\id 1TH - BOPO
\ide UTF-8
\h ୧ ତେସଲନିକି
\toc3 ୧ ତେସ
\toc2 ୧ ତେସଲନିକି
\toc1 ତେସଲନିକିର୍‌ ଲକ୍‌ମଃନ୍‌କେ ପେରିତ୍‌ ପାଉଲାର୍‌ ହଃର୍ତୁ ଚିଟି
\mt2 ଥେସଲନିକୀୟ ମଣ୍ଡଳିକୁ ପ୍ରେରିତ ପାଉଲଙ୍କ ପ୍ରଥମ ପତ୍ର
\mt1 ତେସଲନିକିର୍‌ ଲକ୍‌ମଃନ୍‌କେ ପେରିତ୍‌ ପାଉଲାର୍‌ ହଃର୍ତୁ ଚିଟି
\imt ୧ ତେସଲନିକି ଚିଟି ବିସୟେ ହଃଦେକ୍‌
\ip ହଃର୍ତୁ ତେସଲନି ପୁସ୍ତକ ପେରିତ୍‌ ପାଉଲ ଲେକିରିଲା \xt ୧:୧\xt* ଅଃଉଁହାରେ ପାଉଲାର୍‌ ଇରି ତେସଲନିକିମଃନ୍‌କେ ହଃର୍ତୁ ଚିଟି ଆର୍‌ ହାକାହାକି ଜିସୁକ୍ରିସ୍ଟର୍‌ ଜଃଲମାର୍‌ ୫୧ ବଃର୍ସ୍‌ ହଃଚେ ଲେକା ଅୟ୍‌ରିଲି ଆର୍‌ ବାଇବଲେ ଟାଣ୍‌ ହାୟ୍‌ ଆଚେ । ସେ ହଃଚାର୍‌ ମିସ୍ନେରି ଅୟ୍‌ ଗଃଲାବଃଳ୍‌ ସେ ମଣ୍ଡ୍‌ଳି ହାୟ୍‌ରିଲା ପେରିତ୍‌ \xt ୧:୧-୧୦\xt* । ଇରି ଜାଣାଜଃଉଁଲି ଜେ କଃତେକ୍‌ ଜିଉଦି ଆର୍‌ ବେସି କଃରି ଗ୍ରିକ୍‌ ଲକ୍‌ମଃନ୍ ଇ ମଣ୍ଡ୍‌ଳି ତାହୁନ୍‌ କଃରିରିଲାୟ୍‌ ।
\ip ପାଉଲ ଇ ମଣ୍ଡ୍‌ଳି ହାୟ୍‌ଲା ହଃଚେ ବେସି ଦିନ୍‌ ସେତି ରେଉଁ ନାହାର୍ଲା । ସେତାକ୍‌ ସେ ମଣ୍ଡ୍‌ଳିର୍‌ ଲକ୍‌ମଃନ୍‌କେ ଉହ୍‌କାର୍‌ ଜାଗାୟ୍‌ ଦେଉଁକେ ସେ ଇ ଚିଟି ଲେକୁଲା । ଗଟ୍‌ କ୍ରିସ୍ଟିଆନ୍‌ କଃନ୍‌କଃରି ଜିବନ୍‌ କାଟ୍‌ତା ଲଳା ଇ ଚିଟି ତଃୟ୍‌ ଅଃନେକ୍‌ ବିସୟ୍‌ ଆର୍‌ ଉହ୍‌ଦେସ୍‌ ମଃନ୍‌ କଃଉଆ ଅୟ୍‌ଆଚେ । ପାଉଲ କ୍ରିସ୍ଟର୍‌ ଆରେକ୍‌ ଆସ୍ତାର୍‌ କଃତାକ୍‌ ମୁଳ୍‌ ବିସୟ୍‌ କଃରି କଃଉଁଲା ଅଃଉଁ ହାରେ ତେସଲନିକି ମଣ୍ଡ୍‌ଳିର୍‌ ଲକ୍‌ମଃନ୍ ଇ ବିସୟେ ସୁଣୁକେ ବେସି ମଃନ୍‌ ଦେତି ରିଲାୟ୍‌ । ଇସ୍ୱର୍‌କେ ସଃର୍ଦା କଃରାୟ୍‌ଲା ହର୍‌ ଜିବନ୍‌ କାଟୁକେ ପାଉଲ ଇ ଜିସୁର୍‌ ଆରେକ୍‌ ଆସ୍ତାର୍‌ ବିସୟ୍‌ କଃଉତିରିଲା । \xt ୫:୬-୮\xt*
\iot ଇ ଚିଟି ବିତ୍ରେ ରିଲା ମୁଳ୍‌ ବିସୟ୍‌ମଃନ୍‌
\io1 ୧. ପାଉଲାର୍‌ ମଣ୍ଡ୍‌ଳିକେ ଜୁଆର୍‌ ଆର୍‌ ଇସ୍ୱର୍‌କେ ଦନ୍ୟବାଦ୍‌ ଦେତାର୍‌ । \ior ୧ \ior*
\io1 ୨. ପାଉଲାର୍‌ କାମ୍‌ ଆର୍‌ ତିମତିର୍‌ କବୁର୍‌ । \ior ୨–୩ \ior*
\io1 ୩. କ୍ରିସ୍ଟ ଆସ୍ତାର୍‌ ଆର୍‌ ଲକ୍‌ମଃନ୍‌ ନିର୍ମୁଳ୍‌ ଜିବନ୍‌ କାଟୁକ୍‌ ପାଉଲାର୍‌ ସିକ୍ୟା । \ior ୪:୧-୧୫ \ior*
\io1 ୪. ପାଉଲ ଜୁଆର୍‌ ଜାଣାୟ୍‌ ସଃବୁଲକ୍‌ ଚିଟି ହଳୁକେ କଃଉଁଲା । \ior ୫:୧୬-୨୮\ior*
\c 1
\s ତେସଲନି ମଣ୍ଡ୍‌ଳିକେ ପାଉଲାର୍‌ ହଃର୍ତୁ ଚିଟି
\p
\v 1 \x + \xo ୧:୧ \xo*\xt ପେରି ୧୭:୧.\xt*\x*ମୁୟ୍‌ଁ ପାଉଲ୍‌, ସିଲା ଆର୍‌ ତିମତି ତେସଲନିକି ମଣ୍ଡ୍‌ଳିର୍‌ ଲକ୍‌ମଃନ୍‌କେ ଚିଟି ଲେକୁଲୁ । ଉବା ଇସ୍ୱରାର୍‌ ଆର୍‌ ମାପ୍ରୁ ଜିସୁ କ୍ରିସ୍ଟର୍‌ ଦଃୟା ଆର୍‌ ସୁସ୍ତା ତୁମାର୍‌ ଉହ୍ରେ ଅଃଉଅ ।
\s ତେସଲନିକିମଃନାର୍‌ ବିସ୍ୱାସ୍‌ ଆର୍‌ ଜିବନ୍
\p
\v 2 ଅଃମିମଃନ୍‌ ପାର୍ତ୍‌ନା କଃର୍ତା ବଃଳ୍‌ ତୁମିମଃନାର୍‌ ନାଉଁ ଦଃରି ତୁମାର୍‌ ସଃବୁଲକାର୍‌ ଗିନେ ସଃବୁବଃଳ୍‌ ଇସ୍ୱର୍‌କେ ଦନ୍ୟବାଦ୍‌ କଃରୁଲୁ । 
\v 3 ଅଃମିମଃନାର୍‌ ଇସ୍ୱର୍‌ ଆର୍‌ ଉବାର୍‌ ଚଃମେ ଅଃମିମଃନ୍‌ ତୁମିମଃନାର୍‌ ବିସ୍ୱାସାର୍‌ କାମ୍‌, ଲାଡାର୍‌ କଃବାଳ୍‌ ଆର୍‌ ଅଃମାର୍‌ ମାପ୍ରୁ ଜିସୁ କ୍ରିସ୍ଟର୍‌ କଃତାକ୍‌ ତୁମାର୍‌ ବଃର୍ସା ସାସ୍‌ ଦଃର୍‌ତାର୍‌ କଃତା ସଃବୁବଃଳ୍‌ ଏତାଉଆ ।
\p
\v 4 ଏ ଅଃମାର୍‌ ବାୟ୍‌ବେଣିମଃନ୍, ଅଃମିମଃନ୍‌ ଜାଣି ଆଚୁ ଜେ, ଇସ୍ୱର୍‌ ତୁମିମଃନ୍‌କେ ଲାଡ୍‌ କଃରୁଲା ଆର୍‌ ସେ ନିଜେ ତୁମିମଃନ୍‌କେ ବାଚିଆଚେ । 
\v 5 ଅଃମିମଃନ୍‌ ନିକ କବୁର୍‌ ଅଃବ୍‌କା କଃତାୟ୍‌ ନାୟ୍‌, ମଃତର୍‌ ସଃକ୍ତି, ପବିତ୍ର ଆତ୍ମା ଆର୍‌ ହୁରାକଃରି ତୁମିମଃନାର୍‌ ଲଃଗେ ଆୟ୍‌ଲି; ତୁମିମଃନାର୍‌ ସଃଙ୍ଗ୍ ରେତାବଃଳ୍‌ ତୁମିମଃନାର୍‌ ସଃଙ୍ଗ୍ ଅଃମିମଃନ୍‌ କଃନ୍‌କା ଚାଲାଚାଲ୍‌ତି କଃରିରିଲୁ, ସେରି ତ ତୁମିମଃନ୍ ଜାଣି ଆଚାସ୍‌ । ଇରି ତୁମାର୍‌ ନିଜାର୍‌ ବଃଲ୍‌ ହାଁୟ୍‌, 
\v 6 \x + \xo ୧:୬ \xo*\xt ପେରି ୧୭:୫-୯.\xt*\x*ଆରେକ୍‌ ତୁମିମଃନ୍‌ ବଃଡେ ଦୁକ୍‌କଃସ୍ଟ୍‌ ବଗ୍ କଃରି ହେଁ ପବିତ୍ର ଆତ୍ମା ଦିଲା ସଃର୍ଦାର୍‌ ସଃଙ୍ଗ୍ ସେ ମାପ୍ରୁର୍‌ କଃତାକ୍‌ ମାନିକଃରି ଅଃମାର୍‌ ଆର୍‌ ମାପ୍ରୁର୍‌ ହଃଚେ ଜାତି ରିଲାସ୍‌ ।
\p
\v 7 ଇବାନ୍ୟା ତୁମିମଃନ୍‌ ମାକିଦନିଆ ଆର୍‌ ଆକାୟା ଲଃଗେ ବାସା କଃର୍ତିରିଲା ସଃବୁ ବିସ୍ୱାସିମଃନାର୍‌ ବାଟ୍‌ ଦଃକାଉତା ଲକ୍‌ ହର୍‌ ଅୟ୍‌ରିଲାସ୍‌ । 
\v 8 ତୁମାର୍‌ ତଃୟ୍‌ହୁଣି ଅଃବ୍‌କା ମାପ୍ରୁର୍‌ କଃତା ମାକିଦନିଆ ଆର୍‌ ଆକାୟା ତଃୟ୍‌ ପର୍ଚାର୍‌ ଅୟ୍‌ଆଚେ, ସେରି ନାୟ୍‌, ମଃତର୍‌ ଇସ୍ୱର୍‌କେ ତୁମାର୍‌ ବିସ୍ୱାସାର୍‌ କଃତା ସଃବୁହାକ୍‌ ଉର୍ଜି ଅୟ୍‌ଆଚେ, ସେ କଃତାକେ ଚାଡି ଅଃମିମଃନ୍‌କେ କାୟ୍‌ରି ହେଁ ଲଳା ନାୟ୍‌ । 
\v 9 ଜୁୟ୍‌ତାର୍‌ ଗିନେ ଲକ୍‌ମଃନ୍ ଅଃମିମଃନାର୍‌ ବିସୟେ କଃଉଁଲାୟ୍‌, ତୁମାର୍‌ ଲଃଗେ ଅଃମିମଃନ୍‌ ଆସ୍ତାବଃଳ୍‌ ତୁମି କଃନ୍‌କଃରି ଆଗଳି ଦଃରିରିଲାସ୍‌, ଆର୍‌ କଃନ୍‌କଃରି ତୁମିମଃନ୍‌କେ ମୁର୍ତି ହୁଜା ସଃବୁ ଚାଡିକଃରି ଜିବନ୍ ଆର୍‌ ସଃତ୍‌ ଇସ୍ୱରାର୍‌ ସେବା କଃରୁଲାସ୍‌, 
\v 10 ଆରେକ୍‌ ସେ ଇସ୍ୱର୍‌ ଅଃହ୍‌ଣାର୍‌ ଜୁୟ୍‌ ହୟ୍‌ସିକ୍‌ ମଃଲା ଲକାର୍‌ ତଃୟ୍‌ହୁଣି ଉଟାୟ୍‌ରିଲା, ଆସୁଲା କହ୍‌ ତଃୟ୍‌ହୁଣି ଅଃମିମଃନ୍‌କେ ରଃକ୍ୟା କଃର୍ତା ସେ ଜିସୁକେ ସଃର୍ଗେ ହୁଣି ଆସ୍ତାର୍‌ ଜାଗିରେଉଉଁଆ ।
\c 2
\s ତେସଲନିକି ତଃୟ୍‌ ପାଉଲାର୍‌ କାମ୍‌
\p
\v 1 ଏ ଅଃମାର୍‌ ବାୟ୍‌ବେଣିମଃନ୍, ତୁମିମଃନ୍‌ ତ ନିଜେ ଜାଣି ଆଚାସ୍‌, ତୁମିମଃନାର୍‌ ହାକ୍‌ ଅଃମି ଆସ୍ତାର୍‌ ହଲ୍ୟାୟ୍‌ ନଃଜାୟ୍‌; 
\v 2 \x + \xo ୨:୨ \xo*\xt ପେରି ୧୬:୧୯-୨୪; ପେରି ୧୭:୧-୯.\xt*\x*ମଃତର୍‌ ଜଃନ୍‌କଃରି ତୁମିମଃନ୍‌ ଜାଣି ଆଚାସ୍‌, ଅଃମିମଃନ୍‌ ଇତାର୍‌ ହୁର୍ବେ ପିଲିପି ତଃୟ୍‌ ଦୁକ୍‌ ଆର୍‌ ଅପ୍‌ମାନ୍ ହାୟ୍‌ଲା ହଃଚେ, ତୁମାର୍‌ ଲଃଗେ ବଃଡେ କଃସ୍ଟେ ନିକ କବୁର୍‌ ପର୍ଚାର୍‌ କଃରୁକେ ଇସ୍ୱରାର୍‌ ତଃୟ୍‌ହୁଣି ସାସ୍‌ ହାୟ୍‌ରିଲୁ । 
\v 3 ଅଃମାର୍‌ ସିକ୍ୟା ବାମ୍‌ଳାଉତାର୍‌, କି ବିଟାଳ୍‌, କି ତୁମିମଃନ୍‌କେ ଜଃଟୁକେ ମଃନ୍ଦ୍‌ ସିକ୍ୟା ନଃରିଲି । 
\v 4 ମଃତର୍‌ ଅଃମିମଃନ୍‌ ଇସ୍ୱରାର୍‌ ଇଚା ହଃର୍କାରେ ସଃବୁବଃଳ୍‌ କଃତା କଃଉଁଲୁ, ବଃଲେକ୍‌ ସେ ଅଃମିକ୍‌ ଜୟ୍‌ଗ୍‌ ବଃଲି ଅଃମାର୍‌ ଉହ୍ରେ ନିକ କବୁର୍‌ ପର୍ଚାର୍‌ କଃରୁକେ ବଜ୍‌ ସଃହ୍ରି ଦଃୟ୍‌ଆଚେ । ମାନାୟ୍‌ମଃନ୍‌କେ ସଃର୍ଦା କଃରାଉଁକେ ଅଃମି ସେରି ନଃକେରୁ, ମଃତର୍‌ ଜେ ଅଃମାର୍‌ ମଃନ୍‌କେ ପରିକ୍ୟା କଃରେଦ୍‌, ସେ ଇସ୍ୱର୍‌କେ ସଃର୍ଦା କଃରାଉଁକେ ସେରି କଃରୁଲୁ ।
\p
\v 5 ତୁମିମଃନ୍‌ ଜାଣି ଆଚାସ୍‌, ଅଃମିମଃନ୍‌ କଃବେ ହେଁ ଚିକ୍‌ଣିଆ କଃତା ନଃକଃଉଁ କି ଅଃମାର୍‌ ଲଃବ୍‌କେ ଲୁକାଉଁକେ ନଃଜେଟୁ, ଇସ୍ୱର୍‌ ଇତାର୍‌ ସାକି । 
\v 6 ଅଃମି ତୁମିମଃନାର୍‌ ତଃୟ୍‌ହୁଣି ଅଃଉଆ କି ବିନ୍ କାର୍‌ ତଃୟ୍‌ହୁଣି ଅଃଉଆ, କୁୟ୍‌ ମାନାୟ୍‌ର୍‌ ତଃୟ୍‌ହୁଣି ହେଁ ଜଃଜ୍‌ମାନ୍ ହାଉଁକ୍‌ ଉପାୟ୍‌ ନଃକେରୁ । 
\v 7 ଅୟ୍‌ଲେକ୍‌ ହେଁ ଅଃମିମଃନ୍‌ କ୍ରିସ୍ଟର୍‌ ପେରିତ୍‌ ଅୟ୍‌ ଆଚୁ ବଃଲି ଅଃମିମଃନ୍‌ ତୁମାର୍‌ ତଃୟ୍‌ହୁଣି ମାନ୍‌ତି ହାଉଁକ୍‌ ଦାବି କଃରୁକେ ହାର୍‌ଲୁହୁଣି, ମଃତର୍‌ ଅଃମିମଃନ୍‌ ତୁମିମଃନାର୍‌ ଲଃଗେ ସୁସାର୍‌ ଅୟ୍‌, ଆୟ୍‌ସି ଜଃନ୍‌କଃରି ଅଃହ୍‌ଣାର୍‌ ହିଲାମଃନ୍‌କେ ଜଃତୁନ୍ କଃରେଦ୍‌, ତୁମାର୍‌ ସଃଙ୍ଗ୍ ରିଲାବଃଳ୍‌ ଅଃମିମଃନ୍‌ ସେବାନ୍ୟା ତୁମାର୍‌ ସଃଙ୍ଗ୍ ଚାଲାଚାଲ୍‌ତି କଃରିରିଲୁ । 
\v 8 ତୁମିମଃନାର୍‌ ଗିନେ ଅଃମାର୍‌ ଲାଡ୍‌ ଆଚେ, ତଃବାର୍‌ଗିନେ ଅଃମିମଃନ୍‌ ତୁମିମଃନ୍‌କେ ଅଃବ୍‌କା ଇସ୍ୱରାର୍‌ ନିକ କବୁର୍‌ ନାୟ୍‌, ମଃତର୍‌ ନିଜାର୍‌ ନିଜାର୍‌ ଜିବନ୍ ହେଁ ଦେଉଁକ୍‌ ମଃନ୍ କଃରିରିଲୁ, କାୟ୍‌ତାକ୍‌ବଃଲେକ୍‌ ତୁମିମଃନ୍‌ ଅଃମାର୍‌ ଲାଡାର୍‌ ଲକ୍‌ ଅୟ୍‌ରିଲାସ୍‌ । 
\v 9 ଏ ବାୟ୍‌ବେଣିମଃନ୍, ଅଃମିମଃନ୍‌ କଃତେକ୍‌ କଃସ୍ଟ୍‌ କଃରି କାମ୍‌ କଃରି ଆଚୁ, ସେରି ତୁମାର୍‌ ମଃନେ ଆଚେ; ଜଃନ୍‌କଃରି ଅଃମିମଃନ୍‌ ତୁମିମଃନାର୍‌ ଉହ୍ରେ କାର୍‌ ବଜ୍‌ ହର୍‌ ନଃଉତା ଗିନେ ଦିନ୍‌ରାତି କାମ୍‌ କଃରି ଇସ୍ୱରାର୍‌ ନିକ କବୁର୍‌ ତୁମିମଃନାର୍‌ ଲଃଗେ ପର୍ଚାର୍‌ କଃରିରିଲୁ ।
\p
\v 10 ବିସ୍ୱାସି ଜେ ତୁମିମଃନ୍‌, ତୁମିମଃନାର୍‌ ସଃଙ୍ଗ୍ ଅଃମିମଃନ୍‌ କଃନ୍‌କଃରି ପବିତ୍ର, ଦଃର୍ମି ଆର୍‌ ନିର୍ଦସି ଚାଲାଚାଲ୍‌ତି କଃରିରିଲୁ, ତୁମିମଃନ୍‌ ସେତିର୍‌ ସାକି ଆର୍‌ ଇସ୍ୱର୍‌ ନିଜେ ହେଁ ସେତିର୍‌ ସାକି । 
\v 11 ତୁମିମଃନ୍‌ ତ ଜାଣାସ୍‌, ଉବାସି ଜଃନ୍‌କଃରି ଅଃହ୍‌ଣାର୍‌ ହିଲାମଃନ୍‌କେ ଜଃତୁନ୍ କଃରେଦ୍‌, ସେବାନ୍ୟା ଅଃମିମଃନ୍‌ ତୁମି ସଃବୁ ଲକେ ସିକ୍ୟା ଦଃୟ୍‌ ଆର୍‌ ବଃର୍ସା ଦଃୟ୍‌ ଗଃଉଆରି କଃରିରିଲୁ, 
\v 12 ଜଃନ୍‌କଃରି ତୁମିମଃନ୍‌ କୁଦ୍‌ଲା ଜୁୟ୍‌ ଇସ୍ୱର୍‌, ତାର୍‌ ରାଇଜ୍‌ ଆର୍‌ ଜଃଜ୍‌ମାନାର୍‌ ଅଃଦିକାରି ଅଃଉଁକେ ତୁମିମଃନ୍‌ ଇସ୍ୱରାର୍‌ ଜୟ୍‌ଗ୍‌ ଚାଲାଚାଲ୍‌ତି କଃରା ।
\p
\v 13 ଆର୍‌ ଇତାର୍‌ ଗିନେ ଅଃମିମଃନ୍‌ ହେଁ ସଃବୁବଃଳ୍‌ ଇସ୍ୱର୍‌କେ ଦନ୍ୟବାଦ୍‌ କଃରୁଲୁ, ଜଃଡେବଃଳ୍‌ ତୁମିମଃନ୍‌ ଅଃମି ପର୍ଚାର୍‌ କଃଲା ମାପ୍ରୁର୍‌ କଃତା ସୁଣି ମଃନେ ଦଃର୍ଲାସ୍‌, ସଃଡେବଃଳ୍‌ ସେରି ମାନାୟ୍‌ର୍‌ କଃତା ବଃଲି ମଃନେ ନଃଦେରି, ଇସ୍ୱରାର୍‌ କଃତା ବଃଲି ମଃନେ ଦଃରିରିଲାସ୍‌, ଆର୍‌ ସଃତ୍‌କଃରି ସେରି ଇସ୍ୱରାର୍‌ କଃତା; ଆରେକ୍‌ ବିସ୍ୱାସି ଜେ ତୁମିମଃନ୍‌, ତୁମିମଃନାର୍‌ ମଃନ୍ ବିତ୍ରେ ସେରି କାମ୍‌ କଃରୁଲି । 
\v 14 \x + \xo ୨:୧୪ \xo*\xt ପେରି ୧୭:୫.\xt*\x*କାୟ୍‌ତାକ୍‌ବଃଲେକ୍‌ ଏ ବାୟ୍‌ବେଣିମଃନ୍, ତୁମିମଃନ୍‌ କ୍ରିସ୍ଟ ଜିସୁର୍‌ ତଃୟ୍‌ ରେତା ଜିଉଦା ଦେସାର୍‌ ଇସ୍ୱର୍‌ ବିସ୍ୱାସି ଦଃଳାର୍‌ ହର୍‌ ଅୟ୍‌ ଆଚାସ୍‌, ଜଃନ୍‌କଃରି ସେମଃନ୍ ଜିଉଦିମଃନାର୍‌ ତଃୟ୍‌ହୁଣି ଜୁୟ୍‌ ସଃବୁ ଦୁକ୍‌ ବୟଃଗ୍ କଃରି ରିଲାୟ୍‌, ତୁମିମଃନ୍‌କେ ହେଁ ନିଜାର୍‌ ଲକ୍‌ମଃନାର୍‌ ତଃୟ୍‌ହୁଣି ସେ ସଃବୁ ଦୁକ୍‌ ବୟଃଗ୍ କଃରି ଆଚାସ୍‌ । 
\v 15 \x + \xo ୨:୧୫ \xo*\xt ପେରି ୯:୨୩,୨୯; ୧୩:୪୫,୫୦; ୧୪:୨,୫,୧୯; ୧୭:୫,୧୩; ୧୮:୧୨.\xt*\x*ସେ ଜିଉଦିମଃନ୍ ମାପ୍ରୁ ଜିସୁକେ, ଆରେକ୍‌ ବାବ୍‌ବାଦିମଃନ୍‌କେ ହେଁ ମାରି ରିଲାୟ୍‌, ଆର୍‌ ଅଃମିମଃନ୍‌କେ କଃସ୍ଟ୍‌ ଦିଲାୟ୍‌, ସେମଃନାର୍‌ ଗିନେ ଇସ୍ୱର୍‌ ବଃଡେ ଦୁକ୍‌ କଃରୁଲା ଆର୍‌ ସେ ସଃବୁ ଲକ୍‌ ମାନାୟ୍‌ ଜାତିର୍‌ ସଃତ୍ରୁ, 
\v 16 କାୟ୍‌ତାକ୍‌ବଃଲେକ୍‌ ଇସ୍ୱର୍‌ ଅଜିଉଦି ଲକ୍‌ମଃନ୍‌କେ ମୁକ୍ଳାଉଁକ୍‌ ସେମଃନାର୍‌ ଲଃଗେ ନିକ କବୁର୍‌ ପର୍ଚାର୍‌ କଃରୁକେ ସେମଃନ୍ ଅଃମିମଃନ୍‌କ୍‌ ବାଦା ଦେତି; ଇବାନ୍ୟା କଃରି ସେମଃନ୍ ସଃବୁବଃଳ୍‌ ଅଃହ୍‌ଣା ଅଃହ୍‌ଣାର୍‌ ହାହ୍‌ ହୁରୁଣ୍ କଃରୁଲାୟ୍‌; ମଃତର୍‌ ସେମଃନାର୍‌ ଉହ୍ରେ ଇସ୍ୱରାର୍‌ କହ୍‌ ସଃବୁ ଡାଳି ଅୟ୍‌ଲିନି ।
\s ସେମଃନାର୍‌ ତଃୟ୍‌ ଆରେକ୍‌ ଜଃଉଁକେ ପାଉଲାର୍‌ ମଃନ୍‌
\p
\v 17 ଏ ବାୟ୍‌ବେଣିମଃନ୍, ଅଃମିମଃନ୍‌ ମଃନେ ହୁଣି ନୟ୍‌, ମଃତର୍‌ ଗଃଗାଳେ ହୁଣି ଅଃମାର୍‌ ଗିନେ ତୁମିମଃନାର୍‌ ତଃୟ୍‌ହୁଣି ଅଃଲ୍‌ଗା ଅୟ୍‌ରିଲୁ, ସେତାକ୍‌ ତୁମିମଃନ୍‌ ଦଃକୁକ୍‌ ମଃନ୍‌କଃରି ଅଃଦିକ୍‌ ଉପାୟ୍‌ କଃରିରିଲୁ । 
\v 18 ଇତାର୍‌ ଗିନେ ଅଃମିମଃନ୍‌ ତୁମାର୍‌ ଲଃଗେ ଜଃଉଁକେ ମଃନ୍ ହାଚିରିଲୁ, ସଃତ୍‌କଃରି ମୁୟ୍‌ଁ ପାଉଲ୍‌ ତରେକ୍‌, ଦୁୟ୍‌ତର୍‌ ମଃନ୍ ହାଚିରିଲେ, ମଃତର୍‌ ସୟ୍‌ତାନ୍‌ ଅଃମିମଃନ୍‌କ୍‌ ବାଦା ଦିଲି । 
\v 19 କାୟ୍‌ତାକ୍‌ବଃଲେକ୍‌ ଅଃମିମଃନାର୍‌ ମାପ୍ରୁ ଜିସୁ ଆସ୍ତାବଃଳ୍‌ ତାର୍‌ ଲଃଗେ ଅଃମିମଃନାର୍‌ ବଃର୍ସା, ସଃର୍ଦା, ଆର୍‌ ଗଃର୍ବାର୍‌ ମୁକୁଟ୍‌ କାୟ୍‌ରି ? କାୟ୍‌ ତୁମିମଃନ୍‌ ନାୟ୍‌ ? 
\v 20 ତୁମିମଃନାର୍‌ ଗିନେ ତ ଅଃମାର୍‌ ଜଃଜ୍‌ମାନ୍ ଆର୍‌ ସଃର୍ଦାର୍‌ କଃତା ।
\c 3
\p
\v 1 \x + \xo ୩:୧ \xo*\xt ପେରି ୧୭:୧୫.\xt*\x*ଇତାର୍‌ ଗିନେ ଅଃମିମଃନ୍‌ ଆରେକ୍‌ ସଃମ୍ବାଳୁ ନଃହାର୍‌ଲୁ । ତଃବେ ଆତିନି ତଃୟ୍‌ ଏକ୍ଲା ରେଉଁକ୍‌ ତିର୍‌ କଃଲୁ, 
\v 2 ଆରେକ୍‌ ତୁମିମଃନ୍‌କେ ତିର୍‌ ଆର୍‌ ତାହୁନ୍ କଃରୁକେ ଆର୍‌ ତୁମିମଃନାର୍‌ ବିସ୍ୱାସାର୍‌ କଃତାୟ୍‌ ତୁମିମଃନ୍‌କେ ସାସ୍‌ ଦେଉଁକ୍‌ କ୍ରିସ୍ଟର୍‌ ନିକ କବୁର୍‌ ପର୍ଚାର୍‌ କଃର୍ତା କାମେ ଇସ୍ୱର୍‌ ସଃଙ୍ଗ୍ କାମ୍‌ କଃର୍ତା ଅଃମାର୍‌ ବାୟ୍‌ ତିମତିକେ ହଃଟାୟ୍‌ଲୁ, 
\v 3 ଜଃନ୍‌କଃରି କେ ହେଁ ଇ ସଃବୁ ଦୁକ୍‌ କଃସ୍ଟାର୍‌ ଗିନେ ବିସ୍ୱାସ୍‌ ଚାଡି ହଃଚେ ନଃଗୁଚ୍‌ତି । ଇତାର୍‌ ଗିନେ ଇସ୍ୱର୍‌ ଅଃମିମଃନ୍‌କ୍‌ ବାଚିଆଚେ ବଃଲି ତୁମିମଃନ୍‌ ତ ନିଜେ ଜାଣି ଆଚାସ୍‌ । 
\v 4 କାୟ୍‌ତାକ୍‌ବଃଲେକ୍‌ ଅଃମିମଃନ୍‌ ଜେ ଦୁକ୍‌ ବୟଃଗ୍ କଃରୁକେ ଅୟ୍‌ଦ୍‌, ଇରି ଅଃମିମଃନ୍‌ ତୁମାର୍‌ ସଃଙ୍ଗ୍ ରେତାବଃଳ୍‌ ତୁମିମଃନ୍‌କେ ଆଗ୍‌ତୁ ତର୍‌କେ ତର୍‌ କୟ୍‌ରିଲୁ, ଆରେକ୍‌ ସେବାନ୍ୟା ଗଃଟିଆଚେ, ଆର୍‌ ତୁମିମଃନ୍‌ ସେରି ଜାଣାସ୍‌ । 
\v 5 ଇତାର୍‌ ଗିନେ, କଃଡେବଃଳ୍‌ ସୟ୍‌ତାନ୍ ତୁମିମଃନ୍‌କେ କଃଟ୍‌ହାଳ୍‌ ବୁଜି ରଃୟ୍‌ଦ୍‌ ଆର୍‌ ଅଃମିମଃନାର୍‌ କାମ୍‌ ହଲ୍ୟାୟ୍‌ ଜାୟ୍‌ ରଃୟ୍‌ଦ୍‌, ଇ ମଃନେ ବାବି ମୁୟ୍‌ଁ ହେଁ ଆରେକ୍‌ ସଃମ୍ବାଳି ରେଉଁ ନାହାର୍ଲାକ୍‌ ତୁମିମଃନାର୍‌ ବିସ୍ୱାସାର୍‌ କଃତା ଜାଣୁକେ ତିମତିକ୍‌ ହଃଟାୟ୍‌ଲେ ।
\p
\v 6 \x + \xo ୩:୬ \xo*\xt ପେରି ୧୮:୫.\xt*\x*ମଃତର୍‌ ଅଃବେ ତିମତି ତୁମାର୍‌ ଲଃଗେ ହୁଣି ଅଃମିମଃନାର୍‌ ଲଃଗେ ବାଉଳି ଆସିଆଚେ, ଆର୍‌ ସେ ତୁମାର୍‌ ବିସ୍ୱାସ୍‌ ଆର୍‌ ଲାଡ୍‌ ବିସୟେ ସଃର୍ଦାର୍‌ କବୁର୍‌ ଆଣିଆଚେ । ସେ ଅଃମିମଃନ୍‌କେ ଜାଣାୟ୍‌ ଆଚେ, ତୁମିମଃନ୍‌କେ ସଃବୁବଃଳ୍‌ ଅଃମାର୍‌ ନିକ ଚିତା କଃରୁଲାସ୍‌ ଆର୍‌ ଅଃମିମଃନ୍‌ ଜଃନ୍‌କଃରି ତୁମିକେ ଦଃକୁକ୍‌ ମଃନ୍ କଃରୁଲୁ, ତୁମିମଃନ୍‌ ହେଁ ସେବାନ୍ୟା ଅଃମିମଃନ୍‌ ଦଃକୁକ୍‌ ମଃନ୍ କଃରୁଲାସ୍‌ । 
\v 7 ଇତାର୍‌ ଗିନେ ଏ ବାୟ୍‌ବେଣିମଃନ୍, ଅଃମିମଃନାର୍‌ ସଃବୁ ବିପ୍‌ତି ଆର୍‌ ଦୁକ୍‌ବୟ୍‌ଗ୍‌ ବଃଳ୍‌ ତୁମାର୍‌ କଃତାୟ୍‌ ଦୁକ୍‌ ହାସ୍ରି ଆଚି । ତୁମିମଃନାର୍‌ ଅଃଟୁଆ ବିସ୍ୱାସ୍‌ ହଃକା ଅଃମିମଃନ୍‌କେ ବାଚାୟ୍‌ ଆଚେ । 
\v 8 କାୟ୍‌ତାକ୍‌ବଃଲେକ୍‌ ଅଃମିମଃନ୍‌ ଅଃବେ ଜିବନ୍ ଆଚୁ, ଜଦି ତୁମିମଃନ୍‌ ଅଃବେ ହଃତେକ୍‌ ମାପ୍ରୁର୍‌ ତଃୟ୍‌ ତିର୍‌ ଆଚାସ୍‌ । 
\v 9 ସେତାକ୍‌, ଅଃମାର୍‌ ଇସ୍ୱର୍‌ ତଃୟ୍‌ ତୁମିମଃନାର୍‌ ଗିନେ ଅଃମିମଃନ୍‌ ଜୁୟ୍‌ ସଃବୁ ସଃର୍ଦାୟ୍‌ ସଃର୍ଦା ଅଃଉଁଲୁ, ସେତାର୍‌ ବାଦୁଲେ ତୁମାର୍‌ ଗିନେ ଇସ୍ୱର୍‌କେ ଦନ୍ୟବାଦ୍‌ ଦେଉଁଲୁ । 
\v 10 ତୁମିମଃନାର୍‌ ବିସ୍ୱାସେ ଜାୟ୍‌ରି ଉଣା ଆଚେ, ସେରି ହୁରୁଣ୍ କଃରୁକେ ଅଃମିମଃନ୍‌ ତୁମାର୍‌ ସଃଙ୍ଗ୍ ଜଃନ୍‌କଃରି ମିସୁ ହାରୁ, ଇତାର୍‌ ଗିନେ ଦିନ୍‌ରାତି ଇସ୍ୱର୍‌କେ ପାର୍ତ୍‌ନା କଃରୁଲୁ ।
\p
\v 11 ଅଃମାର୍‌ ଇସ୍ୱର୍‌ ଉବା ନିଜେ ଆର୍‌ ଅଃମିମଃନାର୍‌ ମାପ୍ରୁ ଜିସୁ ତୁମିମଃନାର୍‌ ଲଃଗେ ଆସୁକ୍‌ ଅଃମାର୍‌ ବାଟ୍‌ ତିଆର୍‌ କଃରିଦେଅ । 
\v 12 ଆର୍‌ ତୁମିମଃନାର୍‌ ଗିନେ ଅଃମାର୍‌ ଲାଡ୍‌ ଜଃନ୍‌କଃରି ଜଃବର୍‌, ସେବାନ୍ୟା ନିଜାର୍‌ ନିଜାର୍‌ ବିତ୍ରେ ଆର୍‌ ବିନ୍ ସଃବୁ ଲକାର୍‌ ଗିନେ ମାପ୍ରୁ ତୁମିମଃନାର୍‌ ଲାଡ୍‌କେ ଅଃଦିକ୍‌ ବାଡାଅ । 
\v 13 ସେ ତୁମିମଃନାର୍‌ ମଃନ୍ ତିର୍‌ କଃର, ତଃବେ ଅଃମାର୍‌ ମାପ୍ରୁ ଜିସୁ ଜଃଡେବଃଳ୍‌ ଅଃହ୍‌ଣାର୍‌ ଦଃର୍ମିମଃନାର୍‌ ସଃଙ୍ଗ୍ ଆସେଦ୍‌, ସଃଡେବଃଳ୍‌ ତୁମିମଃନ୍‌କେ ଅଃମାର୍‌ ଉବା ଇସ୍ୱରାର୍‌ ମୁଏଁ ନିର୍ଦସି ଆର୍‌ ପବିତ୍ର ଦଃକା ଜାହାସ୍‌ ।
\c 4
\s ଇସ୍ୱର୍‌କେ ସଃର୍ଦାକଃରାଉତା ଚାଲ୍‌ଚାଲ୍‌ତି
\p
\v 1 ସଃରାସଃରି ବଃଳ୍‌, ଏ ବାୟ୍‌ବେଣିମଃନ୍, ଇସ୍ୱର୍‌କେ ସଃର୍ଦା କଃରୁକେ କଃନ୍‌କଃରି ଜିବନ୍ କାଟ୍‌ତା କଃତା, ସେ କଃତା ତୁମିମଃନ୍‌ ଅଃମାର୍‌ ତଃୟ୍‌ହୁଣି ଜଃନ୍‌କଃରି ସିକ୍ୟା ହାୟ୍‌ରିଲାସ୍‌, ଟିକ୍‌ ସେନ୍‌କଃରି ତୁମିମଃନ୍‌କେ ଜିବନ୍ କାଟି ଆସୁଲାସ୍‌, ମଃତର୍‌ ଇତାର୍‌ ତଃୟ୍‌ହୁଣି କଃଣ୍ଡେକ୍‌ ଅଃଦିକ୍‌ କଃରୁକେ ତୁମିମଃନ୍‌କେ ଅଃବେ ମାପ୍ରୁ ଜିସୁର୍‌ ନାଉଁଏ ଗଃଉଆରି କଃରି ସାସ୍‌ ଦେଉଁଲୁ । 
\v 2 କାୟ୍‌ତାକ୍‌ବଃଲେକ୍‌ ଅଃମିମଃନ୍‌ ମାପ୍ରୁ ଜିସୁର୍‌ ତଃୟ୍‌ହୁଣି ଅଃଦିକାର୍‌ ହାୟ୍‌ ତୁମିମଃନ୍‌କେ ଜାୟ୍‌ଜାୟ୍‌ ବଲ୍‌ ଦଃୟ୍‌ଆଚି, ସେରି ତୁମିମଃନ୍‌ ଜାଣାସ୍‌ । 
\v 3 କାୟ୍‌ତାକ୍‌ବଃଲେକ୍‌ ତୁମିମଃନ୍‌ ଜଃନ୍‌କଃରି ପବିତ୍ର ଅଃଉଆସ୍‌, ଇତି ହଃକା ଇସ୍ୱରାର୍‌ ମଃନ୍, ବଃଲେକ୍‌ ତୁମିମଃନ୍‌ ଜଃନ୍‌କଃରି ବେସ୍ୟା ହାହେ ହୁଣି ଦୁରିକ୍‌ ରିଆସ୍‌, 
\v 4 ଆର୍‌ ତୁମିମଃନ୍‌ ଇସ୍ୱର୍‌କେ ନଃଜାଣ୍‌ତା ଜଃଗତାର୍‌ ଲକ୍‌ମଃନାର୍‌ ହର୍‌ ବେସ୍ୟା ନୟ୍‌କଃରି ପବିତ୍ର ଅଃଉଆ । 
\v 5 ସଃବୁଲକ୍‌ ଇସ୍ୱର୍‌କେ ନଃଜାଣ୍‌ଲା ଲକ୍‌ମଃନାର୍‌ ହର୍‌ ନୟ୍‌କଃରି କଃନ୍‌କଃରି ପବିତ୍ର ଆର୍‌ ମାନ୍‌ତି ବାବେ ଅଃହ୍‌ଣା ଅଃହ୍‌ଣାର୍‌ ମାୟ୍‌ଜି ସଃଙ୍ଗ୍ ଜିବନ୍ କାଟୁକ୍‌ ଅୟ୍‌ଦ୍‌, ସେରି ଜାଣା । 
\v 6 ଆରେକ୍‌ ବିନ୍ କୁୟ୍‌ ବିସ୍ୱାସି ବାୟ୍‌କ୍‌ ଅଃନ୍ୟାୟ୍‌ କଃରାନାୟ୍‌ କି ସେମଃନ୍‌କେ ଜଃଟା ନାୟ୍‌, ଇ କଃତା ଅଃମି ଆଗ୍‌ତୁ କୟ୍‌ଆଚୁ ଆର୍‌ ଅଃବେ ହେଁ ଜଃଗ୍ରାତ୍‌ କଃରାୟ୍‌ ସାକି ଦେଉଁଲୁ, ଜୁୟ୍‌ ଲକ୍‌କେ ସେବାନ୍ୟା କଃରେଦ୍‌ ମାପ୍ରୁ ସେମଃନ୍‌କେ ଡଃଣ୍ଡ୍‌ ଦଃୟ୍‌ଦ୍‌ । 
\v 7 କାୟ୍‌ତାକ୍‌ବଃଲେକ୍‌ ଇସ୍ୱର୍‌ ଅଃମିମଃନ୍‌କେ ବିଟାଳ୍‌ ଜିବନ୍ କାଟୁକ୍‌ ନଃକୁଦି, ପବିତ୍ର ଅଃଉଁକେ କୁଦି ଆଚେ । 
\v 8 ବଃଲେକ୍‌ ଜୁୟ୍‌ ଲକ୍‌ ଇ ସଃବୁ ସିକ୍ୟାକ୍‌ ନଃମାନେ, ସେ ନଃରାର୍‌ ସିକ୍ୟାକ୍‌ ନଃମାନେ ସେରି ନାୟ୍‌, ମଃତର୍‌ ଜୁୟ୍‌ ଇସ୍ୱର୍‌ ତୁମିମଃନାର୍‌ ମଃନେ ଅଃହ୍‌ଣାର୍‌ ପବିତ୍ର ଆତ୍ମା ଦଃୟ୍‌ଦ୍‌, ତାକେ ନଃମାନେ ।
\p
\v 9 କ୍ରିସ୍ଟବିସ୍ୱାସି ବାୟ୍‌ବେଣିମଃନ୍‌କେ ତୁମାର୍‌ ଲାଡ୍‌ କଃର୍ତା କଃତା ତୁମିକେ ଆରେକ୍‌ ଅଃଦିକ୍‌ ଲେକଃତା ଲଳା ନାୟ୍‌, କାୟ୍‌ତାକ୍‌ବଃଲେକ୍‌ ନିଜ୍‌ନିଜ୍‌କେ କଃନ୍‌କଃରି ଲାଡ୍‌ କଃରାସ୍‌, ସେରି ନିଜେ ଇସ୍ୱରାର୍‌ ତଃୟ୍‌ହୁଣି ସିକି ଆଚାସ୍‌ । 
\v 10 ଆରେକ୍‌, ସଃତ୍‌କଃରି ମାକିଦନିଆର୍‌ ସଃବୁହାକ୍‌ ରେତା କ୍ରିସ୍ଟାନ୍ ବାୟ୍‌ବେଣିମଃନାର୍‌ ସଃଙ୍ଗ୍ ସେବାନ୍ୟା ବେବାର୍‌ କଃରୁଲାସ୍‌ । ଅୟ୍‌ଲେକ୍‌ ହେଁ ଏ ବାୟ୍‌ବେଣିମଃନ୍, ତୁମିମଃନ୍‌କେ ଜଃନ୍‌କଃରି ଆରେକ୍‌ ଅଃଦିକ୍‌ ସେରି କଃରାସ୍‌, ସେତାର୍‌ ଗିନେ ଗଃଉଆରି କଃରୁଲୁ । 
\v 11 ଆରେକ୍‌ ତୁମିମଃନ୍‌କେ ଦିଲା ଅଃମିମଃନାର୍‌ ଆଦେସ୍‌ ହଃର୍କାରେ ତୁମିମଃନ୍‌କେ ଜଃନ୍‌କଃରି ସୁସ୍ତାୟ୍‌ ବାସାକଃରି ଅଃହ୍‌ଣା ଅଃହ୍‌ଣାର୍‌ କାମେ ଲାଗି ନିଜାର୍‌ ଜିବ୍‌କା ଅଃର୍ଜୁକ୍‌ ତୁମାର୍‌ ମଃନ୍ ଅଃଉଅ, ଇରି ତୁମିମଃନ୍‌ ରେଉଁକ୍‌ ଆର୍‌ ନିଜାର୍‌ ନିଜାର୍‌ ଆତେ କାମ୍‌ କଃରୁକେ ମାନ୍‌ତିର୍‌ କଃତା ବଃଲି ମଃନେ ବାବାସ୍‌, ଇତାର୍‌ ଗିନେ ଅଃମିମଃନ୍‌ ତୁମିମଃନ୍‌କେ ଗଉଆରି କଃରୁଲୁ । 
\v 12 ଅଃନ୍‌କାର୍‌ କଃଲେକ୍‌ ତୁମିମଃନ୍‌ ଅଃବିସ୍ୱାସି ଲକ୍‌ମଃନାର୍‌ ତଃୟ୍‌ ନିକ ଚାଲାଚାଲ୍‌ତି ଲକ୍‌ ଅଃଉଆସ୍‌, ଆର୍‌ ତୁମିମଃନାର୍‌ କାୟ୍‌ରି ହେଁ ଅକେଟ୍‌ ନୟେ ।
\s ମାପ୍ରୁର୍‌ ଆସ୍ତାର୍‌
\p
\v 13 ଏ ବାୟ୍‌ବେଣିମଃନ୍, ବଃର୍ସା ନୟ୍‌ଲା ବିନ୍ ସଃବୁ ଲକ୍‌ମଃନାର୍‌ ହର୍‌ ତୁମିମଃନ୍‌ ଜଃନ୍‌କଃରି ବଃଡେ ମଃନ୍ଦୁକ୍‌ ନଃକେରାସ୍‌, ଇତାର୍‌ ଗିନେ ମଃଲା ଲକ୍‌ମଃନାର୍‌ କଃତା ତୁମିମଃନ୍‌ ଜେ ଲୁକ୍‌ଣେ ରିଆ, ଇରି ଅଃମିମଃନାର୍‌ ମଃନ୍ ନାୟ୍‌ । 
\v 14 କାୟ୍‌ତାକ୍‌ବଃଲେକ୍‌ ଜଦି ଅଃମିମଃନ୍‌ ବିସ୍ୱାସ୍‌ କଃରୁଲୁ, ଜିସୁ ମଃରି ଆରେକ୍‌ ଉଟି ଆଚେ, ତଃବେ ଇସ୍ୱର୍‌ ହେଁ ଜିସୁର୍‌ ତଃୟ୍‌ ବିସ୍ୱାସ୍‌ କଃରି ମଃରିରିଲା ଲକ୍‌ମଃନ୍‌କେ ସେରଃକମ୍‌ ତାର୍‌ ସଃଙ୍ଗ୍ ଆଣେଦ୍‌, ଇରି ହେଁ ବିସ୍ୱାସ୍‌ କଃର୍ତା ଲଳା ।
\p
\v 15 \x + \xo ୪:୧୫ \xo*\xt ୧ କର ୧୫:୫୧,୫୨.\xt*\x*ଅଃମିମଃନ୍‌ ମାପ୍ରୁର୍‌ କଃତା ହଃର୍କାରେ ତୁମିମଃନ୍‌କେ ଇରି କଃଉଁଲୁ, ଅଃମିମଃନ୍‌ ଜଃତେକ୍‌ ଲକ୍‌ ମାପ୍ରୁ ଆସ୍ତା ଦିନ୍ ହଃତେକ୍‌ ଜିବନ୍ ରଃୟ୍‌ ଉବ୍ରି ରେଉଁନ୍ଦ୍, ଅଃମିମଃନ୍‌ କଃନ୍‌କଃରି ହେଁ ମଃଲା ଲକ୍‌ମଃନାର୍‌ ତଃୟ୍‌ହୁଣି ଆଗ୍‌ତୁ ଜଃଉଁ ନଃହାରୁ । 
\v 16 କାୟ୍‌ତାକ୍‌ବଃଲେକ୍‌ ମାପ୍ରୁ ନିଜେ ଆଦେସ୍‌ ଦଃୟ୍‌ ବଃଡ୍ ଦୁତାର୍‌ କଃଟ୍‌ ଆର୍‌ ଇସ୍ୱରାର୍‌ ତୁରିବାଜା ସଃଙ୍ଗ୍ ସଃର୍ଗେ ହୁଣି ଉତ୍ରି ଆସେଦ୍‌, ସେତାକ୍‌ ଜୁୟ୍‌ ଲକ୍‌ମଃନ୍ କ୍ରିସ୍ଟକେ ବିସ୍ୱାସ୍‌ କଃରି ମଃରି ଆଚ୍‌ତି, ସେମଃନ୍ ଆଗ୍‌ତୁ ଉଟ୍‌ତି । 
\v 17 ହଃଚେ ଅଃମିମଃନ୍‌ ଜଃତେକ୍‌ ଲକ୍‌ ଜିବନ୍ ରଃୟ୍‌ ଉବ୍ରି ରେଉଁନ୍ଦ୍, ମାପ୍ରୁର୍‌ ସଃଙ୍ଗ୍ ବେଟ୍‌ ଅଃଉଁକେ ଅଃମିମଃନ୍‌ ସେମଃନାର୍‌ ସଃଙ୍ଗ୍ ମଃଜି ଅଃଗାସେ ଜିସୁର୍‌ ବେଟ୍‌ ଅଃଉଁକେ ମେଗ୍‌ମାଳେ ଜଃଉନ୍ଦ୍; ଆର୍‌ ଇରଃକମ୍‌ ଅଃମିମଃନ୍‌ ସଃବୁବଃଳ୍‌ ମାପ୍ରୁର୍‌ ସଃଙ୍ଗ୍ ରେଉଁନ୍ଦ୍ । 
\v 18 ତଃବାର୍‌ଗିନେ ଇ ସଃବୁ କଃତା କୟ୍‌ ତୁମିମଃନ୍‌କେ ନିଜାର୍‌ ନିଜାର୍‌ ବିତ୍ରେ ଦୁକ୍‌ ହାସ୍ରାଉଆ ।
\c 5
\s ମାପ୍ରୁ ଆସ୍ତା ଦିନାର୍‌ ଗିନେ ଜଃଗ୍ରାତ୍‌ ଅଃଉଆ
\p
\v 1 ମଃତର୍‌ ଏ ବାୟ୍‌ବେଣିମଃନ୍, ଇ ସଃବୁ କଃତା କଃବେ ଆର୍‌ କଃନ୍‌କା ବେଳାୟ୍‌ ଗଃଟେଦ୍‌, ଇ କଃତା ତୁମିମଃନ୍‌କେ କାୟ୍‌ରି ଲେକି ଜାଣାଉଁକ୍‌ ଲଳା ନାୟ୍‌ । 
\v 2 \x + \xo ୫:୨ \xo*\xt ମାତି ୨୪:୪୩; ଲୁକ ୧୨:୩୯; ୨ ପିତ ୩:୧୦.\xt*\x*କାୟ୍‌ତାକ୍‌ବଃଲେକ୍‌ ରାତିଆ ଚର୍‌ ଆୟ୍‌ଲି ହର୍‌ ମାପ୍ରୁର୍‌ ଦିନ୍ ଜେ ଆସେଦ୍‌, ଇରି ତୁମିମଃନ୍‌କେ ନିକକଃରି ଜାଣା । 
\v 3 ଜଃଡେବଃଳ୍‌ ଲକ୍‌ମଃନ୍ “ସୁସ୍ତା ଆର୍‌ କାୟ୍‌ ବିପ୍‌ତି ନାୟ୍‌” ବଃଲି କଃଉତି ରେତି, ସଃଡେବଃଳ୍‌ ଆଙ୍ଗେ ରିଲା ମାୟ୍‌ଜିର୍‌ ହିଲା ଜଃଲମ୍‌ କଃର୍ତା ଦୁକା ହର୍‌ ଦାପେ ସେମଃନାର୍‌ ଉହ୍ରେ ବିପ୍‌ତି ଆସେଦ୍‌, ଆର୍‌ ସେମଃନ୍ କଃନ୍‌କଃରି ହେଁ ବଚୁ ନଃହାର୍‌ତି । 
\v 4 ମଃତର୍‌ ଏ ବାୟ୍‌ବେଣିମଃନ୍, ତୁମିମଃନ୍‌ ଅଃନ୍ଦାରେ ବାସା ନଃକେରାସ୍‌, ତଃବେ ସେ ଦିନ୍ ତୁମିମଃନାର୍‌ ଲଃଗେ ଜଃଜ୍‌କ୍‌ଣେ ଚର୍‌ ଆୟ୍‌ଲା ହର୍‌ ଆସି ହଚେଦ୍‌ । 
\v 5 କାୟ୍‌ତାକ୍‌ବଃଲେକ୍‌ ତୁମିମଃନ୍‌ ସଃବୁଲକ୍‌ ଉଜାଳ୍‌ ଆର୍‌ ଦିନାର୍‌ ହିଲାମଃନ୍ । ଅଃମିମଃନ୍‌ ରାତି କି ଅଃନ୍ଦାରାର୍‌ ହିଲାମଃନ୍ ନୟ୍‌ । 
\v 6 ତଃବାର୍‌ଗିନେ ଆସା, ଅଃମିମଃନ୍‌ ବିନ୍ ଲକାର୍‌ ହର୍‌ ନିଦୟ୍‌ ନଃକେରି, ଜଃଗ୍ରାତ୍‌ ରଃୟ୍‌ ଚେତ୍‌ନା ରେଉଁଆଁ । 
\v 7 ତଃବେ ଜୁୟ୍‌ ଲକ୍‌ମଃନ୍ ନିଦଉତି, ସେମଃନ୍ ରାତିୟା ନିଦଉତି, ଆର୍‌ ଜୁୟ୍‌ ଲକ୍‌ମଃନ୍ ମଃଦ୍‌ କାୟ୍‌ ମାତ୍‌ତି, ସେମଃନ୍ ରାତିୟା ମଃଦ୍‌ କାୟ୍‌ ମାତ୍‌ତି । 
\v 8 \x + \xo ୫:୮ \xo*\xt ଏପି ୬:୧୩-୧୭.\xt*\x*ମଃତର୍‌ ଆସା, ଅଃମିମଃନ୍‌ ଦିନାର୍‌ ହିଲାମଃନ୍, ତଃବାର୍‌ଗିନେ ବିସ୍ୱାସ୍‌ ଆର୍‌ ଲାଡାର୍‌ ବୁକ୍‌ହାଟା ହିନ୍ଦୁଆଁ, ଆର୍‌ ହାହେ ହୁଣି ମୁକ୍ତି ହାଉତା ବଃର୍ସାର୍‌ ଟହ୍ରି ମୁଣ୍ଡେ ହିନ୍ଦି ଚେତ୍‌ନା ରେଉଁଆ । 
\v 9 କାୟ୍‌ତାକ୍‌ବଃଲେକ୍‌ ଇସ୍ୱର୍‌ ଅଃମିମଃନ୍‌କେ ତାର୍‌ କହାର୍‌ ଲକ୍‌ ଅଃଉଁକେ ନଃବାଚି, ଅଃମିମଃନ୍‌ ଅଃମାର୍‌ ମାପ୍ରୁ ଜିସୁ କ୍ରିସ୍ଟର୍‌ ତଃୟ୍‌ହୁଣି ହାହେହୁଣି ମୁକ୍‌ଳୁକ୍‌ ବାଚି ଆଚେ । 
\v 10 କ୍ରିସ୍ଟ ଅଃମାର୍‌ ଗିନେ ମଃର୍ନ୍‌ ଡଃଣ୍ଡ୍‌ ବୟଃଗ୍ କଃଲା, ଜଃନ୍‌କଃରି ସେ ଆସ୍ତା ଦିନ୍ ଅଃମିମଃନ୍‌ ଜିବନ୍ ରେଉଁଆ କି ମଃରି ରେଉଁଆ, ତାର୍‌ ସଃଙ୍ଗ୍ ଜିବନ୍ ରେଉଁନ୍ଦ୍ । 
\v 11 ଇତାର୍‌ ଗିନେ ଅଃବେ ଜଃନ୍‌କଃରି କଃରୁଲାସ୍‌, ସେବାନ୍ୟା ଗଟ୍‌ ଲକ୍‌ ଆରେକ୍‌ ଗଟ୍‌ ଲକ୍‌କେ ଦୁକ୍‌ ହାସ୍ରାଉଆ ଆର୍‌ ଉହ୍‌କାର୍‌ କଃର୍ତି ରିଆ ।
\s ସଃରାସଃରି ସିକ୍ୟା ଆର୍‌ ଦନ୍ୟବାଦ୍‌
\p
\v 12 ଏ ବାୟ୍‌ବେଣିମଃନ୍, ଅଃମିମଃନ୍‌ ତୁମିମଃନ୍‌କେ ଗଃଉଆରି କଃରୁଲୁ, ଜୁୟ୍‌ ଲକ୍‌ମଃନ୍ ତୁମିମଃନାର୍‌ ବିତ୍ରେ କଃସ୍ଟ୍‌ କଃର୍ତି ଆର୍‌ ମାପ୍ରୁର୍‌ ସେବା କାମେ ମୁଳିକା ହର୍‌ ଅୟ୍‌ ତୁମିମଃନ୍‌କ୍‌ ଚେତାୟ୍‌ ଦେତି, ସେମଃନ୍‌କେ ମାନ୍‌ତି କଃରା, 
\v 13 ଆରେକ୍‌, ସେମଃନାର୍‌ କାମାର୍‌ ଗିନେ ସେମଃନ୍‌କେ ଲାଡ୍‌ କଃରା ଆର୍‌ ଅଃଦିକ୍‌ ମାନ୍‌ତି କଃରା । ନିଜାର୍‌ ନିଜାର୍‌ ବିତ୍ରେ ସୁସ୍ତାୟ୍‌ ରିଆ ।
\p
\v 14 ଏ ବାୟ୍‌ବେଣିମଃନ୍, ଅଃମିମଃନ୍‌ ତୁମିମଃନ୍‌କେ ଗଃଉଆରି କଃରୁଲୁ, କଃରାବ୍‌ କାମ୍‌ କଃର୍ତା ଲକ୍‌ମଃନ୍‌କେ ଚେତାୟ୍‌ ଦିଆସ୍‌, ଡିର୍‌ତା ଲକ୍‌ମଃନ୍‌କେ ସାସ୍‌ ଦିଆସ୍‌, ନିଗାଳ୍‌ ଲକ୍‌ମଃନ୍‌କେ ଉହ୍‌କାର୍‌ କଃରା, ସଃବୁ ଲକାର୍‌ କଃତା ସଃମ୍ବାଳା । 
\v 15 ଜଃଗ୍ରାତ୍‌, କୁୟ୍‌ ଲକ୍‌ କାର୍‌ ନଃସ୍ଟ୍‌ ବାଦୁଲେ ନଃସ୍ଟ୍‌ ନଃକେର, ମଃତର୍‌ ତୁମିମଃନ୍‌କେ ସଃବୁବଃଳ୍‌ ନିଜାର୍‌ ନିଜାର୍‌ ବିତ୍ରେ ଆର୍‌ ସଃବୁ ଲକାର୍‌ ଉହ୍‌କାର୍‌ କଃରା ।
\p
\v 16 ସଃବୁବଃଳ୍‌ ସଃର୍ଦା କଃରା, 
\v 17 ସଃବୁବଃଳ୍‌ ପାର୍ତ୍‌ନା କଃରା, 
\v 18 ଦୁକେସୁକେ ସଃବୁଅବୁସ୍ତାୟ୍‌ ଇସ୍ୱର୍‌କେ ଦନ୍ୟବାଦ୍‌ କଃରା, କାୟ୍‌ତାକ୍‌ବଃଲେକ୍‌ ତୁମିମଃନାର୍‌ ଗିନେ ଇସ୍ୱର୍‌ କ୍ରିସ୍ଟ ଜିସୁର୍‌ ତଃୟ୍‌ ଇରି ହଃକା ମଃନ୍ କଃରୁଲା ।
\p
\v 19 ପବିତ୍ର ଆତ୍ମାକେ ହଲ୍ୟାୟ୍‌ ନିଆ ନାୟ୍‌; 
\v 20 ଇସ୍ୱରାର୍‌ କବୁର୍‌କେ ଗିଣ୍ କଃରା ନାୟ୍‌ । 
\v 21 ମଃତର୍‌ ସଃବୁ ବିସୟ୍‌କେ ପରିକ୍ୟା କଃରି ଦଃକା, ଜାୟ୍‌ରି ସଃବୁ ସଃତ୍‌, ସେରି ସଃବୁ ଦଃରା । 
\v 22 ଆର୍‌ ସଃବୁ ରଃକମାର୍‌ କଃରାବ୍‌ ତଃୟ୍‌ହୁଣି ଅଃଲ୍‌ଗା ଅୟ୍‌ରିଆ ।
\p
\v 23 ଜୁୟ୍‌ ଇସ୍ୱର୍‌ ନିଜେ ଅଃମିମଃନ୍‌କେ ସୁସ୍ତା ଦଃୟ୍‌ଦ୍‌, ସେ ତୁମିମଃନ୍‌କେ ସଃର୍ନେ ପବିତ୍ର କଃର, ଆରେକ୍‌ ଅଃମିମଃନାର୍‌ ମାପ୍ରୁ ଜିସୁ କ୍ରିସ୍ଟ ଆସ୍ତାବଃଳ୍‌ ତୁମିମଃନାର୍‌ ଆତ୍ମା, ଜିବନ୍, ଆର୍‌ ଗଃଗାଳ୍‌ ନିର୍ଦସି ଅୟ୍‌ ରେଉଅ । 
\v 24 ଜେ ତୁମିମଃନ୍‌କେ କୁଦ୍‌ଲା ଆଚେ, ସେ ସେରି ହୁରୁଣ୍ କଃରେଦ୍‌, କାୟ୍‌ତାକ୍‌ବଃଲେକ୍‌ ସେ ବିସ୍ୱାସାର୍‌ ଜୟ୍‌ଗ୍‌ ।
\p
\v 25 ଏ ବାୟ୍‌ବେଣିମଃନ୍, ଅଃମାର୍‌ ଗିନେ ହେଁ ପାର୍ତ୍‌ନା କଃରା ।
\p
\v 26 ସଃବୁ ବାୟ୍‌ବେଣିମଃନ୍‌କେ କ୍ରିସ୍ଟର୍‌ ପବିତ୍ର ଲାଡେ ଚୁମିକଃରି ଦନ୍ୟବାଦ୍‌ କଃରା ।
\p
\v 27 ସଃବୁ ବାୟ୍‌ବେଣିମଃନାର୍‌ ଲଃଗେ ଇ ଚିଟି ହଳୁକ୍‌ ମୁୟ୍‌ଁ ମାପ୍ରୁର୍‌ ଅଃଦିକାରେ ଗଃଉଆରି କଃରୁଲେ ।
\p
\v 28 ଅଃମିମଃନାର୍‌ ମାପ୍ରୁ ଜିସୁ କ୍ରିସ୍ଟର୍‌ ଦଃୟା ତୁମି ସଃବୁଲକାର୍‌ ଉହ୍ରେ ଅଃଉଅ ।