\id JHN - BOPO
\ide UTF-8
\h ଜହନ୍‌
\toc3 ଜହ
\toc2 ଜହନ୍‌
\toc1 ଜହନ୍‌ ଲେକ୍‌ଲା ଜିସୁ କ୍ରିସ୍ଟର୍‌ ନିକ କବୁର୍‌
\mt2 ଯୋହନ ଲିଖିତ ଯୀଶୁ ଖ୍ରୀଷ୍ଟଙ୍କ ସୁସମାଚାର
\mt1 ଜହନ୍‌ ଲେକ୍‌ଲା ଜିସୁ କ୍ରିସ୍ଟର୍‌ ନିକ କବୁର୍‌
\imt ଜହନ୍‌ ପୁସ୍ତକ୍‌ ବିସୟେ ହଃଦେକ୍‌
\ip ଜିସୁ କ୍ରିସ୍ଟର୍‌ ଜିବନାର୍‌ କଃତା କଃଉତିରିଲା ନଃଉଆଁ ନିୟମାର୍‌ ଚାରିଗଟ୍‌ ପୁସ୍ତକ୍‌ ବିତ୍ରେ ଜହନ୍‌ ଲେକ୍‌ଲା ନିକ କବୁର୍‌ ସେବିତ୍ରାର୍‌ ଗଟେକ୍‌ । ସେ ସଃବୁକ୍‌ ନିକ କବୁର୍‌ ବଃଲ୍‌ତି, ଜାର୍‌ ଅଃର୍ତ୍‌ “ଉହ୍‌କାରାର୍‌ କବୁର୍‌ ।” ସେସଃବୁ ଜିସୁର୍‌ ମଃର୍ନ୍‌ ହଃଚେ ମାତିଉ, ମାର୍କ, ଲୁକ, ଆର୍‌ ଜହନ୍‌ ଲେକି ଆଚ୍‌ତି । ଜହନ୍‌ ଲେକ୍‌ଲା ନିକ କବୁର୍‌ କ୍ରିସ୍ଟର୍‌ ଜଃଲମାର୍‌ ଚାରି କଳି ଦଃସ୍‌ ବଃର୍ସ୍‌ ହଃଚେ ପେରିତ ଜହନ୍‌ ଲେକିଆଚେ । ଅୟ୍‌ଲେକ୍‌ ହେଁ ଇ ନିକ କବୁର୍‌ ଲେକ୍‌ଲା ଲକ୍‌ ଜହନ୍‌ ବଃଲି କେ ହେଁ ନିକ କଃରି ନଃଜାଣ୍‌ତି । ମଃତର୍‌ ଇ ନିକ କବୁରାର୍‌ ଲେକାର୍‌ ରଃକମ୍‌ ହଃର୍ତୁମ୍‌ ଜହନ୍‌, ଦୁୟ୍‌ ଜହନ୍‌ ଆର୍‌ ତିନି ଜହନ୍‌ ସଃଙ୍ଗ୍ ହଃକାହାକି ସଃମାନ୍ । କଃତିଗଟ୍‌ ହୁର୍ବାର୍‌ ଲେକଃତା ଲକ୍‌ମଃନ୍ ଇ ନିକ କବୁର୍‌ ଏପିସି ତଃୟ୍‌ହୁଣି ଲେକା ଜାୟ୍‌ଆଚେ ବଃଲି ସଃତ୍‌ କଃରୁଲାୟ୍‌, ବଃଲେକ୍‌ ସଃଡେବଃଳ୍‌ ଜହନ୍‌ ଏପିସି ତଃୟ୍‌ ବାସା କଃର୍ତିରିଲା ।
\ip ଜହନ୍‌ ବୁଜ୍‌ଲା ହର୍‌ କଃରି କଃଉଁଲା, “ଜିସୁ କ୍ରିସ୍ଟ ହଃକା ଜିବନ୍ ଇସ୍ୱରାର୍‌ ହୟ୍‌ସି” \xt ଜହ ୨୦:୩୧\xt* । ଇରି ସଃତ୍‌ କଃରୁକେ ଲକ୍‌ମଃନ୍‌କେ ଉହ୍‌କାର୍‌ କଃର୍ତାର୍‌ ଅଃଉଁଲି ଇ ନିକ କବୁରାର୍‌ ମୁଳ୍‌ କଃତା । ଇରି ଜଃନ୍‌କଃରି ସଃତ୍‌ କଃଲେକ୍‌ ଅଃମି ଜିବନ୍ ହାଉଁ ହାରୁନ୍ଦ୍ । ଇ ନିକ କବୁର୍‌ ଜିଉଦି ଆର୍‌ ବିନ୍ ସଃବୁ ଅଜିଉଦିମଃନାର୍‌ ଗିନେ ଲେକା ଅୟ୍‌ରିଲି । ଇ ନିକ କବୁରେ ଜିସୁର୍‌ କଃତା ତଃୟ୍‌ହୁଣି ତାର୍‌ କାବା ଅଃଉତା କାମ୍‌ମଃନ୍‌କ୍‌ ଅଃଦିକ୍‌ ଦିଆନ୍‌ ଦିଆ ଅୟ୍‌ଆଚେ । ଜିସୁର୍‌ ବାପ୍ତିସମ୍‌ ଆର୍‌ ଟଃଙ୍ଗ୍ରା ବଃଟାୟ୍‌ ତାକ୍‌ ଅୟ୍‌ରିଲା ପରିକ୍ୟା ହର୍‌ ବଃଡ୍ ଗଃଟ୍‍ଣାମଃନାର୍‌ କଃତା ଜହନ୍‌ ଇ ନିକ କବୁରେ କାୟ୍‌ରି ହେଁ ନଃଲେକେ । ଇ ନିକ କବୁର୍‌ ବିନ୍ ତିନିଗଟ୍‌ ନିକ କବୁର୍‌ ତଃୟ୍‌ହୁଣି ବିନ୍ ।
\iot ଇ ପୁସ୍ତକ୍‌ ବିତ୍ରେ ରିଲା ମୁଳ୍‌ ବିସୟ୍‌ମଃନ୍‌
\io1 ୧. ନିକ କବୁରାର୍‌ ଆରୁମ୍‌ । \ior ୧:୧-୧୮\ior*
\io1 ୨. ଜିସୁର୍‌ କଃତେକ୍‌ କାବା ଅଃଉତା କାମ୍‌ମଃନ୍‌ । \ior ୧:୧୯–୧୨:୫୦\ior*
\io1 ୩. ଜିସୁର୍‌ ଜିବନ୍, ମଃର୍ନ୍‌, ଆର୍‌ ଆରେକ୍‌ ଉଟ୍‌ତାର୍‌ । \ior ୧୩:୧–୨୦:୩୧\ior*
\io1 ୪. ଜିସୁର୍‌ ଉଟ୍‌ଲା ହଃଚେ ଦଃକାୟ୍‌ ଅଃଉତାର୍‌ । \ior ୨୧:୧-୨୫\ior*
\c 1
\s ଜିବନାର୍‌ ବଃଚନ୍
\p
\v 1 ଆରୁମେ ବାକ୍ୟ ରିଲି, ବାକ୍ୟ ଇସ୍ୱର୍‌ ସଃଙ୍ଗ୍ ରିଲା, ସେ ବାକ୍ୟ ହଃକା ଇସ୍ୱର୍‌ ରିଲା । 
\v 2 ସେ ଆରୁମେ ଇସ୍ୱର୍‌ ସଃଙ୍ଗ୍ ରିଲା । 
\v 3 ଆରେକ୍‌ ସେ ବାକ୍ୟର୍‌ ବଃଳେ ଇସ୍ୱର୍‌ ସଃବୁ ଉବ୍‌ଜାଣ୍‌ କଃଲା, ତାର୍‌ ବିନା କାୟ୍‌ରି ହେଁ ଉବ୍‌ଜାଣ୍‌ ନଃହୟ୍‌ । 
\v 4 ସେ ବାକ୍ୟ ଜିବନାର୍‌ ମୁଳ୍‌ ରିଲି ଆର୍‌ ସେଜିବନ୍‌ ମାନାୟ୍‌ ଜାତିର୍‌ ଉଜାଳ୍‌ । 
\v 5 ଆର୍‌ ସେ ଉଜାଳ୍‌ ଅଃନ୍ଦାର୍‌ ବିତ୍ରେ ସଃବୁ ବଃଳ୍‌ ଜଃଲ୍‌କି ଆସୁଲି, ଆର୍‌ ଅଃନ୍ଦାର୍‌ ତାକ୍‌ ନଃଦେର୍ଲି ।
\p
\v 6 \x + \xo ୧:୬ \xo*\xt ମାତି ୩:୧; ମାର୍କ ୧:୪; ଲୁକ ୩:୧,୨.\xt*\x*ଇସ୍ୱର୍‌ ତଃୟ୍‌ହୁଣି ହଃଟାୟ୍‌ଲା ଗଟ୍‌ଲକ୍‌ ଆୟ୍‌ଲା, ତାର୍‌ ନାଉଁ ଜହନ୍‌ । 
\v 7 ସେ ଜଃନ୍‌କଃରି ଉଜାଳାର୍‌ କଃତା କୟ୍‌ଦ୍‌, ଆରେକ୍‌ ତାର୍‌ ତଃୟ୍‌ହୁଣି ସଃବୁଲକ୍‌ ସଃତ୍‌ କଃର୍ତି, ଇତାକ୍‌ ସେ ସାକି ଦେଉଁକ୍‌ ଆୟ୍‌ଲା । 
\v 8 ସେ ନିଜେ ସେ ଉଜାଳ୍‌ ନଃରିଲା, ମଃତର୍‌ ସେ ଉଜାଳାର୍‌ କଃତା ସାକି ଦେଉଁକେ ଆସିରିଲା । 
\v 9 ଜୁୟ୍‌ ସଃତ୍‌ ଉଜାଳ୍‌ ଜଃଗତେ ଆସି ସଃବୁ ଜାତିକ୍‌ ଉଜାଳ୍‌ କଃରେଦ୍‌, ସେରିହଃକା ସଃତ୍ୟା ଉଜାଳ୍‌ ।
\p
\v 10 ସେ ଜଃଗତେ ରିଲା, ଆର୍‌ ସେ ହୁର୍ତି ତାର୍‌ ତଃୟ୍‌ହୁଣି ଉବ୍‌ଜାଣ୍‌ ଅୟ୍‌ଲି, ଅୟ୍‌ଲେକ୍‌ ହେଁ ଜଃଗତ୍‌ ତାକ୍‌ ଚିନୁ ନାହାର୍ଲି । 
\v 11 ସେ ଅଃହ୍‌ଣାର୍‌ ରାଜିଏ ଆୟ୍‌ଲା, ଅୟ୍‌ଲେକ୍‌ ହେଁ ତାର୍‌ ନିଜାର୍‌ ଲକ୍‌ମଃନ୍ ତାକେ ନଃଦେର୍ଲାୟ୍‌ । 
\v 12 ମଃତର୍‌ ଜଃତେକ୍‌ ଲକ୍‌ ତାକ୍‌ ଦଃର୍ଲାୟ୍‌, ବଃଲେକ୍‌ ତାର୍‌ ନାଉଁଏ ସଃତ୍‌ କଃଲାୟ୍‌ ସେମଃନ୍‌କେ ସେ ଇସ୍ୱରାର୍‌ ହିଲା ଅଃଉଁକେ ଅଃଦିକାର୍‌ ଦିଲା । 
\v 13 ସେମଃନ୍ ବଃନିତଃୟ୍‌, ଗଃଗାଳାର୍‌ ଇଚାୟ୍‌ କି ମାନାୟ୍‌ର୍‌ ଇଚାୟ୍‌ ଜଃଲମ୍‌ ନଃଉତି, ମଃତର୍‌ ଇସ୍ୱରାର୍‌ ଇଚାୟ୍‌ ଜଃଲମ୍‌ ଅୟ୍‌ଲାୟ୍‌ ।
\p
\v 14 ଆର୍‌ ସେ ବଃଚନ୍ ନଃର୍‌ ମାନାୟ୍‌ ଅୟ୍‌ଲା, ଆର୍‌ ଦଃୟା ଆର୍‌ ସଃତ୍‌ ସଃଙ୍ଗ୍ ହୁରୁଣ୍ ଅୟ୍‌ ଅଃମାର୍‌ ବିତ୍ରେ ବାସା କଃଲା; ଆର୍‌ ଉବାର୍‌ ତଃୟ୍‌ହୁଣି ଆୟ୍‌ଲା ଗଟେକ୍‌ ବଃଲି ହୟ୍‌ସିର୍‌ ଜଃଜ୍‌ମାନ୍‌ ହାୟ୍‌ରିଲା ହର୍‌ ତାର୍‌ ଜଃଜ୍‌ମାନ୍ ଦଃକ୍‌ଲୁ ।
\p
\v 15 ଜହନ୍‌ ସାକି ଅୟ୍‌ ସେମାନାୟ୍‌ର୍‌ କଃତା ଉଲ୍‌ଗାଟ୍‌ ଅୟ୍‌ କୟ୍‌ଲା, “ଜେ ମର୍‌ ହଃଚେ ଆସୁଲା, ସେ ମର୍‌ ତଃୟ୍‌ହୁଣି ବଃଡ୍, ବଃଲେକ୍‌ ମୁୟ୍‌ ଜଃର୍ନ୍‌ ନଃଉତ୍‌ ସେ ରିଲା, ଜାର୍‌ କଃତା ମୁୟ୍‌ କୟ୍‌ ରିଲେ, ସେ ଇମାନାୟ୍‌ ।”
\p
\v 16 ତାର୍‌ ଦଃୟାର୍‌ ହୁର୍ନାର୍‌ ଗିନେ ଅଃମିମଃନ୍‌ ଆସିର୍ବାଦ୍‌ ହାୟ୍‌ଆଚୁ ହେଁ ଆସିର୍ବାଦ୍‌ ଉହ୍ରେ ଆସିର୍ବାଦ୍‌ ହାୟ୍‌ଆଚୁ । 
\v 17 ବଃଲେକ୍‌ ଇସ୍ୱର୍‌ ମସାର୍‌ ଦଃୟ୍‌କଃରି ବିଦି ଦିଲା, ମଃତର୍‌ ଦଃୟା ଆର୍‌ ସଃତ୍‌ ଜିସୁ କ୍ରିସ୍ଟର୍‌ ଆସିର୍ବାଦ୍‌ ତଃୟ୍‌ହୁଣି ଆୟ୍‌ଲି । 
\v 18 କେହେଁ କଃବେ ଇସ୍ୱର୍‌କେ ନଃଦେକେ, ମଃତର୍‌ ତାର୍‌ ସଃଙ୍ଗ୍ ରିଲା ତାର୍‌ ଗଟେକ୍‌ ବଃଲି ନିଜାର୍‌ ହୟ୍‌ସି ତାକ୍‌ ଜାଣାୟ୍‌ ଆଚେ ।
\s ବାପ୍ତିସମ୍‌ ଦେତା ଜହନାର୍‌ କବୁର୍‌
\r (ମାତି ୩:୧-୧୨; ମାର୍କ ୧:୧-୮; ଲୁକ ୩:୧-୧୮)
\p
\v 19 “ତୁୟ୍‌ କେ ?” ଇରି ଜହନ୍‌କେ ହଃଚାରୁକେ ଜିଉଦିମଃନ୍ ଜଃଡେବଃଳ୍‌ ଜିରୁସାଲମେ ହୁଣି ଜାଜକ୍‌ ଆର୍‌ ଲେବିମଃନ୍‌କେ ତାର୍‌ ଲଃଗେ ହଃଟାୟ୍‌ଲାୟ୍‌, ସଃଡେବଃଳ୍‌ ଜହନ୍‌ ଇ ସାକି ଦିଲା ।
\p
\v 20 ଜହନ୍‌ ହୁଟାୟ୍‌କଃରି କୟ୍‌ଲା, “ମୁୟ୍‌ କ୍ରିସ୍ଟ ନାୟ୍‌ ।”
\p
\v 21 ସେତାକ୍‌ ସେମଃନ୍ ତାକ୍‌ ହଃଚାର୍ଲାୟ୍‌, “ତଃବେ ତୁୟ୍‌ କାୟ୍‌ ଏଲିୟ ?”
\p ସେ କୟ୍‌ଲା, “ମୁୟ୍‌ ଏଲିୟ ନାୟ୍‌ ।”
\p “ତୁୟ୍‌ କାୟ୍‌ ସେ ବାବ୍‌ବାଦି ?”
\p ସେ କୟ୍‌ଲା, “ମୁୟ୍‌ ନାୟ୍‌ ।”
\p
\v 22 ସେତାକ୍‌ ସେମଃନ୍ ତାକ୍‌ କୟ୍‌ଲାୟ୍‌, “ଅଃମିକ୍‌ ହଃଟାୟ୍‌ଲା ଲକ୍‌ମଃନ୍‌କେ ଜଃନ୍‌କଃରି ଉତୁର୍‌ ଦେଉଁହାରୁ, ଇତାର୍‌ ଗିନେ ତୁୟ୍‌ କେ ? ତୁୟ୍‌ ନିଜାର୍‌ କଃତା କାୟ୍‌ରି କଃଉଁଲିସ୍‌ ?”
\p
\v 23 ଜିସାୟ୍‌ ବାବ୍‌ବାଦି ଜଃନ୍‌କଃରି କୟ୍‌ରିଲା ଜହନ୍‌ ସେରଃକମ୍‌ କୟ୍‌ଲା-
\q1 “ମୁୟ୍‌ ସୁକ୍‌ଲା ବଃଟାୟ୍‌ ଆଉଲି ଅୟ୍‌ କଃଉତା ଗଟ୍‌ ଲକାର୍‌ ଟଣ୍ଡ୍,
\q2 ମାପ୍ରୁର୍‌ ବାଟ୍‌ ସଃଳ୍‌କ୍‌ କଃରା ।”
\p
\v 24 ଆର୍‌ ପାରୁସିମଃନାର୍‌ ବିତ୍ରେ ହଃଟାୟ୍‌ରିଲା ଲକ୍‌ମଃନ୍ ତାକ୍‌ ହଃଚାର୍ଲାୟ୍‌ । 
\v 25 ସେମଃନ୍ ଜହନ୍‌କେ ହଃଚାର୍ଲାୟ୍‌, “ତୁୟ୍‌ ଜଦି କ୍ରିସ୍ଟ ନାୟ୍‌ କି ଏଲିୟ ନାୟ୍‌ କି ବାବ୍‌ବାଦି ନାୟ୍‌, ତଃବେ କାୟ୍‌ତାକ୍‌ ବାପ୍ତିସମ୍‌ ଦେଉଁଲିସ୍‌ ?”
\p
\v 26 ଜହନ୍‌ ସେମଃନ୍‌କେ ଉତୁର୍‌ ଦିଲା, “ମୁୟ୍‌ ହାଣାୟ୍‌ ବାପ୍ତିସମ୍‌ ଦେଉଁଲେ, ମଃତର୍‌ ଜାକେ ତୁମିମଃନ୍ ନଃଜାଣାସ୍‌, ସେ ତୁମାର୍‌ ବିତ୍ରେ ଆଚେ । 
\v 27 ସେ ମର୍‌ ହଃଚେ ଆସୁଲା, ମୁୟ୍‌ ତାର୍‌ ହାଣ୍ଡାୟ୍‌ର୍‌ ବାନ୍ଦୁଣ୍ ଇଟାଉତା ଜୟ୍‌ଗ୍‌ ନାୟ୍‌ ।”
\p
\v 28 ଜର୍ଦନ୍ ଗାଡାର୍‌ ସେହାଟି ଜୁୟ୍‌ ଜଃଗାୟ୍‌ ଜହନ୍‌ ବାପ୍ତିସମ୍‌ ଦେତିରିଲା ସେ ବେତ୍‌ନିଆ ଗାଉଁଏ ଇସଃବୁ ଗଃଟ୍‌ଲି ।
\s ମାପ୍ରୁର୍‌ ମେଣ୍ଡା ବଦା
\p
\v 29 ତାର୍‌ ଆର୍‌କ ଦିନ୍ ଜିସୁକ୍‌ ତାର୍‌ ଆସ୍ତାର୍‌ ଦଃକି ଜହନ୍‌ କୟ୍‌ଲା, “ଏଦେ ଦଃକା ଇସ୍ୱରାର୍‌ ମେଣ୍ଡା ବଦା, ଜେ ଜଃଗତାର୍‌ ହାହାର୍‌ ବଜ୍‌ ବୟ୍‌ ନଃୟ୍‌ଦ୍‌ । 
\v 30 ଜେ ମର୍‌ ହଃଚେ ଆସୁଲା, ସେ ମର୍‌ ତଃୟ୍‌ହୁଣି ବଃଡ୍, ବଃଲେକ୍‌ ସେ ମର୍‌ ଜଃଲମ୍‌ ହୁର୍ବେ ରିଲା, ଜାର୍‌ କଃତା କୟ୍‌ରିଲେ ସେ ଇମାନାୟ୍‌ ।” 
\v 31 ମୁୟ୍‌ ହେଁ ତାକ୍‌ ଚିନି ନଃରିଲେ, ମଃତର୍‌ ତାକ୍‌ ଜଃନ୍‌କଃରି ଇସ୍ରାଏଲ୍‌ମଃନ୍‌ ଜାଣ୍‌ତି, ଇତାର୍‌ ଗିନେ ମୁୟ୍‌ ହାଣାୟ୍‌ ବାପ୍ତିସମ୍‌ ଦେଉଁକ୍‌ ଆସିଆଚି ।
\p
\v 32 ଜହନ୍‌ ସାକି ଦଃୟ୍‌ କୟ୍‌ଲା, “ମୁୟ୍‌ ଗଟ୍‌ ଆତ୍ମାକେ ହାଣ୍ଡ୍‌କା ହର୍‌ ସଃର୍ଗେ ହୁଣି ଉତ୍ରି ଆସ୍ତାର୍‌, ଆର୍‌ ସେ ତାର୍‌ ଉହ୍ରେ ବଃସ୍ତାର୍‌ ଦଃକ୍‌ଲେ । 
\v 33 ମୁୟ୍‌ ହେଁ ତାକେ ଜାଣି ନଃରିଲେ ମଃତର୍‌ ମାପ୍ରୁ ମକେ ହାଣାୟ୍‌ ବାପ୍ତିସମ୍‌ ଦେଉଁକ୍‌ ହଃଟାୟ୍‌ଲା, ସେ କୟ୍‌ରିଲା, ‘ତୁୟ୍‌ ଗଟ୍‌ ମାନାୟ୍‌ର୍‌ ଉହ୍ରେ ଆତ୍ମା ଆସି ବଃସ୍ତାର୍‌ ଦଃକ୍‌ସି, ସେ ହଃକା ସେ ଲକ୍‌ ଜେ ପବିତ୍ର ଆତ୍ମାୟ୍‌ ବାପ୍ତିସମ୍‌ ଦଃୟ୍‌ଦ୍‌ ।’ 
\v 34 ମୁୟ୍‌ ସେରି ଦଃକିଆଚି ଆର୍‌ ସେ ହଃକା ଇସ୍ୱରାର୍‌ ହୟ୍‌ସି ବଃଲି ସାକି ଦେଉଁଲେ ।”
\s ଜିସୁର୍‌ ହଃର୍ତୁ ଚେଲାମଃନ୍
\p
\v 35 ତାର୍‌ ଆର୍‌କ ଦିନ୍ ଆରେକ୍‌ ଜହନ୍‌ ସଃଙ୍ଗ୍ ତାର୍‌ ଚେଲାମଃନାର୍‌ ବିତ୍ରେ ଦୁୟ୍‌ଲକ୍‌ ଟିଅୟ୍‌ ରିଲାୟ୍‌; 
\v 36 ସଃଡେବଃଳ୍‌ ଜିସୁ ଇଣ୍ଡି ଜାତାର୍‌ ଦଃକି, ଜହନ୍‌ କୟ୍‌ଲା, “ଏଦେ ଦଃକା ଇସ୍ୱରାର୍‌ ମେଣ୍ଡା ବଦା ।”
\p
\v 37 ସେ ଜଳେକ୍‌ ଚେଲା ତାର୍‌ କଃଉତାର୍‌ ସୁଣି ଜିସୁର୍‌ ହଃଚେହଃଚେ ଗଃଲାୟ୍‌ । 
\v 38 ଜିସୁ ଉଲ୍‌ଟି ସେମଃନ୍ ତାର୍‌ ହଃଚେ ହଃଚେ ଆସ୍ତାର୍‌ ଦଃକି ହଃଚାର୍ଲା, “ତୁମିମଃନ୍ କାୟ୍‌ରି ଲଳୁଲାସ୍‌ ?”
\p ସେମଃନ୍ ତାକ୍‌ କୟ୍‌ଲାୟ୍‌, “ରାବ୍‌ବି, ବଃଲେକ୍‌, ଗୁରୁ, ତୁୟ୍‌ କୁୟ୍‌ତି ରେଉଁଲିସ୍‌ ?”
\p
\v 39 ସେ ସେମଃନ୍‌କେ କୟ୍‌ଲା, “ଆସା ଦଃକାସ୍‌ ।” ସେତାକ୍‌ ସେମଃନ୍ ଜାୟ୍‌ ତାର୍‌ ରେତା ଟାଣ୍ ଦଃକଃଲାୟ୍‌, ଆରେକ୍‌ ସେଦିନ୍ ତାର୍‌ ସଃଙ୍ଗ୍ ରିଲାୟ୍‌; ସଃଡେବଃଳ୍‌ ସଃକାଳ୍ୟା ଦଃସ୍‌ଗଃଟା ଅୟ୍‌ରିଲି ।
\p
\v 40 ଜୁୟ୍‌ ଦୁୟ୍‌ ଲକ୍‌ ଜହନ୍‌ ତଃୟ୍‌ହୁଣି କଃତା ସୁଣି ଜିସୁର୍‌ ହଃଚେ ହଃଚେ ଜାୟ୍‌ ରିଲାୟ୍‌, ସେମଃନାର୍‌ ବିତ୍ରେ ଏକ୍ଲା ପିତର୍‌ ସିମନାର୍‌ ବାୟ୍‌ସି ଆନ୍ଦ୍ରିଅ ରିଲା । 
\v 41 ଆନ୍ଦ୍ରିଅ ହଃର୍ତୁମ୍‌ ନିଜାର୍‌ ବାୟ୍‌ସି ସିମନ୍‌କ୍‌ ବେଟ୍‌ହାୟ୍‌ ତାକ୍‌ କୟ୍‌ଲା, “ଅଃମି ମସିଅକ୍‌, ବଃଲେକ୍‌ କ୍ରିସ୍ଟକେ ଦଃକିଆଚୁ ।” 
\v 42 ତାର୍‌ହଃଚେ ସେ ସିମନ୍‌କ୍‌ ଜିସୁ ହାକ୍‌ ଆଣ୍‌ଲା । ଜିସୁ ତାକ୍‌ ନିକକଃରି ଦଃକ୍‌ଲା ଆର୍‌ କୟ୍‌ଲା, “ତୁୟ୍‌ ଜହନାର୍‌ ହୟ୍‌ସି ସିମନ୍, ତୁୟ୍‌ କେପା ବଃଲେକ୍‌ ପିତର୍‌ ବଃଲି ଡାକେ ହୁଟ୍‌ସି, ଇତାର୍‌ ଅଃର୍ତ୍‌ ଟେଳା ।”
\s ଜିସୁ ନିତନିଏଲ୍‌ ଆର୍‌ ପିଲିପକେ କୁଦ୍‌ଲା
\p
\v 43 ତାର୍‌ ଆର୍‌କ ଦିନ୍ ଜିସୁ ଗାଲିଲି ଜଃଉଁକେ ମଃନ୍ କଃଲା, ସେ ପିଲିପ୍‌କେ ଦଃକ୍‌ଲା ଆର୍‌ ତାକେ କୟ୍‌ଲା, “ମର୍‌ ହଃଚେ ହଃଚେ ଆଉ ।” 
\v 44 ପିଲିପ୍ ବେତ୍‌ସାଇଦା ଗାଉଁଆର୍‌ ଲକ୍‌ ରିଲା, ସେରି ଆନ୍ଦ୍ରିଅ ଆର୍‌ ପିତର୍‌ ରେତା ଗଃଳ୍‌ ରିଲି । 
\v 45 ପିଲିପ୍ ନିତନିଏଲ୍‌କେ ବେଟ୍‌ ଅୟ୍‌ ତାକେ କୟ୍‌ଲା, “ଜାର୍‌ କଃତା ମସା ବିଦିଲଃଗେ ଲେକିଆଚେ, ଆରେକ୍‌ ବାବ୍‌ବାଦିମଃନ୍ ହେଁ ଲେକି ଆଚ୍‌ତି, ଅଃମିମଃନ୍‌ ତାକ୍‌ ଦଃକି ଆଚୁ, ତାର୍‌ ଉବାସି ଜସେପ୍ ନାଜରିତ୍‌ ଗାଉଁଆର୍‌ ଜିସୁ ।”
\p
\v 46 ନିତନିଏଲ୍‌ ତାକ୍‌ ହଃଚାର୍ଲା, “ନାଜରିତ୍‌ ହୁଣି କାୟ୍‌ ସଃତ୍‌ କଃତା ବାରାଉଁ ହାରେ ?” ପିଲିପ୍ ତାକ୍‌ କୟ୍‌ଲା, “ଆଉ ଆର୍‌ ଦଃକ୍‌ ।”
\p
\v 47 ଜିସୁ ନିତନିଏଲ୍‌କେ ଅଃହ୍‌ଣାର୍‌ ଚଃମେ ଆସ୍ତାର୍‌ ଦଃକି, ସେ ତାର୍‌ କଃତା କୟ୍‌ଲା, “ଏଦେ ଦଃକା ନିଜ୍‌କଃରି ଏ ଗଟେକ୍‌ ଇସ୍ରାଏଲ୍‌ ଲକ୍‌, ଆର୍‌ ତଃୟ୍‌ ମିଚ୍‌ମଃୟା ନାୟ୍‌ ।”
\p
\v 48 ନିତନିଏଲ୍‌ ଜିସୁକେ ହଃଚାର୍ଲା, “ତୁୟ୍‌ ମକ୍‌ କଃନ୍‌କଃରି ଜାଣ୍‌ଲିସ୍‌ ?”
\p ଜିସୁ ତାକ୍‌ ଉତୁର୍‌ ଦିଲା, “ପିଲିପ୍ ତକ୍‌ କୁଦ୍‌ତା ଆଗ୍‌ତୁ ତୁୟ୍‌ ଜଃଡେବଃଳ୍‌ ଡୁମ୍ବୁର୍‌ ଗଚ୍‌ତଳେ ଟିଅୟ୍‌ ରିଲିସ୍‌, ସଃଡେବଃଳ୍‌ ମୁୟ୍‌ ତକ୍‌ ଦଃକିରିଲେ ।”
\p
\v 49 ନିତନିଏଲ୍‌ ଉତୁର୍‌ ଦିଲା, “ଏ ରାବ୍‌ବି, ବଃଲେକ୍‌ ଏ ଗୁରୁ, ତୁୟ୍‌ ଇସ୍ୱରାର୍‌ ହୟ୍‌ସି, ତୁୟ୍‌ ଇସ୍ରାଏଲ୍‌କେ ଚାଲାଉତା ରଃଜା ।”
\p
\v 50 ଜିସୁ ତାକ୍‌ ଉତୁର୍‌ ଦିଲା, “ମୁୟ୍‌ ତକେ ଡୁମ୍ବୁର୍‌ ଗଃଚ୍ ତଃଳେ ଦଃକି ରିଲେ ବଃଲି କୟ୍‌ଲାକ୍‌ କି ତୁୟ୍‌ ବିସ୍ୱାସ୍‌ କଃରୁଲିସ୍‌ ? ତୁୟ୍‌ ଇତାର୍‌ ତଃୟ୍‌ହୁଣି ବଃଡ୍ ବଃଡ୍ ବିସୟ୍‌ ଦଃକ୍‌ସି ।” 
\v 51 ଆରେକ୍‌ ଜିସୁ ସେମଃନ୍‌କେ କୟ୍‌ଲା, “ମୁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ତୁମିମଃନ୍ ସଃର୍ଗ୍‌ ଉଗାଳି ଅଃଉତାର୍‌ ଇସ୍ୱରାର୍‌ ଦୁତ୍‌ମଃନ୍‌କେ ନଃରାର୍‌ ହୟ୍‌ସିର୍‌ ଚଃମେ ଉହ୍ରେ ଜାତାର୍‌ ଆର୍‌ ଉତ୍ରି ଆସ୍ତାର୍‌ ଦଃକାସ୍‌ ।”
\c 2
\s କାନାର୍‌ ବିବାତଃୟ୍‌ ଜିସୁ
\p
\v 1 ଦୁୟ୍‌ଦିନାର୍‌ ହଃଚେ ଗାଲିଲିର୍‌ କାନା ନାଉଁଆର୍‌ ଗଃଳେ ଗଟେକ୍‌ ବିବା ଅୟ୍‌ଲି । ଆର୍‌ ଜିସୁର୍‌ ଆୟ୍‌ସି ସେତି ରିଲି; 
\v 2 ଜିସୁକେ ଆର୍‌ ତାର୍‌ ଚେଲାମଃନ୍‌କେ ହେଁ ବିବାତଃୟ୍‌ କୁଦି ରିଲାୟ୍‌ । 
\v 3 ଅଙ୍ଗୁର୍‌ ରଃସ୍‌ ସଃର୍ଲାକ୍‌ ଜିସୁର୍‌ ଆୟ୍‌ସି ଜିସୁକେ କୟ୍‌ଲି, “ସେମଃନାର୍‌ ଅଙ୍ଗୁର୍‌ ରଃସ୍‌ ନାୟ୍‌ ।”
\p
\v 4 ସେତାକ୍‌ ଜିସୁ ତାକ୍‌ କୟ୍‌ଲା, “ଏଗା ଆୟା, ମକ୍‌ କାୟ୍‌ରି କଃରୁକେ ଅୟ୍‌ଦ୍‌ ? ଅଃବେ ହଃତେକ୍‌ ମର୍‌ ବେଳା ନାସେତା ।”
\p
\v 5 ଜିସୁର୍‌ ଆୟ୍‌ସି ସେବାକାରିମଃନ୍‌କେ କୟ୍‌ଲି, “ଜିସୁ ତୁମିମଃନ୍‌କେ ଜାୟ୍‌ବଃଲି କୟ୍‌ଦ୍‌, ସେରି କଃରା ।”
\p
\v 6 ଆର୍‌ ସେଲଃଗେ ଜିଉଦିମଃନାର୍‌ ନିର୍ମୁଳ୍‌ ଅଃଉତା ବିଦି ହଃର୍କାରେ ହଃତି ଗୁନାୟ୍‌ ହାଁଚ୍‌କଳି ମୁତା ହାଣି ଦଃର୍‌ତାର୍‌ ଚଅଗଟ୍‌ ଟେଳାୟ୍‌ ତିଆର୍‌ ଅୟ୍‌ଲା ବଃଡ୍ ବଃଡ୍ ହାଣି ଗୁନା ରିଲି । ଗଟେକ୍‌ ଗଟେକ୍‌ ହାଣି ଗୁନାୟ୍‌ ହାଁଚ୍‌କଳି ମୁତା ହାଣି ଦଃର୍ତିରିଲି ।
\p
\v 7 ଜିସୁ ଦଃଙ୍ଗ୍‌ଳାମଃନ୍‌କେ କୟ୍‌ଲା, “ଇ ଗୁନାୟ୍‌ମଃନ୍ ହାଣି ବଃର୍ତି କଃରା ।” ସେତାକ୍‌ ସେମଃନ୍ ହଃତିତଃୟ୍‌ ଗଃଳା ହଃତେକ୍‌ ବଃର୍ତି କଃଲାୟ୍‌ । \fig ଟେଳା ଗୁନାୟ୍‌ ହାଣି ବଃର୍ତି କଃରୁଲା|alt="Filling water in the stone jars" src="lb00135c.tif" size="col" copy="Horace Knowles ©" ref="2:7"\fig*
\p
\v 8 ଜିସୁ ସେମଃନ୍‌କେ କୟ୍‌ଲା, “ଅଃବେ ଇତିର୍‌ ହାଣି ଡୁବି ନଃୟ୍‌କଃରି ବଜିର୍‌ ବଃଣ୍ଡାର୍‌ ଗଃରିଆକ୍‌ ଦିଆସ୍‌ ।”
\p ସେତାକ୍‌ ସେମଃନ୍ ତାର୍‌ ଲଃଗେ ନିଲାୟ୍‌ । 
\v 9 ବଃଣ୍ଡାର୍‌ ଗଃରିଆ ସେ ଅଙ୍ଗୁର୍‌ ରଃସ୍‌ ଅୟ୍‌ରିଲା ହାଣିକ୍‌ ଚାକିକଃରି ସେରି କୁୟ୍‌ତିହୁଣି ଆୟ୍‌ଲି, ସେରି ଜାଣୁ ନଃହାର୍‌ଲା, ମଃତର୍‌ ଜୁୟ୍‌ମଃନ୍‌ ବଃଣ୍ଡାର୍‌ଗଃରିଆକ୍‌ ହାଣି ଡୁବି ଦିଲାୟ୍‌ ସେମଃନ୍ ଜାଣି ରିଲାୟ୍‌, ସେତାର୍‌ ଗିନେ ସେ ବଃରକ୍‌ କୁଦିକଃରି କୟ୍‌ଲା, 
\v 10 “ସଃବୁଲକ୍‌ ହଃର୍ତୁମ୍‌ ନିକ ଅଙ୍ଗୁର୍‌ ରଃସ୍‌ ଦେତି, ଆର୍‌ ଲକ୍‌ମଃନ୍ କାୟ୍‌କଃରି ମାତ୍‌ଲା ହଃଚେ ବଃର୍ନ୍‌ରି ଦେତି; ମଃତର୍‌ ତୁମି ଅଃବେ ହଃତେକ୍‌ ନିକ ଅଙ୍ଗୁର୍‌ ରଃସ୍‌ ସଃଙ୍ଗାୟ୍‌ ଆଚାସ୍‌ ।”
\p
\v 11 ଜିସୁ ଇବାନ୍ୟା ହଃର୍ତୁମେ ଗାଲିଲିର୍‌ କାନା ଗଃଳେ କାବା ଅଃଉତା ଚିନ୍ ଆରୁମ୍‌ କଃରି ଅଃହ୍‌ଣାର୍‌ ଜଃଜ୍‌ମାନ୍‌ ଦଃକାୟ୍‌ଲା, ଆର୍‌ ତାର୍‌ ଚେଲାମଃନ୍ ତାର୍‌ତଃୟ୍‌ ବିସ୍ୱାସ୍‌ କଃଲାୟ୍‌ ।
\p
\v 12 \x + \xo ୨:୧୨ \xo*\xt ମାତି ୪:୧୩.\xt*\x*ଇତାର୍‌ ହଃଚେ ଜିସୁ ଅଃହ୍‌ଣାର୍‌ ଆୟ୍‌ସି, ବାୟ୍‌ମଃନ୍ ଆର୍‌ ଚେଲାମଃନାର୍‌ ସଃଙ୍ଗ୍ କପୁର୍ନାହୁମ୍‌ ଗଃଳେ ଗଃଲାୟ୍‌; ଆରେକ୍‌ ସେମଃନ୍ ସେତି କଃତି ଦିନ୍ ରିଲାୟ୍‌ ।
\s ଜିସୁ ଜିରୁସାଲମ୍‌ ମନ୍ଦିରେ ଗଃଲା
\r (ମାତି ୨୧:୧୨-୧୩; ମାର୍କ ୧୧:୧୫-୧୭; ଲୁକ ୧୯:୪୫-୪୬)
\p
\v 13 ସଃଡେବଃଳ୍‌ ଜିଉଦିମଃନାର୍‌ ମୁକ୍ଳାଉଁଣି ହଃର୍ବ୍‌ ଚଃମେ ଅୟ୍‌ ଆସିରିଲି, ଆର୍‌ ଜିସୁ ଜିରୁସାଲମେ ଗଃଲା । 
\v 14 ଆରେକ୍‌, ଜିସୁ ମନ୍ଦିରେ ଗାୟ୍‌, ମେଣ୍ଡା, ହାଣ୍ଡ୍‌କା ବେବାରିମଃନ୍‌କେ ଆର୍‌ ଡାବୁ ବାଦ୍‌ଲାଉମଃନ୍‌ କେ ବଃସି ରିଲାର୍‌ ଦଃକ୍‌ଲା, 
\v 15 ସେତାକ୍‌ ସେ ଡର୍‌ଲଃଗେ ସାଟ୍‍ଣି ତିଆର୍‌ କଃରି ଗାୟ୍‌, ମେଣ୍ଡା ମଃନ୍‌କେ ମନ୍ଦିରେ ହୁଣି ବାର୍‌ କଃରି ଦିଲା । ଡାବୁ ବାଦ୍‌ଲାଉମଃନାର୍‌ ସଃବୁ ଟେବୁଲ୍‌ମଃନ୍‌କେ ଉଲ୍‌ଟାୟ୍‌ ଦଃୟ୍‌ ଟଃକା ବିଚ୍ରି ହଃକାୟ୍‌ଲା 
\v 16 ଆର୍‌ ଜିସୁ ହାରୁଆ ବେବାରିମଃନ୍‌କେ କୟ୍‌ଲା, “ଇ ସଃବୁକ୍‌ ଇତି ହୁଣି ଦଃରି ଜାହା, ମର୍‌ ଉବାର୍‌ ଗଃର୍‌କେ ବେବାର୍‌ ଗଃର୍‌ କଃରା ନାୟ୍‌ ।” 
\v 17 “ଏ ପବିତ୍ର ଇସ୍ୱର୍‌, ତର୍‌ ଗଃରାର୍‌ ଗିନେ ଗଃର୍ବେ ଜୟ୍‌ ଲାଗ୍‌ଲା ହର୍‌ ମକ୍‌ ଚିତା ମାଡି ବଃସେଦ୍‌ ।” ଇରି ଦଃର୍ମ୍‌ ସାସ୍ତରେ ଲେକା ଆଚେ ବଃଲି ତାର୍‌ ଚେଲାମଃନ୍‌କେ ମଃନେ ହଃଳ୍‌ଲି ।
\p
\v 18 ସେତାକ୍‌ ଜିଉଦିମଃନାର୍‌ ମୁଳିକାମଃନ୍ ଜିସୁ ହାକ୍‌ ବାଉଳି ଆସି ଇରି ହଃଚାର୍ଲାୟ୍‌, ତୁୟ୍‌ ଇସଃବୁ କାମ୍‌ କଃରୁକେ “ଅଃଦିକାର୍‌ ହାୟ୍‌ ଆଚ୍‌ସି, ବଃଲି ଅଃମିମଃନ୍‌ କଃନ୍‌କଃରି ଜାଣୁନ୍ଦ୍‌ ଅଃମିମଃନ୍‌କ୍‌ କାୟ୍‌ ଚିନ୍ ଦଃକାଉଁହାର୍ସି ?”
\p
\v 19 \x + \xo ୨:୧୯ \xo*\xt ମାତି ୨୬:୬୧; ୨୭:୪୦; ମାର୍କ ୧୪:୫୮; ୧୫:୨୯.\xt*\x*ଜିସୁ ସେମଃନ୍‌କେ ଉତୁର୍‌ ଦିଲା, “ତୁମିମଃନ୍ ଇ ମନ୍ଦିର୍‌କେ ନଃସ୍ଟ୍‌ କଃଲେକ୍‌, ତିନ୍ ଦିନ୍‌ ବିତ୍ରେ ମୁୟ୍‌ ସେରି ଆରେକ୍‌ ତିଆର୍‌ କଃରିନ୍ଦ୍‌ ।”
\p
\v 20 ସେତାକ୍‌ ଜିଉଦିମଃନ୍ କୟ୍‌ଲାୟ୍‌, “ଇ ମନ୍ଦିର୍‌ ତିଆର୍‌ କଃରୁକେ ଦୁୟ୍‌କଳି ଚଅ ବଃର୍ସ୍‌ ଲାଗି ଆଚେ; ଆର୍‌ ତୁୟ୍‌ କାୟ୍‌ରି ସେରି ତିନିଦିନ୍ ବିତ୍ରେ ତିଆର୍‌ କଃର୍ସି ?”
\p
\v 21 ମଃତର୍‌ ଜିସୁ ତାର୍‌ ଅଃହ୍‌ଣାର୍‌ ଗଃଗାଳ୍‌ ମନ୍ଦିର୍‌କେ ଦଃକାୟ୍‌ ଇ କଃତା କୟ୍‌ରିଲା । 
\v 22 ଜିସୁ ମଃରି ଉଟ୍‌ଲା ହଃଚେ ତାର୍‌ ଚେଲାମଃନ୍ ମଃନେ ଏତାୟ୍‌ଲାୟ୍‌ ଜେ ସେ ଇରି କୟ୍‌ ରିଲା; ଆରେକ୍‌, ସେମଃନ୍ ଦଃର୍ମ୍‌ ସାସ୍ତର୍‌ ଆର୍‌ ଜିସୁର୍‌ କୟ୍‌ଲା କଃତାକ୍‌ ସଃତ୍‌ କଃଲାୟ୍‌ ।
\s ଜିସୁ ମାନାୟ୍‌ର୍‌ ଗୁଣ୍ ଜାଣେଦ୍‌
\p
\v 23 ମୁକ୍ଳାଉଁଣି ହଃର୍ବ୍‌ ବଃଳ୍‌ ଜିସୁ ଜିରୁସାଲମେ ରିଲାବଃଳ୍‌ ଗାଦେକ୍‌ ଲକ୍‌ ସେ କଃଲା କାବା ଅଃଉତା ଚିନ୍ ଦଃକି ତାକେ ସେମଃନ୍ ତାର୍‌ ନାଉଁଏ ବିସ୍ୱାସ୍‌ କଃଲାୟ୍‌ । 
\v 24 ମଃତର୍‌ ଜିସୁ ସେମଃନ୍‌କେ ସଃତ୍‌ ନଃକେରି ସେମଃନାର୍‌ ତଃୟ୍‌ହୁଣି ଅଃହ୍‌ଣାକ୍‌ ଅଃଲ୍‌ଗା କଃରିରିଲା, କାୟ୍‌ତାକ୍‌ବଃଲେକ୍‌ ଜିସୁ ସେ ସଃବ୍‌କେ ନିକ କଃରି ଜାଣିରିଲା, 
\v 25 ଆରେକ୍‌, କୁୟ୍‌ ମାନାୟ୍‌ ଜେ ନଃରାର୍‌ ହୟ୍‌ସି ବିସୟେ ସାକି ଦଃୟ୍‌ଦ୍‌, ଇରି ଜିସୁର୍‌ ଲଳା ନଃରିଲି, ବଃଲେକ ନଃର୍‌ମଃନାର୍‌ ମଃନେ କାୟ୍‌ରି ଆଚେ, ସେରି ସେ ନିଜେ ଜାଣୁହାର୍ତିରିଲା ।
\c 3
\s ଜିସୁ ଆର୍‌ ନିକଦିମ
\p
\v 1 ପାରୁସିମଃନାର୍‌ ବିତ୍ରେ ନିକଦିମ ନାଉଁଆର୍‌ ଗଟେକ୍‌ ଜିଉଦିମଃନାର୍‌ ମୁଳିକା ରିଲା । 
\v 2 ସେ ରାତିବଃଳ୍‌ ଜିସୁର୍‌ ଲଃଗେ ଆସି ତାକ୍‌ କୟ୍‌ଲା, “ଏ ଗୁରୁ, ତୁୟ୍‌ ଜେ ଇସ୍ୱର୍‌ ତଃୟ୍‌ହୁଣି ଆୟ୍‌ଲା ଗୁରୁ, ଇରି ଅଃମିମଃନ୍‌ ଜାଣିଆଚୁ, ବଃଲେକ୍‌ ତୁୟ୍‌ ଇରି ଜୁୟ୍‌ ସଃବୁ କାବା ଅଃଉତା ଚିନ୍ କଃରୁଲିସ୍‌, ଇସ୍ୱର୍‌ ସଃଙ୍ଗ୍ ନଃରିଲେକ୍‌ ସେସଃବୁ କେହେଁ କଃରୁ ନାହାରେ ।”
\p
\v 3 ଜିସୁ ତାକ୍‌ କୟ୍‌ଲା, “ସଃତ୍‌କଃରି ମୁୟ୍‌ ତକ୍‌ କଃଉଁଲେ, ଆରେକ୍‌ ଜଃଲମ୍‌\f + \fr ୩:୩ \fr*\ft ଆରେକ୍‌ ଜଃଲମ୍‌ - ବଃଲେକ୍‌ ଇସ୍ୱରାର୍‌ ତଃୟ୍‌ହୁଣି ଜଃଲମ୍‌ ।\ft*\f* ନୟ୍‌ଲେକ୍‌ କେହେଁ ଇସ୍ୱରାର୍‌ ରାଇଜ୍‌ ଦଃକୁ ନାହାରେ ।”
\p
\v 4 ନିକଦିମ ଜିସୁକେ ହଃଚାର୍ଲା, “ବୁଡା ଅୟ୍‌ଲେକ୍‌ ମାନାୟ୍‌ କଃନ୍‌କଃରି ଆରେକ୍‌ ତରେକ୍‌ ଜଃଲମ୍‌ ଅଃଉଁ ହାରେ ? ସେ କାୟ୍‌ରି ଆରେକ୍‌ ଗଟ୍‌ତର୍‌ ତାର୍‌ ଆୟ୍‌ସିର୍‌ ହେଟେ ହୁରି ଜଃଲମ୍‌ ଅଃଉଁ ହାରେ ?”
\p
\v 5 ଜିସୁ କୟ୍‌ଲା, “ସଃତ୍‌ କଃରି ମୁୟ୍‌ ତକ୍‌ କଃଉଁଲେ, ହାଣି ଆର୍‌ ଆତ୍ମାୟ୍‌ ଆରେକ୍‌ ତରେକ୍‌ ଜଃଲମ୍‌ ନୟ୍‌ଲେକ୍‌ କେହେଁ ଇସ୍ୱରାର୍‌ ରାଇଜେ ଜଃଉଁ ନାହାରେ । 
\v 6 ଗଃଗାଳେ ହୁଣି ଜାୟ୍‌ରି ଜଃଲମ୍‌ ସେରି ଗଃଗାଳ୍‌ ଆରେକ୍‌, ଆତ୍ମା ତଃୟ୍‌ହୁଣି ଜାୟ୍‌ରି ଜଃଲମ୍‌, ସେରି ଆତ୍ମା । 
\v 7 ତୁମି ସଃବ୍‌କେ ବାୟ୍‌ଦ୍‌ରେ ଆରେକ୍‌ ତରେକ୍‌ ଜଃଲମ୍‌ ଅଃଉଁକେ ହଃଳେଦ୍‌ ବଃଲି ମୁୟ୍‌ ଜୁୟ୍‌ରି କଃଉଁଲେ, ଇତାର୍‌ ଗିନେ କାବା ଅଃଉଅ ନାୟ୍‌ । 
\v 8 ବାଉ ଜୁୟ୍‌ ଦିଗେ ମଃନ୍‌କଃରେଦ୍‌, ସେ ଦିଗେ ଜାୟ୍‌ଦ୍‌ ଆର୍‌ ତୁମିମଃନ୍ ତାର୍‌ ସଃବ୍‌ଦ୍‌ ସୁଣାସ୍‌, ମଃତର୍‌ ସେରି କୁୟ୍‌ତିହୁଣି ଆସେଦ୍‌ ଆର୍‌ କୁୟ୍‌ତି ଜାୟ୍‌ଦ୍‌, ସେରି ନଃଜାଣାସ୍‌; ଆତ୍ମାୟ୍‌ ହୁଣି ଜଃଲମ୍‌ ଅୟ୍‌ଲା ହଃତି ଲକାର୍‌ କଃତା ସେନ୍‌କାର୍‌ ।”
\p
\v 9 ନିକଦିମ ଜିସୁକେ କୟ୍‌ଲା, “ଇରିମଃନ୍‌ କଃନ୍‌କଃରି ଅଃଉଁ ହାରେ ?”
\p
\v 10 ଜିସୁ ତାକ୍‌ କୟ୍‌ଲା, “ତୁୟ୍‌ ଇସ୍ରାଏଲ୍‌ମଃନାର୍‌ ଗଟେକ୍‌ ଗୁରୁ ଅୟ୍‌କଃରି ହେଁ ଇ ସଃବୁ କାୟ୍‌ରି ନଃବୁଜୁଲିସ୍‌ ? 
\v 11 ମୁୟ୍‌ ସଃତ୍‌କଃରି କଃଉଁଲେ- ଅଃମି ଜୁୟ୍‌ରି ଜାଣିଆଚୁ ସେରି କଃଉଁଲୁ ଆର୍‌ ଜୁୟ୍‌ରି ଦଃକିଆଚୁ ସେରି ସାକି ଦେଉଁଲୁ ଅୟ୍‌ଲେକ୍‌ ହେଁ ତୁମି ସଃତ୍‌ ନଃକେରୁଲାସ୍‌ । 
\v 12 ମୁୟ୍‌ ତୁମିକେ ଜଃଗତାର୍‌ କଃତା କୟ୍‌ଲେକ୍‌ ତୁମି ସଃତ୍‌ ନଃକେରୁଲାସ୍‌, ଜଃଡେବଃଳ୍‌ ମୁୟ୍‌ ସଃର୍ଗ୍‌ହୁରାର୍‌ କଃତା କୟ୍‌ଲେକ୍‌ ତୁମି ମକେ କଃନ୍‌କଃରି ସଃତ୍‌ କଃରାସ୍‌ ? 
\v 13 ଜୁୟ୍‌ ନଃରାର୍‌ ହୟ୍‌ସି ସଃର୍ଗେହୁଣି ଉତୁର୍ଲା, ତାର୍‌ ବିନା ଆର୍‌ କେ ସଃର୍ଗେ ନଃଜାୟ୍‌ଁ ।”
\p
\v 14 ମସା ଜଃନ୍‌କଃରି ସୁକ୍‌ଲାବଃଟାୟ୍‌ ହିତୁଳାର୍‌ ସାହ୍‌ ଲାଟି ଟିହେ କଃରି ଉହ୍ରେ ଉଟାୟ୍‌ରିଲା, ସେନ୍‌କଃରି ନଃରାର୍‌ ହୟ୍‌ସି ହେଁ ଉହ୍ରେ ଉଟା ଅୟ୍‌ଦ୍‌ । 
\v 15 ଜଃନ୍‌କଃରି ଜେହେଁ ତାର୍‌ ତଃୟ୍‌ ବିସ୍ୱାସ୍‌ କଃରେଦ୍‌ ସେ ଅଃମ୍ବର୍‌ ଜିବନ୍ ହାୟ୍‌ଦ୍‌ । 
\v 16 ବଃଲେକ୍‌ ଇସ୍ୱର୍‌ ଜଃଗତ୍‌କେ ଅଃତେକ୍‌ ଲାଡ୍‌ କଃଲା ଜେ ସେ ଅଃହ୍‌ଣାର୍‌ ଗଟେକ୍‌ ବଃଲି ହୟ୍‌ସିକ୍‌ ଦାନ୍‌ ଦିଲା, ଜଃନ୍‌କଃରି ଜେହେଁ ତାକେ ବିସ୍ୱାସ୍‌ କଃରେଦ୍‌ ସେ ନଃସ୍ଟ୍‌ ନୟ୍‌ ସେ ଅଃମ୍ବର୍‌ ଜିବନ୍ ହାୟ୍‌ଦ୍‌ । 
\v 17 ଇସ୍ୱର୍‌ ନିଜାର୍‌ ହୟ୍‌ସିକ୍‌ ଜଃଗତ୍‌କେ ବିଚାର୍‌ କଃରୁକେ ନାୟ୍‌, ମଃତର୍‌ ଜଃଗତ୍‌କେ ଜଃନ୍‌କଃରି ବଚାଉଁକେ ଅୟ୍‌ଦ୍‌ ସେତାର୍‌ଗିନେ ହଃଟାୟ୍‌ ଆଚେ ।
\p
\v 18 ଜୁୟ୍‌ ଲକ୍‌ ହୟ୍‌ସିର୍‌ ତାଣେ ବିସ୍ୱାସ୍‌ କଃରେଦ୍‌ ତାର୍‌ ବିଚାର୍‌ ନାୟ୍‌; ମଃତର୍‌ ଜେ ବିସ୍ୱାସ୍‌ ନଃକେରେ ତାର୍‌ ବିଚାର୍‌ ଅୟ୍‌ ସଃର୍ଲିନି, ବଃଲେକ୍‌ ସେ ଇସ୍ୱରାର୍‌ ଗଟେକ୍‌ବଃଲି ହୟ୍‌ସିର୍‌ ନାଉଁଏ ବିସ୍ୱାସ୍‌ ନଃକେରେ । 
\v 19 ଆର୍‌, ସେ ବିଚାର୍‌ ଇରି, ଜଃଗତାର୍‌ ଉଜାଳ୍‌ ତଃରାସି ଆଚେ, ଆର୍‌ ଲକ୍‌ମଃନ୍ ଉଲାଳ୍‌କେ ନଃଚିକଃରି ଅଃନ୍ଦାର୍‌କେ ଲାଡ୍‌ କଃଲାୟ୍‌, ବଃଲେକ୍‌ ସେମଃନ୍‌କାର କାମ୍‌ ସଃବୁ ମଃନ୍ଦ୍ । 
\v 20 ବଃଲେକ୍‌ ଜୁୟ୍‌ ଲକ୍‌ କଃରାବ୍‌ କାମ୍‌ କଃରେଦ୍‌, ଉଜାଳ୍‌କେ ଗିଣ୍ କଃରେଦ୍‌, ବଃଲେକ୍‌ ତାର୍‌ କଃରାବ୍‌ କାମ୍‌ମଃନ୍‌ ହଃଦାୟ୍‌ ହଃଳ୍‌ତା ଡିର୍‌କେ ଉଜାଳେ ଆସୁନଃଚେ । 
\v 21 ଜାର୍‌ କାମ୍‌ ସଃତ୍‌, ସେ ଉଜାଳେ ଆସୁକ୍‌ ମଃନ୍ କଃରେଦ୍‌, ଜଃନ୍‌କଃରି ତାର୍‌ କାମ୍‌ ଇସ୍ୱରାର୍‌ ତଃୟ୍‌ହୁଣି ଅୟ୍‌ଲି ବଃଲି ଜାଣା ହଃଳେଦ୍‌ ।
\s ଜିସୁ ଆର୍‌ ଜହନ୍‌
\p
\v 22 ଇତାର୍‌ହଃଚେ, ଜିସୁ ଆର୍‌ ତାର୍‌ ଚେଲାମଃନ୍ ଜିଉଦା ଦେସେ ଗଃଲାୟ୍‌, ଆର୍‌ ସେଟାଣେ ସେମଃନ୍‌କାର ସଃଙ୍ଗ୍ ରଃୟକଃରି ବାପ୍ତିସମ୍‌ ଦେଉଁକ୍‌ ଦଃର୍ଲା । 
\v 23 ଜହନ୍‌ ହେଁ ସାଲିମ୍‌ ଚଃମାର୍‌ ଆନନେ ବାପ୍ତିସମ୍‌ ଦେତିରିଲା, କାୟ୍‌କଃରୁକ୍‌ ବଃଲେକ୍‌ ସେତି ବୁତେକ୍‌ ହାଣି ରିଲି, ଆର୍‌ ଲକ୍‌ମଃନ୍ ତାର୍‌ ତଃୟ୍‌ ଆସ୍ତି ରିଲାୟ୍‌ ଆର୍‌ ବାପ୍ତିସମ୍‌ ନେତି ରିଲାୟ୍‌ । 
\v 24 \x + \xo ୩:୨୪ \xo*\xt ମାତି ୧୪:୩; ମାର୍କ ୬:୧୭; ଲୁକ ୩:୧୯,୨୦.\xt*\x*ଜହନ୍‌ ସଃଡେବଃଳ୍‌ ହଃତେକ୍‌ ଜଃଇଲେ ଜାୟ୍‌ ନଃରିଲା ।
\p
\v 25 ନିର୍ମୁଳ୍‌ ଅଃଉତା କଃତାର୍‌ ଗିନେ, ଜହନ୍‌ ତଃୟ୍‌ଁ ହୁଣି ଆୟ୍‌ଲା କଃତିଗଟ୍‌ ଚେଲାମଃନ୍ ଗଟ୍‌ ଜିଉଦି ସଃଙ୍ଗ୍ ଦଃରାଦଃରି ଅୟ୍‌ଲାୟ୍‌ । 
\v 26 ଜହନାର୍‌ ଚେଲାମଃନ୍ ଜହନ୍‌ ହାକ୍‌ ଜାୟ୍‌ ତାକେ ସାକିଦି ଲାୟ୍‌, “ଗୁରୁ, ଏତାଉ ଜର୍ଦନ୍ ଗାଡାର୍‌ ଉଦ୍ୟାନ୍‌ବାଟ୍‌ ଜୁୟ୍‌ ମାନାୟ୍‌ ତର୍‌ ସଃଙ୍ଗ୍ ରେତିରିଲା, ଜାର୍‌ କଃତା ତୁୟ୍‌ କଃଉତି ରିଲିସ୍‌, ସେ ଅଃବେ ବାପ୍ତିସମ୍‌ ଦେଉଁଲା, ଆର୍‌ ସଃବୁ ଲକ୍‌ ତାର୍‌ ହାକ୍‌ ଜଃଉଁଲାୟ୍‌ ।”
\p
\v 27 ଜହନ୍‌ କୟ୍‌ଲା, ସଃର୍ଗେ ହୁଣି ଇସ୍ୱର୍‌ ନଃଦିଲେକ୍‌ କୁୟ୍‌ ଲକ୍‌ କାୟ୍‌ରିହେଁ ହାଉଁନାହାରେ । 
\v 28 \x + \xo ୩:୨୮ \xo*\xt ଜହ ୧:୨୦.\xt*\x*“ମୁୟ୍‌ କ୍ରିସ୍ଟ ନାୟ୍‌, ତାର୍‌ ଆଗାଳି ହଟାୟ୍‌ଲାର୍‌ ଆସିଆଚି, ମୁୟ୍‌ ଇରି କୟ୍‌ରିଲେ । ତୁମିମଃନ୍ ନିଜେ ସେ ସାକି । 
\v 29 ଜୁୟ୍‌ ଲକ୍‌ କଃନ୍ୟା ଆଣେଦ୍‌, ସେ ବଃର, ମଃତର୍‌ ବଃରର୍‌ ସଃଙ୍ଗ୍ ଅଃହ୍‌ଣାର୍‌ ଲକ୍‌ ଟିଆ ଅୟ୍‌ କଃତା ସୁଣେଦ୍‌, ସେ ବଃରର୍‌ ଗିନେ ବଃଡେ ସଃର୍ଦା ଅୟ୍‌ଦ୍‌ । ବଃଲେକ୍‌ ମର୍‌ ଇ ସଃର୍ଦା ହୁର୍ନ୍‌ ଅୟ୍‌ଆଚେ । 
\v 30 ସେ ବାୟ୍‌ଦ୍‌ରେ ବାଡୁକେ ହଃଳେଦ୍‌, ମଃତର୍‌ ମୁୟ୍‌ ବୁଡୁକ୍‌ ହଃଳେଦ୍‌ ।”
\s ସେ ସଃର୍ଗେହୁଣି ଆୟ୍‌ଲା ଲକ୍‌
\p
\v 31 ଜେ ସଃର୍ଗେହୁଣି ଆସେଦ୍‌ ସେ ସଃବ୍‌କେ ବଃଡ୍ । ଜେ ହୁର୍ତିବିଏ ହୁଣି ଜାତ୍‌ ଅୟ୍‌ଆଚେ ସେ ଜଃଗତାର୍‌, ଆର୍‌ ସେ ଜଃଗତାର୍‌ କଃତା କୟ୍‌ଦ୍‌ ମଃତର୍‌ ଜେ ସଃର୍ଗେହୁଣି ଆସେଦ୍‌ ସେ ସଃବ୍‌କାର୍‌ ଉହ୍ରେ ବଃଡ୍ । 
\v 32 ସେ ଜାୟ୍‌ରି ଦଃକିଆଚେ ଆର୍‌ ସୁଣି ଆଚେ ସେରି ସାକି ଦଃୟ୍‌ଦ୍‌, ମଃତର୍‌ ତାର୍‌ କଃତା କେହେଁ ତାର୍‌ ସାକି ଦିଲାର୍‌ ସଃତ୍‌ନଃକେଲାୟ୍‌ । 
\v 33 ମଃତର୍‌ ଜେ ତାର୍‌ ସାକି ଦିଲାର୍‌ ଦଃରିଆଚେ ଇସ୍ୱର୍‌ ଜେ ସଃତ୍‌ ବଃଲି ସେ ମୁଦ୍ରା ମାରାୟ୍‌ ଆଚେ । 
\v 34 ଜାକେ ଇସ୍ୱର୍‌ ହଃଟାୟ୍‌ ଆଚେ ସେ ଇସ୍ୱରାର୍‌ କଃତା କୟ୍‌ଦ୍‌, ବଃଲେକ୍‌ ସେ ଇସ୍ୱର୍‌ ତାକେ ହୁର୍ନ୍‌କଃରି ତାର୍‌ ଆତ୍ମା ଦଃୟ୍‌ଦ୍‌ । 
\v 35 \x + \xo ୩:୩୫ \xo*\xt ମାତି ୧୧:୨୭; ଲୁକ ୧୦:୨୨.\xt*\x*ଉବାସି ହୟ୍‌ସିକ୍‌ ଲାଡ୍‌ କଃରେଦ୍‌, ଆର୍‌ ସଃବୁ ବିସୟ୍‌ ତାର୍‌ ଆତେ ସଃହ୍ରି ଦଃୟ୍‌ଆଚେ । 
\v 36 ଜେ ହୟ୍‌ସିର୍‌ ଟାଣେ ବିସ୍ୱାସ୍‌ କଃରେଦ୍‌ ସେ ଅଃମ୍ବର୍‌ ଜିବନ୍ ହାୟ୍‌ଦ୍‌; ଜେ ହୟ୍‌ସିକ୍‌ ମାୟ୍‌ନ୍‌ ନଃକେରେ ସେ ଅଃମ୍ବର୍‌ ଜିବନ୍ ହାଉଁ ନାହାରେ, ମଃତର୍‌ ଇସ୍ୱରାର୍‌ ରିସା ତଃଳେ ରଃୟ୍‌ଦ୍‌ ।
\c 4
\s ଜିସୁ ଆର୍‌ ସମିରଣିୟ ମାଇଜି
\p
\v 1 ପାରୁସିମଃନ୍ ସୁଣ୍‌ଲାୟ୍‌ ଜେ ଜିସୁ ଜହନ୍‌ ତଃୟ୍‌ହୁଣି ଅଃଦିକ୍‌ ଚେଲା କଃରୁଲା ଆର୍‌ ସେମଃନ୍‌କେ ବାପ୍ତିସମ୍‌ ଦେଉଁଲା । 
\v 2 ସଃତ୍‌କଃରି ଜିସୁ କାକେହେଁ ବାପ୍ତିସମ୍‌ ଦେତିନଃରିଲା; ତାର୍‌ ଚେଲାମଃନ୍ ଦେତି ରିଲାୟ୍‌ । 
\v 3 ତାର୍‌ କଃତା ପାରୁସିମଃନ୍ ସୁଣି ଆଚ୍‌ତି ବଃଲି ଜଃଡେବଃଳ୍‌ ଜିସୁ ସୁଣ୍‌ଲା, ସଃଡେବଃଳ୍‌ ସେ ଜିଉଦା ରାଇଜ୍‌ ଚାଡି ଆରେକ୍‌ ଗାଲିଲି ଗଃଲା । 
\v 4 ମଃତର୍‌ ଜାତା ବାଟେ ତାକ୍‌ ସମିରଣ ବାଟ୍‌ ଅୟ୍‌ ଜଃଉଁକେ ହଃଳ୍‌ଲି ।
\p
\v 5 ତଃବେ ଜିସୁ ଜାୟ୍‌ ଜାକୁବକ୍‌ ତାର୍‌ ହୟ୍‌ସି ଜସେପ୍ ଜୁୟ୍‌ ବୁୟ୍‌ଁ କଃଣ୍ଡେକ୍‌ ଦଃୟ୍‌ରିଲା, ତାର୍‌ ଚଃମାର୍‌ ସୁକାର୍‌ ନାଉଁଆର୍‌ ସମିରଣାର୍‌ ଗଟେକ୍‌ ଗଃଳେ ହଚ୍‌ଲା । 
\v 6 ସେଟାଣେ ଜାକୁବର୍‌ କୁଇଁକାଲ୍‌ ରିଲି, ଜିସୁ ବାଟ୍‌ ଇଣ୍ଡି ଇଣ୍ଡି ତାକି ରିଲାକ୍‌, ସେ କୁଇଁକାଲ୍‌ ଚଃମେ ବଃସ୍‌ଲା । ସଃଡେବଃଳ୍‌ ମୁଣ୍ଡେବେଳା ଅୟ୍‌ରିଲି ।
\p
\v 7 ଜିସୁ ସେ କୁଇଁକାଲ୍‌ ଚଃମେ ବଃସି ରିଲାବଃଳ୍‌ ଗଟେକ୍‌ ସମିରଣିୟା ମାୟ୍‌ଜି ହାଣି ନେଉଁକ୍‌ ସେ କୁଇଁକାଲେ ଆୟ୍‌ଲି । ଜିସୁ ତାକେ କୟ୍‌ଲା, “ମକ୍‌ ହାଣି ଗୁଳିକ୍‌ କାଉଁକେ ଦେ ।” 
\v 8 ସଃଡେବଃଳ୍‌ ତାର୍‌ ଚେଲାମଃନ୍ କାଦି ଗେନି ଆଣୁକେ ଗଃଳ୍‌ବିତ୍ରେ ଜାୟ୍‌ରିଲାୟ୍‌ ।
\p
\v 9 ସେତାକ୍‌ ସମିରଣିୟା ମାୟ୍‌ଜି ଜିସୁକେ କୟ୍‌ଲି, “ତୁୟ୍‌ ଗଟେକ୍‌ ଜିଉଦି ଲକ୍‌ ଆର୍‌ ମୁୟ୍‌ ଗଟେକ୍‌ ସମିରଣିୟା, ତଃବେ କଃନ୍‌କଃରି ମର୍‌ ଆତାର୍‌ ହାଣି କାଉଁକେ ମାଗୁଲିସ୍‌ ? ବଃଲେକ୍‌ ସମିରଣିୟା ମଃନାର୍‌ସଃଙ୍ଗ୍ ଜିଉଦିମଃନାର୍‌ ଚାଲାଚାଲ୍‌ତି ନଃରିଲି ।”
\p
\v 10 ଜିସୁ କୟ୍‌ଲା, “ଇସ୍ୱର୍‌ ଦିଲା ଦାନ୍‌ ଆର୍‌ ‘ମକ୍‌ କାଉଁକେ ଦେ,’ ବଃଲି ଜେ ତକ୍‌ କଃଉଁଲା, ସେ କେ, ଇରି ଜାଣିରିଲେକ୍‌, ଆର୍‌ ତୁୟ୍‌ ତାକ୍‌ ମାଗ୍‌ଲେକ୍‌ ସେ ତକ୍‌ ଜିବନ୍ ଦେତା ହାଣି ଦିଲାହୁଣି ।”
\p
\v 11 ସେ ମାଇଜି ତାକ୍‌ କୟ୍‌ଲି, “ଏ ମାପ୍ରୁ, ହାଣି କାଡୁକ୍‌ ତର୍‌ହାକ୍‌ ବାଲ୍‌ଟି ନାୟ୍‌, ଆରେକ୍‌ କୁଇଁକାଲ୍‌ ତ ଡେଙ୍ଗ୍ । ତୁୟ୍‌ କୁୟ୍‌ତିହୁଣି ଜିବନ୍ ଦେତା ହାଣି ହାଉସି ? 
\v 12 ଅଃମାର୍‌ ଦାଦିବାବୁ ଜାକୁବ ଇ କୁଇଁକାଲ୍‌ କଃଣି ଦଃୟ୍‌ରିଲା; ସେ ଆର୍‌ ତାର୍‌ ହୟ୍‌ସିମଃନ୍ ଆର୍‌ ଗାୟ୍‌ଗରୁ ଇତିର୍‌ ହାଣି କାତି ରିଲାୟ୍‌ । ତୁୟ୍‌ କାୟ୍‌ ଜାକୁବର୍‌ ତଃୟ୍‌ହୁଣି ବଃଡ୍ ?”
\p
\v 13 ଜିସୁ ସେ ମାୟ୍‌ଜିକେ କୟ୍‌ଲା, “ଇ କୁଇଁକାଲାର୍‌ ହାଣି ଜେ କାୟ୍‌ଦ୍‌ ତାକ୍‌ ଆରେକ୍‌ ସସ୍‌ ଲାଗେଦ୍‌, 
\v 14 ମୁୟ୍‌ ଜୁୟ୍‌ ହାଣି ଦଃୟ୍‌ନ୍ଦ୍, ସେରି ଜୁୟ୍‌ ଲକ୍‌ କାୟ୍‌ଦ୍‌ ତାକ୍‌ କଃବେ ହେଁ ସସ୍‌ ନୟ୍‌, ମଃତର୍‌ ମୁୟ୍‌ ତାକ୍‌ ଜୁୟ୍‌ ହାଣି ଦଃୟ୍‌ନ୍ଦ୍, ସେରି ଅଃମ୍ବର୍‌ ଜିବନ୍ ଦେତା ହାଜ୍ରା ହାଣି ହର୍‌ ତାର୍‌ ତାଣେ ଉଚୁଳ୍‌ତି ରଃୟ୍‌ଦ୍‌ ।”
\p
\v 15 ସେ ମାୟ୍‌ଜି କୟ୍‌ଲି, “ଏ ମାପ୍ରୁ, ମକ୍‌ ସେ ହାଣି ଦେ, ଜଃନ୍‌କଃରି ମକ୍‌ କଃବେ ସସ୍‌ ନଃଲାଗେ, ଆରେକ୍‌ ହାଣି କାଡୁକ୍‌ ଅଃତେକ୍‌ ବାଟ୍‌ ଆସୁକ୍‌ ନଃହେଳେ ।”
\p
\v 16 ଜିସୁ ତାକେ କୟ୍‌ଲା, “ଜା, ଆର୍‌ ତର୍‌ ଡକ୍ରାଦିକ୍‌ ଇତି କୁଦି ଆଣ୍ ।”
\p
\v 17 ସେ ମାୟ୍‌ଜି କୟ୍‌ଲି, “ମର୍‌ ଅଃଣ୍ଡ୍ରା ନାୟ୍‌ ।”
\p ଜିସୁ ତାକ୍‌ କୟ୍‌ଲା, “ମର୍‌ ଅଃଣ୍ଡ୍ରା ନାୟ୍‌, ଇ କଃତା ସଃତ୍‌ କୟ୍‌ଲିସ୍‌ । 
\v 18 ବଃଲେକ୍‌ ତର୍‌ ହାଁଚ୍ ଗଟ୍‌ ଅଃଣ୍ଡ୍ରା ରିଲାୟ୍‌, ଆର୍‌ ଅଃବେ ତୁୟ୍‌ ଜାର୍‌ ସଃଙ୍ଗ୍ ଆଚ୍‌ସି ସେ ହେଁ ତର୍‌ ଡକ୍ରାଦି ନାୟ୍‌ । ଇରି ସଃତ୍‌ କୟ୍‌ଆଚ୍‌ସି ।”
\p
\v 19 ମାୟ୍‌ଜି ଜିସୁକେ କୟ୍‌ଲି, “ଏ ମାପ୍ରୁ, ତୁୟ୍‌ ଜେ ଗଟେକ୍‌ ବାବ୍‌ବାଦି, ଇରି ମୁୟ୍‌ ଦଃକୁ ହାରୁଲେ । 
\v 20 ଅଃମାର୍‌ ଦାଦିବାବୁମଃନ୍ ଇ ଡଙ୍ଗ୍ରେ ଇସ୍ୱର୍‌କେ ସେବା କଃଲାୟ୍‌, ମଃତର୍‌ ତୁମି ଜିହୁଦିମଃନ୍ କଃଉଁଲାସ୍‌ ଇସ୍ୱର୍‌କେ ହୁଜା କଃର୍ତା ଟିକ୍‌ ଜଃଗା ଅଃଉଁଲି ଜିରୁସାଲମ୍‌ ।”
\p
\v 21 ଜିସୁ ତାକ୍‌ କୟ୍‌ଲା, “ଏ ଆୟା, ମର୍‌ କଃତା ସଃତ୍‌କଃର୍‌, ଗଟ୍‌ ଦିନ୍ ଆସେଦ୍‌, ଲକ୍‌ମଃନ୍ ଉବାକ୍‌ ଇ ଡଙ୍ଗ୍ରେ କି ଜିରୁସାଲମେ ସେବା ନଃକେର୍ତି । 
\v 22 ତୁମି ସମିରଣିୟ ମଃନ୍ ସଃତ୍‌କଃରି କାକେ ସେବା କଃରୁଲାସ୍‌ ନଃଜାଣୁଲାସ୍‌; ମଃତର୍‌ ଅଃମି ଜିଉଦିମଃନ୍ କାକେ ସେବା କଃରୁଲୁ ଜାଣୁଲୁ, ବଃଲେକ୍‌ ମୁକ୍ତି କଃର୍ତାର୍‌ ଜିଉଦିମଃନାର୍‌ ତଃୟ୍‌ହୁଣି ଆସେଦ୍‌ । 
\v 23 ମଃତର୍‌ ଜୁୟ୍‌ ଦିନ୍ ସଃତ୍‌ ସେବାକଃର୍ତା ଲକ୍‌ମଃନ୍ ଆତ୍ମାୟ୍‌ ଆର୍‌ ସଃତ୍ୟା କଃରି ଉବାର୍‌ ହୁଜା କଃର୍ତି, ସେନ୍‌କାର୍‌ ଦିନ୍ ଆସୁଲି, ଆରେକ୍‌, ଅଃବେ ହେଁ ଆୟ୍‌ଲିନି, କାୟ୍‌ତାକ୍‌ବଃଲେକ୍‌ ଉବା ଅଃନ୍‌କାର୍‌ ହୁଜାକଃର୍ତା ଲକ୍‌ମଃନ୍‌କେ ମଃନ୍ କଃରେଦ୍‌ । 
\v 24 ଇସ୍ୱର୍‌ ଆତ୍ମା । ଆର୍‌ ଜୁୟ୍‌ ଲକ୍‌ମଃନ୍ ଇସ୍ୱରାର୍‌ ସେବା କଃର୍ତି, ସେମଃନ୍ ସଃତ୍‌ ଆର୍‌ ଆତ୍ମାୟ୍‌ ହୁର୍ନ୍‌ ଅୟ୍‌ ହୁଜା କଃର୍ତା ବିଦି ।”
\p
\v 25 ସେ ମାୟ୍‌ଜି ଜିସୁକେ କୟ୍‌ଲି, “ମୁୟ୍‌ ଜାଣି, ମସିଅ ଜାକେ କ୍ରିସ୍ଟ ବଃଲି କଃଉତି, ସେ ଆସେଦ୍‌, ଆର୍‌ ଜଃଡେବଃଳ୍‌ ସେ ଆସେଦ୍‌, ସେ ଅଃମିକ୍‌ ସଃବୁ କଃତା କୟ୍‌ଦ୍‌ ।”
\p
\v 26 ଜିସୁ ତାକ୍‌ କୟ୍‌ଲା, “ତର୍‌ ସଃଙ୍ଗ୍ କଃତା ଅଃଉଁଲେ ଜେ ମୁୟ୍‌, ମୁୟ୍‌ ହଃକା ସେମାନାୟ୍‌ ।”
\p
\v 27 ଅଃନ୍‌କାବଃଳ୍‌ ଜିସୁର୍‌ ଚେଲାମଃନ୍ ବାଉଳି ଆୟ୍‌ଲାୟ୍‌, ଆର୍‌ ଜିସୁ ଗଟ୍‌ ମାୟ୍‌ଜି ସଃଙ୍ଗ୍ ଗଟିକଃର୍ତାର୍‌ ଦଃକି ସେମଃନ୍ ବଃଡେ କାବା ଅୟ୍‌ଲାୟ୍‌, ମଃତର୍‌ କେହେଁ ସେ ମାୟ୍‌ଜିକେ, “ତର୍‌ କାୟ୍‌ରି ଲଳା ବଃଲି ନଃକୟ୍‌ଲାୟ୍‌, କି କାୟ୍‌କଃରୁକ୍‌ ତାର୍‌ ସଃଙ୍ଗ୍ କଃତା ଅଃଉଁଲିସ୍‌, ବଃଲି” ଜିସୁକେ ହେଁ ହଃଚାରୁକ୍‌ ସାସ୍‌ ନଃକେଲାୟ୍‌ ।
\p
\v 28 ସେତାର୍‌ହଃଚେ ସେ ମାୟ୍‌ଜି ତାର୍‌ ହାଣି ଡକା ସେତି ଚାଡିକଃରି ଗଃଳ୍‌ ବିତ୍ରେ ଜାୟ୍‌ ଲକ୍‌ମଃନ୍‌କେ କୟ୍‌ଲି, 
\v 29 “ଆସା, ଗଟ୍‌ ଲକ୍‌କେ ଦଃକାସ୍‌, ମୁୟ୍‌ ଜାୟ୍‌ଜାୟ୍‌ରି କଃରିଆଚି ସେରି ସଃବୁ ସେ ମକେ କୟ୍‌ଲା; ସେ କେଜାଣ୍ କ୍ରିସ୍ଟ ଅୟ୍‌ ରଃୟ୍‌ଦ୍‌ କାୟ୍‌କି ?” 
\v 30 ସେତାକ୍‌ ଲକ୍‌ମଃନ୍ ଗଃଳେହୁଣି ବାରାୟ୍‌ ଜିସୁର୍‌ ହାକ୍‌ ଜଃଉଁକେ ଦଃର୍ଲାୟ୍‌ ।
\p
\v 31 ସଃଡେବଃଳ୍‌ ଚେଲାମଃନ୍ ଜିସୁକେ ଗଃଉଆରି କଃରି କୟ୍‌ଲାୟ୍‌, ଏ ଗୁରୁ କାଦି କାଆ ।
\p
\v 32 ମଃତର୍‌ ଜିସୁ ଚେଲାମଃନ୍‌କେ କୟ୍‌ଲା, “ତୁମିମଃନ୍ ଜୁୟ୍‌ କାଦିର୍‌ କଃତା ନଃଜାଣାସ୍‌, କାଉଁକେ ଇବାନ୍ୟା କାଦି ମର୍‌ ତଃୟ୍‌ ଆଚେ ।”
\p
\v 33 ସେତାକ୍‌ ଚେଲାମଃନ୍ ତାକାର୍‌ ତାକାର୍‌ ବିତ୍ରେ କଃଉଆକଇ ଅୟ୍‌ଲାୟ୍‌, “କେ ଅଲେ ତାକ୍‌ କାଦି ଆଣି ଦଃୟ୍‌ ରଃୟ୍‌ଦ୍‌ କାୟ୍‌କି ?”
\p
\v 34 ଜିସୁ ସେମଃନ୍‌କେ କୟ୍‌ଲା, “ମକ୍‌ ହଃଟାୟ୍‌ଲା ଉବା ଦଃୟ୍‌ରିଲା କାମ୍‌ ହୁରୁଣ୍ କଃର୍ତାର୍‌ ହଃକା ଅୟ୍‌ଲି ମର୍‌ କାଦି ।”
\p
\v 35 ଜିସୁ ସେମଃନ୍‌କେ କୟ୍‌ଲା, “ତାସ୍‌ କାଟୁକ୍‌ ଆରେକ୍‌ ଚାରି ମାସ୍‌ ଆଚେ, ଇରି କାୟ୍‌ ତୁମିମଃନ୍ ନଃକଉଁଲାସ୍‌ ? ମଃତର୍‌ ମୁୟ୍‌ ତୁମିକେ କଃଉଁଲେ, ନିକ କଃରି ତାସ୍‌ ହଃଦାୟ୍‌ମଃନ୍ ଅଃବେ ଦଃକା, ସେ ସଃବୁ କାଟୁକ୍‌ ହାକି ଆଚେ । 
\v 36 ଅଃବେ ହଃତେକ୍‌ ବୁତିଆର୍‌କେ ବୁତି ଦିଆ ଅଃଉଁଲି, ସେ ଅଃମ୍ବର୍‌ ଜିବନ୍ ଗିନେ ତାସ୍‌ ରୁଣ୍ଡାଉଁଲା; ତଃବେ ବିଆନ୍ ବୁଣୁ ଆର୍‌ ତାସ୍‌ କାଟୁ, ଇ ଦୁୟ୍‌ଲକ୍‌ ସଃର୍ଦା କଃର୍ତି । 
\v 37 ଇ କଃତା ସଃତ୍ୟା, ଏକ୍ଲା ବୁଣେଦ୍‌ ଆରେକ୍‌ ଏକ୍ଲା କାଟେଦ୍‌ । 
\v 38 ଜୁୟ୍‌ ହଃଦାୟ୍‌ ତୁମି କାମ୍‌ କଃରି ନଃରିଲାସ୍‌, ସେତି ତାସ୍‌ କାଟୁକ୍‌ ମୁୟ୍‌ ତୁମିକେ ହଃଟାୟ୍‌ ଆଚି; ବିନ୍‌ ଲକ୍‌ ସେତି କଃସ୍ଟ୍‌ କଃଲାୟ୍‌ ଆଚ୍‌ତି, ମଃତର୍‌ ତୁମି ଲାବ୍‌ ହାଉଁଲାସ୍‌ ।”
\s ଗାଦେକ୍‌ ସମିରଣିୟମଃନ୍ ବିସ୍ୱାସ୍‌ କଃଲାୟ୍‌
\p
\v 39 ମୁୟ୍‌ ଜୁୟ୍‌ ଜୁୟ୍‌ରି କଃରିଆଚି ସେରି ସଃବୁ ସେ ମକ୍‌ କୟ୍‌ଲା ବଃଲି ଜୁୟ୍‌ ମାୟ୍‌ଜି କୟ୍‌ରିଲି, ତାର୍‌ ସାକିର୍‌ ଗିନେ ସେ ଗଃଳାର୍‌ ସମିରଣିୟା ମଃନାର୍‌ ବିତ୍ରେ ଗାଦେକ୍‌ ଲକ୍‌ ତାର୍‌ ତଃୟ୍‌ ବିସ୍ୱାସ୍‌ କଃଲାୟ୍‌ । 
\v 40 ସେତାକ୍‌ ସମିରଣିୟମଃନ୍ ତାର୍‌ ଚଃମ୍‌ ଆସି, ସେମଃନ୍ ତାକେ ସେତି ସେମଃନ୍‌କାର ସଃଙ୍ଗ୍ ରେଉଁକେ ଗଃଉଆରି କଃଲାୟ୍‌, ତଃବେ ଜିସୁ ସେତି ଦୁୟ୍‌ଦିନ୍ ରିଲା । 
\v 41 ଆର୍‌ ଜିସୁର୍‌ କଃତା ସୁଣି ଆରେକ୍‌ ଜଃବର୍‌ ଲକ୍‌ମଃନ୍ ବିସ୍ୱାସ୍‌ କଃଲାୟ୍‌ ।
\p
\v 42 ଆର୍‌ ସେମଃନ୍ ସେ ମାୟ୍‌ଜିକେ କୟ୍‌ଲାୟ୍‌, “ତର୍‌ କଃତାର୍‌ ଗିନେ ଅଃମି ବିସ୍ୱାସ୍‌ ନଃକେରୁ, ମଃତର୍‌ ଜିସୁର୍‌ କଃତା ଅଃମିମଃନ୍‌ ନିଜେ ସୁଣି, ସେ ଜେ ନିଜ୍‌କଃରି ସଃତ୍‌ କଃରି ଜଃଗତାର୍‌ ରଃକ୍ୟାକଃର୍ତା ଲକ୍‌ ଇରି ଅଃମାର୍‌ ବିସ୍ୱାସ୍‌ ଅୟ୍‌ଆଚେ ।”
\s ଜିସୁ ଗଟେକ୍‌ ସଃର୍କାରି ଲକାର୍‌ ହୟ୍‌ସିକ୍‌ ଉଜ୍‌ କଃଲା
\p
\v 43 ଜିସୁ ସେତି ଦୁୟ୍‌ଦିନ୍ ରଃୟ୍‌କଃରି, ସେତି ହୁଣି ବାରାୟ୍‌ ଗାଲିଲି ଗଃଲା । 
\v 44 \x + \xo ୪:୪୪ \xo*\xt ମାତି ୧୩:୫୭; ମାର୍କ ୬:୪; ଲୁକ ୪:୨୪.\xt*\x*ଗଟ୍‌ ବାବ୍‌ବାଦି ନିଜାର୍‌ ଦେସେ ମାନ୍‌ତି ନଃହାୟ୍‌ ବଃଲି ଜିସୁ ନିଜେ ସାକିଦିଲା । 
\v 45 \x + \xo ୪:୪୫ \xo*\xt ଜହ ୨:୨୩.\xt*\x*ଆରେକ୍‌ ଜଃଡେବଃଳ୍‌ ଜିସୁ ଗାଲିଲି ହଚ୍‌ଲା, ଲକ୍‌ମଃନ୍ ଜିସୁକେ ହଃଟଳି ନିଲାୟ୍‌, କାୟ୍‌ତାକ୍‌ବଃଲେକ୍‌ ମୁକ୍ତି ହଃର୍ବ୍‌ ବଃଳ୍‌ ଜିସୁ ଜିରୁସାଲମେ କଃରିରିଲା କାମ୍‌ ସଃବୁ ସେମଃନ୍ ଦଃକି ରିଲାୟ୍‌ । ବଃଲେକ୍‌ ସେମଃନ୍ ସେ ହଃର୍ବେ ଜାୟ୍‌ରିଲାୟ୍‌ ।
\p
\v 46 \x + \xo ୪:୪୬ \xo*\xt ଜହ ୨:୧-୧୧.\xt*\x*ତାର୍‌ ହଃଚେ ଗାଲିଲିର୍‌ କାନା ଗାଉଁଏ ବାଉଳ୍‌ଲା, ସେତି ସେ ହାଣିକ୍‌ ଅଙ୍ଗୁର୍‌ ରଃସ୍‌ କଃରିରିଲା । ସେତି ଗଟ୍‌ ରାଜ୍‌ ଗୁମୁସ୍ତା ରିଲା ଆର୍‌ ତାର୍‌ ହୟ୍‌ସି କପୁର୍ନାହୁମ୍‌ ଗଃଳେ ମଃଳୁ ହଃଳି ରିଲା । 
\v 47 ସଃଡେବଃଳ୍‌ ସେ ରାଜ୍‌ ଗୁମୁସ୍ତା ଜିସୁ ଜିଉଦା ତଃୟ୍‌ହୁଣି ଗାଲିଲି ଆୟ୍‌ଲା ଆଚେ ବଃଲି ସୁଣି, ସେ ଜିସୁର୍‌ ଚଃମେ ଆୟ୍‌ଲା ଆର୍‌ କପୁର୍ନାହୁମ୍‌ ଜାୟ୍‌ ତାର୍‌ ହୟ୍‌ସିକ୍‌ ଉଜ୍‌ କଃରୁକେ ଗଃଉଆରି କଃରୁକେ ଦଃର୍ଲା, ବଃଲେକ୍‌ ତାର୍‌ ହୟ୍‌ସି ମଃରୁକ୍‌ କଃଣ୍ଡେକ୍‌ ରିଲା ।
\p
\v 48 ସେତାକ୍‌ ଜିସୁ ତାକେ କୟ୍‌ଲା, “ଚିନ୍ ଆର୍‌ କାବା ଅଃଉତା କାମ୍‌ମଃନ୍‌ ନଃଦେକ୍‌ଲେକ୍‌ ତୁମିମଃନ୍ କଃବେ ହେଁ ସଃତ୍‌ ନଃକେରାସ୍‌ ।”
\p
\v 49 ରାଜ୍‌ ଗୁମୁସ୍ତା ଜିସୁକେ କୟ୍‌ଲା, “ଏ ମାପ୍ରୁ, ମର୍‌ ହିଲା ମଃର୍ତା ଆଗ୍‌ତୁ ମର୍‌ ସଃଙ୍ଗ୍ ଆଉ ।”
\p
\v 50 ଜିସୁ ତାକେ କୟ୍‌ଲା, “ଜା, ତର୍‌ ହୟ୍‌ଦି ବଚ୍‌ଲାବେ ।” ଜିସୁ ସେ ଲକେ ଜୁୟ୍‌ କଃତା କୟ୍‌ଲା, ସେ କଃତା ସଃତ୍‌କଃରି ସେତି ହୁଣି ଗଃଲା । 
\v 51 ଆର୍‌ ସେ ଜଃଉଁଜଃଉଁ ତାର୍‌ ଗତିଦଃଙ୍ଗ୍‌ଳାମଃନ୍‌ ବାଟେ ବେଟ୍‌ଅୟ୍‌ ତର୍‌ ହିଲା ବଚ୍‌ଲାବେ ବଃଲି କୟ୍‌ଲାୟ୍‌ ।
\p
\v 52 ସେତାକ୍‌ ରାଜ୍‌ ଗୁମୁସ୍ତା ସେମଃନ୍‌କେ ହଃଚାର୍ଲା, “କଃଡେବଃଳ୍‌ ହିଲା ଉଜ୍‌ ଅୟ୍‌ଲା ।”
\p ସେତାକ୍‌, ତାର୍‌ ଦଃଙ୍ଗ୍‌ଳାମଃନ୍ କୟ୍‌ଲାୟ୍‌, “ଗଃଲା କାଲି ସାତ୍‌ ଗଃଟା ବେଳାୟ୍‌ ତାର୍‌ ଜଃର୍‌ ଚାଡ୍‌ଲି ।” 
\v 53 ଇତାକ୍‌ ଉବାସି ବୁଜ୍‌ଲା ଜେ, ଜିସୁ ଜୁୟ୍‌ ବେଳାୟ୍‌ ତର୍‌ ହୟ୍‌ଦି ବଚ୍‌ଲାବେ ବଃଲି ତାକ୍‌ କୟ୍‌ରିଲା, ଟିକ୍‌ ସଃଡେବଃଳ୍‌ ଇ ଗଃଟ୍‍ଣା ଗଃଟ୍‌ଲି । ଆର୍‌ ସେ ନିଜେ ଆର୍‌ ତାର୍‌ ସଃବୁ ଗଃର୍‌ କୁଟୁମ୍‌ ଜିସୁକେ ବିସ୍ୱାସ୍‌ କଃଲାୟ୍‌ ।
\p
\v 54 ଜିସୁ ଜିଉଦା ତଃୟ୍‌ହୁଣି ଆରେକ୍‌ ଗଟ୍‌ତର୍‌ ଗାଲିଲିକେ ଆୟ୍‌ଲା ହଃଚେ, ସେ ଇତାର୍‌ ସଃଙ୍ଗ୍ ଦୁୟ୍‌ତର୍‌ ଅୟ୍‌ଲି କାବା ଅଃଉତା ଚିନ୍ କଃଲା ।
\c 5
\s ଜିସୁ ବଃନ୍ଦ୍‌ ଚଃମେ ରଗିକେ ଉଜ୍‌ କଃଲା
\p
\v 1 ଇତାର୍‌ ହଃଚେ ଜିଉଦିମଃନାର୍‌ ଗଟ୍‌ ହଃର୍ବ ଆୟ୍‌ଲି, ଆର୍‌ ଜିସୁ ଜିରୁସାଲମେ ଗଃଲା । 
\v 2 ଜିରୁସାଲମାର୍‌ ମେଣ୍ଡା ଦୁଆର୍‌ ଲଃଗେ ସେତି ଗଟ୍‌ ହାଣିବଃନ୍ଦ୍ ଆଚେ । ଏବ୍ରି ବାସାୟ୍‌ ତାକ୍‌ ବେତ୍‌ସଃୟ୍‌ଦା ବଃଲି କଃଉତି, ତାର୍‌ ହାଁଚ୍‌ଗଟ୍‌ ହିଣ୍ଡା ଆଚେ । 
\v 3 ସେ ହିଣ୍ଡା ଉହ୍ରେ ଗାଦେକ୍‌ ରଗେ ହଃଳ୍‌ଲା ଲକ୍‌ମଃନ୍, କାଣା, ଚଟା, ଗଃଗାଳ୍‌ ସୁକ୍‌ଲା ଲକ୍‌ମଃନ୍ ରେତିରିଲାୟ୍‌ । ସେମଃନ୍ ହାଣି ଜୁଲୁକ୍‌ତାର୍‌ ଜାଗି ରେତିରିଲାୟ୍‌ । 
\v 4 ବଃଲେକ୍‌ କଃଡେକଃଡେ ବଃଳ୍‌ ମାପ୍ରୁର୍‌ ଦୁତ୍‌ ହାଣିବଃନ୍ଦେ ଉତ୍ରି ହାଣି ଜୁଲ୍‌କାଉତି ରିଲା, ଆର୍‌ ହାଣି ଜୁଲୁକ୍‌ଲା ହଃଚେ ଜେ ଆଗ୍‌ତୁ ସେତି ବୁଡ୍‌ତି ରିଲା, ସେ ଜୁୟ୍‌ ରଗେ ହଃଳି ରିଲେକ୍‌ ହେଁ ଉଜ୍‌ ଅଃଉତି ରିଲା । 
\v 5 ସେତି ଦୁୟ୍‌କଳି ଅଃଟ୍ର ବଃର୍ସ୍‌ ଦଃରି ଗଟେକ୍‌ ମଃଳୁ ହଃଳ୍‌ଲା ଲକ୍‌ ରିଲା । 
\v 6 ଜିସୁ ତାକେ ସେତି ରିଲାର୍‌ ଦଃକି, ବୁତେକ୍‌ ବଃର୍ସ୍‌ ହୁଣି ରଗେ ହଃଳି ଆଚେ ବଃଲି ଜାଣି ତାକ୍‌ ହଃଚାର୍ଲା, “ତୁୟ୍‌ କାୟ୍‌ ଉଜ୍‌ ଅଃଉଁକେ ମଃନ୍ କଃରୁଲିସ୍‌ ?”
\p
\v 7 ସେ ରଗି ଜିସୁକେ କୟ୍‌ଲା, “ଏ ମାପ୍ରୁ, ହାଣି ଦଃମ୍‌କ୍‌ଲା ବଃଳ୍‌ ମକ୍‌ ବଃନ୍ଦ୍‌ ବିତ୍ରେ ଟେକି ନେଉଁକ୍‌ ମର୍‌ କେ ହେଁ ନାୟ୍‌; ଆର୍‌ ମୁୟ୍‌ ଜଃଉଁ ଜଃଉଁ ବିନ୍ ଲକ୍‌ ମର୍‌ ଆଗ୍‌ତୁ ହାଣାୟ୍‌ ଜାୟ୍‌ ବୁଡୁଲା ।”
\p
\v 8 ଜିସୁ ତାକ୍‌ କୟ୍‌ଲା, “ଉଟ୍‌, ତର୍‌ ଟାଟି ଦଃରି ଇଣ୍ଡ୍ ।” 
\v 9 ସେଦାହ୍ରେ ସେ ରଗି ଉଜ୍‌ ଅୟ୍‌ଲା ଆର୍‌ ତାର୍‌ କଃଟ୍‌ ଦଃରି ଇଣ୍ଡୁକ୍‌ ଦଃର୍ଲା ।
\p ସେଦିନ୍ ବିସାଉଁଣି ବାର୍‌ ରିଲି । 
\v 10 ସେତାକ୍‌ ଜିଉଦି ମୁଳିକାମଃନ୍ ଉଜ୍‌ ଅୟ୍‌ରିଲା ଲକେ କାଉଁକେ ଦଃର୍ଲାୟ୍‌, “ଆଜି ବିସାଉଁଣିବାର୍‌, ତର୍‌ ଟାଟି ଉଟାୟ୍‌ ନେତାର୍‌ ବିଦି ନାୟ୍‌ ।”
\p
\v 11 ମଃତର୍‌ ସେ କୟ୍‌ଲା, “ଜେ ମକ୍‌ ଉଜ୍‌ କଃଲା, ସେ ମକ୍‌ ଟାଟି ଦଃରି ଇଣ୍ଡି ଜାଆ ବଃଲି କୟ୍‌ଲା ।”
\p
\v 12 ସେମଃନ୍ ତାକ୍‌ ହଃଚାର୍ଲାୟ୍‌, “ତର୍‌ ଟାଟି ଦଃରି ଇଣ୍ଡି ଜାଆ ବଃଲି ଜେ କୟ୍‌ଲା, ସେ ମାନାୟ୍‌ କେ ?”
\p
\v 13 ମଃତର୍‌ ସେ କେ, ସେ ଉଜ୍‌ ଅୟ୍‌ଲା ମାନାୟ୍‌ ଜାଣି ନଃରିଲା, ବଃଲେକ୍‌ ସେତି ଅଲେକାର୍‌ ଲକ୍‌ ରିଲାକ୍‌, ଜିସୁ, ନଃଜାଣ୍‌ଲା ହର୍‌ ବାରାୟ୍‌ ଗଃଲା ।
\p
\v 14 ଇତାର୍‌ ହଃଚେ, ଜିସୁ ତାକେ ମନ୍ଦିରେ ବେଟ୍‌ ହାୟ୍‌ଲା ଆର୍‌ କୟ୍‌ଲା, “ଦଃକ୍‌, ଅଃବେ ତୁୟ୍‌ ଉଜ୍‌ ଅୟ୍‌ ଆଚ୍‌ସି; ହାହ୍‌ କଃର୍‌ ନାୟ୍‌, ଜଃନ୍‌କଃରି ତର୍‌ ଉହ୍ରେ ଅଃଦିକ୍‌ ଡଃଣ୍ଡ୍‌ ନଃହେଳେ ।”
\p
\v 15 ସେ ଲକ୍‌ ଜାୟ୍‌କଃରି, ଜେ ତାକ୍‌ ଉଜ୍‌ କଃରିରିଲା, ସେ ଜିସୁ ବଃଲି ଜିଉଦି ମୁଳିକାମଃନ୍‌କେ କୟ୍‌ଲା । 
\v 16 ତଃବେ ଜିସୁ ବିସାଉଁଣିବାର୍‌ ବିନ୍ ଉଜ୍‌ କଃର୍ତା କାମ୍‌ କଃରି ରିଲାକ୍‌, ଜିଉଦି ମୁଳିକାମଃନ୍ ତାକ୍‌ କଃସ୍ଟ୍‌ ଦେଉଁକ୍‌ ଦଃର୍ଲାୟ୍‌ । 
\v 17 ଜିସୁ ସେମଃନ୍‌କେ କୟ୍‌ଲା, “ମର୍‌ ଉବା ସଃବୁବଃଳ୍‌ କାମ୍‌ କଃରୁଲା, ଆର୍‌ ମୁୟ୍‌ ହେଁ କଃରୁଲେ ।”
\p
\v 18 ଇ କଃତା ସୁଣି ଜିଉଦି ଲକ୍‌ମଃନ୍ ଜିସୁକେ ମଃର୍ନେ ମାରୁକ୍‌ କୁଟ୍‌ କଃରୁକେ ଦଃର୍ଲାୟ୍‌; ବଃଲେକ୍‌ ଜିସୁ ବିସାଉଁଣି ବାରାର୍‌ ବିଦି ମାନ୍‌ତି ନଃରିଲା, ସେରି ହଃକା ନାୟ୍‌, ମଃତର୍‌ ଜିସୁ ଇସ୍ୱର୍‌କେ ନିଜାର୍‌ ଉବା ବଃଲି କୟ୍‌ ନିଜ୍‌କେ ଇସ୍ୱର୍‌ ସଃଙ୍ଗ୍ ସଃମାନ୍ କଃର୍ତି ରିଲା ।
\s ହୟ୍‌ସିର୍‌ ଅଃଦିକାର୍‌
\p
\v 19 ସେତାକ୍‌ ଜିସୁ ସେମଃନ୍‌କେ କୟ୍‌ଲା, “ମୁୟ୍‌ ତୁମିକେ ସଃତ୍‌ କଃଉଁଲେ, ହୟ୍‌ସି ନିଜାର୍‌ କାୟ୍‌ରି କଃରୁ ନାହାରେ; ସେ ତାର୍‌ ଉବାସି ଜାୟ୍‌ରି କଃର୍ତାର୍‌ ଦଃକେଦ୍‌, ହୟ୍‌ସି ହେଁ ସେରି କଃରେଦ୍‌ । ଉବାସି ଜାୟ୍‌ରି କଃରେଦ୍‌, ହୟ୍‌ସି ହେଁ ସେରି କଃରେଦ୍‌ । 
\v 20 ବଃଲେକ୍‌ ଉବାସି ହୟ୍‌ସିକ୍‌ ଲାଡ୍‌ କଃରୁଲା, ଆରେକ୍‌ ସେ ନିଜେ ଜାୟ୍‌ଜାୟ୍‌ରି କଃରେଦ୍‌ ସେରିମଃନ୍ ତାକେ ଦଃକାୟ୍‌ଦ୍‌, ଆର୍‌ ତୁମିମଃନ୍ ଜଃନ୍‌କଃରି କାବା ଅଃଉଆସ୍‌, ଇତାର୍‌ ଗିନେ ସେ ତାକେ ଇତାର୍‌ ତଃୟ୍‌ହୁଣି ଆରେକ୍‌ ବଃଡ୍ ବଃଡ୍ କାମ୍‌ ଦଃକାୟ୍‌ଦ୍‌ । 
\v 21 ଜଃନ୍‌କଃରି ଉବା ମଃଲା ଲକେ ଉଟାୟ୍‌ ସେମଃନ୍‌କେ ଜିବନ୍ କଃରେଦ୍‌, ସେରଃକମ୍‌ ହୟ୍‌ସି ହେଁ ଜାକେ ମଃନ୍ କଃରେଦ୍‌ ତାକ୍‌ ଜିବନ୍ ଦଃୟ୍‌ଦ୍‌ । 
\v 22 ଆର୍‌ ଉବାସି ହେଁ କାର୍‌ ବିଚାର୍‌ ନଃକେରେ, ମଃତର୍‌ ସଃବୁ ଲକ୍‌ ଜଃନ୍‌କଃରି ଉବାକ୍‌ ଜଃଜ୍‌ମାନ୍ କଃରୁଲାୟ୍‌, ସେରଃକମ୍‌ ହୟ୍‌ସିକ୍‌ ହେଁ ମାନ୍‌ତି କଃର୍ତି, ସେତାର୍‌ ଗିନେ ହୟ୍‌ସିକ୍‌ ସଃବୁ ରଃକମାର୍‌ ବିଚାର୍‌ କଃର୍ତା ଅଃଦିକାର୍‌ ଦଃୟ୍‌ଆଚେ । 
\v 23 ସେବାନ୍ୟା ଅୟ୍‌ଲେକ୍‌ ଉବା ଜଃନ୍‌କଃରି ମାନ୍‌ତି ହାଉଁଲା, ହୟ୍‌ସି ହେଁ ସେନ୍‌କାର୍‌ ସଃବ୍‌କାର୍‌ ତଃୟ୍‌ହୁଣି ମାନ୍‌ତି ହାୟ୍‌ଦ୍‌; ଜେ ହୟ୍‌ସିକ୍‌ ମାୟ୍‌ନ୍‌ ନଃକେରେ, ସେ ତାକ୍‌ ହଃଟାୟ୍‌ରିଲା ଉବାସିକ୍‌ ହେଁ ମାନ୍‌ତି ନଃକେରେ ।”
\p
\v 24 “ମୁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ଜେ ମର୍‌ କଃତା ସୁଣି ମକ୍‌ ହଃଟାୟ୍‌ଲା ଉବାକ୍‌ ବିସ୍ୱାସ୍‌ କଃରେଦ୍‌, ସେ ଅଃମ୍ବର୍‌ ଜିବନ୍ ହାୟ୍‌ଦ୍‌, ଆର୍‌ ସେ ବିଚାର୍‌ ଦଃଣ୍ଡେ ନଃହେଳି, ମଃର୍ନ୍‌କେ ଜିଣିକଃରି ଜିବନେ ଜାୟ୍‌ଆଚେ । 
\v 25 ମୁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ଜଃଡେବଃଳ୍‌ ମଃଲା ଲକ୍‌ମଃନ୍ ଇସ୍ୱରାର୍‌ ହୟସିର୍‌ ଟଣ୍ଡ୍ ସୁଣ୍‌ତି, ଆର୍‌ ଜୁୟ୍‌ ଲକ୍‌ମଃନ୍ ସୁଣ୍‌ତି ସେମଃନ୍ ଜିବନ୍ ହାଉତି, ଅଃନ୍‌କା ବେଳା ଆସୁଲି ଆର୍‌ ସେ ବେଳା ଅଃବେ ହେଁ ଆୟ୍‌ଲିନି । 
\v 26 ବଃଲେକ୍‌ ଉବା ଜଃନ୍‌କଃରି ନିଜେ ଜିବନ୍, ସେରଃକମ୍‌ ହୟ୍‌ସିକ୍‌ ହେଁ ନିଜେ ଜିବନାର୍‌ ମୁଳ୍‌ ଅଃଉଁକେ ଦଃୟ୍‌ଆଚେ । 
\v 27 ଆର୍‌ ସେ ନଃରାର୍‌ ହୟ୍‌ସି ଅୟ୍‌ଲାକ୍‌, ଇସ୍ୱର୍‌ ତାକ୍‌ ବିଚାର୍‌ କଃରୁକେ ଅଃଦିକାର୍‌ ଦିଲା । 
\v 28 ଇତାର୍‌ ଗିନେ କାବା ଅଃଉଆ ନାୟ୍‌, ବେଳା ଆସୁଲି ଜଃଡେବଃଳ୍‌ ଜୁୟ୍‌ ଲକ୍‌ମଃନ୍ ମଃସୁଣ୍‌ ବିତ୍ରେ ମଃରିଆଚ୍‌ତି, ସେମଃନ୍ ତାର୍‌ ଟଣ୍ଡ୍ ସୁଣ୍‌ତି, 
\v 29 ଆର୍‌ ଜୁୟ୍‌ ଲକ୍‌ମଃନ୍ ସଃତ୍‌ କାମ୍‌ କଃରିଆଚ୍‌ତି, ସେମଃନ୍ ଆରେକ୍‌ ଜିବନ୍ ହାୟ୍‌ ମଃସ୍‌ଣେ ହୁଣି ଉଟ୍‌ତି ଆର୍‌ ଅଃମ୍ବର୍‌ ଜିବନ୍ ହାଉତି ଆର୍‌ ଜୁୟ୍‌ ଲକ୍‌ମଃନ୍ ଦୁସ୍ଟ୍‌କାମ୍‌ କଃରି ଆଚ୍‌ତି, ସେମଃନ୍ ହେଁ ଆରେକ୍‌ ଉଟ୍‌ତି ଆର୍‌ ଡଃଣ୍ଡ୍‌ ବଗ୍ କଃରୁକେ ବିଚାର୍‌ ହାଉତି, ଅଃନ୍‌କା ବେଳା ଆସୁଲି ।”
\s ଜିସୁର୍‌ ଗିନେ କଃଉତାର୍‌
\p
\v 30 “ମୁୟ୍‌ ଅଃହ୍‌ଣାର୍‌ ତଃୟ୍‌ହୁଣି କାୟ୍‌ରି ହେଁ କଃରୁ ନାହାରି, ମୁୟ୍‌ ଜଃନ୍‌କଃରି ସୁଣିନ୍ଦ୍ ସେନ୍‌କଃରି ବିଚାର୍‌ କଃରିନ୍ଦ୍‌, ଆର୍‌ ମର୍‌ ବିଚାର୍‌ ଟିକ୍‌, କାୟ୍‌ତାକ୍‌ବଃଲେକ୍‌ ମର୍‌ ଇଚା ହୁରୁଣ୍ କଃରୁକେ କାମ୍‌ ନଃକେରି, ମଃତର୍‌ ମକ୍‌ ହଃଟାୟ୍‌ଲା ଉବାର୍‌ ଇଚା ହୁରୁଣ୍ କଃରୁକେ କାମ୍‌ କଃରୁଲେ ।”
\p
\v 31 “ଜଦି ମୁୟ୍‌ ମର୍‌ ନିଜାର୍‌ ବିସୟେ ନିଜେ କଃତା କୟ୍‌ଦ୍‌, ତଃନ୍‌ଅୟ୍‌ଲେକ୍‌ ମର୍‌ ସାକି ଦିଲାର୍‌ ସଃତ୍‌ ନାୟ୍‌ । 
\v 32 ମର୍‌ ବାଟ୍‌ ଅୟ୍‌ ଜେ କଃତା କଃଉଁଲା ସେ ଆରେଗଟ୍‌ ଲକ୍‌; ଆରେକ୍‌ ମର୍‌ ବିସୟେ ସେ ଜାୟ୍‌ରି ସାକି ଦେଉଁଲା, ସେ କଃତା ସଃତ୍‌, ସେରି ମୁୟ୍‌ ଜାଣି । 
\v 33 \x + \xo ୫:୩୩ \xo*\xt ଜହ ୧:୧୯-୨୭; ୩:୨୭-୩୦.\xt*\x*ତୁମିମଃନ୍ ଜହନ୍‌ ହାକ୍‌ ଲକ୍‌ ହଃଟାୟ୍‌ ରିଲାସ୍‌, ଆର୍‌ ସେ ସଃତ୍‌ ହାକ୍‌ ଅୟ୍‌ କଃତା ସାକି ଦଃୟ୍‌ଆଚେ । 
\v 34 ମୁୟ୍‌ ଲକାର୍‌ କଃତା ନଃଦେରି, ମଃତର୍‌ ଜଃନ୍‌କଃରି ତୁମିମଃନ୍ ହାହେହୁଣି ମୁକ୍ତି ହାଉଁ ହାରାସ୍‌ ସେତାକ୍‌ ଇରିମଃନ୍‌ ସାକି ଦେଉଁଲେ । 
\v 35 ଜହନ୍‌ ଗଟ୍‌ କଃଚ୍‌ତିରିଲା ଉଜାଳ୍‌ ଦେତା କୁପି ହର୍‌ ରିଲା, ଆର୍‌ ତୁମିମଃନ୍ ଅଃଳକ୍‌ ଦିନ୍ ହଃତେକ୍‌ ସେ ଉଜାଳେ ଉଜାଳ୍‌ ଅଃଉଁକେ ମଃନ୍ କଃର୍ତି ରିଲାସ୍‌ । 
\v 36 ମଃତର୍‌ ଜହନ୍‌ ତଃୟ୍‌ହୁଣି ମର୍‌ ଗଟେକ୍‌ ବଃଡ୍ ସାକି ଆଚେ, ବଃଲେକ୍‌ ମର୍‌ ଉବା ଜୁୟ୍‌ କାମ୍‌ ସଃରାଉଁକେ ଦିଲାଆଚେ, ସେ ସଃବୁ ମୁୟ୍‌ କଃରୁଲେ, ଉବା ମକ୍‌ ହଃଟାୟ୍‌ ଆଚେ ବଃଲି ସେସଃବୁ ମର୍‌ ବିସୟେ କଃଉଁଲି । 
\v 37 \x + \xo ୫:୩୭ \xo*\xt ମାତି ୩:୧୭; ମାର୍କ ୧:୧୧; ଲୁକ ୩:୨୨.\xt*\x*ଆର୍‌ ଜୁୟ୍‌ ଉବା ମକ୍‌ ହଃଟାୟ୍‌ଲା, ସେ ମର୍‌ ବିସୟେ ସାକି ଦେଉଁଲା । ତୁମିମଃନ୍ କଃବେ ହେଁ ତାର୍‌ ଟଣ୍ଡ୍ ନଃସୁଣାସ୍‌ କି ତାର୍‌ ମୁଉଁ ନଃଦେକାସ୍‌, 
\v 38 ଆର୍‌ ତାର୍‌ କଃତା ତୁମାର୍‌ ମଃନ୍ ବିତ୍ରେ ଟାଣ୍ ନଃହାୟ୍‌, ବଃଲେକ୍‌ ଇସ୍ୱର୍‌ ଜାକେ ହଃଟାୟ୍‌ଲା, ତାକେ ତୁମିମଃନ୍ ବିସ୍ୱାସ୍‌ ନଃକେରୁଲାସ୍‌ । 
\v 39 ତୁମିମଃନ୍ ଦଃର୍ମ୍‌ ସାସ୍ତର୍‌ ଲଳୁଲାସ୍‌, ବଃଲେକ୍‌ ସେତିହୁଣି ଅଃମ୍ବର୍‌ ଜିବନ୍ ହାଉନ୍ଦ୍ ବଃଲି ବାବୁଲାସ୍‌; ଆର୍‌, ସେ ଦଃର୍ମ୍‌ସାସ୍ତର୍‌ ମର୍‌ ବିସୟେ ସାକି ଦେଉଁଲି । 
\v 40 ମଃତର୍‌ ତୁମିମଃନ୍ ଜିବନ୍ ହାଉଁକ୍‌ ମର୍‌ ଲଃଗେ ଆସୁକ୍‌ ମଃନ୍ ନଃକେରୁଲାସ୍‌ ।
\p
\v 41 ମୁୟ୍‌ ମାନାୟ୍‌ମଃନାର୍‌ ତଃୟ୍‌ହୁଣି ଜଃଜ୍‌ମାନ୍ ହାଉଁକ୍‌ ମଃନ୍ ନଃକେରି, 
\v 42 ମଃତର୍‌ ମୁୟ୍‌ ତୁମିମଃନ୍‌କେ ଜାଣିଆଚି, ତୁମିମଃନ୍ କଃନ୍‌କା ଲକ୍‌, ଆର୍‌ ତୁମିମଃନାର୍‌ ମଃନ୍ ବିତ୍ରେ ଇସ୍ୱରାର୍‌ ଗିନେ ଲାଡ୍‌ ନାୟ୍‌ । 
\v 43 ମୁୟ୍‌ ମର୍‌ ଉବାର୍‌ ନାଉଁଏ ଆୟ୍‌ଲେ ଆଚି, ଆର୍‌ ତୁମିମଃନ୍ ତ ମକେ ନଃଦେରୁଲାସ୍‌; ମଃତର୍‌ ବିନ୍ ଲକ୍‌ ଜଦି ନିଜାର୍‌ ନାଉଁଏ ଆସେଦ୍‌, ତଃବେ ତୁମିମଃନ୍ ତାକ୍‌ ଦଃରାସ୍‌ । 
\v 44 ତୁମିମଃନ୍ ମକ୍‌ କଃନ୍‌କଃରି ବିସ୍ୱାସ୍‌ କଃରାସ୍‌ ? ତୁମିମଃନ୍ ତ ତୁମାର୍‌ ତୁମାର୍‌ ତଃୟ୍‌ହୁଣି ଜଃଜ୍‌ମାନ୍ ହାଉଁଲାସ୍‌, ମଃତର୍‌ ଗଟେକ୍‌ ବଃଲି ଇସ୍ୱରାର୍‌ ଜୁୟ୍‌ ଜଃଜ୍‌ମାନ୍ ଆଚେ ସେରି ହାଉଁକ୍‌ ମଃନ୍ ନଃକେରୁଲାସ୍‌ ।
\p
\v 45 ମୁୟ୍‌ ଜେ ଉବାର୍‌ ଲଃଗେ ତୁମାର୍‌ ବିରଦେ କଃତା କୟ୍‌ନ୍ଦ୍, ଇରି ବାବା ନାୟ୍‌; ଜୁୟ୍‌ ମସାକ୍‌ ତୁମିମଃନ୍ ଆସା କଃରି ଆଚାସ୍‌, ସେ ତୁମାର୍‌ ବିରଦେ କଃତା କଃଉଁଲା । 
\v 46 ବଃଲେକ୍‌ ତୁମିମଃନ୍ ଜଦି ମସାକ୍‌ ବିସ୍ୱାସ୍‌ କଃରି ରିଲେକ୍‌ ମକ୍‌ ହେଁ ବିସ୍ୱାସ୍‌ କଃଲାସ୍‌ ହୁଣି, ବଃଲେକ୍‌, ସେ ମର୍‌ ବିସୟେ ଲେକିଆଚେ । 
\v 47 ମଃତର୍‌ ତୁମିମଃନ୍ ଜଦି ମସା ଲେକ୍‌ଲା ଲେକା ବିସ୍ୱାସ୍‌ ନଃକେରୁଲାସ୍‌, ତଃବେ କଃନ୍‌କଃରି ମୁୟ୍‌ କୟ୍‌ଲା କଃତାକ୍‌ ବିସ୍ୱାସ୍‌ କଃରାସ୍‌ ?”
\c 6
\s ଜିସୁ ହାଁଚ୍ ଆଜାର୍‌ ଲକ୍‌କେ କାଉଁକେ ଦିଲା
\r (ମାତି ୧୪:୧୩-୨୧; ମାର୍କ ୬:୩୦-୪୪; ଲୁକ ୯:୧୦-୧୭)
\p
\v 1 ଇତାର୍‌ ହଃଚେ ଜିସୁ ଗାଲିଲି ସଃମ୍‌ନ୍ଦାର୍‌ ବଃଲେକ୍‌ ତିବିରିଆ ସଃମ୍‌ନ୍ଦାର୍‌ ସେହାଟି ଗଃଲା । 
\v 2 ଆର୍‌ ରଗିମଃନ୍‌କେ ଜୁୟ୍‌ ଜୁୟ୍‌ କାବା ଅଃଉତା ଚିନ୍ କଃର୍ତିରିଲା, ସେରିସଃବୁ ଦଃକି ବୁତେକ୍‌ ଲକ୍‌ ତାର୍‌ ହଃଚେ ହଃଚେ ଜଃଉଁକେ ଦଃର୍ଲାୟ୍‌ । 
\v 3 ସେତାକ୍‌ ଜିସୁ ହଃର୍ବାତ୍‌ ଉହ୍ରେ ଜାୟ୍‌ ଅଃହ୍‌ଣାର୍‌ ଚେଲାମଃନାର୍‌ ସଃଙ୍ଗ୍ ସେତି ବଃସ୍‌ଲା । 
\v 4 ସଃଡେବଃଳ୍‌ ଜିଉଦିମଃନାର୍‌ ମୁକ୍ଳାଉଁଣି ହଃର୍ବ୍‌ ଚଃମେ ଅୟ୍‌ ଆସ୍ତି ରିଲି । 
\v 5 ତାର୍‌ ଲଃଗେ ଅଲେକାର୍‌ ଲକ୍‌ମଃନ୍‌କେ ଆସ୍ତାର୍‌ ଦଃକି ଜିସୁ ପିଲିପ୍‌କେ ହଃଚାର୍ଲା, “ଅଃତେକ୍‌ ଲକ୍‌ମଃନାର୍‌ କାଉଁକେ କୁୟ୍‌ତି ହୁଣି କାଦି ଗେନୁଆଁ ?”
\p
\v 6 ମଃତର୍‌ ପିଲିପକେ କଃଟ୍‌ହାଳ୍‌ ବୁଜୁକ୍‌ ଜିସୁ ଇ କଃତା କୟ୍‌ରିଲା, କାୟ୍‌ତାକ୍‌ବଃଲେକ୍‌ ଜିସୁ କାୟ୍‌ କଃରୁକେ ଜାତିରିଲା ସେ ନିଜେ ଜାଣି ରିଲା ।
\p
\v 7 ପିଲିପ୍ ଜିସୁକେ କୟ୍‌ଲା, “ଇ ସଃବୁ ଲକାର୍‌ ଗିନେ କଃଣ୍ଡେକ୍‌ କଃଣ୍ଡେକ୍‌ ଦେଉଁକ୍‌ ହାଁଚ୍‌କଳି ରୁହା ଟଃକାର୍‌\f + \fr ୬:୭ \fr*\ft ଗଟେକ୍‌ ରୁହା ଟଃକା ଗଟେକ୍‌ ଲକାର୍‌ ଗଟ୍‌ ଦିନାର୍‌ କୁଲି ଡାବୁ ।\ft*\f* ରୁଟି ହେଁ ନଃକେଟେ ।”
\p
\v 8 ଜିସୁର୍‌ ଆରେକ୍‌ ଗଟ୍‌ ଚେଲା ସିମନ୍ ପିତର୍‌ ତାର୍‌ ବାୟ୍‌ସି ଆନ୍ଦ୍ରିଅ କୟ୍‌ଲା, 
\v 9 “ଇତି ଗଟେକ୍‌ ହିଲାଆଚେ, ତାର୍‌ ଲଃଗେ ଜଃବ ତଃୟ୍‌ ତିଆର୍‌ ଅୟ୍‌ରିଲା ହାଁଚ୍ ଗଟ୍‌ ରୁଟି ଆର୍‌ ଜଳେକ୍‌ ବାଜ୍‌ଲା ମାଚ୍ ଆଚେ, ମଃତର୍‌ ଅଃତେକ୍‌ ଲକାର୍‌ ଗିନେ କାୟ୍‌ ଅୟ୍‌ଦ୍‌ ?”
\p
\v 10 ଜିସୁ ଚେଲାମଃନ୍‌କେ କୟ୍‌ଲା, “ଲକ୍‌ମଃନ୍‌କେ ବଃସାଉଆ ।” ସେତି ଜଃବର୍‌ ରଃନ୍ ରିଲି, ସେ ରଃନ୍ ଉହ୍ରେ ସଃବୁଲକ୍‌ ବଃସ୍‌ଲାୟ୍‌; ସେତି ଅଃଣ୍ଡ୍ରାହିଲା ହଃକା ହାକାହାକି ହାଁଚ୍ ଆଜାର୍‌ ରିଲାୟ୍‌ । 
\v 11 ସେତାକ୍‌ ଜିସୁ ସେ ରୁଟି ଦଃରି ଇସ୍ୱର୍‌କେ ପାର୍ତ୍‌ନା କଃରି ସେତି ବଃସି ରିଲା ଲକ୍‌ମଃନ୍‌କେ ବାଟାକଃରି ଦିଲା । ସେନ୍‌କଃରି ଜଳେକ୍‌ ମାଚ୍‌କେ ହେଁ ବାଟାକଃରି ଦିଲା, ସେମଃନ୍ ଜଃତେକ୍‌ ମଃନ୍‌କଃଲାୟ୍‌ ସଃତେକ୍‌ ଦିଲା । 
\v 12 ଆର୍‌ ସେମଃନାର୍‌ ଆଦାର୍‌ ହୁର୍ଲାକ୍‌ ଜିସୁ ଚେଲାମଃନ୍‌କେ କୟ୍‌ଲା, “ଜଃନ୍‌କଃରି କାୟ୍‌ରି ନଃସ୍ଟ୍‌ ନୟେ, ଇତାର୍‌ ଗିନେ ବାଙ୍ଗ୍‌ଲା କୁଦ୍ରି ଜାୟ୍‌ରି ଉବ୍ରି ଆଚେ ସେରି ବେଟା ।” 
\v 13 ସେତାକ୍‌ ଚେଲାମଃନ୍ ଲକ୍‌ମଃନ୍ ଜଃବ ତଃୟ୍‌ ତିଆର୍‌ ଅୟ୍‌ଲା ହାଁଚ୍ ଗଟ୍‌ ରୁଟି କାୟ୍‌ ଉବୁର୍ଲାର୍‌ ବେଟି ବାର ଡଃଲା ବଃର୍ତି କଃଲାୟ୍‌ ।
\p
\v 14 ସେତାକ୍‌ ସେତି ରିଲା ଲକ୍‌ମଃନ୍ ଜିସୁ କଃଲାର୍‌ କାବା ଅଃଉତା ଚିନ୍ ଦଃକି କଃଉଁକେ ଦଃର୍ଲାୟ୍‌, “ଜୁୟ୍‌ ବାବ୍‌ବାଦି ଜଃଗତାର୍‌ ଆସ୍ତାର୍‌ ରିଲି, ଏ ବାୟ୍‌ଦ୍‌ରେ ସେ ।” 
\v 15 ଇତାକ୍‌ ଲକ୍‌ମଃନ୍ ଜିସୁକେ ବଃଳ୍‌ମାଡ୍‌କଃରି ଦଃରି ନଃୟ୍‌ ରଃଜା କଃରୁକେ ଉପାୟ୍‌ କଃରୁଲାୟ୍‌ ବଃଲି ଜାଣି, ଜିସୁ ସେମଃନାର୍‌ ତଃୟ୍‌ହୁଣି ଅଃଲ୍‌ଗା ଅୟ୍‌ ଏକ୍ଲା ହଃର୍ବାତ୍‌ ଉହ୍ରେ ଆରେକ୍‌ ବାରାୟ୍‌ ଗଃଲା ।
\s ଜିସୁ ହାଣି ଉହ୍ରେ ଇଣ୍ଡ୍‌ଲା
\r (ମାତି ୧୪:୨୨-୩୩; ମାର୍କ ୬:୪୫-୫୨)
\p
\v 16 ସେଦିନ୍ ସଃଞ୍ଜ୍ ଅୟ୍‌ଲାକ୍‌ ଜିସୁର୍‌ ଚେଲାମଃନ୍ ସଃମଃନ୍ଦ୍ କଃଣ୍ଡାୟ୍‌ ଗଃଳାୟ୍‌, 
\v 17 ଆର୍‌ ଡଙ୍ଗାୟ୍‌ ବଃସି ସଃମଃନ୍ଦ୍ ସେହାଟି ରିଲା କପୁର୍ନାହୁମ୍‌ ଗଃଳେ ଜଃଉଁକେ ଦଃର୍ଲାୟ୍‌ । ସଃଡେବଃଳ୍‌ ରାତି ଅୟ୍‌ ଆସ୍ତି ରିଲି, ଜିସୁ ସଃଡେବଃଳ୍‌ ହଃତେକ୍‌ ସେମଃନାର୍‌ ଲଃଗେ ଆସି ନଃରିଲା । 
\v 18 ସଃଡେବଃଳ୍‌ ଅଃପର୍‌ବଳ୍‌ ବାଉ ଆୟ୍‌ଲାକ୍‌ ହାଣାୟ୍‌ ଉଲାଳ୍‌ ଉଟ୍‌ତିରିଲି । 
\v 19 ଇତାର୍‌ ହଃଚେ ଚେଲାମଃନ୍ ହାକାହାକି ଦୁୟ୍‌ ତିନି କସ୍‌ ଡଙ୍ଗା ଗାଟି ଗଃଲା ହଃଚେ ଜିସୁ ସଃମଃନ୍ଦ୍ ଉହ୍ରେ ଇଣ୍ଡି ଇଣ୍ଡି ଡଙ୍ଗା ଚଃମେ ଆସ୍ତିରିଲାର୍‌ ଦଃକି ଜଃବର୍‌ ଡିର୍‌ଲାୟ୍‌ । 
\v 20 ମଃତର୍‌ ଜିସୁ ସେମଃନ୍‌କେ କୟ୍‌ଲା, “ଇରି ତ ମୁୟ୍‌, ଡିରି ଜାହାନାୟ୍‌ ।” 
\v 21 ତାର୍‌ହଃଚେ ଚେଲାମଃନ୍ ଜିସୁକେ ଡଙ୍ଗା ବିତ୍ରେ ନେଉଁକ୍‌ ମଃନ୍ କଃଲାୟ୍‌, ଆରେକ୍‌ ସେମଃନ୍ ଜୁୟ୍‌ ଟାଣେ ଜାତିରିଲାୟ୍‌ ଡଙ୍ଗା ତଃତ୍‌କାଣ୍ ସେଟାଣେ କଃଣ୍ଡିଏ ହଚ୍‌ଲି ।
\s ଲକ୍‌ମଃନ୍ ଜିସୁକେ ଲଳ୍‌ଲାୟ୍‌
\p
\v 22 ସେଟାଣେ ଗଟେକ୍‌ ଡଙ୍ଗା ଚାଡି ବିନ୍ କୁୟ୍‌ ଡଙ୍ଗା ହେଁ ନଃରିଲି, ଆର୍‌ ସେତି ଜେ ଜିସୁ ଅଃହ୍‌ଣାର୍‌ ଚେଲାମଃନାର୍‌ ସଃଙ୍ଗ୍ ଜାୟ୍‌ନଃରିଲା, ଇରି ଜୁୟ୍‌ ଲକ୍‌ମଃନ୍ ତାର୍‌ ଆର୍‌କ ବିନ୍ ସଃମଃନ୍ଦ୍ ସେହାଟି ଟିଅୟ୍‌ ରିଲାୟ୍‌ ସେମଃନ୍ ଦଃକି ରିଲାୟ୍‌ । 
\v 23 ଜୁୟ୍‌ତି ମାପ୍ରୁ ଜିସୁ ପାର୍ତ୍‌ନା କଃରି ଲକ୍‌ମଃନ୍‌କେ ରୁଟି କାଉଁକେ ଦଃୟ୍‌ରିଲା, ସେ ଜଃଗା ଲଃଗେ ତିବିରିଆ ତଃୟ୍‌ହୁଣି ଆରେକ୍‌ କଃତିଗଟ୍‌ ଡଙ୍ଗା ଆସି ହଚ୍‌ଲି । 
\v 24 ମଃତର୍‌ ଜିସୁ କି ତାର୍‌ ଚେଲାମଃନ୍ ସେତି ନଃରିଲାୟ୍‌, ଇରି ଦଃକି ଲକ୍‌ମଃନ୍ ଜିସୁକେ ଲଳି ଲଳି ଡଙ୍ଗାୟ୍‌ ଚଃଗି କପୁର୍ନାହୁମ୍‌ ଗଃଳେ ଗଃଲାୟ୍‌ ।
\s ଜିସୁ ଜିବନାର୍‌ ଆଦାର୍‌
\p
\v 25 ଆର୍‌ ସଃମ୍‌ନ୍ଦାର୍‌ ସେହାଟି ଜିସୁକେ ଦଃକି ଲକ୍‌ମଃନ୍ ହଃଚାର୍ଲାୟ୍‌, “ଏ ଗୁରୁ, ତୁୟ୍‌ କଃଡେବଃଳ୍‌ ଆସି ଇତି ହଚ୍‌ଲିସ୍‌ ?”
\p
\v 26 ଜିସୁ ସେମଃନ୍‌କେ କୟ୍‌ଲା, “ମୁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ମର୍‌ କାବା ଅଃଉତା ଚିନ୍ ଦଃକି, ମକେ ଲଳୁକ୍‌ ନାସାସ୍‌ । ମଃତର୍‌ ରୁଟି କାୟ୍‌ ଆଦାର୍‌ ହୁର୍ଲାକ୍‌ ମକେ ଲଳୁଲାସ୍‌ । 
\v 27 ଜୁୟ୍‌ କାଦି ନଃସ୍ଟ୍‌ ଅୟ୍‌ଦ୍‌ ତାର୍‌ ଗିନେ କଃସ୍ଟ୍‌ କଃରା ନାୟ୍‌ । ମଃତର୍‌ ଜୁୟ୍‌ କାଦି ନଃସ୍ଟ୍‌ ନୟ୍‌ ଅଃମ୍ବର୍‌ ଜିବନ୍ ଦଃୟ୍‌ଦ୍‌, ସେତାର୍‌ ଗିନେ କଃସ୍ଟ୍‌ କଃରା; ଇ କାଦି ନଃରାର୍‌ ହୟ୍‌ସି ତୁମିମଃନ୍‌କେ ଦଃୟ୍‌ଦ୍‌, କାୟ୍‌ତାକ୍‌ବଃଲେକ୍‌ ଇସ୍ୱର୍‌ ଉବା ସେତାର୍‌ ଗିନେ ତାକ୍‌ ମୁଦ୍ରା ଦଃୟ୍‌ ଆଚେ ।”
\p
\v 28 ସେତାକ୍‌ ସେମଃନ୍ ତାକ୍‌ ହଃଚାର୍ଲାୟ୍‌, “ଇସ୍ୱର୍‌ ଜୁୟ୍‌ରି ମଃନ୍ କଃରୁଲା ସେରି ଅଃମି କଃରୁକେ ଅଃମିକ୍‌ କାୟ୍‌ରି କଃରୁକେ ହଃଳେଦ୍‌ ?”
\p
\v 29 ଜିସୁ ସେମଃନ୍‌କେ କୟ୍‌ଲା, “ଜାକେ ଇସ୍ୱର୍‌ ହଃଟାୟ୍‌ ଆଚେ, ତାକ୍‌ ବିସ୍ୱାସ୍‌ କଃଲେକ୍‌ ତୁମିମଃନ୍ ସେରି କଃରୁ ହାରାସ୍‌ ।”
\p
\v 30 ସେତାକ୍‌ ସେମଃନ୍ ଜିସୁକେ ହଃଚାର୍ଲାୟ୍‌, “ତକେ ଅଃମି ଜଃନ୍‌କଃରି ବିସ୍ୱାସ୍‌ କଃରୁନ୍ଦ୍‌ ସେତାର୍‌ ଗିନେ ଅଃମିକ୍‌ କାୟ୍‌ କାବା ଅଃଉତା ଚିନ୍ ଦଃକାଉଁ ହାର୍ସି ? କଃଉ କାୟ୍‌ କଃରୁ ହାର୍ସି ? 
\v 31 ଅଃମାର୍‌ ଦାଦିବାବୁମଃନ୍ ଟଃଙ୍ଗ୍ରାବଃଟାୟ୍‌ ମାନା କାୟ୍‌ଲାୟ୍‌, ଅଃମାର୍‌ ସାସ୍ତରେ ଲେକା ଆଚେ, ‘ସେ ଇ କାଦି ସଃର୍ଗେ ହୁଣି ଦିଲା ।’”
\p
\v 32 ସେତାକ୍‌ ଜିସୁ ସେମଃନ୍‌କେ କୟ୍‌ଲା, “ମୁୟ୍‌ ସଃତ୍‌ କଃଉଁଲେ, ଜାୟ୍‌ରି ମସା ତୁମିମଃନ୍‌କେ ଦଃୟ୍‌ରିଲା, ସେରି ସଃର୍ଗେ ହୁଣି ଆୟ୍‌ଲା କାଦି ନାୟ୍‌; ମଃତର୍‌ ମର୍‌ ଉବା ତୁମିମଃନ୍‌କେ ସଃର୍ଗେ ହୁଣି ସଃତ୍ୟା କାଦି ଦଃୟ୍‌ଦ୍‌ । 
\v 33 ଜେ ସଃର୍ଗେ ହୁଣି ଉତ୍ରି ଆସି ଜଃଗତାର୍‌ ଜିବନ୍ ଦଃୟ୍‌ଦ୍‌, ସେ ଅଃଉଁଲା ସେ ଇସ୍ୱର୍‌ ଦେତା କାଦି ।”
\p
\v 34 ସେମଃନ୍ ଜିସୁକେ କୟ୍‌ଲାୟ୍‌, “ମାପ୍ରୁ, ଅଃମିକ୍‌ ସଃବୁବଃଳ୍‌ ଇ କାଦି ଦେ ।”
\p
\v 35 ଜିସୁ ସେମଃନ୍‌କେ କୟ୍‌ଲା, “ମୁୟ୍‌ ସେ ଜିବନ୍ ଦେତା କାଦି, ଜେ ମର୍‌ ତଃୟ୍‌ ଆସେଦ୍‌, ତାକ୍‌ କଃବେ ହେଁ ବୁକ୍‌ ନୟ୍‌ । ଜେ ମକେ ବିସ୍ୱାସ୍‌ କଃରେଦ୍‌, ତାକ୍‌ କଃବେ ହେଁ ସସ୍‌ ନୟ୍‌ । 
\v 36 ମୁୟ୍‌ ତୁମିମଃନ୍‌କେ କଃଉଁଲେ, ତୁମିମଃନ୍ ମକେ ଦଃକି ହେଁ ବିସ୍ୱାସ୍‌ ନଃକେରୁଲାସ୍‌ । 
\v 37 ଜୁୟ୍‌ମଃନ୍‌କ୍‌ ମର୍‌ ଉବା ମକେ ଦଃୟ୍‌ ଆଚେ, ସେମଃନ୍ ମର୍‌ ଲଃଗେ ଆସ୍ତି; ଆର୍‌ ଜେ ମର୍‌ ଲଃଗେ ଆସେଦ୍‌ ମୁୟ୍‌ କଃବେ ହେଁ ତାକ୍‌ ବାର୍‌କଃରି ନଃଦେୟ୍‌ଁ । 
\v 38 କାୟ୍‌ତାକ୍‌ବଃଲେକ୍‌ ମୁୟ୍‌ ମର୍‌ ଇଚା ହୁରୁଣ୍ କଃରୁକେ ନାୟ୍‌, ମଃତର୍‌ ମକ୍‌ ହଃଟାୟ୍‌ଲା ଇସ୍ୱରାର୍‌ ଇଚା ହୁରୁଣ୍ କଃରୁକେ ମୁୟ୍‌ ସଃର୍ଗେ ହୁଣି ଆସି ଆଚି । 
\v 39 ଆର୍‌ ଜେ ମକେ ହଃଟାୟ୍‌ ଆଚେ ସେ ଜୁୟ୍‌ମଃନ୍‌କ୍‌ ମକ୍‌ ଦିଲା ଆଚେ, ସେମଃନାର୍‌ ବିତ୍ରେ ମୁୟ୍‌ ଗଟେକ୍‌ ଲକ୍‌କେ ହେଁ ଆରାୟ୍‌ ନଃକେରି, ମଃତର୍‌ ସେସ୍‌ ଦିନ୍ ସେ ସଃବ୍‌କେ ଆରେକ୍‌ ଉଟାୟ୍‌ନ୍ଦ୍, ଇରି ତାର୍‌ ଇଚା ।
\p
\v 40 କାୟ୍‌ତାକ୍‌ବଃଲେକ୍‌ ଉବା ମଃନ୍ କଃରୁଲା, ଜୁୟ୍‌ ଲକ୍‌ମଃନ୍ ତାର୍‌ ହୟ୍‌ସିକ୍‌ ଦଃକି ତାର୍‌ ତଃୟ୍‌ ବିସ୍ୱାସ୍‌ କଃର୍ତି, ସେମଃନ୍ ଅଃମ୍ବର୍‌ ଜିବନ୍ ହାଅତ୍‌ । ଇତାକ୍‌ ସେସ୍‌ ଦିନ୍ ମୁୟ୍‌ ସେ ସଃବ୍‌କେ ଆରେକ୍‌ ଉଟାୟ୍‌ନ୍ଦ୍ ।”
\p
\v 41 ଜିସୁ ନିଜ୍‌କେ ସଃର୍ଗେ ହୁଣି ଆୟ୍‌ଲା କାଦି ବଃଲି କୟ୍‌ଲାକ୍‌, ଜିଉଦିମଃନ୍ ଇ କଃତାକ୍‌ ଲିନ୍ଦା କଃରୁକେ ଦଃର୍ଲାୟ୍‌ । 
\v 42 ଆର୍‌ ସେମଃନ୍ କୟ୍‌ଲାୟ୍‌, “ଇ ମାନାୟ୍‌ ତ ଜିସୁ ତାର୍‌ ଉବାସି କାୟ୍‌ ଜସେପ୍ ନୟ୍‌ ? ତାର୍‌ ଆୟ୍‌ସି ଉବାସିକ୍‌ ଅଃମି ଜାଣୁ, ତଃବେ ସେ ସଃର୍ଗେ ହୁଣି ଆସି ଆଚି ବଃଲି କଃନ୍‌କଃରି କଃଉଁଲା ?”
\p
\v 43 ଜିସୁ ସେମଃନ୍‌କେ କୟ୍‌ଲା, “ଇ ସଃବୁ ଗାଣେଞ୍ଜ୍ କଃତା ଚାଡା ।” 
\v 44 ଜୁୟ୍‌ ଉବା ମକେ ହଃଟାୟ୍‌ ଆଚେ, ସେ ମର୍‌ ହାକ୍‌ ଜିକି କଃରି ନାଣ୍‌ଲେକ୍‌, କେହେଁ ମର୍‌ ଲଃଗେ ଆସୁ ନାହାରେ; ଜୁୟ୍‌ ଲକ୍‌ମଃନ୍ ଆସ୍ତି ସେମଃନ୍‌କେ ମୁୟ୍‌ ସେସ୍‌ ଦିନ୍ ଆରେକ୍‌ ଉଟାୟ୍‌ନ୍ଦ୍ । 
\v 45 ବାବ୍‌ବାଦିମଃନ୍ ଦଃର୍ମ୍‌ ସାସ୍ତରେ ଲେକି ଆଚ୍‌ତି, “ଇସ୍ୱର୍‌ ତଃୟ୍‌ ହଃକା ସଃବୁ ଲକ୍‌ ସିକ୍ୟା ହାଉତି ।” ଜୁୟ୍‌ ଲକ୍‌ ଉବାର୍‌ କଃତା ସୁଣି ତାର୍‌ ତଃୟ୍‌ହୁଣି ସିକ୍ୟା ହାୟ୍‌ଦ୍‌, ସେ ମର୍‌ ତଃୟ୍‌ ଆସେଦ୍‌ । 
\v 46 ଇତାର୍‌ ଅଃର୍ତ୍‌ ନାୟ୍‌ ଜେ, ବିନ୍ ଲକ୍‌ କେ ଉବାକ୍‌ ଦଃକି ଆଚେ, ସେରି ନାୟ୍‌, ଜେ ଇସ୍ୱର୍‌ ତଃୟ୍‌ହୁଣି ଆସି ଆଚେ ସେ ହଃକା ତାକେ ଦଃକିଆଚେ । 
\v 47 ମୁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ଜୁୟ୍‌ ଲକ୍‌ ବିସ୍ୱାସ୍‌ କଃରେଦ୍‌ ସେ ଅଃମ୍ବର୍‌ ଜିବନ୍ ହାୟ୍‌ଆଚେ । 
\v 48 ମୁୟ୍‌ ଜିବନ୍ ଦେତା କାଦି । 
\v 49 ତୁମାର୍‌ ଦାଦିବାବୁମଃନ୍ ଟଃଙ୍ଗ୍ରାବଃଟାୟ୍‌ ମାନା କାୟ୍‌ଲାୟ୍‌, ଅୟ୍‌ଲେକ୍‌ ହେଁ ସେମଃନ୍ ମଃଲାୟ୍‌ । 
\v 50 ମଃତର୍‌ ଜୁୟ୍‌ କାଦି ସଃର୍ଗେ ହୁଣି ଆସେଦ୍‌, ତାକ୍‌ ଜେ କାୟ୍‌ଦ୍‌ ସେ ଅଃମ୍ବର୍‌ ଜିବନ୍ ହାୟ୍‌ଦ୍‌ ।
\p
\v 51 ମୁୟ୍‌ ସଃର୍ଗେ ହୁଣି ଆୟ୍‌ଲା ସେ ଜିବନ୍ ଦେତା କାଦି । ଇ କାଦି ଜେ କାୟ୍‌ଦ୍‌ ସେ ସଃବୁ ଦିନ୍‌ ହାୟ୍‌ଁ ଜିବନ୍ ହାୟ୍‌ଦ୍‌ । ମୁୟ୍‌ ଜୁୟ୍‌ କାଦି ଦଃୟ୍‌ନ୍ଦ୍ ସେରି ମର୍‌ ଗଃଗାଳ୍‌ । ଜଃଗତ୍‌କେ ବଚାଉଁକ୍‌ ମୁୟ୍‌ ସେରି ଦଃୟ୍‌ନ୍ଦ୍ ।
\p
\v 52 ସେତାକ୍‌ ଇରି ସୁଣି ଜିଉଦିମଃନ୍ ରିସା ଅୟ୍‌ ଉରାଟୁ ଅୟ୍‌ କଃରି କଃଉଁକେ ଦଃର୍ଲାୟ୍‌, “ଇମାନାୟ୍‌ ତାର୍‌ ଗଃଗାଳ୍‌ କଃନ୍‌କଃରି ଅଃମିକ୍‌ କାଉଁକେ ଦଃୟ୍‌ଦ୍‌ ?”
\p
\v 53 ସେତାକ୍‌ ଜିସୁ ସେମଃନ୍‌କେ କୟ୍‌ଲା, “ମୁୟ୍‌ ସଃତ୍‌ କଃଉଁଲେ, ନଃରାର୍‌ ହୟ୍‌ସିର୍‌ ଗଃଗାଳ୍‌ ନଃକାୟ୍‌ଲେକ୍‌ ଆର୍‌ ତାର୍‌ ବଃନି ନଃସୁର୍‌ଲେକ୍‌ ତୁମିମଃନ୍ ଜିବନ୍ ହାଉଁ ନାହାରାସ୍‌ । 
\v 54 ଜୁୟ୍‌ ଲକ୍‌ ମର୍‌ ମାସ୍‌ କାୟ୍‌ଦ୍‌ ଆର୍‌ ମର୍‌ ବଃନି ସୁରେଦ୍‌ ସେ ଅଃମ୍ବର୍‌ ଜିବନ୍ ହାୟ୍‌ଦ୍‌ ଆର୍‌ ମୁୟ୍‌ ସେସ୍‌ ଦିନ୍ ତାକେ ଆରେକ୍‌ ଉଟାୟ୍‌ନ୍ଦ୍ । 
\v 55 କାୟ୍‌ତାକ୍‌ବଃଲେକ୍‌ ମର୍‌ ମାସ୍‌ ସଃତ୍‌ କାଦି ଆର୍‌ ମର୍‌ ବଃନି ସଃତ୍‌ ସୁର୍‌ତାର୍‌ । 
\v 56 ଜୁୟ୍‌ ଲକ୍‌ ମର୍‌ ମାସ୍‌ କାୟ୍‌ଦ୍‌ ଆର୍‌ ମର୍‌ ବଃନି ସୁରେଦ୍‌, ସେ ମର୍‌ ତଃୟ୍‌ ରଃୟ୍‌ଦ୍‌ ଆର୍‌ ମୁୟ୍‌ ହେଁ ତାର୍‌ ତଃୟ୍‌ ରଃୟ୍‌ନ୍ଦ୍ । 
\v 57 ଜିବନାର୍‌ ଉବା ମକେ ହଃଟାୟ୍‌ ଆଚେ, ଆର୍‌ ତାର୍‌ ଗିନେ ମୁୟ୍‌ ହେଁ ଜିବନ୍ ଆଚି, ସେବାନ୍ୟା ଜେ ମର୍‌ ମାସ୍‌ କାୟ୍‌ଦ୍‌, ମର୍‌ ଗିନେ ସେ ହେଁ ଜିବନ୍ ରଃୟ୍‌ଦ୍‌ । 
\v 58 ଜୁୟ୍‌ କାଦି ସଃର୍ଗେ ହୁଣି ଆସି ଆଚେ, ସେରି ଇ କାଦି । ତୁମାର୍‌ ଦାଦିବାବୁମଃନ୍ ଜଃନ୍‌କଃରି ସେ କାଦି କାୟ୍‌କଃରି ମଃଲାୟ୍‌, ଇରି ସେନ୍‌କାର୍‌ ନାୟ୍‌; ଜେ ଇ କାଦି କାୟ୍‌ଦ୍‌, ଅଃମ୍ବର୍‌ ଜିବନ୍‌ ହାୟ୍‌ ବାଚି ରଃୟ୍‌ଦ୍‌ ।”
\p
\v 59 ଜିସୁ କପୁର୍ନାହୁମ୍‌ ଗଃଳାର୍‌ ଗଟେକ୍‌ ପାର୍ତ୍‌ନା ଗଃରେ ସିକ୍ୟା ଦେତାବଃଳ୍‌ ଇରି ସଃବୁ କୟ୍‌ଲା ।
\s ଅଃମ୍ବର୍‌ ଜିବନାର୍‌ କଃତା
\p
\v 60 ତଃବେ ଜିସୁର୍‌ ଚେଲାମଃନାର୍‌ ବିତ୍ରେ କଃତେକ୍‌ ଇ ସଃବୁ କଃତା ସୁଣି କୟ୍‌ଲାୟ୍‌, “ଇରି ବାନ୍ୟା କଃତା, କେ ଇରି ସଃବୁ ସୁଣୁ ହାରେ ?”
\p
\v 61 ମଃତର୍‌ ଜିସୁ, ତାର୍‌ ଚେଲାମଃନ୍ ଜେ ସେ କଃତାକ୍‌ ଗାଣେଞ୍ଜ୍ କଃଉଁଲାୟ୍‌, ସେରି ମଃନେ ଜାଣୁ ହାରି ସେମଃନ୍‌କେ କୟ୍‌ଲା, “ଇରି କାୟ୍‌ ତୁମିମଃନାର୍‌ ବାଦା ଅଃଉଁଲି ? 
\v 62 ତଃବେ ନଃରାର୍‌ ହୟ୍‌ସି ଜୁୟ୍‌ତି ହୁଣି ଆସି ଆଚେ, ସେଟାଣେ ଲେଉଟି ଜାତାର୍‌ ଦଃକ୍‌ଲେକ୍‌, କାୟ୍‌ କଃରାସ୍‌ ? 
\v 63 ଇସ୍ୱରାର୍‌ ଆତ୍ମା ହଃକା ଜିବନ୍ ଦେଉଁ ହାରେ । ନଃରାର୍‌ ଗଃଗାଳ୍‌ ତଃୟ୍‌ର୍‌ ସଃକ୍ତି କାୟ୍‌ରି ହେଁ କଃରୁ ନାହାରେ । ଇସ୍ୱରାର୍‌ ସେ ଜିବନ୍ ଦେତା ଆତ୍ମାକେ ତୁମିମଃନ୍ ଜଃନ୍‌କଃରି ଜାଣୁ ହାରାସ୍‌, ସେତାର୍‌ ଗିନେ ମୁୟ୍‌ ଇ ସଃବୁ କଃତା କୟ୍‌ଲେ । 
\v 64 ଅୟ୍‌ଲେକ୍‌ ହେଁ ତୁମିମଃନାର୍‌ ବିତ୍ରେ କେ କେ ସଃତ୍‌ ନଃକେରୁଲାୟ୍‌ ।” କାୟ୍‌ତାକ୍‌ବଃଲେକ୍‌ ଜିସୁକେ ଜୁୟ୍‌ ଲକ୍‌ମଃନ୍ ସଃତ୍‌ ନଃକେର୍ତି ଆର୍‌ ତାକେ ସଃତ୍ରୁ ଆତେ କେ ସଃହ୍ରି ଦଃୟ୍‌ଦ୍‌, ସେରି ସେ ଆଗ୍‌ତୁ ହୁଣି ଜାଣି ରିଲା । 
\v 65 ଜିସୁ ଆରେକ୍‌ କୟ୍‌ଲା, “ଇତାର୍‌ ଗିନେ ମୁୟ୍‌ କଃଉଁଲେ, ଉବା ନଃହେଟାୟ୍‌ଲେକ୍‌, କେ ମର୍‌ ତଃୟ୍‌ ଆସୁ ନାହାରେ ।”
\p
\v 66 ଇ କଃତା ସୁଣି ସଃଡେବଃଳ୍‌ ହୁଣି ଜିସୁର୍‌ ଚେଲାମଃନାର୍‌ ବିତ୍ରେ କଃତେକ୍‌ ତାର୍‌ ସଃଙ୍ଗ୍ ଜଃଉଁକେ ମଃନ୍ ନଃକେରି ବାଉଳି ଗଃଳାୟ୍‌ । 
\v 67 ସେତାକ୍‌ ଇରି ଦଃକି ଜିସୁ ତାର୍‌ ବାର ଗଟ୍‌ ଚେଲାମଃନ୍‌କେ ହଃଚାର୍ଲା, “ତୁମିମଃନ୍ ହେଁ କି ମକେ ଚାଡି ଜଃଉଁକେ ମଃନ୍ କଃରୁଲାସ୍‌ ?”
\p
\v 68 \x + \xo ୬:୬୮ \xo*\xt ମାତି ୧୬:୧୬; ମାର୍କ ୮:୨୯; ଲୁକ ୯:୨୦.\xt*\x*ସିମନ୍ ପିତର୍‌ ଜିସୁକେ କୟ୍‌ଲା, “ମାପ୍ରୁ, ଅଃମି ଆର୍‌ କାର୍‌ ଲଃଗେ ଜଃଉଁନ୍ଦ୍ ? ତର୍‌ ତଃୟ୍‌ ତ ଅଃମ୍ବର୍‌ ଜିବନାର୍‌ କଃତାଆଚେ । 
\v 69 ତୁୟ୍‌ ତ ଇସ୍ୱର୍‌ ତଃୟ୍‌ହୁଣି ଆୟ୍‌ଲା ପବିତ୍ର ମାନାୟ୍‌, ଇ କଃତା ଅଃମି ଅଃବେ ସଃତ୍‌କଃରି ଆଚୁ ।”
\p
\v 70 ଜିସୁ ସେମଃନ୍‌କେ କୟ୍‌ଲା, “ମୁୟ୍‌ କାୟ୍‌ ତୁମିକେ ବାର ଲକ୍‌କେ ବାଚ୍‌ଲାର୍‌ ନାୟ୍‌ ? ଅୟ୍‌ଲେକ୍‌ ହେଁ ତୁମାର୍‌ ବିତ୍ରେ ଗଟ୍‌ ଲକ୍‌ ସୟ୍‌ତାନ୍ ।” 
\v 71 ଜିସୁ ଇସ୍କାରିଅତ୍‌ ସିମନାର୍‌ ହୟ୍‌ସି ଜିଉଦାକେ ଦଃକିକଃରି ଇ କଃତା କୟ୍‌ଲା, କାୟ୍‌ତାକ୍‌ବଃଲେକ୍‌ ବାର ଗଟ୍‌ ଚେଲା ବିତ୍ରେ ଗଟେକ୍‌ ଚେଲା ଅୟ୍‌କଃରି ହେଁ ଜିଉଦା ଜିସୁକେ ସଃତ୍ରୁ ଆତେ ଦଃରାୟ୍‌ ଦେଉଁକ୍‌ ଜାତିରିଲା ।
\c 7
\s ଜିସୁ ଆର୍‌ ତାର୍‌ ବାୟ୍‌ମଃନ୍
\p
\v 1 ଇତାର୍‌ ହଃଚେ ଜିସୁ ଗାଲିଲି ତଃୟ୍‌ ବୁଲୁକ୍‌ ଦଃର୍ଲା; ସେ ଆର୍‌ ଜିଉଦା ଦେସେ ବୁଲୁକ୍‌ ମଃନ୍ ନଃକେଲା, କାୟ୍‌ତାକ୍‌ବଃଲେକ୍‌ ସେତିର୍‌ ଜିଉଦି ବଃଡ୍‌ ଲକ୍‌ମଃନ୍ ତାକ୍‌ ମଃର୍ନେ ମାରୁକ୍‌ ମଃନ୍ କଃର୍ତି ରିଲାୟ୍‌ । 
\v 2 ଜିଉଦିମଃନାର୍‌ “କୁଳ୍ୟାୟ୍‌ ବାସା ଅଃଉତା” ହଃର୍ବ୍‌ ଦିନ୍ ଚଃମେ ଆୟ୍‌ଲି । 
\v 3 ସେତାକ୍‌ ଜିସୁର୍‌ ବାୟ୍‌ମଃନ୍‌ ତାକ୍‌ କୟ୍‌ଲାୟ୍‌, “ଇ ଜଃଗା ଚାଡି ଜିଉଦା ଦେସେ ଜାଆ, ତୁୟ୍‌ କଃର୍ତା କାମ୍‌ ସଃବୁ ସେତି ତର୍‌ ଲଃଗେ ଆସ୍ତା ଚେଲାମଃନ୍‌ ଦଃକତ୍‌ । 
\v 4 ବଃଲେକ୍‌ କେ ନିଜ୍‌କେ ଜାଣାୟ୍‌ ଅଃଉଁକେ ମଃନ୍ କଃଲେକ୍‌, ସେ ଅଃହ୍‌ଣାର୍‌ କାମ୍‌ ଲୁକାୟ୍‌କଃରି ନଃକେରେ, ତୁୟ୍‌ ଜଃଡେବଃଳ୍‌ ଇ ସଃବୁ କାମ୍‌ କଃରୁଲିସ୍‌, ତଃବେ ଜଃଗତାର୍‌ ସଃବୁ ତକେ ଜାଣତ୍‌ ।” 
\v 5 ବଃଲେକ୍‌ ତାର୍‌ ବାୟ୍‌ମଃନ୍ ହେଁ ତାକେ ବିସ୍ୱାସ୍‌ ନଃକେର୍ତିରିଲାୟ୍‌ ।
\p
\v 6 ସେତାକ୍‌ ଜିସୁ ସେମଃନ୍‌କେ କୟ୍‌ଲା, “ମର୍‌ ବେଳା ଅଃବେ ହଃତେକ୍‌ ଆସି ନଃକେରେତା, ମଃତର୍‌ ତୁମିମଃନାର୍‌ ଗିନେ ସଃବୁ ବେଳା ଟିକ୍‌ । 
\v 7 କାୟ୍‌ତାକ୍‌ବଃଲେକ୍‌ ଜଃଗତ୍‌ ତୁମିକେ ଗିଣ୍ ନଃକେରେ । ମଃତର୍‌ ଜଃଗତ୍‌ ମକ୍‌ ଗିଣ୍ କଃରେଦ୍‌, କାୟ୍‌ତାକ୍‌ବଃଲେକ୍‌ ତାର୍‌ କାମ୍‌ ସଃବୁ କଃରାବ୍‌ ବଃଲି ମୁୟ୍‌ ସାକି ଦଃୟ୍‌ ଆସୁଲେ । 
\v 8 ତୁମିମଃନ୍ ଇ ହଃର୍ବ୍‌କେ ଜାହା, ମୁୟ୍‌ ଜଃଉଁ ନାହାରି, କାୟ୍‌ତାକ୍‌ବଃଲେକ୍‌ ମର୍‌ ବେଳା ଅଃବେ ହଃତେକ୍‌ ଆସି ନଃକେରେ ।” 
\v 9 ଇ ସଃବୁ କଃତା କୟ୍‌ ଜିସୁ ଗାଲିଲିୟେ ରଃୟ୍‌ଗଃଲା ।
\s “କୁଳ୍ୟାୟ୍‌ ବାସା ଅଃଉତା” ହଃର୍ବେ ଜିସୁ
\p
\v 10 ମଃତର୍‌ ଜିସୁର୍‌ ବାୟ୍‌ସିମଃନ୍ ହଃର୍ବ୍‌କେ ଗଃଲା ହଃଚେ, ଜିସୁ ହେଁ ଗଃଲା । ଜାଣ୍‌ତେ ନାୟ୍‌ ମଃତର୍‌ ଗଟ୍‌ ରଃକମ୍‌ ଲୁକ୍‌ଣେ । 
\v 11 ଇତାକ୍‌ ଜିଉଦିମଃନ୍ ହଃର୍ବ୍‌ ବଃଳ୍‌ ଜିସୁକେ ଲଳୁ ଲଳୁ ହଃଚାର୍ଲାୟ୍‌, “ସେ କଃୟ୍‌ ?”
\p
\v 12 ଆର୍‌ ଲକ୍‌ମଃନ୍ ଜିସୁର୍‌ ବିସୟେ କୁସୁର୍‌କାସାର୍‌ ଅୟ୍‌ କଃତାବାର୍ତା ଅଃଉତି ରିଲାୟ୍‌ । କେ କେ କୟ୍‌ଲାୟ୍‌, “ସେ ଗଟେକ୍‌ ସଃତ୍‌ ଲକ୍‌,” ଆର୍‌ କେ କେ କୟ୍‌ଲାୟ୍‌, “ନାୟ୍‌, ସେ ଲକ୍‌ମଃନ୍‌କେ ବୁଲ୍‌ ବାଟ୍‌କେ ନେଉଁଲା ।” 
\v 13 ମଃତର୍‌ ଜିଉଦି ବଃଡ୍‌ ଲକ୍‌ମଃନ୍‌କେ ଡିରିକଃରି କେ ହେଁ ଜିସୁର୍‌ ବିସୟେ ଆକେଡାକେ କଃତାବାର୍ତା ନଃକେର୍ତି ରିଲାୟ୍‌ ।
\p
\v 14 ମଃତର୍‌ ହଃର୍ବ୍‌ ଆଦ୍‌ବାଗ୍ ସଃର୍ଲା ହଃଚେ ଜିସୁ ମନ୍ଦିରେ ଜାୟ୍‌ ସିକ୍ୟା ଦେଉଁକ୍‌ ଆରୁମ୍‌ କଃଲା । 
\v 15 ଇତାକ୍‌ ଜିଉଦି ବଃଡ୍‌ ଲକ୍‌ମଃନ୍ କାବା ଅୟ୍‌ କୟ୍‌ଲାୟ୍‌, “ଏ କୁୟ୍‌ତି ହେଁ ସିକ୍ୟା ନାହାୟ୍‌, ଅଃତେକ୍‌ କଃତା ଜାଣ୍‌ଲା କଃନ୍‌କଃରି ?”
\p
\v 16 ଜିସୁ ସେମଃନ୍‌କେ କୟ୍‌ଲା, “ମର୍‌ ସିକ୍ୟା ମର୍‌ ନିଜାର୍‌ ନାୟ୍‌, ମଃତର୍‌ ମକ୍‌ ହଃଟାୟ୍‌ଲା ଇସ୍ୱରାର୍‌ ତଃୟ୍‌ହୁଣି ଆୟ୍‌ଲା ସିକ୍ୟା ଦେଉଁଲେ । 
\v 17 ଜେ ଜଦି ଇସ୍ୱରାର୍‌ ଇଚା ହୁରୁଣ୍ କଃରୁକେ ମଃନ୍ କଃରେଦ୍‌, ତଃବେ ମର୍‌ ସିକ୍ୟା ଇସ୍ୱର୍‌ ତଃୟ୍‌ହୁଣି ଆସିଆଚେ, କି ମୁୟ୍‌ ମର୍‌ ନିଜାର୍‌ ଅଃଦିକାରେ କଃଉଁଲେ, ସେରି ସେ ଜାଣୁ ହାରେ । 
\v 18 ଜେ ନିଜାର୍‌ ଅଃଦିକାରେ କଃତା କୟ୍‌ଦ୍‌, ସେ ନିଜାର୍‌ ଜଃଜ୍‌ମାନ୍ କଃରୁକେ ମଃନ୍ କଃରେଦ୍‌, ମଃତର୍‌ ଜେ ଅଃହ୍‌ଣାକ୍‌ ହଃଟାୟ୍‌ଲା ଇସ୍ୱରାର୍‌ ଜଃଜ୍‌ମାନ୍ କଃରୁକେ ମଃନ୍ କଃରେଦ୍‌, ସେ ସଃତ୍‌ ଆର୍‌ ତାର୍‌ ତଃୟ୍‌ କାୟ୍‌ ଦୁସ୍ଟ୍‌ ନାୟ୍‌ । 
\v 19 ମସା କାୟ୍‌ ତୁମିମଃନ୍‌କେ ବିଦି ନଃଦେୟ୍‌ ? ମଃତର୍‌ ତୁମିମଃନାର୍‌ ବିତ୍ରେ କେ ହେଁ ସେ ବିଦି ନଃମାନାସ୍‌ । ତୁମିମଃନ୍ ମକେ ମାରୁକ୍‌ କାୟ୍‌ତାକ୍‌ ମଃନ୍ ହାଚୁଲାସ୍‌ ?”
\p
\v 20 ଲକ୍‌ମଃନ୍ ତାକ୍‌ କୟ୍‌ଲାୟ୍‌, “ତକ୍‌ ବୁତ୍‌ ଦଃରି ଆଚେ, ତକ୍‌ କେ ମାରୁକ୍‌ ମଃନ୍ କଃରୁଲାୟ୍‌ ?”
\p
\v 21 ଜିସୁ ସେମଃନ୍‌କେ କୟ୍‌ଲା, “ମୁୟ୍‌ ଗଟେକ୍‌ ବଃଡ୍ କାମ୍‌ କଃଲେ, ଆର୍‌ ତୁମିମଃନ୍ ସଃବୁ ସେରି ଦଃକି କାବା ଅୟ୍‌ ଆଚାସ୍‌ । 
\v 22 ତୁମାର୍‌ ହୟ୍‌ଦିମଃନ୍‌କ୍‌ ସୁନତ୍‌ କଃରୁକେ ମସା ଆଦେସ୍‌ ଦିଲା ଆଚେ; ଇରି ମସାର୍‌ ତଃୟ୍‌ହୁଣି ଆସି ଆଚେ ସେରି ନାୟ୍‌, ମଃତର୍‌ ତୁମାର୍‌ ଦାଦିବାବୁ ତଃୟ୍‌ହୁଣି ଆସି ଆଚେ ଆର୍‌ ବିସାଉଁଣିବାର୍‌ ଦିନ୍ ହେଁ ହିଲାମଃନ୍‌କେ ସୁନତ୍‌ କଃରୁଲାସ୍‌ । ଆର୍‌ ସେତାକ୍‌ ବିସାଉଁଣିବାର୍‌ ବିଦି ନଃମାନୁଲାସ୍‌, ଇରି ମଃନେ ନଃହେକାଉଁଲାସ୍‌ । 
\v 23 \x + \xo ୭:୨୩ \xo*\xt ଜହ ୫:୯.\xt*\x*ଜଦି ବିସାଉଁଣିବାର୍‌ ଦିନ୍ ଗଟେକ୍‌ ହିଲାକ୍‌ ସୁନତ୍‌ କଃଲେକ୍‌ ମସାର୍‌ ବିଦି ଅମାନ୍ୟା କଃରା ନଃଉଁଲି, ତଃବେ ବିସାଉଁଣିବାର୍‌ ଦିନ୍ ମୁୟ୍‌ ଗଟେକ୍‌ ଲକାର୍‌ ସଃବୁ ଗଃଗାଳ୍‌କେ ଉଜ୍‌ କଃଲେକ୍‌ ତୁମିମଃନ୍ କାୟ୍‌ତାକ୍‌ ମକ୍‌ ରିସା ଅଃଉଁଲାସ୍‌ ? 
\v 24 ହଃଦାର୍‌ କଃତାକ୍‌ ଦଃକି ବିଚାର୍‌ କଃରା ନାୟ୍‌, ମଃତର୍‌ ଜୁୟ୍‌ରି ଟିକ୍‌ ସେରି ବିଚାର୍‌ କଃରା ।”
\s ଏ କାୟ୍‌ରି ମସିଅ ?
\p
\v 25 ଇତାକ୍‌ ଜିରୁସାଲମ୍‌ ତୟ୍‌ଁ କଃତେକ୍‌ ଲକ୍‌ କଃଉଁକେ ଦଃର୍ଲାୟ୍‌, “ଜୁୟ୍‌ ମାନାୟ୍‌କେ ମାରୁକ୍‌ ଜିଉଦି ବଃଡ୍‌ ଲକ୍‌ମଃନ୍ ମଃନ୍ କଃରୁଲାୟ୍‌, ଏ କାୟ୍‌ ସେ ନାୟ୍‌ ? 
\v 26 ଆର୍‌ ଦଃକା ସେ ସଃବୁ ଲକାର୍‌ ଆଗେ ଅଃତେକ୍‌ କଃତା କଃଉଁଲା, ମଃତର୍‌ ତାକେ ହଃଦେକ୍‌ କେ ହେଁ କାୟ୍‌ରି ନଃକଉଁଲାୟ୍‌ । ଏ କ୍ରିସ୍ଟ ବଃଲି ଜିଉଦି ମୁଳିକା ଲକ୍‌ମଃନ୍ କାୟ୍‌ ନିଜ୍‌କଃରି ଜାଣ୍‌ଲାୟ୍‌ନି ? 
\v 27 ଜଃଡେବଃଳ୍‌ କ୍ରିସ୍ଟ ଆସେଦ୍‌, ସେ କୁୟ୍‌ତି ହୁଣି ଆୟ୍‌ଲା କେ ଜାଣୁ ନଃହାର୍‌ତି, ମଃତର୍‌ ଇ ମାନାୟ୍‌ କୁୟ୍‌ତି ହୁଣି ଆୟ୍‌ଲା ଅଃମିମଃନ୍‌ ଜାଣୁ ।”
\p
\v 28 ସେତାକ୍‌ ଜିସୁ ମନ୍ଦିରେ ସିକ୍ୟା ଦେତା ବଃଳ୍‌ ଉଲ୍‌ଗାଟ୍‌ ଅୟ୍‌କଃରି କୟ୍‌ଲା, “ମୁୟ୍‌ କେ ଆର୍‌ କୁୟ୍‌ତି ହୁଣି ଆସି ଆଚି, ତୁମିମଃନ୍ କାୟ୍‌ ଜାଣିଆଚାସ୍‌ ? ମୁୟ୍‌ ନିଜ୍‌ ନିଜ୍‌କେ ନାସି । ମକେ ଜେ ହଃଟାୟ୍‌ ଆଚେ, ସେ ସଃତ୍ୟା, ତୁମିମଃନ୍ ତାକ୍‌ ନଃଜାଣାସ୍‌ । 
\v 29 ମଃତର୍‌ ମୁୟ୍‌ ତାକ୍‌ ଜାଣି, କାୟ୍‌ତାକ୍‌ବଃଲେକ୍‌ ମକ୍‌ ସେ ହଃଟାୟ୍‌ ଆଚେ, ମୁୟ୍‌ ତାର୍‌ ତଃୟ୍‌ହୁଣି ଆସି ଆଚି ।”
\p
\v 30 ସେତାକ୍‌ ସେମଃନ୍ ଇରି ସୁଣି ତାକେ ଦଃରୁକ୍‌ ମଃନ୍ କଃଲାୟ୍‌, ମଃତର୍‌ ତାର୍‌ ଟିକ୍‌ ବେଳା ଆସି ନଃରିଲାକ୍‌, କେ ତାର୍‌ ଉହ୍ରେ ଆତ୍‌ ଦେଉଁକ୍‌ ନଃହାୟ୍‌ଲାୟ୍‌ । 
\v 31 ମଃତର୍‌ ଲକ୍‌ମଃନାର୍‌ ବିତ୍ରେ ଗାଦେକ୍‌ ଲକ୍‌ ତାକ୍‌ ବିସ୍ୱାସ୍‌ କଃରି କୟ୍‌ଲାୟ୍‌, “ଏ ଜୁୟ୍‌ ସଃବୁ କାବା ଅଃଉତା ଚିନ୍ କଃରି ଆଚେ, କ୍ରିସ୍ଟ ଆୟ୍‌ଲେକ୍‌ ଇମାନାୟ୍‌ର୍‌ ତଃୟ୍‌ହୁଣି କାୟ୍‌ରି ଅଃଦିକ୍‌ କାବା ଅଃଉତା କାମ୍‌ କଃରେଦ୍‌ ?”
\s ଜିସୁକେ ବାନ୍ଦୁକେ ସଃଇନ୍‌ମଃନ୍‌କେ ହଃଟାୟ୍‌ଲାୟ୍‌ ।
\p
\v 32 ଜିସୁର୍‌ ବିସୟେ ଲକ୍‌ମଃନ୍ ଇରଃକମ୍‌ କଃତା ବାର୍ତା ଅଃଉତାର୍‌ ପାରୁସିମଃନ୍ ସୁଣ୍‌ଲାୟ୍‌, ସେତାକ୍‌ ପାରୁସିମଃନ୍ ଆର୍‌ ବଃଡ୍ ଜାଜକ୍‌ମଃନ୍ ଜିସୁକେ ବାନ୍ଦୁକେ ଜାଗୁଆଳିମଃନ୍‌କେ ହଃଟାୟ୍‌ଲାୟ୍‌ । 
\v 33 ସେତାକ୍‌ ଜିସୁ କୟ୍‌ଲା, “ମୁୟ୍‌ ତୁମିମଃନାର୍‌ ସଃଙ୍ଗ୍ ଆର୍‌ ଅଃଳକ୍‌ ବେଳା ରଃୟ୍‌ନ୍ଦ୍, ତାର୍‌ହଃଚେ ମକ୍‌ ହଃଟାୟ୍‌ଲା ଇସ୍ୱରାର୍‌ ତଃୟ୍‌ ବାଉଳି ଜାୟ୍‌ନ୍ଦ୍ । 
\v 34 ତୁମିମଃନ୍ ମକେ ଲଳାସ୍‌, ମଃତର୍‌ ନଃହାଉଆସ୍‌, କାୟ୍‌ତାକ୍‌ବଃଲେକ୍‌ ମୁୟ୍‌ ଜୁୟ୍‌ତି ରଃୟ୍‌ନ୍ଦ୍ ତୁମିମଃନ୍ ସେତି ଜଃଉଁ ନାହାରାସ୍‌ ।”
\p
\v 35 ଇତାକ୍‌ ଜିଉଦି ମୁଳିକାମଃନ୍ ତାକାର୍‌ ତାକାର୍‌ ବିତ୍ରେ କଃଉଆକଇ ଅୟ୍‌ଲାୟ୍‌, “ଏ କୁୟ୍‌ତି ଜାୟ୍‌ଦ୍‌ ଜେ ଅଃମି ତାକେ ଲଳୁ ନଃହାରୁ ? ଜୁୟ୍‌ ଗ୍ରିକ୍‌ ଗଃଳେ ଚିନ୍‌ବିନ୍ ଅୟ୍‌ରିଲା ଜିଉଦି ମଃନାର୍‌ ତଃୟ୍‌ ଜାୟ୍‌କଃରି କାୟ୍‌ ଗ୍ରିକ୍‌ ଲକ୍‌ମଃନ୍‌କେ ସିକ୍ୟା ଦଃୟ୍‌ଦ୍‌ ? 
\v 36 ତୁମିମଃନ୍ ମକେ ଲଳାସ୍‌, ମଃତର୍‌ ହାଉଁ ନାହାରାସ୍‌ ଆର୍‌ ମୁୟ୍‌ ଜୁୟ୍‌ତି ରଃୟ୍‌ନ୍ଦ୍ ତୁମିମଃନ୍ ସେତି ଜଃଉଁ ନାହାରାସ୍‌ । ସେ ଇ ଜୁୟ୍‌ କଃତା କୟ୍‌ଲା, ସେତାର୍‌ ବାବ୍‌ କାୟ୍‌ରି ?”
\s ଜିବନ୍ ଦେତା ହାଜ୍ରା ହାଣି
\p
\v 37 ହଃର୍ବାର୍‌ ସେସ୍‌ ଦିନ୍, ବଃଲେକ୍‌ ବଃଡ୍ ଦିନ୍ ଜିସୁ ଟିଆ ଅୟ୍‌ ଉଲ୍‌ଗାଟ୍‌ ଅୟ୍‌କଃରି କୟ୍‌ଲା, “ଜେ ସସେ ଆଚେ ସେ ମର୍‌ ଲଃଗେ ଆସ ଆର୍‌ ସୁର । 
\v 38 ଆର୍‌ ଜେ ମର୍‌ ତଃୟ୍‌ ବିସ୍ୱାସ୍‌ କଃରେଦ୍‌, ଦଃର୍ମ୍‌ ସାସ୍ତର୍‌ ତଃୟ୍‌ର୍‌ ଲେକା ହଃର୍କାରେ, ଜେ ମର୍‌ ତଃୟ୍‌ ବିସ୍ୱାସ୍‌ କଃରେଦ୍‌ ତାର୍‌ ଗଃର୍ବେ ହୁଣି ଜିବନ୍ ଦେତା ହାଜ୍ରା ହାଣି ଉଚ୍‌ଳି ଜାତିରଃୟ୍‌ଦ୍‌ ।” 
\v 39 ଜିସୁ ପବିତ୍ର ଆତ୍ମାର୍‌ କଃତାକ୍‌ ଦଃରି ଇରି କୟ୍‌ଲା, ଜୁୟ୍‌ ଲକ୍‌ମଃନ୍ ଜିସୁର୍‌ ତଃୟ୍‌ ବିସ୍ୱାସ୍‌ କଃର୍ତି, ସେମଃନ୍ ହଃଚେ ଇ ପବିତ୍ର ଆତ୍ମା ହାଉତି, ସଃଡେବଃଳ୍‌ ହଃତେକ୍‌ ଜିସୁ ଜଃଜ୍‌ମାନ୍ ଅୟ୍‌ନଃରିଲା, ସେତାକ୍‌ ପବିତ୍ର ଆତ୍ମା ହାୟ୍‌ ନଃରିଲାୟ୍‌ ।
\s ଲକାର୍‌ ବିତ୍ରେ କଃତା ବିନ୍‌ବିନ୍‌ ଅୟ୍‌ଲି
\p
\v 40 ଜଃଡେବଃଳ୍‌ ଲକ୍‌ମଃନ୍ ଜିସୁର୍‌ ଇ କାତା ସୁଣ୍‌ଲାୟ୍‌, ସେମଃନାର୍‌ ବିତ୍ରେ କଃତେକ୍‌ କୟ୍‌ଲାୟ୍‌, “ଏ ବାୟ୍‌ଦ୍‌ରେ ସେ ବାବ୍‌ବାଦି ।”
\p
\v 41 ବିନ୍ ଲକ୍‌ମଃନ୍ କୟ୍‌ଲାୟ୍‌, “ଏ କ୍ରିସ୍ଟ ।” ମଃତର୍‌ କେକେ କଃଉଁକେ ଦଃର୍ଲାୟ୍‌, “କ୍ରିସ୍ଟ କାୟ୍‌ ଗାଲିଲି ତଃୟ୍‌ହୁଣି ଆସେଦ୍‌ ? 
\v 42 ସାସ୍ତର୍‌ ତଃୟ୍‌ଁ ଲେକା ଆଚେ, ‘କ୍ରିସ୍ଟ ଜେ ଦାଉଦ୍‌ ବଃଉଁସେହୁଣି ଆର୍‌ ଦାଉଦ୍‌ ଜୁୟ୍‌ତି ରିଲା, ସେ ବେତ୍‌ଲିହିମ୍‌ ଗାଉଁଏ ହୁଣି ଆସେଦ୍‌ ।’” 
\v 43 ସେତାକ୍‌ ଲକ୍‌ମଃନାର୍‌ ବିତ୍ରେ ଜିସୁର୍‌ ଗିନେ ଲକ୍‌ମଃନାର୍‌ କଃତା ବିନ୍‌ବିନ୍‌ ଅୟ୍‌ଲି । 
\v 44 ଆର୍‌ ସେମଃନାର୍‌ ବିତ୍ରେ କଃତେକ୍‌ ଜିସୁକେ ଦଃରି ନେଉଁକ୍‌ ମଃନ୍ କଃର୍ତି ରିଲାୟ୍‌, ମଃତର୍‌ କେ ହେଁ ଜିସୁର୍‌ ଉହ୍ରେ ଆତ୍‌ ଦେଉଁ ନାହାର୍ଲାୟ୍‌ ।
\s ଜିଉଦି ମୁଳିକାମଃନାର୍‌ ଅବିସ୍ୱାସ୍‌
\p
\v 45 ଇ ବିତ୍ରେ ଜାଗୁଆଳି ବଃଡ୍ ଜାଜକ୍‌ ଆର୍‌ ପାରୁସିମଃନାର୍‌ ଲଃଗେ ବାଉଳି ଆୟ୍‌ଲାକ୍‌, ସେମଃନ୍‌କେ ବଃଡ୍ ଜାଜକ୍‌ ଆର୍‌ ପାରୁସିମଃନ୍ ହଃଚାର୍ଲାୟ୍‌, “ଜିସୁକେ କାୟ୍‌ତାକ୍‌ ଦଃରି ନାଣ୍‌ଲାସ୍‌ ?”
\p
\v 46 ଜାଗୁଆଳିମଃନ୍‌ କୟ୍‌ଲାୟ୍‌, “ଇମାନାୟ୍‌ ଜଃନ୍‌କା କଃତା କଃଉଁଲା, ତାର୍‌ ହର୍‌ କୁୟ୍‌ ମାନାୟ୍‌ କଃବେ ସେନ୍‌କାର୍‌ କଃତା ନଃକୟ୍‌ ।”
\p
\v 47 ସେତାକ୍‌ ପାରୁସିମଃନ୍ ସେମଃନ୍‌କେ କୟ୍‌ଲାୟ୍‌, “ତୁମିମଃନ୍ ହେଁ କାୟ୍‌ ବୁଲ୍‌କି ଆଚାସ୍‌ ? 
\v 48 ପାରୁସି କି ଅଃମାର୍‌ ମୁଳିକାମଃନାର୍‌ ବିତ୍ରେ କେ କାୟ୍‌ ଗଟ୍‌ ଲକ୍‌ ହେଁ ଜିସୁକେ ବିସ୍ୱାସ୍‌ କଃରି ଆଚ୍‌ତି ? 
\v 49 ମଃତର୍‌ ଇ ଲକ୍‌ମଃନ୍ ମସାର୍‌ ବିଦି ନଃଜାଣ୍‌ତି, ସେତାର୍‌ ଗିନେ ଇମଃନ୍‌ ସଃବୁ ସାୟ୍‌ପ୍‌ ହାୟ୍‌ଲା ଲକ୍‌ ।” 
\v 50 \x + \xo ୭:୫୦ \xo*\xt ଜହ ୩:୧,୨.\xt*\x*ସଃଡେବଃଳ୍‌ ନିକଦିମ ନାଉଁଆର୍‌ ଗଟେକ୍‌ ପାରୁସି ସେତି ରିଲା, ସେ ଆଗ୍‌ତୁ ଗଟ୍‌ତର୍‌ ଜିସୁକେ ଦଃକୁକ୍‌ ହାୟ୍‌ରିଲା । ସେ ସେମଃନ୍‌କେ କୟ୍‌ଲା, 
\v 51 “ଅଃମି ମସାର୍‌ ବିଦି ହଃର୍କାରେ ଗଟ୍‌ ଲକ୍‌କେ ଦସି କଃର୍ତା ଆଗ୍‌ତୁ ତାର୍‌ କଃତା ବିଚାର୍‌ କଃରୁକେ ଅୟ୍‌ଦ୍‌ ଆର୍‌ ସେ କାୟ୍‌ରି କଃରି ଆଚେ ସେରି ଦଃକୁକ୍‌ ହଃଳେଦ୍‌ ।”
\p
\v 52 ଜିଉଦିମଃନ୍ କୟ୍‌ଲାୟ୍‌, “ତୁୟ୍‌ ହେଁ କାୟ୍‌ ଗଟେକ୍‌ ଗାଲିଲିର୍‌ ଲକ୍‌ ? ବଃଲ୍‌କଃରି ସାସ୍ତର୍‌ ହଳ୍‌, ତଃବେ ଗାଲିଲି ତଃୟ୍‌ହୁଣି କୁୟ୍‌ ବାବ୍‌ବାଦି ହେଁ ଜଃଲମ୍‌ ଅଃଉଁ ନାହାରେ, ଇ କଃତା ତୁୟ୍‌ ଜାଣୁ ହାର୍ସି ।” 
\v 53 ଆର୍‌ ସେମଃନ୍ ସଃବୁଲକ୍‌ ଅଃହ୍‌ଣା ଅଃହ୍‌ଣାର୍‌ ଗଃରେ ଗଃଲାୟ୍‌ ।
\c 8
\s ଦାରି ମାୟ୍‌ଜି
\p
\v 1 ତାର୍‌ହଃଚେ ଜିସୁ ଜିତ୍‌ ଡଙ୍ଗ୍ରେ ଗଃଲା । 
\v 2 ତାର୍‌ ଆର୍‌କ ଦିନ୍ ସଃକାଳ୍ୟା ଜିସୁ ମନ୍ଦିର୍‌କେ ବାଉଳି ଆୟ୍‌ଲା, ଆର୍‌ ସେତି ସଃବୁ ଲକ୍‌ମଃନ୍ ରୁଣ୍ଡ୍‌ଲାକ୍‌, ସେ ବଃସି ସେମଃନ୍‌କେ ସିକ୍ୟା ଦେଉଁକ୍‌ ମୁଳ୍ୟାୟ୍‌ଲା । 
\v 3 ଆର୍‌ ଦଃର୍ମ୍‌ଗୁରୁ ଆର୍‌ ପାରୁସିମଃନ୍ ଦାରି କାମେ ଦଃରା ହଃଳ୍‌ଲା ଗଟେକ୍‌ ମାୟ୍‌ଜିକେ ଦଃରି ଆଣ୍‌ଲାୟ୍‌ ଆର୍‌ ସଃବୁ ଲକାର୍‌ ମଃଜାୟ୍‌ ଟିଆ କଃରି ଜିସୁକେ ହଃଚାର୍ଲାୟ୍‌, 
\v 4 “ଏ ଗୁରୁ, ଇ ମାୟ୍‌ଜି ଦାରିକାମ୍‌ କଃର୍ତା ବଃଳ୍‌ ଦଃରା ହଃଳି ଆଚେ । 
\v 5 ଅଃନ୍‌କା ମାୟ୍‌ଜିମଃନ୍‌କେ ଟେଳା ସୁତ୍ରି ମାରୁକ୍‌ ମସା ଅଃମିକ୍‌ ବିଦି ତଃୟ୍‌ ଆଡର୍‌ ଦଃୟ୍‌ଆଚେ । ତଃବେ ତୁୟ୍‌ ଇ ବିସୟେ କାୟ୍‌ ବଃଲୁଲିସ୍‌ ?” 
\v 6 ସେମଃନ୍ ଜିସୁକେ ହାନ୍ଦେ ହଃକାୟ୍‌ ଦଃସ୍‌ ଲାଦୁକ୍‌ ଇ କଃତା ହଃଚାରି ରିଲାୟ୍‌, ମଃତର୍‌ ଜିସୁ ମୁଆଁର୍‌ ହାଣି ଆଦ୍‌କଃରି ଆଙ୍ଗଟି ସଃଙ୍ଗ୍ ବୁୟେଁ ଲେକୁକ୍‌ ଦଃର୍ଲା ।
\p
\v 7 ସେମଃନ୍ ଜିସୁକେ ଆରେକ୍‌ ହଃଚାର୍ଲାକ୍‌, ଜିସୁ ମୁଣ୍ଡ୍ ଟେକି ସେମଃନ୍‌କେ କୟ୍‌ଲା, “ତୁମାର୍‌ ବିତ୍ରେ ଜେ କଃବେ କାୟ୍‌ ହାହ୍‌ ନଃକେରେ, ସେ ଆସି ତାକ୍‌ ହଃର୍ତୁ ଟେଳା ମାର ।” 
\v 8 ଇରି କୟ୍‌ ଜିସୁ ଆରେକ୍‌ ଗଟ୍‌ତର୍‌ ମୁଆଁର୍‌ ହାଣି ଆଦ୍‌କଃରି ବୁୟେଁ ଲେକୁକ୍‌ ଦଃର୍ଲା । 
\v 9 ଜିସୁର୍‌ କଃତା ସୁଣି ସେମଃନ୍ ବଃଡ୍ ତଃୟ୍‌ହୁଣି ଆରୁମ୍‌ କଃରି ସାନ୍ ହଃତେକ୍‌ ଗଟେକ୍‌ ହଃଚେ ଗଟେକ୍‌ କଃରି ସଃବୁ ହଃଳାୟ୍‌ଲାୟ୍‌ । ଆରେକ୍‌ ଜିସୁ ଆର୍‌ ସେ ମାୟ୍‌ଜି ହଃକା ସେତି ଟିଆ ଅୟ୍‌ରିଲାୟ୍‌ । 
\v 10 ଆରେକ୍‌ ଜିସୁ ମୁଣ୍ଡ୍ ଟେକି ମାୟ୍‌ଜିକେ ହଃଚାର୍ଲା, “ସେମଃନ୍ କଃୟ୍‌ ? ତକ୍‌ ଦସି କଃରି ଡଃଣ୍ଡ୍‌ ଦେଉଁକ୍‌ କାୟ୍‌ ଗଟେକ୍‌ ଲକ୍‌ହେଁ ନଃରିଲାୟ୍‌ ?”
\p
\v 11 ସେ କୟ୍‌ଲି, “ନାୟ୍‌ ମାପ୍ରୁ, କେ ହେଁ ନାୟ୍‌ ।”
\p ସେତାକ୍‌ ଜିସୁ କୟ୍‌ଲା, “ମୁୟ୍‌ ହେଁ ତକ୍‌ ଦସି ବଃଲି ନଃକୟ୍‌ଁ । ଜାଆ, ମଃତର୍‌ ଆରେକ୍‌ ହାହ୍‌ କଃର୍‌ ନାୟ୍‌ ।”\f + \fr ୮:୧୧ \fr*\ft କଃତେକ୍‌ ହଃର୍ନା ଆତ୍‌ ଲେକାୟ୍‌ ଜହନ୍‌ ୮:୧-୧୧ ହଃଦ୍‌ ନାୟ୍‌\ft*\f*
\s ଜିସୁ ଜଃଗତାର୍‌ ଉଜାଳ୍‌
\p
\v 12 \x + \xo ୮:୧୨ \xo*\xt ମାତି ୫:୧୪; ଜହ ୯:୫.\xt*\x*ଜିସୁ ଆରେକ୍‌ ଲକ୍‌ମଃନ୍‌କେ କୟ୍‌ଲା, “ମୁୟ୍‌ ଜଃଗତାର୍‌ ଉଜାଳ୍‌, ଜେ ମର୍‌ ହଃଚେ ହଃଚେ ଆସେଦ୍‌, ସେ ଜିବନାର୍‌ ଉଜାଳ୍‌ ହାୟ୍‌ଦ୍‌, ଆର୍‌ ସେ କଃବେ ହେଁ ଅଃନ୍ଦାରେ ନିଣ୍ଡେ ।”
\p
\v 13 \x + \xo ୮:୧୩ \xo*\xt ଜହ ୫:୩୧.\xt*\x*ସେତାକ୍‌ ପାରୁସିମଃନ୍ ତାକ୍‌ କୟ୍‌ଲାୟ୍‌, “ଅଃବେ ତୁୟ୍‌ ନିଜେ ନିଜାର୍‌ ବିସୟେ ସାକି ଦେଉଁଲିସ୍‌, ସେତାକ୍‌ ତର୍‌ ସାକି ସଃତ୍‌ ନାୟ୍‌ ।”
\p
\v 14 ଜିସୁ ସେମଃନ୍‌କେ କୟ୍‌ଲା, “ନାୟ୍‌, ମୁୟ୍‌ ନିଜାର୍‌ ଗିନେ ସାକି ଦିଲେକ୍‌ ହେଁ, ମୁୟ୍‌ ଜାୟ୍‌ରି କଃଉଁଲେ ସେରି ସଃତ୍‌, କାୟ୍‌ତାକ୍‌ବଃଲେକ୍‌ ମୁୟ୍‌ କୁୟ୍‌ତି ହୁଣି ଆସି ଆଚି ଆର୍‌ କୁୟ୍‌ତି ଜଃଉଁଲେ, ସେରି ମୁୟ୍‌ ଜାଣି ଆଚି, ମଃତର୍‌ ମୁୟ୍‌ କୁୟ୍‌ତି ହୁଣି ଆସି ଆଚି ଆର୍‌ କୁୟ୍‌ତି ଜଃଉଁଲେ, ତୁମି ସେରି ନଃଜାଣାସ୍‌ । 
\v 15 ତୁମିମଃନ୍ ମାନାୟ୍‌ ଇସାବେ ବିଚାର୍‌ କଃରାସ୍‌, ମଃତର୍‌ ମୁୟ୍‌ କାର୍‌ ବିଚାର୍‌ ନଃକେରି । 
\v 16 ମଃତର୍‌ ମୁୟ୍‌ ଜଦି ବିଚାର୍‌ କଃରିନ୍ଦ୍‌, ତଃବେ ହେଁ ମର୍‌ ବିଚାର୍‌ ସଃତ୍ୟା, ବଃଲେକ୍‌ ମୁୟ୍‌ ଏକ୍ଲା ଇ କାମ୍‌ ନଃକେରି, ମଃତର୍‌ ମକ୍‌ ହଃଟାୟ୍‌ଲା ଉବା ମର୍‌ ସଃଙ୍ଗ୍ ଆଚେ । 
\v 17 ତୁମାର୍‌ ବିଦି ସାସ୍ତରେ ଲେକା ଆଚେ, ‘ଦୁୟ୍‌ ଲକାର୍‌ ସାକି ସଃମାନ୍ ଅୟ୍‌ଲେକ୍‌, ସେମଃନ୍ ଜାୟ୍‌ରି କଃଉଁଲାୟ୍‌ ସେରି ସଃତ୍‌ ।’ 
\v 18 ମୁୟ୍‌ ନିଜାର୍‌ ଗିନେ ସାକି ଦେଉଁଲେ, ଆର୍‌ ମକ୍‌ ହଃଟାୟ୍‌ଲା ଉବା ହେଁ ମର୍‌ ଗିନେ ସାକି ଦେଉଁଲା ।”
\p
\v 19 ସେତାକ୍‌ ସେମଃନ୍ ଜିସୁକେ ହଃଚାର୍ଲାୟ୍‌, “ତର୍‌ ଉବାଦି କଃୟ୍‌ ?”
\p ଜିସୁ କୟ୍‌ଲା, “ତୁମିମଃନ୍ ମକ୍‌ କି ମର୍‌ ଉବାକ୍‌ ନଃଜାଣାସ୍‌, ମକେ ଜାଣ୍‌ଲେକ୍‌ ମର୍‌ ଉବାକ୍‌ ଜାଣ୍‌ଲାସ୍‌ ହୁଣି ।”
\p
\v 20 ଜିସୁ ମନ୍ଦିର୍‌ ବିତ୍ରେ ସିକ୍ୟା ଦେତାବଃଳ୍‌ ବଃଣ୍ଡାର୍‌ ବଃକ୍ରା ଚଃମେ ଇ ସଃବୁ କଃତା କୟ୍‌ ସିକ୍ୟା ଦେତିରିଲା, ମଃତର୍‌ ଜିସୁର୍‌ ବେଳ୍‌ ଆସି ନଃରିଲାକ୍‌ କେ ତାକ୍‌ ବାନ୍ଦୁକେ ନଃହାର୍‌ଲାୟ୍‌ ।
\s ଜିସୁ ତାର୍‌ ବାଉଳି ଜାତା ବିସୟେ ବାବ୍‌ବାଣି କୟ୍‌ଲା
\p
\v 21 ଜିସୁ ଆରେକ୍‌ ସେମଃନ୍‌କେ କୟ୍‌ଲା, “ମୁୟ୍‌ ଜଃଉଁଲେ, ଆର୍‌ ତୁମିମଃନ୍ ମକ୍‌ ଲଳାସ୍‌, ମଃତର୍‌ ତୁମିମଃନ୍ ନିଜାର୍‌ ନିଜାର୍‌ ହାହେ ମଃରାସ୍‌ । ମୁୟ୍‌ ଜୁୟ୍‌ତି ଜଃଉଁଲେ, ସେତି ତୁମିମଃନ୍ ଜଃଉଁ ନାହାରାସ୍‌ ।”
\p
\v 22 ସେତାକ୍‌ ଜିଉଦି ବଃଡ୍ ଲକ୍‌ମଃନ୍ କଃଉଆକଇ ଅଃଉଁକେ ଦଃର୍ଲାୟ୍‌, “ସେ କଃଉଁଲା, ‘ସେ ଜୁୟ୍‌ତି ଜାୟ୍‌ଦ୍‌, ସେତି ଅଃମିମଃନ୍‌ ଜଃଉଁ ନଃହାରୁ,’ ସେ କାୟ୍‌ ଉଚ୍‌କି ଅୟ୍‌ ମଃରୁକ୍‌ ଜଃଉଁଲା ?”
\p
\v 23 ସେତାକ୍‌ ଜିସୁ ସେମଃନ୍‌କେ କୟ୍‌ଲା, “ତୁମିମଃନ୍ ଇ ଜଃଗତେ ହୁଣି ଜାତ୍‌, ମଃତର୍‌ ମୁୟ୍‌ ସଃର୍ଗେ ହୁଣି ଆୟ୍‌ଲେ ଆଚି । ତୁମିମଃନ୍ ଇ ଜଃଗତାର୍‌, ମଃତର୍‌ ମୁୟ୍‌ ଇ ଜଃଗତାର୍‌ ନାୟ୍‌ । 
\v 24 ସେତାକ୍‌ ମୁୟ୍‌ କଃଉଁଲେ, ତୁମିମଃନ୍ ନିଜାର୍‌ ନିଜାର୍‌ ହାହେ ମଃରାସ୍‌ । ମୁୟ୍‌ ଇରି ତୁମିକେ କୟ୍‌ଲେ, ବଃଲେକ୍‌ ମୁୟ୍‌ ଜେ, ମୁୟ୍‌ ସେ ମାନାୟ୍‌, ଇରି ତୁମିମଃନ୍ ବିସ୍ୱାସ୍‌ ନଃକେଲେକ୍‌, ନିଜାର୍‌ ନିଜାର୍‌ ହାହେ ମଃରାସ୍‌ ।”
\p
\v 25 ସେତାକ୍‌ ସେମଃନ୍ ତାକ୍‌ ହଃଚାର୍ଲାୟ୍‌, “ତୁୟ୍‌ କେ ?”
\p ଜିସୁ ସେମଃନ୍‌କେ କୟ୍‌ଲା, “ସେ କଃତା ମୁୟ୍‌ ଆରୁମେ ହୁଣି କୟ୍‌ ଆସୁଲେ । 
\v 26 ତୁମିମଃନାର୍‌ କଃତା କଃଉଁକେ ଆର୍‌ ତୁମିମଃନ୍‌କେ ବିଚାର୍‌ କଃରୁକେ ମର୍‌ ଗାଦେକ୍‌ କଃତା ଆଚେ । ମଃତର୍‌ ମକେ ଜେ ହଃଟାୟ୍‌ଲା ଆଚେ, ସେ ସଃତ୍‌, ତାର୍‌ ତଃୟ୍‌ହୁଣି ଜାୟ୍‌ରି ସୁଣି ଆଚି, ସେରି ଜଃଗତ୍‌କେ ଜାଣାଉଁଲେ ।”
\p
\v 27 ଜିସୁ ତାର୍‌ ଉବାସିର୍‌ କଃତା କଃଉଁଲା, ଇରି ସେମଃନ୍ ବୁଜୁ ନଃହାୟ୍‌ଲାୟ୍‌ । 
\v 28 ସେତାକ୍‌ ଜିସୁ ସେମଃନ୍‌କେ କୟ୍‌ଲା, “ଜଃଡେବଃଳ୍‌ ତୁମିମଃନ୍ ନଃରାର୍‌ ହୟ୍‌ସିକ୍‌ ଉହ୍ରେ ଉଟା ଅୟ୍‌ଦ୍‌, ସଃଡେବଃଳ୍‌ ମୁୟ୍‌ ଜେ, ମୁୟ୍‌ ସେ ମାନାୟ୍‌; ଆର୍‌ ମୁୟ୍‌ ନିଜାର୍‌ ଅଃଦିକାରେ କାୟ୍‌ରି ହେଁ ନଃକେରି, ମଃତର୍‌ ଉବା ମକ୍‌ ଜଃନ୍‌କଃରି ସିକ୍ୟା ଦଃୟ୍‌ଆଚେ, ସେନ୍‌କଃରି ଇସଃବୁ କଃତା ଜେ କଃଉଁଲେ, ଇରି ତୁମିମଃନ୍ ବୁଜୁ ହାରାସ୍‌ । 
\v 29 ଜେ ମକ୍‌ ହଃଟାୟ୍‌ ଆଚେ, ସେ ମର୍‌ ସଃଙ୍ଗ୍ ଆଚେ, ସେ ମକ୍‌ ଏକ୍ଲାକେ କଃବେ ନଃଚାଡେ, କାୟ୍‌ତାକ୍‌ବଃଲେକ୍‌ ତାର୍‌ ଜାୟ୍‌ରି ମଃନ୍, ମୁୟ୍‌ ସେରି କଃରୁଲେ ।”
\p
\v 30 ଜିସୁର୍‌ ଇ କଃତା ସଃବୁ ସୁଣି ଗାଦେକ୍‌ ଲକ୍‌ ତାର୍‌ ତଃୟ୍‌ ବିସ୍ୱାସ୍‌ କଃଲାୟ୍‌ ।
\s ସଃତ୍‌ ତୁମିମଃନ୍‌କେ ମୁକ୍ଳାୟ୍‌ଦ୍‌
\p
\v 31 ବଃଲେକ୍‌ ତାକ୍‌ ବିସ୍ୱାସ୍‌ କଃର୍ତା ଜିଉଦିମଃନ୍‌କେ ଜିସୁ କୟ୍‌ଲା, “ଜଦି ମର୍‌ କଃତା ମାନି ତିର୍‌ ଅୟ୍‌ରିଆସ୍‌, ତଃବେ ତୁମି ନିଜ୍‌କଃରି ମର୍‌ ଚେଲା ଅଃଉଆସ୍‌ । 
\v 32 ତୁମିମଃନ୍ ସଃତ୍‌ ଜାଣାସ୍‌, ଆର୍‌ ସେ ସଃତ୍‌ ତୁମିମଃନ୍‌କେ ମୁକ୍ଳାୟ୍‌ଦ୍‌ ।”
\p
\v 33 \x + \xo ୮:୩୩ \xo*\xt ମାତି ୩:୯; ଲୁକ ୩:୮.\xt*\x*ଜିଉଦିମଃନ୍ କୟ୍‌ଲାୟ୍‌, “ଅଃମି ଅବ୍ରାହାମାର୍‌ ବଃଉଁସ୍‌, ଅଃମି କଃବେ କାର୍‌ ଗତିଦଃଙ୍ଗ୍‌ଳା ଅୟ୍‌ ସେବା ନଃକେରୁ, ତଃବେ ତୁମିମଃନ୍ ମୁକ୍ଳାସ୍‌ ବଃଲି କଃନ୍‌କଃରି କଃଉଁଲିସ୍‌ ? ଇ କଃତାର୍‌ ଅଃର୍ତ୍‌ କାୟ୍‌ରି ?”
\p
\v 34 ଜିସୁ ସେମଃନ୍‌କେ କୟ୍‌ଲା, “ମୁୟ୍‌ ସଃତ୍‌ କଃଉଁଲେ, ଜୁୟ୍‌ ଲକ୍‌ମଃନ୍ ହାହ୍‌ କଃର୍ତି, ସେ ହାହାର୍‌ ଗତିଦଃଙ୍ଗ୍‌ଳା । 
\v 35 ଗତିଦଃଙ୍ଗ୍‌ଳା ସଃବୁବଃଳ୍‌ ଗଃର୍‌ କୁଟୁମାର୍‌ ଲକ୍‌ ଅୟ୍‌ ନଃରେୟ୍‌, ମଃତର୍‌ ହଅ ସଃବୁ ଦିନ୍‌ ଗଃରାର୍‌ ଲକ୍‌ ଅୟ୍‌ ରଃୟ୍‌ଦ୍‌ । 
\v 36 ବଃଲେକ୍‌ ହଅ ଜଦି ତୁମିମଃନ୍‌କେ ମୁକ୍ଳାୟ୍‌ଦ୍‌, ତଃବେ ତୁମିମଃନ୍ ନିଜ୍‌କଃରି ମୁକ୍ଳାସ୍‌ । 
\v 37 ତୁମିମଃନ୍ ଅବ୍ରାହାମାର୍‌ ବଃଉଁସ୍‌ ଇରି ମୁୟ୍‌ ଜାଣି ଆଚି । ଅୟ୍‌ଲେକ୍‌ ହେଁ ତୁମିମଃନ୍ ମକେ ମାରୁକ୍‌ ମଃନ୍ ହାଚୁଲାସ୍‌, କାୟ୍‌ତାକ୍‌ବଃଲେକ୍‌ ତୁମିମଃନ୍ ମର୍‌ ସିକ୍ୟା ସୁଣି ମାନୁକ୍‌ ମଃନ୍ ନଃକେରୁଲାସ୍‌ । 
\v 38 ମର୍‌ ଉବାର୍‌ ଟାଣେ ଜାୟ୍‌ ଜାୟ୍‌ରି ଦଃକି ଆଚି, ସେରି ସଃବୁ କଃଉଁଲେ । ମଃତର୍‌ ତୁମାର୍‌ ଉବାଦି କୟ୍‌ଲା ହର୍‌ ତୁମିମଃନ୍ କାମ୍‌ କଃରୁଲାସ୍‌ ।”
\p
\v 39 ସେମଃନ୍ ତାକ୍‌ କୟ୍‌ଲାୟ୍‌, “ଅଃମାର୍‌ ଉବା ଅବ୍ରାହାମ୍‌ ।”
\p ଜିସୁ ସେମଃନ୍‌କେ କୟ୍‌ଲା, “ତୁମିମଃନ୍ ଜଦି ନିଜ୍‌କଃରି ଅବ୍ରାହାମାର୍‌ ହୟ୍‌ସି ଅୟ୍‌ରିଲାସ୍‌ ହୁଣି, ତଃବେ ଅବ୍ରାହାମ୍‌ କଃଲା କାମ୍‌ ସଃବୁ କଃଲାସ୍‌ ହୁଣି । 
\v 40 ଇସ୍ୱର୍‌ ତଃୟ୍‌ହୁଣି ସୁଣ୍‌ଲା ସଃତ୍‌କେ ଚାଡି, ମୁୟ୍‌ ଆରେକ୍‌ କାୟ୍‌ରି ନଃକୟ୍‌ଁ, ଅୟ୍‌ଲେକ୍‌ ହେଁ ତୁମିମଃନ୍ ମକେ ମଃର୍ନେ ମାରୁକ୍‌ ଚେସ୍ଟା କଃରୁଲାସ୍‌, ଅବ୍ରାହାମ୍‌ ଇବାନ୍ୟା କାମ୍‌ କଃରି ନଃରିଲା । 
\v 41 ତୁମିମଃନ୍ ତୁମାର୍‌ ଉବାଦିର୍‌ କାମ୍‌ କଃରୁଲାସ୍‌ ।”
\p ସେମଃନ୍ ତାକ୍‌ କୟ୍‌ଲାୟ୍‌, “ଅଃମିମଃନ୍‌ ଦାରି ମାୟ୍‌ଜିର୍‌ ହିଲା ନାୟ୍‌; ଇସ୍ୱର୍‌ ହଃକା ଅଃମାର୍‌ ଉବା, ଆର୍‌ ଅଃମିମଃନ୍‌ ସଃତ୍‌କଃରି ତାର୍‌ ହଅ ।”
\p
\v 42 ଜିସୁ ସେମଃନ୍‌କେ କୟ୍‌ଲା, “ଇସ୍ୱର୍‌ ଜଦି ନିଜ୍‌କଃରି ତୁମାର୍‌ ଉବାଦି ଅୟ୍‌ରିଲେକ୍‌ ତୁମିମଃନ୍ ମକ୍‌ ଲାଡ୍‌ କଃଲାସ୍‌ ହୁଣି, ବଃଲେକ୍‌ ମୁୟ୍‌ ଇସ୍ୱର୍‌ ତଃୟ୍‌ହୁଣି ଆସି ଅଃବେ ଇତି ଆଚି, ମୁୟ୍‌ ମର୍‌ ଅଃଦିକାରେ ନାସି, ମଃତର୍‌ ଇସ୍ୱର୍‌ ମକେ ହଃଟାୟ୍‌ ଆଚେ । 
\v 43 ମୁୟ୍‌ ଜାୟ୍‌ରି କଃଉଁଲେ, ତୁମିମଃନ୍ କାୟ୍‌ତାକ୍‌ ବୁଜୁ ନଃହାରୁଲାସ୍‌ ? କାୟ୍‌ତାକ୍‌ବଃଲେକ୍‌ ତୁମିମଃନ୍ ମର୍‌ ସିକ୍ୟା ସୁଣି ସଃମ୍ବାଳୁ ନଃହାରୁଲାସ୍‌ । 
\v 44 ତୁମାର୍‌ ଉବାଦି ସୟ୍‌ତାନ୍‌, ତାର୍‌ ଇଚା ହଃର୍କାରେ ତାର୍‌ କାମ୍‌ କଃରୁକେ ତୁମାର୍‌ ମଃନ୍; ରାଜି ଉବୁଜ୍‌ଲା ଦିନ୍ ହୁଣି ସେ ନଃର୍‌ ମାରୁ ରିଲା, ଆର୍‌ ସେ କଃବେ ସଃତ୍‌ ବାଟ୍ୟା ନଃରେୟ୍‌, କାୟ୍‌ତାକ୍‌ବଃଲେକ୍‌ ତାର୍‌ ତଃୟ୍‌ ସଃତ୍‌ ନାୟ୍‌, ଜଃଡେବଃଳ୍‌ ସେ ମିଚ୍ କୟ୍‌ଦ୍‌, ସଃଡେବଃଳ୍‌ ସେ ନିଜାର୍‌ ତଃୟ୍‌ହୁଣି କୟ୍‌ଦ୍‌ । କାୟ୍‌ତାକ୍‌ବଃଲେକ୍‌ ସେ ମିଚ୍ ଆର୍‌ ସେ ସଃବୁ ମିଚୁଆମଃନାର୍‌ ଉବାସି । 
\v 45 ମଃତର୍‌ ମୁୟ୍‌ ସଃତ୍‌ କଃଉଁଲାକ୍‌ ତୁମିମଃନ୍ ମକ୍‌ ବିସ୍ୱାସ୍‌ ନଃକେରୁଲାସ୍‌ । 
\v 46 ମୁୟ୍‌ ହାହି ବଃଲି ତୁମାର୍‌ ବିତ୍ରେ କେ ମକ୍‌ ହଃର୍ମାଣ୍‌ ଦେଉଁ ହାରେ ? ମୁୟ୍‌ ଜଦି ସଃତ୍‌ କୟ୍‌ଦ୍‌ ତୁମିମଃନ୍ କାୟ୍‌ତାକ୍‌ ମକ୍‌ ବିସ୍ୱାସ୍‌ ନଃକେରୁଲାସ୍‌ ? 
\v 47 ଜେ ଇସ୍ୱରାର୍‌ ତଃୟ୍‌ହୁଣି ଜଃଲମ୍‌, ସେ ଇସ୍ୱରାର୍‌ କଃତା ସୁଣେଦ୍‌, ତୁମିମଃନ୍ ଇସ୍ୱର୍‌ ତଃୟ୍‌ହୁଣି ଜଃଲମ୍‌ ନଃଉଁଆସ୍‌, ସେତାକ୍‌ ମର୍‌ କଃତା ନଃସୁଣୁଲାସ୍‌ ।”
\s ଜିସୁ ଆର୍‌ ଅବ୍ରାହାମ୍‌
\p
\v 48 ଜିଉଦିମଃନ୍ ଜିସୁକେ କୟ୍‌ଲାୟ୍‌, “ତୁୟ୍‌ ଗଟେକ୍‌ ସମିରଣିୟ, ଆର୍‌ ତକ୍‌ ଜେ ବୁତ୍‌ ଡଃସି ଆଚେ, ଇରି କାୟ୍‌ ଅଃମିମଃନ୍‌ ଟିକ୍‌ ନଃକଉଁଲୁ ?”
\p
\v 49 ଜିସୁ ସେମଃନ୍‌କେ କୟ୍‌ଲା, “ନାୟ୍‌, ମକ୍‌ ବୁତ୍‌ ନଃଡେସେ, ମଃତର୍‌ ମୁୟ୍‌ ମର୍‌ ଉବାକ୍‌ ମାନ୍‌ତି କଃରୁଲେ, ମଃତର୍‌ ତୁମିମଃନ୍ ମକ୍‌ ନଃମାନୁଲାସ୍‌ । 
\v 50 ମଃତର୍‌ ମୁୟ୍‌ ନିଜେ ନିଜ୍‌କେ ଜଃଜ୍‌ମାନ୍ କଃରୁକେ ମଃନ୍ ନଃକେରି, ମଃତର୍‌ ଇ କଃତା ମର୍‌ ଗିନେ ଆରେକ୍‌ ଗଟ୍‌ଲକ୍‌ ମଃନ୍ କଃରୁଲା, ଆର୍‌ ସେ ମର୍‌ ହାକ୍‌ ଅୟ୍‌ ବିଚାର୍‌ କଃରେଦ୍‌ । 
\v 51 ମୁୟ୍‌ ସଃତ୍‌ କଃଉଁଲେ, ଜେ ମର୍‌ ସିକ୍ୟା ମାନେଦ୍‌, ସେ କଃବେ ହେଁ ମଃର୍ନ୍‌ ନଃଦେକେ ।”
\p
\v 52 ଜିଉଦିମଃନ୍ ତାକ୍‌ କୟ୍‌ଲାୟ୍‌, “ଅଃବେ ଅଃମିମଃନ୍‌ ଟିକ୍‌ ଜାଣ୍‌ଲୁ ଜେ, ସଃତ୍‌କଃରି ତକ୍‌ ବୁତ୍‌ ଡଃସି ଆଚେ । ଅବ୍ରାହାମ୍‌ ଆର୍‌ ବାବ୍‌ବାଦିମଃନ୍ ସଃବୁ ମଃଲାୟ୍‌ ଆର୍‌ ତୁୟ୍‌ କଃଉଁଲିସ୍‌, ଜେ ତର୍‌ ସିକ୍ୟା ମାନେଦ୍‌ ସେ କଃବେ ହେଁ ମଃର୍ନାର୍‌ ଗଃନ୍ଦ୍ ନାହାୟ୍‌ । 
\v 53 ତୁୟ୍‌ କାୟ୍‌ ଅଃମାର୍‌ ଉବା ଅବ୍ରାହାମ୍‌ ହୁଣି ବଃଡ୍ ? ସେ ତ ମଃରି ଆଚେ, ବାବ୍‌ବାଦିମଃନ୍ ହେଁ ମଃଲାୟ୍‌ ଆଚ୍‌ତି, ତୁୟ୍‌ ନିଜ୍‌କେ କାୟ୍‌ ବଃଲି ମଃନେ କଃରୁଲିସ୍‌ ?”
\p
\v 54 ଜିସୁ ସେମଃନ୍‌କେ କୟ୍‌ଲା, “ମୁୟ୍‌ ଜଦି ନିଜ୍‌କେ ଜଃଜ୍‌ମାନ୍ କଃରୁଲେ, ତଃବେ ମର୍‌ ଜଃଜ୍‌ମାନାର୍‌ କାୟ୍‌ ମଲ୍‌ ନାୟ୍‌, ଜେ ମର୍‌ ଜଃଜ୍‌ମାନ୍ କଃରୁଲା, ସେ ମର୍‌ ଉବା, ଜାକେ ତୁମିମଃନ୍ ତୁମାର୍‌ ଇସ୍ୱର୍‌ ବଃଲି କଃଉଁଲାସ୍‌ । 
\v 55 ତୁମିମଃନ୍ କଃବେ ତାକ୍‌ ନଃଜାଣାସ୍‌, ମଃତର୍‌ ମୁୟ୍‌ ତାକ୍‌ ଜାଣି, ତାକ୍‌ ମୁୟ୍‌ ନଃଜାଣି ବଃଲି ଜଦି କୟ୍‌ଦ୍‌, ତଃବେ ତୁମାର୍‌ ହର୍‌ ମୁୟ୍‌ ହେଁ ଗଟେକ୍‌ ମିଚୁଆ ଅୟ୍‌ନ୍ଦ୍ । ମଃତର୍‌ ମୁୟ୍‌ ନିଜ୍‌କଃରି ତାକ୍‌ ଜାଣି ଆର୍‌ ତାର୍‌ କଃତା ମାନୁଲେ । 
\v 56 ତୁମିମଃନାର୍‌ ଉବାଦି ଅବ୍ରାହାମ୍‌ ମର୍‌ ଆସ୍ତା ଦିନ୍ ଦଃକିନ୍ଦ୍ ବଃଲି ଆସା କଃରି ବଃଡେ ସଃର୍ଦା ଅୟ୍‌ରିଲା । ସଃତ୍‌କଃରି ସେ ମକ୍‌ ଦଃକି ବଃଡେ ସଃର୍ଦା ଅୟ୍‌ରିଲା ।”
\p
\v 57 ସେତାକ୍‌ ଜିଉଦିମଃନ୍ ଜିସୁକେ କୟ୍‌ଲାୟ୍‌, “ତକ୍‌ ତ ଦୁୟ୍‌କଳି ଦଃସ୍‌ ବଃର୍ସ୍‌ ହେଁ ନାୟ୍‌, ତୁୟ୍‌ କାୟ୍‌ ଅବ୍ରାହାମ୍‌କେ ଦଃକି ଆଚ୍‌ସି ?”
\p
\v 58 ଜିସୁ ସେମଃନ୍‌କେ କୟ୍‌ଲା, “ମୁୟ୍‌ ସଃତ୍‌ କଃଉଁଲେ, ଅବ୍ରାହାମାର୍‌ ଜଃଲମ୍‌ ହୁର୍ବେ ମୁୟ୍‌ ଆଚି ।”
\p
\v 59 ସେତାକ୍‌ ଇରି ସୁଣି ସେମଃନ୍ ଜିସୁକେ ମାରୁକ୍‌ ଟେଳା ବେଟ୍‌ଲାୟ୍‌, ମଃତର୍‌ ଜିସୁ ସଃବୁ ଲକାର୍‌ ତଃୟ୍‌ହୁଣି ହିଟ୍‌କିକଃରି ମନ୍ଦିରେ ହୁଣି ବାରାୟ୍‌ ଗଃଲା ।
\c 9
\s ଜିସୁ ଗଟେକ୍‌ ଜଃଲମ୍‌ କାଣାକେ ଆକି ଡିସାୟ୍‌ଲା
\p
\v 1 ଗଟ୍‌ ଦିନ୍ ଜିସୁ ଜାତାବଃଳ୍‌ ବାଟେ ଗଟେକ୍‌ ଜଃଲମ୍‌ କାଣାକେ ଦଃକ୍‌ଲା । 
\v 2 ଚେଲାମଃନ୍ ଜିସୁକେ ହଃଚାର୍ଲାୟ୍‌, “ଏ ଗୁରୁ, କାର୍‌ ହାହ୍‌ ଗିନେ ଇ ଲକ୍‌ କାଣା ଅୟ୍‌ ଜଃଲମ୍‌ ଅୟ୍‌ଲା, ତାର୍‌ ନିଜାର୍‌ କି ତାର୍‌ ଆୟ୍‌ସି ଉବାସିର୍‌ ହାହାର୍‌ ଗିନେ ?”
\p
\v 3 ଜିସୁ କୟ୍‌ଲା, “ଏ କି ତାର୍‌ ଉବାସି ଆୟ୍‌ସି ହାହ୍‌ ନଃକେର୍ତି, ମଃତର୍‌ ଇସ୍ୱରାର୍‌ ସଃକ୍ତି ଜଃନ୍‌କଃରି ଆର୍‌ ତଃୟ୍‌ ଜାଣା ହଃଳେଦ୍‌, ଇତାର୍‌ ଗିନେ ସେ କାଣା ଅୟ୍‌ ଜଃଲମ୍‌ ଅୟ୍‌ଲା ଆଚେ । 
\v 4 ଦିନ୍ ବଃଳାର୍‌ ଉଜାଳ୍‌ ରେଉଁ ରେଉଁ ମର୍‌ ହଃଟାୟ୍‌ଲା ଉବାର୍‌ କାମ୍‌ ଅଃମିକ୍‌ କଃରୁକେ ହଃଳେଦ୍‌ । ରାତି ଆସୁଲି, ସଃଡେବଃଳ୍‌ କେ କାମ୍‌ କଃରୁ ନଃହାର୍‌ତି । 
\v 5 \x + \xo ୯:୫ \xo*\xt ମାତି ୫:୧୪; ଜହ ୮:୧୨.\xt*\x*ଇ ଜଃଗତେ ରେତା ହଃତେକ୍‌ ମୁୟ୍‌ ଜଃଗତାର୍‌ ଉଜାଳ୍‌ ।”
\p
\v 6 ଇରି କୟ୍‌ଲା ହଃଚେ, ଜିସୁ ମାଟାୟ୍‌ ଲାଳ୍‌ ତୁକି ସେ ଲାଳେ କଃଣ୍ଡେକ୍‌ କାଦ କଃଲା ଆର୍‌ ସେରି ନଃୟ୍‌ ସେ କାଣାର୍‌ ଦୁୟ୍‌ ଅଃକାୟ୍‌ ଲାଗାୟ୍‌ ତାକ୍‌ କୟ୍‌ଲା, 
\v 7 “ଜାଆ, ସିଲଅ ବଃନ୍ଦେ ମୁଉଁ ଦଃୟ୍‌ ଆଉ ।” ସିଲଅ ବଃଲେକ୍‌ ପେରିତ । ସେ ଲକ୍‌ ଜାୟ୍‌ ମୁଉଁ ଦୟ୍‌ଲା ଆର୍‌ ସେ ଦଃକୁକ୍‌ ହାର୍ଲା ଆର୍‌ ଗଃଲା ।
\p
\v 8 ସେତାକ୍‌ ହାକି ହଃଳ୍‌ସା ଆର୍‌ ଜୁୟ୍‌ ଲକ୍‌ମଃନ୍ ତାକ୍‌ ବିକ୍‌ ମାଗ୍‌ତାର୍‌ ଦଃକି ରିଲାୟ୍‌, ସେମଃନ୍ ହଃଚାର୍ଲାୟ୍‌, “ଇ ଲକ୍‌ କାୟ୍‌ ବଃସି ବିକ୍‌ ମାଗ୍‌ତି ନଃରିଲା ?”
\p
\v 9 କେ କେ କୟ୍‌ଲାୟ୍‌, “ଏ ତ ସେ,” ଆର୍‌ କେ କେ କୟ୍‌ଲାୟ୍‌, “ନାୟ୍‌, ସେ ନାୟ୍‌, ମଃତର୍‌ ତାର୍‌ ହର୍‌ ଡିସୁଲା ।”
\p ମଃତର୍‌ ସେ ଲକ୍‌ କୟ୍‌ଲା, “ମୁୟ୍‌ ହଃକା ସେ ।”
\p
\v 10 ସେତାକ୍‌ ଲକ୍‌ମଃନ୍ ତାକ୍‌ ହଃଚାର୍ଲାୟ୍‌, “ତଃବେ ତୁୟ୍‌ କଃନ୍‌କଃରି ଦଃକୁ ହାରୁଲିସ୍‌ ?”
\p
\v 11 ସେ କୟ୍‌ଲା, “ଜାକେ ଜିସୁ ବଃଲି କଃଉତି ସେ ଲକ୍‌ ମାଟାୟ୍‌ କାଦ ଚଃଟ୍‌କି ମର୍‌ ଜୁଳେକ୍‌ ଅଃକାୟ୍‌ ଲାଗାୟ୍‌ଲା, ଆର୍‌ ମକ୍‌ କୟ୍‌ଲା, ସିଲହକେ ଜାୟ୍‌ ମୁଉଁ ଦୟ୍‌ଅଃଉ; ସେତାକ୍‌ ମୁୟ୍‌ ଗଃଲେ ଆର୍‌ ମୁଉଁ ଦଃୟ୍‌ ଅୟ୍‌ଲେ, ଆର୍‌ ଆକି ଦଃକୁକ୍‌ ହାର୍ଲେ ।”
\p
\v 12 ସେମଃନ୍ ତାକ୍‌ ହଃଚାର୍ଲାୟ୍‌, “ସେ କଃୟ୍‌ ?”
\p ସେ ଲକ୍‌ କୟ୍‌ଲା, “ମୁୟ୍‌ ନଃଜାଣି ।”
\s ପାରୁସିମଃନ୍ ଇ ଗଃଟ୍‍ଣା ଲଳୁକ୍‌ ଦଃର୍ଲାୟ୍‌
\p
\v 13 ଆକି ଦଃକୁ ହାର୍ଲା ସେ ଜଃଲମ୍‌ କାଣାକେ ଲକ୍‌ମଃନ୍ ପାରୁସିମଃନାର୍‌ ଲଃଗେ ନିଲାୟ୍‌ । 
\v 14 ଜିସୁ ଜୁୟ୍‌ ଦିନ୍ କାଦ ଲାଗାୟ୍‌ ତାର୍‌ ଆକି ଦଃକାୟ୍‌ ରିଲା, ସେ ଦିନ୍ ବିସାଉଁଣିବାର୍‌ ରିଲି । 
\v 15 ତଃବେ ପାରୁସିମଃନ୍ ଆରେକ୍‌ ତାକ୍‌ ହଃଚାର୍ଲାୟ୍‌, “କଃନ୍‌କଃରି ସେ ଆକି ଦଃକୁକ୍‌ ହାର୍ଲା,” ସେତାକ୍‌ ସେ ସେମଃନ୍‌କେ କୟ୍‌ଲା, “ମର୍‌ ଆକି ଉହ୍ରେ ସେ କଃଣ୍ଡେକ୍‌ କାଦ ଲାଗାୟ୍‌ଲା, ମୁୟ୍‌ ଜାୟ୍‌ ଦଃୟ୍‌ ଆୟ୍‌ଲେ, ଆର୍‌ ମୁୟ୍‌ ଅଃବେ ଆକି ଦଃକୁ ହାରୁଲେ ।”
\p
\v 16 ସେତାକ୍‌ ପାରୁସିମଃନାର୍‌ ବିତ୍ରେ କେ କେ କୟ୍‌ଲାୟ୍‌, “ଜେ ଇ ଚିନ୍ କଃରି ଆଚେ, ସେ ଇସ୍ୱର୍‌ ତଃୟ୍‌ହୁଣି ନାସେ, ବଃଲେକ୍‌ ସେ ବିସାଉଁଣିବାର୍‌ ଦିନ୍ ମେଣ୍ଡୁଲା ।”
\p ଆର୍‌ କେ କେ କୟ୍‌ଲାୟ୍‌, “ଗଟେକ୍‌ ହାହି ଲକ୍‌ କଃନ୍‌କଃରି ଇରଃକମ୍‌ କାବା ଅଃଉତା କାମ୍‌ କଃରୁହାରେ ?” ଇ କଃତାର୍‌ ଗିନେ ତାକାର୍‌ ବିତ୍ରେ କଃତା ବିନ୍‌ବିନ୍‌ ଅୟ୍‌ଲି ।
\p
\v 17 ସେତାକ୍‌ ପାରୁସିମଃନ୍ ଆରେକ୍‌ ସେ ଲକ୍‌କେ ହଃଚାର୍ଲାୟ୍‌, “ଜେ ତକ୍‌ ଆକି ଦଃକାୟ୍‌ଲା ତାର୍‌ ବିସୟେ ତୁୟ୍‌ କାୟ୍‌ ବଃଲି କଃଉଁଲିସ୍‌ ?”
\p ସେ ଲକ୍‌ କୟ୍‌ଲା, “ସେ ଗଟେକ୍‌ ବାବ୍‌ବାଦି ।”
\p
\v 18 ମଃତର୍‌ ସେ ଜେ ଜଃଲମେ ହୁଣି କାଣା ରିଲା ଆର୍‌ ଆକି ଦଃକୁକ୍‌ ହାର୍ଲା ଇ କଃତା ତାର୍‌ ଉବାସି ଆୟ୍‌ସିକ୍‌ କୁଦି ନଃହେଚାର୍ତା ହଃତେକ୍‌ ଜିଉଦି ବଃଡ୍ ଲକ୍‌ମଃନ୍ ଇରି ସଃତ୍‌ ନଃକେଲାୟ୍‌ । 
\v 19 ସେତାକ୍‌ ସେମଃନ୍ ତାର୍‌ ଆୟ୍‌ସି ଉବାସିକ୍‌ ହଃଚାର୍ଲାୟ୍‌, “ତୁମାର୍‌ ଜୁୟ୍‌ ହଅ କାଣା ଅୟ୍‌ ଜଃଲମ୍‌ ଅୟ୍‌ ରିଲା ବଃଲୁଲାସ୍‌, ଏ କାୟ୍‌ ତୁମାର୍‌ ସେ ହଅ ? ତଃବେ ସେ ଅଃବେ କଃନ୍‌କଃରି ଦଃକୁ ହାରୁଲା ?”
\p
\v 20 ସେତାକ୍‌ ତାର୍‌ ଉବାସି ଆୟ୍‌ସି କୟ୍‌ଲାୟ୍‌, “ହେଁ, ଅଃମିମଃନ୍‌ ଜାଣୁ, ସେ ଅଃମାର୍‌ ହଅ, ସେ କାଣା ଅୟ୍‌ ଜଃଲମ୍‌ ଅୟ୍‌ରିଲା । 
\v 21 ମଃତର୍‌ ସେ କଃନ୍‌କଃରି ଅଃବେ ଦଃକୁ ହାରୁଲା ଆର୍‌ କେ ତାକ୍‌ ଆକି ଦଃକାୟ୍‌ଲା, ସେରି ଅଃମି ନଃଜାଣୁ, ତାକ୍‌ ହଃଚାରା, ସେ ତ ବେଣ୍ଡ୍ୟା ଅୟ୍‌ଲା ଆଚେ, ଆର୍‌ ତାର୍‌ କଃତା ସେ ନିଜେ କଃଉ ହାରେ ।” 
\v 22 ସେଲକାର୍‌ ଉବାସି ଆୟ୍‌ସି ଜିଉଦି ବଃଡ୍ ଲକ୍‌ମଃନ୍‌କେ ଡିରି କଃରି ଇସଃବୁ କଃତା କୟ୍‌ଲାୟ୍‌, କାୟ୍‌ତାକ୍‌ବଃଲେକ୍‌ ଜଦି କେ ଜିସୁକେ କ୍ରିସ୍ଟ ବଃଲି ମାନେଦ୍‌, ତଃବେ ତାକେ ଦଃଳେ ହୁଣି ବାର୍‌ କଃରା ଅୟ୍‌ଦ୍‌; ଇରି ଜିଉଦିମଃନ୍ ଆଗେ ଟିକ୍‌ କଃରି ରିଲାୟ୍‌ । 
\v 23 ସେତାକ୍‌ ତାର୍‌ ଉବାସି ଆୟ୍‌ସି କୟ୍‌ଲାୟ୍‌, “ତାର୍‌ ବଃୟ୍‌ସ୍‌ ଅୟ୍‌ଆଚେ ତାକ୍‌ ହଃଚାରା ।”
\p
\v 24 ସେତାକ୍‌ ସେମଃନ୍ ସେ ଜଃଲମ୍‌ କାଣାକେ ଆରେକ୍‌ ଗଟ୍‌ତର୍‌ କୁଦି କୟ୍‌ଲାୟ୍‌, “ଇସ୍ୱର୍‌କେ ଜଃଜ୍‌ମାନ୍‌ କଃରୁଲିସ୍‌ ତାର୍‌ ଚଃମେ ସଃୟ୍‌ତ୍‌ କଃରି କଃଉ, ଅଃମି ଜାଣୁ ଜୁୟ୍‌ ଲକ୍‌ ତକ୍‌ ଆକି ଦଃକାୟ୍‌ଲା ସେ ଗଟେକ୍‌ ହାହି ।”
\p
\v 25 ସେ ଲକ୍‌ କୟ୍‌ଲା, “ସେ ହାହି କି ନାୟ୍‌ ମୁୟ୍‌ ନଃଜାଣି, ଗଟେକ୍‌ କଃତା ହଃକା ଜାଣି, ମୁୟ୍‌ କାଣା ରିଲେ ଅଃବେ ଦଃକୁ ହାରୁଲେ ।”
\p
\v 26 ସେତାକ୍‌ ସେମଃନ୍ ତାକ୍‌ ହଃଚାର୍ଲାୟ୍‌, “ତକ୍‌ ସେ କାୟ୍‌ କଃଲା, କଃନ୍‌କଃରି ସେ ତର୍‌ ଆକି ମେଲା କଃଲା ?”
\p
\v 27 ସେଲକ୍‌ ସେମଃନ୍‌କେ କୟ୍‌ଲା, “ମୁୟ୍‌ କୟ୍‌ ସଃର୍ଲେନି, ମଃତର୍‌ ତୁମିମଃନ୍ ସେ କଃତା ସୁଣୁକ୍‌ ମଃନ୍ ନଃକେଲାସ୍‌, ଆରେକ୍‌ ଗଟ୍‌ତର୍‌ ସୁଣୁକ୍‌ କାୟ୍‌ତାକ୍‌ ମଃନ୍ କଃରୁଲାସ୍‌ ? ତୁମି ହେଁ କାୟ୍‌ ତାର୍‌ ଚେଲା ଅଃଉଁକେ ମଃନ୍ କଃରୁଲାସ୍‌ ?”
\p
\v 28 ସେତାକ୍‌ ସେମଃନ୍ ତାକ୍‌ ସାୟ୍‌ପ୍‌ ଦଃୟ୍‌ କୟ୍‌ଲାୟ୍‌, “ତୁୟ୍‌ ସିନା ତାର୍‌ ଚେଲା, ଅଃମି ମସାର୍‌ ଚେଲା । 
\v 29 ଅଃମି ଜାଣିଆଚୁ ଇସ୍ୱର୍‌ ମସାର୍‌ ସଃଙ୍ଗ୍ କଃତାବାର୍ତା କଃରି ରିଲା, ମଃତର୍‌ ସେ ଲକ୍‌ କୁୟ୍‌ତି ହୁଣି ଆସି ଆଚେ, ସେରି ହେଁ ଅଃମି ନଃଜାଣୁ ।”
\p
\v 30 ସେ ମାନାୟ୍‌ କୟ୍‌ଲା, “ଇରି ବଃଡେ କାବା ଅଃଉତା କାତା, ସେ ମକ୍‌ ଆକି ଦଃକାୟ୍‌ଲା, ଅୟ୍‌ଲେକ୍‌ ହେଁ ସେ କୁୟ୍‌ତି ହୁଣି ଆସି ଆଚେ ତୁମିମଃନ୍ ଇରି ନଃଜାଣାସ୍‌ । 
\v 31 ଅଃମି ଜାଣୁ ଇସ୍ୱର୍‌ ହାହିମଃନାର୍‌ କଃତା ନଃସୁଣେ, ମଃତର୍‌ ଜଦି କେ ଇସ୍ୱର୍‌କେ ସେବା କଃରେଦ୍‌ ଆର୍‌ ତାର୍‌ ଇଚା ସାଦୁନ୍‌ କଃରେଦ୍‌, ତାର୍‌ କଃତା ହଃକା ଇସ୍ୱର୍‌ ସୁଣେଦ୍‌ । 
\v 32 ଜଃଗତାର୍‌ ଉବ୍‌ଜାଣ୍‌ ଅୟ୍‌ଲା ହୁର୍ବେ ହୁଣି କଃବେ ହେଁ ଜଃଲମ୍‌ କାଣାକେ ଆକି ଦଃକାୟ୍‌ଲାର୍‌ ସୁଣା ଜାୟ୍‌ ନଃରିଲି । 
\v 33 ଏ ଇସ୍ୱର୍‌ ତଃୟ୍‌ହୁଣି ଆସି ନଃରିଲେକ୍‌, ସେ କଃବେ ଇ କାମ୍‌ କଃରୁ ନାହାର୍ଲା ହୁଣି ।”
\p
\v 34 ସେମଃନ୍ ତାକ୍‌ କୟ୍‌ଲାୟ୍‌, “ତୁୟ୍‌ ତ ହୁରା ହାହେ ଜଃଲମ୍‌ ଅୟ୍‌ ହାହେ ବାଡି ଆଚ୍‌ସି, ଆର୍‌ ତୁୟ୍‌ ଅଃମିକ୍‌ ସିକ୍ୟା ଦେଉଁଲିସ୍‌ ?” ଇରି କୟ୍‌ ସେମଃନ୍ ତାକ୍‌ ପାର୍ତ୍‌ନା ଗଃରେ ହୁଣି ବାର କଃଲାୟ୍‌ ।
\s ଆତ୍ମାୟ୍‌ କାଣା
\p
\v 35 ଜିଉଦି ବଃଡ୍ ଲକ୍‌ମଃନ୍ ତାକ୍‌ ପାର୍ତ୍‌ନା ଗଃରେ ହୁଣି ବାର କଃରି ଆଚ୍‌ତି, ଜିସୁ ଇରି ସୁଣି ଆରେକ୍‌ ଗଟ୍‌ତର୍‌ ସେ ଲକ୍‌କେ ବେଟ୍‌ ହାୟ୍‌ ତାକ୍‌ ହଃଚାର୍ଲା, “ତୁୟ୍‌ କାୟ୍‌ ନଃରାର୍‌ ହୟ୍‌ସିକ୍‌ ବିସ୍ୱାସ୍‌ କଃରୁଲିସ୍‌ ?”
\p
\v 36 ସେ କୟ୍‌ଲା, “ଏ ମାପ୍ରୁ, ସେ କେ ମକ୍‌ କଃଉ, ଜଃନ୍‌କଃରି ମୁୟ୍‌ ତାକ୍‌ ବିସ୍ୱାସ୍‌ କଃରିନ୍ଦ୍‌ ।”
\p
\v 37 ଜିସୁ ତାକ୍‌ କୟ୍‌ଲା, “ତୁୟ୍‌ ତାକ୍‌ ଦଃକି ଆଚ୍‌ସି, ତର୍‌ ସଃଙ୍ଗ୍ ଅଃବେ ଜେ କଃତା କଃଉଁଲା, ସେ ହଃକା ସେ ଲକ୍‌ ।”
\p
\v 38 ସେତାକ୍‌ ସେ କୟ୍‌ଲା, “ମାପ୍ରୁ ମୁୟ୍‌ ବିସ୍ୱାସ୍‌ କଃରୁଲେ ।” ଆର୍‌ ସେ ଇରି କୟ୍‌ ଜିସୁର୍‌ ହାଦେ ଡୁଳି ଜୁଆର୍‌ କଃଲା ।
\p
\v 39 ଆରେକ୍‌ ଜିସୁ କୟ୍‌ଲା, “ନଃଦେକ୍‌ତା ଲକ୍‌ ଜଃନ୍‌କଃରି ଦଃକ୍‌ତି ଆର୍‌ ଦଃକ୍‌ତା ଲକ୍‌ ଜଃନ୍‌କଃରି କାଣା ଅଃଉତି, ମାନାୟ୍‌ ମଃନାର୍‌ ଇ ବିଚାର୍‌ ଗିନେ ମୁୟ୍‌ ଜଃଗତ୍‌କେ ଆସିଆଚି ।”
\p
\v 40 ସେତି ରିଲା କଃତେକ୍‌ ପାରୁସିମଃନ୍ ଇ କଃତା ସୁଣି ତାକ୍‌ କୟ୍‌ଲାୟ୍‌, “ଅଃମି ହେଁ କାୟ୍‌ କାଣା ?”
\p
\v 41 ଜିସୁ ସେମଃନ୍‌କେ କୟ୍‌ଲା, “କାଣା ଅୟ୍‌ରିଲେକ୍‌ ତୁମିମଃନ୍ ହାହି ନୟ୍‌ଲାସ୍‌ ହୁଣି । ମଃତର୍‌ ଦଃକୁ ହାରୁଲାସ୍‌ ବଃଲି କଃଉଁଲାସ୍‌, ସେତାକ୍‌ ତୁମିମଃନ୍ ଅଃଦିକ୍‌ ଦସି ।”
\c 10
\s ମେଣ୍ଡା ମଃନ୍ଦା ଆର୍‌ ମେଣ୍ଡା ଗଃଉଳିଆର୍‌ କଃତା
\p
\v 1 ଜିସୁ କୟ୍‌ଲା, “ମୁୟ୍‌ ସଃତ୍‌ କଃଉଁଲେ, ଜୁୟ୍‌ ଲକ୍‌ ଦୁଆର୍‌ ବାଟ୍‌ ଅୟ୍‌ ମେଣ୍ଡା ସାଳେ ନଃହୁରି, ବିନ୍ ବାଟ୍‌ କଃତି ଡଃଗାୟ୍‌ ହୁରେଦ୍‌, ସେ ଚର୍‌ ଆର୍‌ କଃଙ୍ଗାର୍‌ । 
\v 2 ମଃତର୍‌ ଜେ ଦୁଆର୍‌ ବାଟ୍‌ ଅୟ୍‌ ହୁରେଦ୍‌, ସେ ମେଣ୍ଡା ମଃନ୍ଦାର୍‌ ଗଃଉଳିଆ । 
\v 3 ଜାଗୁଆଳି ତାର୍‌ ଗିନେ ଦୁଆର୍‌ ଉଗାଳି ଦଃୟ୍‌ଦ୍‌, ଆର୍‌ ସେ ନିଜାର୍‌ ମେଣ୍ଡାମଃନ୍‌କେ ନାଉଁ ଦଃରି କୁଦ୍‌ଲେକ୍‌ ସେମଃନ୍ ତାର୍‌ କଃତା ସୁଣ୍‌ତି, ଆର୍‌ ସେ ମେଣ୍ଡାମଃନ୍‌କେ ହଃଦାୟ୍‌ ବାଟ୍‌ କାଡାୟ୍‌ ନଃୟ୍‌ଦ୍‌ । 
\v 4 ମେଣ୍ଡାମଃନ୍‌କେ ହଃଦାୟ୍‌ ଆଣ୍‌ତା ବଃଳ୍‌ ଆଗେ ଆଗେ ଗଃଉଳିଆ ଇଣ୍ଡେଦ୍‌ ଆର୍‌ ମେଣ୍ଡାମଃନ୍ ତାର୍‌ ହଃଚେ ହଃଚେ ଇଣ୍ଡ୍‌ତି, କାୟ୍‌ତାକ୍‌ବଃଲେକ୍‌ ସେମଃନ୍ ତାର୍‌ କୁଦ୍‌ତାର୍‌ ଚିନ୍‌ତି । 
\v 5 ମେଣ୍ଡାମଃନ୍ ନଃଚିନ୍‌ଲା ଲକାର୍‌ ହଃଚେ ହଃଚେ କଃବେ ହେଁ ନଃଜାତି, ମଃତର୍‌ ତାର୍‌ ଚଃମେହୁଣି ହଃଳାୟ୍‌ ଜାତି, କାୟ୍‌ତାକ୍‌ବଃଲେକ୍‌ ସେମଃନ୍ ତାର୍‌ ଟଣ୍ଡ୍ ନଃଚିନ୍‌ତି ।”
\p
\v 6 ଜିସୁ ସେମଃନ୍‌କେ କଃତାୟ୍‌ କୟ୍‌ ଇରି କୟ୍‌ରିଲା, ମଃତର୍‌ ଲକ୍‌ମଃନ୍ ସେସଃବୁ କାୟ୍‌ରି ବଃଲି ବୁଜୁ ନଃହାୟ୍‌ଲାୟ୍‌ ।
\s ଜିସୁ ନିକ ମେଣ୍ଡା ଗଃଉଳିଆ
\p
\v 7 ସେତାକ୍‌ ଜିସୁ ଆରେକ୍‌ କୟ୍‌ଲା, “ମୁୟ୍‌ ତୁମିକେ ସଃତ୍‌ କଃଉଁଲେ, ମୁୟ୍‌ ମେଣ୍ଡାମଃନାର୍‌ ଦୁଆର୍‌ । 
\v 8 ଜୁୟ୍‌ ଲକ୍‌ମଃନ୍ ମର୍‌ ଆଗ୍‌ତୁ ଆସି ଆଚ୍‌ତି ସେମଃନ୍ ସଃବୁ ଚର୍‌ ଆର୍‌ ଜୁରିୟା, ମଃତର୍‌ ମେଣ୍ଡାମଃନ୍ ସେମଃନାର୍‌ କଃତା ନଃସୁଣ୍‌ଲାୟ୍‌ । 
\v 9 ମୁୟ୍‌ ଅଃଉଁଲେ ଦୁଆର୍‌, ଜେ ମର୍‌ ବାଟ୍‌ ଅୟ୍‌ ହୁରେଦ୍‌ ସେ ମୁକ୍ତି ହାୟ୍‌ଦ୍‌; ଆରେକ୍‌ ବିତ୍ରେ ଆସେଦ୍‌ ଆର୍‌ ହଃଦାୟ୍‌ ଜାୟ୍‌ ଚାରା ହାୟ୍‌ଦ୍‌ । 
\v 10 ଚର୍‌ ଚରୁକ୍‌, ମାରୁକ୍‌ ଆର୍‌ ନାସ୍‌ କଃରୁକେ ଆସେଦ୍‌; ସେମଃନ୍ ଜଃନ୍‌କଃରି ଜିବନ୍ ହାଉତି ଆର୍‌ ଜଃବର୍‌ କଃରି ହାଉତି, ଇତାର୍‌ ଗିନେ ମୁୟ୍‌ ଆସିଆଚି ।” \fig ମେଣ୍ଡା ଗଃଉଳ୍‌ ମେଣ୍ଡାମଃନାର୍‌ ସଃଙ୍ଗ୍ ମେଣ୍ଡାସାଳେ ଆଚେ|alt="Shepherd with his sheep in sheepfold" src="lb00014c.tif" size="span" copy="Horace Knowles ©" ref="10:7"\fig*
\p
\v 11 “ମୁୟ୍‌ ନିକ ମେଣ୍ଡା ଗଃଉଳିଆ, ମେଣ୍ଡାମଃନାର୍‌ ଗିନେ ମର୍‌ ଜିବନ୍ ଦଃୟ୍‌ନ୍ଦ୍ । 
\v 12 ଜେ ମେଣ୍ଡା ଗଃଉଳିଆ ନାୟ୍‌, ସେ ବୁତ୍ୟାର୍‌ ଗିନେ ବୁତି ହାଉଁକେ ମେଣ୍ଡା ଚଃରାୟ୍‌ଦ୍‌, ସେତାକ୍‌ ମେଣ୍ଡାମଃନ୍ ଜାର୍‌ ନିଜାର୍‌ ନାୟ୍‌, ସେ ବାଗ୍ ଆୟ୍‌ଲେକ୍‌ ମେଣ୍ଡାମଃନ୍‌କେ ଚାଡି ହଃଳାୟ୍‌ଦ୍‌ ଆର୍‌ ବାଗ୍ ସେମଃନ୍‌କେ ଦଃରି କାୟ୍‌ଦ୍‌, ଆର୍‌ ମେଣ୍ଡାମଃନ୍‌କେ ଜଃତ୍‌କଃତ୍‌ କଃରେଦ୍‌ । 
\v 13 କାୟ୍‌ତାକ୍‌ବଃଲେକ୍‌ ସେ ବୁତ୍ୟାର୍‌ ଲାଗି ବଃର୍ତାନ୍‌ ହାଉଁକ୍‌ ମେଣ୍ଡା ଚଃରାୟ୍‌ଦ୍‌, ତଃବେ ସେ ମେଣ୍ଡାମଃନାର୍‌ ଗିନେ ଚିତା ନଃକେରେ । 
\v 14 \x + \xo ୧୦:୧୪ \xo*\xt ମାତି ୧୧:୨୭; ଲୁକ ୧୦:୨୨.\xt*\x*ମୁୟ୍‌ ନିକ ମେଣ୍ଡା ଗଃଉଳିଆ, ଉବା ଜଃନ୍‌କଃରି ମକ୍‌ ଜାଣିଆଚେ ଆର୍‌ ମୁୟ୍‌ ଉବାକ୍‌ ଜାଣି । 
\v 15 ମୁୟ୍‌ ସେନ୍‌କଃରି ମର୍‌ ମେଣ୍ଡାମଃନ୍‌କେ ଜାଣି ଆର୍‌ ସେମଃନ୍ ହେଁ ମକ୍‌ ଜାଣ୍‌ତି । ଆର୍‌ ମୁୟ୍‌ ସେମଃନାର୍‌ ଗିନେ ଜିବନ୍ ଦେଉଁକ୍‌ ରାଜି ଆଚି । 
\v 16 ଜୁୟ୍‌ ମେଣ୍ଡାମଃନ୍ ଇ ସାଳେ ହୁଣି ନୟ୍‌, ମର୍‌ ଇବାନ୍ୟା ଆରେକ୍‌ ବିନ୍ ମେଣ୍ଡାମଃନ୍ ଆଚ୍‌ତି, ସେମଃନ୍‌କେ ହେଁ ମକ୍‌ ଆଣୁକେ ଅୟ୍‌ଦ୍‌, ଆରେକ୍‌ ସେମଃନ୍ ମର୍‌ ଟଣ୍ଡ୍ ସୁଣ୍‌ତି, ତଃବେ ଗଟେକ୍‌ ମଃନ୍ଦା ଆର୍‌ ଗଟେକ୍‌ ଗଃଉଳିଆ ଅୟ୍‌ଦ୍‌ ।”
\p
\v 17 “ମୁୟ୍‌ ମର୍‌ ଜିବନ୍ ଦେଉଁକ୍‌ ମଃନ୍ କଃରୁଲେ, ତଃବେ ଉବା ମକ୍‌ ଲାଡ୍‌ କଃରୁଲା, ଆର୍‌ ମୁୟ୍‌ ମର୍‌ ଜିବନ୍ ଆରେକ୍‌ ହାଉଁକ୍‌ ସେରି ଦଃୟ୍‌ନ୍ଦ୍ । 
\v 18 ମର୍‌ ଜିବନ୍‌କେ କେ ମର୍‌ ତଃୟ୍‌ହୁଣି ନେଉଁକ୍‌ ନାହାରେ । ମଃତର୍‌ ମୁୟ୍‌ ନିଜେ ମଃନ୍‌କଃରି ମର୍‌ ଜିବନ୍ ଦଃୟ୍‌ନ୍ଦ୍ । ନିଜାର୍‌ ଜିବନ୍ ଦେଉଁକ୍‌ ଆର୍‌ ତାକ୍‌ ବାଉଳାୟ୍‌ ଆଣୁକେ ମର୍‌ ଅଃଦିକାର୍‌ ଆଚେ, ଇରି କଃରୁକେ ମର୍‌ ଉବା ମକ୍‌ ଆଦେସ୍‌ ଦଃୟ୍‌ଆଚେ ।”
\p
\v 19 ଜିସୁର୍‌ ଇ କଃତାର୍‌ ଗିନେ ଆରେକ୍‌ ଜିଉଦି ଲକ୍‌ମଃନାର୍‌ ବିତ୍ରେ କଃତା ବିନ୍‌ବିନ୍‌ ଅୟ୍‌ଲି । 
\v 20 ସେମଃନାର୍‌ ବିତ୍ରେ କଃତେକ୍‌ ଲକ୍‌ କୟ୍‌ଲାୟ୍‌, “ତାକ୍‌ ବୁତ୍‌ ଡଃସି ଆଚେ, ସେ ଗଟେକ୍‌ ବଃୟା ! ତାର୍‌ କଃତା କାୟ୍‌ତାକ୍‌ ସୁଣୁଲାସ୍‌ ।”
\p
\v 21 ବିନ୍ ଲକ୍‌ମଃନ୍ କୟ୍‌ଲାୟ୍‌, “ବୁତ୍‌ ଡଃସ୍‌ଲାର୍‌ ଲକ୍‌ ଅଃନ୍‌କା କଃତା ନଃକୟ୍‌ଲା ହୁଣି, ଆରେକ୍‌ ବୁତ୍‌ କାୟ୍‌ କାଣାକେ ଆକି ଦଃକାଉଁ ହାରେ ?”
\s ଜିସୁକେ ନଃମାନ୍‌ଲାୟ୍‌
\p
\v 22 ସଃଡେବଃଳ୍‌ ସିତ୍‌ ମାସ୍‌, ଆର୍‌ ଜିରୁସାଲମ୍‌ ମନ୍ଦିରେ ହୁର୍ତା ହଃର୍ବ୍‌ ଅଃଉତି ରିଲି ।
\p
\v 23 ଆର୍‌ ଜିସୁ ମନ୍ଦିରେ ସଲ୍‌ମନ୍ ହିଣ୍ଡା ଉହ୍ରେ ବୁଲ୍‌ତି ରିଲା । 
\v 24 ସେତି ଜିଉଦିମଃନ୍ ଜିସୁକେ ଚାରିହାକ୍‌ ବେଳି ହଃଚାର୍ଲାୟ୍‌, “ଆର୍‌ କଃତି ଦିନ୍ ଅଃମିମଃନ୍‌କ୍‌ ଲୁକାୟ୍‌ ରେସି ? ଜଦି ତୁୟ୍‌ ହଃରାଣ୍ କ୍ରିସ୍ଟ, ତଃବେ ସଃତ୍‌ କଃରି ଅଃମିକ୍‌ କଃଉ ।”
\p
\v 25 ଜିସୁ ସେମଃନ୍‌କେ କୟ୍‌ଲା, “ମୁୟ୍‌ ତୁମିମଃନ୍‌କେ ଆଗେ କୟ୍‌ ସଃର୍ଲେନି, ମଃତର୍‌ ତୁମିମଃନ୍ ବିସ୍ୱାସ୍‌ ନଃକେରୁଲାସ୍‌ । ଉବା ତଃୟ୍‌ହୁଣି ଅଃଦିକାର୍‌ ହାୟ୍‌ ମୁୟ୍‌ ଜୁୟ୍‌ ସଃବୁ କାମ୍‌ କଃରୁଲେ, ସେରି ମର୍‌ ନାଉଁଏ ସାକି ଦେଉଁଲି । 
\v 26 ମଃତର୍‌ ତୁମିମଃନ୍ ବିସ୍ୱାସ୍‌ ନଃକେରୁଲାସ୍‌, କାୟ୍‌ତାକ୍‌ବଃଲେକ୍‌ ତୁମି ମର୍‌ ମେଣ୍ଡା ନାୟ୍‌ । 
\v 27 ମର୍‌ ମଃନ୍ଦାର୍‌ ମେଣ୍ଡାମଃନ୍ ମର୍‌ ଟଣ୍ଡ୍ ସୁଣ୍‌ତି, ଆର୍‌ ମୁୟ୍‌ ସେମଃନ୍‌କେ ଜାଣି ଆର୍‌ ସେମଃନ୍ ମର୍‌ ହଃଚେ ହଃଚେ ଆସ୍ତି । 
\v 28 ଆରେକ୍‌ ମୁୟ୍‌ ସେମଃନ୍‌କେ ଅଃମ୍ବର୍‌ ଜିବନ୍ ଦଃୟ୍‌ନ୍ଦ୍, ଆର୍‌ ସେମଃନ୍ କଃବେ ନଃସ୍ଟ୍‌ ନଃଉତି । ଆର୍‌ ସେମଃନ୍‌କେ ମର୍‌ ତଃୟ୍‌ହୁଣି କେ ଚାଡାୟ୍‌ ନେଉଁ ନଃହାର୍‌ତି । 
\v 29 ମର୍‌ ଉବା ମକ୍‌ ଜାୟ୍‌ରି ଦଃୟ୍‌ଆଚେ, ସେରି ସଃବୁ ତଃୟ୍‌ହୁଣି ବଃଡେ ମଲ୍‌, ଆର୍‌ ଉବାର୍‌ ଆତେ ହୁଣି କେ ସେରି ଚାଡାୟ୍‌ ନେଉଁ ନାହାରେ । 
\v 30 ଉବା ଆର୍‌ ମୁୟ୍‌ ଏକ୍‌ ।”
\p
\v 31 ଇ କଃତା ସୁଣି ଜିଉଦିମଃନ୍ ଜିସୁକେ ମାରୁକ୍‌ ଆରେକ୍‌ ଟେଳା ବେଟ୍‌ଲାୟ୍‌ ।
\p
\v 32 ଜିସୁ ସେମଃନ୍‌କେ କୟ୍‌ଲା, “ଉବାର୍‌ ବଲେ ମୁୟ୍‌ ତୁମାର୍‌ ବିତ୍ରେ ଗାଦେକ୍‌ ନିକ କାମ୍‌ କଃରିଆଚି, ତାର୍‌ ବିତ୍ରେ କୁୟ୍‌ ନିକ କାମାର୍‌ ଗିନେ ମକେ ମାରୁକ୍‌ ଟେଳା ବେଟି ଆଚାସ୍‌ ?”
\p
\v 33 ଜିଉଦିମଃନ୍ ତାକ୍‌ କୟ୍‌ଲାୟ୍‌, “ତର୍‌ ନିକ କାମାର୍‌ ଗିନେ ନାୟ୍‌ ମଃତର୍‌ ଇସ୍ୱର୍‌ ଲିନ୍ଦାର୍‌ ଗିନେ, ତୁୟ୍‌ ଗଟ୍‌ ସାନ୍ ଲକ୍‌, ମଃତର୍‌ ନିଜ୍‌କେ ଇସ୍ୱର୍‌ ସଃମାନ୍ କଃରୁଲିସ୍‌ ।”
\p
\v 34 ଜିସୁ ସେମଃନ୍‌କେ କୟ୍‌ଲା, “ତୁମାର୍‌ ବିଦିତଃୟ୍‌ ଲେକା ଆଚେ, ଇସ୍ୱର୍‌ କଃଉଁଲା, ‘ତୁମିମଃନ୍ ଇସ୍ୱର୍‌ମଃନ୍‌ ।’ 
\v 35 ଜୁୟ୍‌ ଲକ୍‌ମଃନାର୍‌ ଲଃଗେ ଇସ୍ୱରାର୍‌ ବଃଚନ୍ ଆୟ୍‌ଲି, ସେମଃନ୍‌କେ ଇତି ଇସ୍ୱର୍‌ମଃନ୍‌ ବଃଲି କୟ୍‌ଲା । ଆର୍‌ ଦଃର୍ମ୍‌ ସାସ୍ତର୍‌ ତଃୟ୍‌ର୍‌ କଃତା କାଟାଜ୍‌ଉଁ ନାହାରେ । 
\v 36 ତଃନ୍‌ଅଲେ ଜାକେ ଇସ୍ୱର୍‌ ପବିତ୍ର କଃରି ଜଃଗତ୍‌କେ ହଃଟାୟ୍‌ ଆଚେ, ତାକେ ତୁମିମଃନ୍, ‘ମୁୟ୍‌ ଇସ୍ୱରାର୍‌ ହୟ୍‌ସି,’ ଇରି ମୁୟ୍‌ କୟ୍‌ଲାକ୍‌, ତୁୟ୍‌ ଇସ୍ୱର୍‌ ଲିନ୍ଦା କଃରୁଲିସ୍‌ ବଃଲି କଃଉଁଲାସ୍‌ ? 
\v 37 ଜଦି ମୁୟ୍‌ ମର୍‌ ଉବାର୍‌ ଇଚା ହଃର୍କାରେ କାମ୍‌ ନଃକେରୁଲେ, ତଃବେ ମକ୍‌ ବିସ୍ୱାସ୍‌ କଃରା ନାୟ୍‌ । 
\v 38 ମଃତର୍‌ ଜଦି ମୁୟ୍‌ ତାର୍‌ ଇଚା ହଃର୍କାରେ କାମ୍‌ କଃରୁଲେ, ତଃବେ ମକ୍‌ ବିସ୍ୱାସ୍‌ ନଃକେଲେକ୍‌ ହେଁ ଉବା ଜେ ମର୍‌ ତଃୟ୍‌ ଆଚେ ଆର୍‌ ମୁୟ୍‌ ଉବା ତଃୟ୍‌ ଆଚି, ଇରି ଜଃନ୍‌କଃରି ତୁମିମଃନ୍ ଜାଣାସ୍‌ ଆର୍‌ ବୁଜାସ୍‌ ଇତାର୍‌ ଗିନେ ମର୍‌ କାମ୍‌ ସଃବୁକ୍‌ ବିସ୍ୱାସ୍‌ କଃରା ।”
\p
\v 39 ସେତାକ୍‌ ସେମଃନ୍ ତାକ୍‌ ଆରେକ୍‌ ଗଟ୍‌ତର୍‌ ଦଃରୁକ୍‌ ଚେସ୍ଟା କଃଲାୟ୍‌, ମଃତର୍‌ ଜିସୁ ସେମଃନାର୍‌ ତଃୟ୍‌ହୁଣି କଃସ୍ରି ଗଃଲା ।
\p
\v 40 \x + \xo ୧୦:୪୦ \xo*\xt ଜହ ୧:୨୮.\xt*\x*ଇତାର୍‌ ହଃଚେ ଜିସୁ ଆରେକ୍‌ ଜର୍ଦନ୍ ଗାଡାର୍‌ ସେହାଟି ଗଃଲା, ଆର୍‌ ବାପ୍ତିସମ୍‌ ଦେତା ଜହନ୍‌ ହଃର୍ତୁ ଜୁୟ୍‌ଟାଣେ ବାପ୍ତିସମ୍‌ ଦେତିରିଲା ସେତି ଜାୟ୍‌ ରିଲା । 
\v 41 ଆର୍‌ ତାର୍‌ ଲଃଗେ ଗାଦେକ୍‌ ଲକ୍‌ ଆୟ୍‌ଲାୟ୍‌, ସେମଃନ୍ କଃଉଆକଇ ଅୟ୍‌ଲାୟ୍‌, “ଜହନ୍‌ ନିଜେ କାବା ଅଃଉତା ଚିନ୍ କଃରି ନଃରିଲା, ମଃତର୍‌ ଇ ଲକାର୍‌ କଃତା ଜାୟ୍‌ରି କୟ୍‌ରିଲା ସେସଃବୁ ସଃତ୍‌ ।” 
\v 42 ଆର୍‌ ସେତି ଜିସୁକେ ଗାଦେକ୍‌ ଲକ୍‌ ବିସ୍ୱାସ୍‌ କଃଲାୟ୍‌ ।
\c 11
\s ଲାଜାରାର୍‌ ମଃର୍ନ୍‌
\p
\v 1 \x + \xo ୧୧:୧ \xo*\xt ଲୁକ ୧୦:୩୮,୩୯.\xt*\x*ବେତାନିଆ ଗାଉଁଆର୍‌ ଲାଜାର୍‌ ନାଉଁଆର୍‌ ଗଟେକ୍‌ ଲକ୍‌ ମଃଳୁ ହଃଳି ରିଲା; ମରିୟମ୍‌ ଆର୍‌ ତାର୍‌ ବେଣ୍‌ସି ମାର୍ତା ସେ ଗାଉଁଏ ରେତିରିଲାୟ୍‌ । 
\v 2 \x + \xo ୧୧:୨ \xo*\xt ଜହ ୧୨:୩.\xt*\x*ଜୁୟ୍‌ ମାୟ୍‌ଜି ଜିସୁ ମାପ୍ରୁର୍‌ ହାଦେ ବାସ୍ନା ଚିକଣ୍‌ ଡାଳି ନିଜାର୍‌ ମୁଣ୍ଡାର୍‌ ବାଳେ ଜିସୁର୍‌ ହାଦ୍‌ ହୁଚ୍‌ଲି, ଇରି ସେ ମରିୟମ୍‌; ତାର୍‌ ବାୟ୍‌ସି ଲାଜାର୍‌ ମଃଳୁ ହଃଳି ରିଲା । 
\v 3 ତଃବେ ସେ ଦୁୟ୍‌ ବେଣି ଜିସୁର୍‌ ହାକ୍‌ କବୁର୍‌ ହଃଟାୟ୍‌ଲାୟ୍‌, “ମାପ୍ରୁ ଦଃକ୍‌ ଜାକେ ତୁୟ୍‌ ଲାଡ୍‌ କଃରୁଲିସ୍‌, ସେ ମଃଳୁ ହଃଳି ଆଚେ ।”
\p
\v 4 ମଃତର୍‌ ଜିସୁ ଇରି ସୁଣିକଃରି କୟ୍‌ଲା, “ଇ ଜଃର୍‌ ମଃରୁକ୍‌ ନୟ୍‌, ମଃତର୍‌ ଇସ୍ୱରାର୍‌ ଜଃଜ୍‌ମାନାର୍‌ ଗିନେ, ସେତାର୍‌ଗିନେ ଜଃନ୍‌କଃରି ଇସ୍ୱରାର୍‌ ଜଃଜ୍‌ମାନ୍ ଅଃଉତା ସଃଙ୍ଗ୍ ଇସ୍ୱରାର୍‌ ହୟ୍‌ସି ହେଁ ଜଃଜ୍‌ମାନ୍ ହାୟ୍‌ଦ୍‌ ।”
\p
\v 5 ଜିସୁ ମାର୍ତା ଆର୍‌ ତାର୍‌ ବେଣ୍‌ସି, ମରିୟମ୍‌ ଆର୍‌ ଲାଜାର୍‌କେ ଲାଡ୍‌ କଃର୍ତିରିଲା । 
\v 6 ତଃବେ ଲାଜାର୍‌ ମଃଳୁ ହଃଳି ଆଚେ ବଃଲି ଜିସୁ ସୁଣ୍‌ଲାକ୍‌ ହେଁ, ସେ ଜୁୟ୍‌ ଜଃଗାୟ୍‌ ରିଲା, ସେତି ଆରେକ୍‌ ଦୁୟ୍‌ ବିନ୍ ରଃୟ୍‌ଗଃଲା ।
\p
\v 7 ଦୁୟ୍‌ ଦିନାର୍‌ ହଃଚେ ଜିସୁ ଚେଲାମଃନ୍‌କେ କୟ୍‌ଲା, “ଅଃମିମଃନ୍‌ ଜିଉଦାକେ ବାଉଳି ଜୁଆଁ ।”
\p
\v 8 ଚେଲାମଃନ୍ ଜିସୁକେ କୟ୍‌ଲାୟ୍‌, “ଏ ଗୁରୁ, ଜିଉଦିମଃନ୍ କଃତିଦିନ୍‌ ତଃଳେ ତକ୍‌ ଟେଳା ସୁତ୍ରି ମାରୁକ୍‌ ଚେସ୍ଟା କଃର୍ତି ରିଲାୟ୍‌, ସେତି କାୟ୍‌ ଆରେକ୍‌ ଗଟ୍‌ତର୍‌ ବାଉଳି ଜଃଉଁକେ ମଃନ୍ କଃରୁଲିସ୍‌ ?”
\p
\v 9 ଜିସୁ ସେମଃନ୍‌କେ କୟ୍‌ଲା, “ଦିନ୍ କାୟ୍‌ ବାର ଗଃଟା ନାୟ୍‌ ? ଜେ ଦିନ୍ ବଃଳ୍‌ ବାଟ୍‌ ଇଣ୍ଡେଦ୍‌ ସେ ଜଟ୍ୟାୟ୍‌ ନୟ୍‌, ବଃଲେକ୍‌ ସଃଡେବଃଳ୍‌ ଉଜାଳ୍‌ ଜଃଗତ୍‌କେ ଦେତି ରଃୟ୍‌ଦ୍‌ । 
\v 10 ମଃତର୍‌ ରାତି ବଃଳ୍‌ ଇଣ୍ଡ୍‌ଲେକ୍‌ ସେ ଜଟ୍ୟାୟ୍‌ଅୟ୍‌ଦ୍‌, ବଃଲେକ୍‌ ତାର୍‌ ତଃୟ୍‌ ଉଜାଳ୍‌ ନାୟ୍‌ ।” 
\v 11 ଜିସୁ ଇସଃବୁ କଃତା କୟ୍‌ଲା ହଃଚେ, ଚେଲାମଃନ୍‌କେ ଆରେକ୍‌ କୟ୍‌ଲା, “ଅଃମାର୍‌ ସଃଙ୍ଗ୍‌ବାୟ୍‌ ଲାଜାର୍‌ ନିଦୟ୍‌ଲା ଆଚେ, ମଃତର୍‌ ମୁୟ୍‌ ତାକ୍‌ ନିଦେ ହୁଣି ଉଟାଉତା ହାଁୟ୍‌ ଜଃଉଁଲେ ।”
\p
\v 12 ସେତାକ୍‌ ଚେଲାମଃନ୍ ଜିସୁକେ କୟ୍‌ଲାୟ୍‌, “ମାପ୍ରୁ, ଜଦି ସେ ନିଦୟ୍‌ଲା ଆଚେ, ତଃନ୍‌ଅୟ୍‌ଲେକ୍‌ ସେ ଉଜ୍‌ ଅୟ୍‌ ଉଟେଦ୍‌ ।”
\p
\v 13 ଜିସୁ ଲାଜାରାର୍‌ ମଃର୍ନ୍‌ କଃତା କୟ୍‌ରିଲା, ମଃତର୍‌ ସେ ନିଦେ ସୟ୍‌ରିଲା କଃତା କୟ୍‌ଲା ବଃଲି ସେମଃନ୍ ମଃନେ ବାବ୍‌ଲାୟ୍‌ । 
\v 14 ତଃବେ, ଜିସୁ ସଃଡେବଃଳ୍‌ ନିକ କଃରି ବୁଜାୟ୍‌ କୟ୍‌ଲା, “ଲାଜାର୍‌ ମଃରି ଆଚେ; 
\v 15 ଆର୍‌ ମୁୟ୍‌ ଜେ ସେ ଜଃଗାୟ୍‌ ନଃରିଲେ, ଜଃନ୍‌କଃରି ତୁମିମଃନ୍ ବିସ୍ୱାସ୍‌ କଃରାସ୍‌, ଇତାର୍‌ ଗିନେ ତୁମାର୍‌ ଗିନେ ସଃର୍ଦା କଃରୁଲେ; ଜୁଆଁ, ଅଃମିମଃନ୍‌ ତାର୍‌ ଲଃଗେ ଜୁଆଁ ।”
\p
\v 16 ସେତାକ୍‌ ତମା, ଜାକେ ଲକ୍‌ମଃନ୍ ଦିଦୁମ୍‌ ବଃଲେକ୍‌ ଜଃଉଁଣା ବଃଲି କଃଉତି । ସେ ନିଜାର୍‌ ସଃଙ୍ଗାର୍‌ ଚେଲାମଃନ୍‌କେ କୟ୍‌ଲା, “ଜୁଆଁ ଅଃମିମଃନ୍‌ ହେଁ ଜାୟ୍‌ ଜିସୁର୍‌ ସଃଙ୍ଗ୍ ମଃରୁଆଁ ।”
\s ଜିସୁ ଅଃମର୍‌ ଜିବନ୍
\p
\v 17 ଜିସୁ ବେତନିଆୟ୍‌ ହଚି ସୁଣ୍‌ଲା ଜେ, ଲାଜାର୍‌କେ ମଃସୁଣ୍‌ କାଲେ ତହିକଃରି ଚାରି ଦିନ୍ ଅୟ୍‌ଲିନି । 
\v 18 ବେତାନିଆ ଜିରୁସାଲମ୍‌ ଲଃଗେ ରିଲି, ହାକାହାକି ଗଟ୍‌ କସ୍‌ ଦୁରି; 
\v 19 ଆରେକ୍‌ ଜିଉଦିମଃନାର୍‌ ବିତ୍ରାର୍‌ କଃତେକ୍‌ ଲକ୍‌ ମାର୍ତା ଆର୍‌ ମରିୟମ୍‌କେ ସେମଃନାର୍‌ ବାୟ୍‌ର୍‌ ବିସୟେ ଦୁକ୍‌ହାସ୍ରାଉଁକ୍‌ ସେମଃନାର୍‌ ଲଃଗେ ଆସି ରିଲାୟ୍‌ ।
\p
\v 20 ସେତାକ୍‌ ଜିସୁ ଆସି ଆଚେ ବଃଲି ଜଃଡେବଃଳ୍‌ ମାର୍ତା ସୁଣ୍‌ଲି, ସଃଡେବଃଳ୍‌ ସେ ଜିସୁକେ ବେଟୁକ୍‌ ଗଃଲି, ମଃତର୍‌ ମରିୟମ୍‌ ଗଃରେ ବଃସିରିଲି । 
\v 21 ମାର୍ତା ଜିସୁକେ କୟ୍‌ଲି, “ମାପ୍ରୁ, ତୁୟ୍‌ ଇତି ରିଲେକ୍‌, ମର୍‌ ବାୟ୍‌ ନଃମେର୍ଲା ହୁଣି । 
\v 22 ମଃତର୍‌ ଅଃବେ ହେଁ ତୁୟ୍‌ ଇସ୍ୱର୍‌କେ ଜାୟ୍‌ରି ମାଗ୍‌ସି, ଇସ୍ୱର୍‌ ଜେ ସେରି ତକ୍‌ ଦଃୟ୍‌ଦ୍‌, ଇରି ମୁୟ୍‌ ଜାଣି ।”
\p
\v 23 ଜିସୁ ମାର୍ତାକ୍‌ କୟ୍‌ଲା, “ତୁମାର୍‌ ବାୟ୍‌ ଆରେକ୍‌ ଉଟେଦ୍‌ ।”
\p
\v 24 ମାର୍ତା ଜିସୁକେ କୟ୍‌ଲି, “ସେ ଜେ ସେସ୍‌ ଦିନ୍ ମଃରି ଉଟ୍‌ତାବଃଳ୍‌ ସେ ଉଟେଦ୍‌, ଇରି ମୁୟ୍‌ ଜାଣି ।”
\p
\v 25 ଜିସୁ ତାକ୍‌ କୟ୍‌ଲା, “ମୁୟ୍‌ ମଃରି ଉଟ୍‌ତାର୍‌ ଆର୍‌ ଜିବନ୍, ଜୁୟ୍‌ ଲକ୍‌ ମର୍‌ ତଃୟ୍‌ ବିସ୍ୱାସ୍‌ କଃରେଦ୍‌, ସେ ଜଦି ମଃରେଦ୍‌, ଅୟ୍‌ଲେକ୍‌ ହେଁ ସେ ବାଚେଦ୍‌ । 
\v 26 ଆରେକ୍‌ ଜେ ବଚେଦ୍‌ ଆର୍‌ ମର୍‌ ତଃୟ୍‌ ବିସ୍ୱାସ୍‌ କଃରେଦ୍‌, ସେ କଃବେ ହେଁ ନଃମେରେ, ଇରି କାୟ୍‌ ବିସ୍ୱାସ୍‌ କଃରୁଲାସ୍‌ ?”
\p
\v 27 ସେ ଜିସୁକେ କୟ୍‌ଲି, “ଏ ମାପ୍ରୁ, ମୁୟ୍‌ ସେରି ବିସ୍ୱାସ୍‌ କଃରୁଲେ, ତୁୟ୍‌ ଜେ ଇସ୍ୱରାର୍‌ ହୟ୍‌ସି ସେ କ୍ରିସ୍ଟ, ଜେ ଜଃଗତ୍‌କେ ଆସ୍ତାର୍‌ ରିଲି ଇରି ମର୍‌ ବିସ୍ୱାସ୍‌ ।”
\s ଜିସୁ କାନ୍ଦ୍‌ଲା
\p
\v 28 ଇରି କୟ୍‌ଲା ହଃଚେ, ମାର୍ତା ବାଉଳି ଜାୟ୍‌ ତାର୍‌ ବେଣ୍‌ସି ମରିୟମ୍‌କେ ଏକ୍ଲାକେ କୁଦି କୟ୍‌ଲି, “ଗୁରୁ ଆୟ୍‌ଲବେ, ଆର୍‌ ତକ୍‌ କୁଦୁଲା ।” 
\v 29 ମରିୟମ୍‌ ଇ କଃତା ସୁଣିକଃରି ଦାପେ ଉଟି ଜିସୁର୍‌ ଲଃଗେ ଗଃଲି । 
\v 30 ଜିସୁ ସଃଡେବଃଳ୍‌ ହଃତେକ୍‌ ଗାଉଁ ବିତ୍ରେ ଆସି ନଃରିଲା, ମଃତର୍‌ ମାର୍ତା ତାକେ ଜୁୟ୍‌ ଜଃଗାୟ୍‌ ବେଟ୍‌ ଅୟ୍‌ରିଲି, ସଃଡେବଃଳ୍‌ ହଃତେକ୍‌, ଜିସୁ ସେ ଜଃଗାୟ୍‌ ରିଲା । 
\v 31 ତଃବେ ଜୁୟ୍‌ ଜିଉଦିମଃନ୍ ତାର୍‌ ସଃଙ୍ଗ୍ ଗଃରେ ରଃୟ୍‌ ତାକ୍‌ ଦୁକ୍‌ ହାସ୍ରାଉତି ରିଲାୟ୍‌, ସେମଃନ୍ ମରିୟମ୍‌କେ ଉଟିଜାତାର୍‌ ଦଃକିକଃରି ସେ ମଃସ୍‌ଣେ କାନ୍ଦୁକ୍‌ ଜଃଉଁଲି ବଃଲି ବାବି ତାର୍‌ ହଃଚେ ହଃଚେ ଗଃଳାୟ୍‌ ।
\p
\v 32 ଜିସୁ ଜୁୟ୍‌ ଜଃଗାୟ୍‌ ରିଲା, ମରିୟମ୍‌ ସେଲଃଗେ ହଚ୍‌ଲା ଦାହ୍ରେ, ସେ ଜିସୁର୍‌ ଗଡ୍ ତଃଳେ ଡୁଳି କୟ୍‌ଲି, “ମାପ୍ରୁ, ତୁୟ୍‌ ଇତି ରିଲେକ୍‌ ମର୍‌ ବାୟ୍‌ ନଃମେର୍ଲା ହୁଣି ।”
\p
\v 33 ମରିୟମ୍‌ ଆର୍‌ ତାର୍‌ ସଃଙ୍ଗ୍ ଆସିରିଲା ଜିଉଦି ଲକମଃନ୍‌କେ କାନ୍ଦ୍‌ତି ରିଲାର୍‌ ଦଃକିକଃରି ଜିସୁ ଆତ୍ମାୟ୍‌ ବଃଡେ ଦୁକ୍‌ କଃଲା । 
\v 34 ଜିସୁ ହଃଚାର୍ଲା, “କୁୟ୍‌ତି ତାକ୍‌ ସଃଙ୍ଗାୟ୍‌ ଆଚାସ୍‌ ?”
\p ସେମଃନ୍ ଜିସୁକେ କୟ୍‌ଲାୟ୍‌, “ମାପ୍ରୁ, ଆଉ ଦଃକ୍‌ସି ।”
\p
\v 35 ଜିସୁ କାନ୍ଦ୍‌ଲା । 
\v 36 ସେତାକ୍‌ ଜିଉଦିମଃନ୍ କୟ୍‌ଲାୟ୍‌, “ଦଃକା, ସେ ତାକ୍‌ କଃତେକ୍‌ ଲାଡ୍‌ କଃର୍ତିରିଲା ।”
\p
\v 37 ମଃତର୍‌ ସେମଃନାର୍‌ ବିତ୍ରେ କେ କେ କୟ୍‌ଲାୟ୍‌, “ଇମାନାୟ୍‌ କାୟ୍‌ ସେ କାଣାର୍‌ ଆକି ଦଃକାୟ୍‌ ନଃରିଲା ? ସେ ମଃନ୍ କଃଲେକ୍‌ କାୟ୍‌ ଲାଜାର୍‌କେ ମଃର୍ନେ ହୁଣି ବଚାଉଁକ୍‌ ନାହାର୍ଲା ହୁଣି ?”
\s ଜିସୁ ଲାଜାର୍‌କେ ଉଟାୟ୍‌ଲା
\p
\v 38 ସେତାକ୍‌ ଜିସୁ ଆରେକ୍‌ ଦୁକ୍‌ ଅୟ୍‌ ମଃସ୍‌ଣେ ଗଃଲା; ସେ ମଃସୁଣ୍ ଗଟେକ୍‌ ହାର୍‌ ରିଲି, ସେ ବିତ୍ରେ ଲାଜାର୍‌କେ ସଃଙ୍ଗାୟ୍‌ ବାଟ୍‌ ମୁୟେ ଗଟ୍‌ ବଃଡ୍ ଟେଳା ଡାହି ରିଲାୟ୍‌ । 
\v 39 ଜିସୁ ମଃଲା ଲକାର୍‌ ବେଣ୍‌ସିକେ କୟ୍‌ଲା, “ଇ ଟେଳାକେ ଗୁଚାଉଆ ।”
\p ମାର୍ତା କୟ୍‌ଲି, “ମାପ୍ରୁ, ସେ ଗଃନ୍ଦ୍‌ତି ରଃୟ୍‌ଦ୍‌, ବଃଲେକ୍‌ ସେ ମଃରିକଃରି ଚାରି ଦିନ୍ ଅୟ୍‌ଲିନି ।”
\p
\v 40 ଜିସୁ ତାକ୍‌ କୟ୍‌ଲା, “ଜଦି ତୁୟ୍‌ ବିସ୍ୱାସ୍‌ କଃର୍ସି, ତଃବେ ଇସ୍ୱରାର୍‌ ଜଃଜ୍‌ମାନ୍‌ କାମ୍‌ ଦଃକ୍‌ସି ବଃଲି ମୁୟ୍‌ କାୟ୍‌ ତକ୍‌ କୟ୍‌ ନଃରିଲେ ?” 
\v 41 ସେତାକ୍‌ ସେମଃନ୍ ଟେଳା ଗୁଚାୟ୍‌ଲାୟ୍‌ । ଆର୍‌ ଜିସୁ ସଃର୍ଗ୍‌ ହାକ୍‌ ଦଃକି କଃରି ପାର୍ତ୍‌ନା କଃରି କୟ୍‌ଲା, “ଉବା, ତୁୟ୍‌ ମର୍‌ ପାର୍ତ୍‌ନା ସୁଣୁଲିସ୍‌ ବଃଲି ମୁୟ୍‌ ତକ୍‌ ଜୁଆର୍‌ କଃରୁଲେ । 
\v 42 ତୁୟ୍‌ ସଃବୁବଃଳ୍‌ ମର୍‌ ପାର୍ତ୍‌ନା ସୁଣୁଲିସ୍‌, ଇରି ମୁୟ୍‌ ଜାଣି; ମଃତର୍‌ ଇ ଜୁୟ୍‌ ଲକମଃନ୍ଦା ମର୍‌ ଚାରିବେଳ୍‌ତ୍ ଟିଆ ଅୟ୍‌ ଆଚ୍‌ତି, ତୁୟ୍‌ ମକ୍‌ ହଃଟାୟ୍‌ ଆଚ୍‌ସି ବଃଲି ସେମଃନ୍ ଜଃନ୍‌କଃରି ବିସ୍ୱାସ୍‌ କଃର୍ତି, ଇତାର୍‌ ଗିନେ ସେମଃନାର୍‌ ଗିନେ ମୁୟ୍‌ ଇରି କଃଉଁଲେ ।” 
\v 43 ଜିସୁ ଇରି କୟ୍‌ ବଃଡ୍ ଟଣ୍ଡ୍ କଃରି କୟ୍‌ଲା, “ଲାଜାର୍‌, ବାରାୟ୍‌ ଆଉ !” 
\v 44 ସେଦାହ୍ରେ ମଃଲା ଲାଜାର୍‌ ବାରାୟ୍‌ ଆୟ୍‌ଲା, ତାର୍‌ ଆତେ ଆର୍‌ ଗଡେ ଦବ୍‌ ତୁଆଲ୍‌ ବାନ୍ଦା ଅୟ୍‌ରିଲି, ଆରେକ୍‌ ତାର୍‌ ମୁୟେ କଃଣ୍ଡେକ୍‌ କଃଦି ଡାହି ରିଲାୟ୍‌, ଜିସୁ ସେମଃନ୍‌କେ କୟ୍‌ଲା, “ତାର୍‌ ବାନ୍ଦୁଣ୍ ଇଟାୟ୍‌ ଇଣ୍ଡୁକ୍‌ ଦିଆସ୍‌ ।”
\s ଜିସୁର୍‌ ବିରଦେ କୁଟ୍‌ କଃଲାୟ୍‌
\r (ମାତି ୨୬:୧-୫; ମାର୍କ ୧୪:୧-୨; ଲୁକ ୨୨:୧-୨)
\p
\v 45 ତଃବେ ଜିଉଦିମଃନାର୍‌ ବିତ୍ରେ ଗାଦେକ୍‌, ବଃଲେକ୍‌ ଜୁୟ୍‌ ଲକ୍‌ମଃନ୍ ମରିୟମ୍‌ ହାକ୍‌ ଆସି ରିଲାୟ୍‌ ଆର୍‌ ଜିସୁର୍‌ କାମ୍‌ ଦଃକିରିଲାୟ୍‌, ସେମଃନ୍ ତାର୍‌ତଃୟ୍‌ ବିସ୍ୱାସ୍‌ କଃଲାୟ୍‌ । 
\v 46 ଆରେକ୍‌ ସେମଃନାର୍‌ ବିତ୍ରାର୍‌ କେ କେ ପାରୁସିମଃନାର୍‌ ହାକ୍‌ ଜାୟ୍‌, ଜିସୁ ଜୁୟ୍‌ ଜୁୟ୍‌ରି କଃରିରିଲା, ସେରି ସଃବୁ ସେମଃନ୍‌କେ କୟ୍‌ଲାୟ୍‌ । 
\v 47 ଇରି ସୁଣି ବଃଡ୍ ଜାଜକ୍‌ ଆର୍‌ ପାରୁସିମଃନ୍ ବଃଡ୍ ବେରାଣ୍ କୁଦାୟ୍‌ କୟ୍‌ଲାୟ୍‌, “ଅଃମିମଃନ୍‌ କାୟ୍‌ରି କଃରୁଆଁ ? ଇ ଲକ୍‌ ତ ଗାଦେକ୍‌ କାବା ଅଃଉତା ଚିନ୍ କଃରୁଲା । 
\v 48 ଜଦି ଅଃମିମଃନ୍‌ ତାକ୍‌ ଇରଃକମ୍‌ ଚାଡି ଦେଉଁଆ, ତଃନ୍‌ଅୟ୍‌ଲେକ୍‌ ସଃବୁଲକ୍‌ ତାର୍‌ ତଃୟ୍‌ ବିସ୍ୱାସ୍‌ କଃର୍ତି, ଆରେକ୍‌ ରମିୟମଃନ୍ ଆସି ଅଃମାର୍‌ ମନ୍ଦିର୍‌ ଆର୍‌ ଜାତିକ୍‌ ନଃସ୍ଟ୍‌ କଃରି ଦେତି ।”
\p
\v 49 ମଃତର୍‌ ସେମଃନାର୍‌ ବିତ୍ରାର୍‌ ଏକ୍ଲା ବଃଲେକ୍‌ କୟାପା ନାଉଁଆର୍‌ ସେ ବଃର୍ସାର୍‌ ମୁଳ୍‌ ଜାଜକ୍‌ ସେମଃନ୍‌କେ କୟ୍‌ଲା, “ତୁମିମଃନ୍ କଃଡେକ୍‌ ଉଲୁ, 
\v 50 ସଃବୁ ଲକ୍‌ ନଃସ୍ଟ୍‌ ନୟ୍‌କଃରି, ସଃବୁ ଲକାର୍‌ ଗିନେ ଏକ୍ଲା ଜେ ମଃର୍ତାର୍‌ ତୁମାର୍‌ ଗିନେ ନିକ, ଇରି ହେଁ ତୁମିମଃନ୍ ବୁଜୁ ନଃହାରୁଲାସ୍‌ ?” 
\v 51 କୟାପା ନିଜାର୍‌ ତଃୟ୍‌ହୁଣି ଇରି ନଃକୟ୍‌, ମଃତର୍‌ ସେ ବଃର୍ସାର୍‌ ମୁଳ୍‌ ଜାଜକ୍‌ ଅୟ୍‌ରିଲାକ୍‌, ସେ ଜିସୁକେ ଜିଉଦି ଲକ୍‌ମଃନାର୍‌ ଗିନେ ମଃରୁକେ ଜଃଉଁଲା ବଃଲି ବାବ୍‌ବାଣି କଃଉତିରିଲା, 
\v 52 ଆର୍‌ ଅଃକାୟ୍‌ ସେ ଲକ୍‌ମଃନାର୍‌ ଗିନେ ନାୟ୍‌, ମଃତର୍‌ ଇସ୍ୱରାର୍‌ ଚିନ୍‌ବିନ୍ ଅୟ୍‌ରିଲା ହିଲାମଃନ୍‌କେ ହେଁ ରୁଣ୍ଡାୟ୍‌କଃରି ଗଟେକ୍‌ କଃରୁକେ ମଃର୍ନ୍‌ ଡଃଣ୍ଡ୍‌ ହାଉଁକ୍‌ ଜଃଉଁଲା, ଇତାର୍‌ ଗିନେ ଇ ବାବ୍‌ବାଣି କୟ୍‌ଲା ।
\p
\v 53 ସେତାକ୍‌ ସେ ଦିନ୍ ହୁଣି ଜିଉଦି ନେତାମଃନ୍ ଜିସୁକେ ମଃର୍ନେ ମାରୁକ୍‌ କୁଟ୍‌ କଃଲାୟ୍‌ । 
\v 54 ତଃବେ, ଜିସୁ ଜିଉଦିମଃନାର୍‌ ବିତ୍ରେ ଆରେକ୍‌ ଦଃକ୍‌ଣେ ଚାଲା ବୁଲା ନଃକେଲା, ମଃତର୍‌ ଜିସୁ ସେ ଜଃଗାୟ୍‌ ହୁଣି ବାରାୟ୍‌ ଜାୟ୍‌ ଟଃଙ୍ଗ୍ରା ବଃଟା ଲଃଗେ ରିଲା ଜଃଗାର୍‌ ଏପ୍ରିଅମ୍‌ ନାଉଁଆର୍‌ ଗଟେକ୍‌ ଗଃଳେ ଗଃଲା, ଆରେକ୍‌ ସେ ଚେଲାମଃନାର୍‌ ସଃଙ୍ଗ୍ ସେତି ରିଲା ।
\p
\v 55 ସଃଡେବଃଳ୍‌ ଜିଉଦିମଃନାର୍‌ ମୁକ୍ଳାଉଁଣି ହଃର୍ବ୍‌ ଲଃଗେ ଆସ୍ତିରିଲି, ଆରେକ୍‌ ଗାଉଁଏମଃନ୍‌ ହୁଣି ଅଃହ୍‌ଣା ଅଃହ୍‌ଣାକ୍‌ ନିର୍ମୁଳ୍‌ କଃରୁକେ ମୁକ୍ତି ହଃର୍ବ୍‌ ଆଗ୍‌ତୁ ଜିରୁସାଲମେ ଗଃଲାୟ୍‌ । 
\v 56 ସେତାକ୍‌ ସେମଃନ୍ ଜିସୁକେ ଲଳୁ ଲଳୁ ମନ୍ଦିରେ ଟିଅୟ୍‌ ରିଲା ବଃଳ୍‌ ତାକାର୍‌ ତାକାର୍‌ ବିତ୍ରେ କଃଉଁକେ ଦଃର୍ଲାୟ୍‌, “ତୁମିମଃନ୍ କାୟ୍‌ରି ମଃନେ କଃରୁଲାସ୍‌ ? ସେ କାୟ୍‌ ହଃର୍ବ୍‌କେ ନାସେ ?” 
\v 57 ବଃଡ୍ ଜାଜକ୍‌ ଆର୍‌ ପାରୁସିମଃନ୍ ଜିସୁକେ ଦଃରୁକ୍‌, ଜିସୁ କୁୟ୍‌ତି ଆଚେ, ଇରି ଜଦି କେ ଜାଣିଆଚେ, ତଃବେ ସେରି ସେମଃନ୍‌କେ ଜାଣାଉଁକ୍‌ ଆଦେସ୍‌ କଃରି ରିଲାୟ୍‌ ।
\c 12
\s ମରିୟମ୍‌ ଜିସୁକେ ଚିକଣ୍‌ ହାଦ୍‌ଳାୟ୍‌ଲି
\r (ମାତି ୨୬:୬-୧୩; ମାର୍କ ୧୪:୩-୯)
\p
\v 1 ଇ ବିତ୍ରେ ଜିସୁ ମୁକ୍ଳାଉଁଣି ହଃର୍ବ୍‌ ଅଃଉତା ଚଅ ଦିନ୍ ଆଗ୍‌ତୁ ବେତାନିଆ ଗଃଳେ ଗଃଲା; ସେତି ଲାଜାରାର୍‌ ଗଃର୍‌ ରିଲି, ଜୁୟ୍‌ ମଃରିରିଲା ଲାଜାର୍‌କେ ଜିସୁ ଉଟାୟ୍‌ରିଲା । 
\v 2 ସେତି ସେମଃନ୍ ଜିସୁର୍‌ ଗିନେ ଗଟେକ୍‌ ରାତି ବଜି କଃଲାୟ୍‌; ସେ ବଜିଲଃଗେ ମାର୍ତା ସେବା କଃର୍ତିରିଲି, ଆର୍‌ ଜୁୟ୍‌ ଲକ୍‌ମଃନ୍ ତାର୍‌ ସଃଙ୍ଗ୍ କାଉଁକେ ବଃସ୍‌ଲାୟ୍‌ ଲାଜାର୍‌ ହେଁ ସେମଃନାର୍‌ ସଃଙ୍ଗ୍ ରିଲା ।
\p
\v 3 \x + \xo ୧୨:୩ \xo*\xt ଲୁକ ୭:୩୭,୩୮.\xt*\x*ସଃଡେବଃଳ୍‌ ମରିୟମ୍‌ ଆଦ୍‌ ଲିଟର୍‌ ବୁତେକ୍‌ ମଲାର୍‌ ସୁଦ୍‌ ଜଟାମାଂସି ଚିକଣ୍‌ ଆଣି, ଜିସୁର୍‌ ହାଦେ ସେରି ଡାଳି ନିଜାର୍‌ ମୁଣ୍ଡାର୍‌ ବାଳେ ଜିସୁର୍‌ ହାଦ୍‌ ହୁଚ୍‌ଲି, ଆର୍‌ ଚିକଣାର୍‌ ବାସ୍ନାୟ୍‌ ଗଃର୍‌ ଗଃମ୍‌କି ଗଃଲି । 
\v 4 ମଃତର୍‌ ଜିସୁର୍‌ ଚେଲାମଃନାର୍‌ ବିତ୍ରାର୍‌ ଇସ୍କାରିଅତ୍‌ ଜିଉଦା ନାଉଁଆର୍‌ ଜୁୟ୍‌ ଚେଲା ଜିସୁକେ ସଃତ୍ରୁର୍‌ ଆତେ ସଃହ୍ରି ଦେଉଁକ୍‌ ଜାତିରିଲା, ସେ କୟ୍‌ଲା, 
\v 5 “ଇ ବାସ୍ନାଚିକଣ୍‌ ସାତ୍‌କଳି ଦଃସ୍‌ ଟଃକାୟ୍‌ ବିକାଜାୟ୍‌ ଗଃରିବ୍‌ମଃନ୍‌କେ କାୟ୍‌ତାକ୍‌ ଦିଆ ନଃଗେଲି ?” 
\v 6 ସେ ଜେ ଗଃରିବ୍‌ମଃନାର୍‌ ଗିନେ ଚିତା କଃର୍ତିରିଲା ବଃଲି ଇରି କୟ୍‌ଲା, ସେରି ନାୟ୍‌, ମଃତର୍‌ ସେ ଗଟେକ୍‌ ଚର୍‌ ରିଲା, ଆରେକ୍‌ ତାର୍‌ ଲଃଗେ ଡାବୁ ହେଳି ରିଲାକ୍‌ ସେତି ଜାୟ୍‌ ଜାୟ୍‌ରି ସଃଙ୍ଗା ଜାତିରିଲି, ସେରି ସେ ଚରି କଃରି ନଃୟ୍‌ ଜାତିରିଲା । \fig ଚିକଣ୍‌ କଣ୍ଡି|alt="Alabaster jars" src="hk00142c.tif" size="col" copy="Horace Knowles ©" ref="12:3"\fig*
\p
\v 7 ସେତାକ୍‌ ଜିସୁ କୟ୍‌ଲା, “ତାକ୍‌ ଚାଡି ଦିଆସ୍‌, ଜଃନ୍‌କଃରି ମକ୍‌ ତହ୍‌ତା ଦିନ୍ ଗିନେ ସେ ଇରି ସଃଙ୍ଗାଉଁକ୍‌ ହାରେ । 
\v 8 ଗଃରିବ୍‌ମଃନ୍ ତ ସଃବୁବଃଳ୍‌ ତୁମାର୍‌ ଚଃମେ ଆଚ୍‌ତି, ମଃତର୍‌ ମୁୟ୍‌ ସଃବୁବଃଳ୍‌ ତୁମାର୍‌ ଚଃମେ ନଃରେୟ୍‌ଁ ।”
\s ଲାଜାର୍‌ ବିରଦେ କୁଟ୍‌
\p
\v 9 ଇ ବିତ୍ରେ ଗାଦେକ୍‌ ଜିଉଦି ଲକ୍‌ ଜିସୁ ବେତ୍‌ନିଆ ଲଃଗେ ଆଚେ ବଃଲି ଜାଣୁ ହାରି, ଅଃକାୟ୍‌ ଜିସୁର୍‌ ଗିନେ ନାୟ୍‌, ମଃତର୍‌ ଜୁୟ୍‌ ଲାଜାର୍‌କେ ସେ ମଃଲା ଲକାର୍‌ ତଃୟ୍‌ହୁଣି ଉଟିରିଲା, ତାକ୍‌ ଦଃକୁକ୍‌ ହେଁ ଆୟ୍‌ଲାୟ୍‌ । 
\v 10 ସେତାକ୍‌ ଲାଜାର୍‌କେ ହେଁ ମଃର୍ନେ ମାରୁକ୍‌ ବଃଡ୍ ଜାଜକ୍‌ମଃନ୍ କୁଟ୍‌ କଃଲାୟ୍‌ । 
\v 11 ବଃଲେକ୍‌ ଲାଜାର୍‌ ଗିନେ ଜିଉଦିମଃନାର୍‌ ବିତ୍ରାର୍‌ କଃତେକ୍‌ ଲକ୍‌ମଃନ୍ ସେମଃନ୍‌କେ ନଃମାନ୍‌ତିରିଲାୟ୍‌, ଆର୍‌ ଜାୟ୍‌ ଜିସୁର୍‌ ତଃୟ୍‌ ବିସ୍ୱାସ୍‌ କଃର୍ତି ରିଲାୟ୍‌ ।
\s ଜିସୁ ଜିରୁସାଲମ୍‌ ଗଃଲା
\r (ମାତି ୨୧:୧-୧୧; ମାର୍କ ୧୧:୧-୧୧; ଲୁକ ୧୯:୨୮-୪୦)
\p
\v 12 ତାର୍‌ ଆର୍‌କ ଦିନ୍ ମୁକ୍ତି ହଃର୍ବ୍‌କେ ଆସିରିଲା ଗାଦେକ୍‌ ଲକ୍‌ ଜିସୁ ଜିରୁସାଲମେ ଆସୁଲା ବଃଲି ସୁଣ୍‌ଲାୟ୍‌ । 
\v 13 ସେତାକ୍‌ ସେମଃନ୍ କଃଜ୍ରି ଡାଳ୍‌ ଦଃରି ଜିସୁକେ ଦଃକୁକ୍‌ ବାରାୟ୍‌ ଗଃଳାୟ୍‌, ଆର୍‌ ବଃଡ୍ ଟଣ୍ଡେ କଃଉଁକେ ଦଃର୍ଲାୟ୍‌, “ହସାନ୍ନା । ମାପ୍ରୁର୍‌ ନାଉଁଏ ଜେ ଆସୁଲା, ତାର୍‌ ବାୟ୍‌ଗ୍‌; ଇସ୍ରାଏଲ୍‌କେ ଚାଲାଉତା ରଃଜାକ୍‌ ଇସ୍ୱର୍‌ ଆସିର୍ବାଦ୍‌ କଃର ।”
\p
\v 14 ଆରେକ୍‌ ଜିସୁ ଗଟେକ୍‌ ଗଃଦ ଉହ୍ରେ ବଃସି ଆସ୍ତି ରିଲା । ଜଃନ୍‌କଃରି ଦଃର୍ମ୍‌ସାସ୍ତରେ ଲେକା ଆଚେ-
\q1
\v 15 “ଏ ସିଅନାର୍‌ ଦଃଙ୍ଗ୍‌ଳିମଃନ୍, ଡିରା ନାୟ୍‌;
\q1 ଦଃକା ତୁମାର୍‌ ରଃଜା ଆସୁଲା,
\q2 ସେ ହିଲାଗଃଦ ଉହ୍ରେ ଚଃଗିକଃରି ଆସୁଲା ।”
\p
\v 16 ତାର୍‌ ଚେଲାମଃନ୍ ହଃର୍ତୁମ୍‌ ଇ ସଃବୁ ବିସୟ୍‌ ବୁଜୁ ନଃହାୟ୍‌ଲାୟ୍‌, ମଃତର୍‌ ଜିସୁ ଜଃଜ୍‌ମାନ୍ ହାୟ୍‌ଲା ହଃଚେ ଇ ସଃବୁ ବିସୟ୍‌ ଜେ ତାର୍‌ ବିସୟେ ସାସ୍ତରେ ଲେକା ଅୟ୍‌ଆଚେ, ଆରେକ୍‌ ତାର୍‌ ଗିନେ ସେମଃନ୍ ଜେ ଇ ସଃବୁ କଃରିଆଚ୍‌ତି, ସେରି ସେମଃନାର୍‌ ମଃନେ ଏତୁ ହଃଳ୍‌ଲି ।
\p
\v 17 ଆରେକ୍‌ ଜିସୁ ଲାଜାର୍‌କେ ମଃସ୍‌ଣେ ହୁଣି କୁଦି ମଃଲା ଲକାର୍‌ ତଃୟ୍‌ହୁଣି ଉଟାଉତା ବଃଳ୍‌ ଜୁୟ୍‌ ଲକ୍‌ମଃନ୍ଦା ତାର୍‌ ସଃଙ୍ଗ୍ ରିଲାୟ୍‌, ସେମଃନ୍ ଇସଃବୁ କଃତା ସାକି ଦେଉଁକ୍‌ ଦଃର୍ଲାୟ୍‌ । 
\v 18 ସେତାର୍‌ଗିନେ ଲକ୍‌ମଃନ୍ଦା ଜିସୁକେ ମିସୁକ୍‌ ଜାୟ୍‌ ରିଲାୟ୍‌, ବଃଲେକ୍‌ ସେ ଇ କାବା ଅଃଉତା ଚିନ୍ କଃରି ଆଚେ ବଃଲି ସେମଃନ୍ ସୁଣି ରିଲାୟ୍‌ । 
\v 19 ସେତାକ୍‌ ପାରୁସିମଃନ୍ କଃଉଆକଇ ଅୟ୍‌ଲାୟ୍‌, “ଦଃକ୍‌ଲାସ୍‌ ତ, ଅଃମିମଃନାର୍‌ ସଃବୁ କାମ୍‌ ଉଲ୍‌ଟା ଅଃଉଁଲି, ଦଃକା ଜଃଗତ୍‌ଜାକ ତାର୍‌ ହଃଚେ ଜଃଉଁଲାୟ୍‌ ।”
\s କଃତିଗଟ୍‌ ଗ୍ରିକ୍‌ ଲକ୍‌ମଃନ୍ ଜିସୁକେ ଲଳ୍‌ଲାୟ୍‌
\p
\v 20 ହଃର୍ବ୍‌ ବଃଳ୍‌ ସେବା କଃରୁକ୍‌ ଜିରୁସାଲମେ ଆସ୍ତି ରିଲା ଲକ୍‌ମଃନାର୍‌ ବିତ୍ରେ କଃତେକ୍‌ ଗ୍ରିକ୍‌ ଲକ୍‌ମଃନ୍ ରିଲାୟ୍‌ । 
\v 21 ସେମଃନ୍ ଗାଲିଲିର୍‌ ବେତ୍‌ସାଇଦା ଗାଉଁଆର୍‌ ଲକ୍‌ ରିଲାୟ୍‌, ସେମଃନ୍ ପିଲିପ୍ ଲଃଗେ ଆସି ତାକ୍‌ ଗଃଉଆରି କଃରି କୟ୍‌ଲାୟ୍‌, “ମାପ୍ରୁ, ଜିସୁକେ ଦଃକୁକ୍‌ ଅଃମାର୍‌ ଇଚା ।”
\p
\v 22 ପିଲିପ୍ ଜାୟ୍‌କଃରି ଆନ୍ଦ୍ରିଅକେ କୟ୍‌ଲା, ଆରେକ୍‌ ଆନ୍ଦ୍ରିଅ ଆର୍‌ ପିଲିପ୍ ଜାୟ୍‌ ଜିସୁକେ କୟ୍‌ଲାୟ୍‌ । 
\v 23 ଜିସୁ ସେମଃନ୍‌କେ କୟ୍‌ଲା, “ନଃରାର୍‌ ହୟ୍‌ସି ଜଃଜ୍‌ମାନ୍ ହାଉଁକ୍‌ ବେଳା ହଚ୍‌ଲିନି । 
\v 24 ମୁୟ୍‌ ତୁମିକେ ସଃତ୍‌କଃରି କଃଉଁଲେ, ଗଅଁ ମୁଞ୍ଜି ଜଦି ମାଟାୟ୍‌ ଅଦ୍ରି ନଃମେରେ, ତଃନ୍‌ଅୟ୍‌ଲେକ୍‌ ସେରି ଗଟେକ୍‌ ହଃକା ରଃୟ୍‌ଦ୍‌, ମଃତର୍‌ ଜଦି ମଃରେଦ୍‌ ତଃବେ ବୁତେକ୍‌ ହଃଳ୍‌ ହଃଳେଦ୍‌, 
\v 25 \x + \xo ୧୨:୨୫ \xo*\xt ମାତି ୧୦:୩୯; ୧୬:୨୫; ମାର୍କ ୮:୩୫; ଲୁକ ୯:୨୪; ୧୭:୩୩.\xt*\x*ଜେ ନିଜାର୍‌ ଜିବନ୍‌କେ ଲାଡ୍‌ କଃରେଦ୍‌, ସେ ତାର୍‌ ଜିବନ୍ ଆରାୟ୍‌ଦ୍‌, ଆରେକ୍‌ ଜେ ନିଜାର୍‌ ଜିବନ୍‌କେ ଇ ଜଃଗତେ ଗିଣ୍ କଃରେଦ୍‌ ସେ ସେରି ଅଃମ୍ବର୍‌ ଜିବନ୍ ଗିନେ ବାଚାୟ୍‌ଦ୍‌ । 
\v 26 କେ ଜଃବେ ସେବାକାରି ସେବା କଃରୁକେ ମଃନ୍ କଃରେଦ୍‌, ତଃବେ ସେ ମର୍‌ ହଃଚେ ଆସ; ଆରେକ୍‌ ମୁୟ୍‌ ଜୁୟ୍‌ତି ରଃୟ୍‌ନ୍ଦ୍ ମର୍‌ ସେବା କଃରୁ ହେଁ ସେତି ରଃୟ୍‌ଦ୍‌, କେ ଜଃବେ ମର୍‌ ସେବା କଃରେଦ୍‌, ତଃବେ ଉବା ତାକ୍‌ ମାନ୍‌ତି ଦଃୟ୍‌ଦ୍‌ ।”
\s ଜିସୁ ନିଜାର୍‌ ମଃର୍ନ୍‌ କଃତା କୟ୍‌ଲା
\p
\v 27 “ଅଃବେ ମୁୟ୍‌ ବଃଡେ ଦଃନ୍ଦାୟ୍‌ ଆଚି, ମୁୟ୍‌ କାୟ୍‌ ବଃଲିନ୍ଦ୍‌ ? ଉବା ଇ ବିପ୍‌ତି ତଃୟ୍‌ହୁଣି ବଚାଉ ବଃଲିନ୍ଦ୍‌ କି ? ସେତାର୍‌ ଗିନେ ତ ଆସି ଆଚି । ଦୁକ୍‌ ବଗ୍‌ତା ବେଳାମଃନ୍‌ ସଃମ୍ବାଳୁକ୍‌ ତ ମୁୟ୍‌ ଆସିଆଚି ।”
\p
\v 28 ଉବା ଅଃହ୍‌ଣାର୍‌ ନାଉଁକ୍‌ ଜଃଜ୍‌ମାନ୍‌ କଃର୍‌ । ସଃଡେବଃଳ୍‌ ସଃର୍ଗେହୁଣି ଇ କଃତା ସୁଣା ଗଃଲି, “ମୁୟ୍‌ଁ ତାକ୍‌ ଜଃଜ୍‌ମାନ୍ କଃରିଆଚି ଆର୍‌ ଆରେକ୍‌ ଜଃଜ୍‌ମାନ୍ କଃରିନ୍ଦ୍‌ ।”
\p
\v 29 ସେତାକ୍‌ ସେଲଃଗେ ଟିଆ ଅୟ୍‌ରିଲା ଲକ୍‌ମଃନ୍ ଇରି ସୁଣି ମେଗ୍ ଗଃର୍ଜାଣ୍ ଅୟ୍‌ଲି ବଃଲି କୟ୍‌ଲାୟ୍‌; ବିନ୍ ଲକ୍‌ମଃନ୍ କୟ୍‌ଲାୟ୍‌, “ଗଟ୍‌ ଦୁତ୍‌ ତାକ୍‌ ଟଣ୍ଡ୍ ଅୟ୍‌ଲା ।”
\p
\v 30 ମଃତର୍‌ ଜିସୁ ସେମଃନ୍‌କେ କୟ୍‌ଲା, “ମର୍‌ ଗିନେ ଇ କଃତା ସୁଣା ନୟ୍‌, ମଃତର୍‌ ତୁମାର୍‌ ଗିନେ ଅୟ୍‌ଆଚେ । 
\v 31 ଅଃବେ ଇ ଜଃଗତାର୍‌ ବିଚାର୍‌ କେଟି ଆଚେ; ଅଃବେ ଇ ଜଃଗତାର୍‌ ମୁଳିକାକେ ହଃଦାୟ୍‌ ହଃକାଜାୟ୍‌ଦ୍‌ । 
\v 32 ଆର୍‌ ମକ୍‌ ଜଃଡେବଃଳ୍‌ ହୁର୍ତିବି ହୁଣି ଉହ୍ରେ ଉଟା ଅୟ୍‌ଦ୍‌, ସଃଡେବଃଳ୍‌ ସଃବ୍‌କେ ନିଜାର୍‌ ହାକ୍‌ ନଃୟ୍‌ନ୍ଦ୍ ।” 
\v 33 ଜିସୁ କୁୟ୍‌ରଃକମ୍‌ ମଃର୍ନ୍‌ ଡଃଣ୍ଡ୍‌ ବଗ୍ କଃରୁକେ ଜାତିରିଲା, ସେରି ଜାଣାଉଁକ୍‌ ଇରି କୟ୍‌ଲା । 
\v 34 ସେତାକ୍‌ ଲକ୍‌ମଃନ୍ଦା ତାକ୍‌ ଉତୁର୍‌ ଦିଲାୟ୍‌, କ୍ରିସ୍ଟ ସଃବୁ ଅଃମ୍ବର୍‌ ରଃୟ୍‌ଦ୍‌ ବଃଲି ଅଃମିମଃନ୍‌ ବିଦି ସାସ୍ତରେ ହୁଣି ଜାଣି ଆଚୁ, ତଃବେ ନଃରାର୍‌ ହୟ୍‌ସି ବାୟ୍‌ଦ୍‌ରେ ଉହ୍ରେ ଉଟା ଅୟ୍‌ଦ୍‌ ବଃଲି ତୁୟ୍‌ କଃନ୍‌କଃରି କଃଉଁଲିସ୍‌ ? ଇ ନଃରାର୍‌ ହୟ୍‌ସି କେ ? 
\v 35 ସେତାକ୍‌ ଜିସୁ ସେମଃନ୍‌କେ କୟ୍‌ଲା, ଆରେକ୍‌ ଅଃଳକ୍‌ ବେଳା ମଃତର୍‌ ଉଜାଳ୍‌ ତୁମାର୍‌ ବିତ୍ରେ ଆଚେ, ଅଃନ୍ଦାର୍‌ ଜଃନ୍‌କଃରି ତୁମିମଃନ୍‌କେ ଡାହି ନଃକେରେ, ଇତାର୍‌ ଗିନେ ତୁମାର୍‌ ଲଃଗେ ଉଜାଳ୍‌ ରେଉଁ ରେଉଁ ଜଃଗ୍ରାତ୍‌ ଅଃଉଆ; ଜେ ଅଃନ୍ଦାରେ ଚାଲାଚାଲ୍‌ତି କଃରେଦ୍‌, ସେ କେଣେ ଜଃଉଁଲା ସେରି ନଃଜାଣେ । 
\v 36 ତୁମିମଃନ୍ ଜଃନ୍‌କଃରି ଉଜାଳାର୍‌ ହିଲା ଅଃଉଆସ୍‌, ସେତାର୍‌ ଗିନେ ଉଜାଳ୍‌ ତୁମାର୍‌ ଲଃଗେ ରେଉଁ ରେଉଁ ଉଲାଳ୍‌କେ ବିସ୍ୱାସ୍‌ କଃରା । ଜିସୁ ଇସଃବୁ କଃତା କୟ୍‌ଲା ହଃଚେ, ସେମଃନାର୍‌ ତଃୟ୍‌ହୁଣି ଗଃଲା ଆର୍‌ ସେମଃନାର୍‌ ତଃୟ୍‌ହୁଣି ଲୁକିକଃରି ରିଲା ।
\s ଲକ୍‌ମଃନାର୍‌ ଅବିସ୍ୱାସ୍‌
\p
\v 37 ଜିସୁ ସେମଃନାର୍‌ ମୁୟେ ଅଃତେକ୍‌ କାବା ଅଃଉତା ଚିନ୍ କଃରିରିଲା, ଅୟ୍‌ଲେକ୍‌ ହେଁ ସେମଃନ୍ ତାର୍‌ ତଃୟ୍‌ ବିସ୍ୱାସ୍‌ ନଃକେର୍ତି ରିଲାୟ୍‌ । 
\v 38 ଜଃନ୍‌କଃରି ବାବ୍‌ବାଦି ଜିସାୟ୍‌ ଲେକ୍‌ଲା ଇ ବଃଚନ୍ ହୁରା ଅୟ୍‌ଦ୍‌,
\q1 ଏ ମାପ୍ରୁ, କେ ଅଃମାର୍‌ କବୁର୍‌କେ ବିସ୍ୱାସ୍‌ କଃରି ଆଚେ ?
\q2 ଆର୍‌ ମାପ୍ରୁର୍‌ ସଃକ୍ତି କାର୍‌ ତଃୟ୍‌ ଜାଣା ଅୟ୍‌ଆଚେ ?
\p
\v 39 ଇତାର୍‌ ଗିନେ ସେମଃନ୍ ବିସ୍ୱାସ୍‌ କଃରୁ ନାହାର୍ତି ରିଲାୟ୍‌, ବଃଲେକ୍‌ ଜିସାୟ୍‌ ଆରେକ୍‌ କୟ୍‌ଆଚେ-
\q1
\v 40 ସେ ସେମଃନାର୍‌ ଆକି ଅଃନ୍ଦ୍ କଃଲା ଆଚେ
\q2 ଆର୍‌ ସେମଃନାର୍‌ ମଃନ୍‌ ଅଃଟୁଆ କଃରିଆଚେ,
\q1 ଜଃନ୍‌କଃରି ସେମଃନ୍ ଦଃକୁ ନଃହାର୍‌ତି
\q2 ଆର୍‌ ସେମଃନାର୍‌ ମଃନେ ନଃବୁଜ୍‌ତି,
\q2 ଆରେକ୍‌ ବାଉଳିନାସ୍ତି,
\q2 ଆରେକ୍‌ ଅଃମି ସେମଃନ୍‌କେ ଉଜ୍‌ ନଃକେରୁ ।
\p
\v 41 ଜିସାୟ୍‌ ଇ ସଃବୁ କୟ୍‌ଲା, ବଃଲେକ୍‌ ସେ ଜିସୁର୍‌ ଜଃଜ୍‌ମାନ୍‌ ଦଃକ୍‌ଲା ଆର୍‌ ତାର୍‌ ବିସୟେ କଃତା କୟ୍‌ଲା ।
\p
\v 42 ଅୟ୍‌ଲେକ୍‌ ହେଁ ଜିଉଦି ମୁଳିକାମଃନାର୍‌ ବିତ୍ରାର୍‌ ହେଁ ବୁତେକ୍‌ ଲକ୍‌ ତାର୍‌ ତଃୟ୍‌ ବିସ୍ୱାସ୍‌ କଃଲାୟ୍‌, ମଃତର୍‌ ଚଃନେମଃନେ ସେମଃନ୍ ଦଃଳେ ହୁଣି ବାର୍‌ତି, ଇତାର୍‌ ଗିନେ ପାରୁସିମଃନାର୍‌ ଗିନେ ସେରି କଃଉଁକେ ନଃଚ୍‌ତିରିଲାୟ୍‌, 
\v 43 ବଃଲେକ୍‌ ସେମଃନ୍ ଇସ୍ୱରାର୍‌ ତଃୟ୍‌ହୁଣି ଜଃଜ୍‌ମାନ୍ ହାଉତା ବାଟା, ନଃର୍‌ମଃନାର୍‌ ତଃୟ୍‌ହୁଣି ଜଃଜ୍‌ମାନ୍ ବଃଲ୍‌ ହାୟ୍‌ଲାୟ୍‌ ।
\s ଜିସୁ କୟ୍‌ଲା କଃତାୟ୍‌ ବିଚାର୍‌
\p
\v 44 ଜିସୁ ବଃଡ୍ ଟଣ୍ଡ୍ କଃରି କୟ୍‌ଲା, ଜେ ମର୍‌ ତଃୟ୍‌ ବିସ୍ୱାସ୍‌ କଃରେଦ୍‌, ସେ ମର୍‌ ତଃୟ୍‌ ହଃକା ବିସ୍ୱାସ୍‌ ନଃକେରେ, ମଃତର୍‌ ମକ୍‌ ଜେ ହଃଟାୟ୍‌ ଆଚେ ତାର୍‌ ତଃୟ୍‌ ବିସ୍ୱାସ୍‌ କଃରେଦ୍‌ । 
\v 45 ଆରେକ୍‌ ଜେ ମକ୍‌ ଦଃକି ଆଚେ ସେ ମକ୍‌ ହଃଟାୟ୍‌ଲା ଲକ୍‌କେ ହେଁ ଦଃକି ଆଚେ । 
\v 46 ଜୁୟ୍‌ ଲକ୍‌ ମର୍‌ ତଃୟ୍‌ ବିସ୍ୱାସ୍‌ କଃରେଦ୍‌, ସେ ଜଃନ୍‌କଃରି ଅଃନ୍ଦାରେ ବାସା ନଃକେରେ, ଇତାର୍‌ ଗିନେ ମୁୟ୍‌ ଜଃଗତ୍‌କେ ଉଜାଳ୍‌ ଅୟ୍‌ ଆସି ଆଚି । 
\v 47 କେ ଜଦି ମର୍‌ କଃତା ସୁଣି ନଃମାନେ, ତଃନ୍‌ଅୟ୍‌ଲେକ୍‌ ମୁୟ୍‌ ତାର୍‌ ବିଚାର୍‌ ନଃକେରି; ବଃଲେକ୍‌ ମୁୟ୍‌ ଜଃଗତାର୍‌ ବିଚାର୍‌ କଃରୁକେ ନାସି, ମଃତର୍‌ ଜଃଗତ୍‌କେ ମୁକ୍ତି ଦେଉଁକେ ଆସିଆଚି । 
\v 48 ଜେ ମକ୍‌ ନଃଦେରେ ଆର୍‌ ମର୍‌ କଃତା ନଃସୁଣେ, ତାର୍‌ ବିଚାର୍‌ କଃର୍ତା ଲକ୍‌ ଆଚେ; ମୁୟ୍‌ ଜୁୟ୍‌ କଃତା କୟ୍‌ ଆଚି, ସେରି ସେସ୍‌ ଦିନ୍ ତାର୍‌ ବିଚାର୍‌ କଃରେଦ୍‌ । 
\v 49 କାୟ୍‌ତାକ୍‌ବଃଲେକ୍‌ ଇ କଃତା ସଃତ୍‌, ବଃଲେକ୍‌ ମୁୟ୍‌ ନିଜାର୍‌ ତଃୟ୍‌ହୁଣି କାୟ୍‌ରି ନଃକୟ୍‌ଁ, ମଃତର୍‌ ମୁୟ୍‌ କାୟ୍‌ରି କୟ୍‌ନ୍ଦ୍ ଆର୍‌ କାୟ୍‌ରି ଜାଣାୟ୍‌ନ୍ଦ୍ ସେରି ମକ୍‌ ହଃଟାୟ୍‌ଲା ଉବା ମକ୍‌ ଆଦେସ୍‌ ଦଃୟ୍‌ଆଚେ । 
\v 50 ଆର୍‌ ତାର୍‌ ବଲ୍‌ ଜେ ଅଃମ୍ବର୍‌ ଜିବନ୍, ଇରି ମୁୟ୍‌ ଜାଣି, ତଃବେ ମୁୟ୍‌ ଜୁୟ୍‌ ଜୁୟ୍‌ କଃତା କୟ୍‌ନ୍ଦ୍, ଉବା ମକ୍‌ ଜଃନ୍‌କଃରି ଆଦେସ୍‌ ଦଃୟ୍‌ଆଚେ ସେନ୍‌କଃରି କୟ୍‌ନ୍ଦ୍ ।
\c 13
\s ଜିସୁ ଚେଲା ମଃନାର୍‌ ହାଦ୍‌ ଦୟ୍‌ଲା
\p
\v 1 ମୁକ୍ଳାଉଁଣି ହଃର୍ବ୍‌ ଅଃଉତା ଆଗ୍‌ତୁ ଜିସୁ ଇ ଜଃଗତେ ହୁଣି ଉବାସିର୍‌ ହାକ୍‌ ତାର୍‌ ଜାତା ବେଳା ହଚିଆଚେ ବଃଲି ଜାଣି ଜଃଗତେ ରିଲା ନିଜାର୍‌ ଜୁୟ୍‌ ଲକ୍‌ମଃନ୍‌କେ ସେ ଲାଡ୍‌ କଃରି ଆସ୍ତି ରିଲା, ସେମଃନ୍‌କେ ତାର୍‌ ଜିବନାର୍‌ ସଃରାସଃରି ଲାଡ୍‌ କଃଲା ।
\p
\v 2 ଆରେକ୍‌ ରାତି ବଜି ବଃଳ୍‌ ଜଃଡେବଃଳ୍‌ ସିମନାର୍‌ ହୟ୍‌ସି ଇସ୍କାରିଅତ୍‌ ଜିଉଦାର୍‌ ମଃନ୍‌ ବିତ୍ରେ ଜିସୁକେ ସଃତ୍ରୁ ଆତେ ଦଃରାୟ୍‌ ଦେଉଁକ୍‌ ସୟ୍‌ତାନ୍ ଉସ୍‌କାୟ୍‌ ରିଲି, 
\v 3 ସଃଡେବଃଳ୍‌ ଉବା ଜେ ତାର୍‌ ଆତେ ସଃବୁ ଅଃଦିକାର୍‌ ସଃହ୍ରି ଦଃୟ୍‌ ଆଚେ ଆର୍‌ ସେ ଜେ ଇସ୍ୱରାର୍‌ ଲଃଗେହୁଣି ଆସି ଆଚେ, ଆରେକ୍‌ ଇସ୍ୱରାର୍‌ ହାକ୍‌ ବାଉଳି ଜାୟ୍‌ଦ୍‌ । 
\v 4 ତଃବେ ଜିସୁ କାତା ବାଟାୟ୍‌ ହୁଣି ଉଟି ନିଜାର୍‌ ଉହ୍ରେ ହିନ୍ଦିରିଲା ବଃସ୍ତର୍‌ କାଡି ଦଃୟ୍‌ ଗଟେକ୍‌ ତୁଆଲ୍‌ ସଃଙ୍ଗ୍ ନିଜାର୍‌ ଅଃଟାୟ୍‌ ବାନ୍ଦ୍‌ଲା, 
\v 5 ତାର୍‌ହଃଚେ ଜିସୁ ତାବ୍‌ଲାୟ୍‌ ହାଣି ଡାଳ୍‌ଲା, ଆରେକ୍‌ ଚେଲାମଃନାର୍‌ ହାଦ୍‌ ଦଃୟ୍‌ ଦଃୟ୍‌ ନିଜାର୍‌ ଅଃଟାୟ୍‌ ବାନ୍ଦି ରିଲା ତୁଆଲ୍‌ ସଃଙ୍ଗ୍ ହୁଚୁକ୍‌ ଦଃର୍ଲା । 
\v 6 ଜଃଡେବଃଳ୍‌ ଜିସୁ ସିମନ୍ ପିତର୍‌ ହାକ୍‌ ଆୟ୍‌ଲା; ପିତର୍‌ ତାକ୍‌ କୟ୍‌ଲା, “ମାପ୍ରୁ ତୁୟ୍‌ କାୟ୍‌ କଃରୁକ୍‌ ମର୍‌ ଗଡ୍ ଦଃୟ୍‌ ଦେଉଁଲିସ୍‌ ?”
\p
\v 7 ଜିସୁ ତାକ୍‌ ଉତୁର୍‌ ଦିଲା, “ମୁୟ୍‌ ଜାୟ୍‌ରି କଃରୁଲେ ସେରି ତୁମି ଅଃବେ ନଃଜାଣୁଲାସ୍‌, ମଃତର୍‌ ହଃଚେ ବୁଜାସ୍‌ ।”
\p
\v 8 ପିତର୍‌ ମଃନାକଃରି ଜିସୁକେ କୟ୍‌ଲା, “ତୁୟ୍‌ କଃବେ ହେଁ ମର୍‌ ଗଡ୍ ଦଃୟ୍‌ ଦେନାୟ୍‌ ।”
\p ଜିସୁ ତାକ୍‌ କୟ୍‌ଲା, “ଜଦି ମୁୟ୍‌ ତର୍‌ ହାଦ୍‌ ଦଃୟ୍‌ ନଃଦେୟ୍‌ଁ, ତଃବେ ତୁୟ୍‌ ମର୍‌ ଚେଲା ଅଃଉଁ ନାହାର୍ସି ।”
\p
\v 9 ସିମନ୍ ପିତର୍‌ ଜିସୁକେ କୟ୍‌ଲା, “ମାପ୍ରୁ, ତଃନ୍‌ଅଲେ ମର୍‌ ହାଦ୍‌ ନାୟ୍‌, ମଃତର୍‌ ମର୍‌ ଆତ୍‌ ଆର୍‌ ମୁଣ୍ଡ୍ ହେଁ ଦଃୟ୍‌ ଦେ ।”
\p
\v 10 ଜିସୁ ତାକ୍‌ କୟ୍‌ଲା, “ଜେ ଗଃଦାୟ୍‌ ଆଚେ ତାର୍‌ ଗଡ୍ ଦଃଉତା ଦଃର୍‌କାର୍‌ ଆର୍‌ କାୟ୍‌ରି କଃରୁକେ ଲଳା ନାୟ୍‌, ସେ ଲକ୍‌ ସଃତ୍‌କଃରି ନିର୍ମୁଳ୍‌, ତୁମିମଃନ୍ ସଃବୁ ଲକ୍‌ ନିର୍ମୁଳ୍‌ ଆଚାସ୍‌, ମଃତର୍‌ ଏକ୍ଲା ନାୟ୍‌ ।” 
\v 11 କାୟ୍‌ତାକ୍‌ବଃଲେକ୍‌ ଜେ ତାକ୍‌ ସଃତ୍ରୁ ଆତେ ସଃହ୍ରି ଦଃୟ୍‌ଦ୍‌ ସେ ତାକ୍‌ ଜାଣିରିଲା; ସେତାର୍‌ଗିନେ ସେ କୟ୍‌ଲା, “ଏକ୍ଲାକେ ଚାଡି ତୁମିମଃନ୍ ସଃବୁଲକ୍‌ ନିର୍ମୁଳ୍‌ ଅୟ୍‌ ଆଚାସ୍‌ ।”
\p
\v 12 \x + \xo ୧୩:୧୨ \xo*\xt ଲୁକ ୨୨:୨୭.\xt*\x*ତାର୍‌ହଃଚେ ଜିସୁ ଚେଲାମଃନାର୍‌ ହାଦ୍‌ ଦୟ୍‌ଦଃୟ୍‌ ଅଃହ୍‌ଣାର୍‌ ବଃସ୍ତର୍‌ ହିନ୍ଦି ଅଃହ୍‌ଣାର୍‌ ଜଃଗାୟ୍‌ ବଃସ୍‌ଲା ହଃଚେ ସେ ସେମଃନ୍‌କେ ହଃଚାର୍ଲା, “ମୁୟ୍‌ ତୁମାର୍‌ ଗିନେ କାୟ୍‌ରି କଃରି ଆଚି, ସେରି କାୟ୍‌ ତୁମିମଃନ୍ ବୁଜୁ ହାର୍ଲାସ୍‌ ? 
\v 13 ତୁମିମଃନ୍ ମକ୍‌ ଗୁରୁ ଆର୍‌ ମାପ୍ରୁ ବଃଲି କଃଉଁଲାସ୍‌, ଇରି ଟିକ୍‌ କଃତା, ବଃଲେକ୍‌ ମୁୟ୍‌ ତ ସେ । 
\v 14 ତଃବେ ତୁମାର୍‌ ଗୁରୁ ଆର୍‌ ମାପ୍ରୁ ଅୟ୍‌ ମୁୟ୍‌ ଜଦି ତୁମାର୍‌ ହାଦ୍‌ ଦୟ୍‌ଦିଲେ ଆଚି, ତଃବେ ତୁମିମଃନ୍ ହେଁ ସେବାନ୍ୟା ତୁମାର୍‌ ବିତ୍ରେ ହେଁ ବାୟ୍‌ଦ୍‌ରେ ଦଃଉଆଦଇ ଅଃଉଆ । 
\v 15 ତୁମିମଃନ୍‌କେ ମୁୟ୍‌ ଜଃନ୍‌କାର୍‌ କଃରିଆଚି, ତୁମିମଃନ୍ ହେଁ ଜେ ସେରଃକମ୍‌ କଃରା ଇତାର୍‌ ଗିନେ ମୁୟ୍‌ ତୁମିମଃନ୍‌କେ ଗଟେକ୍‌ ନିକ କାମ୍‌ କଃରି ଦଃକାୟ୍‌ ଆଚି । 
\v 16 \x + \xo ୧୩:୧୬ \xo*\xt ମାତି ୧୦:୨୪; ଲୁକ ୬:୪୦; ଜହ ୧୫:୨୦.\xt*\x*ମୁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ଗଟେକ୍‌ ଗତିଦଃଙ୍ଗ୍‌ଳା ଅଃହ୍‌ଣାର୍‌ ସାଉକାର୍‌ ତଃୟ୍‌ହୁଣି ବଃଡ୍ ନାୟ୍‌, କି ଗଟେକ୍‌ କବୁର୍‌କାରିଆ ଅଃହ୍‌ଣାର୍‌ କବୁର୍‌ହଃଟାଉ ତଃୟ୍‌ହୁଣି ବଃଡ୍ ନାୟ୍‌ । 
\v 17 ଜଦି ତୁମିମଃନ୍ ଇ ସଃବୁ ଜାଣାସ୍‌, ତଃବେ ସେବାନ୍ୟା କଃଲେକ୍‌ ତୁମିମଃନାର୍‌ ବାୟ୍‌ଗ୍‌ ।
\p
\v 18 ମୁୟ୍‌ ତୁମିମଃନାର୍‌ କଃତା ନଃକୟ୍‌ଁ, ମୁୟ୍‌ କଃନ୍‌କା ଲକ୍‌ମଃନ୍‌କେ ବାଚ୍‌ଲାର୍‌, ସେରି ମୁୟ୍‌ ଜାଣି; ମଃତର୍‌ ଦଃର୍ମ୍‌ ସାସ୍ତର୍‌ ତଃୟ୍‌ର୍‌ ଇ ବଃଚନ୍ ଜଃନ୍‌କଃରି ହୁରୁଣ୍ ଅୟ୍‌ଦ୍‌, ସେତାର୍‌ଗିନେ ଇବାନ୍ୟା ଗଃଟୁଲି, ଜେ ମର୍‌ ଅଃର୍ନ୍‌ କାୟ୍‌ଲା, ସେ ମର୍‌ ବିରଦେ ଲାତ୍‌ ଟେକ୍‌ଲା । 
\v 19 ସେରି ଗଃଟ୍‌ତା ବଃଳ୍‌ ମୁୟ୍‌ ସେ ବଃଲି ତୁମିମଃନ୍ ଜଃନ୍‌କଃରି ବିସ୍ୱାସ୍‌ କଃରାସ୍‌, ଇତାର୍‌ ଗିନେ ସେରି ଗଃଟ୍‌ତା ହୁର୍ବେ ମୁୟ୍‌ ଅଃବେ ତୁମିମଃନ୍‌କେ କଃଉଁଲେ । 
\v 20 \x + \xo ୧୩:୨୦ \xo*\xt ମାତି ୧୦:୪୦; ମାର୍କ ୯:୩୭; ଲୁକ ୯:୪୮; ୧୦:୧୬.\xt*\x*ମୁୟ୍‌ ତୁମିକେ ସଃତ୍‌ କଃଉଁଲେ, ଜେ ମୁୟ୍‌ ହଃଟାୟ୍‌ ରିଲା ଗଟେକ୍‌ ଲକେ ଗଃରେ କୁଦି ଦଃରେଦ୍‌, ସେ ମକ୍‌ ସେବାନ୍ୟା ଦଃରେଦ୍‌, ଆର୍‌ ଜେ ମକ୍‌ ଦଃରେଦ୍‌, ମକ୍‌ ଜେ ହଃଟାୟ୍‌ ଆଚେ ସେ ଇସ୍ୱର୍‌କେ ହେଁ ସେ ଦଃରେଦ୍‌ ।”
\s ତାକ୍‌ ଦଃରାୟ୍‌ ଦେତା ବିସୟ୍‌ ଜିସୁ କୟ୍‌ଲା
\r (ମାତି ୨୬:୨୦-୨୫; ମାର୍କ ୧୪:୧୭-୨୧; ଲୁକ ୨୨:୨୧-୨୩)
\p
\v 21 ଜିସୁ ଇସଃବୁ ସାକି ଦିଲା ହଃଚେ ଆତ୍ମାୟ୍‌ ଦୁକ୍‌ କଃଲା, ଆର୍‌ ହୁଟାୟ୍‌କଃରି କୟ୍‌ଲା, “ମୁୟ୍‌ ସଃତ୍‌ କଃଉଁଲେ, ତୁମାର୍‌ ବିତ୍ରାର୍‌ ଏକ୍ଲା ମକ୍‌ ସଃତ୍ରୁର୍‌ ଆତେ ଦଃରାୟ୍‌ ଦଃୟ୍‌ଦ୍‌ ।”
\p
\v 22 ଜିସୁ କାକେ ଦଃକାୟ୍‌ ଇ କଃତା କୟ୍‌ଲା, ବୁଜୁ ନଃହାରି ଚେଲାମଃନ୍ ଅଃହ୍‌ଣା ଅଃହ୍‌ଣାର୍‌ ମୁୟେ ଦଃକା ଦଃକି ଅୟ୍‌ଲାୟ୍‌ । 
\v 23 ଜିସୁର୍‌ ଚେଲାମଃନାର୍‌ ବିତ୍ରାର୍‌ ଏକ୍ଲା ଜାକେ ଜିସୁ ଲାଡ୍‌ କଃର୍ତିରିଲା, ସେ ଜିସୁର୍‌ କାତାବାଟ୍ୟା ବଃସି କାତିରିଲା । 
\v 24 ସିମନ୍ ପିତର୍‌ ତାକ୍‌ ଆତ୍‌ସଃଗ୍ୟା କଃରି କୟ୍‌ଲା, “ସେ କାର୍‌ କଃତା କଃଉଁଲା, ତାକ୍‌ ହଃଚାର୍‌ ।”
\p
\v 25 ସେ ଚେଲା ଆରେକ୍‌ ଅଃଳକ୍‌ ଜିସୁର୍‌ ବୁକେ ଡେରାୟ୍‌ ଅୟ୍‌ ତାକ୍‌ ହଃଚାର୍ଲା, “ମାପ୍ରୁ ସେ କେ ?”
\p
\v 26 ସେତାକ୍‌ ଜିସୁ କୟ୍‌ଲା, “ଇ ରୁଟି କପାୟ୍‌ ବୁଡାୟ୍‌ ଜାକେ ମୁୟ୍‌ ଦଃୟ୍‌ନ୍ଦ୍ ସେ ସେମାନାୟ୍‌ ।” ଇରି କୟ୍‌କଃରି ଜିସୁ କଃଣ୍ଡେକ୍‌ ରୁଟିକ୍‌ କପାୟ୍‌ ବୁଡାୟ୍‌କଃରି ସିମନାର୍‌ ହୟ୍‌ସି ଇସ୍କାରିଅତ୍‌ ଜିଉଦାକେ ଦିଲା । 
\v 27 ଜିଉଦା ରୁଟିକ୍‌ କାୟ୍‌ଲା ଦାହ୍ରେ ସୟ୍‌ତାନ୍‌ ତାର୍‌ ଗଃର୍ବେ ହୁର୍ଲି । ଜିସୁ ତାକ୍‌ କୟ୍‌ଲା, “ଜୁୟ୍‌ରି କଃରୁକେ ଜଃଉଁଲିସ୍‌ ସେରି ବେଗି କଃର୍‌ ।” 
\v 28 ମଃତର୍‌ ଜିସୁ କାୟ୍‌ତାକ୍‌ ତାକ୍‌ ଇ କଃତା କୟ୍‌ଲା, କାଉଁକେ ବଃସିରିଲା ଲକ୍‌ମଃନ୍ କେହେଁ ବୁଜୁକ୍‌ ନଃହାୟ୍‌ଲାୟ୍‌ । 
\v 29 ବଃଲେକ୍‌ ଜିଉଦାର୍‌ ଲଃଗେ ଡାବୁ ହେଳି ରିଲାକ୍‌ ହଃର୍ବାର୍‌ ଗିନେ ଜାୟ୍‌ ଜାୟ୍‌ରି ଲଳା, ସେରି ଗେନୁକ୍‌ ନୟ୍‌ଲେକ୍‌ ଗଃରିବ୍‌ମଃନ୍‌କେ ଅଃଳକ୍‌ ଦାନ୍‌ ଦେଉଁକ୍‌ ଜିସୁ ତାକ୍‌ କୟ୍‌ଲା ବଃଲି କେ କେ ମଃନେ ବାବ୍‌ଲାୟ୍‌ ।
\p
\v 30 ତାର୍‌ହଃଚେ ଇସ୍କାରିଅତ୍‌ ଜିଉଦା ରୁଟି କାୟ୍‌ଲା, ଆର୍‌ ସେଦାହ୍ରେ ବାରାୟ୍‌ ଗଃଲା, ସଃଡେବଃଳ୍‌ ରାତି ଅୟ୍‌ରିଲି ।
\s ନଃଉଆଁ ବିଦି
\p
\v 31 ଜିଉଦା ବାରାୟ୍‌ ଗଃଲା ହଃଚେ ଜିସୁ କୟ୍‌ଲା, “ଅଃବେ ନଃରାର୍‌ ହୟ୍‌ସି ଜଃଜ୍‌ମାନ୍ ଅୟ୍‌ଲା ଆର୍‌ ତାର୍‌ତଃୟ୍‌ ଇସ୍ୱର୍‌ ହେଁ ଜଃଜ୍‌ମାନ୍ ଅୟ୍‌ଲା । 
\v 32 ଜଦି ଇସ୍ୱର୍‌ ତାର୍‌ତଃୟ୍‌ ଜଃଜ୍‌ମାନ୍ ଅୟ୍‌ଲା, ତଃବେ ଇସ୍ୱର୍‌ ହେଁ ତାକ୍‌ ଅଃହ୍‌ଣାର୍‌ ତଃୟ୍‌ ଜଃଜ୍‌ମାନ୍ କଃରେଦ୍‌, ଆରେକ୍‌ ଦାପେ ତାକ୍‌ ଜଃଜ୍‌ମାନ୍ କଃରେଦ୍‌ । 
\v 33 \x + \xo ୧୩:୩୩ \xo*\xt ଜହ ୭:୩୪.\xt*\x*ହିଲାମଃନ୍ ମୁୟ୍‌ ତୁମାର୍‌ ସଃଙ୍ଗ୍ ଆରେକ୍‌ ବୁତେକ୍‌ ବେଳା ନଃରେୟ୍‌ଁ । ତୁମିମଃନ୍ ମକ୍‌ ଲଳାସ୍‌; ଆରେକ୍‌ ମୁୟ୍‌ ଜୁୟ୍‌ ଟାଣେ ଜଃଉଁଲେ, ତୁମିମଃନ୍ ସେ ଜଃଗାୟ୍‌ ଜଃଉଁ ନଃହାରାସ୍‌, ଇରି ମୁୟ୍‌ ଜଃନ୍‌କଃରି ଜିଉଦି ଅଃଦିକାରିମଃନ୍‌କେ କୟ୍‌ରିଲେ, ସେରଃକମ୍‌ ଅଃବେ ତୁମିମଃନ୍‌କେ ହେଁ କଃଉଁଲେ । 
\v 34 \x + \xo ୧୩:୩୪ \xo*\xt ଜହ ୧୫:୧୨,୧୭; ୧ ଜହ ୩:୨୩; ୨ ଜହ ୧:୫.\xt*\x*ତୁମିମଃନ୍ ତୁମାର୍‌ ତୁମାର୍‌ ବିତ୍ରେ ଲାଡ୍‌ କଃରା, ଇ ନଃଉଆଁ ବିଦି ମୁୟ୍‌ ତୁମିମଃନ୍‌କେ ଦେଉଁଲେ, ମୁୟ୍‌ ଜଃନ୍‌କଃରି ତୁମିମଃନ୍‌କେ ଲାଡ୍‌ କଃରିଆଚି, ତୁମିମଃନ୍ ହେଁ ସେନ୍‌କଃରି ତୁମାର୍‌ ତୁମାର୍‌ ବିତ୍ରେ ଲାଡ୍‌ କଃରା । 
\v 35 ଜଦି ତୁମାର୍‌ ତୁମାର୍‌ ବିତ୍ରେ ଲାଡ୍‌ ରଃୟ୍‌ଦ୍‌, ତଃବେ ତୁମିମଃନ୍ ଜେ ମର୍‌ ଚେଲା ଇରି ସଃବୁ ଲକ୍‌ମଃନ୍ ଜାଣ୍‌ତି ।”
\s ପିତରାର୍‌ ଜିବନେ ଗଃଟ୍‌ତାର୍‌ ଜିସୁ କୟ୍‌ଲା
\r (ମାତି ୨୬:୩୧-୩୫; ମାର୍କ ୧୪:୨୭-୩୧; ଲୁକ ୨୨:୩୧-୩୪)
\p
\v 36 ସିମନ୍ ପିତର୍‌ ଜିସୁକେ ହଃଚାର୍ଲା, “ମାପ୍ରୁ, ତୁୟ୍‌ କୁୟ୍‌ତି ଜଃଉଁଲିସ୍‌ ?”
\p ଜିସୁ କୟ୍‌ଲା, “ମୁୟ୍‌ କୁୟ୍‌ ଟାଣେ ଜଃଉଁଲେ, ତୁମିମଃନ୍ ଅଃବେ ମର୍‌ ହଃଚେ ହଃଚେ ସେତି ଜଃଉଁ ନଃହାରାସ୍‌, ମଃତର୍‌ ହଃଚେ ଜାହାସ୍‌ ।”
\p
\v 37 ପିତର୍‌ ଜିସୁକେ କୟ୍‌ଲା, “ମାପ୍ରୁ ମୁୟ୍‌ ଅଃବେ କାୟ୍‌କଃରୁକ୍‌ ତର୍‌ ହଃଚେ ହଃଚେ ଜଃଉଁ ନଃହାରି ? ମୁୟ୍‌ ତର୍‌ ଗିନେ ନିଜାର୍‌ ଜିବନ୍‌ ଦଃୟ୍‌ନ୍ଦ୍ ।”
\p
\v 38 ଜିସୁ କୟ୍‌ଲା, “ତୁୟ୍‌ କାୟ୍‌ ମର୍‌ ଗିନେ ନିଜାର୍‌ ଜିବନ୍‌ ଦେସି ? ମୁୟ୍‌ ତକ୍‌ ସଃତ୍‌ କଃଉଁଲେ ଆଜି ରାତି କୁକ୍‌ଳା ନଃବାସ୍ତେ ତୁୟ୍‌ ମକ୍‌ ତିନିତର୍‌ ନଃଜାଣି ବଃଲି କଃଉସି ।”
\c 14
\s ଜିସୁ ସଃତ୍‌ ବାଟ୍‌
\p
\v 1 ଜିସୁ କୟ୍‌ଲା, “ତୁମିମଃନାର୍‌ ମଃନ୍‌ ନଃଡିର, ତୁମିମଃନ୍ ଇସ୍ୱର୍‌ ତଃୟ୍‌ ବିସ୍ୱାସ୍‌ କଃରା, ଆର୍‌ ମର୍‌ ତଃୟ୍‌ହେଁ ବିସ୍ୱାସ୍‌ କଃରା । 
\v 2 ମର୍‌ ଉବାର୍‌ ଗଃରେ ଗାଦେକ୍‌ ବାସା କଃର୍ତା ଟାଣ୍ ଆଚେ; ସେରି ସଃତ୍‌ ଅୟ୍‌ନଃରିଲେକ୍‌, ମୁୟ୍‌ ତୁମିକେ ଇ କଃତା ନଃକୟ୍‌ଲେ ହୁଣି, ମୁୟ୍‌ ତୁମାର୍‌ ଗିନେ ଟାଣ୍ ଟିକ୍‌ କଃରୁକେ ଜଃଉଁଲେ; 
\v 3 ଆର୍‌, ମୁୟ୍‌ ଜାୟ୍‌କଃରି ତୁମାର୍‌ ଗିନେ ଟାଣ୍ ଟିକ୍‌ କଃଲେକ୍‌ ଆରେକ୍‌ ଆସିନ୍ଦ୍‌, ଆର୍‌ ମୁୟ୍‌ ଜୁୟ୍‌ ଟାଣେ ରଃୟ୍‌ନ୍ଦ୍ ତୁମିମଃନ୍ ହେଁ ଜଃନ୍‌କଃରି ସେ ଟାଣେ ରିଆସ୍‌, ସେତାର୍‌ଗିନେ ତୁମିକେ ନିଜାର୍‌ ତଃୟ୍‌ ନଃୟ୍‌ନ୍ଦ୍ । 
\v 4 ଆରେକ୍‌ ମୁୟ୍‌ ଜୁୟ୍‌ ଟାଣେ ଜଃଉଁଲେ, ସେତିର୍‌ ବାଟ୍‌ ତୁମିମଃନ୍ ଜାଣାସ୍‌ ।”
\p
\v 5 ତମା ଜିସୁକେ ହଃଚାର୍ଲା, “ମାପ୍ରୁ, ତୁୟ୍‌ କୁୟ୍‌ ଟାଣେ ଜଃଉଁଲିସ୍‌, ସେରି ଅଃମିମଃନ୍‌ ନଃଜାଣୁ; ସେତି ଜାତାର୍‌ ବାଟ୍‌ କଃନ୍‌କଃରି ଜାଣୁନ୍ଦ୍‌ ?”
\p
\v 6 ଜିସୁ ତାକ୍‌ କୟ୍‌ଲା, “ମୁୟ୍‌ ବାଟ୍‌, ସଃତ୍‌ ଆର୍‌ ଜିବନ୍, ମର୍‌ ଦଃୟ୍‌ ନଃଗେଲେକ୍‌ କେ ହେଁ ଉବାର୍‌ ହାକ୍‌ ଜଃଉଁ ନାହାରେ । 
\v 7 ମକ୍‌ ଜାଣ୍‌ଲେକ୍‌, ମର୍‌ ଉବାକ୍‌ ହେଁ ଜାଣାସ୍‌; ଅଃବେହୁଣି ତୁମିମଃନ୍ ତାକ୍‌ ଜାଣିଆଚାସ୍‌ ଆର୍‌ ତାକ୍‌ ଦଃକିଆଚାସ୍‌ ।”
\p
\v 8 ପିଲିପ୍ ଜିସୁକେ କୟ୍‌ଲା, “ମାପ୍ରୁ ଅଃମିମଃନ୍‌କ୍‌ ଉବାକ୍‌ ଦଃକାଉ, ସଃତେକ୍‌ ଅଃମାର୍‌ ଗିନେ ସଃରି ।”
\p
\v 9 ଜିସୁ ତାକ୍‌ କୟ୍‌ଲା, “ପିଲିପ୍, ଅଃତେକ୍‌ କାଳ୍‌ ଦଃରି ମୁୟ୍‌ ତୁମାର୍‌ ସଃଙ୍ଗ୍ ଆଚି, ଆର୍‌ ଆଜି ହଃତେକ୍‌ ତୁୟ୍‌ କାୟ୍‌ ମକ୍‌ ଚିନୁ ନଃହାର୍‌ଲିସ୍‌ ? ଜେ ମକ୍‌ ଦଃକି ଆଚେ ସେ ମର୍‌ ଉବାକ୍‌ ଦଃକି ଆଚେ; ଅଃମିମଃନ୍‌କ୍‌ ଉବାକ୍‌ ଦଃକାଉ ବଃଲି ତୁୟ୍‌ କଃନ୍‌କଃରି କଃଉଁଲିସ୍‌ ? 
\v 10 ମୁୟ୍‌ ଜେ ଉବାର୍‌ ସଃଙ୍ଗ୍ ଆଚି ଆର୍‌ ଉବା ମର୍‌ ସଃଙ୍ଗ୍ ଆଚେ, ଇ କଃତା କାୟ୍‌ରି ବିସ୍ୱାସ୍‌ କଃରୁ ନଃହାରୁଲିସ୍‌ ? ମୁୟ୍‌ ତୁମିମଃନ୍‌କେ ଜୁୟ୍‌ କଃତା କଃଉଁଲେ, ସେରି ସଃବୁ ମର୍‌ ନିଜାର୍‌ ସିକ୍ୟା ନାୟ୍‌, ମଃତର୍‌ ଉବା ମର୍‌ ତଃୟ୍‌ ରଃୟ୍‌ ଅଃହ୍‌ଣାର୍‌ କାମ୍‌ କଃରୁଲା । 
\v 11 ମୁୟ୍‌ ଜେ ଉବାର୍‌ ସଃଙ୍ଗ୍ ଆଚି ଆର୍‌ ଉବା ଜେ ମର୍‌ ତଃୟ୍‌ ଆଚେ, ମର୍‌ ଇ କଃତା ବିସ୍ୱାସ୍‌ କଃରା, ନୟ୍‌ଲେକ୍‌, ମର୍‌ କାମ୍‌ ଦଃକି ବିସ୍ୱାସ୍‌ କଃରା । 
\v 12 ମୁୟ୍‌ ତୁମିକେ ସଃତ୍‌କଃରି କଃଉଁଲେ, ମର୍‌ତଃୟ୍‌ ଜେ ବିସ୍ୱାସ୍‌ କଃରେଦ୍‌, ମୁୟ୍‌ ଜୁୟ୍‌ ଜୁୟ୍‌ କାମ୍‌ କଃରୁଲେ, ସେ ହେଁ ସେରିସଃବୁ କଃରେଦ୍‌, ଆରେକ୍‌ ସେସଃବୁ ତଃୟ୍‌ହୁଣି ହେଁ ଅଃଦିକ୍‌ ବଃଡ୍ କାମ୍‌ କଃରେଦ୍‌, ବଃଲେକ୍‌ ମୁୟ୍‌ ଉବାର୍‌ ହାକ୍‌ ଜଃଉଁଲେ । 
\v 13 ଆରେକ୍‌ ଉବା ଜଃନ୍‌କଃରି ହୟ୍‌ସିର୍‌ ଗିନେ ଜଃଜ୍‌ମାନ୍ ହାୟ୍‌ଦ୍‌, ଇତାର୍‌ ଗିନେ ତୁମିମଃନ୍ ମର୍‌ ନାଉଁଏ ଜାୟ୍‌ରି ହେଁ ମାଗାସ୍‌ ସେରି ମୁୟ୍‌ କଃରିନ୍ଦ୍‌ । 
\v 14 ଜଦି ତୁମିମଃନ୍ ମର୍‌ ନାଉଁଏ ଜାୟ୍‌ରିହେଁ ମାଗାସ୍‌, ମୁୟ୍‌ ସେରି ତୁମିକେ ଦଃୟ୍‌ନ୍ଦ୍ ।”
\s ପବିତ୍ର ଆତ୍ମା ଦେଉଁକ୍‌ ସଃୟ୍‌ତ୍‌
\p
\v 15 ଜଦି ତୁମିମଃନ୍ ମକ୍‌ ଲାଡ୍‌ କଃରାସ୍‌ ତଃନ୍‌ଅୟ୍‌ଲେକ୍‌ ମର୍‌ ଆଦେସ୍‌ ସଃବୁ ମାନାସ୍‌ । 
\v 16 ଆରେକ୍‌ ମୁୟ୍‌ ଉବାକ୍‌ ଗଃଉଆରି କଃରିନ୍ଦ୍‌ ଆର୍‌ ତୁମାର୍‌ ସଃଙ୍ଗ୍ ସଃବୁ ଦିନ୍‌ ରେଉଁକେ ସେ ତୁମିକେ ଆରେକ୍‌ ଗଟ୍‌ ଉହ୍‌କାର୍‌ କାରିକେ ହଃଟାୟ୍‌ଦ୍‌ । 
\v 17 ବଃଲେକ୍‌ ସେ ସଃତ୍‌ ଆତ୍ମା ଦଃୟ୍‌ଦ୍‌ । ଜଃଗତ୍‌ ତାକ୍‌ ଦଃରୁକ୍‌ ନାହାରେ, ବଃଲେକ୍‌ ଜଃଗତ୍‌ ତାକ୍‌ ନଃଦେକେ କି ନଃଜାଣେ; ମଃତର୍‌ ତୁମିମଃନ୍ ତାକ୍‌ ଜାଣିଆଚାସ୍‌, ବଃଲେକ୍‌ ସେ ତୁମିମଃନାର୍‌ ସଃଙ୍ଗ୍ ରଃୟ୍‌ଦ୍‌, ଆରେକ୍‌ ସେ ତୁମାର୍‌ ମଃନ୍ ବିତ୍ରେ ରଃୟ୍‌ଦ୍‌ ।
\p
\v 18 “ମୁୟ୍‌ ଗଃଲା ହଃଚେ, ତୁମିମଃନ୍‌କେ ଟୁରାହିଲା କଃରି ଚାଡି ନଃଜାୟ୍‌ଁ, ମୁୟ୍‌ ତୁମାର୍‌ ହାକ୍‌ ବାଉଳି ଆସିନ୍ଦ୍‌ । 
\v 19 ଅଃଳକ୍‌ ମଃତର୍‌ ବେଳ୍‌ ଆଚେ, ଜଃଗତ୍‌ ମକ୍‌ ଆରେକ୍‌ ଦଃକୁ ନାହାରେ; ମଃତର୍‌ ତୁମିମଃନ୍ ମକ୍‌ ଦଃକାସ୍‌, ବଃଲେକ୍‌ ମୁୟ୍‌ ଜିବନ୍, ଆର୍‌ ତୁମିମଃନ୍ ହେଁ ଜିବନ୍ ରିଆସ୍‌ । 
\v 20 ମୁୟ୍‌ ଜେ ମର୍‌ ଉବାର୍‌ ତଃୟ୍‌, ଆରେକ୍‌ ତୁମିମଃନ୍ ମର୍‌ତଃୟ୍‌ ଆର୍‌ ମୁୟ୍‌ ତୁମାର୍‌ ତଃୟ୍‌ ଆଚି । ଇରି ସେଦିନ୍ ଆୟ୍‌ଲେକ୍‌, ତୁମିମଃନ୍ ଜାଣାସ୍‌ ।”
\p
\v 21 “ଜେ ମର୍‌ ଆଦେସ୍‌ ସଃବୁ ହାୟ୍‌ କଃରି ମାନେଦ୍‌ ସେ ତ ମକ୍‌ ଲାଡ୍‌ କଃରେଦ୍‌ ଆରେକ୍‌ ଜେ ମକ୍‌ ଲାଡ୍‌ କଃରେଦ୍‌, ମର୍‌ ଉବା ତାକ୍‌ ଲାଡ୍‌ କଃରେଦ୍‌, ଆର୍‌ ମୁୟ୍‌ ତାକ୍‌ ଲାଡ୍‌ କଃରିନ୍ଦ୍‌ ଆର୍‌ ତାର୍‌ ତଃୟ୍‌ ମୁୟ୍‌ ନିଜେ ଦଃକାୟ୍‌ ଅୟ୍‌ନ୍ଦ୍ ।”
\p
\v 22 ଜିଉଦା, ଜେ ଇସ୍କାରିଅତ୍‌ ଜିଉଦା ନାୟ୍‌, ସେ ଜିସୁକେ କୟ୍‌ଲା, “ଏ ମାପ୍ରୁ, ଇରି କଃନ୍‌କଃରି ଅୟ୍‌ଦ୍‌ ? ତୁୟ୍‌ ଜଃଗତ୍‌କେ ନିଜ୍‌କେ ନଃଦେକାୟ୍‌, ଅଃମାର୍‌ ତଃୟ୍‌ କଃନ୍‌କଃରି ଅଃହ୍‌ଣାକ୍‌ ଜାଣାଉଁସି ?”
\p
\v 23 ଜିସୁ ତାକ୍‌ କୟ୍‌ଲା, “ଜଦି କେ ମକ୍‌ ଲାଡ୍‌ କଃରେଦ୍‌, ତଃନ୍‌ଅୟ୍‌ଲେକ୍‌ ସେ ମର୍‌ କଃତା ମାନେଦ୍‌, ଆରେକ୍‌ ମର୍‌ ଉବା ତାକ୍‌ ଲାଡ୍‌ କଃରେଦ୍‌, ଆରେକ୍‌ ଉବା ଆର୍‌ ମୁୟ୍‌ ଆସି ତାର୍‌ତଃୟ୍‌ ବାସା କଃରୁନ୍ଦ୍‌ । 
\v 24 ଜେ ମକ୍‌ ଲାଡ୍‌ ନଃକେରେ, ସେ ମର୍‌ ବଃଚନ୍ ନଃମାନେ । ଆର୍‌ ଜୁୟ୍‌ କଃତା ତୁମିମଃନ୍ ସୁଣୁଲାସ୍‌, ସେରି ମର୍‌ ନିଜାର୍‌ ନାୟ୍‌, ମଃତର୍‌ ମକେ ଜେ ହଃଟାୟ୍‌ ଆଚେ ସେ ଉବାର୍‌ ।”
\p
\v 25 ମୁୟ୍‌ ତୁମାର୍‌ ସଃଙ୍ଗ୍ ରେଉଁ ରେଉଁ ତୁମିମଃନ୍‌କେ ଇସଃବୁ କଃତା କଃଉଁଲେ । 
\v 26 ମଃତର୍‌ ସେ ଉହ୍‌କାର୍‌କାରି, ବଃଲେକ୍‌ ଜୁୟ୍‌ ପବିତ୍ର ଆତ୍ମାକେ ଉବା ମର୍‌ ନାଉଁଏ ହଃଟାୟ୍‌ଦ୍‌, ସେ ତୁମିମଃନ୍‌କେ ସଃବୁ ବିସୟେ ସିକ୍ୟା ଦଃୟ୍‌ଦ୍‌ ଆର୍‌ ମୁୟ୍‌ ତୁମିମଃନ୍‌କେ ଜାୟ୍‌ ଜାୟ୍‌ରି କୟ୍‌ ଆଚି, ସେରିସଃବୁ ତୁମିମଃନ୍‌କେ ଏତୁ କଃରାୟ୍‌ ଦଃୟ୍‌ଦ୍‌ ।
\p
\v 27 ମୁୟ୍‌ ତୁମିମଃନ୍‌କେ ସୁସ୍ତା ଦଃୟ୍‌ କଃରି ଜଃଉଁଲେ, ମର୍‌ ନିଜାର୍‌ ସୁସ୍ତା ତୁମିମଃନ୍‌କେ ଦେଉଁଲେ, ଜଃଗତ୍‌ ଜଃନ୍‌କଃରି ଦଃୟ୍‌ଦ୍‌, ମୁୟ୍‌ ତୁମିମଃନ୍‌କେ ସେନ୍‌କଃରି ଦାନ୍‌ ନଃକେରି । ତୁମିମଃନ୍ ମଃନ୍‌ ବିତ୍ରେ ଚିତା କଃରା ନାୟ୍‌ କି ଡିରା ନାୟ୍‌ । 
\v 28 ମୁୟ୍‌ ଜେ ଜଃଉଁଲେ ଆର୍‌ ତୁମାର୍‌ ହାକ୍‌ ଆରେକ୍‌ ବାଉଳି ଆସିନ୍ଦ୍‌, ମର୍‌ ଇ କଃତା ତ ସୁଣିଆଚାସ୍‌ । ଜଦି ତୁମିମଃନ୍ ମକ୍‌ ଲାଡ୍‌ କଃର୍ତି ରିଲେକ୍‌ ମୁୟ୍‌ ମର୍‌ ଉବାର୍‌ ହାକ୍‌ ଜଃଉଁଲେ ବଃଲି ସଃର୍ଦା ଅୟ୍‌ଲାସ୍‌ ହୁଣି, ବଃଲେକ୍‌ ଉବା ମର୍‌ ତଃୟ୍‌ହୁଣି ବଃଡ୍ । 
\v 29 ଆରେକ୍‌ ସେରି ଗଃଟ୍‌ତା ବଃଳ୍‌ ତୁମିମଃନ୍ ଜଃନ୍‌କଃରି ବିସ୍ୱାସ୍‌ କଃରାସ୍‌, ଇତାର୍‌ ଗିନେ ସେରି ଗଃଟ୍‌ତା ଆଗ୍‌ତୁ ମୁୟ୍‌ ଅଃବେ ତୁମିମଃନ୍‌କେ କୟ୍‌ଆଚି । 
\v 30 ମୁୟ୍‌ ତୁମାର୍‌ ସଃଙ୍ଗ୍ ଆରେକ୍‌ ବୁତେକ୍‌ ଗଃଳି କଃତାବାର୍ତା କଃରୁ ନଃହାରି, ବଃଲେକ୍‌ ଜଃଗତାର୍‌ ଅଃଦିକାରି ଆସୁଲା; ଆର୍‌ ମର୍‌ ଉହ୍ରେ ତାର୍‌ କାୟ୍‌ରିହେଁ ଅଃଦିକାର୍‌ ନାୟ୍‌ । 
\v 31 ମଃତର୍‌ ଉବା ମକ୍‌ ଜଃନ୍‌କଃରି ଆଡର୍‌ ଦଃୟ୍‌ ଆଚେ, ସେରଃକମ୍‌ ମୁୟ୍‌ କାମ୍‌ କଃରିନ୍ଦ୍‌, ତଃନ୍‌ଅୟ୍‌ଲେକ୍‌ ମୁୟ୍‌ ମର୍‌ ଉବାକ୍‌ ଲାଡ୍‌ କଃରୁଲେ ବଃଲି ଜଃଗତ୍‌ ଜାଣେଦ୍‌ ।
\p ଉଟା, ଅଃମିମଃନ୍‌ ଇତିହୁଣି ଜୁଆଁ ।
\c 15
\s ଜିସୁ ନିଜ୍‌କଃରି ଅଙ୍ଗୁର୍‌ ମାଳ୍‌
\p
\v 1 ମୁୟ୍‌ ସଃତ୍ୟା ଅଙ୍ଗୁର୍‌ ମାଳ୍‌, ଆରେକ୍‌ ମର୍‌ ଉବା ତାସି । 
\v 2 ମର୍‌ ତଃୟ୍‌ ରିଲା ଜୁୟ୍‌ କଃନ୍ଦା ହଃଳ୍‌ ନଃହେଳେ, ତାକ୍‌ ସେ କାଟି ହଃକାୟ୍‌ଦ୍‌; ଆର୍‌ ଜୁୟ୍‌ କଃନ୍ଦା ହଃଳ୍‌ ହଃଳେଦ୍‌, ସେରି ଅଃଦିକ୍‌ ହଃଳ୍‌ ହଃଳୁକ୍‌ ତାକ୍‌ ହଃର୍ଚାଳ୍‌ କଃରେଦ୍‌ । 
\v 3 ମୁୟ୍‌ ତୁମିମଃନ୍‌କେ ଜୁୟ୍‌ କଃତା କୟ୍‌ଆଚି, ସେତାର୍‌ଗିନେ ତୁମିମଃନ୍ ନିର୍ମୁଳ୍‌ ଅୟ୍‌ ସଃରିଆଚାସ୍‌ । 
\v 4 ମର୍‌ ତଃୟ୍‌ ରିଆ, ତଃବେ ମୁୟ୍‌ ତୁମାର୍‌ ତଃୟ୍‌ ରଃୟ୍‌ନ୍ଦ୍ । କଃନ୍ଦା ଜଃନ୍‌କଃରି ଅଙ୍ଗୁର୍‌ ମାଳେ ନଃରିଲେକ୍‌ ନିଜେ ହଃଳ୍‌ ହଃଳୁ ନାହାରେ, ସେହର୍‌ ତୁମିମଃନ୍ ହେଁ ମର୍‌ ତଃୟ୍‌ ନଃରିଲେକ୍‌ ହଃଳ୍‌ ହଃଳୁ ନଃହାରାସ୍‌ ।
\p
\v 5 ମୁୟ୍‌ ଅଙ୍ଗୁର୍‌ ମାଳ୍‌, ଆର୍‌ ତୁମିମଃନ୍ କଃନ୍ଦା, ଜେ ମର୍‌ତଃୟ୍‌ ରଃୟ୍‌ଦ୍‌ ଆର୍‌ ମୁୟ୍‌ ଜାର୍‌ତଃୟ୍‌ ରଃୟ୍‌ନ୍ଦ୍, ସେ ଜଃବର୍‌ ହଃଳ୍‌ ହଃଳେଦ୍‌; ବଃଲେକ୍‌ ମୁୟ୍‌ ନୟ୍‌ଲେକ୍‌ ତୁମିମଃନ୍ କାୟ୍‌ରି କଃରୁ ନଃହାରାସ୍‌ । 
\v 6 କେ ଜଃବେ ମର୍‌ତଃୟ୍‌ ନଃରେୟ୍‌, ତଃବେ ତାକ୍‌ ଗଟେକ୍‌ କାଟ୍‌ଲା କଃନ୍ଦା ହର୍‌ ହଃଦାୟ୍‌ ହଃକାଅୟ୍‌ଦ୍‌ ଆର୍‌ ସେରି ସୁକିଜାୟ୍‌ଦ୍‌; ଇରଃକମ୍‌ କଃନ୍ଦାମଃନ୍‌କ୍‌ ଲକ୍‌ମଃନ୍ ଗଟ୍‌ଟାଣେ ରୁଣ୍ଡାୟ୍‌ କଃରି ଜୟେ ହଃକାଉତି ଆର୍‌ ସେରିମଃନ୍ ହଡିଜାୟ୍‌ଦ୍‌ । 
\v 7 ଜଦି ତୁମିମଃନ୍ ମର୍‌ତଃୟ୍‌ ରିଆସ୍‌, ଆର୍‌ ମର୍‌ କଃତା ତୁମାର୍‌ ତଃୟ୍‌ ରଃୟ୍‌ଦ୍‌, ତଃବେ ତୁମିମଃନ୍ ଜାୟ୍‌ରି ମଃନ୍‌କଃରି ମାଗାସ୍‌, ସେରି ହାଉଆସ୍‌ । 
\v 8 ତୁମିମଃନ୍ ଜଃବର୍‌ ହଃଳ୍‌ ହଃଳ୍‌ଲେକ୍‌ ମର୍‌ ଉବା ଜଃଜ୍‌ମାନ୍ ହାୟ୍‌ଦ୍‌, ଆର୍‌ ତୁମିମଃନ୍ ମର୍‌ ନିଜାର୍‌ ଚେଲା ଅଃଉଆସ୍‌ । 
\v 9 ଉବା ଜୁୟ୍‌ରଃକମ୍‌ ମକ୍‌ ଲାଡ୍‌ କଃଲା ଆଚେ, ମୁୟ୍‌ ହେଁ ସେରଃକମ୍‌ ତୁମିମଃନ୍‌କେ ଲାଡ୍‌ କଃରିଆଚି; ମର୍‌ ଲାଡେ ତିର୍‌ ଅୟ୍‌ରିଆ । 
\v 10 ମୁୟ୍‌ ଜଃନ୍‌କଃରି ମର୍‌ ଉବାର୍‌ ଆଦେସ୍‌ ମାନି କଃରି ତାର୍‌ ଲାଡେ ତିର୍‌ ଅୟ୍‌ ଆଚି, ତୁମିମଃନ୍ ସେରଃକମ୍‌ ଜଃବେ ମର୍‌ ଆଦେସ୍‌ ମାନାସ୍‌ ତଃବେ ମର୍‌ ଲାଡେ ତିର୍‌ ଅୟ୍‌ରିଆସ୍‌ ।
\p
\v 11 ମର୍‌ ସଃର୍ଦା ଜଃନ୍‌କଃରି ତୁମାର୍‌ ଲଃଗେ ରଃୟ୍‌ଦ୍‌, ଆର୍‌ ତୁମିମଃନାର୍‌ ସଃର୍ଦା ହୁରୁଣ୍ ଅୟ୍‌ଦ୍‌, ଇତାର୍‌ ଗିନେ ମୁୟ୍‌ ଇ ସଃବୁ କୟ୍‌ଲେ । 
\v 12 \x + \xo ୧୫:୧୨ \xo*\xt ଜହ ୧୩:୩୪; ୧୫:୧୭; ୧ ଜହ ୩:୨୩; ୨ ଜହ ୧:୫.\xt*\x*ମୁୟ୍‌ ଜଃନ୍‌କଃରି ତୁମିମଃନ୍‌କେ ଲାଡ୍‌ କଃରିଆଚି, ତୁମିମଃନ୍ ହେଁ ସେନ୍‌କଃରି ତୁମାର୍‌ ତୁମାର୍‌ ବିତ୍ରେ ଲାଡ୍‌ କଃରା, ଇରି ମର୍‌ ଆଦେସ୍‌, 
\v 13 ଅଃହ୍‌ଣାର୍‌ ନିଜାର୍‌ ଲକାର୍‌ ଗିନେ ନିଜାର୍‌ ଜିବନ୍ ଦେତାର୍‌ ଚାଡି କାର୍‌ ଆରେକ୍‌ ଅଃଦିକ୍‌ ବଃଡ୍ ଲାଡ୍‌ ନାୟ୍‌ । 
\v 14 ମୁୟ୍‌ ତୁମିମଃନ୍‌କେ ଜୁୟ୍‌ ଆଡର୍‌ ଦେଉଁଲେ, ସେରି ଜଦି ମାନାସ୍‌, ତଃବେ ତୁମିମଃନ୍ ମର୍‌ ନିଜାର୍‌ ଲକ୍‌ । 
\v 15 ମୁୟ୍‌ ତୁମିମଃନ୍‌କେ ଆରେକ୍‌ ଗତିଦଃଙ୍ଗ୍‌ଳା ବଃଲି ନଃକୟ୍‌ଁ, ବଃଲେକ୍‌ ସାଉକାର୍‌ କାୟ୍‌ରି କଃରୁଲା, ଦଃଙ୍ଗ୍‌ଳା ସେରି ନଃଜାଣେ, ମଃତର୍‌ ମୁୟ୍‌ ତୁମିକେ ନିଜାର୍‌ ସଃଙ୍ଗ୍ ବଃଲି କୟ୍‌ଆଚି, ବଃଲେକ୍‌ ମୁୟ୍‌ ମର୍‌ ଉବାର୍‌ ତଃୟ୍‌ହୁଣି ଜାୟ୍‌ ଜାୟ୍‌ରି ସୁଣିଆଚି, ସେରି ସଃବୁ ତୁମିମଃନ୍‌କେ ଜାଣାୟ୍‌ ଦିଲେଆଚି । 
\v 16 ତୁମିମଃନ୍ ମକ୍‌ ବାଚ୍‌ଲାର୍‌ ନାୟ୍‌, ମଃତର୍‌ ମୁୟ୍‌ ତୁମିମଃନ୍‌କେ ବାଚି ଆଚି, ଆର୍‌ ତୁମିମଃନ୍ ଜଃନ୍‌କଃରି ଅଃଦିକ୍‌ ହଃଳ୍‌ ହଃଳୁକ୍‌ ହାରାସ୍‌ ଆର୍‌ ତୁମାର୍‌ ହଃଳ୍‌ ସଃବୁ ଦିନ୍ ରଃୟ୍‌ଦ୍‌, ଇତାର୍‌ ଗିନେ, ତୁମିମଃନ୍‌କେ କାମେ ଲାଗାୟ୍‌ ଆଚି । ସେତାକ୍‌ ତୁମିମଃନ୍ ମର୍‌ ନାଉଁଏ ଉବାକ୍‌ ଜାୟ୍‌ରି ହେଁ ମାଗାସ୍‌, ସେ ସେରି ତୁମିକେ ଦଃୟ୍‌ଦ୍‌ । 
\v 17 ତୁମିମଃନ୍ ଜଃନ୍‌କଃରି ଗଟ୍‌ ଲକ୍‌ ଆରେକ୍‌ ଗଟ୍‌ ଲକ୍‌କେ ଲାଡ୍‌ କଃରାସ୍‌, ଇତାର୍‌ ଗିନେ ମୁୟ୍‌ ତୁମିମଃନ୍‌କେ ଇସଃବୁ ଆଡର୍‌ ଦେଉଁଲେ ।
\s ଜଃଗତାର୍‌ ବିରଦ୍‌
\p
\v 18 ଜଦି ଜଃଗତ୍‌ ତୁମିମଃନ୍‌କେ ବିରଦ୍‌ କଃରେଦ୍‌, ତଃବେ ତୁମିମଃନ୍‌କେ ବିରଦ୍‌ କଃର୍ତା ଆଗ୍‌ତୁ, ସେରି ଜେ ମକ୍‌ ଗିଣ୍ କଃରି ଆଚେ, ଇରି ଜାଣା । 
\v 19 ଜଦି ତୁମିମଃନ୍ ଜଃଗତାର୍‌ ଅୟ୍‌ରିଲେକ୍‌, ଜଃଗତ୍‌ ତୁମିମଃନ୍‌କେ ନିଜାର୍‌ ଲକ୍‌ ବଃଲି ଲାଡ୍‌ କଃଲିହୁଣି, ମଃତର୍‌ ତୁମିମଃନ୍ ଜଃଗତାର୍‌ ନାୟ୍‌, ମଃତର୍‌ ମୁୟ୍‌ ତୁମିମଃନ୍‌କେ ଜଃଗତ୍‌ ବିତ୍ରେହୁଣି ବାଚି ଆଚି, ଇତାର୍‌ ଗିନେ ଜଃଗତ୍‌ ତୁମିକେ ବିରଦ୍‌ କଃରେଦ୍‌ । 
\v 20 \x + \xo ୧୫:୨୦ \xo*\xt ମାତି ୧୦:୨୪; ଲୁକ ୬:୪୦; ଜହ ୧୩:୧୬.\xt*\x*ଗତିଦଃଙ୍ଗ୍‌ଳା ସାଉକାର୍‌ ତଃୟ୍‌ହୁଣି ବଃଡ୍ ନାୟ୍‌, ମୁୟ୍‌ ତୁମିମଃନ୍‌କେ ଇ ଜୁୟ୍‌ କଃତା କୟ୍‌ରିଲେ, ସେରି ଏତୁ କଃରା । ଜଦି ସେମଃନ୍ ମକ୍‌ ତାଡ୍‌ନା କଃରିଆଚ୍‌ତି, ତଃବେ ତୁମିମଃନ୍‌କେ ହେଁ ତାଡ୍‌ନା କଃର୍ତି; ଜଦି ସେମଃନ୍ ମର୍‌ କଃତା ମାନି ଆଚ୍‌ତି, ତଃବେ ତୁମିମଃନାର୍‌ କଃତାକ୍‌ ହେଁ ମାନ୍‌ତି । 
\v 21 ମଃତର୍‌ ସେମଃନ୍ ମକ୍‌ ହଃଟାୟ୍‌ଲା ଲକ୍‌କେ ଜାଣି ନଃରିଲାକ୍‌, ମର୍‌ ନାଉଁ ଗିନେ ତୁମିକେ ଇସଃବୁ କଃର୍ତି । 
\v 22 ଜଦି ମୁୟ୍‌ ଆସି ସେମଃନ୍‌କେ କୟ୍‌ ନଃରିଲେକ୍‌, ସେମଃନାର୍‌ ହାହ୍‌ ନିଲାହୁଣି; ମଃତର୍‌ ଅଃବେ ସେମଃନାର୍‌ ହାହ୍‌ ବିସୟେ ସେମଃନ୍ କାୟ୍‌ ହେଁ ବାଟ୍‌ ଦଃକାଉଁ ନଃହାର୍‌ତି । 
\v 23 ଜେ ମକ୍‌ ବିରଦ୍‌ କଃରେଦ୍‌, ସେ ମର୍‌ ଉବାକ୍‌ ହେଁ ବିରଦ୍‌ କଃରେଦ୍‌ । 
\v 24 ଜୁୟ୍‌ କାମ୍‌ସଃବୁ ଆରେକ୍‌ କେ ହେଁ ନଃକେର୍ତି, ମୁୟ୍‌ ଜଦି ସେରିସଃବୁ ସେମଃନାର୍‌ ବିତ୍ରେ କଃରି ନଃରିଲେକ୍‌, ସେମଃନାର୍‌ ହାହ୍‌ ନିଲାହୁଣି; ମଃତର୍‌ ଅଃବେ ସେମଃନ୍ ଦଃକିଆଚ୍‌ତି, ଆରେକ୍‌ ମକ୍‌ ଆର୍‌ ମର୍‌ ଉବାକ୍‌ ଗିଣ୍ କଃରି ଆଚ୍‌ତି । 
\v 25 ମଃତର୍‌ ସେମଃନ୍ ତିନିହଲ୍ୟାୟ୍‌ ମକ୍‌ ବିରଦ୍‌ କଃଲାୟ୍‌, ସେମଃନାର୍‌ ବିଦିଲଃଗେ ଲେକାଅୟ୍‌ଲା ଇ ବଃଚନ୍ ଜଃନ୍‌କଃରି ହୁରା ଅୟ୍‌ଦ୍‌, ଇତାର୍‌ ଗିନେ ଇବାନ୍ୟା ଗଃଟୁଲି ।
\p
\v 26 ଉବାର୍‌ ଲଃଗେହୁଣି ମୁୟ୍‌ ତୁମାର୍‌ ହାକ୍‌ ଜୁୟ୍‌ ଉହ୍‌କାର୍‌ କାରିକେ ହଃଟାୟ୍‌ନ୍ଦ୍, ସେ ଉବାର୍‌ ତଃୟ୍‌ହୁଣି ଆସି ପବିତ୍ର ଆତ୍ମାର୍‌ ବିସୟେ ସଃତ୍‌ ସାକି ଦଃୟ୍‌ଦ୍‌ । ଆର୍‌ ମର୍‌ ବିସୟେ ହେଁ ସାକି ଦଃୟ୍‌ଦ୍‌ । 
\v 27 ଆର୍‌ ତୁମିମଃନ୍ ହେଁ ସାକି, ବଃଲେକ୍‌ ତୁମିମଃନ୍ ଆରୁମେ ହୁଣି ମର୍‌ ସଃଙ୍ଗ୍ ଆଚାସ୍‌ ।
\c 16
\p
\v 1 “ତୁମିମଃନ୍ ଜଃନ୍‌କଃରି ନିଜାର୍‌ ବିସ୍ୱାସ୍‌ ଦଃରି ରିଆସ୍‌, ସେତାର୍‌ ଗିନେ ମୁୟ୍‌ ତୁମିମଃନ୍‌କେ ଇସଃବୁ କଃତା କୟ୍‌ଆଚି । 
\v 2 ସେମଃନ୍ ତୁମିମଃନ୍‌କେ ଦଃଳେ ହୁଣି ବାର୍‌ତି ଆର୍‌ ଇବାନ୍ୟା ଦିନ୍ ଆସୁଲି, ଜଃଡେବଃଳ୍‌ ଲକ୍‌ମଃନ୍ ତୁମିକେ ମଃର୍ନେ ମାର୍ତି ଆର୍‌ ଇସ୍ୱର୍‌ ଲଃଗେ ସେବା କଃରୁଲୁ ବଃଲି ମଃନେ ବାବ୍‌ତି । 
\v 3 ଆର୍‌ ଲକ୍‌ମଃନ୍ ତୁମାର୍‌ ସଃଙ୍ଗ୍ ଇସଃବୁ କଃର୍ତି, କାୟ୍‌ତାକ୍‌ବଃଲେକ୍‌ ସେମଃନ୍ ମକ୍‌ କି ମର୍‌ ଉବାକ୍‌ ନଃଜାଣ୍‌ତି । 
\v 4 ମଃତର୍‌ ଇସଃବୁ ଗଃଟ୍‌ତା ଦିନ୍ ଆୟ୍‌ଲେକ୍‌, ମୁୟ୍‌ ଜେ ତୁମିମଃନ୍‌କେ କୟ୍‌ରିଲେ, ଇରି ଜଃନ୍‌କଃରି ତୁମିମଃନ୍ ମଃନେ ଏତାଉଆସ୍‌, ଇତାର୍‌ ଗିନେ ମୁୟ୍‌ ଇସଃବୁ କଃତା ତୁମିମଃନ୍‌କେ କଃଉଁଲେ । ମୁୟ୍‌ ତୁମାର୍‌ ସଃଙ୍ଗ୍ ରିଲେଲାଗି, ଆରୁମେ ହୁଣି ଇ କଃତା କୟ୍‌ ନଃରିଲେ ।”
\s ପବିତ୍ର ଆତ୍ମାର୍‌ କାମ୍‌
\p
\v 5 “ଅଃବେ ମୁୟ୍‌ ମକ୍‌ ହଃଟାୟ୍‌ ରିଲା ଲକାର୍‌ ତଃୟ୍‌ ବାଉଳି ଜଃଉଁଲେ । ଅୟ୍‌ଲେକ୍‌ ହେଁ ତୁୟ୍‌ କେଣେ ଜଃଉଁଲିସ୍‌ ବଃଲି ତୁମାର୍‌ ବିତ୍ରେ କେହେଁ ମକ୍‌ ଗଃଉଆରି ନଃକେରୁଲାସ୍‌ । 
\v 6 ଅଃବେ ମୁୟ୍‌ ତୁମିମଃନ୍‌କେ ଇସଃବୁ କଃତା କୟ୍‌ଲେ ବଃଲି ତୁମିମଃନ୍ ମଃନ୍‌ ବିତ୍ରେ ବଃଡେ ଦୁକ୍‌ କଃରୁଲାସ୍‌ । 
\v 7 ମଃତର୍‌ ମୁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ମୁୟ୍‌ ଗଃଲେକ୍‌ ତୁମିମଃନାର୍‌ ବାୟ୍‌ଗ୍‌ ଅୟ୍‌ଦ୍‌, ବଃଲେକ୍‌ ମୁୟ୍‌ ନଃଗେଲେକ୍‌, ସେ ଉହ୍‌କାର୍‌ କଃର୍ତା ଆତ୍ମା ତୁମାର୍‌ ଲଃଗେ ନାସେ, ମଃତର୍‌ ମୁୟ୍‌ ଗଃଲେକ୍‌ ଉବା ତାକ୍‌ ତୁମାର୍‌ ଲଃଗେ ହଃଟାୟ୍‌ଦ୍‌ । 
\v 8 ସେ ଆସି ହାହ୍‌, ଦଃର୍ମ୍‌ ଆର୍‌ ଇସ୍ୱରାର୍‌ ନ୍ୟାୟ୍‌ ବିଚାର୍‌ ବିସୟେ ଜଃଗତାର୍‌ ଲକ୍‌ମଃନ୍‌କେ ସଃତ୍‌ ବୁଦି ଦଃୟ୍‌ଦ୍‌ ଇରି ଇସ୍ୱରାର୍‌ ଇଚା । 
\v 9 ହାହ୍‌ ବିସୟେ ସେମଃନ୍ ଦସି, ବଃଲେକ୍‌ ସେମଃନ୍ ମର୍‌ତଃୟ୍‌ ବିସ୍ୱାସ୍‌ ନଃକେଲାୟ୍‌ । 
\v 10 ଦଃର୍ମି ବିସୟେ ସେମଃନ୍ ଦସି, ବଃଲେକ୍‌ ମୁୟ୍‌ ଉବାର୍‌ ହାକ୍‌ ଜଃଉଁଲେ, ଇରି ଉବା ଇସ୍ୱରାର୍‌ ଇଚା ଆର୍‌ ତୁମିମଃନ୍ ମକ୍‌ ନଃଦେକାସ୍‌ । 
\v 11 ନ୍ୟାୟ୍‌ ବିସୟେ ସେମଃନ୍ ଦସି, ବଃଲେକ୍‌ ଇ ଜଃଗତାର୍‌ ଅଃଦିକାରିକ୍‌ ବିଚାର୍‌ କଃରା ଅୟ୍‌ଆଚେ ।
\p
\v 12 ମୁୟ୍‌ ତୁମିମଃନ୍‌କେ ଆରେକ୍‌ ଗାଦେକ୍‌ କଃତା କଃଉତାର୍‌ ଆଚେ, ମଃତର୍‌ ତୁମିମଃନ୍ ଅଃବେ ସେସଃବୁ ସୁଣି ସଃମ୍ବାଳୁ ନଃହାରାସ୍‌ । 
\v 13 ମଃତର୍‌ ସେ, ବଃଲେକ୍‌ ସଃତ୍‌ ଆତ୍ମା ଆୟ୍‌ଲେକ୍‌, ସେ ବାଟ୍‌ ଦଃକାୟ୍‌ ତୁମିମଃନ୍‌କେ ସଃବୁ ସଃତ୍‌ ବିତ୍ରେ ନଃୟ୍‌ଦ୍‌, କାୟ୍‌ତାକ୍‌ବଃଲେକ୍‌ ସେ ଅଃହ୍‌ଣାର୍‌ ତଃୟ୍‌ହୁଣି କଃତା ନଃକୟ୍‌ଁ, ମଃତର୍‌ ଜାୟ୍‌ ଜାୟ୍‌ରି ସୁଣେଦ୍‌ ସେରି ସଃବୁ କୟ୍‌ଦ୍‌, ଆରେକ୍‌ ଜାୟ୍‌ରି ଆଗେ ଗଃଟୁକ୍‌ ଆଚେ ସେରି କୟ୍‌ଦ୍‌ । 
\v 14 ସେ ମକ୍‌ ଜଃଜ୍‌ମାନ୍ କଃରେଦ୍‌, ବଃଲେକ୍‌ ସେ ମୁୟ୍‌ କୟ୍‌ଲା ସଃବୁକଃତା ତୁମିମଃନ୍‌କେ ଜାଣାୟ୍‌ଦ୍‌ । 
\v 15 ଜାୟ୍‌ ଜାୟ୍‌ରି ଉବାର୍‌, ସେରିସଃବୁ ମର୍‌, ଇତାର୍‌ଗିନେ ମୁୟ୍‌ କୟ୍‌ଲେ, ପବିତ୍ର ଆତ୍ମା ମର୍‌ ତଃୟ୍‌ହୁଣି ସଃବୁ କଃତା ନଃୟ୍‌ ସେ ତୁମିମଃନ୍‌କେ ଜାଣାୟ୍‌ଦ୍‌ ।”
\s ଦୁକ୍‌ ଆର୍‌ ସଃର୍ଦା
\p
\v 16 “ଅଃଳକ୍‌ ବେଳା ମଃତର୍‌ ଆଚେ, ତୁମିମଃନ୍ ମକ୍‌ ଆରେକ୍‌ ଦଃକୁ ନଃହାରାସ୍‌, ଆରେକ୍‌ ଗଟ୍‌ତର୍‌ ଅଃଳକ୍‌ ବେଳ୍‌ ଗଃଲା ହଃଚେ ତୁମିମଃନ୍ ମକ୍‌ ଦଃକୁ ହାରାସ୍‌ ।”
\p
\v 17 ତଃବେ ତାର୍‌ ଚେଲାମଃନାର୍‌ ବିତ୍ରେ କଃତିଲକ୍‌ କଃଉଆକଇ ଅୟ୍‌ଲାୟ୍‌, “ଅଃଳକ୍‌ ବେଳା ଆଚେ, ତୁମିମଃନ୍ ମକ୍‌ ଦଃକୁ ନାହାରାସ୍‌, ଆରେକ୍‌ ଗଟ୍‌ତର୍‌ ଅଃଳକ୍‌ ବେଳା ଗଃଲା ହଃଚେ ତୁମିମଃନ୍ ମକ୍‌ ଦଃକୁ ହାରାସ୍‌ ଆର୍‌ ମୁୟ୍‌ ଉବାର୍‌ ଲଃଗେ ଜଃଉଁଲେ, ଇ ଜୁୟ୍‌ କଃତା ସେ ଅଃମିମଃନ୍‌କ୍‌ କଃଉଁଲା, ଇତାର୍‌ ଅଃର୍ତ୍‌ କାୟ୍‌ରି ? 
\v 18 ଅଃଳକ୍‌ ବେଳ୍‌ ବଃଲି ଏ କାୟ୍‌ରି କଃଉଁଲା ? ସେ କାୟ୍‌ରି କଃଉଁଲା ଅଃମିମଃନ୍‌ ବୁଜୁ ନଃହାରୁଲୁ ।”
\p
\v 19 ଚେଲାମଃନ୍ ତାକ୍‌ ଗଃଉଆରି କଃରୁକେ ମଃନ୍ କଃରୁଲାୟ୍‌ ବଃଲି ଜାଣୁ ହାରି, ଜିସୁ ସେମଃନ୍‌କେ କୟ୍‌ଲା, “ଅଃଳକ୍‌ ବେଳା ଆଚେ, ତୁମିମଃନ୍ ମକ୍‌ ଦଃକୁ ନାହାରାସ୍‌, ଆରେକ୍‌ ଗଟ୍‌ତର୍‌ ଅଃଳକ୍‌ ବେଳ୍‌ ଗଃଲା ହଃଚେ ତୁମିମଃନ୍ ମକ୍‌ ଦଃକୁ ହାରାସ୍‌, ମୁୟ୍‌ ଇ ଜୁୟ୍‌ କଃତା କୟ୍‌ଲେ, ସେ କଃତାକ୍‌ ଦଃରି ତୁମିମଃନ୍ ନିଜାର୍‌ ନିଜାର୍‌ ବିତ୍ରେ କାୟ୍‌ବଃଲି କଃଉଆକଇ ଅଃଉଁଲାସ୍‌ ? 
\v 20 ସଃତ୍‌କଃରି ମୁୟ୍‌ ତୁମିମଃନ୍‌କେ କଃଉଁଲେ, ତୁମିମଃନ୍ ଦୁକ୍‌ କଃରାସ୍‌ ଆର୍‌ ଏତାୟ୍‌ ଏତାୟ୍‌ କାନ୍ଦାସ୍‌, ମଃତର୍‌ ଜଃଗତ୍‌ ସଃର୍ଦା କଃରେଦ୍‌; ତୁମିମଃନ୍ ଦୁକ୍‌ ଅଃଉଆସ୍‌, ମଃତର୍‌ ତୁମାର୍‌ ଦୁକ୍‌ ସଃର୍ଦାୟ୍‌ ହାସ୍‌ଲେଦ୍‌ । 
\v 21 ହିଲା ଜଃଲମ୍‌ କଃର୍ତା ବେଳା ଆୟ୍‌ଲେକ୍‌ ମାୟ୍‌ଜି ଦୁକ୍‌ ହାୟ୍‌ଦ୍‌, ମଃତର୍‌ ସେ ହିଲା ଜଃଲମ୍‌ କଃଲା ହଃଚେ ଜଃଗତ୍‌କେ ଗଟେକ୍‌ ନଃର୍‌ ହିଲା ଜଃଲମ୍‌ କଃଲା, ଇ ସଃର୍ଦା ଗିନେ ତାର୍‌ ଦୁକ୍‌କଃସ୍ଟ୍‌ ହାସ୍ରିଜାୟ୍‌ଦ୍‌ । 
\v 22 ସେବାନ୍ୟା ତୁମିମଃନ୍ ଅଃବେ ଦୁକ୍‌ ହାଉଁଲାସ୍‌, ମଃତର୍‌ ମୁୟ୍‌ ଆରେକ୍‌ ଗଟ୍‌ତର୍‌ ତୁମିମଃନ୍‌କେ ଦଃକାୟ୍‌ ଅୟ୍‌ନ୍ଦ୍, ଆର୍‌ ତୁମିମଃନାର୍‌ ମଃନ୍‌ ସଃର୍ଦା ଅୟ୍‌ଦ୍‌ ଆର୍‌ କେହେଁ ତୁମାର୍‌ ଲଃଗେହୁଣି ତୁମିମଃନାର୍‌ ସେ ସଃର୍ଦା ଚାଡାୟ୍‌ ନଃନେୟ୍‌ ।”
\p
\v 23 “ସେଦିନ୍ ଆୟ୍‌ଲେକ୍‌ ତୁମିମଃନ୍ ମକ୍‌ କାୟ୍‌ରି ହେଁ ଗଃଉଆରି କଃରୁକେ ନଃହେଳେ, ମୁୟ୍‌ ତୁମିମଃନ୍‌କେ ସଃତ୍‌ କଃଉଁଲେ, ଜଦି ତୁମିମଃନ୍ ମର୍‌ ନାଉଁଏ ଉବାକ୍‌ ଜାୟ୍‌ରି ମାଗାସ୍‌, ସେ ତୁମିମଃନ୍‌କେ ସେରି ଦଃୟ୍‌ଦ୍‌ । 
\v 24 ଅଃବେ ହଃତେକ୍‌ ତୁମିମଃନ୍ ମର୍‌ ନାଉଁଏ କାୟ୍‌ରି ନଃମାଗାସ୍‌; ଅଃବେହୁଣି ମାଗା, ତୁମିମଃନାର୍‌ ସଃର୍ଦା ଜଃନ୍‌କଃରି ହୁର୍ନ୍‌ ଅୟ୍‌ଦ୍‌, ସେତାର୍‌ଗିନେ ତୁମିମଃନ୍ ସେରି ହାଉଆସ୍‌ ।”
\s ଜିସୁ ଜଃଗତ୍‌ ଉହ୍ରେ ଜିଣ୍‌ତାର୍‌
\p
\v 25 “ମୁୟ୍‌ ତୁମିମଃନ୍‌କେ କଃତାନି କୟ୍‌କଃରି କଃଉଁଲେ, ବେଳ୍‌ ଆସୁଲି, ଜଃଡେବଃଳ୍‌ ମୁୟ୍‌ ଆରେକ୍‌ କଃତାନି କୟ୍‌କଃରି ତୁମିମଃନ୍‌କେ ନଃକୟ୍‌ଁ, ମଃତର୍‌ ଉବାର୍‌ ବିସୟେ ନିକକଃରି ବୁଜ୍‌ଲାହର୍‌ ତୁମିମଃନ୍‌କେ ଜାଣାୟ୍‌ନ୍ଦ୍ । 
\v 26 ସେଦିନ୍ ଆୟ୍‌ଲେକ୍‌, ତୁମିମଃନ୍ ମର୍‌ ନାଉଁଏ ଉବାକ୍‌ ମାଗାସ୍‌; ସଃଡେବଃଳ୍‌ ମୁୟ୍‌ ତୁମାର୍‌ ଗିନେ ଉବାକ୍‌ ଗଃଉଆରି କଃରୁକେ ନଃହେଳେ, 
\v 27 ବଃଲେକ୍‌ ଉବା ନିଜେ ତୁମିମଃନ୍‌କେ ଲାଡ୍‌ କଃରୁଲା, କାୟ୍‌ତାକ୍‌ବଃଲେକ୍‌ ତୁମିମଃନ୍ ମକ୍‌ ଲାଡ୍‌ କଃରୁଲାସ୍‌ ଆର୍‌ ମୁୟ୍‌ ଜେ ଇସ୍ୱର୍‌ ଲଃଗେ ହୁଣି ଆସିଆଚି, ସେରି ତୁମିମଃନ୍ ବିସ୍ୱାସ୍‌ କଃରୁଲାସ୍‌ । 
\v 28 ସଃତ୍‌କଃରି ମୁୟ୍‌ ଉବାର୍‌ ଲଃଗେ ହୁଣି ଜଃଗତେ ଆସିଆଚି; ଆର୍‌ ଅଃବେ ମୁୟ୍‌ ଜଃଗତ୍‌ ଚାଡି ଉବାର୍‌ ଲଃଗେ ବାଉଳି ଜାୟ୍‌ନ୍ଦ୍ ।”
\p
\v 29 ଇ କଃତା ସୁଣି ତାର୍‌ ଚେଲାମଃନ୍ ତାକ୍‌ କୟ୍‌ଲାୟ୍‌, “ଦଃକ୍‌, ଅଃବେ ତୁୟ୍‌ ବୁଜ୍‌ଲା ହର୍‌କଃରି କଃଉଁଲିସ୍‌ ଆର୍‌ କଃତାନି ଆରେକ୍‌ ନଃକଉଁଲିସ୍‌ । 
\v 30 ଅଃବେ ଅଃମିମଃନ୍‌ ଜାଣ୍‌ଲୁ ଜେ ତୁୟ୍‌ ସଃବୁ ବିସୟ୍‌ ଜାଣି ଆଚ୍‌ସି, ଆରେକ୍‌ ତୁୟ୍‌ କାକେ ଗଃଉଆରି କଃର୍ତା ଲଳା ନାୟ୍‌; ଇସ୍ୱର୍‌ ଲଃଗେ ହୁଣି ତୁୟ୍‌ ଆସି ଆଚ୍‌ସି ବଃଲି ଅଃମିମଃନ୍‌ ଇତାର୍‌ ଗିନେ ସଃତ୍‌ କଃରୁଲୁ ।”
\p
\v 31 ଜିସୁ ସେମଃନ୍‌କେ କୟ୍‌ଲା, “ତୁମିମଃନ୍ କାୟ୍‌ ଅଃବେ ସଃତ୍‌ କଃରୁଲାସ୍‌ ? 
\v 32 ଦଃକା, ବେଳା ଆସୁଲି, ହେଁ, ଆୟ୍‌ଲିନି, ଜଃଡେବଃଳ୍‌ ତୁମିମଃନ୍ ଚିନ୍‌ବିନ୍ ଅୟ୍‌ ସଃବୁ ଲକ୍‌ ନିଜାର୍‌ ନିଜାର୍‌ ଗଃରେ ହଃଳାୟ୍‌ ଜାହାସ୍‌, ଆର୍‌ ମକ୍‌ ଏକ୍ଲା କଃରି ଚାଡାସ୍‌, ଅୟ୍‌ଲେକ୍‌ ହେଁ ମୁୟ୍‌ ଏକ୍ଲା ନାୟ୍‌, ବଃଲେକ୍‌ ଉବା ମର୍‌ ସଃଙ୍ଗ୍ ଆଚେ । 
\v 33 ତୁମିମଃନ୍ ଜଃନ୍‌କଃରି ମର୍‌ ଲଃଗେ ରଃୟ୍‌ ସୁସ୍ତା ହାଉଆସ୍‌, ଇତାର୍‌ ଗିନେ ମୁୟ୍‌ ତୁମିମଃନ୍‌କେ ଇ ସଃବୁ କଃତା କଃଉଁଲେ । ଜଃଗତେ ତୁମାର୍‌ ଗିନେ ଦୁକ୍‌ କଃସ୍ଟ୍‌ ଆଚେ, ମଃତର୍‌ ସାସ୍‌ ଦଃରା, ମୁୟ୍‌ ଜଃଗତ୍‌କେ ଜିଣି ଆଚି ।”
\c 17
\s ଜିସୁ ତାର୍‌ ଚେଲାମଃନାର୍‌ ଗିନେ ପାର୍ତ୍‌ନା କଃଲା
\p
\v 1 ଜିସୁ ଇ ସଃବୁ କଃତା କୟ୍‌ ସଃରାୟ୍‌ ସଃର୍ଗ୍‌ ବାଟ୍ୟା ଦଃକିକଃରି କୟ୍‌ଲା, “ଉବା, ମର୍‌ ବେଳା ହଚ୍‌ଲିନି, ତର୍‌ ହୟ୍‌ଦିକ୍‌ ଜଃଜ୍‌ମାନ୍ କଃର୍‌, ଜଃନ୍‌କଃରି ହୟ୍‌ଦି ହେଁ ତକ୍‌ ଜଃଜ୍‌ମାନ୍ କଃରେଦ୍‌, 
\v 2 ତୁୟ୍‌ ତାକ୍‌ ସଃବୁ ମାନାୟ୍‌ ଜାତି ଉହ୍ରେ ଅଃଦିକାର୍‌ ଦଃୟ୍‌ଆଚ୍‌ସି । ଜଃନ୍‌କଃରି ତୁୟ୍‌ ଜୁୟ୍‌ମଃନ୍‌କ୍‌ ତାର୍‌ ଆତେ ସଃହ୍ରି ଦଃୟ୍‌ ଆଚ୍‌ସି, ସେମଃନ୍‌କେ ସେ ଅଃମ୍ବର୍‌ ଜିବନ୍ ଦଃୟ୍‌ଦ୍‌ । 
\v 3 ଆର୍‌, ଗଟେକ୍‌ ବଃଲି ସଃତ୍ୟା ଇସ୍ୱର୍‌ ଜେ ତୁୟ୍‌, ତକ୍‌ ଆର୍‌ ତୁୟ୍‌ ହଃଟାୟ୍‌ଲା ଜିସୁ କ୍ରିସ୍ଟକେ ଜାଣ୍‌ତାର୍‌ ହଃକା ଅଃମ୍ବର୍‌ ଜିବନ୍ । 
\v 4 ତୁୟ୍‌ ମକ୍‌ ଜୁୟ୍‌ କାମ୍‌ କଃରୁକେ ଦଃୟ୍‌ଆଚ୍‌ସି, ସେରି ମୁୟ୍‌ ସଃରାୟ୍‌ କଃରି ହୁର୍ତିବିଏ ତକ୍‌ ଜଃଜ୍‌ମାନ୍ କଃରି ଆଚି । 
\v 5 ଏ ଉବା, ଜଃଗତାର୍‌ ଉବ୍‌ଜାଣ୍‌ ହୁର୍ବେ ତର୍‌ ସଃଙ୍ଗ୍ ମର୍‌ ଜୁୟ୍‌ ଜଃଜ୍‌ମାନ୍‌ ରିଲି, ଅଃବେ ତର୍‌ ମୁୟେ ତୁୟ୍‌ ମକ୍‌ ଜଃଜ୍‌ମାନ୍ କଃର୍‌ ।
\p
\v 6 ତୁୟ୍‌ ମକ୍‌ ଜଃଗତାର୍‌ ବିତ୍ରେ ଜୁୟ୍‌ ଲକ୍‌ମଃନ୍‌କେ ସଃର୍ହି ଦଃୟରିଲିସ୍‌, ମୁୟ୍‌ ସେମଃନାର୍‌ ଲଃଗେ ତର୍‌ ନାଉଁ ଜାଣାୟ୍‌ଲେ ଆଚି; ସେମଃନ୍ ତର୍‌ ରିଲାୟ୍‌, ଆର୍‌ ତୁୟ୍‌ ସେମଃନ୍‌କେ ମକ୍‌ ସଃର୍ହି ଦିଲିସ୍‌, ଆର୍‌ ସେମଃନ୍ ତର୍‌ କଃତା ମାନ୍‌ଲାୟ୍‌ ଆଚ୍‌ତି । 
\v 7 ତୁୟ୍‌ ମକ୍‌ ଜୁୟ୍‌ ଜୁୟ୍‌ରି ସଃର୍ହି ଦଃୟ୍‌ ଆଚ୍‌ସି, ସେ ସଃବୁ ଜେ ତର୍‌ ତଃୟ୍‌ହୁଣି ଆସି ଆଚେ, ଇରି ସେମଃନ୍ ଅଃବେ ବୁଜି ଆଚ୍‌ତି । 
\v 8 କାୟ୍‌ତାକ୍‌ବଃଲେକ୍‌ ତୁୟ୍‌ ମକ୍‌ ଜୁୟ୍‌ ସଃବୁ କଃତା ସଃର୍ହି ଦିଲିସ୍‌, ମୁୟ୍‌ ସେମଃନ୍‌କେ ସେସଃବୁ ସଃର୍ହି ଦିଲେ ଆଚି, ଆର୍‌ ସେମଃନ୍ ଦଃରି ଆଚ୍‌ତି, ଆରେକ୍‌ ମୁୟ୍‌ ଜେ ତର୍‌ ଲଃଗେହୁଣି ଆସି ଆଚି, ଆର୍‌ ତୁୟ୍‌ ମକ୍‌ ହଃଟାୟ୍‌ ଆଚ୍‌ସି ବଃଲି ନିଜ୍‌କଃରି ଜାଣ୍‌ଲାୟ୍‌ ଆର୍‌ ବିସ୍ୱାସ୍‌ କଃରୁଲାୟ୍‌ ।
\p
\v 9 ମୁୟ୍‌ ସେମଃନାର୍‌ ଗିନେ ପାର୍ତ୍‌ନା କଃରୁଲେ; ଜଃଗତାର୍‌ ଗିନେ ପାର୍ତ୍‌ନା ନଃକେରି, ମଃତର୍‌ ତୁୟ୍‌ ମକ୍‌ ଜୁୟ୍‌ମଃନ୍‌କ୍‌ ଦଃୟ୍‌ ଆଚ୍‌ସି, ସେମଃନାର୍‌ ଗିନେ ପାର୍ତ୍‌ନା କଃରୁଲେ, କାୟ୍‌ତାକ୍‌ବଃଲେକ୍‌ ସେମଃନ୍ ତର୍‌; 
\v 10 ଜୁୟ୍‌ ଜୁୟ୍‌ରି ମର୍‌, ସେ ସଃବୁ ତର୍‌, ଆରେକ୍‌ ଜୁୟ୍‌ ଜୁୟ୍‌ରି ତର୍‌, ସେ ସଃବୁ ମର୍‌; ଆର୍‌ ମୁୟ୍‌ ସେମଃନାର୍‌ ତଃୟ୍‌ହୁଣି ଜଃଜ୍‌ମାନ୍ ହାୟ୍‌ଆଚି । 
\v 11 ମୁୟ୍‌ ଆରେକ୍‌ ଇ ଜଃଗତେ ନଃରେୟ୍‌ଁ, ମଃତର୍‌ ଇମଃନ୍‌ ଜଃଗତେ ରେଉଁଲାୟ୍‌; ଆରେକ୍‌, ମୁୟ୍‌ ତର୍‌ ଲଃଗେ ଜଃଉଁଲେ । ପବିତ୍ର ଉବା, ତୁୟ୍‌ ମକ୍‌ ଦିଲା ନାଉଁଆର୍‌ ସଃକ୍ତିୟେ ସେମଃନ୍‌କେ ବଚାଉ; ଜଃନ୍‌କଃରି ଅଃମିମଃନ୍‌ ଗଟେକ୍‌, ସେମଃନ୍ ସେବାନ୍ୟା ଗଟେକ୍‌ ଅଃଉଁକେ ଉହ୍‌କାର୍‌ କଃର୍‌ । 
\v 12 \x + \xo ୧୭:୧୨ \xo*\xt ଜହ ୧୩:୧୮.\xt*\x*ସେମଃନାର୍‌ ସଃଙ୍ଗ୍ ରେତି ରିଲାବଃଳ୍‌ ମୁୟ୍‌ ସେମଃନ୍‌କେ ତର୍‌ ନାଉଁଆର୍‌ ସଃକ୍ତିୟେ ବାଚାୟ୍‌ ଆସିଆଚି, ଜୁୟ୍‌ ନାଉଁ ତୁୟ୍‌ ମକ୍‌ ଦଃୟ୍‌ଆଚ୍‌ସି; ଆର୍‌ ମୁୟ୍‌ ସେମଃନ୍‌କେ ଜଃଗ୍ରାତ୍‌ କଃରି ବାଚାୟ୍‌ ଆଚି ଆର୍‌ ଦଃର୍ମ୍‌ ସାସ୍ତର୍‌ ତଃୟ୍‌ର୍‌ ବଃଚନ୍ ଜଃନ୍‌କଃରି ହୁରୁଣ୍ ଅୟ୍‌ଦ୍‌, ଇତାର୍‌ ଗିନେ ଜୁୟ୍‌ ଲକ୍‌ ନଃସ୍ଟ୍‌ ଅଃଉଁକେ ରିଲି ସେ ହଃକା ନଃସ୍ଟ୍‌ ଅୟ୍‌ଲା ଆଚେ ଆର୍‌ ସେମଃନାର୍‌ ବିତ୍ରେ ଗଟେକ୍‌ ହେଁ ନଃସ୍ଟ୍‌ ନଃଉତି । 
\v 13 ଆର୍‌ ଅଃବେ ମୁୟ୍‌ ତର୍‌ ଲଃଗେ ଆସୁଲେ, ଆର୍‌ ସେମଃନାର୍‌ ମଃନ୍ ବିତ୍ରେ ମର୍‌ ସଃର୍ଦା ଜଃନ୍‌କଃରି ହୁରା ଅୟ୍‌ଦ୍‌, ସେତାର୍‌ ଗିନେ ଜଃଗତେ ରେଉଁ ରେଉଁ ମୁୟ୍‌ ଇ ସଃବୁ କଃତା କଃଉଁଲେ । 
\v 14 ମୁୟ୍‌ ସେମଃନ୍‌କେ ତର୍‌ ବଃଚନ୍ ଦଃୟ୍‌ ଆଚି, ଆର୍‌ ଜଃଗତ୍‌ ସେମଃନ୍‌କେ ବିରଦ୍‌ କଃରିଆଚେ, କାୟ୍‌ତାକ୍‌ବଃଲେକ୍‌ ମୁୟ୍‌ ଜଃନ୍‌କଃରି ଇ ଜଃଗତାର୍‌ ଲକ୍‌ ନାୟ୍‌, ସେମଃନ୍ ହେଁ ସେବାନ୍ୟା ଇ ଜଃଗତାର୍‌ ଲକ୍‌ ନାୟ୍‌ । 
\v 15 ତୁୟ୍‌ ସେମଃନ୍‌କେ ଜଃଗତେ ହୁଣି ନେ ବଃଲି ମୁୟ୍‌ ପାର୍ତ୍‌ନା ନଃକେରି, ମଃତର୍‌ ସେମଃନ୍‌କେ ଦୁସ୍ଟ୍‌ ଲକାର୍‌ ଆତେ ହୁଣି ବଚାଉ ବଃଲି ପାର୍ତ୍‌ନା କଃରୁଲେ । 
\v 16 ମୁୟ୍‌ ଜଃନ୍‌କଃରି ଇ ଜଃଗତାର୍‌ ଲକ୍‌ ନାୟ୍‌, ସେମଃନ୍ ହେଁ ସେବାନ୍ୟା ଇ ଜଃଗତାର୍‌ ଲକ୍‌ ନାୟ୍‌ । 
\v 17 ସଃତ୍‌ ସଃଙ୍ଗ୍ ସେମଃନ୍‌କେ ପବିତ୍ର କଃର୍‌, ତର୍‌ ବଃଚନ୍ ତ ସଃତ୍‌ । 
\v 18 ତୁୟ୍‌ ମକ୍‌ ଜଃନ୍‌କଃରି ଜଃଗତେ ହଃଟାୟ୍‌ ଆଚ୍‌ସି, ମୁୟ୍‌ ହେଁ ସେମଃନ୍‌କେ ସେବାନ୍ୟା ଜଃଗତେ ହଃଟାୟ୍‌ ଆଚି । 
\v 19 ଆର୍‌ ସେମଃନ୍ ହେଁ ଜଃନ୍‌କଃରି ସଃତ୍‌ ସଃଙ୍ଗ୍ ପବିତ୍ର ଅଃଉତି, ଇତାର୍‌ ଗିନେ ମୁୟ୍‌ ସେମଃନାର୍‌ ଗିନେ ନିଜ୍‌କେ ପବିତ୍ର କଃରୁଲେ । 
\v 20 ମୁୟ୍‌ ଅଃବ୍‌କା ଇମଃନାର୍‌ ଗିନେ ପାର୍ତ୍‌ନା ନଃକେରି, ମଃତର୍‌ ଇମଃନାର୍‌ ବଃଚନ୍ ସଃଙ୍ଗ୍ ଜୁୟ୍‌ ଲକ୍‌ମଃନ୍ ମର୍‌ ଲଃଗେ ବିସ୍ୱାସ୍‌ କଃର୍ତି, ସେମଃନାର୍‌ ଗିନେ ହେଁ ପାର୍ତ୍‌ନା କଃରୁଲେ । 
\v 21 ଜଃନ୍‌କଃରି ସେମଃନ୍ ସଃବୁ ଲକ୍‌ ଗଟେକ୍‌ ଅଃଉତି ଇରି ମର୍‌ ପାର୍ତ୍‌ନା; ଏ ଉବା, ତୁୟ୍‌ ଜଃନ୍‌କଃରି ମର୍‌ ଲଃଗେ ଆଚ୍‌ସି ଆର୍‌ ମୁୟ୍‌ ତର୍‌ ଲଃଗେ ଆଚି, ସେମଃନ୍ ହେଁ ସେବାନ୍ୟା ଅଃମାର୍‌ ଲଃଗେ ରେଅତ୍‌, ଜଃନ୍‌କଃରି ତୁୟ୍‌ ମକ୍‌ ହଃଟାୟ୍‌ଲିସ୍‌ ବଃଲି ଜଃଗତ୍‌ ବିସ୍ୱାସ୍‌ କଃରେଦ୍‌ । 
\v 22 ଆର୍‌, ତୁୟ୍‌ ମକ୍‌ ଜୁୟ୍‌ ଜଃଜ୍‌ମାନ୍‌ ଦଃୟ୍‌ ଆଚ୍‌ସି, ମୁୟ୍‌ ସେମଃନ୍‌କେ ସେରି ଦଃୟ୍‌ ଆଚି, ଜଃନ୍‌କଃରି ତୁୟ୍‌ ଆର୍‌ ମୁୟ୍‌ ଗଟେକ୍‌, ସେମଃନ୍ ସେବାନ୍ୟା ଗଟେକ୍‌ ଅଃଉତି; 
\v 23 ମୁୟ୍‌ ସେମଃନାର୍‌ ଲଃଗେ, ଆର୍‌ ତୁୟ୍‌ ମର୍‌ ଲଃଗେ, ଜଃନ୍‌କଃରି ସେମଃନ୍ ମିସି ଗଟେକ୍‌ ଅଃଉତି, ତଃବେ ଜଃଗତ୍‌ ବୁଜେଦ୍‌ ଜେ ତୁୟ୍‌ ମକ୍‌ ହଃଟାୟ୍‌ଲିସ୍‌, ଆରେକ୍‌ ମକ୍‌ ଜଃନ୍‌କାର୍‌ ଲାଡ୍‌ କଃଲିସ୍‌, ସେମଃନ୍‌କେ ସେବାନ୍ୟା ଲାଡ୍‌ କଃରୁଲିସ୍‌ ।”
\p
\v 24 “ଏ ଉବା, ତୁୟ୍‌ ମକ୍‌ ଜୁୟ୍‌ମଃନ୍‌କ୍‌ ଦଃୟ୍‌ ଆଚ୍‌ସି, ମୁୟ୍‌ ଜୁୟ୍‌ ଲଃଗେ ରଃୟ୍‌ନ୍ଦ୍, ସେମଃନ୍ ହେଁ ସେତି ଜଃନ୍‌କଃରି ମର୍‌ ସଃଙ୍ଗ୍ ରେତି ଆର୍‌ ଜଃଗତାର୍‌ ଉବ୍‌ଜାଣ୍‌ ହୁର୍ବେ ତୁୟ୍‌ ମକ୍‌ ଲାଡ୍‌ କଃରି ରିଲାକ୍‌ ମକ୍‌ ଜୁୟ୍‌ ଜଃଜ୍‌ମାନ୍‌ ଦଃୟ୍‌ ଆଚ୍‌ସି, ମର୍‌ ସେ ଜଃଜ୍‌ମାନ୍ ସେମଃନ୍ ଜଃନ୍‌କଃରି ଦଃକ୍‌ତି, ଇରି ମର୍‌ ମଃନ୍ । 
\v 25 ଏ ଦଃର୍ମି ଉବା, ଜଃଗତ୍‌ ତକ୍‌ ନଃଜାଣେ, ମଃତର୍‌ ମୁୟ୍‌ ତକ୍‌ ଜାଣି ଆଚି; ଆର୍‌, ତୁୟ୍‌ ଜେ ମକ୍‌ ହଃଟାୟ୍‌ଲିସ୍‌, ସେରି ଇମଃନ୍‌ ଜାଣି ଆଚ୍‌ତି । 
\v 26 ଆରେକ୍‌, ତୁୟ୍‌ ମକ୍‌ ଜୁୟ୍‌ ଲାଡ୍‌ କଃଲିସ୍‌, ସେରି ଜଃନ୍‌କଃରି ସେମଃନାର୍‌ ତଃୟ୍‌ ରଃୟ୍‌ଦ୍‌ ଆର୍‌ ମୁୟ୍‌ ସେମଃନାର୍‌ ତଃୟ୍‌ ରଃୟ୍‌ନ୍ଦ୍, ଇତାର୍‌ ଗିନେ ମୁୟ୍‌ ସେମଃନ୍‌କେ ତର୍‌ ନାଉଁ ଜାଣାୟ୍‌ ଆଚି ଆର୍‌ ସଃବୁବଃଳ୍‌ ଜାଣାୟ୍‌ଦ୍‌ ।”
\c 18
\s ଜିସୁକେ ବାନ୍ଦ୍‌ଲାୟ୍‌
\r (ମାତି ୨୬:୪୭-୫୬; ମାର୍କ ୧୪:୪୩-୫୦; ଲୁକ ୨୨:୪୭-୫୩)
\p
\v 1 ଜିସୁ ଇସଃବୁ ପାର୍ତ୍‌ନା ସଃରାୟ୍‌କଃରି ଅଃହ୍‌ଣାର୍‌ ଚେଲାମଃନାର୍‌ ସଃଙ୍ଗ୍ କିଦ୍ରଣ୍ ନାଉଁଆର୍‌ ଦରାଣ୍ ସେହାଟିକ୍‌ ବାରାୟ୍‌ ଗଃଳାୟ୍‌ । ସେତି ଗଟେକ୍‌ ବାଳ୍‌ ରିଲି, ଆର୍‌ ଜିସୁ ଆର୍‌ ତାର୍‌ ଚେଲାମଃନ୍ ସେଲଃଗେ ହୁର୍ଲାୟ୍‌ । 
\v 2 ଜୁୟ୍‌ ଜିଉଦା ଜିସୁକେ ସଃତ୍ରୁ ଆତେ ସଃହ୍ରି ଦିଲା, ସେ ହେଁ ସେ ଟାଣ୍ ଜାଣିରିଲା, କାୟ୍‌ତାକ୍‌ବଃଲେକ୍‌ ଜିସୁ ଗାଦେକ୍‌ ତର୍‌ ଅଃହ୍‌ଣାର୍‌ ଚେଲାମଃନାର୍‌ ସଃଙ୍ଗ୍ ସେଟାଣେ ଜାୟ୍‌ରିଲାୟ୍‌ । 
\v 3 ସେତାକ୍‌, ଜାଗୁଆଳି ସଃଇନ୍ ଦଃଳ୍‌ ଆରେକ୍‌ ବଃଡ୍ ଜାଜକ୍‌ ଆର୍‌ ପାରୁସିମଃନାର୍‌ ତଃୟ୍‌ହୁଣି ହାୟ୍‌ଲା ସଃଇନ୍‌ମଃନ୍‌କେ ଦଃରି ଲାତର୍‌ ଆର୍‌ କଃଣ୍ଡାମଃନ୍ ଦଃରି ସେ ଲଃଗେ ଆୟ୍‌ଲାୟ୍‌ । 
\v 4 ସେତାକ୍‌ ଜିସୁ, ତାର୍‌ ସଃଙ୍ଗ୍ ଜାୟ୍‌ ଜାୟ୍‌ରି ଗଃଟୁକ୍‌ ଜଃଉଁଲି, ସେସଃବୁ ଜାଣି ଆଗ୍‌ତୁ ଜାୟ୍‌ ସେମଃନ୍‌କେ ହଃଚାର୍ଲା, “ତୁମିମଃନ୍ କାକେ ଲଳୁଲାସ୍‌ ?”
\p
\v 5 ସେମଃନ୍ ତାକ୍‌ ଉତୁର୍‌ ଦିଲାୟ୍‌, “ନାଜରିତ୍‌ ଜିସୁକେ ।” ଜିସୁ ସେମଃନ୍‌କେ କୟ୍‌ଲା, “ମୁୟ୍‌ ସେ ଲକ୍‌ ।” ଜୁୟ୍‌ ଜିଉଦା ଜିସୁକେ ସଃତ୍ରୁର୍‌ ଆତେ ସଃହ୍ରି ଦିଲା, ସେ ହେଁ ସେମଃନାର୍‌ ସଃଙ୍ଗ୍ ଟିଆ ଅୟ୍‌ରିଲା । 
\v 6 ଜିସୁ ଜଃଡେବଃଳ୍‌ ସେମଃନ୍‌କେ କୟ୍‌ଲା, “ମୁୟ୍‌ ସେ ଲକ୍‌,” ସଃଡେବଃଳ୍‌ ସେମଃନ୍ ହଃଚେ ଗୁଚି ଜାୟ୍‌ ବୁୟେଁ ହଃବ୍ଳାୟ୍‌ ଅୟ୍‌ଲାୟ୍‌ । 
\v 7 ସେତାକ୍‌ ଜିସୁ ସେମଃନ୍‌କେ ଆରେକ୍‌ ଗଟ୍‌ତର୍‌ ହଃଚାର୍ଲା, “ତୁମିମଃନ୍ କାକେ ଲଳୁଲାସ୍‌ ?”
\p ସେମଃନ୍ କୟ୍‌ଲାୟ୍‌, “ନାଜରିତ୍‌ ଜିସୁକେ ।”
\p
\v 8 ଜିସୁ ଉତୁର୍‌ ଦିଲା, “ମୁୟ୍‌ ଜେ ସେ ଲକ୍‌, ଇରି ତ ମୁୟ୍‌ ତୁମିମଃନ୍‌କେ କୟ୍‌ଲେ । ଇତାର୍‌ ଗିନେ ଜଦି ତୁମିମଃନ୍ ମକ୍‌ ଲଳୁଲାସ୍‌, ତଃବେ ମର୍‌ ଏମଃନ୍‌କେ ଜଃଉଁକେ ଚାଡି ଦିଆସ୍‌ ।” 
\v 9 ଜିସୁ ଇରି କୟ୍‌ଲା, ଜଃନ୍‌କଃରି ସେ କୟ୍‌ଲା ଇ ବଃଚନ୍ ହୁରୁଣ୍ ଅୟ୍‌ଦ୍‌, “ତୁୟ୍‌ ମକ୍‌ ଜୁୟ୍‌ମଃନ୍‌କ୍‌ ଦଃୟ୍‌ ଆଚ୍‌ସି, ସେମଃନାର୍‌ ବିତ୍ରେ ମୁୟ୍‌ ଗଟ୍‌ ଲକ୍‌କେ ହେଁ ଆରାୟ୍‌ ନଃକେରି ।”
\p
\v 10 ସିମନ୍ ପିତର୍‌ ଲଃଗେ ଗଟେକ୍‌ କଃଣ୍ଡା ରିଲାକ୍‌ ସେ ସେରି ବାର କଃରି ମୁଳ୍‌ ଜାଜକାର୍‌ ଗତିଦଃଙ୍ଗ୍‌ଳାକ୍‌ ମାର୍ଲା ଆର୍‌ ତାର୍‌ କାତା ବାଟାର୍‌ କାନ୍‌ କାଟ୍‌ଲା; ସେ ଦଃଙ୍ଗ୍‌ଳାର୍‌ ନାଉଁ ମାଲ୍‌କ । 
\v 11 \x + \xo ୧୮:୧୧ \xo*\xt ମାତି ୨୬:୩୯; ମାର୍କ ୧୪:୩୬; ଲୁକ ୨୨:୪୨.\xt*\x*ସେତାକ୍‌ ଜିସୁ ପିତର୍‌କେ କୟ୍‌ଲା, “ତର୍‌ କଃଣ୍ଡାକ୍‌ କାପ୍ ବିତ୍ରେ ସଃଙ୍ଗାଉ; ଉବା ମକ୍‌ ଜୁୟ୍‌ ଦୁକ୍‌ କଃସ୍ଟାର୍‌ କପା ଦଃୟ୍‌ ଆଚେ, ମୁୟ୍‌ କାୟ୍‌ ସେତିର୍‌ ନଃସୁରି ?”
\s ହାନାନର୍‌ ମୁୟେ ଜିସୁ
\p
\v 12 ଇତାର୍‌ ହଃଚେ ସଃଇନ୍ ଦଃଳ୍‌, ସଃଇନ୍ ଅଃଦିକାରି ଆରେକ୍‌ ଜିଉଦିମଃନାର୍‌ ଜାଗୁଆଳିମଃନ୍ ଜିସୁକେ ଦଃରି ବାନ୍ଦ୍‌ଲାୟ୍‌, 
\v 13 ଆର୍‌ ତାକ୍‌ ବାନ୍ଦି ହଃର୍ତୁମ୍‌ ହାନାନର୍‌ ଲଃଗେ ନିଲାୟ୍‌, କାୟ୍‌ତାକ୍‌ବଃଲେକ୍‌ ସେ, ସେ ବଃର୍ସାର୍‌ ମୁଳ୍‌ ଜାଜକ୍‌ କୟାପା ରିଲା ତାର୍‌ ସଃତ୍ରାସି । 
\v 14 \x + \xo ୧୮:୧୪ \xo*\xt ଜହ ୧୧:୪୯,୫୦.\xt*\x*ସଃବୁ ଲକ୍‌ମଃନାର୍‌ ଗିନେ ଗଟ୍‌ ଲକ୍‌ ମଃର୍ତାର୍‌ ବଃଲ୍‌ କବୁର୍‌ ବଃଲି ଜିଉଦିମଃନ୍‌କେ ଜେ କୟ୍‌ରିଲା, ଇ ମାନାୟ୍‌ ସେ କୟାପା ।
\s ପିତର୍‌ ଜିସୁକେ ନଃଜାଣି ବଃଲି କୟ୍‌ଲା
\r (ମାତି ୨୬:୬୯-୭୦; ମାର୍କ ୧୪:୬୬-୬୮; ଲୁକ ୨୨:୫୫-୫୭)
\p
\v 15 ସିମନ୍ ପିତର୍‌ ଆର୍‌ ଆରେକ୍‌ ଗଟେକ୍‌ ଚେଲା ଜିସୁର୍‌ ହଃଚେ ହଃଚେ ଜାତିରିଲାୟ୍‌ । ସେ ଚେଲା ମୁଳ୍‌ ଜାଜକାର୍‌ ଚିନାଜାଣା ଲକ୍‌ ରିଲା ତଃବେ ଜିସୁର୍‌ ସଃଙ୍ଗ୍ ମୁଳ୍‌ ଜାଜକାର୍‌ କୁଆଳେ ହୁର୍ଲା; 
\v 16 ମଃତର୍‌ ପିତର୍‌ ହଃଦାର୍‌ କୁଆଳାର୍‌ ଦୁଆର୍‌ ଲଃଗେ ଟିଆ ଅୟ୍‌ରିଲା । ସଃଡେବଃଳ୍‌ ସେ ଜୁୟ୍‌ ବିନ୍ ଚେଲା ମୁଳ୍‌ ଜାଜକାର୍‌ ଚିନାଜାଣା ରିଲା, ସେ ହଃଦାୟ୍‌ ଜାୟ୍‌ ଦୁଆର୍‌ ଜାଗୁଆଳିକେ କୟ୍‌ ପିତର୍‌କେ ବିତ୍ରେ ଆଣ୍‌ଲା । 
\v 17 ସେତାକ୍‌ ସେ ଦୁଆର୍‌ ଜାଗ୍‌ତା ଦଃଙ୍ଗ୍‌ଳି ପିତର୍‌କେ କୟ୍‌ଲି, “ତୁୟ୍‌ ହେଁ କାୟ୍‌ ଇ ଲକାର୍‌ ଚେଲାମଃନାର୍‌ ବିତ୍ରେ ଗଟ୍‌ ଲକ୍‌ ନାୟ୍‌ ?”
\p ପିତର୍‌ କୟ୍‌ଲା, “ନାୟ୍‌ ମୁୟ୍‌ ନାୟ୍‌ ।”
\p
\v 18 ସିତାର୍‌ ଗିନେ ଗତିଦଃଙ୍ଗ୍‌ଳା ଆର୍‌ ଜାଗୁଆଳିମଃନ୍ ଜୟ୍‌ ଲାଗାୟ୍‌ ସେତି ଟିଆ ଅୟ୍‌ ଜୟ୍‌ ଚେକ୍‌ତି ରିଲାୟ୍‌; ପିତର୍‌ ହେଁ ସେମଃନାର୍‌ ସଃଙ୍ଗ୍ ଟିଆ ଅୟ୍‌ ଜୟ୍‌ ଚେକ୍‌ତି ରିଲା ।
\s ମୁଳ୍‌ ଜାଜକ୍‌ ଜିସୁକେ ହଃଚାର୍ଲା
\r (ମାତି ୨୬:୫୯-୬୬; ମାର୍କ ୧୪:୫୫-୬୪; ଲୁକ ୨୨:୬୬-୭୧)
\p
\v 19 ଇ ବିତ୍ରେ ମୁଳ୍‌ ଜାଜକ୍‌ ଜିସୁକେ ତାର୍‌ ଚେଲାମଃନାର୍‌ ବିସୟେ ଆର୍‌ ତାର୍‌ ସିକ୍ୟା ବିସୟେ ହଃଚାର୍ଲା । 
\v 20 ଜିସୁ ତାକ୍‌ ଉତୁର୍‌ ଦିଲା, “ମୁୟ୍‌ ଜଃଗତେ ହୁଟାୟ୍‌ କଃରି କଃତା କୟ୍‌ଆଚି, ଜୁୟ୍‌ ଲଃଗେ ସଃବୁ ଜିଉଦି ଲକ୍‌ମଃନ୍ ଗଟେତଃୟ୍‌ଁ ରୁଣ୍ଡ୍‌ତି, ଇବାନ୍ୟା ପାର୍ତ୍‌ନା ଗଃରେ ଆର୍‌ ମନ୍ଦିରେ ମୁୟ୍‌ ସଃବୁ ବଃଳ୍‌ ସିକ୍ୟା ଦଃୟ୍‌ଆଚି; ମୁୟ୍‌ ଲୁକ୍‌ଣେ କାୟ୍‌ରି ହେଁ ନଃକୟ୍‌ଁ । 
\v 21 ମକ୍‌ କାୟ୍‌ତାକ୍‌ ଗଃଉଆରି କଃରୁଲିସ୍‌ ? ମୁୟ୍‌ ସେମଃନ୍‌କେ କାୟ୍‌ରି କୟ୍‌ଆଚି, ଜୁୟ୍‌ ଲକ୍‌ମଃନ୍ ସୁଣି ଆଚ୍‌ତି, ସେମଃନ୍‌କେ ହଃଚାର୍‌; ଦଃକ୍‌, ମୁୟ୍‌ ଜାୟ୍‌ ଜାୟ୍‌ରି କୟ୍‌ଆଚି, ସେମଃନ୍ ସେସଃବୁ ଜାଣି ଆଚ୍‌ତି ।”
\p
\v 22 ଜିସୁ ଇରି କୟ୍‌ଲାକ୍‌ ଜାଗୁଆଳିମଃନାର୍‌ ବିତ୍ରେ ଲଃଗେ ଟିଆ ଅୟ୍‌ରିଲା ଗଟେକ୍‌ ଲକ୍‌ ଜିସୁକେ ଚାହୁଳ୍‌ ମାରି କୟ୍‌ଲା, “ତୁୟ୍‌ ମୁଳ୍‌ ଜାଜକ୍‌କେ ଇବାନ୍ୟା ଉତୁର୍‌ ଦେଉଁକ୍‌ କଃନ୍‌କଃରି ସାସ୍‌ କଃଲିସ୍‌ ?”
\p
\v 23 ଜିସୁ ତାକ୍‌ ଉତୁର୍‌ ଦିଲା, “ଜଦି ମୁୟ୍‌ କଃରାବ୍‌ କୟ୍‌ଲେ, ତଃବେ କଃରାବ୍‌ କୟ୍‌ଲାର୍‌ ସଃବାର୍‌ ମୁୟେ ସାକି ଦେସ୍‌; ମଃତର୍‌ ଜଦି ମୁୟ୍‌ ବଃଲ୍‌ କୟ୍‌ଲେ, ତଃବେ କାୟ୍‌ତାକ୍‌ ମକ୍‌ ମାରୁଲାସ୍‌ ?”
\p
\v 24 ସେତାକ୍‌ ହାନାନ୍ ଜିସୁକେ ବାନ୍ଦ୍‌ଲା ସଃଙ୍ଗ୍ ମୁଳ୍‌ ଜାଜକ୍‌ କୟାପାର୍‌ ଲଃଗେ ହଃଟାୟ୍‌ଲା ।
\s ଆରେକ୍‌ ଗଟ୍‌ତର୍‌ ପିତର୍‌ ଜିସୁକେ ନଃଜାଣି ବଃଲି କୟ୍‌ଲା
\r (ମାତି ୨୬:୭୧-୭୫; ମାର୍କ ୧୪:୬୯-୭୨; ଲୁକ ୨୨:୫୮-୬୨)
\p
\v 25 ଇ ବିତ୍ରେ ସିମନ୍ ପିତର୍‌ ଟିଆ ଅୟ୍‌ ଜୟ୍‌ ଚେକ୍‌ତି ରିଲା । ସେତାକ୍‌ ସେତି ରିଲା ବିନ୍ ଲକ୍‌ମଃନ୍ ତାକ୍‌ ହଃଚାର୍ଲାୟ୍‌, “ତୁୟ୍‌ ହେଁ କାୟ୍‌ ତାର୍‌ ଚେଲାମଃନାର୍‌ ବିତ୍ରେ ଗଟ୍‌ ଲକ୍‌ ନାୟ୍‌ ?”
\p ମଃତର୍‌ ପିତର୍‌ ନଃମାନିକଃରି କୟ୍‌ଲା, “ନାୟ୍‌ ମୁୟ୍‌ ନାୟ୍‌ ।” 
\v 26 ମୁଳ୍‌ ଜାଜକାର୍‌ ଗତିଦଃଙ୍ଗ୍‌ଳାମଃନାର୍‌ ବିତ୍ରେ ଗଟ୍‌ଲକ୍‌, ବଃଲେକ୍‌ ପିତର୍‌ ଜାର୍‌ କାନ୍‌ କାଟିରିଲା, ତାର୍‌ ଗଟେକ୍‌ ନିଜାର୍‌ ଲକ୍‌ କୟ୍‌ଲା, “ମୁୟ୍‌ କାୟ୍‌ ତକ୍‌ ତାର୍‌ ସଃଙ୍ଗ୍ ଗେତ୍‌ସିମନି ବାଳେ ଦଃକିନଃରିଲେ ?” 
\v 27 ସେତାକ୍‌ ପିତର୍‌ ଆରେକ୍‌ ଗଟ୍‌ତର୍‌ ନଃମାନିକଃରି କୟ୍‌ଲା, “ନାୟ୍‌ ମୁୟ୍‌ ନାୟ୍‌ ।” ଆର୍‌ ସେଦାହ୍ରେ ଗାଞ୍ଜା କୁକ୍‌ଳା ବାସ୍‌ଲା ।
\s ଜିସୁକେ ପିଲାତର୍‌ ଲଃଗେ ଆଣ୍‌ଲାୟ୍‌
\r (ମାତି ୨୭:୧-୨,୧୧-୧୪; ମାର୍କ ୧୫:୧-୫; ଲୁକ ୨୩:୧-୫)
\p
\v 28 ତାର୍‌ ଆର୍‌କ ଦିନ୍ ବର୍‌ ସଃକାଳ୍ୟା ଜିସୁକେ କୟାପା ତଃୟ୍‌ହୁଣି ପିଲାତ ରଃଜାର୍‌ କୁଆଳ୍‌ ବିତ୍ରେ ନିଲାୟ୍‌ । ଜିଉଦି ଅଃଦିକାରିମଃନ୍‌ ଜଃନ୍‌କଃରି ବିଟାଳ୍‌ ନଃୟ୍‌କଃରି ମୁକ୍ଳାଉଁଣି ହଃର୍ବ୍‌ ବଜି କାଉଁକେ ହାର୍ତି, ଇତାର୍‌ ଗିନେ ସେମଃନ୍ ନଃଉର୍‌ ବିତ୍ରେ ହୁରୁ ନଃଚ୍‌ଲାୟ୍‌ । 
\v 29 ସେତାକ୍‌ ପିଲାତ ସେମଃନାର୍‌ ଲଃଗେ ବାରାୟ୍‌ ଆସି ହଃଚାର୍ଲା, “ଇ ଲକ୍‌ ବିରଦେ ତୁମିମଃନ୍ କାୟ୍‌ ଦଃସାର୍‌ କଃତା ଆଣୁଲାସ୍‌ ?”
\p
\v 30 ସେମଃନ୍ ତାକ୍‌ ଉତୁର୍‌ ଦିଲାୟ୍‌, “ଇ ଲକ୍‌ ଜଦି ଦଃସ୍‌ କଃରି ନଃରିଲେକ୍‌, ଅଃମିମଃନ୍‌ ତାକ୍‌ ତର୍‌ ଆତେ ସଃହ୍ରି ନଃଦିଲୁ ହୁଣି ।”
\p
\v 31 ସେତାକ୍‌ ପିଲାତ ସେମଃନ୍‌କେ କୟ୍‌ଲା, “ତୁମିମଃନ୍ ଇ ଲକ୍‌କେ ଦଃରିଜାୟ୍‌ ତୁମିମଃନାର୍‌ ବିଦି ହଃର୍କାରେ ଇତାର୍‌ ବିଚାର୍‌ କଃରା ।”
\p ଜିଉଦିମଃନ୍‌ ତାକ୍‌ କୟ୍‌ଲାୟ୍‌, “କାକେ ମଃର୍ନ୍‌ ଡଃଣ୍ଡ୍‌ ଦେତାର୍‌ ଅଃମିମଃନାର୍‌ ଅଃଦିକାର୍‌ ନାୟ୍‌ । 
\v 32 \x + \xo ୧୮:୩୨ \xo*\xt ଜହ ୩:୧୪; ୧୨:୩୨.\xt*\x*ଜିସୁ କୁୟ୍‌ ରଃକମାର୍‌ ମଃର୍ନ୍‌ ଡଃଣ୍ଡ୍‌ ବଗୁକ୍‌ ଜଃଉଁଲା, ଇ ବିସୟେ ଜିସୁ ଜାୟ୍‌ରି କୟ୍‌ରିଲା, ସେରି ଜଃନ୍‌କଃରି ହୁରୁଣ୍ ଅୟ୍‌ଦ୍‌, ଇତାର୍‌ ଗିନେ ସେମଃନ୍ ଇରି କୟ୍‌ଲାୟ୍‌ ।”
\p
\v 33 ତଃବେ ପିଲାତ କୁଆଳ୍‌ ବିତ୍ରେ ବାଉଳି ଜାୟ୍‌, ଜିସୁକେ କୁଦି ହଃଚାର୍ଲା, “ତୁୟ୍‌ କାୟ୍‌ ଜିଉଦିମଃନାର୍‌ ରଃଜା ?”
\p
\v 34 ଜିସୁ ତାକ୍‌ ଉତୁର୍‌ ଦିଲା, “ତୁୟ୍‌ କାୟ୍‌ ନିଜାର୍‌ ଇରି କଃଉଁଲିସ୍‌, କି ବିନ୍ ଲକ୍‌ମଃନ୍ ମର୍‌ ବିସୟେ ତକ୍‌ ଇରି କୟ୍‌ ଆଚ୍‌ତି ?”
\p
\v 35 ପିଲାତ ଉତୁର୍‌ ଦିଲା, “ମୁୟ୍‌ କାୟ୍‌ ଗଟେକ୍‌ ଜିଉଦି ? ତର୍‌ ନିଜାର୍‌ ଲକ୍‌ ଆର୍‌ ବଃଡ୍ ଜାଜକ୍‌ମଃନ୍ ତକ୍‌ ମର୍‌ ଆତେ ସଃହ୍ରି ଦଃୟ୍‌ ଆଚ୍‌ତି; ତୁୟ୍‌ କାୟ୍‌ କଃରି ଆଚ୍‌ସି ?”
\p
\v 36 ଜିସୁ ଉତୁର୍‌ ଦିଲା, “ମର୍‌ ରାଇଜ୍‌ ଇ ଜଃଗତାର୍‌ ବିସୟେ ନାୟ୍‌, ଜଦି ମର୍‌ ରାଇଜ୍‌ ଜଃଗତାର୍‌ ବିସୟେ ଅୟ୍‌ରିଲେକ୍‌, ତଃବେ ମୁୟ୍‌ ଜିଉଦି ଅଃଦିକାରିମଃନାର୍‌ ଆତେ ସଃହ୍ରି ନୟ୍‌ଲେ ହୁଣି, ସେତାର୍‌ ଗିନେ ମର୍‌ ଜାଗୁଆଳି ଲକ୍‌ମଃନ୍ ଜୁଜ୍‌ କଃଲାୟ୍‌ ହୁଣି; ମଃତର୍‌ ମର୍‌ ରାଇଜ୍‌ ସଃତ୍‌କଃରି ସେ ବିସୟେ ନାୟ୍‌ ।”
\p
\v 37 ସେତାକ୍‌ ପିଲାତ ଜିସୁକେ ହଃଚାର୍ଲା, “ତଃବେ ତୁୟ୍‌ କାୟ୍‌ ଗଟେକ୍‌ ରଃଜା ?”
\p ଜିସୁ ଉତୁର୍‌ ଦିଲା, “ତୁୟ୍‌ ତ କଃଉଁଲିସ୍‌, ମୁୟ୍‌ ଗଟେକ୍‌ ରଃଜା । ମୁୟ୍‌ ଜଃନ୍‌କଃରି ସଃତ୍‌ ବାଟ୍ୟା ଅୟ୍‌ ସାକି ଦଃୟ୍‌ନ୍ଦ୍, ଇତାର୍‌ ଗିନେ ମୁୟ୍‌ ଜଃଲମ୍‌ ଅୟ୍‌ ଆଚି ଆର୍‌ ଜଃଗତେ ଆସିଆଚି । ଜୁୟ୍‌ ଲକ୍‌ ସଃତାର୍‌ ହୟ୍‌ସି, ସେ ମର୍‌ କଃତା ସୁଣେଦ୍‌ ।”
\p
\v 38 ପିଲାତ ଜିସୁକେ କୟ୍‌ଲା, “ସଃତ୍‌ କାୟ୍‌ରି ?”
\p ତାର୍‌ହଃଚେ ପିଲାତ ଆରେକ୍‌ ଜିଉଦିମଃନାର୍‌ ଲଃଗେ ହଃଦାୟ୍‌ ଜାୟ୍‌ ସେମଃନ୍‌କେ କୟ୍‌ଲା, “ମୁୟ୍‌ ଇତାର୍‌ ଲଃଗେ କାୟ୍‌ ହେଁ ଦଃସ୍‌ ନଃହାଉଁଲେ ।
\s ଜିସୁକେ ମଃର୍ନ୍‌ ଡଃଣ୍ଡ୍‌ ଦିଲାୟ୍‌
\r (ମାତି ୨୭:୧୫-୩୧; ମାର୍କ ୧୫:୬-୨୦; ଲୁକ ୨୩:୧୩-୨୫)
\p
\v 39 ମଃତର୍‌ ମୁୟ୍‌ ଜେ ମୁକ୍ଳାଉଁଣି ହଃର୍ବ୍‌ ଦିନ୍‌ ଗଟ୍‌ ଲକ୍‌କେ ମୁକ୍ଳାୟ୍‌ ଦଃୟ୍‌ନ୍ଦ୍, ଇରି ତୁମିମଃନାର୍‌ ରିତିବିଦି ଆଚେ; ବଃଲେକ୍‌ ଜିଉଦିମଃନାର୍‌ ରଃଜାକ୍‌ ମୁୟ୍‌ ତୁମାର୍‌ ଗିନେ ମୁକ୍ଳାୟ୍‌ନ୍ଦ୍ ବଃଲି କାୟ୍‌ ତୁମିମଃନାର୍‌ ମଃନ୍ ?”
\p
\v 40 ସେତାକ୍‌ ସେମଃନ୍ ଆରେକ୍‌ ଉଲ୍‌ଗାଟ୍‌ ଅୟ୍‌ କୟ୍‌ଲାୟ୍‌, “ନାୟ୍‌, ଇ ଲକ୍‌କେ ନାୟ୍‌, ମଃତର୍‌ ବାରବାକେ ମୁକ୍ଳାଉ ।” ଇ ବାରବା ଗଟେକ୍‌ ଚର୍‌ ରିଲା ।
\c 19
\p
\v 1 ତାର୍‌ହଃଚେ ପିଲାତ ଜିସୁକେ ନଃୟ୍‌କଃରି କର୍ଡା ମାରାୟ୍‌ଲା । 
\v 2 ଆରେକ୍‌ ସଃଇନ୍‌ମଃନ୍ କାଟାର୍‌ ମୁକୁଟ୍‌ ତିଆର୍‌ କଃରି ଜିସୁକେ ମୁଣ୍ଡେ ହିନ୍ଦାୟ୍‌ଲାୟ୍‌ ଆର୍‌ ତାକ୍‌ ଆଙ୍ଗି ହିନ୍ଦାୟ୍‌ଲାୟ୍‌; 
\v 3 ଆର୍‌ ସେମଃନ୍ ତାର୍‌ ଲଃଗେ ଆସି କୟ୍‌ଲାୟ୍‌, “ଏ ଜିଉଦିମଃନାର୍‌ ରଃଜା ଜୁଆର୍‌;” ଆରେକ୍‌ ସେମଃନ୍ ତାକ୍‌ ଚାହୁଳ୍‌ ମାରୁକ୍‌ ଦଃର୍ଲାୟ୍‌ ।
\p
\v 4 ପିଲାତ ଆରେକ୍‌ ଗଟ୍‌ତର୍‌ ହଃଦାୟ୍‌ ବାରାୟ୍‌ ଲକ୍‌ମଃନ୍‌କେ କୟ୍‌ଲା, “ଦଃକା, ମୁୟ୍‌ ତାକ୍‌ ତୁମିମଃନାର୍‌ ଲଃଗେ ବାର କଃରି ଆଣୁଲେ । ଇରି ତୁମିମଃନ୍ ନିଜେ ଜାଣାସ୍‌ ଜେ, ତାକ୍‌ ଦସି କଃରୁକେ ମୁୟ୍‌ ତାର୍‌ ଲଃଗେ କାୟ୍‌ ହେଁ ଦଃସ୍‌ ନଃହାଉଁଲେ ।” 
\v 5 ସେତାକ୍‌ ଜିସୁ ସେ ବେଜା ରଃଙ୍ଗାର୍‌ ଆଙ୍ଗି ଆର୍‌ କାଟାର୍‌ ମୁକୁଟ୍‌ ହିନ୍ଦି ହଃଦାୟ୍‌ ଆୟ୍‌ଲା । ପିଲାତ ଲକ୍‌ମଃନ୍‌କେ କୟ୍‌ଲା, “ଦଃକା, ଇରି ସେ ଲକ୍‌ ।”
\p
\v 6 ସେତାକ୍‌ ବଃଡ୍ ଜାଜକ୍‌ ଆର୍‌ ମନ୍ଦିର୍‌ ଜାଗୁଆଳିମଃନ୍ ଜିସୁକେ ଦଃକି ଉଲ୍‌ଗାଟ୍‌ ଅୟ୍‌ କୟ୍‌ଲାୟ୍‌, “ତାକ୍‌ କ୍ରୁସ୍‌ ଉହ୍ରେ ଚଃଗାଉଆ, କ୍ରୁସେ ଚଃଗାଉଆ ।”
\p ପିଲାତ ସେମଃନ୍‌କେ କୟ୍‌ଲା, “ତୁମିମଃନ୍ ତାକ୍‌ ନଃୟ୍‌ କ୍ରୁସେ ଚଃଗାଉଆ, କାୟ୍‌ତାକ୍‌ବଃଲେକ୍‌ ମୁୟ୍‌ ମଃର୍ନ୍‌ ଡଃଣ୍ଡ୍‌ ଦେଉଁକ୍‌ ତାର୍‌ ଲଃଗେ କାୟ୍‌ ହେଁ ଦଃସ୍‌ ନଃହାୟ୍‌ ।”
\p
\v 7 ଜିଉଦିମଃନ୍ ତାକ୍‌ ଉତୁର୍‌ ଦିଲାୟ୍‌, “ଅଃମିମଃନାର୍‌ ଗଟେକ୍‌ ବିଦି ଆଚେ ଆର୍‌ ସେ ବିଦି ହଃର୍କାରେ ସେ ମଃର୍ନ୍‌ ଡଃଣ୍ଡ୍‌ ବାୟ୍‌ଦ୍‌ରେ ହାଉତା ଜୟ୍‌ଗ୍‌, କାୟ୍‌ତାକ୍‌ବଃଲେକ୍‌ ସେ ନିଜ୍‌କେ ଇସ୍ୱରାର୍‌ ହୟ୍‌ସି ବଃଲି କଃଉଁଲା ।”
\p
\v 8 ସେତାକ୍‌ ପିଲାତ ଇ କଃତା ସୁଣି ଅଃଦିକ୍‌ ଡିରି ଗଃଲା; 
\v 9 ଆରେକ୍‌, ସେ ଆରେକ୍‌ ଗଟ୍‌ତର୍‌ କୁଆଳ୍‌ ବିତ୍ରେ ବାଉଳି ଜାୟ୍‌ ଜିସୁକେ ହଃଚାର୍ଲା, “ତୁୟ୍‌ କୁୟ୍‌ତିହୁଣି ଆସି ଆଚ୍‌ସି ?”
\p ମଃତର୍‌ ଜିସୁ ତାକ୍‌ ଉତୁର୍‌ ନଃଦିଲା । 
\v 10 ସେତାକ୍‌ ପିଲାତ ତାକ୍‌ କୟ୍‌ଲା, “ମର୍‌ ସଃଙ୍ଗ୍ କଃତା ନଃଉସି ? ତୁୟ୍‌ ଜାଣ୍, ତକ୍‌ ମୁକ୍‌ଳାଉଁକେ ମର୍‌ ଅଃଦିକାର୍‌ ଆଚେ ଆର୍‌ ତକ୍‌ କ୍ରୁସ୍‌ ଉହ୍ରେ ଚଃଗାଉଁକ୍‌ ହେଁ ମର୍‌ ଅଃଦିକାର୍‌ ଆଚେ, ଇରି କାୟ୍‌ ତୁୟ୍‌ ନଃଜାଣ୍‌ସି ?”
\p
\v 11 ଜିସୁ କୟ୍‌ଲା, “ଜଦି ଇସ୍ୱର୍‌ ତଃୟ୍‌ହୁଣି ତକ୍‌ ଅଃଦିକାର୍‌ ଦିଆଅୟ୍‌ ନଃରିଲେକ୍‌, ସେବାନ୍ୟା ଅୟ୍‌ଲେକ୍‌ ମର୍‌ ବିରଦେ ତର୍‌ କାୟ୍‌ରି ହେଁ ଅଃଦିକାର୍‌ ନଃରିଲିହୁଣି; ତଃବେ ଜେ ମକ୍‌ ତର୍‌ ଆତେ ସଃହ୍ରି ଦଃୟ୍‌ଆଚେ, ତାର୍‌ ହାହ୍‌ ଅଃନାୟ୍‌ ବଃଡ୍ ।”
\p
\v 12 ସେତାକ୍‌ ପିଲାତ ତାକ୍‌ ମୁକ୍‌ଳାଉଁକେ ଚେସ୍ଟା କଃଲା, ମଃତର୍‌ ଜିଉଦିମଃନ୍ ଆଉଲି ଅୟ୍‌କଃରି କୟ୍‌ଲାୟ୍‌, “ଜଦି ତୁୟ୍‌ ଇ ଲକ୍‌କେ ମୁକ୍ଳାଉସି, ତଃବେ ତୁୟ୍‌ କାଇସର୍‌ ସଃଙ୍ଗ୍ ନାୟ୍‌; ଜୁୟ୍‌ ଲକ୍‌ ଅଃହ୍‌ଣାକ୍‌ ରଃଜା ବଃଲି କୟ୍‌ଦ୍‌, ସେ କାୟ୍‌ସରାର୍‌ ବିରଦେ କଃତା କୟ୍‌ଦ୍‌ ।”
\p
\v 13 ତଃବେ, ପିଲାତ ଇ ସଃବୁ କଃତା ସୁଣି ଜିସୁକେ ବାର୍‌କଃରି ଆଣି ଟେଳା ବାଦ୍‌ହୁର୍‌, ଜାକେ ଏବ୍ରି ବାସାୟ୍‌ “ଗବ୍‌ବତା” ବଃଲି କଃଉତି, ସେ ବିଚାର୍‌ କଃର୍ତା ଟାଣେ ବଃସ୍‌ଲା । 
\v 14 ସେ ଦିନ୍ ମୁକ୍ଳାଉଁଣି ହଃର୍ବ୍‌ ତିଆର୍‌ ଅଃଉତା ଦିନ୍ ରିଲି, ଆର୍‌ ସଃଡେବଃଳ୍‌ ସଃକାଳ୍‌ ଚଅ ଗଃଟା ଅୟ୍‌ରିଲି । ଆରେକ୍‌, ପିଲାତ ଜିଉଦିମଃନ୍‌କେ କୟ୍‌ଲା, “ଦଃକା, ତୁମିମଃନାର୍‌ ରଃଜା ।”
\p
\v 15 ସେତାକ୍‌ ସେମଃନ୍ ଆଉଲି ଅୟ୍‌ କୟ୍‌ଲାୟ୍‌, “ତାକ୍‌ ମଃର୍ନେ ମାରା, ମଃର୍ନେ ମାରା, କ୍ରୁସ୍‌ ଉହ୍ରେ ଚଃଗାଉଆ ।”
\p ପିଲାତ ସେମଃନ୍‌କେ କୟ୍‌ଲା, “ମୁୟ୍‌ କାୟ୍‌ ତୁମିମଃନାର୍‌ ରଃଜାକ୍‌ କ୍ରୁସେ ଚଃଗାୟ୍‌ନ୍ଦ୍ ?”
\p ବଃଡ୍ ଜାଜକ୍‌ମଃନ୍ କୟ୍‌ଲା, “କାଇସର୍‌କେ ଚାଡି ଅଃମାର୍‌ ଆରେକ୍‌ କେ ରଃଜା ନାୟ୍‌ ।”
\p
\v 16 ସେତାକ୍‌ ଜିସୁକେ ଜଃନ୍‌କଃରି କ୍ରୁସ୍‌ ଉହ୍ରେ ଚଃଗା ଅୟ୍‌ଦ୍‌, ଇତାର୍‌ ଗିନେ, ପିଲାତ ତାକ୍‌ ସେମଃନାର୍‌ ଇଚା ହଃର୍କାରେ ସଃହ୍ରି ଦିଲା, ତଃବେ ସେମଃନ୍ ଜିସୁକେ ନିଲାୟ୍‌ ।
\s ଜିସୁକେ କ୍ରୁସ୍‌ କାଟେ ଚଃଗାୟ୍‌ଲାୟ୍‌
\r (ମାତି ୨୭:୩୨-୪୪; ମାର୍କ ୧୫:୨୧-୩୨; ଲୁକ ୨୩:୨୬-୪୩)
\p
\v 17 ହଃଚେ ସେମଃନ୍ ଜିସୁକେ ଦଃରି ଗଃଲାୟ୍‌, ଆର୍‌ ଜିସୁ ନିଜେ କ୍ରୁସ୍‌ ବୟ୍‌ କଃହାଳ୍‌ ନାଉଁଆର୍‌ ଗଟେକ୍‌ ଟାଣେ ବାରାୟ୍‌ ଗଃଲା । ଜାକେ ଏବ୍ରି ବାସାୟ୍‌ ଗଲ୍‌ଗତା ବଃଲି କଃଉତି । 
\v 18 ସେତି ସେମଃନ୍ ତାକ୍‌ କ୍ରୁସ୍‌ ଉହ୍ରେ ଚଃଗାୟ୍‌ଲାୟ୍‌ ଆର୍‌ ତାର୍‌ ସଃଙ୍ଗ୍ ଆରେକ୍‌ ଦୁୟ୍‌ ଲକ୍‌କେ ଚଃଗାୟ୍‌ଲାୟ୍‌, ଦୁୟ୍‌ ହାକ୍‌ ଦୁୟ୍‌ ଲକ୍‌କେ ଆର୍‌ ମଃଜାୟ୍‌ ଜିସୁକେ । 
\v 19 ଆର୍‌ ପିଲାତ ଗଟେକ୍‌ ଲେକା ଲେକି କଃରି ଜିସୁର୍‌ କ୍ରୁସ୍‌ ଉହ୍ରେ ଲାଗାୟ୍‌ଲା । ସେତି ଲେକା ଅୟ୍‌ରିଲି, “ନାଜରିତ୍‌ ଜିସୁ, ଜିଉଦିମଃନାର୍‌ ରଃଜା ।” 
\v 20 ଜିଉଦିମଃନାର୍‌ ବିତ୍ରେ ଗାଦେକ୍‌ ଇ ଲେକା ହଳ୍‌ଲାୟ୍‌, କାୟ୍‌ତାକ୍‌ବଃଲେକ୍‌ ଜୁୟ୍‌ ଟାଣେ ଜିସୁକେ କ୍ରୁସ୍‌ ଉହ୍ରେ ଚଃଗା ଅୟ୍‌ରିଲି, ସେରି ଗଃଳାର୍‌ ଲଃଗେ ରିଲି; ଆରେକ୍‌ ସେ ଲେକା ଏବ୍ରି, ଲାଟିନ୍ ଆର୍‌ ଗ୍ରିକ୍‌ ବାସାୟ୍‌ ଲେକା ଅୟ୍‌ରିଲି । 
\v 21 ତଃବେ ଜିଉଦିମଃନାର୍‌ ବଃଡ୍ ଜାଜକ୍‌ମଃନ୍ ପିଲାତକେ କୟ୍‌ଲାୟ୍‌, “ତୁୟ୍‌ ‘ଜିଉଦିମଃନାର୍‌ ରଃଜା’ ବଃଲି ନଃଲେକି, ‘ମୁୟ୍‌ ଜିଉଦିମଃନାର୍‌ ରଃଜା ବଃଲି ନିଜ୍‌କେ କଃଉତିରିଲା,’ ଇବାନ୍ୟା ଲେକ୍‌ ।” 
\v 22 ପିଲାତ କୟ୍‌ଲା, “ମୁୟ୍‌ ଜାୟ୍‌ରି ଲେକିଆଚି, ସେରି ଲେକିଆଚି ।” 
\v 23 ସଃଇନ୍‌ମଃନ୍ ଜିସୁକେ କ୍ରୁସ୍‌ ଉହ୍ରେ ଚଃଗାୟ୍‌ଲା ହଃଚେ ଚାରି ଗଟ୍‌ ସଃଇନ୍ ତାର୍‌ ବଃସ୍ତର୍‌ ଚାରି ବାଗ୍ କଃରି ବାଟାକଃରି ନିଲାୟ୍‌, ହଃତି ସଃଇନ୍‌ମଃନାର୍‌ ଗିନେ ଗଟେକ୍‌ ଗଟେକ୍‌ ବାଗ୍, ଆର୍‌ ସେମଃନ୍ ତାର୍‌ ଆଙ୍ଗିକ୍‌ ହେଁ ନିଲାୟ୍‌ । ମଃତର୍‌ ତାର୍‌ ଉହ୍ରେ ହିନ୍ଦ୍‌ଲା ଆଙ୍ଗି ସିଲାୟ୍‌ ନାୟ୍‌ ଉହ୍ରେ ହୁଣି ତଃଳେ ହଃତେକ୍‌ ସଃବୁ ବୁଣା ଅୟ୍‌ରିଲି । 
\v 24 ତଃବେ ସଃଇନ୍‌ମଃନ୍ ତାକାର୍‌ ତାକାର୍‌ ବିତ୍ରେ କଃଉଆକଇ ଅୟ୍‌ଲାୟ୍‌, “ଇତାକ୍‌ ଚିରୁ ନଃଚୁଆଁ, ମଃତର୍‌ ଇରି କାର୍‌ ଅୟ୍‌ଦ୍‌, ସେତାର୍‌ ଗିନେ କେଳି ବାଚୁଆଁ ।” ଜଃନ୍‌କଃରି ଦଃର୍ମ୍‌ ସାସ୍ତର୍‌ ତଃୟ୍‌ର୍‌ ଇ ବଃଚନ୍ ହୁରୁଣ୍ ଅୟ୍‌ଦ୍‌,
\q1 “ସେମଃନ୍ ଅଃହ୍‌ଣା ଅଃହ୍‌ଣାର୍‌ ବିତ୍ରେ ମର୍‌ ବଃସ୍ତର୍‌ ବାଟା କଃଲାୟ୍‌,
\q2 ଆରେକ୍‌ ମର୍‌ ଆଙ୍ଗିର୍‌ ଗିନେ କେଳି ବାଚ୍‌ଲାୟ୍‌ ।”
\m ତଃବେ ସଃଇନ୍‌ମଃନ୍ ଇସଃବୁ କଃଲାୟ୍‌ ।
\p
\v 25 ମଃତର୍‌ ଜିସୁ କ୍ରୁସ୍‌ ଲଃଗେ ତାର୍‌ ଆୟ୍‌ସି, ତାର୍‌ ଆୟ୍‌ସିର୍‌ ବେଣ୍‌ସି, କ୍ଲପାର୍‌ ଡକୁର୍ସି ମରିୟମ୍‌ ଆର୍‌ ମଗ୍‌ଦଲିନି ମରିୟମ୍‌ ଟିଆ ଅୟ୍‌ରିଲାୟ୍‌ । 
\v 26 ଜିସୁ ତାର୍‌ ଆୟ୍‌ସି ଆର୍‌ ଜୁୟ୍‌ ଚେଲାମଃନ୍‌କେ ଲାଡ୍‌ କଃର୍ତିରିଲା, ସେମଃନ୍‌କେ ଲଃଗେ ଟିଆ ଅୟ୍‌ରିଲାର୍‌ ଦଃକି ଆୟ୍‌ସିକ୍‌ କୟ୍‌ଲା, “ଏ ଆୟା, ଦଃକ୍‌, ତର୍‌ ହୟ୍‌ଦି ।”
\p
\v 27 ସେଦାହ୍ରେ ସେ ଚେଲାକେ କୟ୍‌ଲା, “ଦଃକା, ତର୍‌ ଆୟ୍‌ଦି !” ଆର୍‌ ସେଦାହ୍ରେ ହୁଣି ସେ ଚେଲା ଜିସୁର୍‌ ଆୟ୍‌ସିକ୍‌ ଅଃହ୍‌ଣାର୍‌ ଗଃରେ ନିଲା ।
\s ଜିସୁର୍‌ ମଃର୍ନ୍‌
\r (ମାତି ୨୭:୪୫-୫୬; ମାର୍କ ୧୫:୩୩-୪୧; ଲୁକ ୨୩:୪୪-୪୯)
\p
\v 28 ଇତାର୍‌ ହଃଚେ ଜିସୁ ଦଃର୍ମ୍‌ ସାସ୍ତର୍‌ ତଃୟ୍‌ର୍‌ ବଃଚନ୍ ଜଃନ୍‌କଃରି ହୁରୁଣ୍ ଅୟ୍‌ଦ୍‌, ଇତାର୍‌ ଗିନେ ସଃବୁ ବିସୟ୍‌ ଅଃବେ ସଃରିଆଚେ ବଃଲି ଜାଣି କୟ୍‌ଲା, “ମକ୍‌ ସସ୍‌ ଲାଗୁଲି ।”
\p
\v 29 ସେତି ହିତା ଅଙ୍ଗୁର୍‌ ରଃସ୍‌ ବଃର୍ତି ଅୟ୍‌ରିଲା ଗଟେକ୍‌ ଡକା ରିଲି; ତଃବେ ସେମଃନ୍ ସେତି କଃଣ୍ଡେକ୍‌ ସ୍ପଞ୍ଜ୍ ବୁଡାୟ୍‌ ସେରି ହାଟ୍‌ଳି ସଃଙ୍ଗ୍ ଗଟେକ୍‌ ଡେଙ୍ଗ୍ ଡାଙ୍ଗେ ଗୁଳିଆୟ୍‌ ତାର୍‌ ଟଣ୍ଡ୍ ଲଃଗେ ଦିଲାୟ୍‌ । 
\v 30 ସେତାକ୍‌ ଜିସୁ ସେ ହିତା ଅଙ୍ଗୁର୍‌ ରଃସ୍‌ ସୁରି କୟ୍‌ଲା, “ସେସ୍‌ ଅୟ୍‌ଲି ।”
\p ଆର୍‌ ସେ ମୁଣ୍ଡ୍ ଲଃସାୟ୍‌ କଃରି ଆତ୍ମା ଚାଡ୍‌ଲା ।
\s ଜିସୁର୍‌ କୁଚାୟ୍‌ ବାଲାସଃଙ୍ଗ୍ ବୁସ୍‌ଲାୟ୍‌
\p
\v 31 ସେ ଦିନ୍ ହଃର୍ବାର୍‌ ଗିନେ ତିଆର୍‌ ହଃଳ୍‌ତା ଦିନ୍ ରିଲାକ୍‌, ଗଃଗାଳ୍‌ମଃନ୍‌ ଜଃନ୍‌କଃରି ବିସାଉଁଣି ବାରେ କ୍ରୁସ୍‌ ଉହ୍ରେ ନଃରେୟ୍‌, କାୟ୍‌ତାକ୍‌ବଃଲେକ୍‌ ସେ ବିସାଉଁଣିବାର୍‌ ଦିନ୍ ରିଲି, ସେତାକ୍‌ ସେମଃନାର୍‌ ଗଡ୍ ବାଙ୍ଗା ଜଃଉଅ ଆର୍‌ ସେମଃନ୍‌କେ କ୍ରୁସ୍‌ କାଟେ ହୁଣି ଉତ୍ରାୟ୍‌ ଆଣୁକେ ଜିଉଦି ଅଃଦିକାରିମଃନ୍‌ ପିଲାତକେ ଗଃଉଆରି କଃଲାୟ୍‌ । 
\v 32 ତଃବେ ସଃଇନ୍‌ମଃନ୍ ଜାୟ୍‌ ଜିସୁର୍‌ ସଃଙ୍ଗ୍ କ୍ରୁସ୍‌କାଟେ ଚଃଗା ଅୟ୍‌ରିଲା ବିନ୍ ଦୁୟ୍‌ ଲକାର୍‌ ଗଡ୍ ବାଙ୍ଗାୟ୍‌ଲାୟ୍‌ । 
\v 33 ମଃତର୍‌ ସେମଃନ୍ ଜିସୁର୍‌ ଲଃଗେ ଆସି ସେ ମଃରି ଗଃଲାବେ ବଃଲି ଦଃକି ତାର୍‌ ଗଡ୍ ବାଙ୍ଗାଉଁ ନଃଚ୍‌ଲାୟ୍‌ । 
\v 34 ତଃବେ ସଃଇନ୍‌ମଃନାର୍‌ ବିତ୍ରେ ଗଟ୍‌ ଲକ୍‌ ବାଲା ସଃଙ୍ଗ୍ ଜିସୁର୍‌ କୁଚାୟ୍‌ ବୁସ୍‌ଲା, ଆର୍‌ ସେଦାହ୍ରେ ବଃନି ଆର୍‌ ହାଣି ବାରାୟ୍‌ଲି । 
\v 35 ଜେ ଦଃକି ଆଚେ, ସେ ସାକି ଦଃୟ୍‌ଆଚେ, ଜଃନ୍‌କଃରି ତୁମିମଃନ୍ ହେଁ ବିସ୍ୱାସ୍‌ କଃରାସ୍‌; ଆରେକ୍‌ ତାର୍‌ ସାକି ସଃତ୍ୟା, ଆର୍‌ ସେ ଜେ ସଃତ୍‌ କଃଉଁଲା, ଇରି ସେ ଜାଣେଦ୍‌ । 
\v 36 କାୟ୍‌ତାକ୍‌ବଃଲେକ୍‌ ଦଃର୍ମ୍‌ ସାସ୍ତର୍‌ ତଃୟ୍‌ର୍‌ ଇ ବଃଚନ୍ ହୁରୁଣ୍ ଅଃଉଁକେ ଇସଃବୁ ବିସୟ୍‌ ଗଃଟ୍‌ଲି, “ତାର୍‌ କଃଣ୍ଡେକ୍‌ ଆଡ୍ ହେଁ ନଃବାଙ୍ଗେ ।” 
\v 37 \x + \xo ୧୯:୩୭ \xo*\xt ପ୍ରକା ୧:୭.\xt*\x*ଦଃର୍ମ୍‌ ସାସ୍ତର୍‌ ତଃୟ୍‌ ଆରେକ୍‌ ଗଟେକ୍‌ ବଃଚନ୍ ଲେକା ଅୟ୍‌ଆଚେ, “ସେମଃନ୍ ଜାକେ ବାଲା ସଃଙ୍ଗ୍ ବୁସ୍‌ଲାୟ୍‌, ତାକ୍‌ ଦଃକ୍‌ତି ।”
\s ଜିସୁର୍‌ ମଃସୁଣ୍
\r (ମାତି ୨୭:୫୭-୬୧; ମାର୍କ ୧୫:୪୨-୪୭; ଲୁକ ୨୩:୫୦-୫୬)
\p
\v 38 ଇ ସଃବୁ ଗଃଟ୍‌ଲା ହଃଚେ, ଜୁୟ୍‌ ହାରାମାତିଆର୍‌ ଜସେପ୍ ଜିସୁର୍‌ ଗଟେକ୍‌ ଚେଲା ରିଲା, ମଃତର୍‌ ଜିଉଦି ଅଃଦିକାରିମଃନ୍‌କେ ଡିରିକଃରି ଜାଣାୟ୍‌ ନଃଉତିରିଲା, ସେ ଜିସୁର୍‌ ଗଃଗାଳ୍‌ ନେଉଁକ୍‌ ପିଲାତକେ ଗଃଉଆରି କଃଲା । ସେତାକ୍‌ ପିଲାତ ନେ ବଃଲି କୟ୍‌ଲା । ତଃବେ ସେ ଆସି ଜିସୁର୍‌ ଗଃଗାଳ୍‌ ନିଲା । 
\v 39 \x + \xo ୧୯:୩୯ \xo*\xt ଜହ ୩:୧,୨.\xt*\x*ଜୁୟ୍‌ ନିକଦିମ ହଃର୍ତୁମ୍‌ ରାତି ବଃଳ୍ୟା ଜିସୁର୍‌ ଲଃଗେ ଆସିରିଲା, ସେ ହେଁ ହଃକାହାକି ପଚାସ୍‌ ସେର୍‌ ବାସ୍ନା ଚିକଣ୍‌ ମିସ୍‌ଲା ଦୁହ୍‌ଣି ଦଃରି ଆୟ୍‌ଲା । 
\v 40 ସେମଃନ୍ ଜିସୁର୍‌ ଗଃଗାଳ୍‌ ନଃୟ୍‌ ଜିଉଦିମଃନାର୍‌ ମଃସ୍‌ଣେ ତହ୍‌ତା ରିତି ହଃର୍କାରେ ସେରି ବାସ୍ନା ଚିକଣ୍‌ ହାଦ୍‌ଳାୟ୍‌ ତାକ୍‌ ଦବ୍‌ ମଃସ୍‌ଣି ହଃଚ୍ୟା ଗୁଳ୍ୟାୟ୍‌ଲାୟ୍‌ । 
\v 41 ଜୁୟ୍‌ ଟାଣେ ଜିସୁକେ କ୍ରୁସ୍‌ ଉହ୍ରେ ଚଃଗା ହାୟ୍‌ରିଲି, ସେ ଟାଣେ ଗଟେକ୍‌ ବାଳ୍‌ ରିଲି, ଆର୍‌ ସେ ବାଳେ ଗଟେକ୍‌ ନଃଉଆଁ ମଃସୁଣ୍‌ ରିଲି, ସେତି କଃବେ କାକେ ହେଁ ସଃଙ୍ଗାୟ୍‌ ନଃରିଲାୟ୍‌ । 
\v 42 ଆର୍‌ ଜିଉଦିମଃନାର୍‌ ତିଆର୍‌ ହଃଳ୍‌ତା ଦିନ୍ ରିଲାକ୍‌ ସେ ଟାଣେ ସେମଃନ୍ ଜିସୁକେ ସଃଙ୍ଗାୟ୍‌ଲାୟ୍‌, କାୟ୍‌ତାକ୍‌ବଃଲେକ୍‌ ସେ ମଃସୁଣ୍‌ ଲଃଗେ ରିଲି ।
\c 20
\s ଚୁଚା ମଃସୁଣ୍
\r (ମାତି ୨୮:୧-୮; ମାର୍କ ୧୬:୧-୮; ଲୁକ ୨୪:୧-୧୨)
\p
\v 1 ରୟ୍‌ବାର୍‌ ଦିନ୍ ବର୍‌ ସଃକାଳ୍ୟା ଅଃନ୍ଦାର୍‌ ରେଉଁ ରେଉଁ ମଗ୍‌ଦଲିନି ମରିୟମ୍‌ ମଃସୁଣ୍‌ ଲଃଗେ ଜାୟ୍‌ ସେଲଃଗେ ଡାହିରିଲା ଟେଳା ଗୁଚିରିଲାର୍‌ ଦଃକ୍‌ଲି । 
\v 2 ତଃବେ ସେ ଦଃବ୍‌ଳି ଜାୟ୍‌ ସିମନ୍ ପିତର୍‌ ଆର୍‌ ଜିସୁ ଜାକେ ଲାଡ୍‌ କଃର୍ତିରିଲା, ସେ ବିନ୍ ଚେଲାର୍‌ ଲଃଗେ ଆୟ୍‌ଲି, ଆର୍‌ ସେମଃନ୍‌କେ କୟ୍‌ଲି, “ସେମଃନ୍ ମାପ୍ରୁକ୍‌ ମଃସୁଣ୍‌ କାଲେ ହୁଣି ନଃୟ୍‌ ଗଃଲାୟ୍‌ ଆଚ୍‌ତି, ଆରେକ୍‌ ତାକ୍‌ କୁୟ୍‌ ଟାଣେ ସଃଙ୍ଗାୟ୍‌ ଆଚ୍‌ତି, ସେରି ଅଃମିମଃନ୍‌ ନଃଜାଣୁ ।”
\p
\v 3 ସେତାକ୍‌ ପିତର୍‌ ଆର୍‌ ସେ ବିନ୍ ଚେଲା ମଃସୁଣ୍‌ ଲଃଗେ ଜଃଉଁକେ ବାରାୟ୍‌ଲାୟ୍‌ । 
\v 4 ସେମଃନ୍ ଦୁୟ୍‌ଲକ୍‌ ଅଃକାବଃଳ୍‌ ଦଃବ୍‌ଳୁକ୍‌ ଦଃର୍ଲାୟ୍‌, ଆର୍‌ ସେ ବିନ୍ ଚେଲା ପିତର୍‌କେ ହଃଚେ ଚାଡି ଆଗ୍‌ତୁ ମଃସୁଣ୍‌ ଲଃଗେ ହଚ୍‌ଲା, 
\v 5 ଆର୍‌ ଲଃହ୍‌ଟିକଃରି ବିତ୍ରେ ଦଃକି ଜିସୁକେ ଜୁୟ୍‌ ମଃସ୍‌ଣି ହଃଚ୍ୟା ଗୁଳ୍ୟାୟ୍‌ ରିଲାୟ୍‌ ସେରି ସଃବୁ ଅଦ୍ରି ରିଲାର୍‌ ଦଃକ୍‌ଲା, ମଃତର୍‌ ସେ ବିତ୍ରେ ନଃହୁର୍ଲା । 
\v 6 ହଃଚେ ସିମନ୍ ପିତର୍‌ ହେଁ ତାର୍‌ ହଃଚେ ହଃଚେ ଆସି ହଚ୍‌ଲା ଆର୍‌ ମଃସୁଣ୍‌ ବିତ୍ରେ ହୁରି ଦଃକ୍‌ଲା ଜେ, ସେ ମଃସ୍‌ଣି ହଃଚ୍ୟାମଃନ୍ ଅଦ୍ରିଆଚେ, 
\v 7 ଆରେକ୍‌ ତାର୍‌ ମୁଣ୍ଡେ ଜୁୟ୍‌ ତୁଆଲ୍‌ ବାନ୍ଦା ଅୟ୍‌ରିଲି, ସେରି ସେ ମଃସ୍‌ଣି ହଃଚ୍ୟା ସଃଙ୍ଗ୍ ନଃରେୟ୍‌ ବିନେ ଗଟେକ୍‌ ଜଃଗାୟ୍‌ ଗୁଳ୍ୟାୟ୍‌ ଅୟ୍‌ଆଚେ । 
\v 8 ସଃଡେବଃଳ୍‌ ଜୁୟ୍‌ ବିନ୍ ଚେଲା ଆଗ୍‌ତୁ ମଃସୁଣ୍‌ ଲଃଗେ ଆସିରିଲା, ସେ ହେଁ ବିତ୍ରେ ହୁରି ଦଃକ୍‌ଲା ଆର୍‌ ବିସ୍ୱାସ୍‌ କଃଲା; 
\v 9 ମଃତର୍‌ ମଃଲା ଲକ୍‌ମଃନାର୍‌ ବିତ୍ରେହୁଣି ଜିସୁକେ ଜେ ଜିବନ୍ ହାୟ୍‌ ଉଟୁକ୍‌ ଅୟ୍‌ଦ୍‌, ଦଃର୍ମ୍‌ ସାସ୍ତର୍‌ ତଃୟ୍‌ର୍‌ ଇ ବଃଚନ୍ ସେମଃନ୍ ସଃଡେବଃଳ୍‌ ହଃତେକ୍‌ ବୁଜି ନଃରିଲାୟ୍‌ । 
\v 10 ତାର୍‌ହଃଚେ ଚେଲାମଃନ୍ ସେମଃନାର୍‌ ଗଃରେ ବାଉଳି ଗଃଳାୟ୍‌ ।
\s ଜିସୁ ମଗ୍‌ଦଲିନି ମରିୟମ୍‌କେ ଦଃକାୟ୍‌ ଅୟ୍‌ଲା
\r (ମାତି ୨୮:୯-୧୦; ମାର୍କ ୧୬:୯-୧୧)
\p
\v 11 ମଃତର୍‌ ମରିୟମ୍‌ କାନ୍ଦି କାନ୍ଦି ହଃଦାୟ୍‌ ମଃସୁଣ୍ ଲଃଗେ ଟିଆ ଅୟ୍‌ରିଲି; ଆରେକ୍‌ କାନ୍ଦି କାନ୍ଦି ସେ ଲଃହ୍‌ଟିକଃରି ମଃସୁଣ୍‌ ବିତ୍ରେ ଦଃକ୍‌ଲି, 
\v 12 ଆର୍‌ ଜିସୁର୍‌ ଗଃଗାଳ୍‌ ଜୁୟ୍‌ ଜଃଗାୟ୍‌ ସଃଙ୍ଗା ଅୟ୍‌ରିଲି, ସେତିର୍‌ ମୁଣ୍ଡ୍ ଲଃଗେ ଗଟ୍‌ଲକ୍‌ ଆର୍‌ ହାଦ୍‌ ଲଃଗେ ଆରେକ୍‌ ଗଟ୍‌ଲକ୍‌, ଇବାନ୍ୟା ଦୁୟ୍‌ ଲକ୍‌ ଦବ୍‌ ବଃସ୍ତର୍‌ ହିନ୍ଦିରିଲା ଦୁତ୍‌କେ ବଃସି ରିଲାର୍‌ ଦଃକ୍‌ଲି । 
\v 13 ସେମଃନ୍ ତାକ୍‌ କୟ୍‌ଲାୟ୍‌, “ଏ ଆୟା, କାୟ୍‌ତାକ୍‌ କାନ୍ଦୁଲିସ୍‌ ?”
\p ସେ ସେମଃନ୍‌କେ କୟ୍‌ଲି, “କୁୟ୍‌ ଲକ୍‌ କି ମର୍‌ ମାପ୍ରୁକ୍‌ ନିଲାୟ୍‌ ଆଚ୍‌ତି, ଆର୍‌ ତାକ୍‌ କୁୟ୍‌ ଟାଣେ ସଃଙ୍ଗାୟ୍‌ ଆଚ୍‌ତି, ସେରି ମୁୟ୍‌ ନଃଜାଣି ।”
\p
\v 14 ସେ ଇରି କୟ୍‌ ହଃଚ୍‌ବାଟ୍ୟା ଲେଉଟିକଃରି ଜିସୁକେ ଟିଆ ଅୟ୍‌ରିଲାର୍‌ ଦଃକ୍‌ଲି, ମଃତର୍‌ ସେ ଜେ ଜିସୁ ସେରି ଜାଣୁ ନାହାର୍ଲି । 
\v 15 ଜିସୁ ତାକ୍‌ କୟ୍‌ଲା, “ଏ ଆୟା, କାୟ୍‌ତାକ୍‌ କାନ୍ଦୁଲିସ୍‌ ? କାକେ ଲଳୁଲିସ୍‌ ?”
\p ସେ ତାକ୍‌ ବାଳାର୍‌ ଜାଗୁଆଳି ବଃଲି ବାବି କୟ୍‌ଲି, “ମାପ୍ରୁ, ତୁୟ୍‌ ଜଦି ତାକ୍‌ ନଃୟ୍‌ ଆଚ୍‌ସି, ତଃବେ ତାକ୍‌ କୁୟ୍‌ ଟାଣେ ସଃଙ୍ଗାୟ୍‌ ଆଚ୍‌ସି, ମକ୍‌ କଃଉ, ଆର୍‌ ମୁୟ୍‌ ତାକ୍‌ ନଃୟ୍‌ନ୍ଦ୍ ।”
\p
\v 16 ଜିସୁ ତାକ୍‌ କୟ୍‌ଲା, “ମରିୟମ୍‌ ।”
\p ସେ ଲେଉଟିକଃରି ଏବ୍ରି ବାସାୟ୍‌ କୟ୍‌ଲି, “ରାବ୍‌ବୁନି !” ବଃଲେକ୍‌, “ଏ ଗୁରୁ ।”
\p
\v 17 ଜିସୁ ତାକ୍‌ କୟ୍‌ଲା, “ମକ୍‌ ଦଃରି ରିଆ ନାୟ୍‌, କାୟ୍‌ତାକ୍‌ବଃଲେକ୍‌ ମୁୟ୍‌ ଅଃବେ ହଃତେକ୍‌ ଉବାର୍‌ ଲଃଗେ ନଃଜାୟ୍‌ଁତା; ମଃତର୍‌ ମର୍‌ ବାୟ୍‌ମଃନାର୍‌ ଲଃଗେ ଜାୟ୍‌ ସେମଃନ୍‌କେ କଃଉ, ମୁୟ୍‌ ମର୍‌ ଉବା ଆର୍‌ ସେମଃନାର୍‌ ଉବାସି, ମର୍‌ ଇସ୍ୱର୍‌ ଆର୍‌ ସେମଃନାର୍‌ ଇସ୍ୱରାର୍‌ ଲଃଗେ ଜଃଉଁଲେ ।”
\p
\v 18 ମଗ୍‌ଦଲିନି ମରିୟମ୍‌ ଜାୟ୍‌, ମୁୟ୍‌ ମାପ୍ରୁକ୍‌ ଦଃକି ଆଚି, ଆର୍‌ ସେ ମକ୍‌ ଇସଃବୁ କୟ୍‌ଆଚେ ବଃଲି ଚେଲାମଃନ୍‌କେ କୟ୍‌ଲି ।
\s ଜିସୁ ତାର୍‌ ଚେଲାମଃନ୍‌କେ ଦଃକାୟ୍‌ ଅୟ୍‌ଲା
\r (ମାତି ୨୮:୧୬-୨୦; ମାର୍କ ୧୬:୧୪-୧୮; ଲୁକ ୨୪:୩୬-୪୯)
\p
\v 19 ସେଦିନ୍, ବଃଲେକ୍‌, ରୟ୍‌ବାର୍‌ ଦିନ୍ ସଃଞ୍ଜ୍‌ବେଳ୍ୟା ଜଃଡେବଃଳ୍‌ ଚେଲାମଃନ୍ ଜୁୟ୍‌ ଗଃରେ ରିଲାୟ୍‌, ସେତିର୍‌ ଜିଉଦି ଅଃଦିକାରିମଃନ୍‌କେ ଡିରିକଃରି ଦୁଆର୍‌ ଡାହି ଅୟ୍‌ ରେତିରିଲାୟ୍‌, ସଃଡେବଃଳ୍‌ ଜିସୁ ଆସି ମଃଜି ଟାଣେ ଟିଆ ଅୟ୍‌ ସେମଃନ୍‌କେ କୟ୍‌ଲା, “ତୁମିମଃନାର୍‌ ସୁସ୍ତା ଅଃଉଅ ।” 
\v 20 ଆରେକ୍‌, ଇରି କୟ୍‌ ସେ ସେମଃନ୍‌କେ ଅଃହ୍‌ଣାର୍‌ ଆତ୍‌ ଆର୍‌ କୁଚି ଦଃକାୟ୍‌ଲା । ସେତାକ୍‌ ଚେଲାମଃନ୍ ମାପ୍ରୁକ୍‌ ଦଃକି ସଃର୍ଦା ଅୟ୍‌ଲାୟ୍‌ । 
\v 21 ଜିସୁ ସେମଃନ୍‌କେ ଆରେକ୍‌ କୟ୍‌ଲା, “ତୁମିମଃନାର୍‌ ସୁସ୍ତା ଅଃଉଅ; ଉବା ଜଃନ୍‌କଃରି ମକ୍‌ ହଃଟାୟ୍‌ ଆଚେ, ମୁୟ୍‌ ହେଁ ସେବାନ୍ୟା ତୁମିମଃନ୍‌କେ ହଃଟାଉଁଲେ ।” 
\v 22 ସେ ଇରି କୟ୍‌ ସେମଃନାର୍‌ ଉହ୍ରେ ହୁଣ୍ଡାଣ୍ ଚାଡି ସେମଃନ୍‌କେ କୟ୍‌ଲା, “ପବିତ୍ର ଆତ୍ମାକେ ହାଉଆ । 
\v 23 \x + \xo ୨୦:୨୩ \xo*\xt ମାତି ୧୬:୧୯; ୧୮:୧୮.\xt*\x*ତୁମିମଃନ୍ ଜଦି କାର୍‌ ହାହ୍‌ କେମା କଃରାସ୍‌, ତାର୍‌ ହାହ୍‌ କେମା ଅୟ୍‌ଦ୍‌; ଆରେକ୍‌, ଜଦି କାର୍‌ ହାହ୍‌ କେମା ନଃକେରାସ୍‌, ତାର୍‌ ହାହ୍‌ କେମା ନୟ୍‌ ।”
\s ଜିସୁ ଆର୍‌ ତମା
\p
\v 24 ମଃତର୍‌ ଜିସୁ ଜଃଡେବଃଳ୍‌ ଆସିରିଲା, ସଃଡେବଃଳ୍‌ ବାର ଲକାର୍‌ ବିତ୍ରେ ତମା ନାଉଁଆର୍‌ ଗଟ୍‌ଲକ୍‌, ଜାକେ ଦିଦୁମ୍‌ ବଃଲି କଃଉତି, ସେ ସେମଃନାର୍‌ ସଃଙ୍ଗ୍ ନଃରିଲା । 
\v 25 ତଃବେ ବିନ୍ ଚେଲାମଃନ୍ ତାକ୍‌ କୟ୍‌ଲାୟ୍‌, “ଅଃମିମଃନ୍‌ ମାପ୍ରୁକ୍‌ ଦଃକି ଆଚୁ ।”
\p ମଃତର୍‌ ତମା ସେମଃନ୍‌କେ କୟ୍‌ଲା, “ତାର୍‌ ଆତେ କୁଟି ମାର୍ଲା ଚିନ୍ ସଃବୁ ନଃଦେକ୍‌ଲେକ୍‌, ଆର୍‌ ସେ ସଃବୁ ଜଃଗା ଲଃଗେ ମର୍‌ ଆଙ୍ଗଟି ସଃଙ୍ଗ୍ ନଃଚୁୟ୍‌ଲେକ୍‌ ଆର୍‌ ତାର୍‌ କୁଚାୟ୍‌ ମର୍‌ ଆତ୍‌ ନଃଚୁୟ୍‌ଲେକ୍‌ ମୁୟ୍‌ କଃବେ ହେଁ ବିସ୍ୱାସ୍‌ ନଃକେରି ।”
\p
\v 26 ଆଟ୍‌ ବିନ୍ ହଃଚେ ଜିସୁର୍‌ ଚେଲାମଃନ୍ ଆରେକ୍‌ ଗଃର୍‌ ବିତ୍ରେ ରିଲାୟ୍‌ ଆର୍‌ ତମା ହେଁ ସେମଃନାର୍‌ ସଃଙ୍ଗ୍ ରିଲା । ଆର୍‌ ଦୁଆର୍‌ ସଃବୁ ଡାହି ଅୟ୍‌ରିଲାବଃଳ୍‌ ଜିସୁ ଆସି ମଃଜାୟ୍‌ ଟିଆ ଅୟ୍‌ କୟ୍‌ଲା, “ତୁମିମଃନାର୍‌ ସୁସ୍ତା ଅଃଉଅ ।” 
\v 27 ହଃଚେ ସେ ତମାକ୍‌ କୟ୍‌ଲା, “ଇହାକ୍‌ ତର୍‌ ଆଙ୍ଗଟି ଆଣି ମର୍‌ ଆତ୍‌ ଦଃକ୍‌ ଆର୍‌ ଆତ୍‌ ଲାମାୟ୍‌ ମର୍‌ କୁଚାୟ୍‌ ଚିଉ; ଅବିସ୍ୱାସି ନୟ୍‌କଃରି ସଃତ୍‌କଃର୍‌ ।”
\p
\v 28 ତମା ଜିସୁକେ କୟ୍‌ଲା, “ମର୍‌ ମାପ୍ରୁ, ମର୍‌ ଇସ୍ୱର୍‌ ।”
\p
\v 29 ଜିସୁ ତାକ୍‌ କୟ୍‌ଲା, “ତୁୟ୍‌ କାୟ୍‌ ମକ୍‌ ଦଃକ୍‌ଲାକ୍‌ ବିସ୍ୱାସ୍‌ କଃଲିସ୍‌ ? ଜୁୟ୍‌ ଲକ୍‌ମଃନ୍ ନଃଦେକି ବିସ୍ୱାସ୍‌ କଃରି ଆଚ୍‌ତି, ସେମଃନାର୍‌ ବାୟ୍‌ଗ୍‌ ।”
\s ଇ ପୁସ୍ତକାର୍‌ ବାବ୍‌
\p
\v 30 ଜିସୁ ଚେଲାମଃନାର୍‌ ମୁୟେ ଇବାନ୍ୟା ଗାଦେକ୍‌ ବିନ୍ ବିନ୍ ରଃକମାର୍‌ କାବା ଅଃଉତା ଚିନ୍ କଃଲା, ସେସଃବୁ ଇ ପୁସ୍ତକ୍‌ ଲଃଗେ ଲେକା ନୟ୍‌; 
\v 31 ମଃତର୍‌ ତୁମିମଃନ୍ ଜଃନ୍‌କଃରି ବିସ୍ୱାସ୍‌ କଃରାସ୍‌ ଜେ, ଜିସୁ ଇସ୍ୱରାର୍‌ ହୟ୍‌ସି କ୍ରିସ୍ଟ, ଆରେକ୍‌ ବିସ୍ୱାସ୍‌ କଃରି ଜଃନ୍‌କଃରି ତୁମିମଃନ୍ ତାର୍‌ ନାଉଁଏ ଜିବନ୍ ହାଉଆସ୍‌, ଇତାର୍‌ ଗିନେ ଇ ସଃବୁ ଲେକା ଜାୟ୍‌ ଆଚେ ।
\c 21
\s ଜିସୁ ସାତ୍‌ ଗଟ୍‌ ଚେଲାକେ ଦଃକାୟ୍‌ ଅୟ୍‌ଲା
\p
\v 1 ଇତାର୍‌ ହଃଚେ ଜିସୁ ତିବିରିଆ ସଃମଃନ୍ଦ୍ କଃଣ୍ଡାୟ୍‌ ଚେଲାମଃନ୍‌କେ ଆରେକ୍‌ ଦଃକାୟ୍‌ ଅୟ୍‌ଲା । ସେ ଇରଃକମ୍‌ ଦଃକାୟ୍‌ ଅୟ୍‌ଲା; 
\v 2 ସିମନ୍ ପିତର୍‌, ତମା, ଜାକେ ଦିଦୁମ୍‌ ବଃଲି କଃଉତି, ଗାଲିଲିର୍‌ କାନା ଗାଉଁଆର୍‌ ନିତନିଏଲ୍‌, ଜେବଦିର୍‌ ହୟ୍‌ସିମଃନ୍ ଆର୍‌ ତାର୍‌ ଚେଲାମଃନାର୍‌ ବିତ୍ରେ ଦୁୟ୍‌ଲକ୍‌ ଗଟେତଃୟ୍‌ଁ ରୁଣ୍ଡି ରିଲାୟ୍‌ । 
\v 3 \x + \xo ୨୧:୩ \xo*\xt ଲୁକ ୫:୫.\xt*\x*ସିମନ୍ ପିତର୍‌ ସେମଃନ୍‌କେ କୟ୍‌ଲା, “ମୁୟ୍‌ ମାଚ୍ ଦଃରୁକ୍‌ ଜଃଉଁଲେ ।”
\p ସେମଃନ୍ ତାକ୍‌ କୟ୍‌ଲାୟ୍‌, “ଅଃମିମଃନ୍‌ ହେଁ ତର୍‌ ସଃଙ୍ଗ୍ ଜଃଉଁନ୍ଦ୍ ।” ସେମଃନ୍ ବାରାୟ୍‌ ଜାୟ୍‌ ଡଙ୍ଗାୟ୍‌ ଚଃଗ୍‌ଲାୟ୍‌, ଆର୍‌ ସେ ରାତି କାୟ୍‌ରି ହେଁ ଦଃରୁ ନଃହାୟ୍‌ଲାୟ୍‌ । 
\v 4 ମଃତର୍‌ ସଃକାଳ୍‌ ଅୟ୍‌ଲା ହଃଚେ ଜିସୁ କଃଣ୍ଡାୟ୍‌ ଟିଆ ଅୟ୍‌ଲା, ଅୟ୍‌ଲେକ୍‌ ହେଁ ସେ ଜିସୁ ବଃଲି ଚେଲାମଃନ୍ ଜାଣୁ ନଃହାୟ୍‌ଲାୟ୍‌ । 
\v 5 ଜିସୁ ସେମଃନ୍‌କେ କୟ୍‌ଲା, “ହିଲାମଃନ୍ ତୁମାର୍‌ ଲଃଗେ କାୟ୍‌ରି ମାଚ୍ କାଉଁକେ ଆଚେ ?”
\p ସେମଃନ୍ ତାକ୍‌ କୟ୍‌ଲାୟ୍‌, “ନାୟ୍‌, କାୟ୍‌ରି ହେଁ ନାୟ୍‌ ।”
\p
\v 6 \x + \xo ୨୧:୬ \xo*\xt ଲୁକ ୫:୬.\xt*\x*ଜିସୁ ସେମଃନ୍‌କେ କୟ୍‌ଲା, “ଡଙ୍ଗାର୍‌ କାତା ବାଟ୍ୟା ଜାଲ୍‌ ହଃକାଉଆ, ଆର୍‌ ତୁମିମଃନ୍ ହାଉଆସ୍‌ ।” ସେତାକ୍‌ ସେମଃନ୍ ଜାଲ୍‌ ହଃକାୟ୍‌ଲାୟ୍‌, ଆର୍‌ ଜାଲେ ଅଃତେକ୍‌ ମାଚ୍ ଲାଗ୍‌ଲାୟ୍‌ ଜେ, ସେମଃନ୍ ଜାଲ୍‌ ଜିକୁକ୍‌ ସଃକ୍ତି ନଃକେଟ୍‌ଲି ।
\p
\v 7 ସେତାକ୍‌ ଜିସୁ ଜୁୟ୍‌ ଚେଲାକେ ଲାଡ୍‌ କଃର୍ତିରିଲା, ସେ ଜହନ୍‌ ପିତର୍‌କେ କୟ୍‌ଲା, “ଏ ତ ମାପ୍ରୁ ।” ସିମନ୍ ପିତର୍‌ ଏ ତ ମାପ୍ରୁ ବଃଲି ସୁଣି ଡୁମ୍‌ଣ୍ଡା ଅୟ୍‌ରିଲାକ୍‌ ଅଃହ୍‌ଣାର୍‌ ଆଙ୍ଗି ହିନ୍ଦି ସଃମ୍‌ନ୍ଦେ ଡଃଗାୟ୍‌ଲା; 
\v 8 ମଃତର୍‌ ବିନ୍ ଚେଲାମଃନ୍ ମାଚ୍ ବଃର୍ତି ଅୟ୍‌ରିଲା ଜାଲ୍‌ ଜିକି ଜିକି ଡଙ୍ଗାକ୍‌ କଃଣ୍ଡିଏ ଆଣ୍‌ଲାୟ୍‌, କାୟ୍‌ତାକ୍‌ବଃଲେକ୍‌ ସେମଃନ୍ କଃଣ୍ଡାୟ୍‌ ହୁଣି ଅଃଦିକ୍‌ ଦୁରିକ୍‌ ନଃରିଲାୟ୍‌, ଅଃକାୟ୍‌ ହଃକାହାକି ଦଃସ୍‌ କଳି ଆତ୍‌ ଦୁରିକ୍‌ ରିଲାୟ୍‌ । 
\v 9 ସେମଃନ୍ କଃଣ୍ଡିଏ ଉତ୍ରି ସେତି ଇଙ୍ଗ୍ରାଜୟ୍‌ ଉହ୍ରେ ମାଚ୍ ଆର୍‌ ରୁଟି ସଃଙ୍ଗାୟ୍‌ ରିଲାର୍‌ ଦଃକଃଲାୟ୍‌ । 
\v 10 ଜିସୁ ସେମଃନ୍‌କେ କୟ୍‌ଲା, “ତୁମିମଃନ୍ ଅଃବେ ଜୁୟ୍‌ ମାଚ୍ ଦଃରି ଆଚାସ୍‌, ସେତିର୍‌ କଃତିଗଟ୍‌ ଆଣା ।”
\p
\v 11 ସିମନ୍ ପିତର୍‌ ଜାୟ୍‌ ସାତ୍‌କଳି ତେର ଗଟ୍‌ ବଃଡ୍ ବଃଡ୍ ମାଚ୍ ବଃର୍ତି ଅୟ୍‌ରିଲା ଜାଲ୍‌ କଃଣ୍ଡିଏ ଜିକି ଆଣ୍‌ଲା; ଆର୍‌ ଅଃତେକ୍‌ ମାଚ୍ ରିଲାକ୍‌ ହେଁ ଜାଲ୍‌ ନଃଚିଡ୍‌ଲି । 
\v 12 ଜିସୁ ସେମଃନ୍‌କେ କୁଦିକଃରି କୟ୍‌ଲା, “ଆସି କାହା ।” ଚେଲାମଃନାର୍‌ ବିତ୍ରେ କେ ହେଁ ତୁୟ୍‌ କେ ବଃଲି ତାକ୍‌ ହଃଚାରୁକ୍‌ ସାସ୍‌ ନଃକେର୍ତି ରିଲାୟ୍‌, କାୟ୍‌ତାକ୍‌ବଃଲେକ୍‌ ସେ ଜେ ମାପ୍ରୁ ଇରି ସେମଃନ୍ ଜାଣି ରିଲାୟ୍‌ । 
\v 13 ଜିସୁ ଆସି ରୁଟି ନଃୟ୍‌ ସେମଃନ୍‌କେ ଦିଲା, ଆର୍‌ ସେବାନ୍ୟା ମାଚ୍ ହେଁ ଦିଲା ।
\p
\v 14 ମଃଲା ଲକାର୍‌ ବିତ୍ରେ ଉଟ୍‌ଲା ହଃଚେ ଜିସୁ ଚେଲାମଃନ୍‌କେ ଆର୍‌ ସଃଙ୍ଗ୍ ତିନିତର୍‌ ଦଃକାୟ୍‌ ଅୟ୍‌ଲା ।
\s ଜିସୁ ଆର୍‌ ପିତର୍‌
\p
\v 15 ସେମଃନ୍ କାୟ୍‌ଲା ହଃଚେ ଜିସୁ ସିମନ୍ ପିତର୍‌କେ ହଃଚାର୍ଲା, “ଏ ଜହନାର୍‌ ହୟ୍‌ସି ସିମନ୍, ତୁୟ୍‌ କାୟ୍‌ ମକ୍‌ ଇମଃନାର୍‌ ତଃୟ୍‌ହୁଣି ଅଃଦିକ୍‌ ଲାଡ୍‌ କଃରୁଲିସ୍‌ ?”
\p ସେ ତାକ୍‌ କୟ୍‌ଲା, “ହେଁ ମାପ୍ରୁ, ମୁୟ୍‌ ଜେ ତକ୍‌ ଲାଡ୍‌ କଃରୁଲେ, ସେରି ତୁୟ୍‌ ଜାଣି ଆଚ୍‌ସି ।”
\p ଜିସୁ ତାକ୍‌ କୟ୍‌ଲା, “ମର୍‌ ମେଣ୍ଡା ହିଲାମଃନ୍‌କେ ଚଃରାଉ ।” 
\v 16 ଜିସୁ ଆରେକ୍‌ ଇତାର୍‌ ସଃଙ୍ଗ୍ ଦୁୟ୍‌ତର୍‌ ତାକ୍‌ ହଃଚାର୍ଲା, “ଏ ଜହନାର୍‌ ହୟ୍‌ସି ସିମନ୍, ତୁୟ୍‌ କାୟ୍‌ ମକ୍‌ ଲାଡ୍‌ କଃରୁଲିସ୍‌ ?”
\p ସିମନ୍ ତାକ୍‌ କୟ୍‌ଲା, “ହେଁ ମାପ୍ରୁ, ମୁୟ୍‌ ଜେ ତକ୍‌ ଲାଡ୍‌ କଃରୁଲେ, ସେରି ତୁୟ୍‌ ଜାଣି ଆଚ୍‌ସି ।”
\p ଜିସୁ ତାକ୍‌ କୟ୍‌ଲା, “ମର୍‌ ମେଣ୍ଡାମଃନାର୍‌ ଜଃତୁନ୍ କଃର୍‌ ।” 
\v 17 ଜିସୁ ଇତାର୍‌ ସଃଙ୍ଗ୍ ତିନିତର୍‌ ତାକ୍‌ ହଃଚାର୍ଲା, “ଏ ଜହନାର୍‌ ହୟ୍‌ସି ସିମନ୍, ତୁୟ୍‌ କାୟ୍‌ ମକ୍‌ ଲାଡ୍‌ କଃରୁଲିସ୍‌ ?” ତୁୟ୍‌ କାୟ୍‌ ମକ୍‌ ଲାଡ୍‌ କଃରୁଲିସ୍‌ ? ଇରି କୟ୍‌ ସେ ତିନିତର୍‌ ପିତର୍‌କେ ହଃଚାର୍ଲାକ୍‌ ପିତର୍‌ ଦୁକ୍‌ ଅୟ୍‌ ତାକ୍‌ କୟ୍‌ଲା, “ମାପ୍ରୁ, ତୁୟ୍‌ ସଃବୁ କଃତା ଜାଣି ଆଚ୍‌ସି; ମୁୟ୍‌ ଜେ ତକ୍‌ ଲାଡ୍‌ କଃରୁଲେ, ସେରି ତୁୟ୍‌ ଜାଣି ଆଚ୍‌ସି ।”
\p ଜିସୁ ତାକ୍‌ କୟ୍‌ଲା, “ମର୍‌ ମେଣ୍ଡାମଃନ୍‌କେ ଚଃରାଉ ।
\p
\v 18 ସଃତ୍‌କଃରି ମୁୟ୍‌ ତକ୍‌ କଃଉଁଲେ, ବେଣ୍ଡ୍ୟା ରିଲାବଃଳ୍‌ ତୁୟ୍‌ ଅଃହ୍‌ଣାର୍‌ ଅଃଟା ବାନ୍ଦି ଅୟ୍‌ ଜୁୟ୍‌ ହାକ୍‌ ମଃନ୍, ସେ ହାକ୍‌ ବୁଲ୍‌ତି ରିଲିସ୍‌, ମଃତର୍‌ ବୁଡା ଅୟ୍‌ଲେକ୍‌ ଅଃହ୍‌ଣାର୍‌ ଆତ୍‌ ଲାମାଉସି ଆର୍‌ ବିନ୍ ଲକ୍‌ ତର୍‌ ଅଃଟାକ୍‌ ବାନ୍ଦି ଜୁୟ୍‌ ହାକ୍‌ ତର୍‌ ମଃନ୍ ନଃରେୟ୍‌, ସେ ହାକ୍‌ ତକ୍‌ ନଃୟ୍‌ ଜାୟ୍‌ଦ୍‌ ।” 
\v 19 ପିତର୍‌ କଃନ୍‌କଃରି ମଃର୍ନ୍‌ ବଗ୍ କଃରି ଇସ୍ୱରାର୍‌ ଜଃଜ୍‌ମାନ୍ କଃରେଦ୍‌, ସେ କଃତାକ୍‌ ଦଃରି ଜିସୁ ଇରି କୟ୍‌ଲା । ଇରି କୟ୍‌ଲା ହଃଚେ ଜିସୁ ତାକ୍‌ କୟ୍‌ଲା, “ମର୍‌ ହଃଚେ ଆଉ ।”
\s ଜିସୁ ଆର୍‌ ତାର୍‌ ଲାଡାର୍‌ ଚେଲା
\p
\v 20 \x + \xo ୨୧:୨୦ \xo*\xt ଜହ ୧୩:୨୫.\xt*\x*ଜିସୁ ଜୁୟ୍‌ ଚେଲାକେ ଲାଡ୍‌ କଃର୍ତିରିଲା ଆର୍‌ ଜେ ରାତ୍ୟା କାତାବଃଳ୍‌ ତାର୍‌ ବୁକେ ଡେରାୟ୍‌ ଅୟ୍‌, ମାପ୍ରୁ, ତକ୍‌ କେ ସଃତ୍ରୁ ଆତେ ସଃହ୍ରି ଦଃୟ୍‌ଦ୍‌ ବଃଲି ହଃଚାରିରିଲା, ସେ ଚେଲାକେ ପିତର୍‌ ଉଲ୍‌ଟି କଃରି ହଃଚେ ଆସ୍ତିରିଲାର୍‌ ଦଃକ୍‌ଲା । 
\v 21 ପିତର୍‌ ତାକ୍‌ ଦଃକି ଜିସୁକେ ହଃଚାର୍ଲା, “ମାପ୍ରୁ, ଇମାନାୟ୍‌ର୍‌ ବିସୟେ ତୁୟ୍‌ କାୟ୍‌ରି କଃଉଁଲିସ୍‌ ?”
\p
\v 22 ଜିସୁ ତାକ୍‌ କୟ୍‌ଲା, “ମୁୟ୍‌ ଆରେକ୍‌ ଗଟ୍‌ତର୍‌ ଆସ୍ତା ଦିନ୍ ହଃତେକ୍‌ ସେ ରେଉଅ ବଃଲି ମୁୟ୍‌ ଜଦି ମଃନ୍ କଃରିନ୍ଦ୍‌, ତଃବେ ତର୍‌ କାୟ୍‌ରି ଆଚେ ? ତୁୟ୍‌ ମର୍‌ ହଃଚେ ଆଉ ।”
\p
\v 23 ସେତାକ୍‌ ସେ ଚେଲା ଜେ ନଃମେରେ, ଇ କଃତା ବାୟ୍‌ମଃନାର୍‌ ବିତ୍ରେ ଉର୍ଜି ଅୟ୍‌ଲି, ମଃତର୍‌ ସେ ନଃମେରେ ବଃଲି ଜିସୁ ତାକ୍‌ କୟ୍‌ନଃରିଲା, ମଃତର୍‌ ମୁୟ୍‌ ଆରେକ୍‌ ଗଟ୍‌ତର୍‌ ଆସ୍ତା ଦିନ୍ ହଃତେକ୍‌ ସେ ରେଉଅ ବଃଲି ଜଦି ମୁୟ୍‌ ମଃନ୍ କଃରିନ୍ଦ୍‌, ତଃବେ ତର୍‌ କାୟ୍‌ରି ଆଚେ ବଃଲି କୟ୍‌ରିଲା ।
\p
\v 24 ଜେ ଇସଃବୁ କଃତା ସାକି ଦେଉଁଲା ଆର୍‌ ଇସଃବୁ ଲେକି ଆଚେ, ଇରି ସେ ଚେଲା; ଆର୍‌ ତାର୍‌ ସାକି ଜେ ସଃତ୍‌, ସେରି ଅଃମିମଃନ୍‌ ଜାଣୁ ।
\s ସଃରାସଃରି କଃତା
\p
\v 25 ଆରେକ୍‌, ଜିସୁ ଗାଦେକ୍‌ ଗାଦେକ୍‌ କାମ୍‌ ହେଁ କଃରିରିଲା; ସେସଃବୁ ଜଦି ଗଟେକ୍‌ ଗଟେକ୍‌ କଃରି ଲେକା ଅୟ୍‌ରିଲେକ୍‌, ତଃନ୍‌ଅୟ୍‌ଲେକ୍‌ ଅଃତେକ୍‌ ପୁସ୍ତକ୍‌ ଲେକା ଅୟ୍‌ଲି ହୁଣି ଜେ, ମର୍‌ ବାବ୍‌ନାୟ୍‌ ଜଃଗତ୍‌ଜାକ ହେଁ ସେସଃବୁ ସଃଙ୍ଗାଉଁକ୍‌ ଟାଣ୍ ନୟ୍‌ଲି ହୁଣି ।