‌ତାର୍‌ ଆର୍‌ ନାଚ୍‌ତାର୍‌ ଆଉଲି ସୁଣିକଃରି, 
\v 26 ସେ ଦଃଙ୍ଗ୍‌ଳାମଃନାର୍‌ ବିତ୍ରେ ଗଟ୍‌ଲକେ କୁଦିକଃରି ଇସଃବୁ କାୟ୍‌ରି ଅଃଉଁଲି ବଃଲି ତାକ୍‌ ହଃଚାର୍ଲା । 
\v 27 ସେ ଦଃଙ୍ଗ୍‌ଳା ତାକ୍‌ କୟ୍‌ଲା, ତର୍‌ ବାୟ୍‌ଦି ଗଃରେ ବାଉଳି ଆସିଆଚେ, ଆର୍‌ ତର୍‌ ଉବାଦି ତାକ୍‌ ନିକ ଗଃଗାଳେ ହାୟ୍‌ଲାକ୍‌ ଦୁମା ମେଣ୍ଡା ମାରିଆଚେ ।”
\p
\v 28 “ସେତାର୍‌ଗିନେ ସେ ରିସା ଅୟ୍‌କଃରି ଗଃରେ ଜଃଉଁକେ ମଃନ୍‌ ନଃକେଲା; ମଃତର୍‌ ତାର୍‌ ଉବାସି ଆସିକଃରି ତାକ୍‌ କଃତେକ୍‌ ଗଃଉଆରି କଃରୁକେ ଦଃର୍ଲା । 
\v 29 ମଃତର୍‌ ସେ ଉବାସିକ୍‌ କୟ୍‌ଲା, ଦଃକ୍‌, ଅଃତେକ୍‌ ବଃର୍ସ୍‌ ଅୟ୍‌ଲି ମୁୟ୍‌ଁ ତର୍‌ ଗଟ୍‌ ଦଃଙ୍ଗ୍‌ଳା ହର୍‌ କଃରି ସେବା କଃରିଆସୁଲେ, ଆର୍‌ କଃବେ ହେଁ ମୁୟ୍‌ଁ ତର୍‌ ଆଦେସ୍‌ ଅମାନ୍ୟା ନଃକେରି, ଅୟ୍‌ଲେକ୍‌ ହେଁ ମର୍‌ ସଃଙ୍ଗ୍‌ମଃନାର୍‌ ସଃଙ୍ଗ୍ ମିସିକଃରି ବଜି କଃରୁକେ ତୁୟ୍‌ ମକ୍‌ କଃବେ ମେଣ୍ଡାହିଲା ହେଁ ନଃଦେସି; 
\v 30 ମଃତର୍‌ ତର୍‌ ଇ ଜୁୟ୍‌ ହୟ୍‌ଦି ଦାରିୟାଣିମଃନାର୍‌ ସଃଙ୍ଗ୍ ତର୍‌ ଦଃନ୍‌ବିତ୍‌ ବୁଡାୟ୍‌ଲା ଆର୍‌ ଜଃଡେବଃଳ୍‌ ସେ ବାଉଳି ଆୟ୍‌ଲା, ସଃଡେବଃଳ୍‌ ତୁୟ୍‌ ତାର୍‌ ଗିନେ ଗଟ୍‌ ଦୁମା ମେଣ୍ଡା ମାର୍‌ଲିସ୍‌ । 
\v 31 ତଃବେ ତାର୍‌ ଉବାସି ତାକେ କୟ୍‌ଲା, ହଅରେ ତୁୟ୍‌ ତ ସଃବୁବଃଳ୍‌ ମର୍‌ ସଃଙ୍ଗ୍ ଆଚ୍‌ସି, ଆର୍‌ ଜୁୟ୍‌ସଃବୁ ମର୍‌ ସେରି ସଃବୁ ତର୍‌; 
\v 32 ମଃତର୍‌ ଇ ଜୁୟ୍‌ ତର୍‌ ବାୟ୍‌ଦି ମଃରି ଜାୟ୍‌ରିଲା ଆରେକ୍‌ ବଚ୍‌ଲା, ଆଜିରିଲା ଆରେକ୍‌ ମିଳ୍‌ଲା, ସେତାର୍‌ ଗିନେ ବଜି ଆର୍‌ ସଃର୍ଦା କଃର୍ତାର୍‌ ରିଲି ।”
\c 16
\s ଚଃତୁର୍‌ ଗୁମୁସ୍ତା
\p
\v 1 ଜିସୁ ତାର୍‌ ଚେଲାମଃନ୍‌କେ କୟ୍‌ଲା, “ଗଟେକ୍‌ ମାଜନ୍ ଲକ୍‌ ରିଲା; ତାର୍‌ ଗଟେକ୍‌ ଗୁମୁସ୍ତା ରିଲା, ସେ ଗୁମୁସ୍ତା ତାର୍‌ ଦଃନ୍‌ବିତ୍‌କେ ନଃସ୍ଟ୍‌ କଃରୁଲା ବଃଲି ସୁଣି, ତାକ୍‌ କୁଦି କୟ୍‌ଲା, 
\v 2 ‘ମୁଁୟ୍‌ ତର୍‌ ବିସୟେ ଇରି କାୟ୍‌ କଃତା ସୁଣୁଲେ ? ତର୍‌ ଇ ଗୁମୁସ୍ତା କାମାର୍‌ ଇସାବ୍‌ ଦେ, କାୟ୍‌ତାକ୍‌ବଃଲେକ୍‌ ତୁୟ୍‌ ଅଃବେ ଗୁମୁସ୍ତା ଅୟ୍‌ ରେଉଁ ନଃହାର୍‌ସି ।’ 
\v 3 ତଃବେ ସେ ଗୁମୁସ୍ତା ମଃନେ ମଃନେ ବାବ୍‌ଲା, ‘ତଃବେ ମୁଁୟ୍‌ କାୟ୍‌ କଃରିନ୍ଦ୍‌ ? ମର୍‌ ସାଉକାର୍‌ ତ ମର୍‌ ତଃୟ୍‌ହୁଣି ଗୁମୁସ୍ତା ହଃଦ୍‌ ଚାଡାୟ୍‌ ନେଉଁଲା । ମାଟି ମାରୁକ୍‌ ମର୍‌ ସଃକ୍ତି ନାୟ୍‌, ଆର୍‌ ବିକ୍‌ ମାଗୁକ୍‌ ହେଁ ମକ୍‌ ଲାଜ୍‌ ଲାଗୁଲି । 
\v 4 ମୁଁୟ୍‌ ଗୁମୁସ୍ତା ହଃଦେ ହୁଣି ବାର ଅୟ୍‌ଲା ହଃଚେ ଲକ୍‌ମଃନ୍ ଜଃନ୍‌କଃରି ମକ୍‌ ସେମଃନ୍ ଅଃହ୍‌ଣା ଅଃହ୍‌ଣାର୍‌ ଗଃରେ କୁଦି ମାୟ୍‌ନ୍‌ କଃର୍ତି, ଇତାର୍‌ ଗିନେ ମୁଁୟ୍‌ କାୟ୍‌ କଃରିନ୍ଦ୍‌ ସେରି ବୁଜ୍‌ଲେବେ ।’ 
\v 5 ତଃବେ ସେ ଗୁମୁସ୍ତା ତାର୍‌ ସାଉକାରାର୍‌ ସଃବୁ ରିଣ୍ୟାମଃନ୍‌କେ ତାର୍‌ ଲଃଗେ କୁଦ୍‌ଲା, ଆର୍‌ ହଃର୍ତୁର୍‌ ଲକ୍‌କେ କୟ୍‌ଲା, ‘ତୁୟ୍‌ ମର୍‌ ସାଉକାର୍‌ ତଃୟ୍‌ହୁଣି କଃତେକ୍‌ ରିଣ୍ ନଃୟ୍‌ ଆଚ୍‌ସି ?’ ସେ କୟ୍‌ଲା, ‘ହାଁଚ୍‌କଳି ପାଉଁନ୍ ଚିକଣ୍‌ ।’ 
\v 6 ତଃବେ ସେ ଗୁମୁସ୍ତା ତାକ୍‌ କୟ୍‌ଲା, ‘ଅଃବେ ତୁୟ୍‌ କାତାୟ୍‌ ବେଗି ପଚାସ୍‌ ପାଉଁନ୍ ଚିକଣ୍‌ ବଃଲି ଲେକ୍‌ ।’ 
\v 7 ତାର୍‌ହଃଚେ ସେ ଆରେକ୍‌ ଏକ୍ଲାକେ କୟ୍‌ଲା, ‘ତୁୟ୍‌ ମର୍‌ ସାଉକାରାର୍‌ ତଃୟ୍‌ହୁଣି କଃତେକ୍‌ ରିଣ୍ ନଃୟ୍‌ ଆଚ୍‌ସି ?’ ସେ କୟ୍‌ଲା, ‘ହାଁଚ୍‌କଳି ବାସ୍ତା ଗଅଁ ।’ ସେ ଗୁମୁସ୍ତା ତାକ୍‌ କୟ୍‌ଲା, ‘ତୁୟ୍‌ ଅଃବେ ଇ କାତାୟ୍‌ ଚାରିକଳି ବାସ୍ତା ଗଅଁ ବଃଲି ଲେକ୍‌ ।’”
\p
\v 8 “ସେ ଅଃନ୍ୟାୟ୍‌କାରି ଗୁମୁସ୍ତା ବୁଦିର୍‌ ସଃଙ୍ଗ୍ କାମ୍‌ କଃରି ରିଲାକ୍‌, ତାର୍‌ ସାଉକାର୍‌ ତାର୍‌ ଗୁଣ୍ କୟ୍‌ଲା; କାୟ୍‌ତାକ୍‌ବଃଲେକ୍‌ ଇ ଜଃଗତାର୍‌ ଲକ୍‌ମଃନ୍ ସେମଃନାର୍‌ ନିଜାର୍‌ ଜାତି ଗିନେ ଉଜାଳାର୍‌ ଲକ୍‌ମଃନାର୍‌ ତଃୟ୍‌ହୁଣି ଅଃଦିକ୍‌ ବୁଦିକାରି ।”
\p
\v 9 “ମୁଁୟ୍‌ ହେଁ ତୁମିମଃନ୍‌କେ କଃଉଁଲେ, ଦୁସ୍ଟ୍‌ ଜଃଗତାର୍‌ ଦଃନେ ଅଃହ୍‌ଣା ଅଃହ୍‌ଣାର୍‌ ଗିନେ ସଃଙ୍ଗ୍ ଲାବ୍‌ କଃରା, ଜଃନ୍‌କଃରି ସେରି ସଃର୍ଲେକ୍‌ ତୁମିମଃନ୍‌କେ ସଃବୁ ଦିନାର୍‌ ଗଃର୍‌ ବିତ୍ରେ ଦଃର୍ତି । 
\v 10 ଜୁୟ୍‌ ଲକ୍‌ ସାନ୍ କାମେ ସଃତ୍‌ ଅୟ୍‌ଦ୍‌ ତଃବେ ସେ ବଃଡ୍ କାମେ ହେଁ ହଟ୍‌କାର୍‌ ନୟ୍‌, ଆରେକ୍‌ ଜୁୟ୍‌ ଲକ୍‌ ସାନ୍ କାମେ ଅଃଦଃର୍ମି ତଃବେ ସେ ବଃଡ୍ କାମେ ହେଁ ହଃଟ୍‌କାର୍‌ ଅୟ୍‌ଦ୍‌ । 
\v 11 ତଃବେ ଜଦି ତୁମିମଃନ୍ ଜଃଗତାର୍‌ ଦଃନେ ଅଃଦଃର୍ମି ଅଃଉଁଲାସ୍‌, ତଃବେ କେ ତୁମିକେ ସଃତ୍‌ କଃରି ସଃତ୍ୟା ଦଃନ୍ ତୁମାର୍‌ ଆତେ ଦଃୟ୍‌ଦ୍‌ ? 
\v 12 ଆର୍‌ ଜଦି ତୁମିମଃନ୍ ହଃରାର୍‌ ଦଃନେ ସଃତ୍‌ ନଃକେରୁଲାସ୍‌, ତଃବେ କେ ତୁମିକେ ତୁମାର୍‌ ନିଜାର୍‌ ଦଃନ୍ ଦେତି ।”
\p
\v 13 \x + \xo ୧୬:୧୩ \xo*\xt ମାତି ୬:୨୪.\xt*\x*“ଗଟ୍‌ ଦଃଙ୍ଗ୍‌ଳା ଅଃକାବଃଳ୍‌ ଜଳେକ୍‌ ସାଉକାରାର୍‌ ସେବା କଃରୁ ନାହାରେ; ବଃଲେକ୍‌ ସେ ଏକ୍ଲାକେ ଲାଡ୍‌ ନଃକେରେ ଆର୍‌ ଏକ୍ଲାକେ ଲାଡ୍‌ କଃରେଦ୍‌, ନୟ୍‌ଲେକ୍‌ ଏକ୍ଲାର୍‌ କଃତା ମାନେଦ୍‌ ଆର୍‌ ବିନ୍ ଏକ୍ଲାର୍‌ କଃତା ନଃମାନେ । ସେରଃକମ୍‌ ତୁମିମଃନ୍ ଇସ୍ୱରାର୍‌ ଆର୍‌ ଦଃନାର୍‌ ଅଃକାବଃଳ୍‌ ଦୁୟ୍‌ ଲକାର୍‌ ଗତି ଦଃଙ୍ଗ୍‌ଳା ଅଃଉଁ ନାହାରାସ୍‌ ।”
\s ଜିସୁର୍‌ କଃତେକ୍‌ କଃତା
\r (ମାତି ୧୧:୧୨,୧୩; ୫:୩୧,୩୨; ମାର୍କ ୧୦:୧୧,୧୨)
\p
\v 14 ଇସଃବୁ କଃତା ସୁଣି ଦଃନ୍‌ଲଃବି ପାରୁସିମଃନ୍ ଜିସୁକେ ଲିନ୍ଦା କଃରୁକେ ଦଃର୍ଲାୟ୍‌ । 
\v 15 ସେତାର୍‌ଗିନେ ଜିସୁ ସେମଃନ୍‌କେ କୟ୍‌ଲା, “ଜୁୟ୍‌ ଲକ୍‌ମଃନ୍ ଅଃହ୍‌ଣା ଅଃହ୍‌ଣାକ୍‌ ଲକ୍‌ମଃନାର୍‌ ଆକାୟ୍‌ ଦଃର୍ମି ବଃଲି ଦଃକାୟ୍‌ଅଃଉତି, ତୁମିମଃନ୍ ସେନ୍‌କାର୍‌ ଲକ୍‌, ମଃତର୍‌ ଇସ୍ୱର୍‌ ତୁମିମଃନାର୍‌ ମଃନ୍‌ ବିତ୍ରାର୍‌ କଃତା ଜାଣେଦ୍‌; କାୟ୍‌ତାକ୍‌ବଃଲେକ୍‌ ଜାୟ୍‌ରି ମାନାୟ୍‌ମଃନାର୍‌ ବିତ୍ରେ ବଃଡ୍ ସେରି ମାପ୍ରୁର୍‌ ଆକାୟ୍‌ ବାନ୍ୟା ।”
\p
\v 16 \x + \xo ୧୬:୧୬ \xo*\xt ମାତି ୧୧:୧୨,୧୩.\xt*\x*“ମସାର୍‌ ବିଦିବିଦାନ୍ ଆର୍‌ ବାବ୍‌ବାଦିମଃନାର୍‌ ଲେକା ଜହନ୍‌ ଆସ୍ତା ହଃତେକ୍‌ ଚଲି ଆସ୍ତି ରିଲି; ତାର୍‌ ହଃଚେ ହୁଣି, ଇସ୍ୱରାର୍‌ ରାଇଜାର୍‌ ନିକ କବୁର୍‌ ପର୍ଚାର୍‌ ଅୟ୍‌ ଆସୁଲି, ଆର୍‌ ହଃତି ଲକ୍‌ମଃନ୍ ବଃଳ୍‌ସଃକାତ୍‌ ସଃଙ୍ଗ୍ ଇସ୍ୱରାର୍‌ ରାଇଜେ ହୁରୁଲାୟ୍‌ । 
\v 17 \x + \xo ୧୬:୧୭ \xo*\xt ମାତି ୫:୧୮.\xt*\x*ମଃତର୍‌ ବିଦିର୍‌ ଗଟେକ୍‌ ଟପା ବୁଡ୍‌ତା ବାଟା ଅଃଗାସ୍‌ ଆର୍‌ ହୁର୍ତିବି ବୁଡ୍‌ତାର୍‌ ଉସାସ୍‌ ।”
\p
\v 18 \x + \xo ୧୬:୧୮ \xo*\xt ମାତି ୫:୩୨; ୧ କର ୭:୧୦,୧୧.\xt*\x*“ଜୁୟ୍‌ଲକ୍‌ ଅଃହ୍‌ଣାର୍‌ ଡକୁର୍ସିକେ ଚାଡିକଃରି ବିନ୍‌ରି ବିବା ଅୟ୍‌ଦ୍‌ ସେ ଦାରିକାମ୍‌ କଃରେଦ୍‌; ଆରେକ୍‌ ଜୁୟ୍‌ ଲକ୍‌ ସେ ଚାଡେଳି ମାୟ୍‌ଜିକେ ବିବା ଅୟ୍‌ଦ୍‌ ସେ ହେଁ ଦାରି କଃରେଦ୍‌ ।”
\s ମାଜନ୍ ଲକ୍‌ ଆର୍‌ ବିକାରି ଲାଜାର୍‌
\p
\v 19 “ଗଟେକ୍‌ ମାଜନ୍ ଲକ୍‌ ରିଲା, ସେ ବେସିମଲାର୍‌ ବଃସ୍ତର୍‌ ହିନ୍ଦି, ସଃବୁଦିନ୍ ବଃଲ୍‌ କାଦି କାୟ୍‌କଃରି ବଃଡେ ସଃର୍ଦାୟ୍‌ ରେତିରିଲା । 
\v 20 ମଃତର୍‌ ତାର୍‌ ଦୁଆର୍‌ ମୁଏଁ ଲାଜାର୍‌ ନାଉଁଆର୍‌ ଗଟେକ୍‌ ବିକାରି ରେତିରିଲା, ତାର୍‌ ଗଃଗାଳ୍‌ଜାକ ଗାଉ ବଃର୍‌ତି ଅୟ୍‌ରିଲି; 
\v 21 ଲାଜାର୍‌ ସେ ମାଜନ୍ ଲକାର୍‌ ଟେବୁଲ୍‌ ତଃୟ୍‌ହୁଣି ଅଦୁର୍ଲା ଲିତାସଃକ୍‌ଳି କାୟ୍‌ ହେଟ୍‌ ହୁରାୟ୍‌ ବଃଲି ଆସା କଃର୍ତିରିଲା । ଆର୍‌ କୁକୁର୍‌ମଃନ୍ ଆସି ତାର୍‌ ଗାଉକ୍‌ ଚାଟ୍‌ତି ରିଲାୟ୍‌ ।”
\p
\v 22 “ମଃତର୍‌ ଦିନ୍‌ ଆୟ୍‌ଲି ସେ ବିକାରି ଲାଜାର୍‌ ମଃରିଗଃଲା ଆର୍‌ ସଃର୍ଗାର୍‌ ଦୁତ୍‌ ଆସି ତାକ୍‌ ଅବ୍ରାହାମାର୍‌ କଳେ ନଃୟ୍‌ ବଃସାୟ୍‌ଲାୟ୍‌; ହଃଚେ ସେ ମାଜନ୍ ଲକ୍‌ ହେଁ ମଃରିଗଃଲା ଆର୍‌ ତାକ୍‌ ତହାଅୟ୍‌ଲି । 
\v 23 ଆର୍‌ ସେ ନଃର୍କ୍‌କୁଣ୍ଡେ ହଃଳି ବିସ୍‌ଜଃଳାକେ କିଲିବିଲି ଅୟ୍‌ ଉହ୍ରେ ଦଃକି ଦୁରିକ୍‌ ଅବ୍ରାହାମ୍‌ ଆର୍‌ ତାର୍‌ କଳେ ଲାଜାର୍‌କେ ଦଃକ୍‌ଲା । 
\v 24 ସେ କୟ୍‌ଲା, ‘ହିଁ ଉବା ଅବ୍ରାହାମ୍‌ ମକ୍‌ ଦଃୟା କଃରି ଲାଜାର୍‌କେ ଅଃଳକ୍‌ ମର୍‌ ହାକ୍‌ ହଃଟାଉ, ଜଃନ୍‌କଃରି ସେ ହାଣାୟ୍‌ ତାର୍‌ ଆଙ୍ଗଟିର୍‌ ଟିହ୍‌ ବୁଡାୟ୍‌ କଃରି ମର୍‌ ଜିବ୍‌କେ କାକର୍‌ କଃରେଦ୍‌, କାୟ୍‌ତାକ୍‌ବଃଲେକ୍‌ ମୁୟ୍‌ଁ ଇ ଜୟେ କଃଲ୍‌ବଃଲ୍‌ ଅଃଉଁଲେ ।’”
\p
\v 25 “ମଃତର୍‌ ଅବ୍ରାହାମ୍‌ ତାକ୍‌ କୟ୍‌ଲା, ‘ହିଲାରେ ତୁୟ୍‌ ଜେ ବାଚିରିଲା ବଃଳ୍‌ ତର୍‌ ଜିବନେ ସଃବୁ ବଃଲ୍‌ରି ହାୟ୍‌ଲିସ୍‌ ଆର୍‌ ଲାଜାର୍‌ ସେରଃକମ୍‌ କଃରାବ୍‌ ବିସୟ୍‌ ସଃବୁ ହାୟ୍‌ଲା, ଅୟ୍‌ଲେକ୍‌ ହେଁ ସାସ୍‌ ଦଃର୍‌ଲା ଇରି ମଃନେ ଏତାଉ; ମଃତର୍‌ ଅଃବେ ଲାଜାର୍‌ ଇ ଜଃଗାୟ୍‌ ସୁକ୍‌ ହାଉଁଲା, ଆର୍‌ ତୁୟ୍‌ ସେ ଜୟେ କିଲିବିଲି ଅଃଉଁଲାସ୍‌ । 
\v 26 ସେରି ଚାଡି ତୁମାର୍‌ ଅଃମାର୍‌ ବିତ୍ରେ ବଃଡେ ଦୁର୍‌ ଆଚେ, ଜଃନ୍‌କଃରି ଜୁୟ୍‌ମଃନ୍‌ ଇ ଟାଣେହୁଣି ତୁମିମଃନାର୍‌ ହାକ୍‌ ଜଃଉଁକେ ମଃନ୍ କଃର୍ତି, ସେମଃନ୍ ଜଃଉଁ ନଃହାର୍‌ତି ଆରେକ୍‌ ସେ ଟାଣେହୁଣି କେ ଅଃମାର୍‌ ହାକ୍‌ ଲିଙ୍ଗି କଃରି ଆସୁ ନାହାର୍‌ତି ।’ 
\v 27 ସେତାକ୍‌ ସେ ମାଜନ୍ କୟ୍‌ଲା, ‘ଏ ଉବା ସେବାନ୍ୟା ଅୟ୍‌ଲେକ୍‌ ମୁୟ୍‌ଁ ତକ୍‌ ଗଃଉଆରି କଃରି କଃଉଁଲେ ଲାଜାର୍‌କେ ମର୍‌ ଉବାର୍‌ ଗଃରେ ହଃଟାଉ । 
\v 28 କାୟ୍‌ତାକ୍‌ବଃଲେକ୍‌ ମର୍‌ ହାଁଚ୍ ବାୟ୍‌ ଆଚ୍‌ତି ସେମଃନ୍ ହେଁ ଜଃନ୍ କଃରି ଇ ବିସ୍‌ଜଃଳା ଟାଣେ ନାସ୍ତି, ସେତାର୍‌ଗିନେ ସେ ସେମଃନାର୍‌ ହାକ୍‌ ସାକି ଦଃୟ୍‌ଦ୍‌ ।’
\p
\v 29 ମଃତର୍‌ ଅବ୍ରାହାମ୍‌ କୟ୍‌ଲା, ‘ତୁମାର୍‌ ବାୟ୍‌ମଃନାର୍‌ ହାକ୍‌ ମସା ଆର୍‌ ବାବ୍‌ବାଦିମଃନାର୍‌ ଦଃର୍ମ୍‌ସାସ୍ତର୍‌ ଆଚେ, ସେମଃନ୍ ସେମଃନାର୍‌ କଃତା ସୁଣତ୍‌ । 
\v 30 ସେତାର୍‌ଗିନେ ସେ କୟ୍‌ଲା, ନାୟ୍‌ ଉବା ଅବ୍ରାହାମ୍‌, ସଃତେକ୍‌ ସଃରି ନୟ୍‌, ମଃତର୍‌ ଜଦି ମଃଲା ଲକାର୍‌ ତଃୟ୍‌ହୁଣି ଗଟ୍‌ଲକ୍‌ ସେମଃନାର୍‌ ହାକ୍‌ ଜାୟ୍‌ଦ୍‌, ତଃବେ ସେମଃନ୍ ସଃତ୍‌ କଃରି ହାହ୍‌ ଚାଡ୍‌ତି ।’ 
\v 31 ମଃତର୍‌ ଅବ୍ରାହାମ୍‌ ତାକ୍‌ କୟ୍‌ଲା, ‘ଜଦି ସେମଃନ୍ ମସା ଆର୍‌ ବାବ୍‌ବାଦିମଃନାର୍‌ କଃତା ନଃସୁଣ୍‌ତି, ତଃବେ ମଃଲା ଲକାର୍‌ ବିତ୍ରାର୍‌ ଗଟ୍‌ଲକ୍‌ ଉଟିଜାୟ୍‌ ବୁଜାୟ୍‌ଲେକ୍‌ ହେଁ ସେମଃନ୍ ତାର୍‌ କଃତା ନଃଦେର୍ତି ।’”
\c 17
\s ହାହ୍‌
\r (ମାତି ୧୮:୬,୭,୨୧,୨୨; ମାର୍କ ୯:୪୨)
\p
\v 1 ଜିସୁ ତାର୍‌ ଚେଲାମଃନ୍‌କେ କୟ୍‌ଲା, “ବାଦା ଜେ ନାସେ, ଇରି କୟ୍‌ନୟ୍‌, ଜେ ପରିକ୍ୟାୟ୍‌ ହଃଳେଦ୍‌ ସେ ହାହେ ହଃଳେଦ୍‌, ମଃତର୍‌ ଜାର୍‌ ତଃୟ୍‌ହୁଣି ଇରି ଗଃଟେଦ୍‌, ଚି ! ସେ ଦଃଣ୍ଡାର୍‌ ଜୟ୍‌ଗ୍‌ । 
\v 2 ଇ ନିର୍ମାୟା ଲକାର୍‌ ବିତ୍ରାର୍‌ ଗଟ୍‌ଲକେ ହାହ୍‌ କଃରାୟ୍‌ଦ୍‌, ତାର୍‌ ଗଃଳାୟ୍‌ ଗଟେକ୍‌ ଜଃତାଟେଳା ବାନ୍ଦିକଃରି ସଃମ୍‌ନ୍ଦେ ହଃକାୟ୍‌ ରିଲେକ୍‌ ତାର୍‌ ଗିନେ ନିକ ଅୟ୍‌ତାକ୍‌ । 
\v 3 \x + \xo ୧୭:୩ \xo*\xt ମାତି ୧୮:୧୫.\xt*\x*ତଃବେ ତୁମିମଃନ୍ ଅଃହ୍‌ଣା ଅଃହ୍‌ଣାର୍‌ କାମେ ଜଃଗ୍ରାତ୍‌ ଅୟ୍‌ରିଆ, ଜଦି ତୁମାର୍‌ ବାୟ୍‌ ହାହ୍‌ କଃରେଦ୍‌, ତଃବେ ତାକ୍‌ ଦଃକା ଦିଆସ୍‌; ଆର୍‌ ସେ ଜଦି ହାହ୍‌ଚାଡେଦ୍‌, ତଃବେ ତାକ୍‌ କେମା ଦିଆସ୍‌ । 
\v 4 ଆରେକ୍‌, ଜଦି ସେ ଗଟେଦିନ୍‌ ବିତ୍ରେ ସାତ୍‌ ତର୍‌ ତୁମାର୍‌ ବିରଦେ ହାହ୍‌ କଃରେଦ୍‌ ଆର୍‌ ସାତ୍‌ ତର୍‌ ତୁମାର୍‌ ହାକ୍‌ ଲେଉଟି ଆସି କୟ୍‌ଦ୍‌, ମୁଁୟ୍‌ ହାହ୍‌ ଚାଡୁଲେ ବଃଲି କୟ୍‌ଦ୍‌, ତଃବେ ନିଚୟ୍‌ ତାକ୍‌ କେମା କଃରା ।”
\s ବିସ୍ୱାସ୍‌
\p
\v 5 ପେରିତ୍‌ମଃନ୍‌ ମାପ୍ରୁକେ କୟ୍‌ଲାୟ୍‌, “ଅଃମାର୍‌ ବିସ୍ୱାସ୍‌ ବାଡାଉ ।”
\p
\v 6 ମାପ୍ରୁ ସେମଃନ୍‌କେ କୟ୍‌ଲା, “ଜଦି ଗଟ୍‌ ସଃର୍ସୁ ମୁଞ୍ଜି ହର୍‌ ତୁମାର୍‌ ବିସ୍ୱାସ୍‌ ରଃୟ୍‌ଦ୍‌, ତଃବେ ଇ ଚିତ୍‌କଳି ଗଃଚ୍‌କେ ତୁୟ୍‌ ଚେର୍‌ ସଃଙ୍ଗ୍ ଉଟ୍‌କି ଅୟ୍‌କଃରି ସଃମ୍‌ନ୍ଦେ ଜାୟ୍‌ ରୟ୍‌ ଅଃଉଅ ବଃଲି କୟ୍‌ଲେକ୍‌ ସେରି ତୁମାର୍‌ କଃତା ମାନେଦ୍‌ ।”
\s ଗଟ୍‌ ଦଃଙ୍ଗ୍‌ଳାର୍‌ କାମ୍‌
\p
\v 7 “ମଃତର୍‌ ତୁମାର୍‌ ବିତ୍ରେ ଇରଃକମ୍‌ ଲକ୍‌ କେ ଆଚେ, ତାର୍‌ ଗତିଦଃଙ୍ଗ୍‌ଳା କଃସି କଃରି ଆୟ୍‌ଲା ଦାହ୍ରେ କି ଗାଇମଃନ୍ଦା ଚଃରାୟ୍‌ କଃରି ଆୟ୍‌ଲା ଦାହ୍ରେ ସେ ତାକେ କୟ୍‌ଦ୍‌, ଇ ଦାହ୍ରେ ଆସିକଃରି କାଉଁକେ ବଃସ୍‌ ? 
\v 8 ମଃତର୍‌ ସେ ତାକ୍‌ କାୟ୍‌ ଇରଃକମ୍‌ ନଃକୟ୍‌କଃରି, ମର୍‌ ଗିନେ କାଉଁକେ ବାଟା କଃର୍‌, ଆର୍‌ ମୁୟ୍‌ଁ କାତା ହଃତେକ୍‌ ମର୍‌ ସେବା କଃର୍‌ ତାର୍‌ ହଃଚେ ତୁୟ୍‌ କାଦି କାସି । 
\v 9 ସେ ଗତିଦଃଙ୍ଗ୍‌ଳା ତାର୍‌ କଃତାମାନି ତାର୍‌ ସେବା କଃରେଦ୍‌, ତଃବେ ହେଁ ସେ କାୟ୍‌ ତାକ୍‌ ବଃଲ୍‌ ବଃଲି କୟ୍‌ଦ୍‌ ? 
\v 10 ସେ ରଃକମ୍‌ ତୁମିମଃନ୍ ହେଁ କଃତାମାନି ସଃବୁ କାମ୍‌ କଃଲା ହଃଚେ କଃଉଆ, ‘ଅଃମିମଃନ୍‌ ଜୟ୍‌ଗ୍‌ ନୟ୍‌ଲା ଗତିଦଃଙ୍ଗ୍‌ଳା, ଜାୟ୍‌ରି କଃର୍ତା କଃତା ସେରି ହଃକା ବାୟ୍‌ଦ୍‌ରେ କଃରିଆଚୁ ।’”
\s ଦଃସ୍‌ଗଟ୍‌ ବଃଡ୍ ରଗିକ୍‌ ଜିସୁ ଉଜ୍‌ କଃଲା
\p
\v 11 ଜିସୁ ଜିରୁସାଲମେ ଜାତିରିଲା ବଃଳ୍‌ ସମିରଣ୍‌ ଆର୍‌ ଗାଲିଲି ବାଟ୍‌ ଅୟ୍‌ ଜାତିରିଲା । 
\v 12 ଆର୍‌, ସେ କୁୟ୍‌ ଗଟେକ୍‌ ଗାଉଁଏ ହୁର୍‌ଲାକେ, ସେତି ଦଃସ୍‌ଗଟ୍‌ ବଃଡ୍‌ ରଗିମଃନ୍‌ ତାର୍‌ ସଃଙ୍ଗ୍ ବେଟ୍‌ ଅୟ୍‌ଲାୟ୍‌ । 
\v 13 ସେମଃନ୍ ଦୁରିକ୍‌ ଟିଅୟ୍‌ ଆଉଲି ଅୟ୍‌ କୟ୍‌ଲାୟ୍‌, “ଏ ଜିସୁ ! ଗୁରୁ ! ଅଃମିକ୍‌ ଦଃୟା କଃର୍‌ ।”
\p
\v 14 ଆରେକ୍‌ ଜିସୁ ସେମଃନ୍‌କେ ଦଃକି କଃରି କୟ୍‌ଲା, “ତୁମିମଃନ୍ ଜାୟ୍‌ ନିଜ୍‌ ନିଜ୍‌କେ ଜାଜକ୍‌ମଃନ୍‌କେ ଦଃକାଉଆ ।” ଆର୍‌ ସେମଃନ୍ ଜଃଉଁ ଜଃଉଁ ବାଟେ ଉଜ୍‌ ଅୟ୍‌ଲାୟ୍‌ ।
\p
\v 15 ମଃତର୍‌ ସେମଃନାର୍‌ ବିତ୍ରେ ଗଟେକ୍‌ ଲକ୍‌ ମୁୟ୍‌ଁ ନିକଅୟ୍‌ ଆଚି ବଃଲି ଜାଣି କଃରି ବଃଡ୍ ଟଣ୍ଡେ ଇସ୍ୱରାର୍‌ ଗୁଣ୍‌ଗାୟ୍‌ କଃରି ଜିସୁର୍‌ ଲଃଗେ ବାଉଳି ଆସି, 
\v 16 ସେ ଜିସୁର୍‌ ଗଃଳ୍‌ ତଃଳେ ଡୁଳି ତାର୍‌ ଗୁଣ୍ କଃଉଁକେ ଦଃର୍ଲା, ସେ ଗଟେକ୍‌ ସମିରଣିୟ ଲକ୍‌ ରିଲା । 
\v 17 ସେତାର୍‌ଗିନେ ଜିସୁ ତାକ୍‌ କୟ୍‌ଲା, “ଦଃସ୍‌ଲକ୍‌ କାୟ୍‌ରି ଉଜ୍‌ ନଃଉତି ? ତଃବେ ଆରେକ୍‌ ନଅଲକ୍‌ କଃୟ୍‌ଗଃଲାୟ୍‌ ? 
\v 18 ଇସ୍ୱରାର୍‌ ଜଃଜ୍‌ମାନ୍ କଃଉଁକେ ଇ ଅଜିଉଦି ଲକ୍‌କେ ଚାଡି କଃରି କାୟ୍‌ରି ଆରେକ୍‌ କେହେଁ ବାଉଳି ନାୟ୍‌ଲାୟ୍‌ ?” 
\v 19 ଜିସୁ ତାକ୍‌ କୟ୍‌ଲା, “ଉଟିକଃରି ଜା ତର୍‌ ବିସ୍ୱାସ୍‌ ତକ୍‌ ଉଜ୍‌ କଃରିଆଚେ ।”
\s ଇସ୍ୱରାର୍‌ ରାଜି ଆସୁଲି
\r (ମାତି ୨୪:୨୩-୨୮,୩୭-୪୧)
\p
\v 20 ମାପ୍ରୁର୍‌ ରାଜି କଃବେ ଆସେଦ୍‌ ବଃଲି ପାରୁସିମଃନ୍ ଜିସୁକେ ହଃଚାର୍ଲାୟ୍‌, ସେ ସେମଃନ୍‌କେ କୟ୍‌ଲା, “ଇସ୍ୱରାର୍‌ ରାଇଜ୍‌ ଦଃକ୍‌ଣେ ନାସେ; 
\v 21 ଆର୍‌ ଦଃକା ଇସ୍ୱରାର୍‌ ରାଇଜେ ଇତି ଆଚେ କି ସେତି ଆଚେ ବଃଲି ଲକ୍‌ମଃନ୍ ନଃକଉତି; କାୟ୍‌ତାକ୍‌ବଃଲେକ୍‌ ମାପ୍ରୁର୍‌ ରାଇଜେ ତୁମାର୍‌ ବିତ୍ରେ ଆଚେ ।”
\p
\v 22 ମଃତର୍‌ ସେ ଚେଲାମଃନ୍‌କେ କୟ୍‌ଲା, “ଇବାନ୍ୟା ବେଳା ଆସେଦ୍‌ ଜଃଡେବଃଳ୍‌ ତୁମିମଃନ୍ ନଃରାର୍‌ ହୟ୍‌ସିର୍‌ ଦିନ୍‌ମଃନାର୍‌ ବିତ୍ରାର୍‌ ଗଟେକ୍‌ ଦିନ୍ ଦଃକୁକ୍‌ ମଃନ୍‌ କଃରାସ୍‌ ମଃତର୍‌ ନଃଦେକାସ୍‌ । 
\v 23 ଦଃକା, ସେତି, ଦଃକା, ଇତି ବଃଲି ଲକ୍‌ମଃନ୍ ତୁମିକେ କଃଉତି, ମଃତର୍‌ ତୁମିମଃନ୍ ସେମଃନାର୍‌ ହଃଚେ ଜାହା ନାୟ୍‌ । 
\v 24 କାୟ୍‌ତାକ୍‌ବଃଲେକ୍‌ ବିଜ୍‌ଲି ମାରି ଜଃନ୍‌କଃରି ଅଃଗାସ୍‌ ଉହ୍ରେ ଗଟେକ୍‌ ହାକ୍‌ହୁଣି ଆରେକ୍‌ ଗଟେକ୍‌ ହାକ୍‌ ହଃତେକ୍‌ ଉଜାଳ୍‌ ଦଃୟ୍‌ଦ୍‌ ନଃରାର୍‌ ହୟ୍‌ସି ଆସ୍ତା ଦିନ୍ ସେବାନ୍ୟା ଦଃକାୟ୍‌ ଅୟ୍‌ଦ୍‌ । 
\v 25 ମଃତର୍‌ ଆଗ୍‌ତୁ ତାକେ ବାୟ୍‌ଦ୍‌ରେ ବଃଡେ ଦୁକ୍‌ ବୟ୍‌ଗ୍‌ କଃରୁକେ ଅୟ୍‌ଦ୍‌ ଆର୍‌ ଇ କାଳାର୍‌ ଲକ୍‌ମଃନ୍ ଦୁର୍‌ କଃର୍ତି । 
\v 26 ଆର୍‌, ନହର୍‌ ବଃଳ୍‌ ଜଃନ୍‌କଃରି ଗଃଟିରିଲି, ନଃରାର୍‌ ହୟ୍‌ସିର୍‌ ବଃଳ୍‌ ହେଁ ସେନ୍‌କାର୍‌ ଗଃଟେଦ୍‌; 
\v 27 ଜାଜେ ନହ ହୁର୍ତା ହଃତେକ୍‌ ଲକ୍‌ମଃନ୍ କାତାର୍‌ ହିଉତାର୍‌ ଆର୍‌ ବିବା କଃରୁକ୍‌ ଆର୍‌ ବିବା ଦେଉଁକ୍‌ ମାତି ରିଲାୟ୍‌, ଆରେକ୍‌ ହୁର୍‌ହାଣି ଆସି ରାଜିବୁଡାୟ୍‌ ସଃବ୍‌କେ ନାସ୍‌ କଃଲି । 
\v 28 ଲତର୍‌ ବଃଳ୍‌ ହେଁ ସେରଃକମ୍‌ ଗଃଟିରିଲି, ଲକ୍‌ମଃନ୍ କାତାର୍‌ ହିଉତାର୍‌, ବିକାବାଞ୍ଜା, ଗଃଚ୍‌ଲାଗାଉତାର୍‌ ଆର୍‌ ଗଃର୍‌ବାନ୍ଦୁକେ ଲାଗି ରିଲାୟ୍‌ । 
\v 29 ମଃତର୍‌ ଲତ ସଦମ୍‌ ଗଃଳେହୁଣି ବାରାୟ୍‌ ଗଃଲାଦିନ୍‌ ଅଃଗାସ୍‌ ଉହ୍ରେ ହୁଣି ଜୟ୍‌ ଆର୍‌ ଗନ୍ଦକ୍‌ ବଃର୍ସା ଅୟ୍‌ ସଃବ୍‌କେ ନାସ୍‌ କଃଲି । 
\v 30 ନଃରାର୍‌ ହୟ୍‌ସି ଆସ୍ତା ଦିନ୍‌ ହେଁ ସେରଃକମ୍‌ ଗଃଟେଦ୍‌ ।”
\p
\v 31 \x + \xo ୧୭:୩୧ \xo*\xt ମାତି ୨୪:୧୭,୧୮; ମାର୍କ ୧୩:୧୫,୧୬.\xt*\x*“ସେଦିନ୍‌ ଜୁୟ୍‌ ଲକ୍‌ ଚାନି ଉହ୍ରେ ରଃୟ୍‌ଦ୍‌ ସେ ଗଃର୍‌ ବିତ୍ରେ ରିଲା ତାର୍‌ ଆସ୍ତିବାଡି ନେଉଁକେ ଉତ୍ରି ନାଆସ; ସେବାନ୍ୟା ଜୁୟ୍‌ ଲକ୍‌ ହଃଦାୟ୍‌ ରଃୟ୍‌ଦ୍‌, ସେ ଗଃରେ ବାଉଳି ଜଃଉଅ ନାୟ୍‌ । 
\v 32 ଲତର୍‌ ଡକୁର୍ସିର୍‌ କଃତା ଏତାଉଆ । 
\v 33 \x + \xo ୧୭:୩୩ \xo*\xt ମାତି ୧୦:୩୯; ୧୬:୨୫; ମାର୍କ ୮:୩୫; ଲୁକ ୯:୨୪; ଜହ ୧୨:୨୫.\xt*\x*ଜୁୟ୍‌ଲକ୍‌ ତାର୍‌ ଜିବନ୍ ବଚାଉଁକେ ଉପାୟ୍‌ କଃରେଦ୍‌, ସେ ଆରାୟ୍‌ଦ୍‌, ମଃତର୍‌ ଜୁୟ୍‌ଲକ୍‌ ମର୍‌ ନାଉଁଏ ନିଜାର୍‌ ଜିବନ୍ ଆରାୟ୍‌ଦ୍‌, ତଃବେ ସେ ତାର୍‌ ଜିବନ୍ ବାଚାୟ୍‌ଦ୍‌ । 
\v 34 ମୁୟ୍‌ଁ ତୁମିମଃନ୍‌କେ କଃଉଁଲେ, ସେ ରାତି ଦୁୟ୍‌ ଲକ୍‌ ଗଟେ ଟାଟିଏ ସୟ୍‌ରେତି, ଗଟ୍‌ଲକ୍‌କେ ଦିଆଅୟ୍‌ଦ୍‌ ଆରେକ୍‌ ଗଟ୍‌ଲକ୍‌କେ ଚାଡା ଅୟ୍‌ଦ୍‌ । 
\v 35 ଜଳେକ୍‌ ମାଇଜି ଗଟ୍‌ତଃୟ୍‌ ରୁଚ୍‌ତି ରେତି ଗଟ୍‌ଲକେ ଦିଆଅୟ୍‌ଦ୍‌ ଆର୍‌ ଗଟ୍‌ଲକେ ଚାଡା ଅୟ୍‌ଦ୍‌ ।” 
\v 36 ଦୁୟ୍‌ଲକ୍‌ କାମ୍‍ହଃଦାୟ୍‌ ରେତି, ଏକ୍ଲାକେ ଦିଆଅୟ୍‌ଦ୍‌ ଆର୍‌ ଗଟ୍‌ଲକ୍‌କେ ଚାଡା ଅୟ୍‌ଦ୍‌ ।
\p
\v 37 ତଃବେ ଚେଲାମଃନ୍ ହଃଚାର୍ଲାୟ୍‌, “ଏ ମାପ୍ରୁ ଇ ଗଃଟ୍‍ଣା କୁୟ୍‌ତି ଗଃଟେଦ୍‌ ?”
\p ଜିସୁ ସେମଃନ୍‌କେ କୟ୍‌ଲା, “ଜୁୟ୍‌ଟାଣେ ମଃଲା ଗଃଗାଳ୍‌ ରଃୟ୍‌ଦ୍‌, ସେଟାଣେ ରାବଣ୍‌ମଃନ୍‌ ହେଁ ଗଟେତଃୟ୍‌ ରୁଣ୍ଡ୍‌ତି ।”
\c 18
\s ଗଟ୍‌ ବିଚାର୍‌କଃରୁ ଆର୍‌ ରାଣ୍ଡିର୍‌ କଃତା
\p
\v 1 ବାଙ୍ଗି ନଃହେଳି ସଃବୁବଃଳ୍‌ ପାର୍ତ୍‌ନା କଃର୍ତାର୍‌ ଜେ ଲଳା, ଇ କଃତା ଜିସୁ ସେମଃନ୍‌କେ ଗଟ୍‌ କଃତା କୟ୍‌ ବୁଜାୟ୍‌ଲା, 
\v 2 “ଗଟ୍‌ ଗଃଳେ ଗଟ୍‌ ବିଚାର୍‌କଃରୁ ରିଲା, ସେ ଇସ୍ୱର୍‌କେ ନଃଡିର୍‌ତି ରିଲା କି ଲକ୍‌ମଃନ୍‌କେ ହେଁ ନଃମାନ୍‌ତି ରିଲା । 
\v 3 ସେ ଗଃଳେ ଗଟେକ୍‌ ରାଣ୍ଡି ରିଲି, ସେ ରାଣ୍ଡି ତର୍‌କେ ତର୍‌ ତାର୍‌ ହାକ୍‌ ଜାୟ୍‌କଃରି କଃଉତିରିଲି, ମର୍‌ ସଃତ୍ରୁର୍‌ ଅନ୍ୟାୟ୍‌ର୍‌ ବିଚାର୍‌ କଃରି ମକେ ନ୍ୟାୟ୍‌ ଦେ । 
\v 4 ଆର୍‌ ସେ ବିଚାର୍‌କଃରୁ ମାନାୟ୍‌ ସେ ରାଣ୍ଡିକେ ଉହ୍‌କାର୍‌ କଃରୁକେ ରାଜି ଅଃଉଁକେ ନଃଚ୍‌ତିରିଲା; ମଃତର୍‌ ହଃଚେ ସେ ମଃନେ ମଃନେ କୟ୍‌ଲା, ‘ଜଦି ମୁଁୟ୍‌ ଇସ୍ୱର୍‌କେ ନଃଡିରୁଲେ କି ନଃର୍‌ମଃନ୍‌କେ ମାନ୍‌ତି ନଃକେରୁଲେ, 
\v 5 ଅୟ୍‌ଲେକ୍‌ ହେଁ ଇ ରାଣ୍ଡି ମକ୍‌ କଃସ୍ଟ୍‌ ଦେଉଁଲି ଇତାର୍‌ ଗିନେ ମୁଁୟ୍‌ ତାର୍‌ ସଃତ୍ରୁର୍‌ ବିଚାର୍‌ କଃରି ତାକ୍‌ ନ୍ୟାୟ୍‌ ଅଃଦିକାର୍‌ ଦଃୟ୍‌ନ୍ଦ୍; ନୟ୍‌ଲେକ୍‌ ସେ ସଃବୁବଃଳ୍‌ ଆସି ମକ୍‌ ବିସାଉଁକ୍‌ ନଃଦେୟ୍‌ ।’”
\p
\v 6 ସେତାକ୍‌ ମାପ୍ରୁ କୟ୍‌ଲା, “ଇ ଅଃନ୍ୟାୟ୍‌ ବିଚାର୍‌କଃରୁ କାୟ୍‌ରି କଃଉଁଲା ସେରି ସୁଣା । 
\v 7 ତଃବେ ଇସ୍ୱରାର୍‌ ଜୁୟ୍‌ ବାଚ୍‌ଲାର୍‌ ଲକ୍‌ମଃନ୍ ଦିନ୍‌ରାତି ତାର୍‌ ତଃୟ୍‌ହୁଣି ଉହ୍‌କାର୍‌ ହାଉଁକେ ତାକେ କୁଦ୍‌ତିରେତି, ତଃବେ ସେ କି ସେମଃନ୍‌କେ କଃଲା ନ୍ୟାୟ୍‌ ବିଚାର୍‌ ନଃକେରେ ? 
\v 8 ମୁଁୟ୍‌ ତୁମିମଃନ୍‌କେ କଃଉଁଲେ, ସେ ବେଗି ସେମଃନ୍‌କେ ଅୟ୍‌ରିଲାର୍‌ ନ୍ୟାୟ୍‌ ବିଚାର୍‌ କଃରେଦ୍‌, ମଃତର୍‌ ନଃରାର୍‌ ହୟ୍‌ସି ଆସି ହୁର୍ତିବିଏ କାୟ୍‌ରି ବିସ୍ୱାସ୍‌ ଦଃକେଦ୍‌ ?”
\s ପାରୁସି ଆର୍‌ ରିବ୍‌ନିର୍‌ କଃତା
\p
\v 9 ନିଜ୍‌ ନିଜ୍‌କେ ଦଃର୍ମିଲକ୍‌ ବଃଲି ଦଃକାୟ୍‌ ଅୟ୍‌ ଆସ୍ର କଃରି ସଃବ୍‌କେ ହିନ୍‌ମାନ୍ କଃର୍ତିରିଲା କଃତି ଲକ୍‌ମଃନ୍‌କେ ଜିସୁ ଇ କଃତା ହେଁ କୟ୍‌ଲା, 
\v 10 “ଦୁୟ୍‌ ଲକ୍‌ ପାର୍ତ୍‌ନା କଃରୁକେ ମନ୍ଦିରେ ଗଃଲାୟ୍‌, ଗଟେକ୍‌ ପାରୁସି ଆର୍‌ ଗଟ୍‌ଲକ୍‌ ରିବ୍‌ନି ।”
\p
\v 11 “ପାରୁସି ଟିଆଅୟ୍‌ ଅଃହ୍‌ଣାର୍‌ ଚଃମେ ଇ ରଃକମ୍‌ ପାର୍ତ୍‌ନା କଃରୁକେ ଦଃର୍‌ଲା, ଏ ଇସ୍ୱର୍‌ ମୁଁୟ୍‌ ତର୍‌ ଦଃର୍ମ୍‌ଗୁଣ୍ କଃତା କଃଉଁଲେ ଜେ, ମୁଁୟ୍‌ ବିନ୍ ସଃବୁ ଲକାର୍‌ ହର୍‌ ଅଃଦଃର୍ମି, ହଃଟ୍‌କାର୍‌, ଦାରିକାମ୍‌ କଃର୍ତା ଲକ୍‌ କି ଇ ରିବ୍‌ନି ହର୍‌ ହେଁ ନାୟ୍‌; 
\v 12 ମୁଁୟ୍‌ ଆଟ୍‌ଦିନ୍‌କେ ଦୁୟ୍‌ ତର୍‌ ଉହାସ୍‌ କଃରୁଲେ, ଆର୍‌ ମୁଁୟ୍‌ ମର୍‌ ସଃବୁ ଆଉଣିର୍‌ ଦଃସ୍‌ବାଗାର୍‌ ବାଗେକ୍‌ ଦେଉଁଲେ ।”
\p
\v 13 “ମଃତର୍‌ ରିବ୍‌ନି ଦୁରିକ୍‌ ଟିଆ ଅୟ୍‌ ସଃର୍ଗ୍‌ହାକ୍‌ ଦଃକୁକ୍‌ ହେଁ ସାସ୍‌ ନଃକେଲା, ମଃତର୍‌ ତାର୍‌ ବୁକେ ମାରିଅୟ୍‌ କଃଉଁକେ ଦଃର୍‌ଲା, ଏ ଇସ୍ୱର୍‌, ମୁଁୟ୍‌ ହାହି ମକ୍‌ ଦଃୟା କଃର୍‌ । 
\v 14 \x + \xo ୧୮:୧୪ \xo*\xt ମାତି ୨୩:୧୨; ଲୁକ ୧୪:୧୧.\xt*\x*ମୁଁୟ୍‌ ତୁମିମଃନ୍‌କେ କଃଉଁଲେ, ପାରୁସି ନଃୟ୍‌ ମଃତର୍‌ ରିବ୍‌ନି ମାପ୍ରୁର୍‌ ଆକାୟ୍‌ ଦଃର୍ମି ଗଃଣାଅୟ୍‌ଲା ଲକ୍‌ ବଃଲି ଅଃହ୍‌ଣାର୍‌ ଗଃରେ ଗଃଲା; କାୟ୍‌ତାକ୍‌ବଃଲେକ୍‌ ଜୁୟ୍‌ଲକ୍‌ ଅଃହ୍‌ଣାକ୍‌ ବଃଡ୍ ବଃଲି ଦଃକାୟ୍‌ ଅୟ୍‌ଦ୍‌, ତାକ୍‌ ମାପ୍ରୁ ସାନ୍ କଃରେଦ୍‌, ମଃତର୍‌ ଜୁୟ୍‌ଲକ୍‌ ନିଜ୍‌କେ ସାନ୍ କଃରେଦ୍‌, ତାକ୍‌ ମାପ୍ରୁ ବଃଡ୍ କଃରେଦ୍‌ ।”
\s ଜିସୁ ସାନ୍ ହିଲାମଃନ୍‌କେ ଆସିର୍ବାଦ୍‌ କଃଲା
\r (ମାତି ୧୯:୧୩-୧୫; ମାର୍କ ୧୦:୧୩-୧୬)
\p
\v 15 ଜିସୁ ଜଃନ୍‌କଃରି ସାନ୍ ସାନ୍ ହିଲାମଃନ୍‌କେ ଚୁୟ୍‌ଦ୍‌, ଇତାର୍‌ ଗିନେ କଃତେକ୍‌ ଲକ୍‌ମଃନ୍ ତାକାର୍‌ ହିଲାମଃନ୍‌କେ ଜିସୁର୍‌ ଲଃଗେ ଆଣୁକେ ଦଃର୍ଲାୟ୍‌; ମଃତର୍‌ ଚେଲାମଃନ୍ ସେରି ଦଃକି ହିଲାମଃନ୍‌କେ ଆଣା ନାୟ୍‌ ବଃଲି ଲକ୍‌ମଃନ୍‌କେ ଦଃକା ଦିଲାୟ୍‌ । 
\v 16 ମଃତର୍‌ ଜିସୁ ସେମଃନ୍‌କେ ତାର୍‌ ଚଃମେ କୁଦିକଃରି କୟ୍‌ଲା, “ସାନ୍ ହିଲାମଃନ୍‌କେ ମର୍‌ ହାକ୍‌ ଆସୁକ୍‌ ଦିଆସ୍‌ ଆର୍‌ ସେମଃନ୍‌କେ ମଃନା କଃରା ନାୟ୍‌; ବଃଲେକ୍‌ ମାପ୍ରୁର୍‌ ରାଇଜ୍‌ ଇ ରଃକମ୍‌ ହିଲାମଃନାର୍‌ । 
\v 17 ମୁଁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ଜୁୟ୍‌ଲକ୍‌ ସାନ୍‌ହିଲା ହର୍‌ ମାପ୍ରୁର୍‌ ରାଇଜ୍‌କେ ନଃଦେରେ, ତଃବେ ସେ କଃବେ ହେଁ ସେତି ହୁରୁକ୍‌ ନାହାରେ ।”
\s ଗଟ୍‌ ମାଜନ୍ ଲକ୍‌
\r (ମାତି ୧୯:୧୬-୩୦; ମାର୍କ ୧୦:୧୭-୩୧)
\p
\v 18 ଗଟ୍‌ ଜିହୁଦିମଃନାର୍‌ ମୁଳିକା ଜିସୁକେ ହଃଚାର୍ଲା, “ଏ ସଃତ୍‌ ଗୁରୁ, ଅଃମ୍ବର୍‌ ଜିବନାର୍‌ ଅଃଦିକାରି ଅଃଉଁକେ ମୁଁୟ୍‌ କାୟ୍‌ରି କଃରିନ୍ଦ୍‌ ?”
\p
\v 19 ସେତାକ୍‌ ଜିସୁ ତାକ୍‌ କୟ୍‌ଲା, “ତୁୟ୍‌ ମକ୍‌ ସଃତ୍‌ ବଃଲି କାୟ୍‌ତାକ୍‌ କଃଉଁଲିସ୍‌ ? ଏକ୍ଲାକେ ଚାଡି, ବଃଲେକ୍‌, ଇସ୍ୱର୍‌କେ ଚାଡି ସଃତ୍‌ କେ ହେଁ ନାୟ୍‌ । 
\v 20 ମାପ୍ରୁର୍‌ ବିଦି ସଃବୁ ତ ତକେ ଜାଣା, ଦାରି କଃରା ନାୟ୍‌, ନଃର୍‌ ଅଃତ୍ୟା କଃରା ନାୟ୍‌, ଚର୍‌ କଃରା ନାୟ୍‌, ଲକାର୍‌ ବିରଦେ ମିଚ୍ ସାକି ଦିଆସ୍‌ ନାୟ୍‌, ଆର୍‌ ଅଃହ୍‌ଣାର୍‌ ଆୟାଉବାକ୍‌ ଆର୍ଦ୍‌ନା କଃରା ।”
\p
\v 21 ସେମାନାୟ୍‌ କୟ୍‌ଲା, “ଇସଃବୁ ମୁଁୟ୍‌ ବେଣ୍ଡ୍ୟାବଃଳ୍‌ହୁଣି ମାନି କଃରି ଆସିଆଚି ।”
\p
\v 22 ଜିସୁ ଇରି ସୁଣି ତାକ୍‌ କୟ୍‌ଲା, “ତର୍‌ ଆରେକ୍‌ ଗଟେକ୍‌ କାମ୍‌ କଃରୁକେ ବାକି ଆଚେ; ତୁୟ୍‌ ଅଃହ୍‌ଣାର୍‌ ସଃର୍ନେ ଦଃନ୍‌ବିତ୍‌ ବିକିକଃରି ଗଃରିବ୍‌ମଃନ୍‌କେ ବାଟିଦେସ୍‌ ଆର୍‌ ତୁୟ୍‌ ସଃର୍ଗେ ଦଃନ୍ ହାଉସି; ଆରେକ୍‌ ମର୍‌ ହଃଚେ ହଃଚେ ଆଉ ।” 
\v 23 ମଃତର୍‌ ସେ ଇସଃବୁ କଃତା ସୁଣିକଃରି ବଃଡେ ଦୁକ୍‌ ଅୟ୍‌ଲା, କାୟ୍‌ତାକ୍‌ବଃଲେକ୍‌ ସେ ବଃଡେ ମାଜନ୍ ରିଲା ।
\p
\v 24 ସେତାକ୍‌ ସେ ଦୁକ୍‌ ଅୟ୍‌ଲାର୍‌ ଦଃକି ଜିସୁ କୟ୍‌ଲା, “ଜୁୟ୍‌ ଲକ୍‌ମଃନାର୍‌ ଦଃନ୍ ଆଚେ ସେମଃନ୍ କଃଡେ କଃସ୍ଟେ ଇସ୍ୱରାର୍‌ ରାଇଜେ ଜାତି । 
\v 25 କାୟ୍‌ତାକ୍‌ବଃଲେକ୍‌ ଗଟ୍‌ ମାଜନ୍‌ ଲକ୍‌ ଇସ୍ୱରାର୍‌ ରାଇଜେ ଜାତା ବାଟା, ସୁତ୍‌ଲିର୍‌ କାଣାବାଟ୍‌ ଅୟ୍‌ ଉଟ୍‌ ଚିଙ୍ଗୁଳ୍‌ତାର୍‌ ଉସାସ୍‌ ।”
\p
\v 26 ଜୁୟ୍‌ ଲକ୍‌ମଃନ୍ ଇସଃବୁ କଃତା ସୁଣ୍‌ଲାୟ୍‌, ସେମଃନ୍ ଜିସୁକେ କୟ୍‌ଲାୟ୍‌, “ତଃବେ କେ ମୁକ୍ତି ଅଃଉଁ ହାରେ ?”
\p
\v 27 ମଃତର୍‌ ଜିସୁ କୟ୍‌ଲା, “ଜାୟ୍‌ରି ମାନାୟ୍‌ମଃନାର୍‌ ଆତେ ନାୟ୍‌, ସେରି ଇସ୍ୱରାର୍‌ ତଃୟ୍‌ ଅୟ୍‌ଦ୍‌ ।”
\p
\v 28 ସେତାକ୍‌ ପିତର୍‌ କୟ୍‌ଲା, “ଦୁକ୍‌, ଅଃମିମଃନ୍‌ ଅଃହ୍‌ଣା ଅଃହ୍‌ଣାର୍‌ ସଃର୍ନେ ଦଃନ୍‌ବିତ୍‌ ଚାଡିକଃରି ତର୍‌ ହଃଚେ ହଃଚେ ଆୟ୍‌ଲୁ ଆଚୁ ।”
\p
\v 29 ଜିସୁ ସେମଃନ୍‌କେ କୟ୍‌ଲା, “ମୁଁୟ୍‌ ତୁମିମଃନ୍‌କେ ସଃତ୍‌ କଃରି କଃଉଁଲେ, ଜୁୟ୍‌ ଲକ୍‌ମଃନ୍ ଇସ୍ୱରାର୍‌ ରାଇଜ୍‌ ଗିନେ ଗଃର୍‌ କି ଡକୁର୍ସିକେ, ବାୟ୍‌ କି ଉବାଆୟା କି ହିଲାଟକି ଚାଡି ଆଚ୍‌ତି, 
\v 30 ଇ ହୁରେ ବୁତେକ୍‌ଗୁଣ୍ ଆର୍‌ ସେ ଜୁଗେ ଅଃମ୍ବର୍‌ ଜିବନ୍ ନଃହାୟ୍‌, ଇବାନ୍ୟା ଲକ୍‌ କେହେଁ ନାୟ୍‌ ।”
\s ଜିସୁ ଅଃହ୍‌ଣାର୍‌ ମଃର୍ନ୍‌ କଃତା ଆର୍‌ ସଃଙ୍ଗ୍ ତିନିତର୍‌ ଅୟ୍‌ଲି କୟ୍‌ଲା
\r (ମାତି ୨୦:୧୭-୧୯; ମାର୍କ ୧୦:୩୨-୩୪)
\p
\v 31 ତାର୍‌ହଃଚେ ଜିସୁ ବାରଗଟ୍‌ ଚେଲାମଃନ୍‌କେ ଅଃଲ୍‌ଗା କଃରି ସେମଃନ୍‌କେ କୟ୍‌ଲା, “ଦଃକା ଅଃମିମଃନ୍‌ ଜିରୁସାଲମେ ଜଃଉଁଲୁ, ଆର୍‌ ନଃରାର୍‌ ହୟ୍‌ସିର୍‌ କଃତା ବାବ୍‌ବାଦିମଃନ୍ ଜୁୟ୍‌ ସଃବୁ ବିସୟ୍‌ ଲେକି ଆଚ୍‌ତି, ସେରିସଃବୁ ହୁର୍ନ୍‌ ଅୟ୍‌ଦ୍‌; 
\v 32 କାୟ୍‌ତାକ୍‌ବଃଲେକ୍‌ ସେ ଅଜିଉଦିମଃନାର୍‌ ଆତେ ସଃହ୍ରି ଅୟ୍‌ଦ୍‌, ଆରେକ୍‌ ସେମଃନ୍ ତାକ୍‌ ଟାହ୍ରା କଃର୍ତି, ତାକ୍‌ ଇନସ୍ତା କଃରି ତାର୍‌ ଉହ୍ରେ ଲାଳ୍‌ ତୁକ୍‌ତି । 
\v 33 ତାକେ ସାଟ୍‍ଣି ସଃଙ୍ଗ୍ ମାଡ୍‌ମାରି ମଃର୍ନେ ମାର୍ତି; ମଃତର୍‌ ସେ ତିନି ଦିନାର୍‌ ତଃଳେ ଜିବନ୍ ହାୟ୍‌ ଉଟେଦ୍‌ ।”
\p
\v 34 ମଃତର୍‌ ଚେଲାମଃନ୍ ଇସଃବୁ କଃତା ମୁଳ୍‌କେ ବୁଜୁ ନଃହାର୍‌ଲାୟ୍‌; ଇ କଃତା ସେମଃନାର୍‌ ତଃୟ୍‌ହୁଣି ଲୁକ୍‌ଣେ ରିଲି, ଆର୍‌ ଜାୟ୍‌ ଜାୟ୍‌ରି କଃଉଆ ଅଃଉତି ରିଲି, ସେସଃବୁ ସେମଃନ୍ ବୁଜୁ ନଃହାର୍‌ତିରିଲାୟ୍‌ ।
\s ଜିସୁ ଗଟେକ୍‌ କାଣା ବିକାରିକେ ଆକି ଦଃକାୟ୍‌ଲା
\r (ମାତି ୨୦:୨୯-୩୪; ମାର୍କ ୧୦:୪୬-୫୨)
\p
\v 35 ଜିସୁ ଜିରିହର୍‌ ଲଃଗେ ଅଃଉତି ରିଲା ବଃଳ୍‌ ଗଟେକ୍‌ କାଣା ମାନାୟ୍‌ ବାଟ୍‌ଲଃଗେ ବଃସିକଃରି ବିକ୍‌ ମାଗ୍‌ତିରିଲା । 
\v 36 ସେ କାଣା ଲକ୍‌ମଃନ୍ଦା ଉଲ୍‌ଗାଟ୍‌ ଅୟ୍‌ ଜାତାର୍‌ ସୁଣିକଃରି, “କଃତା କାୟ୍‌ରି ?” ବଃଲି ହଃଚାରୁକ୍‌ ଦଃର୍ଲା ।
\p
\v 37 ଲକ୍‌ମଃନ୍ ତାକ୍‌ କୟ୍‌ଲାୟ୍‌, “ନାଜରିତ୍‌ ଜିସୁ ଇ ବାଟ୍‌ ଅୟ୍‌ ଜଃଉଁଲା ।”
\p
\v 38 ସେତାକ୍‌ କାଣା ବଃଡ୍ ଟଣ୍ଡେ ଅୟ୍‌ କୟ୍‌ଲା, “ଏ ଦାଉଦାର୍‌ ହୟ୍‌ସି ଜିସୁ ମକ୍‌ ଦଃୟା କଃର୍‌ ।”
\p
\v 39 ମଃତର୍‌ ଆଗାଳି ଜାତିରିଲା ଲକ୍‌ମଃନ୍ ତାକ୍‌ ତୁନ୍‌ ହାଳୁକ୍‌ ଦଃକା ଦେଉଁକେ ଦଃର୍ଲାୟ୍‌, ମଃତର୍‌ ସେ ଆରେକ୍‌ ଅଃଦିକ୍‌ ବଃଡ୍ ଟଣ୍ଡେ କଃଉଁକେ ଦଃର୍ଲା “ଏ ଦାଉଦାର୍‌ ହୟ୍‌ସି, ମକ୍‌ ଦଃୟା କଃର୍‌ ।”
\p
\v 40 ସେତାକ୍‌ ଜିସୁ ସେତି ତେବିକଃରି ତାକେ ମର୍‌ ହାକ୍‌ ଆଣା ବଃଲି କୟ୍‌ଲା; ଆରେକ୍‌ ସେ ଚଃମେ ହଚ୍‌ଲାକ୍‌, ଜିସୁ ତାକ୍‌ ହଃଚାର୍ଲା, 
\v 41 “ମୁଁୟ୍‌ ତର୍‌ ଗିନେ କାୟ୍‌ରି କଃରିନ୍ଦ୍‌ ବଃଲି ତୁୟ୍‌ ମଃନ୍ କଃରୁଲିସ୍‌ ?”
\p ସେ କୟ୍‌ଲା, “ଏ ମାପ୍ରୁ ମୁଁୟ୍‌ ଜଃନ୍‌କଃରିକି ଆରେକ୍‌ ଦଃକୁକ୍‌ ହାରିନ୍ଦ୍ ।”
\p
\v 42 ଜିସୁ ତାକ୍‌ କୟ୍‌ଲା, “ତଃବେ ଦଃକ୍‌ ! ତର୍‌ ବିସ୍ୱାସ୍‌ ତକେ ଉଜ୍‌ କଃରିଆଚେ ।”
\p
\v 43 ସେଦାହ୍ରେ ସେ ଆକି ହାୟ୍‌ ଇସ୍ୱରାର୍‌ ଗୁଣ୍ କଃତା କୟ୍‌ କୟ୍‌ କଃରି ଜିସୁର୍‌ ହଃଚେ ହଃଚେ ଜଃଉଁକେ ଦଃର୍ଲା ଆର୍‌ ସଃବୁଲକ୍‌ ସେରି ଦଃକିକଃରି ମାପ୍ରୁର୍‌ ଗୁଣ୍‌ଗିତ୍‌ କୟ୍‌ଲାୟ୍‌ ।
\c 19
\s ଜିସୁ ଆର୍‌ ଜକିୟ
\p
\v 1 ହଃଚେ ଜିସୁ ଜିରିହ ଜାୟ୍‌ ସେବାଟ୍ୟା ଅୟ୍‌ ଜାତିରିଲା, 
\v 2 ଆର୍‌ ଦଃକା, ଜକିୟ ନାଉଁଆର୍‌ ଗଟ୍‌ ମାନାୟ୍‌ ରିଲା, ସେ ଗଟ୍‌ ମୁଳିକା ରିବ୍‌ନି ଆର୍‌ ମାଜନ୍ ଲକ୍‌ ରିଲା । 
\v 3 ଜିସୁ କେ ବଃଲି ସେରି ଦଃକୁକ୍‌ ସେ ଉପାୟ୍‌ କଃର୍ତିରିଲା, ମଃତର୍‌ ଲକ୍‌ମଃନ୍ଦା ବିତ୍ରେ ଦଃକୁ ନଃହାର୍‌ତିରିଲା, ବଃଲେକ୍‌ ସେ ବୁଟ୍‌କା ରିଲା । 
\v 4 ସେତାକ୍‌ ସେ ଲକ୍‌ମଃନାର୍‌ ଆଗେ ଦଃବ୍‌ଳି ଜାୟ୍‌ ଜିସୁକେ ଦଃକୁକ୍‌ ଗଟ୍‌ ଡୁମ୍ବୁର୍‌ ଗଃଚେ ଚଃଗ୍‌ଲା, କାୟ୍‌ତାକ୍‌ବଃଲେକ୍‌ ସେ ବାଟ ଅୟ୍‌ ଜିସୁ ଜାତାର୍‌ ରିଲି । 
\v 5 ଜିସୁ ସେତି ଆସି ଉହ୍ରେ ଦଃକି ତାକେ କୟ୍‌ଲା, “ଜକିୟ, ବେଗି ଉତ୍ରି ଆଉ ଆଜି ମକ୍‌ ବାୟ୍‌ଦ୍‌ରେ ତର୍‌ ଗଃରେ ରେଉଁକ୍‌ ହଃଳେଦ୍‌ ।”
\p
\v 6 ସେତାକ୍‌ ସେ ସେଦାହ୍ରେ ଉତ୍ରି ଆସି ସଃର୍ଦାୟ୍‌ ତାକ୍‌ ଗଃରେ କୁଦ୍‌ଲା । 
\v 7 ସେରି ଦଃକି ସଃବୁଲକ୍‌ ଲିନ୍ଦା କଃରି କଃଉଁକେ ଦଃର୍ଲାୟ୍‌, “ସେ ଗଟ୍‌ ହାହି ଗଃରେ ରେଉଁକ୍‌ ଜଃଉଁଲା ।”
\p
\v 8 ମଃତର୍‌ ଜକିୟ ଉଟିକଃରି ଜିସୁକେ କୟ୍‌ଲା, “ଏ ମାପ୍ରୁ, ଦଃକ୍‌, ମର୍‌ ଆଦ୍‌ବାଗ୍ ଦଃନ୍ ମୁଁୟ୍‌ ନୟ୍‌ଲା ଲକ୍‌କେ ଦେଉଁଲେ, ଆର୍‌ ଜଦି ବଃଳ୍‌ମାଡେ କାର୍‌ ତଃୟ୍‌ହୁଣି କାୟ୍‌ରି ଆଣି ରଃୟ୍‌ନ୍ଦ୍, ତଃବେ ଚାରି ଗୁଣ୍ ବାଉଳାୟ୍‌ ଦେଉଁଲେ ।”
\p
\v 9 ସେତାକ୍‌ ଜିସୁ ତାର୍‌ କଃତା କୟ୍‌ଲା, “ଆଜି ଇ ଗଃରେ ମୁକ୍ତି ହଚିଆଚେ, ସେତାକ୍‌ ଏ ହେଁ ଗଟେକ୍‌ ଅବ୍ରାହାମାର୍‌ ହିଲା । 
\v 10 \x + \xo ୧୯:୧୦ \xo*\xt ମାତି ୧୮:୧୧.\xt*\x*କାୟ୍‌ତାକ୍‌ବଃଲେକ୍‌ ଜୁୟ୍‌ରି ଆଜି ଆଚେ, ସେରି ଲଳି ବଚାଉଁକେ ନଃରାର୍‌ ହୟ୍‌ସି ଆସିଆଚେ ।”
\s ସନା ଟଃକାର୍‌ କଃତା
\r (ମାତି ୨୫:୧୪-୩୦)
\p
\v 11 ଲକ୍‌ମଃନ୍ ଇ କଃତାମଃନ୍‌ ସୁଣ୍‌ତା ବଃଳ୍‌ ସେ ଆରେକ୍‌ ଗଟ୍‌ କଃତା କୟ୍‌ଲା, “କାୟ୍‌ତାକ୍‌ବଃଲେକ୍‌ ସେ ଜିରୁସାଲମ୍‌ ଚଃମେ ଅୟ୍‌ରିଲା ଆର୍‌ ମାପ୍ରୁର୍‌ ରାଇଜ୍‌ ବେଗି ଆସେଦ୍‌ ବଃଲି ସେମଃନ୍ ବାବ୍‌ତିରିଲାୟ୍‌ ।” 
\v 12 ସେତାକ୍‌ ଜିସୁ କୟ୍‌ଲା, “ଗଟେକ୍‌ ବଃଡ୍ ଲକ୍‌ ଅଃହ୍‌ଣାର୍‌ ଗିନେ ରଃଜାହଃଦ୍‌ ହାୟ୍‌ କଃରି ବାଉଳି ଆସୁକ୍‌ ଦୁରି ଦେସ୍‌କେ ଗଃଲା । 
\v 13 ସେ ଅଃହ୍‌ଣାର୍‌ ଦଃସ୍‌ଗଟ୍‌ ଗତିଦଃଙ୍ଗ୍‌ଳାମଃନ୍‌କ୍‌ କୁଦିକଃରି ସେମଃନ୍‌କେ ହଃତି ଲକ୍‌କେ ଗଟେକ୍‌ ଲେକା ସନାଅଦ୍ଲି ଦଃୟ୍‌ କୟ୍‌ଲା, ‘ମୁଁୟ୍‌ ଆସ୍ତା ହଃତେକ୍‌ ବେବାର୍‌ କଃରା ।’ 
\v 14 ମଃତର୍‌ ତାର୍‌ ଦେସାର୍‌ ଲକ୍‌ମଃନ୍ ତାକେ ଗିଣ୍ କଃର୍ତି ରିଲାୟ୍‌, ଆର୍‌ ସେମଃନ୍ ତାର୍‌ ହଃଚେ କବୁର୍‌କାରିଆକେ ହଃଟାୟ୍‌ କୟ୍‌ଲାୟ୍‌, ‘ଇ ମାନାୟ୍‌ ଅଃମାର୍‌ ଉହ୍ରେ ରାଜ୍‌ କଃରେଦ୍‌, ଇରି ଅଃମାର୍‌ ମଃନ୍ ନାୟ୍‌ ।’”
\p
\v 15 “ହଃଚେ ସେ ରାଇଜ୍‌ କଃର୍ତା ରଃଜାହଃଦ୍‌ ହାୟ୍‌ ବାଉଳି ଆସି ଜୁୟ୍‌ ଗତିଦଃଙ୍ଗ୍‌ଳାମଃନ୍‌କ୍‌ ଦଃନ୍ ଦଃୟ୍‌ରିଲା ସେମଃନାର୍‌ ବିତ୍ରେ ବେବାର୍‌ କଃରି କେ କଃତେକ୍‌ ଲାବ୍‌ କଃଲା ଆଚେ, ସେରି ଜାଣୁକେ ସେମଃନ୍‌କେ ତାର୍‌ ଚଃମେ କୁଦି ଆଣୁକେ କୟ୍‌ଲା । 
\v 16 ସେତାକ୍‌ ହଃର୍ତୁର୍‌ ମାନାୟ୍‌ ଆସି କୟ୍‌ଲା, ‘ମାପ୍ରୁ, ତୁଇ ଦିଲା ସନାଅଦ୍ଲି ନଃୟ୍‌ ଆରେକ୍‌ ଦଃସ୍‌ଗଟ୍‌ ସନା ଅଦ୍‌ଲି ଲାବ୍‌ କଃଲେ ଆଚି ।’ 
\v 17 ସେ ତାକେ କୟ୍‌ଲା, ‘ନିକ କଃତା, ତୁୟ୍‌ ସଃତ୍‌ ଗତିଦଃଙ୍ଗ୍‌ଳା, ତୁୟ୍‌ କଃଡେକ୍‌ ସାନ୍‌ କଃତାୟ୍‌ ବିସ୍ୱାସ୍‌ ସଃଙ୍ଗ୍ କାମ୍‌ କଃରି ଆଚ୍‌ସି ବଃଲି ଦଃସ୍‌ ଗଟ୍‌ ଗଃଳ୍‌ ଉହ୍ରେ ଅଃଦିକାରି ଅଃଉ ।’ 
\v 18 ତାର୍‌ ହଃଚାର୍‌ ଆରେକ୍‌ ଗଟ୍‌ ମାନାୟ୍‌ ଆସି କୟ୍‌ଲା, ‘ସାଉକାର୍‌ ତର୍‌ ଗଟେକ୍‌ ଟଃକାୟ୍‌ ଆରେକ୍‌ ହାଁଚ୍‌ଗଟ୍‌ ସନାଅଦ୍ଲି ଲାବ୍‌ କଃଲେ ଆଚି ।’ 
\v 19 ସେ ତାକେ ହେଁ କୟ୍‌ଲା, ‘ତୁୟ୍‌ ହେଁ ହାଁଚ୍ ଗଟ୍‌ ଗଃଳ୍‌ ଉହ୍ରେ ଅଃଦିକାର୍‌ ଅଃଉ ।’”
\p
\v 20 “ସଃରାସଃରି ମାନାୟ୍‌ ଆସି କୟ୍‌ଲା, ସାଉକାର୍‌, ଦଃକ୍‌ ଇରି ତର୍‌ ସନାଅଦ୍ଲି, ମୁଁୟ୍‌ ଇରି ତୁଆଲ୍‌ ଗଃଟାୟ୍‌ ବାନ୍ଦି ସଃଙ୍ଗାୟ୍‌ରିଲେ; 
\v 21 ବଃଲେକ୍‌ ମୁଁୟ୍‌ ତକେ ଡିର୍‌ଲେ କାୟ୍‌ତାକ୍‌ବଃଲେକ୍‌ ତୁୟ୍‌ ଗଟେକ୍‌ କଃଟି ମାନାୟ୍‌, ଜୁୟ୍‌ରି ସଃଙ୍ଗାୟ୍‌ ନଃରେସି ସେରି ଟେକି ନେସି, ଆରେକ୍‌ ଜାୟ୍‌ରି ବୁଣି ନଃରେସି ସେରି କାଟି ନେସି । 
\v 22 ସେ ତାକେ କୟ୍‌ଲା, ‘ଏରେ ଦୁସ୍ଟ୍‌ ଗତିଦଃଙ୍ଗ୍‌ଳା, ତର୍‌ କୟ୍‌ଲା କଃତାୟ୍‌ ତର୍‌ ବିଚାର୍‌ କଃରିନ୍ଦ୍‌, ମୁୟ୍‌ଁ ଗଟେକ୍‌ କଃଟି ମାନାୟ୍‌, ଜୁୟ୍‌ରି ସଃଙ୍ଗାୟ୍‌ ନଃରେୟ୍‌ଁ, ସେରି ଟେକି ନଃୟ୍‌ନ୍ଦ୍, ଆର୍‌ ଜୁୟ୍‌ରି ବୁଣି ନଃରେୟ୍‌ଁ ସେରି କାଟିନ୍ଦ୍, ଇରି ଜାଣିରିଲିସ୍‌ । 
\v 23 ତଃନ୍‌ଅଲେ ବେଙ୍କେ ମର୍‌ ଟଃକା କାୟ୍‌କଃରୁକ୍‌ ସଃଙ୍ଗାୟ୍‌ ନଃରିଲିସ୍‌ ? ତଃବେ ମୁଁୟ୍‌ ଆସି କଃଣ୍‌ତର୍‌ ସଃଙ୍ଗ୍ ହାୟ୍‌ଲେହୁଣି ।’”
\p
\v 24 “ଆରେକ୍‌ ସେ ଲଃଗେ ଟିଅୟ୍‌ ରିଲା ଲକ୍‌ମଃନ୍‌କେ ରଃଜା କୟ୍‌ଲା, ଆର୍‌ ତଃୟ୍‌ହୁଣି ଇ ଦଃନ୍ ନଃୟ୍‌ ଜାୟ୍‌ ଜାର୍‌ ତଃୟ୍‌ ଦଃସ୍‌ଗଟ୍‌ ସନାଅଦ୍ଲି ଆଚେ ତାକେ ଦିଆସ୍‌ । 
\v 25 ସେତାକ୍‌ ସେମଃନ୍ ତାକେ କୟ୍‌ଲାୟ୍‌, ମାପ୍ରୁ, ତାର୍‌ ତ ଦଃସ୍‌ ଗଟ୍‌ ସନାଅଦ୍ଲି । 
\v 26 \x + \xo ୧୯:୨୬ \xo*\xt ମାତି ୧୩:୧୨; ମାର୍କ ୪:୨୫; ଲୁକ ୮:୧୮.\xt*\x*ମୁଁୟ୍‌ ତୁମିମଃନ୍‌କେ କଃଉଁଲେ, ଜୁୟ୍‌ ଲକାର୍‌ ଆଚେ ତାକେ ଦିଆଅୟ୍‌ଦ୍‌, ମଃତର୍‌ ଜାର୍‌ ନାୟ୍‌ ତାର୍‌ ତଃୟ୍‌ ଜାୟ୍‌ରି ଆଚେ, ସେରି ହେଁ ତାର୍‌ ତଃୟ୍‌ହୁଣି ନିଆ ଅୟ୍‌ଦ୍‌ । 
\v 27 \x + \xo ୧୯:୨୭ \xo*\xt ମାତି ୨୫:୧୪-୩୦.\xt*\x*ମଃତର୍‌ ମର୍‌ ଇ ଜୁୟ୍‌ ସଃତ୍ରୁମଃନ୍‌ ମୁଁୟ୍‌ ସେମଃନାର୍‌ ଉହ୍ରେ ରାଜ୍‌ କଃର ବଃଲି ମଃନ୍‌ ନଃକେର୍‌ତି ରିଲାୟ୍‌, ସେମଃନ୍‌କେ ଇତି ଆଣି ମର୍‌ ମୁଏଁ ଅଃତ୍ୟା କଃରା ।”
\s ଜିସୁ ଗଃଦ ଉହ୍ରେ ବଃସି ଜିରୁସାଲମେ ଗଃଲା
\r (ମାତି ୨୧:୧-୧୧; ମାର୍କ ୧୧:୧-୧୧; ଜହ ୧୨:୧୨-୧୯)
\p
\v 28 ଇ ସଃବୁ କଃତା କୟ୍‌ ସଃର୍ଲା ହଃଚେ, ଜିସୁ ଚେଲାମଃନାର୍‌ ଆଗେ ଆଗେ ବାରାୟ୍‌ ଜିରୁସାଲମ୍‌ ବାଟ ଜଃଉଁକେ ଦଃର୍ଲା । 
\v 29 ଆର୍‌ ଜଃଡେବଃଳ୍‌ ସେ ଜିତ୍‌ହଃର୍ବାତ୍‌ ଲଃଗାର୍‌ ବେତ୍‌ପାଗି ଆର୍‌ ବେତାନିଆ ଲଃଗେ ହଚ୍‌ଲାକେ, ସଃଡେବଃଳ୍‌ ସେ ଅଃହ୍‌ଣାର୍‌ ଚେଲାମଃନାର୍‌ ବିତ୍ରେ ଦୁୟ୍‌ ଲକ୍‌କେ ଇ କଃତା କୟ୍‌ ହଃଟାୟ୍‌ଲା, 
\v 30 “ତୁମାର୍‌ ମୁଉଁ ସାମ୍‌ନାୟ୍‌ ରିଲା ହୟ୍‌ ଗାଉଁଏ ଜାହା; ସେତି ହୁର୍ତାବଃଳ୍‌ ଜାର୍‌ ଉହ୍ରେ କେ ହେଁ କଃବେ ବଃସି ନଃରେୟ୍‌, ଅଃନ୍‌କାର୍‌ ଗଟ୍‌ ହିଲାଗଃଦକେ ବାନ୍ଦା ଅୟ୍‌ରିଲାର୍‌ ଦଃକାସ୍‌; ତାକେ ମେଲି ଆଣା । 
\v 31 ଆର୍‌ ଜଃବେ କେ ତୁମିମଃନ୍‌କେ କାୟ୍‌କଃରୁକ୍‌ ମେଲୁଲାସ୍‌ ବଃଲି ହଃଚାର୍ଲା, ଆକ୍‌ ମାପ୍ରୁର୍‌ ଲଳା ଆଚେ ସେତାର୍‌ ଗିନେ ବଃଲି କଃଉଆ ।”
\p
\v 32 ସେତାକ୍‌, ହଃଟାୟ୍‌ଲା ଚେଲାମଃନ୍ ଜାୟ୍‌କଃରି, ସେ ସେମଃନ୍‌କେ ଜଃନ୍‌କଃରି କୟ୍‌ରିଲା ସେରଃକମ୍‌ ଦଃକ୍‌ଲାୟ୍‌ । 
\v 33 ଆର୍‌, ସେମଃନ୍ ଗଃଦହିଲାକେ ମେଲ୍‌ତା ବଃଳ୍‌ ତାର୍‌ ସାଉକାର୍‌ମଃନ୍ ସେମଃନ୍‌କେ ହଃଚାର୍ଲାୟ୍‌, “କାୟ୍‌କଃରୁକ୍‌ ହିଲାଗଃଦକେ ମେଲୁଲାସ୍‌ ?”
\p
\v 34 ସେମଃନ୍ କୟ୍‌ଲାୟ୍‌, “କାୟ୍‌ତାକ୍‌ବଃଲେକ୍‌ ଆକ୍‌ ମାପ୍ରୁର୍‌ ଲଳା ଆଚେ ।” 
\v 35 ଆର୍‌ ସେମଃନ୍ ହିଲାଗଃଦକେ ଜିସୁର୍‌ ହାକ୍‌ ଆଣି ତାର୍‌ ଉହ୍ରେ ଅଃହ୍‌ଣା ଅଃହ୍‌ଣାର୍‌ ବଃସ୍ତର୍‌ ଅଚାୟ୍‌ ଜିସୁକେ ବଃସାୟ୍‌ଲାୟ୍‌ । 
\v 36 ଆର୍‌ ସେ ଜାତାବଃଳ୍‌ ଲକ୍‌ମଃନ୍ ବାଟେ ଅଃହ୍‌ଣା ଅଃହ୍‌ଣାର୍‌ ବଃସ୍ତର୍‌ ଅଚାୟ୍‌ ଦେଉଁକେ ଦଃର୍ଲାୟ୍‌ । \fig ଜିସୁ ଜିଣିକଃରି ଜିରୁସାଲମେ ଜାତାର୍‌|alt="Jesus’ Triumphant entry to Jerusalem" src="lb00315c.tif" size="span" copy="Horace Knowles ©" ref="19:36"\fig*
\p
\v 37 ଆରେକ୍‌, ଜିସୁ ଜଃଡେବଃଳ୍‌ ଜିତ୍‌ ଡଙ୍ଗ୍ରାର୍‌ କଃଳ୍‌କି ଲଃଗେ ଅୟ୍‌ଲା, ସଃଡେବଃଳ୍‌ ସଃର୍ନେ ଚେଲାମଃନ୍ଦା ଦଃକିରିଲା ସଃବୁ ସଃକ୍ତିର୍‌ କାମାର୍‌ ଗିନେ ସଃର୍ଦା ଅୟ୍‌ ଆଉଲି ଅୟ୍‌କଃରି ଇସ୍ୱରାର୍‌ ଗୁଣ୍ କଃଉ କଃଉ କୟ୍‌ଲାୟ୍‌, 
\v 38 “ମାପ୍ରୁର୍‌ ନାଉଁଏ ଜୁୟ୍‌ ରଃଜା ଆସୁଲା, ତାର୍‌ ବଃଡ୍‌ ବାୟ୍‌ଗ୍‌, ସଃର୍ଗାର୍‌ ସୁସ୍ତା ଆର୍‌ ଇସ୍ୱରାର୍‌ ଜଃଜ୍‌ମାନ୍ ଅଃଉଅ ।”
\p
\v 39 ସେତାକ୍‌ ଲକ୍‌ମଃନାର୍‌ ବିତ୍ରେ କଃତିଗଟ୍‌ ପାରୁସି ତାକେ ଦଃକା ଦିଲାୟ୍‌, “ଏ ଗୁରୁ, ତର୍‌ ଚେଲାମଃନ୍‌କେ ଚିମ୍‌ରା ଅଃଉଁକେ କଃଉ ।”
\p
\v 40 ଜିସୁ କୟ୍‌ଲା, “ମୁଁୟ୍‌ ତୁମିକେ କଃଉଁଲେ, ଏମଃନ୍‌ ଚିମ୍‌ରା ଅୟ୍‌ଲେକ୍‌ ଟେଳାମଃନ୍ ଆଉଲି ଅଃଉତି ।”
\s ଜିସୁ ଜିରୁସାଲମ୍‌କେ ଦଃକି କାନ୍ଦ୍‌ଲା
\p
\v 41 ଆର୍‌ ଜଃଡେବଃଳ୍‌ ଜିସୁ ଜିରୁସାଲମେ ଆୟ୍‌ଲା, ସଃଡେବଃଳ୍‌ ଗଃଳ୍‌କେ ଦଃକି ତାର୍‌ ଗିନେ କାନ୍ଦି କଃରି କୟ୍‌ଲା, 
\v 42 “ତୁୟ୍‌, ହିଁ, ତୁୟ୍‌ ଜଦି ଆଜି ସୁସ୍ତାର୍‌ କଃତାମଃନ୍‌ ଜାଣ୍‌ଲିସ୍‌ହୁଣି ! ମଃତର୍‌ ଅଃବେ ତର୍‌ ଆକାୟ୍‌ ଲୁକ୍‌ଣେ ଆଚେ । 
\v 43 ବେଳା ଆସୁଲି, ଜଃଡେବଃଳ୍‌ ତର୍‌ ସଃତ୍ରୁମଃନ୍‌ ତର୍‌ ଚାରି ବେଳ୍‌ତ୍ ରୁଣ୍ଡିକଃରି ତକେ ବେଳ୍‌ତି, ଆରେକ୍‌ ତର୍‌ ସଃବୁ ଦୁଆର୍‌ ବଃନ୍ଦ୍‌ କଃର୍ତି । 
\v 44 ଆରେକ୍‌ ତକେ ଆର୍‌ ତର୍‌ ବିତ୍ରେ ରିଲା ସଃବୁ ତର୍‌ ହିଲାମଃନ୍‌କେ ମାଟାୟ୍‌ ମିସାଉତି, ଆର୍‌ ତର୍‌ ବିତ୍ରେ ଗଟେକ୍‌ ଟେଳା ଆରେକ୍‌ ଗଟେକ୍‌ ଟେଳା ଉହ୍ରେ ରେଉଁକ୍‌ ନଃଦେତି, ଇବାନ୍ୟା ବେଳ୍‌ ତର୍‌ ଉହ୍ରେ ଆସେଦ୍‌ ।”
\s ଜିସୁ ମନ୍ଦିରେ ଗଃଲା
\r (ମାତି ୨୧:୧୨-୧୭; ମାର୍କ ୧୧:୧୫-୧୯; ଜହ ୨:୧୩-୨୨)
\p
\v 45 ଆର୍‌ ସେ ମନ୍ଦିର୍‌ ବିତ୍ରେ ହୁରି ବିକାବାଞ୍ଜା କଃର୍ତା ଲକ୍‌ମଃନ୍‌କେ ଇରି କୟ୍‌ ବାର୍‌ କଃରୁକେ ଦଃର୍ଲା, 
\v 46 “ସାସ୍ତରେ ଲେକା ଆଚେ, ଇସ୍ୱର୍‌ କଃଉଁଲା, ‘ଅଃମାର୍‌ ଗଃର୍‌ ଇସ୍ୱରାର୍‌ ପାର୍ତ୍‌ନାଗଃର୍‌ ଅୟ୍‌ଦ୍‌, ମଃତର୍‌ ତୁମିମଃନ୍ ତାକେ କଃଙ୍ଗାର୍‌ମଃନାର୍‌ ଲୁକ୍‌ତା ହାର୍‌ କଃରିଆଚାସ୍‌ ।’”
\p
\v 47 \x + \xo ୧୯:୪୭ \xo*\xt ଲୁକ ୨୧:୩୭.\xt*\x*ଆର୍‌ ଜିସୁ ଦିନେକେ ମନ୍ଦିରେ ସିକ୍ୟା ଦେତିରିଲା, ମଃତର୍‌ ବଃଡ୍ ଜାଜକ୍‌ ଆର୍‌ ଦଃର୍ମ୍‌ ଗୁରୁମଃନ୍‌ ଲକ୍‌ମଃନାର୍‌ ନେତାମଃନ୍ ତାକ୍‌ ନାସ୍‌ କଃରୁକେ ଉପାୟ୍‌ କଃର୍ତି ରିଲାୟ୍‌ । 
\v 48 ମଃତର୍‌ ଲକ୍‌ମଃନ୍ ଏକ୍‌ ମଃନେ ତାର୍‌ ସିକ୍ୟା ସୁଣ୍‌ତିରିଲାୟ୍‌, ସେତାକ୍‌ ସେମଃନ୍ କାୟ୍‌ରି କଃରୁନ୍ଦ୍‌ ବଃଲି ତିର୍‌ କଃରୁ ନଃହାର୍‌ତିରିଲାୟ୍‌ ।
\c 20
\s ଜିସୁର୍‌ ଅଃଦିକାର୍‌
\r (ମାତି ୨୧:୨୩-୨୭; ମାର୍କ ୧୧:୨୭-୩୩)
\p
\v 1 ଗଟ୍‌ଦିନ୍‌ ଜିସୁ ଜଃଡେବଃଳ୍‌ ମନ୍ଦିରେ ସିକ୍ୟା ଦେତିରିଲା ଆର୍‌, ନିକ କବୁର୍‌ ପର୍ଚାର୍‌ କଃର୍ତିରିଲା, ସଃଡେବଃଳ୍‌ ବଃଡ୍ ଜାଜକ୍‌ ଆର୍‌ ଦଃର୍ମ୍‌ଗୁରୁମଃନ୍‌ ପାରାଚିନ୍‌ମଃନାର୍‌ ସଃଙ୍ଗ୍ ଆସି ତାକ୍‌ କୟ୍‌ଲାୟ୍‌, 
\v 2 “ତୁୟ୍‌ ଇରିମଃନ୍‌ କୁୟ୍‌ ଅଃଦିକାରେ କଃରୁଲିସ୍‌ ଆର୍‌ ଜେ ତକେ ଇ ଅଃଦିକାର୍‌ ଦିଲା, ସେ କେ, ଅଃମିକ୍‌ କଃଉ ?”
\p
\v 3 ମଃତର୍‌ ଜିସୁ ସେମଃନ୍‌କେ ଉତୁର୍‌ ଦିଲା, “ମୁୟ୍‌ଁ ହେଁ ତୁମିକେ ଗଟେକ୍‌ କଃତା ହଃଚାରିନ୍ଦ୍‌, ମକେ କଃଉଆ, 
\v 4 ବାପ୍ତିସମ୍‌ ଦେତା ଜହନ୍‌ ବାପ୍ତିସମ୍‌ ଦେତା ଅଃଦିକାର୍‌ ସଃର୍ଗେ ହୁଣି କି ଲକାର୍‌ ତଃୟ୍‌ହୁଣି ଅୟ୍‌ଲି ?”
\p
\v 5 ସେତାକ୍‌ ସେମଃନ୍ ତାକାର୍‌ ତାକାର୍‌ ବିତ୍ରେ କଃଉଆକଇ ଅୟ୍‌ କୟ୍‌ଲାୟ୍‌, “ଜଦି ସଃର୍ଗେ ହୁଣି ବଃଲି କଃଉନ୍ଦ୍, ତଃବେ ସେ କୟ୍‌ଦ୍‌ ତୁମିମଃନ୍ କାୟ୍‌ତାକ୍‌ ଜହନ୍‌କେ ବିସ୍ୱାସ୍‌ ନଃକେଲାସ୍‌ ? 
\v 6 ମଃତର୍‌ ଜଦି ମାନାୟ୍‌ ତଃୟ୍‌ହୁଣି ବଃଲି କଃଉନ୍ଦ୍, ତଃବେ ଲକ୍‌ମଃନ୍ ଅଃମିକ୍‌ ଟେଳା ସୁତ୍ରି ମାରି ହଃକାଉତି, କାୟ୍‌ତାକ୍‌ବଃଲେକ୍‌ ଜହନ୍‌ ତ ଗଟେକ୍‌ ବାବ୍‌ବାଦି ବଃଲି ଲକ୍‌ମଃନ୍ ବେସି ବିସ୍ୱାସ୍‌ କଃର୍ତି ରିଲାୟ୍‌ ।” 
\v 7 ଇତାର୍‌ ଗିନେ ସେରି କୁୟ୍‌ତିହୁଣି ଅୟ୍‌ଲି, ଇରି ନଃଜାଣୁ ବଃଲି ସେମଃନ୍ କୟ୍‌ଲାୟ୍‌ ।
\p
\v 8 ଜିସୁ ସେମଃନ୍‌କେ କୟ୍‌ଲା, “ତଃବେ ମୁୟ୍‌ଁ କୁୟ୍‌ ଅଃଦିକାରେ ଇସଃବୁ କଃରୁଲେ, ସେରି ହେଁ ତୁମିମଃନ୍‌କେ ନଃକୟ୍‌ଁ ।”
\s ଅଙ୍ଗୁର୍‌ ବାଳାର୍‌ ବାଗ୍ ତାସିମଃନାର୍‌ କଃତା
\r (ମାତି ୨୧:୩୩-୪୬; ମାର୍କ ୧୨:୧-୧୨)
\p
\v 9 ତାର୍‌ହଃଚେ ଜିସୁ ଲକ୍‌ମଃନ୍‌କେ ଇ କଃତା କଃଉଁକେ ଦଃର୍ଲା । “ଗଟ୍‌ ମାନାୟ୍‌ ଗଟ୍‌ ଅଙ୍ଗୁର୍‌ ବାଳ୍‌ କଃରି ସେରି ବାଗ୍ ତାସିମଃନ୍‌କେ ବାଗେ ଦଃୟ୍‌ ବୁତେକ୍‌ ଦିନାର୍‌ ଗିନେ ବିଦେସେ ଗଃଲା । 
\v 10 ଆରେକ୍‌ ସେ ତାସିମଃନ୍‌ ଜଃନ୍‌କଃରି ତାକେ ବାଳାର୍‌ ଅଙ୍ଗୁର୍‌ ହଃଳାର୍‌ ବାଗ୍ ଦେତି, ଇତାକ୍‌ ସେ ଗଟେକ୍‌ ଗତିଦଃଙ୍ଗ୍‌ଳାକ୍‌ ଟିକ୍‌ ବେଳାୟ୍‌ ସେମଃନାର୍‌ ତଃୟ୍‌ ହଃଟାୟ୍‌ଲା, ମଃତର୍‌ ସେ ତାସିମଃନ୍‌ ତାକ୍‌ ମାଡ୍ ମାରି ଚୁଚା ଆତେ ହଃଟାୟ୍‌ଲାୟ୍‌, 
\v 11 ସେ ଆରେକ୍‌ ଗଟ୍‌ ଗତିଦଃଙ୍ଗ୍‌ଳାକ୍‌ ହେଁ ହଃଟାୟ୍‌ଲା; ମଃତର୍‌ ସେମଃନ୍ ତାକେ ହେଁ ମାଡ୍‌ ମାରି ଲାଜ୍‌ କଃରାୟ୍‌ ଆର୍‌ ଚୁଚା ଆତେ ହଃଟାୟ୍‌ଲାୟ୍‌ । 
\v 12 ତାର୍‌ହଃଚେ ସେ ଦୁୟ୍‌ ଲକ୍‌କେ ହଃଟାୟ୍‌ଲା ହଃଚେ, ଆରେକ୍‌ ଗଟ୍‌ ଲକ୍‌କେ ହଃଟାୟ୍‌ଲା, ମଃତର୍‌ ସେମଃନ୍ ତାକେ ହେଁ ବାନାକାବ୍‌ରା କଃରି ହଃଦାୟ୍‌ ହଃକାୟ୍‌ଲାୟ୍‌ । 
\v 13 ସେତାକ୍‌ ଅଙ୍ଗୁର୍‌ ବାଳାର୍‌ ସାଉକାର୍‌ କୟ୍‌ଲା ମୁୟ୍‌ଁ କାୟ୍‌ କଃରିନ୍ଦ୍‌ ? ମର୍‌ ଲାଡାର୍‌ ହଅକେ ହଃଟାୟ୍‌ନ୍ଦ୍, କେଜାଣ୍ ସେମଃନ୍ ତାକେ ମାୟ୍‌ନ୍‌ କଃର୍ତି । 
\v 14 ମଃତର୍‌ ତାସିମଃନ୍‌ ତାକ୍‌ ଦଃକି ତାକାର୍‌ ତାକାର୍‌ ବିତ୍ରେ କଃଉଆକଇ ଅଃଉଁକେ ଦଃର୍ଲାୟ୍‌, ଏ ତ ସାଉକାରାର୍‌ ହୟ୍‌ସି, ଆକ୍‌ ମଃର୍ନେ ମାରୁଆଁ, ତଃବେ ସଃବୁ ଦଃନ୍‌ବିତ୍‌ ଅଃମାର୍‌ ଅୟ୍‌ଦ୍‌ । 
\v 15 ଆର୍‌ ସେମଃନ୍ ତାକ୍‌ ମଃର୍ନେ ମାରି ଅଙ୍ଗୁର୍‌ ବାଳାର୍‌ ସେହାଟି ହଃକାୟ୍‌ଲାୟ୍‌ । ତଃନ୍‌ଅଲେ ଅଙ୍ଗୁର୍‌ ବାଳାର୍‌ ସାଉକାର୍‌ ସେମଃନ୍‌କେ କଃନ୍‌କଃରେଦ୍‌ ? 
\v 16 ସେ ଆସି ଇ ତାସିମଃନ୍‌କେ ନାସ୍‌ କଃରେଦ୍‌ ଆର୍‌ ବିନ୍ ଲକ୍‌ମଃନ୍‌କେ ଅଙ୍ଗୁର୍‌ ବାଳ୍‌ ଦଃୟ୍‌ଦ୍‌ ।” ଇରି ସୁଣି ସେମଃନ୍ କୟ୍‌ଲାୟ୍‌, “ସେରି ନଃଉଅ ।”
\p
\v 17 ମଃତର୍‌ ସେମଃନ୍‌କେ ଆକି ନିକକଃରି ସଃଳ୍‌କେ ଦଃକି କୟ୍‌ଲା, “ତଃବେ ଇ ଜୁୟ୍‌ କଃତା ଲେକାଆଚେ, ତାର୍‌ ବାବ୍‌ କାୟ୍‌ରି,
\q1 ଗଃର୍‌ ବାନ୍ଦୁମଃନ୍‌ ଜୁୟ୍‌ ଟେଳାକେ ମଃନ୍‌ ନଃକେଲାୟ୍‌,
\q2 ସେରି କନାର୍‌ ମୁଳ୍‌ ଟେଳା ଅୟ୍‌ଲି ।
\m
\v 18 ଜେ ସେ ଟେଳା ଉହ୍ରେ ଅଦ୍ରେଦ୍‌, ସେ କଃଣ୍ଡ୍‌ କଃଣ୍ଡ୍‌ ଅୟ୍‌ଦ୍‌, ଆର୍‌ ସେ ଟେଳା ଜାର୍‌ ଉହ୍ରେ ଅଦ୍ରେଦ୍‌ ତାକ୍‌ ସେରି ଗୁଣ୍ଡ୍‌ଗୁଣ୍ଡା କଃରେଦ୍‌ ।”
\s ସିସ୍ଟୁ ଦେତା କଃତା ହଃଚାର୍ଲାୟ୍‌
\r (ମାତି ୨୨:୧୫-୨୨; ମାର୍କ ୧୨:୧୩-୧୭)
\p
\v 19 ଇତାକ୍‌ ଦଃର୍ମ୍‌ଗୁରୁ ଆର୍‌ ମୁଳ୍‌ ଜାଜକ୍‌ମଃନ୍ ସେଦାହ୍ରେ ତାକେ ଦଃରୁକେ ମଃନ୍‌ କଃଲାୟ୍‌, ମଃତର୍‌ ସେମଃନ୍ ଲକ୍‌ମଃନ୍‌କେ ଡିର୍‌ଲାୟ୍‌, ବଃଲେକ୍‌ ସେ କଃତା ସେମଃନ୍‌କେ ଦଃକିକଃରି ଜିସୁ ସେମଃନ୍‌କେ କୟ୍‌ଲା ବଃଲି ସେମଃନ୍ ବୁଜ୍‌ଲାୟ୍‌ । 
\v 20 ସେତାକ୍‌ ସେମଃନ୍ ତାକ୍‌ ସଃର୍‌କାରି ଅଃଦିକାରିମଃନାର୍‌ ଆତେ ଆର୍‌ ରାଇଜ୍‌କଃର୍ତା ଲକାର୍‌ ଅଃଦିକାର୍‌ ତଃଳେ ସଃର୍ହି ଦେଉଁକେ ସୁବିଦା ଲଳି ତାର୍‌ କଃତାୟ୍‌ ଦଃସ୍‌ ଦଃରୁକ୍‌ ଚାଲାକି ବାବେ ଅଃହ୍‌ଣା ଅଃହ୍‌ଣାକ୍‌ ଦଃର୍ମି ଲକ୍‌ ବଃଲି ଦଃକାୟ୍‌ ଅଃଉତା ଚର୍‌ମଃନ୍‌କେ ଲାଚ୍ ଦଃୟ୍‌ ହଃଟାୟ୍‌ଲାୟ୍‌ । 
\v 21 ସେ ଚର୍‌ମଃନ୍ ଜିସୁକେ ହଃଚାର୍ଲାୟ୍‌, “ଏ ଗୁରୁ, ଅଃମିମଃନ୍‌ ଜାଣିଆଚୁ ତୁୟ୍‌ ସଃତ୍‌ କଃତା କଃଉଁଲିସ୍‌ ଆର୍‌ ସିକ୍ୟା ଦେଉଁଲିସ୍‌ ଆର୍‌ କାର୍‌ ମୁକ୍‌ମେଟ୍‌ ନଃଦେକ୍‌ସି, ମଃତର୍‌ ସଃତ୍‌କଃରି ଇସ୍ୱରାର୍‌ ଇସାବେ ସିକ୍ୟା ଦେଉଁଲିସ୍‌ । 
\v 22 ଅଃମିମଃନ୍‌କ୍‌ କଃଉ, କାଇସର୍‌କେ ସିସ୍ଟୁ ଦେତା ଅଃମାର୍‌ ବିଦି ଆଚେ କି ନୟ୍‌ ?”
\p
\v 23 ମଃତର୍‌ ଜିସୁ ସେମଃନାର୍‌ ଚାଲାକିକେ ଜାଣି ସେମଃନ୍‌କେ କୟ୍‌ଲା, “ମକ୍‌ ଗଟ୍‌ ଅଦ୍‌ଲି ଦଃକାଉଆ । 
\v 24 ମକେ ଗଟେକ୍‌ ଟଃକା ଦଃକାଉ । ଇତି କାର୍‌ ମୁର୍ତି ଆର୍‌ ନାଉଁ ଆଚେ ?”
\p ସେମଃନ୍ କୟ୍‌ଲାୟ୍‌, “କାଇସର୍‌ ।”
\p
\v 25 ସେତାକ୍‌ ଜିସୁ ସେମଃନ୍‌କେ କୟ୍‌ଲା, “ତଃବେ ଜୁୟ୍‌ରି କାଇସରାର୍‌ ସେରି କାଇସର୍‌କେ ଦିଆସ୍‌; ଆର୍‌ ଜୁୟ୍‌ରି ଇସ୍ୱରାର୍‌ ସେରି ଇସ୍ୱର୍‌କେ ଦିଆସ୍‌ ।”
\p
\v 26 ଇତାକ୍‌ ସେମଃନ୍ ଲକାର୍‌ ଆଗେ ତାର୍‌ କଃତାର୍‌ ଦଃସ୍‌ ଦଃରୁକ୍‌ ହାରି ନାହାର୍ଲାୟ୍‌, ଆର୍‌ ସେମଃନ୍ ତାର୍‌ କଃତାୟ୍‌ କାବା ଅୟ୍‌ ମଦା ଅୟ୍‌ଲାୟ୍‌ ।
\s ଜିସୁକେ ମଃରିଉଟ୍‌ତା କଃତା ହଃଚାର୍ଲାୟ୍‌
\r (ମାତି ୨୨:୨୩-୩୩; ମାର୍କ ୧୨:୧୮-୨୭)
\p
\v 27 \x + \xo ୨୦:୨୭ \xo*\xt ପେରି ୨୩:୮.\xt*\x*ତାର୍‌ହଃଚେ ମଃଲା ଲକ୍‌ ଉଟ୍‌ତାର୍‌ ସଃତ୍‌ ନଃକେର୍ତା କଃତିଗଟ୍‌ ସାଦୁକିମଃନ୍‌ ଜିସୁର୍‌ ହାକ୍‌ ଆସି ହଃଚାର୍ଲାୟ୍‌, 
\v 28 “ଏ ଗୁରୁ, ମସା ଅଃମାର୍‌ ଗିନେ ଲେକ୍‌ଲାଆଚେ ଜେ, ଜଦି ଗଟ୍‌ ଲକାର୍‌ ବାୟ୍‌ସିର୍‌ ଡକୁର୍ସି ରେଉଁ ରେଉଁ ହିଲାମଃନ୍‌ ନଃଉତ୍‌ ମଃରେଦ୍‌, ତଃନ୍‌ଅଲେ ତାର୍‌ ବାୟ୍‌ସି ତାର୍‌ ଡକୁର୍ସିକେ ସଃଙ୍ଗାୟ୍‌ କଃରି ଅଃହ୍‌ଣାର୍‌ ବାୟ୍‌ସିର୍‌ ବଃଉଁସ୍‌ ବାଡାୟ୍‌ଦ୍‌ । 
\v 29 ଗଟ୍‌ତର୍‌ ସାତ୍‌ ବାୟ୍‌ ରିଲାୟ୍‌, ବଃଡ୍‌ ବାୟ୍‌ସି ଗଟ୍‌ ମାୟ୍‌ଜିକେ ବିବା ଅୟ୍‌ଲା ଆର୍‌ ହିଲାମଃନ୍‌ ନଃଉତ୍‌ ମଃଲା । 
\v 30 ଦୁୟ୍‌ ବାୟ୍‌ର୍‌ ହଃଚେ ଆରେକ୍‌ ଗଟ୍‌ ବାୟ୍‌ସି ହେଁ ତାକ୍‌ ସଃଙ୍ଗାୟ୍‌ଲା; 
\v 31 ସେରଃକମ୍‌ ସାତ୍‌ ବାୟ୍‌ ଜାକ ହିଲାମଃନ୍‌ ନଃଉତ୍‌ ମଃଲାୟ୍‌ । 
\v 32 ସଃରାସଃରି ସେ ମାୟ୍‌ଜି ହେଁ ମଃଲି । 
\v 33 ତଃବେ ମଃଲାଲକ୍‌ମଃନ୍‌ ଉଟ୍‌ତାବଃଳ୍‌ ସେମଃନାର୍‌ ବିତ୍ରେ ସେ କାର୍‌ ଡକୁର୍ସି ଅୟ୍‌ଦ୍‌ ? ସାତ୍‌ ବାୟ୍‌ ଜାକ ତ ତାକେ ସଃଙ୍ଗାୟ୍‌ ରିଲାୟ୍‌ ।”
\p
\v 34 ଜିସୁ ସେମଃନ୍‌କେ କୟ୍‌ଲା, “ଇ ଜଃଗତାର୍‌ ଲକ୍‌ମଃନ୍ ବିବା କଃର୍ତି ଆର୍‌ ବିବା ଦେତି । 
\v 35 ମଃତର୍‌ ଜୁୟ୍‌ମଃନ୍‌ ସେ ଜଃଗତାର୍‌ ଗିନେ ଉଟ୍‌ତାର୍‌ ଜୟ୍‌ଗ୍‌ ଅଃଉତି, ସେମଃନ୍ ବିବା ନଃକେର୍ତି କି ବିବା ନଃଉତି । 
\v 36 ଆରେକ୍‌, ସେମଃନ୍ ମଃରୁ ନଃହାର୍ତି, କାୟ୍‌ତାକ୍‌ବଃଲେକ୍‌ ସେମଃନ୍ ଦୁତ୍‌ ମଃନ୍‌କାର୍‌ ହର୍‌ ରେତି, ଆର୍‌ ମଃରି ଉଟ୍‌ଲା ହିଲାମଃନ୍‌ ଅୟ୍‌ରିଲାକ୍‌ ଇସ୍ୱରାର୍‌ ହିଲାମଃନ୍‌ ଅଃଉତି । 
\v 37 ମଃତର୍‌ ମଃଲାଲକ୍‌ମଃନ୍‌ ଜେ ଉଟ୍‌ତି, ଇରି ମସା ହେଁ ଗଟ୍‌ ବୁଟାର୍‌ ଗଃଟ୍‍ଣାୟ୍‌, ମାପ୍ରୁକେ ଅବ୍ରାହାମାର୍‌ ଇସ୍ୱର୍‌, ଇସାକାର୍‌ ଇସ୍ୱର୍‌, ଜାକୁବାର୍‌ ଇସ୍ୱର୍‌ ବଃଲି କୟ୍‌ ଜାଣାୟ୍‌ଲା ଆଚେ । 
\v 38 ସେତ ମଃଲା ଲକାର୍‌ ଇସ୍ୱର୍‌ ନଃୟ୍‌, ମଃତର୍‌ ଜିବନ୍‌ ଲକାର୍‌, କାୟ୍‌ତାକ୍‌ବଃଲେକ୍‌, ସଃବୁ ଲକ୍‌ ତାର୍‌ ଲଃଗେ ଜିବନ୍ ରିଲା ଲକ୍‌ ।”
\p
\v 39 ସେତି କଃତେକ୍‌ ସାସ୍ତର୍‌ ଜାଣତା ଲକ୍‌ମଃନ୍ ଉତୁର୍‌ ଦିଲାୟ୍‌, “ଏ ଗୁରୁ, ତୁୟ୍‌ ଟିକ୍‌ କୟ୍‌ଲିସ୍‌ ।” 
\v 40 ସେତାକ୍‌ ସେମଃନ୍ ଜିସୁକେ କାୟ୍‌ କଃତା ହଃଚାରୁକ୍‌ ଆର୍‌ ସାସ୍‌ ନଃକେଲାୟ୍‌ ।
\s କ୍ରିସ୍ଟ ବଃଲେକ୍‌ କେ
\r (ମାତି ୨୨:୪୧-୪୬; ମାର୍କ ୧୨:୩୫-୩୭)
\p
\v 41 ମଃତର୍‌ ଜିସୁ ସେମଃନ୍‌କେ ହଃଚାର୍ଲା, “କ୍ରିସ୍ଟ ଜେ ଦାଉଦାର୍‌ ହୟ୍‌ସି ବଃଲି ଲକ୍‌ମଃନ୍ କଃନ୍‌କଃରି କଃଉଁଲାୟ୍‌ ? 
\v 42 ବଃଲେକ୍‌ ନିଜେ ଦାଉଦ୍‌ ଗିତ୍‌ସହିତା ଲେକାହଃତାର୍‌ ତଃୟ୍‌ଁ କୟ୍‌ଆଚେ,
\q1 ମାପ୍ରୁ ମର୍‌ ମାପ୍ରୁକ୍‌ କୟ୍‌ଲା,
\q2
\v 43 ମୁୟ୍‌ଁ ଜଃଡେବଃଳ୍‌ ହଃତେକ୍‌ ତୁମାର୍‌ ସଃତ୍ରୁମଃନ୍‌କେ ତୁମାର୍‌ ହାଦ୍‌ସଃଙ୍ଗାଉତା ଟାଣେ ଆଣିନାଚୁ,
\q2 ସଃଡେବଃଳ୍‌ ହଃତେକ୍‌ ମର୍‌ କାତାବାଟ୍ୟା ବଃସିରେ ।
\m
\v 44 ତଃବେ, ଦାଉଦ୍‌ ତାକେ ମାପ୍ରୁବଃଲି କଃଉଁଲା, ତଃବେ ସେ କଃନ୍‌କଃରି ତାର୍‌ ହୟ୍‌ସି ?”
\s ଜିସୁ ଦଃର୍ମ୍‌ ସାସ୍ତର୍‌ଜାଣୁମଃନ୍‌କେ ଚେତାୟ୍‌ଲା
\r (ମାତି ୨୩:୧-୩୬; ମାର୍କ ୧୨:୩୮-୪୦)
\p
\v 45 ହଃଚେ ସେ ସଃବୁ ଲକାର୍‌ ମୁଏଁ ଚେଲାମଃନ୍‌କେ କୟ୍‌ଲା, 
\v 46 “ଦଃର୍ମ୍‌ ଗୁରୁମଃନାର୍‌ ତଃୟ୍‌ ଜଃଗ୍ରାତ୍‌, ସେମଃନ୍ ଡେଙ୍ଗ୍ ବଃସ୍ତର୍‌ ହିନ୍ଦି ବୁଲୁକ୍‌, ଆର୍‌ ଆଟେ ବଃଜାରେ ଜୁଆର୍‌ ହାଉଁକେ, ପାର୍ତ୍‌ନା ଗଃରେ ବଃଡ୍ କୁର୍ଚି ଆର୍‌ ବଜିତଃୟ୍‌ ବଃଡ୍ ଟାଣେ ବଃସୁକେ ମଃନ୍‌ କଃର୍ତି । 
\v 47 ସେମଃନ୍ ରାଣ୍ଡିମଃନାର୍‌ ଗଃର୍‌ଗୁଡା ସଃବୁ ଅଃଦିକାର୍‌ କଃର୍ତି ଆର୍‌ ଚାଲାକି କଃରି ବେସି ଗଃଳି ପାର୍ତ୍‌ନା କଃର୍ତି; ସେମଃନ୍ ଜଃବର୍‌ ବିଚାର୍‌ ତଃୟ୍‌ଁ ଡଃଣ୍ଡ୍‌ ହାଉତି ।”
\c 21
\s ଗଟ୍‌ ରାଣ୍ଡିର୍‌ ଦାନ୍‌
\r (ମାତି ୨୨:୪୧-୪୬; ମାର୍କ ୧୨:୩୫-୩୭)
\p
\v 1 ଇତାର୍‌ହଃଚେ ଜିସୁ ଚାରିହାକ୍‌ ଆକିହ୍‌କାୟ୍‌, ମାଜନ୍‌ ଲକମଃନ୍‌ ଦାନ୍‌ହେଳି ତଃୟ୍‌ ନିଜାର୍‌ ନିଜାର୍‌ ଦାନ୍‌ ଦେତାର୍‌ ଦଃକ୍‌ଲା । 
\v 2 ଆର୍‌, ଜିସୁ ଗଟ୍‌ ଗଃରିବ୍‌ ରାଣ୍ଡି ଜଳେକ୍‌ ସାନ୍‌ ତାମ୍ବାକାସୁ ହଃକାଉତାର୍‌ ଦଃକ୍‌ଲା 
\v 3 ମୁୟ୍‌ଁ ତୁମିମଃନ୍‌କେ ନିଜ୍‌କଃରି କଃଉଁଲେ, “ଇ ଗଃରିବ୍‌ ରାଣ୍ଡି ସଃବ୍‌କେ ଅଃଦିକ୍‌ ଦିଲିଆଚେ । 
\v 4 କାୟ୍‌ତାକ୍‌ବଃଲେକ୍‌ ଇ ସଃବୁ ଲକ୍‌ ବଃଣ୍ଡାରେ ନିଜାର୍‌ ନିଜାର୍‌ ଉବୁର୍ଲା ଦଃନ୍ ଅଃଳକ୍‌ ଅଃଳକ୍‌ ହଃକାୟଲାୟ୍‌, ମଃତର୍‌ ଏ ନିଜାର୍‌ ଅକେଟ୍‌ ବଃଳ୍‌ ନିଜାର୍‌ ଜିବନ୍ ବଚାଉଁକେ ଜଃତେକ୍‌ ରିଲି, ସେ ସଃବୁ ଦାନ୍‌କଃଲି ।”
\s ଜିରୁସାଲମ୍‌ ମନ୍ଦିର୍‌ ନାସ୍‌ ଅଃଉତାର୍‌ ଜିସୁ କୟ୍‌ଲା
\r (ମାତି ୨୪:୧-୨; ମାର୍କ ୧୩:୧-୨)
\p
\v 5 ଆର୍‌ କଃତେକ୍‌ ଚେଲାମଃନ୍ ମନ୍ଦିରାର୍‌ ବିସୟେ କଃତାବାର୍ତା ଅଃଉତି ରିଲାୟ୍‌ । ସେମଃନ୍ କଃଉତି ରିଲାୟ୍‌, ସେତି ତିଆର୍‌ ଅୟ୍‌ରିଲା ସୁନ୍ଦୁର୍‌ ଟେଳା, ଆର୍‌ ଇସ୍ୱର୍‌କେ ଦାନ୍‌ ଦଃୟ୍‌ରିଲା, ଜିନିସ୍‌ସଃବୁ ସଃଙ୍ଗ୍ ମନ୍ଦିର୍‌ ବଃଡେ ସୁନ୍ଦୁର୍‌ ଡିସୁଲି । 
\v 6 ଜିସୁ ସେମଃନ୍‌କେ କୟ୍‌ଲା, “ତୁମିମଃନ୍ ଇରି ଜାୟ୍‌ରି ସଃବୁ ଦଃକୁଲାସ୍‌, ବେଳା ଆସେଦ୍‌ ଜଃଡେବଃଳ୍‌ ଗଟେକ୍‌ ଟେଳା ଆରେକ୍‌ ଗଟେକ୍‌ ଟେଳା ଉହ୍ରେ ନଃରେୟ୍‌, ସଃର୍ନେ ମାଟାୟ୍‌ ମିସେଦ୍‌ ।”
\s ଦୁକ୍‌ ଆର୍‌ ଲିନ୍ଦା
\r (ମାତି ୨୪:୧-୨; ମାର୍କ ୧୩:୧-୨)
\p
\v 7 ସେତାକ୍‌ ସେମଃନ୍ ତାକ୍‌ ହଃଚାର୍ଲାୟ୍‌, “ଏ ଗୁରୁ, ତଃବେ ଇସଃବୁ କଃବେ ଗଃଟେଦ୍‌ ? ଆରେକ୍‌ ଜୁୟ୍‌ ବେଳାୟ୍‌ ଇ ସଃବୁ ଗଃଟ୍‍ଣା ଲଃଗେ ଅୟ୍‌ଦ୍‌ ସଃଡେବଃଳାର୍‌ ଚିନ୍ କାୟ୍‌ରି ?”
\p
\v 8 ସେତାକ୍‌ ଜିସୁ କୟ୍‌ଲା, “ଜଃଗ୍ରାତ୍‌ ରିଆ, ତୁମିମଃନ୍ ଜଃନ୍‌କଃରି ଉଲୁ ନଃଉଁଆସ୍‌; କାୟ୍‌ତାକ୍‌ବଃଲେକ୍‌ ଗାଦେକ୍‌ ଲକ୍‌ମଃନ୍ ମର୍‌ ନାଉଁଏ ଆସି ମୁୟ୍‌ଁ ସେ ଆର୍‌ ବେଳ୍‌ ହଚ୍‌ଲିନି ବଃଲି କଃଉତି; ସେମଃନାର୍‌ ହଃଚେ ଜାହାନାୟ୍‌ । 
\v 9 ମଃତର୍‌ ତୁମିମଃନ୍ ଜଃଡେବଃଳ୍‌ ଜୁଜ୍‌ ଆର୍‌ ଗଣ୍ଡ୍‌ଗଳ୍‌ ଅଃଉତାର୍‌ ସୁଣାସ୍‌, ସଃଡେବଃଳ୍‌ ଡିରା ନାୟ୍‌; କାୟ୍‌ତାକ୍‌ବଃଲେକ୍‌ ଇରିମଃନ୍‌ ହଃର୍ତୁ ଗଃଟେଦ୍‌, ମଃତର୍‌ ତଃତ୍‌କାଣ୍ ଜୁଗ୍ ସେସ୍‌ ନୟ୍‌ ।”
\p
\v 10 ତାର୍‌ହଃଚେ ସେ ସେମଃନ୍‌କେ କୟ୍‌ଲା, “ଲକ୍‌ ବିରଦେ ଲକ୍‌ ଆର୍‌ ରାଇଜ୍‌ ବିରଦେ ରାଇଜ୍‌ ଉଟ୍‌ତି । 
\v 11 ଆର୍‌ ବଃଡ୍‌ବଃଡ୍ ବୁଇଁକମ୍ପ୍, ଆର୍‌ ଟାଣେ ଟାଣେ ମଃର୍ଡି ଦଃରେଦ୍‌ ଆର୍‌ କଃତାର୍‌ ଅୟ୍‌ଦ୍‌, ଆର୍‌ ଅଃଗାସ୍‌ ଉହ୍ରେ ବୟଃଙ୍କାର୍‌ ଗଃଟ୍‍ଣାମଃନ୍‌ ଦଃକାୟ୍‌ ଅୟ୍‌ଦ୍‌ ଆର୍‌ ବଃଡେ ବଃଡେ ଚିନ୍‌ମଃନ୍‌ ଡିସେଦ୍‌ । 
\v 12 ମଃତର୍‌ ଇସଃବୁ ଗଃଟ୍‍ଣା ଗଃଟ୍‌ତା ହୁର୍ବେ ଲକ୍‌ମଃନ୍ ତୁମିକେ ଦଃର୍ତି ଆର୍‌ ପାର୍ତ୍‌ନା ଗଃରେ ଆର୍‌ ଜଃଇଲେ ସଃର୍ହି ଦଃୟ୍‌ ଆର୍ଲା କଃର୍ତି ମର୍‌ ନାଉଁଏ ତୁମିକେ ରଃଜା ଆର୍‌ ସଃର୍କାର୍‌ ଅଃଦିକାରିମଃନାର୍‌ ତଃୟ୍‌ ଟିଆ ଅଃଉଁକେ ହଃଳେଦ୍‌; 
\v 13 ଇରି ମର୍‌ ବିସୟେ ବିନ୍ ଲକ୍‌ମଃନ୍‌କେ ସାକି ଦେଉଁକେ ତୁମିମଃନ୍‌କେ ବାଟ ମିଳେଦ୍‌ । 
\v 14 \x + \xo ୨୧:୧୪ \xo*\xt ଲୁକ ୧୨:୧୧,୧୨.\xt*\x*ବଃଲେକ୍‌ ନିଜାର୍‌ ବିସୟେ କାୟ୍‌ ଉତୁର୍‌ ଦିଆସ୍‌ ସେତାକ୍‌ ଆଗ୍‌ତୁ ଚିତା ନଃକେରୁକ୍‌ ଅଃହ୍‌ଣା ଅଃହ୍‌ଣାର୍‌ ମଃନ୍‌ ବିତ୍ରେ ତିର୍‌ କଃରା; 
\v 15 କାୟ୍‌ତାକ୍‌ବଃଲେକ୍‌ ମୁୟ୍‌ଁ ତୁମିମଃନ୍‌କେ ଅଃନ୍‌କାର୍‌ କଃତା ଆର୍‌ ଗ୍ୟାନ୍ ଦଃୟ୍‌ନ୍ଦ୍ ଜେ, ତୁମିମଃନାର୍‌ ସଃର୍ନେ ବିରଦି ଲକ୍‌ ସେତାର୍‌ ବିରଦ୍‌ କି ଜଃବାଉ ଦେଉଁକ୍‌ ନଃହାର୍ତି । 
\v 16 ମଃତର୍‌ ତୁମିମଃନ୍‌କେ ଉବାଦି ଆୟ୍‌ଦି, ବାୟ୍‌, ନିଜାର୍‌ ଲକ୍‌ମଃନ୍ ହେଁ ସଃର୍ହି ଦେତି, ଆରେକ୍‌ ତୁମାର୍‌ ବିତ୍ରେ ସଃଙ୍ଗ୍ ମଃନ୍‌ହେଁ କାକେ କାକେ ମଃର୍ନେ ମାର୍ତି । 
\v 17 ଆରେକ୍‌ ମର୍‌ ନାଉଁଆର୍‌ ଗିନେ ତୁମିମଃନ୍‌କେ ସଃବୁଲକ୍‌ ଗିଣ୍‌ କଃର୍ତି । 
\v 18 ମଃତର୍‌ ତୁମାର୍‌ ମୁଣ୍ଡାର୍‌ ବାଳ୍‌ ହେଁ ନଃସ୍ଟ୍‌ ନୟ୍‌ । 
\v 19 ତୁମିମଃନ୍ ଅଃଟୁଆ ଅୟ୍‌ରିଲେକ୍‌ ଅଃହ୍‌ଣା ଅଃହ୍‌ଣାର୍‌ ହଃରାଣ୍ ରଃକ୍ୟା କଃରାସ୍‌ ।”
\s ଜିରୁସାଲମ୍‌ ନଃସ୍ଟ୍‌ ଅଃଉତା କଃତା
\r (ମାତି ୨୪:୧-୨; ମାର୍କ ୧୩:୧-୨)
\p
\v 20 “ମଃତର୍‌ ତୁମିମଃନ୍ ଜଃଡେବଃଳ୍‌ ଜିରୁସାଲମ୍‌କେ ସଃଇନ୍‌ ଦଃଳ୍‌ ମଃନ୍‌ ବେଳି ଅୟ୍‌ଲାର୍‌ ଦଃକାସ୍‌ ସଃଡେବଃଳ୍‌ ସେରି ବଃସମ୍‌ ଅଃଉତାର୍‌ ଲଃଗେ ଅୟ୍‌ଲି ବଃଲି ଜାଣାସ୍‌ । 
\v 21 ସଃଡେବଃଳ୍‌ ଜୁୟ୍‌ ଲକ୍‌ମଃନ୍ ଜିଉଦା ରାଇଜେ ରେତି, ସେମଃନ୍ ଡଙ୍ଗୁର୍‌ ଉହ୍ରେ ହଃଳାୟ୍‌ ଜଃଅତ୍‌, ଜୁୟ୍‌ଲକ୍‌ ଗଃଳ୍‌ ବିତ୍ରେ ରେତି, ନିଚୟ୍‌ ସେମଃନ୍ ବାରାୟ୍‌ ଜଃଅତ୍‌, ଆର୍‌ ଜୁୟ୍‌ଲକ୍‌ ଗାଉଁଏ ରେତି, ସେମଃନ୍ ଗଃଳ୍‌ ବିତ୍ରେ ନଃଜଃଅତ୍‌; 
\v 22 କାୟ୍‌ତାକ୍‌ବଃଲେକ୍‌ ଲେକ୍‌ଲା କଃତା ସଃବୁ ହୁରୁଣ୍ ଅଃଉଁକେ ସେରି ଟିକ୍‌ ଡଃଣ୍ଡାର୍‌ ବେଳା ଅୟ୍‌ଦ୍‌ । 
\v 23 ସଃଡେବଃଳ୍‌ ଜୁୟ୍‌ ଟକିମଃନ୍‌ ଆଙ୍ଗେ ରେତି ଆର୍‌ ଜୁୟ୍‌ ଟକିମଃନାର୍‌ ଦୁଦ୍‌ କଃତା ସାନ୍ ହିଲା ରେତି, ସେମଃନ୍ ବଃଡେ ଦୁକ୍‌ ହାଉତି, କାୟ୍‌ତାକ୍‌ବଃଲେକ୍‌ ହୁର୍ତିବିଏ ବଃଡ୍ ବିପ୍‌ତି ଆର୍‌ ଇ ଜାତିକେ ଡଃଣ୍ଡ୍‌ ଗଃଟେଦ୍‌ । 
\v 24 ଆର୍‌ ସେମଃନ୍ କଃଣ୍ଡା ଲଃଗେ ହୁଜାଇ ଅଃଉତି ଆର୍‌ ବାନ୍ଦାୟ୍‌ ଅୟ୍‌ ସଃବୁ ଅଜିଉଦି ବିତ୍ରେ ନିଆ ଅଃଉତି, ଆରେକ୍‌ ବିନ୍ ଜାତିମଃନାର୍‌ କାଳ୍‌ ହୁରୁଣ୍ ନଃଉତା ହଃତେକ୍‌ ଜିରୁସାଲମ୍‌ ସେମଃନାର୍‌ ହାଦ୍‌ତଃଳେ ରଃୟ୍‌ଦ୍‌ ।”
\s ନଃରାର୍‌ ହୟ୍‌ସି ଆସ୍ତା ଦିନ୍‌
\r (ମାତି ୨୪:୨୯-୩୧; ମାର୍କ ୧୩:୨୪-୨୭)
\p
\v 25 \x + \xo ୨୧:୨୫ \xo*\xt ପ୍ରକା ୬:୧୨,୧୩.\xt*\x*“ଆରେକ୍‌ ବେଳ୍‌, ଜଃନ୍ ତାରାମଃନାର୍‌ ତଃୟ୍‌ ଚିନ୍ ଦଃକାଜାୟ୍‌ଦ୍‌ ଆର୍‌ ହୁର୍ତିବିଜାକ ଲକ୍‌ ମଃନାର୍‌ ବିତ୍ରେ ବିପ୍‌ତି ଗଃଟେଦ୍‌; ସଃମ୍‌ନ୍ଦ୍ ଆର୍‌ ଉଲାଳାର୍‌ ଗଃର୍ଜାଣେ ସେମଃନାର୍‌ ବୁଦି ବାଣା ଅୟ୍‌ଦ୍‌ । 
\v 26 ଆରେକ୍‌ ହୁର୍ତିବି ଉହ୍ରେ ଆସ୍ତି ରିଲା ଗଃଟ୍‍ଣା ମଃନ୍‌ ଡିରିକଃରି ଲକ୍‌ମଃନ୍ ମୁର୍ଚା ହର୍‌ ଅଃଉତି, ବଃଲେକ୍‌ ଅଃଗାସ୍‌ ଉହ୍ରାର୍‌ ସଃକ୍ତିମଃନ୍‌ ଜଃତ୍‌କଃତ୍‌ ଅଃଉତି । 
\v 27 \x + \xo ୨୧:୨୭ \xo*\xt ପ୍ରକା ୧:୭.\xt*\x*ସଃଡେବଃଳ୍‌ ଲକ୍‌ମଃନ୍ ନଃରାର୍‌ ହୟ୍‌ସିକେ ବଃଡେ ସଃକ୍ତି ଆର୍‌ ଜଃଜ୍‌ମାନ୍‌ ସଃଙ୍ଗ୍ ମେଗେ ଆସ୍ତାର୍‌ ଦଃକ୍‌ତି । 
\v 28 ମଃତର୍‌ ଇ ସଃବୁ ଗଃଟ୍‍ଣା ଆରୁମ୍‌ ଅୟ୍‌ଲେକ୍‌ ତୁମିମଃନ୍ ମୁଣ୍ଡ୍ ଟେକି ଉହ୍ରେ ଦଃକା, ବଃଲେକ୍‌ ତୁମିମଃନାର୍‌ ମୁକୁଳ୍‌ତାର୍‌ ଚଃମେ ଅୟ୍‌ଲି ।”
\s ଡୁମ୍ବୁର୍‌ ଗଃଚାର୍‌ ସିକ୍ୟା
\r (ମାତି ୨୪:୩୨-୩୫; ମାର୍କ ୧୩:୨୮-୩୧)
\p
\v 29 ଆର୍‌, ସେ ସେମଃନ୍‌କେ ଗଟ୍‌ କଃତା କୟ୍‌ କୟ୍‌ଲା, “ଡୁମ୍ବୁର୍‌ ଆର୍‌ ସଃବୁ ଗଃଚ୍‌ମଃନାର୍‌ କଃତା ବାବି ଦଃକା; 
\v 30 ଜଃଡେବଃଳ୍‌ ସେ ଡାଳ୍‌ ହଃତାର୍‌ମଃନ୍‌ କଃଉଁଣା ଅୟ୍‌ଦ୍‌, ସଃଡେବଃଳ୍‌ ତୁମିମଃନ୍ ସେରି ଦଃକି, କଃରା ବିନ୍ ଲଃଗେ ଅୟ୍‌ଲି ବଃଲି ନିଜେ ନିଜେ ଜାଣୁଲାସ୍‌ । 
\v 31 ସେନ୍‌କଃରି ତୁମିମଃନ୍ ହେଁ ଇସଃବୁ ଗଃଟ୍‍ଣା ଦଃକ୍‌ଲେକ୍‌ ମାପ୍ରୁର୍‌ ରାଇଜ୍‌ ଲଃଗେ ଅୟ୍‌ଲି ବଃଲି ଜାଣା ।”
\p
\v 32 “ମୁୟ୍‌ଁ ତୁମିକେ ସଃତ୍‌ କଃଉଁଲେ, ଇ ସଃବୁ ଗଃଟ୍‍ଣା ଗଃଟ୍‌ତା ହଃତେକ୍‌ ଅଃବାର୍‌ ଲକ୍‌ମଃନାର୍‌ ବଃଉଁସ୍‌ ନଃବୁଡେ । 
\v 33 ଅଃଗାସ୍‌ ଆର୍‌ ହୁର୍ତିବି ନଃସ୍ଟ୍‌ ଅୟ୍‌ଦ୍‌, ମଃତର୍‌ ମର୍‌ କଃତା କଃବେ ନଃସ୍ଟ୍‌ ନଃହୟ୍‌ ।”
\s ଜଃଗ୍ରାତ୍‌ ରେତାର୍‌ ଲଳା
\p
\v 34 “ତୁମିମଃନ୍ ନିଜାର୍‌ ନିଜାର୍‌ ବିସୟେ ଜଃଗ୍ରାତ୍‌ ଅୟ୍‌ରିଆ, ଚଃନେମଃନେ ତୁମାର୍‌ ମଃନ୍‌ ମାତୁଆଳି ଆର୍‌ ମଃଦ୍‌ କାଉଁକେ ଆରେକ୍‌ ଜିବ୍‌କାର୍‌ ଗିନେ ଚିତାୟ୍‌ ବୁଡି ରେତା ବଃଳ୍‌ ସେ ଦିନ୍ ଲୁକ୍‌ଣେ ତୁମାର୍‌ ଉହ୍ରେ ଆସେଦ୍‌; 
\v 35 କାୟ୍‌ତାକ୍‌ବଃଲେକ୍‌ ସେରି ହାନ୍ଦା ହର୍‌ ସଃରା ହୁର୍ତିବି ସଃବୁଲକାର୍‌ ଉହ୍ରେ ଆସେଦ୍‌ । 
\v 36 ମଃତର୍‌ ଜଃନ୍‌କଃରି ଇ ସଃବୁ ଆଗ୍‌ତୁ ଗଃଟ୍‍ଣା ତଃୟ୍‌ହୁଣି ବଚୁକେ ଆର୍‌ ନଃରାର୍‌ ହୟ୍‌ସି ଚଃମେ ଟିଆ ଅଃଉଁକେ ହାରାସ୍‌ ଇତାକ୍‌ ସଃବୁ ବଃଳ୍‌ ଗଃଉଆରି କଃରି ଜାଗି ରିଆ ।”
\p
\v 37 \x + \xo ୨୧:୩୭ \xo*\xt ଲୁକ ୧୯:୪୭.\xt*\x*ଜିସୁ ହଃତିଦିନ୍‌ ମନ୍ଦିରେ ସିକ୍ୟା ଦେତିରିଲା ଆର୍‌ ସଃବୁ ରାତି ବାରାୟ୍‌ ଜାୟ୍‌ ଜିତ୍‌ ଡଙ୍ଗ୍ରେ ରେତିରିଲା । 
\v 38 ଆର୍‌ ସଃବୁ ଲକ୍‌ ମନ୍ଦିରେ ତାର୍‌ ସିକ୍ୟା ସୁଣୁକ୍‌ ହଃତି ସଃକାଳ୍ୟା ତାର୍‌ ତଃୟ୍‌ ଆସ୍ତି ରିଲାୟ୍‌ ।
\c 22
\s ଜିସୁର୍‌ ବିରଦେ କୁଟ୍‌କଃଲାୟ୍‌
\r (ମାତି ୨୬:୧-୫; ମାର୍କ ୧୪:୧-୨; ଜହ ୧୧:୪୫-୫୩)
\p
\v 1 ମୁକ୍ଳାଉଁଣି ହଃର୍ବ୍‌ ନାଉଁଆର୍‌ କମିର୍‌ ନଃମିସ୍‌ଲା ମୁକ୍ଳାଉଁଣି ହଃର୍ବ୍‌ ଚଃମେ ଅୟ୍‌ ଆସ୍ତିରିଲି । 
\v 2 ଆର୍‌ ବଃଡ୍ ଜାଜକ୍‌ ଆର୍‌ ଦଃର୍ମ୍‌ଗୁରୁମଃନ୍‌ କଃନ୍‌କଃରି ଜିସୁକେ କେ ନଃଜାଣ୍‌ଲା ହର୍‌ ନାସ୍‌ କଃରୁହାର୍ତି, ସେତାର୍‌ ଉପାୟ୍‌ କଃର୍ତି ରିଲାୟ୍‌, କାୟ୍‌ତାକ୍‌ବଃଲେକ୍‌ ସେମଃନ୍ ଲକ୍‌ମଃନ୍‌କେ ଡିର୍‌ତି ରିଲାୟ୍‌ ।
\s ଜିଉଦା ବିସ୍ୱାସେ ବିସ୍‌ ଦିଲା
\r (ମାତି ୨୬:୧୪-୧୬; ମାର୍କ ୧୪:୧୦-୧୧)
\p
\v 3 ସଃଡେବଃଳ୍‌ ବାରଗଟ୍‌ ଚେଲା ବିତ୍ରେ ରିଲା ଇସ୍କାରିଅତ୍‌ ନାଉଁଆର୍‌ ଜିଉଦାର୍‌ ମଃନ୍‌ବିତ୍ରେ ସୟ୍‌ତାନ୍‌ ହୁର୍ଲି । 
\v 4 ସେତାକ୍‌, ସେ ଜାୟ୍‌, କଃନ୍‌କଃରି କଃରି ଜିସୁକେ ବଃଡ୍ ଜାଜକ୍‌ ଆର୍‌ ସଃଇନ୍‌ମଃନାର୍‌ ମୁଳିକାମଃନାର୍‌ ଆତେ ଦଃରାୟ୍‌ ଦଃୟ୍‌ଦ୍‌ ସେରି ତାକାର୍‌ ସଃଙ୍ଗ୍ କଃତାବାର୍ତା କଃଲା । 
\v 5 ସେତାକ୍‌ ସେମଃନ୍ ସଃର୍ଦା ଅୟ୍‌ଲାୟ୍‌ ଆର୍‌ ତାକେ ଡାବୁ ଦେଉଁକେ ଚିଡାହଡା କଃଲାୟ୍‌ । 
\v 6 ଆର୍‌ ଜିହୁଦା ରାଜି ଅୟ୍‌ ଲକ୍‌ମଃନାର୍‌ ଲୁକ୍‌ଣେ ତାକେ ସେମଃନାର୍‌ ଆତେ ସଃର୍ହି ଦେଉଁକ୍‌ ବାଟ ଲଳ୍‌ତିରିଲା ।
\s ମୁକ୍ତି ହଃର୍ବାର୍‌ ଗିନେ ଜିସୁ ତିଆର୍‌ ଅୟ୍‌ଲା
\r (ମାତି ୨୬:୧୭-୨୫; ମାର୍କ ୧୪:୧୨-୨୧; ଜହ ୧୩:୨୧-୩୦)
\p
\v 7 ତାର୍‌ହଃଚେ ଜୁୟ୍‌ଦିନ୍‌ ମୁକ୍ଳାଉଣି ହଃର୍ବାର୍‌, ହୁଜାମେଣ୍ଡା ଦେଉଁକ୍‌ ହଃଳେଦ୍‌, ସେ କମିର୍‌ ନଃମିସାଉତା ରୁଟିର୍‌ ହଃର୍ବ୍‌ ହଚ୍‌ଲି; 
\v 8 ଆର୍‌, ଜିସୁ ପିତର୍‌ ଆର୍‌ ଜହନ୍‌କେ ଇରି କୟ୍‌ କଃରି ହଃଟାୟ୍‌ଲା, “ଅଃମିମଃନ୍‌ ଜଃନ୍‌କଃରି କାଉଁ ହାରୁନ୍ଦ୍‌, ଇତାକ୍‌ ତୁମିମଃନ୍ ଜାୟ୍‌ ଅଃମାର୍‌ ଗିନେ ମୁକ୍ଳାଉଁଣି ହଃର୍ବ୍‌ ବଜି କଃରା ।”
\p
\v 9 ସେତାକ୍‌ ସେମଃନ୍ ଜିସୁକେ ହଃଚାର୍ଲାୟ୍‌, “ଅଃମିମଃନ୍‌ କୁୟ୍‌ ଟାଣେ ଇରି ଟିକ୍‌ କଃରୁନ୍ଦ୍‌ ବଃଲି ତୁୟ୍‌ ମଃନ୍‌ କଃରୁଲିସ୍‌ ?”
\p
\v 10 ଜିସୁ ସେମଃନ୍‌କେ କୟ୍‌ଲା, “ଦଃକା ତୁମିମଃନ୍ ଗଃଳ୍‌ ବିତ୍ରେ ହୁରୁହୁରୁ, ଡକାୟ୍‌ ହାଣି ବୟ୍‌ନେତା ଗଟ୍‌ ମାନାୟ୍‌କେ ତୁମିମଃନ୍ ବେଟ୍‌ ହାଉଆସ୍‌, ସେ ଜୁୟ୍‌ ଗଃରେ ହୁରେଦ୍‌, ତାର୍‌ ହଃଚେହଃଚେ ସେ ଗଃରେ ଜାୟ୍‌ ଗଃରାର୍‌ ମୁଳିକାକେ କଃଉଆ, 
\v 11 ଅଃମାର୍‌ ଗୁରୁ ତକେ ହଃଚାରି ଆସୁକ୍‌ ମକେ ହଃଟାୟ୍‌ ଆଚେ, ମୁୟ୍‌ଁ ମର୍‌ ଚେଲାମଃନାର୍‌ ସଃଙ୍ଗ୍ କୁୟ୍‌ତି ମୁକ୍ଳାଉଁଣି ହଃର୍ବ୍‌ ବଜି କଃରିନ୍ଦ୍‌ ବଃଲି କଃଉଁଲା, କୁୟ୍‌ ବଃକ୍ରାୟ୍‌ କଃରୁନ୍ଦ୍‌ । 
\v 12 ସେତି ସେ ତୁମିକେ ଉହ୍ରାର୍‌ ଗଟେକ୍‌ ସୁନ୍ଦୁର୍‌ ବଃଡ୍ ବଃକ୍ରା ଦଃକାୟ୍‌ ଦଃୟ୍‌ଦ୍‌; ସେତି ଟିକ୍‌ କଃରା ।”
\p
\v 13 ସେତାକ୍‌ ସେମଃନ୍ ଜାୟ୍‌, ଜିସୁ ଜଃନ୍‌କଃରି ସେମଃନ୍‌କେ କୟ୍‌ ରିଲା ସେନ୍‌କାର୍‌ ଦଃକି ମୁକ୍ଳାଉଁଣି ହଃର୍ବ୍‌ ବଜି ଟିକ୍‌ କଃଲାୟ୍‌ ।
\s ମାପ୍ରୁ ବଜି
\r (ମାତି ୨୬:୨୬-୩୦; ମାର୍କ ୧୪:୨୨-୨୬; ୧ କର ୧୧:୨୩-୨୫)
\p
\v 14 ଆରେକ୍‌, ବେଳା ଅୟ୍‌ଲାକ୍‌ ଜିସୁ ଆର୍‌ ତାର୍‌ ସଃଙ୍ଗ୍ ପେରିତ୍‌ମଃନ୍‌ କାଉଁକେ ବଃସ୍‌ଲାୟ୍‌ । 
\v 15 ଆର୍‌ ଜିସୁ ସେମଃନ୍‌କେ କୟ୍‌ଲା, “ମର୍‌ ଦୁକ୍‌ ହାଉତା ହୁର୍ବେ ମୁୟ୍‌ଁ ତୁମାର୍‌ ସଃଙ୍ଗ୍ ଇ ମୁକ୍ଳାଉଁଣି ହଃର୍ବ୍‌ ବଜି କାଉଁକେ ମଃନ୍‌କଃଲେ । 
\v 16 କାୟ୍‌ତାକ୍‌ବଃଲେକ୍‌, ମୁୟ୍‌ଁ ତୁମିମଃନ୍‌କେ କଃଉଁଲେ, ମାପ୍ରୁର୍‌ ରାଇଜେ ଆର୍‌ ସଃବୁ ବାବ୍‌ ଜାଣା ନଃହେଳ୍‌ତା ହଃତେକ୍‌ କଃବେହେଁ ଇରି କାଉଁନଃଚି ।”
\p
\v 17 ଆର୍‌ ଜିସୁ ଅଙ୍ଗୁର୍‌ ରଃସ୍‌ କପାୟ୍‌ ଦଃରି ମାପ୍ରୁକେ ଜୁଆର୍‌ କଃରି ଦଃୟ୍‌ କୟ୍‌ଲା, “ଇରି ନିଆ ନିଜାର୍‌ ନିଜାର୍‌ ବିତ୍ରେ ବାଟା କଃରା, 
\v 18 କାୟ୍‌ତାକ୍‌ବଃଲେକ୍‌ ମୁୟ୍‌ଁ ତୁମିମଃନ୍‌କେ କଃଉଁଲେ, ମାପ୍ରୁର୍‌ ରାଇଜ୍‌ ନାସ୍ତା ହଃତେକ୍‌ ମୁୟ୍‌ଁ ଆଜିହୁଣି ଅଙ୍ଗୁର୍‌ ରଃସ୍‌ ଆରେକ୍‌ କାଉଁନଃଚି ।”
\p
\v 19 ଆର୍‌, ଜିସୁ ରୁଟିକ୍‌ ଦଃରି ମାପ୍ରୁକେ ଜୁଆର୍‌ କଃରି, ସେରି ବାଙ୍ଗାୟ୍‌ ସେମଃନ୍‌କେ ଦଃୟ୍‌ କଃରି କୟ୍‌ଲା, “ତୁମାର୍‌ ଗିନେ ଦିଆଅୟ୍‌ଲା ମର୍‌ ଗଃଗାଳ୍‌ ଇରି; ମକେ ଏତାଉଁକେ ଇରି କଃରା ।” 
\v 20 ସେରଃକମ୍‌ ରୁଟି କାୟ୍‌ଲା ହଃଚେ କପାୟ୍‌ ଅଙ୍ଗୁର୍‌ ରଃସ୍‌ ଦଃରି କୟ୍‌ଲା, “ତୁମାର୍‌ ଗିନେ ଦିଆଅୟ୍‌ଲା ମର୍‌ ବଃନି, ଇରି ସେ ତୁମାର୍‌ ଗିନେ ମର୍‌ ବଃନି ତଃୟ୍‌ ଟିକ୍‌ କଃଲା ନଃଉଆଁ ବିଦି ।”
\p
\v 21 “ମଃତର୍‌ ଦଃକା ଜେ ମକେ ସଃତ୍ରୁ ଆତେ ସଃର୍ହି ଦେଉଁଲା, ତାର୍‌ ଆତ୍‌ ମର୍‌ ସଃଙ୍ଗ୍ ଟେବୁଲ୍‌ ଉହ୍ରେ ଆଚେ । 
\v 22 କାୟ୍‌ତାକ୍‌ବଃଲେକ୍‌ ମାପ୍ରୁ ଜଃନ୍‌କଃରି ଟିକ୍‌ କଃରିଆଚେ, ନଃରାର୍‌ ହୟ୍‌ସି ସେନ୍‌କଃରି ମଃରୁକ୍‌ ଜଃଉଁଲା ସଃତ୍‌, ମଃତର୍‌ ଜୁୟ୍‌ ଲକ୍‌ ସଃହ୍ରି ଦେଉଁଲା, ଚି, ସେ ଡଃଣ୍ଡାର୍‌ ଜୟ୍‌ଗ୍‌ ।”
\p
\v 23 ସେତାକ୍‌ ସେମଃନାର୍‌ ବିତ୍ରେ କେ ଇରି କଃରୁକେ ଜଃଉଁଲା, ସେ କଃତାକ୍‌ ଦଃରି ତାକାର୍‌ ତାକାର୍‌ ବିତ୍ରେ କଃଉଆକଇ ଅଃଉଁକେ ଦଃର୍ଲାୟ୍‌ ।
\s କେ ବଃଡ୍‌ ବଃଲି ଦଃରାଦଃରି
\p
\v 24 \x + \xo ୨୨:୨୪ \xo*\xt ମାତି ୧୮:୧; ମାର୍କ ୯:୩୪; ଲୁକ ୯:୪୬.\xt*\x*ଆରେକ୍‌, ସେମଃନାର୍‌ ବିତ୍ରେ କେ ବଃଡ୍, ସେ କଃତାକ୍‌ ଦଃରାଦଃରି ଅୟ୍‌ଲାୟ୍‌ । 
\v 25 ସେତାକ୍‌ ଜିସୁ ସେମଃନ୍‌କେ କୟ୍‌ଲା, “ଅଜିଉଦିମଃନାର୍‌ ରଃଜାମଃନ୍‌ ସେମଃନାର୍‌ ଉହ୍ରେ ରାଜ୍‌ କଃର୍ତି, ଆରେକ୍‌ ସେମଃନ୍ ସେମଃନାର୍‌ ଦେସାର୍‌ ନିଜ୍‌ଲକ୍‌ ବଃଲି ଡାକେ ହୁଟ୍‌ତି । 
\v 26 \x + \xo ୨୨:୨୬ \xo*\xt ମାତି ୨୩:୧୧; ମାର୍କ ୯:୩୫.\xt*\x*\x + \xo ୨୨:୨୬ \xo*\xt ମାତି ୨୦:୨୫-୨୭; ମାର୍କ ୧୦:୪୨-୪୪.\xt*\x*ମଃତର୍‌ ତୁମିମଃନ୍ ତାକାର୍‌ ହର୍‌ ଅଃଉଆ ନାୟ୍‌, ମଃତର୍‌ ତୁମାର୍‌ ବିତ୍ରେ ଜେ ବଃଡ୍ ସେ ସାନ୍ ହର୍‌ ଅଃଉଅ, ଆର୍‌ ଜେ ମୁଳିକା ସେ ସେବାକାରି ହର୍‌ ଅଃଉଅ । 
\v 27 \x + \xo ୨୨:୨୭ \xo*\xt ଜହ ୧୩:୧୨-୧୫.\xt*\x*ତଃବେ କେ, ବଃଡ୍ ? ଜେ କାଉଁକେ ବଃସେଦ୍‌, କି, ଜେ ସେବା କଃରେଦ୍‌ ? ଜେ କାଉଁକେ ବଃସେଦ୍‌, ସେ କି ବଃଡ୍ ନାୟ୍‌ ? ମଃତର୍‌ ମୁୟ୍‌ଁ ତୁମାର୍‌ ବିତ୍ରେ ଗଟ୍‌ ଗତିଦଃଙ୍ଗ୍‌ଳା ହର୍‌ ଆଚି ।”
\p
\v 28 “ମଃତର୍‌ ତୁମିମଃନ୍ ମର୍‌ ସଃବୁ ପରିକ୍ୟାୟ୍‌ ମର୍‌ ସଃଙ୍ଗ୍ ରଃୟ୍‌ ଆସୁଲାସ୍‌, 
\v 29 ଇତାକ୍‌ ମର୍‌ ଉବା ଜଃନ୍‌କଃରି ମର୍‌ ଗିନେ ରାଇଜ୍‌ ବାଚ୍‌ଲା ଆଚେ, ମୁୟ୍‌ଁ ହେଁ ସେରଃକମ୍‌ ତୁମାର୍‌ ଗିନେ ବାଚିଆଚି । 
\v 30 \x + \xo ୨୨:୩୦ \xo*\xt ମାତି ୧୯:୨୮.\xt*\x*ଜଃନ୍‌କଃରି ମର୍‌ ରାଇଜେ ମର୍‌ ସଃଙ୍ଗ୍ କାଉଆ ହିଉଆ କଃରାସ୍‌ ଆର୍‌ ସିଙ୍ଗାସଣ୍‌ ଉହ୍ରେ ବଃସି ଇସ୍ରାଏଲାର୍‌ ବାର ବଃଉଁସ୍‌କେ ରାଜ୍‌ କଃରାସ୍‌ ।”
\s ପିତର୍‌ ଜିସୁକେ ନଃଜାଣି ବଃଲି କୟ୍‌ଲା
\r (ମାତି ୨୬:୩୧-୩୫; ମାର୍କ ୧୪:୨୭-୩୧; ଜହ ୧୩:୩୬-୩୮)
\p
\v 31 “ସିମନ୍‌, ସିମନ୍, ଦଃକ୍‌ ଗଅଁକେ ଚାଲାଣାୟ୍‌ ଚାଲାଉତା ହର୍‌ ସୟ୍‌ତାନ୍‌ ତୁମିମଃନ୍‌କେ ଚାଲାଉଁକ୍‌ ଅଃଦିକାର୍‌ ହାୟ୍‌ ଆଚେ । 
\v 32 ମଃତର୍‌ ତର୍‌ ବିସ୍ୱାସ୍‌ କଃର୍ତାର୍‌ ଜଃନ୍‌କଃରି ଉଣା ନାୟ୍‌, ସେତାକ୍‌ ମୁୟ୍‌ଁ ତର୍‌ ଗିନେ ଗଃଉଆରି କଃରୁଲେ । ଆର୍‌ ତୁୟ୍‌ ଆରେକ୍‌ ବାଉଳିଆସି ଅଃହ୍‌ଣାର୍‌ ବାୟ୍‌ମଃନ୍‌କେ ତିର୍‌କଃର୍‌ ।”
\p
\v 33 ମଃତର୍‌ ପିତର୍‌ ଜିସୁକେ କୟ୍‌ଲା, “ଏ ମାପ୍ରୁ ମୁୟ୍‌ଁ ତର୍‌ ସଃଙ୍ଗ୍ ଜଃଇଲ୍‌ ଜଃଉଁକେ ଆର୍‌ ମଃରୁକ୍‌ ହେଁ ରାଜି ଆଚି ।”
\p
\v 34 ମଃତର୍‌ ଜିସୁ କୟ୍‌ଲା, “ଏ ପିତର୍‌, ମୁୟ୍‌ଁ ତକେ କଃଉଁଲେ, ଆଜି ରାତି କୁକ୍‌ଳା ନଃବାସ୍ତେ ତୁୟ୍‌ ମକ୍‌ ନଃଜାଣି ବଃଲି ତିନିତର୍‌ କଃଉସି ।”
\s ବେସ୍‌ଣି, ମଣା ଆର୍‌ କଃଣ୍ଡା
\p
\v 35 \x + \xo ୨୨:୩୫ \xo*\xt ମାତି ୧୦:୯,୧୦; ମାର୍କ ୬:୮,୯; ଲୁକ ୯:୩; ୧୦:୪.\xt*\x*ଆର୍‌, ଜିସୁ ସେମଃନ୍‌କେ କୟ୍‌ଲା, “ଜଃଡେବଃଳ୍‌ ତୁମିମଃନ୍‌କେ ଜାଲିଆ, ମଣା, ଆର୍‌ ହାଣ୍ଡାୟ୍‌ ନଃନେଇଁ ଜଃଉଁକେ ହଃଟାୟ୍‌ରିଲେ, ସଃଡେବଃଳ୍‌ ତୁମାର୍‌ କି କାୟ୍‌ରି ଉଣା ଅୟ୍‌ଲି ?” ସେମଃନ୍ କୟ୍‌ଲାୟ୍‌, “ନାୟ୍‌ ।”
\p
\v 36 ଜିସୁ ସେମଃନ୍‌କେ ଆରେକ୍‌ କୟ୍‌ଲା, “ମଃତର୍‌ ଅଃବେ, ଜାର୍‌ ଜାଲିଆ ମଣା ଆଚେ, ସେ ସେରି ନେଉଅ, ସେବାନ୍ୟା ମଣାହେଁ ନେଉଅ, ଆର୍‌ ଜାର୍‌ ନୟ୍‌, ସେ ଅଃହ୍‌ଣାର୍‌ ଆଙ୍ଗି କଃଣ୍ଡେକ୍‌ ବିକିକଃରି କଃରି କଃଣ୍ଡା ଗେନ । 
\v 37 କାୟ୍‌ତାକ୍‌ବଃଲେକ୍‌ ମୁୟ୍‌ଁ ତୁମିମଃନ୍‌କେ କଃଉଁଲେ, ସେ ବିଦିନୟ୍‌ଲା ହାହିମଃନାର୍‌ ସଃଙ୍ଗ୍ ଗଣିତା ଅୟ୍‌ଲା ଇ ଜୁୟ୍‌ କଃତା ଲେକା ଅୟ୍‌ଆଚେ, ସେରି ମର୍‌ ତଃୟ୍‌ ହୁରୁଣ୍ ଅଃଉତା ଲଳା ଆଚେ; ଇତାକ୍‌ ମର୍‌ କଃତା ହୁରୁଣ୍ ଅଃଉଁଲି ।”
\p
\v 38 ସେତାକ୍‌ ସେମଃନ୍ କୟ୍‌ଲାୟ୍‌, “ମାପ୍ରୁ, ଦଃକ୍‌ ଇତି ଜଳେକ୍‌ କଃଣ୍ଡା ଆଚେ ।”
\p ଆର୍‌ ଜିସୁ ସେମଃନ୍‌କେ କୟ୍‌ଲା, “ସଃତେକ୍‌ ସଃରି ।”
\s ଜିତ୍‌ ଡଙ୍ଗ୍ରେ ଜିସୁ ପାର୍ତ୍‌ନା କଃରୁକେ ଗଃଲା
\r (ମାତି ୨୬:୩୬-୪୬; ମାର୍କ ୧୪:୩୨-୪୨)
\p
\v 39 ଜିସୁ ଗଃଳେହୁଣି ବାରାୟ୍‌, ହଃତିଦିନାର୍‌ ହର୍‌ ବାରାୟ୍‌ ଜିତ୍‌ ଡଙ୍ଗ୍ରେ ଗଃଲା ଆର୍‌ ଚେଲାମଃନ୍ ହେଁ ତାର୍‌ ହଃଚେହଃଚେ ଗଃଲାୟ୍‌ । 
\v 40 ସେଟାଣେ ହଚି ଜିସୁ ସେମଃନ୍‌କେ କୟ୍‌ଲା, “ଜଃନ୍ କଃରି ହାନ୍ଦାୟ୍‌ ନଃହେଳାସ୍‌, ସେତାର୍‌ ଗିନେ ପାର୍ତ୍‌ନା କଃରା ।”
\p
\v 41 ଆର୍‌ ସେ ସେମଃନ୍‌କେ ଚାଡି କଃଣ୍ଡେକ୍‌ ଦୁରିକ୍‌ ଜାୟ୍‌ ମାଣ୍ଡିକୁଟା ଟେସି, ଇ ପାର୍ତ୍‌ନା କଃରୁକେ ଦଃର୍ଲା । 
\v 42 “ଉବା ଜଦି ତର୍‌ ମଃନ୍‌ ଅୟ୍‌ଦ୍‌ ତଃବେ ଇ ଦୁକ୍‌ ରଃକମାର୍‌ କପା ମର୍‌ ତଃୟ୍‌ହୁଣି ଦୁର୍‌କଃର୍‌; ଅୟ୍‌ଲେକ୍‌ ହେଁ ମର୍‌ ମଃନ୍‌ ନାୟ୍‌, ମଃତର୍‌ ତର୍‌ ଇଚା ହୁରୁଣ୍‌ ଅଃଉଅ ।” 
\v 43 ଆର୍‌, ଗଟ୍‌ ସଃର୍ଗାର୍‌ ଦୁତ୍‌ ଦଃକାୟ୍‌ ଅୟ୍‌ ତାକେ ସଃକ୍ତି ଦିଲା । 
\v 44 ଆରେକ୍‌, ସେ ଦୁକେ ବାଙ୍ଗିହଃଳି ଏକ୍‌ମଃନେ ପାର୍ତ୍‌ନା କଃରୁକେ ଦଃର୍ଲା ଆର୍‌ ତାର୍‌ ଜଃଳ୍‌ ବଃନିତିହ୍‌ଳା ହର୍‌ ବୁୟେଁ ତିହ୍‌ଲି ।
\p
\v 45 ଆର୍‌ ସେ ପାର୍ତ୍‌ନା କଃରି ସଃରାୟ୍‌ ଉଟି ଚେଲାମଃନାର୍‌ ହାକ୍‌ ଆସି ସେମଃନ୍‌କେ ଦୁକାର୍‌ଗିନେ ନିଦଉତାର୍‌ ଦଃକ୍‌ଲା । 
\v 46 ଆରେକ୍‌ ଜିସୁ ସେମଃନ୍‌କେ କୟ୍‌ଲା, “କାୟ୍‌ତାକ୍‌ ସଃଉଁଲାସ୍‌ ? ଜଃନ୍‌କଃରି ହାନ୍ଦାୟ୍‌ ନଃହେଳାସ୍‌ ଇତାର୍‌ ଗିନେ ଉଟି ପାର୍ତ୍‌ନା କଃରା ।”
\s ସଃତ୍ରୁମଃନ୍‌ ଜିସୁକେ ବାନ୍ଦ୍‌ଲାୟ୍‌
\r (ମାତି ୨୬:୪୭-୫୬; ମାର୍କ ୧୪:୪୩-୫୦; ଜହ ୧୮:୩-୧୧)
\p
\v 47 ଜିସୁ କଃତା କଃଉତାବଃଳ୍‌, ଦଃକା ଲକ୍‌ମଃନ୍ ଆୟ୍‌ଲାୟ୍‌, ଆର୍‌ ବାରଗଟ୍‌ ଚେଲା ବିତ୍ରେ ଜିଉଦା ନାଉଁଆର୍‌ ଏକ୍ଲା ସେମଃନାର୍‌ ଆଗେ ଆଗେ ଆସି ଜିସୁକେ ଚୁମୁକେ ତାର୍‌ ଚଃମେ ଗଃଲା । 
\v 48 ମଃତର୍‌ ଜିସୁ ତାକ୍‌ କୟ୍‌ଲା, “ଏ ଜିଉଦା, ଚୁମି କଃରି ନଃରାର୍‌ ହୟ୍‌ସିକେ କାୟ୍‌ ସଃତ୍ରୁ ଆତେ ସଃର୍ହି ଦେଉଁଲିସ୍‌ ?”
\p
\v 49 ସେତାକ୍‌ କାୟ୍‌ରି ଅୟ୍‌ଦ୍‌ ସେରି ଦଃକି ତାର୍‌ ସଃଙ୍ଗୁଆଳିମଃନ୍‌ କୟ୍‌ଲାୟ୍‌, “ମାପ୍ରୁ ଅଃମିମଃନ୍‌ କାୟ୍‌ କଃଣ୍ଡା ସଃଙ୍ଗ୍ ମାରୁଆଁ ?” 
\v 50 ଆର୍‌, ସେମଃନାର୍‌ ବିତ୍ରେ ଏକ୍ଲା ମୁଳ୍‌ ଜାଜକାର୍‌ ଗତିଦଃଙ୍ଗ୍‌ଳାକ୍‌ ମାରି କଃରି ତାର୍‌ କାତା ବାଟ୍ୟାର୍‌ କାନ୍‌ କାଟି ହଃକାୟ୍‌ଲା ।
\p
\v 51 ମଃତର୍‌ ଜିସୁ ଉତୁର୍‌ ଦିଲା, “ଅଃତେକ୍‌ ସଃରି;” ଆର୍‌ ସେ ଲକାର୍‌ କାନ୍‌ ଚୁଇ, ତାକ୍‌ ଉଜ୍‌ କଃଲା ।
\p
\v 52 ଆର୍‌ ଜିସୁ ତାର୍‌ ବିରଦେ ଆସିରିଲା ମୁଳ୍‌ ଜାଜକ୍‌, ମନ୍ଦିର୍‌ ଜାଗୁଆଳିମଃନାର୍‌ ମୁଳ୍‌ ସଃଇନ୍‌ ଆର୍‌ ପାରାଚିନ୍‌ମଃନ୍‌କେ କୟ୍‌ଲା, “ଚର୍‌ ବିରଦେ ବାରୟ୍‌ଲା ହର୍‌ କଃଣ୍ଡା ଆର୍‌ ଟେଙ୍ଗା ଦଃରି ତୁମିମଃନ୍ କାୟ୍‌ତାକ୍‌ ଦଃରୁକେ ଆୟ୍‌ଲାସ୍‌ ? 
\v 53 \x + \xo ୨୨:୫୩ \xo*\xt ଲୁକ ୧୯:୪୭; ୨୧:୩୭.\xt*\x*ମୁୟ୍‌ଁ ଦିନେକେ ତୁମାର୍‌ ସଃଙ୍ଗ୍ ମନ୍ଦିରେ ରିଲେ, ମଃତର୍‌ ତୁମିମଃନ୍ ସଃଡେବଃଳ୍‌ ମକ୍‌ ଦଃରୁ ନଃଚ୍‌ଲାସ୍‌, ମଃତର୍‌ ଇରି ତୁମାର୍‌ ବେଳା, ଅଃନ୍ଦାରାର୍‌ ଅଃଦିକାର୍‌ ଇରି ।”
\s ପିତର୍‌ ଜିସୁକେ ନଃଜାଣି ବଃଲି କୟ୍‌ଲା
\r (ମାତି ୨୬:୫୭-୫୮,୬୯-୭୫; ମାର୍କ ୧୪:୫୩-୫୪,୬୬-୭୨; ଜହ ୧୮:୧୨-୧୮,୨୫-୨୭)
\p
\v 54 ହଃଚେ ସେମଃନ୍ ଜିସୁକେ ଦଃରିନଃୟ୍‌ ମୁଳ୍‌ ଜାଜକାର୍‌ ଗଃରେ ଆଣ୍‌ଲାୟ୍‌; ମଃତର୍‌ ପିତର୍‌ ଦୁରିକେ ରଃୟ୍‌ କଃରି ହଃଚେ ହଃଚେ ଗଃଲା । 
\v 55 ଆର୍‌ ସେମଃନ୍ କୁଆଳେ ଜୟ୍‌ ଲାଗାୟ୍‌ ଗଟେଟାଣେ ବଃସ୍‌ଲାକେ, ପିତର୍‌ ସେମଃନାର୍‌ ବିତ୍ରେ ବଃସିରିଲା । 
\v 56 ଗଟ୍‌ ଗତିଦଃଙ୍ଗ୍‌ଳି ତାକେ ଜୟ୍‌ ଲଃଗେ ବଃସିରିଲାର୍‌ ଦଃକି ତାକ୍‌ ସଃଳ୍‌କେ ମୁଏଁ ଦଃକି କୟ୍‌ଲି, “ଇ ଲକ୍‌ ହେଁ ତାର୍‌ ସଃଙ୍ଗ୍ ରିଲା ।”
\p
\v 57 ମଃତର୍‌ ପିତର୍‌ ନାୟ୍‌ ବଃଲି କୟ୍‌ଲା, “ଏ ଆୟା, ମୁୟ୍‌ଁ ତାକ୍‌ ନଃଜାଣି ।”
\p
\v 58 ଚଃନେକ୍‌ ଗଃଲାହଃଚେ ଆରେକ୍‌ ଗଟ୍‌ଲକ୍‌ ତାକ୍‌ ଦଃକି କୟ୍‌ଲା, “ତୁୟ୍‌ ହେଁ ସେମଃନାର୍‌ ବିତ୍ରେ ଏକ୍ଲା ।”
\p ମଃତର୍‌ ପିତର୍‌ କୟ୍‌ଲା, “ନାୟ୍‌ ବାୟ୍‌, ମୁଁୟ୍‌ ନୟ୍‌ ।”
\p
\v 59 ଗଟ୍‌ ଗଃଟା ହଃଚେ ଆରେଗଟ୍‌ ମାନାୟ୍‌ ନିଜ୍‌କଃରି କାଉଁକେ ଦଃର୍ଲା, “ଇମାନାୟ୍‌ ହେଁ ସଃତ୍‌କଃରି ତାର୍‌ ସଃଙ୍ଗ୍ ରିଲା, କାୟ୍‌ତାକ୍‌ବଃଲେକ୍‌ ସେତ ଗାଲିଲିର୍‌ ଲକ୍‌ ।”
\p
\v 60 ମଃତର୍‌ ପିତର୍‌ କୟ୍‌ଲା, “ବାୟ୍‌ ଜୁୟ୍‌ରି କଃଉଁଲିସ୍‌, ମକ୍‌ ସେରି ଜାଣାନାୟ୍‌ !” ତଃତ୍‌କାଣ୍ ସେ ଇ କଃତା କଃଉଁକଃଉଁ କୁକ୍‌ଳା ବାସ୍‌ଲି । 
\v 61 ଆର୍‌, ଜିସୁ ହଃଚ୍‌ବାଟ୍‌ ଉଲ୍‌ଟି କଃରି ପିତର୍‌କେ ସଃଳ୍‌କେ ଦଃକ୍‌ଲା; ଇତାର୍‌ହଃଚେ, “ଆଜି କୁକ୍‌ଳା ବାସ୍ତା ଆଗ୍‌ତୁ ତୁୟ୍‌ ମକେ ତିନିତର୍‌ ନଃଜାଣିବଃଲି କଃଉସି,” ଇ ଜୁୟ୍‌ କଃତା ମାପ୍ରୁ ପିତର୍‌କେ କୟ୍‌ରିଲା, 
\v 62 ସେରି ତାର୍‌ ମଃନେ ହଃଳ୍‌ଲି, ଆର୍‌ ସେ ହଃଦାୟ୍‌ ବାରାୟ୍‌ ଜଃବର୍‌ ରଦନ୍‌ କଃଲା ।
\s ଜିସୁକେ ଗେଙ୍ଗ୍ରାୟ୍‌କଃରି ମାର୍‌ଲାୟ୍‌
\r (ମାତି ୨୬:୬୭-୬୮; ମାର୍କ ୧୪:୬୫)
\p
\v 63 ଆରେକ୍‌ ଜୁୟ୍‌ ଲକ୍‌ମଃନ୍ ଜିସୁକେ ଦଃରି ଜାଗି ରିଲାୟ୍‌, ସେମଃନ୍ ତାକ୍‌ ମାରିମାରି ଗେଙ୍ଗ୍ରାୟ୍‌ଲାୟ୍‌ । 
\v 64 ଆର୍‌, ତାକେ ମୁୟେ ତୁଆଲ୍‌ ବାନ୍ଦି ହଃଚାରୁକ୍‌ ଦଃର୍ଲାୟ୍‌, “ତୁୟ୍‌ ତ ବାବ୍‌ବାଣି କଃଉତା ଲକ୍‌, କଃଉ ତକେ କେ ମାର୍‌ଲା ?” 
\v 65 ଆରେକ୍‌ ସେମଃନ୍ ଜିସୁକେ ଗାଦେକ୍‌ କଃତା କୟ୍‌ ତାକ୍‌ ଲିନ୍ଦା କଃରୁକେ ଦଃର୍ଲାୟ୍‌ ।
\s ଜିସୁକେ ବେରାଣ୍‌ମୁଣ୍ଡାୟ୍‌ ଆଣ୍‌ଲାୟ୍‌
\r (ମାତି ୨୬:୫୯-୬୬; ମାର୍କ ୧୪:୫୫-୬୪; ଜହ ୧୮:୧୯-୨୪)
\p
\v 66 ତାର୍‌ହଃଚେ ସଃକାଳ୍‌ ହାୟ୍‌ଲା ଦାହ୍ରେ ଜିଉଦି ଲକ୍‌ମଃନାର୍‌ ବେରାଣାର୍‌ ପାରାଚିନ୍ ଆର୍‌ ମୁଳ୍‌ ଜାଜକ୍‌ ଆର୍‌ ଦଃର୍ମ୍‌ଗୁରୁମଃନ୍‌ ରୁଣ୍ଡି କଃରି ଅଃହ୍‌ଣାମଃନାର୍‌ ବେରାଣ୍‌ମୁଣ୍ଡାୟ୍‌ ନଃୟ୍‌ କଃରି କୟ୍‌ଲାୟ୍‌, “ଜଦି ତୁୟ୍‌ କ୍ରିସ୍ଟ ଅଃମିମଃନ୍‌କ୍‌ କଃଉ ।” 
\v 67 ମଃତର୍‌ କ୍ରିସ୍ଟ ସେମଃନ୍‌କେ କୟ୍‌ଲା, “ମୁଁୟ୍‌ ଜଦି ତୁମିମଃନ୍‌କେ କୟ୍‌ଦ୍‌, ତୁମିମଃନ୍ ସଃତ୍‌ ନଃକେରାସ୍‌ । 
\v 68 ତଃବେ, ମୁୟ୍‌ଁ ଜଦି ହଃଚାରିନ୍ଦ୍‌, ତୁମିମଃନ୍ ଉତୁର୍‌ ନଃଦିଆସ୍‌ । 
\v 69 ମଃତର୍‌ ଅଃବେହୁଣି, ନଃରାର୍‌ ହୟ୍‌ସି ବଃଡ୍ ସଃକ୍ତିମାନ୍ ଇସ୍ୱରାର୍‌ କାତାବାଟ୍ୟା ବଃସେଦ୍‌ ।”
\p
\v 70 ସେତାକ୍‌ ସେମଃନ୍ ସଃବୁଲକ୍‌ ହଃଚାର୍ଲାୟ୍‌, “ତଃବେ ତୁୟ୍‌ କି ଇସ୍ୱରାର୍‌ ହୟ୍‌ସି ?” ଜିସୁ ସେମଃନ୍‌କେ ଉତୁର୍‌ ଦିଲା, “ମୁୟ୍‌ଁ ସେ ବଃଲି ତୁମି କଃଉଁଲାସ୍‌ ।”
\p
\v 71 ତଃବେ ସେମଃନ୍ କୟ୍‌ଲାୟ୍‌, “ଅଃମାର୍‌ ସାକିର୍‌ ଦଃର୍‌କାର୍‌ ନାୟ୍‌, ଅଃମିମଃନ୍‌ ତ ନିଜେ ନିଜେ ତାର୍‌ ନିଜାର୍‌ ଟଣ୍ଡେ ହୁଣି ଇରି ସୁଣ୍‌ଲୁ ।”
\c 23
\s ଜିସୁକେ ପିଲାତ ଲଃଗେ ଆଣ୍‌ଲାୟ୍‌
\r (ମାତି ୨୭:୧-୨,୧୧-୧୪; ମାର୍କ ୧୫:୧-୫; ଜହ ୧୮:୨୮-୩୮)
\p
\v 1 ଆର୍‌ ହଃଚେ ବେରାଣାର୍‌ ସଃବୁଲକ୍‌ ଉଟି ଜିସୁକେ ପିଲାତ ହାକ୍‌ ନିଲାୟ୍‌ । 
\v 2 ଆର୍‌, ସେମଃନ୍ ତାର୍‌ ବିରଦେ, କଃଉଁକେ ଦଃର୍ଲାୟ୍‌, “ଅଃମିମଃନ୍‌ ଦଃକ୍‌ଲୁ, ଇ ଲକ୍‌ ଅଃମାର୍‌ ଜାତିକେ ରଃଜାର୍‌ ବିରଦି କଃରାଉଁଲା ଆର୍‌ କାଇସର୍‌କେ ସିସ୍ଟୁ ନଃଦେଉଁକେ କଃଉଁଲା, ଆର୍‌ ନିଜ୍‌କେ କ୍ରିସ୍ଟ ରଃଜାବଃଲି କଃଉଁଲା ।”
\p
\v 3 ସେତାକ୍‌ ପିଲାତ ହଃଚାର୍ଲା, “ତୁୟ୍‌ କି ଜିଉଦିମଃନାର୍‌ ରଃଜା ?”
\p ଜିସୁ ଉତୁର୍‌ ଦିଲା, “ତୁୟ୍‌ କଃଉଁଲିସ୍‌ ।”
\p
\v 4 ସେତାକ୍‌ ପିଲାତ ବଃଡ୍ ଜାଜକ୍‌ ଆର୍‌ ଲକ୍‌ମଃନ୍‌କେ କୟ୍‌ଲା, “ମୁୟ୍‌ଁ ଇମାନାୟ୍‌ର୍‌ ତଃୟ୍‌ କାୟ୍‌ ଦଃସ୍‌ ହେଁ ନଃହାଉଁଲେ ।”
\p
\v 5 ମଃତର୍‌ ସେମଃନ୍ ଆରେକ୍‌ ଜଃବର୍‌ କଃରି କାଉଁକେ ଦଃର୍ଲାୟ୍‌, “ଇ ଲକ୍‌ ସଃବୁ ଜିଉଦା ଦେସେ ସିକ୍ୟା ଦଃୟ୍‌କଃରି ଗାଲିଲି ହୁଣି ଆରୁମ୍‌ କଃରି ଇ ଜଃଗା ହଃତେକ୍‌ ହେଁ ଲକ୍‌ମଃନ୍‌କେ ମାତାଉଁଲା ।”
\s ଜିସୁକେ ହେରଦ୍‌ ଲଃଗେ ଆଣ୍‌ଲାୟ୍‌
\p
\v 6 ମଃତର୍‌ ପିଲାତ ଇରି ସୁଣି କଃରି ହଃଚାର୍ଲା, “ଇମାନାୟ୍‌ ଗାଲିଲିର୍‌ କି ?” 
\v 7 ସେ ତ ହେରଦାର୍‌ ରାଜିର୍‌ ଲକ୍‌ ତାର୍‌ ଅଃଦିକାରେ ବଃଲି ଜାଣି କଃରି, ସେ ଜିସୁକେ ହେରଦ୍‌ ହାକ୍‌ ହଃଟାୟ୍‌ଲା, ବଃଲେକ୍‌ ସେ ହେଁ ସେନ୍‌କାବଃଳ୍‌ ଜିରୁସାଲମେ ରିଲା । 
\v 8 ହେରଦ୍‌ ଜିସୁକେ ଦଃକି କଃରି ଅଃନାୟ୍‌ ସଃର୍ଦାଅୟ୍‌ଲା, କାୟ୍‌ତାକ୍‌ବଃଲେକ୍‌ ସେ ଜିସୁର୍‌ କଃତା ସୁଣିରିଲାକ୍‌ ଆର୍‌ ବୁତ୍‌ଦିନ୍‌ ହୁଣି ତାକ୍‌ ଦଃକୁକ୍‌ ମଃନ୍‌ କଃର୍ତିରିଲା ଆର୍‌ ତାର୍‌ ତଃୟ୍‌ହୁଣି କାୟ୍‌ହେଁ କାବା ଅଃଉତା ଚିନ୍ ଦଃକୁକ୍‌ ଆସା କଃର୍ତିରିଲା । 
\v 9 ଇତାକ୍‌ ହେରଦ୍‌ କଃତେକ୍‌ କଃତା ଜିସୁକେ ହଃଚାର୍ଲା, ମଃତର୍‌ ଜିସୁ ତାକେ କାୟ୍‌ ଉତୁର୍‌ ହେଁ ନଃଦିଲା । 
\v 10 ଆର୍‌ ବଃଡ୍ ଜାଜକ୍‌ ଆର୍‌ ଦଃର୍ମ୍‌ଗୁରୁମଃନ୍‌ ଟିଆ ଅୟ୍‌କଃରି ତାର୍‌ ବିରଦେ ଅଃପର୍‌ବଳ୍‌ ଦଃସ୍‌ ଲାଦୁକ୍‌ ଦଃର୍ଲାୟ୍‌ । 
\v 11 ସେତାକ୍‌ ହେରଦ୍‌ ଆର୍‌ ତାର୍‌ ସଃଇନ୍‌ମଃନ୍‌ ଜିସୁକେ ଲିନ୍ଦାକଃରି ଗେଙ୍ଗ୍ରାୟ୍‌ଲାୟ୍‌, ତାର୍‌ହଃଚେ ସେମଃନ୍ ତାକ୍‌ ରଃଜା ବଃସ୍ତର୍‌ ହିନ୍ଦାୟ୍‌ ପିଲାତ ହାକ୍‌ ଆରେକ୍‌ ହଃଟାୟ୍‌ଲାୟ୍‌ । 
\v 12 ସେଦିନ୍‌ ହେରଦ୍‌ ଆର୍‌ ପିଲାତ ସଃଙ୍ଗ୍ ଅୟ୍‌ଲାୟ୍‌ ହୁର୍ବେ ସେମଃନାର୍‌ ବିତ୍ରେ ସଃତ୍ରୁ ବାବ୍‌ ରିଲି ।
\s ଜିସୁକେ ମଃର୍ନ୍‌ ଡଃଣ୍ଡ୍‌ ଦେଉଁକେ ଆଦେସ୍‌ ଦିଆଅୟ୍‌ଲି
\r (ମାତି ୨୭:୧୫-୨୬; ମାର୍କ ୧୫:୬-୧୫; ଜହ ୧୮:୩୯–୧୯:୧୬)
\p
\v 13 ଇତାର୍‌ ହଃଚେ ପିଲାତ ରଃଜା, ବଃଡ୍ ଜାଜକ୍‌ମଃନ୍‌କେ, ବଃଡ୍ ଲକ୍‌ମଃନ୍‌କେ ଆର୍‌ ଲକ୍‌ମଃନ୍‌କେ କୁଦି ସେମଃନ୍‌କେ କୟ୍‌ଲା, 
\v 14 “ଇମାନାୟ୍‌ ଲକ୍‌ମଃନ୍‌କେ ବିରଦ୍‌ କଃରାଉଁଲା ବଃଲି ତୁମିମଃନ୍ ଆକ୍‌ ମର୍‌ହାକ୍‌ ଆଣ୍‌ଲାସ୍‌; ଆର୍‌ ଦଃକା ଅଃମି ତୁମିମଃନାର୍‌ ଚଃମେ ଆକ୍‌ ହଃଚାର୍‌ଲେକ୍‌ ତାର୍‌ ବିରଦେ ତୁମିମଃନ୍ ଜୁୟ୍‌ ସଃବୁ ଦଃସ୍‌ ଦେଉଁଲାସ୍‌, ସେନ୍‌କାର୍‌ କାୟ୍‌ ଦଃସ୍‌ ଇତାର୍‌ ଲଃଗେ ହାଉଁ ନଃହାର୍ଲେ । 
\v 15 ହେରଦ୍‌ ହେଁ କାୟ୍‌ ଦଃସ୍‌ ନଃହାୟ୍‌ଲା, କାୟ୍‌ତାକ୍‌ବଃଲେକ୍‌ ସେ ତାକ୍‌ ଅଃମାର୍‌ ଚଃମେ ଆରେକ୍‌ ହଃଟାୟ୍‌ଲା; ଆର୍‌ ଦଃକା ମଃର୍ନ୍‌ ଡଃଣ୍ଡ୍‌ ହାଉତା କାୟ୍‌ କାମ୍‌ ନଃକେରେ; 
\v 16 ସେତାକ୍‌ ମୁଁୟ୍‌ ଆକ୍‌ ଡଃଣ୍ଡ୍‌ ଦଃୟ୍‌ ଚାଡି ଦଃୟ୍‌ନ୍ଦ୍ ।”
\p
\v 17 ହଃତି ମୁକ୍ଳାଉଣି ହଃର୍ବେ ସେମଃନାର୍‌ ଗିନେ ତାକ୍‌ ଗଟ୍‌ କଃୟ୍‌ଦିକେ ମୁକ୍‌ଳାଉତାର୍‌ ଅଃଉତି ରିଲି ।
\p
\v 18 ମଃତର୍‌ ସେମଃନ୍ ସଃବୁଲକ୍‌ ଉଲ୍‌ଗାଟ୍‌ ଅୟ୍‌ କଃଉଁକେ ଦଃର୍ଲାୟ୍‌, “ଆକ୍‌ ମଃର୍ନେ ମାରା, ଅଃମାର୍‌ ଗିନେ ବାରବାକେ ଚାଡା ।” 
\v 19 ସେ ବାରବା ଗଃଳ୍‌ ବିତ୍ରେ ଅୟ୍‌ରିଲା ଗଣ୍ଡ୍‌ଗଳାର୍‌ ଗିନେ ଆର୍‌ ନଃର୍‌ ଅଃତ୍ୟା ଗିନେ ଜଃଇଲେ ରିଲା ।
\p
\v 20 ମଃତର୍‌ ପିଲାତ ଜିସୁକେ ମୁକ୍‌ଳାଉଁକେ ମଃନ୍‌ କଃରି ସେମଃନ୍‌କେ ଆରେକ୍‌ ବୁଜାୟ୍‌ଲା । 
\v 21 ମଃତର୍‌ ସେମଃନ୍ ଉଲ୍‌ଗାଟ୍‌ ଅୟ୍‌ କୟ୍‌ଲାୟ୍‌, “ତାକ୍‌ କ୍ରୁସ୍‌ ଉହ୍ରେ ଚଃଗାଉଆ, କ୍ରୁସେ ଚଃଗାଉଆ ।”
\p
\v 22 ମଃତର୍‌ ପିଲାତ ଇତାର୍‌ ସଃଙ୍ଗ୍ ତିନିତର୍‌ କୟ୍‌ଲା, “କାୟ୍‌କଃରୁକ୍‌, ସେ କାୟ୍‌ ଦଃସ୍‌ କଃଲା ଆଚେ ? ମୁୟ୍‌ଁ ତାର୍‌ ତଃୟ୍‌ ମଃର୍ନ୍‌ଡଃଣ୍ଡ୍‌ ହାଉତା କାୟ୍‌ ଦଃସ୍‌ ହେଁ ନଃହାଉଁଲେ; ଅଃମି ତାକେ ଡଃଣ୍ଡ୍‌ ଦଃୟ୍‌ କଃରି ଚାଡୁଆଁ ।”
\p
\v 23 ମଃତର୍‌ ତାକେ କ୍ରୁସ୍‌ ଉହ୍ରେ ଚଃଗାଉଆ ବଃଲି ଉଲ୍‌ଗାଟ୍‌ ଅୟ୍‌ ବଃଡ୍‌ଟଣ୍ଡ୍‌ କଃରି କୟ୍‌ଲାୟ୍‌ ଆର୍‌ ସେମଃନାର୍‌ କୟ୍‌ଲା କଃତା ହଃର୍କାରେ ହୁରୁଣ୍‌ ଅୟ୍‌ଲି । 
\v 24 ଆର୍‌ ସେମଃନାର୍‌ କଃତା ହଃର୍କାରେ କଃରା ଜଃଉଅ ବଃଲି ପିଲାତ ତିର୍‌ କଃରି ଆଦେସ୍‌ ଦିଲା; 
\v 25 ମଃତର୍‌ ଗଣ୍ଡ୍‌ଗଳ୍‌ ଆର୍‌ ନଃର୍‌ ଅଃତ୍ୟା ଗିନେ ଜଃଇଲେ ରିଲା ଜୁୟ୍‌ ଲକାର୍‌ ଗିନେ ସେମଃନ୍ କଃଉତି ରିଲାୟ୍‌, ତାକ୍‌ ସେ ଚାଡି ଦିଲା, ଆର୍‌ ଜିସୁକେ ସେ ସେମଃନାର୍‌ ଇଚା ହଃର୍କାରେ କଃରୁକେ ସଃହ୍ରି ଦିଲା ।
\s ଜିସୁକେ କ୍ରୁସ୍‌ କାଟେ ମାର୍‌ଲାୟ୍‌
\r (ମାତି ୨୭:୩୨-୪୪; ମାର୍କ ୧୫:୨୧-୩୨; ଜହ ୧୯:୧୭-୨୭)
\p
\v 26 ସେମଃନ୍ ଜିସୁକେ ନେତାବଃଳ୍‌ ଗଟ୍‌ ସାନ୍‌ ଗାଉଁଏହୁଣି ଗଃଳ୍‌ହାକ୍‌ ଆସ୍ତି ରିଲା ସିମନ୍ ନାଉଁଆର୍‌ ଗଟେକ୍‌ କୁରିଣିୟ ଲକ୍‌କେ ଦଃରି ଜିସୁର୍‌ ହଃଚେହଃଚେ କ୍ରୁସ୍‌ ବୟ୍‌ ଜଃଉଁକେ ତାର୍‌ କଃନ୍ଦେ ସେ କ୍ରୁସ୍‌ ଲାଦ୍‌ଲାୟ୍‌ ।
\p
\v 27 ଆରେକ୍‌ ଲକ୍‌ମଃନାର୍‌ ଆର୍‌ ତାର୍‌ ଗିନେ ବୁକେ ମାରି ଅୟ୍‌ କାନ୍ଦ୍‌ତା ମାୟ୍‌ଜିମଃନାର୍‌ ଗାଦେକ୍‌ ମଃନ୍ଦା ଜିସୁର୍‌ ହଃଚେ ଜାତିରିଲାୟ୍‌ । 
\v 28 ମଃତର୍‌ ଜିସୁ, ସେମଃନାର୍‌ ବାଟ୍ୟା ଉଲ୍‌ଟି ଦଃକି କୟ୍‌ଲା, “ଏ ଜିରୁସାଲମାର୍‌ ଆୟାମଃନ୍‌, ମର୍‌ ଗିନେ କାନ୍ଦା ନାୟ୍‌ଁ, ମଃତର୍‌ ନିଜାର୍‌ ଗିନେ ଆର୍‌ ନିଜାର୍‌ ନିଜାର୍‌ ହିଲାମଃନାର୍‌ ଗିନେ କାନ୍ଦା । 
\v 29 କାୟ୍‌ତାକ୍‌ବଃଲେକ୍‌ ଦଃକା, ଜୁୟ୍‌ମଃନ୍‌ ବାଞ୍ଜି, ଆରେକ୍‌ ଜୁୟ୍‌ମଃନ୍‌ କଃବେ ହେଁ ଆଙ୍ଗେ ଅଃଉଁକେ ନାୟ୍‌ ଆର୍‌ ହିଲାକ୍‌ ଦୁଦ୍‌ ନଃକାଳାଉତି, ସେମଃନ୍‌କେ ଲକ୍‌ମଃନ୍ ଜଃଡେବଃଳ୍‌ ବାୟ୍‌ଗ୍‌, ବାୟ୍‌ଗ୍‌ ବଃଲି କଃଉତି ଇବାନ୍ୟା ବେଳା ଆସୁଲି । 
\v 30 \x + \xo ୨୩:୩୦ \xo*\xt ପ୍ରକା ୬:୧୬.\xt*\x*ସଃଡେବଃଳ୍‌ ଲକ୍‌ମଃନ୍ ଡଙ୍ଗୁର୍‌ମଃନ୍‌କେ କଃଉତି, ଅଃମାର୍‌ ଉହ୍ରେ ଅଦୁର୍‌, ହଃର୍ବାତ୍‌ମଃନ୍‌କେ କଃଉତି ଅଃମିମଃନ୍‌କ୍‌ ଲୁକାଉ । 
\v 31 କାୟ୍‌ତାକ୍‌ବଃଲେକ୍‌ ଲକ୍‌ମଃନ୍ ଜଦି କଃଚା ଦାରୁକ୍‌ ଅଃନ୍‌ କଃରୁଲାୟ୍‌, ତଃବେ ସୁକ୍‌ଲା ଦାରୁକ୍‌ କଃନ୍‌କଃରି ନଃକେର୍‌ତି ?”
\p
\v 32 ଆରେକ୍‌ ମଃର୍ନ୍‌ ଡଃଣ୍ଡ୍‌ ହାଉତା ଜୁଳେକ୍‌ ଚର୍‌ମଃନ୍‌କେ ହେଁ ତାର୍‌ ସଃଙ୍ଗ୍ ନେତିରିଲାୟ୍‌ । 
\v 33 ଆର୍‌ ସେମଃନ୍ “କଃହାଳ୍‌” ନାଉଁଆର୍‌ ଜଃଗାୟ୍‌ ହଚି ସେତି ଜିସୁକେ କ୍ରୁସ୍‌ ଉହ୍ରେ ଚଃଗାୟ୍‌ଲାୟ୍‌, ଆରେକ୍‌ ଚର୍‌ମଃନାର୍‌ ବିତ୍ରେ ଏକ୍ଲାକେ ଜିସୁର୍‌ କାତାବାଟ୍ୟା ଆରେକ୍‌ ଏକ୍ଲାକେ ଡେବ୍ରିବାଟ୍ୟା କ୍ରୁସ୍‌କାଟେ ଚଃଗାୟ୍‌ଲାୟ୍‌ । 
\v 34 ସଃଡେବଃଳ୍‌ ଜିସୁ କୟ୍‌ଲା, “ଉବା, ଇ ଲକ୍‌ମଃନ୍‌କାର୍‌ ହାହ୍‌ କେମା କଃର୍‌, ବଃଲେକ୍‌ ଇ ଲକ୍‌ମଃନ୍ କାୟ୍‌ କଃରୁଲାୟ୍‌ ସେରି ଜାଣୁ ନଃହାରୁଲାୟ୍‌ ।”
\p ଆର୍‌ ସେମଃନ୍ ଜିସୁର୍‌ ବଃସ୍ତର୍‌ ବାଟା କଃରୁକେ କେଳିବାଚ୍‌ଲାୟ୍‌ । 
\v 35 ଆରେକ୍‌ ମୁଳିକାମଃନ୍‌ ଟିଅୟ୍‌ କଃରି ଦଃକ୍‌ତି ରିଲାୟ୍‌, ଆର୍‌ ବଃଡ୍ ଲକ୍‌ମଃନ୍ ହେଁ ତାକ୍‌ ଗେଙ୍ଗ୍ରାୟ୍‌କଃରି କଃଉଁକେ ଦଃର୍ଲାୟ୍‌, “ସେ ବିନ୍ ଲକ୍‌କେ ବାଚାୟ୍‌ଲା; ସେ ଜଦି ଇସ୍ୱର୍‌ ବାଚ୍‌ଲା କ୍ରିସ୍ଟ ତଃବେ ନିଜ୍‌କେ ବଚାଉ ।”
\p
\v 36 ତାର୍‌ହଃଚେ ସଃଇନ୍‌ମଃନ୍‌ ହେଁ ଆସି ତାକ୍‌ ହିତା ରଃସ୍‌ ଦଃୟ୍‌ ଗେଙ୍ଗ୍ରାୟ୍‌ଲାୟ୍‌ । 
\v 37 “ତୁୟ୍‌ ଜଦି ଜିଉଦିମଃନାର୍‌ ରଃଜା ନିଜ୍‌କେ ବଚାଉ ।”
\p
\v 38 ଆର୍‌ ତାର୍‌ ମୁଣ୍ଡ୍ ଉହ୍ରାର୍‌ କାଟେ ଇରି ଲେକା ଅୟ୍‌ରିଲି, “ଏ ଜିଉଦିମଃନାର୍‌ ରଃଜା ।”
\p
\v 39 ଆର୍‌, କ୍ରୁସ୍‌ଉହ୍ରେ ରିଲା ଚର୍‌ମଃନାର୍‌ ବିତ୍ରେ ଏକ୍ଲା ଲିନ୍ଦା କଃରି କଃଉଁକେ ଦଃର୍ଲା, “ତୁୟ୍‌ କାୟ୍‌ କ୍ରିସ୍ଟ ନୟ୍‌ ? ତୁୟ୍‌ ନିଜ୍‌କେ ଆର୍‌ ଅଃମିକ୍‌ ବଚାଉ ।”
\p
\v 40 ମଃତର୍‌ ବିନ୍ ଚର୍‌ ତାକେ ଦଃକାଦଃୟ୍‌ କୟ୍‌ଲା, “ତୁୟ୍‌ ହେଁ ସଃମାନ୍ ବିଚାର୍‌ ଡଃଣ୍ଡ୍‌ ହାଉଁଲିସ୍‌, ଇସ୍ୱର୍‌କେ କାୟ୍‌ ତର୍‌ ଡିର୍‌ ହେଁ ନାୟ୍‌ ? 
\v 41 ଆର୍‌ ଅଃମିମଃନ୍‌ ସିନା ନ୍ୟାୟ୍‌ ହଃର୍କାରେ ଡଃଣ୍ଡ୍‌ ହାଉଁଲୁ, କାୟ୍‌ତାକ୍‌ବଃଲେକ୍‌ ଅଃମିମଃନ୍‌ ନିଜାର୍‌ ନିଜାର୍‌ ଦଃସାର୍‌ ହାୟ୍‌ ଡଃଣ୍ଡ୍‌ ହାଉଁଲୁ, ମଃତର୍‌ ଇ ମାନାୟ୍‌ କାୟ୍‌ ଦଃସ୍‌ ହେଁ ନଃକେରେ ।” 
\v 42 ଆର୍‌ ସେ ଜିସୁକେ କୟ୍‌ଲା, “ଏ ଜିସୁ, ତୁୟ୍‌ ନିଜାର୍‌ ରାଇଜେ ଗଃଲେକ୍‌ ମକେ ଏତାଉ ।”
\p
\v 43 ସେତାକ୍‌ ଜିସୁ ତାକେ କୟ୍‌ଲା, “ମୁଁୟ୍‌ ତକେ ସଃତ୍‌ କଃଉଁଲେ, ଆଜି ତୁୟ୍‌ ମର୍‌ ସଃଙ୍ଗ୍ ସଃର୍ଗ୍‌ ରାଜାୟ୍‌ ହଚ୍‌ସି ।”
\s ଜିସୁର୍‌ ମଃର୍ନ୍‌
\r (ମାତି ୨୭:୪୫-୫୬; ମାର୍କ ୧୫:୩୩-୪୧; ଜହ ୧୯:୨୮-୩୦)
\p
\v 44 ସଃଡେବଃଳ୍‌ ମୁଣ୍ଡେବେଳ୍‌ ଅୟ୍‌ରିଲି, ଆର୍‌ ବେଳ୍‌ ଅଃନ୍ଦାର୍‌ ଅୟ୍‌ଲାକ୍‌, ତିନିଗଃଟା ହଃତେକ୍‌ ଦେସ୍‌ଜାକ ଅଃନ୍ଦାର୍‌ ଅୟ୍‌ଲି । 
\v 45 ଆର୍‌, ମନ୍ଦିର୍‌ ବିତ୍ରାର୍‌ ପବିତ୍ର ଟାଣ୍ ଆର୍‌ ବଃଡ୍‌ ପବିତ୍ର ଟାଣକ୍‌ ଦୁୟ୍‌ ବାଗ୍ କଃର୍ତା ହଃଚ୍ୟା ପର୍ଦା ମଃଜାୟ୍‌ ହୁଣି ଦୁୟ୍‌ ହଳା ଅୟ୍‌ ଚିରି ଅୟ୍‌ଲି । 
\v 46 ଆର୍‌ ଜିସୁ ବଃଡ୍ ଟଣ୍ଡ୍ କଃରି କୁଦ୍‌ଲା, “ଏ ଉବା, ତର୍‌ ଆତେ ମୁଁୟ୍‌ ମର୍‌ ଆତ୍ମା ସଃର୍ହି ଦେଉଁଲେ, ଇରି କୟ୍‌କଃରି ଜିବନ୍ ଚାଡ୍‌ଲା ।”
\p
\v 47 ହାଁଚ୍ କଳି ସଃଇନ୍‌ମଃନାର୍‌ ଉହ୍ରେ ବଃଡ୍ ସଃଇନ୍‌ ଇ ଗଃଟ୍‍ଣା ଦଃକି, ଇସ୍ୱରାର୍‌ ଜଃଜ୍‌ମାନ୍ କଃରି କୟ୍‌ଲା, “ଇମାନାୟ୍‌ ବାୟ୍‌ଦ୍‌ରେ ଗଟ୍‌ ଦଃର୍ମି ଲକ୍‌ ରିଲା ।”
\p
\v 48 ଆର୍‌, ଜୁୟ୍‌ ଲକ୍‌ମଃନ୍ ଦଃକୁକ୍‌ ରୁଣ୍ଡିରିଲାୟ୍‌, ସେମଃନ୍ ସେରିଦଃକି ବୁକେ ମାରି ଅୟ୍‌ ଅୟ୍‌ ଗଃରେ ବାଉଳି ଗଃଲାୟ୍‌ । 
\v 49 \x + \xo ୨୩:୪୯ \xo*\xt ଲୁକ ୮:୨,୩.\xt*\x*ମଃତର୍‌ ଜିସୁର୍‌ ଅଃହ୍‌ଣାର୍‌ ସଃବୁ ଲକ୍‌ମଃନ୍ ଆର୍‌ ଗାଲିଲିହୁଣି ଗଟେତଃୟ୍‌ ମିସି ତାର୍‌ ହଃଚେହଃଚେ ଆସିରିଲା ଟକିମଃନ୍‌ ଦୁରିକ୍‌ ଟିଆ ଅୟ୍‌ ଇସଃବୁ ଦଃକ୍‌ତି ରିଲାୟ୍‌ ।
\s ଜିସୁର୍‌ ମଃସୁଣ୍‌
\r (ମାତି ୨୭:୫୭-୬୧; ମାର୍କ ୧୫:୪୨-୪୭; ଜହ ୧୯:୩୮-୪୨)
\p
\v 50 ଆର୍‌ ଦଃକା ଜିଉଦିମଃନାର୍‌ ହାରାମାତିଆ ଗଃଳାର୍‌ ଜସେପ୍ ନାଉଁଆର୍‌ ଗଟେ ମାନାୟ୍‌ ବେରାଣ୍‌ମୁଣ୍ଡାର୍‌ ଲକ୍‌ ରିଲା, ସେ ଗଟେକ୍‌ ସଃତ୍‌ ଆର୍‌ ଦଃର୍ମି ଲକ୍‌ ରିଲା; 
\v 51 ସେ ଜିଉଦିମଃନାର୍‌ ହଃନ୍ଦି ଆର୍‌ କୁଟ୍‌ କଃତାୟ୍‌ ରାଜି ଅୟ୍‌ନଃରିଲା ଆର୍‌ ମାପ୍ରୁର୍‌ ରାଇଜ୍‌କେ ଜାଗ୍‌ତିରିଲା ହାରାମାତିଆ । 
\v 52 ସେ ପିଲାତ ହାକ୍‌ ଜାୟ୍‌ ଜିସୁର୍‌ ମଃଲା ଗଃଗାଳ୍‌କେ ମାଗ୍‌ଲା । 
\v 53 ଆର୍‌ ସେରି ଉତ୍ରାୟ୍‌ ଆଣି, ମଃସ୍‌ଣି ହଃଚ୍ୟା ଗୁଳ୍ୟାୟ୍‌ ଜୁୟ୍‌ତିକି କଃବେ କାକେ ହେଁ ସେତି ସଃଙ୍ଗାୟ୍‌ ନଃରିଲାୟ୍‌, ଅଃନ୍‌କା ଡଙ୍ଗ୍ରେ କଃଣିରିଲା ମଃସୁଣ୍‌ କାଲେ ତାକେ ସଃଙ୍ଗାୟ୍‌ଲାୟ୍‌ । 
\v 54 ସେଦିନ୍‌ ତିଆର୍‌ ଅଃଉତା ଦିନ୍ ରିଲି ଆର୍‌ ବିସାଉଁଣିବାର୍‌ ଆରୁମ୍‌ ଅଃଉତି ରିଲି । ଆର୍‌ ସେମଃନ୍ ବିସାଉଣିଦିନ୍‌ ବିସାୟ୍‌ଲାୟ୍‌, କାୟ୍‌ତାକ୍‌ବଃଲେକ୍‌ ସେରି ଦଃର୍ମ୍‌ସାସ୍ତରେ ରିଲି ।
\p
\v 55 ଇତାର୍‌ହଃଚେ ଗାଲିଲି ହୁଣି ତାର୍‌ସଃଙ୍ଗ୍ ଆସିରିଲା ମାୟ୍‌ଜି ଟକିମଃନ୍‌ ହଃଚେହଃଚେ ଜାୟ୍‌ ମଃସୁଣ୍‌ କାଲ୍‌ ଆର୍‌ କଃନ୍‌କଃରି ତାର୍‌ ଗଃଗାଳ୍‌ ସଃଙ୍ଗାୟ୍‌ଲାୟ୍‌ ସେରି ଦଃକ୍‌ଲାୟ୍‌, 
\v 56 ଆରେକ୍‌ ସେମଃନ୍ ବାଉଳି ଜାୟ୍‌ ବାସ୍ନା ଗୁଣ୍ଡ୍ ଆର୍‌ ଚିକଣ୍‌ମଃନ୍‌ ତିଆର୍‌ କଃଲାୟ୍‌ । ଆର୍‌ ବିସାଉଁଣିବାରେ ସେମଃନ୍ ବିଦି ହଃର୍କାରେ ବିସାୟ୍‌ଲାୟ୍‌ ।
\c 24
\s ଜିସୁ ମଃର୍ନେହୁଣି ଉଟ୍‌ତାର୍‌
\r (ମାତି ୨୮:୧-୧୦; ମାର୍କ ୧୬:୧-୮; ଜହ ୨୦:୧-୧୦)
\p
\v 1 ଆର୍‌ ବିସାଉଁଣିବାର୍‌ ଦିନ୍ ସେମଃନ୍ ବିଦି ହଃର୍କାରେ ବିସାୟ୍‌ଲାୟ୍‌, ମଃତର୍‌ ସାତ୍‌ ଦିନାର୍‌ ହଃର୍ତୁମ୍‌ ଦିନ୍ ବର୍‌ ସଃକାଳ୍ୟା ସେମଃନ୍ ସେମଃନାର୍‌ ତିଆର୍‌ କଃଲାର୍‌ ବାସ୍ନା ଚିକଣ୍‌ ଦଃରି ମଃସ୍‌ଣେ ଗଃଳାୟ୍‌ । 
\v 2 ଆରେକ୍‌ ସେତି ସେମଃନ୍ ମଃସୁଣ୍‌ କାଲେ ଡାହ୍‌ଲା ଟେଳା ବିନେ ଗୁଚାଇରିଲାର୍‌ ଦଃକ୍‌ଲାୟ୍‌ । 
\v 3 ମଃତର୍‌ ବିତ୍ରେ ଜାୟ୍‌ ଜିସୁ ମାପ୍ରୁର୍‌ ଗଃଗାଳ୍‌ ନଃହାୟ୍‌ଲାୟ୍‌ । 
\v 4 ସେତାର୍‌ଗିନେ ସେମଃନାର୍‌ ବୁଦି ବାଣା ଅଃଉତି ରିଲି, ଆର୍‌ ଅଃନ୍‌କା ବେଳାୟ୍‌ ଦଃକା, ଉଜାଳ୍‌ ବଃସ୍ତର୍‌ ହିନ୍ଦ୍‌ଲା ଦୁୟ୍‌ ଲକ୍‌ ସେମଃନାର୍‌ ଲଃଗେ ହଚ୍‌ଲାୟ୍‌ । 
\v 5 ସେତାକ୍‌ ସେମଃନ୍ ଡିରି କଃରି ମୁଁ ତଃଳେ ଅଦ୍ରାୟ୍‌ ରିଲାକ୍‌, ସେମଃନ୍ ସେ ମାୟ୍‌ଜିମଃନ୍‌କେ କୟ୍‌ଲାୟ୍‌, “ମଃଲା ଲକାର୍‌ ବିତ୍ରେ ତୁମିମଃନ୍ କାୟ୍‌ତାକ୍‌ ଜିବନ୍ ଲକେ ଲଳୁଲାସ୍‌ ? 
\v 6 \x + \xo ୨୪:୬ \xo*\xt ମାତି ୧୬:୨୧; ୧୭:୨୨,୨୩; ୨୦:୧୮,୧୯; ମାର୍କ ୮:୩୧; ୯:୩୧; ୧୦:୩୩,୩୪; ଲୁକ ୯:୨୨; ୧୮:୩୧-୩୩.\xt*\x*ଜିସୁ ଇତି ନାୟ୍‌, ମଃତର୍‌ ସେ ଉଟି ଆଚେ । ସେ ଗାଲିଲି ରିଲାବଃଳ୍‌ ତୁମିମଃନ୍‌କେ କୟ୍‌ରିଲା ସେରି ଏତାଉଆ । 
\v 7 ନଃରାର୍‌ ହୟ୍‌ସି ବାୟ୍‌ଦ୍‌ରେ ହାହିମଃନାର୍‌ ଆତେ ସଃହ୍ରିଅୟ୍‌ କ୍ରୁସ୍‌ ଉହ୍ରେ ମଃରେଦ୍‌ ଆର୍‌ ତିନିଦିନାର୍‌ ହଃଚେ ମଃର୍ନେହୁଣି ଉଟେଦ୍‌ ।”
\p
\v 8 ସେତାକ୍‌ ସେମଃନ୍ ସେ କଃତା ଏତାୟ୍‌ଲାୟ୍‌; 
\v 9 ଆର୍‌ ମଃସୁଣ୍‌ କାଲେ ହୁଣି ବାରାୟ୍‌ ଜାୟ୍‌ ଏଗାର୍‌ଗଟ୍‌ ଚେଲା ଆର୍‌ ବିନ୍ ଲକ୍‌ମଃନ୍‌କେ ଇ କଃତା ଜାଣାୟ୍‌ଲାୟ୍‌ । 
\v 10 ଏମଃନ୍‌ ମଗ୍‌ଦଲିନି ମରିୟମ୍‌, ଆର୍‌ ଜହନା, ଆର୍‌ ଜାକୁବାର୍‌ ଆୟ୍‌ସି ମରିୟମ୍‌, ଆର୍‌ ସଃଙ୍ଗେ ରିଲା ବିନ୍ ମାଇଜିମଃନ୍‌ ପେରିତ୍‌ମଃନ୍‌କ୍‌ ଇସଃବୁ କଃତା ଜାଣାୟ୍‌ଲାୟ୍‌ । 
\v 11 ମଃତର୍‌ ସେମଃନାର୍‌ ଇ ସଃବୁ କଃତା ମିଚ୍ ହର୍‌ ଲାଗ୍‌ଲି ଆର୍‌ ସେମଃନ୍ ସେମଃନ୍‌କେ ସଃତ୍‌ ନଃକେଲାୟ୍‌ । 
\v 12 ମଃତର୍‌ ପିତର୍‌ ଉଟି ମଃସୁଣ୍‌ କାଲେ ଦଃବ୍‌ଳି ଗଃଲା ଆର୍‌ ଲଃହ୍‌ଟି କଃରି ଦଃକି ଅଃକାୟ୍‌ ମଃସ୍‌ଣି ହଃଚ୍ୟା ସଃବୁ ଦଃକ୍‌ଲା, ଆର୍‌ ସେ ଇ ଗଃଟ୍‍ଣା ବିସୟେ କାବା ଅୟ୍‌ ତାର୍‌ ଗଃରେ ବାଉଳି ଗଃଲା ।
\s ଜଳେକ୍‌ ଚେଲା ଇମାୟୁ ଗାଉଁଏ ଜାତିରିଲାୟ୍‌
\r (ମାର୍କ ୧୬:୧୨-୧୩)
\p
\v 13 ଆର୍‌, ଦଃକା ସେଦିନ୍‌ ସେମଃନାର୍‌ ବିତ୍ରେ ଦୁୟ୍‌ଲକ୍‌ ଜିରୁସାଲମେ ହୁଣି ହଃକାହାକି ଚାରି କସ୍‌ ଦୁରି ଇମାୟୁ ନାଉଁଆର୍‌ ଗାଉଁଏ ଜାତିରିଲାୟ୍‌ । 
\v 14 ଇ ସଃବୁ ଗଃଟ୍‍ଣାର୍‌ କଃତା ତାକାର୍‌ ତାକାର୍‌ ବିତ୍ରେ କଃଉଆକଇ ଅଃଉତି ରିଲାୟ୍‌ । 
\v 15 ସେମଃନ୍ କଃଉଆକଇ ଆର୍‌ କଃତା ଦଃରାଦଃରି ଅଃଉତାବଃଳ୍‌ ଜିସୁ ସେମଃନାର୍‌ ଲଃଗେ ହଚି ସେମଃନାର୍‌ ସଃଙ୍ଗ୍ ସଃଙ୍ଗ୍ ଜଃଉଁକେ ଦଃର୍ଲା । 
\v 16 ମଃତର୍‌ ସେମଃନାର୍‌ ଆକି ଅଃନ୍‌କାର୍‌ ମୁଦି ଅୟ୍‌ରିଲି ଜେ, ସେମଃନ୍ ଜିସୁକେ ଚିନୁ ନାହାର୍ଲାୟ୍‌ । 
\v 17 ଜିସୁ ସେମଃନ୍‌କେ କୟ୍‌ଲା, “ତୁମିମଃନ୍ ଇଣ୍ଡି ଇଣ୍ଡି ଜୁୟ୍‌ ସଃବୁ କଃତା ତୁମାର୍‌ ବିତ୍ରେ କଃଉଆକଇ ଅଃଉଁଲାସ୍‌ ସେରି ସଃବୁ କାୟ୍‌ରି ?”
\p ସେତାକ୍‌ ସେମଃନ୍ ଦୁକାର୍‌ ଗିନେ ମୁଁ ସୁକାୟ୍‌ ଟିଆଅୟ୍‌ରିଲାୟ୍‌, 
\v 18 ଆର୍‌, ସେମଃନାର୍‌ ବିତ୍ରେ କ୍ଲେୟପା ନାଉଁରା ଏକ୍ଲା ତାକେ ଉତୁର୍‌ ଦିଲା, “ଜିରୁସାଲମେ ରେତା ଲକ୍‌ମଃନାର୍‌ ବିତ୍ରେ ତୁୟ୍‌ କାୟ୍‌ ଏକ୍ଲା, ସେ ଟାଣାର୍‌ ଇ କଃତି ଦିନାର୍‌ ଗଃଟ୍‍ଣା ନଃଜାଣ୍‌ସି ?”
\p
\v 19 ଜିସୁ ସେମଃନ୍‌କେ ହଃଚାର୍ଲା, “କାୟ୍‌ କାୟ୍‌ ଗଃଟ୍‍ଣା ?”
\p ସେମଃନ୍ ତାକେ କୟ୍‌ଲାୟ୍‌, “ନାଜରିତ୍‌ ଜିସୁର୍‌ କଃତା; ସେ ଇସ୍ୱର୍‌ ଆର୍‌ ସଃବୁଲକାର୍‌ ଆକାୟ୍‌, କାମେ ଆର୍‌ କଃତାୟ୍‌ ହେଁ ସେ ଗଟ୍‌ ବପୁକାରି ବାବ୍‌ବାଦି ରିଲା । 
\v 20 ଆର୍‌, ଅଃମାର୍‌ ବଃଡ୍ ଜାଜକ୍‌ ଆର୍‌ ମୁଳିକାମଃନ୍‌ କଃନ୍‌କଃରି ମଃର୍ନ୍‌ ବିଚାର୍‌ ଡଃଣ୍ଡ୍‌ ହାଉଁକ୍‌ ସଃହ୍ରିକଃରି ତାକ୍‌ କ୍ରୁସ୍‌ ଉହ୍ରେ ମଃର୍ନେ ମାର୍‌ଲାୟ୍‌ ସେ ସଃବୁ କଃତା । 
\v 21 ମଃତର୍‌ ଜେ ଇସ୍ରାଏଲ୍‌କେ ରଃକ୍ୟା କଃରେଦ୍‌, ସେ ଜେ ଇମାନାୟ୍‌ ସେରି ଅଃମିମଃନ୍‌ ଆସା କଃରି ରିଲୁ; ମଃତର୍‌ ସେରି ଚାଡି ଇରିମଃନ୍‌ ଗଃଟି ତିନି ଦିନ୍‌ ଅୟ୍‌ଲିନି । 
\v 22 ଆରେକ୍‌ କଃତିଗଟ୍‌ ଟକିହିଲାମଃନ୍‌ ଅଃମିକ୍‌ କାବା କଃରିଆଚ୍‌ତି; ସେମଃନ୍ ଉଟ୍‌ଲାସଃକାଳ୍‌ ମଃସୁଣ୍‌ ହଃଦାୟ୍‌ ଜାୟ୍‌ ରିଲାୟ୍‌, 
\v 23 ଆର୍‌ ସେମଃନ୍ ଜିସୁର୍‌ ଗଃଗାଳ୍‌ ନଃହାୟ୍‌ ଆସି କୟ୍‌ଲାୟ୍‌, ସେମଃନ୍ ଦୁତ୍‌ମଃନ୍‌କେ ଦଃକ୍‌ଲାୟ୍‌, ଆର୍‌ ସେମଃନ୍ କୟ୍‌ଲାୟ୍‌ ସେ ଜିବନ୍‌ ହାୟ୍‌ଆଚେ । 
\v 24 ଆର୍‌ କଃତିଗଟ୍‌ ଅଃମାର୍‌ ସଃଙ୍ଗୁଆଳିମଃନ୍‌ ମଃସୁଣ୍‌ ବିତ୍ରେ ଜାୟ୍‌ ମାୟ୍‌ଜି ଟକିମଃନ୍‌ ଜଃନ୍‌କଃରି କୟ୍‌ରିଲାୟ୍‌, ସେବାନ୍ୟା ଦଃକ୍‌ଲାୟ୍‌, ମଃତର୍‌ ତାକ୍‌ ନଃଦେକ୍‌ଲାୟ୍‌ ।”
\p
\v 25 ସେତାକ୍‌ ଜିସୁ ସେମଃନ୍‌କେ କୟ୍‌ଲା, “ଏ ନିର୍ବୁଦିଆମଃନ୍‌ ଆର୍‌ ବାବ୍‌ବାଦିମଃନ୍ କୟ୍‌ଲା କଃତାୟ୍‌ ବିସ୍ୱାସ୍‌ ନଃକେର୍ତା ସିତୁଳ୍‌ ମଃନ୍‌ ଲକ୍‌ମଃନ୍ । 
\v 26 ଇ ସଃବୁ ଦୁକ୍‌କଃସ୍ଟ ହାୟ୍‌ ନିଜାର୍‌ ଜଃଜ୍‌ମାନ୍‌ ସଃଙ୍ଗ୍ ଜାତାର୍‌ କାୟ୍‌ କ୍ରିସ୍ଟର୍‌ ଦଃର୍‌କାର୍‌ ନଃରିଲି ?” 
\v 27 ସେତି ସେ ମସା ଆର୍‌ ସଃର୍ନେ ବାବ୍‌ବାଦିମଃନାର୍‌ ତଃୟ୍‌ହୁଣି ଆରୁମ୍‌ କଃରି ସଃବୁ ଦଃର୍ମ୍‌ ସାସ୍ତର୍‌ ତଃୟ୍‌ର୍‌ ଅଃହ୍‌ଣାର୍‌ ସଃବୁ କଃତାର୍‌ ବାବ୍‌ ସେ ସେମଃନ୍‌କେ ବୁଜାୟ୍‌ ଦିଲା ।
\p
\v 28 ଆର୍‌ ସେମଃନ୍ ଜୁୟ୍‌ ଗାଉଁଏ ଜାତିରିଲାୟ୍‌, ସେ ଗାଉଁ ଲଃଗାଲଃଗି ଅୟ୍‌ଲାକ୍‌, ଜିସୁ ଆରେକ୍‌ ଆଗ୍‌ହାକ୍‌ ଗଃଲାହର୍‌ ଅୟ୍‌ଲା, 
\v 29 ମଃତର୍‌ ସେମଃନ୍ ତାକ୍‌ ତେବାୟ୍‌ କୟ୍‌ଲାୟ୍‌, “ଅଃମାର୍‌ ସଃଙ୍ଗେ ରେବେ, କାୟ୍‌ତାକ୍‌ବଃଲେକ୍‌ ସଃଞ୍ଜ୍ ଅୟ୍‌ ଆସୁଲି ଆର୍‌ ବେଳ୍‌ ବୁଡ୍‌ଲିନି ।” ସେତାକ୍‌ ଜିସୁ ସେମଃନାର୍‌ ସଃଙ୍ଗ୍ ରେଉଁକେ ଗଃର୍‌ବିତ୍ରେ ହୁର୍ଲା । 
\v 30 ଆର୍‌, ଜିସୁ ସେମଃନାର୍‌ ସଃଙ୍ଗ୍ କାଉଁକେ ବଃସ୍‌ଲାବଃଳ୍‌ ସେ ରୁଟି ଦଃରି ଆସିର୍ବାଦ୍‌ କଃଲା ଆର୍‌ ସେରି ବାଙ୍ଗାୟ୍‌ ସେମଃନ୍‌କେ ଦିଲା । 
\v 31 ସେତାକ୍‌ ସେମଃନାର୍‌ ଆକି ଉଗାଳି ଅୟ୍‌ଲି ଆର୍‌ ସେମଃନ୍ ତାକ୍‌ ଚିନ୍‌ଲାୟ୍‌ । ଆର୍‌ ତାର୍‌ହଃଚେ ସେମଃନାର୍‌ ତଃୟ୍‌ହୁଣି ତାକାର୍‌ ଆକାୟ୍‌ ମଃୟାଁ ଅୟ୍‌ଲା । 
\v 32 ସେତାକ୍‌ ସେମଃନ୍ ତାକାର୍‌ ତାକାର୍‌ ବିତ୍ରେ କୟ୍‌ଲାୟ୍‌, “ଜଃଡେବଃଳ୍‌ ବାଟେ ଅଃମାର୍‌ ସଃଙ୍ଗ୍ କଃତାବାର୍ତା ଅଃଉତି ରିଲା ଅଃମିମଃନ୍‌କ୍‌ ଦଃର୍ମ୍‌ ସାସ୍ତର୍‌ ବୁଜାଉତି ରିଲା, ସଃଡେବଃଳ୍‌ କାୟ୍‌ ଅଃମାର୍‌ ମଃନ୍‌ ବିତ୍ରେ ଉକୁଳ୍‌ତି ନଃରିଲି ?”
\p
\v 33 ଆର୍‌ ତଃତ୍‌କାଣ୍ ସେମଃନ୍ ଉଟି ଜିରୁସାଲମେ ବାଉଳି ଜାୟ୍‌ ରୁଣ୍ଡିରିଲା ଏଗାର୍‌ଗଟ୍‌ ଚେଲାମଃନ୍‌କେ ଆର୍‌ ସେମଃନାର୍‌ ସଃଙ୍ଗୁଆଳିମଃନ୍‌କେ ଦଃକ୍‌ଲାୟ୍‌ । 
\v 34 ସେମଃନ୍ କଃଉତି ରିଲାୟ୍‌, “ମାପ୍ରୁ ବାୟ୍‌ଦ୍‌ରେ ଉଟିଆଚେ ଆର୍‌ ସିମନ୍‌କେ ଦଃକାୟ୍‌ ଅୟ୍‌ଆଚେ ।”
\p
\v 35 ଆରେକ୍‌, ସେମଃନ୍ ଜାତା ବାଟେ ସଃବୁ ଗଃଟି ରିଲାର୍‌ ଆର୍‌ ରୁଟି ବାଙ୍ଗାୟ୍‌ ଦିଲାର୍‌ କଃନ୍‌କଃରି ସେ ମଃନ୍‌କେ ଚିନାୟ୍‌ ଅୟ୍‌ଲା, ସେରିମଃନ୍‌ ହେଁ କଃଉଁକେ ଦଃର୍ଲାୟ୍‌ ।
\s ଜିସୁ ତାର୍‌ ଚେଲାମଃନ୍‌କେ ଦଃକାୟ୍‌ ଅୟ୍‌ଲା
\r (ମାତି ୨୮:୧୬-୨୦; ମାର୍କ ୧୬:୧୪-୧୮; ଜହ ୨୦:୧୯-୨୩; ପେରି ୧:୬-୮)
\p
\v 36 ମଃତର୍‌ ସେମଃନ୍ ଇ ସଃବୁ କଃତା କଃଉତା ବଃଳ୍‌ ଜିସୁ ମାପ୍ରୁ ନିଜେ ସେମଃନାର୍‌ ମଃଜାୟ୍‌ ଟିଆଅୟ୍‌ କୟ୍‌ଲା, “ତୁମିମଃନାର୍‌ ସୁସ୍ତା ଅଃଉଅ ।”
\p
\v 37 ମଃତର୍‌ ସେମଃନ୍ ଦଃକିକଃରି କାବା ଅୟ୍‌ ଡିର୍‌ଲାୟ୍‌ ଆର୍‌ ଗଟେକ୍‌ ବୁତ୍‌ଆତ୍ମା ଦଃକୁଲୁ ବଃଲି ମଃନେ ବାବ୍‌ଲାୟ୍‌ । 
\v 38 ସେ ସେମଃନ୍‌କେ କୟ୍‌ଲା, “କାୟ୍‌କଃରୁକ୍‌ ଜଃଜ୍‌କି ଜଃଉଁଲାସ୍‌ ? ଆର୍‌ ତୁମାର୍‌ ମଃନ୍‌ବିତ୍ରେ କାୟ୍‌ତାକ୍‌ ସଃତ୍‌ ନଃକେରି କଃତାବାର୍ତା ଅଃଉଁଲାସ୍‌ ? 
\v 39 ଇରି ତ ନିଜେ ମୁଁୟ୍‌ ମାନାୟ୍‌, ମର୍‌ ଆତ୍‌ ଆର୍‌ ହାଦ୍‌ ଦଃକା, ମକ୍‌ ଚୁୟ୍‌କଃରି ଦଃକା, କାୟ୍‌ତାକ୍‌ବଃଲେକ୍‌ ମର୍‌ ଜଃନ୍‌କାର୍‌ ମାସ୍‌ ଆର୍‌ ଆଡ୍ ତୁମିମଃନ୍ ଦଃକୁଲାସ୍‌ ବୁତ୍‌ଆତ୍ମା ମଃନାର୍‌ ସେନ୍‌କାର୍‌ ନାୟ୍‌ ।”
\p
\v 40 ଆର୍‌ ସେ ଇରି କୟ୍‌, ସେମଃନ୍‌କେ ନିଜାର୍‌ ଆତ୍‌ ଆର୍‌ ହାଦ୍‌ ଦଃକାୟ୍‌ଲା ।\f + \fr ୨୪:୪୦ \fr*\ft କଃତେକ୍‌ ହଃର୍ନା ଆତ୍‌ ଲେକାୟ୍‌ ଇ ହଃଦ୍‌ ନାୟ୍‌ ।\ft*\f* 
\v 41 ସେମଃନ୍ ସଃତ୍‌ ନଃକେଲାୟ୍‌, ଅୟ୍‌ଲେକ୍‌ ହେଁ କାବା ଅୟ୍‌ ସଃର୍ଦା ଅୟ୍‌ଲାୟ୍‌; ତଃବେ ଜିସୁ ସେମଃନ୍‌କେ ହଃଚାର୍ଲା, “ତୁମାର୍‌ ଲଃଗେ କାୟ୍‌ରି କାତାର୍‌ ଆଚେ କି ?” 
\v 42 ସେତାକ୍‌ ସେମଃନ୍ କଃଣ୍ଡେକ୍‌ ବାଜ୍‌ଲା ମାଚ୍ ଦିଲାୟ୍‌ । 
\v 43 ଆର୍‌, ଜିସୁ ସେରି ନଃୟ୍‌ ସେମଃନାର୍‌ ମୁଏଁ କାୟ୍‌ଲା, 
\v 44 ଆରେକ୍‌ ଜିସୁ ସେମଃନ୍‌କେ କୟ୍‌ଲା, “ମସାର୍‌ ବିଦିଲଃଗେ ଆର୍‌ ବାବ୍‌ବାଦିମଃନାର୍‌ ଆର୍‌ ଗିତ୍‌ସହିତା ଦଃର୍ମ୍‌ ସାସ୍ତର୍‌ ଲଃଗେ ମର୍‌ କଃତା ଲେକାଅୟ୍‌ ଆଚେ, ସେରିମଃନ୍‌ ବାୟ୍‌ଦ୍‌ରେ ହୁର୍ନ୍‌ ଅୟ୍‌ଦ୍‌, ମୁଁୟ୍‌ ତୁମାର୍‌ ସଃଙ୍ଗ୍ ରିଲାବଃଳ୍‌ ତୁମିମଃନ୍‌କେ ଇ ସଃବୁ କଃତା କୟ୍‌ରିଲେ ।”
\p
\v 45 ସଃଡେବଃଳ୍‌ ସେମଃନ୍ ଜଃନ୍‌କଃରି ଦଃର୍ମ୍‌ ସାସ୍ତର୍‌ ବୁଜୁ ହାର୍ତି ସେତାର୍‌ଗିନେ ଜିସୁ ସେମଃନାର୍‌ ବୁଦିର୍‌ ଦୁଆର୍‌ ଉଗାଳ୍‌ଲା, 
\v 46 ଆର୍‌ ସେ ସେମଃନ୍‌କେ କୟ୍‌ଲା, “ଅଃନ୍‌କଃରି ଲେକା ଆଚେ କ୍ରିସ୍ଟ ଦୁକ୍‌ ବୟଃଗ୍ କଃରେଦ୍‌ ଆର୍‌ ତିନିଦିନ୍‌କେ ମଃଲା ଲକାର୍‌ ତଃୟ୍‌ହୁଣି ଉଟେଦ୍‌, 
\v 47 ଆରେକ୍‌ ଜିରୁସାଲମେ ହୁଣି ଆରୁମ୍‌ କଃରି ସଃବୁ ଲକ୍‌ମଃନାର୍‌ ତଃୟ୍‌ ତାର୍‌ ନାଉଁଏ ହାହ୍‌ କେମା ହାଉଁକେ ମଃନ୍‌ ବାଦ୍‌ଲାୟ୍‌ ଆସ୍ତା କଃତା ପର୍ଚାର୍‌ କଃରାଅୟ୍‌ଦ୍‌ । 
\v 48 ତୁମିମଃନ୍ ଇସଃବୁ କଃତାର୍‌ ସାକି ଆଚାସ୍‌ । 
\v 49 \x + \xo ୨୪:୪୯ \xo*\xt ପେରି ୧:୪.\xt*\x*ଆରେକ୍‌ ଦଃକା, ମର୍‌ ଉବା, ଜୁୟ୍‌ରି ଜଃବାଉ ଦଃୟ୍‌ଆଚେ ସେରି ମୁଁୟ୍‌ ତୁମିମଃନାର୍‌ ଚଃମେ ହଃଟାୟ୍‌ନ୍ଦ୍, ମଃତର୍‌ ଉହ୍ରେ ହୁଣି ସଃକ୍ତି ନଃହାଉତା ହଃତେକ୍‌ ତୁମିମଃନ୍ ଇ ଗଃଳେ ରିଆ ।”
\s ଜିସୁର୍‌ ସଃର୍ଗେ ଜାତାର୍‌
\r (ମାର୍କ ୧୬:୧୯-୨୦; ପେରି ୧:୯-୧୧)
\p
\v 50 \x + \xo ୨୪:୫୦ \xo*\xt ପେରି ୧:୯-୧୧.\xt*\x*ତାର୍‌ହଃଚେ ଜିସୁ ସେମଃନ୍‌କେ ବେତାନିଆ ଜାତା ବାଟ ହଃତେକ୍‌ ନଃୟ୍‌ କଃରି, ନିଜାର୍‌ ଆତ୍‌ ଟେକି ସେମଃନ୍‌କେ ଆସିର୍ବାଦ୍‌ କଃଲା । 
\v 51 ଆରେକ୍‌ ଆସିର୍ବାଦ୍‌ କଃରି କଃରି ତାକାର୍‌ ତଃୟ୍‌ହୁଣି ଅଃଲ୍‌ଗା ଅୟ୍‌ ସଃର୍ଗେ ଗଃଲା । 
\v 52 ସେତି ସେମଃନ୍ ତାକ୍‌ ଜୁଆର୍‌ କଃରି ବଃଡେ ସଃର୍ଦାଅୟ୍‌ ଜିରୁସାଲମେ ବାଉଳି ଗଃଲାୟ୍‌ । 
\v 53 ଆରେକ୍‌ ସଃବୁବଃଳ୍‌ ମନ୍ଦିରେ ରଃୟ୍‌ ଇସ୍ୱରାର୍‌ ଗୁଣ୍‌ମଃନ୍‌ କୟ୍‌ ସଃର୍ଦା କଃରୁକ୍‌ ଦଃର୍ଲାୟ୍‌ ।