\id 2TI - BOPO
\ide UTF-8
\h ୨ ତିମତି
\toc3 ୨ ତିମ
\toc2 ୨ ତିମତି
\toc1 ତିମତି ହାକ୍‌ ପେରିତ୍‌ ପାଉଲାର୍‌ ଦୁୟ୍‌ ଲଃମ୍ବର୍‌ ଚିଟି
\mt2 ତିମଥିଙ୍କ ନିକଟକୁ ପ୍ରେରିତ ପାଉଲଙ୍କ ଦ୍ୱିତୀୟ ପତ୍ର
\mt1 ତିମତି ହାକ୍‌ ପେରିତ୍‌ ପାଉଲାର୍‌ ଦୁୟ୍‌ ଲଃମର୍‌ ଚିଟି
\imt ୨ ତିମତି ଚିଟି ବିସୟେ ହଃଦେକ୍‌
\ip ତିମତିକେ ଦୁୟ୍‌ ଲଃମ୍ବର୍‌ ଚିଟି, ଇରି ପାଉଲ ତାର୍‌ ଚେଲା ତିମତିକେ ହଃଚେ ଗଟେକ୍‌ ଚିଟି । ତିମତିକେ ଲେକ୍‌ଲା ହଃଚାର୍‌ ଚିଟି ପାଉଲାର୍‌ ସଃରାସଃରି ଜିବନ୍‌ ବଃଳ୍‌ ଲେକ୍‌ଲାର୍‌ । ସେ ସଃଡେବଃଳ୍‌ ରମ୍‌ ଗଃଳାର୍‌ ଜଃୟ୍‌ଲେ କଃଟ୍‌ତି ରିଲା ୧:୧୬ । ପାଉଲାର୍‌ ସଃଙ୍ଗ୍ ତିମତିର୍‌ ବେସି ମିସାଣ୍‌ ରିଲି ଆର୍‌ ସଃବୁ ବଃଳ୍‌ ତାକେ ନିଜାର୍‌ ହଅ ବଃଲି କଃଉତି ରିଲା \xt ପିଲିପି ୨:୨୨; ୧ ତିମ ୧:୨; ୧:୧୮\xt* । ଇରି ପାଉଲାର୍‌ ୪ ଗଟ୍‌ ଚିଟି ବିତ୍ରେ ଗଟେକ୍‌ ଜୁୟ୍‌ତି କି ମଣ୍ଡ୍‌ଳି ବାଦୁଲେ ଗଟ୍‌ ଲକାର୍‌ ଟିକ୍‌ଣା କଃରି ଲେକୁଲା । ବିନ୍‌ ତିନିଗଟ୍‌ ଚିଟି ଅଃଉଁଲି ହଃର୍ତୁ ତିମତି, ତିତସ୍‌ ଆର୍‌ ପିଲିମନ୍‌ । ତିମତିକେ ଇ ହଃଚାର୍‌ ଚିଟି ଲେକ୍‌ଲା ବଃଳ୍‌ ରମ୍‌ଗଃଳେ ରିଲା କ୍ରିସ୍ଟିଆନ୍‌ ମଃନ୍‌ ତାଳ୍‌ନା ହାଉତି ରିଲାୟ୍‌ । ସେତାକ୍‌ ପାଉଲ ଜଃୟ୍‌ଲେ ରଃୟ୍‌ ତିମତିକେ କଃସ୍ଟ୍‌ ସଃମ୍ୱାଳୁକେ ସେ ଲେକୁଲା । ହଃର୍ତୁ ତିମତି ଚିଟି ତଃୟ୍‌ ପାଉଲ୍‌ ମିଚ୍ ସିକ୍ୟାକେ ଜଃଗ୍ରାତ୍‌ ଅଃଉଁକେ ବେସି କଃଉଁଲା \xt ୧ ତିମ ୧:୧୬-୧୮\xt* । ସେ ଆରେକ୍‌ ହେଁ ତିମତିକେ କଃଉଁଲା ଆଗେ ଆରେକ୍‌ କଃସ୍ଟ୍‌ ଆଚେତା \xt ୩:୧\xt* ।
\iot ଇ ଚିଟି ବିତ୍ରେ ରିଲା ମୁଳ୍‌ ବିସୟ୍‌ମଃନ୍‌
\io1 ୧. ପାଉଲ ତିମତିକେ ଜୁଆର୍‌ ଜାଣାଉଁଲା ଆର୍‌ ତାକେ ସାସ୍‌ ଦେଉଁଲା । \ior ୧:୧-୧୮\ior*
\io1 ୨. ତିମତିକେ ବାଦା ସଃମ୍ବାଳୁକେ କଃଉଁଲା । \ior ୨:୧-୧୩\ior*
\io1 ୩. ସେ କଃତିଗଟ୍‌ ଚେତ୍‌ନା ଦେଉଁଲା । \ior ୨:୧୪-୨୬\ior*
\io1 ୪. ସେ ଆଗେ ଗଃଟେଦ୍‌ ସେରି ଚେତାୟ୍‌ ସଃତ୍‌ରି ବାଚୁକେ କଃଉଁଲା । \ior ୩:୧–୪:୮\ior*
\io1 ୫. ପାଉଲ ତିମତିର୍‌ ନିଜାର୍‌ କଃତା ମଃନ୍‌ ଲେକି ସେସ୍‌ କଃଲା । \ior ୪:୯-୨୨\ior*
\c 1
\s ତିମତିକେ ପାଉଲାର୍‌ ଆରେଗଟ୍‌ ଚିଟି
\p
\v 1 ମୁୟ୍‌ଁ ପାଉଲ୍‌ କ୍ରିସ୍ଟ ଜିସୁର୍‌ତଃୟ୍‌ ରିଲାର୍‌ ଜିବନାର୍‌ ସଃୟ୍‌ତ୍‌ ହଃର୍କାରେ ଇସ୍ୱରାର୍‌ ଇଚାୟ୍‌ କ୍ରିସ୍ଟ ଜିସୁର୍‌ ଗଟ୍‌ ପେରିତ୍‌ ।
\p
\v 2 \x + \xo ୧:୨ \xo*\xt ପେରି ୧୬:୧.\xt*\x*ମର୍‌ ଲାଡାର୍‌ ହଅ ତିମତିର୍‌ ହାକ୍‌ ଇ ଚିଟି ଲେକୁଲେ; ଉବା ଇସ୍ୱର୍‌ ଆର୍‌ ଅଃମିମଃନାର୍‌ ମାପ୍ରୁ କ୍ରିସ୍ଟର୍‌ ତଃୟହୁଣି ଦଃୟା ଆର୍‌ ସୁସ୍ତା ତର୍‌ ଉହ୍ରେ ଅଃଉଅ ।
\s ଜୁଆର୍‌ ଆର୍‌ ବଃର୍‌ସା କଃତା
\p
\v 3 ମର୍‌ ଦାଦିବାବୁମଃନାର୍‌ ହର୍‌ ନିର୍ମୁଳ୍‌ ମଃନେ ମୁୟ୍‌ଁ ଜୁୟ୍‌ ଇସ୍ୱର୍‌କେ ହୁଜା କଃରୁଲେ, ଦିନ୍ ରାତି ମର୍‌ ପାର୍ତନାୟ୍‌ ସଃବୁବଃଳ୍‌ ତର୍‌ ନାଉଁ ଦଃରି ଇସ୍ୱର୍‌କେ ଜୁଆର୍‌ କଃରୁଲେ । 
\v 4 ମୁୟ୍‌ଁ ଜଃନ୍‌କଃରି ସଃର୍ଦାୟ୍‌ ହୁରା ଅୟ୍‌ନ୍ଦ୍, ଇତାର୍‌ ଗିନେ ତର୍‌ ଆସୁ ଏତାୟ୍‌ କଃରି ତକ୍‌ ଦଃକୁକେ ଅଃନାୟ୍‌ ମଃନ୍‌ କଃରୁଲେ । 
\v 5 \x + \xo ୧:୫ \xo*\xt ପେରି ୧୬:୧.\xt*\x*କାୟ୍‌ତାକ୍‌ ବଃଲେକ୍‌ ଜୁୟ୍‌ ନିର୍‌ମାୟ୍‌ ବିସ୍ୱାସେ ତର୍‌ ଆୟ୍‌ଦି ଇଉନିକି ଆର୍‌ ବୁଡିନାନା ଲଇ ତଃୟ୍‌ ରିଲି, ଆର୍‌ ତର୍‌ତଃୟ୍‌ ହେଁ ଆଚେ ବଃଲି ମର୍‌ ବେସି ବିସ୍ୱାସ୍‌, ତର୍‌ ସେ ନିର୍ମାୟା ବିସ୍ୱାସ୍‌ କଃତା ମୁୟ୍‌ଁ ସୁଣି ଆଚି । 
\v 6 ଇତାର୍‌ ଗିନେ ମୁୟ୍‌ଁ ତକ୍‌ ଏତାୟ୍‌ ଦେଉଁଲେ ଜେ, ତର୍‌ ତଃୟ୍‌ ଇସ୍ୱରାର୍‌ ଜୁୟ୍‌ ଦଃୟାର୍‌ ବର୍‌ ଦିଆ ଅୟ୍‌ଆଚେ, ସେରି ଆରେକ୍‌ ଗଃଟ୍‌ତର୍‌ ନଃଉଁଆ କଃର୍‌ । 
\v 7 କାୟ୍‌ତାକ୍‌ବଃଲେକ୍‌ ଇସ୍ୱର୍‌ ଅଃମିକ୍‌ ଡିର୍‌ତା ଆତ୍ମା ନଃଦ୍‌ୟ୍‌, ମଃତର୍‌ ସଃକ୍ତି, ଲାଡ୍‌ ଆର୍‌ ନିକ ବୁଦିର୍‌ ଆତ୍ମା ଦଃୟ୍‌ ଆଚେ ।
\p
\v 8 ତଃବେ ଅଃମିମଃନାର୍‌ ମାପ୍ରୁର୍‌ କଃତା ସାକିଦେତା କଃତାୟ୍‌, କି ତାର୍‌ ହାୟ୍‌ କଃୟ୍‌ଦ୍‌କଃଟୁ ମୁୟ୍‌ଁ, ମର୍‌ ଗିନେ ହେଁ ଲାଜ୍‌ ଅଃଉଅ ନାୟ୍‌ । ମଃତର୍‌ ଇସ୍ୱରାର୍‌ ସଃକ୍ତି ହଃର୍କାରେ ନିକ କବୁରାର୍‌ ଗିନେ ମର୍‌ ସଃଙ୍ଗ୍ କଃସ୍ଟ୍‌ ସଃମ୍ବାଳା । 
\v 9 ସେ ଅଃମିମଃନ୍‌କ୍‌ ମୁକ୍ଳାୟ୍‌ ଆଚେ, ଆର୍‌ ନିର୍ମୁଳ୍‌ କୁଦାଣେ କୁଦି ଆଚେ, ଅଃମିମଃନାର୍‌ କାମ୍‌ କଃଲା ହଃର୍କାରେ ସେ ନଃକେରେ, ମଃତର୍‌ ତାର୍‌ ସଃୟ୍‌ତ୍‌ ଆର୍‌ ଦଃୟା ହଃର୍କାରେ କଃରିଆଚେ । ସେ ଦଃୟା ଜୁଗ୍ ଆରୁମାର୍‌ ହୁର୍ବେ ହୁଣି ଜିସୁ କ୍ରିସ୍ଟର୍‌ ତଃୟ୍‌ ଅଃମିମଃନ୍‌କ୍‌ ଦିଆ ଅୟ୍‌ରିଲି । 
\v 10 ମଃତର୍‌ ଅଃବେ ଅଃମିମଃନ୍‌କ୍‌ ମୁକ୍ଳାଉତା ଲକ୍‌ କ୍ରିସ୍ଟ ଜିସୁର୍‌ ଜଃଲମ୍‌ ଅୟ୍‌ଲାକ୍‌ ଇ ସଃବୁ ଜାଣା ହଃଳିଆଚେ; ସେ ମଃର୍ନାର୍‌ ସକ୍ତିକେ ନଃସ୍ଟ୍‌ କଃଲା ଆଚେ ଆର୍‌ ନିକ କବୁର୍‌ ତଃୟ୍‌ ଜିବନ୍ ଆର୍‌ ନଃମେର୍ତାର୍‌ ଉଜାଳ୍‌ ଜାଣାୟ୍‌ ଆଚେ ।
\p
\v 11 \x + \xo ୧:୧୧ \xo*\xt ୧ ତିମ ୨:୭.\xt*\x*ସେ ନିକ କବୁରାର୍‌ ପର୍ଚାର୍‌ କଃରୁକେ, ଇସ୍ୱର୍‌ ମକ୍‌ ଗଟେକ୍‌ ପେରିତ୍‌ ଚେଲା ଆର୍‌ ଗୁରୁହର୍‌ ବାଚି ଆଚେ । 
\v 12 ଇତାର୍‌ ଗିନେ ହେଁ ମୁୟ୍‌ଁ ଇ ସଃବୁ ଦୁକ୍‌ ବୟ୍‌ଗ କଃରୁଲେ; ଅୟ୍‌ଲେକ୍‌ ହେଁ ଲାଜ୍‌ ନଃକେରି, କାୟ୍‌ତାକ୍‌ବଃଲେକ୍‌ ଜାର୍‌ତଃୟ୍‌ ମୁୟ୍‌ଁ ବିସ୍ୱାସ କଃରିଆଚି, ତାକେ ମୁୟ୍‌ଁ ଜାଣି, ଆର୍‌ ମୁୟ୍‌ଁ ତାର୍‌ ଆତେ ଜାୟ୍‌ରି ସଃହ୍ରିଆଚି, ସେରି ବଃଡ୍ ବିଚାର୍‌ ଦିନ୍ ହଃତେକ୍‌ ଦଃରିରେଉଁକ୍‌ ତାର୍‌ ସଃକ୍ତି ଆଚେ, ଇରି ମୁୟ୍‌ଁ ସଃତ୍‌କଃରି ବିସ୍ୱାସ୍‌ କଃରୁଲେ । 
\v 13 ମର୍‌ତଃୟ୍‌ହୁଣି ଜୁୟ୍‌ ସବୁ ଉହ୍‌କାର୍‌ କଃତା ସୁଣି ଆଚାସ୍‌, କ୍ରିସ୍ଟ ଜିସୁର୍‌ କଃତା ବିସ୍ୱାସ୍‌ ଆର୍‌ ଲାଡେ ନିକକଃରି ସେରି ଦଃରିରେ । 
\v 14 ତର୍‌ ଆତେ ଜୁୟ୍‌ ବଃଡ୍ ନିକ ବିସୟ୍‌ମଃନ୍ ଦିଆ ଅୟ୍‌ଆଚେ, ସେରି ଅଃମିମଃନାର୍‌ ତଃୟ୍‌ ବାସାକ୍‌ର୍ତା ପବିତ୍ର ଆତ୍ମାର୍‌ ସଃକ୍ତିୟେ ସଃଙ୍ଗାଉଆ ।
\p
\v 15 ଆସିଆର୍‌ ସଃବୁଲକ୍‌ ମକ୍‌ ଚାଡ୍‌ଲାୟ୍‌ ଆଚ୍‌ତି, ଇରି ତୁୟ୍‌ ଜାଣିଆଚ୍‌ସି; ପୁଗେଲ୍‌ ଆର୍‌ ହର୍ମଗେନା ସେମଃନାର୍‌ ବିତ୍ରେ ଆଚ୍‌ତି । 
\v 16 ଅନିସିପରାର୍‌ ଗଃର୍‌ କୁଟୁମଃକ୍‌ ମାପ୍ରୁ ଦଃୟା କଃର, ବଃଲେକ୍‌ ସେମଃନ୍ ଗାଦେକ୍‌ ତର୍‌ ଆସି ମର୍‌ ଦୁକ୍‌ ହାସ୍ରାୟ୍‌ ଆଚ୍‌ତି, ଆରେକ୍‌ ମୁୟ୍‌ଁ ଆତ୍‌ଦଃଣ୍ଡା ହିନ୍ଦ୍‌ଲା କଃତାୟ୍‌ ହେଁ ସେମଃନ୍ ଲାଜ୍‌ ନଃଉତି । 
\v 17 ମଃତର୍‌ ସେ ରମିଅ ଗଃଳେ ହଚ୍‌ଲା ଦାହ୍ରେ ମକେ ଜଃତୁନେ ଲଳି ମର୍‌ ସଃଙ୍ଗ୍ ବେଟ୍‌ ଅୟ୍‌ଲା । 
\v 18 ବଃଡ୍‌ ବିଚାର୍‌ ଦିନ୍ ସେ ଜଃନ୍‌କଃରି ମାପ୍ରୁର୍‌ ଦଃୟା ହାୟ୍‌ଦ୍‌, ଇରି ମାପ୍ରୁ ତାକେ ଦଃୟା କଃର, ଆର୍‌ ଏପିସିଏ ସେ କଃନ୍‌କଃରି ବୁତେକ୍‌ ଜଃତୁନ୍‌ କଃରିଆଚେ, ସେରି ତୁମି ନିକକଃରି ଜାଣିଆଚାସ୍‌ ।
\c 2
\s କ୍ରିସ୍ଟ ଜିସୁର୍‌ ମାୟ୍‌ନ୍‌କାରି ସଃୟ୍‌ନ୍‌
\p
\v 1 ତଃବେ, ଏ ମର୍‌ ହଅ, କ୍ରିସ୍ଟ ଜିସୁର୍‌ ତଃୟ୍‌ ମିସ୍‌ଲାକେ ଜୁୟ୍‌ ଦଃୟା ହାୟ୍‌ଲିସ୍‌, ସେତି ତୁୟ୍‌ ବପୁ ଅଃଉ । 
\v 2 ଆର୍‌ ଗାଦା ସାକି ମଃନ୍‌କାର୍‌ ମୁଏଁ ଜୁୟ୍‌ ସଃବୁ କଃତା ମର୍‌ ତଃୟ୍‌ ହୁଣି ସୁଣି ଆଚାସ୍‌, ଜୁୟ୍‌ମଃନ୍‌ ବିନ୍ ଲକ୍‌ମଃନ୍‌କେ ହେଁ ସିକାଉଁକେ ହାର୍ତି, ଇ ରକମ୍‌ କଃତା ମାନତା ବିସ୍ୱାସି ଲକ୍‌ମଃନାର୍‌ ତଃୟ୍‌ ସେରିମଃନ୍ ସଃହ୍ରି ଦେସ୍‌ ।
\p
\v 3 କ୍ରିସ୍ଟ ଜିସୁର୍‌ ଗଟ୍‌ ନିକ ସଃଇନ୍ ହର୍‌ ତାର୍‌ ଗିନେ କଃସ୍ଟ୍‌ ସଃମ୍ବାଳ୍‌ । 
\v 4 କୁୟ୍‌ ଲକ୍‌ ସଃଇନ୍‌ କାମ୍‌ କଃରି ଜଃଗତାର୍‌ ବିନ୍ କାମେ ମଃନ୍‌ ନଃଦେୟ୍‌, ଜଃନ୍‌କଃରି ସଃଇନ୍‌ ହଃଦ୍‌ ଦଃୟ୍‌ରିଲା ଲକ୍‌କେ ସେ ସଃବୁ ଦିନ୍‌ ସଃର୍ଦା କଃରାଉଁ ହାରେ । 
\v 5 ଆରେକ୍‌ ହେଁ ଜଦି ଗଟ୍‌ କୁୟ୍‌ ଲକ୍‌ କେଲ୍‌ତା ତଃୟ୍‌ କେଲୁକ୍‌ ମିସେଦ୍‌, ସେ ବିଦି ହଃର୍କାରେ ସେରି ନଃକେଲେକ୍‌ ସେ ପୁରିସ୍କାର୍‌ ହାଉଁ ନାହାରେ । 
\v 6 ଜୁୟ୍‌ ତାସି କଃସ୍ଟ୍‌ କଃରି ତାସ୍‌ ଉବ୍‌ଜାୟ୍‌ଦ୍‌, ସେ ତାସି ହଃଳ୍‌ଲା ତାସାର୍‌ ହଃର୍ତୁ ବାଗ୍ ହାଉତା ଜୟ୍‌ଗ୍‌ । 
\v 7 ମୁୟ୍‌ଁ ଜୁୟରି କଃଉଁଲେ, ସେରି ମଃନେ ଏତାଉ; ମାପ୍ରୁ ତକ୍‌ ସଃବୁ କଃତାର୍‌ ଅଃର୍ତ୍‌ ବୁଜୁକ୍‌ ସଃକ୍ତି ଦଃୟ୍‌ଦ୍‌ ।
\p
\v 8 ମୁୟ୍‌ଁ ପର୍ଚାର୍‌ କଃଲା ନିକ କବୁର୍‌ ହଃର୍କାରେ ମଃଲା ଲକ୍‌ମଃନାର୍‌ ବିତ୍ରେ ଉଟିଆଚେ ଆର୍‌ ଦାଉଦ୍‌ ବଃଉଁସେ ଜଲମ୍‌ ଅୟ୍‌ଲାର୍‌ ଜିସୁ କ୍ରିସ୍ଟକେ ଏତାଉ । 
\v 9 ସେ ନିକ କବୁରାର୍‌ ଗିନେ ମୁୟ୍‌ଁ ଦସିହର୍‌ ଆତ୍‌ଦଃଣ୍ଡା ହିନ୍ଦ୍‌ତା ହ୍‌ତେକ୍‌ କଃସ୍ଟ୍‌ ବୟ୍‌ଗ୍‌ କଃରୁଲେ; ମଃତର୍‌ ଇସ୍ୱରାର୍‌ କଃତାକ୍‌ କେ ସିକ୍‌ଳି ସଃଙ୍ଗ୍ ବାନ୍ଦୁ ନାହାରେ । 
\v 10 ତଃବେ ଇସ୍ୱର୍‌ ବାଚ୍‌ଲା ଲକ୍‌ମଃନ୍‌ହେଁ ଜଃନ୍‌କଃରି ଅଃମ୍ବର୍‌ ଜଃଜ୍‌ମାନ୍ ସଃଙ୍ଗ୍ କ୍ରିସ୍ଟ ଜିସୁ ଦିଲା ମୁକ୍ତି ହାଉତି । ଇତାର୍‌ ଗିନେ ମୁୟ୍‌ଁ ସେମଃନାର୍‌ ହାୟ୍‌ଁ ସଃବୁ କଃତା ସାସ୍‌ ଦଃରି ସଃମ୍ବାଳୁଲେ । 
\v 11 ଇ କଃତା ସଃତ୍ୟା,
\q1 “ଜଦି ଅଃମିମଃନ୍‌ ତାର୍‌ ସଃଙ୍ଗ୍ ମଃରି ଆଚୁ,
\q2 ତଃବେ ତାର୍‌ ସଃଙ୍ଗ୍ ହେଁ ବଚୁନ୍ଦ୍ ।
\q1
\v 12 \x + \xo ୨:୧୨ \xo*\xt ମାତି ୧୦:୩୩; ଲୁକ ୧୨:୯.\xt*\x*ଜଦି ଅଃମିମଃନ୍‌ ସାସ୍‌ଦଃରି ସମ୍ବାଳୁନ୍ଦ୍,
\q2 ତଃବେ ତାର୍‌ ସଃଙ୍ଗ୍ ହେଁ ରାଜ୍‌ କଃରୁନ୍ଦ୍;
\q1 ଜଦି ଅଃମିମଃନ୍‌ ତାକେ ମାନ୍‌ତି ନଃକେରୁ,
\q2 ତଃବେ ସେ ହେଁ ଅଃମିମଃନ୍‌କ୍‌ ମାୟ୍‌ନ୍‌ ନଃକେରେ ।
\q1
\v 13 ଜବେ ଅଃମିମଃନ୍‌ ଅବିସ୍ୱାସେ ରେଉଁନ୍ଦ୍,
\q2 ତଃବେ ହେଁ ସେ ସଃବୁବଃଳ୍‌ ସଃତେ ରଃୟ୍‌ଦ୍‌,
\q2 କାୟ୍‌ତାକ୍‌ବଃଲେକ୍‌ ସେ ଅଃହ୍‌ଣାକ୍‌ ମିଚ୍ ବଃଲି କଃଉ ନାହାରେ ।”
\s ନିକ ସେବାକାରି
\p
\v 14 ଇସଃବୁ କଃତା ଏତୁକଃରାୟ୍‌ ସୁଣ୍‌ତା ଲକାର୍‌ ଉହ୍‌କାର୍‌ ନୟ୍‌ଲାର୍‌ ଆର୍‌ ନାସ୍‌ ଅଃଉତା କଃତାକ୍‌ ଦଃରାଦଃରି ନଃଉଁକେ ସେମଃନ୍‌କେ ମାପ୍ରୁର୍‌ ମୁଏଁ ନିକକଃରି ଆଦେସ୍‌ ଦେସ୍‌ । 
\v 15 ସଃତ୍‌ କଃତାକ୍‌ ଟିକ୍‌ବାବେ କୟ୍‌କଃରି, ଜୁୟ୍‌ କାମ୍‌ କଃର୍ତା ଲକାର୍‌ ଲାଜ୍‌କଃର୍ତା ଲଳାନାୟ୍‌, ତାର୍‌ହଃର୍‌ ଇସ୍ୱରାର୍‌ ତଃୟ୍‌ ଆହ୍‌ଣାକେ ନିର୍ଦସି ବଃଲାୟ୍‌ ଅଃଉଁକେ ଜଃତୁନ୍ କଃର । 
\v 16 ମଃତର୍‌ ଅଃସାର୍‌ କଃତାବାର୍ତା ତଃୟ୍‌ହୁଣି ଦୁରିକ୍‌ ଅୟ୍‌ରେ, ବଃଲେକ୍‌ ଜୁୟ୍‌ମଃନ୍‌ ସେତି ଲାଗିରେତି, ସେମଃନ୍ ହାହେ ଅଃଦିକ୍‌ ବାଡ୍‌ତି । 
\v 17 ଆର୍‌ ସେରଃକମାର୍‌ ସିକ୍ୟା ହୁଜ୍‌ ଅୟ୍‌ଲା ଗାଉ ହର୍‌ କରିଅୟ୍‌ କାୟ୍‌ ଜାୟ୍‌ଦ୍‌, ସେମଃନାର୍‌ ବିତ୍ରେ ହୁମନାୟ, ଆର୍‌ ପିଲିତ ସେରଃକମ୍‌; 
\v 18 ସେମଃନ୍ ମଃର୍ନେହୁଣି ଉଟ୍‌ତାର୍‌ ଅୟ୍‌ ସଃର୍ଲିନି କୟ୍‌ ସଃତେ ହୁଣି ବାଟ୍‌ ବାଣା ଅୟ୍‌ଆଚ୍‌ତି, ଆର୍‌ କଃତିଲକାର୍‌ ବିସ୍ୱାସ୍‌କେ ଉଲ୍‌ଟା କଃରି ଆଚ୍‌ତି । 
\v 19 ଅୟ୍‌ଲେକ୍‌ ହେଁ ଇସ୍ୱର୍‌ କଃଲା ଅଃଟୁଆ କୁନାଦି ଡାଟ୍‌ ଆଚେ, ଆର୍‌ ତାର୍‌ ଉହ୍ରେ ଇରି ସିଲ୍‌ହଃଳି ଆଚେ, ମାପ୍ରୁ ନିଜାର୍‌ ଲକ୍‌ମଃକେ ଜାଣି ଆଚେ, ଆର୍‌ ଜେ ହେଁ ମାପ୍ରୁର୍‌ ନାଉଁ ଦଃରେଦ୍‌, ସେ ଅଃଦଃର୍ମେ ହୁଣି ଦୁରିକ୍‌ ରେଉଅ ।
\p
\v 20 ଗଟ୍‌ ବଃଡ୍ ଲକାର୍‌ ଗଃରେ ଅଃକାୟ୍‌ ସନା ଆର୍‌ ରୁହାର୍‌ ତଃୟ୍‌ ତିଆର୍‌ ଅୟ୍‌ଲା ଆସ୍ତି ରଃୟ୍‌ଦ୍‌, ସେରି ନାୟ୍‌, ମଃତର୍‌ ଗଃଚାର୍‌ ଆର୍‌ ମାଟିର୍‌ ଆସ୍ତି ହେଁ ରଃୟ୍‌ଦ୍‌; କଃତେକ୍‌ତାକ୍‌ ଲାଡ୍‌ କଃରୁକେ ଅୟ୍‌ଦ୍‌ ଆର୍‌ କଃତେକ୍‌ତାକ୍‌ ଲାଡ୍‌ କଃରି ନୟ୍‌ । 
\v 21 ତଃବେ, ଜଦି କେ ସେ ସଃବୁଲକାର୍‌ ତଃୟହୁଣି ନିଜ୍‌କେ ନିର୍ମୁଳ୍‌ କଃରେଦ୍‌, ତଃନ୍ ଅଲେ ସେ ନିର୍ମୁଳ୍‌, ସାଉକାରାର୍‌ କାମେ ଲାଗ୍‌ତା ଜୟ୍‌ଗ୍‌, ଆର୍‌ ସେ ସଃବୁ ନିକ କାମାର୍‌ ଗିନେ ତିଆର୍‌ ଅୟ୍‌, ଇରଃକମେ ସଃବ୍‌କାର୍‌ ଗିନେ ଗଟ୍‌ ଲାଡାର୍‌ ଅୟ୍‌ଦ୍‌ । 
\v 22 ମଃତର୍‌ ତୁମି ବେଣ୍ଡ୍ୟାବଃଳାର୍‌ କଃରାବ୍‌ ଇଚାୟ୍‌ ହୁଣି ଦୁରିକ୍‌ ରିଆ, ଜୁୟ୍‌ମଃନ୍‌ ନିର୍ମୁଳ୍‌ ମଃନେ ମାପ୍ରୁହାକ୍‌ ପାର୍ତ୍‌ନା କଃର୍ତି ସେ ମଃନ୍‌କାର୍‌ ସଃଙ୍ଗ୍ ଦଃର୍ମି, ବିସ୍ୱାସି, ଲାଡ୍‌ ଆର୍‌ ସୁସ୍ତାର୍‌ ହଃଚେ ହଃଚେ ଇଣ୍ଡା । 
\v 23 ବୁଦି ନୟ୍‌ଲାର୍‌ ଆର୍‌ ହଲ୍ୟା କଃତା କଃଉତା ଲକ୍‌ମଃନାର୍‌ ତଃୟ୍‌ ହୁଣି ଦୁରିକ୍‌ ରିଆ, କାୟ୍‌ତାକ୍‌ବଃଲେକ୍‌ ଇରଃକମ୍‌ କଃତାମଃନ୍‌ ଅଃବ୍‌କା ଗଃଣ୍ଡ୍‌ଗଳ୍‌ ଉବ୍‌ଜାୟ୍‌ଦ୍‌ । 
\v 24 ମାପ୍ରୁର୍‌ ଗତିଦଃଙ୍ଗ୍‌ଳା ଗଃଣ୍ଡ୍‌ଗଳ୍‌ କଃର୍ତା ନିକ ନାୟ୍‌, ମଃତର୍‌ ସେ ସଃବୁ ଲକାର୍‌ ତଃୟ୍‌ ଦିର୍‌ ଆର୍‌ ନିକ ସିକ୍ୟା ଦେତା ଲକ୍‌ ଅଃଉତା ଦଃର୍କାର୍‌ । 
\v 25 ଆର୍‌ ସଃମ୍ବାଳ୍‌ତା ଲକ୍‌ ଅଃଉତା ଦଃର୍କାର୍‌, ବିରଦି ଲକ୍‌କେ ଦିର୍‌ସୁସ୍ତାୟ୍‌ ବୁଜାଉତା ଦଃର୍କାର୍‌; ତଃନ୍‌ଅଲେ କେଜାଣ୍ ଇସ୍ୱର୍‌ ସେମଃନ୍‌କେ ସଃତ୍‌ କଃତା ଜାଣୁକ୍‌ ମଃନ୍‌ ବାଦ୍‌ଲାଉତା ବଃର୍‌ ଦଃୟ୍‌ଦ୍‌ । 
\v 26 ଆର୍‌ ଜୁୟ୍‌ ସୟ୍‌ତାନ୍‌ ସେମଃନ୍‌କେ ତାର୍‌ ଇଚା ହୁରୁଣ୍ କଃରୁକେ ବାନ୍ଦ୍‌ଲି ଆଚେ, ଚେତ୍‌ନା ଅୟ୍‌ ତାର୍‌ ହାନ୍ଦାୟ୍‌ ହୁଣି ମୁକୁଳ୍‌ତି ।
\c 3
\s ସେସ୍‌ ଦିନ୍
\p
\v 1 ମଃତର୍‌ ଇରି ଜାଣିରିଆ ଜେ, ସେସ୍‌ କାଳେ ବୟଃଙ୍କାର୍‌ ବେଳା ଆସେଦ୍‌ 
\v 2 କାୟ୍‌ତାକ୍‌ବଃଲେକ୍‌ ଲକ୍‌ମଃନ୍ ନିଜ୍‌କେ ଲଃବଦ୍‌ କଃର୍ତି, ଦଃନ୍‌ଲଃବି, ଆହ୍‌ଣାକେ ଗଃର୍ବ, ଆକାରିଆ, ଲିନ୍ଦାକଃରୁ, ଆୟ୍‌ସି ଉବାସିର୍‌ ଅମାନ୍ୟା, ଉହ୍‌କାର୍‌ ହାସୁର୍ତାର୍‌, ବିଟାଳ୍‌ 
\v 3 ଦଃୟା ନଃକେର୍ତି, କାର୍‌ ସଃଙ୍ଗ୍ ନଃମିସ୍ତାର୍‌, ଲିନ୍ଦା କଃର୍ତାର୍‌, ନଃସେମ୍ୱାଳ୍‌ତାର୍‌, କଃର୍ନିଆ, ନିକରିକେ ଲାଡ୍‌ନଃକେର୍‌ତାର୍‌, 
\v 4 ବିସ୍ୱାସେ ବିସ୍‌ ଦେତି, କଃରାବ୍‌ କାମ୍‌ କଃରୁକେ ବଃଡେସାସି, ବଃଡ୍‌ହାଣ୍ୟା ଅଃଉତି ଆର୍‌ ଲାଡ୍‌କାରି ଇସ୍ୱର୍‌କେ ଲାଡ୍‌ ନଃକେରି ସଃର୍ଦାକଃରୁକ୍‌ ବଃଲ୍‌ହାଉତି । 
\v 5 ସେମଃନ୍ ଦଃର୍ମାର୍‌ ହଃଦାବାଟାର୍‌ ବେସ୍‌ ଦଃର୍ତି, ମଃତର୍‌ ଇତାର୍‌ ସଃକ୍ତିକେ ଚାଡିଦେତି, ଅଃନ୍‌କା ଲକାର୍‌ ତଃୟ୍‌ହୁଣି ଦୁରିରିଆ । 
\v 6 ବଃଲେକ୍‌ ଇମଃନାର୍‌ ବିତ୍ରେ ଅଃନ୍‌କା ଲକ୍‌ମଃନ୍ ଆଚ୍‌ତି, ଜୁୟ୍‌ମଃନ୍‌ ଗଃରେ ଗଃରେ ହୁରି ହାହାର୍‌ ବଜେ ଆର୍‌ ବିନ୍‌ବିନ୍‌ ରଃକମାର୍‌ କଃରୁକେ ଇଚାୟ୍‌ ଚାଲ୍‌ତା ବୁଦି ନୟ୍‌ଲା ମାୟଜିମଃନ୍‌କେ ନିଜାର୍‌ ଆୟ୍‌ତେ ରଃକ୍‌ତି । 
\v 7 ଇ ମାୟ୍‌ଜିମଃନ୍‌ ସଃବୁବଃଳ୍‌ ସିକ୍‌ତି ରିଲେକ୍‌ ହେଁ ସଃତ୍‌ ଜାଣୁକ୍‌ କଃବେ ହେଁ ନଃହାର୍‌ତି । 
\v 8 ଆର୍‌ ଜଃନ୍‌କଃରି ଜନିସ୍‌ ଆର୍‌ ଜମ୍ବ୍ରିସ୍‌ ମସାର୍‌ ବାଦା ଦେତି ରିଲାୟ୍‌, ସେନ୍‌କଃରି ଇ ଲକ୍‌ମଃନ୍ ହେଁ ସଃତାର୍‌ ବାଦା ଦେତି; ମୁଣ୍ଡ୍‍ବଃୟା ଅୟ୍‌ ବିସ୍ୱାସ୍‌ କଃତାୟ୍‌ ଟିକ୍‌ ଗ୍ୟାନେ ହୁର୍ନ୍‌ ନଃଉତି । 
\v 9 ମଃତର୍‌ ସେମଃନ୍ ଆରେକ୍‌ ଅଃଦିକ୍‌ ଆଗ୍‌ତୁ ଜଃଉଁ ନଃହାର୍‌ତି, ବଃଲେକ୍‌ ସେ ଦୁୟ୍‌ ଲକାର୍‌ ଅବୁଜ୍ୟାହାଣ୍‌ ଜଃନ୍‌କଃରି ଜାଣାହ୍‌ଳିରିଲି, ସେର୍‌କଃମ୍‌ ଇ ଲକାର୍‌ ହେଁ ସଃବୁ ଲକାର୍‌ ତଃୟ୍‌ ନିକକଃରି ଜାଣାହ୍‌ଳେଦ୍‌ ।
\s ସଃରାସଃରି କଃତା
\p
\v 10 ମଃତର୍‌ ତୁମି ମର୍‌ ସିକ୍ୟା, ଚାଲାଚାଲ୍‌ତି, ଇଚା, ବିସ୍ୱାସ୍‌, ସଃମ୍ବାଳ୍‌ତାର୍‌, ଲାଡ୍‌, ସାସ୍‌ 
\v 11 \x + \xo ୩:୧୧ \xo*\xt ପେରି ୧୩:୧୪-୫୨; ପେରି ୧୪:୧-୭; ପେରି ୧୪:୮-୨୦.\xt*\x*ତାଳ୍‌ନା ଆର୍‌ ଦୁକ୍‌ ବୟ୍‌ଗ୍‌ କଃରିଆଚାସ୍‌, ଆନ୍ତିଅକିଆ, ଇକନିଆ, ଆର୍‌ ଲୁସ୍ତ୍ରାୟ୍‌ ମକ୍‌ ସେରଃକମ୍‌ ତାଳ୍‌ନା ଅୟ୍‌ରିଲି; ମୁୟ୍‌ଁ ସେରି ସଃମ୍ବାଳିରିଲେ, ଆର୍‌ ମାପ୍ରୁ ମକ୍‌ ସେ ସଃବୁ ତଃୟ୍‌ ହୁଣି ରଃକ୍ୟା କଃରି ରିଲା, 
\v 12 ସଃତ୍ୟାକଃରି ଜୁୟ୍‌ମଃନ୍‌ କ୍ରିସ୍ଟ ଜିସୁର୍‌ ତଃୟ୍‌ ଦଃର୍ମ ଜିବନ୍ କାଟୁକ୍‌ ମଃନ୍‌କଃର୍ତି, ସେମଃନ୍ ତାଳନା ବୟ୍‌ଗ୍‌ କଃର୍ତି । 
\v 13 ମଃତର୍‌ ଦୁସ୍ଟ୍‌ଲକ୍‌ ଆର୍‌ ମିଚୁଆମଃନାର୍‌ ବାଟ୍‌ ମଃର୍ନ୍‌ ହାକ୍‌ କାଡାୟ୍‌ ନଃୟ୍‌ଦ୍‌, ସେମଃନ୍ ବିନ୍ ଲକେ ବୁଲ୍‌କାୟ୍‌ କଃରି ହଃଚେ ନିଜ୍‌କେ ଜଃଟେଦ୍‌ । 
\v 14 ମଃତର୍‌ ତୁୟ୍‌ ଜୁୟ୍‌ ଜୁୟ୍‌ରି ସିକ୍ୟା ହାୟଆଚ୍‌ସି, ଆର୍‌ ଜୁୟ୍‌ କଃତାମଃନ୍‌ ସଃତ୍‌ ବଃଲି ଜାଣିଆଚ୍‌ସି, ସେ ସଃବୁ ତଃୟ୍‌ ତିର୍‌ ଅୟ୍‌ରେ, ବଃଲେକ୍‌ ତୁୟ୍‌ ଜାଣୁଲିସ୍‌ କାର୍‌ ତଃୟହୁଣି ସେରିମଃନ୍ ସିକି ଆଚ୍‌ସି 
\v 15 ଆରେକ୍‌ ଜୁୟ୍‌ ଦଃର୍ମସାସ୍ତର୍‌ ଜିସୁ କ୍ରିସ୍ଟର୍‌ ତଃୟ୍‌ ବିସ୍ୱାସ୍‌ କଃଲେକ୍‌ ତକ୍‌ ମୁକ୍ଳାଉତା ଗିଆନ୍ ଦେଉଁ ହାରେ, ସେରି ତୁୟ୍‌ ହିଲାବଃଳ୍‌ହୁଣି ଜାଣିଆଚ୍‌ସି । 
\v 16 ସଃବୁ ସାସ୍ତର୍‌ ଇସ୍ୱର୍‌ କୟ୍‌ଲାକ୍‌ ଲେକ୍‌ଲା ଆର୍‌ ସଃତ୍‌ ସିକ୍ୟା, ବୁଲ୍‌ କଃଲେକ୍‌ ଉଳ୍‌ତାର୍‌, ସୁଦାର୍ତାର୍‌, ଆର୍‌ ଦଃର୍ମି ଅଃଉତା ବିସୟେ ସାସନାର୍‌ ହାୟ୍‌ଁ ଉହ୍‌କାରି, 
\v 17 ଜଃନ୍‌କଃରି ଇସ୍ୱରାର୍‌ ଲକ୍‌ ହୁର୍ନ୍‌ ଅୟ୍‌ ସଃବୁ ରଃକମାର୍‌ ନିକ କାମାର୍‌ ଗିନେ ଜୟ୍‌ଗ୍‌ ଅୟ୍‌ଦ୍‌ ।
\c 4
\p
\v 1 ମୁୟ୍‌ଁ ଇସ୍ୱରାର୍‌ ମୁଏଁ, ଆର୍‌ ଜୁୟ୍‌ ଜିସୁକ୍ରିସ୍ଟର୍‌ ମୁଏଁ ଜେ କି ମଃଲା ଲକ୍‌ ଆର୍‌ ଜିବନ୍‌ ରିଲା ଲକ୍‌ମଃନ୍‌କେ ହେଁ ବିଚାର୍‌ କଃରୁକେ ଜଃଉଁଲା, ତାର୍‌ ମୁଏଁ, ଆର୍‌ ତାର୍‌ ଆରେକ୍‌ ଆସ୍ତାର୍‌ ଆର୍‌ ରାଇଜାର୍‌ ସଃୟ୍‌ତ୍‌ କଃରି ତକ୍‌ ଆଦେସ୍‌ ଦେଉଁଲେ । 
\v 2 ମାପ୍ରୁର୍‌ କଃତା ପର୍ଚାର୍‌ କଃର୍‌, ବେଳା କି ଅବେଳାୟ୍‌ହେଁ ସେତିର୍‌ ଦିଆନ୍‌ ଦେସ୍‌, ହୁରା ସଃମ୍ବାଳିକଃରି ସିକ୍ୟାଦଃୟ୍‌ ବୁଜାୟ୍‌ ଦଃମ୍‌କି ଦେସ୍‌ ଆର୍‌ କଃଡେ କଃଡେବଃଳ୍‌ ବଃର୍‌ସା ଦେସ୍‌ । 
\v 3 ବଃଲେକ୍‌ ବେଳା ଆସେଦ୍‌, ଜଃଡେବଃଳ୍‌ ସେମଃନ୍ ନିକ କଃତାର୍‌ ସିକ୍ୟା ନଃସୁଣ୍‌ତି, ମଃତର୍‌ ସୁଣୁକ୍‌ ମଦୁର୍‌ କଃତାୟ୍‌ ସଃର୍ଦାଅୟ୍‌ ଇଚା ହଃର୍କାରେ ନିଜାର୍‌ ହାଁୟ୍‌ ଗାଦାଗଟ୍‌ ଗୁରୁମଃନ୍‌କେ କୁଦ୍‌ତି । 
\v 4 ଆର୍‌ ସଃତ୍‌ କଃତାୟ୍‌ କାନ୍‌ ନଃଦେୟ୍‌ ମଃନେହାଜି କୟ୍‌ଲା କଃତାୟ୍‌ ମଃନ୍ଦେତି । 
\v 5 ମଃତର୍‌ ତୁୟ୍‌ ସଃବୁ କଃତାୟ୍‌ ଜଃଗ୍ରାତ୍‌ ଅଃଉ, ଦୁକ୍‌ ସଃମ୍ବାଳ୍‌, ନିକ କବୁର୍‌ ପର୍ଚାର୍‌ କଃର୍‌, କାମ୍‌ କଃର୍‌, ତର୍‌ ସେବାର୍‌ କାମ୍‌ ହୁରୁଣ୍‌ କଃର୍‌ ।
\p
\v 6 ମର୍‌ ଜିବନ୍‌କେ ହୁଜା ଦଃୟ୍‌ ଇ ଜଃଗତ୍‌କେ ଚାଡି ଜାତା ବେଳା ଆସି ଆଚେ । 
\v 7 ମୁୟ୍‌ଁ ନିକ ଜୁଜେ ହଃରାଣ୍‌ ଦଃୟ୍‌କଃରି ଜୁଜ୍‌ କଃରି ଆଚି, ସଃରାସଃରି ହଃତେକ୍‌ ଦଃବ୍‌ଳୁଲେ ଆଚି, ମୁୟ୍‌ଁ ବିସ୍ୱାସ୍‌କେ ଦଃରି ଆଚି । 
\v 8 ଆଜି ହଃତେକ୍‌ ମର୍‌ ଗିନେ ଦଃର୍ମାର୍‌ ମୁକୁଟ୍‌ ସଃଙ୍ଗାଅୟ୍‌ ଆଚେ, ସେରି ସେ ବିଚାର୍‌ ବିନ୍ ନ୍ୟାୟ୍‌ର୍‌ ବିଚାର୍‌ କଃର୍ତା ମାପ୍ରୁ ମକେ ଦଃୟ୍‌ଦ୍‌, ମଃତର୍‌ ମକେ ହଃକା ନୟ୍‌ ଜୁୟ୍‌ମଃନ୍‌ ତାର୍‌ ଆୟ୍‌ଲେକ୍‌ ଲାଡାର୍‌ ଅଃଉତି, ସେ ସଃବ୍‌କେ ହେଁ ଦଃୟ୍‌ଦ୍‌ ।
\s ନିଜାର୍‌ କଃତା
\p
\v 9 ବେଗି ମର୍‌ ତଃୟ୍‌ ଆସୁକ୍‌ ଜଃତୁନ୍ ଅଃଉ 
\v 10 \x + \xo ୪:୧୦ \xo*\xt କଲ ୪:୧୪; ପିଲିମ ୧:୨୪; ୨ କର ୮:୨୩; ଗାଲା ୨:୩; ତିତ ୧:୪.\xt*\x*ବଃଲେକ୍‌ ଦିମା ଇ ଅଃବାର୍‌ ଜଃଗତାର୍‌ ଲାଡ୍‌କଃରି ମକେ ଚାଡ୍‌ଲା ଆଚେ ଆର୍‌ ତେସଲନିକିକେ ଜାୟ୍‌ଆଚେ, କ୍ରେସ୍‌କେନେସ୍‌ ଗାଲାତିଆକେ, ଆର୍‌ ତିତସ୍‌ ଦଲୁତଆକୁ ଜାୟ୍‌ ଆଚ୍‌ତି । 
\v 11 \x + \xo ୪:୧୧ \xo*\xt କଲ ୪:୧୪; ପିଲିମ ୧:୨୪; ପେରି ୧୨:୧୨,୨୫; ୧୩:୧୩; ୧୫:୩୭-୩୯; କଲ ୪:୧୦; ପିଲିମ ୧:୨୪.\xt*\x*ଏକ୍ଲା ଲୁକ ହଃକା ମର୍‌ ସଃଙ୍ଗ୍ ଆଚେ, ମାର୍କକେ ମିସ୍‌ଣେ ତର୍‌ ସଃଙ୍ଗ୍ ଆଣ୍; ବଃଲେକ୍‌ ସେ ମର୍‌ ସେବା କାମେ ଉହ୍‌କାର୍‌ କଃରେଦ୍‌ । 
\v 12 \x + \xo ୪:୧୨ \xo*\xt ପେରି ୨୦:୪; ଏପି ୬:୨୧,୨୨; କଲ ୪:୭,୮.\xt*\x*ମୁୟ୍‌ଁ ତୁକିକକେ ଏପିସିଏ ହଃଟାୟ୍‌ ଆଚି ।
\p
\v 13 \x + \xo ୪:୧୩ \xo*\xt ପେରି ୨୦:୬.\xt*\x*ତ୍ରୟାଇ କାର୍ପର୍‌ ଲଃଗେ ମୁୟ୍‌ଁ ଜୁୟ୍‌ ଆଙ୍ଗି ଚାଡି ଆସିଆଚି, ତୁୟ୍‌ ଆସ୍ତା ବଃଳ୍‌ ସେରି ଆର୍‌ ପୁସ୍ତକ୍‌ମଃନ୍‌, ମୁଳ୍‌କଃରି ଚାମେ ତିଆର୍‌ କଃଲା ପୁସ୍ତକ୍‌ମଃନ୍‌ ଆଣ୍ ।
\p
\v 14 \x + \xo ୪:୧୪ \xo*\xt ୧ ତିମ ୧:୨୦; ରମି ୨:୬.\xt*\x*କାସାରି ଆଲେକ୍‌ଜେଣ୍ଡାର୍‌ ମର୍‌ ବୁତେକ୍‌ ନଃସ୍ଟ୍‌ କଃଲା ଆଚେ; ମାପ୍ରୁ ତାର୍‌ କାମ୍‌ ହଃର୍କାରେ ତାକେ ଡଃଣ୍ଡ୍‌ ଦଃୟ୍‌ଦ୍‌ । 
\v 15 ତୁୟ୍‌ ହେଁ ତାର୍‌ ଚଃମେ ଜଃଗ୍ରାତ୍‌ ରେଏ, ବଃଲେକ୍‌ ସେ ଅଃମିମଃନାର୍‌ କଃତାର୍‌ ଅଃନାୟ୍‌ ବିରଦ୍‌ କଃରି ରିଲା ।
\p
\v 16 ମର୍‌ ହଃର୍ତୁ ନିଜାର୍‌ ସାକି ଦେତା ବଃଳ୍‌ କେହେଁ ଆଡି ନୟ୍‌ଲାୟ୍‌, ମଃତର୍‌ ସଃବୁଲକ୍‌ ଚାଡିଦିଲାୟ୍‌, ଇରି ସେମଃନ୍‌କାର ବିରଦେ ଗଣିତା ନଃଅ । 
\v 17 ମଃତର୍‌ ମାପ୍ରୁ ମର୍‌ବାଟ୍ୟା ଅୟ୍‌ ମକେ ବଃଳ୍‌ ଦିଲା ଆର୍‌ ମୁୟ୍‌ଁ ସିଅଁବାଗାର୍‌ ମୁଏଁ ହୁଣି ରଃକ୍ୟା ହାୟ୍‌ଲେ, ଜଃନ୍‌କଃରି ମର୍‌ ତଃୟ୍‌ହୁଣି ନିକ କବୁର୍‌ ହୁରୁଣ୍‌ କଃରି ପର୍ଚାର୍‌ ଅଃଉଁ ହାରେ ଆର୍‌ ଅଜିଉଦି ଲକ୍‌ମଃନ୍ ସେରି ସୁଣୁ ହାର୍ତି । 
\v 18 ମାପ୍ରୁ ମକ୍‌ ସଃବୁ କଃରାବ୍‌ କାମେ ହୁଣି ମୁକ୍ଳାୟ୍‌ଦ୍‌ ଆର୍‌ ମକ୍‌ ମୁକ୍‌ଳାୟ୍‌ କଃରି ନିଜାର୍‌ ସଃର୍ଗ୍‌ ରାଇଜେ ନଃୟ୍‌ଦ୍‌, ଜୁଗେଜୁଗେ ତାର୍‌ ଜଃଜ୍‌ମାନ୍ ଅଃଉଅ । ଆମେନ୍‌ । \fig କାଳା ଡାବି ଲଃଗେ ଚାମ୍‌ଳା ବଇମଃନ୍‌ ଆଚେ|alt="Scrolls standing by ink well" src="hk00153c.tif" size="col" copy="Horace Knowles ©" ref="4:13"\fig*
\s ସଃରାସଃରି ଜୁଆର୍‌
\p
\v 19 \x + \xo ୪:୧୯ \xo*\xt ପେରି ୧୮:୨; ୨ ତିମ ୧:୧୬,୧୭.\xt*\x*ପ୍ରିସ୍କିଲା, ଆର୍‌ ଆକିଲା ଆର୍‌ ଅନିସିପରାର୍‌ ଗଃର୍‌ କୁଟୁମ୍‌କେ ମର୍‌ ଜୁଆର୍‌ ଜାଣାଉ । 
\v 20 \x + \xo ୪:୨୦ \xo*\xt ପେରି ୧୯:୨୨; ରମି ୧୬:୨୩; ପେରି ୨୦:୪; ୨୧:୨୯.\xt*\x*ଏରାସ୍ଟ କରନ୍ତିୟେ ଆଚେ, ମଃତର୍‌ ତ୍ରପିମ୍‌ ମଃଳୁହଃଡି ରିଲାକେ ମୁୟ୍‌ଁ ତାକେ ମିଲିତିୟେ ଚାଡି ଆୟ୍‌ଲେ ଆଚି ।
\p
\v 21 ତୁୟ୍‌ ସିତ୍‌ ଆସ୍ତା ହୁର୍ବେ ଆସୁକ୍‌ ଜଃତୁନ୍ କଃର୍‌ । ଇଉବୁଲ୍‌, ପୁଦେନସ୍‌, ଲିନ୍, କ୍ଲାଉଦିଆ ଆର୍‌ ବାୟ୍‌ବେଣିମଃନ୍‌ ତକେ ଜୁଆର୍‌ ଜାଣାଉଁଲାୟ୍‌ ।
\p
\v 22 ମାପ୍ରୁ ତର୍‌ ଆତ୍ମା ସଃଙ୍ଗ୍ ରେଉଅ । ତୁମାର୍‌ ଉହ୍ରେ ଦଃୟା ଅଃଉଅ ।