\id PHP - Kaluli Bible \h Filibai \toc1 Mo꞉fo꞉s We Fo꞉l Eyo꞉ Filibai Kaluka꞉isalemo꞉ Sa꞉sa꞉liga꞉fo꞉ \toc2 Filibai \toc3 Fili \mt2 Mo꞉fo꞉s We Fo꞉l Eyo꞉ \mt1 Filibai \mt2 Kaluka꞉isalemo꞉ Sa꞉sa꞉liga꞉fo꞉ \imt1 Asuluma꞉no꞉ towo꞉ we \ip Tamin amio꞉ Fo꞉l eyo꞉ Filibai amisa꞉na ha꞉na꞉sa꞉ga꞉yo꞉, Ya꞉suwa꞉ to nafa widakiyo꞉, Filibai sa꞉so꞉ a꞉na mo꞉mo꞉do꞉. (Iliga꞉felo꞉ 16.8-15) Tif amio꞉ Fo꞉l e hen nowa dibolowa sabikiyo꞉, Filibai tilidabu kaluka꞉isaleyo꞉ moleyo꞉ kegea꞉sa꞉ga꞉, Fo꞉lbo꞉ boba iliga꞉fo꞉. Fo꞉l e a꞉no꞉ dia꞉sa꞉ga꞉yo꞉, sagalo꞉ towo꞉ mo꞉fo꞉s wenamio꞉ mada o꞉m a꞉la꞉bo꞉ sa꞉sa꞉la꞉sa꞉ga꞉, Filibai tilidabu kaluka꞉isalemo꞉wo꞉ iliga꞉fo꞉. \ip To nolo꞉ mo꞉fo꞉s wenamilo꞉ da꞉labo꞉ we. Ya꞉su e enena꞉ma꞉la꞉ ha꞉ga dowo꞉ ko꞉lo꞉ Filibai tilidabu kaluka꞉isaleyo꞉ iyo꞉lo꞉ ha꞉ga doma꞉ki, Ya꞉suwa꞉ mano꞉ kudu ha꞉nakiyo꞉, wa꞉l a꞉no꞉ dia꞉niki nai ha꞉na꞉lubi a꞉la꞉sa꞉sa꞉lo꞉. \ip A꞉la꞉ta꞉ga꞉ hida꞉yo꞉ ko꞉li ko꞉lilo꞉ ilo꞉ amio꞉ fa꞉la꞉doma꞉nigab amio꞉, iyo꞉ Ya꞉suwa dowakiyo꞉ sagala꞉liki mesea꞉ki, mo꞉fo꞉so꞉ we a꞉na sa꞉sa꞉liga꞉fo꞉. \c 1 \p \v 1 \x - \xo 1.1 \xt Ilig 16.12-40\x*Fo꞉l ne, a꞉la꞉ta꞉ga꞉ Timoti na꞉no꞉ Ya꞉su Kelisowa꞉ ene nanogdo꞉ dian kalu ko꞉lo꞉, naino꞉ mo꞉fo꞉s we sa꞉sa꞉la꞉sa꞉ga꞉, Filibai amisa꞉na iliga꞉to꞉l. Godeya꞉no꞉ kaluka꞉isale Ya꞉su Keliso amilo꞉ tilida꞉da꞉sa꞉ga꞉lo꞉ sab gimo꞉wo꞉lo꞉, sa꞉sdo꞉ bo꞉fo꞉lowan kaluka꞉isale gimo꞉wo꞉lo꞉, a꞉la꞉ta꞉ga꞉ digo꞉n kaluka꞉isale gimo꞉wo꞉lo꞉ tambo sa꞉sa꞉liga꞉to꞉l. \p \v 2 Do Gode o꞉lia꞉ Alan Ya꞉su Keliso o꞉lia꞉ma꞉ ha꞉fo꞉ disa꞉lan man a꞉no꞉lo꞉, ha꞉sa mesa꞉no꞉ man a꞉no꞉lo꞉ gi o꞉lia꞉ doma꞉ki dulugu so꞉lo꞉l. \s1 Fo꞉l eyo꞉ Filibai kaluka꞉isaleyo꞉ dulugu sio꞉ \p \v 3 Niyo꞉ gio꞉ ko꞉lo꞉ asula꞉likiyo꞉, ni Godemo꞉wo꞉ mada o꞉m a꞉la꞉bo꞉ ho꞉leno꞉ tambo sa꞉la꞉lo꞉l. \v 4 Gode eyo꞉ gio꞉ tambo asuwa꞉foma꞉kiyo꞉, ne sagalo꞉wo꞉ alan dofo꞉liki, a꞉na dulugu sa꞉la꞉lo꞉l. \v 5 Sagalo꞉ alan a꞉no꞉ mo꞉wo꞉ we. Gio꞉ to nafa a꞉no꞉ ho꞉gi tilida꞉dakiyo꞉ negele dowaki, nanogo꞉ ua dimida꞉li mio꞉. A꞉la꞉ta꞉ga꞉ o꞉g wenamio꞉lo꞉ nanog a꞉no꞉ ua o꞉dia꞉li ha꞉na꞉lo꞉l ko꞉lo꞉, ne mada sagalab. \v 6 \x - \xo 1.6 \xt 1Kol 1.8\x*Gode eyo꞉ nanog nafa a꞉no꞉ gi usamio꞉ mo꞉mo꞉dalifa꞉ ko꞉lo꞉, eyo꞉ nanog a꞉no꞉ dia꞉li ha꞉na꞉la꞉ga꞉, Ya꞉su Kelisowa꞉ ene ho꞉lendo꞉ fa꞉la꞉dowab a꞉nami kedefa꞉ib. Gode eyo꞉ nanog a꞉no꞉ dimidama꞉ib a꞉la꞉likiyo꞉, ne hendele tili asulo꞉l. \v 7 Niyo꞉ gimo꞉lo꞉ a꞉la꞉do꞉ asulo꞉l a꞉no꞉ mada nafale, mo꞉wo꞉ ho꞉leno꞉ tambowo꞉ gio꞉ ni asulo꞉ usa da꞉lab. Ne dibolo aya silikiyo꞉lo꞉, ne to nafa we hendele a꞉laki fanda wida꞉lo꞉likiyo꞉lo꞉, nio꞉ tambo Godeya꞉lo꞉ ha꞉fo꞉ disa꞉lab us a꞉na dofo꞉liki, ene nanogo꞉ ua dia꞉sen. \v 8 Ya꞉su Keliso elo꞉ ha꞉fo꞉ disa꞉ a꞉ma꞉yo꞉ ne digidalitabikiyo꞉, niyo꞉ gi ko꞉lo꞉ ba꞉ba꞉no꞉wo꞉ mada alan asulo꞉l. A꞉no꞉ hendele a꞉la꞉bo꞉ Godeya꞉ eneno꞉ ba꞉da꞉sa꞉ga꞉ asulo꞉. \p \v 9 A꞉la꞉fo꞉ko꞉lo꞉ niyo꞉ gio꞉ Godemo꞉wo꞉ a꞉la꞉dulugu sa꞉la꞉lo꞉l. Gio꞉ to hendele a꞉no꞉ fanda asulaki, towo꞉ dinafa aloba꞉ma꞉no꞉wo꞉ alan doma꞉ki, a꞉la꞉ta꞉ga꞉ ha꞉fo꞉ disa꞉lan man a꞉no꞉ gili mela꞉no꞉ usamio꞉ halaido꞉ dowa꞉i ha꞉na꞉melea꞉ki, dulugu so꞉lo꞉l. \v 10 \x - \xo 1.10 \xt 1Tes 5.23\x*A꞉la꞉fo꞉ko꞉lo꞉ a꞉no꞉ fa꞉la꞉dowab amio꞉, gio꞉ man digalo꞉wo꞉ welo꞉b a꞉la꞉bo꞉ alobana asuluma꞉ib. A꞉la꞉ta꞉ga꞉ Ya꞉suwa꞉ ene ho꞉lendo꞉ fa꞉la꞉doma꞉nigab a꞉namio꞉, gio꞉ halalo꞉ mo꞉dimido꞉, malilo꞉ elena ba꞉ba꞉ib. \v 11 Ya꞉su Kelisowa꞉ man digalo꞉ a꞉no꞉, fo hedalu aumbo꞉ gili mela꞉no꞉ usamio꞉ ililifoma꞉kiyo꞉, dulugu so꞉lo꞉l. Kaluka꞉isale nolba꞉yo꞉ gi amilo꞉ ilili alitab a꞉no꞉ ba꞉dakiyo꞉, Godeyo꞉ alanka꞉ a꞉la꞉liki iwalu wabudakiyo꞉ dulugu sa꞉ma꞉ib. \s1 Ya꞉suwa꞉ to nafa a꞉no꞉ o꞉wida꞉li ha꞉na꞉lab \p \v 12 Ni nao nado i, to we gio꞉ fanda asuluma꞉ki asulab. Hida꞉yo꞉ nelo꞉ amilo꞉ fa꞉la꞉dowa꞉i ya꞉lab wema꞉yo꞉, to nafa walama꞉no꞉wo꞉ mo꞉ka꞉laki, walafo꞉ ko꞉ ha꞉na꞉melea꞉ki mada asuwa꞉takigab. \v 13 \x - \xo 1.13 \xt Ilig 28.30\x*A꞉la꞉do꞉ ga꞉iya꞉lab a꞉na ilikiyo꞉, Sisaya꞉ ene da꞉la꞉di kaluwo꞉ a꞉la꞉ta꞉ga꞉ amisa꞉n kaluka꞉isale wenamilo꞉ sab iliyo꞉lo꞉, ne Ya꞉su Kelisowa꞉ ene nanog dian kalu ko꞉lo꞉ dibolowa sab a꞉la꞉bo꞉ tambo fanda asululiab. \v 14 A꞉la꞉ta꞉ga꞉ ne ko꞉lo꞉ dibolo amilo꞉ sab wema꞉yo꞉ tilidabu kalu nolo꞉ halaido꞉wo꞉ a꞉na di ko꞉lo꞉, iyo꞉ mo꞉tagilaki, Godeya꞉ to nafa a꞉no꞉ halale wida꞉lab. \fig Ne ko꞉lo꞉ dibolo ayamilo꞉ so꞉l we, kaluka꞉isale iliyo꞉ Ya꞉suwo꞉ fanda asuluma꞉ki go꞉.|alt="Paul in chains" src="55_2Ti_04_04_RG_gr.tif" size="col" copy="© Sweet Publishing http://sweetpublishing.com, licensed under a CC: BY-SA 3.0 Unported licence." ref="1.13-14" \fig* \p \v 15-16 Hendele, kalu nolba꞉yo꞉ ne asuwa꞉takiyo꞉, Kelisowa꞉ to hendeleyo꞉ ko꞉lo꞉ wida꞉lab. Godeya꞉ to nafa a꞉no꞉ hendeleka꞉ a꞉lakiyo꞉ niyo꞉ fanda walama꞉ki, ne dibolowa disa꞉lo꞉b a꞉la꞉bo꞉ iliyo꞉ asulab ko꞉lo꞉, iliyo꞉ nemo꞉wo꞉ ha꞉fo꞉ disa꞉fo꞉likiyo꞉, Godeya꞉ ene towo꞉ wida꞉lab. Ko꞉sega kalu nolba꞉yo꞉ ne wa꞉la꞉ sa꞉ndakiyo꞉, Kelisowa꞉ towo꞉ a꞉na wida꞉lab. \v 17 Kalu i a꞉ma꞉yo꞉ asulo꞉wo꞉ digalo꞉lo꞉ mo꞉iliki, inin wiyo꞉ ko꞉lo꞉ duludaki, Ya꞉suwa꞉ to a꞉no꞉ a꞉na wida꞉lab. Ne dibolowa sabiyo꞉, iliyo꞉ hida꞉yo꞉ nolo꞉ nemo꞉ a꞉dimia꞉no꞉ asulakiyo꞉ wida꞉lab. \v 18-19 \x - \xo 1.18-19 \xt 2Kol 1.11\x*Kalu nolo꞉ asulo꞉wo꞉ digalo꞉ iliki widalikiyo꞉lo꞉, nolo꞉ asulo꞉wo꞉ mogago꞉ iliki widalikiyo꞉lo꞉, man a꞉la꞉ a꞉no꞉ ne mo꞉kele asuluma꞉no꞉. Ililo꞉ Ya꞉su ko꞉lo꞉ wida꞉lab a꞉no꞉ alandeyo꞉ o꞉m ko꞉lo꞉, ne mada sagalo꞉wo꞉ alan dowab. \p Gililo꞉ ne asuwa꞉foma꞉kilo꞉ dulugu sa꞉la꞉sen a꞉no꞉lia꞉, Ya꞉su Kelisowa꞉ ene Mamaya꞉lo꞉ asuwa꞉tan a꞉no꞉lia꞉ma꞉yo꞉, ne nafaya sili handaloma꞉ki auma꞉ib. Ne a꞉no꞉ asulo꞉ ko꞉lo꞉, mada sagala꞉liki dia꞉mela꞉no꞉. \v 20 Nilo꞉ mada alan tili asulakilo꞉ yasilo꞉lo꞉ we. Ne Godeya꞉ nanog diakiyo꞉, ne mo꞉sendeloma꞉no꞉ asulo꞉l. O꞉g wenamio꞉lo꞉ tif amio꞉lo꞉, ne mela꞉no꞉ o꞉silikiyo꞉lo꞉, ne sowalikiyo꞉lo꞉, nilo꞉ dimido꞉ a꞉ma꞉yo꞉ Kelisowa꞉ wiyo꞉ ko꞉lo꞉ wabuluma꞉ki, ne halale kagama꞉no꞉ asulo꞉l. \v 21 \x - \xo 1.21 \xt Gala 2.20\x*Niyo꞉ a꞉la꞉asulab. Ne mela꞉no꞉ o꞉silikiyo꞉, mela꞉no꞉ mo꞉wo꞉ Keliso e. A꞉la꞉ta꞉ga꞉ ne sowalikiyo꞉lo꞉, kelego꞉ nafaleyo꞉ a꞉na mada fa꞉la꞉doma꞉ib. \v 22-23 \x - \xo 1.22-23 \xt 2Kol 5.8\x*Ne henfelo꞉ wenamio꞉ o꞉silikiyo꞉, Godeya꞉ nanogo꞉ dimidakiyo꞉, fo nafale fa꞉la꞉do alifa꞉no꞉. Ko꞉sega niyo꞉ soma꞉no꞉ tog amiya꞉le, mela꞉no꞉ tog amiya꞉le, o꞉bamida꞉ kudu ha꞉na꞉nigo꞉ba꞉le babalab ko꞉lo꞉, ne amio꞉ asulo꞉wo꞉ a꞉la꞉ dowaki, tadowo꞉lab. Asulo꞉ alan nilo꞉ da꞉labo꞉ we. Ne sowa꞉sa꞉ga꞉ ha꞉nakiyo꞉, Keliso o꞉lia꞉ doma꞉no꞉ asulab. E o꞉lia꞉ doma꞉no꞉wo꞉ mada nafale a꞉lab ko꞉lo꞉, nolo꞉ a꞉ma꞉ tinio꞉ ko꞉lo꞉lab. \v 24 Ko꞉sega niyo꞉ gi ko꞉lo꞉ asuwa꞉ta꞉liki ha꞉na꞉melea꞉kiyo꞉, ne bo꞉ebo꞉ mo꞉sowaki, mela꞉no꞉wo꞉ o꞉dofo꞉lalega, a꞉no꞉ o꞉li a꞉la꞉asulo꞉l. \v 25 A꞉la꞉fo꞉ko꞉lo꞉ no꞉no꞉n asulakiyo꞉, ne o꞉mesa꞉no꞉ a꞉la꞉asulo꞉. Gili tilidabuwo꞉ halaido꞉ dowaki, a꞉la꞉ta꞉ga꞉ gio꞉ sagalo꞉wo꞉ alan doma꞉kiyo꞉, ne gi o꞉lia꞉ doma꞉nigo꞉l. \v 26 Ne wa꞉ka gilo꞉wa ya꞉ga꞉ dowalikiyo꞉, nanog nilo꞉ dimido꞉ a꞉na a꞉la꞉ta꞉ga꞉yo꞉, gio꞉ Ya꞉su Kelisowa dowalikiyo꞉ mada sagalema꞉ib. \p \v 27 \x - \xo 1.27 \xt A꞉fe 4.1, 1Tes 2.12\x*Gililo꞉ wa꞉la꞉b dimidama꞉no꞉wo꞉ we. Man gililo꞉ dimidama꞉no꞉ a꞉no꞉, Kelisowa꞉ ene to nafa o꞉lia꞉yo꞉ ego꞉le dowab a꞉no꞉ ko꞉lo꞉ kudu ha꞉na꞉bi. Giliyo꞉ a꞉la꞉dimidalikiyo꞉, ne gilo꞉wa ya꞉sa꞉ga꞉ ba꞉dalikiyo꞉lo꞉, ne mo꞉yalikiyo꞉lo꞉, gio꞉ asulo꞉ imilise dowaki, tilidabu gililo꞉wo꞉ halale o꞉ta꞉lisab a꞉la꞉do꞉ sa꞉lab a꞉no꞉ko꞉ da꞉ba꞉no꞉. A꞉la꞉ta꞉ga꞉ gio꞉ ua gasa dowaki, kaluka꞉isaleyo꞉ to nafa a꞉namio꞉ tilidabuma꞉ki, wida꞉laka꞉ a꞉la꞉do꞉ sa꞉labo꞉ da꞉ba꞉no꞉. \v 28 Gio꞉ gis kalu i a꞉no꞉ ba꞉da꞉ga꞉yo꞉, mada mo꞉tagilaki halale kagama꞉ib ko꞉lo꞉, man gililo꞉ dimidab a꞉ma꞉yo꞉ imo꞉ widakiyo꞉, Gode eyo꞉ iyo꞉ yasalaki, gio꞉ a꞉ma꞉la꞉ gasilia꞉ib a꞉la꞉liki widaki gab. \v 29 \x - \xo 1.29 \xt Ilig 16.19-40\x*Gode eyo꞉ gio꞉ Kelisowa꞉lo꞉ tilidabu a꞉na doma꞉ki da꞉feyo꞉, ko꞉sega tilidabu imilig ko꞉mba. Gio꞉ Ya꞉suwa tilidabu amilo꞉ hida꞉yo꞉ dian a꞉no꞉lo꞉ gio꞉ dima꞉ki go꞉. \v 30 Tamin amilo꞉ hida꞉yo꞉ ne amilo꞉ fa꞉la꞉dowabikilo꞉ gilo꞉ ba꞉ba꞉ a꞉no꞉, a꞉la꞉ta꞉ga꞉ o꞉go꞉lo꞉ ne amilo꞉ o꞉fa꞉la꞉dowa꞉i ya꞉lab amilo꞉ gilo꞉ dabu a꞉no꞉, gio꞉lo꞉ hida꞉yo꞉wo꞉ o꞉leo꞉ngo꞉ka dia꞉i ha꞉na꞉lab. \c 2 \s1 Ge ha꞉ga dowaki, ha꞉fo꞉wo꞉ disa꞉ma \p \v 1 Gio꞉ Ya꞉su Keliso o꞉lia꞉ dofo꞉lalikiyo꞉, eyo꞉ halaido꞉wo꞉ dimiakiyo꞉ halale alita꞉sen. Eyo꞉ gimo꞉wo꞉ ha꞉fo꞉ disa꞉lakiyo꞉, dinafa mesea꞉ki nofolo꞉ alita꞉sen. Gio꞉ asulo꞉wo꞉ imilise dowaki, Godeya꞉ Mama o꞉lia꞉ ua dowa꞉sen. A꞉la꞉ta꞉ga꞉ gio꞉ kaluka꞉isale nolo꞉ nofolakiyo꞉ asuwa꞉ta꞉sen. \v 2 Man a꞉no꞉ gilo꞉ amio꞉ fa꞉la꞉dowo꞉ ko꞉lo꞉, giliyo꞉ man we ko꞉lo꞉ kudu ha꞉na꞉lubi. Gio꞉ asulo꞉wo꞉ imilise dowa꞉bi. Nol o꞉lia꞉yo꞉ ha꞉fo꞉wo꞉ disa꞉la꞉bi. Asugo꞉ imilise dowaki, nanogo꞉ a꞉na dia꞉bi. Gio꞉ man a꞉no꞉ko꞉ kudu ha꞉nalega, ne mada sagalema꞉no꞉. \v 3 \x - \xo 2.3 \xt Gala 5.26\x*Nanog dimidakiyo꞉, go꞉no꞉n geko꞉ sagalema꞉no꞉wo꞉ dimida꞉so꞉bo. Go꞉no꞉n wiyo꞉ duludakiyo꞉ kaila꞉so꞉bo. Go꞉no꞉n ge noma꞉ ha꞉ga dowaki, nowo꞉ alano꞉lo꞉b a꞉la꞉asula꞉bi. \v 4 \x - \xo 2.4 \xt 1Kol 10.24\x*A꞉la꞉ta꞉ga꞉ go꞉no꞉n ko꞉ asulakiyo꞉, sagalema꞉no꞉ a꞉no꞉ dimida꞉so꞉bo. Ko꞉sega gio꞉ kalu noma꞉lo꞉ asulabo꞉ ba꞉da꞉sa꞉ga꞉ dimida꞉lubi. \s1 Ya꞉suwa꞉ eneno꞉ ha꞉ga dowakilo꞉ man dimido꞉wo꞉ we \p \v 5 Gili asulo꞉wo꞉ Ya꞉su Kelisowa꞉lo꞉ asulo꞉ o꞉leo꞉ngo꞉ ko꞉lo꞉ dia꞉sa꞉ga꞉, kudu ha꞉na꞉lubi. \q1 \v 6 \x - \xo 2.6 \xt Yo꞉n 1.1-2, 17.5\x*Ya꞉su Keliso e Gode. \q2 Ko꞉sega e Gode ka elen a꞉no꞉ mo꞉kanulu ta꞉liaki kata꞉fo꞉. \q1 \v 7 \x - \xo 2.7 \xt Yo꞉n 1.14, 2Kol 8.9\x*A꞉la꞉dimido꞉ ko꞉lo꞉, e madali nanogdo꞉ dian kalu o꞉ngo꞉ dowakiyo꞉, \q2 E kalule dowo꞉. \q1 \v 8 \x - \xo 2.8 \xt Hibu 5.8, 12.2\x*E kalule fa꞉la꞉dowa꞉sa꞉ga꞉yo꞉, enena꞉ma꞉la꞉yo꞉ ha꞉ga dowaki, \q2 Godeya꞉lo꞉ asulab a꞉no꞉ ko꞉lo꞉ kudu ha꞉na꞉la꞉ga꞉, a꞉na sowo꞉. \q2 E i malan amio꞉ a꞉na sowo꞉. \q1 \v 9 \x - \xo 2.9 \xt Ilig 2.33, A꞉fe 1.20-21, Hibu 1.3-4\x*A꞉la꞉fo꞉ko꞉lo꞉ Gode eyo꞉ e wilo꞉ doma꞉ki, iwalule dulugu alitakiyo꞉, \q2 wilo꞉ alan wikilan a꞉no꞉ tambo tinia꞉sa꞉ga꞉, wiyo꞉ nafale ko꞉lo꞉ emo꞉ dimi. \q1 \v 10 \x - \xo 2.10 \xt Lom 14.11\x*Ya꞉suwa꞉ wi nafa a꞉no꞉ da꞉dalikiyo꞉, Hebene halomilo꞉ a꞉lab o꞉lia꞉, henfelo꞉ amilo꞉ a꞉lab o꞉lia꞉, dane ane hen amilo꞉ a꞉lab o꞉lia꞉ a꞉no꞉, \q2 tambowa꞉yo꞉ gulalu misa꞉fu alilaki, Ya꞉su e ko꞉lo꞉ wabuluma꞉ib. \q1 \v 11 \x - \xo 2.11 \xt Lom 10.9\x*A꞉la꞉ta꞉ga꞉ Ya꞉su Keliso e Alanka꞉ a꞉la꞉bo꞉ iliyo꞉ tambo sa꞉lakiyo꞉, Do Gode elo꞉ wabuluma꞉ib. \s1 Ho꞉wo꞉ o꞉ngo꞉ do꞉ita꞉bi \p \v 12 A꞉la꞉fo꞉ko꞉lo꞉ ne milile, ne gi o꞉lia꞉ sab amio꞉, Godeya꞉ towo꞉ gio꞉ tilida꞉da꞉sa꞉ga꞉ kudu ha꞉na꞉sen ko꞉lo꞉, o꞉go꞉ ne gi o꞉lia꞉lo꞉ mo꞉dowab amio꞉lo꞉ ho꞉leno꞉ tambo a꞉la꞉ka kudu ha꞉na꞉lubi. A꞉la꞉ta꞉ga꞉ Gode eyo꞉ gio꞉ asuwa꞉takiyo꞉ gasili ko꞉lo꞉, gio꞉ Godeyo꞉ tagilaki, nanog elo꞉ dimido꞉ a꞉no꞉ ililima꞉no꞉ a꞉laki, halaido꞉ dia꞉i ha꞉na꞉lubi. \v 13 Mo꞉wo꞉ Godeyo꞉ gili asulo꞉ usa iliki, nanogo꞉ a꞉na dia꞉lab ko꞉lo꞉, eyo꞉ gili asulo꞉wo꞉ digidalitaki, man elo꞉ asulab au kudu hamana꞉kiyo꞉, halaido꞉wo꞉ gimo꞉ dimia꞉lab. \p \v 14 Gio꞉ nanogo꞉ ko꞉li ko꞉lilo꞉ diakiyo꞉, towa꞉lo꞉ mo꞉beakilo꞉ sa꞉labo꞉lo꞉, towa꞉lo꞉ kegab a꞉no꞉lo꞉ eletaki, nanogo꞉ a꞉na dia꞉lubi. \v 15 \x - \xo 2.15 \xt Dan 12.3, Fili 1.10, 1Tes 2.19\x*Giliyo꞉ a꞉la꞉dimidalikiyo꞉, nolba꞉yo꞉ gio꞉ halalo꞉ mo꞉dimido꞉ elena ba꞉dalikiyo꞉, gio꞉ malilo꞉ doma꞉ib. Gio꞉ mogago꞉lelo꞉ dimida꞉lab kaluka꞉isale us a꞉na ilikiyo꞉, ge Godeya꞉ so꞉wale digalo꞉ dowaki, ho꞉len do꞉itan aumbo꞉, man gilo꞉ a꞉no꞉ imo꞉wo꞉ kalaba walama꞉ib. \v 16 Giliyo꞉ Godeya꞉ ene to mela꞉no꞉lo꞉ a꞉lab a꞉no꞉ kalab amio꞉ halale wida꞉lalega, Kelisowa꞉ ene ho꞉leno꞉ a꞉na fa꞉la꞉dowalikiyo꞉, nanog nilo꞉ dia꞉len a꞉no꞉ madalilo꞉ mo꞉wala꞉leno꞉lo꞉b a꞉la꞉asulakiyo꞉ ne sagalema꞉no꞉. \v 17 Ge Ya꞉suwa tilida꞉da꞉sa꞉ga꞉lo꞉ nanog dia꞉lab a꞉no꞉ Godemo꞉ boba dimian augab. Ne sowakiyo꞉ ho꞉bo꞉wo꞉ tulalega, ho꞉bo꞉ nilo꞉ a꞉no꞉ wain ho꞉n o꞉ngo꞉ ko꞉lo꞉ boba gilo꞉ dimi a꞉ma꞉ wa꞉la tuma꞉ib. Niyo꞉ a꞉no꞉ ko꞉lo꞉ asulakiyo꞉, sagalo꞉wo꞉ alan dowaki ne gi o꞉lia꞉yo꞉ sagalo꞉l. \v 18 \x - \xo 2.18 \xt Fili 3.1, 4.4\x*O꞉leaumbo꞉, gio꞉lo꞉ sagalo꞉wo꞉ alan dowaki, giliyo꞉ ne o꞉lia꞉yo꞉lo꞉ sagala꞉bi. \s1 Timoti eyo꞉ Ya꞉suwa꞉ nanog a꞉no꞉ nafale dimida꞉lab \p \v 19 Alan Ya꞉su Kelisowa꞉yo꞉ a꞉la꞉asulalega, nio꞉ Timotiyo꞉ gilo꞉ amio꞉ ko꞉na꞉ma iliga꞉fa꞉no꞉ asulo꞉l. E gilo꞉ amio꞉ ya꞉sa꞉ga꞉, a꞉ma꞉la꞉ yalikiyo꞉, gililo꞉ man dimida꞉lab a꞉no꞉ nemo꞉wo꞉ malolo꞉ mealikiyo꞉, nelo꞉ a꞉na sagalema꞉no꞉. \v 20 Kalu nol ne o꞉lia꞉lo꞉ a꞉lab we, Timoti e o꞉ngo꞉wo꞉ aundo꞉ma. Eyo꞉ gimo꞉ ha꞉fo꞉ disa꞉lakiyo꞉, gi asuwa꞉fa꞉no꞉wo꞉ alan asulo꞉ ko꞉lo꞉lab. \v 21 \x - \xo 2.21 \xt 2Tim 4.10\x*Kalu nolba꞉yo꞉ inido꞉ sagalakilo꞉ asulab man a꞉no꞉ko꞉ dimidama꞉no꞉ asulaki, Ya꞉su Kelisowa꞉ ene nanog a꞉no꞉ dimidama꞉no꞉wo꞉ mo꞉beab. \v 22 Ko꞉sega niyo꞉ to nafayo꞉ wida꞉liki sia꞉lab amio꞉, so꞉waya꞉lo꞉ iya ko꞉lo꞉ asuwa꞉tan aumbo꞉, Timoti eyo꞉ ne a꞉la꞉ asuwa꞉ta꞉sen. Timoti e kalu weo꞉ngo꞉lo꞉b a꞉la꞉bo꞉ gio꞉ ba꞉ba꞉. \v 23 A꞉la꞉fo꞉ko꞉lo꞉ niyo꞉ kelego꞉ nelo꞉ amilo꞉ fa꞉la꞉doma꞉nigab a꞉no꞉ dinafa fanda ba꞉da꞉sa꞉ga꞉yo꞉, o꞉g a꞉namio꞉ Timotiyo꞉ gilo꞉ amio꞉ a꞉na iliga꞉fa꞉no꞉ asulo꞉l. \v 24 A꞉la꞉ta꞉ga꞉ Alana꞉yo꞉ fogo꞉ nemo꞉wo꞉ dimia꞉nigab a꞉la꞉bo꞉ ne tili asulab ko꞉lo꞉, no꞉no꞉n nelo꞉ gilo꞉ amio꞉ bo꞉e mia꞉no꞉. \s1 Fo꞉l eyo꞉ Ebafolodaitaso꞉ Filibai iliga꞉fa꞉ib \p \v 25 \x - \xo 2.25 \xt Fili 4.18\x*Tamin amio꞉ ne asuwa꞉foma꞉kiyo꞉, giliyo꞉ Ebafolodaitas e nelo꞉wa iliga꞉fo꞉. E ne o꞉lia꞉ nanogo꞉ dimidakiyo꞉, negele ilikilo꞉ Ya꞉suwa꞉ gis kalu o꞉lia꞉lo꞉ buba꞉seno꞉ nowo꞉ e. Ko꞉sega o꞉go꞉ niyo꞉ nao Ebafolodaitas a꞉no꞉ gilo꞉wa a꞉ma꞉la꞉ iliga꞉fa꞉no꞉ asulo꞉l. \v 26 Mo꞉wo꞉ giliyo꞉ e walaf dowo꞉ka꞉ a꞉la꞉do꞉ sio꞉ a꞉no꞉ dabu ko꞉lo꞉, e kele asula꞉sa꞉ga꞉, gio꞉ bo꞉e ba꞉ba꞉ mia꞉ib a꞉la꞉asulab. \v 27 Hendele, tamin amio꞉ e walaf ba꞉lakiyo꞉, soma꞉no꞉wo꞉ ko꞉na꞉ma dowo꞉. Ko꞉sega ne nofolo꞉ alan nowo꞉ a꞉diabena꞉kiyo꞉, Gode eyo꞉ e o꞉lia꞉ ne o꞉lia꞉yo꞉ nofola꞉sa꞉ga꞉ asuwa꞉takiyo꞉, walaf a꞉no꞉ e falele alifa꞉. \v 28 A꞉la꞉fo꞉ko꞉lo꞉ niyo꞉ e a꞉ma꞉la꞉ gilo꞉ amilo꞉ bo꞉elo꞉ iliga꞉fa꞉no꞉wo꞉, niyo꞉ mada alan asulo꞉l. E gilo꞉wa fa꞉la꞉dowalikiyo꞉, gio꞉ sagalakiyo꞉, ne amio꞉lo꞉ kele asulo꞉wo꞉ mo꞉doma꞉ib. \v 29-30 Gio꞉ ko꞉na꞉ dowaki ne mo꞉asuwa꞉fa꞉ib ko꞉lo꞉, giliyo꞉ ne asuwa꞉foma꞉ki a꞉lakiyo꞉, Ebafolodaitas e nelo꞉wa iliga꞉fo꞉. E nelo꞉wa fa꞉la꞉dowa꞉sa꞉ga꞉yo꞉ ene mela꞉no꞉wo꞉ mo꞉kanulu ta꞉liaki, Kelisowa꞉ nanog elo꞉ di a꞉ma꞉ ilikiyo꞉, e soma꞉no꞉wo꞉ ko꞉na꞉ma dowo꞉. A꞉la꞉fo꞉ko꞉lo꞉ gio꞉ kalu we o꞉ngo꞉wo꞉ wabudaki sa꞉la꞉bi. E gilo꞉ amio꞉ a꞉ma꞉la꞉ fa꞉la꞉dowalikiyo꞉, gio꞉ Alana꞉ wiya dowakiyo꞉ e sagala꞉liki tililia꞉bi. \c 3 \s1 Ya꞉su amilo꞉ tilida꞉dab kaluka꞉isale a꞉no꞉ digalo꞉ doma꞉ib \p \v 1 To we saebelakiyo꞉ a꞉la꞉ sa꞉ma꞉nigo꞉l. Ni nao nado i, gio꞉ Alan o꞉lia꞉ ege dowaki sagala꞉bi. Tamin amilo꞉ nilo꞉ to sa꞉sa꞉lo꞉ o꞉leaumbo꞉, o꞉go꞉ niyo꞉ mo꞉mo꞉beaki wa꞉ka a꞉sa꞉sa꞉lo꞉l. To wema꞉yo꞉ gio꞉ ko꞉lo꞉ halale alifoma꞉ki sa꞉sa꞉liga꞉to꞉l. \p \v 2 Kalu nolo꞉ dalale sia꞉liki widakiyo꞉, Godeya꞉no꞉ kalu doma꞉nikiyo꞉, tamin amio꞉ do꞉go꞉fo꞉ hege gedema a꞉la꞉widab ko꞉lo꞉, gio꞉ dinafa asula꞉bi. Kalu a꞉no꞉ saila gasayo꞉ o꞉ngo꞉ dowaki, man mogago꞉le dimida꞉lab. \v 3 \x - \xo 3.3 \xt Lom 2.29\x*Ko꞉sega do꞉go꞉fo꞉ hege gedeo꞉ man hendeleyo꞉ iyo꞉ mo꞉fanda asulab. Nio꞉ Mamaya꞉ halaido꞉wa ilikiyo꞉, Godeyo꞉ wabudaki Ya꞉suwa꞉ wiyo꞉ dulugu sa꞉la꞉sen ko꞉lo꞉, do꞉go꞉fo꞉ hege gedeo꞉leyo꞉ ni ko꞉m. Kaluwa꞉ ene halaido꞉wa꞉lo꞉ dimidab a꞉ma꞉yo꞉ mo꞉asuwa꞉fa꞉ib, niliyo꞉ a꞉la꞉tili asulo꞉. \v 4 \x - \xo 3.4 \xt Ilig 22.3, 2Kol 11.18\x*Ko꞉sega kaluwa꞉ ene halaido꞉wa꞉lo꞉ dimidan a꞉ma꞉yo꞉ o꞉li asuwa꞉tan kibo꞉bowo꞉, no꞉no꞉n ne mada o꞉li domo꞉lo. Mo꞉wo꞉ kalu nolba꞉lo꞉ Godeya꞉ siwa꞉l amilo꞉ digalo꞉ doma꞉kilo꞉ dimidan man a꞉no꞉, ni tambo dimidaki, iyo꞉ ni tinio꞉ ko꞉lo꞉lab. \v 5 \x - \xo 3.5 \xt Luk 1.59, Ilig 23.6, 2Kol 11.22\x*Ne kalu we o꞉ngo꞉ka꞉ a꞉la꞉likiyo꞉ man nilo꞉ dimida꞉leno꞉ gimo꞉ walama꞉nigo꞉l. Ne sa꞉la꞉lia꞉sa꞉ga꞉yo꞉, ho꞉len o fa꞉la꞉dowab amio꞉, do꞉go꞉fo꞉ hege gedeo꞉. Ne Isolael kalu. Ba꞉nsamena꞉ ene so꞉lo꞉wo꞉ ne. Ne Hibulu tolo꞉ sa꞉lan kalule dowo꞉. A꞉la꞉ta꞉ga꞉ ne Fa꞉lisi kalu ilikiyo꞉, Yuwa꞉ mano꞉ tambo niyo꞉ mada dinafa kudu ha꞉na꞉len. \v 6 \x - \xo 3.6 \xt Ilig 8.3\x*Niyo꞉ Godeyo꞉ sagalema꞉ki a꞉lakiyo꞉, nanogo꞉ halaido꞉ dimidaki, Keliso kaluka꞉isaleyo꞉ a꞉na yasala꞉len. A꞉la꞉ta꞉ga꞉ Gode eyo꞉ ne digalo꞉ kalu a꞉la꞉sama꞉kiyo꞉, ne ele imilig nowo꞉ mo꞉o꞉go꞉saki, tambo kudu ane. \p \v 7 \x - \xo 3.7 \xt Madi 13.44-46\x*Nilo꞉ so꞉lo꞉l a꞉ma꞉yo꞉, tamin amio꞉ Godeya꞉ siwa꞉l amio꞉ alandeyo꞉ o꞉m a꞉la꞉asula꞉len. Ko꞉sega Ya꞉su Kelisowa꞉lo꞉ dimido꞉ ba꞉ba꞉ amio꞉, niyo꞉ man a꞉no꞉ tambo o꞉ngo꞉malo꞉ngo꞉ asulab. \v 8 A꞉la꞉ta꞉ga꞉ man dimido꞉ a꞉no꞉leko꞉ so꞉lo꞉ba. Kelego꞉ nol da꞉lab welo꞉ ni asulo꞉ amio꞉ tambo o꞉ngo꞉mal dowaki, niyo꞉ Ya꞉su Keliso ko꞉lo꞉ fanda asuluma꞉no꞉ a꞉no꞉ alande dowa꞉i ha꞉na꞉ga꞉ ha꞉nakiyo꞉, kelego꞉ nol a꞉no꞉ e tininila꞉ ko꞉lo꞉lab. Ne Kelisowa dowaki oga꞉dima꞉no꞉ ko꞉lo꞉, kelego꞉ nol a꞉no꞉ ba madali wa o꞉ngo꞉ dowabiki, niyo꞉ tambo ka ta꞉to꞉l. \v 9 \x - \xo 3.9 \xt Lom 3.21-22\x*Ne Kelisowa꞉ eno꞉le doma꞉no꞉ asulo꞉l. No꞉no꞉n halaido꞉wa꞉lo꞉ Yuwa꞉ ele kudu ane a꞉namio꞉, digalo꞉wo꞉ a꞉na a꞉la꞉ta꞉ga꞉yo꞉ mo꞉fa꞉la꞉dowo꞉. Ko꞉sega ne Keliso e amio꞉ tilidabu ko꞉lo꞉, Gode eyo꞉ ne digalo꞉ a꞉la꞉bo꞉ a꞉na sio꞉. \v 10 \x - \xo 3.10 \xt Lom 6.3-5, 8.17\x*Ya꞉su Kelisowo꞉ a꞉la꞉ta꞉ga꞉ elo꞉ a꞉ma꞉la꞉ dasi alifa꞉ halaido꞉ a꞉no꞉lo꞉ ne fanda asululia꞉no꞉ asulab. Ya꞉su elo꞉ hida꞉yo꞉ dia꞉li ha꞉na꞉la꞉ga꞉lo꞉ sowo꞉ o꞉leaumbo꞉, nelo꞉ hida꞉yo꞉ o꞉leo꞉ngo꞉ka dia꞉li ha꞉na꞉la꞉ga꞉ soma꞉no꞉ asulab. \v 11 Niyo꞉ a꞉la꞉dimida꞉i ha꞉na꞉la꞉ga꞉ sowalikiyo꞉, Gode eyo꞉ ne a꞉ma꞉la꞉ dasi alifa꞉ib a꞉la꞉bo꞉ niyo꞉ tili asulufo꞉lo꞉l. \s1 Halale nai ha꞉na꞉la꞉ga꞉, elema꞉no꞉wa fa꞉la꞉doma꞉ni hamana \p \v 12 \x - \xo 3.12 \xt 1Tim 6.12,19\x*Ne Ya꞉su e o꞉ngo꞉ doma꞉no꞉wo꞉ semo꞉ kedefo꞉ ko꞉lo꞉ o꞉lo꞉l. A꞉la꞉ta꞉ga꞉ ne amio꞉ man a꞉no꞉ tambo ililo꞉ka꞉ a꞉la꞉li so꞉lo꞉lba. Ko꞉sega Keliso eyo꞉ ne dia꞉sa꞉ga꞉, eno꞉le ta꞉fo꞉ ko꞉lo꞉, o꞉go꞉ ne wa꞉l dia꞉no꞉ nai ha꞉nakiyo꞉, o꞉disugula꞉i ha꞉na꞉lo꞉l. \v 13 Nao nado i, man a꞉no꞉ ne amio꞉ semo꞉ egabiki, niyo꞉ nanog wengo꞉ dimido꞉l. Tamin amilo꞉ man nilo꞉ dimida꞉len a꞉no꞉ tambo ga꞉lilakiyo꞉, tamin doba꞉da꞉lo꞉ da꞉lab a꞉no꞉ ko꞉lo꞉ dia꞉no꞉ a꞉laki, disugula꞉i ha꞉na꞉lo꞉l. \v 14 \x - \xo 3.14 \xt 1Kol 9.24\x*Niyo꞉ Godeya꞉lo꞉ da꞉fe sio꞉ a꞉na fa꞉la꞉dowa꞉sa꞉ga꞉yo꞉, wa꞉l dia꞉no꞉ a꞉lakiyo꞉, tigini nai ha꞉na꞉lo꞉l. Wa꞉l dia꞉no꞉ a꞉la꞉do꞉ sa꞉labo꞉ we. Ne Ya꞉su Kelisowa dowab a꞉na ilikiyo꞉, Gode eyo꞉ Hebeneyo꞉ ne e o꞉lia꞉ doma꞉ki ho꞉ido꞉. \p \v 15 \x - \xo 3.15 \xt 1Kol 2.6\x*A꞉la꞉fo꞉ko꞉lo꞉ kaluka꞉isale tilidabuwo꞉ halaido꞉lo꞉ dowo꞉ nio꞉, asulo꞉wo꞉ o꞉leo꞉ngo꞉ka dia꞉niki. Ko꞉sega gio꞉ asulo꞉wo꞉ ko꞉li dowalega, Gode eyo꞉ gimo꞉wo꞉ widalikiyo꞉, gio꞉ o꞉li fanda asuluma꞉ib. \v 16 Man nafa nililo꞉ kudu ya꞉len a꞉no꞉, niliyo꞉ halale ta꞉li dota꞉ga꞉ kudu ha꞉na꞉niki. \p \v 17 \x - \xo 3.17 \xt 1Kol 4.16\x*Nao nado i, giliyo꞉ man nafa nilo꞉ dimida꞉i mio꞉ a꞉no꞉ asula꞉sa꞉ga꞉, gio꞉ ua dowaki, kudu ha꞉na꞉bi. A꞉la꞉ta꞉ga꞉ nilo꞉ man nafa dimido꞉ a꞉no꞉ kalu nolba꞉lo꞉ kudu ha꞉nab a꞉no꞉ gio꞉ ba꞉da꞉sa꞉ga꞉yo꞉, gio꞉ i a꞉no꞉ ko꞉lo꞉ kudu ha꞉na꞉bi. \v 18 Kalu nolo꞉ Ya꞉su Kelisowa꞉ i malan o꞉lia꞉lo꞉ gis dimidama꞉no꞉wo꞉ a꞉laka꞉ a꞉la꞉bo꞉ tamin amio꞉ gimo꞉wo꞉ hagugo꞉ towo꞉ sa꞉la꞉len. A꞉la꞉ta꞉ga꞉ o꞉go꞉ niyo꞉ ya꞉la꞉likiyo꞉ to we gimo꞉wo꞉ wa꞉ka a꞉so꞉lo꞉l. \v 19 \x - \xo 3.19 \xt Lom 16.18\x*Kalu i a꞉no꞉ de hen amilo꞉ ha꞉na꞉no꞉ tog a꞉na kudu ha꞉na꞉lab. Gode ililo꞉wo꞉ ini do꞉mo꞉wa꞉lo꞉ asulakilo꞉ meselan man a꞉no꞉ ko꞉lo꞉ dowab. Iliyo꞉ sendeloma꞉no꞉ man a꞉no꞉ dimidakiyo꞉, sagalaki kaila꞉sen. A꞉la꞉ta꞉ga꞉ kalu iliyo꞉ henfelo꞉ kelego꞉ a꞉no꞉leyo꞉ ko꞉lo꞉ asula꞉lab. \v 20 \x - \xo 3.20 \xt A꞉fe 2.6,19\x*Ko꞉sega tilidabu kaluka꞉isale nili hendeyo꞉ Hebene ko꞉lo꞉lab. Alan Ya꞉su Keliso e Hebene a꞉la꞉ta꞉ga꞉ yakiyo꞉, nio꞉ a꞉ma꞉la꞉ gasilia꞉ib ko꞉lo꞉, nio꞉ e mia꞉nigab a꞉no꞉ ko꞉lo꞉ sagala꞉liki yasiso꞉l. \v 21 \x - \xo 3.21 \xt 1Kol 15.28,42-53\x*Ya꞉su Keliso e amio꞉ halaido꞉wo꞉ alan dowo꞉, a꞉la꞉ta꞉ga꞉ eyo꞉ henfelo꞉ kelego꞉ we tambo bo꞉fo꞉lab. A꞉la꞉go꞉ko꞉lo꞉ ene halaido꞉ a꞉ma꞉yo꞉ nili do꞉mo꞉ halaido꞉lo꞉ma dowab we nodola꞉sa꞉ga꞉yo꞉, Ya꞉su Kelisowa꞉ ene do꞉mo꞉ malilo꞉ nafale o꞉leo꞉ngo꞉le ta꞉fa꞉ib. \c 4 \s1 Asulo꞉ nafa diaki, sagala꞉li mesa꞉niki \p \v 1 \x - \xo 4.1 \xt 1Tes 2.19-20\x*A꞉la꞉fo꞉ko꞉lo꞉ ni mili, gio꞉ nilo꞉ sio꞉ o꞉leaumbo꞉, Alan o꞉lia꞉ dowaki halaido꞉ kagafo꞉lubi. Nanog nilo꞉ dimido꞉ a꞉ma꞉ wa꞉lo꞉ gi dowab ko꞉lo꞉, ne sagale alitab. Niyo꞉ gimo꞉wo꞉ ha꞉fo꞉wo꞉ disa꞉lakiyo꞉, gio꞉ wa꞉ka ba꞉ba꞉no꞉ asulab. \p \v 2 Ga a꞉la꞉ Yuodia o꞉lia꞉ Sitika꞉ ga꞉gbo꞉wo꞉ towo꞉ halaido꞉ sa꞉ma꞉nigo꞉l. Ga꞉go꞉ Alan amio꞉ tilidabulo꞉biki, gado ga꞉go꞉ towa꞉lo꞉ kega꞉lab a꞉no꞉ digalela꞉sa꞉ga꞉, asulo꞉wo꞉ imilise dowa꞉bi. \v 3 \x - \xo 4.3 \xt Luk 10.20\x*A꞉la꞉ta꞉ga꞉ ne o꞉lia꞉lo꞉ nanogo꞉ halale dia꞉sen giliyo꞉, ga a꞉la꞉ a꞉no꞉ dinafa doma꞉ki asuwa꞉foma. A꞉la꞉do꞉ so꞉lo꞉l we, ga a꞉la꞉ we a꞉la꞉ta꞉ga꞉ Kla꞉ma꞉no꞉lo꞉, nanog kalu ne o꞉lia꞉lo꞉ dia꞉sen nol a꞉no꞉lo꞉, to nafayo꞉ nolbo꞉wo꞉ halaido꞉ wida꞉liki sia꞉len. Wi ililo꞉wo꞉ mela꞉no꞉ bugo꞉ amio꞉ sa꞉sa꞉li alifa꞉ ko꞉lo꞉ a꞉lab. \p \v 4 Ho꞉leno꞉ tambo Alan o꞉lia꞉ ege dowakiyo꞉ sagala꞉liki melea. Niyo꞉ wa꞉ka a꞉so꞉lo꞉l. Gio꞉ sagala꞉lubi. \v 5 \x - \xo 4.5 \xt Hibu 10.25, Ya꞉m 5.8-9\x*Kaluka꞉isaleyo꞉ tambo bo꞉ba꞉kiyo꞉, gio꞉ nolbo꞉wo꞉ ha꞉sa dowan man a꞉no꞉ wida꞉lubi. Asuluma, Alan e ko꞉na꞉ma a꞉lab. \v 6 \x - \xo 4.6 \xt Madi 6.25-34, Kolo 4.2\x*Gio꞉ kele asulo꞉wo꞉ dowa꞉so꞉bo. Kelego꞉ o꞉bo꞉ngo꞉wa꞉le fa꞉la꞉dowalega, Godemo꞉ dulugu sa꞉laki, emo꞉wo꞉ dabu ba꞉da꞉bi. Gio꞉ Godemo꞉wo꞉ mada o꞉m a꞉la꞉sa꞉laki, gililo꞉ asulab a꞉no꞉ asuwa꞉foma꞉ki ha꞉iya꞉bi. \v 7 \x - \xo 4.7 \xt Ais 26.3, Yo꞉n 14.27, Kolo 3.15\x*Gio꞉ a꞉la꞉bo꞉ ko꞉lo꞉ dimidalikiyo꞉, Godeya꞉lo꞉ ha꞉sa dowan man a꞉no꞉ gi o꞉lia꞉ doma꞉ib. Gio꞉ Ya꞉su Keliso o꞉lia꞉ dowalikiyo꞉, ha꞉sa dowan man a꞉ma꞉yo꞉ kaluwa꞉lo꞉ asulo꞉ a꞉no꞉ tininila꞉sa꞉ga꞉, gili asulo꞉wo꞉ tili dofo꞉liki bo꞉fo꞉mela꞉ib. \p \v 8 Ni nao nado i, to we sae ebelema꞉nikiyo꞉ a꞉la꞉so꞉lo꞉l. Kelego꞉ we asuluma. Man hendeleyo꞉, man kaluwa꞉lo꞉ wabudano꞉lo꞉, man digalo꞉wo꞉lo꞉, man malilo꞉wo꞉lo꞉, kelego꞉ nafaleyo꞉lo꞉, nafale dimidabo꞉lo꞉b a꞉la꞉do꞉ asulan man a꞉no꞉lo꞉, i a꞉no꞉ ko꞉lo꞉ asula꞉lubi. \v 9 \x - \xo 4.9 \xt Lom 16.20\x*To nilo꞉ tamin amilo꞉ wido꞉ a꞉no꞉ giliyo꞉ da꞉da꞉sa꞉ga꞉ di ko꞉lo꞉lab, a꞉la꞉ta꞉ga꞉ nilo꞉ dimido꞉wo꞉lo꞉ gio꞉ ba꞉ba꞉ ko꞉lo꞉, giliyo꞉ man a꞉no꞉ tambo kudu ha꞉naki, dimida꞉i ha꞉na꞉lubi. A꞉la꞉bo꞉ dimidalikiyo꞉, ha꞉sa mesea꞉kilo꞉ ta꞉tan Gode e, gi o꞉lia꞉ doma꞉ib. \s1 Fo꞉l eyo꞉ mada o꞉m a꞉la꞉sio꞉ \p \v 10 Tamin amilo꞉ gililo꞉ dimido꞉ o꞉leaumbo꞉, o꞉go꞉ giliyo꞉ ne wa꞉ka asula꞉sa꞉ga꞉ asuwa꞉tab ko꞉lo꞉, ne Alanbo꞉wo꞉ mada sagalaki dulugu so꞉lo꞉l. Hendele, ho꞉len us a꞉namio꞉, giliyo꞉ ne asula꞉len ko꞉sega asuwa꞉fa꞉no꞉ togo꞉ aundo꞉ma dowa꞉len. \v 11 Ne kelego꞉lo꞉ma dowabiki, a꞉na ha꞉iyaki so꞉lo꞉ba. Sagala꞉likilo꞉ ha꞉sa doma꞉no꞉ man a꞉no꞉ ne asulo꞉wo꞉ di ko꞉lo꞉, kelego꞉ ko꞉li ko꞉lilo꞉ neya fa꞉la꞉dowab amio꞉, ne o꞉lika dowa꞉sen. \v 12 Kelego꞉lo꞉ma dowab ho꞉len a꞉no꞉lo꞉, kelego꞉wo꞉ modo꞉lo꞉ dowab ho꞉len a꞉no꞉lo꞉ ne ba꞉da꞉i mio꞉. Ne ma꞉no꞉wo꞉ modo꞉ dowalikiyo꞉lo꞉ a꞉la꞉ta꞉ga꞉ maiyalikiyo꞉lo꞉, ne mo꞉kele asulaki, sagala꞉li dowa꞉sen. Ne kelego꞉lo꞉ma dowalikiyo꞉lo꞉, kelego꞉wo꞉ modo꞉ dowalikiyo꞉lo꞉, ne ho꞉len a꞉namio꞉ o꞉li dowa꞉i ya꞉sen ko꞉lo꞉ ne sagalab. \v 13 \x - \xo 4.13 \xt 2Kol 12.10\x*Keliso eyo꞉ halaido꞉wo꞉ nemo꞉ dimi ko꞉lo꞉, niyo꞉ halaido꞉ elo꞉ a꞉ma꞉yo꞉ kelego꞉ tambowo꞉ o꞉li dimidama꞉no꞉. \p \v 14 Ko꞉sega ne hida꞉yo꞉ diab amilo꞉ gililo꞉ ne ko꞉lo꞉ asufa꞉ a꞉no꞉ mada nafayo꞉ o꞉m. \v 15 \x - \xo 4.15 \xt 2Kol 11.9\x*A꞉la꞉ta꞉ga꞉ ne Godeya꞉ to nafa a꞉no꞉ gimo꞉wo꞉ ho꞉gi ya꞉ga꞉ wida꞉la꞉ga꞉yo꞉, Masedonia hen a꞉no꞉ ta꞉ta꞉ga꞉ ane amio꞉, sa꞉s nolba꞉yo꞉ ne mo꞉asuwa꞉tabe. Ko꞉sega gio꞉ ne o꞉lia꞉ dowakiyo꞉, moleyo꞉ kegea꞉sa꞉ga꞉ asuwa꞉tale. A꞉la꞉do꞉ dimido꞉ a꞉no꞉ Filibai kaluka꞉isale gio꞉ asulufo꞉lab. \v 16 A꞉la꞉ta꞉ga꞉ ne Tesalonaika amisa꞉na sen amio꞉, giliyo꞉ nemo꞉wo꞉ moleyo꞉ kegea꞉sa꞉ga꞉ iliga꞉fela꞉sen. \v 17 Giliyo꞉ niyo꞉ kelego꞉ we madali dia꞉nigab a꞉la꞉bo꞉ asula꞉so꞉bo. A꞉la꞉ba. Boba dimiab amilo꞉ wa꞉l nafa dian a꞉no꞉ gini dima꞉ki go꞉l. \v 18 Gililo꞉ Ebafolodaitas emo꞉ dia꞉ mena꞉kilo꞉ boba kelego꞉ ko꞉lo꞉ iliga꞉fo꞉ a꞉no꞉ niyo꞉ ililo꞉le di. A꞉la꞉ta꞉ga꞉ heb nolo꞉lo꞉ a꞉dowo꞉ ko꞉lo꞉ ba꞉ba꞉. Gililo꞉ boba nafa dimi a꞉no꞉ mundo꞉ nafa Godemo꞉lo꞉ boba dimi o꞉ngo꞉ dowab ko꞉lo꞉, boba nafa wengo꞉ dimiab a꞉ma꞉yo꞉ Godeyo꞉ mada sagale alita꞉sen. \v 19 Ni Gode e amio꞉ kelego꞉wo꞉ mada nafale ko꞉li ko꞉lilo꞉ a꞉lab ko꞉lo꞉, gi amio꞉ aundo꞉ma kelelowab a꞉no꞉ Ya꞉su Kelisowa a꞉la꞉ta꞉ga꞉yo꞉ ililo꞉ dia꞉ib. \p \v 20 Do Gode nililo꞉mo꞉wo꞉ wi alan a꞉no꞉ wabudaki, dulugu sa꞉la꞉liki ha꞉na꞉mela꞉nigo꞉l. Hendele. \p \v 21 Niyo꞉ Ya꞉su Keliso amilo꞉ tilidabu kaluka꞉isale gimo꞉wo꞉ sagalo꞉ towo꞉ saga꞉to꞉l. A꞉la꞉ta꞉ga꞉ gao i nol, ne o꞉lia꞉lo꞉ so꞉l wema꞉yo꞉lo꞉ gimo꞉wo꞉ saga꞉tab. \v 22 Tilidabu kaluka꞉isale sab wema꞉yo꞉lo꞉ a꞉la꞉ta꞉ga꞉ tilidabu kaluka꞉isale Sisaya꞉ ayamilo꞉ nanogdo꞉ dimida꞉likilo꞉ sab iliyo꞉lo꞉ tambo sagalo꞉ towo꞉ saga꞉tab. \p \v 23 Alan Ya꞉su Kelisowa꞉ ha꞉fo꞉ disa꞉lan man a꞉no꞉ gi o꞉lia꞉ dowa꞉biyo꞉. Hendele.